.

பிரிட்டிஷ் மஹாராணியின் வைர விழா கொண்டாட்டங்கள்

noreply@blogger.com (JKR) — Sat, 02 Jun 2012 09:18:58 PDT

பிரிட்டிஷ் மஹாராணியாக இரண்டாம் எலிசபெத் பதவியேற்று அறுபது ஆண்டுகள் ஆவதைக் குறிக்கும் உத்தியோகபூர்வ வைர விழா கொண்டாட்டங்கள் பிரிட்டனில் நான்கு நாட்களுக்கு நடைபெறுகின்றன.

பிரிட்டிஷ் மன்னரான ஆறாம் ஜார்ஜ்ஜுக்கும் அவர் துணைவியார் எலிசபெத்துக்கும் மூத்த பிள்ளையாக 1926ஆம் ஆண்டு பிறந்தவர் எலிசபெத் அலெக்ஸாண்ட்ரா மேரி.

1952ஆம் ஆண்டு தனது தந்தை காலமான நிலையில் வெறும் 26 வயதிலேயே நாட்டின் மஹாராணியாக இரண்டாம் எலிசபெத் முடிசூடினார்.

மன்னரோ ராணியோ நாட்டின் தலைவராக இருக்கக்கூடிய ஒரு ஜனநாயக நாடு ஐக்கிய ராஜ்ஜியம்.

இங்கு பிரதமர்தான் அரசாங்கத்தின் தலைவர் என்றாலும், நாட்டின் தலைவராகவும் தேசத்தின் தலைவராகவும் விளங்க வேண்டிய கடமைகள் அரியணை ஏறுபவருக்கு உண்டு.

பிரிட்டனில் நூற்றாண்டுகள் காலம் பரிணாம வளர்ச்சிக் கண்டுள்ள அரசியல் சாசன கடமைகளையும் பிரதிநிதித்துவப் பொறுப்புகளையும் மஹாராணி இரண்டாம் எலிசபெத் நிறைவேற்றிவருகிறார்.

நிகழ்ச்சி நிரல்

வைர விழா கொண்டாட்டங்கள் ஜூன் 2ஆம் தேதி தொடங்கி 5ஆம் தேதி வரையில் பிரிட்டனில் பல இடங்களில் கொண்டாடப்படுகின்றன.

கொண்டாட்டங்களின் துவக்கத்தை அறிவிப்பதற்காக இன்று லண்டன், எடின்பரோ, கார்டிஃப் பெல்ஃபாஸ்ட் ஆகிய ராஜ்ஜியத் தலைநகரங்களில் 41 தடவை பீரங்கி வேட்டு தீர்க்கும் இராணுவச் சடங்கு மேற்கொள்ளப்பட்டது.

விழாக்கோலத்தில் பங்கிங்ஹாம் அரண்மனை வீதி

சனிக்கிழமை லண்டன் அருகேயுள்ள டார்பியில் நடக்கும் குதிரைப் பந்தயத்தில் மஹாராணி குடும்பத்தாரோடு கலந்துகொண்டுள்ளார்.

மஹாராணி முன்னிலையில் பிரிட்டனின் முன்னணி ஓபரா இசைப் பாடகி கேதரின் ஜென்கின்ஸ் எ டே ஐவில் நெவர் ஃபர்கெட் என்ற பிரிட்டனின் தேசிய கீதத்தைப் பாடினார்.

ஞாயிறன்று லண்டனில் ஓடும் தேம்ஸ் நதியில் கடந்த முந்நூற்று ஐம்பது ஆண்டுகளில் இல்லாத ஒரு மாபெரும் படகு ஊர்வலம் ஏற்பாடு செய்யப்பட்டுள்ளது.

ஆயிரம் படகுகள் அணிவகுக்கவுள்ள இந்த ஊர்வலத்தில் மஹாராணியும் ஒரு படகில் பயணிக்கவுள்ளார்.

திங்களன்று முன்னணி இசைக்கலைஞர்கள் பங்குபெறும் பிரம்மாண்ட கச்சேரி ஒன்று பங்கிங்ஹாம் அரண்மனைக்கு வெளியே ஏற்பாடு செய்யப்பட்டுள்ளது.

செவ்வாய்க்கிழமையன்று இராணுவ அணிவகுப்புடன்கூடிய ஊர்வலத்தில் ராணி பங்கேற்கிறார்.

வைர விழாக் கொண்டாட்டங்களின் அங்கமாக ஐக்கிய ராஜ்ஜியத்திலும் உலகின் வேறு பல இடங்களிலுமாக 4000 ஜோதிகள் ஏற்றப்படவிருக்கின்றன.

கொண்டாட்டங்களின் நிறைவாக பக்கிங்ஹாம் அரண்மனை அருகே வானவேடிக்கை நிகழ்ச்சியும் நடக்கவிருக்கிறது.

இந்த கொண்டாட்ட காலம் முழுக்கவும் பிரிட்டனில் அரசு விடுமுறை தினங்களாக அறிவிக்கப்பட்டு, பள்ளிக்கூடங்களும் அலுவலகங்களும் மூடப்பட்டுள்ளன.

ஏராளமான வீதி விருந்துகளும் பொது நிகழ்ச்சிகளுமாக பிரிட்டன் விழாக்கோலம் பூண்டுள்ளது.

முன்னாள் விடுதலைப் புலிகள் ஒரு தொகுதியினர் விடுதலை

noreply@blogger.com (JKR) — Sat, 02 Jun 2012 09:03:08 PDT

இலங்கை இராணுவத்தினரிடம் சரணடைந்து புனர்வாழ்வுப் பயிற்சிகளை முடித்துக்கொண்ட முன்னாள் விடுதலைப்புலி உறுப்பினர்களில் 78 பேர் சனிக்கிழமையன்று வவுனியாவில் இடம்பெற்ற வைபவம் ஒன்றில் அவர்களுடைய குடும்பத்தினரிடம் ஒப்படைக்கப்பட்டுள்ளனர்.
இவர்களில் மூன்று பேர் பெண்கள். நான்கு வருடங்களின் பின்னர் தற்போதுதான் வெளியுலகத்தைப் பார்க்கும் சந்தர்ப்பம் தனக்குக் கிடைத்தது என விடுதலையான ஓர் இளைஞன் குறிப்பிட்டார். தங்களைப் போன்று தடுப்பு முகாம்களிலும் சிறைச்சாலைகளிலும் விசாரணைகளின்றியும், விடுதலையின்றியும் தடுத்து வைக்கப்பட்டுள்ள இளைஞர்கள் விரைவில் விடுதலை செய்யப்பட வேண்டும் என விடுதலையான மற்றுமோர் இளைஞன் கேட்டுக்கொண்டார். இறுதிச் சண்டைகளின் முடிவில் இராணுவத்தினரிடம் சரணடைந்த 12 ஆயிரம் பேரில் 11 ஆயிரம் பேர் புனர்வாழ்வுப் பயிற்சியின் பின்னர் சமூகத்தில் இணைக்கபட்டுள்ளதாக புனர்வாழ்வு மற்றும் சிறைச்சாலைகள் மறுசீரமைப்பு அமைச்சின் செயலாளர் ஏ.திசாநாயக்க தெரிவித்துள்ளார். இன்னும் 1200 பேரளவில் தமது காவலில் இருப்பதாகவும், இவர்களில் புனர்வாழ்வுப் பயிற்சி பெறுபவர்கள் அல்லது சுமார் 700 பேருக்கு எதிராக வழக்குத் தொடரப்போவதாகவும் திசாநாயக்க தெரிவித்துள்ளார். எஞ்சியுள்ள புனர்வாழ்வு பெறொவோர் அனைவரையும் இந்த வருட இறுதிக்குள் விடுதலை செய்வதற்கான நடவடிக்கைகள் எடுக்கப்பட்டுள்ளதாகவும் அவர் தெரிவித்துள்ளார்.

