PradhiKarthik

கணவருடன் விவாகரத்தா? -நடிகை அனன்யா

2013-05-31T21:37:00.000+05:30

கணவருடன் விவாகரத்தா? - நடிகை அனன்யா

நாடோடிகள் படம் மூலம் தமிழில் அறிமுகமானவர் அனன்யா. சீடன், எங்கேயும் எப்போதும் படங்களிலும் நடித்துள்ளார். மலையாளத்திலும் முன்னணி நடிகையாக உள்ளார். அனன்யாவுக்கும் திருச்சூரை சேர்ந்த தொழில் அதிபர் ஆஞ்சநேயலுவுக்கும் 2012-ல் நிச்சயதார்த்தம் நடந்தது. அதன்பிறகு ஆஞ்சநேயலு ஏற்கனவே திருமணம் ஆனவர் என்ற தகவல் தெரியவர அனன்யாவின் பெற்றோர் திருமணத்தை ரத்து செய்துவிட்டனர்.

ஆனால் அவர்கள் எதிர்ப்பை மீறி அனன்யா திருப்பதியில் ஆஞ்சநேயலுவை ரகசிய திருமணம் செய்து கொண்டதாக செய்திகள் வெளியானது. தற்போது மீண்டும் அவர்களுக்குள் பிரச்சினை ஏற்பட்டு பிரிந்து விட்டதாகவும் செய்திகள் பரவியுள்ளன.

ஐதராபாத்தில் தெலுங்கு படப்பிடிப்புக்கு வந்த அனன்யாவிடம் நீங்கள் திருமணம் செய்து கொண்டதாகவும், தற்போது கணவனை விவாகரத்து செய்து விட்டதாகவும் வதந்தி வெளியாகியுள்ளதே என்று நிருபர்கள் கேட்டனர். இதற்கு பதில் அளித்த அனன்யா கூறும்போது, அதெல்லாம் என் சொந்த விஷயங்கள். என்னுடைய தனிப்பட்ட வாழ்க்கை பற்றி வெளிப்படையாக எதுவும் சொல்ல முடியாது. சினிமா விஷயங்கள் பற்றி கேட்டால் மட்டுமே பதில் சொல்வேன் என்றார்.

மேலும் அனன்யா கூறியதாவது:- நான் குழந்தை நட்சத்திரமாக சினிமாவுக்கு வந்தேன். தமிழில் நடித்த நாடோடிகள் படம் ஹீட்டானதால் திருப்புமுனை ஏற்பட்டது. அப்படம் பல மொழிகளில் வந்ததால் பிரபலமானேன். எங்கேயும் எப்போதும் படத்தில் நடித்ததற்காக விருதுகள் கிடைத்தன. கவர்ச்சியாக நடிக்க மாட்டேன். எதிர்காலத்தில் சினிமா டைரக்டர் ஆக வேண்டும் என்பது என் ஆசையாக உள்ளது.

கச்சத்தீவு அருகே இலங்கை போர் கப்பல்கள் நிறுத்தம்: மீனவர்களுக்கு பாதுகாப்பு வழங்க கோரிக்கை

2013-05-31T21:28:00.000+05:30

கச்சத்தீவு அருகே இலங்கை போர் கப்பல்கள் நிறுத்தம்:

மீனவர்களுக்கு பாதுகாப்பு வழங்க கோரிக்கை

ராமேசுவரம், மே. 31:

மீன்களின் இனப்பெருக்க காலமான ஒவ்வொரு ஆண்டும் ஏப்ரல் 15-ம் தேதி முதல் மே 29-ந்தேதி வரை மீன்பிடிக்க தொடர்ந்து 45 நாட்கள் தடை விதிக்கப்படுவது வழக்கம். இந்த ஆண்டும் மீன்பிடிக்க தடைகாலம் முடிந்து தமிழகத்தில் பல மாவட்டங்களில் நேற்று மீனவர்கள் கடலுக்கு மீன் பிடிக்க சென்றனர்.

ராமேசுவரம் மீனவர்கள் நாளை (1-ந்தேதி) அதிகாலை முதல் மீன்பிடி டோக்கன் பெற்று செல்ல உள்ளனர். இந்த நிலையில் இலங்கை ராணுவம் கச்சத்தீவு அருகே தமிழக மீனவர்கள் யாரும் மீன்பிடிக்க வந்து விடாதபடி கச்சத்தீவை சுற்றியுள்ள பகுதியில் 7 கடற்படை ரோந்து கப்பல்களையும், 9 குட்டி ரோந்து கப்பல்களை நிறுத்தி உள்ளது.

மேலும் கச்சத்தீவு எல்லையை குறிக்கும் வகையில் மிதவை பலூன்களையும் கடலில் மிதக்க விட்டுள்ளனர். நேற்று பாம்பனில் இருந்து மீன்பிடிக்க சென்ற நாட்டுப்படகு மீனவர்களை இலங்கை கடற்படையினர் இங்கு மீன் பிடிக்க வரக் கூடாது என எச்சரித்து விரட்டினர். உயிருக்கு பயந்து கரை திரும்பிய

நாட்டுப்படகு மீனவர்கள் கூறியதாவது:-

கச்சத்தீவு அருகே இதுவரை எப்போதும் இல்லாத வகையில் தற்போது இலங்கை அரசு போர்க்கப்பல்களை நிறுத்தி உள்ளது. இதனால் மீனவர்களுக்கு பெரும் அச்சத்தை ஏற்படுத்தியுள்ளது என்றனர்.

இது குறித்து ராமேசுவரம் மீனவர்கள் சங்க தலைவர் தேவதாஸ் கூறியதாவது:-

தடைக்காலம் முடிந்து நாளை முதல் மீனவர்கள் கடலுக்கு மீன்பிடிக்க செல்ல உள்ளனர். அதிக மீன்கள் கிடைக்கும் என்ற மகிழ்ச்சியில் உள்ளனர். இந்த நிலையில் கச்சத்தீவு அருகே இலங்கை போர்க்கப்பல்கள் நிறுத்தப்பட்டுள்ள தகவல் அறிந்து கவலை அடைந்துள்ளோம். நாங்கள் பாரம்பரியமாக மீன்பிடிக்கும் இடத்தில்தான் மீன்பிடிப்போம்.

எல்லை தாண்டமாட்டோம். போர்க் கப்பல்கள் நிறுத்தப்பட்டுள்ளதால் மீனவர்கள் அச்சம் அடைந்துள்ளனர். பலமுறை இலங்கை கடற்படையினர் ராமேசுவரம் மீனவர்களை தாக்குவதும், விரட்டுவதும், கடத்தி செல்லுவதும் வழக்கம். இப்போது போர்க்கப்பல்கள் நிறுத்தப்பட்டுள்ளதால் ராமேசுவரம் மீனவர்களுக்கு மத்திய அரசு உரிய பாதுகாப்பு வழங்க வேண்டும்.

இவ்வாறு அவர் கூறினார்.

மீனவர் சங்க தலைவர் மெரிட் கூறும்போது, மீனவர்கள் தடை செய்யப்பட்ட வலைகளை வைத்து மீன்பிடிக்க கூடாது. மீனவர்கள் கட்டுப்பாட்டுடன் செயல்பட வேண்டும். மீனவர்கள் அப்பாவிகள். அவர்கள் தாக்கப்படுவது வேதனை அளிக்கிறது. கச்சத்தீவு அருகே இலங்கை போர்க்கப்பல்கள் நிறுத்தப்பட்டுள்ளதால் தமிழக மீனவர்களுக்கு பாதுகாப்பு வழங்க வேண்டும்.

இவ்வாறு அவர் கூறினார்.

மீனவர் சங்க தலைவர் போஸ் கூறும்போது, கச்சத் தீவு அருகே போர்க்கப்பல்கள் நிறுத்தப்பட்டுள்ளதாக நாட்டுப்படகு மீனவர்கள் தெரிவித்துள்ளனர். இருப்பினும் மீன்பிடிக்க செல்லும் மீனவர்களுக்கு உரிய பாதுகாப்பு வழங்க மத்திய அரசு நடவடிக்கை எடுக்க வேண்டும் என்றார்.

பெட்ரோல் விலை 75 காசுகள் உயர்வு: டீசல் விலையும் உயர்ந்தது

2013-05-31T21:21:00.000+05:30

பெட்ரோல் விலை 75 காசுகள் உயர்வு: டீசல் விலையும் உயர்ந்தது

புதுடெல்லி, மே 31:

சர்வசேத விலை நிலவரங்களுக்கு ஏற்ப, பெட்ரோலியப் பொருட்களின் விலை 15 நாட்களுக்கு ஒருமுறை மாற்றியமைக்கப்படுகிறது. டீசல் விற்பனையில் ஏற்படும் நஷ்டத்தை சரிகட்டுவதற்கு மாதம் 50 காசுகள் வரை உயர்த்திக் கொள்ளவும் எண்ணெய் நிறுவனங்களுக்கு மத்திய அரசு அனுமதி வழங்கியுள்ளது.

கடந்த 10 மாதங்களில் இல்லாத அளவிற்கு இந்திய ரூபாயின் மதிப்பு பன்னாட்டு சந்தையில் குறைந்து வருவதால் பெட்ரோலியப் பொருட்கள் இறக்குமதி செய்வதில் செலவு அதிகரித்துள்ளது.

இந்நிலையில், பெட்ரோல் விலை இன்று லிட்டருக்கு 75 காசுகள் உயர்த்தப்பட்டுள்ளதாக எண்ணெய் நிறுவனங்கள் அறிவித்துள்ளன. இந்த விலை உயர்வு இன்று நள்ளிரவு முதல் அமலுக்கு வரும்.

இதேபோல் டீசல் விலை லிட்டருக்கு 50 காசுகள் உயர்த்தப்பட்டுள்ளதாகவும் அறிவிக்கப்பட்டுள்ளது.

சச்சினுக்கு புக்கீகள் வைத்த பட்டப்பெயர்?

2013-05-31T19:01:00.000+05:30

சச்சினுக்கு புக்கீகள் வைத்த பட்டப்பெயர்?

மும்பை: கிரிக்கெட் ரசிகர்களுக்கு பிடித்த வீரரான சச்சின் டெண்டுல்கருக்கு தரகர்கள் ஒரு கோட் வார்த்தையை பயன்படுத்தியுள்ளனர். கிரிக்கெட் இருக்கும் வரை சச்சின் டெண்டுல்கரின் பெயரும் இருக்கும் என்று ஊடகங்கள் பெருமை பாடுகின்றன. அத்தகைய சச்சினுக்கு பல பட்டப்பெயர்கள் உள்ளன. கிரிக்கெட்டின் கடவுள், டென்டியா, லிட்டில் மாஸ்டர், மாஸ்டர் பிளாஸ்டர் ஆகியவை சில பெயர்கள் ஆகும். இந்நிலையில் ஐபிஎல் சூதாட்டத்தில் சிக்கிய தரகர்களின் லேப்டாப்கள், டைரிகள் மற்றும் ஐபேட்களில் சச்சினுக்கு புதிதாக ஒரு பட்டப்பெயர் உள்ளது.

அந்த பெயர் பட்கு என்பதாகும். இந்தியில் பட்கு என்றால் குள்ளமாக உள்ளவர்களை கேலி செய்யும் வகையில் பயன்படுத்தப்படும் சொல். நம் ஊரில் கட்டையன் என்று சொல்வது போன்று. கேப்டன் டோணி ஹெலிகாப்டர் ஷாட் அடிப்பதால் அவருக்கு ஹெலிகாப்டர் என்று பெயர் வைத்துள்ளனர். மலிங்காவுக்கு மக்கி என்று பெயர் வைத்துள்ளனர். தரகர்கள் கிரிக்கெட் வீரர்களின் பெயர்களை பயன்படுத்தாமல் அவர்களுக்கு தாங்கள் வைத்த பட்டப்பெயர்களைத் தான் பயன்படுத்தி வந்துள்ளனர். ஏனென்றால் வேறு யாராவது கேட்டாலும் அவர்களுக்கு அந்த பெயர் புரியாதல்லவா.

தமிழ்நாடு முழுவதும் குட்கா, பான்மசாலாவுக்கு தடை அமலுக்கு வந்தது

2013-05-31T14:56:00.000+05:30

ஜெயலலிதா அறிவிப்பை தொடர்ந்து அரசானை வெளியீடு :

தமிழ்நாடு முழுவதும் குட்கா, பான்மசாலாவுக்கு தடை அமலுக்கு வந்தது

சென்னை

தமிழ்நாட்டில் குட்கா, பான் மசாலா போன்ற சுவைக்கும் புகையிலை பொருட்களை தயாரிக்கவும், சேமித்து வைக்கவும், வினியோகிக்கவும், விற்பனை செய்யவும் தடை விதிக்கப்படும் என்று கடந்த 8–ந்தேதி சட்டசபையில் முதல்–அமைச்சர் ஜெயலலிதா அறிவித்தார். பேரவை விதி எண் 110–ன் கீழ் ஓர் அறிக்கையை படித்த முதல்–அமைச்சர், புகையிலையால் ஏற்படும் பல்வேறு வகையான புற்று நோய்களை தடுக்கும் வகையில் குட்கா, பான் மசாலா போன்ற சுவைக்கும் புகையிலை பொருட்களுக்கு தடை விதிக்க அரசு முடிவு செய்திருப்பதாக அப்போது தெரிவித்தார்.

இந்த நிலையில், முதல்–அமைச்சர் ஜெயலலிதாவின் அறிவிப்பை தொடர்ந்து, குட்கா, பான் மசாலாவுக்கு தடை விதித்து அரசு பிறப்பித்த உத்தரவு நேற்று வெளியிடப்பட்டது.

உடல்நலத்திற்கு கேடு

இதுதொடர்பாக உணவு பாதுகாப்பு ஆணையர் குமார் ஜெயந்த் வெளியிட்டுள்ள உத்தரவில் கூறப்பட்டு இருப்பதாவது:– இந்திய உணவு பாதுகாப்பு மற்றும் தர ஆணையத்தின் விதிமுறைகளின்படி, புகையிலை மற்றும் நிகோடின் ஆகியவை உடல் நலத்திற்கு கேடு விளைவிக்கும் என்பதால் அவற்றை எந்த ஒரு உணவு பொருளிலும் சேர்க்கக்கூடாது. குட்காவும், பான் மசாலாவும் புகையிலை மற்றும் நிக்கோடின் சேர்க்கப்படும் உணவு பொருளாக உள்ளன. எனவே, குட்காவுக்கும், பான்மசாலாவுக்கும் உடனடியாக தடை விதிக்க வேண்டியது அவசர அவசியமாகிறது.

அமலுக்கு வந்தது

எனவே, பொதுமக்களின் உடல்நலனை கருத்தில் கொண்டு, தமிழ்நாட்டில் குட்கா, பான் மசாலா மற்றும் புகையிலை, நிக்கோடின் இடம்பெறும் இதர உணவு பொருட்கள் எந்த பெயரில் சந்தையில் இருந்தாலும் அவற்றை தயாரிக்கவும், சேமித்து வைக்கவும், வினியோகிக்கவும், விற்பனை செய்யவும் இந்த உத்தரவு வெளியான நாள் முதல் ஓராண்டுக்கு தடை விதிக்கப்படுகிறது. இவ்வாறு அந்த உத்தரவில் கூறப்பட்டு உள்ளது.

அரசு உத்தரவு நேற்று வெளியிடப்பட்டதை தொடர்ந்து இந்த உத்தரவு நேற்று முதல் அமலுக்கு வந்துள்ளது. இந்த உத்தரவு ஓராண்டுக்கு அமலில் இருக்கும்.

இது தொடர்பாக, உணவு பாதுகாப்புத்துறை அதிகாரி ஒருவர் கூறியதாவது:–

பான்மசாலா விற்பனைக்கு தடை

முதல்–அமைச்சர் ஜெயலலிதா அறிவித்திருந்தபடி, தமிழ்நாட்டில் பான்மசாலா, குட்கா விற்பனை செய்வதற்கான தடை உடனடியாக அமலுக்கு வருகிறது. இதற்கான உத்தரவு நேற்று இரவு அரசு பிறப்பித்து உள்ளது. வியாபாரிகள் தங்கள் கையிருப்பில் உள்ள பான்மசாலா, குட்காவை அகற்றுவதற்கு ஒரு மாத காலஅவகாசம் அளிக்கப்படுகிறது. அதற்குள் சரக்குகளை அகற்றி விடவேண்டும். அதையும் மீறி கையிருப்பில் வைத்து இருந்தால், அவற்றை அதிகாரிகள் பறிமுதல் செய்வார்கள். அத்துடன் சம்பந்தப்பட்ட வியாபாரிகள், கடைக்காரர்கள் மீது சட்டப்படியான நடவடிக்கை மேற்கொள்ளப்படும். இவ்வாறு உணவு பாதுகாப்புத்துறை உயர் அதிகாரி தெரிவித்தார்.

