Operation Xposé

NEGOSYANTE AT SEKRETARYA BINISTAY NG BALA

2013-01-26T06:10:00.000-08:00

LAUREL, Batangas–– Patuloy na nagsasagawa ng imbestigasyon ang mga elemento ng pulisya sa motibo ng pamamaslang sa isang 35-anyos na babaeng negosyante at sekretarya nito sa kanilang bahay sa Barangay Balakilong sa bayan ng Laurel, Batangas nitong nakalipas na Enero 5.

Ayon sa police report, nagtamo ng mga tama bala sa iba’t ibang bahagi ng katawan ang mga biktimang sina Jocelyn Marquez at Aida Alimagno, 36, kapwa nakatira sa nabanggit na barangay. Si Marquez ay may-ari ng Amanceline Harvester at si Alimagno ang sekretarya nito.

Nadiskubre ng helper na si Roy Salazar ang insidente kaya kaagad nitong ipinaabot sa pulisya kung saan narekober sa crime scene ang mga basyo ng cal. 45 pistol.

page 9 -

"NEGOSYANTE AT SEKRETARYA BINISTAY NG BALA" │ Operation Eposé VOL. 10 BLG. 28 ENERO 13-19, 2013

BARANGAY TANOD ITINUMBA SA AMBULANSYA

2013-01-26T06:08:00.001-08:00

DASMARIÑAS, Cavite– –Patay ang isang 48 anyos na Barangay Tanod matapos barilin ng di kilalang salarin sa loob ng ambulansya sa Barangay Salitran 3, Dasmariñas City, Cavite nitong nakalipas na Enero 5 ng gabi. Tama ng bala sa ulo ang tumapos sa buhay ng biktimang kinilalang si Cresenciano Cambalisa ng Barangay Burol Main sa nasabing lungsod.

Sa imbestigasyon ni PO2 George Fajardo, sinasabing nakaupo ang biktima sa driver seat ng ambulansya (SJC 159) kung saan pansamantala nitong ipinarada sa bahagi ng Summerwind Village sa nasabing lugar nang lapitan at barilin ng gunman.

Kaagad na ipinagbigay-alam sa pulisya ang insidente matapos madiskubre ng kasamahang si Ricardo Salasbar. Narekober sa crime scene ang cal. 45 pistol at isang basyo ng bala.

Patuloy naman ang isinasagawang imbestigasyon sa motibo ng pamamaslang.

page 9 -

"BARANGAY TANOD ITINUMBA SA AMBULANSYA" by: LARRY MACABUAT │ Operation Eposé VOL. 10 BLG. 28 ENERO 13-19, 2013

9-ANYOS BIKTIMA NG RAPE SLAY NG ADIK

2013-01-26T06:06:00.001-08:00

DASMARIÑAS, Cavite– –Dalawang basurero ang naging susi upang mabatid ng mga magulang na ang nawawalang anak na 9 anyos noon pang Disyembre 25 ay isa ng malamig na bangkay at hinihinalang biktima ng rape slay ng isang adik sa Barangay San Lorenzo Ruiz 2, Dasmariñas City, Cavite nitong nakalipas na Enero 5 ng hapon.

Ang biktimang iniulat na nawawala noong Disyembre 25 ay nakilalang si Zosiemae Magluyan, Grade 3 pupil sa Sta. Cruz Elementary School at nakatira sa Blk H1 excess Lot sa nasabing barangay.

Sa imbestigasyon ni PO1 Ellaine Magsino, ang bangkay ng biktima na sinasabing inabandona sa basurahan ay tadtad ng saksak tinabunan ng buhangin kung saan natagpuan ng dalawang basurero.

Isinailalim na sa post-mortem examination ang bangkay ng biktima kaugnay sa sinasabing posibleng hinalay muna bago pinaslang.

page 9 -

"9-ANYOS BIKTIMA NG RAPE SLAY NG ADIK" by: LARRY MACABUAT │ Operation Eposé VOL. 10 BLG. 28 ENERO 13-19, 2013

3 "WANTED" SA IBA’T IBANG KASO NAARESTO

2013-01-26T06:04:00.003-08:00

CAVITE CITY––TATLO katao na wanted sa ibat ibang kaso ang naaresto ng mga elemento ng pulisya sa sunod sunod na isinagawang operasyon.

Sa direktang superbisyon ni P/ Supt. Rommel Laconsay Javier hepe ng pulisya, Unang naaresto nina PO2 Edgie Portacio at PO1 Ronnel Saria nitong nakalipas na Enero 5, bandang ala 1:00 ng hapon sa Barangay 57, sa may Tererro Street, San Roque ang isang Connielyn Sta. Ana y Valecruz,33 may asawa, walang trabaho, residente ng Coquico Street San Antonio, sa bisa ng Warrant of Arrest sa kasong Estafa sa ilalim ng Criminal Case number 362-12 na may petsang Enero 2, 2013 na inisyu at nilagdaan ni Hon. Judge Agapito S. Lu RTC Branch 88 Cavite City na may kaukulang piyansang Php 24,000.

Nasundan ito ng operasyong isinagawa nitong Enero 6, dakong alas 11:20 ng umaga na nagbunga ng pagkaaresto nina PO2 Edgie Portacio, PO1 Ronnel Saria, kasama sina PO3 Jonathan Baricuatro at PO2 Enrico Palma sa isang Richard Puruwan y Fertis, 30 anyos, binata bell boy sa Monte Verde Motel sa Dra Salamanca road , San Antonio at residente ng Barangay 48-A Bagong Pook, sa bisa ng Warrant of Arrest sa kasong Homicide sa ilalim ng Criminal Case number 226-12 na may petsang Disyembre 12, 2012 na inisyu at nilagdaan ni Hon. Judge Agapito S.Lu ng RTC Branch 88 Cavite City na may kaukulang piyansang Php 24,000.