ஆயுள் சிறை செல்கிறார் எகிப்தின் முன்னாள் அதிபர் முபாரக்

noreply@blogger.com (JKR) — Sat, 02 Jun 2012 08:56:06 PDT

எகிப்தில் கடந்த ஆண்டு நடந்த மக்கள் எழுச்சிப் போராட்டங்களின்போது ஆர்ப்பாட்டக்காரர்கள் கொல்லப்பட்டமை தொடர்பில் முன்னாள் அதிபர் ஹொஸ்னி முபாரக்குக்கு அந்நாட்டு நீதிமன்றமொன்று ஆயுள்தண்டனை வழங்கி தீர்ப்பளித்துள்ளது.
கடந்த 2011-ம் ஆண்டின் முற்பகுதியில் ஆரம்பித்த அரபுலக கிளர்ச்சியைத் தொடர்ந்து அங்கு நடந்த குற்றச்செயல்களுக்காக வழக்கு விசாரணைக்கு உட்படுத்தப்பட்ட முதலாவது முன்னாள் அரச தலைவர் அதிபர் ஹொஸ்னி முபாரக் தான் என்பது குறிப்பிடத்தக்கது. ஆர்ப்பாட்டக்காரர்கள் கொல்லப்பட்டமை தொடர்பில் முன்னாள் உள்துறை அமைச்சர் ஹபிப் அல்-அத்லிக்கும் ஆயுள்தண்டனை அளிக்கப்பட்டுள்ளது. இதுதவிர ஹொஸ்னி முபாரக் மற்றும் அவரது இரண்டு மகன்மாருக்கு எதிராக தனியாகக் கொண்டுவரப்பட்டிருந்த ஊழல் குற்றச்சாட்டுக்கள் தொடர்பிலான வழக்கில் அவர்களுக்கு விடுதலை அளிக்கப்பட்டுள்ளது. ஹொஸ்னி முபாரக்குக்கு ஆயுள்தண்டனை அளிக்கப்பட்ட செய்தி கேட்டு நீதிமன்றக் கட்டடத்துக்கு வெளியே மக்கள் கொண்டாட்டங்களில் ஈடுபட்டிருந்ததைக் காணமுடிந்ததாக அங்கிருக்கும் பிபிசி செய்தியாளர் கூறினார். இதேவேளை, ஆர்ப்பாட்டக்காரர்களை கொன்றமை தொடர்பில் பரவலாக குற்றஞ்சாட்டப்பட்ட இன்னும் நான்கு பேருக்கு ( உள்துறை அமைச்சரின் சகாக்கள்) வி்டுதலை அளிக்கப்பட்டமை தொடர்பில் மக்கள் கொதிப்படைந்துள்ளதாக செய்தியாளர்கள் கூறுகின்றனர். தீர்ப்பின்போது,'தேசத்தின் புதல்வர்கள் நீதிக்காகவும் சுதந்திரத்திற்காகவும் அமைதியாக கிளர்ந்தெழுந்தனர்' என்று சுட்டிக்காட்டிய நீதிபதி,' 30 ஆண்டுகால இருண்ட யுகம்' என்று முபாரக் ஆட்சியை வர்ணித்தார். அரசுக்கெதிரான மக்கள் கிளர்ச்சியின்போது, அரச படைகள் நிராயுதபாணிகளாக இருந்த பொதுமக்கள் மீது ஆயுத தாக்குதல்களை நடத்தியபோது, முன்னாள் அதிபர் முபாரக்கும் உள்துறை அமைச்சரும் அந்தத் தாக்குதல்களைத் தடுக்கவில்லை என்று குற்றஞ்சாட்டப்பட்டது. 1981முதல் 2011 வரை எகிப்தை ஆண்ட ஹொஸ்னி முபாரக், ஆர்ப்பாட்டக்காரர்கள் 850 பேர் கொல்லப்பட்டமை தொடர்பில் மரண தண்டனையை எதிர்நோக்குவார் என்று எதிர்பார்க்கப்பட்டமை குறிப்பிடத்தக்கது.

காணி, பொலிஸ் அதிகாரங்களை வழங்குவதால் நாடு பிளவுபடப் போவதில்லை

noreply@blogger.com (JKR) — Sat, 02 Jun 2012 08:00:44 PDT

இனப்பிரச்சினைக்குத் தீர்வாக மாகாண சபைகளுக்கு காணி, பொலிஸ் அதிகாரங்களை வழங்குவதில் தவறில்லை. இதனால் நாடு பிளவுபடப்போவதில்லை. நாடாளுமன்றத் தெரிவுக் குழுவில் பொலிஸ், காணி அதிகாரங்களை மாகாண சபைகளுக்கு வழங்கும்படி நான் வலியுறுத்துவேன். எனவே கூட்டமைப்பு நாடாளுமன்ற தெரிவுக்குழுவுக்கு பிரதி நிதிகளை நியமிக்க வேண்டும். மீன்பிடி நீரியல் வள அமைச்சர் டாக்டர் ராஜித சேனாரத்ன வீரகேசரிக்கு வழங்கிய விஷேட செவ்வியில் அவர் இவ்வாறு தெரிவித்தார்.
காணி பொலிஸ் அதிகாரங்கள் வழங்கியதால் உலகில் எந்தவொரு நாடும் பிளவுபட்டதாக சரித்திரத்தில் இல்லை. தனி நாடுதான் தமிழர் பிரச்சினைக்குத் தீர்வு என்ற நிலைப்பாட்டிலிருந்த தமிழ்த் தேசிய கூட்டமைப்பு இன்று சற்று இறங்கி வந்து ஐக்கிய நாட்டுக்குள் அதிகாரப் பரவலாக்கலை ஏற்றுக்கொண்டுள்ளது. இதை நாம் முறையாகப் பயன்படுத்திக்கொள்ள வேண்டும். நாடாளுமன்றத் தெரிவுக்குழு முன் நாடாளுமன்றத்தில் அங்கம் வகிக்காத கட்சிகளின் பிரதிநிதிகளும் வந்து இனப்பிரச்சினை தீர்வு தொடர்பாக தங்கள் கருத்துக்களை முன் வைக்கச் சந்தர்ப்பமுள்ளது. எனவே நாட்டின் அதி உயர்ந்த இடமான நாடாளுமன்றத்தில் காணப்படும் தீர்வுக்கு யாரும் சவால் விடுக்கவும் முடியாது. எனவே இந்த பொன்னான வாய்ப்பை தமிழ்த் தேசியக் கூட்டமைப்பு நாடாளுமன்றத் தெரிவுக் குழுவில் பங்குபற்ற வேண்டும். இனப்பிரச்சினை இந்த நாட்டில் 60 வருடங்களாக புரையோடிப் போயுள்ள பிரச்சினையாகும். முப்பது வருடங்களாக நாம் இந்தப் பிரச்சினைக்காக ஒருவருக்கொருவர் மோதிக் கொண்டோம். யுத்தம் செய்தோம். பல உயிர்களை இழந்தோம். யுத்தம் முடிவுற்ற இன்றைய நிலையில் இனப்பிரச்சினைக்கு தீர்வு காணப்படுவது அவசியம். ஏனைய நாடுகள் துரித கதியில் முன்னேறிக் கொண்டிருக்கும் போது நாம் இந்தப் பிரச்சினையால் பின்நோக்கிப் பயணித்துக் கொண்டிருக்கின்றோம். எனவே இந்த நிலை குறித்து அனைத்து கட்சிகளும் சிந்தித்து செயற்பட வேண்டும். இவ்வாறு அவர் தெரிவித்தார்.

