PREMAKUMAR

பிரியாவிடை Yahoo Messenger

2018-07-17T04:54:00.000-07:00

பிரியாவிடை Yahoo Messenger

RIP Yahoo Messenger (1998-2018)

ஒவ்வொரு அறையிலும் ஏதாவதொரு விடயம் சார்ந்த அரட்டை ஓடிக் கொண்டிருக்கும். இன்றைய போலிக் கணக்கு யுகத்தின் முன்னோடி Yahoo Chat இல் தான் தொடங்கியது. பெண் பெயர் கொண்ட ஐடி மீது மோகித்துக் கவிதை மழையாகப் பொழிவார்கள் 😃 எல்லாம் தமிங்கிலிஷில் தான். கோமணக் கவுண்டரில் இருந்து தமிழ் ரோமியோ என்றெல்லாம் பெயர் வைத்துக் கொட்டம் அடிப்பார்கள். தம்மை ஈர்க்கும் ஐடியை எல்லாம் தள்ளிக்கொண்டு போய் Private Chat Room இல் பந்தி வைத்து விடுவார்கள் 😃😃

இணைய நட்பு மட்டுமல்ல, நட்பைக் காவும் தொழில் நுட்பங்களும்
ஒவ்வொரு ஐந்தாண்டுக்கு ஒருமுறையாவது மாறி விட்டன. Yahoo Chat எப்படி Yahoo Messenger ஆனதோ அதுபோல கலந்துரையாடற் குழுமங்கள், Orkut, Blogger, Google Chat, FaceBook, Twitter என்பதிலிருந்து இப்போது Whatsup யுகம் வரை வந்தாச்சு. எல்லா நட்பு வாகனத்திலும் ஏறி அமர்ந்து பார்த்தாச்சு. எல்லாவற்றிலும் கசப்பானதும், இனிப்பானதுமான அனுபவங்களும் உண்டு.
Orkut இற்கு நிரந்தரப் பிரியாவிடை கொடுத்தோம் அது போலவே இன்றோடு Yahoo Messenger க்கும்.

இனிய பிரியாவிடை Yahoo Messenger 😅😅😅

2018-07-14T00:27:00.001-07:00

இலங்கையின் தகவல் அறியும் உரிமைச் சட்டம்!

இலங்கை மக்கள் அரசின் தரவுகளை பெற்றுக்கொள்ள வழிவகை செய்யும் இலங்கை அரசின் செயல்பாடுகளில் வெளிப்படை தன்மையை அதிகரிக்கும் இந்த புதிய சட்டத்தின் மூலம் அரசின் தரவுகளை பெற மக்களுக்கு தரப்படும் வழிவகை என்பது இலங்கையில் ”ஜனநாயகம் திரும்பிவிட்டது” என்பதை உணர்த்தும் சமிக்ஞை என்று அதிகாரிகள் கூறுகின்றனர்.

உத்தியோகபூர்வ ஆவணங்களில் இருந்து உண்மையான தகவல்களை ஊடகங்கள் பெறுவதற்கும் இது உதவியாக இருக்கும்.

ஆனால் ஊடகங்கள் இந்த சட்டத்தை வரவேற்பதில் எச்சரிக்கையாக உள்ளன – இச்சட்டம் முதலில் பரவலாக பயன்படுத்தப்பட்ட பின்னர்தான் அது முழுமையான வெற்றியா என்று கூற முடியும் என்று ஊடக நிறுவனங்கள் தெரிவித்துள்ளன.

இந்த சட்டம் எவ்வாறு கொண்டுவரப்பட்டது?

பிப்ரவரி மாதம் 3ம் தேதி தகவல் அறியும் உரிமை சட்டம் கொண்டுவரப்படும் என்ற அறிவிப்பை இலங்கை அரசு ஜனவரி மாதம் ஒரு அதிகார பூர்வ அறிவிப்பின் மூலம் தெரிவித்தது.

நாடாளுமன்ற மறுசீரமைப்பு மற்றும் ஊடகத்துறை அமைச்சர் கயந்த கருணதிலக வெளியிட்டுள்ள அதிகாரபூர்வ அறிவிப்பின்படி, பொது மக்கள் தங்களது அன்றாட வாழ்க்கையை பாதிக்கும் விஷயங்கள் குறித்த முக்கியமான தகவலை அவர்கள் பெற முடியும் என்று தெரிவிக்கப்பட்டது.

தகவல் அறியும் உரிமை சட்டத்தின்படி இலங்கை குடிமக்களுக்கு அரசின் தகவல்களை பெறுவதற்கான உரிமை அளிக்கப்பட்டுள்ளது. தரவுகள் என்பது ”அரசின் கையில், கட்டுப்பாட்டில் அல்லது கண்காணிப்பில் உள்ள தகவல்கள்” என்று பொருள்படுகிறது.

விண்ணப்பதாரர்கள், தமிழ், ஆங்கிலம் மற்றும் சிங்கள மொழிகளில் தகவல்களை பெற்றுக்கொள்ளலாம் என்று தெரிவிக்கப்பட்டுள்ளது.

இந்த சட்டத்தின் கீழ், அமைச்சுக்கள், துறைகள், பொது நிறுவனங்கள், உள்ளூராட்சி அதிகாரிகள் மற்றும் அரசிடம் இருந்து கணிசமாக நிதி பெறும் அரச சார்பற்ற தன்னார்வ தொண்டு அமைப்புக்கள், உயர் கல்வி நிறுவனங்கள் மற்றும் நீதிமன்றங்கள், தீர்ப்பாயங்கள் ஆகிய நிறுவனங்கள் தகவல்களை வழங்க வேண்டும்.

பார்க்க: சவுதியில் பாசமலர், மனதை உருக்கும் உண்மைச் சம்பவம்
ஆனால், தேசத்தின் பாதுகாப்பு, பொருளாதாரம், வெளிநாட்டு வர்த்தக ஒப்பந்ங்கள் தொடர்பான பேச்சுவார்த்தை, தனி நபர்களின் தகவல்கள் மற்றும் மருத்துவ அறிக்கைகள் தொடர்பான சில தகவல்களை பெற தடை உள்ளது.

எடுத்துக்காட்டாக, ராணுவத்தின் ஆயுதம் மற்றும் வெடிபொருட்கள் தொடர்பான விவரங்களை கேட்கமுடியாது. உதாரணமாக, ராணுவத்தில் எத்தனை பல்குழல் ராக்கெட்கள் உள்ளன என்று கேட்க முடியாது. இவை வெளிப்படுத்தக்கூடாத தகவல்கள் ஆகும். ஒரு மருத்துவரை ஒரு குறிப்பிட்ட நோயாளிக்கு எந்த விதமான சிகிச்சை தரப்பட்டது என்று கேட்கக்கூடாது. இது ஒரு நோயாளின் அந்தரங்கத்தில் தலையீடு செய்வதாகும் ஆகும். இதே போல, வெளிநாடுகளுடன் செய்து கொள்ளப்படும் வியாபார ஒப்பந்தத்திற்கு முன்பே அது தொடர்பான தகவல்களை கேட்கமுடியாது,” என்றார் அமைச்சர் கருணாதிலக.

இந்த சட்டம் ஏன் கொண்டுவரப்பட்டது?

ஜனவரி 2015ல் ஆட்சிக்கு வந்த அதிபர் மைத்திரிபால சிறிசேன அளித்த தேர்தல் வாக்குறுதிகளில் ஒன்று தான் தகவல் அறியும் உரிமை சட்டம்.

2016 ஜூன் மாதம் 24ம் தேதி என்று நாடாளுமன்றம் தகவல் அறியும் உரிமை சட்டத்தை அடிப்படை உரிமைகளை ஒன்றாகஅங்கீகரித்து ஒரு அரசியலமைப்பு திருத்தத்தை கொண்டுவந்தது.

ஆகஸ்ட் மாதம் 4ம் தேதி நாடாளுமன்ற சபாநாயகர் ஒப்புதல் அளித்து சட்டமாக உருவாக்கினார்.

சட்டத்தை பற்றிய எதிர்வினைகள்

தகவல் அறியும் உரிமை சட்டம் நாடு எப்படி ஆளப்படுகிறது என்பதில் மாற்றத்தை ஏற்படுத்தும் என்று ஊடக அமைச்சர் கயந்த கருணாதிலக தெரிவித்துள்ளார். ”ஒரு கண்ணாடி பெட்டியில் அரசை வைப்பதற்கு சமம்” என்றார்

இலங்கையில் ஊடக கலாச்சாரத்தில் இந்த சட்டம் ஒரு முக்கியமான கட்டம் என்றார். ”பத்திரிகையாளர்கள் வதந்தியை விட, சரிபார்க்கப்பட்ட, அரசாங்கத்தில் இருந்து அங்கீகரிக்கப்பட்ட தகவல்களை சார்ந்திருக்கலாம்,”என்றார்.

மக்களுக்கு இந்த சட்டத்தை பற்றி பெரிய அளவில் தெரியாது. ஆனால், அரசியல்வாதிகள் இனி, செயல்படுவதற்கு முன்பு இரண்டு முறை அல்ல, மூன்று முறை யோசித்து செயல்பட வேண்டும். ஏனெனில்,தகவல்களை சட்ட ரீதியாக கேட்டு பெற பொது மக்களுக்கு உரிமை உள்ளது என்றார் அவர்.

பார்க்க: உலகில் சிறந்த கல்வி பின்லாந்தில்
அரசாங்க தகவல் துறையின் தலைவர் டாக்டர். ரங்கா பிரசன்ன காலன்சூர்யா, ”தகவல் அறியும் உரிமை சட்டம் இலங்கையில் ஜனநாயகம் திரும்புவதற்கான தொடக்கம்” என்றார்.

இந்த சட்டம் வெறும் ஊடகங்களுக்கும், பத்திரிகை ஆசிரியர்கள் மற்றும் பத்திரிகையாளர்களுக்கானது மட்டும் அல்ல. இது நாடு முழுமைக்கான சட்டமும் கூட. வெறும் தொழில் வல்லுனர்களுக்கு மட்டும் அல்ல, அனைத்து பொதுமக்களுக்குமான சட்டம். ஒரு விவசாயி அல்லது ஒரு மீனவர் தங்களுக்கு தேவையான தகவல்களை பெறுவதற்கான சட்டம்,”என்றார்.

‘இந்த சட்டத்தை விட வேறு என்ன விதமான வெளிப்படைதன்மையை நீங்கள் கொண்டுவர முடியும்? அமைச்சர்கள் மட்டுமல்ல அரசாங்கத்திற்கு சவால் விட கூடிய சட்டம்,” என்றார்.

ஊடகங்களின் கருத்து.
இந்த சட்டம் அரசாங்கத்தின் நடவடிக்கைகளில் ஒரு வெளிப்படைதன்மையை கொண்டுவரும். ஆனால் மக்கள் மற்றும் அரசு அதிகாரிகள் என எல்லோருடைய ஈடுபாடும்இருந்தால் தான் இந்த சட்டத்தை வெற்றி பெற செய்ய முடியும் என்று ஊடகங்கள் கருதுகின்றன.

‘தகவல் அறியும் உரிமை சட்டத்தின் எதிர்காலம் என்பது மக்கள் தங்களுக்கு தகவல் அறியும் உரிமையை எந்த அளவுக்கு விவேகத்துடனும் வலுவாகவும் பயன்படுத்துகிறார்கள் என்பதை வைத்தே தெரியவரும்,” என்று பரவலாக வாசிக்கப்படும் தி சண்டே டைம்ஸ் என்ற ஆங்கில தினசரி குறிப்பிட்டுள்ளது.

’சிலோன் டுடே’ பத்திரிகை, இந்த சட்டம் ”அரசாங்கம் மிக வெளிப்படையாக செயல்பட கட்டாயப்படுத்தும். மற்றும் மக்கள் மிகவும் விழிப்புடன் மற்றும் விவரங்களை தெரிந்தவர்களாக இருக்க பயன்படும் என்று கூறுகிறது. இந்த விவகாரத்தை பொறுத்தவரை ஒரு முக்கியமான நிபந்தனை என்னவென்றால், விவரங்களை அறிய இருக்கும் தேவை பற்றி மக்கள் உணரவேண்டும் என்பது தான்,” என்று அது குறிப்பிட்டுள்ளது.

பார்க்க: எந்த ஊரில் என்ன (ஃபேமஸ்) பிரபலம் ?
ஒரு எச்சரிக்கை குறிப்பை சேர்த்த சண்டே டைம்ஸ் நாளிதழ், ”தகவல் பெற விரும்பும் நபர்கள் மிகுந்த விருப்பத்துடன் இருப்பது போலவே, தகவல்களை ,முடிந்த வரை மிக குறைவாக தர வேண்டும் என்ற எண்ணத்துடன் அரசியல் சூழ்ச்சியால் ஆதரிக்கப்படும் அதிகாரிகளும் இருப்பார்கள்,” என்று ஒரு கட்டுரையில் குறிப்பிட்டுள்ளது.

இதற்கிடையில், அரசுடன் வேலை செய்யும் தனியார் நிறுவனங்கள் மற்றும் ஒப்பந்தரரர்கள் தொடர்பாக கேள்விகளை கையாள,அரசு ஒரு சிறப்பு குழுவை அமைதுள்ளது என்று தெரியவந்துள்ளது.

பொதுமக்கள் இவற்றைக் கையாள வசதியான பல தரவுகளை இதனுடன் இணைத்துள்ளேன்.

2016 ஆம் ஆண்டின் 12 ஆம் இலக்க தகவல் அறிந்துகொள்ளும் உரிமைகள் தொடர்பான சட்டத்தின் ஒழுங்கு விதிகள் முழுமையான தமிழ் வடிவம்,
https://tamil.rti.gov.lk/images/resources/2004-66_T.pdf

தகவல்களைப் பெறுவதற்கான விண்ணப்பம்
https://rti.gov.lk/images/forms/tamil/pdf/RTI%2001%20Application%20to%20receive%20Information.pdf

தகவல் கோரிக்கை கிடைக்கப்பெற்றமைக்கான விண்ணப்பம்
https://rti.gov.lk/images/forms/tamil/pdf/RTI%2002.pdf

தகவல் கோரிக்கைகள் பதிவுக்கான விண்ணப்பம்
https://rti.gov.lk/images/forms/tamil/pdf/RTI%2003.pdf

தகவல் வழங்குவதற்கான தீர்மானம்
https://rti.gov.lk/images/forms/tamil/pdf/RTI%2004.pdf

தகவல் கோரிக்கைகள் நிராகரிப்பு
https://rti.gov.lk/images/forms/tamil/pdf/RTI%2005.pdf

தகவல்களை வழங்குவதற்கான கால எல்லை நீடிப்பு
https://rti.gov.lk/images/forms/tamil/pdf/RTI%2006.pdf

2016 ஆம் ஆண்டின் 12 ஆம் இலக்க தகவல் உரிமைச்சட்டத்துக்கு இணங்க கோரபட்ட தகவல் (Communication to Third Party)
https://rti.gov.lk/images/forms/tamil/pdf/RTI%2007.pdf

மேன்முறையீட்டுப் ஏற்றுகொண்டமைக்கான படிவம்
https://rti.gov.lk/images/forms/tamil/pdf/RTI%2008.pdf

2016 ஆம் ஆண்டின் 12 ஆம் இலக்க தகவல் உரிமைச்சட்டத்திற்கிணங்க மேன்முறையீட்டுப் பதிவு
https://rti.gov.lk/images/forms/tamil/pdf/RTI%2009.pdf

குறிதளிக்கப்பட்ட அலுவலருக்கான மேன்முறையீட்டுப் படிவம்
https://rti.gov.lk/images/forms/tamil/pdf/RTI%2010.pdf

கோரிக்கைகளை நிராகரித்தல் பதிவு
https://rti.gov.lk/images/forms/tamil/pdf/RTI%2011.pdf

தகவல் அலுவலகரின் விபரம்
https://rti.gov.lk/images/forms/tamil/pdf/RTI%2012.pdf

தகவல் அறியும் உரிமைக்கான ஆணைக்குழுவிற்கு சமர்ப்பிக்கப்பட்டும் மேன்முறையீட்டு
https://rti.gov.lk/images/forms/tamil/pdf/Appeal_to_RTI_Commission_Tamil.pdf

இதுவரை இலங்கையில் இடம் பெற்ற 1 முதல் 18 வரையான அரசியலமைப்பு திருத்தச் சட்டத்தின் முழு தமிழ் வடிவம் இத்துடன் இணைக்கப் பட்டுள்ளது.
http://www.parliament.lk/files/pdf/constitution-ta.pdf

Samsung fingers.

2014-04-02T06:40:00.001-07:00

தொழில்நுட்ப உலகில் பல்வேறு புரட்சிகளை செய்துவரும் சம்சுங் நிறுவனம் இலத்திரனியல் கையுறைகளை அறிமுகம் செய்யவுள்ளது. Samsung Fingers எனும் இந்த ஸ்மார்ட் கையுறைகள் 3 அங்குல அளவுடையதும், மீள்தன்மை கொண்டதுமான Super Emo-LED தொடுதிரையினைக் கொண்டதாக காணப்படுகின்றது. மேலும் 5G இணைய வலையமைப்பினையும் உள்ளடக்கியுள்ளதுடன், 16 மெகாபிக்சல்கள் உடைய கமெரா, 4GB RAM, 32GB அல்லது 64GB சேமிப்பு நினைவகம் என்பவற்றினை கொண்டதாக இக்கையுறை தயாரிக்கப்பட்டுள்ளது. இத்தகவல்கள் சம்சுங் நிறுவனத்தின் உத்தியோகபூர்வ இணையத்தளம் ஒன்றில் பிரசுரிக்கப்பட்ட போதிலும் இதன் உண்மைத்தன்மை தொடர்பில் உறுதிப்படுத்த முடியவில்லை.

விஸ்வரூபம் – திரை விமர்சனம்

2013-01-29T11:41:00.001-08:00

நீண்ட ஓர் இடை வேளைக்கு பின்னர் விஸ்வரூபம்.

கமல் ஒரு கதக் நடனக் கலைஞர். கமலஹாசனின் மனைவியாய் வரும் பூஜா குமார் மருத்துவம் சார்ந்த அணு ஆராய்ச்சி துறையில் வேலை செய்கிறார். கமலின் நடனப்பள்ளியில் பயிலும் மாணவிதான் ஆண்ட்ரியா. கமலின் மனைவிக்கும் அவருடைய நிறுவன அதிகாரிக்கும் காதல் மலர்கிறது.

அந்த காதலை அடைவதற்கு தனது கணவனிடம் ஏதாவது குற்றத்தை கண்டு பிடிக்க ஒரு டிடெக்டிவை அனுப்புகிறார் பூஜா. அதன் பின்னர் கமல் கதக் நடனக்கலைஞர் மட்டும் அல்ல, அவர் ஒரு இஸ்லாமியன் என்பதும் தெரிய வந்ததும் கதை சூடு பிடிக்க துவங்குகிறது. அதன் பின்னர் எதிர்களை அடித்து துவம்சம் செய்வதை பார்க்கும் பூஜா தன கணவனிடம் இப்படி ஒரு ஆற்றல் உள்ளதை எண்ணி வியக்கிறார். கமல் என்ற கலைஞனின் உழைப்பு, ஒவ்வொரு காட்சியிலும் தெரிகிறது.

இந்திய உளவுத்துறையில் உள்ள தமிழ் முஸ்லிம் ஒருவர் ஆப்கான் தீவிரவாத கும்பலில் சேர நேரிடுகிறது .அங்கு உமர் என்பவர் மூலம் ஆயுத பயிர்ச்சி பெறுகிறார் .மேலிடத்தின் உத்தரவு படி ஒரு சந்தர்ப்பத்தில் சிக்னல் கருவி ஒன்றை இன்னொருவர் பையில் வைத்து விடுவார் .அதை வைத்து அமெரிக்க ராணுவம் சுற்றி வளைத்து சுடுவார்கள் .அதன் பின்பு சிக்னல் வைத்தவர் என்ற காரணத்திற்க்காக இன்னொருவரை தூக்கில் போடுவார்கள்.

ஆப்கானிஸ்தான் என்று படமாக்கப்பட்டுள்ள காட்சிகள் அப்படியே நிஜத்தை பிரதிபலித்திருப்பது போலிருக்கின்றன. இதுவரை தலிபான்கள் பற்றி செய்திகளாக, கட்டுரைகளாகப் படித்த அத்தனை விவரங்களையும் நுணுக்கமாக காட்சிப்படுத்தியிருக்கிறார் கமல். சண்டைக் காட்சிகள் எது நிஜம் எது க்ராபிக்ஸ் என்று தெரியாத அளவு, ஹாலிவுட் தரத்தில் இருக்கிறது. பின்னணி இசைக்கு முக்கியத்துவம் தேவையான இந்த படத்திற்கு, அதைத் தரத் தவறியிருக்கிறார் சங்கர் எசான்.

