Parrot Paradise

How to Start Parrot Business in Pakistan

2020-05-14T20:19:00.000+05:00

طوطوں کے کاروبار کا آغاز کیسے کیا جائے؟

طوطوں کا کاروبار ایک ایسا کاروبار ہے جو کہ بہت کم سرمائے سے شروع کیا جا سکتا ہے۔ اور اس کے لئے کسی خاص ٹریننگ کی بھی ضرورت نہیں ہوتی۔ کوئی بھی شخص چاہے وہ ملازمت پیشہ ہو، کوئی کاروباری شخص ہو، اسٹوڈینٹ ہو، یا کوئی گھریلوں خاتون ہو باآسانی یہ کا م کر سکتے ہیں ۔ طوطے پالنے کے لئے
گھر میں موجود اضافی جگہ مثلاََ گھر کی چھت ، صحن یا کسی کمرہ کا استعمال کیا جا سکتاہے۔بہت سے لوگ طوطے پالنے کا بزنس کر کہ آمدنی حاصل کرنا چاہتے ہیں، لیکن زیادہ معلومات نہ ہونے کی وجہ سے وہ ایسا نہیں کر پاتے۔وہ لوگ جونئے ہیں اورطوطے پالنے میں دلچسپی رکھتے ہیں، میرا آج کا پوسٹ اُن ہی لوگوں کے لئے ہے۔

طوطوں کے کاروبارکا آغازکیسے کیا جائے؟

اس کام کو کرنے کے لئے کتنی رقم درکار ہو گی؟

کون سے طوطے رکھے جائیں؟

طوطے کے پنجرہ کا سائز کتنا ہونا چاہے؟

طوطے پالنے سے کتنی آمدنی ممکن ہے؟

آج میں آپ کو ان تمام سوالوں کے جواب دینے کی کوشش کروں گا۔اور مجھ کو اُمید ہے کہ یہ معلومات آپ کے بہت کام آئے گی۔

طوطوں کا کاروبار اسٹارٹ کرنے کے لئے کتنی رقم کی ضرورت ہے:

طوطوں کا کاروبار اسٹارٹ کرنے کے لئے کتنی رقم کی ضرورت ہے؟ یہ ایک انتہائی اہم سوال ہے۔ جولوگ نیا نیا یہ کام شروع کرنا چاہتے ہیں اُن کو میرا مشورہ ہے کہ شروع میں کم سرمائے سے کام کا آغاز کریں اور جیسے جیسے اُن کو اس کام کی سمجھ آتی جائے کاروبار کو بڑھاتے جائیں۔اور اس کا بہترین طریقہ یہ ہے کہ جو منافع ہو اُس کو کچھ حصہ کاروبار میں لگا دیں۔اس طرح آپ کسی طرح کے نقصان سے بھی محفوظ رہیں گے اور آپ کے کاروبار میں بھی اضافہ ہو گا۔ ہم 25،000 سے 30،000 روپے سے اس کاروبار کا آغاز کر سکتے ہیں۔یہ رقم پرندوں کی خریداری، اُن کے لئے پنجروں اور خوراک وغیرہ پر خرچ ہو گی۔

طوطوں کا انتخاب:(Parrot selection)

اس بزنس میں پرندوں کا انتخاب بہت زیادہ اہمیت کا حامل ہے۔طوطے خریدنےسے پہلے ہم کو کچھ باتوں کا خیال رکھنا چاہے جو یہ ہیں۔

طوطوں کی قیمت:(Parrot Price)

مارکیٹ میں طوطوں کا ایک جوڑاآپ کو 500 روپے سے500،000 تک کا ملتا ہے۔ میرا آپ کو مشورہ ہے کہ نہ تو بہت سستے طوطے لیں اور نہ ہی بہت مہنگے۔کیونکہ سستے طوطوں میں منافع کم ہوتا ہے اور ان کو رکھنے کے لئے زیادہ جگہ کی ضرورت ہوتی ہے۔ آج کل نارمل بجری طوطوں کا ایک جوڑا 500 تک کا مِل جاتا ہے۔ فر ض کریں اگر ہم 15،000 کے بجری طوطے لینا چاہیں تو اس رقم سے ہم 30 جوڑے خرید سکتے ہیں۔30 جوڑوں کو رکھنے کے لئے ہم کو کافی جگہ کی ضرورت ہو گی اور ان کی دیکھ بھال پر محنت بھی زیادہ کرنی پڑے گی۔جبکہ مہنگے طوطے رکھنے کی صورت میں نقصان کا خطرہ ہوتا ہے۔ کیونکہ اگر کوئی طوطا بیمار ہوجائے، مر جائے یا کسی وجہ سے انڈے بچے نہ کرے تو ہم کو نقصان ہوتا ہے۔ اس لئے میرا مشورہ ہے کہ شروع میں ایسے طوطے رکھیں جن کے جوڑا کی قیمت مناسب ہو، شروع میں 3،000سے 5،000 روپےتک کا جوڑا رکھنا مناسب ہے۔

ہمیشہ پٹھے(بچے) خریدیں بالغ جوڑے نہ خریدیں:(Purchase Chicks)