தமிழ்த் தேசிய கூட்டமைப்பை அரசியல் கட்சியாக பதிதல் இழுபறியில்

noreply@blogger.com (JKR) — Sat, 02 Jun 2012 07:47:39 PDT

த மிழ்த் தேசியக் கூட்டமைப்பை அரசியல் கட்சியாக பதிவு செய்வதில் தொடர்ந்தும் இழுபறி நிலையே நிலவுகின்றது. பதிவு செய்வது தொடர்பாக தமிழரசுக் கட்சிக்கு கரிசனை இருப்பதாகத் தெரியவில்லை என கூட்டமைப்பு எம்.பி சுரேஷ் பிரேமச்சந்திரன் தெரிவித்தார்.
தமிழ்த் தேசியக் கூட்டமைப்பில் அங்கம் வகிக்கும் ஐந்து கட்சிகளின் கூட்டம் நேற்று முன்தினம் மாலை நடைபெற்றது. அது தொடர்பாகக் கேட்ட போதே அவர் இவ்வாறு தெரிவித்தார். நாடாளுமன்றத் தெரிவுக்குழு தொடர்பாக இக் கூட்டத்தில் ஆராயப்பட்ட போதும் அக்குழுவுக்கு பிரதி நிதிகளை நியமிப்பது குறித்து எதுவித முடிவும் எடுக்கப்படவில்லை என்றும் அவர் கூறினார்.

அனோமா பொன்சேகா மன்றத்தில் இணைய அதிக எண்ணிக்கையானோர் ஆர்வம்

noreply@blogger.com (JKR) — Sat, 02 Jun 2012 07:29:21 PDT

முன்னாள் இராணுவத் தளபதி சரத் பொன்சேகா சிறையிலிருந்து இருவாரங்களுக்குமுன் விடுதலையானதையடுத்து, தனது அனோமா பொன்சேகா மன்றத்தில் இணைந்துகொள்ள பெரும் எண்ணிக்கையானோர் ஆர்வம் காட்டுவதாக திருமதி அனோமா பொன்சேகா தெரிவித்துள்ளார்.
02.02.2011 ஆம் திகதி அனோமா பொன்சேகா மன்றத்தை அனேமா பொன்சேகா ஸ்தாபித்தார். இந்த மன்றத்தில் அங்கத்தவர்களாக இணைவோரின் எண்ணிக்கை வெகுவாக அதிகரித்து வருவதாக அவர் கூறினார். 'இம்மன்றத்தில் இணைய விரும்புவதாக கூறும் பலரின் தொலைபேசி அழைப்புகள் வருகின்றன. அடுத்த மாதம் புதிய அங்கத்தவர்களை சேர்க்கவுள்ளோம். இதில் பெரும் எண்ணிக்கையானோர் இணைவர் என எதிர்பார்க்கிறோம்' என அவர் கூறினார். அனோமா பொன்சேகா மன்றமானது அரசியல் நடவடிக்கைகளில் ஈடுபடுவதில்லை. அது பின்தங்கிய மக்களுக்கு உதவுவதற்கான அமைப்பாகும். சரத் பொன்சேகா அதில் அங்கம் வகிக்கவில்லை எனவும் அனோமா பொன்சேகா தெரிவித்தார்.

யாழ் நூலகத்தினதும் சிறார்களினதும் மேம்பாட்டிற்கு சிங்கப்பூர் முழுமையான ஆதரவு வழங்கும் - சிங்கப்பூர் வெளிவிகார அமைச்சர் சண்முகம்

noreply@blogger.com (JKR) — Fri, 01 Jun 2012 11:43:43 PDT

யா ழ்ப்பாணம் பொதுநூலகத்தின் தேவைகள் தொடர்பிலும் மாவட்டச் சிறார்களின் கல்வி மேம்பாடு தொடர்பிலும் எதிர்காலத்தில் சிங்கப்பூர் அரசு கவனம் செலுத்தும் என அந்நாட்டின் வெளிவிவகார அமைச்சர் சண்முகம் உறுதிமொழி வழங்கியுள்ளார். (படங்கள் இணைக்கப்பட்டுள்ளன)
யாழ்ப்பாணத்திற்கு இன்றைய தினம் (31) விஜயம் மேற்கொண்ட சிங்கப்பூர் வெளிவிவகார அமைச்சர் பொதுநூலகத்தில் ஊடகவியலாளர்களுக்கு கருத்துத் தெரிவிக்கும் போதே இந்த உறுதிமொழியை வழங்கியுள்ளார். அவர் மேலும் தெரிவிக்கையில் முதற்தடவையாக யாழ்ப்பாணத்திற்கு வருகை தந்துள்ள நிலையில் இப்பயணம் மிகுந்த மகிழ்ச்சியை தருகின்றது. இங்குள்ள மக்களது வாழ்வு முன்னேற்றம் காண்பதற்கு எல்லோரது ஒன்றிணைந்த உழைப்பு முக்கியமானது. இதனிடையே நீண்ட கால யுத்தத்தால் பாதிக்கப்பட்ட மக்களது வாழ்வு தற்போது பல்வேறு வகைகளிலும் முன்னேற்றம் கண்டு வருகின்றது. இருந்த போதிலும் இங்குள்ள சிறார்களது கல்வி மேம்பாடு மற்றும் இந்நூலகத்தின் மேம்பாட்டுத் திட்டங்கள் தொடர்பிலான தேவைகள் தொடர்பில் சிங்கப்பூர் அரசு நிச்சயம் முழுமையான ஒத்துழைப்பு ஒத்தாசையும் வழங்கும் என்றும் உறுதிபடத் தெரிவித்தார். சிங்கப்பூர் வெளிவிவாகர அமைச்சர் சண்முகம் தலைமையிலான குழுவினர் நூலகத்தின் பல்வேறு பகுதிகளுக்கும் விஜயம் மேற்கொண்டதுடன் தேவைகள் தொடர்பிலும் ஆராய்ந்தறிந்து கொண்டனர். அங்கு வெளிவிவகார அமைச்சர் அவர்களுக்கு யாழ் மாவட்டத்தினதும் நாட்டினதும் தற்போதைய நிலைவரம் தொடர்பில் அமைச்சர் டக்ளஸ் தேவானந்தா அவர்கள் விரிவாக எடுத்துரைத்தார். இதன்போது நாட்டில் வாழும் சகல மக்களின் நலன்களை முன்னிறுத்திய வகையிலும் நாட்டின் நலனையும் மக்களின் நலனையும் ஒரே தளத்தில் வைத்துக் கொண்டு தான் இனப்பிரச்சினைக்கு நிரந்தரத் தீர்வு காணப்பட வேண்டும் என்பதில் தாம் உறுதியாக இருப்பதாகத் தெரிவித்தார். அத்துடன் சிங்கப்பூர் எவ்வாறு முன்னேற்றத்துடன் கூடியதான வகையில் அபிவிருத்தி அடைந்துள்ளதோ அதேபோன்று தமிழர் பகுதிகளும் முன்னேற்றம் காணவேண்டும் என்பதே தமது விரும்பம் எனவும் சுட்டிக் காட்டினார். முன்பதாக நல்லூர் கந்தசாமி கோவிலுக்கு வருகை தந்திந்த சிங்கப்பூர் வெளிவிவகார அமைச்சர் அவர்களுக்கு அமைச்சர் டக்ளஸ் தேவானந்தா அவர்கள் பொன்னாடை போர்த்தி கௌரவித்து வரவேற்றதைத் தொடர்ந்து சிறப்புப் பூசை வழிபாடுகளிலும் கலந்து கொண்டனர். இலங்கை வெளிவிவகார அமைச்சர் ஜி.எல்.பீரிஸ் அவர்களின் அழைப்பின் பேரில் சிங்கப்பூர் வெளிவிவகார அமைச்சர் சண்முகம் தலைமையிலான குழுவினர் ஐந்து நாள் உத்தியோகபூர்வ விஜயம் மேற்கொண்டு நேற்று முன்தினம் இலங்கைக்கு வருகை தந்துள்ள நிலையில் நாளை மறுதினம் வரை தங்கியிருப்பர். இவ்விஜயத்தின் போது குறிப்பாக வடக்கு கிழக்கு பகுதிகளில் இடம்பெற்று வரும் மீள்குடியேற்றம் அபிவிருத்தி நடவடிக்கைகள் உள்ளிட்ட விடயங்களில் இக்குழுவினர் கவனம் செலுத்தவுள்ளனர். இதன்போது அவரது பாரியார் திருமதி சீதா சண்முகம் இலங்கைக்கான சிங்கப்பூர் தூதுவராலயத்தின் தூதுவர் சேவேசென் யாழ் மாவட்ட அரச அதிபர் சுந்தரம் அருமைநாயகம் யாழ் மாநகர முதல்வர் திருமதி யோகேஸ்வரி பற்குணராஜா உள்ளிட்ட இரு நாடுகளினதும் துறைசார்ந்த அதிகாரிகள் பலரும் உடனிருந்தனர்.

