PALLATHAMKULANGARE BHAGAVATHI TEMPLE പള്ളത്താംകുളങ്ങരെ ഭഗവതി ക്ഷേത്രം

താലപ്പൊലി മഹോത്സവം 2019

2019-03-06T12:08:00.000+05:30

പള്ളത്താംകുളങ്ങരെ ഭഗവതി ക്ഷേത്രത്തിലെ 2019-ലെ താലപ്പൊലി മഹോത്സവം 04/03/2019 കൊടികയറി 11/03/2019 നു വൈകീട്ട് തൂക്കത്തോടെ സമാപിക്കുന്നു. താലപ്പൊലി മഹോത്സവം 08/03/2019 വെള്ളിയാഴ്ചയാണ്. താലപ്പൊലി മഹോത്സവത്തിന്റെ നോട്ടീസ് ചുവടെ ചേർക്കുന്നു.

താലപ്പൊലി മഹോത്സവം 2018

2018-01-08T00:13:00.000+05:30

പള്ളത്താംകുളങ്ങരെ ഭഗവതി ക്ഷേത്രത്തിൽ ഈ വർഷത്തെ താലപ്പൊലി മഹോത്സവം 2018 ഫെബ്രുവരി 15 (1193 കുഭം 3) വ്യാഴാഴ്ച കൊടികയറി 2018 ഫെബ്രുവരി 19 (1193 കുംഭം 7) തിങ്കളാഴ്ച താലപ്പൊലി മഹോത്സവവും, 2018 ഫെബ്രുവരി 22 (1193 കുംഭം 10) വ്യാഴാഴ്ച രാവിലെ ആറാട്ടും വൈകീട്ട് തൂക്കവും ഉൾപ്പടെ പതിവനുസരിച്ചുള്ള ആചാരങ്ങളോടെ നടത്തപ്പെടുന്നു. താലപ്പൊലി മഹോത്സവത്തിന്റെ നോട്ടീസ് ചുവടെ ചേർക്കുന്നു.

താലപ്പൊലി മഹോത്സവം ഭംഗിയായി നടക്കുന്നതിനു പള്ളത്താംകുളങ്ങരെ ഭഗവതിയുടെ കൃപാകടാക്ഷങ്ങൾക്കായി പ്രാർത്ഥിക്കുന്നു.

സ്വാമി ഉദിത ചൈതന്യയുടെ ഭാഗവത സപ്താഹം

2017-08-28T01:41:00.000+05:30

സ്വാമി ഉദിത് ചൈതന്യ നയിക്കുന്ന ഭാഗവത സപ്താഹയജ്ഞം എറണാകുളം ജില്ലയിലെ വൈപ്പിനിൽ പള്ളത്താംകുളങ്ങരെ ഭഗവതി ക്ഷേത്രത്തിൽ വെച്ച് 2017 സെപ്തംബർ 22 മുതൽ 29 വരെ നടത്തുന്നു. ഈ മഹദ് യജ്ഞത്തിന്റെ വിജയത്തിനു എല്ലാവരുടേയും സഹായ സഹകരണങ്ങൾ പ്രതീക്ഷിക്കുന്നു.

ക്ഷേത്രത്തെ കുറിച്ചും ആഘോഷങ്ങൾ ആചാരങ്ങൾ പൂജാവിധികൾ എന്നിവ അറിയാനായി പോസ്റ്റ് വയിക്കുക / സബ്സ്ക്രൈബ് ചെയ്യുക്.

താലപ്പൊലി മഹോത്സവം 2017

2017-01-20T12:56:00.002+05:30

പള്ളത്താംകുളങ്ങരെ ഭഗവതി ക്ഷേത്രത്തിലെ ഈ വർഷത്തെ താലപ്പൊലി മഹോത്സവത്തിന്റെ നോട്ടീസ് ഇന്ന് പ്രസിദ്ധീകരിച്ചു. നോട്ടിസിന്റെ പകർപ്പ് ഇവിടെ ചേർക്കുന്നു. താലപ്പൊലി മഹോത്സവം പൂർവ്വാധികം ഭംഗിയായി നടക്കാൻ എല്ലാവരുടേയും സഹായസഹകരണങ്ങൾ അഭ്യർത്ഥിക്കുന്നു.

