Pobra Socialista

¿DESPROPÓSITO ou solución?

2011-08-05T10:02:00.003+02:00

Fai un ano que o xardín Valle Inclán pechara por mor dunha remodelación por valor de 200.000 euros. Na obra colocouse un gran letreiro no que se dicía que se había levantado unha acta notarial conforme as árbores estaban enfermas, supoñendo que algún profesional avalara tales teses.

Na inauguración e segundo a nota de prensa da alcaldía con data do 10 de setembro de 2010, o Alcalde declaraba que os xardíns tiñan un gran problema, estaban enfermos; así llo fixeron saber os distintos informes de enxeñeiros agrónomos de Tatiana Rodilla e a dirección de Medio Rural.

Ditos enxeñeiros levaron a cabo un tratamento fitoparasitario contra pragas e enfermidades das árbores e arbustos. Despois de tantos tratamentos, de plantar 20 árbores xa grandes no mes de novembro todos esperábamos que tales tratamentos foran radicais e efectivos. Pois ben, nestes intres temos 26 árbores enfermas e 20 mortas e gastamos 200.000 euros en combater tales enfermidades.

No outono se lle dou unha poda drástica e contundente ás árbores, algunhas delas xa non recuperaron despois de semellante tala. Disque lle cambiaron a terra por outra vexetal con máis de 70 camións de terra fértil e adecuada. Vistos os resultados é para botar a correr e non parar.

En resumen, e según afirmaran no Pleno, antes das obras tiñan tres árbores enfermas e por este motivo xustificaron esta inversión de forte impacto visual, (que o final é a que obtén os réditos electorais), primando a estética urbana sobre as necesidades que puideron paliarse con eses cartos. Agora despois de gastar 200.000 euros ,(33 millóns das antigas pesetas), teñen un total de 26 árbores para recibir a extremaunción e agonizando e 20 defuntas (irrecuperables).

1997 ERA A SEGUNDA VEZ QUE ISAAC SOLICITABA DESPACHO

2011-07-30T20:20:00.001+02:00

O artigo 79.1 da Lei 5/1997, de 22 de xullo, de administración local de Galicia (LALGA), dispón de forma concordante co artigo 27 do ROF e do artigo 10 do Regulamento Orgánico Municipal, que sempre que sexa posible, os diversos grupos políticos disporán, na sede da Entidade Local, dun despacho ou local para reunirse de maneira independente e recibir visitas dos cidadáns, dotado dunha infraestrutura mínima de medios materiais. Na actualidade, na Casa Consistorial da Pobra ningún grupo dispón de despacho ou local no que poder realizar as actividades anteriormente sinaladas.

O pazo onde está a sede do Concello da Pobra, pese á súa fermosura e valor histórico, ten unhas dimensións que non permitían até fai pouco a habilitación de despachos para os grupos municipais, dada a ocupación de todos os espazos por oficinas e despachos de tramitación administrativa ocupados por persoal ao servizo do Concello.

A día de hoxe, a superficie útil da Casa do Concello aumentou considerablemente debido ás ampliacións da sede municipal, así como o traslado de certos servizos a outros inmobles de titularidade municipal, motivo polo que xa non existiría impedimento á dotación de despachos para os grupos municipais.

Esta dotación que se solicita vai dirixida, nomeadamente, aos grupos que exercemos labores de oposición, dado que o Grupo Municipal Popular xa dispón das dependencias municipais na súa dobre calidade como grupo político e grupo de goberno.

Tal é así, que o Concello se negou a recibir as invitacións a un acto convocado para o 14 de xullo pola Plataforma en Defensa da Sanidade Pública da Comarca do Barbanza dirixidas aos concelleiros do PSdeG-PSOE e do BNG, pero si recolleron as invitacións dirixidas as concelleiros do PP (sendo, segundo nos manifestou a Plataforma, o único concello do Barbanza que actuou deste modo), polo que a falta de disposición de despachos está a xerar un agravio comparativo entre os distintos grupos, cando as dependencias municipais son públicas e deben estar á disposición das distintas sensibilidades políticas da cidadanía, e non só ás do grupo de goberno, en virtude do principio de neutralidade institucional.

Por todo iso, este grupo que represento solicita a adopción do seguinte

ACORDO

Que se acorde dotar aos grupos municipais da oposición dun despacho ou local na sede do Concello da Pobra do Caramiñal, dotado dunha infraestrutura mínima de medios materiais, en cumprimento do disposto no artigo 79.1 da LALGA, do artigo 27 do ROF, e do artigo 10 do Regulamento Orgánico municipal, en relación co artigo 23 da Constitución Española.

UN CONCELLO CON MOITOS ENCHUFES

2011-07-21T23:53:00.001+02:00

Dos 500 postos de traballo ofrecidos por Isaac Maceiras en campaña electoral, xa quedan menos por cubrir.

Desde o Partido Socialista cremos que un concello debe ser transparente na xestión das contratacións, co fin de acreditar ante os nosos veciños que estas se fan limpamente. Non é o caso do Alcalde Isaac Maceiras e o seu equipo de goberno que para os postos de socorristas e limpeza de praias contrata as persoas afíns o seu partido, neste caso fillos de concelleiros, da secretaria personal e integrantes de novas xeracións do Partido Popular.

Garantir os principios constitucionais de igualdade, mérito e capacidade requiridos para traballar en calquera administración pública non é un principio básico para este Goberno.

A xenerosidade empeza por eles mesmos.

http://www.apobra.org/gl/concello/emprego-publico/232-resultado-da-contratacion-do-persoal-de-limpeza-de-praias.html

Lista de admitidos para a contratación de persoal de limpeza de praias a través dos Programas de Cooperación entre a Consellería de Traballo e Benestar e o Concello da Pobra do Caramiñal (Expte: TR351A 2011/480-1)

Entre os numerosos cargos das novas xeracións do PP da Pobra, atopase a filla da concelleira de servizos sociais e sanidade BALBINA LOJO OLVIERA

APELIDOS E NOME

DOMINGUEZ PICOS MARTA ( Na páxina web de novas xeracións do PP da Pobra aparece como responsable de comunicación e tecnoloxías)

DURAN CAMPOS CHRISTIAN (vogal de NNXX do PP da Pobra, colaborou na pasada campaña pegando carteis e conducindo o coche da megafonía)

GARCIA LOJO ESTEFANIA (vogal das NNXX do PP da Pobra)

OLVEIRA MAYAN SANTIAGO JOSE (colaborou na campaña e conduxo a furgoneta ca megafonía)

POUSO BRIONES MARIA JOSE

SANTOS DOMINGUEZ SILVIA Voceira de NNXX do PP

http://www.apobra.org/gl/concello/emprego-publico/226-listado-de-socorristas.html

SOCORRISTAS, entre os que se encontran o fillo do concelleiro de obras JOSÉ MANUEL CASTRO e o fillo da secretaria particular do Alcalde Mº JOSÉ RIVADULLA, ademais dunha vogal e o Presidente de NNXx do PP da Pobra.

