Desta, a novidade é que Robert Kosara, o autor, vén de actualizar e engadir unha versión interactiva do ZIPScribble Map na que podemos facer zoom, eliminar o mapa base e ver os detalles, ademais de engadir uns poucos mapas máis que fan un total de 38 países cubertos. O resultado segue a ser unha serie de mapas da que tirar reflexións en relación á densidade de núcleos de poboación, no que segue a destacar a enorme densidade de trazos na nosa terra así coma nos distritos portugueses de Viana, Braga e mais do Porto.

Á pregunta de ti que salvarías, unha resposta que abrangue o conflicto entre os obxetos que poden resultar prácticos e os que teñen valor sentimental ou económico. Paga a pena perderse por entre as respostas.

Trátase do Metrominuto Pontevedra, un plano lineal que recolle 21 dos puntos máis representativos da cidade, a distancia que hai entre eles e o tempo aproximado que leva percorrelos.

Así, ademais de comprobar que entre o Hospital e a glorieta da Eiriña hai unha bandeira republicana, vale para confirmar aquilo de que en Pontevedra non hai distancias.

Daquela apuntaba a experimentar sobre o mapa e tentar chegar ata o río Ganges desde a Gallaecia romana, pero agora xa podemos facelo sobre Google Maps pois a novidade é que de entre os meus feeds, nomeadamente de Geographic Travels, chega un proxecto que usa os datos da Tabula Peutingeriana para crear un machuco con Google Maps, o Omnes Viae: Itinerarium Romanum, que traslada ao mapa a rede de camiños do Imperio Romano incluindo todas as cidades, vilas, pontes e lugares que se atravesarían ao longo dun roteiro polo imperio.

A destacar é que o servizo ata ofreza a duración do roteiro en tempo e distancia do mesmo xeito que o fai Google Maps, así desde Roma ata os Pirineos Atlánticos di que:

SUMMA DCCCXCIII MILIA PASSUUM / LEUGA GALLICA.
FERE LX DIES.

O que é unha mágoa é que o servizo non bote man dos cachos perdidos e recuperados da táboa peutingeriana correspondentes a Hispania e mais Britannia para podermos xogar a facer o camiño desde acó.

Volvo comprobar o mesmo que hai case cinco anos e andamos igual, a versión española, que amosa a distribución por provincias, tamén cambiou a URL e sigo sen saber da existencia de algo similar en Portugal.

Boa iniciativa a de relanzar esta web a conto da Lei de Rexistro Civil, e unha mágoa que non tire os datos dun Padrón máis actualizado …eu teño dous novos por engadirlle ao mapa

Hoxe, antes de sairmos de casa, descubrimos á Clara subida e sentada no seu carriño de paseo, a primeira vez que o fai ela soa como dicindo que tiña gana de sair… botamos unha ollada atrás e o sentimento é de que todo ocorreu rápido de máis, unha manchea de sensacións que se misturan nun percorrido vital que vai medrando a base de apertas, sorrisos e aloumiños.

Clara xa ten desde o martes pasado un ano, e opedro vai camiño de facer sete anos que nos fan a nós máis vellos pero quizais máis sabios.

Parabéns, nenos!

Unha chea de mapas de todo tipo, desde xeodéscicos ata de comunicacións e mais de transporte, unha marabilla pola que paga a pena perderse, malia que nolo poñan difícil ao ter feito o sitio en flash, unha mágoa.

Logo duns meses, o balbordo desapareceu pero o problema seguiu aí á vista do número de veces que me teñen preguntado polo de pagar as peaxes das autoestradas portuguesas e a dificultade que tiven eu mesmo para atopar información de como facelo, así que se tes pensado circular cun carro con matrícula estranxeira, ou só ir ao aeroporto Sá Carneiro, este post poder serche de utilidade.

A lembrar é que estas autoestradas son só de pago electrónico, non hai cabinas para pago manual con humanos dentro pero si hai cámaras que controlan as matrículas en tránsito e mais controis da GNR.

Se paras moito por Portugal xa saberás que a opción cómoda é ser cliente do Banco Caixa Geral, ter unha conta con eles e, previo depósito dunha fianza de 200€, comprarlles o aparello, 25€ máis 4,5€ pola xestión. É o que hai.

E a opción difícil é a do traballo que dá atopar o link que leva á páxina dos CTT, Correios de Portugal, onde baixo o nome de Pagamento de Portagens para veículo de matrícula estrangeira, na que previo rexistro e identificación como usuario só tes que poñer o tipo de vehículo e a súa matrícula para escoller unha das opcións, sempre de prepago e con tarxeta de crédito; a primeira delas é a de pagar 10€ como mínimo, lembra que unha carrinha aka furgo paga máis, que son válidos só durante cinco días e que se irán descontando conforme pases peaxes; ou a outra opción, de pagar apenas os tramos que vaias utilizar. En ambas as dúas opcións cóbranche unhas tasas que andaron, no meu caso, nos 0,62€. Logo de pagar só queda imprimir o recibo como xustificante de pago en caso de calquera incidencia.

E se é que nin sequera sabes se precisas de facer un prepago, na páxina de Estradas de Portugal hai un mapa dos tramos e prezos das peaxes e tamén un simulador de prezos das peaxes.

Só me queda dicir, logo de toda aquela campaña mediática que apuntaba a que as relacións comerciais entre as dúas beiras do Miño ían sufrir un atraso, que entre a Coruña e o Porto e case que equidistante das dúas está Vigo. Ir á Coruña pola AP9 custa de peaxe 12,90€, ir ao Porto pola A28 custa 4,05€.

Si, destes dous non sabiamos cando empecei a vir por acó, el é un vello coñecido que xa desde antes de nacer foi protagonista, e ela é a súa irmá, a cativiña que nos últimos oito meses se fixo protagonista das nosas vidas.

E falando de anos, en dous meses, son catro anos atendendo no twitter e nun mes máis, outros catro anos atendendo ás cousas do tumblr. Porque a quen non lle gustaría ir ler o twitter do seu pai?

Nenos, Bicos! E a vós, obrigadísimo.

Recreación de Vigo en 1880 desde A Guía co Areal en primeiro plano. Uxio Noceda

Un fio espectacular con fotos e planos do seu pasado, moitas delas, dunha web que recrea de xeito gráfico o que puido ter Vigo e os seus arredores desde a súa prehistoria ata a actualiade: Historia de VIGO. VICUS/VIGO: unha Reconstrucción Visual e Histórica, por Uxio Noceda; unha mágoa que algúns dos links desa web non conduzan a ningures xa que parecía tamén ofrecer a recreacións doutras cidades.

Vigo ao fondo, en primeiro, Bouzas, 1881. Uxio Noceda

Con todo, o fio do foro apuntado enriba dá para perderse por entre máis imaxes completando un percorrido feito varias veces desde este aquí.

Desde planos ás primeiras fotos aéreas, pasando por planos do terreo gañado ao mar, videos de Vigo no ano 1929 e por moitas outras máis cousas descoñecidas.

Coma esta vista do estreito de Rande.