புலிகள் மீதான தடையை மேலும் இரண்டு ஆண்டுகளுக்கு நீடித்தது இந்தியா

noreply@blogger.com (JKR) — Fri, 01 Jun 2012 11:14:59 PDT

விடுதலைப் புலிகள் இயக்கம் மீது விதிக்கப்பட்டுள்ள தடையை இந்திய அரசு மேலும் இரண்டு ஆண்டுகளுக்கு நீடித்துள்ளது.
விடுதலைப் புலிகள் மீதான தடை நீடிக்கப்படுவது குறித்து இந்திய மத்திய உள்துறை அமைச்சு அறிவித்துள்ளது. தமிழ்நாட்டில் விடுதலைப் புலிகளின் போராளிகளும், தலைவர்களும் மீள ஒருங்கிணைய முயற்சிப்பதாக புலனாய்வு அறிக்கைகள் கிடைத்துள்ளதை அடுத்தே, இந்தத் தடை நீடிக்கப்பட்டுள்ளதாக இந்திய ஊடகங்கள் தகவல் வெளியிட்டுள்ளன

பிரிட்டனிலிருந்து நாடுகடத்தப்பட்ட 36 இலங்கையர்கள் கொழும்பை வந்தடைந்தனர்

noreply@blogger.com (JKR) — Fri, 01 Jun 2012 09:16:01 PDT

பிரிட்டனில் தஞ்சக் கோரிக்கை நிராகரிக்கப்பட்டு நாடு கடத்தப்பட்ட 36 இலங்கையர்கள் இன்று காலை விசேட விமானமொன்றின் மூலம் கொழும்பை வந்தடைந்தனர்.
இவர்களிடமிருந்து குற்றப்புலனாய்வுப் பிரிவினர் வாக்குமூலங்களைப் பதிவு செய்துவருகின்றனர். நாடுகடத்தப்பட்டவர்களில் 22 தமிழர்கள், 8 சிங்களவர்கள், 6 முஸ்லிம்கள் அடங்குகின்றனர். இவர்களுக்கு பாதுகாப்பாக பிரித்தானிய அதிகாரிகள் 72 பேரும் மேற்படி விசேட விமானத்தில் வந்தமை குறிப்பிடத்தக்கது.

கொழும்பில் விபசார விடுதி முற்றுகை; 18 பேர் கைது

noreply@blogger.com (JKR) — Fri, 01 Jun 2012 09:12:15 PDT

கொழும்பு டி.ஆர்.விஜயவர்தன மாவத்தையில் உள்ள இரவு நேர விடுதியொன்றை நேற்று வியாழக்கிழமை இரவு முற்றுகையிட்டபோது, பாலியல் தொழிலாளர்கள் என சந்தேகிக்கப்படும் 8 பெண்கள் உட்பட 18 பேரை பொலிஸார் கைதுசெய்துள்ளனர்.
விபசார விடுதியை நடத்த உதவியதாகத் தெரிவிக்கப்படும் 8 பெண்கள், முகாமையாளர் ஒருவர் மற்றும் ஏனைய 9 பேர் கைதுசெய்யப்பட்டுள்ளதாகவும் இவர்கள் கோட்டை நீதவான் முன்னிலையில் இன்று ஆஜர்படுத்தப்பட்டுள்ளதாகவும் பொலிஸார் கூறினர்

இளம் மனைவி மீது ஏற்பட்ட சந்தேகத்தால் அவரது உதட்டை கடித்துத் தின்ற நபர் _

noreply@blogger.com (JKR) — Fri, 01 Jun 2012 09:07:32 PDT

ம னைவி மீது ஏற்பட்ட சந்தேகத்தால், அவரது உதட்டை கடித்துத் தின்ற கணவரை, சுவீடன் பொலிஸார் கைது செய்துள்ளனர்.
குறித்த நபர் சுவீடன் நாட்டின் கரோலின்ஸ்கா பல்கலைக்கழகத்தில், துணை பேராசிரியராக பணிபுரிந்தவர். இவர் தனது முதல் மனைவியை, சமீபத்தில் விவாகரத்து செய்து விட்டு, இளம்பெண் ஒருவரை, கடந்த வாரம் திருமணம் செய்து கொண்டார். தன் இளம்மனைவிக்கு, மற்றொருவருடன் தொடர்பு இருப்பதாக சந்தேகம் கொண்ட பேராசிரியர், அவரது உதட்டை கடித்துத் தின்று விட்டார். இதனால், படுகாயமடைந்த இவரின் மனைவி, தற்போது சிகிச்சை பெற்று வருகிறார். மனைவியின் அழகை குலைக்க வேண்டும் என்ற நோக்கில், உதட்டை கடித்துத் தின்றுள்ளதாக, பேராசிரியர் மீது கொலை முயற்சி வழக்கு பதிவு செய்யப்பட்டுள்ளது. ஆனால், உதட்டை கடித்துத் துப்பாமல், எதற்காக அவர் தின்றார் என்பது தெரியவில்லை. தற்போது, மன நல மருத்துவர்கள், இவரது குணாதிசயங்கள் குறித்து, ஆய்வு செய்து வருகின்றனர்.

த.தே.கூட்டமைப்பில் பிளவு இல்லை: சம்பந்தன்

noreply@blogger.com (JKR) — Fri, 01 Jun 2012 09:02:26 PDT

ஊடகங்கள் சிலவற்றில் கூறப்படுவது போல் தமிழ் தேசியக் கூட்டமைப்பில் பிளவுகள் எதுவும் இல்லை என தமிழ் தேசியக் கூட்டமைப்பின் தலைவர் இரா. சம்பந்தன் தெரிவித்துள்ளார்.
தமிழரசுக் கட்சியின் தேசிய மாநாட்டில் சம்பந்தனால் கூறப்பட்ட சில கருத்துகள் சர்ச்சைக்குரியவை என நாடாளுமன்ற உறுப்பினர் சுரேஷ் பிரேமச்சந்திரன் கூறியதாக வெளிவந்த செய்திகள் குறித்து சம்பந்தனிடம் கேட்டபோது, "நாம் ஒரு ஜனநாயகக் கட்சி. எமது கட்சியின் அங்கத்தவர்களால் வெளியிடப்படும் கருத்களை நான் மதிக்கிறேன். அக்கருத்துக்களுக்கு எதிராக எதுவும் நான் கூறமாட்டேன். ஆனால் நிச்சயமாக எமது கட்சியில் பிளவு எதுவும் இல்லை" என பதிலளித்தார்

வடமாகாண ஆளுநர் செயலகத்தை அமைச்சர் டக்ளஸ் தேவானந்தா திறந்து வைத்தார்!

