Our stuff with NetBeans

මූලික දත්ත ආකාර :: Primitive Data Types

2012-06-19T22:18:00.001-07:00

අදහස
ජාවා ක්‍රමලේඛනයේදී මෙන්ම පරිගණක ක්‍රමලේඛනයේදී විවිධ වු දත්ත ආකර හමුවේ. Variables වර්ගීකරණය කරන්නේ මෙම දත්ත ආකාරයන්ට අනුව වන අතර එයට හේතුව variables මගින් ගබඩා කරතබා ගන්නා දත්ත වර්ගය ඒ අනුව තීරණය වන බැවිනි.

පරිගණක වැඩසටහන් මගින් සැබෑ ලෝකයේදි අපි බාවිතා කරන්නා වූ දත්ත එක් කොට විවිධ ආකරයෙන් එම දත්ත මෙහෙයවීම සිදු කරනු ලැබේ. උදාහරණයකට සංඛ්‍යා ගතහොත්, ධන සංඛ්‍යා, ඍන සංඛ්‍යා, භාග සංඛ්‍යා ආදී ලෙස නොයෙකතු ආකරයට සංඛ්‍යා වර්ග හමුවේ. වගන්ති හෝ පෙළ ආකරයේ දත්තද දක්නට ලැබේ. නම් ගම් වැනි නිදර්ශන පරිගණක මතකයේ ගබඩා කරන්නේ ප්‍රකෘති පට හෙවත් Strings of Character ආකාරයටයි. මෙලෙස ඔබ පරිගණක ක්‍රමලේඛනයේ යෙදෙන විට අදාල variable එකට වඩාත්ම ගැලපෙන ආකරයේ දත්ත ආකරය තීරණය කිරීම ඔබ විසින්ම කලයුතු වේ.

සෑම variable එකක් සතුවම එයට රඳවාගත හැකි දත්ත ආකාරයක් ඇත. variableයේ දත්ත වර්ගය මගින් variableය භාවිතා කරන දත්ත වර්ගය හා දත්ත ගබඩා කරන ආකරය තීරණය වන නිසාම නිවරදී දත්ත වර්ගය තේරීම වඩාත් වැදගත් වේ. ඒලෙසම ඔබගේ වැඩසටහන සමග ගැලපෙන දත්ත ආකාරය තෙරීමද වැදගත් වේ.

උදාහරණයක් ලෙස ඔබ අභ්‍යවකාශයේ ඇති වස්තූන්ට ඇති දුර ප්‍රමාණය ගණනය කිරීමට වැඩසටහනක් නිර්මාණය කරනවා යැයි සිතන්න. මෙම අවස්ථාවේදී ඔබට අවශ්‍ය වන්නේ විශාල ප්‍රමාණයේ සංඛ්‍යා රඳවා තබාගත හැකි variables වේ. ඔබ ඉතා කුඩා කුෂ්ද්‍ර ප්‍රමාණයේ පරිමාණයන් සඳහා වැඩසටහන් නිර්මාණය කරන්නේ නම් කුෂ්ද්‍ර ප්‍රමාණයේ සංඛ්‍යා රඳවාගැනීමට හැකි variables ඔබට අවශ්‍ය වේ.

DataType යනු දත්ත ආකාරයේ නම වන අතර VariableName යනු විචල්‍ය නාමය වේ. පහත දැක්වෙන්නේ ජාවා ක්‍රමලේඛනයේදී variable ප්‍රකාශනය කිරීමේ උදාහරණ කිහිපයකි.

byte inches;

int speed

short month;

float salesCommission;

double distance;

සටහන:

මෙම දත්ත ආකාරයන් ජාවා ක්‍රමලේඛනයේදී මූලීක දත්ත හෙවත් primitive data types ලෙස හැඳින්වේ. ජාවා ක්‍රමලේඛනයේදී යොදා ගන්නා Object Oriented හෙවත් වස්තුන් ප්‍රගමන ක්‍රමලේඛනයේදී නව objects සාදාගැනීම සඳහ මෙම දත්ත ආකාරයන් යොදාගත නොහැක. මෙම දත්ත ආකරයෙන්ගෙන් කල හැක්කේ variable නිර්මාණය හා එම variable වලට හැක්කේ එක් අගයක් රඳවා ගැනීම පමණි. Object oriented හී එන objects වලට මෙන් මෙම variables වලට විශේෂාංග හා ක්‍රමවේදයන් හෙවත් attributes සහ methods නොමැත.

The Integer Data Types :: නිඛිල දත්ත ආකාරය.

ඉහත වගුව මගින් ඉදිරිපත් කල දත්ත ආකාර අතුරින් byte, short, long සහ int යන සියල්ල Integer වලට අයත් දත්ත ආකාරයන් වේ. Integer Variableයකට 7
, -125, 14, 6298 වැනි නිඛිලමය දත්ත ආකාරයන් රඳවා තබාගත හැක. මෙම විවිධ වූ Integer ආකාරයේ දත්ත ඇතුලත් පුංචි වැඩසටහනක් මගින් තව දුරටත් තේරුම් ගනිමු. මතකනේ අපි මේ ජාවා පාඩම් මාලාව කරගෙන යන්නේ Netbeans කියන් IDE එකත් එක්කනේ.

මේ තියෙන්නේ ප්‍රතිඵලය

Netbeans ඉඟිය.

අපි වැනි එකක් භාවිතා කිරීමෙන් කේත ඇතුලත් කරගැනීමේ දෝෂ අවම කරගැනීමට හා අදාල කේතය කොටසේ පැහැදිලි කිරීමක් මගින් බලාගන්න පුළුවන්. ඒ සඳහා ඔබ කල යුත්තේ අදාල keyword එක හෝ කලින් ප්‍රකාශයට පත්කර ඇති variable 1ක් නම් එහි මුල් අකුර කේත සංස්කාරකයේ ටයිප් කර ඔබගේ යතුරු පුවරුවේ Ctrl සමඟ Space යතුර එකවර තද කිරීමයි. එවිට

මෙවනි තොරාගැනීම් මතුවන අතර තවත් අකුරු ඇතුලත් කිරීම මගින් හෝ එතැනින්ම අදාල ස්ථානයට ගැලපෙන keyword එක හෝ variable නාමය තොරාගන්න පුළුවන්.බොහෝ වැඩසටහන් වලදි, ඔබට එක් එක් දත්ත ආකාරයන්ගෙන් එක variable 1ට වඩා අවශ්‍ය වන අවස්ථා උදාවිය හැක. උදාහරණයකට වර්ගඵලය සෙවීමේ වැඩසටහනක් සඳහා දිග, පළල හා වර්ගඵලය යන සියල්ලටම එකම ආකරයේ නිඛිල දත්ත ආකාර යොදාගැනීමේදී, එක් එක් දත්තය වෙන වෙනම ප්‍රකාශ කල යුතුවේ.
int length;int width;int area;

එලෙසම එකවරම වුවත් මෙම variable 3ම ප්‍රකාශනය කලහැක.
int length,width, area ;මෙහිදි එක් එක් variable නාමය , සලකුණ මගින් වෙන්වන ආකාරයට ප්‍රකාශ කලයුතු වේ.

Integer Literals :: නිඛිලමය වර්ණ

නිඛිලමය වර්ණ හෙවත් Integer Literals ඔබගේ වැඩසටහන තුල කේතනය කරන විට, ජාවා ක්‍රමලේඛනය එය int ආකාරයේ දත්තයක් ලෙස වටහාගනු ලැබේ. ඉහතින් අපි ඉදිරිපත් කල ආදර්ශ වැඩසටහනේ ඇති -20, 105, 120 හා 185000 යන සියල්ල, වැඩසටහන තුල හඳුනාගන්නේ int ලෙසයි. කෙසේ වුවද ඉලක්කමේ අගට L හෝ l ප්‍රත්‍ය යෙදීමෙන් integer literalයට long එකක් ලෙස වැඩසටහනටත් හදුනාගත හැකි වන ලෙස ලබාදිය හැක. උදාහරණයකට 55L ලෙස ලබාදුන හොත් එය long ආකරයේ දත්තයක් ලෙස වැඩසටහනටත් හදුනාගත හැක.