10ஆம் வகுப்பு தேர்வு முடிவு: 9 பேர் 498 மதிப்பெண்கள் பெற்று மாநில அளவில் முதலிடம்

2013-05-31T14:17:00.000+05:30

10ஆம் வகுப்பு தேர்வு முடிவு:

9 பேர் 498 மதிப்பெண்கள் பெற்று மாநில அளவில் முதலிடம்

சென்னை:

10ஆம் வகுப்பு தேர்வில் 9 பேர் 498/500 மதிப்பெண்கள் பெற்று மாநில அளவில் முதலிடம் பெற்றனர். முதலிடம் பிடித்தவர்களின் பெயர் மற்றும் விவரம் :

அனுஷா(கொங்குவோளாளர் பள்ளி, பெருந்துறை),

தீப்தி(பஸ்கோஸ் மெட்ரிக் பள்ளி, மதுரை),

காயத்ரி(மான்ட் போர்ட் மெட்ரிக் பள்ளி, மஞ்சம்பட்டி, திருச்சி),

மர்சியா ஷெரீன்(மான்ட் போர்ட் மெட்ரிக் பள்ளி, மஞ்சம்பட்டி, திருச்சி),

பொன் சிவசங்கரி(இ.எச்.கே.என். பள்ளி, பாளையம், ஈரோடு),

சாருமதி(சிருஷ்டி மெட்ரிக் பள்ளி, பிரம்மபுரம், திருப்பத்தூர்),

சோனியா(எஸ்.ஜே.எஸ். ஜூப் மெட்ரிக் பள்ளி, திருநெல்வேலி),

ஸ்ரீதுர்கா(வீனஸ் மெட்ரிக் பள்ளி, சிதம்பரம்),

வினுஷா(ஆக்சிலியம் பள்ளி, வேலூர்).

முதலிடம் பெற்ற 9 பேருமே மாணவிகள் என்பது குறிப்பிடத்தக்கது.

52 பேர் மாநில அளவில் 2வது இடம்

52 பேர் 497/500 மதிப்பெண்கள் பெற்று மாநில அளவில் 2வது இடம் பிடித்துள்ளனர்.

2வது இடம் பிடித்தவர்களின் பெயர் மற்றும் விவரம் :

*சிந்தியா வித்யாவிகாஸ் மெட்ரிக், திருச்செங்கோடு

*சிந்து செயின்ட் ஜோசப் மெட்ரிக், சிப்காட், ஓசூர்

*சிவசாந்தி சுமன் சன்பீம் மெட்ரிக் பள்ளி, வேலூர்

*ஸ்ரீமதி சாகர் வித்யபவன், பெருந்துறை

*சுந்தர சுப்ரமணியன் ஸ்ரீ சங்கரா வித்யாலயா, புதுச்சேரி

*சுரேகா காமராஜர் மெட்ரிக் பள்ளி, பொம்மை குட்டை மேடு, நாமக்கல்

*தரணி ஸ்ரீ சாந்தி நிகேதன் மெட்ரிக் பள்ளி, தேனி

*விக்னேஷ் எஸ்.வி.எம் மெட்ரிக், குருசாமி பாளையம், நாமக்கல்

*விக்னேஷ்வர் மால்கோ வித்யா மெட்ரிக் பள்ளி, மேட்டூர் அணை

*விஜய பிரபு நோபல் மெட்ரிக் பள்ளி, பெரியவள்ளி குளம், அருப்புக்கோட்டை

*விஜி வித்யா விகாஸ் பள்ளி, திருச்செங்கோடு

*வினோதினி பொன்மலர் தாகூர் மெட்ரிக் பள்ளி, தேவியாகுறிச்சி, சேலம்

*யசோதா அவ்வை மெட்ரிக் பள்ளி, திருச்செங்கோடு.

*பவித்ரா செயின்ட் மேரிஸ் பள்ளி, கடலூர்

*பிரபாகரன் ரவிலக்ரா வித் மெட்ரிக் பள்ளி, கோவில்பட்டி

*ராஜேஸ்வரி வித்யா விகாஸ் மெட்ரிக் பள்ளி, கந்தர்வகோட்டை, புதுக்கோட்டை

*சாய் பிரகாஷ் பாரதிதாசனார் மெட்ரிக் அரக்கோணம்

*சஞ்சய் குமார் ரவிலக்ரா வித் மெட்ரிக் பள்ளி, கோவில்பட்டி

*சதீஷ் குமார் பாரதிதாசனார் மெட்ரிக் அரக்கோணம்

*சத்யவாணி சிருஷ்டி மெட்ரிக் பள்ளி, பிரம்மபுரம், திருப்பத்தூர்

*சவிதா ஸ்ரீ பி.வி.எம்., மெட்ரிக் பள்ளி, குருசாமி பாளையம், நாமக்கல்

*ஷண்மதி நோபல் மெட்ரிக் பள்ளி, பெரியவள்ளி குளம், அருப்புக்கோட்டை

*ஷெர்லின் பொன் ஜெபா ஹில்டன் மெட்ரிக், பழைய குற்றாலம்

*ஆர்த்தி எஸ்.டி. ஈடன் பள்ளி, வடலூர்

*அனிதா எஸ்.ஆர்.வி., ஐடெக் பள்ளி, ராசிபுரம்

*தீபா எஸ்.ஆர்.வி., ஐடெக் பள்ளி, ராசிபுரம்

*தேவி பிரியா டி.டி.ஏ., பள்ளி, சூளைமேடு, சென்னை

*தேவி ஸ்ரீ அரசு மேல்நிலைப்பள்ளி ஆத்தூர், சேலம்

*தனஸ்ரீ ஆக்சிலியம் பள்ளி, வேலூர்

*தீபனா எஸ்.ஆர்.வி., ஐடெக் பள்ளி, ராசிபுரம்

*திவ்ய பிரபா பாரதி மெட்ரிக் பள்ளி, தம்மம்பட்டி, சேலம்

*துவாரகா சி.இ.ஓ.ஏ., மெட்ரிக் பள்ளி, மதுரை

*துர்கா நீலன் மெட்ரிக் பள்ளி, கூடுவாஞ்சேரி

*துர்கா தேவி ஸ்ரீ கோகுலம் மெட்ரிக் பள்ளி, சிங்கிபுரம், சேலம்

*ஈஸ்வரி டி.எஸ். மெட்ரிக் பள்ளி திருச்சி

*பாத்திமா சமீம் செயின்ட் ஜோசப் கான்வென்ட், நாகர்கோவில்

*பிரனிலா ஜோசப் செயின்ட் ஜோசப் கான்வென்ட், நாகர்கோவில்

*காயத்ரி சவுடாம்பிகா மெட்ரிக் பள்ளி, துறையூர்

*ஹேமா சுருதி சிருஷ்டி மெட்ரிக் பள்ளி, பிரம்மபுரம், திருப்பத்தூர்

*கார்த்திக் அமலோற்பவம் மெட்ரிக் பள்ளி, புதுச்சேரி

*கவுசாகி வேலம்மாள் பள்ளி, முகப்பேர்

*கவுசல்யா ஆர்.என். ஆக்ஸ்போர்டு பள்ளி, பாளையம், நாமக்கல்

*கிங்ஸ்டன் செயின்ட் இக்னேசியஸ் பள்ளி, குலமாணிக்கம், அரியலூர்

*கிருபா சங்கர் பா. வித்யா பவன் பள்ளி, தாளப்பட்டி, கரூர்

*கவுசாமி ஈவான்ஸ் பள்ளி, நாகர்கோவில்

*லோகேஷ் பெத்தேல் மெட்ரிக் பள்ளி, ஆம்பூர்

*மணிமொழி ஹோலி ஏஞ்சல்ஸ் மெட்ரிக் பள்ளி, திருச்செங்கோடு

*மோகனப்பிரியா வெற்றி விகாஸ் மெட்ரிக் பள்ளி கீரனூர், நாமக்கல்

*முரளி கிருஷ்ணன் இ.எச்.கே.என்., பள்ளி, பாளையம், ஈரோடு

*நிலா செயிட் ஜோசப் ஆப் கிளூனி பள்ளி, நெய்வேலி

*பவித்ரா கொங்கு வேளாளர் பள்ளி, சென்னிமலை

*பவித்ரா ஜி.ஜி.எஸ்., மெட்ரிக் பள்ளி, மயிலாடுதுறை.

137 பேர் மாநில அளவில் 3வது இடம்

137 பேர் 496/500 மதிப்பெண்கள் பெற்று மாநில அளவில் 3வது இடம் பிடித்துள்ளனர்.

10ஆம் வகுப்பு தேர்வில் 89% பேர் தேர்ச்சி

இந்த ஆண்டு 10ஆம் வகுப்பு தேர்வில் 89% பேர் தேர்ச்சி அடைந்துள்ளனர். இதில் 86%ம் மாணவர்களும், 92%ம் மாணவிகளும் தேர்ச்சி அடைந்துள்ளனர். கடந்த ஆண்டை விட இந்த ஆண்டு 3% பேர் அதிகமாக தேர்ச்சி அடைந்துள்ளனர்.

குமரி மாவட்டம் மாநில அளவில் முதலிடம்

10ஆம் தேர்வில் கன்னியாகுமரி மாவட்டம் 97.29% தேர்ச்சி பெற்று மாநிலத்தில் முதலிடம் பெற்றுள்ளது. தூத்துக்குடி மாவட்டம் 95.42% தேர்ச்சி பெற்று மாநில அளவில் 2வது இடத்தையும், ஈரோடு மாவட்டம் 95.36% தேர்ச்சி பெற்று மாநில அளவில் 3வது இடத்தையும் பெற்றுள்ளது.

100/100 மதிப்பெண் பெற்றவர்களின் விவரம்

கணித பாடத்தில் 29,905 பேர் 100/100 மதிப்பெண் பெற்றுள்ளனர். அறிவியல் பாடத்தில் 38,154 பேர் 100/100 மதிப்பெண் பெற்றுள்ளனர். சமூக அறிவியல் பாடத்தில் 19,860 பேர் 100/100 மதிப்பெண் பெற்றுள்ளனர்.

பத்தாம் வகுப்பு தேர்வுகள் கடந்த மார்ச் 27ம் தேதி முதல் ஏப்ரல் 12ம் தேதி வரை நடந்தது. 10 லட்சத்து 69 ஆயிரத்து 500 பேர் எழுதினர். தனி தேர்வர்களாக 70 ஆயிரத்து 233 பேர் பங்கேற்றனர். தேர்வு முடிவுகள் இன்று காலை 9.15 மணிக்கு அரசு தேர்வுகள் இயக்ககத்தில் வெளியானது.

மாணவர்கள் தங்களின் தேர்வு பதிவு எண், பிறந்த தேதி, மாதம், வருடம் ஆகியவற்றை இணைய தளத்தில் பதிவு செய்து தேர்வு முடிவுகளை தெரிந்து கொள்ளலாம். இதற்காக

www.tnresults.nic.in,

www.dge1.tn.nic.in,

www.dge2.tn.nic.in,

www.dge3.tn.nic.in

ஆகிய இணைய தளங்களில் தேர்வு முடிவுகள் வெளியிடப்பட்டுள்ளது. இதுதவிர அனைத்து மாவட்ட கலெக்டர் அலுவலகங்களில் உள்ள தேசிய தகவல் மையம், மாவட்ட கிளை நூலகங்கள் ஆகியவற்றில் கட்டணம் இல்லாமல் தேர்வு முடிவுகளை தெரிந்து கொள்ளலாம். மாணவர்கள் தாங்கள் படித்த பள்ளிகளில் மதிப்பெண்களுடன் கூடிய தேர்வு முடிவு களை தெரிந்து கொள்ள ஏற்பாடு செய்யப்பட்டுள்ளது.

மதிப்பெண் பட்டியல்கள் ஜூன் 20ம் தேதி அந்தந்த பள்ளிகளில் வழங்கப்படும். தனி தேர்வர்கள் தேர்வு எழுதிய மையங்களில் மதிப்பெண் பட்டியல்களை பெற்றுக் கொள்ளலாம். பத்தாம் வகுப்பு தேர்வு மதிப்பெண்கள் குறித்து மறுகூட்டல் செய்ய ஆன்லைன் முறை யில் விண்ணப்பித்து தெரிந்து கொள்ள முடியும். இதற்காக www.dge.tn.nic.in என்ற இணைய தளத்தை பயன்படுத்த வேண்டும். மறு கூட்டலுக்கு ஒவ்வொரு பாடத்துக்கும் தனித்தனியே விண்ணப்பிக்க வேண்டும். ஜூன் 7 முதல் 10ம் தேதி வரை மறுகூட்டலுக்கு விண்ணப்பிக்க வேண்டும்.

கிரிக்கெட் வீரர்களுக்கு புக்கிகள் வைத்த ரகசிய பெயர்கள் : கோஹ்லி-ரைசிங், டோனி-ஹெலிகாப்டர்

2013-05-30T22:56:00.000+05:30

கிரிக்கெட் வீரர்களுக்கு புக்கிகள் வைத்த ரகசிய பெயர்கள் :

கோஹ்லி-ரைசிங், டோனி-ஹெலிகாப்டர்

ஐபிஎல் சூதாட்ட விவகாரம் கிரிக்கெட் உலகையே புரட்டிப்போட்டுள்ளது. 3 கிரிக்கெட் வீரர்கள், பாலிவுட் நடிகர் வின்டு தாராசிங், சென்னை அணியின் கவுரவ உறுப்பினர் மற்றும் 25க்கும் மேற்பட்ட சூதாட்ட தரகர்கள் கைது செய்யப் பட்டு அவர்களிடம் தீவிர விசாரணை நடந்து வருகிறது. இதில் பல்வேறு திடுக்கிடும் தகவல்கள் வெளியாகி வந்த வண்ணம் உள்ளது. லேட்டஸ்டாக தற்போது சூதாட்டதரகர்கள் கிரிக்கெட் வீரர்களுக்கு ‘கோடு வேர்டு' எனப்படும் ரகசிய பெயர்கள் வைத்தது தெரியவந்துள்ளது.

இந்திய அணியின் வளர்ந்து வரும் நட்சத்திர வீரர் கோஹ்லிக்கு ரைசிங் என புக்கிகள் பெயர் வைத்துள்ளனர். கேப்டன் டோனிக்கு அவரின் பேவரைட் ஷாட்டான ‘ஹெலிகாப்டர்Õ என பெயர் வைக்கப்பட்டுள்ளது. ஹர்பஜனுக்கு டோபி, மலிங்காவிற்கு மங்கி, கிறிஸ் கெய்லுக்கு ராவன், சேவக்கிற்கு ஷஸ்மா, ரெய்னாவிற்கு ஷேர், ஸ்ரீசாந்திற்கு ரோட்டு, யுவராஜ்சிங்கிற்கு மாடல், அஸ்வினுக்கு பிர்கி எனவும் புக்கிகள் பெயர் வைத்து சூதாட்ட வேலைகளில் ஈடுபட்டுள்ளனர்.

மோசடி ராணி லீனா நீதிமன்றத்தில் கதறல்: நான் கர்ப்பமாக உள்ளேன்!

2013-05-30T19:45:00.000+05:30

மோசடி ராணி லீனா நீதிமன்றத்தில் கதறல்:

நான் கர்ப்பமாக உள்ளேன்!

டெல்லி:

பல கோடி மோசடியில் கைதாகியுள்ள பாலாஜி என்கிற சுகாஷ் சந்திரசேகருடன் லிவிங் டுகெதர் முறையில் மனைவியாகவே வாழ்ந்ததால் கர்ப்பமாக உள்ளேன். என்னை சிறைக்கு அனுப்ப வேண்டாம்," என்று டெல்லி நீதிமன்றத்தில் நீதிபதி முன்பு கதறி அழுதார் நடிகை லீனா மரியா பால்.

கேரள மாநிலம் கொச்சியைச் சேர்ந்த லீனா, பல் டாக்டருக்கு படித்தவர். பள்ளிப்படிப்பை துபாயில் படித்தார். இவரது பெற்றோர் துபாயில் வசித்து வருகிறார்கள். இவரது தந்தை எஞ்ஜினீயர். லீனாவின் ஆண் நண்பர் பாலாஜி என்ற சுகாஷ் சந்திரசேகர். இவர் பெங்களூரைச் சேர்ந்தவர். சுகாஷ் சந்திரசேகர் தன்னை ஐ.ஏ.எஸ். அதிகாரி என்று கூறிக் கொண்டு லீனாவுடன் சென்னை அம்பத்தூரில் உள்ள கனரா வங்கி கிளை ஒன்றுக்கு சென்று இருக்கிறார். பெரிய திட்டம் ஒன்றை தொடங்குவதாக கூறி, அதற்காக அவர்கள் அந்த வங்கி கிளையில் ரூ.19 கோடி கடன் வாங்கி உள்ளனர்.

இதுதவிர, இதே ஐஏஎஸ் அதிகாரி முகமூடியுடன் பலரிடம் கோடிக்கணக்கில் முதலீடுகளைப் பெற்றுள்ளனர் பாலாஜியும் லீனாவும். அதன்பிறகு அவர்கள் இருவரும் தலைமறைவாகி விட்டனர். இது தொடர்பாக கனரா வங்கி கிளையின் சார்பில் போலீசில் புகார் செய்யப்பட்டது.

அதன் பேரில் கடந்த மார்ச் மாதம் சுகாஷ் சந்திரசேகர், லீனா ஆகிய இருவர் மீதும் இந்திய தண்டனை சட்டம் 420 (ஏமாற்றுதல்), 120 பி (கிரிமினல் சதி), 406 (நம்பிக்கை மோசடி) ஆகிய பிரிவுகளின் கீழ் வழக்கு பதிவு செய்து விசாரணை மேற்கொண்டனர். இதையடுத்து டெல்லி போலீசாரின் உதவியுடன் டெல்லியில் உள்ள பண்ணை வீடு ஒன்றில் அதிரடி சோதனை நடத்தி அங்கிருந்த நடிகை லீனா மரியா பாலை கைது செய்தனர்.

மேலும் அவருடைய பாதுகாவலர்கள் 6 பேரும் கைது செய்யப்பட்டனர். இவர்களில் 3 பேர் முன்னாள் ராணுவ வீரர்கள் ஆவார்கள். பாலாஜியையும் சேர்த்தே கைது செய்ததாக போலீசார் தெரிவித்தனர். ஆனால் போலீசார் வந்தபோது அவர் தப்பி ஓடிவிட்டதாக செய்திகள் தெரிவிக்கின்றன.

