Phnom Penh Joy Church

ព្រលឹងរបស់ខ្ញុំសរសើរព្រះ | Proleng robos knhom sorser prah

2018-06-17T08:52:00.001-07:00

រហូតទាល់តែព្រះយាងត្រឡប់វិញ - Jesus khmer song | Khmer new songs | PPJC | the way of cross

2018-05-31T07:55:00.001-07:00

ㄹ

2018-02-21T15:51:00.001-08:00

Concert for Next Generation Leader - praise & worship Full 캄보디아어 찬양

2018-02-15T19:53:00.001-08:00

ព្រះទ្រង់ល្អណាស់ | God is so good | Salt and Light Book

2017-09-21T19:36:00.001-07:00

លោកុប្បត្តិ ជំពូក ៥ | Genesis Chapter 5 | Khmer Bible Audio Old Testament

2017-05-16T09:16:00.001-07:00

លោកុប្បត្តិ ជំពូក ៤ | Genesis Chapter 4 | Khmer Bible Audio Old Testament

2017-05-16T09:13:00.001-07:00

2017-05-07T21:55:00.002-07:00

គ្រួសារថ្មី

2016-09-14T00:59:00.001-07:00

ថ្ងៃអាទិត្យ ទី១១ ខែកញ្ញា ឆ្នាំ២០១៦
ព្រះជាម្ចាស់នៅតែបន្ត បញ្ជូនមនុស្សដើម្បីទទួលការសង្រ្គោះតាមរយៈក្រុមជំនុំយើង។

គ្រួសារថ្មី

2016-08-13T01:36:00.001-07:00

ថ្ងៃអាទិត្យ ទី០៧ ខែសីហា ឆ្នាំ២០១៦

គ្រួសារថ្មី

2016-07-25T18:54:00.001-07:00

ថ្ងៃអាទិត្យ ទី២៤ ខែកក្ដដា ឆ្នាំ២០១៦

គ្រួសារថ្មី

2016-07-25T18:51:00.001-07:00

គ្រួសារថ្មី ថ្ងៃអាទិត្យ ទី១៧ ខែកក្ដកា ឆ្នាំ២០១៦

គ្រួសារថ្មី

2016-07-11T08:01:00.001-07:00

ថ្ងៃអាទិត្យ ទី១០ ខែកក្កដា ឆ្នាំ២០១៦
ព្រះជាម្ចាស់ទ្រង់ប្រទានគ្រួសារថ្មីមកក្នុងក្រុមជំនុំ
សូមព្រះប្រទានពរ ដល់ពួកគាត់។

គ្រួសារថ្មី

2016-06-14T18:20:00.001-07:00

ថ្ងៃអាទិត្យ ទី១២ ខែមិថុនា ឆ្នាំ២០១៦

គ្រួសារថ្មី

2016-06-14T18:17:00.002-07:00

ថ្ងៃអាទិត្យ ទី២៩ ខែឧសភា ឆ្នាំ២០១៦

គ្រួសារថ្មី អាទិត្យ ទី០៨ ខែឧសភា ឆ្នាំ២០១៦

2016-05-10T20:44:00.000-07:00

១. ឃឿម សុខឿន ភេទប្រុស អាយុ១៧ឆ្នាំ

២.អ៊ិត ចរិយា ភេទស្រី អាយុ ២១ឆ្នាំ

ព្រះបន្ទូលថ្ងៃនេះ

2016-03-17T18:36:00.003-07:00

ល្បិចដើម្បីសម្លាប់ព្រះយេស៊ូវ

ម៉ាកុស ១៤:១-១១

ពេលពួកមេសាសនាកំពុងរកល្បិចសម្លាប់ព្រះយេស៊ូវនោះ មានស្រ្តីម្នាក់បានត្រៀមពិធីបុណ្យសពទ្រង់ ដោយចាក់ប្រេងលើព្រះសិររបស់ទ្រង់។ ផ្ទុយទៅវិញ យូដាស-អ៊ីស្ការីយ៉ុតបានត្រៀមខ្លួនក្បត់នឹងព្រះយេស៊ូវ។

តើព្រះជានរណា?

