PhualvaMunpi

DOUNGEL BULPI AISANPA'N UPA, GUITE (LAMJANGPA) LEITOL A UPA SONG DONA

2012-01-29T08:22:00.000+05:30

Apoise Kei - Lily

2012-01-27T08:39:00.001+05:30

Rig Vedazz - Zaching

2012-01-27T08:22:00.001+05:30

MiMin Baite New Hit on the Zogam

2012-01-27T08:17:00.001+05:30

Zamdal (Zoheisa) - In Ngai Ing

2012-01-27T08:13:00.001+05:30

Ki Heavy Lua ta

2012-01-27T08:11:00.001+05:30

Zomi Le Music

2012-01-27T08:09:00.001+05:30

Nemmuankim feat. L.G. Guite - Na hatlai ni'n

2012-01-26T18:03:00.001+05:30

Nancy Biaklun - Lailung Heh Hong Nem

2012-01-26T16:23:00.001+05:30

Rig Vedazz - Dumpuan

2012-01-26T16:02:00.002+05:30

A Chi Ding

2012-01-23T15:06:00.006+05:30

A chi ding in kiging in khangnou aw
A chi ding in kisa in tangpal aw
A chi ding in kikem in lianu aw
A haichi chi ding poimoh hi

#I gam ah khosak, hindan en le
I mizia leh utdante en le
I gamtat leh khoheidante en le
I gam thuthangte ngai le
Lungdon, lungzin huai lua hi

##Pupa'n lou khou in nek na mu a
Haichi, anteh leh zanah pawi a
Balchi, Gachi leh tangchi pawi a
Buhchi bangchi hita leh a tuh a pawi ding a
A hoih, a penpente a tuh a pawi uhi

###Zogam pallut ding i deih leh
I gam khangtou a vual phak i ut leh
Zogam kilbang khan ding i deih leh
Khangsawnte mi nuai a omlouh i ut leh
Khangnou, tuailai a chi ding in kipuah in

A chi ding in kiging in khangnou aw
A chi ding in kisa in tangpal aw
A chi ding in kikem in lianu aw
A haichi chi ding poimoh hi

23.1.2010. Final hi nailou. Man chiang a etthak a finishing bawl lai dings

PAN DUKAN

2012-01-20T14:32:00.011+05:30

India gam a omte’n thei vek mahle uh a theiloute a ding in Pan Dukan gen zek phot le. Pan i chih chiang in vaite’n “kuva” a chihna uh ahi. Kuva i chih nawn chiang in mikangte’n “betel” a chih uh genna in kizang tangpi a, “betel” chih pen a leaf (ateh), a nut (a gah) leh chinai (lime), zarda (tobacco) etc khong toh gawmkhawm a tuibuk i muam bang deuh a vaite hai sek ahi. Vaite hai i chih hangin tuni chiang in ei pawl le hon loh gawpta uhi. Kuva genlouh kawlgam bang ah le Bihar khong a kibawl scented khaini (Golden) bang ana muam lua uh hileh kilawm mawk hi. Dukan i chih nawn chiang in van zuakna, dawr, sai chihna hi nawn hi. Pan Dukan pen kuva zuakna dawr (neu) ahi i chi thei ding.

Lamka lam mi khenkhat in hobbies gelhna ding a om chiang in chiamnuih in “standing in front of pan dukan” a chi uh a kichi. Nidang deuh in Lamka khong a time pass na ding tam khollou ahi ngei dia, kuva hai kawma pan dukan kong khong a ding a houlim, timepass chih khong om sek mah hi. Zan in Guwahati ah pan dukan ah kuva ka lei dek, hai li (4) ka bawl sak hi. Panwala in a hon bawl chiang in customer a khat a khat in a hong pai ua, a khen in cigarette tawnkhat a hong lei ua, a khen in tamul (kuva hing) hai khat ding a hong lei ua, a khen in talab a chi uhia gutka a chi uhia a hong lei ua, akhen in raja (sahdah, khaini) a hong lei uhi. Huchia a hong pai chiang un dawr ngaktu pa’n kei kuva ding a bawl pen khawlsan in huaite ana ngaihsak masa veu ahihman in ngak zek a ngaia, ka ngaihdan hilou sim in salh zek ka ut sim khong hi.

Cigarette tawn khat, raja packet khat, gutka bawm khat, tamul hai khat hong leite sum piak sanga kei kuva lei dek mithapati eksoubis li pen a sum value tam zaw, ama a dinga lawk zaw hi a ka ngaihman in kei hon ngai poimoh zaw ding a ana beiseihna nei a sal ut sim dan ka hi a, himahleh ka ngaihtuah thak chiang in ka salta kei hi. Aziak tampi a om hi. Pan dukan ngakte marketing siam zia leh a customerte uh a ngaih poimoh zia khong u leh bangbang ahiam om kasa thak hi. Anekzonna ahih chiang in ama a ding in a customer teng a poimoh chiat ua, cigarette tawn khat hong leipa toh kum tampi ana ki dawr khin a, relationship ana nei khin uh leng ahithei a, ahihkeileh gutka hong leipa a omna kim ua hong tengthak, tunung kum 10 tan a customer ding le ahi thei hi. Kei kuva lei pen a bawl sung hun la zek ahihman in huai bawl kawma midangte a piak gaihgaih theih ahihman a ngaihsak masa hih tuak hi. Kuva 4 ka order khit nung a bawlzohma taimang san mawk thei nawnlou ding hon chi ahi ngei ding hi. Huai i gen leh vai sammette bang customer service a siam mahmah ngei uhi. Sammet man Rs30/- a lakna ua i va lut khit chiang in madang sammet ding a ngak om mahleh sam a hon metkhit chiang un mukmul kiat ding, lu maalis (massage) ding chih khong in hon zol ua, i va patphak leh body maalis tan a tungsak thei ua, Rs30/- hon la ding lai Rs100/- lam bang a hon laidok sak thei mai ihi.

Hiai ah bangmah a i ngaih khollouh panwala leh sammette apan customer ngaihsak a siamna uh ngaihtuah tham leh etton ding om leh kilawm hi. Himahleh huailam gensau lou in Pan dukan ah kiknawn le. Pan dukan i chih hang in atangpi in kuva kia omlou in teptheih, muamtheih chiteng, biscuits, muamkhum, chewing gum, chocolate, chips etc van chi tampi a koih tangpi ua, mi chi tuamtuam toh niteng in panwala nitumtum in aki deal kha gige sek uhi. Amau kingainiam mahmah kawm-a a van uh valeite mi poimoh lua dan in ana bawl siam ua, huaiziak mah in mi chi tuamtuam in a van uh va leisak kia hilou in timepass na kawm in houlim pih sek uhi. Pan dukan khenkhat ah limlang a koih ua, van leikawm in a leitute limlang a ki-en in a sam bang uh ahiat mam kawm thei zel uhi. Khualzinna, mun theihlouhna khong a kuva hiam va lei kawm a panwala kianga va dot bang a lemtang mahmah hi. Kholai khong a tuah khak peuh va pawng dot sang in mi a hilh hoih zaw tangpi sek uhi.

Nidang a ei society, i khua khonga kipawt tuah khiukheu a, i houlim a thu i ki theih tuah bang deuh sim a pan dukan le (vai) khopi a ding a mun poimoh pi khat ana hi akare!

INDIA MONG KHAT AH

2012-01-19T22:21:00.004+05:30

December 19, 2011 ni zing dak 7:30 lak velin ka tunna uh Mizoram sorkal Tourism Department etkol Tourist Lodge, Champhai nusia phalbi zing tuimei kai zii-ziai nuai ah in vai la “Ek Duje Ke Liye” film ate play hiauhiau kawmin Zokhawthar manoh in ka paikhia uhi. Champhai khokhang zeka, ESSAR petrol pump a ka khawl uleh petrol thun dia hong pai mah puteek sim khat in ka vaila play uh lamdang sa sim a diam, “Koilam manoh ding na hi ua?’ hon chi a, “Zokhothar lam ah” chi in petrol ka thun zoh un lim kila zualin ka pai nawn pah uhi. Lamkim khong ka paikhinta ding uh chih in lampi ana se sim mahmah a ki taihat theilou ahihmanin gintak sanga hun tam luttuak zaw sa, ngaihdan hichiahlou ahih manin “A bangchia lampi le se na lawmlawm e” ka chihleh kintakin ka lawmnu’n “India gamtawp, a mong khat dingin a hoih law vawi” hon chi paha, kenle a gendan man lua kisa in “Ahi ngut ve, gamsung leh khopi khenkhat khonga lampi hoihlou tamlua ahihmanin hiai gam nawl, a tawpna, India gam mong ahoih kei leh a awmthou mah ve” ka chi lungsim a bangmah ka gensau nawn kei hi. Gari a kitatlou thei pen dia ka siamtawp suah in awlawl in ka heek suk a, a mailouh luatna, suang lak khong ah a break man kawm zel a ka paipai u leh ka tung khong uhi.

RIH DIL HOH MASAK. Rih Dil pen 2003 kum hiama (a kum ka thei mai nawn kei) Zolawkta ki makaih saka inkuan a ka hohna sa uh ahi a, huailai in digital camera chih bang ei muhphak a om khollou ahihmanin Cannon camera ngeina khat a roll a dim seet a thunin in ka kuan uhi. Lim leng Rih Dill leh a lampi khong ah roll khat mekbei in ka lungawi tawk mahmah hi. Huailai in Chiau lui leh Rih Dil kikal lampi hoihlou, Chiau luigei, leibul a mi ana omte’n hon awlmoh kisa a ka motor u aka pai ding u leh pailouh ding khong uh hong dong ua “Motor a ui awm lutuk ang” a chih souhsouh man un Zokhothar ah motor nusia in khe in ka paita uhi. Naichik, km 3 ching manglou ahi a, naupangte bang in le haksa sa hetlouin khe in a paitung mai uhi. Motor a pai hile ung le gamgi sak zeka lui a lei omloupi, tui leh suanglak motor neu in bang a chi pal mah diam ah. Abanlam lamlian (lamtou mahmah sim) bangle buan nawi kei mahleh tuklai a buannawi motor lian in a chilna sulnung lampi mai hetlou ahihmanin aki hekkai tou zou na diam ah chih in a om hi. Tutung in bel motor paitheihna lei hoihtak ana kidohta a, lampi le a mam mahmahta hi. Blacktop kibawlkhin, a vom nawnlou lam hileh kilawm hi.

CHIAU GAL. Zokhawthar i gen chiangin huailam a paikha nailou leh a gam omdan theikhaloute a dinga genchet zek ngai om hileh kilawm a hong banga. Champhai apan km 27 khonga gamla ah Chiau lui a om hi (akhen in km 22 khong hi danin a gen ua, a diktak bangzah ahi diam ka kanchian kha kei). Hiai Chiau lui hi India leh Burma gamgi ahia, Chiau gal khat lam Burma ahi ngal mai a, lei i kan leh foreign a zin ki hipah mai hi. Lei a kimkhat India, a kim langkhat Burma, lei kimkhat i pelh chiangin chih zawk di ahi di e. Luigal lam, chiaugal lam a khomin le Zomi lamdeuhte in CHIAU a chi mai uhi. Kawlte khong in bang a chi di uam ah. India lam gal pen Zokhawthar ahi mai di in ka koih a. Chiau gal i chih chiangin i la khonga chiau lui, chiau gal i chihte khong hon phawk sakin, misikhua gim lamlam bang hong nam thei dek hileh kilawm mahleh atak a om mah ahi i chi phot ding. Khangluite’n misikhua paina ding lampi ah Lih Lipi (Rih Dil) ki tawnkha achih ziak ua huailam paina dinga i kha in (India a omte) hiai Chiau lui a va kan ngai chih ziaka Chiau gal, Chiau lui chih khong Kristianna a hong tun tunga i late a ana omkha mah hi dingin a gintak huai hi. India lam ah Mizoram Police Check Post, Customs Duty Post leh Customs Office khong om a, leibul a kuva zuakna chihlouh dawr omlou hi. Chiaugal lam ah bel vanzuakna dawr, annekna hotel chih khong hunkhop a om hi.

PI MARI. 2005 kum vel ahi de aw, khatvei, Aizawl, Chanmari Traffic point geia HUDCO office in-charge a om Pi Mari’ office-a a housing loan piakte uh insurance bawl ding toh kisai-a ka va hoh leh ana siam mahmah a, coffee khong hon dawnsak in official thilte ka genkhit un a laptop a akoih limlak tuamtuam a hon ensak hi. A limlakte et in limlak a siam dan a kithei mai-a, professional tamtakte sangin le a siamzaw dingin ka gingta pah hi. Aizawl khopi lim zan-a alak, hun tuamtuam a keek kia lim a lak khong leh Rih Dil lim a lakte in ka mit la diak hi. 2010 lak khonga kipan in Aizawlte’n photography lam hobby a nei in camera hoih taktak a zang in lim a kilak siak ua, la fuh deuha a kitheihte bang uh local news khong leh magazine khong a suaksak in a nuai ah a limlatu min a gelh sek uhi. Pi Mary lim ka etlai khongin bel huchi pi in limlak lam kuamah in ana ngaihsak kholkei un ka theia, Mizoram calendar bang ah limlak hoih deuhte Christopher Rego, Assam Rifle-te Kolnel saplian pa limlak khong ahi nuam mahmah sek hi. Pi Mari pen nekzonna a neiloute lak ah limlak lam a ana thuklut masa pawl ahi dingin ka koih ringot mai sim hi.

Digital Camera ka neih masak pen, Sony Cybershot (6.1 megapixel hiam khat, 3x zoom) zang a Aizawl khua lim zan a ka lak chiangin a hoih thei hetkei a, Pi Mari lakte lah nak hoih thei lua in vak phengphung mai ahihmanin a camera zat khong ka dot leh camera khat kia zanglou in ahoih leh mantam taktak SLR khong ana zang khin daihta ahihlam ka thei pan hi. Amah pen nungak lai ahia, inkuan khosa a buailou, a khaloh ban ah architect lam na khong private a (a kul leh zanhak a) sem ahihman in a deihte leilah lou khat ahi hi. Khua a nim a, keek ke thei ding dinmun-a a om peuhmah chianga zanlai banga le thoukhia a intunga a camera, tripod toh keek kia lim la dia na taang mai sek ahihmanin kekke lim hoih taktak tampi a nei hi. Rih Dil lim a lakte bang angle tuamtuam, a khente lei zula pan-a lak bang, a nalh dan a tuam se hi. A la fuh thei namah a, aman le a kisaktheihpih sim thou in ka theia, Rih Dil lim a lakte ka nget leh “Hichi’n chu kon pe mai kei dia, a resolution khong kana hih tawm dia, huaite kon pe ding” achi a, a khonung in lah ka ken le ka va la nawn tuan kei a ka ki pekha kei uhi. A limlakte bang loh sawm ahiam chia ka dotna hon dawnna ahihleh nikhat ni chianga nasep bang le khawlsan a zuak dan khong ngaihtuah ding a chih ahi. Pi Mari limlak ka muh apanin ke’n le Rih Dil ka hoh nawn khak “tiktik” tuh ka chi lungsim a hoh khak theihna a hong om ding ka lunggulhna hong om thak hi.

[aban zop lai ding]

Pu-te Aizawl a hong zin chiang ua va hohpih ding ka chih guk simten leh a lem thei kei sek hi. 14 December, 2011 in Aizawl ah nna toh kisai in ka va zin a, huai lai mahin ka nau nasepnate’n a office ua ding Bolero thak Shillong-a a lei uh hong paitou ding a oma, inkuante kiang ah “Thanga (a hektu) hon zuitou un” ka chi hi. Casual leave ni nih/thum kila zual leh hiai hun hi Champhai lam a va dianna ding lemchang ahihdan inkuante ka hilh ngal hi. Aizawl a hong tun chiang un, Aizawl a hun kihaulou, naupangte’n a lawmte u toh a hih ding uh a gen uh a hong tam a, a lawmte bang uh a pii dinga hong kuan sawm pah ahihman un Rih Dil lam a pai hong ut nawnlou uhi. Alehlam ah khua hon theih deuh tak chiang un LTC a gamthuk lam a diaka South India lama pai ding hon ngiat ahi ua, “Rih Dil ah paile huailam hon paipih nawn kei kha in teh” chih lungsim nei le ahi bok uhi. Lawinu le khualzin nuamsa, thilsiam (nature) ngaina khat ahihna toh ke’n lunggulh lua ka hih ding lau in, naupangte utkei mahle uh kou gel kia va hoh mai dia kimansa a om ahihmanin, naupangte a nih un a lawmte tuak uh kianga giak khe dingin ka thupukta uhi. A lawmte i chih a nu-le-pa te uh le, theihngei, mi muanhuai leh ei lawmte mah khong ahihna uah huailam ah bangmah genbuai ngai kasa kei uhi.

PATHIANNI A PETROL ZON. Anu Vung (ka nau zi) bel amau ka taihsan vek dek uh lungkim law khollou, lah hon khou ngam chiahlou in, “Huai Champhai a bang eita na va hih ding uh? Lampi hoih louhlouh toh, ka nak peih kei e” khong a chichi sim hi. Bangteng hileh ki genkhata lakloh ahihna ah “va honeymoon thak phing le i hi mai kei dia” chi in 18 December, 2011, Pathianni kikhop tawp a kipankhe ding in ka geel uhi. Himahleh ani a hong tun chiangin “lamkal a haksatna le omthei, zankhang pi a Champhai tun sangin i zin thou di leh tunbaih hoihzaw, kikhawm lou in zingpai mai ni” ka chi thak uhi. Zing ann nekhin dak 9 lakin inn akipan ka paikhia ua, Eden Thar a Lalsanglian & Sons petrol pump Pathianni a kihong sek a ka va pai uleh “Petrol na neihlouhna uh sawt simta” ana chi ua, aban lama paiphei in Company peng a Pu Zatawn a, Lalboi Filling Station ana kihon khak zenzen leh chia ka va et uleh ana kihong tuanlou ahihman in a khangzeka Pu P.K.Singson a tan kava taisuk ua, huaile ana ki hong tuan kei hi. Pu Zatawn kihoupih thei leh a managerte khong un inlam khong a kol nei kha u hiam chi in Aizawla a omlai a a phone number ka neihkhak ka dial leh kikhawm ahi ding ua, ana ki switch off zel hi.

Motor sunga omsa teng toh Champhai bel ki tungzou kha ding, hilele Mizoram i chih hi gentheihlouh ahihna khat a oma, Champhai bang ah petrol ana vang kha zenzen leh buaihuai ding chi in Bawngkawn, Ramhlun a tegel leh Ngaizel ate a kihong a om kha zenzen hiam chi’n kava en kual ua, kuamah a hong ana omkei uhi. Lampi omsun chu Vanapa Hall kianga Mizofed sun dak 12 a kihong ding ngak ahita mai hi. Tungbaih uta, kikhawmlou a pai sawm, kikhop tawp hun khong maha kipat ngai ding a hong bang sim hi. Ngaizel a pump ah vaite’n a tual ana phiatsiang ua, amau apan a bangzah hiam muhtheih dan a om khak leh chia ka va dot u leh a pama dawr a black a kizuak ahihdan hon hilh a. “Utleh a tun a i tun zoh nak leh aban zaw Champhai ah ngaihtuah mai ni” chi in huai dawr a XP litre guk thunin ka pai ua, Aizawl khosung ka pelh chiang un dak 11:30 bang a gingta hi. Kong pai u leh Zemabawk khangzek apan lampi ana hoihkei law sim paha, “Lamtawn a huchi ding bang ana hih zenzen le tuh.. a bang poimoh lua om le hilou zaw hia” chih khong lungsim ah a hong lutthei sim pah hi.

“Bangteng hileh Tuirial tan khong en suk himhim ni in, aban lam ana hoih tuan kei leh i kik mai ding” ka kichi ua, ka paizom zel uhi. Ka paizel u leh Tuirial banlam ah lampi a dan ana omzaw in paipai theih vanglak hi. “Nupa a motor khata tuanga hichibang hunzat le manpha thou hiven” ka chi mai ua, lampi neu leh kawi mahmah ahihmanin ki hattai ngamlou hi. Gintak sangin Pathianni dingin lampi ah gari tai muh ding, phak ding, makhelh ding leh kipelh pih ding ana omom vanglak hi. Champhai lam a hoh dek mah ahi di uam avangkim in nungak leh tangval ahi di uam ah, numei leh pasal bike a kipua muhding bang a om zel hi.

ZIN TUNNA. Champhai a kuamah subuai lou ding in Tourist Lodge a tun ding ka chihdan uh ahi a, tulai kuamah khualzin omlou ding ahih chiangin Room muhlouh chih om ken teh chia, room booking lam ka ngaihsak louh himhim uh himahleh mialtun bang hitale, zan a room va kan lunglung sangin “Ginzabiak (laigelhsiam Kimboipa nau) phone inla, Tourist Lodge ah room hon na book sak in chi-in” chia ka lawmnu ka sawl leh a phone khethei keia, Aizawl-a a u Muanching ka dot u leh “amau Zokhawthar a om un chin, phone khiak haksa lua ahi” a chi a. Huchia Zokhawthar a om uh ahihleh chi’n Thangbawi leh apu uh Zampu (lawmpa Ngulkhanzam Neihsial) le ka phone nawn tuan kei uhi. Amau lawi hi signboard omlouhna office a semte ahi ua, gensau dah mai ni. Lamsau thou mahleh khawl khollou in ka paizel ua, nitaklam dak 5 khong in Champhai ka naihta mahmah uh chih dingin Champhai a Pa Thang (Customs te heutupa) in hon phone a, ka tunna uh hon dong a, khosung lutdek phial ka hihdan uh hilh in kingakna ding le Tourist Lodge chi ka hih dan u leh a zingchiang nitaklam a amau inn a va pawt ding in ann le nekawm ngal ding chi ka hihdan khong uh ka hilh ngal hi.

Khosung ka lut chiang un khua bang ana mialta a, kholai mun ka theihna khong omsim melmual mahleh Tourist Lodge zotna ding lampi ka paina uh kimuanglou sim in mi 3 bang ka dot nung un ka tung khong uhi. Anhuan lam saite’n Tourist Lodge anhuanin kong a mei chih in ana awi ua, room a omleh omlouh ka dot leh om ahidan hon hilh ua, va ki register ngal in Cottage khat hon piak uah ka paipah ua, kanget nag un kisilna ding tuilum hong pepah uhi. A Omdan ua pan huchibang hun a, “Numei leh pasal kop khat hong tungmawk, nupa hile uh lah a tate uh bang omdia” hon chisim uh hileh kilawm kasa a, mukmul bang lah kiatlouhna sawtsimta, lampi hoihlouhna khong a leivui khu a ki nim sim, mai bang zol sim ahihbanah a gim le kigimsim ahih man-in mel etin zu dawn dinga hon gingta ahi ngei dingin ka koiha, a hong buaipihpa’n a nak(nose) in gimzak ding a om diam chi hileh kilawm in a dik ging zatzat seka, bangmah gim zak bel a nei ding in ka gingta kei hi. Ni’n lele ki uih man hial lou ding ahihman in. Kisil khin ann kane pah ua, annek khit chu zanhun ahita a, gen nawn dah ni.

A Zing chiang zingkal thou phet, Room a intercom om mahleh huai zanglou in anhuan inlam a te kianga singpi ngen di aka va pai khiak leh anhuanin kong ah mi khat in hon thei lotel mahmah kawmin “Nou nupa kia maw? Na tate uh la?” chi’n hon donga. “Zannitak a annek lai a le, na gei ua tu hi unga, non theih mel kei sim kasa a kon houpih kei a” a chih behlap chiangin, lungsim khatin anhuan in lama semte kiang ah “A gen na za uhia, nupa ka hih u kha..” a chi phei masa sim paha, kong kihou chiang un huai mipa Aizawla ka omlai ua, ka vengte uh ana hia, SBI-te motor heek, a pute Champhai a hohpih ana hi hi.

KUAN KHETA. Abul a gensa bang in zingkal ann nelou in Rih Dil lam manoh in ka kipankhe pah ua, bangtan hiam ka pai nung un Pa Thangin hon phone a, “Hong pi angai diam?” a hon chi a, ke’n le “Tu in Zokhawthar manoh in ka ki pankhe khinta ua, nitaklam nou inn a ann hong kine ding hiven, kong tun chiang un ka lawmnu’n Champhai bazar enkual nuam ahihmanin a kul leh Nu Vung (a zi) ka na phone ding ua, ama’n hong makaih mai leh maw” ka chih leh aman le “Aw le” a chi mai a, ka kihou sau nawn kei uhi.

Gamgi ka tun chiang un Customs office konga CRP (hia) sepaih duty-te kiang ah Zampu-te office ka dot uleh a saklam a khosung lam, VCP pa in lam hon kawkmuh uh ahihmanin ka gingta pha kei hi. Pa Thang phone a Zampu number ka dotleh hon piakpen kei neihsa mah, a zat nawnlouh pen ana hi a, ki phone thei tuanlou hi. Pa Thangin a inspector uh Haokip, leibul a duty a om ahihdan hon hilh ahihmanin gari Custom office geia koih a leibul a Custom duty post ka va et uleh Pu Haokip ka mupah uhi. Amah pen khatvei Aizawl ka zin ua ka naute inn a Pa Thangin hon tonpih, kimukha sa, kitheisa ka hi ua, Zampute office khong leh a phone number khong ka dot u leh aman Zampu hon dial khe pah a, ka kihou u leh Champhai a om ahihdan uh ka thei thak ua, Ginzabiak le a zanni a nna toh kisai a Champhai a ana hoha, giak den ahihdan ka thei uhi.

Zampu i gen leh, hiai ka gelh lai in amau lawi in promotion mu uh ahihdan internet a om zengzung ka mu a, ken le promotion muteng ka kipahpihna hiai ah kon gen ngal mai ding. Amah Zampu leh Khansiam promoted cadre a posting a lunggulhna mun uh atan ding uh ka deihsak a, a tan zoh kei u lehlah Zampu chu India gam mong dang khat va tung nawn di dan ahihtuak a, Khansiam pen tuh a lohchin zoh kei lele kum nawn chianga khokhat a ki omthei dingdan ei ve ka chisim hi.