நான் கர்ப்பமாக உள்ளேன்.. ஜெயிலுக்கு அனுப்பாதீங்க!

நடிகை லீனாவை டெல்லி கோர்ட்டில் போலீசார் ஆஜர்படுத்தினார்கள். அப்போது மாஜிஸ்திரேட்டு முன்னிலையில் லீனா கதறி அழுதார். "நான், சுகாசுடன் மனைவி போலவே வாழ்ந்தேன். அதன் விளைவாக நான் கர்ப்பமாக உள்ளேன். என்னை ஜெயிலுக்கு அனுப்பாதீர்கள், மோசடியில் எனக்கு எந்தத் தொடர்பும் இல்லை, விட்டு விடுங்கள்," என்று கெஞ்சினார்.

சென்னைக்கு:

ஆனால் மாஜிஸ்திரேட்டு, 72 மணி நேரத்தில் சென்னைக்கு கொண்டு சென்று, கோர்ட்டில் ஆஜர்படுத்தி அடுத்த கட்ட நடவடிக்கை எடுக்க வேண்டும் என்று உத்தரவிட்டார். நடிகை லீனாவை பாதுகாப்பாக ரெயிலில் சென்னை கொண்டு வர முடிவு செய்யப்பட்டது. அவருக்கு துணையாக இருக்க, சென்னையில் இருந்து நேற்று முன்தினம் இரவு பெண் போலீஸ் சப்-இன்ஸ்பெக்டர் ஒருவர் விமானத்தில் டெல்லிக்கு அனுப்பி வைக்கப்பட்டார். அந்த பெண் போலீஸ் சப்-இன்ஸ்பெக்டரும், ஏற்கனவே டெல்லியில் முகாமிட்டுள்ள இன்ஸ்பெக்டர் விஜயகுமாரும், நடிகை லீனாவை அழைத்துக்கொண்டு நேற்று இரவு டெல்லியில் இருந்து ரெயிலில் சென்னை புறப்பட்டனர். அவர்கள் வரும் ரெயில் இன்று வியாழக்கிழமை இரவு சென்னை சென்ட்ரலுக்கு வருகிறது.

10-ம் வகுப்பு தேர்வு முடிவுகள் நாளை வெளியீடு

2013-05-30T19:39:00.000+05:30

10-ம் வகுப்பு தேர்வு முடிவுகள் நாளை வெளியீடு

சென்னை:

தமிழகம் மற்றும் புதுவையில் 10.5 லட்சத்துக்கும் மேற்பட்ட மாணவர்கள் எழுதியுள்ள பத்தாம் வகுப்பு தேர்வு முடிவுகள் நாளை காலை 9.15 மணிக்கு வெளியாகிறது. நடப்பு கல்வி ஆண்டில் பிளஸ்-2 பொதுத்தேர்வு மார்ச் மாதம் 1-ந் தேதி தொடங்கி, 27-ந் தேதி முடிவடைந்தது. தமிழகம் மற்றும் புதுச்சேரியில் 8 லட்சம் மாணவ மாணவியர் தேர்வு எழுதினர். அதேபோல், பத்தாம் வகுப்பு தேர்வு மார்ச் மாதம் 27-ந் தேதி தொடங்கி, ஏப்ரல் 12-ந் தேதி வரை நடைபெற்றது.

இந்த தேர்வை 3,012 மையங்களில் 5 லட்சத்து 25 ஆயிரத்து 686 மாணவிகள் உள்பட 10 லட்சத்து 68 ஆயிரத்து 838 பேர் எழுதினார்கள். பத்தாம் வகுப்பு விடைத்தாள்களை மதிப்பீடு செய்யும் பணி ஏப்ரல் 13-ந் தேதி தொடங்கி, 26-ந் தேதி முடிவடைந்தது. தமிழகம் முழுவதும் 66 மையங்களில் ஏறத்தாழ 30 ஆயிரம் ஆசிரியர்கள் விடைத்தாள் திருத்தும் பணியில் ஈடுபட்டனர். பிளஸ்-2 தேர்வு முடிவு மே மாதம் 9-ந் தேதியும், பத்தாம் வகுப்பு தேர்வு முடிவு மே 31-ந் தேதியும் வெளியிடப்படும் என்று கடந்த ஏப்ரல் மாதம் 27-ந் தேதி அதிகாரபூர்வமாக அறிவிக்கப்பட்டது.

பிளஸ்-2 தேர்வு முடிவு கடந்த 9-ந் தேதி வெளியிடப்பட்டது. சி.பி.எஸ்.இ. 12-ம் வகுப்பு தேர்வு முடிவு 27-ந் தேதி வெளியானது.

இந்நிலையில் பத்தாம் வகுப்பு தேர்வு முடிவு நாளை காலை 9.15 மணிக்கு சென்னை நுங்கம்பாக்கம், கல்லூரிச்சாலை டி.பி.ஐ. வளாகத்தில் உள்ள அரசு தேர்வுத்துறை இயக்குனர் அலுவலகத்தில் வெளியிடப்படுகிறது.

தேர்வு முடிவுகளை கீழ்க்காணும் இணையதள முகவரிகளில் தெரிந்துகொள்ளலாம்.

www.tnresults.nic.in

www.dge1.tn.nic.in

www.dge2.tn.nic.in

www.dge3.tn.nic.in

இராமநாதபுரம் மாவட்டத்தில் 6 இடங்களில் ஒரு கிலோ அரிசி ரூபாய் 20-க்கு விற்பனை

2013-05-30T19:36:00.000+05:30

இராமநாதபுரம் மாவட்டத்தில் 6 இடங்களில்

ஒரு கிலோ அரிசி ரூபாய் 20-க்கு விற்பனை

இராமநாதபுரம், மே. 30:

ராமநாதபுரம் மாவட்டத்தில் 6 இடங்களில் ஒரு கிலோ அரிசி ரூ.20-க்கு விற்பனை செய்யப்படுகிறது. வெளிச்சந்தையில் அரிசியின் விலையை கட்டுப்படுத்தும் நோக்கத்துடன் தமிழக முதல்-அமைச்சர் 17.4.2013 அன்று தொடங்கி வைக்கப்பட்டு செயல்படுத்தப்பட்டு வரும் ஒரு கிலோ அரிசி ரூ.20-க்கு விற்பனை செய்யும் திட்டம் ராமநாதபுரம் மாவட்டத்தில் 6 இடங்களில் செயல்படுத்தப்பட்டு வருகிறது.

இன்படி

இராமநாதபுரத்தில் அகில் கிடங்கு தெருவில் உள்ள சிறப்பு சிற்றங்காடி,

பரமக்குடியில் மதுரை ராமேசுவரம் சாலையில் உள்ள எமனேஸ்வரம் மக்கள் அங்காடியிலும்,

கமுதி முஸ்லீம் பஜார் சில்லரை விற்பனை கிளையிலும்,

சாயல்குடியில் அருப்புக்கோட்டை மெயின்ரோட்டில் உள்ள சில்லரை விற்பனை கிளையிலும்,

ராமேசுவரம் சித்தி விநாயகர் கோவில் தெருவில் உள்ள சிறப்பு சிற்றங்காடியிலும்

அரிசி விற்பனை செய்யப்பட்டு வருகிறது. இத்திட்டம் மக்கள் மத்தியில் அமோக வரவேற்பை பெற்றுள்ளது.

தற்பொழுது புதிய ஏ.டி.டி. 36 என்ற சன்னரக அரிசி வெண்புழுங்கல் கல் குருணை நீக்கப்பட்டது மற்றும் பஞ்சாப் பரிமல் பச்சரிசி ஆகிய தரமான அரிசி அங்காடிகளில் விற்பனைக்கு வைக்கப்பட்டுள்ளது. குறைந்த விலையில் தரம் நிறைந்த அரிசியினை பொதுமக்கள் வாங்கி பயன்பெறுமாறு மாவட்ட கலெக்டர் நந்தகுமார் கேட்டு கொண்டுள்ளார்.

கமல் நடிக்கும் விஸ்வரூபம் 2 படம் தீபாவளிக்கு ரிலீஸ்

2013-05-30T19:31:00.000+05:30

கமல் நடிக்கும் விஸ்வரூபம் 2 படம் தீபாவளிக்கு ரிலீஸ்

கமலின் விஸ்வருபம் படம் கடந்த பிப்ரவரி மாதம் ரிலீசாகி வெற்றிகரமாக ஓடியது. இப்படத்தில் இஸ்லாமியர்களுக்கு எதிரான காட்சிகள் இருப்பதாக எதிர்ப்பு கிளம்பியது. இதையடுத்து சர்ச்சைக்குரிய காட்சிகள் நீக்கப்பட்டு படம் வெளியிடப்பட்டது. தற்போது விஸ்வரூபம் படத்தின் 2-ம் பாகம் தயாராகி வருகிறது.

இப்படத்தையும் கமலே நடித்து இயக்குகிறார். இதில் கமலுடன் நாயகிகளாக பூஜாகுமார், ஆண்ட்ரியா நடிக்கின்றனர். ஆஸ்கார் பிலிம்ஸ் தயாரிக்கிறது. இதன் பெரும் பகுதி படப்பிடிப்பு முடிந்துள்ளது. தற்போது தாய்லாந்தில் சண்டை காட்சிகளும் பாடல் காட்சிகளும் படமாகி வருகிறது.

ஹாலிவுட் ஸ்டண்ட் கலைஞர்கள் மற்றும் தொழில் நுட்ப கலைஞர்களை வைத்து ஆக்ஷன் சீன்கள் எடுக்கப்படுகின்றன. அதன் பிறகு பாங்காக்கிலும் படப்பிடிப்பு நடிக்கிறது. அங்கிருந்து டெல்லி திரும்பி கடைசி கட்ட படப்பிடிப்பை முடிக்கின்றனர். விரைவில் படப்பிடிப்பை முடித்து விட்டு டப்பிங், ரீரிகார்ட்டிங், டப்பிங், மிக்சிங் பணிகளை துவங்குகின்றனர். தீபாவளிக்கு விஸ்வரூபம்-2 படத்தை ரிலீஸ் செய்ய திட்ட மிட்டுள்ளனர்.

தேமுதிகவில் மீண்டும் கலகம்: ஜெ.வை சந்தித்தார் மற்றொரு எம்.எல்.ஏ. சேந்தமங்கலம் சாந்தி

2013-05-29T19:22:00.000+05:30

தேமுதிகவில் மீண்டும் கலகம்:

ஜெ.வை சந்தித்தார் மற்றொரு எம்.எல்.ஏ. சேந்தமங்கலம் சாந்தி

சென்னை: ஓய்ந்திருந்த தேமுதிக எம்.எல்.ஏக்களின் கலகக் குரல் மீண்டும் வெடித்திருக்கிறது. சேந்தமங்கலம் தொகுதி தேமுதிக எம்.எல்.ஏ. சாந்தி இன்று தமிழக முதல்வர் ஜெயலலிதாவை சந்தித்து தொகுதி மக்களின் பிரச்சனைக்காக மனு கொடுத்தார். சட்டசபை தேர்தலில் அதிமுக அணியில் இடம் பெற்று தேர்தலை சந்தித்தது தேமுதிக. இதன் மூலம் 29 எம்.எல்.ஏக்களைப் பெற்றது அந்த கட்சி. பின்னர் சிறிது காலத்திலேயே அதிமுகவுடன் மோதல் ஏற்பட்டு கூட்டணியை விட்டு வெளியேறியது. பின்னர் கடந்த ஆண்டு அக்டோபர் மாதம் அக்கட்சியில் பெரும் அதிருப்தி வெடித்தது. அக்கட்சியின் மதுரை சுந்தரராஜன், திட்டக்குடி தமிழழகன்,மைக்கேல் ராயப்பன், அருண்பாண்டியன் ஆகிய எம்.எல்.ஏக்கள் தமிழக முதல்வர் ஜெயலலிதாவை திடீரென சந்தித்துப் பேசினர். அவர்களைத் தொடர்ந்து செங்கம் எம்.எல்.ஏவும் விஜயகாந்த் தலைமைக்கு எதிர்ப்பு தெரிவித்தார். இந்த 5 எம்.எல்.ஏக்களுக்கும் சட்டசபையில் தனி இடமும் ஒதுக்கப்பட்டிருந்தது.

அத்துடன் அதிருப்தி எம்.எல்.ஏக்களுக்கும் தேமுதிக எம்.எல்.ஏக்களும் சட்டசபையில் பெரும் மோதலே நடந்தது. இதில் 6 விஜயகாந்த் ஆதரவு தேமுதிக எம்.எல்.ஏக்கள் 6 மாத காலத்துக்கு சட்டசபையில் இருந்து சஸ்பென்ட் செய்யபட்டிருக்கின்றனர். இதனால் தேமுதிகவின் பலம் 18 எம்.எல்.ஏக்களானது. இதனால் ராஜ்யசபா தேர்தலை எப்படி எதிர்கொள்வது என்று அந்த கட்சி குழம்பிப் போயுள்ளது. இந்நிலையில் கடந்த சில மாதங்களாக ஓய்ந்திருந்த இந்த அணி தாவும் படலம் தற்போது மீண்டும் விஸ்வரூபம் எடுத்திருக்கிறது. சேந்தமங்கலம் தொகுதியைச் சேர்ந்த தேமுதிக எம்.எல்.ஏ. சாந்தி திடீரென இன்று தமிழக முதல்வர் ஜெயலலிதாவை சந்தித்துப் பேசினார். இச்சந்திப்பின் போது 3வது ஆண்டில் அடி எடுத்து வைக்கும் தமிழக முதல்வர் ஜெயலலிதாவுக்கு வாழ்த்துகளைத் தெரிவித்துக் கொண்டதாகவும் தமது தொகுதியின் பிரச்சனைகளுக்காக முதல்வரிடம் மனு கொடுத்ததாகவும் அவர் கூறினார்.

இன்று முதல்வர் ஜெயலலிதாவை சாந்தி சந்தித்திருப்பதன் மூலம் தேமுதிக அதிருப்தி எம்.எல்.ஏக்களின் பலம் 6ஆக அதிகரித்துள்ளது. சட்டசபையில் விஜயகாந்த் ஆதரவு எம்.எல்.ஏக்களின் எண்ணிக்கை 17ஆகக் குறைந்துள்ளது. ஆக மீண்டும் தேமுதிக கூடாராத்தில் கலகக் குரல்!

ராமநாதபுரத்தில் காப்பர் கம்பிகள் திருடிய 4 வாலிபர்கள் கைது

2013-05-29T18:55:00.000+05:30

ராமநாதபுரத்தில் காப்பர் கம்பிகள் திருடிய 4 வாலிபர்கள் கைது

ராமநாதபுரம், மே. 29:

ராமநாதபுரம் பாரதி நகரில் தனியார் பள்ளிக் கூடம் ஒன்று உள்ளது. இதன் அருகில் செல்போன் டவர் உள்ளது. இங்கு தரையில் புதைக்கப்பட்டு இருந்த காப்பர் கம்பியை 4 பேர் கொண்ட கும்பல் தோண்டி எடுக்க முயன்றது.

இது பற்றிய தகவல் கேணிக்கரை போலீசாருக்கு தெரியவந்தது. உடனே சப்-இன்ஸ்பெக்டர் ஜெயபாலன் மற்றும் போலீசார் விரைந்து சென்று 4 பேரையும் மடக்கி பிடித்தனர்.

விசாரணையில் அவர்கள் ராமநாதபுரம் கே.கே.நகரை சேர்ந்த ராஜ்குமார் (வயது23), அசரப் அலி (19), ரூபன்தாஸ் (19), ஹரிகரசுதன் (17) என்பது தெரியவந்தது. போலீசார் 4 பேரையும் கைது செய்தனர்.

அவர்களிடம் விசாரணை நடத்தியபோது இவர்கள் ஏற்கனவே அந்த பகுதியில் 2 செல்போன் டவர்களிலும் ஓம்சக்தி நகரில் ஒரு மாவு மில்லில் இருந்தும் காப்பர் கம்பிகள் திருடியது தெரிய வந்தது. தொடர்ந்து போலீசார் விசாரணை நடத்தி வருகிறார்கள்.

பின்லேடன் இடுப்பில் கட்டியிருந்த குண்டை வெடிக்கச்செய்து இறந்தார்

2013-05-29T18:51:00.000+05:30

மெய்காப்பாளர் 'பகீர்' தகவல்:

பின்லேடன் இடுப்பில் கட்டியிருந்த குண்டை வெடிக்கச்செய்து இறந்தார்

புதுடெல்லி, மே 29:

அல் கொய்தா தீவிரவாத இயக்கத் தலைவன் ஒசாமா பின்லேடனின் மரணம் தொடர்பாக உறுதி செய்யப்படாத பல்வேறு வதந்திகள் உலாவரும் நிலையில் மேலும் ஓர் அதிர்ச்சி தகவலை வெளியிட்டு ஒசாமாவின் மெய்காப்பாளர் பரபரப்பை ஏற்படுத்தியுள்ளார்.

பாகிஸ்தானின் அபோட்டாபாத் நகரில் அமெரிக்க 'சீல்' படையினர் சுற்றி வளைத்தபோது தனது இடுப்பில் இருந்த வெடி குண்டை வெடிக்கச் செய்ததன் மூலம் 'சீல்' படையினர் நெருங்குவதற்குள் ஒசாமா பின்லேடன் தற்கொலை செய்துக் கொண்டதாக அவரது மெய்காப்பாளர் நபீல் நயீம் அப்துல் பத்தா 'கல்ப் நியூஸ்' என்ற ஊடகத்திற்கு அளித்த பேட்டியில் கூறியுள்ளார்.