៣ ព្រះយេស៊ូវបានចេញពីព្រះវិហារដ៏អាក្រក់នោះ យាងទៅផ្ទះស៊ីម៉ូន។ ទ្រង់បានចាត់ទុកផ្ទះស៊ីម៉ូន ជាកន្លែងដែលមានទឹកចិត្តពិតប្រាកដ នៃការស្វាគមន៍ និងការអរគុណនោះថា ជាកន្លែងគួរឲ្យទ្រង់គង់នៅជាជាងព្រះវិហារ។ ព្រះវិហារធ្លាប់ជាកន្លែងស្រស់ស្អាត តែវាបានក្លាយទៅជារោងចោរ។ តើយើងស្វាគមន៍យ៉ាងណា ចំពោះព្រះអម្ចាស់ ដែលយាងមករកយើង ដែលជាព្រះវិហាររបស់ទ្រង់?

គិត និង ស្វែងយល់

មុនបុណ្យរំលង២ថ្ងៃ នោះពួកមេសាសនាបានរៀបគម្រោង ដើម្បីសម្លាប់ព្រះយេស៊ូវ (១-២)។ ពេលបុណ្យរំលងមកដល់ ព្រះយេស៊ូវក៏សោយអាហារជាមួយគេនៅផ្ទះស៊ីម៉ូន ជាមនុស្សឃ្លង់។ ពេលទ្រង់គង់នៅនឹងតុនោះ មានស្រ្តីម្នាក់យកប្រេងដ៏មានតម្លៃ មកចាក់លើព្រះសិររបស់ទ្រង់។ គេនាំគ្នារិះគន់ស្រ្តីនោះ ពីការខ្ជះខ្ជាយនូវប្រេងដ៏មានតម្លៃ តែព្រះយេស៊ូវសរសើរពីចិត្ត ពីសេចក្ដីស្រលាញ់ និងការលះបង់របស់ស្ត្រីនោះវិញ (៣-៩)។ ផ្ទុយពីការលះបង់របស់ស្រ្តីនោះ យ៉ូដាស-អ៊ីស្ការីយ៉ុត បានក្បត់នឹងព្រះយេស៊ូវ។ គាត់ធ្វើនេះ ដោយព្រោះចិត្តលោភលន់ចង់បានប្រាក់ (១០-១១)។

តើព្រះកំពុងបង្រៀនអ្វីដល់ខ្ញុំ?

១០-១១ យ៉ូដាស បានក្បត់គ្រូរបស់ខ្លួន ដោយគ្មានស្ទាក់ស្ទើរបន្តិចណាឡើយ។ គាត់បានដើរតាមព្រះយេស៊ូវ ដើម្បីបំពេញសេចក្ដីលោភលន់ប៉ុណ្ណោះ តែពេលការលោភលន់នោះ មិនបានដូចបំណង គាត់ក៏បោះបង់ចោលព្រះយេស៊ូវ ដោយគ្មានការអាណិតឡើយ។ បើយើងដើរតាមព្រះយេស៊ូវ ដើម្បីបំណងផ្សេងនោះ យើងក៏អាចបោះបង់ទ្រង់ចោលដែរ។ ហេតុអ្វីបានជាយើងដើរតាមព្រះយេស៊ូវ?

អានគម្ពីរ៖ ១សាំយ៉ូអែល ១៤-១៦

អធិស្ឋាន៖ ទោះជាការលះបង់របស់យើងខ្ញុំ អាចមានភាពមិនសមរម្យក្ដី សូមឲ្យយើងខ្ញុំស្រលាញ់ទ្រង់ដោយអស់ពីចិត្ត។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl

ព្រះបន្ទូលថ្ងៃនេះ

2016-02-29T17:59:00.002-08:00

ព្រះយេស៊ូវទាមទារជំនឿ

ម៉ាកុស ៩:១៤-២៩

ផ្ទុយពីសិរីល្អនៅលើភ្នំនោះ ពេលចុះមកវិញ ពួកសិស្សក៏មានបញ្ហាជាមួយនឹងវិញ្ញាណអាក្រក់។ ការនេះបង្ហាញពីមូលហេតុ ដែលព្រះយេស៊ូវត្រូវយាងចុះពីលើភ្នំនៃសិរីល្អ ដើម្បីឡើងទៅលើភ្នំនៃការរងទុក្ខ។

តើព្រះជានរណា?