முழுக்க முழுக்க ஆப்கானிஸ்தான், நியூயார்க் என்று காட்சிகள் ஒரே ஒரு காட்சியில் வில்லன் (தலிபான் தலைவர் முல்லா ஒமர்) தமிழ்நாட்டில் ஒரு வருடம் ஒளிந்து இருந்த போது தமிழ் கற்றுக்கொண்டேன் என்கிறார். மற்றபடி ஆப்கானிஸ்தானையும், தலிபான்களையும் இவ்வளவு விவரமாக அமெரிக்கப் படங்களில் கூட பார்த்திருக்க முடியாது. ஒரு காட்சியில் பின் லேடன் கூட தோன்றுகிறார். ஆனால் அவரது பெயரை நேரடியாக குறிப்பிடாமல் மறைமுகமாகத்தான் சொல்கிறார்கள். ஆளையும் தூரத்தில்தான் காட்டுகிறார்கள்.

ரூ 95 கோடி செலவில் படத்தைத் தயாரித்து அதை தெலுங்கு, இந்தி என டப்பிங் செய்த கமல், ஆங்கிலத்திலும் டப் செய்திருந்தால் அமெரிக்கர்கள் நிச்சயம் கொண்டாடியிருப்பார்கள். அவர்களுக்கு மிகவும் பிடித்தமான அல்லவா இது!. நியூயார்க் நகரை அல் கொய்தா வைக்கும் அணுகுண்டிலிருந்து காப்பாற்றியதற்காக இந்தியர்களுக்கும் மரியாதை கூடியிருக்கும்.

இந்த படத்தில் ஆப்கானில் அல்கொய்தா அமைப்பினர் செய்யும் கொடுமைகளையும், அமெரிக்காவின் அட்டூழியங்களையும் நன்றாகவே படம் பிடித்துக் காட்டியுள்ளார். படத்தின் காட்சியமைப்புகளும், ஒலி அமைப்புகளும் ஹாலிவுட் தரத்திற்கு உள்ளது.

களத்தூர் கண்ணமாவில் துவங்கிய தேடல் , இன்று விஸ்வரூபம் எடுத்துள்ளது ,கமலுக்கு இது விஸ்வரூபம்தான்!

பில்லா II (டேவிட் பில்லா)

2012-07-16T16:35:00.002-07:00

பில்லா 1 படத்தின் முன்கதை என்ற அறிமுகத்துடன், மங்காத்தா வெற்றிக்குப் பின் அஜித் நடிப்பில் வெளியாகியிருக்கும் படம்.

அஜித் - யுவன் இணைந்த மூன்றாவது இப்படியான படைப்பு.. (ஏகன், பில்லா, மங்காத்தா முன்னையவை.

ஒவ்வொரு நாளும் ஒவ்வொரு நிமிடமும், ஒவ்வொரு செக்கனையும் தானே செதுக்கிய ஒருவன் எப்படி அடிமட்டத்திலிருந்து கொலைகள், போதை, போராட்டம், பேராசை,பெண்கள் என முன்னைய பில்லாவின் தொடர்ச்சி என்று காட்டுவதற்காக அங்கே இங்கே தொட்டு பிரம்மாண்டமாகத் தந்திருக்கிறார் 'உன்னைப் போல் ஒருவன்' புகழ் சக்ரி டோலேட்டி.

சாரம் கட்டி செருப்புடன் நடந்த அகதி ஒருவன் படிப்படியாக கோட்டு சூட்டு போட்டு, Gangster, கோடீஸ்வர Don ஆக உயர்வதை நடை, உடை, பாவனைகளில் stylish ஆகக் காட்டுவதில் இயக்குனர் காட்டிய நேர்த்தியை கண்டபடி கொலை செய்யும் காட்சி ஆனால் அஜித்தின் நடிப்பையும் தோற்றத்தையும் ரசிக்காமல் இருக்க முடியாது. அதற்காகத் தான் பில்லா பலருக்கும் அதிகமாகப் பிடித்திருக்கும்.

முகாமில் பாதுகாப்பு அதிகாரி அகதிகளுக்கு தொந்தரவு கொடுக்க அஜித் தட்டிக் கேட்கிறார். இதனால் வைரக் கடத்தல் கும்பலிடம் அஜித்தை சிக்க வைக்க நினைக்கிறார் அதிகாரி. அந்த சூழ்ச்சியிலிருந்து தப்பிக்கும் அஜித்தும் அவரது நண்பர்களும் பொறுப்பாக வைரத்தை சென்னை பார்ட்டியிடம் - இளவரசு - சேர்க்கிறார்கள்.

பில்லா 1 க்கும் பில்லா 2 க்கும் இடையில் ஒற்றுமைகள் அதே போல கதை..

படம் ஆரம்பிப்பதே ஒரு யுத்த சூழல்.. அமைதியாக இருக்கும் குடும்பம் சிதைக்கப்படுகிறது.

தனியனாகின்ற சிறுவன், இளைஞனாகி அகதியாக ராமேஸ்வரம் - பவளத்துறை நுழைகிறான். ஒரேயொரு இடத்தில் SL14xxx என்ற எழுத்துக்களுடன் ஒரு இலக்கம் வருகிறது ஆனால் யுத்தம் நடைபெற்ற இடம் இலங்கை என்று எங்கேயும் தெளிவாகக் காட்டப்படாமல் - முள்ளு கம்பிகளும் , இராணுவ தளவாடங்களும் கட்டக்படுகிறது ,

அகதி என்றால் அதுவும் ராமேஸ்வரம் என்றால் அது இலங்கைத் தமிழன் தானே? பிறகேன் யாரும் இலங்கைத் தமிழே பேசவில்லை? அதன் பின் இந்திய சினிமா தமிழ் பேசப்படுகிறது .

முக்கியமான பாத்திரங்களில் எல்லாம் தமிழுக்குப் புதியவர்கள். கதாநாயகி பார்வதி ஓமனக்குட்டன் பரிதாப ஓமனக்குட்டனாக இருக்கிறார்.

மதுரை பொண்ணு பாடலின் இசையை கேட்டபோது எங்கோ கேட்ட ஞாபகம் ஜெண்டில்மேன் படத்தில் வரும் ஒட்டகத்த கட்டிக்கோ பாடலில் இசையும் இதுவும் கிட்டத்தட்ட ஒன்றுபடுகிறது.

படத்தின் மிக பெரிய Plus என்று சொன்னால் வசனம், மற்றவர் ஒளிப்பதிவாளர் R.D.ராஜசேகர் இன்னுமொருவர் வசனகர்த்தா இரா. முருகன் பிரபல தமிழ் எழுத்தாளர். அவரைப் பற்றி கேள்விப்படாதவர்களுக்கும் அவர் கமலின் “உன்னைப் போல் ஒருவன்” படத்துக்கு வசனம் எழுதினார்.

#ஆசை இல்லை பசி,,

#சாவு இருக்கும் வரை ஆயுதத்துக்கு மார்க்கெட் இருக்கும்

#போராளிக்கும் தீவிரவாதிக்கும் ஒரே வித்தியாசம்… ஜெய்க்கிறது. ஜெய்ச்சிட்டா போராளி தோத்துட்டா உலகமே சொல்லும் தீவிரவாதி.

#நல்லவங்களைக் கண்டுபிடிக்கிறது தான் கஷ்டம்

#மத்தவங்களோட பயம் நம்ம பலம்

#ஆயிரம் எதிரியை விட்டு வைக்கலாம் ஒரு துரோகியை விட்டு வைக்க கூடாது

#இறங்கி வேல செய்றவனுக்கும், உக்காந்து வேல வாங்குறவனுக்கும் நிறைய வித்தியாசம் இருக்கு.

பில்லா 2 இல் ரசித்து வியக்கக் கூடிய விடயங்கள்..

அஜீத் அற்புதமாக நடக்கிறார்; அழகாக இருக்கிறார்; அளவோடு நடக்கிறார் ஆழமாக, அழுத்தமாகப் பேசுகிறார்.

அஜித்தின் ஹெலிகொப்டர் risk சாகசம் அற்புதம். மனிதர் ஸ்டைலாக இருக்கிறார்; நடக்கிறார்; நடிக்கிறார்.

பில்லா 2 பற்றி அதிகமாகவே எதிர்பார்த்துவிட்டேன் Ajith பிரியனாக ரசித்தாலும் முழுமையான திருப்தியில்லை.

# பில்லா 2 மொத்தத்தில் பில்லாவின் இரண்டாம் தரம்..

# stylish மன்னன் :)

சகுனி ஆட்டம்.

2012-07-10T08:26:00.000-07:00

நீண்ட ஓர் இடை வேளைக்கு பின்னர் ..

கார்த்தி-சந்தானம் கலக்கி வெளியாகியிருக்கும் படம் சகுனி ட்ரீம் வாரியர்ஸ் & ஞானசேகரன் தயாரிப்பில் . ஒரு சில காட்சிகளில் அனுஸ்கா & ஆன்ட்ரியா போன்ற பல பழம் தின்று கொட்டை, புளுக்கை போட்டவர்களை வைத்து அரசியல், மற்றும் சாமியார்களை வைத்து ஆடிய சதுரங்க ஆட்டம்தான் சகுனி! நீண்ட இடைவேளைக்குப் பிறகு வரும் அரசியல் படம் என்பதாலும் கமல்-ரஜினி-ஸ்ரீதேவி என ட்ரெய்லரே கலக்கியதாலும் கார்த்தி மாஸ் ஹீரோவாக ஆகிக் கொண்டிருக்கும் வேளையில் வெளியாகும் படம் என்பதாலும் அதிக எதிர்ப்பார்ப்பை ஏற்படுத்திய படம் இது. எதிர்பார்ப்பை பூர்த்தி செய்ததா என்றால்...

காரைக்குடி கார்த்தியின் ஒரே சொத்தான செட்டிநாட்டு பெரிய பங்களாவை ரயில்வே புராஜக்ட்டுக்காக அரசு எடுத்துக்கொள்ளப்போவதாக அறிவிப்பு வருகிறது. தன் பங்களாவைக் காப்பாற்றிக்கொள்ள, ரயிவே அமைச்சர்-முதல்வர் என அரசியல்வாதிகளைப் பார்த்து முறையிட சென்னை வருகிறார் முதல்வர். அப்பாவி பொதுஜனமாக முறையிட்டால், எந்த மரியாதையும் கிடைக்காது என்பதைப் புரிந்து கொண்டு, கார்த்தி எடுக்கும் அவதாரமே ‘சகுனி’.

கார்த்தியின் மிகப்பெரிய ப்ளஸ் plus point selection தான். எப்போதும் காமெடி கலந்த கதாபாத்திரத்தையே தேர்வு செய்வது மற்றொரு plus point இதிலும் சமீபகாலமாக யாருமே தொடாத அரசியல் கதையை தேர்வு செய்திருக்கிறார். முதல் பாதி முழுக்க ஜாலியான இளைஞனாக, சந்தானத்தை கடுப்பேற்றுபவராக, ப்ரணீதாவை காதலிப்பவராக, அரசியல்வாதிகளின் ஆலோசகராக கலக்குகிறார் கார்த்தி.

சந்தானம் வழக்கம்போல ரஜினி (அப்பாத்துரை)_ஆக சந்தானமும் ’கமல’(க்கண்ணன்)-ஆக கார்த்தியும் அறிமுகமாகி பேசிக்கொள்ளும் காட்சிகள் செம ரகளை.

ரஜினி-கமல்-ஸ்ரீதேவி என பெரிய பில்டப் கொடுத்துவிட்டதால், அதை வைத்து இன்னும் நல்ல காமெடியைக் கொடுத்திருக்கலாம். அதில் ஏமாற்றமே! ஆனாலும் சந்தானம் வரும் காட்சிகளில் கலகலப்புகுப் பஞ்சமில்லை. ஒரு நடிகர் ஒரு ஹிட் கொடுத்துவிட்டால்

ப்ரணீதா.... பெரிதாக நடிக்க சான்ஸ் இல்லாவிட்டாலும் டூயட்களில் colour full லா ஆடுகிறார், ஹீரோவைக் காதலிக்கிறார். இடைவேளைக்கு அப்புறம் காணாமல் போகிறார். தமிழில் இருக்கும் ஹீரோயின்கள் எல்லாம் (ஹன்சி தவிர) பழசாகி விட்ட நிலையில் ப்ரணீதாவுக்கு வளமான எதிர்காலம் உண்டு. அழகான கண்களுடன் ப்ரணீதா பளபளப்பாக வலம்வருகிறார். ஆளும் ‘வளமாகவே’ இருக்கிறார் என்பது மேலும் சிறப்பு!

வில்லன் முதல்வராக பிரகாஷ்ராஜ். நீண்ட நாளைக்கு அப்புறம் படம் முழுக்க வரும் கதாபாத்திரம். கவுன்சிலர்-மேயராக ராதிகா, சாமியாராக நாசர், எதிர்க்கட்சித் தலைவராக கோட்டா ஸ்ரீனிவாசராவ் என பொருத்தமான பாத்திரத் தேர்வுகள். படத்தின் பலமாக வசனங்களைச் சொல்லலாம். முடிந்தவரை திரைக்கதையை காமெடியாக அமைத்ததும் படத்தை ரசிக்க வைக்கிறது.

கந்துவட்டி ராதிகாவை மேயராக ஆக்கும் கார்த்தியின் சகுனி வேலைகள் அட்டகாசம். ஆனால் அதே போன்றே கோட்டா ஸ்ரீனிவாசராவை கார்த்தி முதல்வர் ஆக்குவது.

வீடு மேல் கார்த்தி கொண்டிருக்கும் செண்டிமெண்ட்டைப் பற்றி விரிவான காட்சிகள் இல்லை. அரசியல் ஆலோசகராக ஆகும் கார்த்திக்கு அதற்குரிய பின்புலம் ஏதாவது இருப்பதுபோல் காட்டியிருக்கலாம். அதனாலேயே படத்தை முழுக்க ரசிக்க முடியவில்லை.

ஜி.வி.பிரகாஷின் இசையில் பாடல்கள் அருமை. அனல் அரசுவின் சண்டைக்காட்சிகளில் அதிகம் எதிர்பார்த்தேன். தேவையில்லாத சண்டைக்காட்சிகள் என்பதால் படத்தோடும் ஒட்டவில்லை.

இருப்பினும் அரசியல் கதையை காமெடி கலந்து சொல்லியிருப்பதால் ஒரு முறை பார்க்கலாம்.

சகுனி ஆட்டம் ஆரம்பம் பில்லா 2 க்கு :)

facebook நண்பர்களின் புகைப்படங்களை இலகுவாக சுடுவதற்கான தளம்

2011-05-17T04:50:00.000-07:00

பேஸ்புக் என்பது குறுகிய காலத்தில் அசுர வளர்ச்சி பெற்று வரும் ஒரு சமூக இணையதளமாகும். இதில் நாம் நம் நண்பர்களின் வட்டத்தை பெருக்கி கொள்ளவும் நம் விஷயங்களை மற்றவர்களோடு பகிரவும் மிகவும் சுலபமாக இருப்பாதால் அனைவரும் இந்த பேஸ்புக்கை விரும்பி பயன்படுத்துகிறோம். இந்த பேஸ்புக் தளம் மூலம் நம் நண்பர்களின் வட்டம் பெருகிக்கொண்டே போகிறது. நண்பர்கள் அவர்கள் கணக்கில் அவர்களுக்கு பிடித்தமான போட்டோக்களை போட்டு இருப்பார்கள். அந்த போட்டோக்களை காணவேண்டும் என்றால் ஒவ்வொரு கணக்கில் சென்று பார்க்க வேண்டும். உங்கள் நண்பர்கள் லிஸ்டில் ஆயிரம் பேர் இருந்தாலும் அனைவரின் கணக்கிற்கும் சென்று பார்க்க வேண்டும். இது நடக்கிற காரியம் இல்லை. ஆகவே உங்கள் பேஸ்புக் நண்பர்களின் ஒட்டுமொத்த புகைப்படங்களை எப்படி ஒரே இடத்தில டவுன்லோட் செய்வது என காண்போம்.

இதற்க்கு முதலில் இந்த லிங்கில் க்ளிக் செய்து அந்த தளத்தை ஓபன் செய்து கொள்ளுங்கள்.
உங்களுக்கு கீழே இருப்பதை போல விண்டோ ஓபன் ஆகும் அதில் உள்ள Login with Facebook என்ற பட்டனை அழுத்தவும்.

அந்த பட்டனை அழுத்தியவுடன் உங்களுக்கு இன்னொரு விண்டோ ஓபன் ஆகும் அதில் Allow என்பதை க்ளிக் செய்யவும்.

அவ்வளவு தான் பேஸ்புக் நண்பர்களின் புகைப்படங்களை அந்த தளம் காண்பிக்க தொடங்கும். சற்று காத்திருக்கவும்.
லோடிங் ஆகி முடிந்ததும் உங்களுடைய பேஸ்புக் நண்பர்களின் ஒட்டுமொத்த போட்டோக்களும் அந்த தலத்தில் காணப்படும்.
உங்களுக்கு வேண்டிய நண்பரை க்ளிக் செய்து அவருடைய போட்டோக்களை டவுன்லோட் செய்து கொள்ளலாம்.

இது போன்று ஒவ்வொரு நண்பர்கள் பெயரையும் க்ளிக் செய்தால் அவர்களின் போட்டோக்கள் தெரியும்.
அந்த போட்டோக்களை டவுன்லோட் செய்ய அந்த குறிப்பிட்ட போட்டோ மீது இருக்கும் அம்புக்குறியை க்ளிக் செய்தால் அந்த போட்டோ உங்கள் கணினியில் சேமித்து கொள்ளலாம்.
மற்றும் அந்த குறிப்பிட்ட நண்பரின் ஒட்டுமொத்த போட்டோக்களையும் ஒரே நேரத்தில் டவுன்லோட் செய்ய வேண்டுமென்றால் அதற்க்கு அருகே உள்ள download என்ற பட்டனை க்ளிக் செய்யவும்.

இதில் நீங்கள் விரும்பிய வசதியை தேர்வு செய்து கொண்டு போட்டோக்களை டவுன்லோட் செய்து கொள்ளலாம்.
இதில் உள்ள இன்னொரு வசதி நீங்கள் போட்டோக்களை டவுன்லோட் செய்யும் போது PDF ஆக மாற்றி டவுன்லோட் செய்து கொள்ளலாம்.

இன்னுமோர் சோஷியல் நெட்வேர்க் - Jumo

2010-12-01T02:16:00.000-08:00

சோஷியல் நெட்வேர்க் என்றாலே ஃபேஸ்புக் தான் என்று சொல்லுமளவுக்கு ஃபேஸ்புக் வளர்ச்சி கண்டுள்ளது. இந்த ஃபேஸ்புக்கினை உருவாக்கியவர்களில் ஒருவரான Chris Hughes இன்று மற்றுமொரு சமூக வலைப்பின்னல் இணைய தளம் ஒன்றை தொடங்கிவைத்துள்ளார். Jumo என்ற பெயருடன் அறிமாகியிருக்கும் இந்த சோஷியல் நெட்வேர்கானது ஃபேஸ்புக்கினை போலில்லாமல் ஒரு சமூக சேவை சார்ந்த நோக்கத்திற்காக ஆரம்பிக்கப்பட்டுள்ளது। இது ஒரு இலாப நோக்கம்மற்ற நிறுவனமாக அமெரிக்காவில் பதிவு செய்யப்பட்டுள்ளது.

இந்த ஜூமோ மூலம் சமூக நோக்கம் சார்ந்த நல்ல விடயங்களுக்கான ஆதரவினை வழங்க முடியும்.இந்த புதிய இணைய தளத்தில் Projects , Issues என்று இரண்டு எண்ணக்கருக்கள் உள்ளன. உதாரணமாக ”அனைவருக்கும் கல்வி” ”வறுமையை ஒழிப்போம்” “Freelancer union” “Freedom of speech” என்று காணப்படுகிறது. இந்த Projects , Issues என்பவற்றை பின்தொடர்ந்து அவர்களுக்கு உங்களால் முடிந்த உதவிகளை செய்யமுடியும்.
இந்த Jumo இணைய தளமானது Beta பதிப்பாகவே வெளிவந்துள்ளது. தற்போதைக்கு ஃபேஸ்புக் கணக்கினை வைத்திருப்பவர்களே இந்த தளத்தினை உப்யோகிக்க முடியும். எதிர்காலத்தில் அனைவராலும் இந்த சோஷியல் நெட்வேர்க்கினை பயன்படுத்த முடியும் என Jumo குழுவினர் தெரிவித்துள்ளனர்.
இது ஃபேஸ்புக் இணைய தளத்திற்கு மாற்றீடான தளமாக இல்லாமல் ஃபேஸ்புக் இணைய தளத்தில் இல்லாத ஒரு விடயத்தை தேடி jumo பயணிக்கவுள்ளது. அதாவது ஃபேஸ்புக் பாவனையாளர்களிடம் காணப்படும் விளையாட்டுத்தனத்தை(fun ) நீக்கி சில ஆக்கபூர்வமான விடயங்களை நோக்கி மக்களை அழைத்துச் செல்ல இருக்கிறது.

