PSdeG-PSOE Arteixo

VISITA A NOSA NOVA WEB

2020-10-01T00:00:00.001+02:00

VISITA A NOSA NOVA WEB FACENDO CLIC AQUÍ

O PSdeG pregunta no Parlamento galego polo novo colexio de Arteixo

2020-09-09T16:02:00.000+02:00

Os deputados socialistas recordan que o número de alumnos por aula no Ponte dos Brozos é “insoportable”, situación que empeora coa pandemia da Covid-19

Os socialistas queren coñecer os avances concretos sobre un centro que se anunciou no 2017

Os deputados socialistas, a iniciativa de Martín Seco, teñen presentado unha pregunta no Parlamento galego para coñecer os avances concretos sobre o novo colexio, anunciado pola Consellería de Educación e o Concello de Arteixo no 2017. Ambas entidades fixeron público a través de medios de comunicación que o novo centro contaría con 450 prazas e que sería o Concello o encargado de entregar no 2019 os terreos á Xunta para a súa construción. “Desde entón, non tivemos máis información a pesar de que o grupo municipal do PSdeG a solicitase en varias ocasións ao Goberno de Arteixo”.

O municipio é un dos concellos galegos con máis crecemento demográfico e conta cun dos colexios “máis saturados” e con máis alumnos de toda Galicia, o CEIP Ponte dos Brozos, con un número de estudantes por aula “insoportables”, ata o punto de ter acondicionado aulas en “espazos que deberían de ter outra utilidade”.

Esta situación empeora coa epidemia da Covid-19 e a necesidade de adaptar as aulas a “un menor ratio de alumnos, sen que a Consellería de Educación e o Concello de Arteixo desen unha solución a unha problemática da que son coñecedores hai máis de cinco anos”.

Desde o 2016 o PSdeG leva solicitándolle ao Concello de Arteixo e á Xunta de Galicia a construción de novas infraestruturas educativas. O colapso nos colexios do concello xa está a chegar aos IES, que contan cada vez con máis alumnos polo mero avance demográfico de Arteixo.

No último pleno municipal, o grupo socialista interesouse polos avances do novo colexio, ademais de preguntar se esta infraestrutura educativa serviría para solucionar o desbordamento dos centros de Infantil e Primaria, ou tamén, para cubrir a sobrecarga que sofre o IES.

Os socialistas apoian aos hostaleiros de Arteixo e esixen ao Goberno local que convoque a Mesa de Reactivación da Economía Local

2020-09-03T12:26:00.001+02:00

O PSdeG solicita por rexistro a convocatoria deste foro como reforzo
ás peticións do CCA

O grupo municipal levará unha moción ao próximo pleno para que “de unha vez por todas” se aprobe a ordenanza de terrazas

Os socialistas de Arteixo apoian as reivindicacións do sector hostaleiro e levarán a cabo varias iniciativas como reforzo das súas esixencias ao Goberno local. En primeiro lugar, o PSdeG solicitará por rexistro que se convoque a Mesa de Reactivación da Economía Local na que están presentes representantes do CCA e membros da corporación.

No próximo pleno, o grupo municipal levará unha moción na que esixirán que “de unha vez por todas” o Goberno local aprobe a ordenanza de terrazas. A falta desta norma provoca inseguridade no sector, e o PP ten sido incapaz “de aprobar un texto en anos”.

Conscientes da situación tan crítica pola que está a atravesar o sector hostaleiro de Arteixo, os socialistas propuxeron no pasado pleno a exención da taxa de recollida de residuos urbanos para os negocios que tiveron que cerrar durante o estado de alarma. A proposta foi rexeitada polo Goberno local que tamén se negou a convocar a Comisión de Seguimento da Covid.

“Os socialistas seguiremos a propoñer medidas que beneficien ás pemes e ao comercio local do concello, sobre todo nestes momentos. Apoiamos as reclamacións dos hostaleiros porque ademais de xustas, son moi necesarias para garantir a supervivencia do sector”, subliña o voceiro socialista, Simón López.

O PP VOTA EN CONTRA DA EXENCIÓN DA TAXA DE RECOLLIDA DE LIXO PARA OS NEGOCIOS QUE TIVERON QUE PECHAR NO ESTADO DE ALARMA

2020-08-27T13:31:00.000+02:00

O Goberno local négase a convocar a Comisión de Seguimento do Coronavirus a pesar do voto favorable de todos os partidos da oposición

Coa intención de protexer e axudar aos negocios do municipio o PSdeG propuxo no pleno de hoxe a exención da taxa pola recollida do lixo para este sector, correspondente ao tempo do estado de alarma, no cal a súa xeración de residuos foi nula. Unha iniciativa bloqueada polo Goberno do PP, que alegou que xa existe unha liña de axudas para autónomos. Non obstante, nunha sesión anterior aprobouse a bonificación da taxa correspondente ás terrazas, co cal o argumento queda invalidado por si mesmo. “Sorprende a incoherencia do Goberno local e a súa falta de compromiso cos autónomos e Pemes de Arteixo”, lamentan os socialistas.

Ante a evolución da COVID-19 (hoxe superouse a barreira dos 100 hospitalizados en Galicia), o Grupo Municipal Socialista solicitou que se convocara de maneira urxente a Comisión de Seguimento do Coronavirus, coa intención de estar informados e poder contribuír na contención da pandemia no concello. O alcalde, Carlos Calvelo, mostrouse contrario a informar aos grupos da oposición a través deste órgano alegando que xa non hai estado de alarma. Engadiu que esta Comisión suporía un gasto para o erario público, xa que os concelleiros e concelleiras participantes cobrarían 200€ en concepto de dietas. “Un dato que é completamente falso. Nunca se cobrou pola asistencia a esta comisión, xa que ten un certo carácter informal e o que se busca con ela e que todos os membros da corporación estean informados ante unha crise sanitaria sen precedentes”, expón o portavoz socialista, Simón López.

Nesta liña, “é canto menos chocante”, que Calvelo mencione “un pago por dietas inexistente”, cando a orde do día do pleno de hoxe “só incluía as mocións e rogos dos grupos da oposición, así como dúas mocións xenéricas do PP, unha delas debatida por terceira vez. Esta é a única aportación do equipo de Goberno a este pleno, con doce concelleiros e sete asesores a soldo dos cartos de tod@s”.

OS SOCIALISTAS SOLICITARÁN QUE SE INICIE CANTO ANTES O TRASLADO DA FONTE DO ABADE

2020-08-26T10:05:00.000+02:00

O Concello firmou en 2018 un convenio urbanístico con esta finalidade sen que pareza que teña habido avances nesta petición veciñal

A veciñanza da parroquia de Oseiro leva anos pedindo o traslado da Fonte do Abade. En 2018, o Concello firmou un convenio urbanístico con esta finalidade no que se incluía a creación dunha pequena zona pública. Os socialistas inciden en que “na súa actual situación é perigosa tanto para os vehículos como para as persoas que queiran achegarse a ela, e o seu estado de conservación non é bo”.

Dado que xa pasaron dous anos de aquela rúbrica, o grupo municipal socialista quere saber en que estado de execución se atopa a citada obra e, ademais, leva un rogo ao pleno de agosto, para que o Goberno local inicie o seu traslado antes de que remate este ano.