Naaresto din nina PO2 Edgie Portacio, PO1 Ronnel Saria ng Warrant Section at SPO1 Ferfer Manzano ng Mobile Patrol Section ang isang Josefina Puruwan y Fertis, 54 anyos, nitong Enero 6, bandang alas 12:30 ng tanghali sa Barangay 48-A Bagong Pook San Antonio sa kasong Homicide sa bisa ng Warrant of Arrest, sa ilalim ng Criminal Case number 226-12 na may petsang Disyembre 12, 2012 na inisyu at nilagdaan ni Hon. Judge Agapito S. Lu, RTC Branch 88 Cavite City na may kaukulang piyansang Php24,000.

Kasalukuyang nakakulong ang mga naarestong suspek sa himpilan ng pulisya.

page 9 -

"3 "WANTED" SA IBA’T IBANG KASO NAARESTO" by: REY MORALES/ LARRY MACABUAT │ Operation Eposé VOL. 10 BLG. 28 ENERO 13-19, 2013

2 KATAO TIKLO SA CHECKPOINT; DROGA AT BALISONG NAKUMPISKA

2013-01-26T06:01:00.002-08:00

CAVITE CITY – Kulungan ang binagsakan ng dalawa katao makaraang maaresto ng mga elemento ng pulisya habang nagmamando ng checkpoint matapos mahulihan ang isa ng isang small transparent plastic sachet na pinaghihinalaang naglalaman ng shabu at ang isa ay nahulihan ng isang balisong.

Sa direktang superbisyon ni P/Supt Rommel Laconsay Javier, hepe ng pulisya naaresto nina SPO1 Marco Mallari at PO1 Eugene Torejas sina Angel Garcia Tagalog 41, single, walang trabaho, residente ng 219 San Gabriel General Trias Cavite at Juanito Brosas Dagdag 41, binata, tricycle driver residente ng General Trias Cavite.

Sa isinagawang imbestigasyon ni PO2 Jonathan Baclas, nabatid na nagsasagawa ng checkpoint sina Mallari at Torejas nitong Enero 4 bandang alas 4: ng hapon ng masita ang dalawa dahil sa kahina hinalang kilos ng kapkapan ay nahuli kay Angel ang isang small heated transparent plastic sachet na hinihinalang naglalaman ng bawal na droga, samantalang si Juanito ay nahulihan ng isang 4 uinches stainless na balisong.

Sinamaphan ng kasong paglabag sa RA9165 si Angel at si Juanito ay paglabag sa kasong BP Blg. 6.

page 9 -

"2 KATAO TIKLO SA CHECKPOINT; DROGA AT BALISONG NAKUMPISKA" by: REY MORALES │ Operation Eposé VOL. 10 BLG. 28 ENERO 13-19, 2013

13 GUN FOR HIRE TODAS SA SHOOTOUT

2013-01-26T05:53:00.002-08:00

PLARIDEL, Quezon––LABINTATLONG armadong kalalakihan na sinasa-bing gun-for-hire at kasapi ng private armed group (PAGs) ang napatay matapos na makipagbarilan sa pinagsanib na tropa ng pulisya at militar sa kahabaan ng Maharlika Highway sa hangganan ng mga bayan ng Plaridel at Atimonan sa Quezon nitong nakalipas na Enero 6. Sa inisyal na ulat ni Lt. Col. Generoso Bolina, sumiklab ang putukan bandang alas-3:20 ng hapon matapos makasagupa ng pangkat ni Ltc. Monico Abang ng 1st ore timeSpecial Forces Battalion at P/Supt. Balauag ang grupo ng kalalakihan na lulan ng dalawang Montero SUV sa inilatag na checkpoint sa Barangay Tanauan sa bayan ng Plaridel, Quezon.

Sinasabing nakatanggap ng impormasyon ang mga awtoridad na may dalawang SUV na lulan ang mga armadong kalalakihan na magdaraan sa nasabing bayan mula sa Bicol kaya inilatag ang checkpoint.

Namataan naman ang dalawang sasakyan kung saan pinahinto ng mga awtoridad upang mag inspeksyon subalit umalingawngaw ang sunud-sunod na putok mula sa mga armadong kalalakihan.

Gumanti ng putok ang mga pulis at sundalo kung saan aabot sa 13 armadong kalalakihan ang napatay sa loob ng dalawang sasakyan.

Wala namang nasawi sa panig ng mga awtoridad habang nasugatan naman si P/Supt. Hansel Marantan na tinamaan ng tatlong bala ng baril kung saan isinugod sa Mt. Carmel Hospital sa Lucena City, Quezon.

Kasalukuyang inaalam ang pagkakakilanlan ng mga napatay na kalalakihan habang narekober naman ang sampung malalakas na kalibre ng baril.

RUB OUT DI SHOOTOUT SA 13 NAPATAY SA QUEZON

Rub out at hindi shootout ang senar-yong nakikita ng mga residente sa naganap na sinasabing na ikinasawi ng 13-kalalakihan kabilang ang tatlong pulis at isang sundalo sa Barangay Tanauan sa hangganan ng bayan ng Plaridel at Atimonan Quezon nitong nakalipas na Enero 6, ng gabi.

Makikita sa lugar na sinasabi ng mga awtoridad na pinangyarihan ng shootout na tadtad ng tama ng bala ang dalawang SUV na kulay itim na sinasakyan ng 13 armadong kalalakihan.

Sa gawing kaliwa ng highway na patungong Maynila ay may bangin at ang lugar ay kurbada na imposible paharurutin ang sasakyan at ang sinasabing checkpoint ay pwedeng tanggalin agad.