BIAKA NGAK PHOT. E’n naute chih bawla Ginzabiak i chih gaihgaih vial leh Pu Haokip in huailam gim nam sakin Biaka hon chih ngeingai chingin hong hi law ngut ahihman ken le huai dan in ka zang ngal mai hi. Ka kihou lai ua Zampu in Biaka le ama kianga om ahih a gen chiangin amah le ka houpih a “Ka nna ka zou hak kei ding, honna ngak le u chin bike in ka hong tai suk dinga, dakkal khat le a lutkei ding” a chih manin leh zing lam dak 9:30 khong hi pan hiven Rih Dil a hoh pih ding in amah kana ngakta uhi. Pu Haokip in le “Biaka a hong tunhak na khat a om leh, tulai van le hong paitam lou hiven, ke’n le kon hohpih thei ding” a chi a. Gamla lou ban ah hoh khakna sa himahleh kougel kia va hoh lukluk sangin a mun lama ana omsa kua hiam khat toh kihoh leh kipawlching zaw dia nop leng nuam zaw ding ka chihman ahi a, lawmnu’n bel “Kuamah ngakngak a ngai sam. Ei gel va hohtou le hi mai eivoi” a chichi na a.

Bangteng hileh “Biak ngak kawmin Chiau gal lam a pai in, ann khong va ne le” ka chih leh Pu Haokip hong dingkhia in hon paipih pah a. Leibul kawlgam custom lamte duty na gei taklampanga lampi paisuk ah hon paipih ngal a, dawr liansim, Chiau a dinga a lianpen pawl hi maithei ding khat, “Van kimna pen ahi” a chih ah hon lutpih a, bangbang ahiam ka en uhi. A ngaktu nu le nupi fel mel mahmah, duang ching zetzat khat ahi a, kawlpau, lusei pau, tedim pau khong in pau ziahziah thei vek hi. Huai apan a ka pawt khit un aban a dawr teng zu zuakna ahi deuh veka, “Pu Haokip in zu zuakna lam hon fan pih masa eive le maw” ka chihleh a nui sim heuhau a, dawr khenkhat ah international/multinational brand minthang taktak ana ki display a thawl khenkhat bang let a lian, tehmoh louh dia Keuhthang lu sanga lianzaw ding khong a oma, thawl khenkhat bem pengpong zozen a Chivas chih khong a om hi. Pu Haokip in a bawm liante 10000/- man khong ahihdan a hon gen chiangin ka ngaihtuahna a hong lut vat khat a om hi.

ZU 10000 MAN. Pute Aizawl a hong zin nikhua ua dawn ding ngaihtuah sak a ngaih chianga Aizawl a seppihte ngaihtuah theih quality-te lah deihlou uh ahihman a, khatvei ka naupa ka ngaihtuah sak leh Champhai lama PaThang kiang mah a ana gen hiven, Johny Walker-te Black Label leh Seagram’s 100 Pipers litre khat takna thawl khat 2000 man hon arrange ua, huai atheih chianga Aizawl a ka seppihte uh khat in “Pu Hawla (Mizoram CM) in a dawnte thawl khat 10000/- man, Champhai lama a leisek ahi a chi uh”, a chi a. “Thawl khat 10000/- man bang brand khong ahi tel de aw” ka na chihsim leh hiaite khong gen hi nguttak ding uh eive ka chita hi. Huai apan pawtkhia in a saklam ah lamgeia mehzuakna a Burma badam khong lei in, dawr ah van neu chikchik khong ka lei khit chiang un anne ding ka chih u leh Haokip in pautam louin a kawm khat ah hon paipih galgal in Mizo hotel ah hon lutpih hi. Hon lutpih chile lah ama’n ne utlou in “Kei a ding huai a kihuan ahi. Na hong pai ding uh hon hilh khol hile u chin nou a ding le ana kihuansak leh hoih ding hi a” chi’n khouh zohlouh in hon taisan teitei zel hi.

Chiau a ka zin masak lai u ka neek uh voksa leh aksa hiven, meh khenkhat vinegar khong toh a soisak uh hileh kilawm tak a thuk valval pawl bang a oma, ankampak a tui neilou a sathau a minphang sim a kan bang a oma, eilam mehhuan toh kibang khollou ahihna ah limlaw kholkei lele a huandan tuam deuh himhim ahihna ah leh a serve dan khong uh le hong tuam deuh ahihmanin a nek nuamtuamna khat om kasa a. A hong serve-tu nungak nihte bang Lusei pau in pau mahle uh Pawi lamte ahih tuak ua, huchibang pian deuh khat a ne ding i chih leh Haokip in Lusei-te a khat ah hong koih ahihtak chiangin va pawtkhiak nawn di lah hilou deuh in ka omkha uhi. “Aksa leh voksa buh toh a chawmsa (polhsa) a om” a chi ua, “A polhsa lou la?” ka chihleh “A om chu a omthei dia, a buaihuai deuh ding. Ngak zek a ngai dia, plate khat Rs120/- ahi ding” achi ua, huchi ahihleh “Voksa, athau tellou in hon pe mai un” ka chi uhi.

NGAPIH NEKHA KA DIAM AH. Bowl lian law tellou a dim a buh kithuk, a buh tunga voksa tui san pian ki sung nilhnelh zek leh tanglian lawlou a ki-at, voksa tang thum hiam kikoih table tung ah a hong lui ua, anekna ding sikkeu toh a hawp ding mehtui, anthul (anthur) teh toh manta kihuan khawm, ngathu ka chih dek chiangin lah hikeileh kilawm kasa sim zel, nga tin houh a diam ki soh zek, i hawpleh thuk velval in thaksim, lim mahmah toh a hong pia uhi. Tu a ka ngaihtuah thak chiangin “Aw.. Ngapih a chih uh a kei dia ka chisim thak hi”. Ka lawinu’n ann hong piak uh a muh-a a hon nekpat chiang in “Sa kha hichidan a hichi dan a tawm chikchik a nek ding mah ahi” chi in ana pakta ten hi. Ann pen a tamlam ahihleh Khasi hotel a plate khat a serve zah sang un a tam zaw deuh maithei, annhai loute a dingin kuangkhat gilvahna tham ahi thou hi. Ahihhangin buhpen man khollou leh kimat khollou ahihna ah ken bel ka paktat lamtak ahi a, chih chu ne ekek in tampi ne lele poi khollou ding ka chihman in. Extra plate khat tuak ka lakbeh chiang un kipak sim ahi di uam ah, a nihveina ah a sa bang a hon telhtam zaw ua, mehtui bang i hawpgai leh phur takin hong pepah saisai uhi. Ka lawmnu second plate gai zoulou ahihmanin a kimkhat ka gaih sak nawna, plate nih leh a lang ne in ki hi biuhbeuh leh vah hun lel hi in ka kithei hi.

Annek khit in Chiau bazar ah ka vak zek lai ua, bangbang hiam enin lim laktuak ka khenkhat ka la zek a, a tawpin “Biaka le hong tungta ven chia, luigal lam ah kik nawnta ni” ka kichi ua, leibul ah Burma sepaihte’n limlak a phalkei khak u leh chi in amau lim kilakpih dinga ka zot uleh a utkei simna ua, a khonung in a hong utlaw thak ua, lawinu toh leibul ah lim kala hi.

THEIHLOUH DOT

2012-01-19T17:45:00.004+05:30

Nasepna Guwahati khopi a kisuan join khin, sep ding assignment hon pe fel nailou uh ahih man a sep ding om khollou, tuni (19.1.2012) IT Room a computer awng khat a ka tut leh ka phone hong ging ka lak leh "Pu Vangai tang lamte magazine hong zuak ing a, nang inn a lah ana omlou chin a" hon chi hi. Amah kua ahiam chih ka dot leh ka tute khat, Guwahati a om ana hi a, Dodong (ka tapa) toh inn a om ahihdan khong a hon hilh hi. A Vangaitang lam magazine' zuak zanhal a Pa Thangte in a ka muhkhak sa, a bu a Rs400/- chih kigelh hiven, "Bangzah a na zuak uh eita?" chia ka dot leh "Rs200/- ka chih uh ahi a, a tamzaw le piak theih" chi in hon dawng hi.

Tute'n hong zuak uh ahih chiang in chi in "Copy khat kon lak sak ding" ka chi a, a sum kipiakna ding ka gen chiang un amah ka office ua hong baang tou ding in ka kichi uhi. A hongtun hun ding awm hi a ka ngaihtuah hun in office kong a va pawtkhia in lamlian gei-a ana ngawk bawl in ka na ding engong hi. Huchia ngak a minute 20 ding khong ka na din sung in vaite bangzah hiam in office/nursing home omna mun khong a hong dong man uhi. Amau lah i theihngei hi deklou uh ahih chiang in "nou lawi, hiai a na theihlouh teng uh na hon dot ding ua ana ding ka hi maw" chih dek sim in a hong om maimah hi. Hon dot uh mun ka theihlouh bang, ka na kawkmuh theih bang a om chih ding ahi ding. Nitaklam dak 5 bang gingdekta ahihman in ka ding sawt keia, ka tupapa hong pai ma in office ah ka na lutsanta hi. Ki ngak sawt deuh leh a hong dong a om beh lai ding in ka gingta sim hi.

Ahi ngut a, vaigam/khopi khong a i zin chiang in i theihlouh i naihna mun a thei dia i gintak mi khatpeuh i dong sek hi. Ei a dia khatvei va dot na himahleh midang tampi in amau ana dong khin uh, amau a dia ninhuai pi leng ahi kha thei a, kuamah in gina tak in a hon hilh nuam kholkei tangpi sek uhi. Theilou khong a hon chihsan gaihgaih ua, hon hilh sun in lah baihlam tak in "Huai ah" ahihke'h a khut ua kawk in "Huai lam ah" khong hon chihsan mai ua, a huai lam a i va pai chiang in lah ana hi khol kei zel hi. Tuah fuh ni in bel fel tak leh hoih taka hon hilh chiauchiau chih bang le om thei sam. Tuah fuh louh a huai lam a chihna uh i va naih a, midang i dot nawn chiang a huaite'n le aban lam kawk a huailam ana chi sawn nawn khong a aom chiang in a hilou lam a gamla pipi ana pai khak a kik nawn ngai chih bang a om thei mawk khat ahi hi. Khatvei Allahabad a ka paina ding kimkot (area) tungta, ginglel sim tangval khat ka dot leh hon tonpih zozen in ahilou lam ah hon paipih nilouh sim man a, gingtalou ka hihman in ka kikhen pih khong hi.

Akhen chiang in bang ding a vaite'n mi thil hichi hilh noplouh uh a de aw.. chih theih dek ton a om sek hi. Allahabad a pa pen in chu koilam ahiam a hon pimang a bang ahiam tup khat nei le ahikha maithei. A khen chiang in i mi dotten a theilou mah leng ana hikha thei ding uhi. I ngaihtuahsau chiang in khopi lian khong ah mihing tam, a kuapeuh in amau survival ding ngaihtuah, kuamah buaipih, ngaihsak manlou, man hile uh le amau a dia lawkna-meetna om tuanlou ding chi a kuamah bangmah hilh nuamlou le hikha ding uhi. Lehlam ah e'n le i theihngeilouhpi thil khat va dong in amau hon na hilh ding, hon na panpih ding a i beiseih mawk le lametna diklou le hikha maithei ahihna a om ngut hi.

Mitawm chik omna society, khua khong ah kingaihsakna a tam deuh a, huaiban ah christianna huzap khak society bang ah leng midangte ngaihsak leh ngaih poimohna om deuh in mihinpih midang panpih nopna a om deuh abang hi. Huai ban ah state neu Mizoram dan khong ah polam/namdang mi panpih le uh panpih a omte'n a Mizote fel lua uh ahi chi-a a gen chiang ua nam minhoihna hi ding chih khong lunggulhna in le bangtan hiam ah mi panpih ding in mi sawl thei hi.

Pata-te

2011-10-24T21:18:00.002+05:30

Ti Tiit Ti

2011-10-24T21:15:00.002+05:30

LIANSEN’ NGAIH, EH!

2011-10-14T04:33:00.004+05:30

Kha bangzah hiam paita in 2010 kum Malaysia a Zomi National Day (a banner ua a kitak dan) lopna a lasakna youtube ah ka maikhe kha a, net speed hoih gige lou online a ngaih buaihuai chia ban download a ka ngaih leh khat Liansen in Gam Leh Minam Tawi Sang Ve Ni, a sak ana hi a. Tangvalnou khat, Biak Tung toh tu zihziah kawma unplugged music a asak uh ahi. Hiai la a sakdan tuam hiauhiau in Lengtongte’ (Lia Leh Taangte Lengtong-II a) sak valval sangin hoihzaw zaw in hon hip sim pah abang mawk hi.

La a hoih khollou i chih le a sate’n a saksiam ua a zutmam siam u leh hong hoih mai abang hi. S.Chingnu in a album Senchil Tongsan a “Mimbang Pianna Vangkhua” chih la a sak hiauhiau bang nak hoih mahmah napi a phuaktu (hi dinga ka gintak) Howard Chin Khen Mang in 1960’s a radio Burma Broadcasting Service, Rangoon a akhum bang a hun laia hoih hikha mahleh tuni a ngaih in huchi hoih lawtellou bang hi. Mizoram lasiamte’n a laluite uh tulai music toh hoihtaka a hon sak chiang un hoih thei lua hi. I lasiamte’n lathak hoih taktak a phuah, a sak ban u’ah laluite a tamtheipen zon khawma hoihtaka sak hon sawm le uh.

Gam leh Minam chih la hoihtaka k’on ngaih chiangin ka tangvalnou lai, Dorcas Team album masa Topa Phat Ni a release tung lai ua, huai album a Liansen lasakte ka na haichilh pih sim lam tak ka phawk a, tate khongin Westlife, Korean bands khong hon haichilh sim chiang ua khemkhem i sak sim khong ei hun a le ana ki huchi thei mah ahi chih bang hon phawksak hi. Rosanglian pen India lam Zorock hileh Burma lam Zorock chih theih phial dinga ka gintak Go Lian in a album masa Nong Leibat a Nunlui leh Sanlui chih la-a a zawlluinu ngai lah hizen pi, sanlui ngai ka hikei, nunlui ngai ka hi zaw chia a sak hianhian bang phawk huai dek zozen.

Nunlui Leh Sanlui

# Singdang englou guallai sawl bang hei in

Va bang lengkhawm uh lungtuak in, simthu i lel

Thangvan sanga zawl Ching Ngambawm zilin

Sinlai kaidang lou ding simthu i chiam

## Kum kha leh nite hong ki khelkhel in

Kumkhen zangvai vate hong khuang khuangta e ngaih

Zangvai vanlia sinlai kaidang sak hiam, na min

Thei bang lou leng kei an sanlui

Lungzuang huiva bang ka maumau a

Deihsial lawkta bang ka tautau hang

Sanlui ngai in sawl bang ka vullou

Nunlui sial sawl bang in ka vul

### Zanchiang zalmang pha manin maw sanlui

Na tullou zong khaubang chiah aw, na zua saulim

Luaichiang ah sung gilkial luankhi gial bang kia e

Na vontawi luankhi va nul aw.

Mihing in hunlui ngaih vungvung hun om ahi ngei ding, hunlui ngaia lungleng thei diak bang le om hih tuak hi. Huchia lunglengtheite’n la bang phuaksiam deuh uh a de aw chihsim in a om hi. Aizawla ukil khat, mi diktat mahmah dana minthang K.L. Liana in thil diklou asakte khong local news a agelh gelh leh Mizoram judiciary state sorkal nuai a om chihmah tak sorkar in Lunglei ah transfer daih uh achi uhi. Lunglei a akisuan ma khong in a adiaka khapi hoihtaka a hong tan chiang bangin a lunglen thu khong teng mah Aizawl newspaper ah a gelh sek hi. Ahihhangin laphuah siamlou a diam, a laphuah lam ki thei khollou hi. Zosuante lak ah Mizoramte lungleng deuh uh ahia, a gen siam uh ahia a thu hi’in a la ah hitaleh lunglen nak gen deuh uh abang. Zawllui ngaih ziaka lungleng hituanlou a khotang lunglen chih bang le a gen tam uh. A ki-it, aki-ngai teng lah kiteng kimlou ahihmanin khovel ah nunlui leh sanlui ngai a lungleng tampi om dan hih tuak hi. Lehlam ah, huchi bang khong a om ziaka tangthu hoih taktak leh la hoih taktak khong hong piangkhia le ahi zel hi.

Nunlui leh Sanlui la i gen hangin Liansen pen kei a dingin sanlui va chih theih ding vual hilou hi. Go Lian banga sanlui ngai dan in non na koih kha maimah di uah! Himahleh, kon chi di, huai lai in a aw a hoih leh unique banah a lasakte kaihdan a koilai hiam khong a hon hih euh na khong omte tuam deuh leh CIAL deuh bik in mi bun deuh hi in ka theia, ka ngai chim theikei hi. A aw i zak chiang in ngaih leh khum sa in amah Liansen bang ngaihhuai zou hial hileh kilawm hi. Tulai dana music VDO, TV khonga la ngaih kawma a sate i muhtheih dan hilou, a mel le mulou pi, a aw zaka ngaih(zawng) chih omthei mah a diam ah… A mel mulou chile. 1980 laka a unau ua (Dorcas Team) Lamka a a hongzin lai ua Lamka fileld geia Convention biakin a nitak khat a lasak uh lawmpa Dongkhoson te lawi toh kava gal-et kha ua, biakin sung a tutna omlou ahihmanin la a sak chiang ua muhtheihna ding tohlet khonga taikual a ki en ahihmanin a mel uh le hoihtakin a kimuthei keia, a kuapen Liansen hiam chihle ka thei tum kei. A boss deuh nana na Cing San chu a ki thei mai a.

Ka lawmpa Dongkhoson min ka loh leh tunai zeka hon na paisanta ahi chih fb group khat ah ka simkha a, poi kasa in ka lungleng mahmah hi. Pawl sawm zoh nungin contact nei nawnkei mahle ung High School kailai a ka kithuah dan uh, Chapel Lane a gang Piangzathangte in khang lam ka luahlai ua ka inneinu un “phim leh khau bang” hon chih zozen in ka kithuahtheih dan uh genchiang mai ding. Kaihlam khosuak, apa Pa Nekkhopau, VLW in Chapel Lane a inn ana lama huai a teng, kei sanga Lamka a kum khat a senior zaw himahleh Lamka khosung mi lawm pawlh ding nei khollou khat ana hi diam ah, ahihkeileh Kaihlam leh Mualkui kho-kinai ahihna a ki ngaina deuh ka hi di uam, ka ki thuah thei mahmah ua, school kaikhawm, vengkhat a teng khawm ka hihna uah zan a ihmut kal chihlouh kithuah den ka hi sim mai uhi. Lawmpa toh hunlui gen ding tampi a om ding. Nungak lam ah keisanga ana advance zaw ahihna ah a nungakte ka va heel lai khong uh, Lamka lam apan kuamahin music album bawl nailou ahihmana kawlgam lam apan agape album thak khong a hong pawt chianga a inkongpa phamsa Pu Goihzathang a lei dinga va convince ka sawm dante khong uh, anu siam gat ding design graph paper a ka bawllaite khong uh leh thil dang tampi gen ding om mahleh huaite va gen vek theih ahi kei dinga, ka lawmpa ka phawk leh ka sun mana kon genlut mai ahi. A sihni bangin le ka phone number khong thei le uh pa Pau te nupa leh a zi Nianggou in hon hilh nuam sam ding un kana gingta hi. A kuapeuh pai ni nei chiat ding i hihmanin lawmpa ana pai masa ahi maia, hiai ah mangpha ka khak mai ding. Mangpha maw Lawm. Songkhan Paul toh chu kimuta ding nei ve ua maw...

Lawmpa thu i gen leh a mood a hong tuam deka, i thugen ah lutkik sawmta ni. Dorcas Teamte album i gen pen ah la dangte sangin Lian Sen lasak Sian Vontawi leh Ithuai Ei Lawm chih gel hoih kasa diak hi. Hiai late kua phuah ahiam theilou ka hihmanin a thei di aka gintak, fb a Na Ci Se Hia group a ka muhkhak, Sower Sisters te laka Kim Deih Mang ka dot leh aman le na theilou in “Ka nu Sen-te lasak lai kei suak nailo. Ka nu Sen hong dong ning maw” a hon chi a. Anu Sen le Malysia a om ahihdan khong leh facebook khong zanglou ahihdan khong le ka thei hi. A laphuaktu dot ding ah Kim Deih Mang mah a ka kingak a ngai hi. A lathu gelh khe sin ni.

SIAN VONTAWI pen kua phuah a diam ah, Eklejiasti 11 na a pansan a tuailai thahat lai hun a Pathian na sep ding chih lampang ahi. Apa phuah khong a diam peuh ka chi mawkmawk a. Laphuahsiamte’n hi a utut uh la in a phuak thei mai ua, amau ngaihtuahna a hong kipan hilou, laisiangthou a utna munmun khong uh pansan bangin le la ngaih leh kilawm tak bang a bawlkhe thei thei mai sek uhi.

Sian vontawi lia leh tang, banzal ziatsuan kilenin

Tuailai zaitha i neihlai Sianmang a ding nasem ni

Khosung huging a daihma, ansuk gingte kizak lai

Thasial ken hunhoih lai Sianmang a ding nasem ni

Khangnou thahat i hih lai, Toupa a ding semkei leng

Lungkham mei bang hong kaai ni chiang

Nuntakna nuamsa kei ing, Tuailai nite ngai zen sing

Na chihma, hun hoihlai, thasial ken, Sianmang a ding na sem ni

Leitung hinna pakpalh bang tomnou khit chiang hong vul ding

Pheiphung suankha i om ma Sianmang a ding na semni

Hun le ni’n mual a liam ma, Sepna nite a tan lai

Thasial ken, hun hoih lai, Sianmang a ding na sem ni

Ahi nguta, mihing a dingin tuailai thahat lai hi hun hoih pen leh hun manpha pen ahi. Tuailai hun zangsiamte a hinkhua uh nuamsa ahi mai ua. Pathian in le hiai hun in hon deiha, Pathian nasep kia hilou in khovel, eimah a dinga le nasep hun hoihpen ahi. India gam a sorkal office-te khong en le, nasemte a tamzaw tuailai hi nawnlou a upa lam ahi mai ding. Huchibang office ah nna a pai hat kei in a buaihuai mahmah hi. Sorkar in retirement kum khong bang le su tawm henla, sepaihte pension hun dan khongin hih mai-in kum tengin tuailai thahatte recruitment bawl ziahziah leh productive zaw ding hi. A productive zawk leh pensioner tam lele pension piakzohlouh chih omlou ding hi. Hileh, tuailai sepna muthakte a thahat lai ban uah a lungsim uh le siangthou lai ahihmanin a hoihlam a makaih a nasep sak theih ding ahih chiangin corruption i chihchih khong ule hong tawm zaw lai ding hi. Huchi hileh Anna Hazare bang le ngailou ding pi hikha ding hi.

Liansen lasak a nihna, ITHUAI EI LAWM pen Jesu in mihingte a itluat mana a van munnuam nuse zena hong paia a hong tatna theilou mi tampite awlmohna la a chih theih ding. Hiai le a phuaktu ka thei kei.

1. Sihna khuk lamzuan ding ka tate ka itluat man

Ka van mun nuam nusia’n ka tatkhiatsa

Ka it mi tampite khongaih huai

Sihna hanmual a liamta hi

Ulenau tampi te sihna gam sung ah

Zatam mual liamta en vaw lawm

Va kha khia ni, Amau hinna ithuai ei lawm

2. Toupan tua tangthu gen ding hongs awl napi in

Banghang in gupna thu genkhia lou ding

Topa’ it mite khongaih huai

Sihna hanmual a liamta hi

3. Lamet neilou mi kiang Toupa min va thangsak ni

Toupa leh a gam a ding kipia ni

Jesu sisan in deidan nei lou

Vantung inn ah hong chiah kim un chi

Hiai la pen zaw a paid missionary/evangelist deuhte gen di'a koih ding chih din lah “.. pai un la thilsiam tengteng kiangah Tanchin Hoih hilh un..” chih in hon huam kha zel abang a. Toupa leh a gam a dinga kipiak a tangthu hoih gengen ding i mohpuakna ahi chihna ahi pen mai ding.

College kailai 1983/1984 laka Shillong a ka mess zopna uh (annekna) Hmarte, ICI saptuam hive un, Dorcas Team-te toh saptuam kibang ana hihkha uh ahihtuak a, gintaklouhpi in i album gen pen ana nei kha uhi. Amau kianga anne a tamzaw Paite a kihih manin ann i va nek chiangin Khasi veng ah ngaih huntawk takin Dorcas Team te la ki play seka, nuam kisa thei mahmah hi. Liansen sakte bang a hong hih chiang a chu, nuam himai! Huailai in lasak siam kasak leh a aw CIAL kasak dan khong amah Liansen bang hilh ka ut mahmah a, lai khak ding ka chih chiangin lah a address di ki theilou zel hi. A lai ding bangle gelh hi in ka kithei hi. A aw ana ngaizawng sim a lai khak nuam le houh a ki hi zaw diam ah.

Ka ngaihtuah kik chiangin khak ka hi hia khaklou chih ka nawnkei a, khak hial lou hi in ka ki thei hi. Tulai khong hileh zaw internet apan ki contact dan om kha ding hiven.

Pi Witty-te Khua Ah..

2011-06-17T22:31:00.003+05:30

Pune a zinna ding lemchang sepna-te’n 2008 hiamin hon bawlsak mahle uh ka zin keia, tukum in lemchang dang khat a hon bawlsak nawn uh March 2011 a hon hilh chiangun Pathianin lem a sak nak leh tutung chu zinta ding chi’n lungsim in ka kisa khol pah hi. Zinna pen sepna lam toh kisai-a training himahleh huailam gen i sawm kei zaw dinga, ZOL khong leh eilam gimnam in gelh zaw le chidan i hi. Amun khong a theinuam a om zenzen lelah www.niapune.com ah ana en mai le uh i chi ding.

