Panta Rei

Google Sites

noreply@blogger.com (GoodBytes) — Wed, 15 Jul 2009 23:05:00 +0000

Кратка видео презентација на можностите на Google Sites, новата платформа на Google наменета за брзо креирање сајтови или групни страници.

Логирај се со твојот Google акаунт и почни да правиш сајтови или да поставуваш фајлови (вкупниот простор е 100 MB).

Google Chrome OS

noreply@blogger.com (GoodBytes) — Fri, 10 Jul 2009 23:05:00 +0000

Google неодамна објави дека работи на нов оперативен систем, Google Chrome OS. Како што може да се очекува, овој оперативен систем е open source.

Во недостаток на релевантни информации, низ медиумите се пласираа лажни вести и скриншотови, но за среќа и официјални вести дека поголем број познати произведувачи на хардвер ќе го поддржат новиот оперативен систем и веќе соработуваат со Google: Acer, Adobe, ASUS, Freescale, Hewlett-Packard, Lenovo, Qualcomm, Texas Instruments, и Toshiba. Поддршката со драјвери е императив, имајќи во предвид колкава е конкуренцијата (Windows XP може да е ваков или таков, но јас речиси од неговото појавување наваму заборавив што значи барање драјвери за да проработи некој хардверски уред).

Другите ветувања кои ги дава новиот оперативен систем се: сигурноста (базиран е врз кернелот на Linux, а клучните сигурносни процедури се имплементираат одново), брзината (ќе се подига за неколку секунди), едноставноста за употреба (заштитен знак на Google уште од неговите почетоци) и малата побарувачка за хардверски ресурси (целна платформа за Google Chrome OS се малите notebook уреди).

Логично, значителен дел од функционалноста на овој оперативен систем ќе биде базирана на web. Google веќе има силен онлајн арсенал со кој може да им парира на некои догогодишни шампиони на пазарот, а уште многу иновативни решенија доаѓаат секоја година. Јасно, предноста за обичниот корисник е што „инсталацијата“ на неговиот компјутер ќе стане тривијален чин, барем сè додека си ги памети пасвордите од личните онлајн акаунти. Да не ги ни спомнуваме автоматскиот бекап на податоците и тимската колаборација, удобности кои сами си доаѓаат по миграцијата онлајн.

Прерано е да се посочува неродениот Google Chrome OS како „убиец на Windows“, иако очекувањата од него се големи. Во секој случај, појавата на овој нов оперативен систем нема да биде настан кој менаџерите од Microsoft ќе го примат комфорно и самоуверено, и покрај најавениот Windows 7, кој изгледа зрело и моќно. Едноставноста, брзината и сè друго што ќе дојде во пакет со Google Chrome OS можат многу лесно да станат замаец кој ќе ги предефинира состојбите на пазарот.

Link: Google Chrome OS - FAQ.

Златен занает

noreply@blogger.com (GoodBytes) — Thu, 02 Jul 2009 23:05:00 +0000

За сите оние кои сакаат нешто да поднаучат за работа во домашни услови, направи сам, занаетчиски вештини и слично, имам убава вест. Од пред 3-4 месеци почна да работи сајтот Златен занает, каде се обработуваат токму вакви теми од занаетчиството.

Честитки за изборот на темата на сајтот и желби за многу корисни Do It Yourself написи.

Link: Златен занает.

Нарачка

noreply@blogger.com (GoodBytes) — Mon, 29 Jun 2009 23:05:00 +0000

Тајните на Google Earth

noreply@blogger.com (GoodBytes) — Fri, 26 Jun 2009 23:05:00 +0000

Ова е видео клип кој прикажува интересни локации ширум планетата Земја, онака како што се „фатени“ од сателитскиот фотограф на Google Earth.

650 милиони години во една минута

noreply@blogger.com (GoodBytes) — Wed, 24 Jun 2009 23:05:00 +0000

Кратко видео кое ја прикажува трансформацијата на копното на планетата Земја во период од 650 милиони години.

Руски панк

noreply@blogger.com (GoodBytes) — Mon, 22 Jun 2009 23:05:00 +0000

На сајтот English Russia има галерија со фотографии од панкери во Русија, од едно време кога и за помал „престап“ лесно можело да бидеш пратен на „превоспитување“.

Панк не мертв!

