Paachaka kairali

മധുരകിഴങ്ങ്‌ കൂട്ടുകറി

noreply@blogger.com (Malayali) — Thu, 24 Sep 2009 23:23:00 +0530

ചേരുവകള്‍
മധുരകിഴങ്ങ്‌ - കാല്‍ കിലോ
വെള്ള കടല - 150 ഗ്രാം
സോയ ചങ്ങ്സ് - നൂറു ഗ്രാം
ചുവന്നുള്ളി അരിഞ്ഞത് - നൂറു ഗ്രാം
പച്ച മുളക് നെടുകെ കീറിയത് - 5
തേങ്ങ - ഒരു മുറി
ജീരകം - കാല്‍ ടീസ്പൂണ്‍
മുളക് പൊടി - ഒരു ടീസ്പൂണ്‍
മല്ലിപ്പൊടി - ഒരു ടീസ്പൂണ്‍
മഞ്ഞള്‍ പൊടി - കാല്‍ ടീസ്പൂണ്‍
ഗരം മസാല - അര ടീസ്പൂണ്‍
ഫ്രഷ്‌ ക്രീം - മൂന്നു ടീസ്പൂണ്‍
മല്ലിയില - ഒരു തണ്ട്

തയാറാക്കുന്ന വിധം
മധുരക്കിഴങ്ങ് വൃത്തിയായി കഴുകി തൊലി കളഞ്ഞു ചെറിയ കഷണങ്ങള്‍ ആയി മുറിച്ചു വെക്കുക.
വെള്ളക്കടലയും സോയ ചങ്ങ്സും വെള്ളമൊഴിച്ച് കുതിരാന്‍ വെക്കുക.
തേങ്ങയും ജീരകവും നന്നായി അരക്കുക.
കടല വേവിക്കുക . വെന്തു വരുമ്പോള്‍ ചുവന്നുള്ളി,പച്ചമുളക് , മധുരക്കിഴങ്ങ്, സോയ ചങ്ങ്സ് എന്നിവയും ചേര്‍ത്ത് വേവിക്കുക.
കറി വെന്തു വരുമ്പോള്‍ മസാലകളും അരപ്പും ചേര്‍ത്ത് തിളപ്പിക്കുക.
മല്ലിയിലയും ഉപ്പും ഫ്രഷ്‌ ക്രീമും ചേര്‍ത്തിളക്കി വാങ്ങുക.

chicken steak

noreply@blogger.com (Malayali) — Wed, 23 Sep 2009 21:56:00 +0530

ചേരുവകള്‍

ചിക്കന്‍ കഷണങ്ങള്‍ - ഒരു കിലോ
സോയാബീന്‍ സോസ് - ഒരു ഡെസ്സേര്‍ട്ട് സ്പൂണ്‍
8 ടു 8 സോസ് - രണ്ടു ഡെസ്സേര്‍ട്ട് സ്പൂണ്‍
ടോമാടോ സോസ് - രണ്ടു ഡെസ്സേര്‍ട്ട് സ്പൂണ്‍
കാപ്സികോ സോസ് - 10 തുള്ളി
മുളക് പൊടി - ഒരു ടി സ്പൂണ്‍
കുരുമുളക് പൊടി - ഒരു ടീസ്പൂണ്‍
വെളുത്തുള്ളി ചതച്ചത് - പതിനഞ്ച് അല്ലി
കോണ്‍ ഫ്ലൌര്‍ - കാല്‍ കപ്പ്
റിഫയിണ്ട് ഓയില്‍ - കാല്‍ കപ്പ്
ഉപ്പ്‌ - പാകത്തിന്

തയാറാക്കുന്ന വിധം

ഇറച്ചി നന്നായി കഴുകി വൃത്തിയാക്കി വെള്ളം തോരാന്‍ വെക്കുക.
തോര്‍ന്ന ഇറച്ചിയില്‍ സോസുകള്‍, മുളക് പൊടി , കുരുമുളക് പൊടി , ഉപ്പ്‌ എന്നിവ പുരട്ടി നന്നായ‌ി ഇളക്കി 8 മണിക്കൂര്‍ ഫ്രിഡ്ജില്‍ വെക്കുക.
8 മണിക്കൂറിനു ശേഷം ഒരു കുക്കറില്‍ മൂന്നു കപ്പ് വെള്ളം ഒഴിച്ച് ഇറച്ചി നന്നായി വേവിക്കുക.
വെന്ത ഇറച്ചികഷണങ്ങള്‍ ചാറില്‍ നിന്നെടുത്തു ഒരു നോണ്‍ സ്റ്റിക് പാത്രത്തില്‍ നാല് സ്പൂണ്‍ എണ്ണ ഒഴിച്ച് ബ്രൌണ്‍ നിറത്തില്‍ വറുത്തെടുക്കുക.
ബാക്കി എണ്ണ വേറൊരു പാത്രത്തില്‍ ഒഴിച്ച് ചൂടാക്കി ചതച്ചു വെച്ചിരിക്കുന്ന വെളുത്തുള്ളി ബ്രൌണ്‍ നിറമാകുന്നതു വരെ മൂപ്പിക്കുക.
ഇറച്ചി വെന്ത ചാറില്‍ മൂപ്പിച്ച വെളുത്തുള്ളിയും കോണ്‍ ഫ്ലൌര്‍ കലക്കിയതും ഒഴിച്ച് കുറുക്കി ഗാര്‍ലിക് സോസ് തയാറാക്കുക.
ഒരു പരന്ന പാത്രത്തില്‍ വറുത്ത ഇറച്ചി കഷണങ്ങള്‍ നിരത്തി, മുകളില്‍ തയാറാക്കി വെച്ചിരിക്കുന്ന ഗാര്‍ലിക് സോസ് ഒഴിച്ച് വിളമ്പുക.