ஒசாமா பின்லேடனின் பிரேதம் நடுக்கடலில் அடக்கம் செய்யப்பட்டதாக அமெரிக்கா கூறி வருவதையும் மறுத்துள்ள இவர், ஒசாமாவின் உடல் பாகத்தை தற்கொலைப்படை தாக்குதலில் சிதைக்கப்பட்டதைப் போல் துண்டு துண்டாக வெட்டி அமெரிக்க படையினர் அடையாளங்களை அழித்து, மறைத்து விட்டனர் என்று கூறியுள்ளார்.

ஒசாமாவை அமெரிக்க படையினர் சுற்றி வளைத்த போது நான் அந்த வீட்டில் இல்லை. எனினும், சம்பவத்தை நேரில் கண்ட உறவினர்கள் மூலம் இந்த தகவல் எனக்கு தெரிய வந்தது என்றும் அவர் கூறுகிறார்.

அமெரிக்கர்களிடம் சிக்கிக் கொள்ளக்கூடாது என்பதற்காக ஒசாமா பின்லேடன் தனது இடுப்பில் நவீனரக வெடிகுண்டுகள் பொருத்தப்பட்ட 'பெல்ட்'டை எப்போதும் அணிந்திருந்தார் என்றும் நபீல் நயீம் அப்துல் பத்தா கூறினார்.

ரூ 19 கோடி மோசடி: பிரபல மலையாள நடிகை லீனா மரியா காதலனுடன் பண்ணை வீட்டில் கைது!

2013-05-29T17:13:00.000+05:30

ரூ 19 கோடி மோசடி:

பிரபல மலையாள நடிகை லீனா மரியா காதலனுடன்

பண்ணை வீட்டில் கைது!

பார்க்க கொஞ்சம் அமலா பால் மாதிரிதான் தெரிகிறார் இந்த லீனா மரியா பால். முகம்தான் பால் வடிகிற மாதிரி இருக்கிறதே தவிர, அம்மணி செய்துள்ள வேலைகள் அடேங்கப்பா ரகம். இவரும் இவரது காதலன் பாலாஜி என்கிற சந்திரசேகரும் சேர்ந்து ஆள்மாறாட்ட மோசடிகளில் ஈடுபட்டு பல கோடியை அபேஸ் செய்துள்ளனர்.

கனரா வங்கி சேர்மன்:

அதுமட்டுமல்ல, ஐஏஎஸ் அதிகாரிகளைப் போல வேடமிட்டு, பல பெரும்புள்ளிகளிடம் பல கோடிகளை முதலீடு என்ற பெயரில் பெற்று ஏமாற்றியுள்ளனர். கனரா வங்கியின் சேர்மன் என்று நடித்து ரூ 19 கோடியை சுருட்டியுள்ளனர். இப்படி சுருட்டிய பணத்தில்தான் பலகோடி மதிப்புள்ள ரோல்ஸ் ராய்ஸ் பாந்தம், மினி கூப்பர், பிஎம்டபிள்யூ என உலகின் காஸ்ட்லியான கார்கள் அனைத்தையும் வாங்கி அனுபவித்து வந்துள்ளனர்.

லிவிங் டுகெதர் பார்ட்னர்:

லீனாவின் காதலன் பாலாஜி என்கிற சந்திரசேகர் சென்னையைச் சேர்ந்தவர்தான். இவர்கள் அரங்கேற்றிய மோசடிகள் அனைத்தும் சென்னையைச் சேர்ந்தவர்களிடம்தான். இருவரும் லிவிங் டுகெதர் என்ற முறையில் தாலி கட்டாமலேயே கணவன் மனைவியாக வாழ்ந்து வந்தனர். சென்னையில் செய்த மோசடிகளை போலீசார் ஸ்மெல் பண்ணிவிட்டதை தெரிந்து கொண்டதுமே இங்கிருந்து இருவரும் தப்பி விட்டனர்.

சிக்கியது எப்படி?

கடந்த மே 12-ம் தேதி லீனாவும் பாலாஜியும் தெற்கு டெல்லியில் உள்ள இந்த பண்ணை வீ்ட்டை மாதம் ரூ 4 லட்சம் வாடகை பேசி குடிவந்துள்ளனர். அப்போது உள்ளூர் போலீஸிடம் தங்கள் பெயர் மற்றும் விவரங்களை விசாரணைக்காகக் கொடுத்துள்ளனர். ரூ 19 கோடி கனரா வங்கி மோசடியில் லீனாவுக்கும் தொடர்பிருப்பதை போலீசார் பல மாநில போலீசுக்கும் தகவலாகக் கொடுத்துள்ளனர். அப்போதுதான் லீனா மீது டெல்லி போலீசாருக்கு சந்தேகம் வந்து, அவரைத் தொடர்ந்து கண்காணித்துள்ளனர்.

ஆயுதம் தாங்கிய ஆறு செக்யூரிட்டிகள்:

பண்ணை வீட்டை வாடகைக்கு எடுத்தாலும், தொடர்ந்து அங்கு தங்குவதைத் தவிர்த்த லீனா - பாலாஜி ஜோடி, அடிக்கடி டெல்லியில்தான் தங்கியிருந்திருக்கிறார்கள். இவர்களுக்கு ஆயுதம் தாங்கிய ஆறு செக்யூரிட்டிகள் வேறு. இந்த ஆயுதங்களுக்கு ஹரியானாவில் லைசென்ஸ் பெற்றுள்ளனர். நேற்று செவ்வாய்க்கிழமை காதலன் பாலாஜியுடன் வசந்த்கஞ்ச் பகுதியில் உள்ள ஆம்பியன்ஸ் மாலுக்குப் போய் திரும்பிய லீனாவைப் பின் தொடர்ந்த போலீஸ், அதிரடியாக பண்ணை வீட்டில் புகுந்துவிட்டனர்.

விலையுயர்ந்த கார்கள், ஆயுதங்கள் பறிமுதல்:

இருவரையும் கைது செய்ததோடு, அங்கிருந்த விலையுயர்ந்த கார்கள், ஆயுதங்கள் உள்ளிட்ட அனைத்தையும் பறிமுதல் செய்தனர். லீனா - பாலாஜியின் பணம் மற்றும் வங்கிக் கணக்கு விவரங்கள், சினிமா வட்டார நண்பர்களின் விவரங்களை இப்போது ஆராய்ந்து வருகின்றனர்.

மடிசார் மாமி பட வழக்கு தணிக்கை துறைக்கு ஐகோர்ட் அறிவுரை

2013-05-29T08:43:00.000+05:30

மடிசார் மாமி பட வழக்கு தணிக்கை துறைக்கு ஐகோர்ட் அறிவுரை

சென்னை: மடிசார் மாமி படத்தை திரையிட உயர் நீதிமன்றம் தடை விதித்து, சென்சார் போர்டுக்கு அறிவுரை கூறியுள்ளது.தமிழ்நாடு பிராமணர்கள் சங்கத்தின் சென்னை மாவட்ட தலைவர் கே.ஆர்.சீனிவாசன் சென்னை உயர் நீதிமன்றத்தில் தாக்கல் செய்த மனுவில், மடிசார் மாமி மதன மாமா என்ற சினிமா படத்தை வெளியிட தடை விதிக்க வேண்டும். அந்த படத்துக்கு வழங்கப்பட்ட தணிக்கை சான்றிதழை ரத்து செய்ய வேண்டும். படத்தின் தலைப்பு பிராமண பெண்களை இழிவுபடுத்தும் வகையில் உள்ளது என்று கூறியிருந்தார். இந்த மனுவை நீதிபதி என்.கிருபாகரன் விசாரித்து நேற்று இடைக்கால உத்தரவு பிறப்பித்தார்.

உத்தரவில் கூறியிருப்பதாவது:பாசமலர், தாய் சொல்லைத் தட்டாதே, திருடாதே, கப்பலோட்டிய தமிழன், வீரபாண்டிய கட்ட பொம்மன், நெஞ்சில் ஓர் ஆலயம் போன்ற திரைப்படங்கள் மக்கள் மனதில் நீங்கா இடம் பிடித்தவை. தலைப்பே படத்தின் மதிப்பை அறிவிக்கும். நல்ல கதாபாத்திரங்களில் கதாநாயகர்கள் நடித்தனர். இதனால் அவர்கள் கடவுளாக வணங்கப்பட்டனர். தற்போது வர்த்தக நோக்கத்தில் சினிமா படம் தயாரிக்கப்படுகிறது. சமுதாயத்துக்கு எதிரான குற்றச்செயல்கள், வன்முறைகள் செய்வது தவறு இல்லை என்ற கருத்து சினிமா படங்களில் கூறப்படுகிறது. கதாநாயகர்கள் குற்றம் செய்துவிட்டு இறுதியில் தண்டனை பெறாமல் எளிதில் தப்பி விடுவது போல கதைகள் வருகின்றன. இது இளைய சமுதாயத்தின் மனதை கெடுக்கும்.

இதற்கு சினிமா தணிக்கைத் துறையினர் (சென்சார் போர்டு) சான்றிதழ் கொடுக்கிறார்கள் என்பது வேதனையாக உள்ளது. இதனால் நாட்டில் வன்முறை அதிகமாகிறது. இதை தவிர்க்க வேண்டும்.சினிமா படத்துக்கு தலைப்புகள் சரியாக வைப்பது இல்லை. சில படங்களில் வன்முறையைத் தூண்டும் வார்த்தைகள், கொடூர காட்சிகள் இடம் பெறுகிறது. சில குற்றவாளிகள் சினிமா படத்தை பார்த்து குற்றம் செய்கிறார்கள். அவர்களுக்கு படத்தில் இருந்து ஆலோசனை கிடைக்கிறது. Ôமடிசார் மாமி மதன மாமாÕ என்ற படத்தின் தலைப்பு சிறிது நாட்களுக்கு பிறகு மடிசார் மாமி என்று பெயர்மாற்றம் செய்யப்பட்டது. படத்துக்கு யூ/ஏ சான்றிதழை சென்சார் போர்டு கொடுத்துள்ளது. கடுமையான வன்முறைக் காட்சிகள், கொடூர காட்சிகள், குற்றவாளிகளை புகழ்வது ஆகியவற்றை சினிமாவில் பார்க்கும்போது, இதற்கு தணிக்கைத்துறை எப்படி சான்றிதழ் வழங்கியது என்று தெரியவில்லை. தணிக்கைத் துறைக்கு தனி பொறுப்பு உள்ளது. தணிக்கை குழுவில் அரசியல் பின்னணி உள்ளவர்களை உறுப்பினர்களாக நியமிக்க கூடாது.

இது தொடர்பாக தணிக்கை குழுவினர் ஜூன் 12ந் தேதிக்குள் உயர் நீதிமன்றத்தில் பதில் அளிக்கவேண்டும். இப்படத்தை வெளியிட இடைக்கால தடை விதிக்கிறேன். படத்தின் பெயரை மாற்றி தயாரிப்பாளர் படத்தை திரையிடலாம்.

இவ்வாறு நீதிபதி உத்தரவில் கூறியுள்ளார்.

ஐ.பி.எல் சூதாட்டம் சுரேஷ் ரெய்னா, பிரவீன் குமார், பியுஷ் சாவ்லா உட்பட 10 வீரர்கள் சிக்குகிறார்கள்

2013-05-29T08:30:00.000+05:30

ஐ.பி.எல் சூதாட்டம் சுரேஷ் ரெய்னா உட்பட 10 வீரர்கள் சிக்குகிறார்கள்

லக்னோ: ஐ.பி.எல் கிரிக்கெட் ஸ்பாட் பிக்சிங் சூதாட்டத்தில் சுரேஷ் ரெய்னா உட்பட உ.பியைச் சேர்ந்த 10 வீரர்கள் மீது சந்தேகம் எழுந்தள்ளதால், அவர்களை கண்காணித்து வருகிறோம் என்று உத்தரப் பிரதேச மாநில கூடுதல் டிஜிபி தெரிவித்துள்ளார். உத்தரப் பிரதேச மாநில சட்டம் ஒழுங்கு ஏடிஜிபி அருண் குமார் கூறியதாவது:உ.பி.யில் வாரணாசி, மீருட், கான்பூர், காஜியாபாத் போன்ற இடங்களில் கிரிக்கெட் சூதாட்டத்தில் ஈடுபட்ட கும்பல்களை கண்டுபிடித்துள்ளோம். தரகர்களிடம் தொடர்ந்து விசாரணை நடக்கிறது. இந்த மோசடியில் பலர் ஈடுபட்டுள்ளது தெரியவந்துள்ளது. எங்களுக்கு கிடைத்த தகவலின் அடிப்படையில் நாங்கள் தனியாக விசாரணை நடத்திக் கொண்டிருக்கிறோம்.

உ.பி.யைச் சேர்ந்த கிரிக்கெட் வீரர்கள் சுரேஷ் ரெய்னா, இம்தியாஸ் அகமது, அங்கித் சிங் ராஜ்புத், புவனேஸ் குமார், அலி முர்தாசா, எகலாவ்யா திவிவேதி, ருத்ர பிரதாப் சிங், பிரவீன் குமார், பியுஷ் சாவ்லா ஆகியோருக்கு இதில் தொடர்புள்ளதா என ஆய்வு செய்து வருகிறோம். இப்போதைக்கு எந்த தகவலையும் தெரிவிக்க முடியாது.ஸ்பாட் பிக்சிங் சூதாட்டத்தில் ஈடுபட்டவர்கள் விரை வில் கைது செய்யப்படுவர். தேவைப்பட்டால் டெல்லி, மும்பை போலீசாருடன் இணைந்து செயல்படுவோம். முன்னாள் முன்னனி வீரர்கள், பயிற்சியாளர்கள் உட்பட பலரை கண்காணித்து வருகிறோம். இவ்வாறு அருண் குமார் கூறினார்.

குருப்பெயர்ச்சி பலன்கள் : மீன ராசி

2013-05-29T00:18:00.000+05:30

குருப்பெயர்ச்சி பலன்கள் : மீன ராசி

மீனம்:

(பூரட்டாதி 4, உத்திரட்டாதி, ரேவதி) பிரச்சினைகளுக்கு தீர்வு காணும் வல்லமை படைத்த மீன ராசி அன்பர்களே! குருபகவான் இதுவரை உங்களுக்கு ராசிக்கு 3-ம் இடத்தில் இருந்தார். அது அவ்வளவு சிறப்பான நிலை அல்ல. உங்கள் முயற்சியில் அவ்வப்போது தடைகள் ஏற்பட்டு இருக்கும். சிலர் வேலையை இழக்கும் நிலை கூட ஏற்பட்டு இருக்கலாம். உங்கள் நிலையில் இருந்து மாற்றம் கண்டு இருப்பீர்கள். மற்ற கிரகங்களும் சாதகமற்ற நிலையில் இருந்ததால் பிரச்சினைகள் அதிகமாகவே இருந்து இருக்கலாம். இந்த நிலையில் குருபகவான் 3-ம் இடத்தில் இருந்து 4-ம் இடத்துக்கு செல்கிறார். இதுவும் சிறப்பான நிலை என்று சொல்ல முடியாது. ஆனால் கடந்த கால பலன்களில் இருந்து இது மாறுபடும். பொதுவாக குருபகவான் 4-ல் இருக்கும்போது மன உளச்சலையும், உறவினர் வகையில் வீண் பகையையும் உருவாக்குவார் என்பது ஜோதிட வாக்கு. ஆனால், குருபகவான் உங்கள் ராசி நாயகனாக இருப்பதால் உங்களுக்கு கெடுபலன்களை செய்ய மாட்டார். அதோடு அவரால் முயன்ற நன்மைகளைத் தான் செய்வார் அப்படியே சில சோதளைகளை கொடுத்தாலும் அது உங்களுக்கு ஒரு பாடமாக அமைய வேண்டும் என்ற எண்ணத்தில்தான் செய்வார். ஒரு மாணவனுக்கு ஆசிரியர் வழிகாட்டியாக இருப்பது போல குரு உங்களுக்கு ஒரு வழிகாட்டியாக இருப்பார். உங்களை முன்னேற்ற பாதைக்கு அழைத்துச் செல்வார்.

முக்கிய கிரகங்கள் எதுவுமே சாதகமாக இல்லை என்றாலும் கவலை கொள்ள வேண்டாம்.

ஏனெனில் 4-3-2014 முதல் 19-7-2014 வரை சனிபகவானும், 14-11-2013 முதல் 12-3-2014 வரை குருபகவானும் வக்கிரம் அடைகிறார்கள். இந்த காலக்கட்டத்தில் அவர்கள் கெடுபலனை தராமல் நன்மைகளே செய்வார்கள். பொதுவாக எதையும் சற்று முயற்சி எடுக்க வேண்டியதிருக்கும். பணப்புழக்கம் இருக்கும். அதே நேரம் செலவும் வரும். குரு வக்கிரம் ஒரு கிரகம் வக்கிரம் அடையும் போது அந்த கிரகத்தால் இயல்பாக செயல்பட முடியாது. உங்களை பொறுத்தவரை குருபகவான் சாதகமாக காணப்படவில்லை. அவர் 2013 நவம்பர் மாதம் 13-ந் தேதி வக்கிரம் அடைகிறார்.