با لغ جوڑا لینے سےبہتر ہے کہ آپ پٹھے (بچے) خریدیں۔ کیونکہ یہ نئے ماحول میں آسانی سے ایڈجسٹ ہو جاتے ہیں۔اور ہم ان سے لمبے عرصے تک بریڈ لے سکتے ہیں۔اس کے علاوہ ان کی قیمت بھی بالغ جوڑوں کی نسبت آدھی یہ اس سے کچھ زیادہ ہوتی ہے۔

(Parrot Mutation)کون سی قسم کے طوطے خریدیں؟

جیسا کہ میں نے آپ کو بتایا کہ ہم کو اسے طوطے لینا ہیں جن کی قیمت نہ تو بہت کم ہو نہ ہی زیادہ۔ اب سوال یہ پیدا ہوتا ہے کہ کون سے طوطے لیں جن کی قیمت مناسب ہو اور اُن کی مارکیٹ بھی ہو؟ یہاں میرا مشورہ ہے کہ آپ شروع میں 4سے5 جوڑے لوو برڈ کےخرید لیں۔اس وقت فشر(Fisher) کا ایک جوڑا 1500 کا،لوٹینو(Lutino) کا 2800 کا اور لوٹینو پرسناٹا(Lutino Persnata) کو جوڑا 8000 تک کا مل رہا ہے۔اگر آپ ان کے بڑے بچے خریدیں گے تو وہ آپ کو اور کم قیمت میں مل جائیں گے۔اس طرح آپ 15،000 سے 18000 روپے کے 4 سے 5 جوڑے خرید سکتے ہیں۔

طوطوں کی بریڈنگ کی عمر:(Parrot Breading Age)

طوطے خریدتے ہوئے اُن کی بریڈنگ کی عمر(Breading Age) معلوم ہونابھی ضروری ہے۔ کیونکہ اگر ہم کو بریڈنگ عمر معلوم نہ ہو اور ہم ایسا جوڑا خرید لیں جس کی بریڈنگ کی عمر 2 ، 3 سال ہو تو ہم کچھ عرصہ میں پریشان ہو جائیں گے کہ پتا نہیں کیا بات ہے کہ ہمارے طوطے انڈے بچے نہیں دے رہے اور ہم ان طوطوں کو فروخت کر دیں گے۔بجری طوطے 6 ماہ میں اور لووبرڈ(Love Birds) 9 ماہ کی عمر میں انڈے دینا شروع کر دیتے ہیں جبکہ رنگ نیک (Ring Neck) 2 سال سےڈھائی سال کی عمر میں۔فرض کریں کہ اگر ہمارے پاس لووبرڈ(Love Birds) ہیں تو میرا آپ کو مشورہ ہے کہ اِن کو مکمل جوان ہونے دیں اور ان سے آپ ایک سال کی عمر میں بریڈ لیں۔اس طرح طوطوں کی صحت اچھی رہتی ہے اور ہم لمبے عرصہ تک بریڈ لے سکتے ہیں۔

پنجرہ کا سائز کتنا ہونا چاہے:(Cage Size for Parrots)

پرندوں کے انتخاب کے بعد جو اگلہ مرحلہ آتا ہے وہ ہے ان کے رکھنے کے لئے جگہ کا ہے۔جس طرح پرندوں کی بہتر افزائش کے لئے اچھی خوراک اور صفائی کی ضرورت ہوتی ہے ،وہاں ہی پنجرے کا ماحول بھی بہت اہمیت کا حامل ہے۔پنجرے کا سائز مناسب ہونا چاہے۔ اگر سائز چھوٹا ہو گا تو طوطے پریشان رہیں گے اور اس کا اثر بریڈنگ پر پڑے گا ۔ بجری طوطوں لے لئے پنجرے کا کم سے کم سائز 18 انچ چوڑا، 18 انچ اونچا اور 18 انچ گہرا ہونا چاہے۔ جبکہ لوو برڈ کے لئے پنجرے کا کم از کم سائز 24 انچ چوڑا، 24 انچ اونچا اور 24 انچ گہراہے۔ اس ہی طرح رنگ نیک کے لئے پنجرے کا سائز کم از کم 24 انچ چوڑا، 24 انچ اونچا اور 36 انچ گہرا ہونا چاہے۔ (طوطوں کی مختلف قسموں کے لئے پنجرے کا جو سائز درکار ہوتا ہے ۔ اس کے بارے میں تفصیل میں اپنے آنے والے پوسٹ میں بیان کروں گا)۔ مارکیٹ میں8 خانوں کاپنجرہ 7،000سے 10،000 تک کا مل جاتا ہے۔جس میں آپ لوو برڈ اور بجری طوطے آرام سے رکھ سکتے ہیں۔

طوطوں کی بریڈنگ اور منافع:(Parrot Breading and Profit)