Abul chih di a diam, Silchar ah pan suk le. Silchar apan ka tanunu toh Sumo a tuangsukin Shillong khomui in ka tung ua, inn ah zankhat ka giak in a zingin Guwahati a paisuk in zankhat ka giak nawn hi. Guwahati a pan-a Mumbai tan lawmpa khat toh leng ding in Mumbai pana taxi a Pune pai ding ka chihdan uh hiven. Tulai Guwahati Airport a pan-a khualzinte theih dinga poimoh omzek hi-in ka theia, hiai lak kon gen kual zual ding. Indian Economic Reforms lohchinna kilatna khat ahi ngei dinga, kum bangzah hiam paita apanin India gam sung munteng ah lenna tuang ding mi apung nasa mahmah abang hi. Guwahati airport bangle nidanga lian lua i sak leh a neu lam, khualzinte dawl zoulou lam hihtuak simta hi. Lenna a boh leh a kipankhia tam ahihmanin tulai-in Guwahati Airport a lun in a rush thei mahmah hi. Hiai apan a khualzin dingte kuanbaih sawm ngeingei ding chi ahi.

Security Check ah a buaihuai diak hi. Lenna pai ding teng security check a hih khawm neinoi vek mai ua, a nokin hun tam ala mahmah sek hi. A huai kawmkal ah a check tute bang ki strict sakin hun a ren hetkei ua, i sakhau a sum i kuah nangawn hon lakkhiak sak sek uhi. Lehlam ah amau lah ana uh diktat tak, ginomtak leh hoihtaka sem a kichi thei zel ding ua, va pawng mohsak theih ahi kei zel. Huai kia hilou kuate hiamin amau sepna airport a kipankhia lenna bang ana hijack zenzen leh a moh amau puak ding ahihna omzel hi.

Rush lua ahih thei in koule 2:30 pm flight himahleh sun dak 12 ma in Guwahati ka nusia ua, Airport ka tun takun Security a lutding line guulpi kivial kawi ngeingawi banga sau-in Airport sungteng ana dim mai hi. Check-in ngal in security lutna line a nunungpen ah ka ki vual phei pah uhi. Ka Boarding card tawi uh mu ahi ua, check-in na apan hon delh uh ahia Spicejet nungakte’n hon vil pah ua, “Lenna bohkhin, a line bullam deuh ah hong kihen un” hong chipah uhi. “Ee.. Huchi thei ding maw” chia ka paikhiak ngal uleh midang muhdia kisuanglah deuh uh a diam ah nungak dang khat hong pai nawn in, “Na omna mah uah ana omlai phot un” hon chih nawn chiangin ka ki line na mun mah uah kava lutkik ngal uhi.

Airport lutchilna gei-a line kual saupi ka paikhit un Security omna lam ka naih deuh simta ua, hilele lutna ding a gamla lai mahmah hi. Ka na etvel danin Spicejet nungak hong vakkualte’n a gukin amau pasengerte a hong samkhe zeuhzeuh uh hi in ka theia, kou lah a hong sam nawnta kei uhi. Atawpa khat ka boarding card kana lah cheuh leh ka gei naichik, ki kiss phakna ding a hong dingin, “Huai ah security nai deuh lamah va ki hengu mai un” a hon chi a, koule line apan taikhe pah in ka lawmpa a koilai hiam a direct-a a va kihen sawm leh kuama’n ana awnlou uh hihtuak hi. Kei bel khuambul ah ka ding phota, awl-a naupang deuh khat ma a ka kihenlut leh kuama’n bangmah a genkei vanglak uhi. Huchi in lawmpa le awlin ka ma ah hong ki henlut teita hi.

Hiai ah a kinialnuamte hiam a ngaihtuah peihte a ding khat henlut zual le. I tangval tung lai khonga khovel a thil diklou i muhte ki pomtheilou, diktatlouhna i muhte ki ngaitheilou, khovel bawlhoih dingdan khong ki ngaihtuah, i bawl hoih zoh kei lele ei chu diktat taka om himhim ding i chih geugaute khong toh tulai khovel hong ki tuak nawnlou bang sim mawk hi. A lenna service lamte le helpless, security apan a thoveng baiha a huna pai theihlouh tawpa le a baih theipen a pai dingdan ngaihtuah a kipei vitvit mai uh hihtuak hi. Amau customer service leh amau airline record a dinga a huntaka departure chih bang le thil poimoh mahmah, a tup lianpi uh khat hizel mawk ahihna ah huchidan a panla uh hi ding hi. Tulai khovel a thil tenga diktatna mah chih geugau di hia ahihkeileh i ngaihdan khong khek zawk ding chih ngaihtuah tham ching khat a hong suak abang hi.

Huai a ka ki henlut nung un le khau a zanna uh kawi thum hiam ngut a kawi lut ngailai ahihmanin naichik ah om mahle ung lutna ding gamla lai mawk hi. Huchi in nitaklam dak nih bang hong ging dekpahta hi. A line a om a kuapeuh in security check dan system hoihlou chi a phunphun kawmin atawpin ka lutthei khong uhi. Mobile phone khong x-ray na ah a bawm awng kidaihlou ngakzek a ngaih manin lawmpa ana pai masa a, lenna sunga lutsuak ngal hih tuak hi. Security ka clear nunga a sunglam ka zonbawl chiangin ka mukeia, zun va tha-in boarding paina dinga honna ngak Spicejet te bus ah ka tuanga lenna sung ka lut leh lawmpa ana tukhin ka mu hi. Ka tutkhit sawtlou in pilot pu, mikangte, hong dakkhia in a min khong hon gen masa in thil omdan puanna hichi’n hon nei hi:

“Tuni kei heu-in Guwahati apan Agartala, Kolkata, Mumbai pai ding i hi ua, a hun chingta mahleh i lawm khenkhat security a hong tham lai uh ahihmanin leh amau taisan a pai lah i utkeia, i na ngak lai ding ua, na hon theihsiamna uh ka hon ngen hi. I kim phet chiang un i pai ding ua, ka thu don dan un Agartala ah khua a hoiha bangmah haksatna omlouin dakkal kimkhat in Agartala i tung ding uh”.

Dak 3 in ka kipankhe zou ua, a chih bang un dakkal kimkhat in Agartala ka tung uhi. Agartala a kum dingte kum, a hong lut dingte hong lut khit chiangun Kolkata lam zuanin ka lengkhe nawn ua, a puandan un minute 30 mah a tung ding chih himahleh dakkal khat khong nungin ka boh thei pan uhi. Kolkata airport ana awng geihlouh ziaka huaihkhua a timepass hon neihpih man uh ahi. Kolkata apan Mumbai dakkal 3 val a lut nawn hi in ka thei (a hun zah ka na chiamteh kei a).

Pi Witty-te Khua Ah.. II

Union heutute thusiamna in Mumbai a ka office-te uh Guest House book kholh louhin ka tangzou ua, huai ah zan dak 10 lamin ka kinga fel uhi. Ei lam a dingin zan sawtsimta mahleh, huailam ah kuama’n sawt sa nailou abat banah, tulai’ India gam-a zan’ nasem pawl bang tamta ahih chiangin zansawtta chia kisuanlahhuai khollou chi in nitak ann nekkhit in Pi Witty ka phone hi. Dak 11 khong chu ahita dingin ka gingta, amah le a gendanin ana lum nai deklou ahih tuak hi. Paite pau a le khenkhatin paukawi a chih uh Lamzang aw diktaka pi Witty hong pau kaukau i zak leh nuam in Mumbai a om hihlam le a ki theikei dek phial hi. Keuhpu in hon hazat ding thei thou mah leng a zing chianga Pune ka pai dingdan, huaia kimuh dingdan khong ka gen ua, siaka le Delhi a pai nailou, Pune a omlai ahih dan leh Sauliim, Lamka a ka muh apan inlama omta kasak um le Mumbai a omlai ahih ka theih beh hi. Phalbi laia nau nei dia inlama va pai hilel ahihdan leh Um nu in ZOL taka Pi Witty a sapnou na a “UI” bang chi zozen sek ahih khong ka theih beh nalai hi.

Pi Witty kianga Um mobile number la a ka call leh zan sawt deuhta a diam ah, a “U Thang” in hon na dawnga, kua ka hiam chih hon dot chiangin ken le ZOL taka phualva ka chih leh hon theipah a “Ihmu khinta hiveh aw. Kon phawng diam” a chi a. A lakloh lai ua va phone kha ka hi zenhouh de aw peuh ka chisim thak a. Gen di poimoh lua omle hilou, ihmu khin va phawn zozen pen hi hial dah heh chi-in “Zing chia’h ko’n phone mai ding. Phawng dah in” ka chi hi. A zingchiang a (a dak zah chu genlou ding) ka phone chiangin Um in pickup mahleh a aw ihmutsuah chi lawlai ahihmanin “Bang chi e, thou nailou lai na maw Um?” ka chihleh “Holiday chia thou hak i voi” a chi a, “Huchi ahihleh awlin kihou thak ni” chi in phone ka koih nawn pah hi. Mumbai a phone i gen takin chu keikahi toh le ka ki phone lou tuan kei uhi.

Mumbai apan Pune dakkal thum khong lel lut ahihleh kinoh loua lunch khit sunnung a pai ding ka chihdan uh himahleh vuah a nak zuk ziakin ka chihsang un ka paikhe hak zaw uhi. Ka omna uh Cooperage Road (hia kea thei chiang kei), a pana Pune Taxi ka sap dek u leh a hong pickup man uh extra 500 bang ngai ding a chihman un Dadar a Pune paina munpi lam meter taxi in ka delhtou ua, 117 chauh hon la uhi. Vuah bang lah hong zu tam deuhdeuha, Counter-te a taxi ka dawp chiang un telephone a ka dawpte sang ua sangzaw a gen vek ua, a tawpin “AC le hithou ven, bus in pai suk ni” ka kichita uhi. Counter khat ah bus seat no. 5 leh 6 ka la ua, minute 15 sunga hong tung mai ding a chih uh ka na ngakta uhi. Huchia ka ngak uleh a counter a tu-te lah koilam tung a ding uam a mang vengveng maimah uhi.

Vah zuk ziak mah ahi diam zun bang a hong suak dek sim abanga, a thakna ding counter kikal munawngte i melh chiangin vaipathian lem a om deuh veka, huai a va thak hial ding kisuanglah deuh ka diam ah atawpin pan dukan khat kiangah “Hiai naia toilet omlou hia?” chia ka dot leh “Huai ah saklam ah va pai le chin” hon chi a, vuah nuai a ka va pai leh zunthak theihna ding mun ka mukei hi. Ka kiknawn chiangin Counter ate hong pai ua, “Huai ah lamgei ah na bus uh a kidohta, va pai un” hon chi uhi. Lawmpa toh ka van tuak uh la in vuah nuai ah ka diang phei ua, gari tamlua ahihmanin lampi ka kan thei zok kei uhi. Lamkan khin bus a ka lutdek chiang un nupi, naupang hon bus kongkhak ah ana taang netnot ua, lutthei zoklou in ki kawt mahmahta hi. Atawpa lutkhin, seat number 5 leh 6 ka zon u leh a Bus Conductor hi awmtak khatin “Seat number 15 malam a awng a omkei” a hon chi maimah a, huchi ahihleh chia a nunglam a ka pai u leh Lusei nungak seat a piak uh tanglou thou khat ana om tei hi. Bus pawlam a amah hong kha tangval khat toh a kihou ging uh ka zak apan a seat lak tanglou ahih ka thei a “A nunglam a tut ding himai. Pai ou” chi’n ka sam a, lawmpa toh kou a last line ah ka tu ua, nungaknu pen kou ma geih ah vai nungak khat toh a tu hi.

Nungaknu toh ka kihou uleh Pune a hotel a sem, Mumbai a Singapore Airlines-te airhostess lakna interview a hong tel, dotna khatna a ke ngal ana hi hi. Dotna khatna vaipau-a amah a ki introduce ding chih aman ahihtheih lam ana hikhalou se ahihmanin pawna mahmah a vaipau bang zilsawm hial dan in a kigen hi. Hiainu pen kum bangzah hiam paita a Aizawl a Gulshan Kumar (ahi hia kha?) toh MNF sorkal in Mizoram’ tuailai tampi India gamthuk lama sepna zonsak ding chia a lakte uh laka ana telkha dan ahi a. Aizawl a in bangzah hiam a training sak khit chiang ua vaigama nasep ding hoihtak muhsak ding chi a nungak leh tangval hunkhop a piikhiak uh hiven, vaigam a tun chiang ua a chiam bang ua nasep ding hoih muhsak lou a, ginalou chikchik, koi hiama security guard khong semsak uh chi a gen-le-sak leh phunna om vengvung ngei khat ahi.

Huchibang ahihna ah Gulshan Kumar leh Mizoram sorkal nasa taka demna om ahihmanin a sepna khong uah a nuamlou leh haksatna a om hiam chia ka dotleh omlou ahihdan a gen hi. “Numeite a dingin bangmah haksatna a omkei. Accomodation hoihtak hon pia ua, a hoih lua. Pasalte ahihleh accommodation a pe kei ua, a loh ua vaigam a inn hon luah chiang un inluahman tam ahih chiangin a kidaihkei a, huaiziak ahi pen” a chi hi. Haksa a sak zawk chu a seppih vaite “phakar” thei lua uh leh a sepna uh hotel management in standard maintain utlua kisa a, a vil nakluat zozen pen uh ahi zaw hi.

Atangpi a genin ei Zosuante’ hi mi/pute mai-et khong kisiamlou banah communication leh mihing deal dan lam khong haksa kisa deuh abanga, atangpi mah a genin Mizoram lamte a siam deuha i neih uh hi lai ding hi. I nna ginom taka sep ringot a i sawm chiangin India gam ah a na hun khollou in bangmah recognition hiam pahtak hiam kiloh khollou sek abang hi. Vaite khongin bel pute maipha mah zongzou in, zah leh kamsiam taka houpih bang siamin leh pute muha nna hoihtaka sem dana oma, a muhlouh kal ua lah seplouh theihdan lampi zong siam mahmah zel, huchia a ma uh vang toutou leh lohching tou zel tadih lai uhi. Nungaknu’n le ginomtak leh tawmngai taka nasep sanga pute hoihtaka zah leh bia dana kilangte mah in pahtakna ngah zaw uh ahihdan khong haksa leh nuamlou a sakpen ana hi zaw hi.

[ aban ka gelh august 2011 a aizawl ka zinlai a ka laptop hong kisia, windows ka load thak leh ka mangsak kha a ]

SINGPI HING

2011-05-27T17:37:00.000+05:30

Britishte hong theihsak man-a singpi dawn ki hi dingin a gintak huai hi. Missionaryte’n tanchinhoih hong theihsak nung un nidanga zu i zatna tengah singpi i hon zangta a, tuni in i society ah singpi a loutheilou khat a hong suakta.. Khotang thilte ah singpi in zu a hong nohkhiak sak-a, i puzukholh leh bangbang zukholh hiam-te ah zu kikhol lou in singpi i kikhol zawta hi. Mimal inle gilkial dangtak hunin kholai a hotel khong ah singpi i dawna, insung ah leng zing, sun, nitak chih bangin i dawnin lenglate bang leng i dawn sak hi. Sungna nei khong a dawntheiloute bangin le singpitee tellou in “singpi puang” chi in bawngnawi, tuisa toh chini hel singpi dawnin i dawn hi.

I singpi dawn pen singpi san i chi diam, a tee companyte’n khawl-a process-a a bawl uh i lei ahi. Tuisou toh singpitee i hel chiangin a rong a hong san (a san ahi chiah kei na a) a, bongnawi toh i hon hel chiangin bel a hong puang hi. Singtang khua khenkhat singpi kung omna ah ateh lou in a houkeu ua, huai singpi a bawlin a dawn sek uhi. Huai le singpi san i chihte mah ahi. E’n singpi san i chih sapte’n “black tea” a chi ua, hiaite hilou eigam a mi tangpi in i zat khollouh, “singpi hing” (green tea) gen sawm-a kinei i hi.

Green tea a hoihna tampi a om a chi ua, a hoihlouhna kithei omsun singpi a caffeine ziaka ihmuttheihlouhna om ahi a chi uh, huai le coffee a om sanga niam zaw a chi lai uhi. A bawldan le tuam deuh in uluk taka a abawl uh ahih tuak hi. Abawldan chi tuamtuam om kha in teh, bawldan khat gen zual ni. April, May kha lak khongin singkung dangte mah bangin singpi kung le hong selthakin hong nou pan hi. Huchia a hong sel chiangin a zik ngek zumte, a teh ngek nih hiam tan lou-in belsa tunga sathau tellou-in kang gam uhi. Bel dai lianpi-a a kan chiangun a kat ding venna in a tok mun mahmah ua, singpi zik a athaute a pawtna dingin pilvangtaka a bel toh zuut kawma tawk zelin leh kangsak lou in kang gaw uhi. A kangam khit chiang ua huaite zanga singpi i bawl pen singpi hing a hong hi a, a rong le ei singpi santé toh kibanglou in a hing (green) pian hi.

Singpi hing bawlna ah, a singpi zik a ngek zoh pouh leh a hoih a, a kanna mei salaw tellou-a, sawt i kan leh a limzaw lai a chi uhi. Eipawl nam upa hilou leh culture lama hausa lua hilou i hihman in nek-le-dawn bawldan khong ah khovel ma a i angtanpih ding, i kisaktheih pih ding om khollou abang hi. Korea-te leh China-te khong in huchibang a hau ua, singpi hing i chih bang leng amaute, Japante khong a pan akhovelin a hon theihkhiak ahihtuak hi. China-te’n singpi hing damdawi dia a hoihdan na thei in kum 4000 bang damdawi tuamtuam, luna akipan kingaihsiatna tan a dingin ana zangta uh a kichi hi. Korea-te bang-in le singpi hing a ngaina mahmah ua, a dawn thoh kia hilou in singpi hing a kipan ann nek ding, meh ding tuamtuam, dawn ding tuamtuam tampi icecream dongin a bawl uhi.

Singpi Hing Hoihna.

I theih tek bang in tulai internet khovel ah utteng zonna dingin Google a zattheih sim mai a, google pan-a singpi hing hoihna ka zon sin leh a mu tam sim hi. Mun tampi ki-en manlou ahihman in hiaisan: http://www.amazing-green-tea.com/green-tea-benefits.html a kigelhte mitamzaw in a simtheih ding in eipau in i gen zek ding. Hiai-a a gente uh a dikkim ding ka chihna ahi kei-a, damdawi lam toh kisai kammal eipau a gen theihlouh tampi om ahihmanin leh English ki siam tawklou ahihna ah a kigelh bang chiah a lehkhiak hilou in a tomkim a lakkhiak ahi zaw. Huaibanah suichianna/research chih khong pansan chi-a kigelhte kuate sui hiam chih khong chiang takin a om tuan kei.

Sinpi hing in thil lamdang hihthei ahi a chi hial ua, singpi hing i dawn pat chiangin i hinkhua a hoihlam a khek ding kipan ahita a chi zozen uhi. A hoihna a chihte uh a tomkim in a nuai ah i gen suk ding.

1. Antioxidants. Misiam tampite’n antioxidants in mi tek-hak sak, lungtang natna, stroke leh cancer veng hi in a ngai uh. Singpi hing ah antioxidants tam hi.

2. Thau Pai. Singpi hing dawnin taksa a thau pai (kiamsak) in gikna kiamsak thei hi. Sawt dawn peuh le gikna a kiamlam kithei semsem hi. Singpi hing-a om catechins in taksa a thau banah carbohydrate zatna leng kiamsak ahihmanin kimawlmite bang tawl/gim hak sak deuh lai hi.

3. Damsawtna. Japan a piching mi 40,530 kum 11 sung a houlimpihna ua pan singpi hing dawnte damsawt zaw dingin dingin mu uhi.

4. Cancer Damdawi. Singpi hing-a antioxidant in na asep ban ah sigui khan ding veng in cancer cell-te gillkial sak in cancer khan ding veng hi.

5. Lungsim Tawlna Lam. Khuak a hatsak banah singpi ah special compound, theanine in alpha brain waves halhsak in, taksa tawldam sak hi. Singpi hing dawnin lungkhamna (stress), kingaihsiatna khong tawmsak thei hi.

6. Taksa hatsak leh Stroke, Heart Attack Veng. Singpi hing a om EGCG (epigallocatechin gallate) in heart attack leh stroke neite dambaih sak thei hi.

7. Lungtang Damdawi. I upat deuhdeuh leh i siguite taak deuhdeuh in thau, cholesterols leh blood platelets sigui a hong kikhol, hong tak gawpa sigui hon huk bing chiangin heart attack/stroke hong om hi. Singpi hing in cholesterols, triglycerides leh sikhal kiamsak ahihmanin sigui hahsiang hi.

8. BP Damdawi. Singpi hing in sisan sang le niamsak thei chih ahi. 2004 kum a suina khatin singpi hing nitenga nou nih tan dawn gige-te 65% bangin sisan sang neilou zou ding un mu uh chih ahi.

9. Zunkhum Damdawi. Singpi hing toh in zunkum dou-in veng thei hi. Singpi a om EGCG leh theaflavins in sisan a akhum omte thunun thei hi. Suina khatin nitenga singpi nou guk kal giat sung bang dawn le zunkhum 15% to 20% bangin kiamsak chi hi.

10. Damdawi Dang. Suina khenkhatin singpi hing meima, guh kizopna natna tuamtuam leh Colitis a dingin hoih chi uhi. Singpi hing cream nuhle tangsiat leh vun a ding bang in le hoih a ki chi.

11. Tuap Veng. Laizial tep, midang tep khu dikkhak ziaka tuap natna/cancer leng singpi hing in ventheihna tan om a kichi hi.

12. Sin Veng. Sin natna a dinga hoih chi in suichianna bawl khenkhat in sin natna a zat dingin kawkmuh uhi.

13. Ha Veng. Kam namsia hih tawmin kamsung leh ha natnate ah phatuam hi.

14. Guh Bawl. Singpi hing in guh hih hoih thei in guh natna khenkhat veng thei hi.

15. Taksa Vengtu Hatsak. Singpi hing-in hitang-khosik veng thei hi. Singpi ah natna hik khenkhat, antigens kichi om a, huaite in taksa kivenna hatsakin natna hik dou dingin pan na la hi.

16. Rehydrate. UK Scientist-ten tui sangin singpi dawn damtheih huai zaw chih mukhia in singpi in taksa keusak chih ngaihdan hawlmang uhi.

I gensa bangin hiai a tungate a kigelh bangbang a lehkhiak hilou in singpi hing toh kisai ngaihdan i neihloh a asui peihte in hon suina ding uh ahih khak leh chihna kawma singpi hing dawn ching le a hoihlouh luatna om dinga ginhuai lou i chihna lel ahi.

GIM NAM

2011-05-07T01:24:00.000+05:30

Kei zuan na dinga tangkhua khal

Heina peuh lenmui kai ziiziai

Huihkhi hong lang ngaih gim hong nam

Tang kei sinlai hong kuai ngaihnou

Thelnah lengin zaideih awi e

A tunga kigelh Lengtong Pauno la dawng khat ah huih hong nun hiauhiau leh ngaih gim a hong nam a chihna hi awmtak ahi. A ngaih' (numei) bang ' gim chiah a genna ahi diam ah. Numeite sam khongin gim tuh nei hileh a kilawm nguta, huai gen a diam ah, a gimnamtui kinuh uh gen ahi diam, lapau a omsa himhim ahihman a ahon zat ahi diam. Mimal chiatin le zaw gim kinei mah ahihtuak. Huai a genna ahi diam ah. Singtang khonga lou nasem, nin bitbiat in hoihtak a le kisil gige kholloute gim leh khopi a insunga tui kai ziahziah nitenga kisilte a gimnamtui a kikap vitvit-te gim kibang hetlou hi. Lou lampi a nupite nung banga i pai khak leh gimnam khat a om thei abanga, Pauno in huai dan khong gen a diam, a bang pen gen ahia ka thei kei.

Ka neulai un ka khua u‘ah papi khat, (u) Chinpu kichi a oma, huai in, “Numeite zahmoh gim uihdan chu bangmah a kibatpih a omkei“ a chihlam tak ka thei hi. Zahmoh sim abang na a, genta vanglak, Aizawl a lawmte khatin a gen kon gen sawn lai ding. Mizoram ah hi zamoh rongkai chiamnuih/thutak gen khong a hatthei vanglak ua, lawmte khat Lunglei zin a Sumo tuanna ua papi pauthei deuh mai khat om ahih tuak a. Papi-pa lamtawn a houlim in genlouh le neilou phial ahih tuak hi. Huchia Sumo tuanna a agen khat chu: “Tulai Aizawl nungakte’n a zahmoh uh niteng tampi vei sil gige mawk unchin, sil peng gai uh ahi. I luppih chiang banga le a uih ding om nawnlou. Numeite zahmoh chu a uih in uih vungvung mai leh simpha sa ka hi” a chi a chi a (lawmpa’n). Lengtong Pauno in huai lampang gen zaw ahi hial kei dingin ka gingta.

Mihing in le zaw gim kinei chiat mah ahih tuak i chita. Namdang lak a i om leh namdangte’n gimtuam khat a nei uh abang hi. Ka school kai lai in ka inluahna lehlam uh Churachandpur College a Science zil, Meiteite tangval khat in a hong luaha, inkhang lama ekbuk (tulai a a changkang tak insung khonga i zat dan hilou) ka kikop uleh, ekbuk gimnam dan bang a hong tuam pian pah in a kihhuai khol abang mawk hi. Ei ek uihdan i theihsa, pomdan khat i neihsa ahihman a diam ah a Meitei ek toh hong kigawma a uihdan a hong tuam chiangin nuam nawn hetlou abang hi.

Nam a tuam dungzui-in i gim bang le tuam ahi ngei ding. A kiang ua I om leh vaite gim, sapte gim chih bang a tuam deuh ahih a kithei abang. Vaite zakkha leh kam-uih bang le amau thei khollou ahih ua leh i chi a hiven, ei a ding bangin chu a thuak hak mahmah khat ahi. Ka office ua computer hong bawlsekpa bang ka room a hong lut lele a kam-uih gim ka za ngal thei tel hi. Vai zi nei/pasal nei te’n bang chi a sa ding uam ah. En huai chile le vaite’n ei gim bang chi a sa ding uam ah. Mihing gim hih i nek-le-tak, i vanzat khong a tuam ziak leh i tenna gam a tuam ziak khong a kibanglou a namdangte gim tuam kisa deuh houh ahi diam chihsim in a om hi.