താലപ്പൊലി മഹോത്സവം - 2015

2015-01-19T12:12:00.000+05:30

പള്ളത്താംകുളങ്ങരെ ഭഗവതിക്ഷേത്രത്തിലെ 2015-ലെ താലപ്പൊലി മഹോത്സവം ഫെബ്രുവരി മാസം 17ന് കൊടികയറ്റത്തോടെ ആരംഭിക്കുന്നു. ഫെബ്രുവരി 24ന് വൈകീട്ട് തൂക്കത്തോടെ താലപ്പൊലി മഹോത്സവം സമാപിക്കും. പ്രധാന ആകർഷകമായ താലപ്പൊലി ഫെബുവരി 21 ശനിയാഴ്ചയാണ്. താലപ്പൊലിയുടെ ചടങ്ങുകൾ, പങ്കെടുക്കുന്ന മേളം കലാകാരന്മാരെ സംബന്ധിക്കുന്ന വിവരങ്ങൾ, ആനകൾ, താലപ്പൊലി മഹോത്സവത്തോടനുബന്ധിച്ച് നടക്കുന്ന മറ്റ് കലാപരിപാടികൾ എന്നിവ പ്രതിപാദിക്കുന്ന നോട്ടീസ് ചുവടെ ചേർക്കുന്നു.

താലപ്പൊലി മഹോത്സവം വിജയമാക്കുന്നതിന് എല്ലാവരുടേയും സഹായസഹകരണങ്ങൾ അഭ്യർത്ഥിക്കുന്നു.

താലപ്പൊലി മഹോത്സവം - 2014

2014-01-27T11:24:00.000+05:30

പള്ളത്താംകുളങ്ങരെ ഭഗവതിക്ഷേത്രത്തിലെ ഈ വർഷത്തെ താലപ്പൊലി മഹോത്സവം 2014 ഫെബ്രുവരി 27ന് കൊടികയറി 2014 മാർച്ച് 6ന് തൂക്കത്തോടെ സമാപിക്കുന്നു. പ്രധാന ഉത്സവദിവസമായ താലപ്പൊലി മാർച്ച് 3 തിങ്കളാഴ്ചയാണ്. താലപ്പൊലി മഹോത്സവത്തോടനുബന്ധിച്ചുള്ള പരിപാടികളും മറ്റും വിശദമായി പ്രതിപാദിക്കുന്ന നോട്ടീസ് ചുവടെചേർക്കുന്നു.

ഉത്സവാാഘോഷങ്ങൾ വിജയകരമാക്കുവാൻ എല്ലാവരുടേയും സഹായസഹകരണങ്ങൾ അഭ്യർത്ഥിക്കുന്നു.

ഭാഗവതസപ്താഹം 2013 സമാപനച്ചടങ്ങുകൾ

2013-05-27T00:39:00.002+05:30

പള്ളത്താംകുളങ്ങരെ ഭഗവതി ക്ഷേത്രത്തിൽ ഇക്കൊല്ലത്തെ ഭാഗവതസപ്താഹം കഴിഞ്ഞ ഒരാഴ്ചക്കാലമായിനടന്നുവരുകയായിരുന്നല്ലൊ. ഇന്ന് അവഭൃതസ്നാനത്തോടെ സപ്താഹം സമംഗളം പര്യവസാനിച്ചു. ഇന്നു നടന്ന സമാപനച്ചടങ്ങുകളുടെ ചില ചിത്രങ്ങൾ ഇവിടെ ചേർക്കുന്നു. ഇന്ന് യജ്ഞാചാര്യനായ ഭാഗവതോത്തംസം ശ്രീ ടി ആർ രാമനാഥൻ അവർകളെ പള്ളത്താംകുളങ്ങരെ ഭഗവതി ദേവസ്വം ആദരിച്ചു. അദ്ദേഹത്തെ പൊന്നാട അണിയിക്കുകയും ദേവസ്വം വക ഉപഹാരം സമർപ്പിക്കുകയും ചെയ്തു.

*ശുഭം*

താലപ്പൊലി - 2013 ചിത്രങ്ങളിലൂടെ

2013-02-14T15:48:00.000+05:30

പള്ളത്താംകുളങ്ങരെ ഭഗവതി ക്ഷേത്രത്തിലെ ഈ വർഷത്തെ താലപ്പൊലി മഹോത്സവത്തിലേയ്ക്ക് ചിത്രങ്ങളിലൂടെ ഒരു എത്തിനോട്ടം.

Pallathamkulangare Thalappoli-2013

താലപ്പൊലി ആഘോഷങ്ങളുടെ വിജയത്തിന് എല്ലാവർക്കും നന്ദി.