فرض کریں کہ ہم لوو برڈ کے 5 جوڑے لیتے ہیں جن کی قیمت 3000 روپے فی جوڑا ہو ہو تو ہم کو 15،000 روپے خرچ کرنا ہوں گے۔ اس کےعلاوہ ایک عدد پنجرہ بھی لینا ہو گا جو8،000 سے 10،000 تک کا مل جاتا ہے۔لوو برڈ کا ایک جوڑاسال میں کم ازکم 3 سے 4 بار بریڈ کرتا ہے اور ہر بار اوسطََ 4 سے6 تک انڈے دیتا ہے۔انڈوں میں سے کچھ خراب ہو جاتے ہیں اور کچھ بچے مر بھی سکتے ہیں ،فرض کریں کہ ایک جوڑے کے صرف 10 بچے ہی زندہ رہتے ہیں، تو ایک سال میں ہم کو 5 جوڑے حاصل ہوں گے۔اور 5 جوڑوں سے ہم کو 50 بچے یا 25 جوڑےحاصل ہوں گے۔اگر ہم ان تمام بچوں کو 1000 روپے فی بچہ فروخت کر یں تو ہم کو 50،000 روپے آمدنی ہو گی۔ اس میں سےاگر سال بھر کا خوراک کاخرچہ نکال لیا جائے جو کہ 10،000 سے 15،000 کے درمیان ہوتا ہے تو ہم کو کم سے کم 35،000 روپے تک کا خالص منافع ہو گا ۔جو کہ طوطوں پر ہماری لگائی ہوئی رقم سے دگنا سے بھی زیادہ ہے۔اگر ہم بچوں کو فرخت نہ کریں یا اگر فروخت کریں تو اس سے مہنگے طوطے خرید لیں تو اگلے سال ہماری آمدنی کئی گنا بڑھ جائے گی۔ اوپر میں نے آپ کو بتایا کہ15،000 کے طوطوں سے ہم پہلے سال 35،000 کا منافع حاصل کرتے ہیں تو اگر ہم بچے فروخت نہ کریں تو ہمارے پاس 50،000 کے طوطے ہوں گے۔جن سے سے اگلےسال ہم کو115،000 تک کی آمدنی ہو سکتی ہے۔

اوپر میں نے آپ کو طوطوں کا بزنس شرع کرنے کے بارےمیں کچھ بنیادی باتیں بتائی ہیں،اگر آپ اپنی آمدنی میں اضافہ کرنا چاہتے ہیں تو یہ ا یک بہتیرین بزنس ہے جو آپ بہت کم رقم سے شروع کر سکتے ہیں اور اس میں ٹائم بھی زیادہ نہیں دینا پڑتا۔اگر آپ دن میں 1 سے 2 گھنٹے نکال سکتے ہیں تو اس بزنس سے اچھی خاصی آمدنی حاصل کر سکتے ہیں وہ بھی گھر بیٹھے۔تو آج ہی اس بزنس کو شروع کریں اور آمدنی حاصل کریں۔

آخر میں آپ سے درخواست کروں گا کہ اگر آپ کو یہ پوسٹ پسند آئی ہو تو لائک(Like) ضرور کریں تاکہ میری حوصلہ افزائی ہو اور میں ایسی ہی معلوماتی پوسٹ آپ کے لئے لاتا رہوں۔ اور سبسکرئب(Subscribe) بھی ضرور کریں تاکہ میری ہرآنے والی پوسٹ کا نوٹیفیکیشن(Notification) آپ کو ملتا رہے۔شکریہ

Cockatiels Feeding Their Baby 3 days old Baby

2020-02-05T14:02:00.001+05:00

Raw, Alexandrine, Kashmiri or Pahari Parrot Breeding

2019-05-27T15:48:00.000+05:00

را ،کشمیری ،پہاڑی یا الیگزینڈیرین طوطوں کی بریڈنگ

آج میں آپ کو را طوطوں کی بریڈنگ کے بارے میں بتانے جا رہا ہوں۔تو سب سے پہلے میں آپ کو بتا دوں کہ را طوطوں کو مختلف ناموں سے پکارا جاتا ہے انہیں کشمیری طوطہ ، پہاڑی طوطہ اور الیگزینڈیرین پیرٹ بھی کہا جاتا ہے ۔ لوگ را طوطے شوقیہ طور پر گھروں میں رکھتے ہیں۔ کیونکہ ان میں بولنے کی صلاحیت ہوتی ہے اس لئے لوگ ان کو بولنا بھی سکھاتے ہیں۔
بزنس کے لحاظ سے بھی را طوطوں کی بریڈنگ کافی فائدہ مند ہے۔اس لئے لوگ اس کی بریڈنگ بھی کرتے ہیں۔

ان کے بارے میں کچھ خاص خاص معلومات درجِ ذیل ہیں۔

را طوطے کی قیمت:

یہ طوطے کافی مہنگے ہوتے ہیں اور جہاں تک اِن کی قیمت کا تعلق ہے تو یہ اوپر نیچے ہوتی رہتی ہے۔ قیمت کا انحصار ان کے بولنے اور ہینڈ ٹیم ہونے پر ہوتا ہے۔ اس وقت 2 سے 3 ماہ کا بچہ 15000 سے 18000 تک کا مل رہا ہے۔ جب کہ مارکیٹ میں بالغ جوڑے کی قیمت 50،000 سے 60،000 تک ہے۔

بریڈنگ کی عمر:

را طوطے کی اوسط عمر 25 سے 30 سال تک ہوتی ہےاور یہ ڈھائی سے تین سال کی عمر میں بریڈ کرتےہیں۔

را طوطوں کی خوراک:

ویسے تو را طوطے ہر چیز کهاتے ہیں لیکن کچهہ چیزیں انکے لیے بہت فائدہ مند ہے۔

مکس سیڈز:

طوطوں کو روزانہ ایسا دانہ دیا جائے جو کہ مکس سیڈزپر مشتمل ہو ۔ سیڈز مکس میں باجرہ،باریک کنگنی،موٹی کنگنی،سورج مکھی کے بیج،کنیری سیڈز،جئی اورچینا وغیرہ شامل ہوتے ہیں۔ اس سے پرندوں کی روزمرہ کی خوراک کی ضرورت پوری ہوتی ہے۔