noreply@blogger.com (JKR) — Thu, 31 May 2012 10:38:18 PDT

வடமாகாண ஆளுநரின் செயலகத்தை பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் திறந்து வைத்தார். (படங்கள் இணைக்கப்பட்டுள்ளன)
யாழ்ப்பாணம் பழைய பூங்கா வளாகத்தில் புதிதாக அமைக்கப்பட்ட மாகாண ஆளுநரின் செயலகமே இன்றைய தினம் (31) திறந்து வைக்கப்பட்டுள்ளது. முன்பதாக நிகழ்வின் பிரதம விருந்தினராகக் கலந்து கொண்ட அமைச்சர் அவர்கள் பிரதான வாயிலிருந்து மங்கள வாத்தியம் மற்றும் பண்பாட்டு வாத்தியம் சகிதம் நிகழ்விடத்திற்கு அழைத்து வரப்பட்டார். அங்கு மங்கள விளக்கேற்றலைத் தொடர்ந்து சமயத் தலைவர்களின் ஆசிரியுரைகள் இடம்பெற்றன. பெயர்ப்பலகையினை அமைச்சர் அவர்களும் வடமாகாண ஆளுநர் ஜி.ஏ. சந்திரசிறியும் இணைந்து திரைநீக்கம் செய்து வைத்ததைத் தொடர்ந்து நினைவுக் கல்லையும் திரைநீக்கம் செய்து வைத்தனர். சுமார் 25 மில்லியன் ரூபா செலவில் நவீன வசதிகளைக் கொண்டதாகக் கட்டப்பட்ட இச்செயலகத்தை அமைச்சர் நாடாவை வெட்டி திறந்து வைத்ததுடன் புதிய கட்டிடத் தொகுதியையும் பார்வையிட்டார். இதன்போது ஊடகங்களுக்கு கருத்துத் தெரிவித்த அமைச்சர் அவர்கள் கடந்த காலங்களில் வடமாகாண ஆளுநரின் செயலகத்ததிற்கென்று நிரந்தரமான கட்டிடம் இல்லாத நிலையில் மக்கள் பல்வேறு நெருக்கடிகளைச் சந்தித்து வந்துள்ளனர். இப்புதிய செயலகத்தினூடாக எதிர்காலத்தில் மக்கள் தமக்கான தேவைகளை இலகுவாகப் பெற்றுக் கொள்ளக் கூடியதாக இருக்கும். ஆளுநர் ஜி.ஏ. சந்திரசிறி மக்களுக்கு புதியவரல்ல யாழ் மாவட்டம் உள்ளிட்ட வடமாகாணத்தின் பல்வேறு பகுதிகளிலும் சேவையாற்றி வருகின்றார் என்பதுடன் நவீன முறையில் அமைக்கப்பட்டுள்ள இப்புதிய செயகத்திற்கூடாக மக்களின் சேவைகள் துறைசார்ந்த அதிகாரிகள் ஊடாக இலகுபடுத்தப்படும் எனவும் நம்பிக்கை வெளியிட்டார். இந்த நிகழ்வில் யாழ் மாநகர முதல்வர் திருமதி யோகேஸ்வரி பற்குணராஜா வடமாகாண கல்வி பண்பாட்டலுவல்கள் மற்றும் விளையாட்டுத்துறை அமைச்சின் செயலாளர் சத்தியசீலன் ஆளுநரின் செயலாளர் இளங்கோவன் வடமாகாண பிரதம செயலாளர் திருமதி விஜயலட்சுமி ரமேஸ் உள்ளிட்ட மாகாணத் திணைக்களங்களின் துறைசார்ந்த அதிகாரிகள் பலரும் கலந்து கொண்டனர்.

தாய்லாந்துக்கு இளவரசியுடன் ஜனாதிபதி மஹிந்த

noreply@blogger.com (JKR) — Thu, 31 May 2012 10:25:30 PDT

தாய்லாந்துக்கு விஜயம் மேற்கொண்டுள்ள ஜனாதிபதி மஹிந்த ராஜபக்ஷ அந்நாட்டு இளவரசி மஹா சக்ரி ஸ்ரீந்தோர்னை சந்தித்து பேச்சு நடத்தினார். இச்சந்திப்பில் நாடாளுமன்ற உறுப்பினர் சஜின் வாஸ் குணவர்த்தன உட்பட பலர் கலந்துகொண்டனர்.

நவநீதம்பிள்ளை உள் விவகாரங்களில் தலையிடக் கூடாது: அரசாங்கம்

noreply@blogger.com (JKR) — Thu, 31 May 2012 10:15:41 PDT

ஐக்கிய நாடுகள் சபையின் மனித உரிமைகளுக்கான உயர் ஸ்தானிகர் நவநீதம்பிள்ளையோ அவரது குழுவினரோ இலங்கை வருவதான் அரசிற்கு எவ்விதமான ஆட்சேபனையும் கிடையாது. ஆனால் நாட்டின் உள்ளக நிர்வாகங்களில் தலையிடுவதாகவோ அழுத்தங்களை பிரயோகிப்பதாகவோ அவர்களின் விஜயம் அமையக் கூடாது என்று அரசாங்கம் திட்டவட்டமாக அறிவித்துள்ளது.
இலங்கையின் உள்ளார்ந்த நிர்வாக கட்டமைப்புக்கு சர்வதேசத்தின் ஆலோசனைகள் தேவையில்லை. வடக்கு கிழக்கில் முகாம்களை நிர்மாணிக்க அரசியல் தீர்வை ஏற்படத்தல் மற்றும் மனித உரிமை பிரச்சினைகளை ஆராய்வது போன்ற விடயங்கள் உள்நாட்டு விவகாரங்களாகும். இதில் சர்வதேச நாடுகள் தலையிட்டு நாட்டின் நீதிமன்ற பொறிமுறையினை இழிவுபடுத்துவதை அனுமதிக்க முடியாது என்றும் அரசாங்கம் குறிப்பிட்டுள்ளது. இது குறித்து அமைச்சரவையின் பேச்சாளரும் ஊடக அமைச்சருமான கெஹலிய ரம்புக்வெல கூறுகையில், உள்நாட்டில் 30 ஆவது ஆண்டு கால பயங்கரவாதத்தை ஒழித்து நிலையான சமாதானத்தையும் சுதந்திரத்தையும் இலங்கையில் அரசாங்கம் ஏற்படுத்தியுள்ளது. அத்துடன் முன்னேற்றங்களை காண்பதற்கான வழிமுறைகளை அரசு பல்வேறு துறைகளிலும் கையாண்டு வருகின்றது. சர்வதேசம் கூறுவது போன்று அவசரமான தீர்மானங்களை மேற்கொள்ள முடியாது. குறிப்பாக தற்போது வடக்கு கிழக்கில் இராணுவ முகாம்களை அகற்ற வேண்டும் என்று பிரித்தானியா போன்ற நாடுகள் கூறி வருகின்றன. எந்தவொரு சர்வதேச நாட்டினதும் அழுத்தங்களையோ ஆலோசனைகளையோ அரசாங்கம் விரும்பவில்லை. எனவே பிரித்தானியா இலங்கையின் உள்ளார்ந்த விடயங்களில் தலையிடும் நிலைப்பாட்டை மாற்றிக் கொள்ள வேண்டும். இறுதி யுத்தத்தின்போது சரணடைந்த மற்றும் கைது செய்யப்பட்ட புலி உறுப்பினர்கள் 8 ஆயிரம் பேர் வரையிலானோரை புனர்வாழ்வு அளித்து அரசு விடுவித்துள்ளது. இது குறித்தும் சர்வதேச நாடுகள் தலையீடுகளை மேற்கொள்கின்றன. நீதிமன்ற பொறிமுறையின் அடிப்படையில் இடம்பெற வேண்டிய விடயங்களை பிறிதொரு நாடு வலியுறத்துகின்றமையானது கண்டிக்கப்பட வேண்டிய விடயமாகும். அந்நிய நாடுகள் கூறுவதைத்தான் செய்ய வேண்டுமென்றால் அரசியலமைப்போ சட்டங்களோ நாட்டிற்கு தேவையில்லை. எனவே அரசாங்கம் தேசிய கொள்கைகளில் நிலையான உறுதியுடனேயே இருக்கின்றது. ஜனநாயக நடவடிக்கைகளை உள்நாட்டில் முன்னெடுக்க பிரிதொருவரின் ஆலோசனை தேவையில்லை. நாட்டுக்குள் எந்தவொரு சர்வதேச நட்டவர்களும் வரலாம். அதற்கு எவ்விதமான தடைகளும் கிடையாது. ஜனாதிபதி மஹிந்த ராஜபக்ஷவின் அழைப்பின் பேரில் இந்திய எதிர்க்ட்சித் தலைவி சுஷ்மா சுவராஜ் தலைமையில் சர்வக் கட்சிகளின் பாராளுமன்றக் குழுவினர் இலங்கை வந்துச் சென்றனர். இக் குழுவினர் உள்நாட்டின் முன்னேற்றங்களை வெளிப்படையாகவே பாராட்டி விட்டுச் சென்றனர். இதேபோன்று ஐக்கிய நாடுகள் சபையின் மனித உரிமைகளுக்கான உயர் ஸ்தானிகர் நவநீதம்பிள்ளையும் இலங்கைக்கு வந்து விட்டுச்செல்லலாம். ஆனால் நவநீதம்பிள்ளையின் இலங்கை மீதான பார்வை ஓரக்கண் பார்வையாகவே காணப்படுகின்றது. எனவே இவரின் வருகையும் நிலைப்பாடும் நாட்டிற்கு எதிராக காணப்படுமாயின் அதனை அரசு அனுமதிக்காது என்றார்.