നെല്ലിക്ക അച്ചാര്‍

noreply@blogger.com (Malayali) — Mon, 12 Jan 2009 21:22:00 +0530

ചേരുവകള്‍

നെല്ലിക്ക - അര കിലോ
മുളകുപൊടി - അഞ്ചു ടീസ്പൂണ്‍
ഉലുവ - പതിനഞ്ച് ഗ്രാം
കായം - കാല്‍ ടീസ്പൂണ്‍
വെളുത്തുള്ളി - നൂറു ഗ്രാം
കാന്താരി മുളക് - ഒരു കപ്പ്
വിനാഗിരി - കാല്‍ കപ്പ്
ഉപ്പ് - പാകത്തിന്

തയാറാക്കുന്ന വിധം

നെല്ലിക്ക അഞ്ചു മിനിട്ട് ആവികയറ്റുക. തണുത്തതിനു ശേഷം നാലായി പൊളിച്ച് കുരു കളയുക.
ഒരു ചീനച്ചട്ടിയില്‍ നല്ലെണ്ണ ചൂടാക്കി അതില്‍ നെല്ലിക്ക, വെളുത്തുള്ളി, കാന്താരി മുളക് , ഉപ്പ് എന്നിവ ചേര്‍ത്ത്ചെറുതീയില്‍ വഴറ്റുക.
നെല്ലിക്ക നല്ലത് പോലെ മൂത്ത് ബ്രൌണ്‍ നിറം ആകുമ്പോള്‍ ഉലുവ കായം എന്നിവ വറുത്തു പൊടിച്ചതും മുളക് പൊടിയും ചേര്‍ത്ത് വീണ്ടും വഴറ്റുക.
കൂട്ട് നന്നായി നെല്ലിക്കയില്‍ പിടിക്കുന്നത്‌ വരെ വഴറ്റി അടുപ്പില്‍ നിന്നിറക്കി വിനിഗര്‍ ചേര്‍ത്തിളക്കുക.
വളരെ നാള്‍ കേടാകാതെ ഈ അച്ചാര്‍ ഉപയോഗിക്കാം .

കടുമാങ്ങ

noreply@blogger.com (Malayali) — Mon, 12 Jan 2009 20:59:00 +0530

ചേരുവകള്‍

തൊലി കട്ടി കുറഞ്ഞ പുളിയുള്ള മാങ്ങ - രണ്ട്
മുളക് പൊടി - ഒന്നര ടീസ്പൂണ്‍
കായ പൊടി - അഞ്ചു ഗ്രാം
ഉലുവപ്പൊടി - ഒരു നുള്ള്
നല്ലെണ്ണ - ഒരു ടീസ്പൂണ്‍
ഉപ്പ് - പാകത്തിന്
കടുക് പൊടിച്ചത് - അര ടീസ്പൂണ്‍

തയാറാക്കുന്ന വിധം

മാങ്ങാ നന്നായി കഴുകി വൃത്തിയാക്കി തൊലിയോടുകൂടി ചെറിയ കഷണങ്ങള്‍ ആക്കുക.

മാങ്ങാ കഷണങ്ങളില്‍ മുളകുപൊടി, ഉലുവപ്പൊടി, കായപ്പൊടി, ആവശ്യത്തിനു ഉപ്പ് എന്നിവ ചേര്‍ത്ത് നന്നായി തിരുമി വെക്കുക.

നാല് മണിക്കൂറിനു ശേഷം ഒരു ചീനച്ചട്ടിയില്‍ നല്ലെണ്ണ ചൂടാക്കി കടുക് പൊടിച്ചതിട്ടുമൂപ്പിച്ച് മാങ്ങ കഷണങ്ങള്‍ ചേര്‍ത്ത് ചൂടാക്കി ഇറക്കുക. മാങ്ങാ വെന്തു പോകരുത് .

ഉള്ളിച്ചമ്മന്തി

noreply@blogger.com (Malayali) — Tue, 6 Jan 2009 22:24:00 +0530

ചേരുവകള്‍

ചുവന്നുള്ളി - കാല്‍ കിലോ
വറ്റല്‍ മുളക് - ഇരുപതെണ്ണം
വെളിച്ചെണ്ണ - കാല്‍ കപ്പ്
കടുക് - ഒരു ടീസ്പൂണ്‍
കറിവേപ്പില - രണ്ടു തണ്ട്
ഉപ്പ് - പാകത്തിന്

തയാറാക്കുന്ന വിധം

ചുവന്നുള്ളി തൊലി കളഞ്ഞു കഴുകി വൃത്തിയാക്കി മൂന്നോ നാലോ കഷണങ്ങള്‍ ആയി നീളത്തില്‍ കീറുക.
ചീനച്ചട്ടിയില്‍ എണ്ണ ചൂടാക്കി വറ്റല്‍ മുളക് കരിയാതെ മൂപ്പിക്കുക.
ഉള്ളി അരിഞ്ഞത് എണ്ണയില്‍ സ്വര്‍ണ നിറം ആകുന്നതു വരെ മൂപ്പിച്ച് കോരുക.
മുളക് വറുത്തതും ഉപ്പും ചേര്‍ത്ത് നന്നായി അരക്കുക.
മുളക് നന്നായി അരഞ്ഞതിനു ശേഷം വറുത്ത ഉള്ളി എണ്ണ സഹിതം ചേര്‍ത്ത് അരയ്ക്കുക.
ഒരു ടേബിള്‍ സ്പൂണ്‍ എണ്ണ ചൂടാക്കി കടുക് പൊട്ടിച്ചു കറിവേപ്പിലയും ചേര്‍ത്ത് മൂപ്പിച്ച് ചമ്മന്തിയില്‍ ചേര്‍ത്ത്തുപയോങിക്കുക