MARCOS CASTRO SEOANE

IVÁN OUTEIRAL RIVADULLA

LORENA PELETEIRO GONZÁLEZ Vogal de NNXX do PP. Esta moza nin ten realizado o curso de socorrismo

ELOY SOBRIDO GARCÍA Presidente de NNXX do PP da Pobra

No listado dos socorristas aparece un epígrafe de formación complementaria, dita formación non especifica se algunha destas persoas está capacitada e ten a titulación necesaria para manexar unha embarcación.

Para usar unha embarcación é necesario ter o título de Patrón de embarcación deportiva, deberían facer público o listado cas persoas que teñen esta titulación, ademais do seguro de responsabilidade civil que poida asumir a responsabilidade dunha mala praxis.

Si estes mozos non cumpren cas leis de navegación marítima debería actuar de inmediato a Capitanía .

http://www.ppdapobra.es/nova/51-presentacion-paxina-web-ppdapobra-e-nnxx-do-pp.html (enlace da páxina de Novas xeración do PP da Pobra)

Non estamos falando de sospeitas, estamos documentando os pagos de favores aos colaboradores e a falta de escrúpulos.

¡Esta é a solidariedade que o Sr. Isaac ten cas familias deste pobo! Deberían pedir escusas a tódalas persoas honradas e as familias onde tódolos membros están no paro.

Este tipo de política é unha auténtica burla aos desempregados, tendo en conta a cantidade de pais e nais de familia que necesitan cartos para manter a súas familias.

Tamén nos consta que algunha persoa que está contratada para a limpeza de praias se desviou a limpar outras instalacións municipais ou incluso a limpar o centro do pobo. Debemos recordarlle ao Sr Isaac que si se contrata a estas persoas para un fin, non pode desvialas para outro cometido, desta maneira estase cometendo unha ilegalidade ademais de correr o risco de perder dita subvención.

AS PISCINAS DO RÍO PEDRAS TAMÉN ABANDONADAS

2011-07-15T18:16:00.004+02:00

No momento en que a poboación está inmersa no período vacacional é notorio o deterioro progresivo que experimentan os principais atractivos turísticos e históricos deste pobo.

O entorno natural de Aldea Vella e as piscinas do río Pedras é un dos lugares con máis encanto e personalidade do noso concello. Camiñando é posible encontrar recunchos singulares como a antiga Ponte Medieval onde se situaba o antigo Mosteiro da Misarela,

Este lugar de interese turístico destacable encóntrase na actualidade en situación de abandono. Nada máis chegar a Aldea Vella apreciamos numerosas bolsas de lixo acumuladas no chan, xa que carece dun contedor para depositalas, de tal maneira que se poida facilitar ós visitantes un comportamento cívico e de respecto ó medio ambiente; tendo en conta que o lixo é unha fonte de contaminación e un combustible acelerante do lume (sobre todo os plásticos, que acostuman a ser unha alta porcentaxe dos residuos producidos pola actividade humana) resulta un problema potencialmente moi grave cuxa solución para o Concello resulta sinxela e pouco custosa.

Nese mesmo lugar existe un barranco, (cun importante desnivel) sen protección. Da inspección visual resulta que faltan grandes pedras tiradas no barranco podendo dar lugar a un desafortunado accidente e a unha posible concorrencia de responsabilidade patrimonial do Concello, que é coñecedor tanto da perigosidade do terraplén -de aí a presenza da barreira- como da situación actual de conservación da mesma (debería selo con anterioridade, pero xa o é formalmente dende a recepción deste documento).

Camiñando en dirección a Ponte Medieval e Mosteiro da Misarela vemos o abandono que sufre toda a área, esquecéndose este Goberno Municipal do enorme potencial turístico que pode ser a forma de preservación dos recursos, a vez de ser unha fonte de coñecemento, desenvolvemento e dinamización do pobo.

Por outra banda, a contención da vexetación nos camiños e dos espazos públicos é unha das labores que compete ao Concello ben sexa acometendo as labores de broza e limpeza directamente, ou ben por requirimento ao titular dos predios cuxa vexetación se estende sobre eles, en exercicio das competencias propias en materia de conservación de camiños e prevención de incendios, de conformidade cos artigos 25.2.b), c) e d) da Lei 7/1985, de 2 de abril, reguladora das bases do réxime local (LBRL), en concordancia co disposto nos artigos 80.2.b), c) e d) da Lei autonómica 5/1997, de 22 de xullo, de administración local de Galicia (LALGA).

Por todo iso, este grupo que represento solicita a adopción dos seguintes

ACORDOS

1º.- Que se dote o lugar de Aldea Vella de contedores de lixo.

2º.- Que se adopten medidas de seguridade e repare o muro de pedra de protección do barranco.

3º.- Que se acondicione e limpe periodicamente a ruta que vai desde Aldea Vella a Misarela retirando os restos da maleza do entorno.

A PRAIA DA CORNA ABANDONADA

2011-07-09T13:24:00.003+02:00

A nosa vila está situada nun enclave privilexiado da ría de Arousa, con fermosas praias que serven na época estival como soporte para o ocio dos nosos veciños e para as numerosas persoas que nos visitan.

Nos meses de verán, o pulo do turismo ten un efecto balsámico para o comercio da nosa vila, que é preciso coidar especialmente nesta época de crise económica, e correspóndenos a todos manter as nosas praias e o conxunto da nosa vila en perfectas condicións, nomeadamente e en situación preferente como garante ao Concello.

Como de costume, a Deputación Provincial da Coruña concedeu ao Concello unha subvención para a limpeza das praias da nosa localidade, con cuxos fondos se contratou, previo concurso de méritos, a persoal a media xornada para acometer as tarefas de limpeza dos areais.

Porén a praia da Corna, pese á súa importancia e valor natural e paisaxístico, xa que se trata dunha das praias menos antropizadas desta banda da ría de Arousa, é unha vez máis a grande esquecida das accións de limpeza, circunstancia que anoada á maior afluencia de xente propia desta época e á falta de vixilancia, provoca que se acumulen notorias cantidades de lixo sobre a area e os accesos, máis aló dos habituais que se depositan pola acción do mar e do vento.

As subvencións que concede a Deputación para a limpeza das praias teñen un obxectivo claro, cal é reforzar as labores de limpeza que se desenvolven dende o Concello de cara a mellorar a imaxe turística das nosas praias e a paliar os efectos do aumento de visitantes, que inciden no valor ecolóxico e no mantemento de condicións de hixiene e salubridade esixibles nas praias abertas ao baño.

A contratación de persoal opera como un medio para ese fin, resultando a dilixente dirección dos equipos de persoal e a asignación dos lugares e quendas de traballo a ferramenta política do Concello para obter uns resultados óptimos en termos de eficacia e de eficiencia, a fin de evitar incorrer en causas de reintegro da subvención consonte o art. 33.1.b da Lei 9/2007, de 13 de xuño, de subvencións de Galicia -e concordantes-; e sobre todo, para tentar que o noso Concello manteña unhas condicións axeitadas que favorezan que os que nos visiten, repitan nos próximos anos.

Por todo iso, este grupo que represento solicita a adopción dos seguintes

ACORDOS

1.- Que se proceda á limpeza inmediata do lixo acumulado na praia da Corna, tanto no seu areal como nos seus accesos e nas súas inmediacións.

2.- Que se adopten as medidas oportunas que eviten a acumulación de lixo no futuro, especialmente no verán.

