Puthuppally Pally Varthakal

രാജാ രവി വർമ്മയുടെ അമൂല്യചിത്രം കാണാൻ അശ്വതി തിരുനാൾ ഗൗരിലക്ഷ്മി ബായി തമ്പുരാട്ടി ദേവലോകത്ത് എത്തി

noreply@blogger.com (പുതുപ്പള്ളി പള്ളി) — Sun, 03 May 2026 12:04:00 +0000

വായിച്ചറിഞ്ഞ രാജാ രവി വർമ്മയുടെ അമൂല്യചിത്രം കാണാൻ അശ്വതി തിരുനാൾ ഗൗരിലക്ഷ്മി ബായി തമ്പുരാട്ടി ദേവലോകത്തെ മലങ്കരസഭാ ആസ്ഥാനത്ത് എത്തി

രാജാ രവി വർമ്മയുടെ മാന്ത്രിക വിരലുകൾ തീർത്ത അമൂല്യചിത്രം കാണാൻ തിരുവിതാംകൂർ രാജകുടുംബാഗം അശ്വതി തിരുനാൾ ഗൗരിലക്ഷ്മി ബായി തമ്പുരാട്ടി മലങ്കരസഭാ ആസ്ഥാനമായ കോട്ടയം ദേവലോകം കാതോലിക്കേറ്റ് അരമനയിലെത്തി.

രാജാ രവിവർമ്മയെക്കുറിച്ചുള്ള പുസ്തകത്തിൽ നിന്നാണ് അദ്ദേഹം വരച്ച ഒരു നൂറ്റാണ്ടിലേറെ പഴക്കമുള്ള ചിത്രം കോട്ടയം പഴയസെമിനാരിയിൽ സൂക്ഷിച്ചിരിക്കുന്നു എന്ന വിവരം തമ്പുരാട്ടി അറിയുന്നത്.

പുതുപ്പള്ളി പള്ളിയിലെ ചടങ്ങിൽ ക്ഷണിക്കാനെത്തിയവരോടും ഇക്കാര്യത്തെക്കുറിച്ച് അന്വേഷിച്ചു. ചിത്രം ഇപ്പോൾ മലങ്കരസഭാ ആസ്ഥാനമായ ദേവലോകം കാതോലിക്കേറ്റ് അരമനയിലാണെന്ന് അറിഞ്ഞതോടെ സഭാ ആസ്ഥാനത്തേക്ക് ഗൗരി ലക്ഷ്മി ബായി എത്തുകയായിരുന്നു.

തിരുവിതാംകൂർ രാജവംശവും കിളിമാനൂർ കോവിലകവും തമ്മിലുള്ള ബന്ധത്തെക്കുറിച്ചും രവിവർമ്മ ചിത്രങ്ങളുടെ മൂല്യത്തെപ്പറ്റിയും തമ്പുരാട്ടി വിശദീകരിച്ചു.

1889 -ലെ റോയൽക്കോടതി വിധി സംഗ്രഹം പുലിക്കോട്ടിൽ ജോസഫ് മാർ ദിവന്നാസിയോസ് അഞ്ചാമന് വിവരിച്ച് നൽകുന്നതാണ് ചിത്രത്തിന്റെ പശ്ചാത്തലം.

ചിത്രത്തിന്റെ ഉള്ളടക്കത്തെപ്പറ്റി കോട്ടയം പഴയ സെമിനാരി മാനേജർ ഫാ.ജോബിൻ വർഗീസ് വിവരിച്ചു. ഫാ.തോമസ് കുര്യൻ മരോട്ടിപ്പുഴ, ഷാജി ഏബ്രഹാം, ജയ്സൺ ടി. വർഗീസ് എന്നിവരും ഒപ്പമുണ്ടായിരുന്നു

പുതുപ്പളളി പള്ളി പെരുന്നാൾ : സാംസ്കാരിക സമ്മേളനം നാളെ (3/05/2026)

noreply@blogger.com (പുതുപ്പള്ളി പള്ളി) — Sat, 02 May 2026 10:23:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി വലിയ പള്ളിയിലെ പെരുന്നാളിനോട് അനുബന്ധിച്ചുള്ള സാംസ്കാരിക സമ്മേളനം നാളെ

രാവിലെ 8.30 ന് കോട്ടയം ഭദ്രാസനാധിപൻ ഡോ യുഹാനോൻ മാർ ദിയസ്കോറോസിൻ്റെ മുഖ്യകാർമികത്വത്തിൽ വി.മൂന്നിമേൽ കുർബ്ബാന. തുടർന്ന് നടക്കുന്ന സാംസ്‌കാരിക സമ്മേളനം തിരുവിതാംകൂർ രാജകുടുംബാംഗം അശ്വതി തിരുനാൾ ഗൗരി ലക്ഷ്മി ഭായി തമ്പുരാട്ടി ഉത്ഘാടനം ചെയ്യും.

വിദ്യാഭ്യാസ സാമൂഹിക മേഖലകളിലെ സംഭാവനകൾ പരിഗണിച്ച് ഈ വർഷത്തെ ഓർഡർ ഓഫ് സെൻ്റ് ജോർജ് അവാർഡ് ഡോ. ഗീവർഗീസ് യോഹന്നാന് സമ്മാനിക്കും.ഡോയുഹാനോൻ മാർ ദിയസ്കോറസ് അനുഗ്രഹ പ്രഭാഷണം നടത്തും.

ഐഐഇഎംഎസ് ചെയർമാൻ ഡോ. ജോർജ് പി ഏബ്രഹാം പട്ടശ്ശേരിൽ, അറ്റ്മോ സ്ഫറിക് സയൻസ് ആൻഡ് ടെക്നോളജി സയൻ്റിസ്റ്റ് ഡോ. ജോൺ പി ജോർജ്, ഫ്രാൻസിസ് ജോർജ് എം പി, തിരുവഞ്ചൂർ രാധാകൃഷ്ണൻ എം എൽ എ, ചാണ്ടി ഉമ്മൻ എംഎൽഎ , വൈദീക ട്രസ്റ്റി റവ.ഡോ. തോമസ് വർഗീസ് അമയിൽ, അൽമായ ട്രസ്റ്റി റോണി വർഗീസ് ഏബ്രഹാം, അസോസിയേഷൻ സെക്രട്ടറി അഡ്വ. ബിജു ഉമ്മൻ, വികാരി ഫാ. ആൻഡ്രൂസ് റ്റി ജോൺ എന്നിവർ പങ്കെടുക്കും

പുതുപ്പള്ളി സെൻ്റ് ജോർജ് ഓർത്തഡോക്സ് വലിയ പള്ളി യിൽ വിശുദ്ധ ഗീവർഗീസ് സഹദായുടെ പെരുന്നാളിന് ഇന്നു കൊടിയേറും

noreply@blogger.com (പുതുപ്പള്ളി പള്ളി) — Tue, 28 Apr 2026 07:18:00 +0000

ഉച്ചയ്ക്കു 2ന് എറികാട്, പുതുപ്പള്ളി കരകളിൽ നിന്നു കൊടിമര ഘോഷയാത്ര ആരംഭിക്കും. വൈകിട്ട് 5നു സക്കറിയ മാർ സേവേറിയോസ് കൊടിയേറ്റും. വൈദ്യുതി ദീപാലങ്കാരങ്ങളുടെ സ്വിച്ച് ഓൺ കർമം വികാരി ഫാ.ആൻഡ്രൂസ് ടി.ജോൺ നിർവഹിക്കും.

ദിവസവും രാവിലെ കുർബാനയും മധ്യസ്ഥപ്രാർഥനയും 5.30 നു സന്ധ്യാനമസ്കാരവും നടക്കും. മേയ് ഒന്നു മുതൽ 4 വരെ പുതുപ്പള്ളി കൺവൻഷനും നട ക്കും.

നാളെ രാവിലെ 10നു വയോജനസംഗമം. മേയ് 2നു രാവിലെ 9നു വെച്ചൂട്ടിനുള്ള മാങ്ങ അരിയൽ. 3നു രാവിലെ 11.30നു സാംസ്കാരിക സമ്മേളനം അശ്വതി തിരുനാൾ ഗൗരി ലക്ഷ്മി ബായി ഉദ്ഘാടനം ചെയ്യും. ഓർഡർ ഓഫ് സെന്റ് ജോർജ് അവാർഡ് എംജിഎം ഇൻസ്റ്റിറ്റ്യൂഷൻസ് ചെയർമാൻ ഗീവർഗീസ് യോഹന്നാനു സമ്മാനിക്കും.

4നു രാവിലെ 10ന് എംജിഒസിഎസ്എമ്മിന്റെ നേതൃത്വത്തിൽ അഖില കേരള സംഗീത മത്സരം, കോട്ടയം ഭദ്രാസനം മർത്തമറിയം സമാജം സമ്മേളനം, പാറയ്ക്കൽ അന്നമ്മ കുര്യാക്കോസ് മെമ്മോറിയൽ ക്വിസ് മത്സരം എന്നിവ നടക്കും.

മേയ് 5,6,7 തീയതികളാണു പ്രധാന പെരുന്നാൾ. 5നു വിവിധ കുരിശടികളിൽനിന്നുള്ള പുതുപ്പള്ളി തീർഥാടനം. 6നു 11നു പൊന്നിൻകുരിശ് മദ്‌ബഹയിൽ സ്ഥാപിക്കും. ഉച്ചയ്ക്കു 2നു വിറകിടീൽ ഘോഷയാത്ര.

രാത്രി 7നു ഗീവർഗീസ് സഹദാ അനുസ്മരണ പ്രഭാഷണം: യാക്കോബ് റമ്പാൻ. തുടർന്നു പ്രദക്ഷിണം.

വലിയ പെരുന്നാൾ ദിനമായ 7നു പുലർച്ചെ ഒന്നിനു വെച്ചൂട്ടിനുള്ള അരിയിടീൽ ചടങ്ങ്. രാവിലെ 8നു ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുടെ മുഖ്യകാർമികത്വത്തിൽ ഒൻപതിന്മേൽ കുർബാന. തുടർന്നു വെച്ചൂട്ട് നേർച്ചസദ്യയും കുട്ടികൾക്കുള്ള ആദ്യ ചോറൂട്ടും നടക്കും. ഉച്ചയ്ക്ക് 2നു പ്രദക്ഷിണം. വൈകിട്ട് 4നു നേർച്ചവിളമ്പ്. മേയ് 23നു പെരുന്നാൾ സമാപിക്കും.

മുണ്ടത്തിക്കോട് അപകടം; പുതുപ്പള്ളി വലിയപള്ളി പെരുന്നാളിന് വെടിക്കെട്ട് ഉപേക്ഷിച്ചു

noreply@blogger.com (പുതുപ്പള്ളി പള്ളി) — Sun, 26 Apr 2026 18:56:00 +0000

കോട്ടയം പുതുപ്പള്ളി വലിയ പള്ളി പെരുന്നാളിന് വെടിക്കെട്ട് ഉപേക്ഷിച്ചു. മുണ്ടത്തിക്കോട് വെടികെട്ടുപ്പുര അപകടത്തിൻ്റെ പശ്ചാത്തലത്തിലാണ് തീരുമാനം. ഇതുമായി ബന്ധപ്പെട്ട് മലങ്കര സഭാധ്യക്ഷൻ്റെ ആഹ്വാനം ആഗോള തീർത്ഥാടന കേന്ദ്രം ഏറ്റെടുത്തു. മെയ് മാസം നടക്കുന്ന പ്രധാന പെരുന്നാളിൽ വെടിക്കെട്ട് ഉണ്ടാവില്ലെന്ന് ഇടവക ഭരണസമിതി അറിയിച്ചു.

പുതുപ്പള്ളി സെന്റ് ജോര്‍ജ് ഓര്‍ത്തഡോക്സ് പള്ളിയില്‍ മെയ് 23 വരെയാണ് ഗീവര്‍ഗീസ് സഹദായുടെ പെരുന്നാള്‍ നടക്കുന്നത്. ദുരന്തത്തിന്റെ പശ്ചാത്തലത്തില്‍ ഇത്തവണ വിപുലമായ ആഘോഷപരിപാടികള്‍ ഒഴിവാക്കണമെന്ന സഭാ അധ്യക്ഷന്റെ ആഹ്വാനം പള്ളി ഭരണസമിതി അംഗീകരിക്കുകയായിരുന്നു. ദുരന്ത പശ്ചാത്തലത്തില്‍ പത്തനംതിട്ട ചന്ദനപ്പള്ളിയും വെടിക്കെട്ട് ഉപേക്ഷിച്ചിരുന്നു. ചന്ദനപള്ളി വലിയ പെരുന്നാളിനോട് അനുബന്ധിച്ചുള്ള വെടിക്കെട്ടാണ് ഉപേക്ഷിച്ചത്. തുക ജീവകാരുണ്യ പ്രവര്‍ത്തനത്തിന് നല്‍കാനാണ് തീരുമാനം. ആഗോള ജോര്‍ജ്ജിയന്‍ തീര്‍ത്ഥാടന കേന്ദ്രമാണ് ചന്ദനപ്പള്ളി വലിയ പള്ളി. മെയ് 7, 8 തീയതികളിലാണ് പ്രധാന പെരുന്നാള്‍ നടക്കുന്നത്.

പുതുപ്പള്ളി പാറേട്ട് ആശുപത്രിയുടെ നിയന്ത്രണം പരുമല ആശുപത്രി മാനേജ് മെൻ്റ് ഏറ്റെടുക്കുന്നു

noreply@blogger.com (പുതുപ്പള്ളി പള്ളി) — Mon, 30 Mar 2026 20:58:00 +0000

കോട്ടയത്ത് പുതുപളളിയിൽ പ്രവർത്തിക്കുന്ന പാറേട്ട് മാർ ഈവാനിയോസ് ആശുപത്രിയുടെ ഭരണ നിയന്ത്രണവും, പ്രവർത്തന ചുമതലയും പരുമല സെൻ്റ്. ഗ്രിഗോറിയോസ് മെഡിക്കൽ മിഷൻ മൾട്ടി സ്പെഷ്യാൽറ്റി ആശുപത്രി ഏറ്റെടുക്കുന്നു. ഏപ്രിൽ 1 ന് ഉച്ചകഴിഞ്ഞ് 3 ന് ഓർത്തഡോക്സ് സഭ കോട്ടയം ഭദ്രാസനാധിപൻ ഡോ.യുഹാനോൻ മാർ ദിയസ്കോറസിൻ്റെ അധ്യക്ഷതയിൽ ചേരുന്ന യോഗത്തിൽ കാതോലിക്കാ ബസേലിയോസ് മാർത്തോമ്മാ മാത്യൂസ് തൃതീയൻ ബാവ ആശിർവാദം നിർവ്വഹിക്കും. ഇതോടെ പരുമല ആശുപത്രിയിലെ ഡോക്ടർമാരുടെ മേൽനോട്ടത്തിൽ പരിശോധനകളും മറ്റ് സൗകര്യങ്ങളും ഇവിടെയും ലഭ്യമാകും

മലങ്കര ഓർത്തഡോക്സ് സഭ പാറാട്ട് മാർ ഇവാനിയോസ് മെത്രാപ്പോലീത്തായുടെ നാമധേയത്തിൽ 1982 ക്ലിനിക് ആയി ആരംഭിക്കുകയും ഇപ്പോൾ 50 ബെഡ് ഉള്ള ആശുപത്രിയായി ഉയർത്തപ്പെട്ട പാറാട്ട് ആശുപത്രി 2026 ഏപ്രിൽ ഒന്നാം തീയതി മുതൽ പരുമല ആശുപത്രി പ്രവർത്തന ചുമതലയും ഭരണ ചുമതല ഏറ്റെടുക്കുന്നു .പരുമല ആശുപത്രിയുടെ സി ഇ ഒ റവറന്റ് ഫാദർ എം സി പൗലോസ് അച്ഛന് ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസോല്യോസ് മാർത്തോമ മാത്യൂസ് തൃതിയൻ കാതോലിക്കാബാ തിരുമേനി ഔദ്യോഗികമായി താക്കോൽ കൈമാറും.

സഭയുടെ മെത്രാപ്പോലീത്തമാരും , പാറാട്ട് ആശുപത്രിയുടെ അഡ്മിനിസ്ട്രേറ്റർ ,സഭ സ്ഥാനികളും , വൈദികരും ,പള്ളി സ്ഥാനികളും, വിവിധ രാഷ്ട്രീയ നേതാക്കന്മാരും, പുതുപ്പള്ളി ,മീനടം ,പനച്ചിക്കാട് , വാകത്താനം പഞ്ചായത്തിൽ നിന്നുള്ള രാഷ്ട്രീയപ്രതിനിധികളും ,വാർഡ് പ്രതികളും , ഡോക്ടേഴ്സ് ,സ്റ്റാഫ് അംഗങ്ങൾ ,മുൻ സ്റ്റാഫ് അംഗങ്ങളും എല്ലാം സമ്മേളനത്തിൽ പങ്കെടുക്കും.

പുതുപ്പള്ളി പെരുന്നാൾ ; ഒരുക്കങ്ങൾക്ക് തുടക്കം

noreply@blogger.com (പുതുപ്പള്ളി പള്ളി) — Mon, 09 Mar 2026 18:30:00 +0000

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ വിശുദ്ധ ഗീവർഗീസ് സഹദായുടെ പെരുന്നാൾ മേയ് 5,6,7 തീയതികളിൽ നടക്കും. ഏപ്രിൽ 28നു പെരുന്നാൾ കൊടിയേറ്റ്. മേയ് 1 മുതൽ 4 വരെ പുതുപ്പള്ളി കൺവൻഷൻ. മേയ് 3നു നടക്കുന്ന സാംസ്കാരിക സമ്മേളനത്തിൽ ഓർഡർ ഓഫ് സെന്റ് ജോർജ് പുരസ്കാരം എംജിഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ചെയർമാൻ ഡോ. ഗീവർഗീസ് യോഹന്നാന് നൽകും. മേയ് 5നു മൂന്നിന്മേൽ കുർബാന, പുതുപ്പള്ളി തീർഥാടനം, തീർഥാടകർക്കു സ്വീകരണം, വൈകിട്ട് പള്ളിയുടെ 6 കരകളിൽ സ്ഥാപിച്ചിരിക്കുന്ന കുരിശടികളിൽനിന്നു പള്ളിയിലേക്ക് പ്രദക്ഷിണം, പള്ളിയങ്കണത്തിൽ തീർഥാടക സംഗമം. തുടർന്ന് ആകാശവിസ്മയം.

മേയ് 6നു മെത്രാപ്പൊലീത്തമാരുടെ കാർമികത്വത്തിൽ അഞ്ചിന്മേൽ കുർബാന, രാവിലെ 11നു പൊന്നിൻ കുരിശ് ത്രോണോസിൽ പ്രതിഷ്ഠിക്കും. 5നു വെച്ചൂട്ട് സദ്യ ഒരുക്കുന്നതിനുള്ള വിറകിടീൽച്ചടങ്ങ്, പന്തിരുനാഴി പുറത്തെടുക്കൽ, സന്ധ്യാനമസ്കാരത്തിനു ശേഷം പുതുപ്പള്ളി കവലചുറ്റി പ്രദക്ഷിണം. പ്രധാന പെരുനാൾ ദിവസമായ മേയ് 7നു പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുടെ കാർമികത്വത്തിൽ ഒൻപതിന്മേൽ കുർബാന. തുടർന്ന് വെച്ചൂട്ട് നേർച്ചസദ്യ, കുട്ടികൾക്കുള്ള ആദ്യ ചോറൂണ്, 2നു നടക്കുന്ന സമാപന പ്രദക്ഷിണത്തിനു ശേഷം അപ്പവും കോഴിയിറച്ചിയും നേർച്ച. ഏപ്രിൽ 28 മുതൽ മേയ് 10 വരെ പള്ളിയും പരിസരവും ഫെസ്റ്റിവൽ ഏരിയ ആയിരിക്കും.

മേയ് 5,6,7 തീയതികളിൽ സംസ്ഥാനത്തിന്റെ വിവിധ ഭാഗങ്ങളിൽനിന്നും തമിഴ്നാട്ടിൽനിന്നും പള്ളിയിലേക്ക് കെഎസ്ആർടിസി സ്പെഷൽ സർവീസുകൾ നടത്തും. പെരുന്നാൾ ഒരുക്കങ്ങൾക്കായി 1001 പേരുടെ കമ്മിറ്റി രൂപീകരിച്ചു. വികാരി ഫാ. ആൻഡ്രൂസ് ടി.ജോൺ തയ്യിടയിൽ അധ്യക്ഷത വഹിച്ചു. പെരുന്നാൾ ചടങ്ങുകൾക്ക് വികാരി ഫാ. ആൻഡ്രൂസ് ടി.ജോൺ തയ്യിടയിൽ, സഹവികാരിമാരായ ഫാ. കുര്യാക്കോസ് ഏലിയാസ് വടക്കേൽ, ഫാ. കുര്യാക്കോസ് ബേബി കുളത്തിൽ, ഫാ. വർഗീസ് മാത്യു വലിയപുഞ്ചാൽ, ട്രസ്റ്റിമാരായ ജയിംസുകുട്ടി പി.ചാക്കോ പാലാക്കുന്നേൽ, ജോർജ് തോമസ് പുതുപ്പനത്ത്, സെക്രട്ടറി അനീഷ് പി.തോമസ് പാപ്പാല എന്നിവർ നേതൃത്വം നൽകും.

പുതുപ്പള്ളി പള്ളിയിലെ സൺഡേ സ്കൂൾ പ്രവേശനോത്സവം ഉദ്ഘാടനം അഭി.ഡോ. ഗീവർഗീസ് മാർ തെയോഫിലോസ് മെത്രാപ്പോലീത്ത തിരുമനസ്സുകൊണ്ട് നിർവഹിച്ചു.

noreply@blogger.com (പുതുപ്പള്ളി പള്ളി) — Mon, 05 Jan 2026 08:12:00 +0000

പുതുപ്പള്ളി പള്ളിയിലെ സൺഡേ സ്കൂൾ പ്രവേശനോത്സവം ഉദ്ഘാടനം

അഭി.ഡോ. ഗീവർഗീസ് മാർ തെയോഫിലോസ് മെത്രാപ്പോലീത്ത തിരുമനസ്സുകൊണ്ട് നിർവഹിച്ചു.

അഭിവന്ദ്യ തിരുമനസ്സുകൊണ്ട് പള്ളി സൺഡേ സ്കൂളുകളുടെ പ്രവേശനോത്സവം ജോഷ്വാ വർഗീസ് ജിതിന് കത്തിച്ച തിരി നൽകിക്കൊണ്ട് ഉദ്ഘാടനം ചെയ്തു.

പള്ളിയുടെ ബഹു. വികാരി, ബഹു.സഹ വികാരിമാർ, നാല് സ്കൂളുകളുടെ ഹെഡ്മാസ്റ്റർമാർ എന്നിവർ പ്രവേശനോത്സവത്തിന് നേതൃത്വം നൽകി.

പുതുപ്പള്ളി വലിയപള്ളി പെരുന്നാൾ മെയ് 23 വരെ . പ്രധാന പെരുന്നാൾ 5, 6, 7 തീയ്യതികളിൽ

noreply@blogger.com (പുതുപ്പള്ളി പള്ളി) — Tue, 29 Apr 2025 21:37:00 +0000

പൗരസ്ത്യ ജോർജിയൻ തീർത്ഥാടന കേന്ദ്രമായ പുതുപ്പള്ളി പള്ളിയിൽ വി.ഗീവറുഗീസ് സഹദായുടെ രക്തസാക്ഷിദിനമായ ഏപ്രിൽ 23 മുതൽ മെയ് 23 വരെ സഹദാ സാന്നിദ്ധ്യാനുസ്‌മരണ ദിനങ്ങളായി ആചരിക്കും.

ഏപ്രിൽ 28-ന് പെരുന്നാൾ കൊടിയേറി. വികാരി റവ.ഫാ.ഡോ. വർഗീസ് വർഗീസ് കൊടിയേറ്റ് കർമ്മം നിർവ്വഹിച്ചു.

രണ്ട് കൊടിമരങ്ങൾ പുതുപ്പള്ളി പെരുന്നാളിന്റെ സവിശേഷതയാണ്. .

പെരുന്നാളിനോട് അനുബന്ധിച്ചുള്ള പുതുപ്പള്ളി കൺവൻഷൻ മെയ് 1,2,3 തീയതികളിൽ നടക്കും. വൈകുന്നേരം സന്ധ്യ നമസ്‌കാരത്തിനുശേഷം കൺവൻഷൻ ആരംഭിക്കും.

റവ.മത്തായി ഇടയനാൽ കോർ എപ്പീസ്കോപ്പ, റവ.ജോസഫ് കറുകയിൽ കോർ എപ്പിസ്കോപ്പ, ഫാ.ജോജി കെ.ജോയി അടൂർ എന്നിവർ വചന സന്ദേശം നൽകും.

മെയ് 1 ന് 9 മണിക്ക് വെച്ചൂട്ടു നേർച്ച സദ്യയ്ക്ക് ആവശ്യമായ അച്ചാറിന് മാങ്ങാ അരിയൽ ചടങ്ങ് നിർവ്വഹിക്കും.

മെയ് 4 ന് കോട്ടയം ഭദ്രാസനാധിപൻ ഡോ.യൂഹാനോൻ മാർ ദീയസ്കോറോസ് മുഖ്യ കാർമ്മീകത്വത്തിൽ വി.മൂന്നിന്മേൽ കുർബ്ബാന . 11 മണിക്ക് പെരുന്നാളിനോടു അനുബന്ധിച്ചുള്ള സാംസ്‌കാരിക സമ്മേളനം. ഡോ. യുഹാനോൻ മാർ ദിയസ്കോറസ് അദ്ധ്യക്ഷത വഹിക്കും.മഹാരാഷ്ട്ര ഗവർണർ സി.പി.രാധാകൃഷ്‌ണൻ സമ്മേളനം ഉദ്ഘാടനം ചെയ്യും.സഹകരണ രജിസ്ട്രേഷൻ വകുപ്പു മന്ത്രി വി.എൻ. വാസവൻ മുഖ്യ സന്ദേശം നൽകും. പെരുന്നാളിനോട് അനുബന്ധിച്ച് പുതുപ്പള്ളി പള്ളി നൽകിവരുന്ന 'ഓർഡർ ഓഫ് സെന്റ് ജോർജ് അവാർഡ്' മലങ്കര സഭയുടെ വലിയ മെത്രാപ്പോലീത്ത കുറിയാക്കോസ് മാർ ക്ലിമീസ് തിരുമേനിക്ക് ഗവർണർ നൽകും. സമ്മേളനത്തിൽ ഫ്രാൻസിസ് ജോർജ് എം.പി., തിരുവഞ്ചൂർ രാധാകൃഷ്ണൻ എം.എൽ.എ, ചാണ്ടി ഉമ്മൻ എം.എൽ.എ, വൈദിക ട്രസ്റ്റി ഫാ. തോമസ് വർഗീസ് അമയിൽ എന്നിവർ സംസാരിക്കും.

4-ാം തീയതി ഉച്ചകഴിഞ്ഞ് 2.30-ന് വെച്ചൂട്ടിനുള്ള ചമ്മന്തിപ്പൊടി തയ്യാറാക്കും.

മെയ് 5, 6, 7 തീയതികൾ ആണ് പ്രധാന പെരുന്നാൾ ദിനങ്ങൾ.

5-ാം തീയതി തീർത്ഥാടന സംഗമം. വൈകുന്നേരം കൊച്ചാലുംമൂട് ഓർത്തഡോക്‌സ് സെൻ്റർ, കൈമറ്റം ചാപ്പൽ, പാറക്കൽ കടവ്, കാഞ്ഞിരത്തിൻമൂട്, വെട്ടത്തുകവല, കൊച്ചക്കാല എന്നീ കുരിശടിക ളിൽ സന്ധ്യനമസ്ക‌കാരത്തിനുശേഷം പള്ളിയിലേക്ക് പ്രദക്ഷിണം.

വൈകിട്ട് 7 ന് വി.ഗീവർഗീസ് സഹദാ അനുസ്‌മരണ പ്രഭാഷണം വൈദിക ട്രസ്റ്റി ഫാ. തോമസ് വർഗീസ് അമയിൽ നിർവ്വഹിക്കും.

മെയ് 6 ന് ഡോ.ഏബ്രഹാം മാർ സ്തേഫാനോസ് മെത്രാപ്പോലീത്തായുടെ മുഖ്യ കാർമ്മീകത്വത്തിൽ വിശുദ്ധ അഞ്ചിന്മേൽ കുർബ്ബാനയ്ക്കുശേഷം പതിനൊന്നു മണിയോടുകൂടി പൊന്നിൻകുരിശ് വിശുദ്ധ മദ്ബഹായിൽ സ്ഥാപിക്കും. ഉച്ചകഴിഞ്ഞ് 2 മണിക്കാണ് വിറകിടീൽ ഘോഷയാത്ര. 4.30ന് പന്തിരുനാഴി ആഘോഷ പൂർവ്വം പുറത്തെടുക്കും. 5.30-ന് മലങ്കര ഓർത്തഡോക്‌സ് സഭയുടെ പരമാദ്ധ്യക്ഷൻ പരി.കാതാലിക്കാ ബാവായുടെ പ്രധാന കാർമ്മീകത്വത്തിലും, അഭി.യൂഹാനോൻ മാർ ദീയസ്കോറോസ് മെത്രാപ്പോലീത്തായുടെ പ്രധാന കാർമ്മീകത്വത്തിലും സന്ധ്യ നമസ്കാരം. തുടർന്ന് നിലക്കൽ പള്ളി, പുതുപ്പള്ളി കവല ചുറ്റിയുള്ള പ്രദക്ഷിണം.

വലിയ പെരുന്നാൾ ദിനമായ മെയ് 7ന് വെളുപ്പിന് 1 മണിക്കാണ് വെച്ചൂട്ട് നേർച്ച സദ്യക്കുള്ള അരിയിടൽ കർമ്മം, രാവിലെ 5 മണിക്കും 8 മണിക്കും രണ്ട് വിശുദ്ധ കുർബ്ബാന ഉണ്ടാകും. 7.30 ന് ആരംഭിക്കുന്ന രണ്ടാമത്തെ വി. ഒമ്പതിന്മേൽ കുർബ്ബാനയ്ക്ക് ബസേലിയോസ് മാർത്തോമ്മാ മാത്യൂസ് തൃതിയൻ കാതോലിക്കാബാവാ മുഖ്യകാർമികത്വം വഹിക്കും. തുർന്നാണ് വെച്ചൂട്ടു നേർച്ച സദ്യയും കുട്ടികൾക്കുള്ള ആദ്യ ചോറുട്ടും. പെരുന്നാളിന് എത്തുന്ന ഭക്തജനങ്ങൾക്ക് ഭക്ഷണം വിളമ്പുന്ന വിശിഷ്‌ടകർമ്മമാണ് വെച്ചൂട്ട്. കുട്ടികൾക്ക് ആദ്യമായി ചോറ് കൊടുക്കാൻ അനേകം മാതാപിതാക്കൾ ഈ ദിവസം പള്ളിയിലെത്താറുണ്ട്. കുട്ടികളില്ലാതിരുന്ന ദമ്പതികൾ പ്രാർത്ഥനയിലൂടെ തങ്ങൾക്ക് ലഭ്യമായ കുട്ടികളെ ഈ ചടങ്ങിൽ പങ്കെടുപ്പിക്കുന്നു. ഉച്ചയ്ക്കുശേഷം 2 മണിക്കാണ് ഇരവിനല്ലൂർ കവല ചുറ്റിയുള്ള പ്രദക്ഷിണം ചരിത്രപ്രസിദ്ധമായ പൊന്നിൻകുരിശും അകമ്പടിയായി അനേക വെള്ളിക്കുരിശും ആയിരക്കണക്കിന് മുത്തുക്കുടകളും വഹിച്ചു കൊണ്ടുള്ള പ്രദക്ഷിണം ഏഷ്യയിലെ തന്നെ ഏറ്റവും വലിയ പ്രദക്ഷിണങ്ങളിലൊ ന്നാണ്. 4 മണിക്ക് അപ്പവും പാകപ്പെടുത്തിയ കോഴിയിറച്ചിയും നേർച്ചയായി ഭക്തർക്ക് നൽകും. അതോടെ പ്രധാന പെരുന്നാൾ ചടങ്ങുകൾ സമാപിക്കും. മെയ് 23-ാം തീയതി കൊടിയിറങ്ങുന്നതുവരെ പള്ളിയിൽ ഗീവറുഗീസ് സഹദായുടെ സാന്നിധ്യാനുസ്മരണ ദിനങ്ങളായി ആചരിക്കും. ഈ ദിവസങ്ങളിൽ വിശുദ്ധ കുർബാനയും പ്രത്യേകം മധ്യസ്ഥപ്രാർത്ഥനയും ഉണ്ടായിരിക്കും.

വികാരി ഫാ. ഡോ. വർഗീസ് വർഗീസ് കല്ലൂർ, സഹവികാരിമാരായ ഫാ. കുര്യാക്കോസ് ഈപ്പൻ ഊളയ്ക്കൽ, ഫാ.ബ്ലസൻ മാത്യു ജോസഫ് വാഴക്കാലായിൽ, ഫാ. വർഗീസ് പി വർഗീസ് ആനിവയലിൽ, ട്രസ്റ്റിമാരായ പി എം ചാക്കോ പാലാക്കുന്നേൽ, ജോണി ഈപ്പൻ നെല്ലിശ്ശേരിൽ, സെക്രട്ടറി മോനു. പി. ജോസഫ് പ്ലാപ്പറമ്പിൽ തുടങ്ങിയവർ നേതൃത്വം നൽകും.

പരുമല തിരുമേനിയുടെ കബറിടത്തിലേക്കുള്ള തീർഥയാത്ര ഒക്ടോബര് 31 ന് {31/10/2024}

noreply@blogger.com (പുതുപ്പള്ളി പള്ളി) — Wed, 30 Oct 2024 18:01:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ നിന്നു പരിശുദ്ധ പരുമല തിരുമേനിയുടെ കബറിടത്തിലേക്കുള്ള തീർഥയാത്ര ഒക്ടോബര് 31 ന് നടക്കും. രാവിലെ അഞ്ചിന് പള്ളിയങ്കണത്തിൽ നിന്നും പ്രത്യേക പ്രാർഥനയെത്തുടർന്ന് തീർഥയാത്ര ആരംഭിക്കും. തെങ്ങണ, പെരുന്തുരുത്തി, കാവുംഭാഗം, പൊടിയാടി വഴി പരുമല കബറിങ്കൽ എത്തിച്ചേരും. തിരികെ വാഹന സൗകര്യമുണ്ട്.

