patichaur news

जेठ २९ गते कुस्माबजारमा बृहत जनप्रदर्शन गरिने

2012-06-09T03:35:00.001-07:00

पर्वत जेठ २६ । संबिधानसभा बिघटन गरि निर्बाचन घोषणा गर्ने माओबादी मधेशबादी दलको निणर्यका बिरुद्ध जेठ २९ गते पर्वतको सदरमुकाम कुस्माबजारमा पनि बृहत जनप्रदर्शन गरिने भएको छ ।नेपाली कांग्रेस, नेकपा (एमाले), नेकपा (माले) राष्ट्रिय प्रजातन्त्र पार्टी लगायतका दल संलग्न राष्ट्रियता र लोकतान्त्रिक गठबन्धनको बिहिवार कुस्मामा सम्पन्न बैठकले जनप्रर्दशन र सभा आयोजना गर्ने निणर्य गरेको हो ।नेकपा(एमाले) पर्वतको कार्यालयमा सम्पन्न बैठकले गठबन्धनमा संलग्न सबै राजनैतिक दलका कार्यकर्ताहरुलाई प्रर्दशन र सभामा उपस्थित गराउने निणर्य भएको नेकपा(एमाले) पर्वतका अध्यक्ष बिकास लम्सालले जानकारी दिए । ‘राष्ट्रियता र लोकतन्त्र प्रति प्रतिबद्ध दलहरुले प्रधानमन्त्रीको राजिनामा र सहमतिको सरकार निर्माणका लागि दबाब दिन प्रर्दशनमा सबै कार्यकर्ता उतार्ने निर्णय भएको हो’ लम्सालले भने त्यसका लागि सबै दलहरुले आफ्नो पार्टी संयन्त्रलाई प्रयोग गरेर कार्यकर्ताका बिचमा खबर पु¥याउने निणर्य भएको छ’ ।

बैठकमा नेपाली कांग्रेसका जिल्ला सभापति लालकाजी गुरुङ्ग, नेकपा एमालेका अध्यक्ष विका स लम् साल, नेकपा(माले)का शेरबहादुर केसी र राष्ट्रिय प्रजातन्त्र पार्टीका जिल्ला सचिब इश्वर गिरीको उपस्थिति रहेको थियो ।

प्रर्दशनका क्रममा कुस्माबजारको लोकतन्त्रचोकबाट शुरु भएको जुलुस बड्गाउँ हुँदै शिबालयचोकमा पुगेर आमसभामा परिणत हुनेछ । लोकतान्त्रिक दलहरुको गठबन्धनको निणर्यलाई सत्तारुढ दल एकिकृत नेकपा(माओबादी)का बैद्य समुहले पनि सघाउने निणर्य भएको छ । बैद्य समुह लगायत राष्ट्रिय जनमोर्चा लगायतका दलले पनि समर्थन र सहभागिता जनाउने आश्वासन दिएको एमाले अध्यक्ष लम्सालले जानकारी दिए ।

पर्वतमा ई–एग्रिकल्चर सेन्टर सञ्चालन गरिने

2012-03-16T04:41:00.001-07:00

सूचना प्रविधिले विश्वबजार अहिले केन्द्रीकृत भइरहेको छ। प्रविधिको पहूँचले गर्दा मानिसको दैनिकी कार्य सञ्चालनको लागी सहज भइरहेको छ। प्रविधिको पहूँले घरमै रहेरपनि उपचार, किनमेल लगायतका कार्यहरु गर्न सकिएको छ।

इन्टरनेटबाटै कृषि र पशुको उपचार तथा सल्लाह दिनको लागी नेपालमै पहिलो ई–एग्रिकल्चर सेन्टर सञ्चालन गरिने भएको छ। पर्वतको मुडिकुवा गाविसमा सञ्चालन गरिने उक्त केन्द्रबाट कृषकले नयाँ प्रविधि, बजार र पशुपालनका लागि रोग तथा उन्नत जातबारे जानकारी पाउनेछन्।

सो केन्द्रका लागि कम्प्युटर र इन्टरनेट जडान गर्ने काम भइरहेको पर्वत सामुदायिक विकास केन्द्रले जनाएको छ। सो कार्य अबको एक महिनाभित्र पूरा गरि सकिेने बताइएको छ।

कृषकहरुले घरमै बसी कृषि प्रविधि लगायत पशुको उपचार खोज्न तथा कृषकहरुको हितलाई ध्यानमा राखेर सो केन्द्र बनाइन लागीएको केन्द्रले जनाएको छ।

पर्वतमा ई–एग्रिकल्चर सेन्टर सञ्चालन गरिने

NEWS | MARCH 16, 2012 AT 1:11 PM

सिन्डिकेट लाद्‌न नपाएपछि धौलागिरीमा यातायात बन्द

2012-02-14T03:14:00.003-08:00

,फागुन २- बन्दको विरोध गर्ने यातायात व्यवसायीले आँफै यातायात ठप्प पारेका छन्। जिल्ला प्रशासन कार्यालय बाग्लुङले नयाँ यातायात व्यवसायी समिति दर्ता गरेको विरोधमा धौलागिरीका यातायात व्यवसायी आन्दोलनमा उत्रिएका हुन्। धौलागिरी बस व्यवसायी, जीप व्यवसायी र टयाक्सी व्यवसायीले आह्वान गरेको बन्दले मंगलवार धौलागिरी अञ्चलका पर्वत, बाग्लुङ, म्याग्दीको जनजीवन प्रभावित बनेको छ। यहाँबाट छुट्ने लामो तथा छोटो दुरीका कुनैपनि गाडी चलेका छैनन्। सोमवार बुर्तिवाङका व्यवसायीले बुर्तिवाङ बस व्यवसायी समिति दर्ता गरे पनि एक्कासी बन्द आह्वान गरेपछि गन्तव्यमा हिँडेका यात्रु अलपत्र परेका छन्।