Delhi khonga le eilawi i bekan, sathu, gotuaithu, ankamthu, khangkhuh, singthupi, zongtah etc khong amau a ding a thuakhakpi zaw hi ngut kha ding hi, “Stinking Chinkies” khong hon chi namah ua. Huai chih zenzen a chu en le South India-te meh/masala gim khong namtui kisa dek hetlou a inn ua i va lut khak lele ki gulau pah mai chu ahi a. South Indiate kia hilou vaite (vai nam tuamtuam) meh gim (a min i genseng kei ding a) khong ei a dinga kihhuai tampi mahmah a om hi. Va nephuangin va nene lelah kiduh khong thei ding hi zel hi. Nidang a ka muh ngeilouh tukum in Silchar mehzuakna bazar ah vaite zongtah lei ka mu zeuhzeuh mawk hi. Shillong a Laitumkhrah Bazar bang a singzual a hong kizuak mawk chiangin ei a Zosuan leh Nagate a ding kia hilou a Khasite le a ne om panta uh a de aw chih hon ngaihtuah sak hi. Guwahati a China Town a lunch mi khat nekman 1000 khong ah Koreate Kimchi bang hon serve kha ua, Koreate serial leh film teng phial-a a gen khak uh, a kilatsak khak uh, a ngaih poimoh mahmah uh i nek tung in lim kisa dek hetlou hi.

Mizoram-te’n kawlgam lamte “ngapih” namsia sa chihbawlin kawlgam mite bang musit takin “Hngapih ho” a chi zozen sek uhi. Kawlgam mite’n lah Mizoram-te’n limsa lua a guka nene uh ahi achi zel uhi. Chakmate “Dangpithu” uihdan leh a meh huan peuhmah ua kha ua nekhaklua ahihdan khong Chakma-te laka va zin kha te’n a genmang moh hial uhi. Mizoram in a ngaihsan mahmah Baibing bangle chu a kam/gawl a thak lukluk theih banah, i nek tungin a gim mahmah le namsia kisa mai hi. I neknek chiangin zaw kiduh zel mai sam.

Chilai le. Khliehriet a ka omlai in Khasite (a nam dan-a sutin zaw Jaintia ahi, Shillong a oma, Khasi pau zang ahi a) khat toh inn luahkhawmin ka om ngei uhi. Amah hi mi roupi mahmah khat ahi chi phot le. Huai lai in kum 40 val zek ahi a, ta kua bang a nei khin a, a sam bang sau ngeuhngauh sim hi. Kiginni tenga Shillong a pai zel ahihmanin kisilna ding, kikhekna ding puan bangmah Khliehriat ah a koih kholkei a, weekend a Shillong a pai chianga kisil-a a puan khong khek lel ahi. Inn luahkhawma i hong kithuahthuah leh bel a gim namsia le a pomdan khat a hong om khong hi. En huai chilele, aman ei bang hon mullit sam inchin i kuangsil bang silthak zel, meh i huan chianga lah masala tam kizanglou ban ah a boil chih bang ki huan nuam sek ahihman in ama’n limsa lou in a huanmun zaw in a pang sek hi. Dal bang a deih tawka “Panch Puran” a chihte a khak hun ding om chiata kha-a a hon kanmin chianga keu-a a tui tak khat/nih a khutpek sunga taksak a hon chep chiang bang in chu lim sa mahmah ahi dinga “Hmmm.. Very Best” bang a chi zozen sek hi. Ahihhangin ei a dingin a gim a namtui sangin a namse lam hizaw maimah hi. I neknek le bel ki duh khong zel sam.

Bang teng hileh mihing in i niteng hinkhua ah – pakte, singkungte, loupate, ganhingte, mihingte, nek-letak, ek, nin, khawl, lai adg apan in gimnam tuamtuam i nam/za kha den hi. Calcutta ka hoh tungin Airport apan ka pawtkhiak apan Calcutta gim khat om kasa pah ngal hi. Gim khenkhat namtui sa-a a nap nuam i sak lai-in gim khenkat lah namsia leh kihhuai sa in i nam/za nuam hetkei hi. A dik diam ah, pawlkhat in i taksa in a poimoh banghiam gimte namtui i sa in i nam nuam a, i taksa in a poimoh louh leh taksa a dinga hoihloute namsia i sa a chi uhi.

Thil bangkim siamtu ahihna ah gimnam – a namtui hi’n a namsia hitaleh, Pathian bawl vek ahi a, a diakin mihingte a dinga a bawl ahi. Pathianin gimnam a bawl omzia tampi suitham ching a om ding. Tui bang uih hileh i dangtak chianga kidawn theilou ding ahihmanin buaihuai mahmah ding hi. Kisilna dinga le ki deihlou pah ding hi. Bawngnawi bang sandalwood gim nam sesa mawk leh ki dawnnuam hetlou ding hi. Singzual bang a gim omkeileh ki duhlou ding hi. Ngaihtuah khollou-a, thil bangkim leh gimnam khong ahidingmah (granted) ana sak nilouh theih ahi mawk hi. Gimnam nei, a neilou chihte khong mihingte a dinga phatuam dinga hon bawlsak vek ana hi maimah dan ahi. Mihingte kia hilou ganhingte leh ecological balance na dinga a bawl le tampi a om lai ding.

Gimnam lam hi midangte sangin Muslimte bangin a ngai poimoh ua, a Koran khong uah leng ki nakgelh sim khat hileh a kilawm hi. Leitunga thil hoih leh a hoihlou a omsak pen contrast a omtheihna, a hoih leh a hoihlou theihkakna ahihman in a poimoh tuaktuak uh bangin gimtui leh gimsia leng mihingte a dinga poimoh tuaktuak ahi. Mihingte’n gim i zaktheihna leng a hun geih-a a bawl ahi nawn hi. Mihingin tu a gimnam i zaktheih sanga hatzaw hiam hatlou zaw hiam bang hileh a buai-a buaihuai ding dan ahi. Khuai in pakzu nei gimnam kilometer nga (5) a gamla bang a zathei a chi ua, mihing huaidan bang in hon bawl mawk leh Lamkanuai pa’n amau veng, Lamkatung, New Lamka, Tuibuang khong genlouh Bungmual leh Pearsonmun khonga singthupi huan gim, zunning gim, a bawngek gim, vok-inn gim, ekthapa ek gim, nupi period nei kisil ngeilou gim khong a zing anneklai in gal zak vungvung mawk leh nuam chiamlou ding dan ahi.

Sapul uih gim khong, lupna nuaia zusa si uih gim khong i zak chiangin namsia leh kihhuai i sa hi. Huai in gimnamselou, gimnamtui nopdan hon theisak hi. Huaibanah sapul, a sa uih leh muatsa khong va nele i taksa a dingin hoihlou dinga, a gimsia in huai i va nek khak ding hong veng pah hi. Mihing i sianthoulouh chiangin i taksa, a diakin i lenuai, i kalkawm khong a hong namsia a, huai-in kisil ding, siangthou ding in hon sawl ahihmanin sianthouna a poimohdan i theia, i kikepsiang chiangin midangte laka om a hong nop banah natna tampi ana dal leh ana pumpelh khin i hipah hi. Gimsia leh uih in i taksa kia hilou in i insung, i huangsung, i vengsung kepsiang ding hon phawksaka, huchia i kimkiang i kepsiang chiangin i damtheihna dingin hong hoih pah hi. Gengen ngailou amah a hong fel mai dinga honna bawlsak hi dan ahi. Lehlam ah gimsia i chih khenkhat lah damdawi hoihtak, taksa a dinga hoih mahmah, i zakzak, i neknek chianga a gim bang kingaina leh ki zongsak thei ana hi nawn zel. I taksa bangtan hiama ki adjust thei dinga hon bawlsak ana hi maimah zel.

Vaite’n annek khit chiangin kamkhuah a khak lak duakduak, nap nit khong a ching ua, a nelaite a dingin kihhuai simpi bang mahleh a chin zongsangsa uh ahihmanin a nelaite’n le ahi ding mahin a ngai ua, a annek uh subuai tuan khollou hi. I neu apan a gimnam i zak, i khanletpihte namtuilou tak hilele a ngeina dan a pom theihna kinei zel mai hi. Tuibuk i ngaihnat mahmah bang le huaidan ahi a, namdangte a ding in lah a kihhuai mahmah ding. Neu a pan-a a gim, a taste i zakzak leh i pomsa ahihmanin sathu khong i ngaina mahmah a, vaite kih dingin Delhi khopi a i hong bual tei chiangin Munirka nangawn ah sathu kizuakta hi.

I tawpna dingin kamkhat gen lai le. Hunlui, hun paisa gimnam i chi diam, gimnam khatin banghun hiam, bang mun hiam hon phawksak thei mawk in lungleng theite bang lungleng sak thei hi. Osama Bin Laden a thah khit ua US President Obama in Ground Zero a 9/11 victim-te family a houpihna ah khatin huaini ka phawka, huaini gim ka za hi achih TV ah kana enkha laizang hi. Den lama ka chih bangin kei bangin le ka genkhiak theihlouh Kolkata gim chihbang ka omsak mawk hi. Chihsa bangin gim tungtang a sui man, a sui peihte a dingin sui ding, gen ding tam mahmah ding hi.

Na ngaihtuah ngei diam ah, gim, gimnam bawltu mihingte a dinga thupi leh phattak mahmah khat ana himawk hi chi nengnawn le.

GENERAL INSURANCE LEH ZOMITE

2011-05-04T21:01:00.012+05:30

Aizawl SSPP heutute’n “Magazine-a ding article hon gelh in” hon chih u leh, Zomite’n i phattuampihna dinga ‘Leikha’ beek ahih lamenin general insurance toh kisai gelhsawmin “Aw” ka na chipah hi. Ka hon gelh pat chiangin general insurance toh kisai term khenkhat eipaua gen haksa leh insurance chih huapzaupi ahihman huphulhhuai hong suak thak sim hi. Na “Aw” khin ka hihman’ gelh theih dandan, ei Zomite toh kituak ding, a tomkim thei penin ka hon gelh suk hi.

Insurance Mellahna.

Insurance i chih khenpi nih – Life leh General in kikhen hi. Life insurance pen mihing hinna leh sum koihpunna lam toh kisai ahih lai-in general insurance bel mihing’ neih-le-lam toh kisai deuh hi, a chih theih ding. Life insurance-ah a ki insure pen tung ngeingei ding (death ah Sum Assured, Maturity ah Maturity Value) theihsa ahih lai-in general insurance ah bel tungthei, tunglou thei (accident cover) hi chi phot ni.

India gam ah Life Insurance Corporation of India in life insurance lam khoih in, The New India Assurance Company Limited, National Insurance Company Limited, United India Insurance Company Limited leh Oriental Insurance Company Limited te’n general insurance lam sai uhi. Hiaite government company (Public Sector) ahi ua, kum 2000 malamin India gam ah amau lou company dang in insurance in sumdawng theilou uhi. India sorkal in economic liberalization chia dan a hon khek manin tuni-in life leh general insurance a sumdawng private leh foreign company tampi a omta.

Insurance Bulpi: Mihing Bitlouhna.

Mihing hinna leh neih-le-lam tuahsiat ziaka mang leh sethei gige hi a, mihingin mailam a tuahsiat/tuahsiatlouh ding lah theikhol lou i hihmanin bitlouhna (risk) toh i hinga, hinkhua lungmuan taktak theihlouh in i om hi. Hiai bitlouhna/mantheihnate pana kivenna dinga mihing in a bawlkhiak leh zat poimoh mahmah khat insurance ahi. Insurance in tuahsiat ding dal theilou-in tuahsete suma tuatkhiak’ supnate a sum a muhkik sak tum zaw hi.

Insurance Genchetna.

Dan lama etin insurance pen pawl nih kigakna (contract chihna di’n zang mai ni) hi-a, Indian Contract Act huam sungah om kha hi. Insurance latu leh insurance company in hunchiam (policy period, general insurance ah kum khat hi tangpi) nei-in kigakna bawl ua; huai kigakna ah insurance bawltu in kigakna-sum (premium) insurance company pia in insurance company in sum na dong hi. Hunchiam sunga insurance bawltu a tuahsiat leh a mannate, kigakna sum bikhiah (Sum Insure) in a huam tan insurance company in a pe ding hi. Hunchiam sunga tuahsiatna a om kei leh a sum pen insurance company a tang hi. Premium pen insurance bawltu leh insurance company kigakna namkipna suak hi.

A theihnuam dingin insurance tawmngaihna toh genkhawm sin le. Mihingte tuahse thei vek i hi-a, a tangpi in kua tuahse ding chih ki theikhol lou hi. Huchibang a theihkhollou mihing 10,000 in sum kithoh khawm u henla, a lak uah mi 100 hiam kum khat sungin tuahse taleh, a sum thohkhawm un tuahsete sum-a a manna zah uh vukna (ditna) dingin kidaih thei hi. Huai a sum thohkhawm uh huchi a ahon zat chiang un a lak ua tuahsete manna tawm chikchik a kithohkhawm kha a suak uhi. Huchibang deuhin insurance bawlte sum (premium) insurance company in tuahsia a tam leh man kihuama mohpuakna la in na kolsak uhi. Insurance bawlte kuamah tuahse kei leh a bawltu pethawn kisa kha thei mahleh tuahsia tuak hitaleh muhkik ding nei ahihmanin lungmuanna leikha veve suak a, pethawn hilou hi. Tuahse loute’n lungmuanna leikha, tuahsete’n sum a tuat a manzah uh mukik ding, tuahsia a tam leh insurance company lam mang ding ahihman a vek un tawmngai kha suak uhi.

Policy Tangpi.

General insurance huam sung ah insurance policy chi tuamtuam tampi omte lom lianpi thum in kikhen hi. Huaite tuh:

1. Fire Insurance. Kangmei ziaka manna toh kisai deuh himahleh fire insurance policy in kangmei kia hilou, zingling, menchim, huihpi, vuahpi adg ziak a mannate huam tangpi hi. Mimal ban ah industry, factory liante khong a dingin a deihdan u toh kituak policy tuamtuam tampi a om hi.

2. Marine Insurance. Hiai pen long (ship) tuahsia leh vanpuak (tuilong, motor, rail leh vanlenga puak) lam kala tuahsiat ziaka kisia a manna omtheite toh kisai nawn hi. Sumsinna leh contract/project lian khonga ah van mantam pipi mun tuamtuam a kithot/puak kawikawi ngai gige ahihna ah lamkal a zat dia poimoh insurance ahi deuh.

3. Misc. Insurance. A tunga tegel in a huamkhaklouh tuahsiatna chi tuamtuam – motor tuahsia, mihing tuahsia, damlouhna, sumsinna, insung vante, ganta, haichi adg toh kisai ahi nawn hi.

Hiai lomlian thumte nuai-ah, a diakin Miscellaneous-ah policy chi tuamtuam a za (100) a sim om hi. Huaite a malmal in i ginseng kei dinga, a theinuamte’n insurance office khat peuh ah a kanchet theih ding hi (Magazine ah a kisuahna ah huailai a India gam sunga public sector leh private insurance company om tengteng te website Appendix ah ki koiha, huai website-te apan le muhtheih ding ahihdan taklat himahleh tu in insurance company omte kibang kim nawnlou leh website min kikhek khenkhat a om manin ki taklang nawnlou hi.)

Insurance Poimohna Khenkhat.

Nidangin Zomite khovel leh khosakna mawlin niam-a, i mamohte tamlou hi. Nek ding –i khohsa- buh, silh ding – i gatsa- puan leh tenna ding – i lamsa – inn i neih nakleh hun hi sim hi. Khosung ah inking omtaleh insak-inkhang, veng-le-pam in tenna ding inn lamsak zokin nek ding baihlamtakin kaihkhawm sak mai hi. u hunah bel huchi thei mai nawnlou hi. Nasep, nekzondan, inten-louten dan tuamta a i nasep bang ut hunhun a taihsan mai hithei khin khol nawnlou ahihmanin tawmngai kichi in awlmoh tawk lele mi va hiam inkang hiam va tunding kik baihlam nawn lou hi.

Kangmei banah zingling, huihpi-gialpi, tuilian, menchim, guktak-laktak, tuahsiatna a damlouh/poihlong adg in siatna leh manna tun thei gige hi. Strike, Riot, mob violence chih khong leh mihonpi hehin van leh neih-le-lam suksiat chih bang om mawk hi. Huchibang a thuakkhate ki tunding kik baih nawnlou ahihmanin mimal chiatin tuahsia tuakin mang/buai leng bang ka chi kitunding kik dia chih ngaihtuah ngaita a, hiai-ah insurance hong poimoh hi.

Mimal leh gamsung economy kipna ding, gam sunga social security omna ding in insurance poimoh hi. Nodanglai in khosung mite tawmngaihna khosung (society) a dinga social security himai in hun mahleh tuhun in huai kia a kingak hithei nawnlou hi. Insunga nekzong pen tuahsia-in nna semthei nawnkei taleh amah a kinga, a inkuante buai hipah hi. Nekzongpen in Personal Accident policy bang a lak leh amah a kingate’n insurance pana muhkik ding nei hi. Health insurance neite a dingin (theihkhollouh) damlouhna tuaha inkal-kitawi zena panlak a ngaih hunin a phatuam hi. Workshop/dawr hiama nasemte a nasep lai un tuahsia-in khutbul-khebul in omle uh dan (WC Act) dungzui in a guaitu (a sepna uh neitu) in compensation a piak ngai hi. A guaitu in insurance a bawl chiangin ama mohpuakna insurance company ah ngakhia hi.

Neihtenga i lam – i inn leh a sunga vante kangmei hiam huihpi ahihkeileh zinliing adg in sesak leh kitunding kik theihna dinga panlakna baihlampen insurance a kiven ahi. Neihteng genlouh, neihlouh tana bank loan la, meet lamenin dawr khong i bawla; meet lamen a vanzuak ding i koihna dawr/godown bang zan khatthu in kangtum hiam, guta in gumang leh a neitu bei hilhel thei hi.

Sumbawlte in vanzuak ding kawlgam, vaigam a lei-a, eigam-a a puakna uh ahihkeileh a leinate un van a khakna uh a pawtu motor/rail/vanleng/tuilong pen lamkala tuahsia in van teng segai thei hi. Lampi ah huihpi, gialpi, vuahpi in leng vante zuaktak nawnlou ding khopin sesak thei hi. Sumdawngte in zuak dinga van a leite uh amau kiang a tunma lamkal a ding insurance a bawl chiang un asia-amangte suma sutkhiak muhkik ding om ahihman in lungmuang takin van tampipi mun gamla apan a lei thei uhi.

Hiai ah Zomite in i theih dinga poimoh khat henlut le. Bank loan i lak chiang hiam, govt. development scheme khat peuhpeuh nuai ah loan i lak chiangin a sum hon petute in tuahsiat ziaka loan i ditzohlouh ding lau uh ahihmanin kivenna dingin insurance hon na bawlsak tangpi uhi. Huchibang loan i laknate in i theihlouh kala insurance hon na bawlsak khin uh hithei hi.

A leina ding nei khatin motor leia a zat mai pen hun khin lou hi. Dan (law) in motor neitu mohpuakna lianpi guan hi. A motor tuahsiat ziaka mihing si leh liam, mi van suksiat a om chiangin motor neitu in vangtahte kianga zangnadomna a piak ngai om hi. Asi/liamte dinmun, kum, khaloh leh amah a kingate enin court in zangnadomna piak ding zah bihkhiah hi. Atunglam bikhiah (limit) omlou, court in pha leh kihun a sak zahzah motor neitu in piak ding hi mawk hi. Si leh liamte in MACT (India gam miteng’ naihtheih ding koihpeuh a om) ah case file in compensation a nget ding uh ahi (Motor accident toh kisai a vangtah khate in hiai theih dingin a hoih).

Motor neitu in a motor insurance a bawl chiangin hiai zangnadomna piak ding mohpuakna insurance khutah nga in amah a kihahsiang hi. Motor neitute makhualna in India kumpi in a loutheilou a motor insurance hih ding in dan bawl hi. Huaiziak a insurance neilou a motor khalhte police in manin liausak thei hi.

Gam khangtou te’n insurance zat phattuam dan a khangtouloute sangin thei zaw nak uhi. Zomite omna N.E. India, Chin State, Myanmar sungah Mizoram in insurance a zang phatuam pen dingin a uphuai hi. I chih hangin Mizoram ah leng motor leh bank loan lakna a aloutheilou chihte kan kuama’n insurance ngaihsak tuan khollou hi. Kristianna peuh suang in “Tunglam ah ka ki insure khinta” chih khong kiza thei sek hi.

I gam hon ukte’n phuu honsa lou uh ahia, a gam mite ginalou i hia, development nalian leh infrastructure i gam ah kibawl tamlou hi. Development nalian hiam nakpi a sepna dingin mimal hi’n sorkal hitaleh sumnei kuamah in insurance tellou in a sum in invest ngamlou in nasem ngamlou ding uhi. Hiai in insurance leh gam khantouhna a paikhawm khak langsak mahmah in insurance poimohna genkha hi. I gamah khantouhna ding nalian a omlouh mana insurance poimohlou chihna ahi zenzen kei. Gam khangtoulou ah leng mimal in insurance hih tuak, hih ding tampi om veve hi.

Hiai teng i genna san, mimal chiatin nasem in economic dinmun kipin om le i gam economy hong hoih in gam hong khangtou ding hi i chihnopna ahi. Mimal economy hoihna dingin thanop leh nasep kia hunlou, nna naksepin sum hau mahle a mihing in tuahsia tuah khak a buaisiat theih hi lai hi. Tua i gente a panin insurance phattuamna ngaihdan bangtan hiam i neiha, a poimohdan bangtan hiam i theih a lamet huai.

Insurance a Nasepna.

General insurance toh kisai a sepna, nekmuhna omthei khenkhat i gen beh lai ding. Insurance company a nasem ding officer cadre ah – Administrative Officer (nidang a AAO pen tu a AO) leh clerical ah – Assistant te competitive exam neih a lak ahi sek hi. Officer pen all India competition ahi-a, clerical bel zonewise competitive exam ahi tangpi sek hi. Tulai in expansion om khollou ahihmanin recruitment om khollou hi. A omsun chiangin specialization neite gentehna in, Engineers, Veterinary Doctors, MCA chihdante khong ahi sim hi.

Agents. Insurance company in policy tuamtuam a neihte mipi laka zuak leh thehdalh ding in agent zang ua, agent-te’n policy a zuakte ua panin commission ne zel uhi. Agent septheihna dingin IRDA prescribed training/exam kul hi. IRDA i chih Insurance Regulatory Development Authority of India chihna ahi a, bank-te RBI nuai-a a om u toh tehkhin theih ding hi. Training lunglutte’n insurance company khatpeuh ah kanchet theih gige ding hi. Training a tel thei dingte khopi ah Graduate, Cl-XII khong leh khoneu ah Cl-X khong ahi.

Surveyors. Tuahsete insurance company in claim a piak dingzah tuat leh sutkhe dinga IRDA in license a piak ahi uh. Kuamah panpih leh khentuam neilou a a mangzah geih insurance company in a piak ding deihna a technical knowledge nei surveyorte kumpi in a kigolhsak ahi. Surveyor licence ngah theina nidang sangin tulai in haksa zawta hi. Kum bangzah hiam surveyor semsa zuih a ngaia, IRDA in surveyor chinna dinga exam a sai a pass uh a ngai hi. Ka theihna chiang ah Zosuante lak ah surveyor khat le om lou hi. Mizoram ah khat omngei a, himahleh tawpsan hi.

Investigators. Diklou taka insurance claim sawm pawl om thei sek ahihna ah a kanchian ding mi insurance company in a goih uh ahi. Hiai nasem ding a chitnate kibang kim khollou hi. Motor accident claims a dingin Law Student leh retired Police Officer khong deih deuh uhi.

Advocates. Insurance claim a lungkimloute’n consumer court khong tunin insurance company thubuai a bawlkhum thei ua, motor accident claim a vangtahte’n zangnadomna court a a claim uh ngai ahihman in insurance company tanga ding ding ukil company-ten a neih uh kul hi. A semthei dingte LLB leh a tunglam, experience neihoih leh a siamte deihtuam ahi.

Atung lama i genkhak mah bangin insurance i chih huapzau mahmah ahihmanin insurance toh kisiai gen bei ngei ding hilou hi. Zomite’n a tangpi a insurance bang hi hiam chih i theihtheihna ding, a poimohna i theihna ding leh insurance toh kisai a bangbang sepna omthei ahia chih khong i theihna dia General Insurance leh Zomite chih thulu zanga i gelh hiaizah hisak phot ni.

Note:

1. Hiai article ah insurance chih kammal mun khenkhat ah general insurance genna in a kizang mai hi.

2. Hiai article hi, Siamsin Heisa kichi, SSPP, Mizoram in 2005 a magazine a bawl ua suah dinga GENERAL INSURANCE TOH KISAI thulu a zanga gelh ahi.

3. Tu in Magazine a kisuah bang chiahchiah hilou deuh, a simnop zaw dia neukha bawllem in net a koihkhiak ahi.

THIL CHI MAI NI

2011-05-04T14:43:00.002+05:30

Laigelh leh laipoimoh khenkhat kepching khaklouh om nak sek hi. Siam kei lele, topic tuamtuam, lai hi, a kha in hon matkhak chiang in ka gelh zel sam hi. Ka laigelh khenkhat website a ka suahsak louh computer a ka kepching ka mansuah a om nual hi. Computer a hoihtaka koih kichi tawk lele, computer kisiat chiangin leh a thak lei chiang khong in sukmang khak in om nak hi. Tuni, 3.5.2010 le Shillonga inn a omin, ka laigelh khenkhat ka blog leh internet khong ka zon leh ka muzou kei hi. Aizawl a omlai khong in Zolawkta (J.Thang Lian Pau) in a laigelh leh lai poimohte CD khongin fel takin a kemin a kawl sek a, amah bang ka phawk zozen hi.

Zogam.com a forum khong a ka gelh khenkhat bang ka sim kik nop mahmah a oma, hilele muh ding a omta kei. Huaibang mah in ZogamOnline kipattung laia, article khenkhat site CMS phpnuke apan Joomla a akikhek lai in ki tuahkim zoulou hileh a kilawm hi. Ka simnop ka zon chianga ka muhzohlouh a om nual hi.

Huchibang ahihna ah ZOL forum a thil khenkhat hiai ah le ki kemching zek lai leh ka chih a om a, huaite kon koih ding.

Sianpu
Site Admin

Joined:
Posts: 832
Location: East Zogam, Myanmar

Posted: Sun Sep 18, 2005 6:10 pm
Kong it zogam.com users,

I've come to know that some of us are going to 'inntuan' to another site.