Sa sinasabing shootout ng composite team ng PNP at AFP na pinamumunuan ni P/Supt. Hanzel Marantan na nasugatan at ngayon ay nasa ospital sa Metro Manila ay nasawi sina P/Supt. Alfredo Consemino, nakatalaga sa PRO-4B-MIMAROPA; SPO1Gruet Mantuano ng Oriental Mindoro; PO1 Jeffrey Tarina Valdez, S/Sgt. Armando Aranda Lescano ng Lipa City, Batangas; Tirso Lontoc Jr., exmunicipal administrator sa Sariaya, Quezon; Leonardo Ma-rasigan, Conrado Decillo, kapwa nkatira sa Calamba City, Laguna; Victor Garcia ng Pampanga; Victor Siman, Victorino Atienza Jr., Gerry Siman, Jimbeam Justiniani ng Quezon City; at si Paul Quichilag ng Biñan City, Laguna.

Naging kontrobersyal si P/Supt. Marantan makaraang ma-involve sa Parañaque City shootout noong 2008 na ikinamatay ng mag-ama habang sa bayan ng Candelaria, Quezon sa shootout noong 2010 na ikinamatay ng 8-suspected robbers at sa Lucena City, Quezon naman noong 2012 na kung saan napatay ang 4 na miyembro ng highway robbery group.

Sa ngayon ay hindi pa nagbibigay ng opisyal na pahayag ang Quezon PNP provincial office kaugnay sa sinasabing shootout kaya lumalabas ang espekulasyon sa panig ng mga mamamayan na rubout at hindi shootout ang naganap.

Samantala, pinanin-digan kahapon ni PNP Chief Director Gen. Alan Purisima na lehitimong shootout at dirubout ang mga alegasyon sa naganap na engkuwentro kamakalawa.

Ginawa ni Purisima ang pahayag matapos na umalma ang mga kamag-anak ng mga nasawi na nagsabing rubout ang pangyayari matapos na harangin sa checkpoint ang dalawang SUV convoy na niratrat ng walang kalabanlaban.

Itinanggi naman ni ISAFP Chief Major Gen Eduardo Año na miyembro ng kanilang tanggapan ang dalawang napatay dahil peke ang mga nakuhang identification card at hindi sila nag-iisyu ng ID sa mga intelligence agent.

page 7 -

"13 GUN FOR HIRE TODAS SA SHOOTOUT" │ Operation Eposé VOL. 10 BLG. 28 ENERO 13-19, 2013

30 ANYOS NA LALAKI HULI SA DROGA

2013-01-26T05:49:00.000-08:00

CAVITE CITY––Sa hindi sinasadyang pagkakataon naaresto ang isang 30 anyos na lalaki, habang nagsasagawa ng operasyon laban sa mga wanted person ang mga elemento ng Warrant at Intelligence Section sa Barangay 30 Caridad Cavite City nitong nakalipas na Enero 10, bandang alas 2: 30 ng hapon.

Sa direktang superbisyon ni P/ Supt. Rommel Laconsay Javier hepe ng pulisya, naaresto nina PO1 Ronnel Saria at PO1 Gimhar Manan ang isang Larry Ortega y Bellaflor may asawa residente ng nasabing lugar.

Sa imbestigasyon ni PO2 Marbert Sto Domingo nabatid na naaresto ang suspek at nahulihan sa kanyang posesyon ng isang small transparent plastic sachet na nakalagay sa isang easy open can na may tatak na fancy candy.

Narekober din sa suspek ang Php 250.00 Kasalukuyang nasa kustodiya ng pulisya ang suspek at sasampahan ng kasong paglabag sa Section 11 ng RA9165.

page 6 - "30 ANYOS NA LALAKI HULI SA DROGA" by: REY MORALES/ LARRY MACABUAT │ Operation Eposé VOL. 10 BLG. 28 ENERO 13-19, 2013

39 ANYOS,NA LALAKING BUMIBILI NG SIGARILYO, GINULPI AT TINARAKAN NG MAG TROPA

2013-01-23T10:17:00.000-08:00

STA. CRUZ, Laguna–– Isang 39 anyos na lalaking bumbili ng sigarilyo sa tindahan ang pinagtulungang bugbugin at saksakin hanggang sa mapatay ng magkaibigang lalaki sa Sitio 3, Barangay Patimbao, sa bayan ng Sta. Cruz, Laguna noong Enero 1 ng gabi.

Sa police report, kinilala ang biktima na si Peter Vilangel,39, hardinero, tubong Sipocot Camarines Sur.

Samantalang kinilala ng pulisya ang mga suspek na sina Isidilio “During” Pabilina at Aricardo “Patis” Melendrez, na mabilis na tumakas matapos ang nangyaring krimen na sinasabing kapwa residente sa nabanggit na barangay.

page 02 -

"39 ANYOS,NA LALAKING BUMIBILI NG SIGARILYO, GINULPI AT TINARAKAN NG MAG TROPA" │ Operation Eposé VOL. 10 BLG. 28 ENERO 13-19, 2013

PRESO NANG AGAW NG BARIL TODAS SA PARAK

2013-01-23T10:15:00.000-08:00

RODRIGUEZ, Rizal–– Patay ang isa sa anim na nakapatay sa isang pulis noong bisperas ng Bagong Taon matapos mabaril ng pulis dahil sa pang-aagaw ng baril habang lulan ng patrol car patungong piskalya sa bayan ng Rodriguez, Rizal kamakailan.

Kinilala ang napatay na si Mario Gonzales, 25, ay isa sa anim na suspek na itinuturong nakapatay kay PO1 Paul Martin Nuyles at nakasugat kay PO1 Raymundo Robel ng Rodriguez PNP.

Nabatid na lulan ng PNP service vehicle si Gonzales kasama sina PO3 Allan Bentazal at P02 Rommel Ramos patungo sa Rizal Provincial Prosecutor’s Office para sa inquest proceeding nang agawin ang baril ni PO3 Bentazal.

Ikinaalarma naman ito ni PO2 Ramos na kaagad na nagbunot ng baril at pinaputukan si Gonzales.

Naisugod pa sa HVille Hospital sa Brgy. Manggahan si Gonzales kung saan ito namatay.