प्रशासनलाई दर्ता नगर्न आग्रह गर्दा नमानेपछि आन्दोलन गर्नुपर्ने बाध्यता रहेको धौलागिरी बस व्यवसायी समितिका अध्यक्ष कुमार खड्काले बताए। अहिलेसम्म एकलौटी रुपमा सवारी साधन संचालन गरेका यहाँका व्यवसायीले अर्को समिति दर्ता हुँदा सिन्डिकेट लाद्न नपाईने डरले बन्दमा उत्रिएको सरोकारवाला बताउँछन्।
कानुनी प्रक्रिया पुर्‍याएर आएकोले समिति दर्ता गरेको प्रमुख जिल्ला अधिकारी ख्यामबहादुर थापाले बताए। 'दुवै पक्षलाई छलफल गर्न आग्रह गरेका हौँ,' थापाले भने,' सहमति नजुटेर कानुनी प्रक्रिया पुर्‍याएर आएपछि दर्ता गर्‍यौँ।'

व्यवसायीले अचानक बन्द गरेकोले सुचारु गर्न पहल गर्ने प्रहरी नायव उपरिक्षक कृष्ण सिवाकोटीले बताए। 'विना जानकारी एक्कासि बन्द गर्दा यात्रुलाई समस्या भएको छ,'सिवाकोटीले भने,'बन्दको विरोध गर्ने व्यवसायी आँफै यातायातका साधन बन्द गर्दा आश्चार्य लागेको छ।'

सिन्डिकेटका कारण व्यवसायीबीच प्रतिस्पर्धा हुन नसक्ने स्थिति पैदा गराएर एउटा समूह मोटाउने एवं सर्वसाधारणसँग बढी भाडा असुल्ने गरेपछि राज्य पक्ष सहितबाट चौतर्फी विरोध हुँदै आएको छ। बुर्तिबाङ बस व्यवसायी समितिले कानुनअनुसार प्रक्रिया अनुसार गाडी चलाउने भएपछि सिन्डिकेट तोडिने त्रासले व्यवसायीले बन्द गराएका हुन्।

प्रचण्डकी छोरीको सुटुक्क दोस्रो बिहे

2012-02-03T04:10:00.001-08:00

नयाँ दुलाहा गंगाभन्दा कान्छा

१९ माघ, काठमाडौं । एकीकृत नेकपा माओवादीका अध्यक्ष पुष्पकमल दाहाल प्रचण्डकी कान्छी छोरी गंगाले बिराटनगरका युवक जीवन आचार्यसँग सुटुक्क दोस्रो बिहे गरेकी छिन् ।

ललितपुरको सुनाकोठीस्थित एक घरमा साँझ भएको विवाह समारोहमा माओवादीका सिमित नेताहरु मात्र उपस्थित थिए । श्रोतका अनुसार विवाह समारोहमा प्रचण्ड परिवारसँगै कृष्णबहादुर महरा, पोष्टबहादुर बोगटी, अग्नि सापकोटा र हरिबोल गजुरेल मात्र उपस्थित थिए । सिलगुढीका नारायण प्रधानसँग १३ वर्षअघि विवाह गरेकी गंगाको सम्बन्ध पछिल्लो ५ बर्षयता राम्रो थिएन् । विवाहको केही समयसम्म श्रीमानसँगै भारतको सिलुगढीमा बसेकी गंगा माओवादी शान्तिपूर्ण राजनीतिमा आएसँगै काठमाडौंमा बस्न थालेकी थिइन भने प्रचण्ड प्रधानमन्त्री हुँदा प्रधानमन्त्री कार्यालयमा अधिकृत थिइन् । गँगाले एक बर्ष अघि नै प्रधानसँग सम्बन्धबिच्छेद गरेको बताइएको छ ।

को हुन जीवन ?

बिराटनगरमा कम्प्युटर इन्स्टिच्युट चलाएर वसिरहेका २८ बर्षीय जीवन माओवादी कार्यकर्ता वा गँगाका सहपाठी भने होइनन् । पिता नेपाली कांग्रेसका कार्यकर्ता भएपनि उनले गत संविधानसभा चुनावमा माओवादीलाई सघाएका थिए । जीवन श्रीमती गंगाभन्दा करिव ५ बर्ष कान्छा छन् ।

प्रचण्ड परिवारसँग निकट एक नेताका अनुसार जीवन र गंगाको चिनजान करिव एक बर्ष पहिले अनलाइन च्याटमा भएको थियो । अनलाइनमार्फत सुरु भएको चिनजान झांगिदै प्रेमसम्म पुगेपछि बिराटनगरतिरैका एक नेताको पहलमा बिबाहको प्रकृया अगाडी बढाइएको थियो । अर्को रोचक पक्ष त के छ भने जीवन अहिले स्नातक तह पढिरहेका छन् । बिहे लगत्तै बिहीवार जीवन र गँगा एक माओवादी नेताको साथ लागेर बिराटनगर पुगेका छन् ।

पूर्व श्रीमान नारायण प्रधानसँगको सम्बन्धबाट जन्मिएकी छोरी स्मितालाई भने तत्कालका लागि प्रचण्डकी जेठी छोरी ज्ञानु दाहालसँग राखिने भएको छ ।

कसरी भयो नारायणसँग डिभोर्स ?