Рено вејшн

noreply@blogger.com (GoodBytes) — Tue, 16 Jun 2009 23:05:00 +0000

Еј, се реновиркаме по дома, па ме нема...

Опасна клетва: од мајстори по дома да не куртулиш.

PS: рутерот ми е обесен на шајка во зидот.

Disneyland Paris Street View

noreply@blogger.com (GoodBytes) — Thu, 11 Jun 2009 23:05:00 +0000

Дизниленд Париз е уште едно место каде може да се направи виртуелна прошетка, благодарение на Street View:

View Larger Map

За жал, не е покриен целиот забавен парк, но сепак има доволно за да се почувствува атмосферата во овој детски рај.

БиЦи станал БаЦи

noreply@blogger.com (GoodBytes) — Tue, 09 Jun 2009 23:05:00 +0000

Една слика, илјада прашалници:

Па уште во Охрид ова се десило (тоа #bbddee во бекграунд колор e лејкот)... па, па, па.

Паметен Street View за Google Maps

noreply@blogger.com (GoodBytes) — Sat, 06 Jun 2009 23:05:00 +0000

Уште еден чекор на Google кој покажува зошто се во моментов толку напред од конкуренцијата (Yahoo и Microsoft, првенствено). Имено, Google го воведе системот Street View во својата веб апликација Google Maps.

И не само што сега и преку браусер можеш да се шеташ по улиците на Париз, Амстердам или Вашингтон, туку и навигацијата е значително олеснета со помош на стрелките од тастатурата, двојниот клик во далечината за брзо преместување, како и клик на површина за да се зумира истата.

Понатаму, во спој со сервисот Panoramio, Google Maps во Street View сега дава и предлози наречени User Photos, па така, додека си возиш кругови околу Триумфалната Капија или поминуваш покрај Трокадеро во Париз, можеш да погледнеш и десетици фотографии кои корисниците на Panoramio ги направиле на тоа место.

И додека си на Google Maps, не заборавај да ги погледнеш и новите слоеви за: фотографии, видеа, Википедија статии и веб камери. Навистина забавно!

Во меѓувреме, ќе те оставам на раскрсницата од булеварот Санта Моника (десно) и Родео Драјв (лево). Имаат распродажба, па земи си нешто, или ако ти е жешко, тргни во десно, до оушано.

View Larger Map

alati.org

noreply@blogger.com (GoodBytes) — Tue, 02 Jun 2009 23:05:00 +0000

Во изминативе години направив неколку мали веб апликации кои се со некаква општа намена и, се надевам, барем некаква употребна вредност за македонските интернет сурфери. Подолго време ми беше во план да ги спакувам сите заедно во еден сајт, со што ќе бидат полесно достапни, но и полесни за одржување. Еден таков обид беше со помош на сајтот Агора, на кои им сум благодарен за соработката. После толку време, конечен резултат од овој план е сајтот alati.org, моето мало „македонско ноже на интернет“.

Овој сајт во иднина ќе се консолидира од повеќе аспекти, а планирам и да го проширувам со нови веб апликации (како што ќе ми останува слободно време за да работам на нив). Целта ми е сајтот да остане бесплатен за користење, а трошоците за хостинг да си ги покрива сам преку AdSense рекламите. Засега на сајтот се поставени следните мали апликации:

	EN-MK Converter: верувам на повеќето веќе позната апликација која се користи за конверзија на текст од старите фонтови во современата кирилична поддршка и обратно, како и за транслитерирање кирилица во латиница.
	HTML Keyboard: оваа алатка е „веб тастатура“, односно апликација која ги враќа HTML кодовите за било кој избран знак. Се користи кога треба да се вметне некаков специфичен знак, слично како опцијата Insert + Symbol во популарните текст процесори (како на пример Word): Ž Š ¢ £ ¥ © ® ½ ¼ Σ Ω β φ и слично.
	Free Macedonian Fonts: страницата нуди бесплатен download на 190 македонски фонтови. Тука се мисли на оние старите фонтови кои се користеа пред појавувањето на кириличната поддршка. Денес не би требало повеќе да се користат, освен можеби како типографски дизајн или нешто слично.
	Macedonian TV Program Aggregator: оваа страна ја прикажува денешната програма за, во моментов, 33 телевизиски канали кои во Македонија можат да се гледаат или преку етер, или преку кабелска, односно сателитска врска.
	Weather: на оваа страна може да се види моментална временска состојба за 10 градови од Македонија, како и за други 40 градови од светот. Подетални податоци можат да се видат со клик на името на градот.
	Macedonian Top Blogs: оваа веб апликација некои ја паметат од порано како Technorati MAK Top. Таа и понатаму е топ листа од македонските блогови според Technorati ранк, но во блиска иднина ќе се прошири и со уште една податочна колона: просечна дневна посетеност според SiteMeter.