Por outra banda, os socialistas inquirirán na mesma sesión plenaria sobre a situación na que se atopa unha parcela destinada a ampliar o paseo fluvial. Dita finca atópase na travesía de Arteixo, nunha zona cualificada como Solo Urbano Residencial e Terciario en Edificación Aberta (URTA). Nas normas urbanísticas “resérvase toda a marxe do río existente para terreos de propiedade pública”, non obstante, no Catastro a citada parcela “non aparece segregada, e a zona que debería ser de propiedade de todos e todas, do Concello, non parece diferenciarse da parcela do edificio onde está o Eroski”.

Os socialistas preguntarán no pleno se o Concello consta no Rexistro da Propiedade como titular da zona VF (Paseo Fluvial) e, polo tanto, se a promotora cedeuna, como tiña a obrigación. “No caso de non ser así, que responsabilidades se lle esixiron?”, cuestiona o grupo municipal do PSdeG.

O PSOE PREGUNTARÁ POLO NOVO COLEXIO “ANTE O ELEVADO NÚMERO DE ALUMNOS POR AULA E O AUMENTO DE MATRÍCULAS”

2020-08-25T11:40:00.001+02:00

Os socialistas interesaranse no pleno de Arteixo polos atrasos dos recibidos da recollida do lixo e do servizo da auga

“A toda a corporación preocúpanos o elevado número de alumnos por aula e o aumento de matrículas nos nosos colexios”. Sobre todo nos momentos actuais, a construción dun novo centro educativo en Arteixo “precisa dunha maior premura”, aseguran os socialistas. Por elo, o grupo municipal preguntará ao Goberno local no pleno deste mes por varias cuestións, comezando por se xa teñen decidida a súa localización ou se hai data para o seu inicio.

Engaden que tipo de centro se vai construír e se dará solución “unicamente ao desbordamento dos centros de infantil e primaria ou tamén se prevé que poida cubrir a sobrecarga que sofre o instituto?”.

Outra das cuestións que levarán os socialistas ao pleno deste xoves ten que ver coa situación “lamentable” do envío dos recibos da recollida de residuos e do servizo de augas. Explican no seu escrito que no caso dos da recollida de residuos sólidos urbanos, o Concello “está a cobrar o primeiro semestre do ano 2019 e, aprobado padrón –pendente de cobro- do último semestre do 2019”. No caso do servizo municipal de augas, “está aprobado e cobrado o cuarto trimestre do 2019”, e aprobado no BOP de hoxe, 25 de agosto, o padrón do primeiro trimestre.

Esta situación supón un prexuízo para comerciantes e empresas de Arteixo. “A actual normativa sobre o IVE indica que para que estas empresas poidan deducir o gasto, deben dispoñer da correspondente factura”.

Por outra banda, o Marco Conceptual do Plan Xeral Contable das empresas inclúe o principio de devengo, “unha norma contable que establece que as transaccións ou feitos económicos se deben rexistrar no momento en que ocorren, con independencia da data do seu pago ou cobro”, explican os socialistas. Engaden que o regulamento de facturación “é moi estrito cos prazos que deben cumprir as empresas. O Concello debe actuar coa mesma celeridade, contratando o persoal necesario, formándoo, e dándolle todos os medios materiais precisos” para que se poñan ao día os padróns fiscais.

OS SOCIALISTAS RECLAMAN Á EXENCIÓN DA TAXA DO LIXO PARA OS NEGOCIOS QUE TIVERON QUE PECHAR DURANTE O ESTADO DE ALARMA

2020-08-21T11:19:00.001+02:00

O grupo municipal preguntará no próximo pleno sobre as medidas de limpeza e desinfección nos centros educativos e como será o protocolo

Ante a evolución da pandemia, solicitarán que se convoque de maneira urxente a Comisión de Seguemento do Coronavirus

O grupo municipal socialista levará ao próximo pleno de Arteixo diferentes iniciativas relativas ao coronavirus como a exención da taxa da recollida do lixo para os negocios do municipio. Coa intención de axudar aos autónomos e pequenas empresas, os socialistas reclamarán a bonificación deste imposto para aqueles negocios que tiveron que pechar durante o estado de alarma.

“Durante ese tempo, a súa xeración de residuos sólidos urbanos foi, na práctica, nula”, expoñen desde a formación. Por elo, e posto que moitas pemes están nunha situación complicada, o grupo socialista considera que “o xusto” é que non teñan que aboar a devandita taxa.

Nunhas semanas terá lugar a volta a clase de toda a comunidade educativa. “Somos conscientes do importante papel que, para que esta volta sexa segura, van desempeñar os servizos municipais de limpeza” e recordan que será necesario aplicar medidas moi estritas que aumentará a carga laboral de dito persoal.

Por elo, os socialistas preguntarán sobre o protocolo de limpeza que se vai aplicar nos centros educativos; se as instalacións cuxa limpeza depende do Concello están desinfectadas a día de hoxe e se está previsto un aumento de persoal para garantir que se pode levar a cabo correctamente dito protocolo.

Coa intención de estar informados e poder contribuír e colaborar na contención da pandemia, os socialistas solicitarán a convocatoria urxente da Comisión de Seguemento do Coronavirus, ante a situación actual -cando menos preocupante- na comarca da Coruña, co aumento de casos que afecta directamente a Arteixo. O grupo municipal recorda que en maio, a través desta comisión, se daba información puntual aos grupos da corporación que tamén podían participar da toma de decisión. Dada a evolución da pandemia, os socialistas consideran que é urxente contar con este órgano xa que o Concello ten importantes responsabilidades na loita contra o espallamento do virus.

Solicitamos a convocatoria da Comisión Municipal de Seguemento do Coronavirus

2020-08-17T18:25:00.002+02:00

Ante o preocupante aumento de casos de Coronavirus na provincia de A Coruña, os cales afectan directamente a Arteixo debido ás interrelacións existentes a nivel social, e polos que nos encontramos fondamente preocupados, dende o Partido Socialista acabamos de solicitar ao Goberno Municipal que se reanuden as actividades da Comisión Municipal de Seguemento do Coronavirus, sen actividade dende o pasado mes de maio.

Simón López será o voceiro do grupo municipal do PSdeG-PSOE en Arteixo

2020-08-07T12:32:00.000+02:00

O actual secretario xeral asumirá esta responsabilidade dunha maneira “máis coral”, tal e como se ten acordado na agrupación

O actual secretario xeral do PSdeG-PSOE en Arteixo, Simón López, será o voceiro do grupo municipal socialista. López toma o relevo a Martín Seco, despois de que renunciara a súa acta de concelleiro
–seguindo os estatutos do partido- para emprender unha nova etapa política no Parlamento galego.

López estudou Ciencias Empresariais na UDC e na actualidade compaxina o seu traballo na empresa familiar coas labores de edil no Concello de Arteixo dende xuño de 2019, e de secretario xeral na agrupación socialista dende febreiro de 2018.

O socialista explica que realizará as funcións de voceiro dunha maneira “máis coral” do que viña sendo habitual, tal e como se ten acordado nos órganos de decisión da agrupación arteixá.

Dende o PSdeG-PSOE de Arteixo queren agradecer a Martín Seco o traballo desenvolto estes anos no municipio e deséxanlle a mellor das sortes nesta nova etapa política.