2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். ஆனாலும் இந்த வக்கிர காலத்தில் குருவின் நன்மை உங்களுக்கு கிடைக்கும். குறிப்பாக உங்கள் செல்வாக்கு கூடும். உத்தியோகம் சிறப்படையும். திருமணம் போன்ற சுபங்கள் கைகூட பேச்சு வார்த்தை தொடங்கும். குடும்பத்தில் தேவையான வசதிகள் இருக்கும். கணவன்-மனைவி இடையே அன்பு தொடரும். திருமணம் போன்ற சுப நிகழ்ச்சிகள் தடை படலாம். அதுவும் நல்லதுக்குத்தான். தாமதமாகும் திருமணம் நல்லதாக அமையும். புதிய வீடு வாகனம் வாங்க உத்தியோகம் பார்ப்பவர்கள் சீரான நிலையில் இருப்பர். வேலைப்பளு அதிகரிக்கலாம். ஆனாலும், அதற்குரிய பலன் கிடைக்காமல் போகாது. உங்கள் வேலையை பிறரிடம் கொடுக்காமல் நீங்களே செய்து முடிப்பது நல்லது. மேல்அதிகாரிகளின் ஆதரவு ஓரளவு இருக்கும். சற்று முயற்சி எடுத்தால் உங்கள் கோரிக்கைகள் நிறைவேறும். சிலருக்கு இடமாற்றம் ஏற்படலாம். வியாபாரிகள் தொடர்ந்து சிரத்தை எடுத்து உழைக்க வேண்டியதிருக்கும்.

புதிய தொழிலை தொடங்க இது உகந்த காலம் அல்ல. சிலர் வேலை விஷயமாக குடும்பத்தை விட்டு பிரிய நேரிடலாம். அரசு வகையில் எந்த உதவியும் கிடைக்காது ராகு தற்போது 8-ம் இடமான துலாமில் சனிபகவானோடு இணைந்து காணப்படுகிறார். அது சிறப்பான இடம் என்று சொல்ல முடியாது. அங்கும் முயற்சிகளில் பல்வேறு தடைகளை உருவாக்குவார். கேது 2-ம் இடமான மேஷத்தில் நின்று பொருள் விரையத்தையும், பகைவர் வகையில் தொல்லையையும் தருவார். கலைஞர்கள் சுமாரான நிலையில் இருப்பர். சிரத்தை எடுத்தால்தான் புதிய ஒப்பந்தம் கிடைக்கும். அரசியல்வாதிகள், சமூக நல சேவகர்கள் சுமாரன நிலையில் இருப்பர். மாணவர்கள் இந்த ஆண்டு சுமாரான பலனையே காணலாம். அதிக முயற்சி எடுத்து படிக்க வேண்டும். விவசாயிகள் சிரத்தை எடுத்து உழைக்க வேண்டும். வழக்கு விவகாரங்கள் சாதகமாக இருக்காது. பெண்கள் சீரான நிலையில் இருப்பர். ஆடம்பரத்தை தவிர்க்கவும். பிள்ளைகளால் பெருமை கிடைக்கும்.உறவினர்கள் வகையில் மனக்கசப்பை ஏற்படுத்தலாம். வெளியூர் பயணத்தை ஏற்படுத்தலாம். 2013அக்டோபர்: மாதத்திற்கு பிறகு பொருளாதார வளம் அதிகரிக்கும். பகைவர்களின் தொல்லையில் இருந்து விடுபடுவர். உங்களுக்கு அபார ஆற்றல் பிறக்கும். நகை-ஆபரணங்கள் வாங்கலாம். நிலம், வீட்டுமனை போன்றவை வாங்க அனுகூலம் பிறக்கும். உங்கள் முயற்சிகளில் வெற்றி கிட்டும். புத்தாடை அணிகலன்கள் வாங்கலாம். பிள்ளைகளால் மகிழ்ச்சியும், பெருமையும் கிடைக்கும். குடும்பத்தில் மகிழ்ச்சி அதிகரிக்கும். பெண்களால் நற்சுகம் கிடைக்கும். உடல்நலம் சிறப்பாக இருக்கும். சனிபகவான் இந்த காலம் உங்களுக்கு சாதகமாக காணப்படவில்லை. அவர் தற்போது வக்கிரத்தில் உள்ளார்.

அவர் 6-7-2013 வரையிலும் வக்கிரத்தில் இருப்பார். இதனை அடுத்து 4-3-2014 முதல் 19-7-2014 வரையிலும் சனிபகவான் வக்கிரம் அடைகிறார். இந்த காலத்தில் தொழில் சிறப்படையும். குறிப்பாக இரும்பு தொடர்பான தொழில் சிறந்தோங்கும். எதிரிகளை சமாளிக்கும் திறன் மேம்படும். வக்கீல், தரகு போன்ற தொழில் நன்றாக இருக்கும்.

பரிகாரம்:- சந்தர்ப்பம் கிடைக்கும்போது நவக்கிரகங்களை சுற்றி வாருங்கள். விநாயகர் வழிபாடு முன்னேற்றத்தைத் தரும். சிவன் கோவிலுக்கு சென்று வாருங்கள். துர்க்கை வழிபாடு நடத்துங்கள். ஆதரவற்ற முதாட்டிகளுக்கும், சன்னியாசிகளுக்கும் இயன்ற உதவி செய்யுங்கள். வசதி படைத்த தொழில் அதிபர்கள் ஏழைகளுக்கு ஆடு வளர்க்க உதவி செய்யலாம்.

குருப்பெயர்ச்சி பலன்கள் : கும்ப ராசி

2013-05-29T00:17:00.000+05:30

குருப்பெயர்ச்சி பலன்கள் : கும்ப ராசி

கும்பம் :

(அவிட்டம் 3, 4, சதயம், பூரட்டாதி 1, 2,3-1ம் பாதங்கள்) பிறர் உதவியை நாடாமல் முன்னேற விரும்பும் கும்ப ராசி நண்பர்களே! உங்களுக்கு குருபகவான் 4-வது இடத்தில் இருந்து பல்வேறு இன்னலை தந்திருப்பார். அவர் குடும்பத்தில் பல பிரச்சினைகளை உருவாக்கி இருப்பார். உறவினர்களிடையே வீண் விரோதம் வந்திருக்கும். இந்த நிலையில் இப்போது குரு பகவான் உங்கள் ராசிக்கு 5-ம் இடத்துக்கு செல்கிறார். இது மிகவும் சிறப்பான நிலை. இந்த இடத்தில் குரு பகவான் இருக்கும்போது குடும்பத்தில் மகிழ்ச்சியைத் தருவார். திருமணம் போன்ற சுப நிகழ்ச்சிகளை நடத்தி வைப்பார். பொருளாதார வளத்தை அதிகரிக்க செய்வார். பெண்களால் மேன்மை கிடைக்கும். குழந்தை பாக்கியம் கிடைக்கும். இதனால் வாழ்க்கையில் வளம் காணலாம். இதுதவிர குருவின் 5-ம் இடத்துப்பார்வையும், 7-ம் இடத்துப் பார்வையும் சாதகமாகவும் அமைந்துள்ளது. இதனால் கூடுதல் நன்மைகள் கிடைக்கும். 5-ம் இடத்துப்பார்வை உங்கள் ராசிக்கு 9-ம் வீடான துலாமில் விழுகிறது. அதன் மூலம் மகிழ்ச்சி அதிகரிக்கும். உற்சாகம் பிறக்கும். நினைத்த காரியத்தை வெற்றிகரமாக செய்து முடிக்கலாம். பணப்புழக்கம் அதிகரிக்கும். தேவைகள் பூர்த்தி ஆகும். குடும்பத்தில் இருந்து வந்த பின்னடைவுகள் மறையும். தம்பதியினர் இடையே ஒற்றுமை மேம்படும். உறவினர்கள் உதவிகரமாக இருப்பர். உங்களை புரிந்துகொள்ளாமல் இருந்தவர்கள் உங்கள் மேன்மையை அறிந்து சரணடையும் நிலை வரலாம். தடைபட்டு வந்த திருமணம் நடக்க வாய்ப்பு உண்டு. 7-ம் இடத்துப் பார்வை 11-ம் இடமான தனுசுவில் விழுகிறது. இதன் மூலம் பொருளாதார வளம் மேம்படும். உத்தியோகம் சிறப்படையும். புதிய பதவி கிடைக்கும். கேது 3-ம் இடமான மேஷத்தில் இருப்பது சிறப்பு. அங்கு இறை அருளையும், காரிய அனுகூலத்தையும் கொடுப்பார். நல்ல பொருளாதார வளத்தை அள்ளிக் கொடுப்பார்.

மேறகண்ட நிலையை பார்க்கும்போது குருபகவானும், கேதுவும் நன்மை தருவார்கள். அதோடு குருபகவான், சனிபகவானின் பார்வைகளும் சிறப்பாக அமைந்துள்ளன. எனவே இது மிகவும் உற்சாகமான காலமாக அமையும். பொருளாதார வளம் மேம்படும். தடைகள் விலகி எடுத்த காரியங்கள் அனைத்தும் நிறைவேறும். பணப்புழக்கம் அதிகரிக்கும். உங்கள் முயற்சியில் தடைகள் வந்தாலும் அதை எளிதில் முறியடிப்பீர்கள். மதிப்பு, மரியாதை சிறப்பாக இருக்கும். மனதில் இருந்த உளைச்சல் மறைந்து மகிழ்ச்சி அதிகரிக்கும். குடும்பத்தில் கடந்த ஆண்டு இருந்து வந்த பூசல்கள் மறையும். கணவன்- மனைவி இடையே ஒற்றுமை ஏற்படும். பிரிந்து இருந்த குடும்பம் ஒன்று சேரும். தடைப்பட்டு வந்த திருமணம் போன்ற சுப நிகழ்ச்சிகள் நடக்கும். சிறப்பான வரணாகவும் அது அமையும். சிலர் வசதியான வீட்டுக்கு குடி புகுவர். வாகனம் வாங்க வாய்ப்பு கிடைக்கும். உறவினர்கள் வகையில் நல்ல அனுகூலமான போக்கு இருக்கும். அவர்கள் பகையை மறந்து ஒன்று சேருவர். விருந்து, விழா என்று சென்று வருவீர்கள். சிலருக்கு கோவில்களுக்கு சென்று வரும் வாய்ப்பு கிடைக்கும். பெரியோர்களின் ஆலோÖசனையும் கிடைக்கப் பெறுவீர்கள். புத்தாடை அணிகலன்கள் வந்து சேரும்.

உத்தியோகம் பார்ப்பவர்கள் சிறப்பான பலனை எதிர்பார்க்கலாம். இதுவரை தடைப்பட்டு வந்த பதவி உயர்வு இனி கிடைக்கும். மேல் அதிகாரிகளின் ஆதரவு இருக்கும். பதவி உயர்வு கிடைக்கப் பெறுவர். சிலர் அதிகார அந்தஸ்த்துக்கு உயர்த்தப்படுவர். விரும்பிய இடத்திற்கு மாற்றம் கிடைக்கும். சக ஊழியர்கள் உதவிகரமாக இருப்பர். வேலையின்றி இருப்பவர்களுக்கு வேலை வாய்ப்பு கிடைக்கும். அக்டோபர், நவம்பர் மாதங்களில் போலீஸ் மற்றும் பாதுகாப்பு துறையில் வேலை பார்ப்பவர்கள் முன்னேற்றம் காண்பர். வியாபாரிகள் நல்ல பண புழக்கத்தோடு காணப்படுவர். லாபம் மேலும் அதிகரிக்கும். இதுவரை இருந்து வந்த இடையூறுகள் அடியோடு மறையும். மன நிம்மதி ஏற்படும். கூட்டாளிகளிடையே ஒற்றுமை ஏற்படும். சிலர் வியாபாரத்தை விரிவுபடுத்துவர். சனியால் பளு அதிகரித்தாலும் அதற்கான வருமானம் கிடைக்காமல் போகாது. வேலையின்றி இருப்பவர்கள் குறைந்த முதலீட்டில் தொழில் செய்யலாம். அது நல்ல வளர்ச்சியை அடையும். சிலர் வியாபார விஷயமாக வெளிநாடு செல்ல வாய்ப்பு கிடைக்கும். பெண்களை பங்குதாரர்களாக கொண்டால் வியாபாரம் தழைத்து ஓங்கும். அரசிடம் இருந்து எதிர்பார்த்த உதவி கிடைக்கும். கலைஞர்கள் நல்ல புகழும், பெருமையும் கிடைக்கப் பெறுவர். புதிய ஒப்பந்தங்கள் வந்து சேரும். சிலர் அரசிடம் இருந்து விருது கிடைக்க பெறுவர்.

மாணவர்கள் சிறப்பான பலனைக் காணலாம். கடந்த ஆண்டில் இருந்த தேக்க நிலை மாறும். மேற்படிப்பு தொடரும். விரும்பிய பாடம் கிடைக்கும். சிலர் அயல்நாடு சென்று படிப்பீர்கள். எழுத்தாளர்கள் நல்ல புகழைக் காண வாய்ப்புண்டு. வக்கீல்கள் தொழில் சிறந்து விளங்குவர். சிறு தொழில் செய்பவர்கள் தொழிலை விரிவுபடுத்துவர். விவசாயிகள் நல்ல வளத்தோடு மன நிம்மதியும் காண்பர். சிலர் முயற்சி எடுத்து புதிய சொத்து வாங்குவர். விளைச்சல் அதிகரிக்கும். கால்நடை செல்வங்கள் பெருகும். கூவேலைகள் செய்பவர்கள் மன நிம்மதியுடன் காணப்படுவர். வழக்கு விவகாரங்கள் சாதகமாக இருக்கும்.பெண்கள் மகிழ்ச்சியுடன் காணப்படுவர். வழக்கு விவகாரங்கள் சுமாராக இருக்கும். புதிய வழக்கு எதிலும் சிக்க வேண்டாம். உடல்நலம் சிறப்பாக இருக்கும்.

குரு 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். இந்த வக்கிர காலத்தில் அவர் சிறப்பான பலனை தரமாட்டார். எனவே இந்த வக்கிர காலத்தில் வீண்விவாதங்களில் ஈடுபடாமல் இருப்பது நல்லது. உத்தியோகம் வேலைப்பளு இருக்கும். எல்லோரடத்திலும் அனுசரணையாக போகவும். திருமணம் போன்ற சுபங்கள் பற்றி பேச வேண்டாம். இந்த காலத்தில் குருபகவானுக்கு அர்ச்சனை செய்யுங்கள். ஆசிரியருக்கு மரியாதை கொடுங்கள்.

பரிகாரம்:- சனிக்கிழமை சனிபகவானை அர்ச்சனை செய்து வணங்கி வாருங்கள். கணவரை இழந்த மூதாட்டிகளுக்கு இயன்ற உதவி செய்யுங்கள். இதன் மூலம் தடையின்றி முன்னேற்றம் அடையலாம். ஆஞ்சநேயரை வணங்கி வாருங்கள். சந்தர்ப்பம் கிடைக்கும்போது நவக்கிரகங்களை சுற்றி வாருங்கள். ஏழைகளுக்கு இயன்ற உதவி செய்யுங்கள்.

குருப்பெயர்ச்சி பலன்கள் : மகர ராசி

2013-05-29T00:15:00.000+05:30

குருப்பெயர்ச்சி பலன்கள் : மகர ராசி

மகரம் :

(உத்திராடம் 2, 3, 4, திருவோணம், அவிட்டம் 1, 2-ம் பாதங்கள்) நல்ல உடல் வளத்தையும், கம்பீரத்தையும் கொண்ட மகர ராசி அன்பர்களே! உங்களுக்கு குரு பகவான் இதுவரை 5-ம் இடத்தில் இருந்து பல்வேறு நன்மைகளை செய்தார். அவர்கள் குடும்பத்தில் மகிழ்ச்சியையும், குதூகலத்தையும் உருவாக்கி இருப்பார். நல்ல பணப்புழக்கத்தை தந்திருப்பார். திருமணம் போன்ற சுப நிகழ்ச்சிகளை நடத்தி வைத்திருப்பார். பிள்ளைகளால் பெருமை கிடைத்திருக்கும். பெண்களால் எண்ணற்ற முன்னேற்றத்தை அடைந்திருப்பீர்கள். இந்த நிலையில் இப்போது குரு பெயர்ச்சி நடக்கிறது. குரு பகவான் உங்கள் ராசிக்கு 5-ம் இடத்தில் இருந்து 6-ம் இடத்திற்கு அடியெடுத்து வைக்கிறார். இது சாதகமான நிலை என்று சொல்ல முடியாது. 5-ம் இடத்தில் இருந்தது போன்ற நன்மைகளை அவரால் செய்ய முடியாது. அதே நேரம் மிகவும் பிற்போக்கான பலனையும் அவர் தரமாட்டார். பொதுவாக 6-ம் இடத்தில் இருக்கும் குரு உடல்நலத்தை பாதிப்புக்குள்ளாக்குவார். மனதில் தளர்ச்சியை ஏற்படுத்துவார் என்பது ஜோதிட வாக்கு. ஆனாலும் கவலை வேண்டாம். குருபகவான் சாதமகற்ற இடத்தில் இருந்தாலும் அவரது 9-ம் இடத்து பார்வை கும்பத்தில் விழுவதால் உங்களுக்கு பல்வேறு நன்மைகள் கிடைக்கும். இதனால் எந்த இடையூறையும் நீங்கள் முறியடித்து வெற்றி காண்பீர்கள். உங்களையும் அறியாமல் உங்கள் ஆற்றல் வெளிப்பட்டு கொண்டு இருக்கும். அதனை கண்டு பகைவர்களும் அஞ்சும் நிலை உருவாகும். மேலும் தசாபுத்தி சிறப்பாக இருந்தால் நீங்கள் எண்ணற்ற முன்னேற்றங்களையும் காண வாய்ப்பு உண்டு.