Останатите табови од главната навигација вршат редирекција кон неколку мои блогови, барем засега. Се надевам дека нема да предизвикуваат забуна... Некои содржини, како на пример песните и ората, во иднина ќе се преселат во alati.org, каде програмската поддршка ќе ми даде слобода да им додадам повеќе корисни можности (сортирање, филтрирање, категоризирање, автоматска транслитерација и слично). Но, за тоа кога ќе дојде време.

Повели, послужи се. Критики, совети, пофалби, идеи или било каков фидбек со задоволство примам. Најголемо задоволство ќе ми биде ако сајтот активно се користи и ако повеќе луѓе го сочуваат како bookmark/favorite. Јас често го користам за свои потреби, но тој сепак е публикуван за ТЕБЕ, а не за мене.

Google Chrome 2 спореден со другите браусери

noreply@blogger.com (GoodBytes) — Sat, 30 May 2009 23:05:00 +0000

Паралелно со појавувањето на најавата за Google Wave, новата алатка на Google наменета за веб комуникација и колаборација, Internet гигантот ја пушти и втората верзија од својот браусер Chrome, која носи неколку ситни корекции во корисничкиот интерфејс, поправени 300 багови и зголемена брзина, благодарение на дополнувањата во WebKit (open source browser engine) и нивната имплементација на JavaScript, наречена V8. Главниот адут на V8 всушност е фактот дека се работи за JIT компајлер кој не создава intermediate код.

Бидејќи повеќе пати се среќавам со пофалби за брзината на Google Chrome V8 компајлерот, ме интересираше како ќе се спореди овој engine со другите популарни браусери, барем од аспект на извршување JavaScript benchmark тестови (бидејќи вкупната „брзина на сурфање“ зависи од многу повеќе параметри). За таа цел ги искористив V8 Benchmark Suite - version 4 тестовите, кои тимот од програмери што работат на Chrome ги користат при оптимизирање на браусерот.

Јасно, некој може да забележи дека овие тестови се наклонети кон спецификите на V8, но гледајќи како тестовите покриваат многу различни сфери на употреба на client-side JavaScript јазикот, не би очекувал некаква нерамноправност (иако, би сакал да видам некои тест скрипти кои се избрани со намера да се фер за сите браусери). Освен тоа, ако тестовите се повторат, резултатите малку варираат, што е последица на моменталната зафатеност на хардверските ресурси, но и тоа не ме загрижува, со обзир дека варијациите се доволно мали за да се очекува нивна конзистентност.

Па затоа, без да се земаат во обзир тие ситни забелешки, да видиме како се споредуваат: Internet Explorer 8, Opera 9.64, Firefox 3.0.10 и најновата верзија на Google Chrome, 2.0.172.28 (всушност, сите верзии на браусери кои учествуваа во тестот се најнови) при извршувањето на тестовите од четвртата верзија на V8 Benchmark Suite.

А еве и графички приказ на табелата од погоре:

Она што лесно може да се заклучи од податоците и графикот погоре е дека Google Chrome извршува JavaScript код со брзини кои се десет или дваесет пати поголеми од првиот конкурент, Firefox. Односно, при извршување операции на client side, Google Chrome ги остава далеку зад себе денешните популарни браусери: Firefox, Opera и Internet Explorer. Досега никогаш немало случај да се појават толкави разлики, па затоа и ќе задржам мало ниво на скепса околу валидноста на тестот, барем до моментот кога некоја авторитетна Internet институција не публикува избалансирана анализа од овој вид.

Ќе биде убаво ако имаш друг браусер кој не е опфатен во овој мал експеримент, да направиш тест и да ги пратиш неговите резултати (во коментарите). Ако имаме сличен хардвер (спореди ги браусерите кои се во табелата), тоа ќе ни ги прошири информациите добиени од тестот. Особено ме интересира Safari, кој е исто фален со својот (нај)брз JavaScript, а од друга страна, тестот на овој сајт покажува дека Google Chrome е двојно подобар од најдобриот резултат на Safari 3.1.2!