O PLENO ESIXE Á XUNTA QUE RETIRE E CONSENSÚE UN NOVO PROTOCOLO DA COVID PARA OS CENTROS ESCOLARES A PETICIÓN DO PSOE

2020-07-30T13:20:00.001+02:00

·Os socialistas apoian a gratuidade da escola infantil para os segundos fillos das familias do municipio

·O grupo socialista recorda que o “Goberno permite aos Concellos con remanentes de tesourería investir máis en coidados, mobilidade, desenvolvemento sostible e cultura”

A corporación de Arteixo aprobou hoxe por unanimidade a moción presentada polo grupo municipal socialista na que se esixe á Xunta a retirada do Protocolo de Adaptación dos centros escolares ao contexto da Covid-19 e consensúe un novo coa familias e o resto da comunidade educativa. Na mesma, se pide á Consellería de Educación a inversión suficiente en recursos humanos e materiais para asegurar a necesaria seguridade física e psicolóxica do alumnado e profesorado. Pedir á consellería a creación dun departamento de inspección, coordinación e asesoramento de centros ao igual que o hai para a Consellería de Política Social. O texto foi aprobado despois de que os socialistas aceptasen as suxestións do PP e do BNG.

Durante a sesión plenaria de hoxe, o grupo municipal do PSdeG votou a favor da modificación da ordenanza fiscal reguladora do prezo público pola prestación do servizo da escola infantil, o que supón a gratuidade para os segundos fillos. O grupo socialista tamén apoiou o punto relativo ás subvencións a entidades locais mediante concorrencia competitiva para actividades e equipamentos culturais.

Respecto a moción presentada polo PP para instar ao Goberno de España a non apropiarse dos fondos municipais, o grupo municipal socialista recordoulles aos concelleiros conservadores que “o Goberno non se incauta do diñeiro dos Concellos. O Goberno finánciase sen problemas e a taxas negativas e non precisa o remanente de tesourería dos Concellos. O que fai o Goberno é permitir aos Concellos con remanentes de tesourería investir máis en coidados, mobilidade, desenvolvemento sostible e cultura”.

Os socialistas abstivéronse na presentada polo concelleiro non adscrito na que solicitaba que se arranxen os defectos estruturais das obras de urbanización da rúa Maizales, en Vilarrodís. Os concelleiros socialistas solicitaron ao Goberno local que “solucione o antes posible” estas deficiencias. “Os veciños teñen todo o dereito do mundo a non sufrir os desfalcos urbanísticos do Goberno de Manuel Pose”.

O PSOE ESIXE QUE A XUNTA RETIRE O PROTOCOLO DA COVID PARA OS CENTROS ESCOLARES E CONSENSÚE UN NOVO

2020-07-29T16:48:00.002+02:00

Os socialistas levan unha moción ao pleno de Arteixo na que solicitan que o Goberno galego dialogue coas familias e o resto da comunidade educativa, ademais de dotar de persoal e recursos suficientes para garantir a seguridade física e psicolóxica do alumnado e profesorado

O grupo municipal socialista levará ao pleno de Arteixo unha moción na que esixe á Xunta que retire o actual Protocolo de Adaptación dos centros escolares ao contexto da Covid-19 e consensúe un novo coa familias e o resto da comunidade educativa. Os socialistas explican que o texto autonómico non se deu a coñecer antes do 16 de xullo por motivos “claramente electorais” e que “non muda nada para non ter que investir nin un céntimo”, limitándose a establecer normas sanitarias de ocupación de espazos. Ademais, o protocolo repite o “erro do terceiro trimestre pasado” ao deixar en mas das direccións dos centros “a responsabilidade da organización”.

Máis en concreto, o grupo municipal socialista detecta as seguintes fallas no protocolo: esixen un metro de separación nas aulas, que é “absolutamente insuficiente”, de feito, no propio documento se establece esta separación en clase e de 1,5 na sala de profesores.

É “irresponsable” que a estratexia sanitaria dependa da autodiagnose de alumnado e familias. A Xunta converte os centros escolares en “prisións ateigadas de normas de funcionamiento” nuns espazos e noutros permte o “seu ateigamente”, por exemplo na ocupación dos baños, no primeiro, e o no transporte, no segundo caso. “O que non supón un custo económico é rotundamente estrito, no que suporía máis gasto, a consellería permitirá todas as excepcións posibles”.

A limpeza debe corresponder a profesionais. Non se pode admitir que sexa o allumnado quen se encargue dos labores de hixiene, “non porque non deban aprender a facelo, senón porque a súa inexperiencia faraos ser ineficaces.

Non se menciona a atención á diversidade, “fálase algo do alumnado con necesidades especiais –só como persoas con dificultades para manter a hixiene persoal- pero obviase calquera circunstancia que non responda ao estándar que a consellería ten fixado”.

Descoñécese como se vai asegurar a atención permanente ao alumnado no caso de que un estudante non poida asisten a clase durante un período indeterminado, ou no caso de hipotético peche das instalacións. A fenda dixital segue a estar aí.

Non hai unha previsión sobre os custes económicos das medidas sanitarias, para as familias nin para os propios centros educativos. “Demandamos que a consellería asuma a totalidade dos gastos producidos para toda a comunidade educativa”.

Para os socialistas é fundamental que as familias estean presentes na organización da volta ás aulas e a Xunta ten que asumir a responsabilidade directa do que se decida e asegurar un cumprimento igual en toda Galicia. Ademais, a Consellería de Educación “ten que asumir que incrementar a distancia de separación entre o alumnado implica unha diminución de rateos e a necesidade de contratar máis persoal”. Tense que garantir que os centros escolares manteñan un clima de convivencia pacífica, cordial e saudable, combinando as necesidades sanitarias cun modelo de xestión axeitado para que o alumnado se sinta implicado e seguro, e que as familias e docentes teñan un grado de seguridade razoable. É fundamental que este protocolo consiga un nivel óptimo de implementación e consenso coa comunidade educativa.

Tendo en conta todo isto, o socialistas de Arteixo solicitan o respaldo do pleno para que o Concello inste á Xunta de Galicia a retirar o actual protocolo e consensúe un novo coa comunidade educativa. Esixir á Consellería de Educación a inversión suficiente en recursos humanos e materiais para asegurar a necesaria seguridade física e psicolóxica do alumnado e profesorado. Pedir á consellería a creación dun departamento de inspección, coordinación e asesoramento de centros ao igual que o hai para a Consellería de Política Social.

O PSdeG DENUNCIA A DESIDIA DO CONCELLO DE ARTEIXO CO INGRESO MÍNIMO VITAL

2020-07-17T15:52:00.000+02:00

“Mentres Concellos como A Coruña ou Cambre xa teñen tomado medidas para axudar a súa veciñanza, en Servizos Sociais de Arteixo non dan ningún tipo de información e derivan ás persoas ao INSS”

O grupo municipal preguntará no próximo pleno sobre o IMV, despois de recibir múltiples queixas de familias solicitantes

Os socialistas denuncian “a desidia” do Concello de Arteixo á hora de axudar á veciñanza coa tramitación do Ingreso Mínimo Vital. “Nestes días lemos nos medios de comunicación como outros Concellos como A Coruña ou Cambre xa teñen tomado medidas para axudar a súa veciñanza, mentres o Goberno local de Arteixo non da ningún tipo de información e deixa a súa sorte ás familias usuarias e deriva ás persoas ao INSS”.