Facebook அதிவேக ஆக்கிரமிப்பு

2010-11-01T04:40:00.000-07:00

உலகின் மிகப்பெரிய சமூக வலைப்பின்னல் Facebook. குறுகிய காலப் பகுதிக்குள் இணைய உலகையே ஆக்கிரமித்து இணையத்தின் பலமிக்க நிறுவனங்களான Yahoo, Microsoft போன்றவற்றை எல்லாம் பின்னுக்கு தள்ளிவிட்டு வெற்றி நடை போடுகின்றது 6 வயதான facebook. facebook இன் இந்த அபார வளர்ச்சியை சிறிது காலத்துக்கு முன் யாரும் நினைத்துக் கூட பார்திருக்க முடியாது. இன்று facebook வீழ்த்த வேண்டிய ஒரே ஒரு இலக்கு Google மட்டும் தான் (இலகுவான விடயம் அல்ல). ஆனால் சமூக வலைப்பின்னல் (Social Network) துறையில் facebook ஐ வீழ்த்த Google மேற்கொண்ட அனைத்து முயற்சிகளும் எதிர்பார்த்த பலனை கொடுக்கவில்லை.

உதாரணமாக Orkut, Google Buzz, Google wave. இவற்றின் மூலம் கற்ற பாடங்களுடன் மிகவும் திட்டமிடப்படு Google மேற்கொள்ளவிருக்கும் அடுத்த தாக்குதல் தான் GoogleMe (Google அறிமுகப்படுத்தவிருக்கும் புதிய சமூக வலைப்பின்னல் தளம்). இதுவும் facebook இன் வளர்ச்சியில் தாக்கத்தை ஏற்படுத்துமா என்று பொறுத்திருந்து தான் பார்க்கவேண்டும்.

இது இவ்வாறிருக்க facebook நாளுக்கு நாள் புதிய வசதிகளை அறிமுகப்படுத்துவதுடன் தேவையற்ற வசதிகள் அகற்றப்பட்டு வருகின்றதும் குறிப்பிடத்தக்கதாகும். தற்பொழுது அறிமுகப்படுத்தப் பட்டிருக்கும் இணையத்தளங்களுக்கான Like Button இணையப்பாவனையில் பாரிய தாக்கத்தை ஏற்படுத்தக் கூடிய ஓர் அம்சமாகும். அத்துடன் பயனாளார் கணக்குகளுக்கான பாதுகாப்பு உறுதிப்படுத்தப்பட்டுள்ளதுடன் தனித்துவத்தை பேணும் நடவடிக்கைகளும் நோ்த்தியாக முன்னெடுக்கப் பட்டு வருகின்றது.

facebook பாவனை பற்றிய முக்கிய புள்ளிவிபரங்கள்.

500 000 000 (500 million) க்கு மேற்பட்ட பாவனையாளா்கள் facebook ஐ பயன்படுத்துகின்றனர்.
ஒவ்வொரு பாவனையாளரும் சராசரியாக 130 நண்பர்களைக் கொண்டுள்ளனர்.
பாவனையாளா்கள் ஒவ்வொரு மாதமும் 700 000 000 000 (700 billion) க்கும் அதிக நிமிடங்களை facebook இல் செலவிடுகின்றனர்.
900 000 000 (900 million) க்கும் அதிக குழுக்கள், பக்கங்கள் (pages, groups, events and community pages) முதலியவற்றில் இணைந்து செயற்படுகின்றனார்.
ஒரு பாவனையாளர் சராசரியாக 80 குழுக்கள், பக்கங்கள் (pages, groups, events and community pages) முதலியவற்றில் இணைந்துள்ளார்.
ஒவ்வொரு பாவனையாளரும் சராசரியாக 90 விடயங்களை (web links, news stories, blog posts, notes, photo albums, etc.) ஒவ்வொரு மாதமும் பகிர்கின்றனர்.
ஒவ்வொரு மாதமும் 30 000 000 000 (30 billion) க்கும் அதிக விடயங்கள் பகிரப்படுகின்றது.
தமிழ் உட்பட 70ற்கு மேற்பட்ட மொழிகளில் facebook ஐ பயன்படுத்த முடியும்.
60 000 இற்கும் அதிக Server கள் facebook இன் தடையற்ற இயங்கத்திற்காக பயன்படுத்தப் படுகின்றது

சமூக வலைத் தளங்களில் பகிர கூடாத தகவல்கள்

2010-10-06T06:37:00.000-07:00

இணைய உலகில் சமூக வலைத்தளங்கள் இப்பொழுது அபரிமிதமான வளர்ச்சியை பெற்றுள்ளது. இணையுலகில் சமூக வலைத்தளங்களை உபயோகிப்பவர்கள் பற்றி சிறிய புள்ளி விவரம்.

இணையம் உபயோகிப்பவர்களில் 35% மேல் குறைந்தது ஒரு தளத்திலாவது உறுப்பினர் ஆகி உள்ளனர்.

இதில் 51% மேல் ஒன்றிற்கும் மேற்ப்பட்ட தளத்தில் உறுப்பினர் ஆக உள்ளனர்.
இதில் மூன்றில் ஒரு பங்கு 18 இருந்து 24 வயது உள்ளவர்களே.
89% நண்பர்களை பெறுவதற்காகவே இதில் உறுப்பினர் ஆகி உள்ளனர்.

இதன் படி பார்த்தால் சிறியவர்களில் இருந்து பெரியவர்கள் வரை அனைவரும் சமூக வலைதளங்களை உபயோகிக்கிறார்கள். அனைத்து சமூக வலை தளங்களிலும் Private என்ற ஒரு வசதி உள்ளது. ஆனால் நாம் யாரும் அதை உபயோகிப்பதில்லை. ஆகையால் நாம் சமூக வலை தளங்களை மிகவும் கவனத்துடன் கையாள வேண்டும். இதில் பகிர கூடாத சில விஷயங்களை கீழே >>>>

1. அடிமை

அனைத்து சமூக வலைதளங்களும் உறுப்பினர் ஆவதற்கு குறைந்தது 13+ வயது வரம்பை வைத்துள்ளார்கள். ஆனால் அதை நடைமுறை படுத்த எந்த வழியையும் செய்ய வில்லை. ஆகையால் சிறுவர்கள் கூட இதில் உறுப்பினர் ஆகி விடுகின்றனர். அதோடு மட்டுமல்லாமல் அவர்கள் மணிகணக்கில் இந்த தளங்களில் நேரங்களை செலவிடுகிறார்கள் போக போக இதற்க்கு அடிமையாகவே மாறி விடுகிறார்கள். படிக்கும் நேரங்களில் கூட படிக்காமல் இந்த தளங்களில் நேரங்களை செலவிடுகின்றார்கள். இதை கண்காணிப்பது அனைத்து பெற்றோரின் கடைமையாக உள்ளது. அவர்கள் கணினியில் என்ன செய்கிறாகள் என்பதை கவனித்து அவர்களுக்கு உண்மையை புரிய வைக்கவும்.

2. பெண் உறுப்பினரா:

நீங்கள் பெண் உறுப்பினர் ஆக இருந்தால் உங்கள் புகைப்படத்தை சமூக தளங்களில் பகிர்வதை தவிருங்கள். இதை சில பேர் தவறாக பயன்படுத்த கூடிய வாய்ப்பு நிறைய உள்ளது. அதற்கு பதில் வேறு ஏதேனும் போட்டோவினை பயன் படுத்தலாம். இதை கடைபிடித்தால் உங்களுக்கு பயனுள்ளதாக இருக்கும்.

3. குழந்தைகளிடம்
குழந்தைகளுக்கு தெரியும் வண்ணம் இந்த சமூக தளங்களின் விஷயங்களை பகிர்ந்து கொள்ள வேண்டாம். அவர்களும் அந்த வலைதளங்களில் செல்ல வேண்டும் என்ற ஆர்வம் மேலோங்கும்.

4. நண்பரை தேர்ந்தெடுத்தல்:

நீங்கள் சமுக தளங்களில் உங்களுக்கு நண்பர் கோரிக்கைகள் வந்தாலோ அல்லது நீங்கள் யாருக்கேனும் நண்பர் கோரிக்கை அனுப்ப நினைத்தாலோ பொதுவான நண்பர்களை சோதித்து நமக்கு தெரிந்தவர்கள் அதில் இருக்கின்றனரா என்று அறிந்து
அவ
ர்களின் கோரிக்கையை உறுதி படுத்தவும்.

5. உங்கள் பயனர் கணக்கு:
நீங்கள் சமூக வலைதளங்களில் உறுப்பினர் ஆகும் போது அந்த என புதிய உறுப்பினர் கணக்கை உருவாக்கி கொள்ளுங்கள். அனைத்து சமூக தளங்களிலும் ஜிமெயில் அல்லது யாகு மெயில் உபயோகித்தால் போதும் அதற்கு லிங்க் கொடுத்தாலே பயனர் கணக்கை ஆரம்பிக்க வேண்டிய அவசியமில்லை. இருந்தாலும் இதில் பாதுகாப்பு என்பது குறைவே ஆகையால் தனியாக பயனர் கணக்கை உருவாக்கி கொள்ளுதல் சிறந்தது.

6.சுற்றுலா விசேஷத்திற்கு செல்லுதல்:

நீங்கள் சுற்றுலா செல்ல வேண்டாம் என்று கூற வில்லை. ஆனால் நீங்கள் செல்லும் தகவலை சமூக வலைதளங்களில் தெரிவிக்க வேண்டாம். (உதாரணாமாக நான் குடும்பத்தோடு இன்று ஊருக்கு செல்கிறேன் இதோடு பத்து நாள் கழித்து தான் வருவோம்.) இப்படி உங்கள் இதனால் பத்து நாளும் வீட்டில் யாரும் இல்லை என்பதை நீங்கள் சொல்லாமல் சொல்கிறீர்கள். ஆகவே போய்விட்டு வந்து கூறுவதே நல்லது. நெருங்கிய நண்பர் சொல்லியே தீர வேண்டும் என்றால் மெயிலிலோ அல்லது தொலைபேசியிலோ கூறுவது சிறந்தது.

7.உங்கள் பிறந்த
தி
க
தி:

உங்கள் வங்கி கணக்கு மற்றும் கடன் அட்டை (credit card) ஆகியவைகள் அனைத்தும் உங்கள் பிறந்த தேதியை மையமாக வைத்தே இயங்குவதால் நீங்கள் கவனமாக இருப்பது நல்லது. சமூக வலைதளைங்களில் நீங்கள் கொடுக்கப்படும் அனைத்து தகவல்களையும் உலகத்தின் எந்த நாட்டில் இருந்தும் பார்த்து கொள்ளலாம். அதனால் உங்கள் பிறந்த தேதியை வைத்து தவறு நடக்க வாய்ப்புள்ளது. ஆதலால் நீங்கள் உங்கள் பிறந்த தேதியை முழுமையாக கொடுக்க வேண்டாம். கொடுத்து இருந்தாலும் Edit profile சென்று மாற்றி கொள்ளுங்கள்.

8. உங்கள் குழந்தையின் பெயர்:
அனைவருமே செய்கின்ற விஷயம் நம்முடைய குழந்தையின் புகைப்படத்தை நம் பேஸ்புக்கில் சேர்த்து இருப்போம் அது தவறல்ல, ஆனால் அந்த குழந்தையின் படத்திற்கு குழந்தையின் பெயரை தலைப்பாக போட்டு இருந்தால் அது தவறு தான். அதை மாற்றி விடுங்கள். உங்களுக்கு தெரியாமலேயே உங்கள் குழந்தையை ஏமாற்ற வழி உள்ளது. யாருக்கு என்ன தெரியும் எப்பொழுது என்ன நடக்கும் என்று நாம் கவனமாக இருப்பது நல்லது.

9. முகவரி மற்றும் தொலைபேசி எண்:
சமுக தளங்களில் நீங்கள் உங்களுடைய தொலைபேசி எண்ணையோ அல்லது உங்கள் வீட்டின் முகவரியையோ கொடுக்க வேண்டாம். இது முற்றிலும் தவறான விஷயம். இதை கண்டிப்பாக தவிருங்கள். ஏற்க்கனவே கொடுத்து இருந்தாலும் எடுத்து விடுங்கள்.இதுவும் தவறு நடக்க ஒரு விதத்தில் வாய்ப்பு உள்ளது.

10. சுலபமான கடவுச்சொல்:
சமூக தளங்களில் நாம் உபயோகிக்கும் Password சுலபமாக கண்டுபிடிக்கும் படி வைக்க வேண்டாம். உங்கள் பெயரையோ அல்லது வேறு ஏதேனும் வார்த்தையோ அலது உங்கள் பிறந்த தேதியையோ தரவேண்டாம். இதனை ஹேக்கர்கள் சுலபமாக கண்டு பிடிக்கும் அபாயம் உள்ளது. சிறந்தது உங்கள் கடவு சொல்லுக்கு முன்னும் பின்னும் நம்பர்களை சேர்த்தல் சிறந்தது.
(உ-ம்) 12xxxxxx52

கணினித் துறையில் இருப்பவரே அலட்சியமாய் இருந்து விடுகின்றனர். இணையத்தை பயன்படுத்தும் ஒவ்வொருவருக்கும் இந்த விழிப்புணர்வு அவசியம்.

Tamil Bamini keybord Layout

2010-09-22T01:38:00.000-07:00

Tamil Bamini keybord Layout for windows by Prasath (karaitivu.org)

இவ் மென்பொருளை karaitivu.org File Cabinet ல் இருந்து (http://www.karaitivu.org/Home/file-cabinet) தரவிறக்கம் செய்யவும். இம்மென்பொருளானது Beta நிலையில் உள்ளது. மென்பொருளை பாவிக்கும் போது பிழைகள் (Bugs) ஏற்படின் info@karaitivu.org க்கு அறியத்தரவும்.

BamiSATH மென் பொருளானது இலவசமாக, எந்தவொரு உத்தரவாதமும் இன்றியே வழங்கப்படுகிறது.

*Note:

BamiSATH மென்பெருளை தரவிறக்கம் வழங்கும் அனுமதி karaitivu.org க்கு மட்டுமே உள்ளது. உங்கள் இணையத்தளத்திலும் வளங்க விரும்பின் http://www.karaitivu.org/Home/file-cabinet எனும் இணைய முகவரியை உங்கள் இணையத்தளத்தில் கொடுக்கவும்.

போலி முகங்கள் பேஸ்புக்கில் வலம் வருகிறது

2010-09-15T12:14:00.000-07:00

இணையப் பயணர்களின் இணை பிரியாத பங்காளி தான் இந்த பேஸ்புக் (Facebook) எனப்படும் சமூக வலைத் தளம். இணையத்தைப் பயன்படுத்தும் பாக்கியம் பெற்ற ஒவ்வொருவருக்கும் அநேகமாக இங்கு ஒரு கணக்கு இருக்கும். (இல்லாதவர்களும் இருக்கிறார்கள்). நாளுக்கு நாள் இதன் அங்கத்தவர்கள் பெருக, கூடவே இந்தத் தளம் சம்பந்தமான சர்ச்சைகளும் பெருகிக் கொண்டே வருகிறது. இருந்தாலும் 24x7 ஆன்லைன் (online) ஆசாமிகளின் ஆட்டம் இருக்கும் வரை இந்தத் தளம் சக்கை போடு போடும் என்பதில் சந்தேகத்திற்கு இடமில்லை. சரி இனி தலைப்பிற்கு வருவோம்.

இவ்வாறான Fake Profiles எனப்படும் போலி முகங்கள் இணையத்தில் தாராளமாக வலம் வந்து கொண்டிருக்கின்றன. இப்போலிகள் பேஸ்புக்கையும் விட்டு வைக்கவில்லை. இது சம்பந்தமான நான் அறிந்த அனுபவ ரீதியான விடயங்களை பகிர்ந்து கொள்கிறேன்.

இலங்கையைப் பொருத்தமட்டில் இப்போலி கணக்குகள் அதிகம் ஆண்களாலேயே உண்டாக்கப் படுகின்றன. (பெண்களுக்கு போலிக் கணக்குகள் இல்லை என்று சொல்ல வரவில்லை).

பொதுவாக பெண்கள் முகம்தெரியாத ஆண்களிடமிருந்து வரும் Friend Request களை Accept பண்ணுவதில்லை. ஆனால் இதே ஒரு முகம்தெரியாத பெண்ணாக இருந்தால் அவர்கள் அவ்வளவாக சிந்திப்பதில்லை. ஆனால் இவ்வாறு பெண்களின் பெயர்களாலேயே ஆண்கள் அதிகம் போலிக் கணக்குகளை வைத்திருப்பதை இவர்கள் அறியாமல் இருக்கலாம். ஒரு சில சூட்சுமமான ஆசாமிகள் ஒரு படி மேல் சென்று போலியாக உண்மையான ஒரு பெண்ணின் பெயரை வைத்தே போலிக் கணக்கை உண்டாக்கின்றனர். இதனால் அந்தப் பெண்களைச் சார்ந்தவர்களுடன் இந்தப் போலி ஆசாமிகள் இலகுடன் தொடர்புகளை உண்டுபண்ண சந்தர்ப்பம் கிட்டுகிறது.

அடுத்ததாக இவ்வாறு பெண்கள் பெயர்களில் உண்டாக்கப்படும் போலிக் கணக்குகளால் இவர்கள் ஆண்களையும் ஏமாற்றுகின்றனர். பெண்களின் பெயரில் Request வந்தால் பாய்ந்து சென்று அதை Accept பண்ணும் நபர்களே இதன் மூலம் அதிகம் ஏமாற்றப்படுகின்றனர். ( எனக்கு தெரிந்த ஒரு நபர் இவ்வாறு ஒரு போலிக் கணக்கினால் ஏமாற்றப் பட்டு குறித்த அந்தக் கணக்கை வைத்திருக்கும் நபரின் கைப்பேசிக்கு ஆயிரக்கணக்கான ரூபாக்களை மீள்நிரப்பி (Reload) விஷயம் தெரிந்த பின் கை சேதப் பட்டது வேறு கதை )

சரி இனி இவ்வாறான போலிக் கணக்குகளிலிருந்து தவிர்ந்து கொள்ள எனக்கு தெரிந்த சில முறைகளைப் பகிர்ந்து கொள்கிறேன்;

ஆண்களோ பெண்களோ சரி, யாராவது தெரியாத பெயர்களிடமிருந்து Request வந்தால் உஷாராகி விடுங்கள். அந்தக் கணக்கின் பின்னணியை தேடுங்கள். உண்மையான Profile Pic போடப்பட்டுள்ளதா என கவனியுங்கள். (சிலர் உண்மையான வேறு நபர்களின் படங்களை கொண்டும் போலிக் கணக்குகளை உருவாகின்றனர்.)

குறித்த கணக்கில் எதாவது ஆபாச ரீதியான வாசகங்கள் அல்லது படங்கள் இருந்தால் கொஞ்சம் உன்னிப்பாக இருங்கள். எந்த நபரும் தன் ஆபாச நிலைகளை படம் போட்டு காட்ட விரும்புவதில்லை.

பெண்களே, உங்கள் தோழியின் பெயரிலும் போலிக் கணக்குகள் உருவாக்கப் படலாம். இந்த ஆசாமிகள் சூட்சுமமாக பொதுவான நண்பர்கள் (Mutual Friends) பட்டியலைக் கூட்டிக் கொண்டு உங்களுக்கு Request கொடுக்கலாம்.ஆகவே எதாவது சந்தேகம் தோன்றினால் குறித்த உங்கள் நண்பிக்கு அழைப்பை எடுத்து உறுதிப் படுத்திக் கொள்ளுங்கள்.

ஆண்களே, தெரியாத பெண்கள் பெயரில் வரும் Request களை உடனே ஏற்றுக் கொள்ள வேண்டாம். (உங்கள் மனதை கொஞ்சம் கட்டிப் போடுங்கள்

உங்கள் நண்பர்களின் பெயரிலேயே போலிக் கணக்குகள் காணப்படுவதால் சந்தேகங்கள் ஏற்படும் சந்தர்பங்களில் குறித்த நபருக்கு தொலைபேசி அழைப்பை ஏற்படுத்தி உறுதி செய்து கொள்ளுங்கள்.

இவ்வாறான கணக்குகளை இனங்காண எனக்குத் தெரிந்த சில முறைகள்:

குறிப்பாக இந்தக் கணக்குகளில் ஆயிரத்திற்கும் மேற்பட்ட நண்பர்கள் இருப்பார்கள். அதிலும் அதிகம் ஆண்களே இருப்பார்கள். கொஞ்சம் சிந்தியுங்கள், ஒரு பெண்ணுக்கு பெண்களை விட அதிகம் ஆண் நண்பர்கள், அதுவும் ஆயிரத்தையும் தாண்டி.. உஷார் ..!!!