തീർഥയാത്രയ്ക്ക് വികാരി ഫാ. ഡോ.വർഗീസ് വർഗീസ്, സഹവികാരിമാരായ ഫാ. കുര്യാക്കോസ് ഈപ്പൻ, ഫാ.ബ്ലസ്സൻ മാത്യു ജോസഫ്, ഫാ.വർഗീസ് പി.വർഗീസ്, ട്രസ്റ്റിമാരായ ഫിലിപ്പോസ് വി.ഏ ബ്രഹാം, എൻ.കെ.മാത്യു, സെക്രട്ടറി സിബി ജോസഫ്, തീർഥയാത്ര കൺവീനർമാരായ വി.എ.പോത്തൻ, തമ്പി ജോസഫ്, ജോണി ഈപ്പൻ, വി.സി.ആൻഡ്രൂസ് എന്നിവർ നേതൃത്വം നൽകും.

തട്ടിൻപുറം കുന്നിലെ സന്യാസി ശ്രേഷ്ഠൻറെ 2ാം ഓർമ്മദിവസം

noreply@blogger.com (പുതുപ്പള്ളി പള്ളി) — Wed, 04 Sep 2024 07:36:00 +0000

ഒരു സന്യാസി എങ്ങനെ ആയിരിക്കണം, അല്ലെങ്കിൽ എങ്ങനെ ആകണമെന്ന് തൻ്റെ ജീവിതം കൊണ്ട് നമ്മെ കാണിച്ച് തന്ന വന്ദ്യ ജോർജ് ഫിലിപ്പ് അച്ഛൻ്റെ രണ്ടാം ഓർമദിനം അച്ഛൻ കബറടങ്ങിയിരിക്കുന്ന (ഒരു പക്ഷെ അച്ഛൻ സന്യാസ ജീവിതം പഠിച്ച ഗീവർഗീസ് മാർ ഇവാനിയോസ് തിരുമേനിയുടെ) ഞാലിയകുഴി ദയറായിൽ 4/9/2024 ൽ കൊണ്ടാടുന്നു.

ഞാലിയാകുഴി മാർ ബസേലിയോസ് ദയറാ മുൻ സുപ്പീരിയറും പുതുപ്പള്ളി സെന്റ് ജോർജ് വലിയപള്ളി ഇടവകാംഗവുമായ ഫാ. ജോർജ് ഫിലിപ്പ് (70) . പുതുപ്പള്ളി മണലും ഭാഗത്ത് പരേതരായ പി. ജെ. ജോർജിന്റെയും വടശ്ശേരിൽ മറിയാമ്മ ജോർജിന്റെയും മകനാണ്.

നിയമത്തിൽ ബിരുദവും, ഇംഗ്ലീഷ്, മലയാള ഭാഷകളിൽ ബിരുദാനന്തര ബിരുദവും, കോട്ടയം വൈദിക സെമിനാരിയിൽ നിന്ന് വേദശാസ്ത്ര ബിരുദവും നേടി. പരിശുദ്ധ ബസേലിയോസ് മാർത്തോമാ മാത്യൂസ് പ്രഥമൻ ബാവായിൽ നിന്നും വൈദിക പട്ടം സ്വീകരിച്ചു. കോട്ടയം ഭദ്രാസന മുൻ മെത്രാപ്പോലിത്ത പാറേട്ട് മാത്യൂസ് മാർ ഈവാനിയോസ് തിരുമേനി അച്ചൻ്റെ ബന്ധുവും ഗുരുവുമാണ്.മറ്റൊരു ബന്ധുവാണ് അമേരിക്കൻ ഭദ്രാസന മെത്രാപ്പോലീത്ത സഖറിയാസ് മാർ നിക്കോളാസ് . പാമ്പാടി ബി. എം. എം. ഇംഗ്ലിഷ് മീഡിയം ഹയർ സെക്കൻഡറി സ്കൂൾ വൈസ് പ്രിൻസിപ്പലായും, കോട്ടയം, ഇടുക്കി ഭദ്രാസനങ്ങളിലെ നിരവധി ദേവാലയങ്ങളിൽ വികാരിയായും സേവനമനുഷ്ഠിച്ചു. പ്രകൃതിക്കിണങ്ങുന്ന ജീവിത ശൈലിയും, ജൈവകൃഷിയും, അപൂർവ്വ ഇനങ്ങളിലുള്ള നാടൻ പശുക്കളുടെ പരിപാലനവും, അപൂർവ്വ വിത്തിനങ്ങളും, ഔഷധ സസ്യങ്ങൾ സംരക്ഷിക്കുന്നതിലും താത്പര്യമെടുത്തിരുന്നു.

യോഹന്നാന്റെ സുവിശേഷത്തിന് ഭാഷ്യം, പൗരസ്ത്യ പിതാവായ മാർ അത്താനാസിയോസിന്റെ പ്രഭാഷണങ്ങൾ തുടങ്ങിയ ഗ്രന്ഥങ്ങളുടെ പരിഭാഷകനായ അച്ചൻ ഏകാന്തവാസത്തിലും മൗനത്തിലും ബസേലിയോസ് ദയറായിൽ താമസിച്ചിരുന്നു. ബഹുമാനപെട്ട അച്ചന്റെ രണ്ടാം ഓർമ ഇന്ന് ഞാലിയാകുഴി ദയറായിൽ കൊണ്ടാടുന്നു

'2nd Memorial Feast of Rev. Fr. George Philip

പുതുപ്പള്ളി പള്ളിയിൽ പാറേട്ട് മാത്യൂസ് മാർ ഈവാനിയോസ് മെത്രാപ്പൊലീത്തയുടെ 44-ാം ഓർമപ്പെരുന്നാൾ

noreply@blogger.com (പുതുപ്പള്ളി പള്ളി) — Tue, 03 Sep 2024 04:00:00 +0000

പുതുപ്പള്ളി ഇടവകാംഗവും കോട്ടയം ഭദ്രാസന മെത്രാപ്പൊലീത്തയുമായിരുന്ന പാറേട്ട് മാത്യൂസ് മാർ ഈവാനിയോസ് മെത്രാപ്പൊലീത്തയുടെ 44-ാം ഓർമപ്പെരുന്നാൾ ഏഴാംതീയതി ആചരിക്കും വികാരി ഫാ. കുര്യാക്കോസ് ഈപ്പൻ ഊളയൽ, സഹ വികാരിമാരായ ഫാ. ബ്ലസൻ മാത്യു ജോസഫ് വാഴക്കാലായിൽ, ഫാ. വർഗീസ് പി.വർഗീസ് ആനി വയലിൽ, കൈക്കാരന്മാരായ ഫിലിപ്പോസ് വി. എബ്രഹാം വന്നല, എൻ.കെ.മാത്യു നെല്ലിശ്ശേരിൽ, സെക്രട്ടറി സിബി ജോസഫ് കൊക്കുറ എന്നിവർ നേതൃത്വം നൽകും.

പാറേട്ട് മാത്യൂസ് മാർ ഈവാനിയോസ് തിരുമേനിയുടെ 44-ാം ഓർമ്മപ്പെരുന്നാൾ

noreply@blogger.com (പുതുപ്പള്ളി പള്ളി) — Thu, 29 Aug 2024 16:16:00 +0000

പുതുപ്പള്ളി ഇടവകാംഗവും കോട്ടയം ഭദ്രാസന മെത്രാപ്പൊലീത്തയുമായിരുന്ന ഭാഗ്യസ്മരണാർഹനായ പാറേട്ട് മാത്യൂസ് മാർ ഈവാനിയോസ് തിരുമേനിയുടെ 44-ാം ഓർമ്മപ്പെരുന്നാൾ ആഗസ്റ്റ് 30, 31 (വെള്ളി, ശനി) ദിവസങ്ങളിൽ അദ്ദേഹത്തിന്റെ കബറിടം സ്ഥിതിചെയ്യുന്ന പാമ്പാടി മാർ കുറിയാക്കോസ് ദയറായിൽ വെച്ച് നടത്തപ്പെടുന്നു. ഓർമ്മപ്പെരുന്നാൾ ശുശ്രൂഷ കൾക്ക് പൗരസ്ത‌്യ കാതോലിക്കായും മലങ്കര മെത്രാപ്പോലീത്തായു മായ പരിശുദ്ധ ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കാബാവാ തിരുമനസുകൊണ്ട് മുഖ്യ കാർമികത്വം വഹിക്കും.

ആഗസ്റ്റ് 30, നാളെ പുതുപ്പള്ളി ഇടവകാംഗവും കോട്ടയം ഭദ്രാസന മെത്രാപ്പൊലീത്തയുമായിരുന്ന പാറേട്ട് മാത്യൂസ് മാർ ഈവാനിയോസ് മെത്രാപ്പൊലീത്തയുടെ 48-ാം ഓർമപ്പെരുന്നാൾ പങ്കെടുക്കുവാൻ, പോത്തംപുറത്തിന് പോകുവാൻ താല്പര്യം ഉള്ളവർ നാളെ 4.30 പി. എം. നു മുമ്പ് പള്ളിയിൽ എത്തുക.

പുതുപ്പള്ളി പള്ളിയിൽ എട്ടുനോമ്പാചരണം

noreply@blogger.com (പുതുപ്പള്ളി പള്ളി) — Thu, 29 Aug 2024 14:21:00 +0000

പുതുപ്പള്ളി പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെയ്ന്റ് ജോർജ് ഓർത്തഡോക്സ് വലിയ പള്ളിയിൽ വിശുദ്ധ ദൈവമാതാവിന്റെ ജനനപ്പെരുന്നാളും എട്ടുനോമ്പാചരണവും സെപ്റ്റംബർ ഒന്നുമുതൽ എട്ടുവരെ നടക്കും.

വികാരി ഫാ. കുര്യാക്കോസ് ഈപ്പൻ ഊളയൽ, സഹ വികാരിമാരായ ഫാ. ബ്ലസൻ മാത്യു ജോസഫ് വാഴക്കാലായിൽ, ഫാ. വർഗീസ് പി.വർഗീസ് ആനി വയലിൽ, കൈക്കാരന്മാരായ ഫിലിപ്പോസ് വി. എബ്രഹാം വന്നല, എൻ.കെ.മാത്യു നെല്ലിശ്ശേരിൽ, സെക്രട്ടറി സിബി ജോസഫ് കൊക്കുറ എന്നിവർ നേതൃത്വം നൽകും.

🙏

കുട്ടികൾക്ക് ക്യാംപുമായി പാറേട്ട് ആശുപത്രി

noreply@blogger.com (പുതുപ്പള്ളി പള്ളി) — Wed, 14 Aug 2024 08:51:00 +0000

► നാളെ മുതൽ 31 വരെ

സ്വാതന്ത്ര്യദിനത്തിന്റെ 78-ാം വാർഷികാഘോഷത്തിന്റെ ഭാഗമായി നാളെ മുതൽ 31 വരെ പുതുപ്പള്ളി പാറേട്ട് മാർ ഇവാനിയോസ് ആശുപത്രി പുതുപ്പള്ളിയിലും സമീപപ്രദേശ ങ്ങളിലുള്ള കുട്ടികൾക്കായി മെഡിക്കൽ ക്യാംപ് സംഘടിപ്പിക്കുന്നു. ശിശുരോഗ ചികിത്സാ വിഭാഗത്തിന്റെ നേതൃത്വത്തിൽ ഡെന്റൽ, ഇഎൻടി, പീഡിയാട്രിക്, ജനറൽ മെഡിസിൻ വിഭാഗങ്ങളിലാണ് ക്യാംപ് കൺസൽസ്റ്റേഷൻ ഫീസ് സൗജന്യം, വിദഗ്ധ പരിശോധന നിരക്കിൽ 22 ശതമാനം സൗജന്യം ലഭിക്കും.

ചീഫ് മെഡിക്കൽ ഓഫി സർ ഡോ. ജോയ് ക്യാംപ് ' ഉദ്ഘാടനം ചെയ്യും.

Phone:: 8078919514, 0481 2351036.

പുതുപ്പള്ളി പള്ളിയിൽ പരിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ ഇന്നും നാളെയും ആചരിക്കും.

noreply@blogger.com (പുതുപ്പള്ളി പള്ളി) — Wed, 14 Aug 2024 07:48:00 +0000

"ദൈവ നാമം മഹത്വപെടുമാറാകട്ടെ"

പൗരസ്ത്യ ജോർജിയൻ തീർത്ഥാടന കേന്ദ്രമായ പുതുപ്പള്ളി പള്ളിയിൽ പരിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ ഇന്നും നാളെയും ആചരിക്കും.

ഇന്ന് (14-08-2024) 5.30ന് സന്ധ്യാ നമസ്കാരം, നാളെ (15-08-2024) രാവിലെ 6.30ന് പ്രഭാത നമസ്കാരം, 7ന് നോർത്ത് ഈസ്റ്റ് അമേരിക്കൻ ഭദ്രാസന മെത്രാപ്പോലീത്ത അഭിവന്ദ്യ സഖറിയാ മാർ നിക്കോളോവോസിൻ്റെ മുഖ്യ കാർമ്മികത്വത്തിൽ വി. മൂന്നിന്മേൽ കുർബാന, പ്രദക്ഷിണം, നേർച്ച വിളമ്പ്.

1. നാളെ (15-08-2024) രാവിലെ പെരുന്നാളിനോടനുബന്ധിച്ച് പാച്ചോർ നേർച്ച ഉണ്ടായിരിക്കുന്നതാണ്.

2. ഇന്ന് (14-08-2024) സന്ധ്യാ നമസ്കാരത്തിന് മുൻപായി ബഹുമാനപെട്ട അച്ചന്മാരുടെ സാന്നിദ്ധ്യത്തിൽ പ്രാർത്ഥനയോടുകൂടി പാച്ചോർ നേർചയ്ക്കുള്ള അരിയിടീൽ കർമ്മം നടത്തപ്പെടുന്നു. വൈകുന്നേരം 4.30 ന് എല്ലാ അംഗങ്ങളും പള്ളിയിൽ എത്തിച്ചേരണം. പാച്ചോർ ഉണ്ടാക്കുവാൻ, എല്ലാവരും സഹകരിക്കണം.

3. നാളെ (15-08-2024) രാവിലെ 6 മണിക്ക് പാച്ചോർ പാക്ക് ചെയ്യുവാൻ എല്ലാവരും പള്ളിയിൽ എത്തിച്ചേരണം.

4. കുർബ്ബാന കഴിഞ്ഞ് പ്രദക്ഷിണത്തിലും, നേർച്ചവിളമ്പിലും പങ്കെടുത്ത് അനുഗ്രഹം പ്രാപിക്കണം എന്ന് ഓർമ്മിപ്പിക്കുന്നു.

"ദൈവം എല്ലാവരെയും അനുഗ്രഹിക്കട്ടെ"

15-08-2024 | പരിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ | പുതുപ്പള്ളി പള്ളി ||

Youtube Live : https://youtube.com/live/bruTqiz0UY0?feature=share

06:30 am : പ്രഭാത നമസ്കാരം

07.00 am : വി. മൂന്നിന്മേൽ കുർബ്ബാന

അഭി. സക്കറിയ മാർ നിക്കോളോവോസ് മെത്രാപ്പോലീത്തയുടെ പ്രധാന കാർമ്മികത്വത്തിൽ

(നോർത്ത് ഈസ്റ്റ് അമേരിക്കൻ ഭദ്രാസന മെത്രാപ്പോലീത്ത)

പുതുപ്പള്ളി പള്ളി (പൗരസ്ത്യ ജോർജിയൻ തീർത്ഥാടന കേന്ദ്രം)

വയനാട് പുനരധിവാസത്തിന് പുതുപ്പള്ളി പള്ളിയോട് ഒപ്പം നമുക്കും ചേരാം

noreply@blogger.com (പുതുപ്പള്ളി പള്ളി) — Sat, 10 Aug 2024 15:23:00 +0000

മലങ്കര ഓർത്തഡോക്സ് സഭയുടെയും കോട്ടയം ഭദ്രാസനത്തിൻ്റെയും നേതൃത്വത്തിൽ വയനാട് പുനരധിവാസ പ്രവർത്തനങ്ങളിൽ പുതുപ്പള്ളി സെൻ്റ് ജോർജ്ജ് ഓർത്തഡോക്സ് പള്ളിയും പങ്കാളികളാകുന്നു. വീടും സ്ഥലവും ഉറ്റവരും നഷ്ടപെട്ട് മാനസികമായി തകർന്നു പോയ നമ്മുടെ സഹോദരങ്ങളെ ഉയർത്തി കൊണ്ടുവരാന്‍ നമ്മളാൽ കഴിയുന്ന വിധം സഹായിക്കുക എന്നത് നമ്മുടെ ഉത്തരവാദിത്തമാണല്ലോ.....

ആയതിലേക്ക് എല്ലാ ഇടവക ജനങ്ങളിൽ നിന്നും ഒരു മാസത്തെ ദശാംശം സ്വീകരിക്കുന്നതിനായി ഓഗസ്റ്റ്, സെപ്റ്റംബർ മാസങ്ങളിൽ വെള്ളിയാഴ്ചയും ഞായറാഴ്ചയും പ്രത്യേക കൗണ്ടറുകൾ പള്ളിയിൽ പ്രവർത്തിക്കുന്നതാണ്. ബാക്കി ദിവസങ്ങളിൽ പള്ളി ഓഫീസിൽ നേരിട്ട് നൽകാവുന്നതാണ്. പുതുപ്പള്ളി പള്ളിയോടൊപ്പം ഈ കാരുണ്യ പ്രവര്‍ത്തിയില്‍ നമുക്കും നല്ല മനസ്സോടെ പങ്കാളികളാവാം.....

വി. മാർത്തോമ ശ്ലീഹായുടെ ദുഖ്റോനോ പെരുന്നാൾ ഇന്നും നാളെയും ആചരിക്കും.

noreply@blogger.com (പുതുപ്പള്ളി പള്ളി) — Tue, 02 Jul 2024 07:45:00 +0000

ബഹുമാനപ്പെട്ട ഇടവക അംഗങ്ങളെ,

"ദൈവ നാമം മഹത്വപെടൂമാറാകട്ടെ"

പൗരസ്ത്യ ജോർജിയൻ തീർത്ഥാടന കേന്ദ്രമായ പുതുപ്പള്ളി പള്ളിയിൽ വി. മാർത്തോമ ശ്ലീഹായുടെ ദുഖ്റോനോ പെരുന്നാൾ ഇന്നും നാളെയും ആചരിക്കും.

ഇന്ന് (02/07/2024) 5.30ന് സന്ധ്യ നമസ്കാരം, നാളെ (03/07/2024) രാവിലെ 6.30ന് പ്രഭാത നമസ്കാരം, 7ന് വി. കുർബാന, പ്രദക്ഷിണം, നേർച്ച വിളമ്പ്.

1. ഇന്ന് (02-07-2024) വൈകുന്നേരം 5 മണിക്ക് എല്ലാ അംഗങ്ങളും പള്ളിയിൽ എത്തിച്ചേരണം.

നാളെ (03-07-2024) രാവിലെ വിശുദ്ധ. ദുഖ്റോനോ പെരുന്നാളിന്നോടാനുബന്ധിച്ചേ പാച്ചോർ നേർച്ച ഉണ്ടായിരിക്കുന്നതാണ്.

പാച്ചോർ നേർച്ചക്കുള്ള അരി ഇടുന്നത്, ഇന്ന് സന്ധ്യ നമസ്കാരത്തിന് മുൻപ്പായി ബഹുമാനപെട്ട അച്ചന്മാരുടെ സാന്നിദ്യത്തിൽ പ്രാർത്ഥനയോടുകൂടി യായിരിക്കും.

വൈകുന്നേരം പാച്ചോർ ഉണ്ടാക്കുവാൻ, എല്ലാവരും അതിൽ സഹകരിക്കണം.

2. നാളെ (03-07-2024) രാവിലെ 6 മണിക്ക് എല്ലാവരും വന്ന് പാച്ചോർ പാക്ക് ചെയ്യണം.

3. കുർബാന കഴിഞ്ഞെ നേർച്ചവിളമ്പിലും, പ്രദി ക്ഷണത്തിലും പങ്കെടുക്കണം, അനുഗ്രഹം പ്രാപിക്കണം.

"ദൈവം എല്ലാവരെയും അനുഗ്രഹിക്കട്ടെ"

വിശ്വാസിത്തിരയേറ്റത്തിൽ പുതുപ്പള്ളി പള്ളി

noreply@blogger.com (പുതുപ്പള്ളി പള്ളി) — Tue, 07 May 2024 18:00:00 +0000

ഭക്തജനപ്രവാഹത്തിലമർന്ന് പുതുപ്പള്ളി പള്ളി. നേർച്ചകാഴ്ചകളോടെ പുണ്യാളന്റെ സന്നിധിയിലേക്ക് അനുഗ്രഹം തേടിയെത്തി നാനാജാതിമതസ്ഥർ. പ്രധാന പെരുന്നാൾ ദിനങ്ങളിലേക്ക് കടന്നതോടെ പള്ളിയും പുതുപ്പള്ളി ദേശവും ആഘോഷനിറവിൽ.

തീർഥാടനം

സെന്റ് ജോർജ് ഓർത്തഡോക്സ് വലിയ പള്ളിയിലെ ചരിത്രപ്രസിദ്ധമായ പെരുന്നാളിന്റെ ഭാഗമായി വിവിധ കരകളിൽനിന്ന് പുതുപ്പള്ളി പള്ളിയിലേക്കുള്ള പുതുപ്പള്ളി തീർഥാടനം നടന്നു. കൊച്ചാലുംമൂട് ഓർത്തഡോക്സ് സെന്റർ, കൈതമറ്റം ചാപ്പൽ, പാറയ്ക്കൽ കടവ്, കാഞ്ഞിരത്തിൻമൂട്, വെട്ടത്തുകവല, കൊച്ചക്കാല കുരിശടികളിൽനിന്ന് വൈകിട്ട് 6ന് തീർഥാടനം ആരംഭിച്ചു. രാത്രി 8ന് പുതുപ്പള്ളി പള്ളിയിൽ തീർഥാടകരെ സ്വീകരിച്ചു. തുടർന്ന് സെമിത്തേരിയിൽ ധൂപപ്രാർഥന നടന്നു.

ആചാരത്തനിമയിൽ

പ്രസിദ്ധമായ വെച്ചൂട്ടിനുള്ള അച്ചാർ തയാറാക്കുന്നതിലേക്കുള്ള മാങ്ങ അരിയൽ നടന്നു. രാവിലെ കുർബാനയ്ക്കു ശേഷം നടന്ന മാങ്ങ അരിയൽ ചടങ്ങിൽ ഇടവകാംഗങ്ങളായ സ്ത്രീകൾ പങ്കാളികളായി. 3,000 കിലോ മാങ്ങയാണ് അരിഞ്ഞത്. വെച്ചൂട്ടിനുള്ള ചമ്മന്തിപ്പൊടി കഴിഞ്ഞ ദിവസം തയാറാക്കിയിരുന്നു.

നവമധ്യസ്ഥ ചക്രിക സ്മാരകം

പള്ളിയുടെ പ്രധാന കവാടത്തിന്റെ വലതുവശത്ത് നവമധ്യസ്ഥരുടെ ചിത്രങ്ങൾ ആലേഖനം ചെയ്ത ചക്രിക സ്മാരകം കൂദാശ ചെയ്തു. നവമധ്യസ്ഥരുടെ ചിത്രങ്ങൾ ആലേഖനം ചെയ്ത പ്രതലം മുഴുവൻ സമയവും കറങ്ങുന്ന വിധത്തിലാണ് ക്രമീകരണം. ഇടവകാംഗമായ മാത്യു കൊക്കൂറയാണ് രൂപകൽ‌പന നിർ‌വഹിച്ചത്. ഡിസൈൻ എൻജിനീയർ റോജൻ കൊളശേരിൽ (കെൽപ്), കേളച്ചന്ദ്ര മെഷീൻസ് ആൻഡ് ഗിയേഴ്സ്, ചിങ്ങവനം (എൻജിനീയറിങ് വർക്ക്സ്), അഡോൺ ഗ്ലാസ്, പാമ്പാടി (ഫോട്ടോ വർക്ക്) എന്നിവയുടെ സഹകരണത്തോടെയാണ് ജോലി പൂർത്തീകരിച്ചത്.

നവമധ്യസ്ഥ ചക്രിക സ്മാരക‌ത്തിന്റെ കൂദാശ സഖറിയ മാർ സേവേറിയോസ് നിർവഹിച്ചു. വികാരി ഫാ.ഡോ.വർഗീസ് വർഗീസ്, സഹവികാരിമാരായ ഫാ.കുര്യാക്കോസ് ഈപ്പൻ, ഫാ.ബ്ലസൻ മാത്യു ജോസഫ്, ഫാ.വർഗീസ് പി.വർഗീസ്, കൈക്കാരന്മാരായ ഫിലിപ്പോസ് വി.ഏബ്രഹാം, എൻ.കെ.മാത്യു, സെക്രട്ടറി സിബി ജോസഫ് എന്നിവർ സന്നിഹിതരായിരുന്നു.

#PuthuppallyPally #PuthuppallyPerunnal #PuthuppallyPallyVarthakal

പുതുപ്പള്ളി പള്ളി പെരുന്നാളിനോട് അനുബന്ധിച്ച് ഗതാഗത ക്രമീകരണങ്ങള്‍ ഏര്‍പ്പെടുത്തി

noreply@blogger.com (പുതുപ്പള്ളി പള്ളി) — Mon, 06 May 2024 20:55:00 +0000

പുതുപ്പള്ളി പള്ളി പെരുന്നാളിനോട് അനുബന്ധിച്ച് ഇന്നും നാളെയും പുതുപ്പള്ളി ടൗൺ ഭാഗത്തേക്ക് പോലീസ് ഗതാഗത ക്രമീകരണങ്ങള്‍ ഏര്‍പ്പെടുത്തി. എന്തൊക്കെയാണെന്ന് നോക്കാം;-

കോട്ടയത്തു നിന്നും കറുകച്ചാല്‍ ഭാഗത്തേയ്ക്ക് പോകേണ്ട വാഹനങ്ങള്‍ മന്ദിരം കലുങ്ക് ജംഗ്ഷനില്‍ നിന്ന് ഇടത്തേയ്ക്ക് തിരിഞ്ഞ് പുമ്മറ്റം, കാഞ്ഞിരത്തുംമൂട്, ആറാട്ടുചിറ, നാരകത്തോട്, വെട്ടത്തുകവല, കൈതേപ്പാലം വഴി പോകേണ്ടതാണ്.
കോട്ടയത്തു നിന്നും ഞാലിയാകുഴി, തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ കഞ്ഞിക്കുഴിയില്‍ നിന്നും വലത്തേയ്ക്ക് തിരിഞ്ഞ് ദേവലോകം, കൊല്ലാട്, നാല്‍ക്കവല വഴി പാറയ്ക്കല്‍ക്കടവിലെത്തി വലത്തേക്ക് തിരിഞ്ഞ് ഓട്ടക്കാഞ്ഞിരം, പരുത്തുംപാറ വഴി പോകേണ്ടതാണ്.
മണര്‍കാട് ഭാഗത്ത്‌ നിന്നും കറുകച്ചാല്‍, തെങ്ങണ, ചങ്ങനാശ്ശേരി ഭാഗത്തേയ്ക്ക് പോകേണ്ട വാഹനങ്ങള്‍ കാഞ്ഞിരത്തുംമൂട്, ആറാട്ടുചിറ, നാരകത്തോട്, വെട്ടത്തുകവല, കൈതേപ്പാലം വഴി പോകേണ്ടതാണ്.
കറുകച്ചാല്‍ ഭാഗത്ത്‌ നിന്നും മണര്‍കാട്, പാമ്പാടി, കോട്ടയം ഭാഗത്തേയ്ക്ക് പോകേണ്ട വാഹനങ്ങള്‍ എറികാട് UP സ്കൂള്‍ ജംഗ്ഷനില്‍ നിന്നും വലത്തേയ്ക്ക് തിരിഞ്ഞ് നാരകത്തോട്, ആറാട്ടുചിറ, കാഞ്ഞിരത്തുംമൂട് വഴി മണര്‍കാട് ഭാഗത്തേയ്ക്ക് പോകേണ്ടതാണ്.
തെങ്ങണ ഭാഗത്ത്‌ നിന്നും കോട്ടയം ഭാഗത്തേയ്ക്ക് പോകേണ്ട വാഹനങ്ങള്‍ എരമല്ലൂര്‍ സ്കൂള്‍ ജംക്ഷനില്‍നിന്നും ഇടത്തേക്ക് തിരിഞ്ഞ് ഓട്ടക്കാഞ്ഞിരം വഴി പാറയ്ക്കല്‍ കടവില്‍ എത്തി നാല്‍ക്കവല വഴി പോകേണ്ടതാണ്.
പാലൂര്‍പടി – പുതുപ്പള്ളി പള്ളി റോഡ്‌ ആംബുലന്‍സ്, ഫയര്‍ ഫോഴ്സ് തുടങ്ങിയ അവശ്യ സര്‍വ്വീസ് വാഹനങ്ങള്‍ക്ക് മാത്രമായി നിയന്ത്രിച്ചിട്ടുള്ളതാണ്. ഈ റോഡില്‍ പാര്‍ക്കിംഗ് നിരോധിച്ചിട്ടുള്ളതാണ്.
പുതുപ്പള്ളി കവലയ്കും എരമല്ലൂര്‍ കലുങ്കിനും ഇടയില്‍ പാര്‍ക്കിംഗും ഗതാഗതവും നിയന്ത്രിച്ചിട്ടുള്ളതാണ്.

ഗതാഗത ക്രമീകരണം 06.05.2024 തീയതി വൈകുന്നേരം 05.00 മണി മുതല്‍ വൈകിട്ട് 09.00 മണി വരെയും 07.05.2024 തീയതി ഉച്ച കഴിഞ്ഞ് 02.00 മണി മുതല്‍ വൈകിട്ട് 05.00 മണി വരെയും ഉണ്ടായിരിക്കുന്നതാണ്.

മേയ് 6, 7 തീയതികളില്‍ ടോറസ്, ടിപ്പര്‍, ലോറി, ചരക്കുലോറി മുതലായ വാഹനങ്ങള്‍ക്ക് ഏര്‍പ്പെടുത്തിയിരിക്കുന്ന ഗതാഗത ക്രമീകരണങ്ങള്‍.

മണര്‍കാട് ഭാഗത്തുനിന്നും കറുകച്ചാല്‍ ഭാഗത്തേയ്ക്ക് പോകേണ്ട വാഹനങ്ങള്‍ പാമ്പാടി, ഇലക്കൊടിഞ്ഞി, മാന്തുരുത്തി വഴി പോകേണ്ടതാണ്.
കറുകച്ചാല്‍ ഭാഗത്തുനിന്നും മണര്‍കാട് ഭാഗത്തേയ്ക്ക് പോകേണ്ട വാഹനങ്ങള്‍ മാന്തുരുത്തി, ഇലക്കൊടിഞ്ഞി, പാമ്പാടി വഴി പോകേണ്ടതാണ്.
കോട്ടയം ഭാഗത്തുനിന്നും തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ MC റോഡ്‌ വഴി ചിങ്ങവനത്ത് എത്തി ഇടത്തേയ്ക്ക് തിരിഞ്ഞു പോകേണ്ടതാണ്.

തെങ്ങണ ഭാഗത്തുനിന്നും കോട്ടയം ഭാഗത്തേക്ക് പോകേണ്ട വാഹനങ്ങള്‍ ഞാലിയാകുഴി ജംക്ഷനില്‍നിന്നും ഇടത്തേക്ക് തിരിഞ്ഞ് പന്നിമറ്റം, പാക്കില്‍, മുളംകുഴ വഴി MC റോഡിലെത്തി പോകേണ്ടതാണ്.

ഉമ്മൻ ചാണ്ടി സാറിന്റെ കല്ലറയ്ക്കുസമീപം ഹൈ മാസ്റ്റ് ലൈറ്റ് സ്ഥാപിച്ചു

noreply@blogger.com (പുതുപ്പള്ളി പള്ളി) — Thu, 02 May 2024 11:00:00 +0000

പുതുപ്പള്ളി പള്ളിയിൽ ഉമ്മൻ ചാണ്ടി സാറിന്റെ കല്ലറയ്ക്കുസമീപം സ്ഥാപിച്ച ഹൈ മാസ്റ്റ് ലൈറ്റിന്റെ സ്വിച്ച് ഓൺ കർമ്മം...

തിരുവല്ല J. N. Light ഉടമ ശ്രീ. സഞ്ജയ് വർഗീസ് സംഭവനയായി സ്ഥാപിച്ചതാണ് ലൈറ്റ്. ഒരിക്കൽ സാമ്പത്തികമായി തകർന്ന സഞ്ജയ്‌ യുടെ വസ്തുവകകൾ ജപ്തി ചെയ്യുന്ന ഘട്ടത്തിൽ ഉമ്മൻ ചാണ്ടി സാർ ജപ്തി നടപടികൾനിന്നും ഒഴിവാക്കി നൽകുകയുണ്ടായി. തുടർന്ന് അദ്ദേഹത്തിന്റെ ബിസിനസ് അഭിവൃദ്ധിപ്പെട്ട് ഇപ്പോൾ വലിയ സ്ഥാപനമായി മാറി. ഫലകത്തിൽ എഴുതിയിരിക്കുന്നത്...

"അങ്ങ് തെളിയിച്ച പ്രകാശം ഒരിക്കലും അണായാതിരിക്കട്ടെ"

പുതുപ്പള്ളി പെരുന്നാൾ 2024; കൊടിയേറ്റ് ഏപ്രിൽ 28ന്

noreply@blogger.com (പുതുപ്പള്ളി പള്ളി) — Tue, 23 Apr 2024 23:29:00 +0000

പ്രധാന പെരുന്നാൾ മേയ് 5,6,7 തീയതികളിൽ

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ വിശുദ്ധ ഗീവർഗീസ് സഹദായുടെ പെരുന്നാളിന് ഏപ്രിൽ 28നു കൊടിയേറും. പുതുപ്പള്ളി, എറികാട് കരകളിൽ നിന്നു കൊടിമര ഘോഷയാത്ര 28ന് ഉച്ചയ്ക്ക് 2ന് ആരംഭിക്കും. വൈകിട്ട് 5നു വികാരി ഫാ. ഡോ. വർഗീസ് വർഗീസ് കൊടിയേറ്റ് നിർവഹിക്കും. ഇന്നു മുതൽ 6.45നു പ്രഭാത നമസ്കാരം, 7.15നു കുർബാന.

മേയ് ഒന്നു മുതൽ 4 വരെ പുതു പ്പള്ളി കൺവൻഷൻ നടക്കും, ദിവസവും വൈകിട്ട് 6.15ന് ആണു കൺവൻഷൻ 4-ാം തീയതി രാവിലെ 9ന് വെച്ചൂട്ടിനുള്ള മാങ്ങ അരിയൽ. സംസ്കാരിക സമ്മേളനം 5നു രാവിലെ 11.30നു മന്ത്രി വി. എൻ.വാസവൻ ഉദ്ഘാടനം ചെയ്യും. അവയവദാനത്തിലൂടെ മാതൃകയായ ഫാ. കുര്യാക്കോസ് വർഗീസ്, ഫാ. നോബിൻ ഫിലിപ് എന്നിവർക്ക് ഓർഡർ ഓഫ് സെന്റ് ജോർജ് പുരസ്കാരം സമ്മാനിക്കും.