Pero as queixas que teñen trasladado usuarias e usuarios de Servizos Sociais van máis alá: as citas previas alárganse demasiado no tempo, a entrega dos certificados necesarios é moi lenta, sen contar que, moitas persoas non teñen medios telemáticos. Subliñan desde a formación socialista.

A propia concelleira de Servizos Sociais asegurou á prensa que practicamente se teñen duplicado as solicitudes de axuda a raíz da crise do coronavirus. Ademais de ser moitas familias as prexudicadas, a problemática é dobre posto que, a falta de compromiso do departamento que dirixe Inés Ramos implica que poidan perder o IMV ao que teñen dereito con carácter retroactivo desde xuño, sempre que se solicite antes do 15 de setembro.

Recorda o grupo municipal do PSdeG-PSOE que no pleno de xuño aprobouse unha moción para solicitar información ao Estado sobre o Ingreso Mínimo Vital, que recentemente ten aprobado o Goberno presidido por Pedro Sánchez. Nesa sesión, expuxemos a facilidade da tramitación ao ser multicanal, e, agora, podemos ver como municipios da contorna xa teñen firmado acordos coa Seguridade Social para reducir os trámites administrativos.

“É unha cuestión de voluntariedade”, afirman desde o grupo socialista. Expoñen que no próximo pleno preguntarán ao Goberno local que pasos ten dado para axudar á veciñanza a xestionar as solicitudes do IMV; se xa teñen un acordo coa Seguridade Social para reducir os trámites administrativos, máxime cando “a maioría da cidadanía non ten a Chave ou o certificado dixital”.

“É fundamental que a Concellaría de Servizos Sociais se involucre e comprometa para que a veciñanza teña garantidos todos os recursos e ningunha persoa quede desamparada”, conclúen desde o grupo municipal socialista.

Zapatero: “Hai presidente: Gonzalo Caballero”

2020-07-06T11:53:00.000+02:00

José Luis Rodríguez Zapatero estivo en Arteixo para apoiar ao candidato do PSdeG-PSOE á Xunta de Galicia, Gonzalo Caballero. O expresidente do Goberno de España deixou claro que hai alternativa e “hai presidente: Gonzalo Caballero”.

Xunto a Rodríguez Zapatero interviñeron Valentín González Formoso, Inés Rey e Martín Seco, así como o propio Gonzalo Caballero que incidiu na importancia de que Galicia conte cun Goberno progresista a partir do 12 de xullo.

Rodríguez Zapatero e Gonzalo Caballero, en Arteixo

2020-06-29T10:41:00.000+02:00

O expresidente estará co candidato socialista o próximo venres 3 de xullo no CAMPO DA FESTA ás 20.00 horas

Mitin do PSdeG-PSOE en Arteixo. O expresidente do Goberno José Luis Rodríguez Zapatero apoiará ao candidato socialista á Xunta de Galicia, Gonzalo Caballero. A cita será o próximo venres 3 de xullo no Campo da Festa, ás 20.00 horas. O acto estaba previsto que se celebrase no anfiteatro do paseo fluvial, pero por cuestións de aforo, decidiuse trasladalo ao Campo da Feira.

A cita será o próximo venres 3 de xullo no Campo da Festa de Arteixo, anfiteatro do paseo fluvial de Arteixo ás 20.00 horas.

Baixo o lema “A hora do cambio”, Gonzalo Caballero e Rodríguez Zapatero exporán o proxecto que o PSdeG-PSOE ten para Galicia e a importancia de que a partir do 12 de xullo haxa un goberno progresista na Xunta.

Os socialistas recordan que é fundamental manter todas as medidas sanitarias durante o acto: distancia social e uso de máscara.

A corporación aproba as mocións do PSdeG-PSOE relativas a melloras en educación

2020-06-25T16:42:00.000+02:00

Os socialistas propoñen un plan para reducir a fenda dixital e reclaman unha serie de actuacións para garantir “unha educación de calidade nuns espazos de convivencia axeitados”

O PSOE vota a favor de eliminar as taxas das terrazas e do feirón durante este ano

A corporación de Arteixo apoiou no pleno as dúas propostas do grupo local do PSdeG-PSOE para melloras en educación. Os socialistas defenderon un Plan para Reducir a Fenda Dixital e de Aprendizaxe, así como esixir á Xunta as inversións necesarias no concello para cumprir coas ratios e distancia social establecidas polo Ministerio de Educación.

Deste xeito, o Concello de Arteixo instará á Xunta para levar a cabo un Plan para Reducir a Fenda Dixital e de Aprendizaxe. Os socialistas defenderon na súa moción que dito plan garantiría a equidade e calidade do sistema educativo, para elo, debería incluír, entre outros aspectos, o deseño e posta en marcha de programas educativos de radio e/ou TV que dean cobertura ao alumnado sen ordenador nin conexión. Acordos coas empresas de telecomunicacións e coa UNED para reducir ao máximo o custe de acceso aos recursos educativos online. Traballar en colaboración co Ministerio de Asuntos Económicos e Transformación Dixital para que o Programa de Extensión de Banda Ancha de Nova Xeración (PEGA-NGA) que prevé axudas para as zonas onde non hai cobertura se implemente canto antes, propiciando que o 100% da poboación de España teña acceso a internet, entre outras propostas.

Do mesmo xeito, exixirá á Xunta as inversións necesarias no concello para cumprir coas ratios e distancia social establecidas polo Ministerio de Educación, e garantir “unha educación de calidade nuns espazos de convivencia axeitados”. Os socialistas de Arteixo levan anos denunciando “a masificación dos centros educativos do concello e a falta de inversión da Consellería de Educación para dotalos de infraestruturas, persoal e mantemento”. As ratios de alumnos de moitos centros educativos arteixáns é moi elevada e a saturación dos espazos é excesiva, ao que hai que sumar “a falta de efectivos entre persoal de apoio e especialistas que limita a capacidade de levar a cabo unha boa xestión daqueles alumnos con máis problemas lectivos”.

Respecto ás propostas do Goberno local, os socialistas mostráronse a favor das modificacións das ordenanzas relativas ás taxas de terrazas e do feirón, a través das cales se elimina este imposto durante o presente ano (do 1 de xaneiro ao 31 de decembro de 2020). “Estaremos a favor de todo o que sexa axudar aos autónomos e pemes”, subliñou o concelleiro Simón López.

A corporación arteixá tamén debateu varias mocións levadas polos diferentes grupos, entre a que se atopaba unha do PP para Instar ao Goberno de España a proporcionar información sobre o Ingreso Mínimo Vital. Os socialistas abstivéronse neste punto e recalcaron a “importancia que ten aprobar o IMV” e recordaron que a Covid propiciou a súa tramitación por vía de urxencia, “haberá marxe de mellora nos próximos meses coa tramitación da lei”, os socialistas incidiron en que a súa tramitación é moi “sinxela ao ser unha solicitude multicanal e, neste caso, os concellos só teñen que asesorar” ás persoas solicitantes.