गंगाका श्रीमान नारायणले प्रचण्ड परिवारले आफुलाई सम्बन्ध बिच्छेदको दबाब दिइरहेको अन्र्तवार्तामार्फत बताएका थिए । प्रचण्डपत्नी सीताले पनि हैसियत नमिल्ने भन्दै नारायणसंगको सम्बन्धलाई टुटाउन जोड गरेको चर्चा हुने गरेको थियो ।

गंगा काठमाडौंमा बाबुसँग बस्न चाहने र नारायण सिलुगढीमा बस्नुपर्छ भन्ने भएपछि विवाद सुरु भएको थियो । नारायणको बाबुको निधन हुँदा समेत गंगा घरमा नगएपछि सम्वन्ध बिग्रिएको थियो । छोरीको पारिवारिक सम्वन्ध सुधारका लागि प्रचण्ड स्वयं सुटुक्क सिलुगढी पुगेपनि सफल नभएपछि गत मंसिरमा सम्वन्धविच्छेद गरिएको बिश्वस्त स्रोतको दावी छ । नारायणसँगको सम्बन्धबाट स्मीता नामकी १३ वर्षीया छोरी छिन् । उनले स्मीता नामक एक एल्बम निकाल्नुका साथै माओवादी कार्यक्रमहरुमा गीत पनि गाउँछिन् ।

३ छोरी र एक छोराका पिता प्रचण्डका सबैभन्दा प्यारी छोरी हुन् गंगा । प्रचण्डका जेछी छोरी ज्ञानु सामान्य माओवादी कार्यकर्ता हुन् भने रेणु पाठक सभासद छिन् । उनका छोरा प्रकाशले पोष्टबहादुर बोगटीका छोरी प्रभासँग पहिलो विवाह गरेका थिए । उनीसँग सम्वन्ध विच्छेद गरेर प्रकाशले केही बर्षअघि पोखराकी माओवादी शुभचिन्तककी छोरीसँग दोस्रो विवाह गरेका हुन् ।

« मुख्य पृष्ठ

Sent from my iPhone

सहचालकबाट उद्योगपति

2012-01-30T01:35:00.001-08:00

पर्वत, माघ १६ - सदरमुकामका ३६ वर्षीय विनोद कर्माचार्य २० वर्ष अघिसम्म पश्चिमको धनगढीमा सार्वजनिक बसमा सहचालकको रूपमा काम गर्थे । नेपाल बैंक धनगढी शाखामा बुवा कार्यरत भएकाले बुवासँग खर्च मागेर पढ्न त्यहाँ पुगेका उनले वास्ता नगरेपछि पढ्नलाई नभई बिरानो ठाउँमा बाँच्नका लागि गाडीमा सहचालकको काम सुरु गरे ।

त्यसपछि बिस्तारै चालक बनेका उनले यातायात क्षेत्रमा सक्रिय भएर टायर रिसोलिङ सेन्टर खोलेर कुश्मामा व्यवसाय सुरु गरे । टायरकै बारेमा बुझ्न भारतको नयाँदिल्ली पुगेका कर्माचार्यले साथीको सहयोगमा पेयपदार्थ उत्पादन सम्बन्धी तीन महिने तालिम लिए । त्यही तालिमले अहिले उनी सफल उद्योगपति बनेका छन् । उनले पहिलोपटक बैंकबाट ६० लाख रुपैयाँ ऋण लिएर अक्वा पानी उत्पादन सुरु गरे ।

पानीको माग बढ्न थालेपछि उद्योगलाई ठूलो बनाउँदै नेपालमै पहिलोपटक कोकाकोला जस्तै कुश्मा कोला, फ्रेन्ड डि्रंक्स, स्माइल डि्रंक्स, माउन्ट डि्रंक्स, विश्वास सोडा लगायत पेय पदार्थको उत्पादन थालेका छन् । एक वर्षअघि पर्वत पानीको उत्पादन सुरु गरेका उनले दुई महिना अघिबाट पेय पदार्थको उत्पादन सुरु गरेका हुन् । जसका लागि कच्चा पदार्थ भारतको नयाँ दिल्लीबाट ल्याउने गरेका छन् ।