២៣, ២៧ ព្រះយេស៊ូវមិនបានមើលរំលង នូវការសង្ស័យរបស់ឪពុកកូនប្រុសនោះឡើយ ហើយទាមទារឲ្យគាត់មានជំនឿទាំងស្រុង។ បន្ទាប់ពីការទទួលថា ខ្លួនខ្វះជំនឿហើយ គាត់ក៏បានសុំនូវការអាណិតអាសូរពីព្រះយេស៊ូវ។ ព្រះយេស៊ូវក៏ជួយក្មេងនោះឲ្យរស់ពីស្លាប់។ ត្រូវប្រាកដថាយើងបានស្ដាប់សម្លេងនៃព្រះអម្ចាស់ ដែលផ្ដល់ឲ្យយើងនូវជំនឿ សុំឲ្យយើងមានជំនឿ និងបង្គាប់ឲ្យយើងរស់ដោយជំនឿ។

គិត និង ស្វែងយល់

ពេលព្រះយេស៊ូវ និងសិស្សទាំង៣នៅលើភ្នំនោះ ពួកសិស្សផ្សេងទៀតកំពុងមានបញ្ហា។ ការនេះគឺដោយព្រោះ គេបានបរាជ័យ ក្នុងការបណ្ដេញអារក្សចេញពីក្មេងប្រុសនោះ។ បន្ទាប់ពីបន្ទោសដល់មនុស្សពីការខ្វះជំនឿរួចមក ព្រះយេស៊ូវក៏បណ្ដេញវិញ្ញាណអាក្រក់នោះទៅ (១៤-២៧)។ ពេលចូលទៅក្នុងផ្ទះ ទ្រង់ក៏បានពន្យល់ពីមូលហេតុ ដែលពួកសិស្សមិនអាចដេញអារក្សបាន។ ការនេះគឺដោយព្រោះ ពួកសិស្សទុកចិត្តតែលើបទពិសោធន៍ នៃការបណ្ដេញអារក្សប៉ុណ្ណោះ (៦-១៣)។ គេមិនបានអធិស្ឋានទៅកាន់ព្រះទេ។

តើព្រះកំពុងបង្រៀនអ្វីដល់ខ្ញុំ?

១៤-២៧ មិនដូចនៅលើភ្នំ ដែលមានពេញដោយសិរីល្អនោះទេ នៅខាងក្រោមនេះ មានពេញទៅដោយការទួញសោករបស់ឪពុកម្ដាយក្មេងប្រុស ដែលមានអារក្សចូល។ នេះឯងជាភាពពិតនៃលោកិយនេះ។ តែមានផ្លូវមួយ ដើម្បីកែប្រែទុក្ខព្រួយឲ្យទៅជាអំណរបាន។ ចូរអធិស្ឋានថា “ខ្ញុំជឿហើយ លោកម្ចាស់អើយ សូមជួយចំពោះសេចក្ដីណា ដែលខ្ញុំមិនជឿផង” ដូចដែលឪពុកក្មេងនោះបានធ្វើ ពេលព្រះអម្ចាស់ទាមទារឲ្យគាត់មានជំនឿ។

អានគម្ពីរ៖ យ៉ូស្វេ ៨-១០

អធិស្ឋាន៖ ព្រះអង្គអើយ សូមមេត្តាដល់ភាពខ្វះជំនឿរបស់យើងខ្ញុំ និងការភ័យខ្លាចនៃសង្គមយើងខ្ញុំ ដែលទួញសោកចំពោះសេចក្ដីស្លាប់ ដូចជាពួកមនុស្សអារក្សចូលដែរ។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl

គ្រួសារថ្មី

2016-02-29T00:33:00.000-08:00

ថ្ងៃអាទិត្យ ទី២៨ ខែកុម្ភៈ ឆ្នាំ២០១៦
ព្រះប្រទានគ្រួសារថ្មីមកក្រុមជំនុំភ្នំពេញអំណរ សូមព្រះប្រទានពរដល់គាត់ និងសេចក្ដីជំនឿរឹងមាំ

ព្រះបន្ទូលថ្ងៃនេះ

2016-02-25T17:39:00.002-08:00

ការមានជំនឿ និងខ្វះជំនឿនៅរេផិឌឹម

និក្ខមនំ ១៧:១-១៦

រេផិឌីមជាកន្លែងគ្មានជំនឿ ដែលរាស្រ្តអ៊ីស្រាអែលត្អូញត្អែរដាក់ព្រះអំពីរឿងខ្វះទឹក ទន្ទឹមនឹងនោះ វាជាកន្លែងនៃជំនឿ ដែលគេបានច្បាំងឈ្នះពួកអាម៉ាលេក ដោយការអធិស្ឋានដោយជំនឿ។

តើព្រះជានរណា?

១៤-១៦ ព្រះមានបន្ទូលថា ទ្រង់នឹងលុបបំបាត់សាសន៍អាម៉ាលេក ពីផែនដីនេះទាំងស្រុង ដើម្បីកុំឲ្យមាននរណានឹកចាំពីគេទៀត។ ការនេះគឺដោយព្រោះ ក្នុងនាមជាក្រុមដំបូង ដែលវាយលុកអ៊ីស្រាអែលបន្ទាប់ពីការនិរទេសនោះ ពួកគេតំណាងឲ្យកម្លាំងអំណាច ដែលប្រកួតប្រជែងនឹងនគរព្រះ។ សូម្បីតែនៅសព្វថ្ងៃនេះ ក៏មានអំណាចវិញ្ញាណអាក្រក់ ដូចសាសន៍អាម៉ាលេក ដែលបដិសេធដោយគ្មានភ័យខ្លាចនូវតម្លៃនៃនគរព្រះ ហើយវាយលុករាស្ត្ររបស់ព្រះ។ ពួកនេះក៏នឹងត្រូវព្រះបំផ្លាញទាំងស្រុងដែរ។

គិត និង ស្វែងយល់

នៅត្រង់រេផិឌីម ពេលអ៊ីស្រាអែលរកទឹកមិនបានផឹកនោះ គេក៏បានបន្ទោសម៉ូសេ ហើយថែមទាំងចង់ចោលគាត់នឹងថ្មផង។ ពេលនោះម៉ូសេក៏បានអំពាវនាវដល់ព្រះ ហើយព្រះក៏បានបង្គាប់ឲ្យម៉ូសេយកដំបងវាយថ្ម ដើម្បីបានទឹក (១-៧)។ ពេលនោះ ពួកសាសន៍អាម៉ាលេកបានសម្រុកចូលមក ហើយក៏ផ្ទុះសង្គ្រាមឡើង។ ពេលម៉ូសេលើកដៃខ្លួនឡើង នោះអ៊ីស្រាអែលបានឈ្នះ តែពេលម៉ូសេបានអស់កម្លាំងដៃ ហើយដៃធ្លាក់ចុះនោះ ពួកអាម៉ាលេកក៏បានឈ្នះ។ ដូច្នេះ អើរ៉ុន និងហ៊ើរបានជួយទប់ដៃម៉ូសេ ហើយនៅទីបញ្ចប់អ៊ីស្រាអែលក៏មានជ័យជំនះ។ ការនេះបង្ហាញថា ព្រះគឺជាប្រភពនៃជ័យជំនះ (៨-១៦)។

តើព្រះកំពុងបង្រៀនអ្វីដល់ខ្ញុំ?