6ന് രാവിലെ 11നു ചരിത്രപ്രസിദ്ധമായ പൊന്നിൻ കുരിശ് വിശുദ്ധ : മദ്ബഹയിൽ പ്രതിഷ്ഠിക്കും. ഉച്ചയ്ക്ക് 2നു വിറകിടിൽ ഘോഷയാത്ര, 4.30നു പന്തിരുനാഴി പുറത്തെടുക്കൽ. 5.15നു പെരുന്നാൾ സന്ധ്യാനമസ്കാരം. 6.30നു പ്രദക്ഷീണം: നിലയ്ക്കൽ പള്ളി, പുതുപ്പള്ളി കവലയിലുള്ള കുരിശടി ചുറ്റി പള്ളിയിലേക്ക്. രാത്രി ഒന്നിനു വെച്ചൂട്ടിനുള്ള അരിയിടീൽ.

വലിയ പെരുന്നാൾ ദിനമായ 7-ാം തീയതി പുലർച്ചെ 5നു കുർബാന, 8.30ന് ഒൻപതിൻമേൽ കുർബാന: പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ. 11.15നു വെച്ചുട്ട് നേർച്ചസദ്യ, വടക്കേ പന്തലിൽ കുട്ടികൾക്കുള്ള ആദ്യ ചോറൂട്ട്, ഉച്ചയ്ക്ക് 2നു പെരുന്നാൾ പ്രദക്ഷിണം: അങ്ങാടി-ഇരവിനല്ലൂർ കവലചുറ്റി, 4നു നേർച്ചവിളമ്പ്.

മേയ് 23നു രാവിലെ 7.15നു പെരുന്നാളിനു കൊടിയിറങ്ങുമെ ന്നും വികാരി ഫാ. ഡോ. വർഗീസ് വർഗീസ് കല്ലൂർ, ഫാ. വർഗീസ് പി.വർഗീസ് ആനിവേലിൽ, ഫിലിപ്പോസ് വി.ഏബ്രഹാം വന്നല, എൻ.കെ.മാത്യു നെല്ലിശേരിൽ, വി.എ.പോത്തൻ വന്നല, സജി കളപ്പുരയ്ക്കൽ എന്നിവർ അറിയിച്ചു.

പുതുപ്പള്ളി പള്ളി ഇടവക ദിനം പുതിയ ഒരു അനുഭവമായി.

noreply@blogger.com (പുതുപ്പള്ളി പള്ളി) — Sun, 21 Jan 2024 15:14:00 +0000

പുതുപ്പള്ളി സെൻറ് ജോർജ് ഓർത്തഡോക്സ് വലിയപള്ളി ഇന്ന് (ജനു 21) ഇടവക ദിനം ആചരിച്ചു.

വിശുദ്ധ കുർബാനയ്ക്കുശേഷം പ്രഭാതഭക്ഷണത്തോടെ ആയിരുന്നു തുടക്കം.

തുടർന്ന് നടന്ന ഇടവകദിന സമ്മേളനത്തിൽ വികാരി ഫാദർ ഡോ. വർഗീസ് വർഗീസ് അധ്യക്ഷത വഹിച്ചു.

പുതുപ്പള്ളി പള്ളി നമ്മുടെ അഭിമാനമാണ് എന്നും ലോകത്തിൻറെ ഏതു മൂലയിൽ ചെന്നാലും പുതുപ്പള്ളി ഇടവകാംഗം ആയിരിക്കുന്നത് അഭിമാനകരം ആണെന്നും അച്ചൻ ഓർമിപ്പിച്ചു.

പ്രശസ്ത പ്രചോദനാത്മക പ്രഭാഷകയും സൈക്കോളജിസ്റ്റുമായ പ്രിയ ജേക്കബ് മുഖ്യപ്രഭാഷണം നടത്തി.

LIVE YO LIVE

ജീവിക്കാൻ വേണ്ടി ജീവിക്കുക എന്നതായിരുന്നു വിഷയം.

അന്നന്ന് ചെയ്യേണ്ട കാര്യങ്ങൾ അന്നു തന്നേ ചെയ്യുക.

കാര്യങ്ങൾ മാറ്റി വയ്ക്കരുത്.

പ്രായമായി എന്ന് കരുതി ജീവിക്കാൻ മറക്കരുത്. വ്യക്തിബന്ധങ്ങളെ നന്നായി കരുതുക.

നമ്മുടെ അകവും പുറവും ഒരുപോലെ ആയിരിക്കുക. പുഞ്ചിരിയോടെ ജീവിതത്തെ നേരിടുക.

ഏതു പ്രശ്നവും പരിഹരിക്കാൻ കഴിയും എന്ന് തിരിച്ചറിയുക. വീടുകളിൽ കുട്ടികളുമായി ഊഷ്മളമായ ബന്ധം സൂക്ഷിക്കുക.

ചെറിയ കാര്യങ്ങളിൽ കുട്ടികളെ ശാസിച്ച് ബന്ധങ്ങൾ നഷ്ടപ്പെടുത്താതിരിക്കുക എന്നീ വാക്കുകൾ ഏറെ ശ്രദ്ധേയമായിരുന്നു.

ജീവിത വിജയത്തിന് സഹായകരമായ 5 വളർച്ചകളെ

(GROWTH) പറ്റി പ്രിയ ജേക്കബ് തുടർന്ന് സംസാരിച്ചു.

Mental growth

Social growth

Spiritual growth

Emotional growth

Physical growth.

ഏതു പ്രായത്തിലും ജീവിക്കാൻ വേണ്ടി ജീവിക്കാൻ കഴിയുമെന്ന് പ്രഭാഷണത്തിൽ അവർ വ്യക്തമാക്കി.

പ്രതിഭകൾക്ക് ആദരവ്

തുടർന്ന് വിവിധ മേഖലകളിൽ കഴിവ് തെളിയിച്ച ഇടവക അംഗങ്ങളായ പ്രതിഭകൾക്ക് ഉപഹാരങ്ങൾ നൽകി ആദരിച്ചു. സഹവികാരിമാരും ട്രസ്റ്റിമാരും സെക്രട്ടറിയും ഇടവകയുടെ ഉപഹാരങ്ങൾ നൽകി.

ഇടവകയുടെ ആദ്യഫല ശേഖരണത്തിൽ മികച്ച ആദ്യഫലങ്ങൾ കാഴ്ചവച്ചവർക്ക് പ്രത്യേക പുരസ്കാരങ്ങൾ നൽകി.

ഉപസംഹാരം

ഉപസംഹാര സന്ദേശത്തിൽ വികാരി വർഗീസ് വർഗീസ് അച്ചൻ കുടുംബബന്ധങ്ങളിൽ പാലിക്കേണ്ട മൂന്ന് അരുത് കളെപറ്റി സംസാരിച്ചു.

ഒറ്റപ്പെടുത്തരുത്

കുറ്റപ്പെടുത്തരുത് കഷ്ടപ്പെടുത്തരുത്

ഇന്ന് കുടുംബബന്ധങ്ങളിൽ അന്യോന്യം ഒറ്റപ്പെടുത്തുന്നത്‌ കുടുംബങ്ങളെ തകർക്കും. കോട്ടയത്തിനടുത്ത് തെള്ളകം എന്ന സ്ഥലത്ത് ലൂക്കാച്ചൻ എന്ന മധ്യവയസ്കൻ കഴുത്തറത്ത് മരിച്ചതും ശവസംസ്കാര സമയത്ത് പ്രസംഗിച്ച അച്ചൻ ആ വ്യക്തിയെ കുടുംബാംഗങ്ങൾ ഒറ്റപ്പെടുത്തുകയും കുറ്റപ്പെടുത്തുകയും ചെയ്തത താണ് അദ്ദേഹത്തിന്റെ മരണത്തിന് കാരണമായത്‌ എന്നും, ഇനി ആ മക്കൾ ഡാഡി എന്ന് ആരെ വിളിക്കും എന്ന ചോദ്യവും കേൾവിക്കാരെ കണ്ണീർ അണിയിച്ചു.

വീടുകളിൽ പ്രിയപ്പെട്ടവരെ ചേർത്തു നിർത്തുവാനും ഒറ്റപ്പെടുത്താതെയും കുറ്റപ്പെടുത്താതെയും കഷ്ടപ്പെടുത്താതെയും അന്യോന്യം സ്നേഹിച്ച് മുൻപോട്ടു പോകേണ്ടതിൻറെ ആവശ്യകഥയും അച്ചൻ ഇടവകഅംഗങ്ങളെ ബോധ്യപ്പെടുത്തി.

അച്ചൻറെ വാക്കുകൾ ഇടവക അംഗങ്ങൾക്ക് പുതിയ ഉണർവും കാഴ്ചപ്പാടും നൽകി എന്നതിന് സംശയമില്ല.

സെക്രട്ടറി റോണി വർഗീസ് സ്വാഗതവും ട്രസ്റ്റി സജി ചാക്കോ കളപ്പുരയ്ക്കൽ നന്ദിയും അറിയിച്ചു.

ഹൃദ്യമായ ഇടവക

സമ്മേളനത്തിന് വികാരിയോടൊപ്പം കൈക്കാരന്മാരായ ജേക്കബ് ജോർജ്ജ്പടിഞ്ഞാറേകുറ്റ്, സജി ചാക്കോ കളപ്പുരയ്ക്കൽ, സഹവികാരിമാരായ ഫാദർ കുര്യാക്കോസ് ഈപ്പൻ, ഫാദർ ബ്ലെസ്സൺ മാത്യു, ഫാദർ വർഗീസ് പി വർഗീസ് , സെക്രട്ടറി റോണി വർഗീസ് , മാനേജിങ് കമ്മിറ്റി അംഗങ്ങൾ എന്നിവർ നേതൃത്വം നൽകി.

വിഭവസമൃദ്ധമായ സ്നേഹവിരുന്നോടെ ഇടവകദിനം സമാപിച്ചു.

അതീവ ഹൃദ്യമായി നടത്തിയ ഇടവകദിനം ഇടവക ജനങ്ങളിൽ കെട്ടുറപ്പിൻറെയും സ്നേഹത്തിൻറെയും പുതിയ മാതൃക തുറന്നു.

അടുത്ത ഇടവദിനത്തിനായി ഞങ്ങൾ കാത്തിരിക്കുന്നു എന്ന ആഗ്രഹത്തോടെ ഇടവകദിനം സമാപിച്ചു.

⛪️

(ചെറിയാൻ വർഗീസ്, തേവരടിയിൽ)

സൗജന്യ കേൾവി പരിശോധന ക്യാമ്പ്

noreply@blogger.com (പുതുപ്പള്ളി പള്ളി) — Thu, 07 Dec 2023 06:31:00 +0000

സൗജന്യ കേൾവി പരിശോധന ക്യാമ്പ്

ജസ്റ്റ് ഹിയ്റിങ് & പുതുപ്പള്ളി ലയൺസ് ക്ലബ്ബും സംയുക്തമായി നടത്തുന്നു

ഡിസംബർ 9 ശനിയാഴ്ച, 9AM -5PM

AT ജസ്റ്റ് ഹിയ്റിങ് പ്രൈവറ്റ് ലിമിറ്റഡ്,

ഡോക്ടർസ് കോംപ്ലക്സ്, പുതുപ്പള്ളി കോട്ടയം.

രജിസ്റ്റർ ചെയ്യുക

ഒന്നാം വാർഷിക പ്രത്യേക ഓഫർ ലഭ്യമാകുന്ന സേവനങ്ങൾ

PH 8590 310 265

കേൾവി പരിശോധന, കേൾവി സഹായികളുടെ സൗജന്യ ട്രയൽ,എക്സ്ചേഞ്ച് സൗകര്യവും ഏറ്റവും മികച്ച ഡിസ്കൗണ്ട് ആനുകൂല്യവും നൽകുന്നു

കേൾവി സഹായികൾക്ക് പ്രത്യേക ഓഫർ ഒരു ആഴ്ചത്തേക്ക് വിദഗ്ധ ഓഡിയോളജിസ്റ്റ് സേവനം ലഭ്യമാണ്

ഉമ്മൻ ചാണ്ടിയുടെ 80-ാം ജന്മവാർഷികം 31ന്

noreply@blogger.com (പുതുപ്പള്ളി പള്ളി) — Mon, 30 Oct 2023 14:07:00 +0000

പുതുപ്പള്ളിയുടെ ചിറകുകൾ പ്രതീക്ഷയുടെ ആകാശം സമ്മാനിച്ച ഉമ്മൻ ചാണ്ടിയുടെ 80-ാം ജന്മവാർഷികം 31ന്. ഉമ്മൻ ചാണ്ടീ ഓർമയായത്തിനു ശേഷമുള്ള ആദ്യ പിറന്നാൾ, മരണാനന്തരവും മലയാളിയുടെ മനസ്സിൽ നിറഞ്ഞു നിൽക്കുന്ന അതുല്യനായ ജനകീയ നേതാവായ ഉമ്മൻ ചാണ്ടിയുടെ 80-ാം ജന്മവാർഷികദിനം സാന്ത്വനദിനമായി സഹപ്രവർത്തകർ ആചരിക്കും.

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ കുർബാന ഉമ്മൻ ചാണ്ടി മുടക്കാറില്ലായിരുന്നു. എന്നാൽ കഴിഞ്ഞ വർഷം പിറന്നാളിന്റെ പിറ്റേ ദിവസമാണ് അദ്ദേഹം പുതുപ്പള്ളിയിൽ എത്തിയത്. പിറന്നാൾ ദിനം ആലുവ ഗവ.ഗെസ്റ്റ് ഹൗസിൽ ചികിത്സയുടെ ഭാഗമായി വിശ്രമത്തിലായിരുന്നു. അന്നു മുഖ്യമന്ത്രി പിണറായി വിജയനും നടൻ മമ്മുട്ടിയും അടക്കമുള്ളവർ നേരിട്ടെത്തി ആശംസ അറിയിച്ചിരുന്നു.

പതിവിനു വിപരീതമായി മുടിയൊക്കെ ചീകിയൊതുക്കിയിരുന്ന ഉമ്മൻ ചാണ്ടിയെ കണ്ടപ്പോൾ ചീകാതെ മുന്നിലേക്ക് അലസമായി ഇട്ട മുടിയാണ് നന്നായി ഇണങ്ങുന്നതെന്നും അതാണ് മനസ്സിൽ പതിഞ്ഞ മുഖമെന്നും മമ്മൂട്ടി പറയുകയും ചെയ്തു.

ആലുവയിൽ നിന്നു ആശുപത്രിയിലേക്കു പോകാനായിരുന്നു ഉമ്മൻ ചാണ്ടി തീരുമാനിച്ചിരുന്നത്. അർധരാത്രിയോടെ തീരുമാനം മാറ്റി. ഉമ്മൻ ചാണ്ടി പിറ്റേന്ന് നേരെ പുതുപ്പള്ളിയിലെ വീട്ടിലെത്തി. തുടർന്നു പുതുപ്പള്ളിപള്ളിയിലും പാമ്പാടി ദയറയിലും പ്രാർഥനയിൽ പങ്കു കൊണ്ടു. ഇതിനുശേഷം ചികിത്സയുടെ ദിനങ്ങളയിരുന്നു. എല്ലാവരുടെയും പ്രതീക്ഷകളെ അസ്ഥാനത്താക്കി യാത്രയും പറഞ്ഞു.

ഉമ്മൻ ചാണ്ടിയുടെ അഭാവത്തിലും പതിവുകൾ തെറ്റിക്കാതെയാണ് കുടുംബാംഗങ്ങൾ പിറന്നാൾ ദിനം ക്രമീകരിച്ചിരിക്കുന്നത്. പുതുപ്പള്ളി പള്ളിയിൽ രാവിലെ കുർബാനയും വൈകിട്ട് 3.30നു കല്ലറയിൽ പ്രാർഥനയും ഉണ്ടായിരിക്കും.

പുതുപ്പള്ളി പള്ളി ഓഡിറ്റോറിയത്തിൽ വൈകിട്ട് 3.30നു 1001 സന്നദ്ധ സേന പ്രവർത്തകർ പുനരർപ്പണ പ്രതിജ്ഞയെടുക്കും. നാലിനു ചേരുന്ന സമ്മേളനത്തിൽ മുൻ കേന്ദ്ര മന്ത്രി വയലാർ രവി "ഒസി ചാരിറ്റബിൾ ട്രസ്റ്റ് കർമ സേന" യുടെ ഉദ്ഘാടനം നിർവഹിക്കും.

പരുമല പദയാത്ര നവംബർ ഒന്നാം തിയതി ആരംഭിക്കുന്നതാണ്

noreply@blogger.com (പുതുപ്പള്ളി പള്ളി) — Mon, 30 Oct 2023 12:32:00 +0000

എല്ലാ വർഷത്തെയും പോലെ ഇത്തവണയും നവംബർ 1- ന് പരുമല പദയാത്ര രാവിലെ 5:00-am ന് പുതുപ്പള്ളി പള്ളിയിൽ നിന്നും ആരംഭിക്കുന്നതാണ്.

• പരുമലയിൽ നിന്ന് തിരിച്ചു വാഹന സൗകര്യം ഉണ്ടായിരിക്കുന്നതാണ്.

പുതുപ്പള്ളിയിൽ മെഗാ മെഡിക്കൽ ക്യാംപ്

noreply@blogger.com (പുതുപ്പള്ളി പള്ളി) — Thu, 26 Oct 2023 04:00:00 +0000

പുതുപ്പള്ളി റോട്ടറി ക്ലബിന്റെ ആഭിമുഖ്യത്തിൽ പാറേട്ട് മാർ ഇവാനിയോസ് ആശുപത്രിയുടെയും ഡയാ കെയർ ക്ലിനിക്കൽ ലബോറട്ടറിയുടെയും സഹകരണത്തോടെ സൗജന്യ മെഡിക്കൽ ക്യാംപ് നടത്തും. ഞായറാഴ്ച (ഒക്ടോബർ 29) രാവിലെ 10 മണി മുതൽ 1.30 വരെ നിലയ്ക്കൽ ഓർത്തഡോക്സ് പള്ളി പാരിഷ് ഹാളിലാണ് ക്യാംപ്.

ജനറൽ മെഡിസിൻ, ഗൈനക്കോളജി, പീഡിയാട്രിക്സ്, ഇഎൻറ്റി, ഓർത്തോ, പൾമനോളജി, ദന്തൽ, ഡയബറ്റോളജി വിഭാഗങ്ങളിലെ ഡോക്ടർമാരുടെ സേവനം ലഭിക്കും. ഡയബറ്റിക്, ബ്ലഡ്പ്രഷർ, യൂറിക് ആസിഡ്, ബോൺ ഡെൻസിറ്റി, പരിശോധനകളും സൗജന്യമാണ്. രജിസ്ട്രേഷൻ അന്നു രാവിലെ 9..30 മുതൽ ആരംഭിക്കും.

പി പി മത്തായിയുടെ മരണം കൊലപാതകമെന്ന് CBI കണ്ടെത്തി. കുറ്റപത്രം CBI കോടതിയിൽ ഹാജരാക്കി.

noreply@blogger.com (പുതുപ്പള്ളി പള്ളി) — Wed, 25 Oct 2023 09:07:00 +0000

പത്തനംതിട്ട ചിറ്റാറിൽ വനം വകുപ്പ് ഉദ്യോഗസ്ഥർ കസ്റ്റഡിയിലെടുത്തു കൊലപ്പെടുത്തിയ പി പി മത്തായിയുടെ കേസില്‍ ഏഴു വനം വകുപ്പ് ഉദോഗസ്ഥരും കുറ്റക്കാരാണെന്ന് കണ്ടെത്തി സിബിഐ റിപ്പോർട്ട്.

അന്യായമായാണ് പി പി മത്തായിയെ ( പൊന്നു)വനംവകുപ്പ് ഉദ്യോഗസ്ഥർ കസ്റ്റഡിയിലെടുത്തതെന്ന് സിബിഐ കുറ്റപത്രത്തില്‍ പറയുന്നു. ഫോറസ്റ്റ് ഉദ്യോഗസ്ഥർ മത്തായിയെ വീട്ടിൽ നിന്നും കൂട്ടികൊണ്ടുപോയി വനത്തിൽ വച്ച് മർദ്ദിക്കുകയും - കുടപ്പനക്കുളത്തുള്ള കുടുംബവീട്ടിൽ എത്തിച്ച് കിണറ്റിൽ ഇറങ്ങാൻ ഫോറസ്റ്റ് ഉദ്ധ്യോഗസ്ഥർ ആവശ്യപ്പെടുകയായിരുന്നു എന്നും റിപ്പോർട്ടിൽ പറയുന്നു.

വനംവകുപ്പിന്‍റെ ക്യാമറ മോഷ്ടിച്ചെന്ന് ആരോപിച്ചായിരുന്നു ഉദ്യോഗസ്ഥര്‍ മത്തായി കസ്റ്റഡിയിലെടുത്തത്. എന്നാല്‍ അങ്ങനെയൊരു കേസ് രജിസ്റ്റർ ചെയ്തിരുന്നില്ല.അങ്ങനൊരു കേസ് രജിസ്റ്റർ ചെയ്യാൻ പൊലീസിന് മാത്രമേ സാധിക്കുവെന്നും , വനവകുപ്പിന് കേസ് എടുക്കാൻ അധികാരമില്ലെന്ന് സിബിഐ കുറ്റപത്രം പറയുന്നു.തെളിവെടുപ്പിനിടെ കിണറ്റിൽ വീണ പി പി മത്തായിയെ ഉദ്യോഗസ്ഥർ രക്ഷിച്ചതുമില്ല.

ഡെപ്യൂട്ടി റേഞ്ച് ഓഫീസർ രാജേഷ്,സ്‌പെഷ്യൽ ഫോറസ്റ്റ് ഓഫീസർ പ്രദീപ്,ഓഫീസർമാരായ അനിൽകുമാർ,സന്തോഷ്,ലക്ഷ്‌മി,സെക്ഷൻ ഫോറെസ്റ് ഓഫീസർ ജോസ് വിൽ‌സൺ ഡിക്രൂസ് എന്നിവരെ പ്രതിയാക്കിയാണ് കേസ് രജിസ്റ്റർ ചെയ്തത്.

2020 ജൂൺ 28 വൈകിട്ട് നാല് മണിക്ക് കൊടപ്പനക്കുളത്തെ പടിഞ്ഞാറെ ചരുവിൽ വീട്ടിൽ യൂണിഫോം ധരിച്ച ഏഴ് വനപാലകരെത്തി പി പി മത്തായിയെ കസ്റ്റഡിയില്‍ എടുക്കുകയായിരുന്നു. അഞ്ചര മണിക്കുറിന് ശേഷം വീട്ടുകാരെ തേടിയെത്തിയത് കുടുംബവീട്ടിലെ കിണറ്റിൽ മത്തായിയുടെ മൃതദേഹം കണ്ടെടുത്തെന്ന വാർത്തയായിരുന്നു.

പി പി മത്തായി മരിച്ച ശേഷം മൃതദേഹം ശവസംസ്ക്കരിക്കാതെ 40 ദിവസം ഭാര്യ ഷീബയുടെയും കുടുംബത്തിന്റെയും വെരി റവ ബസലേൽ റമ്പാൻ നേതൃതം നൽകിയ കുടപ്പനക്കുളം ദേശസമിതിയുടെ നിശ്ചയദാർഢ്യത്തോടെ നടത്തിയ സമരത്തിനൊടുവിലാണ് സർക്കാർ കേസ് സിബിഐക്ക് വിട്ടത്.കുടപ്പനക്കുളം സെന്റ് മേരീസ് ഓർത്തഡോക്സ്‌ പള്ളി ഇടവകാംഗവും,യുവജനപ്രസ്ഥാന സജീവ പ്രവർത്തകനുമായ പി പി മത്തായിക്ക് നീതി ലഭിക്കുന്നതിനായി ഭാഗ്യസ്മരണാർഹരായ പരിശുദ്ധ പൗലോസ് ദ്വിതീയൻ കാതോലിക്കാ ബാവ തിരുമേനിയുടെ നിർദേശത്തിൽ മലങ്കര സഭയിലെ അഭിവന്ദ്യ തിരുമേനിമാരും , വൈദികരും , അൽമായരും , മാനേജിങ് കമ്മിറ്റി അംഗങ്ങളും , അസോസിയേഷൻ പ്രതിനിധികളും ,മലങ്കര സഭയുടെ വിവിധ ആത്‌മീയ സംഘടനാ പ്രസ്ഥാനങ്ങളും , മലങ്കര സഭയുടെ സോഷ്യൽ മീഡിയകളും പിന്തുണയുമായി ഭവനത്തിലും, സമരപന്തലിലും എത്തുകയും, പി പി മത്തായിയുടെ കുടുംബത്തിന് പൂർണ്ണ പിന്തുണ നൽകുകയും ഭരണ തലത്തിലും അധികാര കേന്ദ്രങ്ങളിലും പരാതികൾ സമർപ്പിക്കുകയും ചെയ്തിരുന്നു.

ഭക്തിയുടെ കുടക്കീഴിൽ പുതുപ്പള്ളിയിൽ വെച്ചൂട്ട്

noreply@blogger.com (പുതുപ്പള്ളി പള്ളി) — Wed, 10 May 2023 06:11:00 +0000

രുചിയുടെ പെരുമ തീർത്ത പുതുപ്പള്ളി പെരുന്നാളിന്റെ വെച്ചൂട്ടിൽ പതിനായിരക്കണക്കിനു വിശ്വാസികൾ പങ്കെടുത്തു. വെച്ചൂട്ട് നേർച്ചയിലും പ്രധാന നേർച്ചയായ അപ്പവും കോഴിയിറച്ചി നേർച്ചവിളമ്പിലും പങ്കെടുത്താണ് വിശ്വാസി സമൂഹം മടങ്ങിയത്. 23നാണ് കൊടിയിറക്ക്. അന്നുവരെ ദിവസവും രാവിലെ കുർബാന ഉണ്ടായിരിക്കും.

ആചാര നിറവിലായിരുന്നു ഇന്നലെ വെച്ചൂട്ട് ചടങ്ങുകൾ. കുർബാനയ്ക്കു ജോഷ്വ മാർ നിക്കോദിമോസ്, ഒൻപതിന്മേൽ കുർബാനയ്ക്കു ഡോ. ഗബ്രിയേൽ മാർ ഗ്രിഗോറിയോസ് എന്നിവർ മുഖ്യ കാ‍‌ർമികത്വം വഹിച്ചു. വെച്ചൂട്ട് നേർച്ച വിളമ്പുന്നതിനു ചിട്ടയായ ക്രമീകരണം ഏർപ്പെടുത്തിയിരുന്നു. വിശ്വാസികൾ അനുഗ്രഹ മുഹൂർത്തം പോലെ ചോറും മാങ്ങ അച്ചാറും ചമ്മന്തിപ്പൊടിയും മോരും ചേർന്ന വെച്ചൂട്ട് നേർച്ച സദ്യയിൽ പങ്കെടുത്തു.

കുട്ടികൾക്ക് ആദ്യ ചോറൂട്ടും വൈദികരുടെ നേതൃത്വത്തിൽ നടത്തി. അങ്ങാടി ഇരവിനല്ലൂർ കവല ചുറ്റിയുള്ള പെരുന്നാൾ പ്രദക്ഷിണവും നടത്തി. വികാരി ഫാ.ഡോ.വർഗീസ് വർഗീസ് കല്ലൂർ, സഹ വികാരിമാരായ ഫാ.കുര്യാക്കോസ് ഈപ്പൻ ഊളയ്ക്കൽ, ഫാ.ബ്ലസൻ മാത്യു ജോസഫ് വാഴക്കാലായിൽ, ഫാ.വർഗീസ് പി.വർഗീസ് ആനിവയലിൽ, ട്രസ്റ്റിമാരായ ജേക്കബ് ജോർജ്, സജി ചാക്കോ, സെക്രട്ടറി റോണി.സി.വർഗീസ് എന്നിവർ നേതൃത്വം നൽകി.

ഭക്തിനിറവിൽ പുതുപ്പള്ളി; വെച്ചൂട്ട് ഇന്ന്

noreply@blogger.com (പുതുപ്പള്ളി പള്ളി) — Mon, 08 May 2023 06:49:00 +0000

വിശ്വാസിസമൂഹം ഒരേ മനസ്സോടെ പങ്കെടുക്കുന്ന പുതുപ്പള്ളി പള്ളിയിലെ വെച്ചൂട്ട് ഇന്ന്. പതിനായിരക്കണക്കിനു വിശ്വാസികൾ പങ്കെടുക്കുന്ന വെച്ചൂട്ടിനു വിപുലമായ ക്രമീകരണം ഒരുക്കി. ഇന്ന് 11.15ന് വെച്ചൂട്ട് ആരംഭിക്കും. വൈദികരുടെ നേതൃത്വത്തിൽ നൂറുകണക്കിനു കുട്ടികൾക്കു ആദ്യ ചോറൂട്ടും നടത്തും.

പുതുപ്പള്ളി, എറികാട് കരകളിൽ നിന്നുള്ള വിറകിടീൽ ഘോഷയാത്ര നാടിന്റെ സാംസ്കാരികത്തനിമ വിളിച്ചോതി. വിറകിടീൽ ചടങ്ങിനു ശേഷം പാചകത്തിനുള്ള പന്തിരുനാഴി ആഘോഷപൂർവം പുറത്തെടുത്തു. വൈദികരുടെ നേതൃത്വത്തിൽ കെടാവിളക്കിൽ നിന്നു പകർന്നു നൽകിയ അഗ്നി തെളിച്ചാണു പുതുപ്പള്ളി പുണ്യാളന്റെ വെച്ചൂട്ടിനുള്ള ചോറ് തയാറാക്കൽ ഇന്നു പുലർച്ചെ ആരംഭിച്ചത്. നാടിന്റെ നാനാഭാഗങ്ങളിൽ നിന്നുള്ളവർ പുതുപ്പള്ളിയിലേക്ക് ഒഴുകിയെത്തുന്ന പുണ്യദിനം കൂടിയാണ് ഇന്ന്. 2നു പെരുന്നാൾ പ്രദക്ഷിണം അങ്ങാടി, ഇരവിനല്ലൂർ കവല ചുറ്റി നടത്തും. 4നു പ്രസിദ്ധമായ അപ്പവും കോഴിയിറച്ചിയും നേർച്ചവിളമ്പ്.

പൊന്നിൻകുരിശിന്റെ പ്രഭയിൽ

ചരിത്രപ്രസിദ്ധമായ പൊന്നിൻകുരിശ് അനുഗ്രഹപ്രഭ ചൊരിഞ്ഞു. വിശ്വാസിസമൂഹം പ്രാർഥനാനിരതരായി പൊന്നിൻകുരിശിനെ വണങ്ങി. പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവയുടെ മുഖ്യകാർമികത്വത്തിലാണ് പൊന്നിൻകുരിശ് മദ്ബഹയിൽ പ്രതിഷ്‌ഠിച്ചത്. ഗീവർഗീസ് സഹദായുടെ ചൈതന്യം നിറയുന്ന 401 പവൻ തൂക്കം വരുന്ന കുരിശ് പെരുന്നാൾ ദിനങ്ങളിൽ മാത്രമാണു പുറത്തെടുക്കുന്നത്. നിലയ്ക്കൽ പള്ളി, പുതുപ്പള്ളി കവല ചുറ്റി പള്ളിയിലേക്കു പ്രദക്ഷിണം നടന്നു. ആഘോഷത്തിനു മാറ്റുകൂട്ടുന്ന ആകാശ വിസ്മയക്കാഴ്ച നയനമനോഹരമായി.

പെരുന്നാളിൽ ഇന്ന്

പ്രഭാതനമസ്കാരം – 5.00

കുർബാന – ഡോ.ജോഷ്വ മാർ നിക്കോദിമോസ് – 5.30

പ്രഭാതനമസ്കാരം – 8.00

ഒൻപതിന്മേൽ കുർബാന – ഡോ. ഗബ്രിയേൽ മാർ ഗ്രിഗോറിയോസ് – 9.00

ശ്ലൈഹിക വാഴ്‌വ് – 11.00

വെച്ചൂട്ട് നേർച്ച –11.15 (കുട്ടികൾക്ക് ആദ്യ ചോറൂട്ട് വടക്കുവശത്തെ പന്തലിൽ)

പെരുന്നാൾ പ്രദക്ഷിണം – 2.00

നേർച്ചവിളമ്പ്– 4.00.

വിറകിടീൽ ഘോഷയാത്ര ഇന്ന് 2ന്

noreply@blogger.com (പുതുപ്പള്ളി പള്ളി) — Sun, 07 May 2023 08:30:00 +0000

ജാതിമത ഭേദമെന്യേ ഒരേ മനസ്സോടെ ഏവരും പങ്കെടുക്കുന്ന വിറകിടീൽ ഘോഷയാത്ര പുതുപ്പള്ളി, എറികാട് കരകളിൽ നിന്നു 2ന് ആരംഭിക്കും. പുതുപ്പള്ളി പുണ്യാളനെ സ്തുതിച്ചു കൊണ്ട് നടത്തുന്ന വിറകിടീൽ ചടങ്ങ് ആഘോഷ നിറവിലാണു നടക്കുക.തുടർന്നു 4.30ന് പന്തിരുനാഴി പുറത്ത് എടുക്കും.

വൈകിട്ട് 6.30ന് നടത്തുന്ന പ്രദക്ഷിണം പുതുപ്പള്ളിയുടെ വീഥികൾക്കു സുന്ദരകാഴ്ചകൾ സമ്മാനിക്കും. നിലയ്ക്കൽ പള്ളി, പുതുപ്പള്ളി കവല കുരിശടി വഴി ചുറ്റി നടക്കുന്ന പ്രദക്ഷിണത്തിനു വാദ്യമേളങ്ങളും, മുത്തുക്കുടകളും, ദീപ കാഴ്ചകളും ഭക്തിയുടെ പ്രഭ ചൊരിയും. 9ന് ആകാശ വിസ്മയ കാഴ്ച.

ഗീവർഗീസ് സഹദായോടുള്ള പ്രാർഥനയുമായി ഇന്ന് രാത്രി 10 മുതൽ തിരുശേഷിപ്പിനു മുന്നിൽ വിശ്വാസി സമൂഹം അഖണ്ഡ പ്രാർഥനയിലും പങ്കെടുക്കും. പതിനായിരക്കണക്കിനു വിശ്വാസികൾക്കു തയാറാക്കുന്ന വെച്ചൂട്ടിനുള്ള അരിയിടൽ നാളെ പുലർച്ചെ ഒരു മണിക്കു ആചാരപൂർവം നടത്തും.