पढ्ने खर्च नहुँदा आठ कक्षा भन्दा माथि पढ्न नसकेका उनले यसैको आम्दानीले ७ जनाको परिवार पालेका छन् । कोकाकोलाको स्वादमा कुश्माकोला र फेन्टाको स्वादमा फ्रेन्ड डि्रंक्स उत्पादन सुरु भएपछि उनको व्यस्तता बढेर गएको छ । २५ जनालाई रोजगारी समेत दिएका छन् । धौलागिरिका सबै जिल्ला, पोखरा र धनगढीमा डिलर राखेर पेय पदार्थको कारोबार गर्दै आएका छन् । 'गरिबका पनि दिन आउँछन् भन्थे, हो रहेछ,' उनले पुरानो दुःख सम्झदै भने, 'यसरी नौलो खालको व्यवसाय गरौंला र सफल व्यवसायी बनौला भनी सोचेकै थिइनँ, नसोचेको कुरा पूरा भयो ।' उनले यसैको आम्दानीले २ वटा गाडी किनेका छन् भने बाहिरबाट आयात हुने पेप्सी र कोकको आयातमा पनि कमी ल्याएका छन् । उनले पानी र कोकबाट मासिक २५ लाख रुपैयाँसम्म आम्दानी गर्दै आएका छन् । 'नयाँ उत्पादन हो, भर्खरै बजारमा आएको छ,' पेप्सीको आधिकारिक बिक्रेता मानसिंह भण्डारीले भने, 'पेप्सीभन्दा धेरै बिक्री नभए पनि गर्मी सुरु हुन लागेकाले माग बढ्ला जस्तो छ ।'

'गर्मी सिजनमा पेयपदार्थको माग धेरै हुन्छ,' विनोदले भने, 'त्यसैले उत्पादन बढाएर माग धान्ने तयारीमा छु ।' बैंकको ब्याज तिरिरहेको र उद्योगलाई पौने २ करोडको बनाएको बताए । उनले प्लास्टिकको बोतलमा मात्र पेय पदार्थ उत्पादन गर्दै आएका छन् । मेसिन भने भारतबाटै ल्याएको उनले बताए ।

प्रकाशित मिति: २०६८ माघ १६ ०९:४१

Sent from my iPhone

पर्वतका १२ गाविसमा महिला सहकारी खोल्ने तयारी

2012-01-26T04:29:00.001-08:00

पर्वत, १२ माघ । महिलालाई सङ्गठित गरी वित्तीय क्षेत्रका माध्यमबाट अवसर, रोजागारी र आयआर्जनका क्षेत्रमा पहुँच पु¥याउने उद्देश्यले पर्वतका विभिन्न १२ गाविसमा महिला सहकारी संस्था स्थापना गरिने भएको छ । प्लान नेपाल बागलुङको आर्थिक सहयोग तथा इन्प्रेड नेपाल र दलित विकास संस्थाको पहलमा विपन्न महिला, दलित र अपाङ्गको आयस्तरमा सुधार ल्याउने उद्देश्यले सहकारी संस्था सञ्चालनमा ल्याउन लागिएको हो । जिल्लाका पाखापानी, फलामखानी, लुंखु, बालाकोट, होश्राङ्दी, ठानामौला, खुर्कोट, नाङलिवाङ, धाइरिङ्ग, शालिजा, माझफाँट, पाङ गाविसमा सहकारी खोलिने भएको हो । यी गाविसमा महिला बचत तथा ऋण सहकारी संस्था सञ्चालन गरी दुई हजार ३१७ महिलालाई सहकारीबाट प्रत्यक्ष आर्थिक सेवा दिलाइने भएको हो । योजना अनुसार चार वर्षमा प्रत्येक सहकारी आफ्नो खर्च व्यवस्थापन गर्न सक्षम भई वार्षिक रु ५० लाखको कारोबार गर्ने जनाइएको छ । कुल रु ८१ लाख ३० हजार ८०० को लागतमा उक्त अभियान सम्पन्न गरिने इन्प्रेड नेपालका कार्यक्रम संयोजक राजु पौडेलले जानकारी दिनुभयो । सोही रकमबाट महिला समूहलाई व्यावसायिक कार्यमा समेत लगाइने भएको छ । उक्त परियोजनाले विभिन्न ५० महिला समूहलाई कृषि तथा पशुपालन व्यवसायका लागि सहयोग गर्ने, र अन्य ३३ वटा समूहलाई विभिन्न व्यावसायिक कामका लागि सहयोग गरिने पौडेलले बताउनुभयो । कार्यक्रमको निरन्तरताका लागि जिल्लास्थित विभिन्न सरोकारवालासँग समन्वय गरिने परियोजनाले जनाएको छ । स्वावलम्बी महिला समूहहरूको जीविकोपार्जनमा सहयोग गरी महिला सहकारी प्रवद्र्धन कार्यक्रमअन्तर्गत यस्तो अभियान थालिएको हो । कार्यक्रम लागु भएका क्षेत्रका १२ गाविसमा आगामी ४ वर्षभित्रमा ९० प्रतिशत महिला समूह सहकारीमा आबद्ध गराई, दुई हजार ५६३ दलित र अपाङ्गता भएका व्यक्तिका परिवारले सीप, प्रविधि प्राप्त गर्न सक्ने जनाइएको छ । आयआर्जनका क्रियाकलापमा सरिक भइ हालको आम्दानीमा रु आठदेखि १० हजारसम्म थप आम्दानी गर्न सक्ने परियोजनाले जनाएको छ । उक्त गाविसमा आगामी ४ वर्षमा १५० समूहमा तीन हजार ७५० महिला र ५० प्रतिशत दलित र अपाङ्गलाई सङ्गठित गराइने भएको छ ।