താലപ്പൊലി മഹോത്സവം 2013 നോട്ടീസ്

2013-01-10T23:51:00.000+05:30

പള്ളത്താംകുളങ്ങരെ ഭവതിക്ഷേത്രത്തിലെ ഇക്കൊല്ലത്തെ താലപ്പൊലി മഹോത്സവനോട്ടീസ് ഇന്ന് പ്രകാശനം ചെയ്തു. അതിന്റെ കോപ്പി ഇവിടെ ചേർക്കുന്നു.

ഉത്സവാശംസകളോടെ.............

താലപ്പൊലി മഹോത്സവം 2013.

2013-01-01T10:40:00.002+05:30

നമ്മുടെ ക്ഷേത്രത്തിലെ ഈ വർഷത്തെ താലപ്പൊലി മഹോത്സവം 09/02/2013 (1188 മകരം 27) ശനിയാഴ്ച കൊടികയറി 13/02/2013 (1188 കുഭം 1) ബുധനാഴ്ച താലപ്പൊലിയും, 16/02/2013 (1188 കുംഭം 4) ശനിയാഴ്ച ആറാട്ടോടെ സമാപിക്കുന്നു.

താലപ്പൊലിയ്ക്ക് മുൻപായി ക്ഷേത്രത്തിൽ ഒരു താംബൂലപ്രശ്നം നടത്തുവാൻ തീരുമാനിച്ചിട്ടുണ്ട്. ആയത് 04/01/2013 വെള്ളിയാഴ്ച രാവിലെ 9:45ന് ക്ഷേത്രസന്നിധിയിൽ വെച്ച് നടത്തപ്പെടുന്നതാണ്. പ്രസ്തുത താംബൂലപ്രശ്നത്തിൽ എല്ലാ യോഗാംഗങ്ങളും സംബന്ധിക്കണെമെന്ന് ദേവസ്വം കമ്മിറ്റി അഭ്യർത്ഥിക്കുന്നു.

പുതിയ ഭരണസമിതി

2012-12-02T18:12:00.002+05:30

ഇന്ന് ചേർന്ന വിശേഷാൻ പൊതുയോഗം തിരഞ്ഞെടുത്ത ഭരണസമിതി

പ്രസിഡന്റ് - ശ്രീ ചന്ദ്രശേഖരൻ നായർ, കളത്തിൽ
സെക്രട്ടറി - ശ്രീ വിശ്വനാഥൻ, മുരിങ്ങോടിൽ
മെംബർ -    ശ്രീ നാരായണൻ നമ്പൂതിരി, കാശാംകോട്ട്
മെംബർ -    ശ്രീ രാജേന്ദ്രൻ, വളയങ്ങാട്ട്
മെംബർ -    ശ്രീ ജയഗോപാൽ, കോഴിപ്പറമ്പത്ത്

ബജറ്റ് പൊതുയോഗം 1188

2012-10-29T00:01:00.001+05:30

പള്ളത്താംകുളങ്ങരെ ഭഗവതി ദേവസ്വത്തിന്റെ 1188-ലെ ബജറ്റ് പൊതുയോഗം 1188 തുലാമാസം 19ന് (04 നവംബർ 2012) ദേവസ്വം ആഫീസിൽ വെച്ച് പ്രസിഡന്റ് ശ്രീ മുരിങ്ങോടിൽ ഉണ്ണികൃഷ്ണമേനോൻ അവർകളുടെ അദ്ധ്യക്ഷതയിൽ കൂടുന്നു. എല്ലാ യോഗാംഗങ്ങളും പങ്കെടുക്കണമെന്ന് താല്പര്യപ്പെടുന്നു. യോഗാംഗങ്ങളുടെ മക്കൾക്ക് നൽകിവരുന്ന വിദ്യാഭ്യാസ പുരസ്കാരങ്ങൾക്കുള്ള അപേക്ഷകൾ 31/10/2012നു മുൻപായി ദേവസ്വം ആഫീസിൽ ലഭിക്കേണ്ടതാണ്.

വിദ്യാഭ്യാസ പുരസ്കാരങ്ങൾ

കൈതവളപ്പിൽ ഭാർഗ്ഗവിയമ്മ വക എന്റോവ്‌മെന്റ് സി ബി എസ് ഇ & എസ് എസ് എൽ സി പത്താം ക്ലാസ്സ് പരീക്ഷയിൽ ഏറ്റവും കൂടുതൽ മാർക്ക് കരസ്ഥമാക്കിയ രണ്ട് പേർക്ക്
കൈതവളപ്പിൽ ഭാസ്കരപണിക്കർ എന്റോവ്‌മെന്റ് +2 ഏറ്റവും കൂടുതൽ മാർക്ക് കരസ്ഥമാക്കിയ രണ്ടു പേർക്ക്
എസ് എസ് എൽ സി, സി ബി എസ് ഇ, +2 പരീക്ഷകളിൽ കണക്കിന് ഏറ്റവും കൂടുതൽ മാർക്ക് കരസ്ഥമാക്കിയ കുട്ടികൾക്ക്.