തീർഥാടന സംഗമം ഇന്ന്‌

noreply@blogger.com (പുതുപ്പള്ളി പള്ളി) — Sat, 06 May 2023 02:37:00 +0000

പുതുപ്പള്ളി പെരുന്നാളിനോട് അനുബന്ധിച്ചു കുരിശടികളിൽ നിന്നുള്ള പ്രദക്ഷിണവും തീർഥാടന സംഗമവും ഇന്ന് നടക്കും. ഇന്ന് വൈകിട്ട് 6നാണ് പ്രസിദ്ധമായ പുതുപ്പള്ളി തീർഥാടനം. കൊച്ചാലുംമൂട് ഓർത്തഡോക്സ് സെന്റർ, കൈതമറ്റം ചാപ്പൽ, പാറയ്ക്കൽ കടവ്, കാഞ്ഞിരത്തുംമൂട്, വെട്ടത്തുകവല, കൊച്ചക്കാല എന്നീ കുരിശടികളിൽ നിന്നാണ് ഇടവക ജനങ്ങളും തീർഥാടകരും പ്രദക്ഷിണത്തിൽ പങ്കെടുക്കുക. 6 കേന്ദ്രങ്ങളിലും 6ന് സന്ധ്യാനമസ്കാരത്തെ തുടർന്നു പ്രദക്ഷിണം പുറപ്പെടും. പ്രദക്ഷിണങ്ങൾ പള്ളിയിൽ എത്തുന്നതോടെ തീർഥാടക സംഗമം ആയി മാറും. പ്രദക്ഷിണങ്ങൾക്ക് പള്ളിയിൽ സ്വീകരണവും നൽകും.

പുതുപ്പള്ളി പള്ളി ഇടവക കൂട്ടായ്മയുടെ നേതൃത്വത്തിൽ നടന്ന മാങ്ങ അരിയിൽ

noreply@blogger.com (പുതുപ്പള്ളി പള്ളി) — Sat, 06 May 2023 02:29:00 +0000

പുതുപ്പള്ളി പള്ളിയിലെ പെരുന്നാളിന്റെ ഭാഗമായി വെച്ചൂട്ടിനുള്ള മാങ്ങ അരിയിൽ ഇടവകയിലെ മുതിർന്ന സ്ത്രീകളുടെ നേതൃത്വത്തിൽ ആരംഭിച്ചപ്പോൾ.വികാരി ഫാ.ഡോ.വർഗീസ് വർഗീസ് കല്ലൂർ, സഹവികാരിമാരായ ഫാ.കുര്യാക്കോസ് ഈപ്പൻ ഊളയ്ക്കൽ, ഫാ.വർഗീസ് .പി.വർഗീസ് ആനിവയലിൽ, ഫാ.ബ്ലസൻ മാത്യു ജോസഫ് വാഴക്കാലായിൽ എന്നിവർ സമീപം.

പുതുപ്പള്ളി പള്ളി ഇടവക കൂട്ടായ്മയുടെ നേതൃത്വത്തിൽ നടന്ന മാങ്ങ അരിയിൽ പുതുപ്പള്ളി പളളിയുടെ പാരമ്പര്യത്തനിമയുടെ മാറ്റ് കൂട്ടി. വെച്ചൂട്ട് നേർച്ചയ്ക്കുള്ള മാങ്ങ അരിയൽ ഇടവകയിലെ സ്ത്രീ ജനങ്ങൾ ആഘോഷമായി ഏറ്റെടുത്തു. മുതിർന്നവർ ഉൾപ്പെടെ പുതുപ്പള്ളി പെരുന്നാളിന്റെ പഴയകാല അനുഭവങ്ങളും പങ്കുവച്ചാണ് പരിപാടിയിൽ പങ്കെടുത്തത്. പതിനായിരക്കണക്കിനു പേർ പങ്കെടുക്കുന്ന വെച്ചൂട്ട് നേർച്ചയുടെ പ്രധാന വിഭവമാണ് മാങ്ങ അച്ചാറും ചമ്മന്തിപ്പൊടിയും.

പതിറ്റാണ്ടുകളായി തുടർന്നു വരുന്ന ഈ രുചിക്കൂട്ടിന്റെ രഹസ്യം ഇടവക ജനങ്ങളുടെ കൂട്ടായ്മയാണ്. പ്രായഭേദമന്യേ ഉള്ളവർ ഇവ തയാറാക്കാൻ മുൻപന്തിയിൽ ഉണ്ട്. ചമ്മന്തിപ്പൊടി തയാറാക്കൽ ചടങ്ങ് ഇന്നലെ ആരംഭിച്ചു. ഇടവകയിലെ പുരുഷന്മാർ നേതൃത്വം നൽകും. വികാരി ഫാ.ഡോ.വർഗീസ് വർഗീസ് കല്ലൂരിന്റെ നേതൃത്വത്തിൽ പ്രാ‍ർഥനയോടെയാണ് വിഭവങ്ങൾ തയാറാക്കൽ ചടങ്ങ് തുടങ്ങിയത്.

സഹവികാരിമാരായ ഫാ.ഡോ.വർഗീസ് വർഗീസ് കല്ലൂർ, ഫാ.കുര്യാക്കോസ് ഈപ്പൻ ഊളക്കൽ, ഫാ.ബ്ലസൺ മാത്യു ജോസഫ് വാഴക്കാലായിൽ, ഫാ.വർഗീസ് പി.വർഗീസ് , ട്രസ്റ്റിമാരായ ജേക്കബ് ജോർജ്, സജി ചാക്കോ,സെക്രട്ടറി റോണി.സി.വർഗീസ് എന്നിവർ നേതൃത്വം നൽകി.

പുതുപ്പള്ളി പള്ളി ജറുസലം ദേവാലയത്തിന് തുല്യം: കാതോലിക്കാ ബാവാ

noreply@blogger.com (പുതുപ്പള്ളി പള്ളി) — Sat, 06 May 2023 02:20:00 +0000

നാനാജാതി മതസ്ഥർ എത്തുന്ന പുതുപ്പള്ളി പള്ളി ജറുസലം ദേവാലയത്തിനു തുല്യമാണെന്നു പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ പറഞ്ഞു. സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിന്റെ ഭാഗമായ സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജീവകാരുണ്യ പ്രവർത്തനങ്ങളിൽ പള്ളിയുടെ പ്രവർത്തനം സമൂഹത്തിനു മാതൃകയാണെന്നും ബാവാ പറഞ്ഞു. ഡോ.യൂഹാനോൻ മാർ ദിയസ്കോറസ് അധ്യക്ഷത വഹിച്ചു.

ഓർഡർ ഓഫ് സെന്റ്‍ ജോർജ് ബഹുമതി മുൻ മുഖ്യമന്ത്രി ഉമ്മൻ ചാണ്ടിക്കു സമർപ്പിച്ചു. ചാണ്ടി ഉമ്മൻ പുരസ്കാരം ഏറ്റുവാങ്ങി. തിരുവഞ്ചൂർ രാധാകൃഷ്ണൻ എംഎൽഎ, വികാരി ഫാ.ഡോ.വർഗീസ് വർഗീസ് കല്ലൂർ, സിഎസ്ഐ മധ്യകേരള ബിഷപ് ഡോ.മലയിൽ സാബു കോശി ചെറിയാൻ, മാർത്തോമ്മാ സഭാ കോട്ടയം അടൂർ ഭദ്രാസനം ബിഷപ് ഏബ്രഹാം മാർ പൗലോസ്, മലങ്കര കത്തോലിക്കാ ചർച്ച് തിരുവല്ല ഭദ്രാസനം ബിഷപ് തോമസ് മാർ കൂറിലോസ്, മലങ്കര സഭാ വൈദിക ട്രസ്റ്റി ഫാ.തോമസ് വർഗീസ് അമയിൽ, അൽമായ ട്രസ്റ്റി റോണി വർഗീസ്, മലങ്കര സഭ അസോസിയേഷൻ സെക്രട്ടറി ബിജു ഉമ്മൻ, പഞ്ചായത്ത് പ്രസിഡന്റ് പൊന്നമ്മ ചന്ദ്രൻ, പഞ്ചായത്ത് അംഗം വൽസമ്മ മാണി, ട്രസ്റ്റി ജേക്കബ് ജോർജ് എന്നിവർ പ്രസംഗിച്ചു.

സഹവികാരിമാരായ ഫാ.കുര്യാക്കോസ് ഈപ്പൻ ഊളയ്ക്കൽ, ഫാ.ബ്ലസൻ മാത്യു ജോസഫ്, വാഴക്കാലായിൽ, ഫാ.വർഗീസ്.പി.വർഗീസ് ആനിവയലിൽ, ട്രസ്റ്റി സജി ചാക്കോ, സെക്രട്ടറി റോണി സി.വർഗീസ് എന്നിവർ ക്രമീകരണങ്ങൾക്കു നേതൃത്വം നൽകി. പുരസ്കാരം ഏറ്റുവാങ്ങിയ ശേഷം ഉമ്മൻ ചാണ്ടിയുടെ സന്ദേശം മകൻ ചാണ്ടി ഉമ്മൻ വായിച്ചു. ‘പുതുപ്പള്ളി പള്ളിയെ ഇടവക പള്ളി എന്നതിൽ ഉപരി ജീവിതത്തിന്റെ ഒരു ഭാഗമായി കണക്കാക്കുന്നു, ലഭിക്കാവുന്നതിൽ വച്ച് ഏറ്റവും ശ്രേഷ്ഠമായ ബഹുമതിയായി ഈ പുരസ്കാരം കാണുന്നു.

ജീവിതയാത്രയിൽ പുതുപ്പള്ളി പള്ളിയും ഇവിടത്തെ ആത്മീയ ചൈതന്യവും വഹിച്ച പങ്ക് നിർവചനങ്ങൾക്ക് അതീതമാണ്. സത്യത്തിലും ധാർമികതയിലും ദൈവഭയത്തിലും അടിയുറച്ച ജീവിതപ്പാതയിൽ ബാല്യകാലം മുതൽ നടന്നടുക്കാൻ പുതുപ്പള്ളി പള്ളി വഹിച്ച പങ്കു ചെറുതല്ല, ഹൃദയത്തിൽ അലിഞ്ഞു ചേർന്ന വികാരമാണു പുതുപ്പള്ളി പള്ളി എന്നും ഉമ്മൻ ചാണ്ടി സന്ദേശത്തിൽ അറിയിച്ചു.

പുതുപ്പള്ളി പെരുന്നാൾ ഇന്ന് കൊടിയേറും

noreply@blogger.com (പുതുപ്പള്ളി പള്ളി) — Fri, 28 Apr 2023 02:30:00 +0000

ദേശത്തിന് ആഘോഷത്തിന്റെ ദിനങ്ങളുമായി പുതുപ്പള്ളി പെരുന്നാളിനു ഇന്ന് കൊടിയേറും. ലക്ഷക്കണക്കിനു തീർഥാടകർ പങ്കെടുക്കുന്ന ആഘോഷമാണ് പുതുപ്പള്ളി പെരുന്നാൾ.

ആചാരാനുഷ്ഠാനങ്ങളുടെ പ്രത്യേകത കൊണ്ടും വിശുദ്ധ ഗീവർഗീസ് സഹദായുടെ അദൃശ്യ സാന്നിധ്യം കൊണ്ടും വിശ്വാസികൾ അഭയസ്ഥാനമായി കാണുന്ന ദേവാലയമാണ് പുതുപ്പള്ളി പള്ളി. കൊടിമരം ഇടിൽ, വിറകിടീൽ, അരിയിടിൽ, ദീപക്കാഴ്ച, വെച്ചുട്ട്, പ്രദക്ഷിണം, കോഴിനേർച്ച തുടങ്ങിയവയാണ് പ്രധാന ചടങ്ങുകൾ. മേയ് 7 വരെയാണ് പെരുന്നാൾ.

കൊടിമര ഘോഷയാത്ര ഇന്ന്

പെരുന്നാളിന് ഉയർത്താനുള്ള കൊടിമരം ഘോഷയാത്രയായി ഇന്ന് എത്തിക്കും, വാദ്യമേളങ്ങളുടെയും വഞ്ചിപ്പാട്ടിന്റെയും അകമ്പടിയിൽ പുതുപ്പള്ളി, എറികാട് കരകളിൽ നിന്നാണ് കൊടിയേറ്റിനുള്ള കമുകു മരങ്ങൾ കൊണ്ടുവരുന്നത്. പുതുപ്പള്ളി കവലയിൽ നിന്നു ഘോഷയാത്രകൾ സംഗമിച്ച് പള്ളിയിലേക്ക് എത്തും. പള്ളിക്കു ചുറ്റും പ്രദക്ഷിണം വച്ച ശേഷം ആചാരപൂർവമു ള്ള പെരുന്നാൾ കൊടിയേറ്റ്. വൈകിട്ട് 5ന് അഭി. ഡോ. സഖറിയ മാർ സേവേറിയോസ് മെത്രാപ്പോലിത്താ (ഇടുക്കി ഭദ്രാസനം) കൊടിയേറ്റ് നിർവഹിക്കും,

ഇന്നത്തെ പരിപാടി

ഏപ്രിൽ 28, വെള്ളി

6.45 എ.എം പ്രഭാതനമസ്കാരം
7.15 .എ.എം വി. കുർബ്ബാന - റവ. ഫാ. മാത്യു വർഗീസ് വലിയപീടികയിൽ
10.30 എ.എം. - ധ്വാനം - റവ. ഫാ. റ്റൈറ്റസ് ജോൺ തലവൂർ
01.00 പി.എം - കഞ്ഞിനേർച്ച
02.00 പി.എം - പെരുന്നാൾ കൊടിമര ഘോഷയാത്ര പുതുപ്പള്ളി, എറികാട് കരകളിൽ നിന്ന്
05.00 പി.എം - പെരുന്നാൾ കൊടിയേറ്റ് - അഭി. ഡോ. സഖറിയ മാർ സേവേറിയോസ് മെത്രാപ്പോലിത്താ (ഇടുക്കി ഭദ്രാസനം)

~~ * ~~

പുതുപ്പള്ളി പെരുന്നാൾ ഏപ്രിൽ 28 മുതൽ മേയ് 8 വരെ

noreply@blogger.com (പുതുപ്പള്ളി പള്ളി) — Thu, 27 Apr 2023 22:40:00 +0000

ജനലക്ഷങ്ങൾ പങ്കെടുക്കുന്ന പുതുപ്പള്ളി പെരുന്നാളിനു 28ന് കൊടിയേറും. പൗരസ്ത്യ ജോർജിയൻ തീർഥാടനകേന്ദ്രമായ സെന്റ് ജോർജ് ഓ‍ർത്തഡോക്സ് പള്ളിയിൽ മേയ് 8 വരെയാണു പെരുന്നാൾ. പുതുപ്പള്ളി, എറികാട് കരകളിൽനിന്നു കൊടിമര ഘോഷയാത്ര 28ന് ഉച്ചയ്ക്കു 2ന് ആരംഭിക്കും. മൂന്നരയോടെ പുതുപ്പള്ളി കവലയിൽ എത്തിച്ചേരും. തുടർന്നു ഘോഷയാത്രയായി പള്ളിയിലേക്ക്. 5നു ഡോ. സഖറിയ മാർ സേവേറിയോസിന്റെ കാർമികത്വത്തിൽ കൊടിയേറ്റ്.

സാംസ്കാരിക സമ്മേളനം

മതമൈത്രിയുടെ കേന്ദ്രം കൂടിയായ പള്ളിയിൽ പെരുന്നാളിന്റെ ഭാഗമായ സാംസ്കാരിക സമ്മേളനം 30ന് ഉച്ചയ്ക്കു 2നു നടത്തും. ഓർഡർ ഓഫ് സെന്റ് ജോർജ് അവാ‍ർഡ്, നിയമസഭയിൽ 50 വർഷം പൂർത്തീകരിച്ച ഇടവകാംഗം കൂടിയായ മുൻ മുഖ്യമന്ത്രി ഉമ്മൻ ചാണ്ടിക്കു പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ സമർപ്പിക്കും.ഡോ. യൂഹാനോൻ മാർ ദിയസ്കോറസ് അധ്യക്ഷത വഹിക്കും.

പുതുപ്പള്ളി കൺവൻഷൻ

മേയ് ഒന്നു മുതൽ 5 വരെയാണു കൺവൻഷൻ. ദിവസവും വൈകിട്ട് 6.15നു വൈദികശ്രേഷ്ഠർ വചനസന്ദേശം നൽകും.

തീർഥാടക സംഗമം

പള്ളിയുടെ 6 കരകളിൽ നിന്നുള്ള പ്രദക്ഷിണം 6നു വൈകിട്ട് 6നു നടത്തും. കൊച്ചാലുംമൂട്, കൈതമറ്റം, പാറയ്ക്കൽകടവ്, കാ‍ഞ്ഞിരത്തുംമൂട്, വെട്ടത്തുകവല, കൊച്ചക്കാലാ എന്നിവിടങ്ങളിൽ നിന്നാണു പ്രദക്ഷിണങ്ങൾ എത്തുക.

പ്രധാന പെരുന്നാൾ

7നു രാവിലെ 8.30നു പരിശുദ്ധ കാതോലിക്കാ ബാവായുടെ കാർമികത്വത്തിൽ അഞ്ചിന്മേൽ കുർബാന. 11.30നു ചരിത്രപ്രസിദ്ധമായ പൊന്നിൻകുരിശ് വിശുദ്ധ ത്രോണോസിൽ പ്രതിഷ്ഠിക്കും. 3നു വിറകിടീൽ ചടങ്ങ്. 6നു പൊന്നിൻകുരിശ് എഴുന്നള്ളിക്കൽ, പ്രസിദ്ധമായ പെരുന്നാൾ പ്രദക്ഷിണം. രാത്രി 9ന് ആകാശ വിസ്മയക്കാഴ്ച. രാത്രി ഒന്നിനു വെച്ചൂട്ടിനുള്ള അരിയിടും. 8നു രാവിലെ 9ന് മെത്രാപ്പൊലീത്തമാരുടെ കാർമികത്വത്തിൽ ഒൻപതിൻമേൽ കുർബാന. 11.15നു വെച്ചൂട്ട്. വൈകിട്ട് 4നു നേർച്ചവിളമ്പ്.

പെരുന്നാൾ ക്രമീകരണങ്ങൾക്കു വികാരി ഫാ. ഡോ. വർഗീസ് വർഗീസ് കല്ലൂർ, സഹവികാരിമാരായ ഫാ. കുര്യാക്കോസ് ഈപ്പൻ ഊളയ്ക്കൽ, ഫാ. ബ്ലസൺ മാത്യു ജോസഫ് വാഴക്കാലായിൽ, ഫാ. വർഗീസ് പി.വർഗീസ് ആനിവയലിൽ, ട്രസ്റ്റിമാരായ ജേക്കബ് ജോർ‌ജ്, സജി ചാക്കോ, സെക്രട്ടറി റോണി സി.വർഗീസ് എന്നിവർ നേതൃത്വം നൽകും.

പുതുപ്പള്ളി പെരുന്നാളിനോട് അനുബന്ധിച്ച് പുതുപ്പള്ളി ടൗണിലെ വാഹന ഗതാഗത ക്രമീകരണം

noreply@blogger.com (പുതുപ്പള്ളി പള്ളി) — Wed, 04 May 2022 20:51:00 +0000

പുതുപ്പള്ളി പള്ളിയിലെ പെരുന്നാളിനോട് അനുബന്ധിച്ച് 05.05.2022 മുതല്‍ 07.05.2022 വരെ പുതുപ്പള്ളി ടൗൺ ഭാഗത്തേക്കുള്ള വാഹന ഗതാഗതം താഴെ പറയുന്ന പ്രകാരം ക്രമീകരിച്ചിരിക്കുന്നു.

കോട്ടയത്തു നിന്നും കറുകച്ചാല്‍ ഭാഗത്തേയ്ക്ക് പോകേണ്ട വാഹനങ്ങള്‍ മാങ്ങാനം കലുങ്ക് ജംഗ്ഷനില്‍ നിന്ന് ഇടത്തേയ്ക്ക് തിരിഞ്ഞ് പൂമറ്റം –കാഞ്ഞിരത്തുംമൂട് – ആറാട്ടുചിറ – പയ്യപ്പാടി – നാരകത്തോട് –വെട്ടത്തുകവല - കൈതേപ്പാലം വഴി പോകേണ്ടതാണ്.
കോട്ടയത്ത്‌ നിന്നും ഞാലിയാകുഴി – തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ കഞ്ഞിക്കുഴിയില്‍ നിന്നും വലത്തേയ്ക്ക് തിരിഞ്ഞ് ദേവലോകം – കൊല്ലാട് - നാല്‍ക്കവല - പാറയ്ക്കല്‍ കടവ് - എരമല്ലൂര്‍ വഴി പോകേണ്ടതാണ്.
മണര്‍കാട് ഭാഗത്ത്‌ നിന്നും കറുകച്ചാല്‍,തെങ്ങണ,ചങ്ങനാശ്ശേരി ഭാഗത്തേയ്ക്ക് പോകേണ്ട വാഹനങ്ങള്‍ കാഞ്ഞിരത്തുംമൂട് - ആറാട്ടുചിറ – പയ്യപ്പാടി – നാരകത്തോട് –വെട്ടത്തുകവല - കൈതേപ്പാലം വഴി പോകേണ്ടതാണ്.
കറുകച്ചാല്‍ ഭാഗത്ത്‌ നിന്നും മണര്‍കാട് – കോട്ടയം – പാമ്പാടി ഭാഗത്തേയ്ക്ക് പോകേണ്ട വാഹനങ്ങള്‍ വെട്ടത്തു കവല എല്‍പി സ്കൂള്‍ ജംഗ്ഷനില്‍ നിന്നും വലത്തേയ്ക്ക് തിരിഞ്ഞ് നാരകത്തോട് – ആറാട്ടുചിറ – കഞ്ഞിരത്തുംമൂട് വഴി മണര്‍കാട് ഭാഗത്തേയ്ക്ക് പോകേണ്ടതാണ്.
തെങ്ങണ ഭാഗത്ത്‌ നിന്നും കോട്ടയം ഭാഗത്തേയ്ക്ക് പോകേണ്ട വാഹനങ്ങള്‍ എരമല്ലൂര്‍ - പാറയ്ക്കല്‍ കടവ് – നാല്‍ക്കവല വഴി പോകേണ്ടതാണ്.

ഗതാഗത ക്രമീകരണം 05.05.2022 തീയതി വൈകുന്നേരം 05.00 മണി മുതല്‍ വൈകിട്ട് 09.00 മണി വരെയും 06.05.2022 തീയതി ഉച്ചകഴിഞ്ഞ് 02.00 മണി മുതല്‍ 04.00 മണി വരെയും , 07.05.2022 തീയതി രാവിലെ 11.00 മണി മുതല്‍ വൈകിട്ട് 07.00 മണി വരെയും ഉണ്ടായിരിക്കുന്നതാണ്.

മേയ് 5,6,7,8 തീയതികളില്‍ ടോറസ്, ടിപ്പര്‍, ലോറി മുതലായവായുടെയും ചരക്കു വാഹനങ്ങളുടെയും ഗതാഗതം താഴെ പറയും പ്രകാരം ക്രമീകരിച്ചിരിക്കുന്നു.

മണര്‍കാട് ഭാഗത്ത്‌ നിന്നും പുതുപ്പള്ളി വഴി കറുകച്ചാല്‍,തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ പാമ്പാടി – ഇലക്കൊടിഞ്ഞി – മാന്തുരുത്തി വഴി കറുകച്ചാല്‍ ഭാഗത്തേയ്ക്ക് പോകേണ്ടതാണ്.
തെങ്ങണ – കറുകച്ചാല്‍ ഭാഗത്തു നിന്നും കോട്ടയം മണര്‍കാട് ഭാഗത്തേയ്ക്ക് പോകേണ്ട വാഹനങ്ങള്‍ മാന്തുരുത്തി – ഇലക്കൊടിഞ്ഞി - പാമ്പാടി വഴി പോകേണ്ടതാണ്.
കോട്ടയം ഭാഗത്ത്‌ നിന്നും കറുകച്ചാല്‍ തെങ്ങണ ഭാഗത്തേയ്ക്ക് പോകേണ്ട വാഹനങ്ങള്‍ MC റോഡ്‌ വഴി ചിങ്ങവനത്ത് എത്തി ഇടത്തേയ്ക്ക് തിരിഞ്ഞു പോകേണ്ടതാണ്.

“ഓർഡർ ഓഫ് സെന്റ് ജോർജ് ' പുരസ്കാരം കെ.എസ്. ചിത്രയ്ക്ക് സമ്മാനിച്ചു

noreply@blogger.com (പുതുപ്പള്ളി പള്ളി) — Wed, 04 May 2022 16:14:00 +0000

ഗായിക കെ.എസ്. ചിത്രയ്ക്ക് ഓർഡർ ഓഫ് സെന്റ് ജോർജ് പുരസ്കാരം ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ സമ്മാനിക്കുന്നു. മന്ത്രി വി.എൻ. വാസവൻ, ഡോ. യൂഹാനോൻ മാർ ദീയസ്കോറസ് മെത്രാപ്പോലീത്ത, മുൻ മുഖ്യമന്ത്രി ഉമ്മൻചാണ്ടി, ഫാ. പി.കെ. കുറിയാക്കോസ് തുടങ്ങിയവർ സമീപം

പുതുപ്പള്ളി പള്ളി ഏർപ്പെടുത്തിയ ഓർഡർ ഓഫ് സെന്റ് ജോർജ് പുരസ്കാരം പരിശുദ്ധ കാതോലിക്കാ ബാവാ കെ.എസ്. ചിത്രയ്ക്ക് സമ്മാനിച്ചു. പുതുപ്പള്ളി പെരുന്നാളിന്റെ ഭാഗമായി നടത്തിയ സാംസ്കാരിക സമ്മേളനം മന്ത്രി വി.എൻ. വാസവൻ ഉദ്ഘാടനംചെയ്തു.

കോട്ടയം ഭദ്രാസന സഹായ മെത്രാപ്പോലീത്ത ഡോ.യൂഹാനോൻ മാർ ദീയസ് കോറോസ് അധ്യക്ഷനായി. കാതോലിക്കാ ബാവയുടെ 'സഹോദരൻ' സേവന പദ്ധതിയിലേക്കുള്ള പുതുപ്പള്ളി പള്ളി യുടെ വിഹിതമായ 15 ലക്ഷം രൂപയുടെ ചെക്ക് മുൻ മുഖ്യമന്ത്രി ഉമ്മൻചാണ്ടി എം.എൽ.എ. ബാവയ്ക്ക് കൈമാറി. കെ.എസ്. ചിത്ര മറുപടി പ്രസംഗം നടത്തി. പള്ളിവികാരി ഫാ. എ.വി. വർഗീസ്, പുതുപ്പള്ളി പഞ്ചായത്ത് പ്രസിഡന്റ് പൊന്നമ്മ ചന്ദ്രൻ, ജില്ലാ പഞ്ചായത്ത് അംഗം പി.കെ. വൈശാഖ്, ബ്ലോക്ക് പഞ്ചായത്തംഗം സിബി ജോൺ, ഗ്രാമപ്പഞ്ചായത്തംഗം വത്സമ്മ മാണി, കൈക്കാരൻ വി.എ. പോത്തൻ തുടങ്ങിയവർ പ്രസംഗിച്ചു.

പരിശുദ്ധ ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്ക ബാവയെ പുതുപ്പള്ളി കവലയിൽനിന്ന് സ്വീകരിച്ച് പള്ളിയിലേക്ക് ആനയിച്ചു.

പുതുപ്പള്ളി പെരുന്നാൾ ഇന്ന് കൊടിയേറും

noreply@blogger.com (പുതുപ്പള്ളി പള്ളി) — Thu, 28 Apr 2022 03:00:00 +0000

ദേശത്തിന് ആഘോഷത്തിന്റെ ദിനങ്ങളുമായി പുതുപ്പള്ളി പെരുന്നാളിനു ഇന്ന് കൊടിയേറും. വാദ്യമേളങ്ങളുടെയും വഞ്ചിപ്പാട്ടിന്റെയും അകമ്പടിയോടെയാണ് കൊടിമരം ഇടീലും കൊടിയേറ്റും. ലക്ഷക്കണക്കിനു തീർഥാടകർ പങ്കെടുക്കുന്ന ആഘോഷമാണ് പുതുപ്പള്ളി പെരുന്നാൾ.

പരമ്പരാഗതമായ എല്ലാ ആചാരങ്ങളോടും കൂടി തിരിച്ചെത്തുന്ന പെരുന്നാൾ ദിനങ്ങളെ വരവേൽക്കാൻ ഒരുങ്ങുകയാണ് ദേശവാസികൾ.

പുതുപ്പള്ളി പെരുന്നാൾ കൊടിയേറ്റ് 28ന്; വെച്ചുട്ട് മേയ് 7ന്

noreply@blogger.com (പുതുപ്പള്ളി പള്ളി) — Wed, 27 Apr 2022 07:45:00 +0000

ഭാരതത്തിലെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ ഏപ്രിൽ 28 മുതൽ മേയ് 7 വരെ ആചരിക്കും.

കൊടിമരം ഇടീൽ, വിറകിടീൽ, അരിയിടീൽ, ദീപക്കാഴ്ച, വെച്ചുട്ട്, പ്രദിക്ഷണം, കോഴിനേർച്ച തടങ്ങിയ പരമ്പരാഗതമായ ഒട്ടേറെ ആചാരങ്ങൾ പുതുപ്പള്ളി പെരുന്നാളിന്റെ പ്രത്യേകതയാണ്. വാദ്യമേളങ്ങളുടെയും വഞ്ചിപ്പാട്ടിന്റെയും അകമ്പടിയോടെയാണ് 28നു കൊടിമരം ഇടീലും കൊടിയേറ്റും. മേയ് ഒന്നിനു വൈകിട്ട് 4നു പരിശുദ്ധ ബസേലിയോസ് മാർത്തോമ്മാ മാത്യൂസ് ത്യതീയൻ കാതോലിക്കാ ബാവായ്ക്ക് സ്വീകരണം നൽകും. തുടർന്ന് പൊതുസമ്മളനത്തിൽ ഓർഡർ ഓഫ് സെന് ജോർജ് പുരസ്കാരം ഗായിക കെ.എസ്. ചിത്രയ്ക്കു സമർപ്പിക്കും. സഭാ മേലധ്യക്ഷന്മാർ, കേന്ദ്ര - സംസ്ഥാന മന്ത്രിമാർ, സാംസ്കാരിക നായകർ തുടങ്ങിയവർ പങ്കെടുക്കും,

മേയ് ഒന്നു മുതൽ 4 വരെ ദിവസവും വൈകിട്ട് 6നു പുതുപ്പള്ളി കൺവൻഷന്. മേയ് 5നു തീർഥാടന സംഗമവും വിവിധ കുരിശടിക ളിൽ നിന്നു പള്ളിയിലേക്കുള്ള പ്രദക്ഷിണവും നടത്തും. 6നു രാ വിലെ പ്രസിദ്ധമായ പൊന്നിൻ കുരിശ് ദർശനത്തിനായി പ്രധാന ത്രാണാസിൽ സ്ഥാപിക്കും. ഉച്ചയ്ക്ക് 2നു വെച്ചുട്ടിനുള്ള വിറകിടീൽ ചടങ്ങ്. 4നു പന്തിരുനാഴി പുറത്തെടുക്കൽ, സന്ധ്യാപ്രാർഥനയെ തുടർന്നു പ്രദക്ഷിണം. പൊന്നിൻ കുരിശും 101 വെള്ളിക്കുരിശും ആയിരക്കണക്കിനു മുത്തുക്കുടകളും പ്രദക്ഷിണത്തിനു പകിട്ടേകും. 7നു വെളുപ്പിന് ഒരു മണിക്ക് വെച്ചുട്ട് നേർച്ചസദ്യയ്ക്കുള്ള അരിയിടീൽ. രാവിലെ 8നു നടക്കുന്ന ഒൻപതിൻമേൽ കുർബാനയ തുടർന്നാണ് വെച്ചുട്ട് നേർച്ചയും കുട്ടികൾക്കുള്ള ആദ്യ ചോറൂട്ടും 2ന് ഇരവിനല്ലൂർ കവല ചുറ്റി പ്രദക്ഷിണം 4ന് അപ്പവും പാകപ്പെടുത്തിയ കോഴിയിറച്ചിയും നേർച്ച യായി ഭക്തർക്കു നൽകും.

19നു കൊടിയിറക്ക് വരെ പള്ളിയിൽ ഗീവർഗീസ് സഹദായുടെ സാന്നിധ്യാനുസ്മരണ ദിനങ്ങളായി ആചരിക്കുമെന്ന് വികാരി ഫാ. എ.വി.വർഗീസ് ആറ്റുപുറം, സഹവികാരിമാരായ ഫാ. അലക്സസി മാത്യൂസ് മുണ്ടുകുഴിയിൽ, ഫാ. എബ്രഹാം ജോ തെക്കേത്തറയിൽ എന്നിവർ അറിയിച്ചു. പെരുന്നാൾ ചടങ്ങുകൾക്ക് ട്രസ്റ്റിമാരായ വി.എ.പോത്തൻ, സാബു മർക്കോസ്, അഖിൽ മാത്യു ഫിലിപ്പ് എന്നിവർ നേതൃത്വം നൽകും.

ഓർഡർ ഓഫ് സെന്റ് ജോർജ് പുരസ്കാരം; കെ.എസ്.ചിത്രയ്ക്ക്

noreply@blogger.com (പുതുപ്പള്ളി പള്ളി) — Sat, 19 Mar 2022 11:29:00 +0000

ഭാരതത്തിലെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാളിനോട് അനുബന്ധിച്ച് നൽകി വരുന്ന ഓർഡർ ഓഫ് സെന്റ് ജോർജ് പുരസ്കാരം പ്രശസ്ത പിന്നണി ഗായിക കെ. എസ്. ചിത്രയ്ക്ക് നൽകും.

പെരുന്നാളിനോട് അനുബന്ധിച്ച് മേയ് ഒന്നിന് 4 p.mന് നടക്കുന്ന പൊതു സമ്മേളനത്തിൽ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ പുരസ്കാരം സമർപ്പിക്കും.

ഭദ്രാസന മെത്രാപ്പൊലീത്ത യുഹാനോൻ മാർ ദിയസ്കോറോസ്, മുൻ മുഖ്യമന്ത്രിയും ഇടവകാംഗവുമായ ഉമ്മൻ ചാണ്ടി, വിവിധ സഭാമേലധ്യക്ഷന്മാർ, സാംസ്കാരിക നായകർ എന്നിവർ പങ്കെടുക്കും.

പുതുപ്പള്ളി പെരുന്നാൾ 2022 ഏപ്രിൽ 28 മുതൽ മെയ് 7 വരെ

noreply@blogger.com (പുതുപ്പള്ളി പള്ളി) — Sun, 13 Mar 2022 21:24:00 +0000

പുതുപ്പള്ളി പള്ളി പെരുന്നാൾ ഒരുക്കങ്ങൾ തുടങ്ങി

ഭാരതത്തിലെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി സെൻറ് ജോർജ് ഓർത്തഡോക്സ് വലിയ പള്ളിയിലെ പെരുന്നാൾ മേയ് അഞ്ച്, ആറ്, ഏഴ് തീയതികളിൽ ആഘോഷിക്കാൻ ഇടവക പൊതുയോഗം തീരുമാനിച്ചു.