पर्वत उवासंघमा अध्यक्ष सहित ११ सदस्य कर्माचार्य प्यानलका विजयी

2012-01-25T04:51:00.001-08:00

पर्वत माघ ११ । पर्वत उद्योग बाणिज्य सँघको नयाँ कार्य समितिको हिँजो सम्पन्न निर्वाचनमा अध्यक्ष पदका नेकाका बिद्रोही उम्मेदवार रामकृष्ण कर्माचार्य विजयी भएका छन् । उनले प्रतिव्दन्दी नेकाका आधिकारिक उम्मेदवार विषमकुमार श्रेष्ठलाई जम्मा ४७ मतको अन्तरले पराजीत गरेका हुन् । अत्यन्तै कडा प्रतिष्पर्धा रहेको यस निर्वाचनमा अधिकाँश सदस्यहरुपनि कर्माचार्य पक्ष कै रहेका छन् । कर्माचर्यले ३८० मत प्राप्त गरेका थिए भने श्रेष्ठले ३३३ मत प्राप्त गरेका थिए ।
कर्माचार्य बिजय भएपछी
नवनिर्वाचित अध्यक्ष कर्माचार्यलाई पर्वतका सबै वामपन्थी दलहरु र केहि स्वतन्त्र सदस्यहरुको समर्थन प्राप्त थियो भने श्रेष्ठलाई नेपाली कांग्रेसको समर्थन र सहयोग रहेको थियो । कुस्मा बजारमा रहेको एक फर्निचर उद्योगका मालिक कर्माचार्य नेपाली कांग्रेस कै कार्यकर्ता भएपनि यस निर्वाचनमा उनी पार्टीका आधिकारिक उम्मेदवार श्रेष्ठको बिरुद्धमा अन्य दलहरुसमेतको समर्थनमा खडा भएका थिए । उनलाई केही कांग्रेसी मतहरुपनि परेको बताईएको छ ।
नयाँ कार्य समितिका १६ जना सदस्यहरु मध्य कर्माचार्य पक्षका १० जनाले विजय प्राप्त गरेका छन् भने अन्य विजयी ६ जना सदस्यमात्र श्रेष्ठ पक्षका हुन् ।
श्रेष्ठको यानलबाट ६ जना नेत्र पराजुली , प्रकाश कर्माचार्य, दिपेन्द्र गिरि ,राजनकुमार जोशी ,बसन्त जोशी र कृष्ण सुबेदीले चुनाव जितेका छन भने कर्माचार्य प्यानलबाट इन्द्रप्रसाद श्रेष्ठ ,कमल जिसि ,केदार कमचार्य ,केदार शर्मा,गणेशमान श्रेष्ठ, गोपि अधिकारी, चन्द्र बहादुर खत्रि ,ठाकुर बि पौडेल र हरीओम लामिछाने चुनाव जितेका छन । महिला कोटामा भने कमचार्य प्यानल कै बिष्णुदिन खातुन बिजयी बनेकी छन् ।

पर्वत देउरालीमा करेण्ट लागेर २ महिलाको मृत्यु, १० घाईते, ९ गम्भीर

2012-01-23T12:25:00.000-08:00

पर्वत, माघ ९ । पर्वतको देउराली गाविस–४ पुर्णगाउँमा सोमवार विहान करेन्ट लागेर दुई महिलाको घटनास्थलमै मृत्यु भएको छ भने १० जना घाईते भएका छन् ।

मृत्यु हुनेमा स्थानीय गौसरा पुन र श्रीमती पुन रहेका छन् । घाईतेहरु मध्ये ९ जनाको अवस्था गम्भीर रहेको छ । बिद्युतको प्रशारण लाईनमा अचानक हाई भोल्टेजमा बिद्युत प्रवाह भएका कारणले गर्दा विद्युत् सर्ट भई करेन्ट लागेको प्रहरीले जनाएको छ ।

बिद्युत सर्ट हुँदा स्थानीय होमबहादुर पुनको घर जलेर पुर्ण रुपमा नष्ट भएको छ । आगालागिको समयमा मृतक महिला घरभित्रै रहेका थिए भने अन्य आगो निभाउने क्रम र घरको वरीपरी रहँदा घाईते भएका हुन् । गम्भीर घाईते ९ जनालाई उपचारका लागि जिल्ला अस्पताल पर्वतमा ल्याईएको छ ।

प्रहरी निरिक्षक श्याम अर्यालका अनुसार गम्भीर घाईते हुनेमा स्थानीय ५५ वर्षिया रुकमाया पुन, ३० वर्षिय होमबहादुर पुन, २३ बर्षिय चन्द्र पुन, ८ बर्षिय सुदिक्षा पुन, ४५ वर्षिय मनबहादुुर पुन, ३६ बर्षिय उदयबहादुर पुन, ६५ वर्षिय श्रीकला पुन र ६५ वर्षिय लक्ष्मण पुन रहेका छन् ।