අවවාදය....!සංඛ්‍යාමය වර්ණ (Numeric Literals) වලදි කොමා භාවිතා කරන්න එපා. පහත උදාහරණය බලන්න.
number = 1,257,649; // දෝෂයකි!
මෙය ලිවිය යුත්තේnumber = 1257649; // නිවරදියි.!

මීළග පාඩමින් Floating-point දත්ත ආකාරය ගැන ඉගෙන ගනිමු.

Be careful with Quotation marks :: උදෘත පාඨ පිළිබඳව සැලකිලිමත් වන්න.

2012-06-12T03:16:00.001-07:00

පසුගිය පාඩම් වලිනුත් සඳහන් කල මතක ඇතිනේ. Variable සමඟ “ “ සලකුණු බාවිතයෙන් වැඩසටහනක ප්‍රතිඵලය වෙනස්කරන්න පුළුවන්. නමුත් සෑම විටකම “ “ උදෘත කොමා දෙකක් යෙදීමෙන් සෑම විටමක String ආකරයේ Literal එකක් වන්නේ නැහැ. සමහර විට එය දෝෂයක් වීමට හේතු වෙනවා. උදාහරණයකට

අංක 5 හෙවත් number 5 වේරියබල් අගයකට යොදා තියෙන අතර එය මෙලෙස උදෘත කොමා හෙවත් quotation යටතේ දැක්වුවහොත් එය දෝෂයක් වීමට ඉඩ තිබේ.

Value =”5”; // දෝෂයකි.

මෙම කේතයේදී 5 තවදුරටත් Integer අගයක් නොවන අතර නමුත් String අගයක් වේ. මුලදි අගය Integer Variable එකක් ලෙස හදුන්වා දී ඇති අතර එම නිසා එම අගය යටතේ දැක්විය හැක්කේ Integer අගයන් පමණි. මෙමගින් අප තේරුම් ගත යුතු දෙය නම් 5 හා “5” යන්න සමාන නොවන බවයි.

More About Literals :: ලිටරල් පිළිබදව තව දුරටත්..

ලිටරල් හෙවත් වර්ණයක් යනු වැඩසටහන් කේතය තුල ලියා ඇති අගයකි. මෙම ලිටරල් පොදුවේ Variables හෝ දර්ශනය වන දේවලට යොදාගනු ලැබේ. මේ පිළිබදව පුංචි වැඩසටහනකින් විමසමු.

මෙම වැඩසටහනේ Variable එක යනු apples වන අතර එය Integer අගයක් ලෙස හදුන්වා දී ඇත. ජාවා වැඩසටහන් තුල හමුවන පහත Literals ද හමුවේ.උදාහරණයක් ලෙසLiteralය Literal වර්ගය

20 නිඛිලමය Literal
” To day we sold” වැකිමය(String) ආකාරයේ Literal

Identifiers :: හඳුන්වනයන්

හඳුන්වනයන් හෙවත් Identifiers (මින් ඉදිරියට Identifiers ලෙසම භාවිතා කරමු) යනු පරිගණක වැඩසටහනේ යම් යම් කොටස් නිරූපණයට පරිගණක වැඩසටහන් නිර්මාපකයා හෙවත් කෙත ලියන්නා විසින් වැඩසටහන තුල අර්ථදක්වන්නා වූ නාමයන් වේ. Variables නාමයන් Class නාමයන් වැනි දේවල් මෙම Identifiers වලට උදාහරණ ලෙස ගතහැකිය. ජාවා ක්‍රමලේඛනයේදී අපට අවශ්‍ය පැරිදි මෙම Identifiers නාමයන් තොරාගත හැකි මුත් එවාට ජාවා ක්‍රමලේඛනයේදී වෙන් කල වැකි හෙවත් Keywords බාවිතා නොවන පරිදි තොරාගත යුතුය. මෙහිදි නාමයන් තොරාගැනීමේදී අදාල variable එක හෝ class එක භාවිතා වන්නේ කුමක් සඳහාද යන්න සඳහන් වන පරිදි තොරාගැනීමට සැලකිළිමත් විය යුතුයි. උදාහරණයක් ලෙස, අපට නිඛිලමය හෙවත් Integer Variable 1ක්
int x; ලෙස නම් කල හැකි මුත් මෙහිදි මෙම x අගය මගින් සිදුවන්නේ හෝ එය බාවිතා කරන්නේ කුමකටද යන්න අපට අදහසක් ලැබෙන්නේ නැත. නැතහොත් අපගේ කේත පරික්ෂා කරන්නෙකුට එය වැටහෙන්නේ නැත.
අපට වයස නැමති variable එකක් හඳුන්වාදිමට අවශ්‍ය නම් int ageOf ;

ලෙස බාවිතා කල හැක. මෙමගින් වැඩසටහන අපට වඩාත් හොඳින් තේරුමගත හැක. මෙම variable එක වැඩසටහනේ කුමක් සඳහා බාවිතා කරනවාද යැයි පහසුවෙන් වටහා ගත හැක.
මෙලෙස variable නම් කිරීමේදී වචනය මැද කැපිටල් අකුරු බාවිතා කිරීමෙන් වචන දෙකක වෙන් වීම පහසුවෙන් හදුනාගත හැකි අතර එය අත්‍යවශ්‍යම නොවේ. කෙසේ නමුත් වචන වෙන් කිරීමට මැදින් හිස් ඉඩ තැබිය නොහැක. මීට අමතරව පහත දැක්වෙන නීතී වලට අනුකූලව identifiers නම් කල යුතුය

පළමු වැනි අකුර අනිවාර්යෙන්ම a-z,A-Z අතරින් අකුරක්, ( _ ) සලකුණ හෝ ($) සංකේතය විය යුතුය.

පළමු අකුරෙන් පසුව a-z,A-Z අතරින් අකුරු, ඉලක්කම්, ( _ ) සලකුණ හෝ ($) සංකේතයන් යොදාගත හැක

ජාවා ක්‍රමලේඛන භාෂාව අකුරේ ආකාරයට සංවේදීය. එනම් ජාවා භාෂාවේදී Java සහ java යනු වචන දෙකකි. කැපිටල් හා සිම්පල් බේදය පිළිබදවද සැලකිලිමත් විය යුතුයි.

Identifiers සඳහා හිස් ඉඩ භාවිතා කල නොහැක.

සටහන : $ සංකේතය ජාවා හී Identifiers නාමකරණයේදී වලංගු වූවද, සාමාන්‍යෙයන් එය භාවිතා කරන්නේ විශේෂිත වූ කරණාසඳහාය. එම නිසා $ සංකේතය Identifiers නාමකරණයේදී බාවිතා කරන්න එපා.

සමහරක් variables නාමයන්

Variable නාමය                     වංලගු හො අවංලගු

dayOfWeek                                                 වලංගුයි

3dGraph                                                       අවලංගුයි.Identifiers ඉලක්කම් වලින් ආරම්භවිය නොහැකියි.

june1987                                                       වලංගුයි

mixture#3                           අවලංගුයි,Identifiers සඳහා බාවිතා කල හැක්කේ a-z,A- Z අතරින් අකුරු, ඉලක්කම්, ( _ ) සලකුණ හෝ ($) සංකේතයන් පමණි.

Class Names

Variables නම් කිරීමේදී සම්මතය නම් ඉහත සඳහන් කල පරිදිම සිම්පල් අකුරකින් අරබා වචන වෙන් වන ස්ථාන සඳහන් කිරීමට කැපිටල් අකුරු බාවිතා කිරීමයි. උදාහරණ ලෙස int ageOfStudent
නමුත් Class වලට නම් දීමේදී ඇති සම්මත ක්‍රමය නම් නම ආරම්භය කැපිටල් අකුරකින් සටහන් කිරීමයි. උදාහරණයක් ලෙසclass Employee
මෙම කොටසින් variables හා Literals යන පාඩම අවසන් වෙනවා. අර්ධසමාසික විභාගය, අළුත් අළුත් ව්‍යාපෘති කිහිපයක් පටන් ගැනීම නිසා පාඩම් මාලාවන් ගෙන එන්න බැරිවුණාට සතියකට වරක් පාඩමක් ගෙන එන්න දැන් පුළුවන්. දිගටම රැදී ඉන්න. තෙරෙන්නේ නැති කොටසක් තියෙනවා නම් අහන්න අමතක කරන්න එපා.