3.- Que se realicen labores de vixilancia periódica a fin de verificar que o areal se atope en perfecto estado, así como para disuadir aos autores das condutas incívicas que ensucian a praia da Corna.

RIO MORTO E BEN MORTO

2011-07-07T21:34:00.008+02:00

Xoves, 07 de xullo as 8 da tarde, así pasaba a esta hora o río Morto polo millonario paseo fluvial. Segue sen ser unha prioridade para este goberno municipal do PP a erradicación dos vertidos industriais, son unha lacra neste concello, onde os responsables municipais miran para outro lado esquecéndose dos danos irreparables que causan o medio ambiente e o sector produtivo dependente do mar.

Unha mágoa que todos teñamos que estar sometidos ante semellante desfeita, soamente podemos denunciar,os que teñen capacidade para poñerlle remedio fan caso omiso.

¡¡GRACIAS A TOD@S!! E GRACIAS TERESA POLO TEU TRABALLO

2011-05-31T00:57:00.008+02:00

A ASAMBLEA SOCIALISTA AVALA POR ACLAMACIÓN A CONTINUIDADE DE TERESA GARCÍA.

Así manifestámonos o venres pola tarde os militantes, que abarrotamos a sede socialista para analizar o resultado das eleccións municipais e dar resposta a decisión de Teresa de poñer á disposición da militancia a súa acta de concelleira.

Na análise coincidimos todos en que os malos resultados habidos no conxunto do estado, nos teñen afectado, a pesar de que o resultado segue a ser inamovible respecto de 2007 e que no caso de ter que escoller 17 actas en lugar de 13, o reparto sería o mesmo do anterior mandato, é dicir 9, 6 y 2. Así, o resultado arroxa unha alta participación do 74,54%, 4 puntos por riba da de 2007 e as porcentaxes de cada partido son practicamente as mesmas. O PP perde 92 votos, o BNG 51 e o PSdeG 40, o que traducido en termos porcentuais son descensos mínimos nos tres partidos e que, na nosa opinión, se corresponden co descenso do número de persoas censadas (530 menos que en 2007).

Os militantes consideraron nas súas intervencións que o inxente traballo levado a cabo pola nosa candidata Teresa García na súa calidade de concelleira, non dera, inxustamente, os froitos desexados e o voto útil, demandado polos frentistas ó longo da campaña, foi eficaz, si ben é certo que o voto útil neste caso sería votar ao PSdeG, xa que quedamos a 160 votos do segundo concelleiro, mentres que ao BNG o sexto sáelle moito máis caro en votos, e isto sempre e cando estes votos emigraran do PP cara a unha soa destas dúas formacións. De non ser así, si ese votos se reparten entre a esquerda, o PP seguirá disfrutando da maioría absoluta Os números falan e a única maneira de facer un goberno de progreso na Pobra é facendo que o PP baixe do 50% dos votos emitidos. O que hai que facer é tratar de convencer a parte do seu electorado, mentres o único que facemos é trasvasar votos entre as forzas de esquerda.

Constatamos así mesmo a enorme base social do PP, que elección tras elección, sitúano sempre por riba do 50% dos sufraxios (sempre por riba dos 3000 votantes) e vemos un fracaso rotundo da esquerda pobrense no seu conxunto, o feito de non ter sido capaces nin uns nin outros, de convencer nin facer chegar a mensaxe de cambio a un só votante do PP. Recoñecemos que niso o PP está ben consolidado e dispón dun marxe de apoio moi amplo e difícil de rachar.

Sen embargo seguiremos traballando e denunciando aquelas actuacións do goberno local que consideremos oportunas, como vimos de facer ó longo destes 4 anos.

A asamblea avalou o enorme traballo levado a cabo pola nosa candidata e animamos a Teresa García a proseguir co traballo comezado, xa que conta co apoio unánime de toda a militancia. Así mesmo foron moitos os que destacaron que, grazas a ela e a súa xestión ao fronte da agrupación, esta atópase unida e sen fisuras e diso deu boa mostra unha militancia férrea e firme nas súas conviccións, que a revalidou no seu posto avalando o seu traballo e a súa continuidade por aclamación.

Imos seguir traballando pola Pobra e polos veciños. Estamos a vosa disposición e queremos rematar agradecendo a confianza que os nosos electores depositaron en nós.

CERTIFICADO DOS TITULARES AFECTADOS POLA AMPLIACIÓN DO POLÍGONO. DESMONTANDO AS MENTIRAS DO PP.

2011-04-17T17:30:00.003+02:00

CERTIFICADO DOS TITULARES AFECTADOS POLA AMPLIACIÓN DO POLÍGONO

Publish at Calaméo or browse others.

Ante a campaña difamatoria levada a cabo polo PP da Pobra, quen afirma que a nosa Candidata e Sª Xeral está afectada pola ampliación do Polígono Industrial, o cal é unha falacia, unha mentira máis das tantas deste goberno municipal e do Alcalde Isaac Ventura Maceiras Rivas, solicitamos á Secretaría Xeral do Concello o informe de titulares afectados. Na relación facilitada dende o propio Concello e asinada polo Alcalde, demóstrase que Teresa García NON TEN NINGUNHA FINCA AFECTADA POR DITA AMPLIACIÓN.
UNHA VEZ MÁIS VÉMONOS NA OBRIGA DE DESMONTAR AS MENTIRAS, INXURIAS E CALUMNIAS DO PP DA POBRA.

INTERVENCIÓN DA CANDIDATA SOCIALISTA Á ALCALDÍA DA POBRA NO ACTO DE PRESENTACIÓN DA CANDIDATURA.

2011-04-10T17:58:00.003+02:00

DISCURSO PRESENTACIÓN CANDIDATURA

Teño que empezar agradecendo profundamente a vosa presenza neste acto. Cando hai tres meses os meus compañeiros me encargaron que fose a próxima Alcaldesa da Pobra do Caramiñal, me sentín orgullosa e feliz, pero non podo ocultarvos que contiven a respiración uns minutos ante a gran responsabilidade e traballo que tiña por diante, é de todos coñecido que o traballo nunca me asustou, nin me asusta, pero a responsabilidade de obter a vosa confianza é unha tarefa que require moita disciplina, entusiasmo e rigor. Estou disposta a dalo todo por dar un cambio ao goberno deste pobo tan querido e agradecida de que compartades comigo as mesmas ilusións. Todos xuntos o vamos a conseguir porque xa vai sendo hora de que ocupe un cargo de tanta responsabilidade como Alcaldesa unha persoa que está fora de dúbida a súa honradez, a capacidade de traballo, a humildade, a cercanía.

Traballarei desde o que nos une, (tal e como o viñen facendo dentro da Agrupación Local), e non viviremos para enfrontarnos permanentemente, ou estás comigo ou contra mín, ou o que non pensa coma mín, é un inimigo do pobo. Un pobo é unha obra colectiva.

Esta é a primeira vez que teño a oportunidade para defender a miña candidatura a Alcaldía da Pobra do Caramiñal.