കോഴി വറുത്തരച്ചത്

noreply@blogger.com (Malayali) — Tue, 6 Jan 2009 21:33:00 +0530

ചേരുവകള്‍

കോഴിയിറച്ചി കഷണങ്ങള്‍ ആക്കിയത് - ഒരു കിലോ
ചുവന്നുള്ളി തൊലി കളഞ്ഞത് - കാല്‍ കിലോ
ഇഞ്ചി - ഒരിഞ്ചു കഷണം
വെളുത്തുള്ളി - ഒരു കുടം
പച്ചമുളക് - എട്ടെണ്ണം
തേങ്ങ ചിരകിയത് - അര മുറി
തക്കാളി - ഒന്ന്
സവാള ചെരുതായരിഞ്ഞത് - ഒന്ന്
മല്ലിപ്പൊടി - രണ്ടു ടേബിള്‍സ്പൂണ്‍
മുളക് പൊടി - ഒരു ടീസ്പൂണ്‍
ഗരം മസാല - അര ടീസ്പൂണ്‍
എണ്ണ - രണ്ടു ടേബിള്‍സ്പൂണ്‍
കറിവേപ്പില - രണ്ടു തണ്ട്
ഉപ്പ് - പാകത്തിന്
മഞ്ഞള്‍ പൊടി - അര ടീസ്പൂണ്‍
തൈര് - രണ്ടു ടേബിള്‍സ്പൂണ്‍

തയാറാക്കുന്ന വിധം

കോഴിയിറച്ചി വൃത്തിയായി കഴുകി തൈരും അല്പം ഉപ്പും ചേര്ത്തു നന്നായി ഇളക്കി വെക്കുക.
തേങ്ങ തിരുമിയത് ഒരു ചീനച്ചട്ടിയില്‍ ഇളം ചുവപ്പ് നിറം ആകുന്നതു വരെ മൂപ്പിക്കുക.
മൂത്തത്തിനു ശേഷം ഇതില്‍ മല്ലിപൊടി, മുളകുപൊടി, മഞ്ഞള്‍ പൊടി, ഗരം മസാല എന്നിവ ചേര്‍ത്ത് ഒരു മിനിട്ട് കൂടെ മൂപിക്കുക.ഇതു തണുത്തതിനു ശേഷം നന്നായി അരച്ച് വെക്കുക.
ചുവന്നുള്ളി, ഇഞ്ചി, വെളുത്തുള്ളി, പച്ചമുളക് എന്നിവ ചതച്ച് വെക്കുക.
ഒരു ചീനച്ചട്ടിയില്‍ എണ്ണ ചൂടാക്കി സവാള നന്നായി മൂപ്പിക്കുക .
ഇതിലേക്ക് ചതച്ച് വെച്ച ചേരുവകളും ചെറുതായി അരിഞ്ഞ തക്കാളിയും ചേര്‍ത്ത് വഴറ്റുക.
ഇതിലേക്ക് ഇറച്ചി കഷണങ്ങള്‍ ചേര്‍ത്ത് ആവശ്യത്തിനു ഉപ്പും വെള്ളവും ചേര്‍ത്ത് വേവിക്കുക.
മുക്കാല്‍ വേവാകുമ്പോള്‍ അരപ്പ് ചേര്‍ത്ത് രണ്ടു തണ്ട് കറിവേപ്പിലയും ചേര്‍ത്ത് പതിനഞ്ച് മിനിട്ട് ചെറുതീയില്‍ വേവിക്കുക.
കോഴി വറുത്തരച്ചത് തയ്യാര്‍.

ഏത്തക്ക വഴറ്റിയത്

noreply@blogger.com (Malayali) — Mon, 5 Jan 2009 22:14:00 +0530

ചേരുവകള്‍

ഏത്തപ്പഴം - മൂന്ന്
നെയ്യ് - കാല്‍ കപ്പ്‌
പഞ്ചസാര - രണ്ടു ടേബിള്‍സ്പൂണ്‍

തയാറാക്കുന്ന വിധം

ഒരു ചുവടു കട്ടിയുള്ള പാത്രത്തില്‍ നെയ്യ് ചൂടാക്കി അതില്‍ ചെറുതായി നുറുക്കിയ എത്തപ്പഴ കഷണങ്ങള്‍ ഇട്ടു ചെറുതീയില്‍ നന്നായി വഴറ്റുക. ചൂടോടു കൂടി ഇതില്‍ പഞ്ചസാര വിതറി ഉപയോഗിക്കുക.

ഇഞ്ചി തൈര്

noreply@blogger.com (Malayali) — Mon, 5 Jan 2009 22:02:00 +0530

ചേരുവകള്‍

പച്ചമുളക് പൊടിയായി അരിഞ്ഞത് - മൂന്ന്
സവാള കൊത്തിയരിഞ്ഞത്‌ - ഒന്ന്
ഇഞ്ചി കൊത്തിയരിഞ്ഞത്‌ - ഒരിഞ്ച് കഷണം
പുളിയില്ലാത്ത കട്ട തൈര് - ഒരു കപ്പ്
കറിവേപ്പില - ഒരു തണ്ട്
ഉപ്പ് - പാകത്തിന്

തയാറാക്കുന്ന വിധം

ചേരുവകള്‍ എല്ലാം കൂട്ടി യോജിപ്പിച്ച് ഉപയോഗിക്കുക.
ഇതു വേവിക്കേണ്ട കാര്യം ഇല്ല.