O grupo municipal socialista tamén votou a favor da moción do BNG relativa á municipalización do servizo de axuda no fogar. Os socialistas mostraron o seu apoio a todas as reivindicacións do persoal.

Os socialistas esixen á Xunta inversións nas escolas e a construción de novos centros educativos en Arteixo

2020-06-17T14:55:00.001+02:00

O grupo municipal leva unha moción ao pleno de xuño na que denuncia a saturación dos colexiose institutos do municipio e reclaman que a Consellería de Educación tome medidas para respectar asnovas ratios

O grupo municipal do PSdeG-PSOE de Arteixo levará ao próximo pleno ordinario de xuño unha moción para exixir á Xunta as inversións necesarias no concello para cumprir coas ratios e distancia social establecidas polo Ministerio de Educación, e garantir “unha educación de calidade nuns espazos de convivencia axeitados”. Os socialistas de Arteixo levan anos denunciando “a masificación dos centros educativos do concello e a falta de inversión da Consellería de Educación para dotalos de infraestruturas, persoal e mantemento”. As ratios de alumnos de moitos centros educativos arteixáns é moi elevada e a saturación dos espazos é excesiva, ao que hai que sumar “a falta de efectivos entre persoal de apoio e especialistas que limita a capacidade de levar a cabo unha boa xestión daqueles alumnos con máis problemas lectivos”.

Para “paliar a falta absoluta de compromiso e atención da Consellería de Educación”, o Concello de Arteixo leva a cabo “importantes inversións en obras e dotación tecnolóxica” nos centros educativos do municipio con contías de “dubidosa legalidade, segundo os propios informes de Intervención”, posto que sería unha inxerencia en competencias exclusivas do Goberno autonómico.

Coa aparición do Covid-19, o Ministerio de Educación establece unhas ratios de alumnos máis pequenos e unas instalación máis amplas para facer efectiva a distancia social que evite os contaxios, “algo que será imposible de efectuar en moitos centros educativos do noso concello, se a Xunta non toma medidas”, subliñan desde o PSOE arteixán.

Por elo, os socialistas instan á corporación a exixir ao Goberno galego a construción inmediata de novos centros de Educación Infantil e Primaria e de Educación Secundaria e Bacharelato, “necesarios nun concello coa saturación xa existentes”.

Ademais, o grupo municipal reclama a apertura en condicións de seguridade das Escolas Infantís que “posibiliten a conciliación. Recordan os socialistas que o responsable único da xestión da pandemia na actualidade é a Xunta, que decide as normas de desescalada como a apertura de parques infantís ou locais de hostalería ata o 75% de aforo, anunciase a celebración de verbenas…, pero “as Escolas Infantís e os centros de día seguen a estar pechados, imposibilitando a conciliación de moitas familias que non teñen recursos para poder traballar e coidar de menores e maiores ao seu cargo”, lamentan os socialistas.

Na súa moción, os socialistas propoñen que os técnicos da Concellería de Educación elaboren un informe da situación das necesidades nas infraestruturas educativas en Arteixo para o comezo do curso 2020-21 e as posibles alternativas que se poderían ofertar desde o Concello á Consellería de Educación para “garantir os espazos necesarios e as ratios axeitadas para o alumnado e profesorado na nova normalidade”.

O PSOE de Arteixo solicita ao Goberno que restaure o Muíño do Rañal dentro da ampliación do paseo fluvial

2020-06-15T15:59:00.000+02:00

O grupo local abandona a sesión plenaria despois de que o PP se negara a aprazar 10 días un asunto de urxencia do que os e as concelleiras socialistas descoñecían a documentación

A corporación arteixá celebrou hoxe unha sesión plenaria extraordinaria na que o grupo socialista votou a favor da expropiación para a ampliación do paseo fluvial de Arteixo desde o polígono de Sabón ata O Rañal. Co obxectivo de conservar o patrimonio cultural e etnográfico do municipio, o PSdeG-PSOE solicitou ao Goberno local que inclúa a restauración do Muíño do Rañal neste proxecto, ademais de arranxar o actual paseo fluvial e realizar as obras necesarias para acabar cos vertidos de augas residuais. Os socialistas instaron tamén ao Goberno a que tivese en conta a todas as formacións políticas para levar a cabo esta actuación.

Respecto ao Proxecto de Expropiación Urbanística polo Sistema de Taxación Conxunta, para a Execución de Planeamento para a Mellora de Interseccións na Travesía de Pastoriza co paseo de Santuario e a rúa Igrexario, o grupo municipal incidiu en que se trata dunha actuación “moi necesaria polo perigo dos cruces”. Non obstante, durante a sesión plenaria expuxéronse algunhas dúbidas co sistema e as contías a pagar aos propietarios, motivo polo que as e os socialistas se abstiveron e exixiron ao Goberno local a máxima garantía e transparencia no proceso de expropiación.

Como asuntos de urxencia, o Goberno incluíu unha modificación do proxecto para a construción da piscina de Meicende, cuxa información subiron a Drive sen avisar aos grupos da oposición. Dada a actual situación de excepcionalidade na que se celebran os plenos, as distintas formacións políticas solicitaron que se retirase este punto da orde do día para o seu estudo e dado que en 10 días terá lugar a sesión ordinaria. O Goberno do PP negouse a aprazar á sesión do 25 de xuño esta modificación, polo que as e os concelleiros socialistas decidiron abandonar o pleno, como protesta polo que consideran unha “falta de respecto” á labor da oposición. Recordan desde o PSdeG-PSOE que sería unha “irresponsabilidade e unha temeridade” votar algo sen ter lida a documentación.

O PSdeG-PSOE de Arteixo esíxelle ao goberno da Xunta de Galicia a continuidade dos servizos que ofrece o consultorio de Meicende, como a pediatría e a ampliación do seu horario actual

2020-06-11T10:47:00.000+02:00

Martín Seco: “Dende a apertura do Centro Médico de Vilarrodís, todos observamos como o goberno de Feijóo quere ir baleirando de contido o consultorio de Meicende e moito nos tememos que o interese final da Xunta de Galicia é o seu peche, para desprazar tódolos seus servizos a esta nova instalación, os socialistas de Arteixo queremos un compromiso claro da Consellería para garantir a continuidade desta instalación e a ampliación dos seus servizos”

Son moitas as actuacións levadas a cabo pola Consellería de Sanidade con respecto ao consultorio de Meicende que indican o interese deste organismo por ir baleirando de contido o consultorio e derivando os servizos que ofrece aos veciños cara o Centro Médico de Vilarrodís, a derradeira alarma xurde coas novas que din que dito consultorio deixará de ter o servizo de pediatría para derivalo cara as instalacións de Vilarrodís.

Dende o Grupo Municipal do PSdeG-PSOE de Arteixo observamos como a Xunta de Galicia, dun xeito sibilino, quere camiñar cara o peche de dito consultorio, nun recorte máis de servizos da nosa sanidade pública ao que xa nos ten acostumados co goberno de Feijóo, comézase por quitarlle usuarios a dito consultorio, deixar sen mantemento as instalacións e ir quitándolle servizos, ata o seu peche definitivo. Os socialistas de Arteixo queremos que a Consellería de Sanidade garanta a continuidade de dito consultorio, a súa modernización, os seus servizos e a ampliación dos horarios de atención.