யாழ். மக்கள் இலங்கைக்குள் ஒளிமயமான எதிர்காலத்துடன் வாழ்கின்றனர்: சிங்கப்பூர் அமைச்சர்

noreply@blogger.com (JKR) — Thu, 31 May 2012 10:04:30 PDT

யாழ். மக்கள் இலங்கைக்குள் ஒளிமயமான எதிர்காலத்துடன் வாழ்கின்றனர் என யாழ்பாணத்திற்கு விஜயம் மேற்கொண்டுள்ள சிங்கப்பூர் வெளிவிவகார அமைச்சர் கே.சண்முகம் தெரிவித்தார்
யாழ். நூலகத்தை பார்வையிட்ட பின்னர் ஊடகவியலாளர்களுக்கு கருத்து தெரிவிக்கும் போது அவர் மேற்கண்டவாறு குறிப்பிட்டார். அங்கு மேலும் கருத்து தெரிவித்த சிங்கப்பூர் வெளிவிவகார அமைச்சர், ' கடந்த 30 வருட காலம் யாழ்ப்பாணத்தில் என்ன நடந்தது என்பதை சிங்கப்பூர் பத்திரிகை ஊடாகவே அறிந்தேன். ஆனால், இன்று நேரில் யாழ்ப்பாணத்தை பார்வையிடுவது மிகவும் மகிழ்ச்சியாக உள்ளது. யாழ். நூலகத்தின் சிறுவர் பகுதியில் கணணி இணைப்புக்களை ஏற்படுத்துவதற்கு சிங்கப்பூர் அரசு நடவடிக்கை எடுக்கவுள்ளது. சிறுவர்களின் கணணி அறிவை வளர்ப்பதற்கு அதற்குரிய ஆசிரியர்களை பயிற்றுவிப்பதற்கு நாங்கள் நடவடிக்கை எடுக்கவுள்ளோம் நான் யாழ்ப்பாணத்திற்கு முதல் முறையாக எனது மனைவி சீதாவுடன் வந்துள்ளேன். நல்லூர் ஆலயத்தில் வழிபாடுகளை மேற்கொண்டுள்ளதுடன் யாழ்.நூலகத்தில் அரிய நூலக்களையும் பார்வையிட்டுள்ளேன்' என்றார்.

தஞ்சம் நிராகரிக்கப்பட்டவர்களை இலங்கைக்கு அனுப்பக் கூடாது'

noreply@blogger.com (JKR) — Thu, 31 May 2012 09:44:19 PDT

பிரிட்டனில் இருந்து திருப்பி அனுப்பப்பட்ட ஒருவர் இலங்கையில் சித்ரவதைக்கு உள்ளான ஆதாரம் தம்மிடம் இருப்பதாகக் கூறும் ''சித்ரவதைகளில் இருந்து விடுதலை'' (Freedom from Torture) என்னும் அமைப்பு, ஆகவே பிரிட்டிஷ் அரசாங்கம் இலங்கைக்கு தமிழர்களை திருப்பி அனுப்பக் கூடாது என்று கேட்டுள்ளது. பிரிட்டனில் தஞ்சம் நிராகரிக்கப்பட்ட மற்றுமொரு தொகுதியினர் வியாழனன்று இலங்கைக்கு திருப்பி அனுப்பப்படவுள்ளதாக செய்திகள் வெளியான நிலையிலேயே இந்த அமைப்பு இவ்வாறு கூறியுள்ளது.
பிரிட்டனைத் தளமாகக் கொண்ட இந்த அமைப்பின் தலைமை நிர்வாக இயக்குனர் கீத் பெஸ்ட் அவர்கள் இது குறித்து பிபிசியிடம் பேசும் போது, பிரிட்டனில் இருந்து திருப்பி அனுப்பப்பட்டு, இலங்கையில் சித்ரவதைக்கு உள்ளாகி, மீண்டும் பிரிட்டனில் தஞ்சம் கோரியுள்ள ஒருவர் பற்றிய ஆதாரம் தம்மிடம் இருப்பதாகக் கூறியுள்ளார். இது குறித்த தகவல்களை தாம் பிரிட்டிஷ் அதிகாரிகளுடன் பகிர்ந்துகொண்டுள்ள போதிலும், பிரிட்டன் தொடர்ந்தும் இலங்கைக்கு தஞ்சம் நிராகரிக்கப்பட்டவர்களை திருப்பி அனுப்புவது துரதிர்ஸ்டவசமானது என்றும் அவர் தெரிவித்துள்ளார். அது மாத்திரமன்றி பிரிட்டிஷ் அரசாங்கம் அவர்களை ஒரு வகையில் ரகசியமான முறையில் திருப்பி அனுப்பும் நடவடிக்கைகளில் ஈடுபடுவதாகவும் அவர் கவலை வெளியிட்டுள்ளார். இலங்கை மக்கள் தொடர்பில் இவ்வாறான பல சம்பவங்கள் குறித்த தகவல்கள் தம்மிடம் இருப்பதாகக் கூறும் கீத் பெஸ்ட் அவர்கள், இப்படியான சம்பவங்கள் குறித்து இலங்கையில் ஒரு முழுமையான பொறுப்புக் கூறல் நடக்கும் வரை தஞ்சம் கோரியவர்களை அங்கு பிரிட்டிஷ் அரசாங்கம் திரும்ப அனுப்பக் கூடாது என்றும் தெரிவித்துள்ளார். இந்த விடயத்தில் பிரிட்டிஷ் அரசாங்கம் ஒரு முழுமையான தெளிவு பெறும் வரை தமது நடவடிக்கைகள் தொடரும் என்றும் அவர் கூறியுள்ளார்.

எரிவடைந்த இரு சடலங்கள் வராபிட்டியில் மீட்பு

noreply@blogger.com (JKR) — Thu, 31 May 2012 09:08:44 PDT

கஹவத்தை, வராபிட்டி பகுதியில் தீ விபத்திற்குள்ளான வீடொன்றிலிருந்து தீயில் கருகிய நிலையில் இரு பெண்களின் சடலங்கள் இன்று வியாழக்கிழமை காலை மீட்கப்பட்டுள்ளதாக பொலிஸார் தெரிவித்துள்ளனர். சகோதரிகளான 52 மற்றும் 61 வயதுடையவர்களின் சடலங்களென அடையாளம் காணப்பட்டுள்ளதாகவும் பொலிஸார் கூறினார். இச்சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.