പരിശുദ്ധ ബസേലിയസ് മാത്യൂസ് തൃതീയൻ കാതോലിക്ക ബാവ നേതൃത്വം വഹിക്കും. പെരുന്നാൾ നടത്തിപ്പിന് 1001 അംഗ കമ്മിറ്റി രൂപവത്കരിച്ചു.

ഏപ്രിൽ 28-നാണ് കൊടിയേറ്റ്, മേയ് ഒന്നിന് സാംസ്കാരിക സമ്മേളനത്തിൽവെച്ച് ഓർഡർ ഓഫ് സെൻറ് ജോർജ് അവാർഡ് നൽകും. ഭദ്രാസന മെത്രാപ്പൊലീത്ത യുഹാനോൻ മാർ ദിയസ്കോറോസ്, മുൻ മുഖ്യമന്ത്രിയും ഇടവകാംഗവുമായ ഉമ്മൻ ചാണ്ടി, വിവിധ സഭാമേലധ്യക്ഷന്മാർ, സാംസ്കാരിക നായകർ എന്നിവർ പങ്കെടുക്കും.

ചരിത്രപ്രസിദ്ധമായ വിറകിടീൽ, വെച്ചുട്ട്, റാസ, പൊന്നിൻ കുരിശ് എഴുന്നള്ളിക്കൽ, തീർഥാടക സംഗമം, റാസ, കോഴി നേർച്ച എന്നിവ പരമ്പരാഗത ആചാരങ്ങളോടെ നടത്തും. വികാരി ഫാ .എ.വി.വർഗീസ്, ട്രസ്റ്റിമാരായ വി.എ.പോത്തൻ, സാബു മാർക്കോസ്, സെക്രട്ടറി അഖിൽ മാത്യു, സഹവികാരിമാരായ ഫാ.അലക്സി മാത്യൂസ്, ഫാ.എബ്രഹാം ജോൺ എന്നിവർ നേതൃത്വം നൽകും.

ഡോ. മാത്യൂസ് മാർ സേവേറിയോസ് കാതോലിക്കാ ബാവയാവും

noreply@blogger.com (പുതുപ്പള്ളി പള്ളി) — Fri, 17 Sep 2021 00:54:00 +0000

മാത്യൂസ് മാർ സേവേറിയോസ് തിരുമേനിയെ സുന്നഹദോസ് ഐക്യകണ്ഠേന നിയുക്ത കാതോലിക്കാ ബാവാ ആയി നാമനിർദ്ദേശം ചെയ്തു.

ഓര്‍ത്തഡോക്‌സ് സഭയുടെ പരമാധ്യക്ഷനെ തിരഞ്ഞെടുക്കാനുള്ള മലങ്കര അസോസിയേഷന്‍ യോഗത്തിനു മുന്നോടിയായി ചേർന്ന സഭയുടെ എപ്പിസ്‌കോപ്പല്‍ സിനഡിലാണ് തീരുമാനം.

നാളെ മാനേജിങ് കമ്മിറ്റിക്ക് ശേഷം ഔദ്യോഗിക പ്രഖ്യാപനം ഉണ്ടാവും.

കാതോലിക്കാ ബാവാ കാലം ചെയ്തതിനെത്തുടര്‍ന്ന് രൂപീകരിച്ച അഡ്‌മിനിസ്‌ട്രേറ്റീവ് കൗണ്‍സില്‍ അധ്യക്ഷന്‍ തുമ്പമണ്‍ ഭദ്രാസനാധിപന്‍ കുര്യാക്കോസ് മാര്‍ ക്ലീമീസ് സിനഡില്‍ അധ്യക്ഷത വഹിച്ചു.

സഭാ ആസ്ഥാനമായ ദേവലോകത്ത് ചേർന്ന സിനഡില്‍ സഭയിലെ 24 മെത്രാപ്പൊലീത്തമാര്‍ പങ്കെടുത്തു.

കണ്ടനാട് വെസ്റ്റ് ഭദ്രാസനാധിപനും, എപ്പിസ്ക്കോപ്പല്‍ സുന്നഹദോസിന്‍റെ മുന്‍ സെക്രട്ടറിയും, വര്‍ക്കിംഗ് കമ്മിറ്റിയംഗവുമാണ് ഡോ. മാത്യൂസ് മാര്‍ സേവേറിയോസ് മെത്രാപ്പോലീത്ത. കാലം ചെയ്ത കാതോലിക്കാ ബാവായുടെ അസിസ്റ്റന്‍റായി സേവനമനുഷ്ഠിച്ചു. കോട്ടയം വാഴൂർ സ്വദേശിയാണ്.

സിന്നഡിന് ശേഷം നിയുക്ത കത്തോലിക്കാ ബാവാ പുതുപ്പള്ളി പള്ളി സന്ദർശിച്ചു പാർത്ഥനക്ക് നേതൃത്വം നൽകി.

പുതുപ്പള്ളി പള്ളിയുടെ സഹകരണത്തോടെ തോട്ടയ്ക്കാട് ആശുപത്രിയിൽ ഓക്സിജൻ പാർലർ സ്ഥാപിക്കുന്നു

noreply@blogger.com (പുതുപ്പള്ളി പള്ളി) — Sat, 15 May 2021 06:22:00 +0000

തോട്ടയ്ക്കാട് ഗവ.ആയുർവേദ ആശുപത്രിയിൽ ആരംഭിക്കുന്ന കോവിഡ് ചികിത്സാ കേന്ദ്രത്തിൽ പുതുപ്പള്ളി പള്ളിയുടെ സഹകരണത്തിൽ അം സ്ഥാപിക്കുന്ന ഓക്സിജൻ പാർലറിനുള്ള സഹായധനം വികാരി എ.വി.വർഗീസ് ആറ്റുപുറത്ത് പള്ളം ബ്ലോക്ക് പഞ്ചായത്ത് പ്രസിഡന്റ് | പ്രഫ.ടോമിച്ചൻ ജോസഫിനു കൈമാറുന്നു

തോട്ടയ്ക്കാട് ഗവണ്മെന്റ് ആശുപത്രിയിൽ ആരംഭിക്കുന്ന കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിൽ പുതുപ്പള്ളി പള്ളിയുടെയും, ഇടവകാംഗമായ വന്നല ഫിലിപ്പോസ് വി ഏബ്രഹാമിന്റെയും സഹകരണത്തോടെ സ്ഥാപിക്കുന്ന ഓക്സിജൻ പാർലറിനുള്ള ധനസഹായം പുതുപ്പള്ളി പള്ളി വികാരി റവ.ഫാ.എ.വി വർഗീസ് ആറ്റുപുറത്ത് പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊ.ടോമിച്ചൻ ജോസഫിന് കൈമാറി.

പുതുപ്പള്ളി പഞ്ചായത്ത് പ്രസിഡന്റ് പൊന്നമ്മ ചന്ദ്രൻ, വൈസ് പ്രസിഡന്റ് പ്രമോദ് കുര്യാക്കോസ്, ബ്ലോക്ക് പഞ്ചായത്ത് മെംബർ സിബി ജോൺ, പഞ്ചായത്ത് മെംബർമാരായ സി. എസ്. സുധൻ, വൽസമ്മ മാണി, സഹവികാരി റവ.ഫാ.ഏബ്രഹാം ജോൺ,കൈക്കാരന്മാരായ പി.റ്റി വർഗീസ്, കെ.ജെ.സ്കറിയ, സെക്രട്ടറി റോണി സി വർഗീസ് എന്നിവർ സംബന്ധിച്ചു.

ഒപ്പമുണ്ട് ഞങ്ങൾ!; യുവജന പ്രസ്ഥാനം

noreply@blogger.com (പുതുപ്പള്ളി പള്ളി) — Tue, 11 May 2021 07:21:00 +0000

പ്രിയ ഇടവകജനങ്ങളെ .........

കോവിഡിൻ്റെയും ലോക് ഡൗണിൻ്റെയും പശ്ചാത്തലത്തിൽ , നമ്മുടെ ഇടവകയിലെ പല ഭവനങ്ങളിൽ കോവിഡ് ബാധിതരും, ക്വാറന്റൈൻനിൽ കഴിയുന്നവർക്കും മരുന്നിനും, മറ്റ് അത്യാവശ്യ സാധനങ്ങൾക്കും ബുദ്ധിമുട്ടുകൾ അനുഭവിക്കുന്നവർ അറിയിക്കുന്ന പക്ഷം മരുന്നുകൾ,അത്യാവശ്യ സാധനങ്ങൾ എന്നിവ എത്തിച്ചു നൽകാൻ പുതുപ്പള്ളി പള്ളി യുവജനപ്രസ്ഥാനം അംഗങ്ങൾ സേവന സന്നദ്ധരായി നിൽക്കുന്നു.

Covid പ്രോട്ടോകോൾ അനുസരിച്ച് മരുന്നുകൾ,അത്യാവശ്യ സാധനങ്ങൾ,കോവിഡ് രോഗ സംബന്ധമായ മറ്റ് എന്ത് സഹായവും ലഭിക്കുവാൻ താഴെ നൽകിയിരിക്കുന്ന നമ്പറിൽ ബന്ധപ്പെടുക.

ബിയോൺ -8848814142

ക്രിസ്റ്റി - 9495358671

സുബിൻ - 9847847234

ജിജോ - 9048448847

രാഹുൽ - 8593849659

നമ്മുടെ എല്ലാ ഇടവക ജനങ്ങൾക്കും ഈ സംവിധാനങ്ങൾ ഒരുക്കിയിട്ടുള്ളത്.

ഈ ദുഷ്കാലം മാറി പോകുവാൻ എല്ലാവരും ദൈവത്തോട് പ്രാർത്ഥിക്കാം . പരിശുദ്ധ ഗീവർഗീസ് സഹദായുടെ മധ്യസ്ഥതയിൽ അഭയപെട്ട് കൊണ്ട്....

സ്നേഹപൂർവം

പ്രസ്ഥാന സെക്രട്ടറി

ബിയോൺ ഫിലിപ്പ്

പുതുപ്പള്ളി പെരുന്നാൾ സമാപിച്ചു.

noreply@blogger.com (പുതുപ്പള്ളി പള്ളി) — Sat, 08 May 2021 05:39:00 +0000

പൗരസ്ത്യ ജോർ ജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാൾ ആചരണം സമാപിച്ചു. കോവിഡ് സാഹചര്യത്തിൽ വിശ്വാസികൾ ഭവനങ്ങളിലിരുന്നു പ്രാർഥനാനിരതരായി പുതുപ്പള്ളി പുണ്യാള ന്റെ അനുഗ്രഹത്തിനായി പ്രാർഥിച്ചു. കോവിഡ് നിയന്ത്രണം പൂർണ്മായി പാലിച്ചായിരുന്നു പളളിയിലെ ചടങ്ങുകൾ. വിശ്വാസികൾ നിയന്ത്രണങ്ങൾ പാലിച്ച് ദർശനം നടത്തി.

നാട് ജനസാഗരമാകുന്ന വെച്ചുട്ട് നടക്കേണ്ട ദിനം കൂടിയായിരുന്നു ഇന്നലെ. ഓൺലൈനിൽ ക്രമീകരണം ഏർപ്പെടുത്തിയിരുന്നതിനാൽ വീടുകളിലിരുന്ന് വിശ്വാസികൾ പള്ളിയിൽ നടന്ന ചടങ്ങുകളിൽ തത്സമയം പങ്കാളികളായി.

സുന്നഹദോസ് സെക്രട്ടറി ഡോ. യൂഹാനോൻ മാർ ദിയസ്കോറസ് മുഖ്യകാർമികത്വം വഹിച്ചു. കോട്ടയം ഭദ്രാസന സെക്രട്ടറി ഫാ.പി.കെ.കുര്യാക്കോസ് പണ്ടാരക്കുന്നേൽ, ബസലേൽ റമ്പാൻ എന്നിവർ സഹകാർമികത്വം വഹിച്ചു. തുടർന്നു പള്ളിക്കു ചുറ്റും പ്രദക്ഷിണം നടത്തിയ ശേഷമാണ് ചടങ്ങുകൾ സമാപിച്ചത്. പ്രദക്ഷിണത്തിനു ഫാ. ജിബി.കെ.പോൾ മുഖ്യകാർമികത്വം വഹിച്ചു.

പെരുന്നാൾ ക്രമീകരണങ്ങൾക്കു വികാരി ഫാ. എ.വി.വർഗീസ് ആറ്റുപുറത്ത്, സഹവികാരിമാരായ ഫാ. അലക്സി മാത്യൂസ് മുണ്ടുകുഴിയിൽ, ഫാ. ഏബ്രഹാം ജോൺ തെക്കേത്തറയിൽ, ട്രിസ്റ്റിമാരായ കെ.ജെ.സ്കറിയ, പി.ടി.വർഗീസ്, സെക്രട്ടറി റോണി സി.വർഗീസ് എന്നിവർ നേതൃത്വം നൽകി.

വിശ്വാസിമനസ്സുകളിൽ അനുഗ്രഹമേകി പുതുപ്പള്ളി പെരുന്നാൾ ഇന്ന്

noreply@blogger.com (പുതുപ്പള്ളി പള്ളി) — Fri, 07 May 2021 06:32:00 +0000

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിനോടനുബന്ധിച്ചു ഡോ.യൂഹാനോൻ മാർ ദിമെത്രയോസിന്റെ മുഖ്യകാർമികത്വത്തിൽ പൊന്നിൻകുരിശ് ത്രോണോസിൽ പ്രതിഷ്ഠിക്കുന്നു. ഫാ. ഏബ്രഹാം ജോൺ തെക്കേത്തറയിൽ, തോമസ് ഏബ്രഹാം കുറിയന്നൂർ കോറെപ്പിസ്കോപ്പ, വികാരി ഫാ. എ.വി.വർഗീസ് ആറ്റുപുറത്ത്, സി.ജോൺ ചിറത്തലാട്ട് കോറെപ്പിസ്കോപ്പ, ഫാ. ജയ് സഖറിയ മൂലക്കാട്ട് എന്നിവർ സമീപം.

വിശ്വാസിമനസ്സുകളിൽ അനുഗ്രഹം നിറയുന്ന പുതുപ്പള്ളി പെരുന്നാളിന്റെ പുണ്യദിനം ഇന്ന്. കോവിഡിന്റെ സാഹചര്യ ത്തിൽ പെരുന്നാൾ ആഘോഷങ്ങൾ ചടങ്ങുകൾ മാത്രമായി ക്രമീകരിച്ചപ്പോൾ ഇന്നു നടക്കേണ്ടിയിരുന്ന വെച്ചുട്ട് ജനമനസ്സുകളിൽ ഓർമകളുടെ വിരുന്നാകും.

ജാതിമതഭേദമില്ലാതെ പതിനായിരക്കണക്കിനു വിശ്വാസികളാണു മുൻകാലങ്ങളിൽ ഈ ദിനത്തിൽ നടക്കുന്ന പുതുപ്പള്ളി പുണ്യാളന്റെ വെച്ചുട്ടിലും നേർച്ചവിളമ്പിലും പങ്കെടുക്കാൻ എത്തി ക്കൊണ്ടിരിക്കുന്നത്. നാടിന്റെ എല്ലാ വഴികളും പുതുപ്പള്ളിയിലേക്ക് ഒഴുകിയെത്തേണ്ട പുണ്യദിനം കൂടിയായിരുന്നു ഇന്നത്തെ ദിനം എന്ന് പഴമക്കാർ പറയുന്നു.

പുതുപ്പള്ളി പുണ്യാളന്റെ വെച്ചുട്ടിൽ പങ്കെടുക്കാൻ സാധിക്കുന്നതു ഭാഗ്യമായും അനുഗ്രഹ നിറവായും ആണു ഭക്തർ കരുതിയിരുന്നത്. വെച്ചുട്ടിന്റെ ചോറ് കുട്ടികൾക്ക് ആദ്യ ചോറൂട്ടായും നടത്താൻ വർഷം തോറും ആളുകളുടെ എണ്ണം കൂടിയിരുന്നു.

കോവിഡ് വ്യാപനത്തിന്റെ സാഹചര്യത്തിൽ നിയന്ത്രണങ്ങൾ

പൂർണമായും പാലിച്ചാണു പള്ളി അധികൃതർ ചടങ്ങുകൾ ക്രമീകരിച്ചിരിക്കുന്നത്. ഇന്നലത്തെ അഞ്ചിൻമേൽ കുർബാന മുന്നിന്മേൽ കുർബാനയായി ക്രമീകരിച്ചിരുന്നു. ഡോ.യൂഹാനോൻ മാർ ദിമെ ത്രയോസ് മുഖ്യകാർമികത്വം വഹിച്ചു. തുടർന്നു പെരുന്നാളിന്റെ പ്രധാന ചടങ്ങായ പൊന്നിൻ കുരിശ് സ്ഥാപിക്കൽ നടന്നു. 401പവൻ തൂക്കമുള്ള ഈ കുരിശ് പെരുന്നാൾ ദിനങ്ങളിൽ മാത്രമാണു പുറത്തെടുക്കുന്നത്. മാർ ദിമെത്രയോസിന്റെ മുഖ്യ കാർമികത്വത്തിലാണു പൊന്നിൻ കുരിശ് ത്രോണോസിൽ പ്രതിഷ്ഠിച്ചത്. തോമസ് ഏബ്രഹാം കുറിയന്നൂർ കോറെപ്പിസ്കോപ്പ, ജോൺ സി.ചിറത്തിലാട്ട് കോറെ പ്പിസ്കോപ്പ, വികാരി ഫാ. എ.വി. വര്ഗീസ് ആറ്റുപുറത്തു, വികാരിമാരായ ഫാ.അലക്സി മാത്യുസ് മുണ്ടുകുഴിയിൽ, ഫാ.ഏ ബ്രഹാം ജോൺ തെക്കേത്തറയിൽ എന്നിവർ പങ്കെടുത്തു. സന്ധ്യാനമസ്കാരത്തിനു ഡോ. യൂഹാനോൻ മാർ ദിയസ്കോറ സ് മുഖ്യകാർമികത്വം വഹിച്ചു.

ഒൻപതിന്മേൽ കുർബാനയും മുന്നിന്മേൽ കുർബാനയായി ക്രമീകരിച്ചിട്ടുണ്ട്. ഉച്ചകഴിഞ്ഞു പള്ളി ക്കു ചുറ്റി പ്രദക്ഷിണത്തോടെ പെരുന്നാൾ ചടങ്ങുകൾ സമാപി ക്കും. തുടർച്ചയായി 2-ാം വർഷ വും പെരുന്നാൾ ആഘോഷങ്ങൾ കോവിഡ് സാഹചര്യത്തിൽ ദേശക്കാർക്ക് നഷ്ടമാകുന്ന ഓർമകളിൽ വെടിക്കെട്ടും ദീപക്കാഴ്ചികളും ഉണ്ട്. മുൻകാലങ്ങളിലെ പെരുന്നാൾ ദിനങ്ങളിൽ നടത്തി യിരുന്ന ദീപക്കാഴ്ചകളും വെടിക്കെട്ടും മനോഹര കാഴ്ചകളായി രുന്നു. മുൻകാലങ്ങളിൽ നടത്തിയിരുന്ന ലക്ഷദീപവും ആകർഷണീയ വിരുന്നായിരുന്നു. പള്ളിയുടെ മുൻപിലെ പാടത്തും ദീപക്കാഴ്ചകൾ ഒരുക്കിയിരുന്നു. വെടിക്കെട്ടിന്റെ വിസ്മയക്കാഴ്ചകൾ കാണാൻ നാട് ഒരുമിക്കുന്നതും കോവിഡ് കാല പെരുന്നാളിലെ ഓർമച്ചിത്രം ആകുന്നു.

പെരുന്നാൾ ഇന്ന്

പ്രഭാതനമസ്കാരം- 5.00
കുർബാന- ഫാ.പി.കെ.കുര്യാ ക്കോസ് പണ്ടാരക്കുന്നേൽ- 5.30
പ്രഭാതനമസ്കാരം- 8.00
മൂന്നിന്മേൽ കുർബാന- ഡോ.യൂ ഹാനോൻ മാർ ദിയസ്കോറസ് - 9.00.

പുതുപ്പള്ളി പള്ളിയിൽ പൊന്നിൻകുരിശ് പ്രതിഷ്ഠിക്കൽ ഇന്ന്

noreply@blogger.com (പുതുപ്പള്ളി പള്ളി) — Thu, 06 May 2021 05:01:00 +0000

ദേശത്തിനു ആത്മീയ അനുഭവങ്ങളുടെ നിറവു പകരുന്ന പുതുപ്പള്ളി പെരുന്നാളിന്റെ പുണ്യദിനങ്ങൾ ഇന്നും നാളെയും. പള്ളിയിലെ ചടങ്ങുകൾ. ഓൺലൈനിൽ കാണാം. കർശന നിയന്ത്രണങ്ങളോടെ ദേവാലയത്തിൽ പ്രാർഥിക്കാൻ അവസരമുണ്ട്. പുതുപ്പള്ളി പള്ളിയുടെ പ്രത്യേകതയായ ചരിത്ര പ്രസിദ്ധമായ പൊന്നിൻകുരിശ് തോണോസിൽ പ്രതിഷ്ഠിക്കുന്ന ചടങ്ങ് ഇന്നാണ്. രാവിലെ 10ന് ചടങ്ങ് നടത്തും. ചടങ്ങുകൾ തത്സമയം ഓൺലൈനിൽ കാണാൻ ക്രമീകരണം ഏർപ്പെടുത്തി. വിശുദ്ധ ഗീവർഗീസ് സഹദായുടെ ശക്തിയും ചൈതന്യവും ആവാഹിച്ചിട്ടുള്ളതെന്നു വിശ്വസിക്കുന്ന 401 പവൻ തുക്കമുള്ള പൊന്നിൻകുരിശ് പെരുന്നാൾ ദിനങ്ങളിൽ മാത്രമാണ് പുറത്തെടുക്കുന്നത്.

പുതുപ്പള്ളി പെരുന്നാളിന്റെ പ്രധാന ദിനങ്ങളിൽ നടത്താൻ നിശ്ചയിച്ചിരുന്ന അഞ്ചിന്മേൽ കുർബാനയും ഒൻപതിന്മേൽ കുർബാനയും മൂന്നിന്മേൽ കുർബാന യായി ക്രമീകരിച്ചു. കോവിഡ് പശ്ചാത്തലത്തിൽ ആളുകളുടെ എണ്ണം കുറയ്ക്കാനാണ് ഈ തീ രുമാനമെന്ന് വികാരി ഫാ.എ.വി. വർഗീസ് ആറ്റുപുറത്ത് അറിയി ച്ചു.

നേർച്ച കാഴ്ചകൾ അയയ്ക്കാം - നേർച്ച കാഴ്ചകൾ അയയ്ക്കാൻ ക്രമീകരണം ഏർപ്പെടുത്തി. പ്രാർഥന വിഷയങ്ങൾ ഇമെയിലായും അയച്ചു നൽകാം ( puthuppallypally123@gmail.com). നേർച്ച കാഴ്ചകൾ അയക്കേണ്ടത്: ഫെഡറൽ ബാങ്ക്, പുതുപ്പള്ളി ശാഖ, അക്കൗണ്ട് നമ്പർ12740100049276, IFSC CODE- FDRL0001274.

ഇന്ന് മൂന്നിന്മേൽ കുർബാന - ഇന്നു 7ന് പ്രഭാത നമസ്കാരം. തുടർന്നു നടക്കുന്ന അഞ്ചിന്മേൽ കുർബാന മൂന്നിന്മേൽ കുർബാനയായി മാറ്റി ക്രമീകരിച്ചു. 8ന് കുർ ബാനയ്ക്കു ഡോ. യൂഹാനോൻ മാർ ദിമെത്രയോസ് മുഖ്യകാർമി കത്വം വഹിക്കും. 5.30ന് സന്ധ്യാനമസ്കാരത്തിനു ഡോ. യൂഹാ നോൻ മാർ ദിയകോറസ് മുഖ്യകാർമികത്വം വഹിക്കും. 6.30ന് ഫാ.അലക്സ് ജോൺ ഗീവർഗീസ് സഹദാ അനുസ്മരണ പ്രഭാഷ ണം നിർവഹിക്കും.

പുതുപ്പള്ളി പെരുന്നാൾ: കൺവൻഷൻ പ്രസംഗങ്ങൾ ഉപേക്ഷിച്ചു.

noreply@blogger.com (പുതുപ്പള്ളി പള്ളി) — Wed, 05 May 2021 09:41:00 +0000

കോവിഡ് നിയന്തണങ്ങൾ കർശനമാക്കിയതോടെ പുതുപ്പള്ളി പെരുന്നാളിന്റെ ഭാഗമായ കൺവൻഷൻ പ്രസംഗങ്ങളും ഉപേക്ഷിച്ചു. ഇന്നലെ മുതൽ കൺവൻഷൻ നടത്താനാണ് നേരത്തേ നിശ്ചയിച്ചിരുന്നത്. പള്ളിക്കുള്ളിലെ ചടങ്ങുകൾ മാത്രമാണ് പെരുന്നാളിന്റെ ഭാഗമായി നടന്നു വരുന്നത്. ഇന്നു രാവിലെ കുർബാനയും വൈകിട്ടു സന്ധ്യാനമസ്കാരവും പള്ളിയിൽ നടത്തും.

വിശുദ്ധ ഗീവർഗീസ് സഹദായുടെ തിരുശേഷിപ്പ് സ്ഥാപിച്ചിരിക്കുന്ന ദേവാലയം കൂടിയായ പുതുപ്പള്ളി പള്ളിയിൽ നാനാജാതി മതസ്ഥരാണ് പെരുന്നാൾ ദിനങ്ങളിലും അല്ലാതെയും പ്രാർഥിച്ച് അനുഗ്രഹം തേടാനായി എത്തുന്നത്. കോവിഡ് പശ്ചാത്തലത്തിൽ സാഹചര്യത്തിൽ വിശ്വാസികൾ വീടുകളിൽ പ്രാർഥനകളിൽ മുഴുകിക്കഴിയുന്നു. പെരുന്നാൾ ചടങ്ങുകൾ ഓൺലൈനിലൂടെയും ഒട്ടേറെപ്പേർ കാണുന്നുണ്ട്.

പുതുപ്പള്ളി പെരുന്നാളിനു കൊടിയേറി ആർപ്പുവിളിയും ആരവങ്ങളും നിറയുന്നു, ഓർമകളിൽ

noreply@blogger.com (പുതുപ്പള്ളി പള്ളി) — Tue, 04 May 2021 09:44:00 +0000

പുതുപ്പള്ളി പള്ളി ആർപ്പുവിളികളും ആരവങ്ങളുമില്ലാതെ പുതുപ്പള്ളി പെരുന്നാളിനു കൊടിയേറിയപ്പോൾ നാട്ടുകാരുടെ മനസ്സിൽ മുൻ കാലങ്ങളി ലെ പെരുന്നാളിന്റെ പ്രൗഢി നിറഞ്ഞ ഓർമകൾ അലതല്ലി. പുതുപ്പള്ളിയുടെ സ്വന്തം ഉത്സവമായാണ് പുതുപ്പള്ളി പെരുന്നാൾ നാട്ടുകാർ ആഘോഷിച്ചിരുന്നത്. ഇത്തവണ കൊടിമര ഘോഷയാത്രകൾ ഒഴിവാക്കിയാണ് പള്ളിയിൽ കൊടിയേറ്റ് മാത്രമായി കമീ കരിച്ചത്. എറികാട്, പുതുപ്പള്ളി കരകളിൽ നിന്നു മുൻകാലങ്ങ ളിൽ ആചാരത്തനിമയിലാണ് ഘോഷയാത്രയായി കൊടിമരങ്ങൾ എത്തിച്ചിരുന്നത്. വള്ളപ്പാട്ടിന്റെ ഈരടികളുമായി കരക്കാർ ആഘോഷപൂർവം വാദ്യമേളങ്ങളുമായി കൊടിമരങ്ങൾ കൊണ്ടു വരുന്ന ഓർമകൾ പോലും ഏതൊരു പുതുപ്പള്ളിക്കാരന്റെ മനസ്സിലും ആവേശം നിറയ്ക്കുന്നതാണ്. കൊടിമരങ്ങൾ കൊണ്ടു വന്ന ശേഷം പള്ളിക്കു പ്രദക്ഷിണം വച്ചു കൊടിമരവും കൊടികളും ഉയർത്തുന്നതായിരു ന്നു പുതുപ്പള്ളി പള്ളിയിലെ കൊടിയേറ്റ് ചടങ്ങ്. ഇത്തവണത്തെ പ്രത്യേക സാഹചര്യത്തിൽ പള്ളി യുടെ സുവർണക്കൊടിമരത്തിൽ കൊടിയുയർത്തി.

വികാരി ഫാ.എ.വി.വർഗീസ് ആറ്റുപുറത്ത്, സഹവികാരിമാ രായ ഫാ.അലക്സി മാത്യൂസ് മു ണ്ടുകുഴിയിൽ, ഫാ.ഏബ്രഹാം ജോൺ തെക്കേത്തറയിൽ കെക്കാരന്മാരായ കെ.ജെ, സ്കറിയ, പി.ടി.വർഗീസ്, റോണി.സി.വർഗീ സ് എന്നിവരുടെ നേതൃത്വത്തിലാണ് പെരുന്നാൾ ക്രമീകരണ ങ്ങൾ,

ചടങ്ങുകൾ തത്സമയം

പെരുന്നാൾ ചടങ്ങുകൾ തത്സമ യം കാണുന്നതിനായി ഓൺലൈ നിൽ പ്രത്യേക ക്രമീകരണങ്ങൾ ഏർപ്പെടുത്തിയിട്ടുണ്ട്.പുതുപ്പള്ളി പള്ളി ഫെയ്സ്ബുക് പേജിലും, യൂട്യൂബ് ചാനലിലും, പുതുപ്പള്ളി പള്ളി വാർത്തകൾ ആന്‍ഡ്രോയിഡ് അപ്പ്ലിക്കേഷനലിലും ഉൾപ്പെടെ പെരുന്നാൾ ചടങ്ങുകൾ തത്സമയം ലഭ്യമാണ്.

പുതുപ്പള്ളി പെരുന്നാൾ കൊടിയേറി

noreply@blogger.com (പുതുപ്പള്ളി പള്ളി) — Thu, 29 Apr 2021 07:22:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയപള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാളിനു കൊടിയേറി. കോവിഡ് നിയന്ത്രണങ്ങൾ പാലിച്ചു നടന്ന ചടങ്ങിൽ ഓർത്തഡോക്സ് സഭ കോട്ടയം ഭദ്രാസന സെക്രട്ടറി ഫാ.പി.കെ.കുര്യാക്കോസ് പണ്ടാരക്കുന്നേൽ കൊടിയേറ്റിനു കാർമികത്വം വഹിച്ചു.

വികാരി ഫാ.എ.വി.വർഗീസ് ആറ്റുപുറത്ത്, സഹവികാരിമാരായ ഫാ.അലക്സി മാത്യൂസ് മുണ്ടുകുഴിയിൽ, ഫാ.ഏബ്രഹാം ജോൺ തെക്കേത്തറയിൽ എന്നിവർ സഹകാർമികത്വം വഹിച്ചു. കൈക്കാരന്മാരായ കെ.ജെ. സ്കറിയ കുന്നേൽ, പി.ടി.വർഗീസ് പറപ്പള്ളിൽ, സെക്രട്ടറി റോണി സി. വർഗീസ് ചാലാത്ത് എന്നിവർ നേതൃത്വം നൽകി.

മേയ് 7 വരെയാണ് പെരുന്നാൾ ആചരണം. കോവിഡ് സാഹചര്യത്തിൽ പുതുപ്പള്ളി, എറികാട് കരക്കാരുടെ കൊടിമരഘോഷയാത്രയും ആഘോഷങ്ങളും ഒഴിവാക്കി പള്ളിയങ്കണത്തിലെ കൊടിമരത്തിലാണ് കൊടിയേറ്റിയത്. വെച്ചുട്ട്, വെടിക്കെട്ട്, നേർച്ചവിളമ്പ് തുടങ്ങിയ ചടങ്ങുകളും കോവിഡ് സാഹചര്യത്തിൽ ഒഴിവാക്കി.

30-ന് കൊച്ചാലുമ്മൂട് ഓർത്തഡോക്സ് സെൻറർ, മേയ് ഒന്നിന് പാറക്കൽകടവ് കുരിശടി, മൂന്നിന് കൈതമറ്റം ചാപ്പൽ, നാലിന് കാഞ്ഞിരത്തിൻമൂട് കുരിശടി, അഞ്ചിന് നിലയ്ക്കൽ പള്ളിയുടെ വെട്ടത്തുകവല കുരിശടി എന്നിവിടങ്ങളിൽനിന്ന് പള്ളിയിലേക്ക് വാഹനങ്ങളിൽ പ്രദക്ഷിണങ്ങളുണ്ട്. മേയ് മൂന്നു മുതൽ അഞ്ചുവരെ പുതുപ്പള്ളി കൺവെൻഷന് ഫാ. അലക്സ് തോമസ്, ഫാ. മോഹൻ ജോസഫ്, ഫാ. പി.എ. ഫിലിപ്പ് എന്നിവർ നേതൃത്വം നൽകും.

ആചാരപരമായ ഏറെ ചടങ്ങുകളുള്ള ദേവാലയമാണ് പുതുപ്പള്ളി പളളി. പെരുന്നാൾ ചടങ്ങുകൾ ഓൺ ലൈനിൽ കാണുന്നതിനു ക്രമീകരണം ഏർപ്പെടുത്തി. പുതുപ്പള്ളി പള്ളി വാർത്തകൾ ആന്‍ഡ്രോയിഡ് അപ്പ്ലിക്കേഷനലിലും പെരുന്നാൾ ചടങ്ങുകൾ തത്സമയം ലഭ്യമാണ്.