ලෝකයේ තිබෙන හොඳම සරසවියකින් නොමිලේම පාඨමාලාවක් කරමුද? Let's do a free courses from Top Class Universites

2012-04-24T08:28:00.001-07:00

Education for Every one

මේක දැක්ක ගමන් මට නම් සුභ ආරංචියක් වුණා. අන්තරජාලයේ මම දැක්ක හොඳම සමාජ සත්කාරක වැඩසටහන විදියට තමයි මට නම් හිතෙන්නෙ. ඒ තමයි සැමට අධ්‍යාපනය යන ආදර්ශ පාඨයෙන් නොමිලයේ පවත්වාගෙන යන සයිබර් සරසවියක් කියලා කිව්වාට වැරදි නැහැ. මේ සමාජ සේවය තමයි www. Course.org. ඇමෙරිකාවේ ප්‍රධානතම හා ලෝකයේ පරිගණක විද්‍යා උපාධින්ට ප්‍රසිද්ධ සරසවියක් වන Stanford සරසවිය ඇතුළු Princeton, Michigan හා Pennsylvania යන සරසවි ඒකා බද්ධයෙන් තමයි මෙහි තිබෙන පාඨාමාලා පවත්වාගෙන යන්නේ.
පාඨමාලාවන්ට ලියාපදිංචිය, දේශන විභාග යන සියල්ල නොමිලේ ඒ වගේම අවසානයේ සහතික පත්‍රයකුත් ලබා ගන්න පුළුවන්.

මට මේක සුභ ආරංචියක් වුනේ Natural Language Processing අපේ සරසවියේ දේශකයෙක් නැහැ. ඒ විෂයට ලංකාවේත් දේශකයෝ වැඩිය නැහැලු. නමුත් ඒ විෂයට අප පරිහරණය කල යුතු යැයි නිර්දේශ කරපු පෙළ පොත ලියපු මහාචාර්ය වරයාගෙන්ම ඒ දේශන අද මම ඒ විෂයට ලබාගන්නවා.
මෙහි ප්‍රධාන වශයෙන්ම තියෙන්නේ පරිගණක විද්‍යාව. ඊට අමතරව කලමණාකරන හා සෞඛ්‍ය විද්‍යා පාඨමාලත් මෙහි නොමිලයේම කරගෙන යනවා.
අපිට අවශ්‍ය වන්නේ අපේ විද්යුත් ලිපිනය දීලා ලියාපදිංචි වන එක විතරයි.

මේක ඇත්තටම අපිට ලැබෙන ලොකු අවස්ථාවක්. මේ අවස්ථාව උපරිම ප්‍රයෝජනයට ගන්න කියලා මේ පොස්ටුව කියවන හමෝගෙන්ම ඉල්ලනවා. සහතිකයනම් ගන්න පුළුවන් කොහොම හරි කොපිකරලා හරි, නමුත් වටින්නේ දැනුම. සහතිකය ලැබුණා හෝ නොලැබුණා හෝ දැනුම කියන දේ ඕනේ කියලා හිතනවා නම් මෙන්න අවස්ථාව.

මේවන විට මමනම්
NLP, Compilers, Algorithms, Cryptography, Computer Vision යන පාඨමාලා මෙම අඩවිය හරහා හදාරමින් සිටිනවා. ඊයේ තමයි Compilers, Computer Vision හා තවත් පාඨමාලා කිහිපයක් පටන් ගත්තේ.

දැන් නම් වැඩ ගොඩක හිරවෙලා ඒ වුණාට බ්ලොග් ලියන එක නතර කරන්නේ කොහොමද? Java පාඩම පටන්ගන්න නම් තව මාසයක්වත් යයි. ඒ නිසා මේ දවස්වල කරන වැඩේට අදාලවම පොඩි පණිවිඩයක් දෙන්න හිතුවේ.

මේ තියෙන්නේ ලින්ක් එක.

https://www.coursera.org/

මොනාහරි වැඩිපුර දැනගන්න තියෙනම් අහන්න.

විචල්‍ය හා අවිචල්‍ය :: Variables & Literals

2012-03-10T21:35:00.000-08:00

ඔන්න අපි අපේ ජාවා මූලිකාංග පාඩමේ තුන්වැනි කොටසටත් ආවා. අද ඉගෙන ගන්න යන්නේ Variables හා Literals හෙවත් ජාවා ක්‍රමලේඛනයේ විචල්‍ය හා අවිචල්‍ය පිළිබචවයි. මෙතැන් පටන් variable හා Literals කියලාම පාවිච්චි කරමු.

Variable එකක් යනු පරිගණක මතකයේ නම් කරනලද තැන්පත් කරනලද ස්ථානයක් වන අතර Literal ඒකක් යනු වැඩසටහනේ කේතය වෙත ලියු අගයකි.

මෙම variable පරිගණකය තුල දත්ත ගබඩා කිරීමේ හා එවාත් සමගවැඩ කිරිමේ පහසුකම සපයන අතර ක්‍රමලේඛනයේදී කොපමණ variable සංඛ්‍යාවක් වැඩසටහනක් සදහා අවශ්‍යද, එම variable පරිගණක මතකයෙන් කොපමණ ප්‍රමාණයක් පාවිච්චි කරනවාද යන්න දැනගැනීම වැදගත් වේ.

variable සහිත උදාහරණ වැඩසටහනක් විමසමු.

http://netbeanstips.blogspot.com

මෙහි අළුත් මුහුණවරේ තියෙන කේත එකින් එක විමසමු.(දැන් ජාලබෝංචි වල යම් පලපුරුද්දක් ඇති නිසා වැඩසටහනේනේ වැඩසටහන කොහොමද පටන් ගන්නේ කියලා කියන්න ඕනේ නැහැ කියලා හිතනවා J)

int value;

මෙම කේතය හැදින්වෙන්නේ variable එක හදුන්වාදීම (Declaration) එහෙමත් නැත්තම් ප්‍රකාශ කිරීමේ කේතයක් විදියටයි. වැඩසටහන තුල variable එක යොදා ගැනීමට පෙර අනිවාර්යෙන්ම variable එක හදුන්වා දීම කල යුතුයි. මෙම variable හදුන්වාදීම මගින් වැඩසටහන් සම්පාදකයට හෙවත් compiler එකට මෙම variable එකේ වර්ගය, නම හා රදවා ගත යුතු දත්ත ආකරය පිළිබදව පැවසීමක් තමයි සිදුවන්නේ. අපේ කේතයෙන් කියැවෙන්නේ variable එකේ නාමය value යන්නයි. ඒ වගේම int කියන වචනයෙන් කියැවෙන්නේ Integer අදාල value නැමති නම අයත් දත්ත වර්ගය නිඛිලයක් විය යුතුයි කියලයි. මතක තියාගන්න මෙම variable හදුන්වාදීම සෑම විටම තිත් කොමාවකින් (;) අවසන් විය යුතුයි.

value = 5;

මෙය අනිත් කේත කොටසයි. මෙම කේත වර්ගයට Assignment Operator එකක්, පැවරුම් කාරකයක් කියා හදුන්වනවා. මෙහි ඇති සමාන ලකුණෙන් කියැවෙන්නේ දකුණු පසින් ඇති අගය වම් පසින් අති නම් කරන ලද variable එකේ අගය වන බවයි. මෙම රෙඛාව වැඩසටහනේ ක්‍රියාත්මක වීමෙන් අනතුරුව value යනුවෙන් නම් කල variable එක 5 අගය සහිත වෙනවා.

දැන් මේ කේත කොටස් විමසා බලමු.

System.out.print(“The Value is”);

System.out.println(value);

මෙහි පළමු කේත කොටසේ වරහනන් String වර්ගයට අයත් Literal එකක් වන “The Value is යන්න print method එකට ලබාදීම සිදු කරනවා. දෙවන කේත කොටසේ වරහන තුල ඇති value නැමැති variable එක println method එක තුලට යැවීම මගින් අදාල value හී අගය දිස්වීමට සලස්වනු ලැබේ. මෙහිදි මතකයේ තබාගත යුත්ත නම් “ “ වලින් තොරව value අගය වරහන් තුල සදහන් කිරීමයි.