സ്പൈസി ചിക്കന്‍ റോസ്റ്റ്

noreply@blogger.com (Malayali) — Thu, 18 Dec 2008 18:49:00 +0530

ചേരുവകള്‍

കോഴിയിറച്ചി - ഒരു കിലോ
കുരുമുളക് ചതച്ചത് - ഒരു ടേബിള്‍ സ്പൂണ്‍
മുളക് പൊടി - ഒരു ടേബിള്‍ സ്പൂണ്‍
സവാള പൊടിയായി അരിഞ്ഞത് - ഒന്നു വലുത്
ഗ്രാമ്പു - നാല്
കറുവപ്പട്ട - രണ്ടു വലിയ കഷണം
ഉരുളക്കിഴങ്ങ് - എട്ട്
ചെറിയ സവാള - എട്ട്
ഉപ്പ് - പാകത്തിന്

തയാറാക്കുന്ന വിധം

കോഴി വലിയ കഷണങ്ങളായി മുറിക്കുക. കുരുമുളക്, മുളക് പൊടി, ഗ്രാമ്പു, പട്ട എന്നിവ നന്നായി അരച്ച് ഇറച്ചി കഷണങ്ങളില്‍ പുരട്ടി പതിനഞ്ച് മിനിട്ട് മാറ്റിവെക്കുക.
അതിനുശേഷം പ്രഷര്‍ കുക്കറില്‍ ഒരു കപ്പു വെള്ളവും പാകത്തിന് ഉപ്പും ചേര്‍ത്ത് അഞ്ചു മിനിട്ട് വേവിക്കുക.
ഉരുളക്കിഴങ്ങും സവാളയും വേവിച്ച് മാറ്റി വെക്കുക. പ്രഷര്‍ കുക്കര്‍ തുറന്നു കോഴിക്കഷണങ്ങള്‍ ചാറില്‍ നിന്നു മാറ്റി എണ്ണയില്‍ വറുത്തു വെക്കുക.
പുഴുങ്ങിയ സവാളയും ഉരുളക്കിഴങ്ങും എണ്ണയില്‍ വറുത്തു മാറ്റി വെക്കുക.
വെണ്ണയില്‍ ഒരു വലിയ സവാള അരിഞ്ഞത് വഴറ്റി തവിട്ടു നിറം ആകുമ്പോള്‍ ഒരു ടേബിള്‍ സ്പൂണ്‍ കോണ്‍ ഫ്ലൌര്‍ ചേര്‍ത്ത് മൂപ്പിച്ച് ഗ്രേവി ഇതില്‍ ചേര്‍ത്ത് കട്ടിയാകുന്നത് വരെ ചൂടാക്കുക. കട്ടിയായത്തിനു ശേഷം വറുത്ത കോഴിക്കഴനങ്ങള്‍ ചേര്‍ത്ത് വറുത്ത ഉരുളക്കിഴങ്ങും സവാളയും ചേര്‍ത്ത് അലങ്കരിക്കുക.

ഈസ്റ്റര്‍ ചിക്കന്‍ റോസ്റ്റ്

noreply@blogger.com (Malayali) — Wed, 10 Dec 2008 04:15:00 +0530

ചേരുവകള്‍

ഇടത്തരം കോഴി - ഒന്ന്‌
സവാള - മൂന്ന്
ഇഞ്ചി ചതച്ചത് - രണ്ടു ടേബിള്‍സ്പൂണ്‍
വെളുത്തുള്ളി ചതച്ചത് - രണ്ടു ടേബിള്‍ സ്പൂണ്‍
ജീരകം - അര ടീസ്പൂണ്‍
ഏലക്ക - ആറ്
കറുവപ്പട്ട ഒരിഞ്ഞു കഷണം - രണ്ട്
ഗ്രാമ്പു - ആറ്
ജീരകം - അര ടീസ്പൂണ്‍
ചെറു നാരങ്ങ നീര് - രണ്ട് ടേബിള്‍ സ്പൂണ്‍
കുരുമുളക് പൊടി - അര ടീസ്പൂണ്‍
മുളക് പൊടി - രണ്ട് ടേബിള്‍ സ്പൂണ്‍
മല്ലിപ്പൊടി - ഒരു ടീസ്പൂണ്‍
എണ്ണ - ഒരു കപ്പ്‌
തക്കാളി - രണ്ട്
കറിവേപ്പില - ഒരു തണ്ട്
ഉപ്പ് - പാകത്തിന്

അലങ്കരിക്കാന്‍

എരിവില്ലാത്ത ചുവന്നമുളക് - ആറ്
ഉരുളക്കിഴങ്ങ് വറുത്തത് - രണ്ട്
സവാള - ഒന്ന്‌
കറിവേപ്പില - രണ്ട് തണ്ട്

തയാറാക്കുന്ന വിധം

കോഴി വൃത്തിയായി കഴുകി വെള്ളം വാലാന്‍ വെക്കുക .
കുരുമുളകുപൊടിയും ഉപ്പും ചെറുനാരങ്ങ നീരില്‍ ചേര്‍ത്ത് അര മണിക്കൂര്‍ വെക്കുക
കറുവപ്പട്ട, ഗ്രാമ്പു, ഏലക്ക , ജീരകം എന്നിവ പൊടിച്ചു വെക്കുക
ചുവട് കട്ടിയുള്ള ഒരു പാത്രത്തില്‍ എണ്ണ ഒഴിച്ച് കോഴി മുഴുവനെ തിരിച്ചും മറിച്ചും ഇട്ടു മൂപ്പിച്ചെടുക്കുക
ചുവടു കട്ടിയുള്ള പാത്രത്തില്‍ എണ്ണ ഒഴിച്ച് സവാള നീളത്തില്‍ അരിഞ്ഞതും ഇഞ്ചി ,വെളുത്തുള്ളി എന്നിവ ചതച്ചതും മുളകുപൊടി, മല്ലിപ്പൊടി, പൊടിച്ച മസാല എന്നിവയും ചേര്‍ത്ത് ചെറുതീയില്‍ എണ്ണ തെളിയുന്നത്‌ വരെ വഴറ്റുക.
ഇതിലേക്ക് തക്കാളി അരിഞ്ഞത്, കറിവേപ്പില എന്നിവ ചേര്‍ത്ത് വഴറ്റി മൊന്നു കപ്പ്‌ വെള്ളം ചേര്‍ത്ത് തിളക്കുമ്പോള്‍ മൂപ്പിച്ച കോഴിയെ തിരിച്ചും മറിച്ചും ഇട്ടു മൂടിവെച്ചു വേവിക്കുക.
നന്നായി വെന്തതിനു ശേഷം കോഴിയെ ഒരു പരന്ന പത്രത്തില്‍ വെക്കുക.
കുറച്ചു ഗ്രേവി മുകളില്‍ ഒഴിക്കുക. ബാക്കി ഒരു പാത്രത്തില്‍ വേറെ വെക്കുക.
ഗ്രേവി യില്‍ ഒരു savala നീളത്തില്‍ അരിഞ്ഞതും രണ്ട് തണ്ട് കറിവേപ്പിലയും മൂപ്പിച്ച് ചേര്‍ക്കണം.
കനം കുരച്ചരിഞ്ഞ സവാള, കറിവേപ്പില, അരി കളഞ്ഞ ചുവന്ന മുളക്, ഉരുളക്കിഴങ്ങ് വറുത്തത് എന്നിവ കൊണ്ട് അലങ്കരിച്ച് ഉപയോഗിക്കാം .