പുതുപ്പള്ളി പെരുന്നാളിന് ഒരുക്കങ്ങളായി; 28ന് പെരുന്നാൾ കൊടിയേറ്റ്

noreply@blogger.com (പുതുപ്പള്ളി പള്ളി) — Sat, 17 Apr 2021 16:21:00 +0000

ഭാരതത്തിലെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ 2021 ഏപ്രിൽ 28 മുതൽ മേയ് 7 വരെ ആചരിക്കും. പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവായും മെത്രാപ്പൊലീത്തമാരും പെരുന്നാൾ ചടങ്ങുകൾക്ക് നേതൃത്വം നൽകും. വിശുദ്ധ ഗീവർഗീസ് സഹദായുടെ രക്തസാക്ഷിത്വ ദിനമായ 23 മുതൽ സഹദാ സാന്നിധ്യാനുസ്മരണ ദിനങ്ങളായി ആചരിക്കും. 28ന് പെരുന്നാൾ കൊടിയേറ്റും മേയ് 2 മുതൽ 4 വരെ പുതുപ്പള്ളി കൺവൻഷനും നടക്കും. മേയ് 1 മുതൽ 5 വരെ വിവിധ കരകളിൽ നിന്ന് പ്രദക്ഷിണങ്ങൾ നടത്തും . മേയ് 6ന് അഞ്ചിന്മേൽ കുർബാനയെ തുടർന്ന് ഡൽഹി ഭദ്രാസന മെത്രാപ്പൊലീത്ത ഡോ.യൂഹാനോൻ മാർ ദിമെത്രയോസ് പൊന്നിൻകുരിശ് പ്രധാന ത്രോണോസിൽ സ്ഥാപിക്കും. സന്ധ്യാ നമസ്കാരത്തെത്തുടർന്ന് പുതുപ്പ്ള്ളി കവല ചുറ്റിയുള്ള പ്രദക്ഷിണം, ശൈഹിക വാഴ്വ്.

16ന് കൊടിയിറങ്ങുന്നതോടെ പെരുന്നാൾ ചടങ്ങുകൾ സമാപി ക്കും .

കോവിഡ് പാട്ടോക്കോൾ പാലിച്ച് വെടിക്കെട്ട്, വെച്ചുട്ട്, നേർച്ച വിളമ്പ് എന്നിവ ഒഴിവാക്കിയതാ യി വികാരി ഫാ.എ.വി.വർഗീസ് ആറ്റുപുറത്ത്, സഹവികാരിമാരായ ഫാ.അലക്സി മാത്യുസ് മുണ്ടുകുഴി, ഫാ.ഏബ്രഹാം ജോൺ തെക്കേത്തറയിൽ എന്നിവർ അറിയിച്ചു. - കോവിഡ് സാഹചര്യത്തിൽ വാഹനങ്ങളിലാണ് പ്രദക്ഷിണങ്ങൾ. പൂർണമായും കോവിഡ് പ്രോട്ടോക്കോൾ പാലിച്ചായിരി ക്കും പെരുന്നാൾ നടത്തുകയെന്ന് കൈക്കാരന്മാരായ കെ.ജെ.സ്ക്കറിയ കുന്നേൽ, പി.ടി.വർഗീസ് പറപ്പള്ളിൽ, സെക്രട്ടറി റോണി സി.വർഗീസ് ചാലാത്ത് എന്നിവർ അറിയിച്ചു.

പ്രധാന പെരുന്നാൾ ദിവസമായ 7ന് രാവിലെ 5 ന് ഒന്നാമത്ത കുർബാന, 9ന് കോട്ടയം ഭദ്രാസന സഹായ മെത്രാപ്പൊലീ ത്ത ഡോ.യൂഹാനോൻ മാർ ദിയകോറസിന്റെ പ്രധാന കാർമികത്വത്തിൽ ഒൻപതിന്മേൽ കുർബാന. 2 മണിക്ക് അങ്ങാടി ചുറ്റി യുള്ള പ്രദക്ഷിണം, ആശീർവാദം.

പുതുപ്പള്ളി വലിയ പെരുന്നാളിന് സമാപനം

noreply@blogger.com (പുതുപ്പള്ളി പള്ളി) — Sat, 09 May 2020 23:13:00 +0000

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിന്റെ സമാപനത്തോട് അനുബന്ധിച്ചു പരിശുദ്ധ സുന്നഹദോസ് സെക്രട്ടറി ഡോ.യൂഹാനോൻ മാർ ദിയസ്കോറോസ് പെരുന്നാൾ വാഴ്‌വ് നൽകുന്നു. വികാരി ഫാ. എ.വി.വർഗീസ് ആറ്റുപുറം, ഫാ.അലക്സി മാത്യൂസ് മുണ്ടുകുഴി, ഫാ. ജിബി കെ.പോൾ എന്നിവർ സമീപം.

പുതുപ്പള്ളി സെന്റ് ജോർജ് ഓർത്തഡോക്സ് പള്ളിയിലെ വലിയ പെരുന്നാളിനു പ്രാർഥനാ നിറവിൽ സമാപനം. പതിനായിരക്കണക്കിനു വിശ്വാസികൾ ഓൺലൈനിലൂടെ ചടങ്ങുകൾ വീക്ഷിച്ചു.കോവിഡ് മൂലം ദുരിതം അനുഭവിക്കുന്നവർക്കു വേണ്ടി പ്രത്യേക മധ്യസ്ഥ പ്രാർഥന നടത്തി. കുർബാനയ്ക്ക് സുന്നഹദോസ് സെക്രട്ടറി ഡോ.യൂഹാനോൻ മാർ ദിയസ്കോറോസ് കാർമികത്വം വഹിച്ചു.

തിരുശേഷിപ്പ് സ്ഥാപിച്ചിരിക്കുന്നിടത്തു ധൂപ പ്രാർഥന നടത്തി.സർക്കാർ നിയന്ത്രണങ്ങൾ പൂർണമായി പാലിച്ചായിരുന്നു ചടങ്ങുകൾ. വികാരി ഫാ.എ.വി.വർഗീസ് ആറ്റുപുറം, സഹ വികാരിമാരായ ഫാ.അലക്സി മാത്യൂസ് മുണ്ടുകുഴി, ഫാ.ഏബ്രഹാം ജോൺ തെക്കേത്തറ, ട്രസ്റ്റിമാരായ സാം കുരുവിള, ജോജി പി.ജോർജ്, സെക്രട്ടറി പി.ടി.വർഗീസ് എന്നിവർ നേതൃത്വം നൽകി.
(7/5/2020)

നൂറായിരം ഓർമകളാണ് ഓരോ പുതുപ്പള്ളിക്കാരനും; ഉമ്മൻചാണ്ടി

noreply@blogger.com (പുതുപ്പള്ളി പള്ളി) — Thu, 07 May 2020 20:18:00 +0000

പുതുപ്പള്ളി പെരുന്നാൾ ദിനങ്ങൾ...

ഓർമ വച്ച നാൾ മുതൽ പുതുപ്പള്ളി പെരുന്നാളിൽ പങ്കെടുക്കാതിരുന്നിട്ടില്ല. മതമൈത്രിയുടെ കൂടി ആഘോഷമാണ് പുതുപ്പള്ളി പെരുന്നാൾ. ദേശത്തെ ബന്ധുമിത്രാദികളെല്ലാം ഈ ദിവസങ്ങളിൽ പുതുപ്പള്ളിയിൽ എത്തുമെന്നതു തന്നെ എത്ര മനോഹരമായ കാര്യമാണ്. പഴയ ആളുകളെയെല്ലാം കാണാൻ പറ്റുന്നത് പെരുന്നാളിനാണ്. കുട്ടിക്കാലത്ത് സ്കൂൾ അവധി കൂടി ആയതിനാൽ പെരുന്നാൾ കാലത്ത് മുഴുവൻ സമയവും ഞങ്ങൾ പള്ളിപ്പറമ്പിൽ ഉണ്ടാകുമായിരുന്നു. താൽക്കാലിക കടകൾ കെട്ടിയ കച്ചവടക്കാരും കാർഷിക ഉൽപന്നങ്ങളുടെ വ്യാപാരികളും ഒക്കെ അന്നത്തെ കാഴ്ച ആയിരുന്നു.

പെരുന്നാൾക്കാലത്തെ സൈക്കിൾ ചവിട്ടൽ പ്രധാന വിനോദമായിരുന്നു. ബന്ധുക്കളായ കുട്ടികളെല്ലാം വീട്ടിലെത്തും. എന്റെ വീട്ടിലും ഒരു സൈക്കിൾ ഉണ്ടായിരുന്നു. ഈ സൈക്കിളിൽ ഞങ്ങളെല്ലാം പള്ളിപ്പറമ്പിൽ ചുറ്റിക്കറങ്ങും. ഒരു തവണ ഉച്ചയ്ക്ക് കൂട്ടുകാരെയും കൂട്ടി സൈക്കിളിൽ കയറാൻ എത്തുമ്പോൾ ടയറിൽ കാറ്റില്ല. വീട്ടിലുള്ള പമ്പ് ഉപയോഗിച്ചു കാറ്റു നിറയ്ക്കാൻ ശ്രമം തുടങ്ങി.

ശക്തമായി വലിച്ചപ്പോൾ സൈക്കിൾ പമ്പിന്റെ മുകൾ ഭാഗം ഊരിപ്പോയി. ഇതു ശ്രദ്ധിക്കാതെ ധൃതിയിൽ വീണ്ടും പമ്പ് പ്രവർത്തിക്കാൻ ശ്രമിച്ചതോടെ ഒരു വിരലിലെ നഖം സഹിതം പമ്പിന്റെ അകത്തായി. അന്നത്തെ എന്റെ കരച്ചിൽ കേട്ടു ബന്ധുക്കളെല്ലാം ഓടിയെത്തി. ആശുപത്രിയിൽ പോയി മുറിവു തുന്നിക്കെട്ടി. അന്നു മുതൽ ആ വിരലിലെ നഖം ചതഞ്ഞ് പ്രത്യേക രീതിയിലാണ് ഇപ്പോഴും വളരുന്നത്.

ഇതൊക്കെ എന്റെ ഓർമകൾ. ഇതുപോലെ നൂറായിരം ഓർമകളാണ് ഓരോ പുതുപ്പള്ളിക്കാരനും പുതുപ്പള്ളി പെരുന്നാളിനെക്കുറിച്ച് ഉണ്ടാവുക.പുതുപ്പള്ളി പെരുന്നാൾ എന്നാൽ കാത്തിരിപ്പിന്റെ ഒരു പ്രത്യേക സുഖം കൂടിയാണ്. ലോകനന്മയ്ക്കായി പ്രാർഥിച്ച് അടുത്ത പെരുന്നാൾ കാലത്തിനായി കാത്തിരിക്കാം.

പ്രാർഥനയുടെ നിറവിൽ പുതുപ്പള്ളി പെരുന്നാൾ

noreply@blogger.com (പുതുപ്പള്ളി പള്ളി) — Thu, 07 May 2020 12:32:00 +0000

വിശ്വാസി സമൂഹത്തിന് ഇന്നു പുതുപ്പള്ളി പുണ്യാളന്റെ അനുഗ്രഹദിനം.പൗരസ്ത്യ ജോർജിയൻ തീർഥാടന കേന്ദ്രമായ സെന്റ് ജോർജ് ഓർത്തഡോക്സ് പള്ളിയിലെ വലിയ പെരുന്നാൾ ദിനമാണ് ഇന്ന്. ‘വിളിച്ചാൽ വിളി കേൾക്കും പുതുപ്പള്ളി പുണ്യവാളന്റെ’ അനുഗ്രഹത്തിനായി വിശ്വാസികൾ വീടുകളിലിരുന്ന് ഇന്നു പ്രാർഥിക്കും.

കോവിഡിന്റെ പശ്ചാത്തലത്തി‍ൽ ദേവാലയത്തിൽ ചടങ്ങുകൾ മാത്രം. പരമ്പരാഗതമായി വെച്ചൂട്ട് ഇന്നായിരുന്നു. കോവിഡ് മൂലം ദുരിതമനുഭവിക്കുന്നവർക്കു വേണ്ടി പ്രത്യേക മധ്യസ്ഥ പ്രാർഥനയോടെ ഇന്നു പെരുന്നാൾ ചടങ്ങുകൾ സമാപിക്കും. രാവിലെ എട്ടിന് കുർബാനയ്ക്ക് സുന്നഹദോസ് സെക്രട്ടറി ഡോ. യൂഹാനോൻ മാർ ദിയസ്കോറോസ് കാർമികത്വം വഹിച്ചു.

ഇന്നലെ പൊന്നിൻ കുരിശ് പുറത്തെടുത്ത് സ്ഥാപിക്കുന്ന ചടങ്ങിന് കോട്ടയം ഭദ്രാസന സെക്രട്ടറി ഫാ. പി.കെ. കുര്യാക്കോസ് പണ്ടാരക്കുന്നേൽ, വികാരി ഫാ.എ.വി. വർഗീസ് ആറ്റുപുറം എന്നിവർ കാർമികത്വം വഹിച്ചു.വിശ്വാസികൾക്ക് ഓൺലൈനിൽ പെരുന്നാൾ ചടങ്ങുകൾ കാണുന്നതിനുള്ള ക്രമീകരണം ഏർപ്പെടുത്തിയിട്ടുണ്ട്.

വെച്ചൂട്ടിന്റെ ഓർമകളുമായി പുതുപ്പള്ളി ഊട്ട്

ആഘോഷങ്ങൾ ഇല്ലാത്ത പെരുന്നാൾക്കാലത്ത് മുതിർന്നവരുടെ മനസ്സിൽ ഓർമകളുടെ കൊടിയേറ്റാണ്.വാഹനങ്ങൾ കുറവായിരുന്ന കാലത്ത് കെട്ടുവള്ളങ്ങളിൽ കൊടൂരാർ വഴി തീർഥാടകർ എത്തുമായിരുന്ന കാര്യം ഇടവകയിലെ ഏറ്റവും മുതിർന്ന അംഗമായ പറപ്പള്ളിൽ സ്കറിയ തൊമ്മി (101) ഓർമിക്കുന്നു. ദിവസങ്ങൾക്കു മുൻപേ ബന്ധുക്കളെത്തും. തുടർന്ന് വീടുകളിലും പെരുന്നാൾ ആഘോഷമാണ്.

വലിയ പെരുന്നാൾ ദിനത്തിൽ കൊല്ലം, പത്തനംതിട്ട ജില്ലകളിൽ ഉൾപ്പെടെ പുതുപ്പള്ളി ഊട്ട് എന്ന ചടങ്ങ് വീടുകളിലും നടന്നു വരുന്നു. പള്ളിയിൽ എത്താൻ സാധിക്കാതെ വരുന്ന ഭക്തർ വ്രതശുദ്ധിയിൽ ബന്ധുജനങ്ങളെ പങ്കെടുപ്പിച്ചു നടത്തുന്ന ചടങ്ങാണിത്. ഇത്തവണത്തെ സാഹചര്യത്തിൽ കൂടുതൽ വീടുകളിൽ പുതുപ്പള്ളി ഊട്ട് നടക്കുമെന്നു സ്കറിയ തൊമ്മി പറഞ്ഞു.

വിറകിടീലും പന്തിരുനാഴി പുറത്തെടുത്തുള്ള ആരവങ്ങളും ലക്ഷദീപവും അങ്ങാടി ചുറ്റിയുള്ള പ്രദക്ഷിണവും കരിമരുന്നു കലാപ്രകടനങ്ങളും വെച്ചൂട്ടും ഇത്തവണ ഓർമകളിൽ മാത്രമാണ്. പുതുപ്പള്ളി വെച്ചൂട്ടിന്റെ ചോറ് ഉണക്കി സൂക്ഷിച്ച് ഔഷധമായി കരുതുന്നവരും ഒട്ടേറെയുണ്ട്.

പുതുപ്പള്ളി പെരുന്നാൾ: പൊന്നിൻകുരിശ് സ്ഥാപിച്ചു

noreply@blogger.com (പുതുപ്പള്ളി പള്ളി) — Wed, 06 May 2020 20:37:00 +0000

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിന്റെ ഭാഗമായ പൊന്നിൻകുരിശു സ്ഥാപിച്ചു. ഇന്നലെ രാവിലെ 8.30നാണു പൊന്നിൻകുരിശു പുറത്തെടുത്തത്. 401 പവൻ തൂക്കമുളള ഈ കുരിശ് പെരുന്നാൾ ദിനങ്ങളിൽ മാത്രമാണു പുറത്തെടുക്കാറുള്ളത്. രാവിലെ കുർബാനക്ക് – ഭദ്രാസന സെക്രട്ടറി ഫാ. പി.കെ.കുര്യാക്കോസ് പണ്ടാരക്കുന്നേൽ നേതൃത്വം നൽകി. സന്ധ്യാനമസ്കാരം– ഡോ.യൂഹാനോൻ മാർ ദിയസ്കോറോസ്, തുടർന്ന് നടന്ന ഗീവർഗീസ് സഹദ അനുസ്മരണ പ്രഭാഷണം ഫാ.ഡോ. ബിജേഷ് ഫിലിപ്പ് നിർവഹിച്ചു.

വലിയ പെരുന്നാൾ ദിനമായ ഇന്ന് (7/5/2020) 8നു കുർബാന– ഡോ.യൂഹാനോൻ മാർ ദിയസ്കോറോസ്, തുടർന്നു പെരുന്നാൾ വാഴ്‌വ്. ആരോഗ്യ പ്രവർത്തകർക്കും സന്നദ്ധസംഘങ്ങൾക്കും വേണ്ടി പ്രത്യേക മധ്യസ്ഥപ്രാർഥന നടത്തും. ചടങ്ങുകളിൽ വിശ്വാസികൾക്കു പങ്കെടുക്കാനാവില്ല. വിശ്വാസികൾ അവരവരുടെ വീടുകളിലിരുന്നു പ്രാർഥിക്കണം.

ചടങ്ങുകൾ ഓൺലൈനിലൂടെ കാണുന്നതിനു ക്രമീകരണം ഉണ്ടെന്നു വികാരി ഫാ. എ.വി.വർഗീസ് ആറ്റുപുറം അറിയിച്ചു. പെരുന്നാളിന്റെ ചടങ്ങുകൾ എസിവി ന്യൂസ് പ്ലസ് (NO 111) ചാനലിലും ഇന്ത്യൻ ഓർത്തഡോക്സ് സഭ ഫെയ്സ്ബുക് പേജിലും, യുട്യൂബ് ചാനലിലും, പുതുപ്പള്ളി പള്ളി ഫെയ്സ്ബുക് പേജിലും, പുതുപ്പള്ളി പള്ളി വാർത്തകളുടെ വെബ്സൈറ്റിലും (http://www.puthuppallypally.net.in/p/live_1.html), www.puthuppallylive.com, പുതുപ്പള്ളി പള്ളി ആൻഡ്രോയ്ഡ് ആപ്ലിക്കേഷനിലും തത്സമയ സംപ്രേഷണം ഉണ്ടാകും.

പുതുപ്പള്ളി പെരുന്നാൾ ഇന്നും നാളെയും, ചടങ്ങുകൾ മാത്രം.

noreply@blogger.com (പുതുപ്പള്ളി പള്ളി) — Tue, 05 May 2020 23:04:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാൾ ദിനങ്ങൾ ഇന്നും നാളെയും. ലക്ഷക്കണക്കിനു വിശ്വാസികൾ പങ്കെടുത്തിരുന്ന പെരുന്നാളിന് ഇത്തവണ ചടങ്ങുകൾ മാത്രം. പെരുന്നാൾ ദിനങ്ങളിലെ പൊതുസമ്മേളനം പ്രൗഢഗംഭീരമായിരുന്നു. ഓർഡർ ഓഫ് സെന്റ് ജോർജ് ബഹുമതി ഈ സമ്മേളനത്തിലായിരുന്നു നൽകിയിരുന്നത്.

പള്ളിയും പരിസരങ്ങളും മാത്രമല്ല പുതുപ്പള്ളിയാകെ പെരുന്നാൾ വേളകളിൽ ദീപാലങ്കാരങ്ങളിൽ തിളങ്ങിയിരുന്നതും ഇത്തവണ ഓർമ മാത്രം. പെരുന്നാൾ വേളയിൽ താൽക്കാലിക വ്യാപാര മേളകളും പതിവായിരുന്നു. കുരിശു പള്ളികളിൽ നിന്നുള്ള പ്രദക്ഷിണം തീർഥാടക സംഗമമായാണ് നടന്നിരുന്നത്. 401 പവൻ തൂക്കം വരുന്ന ഈ കുരിശ് പെരുന്നാൾ ദിനങ്ങളിൽ മാത്രമാണ് പുറത്തെടുക്കുന്നത്.

പുതുപ്പള്ളി വെച്ചൂട്ട് പ്രശസ്തമാണ്. പുതുപ്പള്ളി, എറികാട് കരകളിൽ നിന്നായിരുന്നു വെച്ചൂട്ടിനുള്ള വിറക് കൊണ്ടുവന്നിരുന്നത്. പെരുന്നാൾ ദിവസം ഉച്ചയോടെയാണ് ചോറും മാങ്ങാക്കറിയും ചമ്മന്തിപ്പൊടിയും ഉൾപ്പെടെ വിഭവങ്ങൾ വിളമ്പാറുള്ളത്. കുട്ടികളുടെ ആദ്യ ചോറൂട്ടും നടന്നിരുന്നു.

ചടങ്ങുകൾ ഇങ്ങനെ
പുതുപ്പള്ളി പെരുന്നാൾ ചടങ്ങുകൾ മാത്രമായി ഇന്നും നാളെയും നടത്തുമെന്നും വിശ്വാസികൾ വീടുകളിൽ ഇരുന്നു പ്രാർഥനാപൂർവം പങ്കെടുക്കണമെന്നും വികാരി ഫാ.എ.വി.വർഗീസ് ആറ്റുപുറം പറഞ്ഞു.

ഇന്ന് (6/5/2020)

രാവിലെ 7ന് കുർബാന, കോട്ടയം ഭദ്രാസന സെക്രട്ടറി ഫാ.പി.കെ.കുര്യാക്കോസ് പണ്ടാരക്കുന്നേൽ,
8.30ന് പൊന്നിൻ കുരിശ് പുറത്തെടുത്തു സ്ഥാപിക്കൽ,
5.30ന് സന്ധ്യാനമസ്കാരം– ഡോ.യൂഹാനോൻ മാർ ദിയസ്‌കോറസ്,
6ന് സന്ദേശം നാഗ്പുർ സെമിനാരി പ്രിൻസിപ്പൽ ഫാ.ഡോ.ബിജേഷ് ഫിലിപ്.

നാളെ (7/5/2020)ന്

രാവിലെ 8ന് കുർബാന– ഡോ.യൂഹാനോൻ മാർ ദിയസ്‌കോറസ്,
തുടർന്നു പെരുന്നാൾ വാഴ്‌വ്.

വിശ്വാസികൾക്കു പെരുന്നാൾ ഓൺലൈനിലൂടെ കാണുന്നതിനു ക്രമീകരണം ഏർപ്പെടുത്തി. നേർച്ചക്കാഴ്ചകൾ ഫെഡറൽ ബാങ്ക് പുതുപ്പള്ളി ബ്രാഞ്ച് അക്കൗണ്ടിൽ അയയ്ക്കാം.

അക്കൗണ്ട് നമ്പർ 12740100049276.
ഐഎഫ്എസ് കോഡ്: FDRL 0001274

പുതുപ്പള്ളി പള്ളി പെരുന്നാൾ കൊടിയേറി

noreply@blogger.com (പുതുപ്പള്ളി പള്ളി) — Fri, 01 May 2020 09:17:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ പെരുന്നാളിനു കൊടിയേറി. കോവിഡ് നിയന്ത്രണങ്ങളുടെ പശ്ചാത്തലത്തിൽ എല്ലാ ആഘോഷങ്ങളും ഒഴിവാക്കി ചടങ്ങുകൾ മാത്രമായി ആണ് കൊടിയേറ്റ് നടന്നത്. വികാരി ഫാ.എ.വി.വർഗീസ് ആറ്റുപുറം കൊടിയേറ്റിനു മുഖ്യ കാർമികത്വം വഹിച്ചു. സഹ വികാരി ഫാ.ഏബ്രഹാം ജോൺ, ട്രസ്റ്റിമാർ ആയ സാം കുരുവിള, ജോജി പി.ജോർജ്,സെക്രട്ടറി പി.ടി.വർഗീസ് എന്നിവർ പങ്കെടുത്തു. പെരുന്നാളിന്റെ ഭാഗമായി എല്ലാ ദിനവും ചടങ്ങുകൾ മാത്രമായി കുർബാന നടത്തും. മേയ് 6, 7 തീയതികളിലാണ് പ്രധാന പെരുന്നാൾ.

പുതുപ്പള്ളി പള്ളി മദ്ബഹ കൂദാശ ചെയ്തു

noreply@blogger.com (പുതുപ്പള്ളി പള്ളി) — Mon, 23 Dec 2019 12:24:00 +0000

ഭാരതീയ വാസ്തു വിദ്യാ ശൈലിയിൽ നിർമിച്ചിരിക്കുന്ന പുതുപ്പള്ളി പള്ളിയുടെ നവീകരിച്ച മദ്ബഹ കൂദാശ ചെയ്തു.

പ്രകൃതിദത്തമായ തനതു വർണങ്ങളാൽ ആലേഖനം ചെയ്യപ്പെട്ട ചുമർ ചിത്രങ്ങൾ കാലപ്പഴക്കം കൊണ്ട് പൊട്ടിപ്പൊളിഞ്ഞ് കരി പിടിച്ച നിലയിലായിരുന്നു. പ്രകൃതിദത്തമായ നിറങ്ങൾകൊണ്ടു തന്നെ പുനർ ക്രമീകരണം നടത്തിയാണ് നവീകരിച്ചത്. സജി നെയ്യാറ്റിൻകര, വിജീഷ് തിരൂർ എന്നീ കലാകാരന്മാരാണ് പുനർ - നവീകരണത്തിന് നേതൃത്വം നൽകിയത്.

സുന്നഹദോസ് സെക്രട്ടറി ഡോ.യൂഹാനോൻ മാർ ദിയസ്കോറസ് കൂദാശ ചടങ്ങുകൾക്ക് നേതൃത്വം നൽകി.

പുതുപ്പള്ളി പള്ളി മൂന്ന് പള്ളികൾ ഒരുമിച്ച് ചേർന്നത് ;ആകെ 9 ത്രോണോസുകൾ .

നടുക്കുള്ള പള്ളിയിൽ വി. ഗീവർഗീസ് സഹദാ പ്രധാന ത്രോണോസ് , ഇടതും വലതും ത്രോണോസുകൾ മാർത്തോമ്മാശ്ലീഹാ , പരുമല തിരുമേനി എന്നിവരുടെ പേരിൽ .

ഇടതുവശത്തെ പള്ളി : പ്രധാന ത്രോണോസ് മാതാവ് , ഇടത് വശത്ത് വി.യുലീത്തിയും കുറിയാക്കോസ് സഹദായും വലതു വശത്ത് മർത്തശ്മുനിയമ്മയും മക്കളും

വലതുഭാഗത്തെ പള്ളി : പ്രധാന ത്രോണോസ് ബഹനാൻ സഹദ, ഇടതും വലതുമായി വട്ടശേശരിൽ തിരുമേനിയും പാമ്പാടി തിരുമേനിയും

ഓർമപ്പെരുന്നാൾ കൊടിയേറി

noreply@blogger.com (പുതുപ്പള്ളി പള്ളി) — Wed, 18 Dec 2019 04:23:00 +0000

ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ വിശുദ്ധ ബഹനാൻ സഹദായുടെയും സഹോദരി സാറായുടെയും 40 സഹദേവൻമാരുടെയും ഓർമപ്പെരുന്നാളിന് കൊടിയേറി.

22, 23 തീയതികളിലാണു പെരുന്നാൾ. 22നു സന്ധ്യാ നമസ്ക്കാരത്തിനുശേഷം ബഹനാൻ സഹദാ അനുസ്മരണ പ്രഭാഷണം ഫാ. വർഗീസ് വർഗീസ് മീനടം നിർവഹിക്കും. തുടർന്നു പ്രദക്ഷിണവും കരിമരുന്നു പ്രയോഗവും.

23ന് രാവിലെ 9ന് ഡോ. യൂഹാനോൻ മാർ മിലിത്തിയോസിന്റെ പ്രധാന കാർമികത്വത്തിൽ വിശുദ്ധ ഒൻപതിന്മേൽ കുർബാന. 10ന് പ്രദക്ഷിണം തുടർന്ന് നേർച്ചവിളമ്പ്.

പുതുപ്പള്ളി വെച്ചൂട്ടിനു പതിനായിരങ്ങൾ

noreply@blogger.com (പുതുപ്പള്ളി പള്ളി) — Tue, 07 May 2019 07:51:00 +0000

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ ചരിത്ര പ്രസിദ്ധമായ വെച്ചൂട്ട് ഇന്ന് നടന്നു. 11.15 നു നടന്ന വെച്ചൂട്ട് നേർച്ച സദ്യയിൽ പതിനായിരക്കണക്കിനു തീർഥാടകർ പങ്കെടുത്തു. ചോറ്, മാങ്ങാ അച്ചാർ, ചമ്മന്തിപൊടി, മോര് എന്നിവ ചേര്‍ന്നതാണ് പുതുപ്പള്ളി വെച്ചൂട്ട്. വെച്ചൂട്ട് സുഗമമായി നടത്തുന്നതിനായി വിപുലമായ ക്രമീകരണങ്ങൾ ഏർപ്പെടുത്തിയിരുന്നു. വിളമ്പുന്നതിനായി കൗണ്ടറുകൾ ക്രമീകരിച്ചിരുന്നു. കുട്ടികളുടെ ആദ്യ ചോറൂട്ടും വൈദികരുടെ സാന്നിധ്യത്തിൽ വടക്കു വശത്തെ പന്തലിൽ നടന്നു.

2ന് ഇരവിനല്ലൂർ കവല ചുറ്റിയുള്ള പ്രദക്ഷിണവും, 4ന് അപ്പവും കോഴിയിറച്ചിയും നേർച്ച വിളമ്പും നടത്തും.

പുതുപ്പള്ളിയിലേക്ക് ഭക്തപ്രവാഹം

noreply@blogger.com (പുതുപ്പള്ളി പള്ളി) — Tue, 07 May 2019 06:47:00 +0000

നാടിനെ ആഘോഷത്തിന്റെയും ആത്മീയ ചൈതന്യത്തിന്റെയും നിറവിലാക്കിയ പുതുപ്പള്ളി പെരുന്നാളിന് ഇന്നു വെച്ചൂട്ട് നേർച്ച സദ്യയോടെയും നേർച്ചവിളമ്പോടെയും സമാപനം. പുതുപ്പള്ളിയുടെ സാംസ്കാരികത്തനിമയും പാരമ്പര്യവും പ്രകടമാക്കുന്ന വെച്ചൂട്ട് നേർച്ചസദ്യയിൽ ജാതിമത ഭേദമന്യേയുള്ളവർ പങ്കെടുക്കും. സംസ്ഥാനത്തിനു പുറത്തു നിന്നു തീർഥാടകർ എത്തും. 601 പറ അരിയാണു വെച്ചൂട്ടിനായി ഉപയോഗിക്കുന്നത്. വിളമ്പുന്നതിനായി 16 കൗണ്ടറുകളും ക്രമീകരിച്ചിട്ടുണ്ട്.

ഇന്ന് 9നു ഡോ.യൂഹാനോൻ മാർ ദിയസ്കോറോസിന്റെ കാർമികത്വത്തിൽ ഒൻപതിന്മേൽ കുർബാന. കെ.വി.ജോസഫ് റമ്പാൻ, ജോസഫ് റമ്പാൻ, ഗീവർഗീസ് റമ്പാൻ, ശെമവൂൻ റമ്പാൻ, സഖറിയ റമ്പാൻ, നഥാനിയേൽ റമ്പാൻ, യൂഹാനോൻ റമ്പാൻ, ബസലേൽ റമ്പാൻ എന്നിവർ സഹ കാർമികരാകും. 11.15ന് വെച്ചൂട്ട് –നേർച്ചസദ്യയും 11.30 ന് കുട്ടികളുടെ ആദ്യ ചോറൂട്ടും ആരംഭിക്കും. വെച്ചൂട്ടിനുള്ള വിറകിടീൽ ചടങ്ങ് ഇന്നലെ ഇടവക ജനങ്ങൾ ആഘോഷമായി നടത്തി.

പുതുപ്പളളി, എറികാട് കരകളിൽ നിന്നു വാദ്യമേളങ്ങളുടെയും വള്ളപ്പാട്ടിന്റെയും അകമ്പടിയിൽ നടത്തിയ വിറകിടീൽ ചടങ്ങിൽ കുട്ടികൾ ഉൾപ്പെടെ ഇടവക സമൂഹം പങ്കെടുത്തു. തുടർന്നു പന്തിരുനാഴി ആഘോഷപൂർവം പുറത്തെടുത്ത ശേഷം വെച്ചൂട്ടിനുള്ള ക്രമീകരണങ്ങൾ ആരംഭിച്ചു. സന്ധ്യാനമസ്കാരത്തിനു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ കാർമികത്വം വഹിച്ചു. ഗീവർഗീസ് സഹദ അനുസ്മരണ പ്രഭാഷണം സെമിനാരി പ്രിൻസിപ്പൽ ഫാ.ജോൺസ് ഏബ്രഹാം കോനാട്ട് നിർവഹിച്ചു.

പുതുപ്പള്ളി പെരുന്നാൾ ഇന്ന്

കുർബാന– ഫാ.പി.കെ.കുര്യാക്കോസ് പണ്ടാരക്കുന്നേൽ– 5.30,
ഒമ്പതിന്മേൽ കുർബാന– ഡോ.യൂഹാനോൻ മാർ ദിയസ്കോറോസ്–9.00,
വെച്ചൂട്ട് –നേർച്ചസദ്യ – 11.15,
കുട്ടികളുടെ ആദ്യ ചോറൂട്ട് –11.30,
പ്രദക്ഷിണം ഇരവിനല്ലൂർ കവല ചുറ്റി – 2.00,
നേർച്ച വിളമ്പ് –അപ്പവും കോഴിയിറച്ചിയും – 4.00.

സ്നേഹം ഉണ്ടെങ്കിൽ ലോകം കീഴടക്കാം: ശ്രീശ്രീ രവിശങ്കർ

noreply@blogger.com (പുതുപ്പള്ളി പള്ളി) — Mon, 06 May 2019 07:38:00 +0000

ഹൃദയത്തിൽ സ്നേഹം ഉണ്ടെങ്കിൽ ലോകം കീഴടക്കാൻ സാധിക്കുമെന്നു ജീവനകല സ്ഥാപക ആചാര്യൻ ശ്രീശ്രീ രവിശങ്കർ. എല്ലാ മനുഷ്യരിലും നന്മയുടെ അംശം കിടപ്പുണ്ട്. ആ നന്മയിൽ വിശ്വസിക്കാൻ സാധിക്കണമെന്നും അദ്ദേഹം പറഞ്ഞു. ഭാരതത്തിലെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിനോടനുബന്ധിച്ചു നടന്ന പൊതു സമ്മേളനത്തിൽ ഓർഡർ ഓഫ് സെന്റ് ജോർജ് പുരസ്കാരം ഏറ്റുവാങ്ങുകയായിരുന്നു ശ്രീശ്രീരവിശങ്കർ.