១២-១៣ ពេលម៉ូសេអស់កម្លាំងមិនអាចលើកដៃខ្លួនឡើងបានទៀតនោះ អើរ៉ុន និងហ៊ើរក៏បានជួយទប់ដៃគាត់ម្ខាងម្នាក់ទាល់តែគេច្បាំងគ្នាចប់។ មានន័យថា ការអធិស្ឋានគឺជាអ្វី ដែលក្រុមយើងត្រូវធ្វើជាមួយគ្នា។

អានគម្ពីរ៖ ចោទិយកថា ៣១-៣៤

អធិស្ឋាន៖ យើងខ្ញុំជឿថា ព្រះជាម្ចាស់តែងគង់នៅកណ្ដាលយើងខ្ញុំរាល់គ្នា។

©សម្ព័ន្ធព្រះបន្ទូលកូរ៉េ និងCTM

https://www.facebook.com/phnompenhjoychurch/?ref=hl

ព្រះបន្ទូលថ្ងៃនេះ

2016-02-24T17:02:00.002-08:00

អាហារខាងវិញ្ញាណ

និក្ខមនំ ១៦:២១-៣៦

ព្រះដែលផ្គត់ផ្គង់នូវអាហារសម្រាប់រូបកាយគេនោះ ក៏បានប្រទានដល់គេនូវថ្ងៃឈប់សម្រាកជាអាហារខាងវិញ្ញាណដែរ។

តើព្រះជានរណា?

៣២-៣៥ ដោយមានបំណងក្នុងការបង្រៀន ដល់កូនចៅអ៊ីស្រាអែលឲ្យចេះធ្វើការនោះ ព្រះបានយកនំម៉ាន៉ានេះ ធ្វើជាឧទាហរណ៍សម្រាប់កូនចៅក្រោយ។ តើយើងត្រូវត្រៀមខ្លួនយ៉ាងណា ដើម្បីបង្រៀនបន្តដល់កូនចៅយើងនូវមេរៀននៃការសង្រ្គោះ ដែលព្រះបានផ្ដល់ឲ្យយើង?

គិត និង ស្វែងយល់

ព្រះបានប្រទានដល់អ៊ីស្រាអែលនៅថ្ងៃឈប់សម្រាក។ ហេតុនេះ ទ្រង់បានឲ្យគេរើសនំម៉ាន៉ាទ្វេរដងលើសពីធម្មតា នៅមុនថ្ងៃឈប់សម្រាក ហើយនំនេះនឹងមិនខូចទេ។ តែពេលនេះក៏មានមនុស្សដែលមិនស្ដាប់ម៉ូសេបានទៅរើសនំម៉ាន៉ានៅថ្ងៃឈប់សម្រាកដែរ (២១-៣០)។

ម៉ូសេបានយកនំម៉ាន៉ាមួយខ្ញឹងទៅដាក់នៅចំពោះមុខគេ ទុកជាទីបន្ទាល់។ ការនេះត្រូវបានធ្វើឡើង ដើម្បីកុំឲ្យគេភ្លេចពីព្រះយេហូវ៉ា ដែលបានផ្គត់ផ្គង់នូវអាហារប្រចាំថ្ងៃ ដោយស្មោះត្រង់ (៣១-៣៦)។

តើព្រះកំពុងបង្រៀនអ្វីដល់ខ្ញុំ?

២១-៣០ មានពួកអ៊ីស្រាអែលខ្លះក៏បានចេញទៅក្រៅ នៅថ្ងៃឈប់សម្រាក ទោះជាគេបានដឹងថាគ្មាននំម៉ាន៉ាសម្រាប់រើសនៅថ្ងៃនោះក្ដី។ ថ្ងៃឈប់សម្រាកគឺជាថ្ងៃសម្រាប់ឲ្យគេច្រៀងសរសើរព្រះ និងទទួលស្គាល់ថា មិនមែនដោយការប្រឹងប្រែងរបស់គេទេ ដែលគេបានរើសអាហាររយៈពេល៦ថ្ងៃនោះ គឺដោយសារព្រះ ដែលក្លាយជាអាហាររបស់គេវិញ។ តែមានអ្នកខ្លះបានតាំងចិត្តថា រស់ដោយពឹងកម្លាំងខ្លួន សូម្បីតែសព្វថ្ងៃនេះ។ តើយើងកំពុងទទួលទានអាហារនៃក្ដីជំនឿ ដេលចម្អែតព្រលឹងវិញ្ញាណយើង ដោយស្រែកឃ្លាន ដូចជាយើងស្វែងរកអាហារដែលល្អសម្រាប់រាង្គកាយយើងដែរឬទេ?