ஆனால் குருபகவான் பார்வை உங்களுக்கு மிக சிறப்பாக அமையும்.அவரது 9-ம் இடத்து பார்வை கும்பத்தில் விழுகிறது. அதாவது உங்கள் ராசிக்கு 2-ம் இடத்தில் விழுவதால் உங்களுக்கு பல்வேறு நன்மைகள் கிடைக்கும். இதனால் எந்த தடைகளையும் நீங்கள் முறியடித்து வெற்றி காண்பீர்கள். உங்களையும் அறியாமல் உங்கள் ஆற்றல் வெளிப்பட்டு கொண்டு இருக்கும். அதனை கண்டு பகைவர்களும் அஞ்சும் நிலை உருவாகும். பண வரவு கூடும். தேவையான பொருட்களை வாங்கலாம்.

குருபகவான் 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். ஆனாலும் இந்த வக்கிர காலத்தில் குருவின் நன்மை உங்களுக்கு கிடைக்கும். குறிப்பாக உங்கள் செல்வாக்கு கூடும். உத்தியோகம் சிறப்படையும். திருமணம் போன்ற சுபங்கள் கைகூட பேச்சு வார்த்தை தொடங்கும்.

சனிபகவான் 4-3-2014 முதல் 13-7-2014 வரையில் வக்கிரம் அடைகிறார். அந்த காலக்கட்டத்தில் அவரால் கெடுபலன் நடக்காது. மாறாக நன்மையே கிடைக்கும். பொருளாதார வளம் சிறப்பாக இருக்கும். செலவு அதிகரிக்கும். உங்கள் முயற்சியில் தடைகள் வரலாம். அதே நேரம் முன்பு போல் இருக்காது. தீவிர முயற்சி எடுத்தால் எதையும் சிறப்பாக முடிக்க முடியும். மதிப்பு, மரியாதை சுமாராகத்தான் இருக்கும். வீண்விவாதங்களில் ஈடுபடவேண்டாம். குடும்பத்தில் மகிழ்ச்சிக்கு குறை இருக்காது. தேவைகள் பூர்த்தியாகும். தம்பதியினரிடையே அன்பு நீடிக்கும். விருந்து, விழா என சென்று வருவீர்கள். திருமணம் போன்ற சுப நிகழ்ச்சிகள் முன்பு போல் எளிதில் கைகூடாது. தாமதம் ஆகலாம். குருவின் பார்வை பக்கபலமாக இருப்பதால் முயற்சி செய்தால் திருமணம் கைகூடுவதோடு நல்ல வரணாக அமையும். குருவின் வக்கிர காலத்தில் குடும்ப நிலைமை மேம்படும். உத்தியோகம் பார்ப்பவர்கள் சீரான நிலையில் இருப்பர். கடந்த காலத்தைவிட வேலைப்பளு அதிகரிக்கும். அலைச்சல் இருக்கும்.

அதே நேரம் சம்பள உயர்வு, பதவி உயர்வு போன்றவை கிடைக்கும். மேலும் வேலையில் இருந்த பிரச்சினைகள் இனி இருக்காது. மேல் அதிகாரிகளிடம் அனுசரித்து போகவும். இடமாற்றம் ஏற்படலாம். அதிக முயற்சி செய்தால் வேலை கிடைக்கும். ஆரம்ப காலத்தில் சம்பளம் சற்று குறைவாக இருந்தாலும் போகப்போக முன்னேற்றம் தருவதாக அமையும். வியாபாரத்தில் போதிய லாபம் கிடைக்கும். அதற்காக அதிகமாக உழைக்க வேண்டியதிருக்கும். பணவிரயம் ஆகலாம். எனவே யாரையும் நம்பி பணத்தை ஒப்படைக்க வேண்டாம். எதிரிகளின் இடையூறு அவ்வப்போது தலைதூக்கலாம். அதேபோல் தீயோர் சேர்க்கைக்கு ஆளாகி அவதியுறலாம். எனவே அந்த வகையில் எப்போதும் எச்சரிக்கையாக இருக்க வேண்டும். புதிய வியாபாரம் தற்போது வேண்டாம். இருப்பதை சிறப்பாக நடத்தினாலே போதும். பெண்கள் வகையிலும் பிரச்சினை வரலாம். கலைஞர்கள் புதிய ஒப்பந்தங்கள் முயற்சியின் பேரில் பெறலாம். எதிர்பார்த்த மதிப்பு, பாராட்டு போன்றவை கிடைக்காமல் போகலாம்.

அரசியல்வாதிகள், சமூகநல சேவகர்கள் பிரதிபலனை எதிர்பாராமல் உழைக்க வேண்டியதிருக்கும். மாணவர்கள் தீவிர முயற்சி எடுத்தால்தான் நல்ல முன்னேற்றம் காண்பர். சிலர் தகாத சேர்க்கையால் படிப்பில் கவனம் செலுத்த முடியாமல் போகலாம். கவனம் தேவை. விவசாயத்தில் உழைப்புக்கு ஏற்ற பலனைத்தான் பெற முடியும். அதிக முதலீடு எதிலும் செய்ய வேண்டாம். வழக்கு விவகாரங்கள் சுமாராக இருக்கும். பெண்கள் தேவைகளை குறைத்துக் கொள்ளவும். உடல்நலம் சிறப்பாக இருக்கும். கேதுவால் சிற்சில உபாதைகள் வரலாம்.

பரிகாரம்:- விநாயகரையும், ஆஞ்சநேயரையும் வணங்கி வாருங்கள். நவக்கிரகங்களை தொடர்ந்து சுற்றுங்கள். காக்கைக்கு அன்னமிட்டு உண்ணுங்கள். வியாழக்கிழமை தட்சிணாமூர்த்திக்கு அர்ச்சனை செய்யுங்கள். முருகன் கோவிலுக்கு சென்று வாருங்கள். வசதி படைத்தவர்கள் ஆலங்குடி சென்று அங்குள்ள தட்சிணாமூர்த்திக்கு 21 தீபம் ஏற்றி வழிபடுங்கள். சனி பகவானும் சாதகமற்ற நிலையில் இருக்கிறார். அவரின் அருளை பெற சனிக்கிழமை சனீஸ்வரனுக்கு நல்லெண்ணை தீபம் ஏற்றுங்கள்.

குருப்பெயர்ச்சி பலன்கள் : தனுசு ராசி

2013-05-28T23:49:00.000+05:30

குருப்பெயர்ச்சி பலன்கள் : தனுசு ராசி

தனுசு:

(மூலம், பூராடம், உத்திராடம்-1ம் பாதம்) பெரியோர்களிடமும், சான்றோர்களிடமும், செல்வாக்கு படைத்தவர்களிடமும் விசுவாசிகளாகவும், நண்பர்களாகவும் இருக்கும் தனுசு ராசி அன்பர்களே! உங்களுக்கு இது மிகவும் சிறப்பான காலம். உங்கள் வாழ்க்கை செழித்தோங்கும் நேரம். படிப்படியாக முன்னேற்றம் காணும் காலம். இதுவரை குரு பகவான் உங்கள் ராசிக்கு 6-ம் இடத்தில் இருந்தார். அங்கு இருக்கும்போது அவர் பல்வேறு இன்னல்களைத் தந்திருப்பார். மன நிம்மதியை இழக்கச் செய்திருப்பார். உங்கள் நிலையில் இருந்து தடுமாற்றத்தை உண்டுபண்ணியிருப்பார். பொருளாதார சரிவு ஏற்பட்டிருக்கும். வீண் பகையும், விரோதமும் உருவாகியிருக்கும். பல்வேறு தொல்லைகளை அனுபவித்து இருப்பீர்கள்.

இந்த நிலையில் இப்போது குரு பகவான் 6-ம் இடத்தில் இருந்து 7-ம் இடத்திற்கு செல்கிறார். இது மிகவும் சிறப்பான நிலை அவர் மேலும் உங்களுக்கு பல்வேறு நன்மைகளை தர இருக்கின்றார். 7-ம் இடத்தில் இருக்கும் குரு பகவான் குடும்பத்தில் மகிழ்ச்சியை அதிகரித்து சுப நிகழ்ச்சியைத் தருவார். செல்வாக்கு மேம்படும். பணப்புழக்கம் அதிகரிக்கும். தேவைகள் பூர்த்தியாகும். எண்ணற்ற பல வசதிகள் கிடைக்கும். நினைத்த காரியத்தை நிறைவேற்றுவீர்கள். அதோடு குருபகவானின் 5-ம் இடத்துப் பார்வையாலும் நன்மை தருவார். அந்த பார்வை உங்கள் ராசிக்கு 11-ம் இடமான துலாமில் விழுகிறது. அதன் மூலம் பொருளாதார வளம் மேம்படும். உத்தியோகம் சிறப்படையும். புதிய பதவி கிடைக்கும். சனிபகலான் இப்போது 11-ம் இடமான துலாமில் இருக்கிறார். இது சிறப்பான இடம். அங்கு அவரால் பொன், பொருள் கிடைக்கும். மகிழ்ச்சியும், ஆனந்தமும் அதிகரிக்கும். பெண்களால் முன்னேற்றம் காணலாம்.

நிழல் கிரகமான ராகுவும் 11-ம் இடத்தில் சனிபகவானோடு இணைந்து காணப்படுகிறார். இது சிறப்பான இடம். அவரால் பொன், பொருள் கிடைக்கும். மகிழ்ச்சியும், ஆனந்தமும் அதிகரிக்கும். பெண்கள் மிக உறுதுணையாக இருப்பர். ராகு நன்மை தரும்போது அவருக்கு நேர் எதிரே உள்ள இன்னொரு நிழல் கிரகமான கேதுவால் நற்பலனைத் தரமுடியாது. அவர் 5-ம் இடமான மேஷத்தில் இருந்து எதிரிகளின் தொல்லையை தரலாம். உங்கள் செல்லாக்கு, அந்தஸ்து மேம்பட்டு இருக்கும். மதிப்பு, மரியாதை சிறப்படையும். பொருளாதார வளம் அதிகரிக்கும். நீண்ட காலமாக எதிர்பார்த்த பொருளை வாங்கி மகிழலாம். எந்த ஒரு காரியத்தையும் வெற்றிகரமாக செய்து முடிப்பீர்கள். உங்கள் ஆற்றல் மேம்படும். குடும்பத்தில் முன்னேற்றம் ஏற்படும். கணவன்-மனைவி இடையே அன்பும், பாசமும் அதிகரிக்கும். தேவைகள் பூர்த்தியாகும். ஆடம்பர பொருட்களை வாங்கலாம். வசதியான வீட்டிற்கு குடிபோகும் நிலை ஏற்படும். தடைபட்ட திருமணம் போன்ற சுப நிகழ்ச்சிகள் நடந்தேறும். குழந்தை பாக்கியம் கிடைக்கும். உறவினர்கள் வருகையும், அவர்களால் நன்மையும் கிடைக்கும். புதிய வீடு வாங்கும் யோகம் தொடரும். விருந்து ,விழா என உல்லாச பயணம் மேற்கொள்வீர்கள். பிள்ளைகளால் பெருமை கிடைக்கும். புண்ணியஸ்தலங்களுக்கு சென்று வருவீர்கள். உத்தியோகம் பார்ப்பவர்கள் நல்ல வளர்ச்சி காணலாம். உங்கள் முன்னேற்றத்திற்குத் தடையாக இருந்தவர்கள் தவறை உணர்ந்து உங்களிடம் சரணடைவர். பதவி உயர்வு கிடைக்கும். சிலர் அதிகார அந்தஸ்துக்கு உயர்த்தப்படவர் சம்பள உயர்வு எதிர்பார்த்ததைவிட அதிகமாக கிடைக்கும். சக ஊழியர்கள் உதவிகரமாக இருப்பர். விருந்து, விழா என சென்று வருவீர்கள். வெகு நாட்களாக எதிர்பார்த்த இடமாற்றம் கிடைக்கும். பக்க தொழில் செய்பவர்கள் அதில் நல்ல வளத்தைக் காணலாம். வேலைப்பளு வெகுவாக குறையும். வியாபாரிகள் நல்ல வருமானத்தைக் காண்பர்.

புதிய தொழில் தொடங்கலாம். வேலை இன்றி இருப்பவர்கள் தொழில் தொடங்குவதன் மூலம் நல்ல வளத்தைக் காணலாம். லாபம் அதிகரித்துக்கொண்டே இருக்கும். கூட்டாளிகளிடையேஒற்றுமை ஏற்படும். அரசிடமிருந்து எதிர்பார்த்த சலுகைகள் வந்து சேரும். தீயோர் சேர்க்கையால் சீரழிந்து போனவர்கள் அதிருந்து விடுபட்டு நல்ல வழி கண்டு முன்னேற்றம் அடைவர். சிலர் வெளிநாட்டுடன் தொடர்பு கொண்டு வியாபாரத்தை வளம்பெற செய்வர். உங்களிடம் வேலைபார்க்கும் ஊழியர்கள் நம்பிக்கையுடனும், நல்ல எண்ணத்துடனும் நடந்துகொள்வர். அவர்களும் உங்களால் நல்ல பலனைக் காண வாய்ப்பு உண்டு. வியாபாரத்தில் சுறுசுறுப்பு ஏற்படும். கலைஞர்கள்: புதிய ஒப்பந்தங்கள் வந்து சேரும். நல்ல மனிதர்களின் தொடர்பு கிடைக்கும். அரசியல்வாதிகள், சமூகநல சேவகர்கள் நல்ல வளத்தோடு புதிய பதவியும் கிடைக்கப் பெறுவர்.

மாணவர்கள்: மந்த நிலை மாறும். நற்கல்வி பெறுவர். கூடுதல் மதிப்பெண் பெறலாம்.மேல்படிப்பில் விரும்பிய பாடம் கிடைக்கும். போட்டி, பந்தயங்களில் வெற்றி பெறுவர். விவசாயிகள் நல்ல வளர்ச்சி காண்பர் அனைத்து பயிர்களிலும் நல்ல வருமானம் கிடைக்கும். புதிய சொத்து வாங்கலாம். நவீன விவசாயம் மூலம் கூடுதல் வருமானத்தைப் பெறலாம். வழக்கு விவகாரங்கள் சிறப்பாக இருக்கும். தீர்ப்புகள் சாதகமாக அமையும். இழந்த சொத்து மீண்டும் கிடைக்கும். பெண்கள் வாழ்க்கையில் ஒரு பிடிப்பு ஏற்படும். குழந்தை பாக்கியம் பெற்று மன நிம்மதி அடைவர். உடல்நலம் தொடர்ந்து சிறப்பாக இருக்கும்.

குரு 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். குருபகவான் உங்களுக்கு நன்மை தரும் காலம் என்பதால் இந்த வக்கிர காலத்தில் அவர் சிறப்பான பலனைத் தரமாட்டார். எனவே இந்த வக்கிர காலத்தில் வீண்விவாதங்களில் ஈடுபடாமல் இருப்பது நல்லது. உத்தியோகத்தில் வேலைப்பளு இருக்கும். எல்லோரிடத்திலும் அனுசரணையாக போகவும். திருமணம் போன்ற சுபங்கள் பற்றி பேச வேண்டாம். இந்த காலத்தில் குருபகவானுக்கு அர்ச்சனை செய்யுங்கள். ஏழை குழந்தைகள் படிக்க இயன்ற உதவி செய்யுங்கள்.

பரிகாரம்:- கேது சாதகமற்ற நிலையில் உள்ளதால் அவருக்கு பரிகாரம் செய்யுங்கள். துர்க்கை அம்மனை வணங்கி வாருங்கள். சித்திரபுத்திரநாயனாரை வணங்கி ஏழைகளுக்கு இயன்ற உதவி செய்யுங்கள். இதனால் நன்மை அதிகரிக்கும். சந்தர்ப்பம் கிடைக்கும்போது பாம்பு புற்றுக்கு பால் ஊற்றுங்கள். வசதி படைத்தவர்கள் பசு தானம் செய்யலாம்.

குருப்பெயர்ச்சி பலன்கள் :விருச்சிக ராசி

2013-05-28T23:44:00.000+05:30

குருப்பெயர்ச்சி பலன்கள் :விருச்சிக ராசி

விருச்சிகம் ராசி:

(விசாகம் 4, அனுஷம், கேட்டை) எல்லோரிடமும் அன்பாக இருக்கும் விருச்சிகம் ராசி அன்பர்களே! உங்களுக்கு இதுவரை குருபகவான் 7-ம் இடத்தில் இருந்து பல்வேறு நன்மைகளை செய்து கொண்டிருந்தார். நீங்கள் பல்வேறு உன்னதமான பலன்களை அடைந்திருக்கலாம். உங்கள் செல்வாக்கு உயர்ந்திருக்கும். நினைத்ததை நிறைவேற்றி இருப்பீர்கள். பணப்புழக்கம் அதிகரித்திருக்கும். தேவைகள் பூர்த்தியாகி இருக்கும். பொருளாதார வளம் மேம்பட்டிருக்கும். வீடு மனை வாங்கி இருப்பீர்கள். அல்லது வசதியான வீட்டிற்கு குடிபுகுந்து இருப்பீர்கள். சிலர் வாகனம் வாங்கி இருக்கலாம். இந்த நிலையில் இப்போது குருபகவான் 8-ம் இடமான மிதுனத்திற்கு அடியெடுத்து வைத்திருக்கிறார். இது அவ்வளவு சிறப்பான நிலை அல்ல.