സ്വാർഥതയും അസൂയയും നേർപ്പിച്ച് സുതാര്യതയുള്ള മനുഷ്യരാകണം. അതുപോലെ പ്രധാനമാണ് പരസ്പര വിശ്വാസം. മറ്റുള്ളവരിൽ നല്ല ഗുണങ്ങൾ ഉണ്ടെന്ന് വിശ്വസിക്കണം. സമൂഹത്തിന്റെ നന്മ കാണാൻ ശ്രമിച്ചാൽ നമ്മൾ നന്മ ചെയ്തുശീലിക്കും. തീവ്രവാദിക്ക് പോലും നന്മ ചെയ്യാനാവും. അയാൾക്കു ചെറിയൊരു രോഗമുണ്ടെന്ന് മാത്രം. അതിനാവശ്യം ചികിൽസയാണ്. ഏതു തിന്മയും സ്നേഹചികിത്സകൊണ്ട് മാറും.നന്മകളുടെ ഉറവിടമാണ് പുതുപ്പള്ളി ഓർത്തഡോക്സ് പള്ളി. ഇടവക പാവങ്ങളോടും ദരിദ്രരോടും കാണിക്കുന്ന കരുണ മഹനീയമാണ്. ഇതുപോലൊരു സ്ഥലത്ത് വേരൂന്നിയതിനാലാണ് ഉമ്മൻചാണ്ടി കേരളത്തിൽ മാതൃകാമുഖ്യമന്ത്രിയായതെന്നും അദ്ദേഹം പറഞ്ഞു.

മതങ്ങളുടെ ഐക്യത്തിലൂടെയുള്ള വിശ്വമാനവികതയാണ് ശ്രീശ്രീ രവിശങ്കറുടെ ലക്ഷ്യമെന്ന് ചടങ്ങിൽ അധ്യക്ഷത വഹിച്ച ഡോ. തോമസ് മാർ അത്തനാസിയോസ് പറഞ്ഞു. ഉദ്ഘാടനവും ജീവകാരുണ്യ പ്രവർത്തനങ്ങളുടെ പ്രഖ്യാപനവും മുൻ മുഖ്യമന്ത്രി ഉമ്മൻചാണ്ടി നിർവഹിച്ചു. ഓർഡർ ഓഫ് സെന്റ് ജോർജ് പുരസ്ക്കാരം ഡോ.തോമസ് മാർ അത്താനാസിയോസ് ശ്രീശ്രീ രവിശങ്കറിനു സമർപ്പിച്ചു. വികാരി ഫാ. കുര്യൻ തോമസ് കരിപ്പാൽ, അസിസ്റ്റന്റ് വികാരിമാരായ ഫാ. മർക്കോസ് മർക്കോസ്, ഫാ. സക്കറിയ തോമസ്, പുതുപ്പള്ളി പഞ്ചായത്ത് പ്രസിഡന്റ് നെബു ജോൺ, ട്രസ്റ്റിമാരായ ലിജോയ് വർഗീസ്, സാം കുരുവിള, സെക്രട്ടറി ജോജി പി.ജോർജ് എന്നിവർ പ്രസംഗിച്ചു.

പുതുപ്പള്ളി പെരുന്നാൾ വെച്ചൂട്ട്: രുചിക്കൂട്ട് ഒരുക്കൽ തുടങ്ങി

noreply@blogger.com (പുതുപ്പള്ളി പള്ളി) — Sun, 05 May 2019 10:07:00 +0000

പുതുപ്പള്ളി പെരുന്നാൾ വെച്ചൂട്ടിനുള്ള രുചിക്കൂട്ട് ഒരുക്കലുകൾ പുതുപ്പള്ളി പള്ളിയിൽ ആരംഭിച്ചു. ജാതിമതഭേദമെന്യേ പതിനായിരങ്ങളാണ് പുതുപ്പള്ളി പെരുന്നാളിലെ വെച്ചൂട്ടിൽ പങ്കെടുക്കുന്നത്. പെരുന്നാൾ സമാപനമായ 7ന് നടത്തുന്ന വെച്ചൂട്ടിനുള്ള കറികളാണ് ദിവസങ്ങൾക്കു മുൻപേ പളളിയിൽ തയ്യാറാക്കുന്നത്. അച്ചാറും ചമ്മന്തിപ്പൊടിയും, മോരുമാണ് വെച്ചൂട്ടിന്റെ പ്രധാന വിഭവങ്ങൾ. അച്ചാറിനുള്ള മാങ്ങ അരിയലിന്റെ ഉദ്ഘാടനം ഡോ.യൂഹാനോൻ മാർ ദിയസ്ക്കോറോസിന്റെ നേതൃത്വത്തിൽ പ്രാർഥനയ്ക്കു ശേഷം തുടങ്ങി.

ലൈല മാത്യു കൊശമറ്റം ഉദ്ഘാടനം നിർവ്വഹിച്ചു. അച്ചാറിനുള്ള മാങ്ങ അരിയുന്നത് ഇടവക കൂട്ടായ്മയിലെ സ്ത്രീകളുടെ നേതൃത്വത്തിലാണ്. ചമ്മന്തിക്കുള്ള തേങ്ങ ചുരണ്ടലും സ്ത്രീകളുടെ നേതൃത്വത്തിലാണ്. ചമ്മന്തി ഇടിക്കലുൾപ്പെടെ പുരുഷന്മാരുടെ നേതൃത്വത്തിൽ നടത്തി. മോരുകൂട്ടാനും കൂട്ടുത്തരവാദിത്തത്തോടെ ഇടവക ജനങ്ങൾ തയാറാക്കി.

വെച്ചൂട്ടിനോടനുബന്ധിച്ചു കുട്ടികളുടെ ആദ്യ ചോറൂട്ടും നൂറു കണക്കിനു വിശ്വാസികൾ നടത്തി വരുന്നു. വെച്ചൂട്ടിന്റെ ചോറ് ഔഷധമായി കരുതുന്ന വിശ്വാസികൾ ഏറെയാണ്. ഇത് ഉണക്കി സൂക്ഷിച്ചു ഔഷധമായി ഉപയോഗിക്കുന്നവരുണ്ട്.

ആഘോഷനിറവിൽ പുതുപ്പള്ളി കരകൾ

noreply@blogger.com (പുതുപ്പള്ളി പള്ളി) — Sun, 05 May 2019 08:43:00 +0000

മതസൗഹാർദത്തിന്റെയും മാനവമൈത്രിയുടെയും പ്രതീകമായ പുതുപ്പള്ളി പെരുന്നാൾ ആചരണത്തിൽ പങ്കെടുക്കാൻ തീർഥാടകരുടെ ഒഴുക്കു തുടങ്ങി. പെരുന്നാളിനു കൊടിയേറിയതോടെ പുതുപ്പള്ളി കരകൾ ആഘോഷനിറവിലാണ്. മേയ് 6, 7 തീയതികളിലാണു പ്രധാന പെരുന്നാൾ. ആചാരാനുഷ്ഠാനങ്ങൾ ഏറെയാണ് പുതുപ്പള്ളി പള്ളിക്ക്. നാട്ടിൽ നിന്നു നേരത്തേ പോയവരും വിദേശത്തുള്ളവരുമെല്ലാം പെരുന്നാളായാൽ പുതുപ്പള്ളിയിൽ തിരിച്ചെത്തും. പാരമ്പര്യത്തനിമ ചോരാതെ നടക്കുന്ന ആഘോഷങ്ങളിൽ കണ്ണിമ ചിമ്മാതെ പങ്കെടുക്കും.

പ്രധാന പെരുന്നാൾ ദിനങ്ങളിൽ പള്ളിയും പരിസരവും ജനസമുദ്രമാകും. ഈ ജനക്കൂട്ടത്തെക്കുറിച്ച് ‘പുതുപ്പള്ളി പെരുന്നാളിന്റെ ആള്’ എന്ന ശൈലി തന്നെ തെക്കൻ കേരളത്തിലുണ്ട്. പഴയ കാലം മുതൽ മധ്യതിരുവിതാംകൂറിലെ ഏറ്റവും വലിയ ഭക്തജനപ്രവാഹമായിരുന്നു പെരുന്നാൾ ദിനങ്ങൾ. യാത്രാസൗകര്യങ്ങൾ ഇല്ലാതിരുന്ന കാലത്ത് കെട്ടുവള്ളങ്ങളിലും കാളവണ്ടികളിലും കാൽനടയായും തീർഥാടകരെത്തിയിരുന്നു. കൊടൂരാറ്റിൽ നിരനിരയായി വള്ളങ്ങൾ വന്നുകിടന്നതു പഴയ തലമുറയുടെ മനസ്സിൽ ഹരം കൊള്ളിക്കുന്ന ഓർമകളാണിപ്പോഴും. വരുന്നവർക്കെല്ലാം വീടുകളി‍ൽ അന്ന് അഭയം കൊടുത്തിരുന്നു. ചെമ്പിലും വാർപ്പിലും അരി വച്ചാണ് അതിഥികളെ സ്വീകരിച്ചിരുന്നത്.

പുതുപ്പള്ളി പെരുന്നാൾ ഒരുക്കങ്ങൾ തുടങ്ങി

noreply@blogger.com (പുതുപ്പള്ളി പള്ളി) — Wed, 24 Apr 2019 06:50:00 +0000

രാജ്യത്തെ പ്രഥമ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് പള്ളിയിൽ വിശുദ്ധ ഗീവർഗീസ് സഹദായുടെ ഓർമ പെരുന്നാളിന്റെ ഒരുക്കങ്ങൾ തുടങ്ങി. ഗീവറുഗീസ് സഹദായുടെ രക്തസാക്ഷിദിനമായ ഏപ്രിൽ 23 മുതൽ സഹദാ സാന്നിധ്യാനുസ്‌മരണദിനങ്ങളായി ആചരിക്കുന്നു.

ഏപ്രിൽ 28നു കൊടിയേറ്റ്. ഏപ്രിൽ 30 മുതൽ മേയ് 4 വരെ പെരുന്നാൾ കൺവൻഷൻ. ഏപ്രിൽ 30 ന് ചേരുന്ന കുടുംബസംഗമത്തിൽ അബ്‌ദുൽ സമദ് സമദാനി പങ്കെടുക്കും. മേയ് ഒന്നിനു വെച്ചൂട്ടിനുള്ള മാങ്ങ അരിയൽ. 5നു കുർബാനയ്‌ക്കുശേഷം ചേരുന്ന പൊതുസമ്മേളനത്തിൽ ഈ വർഷത്തെ ഓർഡർ ഓഫ് സെന്റ് ജോർജ് പുരസ്കാരം ശ്രീ ശ്രീ രവിശങ്കറിനു സമർപ്പിക്കും. തുടർന്നു തീർഥാടന സംഗമം, വിവിധ കുരിശടികളിൽ നിന്നു പള്ളിയിലേക്കുള്ള പ്രദക്ഷിണം, പാലാ മരിയ സദനം റിഥം ഓഫ് മൈൻഡ് ഓർക്കസ്‌ട്ര നയിക്കുന്ന ക്രിസ്തീയ ഗാനസന്ധ്യ.

മേയ് 6നു വിശുദ്ധ അഞ്ചിന്മേൽ കുർബാനയ്‌ക്കുശേഷം പൊന്നിൻ കുരിശു പ്രധാന ത്രോണോസിൽ സ്ഥാപിക്കും. 2 മണിക്കു വിറകിടീൽ ചടങ്ങ്. 4നു പന്തിരുനാഴി പുറത്തെടുക്കും. സന്ധ്യാപ്രാർത്ഥനയ്‌ക്കുശേഷം പ്രദക്ഷിണം. പൊന്നിൻ കുരിശും അകമ്പടിയായി 101 വെള്ളി കുരിശും, ആയിരക്കണക്കിന് മുത്തുക്കുടകളും പ്രദക്ഷിണത്തിൽ അണിനിരക്കും. തുടർന്ന് കരിമരുന്ന് കലാപ്രകടനം.

മേയ് 7ന് പുലർച്ചെ ഒരു മണിക്ക് വെച്ചൂട്ട് നേർച്ച സദ്യക്കുള്ള അരിയിടീൽ. രാവിലെ 5നു കുർബാന 8ന് ഒമ്പതിന്മേൽ കുർബാന. തുടർന്നു വെച്ചൂട്ട് നേർച്ചയും കുട്ടികൾക്കുള്ള ആദ്യ ചോറൂണും. 1001 പറ അരിയുടെ നേർച്ചസദ്യയാണ് ഈ വർഷം ഒരുക്കുന്നത്. 2നു പ്രദക്ഷിണം. 4 മണിക്ക് അപ്പവും കോഴിയിറച്ചിയും നേർച്ചയായി ഭക്തർക്ക് നൽകും. അതോടെ പെരുന്നാൾ ചടങ്ങുകൾ സമാപിക്കുമെങ്കിലും മേയ് 19നു കൊടിയിറങ്ങുന്നതുവരെ പള്ളിയിൽ ഗീവറുഗീസ് സഹദായുടെ സാന്നിധ്യാനുസ്‌മരണദിനങ്ങളായി ആചരിക്കും. പ്രത്യേകം മധ്യസ്ഥപ്രാർഥനയും നടക്കുമെന്നു വികാരി ഫാ.കുര്യൻ തോമസ് കരിപ്പാൽ അറിയിച്ചു.

പുതുപ്പള്ളി പെരുന്നാൾ ഏപ്രിൽ 28 മുതൽ മേയ് 7 വരെ

noreply@blogger.com (പുതുപ്പള്ളി പള്ളി) — Mon, 11 Mar 2019 04:45:00 +0000

ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ 2019 ഏപ്രിൽ 28 മുതൽ മേയ് 7 വരെ ആചരിക്കും. പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവയും സഭയിലെ മെത്രാപ്പൊലീത്തമാരും ചടങ്ങുകൾക്കു നേതൃത്വം നൽകും. കൊടിമരം ഇടീൽ, വിറകിടീൽ, അരിയിടീൽ, ദീപക്കാഴ്ച, വെച്ചൂട്ട്, പ്രദക്ഷിണം, കോഴി നേർച്ച തുടങ്ങി ഒട്ടേറെ പരമ്പരാഗത ആചാരങ്ങൾ പള്ളിയുമായി ബന്ധപ്പെട്ടുണ്ട്. വിശുദ്ധ ഗീവർഗീസ് സഹദായുടെ രക്തസാക്ഷി ദിനമായ ഏപ്രിൽ 23 മുതൽ സഹദാ സാന്നിധ്യ അനുസ്മരണ ദിനങ്ങളായി ആചരിക്കും. ഏപ്രിൽ 28ന് കൊടിയേറ്റ്. ഏപ്രിൽ 30 മുതൽ മേയ് 5 വരെ പെരുന്നാൾ കൺവൻഷൻ.

മേയ് 5ന് സഭാ മേലധ്യക്ഷന്മാരും സാംസ്കാരിക നായകന്മാരും പങ്കെടുക്കുന്ന പൊതുസമ്മേളനം. ഓർഡർ ഓഫ് സെന്റ് ജോർജ് പുരസ്കാരം ശ്രീ ശ്രീ രവിശങ്കറിന് സമ്മാനിക്കും. ഏപ്രിൽ 30നാണ് കുടുംബസംഗമം. മേയ് ഒന്നു മുതൽ നാലുവരെ വൈകിട്ട് ആറിന് പുതുപ്പള്ളി കൺവൻഷൻ. മേയ് 5ന് തീർഥാടന സംഗമവും കുരിശടികളിൽ നിന്ന് പള്ളിയിലേക്കുള്ള പ്രദക്ഷിണവും.

മേയ് 6ന് അഞ്ചിന്മേൽ കുർബാന, പൊന്നിൻ കുരിശ് പ്രധാന ത്രോണോസിൽ സ്ഥാപിക്കൽ.

മേയ് രണ്ടിനാണ് വിറകിടീൽ ചടങ്ങ്. നാലിന് പന്തിരുനാഴി പുറത്തെടുക്കും. സന്ധ്യാപ്രാർഥയ്ക്കു ശേഷം പ്രദക്ഷിണം. തുടർന്ന് പ്രശസ്തമായ വെടിക്കെട്ട്.

മേയ് ഏഴിന് പുലർച്ചെ ഒന്നിന് വെച്ചൂട്ട് നേർച്ച സദ്യക്കുള്ള അരിയിടീൽ. അന്ന് ഒമ്പതിന്മേൽ കുർബാന നടക്കും. തുടർന്ന് വെച്ചൂട്ട് നേർച്ചയും കുട്ടികൾക്കുള്ള ആദ്യ ചോറൂട്ടും. 1001 പറ അരിയുടെ നേർച്ച സദ്യയാണ് ഈ വർഷം ഒരുക്കുന്നത്.

2ന് പ്രദക്ഷിണം, 4ന് അപ്പവും കോഴിയിറച്ചിയും നേർച്ച. 19ന് കൊടിയിറങ്ങുന്നതു വരെ പള്ളിയിൽ ഗീവർഗീസ് സഹദായുടെ സാന്നിധ്യ അനുസ്മരണ ദിനങ്ങളായി ആചരിക്കും. പ്രത്യേകം മധ്യസ്ഥ പ്രാർഥനയും ഉണ്ടായിരിക്കും. 1001 അംഗങ്ങൾ ഉൾപ്പെടുന്ന കമ്മിറ്റികൾ രൂപീകരിച്ചു.

പുതുപ്പള്ളി പള്ളി വെച്ചൂട്ടിന് സ്വന്തം പാടത്തെ നെല്ല്

noreply@blogger.com (പുതുപ്പള്ളി പള്ളി) — Fri, 28 Dec 2018 08:15:00 +0000

പുതുപ്പള്ളി പള്ളിയിലെ വെച്ചൂട്ടിന് പള്ളിയുടെ സ്വന്തം സ്ഥലത്ത് വിളഞ്ഞ അരി. മീനച്ചിലാര്‍-മീനന്തറയാര്‍-കൊടൂരാര്‍ പുനര്‍സംയോജന പദ്ധതിയുടെ ഭാഗമായി മുണ്ടകപ്പാടം-മൂവാറ്റുമുക്ക് തോട് കഴിഞ്ഞ വര്‍ഷം തെളിച്ചതോടെയാണ് മാങ്ങാനം പഴയകഴി പാടത്ത് തരിശുനില കൃഷിക്ക് വഴിയൊരുങ്ങിയത്.

പുതുപ്പള്ളി പള്ളി വക 43 ഏക്കര്‍ വരുന്ന പാടം കൃഷിയോഗ്യമാക്കുന്നതിന് നിയമബിരുദധാരി കൂടിയായ ജോര്‍ജി തോമസ് ആണ് മുന്നിട്ടിറങ്ങിയത്. പുതുപ്പള്ളി പള്ളി വകയായ പഴയകേരി പാടശേഖരത്തിലെ വിതയുത്സവം കോട്ടയം ജില്ലാ പ‍ഞ്ചായത്ത് പ്രസിഡന്‍റ് സണ്ണി പാമ്പാടി നിര്‍വ്വഹിച്ചു. ജില്ലാ പഞ്ചായത്ത് വൈസ് പ്രസിഡന്‍റ് ശ്രീമതി ജെസിമോള്‍ മനോജ് അദ്ധ്യക്ഷത വഹിച്ചു.മീനച്ചിലാര്‍-മീനന്തറയാര്‍-കൊടൂരാര്‍ പുനര്‍സംയോജന പദ്ധതി കോര്‍ഡിനേറ്റര്‍ അഡ്വ.കെ. അനില്‍ കുമാര്‍, പി.ടി. ബിജു,പുതുപ്പള്ളി പള്ളി വകാരി ഫാ. കുര്യന്‍ തോമസ്, ജോജി പി ജോര്‍ജ്ജ് തുടങ്ങിയവര്‍ പ്രസംഗിച്ചു.

പുതുപ്പള്ളിപള്ളിയിൽ കാരൾ ഗാനമത്സരം ഡിസംബർ 23 ന്

noreply@blogger.com (പുതുപ്പള്ളി പള്ളി) — Sat, 22 Dec 2018 19:51:00 +0000

പുതുപ്പള്ളി പള്ളി യുവജന പ്രസ്ഥാനത്തിന്റെ ആഭിമുഖ്യത്തിൽ ഡിസംബർ 23 ന് വൈകിട്ട് 6 മുതൽ കാരൾ ഗാനമത്സരം നടക്കും....

ഒന്നാം സമ്മാനം 10001 രൂപയും രണ്ടാം സമ്മാനം 7001 രൂപയും മൂന്നാം സമ്മാനം 5001 രൂപയും മികച്ച സ്റ്റേജ് പെർഫോമൻസിന് 1001 രൂപയും ലഭിക്കും....

ആത്മീയാചാര്യന് സ്നേഹാഞ്ജലി; മാർ അത്തനാസിയോസിന് അന്ത്യാഞ്ജലിയുമായി ആയിരങ്ങൾ

noreply@blogger.com (പുതുപ്പള്ളി പള്ളി) — Fri, 24 Aug 2018 21:13:00 +0000

കാലംചെയ്ത മാർ മലങ്കര ഓർത്തഡോക്സ് സുറിയാനി സഭ സീനിയർ മെത്രാപ്പൊലീത്തയും ചെങ്ങന്നൂർ ഭദ്രാസനാധിപനുമായ തോമസ് മാർ അത്തനാസിയോസിന്റെ ചെങ്ങന്നൂരിലെ പൊതുദർശനം ഉച്ചയ്ക്ക് (25/08/18) ഒരു മണിക്ക് ആരംഭിക്കും. ഇന്നലെ വൈകിട്ട് ഭൗതികശരീരം ഭദ്രാസന ആസ്ഥാനമായ ചെങ്ങന്നൂർ ബഥേൽ അരമനയിൽ എത്തിച്ചു. ഇന്ന് (25/08/18) കുർബാനയ്ക്കുശേഷം ഉച്ചയ്ക്ക് ഒരു മണിയോടെ പുത്തൻകാവ് കത്തീഡ്രലിൽ പൊതുദർശനത്തിനായി എത്തിക്കും.

നാളെ (26/08/18) കുർബാനയ്ക്കുശേഷം ഒരുമണിയോടെ നഗരികാണിക്കൽ പുത്തൻകാവ് കത്തീഡ്രലിൽനിന്ന് ഓതറ ദയറായിലേക്ക്. മൂന്നിനു നടക്കുന്ന കബറടക്ക ശുശ്രൂഷകൾക്കു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ മുഖ്യകാർമികത്വം വഹിക്കും. കബറടക്കം ഓതറ ദയറാ ചാപ്പലിൽ മതിയെന്നു മാർ അത്തനാസിയോസ് നേരത്തേതന്നെ ആഗ്രഹം പ്രകടിപ്പിച്ചിരുന്നു.

സഭാസമാധാനത്തിനായി നോമ്പനുഷ്ഠിച്ച ആത്മീയ പിതാവ്

ചെങ്ങന്നൂർ ഭദ്രാസനം 1985 മാർച്ച് 10നു രൂപീകൃതമായപ്പോൾ പ്രഥമ മെത്രാപ്പൊലീത്തയായി ചുമതലയേറ്റ തോമസ് മാർ അത്തനാസിയോസ് മലങ്കരസഭയിൽ സമാധാനത്തിനും ഐക്യത്തിനും വേണ്ടി ആഗ്രഹിക്കുകയും പ്രവർത്തിക്കുകയും ചെയ്ത ആത്മീയാചാര്യനാണ്. സഭയിൽ സമാധാനവും ഐക്യവും കൈവരുംവരെ നോമ്പ് അനുഷ്ഠിക്കാൻ തീരുമാനിച്ച അദ്ദേഹം അവസാനം വരെയും ആ പ്രതിജ്ഞ നിറവേറ്റി. പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ സ്ഥാനമേറ്റപ്പോൾ അദ്ദേഹത്തെ ഫോണിൽ വിളിച്ചു സംസാരിക്കുകയും ചെയ്തിരുന്നു.

കാലംചെയ്‌ത പുത്തൻകാവ് കൊച്ചുതിരുമേനി എന്ന ഗീവർഗീസ് മാർ പീലക്‌സിനോസിന്റെ സഹോദരൻ കെ.ടി. തോമസിന്റെയും കോഴഞ്ചേരി തേവർവേലിൽ തെള്ളിരേത്ത് ഏലിയാമ്മയുടെയും മകനായി 1938 ഏപ്രിൽ മൂന്നിനായിരുന്നു ജനനം. ചങ്ങനാശേരി എസ്എസ്എസ്, എസ്ബി കോളജുകളിലെ പഠനം കൂടാതെ കൽക്കട്ട സെറാംപുർ സർവകലാശാലയിൽനിന്നു വേദശാസ്ത്രത്തിൽ ബിഡി ബിരുദവും ബറോഡ എംഎസ് സർവകലാശാലയിൽനിന്നു യുജിസി സ്കോളർഷിപ്പോടെ എംഎഡും കരസ്ഥമാക്കി. മികച്ച അധ്യാപകനും വാഗ്മിയുമായി പേരെടുത്തു.

പരിശുദ്ധ ബസേലിയോസ് ഒൗഗേൻ പ്രഥമൻ ബാവായിൽനിന്ന് 1970 മേയ് ഏഴിനു ശെമ്മാശപട്ടവും മേയ് 26നു ദാനിയേൽ മാർ പീലക്സിനോസിൽനിന്നു വൈദികപട്ടവും സ്വീകരിച്ചു. 1983 മേയ് 14നു പരുമല സെമിനാരിയിൽവച്ച് റമ്പാൻസ്ഥാനം സ്വീകരിച്ചു. 1985 മേയ് 15നു പരിശുദ്ധ ബസേലിയോസ് മാർത്തോമ്മാ മാത്യൂസ് പ്രഥമൻ ബാവാ മേൽപ്പട്ടസ്ഥാനത്തേക്ക് ഉയർത്തി. ഇപ്പോഴത്തെ കാതോലിക്കാ പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ ബാവായും അദ്ദേഹത്തോടൊപ്പമാണു മേൽപ്പട്ടസ്ഥാനമേറ്റത്. സഭയുടെ ഫിനാൻസ് കമ്മിറ്റി പ്രസിഡന്റ്, അക്കൗണ്ട്സ് കമ്മിറ്റി പ്രസിഡന്റ്, സഭവക സ്കൂളുകളുടെ മാനേജർ, എപ്പിസ്കോപ്പൽ സുന്നഹദോസ് സെക്രട്ടറി എന്നിങ്ങനെ ഒട്ടേറെ പദവികൾ വഹിച്ചു.

സഭയുടെയും അംഗങ്ങളുടെയും ആത്മീയവും സാമൂഹികവുമായ വളർച്ചയ്ക്കു നൂതന പദ്ധതികൾ നടപ്പാക്കി. വിദ്യാഭ്യാസ മേഖലയുടെ വികസനത്തിനും പരിസ്ഥിതി സംരക്ഷണ പ്രവർത്തനങ്ങൾക്കും പ്രഥമപരിഗണന നൽകി. കേരളത്തിനകത്തും പുറത്തും സ്കൂളുകളും ആരാധനാലയങ്ങളും സ്ഥാപിച്ചു. ഇടവകകളിൽ സേവനം ചെയ്തു. ഗുജറാത്ത്, മഹാരാഷ്ട്ര ഉൾപ്പെടെയുള്ള സംസ്ഥാനങ്ങളിൽ സഭയെയും വിദ്യാഭ്യാസ സ്ഥാപനങ്ങളെയും വളർത്തിയ അമരക്കാരനാണ്.

വ്യക്തിബന്ധങ്ങൾ ഏറെ കാത്തു സൂക്ഷിച്ച അദ്ദേഹം മുൻമന്ത്രി അന്തരിച്ച ടി.എം. ജേക്കബിനുവേണ്ടി ഹൈക്കോടതിയിൽ സാക്ഷിമൊഴി നൽകിയ സംഭവമുണ്ടായിട്ടുണ്ട്.

ഡോ. ജോസഫ് മാർത്തോമ്മാ മെത്രാപ്പൊലീത്ത, മാർത്തോമ്മാ സഭയിലെ ഡോ. യൂയാക്കിം മാർ കൂറിലോസ് എന്നിവരുടെ ബന്ധുകൂടിയാണ് മാർ അത്തനാസിയോസ്.

അനുഗ്രഹ പ്രാപ്തിയുടെ നിറവുമായി പുതുപ്പള്ളി വെച്ചൂട്ടിൽ പതിനായിരങ്ങൾ

noreply@blogger.com (പുതുപ്പള്ളി പള്ളി) — Tue, 08 May 2018 01:30:00 +0000

ഭക്തിയുടെയും അനുഗ്രഹ വർഷത്തിന്റെയും രുചിയറിഞ്ഞ് പതിനായിരക്കണക്കിനു വിശ്വാസികൾ പുതുപ്പള്ളി വെച്ചൂട്ടിൽ പങ്കെടുത്തു. പെരുന്നാളിന്റെ സമാപന ദിനമായിരുന്ന ഇന്നലെ രാവിലെ മുതൽ വീഥികളെല്ലാം പുതുപ്പള്ളി പുണ്യാളന്റെ മണ്ണിലേക്കു സജീവമായി. സംസ്ഥാനത്തിനു പുറത്തു നിന്നുൾപ്പെടെ തീർഥാടകർ വെച്ചൂട്ട് നേർച്ചയിൽ പങ്കെടുക്കാനെത്തി. വിപുലമായ ക്രമീകരണമാണു വെച്ചൂട്ട് വിളമ്പാൻ ഏർപ്പെടുത്തിയിരുന്നത്. ഭക്തിക്കു മാത്രമല്ല രുചിക്കും വെച്ചൂട്ടിൽ പ്രാധാന്യമുണ്ടെന്ന് ചോറും മാങ്ങാഅച്ചാറും ചമ്മന്തിപ്പൊടിയും തെളിയിച്ചു.

ഒട്ടേറെ കുരുന്നുകൾക്കു വൈദികരുടെ നേതൃത്വത്തിൽ ആദ്യ ചോറൂട്ടും നടത്തി. വർഷങ്ങളായി കുട്ടികളെ ആദ്യ ചോറൂട്ടിനായി വെച്ചൂട്ട് ദിവസമാണു കൊണ്ടുവരുന്നത്. പെരുന്നാൾ‌ സമാപനത്തിന്റെ ഭാഗമായി അങ്ങാടി – ഇരവിനെല്ലൂർ കവല ചുറ്റിയുള്ള പ്രദക്ഷിണവും നേർച്ചവിളമ്പും നടത്തി.

പെരുന്നാളിന്റെ ഭാഗമായി പള്ളി മൈതാനത്തു നടന്നു വന്ന പുതുപ്പള്ളി ഫെസ്റ്റ് 12 വരെയുണ്ടാകും. ക്രമീകരണങ്ങൾക്കു വികാരി ഫാ. കുര്യൻ തോമസ് കരിപ്പാൽ, സഹവികാരിമാരായ ഫാ. സഖറിയ തോമസ് പടിഞ്ഞാറെ വടക്കേക്കര, ഫാ. മർക്കോസ് മർക്കോസ് ഇടക്കര, കൈക്കാരന്മാരായ ലിജോയ് വർഗീസ് കളപ്പുരയ്ക്കൽ, സാം കുരുവിള വായ്പ്പൂക്കര, സെക്രട്ടറി ജോജി പി.ജോർജ് പെരുമ്പുഴയിൽ തുടങ്ങിയവർ നേതൃത്വം നൽകി.

ആത്മീയ വിരുന്നൊരുക്കുന്ന പുതുപ്പള്ളി വെച്ചൂട്ട് ഇന്ന് (7/5/2018)

noreply@blogger.com (പുതുപ്പള്ളി പള്ളി) — Sun, 06 May 2018 22:09:00 +0000

ഭക്തജന ലക്ഷങ്ങൾ വിശ്വാസപൂർവം പങ്കെടുക്കുന്ന പുതുപ്പള്ളി പളളിയിലെ വെച്ചൂട്ട് ഇന്ന്. ദേശത്തിന് ആത്മീയ വിരുന്നൊരുക്കുന്ന പെരുന്നാളിന്റെ പ്രധാന ചടങ്ങായ വെച്ചൂട്ടിൽ പങ്കെടുക്കാൻ നാട് ഒഴുകിയെത്തും. വിപുലമായ ക്രമീകരണങ്ങളാണ് വിവിധ കൗണ്ടറുകൾ സ്ഥാപിച്ചു വെച്ചൂട്ട് വിളമ്പുന്നതിന് ഏർപ്പെടുത്തിയത്. ഇന്ന് ഒൻപതിന് ഒൻപതിന്മേൽ കുർബാനയ്ക്കു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ മുഖ്യകാർമികത്വം വഹിക്കും. 11.30നു വെച്ചൂട്ട് ആരംഭിക്കും. നൂറുകണക്കിനു കുട്ടികൾക്ക് ആദ്യ ചോറൂട്ട് നൽകുന്ന ചടങ്ങും വൈദികരുടെ നേതൃത്വത്തിൽ നടത്തും.

ഇന്നു പുലർച്ചെ പ്രാർ‌ഥനാനിർഭരമായ ചടങ്ങുകളോടെയാണ് വെച്ചൂട്ടിനുള്ള അരിയിടീൽ നടത്തിയത്. വിഭവങ്ങളായ മാങ്ങഅച്ചാറും, ചമ്മന്തിപ്പൊടിയും നേരത്തേ തയാറാക്കി. വെച്ചൂട്ടിന്റെ ചോറ് ദിവ്യ ഔഷധമായാണ് വിശ്വാസികൾ കരുതുന്നത്. ഭവനങ്ങളിൽ കൊണ്ടുപോയി ചോറ് ഉണക്കി സൂക്ഷിച്ചു മരുന്നായി ഉപയോഗിക്കാറുണ്ട്. പെരുന്നാൾ‌ സമാപനത്തോടനുബന്ധിച്ച് അങ്ങാടി –ഇരവിനെല്ലൂർ കവല ചുറ്റിയുള്ള പ്രദക്ഷിണം രണ്ടിനും, അപ്പവും കോഴിയിറച്ചിയും നേർച്ചവിളമ്പ് നാലിനും ആരംഭിക്കും.

വെച്ചൂട്ടിനുള്ള വിറകിടീൽ ഘോഷയാത്ര ഇന്നലെ ദേശത്തിനു ഭക്തിയുടെയും ആചാരത്തിന്റെയും തനിമ ചോരാത്തതായി മാറി. പുതുപ്പള്ളി–എറികാട് കരകളിൽ നിന്നു ഇടവകജനങ്ങൾ ഒരേ മനസ്സോടെ, ഒരേ പ്രാ‍ർഥനയോടെ വിറകുമായി ഘോഷയാത്രയായി പള്ളിയിലെത്തി. വാദ്യമേളങ്ങൾ ഉയർത്തിയും വള്ളപ്പാട്ടുകൾ പാടിയുമാണു വിറകുമായി ഭക്തജനങ്ങൾ എത്തിയത്.