За волја на Вранишковски

noreply@blogger.com (GoodBytes) — Thu, 28 May 2009 23:05:00 +0000

Сител ја пренесува веста дека шарлатанот Вранишковски сега планира да регистрира некаква верска организација која ќе го носи името „ГРКО-ПРАВОСЛАВНА ОХРИДСКА АРХИЕПИСКОПИЈА ПРИ ПЕЌКАТА ПАТРИЈАРШИЈА“. И мене тоа ми е мизерно политиканство и внесување ново јаболко на раздор помеѓу Македонците, Србите и Грците, па гледано од овој аспект го осудувам и презирам. Но, има некои точки од веста на кои честа ми налага да го применам принципот „за волја на вистината“.

Значи, да одиме со ред:

1. „Целосниот назив на Јовановата црква всушност е комбинација од три имиња. ГРКО-ПРАВОСЛАВНА ОХРИДСКА АРХИЕПИСКОПИЈА ПРИ ПЕЌКАТА ПАТРИЈАРШИЈА. Ова навистина е збунувачки, вели Димевски, кој очекува дека судот нема да прифати регистрација на нова верска организација под ова име.“

Зошто судот би ја забранил регистрацијата? Освен ако во законот не е експлицитно наведено дека не смее да се прави дупликат од постоечка верска организација (ми се чини имаше нешто такво, ама не ми е јасно точно што стои во законот), тогаш либералната логика вели дека кој сака може да си регистрира каква сака верска заедница, секако под услов таа со нејзините активности да не оди на штета на друга општествена група (говор на омраза, повикување на геноцид, криминал, расизам и слично). Луѓето подоцна ќе можат слободно да си проценат која верска организација одговара на нивните суеверни заблуди.

2. „Од друга страна пак, дел од историчарите велат дека во овој предлог на Вранишковски има сериозни политички позадини и тој доаѓа токму во време кога Македонија и Грција имаат сериозно отворено прашање. Евентуална позитивна судска одлука за регистрација ќе значи и правно признавање дека Охридската Архиепископија има грчки корени, предупредуваат историчарите.“

Прво, каква врска со било што има можноста дека Охридската Архиепископија има грчки корени? Што и да има? И што ПОБОГУ значи „грчки корени“ во институција посветена кон Бога, институција која нема етнички или национални проекти и цели? Влијание од Грција дефинитивно имало во некои периоди, но што тоа на некого денес би му значело нешто?

И второ, судот нема да носи одлуки кои се поврзани со историјата, туку ќе суди според законите. Односно, ако постои законска можност за регистрација на Грчко-Српската инсталација, судот ќе ја одобри, а ако законот забранува некој атрибут на верската организација, ќе ја поништи. Каква врска има судењето според законите кои се однесуваат на регистрација на верски заедници со „правно признавање дека Охридската Архиепископија има грчки корени“?!? Море историчари консултирани од новинарот на Сител, мислите ли вие што изјавувате?

Резолуција

Наместо со години да се замараме со ова непријатност, најдобро е судот да му посочи на Вранишковски кои се условите за регистрација и, по нивното исполнување, конечно да му одобри да си има своја верска организација. А ако на граѓаните таа не им се допаѓа, нека не одат во неа, со што со текот на времето ќе се еродира логиката за нејзиното постоење.

Затоа што во спротивно, на вистинските сопственици на оваа квази црква им даваме аргументи да ја прикажат Македонија како верски нетолерантна држава, а на осудениот криминалец можност да се претставува како маченик. Да не ни зборуваме за непотребното натрупување омраза меѓу Македонците, Србите и Грците, нешто што во 21 век треба да остане во историјата.

Линк: ОБИДОТ НА ПОА И ВРАНИШКОВСКИ Е СМЕШЕН! (Сител)

Disneyland Paris во Google Earth

noreply@blogger.com (GoodBytes) — Tue, 26 May 2009 23:05:00 +0000

Пред околу една година, Walt Disney ја презентираше својата 3D креација за Google Earth: комплетно моделиран тематскиот парк Disneyland од Орландо.

Понесени од интересот на посетителите, тие оваа година го создадоа Disneyland Resort Paris, односно европскиот Дизниленд, исто така во три димензии, и повторно како слој во Google Earth.