Base sa tala ng pulisya, sina PO1 Martin at PO1 Robel ay sinasabing niratrat ng grupo ni Gonzales habang nasa checkpoint noong bisperas ng Bagong Taon sa tapat ng istasyon ng pulisya.

Naaresto naman si Gonzales at nakatakda na sanang iinquest nang bigla na lamang itong mang-agaw ng baril dakong alas-7:20 ng umaga habang ibinibiyahe sa kahabaan ng Mabini Street, Barangay Burgos sa bayan ng Rodriguez.

page 02 -

"PRESO NANG AGAW NG BARIL TODAS SA PARAK" │ Operation Eposé VOL. 10 BLG. 28 ENERO 13-19, 2013

19 ANYOS NA LIDER NG YFC, NI RAPE-SLAY NG ADIK

2013-01-23T10:12:00.001-08:00

STA. ROSA CITY, Laguna–– Hinihinalang ginahasa muna bago pinaslang ang isang 19 anyos na lider ng Youth For Christ (YFC) ng hubo at hubad na matagpuan sa isang madamong bakanteng lote sa Barangay Sta. Cruz , Sta Rosa Laguna nitong nakalipas na Enero 2 dakong alas 9 ng umaga...

Sa police report, kinilala ang biktimang si Riza Baybay na tadtad ng mga gasgas at pasa sa katawan, ginilitan at may mga tama rin ng saksak sa kaniyang hita.

Sa ulat ng pulisya, sinasabing ang biktima ay inireport ng lola nitong si Ursula Baybay na umalis sa kanilang tahanan noong Enero 1 ng umaga upang magtungo sa bahay ng kaibigan kaugnay ng salu- salo sa Bagong Taon,subalit nabigo itong makauwi hanggang sa matagpuan ang kalunos lunos na sinapit nito sa kamay ng hinihinalang adik sa ipinagbabawal na droga..

Isasailalim sa post-mor-tem examination ang bangkay ng biktima para madetermina kung hinalay ito bago pinaslang sa dahilang hubo’t hubad ito ng matagpuan sa crime scene.

Patuloy naman ang isinasagawang imbestigasyon sa ikalulutas ng krimen.

page 02 -

"19 ANYOS NA LIDER NG YFC, NI RAPE-SLAY NG ADIK" │ Operation Eposé VOL. 10 BLG. 28 ENERO 13-19, 2013

DAHIL SA INIINDANG SAKIT, 61- ANYOS NA LALAKI NAGBIGTI

2013-01-23T10:08:00.001-08:00

CAVITE CITY–– 'MGA KAPATID KO, PASENSYA NA, HINDI KO NA KAYA MABUHAY, BAHAY NA TO PINAGKAKATIWALA BABY PARA MAG USAP SILA TES, PERO HAYAAN MUNANG SI EVA ANG TUMIGIL DITO, SA ILALIM NG KAMA MAY PERA KASAMA BILL NG KURYENTE DI PA BAYAD AT KUNG MAARI SANA PAKISABI KAY EVA PAKIUSAPAN NIYA SI ELVIE DOON NA AKO ILIBING SA PUNTOD NI TATAY, SALAMAT TIYO PENG ANAK BABY EVA TES JEAN CHIE EDONG SA MAGANDA PAKISAMA NINYO"

Ito ang nilalaman ng suicide note na natagpuan sa ibabaw ng lamesa, matapos na hindi na nakayanan ng isang 61 anyos na lalaki ang matagal ng iniindang sakit na arthritis at ang pamamaga nito na naging dahilan upang wakasan ang sariling buhay sa pamamagitan ng pagbibigti sa Militar Street, Barangay 5 Dalahican Cavite City nitong nakalipas na Enero 7 dakong alas 7:30 ng umaga.

Sa nakalap na ulat sa tanggapan ni P/ Supt. Rommel Laconsay Javier, hepe ng pulisya, base sa isinagawang imbestigasyon ni PO3 Rodel Buitizon, hepe ng Criminal Investigation Division kinilala ang nagsuicide na si Mario Barrera y Pakingan, alyas "Ayo" 61, may asawa, walang trabaho residente ng nasabing lugar.

Sa paunang imbestigasyon nabatid na isang tawag sa telepono buhat kay Barangay Captain Arnel "Tik" Javier ang natanggap ng istasyon hinggil sa insidente, kaagad na tinungo ng mga elemento ng pulisya ang lugar at doon ay sinasabing nakita ng kapitbahay at kaibigang kinilalang si Esiquel Pulintan ang biktimang nakasabit sa kisame ng bahay gamit ang isang nylon cord ng ito ay pumunta sa bahay ni Mario para samahan ito sa regular na pagpapa check up sa doktor.

Sa pahayag ng pinsan nitong kinilalang si Anita Bianzon y Barrera at iba pang kaanak na matagal ng iniinda ng biktima ang kanyang sakit at sumasailalim sa gamutan. Sa imbestigasyon naman ay napansin ang pamamaga at pamamanas ng mga paa ng biktima.

page 02 -

"DAHIL SA INIINDANG SAKIT, 61- ANYOS NA LALAKI NAGBIGTI" by: REY MORALES │ Operation Eposé VOL. 10 BLG. 28 ENERO 13-19, 2013

ESTUDYANTE TIMBOG SA DROGA

2013-01-23T10:06:00.001-08:00

CAVITE CITY––Isang 18 anyos na estudyante sa High School ang naaresto ng mga nagpapatrulyang Phil. Navy Naval Base Security Group sa Sangley Point makaraang magreklamo ang mga asawa ng Phil Navy Enlisted Personnel sa pag iingay sa may Military Grocery sa kahabaan ng Pascual Ledesma Street ng nasabing kampo, at mahulihan ng 3 piraso ng pinatuyong dahon ng marijuana at apat na small heat sealed transparent plastic sachet na naglalaman ng pinaghihinalaang dry leaves ng marijuana.