سافٹ فوڈ:

نارمل دانے کے علاوہ را طوطوں کو بھیگی ہوئی دال ، گندم، اور چنا بھی بہت پسند ہوتا ہے۔ مکئی جس کو عام فہیم زبان میں بھُٹہ بھی کہا جاتا ہے یہ را طوطوں کی پسندیدہ خوراک ہے۔ خاص طور پر جب طوطے اپنے بچوں کو فیڈ کروا رہے ہوں تو مکئی کا استعمال انتہائی مفید ہے۔ اس کے علاوہ آپ اپنے پرندوں کو اُبلے ہوئے چاول بھی دے سکتے ہیں یہ بھی طوطے بہت شوق سے کھاتے ہیں۔

سبزیاں اور پھل :

را طوطے سبزیاں اورپھل بہت شوق سے کھاتے ہیں،سبزیوں میں پالک ، سلاد ، دھنیا ، پودینہ،میتھی، کدو،لوکی، کھیرا، گاجر ،سبز مرچ، شملہ مرچ، مٹر اور اُن کے چھلکے، اور لوہسن وغیرشامل ہیں۔ پھلوں میں امرود، سیب ، ناشپتی، انگور ،خربوز اور تربوز ہ وغیرہ طوطے بہت شوق سے کھاتے ہیں۔ تو جو پھل بھی مارکیٹ میں سستا ہو وہ آپ اپنے طوطوں کو دے سکتے ہیں۔

نوٹ.... اگر آپ ان چیزوں کا استعمال کرتے ہیں تو آپ کو نہ کسی دوائی کی ضرورت ہو گی اور نہ ہی کسی وٹامن کی اور بریڈ بھی اچهی حاصل ہو گی۔کیونکہ ان چیزوں میں وٹامن، کیلشیم، پوٹاشیم،فائبر ، آئرن اور نشاستہ وغیرہ کی وافر مقدار پائی جاتی ہے جو کہ برڈز کے لئے بہت ضروری ہے ۔

پنجرے کا سائز:

یہ طوطے سائز میں بڑے ہوتے ہیں اس لئے ان کے پنجرہ کا سائز بھی بڑا ہونا چاہے۔ عام طور پر ان کے لئے 3 فٹ چوڑا، 4 فٹ اونچا اور 4 فٹ ہی گہرا پنجرہ درکار ہوتا ہے۔یہ ایک مناسب سائز ہے جس میں ان کو تھوڑا بہت اُڑنے کا بھی موقع مل جاتا ہے۔

بریڈنگ بکس کا سائز:

کیونکہ یہ سائز میں بڑے ہوتے ہیں اس لئے ان کے لئے بڑا بریڈنگ بکس درکار ہوتا ہے۔ بریڈنگ بکس کا مناسب سائز 16 انچ چوڑا، 16 انچ لمبا اور24 انچ اونچا ہونا چاہے۔

را طوطوں کی بریڈنگ کا طریقہ:

را طوطے عموما سال میں 2 بار ہی بریڈ کرتے ہیں ۔اور ایک بار میں 2 سے چار تک انڈے دیتے ہیں۔جو کہ ان کی خوراک پر منحصر ہے۔انڈوں سے 26 سے 28 دن میں بچے نکل آتے ہیں۔ بچے نکلنے کے بعد طوطے ان کو 2 ماہ تک فیڈنگ کرواتے ہیں۔ زیادہ بریڈ لینے کا طریقہ یہ ہے کی جب بچے نکل آئیں توبچوں کو ہینڈ فیڈ پر لے آئیں۔تاکہ طوطے فری ہو جائیں اور وہ اگلی بریڈ کے لئے تیاری کر سکیں۔اس طرح آپ ان سے زیادہ بریڈ لے سکتے ہیں۔

آخر میں آپ سے درخواست کروں گا کہ اگر آپ کو یہ پوسٹ پسند آئی ہو تو لائک(Like) ضرور کریں تاکہ میری حوصلہ افزائی ہو اور میں ایسی ہی معلوماتی پوسٹ آپ کے لئے لاتا رہوں۔ اور سبسکرئب(Subscribe) بھی ضرور کریں تاکہ میری ہرآنے والی پوسٹ کا نوٹیفیکیشن(Notification) آپ کو ملتا رہے۔شکریہ

Parrot's Health and Care

2019-05-20T21:27:00.000+05:00

طوطوں کو صحت مند کیسے رکھیں

طوطوں سے اچھی بریڈ اور منافع جب ہی حاصل کیا جا سکتا ہے جب اُن کی صحت اچھی ہو۔اگر طوطوں کی صحت خراب ہو گی تو وہ کمزور ہو جاتے ہیں ، انڈے نہیں دیتےاور اگر انڈے دیتے بھی ہیں تواُن پر ٹھیک سے نہیں بیٹھتے اور انڈے خراب کر دیتے ہیں، بچوں کو ٹھیک طرح سے نہیں پالتے اور بعض اوقات مر بھی جاتے ہیں۔جس کی وجہ سے بجائے فائدہ ہونے کہ نقصان ہو جاتا ہے۔آج میں آپ کو یہ ہی بتانے جا رہا ہوں ہوں کہ
کیسے ہم اپنے پرندوں کو صحتمند رکھ سکتے ہیں۔اگر آپ اپنے پرندوں کو صحتمند رکھنا چاہتے ہیں تو آپ کو مندرجہ ذیل باتوں کا خیال رکھنا پڑے گا۔