ஆபாசமான படங்கள் காணப்படும். அதிலும் அந்த ஆபாசமான படங்களிற்கு கொடுக்கப் பட்டிருக்கும் ஆபாசமான பின்னூட்டல்களிற்கு (comments) அந்த நபரும் சிரித்துக் கொண்டே பதில் சொல்லி இருப்பார்.

குறித்த கணக்கின் Profile, இலகுவான பாதுகாப்பு நிலைமைகளைக் கொண்டிருக்கும். அதாவது அக்கணக்கின் சுவரை (wall) யாருக்கும் பார்க்கலாம், நண்பர் இல்லாவிடினும்.

குறிப்பாக சிலர் உண்மையான படங்கள் இல்லாததனால் அதிகம் குழந்தைகளின் படங்களைப் பகிர்ந்து கொண்டே இருப்பார். (தான் பெண் என்று நிரூபிக்க

பொதுவாக Looking for, Interested in பகுதிகளில் எல்லா தெரிவுகளையும் தெரிவு செய்து இருப்பார். (குறிப்பாக Looking for a relationship)

அடிக்கடி கொஞ்சம் அப்புடி இப்படியான Pages, Groups களில் இணைவாங்க.

அதோட கொஞ்சம் கவர்ச்சியான யாரோ ஒருத்தரின் படங்களை தன் படம் என்று பகிந்து கொள்வாங்க. (இதுக்குப் போய் சில அப்பாவிப் பசங்க Hai, u r soooo beautiful என்று சொல்லும் கொடுமை இருக்கே... அப்பா சொல்லிப் பிரயோசனம் இல்லை

முக்கிய குறிப்பு: இவ்வாறான தன்மை கொண்ட எல்லா கணக்குகளும் போலி என்று சொல்லி விட முடியாது. இப்படியான தன்மைகளுடன் உண்மையான கணக்குகளை வைத்திருப்பவர்கள் என்னை மன்னித்துக் கொள்ளுங்கள். குறிப்பாக பிரபல நபர்களின் Wall, நண்பர் இல்லாவிடினும் பார்க்கக் கூடிய பாதுகாப்பு தன்மையையே கொண்டிருக்கும். (Open to Everyone)

அது சரி இவ்வளவு சொல்லும் என் கணக்கிலேயே ஐந்திற்கும் மேற்பட்ட போலி ஆசாமிகள் குந்தி இருக்கிறார்கள். ஏன் இன்னும் தூக்காம இருக்கிறேன் என்று கேக்குறீங்களா..? பதிவிட அவர்களின் தொழிற்பாடுகளைப் பற்றி அனுபவம் இருக்க வேண்டும் தானே...!

(இங்கு வாசிப்பவரின் இலகு கருதி தேவையான இடங்களில் ஆங்கில சொற்களைப் பயன்படுத்தி உள்ளேன். பேஸ்பூக்கிற்கு மூஞ்சிப் புத்தகம் அல்லது முகநூல் என்று தமிழாக்கம் செய்வதில் இஷ்டமில்லை. Yahoo, Google, Orkut.. இதுக்கெல்லாம் தமிழாக்கம் கேட்டா வில்லங்கம் தானே...

எந்திரன் விமர்சனம் (பாடல்)

2010-08-03T06:05:00.000-07:00

தமிழ் ரசிகர்கள் பெரிதும் எதிர்ப்பார்த்த ரஜினியின் எந்திரன் இசை பாடல்கள் வெளியாகிவிட்டன. பெரும்பாலானவர்கள் கேட்டும் விட்டார்கள் , பாடல்கள் மக்களை எந்த அளவுக்கு கவர்ந்துள்ளது என்பதைப்பார்க்கலாம்.

சி.டியில் மொத்தம் 7 பாடல்கள். இவற்றில் 6 முழு பாடல்கள். ஒன்று மட்டும் யோகி.பி, பிரவீண் மணியின் ராப் பாடல்.

‘புதிய மனிதா… பூமிக்கு வா…’ என்ற வைரமுத்துவின் பாடலுடன் ஆரம்பிக்கிறது ஆல்பம்.

**************

எந்திரன்

**************

ஏ.ஆர்.ரஹ்மான், அவரது மகள் கதீஜா குரல்களில் மெதுவாக ஆரம்பிக்கும் அந்தப் பாட்டு, ‘நான் கண்டது ஆறறிவு, நீ கண்டது பேரறிவு…’ என எஸ்.பி.பியின் குரலுக்கு தாவியதும் உச்சத்துக்குப் போகிறது, நாடி நரம்புகளை முறுக்கேற்றும் விதத்தில். முதல் முறை கேட்கும் போதே உதடுகளில் ஒட்டிக் கொள்கிறது.

அடுத்த பாடல் ஒரு அழகான டூயட். ‘காதல் என்பது…’ எனத் துவங்கும் இந்தப் பாடலை விஜய் பிரகாஷ்-ஸ்ரேயா கோஷல் பாடியுள்ளனர். முதல் முறை கேட்கும் போது பெரிதாக ஈர்க்கவில்லை!

‘இரும்பிலே ஒரு இதயம் முளைக்குதே…’ பாடலை கார்க்கி எழுதியுள்ளார். இதற்குத்தான் பெரிய அளவு எதிர்ப்பார்ப்பு இருந்தது. ஆனால், ‘பரவாயில்லை கேட்கலாம்….’ எனும் அளவுக்குத்தான் இந்தப் பாடல் உள்ளது.

‘அரிமா அரிமா…’ அடுத்த அட்டகாசம். பின்னி எடுத்திருக்கிறார்கள் இசையமைப்பாளரும் பாடியவரும் எழுதியவரும். வரிக்கு வரி அசத்தல். பாடலின் கம்பீரம் மீண்டும் மீண்டும் கேடகேட்கத் தூண்டுகிறது.

‘உன்னைப்போல் பொன்மான் கிடைத்தால் யம்மா சும்மா விடுமா…’ என்ற வரிகளை ஹரிஹரன் பாடும் ஸ்டைல் செம கிக்.

இந்த ஆல்பத்தின் உச்சப் பாட்டு என்றால் அது கிளிமாஞ்சாரோ…தான். மனசைத் துள்ள வைக்கும் மெட்டு. அந்த மெட்டை இருமடங்கு தூக்கிக் கொடுக்கும் பா.விஜய்யின் பாடல் வரிகள். இதையெல்லாம் தூக்கி சாப்பிடும் விதத்தில் ஜாவேத் அலியும் சின்மயியும் பாடியிருக்கும் விதம். அட்டகாசமான, பழங்குடி டைப் பாட்டு.

இந்த ஆல்பத்தின் சூப்பர் டூப்பர் ஹிட் பாடல் இதுவே. ரசிகர்களால் அதிக அளவு காலர் ட்யூனாக தேர்வு செய்யப்பட்ட பாட்டும் இதுதான் என்பது கூடுதல் தகவல்.

கடைசி பாட்டு ‘ரோ ரோ ரோபோடா…’. பெரிதாக சொல்லிக் கொள்ளும் அளவுக்கு இந்தப் பாடல் இல்லை. வெறும் விஞ்ஞான வார்த்தைகளைப் போட்டு நிரப்பினால் மட்டும் போதாததல்லவா….

மொத்தத்தில் ஒரிரு பாடல்கள் ஏமாற்றம் தந்தாலும், கிளிமாஞ்சாரோ, அரிமா அரிமா, புதிய மனிதா போன்ற கலக்கல் பாடல்களுக்காக கட்டாயம் ஒரிஜினல் சி.டி வாங்கியே கேட்கலாம்.

ஏ.ஆர்.ஆர் இசை வழக்கமாகவே மக்களிடையே கொஞ்சம் மெதுவாகத்தான் ஊடுருவும் இதும் அப்படியே.. பின்ணணி இசை முழுக்க முழுக்க புது வடிவத்துடனே இருக்கிறது..

எந்திரன் *பாடல்*

இலங்கையின் முடிசூடா மன்னன்.

2010-07-22T14:55:00.001-07:00

இலங்கையின் முடிசூடா மன்னன்.

முரளிதரன் ஒரு பார்வை....

டெஸ்ட் அரங்கில் புதிய உலக சாதனை படைத்தார் இலங்கை சுழல் மன்னன் முத்தையா முரளிதரன். காலே டெஸ்டில் 8 விக்கெட் வீழ்த்திய இவர் 800 விக்கெட் வீழ்த்திய முதல் வீரர் என்ற பெருமை பெற்றார். இவரது அசத்தல் பந்துவீச்சு கைகொடுக்க, காலே டெஸ்டில் 10 விக்கெட் வித்தியாசத்தில் இந்தியா படுதோல்வி அடைந்தது. பேட்டிங், பவுலிங்கில் அசத்திய இலங்கை அணி, மூன்று போட்டிகள் கொண்ட டெஸ்ட் தொடரில் 1-0 என்ற முன்னிலை பெற்றது.

முரளி சாதனை: தனது கடைசி டெஸ்ட் போட்டியில், புதிய உலக சாதனை படைத்தார் இலங்கை வீரர் முத்தையா முரளிதரன். இப்போட்டியில் 8 விக்கெட்டுகள் (முதல் இன்னிங்ஸ் -5, இரண்டாவது இன்னிங்ஸ் -3) கைப்பற்றிய இவர், டெஸ்ட் அரங்கில் 800 விக்கெட்டுகள் வீழ்த்திய முதல் வீரர் என்ற உலக சாதனை படைத்தார். காலே டெஸ்டின் கடைசி நாளான நேற்று, கடைசி விக்கெட்டான இந்தியாவின் பிரக்யான் ஓஜாவை அவுட்டாக்கிய இவர், இந்த இலக்கை எட்டினார்.

7 வது முறை: போட்டியில் 10 விக்கெட் வித்தியாசத்தில் இந்திய அணியை வீழ்த்திய இலங்கை அணி, டெஸ்ட் அரங்கில் 7 வது முறையாக இப்பெருமை பெற்றுள்ளது. தவிர, இந்தியாவுக்கு எதிராக இது 2 வது முறை. இதற்கு முன் கடந்த 2001 ம் ஆண்டு காலேவில் நடந்த போட்டியில், இலங்கை அணி, இந்தியாவை 10 விக்கெட் வித்தியாசத்தில் வீழ்த்தியிருந்தது.

சோதனைகள், சாதனைகள் பல....:

* டெஸ்ட் (133 போட்டி, 800 விக்.,) மற்றும் ஒரு நாள் அரங்கில் (337 போட்டி, 515 விக்.,) அதிக விக்கெட்டுகள்.

* டெஸ்ட் அரங்கில் அதிக முறை (67) 5 விக்கெட்டுகள் . * டெஸ்ட் போட்டிகளில், அதிக முறை (22) 10 விக் கெட்டுகள். * டெஸ்ட் போட்டிகள் விளையாடும் ஒவ் வொரு அணிக்கு எதிராகவும் 50 விக்கெட்டுகள் மற்றும் அதற்கு மேல் வீழ்த்தி சாதனை. * டெஸ்ட் போட்டிகளில் அதிக முறை தொடர் நாயகன் (10) விருது

132 டெஸ்ட் போட்டிகள் ஆடியுள்ள முரளிதரன் 800 விக்கெட்களை வீழ்த்தியுள்ளார். அதேபோல 334 ஒரு நாள் போட்டிகளில் ஆடி 512 விக்கெட்களை சாய்த்துள்ளார். முதல் தர போட்டிகளில் 1366 விக்கெட்களையும் அவர் சாய்த்துள்ளார் என்பது குறிப்பிடத்தக்கது.

Muttiah Muralitharan gets 800 Wickets click here

நினைவுப் பரிசு வழங்கிய ஐனாதிபதி :
முரளிதரன் உலக சாதனையோடு டெஸ்ட் கிரிக்கெட்டிலிருந்து விடைபெற்றதையொட்டி அவருக்கு நினைவுப் பரிசு வழங்கப்பட்டது. இதை இலங்கை ஐனாதிபதி ராஜபக்சே நேரில் வந்து வழங்கி முரளிதரனைப் பாராட்டினார். போட்டியின் இறுதி நாளில் அவர் மைதானத்திலிரு்நது வந்திருந்து போட்டியையும் பார்த்தார்.

விடைபெற்றார் முரளிதரன்

இந்தப் போட்டியோடு சர்வதேச டெஸ்ட் கிரிக்கெட்டிலிருந்து விடைபெற்றார் முரளிதரன். போட்டியின் முடிவில் அவர் பேசுகையில், தனக்கு ஆதரவாக இருந்த இலங்கை ஐனாதிபதி ராஜபக்சேவுக்கு நன்றி கூறுவதாக தெரிவித்தார். மேலும், மனைவி, குடும்பத்தினர், முன்னாள், இன்னாள் வீரர்கள், ரசிகர்கள் அனைவருக்கும் நன்றி கூறுவதாக தெரிவித்து விடைபெற்றார்.

முத்தமிழ் வித்தகர் பிறந்த மண்ணில் தமிழ்ச் செம்மொழி விழா

2010-07-19T00:57:00.000-07:00

முத்தமிழ் வித்தகர் பிறந்த மண்ணில்

தமிழ்ச் செம்மொழி விழா

வெள்ளை நிற மல்லிகையோ வேறெந்த மாமலரோ......

கிழக்கு மாகாண தமிழ் செம்மொழி விழாவையொட்டி காரைதீவு விவேகானந்தா விளையாட்டுக்கழகமும் கண்ணகி சனசமுக நிலையமும் இணைந்து விபுலானந்தர் ஊர்தியொன்றை இன்று கல்முனைப் பிரதேசமெங்கும் செலுத்தியது. ஊர்தியானது காரைதீவு விபுலானந்தா மணிமண்டப முன்றலில் வைத்து இகிமிசன் பிரமுகர் பொ.சிவயோகள் தீபாராதனை காட்டி ஆரம்பித்துவைப்பதையும் ஊர்தியையும் பதாதைகள் பறப்பதையும் படங்களில் காணலாம்.

கிழக்குமாகாண கல்வித் திணைக்களத்தின் 2010க்கான மாகாண தமிழ் செம்மொழி விழா தொடர்பான கல்முனை வலய ஆலோசனைக்கூட்டம் காரைதீவூ விபுலானந்தா மத்திய கல்லூரியில் கடந்த செவ்வாய்க்கிழமை நடைபெற்றபோது தமிழ் செம்மொழி விழா பதாதை பறப்பதையூம் பிரதிக் கல்விப் பணிப்பாளர் எஸ்.முருகுப்பிள்ளை உரையாற்றுவதையூம் கல்முனைவலய ஏற்பாட்டுக்குழுவினர் அமர்ந்திருப்பதையூம் படங்களில் காணலாம்.

Thanks : www.karaitivu.org

மேலும் பார்க Clickhere

சுவாமி விபுலாநந்தரின் இன்மலர்கள்

2010-06-28T02:32:00.000-07:00

அடியேன் பெற்ற இன்பம் நண்பர்களும் பெற வேண்டும் என்ற எண்ணத்தில் அவற்றை இங்கே இடுகிறேன்.

வெள்ளை நிற மல்லிகையோ வேறெந்த மாமலரோ

வள்ளல் அடியிணைக்கு வாய்த்த மலரெதுவோ
வெள்ளை நிறப் பூவுமல்ல வேறெந்த மலருமல்ல
உள்ளக் கமலமடி உத்தமனார் வேண்டுவது

வள்ளலாம் இறைவன் திருவடிக்கு ஏற்ற மலரெது? வெள்ளை நிற மல்லிகையா? வேறெந்த பெரிய மலரா?
உத்தமனாம் இறைவன் திருவடிக்கு வேண்டிய மலர் வெள்ளை நிறப் பூவுமில்லை வேறெந்த மலருமில்லை. உள்ளமாம் தாமரையே அவன் வேண்டுவது.

காப்பவிழ்ந்த தாமரையோ கழுநீர் மலர்த்தொடையோ

மாப்பிள்ளையாய் வந்தவர்க்கு வாய்த்த மலரெதுவோ
காபவிழ்ந்த மலருமல்ல கழுநீர்த் தொடையுமல்ல
கூப்பியகைக் காந்தளடி கோமகனார் வேண்டுவது.

மலர்ந்த தாமரையா? கழுநீர்ப்பூ மாலையா? பெரியவனாம் இறைவனுக்கு ஏற்ற மலரெது?
மலர்ந்த மலருமில்லை. கழுநீர்ப்பூ மாலையும் இல்லை. அன்பினால் வணங்கும் கூப்பிய கைகளாம் காந்தள் மலரே அரசனாம் இறைவன் வேண்டுவது.
பாட்டளிசேர் பொற்கொன்றையோ பாரிலில்லாக் கற்பகமோ
வாட்ட முறாதவற்கு வாய்த்த மலரெதுவோ
பாட்டளிசேர் கொன்றையல்ல பாரிலில்லாப் பூவுமல்ல
நாட்டவிழி நெய்தலடி நாயகனார் வேண்டுவது.

பாடிக் கொண்டு வரும் வண்டுகள் விரும்பும் பொன்னிறக் கொன்றை மலரா?

உலகத்தில் இல்லாமல் தேவர் உலகில் இருக்கும் கற்பக மலரா? வேண்டுதல் வேண்டாமை இல்லாததால் எந்த வித வருத்தமும் இல்லாத இறைவனுக்கு ஏற்ற மலரெது?
பாடும் வண்டுகள் விரும்பும் கொன்றையில்லை. பாரில் இல்லாத பூவுமில்லை. அவன் அருளை எண்ணிக் கண்ணீர் விடும் விழியெனும் நெய்தல் பூ தான் தலைவனாம் இறைவன் வேண்டுவது

ஆங்கில வாணி

ராவணன் - ஒரு இராமன்

2010-06-19T04:43:00.000-07:00

மொத்த இந்தியாவே எதிர்பார்த்த படம். தமிழ், இந்தி, தெலுங்கு என்று மூன்று மொழிகளிலும் மொத்த திரையுலகமே மிகவும் எதிர்பார்த்த படம். ராவணன்.

மணிரத்தினம் ++ ரோஜா, தளபதி++ என்று ஏற்கனவே அவர் பயணித்த களம் தான். ராவணனை நல்லவனாக காட்டியிருக்கும் படம். இதற்கு முன்னர் ஆர்.எஸ்.மனோகர் இலங்கேஸ்வரன் என்ற நாடகத்தில் இராவணனை நல்லவனாக காட்டியிருப்பார். அது ஒரு காலத்தில் மிகப் பெரிய ஹிட் நாடகம்.

பக்பக்பக்பக்பக்... கொக் கொக் கொக் கொக்.. டன்டன்டன்டனக்கா.. டிஷும் டிஷும்.. டுப்டுப்டுப்டுப்.. பட்பட்ப்ட்பட்.. ஆஆஆஆஆ.. ஓஓஓ... கொக் கொக் கொக் கொக்.. டன்டன்டன்டனக்கா.. டிஷும் டிஷும்.. டுப்டுப்டுப்டுப்.. பட்பட்ப்ட்பட்.. ஆஆஆஆஆ.. ஓஓஓ... கொக் கொக் கொக் கொக்.. டன்டன்டன்டனக்கா.. டிஷும் டிஷும்.. டுப்டுப்டுப்டுப்.. பட்பட்ப்ட்பட்.. ஆஆஆஆஆ.. ஓஓஓ... இப்படியாக ராவணன் படத்தின் ஒரு காட்சியில் அபாரமாக வசனம் பேசுகிறார் விக்ரம்.

வீரா என்கிற வீரய்யா திருநெல்வேலிக்கு பக்கத்தில் ஒரு கிராமத்தில் மேட்டுக்குடியினரையும், போலீஸாரையும் எதிர்த்தும், போராடுபவன், போலீஸுக்கு அவன் ஒரு தீவிரவாதி, ஆனால் அங்கிருக்கும் மக்களுக்கோ அவன் காவல் தெய்வம். போலீஸ் எஸ்.பியான பிருதிவிராஜின் மனைவி ராகினி என்கிற ஐஸ்வர்யாவை கடத்துகிறான். ஏற்கனவே வீராவின் மீது வெறுப்பை உமிழும் பிருதிவிராஜுக்கு மேலும் ஆத்திரம் வந்து, மனைவியை கண்டுபிடிக்க காட்டுக்குள் தன் படையுடன் இறங்குகிறார். பதினாக்கு நாட்கள் தன் பாதுகாப்பில் கடத்தி வரப்பட்ட ஐஸ்வர்யாவை சில பல பிரச்சனைகளூக்கு பிறகு திரும்பி அனுப்புகிறான். பிருதிவிராஜ், பதினாக்கு நாள் அவனுடன் இருந்தாயே அவனுடன் ஏதாவது என்று கேட்க, பாலிகிராப் டெஸ்ட் செய்ய சொல்லி வற்புறுத்துகிறான். மனம் ஒடிந்த ஐஸ்வர்யா வீராவை தேடி போகிறாள். நடந்தது என்ன..? என்பது எல்லோருக்கும் தெரிந்த விஷயமாய் இருந்தாலும் நிச்சயம் வெள்ளித்திரையில் பார்த்தால் மட்டுமே ரசிக்க முடியும்.