Back to home >> www.patichaur.com

पातीचौरबासीले कांग्रेस नेता पौडेल समक्ष माग राखे

2012-01-17T18:02:00.001-08:00

पर्वत, २ माघ | नेपाली कांग्रेस क्षेत्र नं. २ द्वारा आयोजित आमसभालाई सम्बोधन गर्न आइतबार पर्वत आएका कांग्रेस संसदीय दलका नेता रामचन्द्र पौडेल समक्ष पर्वतको दोश्रो ठूलो बजारका रुपमा परिचित पातिचौर क्षेत्रका बासिन्दाहरुले विभिन्न माग हरु राखेका छन् ।नेपाली कांग्रेस देउपुर गाउँ कार्य समितिको आयोजनामा भएको स्वात कार्यक्रममा उनीहरुले स्वागत सँगै पातिचौर, डिमुवा, बाजुङ क्षेत्रलाई समेट्ने गरी राष्ट्रिय बाणिज्य बैंकको स्थापना हुनुपनेर्, खानेपानीको उचित व्यवस्था हुनुपर्ने माग गरेका थिए । कार्यक्रममा नेपाली कांग्रेस क्षेत्र नं. १ बाट निर्वाचित सभाषद् अर्जुनप्रसाद जोशी लगायतका अन्य कार्यकर्ताहरुको पनि उपस्थिति रहेको थियो । पातीचौरका झण्डै ३ सय घरपरिवारहरु शहरिकरणले गर्दा खानेपानीको समस्या भोग्दै आएका छन् ।

विद्युत कर्मचारी संघ पर्वतमा नयाँ नेतृत्व

2012-01-17T18:01:00.000-08:00

पर्वत, माघ ३ । मोदीखोला जलविद्युत केन्द्र पर्वतमा गठित नेपाल विद्युत कर्मचारी संघ को हालै बसेको एक भेलाले समितिमा नयाँ नेतृत्व चयन गरेको छ। संघका अध्यक्ष कृष्ण प्रसाद शर्माको अध्यक्षतामा हालै बसेको बैठकले प्रेम प्रकाश श्रेष्ठको अध्यक्षतामा नयाँ कार्य समिति चयन गरेको हो । त्यस्तै संघको उपाध्यक्षमा चुडामणी शर्मा, सचिवमा दवबहादुर हमाल,कोषाध्यक्षमा जिवनधर शर्मा रहेका छन् भने समितिका सदस्यहरु मा रामकृष्ण चापागाई, धनञ्जय तामाङ, शिव जिसी रहेका छन् । त्यस्तै संघको सोही बैठकले कृष्णप्रसाद शर्मा, मातृका प्रसाद तिमिल्सेना र सुरेन्द्र शर्मालाई सल्लाहकारमा चयन गरेको छ ।

पर्वतमा जारी बृहद खेलकुद महोत्सवमा भलिबलमा ८ टिम दोस्रो चरणमा प्रवेश

2011-12-14T02:51:00.000-08:00

पर्वत मंसिर २८
पर्वतको सदरमुकाम कुस्मामा संचालन भएको बृहद खेलकुद महोत्सवको दोस्रो दिन मंगलबार भएको पुरुष भलिबल प्रतियोगितामा ८ समूह दोस्रो चरणमा प्रबेश गरेका छन ।
प्रतियोगितामा बिजयी हुँदै आर्थर डाडाखर्क, माझफाँट, कुर्घा, बनौ, क्याङ्ग९बी० जिल्ला प्रहरी कार्यालय, बाजुङ्ग र दुर्लुङ्ग गाबिसका समूह प्रतियोगिताको दोस्रो चरणमा प्रबेश गरेका छन् । भलिबलमा प्रतियोगितामा ४३ टिम सहभागी रहेको जिल्ला खेलकुद विकास समितिले जनाएको छ ।

दोस्रो चरणको खेल भोली हुनेछ । यसैगरी फुटबल प्रतियोगितामा क्वाटर फाइनलका खेल भएका छन् । क्वाटरफाइनलमा प्रतिस्पर्धी टिमलाई पराजित गर्दै शिबालय ११, फलेवास देबिस्थान, डिजी शिबालय र गोदाम शिबालय समुह सेमिफाइनलमा प्रबेश गरेका छन् ।

एथलेटिक्स तर्फ ५ सय, ४ सय र १ सय मिटर दौडका प्रतिष्पर्धीहरु छानिएका छन् । ५ हजार मिटर पुरुष दौडमा पाङ्ग गाबिसका कृष्ण प्रधान प्रथम र देबिस्थान गाबिसका श्रीराम कुवँर व्दितिय भए भने। चार सय मिटर दौडमा पनि प्रधान नै बिजयी भए । एथलेटिक्समा महिला तर्फ ५ हजार मिटर तर्फ सम्झना थापाले उपाधि जित्न सफल भईन भने १ सय मिटर तर्फ साबित्रा राना बिजयी भएकी छिन् । सर्टफुट तर्फ देउपुर गाबिसका राजेन्द्र हमालले १२ दशमलब २ मिटर टाढा पु¥याउँदै प्रथम भएका छन भने ज्याब्लिङ्ग थ्रोको उपाधी पनि हमालले नै हात पार्नुभएको छ । यता १५ सय मिटर दौडमा खानीगाउँका बिजय सुनार प्रथम र थापाठानाका बिक्रम थापा व्दितिय भएको जिल्ला खेलकुद बिकास समितिका कार्यालय प्रमुख युबराज पराजुलीले जानकारी दिए ।