1۔ صفائی:

پنجرے کی صفائی :
یہ توہم سب ہی جانتے ہیں کہ گندگی سے جراثیم جنم لیتے ہیں،جس کی وجہ سے انسان ہو یا پرندے وہ بیماریوں کا شکار ہوسکتے ہیں۔ اس لئے پنجرے کی صفائی کا خاص خیال رکھا جانا چاہے ۔پنجرے کو اچھی طرح صاف کرنے کے بعد چونے یا کسی جراثیم کش دوا کا استعمال بھی کرنا چاہےتاکہ جراثیم کا مکمل طور پرخاتمہ ہو سکے۔جراثیم کے مکمل خاتمے کے لئے ہم کوپیکس پاؤڈر یا بروموسیپٹ کا استعمال کر سکتے ہیں۔

کھانے اور پانی کے برتنوں کی صفائی:
پرندوں کا پانی روز انہ تبدیل کرنا چاہے۔اس کے علاوہ پانی اور دانے کے برتنوں کی صفائی بھی مناسب وقفے سے کرتے رہنا چاہے۔

بریڈنگ بکس کی صفائی:
پنجرے کی صفائی کے ساتھ بریڈنگ بکس کی صفائی بھی بہت ضروری ہے،اکثر چونٹیاں اور دوسرے کیڑے مکوڑے یہاں پر آ جاتے ہیں جو کہ طوطوں اور اُن کے بچوں کو پریشان کرتے ہیں۔اس لئے اس کو صاف رکھنا ضروری ہے،یہاں ہم کوپیکس پاؤڈر کا استعمال کر سکتے ہیں۔

2۔ متوازن خوراک:

انسانوں کی طرح پرندوں کی صحت کا بھی بڑی حد تک انحصارمتوازن خوراک پر ہوتا ہے۔ متوازن خوراک سے مُراد ایسی خوراک ہے جس سے پرندوں کی پروٹین،وٹامن اور کیلشیم وغیرہ کی ضروریات پوری ہوں۔

طوطوں کو مکس سیڈز، تازہ سبزیاں،مکئی،چنا ، گیہوںوغیرہ دی جاتی ہیں۔اس کے علاوہ نمک کا پتھر، کیلشیم بلاک اورسمندری جھاگ ہمیشہ پنجرہ میں رکھیں۔ان کو کھا کر طوطوں میں کیلشیم کی کمی دور ہو جاتی ہے۔

طوطوں کو کون سی غذا اورکتنی مقدار میں دینی چاہے اس کی مکملتفصیل کے لئے یہاں کلک کریں۔

3۔پنجرے اور بریڈنگ بکس کامناسب سائز:

پنجرے اور بریڈنگ بکس کا سائز بھی طوطوں کی صحت پر اثرانداز ہوتا ہے۔اگر پنجرے اور بریڈنگ بکس کا سائز مناسب نہیں ہو گا تو اس کا اثر طوطے کی صحت اور اس کی بریڈنگ پر پڑتا ہے۔پنجرے کا سائز اگر چھوٹا ہو گا تو طوطوں کو اُڑان کے لئے جگہ نہیں ملے گی اور وہ سست اور بیمار ہو جائیں گے۔ مختلف طوطوں کےپنجروں کا سائزاُن کی جسامت کے مطابق مختلف ہوتا ہے۔

مختلف طوطوں کے لئےپنجرے کا سائز کتنا ہوتاہے،تفصیل کے لئے یہاں کلک کریں۔

اسی طرح اگر بریڈنگ بکس کا سائز چھوٹا ہو گا تو طوطےاُس میں پریشان رہیں گےاور ٹھیک سے بریڈنگ نہیں کریں گے۔اس لئے بریڈنگ بکس کا سائز بھی طوطوں کی جسامت کے مطابق ہونا چاہے۔

4۔ مناسب ماحول:

پنجرے کا اور اُس کے اردگرد کا ماحول بھی طوطوں کی صحت پر اثر انداز ہوتا ہے۔اگر ماحول اچھا نہ ہو تو پرندے بیمار ہو جاتے ہیں۔ پنجرے میں تازہ ہوا اور سورج کی روشنی کا مناسب انتظام ہونا چاہے۔ اس کے علاوہ پنجرہ کا درجہِ حرارت بھی مناسب ہو ، نہ زیادہ گرم ہو نہ ہی زیادہ ٹھنڈا ہو۔سردیوں میں سردی سے بچاؤ کا انتظام ہو اور گرمی میں گرمی سے بچاؤ کا۔اس کے علاوہ آپ نے جہاں طوطوں کا سیٹ اپ لگایا ہے وہاں لوگوں کی آمدورفت بھی زیادہ نہیں ہونی چاہے۔اس سے طوطے ڈسٹرب ہوتے ہیں۔

5۔ بریڈنگ میں وقفہ:

مسلسل بریڈنگ لینے سے پرندہ کی صحت خراب ہو جاتی ہے اس لئے اُن کو سال میں کچھ دن آرام بھی دینا چاہےخاص طور پر گرمی کے موسم میں پرندوں سے بریڈ نہیں لینی چاہے اور اُن کو آرام دینا چاہے۔گرمی کا یہ موسم مئی تا اگست تک ہوتا ہے۔آرام دینے سے طوطوں کی صحت برقرار رہتی ہے اور اس کے بعد وہ اچھی بریڈ دیتے ہیں۔

مجھ کو یقین ہےکہ جو لوگ جو طوطوں کی بریڈنگ میں نئے ہیں یہ معلومات اُن کے لئے بہت فائدہ مند ہو گی اور اگر آپ اوپر دی گئی معلومات پر عمل کریں گے تو آپ کے طوطے صحت مند رہیں گے اور آپ اُن سے بھرپور بریڈ لے سکیں گے۔

آخر میں آپ سے درخواست کروں گا کہ اگر آپ کو یہ پوسٹ پسند آئی ہو تو لائک(Like) ضرور کریں تاکہ میری حوصلہ افزائی ہو اور میں ایسی ہی معلوماتی پوسٹ آپ کے لئے لاتا رہوں۔ اور سبسکرئب(Subscribe) بھی ضرور کریں تاکہ میری ہرآنے والی پوسٹ کا نوٹیفیکیشن(Notification) آپ کو ملتا رہے۔شکریہ

Best Food for Parrot

2019-05-18T13:38:00.001+05:00

طوطوں کی متوازن خوراک

انسانوں کی طرح پرندوں کی صحت کا بھی بڑی حد تک انحصارمتوازن خوراک پر ہوتا ہے۔ متوازن خوراک سے مُراد ایسی خوراک ہے جس سے پرندوں کی پروٹین،وٹامن اور کیلشیم وغیرہ کی ضروریات پوری ہوں۔ طوطوں کو کون کون سی خوراک دینا چاہے ، ذیل میں

اس کا ذکر کیا گیا ہے۔

مکس سیڈز:

طوطوں کو روزانہ جو دانہ دیا جاتا ہے وہ مکس سیڈزپر مشتمل ہونا چاہے ۔ سیڈز مکس میں باجرہ،باریک کنگنی،موٹی کنگنی،سورج مکھی کے بیج،کنیری سیڈز،جئی اورچینا وغیرہ شامل

ہوتے ہیں۔ اس سے پرندوں کی روزمرہ کی خوراک کی ضرورت پوری ہوتی ہے۔آپ نے اس کو خود سے نہیں بنانا یہ آپ کو کسی بھی شاپ سے باآسانی مل جائے گی۔

سبزیاں اور پھل :

طوطے سبزیاں اورپھل بہت شوق سے کھاتے ہیں،سبزیوں میں پالک ، سلاد ، دھنیا ، پودینہ،میتھی، کدو،لوکی، کھیرا، گاجر ، مٹر اور اُن کے چھلکے، اور لوہسن وغیرشامل ہیں۔ہم یہ سبزیا ں روزانہ تھوڑی مقدار میں دے سکتے ، لیکن خیال رہے کہ ایک ہی سبزی روزانہ نہ دی جائے اور بدل بدل کر مختلف سبزیاں دی جائیں۔سبزیوں کی علاوہ طوطے بھل بھی بہت شوق سے کھاتے ہیں۔ پھلوں میں امرود، خربوز اور تربوز وغیرہ طوطے بہت شوق سے کھاتے ہیں۔ تو جو پھل بھی مارکیٹ میں سستا ہو وہ آپ اپنے طوطوں کو دے سکتے ہیں۔

مکئی:

مکئی جس کو عام فہیم زبان میں بھُٹہ بھی کہا جاتا ہے یہ طوطوں کی پسندیدہ خوراک ہے۔ خاص طور پر جب طوطے اپنے بچوں کو فیڈ کروا رہے ہوں تو مکئی کا استعمال انتہائی مفید ہے۔

سافٹ فوڈ:

سافٹ فوڈ میں بھیگی ہوئی دال ، گندم، اور چنا بہت اہم ہیں ۔گرمیوں میں دال ، گندم یا چنا جو بھی آپ پرندوں کو دینا چاہتے ہیں اُس کو شام کو پانی میں بِھگو کرکر رکھ دیں اور پرندوں کے کھانے کے برتن ہٹا دیں، صبح یہ کھانا پرندوں کو دیں پرندے بہت مزے سے کھائیں گے۔اور اگر سردیاں ہوں تو دال ، گندم یا چنا جو بھی دینا ہو اُس کو اُبال کر دیں اس طرح اس کی تاثیر گرم ہو جاتی ہے۔ اس کے علاوہ پرندوں کو اُبلے ہوئے چاول بھی دے سکتے ہیں۔یہ سافٹ فوڈ آپ ہفتے میں 2 سے 3 بار استعمال کرا سکتے ہیں۔ اور 2 سے 3 گھنٹوں کے بعد آپ اس کو پنجرے سے اُٹھا لیں۔

نمک کا پتھر، کیلشیم بلاک،سمندری جھاگ:

نمک کا پتھر، کیلشیم بلاک،سمندری جھاگ ہمیشہ پنجرہ میں رکھیں۔ان کو کھا کر طوطوں میں کیلشیم کی کمی دور ہو جاتی ہے۔

ایگ فوڈ:

پرندوں کو اِیگ فوڈ بھی دی جاتی ہے۔خاص طور پر جب وہ اپنے بچوں کو فیڈ کروا رہے ہوں تو اِیگ فوڈ کا استعمال بہت فائدہ مند ہے۔اِیگ فوڈ بنانے کے لئے اُبلا ہوا انڈہ، انڈوں کے چھلکوں کا پاؤڈر اور ڈبل روٹی کا استعمال کیا جاتا ہے۔تفصیل میں اپنی کسی آنے والی پوسٹ میں شئیر کروں گا۔

لہسن کا استعمال:

لہسن کے استعمال سے پرندہ بیماریوں سے محفوظ رہتا ہے۔اس کو استعمال کروانے کا طریقہ یہ ہے کہ ایک لیڑ پانی میں ایک گانٹھ لہسن کاٹ کر ڈال دیں اور اس کو رات بھر رکھا رہنے دیں، رات میں اور پنجرہ سے پانی کے برتن بھی ہٹا دیں۔صبح پرندوں کو لہسن کا پانی دیں وہ پیاسے ہوں گے تو یہ پانی آرام سے پی لیں گے، اس پانی کو 3 سے 4 گھنٹے تک رکھا رہنے دیں اور پھر نکال لیں۔ ہر 15 دن یا مہینہ بعد ایسا کریں یہ پرندوں کو بیماریوں سے محفوظ رکھنے کا قدرتی طریقہ ہے۔

مجھ کو اُمید ہے کہ اگر آپ طوطوں کے بزنس میں نئے ہیں تویہ معلومات آپ کے بہت کام آئیں گی۔

آخر میں آپ سے درخواست کروں گا کہ اگر آپ کو یہ پوسٹ پسند آئی ہو تو لائک(Like) ضرور کریں تاکہ میری حوصلہ افزائی ہو اور میں ایسی ہی معلوماتی پوسٹ آپ کے لئے لاتا رہوں۔ اور سبسکرئب(Subscribe) بھی ضرور کریں تاکہ میری ہرآنے والی پوسٹ کا نوٹیفیکیشن(Notification) آپ کو ملتا رہے۔شکریہ

Parrot Breeding Age

2019-05-14T20:20:00.000+05:00

طوطوں کی بریڈنگ کی عمر:

نئے لوگ جب طوطے خریدتے ہیں تو اُن کو پتا نہیں ہوتا کہ جو طوطے انہوں نے خریدے ہیں اُن کی عمر کیا ہے اور وہ کتنی عمر میں بریڈ دیں گے۔وہ کچھ عرصہ ان طوطوں کو رکھتے ہیں اورجب کچھ عرصہ تک وہ طوطے بریڈ نہیں کرتے تو مایوس ہو کر اِن کو فروخت کردیتے ہیں کہ بریڈنگ نہیں ہو رہی۔کبھی کبھی ایسا ہوتا ہے کہ
جب پرندہ بریڈ کے قابل ہوتا ہے تو اُس کو فروخت کر دیا جاتا ہے۔ اس لئے آپ جب بھی طوطے خریدیں تو آپ کو اِن کی بریڈنگ عمر معلوم ہونا چاہے۔ مختلف قسم کے طوطوں کی بریڈنگ عمر مختلف ہوتی ہے جو کہ چند ماہ سے لے کر 6-5 سال تک ہو سکتی ہے۔ایک بات اور بھی یاد رکھنے کی ہے کہ جیسے ہی پرندہ جوان ہو اُس سے فوری بریڈ نہ لی جائے بلکہ اُس کو مکمل جوان ہونے دیا جائے۔یہ ایسا ہی ہے جیسے بچہ 14 ، 15 سال کی عمر میں بالغ ہو جاتا ہے لیکن اُس کی شادی 18، 20 سال سے پہلے نہیں کی جاتی۔بلکل اسے طرح پرندہ بھی جب مکمل جوان ہو جائے تو پھر ہی اس سے بریڈ لی جائے۔اس طرح پرندہ لمبے عرصے تک بریڈ کرتا ہے اور اس سے نکلنے والےبچے بھی صحتمند ہوتے ہیں۔ ذیل میں آپ کو مختلف پرندوں کی بریڈنگ عمر بتائی گئی ہے۔یہ وہ عمر ہے جس عمر میں طوطوں سے بریڈ لینی چاہے۔

Parrot Breeding Age

Breeding Age	Parrot
Dove	4-5 months
Finches	4-5 months
Common Budgies	4-7 months
Exhibition budgies	7-11 months
Love Birds	8-10 months
Cocktail	10-12 months
Rump	10-12 months
Rosella	14-16 months
Ringneck	30-36 months
Raw parrot	30-36 months
Cockatoo	5-6 years
African grey parrot	4-5 years
Cockatoo	5-6 years
Mecow	5-6 years

Useful Links:

What are the breeding age of birds, birds ki breeding ki umer kia hay.