8-ம் இடத்தில் இருக்கும் குரு பகவான் பொதுவாக மன வேதனையும், நிலையற்ற தன்மைÛயும் கொடுப்பார். பொருளாதாரச் சரிவை ஏற்படுத்துவார். வீண் விரோதத்தை உருவாக்குவார். பல்வேறு தொல்லைகளை கொடுப்பார் என்பது பொதுவான ஜோதிட வாக்கு. ஆனால் இதனை கண்டு நீங்கள் அஞ்ச வேண்டாம். குரு சாதகமற்ற நிலையில் இருந்தாலும் அவரது 7-ம் இடத்து பார்வைக்கு தனி சக்தி உண்டு.அந்த பார்வை உங்கள் ராசிக்கு 2-ம் இடமான தனுசுவில் விழுகிறது, தனுசு ராசியில் விழும் அந்த பார்வை உங்களுக்கு சாதகமாக அமைந்துள்ளது. குருவின் பார்வையால் கோடி நன்மைகளை அடையலாம் என்பது ஜோதிட வாக்கு. அந்த வகையில் உங்களுக்கு எந்த இடையூறுகள் வந்தாலும் அதை குருவின் பார்வை முறியடித்து வெற்றிக்கு வழிவகுக்கும். உங்களது ஆற்றல் மேம்படும். இதுவரை இருந்த மந்த நிலை மாறும். துணிச்சல் பிறக்கும். பண வரவு கூடும். தேவையான பொருட்களை வாங்கலாம். பகைவர்களின் சதி உங்களிடம் எடுபடாது. அவர்கள் சரண் அடையும் நிலை ஏற்படும்.

குருபகவான் 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். ஆனாலும் இந்த வக்கிர காலத்தில் குருவின் நன்மை உங்களுக்கு கிடைக்கும். குறிப்பாக உங்கள் செல்வாக்கு கூடும். உத்தியோகம் சிறப்படையும். திருமணம் போன்ற சுபங்கள் கைகூட பேச்சு வார்த்தை தொடங்கும். கேதுவின் பலம் மற்றும் குருபகவான், சனிபகவானின் பார்வைகளால் நன்மை கிடைக்கும். பொருளாதார நிலைமை சிறப்பாகவே இருக்கும். ஆனால் செலவும் வரும். உங்களின் முயற்சி வெற்றி அடையும். மதிப்பு, மரியாதை சுமாராகவே இருக்கும். எனவே வீண்விவாதங்களைத் தவிர்க்கவும். அதேநேரம் உங்கள் கவுரவத்திற்கு எந்த பாதிப்பும் வராது. குடும்பத்தில் மகிழ்ச்சிக்கு குறை இருக்காது. சீரான வசதி இருக்கும். தம்பதியினரிடையே அன்பு நீடிக்கும். ஆனாலும் வீட்டில் சிற்சில பிரச்சினைகள் வரலாம். உறவினர்கள் வகையில் அனுகூலமான போக்கு காணப்படும். திருமணம் போன்ற சுப காரியங்கள் தடை படலாம். அதே நேரம் தீவிர முயறச்சியின் உத்தியோகம் பார்ப்பவர்கள் முன்புபோல் சிறப்பான பலனை எதிர்பார்க்க முடியாது. வேலைப்பளு அதிகரிக்கும். சம்பள உயர்வுக்கு தடையேதும் இல்லை. எதிர்பார்த்த பதவி உயர்வு கிடைக்காமல் போகலாம். மேல் அதிகாரிகளிடம் அனுசரித்து போகவும். கோரிக்கைகளை அதிக முயற்சி எடுத்தே நிறைவேற்ற வேண்டியது இருக்கும்.

எது எப்படியானாலும் குருவின் பார்வையால் எதையும் முறியடித்து வெற்றி காணலாம். வியாபாரிகள் கடந்த காலத்தைப்போல் அசட்டையாக இருக்க வேண்டாம். அதிகமாக உழைக்க வேண்டியதிருக்கும். உங்கள் முயற்சிக்கு தகுந்த பலன் கிடைக்கும். அரசிடம் எதிர்ப்பார்த்த உதவி கிடைப்பது அரிதாகும். புதிய தொழில் தற்போது தொடங்க வேண்டாம். பணவிஷயத்தில் எந்த கஷ்டமும் வராது. அதே நேரம் வீண்விரையம் வரலாம். ஆன்மிகம் தொடர்பான தொழில் நடத்துவோர் நல்ல முன்னேற்றம் காண்பர். கலைஞர்கள் தீவிர முயற்சி எடுத்தால்தான் புதிய ஒப்பந்தங்கள் பெறமுடியும். எதிர்பார்த்த மதிப்பு, பாராட்டு போன்றவை கிடைக்காமல் போகலாம். அரசியல்வாதிகள் மற்றும் பொது நல ஊழியர்கள் பதவியை எதிர்பாராமல் பாடுபட வேண்டியதிருக்கும். மாணவர்கள் இந்த கல்வி ஆண்டு சிரத்தை எடுத்து படிக்க வேண்டும். குருவின் பார்வையால் உங்கள் முயற்சிக்கு தகுந்த பலன் கிடைக்காமல் போகாது. போட்டிகளில் வெற்றிபெற அதிக பிரயாசை பட வேண்டியதிருக்கும். விவசாயிகள் உழைப்புக்கு ஏற்ற பலனைத் தான் பெற முடியும். அதிக முதலீடு பிடிக்கும் விவசாயம் எதையும் செய்ய வேண்டாம்.. வழக்கு விவகாரங்கள் சுமாராக இருக்கும். புதிய வழக்கில் சிக்க வேண்டாம். பெண்கள் மகிழ்ச்சியுடன் காணப்படுவர். கணவரின் அன்பு கிடைக்கும்.வேலைக்குச் செல்லும் பெண்கள் மிகவும் பளுவை சுமக்க வேண்டியதிருக்கும். உடல் நலம் சிறப்படையும். சிலர் மனத்தளர்ச்சியுடன் காணப்படுவர். சனிபகவான் தற்போது வக்கிரத்தில் உள்ளார். அவர் 6-7-2013 வரையில் வக்கிரத்தில் இருப்பார்.

இதனை அடுத்து 4-3-2014 முதல் 19-7-2014 வரையிலும் சனிபகவான் வக்கிரம் அடைகிறார். இந்த காலத்தில் தொழில் சிறப்படையும். குறிப்பாக இரும்பு தொடர்பான தொழில் சிறந்தோங்கும். எதிரிகளை சமாளிக்கும் திறன் மேம்படும். வக்கீல், தரகு போன்ற தொழில் நன்றாக இருக்கும்.

பரிகாரம்:- முருகனை வழிபட்டு வாருங்கள். வியாழக்கிழமை தட்சிணாமூர்த்திக்கு அர்ச்சனை செய்யுங்கள். சனிபகவானுக்கு நல்லெண்ணை தீபம் ஏற்றி வழிபடுங்கள். ஆஞ்சநேயர் வழிபாடு மிகவும் தன்மையையும், மன தைரியத்தையும் உங்களுக்கு கொடுக்கும். சந்தர்ப்பம் கிடைக்கும்போது பாம்பு புற்றுக்கு பால் ஊற்றுங்கள். வசதி படைத்தவர்கள் கறுப்பு நிற பசுவை தானம் செய்யலாம். சந்தர்ப்பம் கிடைத்தால் திருநள்ளாறு, தேனிமாவட்டம் குச்சனூர், மதுரை அருகே திருவாதவூர் ஆகிய ஏதாவது ஒரு தலத்திற்கு சென்று வரலாம்.

குருப்பெயர்ச்சி பலன்கள் :துலாம் ராசி

2013-05-28T23:36:00.000+05:30

குருப்பெயர்ச்சி பலன்கள் : துலாம் ராசி

துலாம்:

(சித்திரை 3, 4, சுவாதி, விசாகம் 1, 2, 3-ம் பாதங்கள்) நீதி நேர்மையுடன் நீங்கள் நடக்க விரும்பும் துலாம் ராசி நண்பர்களே! உங்கள் ராசிக்கு இதுவரை குரு பகவான் 8-ம் இடத்தில் இருந்து வந்தார். இது சிறப்பான நிலை அல்ல என்று சொல்வதை விட கொடூரமான நிலை என்றே சொல்லலாம். 8-ல் குரு இருக்கும்போது பல்வேறு இன்னல்களை தந்திருப்பார். குறிப்பாக மனவேதனை அதிகமாக உங்களை வாட்டியிருக்கும். பொருளாதாரத்தில் திடீர் சரிவுகள் ஏற்பட்டிருக்கும். உறவினர்கள், நண்பர்கள் அனுகூலமாக இருந்திருக்க மாட்டார்கள். வீண் விரோதம் உருவாகியிருக்கலாம். குரு மட்டுமின்றி சனி பகவான், ராகு, கேது என முக்கிய கிரகங்கள் எதுவுமே உங்களுக்கு சாதகமற்ற இடத்தில்தான் இருந்தனர். இதனால் சிலருக்கு இன்னல்கள் எல்லை மீறியே இருந்திருக்கும்.

இந்த நிலையில் குரு தற்போது 9-ம் இடமான மிதுனத்திற்கு செல்கிறார். இது மிகச்சிறப்பான இடம். இதுவரை அவரால் பட்ட இன்னல்களில் இருந்து விடுபடுவீர்கள். மனமகிழ்ச்சி அதிகரிக்கும். உற்சாகம் பிறக்கும். நினைத்த காரியத்தை வெற்றிகரமாக செய்து முடிக்கலாம். பணப்புழக்கம் அதிகரிக்கும். தேவைகள் பூர்த்தி ஆகும். குடும்பத்தில் இருந்து வந்த பின்னடைவுகள் மறையும். தம்பதியினர் இடையே ஒற்றுமை மேம்படும். உறவினர்கள் உதவிகரமாக இருப்பர். உங்களை புரிந்துகொள்ளாமல் இருந்தவர்கள் உங்கள் மேன்மையை அறிந்து சரணடையும் நிலை வரலாம். தடைபட்டு வந்த திருமணம் நடக்க வாய்ப்பு உண்டு. இவை அனைத்தும் குருவால் கிடைக்கும் நற்பலன்கள். இதனால் இனி முன்னேற்றத்திற்கான அறிகுறியை காணலாம். இது ஏழரை சனிகாலம் என்றாலும் அந்த பாதிப்பு இருக்காத வண்ணம் உங்களுக்கு குருபகவான் நன்மை தர இருக்கிறார். அதோடு அவரது 9-ம் இடத்துப் பார்வையும் சாதகமாக அமையும். பொருளாதார வளம் சிறப்பாக இருக்கும். பணவரவு அதிகரிக்கும். நினைத்த காரியத்தை வெற்றிகரமாக செய்து முடிக்கலாம். தேவைகள் பூர்த்தி ஆகும். உங்கள் மீதான அவப்பெயர் மறையும். மதிப்பு, மரியாதை அதிகரிக்கும். அக்கம்பக்கத்தார் உங்களை பெருமையாக பேசுவார்கள். குடும்பத்தில் இருந்து வந்த பின்னடைவுகள் மறையும். வீட்டுக்கு தேவையான அனைத்து வசதிகளும் கிடைக்கும். தம்பதியினர் இடையே ஒற்றுமை மேம்படும். உறவினர்கள் உதவிகரமாக இருப்பர். அவர்கள் வருகையும் அவர்களால் நன்மையும் கிடைக்கும்.

ஆனாலும் கேது சாதகமற்ற இடத்தில் இருப்பதால் மனைவி வகையில் சிற்சில ஊடல்கள் வரத்தான் செய்யும். ஆனால் அது நொடிப்பொழுதில் மறைந்துவிடும். சிறு சிறு பிரச்சினை வந்தாலும் விட்டுக்கொடுத்துபோனால் அது நன்மையில் போய் முடியும். விருந்து,விழா என சென்று வருவீர்கள். நீண்ட காலமாக தடைபட்ட திருமணம் போன்ற சுபநிகழ்ச்சிகள் கைகூடும். நல்ல வரனாகவும் கிடைக்கும். குழந்தை பாக்கியம் பெறுவீர்கள். உத்தியோகம் பார்ப்பவர்களுக்கு கடந்த ஓராண்டாக வேலையில் எண்ணற்ற பிரச்சினை இருந்திருக்கும். அந்த பிரச்சினைக்கு இனி விடிவு ஏற்படும். மேல் அதிகாரிகளின் அனுசரணை கிடைக்கும். சிலர் இடமாற்றம் காண்பீர்கள். அதுவும் விரும்பிய இடமாக அமையும். உங்கள் திறமை பளிச்சிடும். சக ஊழியர்கள் உதவிகரமாக இருப்பர். வேலையின்றி இருப்பவர்களுக்கு வேலை கிடைக்கும். வியாபாரம் சிறப்படையும். அதிக வருமானத்தைக் காணலாம். கடந்த கால நஷ்டம் இருக்காது. ஓரளவு சேமிப்பு இருக்கும். இது ஏழரை சனி காலம் என்பதால் எதிலும் அதிக முதலீடு போடவேண்டாம். கூட்டாளிகள் இடையே ஒற்றுமை ஏற்படும். அரசு வகையில் எதிர்பார்த்த அனுகூலம் கிடைக்கும். எதிரிகள் தொல்லை இருக்கத்தான் செய்யும். சற்று கவனம் தேவை. கூடுதல் வருமானத்தை நிரந்தர வைப்பு தொகையில் போட்டு வைக்கவும். கலைஞர்கள் வசதியுடன் வாழ்வர். புதிய ஒப்பந்தங்கள் கிடைக்கும். புகழ், பாராட்டு வரும். சிலர் அரசிடம் இருந்து விருது பெறவாய்ப்பு உண்டு.

அரசியல்வாதிகள் மேம்பாடு அடைவர். பதவியும் பணமும் கிடைக்கும். மாணவர்கள் இந்த கல்வி ஆண்டில் சிறப்பைக் காணலாம். கூடுதல் மதிப்பெண் கிடைக்கும். போட்டிகளில் வெற்றிபெறவும் வாய்ப்பு உண்டு. விவசாயம் சிறப்படையும். நெல், சோளம் போன்ற வகைகளில் அதிக மகசூல் கிடைக்கும். வழக்கு விவகாரங்கள் சாதகமாக இருக்கும். தீர்ப்பு உங்கள் பக்கம் அமையலாம். பெண்கள் குதூகலமான பலனைக் காண்பர். கணவரின் அன்பு கிடைக்கும். மிகவும் உன்னத நிலையை அடைவர். பிள்ளைகளால் பெருமை கிடைக்கும். கணவன் மற்றும் குடும்பத்தாரின் நன்மதிப்பை பெறுவர். விருந்து, விழா என சென்று வருவீர்கள்.உடல் நலம் சிறப்படையும் . குருவின் வக்கிர காலம் ஒரு கிரகம் வக்கிரம் அடையும் போது அந்த கிரகத்தால் இயல்பாக செயல்பட முடியாது.

அவர் 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். குருபகவான் உங்களுக்கு நன்மை தரும் காலம் என்பதால் இந்த வக்கிர காலத்தில் அவர் சிறப்பான பலனைத் தரமாட்டார். எனவே இந்த வக்கிர காலத்தில் வீண்விவாதங்களில் ஈடுபடாமல் இருப்பது நல்லது. உத்தியோகத்தில் வேலைப்பளு இருக்கும். எல்லோரிடத்திலும் அனுசரணையாக போகவும். திருமணம் போன்ற சுபங்கள் பற்றி பேச வேண்டாம். இந்த காலத்தில் குருபகவானுக்கு அர்ச்சனை செய்யுங்கள்.

பரிகாரம்:- சனிக்கிழமை சனீஸ்வரனுக்கு நல்லெண்ணை தீபம் ஏற்றி எள் சோறு படைத்து அதை காக்கைக்கு போடலாம். ஏதாவது பெருமாள் கோவில்களுக்கு சென்று அடிக்கடி தரிசனம் செய்வது நல்லது. யானைக்கு கரும்பு கொடுக்கலாம். ஊனமுற்ற ஏழைகளுக்கு உதவிசெய்யலாம். திருநள்ளாறு சென்று வாருங்கள். பத்திகாளியம்மனை வழிபடுவதன் மூலமும், ஞானிகளை சந்தித்து ஆசி பெறுவதன் மூலமும் ராகு-கேதுவால் ஏற்படும் பிரச்சினைகள் மறையும். மனதில் தைரியமும், உற்சாகமும் கிடைக்கும். உங்களுக்கு சந்தர்ப்பம் கிடைத்தால் பாம்பு புற்றுக்கு பால் ஊற்றுங்கள்.

குருப்பெயர்ச்சி பலன்கள் : கன்னிராசி

2013-05-28T23:28:00.000+05:30

குருப்பெயர்ச்சி பலன்கள் : கன்னிராசி

கன்னி:

(உத்திரம் 2, 3,4, அஸ்தம், சித்திரை 1, 2-ம் பாதங்கள்) மென்மையான பேச்சும், நல்ல குணநலமும் கொண்ட கன்னிராசி அன்பர்களே! உங்களுக்கு இதுவரை குருபகவான் 9-ம் இடத்தில் இருந்து பல்வேறு நன்மைகளை செய்துகொண்டிருந்தார். குறிப்பாக எடுத்த காரியத்தில் பல்வேறு வெற்றிகளை தந்திருப்பார். பொருளாதார வளம் சிறப்பாக இருந்திருக்கும். சுப நிகழ்ச்சிகள் நடந்திருக்கும்.இந்த நிலையில் இப்போது குருபகவான் 9-ம் இடத்தில் இருந்து விலகி 10-ம் இடத்திற்கு அடியெடுத்து வைத்திருக்கிறார். இது சுமாரான நிலை. பழைய பலன்களை அவரால் கொடுக்க முடியாது. 10-ம் இடத்தில் குரு பகவான் பற்றி ஜோதிடத்தில் ஈசனாரொருபத்திலே தலையோட்டிலேயிரத்துண்டதும் என்று கூறப்படுகிறது. அதாவது குரு 10-ல் இருக்கும்போது சிவன் பிச்சை எடுத்தார் என்று கூறப்பட்டிருக்கிறது. பொதுவாக பத்தில் இருக்கும் குரு பகவான் பொருள் நஷ்டத்தையும், மன சஞ்சலத்தையும் ஏற்படுத்துவார். சிலர் பதவி இழக்க நேரிடலாம். இவையெல்லாம் பொதுவான பலன்.