മഹാഗണപതിഹോമവും ഗജപൂജയും

2012-07-17T01:43:00.000+05:30

കർക്കിടകം ഒന്നാം തീയതിയായ ഇന്ന് (16/07/2012) മുൻപതിവുപോലെ പള്ളത്താംകുളങ്ങരെ ഭഗവതിക്ഷേത്രത്തിൽ ഗജപൂജയും, മഹാഗണപതിഹോമവും നടന്നു. ഇത്തവണത്തെ ഗജപൂജയ്ക്കും മുൻപതിവുപോലെ പള്ളത്താംകുളങ്ങരെ ഗിരീശൻ എത്തിച്ചേർന്നു. ചടങ്ങുകളുടെ ചിത്രങ്ങൽ ചുവടെ ചേർക്കുന്നു.

പള്ളത്താംകുളങ്ങരെ ദേവീക്ഷേത്രം പുഷ്പലങ്കാരങ്ങളോടെ

പള്ളത്താംകുളങ്ങരെ ഭഗതിയ്ക്ക് ഗിരീശന്റെ പ്രണാമം

തന്ത്രി വേഴപ്പറമ്പ് കൃഷ്ണൻ നമ്പൂതിരിയുടെ കാർമ്മികത്വത്തിൽ മഹാഗണപതിഹോമം

ഗജപൂജ

ആനയൂട്ട്

ക്ഷേത്രം മേൽശാന്തി ഗിരീശന് ചോറും ശർക്കരയും നൽകുന്നു

ദേവസ്വം പ്രസിഡന്റു ശ്രീ മുരിങ്ങോടിൽ ഉണ്ണികൃഷ്ണമേനോൻ പഴം നൽകുന്നു

ദീപാരാധന

പ്രത്യക്ഷഗണപതീ പൂജ

ദേവസ്വം സെക്രട്ടറി കൊല്ലാട്ട് സുനിൽ കുമാർ ഗിരീശന് പഴം നൽകുന്നു

അല്പം പഴംകൂടെ.

നാടിന്റെ സ്നേഹാദരങ്ങൾ ഒരിക്കൽകൂടി ഏറ്റുവാങ്ങി നിൽക്കുന്ന

"കളഭകേസരി" പള്ളത്താംകുളങ്ങരെ ഗിരീശൻ

കലശവാർഷീകവും ഗജപൂജയും

2012-07-11T00:06:00.000+05:30

പള്ളത്താംകുളങ്ങരെ ഭഗവതി ക്ഷേത്രത്തിലെ അഷ്ടബന്ധനവീകരണ കലശപൂജകൾ കഴിഞ്ഞിട്ട് ഒരു വർഷം തികയുന്ന 12/07/2012 വ്യാഴാഴ്ച ക്ഷേത്രത്തിൽ വിശേഷാൽ പൂജകൾ ഉണ്ടായിരിക്കുന്നതാണ്. ഇതിനെ തുടർന്ന് അന്നേദിവസം ഉച്ചയ്ക്ക് പ്രസാദഊട്ടും നടത്തുന്നതാണെന്ന് ക്ഷേത്രം ഭാരവാഹികൾ അറിയിക്കുന്നു.

കർക്കിടം ഒന്നാം തീയതി 16/07/2012 രാവിലെ ക്ഷേത്രത്തിൽ വെച്ച് അഷ്ടദ്രവ്യമഹാഗണപതിഹോമവും ഗജപൂജയും നടത്തെപ്പെടുന്നു. ഇത്തവണത്തെ ഗജപൂജയ്ക്ക് ദേശവാസികൾക്കും ആനപ്രേമികൾക്കും പ്രിയങ്കരനായ പള്ളത്താംകുളങ്ങരെ ഗിരീശൻ എത്തിച്ചേരുമെന്നും അറിയിക്കുന്നു. ഗണപതിഹോമത്തിൽ പങ്കെടുക്കാൻ താല്പര്യപ്പെടുന്നവർ ക്ഷേത്രം ഓഫീസുമായി ബന്ധപ്പെടണമെന്ന് അഭ്യർത്ഥിക്കുന്നു.