പിടി

noreply@blogger.com (Malayali) — Mon, 8 Dec 2008 17:45:00 +0530

ചേരുവകള്‍

അരിപ്പൊടി - ആറ് കപ്പ്‌
തേങ്ങ ചിരകിയത് - നാല്‌ കപ്പ്‌
ജീരകം - ഒരു ടീസ്പൂണ്‍
തേങ്ങാപ്പാല്‍ - ഒരു കപ്പ്‌
ജീരകം ചതച്ചത് - ഒരു ടീസ്പൂണ്‍
തിളച്ച വെള്ളം - ഒന്‍പതര കപ്പ്‌
കറിവേപ്പില - നാല്‌ തണ്ട്
ഉപ്പ് - പാകത്തിന്

തയാറാക്കുന്ന വിധം
രണ്ടു സ്പൂണ്‍ അരിപ്പൊടി മാറ്റിവെക്കുക.
നാല്‌ കപ്പ്‌ ചിരകിയ തേങ്ങയില്‍ നിന്നും രണ്ടു കപ്പെടുത്തു മുക്കാല്‍ കപ്പ്‌ വെള്ളം ചേര്‍ത്ത് ഒരു കപ്പ്‌ കട്ടിപ്പാല്‍ തയാറാക്കുക. ഒരു ടീസ്പൂണ്‍ ജീരകം നന്നായി അരച്ചോ പൊടിച്ചോ എടുക്കുക. മാവ് ചെറുതായി വറുക്കുക. വറുത്ത മാവില്‍ അരച്ച ജീരകം, പാലെടുക്കാത്ത രണ്ടു കപ്പ്‌ തേങ്ങ, പാലെടുത്ത രണ്ടുകപ്പ് തേങ്ങ, പാകത്തിന് ഉപ്പ് എന്നിവ ചേര്‍ത്ത് തിളച്ച വെള്ളം ഒഴിച്ച് ചപ്പാത്തി പരുവത്തില്‍ കുഴയ്ക്കുക. ചുവടു കട്ടിയുള്ള ഒരു പാത്രത്തില്‍ ബാക്കി വെള്ളം തിളപ്പിക്കുക.വെള്ളം നന്നായി തിളക്കുമ്പോള്‍ മാവു നെല്ലിക്ക വലുപ്പത്തില്‍ ഉരുട്ടി ഓരോന്നായി വെള്ളത്തില്‍ ഇടുക. അതിന് ശേഷം ചതച്ച ജീരകം ചേര്‍ക്കുക. മാറ്റിവെച്ച രണ്ട്സ്പൂണ്‍ മാവില്‍ ഒരുകപ്പ് വെള്ളം ചേര്‍ത്ത് കലക്കി ഇതില്‍ ചേര്‍ക്കുക. കറിവേപ്പില ചേര്‍ക്കുക. വെന്തതിനു ശേഷം തേങ്ങാപ്പാല്‍ ചേര്‍ത്ത് വാങ്ങുക .
കോഴി മാപ്പസിനോട് ഏറ്റവും ചേരുന്ന വിഭവം ആണിത് .

ഖോവ കൊക്കനട്ട് ലഡ്ഡു

noreply@blogger.com (Malayali) — Wed, 15 Oct 2008 23:07:00 +0530

ചേരുവകള്‍

പാല്‍ - ഒരു ലിറ്റര്‍
പഞ്ചസാര - കാല്‍ കിലോ
തേങ്ങ ചിരകിയത് - രണ്ടു കപ്പ് ( തേങ്ങയുടെ വെള്ള മാത്രം ഉപയോഗിക്കുക)

തയാറാക്കുന്ന വിധം

പാല്‍ ചുവടു കട്ടിയുള്ള പാത്രത്തില്‍ വെച്ചു തിളപ്പിച്ച് കുറുകാന്‍ വെക്കുക.
വെള്ളം വറ്റി പാല്‍ കുറുകി വരുമ്പോള്‍ 100 ഗ്രാം പഞ്ചസാര ഇട്ടു കട്ടിയാകുന്നത് വരെ കുറുക്കുക.
തനുതത്തിനു ശേഷം ഉരുട്ടുക.
തേങ്ങ ചിരകിയതും ബാക്കി പഞ്ചസാരയും ചേര്‍ത്ത് അടുപ്പില്‍ വെച്ചു തുടരെ ഇളക്കുക.
ഇതു കയ്യില്‍ ഒട്ടുന്ന പാകത്തിന് ഇറക്കി വെക്കുക,
ഈ മിശ്രിതം പാല്‍ ഖോവ ഉണ്ടകളുടെ മീതെ തൂവി പൊതിഞ്ഞെടുക്കുക.
ഖോവ - കോക്കനട്ട് ലഡ്ഡു റെഡി.