இதைக்கண்டு நீங்கள் அஞ்ச வேண்டாம். இவ்வளவு கெடு பலன்கள் வருமோ! என்று கவலைகொள்ள வேண்டாம். சிவனுக்கே அப்படியா! என்று கருத வேண்டாம். அந்த நிலை வேறு. உங்கள் நிலை வேறு. குருபகவான் சாதகமற்ற இடத்தில் இருந்தாலும் அவரது 5-ம் இடத்துப்பார்வை சாதகமாக அமைந்துள்ளது. அந்த 5-ம் இடத்துப் பார்வை உங்கள் ராசிக்கு 2-ம் இடமான துலாமில் விழுகிறது. அதன்மூலம் எந்த பிரச்சினையையும் எதிர்கொண்டு சமாளித்து வெற்றி காண்பீர்கள். மந்த நிலை மாறும். துணிச்சல் பிறக்கும். பண வரவு கூடும். தேவையான பொருட்களை வாங்கலாம். பகைவர்களின் சதி உங்களிடம் எடுபடாது. அவர்கள் சரண் அடையும் நிலை ஏற்படும். அதோடு மற்ற கிரகங்களின் நிலையை கொண்டும் நாம் ஆராய்ந்து பார்க்க வேண்டும். மேலும் உங்கள் ஜாதகத்தில் தசா பலன்கள் சிறப்பாக இருந்தால் நன்மைகள் அதிகம் நடக்க வாய்ப்பு உண்டு.

குருபகவான் 2013 நவம்பர் மாதம் 13-ந் தேதி வக்கிரம் அடைகிறார். 2014-ம் ஆண்டு மார்ச் மாதம் 12-ந் தேதி வக்கிர நிவர்த்தி அடைகிறார். குருபகவான் வக்கிரம் அடைந்தாலும் அவர் மிதுன ராசியில்தான் இருக்கிறார். ஆனாலும் இந்த வக்கிர காலத்தில் குருவின் நன்மை உங்களுக்கு கிடைக்கும். குறிப்பாக உங்கள் செல்வாக்கு கூடும். உத்தியோகம் சிறப்படையும். திருமணம் போன்ற சுபங்கள் கைகூட பேச்சு வார்த்தை தொடங்கும். இது ஏழரை சனியின் இறுதிகட்டம். இந்த காலக்கட்டத்தில் சனி அதிக பளுவை கொடுத்தாலும், அதற்கான பலனையும் தர தயங்க மாட்டார். மேலும் சனிபகவானின் தான் நின்ற ராசியில் இருந்து 3,7,10-ம் இடங்களைப் பார்ப்பார். அவரது 10-ம் இடத்துப் பார்வை உங்களுக்கு சிறப்பாக அமைந்து உள்ளது. அதன் மூலம் நற்பலன்கள் கிடைக்கும். மேலும் சனிபகவானின் வக்கிர காலமான 2014 மார்ச் 4 முதல் 2014 ஜுலை 13 வரையிலும் வக்கிரம் அடைகிறார். இந்த காலக்கட்டத்தில் அவரால் கெடுபலன்கள் நடக்காது. பொதுவாக இந்த காலத்தில் சற்று எச்சரிக்கையாக இருக்க வேண்டும்.பொருளாதார வளம் சீராக இருக்கும். அனாவசிய செலவைத் தவிர்க்க வேண்டும். உங்கள் முயற்சியில் தடைகள் வரலாம். ஆனாலும் முயற்சிக்கு தகுந்த பலன்கள் கிடைக்கும். மதிப்பு, மரியாதை சீராக இருக்கும். எனவே வீண்விவாதங்களில் ஈடுபடவேண்டாம். குடும்பத்தில் மகிழ்ச்சி நிலவும். தேவைகள் பூர்த்தியாகும். வீட்டில் சிற்சில பூசல்கள் வரலாம். விட்டுக் கொடுத்து அனுசரித்து போகவும். செவ்வாய் சாதகமாக அமையும் என்பதால் செப்டம்பர், நவம்பர் மாதங்களில் புதிய சொத்து வீடு, மனை வாங்க யோகம் உண்டு. அதற்காக சிறிது கடன் வாங்க நேரிடலாம். திருமணம் போன்ற சுப நிகழ்ச்சிகள் தாமதமகலாம். ஆனால் அதுவும் நன்மைகே. உத்தியோகம் பார்ப்பவர்கள் சீரான பலனை எதிர்பார்க்கலாம். கடந்த காலம் போல உன்னதமாக பலனை எதிர்பார்க்க முடியாது. வேலையில் பளு அதிகரித்தாலும் உழைப்புக்கு ஏற்ற பலன்கள் கிடைக்கும். வழக்கமாக கிடைக்க வேண்டிய பதவி உயர்வு, சம்பள உயர்வுக்கு தடையேதும் இல்லை. மேல் அதிகாரிகளிடம் அனுசரித்து போகவும். சிலர் வீண் மனக்குழப்பத்தினால் வேலையில் ஆர்வமில்லாமல் இருப்பர். போலீஸ் மற்றும் பாதுகாப்பு தொடர்பான வேலையில் இருப்பவர்கள் செவ்வாயின் பலத்தால் பெரும்பாலான காலத்தில் முன்னேற்றம் காண்பர்.

வியாபாரிகள் வளர்ச்சி சீராக இருக்கும். சனி மற்றும் குருவின் வக்கிர காலத்தில் தொழில் சிறப்படையும். புதிய வியாபாரத்தை தற்போது தொடங்க வேண்டாம். இருப்பதை சிறப்பாக நடத்தினால் அதுவே போதும். யாரையும் நம்பி பணத்தை ஒப்படைக்க வேண்டாம். அரசின் வகையில் எந்த சலுகைகளையும் எதிர்பார்க்க முடியாது. எது எப்படியானாலும் குருபகவான் மற்றும் சனிபகவான் பார்வைகளால் எந்த பிரச்சினையும் வராது. கலைஞர்கள் சற்று முயற்சி எடுத்தால் புதிய ஒப்பந்தங்களைப் பெறலாம். சிலருக்கு எதிர்பார்த்த புகழ், பாராட்டுகள் கிடைக்காமல் போகலாம். பொது நல சேவகர்கள் பிரதிபலனை எதிர்பார்க்காமல் உழைக்க வேண்டியதிருக்கும். மாணவர்கள் அதிக முயற்சி எடுத்து படிக்க வேண்டியது இருக்கும். உழைப்புக்கு ஏற்ற பலன் ஓரளவு கிடைக்கும். விவசாயிகள் நல்ல பல முன்னேற்றங்களை காணலாம். அதிக செலவு பிடிக்கும் பயிர்களை தவிர்க்கவும். செப்டம்பர் மாதம் முதல் நவம்பர் மாதத்தில் நிலக்கடலை மற்றும் கிழங்கு பயிர்கள் நல்ல மகசூலை தரும். இந்தக் காலக்கட்டத்தில் புதிய நிலம் வாங்கலாம்.

பெண்கள் பிள்ளைகளால் பெருமை காண்பர். குடும்பத்தில் விட்டுக் கொடுத்து போவது நல்லது. வழக்கு விவகாரங்கள் சுமாராக இருக்கும். உடல்நலம் சிறப்பாக இருக்கும். கேதுவால் பித்தம், மயக்கம் மற்றும் கண் நோய் போன்ற உபாதைகள் வரலாம்.

பரிகாரம்:- நவகிரகங்களை சுற்றி வழிபட்டு வாருங்கள். வியாழக்கிழமை தட்சிணா மூர்த்திக்கு முல்லை மலர் மாலை அணிவித்து வழிபாடு நடத்துங்கள். அப்போது கொண்டக்கடைலை தானம் செய்யலாம். சனிக்கிழமை சனீஸ்வரனுக்கு நல்லெண்ணை தீபம் ஏற்றுங்கள். காக்கைக்கு அன்னமிடுங்கள். ஊனமுற்ற ஏழைகளுக்கு உங்களால் இயன்ற உதவிகளை செய்து வாருங்கள். முடிந்தால் ஆலங்குடிக்கு சென்று தட்சிணாமூர்த்தியை வழிபட்டு வாருங்கள். திருச்செந்தூர் முருகனையும் வழிபடலாம்.

குருப்பெயர்ச்சி பலன்கள் : சிம்ம ராசி

2013-05-28T23:26:00.000+05:30

குருப்பெயர்ச்சி பலன்கள் : சிம்ம ராசி

சிம்மம்:

(மகம், பூரம், உத்திரம்-1ம் பாதம்) சூரியனைப் போல பிரகாசமாக காணப்படும் சிம்ம ராசி அன்பர்களே! குரு பகவான் இதுவரை உங்கள் ராசிக்கு 10-ம் இடத்தில் இருந்தார். 10-ம் இடத்தில் குரு பகவான் இருக்கும்போது பிற்போக்கான பலனைத்தான் நீங்கள் கண்டிருப்பீர்கள். நீங்கள் எடுத்த எந்த முயற்சியும் நிறைவேறாமல் போயிருக்கும். பல்வேறு தடங்கல்கள் வந்திருக்கும். இதனால் பொருளாதார இழப்பு ஏற்பட்டிருக்கும். செய்யும் தொழில் நஷ்டம் வந்திருக்கும். உத்தியோகம் பார்ப்பவர்கள் பல்வேறு இடையூறுகளை சந்தித்திருப்பர். இப்படிப்பட்ட கெடு பலன்களை தந்து கொண்டிருந்த குரு பகவான் இப்போது இடம்மாறி 11-ம் இடத்திற்கு வந்திருக்கிறார். இது உங்களுக்கு மிகவும் உன்னதமான நிலை. அவர் எண்ணற்ற பல நன்மைகளை தர காத்திருக்கிறார். அவரால் பொருளாதார வளம் மேம்படும். உத்தியோகம் சிறப்படையும். புதிய பதவி கிடைக்கும். அதோடு குருவின் 7, 9-ம் இடத்துப்பார்வைகளும் சாதகமாக விழுகிறது. அதாவது 7-ம் இடத்துப்பார்வை 5-ம் இடமான தனுசுவில் விழுகிறது. இதன்மூலம் குடும்பத்தில் குதூகலத்தைக் கொடுப்பார். திருமணம் போன்ற சுப நிகழ்ச்சிகளை நடத்தி வைப்பார். பொருளாதார வளத்தை அதிகரிக்கச் செய்வார். பெண்களால் மேன்மை கிடைக்கும். குழந்தை பாக்கியம் கிடைக்கும். இதனால் வாழ்க்கையில் வளம் காணலாம். 9-ம் இடத்து பார்வை கும்பத்தில் விழுகிறது.

இதன்மூலம் குடும்பத்தில் மகிழ்ச்சியை அதிகரித்து சுப நிகழ்ச்சியை தருவார். செல்வாக்கு மேம்படும். பணப்புழக்கம் அதிகரிக்கும். தேவைகள் பூர்த்தியாகும். எண்ணற்ற பல வசதிகள் கிடைக்கும். உத்தியோகஸ்தர்களுக்கு உயர்வைத் தருவார். முக்கிய கிரகமான சனிபகவான் 3-ம் இடமான துலாமில் இருக்கிறார். இது உன்னத நிலை. அவர் உங்கள் முயற்சிகள் அனைத்தையும் வெற்றி அடைய செய்வார். சனிபகவானோடு இணைந்திருக்கும் ராகு கூடுதல் நன்மைகளைத் தருவார். காரிய அனுகூலத்தையும், பொருளாதார வளத்தையும், குடும்பத்தில் மகிழ்ச்சியையும், தொழில் விருத்தியையும் தருவார். குருபகவான் மட்டுமின்றி சனிபகவான், ராகு ஆகியோரும் நன்மை தரும் இடத்தில் உள்ளனர். பெரும்பாலான முக்கிய கிரகங்கள் சாதகமாக அமைந்துள்ளதால் இது சிறப்பான காலம். உங்களுக்கு ஒரு பொற்காலமாக அமையும் என்றுகூட சொல்லலாம். இதை பயன்படுத்தி முன்னேறுவது உங்கள் கையில் உள்ளது. இதுவரை இருந்துவந்த மன உளைச்சல் மறைந்து உற்சாகம் பிறக்கும். பொருளாதார வளம் சிறப்படையும். நினைத்த காரியம் வெற்றிகரமாக நிறைவேறும். உங்கள் ஆற்றல் மேம்படும். அவப்பெயர் மறைந்து செல்வாக்கு மேம்படும். அக்கம் பக்கத்தாரிடம் மதிப்பு கூடும். குடும்பத்தில் மகிழ்ச்சியும், ஆனந்தம் நிலவும். கணவன்- மனைவி இடையே இருந்த பிணக்குகள் மறைந்து அன்பு மேம்படும். இதுவரை தடைபட்டு வந்த திருமணம் போன்ற சுபநிகழ்ச்சிகள் அனுகூலம் ஆகும். அதுவும் நல்ல வரனாக அமையும். குழந்தை பாக்கியம் பெறலாம். விருந்து ,விழா என சென்று வருவீர்கள். உறவினர்கள் வருகையும், அவர்களால் நன்மையும் கிடைக்கும். புதிய வீடு-மனை வாங்குவர். அல்லது தற்போது உள்ளதை விட வசதியான வீட்டுக்கு குடிபுகுவர். வாகன சுகம் கிடைக்கும். உத்தியோகம் பார்ப்பவர்கள் கூடுதல் பலனை எதிர்பார்க்கலாம். இதுவரை வேலையில் இருந்து வந்த தடைகள், திருப்தியின்மை போன்றவை அடியோடு மறையும்.

வேலையில் புதிய தெளிவு பிறக்கும். மேல் அதிகாரிகளின் ஆதரவு கிடைக்கும். சக ஊழியர்கள் உதவிகரமாக இருப்பர். பதவி உயர்வு கிடைக்கும். சிலர் அதிகார அந்தஸ்துக்கு உயர்த்தப்படுவர். வேலை இன்றி இருப்பவர்களுக்கு வேலை கிடைக்கும். வியாபாரிகள் வருமானம் அதிகரிக்கும். பகைவர்களாக இருந்தவர்கள் உங்களை உணர்ந்து உங்களிடம் சரண் அடைவர். கொடுக்கல் வாங்கல் சிறப்பாக இருக்கும். உங்கள் ஆற்றல் திறமை மேம்பட்டு இருக்கும். புதிய வியாபாரத்தை ஆரம்பிக்கலாம். அரசின் உதவி கிடைக்கும். வேலை இன்றி இருப்பர்கள் சுய தொழிலை ஆரம்பிக்கலாம். கூட்டாளிகளிடையே ஒற்றுமை ஏற்படும். கலைஞர்கள் புதிய ஒப்பந்தங்கள் கிடைக்கப் பெறுவர். இது வரை கிடைக்காத பாராட்டு, விருது போன்றவை வரும். சமூக நல சேவகர்கள் எதிர்பார்த்த பலனைக் காணலாம். பொது மக்களிடையே நற்பெயர் கிடைக்கும். எதிர்பார்த்த பதவியை கிடைக்கப் பெறலாம். மாணவர்களுக்கு கல்வி ஆண்டு மிகச் சிறப்பானதாக அமையும். விரும்பிய பாடம் கிடைக்கப்பெறுவீர்கள். படிப்பில் பளிச்சிடுவீர்கள். சிலர் வெளிநாடு சென்று படிக்கும் யோகத்தைப் பெறுவர். விவசாயிகள் முன்னேற்றம் காண்பர். எந்த பயிர் செய்தாலும் நல்ல மகசூல் கிடைக்கும். சிலர் நவீன முறையில் விவசாயத்தை கையாண்டு கூடுதல் வருவாய் காணலாம். புதிய சொத்து வாங்க அனுகூலம் பிறக்கும். வழக்கு விவகாரங்கள் சாதகமாக அமையும். தீர்ப்புகள் சாதகமாக அமையும். கைதொழில் ஈடுபடுபவர்கள் மனமகிழ்ச்சியுடனும், உற்சாகத்துடனும் காணப்படுவீர்கள். அவர்கள் குறைந்த முதலீட்டில் புதிய தொழில் செய்யலாம்.

எழுத்தாளர்கள், பத்திரிகையாளர்கள் நல்ல முன்னேற்றம் காணலாம். வக்கீல் தொழில் சிறப்பாக நடக்கும். பெண்கள் முன்னேற்றம் அடைவர். குழந்தை பாக்கியம் சிலருக்கு கிடைக்கும். கணவரின் அன்பு இருக்கும். குடும்பத்தில் உன்னத நிலையை பெறுவர். பிறந்த வீட்டில் இருந்து வெகுமதிகள் வரலாம். உடல்நலம் சிறப்பாக இருக்கும். பெண்கள் பெருமை காண்பர். புத்தாடை, அணிகலன்கள், ஆடம்பர பொருட்கள் அதிகமாக வாங்குவீர்கள். உடல்நலம் சிறப்பாக இருக்கும். மருத்துவச் செலவு குறையும்.

பரிகாரம்:- கேது சாதகமற்ற நிலையில் உள்ளதால் பத்திரகாளியம்மன் மற்றும் காளியை வழிபட்டு வாருங்கள். மேலும் வாய்ப்பு கிடைக்கும்போது பாம்பு புற்றுக்கு பால் ஊற்றி வாருங்கள். இப்படி செய்தால் நற்பலன்கள் மேலும் அதிகரிக்கும். இடையூறுகள் மறையும். நவக்கிரகங்களில் கேதுவுக்கு அர்ச்சனை செய்யுங்கள். சன்னியாசிகளுக்கு காணிக்கை செலுத்தி ஆசி பெற்றால் வளம் அதிகரிக்கும்.