ശ്രീരാജിനെ അനുമോദിച്ചു

2012-05-13T23:50:00.001+05:30

02/05/2012നു തൃശൂർപൂരത്തിന്റെ സമാപന ചടങ്ങായ പാറമേക്കാവ് തിരുവമ്പാടി ഭഗവതിമാർ വടക്കുംനാഥന്റെ മുൻപിൽ ഉപചാരം ചൊല്ലി പിരിയുന്നതിന് മുൻപ് ഉണ്ണിപ്പിള്ളി കാളിദാസൻ എന്ന ആന ഇടഞ്ഞതും തുടർന്നുണ്ടായ ബഹളത്തിൽ മൂന്നുപേർക്ക് പരിക്കേറ്റതുമായ വാർത്ത പത്രങ്ങൾ റിപ്പോർട്ട് ചെയ്തത് ഓർക്കുമല്ലൊ. അന്നേദിവസം ആനയുടെ മുൻപിൽ പരിക്കേറ്റുകിടന്ന ഒരു വ്യക്തിയെ സ്വന്തം ജീവൻ പണയം വെച്ചും രക്ഷിച്ച ശ്രീരാജ് എന്ന പോലീസുകാരന്റെ ധൈര്യവും മാദ്ധ്യമങ്ങളുടെ മുക്തകണ്ഠമായ പ്രശംസ പിടിച്ചുപറ്റിയിരുന്നു. നമ്മുടെ പൊതുയോഗാംഗമാണ് ശ്രീരാജ് എന്നത് നമുക്കും അഭിമാനാർഹമായ വിഷയം തന്നെ. ചെറായി കിഴക്കേ കണിച്ചിലാഴത്ത് കുടുംബാഗമായ ഇദ്ദേഹത്തെ 13/05/2012-ൽ ദേവസ്വം ആഫീസിൽ വെച്ച് കൂടിയ പള്ളത്താംകുളങ്ങരെ ഭഗവതി ദേവസ്വത്തിന്റെ പൊതുയോഗത്തിൽ വെച്ച് അനുമോദിക്കുകയുണ്ടായി. ഇതിന്റെ ചില ചിത്രങ്ങൾ ചുവടെ ചേർക്കുന്നു.

ശ്രീരാജിനെ പൊതുയോഗത്തിലേയ്ക്ക് സ്വാഗതം ചെയ്യുന്നത് കമ്മറ്റി അംഗമായ പെരുമ്പോടത്ത് ശ്രീരാജ്.

പള്ളത്താംകുളങ്ങരെ ഭഗവതി ദേവസ്വത്തിന്റെ ഉപഹാരം നൽകുന്നത് സെക്രട്ടറി ശ്രീ കൊല്ലാട്ട് സുനിൽ.

പ്രശംസാപത്രം സമ്മാനിക്കുന്നത് പ്രസിഡന്റ് ശ്രീ മുരിങ്ങോടിൽ ഉണ്ണിക്കൃഷ്ണമേനോൻ

അന്നു നടന്ന സംഭവങ്ങൾ പൊതുയോഗത്തിൽ വിശദീകരിക്കുന്നു ശ്രീ ശ്രീരാജ്

ശ്രീരാജിന് സമ്മാനിച്ച പ്രശംസാപത്രം.

കുംഭ ഭരണി ആൾതൂക്കം

2012-02-28T21:22:00.000+05:30

പള്ളത്താംകുളങ്ങരെ ഭഗവതിക്ഷേത്രത്തിലെ താലപ്പൊലി മഹോത്സവത്തിന് സമാപനം കുറിച്ചുകൊണ്ട് ഇന്ന് (28/02/2012) വൈകീട്ട് ക്ഷേത്രമൈതാനിയിൽ നടന്ന ആൾതൂക്കം.

കൂടുതൽ വീഡിയോകൾക്ക് സന്ദർശിക്കുക www.youtube.com/MTHAMPY

താലപ്പൊലി മഹോത്സവം 2012

2012-02-26T21:03:00.000+05:30

പള്ളത്താംകുളങ്ങരെ ഭഗവതിക്ഷേത്രത്തിലെ ഈ വർഷത്തെ താലപ്പൊലി മഹോത്സവത്തിന്റെ ചില ചിത്രങ്ങളും വീഡിയോയും ചേർക്കുന്നു.