អានគម្ពីរ៖ ចោទិយកថា ២៨-៣០

អធិស្ឋាន៖ សូមឲ្យយើងខ្ញុំពឹងផ្អែកលើទ្រង់ដោយជំនឿថា ទ្រង់នឹងផ្គត់ផ្គង់នូវអាហារប្រចាំថ្ងៃ។

https://www.facebook.com/phnompenhjoychurch/?ref=hl

គ្រួសារថ្មី

2016-02-23T16:06:00.001-08:00

នេះគឺជាព្រះគុណលើសអស់ទាំងព្រះគុណ ដែលទ្រង់ប្រទានសមាជិកថ្មីមកក្នុងព្រះវិហារយើងខ្ញុំ
សូមព្រះដ៏ជាព្រះប្រទានសេចក្ដីមេត្តាករុណាដល់គាត់ និងការសង្គ្រោះដែលមកពីព្រះដ៏មានព្រះជន្មរស់នៅអស់កល្បជានិច្ច។

ព្រះបន្ទូលថ្ងៃនេះ

2016-02-23T15:46:00.002-08:00

ម្នាក់មួយខ្ញឹង

និក្ខមនំ ១៦:១៣-២០

ព្រះបានកំណត់ចំនួននំម៉ាន៉ាច្បាស់លាស់ ដើម្បីឲ្យគេប្រមូលរាល់ថ្ងៃ។ នំម៉ាន៉ា ដែលរើសយកទៅនោះ មិនត្រូវទុកឲ្យសល់ដល់ព្រឹកឡើយ។ តែមានពួកអ៊ីស្រាអែលខ្លះ ធ្វើតាមការបង្គាប់នេះមិនបានទេ។

តើព្រះជានរណា?

១៦-១៨ ព្រះបានប្រទាននំម៉ាន៉ារាល់ថ្ងៃ ហើយបានបង្គាប់ថា ឲ្យម្នាក់ៗយកតែមួយខ្ញឹង ដែលល្មមសម្រាប់ខ្លួនឯនប៉ុណ្ណោះ។ ព្រះធ្វើបែបនេះ ដើម្បីធានាថា កុំឲ្យមានការលើសខ្វះ ឬបានតិចច្រើនឡើយ។ ព្រះមិនសព្វព្រះទ័យនឹងលោកិយនេះ ដែលទ្រព្យសម្បត្តិរបស់គេបង្កើតឲ្យមានអំណាច និងការរើសអើងនោះទេ។ ដូច្នេះ ក្រុមជំនុំ ដែលជាសហគមន៍នៃរាស្រ្តព្រះនោះ ត្រូវកែទម្រង់ប្រព័ន្ធធ្វើឲ្យខូចប្រយោជន៍ ហើយដេញតាមការឲ្យ និងការចែករំលែក ដើម្បីឲ្យសង្គមយើងក្លាយជាសង្គមមួយដែលមិនមានពេក ឬក្រពេក។

គិត និង ស្វែងយល់

ព្រះក៏បានផ្ដល់សាច់ (ក្រួច) ដល់អ៊ីស្រាអែល តាមការសន្យា។ ទ្រង់ក៏បានប្រទាននូវអាហារប្រចាំថ្ងៃ (នំម៉ាន៉ា) ផងដែរ។ អ៊ីស្រាអែលគ្រប់គ្នាអាចរើសនំម្នាក់មួយខ្ញឹង ដោយមិនមានលើសខ្វះ។ ទោះជាម៉ូសេបានប្រាប់គេថា កុំឲ្យទុកនំនោះដល់ព្រឹកក៏ដោយ ក៏មានអ្នកខ្លះមិនធ្វើតាមដែរ។ ជាលទ្ធផលក៏មានដង្កូវនៅក្នុងនំសល់នោះ ហើយម៉ូសេក៏ខឹងយ៉ាងខ្លាំង (១៣-២០)។

តើព្រះកំពុងបង្រៀនអ្វីដល់ខ្ញុំ?