Certo é que estas eleccións municipais de maio do 2011 son as primeiras nas que me presento como cabeza de lista dos socialistas da Pobra, pero non son unha cara nova posto que no ano 2007 fun elixida concelleira e fun o verdadeiro látigo do popular Isaac Maceiras. Digo que seguindo unha disciplina férrea de traballo fixemos que moitos veciños a través das nosas denuncias conseguiran mellorar o seu entorno, a súa vida.

A experiencia deste catros anos en oposición permitiume cimentar as bases reais dun proxecto de pobo, moi lonxe da desidea, dos desacertos, do desgoberno, do esgotamento do actual mandatario, que nos converte case nun pobo fantasma, decrecemos en poboación, lévanos a ruína con endebedamento, con descontrol económico e falta de racionalización dos recursos, con vocación indudable de crispación social, de mentiras, con difamación e inxuria permanente.

Non queren que a Pobra se engrandeza, permanecemos como acomplexados, sen reclamar o que somos, e esquecendo o que fomos, porque hai que recordar que a Pobra viñan facer as compras as persoas dos pobos limítrofes, que tíñamos todos os servizos, e agora estamos durmindo, vemos pasar servizos e nós nin sequera temos a intención de pedilos.

Vamos a frear o rosario de despropósitos deste goberno municipal porque a vosa forza está en expresar a vosa vontade e convertela en colectiva. Cando o poder se equivoca o se alonxa dos cidadáns o único camiño é a mobilización, a protesta e o voto.

Moitos de nós estamos cansados de abandonos e promesas incumpridas. Sondes o aire para cambiar ós que levan 12 anos aferrados ó sillón. Se queredes cambiar as formas, que se atenda do mesmo modo as parroquias que o casco urbano, se queredes ser iguais, tendes que ser valentes e cambiaremos. Sen medo. Sen medo a represalias nunca admitidas, pero reais, sen medo a liberdade.

Cando sexa Alcaldesa acabaranse as mentiras, iso de: “si, si ya estamos en ello”, “en unos días está listo”, “vete haciendo que ya lo arreglaremos”, esas frases son puro ninguneo e tomadura de pelo ós veciños, as maiorías.

O pobo que nos deixe o vendedor de fume, o superaremos. O superaremos porque as obras se acometerán seguindo un plan ordenado e consensuado, porque non debería ser suficiente ca aprobación dun grupo político que máis concelleiros ten; o superaremos porque o concello debe ter as paredes transparentes, o chan e o teito de cristal, nada de agocharse dos veciños, se traballa ó servizo deles e por elo non debe haber nin a máis mínima sospeita de que non se cumpre escrupulosamente a lei; o superaremos porque nos vamos a ocupar das aldeas e barrios abandonados; o superaremos porque teremos un programa deportivo e xuveníl adaptado a mocidade; o superaremos porque optimizaremos o gasto dedicado ós servizos públicos; o superaremos porque estimularemos a economía do municipio.

E a economía do municipio non se basea en una soa actuación como pretenden facer crer ca propaganda,sen importar o custe económico que esta teña pese os duros tempos que corren. Os almacéns e cámaras frigoríficas requiren pouca man de obra, o que non pensan é en crear novos postos de traballo sobre unha estrutura económica máis sostible, desarrollando políticas estratéxicas como o fomento da economía do coñecemento, cohesión social, industria competitiva, turismo, medio ambiente, cultura, urbanismo, comercio de proximidade e autoempleo.

Non os escoitamos falar de escolas taller ou talleres de empleo, de potenciar o futuro educativo dos adolescentes e xóvenes, de impulsar as tecnoloxías da información, de promover a conciliación da vida familiar e persoal. Eles solo teñen unha obsesión, gobernar para a súa conveniencia e para a dos seus amigos.

Memoria histórica necesitamos moita e moita máis da que a eles lles gustaría. Necesitamos a memoria histórica que eles queren enterran e gardar porque son incapaces de loitar contra a realidade para conseguir o que prometeron.

· Prometeron que ca aprobación do PXOM un crecemento económico e social, con máis traballos e asentamento de maior poboación. O que aconteceu foi o descenso alarmante de poboación e paro.

· A ampliación da linea de atraque e a mellora das instalacións do porto comercial xa era inminente hai 4 anos. Nin rastro.

· En decembro do ano 2004 promesa dunha gardería pública para 100 nenos. ¿Onde está?

· Recuperación ambiental e posta en valor da praia da Corna. En época estival invade a maleza.

· Paseo peonil entre a praia de S Antonio e Pedra da Moura. ¿Alguén o veu?

· Potenciación do pequeno comercio local. Nin unha subvención, nin un programa.

· Crearían áreas de ocio e lecer na Ribeiriña, Conchido. ¿?

· Construción dun centro de día. Unha promesa da anterior lexislatura, recordade que era a lexislatura dos xovenes e dos maiores, eles mesmos recoñecen que nada fixeron o respecto porque ésta volve a ter o mesmo slogan, dos xovenes e dos maiores. Cunha imaxen virtual do centro de día queren dicir que xa está feito para captar votos.

· Construción dun novo centro de saúde. Deixan arruinar o existente, sen mantemento durante 12 anos para facer obra nova nun lugar inadecuado.

· Pensaban poñer en valor tódolos centros escolares públicos. Nunca tiveron tanto abandono, son incapaces de poñer unha rede de alambre no Salustiano Rey eiras.

· Dicían que consolidarían os servizos da biblioteca. É a única da comarca que non organizou ningunha actividade e que os horarios non están adaptados ós usuarios.

· Xestionarían novos ciclos Formativos na ensinanza. Nin se molestaron en solicitalos.

· Construirían vivendas de protección para xovenes. Da última promoción non nos lembramos, foi feita hai un puñado de anos.

· Etc,etc

Fume. Venden máis fume que calquera cheminea. É un especialista na fumareda permanente, un profesional da posta en escena, da pompa e do boato, do autobombo, das boas comidas e pinchos. Aquí gañan os amigos, normalmente os que máis teñen e perdemos todos, a maioría.

Así que necesitamos moito aire para cambialos, para marcar un novo rumbo a este barco que se está indo a pique. Confío e confío moito na vosa axuda porque vou a ser a primeira muller alcaldesa deste recuncho fermoso da Ría de Arousa, o noso ben querido pobo, a Pobra do Caramiñal.

Si queremos cambiar este pobo, temos que cambiar aos que están esgotados. Entre fume, festas e desfiles militares roubáronlle a este pobo estes últimos anos onde non adiantamos nada. Movémonos pouco. Demasiado pouco. Tanto que algúns temen que podamos desaparecer como pobo, que perdamos a nosa identidade.

Eu non vendo nin fume nin soños. Comprométome a traer aires novos. Dicía o sabio que son máis os días que as dichas. É hora de vivir os días e gozar as dichas. É hora de abrir os ollos e contemplar o aire novo que nos chega con unha candidatura renovada, ilusionada e feliz de servir a un pobo, que xunto con Borja, Berta, Martín, Isidoro, José, Marcos, Encarna, Antonia, Lorena, Jesús, Vanesa, Andrés, José Luis, Alicia e Suso poderemos volver a sentirnos orgullosos do noso pobo, A Pobra.