यस्तै क्रिकेट प्रतियोगितामा तिलाहार गाबिसले खानीगाउँ गाबिसलाई पराजित गरेको छ भने शिबालय र पाङ्ग गाबिस बिचको खेल बिबादका कारण रद्द भएको छ । पाङ्ग र शिबालय बिचको खेल आज हुने आयोजकले जनाएको छ ।

छ महिनामा पनि संविधान नबने राजीनामा: गगन थापा

2011-11-30T17:55:00.001-08:00

पर्वत, १४ मंसिर। नेपाली काँग्रेसका केन्द्रीय सदस्य तथा सभासद गगन थापाले थप गरिएको ६ महिनामा पनि संविधान निर्माण नभए आफुले नैतिकताकाको आधारमा सभासदबाट राजिनामा दिने बताउनुभएको छ। प्रेस युनियनको जिल्ला साधारण सभाको उद्घाटन कार्यक्रममा बोल्दै उहाँले यस्तो बताउनु भएको हो।

सभासद गगन थापाले काँग्रेसको नेतृत्वमा नै छिट्टै अर्को सरकार बन्ने बताउनुभयो। उहाँले शान्ति प्रक्रिया अगाडी बढे लगत्तै काँग्रेसको नेतृत्वमा अर्को सरकार बन्ने दावी गर्नुभयो।

उहाँले काँग्रेसले सकारको नेतृत्व गरेर आम निर्वाचन गराउने बताउनुभयो। शान्ति प्रक्रियाको कार्य टुङगिए लगत्तै अर्को मंसिरमा आम निर्वाचन गर्ने र हतियार नभएको माओवादीलाई परास्त गर्ने भन्दै उहाँले काँग्रेस आतुर भएर बसेको समेत बताउनुभयो।

उहाँले संविधान निर्माणमा समय ठूलो नभइ नियत ठूलो भएको भन्दै सबै दल एक भई लागे ६ महिनामा जनताले चाहेका सबै कार्य पुरा हुने ठोकुवा गर्नुभयो। उहाँले थपिएको ६ महिना दलहरुका लागि अबसर र चुनौती दुबै भएकाले यसलाई शान्ति प्रक्रियालाई टङग्याउन सबै एक भएर लाग्नु पर्ने सुझाव समेत दिनुभयो। उहाँले जनताले खबरदारी गर्ने समय आइसकेकाले जिल्ला तहमा मात्र नभएर संविधान सभा भवन अगाडि नै गएर खबरदारी गर्न आवश्यक रहेको समेत बताउनुभयो।

अर्को प्रसंगमा थापाले एमाले र काँग्रेस भित्र घर झगडा भएपनि माओवादीको जस्तो सैद्धान्तिक झगडा नभएको स्पष्ट पार्नुभयो। उहाँले माओवादी भित्रको सैद्धान्तिक मतभेदले शान्ति प्रक्रियालाई नै विथोल्न सक्ने तर्फ सचेत गराउनुभयो। उहाँले समायोजनमा माओवादी लडाकु धेरै भए केही फरक नपार्ने बताउनुभयो। यसका साथै उहाँले माओवादीले घर जग्गा फिर्ता गर्छौ भने पनि ८० प्रतिशत काँग्रेस नेताहरुको जग्गा माओवादीकै कब्जामा अहिले पनि रहेको दावी गर्नुभयो।

लागूऔषधसहित ६ जना पक्राउ

2011-11-29T17:05:00.001-08:00

पोखरा, मंसिर १३- प्रहरीले ठूलो परिमाणको लागूऔषधसहित ६ जनालाई पक्राउ गरी मंगलबार सार्वजनिक गरेको छ। भारतबाट वीरगञ्ज हुँदै पोखरासम्म ल्याएर लागूऔषध बिक्री गर्दै आएका ती कारोबारीलाई केही दिनयता पोखरा र आसपासका क्षेत्रबाट पक्राउ गरिएको हो।
पक्राउ पर्नेमा पोखरा-१८ काजीपोखरीका वीरकाजी गुरुङ, पोखरा-१५ की १८ वर्षीया लुर्मिला भण्डारी, वीरगञ्ज-१० का शिवजी राउत र भारत उत्तर प्रदेशका नजामुदिन मिया, पर्सा हरिहरपुरका गम्भीर महतो र तारा मिश्र छन्। प्रहरीले उनीहरुको साथबाट १ हजार ८ सय थानभन्दा बढी लागूऔषध बरामद गरेको छ। काजीपोखरीस्थित वीरकाजी गुरुङको घरमा तलासी लिंदा बुप्रिनर्फिन, डाईजापाम, फेनेरागन, नाइट्रोभ्याट चक्की र नाइट्रोसन चक्की गरि ६ सय १७ थान लागूऔषध फेला परेको थियो।

वीरगञ्जका राउत र भारतीय नागरिक मियाले वीरगञ्जबाट पोखरासम्म लागूऔषध ल्याई बिक्री गर्दै आएको प्रहरीले फेला पारेको हो। उनीहरुले बिक्रीका लागि ल्याएको नर्फिन ब्रुफिन इन्जेक्सन, फेनरागन, डाइजापाम र नाइट्रोसन गरी १ हजार १ सय ८९ थान लागूऔषध बरामद भएको छ।