രാവിലെ കാഴ്ചശീവേലിയുടെ ഭാഗമായി നടന്ന ചെണ്ടമേളം പെരുവനം കുട്ടന്മാരാർ നയിക്കുന്നു.

പകല്‍പ്പൂരത്തോടനുബന്ധിച്ച് നടന്ന് പഞ്ചവാദ്യം

കൂടുതൽ വീഡിയോയ്ക്ക് സന്ദർശിക്കുക www.youtube.com/MTHAMPY

താലപ്പൊലി 2012 |Thalappoli 2012

2012-01-22T21:22:00.000+05:30

പള്ളത്താം‌കുളങ്ങരെ ഭഗവതി ക്ഷേത്രത്തിലെ 2012-ലെ താലപ്പൊലി മഹോത്സവം 2012 ഫെബ്രുവരി 21 മുതൽ 2012 ഫെബ്രുവരി 28 വരെ ആഘോഷിക്കുന്നു. പ്രസിദ്ധമായ താലപ്പൊലി 2012 ഫെബ്രുവരി 25 ശനിയാഴ്ചയാണ്. ഇത്തവണത്തെ താലപ്പൊലി നാൾ പള്ളത്താംകുളങ്ങരെ ഭഗവതിയുടെ തിടമ്പേറ്റുന്നതിന് വടക്കേചേരുവാരം യോഗം ഗജരത്നം ഗുരുവായൂർ പത്മനാഭനെയാണ് എത്തിക്കുന്നത്. താലപ്പൊലി മഹോത്സവത്തിലേയ്ക്ക് എല്ലാവരുടേയും സാന്നിദ്ധ്യസഹായസഹകരണങ്ങൾ ക്ഷണിക്കുന്നു. താലപ്പൊലി മഹോത്സവത്തിനെ കാര്യപരിപാടികൾ ഇപ്രകാരമാണ്.

ദേശവിളക്ക്

2011-12-11T01:04:00.000+05:30

പള്ളത്താംകുളങ്ങരെ അയ്യപ്പസേവാസമിതിയുടെ ആഭിമുഖ്യത്തിൽ ഈ വർഷത്തെ ദേശവിളക്ക് പള്ളത്താംകുളങ്ങരെ ഭഗവതി ക്ഷേത്രമൈതാനിയിൽ വെച്ച് 1187 ധനുമാസം 1 (2011 ഡിസംബർ 17) ശനിയാഴ്ച താഴെ ചേർത്തിരിക്കുന്ന പരിപാടികൾ അനുസരിച്ച് നടത്തപ്പെടുന്നു. എല്ലാ ഭക്തജനങ്ങളുടേയും സാന്നിദ്ധ്യ സഹായ സഹകരണങ്ങൾ അഭ്യർത്ഥിക്കുന്നു. അയ്യപ്പന്മാർക്ക് ഇവിടെവെച്ച് കെട്ടുനിറയ്ക്കുന്നതിനും സൗകര്യം ഉണ്ടായിരിക്കുന്നതാ.

കാര്യപരിപാടികൾ

17/12/2011 ശനി
പള്ളത്താംകുളങ്ങരെ ഭഗവതി ക്ഷേത്രം, കുഴുപ്പിള്ളി മഹാദേവക്ഷേത്രം, കുഴുപ്പിള്ളി ബാലകൃഷ്ണസ്വാമി ക്ഷേത്രം, ചെറുവയ്പ്പ് ചെമ്പൂഴി ശ്രീധർമ്മശാസ്താക്ഷേത്രം, സുബ്രഹ്മണ്യസ്വാമിക്ഷേത്രം എന്നിവിടങ്ങളിൽ വിശേഷാൽ പൂജകൾ.

വൈകീട്ട് 6.45ന്: പകിട്ടാർന്ന ദീപാരാധന, കരിമരുന്നു പ്രയോഗം
                              തുടർന്ന് ഗംഭീര ശാസ്താം‌പാട്ട്.
                            അവതരണം ശ്രീ രാജഗോപാൽ തച്ചപ്പിള്ളി & പാർട്ടി, എളങ്കുന്നപ്പുഴ
                            പ്രസാദ‌ഊട്ട്
രാത്രി 12ന്:          കുഴുപ്പിള്ളി മഹാദേവക്ഷേത്രത്തിൽ നിന്നും എതിരേല്‍പ്പ്