Sa nakalap na ulat sa tanggapan ni P Supt. Rommel Laconsay Javier, hepe ng pulisya kinilala ang naarestong si Edu Mark Sencil y Lumba alyas Balong, 18, binata, estudyante, residente ng RH-1 Sta Barbara Sangley Point Cavite City.Sa isinagawang imbestigasyon ni PO3 Rodel Buitizon, nabatid na nitong nakalipas na Enero 9, dakong alas 7:20 ng gabi ng makatanggap ng tawag sa telepono si ASN Jeremiah Cerdinio y Oblimar, 24,binata tubong Jolo Sulu, kaanib ng Phil Navy Naval Security Group sa nasabing kampo bunsod ng tawag reklamo tinungo ng mga ito ang lugar kasama ang tatlo pang kasamahan at sinita ang mga kabataan at nakuha sa posesyon ng suspek ang mga pinatuyong dahon ng marijuana.

Dinala sa himpilan ng pulisya ang suspek at nakatakdang sampahan ng kasong paglabag sa Section 11 ng RA9165.

page 02 -

"ESTUDYANTE TIMBOG SA DROGA" by: REY MORALES │ Operation Eposé VOL. 10 BLG. 28 ENERO 13-19, 2013

2 LALAKI TIKLO SA DROGA

2013-01-23T10:01:00.002-08:00

CAVITE CITY–– Minalas na maaresto ang dalawang lalaki ng mga elemento ng Cavite City PNP Mobile Patrol Section ng makunan sa kanilang posesyon ng tatlong piraso ng small heat sealed transparent plastic sachet na naglalaman ng pinaghihinalaang shabu sa F. Dela Cruz Street, Caridad Cavite City nitong nakalipas na Enero 8,bandang alas 5: 00 ng hapon.

Sa nakalap na ulat sa tanggapan ni P/Supt. Rommel Laconsay Javier hepe ng pulisya, kinilala ang mga naarestong sina Allan Quinto y Arboleda, alyas Allan 42, may asawa, pedicab driver residenteng Marsiella Street Rosario Cavite at Ernesto Ramirez y Hipolito alyas Leto 60 anyos, may asawa, jobless residente ng F dela Cruz Caridad Cavite City.Base sa imbestigasyong isinagawa ni PO2 Jonathan Baclas nabatid na kasalukuyang nagpapatrulya sina PO2 Phillip Anthony Perio at PO1 Armi Pitpitan sa nasabing bisinidad ng mapansin ang kahina hinalang kilos ng dalawang suspek dahilan upang sitahin ang mga ito at ng kapkapan ay nakuha sa posesyon ng mga ito ang pinaghihinalaang droga.

Sinampahan ng kasong paglabag sa RA9165 ang dalawa at nakakulong sa himpilan ng pulisya.

page 02 - "2 LALAKI TIKLO SA DROGA" by: REY MORALES │ Operation Eposé VOL. 10 BLG. 28 ENERO 13-19, 2013

PRESIDENTE NG BABY BUS ORGANIZATION SA CAVITE ITINUMBA

2013-01-23T09:49:00.000-08:00

TANZA, Cavite–– Dead on the spot, ang presidente ng isang Baby Bus organization sa Cavite makaraang barilin ng di pa nakikilalang salarin habang sakay ng kanyang tricycle papauwi sa kanilang bahay sa Barangay Sanja Mayor Tanza Cavite nitong nakalipas na Enero 7 bandang alas 1:45 ng hatinggabi.

Sa ulat na ipinadala ni Tanza Police Chief Supt Jerry Protacio kinilala ang biktimang si Mauricio “Isiong” Armentia, 56 taong gulang residente sa nasabing lugar.

Presidente ng Cavite Tanza Drivers Operators Association (CATADOA).

Batay sa imbestigasyon isinagawa ni PO1 Joel Mendoza, sinasabing habang nagmamaneho ng tricycle ang biktima na may plakang 3142-WN sa Persan Village ng nasabing lugar ng bigla na lamang itong barilin ng di nakilalang salarin. na tinamaan sa batok na nagbunga ng daglian nitong kamatayan.

Sinasabing mabilis na tumakas ang di nakilalang suspek samantalang patuloy ang imbestigasyon ng pulisya sa motibo ng pamamaslang sa biktima.

page 02 - "PRESIDENTE NG BABY BUS ORGANIZATION SA CAVITE ITINUMBA" by: REY MORALES │ Operation Eposé VOL. 10 BLG. 28 ENERO 13-19, 2013

2 BIKTIMA NG SUMMARY EXECUTION NATAGPUAN

2012-11-08T05:47:00.001-08:00

Newspaper Archives Vol. 10 Blg. 13

October 07, 2012 - October 13, 2012 issue

MAGALLANES, Cavite–– Dalawang kalalakihan na hinihinalang biktima ng summary execution ang natagpuang inabandona sa bakanteng lote sa Barangay Bendita 1, Magallanes, Cavite nitong nakalipas na Setyembre 30,ng hapon.

Tinatayang nasa pagitan 20 hanggang 30 anyos ang dalawa at kapwa maiksi ang buhok na nakapantalong maong at t-shirt.

Sa ulat, sinasabing dakong alas-3 ng hapon nang matagpuan ni Celso Erasmo ang dalawang bangkay na may 50 metro ang layo mula sa highway ng Sitio Gulod. Pinaniniwalaang pinatay sa ibang bayan ang dalawa bago itinapon sa nasabing barangay para iligaw ang mga imbestigador ng pulisya.