අභ්‍යාසය:

පහත දැක්වෙන කේත සටහන ක්‍රියාත්මක කර ප්‍රතිඵලය හදුනාගන්න.

// This program Has Variable

public class variable2

{

public static void main(String[ ] args)

{

Int value ;

value =5;

System.out.print(“The Value is”);

System.out.println(“Value”);

}

මෙම කේත සටහන නිවරදිව දාවනය කරවීමෙන් මෙම “ “ බාවිතයේන් වැඩසටහනට වන වෙනස් කම හදුනාගත හැක.

+ කාරකය සමගින් ආයිත්තම් රැසක් දර්ෂණය කිරීම :: Displaying multiple Items with + Operator

+ කාරකය හෙවත් Operatorය String එකක් සමග බාවිතයේදී එය String අනුබද්ධ කාරකයක් හෙවත් String concatenation operatorයක් ලෙස හැදින්වේ. මෙහිදි අනුබද්ධ ලෙස හැදින්වෙන්නේ String කිහිපයක් එකතුවෙන් වැකියක් ලෙස ඉදිරිපත් කිරීමයි. උදාහරණයක් ලෙස

System.out.println(“ This is “ + “ The Best”+ “Java Lessions”);

මෙම වැකියේ ප්‍රතිඵලය ලෙස

This is The Best Java Lesions යන්න ලබාගත හැකි වේ.

+ කාරකය හෙවත් operatorය මගින් String දෙකක හෝ වැඩි ප්‍රමාණයක සංයුක්තයක් ඉදිරිපත් කිරීමට හැකියාව ලබාදෙන අතරම එමගින් String මගින් නිරූපණය කරන්නා වූ විචල්‍යක් Variable එකක් වුවද පහසුවෙන් බද්ධ කල හැක.

උදාහරණයක් ලෙස

Number = 5;

System.out.println(“ The Value is” + Number);

මෙහිදී දෙවන කේත කොටසේ ඇති + Operatorය මගින් Number නැමැති විචල්‍ය The value is නැමැති විචල්‍ය හා සම්බන්ධ කිරීම සිදුකෙරේ. මෙහිදි Number යන්න String එකක් නොවුනද, + Operatorය මගින් එහි අගය String බවට පත්කරවා පළමු වැන්න සමග බද්ධ කර ප්‍රතිඵලය දර්ශනය කිරීම සිදුකරනු ලැබේ. ප්‍රතිඵලය

The Value is 5

සමහර අවස්ථාවලදී print හෝ println යන ක්‍රමවේදයන් සමග ඉදිරිපත් කරන්නා වූ විස්තරය වැඩසටහන් කේතයක එක රේඛාවක ප්‍රමාණයටත් වඩා දිග වැඩි වූ අවස්ථා පැමිණිය හැක. මෙහිදි String Literalයට එක රේඛාවක ආරම්භය හෝ තවකෙක අවසනාය දක්වා ලගා නොහැකි වන අවස්ථා මතු වීමෙන් දෝෂ මතු විය හැක.

උදාහරණයක් ලෙස

// This is an Error…!

System.out.println(“Netbeanstips.blogspot.com is the best way to learn java from the Beginning “);

මෙම දෝෂය නිරාකරණය කරගැනීම සදහා ඉහත වරහන් තුල ඇති සම්පූර්ණ විස්තරය කුඩා කොටස් කිහිපයකට කඩා + Operator බාවිතයෙන් ඉදිරිපත් කිරීම කල හැකිය.

System.out.println(“ NetBeanstips.blogspot.com”+ “ is the best way” +” to learn Java”+ “from the Beginning”);

මෙහිදි මුල් විස්තරය කොටස් 4කට කඩා + operatorය හා එකතුවෙන් ඉදිරිපත් කිරීමෙන් දොෂ රහිතව අවශ්‍ය වැකියම දර්ශනය කරගත හැක.

මෙලෙසම String අගයන් ලබාදෙන්නා වූ String නොවන විචල්‍යන් උදෙසාද මෙම ක්‍රමය බාවිතා කල හැක.

Sum = 249;

System.out.println(“ The Sum of Three” + “Number is”+ sum);

මෙම පාඩම් මදක් දිගුව ඇති හෙයින් කොටස් දෙකකට ඉදිරිපත් කරමි. වැඩකටයුතු අධිකව ඇතත් ලිපි ලිවීමේ වෙගය අඩුව ඇතිව මිසක ලිපි ලිවීම නවත්වා නොමැති බවද ප්‍රකාශ කල යුතුය. දිගටම රුදී සිටින්න.

ආයුබෝවන්.

මුද්‍රණය හා රෙඛාවක මුද්‍රණය :: Print සහ Println ක්‍රමය( method) සහ ජාවා උපයෝගී අතුරු මුහුණත

2012-02-20T04:25:00.000-08:00

print හා println යන ක්‍රමයන් ලිඛිත ප්‍රතිඵලයක් පෙන්වීමට භාවිතාකරයි. ඒවා සුවිශේෂි වී කියා ඉටු කිරීම උදෙසා කලින් ලියන ලද්දා වූ පෙළ(classes) හා ක්‍රම(method) වල එකතුවකින් සෑදුනා වූ ජාවා උපයෝගී අතුරු මුහුණතේ(Java API) හි කොටස්වේ.
මෙම අපගේ දෙවන පාඩම මගින් යම් ප්‍රතිඵලයක්(output) 1ක් තිරය මත දර්ශනය කිරීමට කියලා දෙන්නයි යන්නෙ. මෙම සරළ ප්‍රතිඵලය සාමාන්‍ය ඩෙස්ක්ටොප් තිරය මත නොව කොන්සෝලයක් හෙවත් පාලක පුවරුවක් මත දිස්වන විදියට තමයි මේ වැඩසටහන් සකස් කරන්නේ. අපි ජාල බෝංචි ;) Netbeans IDE පාවිච්චි කරන නිසා මෙය එම මෘදුකාංගයේම දර්ශනය වුනාට එහෙම පාවිචිච් නොකලා නම් cmd එක හෙවත් විධාන සිහිකාරයක තමයි දිස්වන්නෙ.

ජාවා හී වැඩසටහනක ප්‍රතිදානය හෙවත් output එකක් පෙන්වීම සිද්ධ කරන්නේ ජාවා උපයෝගී අතුරුමුහුණත මගින්ම තමයි. මින් ඉදරියට අපි මේ සදහා java API කියලාම භාවිතා කරමු. මෙම API එක කියන්නේ විශේෂිත වූ කාර්යන් ඉටු කිරීම උදෙසා පෙර ලියන ලද්දා වූ classes වලින් සෑදුන පුස්කාලයක්. (මෙය පුස්තකාලයක් කිවාට මෙය එකතුවක් කීවොත් වඩාත් නිවරදි) හෙවත් Java Library එකක්. මෙහි තිබෙන්නා වූ classes හා methods ඕනෑම ජාවා වැඩසටහන් වෙනුවෙන් යොදාගන්න පුළුවන්. ඒ වගේම තමයි print හා println යන method 2කත් මෙම ජාවා API එකේ කොටස් වන අතර එමගින් යම් output එකක් යම් ස්ථාවර output එක ලබාදිය හැකි උපකරණයක් වෙතින් පෙන්වීමට අවශ්‍ය කටයුතු සලස්වනවා.

අපේ කලින් වැඩසටහනේ කේත කොටස ගෙන බලමු.