കാരറ്റ് ഹല്‍വ

noreply@blogger.com (Malayali) — Wed, 15 Oct 2008 22:54:00 +0530

ചേരുവകള്‍

കാരറ്റ് - കാല്‍ കിലോ
വെള്ളം - അര കപ്പ്
പഞ്ചസാര - 100 ഗ്രാം
കേസരി പൌഡര്‍ - ഒരു നുള്ള്
നെയ്യ് - നാല് ചെറിയ സ്പൂണ്‍
എലക്കപൊടി - അര ടീസ്പൂണ്‍
നെയ്യില്‍ വറുത്ത അണ്ടിപ്പരിപ്പ്‌ - 50 ഗ്രാം

തയാറാക്കുന്ന വിധം

കാരറ്റ് കഴുകി തൊലി കളഞ്ഞെടുത്ത് ഗ്രേറ്റ് ചെയ്തു അര കപ്പ് വെള്ളം ഒഴിച്ച് വേവിക്കുക.
പകുതി വേവാകുമ്പോള്‍ പഞ്ചസാരയും കേസരി കളറും ചേര്ത്തു ചെറു തീയില്‍ ഇളക്കണം.
അതിന് ശേഷം നെയ്യും എലക്കപൊടിയും ചേര്‍ത്ത് കുറുകി വരുമ്പോള്‍ അണ്ടിപ്പരിപ്പ്‌ ചേര്‍ക്കുക.
നെയ് മയം പുരട്ടിയ ഒരു പാത്രത്തില്‍ സമനിരപ്പായി നിരത്തി തണുക്കുമ്പോള്‍ മുറിച്ചെടുക്കുക.

പൈനാപ്പിള്‍ ടോഫി

noreply@blogger.com (Malayali) — Wed, 15 Oct 2008 22:36:00 +0530

ചേരുവകള്‍

പൈനാപ്പിള്‍ കഷണങ്ങള്‍ ആക്കിയത് - രണ്ടു കപ്പ്‌
പഞ്ചസാര - രണ്ടു കപ്പ്
തേങ്ങ ചിരകിയത് - രണ്ടു കപ്പ്
വെണ്ണ - ഒരു ടേബിള്‍ സ്പൂണ്‍

തയാറാക്കുന്ന വിധം

പൈനാപ്പിള്‍ കഷണങ്ങള്‍ പന്ച്ചസാരയും തേങ്ങ ചിരകിയതും ചേര്‍ത്ത്‌ ഒരു പാത്രത്തില്‍ അടുപ്പില്‍ വെച്ചു നന്നായി വഴറ്റുക.
അടിയില്‍ പിടിക്കാതെ നന്നായി ഇളക്കണം.
ഒട്ടുന്ന പരുവത്തില്‍ ആയാല്‍ വെണ്ണ ചേര്‍ത്തിളക്കുക.
മയം പുരട്ടിയ പാത്രത്തില്‍ ഈ കൂട്ട് നിരത്തി തണുത്ത ശേഷം കഷണങ്ങള്‍ ആയി മുറിച്ചെടുത്ത്‌ ഉപയോഗിക്കാം.

noreply@blogger.com (Malayali) — Tue, 5 Aug 2008 21:32:00 +0530

പച്ചമാങ്ങാപ്പീര
വറുത്തരച്ച ചെമ്മീന്‍ കറി

ടാമരിണ്ട് ചിക്കന്‍

noreply@blogger.com (Malayali) — Sat, 2 Aug 2008 05:36:00 +0530

ഗോതമ്പ് സലാഡ്

noreply@blogger.com (Malayali) — Fri, 1 Aug 2008 17:53:00 +0530

പൈനാപ്പിള്‍ ചിക്കന്‍ സലാഡ്

noreply@blogger.com (Malayali) — Fri, 1 Aug 2008 17:16:00 +0530

റൊട്ടി പുഡ്ഡിംഗ്

noreply@blogger.com (Malayali) — Fri, 1 Aug 2008 11:52:00 +0530

അവിയല്‍ (ശര്‍ക്കര ചേര്‍ത്തത്)

noreply@blogger.com (Malayali) — Tue, 29 Jul 2008 19:08:00 +0530

ചേരുവകള്‍

മുരിങ്ങക്കായ് - ഒന്ന്
ഇളവന്‍ - 50 ഗ്രാം
ഏത്തക്കായ - 50 ഗ്രാം
പയര്‍ - 50 ഗ്രാം
ചേന - 50 ഗ്രാം
തേങ്ങ - ഒരെണ്ണം
പച്ചമുളക് - രണ്ടെണ്ണം
കറിവേപ്പില - ഒരു തണ്ട്
മഞ്ഞള്‍ പൊടി - അര ടീസ്പൂണ്‍
മുളക് പൊടി - അര ടീസ്പൂണ്‍
ശര്‍ക്കര - 50 ഗ്രാം
തൈര് - ഒരു കപ്പ്‌
ഉപ്പ് - ആവശ്യത്തിന്

തയാറാക്കുന്ന വിധം

പച്ചക്കറികള്‍ ഒരിഞ്ചു കഷണങ്ങള്‍ ആക്കുക.
വേവിക്കുന്നതിനു മുന്‍പ് മഞ്ഞള്‍ പൊടിയും മുളകുപൊടിയും ഉപ്പും ശര്‍ക്കരയും പകുതി തൈരും ചേര്‍ക്കുക.
കഷണങ്ങള്‍ തമ്മില്‍ ഒട്ടാതിരിക്കാനാണ് തൈര് ആദ്യം ചേര്‍ക്കുന്നത്.
ചുവട് കട്ടിയുള്ള ഒരു പത്രത്തില്‍ ( മണ്‍ചട്ടി ആയാല്‍ നല്ലത് ) പച്ചക്കറിക്കൂട്ട് വേവിക്കുക.
വെന്തുകഴിഞ്ഞാല്‍ ബാക്കിയുള്ള തൈരുകൂടി ചേര്‍ക്കുക.
തേങ്ങയും പച്ചമുളകും ചതച്ചെടുത്ത് ഇതില്‍ ഇളക്കിചെര്‍ക്കുക.
ഇറക്കുന്നതിനു തൊട്ടുമുന്‍പ് കറിവേപ്പിലയും പച്ച വെളിച്ചെണ്ണയും ചേര്‍ക്കുക.
ഹായ് എന്തൊരു മണം .