Asumo o reto de gobernar o concello, me considero unha muller de diálogo e de decisión o mesmo tempo. Por estilo, por talante persoal e pola condición da miña idea política, (non son independentista, nin bolchevique e é importantísimo mirar a ideoloxía de a quén se vota porque os conceptos políticos importan para tomar decisións), son unha persoa normal, dialogante e moderada. Creo que nestes 4 anos tiven a ocasión de demostralo. A miña vida política está dedicada por completo a política local, teño a seguridade de poder servir con acerto porque coñezo os verdadeiros problemas deste ben querido pobo.

Tres son os pilares que fundamentan o meu compromiso futuro:

1. Absoluta transparencia na xestión.

2. Crecemento económico e social.

3. Potenciación dos servizos públicos: gardería, centro de día, xovenes, cultura, deportes, sanidade, educación

Daremos un aire fresco, diferente e distinto. Nós non faltaremos a cita. Vos espero.

Moitas gracias por acompañarnos. Conto con todos vos para facer realidade o cambio e conseguir a Alcaldía da Pobra.

O ABANDONO DAS INSTALACIÓNS DEPORTIVAS

2011-04-04T23:37:00.001+02:00

Unha vila para o deporte é o título dun panfleto que o goberno da Pobra enviou a tódalas vivendas do pobo. Este libelo que consta de 16 páxinas, con numerosas fotografías e de calidade excelente, financiado cos cartos de todos os Pobrenses, (para que non teñamos dúbidas ó respecto ten o escudo do Concello na súa portada). Mostra futuras instalacións e pretende que os veciños crean que este goberno estivo implicado co deporte e cos deportistas o longo da lexislatura.

Nese panfleto que pagamos todos, e carísimo, nos agochan o abandono de numerosas instalacións deportivas. Hoxe estivemos no Camiño Ancho para demostrar que ¡fácil é falsear a realidade tendo cartos! A petición dos veciños, acudimos a unha pista deportiva que ten dúas porterías sen anclaxes e unhas canastras sen aros que ademais serve de almacén de pedras.

Parece que ao Sr. Alcalde non lle importan os rapaces que queiran practicar deporte nesta pista. Nas noticias vemos con máis frecuencia que a que quixeramos accidentes por caídas de porterías enriba de nenos con resultados de mortes. Os rapaces que queiran practicar deporte no Camiño Ancho non interesan ao PP deste concello, a súa seguridade é insignificante para os actuais responsables do deporte.

Esta pista deportiva o aire libre, así como a de Lamas e Andrés, deberían poder ser utilizadas para o deporte recreativo e útiles para o máximo número de especialidades compatibles e alcanzar unha rentabilidade maioritaria.

O abandono é visible e recuperar espazos en desuso e infrautilizados para a práctica deportiva non é a prioridade do Sr. Maceiras.

Aproveitar para felicitar ós numerosos deportistas do pobo que alcanzan éxitos nos distintos campionatos aos que acoden. Eses éxitos persoais son debidos ao seu esforzo e dedicación e o sacrificio propio e das súas familias e non a axuda recibida polo Alcalde da Pobra, tal e como quere aparentar nos libelos propagandísticos que está repartindo na precampaña electoral.

ABANDONO NO CENTRO DO POBO

2011-03-16T16:33:00.004+01:00

O instituto da Pobra do Caramiñal está situado aproximadamente a dous quilómetros do centro urbano, no lugar coñecido como O Maño, na parroquia de Santa María do Xobre. Moitos dos usuarios, a maioría estudantes de diversas idades, teñen que percorrer a distancia que separa o instituto dos seus domicilios diariamente a pe. A súa especial situación supón que se trata tamén da principal vía peonil que conecta O Maño con servizos tan importantes para toda a cidadanía da vila como son o centro de saúde, o polideportivo e a piscina municipal.

O pavimento das beirarrúas da rúa Venecia está afundido a partir do taller de Rodrigo por culpa da permisividade do Concello co estacionamento sobre as mesmas e a falta dun adecuado mantemento, o que provoca que cando chove se inunden e que sexan dificilmente practicables por persoas con problemas deambulatorios debido á falta de horizontalidade do solo.

Xa no tramo da rúa Venecia que discorre entre a couzada ocupada polas naves de Lumar e a antiga discoteca Búmerang e o paraxe coñecido como A Campa, as beirarrúas son literalmente inexistentes a ambos lados da calzada, xa que non están pavimentadas e as labores de contención da vexetación non son suficientes nin adecuadas, o que as fai completamente intransitables e obriga aos peóns a circular pola calzada. Esta circunstancia agrávase coa chuvia, xa que debido á inexistencia dun sistema de evacuación das augas pluviais, estas acumúlanse en grandes charcos nos bordes da vía, polo que os usuarios teñen que circular practicamente polo eixo da rúa, cun evidente perigo para a súa seguridade e a do tráfico rodado.

Terminado este tramo, nas inmediacións da ponte de Santo Antonio, non existe un paso de peóns que permita cruzar a rúa en condicións de seguridade, sendo de coñecemento público que a cruzan a diario ducias de persoas, moitas delas menores de idade.

É preciso ter en conta que aparte da comunidade escolar que acude ao centro a diario, que proporciona un volume considerable do total do tráfico peonil anual desa zona, O Maño é unha zona moi populosa onde tamén están as praias de Cabío, que atraen a numerosos veciños e visitantes no verán, moitos dos cales tamén acoden a pe nunha época na que o tráfico rodado se incrementa enormemente aumentando exponencialmente o perigo.

SOS, PELIGRO NAS OBRAS PÚBLICAS DA POBRA

2011-03-02T18:15:00.002+01:00

No colexio Fernández Varela estanse a realizar unhas obras de reparación do tellado. Obras demandadas pola comunidade educativa durante moitos anos e cas que estamos de acordo que se executen.

Numerosos pais nos trasladaron a preocupación que teñen de que se poda producir algún accidente pois non existen medidas de seguridade nin individuais nin colectivas. A este colexio de Educación Primaria acuden nenos/as de entre 3 e 6 anos polo que as medidas de protección deben ser rigorosas. Entendemos que a mellor época para facer estas obras son en períodos vacacionais ou polas tardes cando non hai ningunha actividade nese centro.

Non hai ningunha rede de protección, tanto para evitar caídas en alturas dos traballadores como para evitar que caía o chan algún cascote e poida lesionar aos rapaces, profesores ou calquera viandante.

Entendemos que a obra pública debe ser exemplarizante, non se lle pode exixir aos particulares que cumpran ca Lei de Riscos Laborais (Lei 31/1995) e as Administracións obviala. Tamén observamos que os traballadores non teñen ningunha suxeición, tipo arnés para amortiguar o golpe si se producira.

Segundo o Real Decreto 127/1997, de 24 de outubro, polo que se establecen as disposicións mínimas de seguridade e saúde nas obras de construción, no anexo IV, parte C.3.b) di: “Os traballos en altura soamente poderán efectuarse en principio coa axuda de equipos concibidos para tal fin ou utilizando dispositivos de protección colectiva, tales como barandillas, plataformas ou redes de seguridade. Se pola natureza do traballo iso non fora posible deberá dispoñerse de medios de acceso seguros e utilizarse cintos de seguridade con anclaxe”.

Desde calquera administración se debe evitar os accidentes laborais pero parece que cas presas das eleccións os riscos xa non lle importan ó Sr. Maceiras.