വടക്കേചേരുവാരം 1187-ലെ ബഡ്ജറ്റ് പൊതുയോഗം

2011-11-29T19:48:00.000+05:30

പള്ളത്താംകുളങ്ങരെ വടക്കേചേരുവാരം യോഗാംഗങ്ങളുടെ 1187-ലെ ബഡ്ജറ്റ് പൊതുയോഗം 1187 വൃശ്ചികം 18 (2011 ഡിസംബർ 4) ഞായറാഴ്ച പകൽ 3 മണിയ്ക്ക് പള്ളിപ്പുറം പറമ്പാടിൽ മഠത്തിൽ വെച്ച് താഴെ ചേർക്കുന്ന കാര്യപരിപാടി അനുസരിച്ച് പ്രസിഡന്റ് കോഴിപ്പറമ്പത്ത് വേനുഗോപാൽ അവർകളുടെ അദ്ധ്യക്ഷതയിൽ കൂടുന്നു.

കാര്യപരിപാടികൾ

ദേവീപ്രാർത്ഥന
അനുശോചനം
ഉപക്രമപ്രസംഗം
കഴിഞ്ഞ പൊതുയോഗനടപടികൾ അവതരണവും അംഗീകാരം തേടലും
1186-ലെ ഭരണറിപ്പോർട്ട്
1186-ലെ കണക്കുകളുടെ ഓഡിറ്റ് റിപ്പോർട്ടും അതിന്മേൽ കമ്മറ്റിക്കാരുടെ സമാധാനവും
1187-ലെ ബഡ്ജറ്റ് അവതരണം
പലവക
ഉപസംഹാരം
കൃതജ്ഞത.

വഴിപാട് നിരക്കുകൾ

2011-11-16T00:15:00.000+05:30

1187 തുലാം 20ന് (2011 നവംബർ 6) കൂടിയ പൊതുയോഗതീരുമാനം അനുസരിച്ച് പുതുക്കിയ വഴിപാട് നിരക്കുകൾ 1187 വൃശ്ചികം 1ന് (2011 നവംബർ 17) നിലവിൽ വരും. ഇതനുസരിച്ച് പുതുക്കിയ നിരക്കുകൾക്ക് ഇവിടം സന്ദർശിക്കുക.

വടക്കേ ചേരുവാരം 1186ലെ ദ്വിതീയ പൊതുയോഗം

2011-11-10T00:21:00.000+05:30

പള്ളത്താംകുളങ്ങരെ വടക്കേ ചേരുവാ‍രയോഗാംഗങ്ങളുടെ 1186ലെ ദ്വിതീയ പൊതുയോഗം 1187 തുലാം 27 ( 2011 നവംബർ 13) ഞായറാഴ്ച പകൽ 3 മണിയ്ക്ക് ചേരുവാരം ആഫീസിൽ വെച്ച് പ്രസിഡന്റ് കോഴിപ്പറമ്പത്ത് വേണുഗോപാൽ അവർകളുടെ അദ്ധ്യക്ഷതയിൽ കൂടുന്നു.

കാര്യപരിപാടികൾ

ദേവീപ്രാർത്ഥന
അനുശോചനം
ഉപക്രമപ്രസംഗം
മുൻ പൊതുയോഗനടപകൾ - അവതരണവും അംഗീകാരവും
വിദ്യാഭ്യാസപുരസ്കാരം വിതരണം
1186ലെ കണക്കുകൾ അവതരണം
ഉപധനാഭ്യർത്ഥന
1187ലെ ചേരുവാരം ഭരണസമിതിയെ തിരഞ്ഞെടുക്കൽ
1186ലെ കണക്കുകൾ ആഡിറ്റ് ചെയ്യുന്നതിന് രണ്ട് ആഡിറ്റർമാരെ തിരഞ്ഞെടുക്കൽ
പലവക
ഉപസംഹാരം
കൃതജ്ഞത.

എസ് എസ് എൽ സി / സി ബി എസ് ഇ പരീക്ഷകളിൽ ഏറ്റവും കൂടുതൽ മാർക്ക് / ഗ്രേഡ് കരസ്ഥമാക്കിയ യോഗാംഗങ്ങളുടെ മക്കൾക്ക് നൽകിവരുന്ന വിദ്യാഭ്യാസപുരസ്കാരത്തിന് അപേക്ഷിക്കുന്നവർ മാർക്ക് ലിസ്റ്റിന്റെ സാക്ഷ്യപ്പെടുത്തിയ പകർപ്പുകൾ 11/11/2011നു മുൻപായി ചേരുവാരം ആഫീസിൽ എത്തിക്കേണ്ടതാണ്.