System.out.println(“Java with netbeanstips.blogspot.com);

මෙහි System යනු ජාවා API එකට අයත් class එකක් වෙනවා. මෙම System class එක අදාල System –level හෙවත් අදාල විදියට අයත් ක්‍රියා ඉටුකිරීමට අවශ්‍ය වස්තූන් Objects හා methods වලින් සමන්විත වෙලා තිබෙන අතර මෙම System නැමති class 1කේ තියෙන එක වස්තුවක් object එකක් තමයි out. කියලා නම්කරලා තියෙන්නා වූ object එක. මෙම object එක යම් output එකක් අපි කලින් සදහන් කලා වූ කොන්සෝලයක් හෝ ස්ථාවර Output උපකරණයකට දර්ශණය කරවිමට අවශ්‍ය වන print, println වැනි method වලින් සමන්විතයි. මෙම System, out, print සහ println යන එවායේ ධුරාවලිය විමසා බලමු.

මේ අනුව System කියන class එක ජාවා API හී කොටසක් වන අතර එහි ඇති method හා objects වලින් output එක ලබා දීම වැනි කාර්යන් ඉටුකරයි.

· Out. යනු System class හී සමාජික object එකක් වන අතර output එකක් තිරයට යැවීමට අවශ්‍ය method ලබාදීම කරන්නෙ මෙයයි.

· Print හා println යනු methods වන අතර මෙමගින් ලිඛිත output තිරය මත දිස්කිරීම සිදුකරයි.

මෙම ධුරාවලිය මගින් ඔබට යම් ලිඛිතමය සටහනක් තිරය මත පෙන්වීමට System.out.println හෝ System.out.print වැනි දිර්ඝ කේතයක් යොදාගන්නා හේතුව වටහගන්න පහසුවෙන්න ඇති.

තිත මගින් අදාල class objects හා method අතර වෙන් වීම සටහන් කරන අතර මෙය ශබ්ද කරන්නේ System ඩොට් out ඩොට් println කියලාත් මතක තියාගන්න.

මෙහිදි අපිට output එක විදියට පෙන්ව ගන්න ඕනේ අගය හෝ වැකිය අදාල වරහන් ඇතුලේ තමයි සඳහන් කරන්න ඕනේ. මෙම අගය විස්තරය හෙවත් Argument එකක් විදියට හැදින්වෙනවා. පහත දැක්වෙන කේත කණ්ඩය සලකා බලමු.

System.out.println(“Java with Netbeans”);

මෙහිදි වරහන් ඇතුලේ සදහන් විස්තරය වන්නේ “Java with Netbeans“ කියන එක වන අතර ප්‍රතිඵලය ලෙස දිස්වන්නේද Java with Netbeans යන වැකියයි.(මතකනේ මෙම “ “කොමා දිස්වන්නේ නැහැ) මෙම println යන method එකේ දී වැදගත් දෙය වන්නෙ අදාල පණිවිඩය දිස්වීමෙන් අනතුරුව කර්සරය ඊලඟ රෙඛාවට පැමිණිමයි. මීලගට දිස්වන වැකිය එම කර්සරය ලගින් තමයි පටන් ගන්නේ.

මෙම කේත කණ්ඩය සලකා බලමු.

// Println Example

public class Twolines

{

public static void main(String[ ] args)

{

System.out.println(“Java with netbeanstips.blogspot.com”);

System.out.println(“Java with NetBeans is fun”);

}

අපි පසුගිය පාඩමේ කියා දීපු විදයට මෙම කේත සටහන අතහදා බලන්න. මෙම වැඩසටහනේ ප්‍රතිඵලය

Java with netbeanstips.blogspot.com

Java with NetBeans is fun

ආකරයට වෙනවා නම් ඔබ නිවරදි. මොකද අපි මෙහි බාවිතා කරලා තියෙන්නේ println කියන method එක.

අපි මීලගට print method එක සලකා බලමු. මෙයත් System.out. කියන කේතයත් එක්කම පාවිච්චි කරන්න පුළුවන්. නමුත් මෙහිදි වන්නේ මෙම ක්‍රමය බාවිතාවෙන් දිස්වන්නා වූ ප්‍රතිඵලය ඉවර වන තැනින්ම අළුතෙන් දිස් වන වැකිය ඇරඹිමයි. ඉහත උදාහරණයම print method එක බාවිතයෙන් කරමු.

// Println Example

public class Twolines

{

public static void main(String[ ] args)

{

System.out.print(“Java with netbeanstips.blogspot.com”);

System.out.print(“Java with NetBeans is fun”);

}

මේ වැඩසටහනත් ඔබට අභ්‍යාසයක් විදියට. මෙතනදි output එක එන්න ඕනේ මේ විදියටයි.

Java with netbeanstips.blogspot.com Java with NetBeans is fun

මෙය තමයි print හා println යන methods දෙකේ ඇති වෙනස. මෙම print method එක බාවිතයෙන්ම අපට නව රේඛාවක සිට output එක ලබා ගන්න ඕනේ නම් println නොයොදා \n යන පිටත් වීමේ පිළිවෙල හෙවත් escape sequence එක පාවිච්චි කරන්න පුළුවන්.

පහත රූපයේ දක්වා ඇති උදාහරණය බලන්න.

මෙහිදි අපට විස්තරය ඇතුලේම \n යන පිටත් වීමේ පිළිවෙල බාවිතයෙන් එකම වැකිය වුනත් දෙකකට දිස්වෙන විදයට සකස් කරන්න පුළුවන්.

මෙම \n යන්න කොටස් දෙකක් විදියට දිස්වුණත්, ඒවා පරිගණක මතකයේ ගබඩා වන්නේ එකම සංකේතයක් ලෙසයි.

මීට අමතරව පහත දැක්වෙන පිටත් වීමේ ආකරයන් ජාවා ක්‍රමලේඛනයේ දක්නට පුළුවන්. දැන්ට මම ඒවා ගැන විස්තරයක් දෙන්නම්. ඉහත කල ආකාරයට අභ්‍යාසය වලට ඒවා යොදාගෙනම ඒවායෙන් ලැබෙන ප්‍රතිඵලය බලන එක ඔන්න ඔබට බාරයි.

තවත් පාඩමකින් නැවැත හමුවන තෙක්, ආයුබෝවන්

ජාවා මූලිකාංග :: Fundamentals of Java

2012-02-15T08:16:00.000-08:00

ජාවා ක්‍රමලේඛන භාෂාව ඉගෙනීමේදී ජාවා හී මූලිකාංග ඉතා වැදගත්වේ. ඕනෙම දෙයක මූලිකම ලක්ෂණ දැනගෙන එපැයි ඔක්කොටම කලින්. මේ වන කොට ජාල බෝංචි ස්ථාපනය කරගන්න ඇතිනේ. ඒ නිසා කේත සංස්කාරකය(Code Editor) එක ලෙසත් ජාල බෝංචිම යොදා ගම්මු. ජාවා හී මූලික ලක්ෂණ අපි මෙන්න මේ මේ කොටස් වලට කඩලා කියාදෙන්නයි යන්නේ.

· ජාවා වැඩසටහනක කොටස් :: Parts of Java Program

· Print හා Println ක්‍රමවේදය හා ජාවා වැඩසටහන් අතුරු මුහුණත :: Print & Println methods, and Java API

· විචල්‍ය හා අවිචල්‍ය :: Variables & Literals

· මූලික දත්ත ආකාර :: Primitive Data Types

· මූලික ගණිතකර්ම :: Arithmetic Operations

· සංයුක්ත නියමිත කර්ම :: Combined Assignment Operations

· මූලික දත්ත පර්වර්තනයන් :: Basic data Conversions

· නම්කල නියත නිර්මාණය සමගින් final :: Creating Named Constants with final

· String පෙළ :: The String Class

· අවකාශය :: Scope

· අදහස් :: Comments

· ක්‍රමලේඛන ක්‍රමවේදයන් :: Programing Styles

· යතුරු පුවරුවෙන් කියවීම :: Reading Keyboard Input

· සංවාද කවුළු:: Dialog Boxes

· සැලකිය යුතු බහුල දෝෂ :: Common errors to Avoid

ජාවා වැඩසටහනක කොටස් :: Parts of Java Program

ජාවා වැඩසටහනක ඇති සෑම කොටසකටම විශේෂිත වු කාර්යක් ඇත

ජාවා වැඩසටහනක් සෑදෙන්නේ කොටස් කීපයක් එකතු වීමෙන්. අපි මුල්ම පියවර විදියට මේ කොටස් මොනාද කියලා අදුරගනිමු. මේසදහා අපි පුංචි ජාවා උදාහරණ වැඩසටහනක් සකසමු.