A DEPURADORA SOLTA AUGAS MARRÓNS A RÍA

2011-03-01T11:25:00.002+01:00

Os socialistas da Pobra non paramos de asombrarnos cas falacias cas que pretende enganar o Sr. Maceiras á opinión pública en xeral. Recoñecer que as augas do emisario da depuradora son de cor marrón, e quedarse tan tranquilo, nos parece dunha enorme irresponsabilidade ou dunha manipulación extraordinaria. Agora resulta que unha fuga na tubaxe que leva a auga teoricamente “depurada” a Ría descubrimos que non é transparente. ¿Desde hai canto tempo está ocorrendo isto? O resultado é que a EDAR da Pobra depurar non depura a xulgar polas evidencias.

Meses atrás as Xuventudes Socialistas da Pobra denunciaban que o funcionamento da edar non era o correcto. Os cheiros que desprende son un claro sinal do mal funcionamento de esta. Aínda que está pensada para uns 30.000 habitantes está mal concibida pois un dos tratamentos mais importantes non está presente, trátase da decantación primaria.

Un auga depurada cos seus correspondentes pasos pola EDAR, nunca pode saír doutro cor que non sexa o da auga, é dicir incolora. Todo fai indicar que unha vez que a auga sae do tratamento biolóxico, non é tratada con tratamento de cloro para eliminar as bacterias do anterior tratamento nin algúns residuos que levan as augas residuais como patóxenos, sales disoltas ou afino.

Un auga marrón, aínda que o Sr. Alcalde diga que non é un vertido, é un auga que o saír contaminada ten efectos nocivos sobre todo na riqueza marisqueira, acuicultura e pesca.

Por outra banda sorpréndenos que se declare como algo normal que sigan chegando as augas do polígono industrial a unha EDAR deseñada exclusivamente para depurar augas residuais urbanas. Non nos cansaremos de repetir que estas augas ó ser moito más ricas en determinados nutrientes, e que existen distintos procesos de elaboración, polo tanto se xeran distintos produtos de desfeito, cuestión pola cal non se poden tratar nin mezclar na mesma depuradora.

Esta edar, esta deseñada para eliminar a auga residual dos veciños, non das industrias sen pre depuración. Parecerá que isto é unha nimiedade pero a realidade é que os vertidos e desfeitos que verten as empresas non son nin o mesmo nin na mesma cantidade que os usos domésticos.

Por todo isto esiximos que dunha vez por todas se acondicione a EDAR con todos os procesos dunha planta depuradora que cumpra ca súa función, con unha instalación de decantamento primario e que se lle esixa as empresas radicadas na Pobra unha pre depuración das augas xa que o medio ambiente non entende de aforrar e se está a prexudicar economicamente ó sector marisqueiro e pesqueiro.

POR CENTROS EDUCATIVOS DIXITAIS

2011-02-24T22:20:00.003+01:00

Os colexios de Educación Primaria deste pobo non están preparados en materia de infraestruturas para poñer en marcha a Escola 2.0 (proxecto Abalar), que noutros pobos de Galicia se está implantando con garantías de éxito, nin tan sequera contan con redes wifi de conexión inalámbrica a internet.

O Obxectivo é a implantación de novas ferramentas de información e comunicación, facer unha educación máis competitiva en novas tecnoloxías e garantir a plena incorporación das tecnoloxías da información (TIC) a ensinanza.

A finalidade do programa ABALAR é que a Xunta garanta a dotación e o mantemento da infraestrutura Tecnolóxica para todos os centros educativos. O proxecto di que dotará os centros dos equipamentos e infraestruturas necesarias para o funcionamento das TIC en educación, favorecendo a conversión dos centros educativos tradicionais en centros educativos dixitais. O equipamento consta de: proxectores, encerados dixitais, ultraportátiles de alumnado e profesorado, armarios con bandexas para a recarga, cables e canalizacións, instalación eléctrica e conexión á rede de educación e a Internet.

Deste modo, ABALAR conseguiría motivar ó alumnado, con medios para que saquen del o mellor en base o seu traballo e esforzo, integrando as familias, e facendo mais fácil o traballo dos docentes.

A atención que acaparou o proxecto ABALAR, os requirimentos de apoio e aclaracións por parte do profesorado, o estudio dos equipamentos, a posta a punto, e a preocupación que ten a comunidade educativa da Pobra por carecer nos seus centros da instalación eléctrica necesaria para poder implantar dito programa fai imprescindible que, de forma inmediata, se apoie desde o concello as súas reivindicacións ca finalidade de lograr que a Consellería de educación faga as reformas da instalación a maior brevidade. Si a actuación é inmediata se está apoiando tamén as familias para que conxuntamente con alumnado e profesorado se poda conseguir o cambio do centro educativo tradicional a centro educativo dixital, favorecendo a modernización e o rol de cada membro da comunidade educativa neste proceso.

POLÍTICA DE XENÉRICOS.

2011-02-18T22:30:00.003+01:00

A Agrupación Socialista da Pobra organizou unha charla informativa para todos os veciños sobre a política de xenéricos da Xunta de Galicia, tema de candente actualidade, e sobre a cal existe un gran descoñecemento entre a cidadanía por mor da opacidade do goberno autonómico nesta materia.

A charla celebrouse o pasado 16 de febreiro no salón de actos do Instituto Social de la Marina da Pobra do Caramiñal, tendo como relatores a Teresa García Guillán, Secretaria Xeral da Agrupación Socialista da Pobra e candidata á Alcaldía; José Manuel Lage Tuñas, deputado no Parlamento de Galicia polo PSdeG-PSOE; e a Francisco “Tuco” Cerviño González, deputado autonómico, médico especialista en nefroloxía, e ex xerente do Complexo Hospitalario Universitario da Coruña (CHUAC, antigo Hospital Juan Canalejo) e do Hospital Gregorio Marañón de Madrid, que asumeu na súa cualidade de experto o groso da charla.

Comezou Teresa García agradecendo a asistencia dos presentes a pesar do temporal, e criticando a postura política da Xunta de Galicia, defendendo que a Sanidade Pública debe ser unha para todas as rexións. Criticou así mesmo que o goberno autonómico obrigue aos pacientes a pagar a totalidade do prezo do medicamento se deciden optar polo seu medicamento habitual en lugar de aceptar a substitución obrigatoria do mesmo, sen ter dereito a unha redución do seu prezo equivalente ao custe que supón o xenérico para a Xunta.

En segundo lugar interveu José Manuel Lage, que agradeceu á Agrupación Socialista da Pobra a celebración da charla informativa sobre unha cuestión de tanta actualidade, destacando que se trata dun tema “no que se precisa moita información e pouca demagoxia” para disipar incertezas.

Aproveitou a ocasión para falar da situación da sanidade pública na comarca do Barbanza, destacando que os socialistas xa denunciaron o peche das axendas no hospital comarcal, sinalando que “os socialistas defendemos e defenderemos sempre un sistema sanitario universal” e gratuíto, un logro a nivel estatal que “esta no ADN das políticas socialistas”, tendente a unha cobertura sanitaria independente da conta bancaria e das propiedades de cada un. Sinalou así mesmo Lage que o responsable da xestión no día a día da Sanidade de Galicia é a Xunta de Galicia, pero que “o goberno galego parece que nunca é responsable de nada” desde que goberna o Partido Popular, ao que criticou a súa mala memoria lembrándolle que cando Núñez Feijoó estaba na oposición, segundo o seu criterio todos os males de Galicia eran culpa do presidente Touriño.