* പച്ചക്കറികള്‍ ലഭ്യതക്കനുസരിച്ച്‌ മാറ്റാവുന്നതാണ്.

പച്ച മാങ്ങാ ചട്ണി

noreply@blogger.com (Malayali) — Tue, 29 Jul 2008 04:06:00 +0530

ചേരുവകള്‍

പച്ച മാങ്ങാ - ചെറുത് ഒന്ന്
തേങ്ങ ചിരകിയത് - ഒരു കപ്പ്
ജീരകം പൊടിച്ചത് - ഒരു ടീസ്പൂണ്‍
മല്ലിയില അരിഞ്ഞത് - ഒരു കപ്പ്‌
പഞ്ചസാര - ഒരു ടേബിള്‍സ്പൂണ്‍
ഉപ്പ് - പാകത്തിന്

തയാറാക്കുന്ന വിധം

പച്ച മാങ്ങാ തൊലികളഞ്ഞ് ചെറുതായി ചീകി എടുക്കുക .
തേങ്ങ ചിരകിയതും മറ്റു ചേരുവകളും ചേര്‍ത്ത് കുഴമ്പ് പരുവത്തില്‍ അരച്ചെടുക്കുക

എരിശ്ശേരി

noreply@blogger.com (Malayali) — Mon, 28 Jul 2008 16:08:00 +0530

ചേരുവകള്‍

നേന്ത്രക്കായ ഒരിഞ്ചു കഷ്ണങ്ങള്‍ ആക്കിയത് - ഒരെണ്ണം
ചേന ഒരിഞ്ചു കഷണങ്ങള്‍ ആക്കിയത് - 150 ഗ്രാം
മത്തങ്ങ ഒരിഞ്ചു കഷ്ണങ്ങള്‍ ആക്കിയത് - 150 ഗ്രാം
തേങ്ങ ചിരകിയത് - അരമുറി
മഞ്ഞള്‍പ്പൊടി -അര ടീസ്പൂണ്‍
വെളുത്തുള്ളി - രണ്ടല്ലി
മുളകുപൊടി -അര ടീസ്പൂണ്‍
ജീരകം - അര ടീസ്പൂണ്‍
കുരുമുളക് -ഒരു ടീസ്പൂണ്‍
കടുക് - ഒരു ടീസ്പൂണ്‍
കറിവേപ്പില - രണ്ടു കതിര്‍പ്പ്
വറ്റല്‍ മുളക് -3 എണ്ണം
വെളിച്ചെണ്ണ - ഒരു ടേബിള്‍ സ്പൂണ്‍
ഉപ്പ് - പാകത്തിന്

തയാറാക്കുന്ന വിധം

നേന്ത്രക്കായ ,ചേന,മത്തന്‍ എന്നിവ നന്നായി കഴുകി വൃത്തിയാക്കുക.
കഷ്ണങ്ങള്‍ മഞ്ഞള്‍പ്പൊടിയും ഉപ്പും ചേര്‍ത്ത് കുക്കറില്‍ നന്നായി വേവിക്കുക.
തേങ്ങ ചിരകിയതില്‍ നിന്നും ഒരു ടേബിള്‍ സ്പൂണ്‍ മാറ്റി വെച്ചതിനു ശേഷം ബാക്കി കുരുമുളക്,വെളുത്തുള്ളി,ജീരകം എന്നിവ ചേര്‍ത്ത് തരുതരുപ്പായി അരച്ച് വേവിച്ച കഷ്ണങ്ങളില്‍ ചേര്‍ത്ത് നന്നായി തിളപ്പിക്കുക.
ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് മാറ്റിവെച്ച തേങ്ങാപ്പീര ബ്രൌണ്‍ നിറമാകുന്നതു വരെ മൂപ്പിക്കുക.
ഇതിലേക്ക് കടുക്,കറിവേപ്പില ,വറ്റല്‍ മുളക് എന്നിവ ഇട്ടു കടുക് പൊട്ടുമ്പോള്‍, തിളപ്പിചിറക്കി വച്ചിരിക്കുന്ന എരിശ്ശേരിയില്‍ ചേര്‍ക്കുക.

പൊള്ളാച്ചി മട്ടണ്‍ കുറുമ

noreply@blogger.com (Malayali) — Mon, 28 Jul 2008 15:02:00 +0530

ചേരുവകള്‍

ആട്ടിറച്ചി കഷണങ്ങള്‍ ആക്കിയത് - അര കിലോ
സവാള കൊത്തിയരിഞ്ഞത്‌ - 200 ഗ്രാം
തക്കാളി - രണ്ടു വലുത്
ഇഞ്ചി - ഒരിഞ്ച് കഷണം
വെളുത്തുള്ളി - ഒരു കുടം
മല്ലി പൊടി - രണ്ടു ടേബിള്‍സ്പൂണ്‍
മുളകുപൊടി - അര ടേബിള്‍ സ്പൂണ്‍
തേങ്ങ അരച്ചത് - അര കപ്പ്
എണ്ണ - മൂന്നു ടേബിള്‍സ്പൂണ്‍
കറുവപ്പട്ട - ഒരു ഗ്രാം
ഏലക്ക - അഞ്ചെണ്ണം
ഗ്രാമ്പു - അഞ്ചെണ്ണം
പെരുംജീരകം - രണ്ടു ടേബിള്‍സ്പൂണ്‍
മല്ലിയില - ആവശ്യത്തിന്
പച്ചമുളക് അരിഞ്ഞത് - അഞ്ചെണ്ണം
ഉപ്പ് - പാകത്തിന്