1. I am glad to see the improvement that another brilliant Zomi website will be added in the list of Zomi-run websites.

2. Congratulations to those who make it possible. Compare to other Zo people groups, we are now having more and more websites and it is an advancement and advantage for us in ICT as a whole.

3. My love for you (all users) will not be compromised with zogam.com or zogamonline.com. Even if you will be in another website, I will be the first to be there because my heart is at where my beloved people, Zomis are.

Even after sometimes by some other groups such as zogamonline.info, others by zogamonline.org or even something else, I will also be there because my heart does not dwell on domain names as in zogam.com or zogamonline.com but it stays where the Zo people are- because your gathering place is where I belong to! This is where I ought to feel at home.

4. It is not just entertainment purpose only but also for the communication and fellowship with my people across the lands.

5. It is no longer a big deal to creat websites nor run for our self for our own good or for any reason. Almost anyone can do it with a few click at the fingertips.
However, the key is if it will bring UNITY among our people???

If "inntuanna" will better represent UNITY among Zomis then I will do my best to support, and be a part of the place where we will "inntuan."

-I love my people (you all) than this website.
-I desire UNITY more than I have concern for this site.

How about you?

_________________
Integrity on the Internet is who you are behind the screen when no one knows you.

phualva
Team Member
Joined:
Posts: 5816

Posted: Mon Sep 19, 2005 4:31 pm
Sianpu wrote:
Kong it zogam.com users,

I've come to know that some of us are going to 'inntuan' to another site.

Kei zong personal a ka muhna hong kum nuam ing. Hibang thute english sang in eipau mah a gelh hoih kasak zawk manin ei pau in kong gelh ding.

I Zo ngeina ah nauzaw/naupa in zi a neih chiang in a zi ata toh inpi a omkhawm den thei nawnlou ahihman inkhat a suan kul in "intuan" hi. In a tuan chiang un upa in van/dong guana, a in ding zong lamsak thei hi. Tua dan a et in tuni a website thak i chihpen zogam.com a pan "intuanna' chih pen appropriate word hi theilou ding hi.

Quote:
1. I am glad to see the improvement that another brilliant Zomi website will be added in the list of Zomi-run websites.

1. Zomi run website tampi omkhina, a ki thei kimlou hi zaw hi. A utpeuh in website bawl a, tampi i nei khin hi. Tua a thak i gen pen "improvement" hiam "brilliant" website hiam va chihpah kilawm lou kha ding hi. A mel apuam zong mu nailou, a zat zong zang nailou i hih man in. Who knows it may turn out to be the worse also.

Quote:
2. Congratulations to those who make it possible. Compare to other Zo people groups, we are now having more and more websites and it is an advancement and advantage for us in ICT as a whole.

2. Nong lungdampihna uh ki nuam mahmah hi. Website tam neih pen ICT a i advancement ahi hiam hilou chih bel gen thei kei ing.

Quote:
3. My love for you (all users) will not be compromised with zogam.com or zogamonline.com. Even if you will be in another website, I will be the first to be there because my heart is at where my beloved people, Zomis are.

3. "Even if you will be in another website" chih chiang, zogam.com uesrte in website dang bawl/member in ki register leh zogam.com taisan chia brand ding or user list a paih hipah ding chihna bang in ngaih theih dek phial hi. Tuabang a hikei ding in lamen hang. Ahizong in Zomite a itna hanga a thak a a kihel masa pen ding ka hi a chih chiang zogam.com user list apan paihkhiat bel hisam kei un teh ki chi thei hi. Lungdam huai nawn.

Quote:
Even after sometimes by some other groups such as zogamonline.info, others by zogamonline.org or even something else, I will also be there because my heart does not dwell on domain names as in zogam.com or zogamonline.com but it stays where the Zo people are- because your gathering place is where I belong to! This is where I ought to feel at home.

Zomite kipawlna website, tununga hong paing dingte ah zong inteek taka ki hel thei ding, ahang sanggamte omna ahihman a chihpen lungdam huai takpi hi. A kuama peuh in tua bang attitude neih sawm leng hoih ding hi.

Quote:
4. It is not just entertainment purpose only but also for the communication and fellowship with my people across the lands.

4. Entertainment purpose bek hilou a i mi isate gam tuamtuam pan a communication leh fellowship i neihna hi a chih pen man sa mahmah ing.

Quote:
5. It is no longer a big deal to creat websites nor run for our self for our own good or for any reason. Almost anyone can do it with a few click at the fingertips.
However, the key is if it will bring UNITY among our people???

5. Website bawl pen big deal hi lou maha, a kuapeuh in a bawlnop u leh bawlthei hi den hi. Almost anyone can do it with a few click at the fingertips chihpen man mahmah hi. Tua ahihman beka website building a tarining a nei ngeilou pawl khat a kipan ngam hi bek uhi. Ahihhang in kisapna tampi ki nei theilai ahihman in a experience nei deuhte in hong makaih a ngaihna om tham kha ding hi, zong ki expect ding hi.

A thak kigen pen a saite in amau own self hiam amau own good ding hiam benefits ding hiam a a sawm uh hi zaw lou in supna, manna, tha leh hun sukbeina hi zaw ding chih zong phawk uhi. Zogam.com access theihlouh ton om thei ahihman a, a userte in a dang neih beh le a poina omlou hi a theihman ahi. A diakdiak in zogam.com a i account hong ki suspend sak ahi chih message kalkhat bang i muh chiang leh adminte toh ki thuzak theilou a i om sunga khensatna ahi zaw hi. Khat a access theihlouh chiang khat na access theih ding chi in pom leng tawldam pen mai hi.

Unity toh kisai ah, Zomite i khosakna, economic leh social condition etc kibang kimloua, gam tuamtuam a i omkhak lai man in i deih bang in Unity a kineilou mah hi a, tua ngaikhawk a Zomi Reunification Organisation pawlpi bang hong piang in ka ngaihsun hi. Website khat in Unity hiam disunity hiam hong tun ding a i ngaih leh khial kha thei hi. Yahoogroups zong tampi i neia, some of them come and go, and some remains himai hi. Zomi internet access thei a percentage en leng tawm mahmah lai ding a tuat ka hihman in website khat in unity hiam disunity hiam a tut ding pen a patuah huai kei tam chi ing.

Quote:
If "inntuanna" will better represent UNITY among Zomis then I will do my best to support, and be a part of the place where we will "inntuan."

-I love my people (you all) than this website.
-I desire UNITY more than I have concern for this site.

How about you?

A thak kigen pen "Intuanna" dana ngaihsut pen hi theihlou ding i chi khin a, Zomi unity/disunity zong website khat in tun tuanlou ding i chi khin hi.

Zogam.com user teng in Zomite it a unity a lunggulh tek ding ka lamen hi.

Sianpu
Site Admin
Joined:
Posts: 832
Location: East Zogam, Myanmar

Posted: Mon Sep 19, 2005 5:10 pm
Pu Phual, Na dawn kina hoih mahmah ei. lungdam huai. Mang lai a ak gelh zong a diakdiak in kei mah aituam email ah hong khak lawmte pawl khat om in tua tan eipau theilo hi leh kilawm kasak man a hong gen ka hi hi.

Nong tel siam lungdam.
Hanciam to zeel ni ei leh.

Kipak hang.

_________________
Integrity on the Internet is who you are behind the screen when no one knows you.

Sianpu
Site Admin
Joined:
Posts: 832
Location: East Zogam, Myanmar

Posted: Mon Sep 19, 2005 5:19 pm

Inntuana dan ahih kei a leh lah hoih sem ve leh.
Ih back up dan ding ci leng e leh akilawm diam?
Mipi' muh ding in 'inntuan' cileng aki lawm pen ding hiam cih man ahi a, tua bang ahih kei a leh lah hong na thei siam un.
Lungdam

_________________
Integrity on the Internet is who you are behind the screen when no one knows you.

blisteringbarnacles
Enkaitu
Joined:
Posts: 8198
Location: where angels fear to tread

Posted: Mon Sep 19, 2005 6:30 pm
a inn tuan hilou in a khantou lam in kingai le hoih lou ding hiam?
hih zogam dot com zong taisan tuanlou in tua a thak om a hih leh tua ah zong inntek tak a va pan mai ding hilo hiam??

_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!

http://www.livejournal.com/users/skitxofrennick

witty
Team Member
Joined: Jan 18, 2005
Posts: 921

Posted: Tue Sep 20, 2005 6:15 pm
Sianpu wrote:
Pu Phual, Na dawn kina hoih mahmah ei. lungdam huai. Mang lai a ak gelh zong a diakdiak in kei mah aituam email ah hong khak lawmte pawl khat om in tua tan eipau theilo hi leh kilawm kasak man a hong gen ka hi hi.

Nong tel siam lungdam.
Hanciam to zeel ni ei leh.

Kipak hang.

Pu Sianpu, though each of us may some times write in English and some of us may be more comfortable in speaking or writing in English, I feel each of us who are Zomi, will know how to read and write in our own language and there is no problem in that.

Maybe I am also one of the person who is the "aituam email ah hong khak lawmte". That shows how attached we are emotionally/sentimentally to zogam.com.

Let me share my feeling very frankly with you - Even though we have initiated another forum, that doesn't mean we are going to leave this forum. We will be very much here but I have a very strong feeling that this forum was up again ONLY because i informed sianpu that we are initiating another forum as this has been down. It appears that the forum has become very unreliable as it was always down one day, up one day.
_________________

blisteringbarnacles
Enkaitu
Joined:
Posts: 8198
Location: where angels fear to tread

Posted: Tue Sep 20, 2005 6:34 pm
witty

lets not blame eaCH other
Pu Sianpu is busy on his own and he cant look after the site 24/7
He has his own problems and his own work
I know that he is busy with his exams and all and his own personal problems

so these things happens whether we want it or not
Its good that we are having a new site....
_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!

http://www.livejournal.com/users/skitxofrennick

witty
Team Member
Joined: Jan 18, 2005
Posts: 921

Posted: Wed Sep 21, 2005 10:17 am
Blister - I am not blaming but stating the FACT!
_________________

blisteringbarnacles
Enkaitu
Joined:
Posts: 8198
Location: where angels fear to tread

Posted: Wed Sep 21, 2005 6:14 pm
okay

then we should learn to understand each other and our own problems
each of us has our own problems and looking after this site is not our main work, we did it as "phatuamngaihna" and there can be times when we cant be upto the mark and upto ppl's expectations, we should understand each other
_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!

http://www.livejournal.com/users/skitxofrennick

Sianpu
Site Admin
Joined:
Posts: 832
Location: East Zogam, Myanmar

Posted: Wed Sep 21, 2005 7:23 pm
witty wrote:
Blister - I am not blaming but stating the FACT!

My Dear Witty,

I do not assume you that are blaming me at all but because of "it na."
Kei' Appreciate that...

===

Personal Schedule of Sianpu: Mon-Fri @ 8:00 AM - 4:30 PM Class
Saturday 7:00 AM - 3:30 PM -Class
Sunday 7:00 - 11:00 AM Class
11-3:30 PM - Class

5:00 - 7:00 PM (occational meeting)

Internet usage: 1$ / hour
Evenings: Study, some appoinments and personal schedule...

Just a personal note though...but the fact I have mentioned all these will not affect the effectiveness of zogam.com. We will try our best to do things together. I will give my time as much as possible four the cause of our fellowship...

Our exam will be over by next week (two weeks for total including this week)

Class: M.A & M.Sc

Just ... FYI

Thanks for your understanding...
_________________
Integrity on the Internet is who you are behind the screen when no one knows you.

moxiac
Team Member
Joined: Aug 25, 2004
Posts: 6464
Location: No One Needs to Know Right Now

Posted: Thu Sep 22, 2005 2:57 pm
M.A toh M.Sc exam khom dek na hi tel maw.. thupi na mahmah chia.. lolz.. en B.A maimai leng haksa ki sa a

_________________

PAUL KHAIPU
Team Member
Joined:
Posts: 915
Location: SYDNEY

Posted: Thu Sep 22, 2005 6:32 pm
Lawmte,

Na laigelhte uh kamuh ciang Zomi na itnate uh khauhpai mahmah hitah ci in ka lungdam peuhmah hi.
Zogam.com hoih nading adeih vive kihi mah hi. Lametlohtak in zong thu hong piang zel ahihmanin alemtanloh ciang kitelsiam ding leh mawhna maisak ding pen ngetkulloh a piaksa hi gige leh deihhuai hi.
Zomi i itnate ahoihlam ah zanghthei leng i mipihten hong noptuampih ding hi guai aw.
Pu Sianpu hun neilo kawmkal ah hibanga hun nong hawpzel pen thupi hong sa ing ei.Topa'n thupha hong pia hen aw.
_________________
ZOMI KHAT NA HIHNA TAWH KIZUI IN, NASEEP LEH NABAWL KHEMPEUH IN ZOMI MIN TAWI HI CIH PHAWK DEN IN.(PAUL KHAIPU)

blisteringbarnacles
Enkaitu
Joined:
Posts: 8198
Location: where angels fear to tread

Posted: Thu Sep 22, 2005 7:34 pm
Pu Khaipu support mahmah ingh ei
_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!

http://www.livejournal.com/users/skitxofrennick

Gz
Site Admin
Joined:
Posts: 1711
Location: New Delhi

Posted: Wed Sep 28, 2005 10:16 pm
I dont know what's going on, but one thing am sure is that some ppl are leaving Zogam.com for good.I dont know what could be the exact reason but I suspect ineffieciency of the site admin.

Since I was busy and knew that i wont be able to give time for the site, I have given the responsibility to some of our old users.Maybe the site went down for a while but it will be wrong to make a new site on this ground.

Anyway everyone is free to make one.But please remember the facilities and priviledges that ZOGAM.COM has given when there were no other sites around.
_________________
Doing what you like is freedom. Liking what you do is happiness.

phualva
Team Member
Joined:
Posts: 5816

Posted: Wed Sep 28, 2005 10:30 pm
Ginza wrote:
I dont know what's going on, but one thing am sure is that some ppl are leaving Zogam.com for good.I dont know what could be the exact reason but I suspect ineffieciency of the site admin.

Since I was busy and knew that i wont be able to give time for the site, I have given the responsibility to some of our old users. Maybe the site went down for a while but it will be wrong to make a new site on this ground.

pu ginza anuai a sianpu ka dawnna ka quote na sim mai ve

Quote:
3. "Even if you will be in another website" chih chiang, zogam.com uesrte in website dang bawl/member in ki register leh zogam.com taisan chia brand ding or user list a paih hipah ding chihna bang in ngaih theih dek phial hi. Tuabang a hikei ding in lamen hang. Ahizong in Zomite a itna hanga a thak a a kihel masa pen ding ka hi a chih chiang zogam.com user list apan paihkhiat bel hisam kei un teh ki chi thei hi. Lungdam huai nawn

Ginza wrote:
Anyway everyone is free to make one. But please remember the facilities and priviledges that ZOGAM.COM has given when there were no other sites around.

hiai kha gen di tampi om thei in teh. hilele ken bel hiai public forum khong ah gengen ka ut kei.

Gz
Site Admin
Joined:
Posts: 1711
Location: New Delhi

Posted: Wed Sep 28, 2005 10:45 pm
Everyone should do what they please. But i will remain in ZOGAM.COM even if I'm alone.
_________________
Doing what you like is freedom. Liking what you do is happiness.

James
Enkaitu
Joined:
Posts: 3890
Location: New Lambulane

Posted: Thu Sep 29, 2005 3:41 am
Hi all,

I personally feel very bad reading/coming across all the posted notes,still now i don't see any members is living or going out from zogam.com-the problem is like as some members had said-we may be having sometime personal problem-so we could not make up-but at the end the forum become only our resource to get in and carry on with our posting.

I myself feel bad sometime as I have a problem in writing with zokam especially even with my own langauge(vaiphei).I would like to request all the members-moderator-Admin that we have started the forum, let this become the plateform for every Zomis to communicate and understand each other.

Someone personally may like to set up another site/forum-i don't see the interest of that one-as we know zogam.com has been one of the oldest zomi site and this will always become the main hall for all the zomi across the world.

I am very much happy to know about the donation make by our member, for the success of the site and to maintance it.Hopefully more members will come up for donation in future-and I would like to thank our Admins who has taken the work as a voluntary work,not to gain any personly press but to work for the betterment of the community.

I have a big dream about the zogam.com which is still hidden inside me,I am sure oneday that dream will be seen among us.
_________________

witty
Team Member
Joined: Jan 18, 2005
Posts: 921

Posted: Thu Sep 29, 2005 11:34 am
Ginza wrote:
I dont know what's going on, but one thing am sure is that some ppl are leaving Zogam.com for good.I dont know what could be the exact reason but I suspect ineffieciency of the site admin.

Since I was busy and knew that i wont be able to give time for the site, I have given the responsibility to some of our old users.Maybe the site went down for a while but it will be wrong to make a new site on this ground.

Anyway everyone is free to make one.But please remember the facilities and priviledges that ZOGAM.COM has given when there were no other sites around.

I don't understand why zogam.com admins shows so much (should I say) anger? if some people take the initiation to start a new one. In my opinion, they should feel happy that there are people who are able to take up that initiative. They should be happy and glad they are the trend setter for others.
And by the way, I think those people who they keep saying are going away, I don't see anyone leaving zogam.com and I don't think they will leave if they are not pushed out by them.
_________________

witty
Team Member
Joined: Jan 18, 2005
Posts: 921

Posted: Thu Sep 29, 2005 11:49 am
Ginza wrote:
Everyone should do what they please. But i will remain in ZOGAM.COM even if I'm alone.

Mr. ginza, I think you have this misconception that if another forum is created, everyone will leave zogam.com.
_________________

mvalte
Well Known User
Joined: Jan 08, 2005
Posts: 499

Posted: Thu Sep 29, 2005 2:50 pm
Ki selsel ding le om tuan kei.....a nih in i participate dia himai or a nih in ki bandh hiau na ve
_________________
they conquer who believed they can -
john dryden

moxiac
Team Member
Joined: Aug 25, 2004
Posts: 6464
Location: No One Needs to Know Right Now

Posted: Thu Sep 29, 2005 3:58 pm
Ginza wrote:
Everyone should do what they please. But i will remain in ZOGAM.COM even if I'm alone.

who is leaving zogam.com and who said that? Zogam.com admin tegel in zogamonline.com akipat leh zogam.com a member tengteng huai lam ah kisuan vek ding in na gingta zezen a eilel ve ua le..

Hiai zogam.com a active member tengteng mah ahi zogamonline.com aleng active midang leng om tuan lo in eiteng mah i ki huai a anih a zat khawm dan i siam ken kuan ahi i maa hon pat pih ding???
hilo maw??

As u have stated above, a ut lo te huai a lut teitei ding chih na om lo in, huai chiangin zogamonline.com om ziak in zogam.com pen leng down tuan ding in ka ging kei. Tua aki gelh dan(na hon gen dan) ding hileh khovel a Website khat kan omlo ding hi. Tua website tampi om hang in member kiam tuan chi in omlo a website a tam deuhdeuh leh member te zong tam ding in anih in nei leng bang a poiluat na ka thei kei a.

@Ginza(personal msg na hon khak ah na heh law na a kei zaw heh hetlo kei ve, ka mobile battery hong bei a charging na ding in inn a ka pai phei kal in nang nana logout man a, na hon thugelh pen kha nuam ka sa hetkei ve.. ken ka hon logout a ka hon heh san dan in na hon koih na a , ka mobile apat a hong chat ka hih man in zannitak a, huai na hon theihsiam mahmah ka hon ngen hi)

Hiai ah kei ngaihdan ka hon sung khe zek ding hi.

Kei ngaihdan in zogamonline.com a om ziak in zogam.com ah leng ka active ngeingei in ka active thou a , a ki khiat na ka thei tuan kei, blister is the same too, phualz , witty and mvalte.(ka gen khak loh leng omlai ding hi) huai teng leng zogamonline.com om ziak in a pawt tuan omlo hi.

huai chiangin zogamonline.com ah member zogam.com a teng kan kihi tuan lo ahih man in punna/kiamna omtuan lo ding hi

Huaiban ah hiai site thak http://www.zogamonline.com pen hong ki pat khiak na dan hichi dan ahi. Ginza omloh kal ahih man in amah ngaihdan leng chu dikthou leng ka sa hi(zan a ka kihou na uh). Hileleng hiai ah ka hon gelh pen ahih leh tua zogam.com pen zanlam in down maimai hong hileh chu (http://www.zogamonline.com)hong piang ding in ka ging kei.. 2 vei hong down a huai khit in hong up a huai khit in http://www.zogam.com chih browser a i type chiangin Zogam.com space pen expire chi in om hi. Huai zogam.com a huchi dan information chih dan deuh teng bang a leng khatvei leng hong kitak khe se lo a nitaklam dak 2 vel a hong bei mawk.. Page bang chi a chih leng theih loh a hong om ... huai chianga a domain name whois.sc//http://www.zogam.com i et chianga lah hiai pen lah active thou lai. Kar 1 val huchia page expired hong ki chih chiangin member teng ki buai zak ahih man in space ana ki lei hi. Huai hiai i site uh i lei khit vek nung in hong up nawn a, huai kha............ ama a ka sawm dan un hiai huchi ahih leh Ginza in domain name pen amah min a om a amah control ahih nak leh chu... space ana ki lei leh.. huai khit chiangin amah delhi hong tun suk khit chiangin i space uh toh merge ding dan ngaihtuah leng chih khong a ki hou khit in hichi teng hong tung hi....

A bang a bang hileh(nang pan dan tak leh) tua huchia zogamonline.com om ziak a zogamonline.com apan khe tu lam a ka pan khak ziak a na hon ngaihkei leh zogam.com a ka nick pen ana delete mai ve leh...

but i'll still be active here even if u delete my nick i'll still visit the site as a Guest.
_________________

blisteringbarnacles
Enkaitu
Joined:
Posts: 8198
Location: where angels fear to tread

Posted: Thu Sep 29, 2005 6:35 pm
a bang thu a tamai a??

kiselsel nang omlou pi
gal omloupi gal bawlbawl ngai lou

site nih i neih leh kipah di himai lou hia?
nih chauh lou le 10, 100 om leh le ka pang thouthou ding

but i want to suggest one thing and i ask this to all users and posters:

hiai forum ah topic/thread omsa te a thak pen zogamonline.com ah pan thak sese lou in hiai mah ah kikum le, a dang thread omnailou, topic omnailou ahih leh lah ut zawkzawk ah i post dia .........ka chihna san chu a nih tuak a a active gige theih nang in

_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!
http://www.livejournal.com/users/skitxofrennick

phualva
Team Member
Joined:
Posts: 5816

Posted: Thu Sep 29, 2005 6:41 pm
Quote:
hiai forum ah topic/thread omsa te a thak pen zogamonline.com ah pan thak sese lou in hiai mah ah kikum le, a dang thread omnailou, topic omnailou ahih leh lah ut zawkzawk ah i post dia .........ka chihna san chu a nih tuak a a active gige theih nang in

hoihlua blister. huai kha ken le kalungsim a kana chihchih ahi. ka genkhe kei na a. huai kha ka paipihdan himhim ahia, ahithei tan in repeat lou ka sawm sek hi. mizo forum khong ah le.

James
Enkaitu
Joined:
Posts: 3890
Location: New Lambulane

Posted: Thu Sep 29, 2005 7:20 pm
Guys don't think every words in positive-I think Ginza much be joking too-so the best thing is to understand each other.
_________________

Gz
Site Admin
Joined:
Posts: 1711
Location: New Delhi

Posted: Fri Sep 30, 2005 1:37 pm
This new site comes to me as a big surprised and seriously it jolted me as i was the last to know about it.

What i can't understand is that if the site was down why can't anyone informed me?? There is telephone, mail etc. Till now i didnt get any mail nor an offline about the decision which everyone except me took.I deduce that since this move was made without my knowledge, it must be something done by people who didnt like my judgement and way of operation for the site.

Tell me has anyone inform me about this move?? Has anyone has the courtesy to left atleast an offline about this?? No, none at all!!! Dont blame me if i am a bit unhappy about this.But what i resent about is the fact that this things has been done right under my nose.

Anyway like we said many time everyone has the right to have as many sites as they want.

United we stand, divided we fall.I dont think having many similar sites is a good idea when we cant even maintain one site.I find it ok if the new site has a different theme/content altogether.

Please maaf karo(forgive)if am wrong!
_________________
Doing what you like is freedom. Liking what you do is happiness.

Sianpu
Site Admin
Joined:
Posts: 832
Location: East Zogam, Myanmar

Posted: Fri Sep 30, 2005 6:41 pm
If we are to start (well already started though) another site, why don't we try to have something different like online dating site, music site or something else which is different from the one we currently have.

May be when we start another site apart from zogam.com, zogamonline.com we may have something different with variety of interest.

Mi ten i lai hong sim sak le uh hong lungdam pih uh diam, hong awi zaw uh diam aw?
_________________
Integrity on the Internet is who you are behind the screen when no one knows you.

James
Enkaitu
Joined:
Posts: 3890
Location: New Lambulane

Posted: Fri Sep 30, 2005 7:23 pm
Pu.Sianpu nice idea-the new site look the same-no new idea has been added in the new site so whats the point be creating another one instead why not as Sianpu said like zogam musiconline-etc etc any things to show that we have being into another world-bring your new idea and try to polish the old one.

Its good that another site have been come up-but please keep the work update and let us be proud to say that this is what happen in zomis.
_________________

blisteringbarnacles
Enkaitu
Joined:
Posts: 8198
Location: where angels fear to tread

Posted: Fri Sep 30, 2005 8:41 pm
yeh Sianpu is right.....if there can be somethign new and innovative in the new site which we dont have and cant have here...it will be very good
_________________
http://360.yahoo.com/skitxo_frennick

Satan? Do you really need Satan? Look around! Each of us worse than Satan!

http://www.livejournal.com/users/skitxofrennick

phualva
Team Member
Joined:
Posts: 5816

Posted: Sat Oct 01, 2005 1:58 am
gelh ngam le huai nawn kei dek khong. LOL

ginza leh sianpu in siamlouhna neikei u teh, site thak bawlte' a siamlou leh a thumoh bawl hi uh chi in hunsak phot mai le la.
_________________
phualz
*Always do right. This will gratify some people and astonish the rest. - Mark Twain*

Sianpu
Site Admin
Joined:
Posts: 832
Location: East Zogam, Myanmar

Posted: Sat Oct 01, 2005 1:17 pm
Ka ciamnuih het loh in friendfinder or martimo??? Zomi Dating Site cih dan khong hih leh deih huai si e maw.
Hong hanciam dih un.