வீராவாக விக்ரம், அசத்தலான பாடிலேங்குவேஜ், ஐஸை கடத்தி வரும் போது இருக்கும் பரபரப்பாகட்டும், தன் மீது பயமேயில்லாமல் தன் உயிர் பற்றியும் பயம் இல்லாத பெண்ணை பார்த்து ஆச்சர்யபடும் நேரமாகட்டும், தனக்கே தெரியாமல் மயக்கத்தில் இருக்கும் பெண்ணிடம் மயங்கி, கிறங்கி போவதாகட்டும், தன்னுடன் இருந்துவிடுகிறாயா? என்று கேட்கும் இடமாகட்டும். ஐஸ் மேலிருக்கும் காதலை கண்களிலும், உடல்மொழியில் மட்டுமே வெளிப்படுத்தி அசத்துக்கிறார். முக்கியமாய் க்ளைமாக்ஸில் ஐஸ் திரும்பி வந்ததும் அவர் காட்டும் எக்ஸ்ப்ரெஷன் இருக்கிறதே.. உலகத்தரம். மனுஷன் பின்னியெடுக்கிறார். ஆனால் “பக்..பக்’கென கோழி கத்துவது போலும், டண் டண் டண் என்று வாயால் ஆக்ரோஷமாய் தாளம் போடும் கேரிக்கேச்சர்கள் எடுபடவில்லை. அதெல்லாம் அவரை ஒரு டெரராக காட்ட நினைத்தது வி.இ.நீராய் தான் முடிந்திருக்கிறது.

ஐஸ் முகத்தில் வயது தெரிகிறது. ஆனால் அம்மணியின் பர்பார்மன்ஸில் மற்றதெல்லாம் தெரியாமல் போகிறது. படத்துக்கு இவர் தான் ஆணிவேர். அம்மணீ அதகள படுத்தியிருக்கிறார். வீராவின் இன்னொரு பக்கத்தை பார்த்து கொஞ்சம், கொஞ்சமாய் நெகிழும் இடத்தில், சாமியிடம் வேண்டிக் கொள்ளும் இடம், நெருக்கத்தில் சஞ்சலப்படும் இடம. க்ளைமாக்ஸில் நான் உன் கூட தங்கிவிட்டால் என் புருஷனை கொல்லாமல் விடுவாயா?என்று கேட்கும் இடத்தில். என்று படம் முழுவதும் இவரின் ராஜ்ஜியம் தான்.

எஸ்.பியாக பிருதிவிராஜ். ஆரம்பக் காட்சியிலிருந்தே வீராவின் மேல் வன்மத்துடன் அலைகிறார். ஒரு சில நெருக்கமான காட்சிகளில் ஐஸ்ஸுடன் குலாவுகிறார். ஐஸ்ஸை சந்தேகப்படும் காட்சியில் நச். படத்தில் பிரபு, கார்த்திக், ரஞ்சிதா, ப்ரியாமணி என்று ஏகப்பட்ட நடிகர் பட்டாளம் இருக்கிறது.

படத்தின் ஒளிப்பதிவாளர்களின் சந்தோஷ்சிவன்/ மணிகண்டனின் கைவண்ணம். படம் முழுவதும் ஆர்ப்பாட்டமே நடத்தியிருக்கிறார்கள். ஏ.ஆர்.ரஹ்மானின் இசையில் ஏற்கனவே பாடல்கள் ஹிட். ‘உசுரே போகுதே” பாடல் எல்லார் மனதையும் உருக்க வைக்கும். ஆனால் பாடல் போஸ்ட் ஆன இடம் தான் கொஞ்சம் வழுக்கல். பின்னணி இசை நிச்சயம் பேசப்படும்.

ராமாயணத்தின் இன்ஸ்ப்ரேஷன் என்பதால் கதை பெயர் போடப்படவில்லை என்று நினைக்கிறேன். வசனம் சுஹாசினி. வழக்கமான மணி படத்தின் அளவுகளை விட அதிகமே. ஆனால் பெரிய தாக்கம் இல்லை என்றுதான் சொல்ல வேண்டும். சில இடங்களில் வசனங்கள் புரியவில்லை.

மணி ரத்னம். இவர் ஒரு படம் செய்தால் உலகமே திரும்பிப் பார்க்கும் அளவுக்கு எதிர்ப்பார்ப்பை ஏற்படுத்தும் மனிதர். என் ஆதர்ச நாயகன். சினிமாவை வசனங்கள் மூலமாய் வெளிப்படுத்தாமல், மிகக் குறைவாய் பேசி விஷுவல் மொழியாக்கிய ஜித்தன். இப்படத்திலும் தன் கைவரிசையை காட்ட தவறவில்லை. ஆரம்ப காட்சியில் மலையிலிருந்து குதிக்கும் காட்சியிலிருந்து இவர் காட்ட ஆரம்பிக்கும் பிரம்மிப்பு படம் முடியும் வரை இருக்கத்தான் செய்கிறது. முக்கியமாய் விக்ரம், ஜஸ்ஸுக்குமிடையே சலனங்கள் ஏற்படும் காட்சி.. சிம்ப்ளி சூப்பர். எங்குமே உடலால் தீண்டப்படாமல் அவர்களுக்கு ஏற்படும் உணர்வுகளை திரையில் இவ்வளவு அழகாய் கொண்டு வர முடியுமா? ஒரு மாதிரியான எக்ஸ்டஸியில் கண்கள் கலங்கியது எனக்கு. அற்புதமான இதுவரை திரையில் காட்டவேபடாத லொக்கேஷன்கள். மழை பெய்து கொண்டேயிருக்கும் காடு, மலைவாழ் ஜனங்கள். என்று படம் நெடுக விஷுவல் அண்ட் டெக்னிக்கல் அட்டகாசங்கள் மணிக்கே உரித்தானது.
எல்லாமே ப்ளஸாக இருக்கும் படத்தில் மிகப் பெரிய லெட்டவுன் திரைக்கதைதான். முதல் பாதியில் கடத்தும் காட்சியை விட்டு விட்டு பார்த்தால் ரொம்ப நேரம் என்ன செய்வது என்றே தெரியாமல் வெட்டியாய் தான் போகிறது. அதே போல இரண்டாம் பாதி வந்ததும் கொஞ்சம் ஜெர்க் அடித்து பரபரக்கிறது. க்ளைமாக்ஸ் வரும் போது நிமிர்ந்து உட்கார வைக்கும் படம் பொத்தென விழுந்துவிடுகிறது என்பதை வருத்ததுடன் சொல்ல வேண்டித்தானிருக்கிறது.

ராமனின் மனைவியான சீதைக்கு தன்னை கடத்திய இராவணன் மீது ஒரு சிறு சஞ்சலம் வந்தது. அதுவும் அவனின் அன்பால், அவனின் குணத்தால். தன்னை பத்திரமாக திரும்பி அனுப்பிய பின் சந்தேகப்படும் ராமனை விட அவன் உயர்ந்தவன் என்று முடிவு செய்து இராவணனிடம் போனாள். இந்த இடம் தான் அட்டகாசம். ஆனால் அதற்கு பிறகு நடக்கும் முடிவு சினிமாத்தனம். அல்லது மணியின் தைரியமின்மை என்றுதான் சொல்ல வேண்டும்.

எப்போது சீதையான ஐஸ் கேரக்டர் தன் கணவனிடம் தன்னை பற்றி வீரா தப்பாய் சொல்லியிருக்க மாட்டான் என்று உறுதியாக சொல்லிவிட்டு வீராவை பார்க்க போனாளோ.. அப்போதே ராமன் கேரக்டரான பிரிதிவி செத்ததற்கு சமம். இதற்கு பிறகு ஐஸை தொடர்ந்து பட்டாலியனோடு வந்து கொல்வது எல்லாம்.. ம்ஹும்..

படத்தில் நாம் ஒட்டமுடியாமல் போவதற்கான காரணங்கள் நிறைய. முதலில் வீராவும் அவன் சார்ந்த இடமாக சொல்லப்படுகிற திருநெல்வேலி மாவட்ட, எப்போதும் மழை பெய்யும் மலை கிராமம். பின்பு அங்கு சொல்லப்படுகிற தீவிரவாத மேட்டுக்குடி, பிரச்சனைகள். கதை களமாக காட்டப்படும் இடங்கள், என்று எல்லாமே டப் செய்யப்பட்ட படம் பார்ப்பது போல் உணர்வை ஏற்படுத்துவதை தவிர்க்க முடியவில்லை. நிச்சயம் இப்படட்தை ஹிந்தியில் பார்க்கும் போது இம்மாதிரியான உணர்வு இருக்காது என்று தோன்றுகிறது.
கார்த்திக் கேரக்டர் தான் அனுமன் கேரக்டர் என்று பிரிதிவிக்கு காட்டில் வழி காட்டும் போதே தெரிந்துவிடுகிறது. பின் எதற்கு ஆரம்ப காட்சியில் மரத்துக்கு மரம் தாவி காட்ட வேண்டிய நிர்பந்தம். அதை விட காமெடி ஐஸ் இருக்கும் இடத்தில் அவர் புருஷன் அனுப்பிய ஆள் அடையாள அட்டை வேண்டுமானால் காட்டுகிறேன் என்று சொல்லுமிடம், அதே போல் ப்ரியாமணியை போலீஸார் தூக்கிக் கொண்டு போகும் போது சூர்பனைகையை தான் இது என்பதை சொல்லாமல் சொல்வதை போல, “இப்ப என்ன செய்யட்டும் உன் மூக்கை அறுக்கட்டுமா” என்று போலீஸ் பேசும் வசனம் எல்லாம் மணி சார்.. உங்களிடமிருந்தா..?

அட்டகாசமான லொக்கேஷன், அருமையான நடிகர்கள், டெக்னிக்கலாய் மிரட்டும் ஸ்ட்ராங் டீம், என்று எல்லாம் இருந்து ஜிவன் குறைந்தே இருக்கிறான் ராவணன். இருந்தாலும் தியேட்டரில் பார்த்தே ஆக வேண்டிய படம் என்பதை மறுக்க முடியாது.

நிச்சயம் இப்படம் உலக பட விழாக்களில் பெரிய வெற்றியை பெரும் என்பது என் எண்ணம்.

அரைத்த மாவில் சுட்ட புளித்த தோசை சுறா

2010-04-30T18:09:00.001-07:00

சுறா- பட விமர்சனம்

எப்படியாப்பத்ட் பெரிய நடிகரும், 'இது மக்களுக்குப் பிடிக்குமா... நிராகரித்து விடுவார்களோ' என்ற பயத்துடன், பார்த்துப் பார்த்து படங்கள் செய்யும் காலம் இது. ஆனால் விஜய் போன்றவர்களுக்கு அந்தக் கவலை கிஞ்சித்தும் இல்லை.

யார் என்ன சொன்னாலும், என்ன விமர்சனங்கள் வந்தாலும், அரைத்த மாவையே, ரசிகர்களுக்கு புட் பாய்சன் ஆகும் வரை, தொடர்ந்து சுட்டுத் தருவது என்பதில் மிகத் தெளிவாக இருக்கிறார்கள், திணறடிக்கும் விளம்பரங்கள் காப்பாற்றும் என்ற தைரியத்தில்.

இதோ இன்னும் ஒரு அரைத்த மாவில் சுட்ட புளித்த தோசை... சுறா!.

நடிப்பு: விஜய், தமன்னா, வடிவேலு, தேவ் கில்
இசை: மணிஷர்மா
ஒளிப்பதிவு: என்கே ஏகாம்பரம், எம்எஸ் பிரபு
தயாரிப்பு: சங்கிலி முருகன்
இயக்கம்: எஸ்பி ராஜ்குமார்

யாழ்நகர் (!?) என்ற மீனவ கிராமத்துக்கு செல்லப்பிள்ளை சுறா (விஜய்). அந்த ஊருக்கு ஒன்று என்றால் இவர் பதறிப் போவார். இவருக்கு ஒன்று என்றால் ஊர் பதறிப் போகும்!.

ஒரு நாள் தனது செல்ல நாய் செத்துப் போன சோகத்தில் அந்த கிராம கடலோரம் தற்கொலை செய்து கொள்ள முயல்கிறார் தமன்னா. எதிர்பார்த்த மாதிரியே விஜய் ஓடி வந்து அவரைக் காப்பாற்றுகிறார்.

அடுத்த சில சீன்களில் விஜய்யின் மனக்கடலில் குதித்துக் காதலியாகி, நான்கு பாடல்களில் ஆடுகிறார்.

இதற்கிடையில் வில்லன் தேவ் கில் தீம் பார்க் அமைக்க கிராமத்தைக் காலி பண்ண முயல, அதிலிருந்து மக்களைக் காக்கும் புனிதப் போரில் ஒற்றை ராணுவமாகக் களமிறங்குகிறார். இதில் கோபமடையும் வில்லன், சுறாவை போட்டுத் தள்ள முடிவெடுக்கிறார்.

இரண்டாம் பாதியில் கடத்தல் சரக்கை விற்று பணக்காரனாகி வில்லனுடன் மோதுகிறார்.

தன்னையும் கிராமத்தையும் எப்படிக் காக்கிறார், தமன்னாவைக் கைப்பிடித்தாரா? என்பதெல்லாம் பொறுமையைச் சோதிக்கும் க்ளைமாக்ஸ் சமாச்சாரங்கள்!.

இந்தப் படத்தின் அறிமுகக் காட்சியை சொல்லியே தீர வேண்டும்.

கடலுக்குப் போன மீனவர்கள் காணாமல் போக, அவர்களை 'கோஸ்ட் கார்ட்' கண்டுபிடித்து கரை திரும்ப வைக்கிறது. எல்லா மீனவர்களும் வந்துவிட, ஒருவர் மட்டும் வரவில்லை.... அது சுறா.

உடனே ஊர்மக்கள், அடடா அந்த தம்பிய போல வருமா என பில்ட் அப் கொடுக்க, நம் ஹீரோ அப்படியே கடலுக்குள்ளிருந்து பிய்த்துக் கொண்டு கிளம்பி வருகிறார்... அடுத்து அறிமுகப் பாட்டில் குத்தாட்டம் போடுகிறார்!.

விஜய் நன்றாக நடனம் ஆடுகிறார்... வழக்கம் போல சண்டை போடுகிறார்... ஏகப்பட்ட பஞ்ச் வசனங்களைப் பேசுகிறார். மீனவர் உரிமை, இலங்கைத் தமிழர் பிரச்சனையெல்லாம் தொடுகிறார்... !

வடிவேலுவை இதே வேகத்தில் விட்டால் அவர் எல்லா ஹீரோக்களையுமே டம்மியாக்கிவிடுவார் போலிருக்கிறது. மனிதர் அடிக்கும் லூட்டிதான் படத்தின் ஒரே ப்ளஸ் பாயிண்ட். குறிப்பாக வெண்ணிற ஆடை மூர்த்தியுடன் அவர் வரும் ட்ராக் தனித்துத் தெரிந்தாலும் சரவெடி.

நான்கு பாடலுக்கு ஆடியிருக்கிறார் தமன்னா. அவ்வளவுதான் அவருக்கு வேலை இந்தப் படத்தில்.

தேவ் கில்

வில்லனாக வரும் தேவ் கில் சும்மா சும்மா உதார் விடுவதோடு சரி.

ஒளிப்பதிவு நன்றாக உள்ளது. ஏகாம்பரமும் எம்எஸ் பிரபுவும் பார்த்துப் பார்த்து செய்திருக்கிறார்கள்.

மணிசர்மா

மணிசர்மாவின் பாடல்கள் பழக்கப்பட்டதாக தெரிந்தாலும், அவை எல்லாமே தெலுங்குப் பாடல்களின் அப்பட்டமான காப்பி என்பது தெரிவதால் ஈர்ப்பு குறைகிறது.

ஒரு நல்ல பொழுதுபோக்கு இயக்குநர் என்ற பெயரைத் தக்கவைத்துக் கொள்ள கிடைத்த பெரிய வாய்ப்பை வீணடித்திருக்கிறார் எஸ்பி ராஜ்குமார்.

இதனை விட்டு அடுத்த படத்திற்கு தயார் 'காவலரன்'

யாழ்ப்பாண விஜயம்.

2010-04-29T02:44:00.000-07:00

மடு மாதா ஆலயம்

திருக்கேதிச்சரம் மன்னார்

வல்வெட்டிதுறை ஆள்வார் கோயில்
( வல் வெட்டுவான்)

யாழ்மாவட்டத்தில் வடமராட்சிப் பகுதியின்
தொண்டைமானாறு செல்வச்சந்நிதி ஆலயம்

சந்நிதி இணையத்தளம்

மாவிட்ட புரம் கந்தன் ஆலயத்தில்

வரலாற்று புகழ் மிக்க நல்லுர் கந்தசுவாமி கோவில்

நயினாதீவு நயினாதீவு நாகபூசணி அம்மன் ஆலயத்தில்
நாயன்மார்களின் உருவச்சிலைகள் உள்வீதியில் அமைந்துள்ளன.

நயினாதீவு நாகபூசணி அம்மன் கோயில் முன் பக்கத் தோற்றம்

அன்புடன் பிரேமகுமார்.

கார்லஸ் ஸ்லிம் முதலிடத்தில்

2010-04-24T18:57:00.000-07:00

2010இன் உலக பணக்காரர் வரிசையில் கார்லஸ் ஸ்லிம் முதலிடத்தில்

மெக்சிகோ நாட்டைச் சேர்ந்த தொலை தொடர்பு நிறுவன அதிபர் கார்லஸ் ஸ்லிம் உலக பணக்காரர்கள் வரிசையில் முதலிடத்தைப் பிடித்துள்ளார். அவரது சொத்து மதிப்பு 53.5 பில்லியன் டொலராகும்.

2ஆவது இடத்தில் மைக்ரோ சொப்ட் நிறுவனத் தலைவர் பில்கேட்ஸ் இருக்கிறார். அவரது மொத்த சொத்து 53 பில்லியன் டொலராகும். அமெரிக்காவில் முதலீட்டு நிறுவனங்களை நடத்தி வரும் வாரன் பப்பட் 47 பில்லியன் டொலர் மதிப்பு சொத்துக்களுடன் 3ஆவது இடத்தில் உள்ளார்.
இந்தியாவின் முக்கேஷ் அம்பானியும், லட்சுமி மிட்டலும் இடம் பெற்றுள்ளனர். முகேஷ் அம்பானி 4ஆவது இடத்தில் உள்ளார். அவரது சொத்து மதிப்பு 29 பில்லியன் டொலர்.

5ஆவது இடத்தில் இரும்பு தொழிலில் கொடிகட்டி பறக்கும் லட்சுமி மிட்டல் உள்ளார். அவரது சொத்து மதிப்பு 28.7 பில்லியன் டொலராகும்.

அமெரிக்காவின் லோரன்ஸ் எலிசன் (28 பில்லியன் டொலர்) 6ஆவது இடத்திலும், பிரான்சின் பெர்னாட் (27.5 பில்லியன் டொலர்) 7ஆவது இடத்திலும், பிரேசில் நாட்டின் இகி படிஸ்டா (27 பில்லியன் டொலர்) 8ஆவது இடத்திலும், ஸ்பெயின் நாட்டின் அமன்சியோ (25 பில்லியன் டொலர்) 9ஆவது இடத்திலும்,

ஜெர்மனியின் கார்ல் அல்பிரசட் (23.5 பில்லியன் டொலர்) 10ஆவது இடத்திலும் உள்ளனர்

நன்றி அன்புடன்
PREMAKUMAR.

பில் கேட்ஸ்

2010-04-15T10:24:00.000-07:00

உலக பணக்காரர் வரிசையில்

பில் கேட்ஸ் (William Henry Bill Gates III) என்றால் இன்றைய உலகில் தெரியாதவர்கள் இருக்கமுடியாது. கடந்த இரண்டுத் தலைமுறைகளில் பில் கேட்ஸ் அளவிற்கு உலக மக்களிடையே பெரும் தாக்கத்தை ஏற்படுத்திய எவரும் இருக்க முடியாது. உலகின் போக்கையே மாற்றியமைத்துவிட்ட சாதனையாளர். மைக்ரோசொப்ட் நிறுவனத்தின் தலமைக் கணனி மென்பொருளாரும், அதன் தலமை நிறைவேற்று அதிகாரியும் ஆன பில் கேட்ஸின் தற்போதைய வயது 52. உலக பணக்காரர்கள் வரிசையில் “பில் கேட்ஸ்” தொடர்ந்து பல வருடங்களாக முதலிடத்திலேயே இருந்து வருகிறார். 1999 களிலேயே இவரது சொத்தின் மதிப்பு 100 பில்லியன்கள் ஆகும். இன்று இவரது மைக்ரோசொப்ட் நிறுவனத்தில் உலகெங்குமாக 78,000 பேர்கள், 105 நாடுகளில் சேவை புரிகின்றனர்.