១៩-២០ មានអ្នកខ្លះមិនធ្វើតាមបង្គាប់ព្រះ បានទុកនំម៉ាន៉ាឲ្យសល់ដល់ព្រឹក។ អ្នកទាំងនេះយល់ថា ជីវិតគេត្រូវទ្រទ្រង់ដោយនំម៉ាន៉ានោះ មិនមែនដោយព្រះទេ។ តើយើងជឿថា ទ្រព្យសម្បត្តិហូរហៀររបស់យើងអាចធានាចំពោះអនាគតរឹងមាំរបស់យើង ជាជាងព្រះឬ?

អានគម្ពីរ៖ ចោទិយកថា ២៤-២៧

អធិស្ឋាន៖ យើងខ្ញុំនឹងពឹងផ្អែកលើព្រះ ដែលបំពេញយើងខ្ញុំទាំងការសម្បូរហូរហៀរ និងការខ្វះខាត។

https://www.facebook.com/phnompenhjoychurch/?ref=hl

គ្រួសារថ្មី

2016-01-29T18:19:00.002-08:00

ថ្ងៃអាទិត្យ ទី១៧ ខែមករា ឆ្នាំ២០១៦ សូមអរព្រះគុណព្រះអម្ចាស់ ទ្រង់បានផ្ដល់សមាជិកថ្មីមកក្រុមជំនុំយើង សូមព្រះប្រទានពរដល់ពួកគាត់ និងផ្ដល់ឱកាសឲ្យគាត់ប្រែចិត្តជឿដល់ទ្រង់។

ព្រះបន្ទូលថ្ងៃនេះ

2016-01-29T18:06:00.002-08:00

ទីសំគាល់៣

និក្ខមនំ ៤:១-៩

ម៉ូសេមានការរារែកក្នុងការធ្វើតាមការត្រាស់ហៅ ដោយព្រោះសមត្ថភាពតិចតួចរបស់គាត់ តែព្រះបានបង្ហាញដល់គាត់នូវការអស្ចារ្យ៣យ៉ាង។

តើព្រះជានរណា?

២-៣ ព្រះបានធ្វើឲ្យដំបងម៉ូសេក្លាយជាសត្វពស់។ ព្រះបានធ្វើឲ្យម្ចាស់ដំបងនោះ (ម៉ូសេ) ទៅជាអង្គទ្រង់។ ពេលនេះ បើម៉ូសេធ្វើតាម ដំបងនឹងក្លាយជាឧបករណ៍ ដើម្បីបង្ហាញពីព្រះចេស្ដានៃព្រះ។ តែបើគាត់មិនធ្វើតាមវិញនោះ ដំបងនោះនឹងក្លាយជាពស់ពិស ដែលនឹងចឹកម៉ូសេ។ ដូចគ្នានេះដែរ ទ្រព្យសម្បត្តិរបស់យើង ដែលមានលុយកាក់ និងប្រាជ្ញាជាដើមនោះ នឹងត្រូវយកទៅប្រើជាឧបករណ៍របស់ព្រះ បើយើងធ្វើតាមទ្រង់។ តែបើយើងមិនធ្វើតាមទ្រង់វិញនោះ វានឹងក្លាយជាសត្វពស់ ដែលនឹងចឹកយើងជាមិនខាន។