Mun tuam gam tuam a om Zomite ki tha lawp peuhmah ding hi.
_________________
Integrity on the Internet is who you are behind the screen when no one knows you.

phualva
Team Member
Joined:
Posts: 5816

Posted: Sat Oct 01, 2005 2:06 pm
a bawlnuam bang om zenzen leh phalna lak a ngai diam?
_________________
phualz
*Always do right. This will gratify some people and astonish the rest. - Mark Twain*

Sianpu
Site Admin
Joined:
Posts: 832
Location: East Zogam, Myanmar

Posted: Sat Oct 01, 2005 5:43 pm
Ki su veve hang ei lawm.
He he...

Na point thei pah lian ingh. Ih minam a ding leh gam a ding a sem zozo a hoih hi sa pah ingh.

Phalna zong pia pah hang ei leh. . . he he
Ki phallo cih hilo zaw in ki deih sak lua leh sep khop ding ut lua zaw sek ihih a a ngaihsun hi zaw ingh.

Na ci uh hi...

_________________
Integrity on the Internet is who you are behind the screen when no one knows you.

Gz
Site Admin
Joined:
Posts: 1711
Location: New Delhi

Posted: Sat Oct 01, 2005 7:52 pm
Huchi daan a chu site thak bawl ut ten phalna lak ngai tuan di hia? Tua zogamonline.com pen kha zogam.com kisiat ziak a bawl a hih toh kiton leh site merge di dan khong ngaituah ahi na chih ziak ua, admin dandeuh aki kihih na tung a theisak a a ki om louh ziak thu mai mai hi.

Huchi dan in chu site thak bawl khiat kipah huai hizaw hi.A proper channel i zuih lou hang in, hoih tak a na hon bawl uh ka hon deihsak hi.

Site thak kibawl ziak in Zogam.com a si tuan kei ding hi.Ka hon request ut ahih leh kou siam zou in fel zou kei uh leng le,site khong down sek mah leh...mohna teng kimaisak ni.
_________________
Doing what you like is freedom. Liking what you do is happiness.

Sianpu
Site Admin
Joined:
Posts: 832
Location: East Zogam, Myanmar

Posted: Sun Oct 02, 2005 2:34 pm
Hi mah ei, ko a makaih zaw deuhten a diakdiak in keimah nong mai sak nang leh nong telsiam na ding un kong thum nuam hi.

_________________
Integrity on the Internet is who you are behind the screen when no one knows you.

+++++++++++++++++++++++++++++++++++++++++++++++++++++++++++++++++++++++++++

==============================================================================

hiai thread tungtang zogam.com lama pan in mail a ki mu a, mail ka dawnna hiai ah kon post ding. hiai thread 1st post a zogam.com a limlakte copyright nei dan ua kilang i genkhak pen a software zat u'n default a copyright a na gelh ahihdan leh tua huai bawldik khin ahihddan uh kuapeuh in na theihna ding un

Dear Ginza,

Na mail ka na mu a, lamdang ka sa dek zozen hi. Thil omdan gen suk pah mai le.

14.4.2007 in Zogam.com gallery ka na ena, limlak ka ette ah (c)2007-ZOGAM.COM chih kigelh ka mu hi. Huaite lakah keima lim lak, net a ka koih khiak zogam.com in copyrights ana nei thei mawk ahi maw ka chih bang a om hi. Net a limlak ka koihkhiakte a utut in ana zat ding ua ka koih mah ahi a, ka it zenzen kei ( Lim zat ding phallou hiam, nou tunga lungkimlou hiam hileng direct in nou kiang a hon gen mai ding dan ka hi. Zogam.com a ka IP a ki ban khak lai in leng lungkim huai salou in nang kiang ah thil omdan ka hon dong chian pah hi) Ahihhangin kua hiamin huchibang limte copyright a na claim mawk pen kilawm kasa kei hi. Ka muhdanin kawlgam, manipur, mizoram leh mun tuamtuama om Zomite' copyright toh kisai a theilua ki hilou a ka ngaih manin copyright tungtang forum discussion khat omleh hoih ding chi in thread khat ka na pan pah ngal hi ( Zogam.com a le copyright lam thread khat ana omkhin ahi chih a khonungin ka thei).

Ke'n le copyright law chiangtakin ka theikei a, google khonga zon mai theih himahleh forum a houlimna danin paileh atheite'n hon gen ding ua Zomite a dinga phatuam ding chih ka lamet man ahi zaw. A bulpatna dingin copyright bangchi neihding hiam chih lamin ka pana, dena kilawm kasa kei ka chihpen a genchiangna ding in ka zang mah hi.

Tuin na mail a na gelhte hon dawng ning.

It has come to our notice that you have started a topic that could malign the image of zogam.com and I am sure that wouldn't be your intention.

Ka gensa bangin huaini ka mita ka muh khit pheta thread pan ngal ka hi a, Zogam.com suk minsiat sawmna ahi kei chih ana thei le chin deihhuai kasa hi. Ka muhte in copyright lam discussion nei le hoih dinga ngaihdan hon piak ziaka thread pan mah ka hi.

you have posted something which was already being rectified and an explanation given. Please remove the thread or rectify/edit the thread as soon as possible. For verification please check this link http://www.zogam.com/index.php?option=c ... 44#msg7444

A tunga na link piak ka na ena, na bawldik nung ua ke'n zogamonline a na post teitei lai dan a hon ngoh na bang hi. A nuaia na gelh date leh time na en le chin:

Re: Internet Copyrights: Is it possible?
Ã‚Â« Reply #13 on: May 15, 2007, 11:31:58 PM Ã‚Â»
________________________________________
Changes made from (C) 2007 ZOGAM.COM ----------> 2007 ZOGAM.COM
the (C) is removed.

Zogam.com gallery a limlak a Ã‚Â© 2007 ZOGAM.COM kichite kha 2007 ZOGAM.COM chi a na khek ahihlam 15.5.2007, 11:31:58PM in na hon gelh a, 14.4.2007 a thread ka pat lai in huaini maha Zogam.com gallery a ka mita ka muh ngeite gen ka hi ka chi khin. Hiai ka gelh lain a zingchiang 15.5.2007 a na edit/bawldik ding lam ka na theikhol kei hi. 14.5.2007 a thread pana zogamonline a gentehna a ka zat pen na mukha a hon pompih leh copyright na claimte uh kilawmlou sa a na bawldik pah hizaw lechin kilawm kasa zaw hi.

Tuin link na piakte ka na ena, thil omdan kana theita hi.

Quote from: wolverine on May 15, 2007, 11:07:35 PM
A hih ziak in huai mundang a i lak sawn te chu Ã‚Â© zogam.com i va chi thei kei di.

Hiai pen kha Photo Gallery a software i zat Rsgallery te'n default in ana koih khaak ziak ua om kha ahi. Tu'n a ki bawl dik ta. Admin te fellouh ahi. SOrry for inconvenience

A tunga kigelh apan in na software zat u'n gallery a limlak teng default a copyright hon claim sak hidanin na gena, na bawldiktak thu leh adminte fellou ahih na admit hi. Zogamonline a copyright tungtang a thread pen ana remove hiam, rectify/edit dingin na hon chi a, huai sangin huai thread a gentehna a kizang zogam.com in copyright nei dana a gelhte uh a software zat un default a ana koih khak ziak ahi lel chih leh tuin nana bawldik khinta uh chih kuapeuh in a theihna ding un hiai ka mail copy huai thread ah ka na post zaw mai ding.

Please let us know after the necessary action is taken.

Huchi hileh necessary action taken a tuama hon hilh ngaihlou a na na pom theih ka lamen hi.

Deihsakna toh,
phualva

True Legends Never Die a chi uh 'ka

phualva

Founder

Posts: 17450

Joined: Thu Sep 22, 2005 5:30 am

INKUANS

2011-04-17T18:13:00.003+05:30

A BUKIM SAK NANG IN CHI NI

2011-04-17T17:25:00.002+05:30

LAMKA ZIN THU

2011-04-17T15:25:00.002+05:30

Inlam pailouhna sawtsimta chia 2010 December kha-a inlam pai ka sawm thu ka pu ka hilh leh suti (leave) ni 7 sanga tamzaw hon petheilou ding a chihman inlam pai ka sawm ka genkhe ngam kholkei a ticket leng ka book ngam kei nilouh hi. Api bang lah a teek lam, naupangte toh a kimuhlouhna uh le sawtsimta ahihmanin pu in ni 7 chi mahleh suti ni 15 ngetna ka thehlut thou hi. Pu pen buai den, zin den ahihmanin ka suti hon sanction pah kei-a, ke’n le phone khonga remind nuam tuanlou in ka ngak thoh ringot mai hi. Gintak sanga hon sanction hakzaw ahihmanin naupangte’n tukum kumtawp program chiangzaw a hon dot chiang bang un dawn ginat theihlouh simin a hong om maimah hi.

TICKET BOOKING. Atawpa controlling office Human Resources Department ka phone chiangin a khoihtute om lem ngeilouin ka houpih pah thei keia, ni nih, ni thum bang hong kivei khit chiangin ka houpih thei khonga pu kianga put up khin ahihdan uh hon hilh uhi. Dec 22 lak a pu khualzin a hongtun phetin ka phone a ticket ka lak dek dan, ka zin a kuldan khong hoihtaka ka hilh leh hon lemsakpihta hi. Ka suti nget 24 December 2010 a kipan a 7 January 2011 tan hiven, 24 ni a ding lenna ticket ka etleh a om nawn keia, a Krismas neilou pawl ki hiven chia 25 ni a ding ka et nawn leh a om tuan kei hi. December 26 ading bel ana omlai a, ka inkuan ua Imphal a paina ding ka lata hi. Abanlam pen January 4, 2011 a Imphal apan Dimapur ahi nawna, mi zinlouh laitak ahihmanin ticket le a kiman deuhte a om vanglak a hih fuh ka kisa sim hi. Huchi in suti lakkhit nung 24 leh 25 December Silchar a omkha ding in ka omta hi.

PA MANG-TE KHAKNA. Suti nunga pailou a om mawk suti pammaih sim abanga, ka ute’n le annekpih khong ut uh ahihmanin 24 December 2010 in Pa Mang-te khakna neih ka sawmta uhi. Pa Mang-te bel Silchar a Salvation Army-te Orphanage enkoltu ahi ua, SA a a rank uh le ka thei chian nawn kei. Amunpi uh, Aizawl a Temple te’n Siliguri a SA School enkol ding a a suan uh, January 13, 2011 chianga Silchar nuse ding dan ahi uhi. Amun leh van kichinna pen suak ahihmanin amau inn mah ah nek bawlin Silchar a eimi om sun teng pai khawm ding ka chih uh himahleh Jiribam lam a Masi zanga pai pawl om ahih tuak ua, tawmchik himahle ung ka kim zou kei uhi. Ani sintawpni ahihmanin Muslimte bawngsa in ka bawl uhi. Advance Krismas a chih uh houh hileh kilawm abang dek zozen hi. Ami a kitawm banah office kai pawl bang ki om ahihmanin leh amah Pa Mang pen sa huan siam dinga gingta mahleng a huan a va zat hial ding kilawm salou in kei bawngsa huanin ka panga, gintak sanga huansiam thou houh ka hi diam ah lim a sak thu uh a gen souhsouh uhi. Atak uh a diam, Paite anne meh lim a sak u leh dai dide uh ahi a chih uh kana ngaihtuah kha keia, a nek lai uh ka na enkha kei hi.

IA LENNA CANCEL. Pa Mang-te inn a annek khit nitak inn a ka pai nung un Indian Airlines, Delhi apan hon phone ua, 26 Dec chiangin Imphal flight a pai kei ding chih hon hilh uhi. Thil omdan dotchian ka sawm leh phone network hoihlouh in hong kitat pah-a, hon phone na number a ka sap kik chiangin mihingin la louin, a kikhumsa aw khatin number dang mek dinga hon ban sawl ahihmanin ka tawpsan mai hi. 26 ni a Sumo hire a pai ding ka chih chiang un lah Sumo servicete’n lampi a check gate tam, Imphal nitaklam dak 5 khonga ki tungzou pan ding a chi ua, Lamka tan paisuak dia i dawp chiangin lah huailam pai driverte’n suti la vek uh, hitheilou ding a chi zel uhi. Hithei ding hilele, Masi ni hi nawn kei mahleh a sawng lai a Pathianni ahihmanin 2005 kum hiam a Rih Dil a hoh khin Masi ni a Champhai pan a Aizawl ka pai uleh lampi a nek ding le kimuzoulou sim ahih theilai ka hihmanin ka min zou tuan kei hi.

25 ni-in Silchar ah dawr a kihong thou a, Indian Airlines City Office leng kihong hiven, ka tangvalpa u toh ticket refund dingdan ka va ngaihtuah u leh net a booking na hihman un refund hitheilou ding, na bank account ua a refund sum hong lut nawn mai ding ahi hon chihsan ua, bangmah va gentam theih a om vak kei. Bangteng hileh ka ticket uh a nihin a PNR No. ka pia ua, hon na process sak ding ahihdan uh a gen ua, ka paisanta uhi.

NE SHUTTLE. Inlam pai sawmta lakloh, pailouh lah utlou, suti lah ni 15 kia ahihmanin hih ding dandan hih fel zungzung uthuai mahleh ei utthu a hih fel theih ahi khol kei hi. Silchar to Imphal via Guwahati/Agartala khong enkual mahleng alem a om tuan kei a Jiribam Road a pai ding Sumo peuh ka dawp kual nawn zel uhi. Aizawl a om kanau in NE Shuttle-te pi (madam) khat phone number hon pia a, ka houpihleh Delhi ah ka zina, ka local staffte uh kon houpihsak pah ding hon chi hi. Kuamahin lah hon houpih lou ahihmanin a zingin amah ka phone kik a, 24^th leh 25^th Holiday a khah uleh, staffte’n a mobile uh mekmit vek ahih dan u leh aman le Guwahati office kia ka houpih thei, atawpa Silchar a khat inn number a phone thei khong ahihdan hon gena, huaipa’n hon contact lou ahiam chih khong hon dongin a kisuanlah thu a gen hi. Api uh kianga ahimhimin seat a om thei ding hiam chia ka dot leh om ding hi a chia, a’leh na hon block sak thei diam chia ka dot chiangin ko’n na block sak ding chi ahihmanin huai ngakin ka om phot ua, Sumo lam ka ngaihsak nawn kei hi.

PAI DING. Huchia NE Shuttle a pai ding dan a ka om hang un ticket i khuta om lah hilou, a pai hun ding le chianglou, NE Shuttle-te lah contact theih ding omlou, a pi uh va phone zihzeh ding lah hilou, omdan anop kei sim hi. Api un pai ding ni zing dak 8 khonga a staffte un hon contact ding, a hun leh bangkim hon hilh ding uh a chihsa ahi a. Masi ni a travel agent tuamtuam a ka kanna apan a pai hun zinglam dak 10:30 lak hi dinga ngaihdan ka neihsa khat a om a, dak 8 in hon contact le uh, airport delhna ding toh hun a kidaih de aw ka chihsim nilouh lai hi. Naupangte’n “Pa, ei bang chik chia pai ding, banga pai ding” a hon chih chiang un “ Zing chiangin. NE Shuttle ah” bel ka chi thou hi. Travel agent khatin ticket thum om ding, a afare mi khat a Rs3500 a hon chihsa, kou lah mi li ka hihman ua ka laklouh ahi hi. Nitaklam NE Shuttle-te pi toh ka ki houlem ma deuh un travel agent-te’n hon phone nawn in ticket li om ding, mi khata Rs4000/- hon chi ua, sun a Rs3500/- dinga i gensa hilou maw chia utlou ka chihsan ahi nawn hi.

A zing chiang, 26 December zingkal dak 8 ginma deuha NE Shuttle-te toh ka kihou chiang un seat 3 kia om thei ding a chi zel ua, na pi un ticket 4 kon na block sak ding a chih ziaka via Guwahati hiam Sumo hiam ngaihtuahloua nou a a kinga ka hi khong chi in a phulin ka phul ngala, a pi uh ka houpih nawn chiangin kei a muna omlou ka hih chiangin hihtheih ka neikei chi in a khut hon sil santa zel hi.

KINGFISHER LAM AH. Huchi ahihleh chi’n kintakin Indian Airlines a sem Lungthau sap, Lengpui Airport a Station Manager lui, tua Kumbirgram a omta, ka phone ngala mi khat a ding hon ngaihtuah sakin ka chih leh a lampi omlou ahihdan hon hilh a (Indian Airlines lenna ki cancel), nou a muna om huaia Kingfisher-te khong le meltheih ding hive u chin ka chitou zela. Phone a ka zakphak mahin Kingfisherte khat hon donga, “Khat chiah om. Ka issue sak ngal diam? Dakkal kimkhatin na hong tung zou di uam?” chia hon dot chiangin ka tung ngap chiah kei zel hi.

Kinohtak a gamtat hi gimhuai kasa a ahihtheih liai leh ka utlam ahi kei. Bangteng hileh Airport a va pai himhim ding, NE Shuttle a pai a mun-a va tum lai ding. A ma nitaka travel agentte’n seat 4 om chi ua, a pi unle om chi, tua 3 a chih uh bang trick hiam hon zatkhum hi un teh ka chisim lai hi. A zannitak a Airport zuan ding zing dak 8 a kipan khe ding a taxi ka houpihsa uh ahia, Taxipute leng a hunma deuhin hong ki report pah uhi. Ka kipan khia ua Silchar khua ka pelhma un Airport a NE Shuttle-te’n hon phone ua, Hong pai le u chin seat 4 a om thei ding hon chi uhi.

Kipan khesa hi napi “Aw k’ong kipan ngal ding uh” ka chi mai a, lungmuang takin airport lam ka zuanta uhi. Airport-a a counter ua ticket ka va lak dek chiang un seat 3 kia om ana chi zel ua, dena 4 om, hong pai un na hon chih uh hilou maw. Bang dia hon hichi khem na hi ua peuh ka chih leh, a hong kidong tuah ua, ka mobile a hon phone na number u leh a dak khong ensak mah leng amau phone number ahihbel a nial kei ua himahleh a hon phone-tu ding a kimu kei zel uhi. Additional flight a omleh huai ah na pai mai ding uh ana ngak un hon chi uhi. A om ding ana ngak un chih le hiloua, a om leh chih ahihmanin omkei leh airport kong paiman uh taxi fare uh non leh di uhia leh ka chih chiangin kon leh ding uh hon chi uhi.

Huchia ka ki dawpdawp kawm un koikoi hiam bang phone a ngaia, zun bang kea va tha ua, huchih sungin hun tampi ana bei man hi. Inteeknu’n bel airport ka tun tung ua pan khat a ding Kingfisher lak mai ding a chihsa ahi a, aman tousim ahihmanin ka utpih keia, a ki paitheih kei leh motor a Shillong lama taisuk mai ding, Lamka lam pen thulh ahih lele thulh mai ding ka chi lungsimta hi.

Atawpin ka lawmnu kiangah aleh Kingfisher Counter ah va pai inla, ticket a omlai leh phone in hon hilh ngalin, ke’n hiai NE Shuttle a seat 3 kana book ngal ding chin ka sawla. Om hileh kua mina Kingfisher ticket la ding na chia ka dotleh nang minin a kei dia a hon chia, OK ka chi mai hi. Kingfisher counter ana khak khinta ua, inteeknu’n ava kiuh leh ana hon pah vanglak ua, zingkala Lungthau in kei min-a booking ana bawlsak a system ua omsa ana om ahihtuaka, huai hon print khe pah ua Rs5000+ in a hon lata hi.

TICKET NEITA. Ticket lakkhit a ka kimuhtuah nawn chiangun Kingfisher lamte’n: “ Va lutzok un”, chin hon nohta ua, airport konga SBI ATM a tailut zok, kintaka ka mek ziahziah leh a sum hong pawt tawm mahmah mawk, bang chidan a chia ka etleh vungvung leh ka geia inteeknu’n:

“Zero khat na koihtawm a eivoi. Na gelhlai ka mu. Imphal Airport ah hih nawn mai in” hon chi hi.

“Aleh” chia pawtkhia in ka van uh hawl kawma Airport a kintaka ka lut uleh Pu Lungthau in hon na mupaha, hon noh thethu in “Na family ken kana buaipih na ding” a chi a. Kei van puak dingte tawi in ka lawite ka taisan maia, Kingfisher counter a checkin khin security ah paisuak in boarding deka mi ana ki linete lak ah ka ding phei ngal hi. Lenna sung ah ka lutsuak ngal ua, tutna a vual masa ka tang kha hi. A vual masa a ka tut leh Kingfisherte nungak puansan silh khat toh ka ki nai mahmah ua, ama lam i hoi khak chiangin a niksing ahihmanin a phei ngou henhon va etsak sek hon sak ding ka lau sima, ahithei tanin etlouh ka sawm hi.

Kare! Vual masa a i tuan leh 1995 lak vela ka pu khat toh IA a Silchar to Imphal ka len khop lai bang uh ki phawk zozen. Mun khenkhata ka genkhaksa himahleh kon gen nawn vanglak ding. Ka pu Kolkata lamte, family nusia a amah kia Silchar a hong om ahihmanin a inluahna geia Indian Airlines staff quarter a Kolkata lam Bengalite tampi toh hong kithei kha-in a mess uh bang a va join hi. Huaini passenger laka VIP omlou ahi dinga, checkin lai apanin seat hoihpen hon pepah ua Air Hostess-te bangin le kou putu a mavual a tute ka lut ua pan hon duat deuhse in VIP lua dan khatin ka omkha mawk uhi.

Huchih chiangin pu bang nervous sim, lah nuamsa sim a hong lai dek sim mai hi-in ka thei hi. Silchar leh Imphal kikal hi hun tam lutlou a nuam huntawk kasak lel na ahi a, a khen chiangin sweets takngial le hawm manlou sim sek uhi. Silchar apan lengkhia, lenna kal sangtou, Seat Belt sign hong ki off a hon puan khit chiang un pu le Airhostess te leh kei muh dinga VIP deuh hong ki show off utpian hi-in ka thei hi. Tunglama mektheih theih hon mekin Airhostess khat hon samdoka, dawn ding tui nou khat a nget leh lenna bohnuam a lengniam suk manta ahihmanin tui ki piaktheihna ding hi nawnlou hi. Imphal i bohdekta ua, i tukfel khit chiang un kon pe ding aw hong chi thak hi. Lenna in hon bohfel khit chiangin Airhostess nu a sari toh hong pai bakbakin pu tui a hong pia a, aman le dawn va dawn nawnlouh di lah hilou ahih chiangin nuamsa chiahlou in a dawn liakliak phet hi.

Pu toh ka tuanlai uh mah bangin tutung le a hong kilamsang a hoihtaka a hong len khit nung sawtlou in Imphal bohpahta ding i hi uh chih hon puang mahle uh bawhpah louin sawtpi hon velh pih nilouh ua dakkal kimkhat sanga tam zaw a lut hi. Atawp in ka bohta ua, lenna a pawt kawmin NE Shuttle a tungta hiam chih enin airport ka dakkual paha, himahleh lenna neu muh ding ana om nai kei hi.

Huchi in inkuanpihte nusia in kei kana pai masa kha a, U Thangzagin chiamnuih thutak gensek bang phawkin a om zozen hi. Aman chu inkuan kim a paina kibanga pai hetlouh ding, lenna a pai i omleh khat beek gari a pai sak ding ahi a chi sek hi. Inkuan khat lenna in paivek le accident bang om zenzen leh khat bek suakta ding chih dan ahi a, ka flight uh kibanglou ahih chiangin ama chihdan hi chiah kei mahleh ahih khakna a om thou kasa hi.

TULIHAL AIRPORT AH. Airport sunga ka cabin baggage hong pawt ka lakkhiak khit phetin zun khong va tha in ka kuva bawm hongin kuva ka hai kawmin inkuante ka na ngakta hi. A phone ua ka sap chiangin a ki mekmit veka, Silchar apan a hong kipankheta, lenna sunga om ahih uh a chiang hi. Lawmpa R. Sanga phone in Imphal tungkhin ka hihdan leh Lamka lam pai ding gari lem ka poimoh ding dan uh ka hilh leh amah Pa Thangzamang tapate kitenna a va tel, a tapate airport a hon sawl ding ahihdan hon hilh hi. Minute 10 le a ching diam ka na ngak nungin Tulihal Aiprport ah ka inkuan un ka kimta ua, ka vante uh lakhia a kong lama ka pawt u leh agang Sanga tapa nihte Bolero in airport huangsung a hong tailut pah ua, a neupen bang apa toh kibang chiahchiah hi in ka mu a theihlouh ding vual ahi kei.

HIAI TAN AH. Hiai tan ah, a diakin Tulihal Airport a ka inkuante a hong tun kim tak chiang un ka ngaihtuahna ah thil khat a hong lut hi. Khualzin i chih, khat kia i zen dek chiang le hithou, a diakin inkuan a zin khiak hi a baihlam het kei. Ngaihtuah ding le a tam mahmah. A sum sen banah i omdan pangngai nusia, i bangkim, i comfort zone apan paikhiak ngai, i paina ding lam bangah le adiakin phalbi lai a inkuan a lupna ding, zanpuan tanpha ngaihtuah leh plan bawl a zinkhiak taktak khong nuam ziahziah gige khollou a phut teitei leh risk lak a ngaih hun khong om hi. I geel banga lamzang taka i pai theihlouh chiang bangin a hoihlou ding khat hi’n teh chia tawpsan pah ding hia ahihkeileh lampi omom dap teitei ding chih khong a hun leh a mun a decision lak buaihuai dekdek thei himahleh i va zinkhiak teitei a damtaka ma i sawn theih chiangin lah nopna thak(new) khat a hong om zel hi.