Додадени се огромен број објекти (дури и дрва), па ќе мора да си трпелив ако имаш поспора конекција, додека сите модели и текстури се вчитаат. Но штом еднаш се нурнеш во тридимензионалниот свет на Дизни, ќе се согласиш дека чекањето се исплатело.

На ќерка ми ѝ ветив дека ќе ја однесам во Дизниленд, па во очекување на безвизниот режим со Европската Унија, еве ми една виртуелна замена за делумно исполнување на ветеното. Се надевам дека ќе ѝ се допадне.

За да го гледаш Дизниленд во Google Earth, само вклучи го слојот "3D Buildings" и зумирај кон Париз, или во полето за пребарување напиши "Disneyland Paris". Можеш да ги вклучиш и слоевите во Geographic Web + Places + Preview + Disneyland Resort Paris.

Градинка онлајн

noreply@blogger.com (GoodBytes) — Fri, 22 May 2009 23:05:00 +0000

Би сакал да го споделам задоволството со вас, кога случајно открив дека градинката низ која поминав и јас, но и моите деца, има свој веб сајт кој е, скромно кажано: одличен! Се работи за групата од 5 градинки „Јасна Ристеска“ од Охрид.

Прв впечаток ми оставија допадливите бои кои складно се избрани. Втора работа која ми се допадна е распоредот на елементите на страните, кој овозможува лесно да се забележи најважното. Навигацијата е стандардна и со тоа интуитивна за користење, а по само неколку клика се забележува дека сајтот е полн со информации и фотографии.

Немам многу можност јавно да пофалам нечија работа (авторите не ми се познати), а во случајов особено ми се допаѓа тоа што се работи за сајт поврзан со најмалите. Честитки до градинката која не направила сајт само колку да го има, но и поука за другите организации и институции како да го искористат Интернет за сопствена промоција и комуникација со заинтересираните.

Линк: градинки „Јасна Ристеска“.

Google Chrome

noreply@blogger.com (GoodBytes) — Wed, 20 May 2009 23:05:00 +0000

Google од неодамна почна да го рекламира својот Интернет браусер Google Chrome преку кратки видео клипови како овој подолу:

И другите клипови на оваа тема се многу интересни, па еве линк до целата колекција: youtube.com/googlechrome.

А за запознавање со овој иновативен браусер, неговите можности и сите други аспекти поврзани со него, ќе ти ја препорачам кратката стрип-книга Google Chrome Comic, во која како јунаци Google ги вметнува своите програмери. Стрипот објаснува кои се причините Google да влезе во таков проект, зошто го отворил кодот, кои чекори се преземени за да се обезбеди сигурноста и брзината на рендерирање, но и кои се потенцијалните опасности кои не можат да се решат (и важат за сите браусери).

Да си кажам за мене, јас вистина го имам инсталиран Google Chrome, но го користам многу ретко, најчесто за да проверам компатибилност на некаков кориснички интерфејс. Не сакам да се откажам од Firefox најмногу заради десетината екстензии кои ми требаат секојдневно, некои и за работа. Но, зависно од тоа како ќе се развива Google Chrome натаму, не е исклучено да почнам да го употребувам и како свој примарен browser.

Управување бродови со Google Earth

noreply@blogger.com (GoodBytes) — Mon, 18 May 2009 23:05:00 +0000

Paul van Dinther од PlanetInAction.com е автор на можеби најдобриот пример за искористување на API библиотеката за Google Earth. Се работи за бесплатната игра „Ships“ („Бродови“), која е симулација за возење бродови (и цепелини!) во Google Earth. Еве подолу една кратка демонстрација на Ships:

Играта изгледа прилично забавно и лесно се користи, а во комбинација со богатството на информации со кои располага електронскиот атлас Google Earth, ветува пловење низ многу пристаништа и со многу различни пловила.

Играта е направена со спојување на следните технологии: Google Earth API, Flash, Javascript, Soundmanager (за звучните ефекти), и Google SketchUp за 3D објектите. Единствено нешто слично на оваа игра е можноста да леташ со параглајдер преку сајтот Paragliding Earth. Верувам дека во иднина ќе се појават многу повеќе игри кои се базираат на тридимензионалниот реален свет на Google Earth.