මුලින්ම NetBeans IDE විවෘත කිරීමෙන් අනතුරුව පහත රූපයේ ආකාරයට නව ජාවා වැඩසටහනක ආරම්භකරන්න.

අනතුරුව මතු වන්නේ පහත ආකරයේ කවුළුවක්. මෙහි කහපාටින් පාටකරලා තියෙන තැන ඔබට කැමති නමක් දේන්න පුළුවන්. කොහොම වුණත් රතු පාටින සලකුණු කරලා තියෙන කොටු තොරන්න එපා. ඒවා ගැන පස්සේ කියලා දෙන්නම්.

Finish සලකුණ මත ක්ලික් කරාම මේ වගේ තිරයක් දිස්වෙන්න ඕනේ.

මෙහි රතු පාටින් සලකුණු කරලා තියෙන + ලකුණ මත ක්ලික් කරලා එය විහඳුවාගන්න.

එහිදි default package කියලා තිබෙන කොටුව මත Right click කරලා රූපයේ තිබෙන විදියට ජාවා පෙලක් ගන්න පුළුවන්.

පළවෙනි පාර පොඩ්ඩක් අපහසුයි වගේ දැනුනාට, ඉදිරයෙදි මෙකට හුරුවුණාම හරි පහසුවෙන් කරන්න පුළුවන්. දැන පහත රූපයේ පරිදි , Class Name පෙළ නාමය ලෙස Simple හෝ කැමති එකක්ද, package Name හෙවත් පැකේජ නාමය ලෙස javafundamentals වැනි නාමයක්ද දෙන්න

ඔන්න දැන් අපි කේත සංස්කාරකයට ආවා. අපේ පළමු වැඩසටහනේ කේත අපි කළු ඊතලයෙන්

දැක්වෙන තමයි ලියන්න ඕනේ.

public class Simple {

public static void main(String[ ] args) {

System.out.println(“Java with netbeans.blogspot.com”);

}

ඔන්න අයෙත් Netbeans IDE එකේ පොඩි දෙයක් කියාදෙන්න වෙනවා. කොහොමද අපි මේ වැඩසටහන දාවනය කරලා බලන්නේ කියලා. අපි ලියන පලවෙනි වැඩසටහන නම්, NetBeans හී ඇති ධාවනය විදානය සහිත අයිකනයෙන් පහසුවෙන්ම ධාවනය කරන්න පුළුවන්. NetBeans වල ඇති වාසිය තමයි, අපට Command Pad එකේ වගේ, පරගණකයේ ඩිරෙක්ටරියෙන්, ඩිරෙක්ටරියට නොගොස් වැඩසටහන ධාවනය කරන්න පුළුවන් වීම. එවගේම වැඩසටහන සම්පාදනය (Compile) සව්‍යංක්‍රියවම සිදු වන නිසා ඒ ගැන වද වෙන්න ඕනේත් නැහැ. අපි කේත ලියද්දිම දෝෂයක් තිබෙනම් සම්පාදනයට කලින්ම කේත සංස්කාරකයේම එය පෙන්වනවා. වෙනත් දෝෂ තියෙනවා නම් ප්‍රතිළුල දිස්වන කොටසේ එය දැක ගන්න පුළුවන්.

මේ ආකාරයට වැඩසටහන ධාවනය කරන්න ක්‍රම දෙකක් තියෙනවා. අංක එක ක්‍රමය බොහෝ විට යොදාගන්නේ ප්‍රධාන වැඩසටහනකට සම්බන්ධ උප වැඩසටහන් කීපයකින් යුක්ත වන ජාවා ව්‍යාපෘතියක් ධාවනය කිරීමටයි. මේ පාඩමේදී ඔබ කල යුත්තේ අංක දෙක ක්‍රමයයි. කේත සංස්කාරකය මත Right Click කර ලැබෙන මෙනුවෙන් Runfile විධානය හෝ යතුරු පුවරුවේ shift බොත්තම සමඟ F6 බොත්තම එකවර තද කිරීමෙන්ද අපේ වැඩ සටහන ධාවනය කරගන්න පුළුවන්.

මෙන්න මේ විදියට තමයි අපේ පළවෙනි වැඩසටහනේ ප්‍රතිඵලය ලැබෙන්නේ.

දැන් අපි මෙම වැඩසටහනේ කේත කොටසින් කොටස විමසමු.

/**

* @author http://netbeanstips.blogspot.com

මෙම / හා ** ලකුණු වලට අමතරව තියෙන්නේ සමාන්‍ය ඉංග්‍රිසි භාෂාවේ වචන කිහිපයක්. මෙහෙදි සැලකිල්ලට ගන්න ඕනේ /* හා */කොටස. අපි මෙන්න මේ කොටස් දෙක අතර ලියන්නේ ජාවා කේත නෙමෙයි. සාමන්‍යෙයන් වැඩසටහන ගැන හරි, අදාල කේත කොටසින් වන කාර්ය වගේ දෙයක් ප්‍රකාශ කිරීම තමයි මේ මගින් සිදු කරන්නේ.

මීට අමතරව // යන සලකූණද මෙලෙස අදහස්ක්,Comment එකක් වැඩසටහන තුල ප්‍රකාශ කරද්දි යොදා ගන්න පුළුවන්.

හැබැයි වැඩිපුරම බාවිතා කරන්නේ නම් // සලකුණ තමයි. තාක්ෂණිකව ගත්තොත් ජාවා කේත ලියලා ඉවර වුණාම Compile නැත්තම් කේත සම්පාදනය කිරීමෙන් අනතුරුව තමයි වැඩසටහනේ දෝෂ හඳුනාගැනීම් වෙන්නේ. දෝෂ නැත්නම් වැඩසටහන දාවනය වෙනවා.

මෙම // ආකරයේ හෝ /* මේ මැද */ සලකුණ දෙක මැද තියෙන්නා වූ දේවල් compiler , සම්පාදකය විසින් කියවන්නේ නැහැ. ඒ නිසා ඔබේ වැඩසටහනට ඉන් බාධාවක් වෙන්නේ නැහැ.

කේත ලියන විට කේත කොටස් ඉදිරියෙන් එහි කාර්ය // යොදා සදහන් කරන්න පුරුදු වන්න. එය ඔබගේ කේත පසුව ඔබටම හෝ වෙනත් අයෙක් කියවන විට තේරුම් ගන්න පහසුවනු ඇත

public class simple

මීලගට අපට හමු වන්නේ මෙම කේත කොටසයි. මෙම කොටස තමයි පෙළ ශිර්ෂකය හෙවත් class header එක. මෙමගින් පෙළ විග්‍රහයක් හෙවත් class definition එක ආරම්බ වෙනවා. මෙමගින් මෙම පෙළ තුල සිදුවනදේ පිළිබද දල අවබෝධයක් ගන්න පුළුවන්. ඉදිරි පාඩම් වලදි මෙම පෙළ හෙවත් class ගැන තවදුරටත් කතා කරමු. දැනට සෑම ජාවා වැඩසටහනකටම අඩුම තරමේ එක් පෙළ විග්‍රහයක් වත් class definition එකක්වත් තියෙන්න ඕනේ කියලා මතක තබා ගත්තා නම් හරි. මෙම කේත කොටසේ public, class, simple කියන පුංචි කොටසින් කොටස දැන් විමසමු.

public -
මේය ජාවා භාෂාවේ එන මූලික පදයක් නැතිනම් key word එකක්. ඒ කියන්නේ ජාවා ක්‍රමලේඛනයට අනන්‍ය වු වචනයක්. මෙය සිම්පල් අකුරු වලින් ලියන්න ඕනේ.තව ඉදිරියට යද්දි මේ key word ගැන තව දුරටත් අවබෝධ කරගන්න පුළුවන්. මෙම public කියන එක ජාවා හී පරිශිලන විග්‍රහයකයක් , Access Specifier වර්ගයට අයත් key word 1ක්. Public කියන එකේ තේරුම දන්නවානේ, මෙම public විග්‍රහයකය මගින් අදාල class එක පරිශිලනය විවෘත කර තිබෙනවා. ඒ ජාවා වැඩසටහන සමාජයකට සමාන කලොත් පොදු දේපලක් වගේ.

class -
මෙයත් keyword එකක්. ඒ වගේම මේකත් ලියන්න ඕනේ සිම්පල් වලින්. මෙමගින් class එකේ විග්‍රහ කිරීමේ ආරම්භය දක්වනවා.