തയാറാക്കുന്ന വിധം

ആട്ടിറച്ചി വൃത്തിയായി കഴുകി വേവിച്ച് മാറ്റി വെക്കുക.
അടി കട്ടിയുള്ള ഒരു പരന്ന പാത്രത്തില്‍ എണ്ണ ചൂടാക്കി, കറുവപ്പട്ട, ഏലക്ക, ഗ്രാമ്പു, പെരുംജീരകം എന്നിവ വഴറ്റുക.
ഇതില്‍ പച്ചമുളക്, സവാള എന്നിവ ചേര്‍ത്ത് നന്നായി വഴറ്റുക.
സവാള ബ്രൌണ്‍ നിറമാകുമ്പോള്‍ ഇഞ്ചിയും വെളുത്തുള്ളിയും അരച്ച് ചേര്‍ക്കുക.
ഇതിലേക്ക് തക്കാളി അരിഞ്ഞ് ചേര്‍ക്കുക.
മല്ലിപൊടി, മുളകുപൊടി, തേങ്ങ അരച്ചത് എന്നിവ നന്നായി കുഴച്ച് ചേര്‍ത്ത് പച്ചച്ചുവ മാറുന്നത് വരെ വഴറ്റുക.
വേവിച്ച ആട്ടിറച്ചി ഇതില്‍ ചേര്‍ത്ത് പാകത്തിന് ഉപ്പും ചേര്‍ത്ത് നന്നായി ഇളക്കി ചെറു തീയില്‍ മൂടിവെച്ചു വേവിക്കുക.
വെന്ത്‌ എണ്ണ തെളിയുമ്പോള്‍ അടുപ്പില്‍ നിന്നിറക്കി മല്ലിയില ചേര്‍ത്ത് അലങ്കരിക്കുക.
വെള്ളയപ്പം, ചപ്പാത്തി, പത്തിരി, പൂരി, ഇടിയപ്പം എന്നിവയോടൊപ്പം നല്ല കോമ്പിനേഷന്‍ ആണ് ഈ കുറുമ.

നേന്ത്രപ്പഴ കൂട്ട്

noreply@blogger.com (Malayali) — Sun, 27 Jul 2008 21:20:00 +0530

ചേരുവകള്‍

നേന്ത്രപ്പഴം - ആറ്
ശര്‍ക്കര - അര കിലോ
തേങ്ങ ചിരകിയത് - ഒരു കപ്പ്
ജീരകം - ഒരു ടീസ്പൂണ്‍
പച്ച മോര് - ആറ് കപ്പ്
പച്ച മുളക് - അഞ്ചെണ്ണം
പുളിയില്ലാത്ത തൈര് - ഒരു കപ്പ്
കറിവേപ്പില - ഒരു തണ്ട്

തയാറാക്കുന്ന വിധം

നേന്ത്രപ്പഴം തൊലികളഞ്ഞ് നല്ലവണ്ണം വേവിക്കുക.
തേങ്ങയും ജീരകവും പച്ചമുളകും ചേര്‍ത്ത് അരച്ച് വെക്കുക
അടി കട്ടിയുള്ള ഒരു പാത്രത്തില്‍ ശര്‍ക്കര ഉരുക്കി അരിച്ചതും വേവിച്ച നേന്ത്രപ്പഴം ഉടച്ചതും ചേര്‍ത്ത് നന്നായി
വരട്ടുക.
വര്ട്ടിയതിനുശേഷം പച്ച മോര് കുറേശ്ശെ ഒഴിച്ച് നേര്‍പ്പിക്കുക.
ചെറു തീയില്‍ തിളച്ചതിനു ശേഷം അരച്ച് വെച്ച തേങ്ങക്കൂട്ടുചേര്‍ത്ത് വീണ്ടും തിളപ്പിക്കുക.
പാകത്തിന് ഉപ്പ് ചേര്‍ക്കുക.
തിളച്ചതിനു ശേഷം പുളിക്കാത്ത കട്ടിതൈരു ചേര്‍ത്ത് കറിവേപ്പില താളിച്ച്‌ ചേര്‍ത്ത് ഇറക്കുക.

അയല പൊടിത്തൂവല്‍

noreply@blogger.com (Malayali) — Sat, 26 Jul 2008 05:36:00 +0530

ചേരുവകള്‍

അയല - അര കിലോ
മഞ്ഞള്‍ പൊടി - അര ടീസ്പൂണ്‍
മുളക് പൊടി - അര ടീസ്പൂണ്‍
ഉള്ളി - ഒരു വലുത്
തേങ്ങ ചിരകിയത് - കാല്‍ മുറി
കറിവേപ്പില - കുറച്ച്
ഉപ്പ് - പാകത്തിന്

തയാറാക്കുന്ന വിധം

അയല നന്നായി വൃത്തിയാക്കി തലയും വാലും കളഞ്ഞു മഞ്ഞള്‍ പൊടിയും ഉപ്പും മുളകുപൊടിയും ചേര്‍ത്ത് വേവിക്കുക. വെന്തു കഴിഞ്ഞാല്‍ വാങ്ങി വെച്ച് തണുക്കുമ്പോള്‍ മുള്ള് കളഞ്ഞു എടുക്കുക. അതില്‍ തേങ്ങ ചിരകിയതും ചേര്‍ത്ത് കുഴച്ച് വെക്കുക. കുറച്ച് കറിവേപ്പില ചേര്‍ത്ത് കുഴക്കുക. ഒരു ഉള്ളി ചെറുതായി അരിഞ്ഞ് കുറച്ച് വെളിച്ചെണ്ണയില്‍ വറുക്കുക. ഉള്ളി ചുവന്നു വരുമ്പോള്‍ അതില്‍ മത്സ്യം ഇട്ടു ചെറു തീയില്‍ കുറേശെ ഇളക്കുക. കാല്‍ മണിക്കൂര്‍ ഇളക്കുമ്പോള്‍ മത്സ്യം നല്ല പൊടിയായി വരും. അപ്പോള്‍ വാങ്ങി വെക്കാം.