Lamka tung nailou i hih manin gelh lai ding hi hang. Lamka tun nung thil houh gen masa phot le. Lamka a ka tam lai un ka tangvalpa un a U Biakdik’ laptop a MS Office 2010 a muh chiangin koua a le install ding a gengen a, atawpin “Install ve leh” ka chi-a, a install ta hi. Huai Word 2010 zanga Lamka Zin Thu kon gelh chiangin eipau a ngeih khol kei abanga, ka kithuahthei kholkei sim uhi. Auto correct function in i gelh louh pipi bang hon gelhsak mawka, kei chih bang i gelh chiangin key hon suak saka, ni chih bang in, ki chih bang Ki, ka chih bang kea, hong chih Hong etc hon suah mawk hi. Huchidan, ama thu a ahon gelh khenkhatte eipau a bawldik haksa mahmah pawl om mawk hi. Auto correct a kithunsate khek ding ka chihleh lah a omna le ka mu zou mai kei zomah a. MS Word chu 2000 apan 2003 tan khong zat nop ka sa lel a, 2007 khong bang le buaihuai chia ka zatnop khollouh sim ahi. A zangsiamte a dingin bel a awlsam zaw tampi om mah in teh. I khualzinna lam ah kik nawnta ni le. Koitan le tungta i hia le..

A INN UAH. Tangvalte’n a inn uah hon tonpih ua, Airport kiang nai chik a om ana hih manin a ka tung pah uhi. A nu-le-pa moulawm le inn ana tungkhin ua, chibai khong kibukin singpi limtak hon dawnsak kawm un ka houlim tui mahmah ua, giak dingin hon khou mahle uh ka hun uh tomchik ahihmanin ka nial mai uh ngaita hi. Pai dingdan khong kon gen chiang un Lamka a ka U Son in hon phone a, “Thoubal ah bandh a om chihthu a kiza a, na hong pai ma un hon kanchiang un” a chih manin a gang Sanga ka kansak leh bandh bel om mah hihtuak. Policete’n kua hiam a mat ziak ua, localte’n bandh call dan ahih tuak uhi. “Manipur hi chu aw..” lungsimin a chi pah mai a. Ahihhangin a pumpelh a om a chi ua, huai lama pai ding danin ka ki koih pah uhi.

ATM MAH. Silchar Airport ATM vai pen sutzop hong ngaita hiven. Huailai Lamka a ATM omlou a diam ah, kum bangzah hiam paita in Lamka apan Imphal a ATM zang dia ka va zing kuan uleh nitum a ki line, nitaklam dak 4 khongin ka lakhe theipan uhi. Ei a bangmah theilou in Impahl a bangbang hiam khong ne zek phot lai ding i chih sim leh, ka hohpih ka U Hang a hong kin simta hi. Huailai in nitaklam dak 4 nung banga kuamah pai nuam nawn khollou dan ana hih tuaka. Huai khong theilai leh Lamka a ATM/Bank a sum lakkhiak a haksat dan net khonga kisim khakha ahihman a Manipur lutma a tam sung daih ding lakkhiat sawm kichi dan ka hi zen sam hi.

Lengpui Airport banga le ATM om buang ahih chiangin Tulihal ah om mahmah in teh i chihleh ana omkei a. Bangteng hileh ATM zatna ah bel Lamka sangin Imphal a dan omzaw himhim in teh chi lungsimin lawmpa kianga “Na hong khak kawmin ATM omna khat ah hon paipih leteh” ka chihleh “Sawtpi khong ngak netnot ngai kha di hiveh aw” chi in amau kollai hon offer zaw a. Ke’n le lemtang sa in ka lapah a, ka lak zah ama account ah net banking in ka transfer ngal hi. Gintak sangin Tata Indicom-te photon Imphal ah ana hat mahmah vanglaka, “Lamka ah le hat sim thou nalou di hia” ka chi lungsim pah hi.

WINGER. Ka mansiang tak un lawmpa’n a Bolero in hong kha a, kelkong ka kan ma un a compound ua Lemon Grass khong en photin ka taikhia uhi. Gandhi Avenue hia, lam ah hon paipih a, mun khat ah Winger, Sourabhee Indian Idol in a donte kha, ana oma. Lamka lam pai ding a ka dawp uleh 800 in a ut pah-a, Thoubal bandh a chih uh ka dot chiang un a beita a chih manin huai a tuang in lawmpa toh kikhenin ka paitouta uhi. Kum tampi nunga inkuante toh Imphal apan Lamka i delhtouh ziak a diam ah, ana hoihta mah le a diam ah lampi bang le nuam mahmah hanhan abang pah hi.

Moirang singzu a chih uh sungte neksak himhim ut kea hihmanin huai ah singzu leia ka khol uleh comanandote hia, sepaihte’n ka gari uh lamgei a ding pen paikhe zok dinga hong nohnoh mawk uh ahihmanun singzu zuaknu in sum hon leh man hamham hi. Ka paitou zel ua, Khomawi kim lak Thadou khua khat ah ka tuanna motor uh a tyre hong puakkham a, driver pan bawl sawma a hekkhiak ka tapa-pa’n ava panpih leh a khut ningawp silsiang a ut manin pawlpan tyre dang ana bulh kalin inn khat a va lut zokin khutsil na ding tui ka va ngen uhi. Buailai khong hileh zaw, va ki lutngam teuhlou di hia chih khong ngaihtuah khemkhemin a om aka.

LAMKA TUNG. Lamka tung i chihleh Upper Lamka chihna ding bang dek zozen a. Ka tun uh dak bangzah chiah le ahi diam ah, ka chiamteh kha kholkei a. Inn ah ka naute uh - a Khasi lamte bang a na om ua, ka pawl ching mahmah uhi. Hun tam kineilou, kivehtuahna le haksa ahih manin kimuh, kithuahkhawmna himai ding chi’n ka tunni’ zingchiang in inkuan annekkhawmna ka nei uhi. Huai vaia buai tuanvaite lak khonga oma ka laitakun in Keuhthangin hon na phone ahi dinga, ka mobile insunga koiha tawi khalou ka hihmanin ka tangvalpa un ana houpih hih tuak hi. Ka omna a hong pai in “Keuhthangin hon phone a, na boss pan hon call heh a chi, ana chi in a chi ve” hong chi hi. Ken le Keuhpu ka phone diak keia, a zing chiang hiamin sun lai-in ka ki phone uhi. Kimuh dingdan ka gen ua, nitak a dingin ka ki hou lem uhi.

A nung sawtlou a ka ngaihtuah thak leh huaini hih ding poimoh lua neilou, ka man nipen le hi zaw kha dingin ka gingta thaka amah inlam ana tungbaih zaw, khotual zaw ding banah Delhi hikei lele bike khong bangle zattheih nei dia gingta ka hihmanin Keuhpu call nawnin “Tu-in hong pai mai-in” ka chi thak hi. A Black Dog puak mehpih ding ana bazar khin ahihdan hiam khat a gen numnum a, inn omna khong ka kihilh ua, hong pai ngal ding ahihdan hon gen hi.

KEUHPU TOH LIVE. A lawmpa a chi hia a naute a chi hia khat hon thuai in a hong tung pah ua, gate polam apan hon phone ahihmanin in ka va pawtkhia a, Keuhpu a jacket nuai-a a t-shirt a green pen a silh ka mu a, a mel theilou bang hi leng le a t-shirt apan ka thei pah gal hi. A live a i muh hial leh a mel bang Delhi gimnam chih mahtak, san henhon in hoih ten hi. Sepaih kila ding hileh a dinlam ah a ching diam chih bel ka thei kei, a dang chu a chinlouhna ding ka thei key hi. Inlama tomchik a tamsung in le Lamka nungakte pei lungam zou mahmah dingin ka gingta a, Delhi a paisuk chiang bangin ticket nih a lak a ngaih mai ka gingta gu sim pah hi. Singpi ka na dawnsak zou hamham hi-in ka thei.

Inlamte’n ZOL Meet neile chi uh ahi chih khong leh Scott in le hon munuam lua chi ahi chih khong hon gena, kimuhkhawmna neih hoih kasak thu uh kea genkhawm uhi. Mi bangzah, koia hih ding, bangzah sen ngai ding chih a hisap-kitap khong hon bawlphota hon theisak kik dingin Keuhpu kiangah ka gen a, huchi in ka kikhenta uhi. Huai nung ka kithuzak mang kei ua, kumthak ni hiamin “3^rd January, 3pm @ Saulim, mi 18 khong, arrangement bangkim Townbus, Zobawm leh Chardpu khut ah ka koih” chih hon hilh hi. Ken ka na gintak guk danin bel Scott-te inn hiam, kuate inn hiam a arrangement hon bawl ding un, Um’ sathu meh bawl khong bang le ki nekha thei ding chih khong ahi a, kei ngaihsutna sangin pawlte ana CHK zaw tham uhi.

III

Kumthak lai khong in Lamka ah om mahleng kumthak lopna koimah ah bel ka telkha kei. Himahleh nidang lai khong mah bangin thawnsau zanga lenkhawm, lasakna leh kumtak zatna program khong ki khah ziahziah zak ding a omlai hi. Vaigam khong ah Muslimte phalvak a Mecca lam nga a thum ahi ua, kap ahi ua, lasa hi zaw uh chih le theihlouh ding khopa thawnsau zang bengseng a bawlte uh ning mahle dohthei taka ngaih a ngai mai sek hi. Huchibang deuhin ei pawlin le khotang zak dinga thawnsau a ging khahkhiak i thangsak mahmah lai ua, dohthei taka ngaih ngai lai ding abang hi. Mizoram bang ah leng vengsung a ki zaksak ding leh puan ding khempeuh thawnsau zang in a puang ziahziah mai lai ua lehlam ah a lem phian abatna khat a om vanglak hi.

KUMTHAK 2011. Nidanga ka phawk ngeilouh, ka inn ua pan gamlalou chik ah EBC biakin khat ana om hiven, kumthak lai vel-in huai apanin zingkal tengin mike (mike i chihsek uh mic, microphone apan ahi ngut hia?) ah la hon khah sek ua, a la khahte uh Mizoram a Fakte-a te crusade laia a sak gige uh khat a la min keima theihdia “Tihdam Kan Nita” ka chih mai pen leh Buangliankung la khong Paite paua kiletkhia ahi deuh gige a, Paite-te laphuah lam ah masawn khollou leh la a kitoudelh lou deuh houh a hi di ua aw chih khong hon ngaihtuah sak sim hi.

Mi kumthak lawma banghiam a batlai un misual.ocom khonga Lamka min tungtang genna a kinialna, unau Hmar lamte’n L.Keivom laibu pansan ahi peuhmah ding ua, Tuihthraphai ahi chi in nasa takin a gelh ua, Lamka ahi chi pawl toh a kinial ekek ngei uhi. Mizo pau siam tam zaw houh a di uam, Tuithraphai chite gelh a tam zaw sim abang hileh kilawm ka simkhak bang ka phawk a. Huai kinialna a khatin Paite-te a kouna ka simkhak, a la Hit teng uh Hmar la ahihkeileh Tedim la chihdan pian a om in ka thei a, huai khong hon phawk sak hial hi.

Huai i chih leh 1979 kum hiam, 1980 kum hiam a Chapel Lane, Lamka a Phamsa Pu Lianzamang Guite inn, tua gang Chinkhokamte a hita ka luah lai un ka U Lian a hong paia (Shillong apan), Lamka a aom sungin Agape I cassette hon leia, gang CKK-te tape a hon play uh kazak leh a la lah eila mah hi, a music lah sapte a toh kibang chi in, hoih kasa mahmaha, ka ngaih khiak chiangin kipahpih lua in ka nuk bang a ulh thei dek mawkmawk seek hi. Agape casstette aban series leh huailai a kawlgam lam apan cassette hong suakthakte miss ka nei mang kei ding, a late bang le ka baihaat a tam zaw ding. E’n a cassette leh a tape (cassette player) leina ding neikei lele ki lunglut ahih chiangin ngaihtheih dingdan lampi zondan bel kithei mahmah lel hi.

Lawmpa Dongkhoson toh a inkongpa uh, Pu Anthony (Aizawl a tun nunga) Goihzathang (RIP) kava tlon sek ua, casset thak a om chiangin a hoih dan khong ka va genpih nilouh chiang un aman hon lei zela ka ngai ziahziah sek uhi. The Blue Hills chih cassette pen ahihleh ka deihbangin ka ngaikha thei kei, a copy lei ding le kimu zoulou hi. Hiai ka hon genna ziak ahihleh, Zomi huchi tela i genma tham apanin Tedim leh Paite pen a kibang danin na ki pom na ki koih mai hi. Dr. Kamkhenthang bangin le “India ah Paite i hi a, Chin State ah Tedim i hi” chi khongin ana gelh sek hi. Kawlgam lamte ngaihdan zaw ka thei kei, himahleh India (Manipur leh Mizoram) suak Tedim kampau zangte’ laka khenkhatin pomlou uh ahihdan tulai net/facebook khong ah leng sim khak zauhzuah ding a om sek hi. Abang abang hitaleh Lamka zaanga laphuaksiamte leh music tumsiamte’n nna hau mahmah ding dan uh ahi ve chihphet in a om aka. Hiai toh kisai in lai lam ah le gen lut theih tampi a omkha ding.

Nam makaite’n nam khat i hi chi a, maban khualna lai lam a masawnna ding, laibu khong i bawl chiang banga circulation tamseem dinga laibu bawlte a dinga leng meetna om leh phatuam ding a deihna un Kawlgam hi’n India hileh nasa taka a kikup nung un laimal, laigelhdan kibang neihna dingin Moreh Resolution ana bawl uh hih tuak hi. Ahihhang tuni in kuamah in huai phawklou leh zui tuanlou abang zel hi.

Hiai khong a phawklou/a pomlou pawl a koilam a koilam ah om mah hihtuak zel hi. India a Paite kampau lam ah “Bangdia Tedim lai va zui ding, Paite laimal a om vele” chi pawl a om a, PLS leh PAL chih bang ki neihloh hial abang hi. India a Tedim pau zangte lakah “A lai uh a puahpuah u leh Tedim lai suak” chi a deuhsoh taka gen nuam bang oma, Paite pau zangte lakah lah i Bible thak khat uh “Hiai Paite Bible ahi sama, Chin Bible ei vele” chi pawl bang le om zel. Hiai a Chin i hon chih chiangin gen beh ding hong om zel abang ka chi.

Zomi i kichihma 1960 kum pek in kigawmna min dingin Chin chih kizanga PNC bangin le Jawaharlal Nehru, India Prime Minister kiang ah Chin Reunification Memorandum ana khe dup mai sam hi. Huai lai in Kawlgam lamte’n polam mite honsapna mah na pom i chi diam, Chin ana kichi ua, a state uh min bang le Chin State mah ana hihna ah, India lam ah leng a kuapeuh in Chin mah na pom leh ana kizang hih tuak hi. Kigawmna min dinga le Chin mah lempen ana hi ngei ding hi. Huchia Chin a ki pomtheih lai in le Lamka lakah Chin diak a ana kingai le om ahi diam, CBA, CSA chih dan a Chin min pua a kivohna pawl khong a hong piang zel hi. Ahihkeileh Paite a ana sang nuamlou, ana pom nuamlou pawl om ahi zaw hia leh.. Bangteng hileh tua Zomi chita hive hangin, hunlui lam zaw nuse zawta ni in hun hong pai zel ding ah banglam manoh in i hong pai tou di uam, ana et phot mai ding hi’n teh.

Nam hihna kip leh kichian nei nailou stage a omlai, min bang kikhek khek theilai, kiptaka om nailou i hi chih di ahi zaw diam ah. Zomi i hon chih chiangin le Zomi sangin Zo hizaw chitou pawl i om lai zel hi. Mipil khenkhat in lah mun tuamtuam a sorkal hon theihdan leh hon record dan lamkhang a va paih mawk theih hipahlou ahihlam khong phawklou in Zomi i kichihleh Paite chih khong nutsiat a taihsan mai ding in deih thepthup nawn uhi. Ki deihkhop sim mahle min khonga buai a buai nilouh lai, thildang sai manlou a min khong buaipih huntawk lel nam i hi chih zawk ding a diam, thei khang e. Kawlgam hi’n vaigam hileh i Laisiangthou a laibu min leh mihing minte bang le tuni tanin kikhek khek lai mawk hi.

THU GINA gelh le hilou khat chi a ana ning pawl bang le zaw om kha mai thei. Gelhta vanglak, gelh suk lailai ding hi hang. Kumthak thawnsau leh a kaihnoih i gen leh koi lamlam hiam i tungkha a, tu-in tutung Lamka a ka tam sung vak tam manlou leh kuamah toh le kipawl khol kei mah leng ka zakkhak, ka muhkhak khenkhat leh a kaihnoih ka utut kon ban gen zual zek ding. A kizom e, a chronological e, abang e chih om tuanlou a tuahna khakna na hon gelh suk mai ding dan ka hi.

SOCIAL THIL LAM. Lamka a ka tam uh kumlui leh kumthak kikal ahi deuha, huai hun in Lamka mite saptuam lam vai banah moukhakna, kitenna, suangphuh honna chih khong bangbang hiam program a nei vengvung uhi. Huaite banah damlou veh ding leh misi gal ding chih khong atam chih a gen uh kiza tam hi. Khopi a mi tampi tengkhawmta i hihna ah, a mite lah kitheihtuah vek sim thou i hih zawkmah chiangin hichibang khong khatvei thu a tampi omkhawm kha thei mah dinmun ahi hi. A khat a khat in kuate banghiam a telna ding nei, va telkim zoulou, kiman zoulou ahihlam uh nak gen chiat uh abang hi. Huchi kawmkal ah a inneilamte/program bawllamte in amau program a va uap khalou chi-a ana vui lua uh chih bang zak ding om zel hi. Banghiam a va tel chianga khutvuak a va pai lah nuamsa lou, tawi ding a buai a pai khollou chih bang le zak a om thou hi.

Ahun toh kituak a social thilte ah hihdan khek leh bawllem ngai, i ngaihtuah dan le khek ngai pawl om ding hi. Gentehna ding in moulopna bang local news, local cable khonga ki banchial loua, nekna i bawlleh a haksa lawtel lou ding mi i ngaihdiak tawmchik khong ki chial maia, chial khaklouhte’ le vui louh ding chih dan khong a om kulta phial ding hi. Huai chi mahle a lehlam ah mihingte hi sensitive mahmah, selfish mahmah i hi a, hun paisa a kuahiam i buaipih khak hiam, i deihsak luat hiam in a in poimoh ah hon phawkkei leh ki vui mahmah zel bel ahi lua hi.

Hiai a gen tuak ahi diam ah, khopi hinkhua a i lutma lamin sihna khong a om chiangin khodanga a thei dia kilawm omte hilh dingin tangvalte tawmngai takin a khualtai sek uhi. Huai pen a tulai version in cable tv, sms newsgroups, print media khong leh internet email group khong ah i suah sek hi. Thilhoih mahmah ahih lai in sihna tangkouna lam khonga a kullou tantan a i sum, i hun, i tha seng a buaipih kha houh i hi diam chih bang a ngaihtuah theih dekdek. Mi lar deuhte sihni bangin SMS group khong, email group khongah nasa takin ki tangkou a mi tampi in thuakpihna, dahpihna khong i gelh seka, himahleh huaite a kisaikhakpih ten ana simkha na uh ahi diam chih khong om leh kilawm hi. Social being i hihna ah a hichi khong mah tulai hun a i social interaction neihna ahita a, it’s OK chih zawk ding a diam lah thei khang.

VAITE. Lamka ka muh masakpen 1976 kumtawp lam ahi a, huailai in puan hiam lei dekin singpi khong dawn dek le vai dawr mah naih ahi a, a vaite eipau bang siam thei mah zalzal uhi. Huai lai apan tuni dongin dawr bawl lamah localte sangin vaite’ kipei nak zaw bang hi. Tu in New Lamka lam khong ah leng vai dawr a om souhsouh simta mawk hi. Local lamte sumsin siamloua, vaite mahin hon hih le uh fel zaw chi i hi ding un koih mai tale. Indian citizen chiatchiat vaite ngaihlouh theih himawk lou leng himah in teh, Munirka leh Delhi sung himhim khonga banghiam i tuah chiangin le i vui pah thou vele chi mai ni.

Chi geet le, a kizom kholkei maithei, Mizoram khonga khotual keile uh chihna ahi pen dia, vaite gamtat hoihlou deuh a om peuhmah chiangin Vai Curfew a puang sek uh. Huailam ate gendanin bouruak a sat lai-in vaite vakkhe le uh tangval khutthak khat tuakkha thei uh ahihmanin amau bitna dingin kholai vakkhe kei zaw le uh chih deihna ahi achi ua, thuvekdan bel kilawm simpi abang hi. Himahleh a khangzek ua Silcharte bangin huchi danin na sang zenzen lou in, amau laka ei tawmchik ana omte a dinga a noplouh ton om tham hi.

Lamka ah sum bel dawng sak mah ni, Indian citizen mah ahi uh. Adiakin talpak sepaih lamin vai toh kisai peuhmah kham leh nolh a, a mihing nangawn a bangkhat zozen lai un Indian citizen taka i na pomsiam hoih ding hi. Ahihhang in kuapeuh in i theihsa, i pilvanna ding bel om tham ding hi. Ana duat lua in makpa bangin a na nei tltul zozen in mun-le-mual bang guanin tangnel sak mahmah le hong zual taktak le uh sumpung hawm sanga le hong pung hatzaw thei ding ua i gam mahmaha a tawmzaw suahpah ding himai hi. Indian citizen himah uh, itna (love) ziaka kitenna le omthei mah in teh, ahihhangin pilvan bel kisam ding hi.

Chi laile, Facebook khong ah ei Zo min hi si Md. hiam lukhu kang khute min hi awmtak toh kithuah min bang ka mukha mawk hi. Khatvei Md. toh kithuah khat kiang ah bang chihna ahiam, Muhammed chihna ahi hia chia ka dot leh hon dawng kei a, Kawlgam lam apan Malaysia khong a pai in huai lamte khong toh va kiteng kha hiam, lukhu kang a va ki baptist khong om uh houh a diam peuh ka chi maimai hi. Sahkhua khong mimal deihtelna i chi diam, mimal gindan himah tham hi. Hilele tu tadih in ei Zosuante Hindu hiam Muslim hiam suak omleh kilawmlou hileh kilawm sakna a om mawk hi.

Vaite apan bang lam a hong tung suk diam ah. Na gintaklouh pipi khong ah hong tawmlut kha maithei. Ana sim suk nawn phot peuhmah le chin. Bang ahi le kha i gen uh kha.. OK. Tutung Lamka zinna a zakkhak, muhkhak etc khenkhat leh a kaihnoih utut ban gen suk ding chih kha ahi a, zou nailou i hihman in zom suk lai ding dan ihi.

NO.2. Number a gen gaihgaih theih thil a om seka, Lamka ah leng No.2 a chih gaihgaih sek uh khat ana om hi. 1980s toua i buaipih uh No.4 toh bel a kibang kei. Second hand bel ahi a, hilele second hand toh i mekbelh gige pen uh, puan lam ahi kei zel. Lamka ah nidang toh tehin “gari” a tam mahmahta a, traffic jam chihdan khong omin Lamka le a bang nawnkei phial abang hi. Achiang khat chu mimal dinmun leh sum neihdan nasa taka khang ahih a kilang a chihlouh theihkei. Sum koi a pan hong luanglut a diam chih zaw thei khang. Gari bawlna workshop, tyre bawlna, petrol pump, gari mechanics chih lam khonga nekzonna future bright ding chihna ahi maia, a guud ahi mai.

Ahihangin “gari” lei tampite’n (a percentage bel theilou zel) showroom apan lei loua No.2 lei uh hileh kilawmin a gen uhi. Hiai No.2 pen Lamka khong a hong tunna ding a lamkala a vengtu ding sorkal, karlou thunei kuakua hiam a kigolh omlou in a paithei de aw chihsim in a om hi. Delhi leh khopi lam khong zaw genpha kei hang, N.E. ah bel Dimapur, Silchar khong ah gari mang tamdeuh na ahi maithei. Huaite Manipur khong tung pahpah houh a diam ah. Manipur ah No.2 lei kuamah in ngaimoh khollou - thaklai si, kiman si, a lei awlsam zaw si chih dana pahtak bawlin a lei zou liai siah in lei ziahziah mai houh a hi diam chih sim in a om hi.

NO.2 BUL. Hiai No.2 koia hong kipana koilam hon tawna “Ei Zogam tuang hong tung” a diam, kua hiam khatin chipchiar deuhin hon sui leh a hoih ding. Hiai thil a pai theihna dingin mi tamkhop aki thutuah uh bel ngai ding. Motor guksiam himhim a oma, huaite’n mi motor a guksak a azuak uh a om tham ding. Huchi hilou deuh - motor neitu, sorkal thunei khenkhat, sorkal lou thuneitu khenkhat leh kuakua hiam kithutuak a No.2 hon bawlkhia uh leng ahi kha ding chi phot ni. Atelkha akuapeuh a dinga lawkna, a thuak nasa pen chu general insurance companyte ahi mai dingin a ginhuai.

Mizoram ah leng No.2 a om thama, a leite’n Aizawl DTO khonga register theilou ahihman un Saiha, Serchhip, Champhai, Kolasib DTO khonga register photin a nung sawtlou in Aizawl ah register thak sek uh a chi uh. No.2 tungtang U Vanneihtluanga in a Lengzem magazine ah bang chik lai hiamin a gelh ngei in ka thei. A suinuam leh theitam nuamte’n huai copy bang le a ngaihven theih dingin ka gingta.

Lamka a DTO a computerised a diam ah, DTO khong a computerised chianga huai DTO a motor a register ma ua sorkal/police record a gari mang chiamtehna a Engine Number leh Chassis Number khong ana en kawm sek hileh uh register theihlouh tampi om kha ding hi. Ahimhim in motor leizou, milian leh society a hihna neite’n motor a lei dek chiang un a dealer showroom a kipan, a thak mah lei sawm zaw le uh, chiphet le. Saptuam motor ding khong No. 2 chu ki lei ngal kei in teh maw..

SHOWROOMS. Showroom kammal i zat lailai in gen suk lai ni le. Lamka ah kal khat lel taam, vakna ding taithei lah ki kollou ahihmanin ka vakkhe tam khol kei. Ka paikhakna sunsun a puanzuakna dawr ka galmuhte nidang dan maha second hand, Moreh puan leh vaipuan zuakna dawr a hileh kilawm hi. Lamka a hichi tuka gari khong tam ahih leh a neizou mi tampi om a chihlouh thei kei i chita.