En terceiro lugar interveu Francisco Cerviño, quen subliñou que o gasto farmacéutico é un problema real endémico de España, que destina entre o 31% e o 32% do orzamento da Sanidade aos medicamentos, gastos que impiden o seu investimento en persoal e infraestruturas sanitarias, cando a media da OCDE está entre o 15% e o 17%.

Seguidamente fixo un breve repaso ás políticas socialistas na materia, que permitiron unha diminución progresiva da porcentaxe de gasto en medicamentos, até o punto de que 2010 foi o primeiro ano no que o gasto farmacéutico descendeu no conxunto de España, excepto no caso de tres Comunidades Autónomas nas que ascendeu, entre elas en Galicia cun incremento dun 3%.

Destacou que como froito das negociacións da anterior Ministra de Sanidade coa farmaindustria e cos vendedores de medicamentos, e das que se mantén unha política de continuidade coa actual titular da carteira ministerial, se conseguiu unha baixada do prezo final do medicamento ao aceptar estes unha redución dos seus beneficios nun 3% en un 2%, respectivamente.

Dados os efectos concorrentes das políticas públicas do goberno central, que se calcula que suporán un aforro de 122 millóns de euros anuais -cartos que se destinarán á mellora do sistema sanitario como propias do seu orzamento-, puxo en tela de xuízo as declaracións da conselleira Farjas no tocante ao aforro neto que se conseguiu coa aplicación da polémica política de xenéricos, toda vez que resulta difícil discernir que parte do aforro se corresponde ás medidas da Xunta de Galicia, e que parte ás políticas implementadas polo goberno socialista.

Fixo referencia tamén a que as políticas do goberno estatal están dirixidas a solucionar a situación de infrafinanciamento crónico da sanidade pública, que se cifra nun 0,5% do PIB tras a redución de medio punto do PIB que realizou Zapatero eliminando de golpe o 50% do infrafinanciamento, até o momento no 1%; non obstante, a pesar deste infrafinanciamento, congratúlase Cerviño de que o sistema médico español resulta exemplar a todos os niveis, punteiro no tocante a transplantes e á cobertura sanitaria universal que considera un sistema redistribuidor da riqueza.

Inconstitucionalidade da Lei 12/2010, de 22 de decembro

Francisco Cerviño criticou duramente que o PP insista en autodenominarse o partido dos traballadores e acuse á vez ao goberno central de estar aliado coas multinacionais da farmacia, cousa que considera unha incoherencia do PP, toda vez que esquece que a industria farmacéutica en España sostén milleiros de postos de traballo, sobre todo en Madrid e en Cataluña.

Considera que esta Lei galega si supón un aforro difícil de cuantificar pola concorrencia das medidas do goberno de José Luís Rodríguez Zapatero, pero á vez critica a Núñez Feijoó por facer unha lei contraria ás competencias do goberno galego, establecidas taxativamente pola Constitución Española de forma textual.

Fundamenta a apreciación no dictame do Consello de Estado, que tilda a Lei galega de anticonstitucional entre outro motivos por vulnerar as competencias exclusivas do Estado ao establecer un catálogo de medicamentos distinto e independente do aprobado polo goberno central.

Destacou tamén Cerviño na súa intervención, non exenta de cuestións técnicas que demostran o profundo coñecemento na materia que atesoura o relator, “o lío que montaría o Partido Popular se isto o fixese Cataluña”, parafraseando frases reaccionarias moi manidas pola dereita relativas á ruptura de España.

Criticou tamén que a conselleira Farjas manifestase que levou a cuestión do catálogo galego ao Consello Interterritorial de Sanidade, no que están representadas todas as Comunidades Autónomas e o Goberno, cando na realidade o que fixo foi levar a proposta fóra da orde do día, imposibilitando o seu debate, e cando a tramitación parlamentaria da Lei xa se atopaba moi avanzada.

Ao seu xuízo, a norma galega é unha vulneración burda das regras do xogo, que obriga por imperativo legal ao Presidente do Goberno a interpor contra a mesma un recurso de inconstitucionalidade.

No tocante aos motivos que levaron ao goberno de Núñez Feijóo a aprobar unha Lei manifestamente anticonstitucional por vulneración das competencias exclusivas e excluíntes do Estado, destacou que non son outros que motivos de carácter político no sentido máis frívolo da palabra, no que non dubidou en adxectivar coma unha “fanfarronada publicitaria” tendente a fomentar a paranoia inventada polo PP de que o Goberno central está en contra de Galicia.

Dende a Agrupación Socialista da Pobra queremos unha vez máis agradecer aos deputados José Manuel Lage Tuñas e a Francisco Cerviño González a súa presenza e participación nesta charla informativa, así coma ao nutrido grupo de asistentes que a pesar do temporal acudiron a este acto, entre os que se atopaban entre outros compañeiros, simpatizantes e veciños, Marisol Soneira Tajes (deputada autonómica).

BOLETIN MUNICIPAL ¡¡CATRO ANOS DE DESGOBERNO!!

2011-02-14T12:49:00.001+01:00

A CULTURA NON É UN OBXECTIVO PARA O PP

2011-02-11T09:10:00.006+01:00

A biblioteca municipal “Victoriano García Martí” da Pobra do Caramiñal, situada no segundo andar do número 25 da rúa Castelao, malia ser a única biblioteca municipal da vila, está a ser esquecida polo goberno local, que mostra coa súa deficiente xestión deste activo cultural unha política municipal completamente insensible ás necesidades e inquietudes culturais dos pobrenses e daqueles que nos visitan.

Son moitos os veciños que ante a falta de resposta do Concello acoden a esta Agrupación Local a formular as súas queixas e suxestións, entre as que destaca unha queixa xeneralizada no tocante aos horarios de apertura, queixas relativas aos fondos bibliográficos, e queixas sobre deficiencias nas instalacións, que están a provocar unha perda de usuarios que demostra que o actual alcalde non ten un compromiso firme coa cultura na nosa vila.

Horarios de apertura.- A biblioteca abre unicamente de luns a venres en horario de 10.00 a 13.00 e de 16.00 a 20.00 h, e pecha as súas portas o sábado e o domingo. Este horario impide que as persoas traballadoras poidan acceder á biblioteca os días laborables pola case mimética coincidencia co horario laboral, atopando as portas pechadas nos días de descanso semanal e nos días festivos. Asemade, resulta usual atopar a biblioteca pechada dentro do horario sen previo aviso do Concello, ás veces cunha simple nota na porta na que se modifican os horarios habituais, debido á incorrecta cobertura dos permisos, licencias e vacacións do persoal da biblioteca, cuxos dereitos laborais entran en conflito co dereito de acceso á cultura dos pobrenses pola incapacidade de xestión da Concelleira e o desinterese do goberno municipal; todo isto provoca que moitos estudantes se despracen ás bibliotecas dos concellos limítrofes en épocas de exames.