எம்பிலிபிடியவில் பொலிஸார் துப்பாக்கிச்சூடு; இரு கொள்ளையர்கள் வைத்தியசாலையில்

noreply@blogger.com (JKR) — Thu, 31 May 2012 07:35:07 PDT

எம்பிலிபிட்டிய நகரில் அமைந்துள்ள வங்கியொன்றுக்கு அருகில் இன்று வியாழக்கிழமை காலை, பொலிஸார் மேற்கொண்ட துப்பாக்கிச் சூட்டுச் சம்பவமொன்றில் இருவர் படுகாயங்களுக்கு உள்ளாகிய நிலையில் வைத்தியசாலையில் அனுமதிக்கப்பட்டுள்ளனர்.
குட்டிகல பிரதேசத்தில் அமைந்துள்ள பலகைத் தொழிற்சாலையொன்றில் கொள்ளையில் ஈடுபட முயற்சித்த கொள்ளையர்கள் மீதே பொலிஸார் இந்த துப்பாக்கிப் பிரயோகத்தை மேற்கொண்டுள்ளனர். இதன்போது, இருவர் காயமடைந்துள்ளதுடன் மற்றொருவர் தப்பிச் சென்றுள்ளார். குறித்த கொள்ளையர்கள், தங்களது கொள்ளை முயற்சி பயனளிக்காத நிலையில், அங்கிருந்து கார் ஒன்றில் தப்பிச் செல்ல முயன்ற போதே துப்பாக்கிச் சூட்டுக்கு இலக்கானதாக பொலிஸ் ஊடக பேச்சாளரும் பொலிஸ் அத்தியட்சருமான அஜித் ரோஹன தெரிவித்தார். சம்பவத்தில் காயமடைந்த இருவரும் எம்பிலிபிட்டிய வைத்தியசாலையில் அனுமதிக்கப்பட்டுள்ளனர். அவர்கள் பயணித்த கார் பொலிஸாரால் கைப்பற்றப்பட்டுள்ளது. சம்பவத்தின் போது தப்பிச் சென்றவர்கள் தொடர்பில் தீவிர விசாரணைகள் மேற்கொள்ளப்பட்டு வருவதாக பொலிஸ் பேச்சாளர் மேலும் கூறினார்.

தம்புள்ளை பள்ளிவாசல் தாக்குதல் குற்றவாளிகளை சட்டத்தின் முன் நிறுத்தாமை ஆச்சரியமளிக்கின்றது: ஜயலத் எம்.பி

noreply@blogger.com (JKR) — Wed, 30 May 2012 09:12:03 PDT

தம்புள்ளை பள்ளிவாசல் மீது அண்மையில் மேற்கொள்ளப்பட்ட தாக்குதல் குறித்த விசாரணைகள் நடத்தப்பட்டு இன்னும் குற்றவாளிகள் சட்டத்தின் முன நிறுத்தப்படாமையையிட்டு நான் ஆச்சரியப்படுகிறேன் என ஐக்கிய தேசிய கட்சியின் பிரதி பொது செயலாளரும் நாடாளுமன்ற உறுப்பினருமான டாக்டர் ஜயலத் ஜயவர்தன தெரிவித்தார்.
குறித்த பள்ளிசாவல் நிறுவகத்தினரால் பொலிஸ் நிலையத்தில் முறைப்பாடு செய்யப்பட்டுள்ள போதிலும் விசாரணைகள் மந்த கதியில் இடம்பெறுகின்றது என அவர் குறிப்பிட்டுள்ளார். இது தொடர்பில் அவர் விடுத்துள்ள விசேட அறிக்கையிலேயே மேற்கண்டவாறு குறிப்பிடப்பட்டுள்ளது. குறித்த அறிக்கையில் மேலும் தெரிவிக்கப்பட்டுள்ளதாவது, "இலங்கையில் சட்டம் மற்றும் நீதி ஆகிய மந்தமடைந்துள்ளமை இதற்கு ஓர் உதாரணமாகும். இதுவரை இந்த தாக்குதல் சம்பவம் குறித்த விசாரணைகள் நடத்தப்படாமையினால் குருநாகல், எகலியாகொடை, தெஹிவளை ஆகிய பகுதிகளிலுள்ள முஸ்லிம் பள்ளிவாசல்கள் மீது தாக்குதல் மேற்கொள்ளப்படலாம் என்ற அச்சமும் தற்போது முஸ்லிம் சமுதாயத்தில் உருவாகியுள்ளது. மேலும் எதிர்காலத்தில் இப்படியான ஆலயங்கள் மற்றும் மத வழிபாட்டு தலங்கள் மீதான தாக்குதல்களுக்கும் இவ்வாறான சம்பவங்கள் உதாரணங்களாகி விடலாம். இலங்கை அரசியல் அமைப்பில் எமது நாட்டு பிரஜைகளுக்கு தத்தமது மத வழிபாடுகளில் ஈடுபடுவதற்கான உரிமைகள் வழங்கப்பட்டுள்ளன. அரசமைப்பின் படி கிடைக்க பெற்றுள்ள இந்த உரிமைகளை பாதுகாக்க அரசாங்கம் மற்றும் பொலிஸார் உரிய நடவடிக்கைகளை மேற்கொள்ள வேண்டும்" என்றார்.

லைபீரிய முன்னாள் ஜனாதிபதி சார்ள்ஸ் டெய்லருக்கு 50 வருட சிறைத்தண்டனை

noreply@blogger.com (JKR) — Wed, 30 May 2012 08:51:34 PDT

லைபீரியாவின் முன்னாள் ஜனாதிபதி சார்ள்ஸ் டெய்லருக்கு ஐ.நா. ஆதரவுடனான போர்க்குற்ற விசாரணை நீதிமன்ற,ம் 50 வருடகால சிறைத்தண்டனை விதித்துள்ளது. தற்போது 64 வயதான சார்ள்ஸ் டெய்லர், ஆயுத கிளர்ச்சியில் ஈடுபட்ட அமைப்பொன்றின் தலைவராக இருந்தவர். 2007 ஆம் ஆண்டு லைபீரியாவின் ஜனாதிபதியாக தெரிவு செய்யப்பட்ட அவர் 2003ஆம் ஆண்டு சர்வதேச நிர்ப்பந்தங்கள் காரணமாக அப்பதவியிலிருந்து ராஜினாமா செய்தார். அவர் ஜனாதிபதியாக பதவி வகித்த காலத்தில், சியாரா லியோனில் பயங்கர வன்முறையில் ஈடுபட்ட குழுவினருக்கு ஆயுதங்களை விநியோகித்து அவற்றுக்குப் பதிலாக இரத்தினங்களை பெற்றுக்கொண்டதாக குற்றம் சுமத்தப்பட்டிருந்தார்.
இது தொடர்பாக சியாரா லியோன் தொடர்பான ஐ.நாவின் விசேட நீதிமன்றம் நெதர்லாந்து, தலைநகர் ஹேக்கில் விசாரணை நடத்தியது. இவ்வழக்கில் அவர் குற்றவாளி என கடந்த மாதம் மேற்படி நீதிமன்றம் தீர்ப்பளித்திருந்தது. இன்று புதன்கிழமை அவருக்கு 50 வருடகால சிறைத்தண்டனை விதிக்கப்பட்டது. அவருக்கு 80 வருடகால சிறைத்தண்டனை விதிக்க வேண்டுமென வழக்குத் தொடுநர்கள் கோரிக்கை விடுத்தனர். எனினும் நீதிபதி ரிச்சர்ட் லூசிக் 50 வருட சிறைத்தண்டனை விதித்து தீர்ப்பளித்தார். இத்தீர்ப்புக்கு எதிராக சார்ள்ஸ் டெய்லர் மேன்முறையீடு செய்வார் என எதிர்பார்க்கப்படுகிறது. இம்மேன்முறையீட்டு விசாரணைகள் 6 மாத காலத்திற்கு நீடிக்கக்கூடும் எனத் தெரிவிக்கப்படுகிறது.