គិត និង ស្វែងយល់

ព្រះផ្ដល់ការងារដល់ម៉ូសេ។ ទ្រង់បានប្រាប់គាត់នូវអ្វី ដែលគាត់ត្រូវធ្វើ ព្រមទាំងការឆ្លើយតបពីគេ និងលទ្ធផល ដែលគាត់ត្រូវទទួល ដោយចៀសមិនផុត។ ប៉ុន្តែម៉ូសេនៅតែមានការស្ទាក់ស្ទើរក្នុងការធ្វើតាមការត្រាស់ហៅរបស់ព្រះ។ ដូច្នេះព្រះក៏បានបង្ហាញដល់ម៉ូសេនូវទីសម្គាល់៣យ៉ាងទុកជាសំអាង។ ទី១ ព្រះបានធ្វើឲ្យដំបងម៉ូសេក្លាយជាសត្វពស់ និងធ្វើឲ្យក្លាយជាដំបងវិញ។ ទី២ ព្រះបានធ្វើឲ្យដៃម៉ូសេកើតឃ្លង់ ហើយធ្វើឲ្យជាវិញ។ ហើយទី៣ ពេលយកទឹកទន្លេនីលមកចាក់លើដីគោក នោះវាក្លាយជាឈាម (១-៩)។

តើព្រះកំពុងបង្រៀនអ្វីដល់ខ្ញុំ?

១ ម៉ូសេមានការរារែកក្នុងការធ្វើតាមការត្រាស់ហៅរបស់ព្រះ។ ការនេះគឺដោយព្រោះ គាត់ផ្ដោតលើភាពកំសោយរបស់ខ្លួនជាជាងមើលទៅលើព្រះ។ ចូរឆ្លុះបញ្ចាំងឲ្យឃើញថា តើការស្ទាក់ស្ទើររបស់យើង បណ្ដាលមកពីយើងមើលមកខ្លួនឯង ដោយមិនមើលទៅលើព្រះ ឬយ៉ាងណា?

អានគម្ពីរ៖ លេវីវិន័យ ៥-៧

អធិស្ឋាន៖ សូមជួយយើងខ្ញុំឲ្យស្ដាប់បង្គាប់ទ្រង់ ព្រោះយើងខ្ញុំតែងខ្លាចបរាជ័យ។

https://www.facebook.com/phnompenhjoychurch/?ref=hl

Phnom Penh Joy Church

ព្រលឹងរបស់ខ្ញុំសរសើរព្រះ | Proleng robos knhom sorser prah

រហូតទាល់តែព្រះយាងត្រឡប់វិញ - Jesus khmer song | Khmer new songs | PPJC | the way of cross

Concert for Next Generation Leader - praise & worship Full 캄보디아어 찬양

ព្រះទ្រង់ល្អណាស់ | God is so good | Salt and Light Book

លោកុប្បត្តិ ជំពូក ៥ | Genesis Chapter 5 | Khmer Bible Audio Old Testament

លោកុប្បត្តិ ជំពូក ៤ | Genesis Chapter 4 | Khmer Bible Audio Old Testament

គ្រួសារថ្មី

គ្រួសារថ្មី

គ្រួសារថ្មី

គ្រួសារថ្មី

គ្រួសារថ្មី

គ្រួសារថ្មី

គ្រួសារថ្មី

គ្រួសារថ្មី អាទិត្យ ទី០៨ ខែឧសភា ឆ្នាំ២០១៦

ព្រះបន្ទូលថ្ងៃនេះ

ល្បិចដើម្បីសម្លាប់ព្រះយេស៊ូវ ម៉ាកុស ១៤:១-១១

ព្រះបន្ទូលថ្ងៃនេះ

គ្រួសារថ្មី

ព្រះបន្ទូលថ្ងៃនេះ

ព្រះបន្ទូលថ្ងៃនេះ

គ្រួសារថ្មី

ព្រះបន្ទូលថ្ងៃនេះ

គ្រួសារថ្មី

ព្រះបន្ទូលថ្ងៃនេះ

ល្បិចដើម្បីសម្លាប់ព្រះយេស៊ូវ

ម៉ាកុស ១៤:១-១១