வாழ்க்கை வரலாறு

பில் கேட்ஸ் 1955 ஆம் ஆண்டு ஒக்டோபர் 28 ஆம் நாள் அமெரிக்கா, சியேட்ல், வொசிங்டன் (America, Seattle, Washington) எனும் நகரில் பிறந்தார். இவரதுதந்தையின் பெயர் 'வில்லியம் கெச் கேட்ஸ்' அவர் ஒரு சிறந்த வழக்கறிஞர்ஆவார். தாயாரின் பெயர் 'மேரி மேக்ஸ்வெல்' வொசிங்டன் பல்கலைக்கழகத்தின்ஆசிரியை ஆவார். இவர்களின் மகனான பில் கேட்ஸ் சிறு வயதிலேயே கணிதம், அறிவியல் பாடங்களில் சிறந்து விளங்கியுள்ளார். பில் கேட்ஸ் தனதுபதி்மூன்றாவது வயதில் சியாடில் பகுதியில் சிறந்தப் பாடசாலையான லேக்சைட்பாடசாலைக்கு மாற்றம் பெற்றார். அங்கு கல்வி கற்கும் காலங்களில் இவரதுகணனி ஆர்வமும் திறைமையும் ஆசிரியர்களால் இனங்காணப்பட்டது. சிறுவயது முதலே மென்பொருள் எழுதுவதில் ஆர்வமுள்ளவரானார்.

13 வயதான அக்காலத்திலேயே மென்பொருள் எழுதவும் தொடங்கிவிட்டார்.

1973 ஆம் ஆண்டு ஹாவர்ட் பல்கலைக்கழகம் (Harvard University) சென்றார். அங்கே இஸ்டீவ் பாள்மர் என்பவர் இவரது நண்பரானார். இஸ்டீவ் பாள்மரின்வீட்டில் இருந்தே படித்தார். இருப்பினும் இவரது ஆர்வம் கணனி மென்பொருள்எழுதுவதிலேயே இருந்தது.

1975 ஆம் ஆண்டு ஹாவர்ட் பல்கலைக்கழகக் கல்வி முற்று பெற்றப் பின் தனதுசிறு வயது நண்பரான பவுல் எலன் (Paul Allen) என்பவருடன் இணைந்துமைக்ரோசொப்ட் நிறுவனத்தை ஆரம்பித்தார். கணனித்துறை பிற்காலத்தில்பெரும் புரட்சியை ஏற்படுத்தும் எனும் தீர்க்கத்தரிசனம் இவருக்குள் இருந்ததோஎன்னவோ, இவரும் இவரது நண்பரும் இணைந்து மென்பொருள்களைமும்முரமாக எழுதினர். இவருடைய இத்தொலை நோக்குச் சிந்தனைத்தான்பிற்காலத்தின் இவருடைய அபார வெற்றிகளுக்கு வழிவகுத்தது எனலாம்.

இன்றை உலகில் சாதாரணக் கணனி பாவனையாளர் முதல் அலுவலகங்கள், நிறுவனங்கள் வரை மைக்ரோசொப்ட்டின் மென்பொருள் இன்றி ஒன்றுமே செய்யமுடியாத அளவிற்கு வளர்ச்சி கண்டுள்ளது. கணனி இயங்குத் தளங்களைஒப்பரேடிங் சிஸ்டம்) பொருத்தவரையிலும் 85% சதவீதமானவைமைக்ரோசொப்ட் நிறுவனத்தின் இயங்கு தளங்களாகவே உள்ளன. மைக்ரோசொப்ட் நிறுவனத்தின் "விண்டோஸ் XP" ஒரு புரட்சியையேஏற்படுத்திய இயங்கு தளமாகும். மைக்ரோசொப்ட்டின் கடைசியானஇயங்குதளமான “விண்டோஸ் விஸ்டா” 2007 ஆம் ஆண்டு வெளியிடப்பட்டது.

இதனைக் கிட்டத்தட்ட 6 ஆண்டுகள், 600 கோடி டொலர்கள் செலவில், 5000 கணனி மென்பொருள் வல்லுநர்கள் உழைப்பில் உருவாகியுள்ளது. இதில் 300 இந்திய கணனி மென்பொருள் வல்லுநர்களும் செயலாற்றியமைகுறிப்பிடத்தக்கது.

இன்றையக் கணனி உலக நுட்ப வளர்ச்சிக்கும், அறிவியல் மாற்றத்திற்கும் பில்கேட்ஸ் அவர்களின் தனிமனிதத் திறமையும், மைக்ரோசொப்ட் நிறுவனத்தினதும்பங்கும் அளப்பரியது. பொருளாதாரத் துறையை எடுத்துக்கொண்டாலும்இன்றைய உலகின் "பொருளாதாரத் தந்தை" என்று பில் கேட் அவர்களையேகுறிப்பிடலாம் என கூறுவோரும் உளர்.

பில் கேட்ஸ் எழுதிய நூல்கள்

பில் கேட்ஸ் "கொலின்ஸ் எமிங்வே" (Collins Hemingway) என்பவரும் சேர்ந்துஎழுதிய “Business @ the speed of Thought” எனும் நூல் 25 மொழிகளில் வெளியாகிபெரும் பறப்பறப்பை ஏற்படுத்தியது. இந்நூல் பல பத்திரிக்கைகளினதும்சஞ்சிகைகளினதும் பாராட்டுக்களை பெற்றது. பில் கேட்ஸின் “The Road Ahead' எனும் நூல் 1995 ஆண்டு பிரசுரிக்கப்பட்டு அதுவும் பெரும் பாராட்டினைப்பெற்றது. அதே ஆண்டு நியூயோர்க் டைம்ஸ் செய்தித்தாளில் அதிகம்விற்பனையான நூல்களின் பட்டியலில், தொடர்ந்தும் ஏழு வாரங்கள் முன்னணிநூலாக இருந்ததும் குறிப்பிடத்தக்கது. ஒரு தொழிலதிபராக மட்டுமன்றி, எழுத்துலகிலும் தடம் பதித்தவர் பில் கேட்ஸ்.

இந்நூல்கள் மூலம் இவர் பெற்ற இலாபத்தை தொழில் நுட்பக் கல்விநிறுவனங்களுக்கும், இலாப நோக்கற்று இயங்கும் நிறுவனங்களிற்கும்நன்கொடையாகக் கொடுத்தார்.

இவற்றைத் தவிர உலகம் முழுவதும் வாழும் மக்களின் கல்வி மற்றும் சுகாதாரஅபிவிருத்திக்கான நிறுவனம் ஒன்றைத் திறந்து அதற்கு பல பில்லியன்அமெரிக்க டொலர்களை செலவிட்டு பணியாற்றியும் வருவதாக செய்திகள்கூறுகின்றன. இந்நிறுவனத்திற்கு "பில் எண்ட் மெலிண்டா கேட் பவுண்டேசன்” எனப் பெயரிட்டுள்ளார். "மெலிண்டா" என்பது இவரது துணைவியாரின்பெயராகும்.

இதோ தளமுகவரி: http://www.gatesfoundation.org/Pages/home.aspx

இருவரும் இணைந்தே இந்நிறுவனத்தை நடாத்தி வருகின்றனர்.
இன்று நம்மைப் போன்ற சாதாரணமானவர்கள் கைகளில் எல்லாம் கணனிதவழ்கின்றது என்றால் அதற்கான ஆரம்ப வித்திடவர் பில் கேட்ஸ் என்றேகூறவேண்டும். உண்மையில் பொதுமக்களின் பயன்பாட்டிற்கு கணனிஅறிமுகமாகியதன் பெரும் பங்கு பில் கேட்ஸையும் அவரது மைக்ரோசொப்ட்நிறுவனத்தையுமே சாரும்.

நன்றி
அன்புடன்

PREMAKUMAR.

பாடகசாலை|பாலைவனச் சோ‌லை

2010-04-15T02:57:00.000-07:00

திவ் விஜெயம் பிலிம் மேக்கர்ஸ் அனில்.D தயாரிக்கும் படம் 'பாடகசாலை'.

பல வருடங்களுக்கு முன் ஒரு காதலால் இரண்டாக பிரிந்த ஊரை, இளைஞர்கள் எல்லோரும் சேர்ந்து மீண்டும் ஒரு காதலால் இணைத்து வைக்க முயல்வதே 'பாடகசாலை' படத்தின் கதை,களம்,கரு எல்லாம்.

2005‍ம் ஆண்டு மிஸ்.திருவனந்தபுரம் மாடல் அழகியாக தேர்ந்தெடுக்கப்பட்டவர் தான் 'பாடகசாலை' படத்தின் கதாநாயகி ஸ்ருதி!

'பாடகசாலை' படத்தின் மூலம் இரண்டு நாயகர்களில் ஒருவராக அறிமுகமாகும் சத்யா MBA பட்டதாரி. நாகர்கோவிலைச் சார்ந்த , இப்படத்தில் இரண்டு நாயகர்களில் ஒருவர் என்றாலும் கதையின் முக்கிய நாயகரும் கதையை முடித்து வைக்கும் நாயகரும் இவரே!கோடம்பாக்கத்தில் எத்தனையோ இளைஞர்கள் நல்ல கதைகள், திரைக்கதைகலூடுஹிரைக்கதைகலூடு வலம் வருகிறார்கள். ஆனால் அவர்கள் எல்லோருக்கும் வாய்ப்பு அமைவதில்லை. அப்படி வாய்ப்பு கிடைக்கப்பெற்ற எல்லோரும் அதை வைத்து நல்ல படங்களைத் தருவதுமில்லை. அப்படிப்பட்ட இயக்குநர்கள் பட்டியலில் புதிதாக சேர்ந்துள்ளார் தமிழ் ஜெ, பாடக சாலை படம் மூலம்.

இந்தப் படத்தின் தலைப்புக்கு கீழே தரப்பட்டுள்ள துணைத் தலைப்பு போலவே, இனிமேல்தான் இந்த இயக்குநர் படிக்க வேண்டும், சினிமாவில்.

ஒரு காதலால் பிரிந்த இரண்டு ஊர்களை மீண்டும் ஒரு காதலால் சேர்த்து வைக்க ஊர் இளைஞர்கள் போராடுவது என்ற ஒரு வரிக் கதையை வைத்துக் கொண்டு இயக்குநர் எப்படியெல்லாம் சிலம்பம் விளையாடி இருக்கலாம்.... ம்ஹூம்... இந்தப் பட இயக்குநர் ஒரு அடி கூட எடுத்து வைக்கவே இல்லை.

மேல் கத்தப்பட்டு, கீழ் கத்தப்பட்டு என்று இரு கிராமங்கள். இந்த கிராமங்களைச் சேர்ந்த ஒரு ஜோடி, ஜாதி மாறி காதலிக்கிறது. அதை அவர்கள் குடும்பம் ஏற்றுக் கொள்கிறது. ஆனால் ஊர் ஏற்க மறுக்கிறது. ஒரு கபடிப் போட்டியில் அந்த வெறுப்பு வெடித்து ஊரே இரண்டுபட, ஊரைவிட்டே ஓடிப்போகிறது காதல் ஜோடி. அதில் ஊரே பகையாகிறது.

இந்த ஓடிப்போன காதல் ஜோடியின் மகளுக்கும் கீழ் கத்தப்பட்டு கிராம இளைஞன் ஒருவனுக்கும் காதல் முளைக்கிறது. இந்தக் காதலை வைத்தே மீண்டும் இரு கிராமங்களையும் இணைக்க முயல்கிறார்கள். அதற்காக மீண்டும் ஒரு கபடி போட்டி நடத்தி அதில் ஜெயிக்கும் அணித் தலைவனுக்கு பெண்ணைக் கட்டி வைத்து சண்டையை முடித்துக் கொள்ள முடிவு செய்கிறார்கள். அதில் வெற்றி கிடைத்ததா என்பது க்ளைமாக்ஸ்.

அரவிந்த், சத்யா என இரு புது நாயகர்கள். இதில் அரவிந்த் பரவாயில்லை. இன்னும் நல்ல களையான பெண்ணை ஹீரோயினாக்கியிருக்கலாம். துணைக்கு வருகிற நாயகிகள் கூட தியேட்டரை விட்டு நம்மை துரத்தும் ரகமாகவே உள்ளனர்.

இதிலும் கபடி ஆட்டம்

ஹித்தேஷ் என்பவரின் இசை

இயக்கம் ஒளிப்பதிவு இரண்டிலுமே கோட்டை விட்டுவிட்டார்
இயக்குநர் தமிழ் ஜெ.

இந்தப் படத்துக்கு செலவு கோடிகளில் என்று கணக்கு சொல்கிறார்கள்.

கஷ்டகாலம் தயாரிப்பாளருக்கு மட்டுமல்ல, பார்ப்பவர்களுக்கும்தான்!

பாடகசாலை : பாலைவனச் சோ‌லை அல்ல...!

உலகின் அதிபயங்கர கொடுங்கோலன்

2010-04-11T04:16:00.000-07:00

இவர் பிறந்த ஆண்டு தொடர்பில் சரியான தகவல்கள் உறுதிப் படுத்தப்படவில்லை. 1924 அல்லது 1925 இல் பிறந்திருக்கலாம்; மே 18, 1928 இல் பிறந்திருக்கலாம் என்ற கருத்தும் உண்டு. இவரது ஆட்சி பற்றிய விபரங்கள் பல பயங்கரமானவை ஆகும். இடி அமீன் (Idi Amin Dada) உலகின் அதிபயங்கர கொடுங்கோலன், கொலைகாரன், காமுகன், சுகபோகத்தின் உச்சத்தில் வாழ்ந்தவர், இவர் செய்யாத அராஜகங்களே இல்லை.

இந்த அராஜகம் அதன் அதிகபட்ச சாத்தியங்களைத் தொட்டபோதும் உகாண்டா மக்கள் அவரைக் கேள்வி கேட்காமல், நமக்காகத்தானே செய்கிறார் என்று உற்சாகப்படுத்தியதுதான் அவர்களது விதியாக அமைந்தது. அமின், தம் சொந்த மக்களே கற்பனை செய்ய முடியாத கொடூர எல்லைகளுக்குச் செல்லத் தொடங்கினார். எண்ணற்ற கொலைகள், கணக்கற்ற மூடிமறைப்புகள்.

முகமூடிக் கொள்ளைக்காரர்கள் செய்யவேண்டியதையெல்லாம் ஓர் அதிபரே வெளிப்படையாகச் செய்த அசிங்கங்கள் உகாண்டாவில் நடைபெற்றன.

இடி அமின் செய்துகொண்டிருந்தது சீர்திருத்தமா, சீரழிவா என்பதை உகாண்டா மட்டுமல்ல உலகமும்கூட நீண்ட காலத்துக்குப் புரிந்துகொள்ளவில்லை. உண்மை தெரிய வந்தபோது, நிலைமை கைமீறியிருந்தது. ஒரு தேசம் அங்கே அழிந்துபோயிருந்தது.

இடி அமின் கொன்றொழித்த மனித உயிர்களின் எண்ணிக்கை ஒரு லட்சத்தில் இருந்து ஐந்து லட்சம் வரை இருக்கும் என்று கணக்கிடுகிறார்கள். ரத்தம் குடிப்பார், மனித உடல் பாகங்களைத் தின்பார் என்பதில் தொடங்கி பல உறைய வைக்கும் குற்றச்சாட்டுகள் அவர் மீது சுமத்தப்பட்டுள்ளன. கொன்ற உடல்களை நீர்வீழ்ச்சியில் வீசி முதலைகள் பசியாற வைப்பார் என்று அவர் உதவியாளர் சாட்சியம் அளித்திருக்கிறார்.

இடி அமின் குறித்த வதந்திகளும் கட்டுக்கதைகளும் அதிகம். என்றாலும், உகாண்டாவின் சர்வாதிகாரியாக அவர் ஆட்சியில் இருந்த காலத்தில் அரங்கேறிய அரசியல் அராஜகங்களுக்கும், இனப்படுகொலைகளுக்கும் மனித உரிமை மீறல்களுக்கும் வலுவான ஆதாரங்கள் முன்வைக்கப்படுகின்றன. எதிர்ப்பவர்களை மட்டுமல்ல, எதிர்க்க நினைப்பவர்களையும் அமின் அழித்திருக்கிறார்.

உகண்டாவில் கொபேகோ எனும் இடத்தில் காக்கவா பழங்குடி இனத்தில் அவர் பிறந்தார். இந்த இடம் கொங்கோவுக்கும் சூடானுக்கும் அருகில் உள்ளது. இடிஅமீனை பராமரிக்க அவரது தந்தை மறுத்துவிட்டார். இதனால் தாயாரிடம் அவர் வளர்ந்தார். பிரிட்டிஷ் படையான ஆபிரிக்கன் ரைபிள்ஸ் படையில் சேர்ந்து சேவகம் புரிந்தார். இளம் வயதிலேயே முஸ்லிம்மதத்துக்கு இடிஅமீன் மாறினார்.

1952 - 56 இல் கென்யாவில் "மாவ் மாவ்" புரட்சியை ஒடுக்கச்சென்ற பிரிட்டிஷ் இராணுவத்தில் அவர் ஆபிரிக்கன் ரைபிள்ஸ் படைசார்பில் பங்கேற்றார். அப்போது அவர் சிறப்பாகப் பணிபுரிந்ததால் மகிழ்ந்த பிரிட்டிஷ் அரசு அவருக்கு லெப்டினன்ட் பதவி வழங்கியது.

20ஆம் நூற்றாண்டின் மோசமான சர்வாதிகாரிகளில் இடிஅமீன் மறக்க முடியாதவர்.உகண்டாவில் அவரது ஆட்சிக்காலத்தில் பழங்குடிமக்களை பழிதீர்த்த கோரச்சம்பவங்களை நினைத்தால் இன்றைய தலைமுறையினரையும் குலைநடுங்கவைக்கும். பதவிவகித்த எட்டு ஆண்டுகளில் ஏறத்தாழ 5 லட்சம் பேரை அவர் கொன்றொழித்தார்.

1896இல் பிரிட்டன் உகண்டாவைக் கைப்பற்றியது. அதைச்சுற்றியிருந்த அரசுகளையும் அதனுடன் சேர்த்து பிரிட்டன் தனது ஆட்சிக்குக்கீழ் கொண்டுவந்தது. 1914 இல் அதற்கான எல்லைகளும் வகுக்கப்பட்டன. அதன் பின்னர் 1962 இல் அமைதியான முறையில் உகண்டாவுக்கு சுதந்திரம்
அளிக்கப்பட்டது.. ஆனால், நாட்டின் பல்வேறு இனங்களைச் சேர்ந்தவர்கள் கலவரத்தில் ஈடுபட்டதால் நாடு அமைதி இல்லாமல் இருந்தது. பிரதமர் மில்டன் ஒபோடே, புதிய அரசமைப்பை வகுத்து அதற்கு தானே அதிபர் என்று பிரகடனம் செய்துகொண்டார். அதன்படி நாட்டில் ஆங்காங்கு இருந்த குட்டி மன்னர்கள் அதிகாரம் இழந்தனர். இனப்பிரச்சினை தலைதூக்கியது. அந்த நாட்டின் பிரதமர் ஒபோட்டேக்கும் ஜனாதிபதி கபாகாவுக்கும் மோதல் ஏற்பட்டது. இதில் ஒபோட்டே வெற்றி பெற்றார்.

Milton Obote
கபாகா லண்டனுக்கு தப்பி ஓடினார்.ஜனாதிபதி கபாகாவை ஒபோட்டே லண்டனுக்கு விரட்டியதற்கு துணை புரிந்தவர்தான் ராணுவத் தளபதி இடி அமீன். இடி அமீன் ஒரு வஞ்சக நரி. அவரை நம்ப வேண்டாம் என்று ஒபோட்டேக்கு பலரும் எச்சரிக்கை செய்தனர். ஆனால், அவற்றை எல்லாம்
காதில் போட்டுக் கொள்ளாமல் இடி அமீனுக்கு பல அதிகாரங்களை ஒபோட்டே அளித்தார்.

உகண்டாவைச்சேர்ந்த உள்ளுர் படையினரில் லெப்டினன்ட் ஆனோர் இருவர் மட்டுமே. அவர்களில் இடிஅமீனும் ஒருவர்.இடிஅமீன் 1951இல் உகண்டாவின் அதிபாரக்குத்துச்சண்டைவீரர் ஆனார். 1960 வரை அந்த இடத்தை வேறுயாரும் அவரிடம் இருந்து மீட்கமுடியவில்லை.1962 இல் பிரதமர் மில்டன் ஒபோடேயுடன் ஒட்டிக்கொண்டு அவரது தீவிர ஆதரவாளர் ஆனார். இடிஅமீன் மீதான குற்றச்சாட்டுக்களை பிரதமர் கேள்விப்பட்ட போதும் தனது ஆதரவாளர் என்பதால் அவருக்கு படிப்படியாக பதவி உயர்வு அளித்தார். 1963இல் கேர்ணலாகவும் 1964இல் துணை கொமாண்டராகவும் இடிஅமீனுக்கு பதவி உயர்வு அளிக்கப்பட்டது.