O PSdeG-PSOE preguntará por esta situación e esixirá a continuidade de dito consultorio no Parlamento de Galicia. Ademais o Grupo Municipal Socialista levará unha iniciativa plenaria ao Concello de Arteixo para que a unanimidade dos grupos políticos da corporación lle digan claramente á Consellería de Sanidade que dito servizo é imprescindible para a nosa cidadanía.

Moción en relación coa creación dun Plan para reducir a fenda dixital e de aprendizaxe

2020-06-05T16:15:00.002+02:00

EXPOSICIÓN DE MOTIVOS

O confinamento por COVID19 e a pechadura de escolas puxo a proba a capacidade de resposta do noso sistema educativo. Trátase dunha situación excepcional e mundial que afecta a máis de 1.370 millóns de alumnos segundo a Unesco. En España, a pechadura de escolas e o confinamento de millóns de alumnos e alumnas nos seus fogares esíxenos unha resposta compartida entre o Estado e as Comunidades Autónomas para manter en funcionamento o servizo público educativo en igualdade de oportunidades para todo o noso alumnado.

O sistema educativo ten o deber e a necesidade de garantir a igualdade de oportunidades de todo o alumnado, así como a equidade e a calidade educativa e facer así efectiva a posibilidade de que cada alumno ou alumna desenvolva o máximo das súas potencialidades.

A fenda dixital de acceso entre a infancia e adolescencia vulnerable é unha realidade, o 14% dos fogares con menores non teñen ordenador ou portátil, esa cifra elévase ata alcanzar o 30% en fogares de familias pobres. O 5,3% de fogares con menores non contan con internet, elevándose ao 13,6% nos fogares con menos recursos (Fonte: ECV-2018). A fenda dixital, convértese en fenda social, limitando a aprendizaxe do noso alumnado e xerando que a tecnoloxía sexa un elemento de exclusión e non de inclusión social.

Doutra banda, ademais da fenda dixital de acceso, está tamén a fenda de aprendizaxe, a cal provoca perda cognitiva e atraso que se acumula: a evidencia experta mostra que os períodos prolongados de "desconexión escolar", como poden ser as vacacións de verán, xeran unha perda de coñecementos e aprendizaxes que agrava a fenda cognitiva entre alumnado favorecido e alumnado socialmente desfavorecido (Berliner, 2009; Alexander et a o., 2007).

A alfabetización dixital convértese así en elemento imprescindible para reducir a fenda dixital, social e de aprendizaxe como un "sofisticado repertorio de competencias que impregnan o lugar de traballo, a comunidade e a vida social, entre as que se inclúen as habilidades necesarias para manexar a información e a capacidade de avaliar a relevancia e a fiabilidade dos que se busca en internet" (MECD e a OCDE, 2003, 80).

Doutra banda, a fenda dixital e de aprendizaxe acrecéntase para o alumnado con necesidades específicas de apoio educativo, de forma que á segregación que sofren as persoas polas súas condicións persoais, incorpórase a discriminación introducida pola tecnoloxía, xa que logo estamos na obrigación de darlles unha resposta o máis personalizada posible, respondendo ás súas necesidades e dotándolles de todos os medios necesarios para que poidan aprender en igualdade de condicións que o resto do alumnado, garantindo así a equidade e a calidade do sistema educativo español.

A) Aprobar un Plan para reducir a fenda dixital e de aprendizaxe, no marco das súas competencias autonómicas, que axude a superar as desigualdades existentes garantindo a equidade e calidade do noso sistema educativo, asegurando a continuidade educativa a distancia do noso alumnado para que siga aprendendo nas mellores condicións posibles.

Concretamente, devandito Plan deberá incluír:

4. Traballar en colaboración co Ministerio de Asuntos Económicos e Transformación Dixital para que o Programa de Extensión da Banda Ancha de Nova Xeración (PEGA-NGA) que prevé axudas para as zonas onde non hai cobertura se implemente canto antes propiciando que o 100% da poboación en España teña acceso a internet.
5. Coordinar actuacións para reducir a fenda dixital e de aprendizaxe co obxectivo de:

A fenda dixital pode ser definida en termos da desigualdade de posibilidades que existen para acceder á información, ao coñecemento e a educación mediante o uso das TIC, sendo en consecuencia estas persoas marxinadas das posibilidades de comunicación, formación, impulso económico, etc., que a rede permite (Cabero, 2004).

Pero esa fenda dixital de aprendizaxe no fogar é debida en moitos casos ás desigualdades culturais existentes de apoios e recursos familiares. De nada serve que consigamos que toda a poboación estea conectada si non a capacitamos para a utilización e interacción coas TICs pois estas son xa ferramentas básicas de intercambio de información e de formación no século actual.

Así mesmo, a situación que estamos enfrontando esixe pensar e prever para o futuro, deseñar protocolos para que nun hipotético futuro o noso sistema estea preparado para abordar unha pandemia ou calquera outra circunstancia que esixa a pechadura física dos centros educativos.

Polo tanto, por todo o sinalado anteriormente, o Concello de Arteixo insta á Xunta de Galicia a:

Aprobar un Plan para reducir a fenda dixital e de aprendizaxe, no marco das súas competencias autonómicas, que axude a superar as desigualdades existentes garantindo a equidade e calidade do noso sistema educativo, asegurando a continuidade educativa a distancia do noso alumnado para que siga aprendendo nas mellores condicións posibles.

Concretamente, devandito Plan deberá incluír:

1. O impulso dun grupo de traballo que analice a situación actual en relación coa fenda dixital e de aprendizaxe que existe nos centros educativos da Comunidade autónoma.

2. O deseño e posta en marcha, atendendo ao seu respectivo nivel competencial, de programas de radio e/ou dunha TV educativa con canles en aberto que ofrezan unha formación adecuada ás distintas etapas educativas para zonas sen Internet ou sen televisión por cable, dando cobertura así ao alumnado sen ordenador nin conexión.

3. Propostas de acordos coas empresas de telecomunicacións, así como educativas e a UNED para eliminar ou reducir ao máximo o custo de acceso aos recursos educativos online que potencien a utilización de plataformas, a escola virtual a distancia, como vías para que o alumnado poida avanzar ao seu propio ritmo de aprendizaxe.

4. Traballar en colaboración co Ministerio de Asuntos Económicos e Transformación Dixital para que o Programa de Extensión da Banda Ancha de Nova Xeración (PEGA-NGA) que prevé axudas para as zonas onde non hai cobertura se implemente canto antes propiciando que o 100% da poboación en España teña acceso a internet.