நேர்முக பரீட்சையில் அனைத்து பட்டதாரிகளும் கலந்து கொள்ள வேண்டும்: முரளிதரன் _

noreply@blogger.com (JKR) — Wed, 30 May 2012 08:47:13 PDT

மட்டக்களப்பு, திருகோணமலை மாவட்டங்களிலுள்ள பட்டதாரிகளின் அரச நியமனம் தொடர்பான நேர்முகப் பரீட்சைகள் எதிர்வரும் செவ்வாய், புதன், வியாழக்கிழமைகளில் மட்டக்களப்பு கச்சேரியில் நடைபெறவுள்ளது.
இதில் அனைத்து பட்டதாரிகளும் கலந்து கொள்ளவேண்டும் எனவும் மீள்குடியேற்ற பிரதி அமைச்சரும் சிறிலங்கா சுதந்திரக் கட்சியின் உப தலைவருமான வி.முரளிதரன் தெரிவித்தார்.
நேற்று முன்தினம் கொழும்பில் ஜனாதிபதி தலைமையில் நடைபெற்ற சிறிலங்கா சுதந்திரக்கட்சியின் மத்திய குழுக் கூட்டத்தில் இந்த விவகாரம் ஆராயப்பட்டு உடனடியாக திறைசேரிச் செயலாளருக்கு ஜனாதிபதி விடுத்த உத்தரவின் அடிப்படையில் இந்த நியமனங்களுக்கான நடவடிக்கைகள் மேற்கொள்ளப்படுவதாகவும் பிரதி அமைச்சர் தெரிவித்தார். இதன் அடிப்படையில் 2009ஆம் ஆண்டு வரையில் பட்டங்களை முடித்த அனைத்து பட்டதாரிகளும் உள்வாங்கப்படுவார்கள். அதன் மூலம் பட்டதாரிகள் எதிர் கொண்டுவரும் பிரச்சினைகள் பலவற்றுக்குத் தீர்வு கிடைக்கும். எனவே விண்ணப்பித்த அனைத்துப்பட்டதாரிகளும் இந்த நேர்முகப்பரீட்சைகளில் பங்குகொள்ள வேண்டும். அந்த வகையில் விண்ணப்பித்த அனைவருக்குமான நேர்முகப்பரீட்சைக் கடிதங்கள் விரைவில் அனுப்பிவைக்கப்படும். பட்டதாரிகளுக்கான அனைத்துவிதமான ஒத்துழைப்புகளையும் வழங்குவதோடு பிரச்சினைகளுக்கும் தீர்வுகளை பெற்றுக்கொடுக்க ஆவன செய்வேன் என அவர் மேலும் தெரிவித்தார்.

குற்றச்செயல்கள் குறித்து பரஸ்பர ஒத்துழைப்பு: இலங்கை – தாய்லாந்துக்கு இடையில் ஒப்பந்தம்

noreply@blogger.com (JKR) — Wed, 30 May 2012 08:34:06 PDT

குற்றச்செயல்கள் தொடர்பிலான பரஸ்பர ஒத்துழைப்பு மற்றும் அரசியல் பேச்சுவார்த்தைகள் தொடர்பான புரிந்துணர்வு எனும் அடிப்படையில் இலங்கைக்கும் தாய்லாந்துக்கும் இடையில் இரு ஒப்பந்தங்கள் இன்று
கைச்சாத்திடப்பட்டன.தாய்லாந்துக்கான உத்தியோகபூர்வ விஜயத்தினை மேற்கொண்டுள்ள ஜனாதிபதி மஹிந்த ராஜபக்ஷ முன்னிலையில், அந்நாட்டு பிரதமர் அலுவலகத்தில் இந்த ஒப்பந்தங்கள் கைச்சாத்திடப்பட்டன. தாய்லாந்துக்கான இலங்கை உயர்ஸ்தானிகர் ஜெனரல் சாந்த கோட்டேகொட மற்றும் தாய்லாந்தின் வெளிவிவகார அமைச்சர் சுரபொன் டுவின்சக்கொய்குள் ஆகியோரே இவ்விரு ஒப்பந்தங்களிலும் கையெழுத்திட்டனர்.

திட்டமொன்றின்படி இலங்கை செயற்படுகிறது: ரம்புக்வெல்ல

noreply@blogger.com (JKR) — Wed, 30 May 2012 08:27:12 PDT

எல்.ரி.ரி.ஈ. முன்னாள் போராளிகள் தொடர்பாக விரைவான நீதித்துறை செயற்பாடுகள் தேவை என அமெரிக்கா கூறியுள்ளமை குறித்து ஊடகத்துறை அமைச்சர் கெஹலிய ரம்புக்வெல்ல கருத்துத் தெரிவிக்கையில், இலங்கை அரசாங்கம் இவ்விவகாரம் தொடர்பாக செயற்திட்டமொன்றை கொண்டுள்ளதாகவும் அதன்படி செயற்படுவதாகவும் கூறியுள்ளார்.
விரைவாக விடுதலை செய்ய வேண்டுமென இத்தரப்பினரின் கோரிக்கையை அமுல்படுத்துவதானால், ஸ்தாபிக்கப்பட்ட முறைமையொன்றிலிருந்து விலகி மற்றொரு ஒழுங்கில்லாத முறையொன்றை பின்பற்ற வேண்டியிருக்கும் என அமைச்சர் ரம்புக்வெல்ல கூறினார். 'செயற்திட்டமொன்றை கொண்டிருப்பது குறித்த கேள்விக்கு இடமில்லை. ஏனெனில் அப்படி இல்லையெனில் ஆயிரக்கணக்கானோர் விடுதலை செய்யப்பட்டிருக்க மாட்டார்கள். பேசப்படும் இந்நபர்கள் கைது செய்யப்பட்ட அல்லது அரசாங்கத்திடம் சரணடைந்த தீவிரமான பயங்கரவாதிகள் என்பதை நினைவில் கொள்ள வேண்டும். னஎவே அவர்களுகு;கு எதிராக சட்ட நடவடிக்கைகள் முன்னெடுக்கப்படுகின்றன. எனவே சில தரப்பினர் இச்செயன்முறையை விரைவுபடுத்தக் கோருகிறார்கள் என்றால் அவர்கள் நீதித்துறை செயற்பாடுகளை மௌனமாக்குமாறு கோருவதைப் போன்றே உள்ளது' என அவர் கூறினார். எல்.ரி.ரி.ஈ. முன்னாள் உறுப்பினர்கள் தொடர்பாக ஆயிரக்கணக்கான வழக்குகள் உள்ளதகாவும் இவ்வழக்குகளை சட்டமா அதிபர் திணைக்களம் தனித்தனியாக கையாள வேண்டியிருப்பதாகவும் அமைச்சர் ரம்புக்வெ;ல கூறினார்.

அமைச்சர் டக்ளஸ் தேவானந்தா அவர்கள் 28.05.2012ம் திகதி பி.பி.சி. தமிழோசைக்கு வழங்கிய செவ்வி!..

noreply@blogger.com (JKR) — Tue, 29 May 2012 11:05:26 PDT

ஈழ மக்கள் ஜனநாயகக் கட்சியின் செயலாளர் நாயகமும் பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சருமான டக்ளஸ் தேவானந்தா அவர்கள் 28.05.2012 திகதி அன்று பி.பி.சி. தமிழோசைக்கு வழங்கிய செவ்வி.