Линк: ships.planetinaction.com.

present.io

noreply@blogger.com (GoodBytes) — Fri, 15 May 2009 23:05:00 +0000

Сигурно веќе знаеш за сајтот drop.io, кој е веб апликација наменета за шерување секаков вид фајлови, како и колаборација меѓу корисниците во реално време. Она што е ново кај овој веќе етаблиран вебсајт, е дека од вчера го пуштија во употреба сајтот present.io, кој влегува во директна борба за дел од пазарот со неколку познати сајтови за веб презентации и веб семинари (вебинари).

present.io е наменет за мултимедијални веб презентации кои ќе се одвиваат во реално време кај произволно голема група корисници, но кои не бараат никаква инсталација кај секој корисник посебно. А и кај администраторот е минимална подготовката: треба само да се додадат фајловите кои ќе се користат за време на презентацијата и да им се доделат права на учесниците (дали смеат да додаваат или бришат фајлови, на пример).

Секоја презентација има своја адреса, која се дава на учесниците. Штом сите ќе се соберат (еден до друг доберат), администраторот, односно презентерот, ја стартува презентацијата, по што секој учесник избира дали ќе се приклучи или не. Од тој момент натаму, тие во реално време ги гледаат и слушаат мултимедијалните фајлови кои ги пушта презентерот, додека истовремено можат и да разговараат меѓу себе, користејќи го прозорецот за chat. Ако се потребни повеќе презентери, на сите им се дава лозинката за администратор, по што ќе можат да си додадат свои фајлови и да управуваат со веб семинарот.

Бидејќи една голема мана на веб семинарите е неможноста да се разговара (со voice) додека трае настанот, сега секоја презентација си добива свој voice mail, но и бесплатна линија за конференциска врска! Добро, можеби за некои од нас тоа што бројот е од Америка не е многу корисно, но барем можноста постои. Освен тоа, денес има пакети, како на пример мојот „Call & Surf Comfort +“, со кој бесплатно се добиваат 10 часа месечно меѓународни телефонски разговори. А и да нема ваков пакет, просечен учесник пак може да си дозволи неколку минути разговор кон САД, имајќи пред вид дека сегашните цени на меѓународни разговори се и пониски отколку разговор на мобилен телефон (минута разговор кон САД е околу 12 денари).

Овој веб сервис базиран на drop.io е одлична бесплатна алатка за секој Интернет корисник или професионалец. Но, ако твоите апетити се поголеми од тоа што се нуди за џабе, односно ако си дел од фирма која често одржува состаноци, семинари и презентации, тогаш погледај ги и комерцијалните пакети, кои за одредена месечна кирија (почнува од 19 $/месец) нудат повеќе простор, но и дополнителни можности соодветни за твојот бизнис модел.

Електронски полициски земји

noreply@blogger.com (GoodBytes) — Tue, 12 May 2009 23:05:00 +0000

Cryptohippie USA, Inc. е американска организација која има за цел заштита на лица и групации од напади врз нивната приватност, кои би ги спроведувале извршители во име на индустриска шпионажа, организиран криминал, или од репресивни влади. Вака отприлика се опишува себеси организацијата Cryptohippie, која објави извештај наречен Electronic Police State - 2008, во кој се оценува степенот на репресивност на државите според тоа колку истите им навлегуваат во приватноста на граѓаните користејќи електронски медиуми и средства. Според оваа организација, еве како се препознава електронска полициска земја:

Два главни факта во врска со информациите кои се собираат се следните:

1. Тие се криминални докази, односно употребливи во судски процеси.

2. Податоците се собираат универзално и тивко, за потоа да се употребуваат од органи на прогон.

Кај електронските полициски земји секоја снимка од камера за набљудување, секој email кој го праќаш или секој сајт кој го посетуваш, секој блог запис или коментар кој го внесуваш, секој чек кој го издаваш, секое плаќање со кредитна картичка или јавување на телефон... сите тие се криминални докази кои се чуваат во бази на податоци од кои потоа можат да се употребат уште долго време. Секој кој ги контролира овие податоци може да те направи да изгледаш многу лошо, само ако посака. Можат да те прогонуваат кога и да им текне, бидејќи тоа што им треба веќе го имаат во нивните бази.

Можеби веруваш дека луѓето кои сега се на власт ќе ги користат овие податоци за да се борат со лошите луѓе. Но, дали ќе им верувате и на нивните наследници? Дали ќе им верувате на нивните потчинети, на секој владин работник или полицаец?