Simple -
මේ තමයි class එකේ නම. මේක අපි කැමති එකක් තමයි බාවිතා කරන්නේ නමුත් එය අක්ෂරයකින් පටන් ගන්න ඕනේ. මෙහිදි සිම්පල් , කැපිටල් බේදයක් නැතිව, දෙකම උනත් පාවිච්චි කරලා ලියන්න පුළුවන්.

මේ තුනම ගත්තාම මෙම කේත පෙලිය මගින් compiler හෙවත් සම්පාදකයට මෙම Simple නැමැති class එක මෙම වැඩසටහන තුල විවෘතව පාවිච්චි කරන්න පුළුවන් කියන එක තමයි විග්‍රහ කරන්නෙ.

මීට අමතර

ජාවා ගොනුවකට class කිහිපයක් තියෙන්න පුළුවන්. නමුත් එක ජාවා file එකකට තියෙන්න පුළුවන් එක public class එකක් විතරයි.

මෙලෙස public class එකක් තියෙන විට, public class එකේ නමම තමයි ජාවා file 1ට එන්නත් ඕනේ. දැන් අපේ වැඩසටහෙන් ගොනුව Simple.java වගේ

මතක තබාගන්න. ජාවා යනු Case sensitive හෙවත් සිම්පල්, කැපිටල් බේදයට හරිම සංවේදී ක්‍රමලේඛන භාෂාවක්. Public හා public කියන්නේ ජාවා භාෂාවට නම් වචන දෙකක්. ජාවා වල එන සමහර keyword තියෙනවා සම්පූර්ණයෙන්ම සිම්පල් වලින් ලියන්න ඕනේ. ඉදිරියේදි අපි keyword ගැන ඉගෙන ගනිමු. මතකයිනේ? ජාවා නම් Case sensitive

මීලගට අපට හමුවන්නේ
{ වම් සඟල වරහනයි.
මේ මගින් class definition එකේ, ඒ කියන්නේ පෙළ

විග්‍රහ කිරීමේ අරම්භය සටහන් වෙනවා. ඒ වගේම
} මේ ආකාරයේ දකුණු සඟල වරහනකුත්
අපේ කේත ඇතුලේ තියෙන දකින්න ඇතිනේ. මෙම දකුණු සඟල වරහනින් පෙල විග්‍රහයේ අවසානය දක්වනවා. පෙළ විග්‍රහය ඇරෙන්න අනෙකුත් සියළු කේත කොටස් මෙවැනි {ඇතුලේ J } තමයි සටහන් වෙන්නේ.

අපි අපේ කේත කොටස මේ විදයට ගත්තොත්

අදාල පෙළ විග්‍රහය මේ විදියට තමයි වෙන්නේ. මැද තියෙන සඟල වරහන් ගැන දැන්ම හිතන්න එපා. ඒක Simple නැමැති මූලික පෙළට අයිති උප කොටසක සඟල වරහන් යුගලයක්. මතක තියාගන්න මූලික පෙළ ඒ කියන්නේ public class Simple ගාවින් පටන් ගන්න { වම් සඟල වරහන } දකුණු සඟල වරහනෙන් ඉවර වෙන්නේ මුල වැඩසටහනේම කේත ලියලා ඉවර වුණාම තමයි.

public static void main(String[ ] args)

මෙය ජාවා ගොනුවේ ක්‍රම ශිර්ෂයක් හෙවත් method header එකක් විදියටයි හැදින්වෙන්නෙ. මේ මගින් නව ක්‍රමයක් (methode) එකක ආරම්භය සටහන් කරනවා. මෙම ක්‍රමයක් method එකක් කියන එක ක්‍රමලේඛන ප්‍රකාශ (programming statements) එකක් හෝ ඊට

වැඩිප්‍රමාණයකට සාමුහිකව නමක් ඇති කාණ්ඩායමක් විදියට හිතන්න පුළුවන්. මේ විදියට අපි method එකක් නිර්මාණය කිරීමෙදී අපේ සම්පාදකයට හෙවත් compiler එකට මේ method ඒක ගැන කියන්නම ඕනේ. ඒ හින්දා තමයි මේ කේතය වචන කිහිපයකින්ම සැදිලා තියෙන්නෙ. නමුත් මූලිකව, මේ පාඩමේ දී දැනගන්න අවශ්‍ය වෙන්නේ මෙම method එකේ නම වන main එක ගැනයි. අනෙකුත් වචන ජාවා keywords වන අතර මෙම method එක නිසියාකාරව විග්‍රහ කරගන්න ඒ වචන අවශ්‍යයි.

දැනට ජාවා වැඩසටහනක කේත ලියන විට එහි ප්‍රධාන method එක public static void main (String [ ] args) විදියටම ලියන්න. ඉදිරියේ එන පාඩම් වලින් public static void main (String [ ] args) යන්නෙන් අදහස් වන්නේ කුමක්ද කියන එක වටහාගන්න පුළුවන් වෙයි

මීලඟට නැවතත්

{

ආකරයේ වම් සඟල වරහනක් තියෙනවා. මේ තමයි මේ අපේ මේ වැඩසටහනේ ඇති ප්‍රධාන method එක ආරම්භ වීමේ සඟල වරහන. මෙම සඟල වරහන ඉන් පසුව ඇති කේත පේලියට පසුව එන

}

ආකරයේ වම් සඟල වරහනෙන් අවසන් කිරීමත් සමඟම ප්‍රධාන method එක නිමා වුණා කියන එක compiler එකට පවසනවා. අපි කලින් public class Simple හී සඟල වරහන ආකාරයටම තමයි, නමුත් මෙය අයත් වන්නේ method එකට තමයි.

දැන් අපිට ඉතුරු වෙලා තියෙන්නෙ

System.out.println(“ Java with netbeanstips.blogspot.com”);

කියන කේත කොටසයි. System.out.println ගැන අපි වෙනම මාතෘකාවෙන් කතා කරන නිසා, සරලව කියන්න තියෙන්නේ මෙම කේත පේලිය කරන්නේ ප්‍රතිඵල පණිවිඩය පෙන්වීමයි. පණිවිඩය “ “ උද්දෘත පාට කමා යටතේ “ Java with netbeanstips.blogspot.com‍” සදහන් වෙලා තියෙන එක ප්‍රතිඵලය ලෙස කමා රහිතව පෙන්වීමක් කරනවා. ක්‍රමලේඛනයේදී මෙම උද්දෘත පාට කමා යටතේ තිබෙන්නා වූ අක්ෂරයන්ට String Literal කියලා තමයි කියන්නෙ.

මෙම වැඩසටහනින් කරන්නේ මෙම එක පෙලක වදන් කීපයක් පෙන්වීම පමණයි. නමුත් මේ වැඩසටහ පුරාම තියෙන අනිකුත් කේත ප්‍රතිඵලයේදී පෙන්වන්නේ නැහැ. ඒ වුණාට මේ වදන් පෙල පෙන්වීමට එම කේත අනිවාර්යෙන්ම අවශ්‍ය වෙනවා. මතක තියාගන්න මෙම ක්‍රමලේඛන වැඩසටහනක් යනු අපි විසින් පරිගණකයට දෙන්නා වූ උපදෙස් වලට. ක්‍රමලේඛන භාෂාවෙන් අපට යමක් පෙන්වන ආකාරයේ වැඩසටහන්ක් හදගන්න ඕනේ නම්, ඒ හේතුවට අදාලව අපි ක්‍රමලේඛනය කරන්න ඕනේ.

මෙම කේත පෙල අවසානයේ තියෙන්නේ තිත් කොමාව හෙවත් semicolone එකක්.

;

ජාවා ක්‍රමලේඛනයේදී කේත ප්‍රකාශයක්, Statment එකක් අවසනයේදී ; මෙම semicolone එක පාවිච්චි කරන්නම ඕනේ.