(LARRY MACABUAT)

page 02 - "2 BIKTIMA NG SUMMARY EXECUTION NATAGPUAN" by: LARRY MACABUAT │ Operation Eposé Vol. 10 Blg. 13 October 07, 2012 - October 13, 2012

3 MIYEMBRO NG PAMILYA KRITIKAL SA TANGKANG MASAKER

2012-11-08T05:44:00.004-08:00

Newspaper Archives Vol. 10 Blg. 13
October 07, 2012 - October 13, 2012 issue

DASMARIÑAS CITY–– Tatlong miyembro ng isang pamilya ang nasa kritikal na kalagayan, matapos barilin at saksakin ng mga ’di-kilalang lalaki sa loob ng kanilang tahanan sa Barangay Salawag sa bayan ng Dasmariñas City, Cavite nitong nakalipas na Setyembre 29 ng umaga.

Kinilala ni Cavite PNP director P/Senior Supt. John Bula-lacao ang mga biktimang sina Felix De Guzman, kawani ng Bureau of Customs Deserie Ocampo, ka-live-in ni Felix at anak na si Gina Marie de Guzman, 16, pawang nakatira sa Block 6, Lot 26, Virgo corner Aries Streets sa San Marino Heights, Brgy. Salawag sa nabanggit na lungsod.

Sa imbestigasyon, kagigising lang ng mga biktima nang pasukin sila ng tatlong armado ng cal.9mm pistol at mga patalim bago sila tangkaing imasaker bandang alas-5:15 ng umaga.

Sina Felix at Deserie ay nagtamo ng mga saksak sa katawan at ulo mula sa hataw ng matigas na bagay at kasalukuyang ginagamot sa Metro South Hospital sa Bacoor City.

Samantalang nagtamo naman ng tama ng bala ng baril at saksak sa katawan ang batang De Guzman na isinugod sa EACMCC Hospital sa Dasmariñas City Ayon kay P/Supt. Ulysses Cruz, Dasmariñas PNP chief, nasa intensive care units ng mga ospital ang mga biktima dahil sa malubhang kalagayan.

Sinasabing “Posibleng may kinalaman sa utangan ang motibo ng tangkang pagpatay sa mga biktima – “dahil nagtatrabaho kasi si Deserie sa money lending, hindi lang namin ma-laman kung siya ang may utang o may nagalit sa kanyang mangungutang,” paliwanag ni Cruz Natagpuan ng pulisya ang cell phone ni Deserie sa loob ng kwarto nito kung saan may mga text messages ng death threats sa ’di-pa kilalang sender.

Ayon sa mga saksi, dumating ang mga suspek sa bahay ng mga biktima na sakay ng taxi at tumakas naman sakay ng traysikel patungong Barangay Paliparan.

page 02 - "3 MIYEMBRO NG PAMILYA KRITIKAL SA TANGKANG MASAKER" │ Operation Eposé Vol. 10 Blg. 13 October 07, 2012 - October 13, 2012

KAWANI NG KAPITOLYO ITINUMBA

2012-11-08T05:38:00.002-08:00

Newspaper Archives Vol. 10 Blg. 13
October 07, 2012 - October 13, 2012 issue

LUCENA CITY–– Patay ang isang 47-anyos na kawani ng provincial government matapos pagbabarilin ng ’di-kilalang lalaki sa Barangay Cotta, Lucena City, Quezon Oktubre 1 ng tanghali.

Kinilala ng pulisya ang biktima na si Jonathan Alcala ng San Fernando Compund sa nasabing barangay. Sa pagsisiyasat ni PO3 Randy Buenaventura, patungo sa St. Jude Compound ang biktimang nagmomotorsiklo nang ratratin sa gate ng subdivision.

Nang bumagsak ang biktima ay kinuha ng gunman ang motorsiklo at mabilis na tumakas kung saan inabandona naman ang sasakyan sa bisinidad ng Granja Street sa Barangay 7.

Ayon kay P/Supt. Rufina Baldovino ng Scene of the Crime Operatives, narekober sa bulsa ng biktima ang ilang drug paraphernalias at P40,000 cash.

page 02 - "KAWANI NG KAPITOLYO ITINUMBA" │ Operation Eposé Vol. 10 Blg. 13 October 07, 2012 - October 13, 2012

TAXI DRIVER TINODAS NG MAGAMANG NAPIKON SA INUMAN

2012-11-08T05:34:00.002-08:00

Newspaper Archives Vol. 10 Blg. 13
October 07, 2012 - October 13, 2012 issue

BACOOR CITY–– Patay ang isang 47-anyos na taxi driver matapos itong pagtulungang saksakin ng mag-ama sa inuman sa Sitio Silangan Longos, Brgy Zapote 5 sa Bacoor City , Cavite nitong nakalipas na Setyembre 28,ng hapon. Kinilala ng pulisya ang biktima na si Salvador Alabastro habang nadakip naman ang isa sa dalawang suspek na si Sherlino Gregorio, 56.

Samantala, tinutugis naman ng pulisya ang anak nitong si Gilbert Gregorio, 28, residente ng #72 Sitio Silangan Longos sa nasabing barangay.

Sa imbestigasyon ni PO3 Angelito Roxas, naganap ang insidente ng pananaksak matapos mapikon ang matandang Gregorio sa biktima habang nakikipag-inuman. sinasabing sinugod ni Gilbert ang biktimang nakikipagtalo sa matandang Gregorio kung saan pinagtulungang saksakin ang biktima.

page 02 - "TAXI DRIVER TINODAS NG MAGAMANG NAPIKON SA INUMAN" BY LARRY MACABUAT │ Operation Eposé Vol. 10 Blg. 13 October 07, 2012 - October 13, 2012

3 PATAY SA SHOOTOUT

2012-11-08T05:28:00.002-08:00

Newspaper Archives Vol. 10 Blg. 13
October 07, 2012 - October 13, 2012 issue

CANDELARIA, Quezon–– Patay ang tatlo katao kabilang ang mag-asawang nadamay sa crossfire habang nasugatan naman ang ex- Quezon ABC president sa naganap na shootout sa Barangay Pahinga Sur sa bayan ng Candelaria, Quezon nitong nakalipas na Oktubre 3, ng madaling-araw.