И за крај, ќе ја пренесам и листата од држави, од најрепресивната кон најлибералната, како што беше публикувана во извештајот. За жал, Македонија не е вклучена во оваа анализа, но затоа забележете колку високо котира „the land of the free“:

1. China
2. North Korea
3. Belarus
4. Russia
5. United Kingdom: England & Wales
6. United States of America
7. Singapore
8. Israel
9. France
10. Germany
11. Malaysia
12. Ireland
13. United Kingdom: Scotland
14. Netherlands
15. South Korea
16. Ukraine
17. Belgium
18. Australia
19. Japan
20. New Zealand
21. Austria
22. Norway
23. India
24. Italy
25. Taiwan
26. Denmark

27. Hungary
28. Greece
29. Canada
30. Switzerland
31. Slovenia
32. Poland
33. Finland
34. Sweden
35. Latvia
36. Lithuania
37. Cyprus
38. Malta
39. Estonia
40. Czech Republic
41. Iceland
42. South Africa
43. Spain
44. Portugal
45. Luxembourg
46. Argentina
47. Romania
48. Thailand
49. Bulgaria
50. Brazil
51. Mexico
52. Philippines

Поморски сообраќај со Google Earth

noreply@blogger.com (GoodBytes) — Sat, 09 May 2009 23:05:00 +0000

Сајтот кој ќе го претставам е интересен спој на најголемиот електронски атлас Google Earth и податоци за поморскиот сообраќај. Се работи за Marine Traffic, сајт изработен од Department of Product and Systems Design Engineering при University of the Aegean. Друга работа, патем, која е интересна за овој универзитет е што истиот е сместен во градот Ermoupolis, кој се наоѓа на островот Syros. How cool is that?

Marine Traffic го користи фактот што, според новите поморски закони, слично како и авионите, сега и сите комерцијални транспортни бродови се обврзани да емитираат информации за себе, меѓу кои се и: името на бродот, моменталната позиција, курсот, брзината и други. Тие информации се добиваат од сè поевтините GPS уреди.

Освен тоа што се прикажани пристаништата кои се набљудуваат, како и мониторинг станиците, сајтот ги категоризира бродовите и ги прикажува како: патнички, транспортни, танкери, јахти и слично. За полесно препознавање, секоја категорија има свој симбол (икона). Со кликнување врз иконата од бродот, излегува облаче со повеќе информации за него, фотографии и маршрута.

Покрај тоа што на сајтот е вгнезден Google Maps панел, кој се користи за прикажување на податоците, препорачан начин на користење е преку KML фајлот кој се ажурира автоматски, и кој може да се отвори во Google Earth. За разлика од Google Maps, програмот Google Earth лесно се справува со над 10-те илјади бродови кои се пратат во реално време, а и воопшто со него е полесна навигацијата и зумирањето.

Во последно време кај нас се популарни крстосувањата, барем за еден дел од Македонците кои можат да си ги дозволат. Па еве една идеја: користи го Marine Traffic за да знаеш каде се наоѓаат твоите роднини и пријатели додека крстосуваат по светските мориња (помошни линкови ако навистина ти се допадна идејата: MSC ARMONIA, MSC FANTASIA, MSC LIRICA, MSC OPERA, MSC ORCHESTRA, MSC POESIA и MSC SINFONIA).

Вистина се врати

noreply@blogger.com (GoodBytes) — Thu, 07 May 2009 23:05:00 +0000

Денес лицето Б.Ц. и официјално се прости со новинарите, со коктел и монографија, како што му личи на секој кој држел толку „јака“ функција (башка не плаќа од свој џеб). Себеси се смета за успешен Претседател, иако авторот на текстов не може да се сети на ниедно негово достигнување вредно за спомен. Всушност, повеќето луѓе кои јас ги познавам за неговиот мандат сметаат дека е успех штом не направил некоја тешка глупост (помилувањето партиски другари не се смета за ТЕШКА глупост) од која со децении не ќе се извадиме. Но, има време, уште е млад, па можеби пак некогаш ќе се кандидира за Ел Президенте!