1966 இல் பிரதமர் ஒபோடோவுக்கு எதிராக பொதுமக்களிடம் இருந்து குற்றச்சாட்டுகள் எழுந்தன.ஒபோடே அரசமைப்பை நிறுத்தி வைத்து அடிப்படை உரிமைகளை இல்லாமல் செய்தார். அப்படி இருந்தும் இடிஅமீன் ஒபோடேவுக்கு ஆதரவு தெரிவித்தார்.அதன்பின்பு புதிய அரசமைப்பை ஒபோடே ஏற்படுத்தி அதற்குத்தானே அதிபர் என்றும் அறிவித்தார்.இந்நேரத்தில் இடிஅமீன் இராணுவப்படை மற்றும் விமானப்படையின் தளபதியாக நியமிக்கப்பட்டார். 1970 வரை இப்பதவியில் அவர் தொடர்ந்தார்.இராணுவத்துக்கு தலைவரானவுடன் அவரது "காக்வ" பழங்குடி மக்களை இராணுவத்தில் புகுத்தினார்.தனக்கு ஆதரவு அளிக்கும் இளைஞர்களை முன்னுக்குக் கொண்டுவந்தார்.இதனால் அதிபர் ஒபோடேவுக்கும் இவருக்கும் இடையில் இடைவெளி அதிகரிக்கத் தொடங்கியது.

இராணுவத்தில் அமீனுக்கு எதிர்ப்புத் தெரிவித்தவர்கள் எல்லோரும் கொல்லப்பட்டனர். இதனால் ஒபோடே அவரை இரலணுவத்தலைவர் பதவியில் இருந்து நீக்கி நிர்வாகப்பதவிக்கு மாற்றினார். 1970 இல் இராணுவ நிதியை தவறாகப் பயன்படுத்தியதற்காக தன்னைக் கைதுசெய்ய அரசு முயற்சிக்கிறது என்று இடிஅமீன் உணர்ந்தார். 1971 ஜனவரி 25இல் அதிபர் ஒபோடே நாட்டில்
இல்லாத சமயத்தில் உகண்டாவில் இராணுவப் புரட்சி மூலம் தனது ஆட்சியை அவர் நிறுவினார்.
(ஒபோடே காமன்வெல்த் மாநாட்டில் கலந்துகொள்வதற்காக அப்போது சிங்கப்பூர் சென்றிருந்தார்).

உகண்டாவுக்கு தானே அதிபர் என்றும் முப்படைகளுக்கு தானே தளபதி என்றும் இடிஅமீன் அறிவித்தார். ஒபோடேயின் இராணுவ ஆதரவாளர்கள் அனைவரையும் ஒட்டுமொத்தமாக இடிஅமீன் தூக்கிலிட்டார். தன்னை உகண்டாவின் ஆயுட்கால அதிபர் என்று அறிவித்துக்கொண்டார்.

உகாண்டாவில் ராணுவப் புரட்சி நடத்தி ஆட்சியைக் கைப்பற்றிக் கொண்டார் இடி அமீன். தனக்கு எதிராக இருந்த பாராளுமன்ற உறுப்பினர்கள் மந்திரிகள் எல்லாரையும் ஈவு இரக்கமின்றி சுட்டுக் கொன்றார். அதற்கு மேல் பெண்கள் நிலையோ மிகவும் மோசமாகி விட்டது. அழகான பெண்களை கண்டால் விடவேமாட்டார். பெண்கள் உகாண்டாவில் நடமாடவே அஞ்சினர்.

ஒரு பெண் கிடைக்கவில்லை என்ற கோபத்தில் வஞ்சம் தீர்ப்பதற்காக டாக்டர்களாகவும், இன்ஜினியர்களாகவும், தொழில் நுட்ப வல்லுநர்களாகவும் பணியாற்றிய 50 ஆயிரம் ஆசியாக்காரர்களை நாட்டை விட்டு வெளியேற்றினார் இடி அமீன்.

அதாவது மத்வானி என்று ஒரு பிரபல இந்திய தொழிலதிபர் உகாண்டாவில் குடியேறி பல தொழில் நிறுவனங்களை நடத்தி வந்தார். இவருடைய மகன் மயூர் மத்வானி இந்தி நடிகை மும்தாஜை மணந்து கொண்டு உகாண்டாவில் குடியேறி வசித்து வந்தார்.

மத்வானியின் மூத்த மகள் ஒரு விதவை. அவள் மீது ஆசை கொண்டார். இதனை அறிந்த மத்வானி லண்டனுக்குச் சென்றிருந்த தன்னுடைய மகன் மயூர் மத்வானியிடம் தன்னுயை விதவை மகளைப் பாதுகாப்பாக அனுப்பிவிட்டார். இதனை அறிந்து மிகுந்த சினம் கொண்டார் இடி அமீன்.

மத்வானியின் சொத்துக்களை எல்லாம் பறிமுதல் செய்தார். அத்துடன் சினம் அடங்காமல் உகாண்டாவில் இருக்கும் ஆசியாக்காரர்கள் அனைவரையும் வெளியேற்றினார்.

அமெரிக்காவுக்கும், இஸ்ரேலுக்கும் கடுமையான சவால்களை இடிஅமீன் விடுத்தார். பாலஸ்தீனத்துக்கும் லிபியாவுக்கும் அவர் நேரடியாக ஆதரவு தெரிவித்தார். பாலஸ்தீனர்கள் இஸ்ரேல் விமானத்தைக் கடத்தியதில் நேரடியாக இடிஅமீன் அங்கு பங்குகொண்டார்.

நூற்றுக்கணக்கான பயணிகளுடன் 1976ல் ஏர்பிரான்ஸ் விமானம் தீவிரவாதிகளால் கடத்தப்பட்டபோது இடி அமீன் தீவிரவாதிகளுக்கு உதவி புரிந்தார். ஆனால், இஸ்ரேலிய கமாண்டோ படையினர். ஒரு விமானத்தில் வந்து அதிரடித் தாக்குதல் நடத்தி பயணிகளைக் காப்பாற்றினர்.
அதுபற்றி ஒரு சிறு கண்ணோட்டம் ஆபரேஷன் என்டெர்பே

இஸ்ரேலில் இருந்து ஏதென்ஸ் வழியாக சென்றுகொண்டிருந்த பாரிஸ்சென்றுகொண்டிருந்த ஏர் ஃப்ரான்ஸ் விமானத்தை 2 பாலஸ்தீனிய தீவிரவாதிகள்உகாண்டாவிற்கு கடத்திச்சென்றனர். அதை இஸ்ரேல் சமாளித்தவிதம் ஒருத்ரில்லர் திரைப்படத்திற்கு இணையானது.

ஏர் ஃப்ரான்ஸ் 139 விமானம் இஸ்ரேலில் இருந்து ஜூன் 27, 1976ல் பாரிஸ்கிளம்பியது. 246 பயணிகளும் 13 விமானக்குழுவும் இருந்த அந்த விமானம்இஸ்ரேலில் இருந்து கிளம்பியதும் கடத்தப்பட்டது. இந்தியா என்றால்பாகிஸ்தான் என்பது போல், இஸ்ரேல் என்றால் பாலஸ்தீனர்கள்.

இந்த விமானத்தை கடத்தியதும் 2 பாலஸ்தீனர்கள் மற்றும் 2 ஜெர்மானியர்கள்அடங்கிய ஒரு குழு. இந்த கடத்தலுக்கு உகாண்டா அதிபர் இடி அமின்உடந்தையாக இருந்திருக்கிறார்.

கடத்திய விமானம் முதலில் லிபியா கொண்டு செல்லப்பட்டது. அங்கு சுமார் 7 மணி நேரம் நிறுத்திவைக்கப்பட்டிருந்தது. லிபியாவில் விமானத்திற்குதேவையான எரிபொருள் நிரப்பி உகாண்டா செல்ல ஆயத்தமானது விமானம். இதற்கிடையில் ஒரு பெண் தான் கருவுற்றிருப்பதாகவும் அது
கலைந்துவிட்டதாகவும் கூறி லிபியாவிலேயே இறங்கி தப்பித்ததும் நடந்தது.

பின் உகாண்டா சென்று சேர்ந்தது ஏர் ஃப்ரான்ஸ் விமானம். பிறகுதான் கட்த்தியதீவிரவாதிகள் தங்கள் வேலையைக் காட்டத்துவங்கினர். எதிர்பார்த்தபடிபணயத்தை அறிவித்தார்கள். ஆனால் அது கிட்டத்தட்ட நடக்க இயலாவிஷயமாகவே இருந்தது. அவர்கள் கேட்டது.

•இஸ்ரேலில் சிறையில் அடைக்கப்பட்டுள்ள 40 பாலஸ்தீனர்களை விடுவித்தல்

•கென்யா, ஃப்ரான்ஸ், சுவிட்ஸர்லாந்து, மேற்கு ஜெர்மனி ஆகிய நாடுகளில்

அடைத்துவைக்கப்பட்டுள்ள 13 தீவிரவாதிகளை விடுவிப்பது

இந்த நிபந்தனைக்கு ஒப்புக்கொள்ளாவிடில், ஜூலை 1 முதல் பயணிகளைகொன்றுவிடப்போவதாக அறிவித்தனர். இடையில் உள்ள நாட்கள் 3. ஆனால்இதில் எதிர்பார்க்காத மற்றொரு முகத்தையும் காட்டினர். கடத்திய தீவிரவாதிகள். யூதர்களையும், யூதர் அல்லாதவர்களையும் தனியாக பிரித்தனர்.

சில பேச்சுவார்த்தைகளின் பின்னர் சில பயணிகளை விடுவிக்க தீவிரவாதிகள்ஒப்புக்கொண்டனர்.ஆனால் யூதரல்லாதவர்களையும் விமானக்குழுவையும்மட்டும்.

என்டெபியில் இதற்கென தயாராக இருந்த மற்றொரு ஏர் ஃப்ரான்ஸ் விமானத்தில்இவர்களை ஏற்றிச்செல்ல முடிவெடுத்தனர். விமானததின் கேப்டன் மைக்கேல்பகோஸ், “இந்த விமானத்தின் அனைத்து பயணிகளும் என் பொறுப்பு. அவர்களின்றி நான் செல்ல மாட்டேன்” என்றார். மற்ற விமானக்குழுவினரும்இதை ஆமோதித்தனர். ஒரு ஃப்ரெஞ்சு கிறிஸ்தவ
கன்னிகாஸ்திரியும் செல்ல மறுத்து தனக்கு பதிலாக வேரொறுவரைவெளியேற்றுமாறு கேட்டுக்கொண்டார். ஆனால் உகாண்டா வீரர்கள் அவரைவலுக்கட்டாயமாக வெளியேற்றினர்.

இப்போது விமானத்தில் இருந்தது 80 யூதப்பயணிகளும் 20 மற்றவர்களும்.
இதற்கிடையில் இஸ்ரேல் அரசு வேறொரு வேலையில் மும்முரமாக இருந்தது. ஜூலை 1ம் தேதி நெருங்கிவிட்டதால், இஸ்ரேல் அரசு இன்னும் கொஞ்சம்அவகாசம் கேட்டது. அதாவது ஜூலை 4 வரை ஒத்திவைக்குமாறும், தாங்கள்பரிசீலித்துக்கொண்டிருப்பதாகவும் கூறியது. இந்த நேரத்தில் உகாண்டா அதிபர்இடி அமினும் ஒரு அரசுமுறைப்பயணமாக மொரீஷியஸ் வரை செல்ல வேண்டி
இருந்ததால் அவர், அந்த தீவிரவாதிகளை ஒத்திவைக்கும்படி கேட்டுக்கொண்டார். கிடைத்த இந்த 3 நாட்களை கொண்டு ஒரு ஆபத்தான திட்டத்தில் இறங்கியதுஇஸ்ரேல்.

இஸ்ரேல் ராணுவத்தின் Yekutiel “Kuti” Adam, Matan Vilnai, ,Brigadier General Dan Shomron அடங்கிய படை ஒன்று திரட்டப்பட்டது. அந்த படை தீட்டிய திட்டம்ஆபரேஷன் என்டெபே. திட்டம் என்னவென்றால் இஸ்ரேல் ராணுவ விமானங்கள்திருட்டுத்தனமாக உகாண்டாவின் என்டெபேக்குள்
நுழைந்து பணயக்கைதிகளை காப்பாற்றுவது. இது கிட்டத்தட்ட அசாத்தியமானஒரு விஷயம்.

ஏனென்றால் இஸ்ரேலுக்கு கிடைத்த உதவிகள் அப்படி.

•இஸ்ரேல் தனக்கு அருகாமையில் இருக்கும் அனைத்து நாடுகளுடனும்சண்டையில் இருந்தது.

நல்ல காலத்திலேயே அண்டை நாடுகள் எப்போதும் உதவுவதில்லை. இதில்பிரச்சினையில் இருக்கும்போது கேட்கவே வேண்டாம்.

•எனவே இஸ்ரேலின் முதல் சவால், அண்டை நாடுகளின் வானத்தைவிமானப்பயன்பாட்டுக்கு உபயோகிக்காமல் இருக்கவேண்டும்.
•அவ்வளவு தூரம் சென்று மீண்டும் இஸ்ரேல் திரும்ப எரிபொருள் கட்டாயம்போதாது. எந்த நாடும் எரிபொருள் நிரப்ப அனுமதிக்காது. மேலும் இந்தஆபரேஷன் ஒரு மிக ரகசியமான ஒரு விஷயம்.

•என்டெபேயில் விமான ஓடுதளத்தை அவர்கள் உதவியின்று பயன்படுத்தவேண்டும். என்டெபே விமானநிலையம் ராணுவத்தால் பாதுகாக்கப்பட்டதால்இதுவும் அவ்வளவு எளிதல்ல.

இத்தனை சவால்களையும் மீறி விமானநிலையத்துக்குள் நுழைந்தாலும், அவர்களை எப்படி தேடுவார்கள் என்கிறீர்களா? அங்குதான் இருந்தது ஒருஅல்வாத்துண்டு போன்ற ஒரு விஷயம்.

உகாண்டாவின் என்டெபே விமான நிலையத்தை வடிவமைத்து கட்டியது ஒருஇஸ்ரேலிய கம்பெனி. இது போதுமே, அனைத்தையும் முடிக்க. கிட்டத்தட்ட அந்தகம்பெனியிடம் இருந்து வடிவமைப்பைப் பெற்றுத்தான் இந்த திட்டமேதீட்டப்பட்டது எனலாம். அந்த வடிவமைப்பைக்கொண்டு இஸ்ரேலில் ஒரு மாதிரிஅமைத்து அங்கு ஒரு சோதனை செய்து பின்னரே களத்திற்கு கிளம்பினர்.

முதல்கட்டமாக அவர்கள் தேர்ந்தெடுத்த பாதை, கிட்டத்தட்ட 100 அடிக்குள்ளானஉயரத்தில் செங்கடல் வழியாக எகிப்து, சூடான் மற்றும் சவுதி அரேபியாவின்ரேடார் பார்வையில் இருந்து தப்பித்தது. பின் செங்கடல் இறுதியில் வலதுபுறம்திரும்பி ஏடென் வழியாக கென்யாவின் நய்ரோபி விமானநிலையத்தைவந்தடைந்தன இஸ்ரேலிய ராணுவ விமானங்கள். அங்கிருந்து விமானங்கள்
நேரடியாக என்டெபேயை நோக்கி புறப்பட்டன.

என்டெபேயில் கடைசியாக ஒரு மெகா நாடகத்தை நடத்தியது. என்டெபேயில்முதலில் ஒரு விமானத்தை தரை இறக்கியது. சற்று முன் தரை இறங்கிய வேறுஒரு விமானத்திற்காக போடப்பட்ட ஓடுபாதை விளக்குகளை பயன்படுத்திஇஸ்ரேலிய விமானம் இறங்கியது.

மொரீஷியஸ் சென்றிருந்த இடி அமின் வந்துவிட்டதைப்போல் ஒரு தோற்றத்தைஏற்படுத்த, அவர் எப்போதும் பயன்படுத்தும் கருப்பு நிற மெர்சிடிஸ் கார் ஒன்றுவிமானத்தில் எடுத்துச்செல்லப்பட்டிருந்தது. அந்த காரை விமானத்தில் இருந்துதரை இறக்கி, அதில் இடி அமின் போல தோற்றம் கொண்ட ஒரு இஸ்ரேலியகமாண்டோவை இருக்க வைத்து, பின்னால் சில கார்கள் புடைசூழ விமானநிலையத்தில் நுழைந்தது கார். உள்ளே இருந்த ராணுவம் இடி அமின் வருவதாகநினைக்க வைக்கவும், அவர்களுக்கு சுதாரிக்க நேரம் கொடுக்காமலும் இருக்கஇந்த நடவடிக்கையை செய்தது இஸ்ரேல்.

ஆனால் விதி வேறு விதமாய் இரண்டு பாதுகாவலர்கள் ரூபத்தில் காத்திருந்தது. இஸ்ரேல் எடுத்து வந்திருந்தது கருப்பு நிற கார். ஆனால் மிக சமீபத்தில் இடிஅமின் தனது காரை வெள்ளையாக மாற்றி இருந்தார். மேலும் தன் காருக்குபின்னால் கார்கள் ஏதும் வரவேண்டாம் என்றும் உத்தரவிட்டிருந்தார்.

இதை நன்கு அறிந்த அந்த பாதுகாவலர்கள், வந்த காரை நோக்கிச்சுட்டனர்.

இது மற்றவர்களைஉசுப்பிவிடாமல் இருக்கும் பொருட்டு, இஸ்ரேல் ராணுவம்உடனடியாக களத்தில் இறங்கியது. அவர்கள் முன்னரே போட்டு வைத்திருந்ததிட்டப்படி அனைவரையும் அடித்து நொறுக்கி 30 நிமிடங்களில் அனைத்துபணயக்கைதிகளையும் காப்பாற்றி, விமானம் மீண்டும் கிளம்பி இஸ்ரேல்சென்றது. வழியில் முன்புபோல் கென்யாவில் இரு நிறுத்தம் போட்டுவிட்டுசென்றது.
இந்த மீட்பு பணியில் ஈடுபட்டவர்கள்

இந்த மீட்புப்பணியில் ஒரே ஒரு இஸ்ரேலிய கமாண்டோ மட்டும் உயிரிழந்தார். பணயக்கைதிகளில் 3 பேர் இறந்தனர்.

உகாண்டா தரப்பில் 45 ராணுவ வீரர்கள் பலியாயினர். மேலும் 15 மிக் 17 ரகவிமானங்களும் வீழ்த்தப்பட்டன.

இதனைக் கண்டு ஒட்டு மொத்த உலக நாடுகளும் இடிஅமீனை கண்டித்தன. அமெரிக்கா, பிரிட்டன், பிரான்ஸ், ரஷ்யா ஆகிய நாடுகள் பொருளாதாரத் தடைகள் விதித்தன.

இன ரீதியாக எதிரிகளை அழிக்க இடிஅமீன் முயற்சி மேற்கொண்டார். சிவில் சட்டத்தை விட இராணுவ சட்டம் அதிக அதிகாரம் படைத்ததாக அறிவிக்கப்பட்டது. படையினர் எண்ணிக்கை அதிகரிக்கப்பட்டது. காக்வா இனத்தினர் தவிர பிற உகண்டா இனத்தினர் அநியாயமாக படுகொலை
செய்யப்பட்டனர்.இடிஅமீனின் கொடூரங்களுக்கு மூன்று இலட்சம் பேர் பலியாகி இருக்கலாம் என்று மதிப்பிடப்பட்டுள்ளது. இராணுவ அதிகாரிகள் அரசுப் பணியில் நியமிக்கப்பட்டனர்.அமைச்சர்கள் இராணுவத்துக்கு கட்டுப்படவேண்டும் என்று உத்தரவிடப்பட்டது. இதனால் உகண்டாவின் பொருளாதாரம் பாதாளத்தை நோக்கி அழிவுப் பயணத்தைத் தொடங்கியது.

1978 இல் உள்நாட்டுக்குழப்பங்களை அவர் மறைப்பதற்காக தான்சானியா மீது தாக்குதல் தொடர்ந்தார்.இடிஅமீனினால் விரட்டப்பட்டதால் பயந்து தான்சானியாவில் தஞ்சம் புகுந்திருந்த உகாண்டா படையினர் தான்சானியா படையினருடன் இணைந்து உகண்டாவுக்குள் புகுந்தனர்.