Nagtamo ng mga tama ng bala ng baril sa ibat ibang bahagi ng katawan ang mag-asawang sina Crisanto at Charina Tria habang inaalam naman ang pagkakakilanlan ng driver ng sasakyan ng mga armadong kalalakihan.

Naisugod naman sa Lucena United Doctors Hospital matapos tamaan sa hita si dating ABC President Macario Boongaling.

Sa inisyal na imbestigasyon ng pulisya, nagsasagawa ng checkpoint ang mga opisyal ng barangay official sa pangu-nguna nina Boongaling at Teodoro Mendoza, hepe ng mga barangay tanod laban sa mga magnanakaw ng sasabunging manok nang maispatan ang paparating na Innova van na sinasabing may plakang ZPE 124.

Sa halip na huminto sa checkpoint ay pinagbabaril ang mga nagbabantay na tanod kaya gumanti naman ang grupo ni Boongaling hanggang sa magkaroon ng ilang minutong putukan.

Dito na tinamaan sa crossfire ang magasawang Tria na lulan ng traysikel habang napuruhan ang driver ng van na sinasakyan naman ng mga armadong kalalakihan.

Sinaasabing kung hindi nakasuot ng bullet proof vest si Boonga-ling ay tiyak na napuruhan ito sa katawan.

Agad namang nagpulasan ang mga suspek na inabandona ang kanilang van.

Narekober sa loob ng van ang Carbine rifle, cal. 45 pistol at isang magazine para sa M16 rifle.

Nabatid na talamak na ang nakawan ng mga pana-bong na manok kung saan aabot na sa 100 manok ang nawawala mula sa farm na pagaari ni Boongaling.

page 02 - "3 PATAY SA SHOOT-OUT" │ Operation Eposé Vol. 10 Blg. 13 October 07, 2012 - October 13, 2012

PROBLEMA SA PAMILYA, BINATA NAGBIGTI

2012-10-30T23:26:00.000-07:00

Newspaper Archives Vol. 10 Blg. 13
October 07, 2012 - October 13, 2012 issue

CAVITE CITY–– Problema sa pamilya ang itinuturong dahilan kung bakit winakasan ng isang 18 anyos na binata ang kanyang buhay sa pamamagitan ng pagbibigti sa loob ng kanilang bahay sa Benitez Street, Sta Cruz Cavite City kamakailan.

Sa ulat ng pulisya, buhat sa tanggapan ni P/ Supt. Rommel Laconsay Javier hepe ng pulisya, kinilala ang biktimang si Kenneth James Voluntate y Tanael 18, binata, residente ng nasabing lugar.

Sa imbestigasyon ni PO2 Jonathan Baclas nabatid na isang tawag sa telepono ang natanggap ng istasyon ng pulisya buhat kay Alicia Voluntate ina ng biktima na nagsasabing natagpuan ang kanyang anak na nakabitin sa steel trusses ng kanilang bubungan gamit ang isang telphone cord na kapulupot sa kanyang leeg ng kanyang kapatid na si Angelo James at dinala ito sa Bautista Hospital subalit, ideneklarang wala na itong buhay ng attending physician.

page 2 - "PROBLEMA SA PAMILYA, BINATA NAGBIGTI" BY: LARRY MACABUAT│ Operation Eposé Vol. 10 Blg. 13 October 07, 2012 - October 13, 2012 issue

BANGKAY SA DEPOSITO NG DUMI NG BABOY

2012-10-29T05:04:00.000-07:00

Newspaper Archives Vol. 10 Blg. 12
September 30, 2012 - October 06, 2012

GENERAL TRIAS, CAVITE – natagpuan patay sa deposito ng dumi ng baboy ang isang lalaki na nakilalang si Warlito M. Stapya 42 years old, binata, residente sa purok 3, Pasong Kawayan II, General Trias, Cavite.

Ayon sa tiyahin ng biktima na si Florantina Montalban, nawala ang kaniyang pamangkin nitong sabado ng hapon 22 ng Septyembre at natagpuan lamang nitong 26 ng Septyembre hapon sa Brgy. Bagong Kalsada, Pasong Kawayan II sa nabanggit na bayan na isa nang bangkay. Aniya natagpuan ang kaniyang pamangkin dahil sa mabahong amoy nito na natuklasang itoy nasa deposito ng dumi na baboy.

Tadtad ng tama ng saksak at taga ang biktima sa ibat-ibang parte ng katawan, basag ang ulo nito na maaring pinalo ng matigas na bagay na ikinamatay ng kanyang pamangkin.

Dagdag pa na pahayag ng mga kamaganak ng biktima na maaring ito’y pinagtulungan dahil anila sa dami ng tama sa katawan ng biktima. Di pa rin mabatid ang motibo sa karumaldumal na pag-patay sa biktima, at kung sino ang salarin.

page 8 - BY: REV. PRUNING ALVAREZ │ Operation Eposé Vol. 10 Blg. 12 September 30, 2012 - October 06, 2012 issue

BSP bares 23 TOBS Finalists

2012-10-29T04:47:00.001-07:00

Newspaper Archives Vol. 10 Blg. 12
September 30, 2012 - October 06, 2012

The Boy Scouts of the Philippines (BSP) announced yesterday that winners of the highlyprestigious search for Ten Outstanding Boy Scouts (TOBS) of the Philippines will be known on Monday, October 1 as they released the names of the 23 national finalists of the 2012 search.

The 23 Finalists were chosen from hundreds of aspirants from the BSP’s 117 local councils nationwide. They will represent their respective regions in the competition. They will compete in the last leg of the search, the interview, which will start on 28 Sept. 2012 at the BSP National Office in Manila. Participants from the 9 Scouting Regions will arrive on Sept. 27.

Exclusively sponsored by Coca-Cola Philippines, the annual search is the biggest event in the Scouting calendar for the country’s 2 million Scouts. The nationwide search begins in July and culminates in the awarding ceremonies held in October as one of the highlights of Scouting Month. The contest is for Senior Scouts, who are Filipino citizens, currently registered third or fourth year high school students.