5. Coordinar actuacións para reducir a fenda dixital e de aprendizaxe co obxectivo de:

a) Adoptar as medidas necesarias para que o alumnado que o necesite acceda a axudas específicas que lle permitan obter un dispositivo persoal con conexión á rede que poida utilizar no seu fogar para o seu proceso de aprendizaxe.

b) Poñer en marcha un plan especial de formación para os docentes en capacitación TIC sobre metodoloxías de ensinos activos a través de ferramentas de aprendizaxe a distancia.

c) Poñer en marcha acciones de formación dirixidas ás familias e outros axentes da comunidade educativa co obxectivo de formarlles en competencia dixital e ser máis eficaces no uso das TIC,e así servir de apoio na aprendizaxe dos seus fillos e fillas.

d) Contribuír a activar redes de voluntariado educativo: non presencial, vía telemática ou telefónica. Consistiría en prestar axuda e asesorar ás familias co fin de axudar para afrontar retos didácticos específicos: idiomas, matemáticas, ciencias, hábitos, etc.

e) Capacitar dixitalmente e potenciar a acción de todos os servizos educativos de apoio (orientación, educación especial, psicopedagogos, logopedas, outros técnicos, servizos sociais ...) en contacto e a disposición do centro/zona escolar e de todo o alumnado con necesidades específicas de apoio educativo.

f) Elaborar un protocolo de actuacións educativas ante calquera posible suspensión da actividade presencial e por motivos de excepcionalidade, alarma ou urxencia.

Preguntas do Grupo Municipal do PSdeG-PSOE sobre os protocolos e actuacións do Concello de Arteixo na Fase 2 da desescalada

2020-05-26T15:55:00.002+02:00

Durante os períodos de confinamento posteriores á declaración do estado de alarma, dende os grupos da oposición puxémonos a disposición absoluta do goberno, non puxemos ningún inconvinte en que se aprobaran cuestión que eran competencias plenarias por parte do noso Alcalde e mantivemos reunións para facer un seguimento do COVID19 non noso concello varias veces á semana, onde non sempre se achegaba a información das cuestións que xestionaba o Grupo de Goberno e outras veces, pese á solicitude do noso grupo, non se achegaban os documentos que se solicitaban e que se decía que o grupo de gobernó aportaría, por exemplo un convenio con varios concellos para a compra de mascarillas ou o protocolo de apertura das bibliotecas municipais.

Este luns ao remate da Comisión de Asuntos do Pleno, quixemos preguntar varias cuestión sobre o concello, algo que sempre se permitiu ata ese día á finalización das comisións e tendo en conta que o goberno local, decidiu unilateralmente dar por finalizadas as reunión polo seguimento do COVID19, pese a estar en plena desescalada, cuestións como a apertura das praias, das bibliotecas municipais, …, tendo en conta que era luns de inicio da FASE 2 e que ninguén nos informara sobre que faría o goberno local.

Por todo isto, dende o noso Grupo Municipal desexamos preguntarlles:

¿ Cales son as novedades neste inicio da FASE 2 da desescalada no noso concello?, ¿Ten elaborado o concello protocolos para o reinicio de actividades municipais?, ¿cales son os servizos que reanudan a súa actividade presencial e como?

O PSdeG-PSOE preguntará pola situación dos traballadores que desenrolan servizos para o noso concello, algún deles en situación de ERTE, despois de que o goberno do PP en Arteixo anunciase que non terían lugar

2020-05-21T12:43:00.002+02:00

Martín Seco: “O Goberno Local transmitiu aos medios de comunicación que o Concello de Arteixo mantería os 400 postos de traballo das concesionarias de servizos municipais, pero atopámonos que servizos como Axuda a Domicilio, Conserxería e limpeza ou a Piscina Municipal teñen aplicados ERTES a parte ou a totalidade dos seus traballadores”

O Grupo de Goberno do PP transmitiu aos medios de comunicación que o Concello de Arteixo mantería os 400 postos de traballo das concesionarias de servizos municipais sen acudir a ERTES, pero o paso do tempo mostrounos que servizos como a Axuda no Fogar, a Conserxería e Limpeza ou a Piscina Municipal, levaron a cabo ERTES a parte ou a totalidade dos seus traballadores.

Nas diferentes reunións da Comisión de Seguimento do COVID19 do Concello de Arteixo, o PSdeG-PSOE preguntou por esta situación e incluso no caso de empresa que leva a cabo a prestación da axuda a domicilio, advertiu das chamadas que se facían dende a empresa concesionaria aos usuarios do servizo, onde se lles anunciaba que paralizaban o servizo e que esta parálise se facía de acordo coa Concellería de Servizos Sociais, algo que non negaron dende o Partido Popular e que tiveron que rectificar en casos que mostraron a súa contrariedade e necesidade do servizo, agora vemos que dende o PSdeG-PSOE non estábamos tan errados cando advertíamos de que esta redución de servizos, traería consigo problemas para manter os postos de traballo, cando a carga laboral é moito menor e tampouco sabemos cal vai a ser a posición do goberno local ante as queixas das traballadoras do servizo e a situación da empresa.

No caso da piscina municipal, dende o PSdeG-PSOE pedimos ao noso alcalde que intentase negociar coa empresa concesionaria que non chegasen a aplicar un ERTE aos seus traballadores ou que a empresa retirase o presentado a cambio de renegociar as condicións da concesión, como se fixo coa Escola Infantil Municipal, pero non temos información de dita comunicación, pese a que se reiterou esta posibilidade ao noso alcalde. Ademais tampouco coñecemos se o concello levou a cabo negociacións coa empresa concesionaria do servizo de Conserxería e Limpeza para evitar os ERTES presentados.

Agora sabemos que existen traballadores de concesionarias que non tiveron que acudir ao ERTE e outros que están inmersos nun expediente deste tipo, cun trato diferente e somos descoñecedores de cales serán as decisións que se tomarán a partir deste momento por parte do goberno local, máis preocupado de aprobar suplementos de crédito que de ser eficaces na xestión e executar aquelo que teñen entre mans, no pleno ordinario deste mes preguntaremos por dita situación.

O PSOE DE ARTEIXO DESCOÑECÍA QUE O GOBERNO LOCAL SE REUNIRA CO CENTRO COMERCIAL ABERTO, PESE A PREGUNTALO CON INSISTENCIA EN VARIAS REUNIÓNS DA COMISIÓN DE SEGUIMENTO DO COVID19 E SEGUIMOS SEN COÑECER CALES FORON AS RESPOSTAS QUE LLES DERON ÁS SÚAS PROPOSTAS

2020-05-18T16:26:00.003+02:00

Martín Seco: “Mentres dende o Grupo Municipal Socialista actuábamos cunha lealdade absoluta ao Goberno Local e preguntamos en varias ocasións pola comunicación entre o Grupo de Goberno e o CCA, o alcalde non daba resposta a ditas consultas para evitar informar das propostas dos comerciantes e a súa posición de silencio antes elas”

Dende o Grupo Municipal Socialista queremos disculparnos pola información transmitida esta mañán na que afirmábamos que o Grupo de Goberno do PP, non se reunira cos representantes do comercio e hostalaría de Arteixo, xa que aínda que preguntamos en diversas ocasións na Comisión de Seguimento do COVID19 do Concello de Arteixo, sen resposta por parte do goberno local, enterámonos hoxe de que fai uns días, se levara a cabo unha reunión entre o goberno e a asociación de comerciantes, na que só se falou de hostalaría e non se falou nada das liñas de axudas a autónomos, nin da formación dunha Mesa de Comercio Local, pese a ser unha das reivindicacións dos comerciantes e hostaleiros.

Dende o Grupo Municipal non entendemos como se pode tratar a situación do comercio de costas aos seus representantes e non informar de ditas reunións aos representantes da oposición, cando preguntan en diversas ocasións por dita cuestión. Mentres a oposición comportábase dun xeito extraordinariamente leal, o goberno só informaba do que desexaba e ocultaba aquelo do que non quería falar.