1979 ஏப்ரல் முதலாம் திகதி இப்படையினர் உகண்டா தலைநகர் கம்பாலாவைக் கைப்பற்றினர். இனியும் தாக்குப்பிடிக்க முடியாது என்று கருதிய இடிஅமீன் லிபியாவில் தஞ்சம் அடைந்தார்.

தஞ்சம் அடைவதற்கு முன்புவரை எதிரியாக நினைக்கும் மக்களை அழிப்பதிலேயே அவர் முழுக்கவனம் செலுத்தினார்.லிபியாவிலிருந்து ஈராக்கிலும் இறுதியாக சவூதிஅரேபியாவிலும் அவர் தஞ்சம் அடைந்தார்.

இடிஅமீன் முஸ்லிம் என்பதால் அவருக்கு இந்த நாடுகள் தஞ்சம் வழங்கின. சவூதிஅரேபிய அரசு இடிஅமீனின் மாதாந்தச்செலவுக்கு பெருந்தொகைப்பணத்தை அளித்தது. இதனால் அவர் தனது 4 மனைவிகளுடன் சந்தோஷமாக இருந்தார்.1989 இல் இடிஅமீன் மீண்டும் உகண்டாவுக்குத் திரும்ப முயற்சி செய்தார். ஆனால், கொங்கோவில் அவர் அடையாளம் காணப்பட்டு மீண்டும் சவூதிக்கு அனுப்பி வைக்கப்பட்டார். 2001இல் மீண்டும் உகண்டாவுக்கு திரும்பவேண்டும் என்று அவர் அளவுகடந்த ஆசையை மனதில் வைத்திருந்தார்.

லட்சக்கணக்கானோர் வாழ்க்கையை இருளாக்கிய இடிஅமீன் போன்ற சர்வாதிகாரி இனி பிறக்கக்கூடாது என்பதே உகண்டா மக்களின் இன்றைய ஆசை. ஒரு வில்லன் நியாயப்படி பெறவேண்டிய எந்தத் தண்டனையும் இறுதிவரை அவருக்குக் கிட்டவில்லை என்பது ஒரு வியப்பு.

இது ஓர் இயற்கை மீறலும் கூட. ஆளும்வரை அவரை இனம் காப்பாற்றியது. ஆட்சி போனதும் மதம் காப்பாற்றியது.

ஆனால் அமின்தான் காப்பாற்றப்பட்டாரே தவிர உகாண்டா மக்கள் அல்ல. இன்றுவரை உகாண்டாவில் தொழில் தொடங்க வெற்றிலை பாக்கு வைத்து அழைத்தாலும் யாரும் போவதில்லை போவதற்கும் தயாரில்லை. இதனாலேயே எல்லா வளங்களும் இருந்தும் அத்தேசம் உருப்படாமல் போய்க்கொண்டிருக்கிறது.

இரத்தக்கொதிப்பு மற்றும் சிறுநீரகக்கோளாறால் பாதிக்கப்பட்ட இடிஅமீன், ஜுலை 18ஆம் திகதி ஜெட்டாவில் உள்ள கிங்பைசல் மருத்துவமனையில் சேர்க்கப்பட்டார். சிகிச்சை பலனின்றி இடிஅமீன் மரணம் அடைந்தார். அவருக்கு வயது 80.

உலகத்திலேயே பெரிய தாவரம்

2010-04-01T19:14:00.000-07:00

உலகத்திலேயே பெரிய தாவரம்?

காளான்

கிட்டத்தட்ட 64,000 வகைகளுக்குமேல காளான்கள் இருக்கு.
சிறு வயதில் நம்மில் சிலர் குப்பைமேட்டிலும், புதர்களிலும் மழைவிட்டதும் சட்டென்று தோன்றும் நாய்க்கொடைகளை பார்த்திருக்கிறோம்

ஸ்போர் அப்படின்னு சொல்லப் படுற விதை போல இருக்கிறஒண்ணிலிருந்துதான் வளர ஆரம்பிக்கும். இந்த ஸ்போர்கள் ரொம்ப ரொம்ப எடை குறைவாயும் ரொம்பச் சின்னதாயும் இருக்கும். ஸ்போரிலிருந்து நூல் மாதிரியான அமைப்புக் கிளம்பி வளரும்.

இதுக்கு ஹைஃபே அப்படின்னு பேரு. இந்த ஹைஃபே இழை மாதிரிஇருக்கும்.
சில வகைகள் வெறும் கண்ணால் பார்த்தாத் தெரியாது. மைக்ராஸ்கோப்பில்தான்

தெரியும்!

“இனப்பெருக்கக் காலத்தில் தரைக்குக் கீழே இருக்கிற இந்த நூல் மாதிரியானஹைஃபேயிலிருந்து தரைக்கு மேலே குடை மாதிரியோ இல்லை வெவ்வேறுவடிவங்களிலே
ஒரு அமைப்புக் கிளம்பும். இதைச் சாதரணமாக் கண்ணாலே பார்க்கலாம். இதை ஃபுரூட் பாடி (Fruit body) அப்படின்னுசொல்லுவாங்க! இதிலிருந்து லட்சக் கணக்கிலே ஸ்போர்கள் உற்பத்தியாவும்.
சாதகமான சூழ்நிலையில் இந்த ஸ்போர்களிலிருந்து மறுபடியும் ஹைஃபேவளரும். சூழ்நிலை சாதகமாய் இல்லாட்டி வருஷக் கணக்கிலே கூடக் காத்திருந்துஅப்புறமா ஸ்போரிலிருந்து ஹைஃபே வளரும். இனத்துக்குத் தகுந்தபடி இந்த நூல்மாதிரியான சில ஹைஃபேயில் செல் சுவர்கள் இருக்கும். சிலதிலே செல் சுவர்களேஇல்லாமலும்
இருக்கும்.

காட்டிலே இருக்கிற அநேக மரங்களின் வேர்களில் இந்த மாதிரியான ஹைஃபே சேர்ந்துவளரும்!
தங்களுக்குத் தேவையான சர்க்கரையையும் அமினோ அமிலங்களையும்காளான்கள்,
காட்டு மர வேர்களிலிருந்து உறுஞ்சிக் கொள்ளும். அதுக்குப் பதிலா
தண்ணியையும் தாது உப்புக்களையும் உறுஞ்சி மரங்களுக்குக் காளான்கள் தரும்!

மழை தூற ஆரம்பிச்சவுடனே ஒரு வாசனை வருமே .. .. மண் வாசனைன்னுகூட
சொல்லுவாங்களே! அது என்ன தெரியுமா? மண்ணிலே இருக்கிற காளான்ஹைஃபேக்கள்
மழையால் தூண்டப் பட்டுச் சில கெமில்களை உற்பத்தி பண்ணும். அதோட
வாசனையைத்தான் நாம மண் வாசனை அப்படிங்கிறோம்! சில காளான்கள்ரொம்ப துர்
நாற்றம் கொண்டதாயிருக்கும். இன்னும் சிலது அருமையான வாசனையோடஇருக்கும்!

நல்ல சாதகமான சூழ்நிலைகளில் இந்த ஹைஃபே ரொம்ப வேகமா வளரும். ஒருகாளன் ஹைஃபே
நூலை நீளமா ஒண்ணுக்குப் பின்னாடி ஒண்ணா வச்சா ஒரு நாளிலே வளர்ந்தநீளம்
ஒரு மைல் அளவு கூட இருக்குமாம்!

அர்மில்லேரியா பல்போசா அப்படிங்கிற வகைக் காளான் அமெரிக்கா பக்கத்திலே இருக்கிற வட மிசிகன் பிரதேசத்திலே காட்டில் 106 ஏக்கருக்கும் மேலே 6000 டன் எடையிலே பரவி
இருக்காம்!

ஆயிரக் கணக்கான வருடங்களா இது வாழ்ந்துகிட்டிருக்கலாம்னு கண்டு பிடிச்ச்சிருக்காங்க! ஒரே தனித் தாவரம், இவ்வளவு பெரிசா இருக்குறது ரொம்ப அபூர்வம்தானே!”

“இல்லைம்மா! யீஸ்ட் (Yeast) அப்படிங்கிற வகைக் காளான் ஒரே ஒரு செல்லால் மட்டுமே ஆனதாவரம்கிறதும் ரொம்ப ஆச்சரியமான விஷயம்! ஒரே செல் தாவரம்னாலும் இதாலேநன்மைகளும் உண்டு. தீமைகளும் உண்டு!

பேக்கரிப் பொருள்கள் தயாரிக்கவும், பீர் தயாரிக்கவும்
யீஸ்ட் ரொம்பப் பயன்படுது. அதே சமயம் தொண்டையிலும் வாயிலேயும்
கொப்புளங்கள் உருவாக்கித் தொல்லை கொடுக்கிறதும் இந்த யீஸ்ட்காளான்தான்!

சில
பேருக்குத் தொடைகளில் அரிப்பு ஏற்படுத்தும் காளான்களும் இருக்கு.
சுகாதாரமில்லாத உள்ளாடைகளை அணியறது மாதிரியான காரணங்களில்அங்கே காளான்
வளர்ந்து படர் தாமரை நோயை உருவாக்கும். பாதிக்கப் பட்ட மனித உடலோடஒரு
பகுதியப் பாருங்க.

“நிலம்,தண்ணி, காத்து இப்படிக் காளான் ஸ்போர்கள் இல்லாத இடமே கிடையாது!
தாவரங்கள், பிராணிகள், மனுஷர்கள் இப்படி எல்லா ஜீவராசிகள் உடம்பிலேயும்
காளான் வளரும்!

முக்கியமான விஷயம் - காளான்களில் பச்சயம் கிடையாது .. .. ..”

“பச்சையம் இல்லாட்டி தன்னோட உணவை அது எப்படி தயாரிக்க முடியும்”

“நியாயமானகேள்வி! காளான்களாலே தங்களோட உணவைத் தாங்களே தயாரிக்கமுடியாததாலே
உணவுக்காக மத்த தாவரங்களையோ அல்லது மற்ற உயிரினங்களையோசார்ந்துதான்
இருக்கும். உயிருள்ள தாவரங்களையோ அல்லது மற்ற ஜீவராசிங்களையோஉணவுத்
தேவைக்காகச் சார்ந்திருந்தா ஒட்டுண்ணி அப்படின்னும் செத்துப்போனவைகளைச்
சார்ந்திருந்தா சாறுண்ணி அப்படின்னும் சொல்லுவாங்க.

இன்னொருவிஷயம்.. .. காளன்கள் வாழ சூரிய வெளிச்சம்கூடத் தேவை இல்லை! அதனாலே
இருட்டான பகுதிகளிலும், மண்ணுக்கடியிலேயும் கூட ஜம்முனு வளரும்.

“காளான்கள் எப்படி எடுத்துக்கும்?”

“எந்த ஒரு ஆகாரத்தையும் உணவாக்கிறதுக்கு முன்னாலே காளான்கள் சிலஎன்சைம்களைச்
சுரக்கும். அந்த என்சைம்கள் உணவோட கடினமான திசுக்களையும் எளிமைப்
படுத்திக் கொடுக்கும்.

சாதாரணமா மற்ற உயிரினங்கள் உணவை சாப்பிட்ட பிறகுதான் ஜீரணிக்க ஆரம்பிக்கும். ஆனால் சுரக்கிற என்சைம்கள் மூலமா
காளன்கள் முதல்லே வெளியிலேயே உணவை ஜீரணிச்சிட்டு அதுக்குப்பிறகுதான்
உள்ளே உறிஞ்சவே ஆரம்பிக்கும்.! அதை ஜீரணிக்கும் போது காளன்களிலிருந்து
உற்பத்தியாவுற கெமிக்கல்களுக்கு மைக்கோடாக்சின் (micotoxin) அப்படின்னுபேரு!

இந்த மைக்கோடாக்சின்கள், பேக்டீரியா மாதிரியான மத்த கிருமிங்க கிட்டே இருந்து
காளான்களைக் காப்பாத்தும். அதே சமயம் ஏராளமான வியாதிகளுக்கும் இந்த
மைக்கோடாக்சின்கள் காரணமாயிடுது. சில மைக்கோடாக்சின்கள் சிலவியாதிகளைக்
குணமாக்கிற மருந்துகளாகவும் பயனாகுதுன்றதுதான் ஆச்சரியம்!

பேக்டீரியாக்களைப் போலவே காளான்களும் காத்து மண்டலத்திலே இருக்கிற நைட்ரஜன் வாயுவைத் தாவரங்களுக்குப் பயன் படுற தாது உப்புக்களா மாத்தும்! பல ஆர்கானிக்
அமிலங்களை வணிக ரீதியாத் தயாரிக்கக் காளன்கள் பயனாகுது.

நிறையக் காளான் வகைகள் மருந்துகள் செய்யப் பயன் படுது! உதாரணமாப்பென்சிலின் அப்படிங்கிற முக்கியமான மருந்து பெனிசிலியம் அப்படிங்கிறகாளான் வகையிலிருந்துதான் கிடைக்குது. இது ஒரு உயிர் காக்கும் மருந்து.

ஒருவிஷயம் தெரியுமா? உலகப் போர்கள் நடந்தப்போ ஏராளமான போர் வீரருங்கசெத்துப்
போனாங்க இல்லையா? துப்பாக்கிக் குண்டு பட்டோ பீரங்கிக் குண்டு பட்டோ
செத்தவங்களை விடக் காயங்களுக்குச் சரியான மருந்து இல்லாமல் பேக்டீரியா
தாக்குதலாலே அழுகிப் போய் இறந்தவங்கதான் அதிகம்.

முதல் உலகப் போரிலே காயம் ஆறினது 25%தான். ஆனால் ரெண்டாவது உலகப்போரிலே -
அதாவது பென்சிலின் கண்டு பிடிச்ச பிறகு - காயம் ஆறியது 95 சதவீதம்
பேருக்கு! இதுக்குக் காரணம் பேக்டீரியாக்களைக் கொல்லும் பெனிசிலினைப்பயன்
படுத்தியதுதான்!

இந்தப் பெனிசிலின் மருந்தைக் கண்டு பிடிச்சதுக்காகவும் அதோட மருத்துவக்குணங்களுக்காகவும் ஆல்ஃப்ரட் ஃப்ளமிங், எர்னஸ்ட் போரிஸ் செயின், சர்ஹோவர்ட் வால்டெர் ஃப்ளோரி இந்த மூணு பேருக்கும் 1945ம் வருஷத்தியநோபல் பிரைஸ் கிடைச்சிருக்கு!

இயற்கை கொலைகள்

2010-03-31T19:51:00.000-07:00

இயற்கை கொலைகள்

பசுமை என்பது பிற்காலத்தில் ஒரு நாள் அகராதியில் தேடிப் பார்க்கக் கூடிய சொல்லாக மாறக்கூடும் நிலைக்குத் தள்ளப் பட்டிருக்கிறது. இன்றைய நிலையில் விவசாயத்தில் கொடிகட்டிப் பறந்த கிராமங்களில் கூட பசுமையைக் காண முடியவில்லை. சுமை என்பது சுற்றுலாத் தளங்களில் மட்டுமே இயற்கையாகவும், பல இடங்களில் செயற்கையாகவும் காண முடிகிறது.

தனி மனிதனின் நியாமான ஆசையான வீடு வாங்குதல், அதை பெற்றதும் நின்று விடுவதில்லை. அடுத்து இதை விட பெரிய இடமாக வாங்க வேண்டும். அதில் அடுக்ககம் அமைத்து பணம் சேர்க்க வேண்டும் என நீண்டு கொண்டே போகிறது. பலர் எதற்காக பணம் சேர்க்க வேண்டும் எனத் தெரியாமல் அளவுக்கு அதிகமாக அதை சேர்ப்பதிலேயே குறியாக இருந்திருக்கிறோம்.

இத்தகைய ஆசைகளுக்காக நாம் பலி கொடுப்பது பல மரங்கள் மற்றும் நிலங்கள். ஒரு காலத்தில் நல்ல விளை நிலங்களாக இருந்த இடங்கள் பல இன்று அடுக்ககங்களாக மாற்றம் பெற்றிருக்கின்றன. இதை வளர்ச்சி எனப் பெருமையடித்துக் கொண்டாலும் யோசித்துப் பார்த்தால் இது ஒரு மாபெரும் வீழ்ச்சி என்பது புரியும்.

மனிதனின் பரிணாம வளர்ச்சி அளவுக்கு மீறி சென்று கொண்டிருக்கிறது. அது நஞ்சில் சென்று முடியும் நாள் வெகுத் தொலைவில் இல்லை. இவற்றைக் கட்டுபடுத்த பலருக்கு நிச்சயம் மனம் வரப் போவதில்லை. நாம் அனைவரும் இந்த விடயத்தில் சுய நலவாதிகளாகவே இருக்கிறோம். எல்லோரும் ஆசைப் படும் போது நான் ஆசைப் படுவதில் என்ன தவறு? என வினா எழுப்புகிறோமே தவிற, இது நமக்குத் தேவையா என யோசிப்பவர்கள் மிகச்சிலரே.

ஒரு மரம் வெட்டும் முன்ஒரு மரக் கன்றாவது ஊன்றப் பட வேண்டும்!

பதினெட்டம் நூற்றாண்டில் ரெனி டீ ரீமர் என்பவர்தான் மரத்துகள்களில் இருந்து காகிதங்கள் தயாரிக்கும் முறையைக் கண்டறிந்தார். அதற்கு அவருக்கு உறுதுணையாக இருந்தது குழவிப் பூச்சி தான். அவற்றின் செய்ல்பாடுகளில் இருந்துதான் மரத்துகளை உபயோகிக்கும் முறையைக் கண்டறிந்தார்.

ஆக்கத்திற்காக அவர் கண்டு பிடித்ததை இன்று அளவுக்கு அதிகமாகவும், தேவையில்லாமலும் வீணாக்கி இயற்கை வளமான மரங்களின் அழிவிற்கு துணை நிற்கிறோம். மரங்கள் அழியப் பெற்றால் நிலச்சரிவுகள் கட்டுபடுத்த முடியாமல் உயிரிழப்புகள் தொடர்வது நிச்சயம். அதோடில்லாமல் காற்றைக் கூட காசு கொடுத்து வாங்கி சுவாசிக்கும் நிலைக்குத் தள்ளப்படுவதும் உறுதி.

இதைப் பற்றி பேசிக் கொண்டேயிருப்பதால் எந்தப் பயனும் இல்லை. நாம் இங்கு கைகோர்த்து செயல்பட வேண்டியக் கட்டாயத்தில் இருக்கிறோம். இவற்றின் அழிவைத் தடுக்கும் ஆரம்பமாக குறைந்தது தேவையில்லாமல் காகிதங்களை வீணாக்க மாட்டேன் என்ற உறுதியாவது எடுத்துக் கொள்ளப் பட வேண்டும்.

நமக்கு பயன்படாக் காகிதங்கள் குப்பையாக மாற்றப் படாமல்

Recycle சொல்லக் கூடிய மறு தயாரிப்பு முறைக்கு உபயோகப் படுத்தப் பட வேண்டும்.

நாம் தேவையில்லாமல் வீணாக்கும் காகிதங்களில்
மரங்களை அழித்துக் கொண்டிருக்கிறோம்!

மரம் வளர்ப்போம்! உயிர்க் காப்போம்!

PREMAKUMAR

பிரியாவிடை Yahoo Messenger

Samsung fingers.

விஸ்வரூபம் – திரை விமர்சனம்

பில்லா II (டேவிட் பில்லா)

சகுனி ஆட்டம்.

facebook நண்பர்களின் புகைப்படங்களை இலகுவாக சுடுவதற்கான தளம்

இன்னுமோர் சோஷியல் நெட்வேர்க் - Jumo

Facebook அதிவேக ஆக்கிரமிப்பு

சமூக வலைத் தளங்களில் பகிர கூடாத தகவல்கள்

Tamil Bamini keybord Layout

போலி முகங்கள் பேஸ்புக்கில் வலம் வருகிறது

எந்திரன் விமர்சனம் (*பாடல்*)

இலங்கையின் முடிசூடா மன்னன்.

Muttiah Muralitharan gets 800 Wickets click here

முத்தமிழ் வித்தகர் பிறந்த மண்ணில் தமிழ்ச் செம்மொழி விழா

சுவாமி விபுலாநந்தரின் இன்மலர்கள்

ராவணன் - ஒரு இராமன்

அரைத்த மாவில் சுட்ட புளித்த தோசை சுறா

சுறா- பட விமர்சனம்

யாழ்ப்பாண விஜயம்.

கார்லஸ் ஸ்லிம் முதலிடத்தில்

பில் கேட்ஸ்

பாடகசாலை|பாலைவனச் சோ‌லை

உலகின் அதிபயங்கர கொடுங்கோலன்

உலகத்திலேயே பெரிய தாவரம்

இயற்கை கொலைகள்

எந்திரன் விமர்சனம் (பாடல்)