Winners of the search will receive two year college scholarship, cash and other prices. Part of criteria for the selection of winners are community service, which refers to leadership or membership involvement to school- related activities, character development and bearing and interview which includes communication skills and personality.

Adjudged regional winners and national finalists are Scouts

Jhezon D. Arreola, Ilocos Sur;

Victorino R. Bersamina, II, Abra;

Danilo D. Tabilas, Jr., Cagayan North Tuguegarao;

John Ernest Mari Y. Cruz, Bulacan;

Rieyen D. Clemente, Pampanga;

Austin Bennett L. Ong, Manila;

Charles C. Li, Manila;

Gian Karlo P. Bagui, Batangas City;

Antonio Ma. B. Reyes, IV, Rizal;

Anton Joshua DC. Del Rosario, City of Santa Rosa;

Genesis Lance U. Orejas, Lipa City;

Ven Gabriel G. Tan, Marinduque;

John Bernard L. Fortuno, Iriga City;

Rashley David A. De Juan, Capiz;

Josmond Jude Gorecho, Iloilo;

Jose Roy E. Santos, Jr., Iloilo;

Donn Gerard L. Ouano, Cebu;

Derrel Keith M. De Leon, Cebu;

Renzel M. Yu, Cebu;

Melbryll O. Bactong, Zamboanga Sibugay;

Renz John Michael G. Mendoza, Davao City;

Clyde Ruemm Joshua Y. Aguillon, Surigao del Norte; and

Israel M. Escobedo, Agusan.

The winners will be awarded by BSP National President Jejomar C. Binay.

page 7 - "NEWS OUTSIDE CAVITE" BY: DANN FABROS│ Operation Eposé Vol. 10 Blg. 12 September 30, 2012 - October 06, 2012 issue

MAG UTOL NA PASLIT NAHULOG SA BALON PATAY

2012-10-29T04:38:00.001-07:00

Newspaper Archives Vol. 10 Blg. 12

September 30, 2012 - October 06, 2012

SARIAYA, QUEZON–– Patay ang mag-utol na batang lalaki matapos mahulog sa malalim na balon sa Barangay Sampaloc 2 sa bayan ng Sariaya, Quezon nitong nakalipas na Setyembre 22 ng hapon.

Kinilala ng pulisya ang mga biktimang sina Raniel de Ramos, 7, Grade 1; at Reyreenz, 4, kapwa nakatira sa Purok de Villa sa nabanggit na barangay.

Sa imbestigasyon nina PO3 Pedrito Mendoza at PO2 Daniel Hernandez, huling namataang buhay ang mag- utol na naglalaro sa labas ng kanilang bahay kung saan nakalimutang pagsabihan ng kanilang ina na huwag lumayo. Magtatakip-silim na ay hindi pa umuuwi ang mag-utol kaya nagpatulong ang ina sa mga kapitbahay na hanapin ang kanyang dalawang anak.

Pananangis ni Rizalyn nang makita ang kanyang mga anak na nakalutang sa balon na may 250 metrong layo mula sa kanilang bahay.

page 7 - "MAG UTOL NA PASLIT NAHULOG SA BALON PATAY" │ Operation Eposé Vol. 10 Blg. 12 September 30, 2012 - October 06, 2012 issue

BINATA KINALASAN NG SYOTA, NABUWANG NAGSUICIDE

2012-10-28T00:26:00.004-07:00

Newspaper Archives Vol. 10 Blg. 12
September 30, 2012 - October 06, 2012

TAYABAS CITY, QUEZON–Sinasabing nawala sa katinuan ng pag iisip,ang isang 28 anyos na binata, dahil sa pakikipagkalas ng nobya , at tuluyang winakasan ang buhay sa pamamagitan ng pagsaksak sa kanyang dibdib nitong nakalipas na Setyembre 24 ng umaga sa Barangay Malaoa sa Tayabas City, Quezon.

Ayon kay SPO1 Noel Manga, huling namataang buhay ang biktimang si Nilo

Abas na naglalakad sa loob ng kanilang bahay at nagsasalita ng walang kausap. Napag-alamang may isang linggo na umanong nawawala sa katinuan ang biktima matapos na makipag-break ang syota nito. Nakita na namang ang biktima na duguang nakabulagta at hawak ang patalim na pinaniniwalaang itinarak nito sa kanyang dibdib at kinalaunan ay nalagutan ng hininga.

page 2 - BINATA KINALASAN NG SYOTA, NABUWANG NAGSUICIDE │ Operation Eposé Vol. 10 Blg. 12 September 30, 2012 - October 06, 2012 issue

MANGINGISDA NILIKIDA

2012-10-28T00:23:00.001-07:00

Newspaper Archives Vol. 10 Blg. 12
September 30, 2012 - October 06, 2012

ROSARIO, CAVITE––Patuloy ang isinasagawang imbestigasyon ng pulisya sa tunay na motibo ng pamamaslang sa isang mangngisda na pinagbabaril at napatay ng mga di nakilalang salarin sa Barangay Ligtong I sa bayan ng Rosario Cavite nitong nakalipas na Setyembre 22 ng madaling araw.

Kinilala ng pulisya ang biktimang si Rolly Ledesma,23, residente ng Juan Luna Street ng nasabing Barangay. Sa imbestigasyon ni PO1 Reniel Granado, sinasabing umiihi ang biktima nang lapitan at ratratin ng grupo ng kalalakihan dalawang anggulo ang tinitingnan ng pulisya sa pamamaslang, onsehan sa droga at ang isa ay ang serye ng nakawan sa nabanggit na barangay kung saan sinasabing isinasangkot ang biktima.

page 2 - MANGINGISDA NILIKIDA by: LARRY MACABUAT │ Operation Eposé Vol. 10 Blg. 12 September 30, 2012 - October 06, 2012 issue