पर्सा महतो र मिश्रलाई कास्की प्रहरीले तनहुँको दमौली बजारस्थित एक होटलबाट पक्राउ गरेको हो। उनीहरुको साथबाट डाइजापाम, फेनरागन, नर्फिन, ब्राउन सुगर बरामद भएको जिल्ला प्रहरी कार्यालयका प्रमुख एसपी यादवराज खनालले बताए। बरादम लागूऔषध कारोबार मूल्यका आधारमा करिब ७ लाख रुपपियाँको भएको एसपी खनालले बताए। पक्राउ परेका सबैलाई लागूऔषध मुद्दामा कारवाहीका लागि अनुसन्धान भइरहेको उनले जानकारी दिए।

कांग्रेसको असहमतिपछि राष्ट्रपति कप स्थगित

2011-11-29T16:52:00.001-08:00

म्याग्दी,१३ मङ्सिर | राजनीतिक सहमति जुट्न नसकेपछि आगामी पुस ८ देखि ११ गतेसम्म बेनीमा सञ्चालन हुने भनिएको प्रथम राष्ट्रपति रनिङ सिल्ड प्रतियोगिता स्थगित भएको छ । जिल्ला खेलकुद विकास समिति, म्याग्दीको मङ्सिर ४ गते बसेको बैठकले प्रतियोगिता सञ्चालन गर्ने निर्णय गरेको थियो । नेपाली कााग्रेसले प्रतियोगिता आयोजना गर्ने विषयमा असहमति जनाएको छ । सहमति जुटाउन सोमबार समितिका अध्यक्ष विनोद केसीको अध्यक्षतामा बसेको बैठकले सहमति नजुट्दासम्म प्रतियोगिता सञ्चालन नगर्ने निर्णय गरेको हो । माओवादी नेता हितबहादुर तामाङ युवा तथा खेलकुदमन्त्री भएपछि राष्ट्रिय खेलकुद परिषद्ले खेलकुद विकास समितिका विनोद केसीलाई नियुक्त गरेपछि निवर्तमान अध्यक्ष नेपाली कााग्रेसका रमेशकुमार श्रेष्ठले आफू नै अध्यक्ष हुनुपर्ने दाबी गर्दै सर्वोच्चमा रिट हालेको र सो विषयमा फैसला नहुादासम्म समितिले गर्ने कार्यक्रमलाई नेपाली कााग्रेसले असहमति जनाउने बताएपछि प्रतियोगिता रोकिएको हो । राजनीतिक सहमति नजुटेपछि हाललाई प्रतियोगिता स्थगित गरिएको जिल्ला खेलकुद विकास समितिका अध्यक्ष केसीले बताउनुभयो ।

ने. बि. संघ पर्वत को पहलमा भाडा समायोजन सम्वन्धी छलफल

2011-11-29T16:37:00.001-08:00

पर्वत मंसिर १४ । सार्वजनिक यातायातका साधनहरुमा मनोमानी ढंगले भाडा असुल गरिरहेको गुनासो आइरहेका बेला पर्वतमा मंगलबारपनी भाडा समायोजन सम्वन्धी छलफल भएको छ । जिल्ला प्रशासन, जिल्ला प्रहरी कार्यलय,पर्वत यातायात ब्यबसायी समिती,धौलागिरी यातायात ब्यबसायी समिती,नेपाल बिद्यार्थी संघ र उपभोक्तका बिचमा भएको छलफलमा ५ बुँदे सहमती भएको छ ।

सार्वजनिक यातायातका साधानमा भाडा सुची अनिबार्य टाँस गर्ने,कुस्माको शिबालय चोक, डिमुवा, मालढुंगा र बागलुङको बस टर्मिनलमा सुचना राखेर भाडा उल्लेख गर्ने,पकुवा,गँगटे हुँदै आर्थर डाँडाखर्क सम्म पर्वत यातायातले सिधा बस यातायात सञ्चालन गर्ने,मालढुङ्गा बेनी सडक खण्डको लागी पुन यहि मंसिर १८ गते बैठक बस्ने र गत कात्तिक २४ गते भएको निर्णयलाई प्रभावकारी बनाउने सहमती भएको छ ।

छलफलमा प्रमुख जिल्ला अधिकारी बेदबहादुर कार्की ,निमित्त स्थानिय बिकास अधिकारी जगदिश शर्मा,प्रहरी नायव उपरिक्षक सुरेन्द्रबहादुर गुरुङ, राष्ट्रिय उपभोक्ता मन्च पर्वतका अध्यक्ष सरिता भण्डारी ,धौलागिरी यातायात ब्यबसायी समितीका उपाध्यक्ष राजेन्द्र श्रेष्ठ र सदस्य राजन जोशी, पर्वत यातायात ब्यबसायीका अध्यक्ष शिवप्रसाद सुबेदी र महासचिव बिद्धान गुरुङ,नेपाल बिद्यार्थी सँघ पर्वतका कार्यबाहक अध्यक्ष रामचन्द्र पौडेल लगायत उपभोक्ता र बिद्यार्थीहरुको उपस्थिती रहेको थियो ।