Но засега, лицето Б.Ц. се враќа во токму истата фотелја во која беше додека Македонија се крчмеше толку многу, што од солидна куќа остана само карабина. Погодуваш, Лицето сака пак да се врати на позиција Шеф на Комуњарите, и бидејќи ништо од државата не остана за продавање, сега нас ќе нè продава. Абе, Господ да ни е на помош!

Ах, штом сме кај господовите работи, денес го чув овој виц:

Како се поздравуваа Комуњарите за Велигден?

- „Бранко се врати“!

- „Вистина се врати“!

Download Windows 7 RC

noreply@blogger.com (GoodBytes) — Tue, 05 May 2009 12:45:00 +0000

Microsoft Windows 7 Release Candidate од денес е на располагање за пошироката публика, односно може да го download-ира кој сака (погледај го линкот на дното од постов). По инсталирањето, оваа верзија може легално и бесплатно да се користи до 1 јуни 2010 година. Во последните два месеца, оперативниот систем сам ќе се рестартира на секои 2 часа, како еден вид потсетник за да се набави „нормална“ верзија.

Уште еден податок кој треба да се знае за овој Release Candidate е дека верзијава е подесена автоматски да испраќа анонимни известувања кон Microsoft за разни параметри, кои потоа ќе бидат анализирани и употребени за поправки на баговите кои може да се појават. Што значи, ако не сакаш твојот компјутер и Microsoft да си шепкаат зад твој грб, не го инсталирај овој оперативен систем.

За да го преземеш инсталацискиот програм ќе ти биде потребен Windows Live акаунт. По внесување на истиот, не заборавај да си го запишеш и клучот за инсталација, кој ќе се појави на страната „Windows 7 RC 32-bit Product Key“. Ќе ти биде понудено да преземеш ISO фајл, и тоа со помош на некаков download manager, кој е Java applet. Големината на фајлот е 2.36 GB.

Линк: Microsoft Windows 7 Release Candidate.

Муслиманска демографија

noreply@blogger.com (GoodBytes) — Sat, 02 May 2009 23:05:00 +0000

Плашете се, муслиманите надоаѓаат незапирливо! Инвестирајте со време во џамии, не фрлајте пари во цркви. :-)

Нека има веро-наука, штом сте запнале

noreply@blogger.com (GoodBytes) — Thu, 30 Apr 2009 23:05:00 +0000

Сведоци сме дека низ цела Македонија има несомнено мнозинство граѓани кои сакаат воведување веро-наука, барем ако се суди според реакциите на одлуката на Уставниот суд, со кој се укина веро-наука во државните училишта. Ученици, студенти, организации и здруженија на граѓани од секаков калибар непрестано се бунат, барајќи веро-наука за себе или за своите деца.

Нова Македонија: Против одлуката на Уставниот суд за укинување на веронауката во основното образование вчера протестираа дел средношколците и студенти од државните универзитети.

- Дојдовме достоинствено да се спротивставиме на одлуката на Уставен суд, да застанеме со една цел, за подобрување на квалитетот на животот на младите луѓе - истакна портпаролот на средношколската унија Оливер Паб.

Александар Цветковски, член на извршниот одбор на Студентскиот парламент на Скопскиот универзитет, рече дека се собрале пред зградата на Уставниот суд за да го изразат разочарувањето од, како што додаде: „дисфункционалноста на оваа институција, која пополека но сигурно ја губи улогата како чувар на Уставот“.

Верските заедници можат задоволно да тријат раце и да не се грижат за својата иднина, кога имаат вакво граѓанство. Во една ваква идилична пред-талибанска средина, јас ќе ги поддржам во нивните ~~финансиско~~ религиозно-мотивирани напори и ќе им порачам да го искористат моментумот: САМИТЕ да си организираат веро-наука, самите да си најдат простор (го имаат), наставен кадар (го имаат), бидејќи еве, барем јагниња божји имало со лопати да ги ринеш.

Така, ем ќе си ја зацврстат иднината, ем ќе си ја куртулат државата да не мора да им ја врши работата, бидејќи и онака образованието ни е во толку очајна состојба, што (според Уставниот суд) ни Господ не може да го поправи. Во меѓувреме, училиштата ќе можат да ги учат децата на попаметни работи отколку да бидат муџахедини, па за некоја година можеби и малите Македончиња ќе прават роботи како малите Јапончиња.

Дај му на Господ што е господово, и на царот што е царево.

--
Фотографиите се од Премин Портал.