En definitiva, os horarios da biblioteca non están adaptados aos usuarios da mesma que fundamentalmente son os estudantes. Estes atópanse ca porta pechada e con horarios insuficientes na época que máis o necesitan, cando teñen que preparar exames.

Fondos bibliográficos e instalacións.- Resulta salientable que os libros en galego se atopan “ocultos” nunha planta superior, de difícil acceso e que conta soamente con tres postos de lectura, o que supón unha discriminación á cultura galega por parte do goberno do PP, e non existe un programa da Concellería responsable para que as novas adquisicións e actualizacións se seleccionen por temáticas segundo a interese dos usuarios. A biblioteca carece tamén dun arquivo bibliográfico permanente, de forma que os libros de uso cotiá comparten estante con outros de uso ocasional nunha competición cultural absurda que consume espazos da biblioteca, cuxos puntos de lectura xa están en pugna coas sombras dos usuarios que se proxectan sobre os libros por causa dunha incoherente distribución do mobiliario e das luminarias do teito. Carecen de catálogo para buscar libros e a iluminación é moi deficiente.

Son destacables os ruídos producidos polas oficinas existentes no local de abaixo e no da planta superior, ademais do mal funcionamento da porta de entrada da biblioteca. Tamén pensamos que a distribución non é a adecuada xa que para chegar ata o bibliotecario tes que percorrer todo o local, e consecuentemente, molestando as persoas que alí están estudando.

Estas deficiencias únense a unha falta de accións de fomento da lectura por parte do goberno local, até o punto de que o PP converteu á Pobra do Caramiñal na única poboación do Barbanza que non organiza ningunha actividade na súa biblioteca, o que demostra que para o goberno local de Isaac Maceiras, unha biblioteca é un vulgar almacén de libros.

Debe pensar este goberno do Sr. Maceiras que a cultura non dá moitos votos, pero a educación é o que nos iguala a todos e fainos libres.

ESTE CONCELLO É UNHA RUÍNA

2011-02-03T10:42:00.004+01:00

Tamén a Diputación da Coruña avisa ó concello, e nomeadamente ao equipo de goberno que preside o Sr. Maceiras, da magnitude económico-financeira e certifica a grave situación deste concello “amosando a situación de anos anteriores cun serio problema de liquidez”.

Certifica: “a situación é grave, 2009 é o quinto ano consecutivo que se liquida cun remanente de tesourería negativo alcanzando neste ano a súa cifra negativa máis elevada -2.024.571,41 euros, neste ano tamén se produce un incremento importante das operacións pendentes de aplicar o presuposto con respecto ó ano anterior o que vén a empeorar este déficit de tesourería”.

Estes son os resultados de 12 anos de desgoberno, de despilfarro e de non racionalizar nin priorizar as necesidades dos veciños. Esa cacareada boa xestión ten un resultado tan negativo que fai que este concello nunca tivera cotas de endebedamento tan alto.

“O pendente de pago mantense nunhas cifras elevadas en todo o período cun lixeiro incremento neste ano que alcanza a cantidade de 2.717.279,91 euros o que pon de manifesto un importante problema de liquidez no concello que ten que provocar necesariamente un atraso importante no pagamento das súas obrigas”.

Estes tecnicismo non terían tanta transcendencia si detrás deles non existise unha realidade como que hai preto de 3 millón de euros de pagos pendentes, é dicir débedas con provedores, con pequenas e medianas empresas, que están longo tempo sen cobrar, tendo en conta que soamente estamos a falar de gastos recoñecidos. Si estiveran contabilizados tódolos compromisos totais de pago, a situación seguro que ten tintes máis dramáticos.

Un Plan de Saneamento non consiste só en reducir a débeda bancaria a conta de deber máis, a quen ten máis necesidade de cobrar, estamos a falar dos autónomos, as pymes e todas as empresas que prestan servizos ó concello.

Compre un Plan serio e responsable que abarque a difícil realidade das contas locais, canto máis se prolongue esta situación, máis dolorosa e difícil será a solución. Este alcalde ca aptitude perseverante de inconsciencia vai a hipotecar os exercicios futuros e supón unha importante irresponsabilidade nunha realidade tan difícil como a actual, na que as Administracións teñen que ser exemplo de cumprimento das súas obrigas, de austeridade e bo goberno.

Continua dicindo o informe “sorprende que o concello non aproveitara a medida especial de saneamento que ofrecía o RDL 5/2009 mediante a concertación dunha operación extraordinaria de endebedamento pola suma do remanente de tesourería negativo e das operacións pendentes de aplicar o presuposto, como maneira máis oportuna para sanear este déficit de tesourería”.

Todos nos acordamos de varias comparecencias do alcalde ante os medios de comunicación en que primeiro anunciaba que se acollía o RDL e despois que non. Estas idas e vidas falan do esgotamento deste goberno e da falta de rigor e seriedade que lle merecen as contas públicas.

Si fixera no seu momento o Plan de reestruturación, suporía a aplicación dunha disciplina orzamentaria (baixo tutela) que tería paliado esta situación financeira que presenta o Concello. O que realmente conseguiron foi evitar o tutelase externo das contas con omisións incomprensibles non só para os servizos económicos da Deputación Provincial, que cualifican literalmente de “sorprendentes”, senón tamén para a propia Intervención Municipal, xa que non se rexen nin polo dictado dos técnicos nin polo interese público, e que supoñen o empobrecemento sistemático do noso concello.

No informe da Deputación non se fai referencia ao paradoiro de 200.000 euros procedentes da monetarización do aproveitamento urbanístico do polígono 7, percibidos polo Concello en 2008 por un convenio urbanístico.

Estes cartos, sobre os que xa se pediu información e que non se atopan en ningún lugar, teñen un destino legal específico sinalado nos artigos 177 da LOUGA e 39 da Lei o Solo estatal, e deberan estar integrados no inventario separado do Patrimonio Municipal do Solo.

Pois ben, como xa advertiu no seu día o interventor, estes cartos non están correctamente contabilizados, polo que se impide a todo aquel que revise as contas públicas saber se foron ou non gastados, se se aplicaron ou non ao seu destino legal, ou se se empregaron indebidamente para realizar pagos fóra do seu obxecto.

Simplemente, estes cartos non se sabe onde están, pero sí se sabe que grazas á xestión económica do goberno de Maceiras, o Concello ten un saldo negativo case que 15 veces superior a eses 200.000 euros; o que ten o peto furado, calquera cousa que meta a perde.

O CENTRO URBÁN TAMÉN ESQUECIDO

2011-01-24T19:48:00.004+01:00

As obras do goberno do PP da Pobra céntranse en poñer flores no xardín e amañar as rúas limítrofes a este. É evidente o deterioro non só das parroquias senón do casco urbano.

A mostra é a rúa Luís Seoane, que vai desde a Gavoteira ata os Areais, é un rosario de baches pese a ser una rúa céntrica. O deterioro da estrada convertese no principal tema de conversación entre os veciños e usuarios da mesma porque levan soportando ese deplorable estado dende hai longo tempo.

O estado do firme é penoso e xera un risco real aos vehículos xa que poden sufrir desperfectos e ademais algúns andan en zigzag par evitar os buratos do asfalto.