Breeding age of birds - Birds ki breeding ki umer kia hay

Suitable Cage Size for Parrot Breeding

2019-05-14T20:18:00.000+05:00

پنجرہ کا سائز کتنا ہونا چاہے:

طوطے رکھنے کے لئے پنجرے کا سائز کتنا ہونا چاہے؟ یہ ایک بہت اہم سوال ہے۔جس طرح پرندوں کی بہتر افزائش کے لئے اچھی خوراک اور صفائی کی ضرورت ہوتی ہے ویسے ہی پنجرے کا ماحول بھی بہت اہمیت کا حامل ہے۔اگر پنجرے کا سائز مناسب نہیں ہو گا تو اس کا اثر طوطے کی
صحت اور اس کی بریڈنگ پر پڑتا ہے۔پنجرے کا سائز اگر چھوٹا ہو گا تو طوطوں کو اُڑان کے لئے جگہ نہیں ملے گی اور وہ سست اور بیمار ہو جائیں گے۔ مختلف طوطوں کےپنجروں کا سائزاُن کی جسامت کے مطابق مختلف ہوتا ہے۔ کس طوطے کے لئے کس سائز کا پنجرہ درکار ہوتا ہے اس کی تفصیل درجِ ذیل ہے۔

پنجرہ کا سائز	طوطے کی قسم
18 انچ چوڑا، 18 انچ اونچا اور 18 انچ گہرا	بجری طوطے ):Budgies Parrots (
24 انچ چوڑا، 24 انچ اونچا اور 24 انچ گہرا	لوو برڈ ):Love Birds(
24انچ چوڑا، 36 انچ اونچا اور 36 انچ گہرا	رنگ نیک ):Ring Neck(
24 انچ چوڑا، 24 انچ اونچا اور 36 انچ گہرا	کاک ٹیل ):Cockatiels(
36انچ چوڑا، 48انچ اونچا اور 48 انچ گہرا	را طوطے ):Raw Parrots(
36 انچ چوڑا، 36 انچ اونچا اور 36 انچ گہرا	روسیلا طوطے :)Rosella Parrots(
48انچ چوڑا، 48انچ اونچا اور 36 انچ گہرا	گرے پیریٹ ):Grey parrots(
72انچ چوڑا، 48انچ اونچا اور 72 انچ گہرا	مکاؤ طوطے ):Macaw Parrots(
36انچ چوڑا، 36انچ اونچا اور 24 انچ گہرا	ریڈ رمفڈ ):Red Rumped(

How to Make Calcium Block at Home

2019-05-14T20:17:00.000+05:00

کیلشیم بلاک بنانے کا طریقہ

اگر طوطوں میں کیلشیم کی کمی ہو جائے تو وہ کمزور ہو جاتے ہیں، اُن کے پر خراب ہو جاتے ہیں اوروہ انڈے بھی نہیں دیتے ۔اس لئے اگر آپ اپنے طوطوں سے اچھی بریڈ لینا چاہتے ہیں تواُن کی کیلشیم کی ضرورت پورا کرنا ہو گی۔ کیلشیم کی کمی کو دور کرنے کے لئے کیلشیم بلاک کا استعمال کرایا جاتا ہے
جو کہ بازار میں مل جاتا ہے۔ لیکن بازار میں ملنے والا کیلشیم بلاک عام طور پر معیاری نہیں ہوتا اورلو گ پلاسٹر آف پیرس کو ہی کیلشیم بلاک بتا کر فروخت کر رہے ہوتے ہیں۔ کیلشیم بلاک تیار کرنا بہت آسان ہے اگر ہم چاہیں تو کیلشیم بلاک گھر پر خود ہی تیار کر سکتے ہیں۔ کیلشیم بلاک بنانے کے لئے ہم کو مندرجہ ذیل اجزاء کی ضرورت ہو گی۔

1۔ سمندری جھاگ

2۔ انڈوں کے چھلکے

3۔ پسا ہوا لاہوری نمک

4۔ پلاسٹر آف پیرس

کیلشیم بلاک بنانے کا طریقہ:

1۔ سب سے پہلے سمندری جھاگ لیں اور اس کو پیس لیں۔اس کی مقدار ایک چمچہ ہونی چاہے۔

2۔ انڈے کے چھلکے لیں اور ان کو اُبال کر خشک کر لیں۔ جب یہ خشک ہو جائیں تو ان کو بھی پیس لیں ان کی مقدار بھی ایک چمچہ ہو۔ ہم انڈے کے چھلکے اُبالتے اس لئے ہیں کہ اس طرح وہ آسانی سے پِس جاتے ہیں۔

3۔ اب ایک چمچہ پسا ہوا سمندری جھاگ ، ایک چمچہ پسے ہوئے انڈے کے چھلکے اور ایک چمچہ نمک لیں اور تینوں کو اچھی طرح مِکس کر لیں۔ اور پھر اس کو ایک کلو پلاسٹر آف پیرس میں ملا دیں۔ اس کے بعد اس میں پانی ملا کر اس کو اچھی طرح مِکس کر لیں اور کسی مناسب سائز کے سانچے میں ڈال کر جما لیں ۔ اس مقصد کے لئے آپ ڈسپوزیبل کپ یا کوئی بھی سانچہ استعمال کر سکتے ہیں۔

آپ کا کیلشیم بلاک تیار ہو گیا ۔جب بھی آپ کےپرندوں کو کیلشیم کی ضرورت ہو آپ اس کیلشیم بلاک کو طوطوں کے پنجرے میں لٹکادیں ۔

اگر آپ کو یہ پوسٹ پوسٹ پسند آئی ہو تو لائک (Like)کریں اور ہم کو سبسکرائب (Subscribe) ضرور کریں۔تاکہ طوطوں کی بریڈنگ اور اس بزنس سے متعلق آنے والی تمام معلومات آپ کو بروقت ملتی رہیں۔شکریہ