ඒ උනත්

· අදහසක් හෙවත් comment ඒ කියන්නේ // සලකුනෙන් පටන් ගන්නා වැකි වලට ; මගින් අවසානයක් අවශ්‍ය වෙන්නේ නැහැ. මොකද ජාවා compiler එක comment කියවන්නේ නැහැ.

· පෙළ ශිර්ෂ class headers, ක්‍රියා ශිර්ෂ method heders තිත් කොමාව; මගින් අවන් කරන්නෙත් නැහැ. ඒවා අවසන් කරන්න තමයි සඟල වරහන් යොදාගන්නෙ.

· {අතර} තිත් කොමාව ; පාවිච්චි කරන්නේ නැහැ.(විශේෂ අවස්ථාවල හැර, මෙ ගැන ඉදිරියේදි කියාදෙන්නම්)

ඔන්න අදට පළවෙනි පාඩමේ පළවෙනි කොටස අවසන් කරනවා.

දැන් මේ මොනාද, මොකටද කියලා මතක් කරලා බලන්න,

// හා /* */

( )

{ }

“ “

;

ජාවා භාෂාවේ තිබෙන යම් යම් පද සිංහලෙන් ඉගෙන ගන්න ගියාම, සංකීර්ණ වෙන්න පුළුවන්.තේරුම කියාදෙන හින්දා ‍තේරුම දැනගෙනම අදාල ඉංග්‍රිසි වචනයට හුරු වෙන්න. හොදට ජාවා ඉගෙන ගන්න ඒ වචන වල පුරුද්ද අවශ්‍යමයි. මොකද ඒ තමයි ජාවා හෝඩිය

අයේත් පාඩමකින් හමුවෙනකම් ආයුබෝවන්. මතක ඇතිව පාඩම ගැන අදහස් ප්‍රකාශ කරලාම යන්න.

ජාල බෝංචි සමග ජාවා පටන්ගමු. Let's start Java with Netbeans

2012-02-14T00:39:00.000-08:00

ඔන්න එහෙනම් පටන් ගනිමු.

ඔන්න අද ඉදන් එහෙනම් අපේ පාඩම් පෙළ ආරම්භ වෙනවා. ජාවා ක්‍රමලේඛ භාෂාව ගැන දන්නා නොදන්නා,ඉගෙන ගන්න බලාපොරොත්තු වන සියළුදෙනාම වෙනුවෙන්, පටන් ගන්නයි මේ සූදානම.

හැදින්වීම.

ඕනෑම දෙයක් පටන් ගන්න කලින් ඒ පිළිබදව දැනගෙන ඉන්න ඕනනේ. ජාවා කියන්නේ දැනට ලෝකයේ තිබෙන වඩාත් ප්‍රසිද්ධම ක්‍රමලේඛන භාෂාවක්. ජාවා වලට පෙර තිබූ සී ++ හා සී යන ක්‍රමලේඛන භාෂා ඇසුරෙන් එවාට වඩා පහසුවෙන් හැසිරවිය ආකරයට 1991 වසරේදී සන්මයික්‍රෝ සිස්ටම් නැමති සමාගම විසින් නිපදවලා තියෙනවා.

ජාවා භාෂාවේ පියා කියන්නේ මෙන්න
මේ ජෙම්ස් ගොස්ලින්ග් මහත්තයාට තමයි

වර්තමානයේ ජංගම දුරකථන වැඩසටහනේ සිට, අති විශාල මෘදුකාංග දක්වා මෙම ජාවා ක්‍රමලේඛණය භාවිතාවෙන් සිදු කරනවා. සන්මයික්‍රෝ සිස්ටම් ආයතනය ඔරකල් නැමැති ආයතනය හා සම්බන්ධ කිරීමත් සමගම ජාවා ක්‍රමලේඛනයේ වර්තමාන හිමි කරු වන්නේ ඔරකල් සමාගමයි.

ජාවා ක්‍රමලේඛන පාඩම් මාලාව ආරම්භ කිරීමට පෙර ඔබගේ පරිඝණකය ඒ සදහා සූදානම් කරගත යුතු වෙනවා. ඒ සදහා අවැසි ජාවා පද්ධති වර්ධන කට්ටලය හෙවත්, Java SDK ජාවා වර්ධන කට්ටලය හෙවත් JDK නවතම සංස්කරණයන් ජාවා වෙඩ් අඩවියෙන් නොමිලයේ ලබාගන්න පුළුවන්.

අපගේ පාඩම් මාලාව ඉදිරියට කරගෙන යාමට බලාපොරොත්තු වන්නේ NetBeansIDE සහ Eclipse IDE මගින් නිසා අදාල මෘදු කාංග පරිගණකයේ ස්ථාපනය කරගන්නවා නම් වඩාත් ලේසියි.

මොකක්ද මේ IDE කියන්නේ කියලා හිතනවා නම් ඒකට තියෙන පිළිතුර තමයි, Integrated Development Environment පහසුවෙන් ජාවා ක්‍රමලේඛනය කල හැකි පද්ධතියක් සකසන මෘදුකාංගයක් තමයි මේ. මේ අතරන් මම නම් වැඩිපුරම කැමති ජාල බෝංචි හෙවත් NetBeans IDE මෘදුකාංගයට තමයි. ඉදිරයේදි අපි සූර්යග්‍රහණ හෙවත් Eclipse මගින්ද පාඩම් මාලවක් ආරම්භ කිරීමට බලාපොරොත්තු වෙනවා. අද අපි මෙම ජාල බෝංචි හෙවත් අපේ පරිඝණකයේ ස්ථාපනය කරගන්නා ආකරය දැනගනිමු. කොහොමත් අපිට ජාවා පාඩම පටන්ගන්න කලින් මේවා ස්ථාපනය කරගන්නම ඕනේ.

මුලින්ම නවතම ජාවා සංස්කරණය ඔබගේ පරිගණකයේ ස්ථාපනය කරගන්න ඕනේ. මේ සදහා මේ සබැදියෙන් ගිහිල්ලා අදාල ධාවකය බාගෙන ස්ථාපනය කරගන්න.

http://www.java.com/ හෝ http://www.oracle.com/index.html

ඒක කලාට පස්සේ ජාල බෝංචි නිල වෙබ් අඩවියට ගිහිල්ලා අළුත්ම සංස්කරණය බාගන්න. මේ සබැඳියෙන් එතනට යන්න.

http://netbeans.org/

මෙම ධාවකය බාගත්තට පස්සේ, එය ධාවනය කල යුතුවේ. එවිට මෙන්න මේ වගේ තමයි සිදුවෙන්නේ.

ඉන්පසුව ලැබෙනේ මෙම තිරයයි.

මෙතනදී ඔයාලට ඕනේ වර්ගයේ ක්‍රමලේඛන භාෂා හා ජාවා හී විවිධ පැකේජ තොරා ගන්න පුළුවන්. රූපයේ නම් තොරගන්න දෙයක් නැහැ. ඒ මම ඔක්කොම ජාති මගේ පරිගණකයේ ස්ථාපනය කරලා තියෙන නිසා. මෙහිදි පිරිමි පූසා හෙවත් TomCat ,

වීදුරු මාළුවා හෙවත් Glassfish

යන මෘදුකාංග Severe මෘදුකාංග විදියට තියෙන අතර ඉඩ තියෙනවා නම් දෙකම දාගත්ත් ප්‍රශ්නයක්ම නැහැ.

ස්ථාපනය කරගත්තාට පසු අදාල අයිකනය මගින් ජාල බෝංචි මෘදුකාංගය වෙත පිවිසෙන්න පුළුවන්.

පළවෙනි ජාවා පාඩමත් සමගම මෙම ජාල බෝංචි පාවිච්චි කරන විදියත් කියලාම දෙන්නම්කො. මේ ටික ස්ථාපනය කරගෙන ඉක්මනටම අපි ජාවා මූලිකාංග පාඩම් මාලාව ආරම්භ කරමු. එතෙක් ආයුබෝවන්.

ප.ලි. අවුලක් වුනොත් කියන්න හොදේ?