Atangpi a genin Lamka mite kicheina ngaina, fashion concious mahmah ngen i hi. Huchi si, tulai bang India gam a le designer clothes i chi hia, fashion brand hoih leh minthang taktak tampi omta hiven, huaite showroom khong leh sports lama brand minthangte showroom muh ding khat le a omkei abang a mak kasa sim hi. Showroom hial ahihkei lele brand hoih deuhte ana zuak, agent i chi hia dawr chih bang le omkei leh kilawm kasa lai mawk hi. A na omtak leleh, ka theihlouh man ahi a, hon na ngaisiam mai un. Capital neite a dingin brand hoih deuhte kizoppih a showroom hon lawk viau mai dingin a gintak huai hi.

Kuamah lah ka dong kha khol kei a, a dawr le lah khat kan ka muhlam ka thei kholkei a, Lamka ah computers leh a kaihnoih lam zuakna bang a chi om diam ka thekei. Internet zang bangle hunkhop om tuak thou ahihna ah a lei dingte’n Lamka mah a lei sek uhia ahihkeileh Imphal a va taisuk sek uh.. chih khong le ka ngaihtuah maimai a.

LAMPI. Motor tam mahleh a taina lampi a enkol ding sorkal omlou mah bangin a hoihkei in leivui a khu mahmah a, khe a kholai i vak chiangin leivui khu in hon tuamin i taksa genlouh nakmul bang le nin baih mahmah hi. Well apan tui khai khiaka kisil mai theih himahleh phalbi sukpi khovot lai taka kisil gige bang a peihhuai keia, ninsim bitbiat a om mai bang a baihlam zaw sim hi. Lehlam ah zaw i omna Silchar khonga le khua aphat leh leivui khu, vuah a zuk leh buannawi zel hithou ahihmanin va soisel ngam ding le a hi tuan kei. Numeite’n insung zutzut mahle uh, bangmahtan a daih tuan keia, nungak felte zaw gim ngial un teh chih zawk ding hi’n teh. Compound sunga huanhai leh anteh, mehgah-mehteh khong bangle i etleh nektheih di a de aw chih ding khopin leivui powder kinuh puang philphel mai hi. Motor neite’ le a fel mahmah ua a hahsiang peih mahmah uh ngai ding abang.

Nidanglai electric chihbang a omma a zaw, sun a nna sem, zan a khua amial chianga ihmu suk hithit mai in hinkhua a lehlam a nuam zaw ana hi mai dan ahi. Tulai a chu zan a meivak nuai a hihtheih leh hihding mah tamta ahihman a zan nasem pawl toh, ihmut hun ding nei manglou chih khong a dima omta himai hi. Huaiziakin sun hi’n zan hileh meivak poimoh mahmahta a, meivak tellou in i hinkhua buaihuaita hi. Ahihhangin ei Lamka ah meivak deih bang nai hetlou mawk ahih i thei hiat hi.

MEIVAK. Lamka meivak leh bank toh kisai internet ah ki nakgen sim thouta mahleh gen zek lai mai ni. Lamka tun chiangin a ngeina bangin meivak (electric) ana omlou pah ahihman in ZOL phak ahi nawn kei chih hiphet louin mobile nangawn ki charge thei nawnlou pah hi. Akhenin “Khominthang (koitak le ahi diam ah) transformer line invengte’n nei uh ahi, huai ah va charge un” peuh hon chi ua, hilele invengte inn ah bel ka va charge tuan khol kei. Meivak toh kisai a himhim in pressure group i chi hiam association leh consumers union i chihte khongin le a kisaipih dept.,/sorkal lam kiang a gen neih sanga a hithei liai siah in inverter leh solar lamp khong neih sawm zaw hileh kilawm hi.

Manipur zaw sorkal ginalou mah ahi, mei a vakkei lele ahi ding mah ahi chidan a kikoih vek mai abang sim hi. Sorkal kia moh hilou a mipi mohna le om ahihlam gengen ngai ding hi. Tui tungtang ah leng ahi thou. Lamka tuinek problem lianpi hi gige mahleh a lehlam ah chu kuapeuh in well neih chiat, tui problem omlou, a gen ding omlou abang sim mai hi. Mipi lamin mei hi’n tui hileh i zat leh i zatman pe ding mahin kikoih in a mei line gukthoh hiam, meter a pailou ding hiam a bawllouin meter khoih chihte ching kei le. Sorkal lamin le a fee inn khata huaizah chia bikhiah thoh lou in i zat zah mah a meter ki record a piak dingin bawl henla power supply om gige dingin pan laleh. Hiai ah thil khat kon gen lut mawk deh.

Mizoram a tu-a Congress sorkal in ministry hon form khit un electricity department apan ka office ua Hong hoh in, “A meter reading a ki mu chiang theikei a, office lam a et ding in ka tawi ding uh aw” a hon chi ua, bangmah ngaihphatlouhna neilou in “Awle” ka chipah a, meter a lakhia uhi. Ahihhangin office a kipan lakhia ahihna uh lai khong hon piak thepthap zozen chiang un ngaih a hong phakei sim hi. Nibangzah hiam nungin lai a hon pia ua, a office uah a honsam uhi. A lai honpiak uah na meter uh tempering na bawl ua dan bohsia na hi uh a chi uhi. A meter pen a tunga electric department mah in a hong vuah uh ahi a, hoihtak a ki seal, a seal le kihong lou ahi. A meter reading kilatna mun ah glass om a huai tung ah a reading kimuthei hi. Ka staffte khat tonpiha a office ua ka va hoh uleh, a pupa uh ana omkei hi. A omten kou bangmah thuneihna ka neikei uh a chi ua, a thil omdan ka dot chiang un ka meterbox uh hon ensak ua, a mai a glass sikzum hiam a kithai hi awm takin a phon nemnuma a sunglam a meter reading pen chiangtak in kimulou hi. Hiai tempering na bawl ziak uh ahi hon chi ua, theitawp a kou bill kha khata Rs1000/- val zek khong ahi tangpi a, a payment lam ah office in bangmah problem neilou, pelah hetlou, ba ngeilou ka hihdan uh leh staffte kuamah in hiai meter khoih dinga lunglutna nei omlou ka hi uh ka gen uhi. A lak lai ua, hoihtaka le ana en kha zezen lou, ka zat bang ua hon bill uh peuhmah pe zel, a dik ahihnak leh hiai sanga tamzaw piak le haksalou ahihdan khong gen in office pawlam a om ahih chiangin kua hiamin ana hih hitaleh huaiziak a kou non liausak dek uh zaw kilawmlou ding ahi khong ka chih chiang un, “Pu a om chiangin hong pai un, ama thu ahi” a chi ua.

A khonungin kei tellou in ka staffte ka sawl a, a pu u toh ava kimu ua, “dan bangtak a kipai leh tampi na liau uh ngai ding ahi, bangteng hileh a meter box thak man ding na chawi ding ua, a dang kon ngaidam mai ding uh” ana chi hi. Dan bang tak a kibeiha, consumer forum hiam court hiam kitut theih bel ahi na a, hilele a process a sau ban ah consumer court khong le a trend khat a om a, judiciary bang le a separate a hoihtak a om ahih khollouh man in meter box thak man ding Rs5000/- lak vel ka deposit maita uhi.

Hiai kon gen zenzen na ziak ahihleh Manipur sorkal/electricity dept. in meter hoihtakin a consumer teng uh pia uhenla, a meter khoih a om lele strict deuh in a meter bang chiahchiah in billing bawl leh, a petam ngaplou in electric heaters khong zatlouh mai ding in. Minister pu, atate etc a hong zin chiang ua pai, a pai chiang ua amau toh kiknawn chih khonga chiamnuih ahiam ahi ding mah hiam a koih nawn lou in a bulpatna dingin thil a pai dingdan a paisak sawm phot ding hi ding hi. Laisiam tamna district chia kisuang mahmahte’n sorkal thilte a pai ding dan a paisak i sawmlouh mawk leh dik lou ding hi.

Thil tamtak ahitheilou dinga i koih, a ngeina dan a koih, bawltheih/septheih hilou dan a i koih lai in i DC nu uh, Jacintha Lazarus in thil tampi semkhe thei thou hilou ahiam?

BANK LAM. Paikuan lam zingkal khat dak 7 lak vela ticket ngaihtuah dinga kholai ka vakkhiak leh Tedim Road a SBI, ATM ah mi ana ki line nenan khin kamu tazen hi. India gam mundang ka muhkhakna sunsunte ah ATM 24 hours kihonga, Manipur ah bel gambuai suanlam ahi ding ua, office hours sung teng mah kihong dan hileh kilawm hi. ATM a ki line ka muhte zing dak 10 lam a kihong ding ngak hi maizen ding uhia, huai le amau sum mah lakhe ding hilai ka chih chiangin ka ngaih aphathei kei nilouh hi. ATM omzia omtuak kei na e chihsim in a om pah hi. Angakte’n lah ahi ding mah sa, a lakbaih uta phalbi zing nawngpi apan ana ngak hi ding uh hia chihsim in a om hi.

Public sector bankte’n branch leh ATM honbeh nuamlou ahih uleh leng private bank khong a hong ut omlou a tel de aw. Axis bank te’n Jowai leh Mokokchung khong a branch ahon uleh Lamka le a kilatdan a sumnei tamtuak peuhmah hisi a, a honnoplouh na ding thu uh omlou ding hiveh. Huai ka chih chiangin, Axis Bank a sem unau Gangte te khat (a min ka mangngilh zual a) bang ka ngaihtuah khe mawk hi. Aizawl apan Shillong a kisuan hiven.

Sepna neite’n ei sepna lam chiata i gama ding banghiam hihtheih omte hihsawm a pan lak ding mah zaw ana hih tuak aka. UBI, SBI khongin Assam a district khat mai hi, Silchar a Regional Office a hon uh a sem Bengalite ziak mah ahi ding. Huaimah bangin LIC khong munpi le ahikha a, tuni in LIC recruitment a om chiangin NE State tuamtuam apan exam dingin Silchar ah hong kuan maimah uhi.

VUNGZAGIN. Bank gen lai in genzom vanglak ni. Lamka ah mi pawl man lou in kuamah toh leng ka ki houlim kha kholkei uh ka chita. Ahihhangin koikoi hiam a migen i zak kawikawi om sam hi. A dik leh diklouh bel theikhang. Auto pute apanin SBI-te Vungzagin Aizawl ah a kisuanta chih khong leh Lamka a a om sunga SBI in PMRY loan a piakte kipak thei mahmah uh ahi chih ka za kha hi. A genzel na uah, PMRY loan toh kisai ah talpak sepaihte’n sum deihin Vungzagin samin thudotna nei ua, amah leng PMRY loan la-te data kimtak toh kuan in “loan la-te a vek un va dong unla, Vungzagin in seki khat a ne chi a om leh hon kaplum un” a chih chiangin paisak ua huaikhita a suisui uleh Vungzagin in bangmah nelou mah ahi chih a chian tak un sam kikin “Nang bang mi thum khong om leh Manipur ki bawlhoih thei ding hi” chi in kipak mahmah uhi a chi uhi. Vungzagin in bank a anasep ding dan tak mah a sem hihtuak hi chiphet le.

Hiai in hon ngaihtuah sak khat a om hi. CCpur District a Zosuante Christian kichi vek, talpakte bang “gingloute” chi ihi uh. Manipur dinmun i thei chiat uh a, Christian i hihleh a om bangbang a lungkim loua i tenna gam bawlhoihna dia panlakna a talpakte makaihtu, hon etton ding ua i om ding, thil hoih tuamtuam ngaihtuah leh a pankhetu dingte i hi zaw hi. Thilhoih, nasephoih ah, bang kongkong ah Manipur-a a tamzaw talpakte i makaih thei dia? Lamka a ding a dotna poimoh mahmah hi in ka thei.

VII

Dr.Tualchin Neihsial in a laibu This Is Lamka chih ah Lamka khua kha Pentecostal Town hiam khat ana chi namah a, Lamka ah i dialect neihte i ki theituah veka, ei pau chiat in i ki houpih thei hi. Himahleh dialect khat zangte in kihuituamna deuh nei chiat ua, dialect dang zangte toh kikal, gap, ki ettuamna, kituamkoihna om chiat sim hi. Huai in i khotang nun, i politics, i sahkhua, i bangkim a hetkha a, kigawmkhawmna nam min ding bang option tuamtuam i nei zengzung mai uhi.

GANGTE. Gangte Zomi a kipia chih thu Lamka lam ka zinma zekin net ah ka simkha a, a diakin unau Kuki lamte FB leh email group khong ah hiai tungtang gen leh sak a tam sim hi. Lamka ah news khong ka etsim a ka kanbawl chiangin hiai kuaman le ngaihsak kha khollou a de aw ka chisim hi. Unau Gangte sung ah Kuki pom pawl om, Mizo pom pawl om, Zomi pom pawl om chih hi lel mai hi. Hiai a poimoh chu Zosuante unau khat, chi khat, namkhat i hi ua tu tadihin hon khaikhawm ding min KUKI, CHIN, MIZO, ZOMI chihte i nei a, hiai minte a zatdan diktak ah bel i veka hon tuunzou min ngen ahi. A kineitu sak tuam om hiam, piakbawl i neih chiangin hon tunkim zoulou sek ahi zaw. Hiai minte mimal mal or tribe in hoih a sak uleh a pom uh kibang kim nai kei chih chih lel ding dinmun ahi. I pom a hong kibat ding i deihchiata, ei pom pen midangte’n hon pompih zaw le uh chi chiatin i na om nilouh uhi. Hong kibang kimpah khol kei dinga, kibat le a hong kibang kim ngeikei kha ding, himahleh kuapeuhin unau khat i hihlam haihlouha kitheihsiamna i neiha, ki gaal-et ding hilou ahi chih i mangngilh louh ding hi ding hi.

Atawplam i naih dekta dinga, a tawpna ding in Lamka a ka tam sunga ZogamOnline Meet a kava tel khak thu kon sut zek lai ding.

ZOL MEET 2011. Ka tunni zing un Keuhthang in hon phone a, inkuan vai a ka buai laitak ahihmanin ka tapa pan phone ana pick up a, keuhthang in “Na boss pa’n hon phone hen” a chi ve chi’n hon hilh a, ken lah ka phone man tuan kei hi. Azing in hon phone a bang chi kimuh ding ahiam chih khong hon donga, a Black Dog puak khong (a tak a diam ah) dawn ding a program nei ahihdan khong a gen hi. Nitak chiang a kimuh ding danin ka hi hou uhi. A nunga ka ngaihtuah thak leh huaini sun a hih ding poimoh lua neiloupi ka hihlam ka phawk a, Keuhthang phone in ka inn ua hong pai dingin ka gena, a direction khong ka hilh hi. A nung sawtlou in a lawmpa toh a hong tung pah uhi. Live a ka kimuhpatna uh ka genkhinta a, huai a ZOL Meet neih ding kigenkha pen Pathian zar in hong taksuak theita hi.

Meet ding a Saulim ka tun chiangin inkong ah Nemsum ana dinga, honna nuisan heuhau ka mupah a, a maingalhuai pah hi. A jacket silh coffee rong piansim toh a kilawm a, a u in zi neikhin phet, promotion a muhnung Hong tangval diak leh amel bang hoih deuhdeuh abang kasa hi. A nu-le-pa kiten bang i theih hi a, kare! i theihlouh kala ki upa simta ahi di e ka chisim hi. A kiten deklai ua bread a jam nuh a kipang kha in jam chih khong i theihpatna le hisim ahih chianga a pa bang CHK kisa sim mahmah hi. A kitennitak un a in uah moulopna ki nei a, huai a All India Radio, Imphal, Paite Program a Radio Artist Romeo C.Hangzo in Agape I la Hih Leitung Kikhenna chih pen U Thiankhanpau te nupa a dinga kaihlek a hon sak bang chu a ngaikhia mipi lamin nalh kisa mahmah dan ahi. A khek dante ka thei nawn kholkei na a, ka theihlai dan chang khatna hichibang khong ahi:

Hih leitungin gibang khanna gam hi

Mitphiat kalsung nangawn lungzuang nawn lou ding

Tutkhawl khawmta ni laileng khawmta in

Nanglou in kei hing zou kei ning

Nemsum in Saulim a luttou dingin hon signal a kei le ka luttou pah hi. Ka luttouh leh tawmchik ana om lai ua, numei naupua khat ana oma, huai tuh Um ahih ka theipah maia, Joy Ngaihte leng ka thei mai hi. Townbus bel ka chiang kei deuh hi. Zobawm tageet lah kei ngaihdan in Valtevarte ka hisak a, adang Thathang Hangsing banah ka theihlouh khat ana om mawk hi. Hiai la chia ka dot leh theilou maw, Muang hon chih uleh Moxiac ahi law ngut ve ka chi paha, ana om ding ka sak louh mana ana theilou ka hi zaw hi. Huaiban ah ka gintak sangin ana sang zaw bok a. Valte chu ka nak theih lua a, LIVE a khatvei muhna himahleh mitsinsa in le kithei maileh kilawm hi. Sapmalta pen tuh a hon hilh uh a ngai a, ka ki dong man kei na ua, a mel apanin chu a nu-le-pa ka theih ka gingta ten hi. Keuhpute lawi koi lamlam a ana om a di uam ka thei kei, sawtlou in bel hong tungpah sam uhi. Korea return chihmahtak, Scott a puanaktal toh a hong lut a, bangbang hiam gena kakihou uleh Pialnawng, Kimboipa, VL Mangzo chihte khong le hong tung uhi.

Pu VL Mangzou, ka gei ah a hong tukha a, a taksa lah hoih thethat si, a puan silh lah sepaihlamte ankampak pok rong ahih zawkmah leh kua a de aw chi in a RA lamlam ding peuh kana sa man tageet hi. Khedap taw takdeuh khong bun kawma khe tat thapthapa zahna salam piak tuak ana sa pawl bang om leh kilawm kasa man dek aka.

Amel uh thei mah leng tu a hiai ka gelh laia a min khong uh thei nawnlou ka hihmanin Meet a hong pai teng a min uh hon lou kim theilou hi ing. Hiai meet ah attendance kila kha khollou ahihman in leh ana paibaih bang om hiven, mi bangzah chiah ki paikhawm ahia chih ka thei kei. Vaisai heutu lamte’n chu mi 27 nek ding an ki order ahi a chi ua, a ann le ki khawng thou hileh akilawm a, huai apan a mi zah ding a hisap theih mai ding. KK Valte a hong tung hak deuha, program om hikei mahleh hun ka patkhit lam un a hong tung a kisuanglah lua danin a hong om khiankhian hi.

Zobawmte, Keuhpute kiang program om hia i chih chiangin om tuanlou a chimai ua, huchi ahihleh chi in simbeng tangzang kineih in kei ka dingkhia a, Meet neih akisawm dan khong leh online a kithei a taka kimuh a nopdan khong leh online a kizom i hihman a a taka iki muhna na koimun koimun hileh Meet neih theihmai ahihdan khong siamlou takin ka gen belbuala, pawlten ka gente a theisiam na di uam ah. Kipolhkopna ahihmanin ZOL kipatdan hiam khong gen ka sawmkei a, himahleh ZOL tungtang banghiam theihnop nei a omleh dotna hon dong le uh, a bullam ahihleh Moxiac toh kei ka om ua, tulai toh kisai ahihleh Keuhthang in hon dawn ding ka chi a. Polam a kipante Keuhpu in hon introduce a Lamka lama te Zobawm in hon introduce ahi in ka thei. A Ki gelhpah kha keia, thil khenkhat ka chiang law nawn kei maimah.

Inlamte, laigelhtute gennop neinei genna ding hun a ki honga, Keuhpu in site dinmun khong hon gen ding chihdan ahi a. Scott, Pialnawng leh Kimbawipa a hong ing ua, a tomin a gen uh chu ZOL hi in DOTCOM hileh ei a mah ahi. Kuamah kipai theilou, laigelhtute’n a laigelh uh mi a tam theithei in a sim ing uh deih ding ua, website a tam ah kisuahleh deih zaw ding ahihman un ZOL in a gen khak seek “exclusivity” chih lampang pen hon kap kha deuh uh abang hi. Hiai meet hi program le bawlkholh hilou, ZOL min a a kimukhawm theithei kimukhawma kithuah a nekhawm ding, ahikha dandan hikha ding chih ahihmanin ahikha teng a hoih mai hi.

Laigelhsiamte hon gente laigelhtu lam mita etin a dikin a hoih mahmah, himahleh ZOL lamin exclusivity a kigen khakna bel site tuam si, a contents a hong kibat luat gige sim chiangin a vehtute a dingin le phurhuailou, theihsa, simsa chih ngaihdan a om thei a, site unique na omlou abang thei chihman ahi pen hi. Tu dinmun ah a koi site hitaleh internet a eipau a laigelh simtute a mihing tawmchik leh a kibang ngen hisim ahihmanin a koi a koi ah laigelh om lele a simutten a simkha veve ding un a ginhuai. Hiai zaw Meet ah le ka genkha kei. Compettition khong a hon genkha zek ua, huai paisual ahihna le omkha in teh chih hiam bel ka genkha in ka thei. Lehlamah Columnist i chihte sum pe zoulou i hihman in amau deihna zahsak louh theihlouh ahihna om zel hi. Akuapeuh tawmngai a pankhawmna a pai ding hi tadih hi.

I Columnist Thathang Hangsing in ZOL kipatkhiak dan tungtang dotna khat hon bawla, huai dawnna ding background saupi genngai om mahleh hun kidaihlouh manin a tomin kidawng a, a kulnana ah Moxiac in hon huh zel hi. Huchih kalin Scott a hun hong beita ahihmanin pai hon sawm mawk chiangin a paima a thumna hon neihsak hamham dingin kingena, a thum khit in ann nelou in hon paisanta hi. Keuhpu in nalhdeuh awn zeihzaih a dingin a khut toh pangin tu a i site dinmun tomkim hon gena, Joy Ngaihte leh Richard Khuptong te Lamka lam a ZOL aiawh a ana pang ding a ngetna, genna hon nei hi.

Hun tamlou ahihmanin light taka kipolh leh houlimna lam ki nei sawt manlou in Sauliim nungak feltakte’n buffet ankuang ana luikhin ua, Kimboipa leh kuakua hiam in annekma in singpi san a dawn man na di uam ah. Keuhpu ka na melh guk sim leh a sawk hetkei vanglak hi. Aban chu Sauliim Special zial a zialna om hita mai. A telkhaloute khualna in neklam a itemte zaw kon gen dah mai ding, a chil uh a nak phuul law kha dia. A paikhawmte’n annek khita chu a gil uh zutzut mai uh hiven.

Express. Annek khitin KK Valte in office lam a pai dingin hon zawna Keuhpu phalna la in a bike a kipua in ka va pai hi. Office a lutzual in Editor pute in ah hon luttouh pih a, Eitor pu ana fel mahmaha, a lawinu kiang ah Aizawl ka zin lai ua ann khong hon nekpih uh ahi, singpi limdeuh in hon bawl in a chi a. Singpi ka dawn ua KK lah ana manghiau hi. Hun tomchik sungin Editor pu toh thil tuamtuam – laigelhdan, literature, i gam politics paizia, nekguk takguk etc thu tampi ka houlim man uhi. ZOL toh kisai ah bel Express exclusive a hon piak ding a kihouna omsa himahleh amau mipi nasem, sumdawng ahihna uah miteng a kipahsak uh kul ahihman a kuamah pom a kuamah nial theilou ahihdan chiangtak in a gen a, huai ban ah ZOL kia a Express piak dingdan a ahon hih chiang in Delhi khong leh gamdang tanpha ah amah ana phone hunkhop om ahihdan a gen hi. Amite min zaw gen a kul kei.

Kenle nou local subscription a sukhek kei nakleh, na news khong uh i pau, i ham, i thu i la i zuakna ahi a, a koi akoi site ah hitaleh inlama a omloute a dinga internet koihkhiak poimoh ahihdan, ZOL in i deihna le huaiziak hipen ahihdan khong ka gena, amau site a update gige ahihdan uleh a deih peuh in huai apan ana la gige thei ding ahihdan a gen chiangin, chihsa banga i pau leh ham zuakna ahihna ah amau site a regular taka update gige dingin ka ngen thakthak hi. ZOL ah a omkei tazongin internet a aom himhim a poimoh kasa hi.

Ka pai chiangin innuai a a office uah KK photo editing bawl in a buai in ana buailai hi. Agei a computer khat ah hon tusaka, ZOL Meet a limlakte upload ngal dingin phalna hon pemahleh a zinglam chianga keuhpu hih dingin ka siit mai hi. ME site a a news uh update bawl gige na ahi uhiam chih ka dot chiangin Editor pu gen toh a hon dawnna a hong kikalh vek maimah zel hi. Ka kihouhou chiang un ka u toh bang le ana kizui kha lua uh ahihtuak a, hong kha dah mai in ka chih chiangin le inn a le hong hoh ut ahihman in a bike in inn ah hong khata hi.

Laigelh dan tungtang ah Editor pu in a paipih dan a gen kon genlut zek ding. PLS in laigelhdan bikhiah bawl mahleh lai i chih zunzun puahpuah lai ngai ahihna leng omkha ding ahihman in. Kawlgam lamte toh laimal kibang zat ding chia i gelh chiang in C kia bang i zat leh Lamka laka unau dangte - Lusei, Hmar, Thadou, Simte, Vaiphei, Zou etc in simsiamlou in sim nuamsa lou uh ahihman in CH mah zang ahihdan a gen hi. PLS te bikhiahdan le hichiah lou, pauzat khonga le kawlgam lamte a dan le hichiah silou, a kikal, a laihawl dan a Express a agelh chiangin a simtute’n hoihsa in simnuam sa vek uh ahihdan a gen hi. Tu tadiha Manipur singtangmi news a circulation tampen hi a, dialect tuamtuam zangte’n le simvek uh, a diaka unau Thadou pau zangte bangin le amau pau a newste khong sang mah a ngaina zaw ahihdan uh feedback bang ana pesek uh ahih tuak hi. Moreh a om Tedim pau zangte bangin le Kawlgam lama Tedim pau a lai kigelhte sang banga le Manipur Express kigelhdan simnuam zaw a sak thu uh feedback na pia uh hi in gen bok hi. Huchia ME min a deihna pen uh ahihleh a laigelh dan kia hilou a, news pen bias lou a adik, a lai theipena a gelhziak uh le hi in gen hi.

Adangte zaw gen nawn dah mai ni. :)