Dende o Grupo Municipal Socialista preguntaremos no próximo Pleno Ordinario por que o Goberno Local segue sen formar un Mesa de Comercio Local, tal e como lle pediu o CCA, por que non deu contestación ás propostas dos comerciantes, algunha delas como a peatonalización de certas rúas en horarios comercias, a posibilidade de ampliar algunhas terrazas de hostalaría, alí onde puidese ser posible, a exención de taxas en 2020 e 2021 e por que non tratou as liñas de axuda aos autónomos con dito colectivo.

Dende o Grupo Socialista cremos que é imprescindible que o goberno escoite ao resto de colectivos que non son o PP e lamentamos profundamente que non informara de nada a oposición, algo que xa sucedeu anteriormente na Comisión do COVID19 e que pedimos que non volvera a pasar co fin de non enturbiar as relacións na corporación municipal.

Xa van dous meses dende a aparición da epidemia do Coronavirus e o goberno do PP segue sen reunirse cos representantes do comercio e a hostalería de Arteixo, para coñecer os seus problemas e analizar as súas demandas

2020-05-18T10:26:00.004+02:00

Martín Seco: “Carlos Calvelo renuncia a dialogar cos representantes do Centro Comercial Aberto e outras entidades ligadas ao comercio local e a hostalería, aínda que fixeran públicas as súas inquedanzas e propostas para impulsar a un sector golpeado pola crise do COVID19”

Dende o primeiro minuto da chegada da crise do coronavirus, o Grupo Municipal Socialista puxemos a disposición do goberno local, o noso apoio e ideas para utilizar os recursos do concello para loitas contra os efectos da epidemia. Carlos Calvelo gobernou por decreto durante máis de 50 días, sen a necesidade de ter o beneplácito do pleno municipal e fomos leais a pesar de que o goberno local do PP non fose sempre transparente e aberto aos grupos da oposición.

Cando tódolos grupos políticos da corporación decidimos poñer a capacidade económica do concello a disposición das familias e as pequenas empresas e autónomos do concello, dende o PSdeG-PSOE de Arteixo preguntamos sen éxito ao noso alcalde, Carlos Calvelo en numerosas ocasións polos contactos entre o goberno local e os colectivos afectados pola crise, en especial polo Centro Comercial Aberto, que é o que mellor coñece a realidade e as necesidades daqueles sectores económicos golpeados pola crise económica creada pola epidemia.

Puxemos en marcha dúas liñas de axuda para autónomos, moi ligada aos pequenos comerciantes e hostaleiros do noso concello e todo elo, sen que o goberno local puxese en marcha unha Mesa de Comercio Local, para compartir con eles as medidas a tomar.

A día de hoxe segue sendo necesaria esa comunicación e colaboración entre o concello e os axentes máis afectados pola crise e dende o Goberno Local semella que teñen pechada a porta ao diálogo cun colectivo que ata día de hoxe e despois de moitos anos de estreita colaboración, estaba moi ben considerado polos diferentes gobernos locais.

“Pedímoslle a Carlos Calvelo que forme unha Mesa de Comercio Local, cos axentes implicados, para analizar as medidas tomadas e outras que poidan ser necesarias, como campañas de impulso do comercio e a hostalaría, mecanismos de coworking, novas liñas de axuda,...” di o voceiro socialista en Arteixo, Martín Seco.

O PSdeG-PSOE pedirá no próximo Pleno Ordinario do Concello de Arteixo que se amplíe o prazo das facturas necesarias para xustificar o importe da axuda para Comedores Escolares, iniciando o período cando se publicou a nova ordenanza.

2020-05-13T13:59:00.001+02:00

Martín Seco: “Pedimos que se amplíe o prazo das facturas que teñen que presentar os veciños que teñen dereito a axuda para comedores escolares, iniciando o período na data de publicación da ordenanza, xa que os solicitantes non sabían que tiñan que xustificar deste xeito ata dita publicación e en moitos casos non quedaron con copia da facturas gastadas anteriormente”

Coa modificación na Ordenanza de Axudas para comedores escolares, ningún dos representantes da corporación municipal advertimos que os demandantes de dita axuda, eran descoñecedores de que tiñan que gardar as facturas dos gastos realizados co fin de alimentar aos seus fillos, polo que o período dende a publicación ata o límite para recopilar facturas, quedou moi reducido e dificulta que moitas familias necesitadas de dita axuda, podan ter a totalidade das cantidades a xustificar ás que ten dereito.

Dende o Grupo Municipal Socialista solicitamos ao Grupo de Goberno do PP, modificar dita ordenanza para axudar as familias a recopilar ditas facturas, adaptando o prazo, dende a publicación oficial da nova ordenanza. Para elo presentaremos no próximo Pleno Ordinario unha iniciativa neste senso, xa que o prioritario neste momento de crise sanitaria, económica e social derivada da epidemia do coronavirus, é non deixar desatendida a ningún rapaz do noso concello.

Carlos Calvelo liquida en 5 meses, 19 millóns de euros, o 80% do aforro do Concello de Arteixo.

2020-05-12T13:27:00.004+02:00

Martín Seco: “O goberno local de Arteixo, pretende liquidar 19 dos 23 millóns de euros de remanente do concello no primeiro semestre de 2020, cunha crise sanitaria, económica e social e deixando a capacidade de reacción baixo mínimos en caso de ter que actuar novamente para axudar aos nosos veciños”

Dende o Grupo Municipal Socialista solicitamos ao Grupo de Goberno do PP, que renuncie a aprobar o suplemento de crédito que ten previsto para o pleno do vindeiro xoves, por un valor de case 6 millóns de euros, en actuacións que nada teñen que ver coa crise do coronavirus, con gastos, na súa meirande parte, que poderían esperar ata a elaboración do novo orzamento a finais de ano. Gastos en asfaltados, combustible, proxectos técnicos e obras que non son urxentes para o noso concello.

Os socialistas cremos que o Concello debera utilizar a súa pouca capacidade de xestión en actuar sobre a crise do coronavirus e todas aquelas cuestións que redunden no beneficio da poboación e a nosa actividade económica e ademais non entendemos que agora se utilicen os mermados recursos da nosa plantel para outras cuestións que non sexa sacar adiante a multitude de contratos de obras e servizos que seguen sen sacar adiante a día de hoxe, así como o pago de multitude axudas do ano 2019, que aínda están a esperar para cobrar, moitos colectivos e persoas individuais, que están pasando unha mala época por culpa da paralización da actividade económica derivada da epidemia que estamos a sufrir.

Xa son moitos os suplementos de crédito utilizados neste 2020, algúns completamente xustificables, como os derivados das liñas de subvencións a autónomos e as axudas sociais, pero outros moitos incomprensibles neste momento que non sabemos ata onde chegara a crise derivada do COVID19, cando compre facilitar máis liñas de axudas a actividade económica e se teremos que facer máis esforzos con outras actuacións económicas e sociais no futuro, o certo é que partíamos neste 2020 con 23 millóns de euros de remanente e pasaremos o ter 4 millóns a partir do xoves, se o PP segue na intención de aprobar este novo suplemento de crédito.