1187ലെ ബഡ്ജറ്റ് പൊതുയോഗം

2011-10-30T20:00:00.003+05:30

പള്ളത്താംകുളങ്ങരെ ഭഗവതി ദേവസ്വത്തിന്റെ 1187-ലെ ബഡ്ജറ്റ് പൊതുയോഗം താഴെപ്പറയുന്ന കാര്യപരിപാടികൾ അനുസരിച്ച് പ്രസിഡന്റ് മുരിങ്ങോടിൽ ഉണ്ണികൃഷ്ണമേനോൻ അവർകളുടെ അദ്ധ്യക്ഷതയിൽ 1187 തുലാമാസം 20ന് (06/11/2011) ദേവസ്വം ആഫീസിൽ വെച്ച് കൂടുന്നു.

കാര്യപരിപാടി.

ദേവീപ്രാർത്ഥന
അനുശോചനം
ഉപക്രമപ്രസംഗം
പാരിതോഷികവിതരണം
മുൻപൊതുയോഗനടപടികളുടെ അവതരണവും അതിനുള്ള അംഗീകാരവും
1186-ലെ ഭരണറിപ്പോർട്ടും ഉപധനാഭ്യർത്ഥനയും
1186-ലെ ഓഡിറ്റ് റിപ്പോർട്ട് അവതരണവും അതിന്മേൽ കമ്മറ്റിയുടെ വിശദീകരണവും
1187-ലെ ബഡ്ജറ്റ് അവതരണം
പലവക
ഉപസംഹാരം
കൃതജ്ഞത.

2011 മാർച്ച് മാസം നടന്ന എസ് എസ് എൽ സി, സി ബി എസ് ഇ (10 & +2) പരീക്ഷകളിൽ എറ്റവും കൂടുതൽ മാർക്ക് കരസ്ഥമാക്കിയ പൊതുയോഗാംഗങ്ങളുടെ മക്കൾക്ക് നൽകിവരുന്ന സമ്മാനങ്ങൾക്കായി അപേക്ഷിക്കുവാൻ ആഗ്രഹിക്കുന്നവർ മാർക്ൿലിസ്റ്റിന്റെ സാക്ഷ്യപ്പെടുത്തിയ പകർപ്പുകൾ 03/11/2011നു മുൻപായി ദേവസ്വം ആഫീസിൽ എത്തിക്കേണ്ടതാണ്.

പുതിയ ഭരണസമിതി

2011-10-29T19:35:00.001+05:30

പള്ളത്താംകുളങ്ങരെ ഭഗവതി ദേവസ്വം യോഗാംഗങ്ങളുടെ 23/10/2011-ൽ കൂടിയ പ്രത്യേക പൊതുയോഗം നിലവിലുള്ള ഭരണസമിതിയുടെ രാജി സ്വീകരിക്കുകയും പുതിയ ഭരണസമിതിയെ തിരഞ്ഞെടുക്കുകയും ചെയ്തു. 23/10/2011-ൽ തിരഞ്ഞെടുക്കപ്പെട്ട ഈ ഭരണസമിതി 26/10/2011ന് അധികാ‍രം ഏറ്റെടുത്തു. പുതിയ ഭരണസമിതി അംഗങ്ങൾ

പ്രസിഡന്റ് : ഉണ്ണികൃഷ്ണമേനോൻ, മുരിങ്ങോടിൽ(രാഗാമൃതം)
സെക്രട്ടറി: സുനിൽ കുമാർ, കൊല്ലാട്ട്
മെംബർ: കെ. ആർ. ശിവൻ, കണ്ണച്ചാഴത്ത്
മെംബർ: ചന്ദ്രശേഖരൻ പിള്ള, മണിയിൽ
മെംബർ: ശ്രീരാജ്, പെരുമ്പോടത്ത് (ദീപശ്രീ)

ശ്രീകൃഷ്ണജയന്തി ബാലഗോകുലം

2011-08-25T11:01:00.000+05:30

ശ്രീകൃഷ്ണജയന്തി ആഘോഷങ്ങളുടെ ഭാഗമായി ബാലഗോകുലത്തിന്റെ ആഭിമുഖ്യത്തിൽ പള്ളത്താംകുളങ്ങരെ ക്ഷേത്രമൈതാനിയിൽ നടന്ന വിവിധ പരിപാടികൾ.
ഉദ്ഘാടനം കുഴുപ്പിള്ളി പഞ്ചായത്ത് പ്രസിഡന്റ് ടി ജി വിജയൻ നിർവ്വഹിച്ചു

തുടർന്ന് നടന്ന ഉറിയടി മത്സരം