പന്തിരുനാഴി പുറത്തെടുക്കലും ഇടവക ആഘോഷമാക്കി മാറ്റി. പളളിമുറികളിൽ സൂക്ഷിച്ചിരിക്കുന്ന 12 പറ അരി വയ്ക്കാവുന്ന പന്തിരുനാഴി എന്നറിയപ്പെടുന്ന വാർപ്പുകളും, ചെമ്പുകളും പുറത്തിറക്കിയാണു ചടങ്ങുകൾ നടന്നത്. പ്രദക്ഷിണം വച്ചശേഷമായിരുന്നു പാചകത്തിന് ഒരുക്കങ്ങൾ. പള്ളിയിലെ കെടാവിളക്കിൽ നിന്നു പകർന്ന ദീപം കോൽവിളക്കിലേക്കു പകർന്നു കൊണ്ടുവന്നായിരുന്നു അടുപ്പുകത്തിക്കൽ. പ്രദക്ഷിണം ദേശത്തിനു ആഘോഷ സന്ധ്യയുടെ നിറച്ചാർത്തു പകർന്നു. നിലയ്ക്കൽപള്ളി, പുതുപ്പള്ളി കവലയിലുള്ള കുരിശുംതൊട്ടി വഴിയായിരുന്നു പള്ളിയിലേക്കു പ്രദക്ഷിണം. പെരുന്നാൾ ആചരണത്തിൽ പങ്കെടുക്കാൻ ഭക്തജനത്തിരക്കേറി. ചരിത്രപ്രസിദ്ധമായ പൊന്നിൻകുരിശ് ദർശിച്ചു അനുഗ്രഹം നേടാൻ തീർഥാടകർ എത്തുന്നുണ്ട്. ‌

∙പുതുപ്പള്ളി പെരുന്നാൾ ഇന്ന്

കുർബാന– ഫാ. പി.കെ.കുര്യാക്കോസ് പണ്ടാരക്കുന്നേൽ– 5.30
പ്രഭാതനമസ്ക്കാരം – 8.00
ഒൻപതിന്മേൽ കുർബാന– പരിശുദ്ധ കാതോലിക്കാ ബാവാ – 9.00
ശ്ലൈഹിക വാഴ്‌വ് – 11.00
വെച്ചൂട്ട് – നേർച്ചസദ്യ– കുട്ടികൾക്കു ആദ്യ ചോറൂട്ട് – 11.30
പ്രദക്ഷിണം– 2.00
നേർച്ചവിളമ്പ് – 4.00

ആശ്വാസം തേടി തിരുശേഷിപ്പിന് അരികിൽ വിശ്വാസികൾ

noreply@blogger.com (പുതുപ്പള്ളി പള്ളി) — Sun, 06 May 2018 20:31:00 +0000

ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയപള്ളിയിൽ വിശുദ്ധ ഗീവർഗീസ് സഹദായുടെ തിരുശേഷിപ്പിൽ വണങ്ങി പ്രാർഥിക്കുന്ന കുരുന്ന്.

വിശുദ്ധ ഗീവർഗീസ് സഹദായുടെ തിരുശേഷിപ്പ് സ്ഥാപിച്ചിരിക്കുന്ന ഇന്ത്യയിലെ ആദ്യത്തെ ദേവാലയമാണ് പുതുപ്പള്ളി പള്ളി. ദേവാലയത്തിൽ എത്തി പ്രാർഥിക്കാൻ സംസ്ഥാനത്തിനു പുറത്തു നിന്നുൾപ്പെടെ തീർ‌ഥാടകർ പെരുന്നാൾ കാലത്ത് പതിവായി ഇവിടെയെത്തുന്നുണ്ട്. വിശുദ്ധന്റെ രക്തസാക്ഷിദിനമായ 23 മുതൽ മേയ് 20 വരെ ഒരുമാസക്കാലം പുതുപ്പള്ളി ജനസാഗരത്തിലായിരിക്കും. ഗീവർഗീസ് സഹദായുടെ തിരുശേഷിപ്പിനു മുന്നിലിരുന്നു പ്രാർഥിച്ച് അനുഗ്രഹം ലഭിച്ചതിന്റെ ആയിരക്കണക്കിനു സാക്ഷ്യങ്ങളാണ് വിശ്വാസികൾക്കു പറയാനുളളത്. തെക്കുംകൂർ രാജാക്കന്മാരുടെ ഭരണകാലത്ത് വ്യാപാര കേന്ദ്രമായിരുന്ന പുതുപ്പള്ളി അങ്ങാടിയുടെ ഓർമ പുതുക്കി പുതുപ്പള്ളി ഫെസ്റ്റും പള്ളി മൈതാനത്ത് നടക്കുന്നു. വിവിധ സ്റ്റാളുകൾ ഉൾപ്പെടെ തയാറാക്കിയിട്ടുണ്ട്. ദേവാലയത്തിന്റെ അഴകിനു കൂടുതൽ ശോഭ പകർന്നു വ്യത്യസ്ത നിറങ്ങളിലുള്ള വൈദ്യുതി ദീപങ്ങളാൽ അലങ്കരിച്ചിട്ടുണ്ട്. പാമ്പാടി മാലത്ത് സൗണ്ട്സാണ് ഇത് ഒരുക്കിയിരിക്കുന്നത്.

പുതുപ്പള്ളി പെരുന്നാൾ: പ്രദക്ഷിണങ്ങൾക്ക് ഊഷ്മള സ്വീകരണം

noreply@blogger.com (പുതുപ്പള്ളി പള്ളി) — Sun, 06 May 2018 03:08:00 +0000

വിശ്വാസ വീഥികളിലൂടെ എത്തിയ പ്രദക്ഷിണങ്ങൾ പുതുപ്പള്ളി പള്ളിയെ ഭക്തിസാഗരത്തിലാക്കി. കൊച്ചാലുംമൂട് ഓർത്തഡോക്സ് സെന്റർ, പാറയ്ക്കൽകടവ്, കാഞ്ഞിരത്തുംമൂട്, കൈതമറ്റം, വെട്ടത്തുകവല കുരിശടികളിൽ നിന്ന് ഇന്നലെ സന്ധ്യനമസ്കാരത്തെ തുടർന്നാണു പ്രദക്ഷിണം പുറപ്പെട്ടത്. ആയിരക്കണക്കിനു വിശ്വാസികളാണു പങ്കെടുത്തത്. പ്രദക്ഷിണങ്ങൾക്ക് ഊഷ്മള സ്വീകരണം നൽകി.

ഇന്നു 11നു ചരിത്രപ്രസിദ്ധമായ പൊന്നിൻകുരിശ് മദ്ബഹായിൽ പ്രതിഷ്ഠിക്കൽ, രണ്ടിനു വെച്ചൂട്ടിനുള്ള വിറകിടീൽ ചടങ്ങ്, ഏഴിനു നിലയ്ക്കൽപള്ളി, പുതുപ്പള്ളി കവലയിലുള്ള കുരിശുംതൊട്ടി വഴി നടത്തുന്ന പ്രസിദ്ധമായ പ്രദക്ഷിണം എന്നിവ നടത്തും. പെരുന്നാൾ പ്രധാന ദിനങ്ങളിലേക്കു കടന്നതോടെ തീർഥാടക തിരക്കിലാണു ദേശം. പള്ളി മൈതാനത്തു നടക്കുന്ന പുതുപ്പള്ളി ഫെസ്റ്റ് ഇവിടെയെത്തുന്നവർക്കു വാണിജ്യവിരുന്നാകുന്നു.

ഭക്തിയുടെ രുചിക്കൂട്ടിൽ വിരുന്നൊരുക്കുന്ന വെച്ചൂട്ട് നാളെയാണ്. പതിനായിരക്കണക്കിനു വിശ്വാസികൾ പങ്കെടുക്കുന്ന വെച്ചൂട്ട് –നേർച്ചസദ്യയുടെ ഭാഗമായി കുട്ടികൾക്കുള്ള ആദ്യ ചോറൂട്ടും നടത്തും. വെച്ചൂട്ടിന്റെ വിഭവങ്ങളായ മാങ്ങാ അച്ചാർ, ചമ്മന്തിപ്പൊടി എന്നിവയുടെ തയാറാക്കൽ ഭക്തജന കൂട്ടായ്മയകളുടെ നേതൃത്വത്തിൽ നടന്നു. ഇന്ന് അർധരാത്രിയിൽ വെച്ചൂട്ടിനുള്ള അരിയിടീൽ പ്രാർഥനാപൂർവം നടത്തും.

പെരുന്നാൾ സമാപന ദിനമായ നാളെ 11.30 മുതൽ വെച്ചൂട്ട് ആരംഭിക്കും. പുതുപ്പള്ളി പള്ളിയും ഗീവർഗീസ് സഹദായുമായി ബന്ധപ്പെട്ടു പുതുപ്പള്ളി ഊട്ട്–പുതുപ്പള്ളി ചാത്തം എന്നപേരിൽ വിവിധ ദേശത്തെ വീടുകളിലും നടത്തിവരുന്നുണ്ട്. പുതുപ്പള്ളി പെരുന്നാളിൽ പങ്കെടുക്കാൻ സാധിക്കാതെ വരുന്ന ഭക്തർ പ്രാദേശികമായി നടത്തിവരുന്ന ആചാരമാണിത്. വ്രതശുദ്ധിയോടെ വിവിധ ഭവനങ്ങളിലാണ് ഊട്ട് നടത്താറുള്ളത്.

ബന്ധുക്കളെയും ജാതിമത ഭേദമന്യേയുള്ളവരെയും വിളിച്ചാണ് പുതുപ്പള്ളി ഊട്ട് എന്നപേരിൽ വീടുകളിൽ വഴിപാട് പോലെ ഈ ചടങ്ങ് നടത്തിവരുന്നത്. സഹദായുടെ ‍ചിത്രത്തിനു മുന്നിൽ നിലവിളക്ക് തെളിച്ചശേഷം ആദ്യം ഇലയിട്ടു സഹദായെ സങ്കൽപ്പിച്ച് വിളമ്പിയ ശേഷമാണ് വിരുന്നുകാർക്ക് ഊണു നൽകുക.

പുതുപ്പള്ളിയിലെ ക്രൈസ്തവ കുടുംബങ്ങളിൽ നിന്നുള്ള പാരമ്പര്യ ബന്ധത്തിൽ ഇന്നും മുടക്കംകൂടാതെ ഈ ആചാരം വിവിധ ദേശങ്ങളിൽ നടന്നു വരുന്നു. പെരുന്നാളിനോടനുബന്ധിച്ചു ഗീവർഗീസ് സഹദായുടെ തിരുശേഷിപ്പിങ്കൽ അഖണ്ഡ പ്രാർഥന ഇന്നുരാത്രി 10നു മുതൽ ആരംഭിക്കും. തിരുശേഷിപ്പിനു മുന്നിൽ ഒരു രാത്രി മുഴുവൻ പ്രാർഥനാപൂ‍ർവം കഴിഞ്ഞുകൂടാൻ ആയിരക്കണക്കിനു വിശ്വാസികളെത്തും. ഗീവർഗീസ് സഹദായുടെ തിരുശേഷിപ്പ് ഇന്ത്യയിൽ ആദ്യമായി സ്ഥാപിച്ചത് പുതുപ്പള്ളി പള്ളിയിലാണെന്ന പ്രത്യേകതയുമുണ്ട്.

പുതുപ്പള്ളി പെരുന്നാൾ:വിറകിടീൽ ഇന്ന് (6/5/2018)

noreply@blogger.com (പുതുപ്പള്ളി പള്ളി) — Sun, 06 May 2018 02:46:00 +0000

വെച്ചൂട്ടിനുള്ള വിറകിടീൽ ചടങ്ങ് ഇന്നാണ്. പഴമയുടെ തനിമ ചോരാതെ വിശ്വാസ സമൂഹം വെച്ചൂട്ടിനുള്ള വിറകുമായി ഘോഷയാത്രയായി എത്തും. ഇടവകയിലെ ജനങ്ങൾ ഒരേ മനസോടെ പങ്കെടുക്കുന്ന ചടങ്ങാണ് വിറകിടീൽ.

പുതുപ്പള്ളി, ഏറികാട് കരക്കാർ മൽസരബുദ്ധിയോടെ വിറക് ശേഖരിച്ചു വാദ്യമേളങ്ങളുടേയും വള്ളപ്പാട്ടുകളുടേയും അകമ്പടിയിലാണ് പള്ളിയിലേക്ക് എത്തുക. പെരുന്നാളിനു വിരുന്നൊരുക്കുന്ന വെച്ചൂട്ടിനുള്ള വിഭവങ്ങൾ തയാറാക്കുന്നത് ഈ വിറക് ഉപയോഗിച്ചാണ്. പെരുനാളിലെ പ്രധാന ചടങ്ങായ ചരിത്ര പ്രസിദ്ധമായ പൊന്നിൻകുരിശ് മദ്ബഹായിൽ പ്രതിഷ്ഠിക്കൽ ഇന്ന് 11നാണ്. 401 പവൻ തൂക്കമുള്ള പൊന്നിൻ കുരിശ് പെരുന്നാൾ ദിനങ്ങളിൽ മാത്രമാണ് പുറത്തെടുക്കുന്നത്. വിശുദ്ധ ഗീവർഗീസ് സഹദായുടെ ശക്തിയും ചൈതന്യവും ആവാഹിച്ചിട്ടുള്ളതെന്നു വിശ്വസിക്കുന്ന പൊന്നിൻ കുരിശ് പള്ളിയുടെ ഗതകാല മഹത്വത്തിന്റെയും സമൃദ്ധിയുടേയും പ്രതീകമാണ്.

പെരുനാൾ ദിനങ്ങളിൽ പള്ളിയിലെത്തി ഈ കുരിശിനെ വണങ്ങാൻ തീർഥാടകരുടെ വൻ തിരക്കാണ് അനുഭവപ്പെടാറുള്ളത്.

പുതുപ്പള്ളി പെരുന്നാൾ ഇന്ന് (6/5/2018)

കുർബാന –ഫാ. എം.സി.കുര്യാക്കോസ് – 6.00
പ്രഭാത നമസ്കാരം – 8.00
അഞ്ചിന്മേൽ കുർബാന–ഡോ. യൂഹാനോൻ മാർ ക്രിസോസ്റ്റമോസ് – 9.00
പൊന്നിൻകുരിശ് വിശുദ്ധ മദ്ബഹായിൽ പ്രതിഷ്ഠിക്കൽ – 11.00
വിറകീടിൽ ചടങ്ങ് –2.00
പന്തിരുനാഴി ആഘോഷപൂർവം പുറത്തെടുക്കൽ–3.30
പെരുന്നാൾ സന്ധ്യാനമസ്കാരം – 5.30
പ്രദക്ഷിണം, നിലയ്ക്കൽപള്ളി, പുതുപ്പള്ളി കവലയിലെ കുരിശിൻതൊട്ടി വഴി പള്ളിയിലേക്ക് – 7.00
ശ്ലൈഹിക വാഴ്‌വ് – 9.00
വിശുദ്ധ ഗീവർഗീസ് സഹദായുടെ തിരുശേഷിപ്പിങ്കൽ അഖണ്ഡ പ്രാർഥന– 10.00
രാത്രി നമസ്കാരം– 12.00

പുതുപ്പള്ളി തീർഥാടനം ഇന്ന് (5/5/2018)

noreply@blogger.com (പുതുപ്പള്ളി പള്ളി) — Fri, 04 May 2018 22:50:00 +0000

നവമധ്യസ്ഥർ അനുഗ്രഹം ചൊരിയുന്ന പുതുപ്പള്ളി പള്ളി പ്രധാന പെരുന്നാൾ ദിനങ്ങളിലേക്കു കടക്കുന്നു. വിവിധ പള്ളികളിൽ നിന്നു പുതുപ്പള്ളിയിലേക്കുള്ള പുതുപ്പള്ളി തീർഥാടനം ഇന്ന് നടത്തും. രാവിലെ 10നു തീർഥാടകർക്കു സ്വീകരണം നൽകും. വൈകിട്ട് ആറിനു കൊച്ചാലുംമൂട് ഓർത്തഡോക്സ് സെന്റർ, പാറയ്ക്കൽകടവ്, കാഞ്ഞിരത്തുംമൂട്, കൈതമറ്റം, വെട്ടത്തുകവല എന്നീ കുരിശടികളിൽ സന്ധ്യാനമസ്കാരവും തുടർന്നു പള്ളിയിലേക്കു പ്രദക്ഷിണവും. രാത്രി എട്ടിനു പള്ളിയിൽ എത്തിച്ചേരുന്ന പ്രദക്ഷിണത്തിനു സ്വീകരണം നൽകും.

അതിനു ശേഷം സുപ്രസിദ്ധ പിന്നണി ഗായകൻ കെ.ജി. മാർക്കോസ് നയിക്കുന്ന ക്രിസ്തീയ ഗാനമേള

ഒൻപത് ത്രോണോസുകൾ ഉള്ളതാണ് പുതുപ്പള്ളി പള്ളിയുടെ പ്രധാന പ്രത്യേകതകളിൽ ഒന്ന്. വിശുദ്ധ ഗീവർഗീസ് സഹദായുടെ നാമധേയത്തിലാണ് മധ്യഭാഗത്തെ വലിയ പള്ളിയുടെ പ്രധാന ത്രോണോസ്. ഇടതും വലതുമായി വിശുദ്ധ മാർത്തോമ്മാ ശ്ലീഹായുടേയും പരിശുദ്ധ പരുമല തിരുമേനിയുടേയും ത്രോണോസുകൾ. തെക്കു ഭാഗത്തെ മധ്യത്തിലുള്ളത് വിശുദ്ധ ബഹനാൻ സഹദായുടെയും ഇടതും വലതുമായി പരിശുദ്ധ വട്ടശേരിൽ തിരുമേനിയുടേയും പരിശുദ്ധ പാമ്പാടി തിരുമേനിയുടെയും ത്രോണോസുകളാണ്. വടക്കുഭാഗത്ത് വിശുദ്ധ ദൈവമാതാവിന്റെയും ഇടതും വലതുമായി മർത്തശ്മുനിയമ്മ, മാർ യൂലീത്തി എന്നിവരുടേയും ത്രോണോസുകളാണ്. ശുദ്ധിമതികളുടെ നാമത്തിലുള്ള മലങ്കരയിലെ ഏക ദേവാലയവും ഇതു തന്നെയാണ്.

പെരുന്നാളിന്റെ വെച്ചൂട്ടിനുള്ള വിഭവങ്ങൾ തയാറാക്കൽ പള്ളിയിൽ പുരോഗമിക്കുകയാണ്. ഇന്നലെ ചമ്മന്തിപ്പൊടി തയാറാക്കൽ ആരംഭിച്ചു. അച്ചാറും, ചമ്മന്തിപ്പൊടിയും, മോരുമാണ് വെച്ചൂട്ടിന്റെ പ്രധാന വിഭവങ്ങൾ.

പുതുപ്പള്ളി പെരുന്നാളിന്റെ ഒരുക്കങ്ങൾ അവസാനഘട്ടത്തിൽ

noreply@blogger.com (പുതുപ്പള്ളി പള്ളി) — Fri, 04 May 2018 06:00:00 +0000

പുതുപ്പള്ളി പെരുന്നാളിന്റെ പ്രധാന നേർച്ചയായ വെച്ചൂട്ടിനുള്ള ഒരുക്കങ്ങൾ ആരംഭിച്ചു. കഴിഞ്ഞ ദിവസം അച്ചാർ തയാറാക്കുന്നതിനുള്ള മാങ്ങാ അരിയലും ചമ്മന്തിപ്പൊടി തയാറാക്കലും നടന്നു.

ആചാരാനുഷ്ഠാനങ്ങളുടെ ഒട്ടേറെ പ്രത്യേകതയുളള പുതുപ്പള്ളി പള്ളിയിലെ പൊന്നിൻകുരിശും പുതുപ്പളളി കുരിശും ദൈവിക സാന്നിധ്യത്തിന്റെ പ്രതീകങ്ങളായി വിശ്വസിച്ചു വരുന്നു. പുതുപ്പളളി പളളിയിൽ മാത്രമുള്ള പുതുപ്പള്ളി കുരിശ് അപൂർവ മാതൃകയിലുള്ളതാണ്. കൂർമാകൃതിയിലുള്ള ശിൽപഭംഗി കലർന്ന പീഠത്തിലാണ് കുരിശ് പ്രതിഷ്ഠിച്ചിരിക്കുന്നത്. പുതുപ്പള്ളിയുടെ തനതു സവിശേഷതകളിലൊന്നായാണ് ഈ കുരിശിന്റെ സ്ഥാനം.

കുരിശിന്റെ കൈപ്പിടി വാളിന്റെ പിടിയെ അനുസ്മരിക്കുന്ന വിധമാണ്. ഒപ്പം അംശവടിയുടെയും കിരീടത്തിന്റെയും പ്രതീകമായി കാണുന്നു. ക്രിസ്തുവിന്റെ ത്യാഗത്തിന്റെയും സ്നേഹത്തിന്റെയും ഭാഗ്യസ്മരണകൾ ഈ കുരിശ് ദർശിക്കുന്നതിലൂടെ വിശ്വാസികളിൽ ഉണരുന്നു. പുതുപ്പള്ളി പളളിയുടെ ഗതകാല മഹത്വത്തിന്റെയും സമൃദ്ധിയുടേയും പ്രതീകമായാണ് പള്ളിയിലെ പൊന്നിൻകുരിശ്. ഈ കുരിശ് പെരുന്നാൾ ദിനങ്ങളിലാണ് പുറത്തെടുക്കുന്നത്. കുരിശിനെ വണങ്ങാൻ വൻതിരക്കാണ് പെരുന്നാൾ ദിനങ്ങളിൽ അനുഭവപ്പെടാറുള്ളത്. അനേകായിരങ്ങൾ പൊന്നിൻകുരിശ് ദർശിക്കാൻ പള്ളിയിലെത്തിച്ചേരുന്നു.

∙പാറയ്ക്കൽ കുര്യാക്കോസ് കോറെപ്പിസ്ക്കോപ്പ മെമ്മോറിയൽ എവർ റോളിങ് ട്രോഫിക്കു വേണ്ടിയുള്ള അഖില മലങ്കര സംഗീത മൽസരവും, പാറയ്ക്കൽ അന്നമ്മ കുര്യാക്കോസ് മെമ്മോറിയൽ എവർറോളിങ് ട്രോഫിക്കു വേണ്ടിയുള്ള അഖില മലങ്കര ക്വിസ് മൽസരവും നടന്നു .

പെരുന്നാളിന്റെ ഭാഗമായി കോലഞ്ചേരി സുഖദ ധ്യാനകേന്ദ്രത്തിന്റെ നേതൃത്വത്തിൽ നടത്തിവരുന്ന കൺവൻഷനും വിശ്വാസികൾക്കു ആധ്യാത്മിക വിരുന്നായി മാറുകയാണ്. പെരുന്നാളിന്റെ ഭാഗമായി നടന്നുവരുന്ന പുതുപ്പളളി കൺവൻഷൻ ഇന്നു സമാപിക്കും.

വിശ്വാസ സാഗരമായി പുതുപ്പള്ളി പള്ളി

noreply@blogger.com (പുതുപ്പള്ളി പള്ളി) — Fri, 04 May 2018 00:53:00 +0000

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി പള്ളിയിൽ പെരുന്നാളിനോടനുബന്ധിച്ചു നടന്ന കുടുംബസംഗമത്തിൽ ഫാ.ജോസഫ് പുത്തൻപുരയ്ക്കൽ പ്രസംഗിക്കുന്നു.

ആചാരാനുഷ്ഠാനങ്ങളുടെ ഒട്ടേറെ പ്രത്യേകതകളുള്ള പുതുപ്പള്ളി പള്ളിയിലെ പൊന്നിൻകുരിശും പുതുപ്പള്ളി കുരിശും വിശ്വാസികൾക്കു ദൈവിക സാന്നിധ്യത്തിന്റെ പ്രതീകങ്ങളാണ്. പുതുപ്പള്ളി പള്ളിയിൽ മാത്രമുള്ള പുതുപ്പള്ളി കുരിശ് അപൂർവ മാതൃകയിലുള്ളതാണ്. കൂർമാകൃതിയിലുള്ള ശിൽപഭംഗി കലർന്ന പീഠത്തിലാണു കുരിശ് പ്രതിഷ്ഠിച്ചിരിക്കുന്നത്. പുതുപ്പള്ളിയുടെ തനതു സവിശേഷതകളിലൊന്നായാണ് ഈ കുരിശിന്റെ സ്ഥാനം. കുരിശിന്റെ കൈപ്പിടി വാളിന്റെ പിടിയെ അനുസ്മരിക്കുന്ന വിധമാണ്. ഒപ്പം അംശവടിയുടെയും കിരീടത്തിന്റെയും പ്രതീകമായി കാണുന്നു. ക്രിസ്തുവിന്റെ ത്യാഗത്തിന്റെയും സ്നേഹത്തിന്റെയും ഭാഗ്യസ്മരണകൾ ഈ കുരിശ് ദർശിക്കുന്നതിലൂടെ വിശ്വാസികളിൽ ഉണരുന്നു.

പുതുപ്പള്ളി പള്ളിയുടെ ഗതകാല മഹത്വത്തിന്റെയും സമൃദ്ധിയുടെയും പ്രതീകമാണു പള്ളിയിലെ പൊന്നിൻകുരിശ്. മനോഹാരിത നിറഞ്ഞുനിൽക്കുന്ന ഈ കുരിശ് പെരുന്നാൾദിനങ്ങളിലാണു പുറത്തെടുക്കുന്നത്. കുരിശിനെ വണങ്ങാൻ വൻതിരക്കാണ് പെരുന്നാൾ ദിനങ്ങളിൽ അനുഭവപ്പെടാറുള്ളത്. പൈശാചിക ശക്തികളിൽ നിന്നും കഷ്ടപ്പാടുകളിൽനിന്നും ആശ്വാസം ലഭിക്കുമെന്ന വിശ്വാസികളുടെ സാക്ഷ്യത്തിൽ അനേകായിരങ്ങൾ പൊന്നിൻകുരിശ് ദർശിക്കാൻ പള്ളിയിലെത്തിച്ചേരുന്നു.

ഇത് അതിരുകളില്ലാത്ത മനുഷ്യസ്നേഹം കരുതേണ്ട കാലം: ദയാ ബായി

noreply@blogger.com (പുതുപ്പള്ളി പള്ളി) — Mon, 30 Apr 2018 14:43:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിനോടനുബന്ധിച്ചു പൊതുസമ്മേളനം മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്യുന്നു.

വിശ്വാസങ്ങൾക്കുമപ്പുറം നന്മയുടെ അനുഭവം എല്ലാവർക്കും ലഭിക്കുന്ന ദേവാലയമാണു പുതുപ്പള്ളി പള്ളിയെന്നു മുൻ മുഖ്യമന്ത്രി ഉമ്മൻചാണ്ടി. പൗരസ്ത്യ ജോർജിയൻ തീർഥാടന കേന്ദ്രമായ സെന്റ് ജോർജ് ഓർത്തഡോക്സ് പള്ളിയിലെ പെരുന്നാളിനോടനുബന്ധിച്ചു സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.ഡോ. യൂഹാനോൻ മാർ ദിയസ്കോറസ് അധ്യക്ഷത വഹിച്ചു. ഭാരതീയ സംസ്കാരം പുതുതലമുറയിലേക്കും പകരാൻ പുതുപ്പള്ളി പള്ളി നടത്തുന്ന പ്രവർത്തനങ്ങൾ മഹത്തരമാണെന്നു മുഖ്യാതിഥിയായ നടൻ ജയറാം പറഞ്ഞു.

പള്ളി നൽകുന്ന ഓർഡർ ഓഫ് സെന്റ് ജോർജ് ബഹുമതി സാമൂഹിക പ്രവർത്തക ദയാബായിക്കു സമ്മാനിച്ചു. മനുഷ്യബന്ധങ്ങൾക്കു മുറിവേൽക്കുന്ന ഇക്കാലത്തു വിടവുകളും അതിരുകളുമില്ലാത്ത മനുഷ്യ സ്നേഹം കാത്തുസൂക്ഷിക്കണമെന്നു മറുപടി പ്രസംഗത്തിൽ ദയാബായി പറഞ്ഞു.ഉമ്മൻചാണ്ടി, ഡോ. യൂഹാനോൻ മാർ ദിയസ്കോറസ് എന്നിവർ ചേർന്നാണു ബഹുമതി സമ്മാനിച്ചത്.

സാമൂഹിക സേവന പ്രവർത്തനങ്ങൾക്കായി പുതുപ്പള്ളി പള്ളി നൽകുന്ന ഒരു ലക്ഷം രൂപയുടെ സഹായം ദയാബായിക്കു വികാരി ഫാ. കുര്യൻ തോമസ് കരിപ്പാൽ നൽകി.നിറച്ചാർത്ത് പെയിന്റിങ് മൽസര സമ്മാനദാനം ജയറാം നിർവഹിച്ചു.സഭാ അസോസിയേഷൻ സെക്രട്ടറി ബിജു ഉമ്മൻ, പഞ്ചായത്ത് പ്രസിഡന്റ് നിബു ജോൺ, വികാരി ഫാ. കുര്യൻ തോമസ് കരിപ്പാൽ, സഹവികാരിമാരായ ഫാ. സഖറിയ തോമസ് പടിഞ്ഞാറെ വടക്കേക്കര, ഫാ. മർക്കോസ് മർക്കോസ്, കൈക്കാരന്മാരായ ലിജോയ് വർഗീസ് കളപ്പുരയ്ക്കൽ, സാം കുരുവിള വായ്പ്പൂക്കര, സെക്രട്ടറി ജോജി പി.ജോർജ് പെരുമ്പുഴയിൽ തുടങ്ങിയവർ പ്രസംഗിച്ചു.

പുതുപ്പള്ളി പള്ളിയുടെ ഓർഡർ ഓഫ് സെന്റ് ജോർജ് ദയാബായിക്ക്

noreply@blogger.com (പുതുപ്പള്ളി പള്ളി) — Fri, 27 Apr 2018 22:13:00 +0000

ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ പെരുന്നാളിനോടനുബന്ധിച്ചു നൽകിവരുന്ന ഓർഡർ ഓഫ് സെന്റ് ജോർജ് (ഒരു ലക്ഷം രൂപ) ബഹുമതി സാമൂഹിക പ്രവർത്തക ദയാബായിക്കു നൽകും. പെരുന്നാളിനോടനുബന്ധിച്ച് 29ന് ഡോ. യൂഹാനോൻ മാർ ദിയസ്കോറസിന്റെ അധ്യക്ഷതയിൽ ചേരുന്ന സമ്മേളനത്തിൽ ബഹുമതി സമ്മാനിക്കും. മുൻ മുഖ്യമന്ത്രി ഉമ്മൻ ചാണ്ടി സമ്മേളനം ഉദ്ഘാടനം ചെയ്യും. നടൻ ജയറാമാണ് മുഖ്യാതിഥി.

പുതുപ്പള്ളി പള്ളിയിൽ നാളെ കൊടിയേറും (28/4/18)

noreply@blogger.com (പുതുപ്പള്ളി പള്ളി) — Fri, 27 Apr 2018 14:06:00 +0000

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാളിനു നാളെ കൊടിയേറും. രണ്ടിനു കൊടിമരഘോഷയാത്ര ആരംഭിക്കും. അഞ്ചിനു ഡോ. യാക്കോബ് മാർ ഐറേനിയസ് കൊടിയേറ്റിനു നേതൃത്വം നൽകും. നാളെ മുതൽ മേയ് ഏഴുവരെയാണ് പെരുന്നാൾ.

29നു കുർബാനയ്ക്കുശേഷം പൊതുസമ്മേളനം. മുഖ്യാതിഥി നടൻ ജയറാമാണ്. ഈ വർഷത്തെ ‘ഓർഡർ ഓഫ് സെന്റ് ജോർജ്’ അവാർഡ് ദയാബായിക്ക് സമർപ്പിക്കും. സുന്നഹദോസ് സെക്രട്ടറി ഡോ. യൂഹാനോൻ മാർ ദിയസ്കോറസ് അധ്യക്ഷത വഹിക്കും. മുൻ മുഖ്യമന്ത്രി ഉമ്മൻ ചാണ്ടി സമ്മേളനം ഉദ്ഘാടനം ചെയ്യും.

30നു വൈകിട്ട് ആറിനു ചേരുന്ന കുടുംബ സംഗമം ഫാ. ജോസഫ് പുത്തൻപുരയ്ക്കൽ നയിക്കും. മേയ് ഒന്നു മുതൽ നാലു വരെ നടക്കുന്ന പുതുപ്പള്ളി കൺവൻഷനു ഫാ. ഗീവർഗീസ് വള്ളിക്കാടും കോലഞ്ചേരി സുഖദാ ധ്യാനകേന്ദ്രത്തിലെ അംഗങ്ങളും നേതൃത്വം വഹിക്കും.

മേയ് അഞ്ചിനു തീർഥാടനസംഗമം. വലിയ പെരുന്നാൾ ദിനമായ ഏഴിനു പുലർച്ചെ ഒരുമണിക്കാണ് വെച്ചൂട്ടിനുള്ള അരിയിടൽ. എട്ടിനു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവായുടെ മുഖ്യകാർമികത്വത്തിൽ ഒൻപതിന്മേൽ കുർബാന. തുടർന്നു വെച്ചൂട്ട് നേർച്ച, കുട്ടികൾക്ക് ആദ്യ ചോറൂണ്. രണ്ടു മണിക്കു പ്രദക്ഷിണം, നാലിനു നേർച്ചയോടെ പെരുന്നാൾ സമാപിക്കും.

മെയ് 20നു കൊടിയിറങ്ങുന്നതു വരെ പള്ളിയിൽ വിശുദ്ധ ഗീവർഗീസ് സഹദായുടെ സാന്നിധ്യാനുസ്മരണ ദിനങ്ങളായി ആചരിക്കും. ഈ ദിവസങ്ങളിൽ പ്രത്യേക മധ്യസ്ഥ പ്രാർത്ഥനയും ഉണ്ടായിരിക്കും.

പുതുപ്പള്ളി പെരുന്നാളിന് ഒരുക്കങ്ങള്‍ ആരംഭിച്ചു

noreply@blogger.com (പുതുപ്പള്ളി പള്ളി) — Sun, 01 Apr 2018 03:00:00 +0000

രാജ്യത്തെ പ്രഥമ ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിലെ പെരുന്നാളിന് ഒരുക്കം തുടങ്ങി. പെരുന്നാൾ നടത്തിപ്പിനായി 1001 അംഗങ്ങൾ ഉൾപ്പെടുന്ന വിവിധ കമ്മിറ്റികൾ രൂപീകരിച്ചു. ഏപ്രിൽ 29 മുതൽ മേയ് എഴു വരെയാണു പ്രധാന പെരുന്നാൾ.ഏപ്രിൽ 28ന് അഞ്ചിനു കൊച്ചി ഭദ്രാസനാധിപൻ ഡോ. യാക്കോബ് മാർ ഐറേനിയസ് കൊടിയേറ്റും. 29നു കുർബാനയ്ക്കു ശേഷം ചേരുന്ന പൊതുസമ്മേളനത്തിൽ ജോർജിയൻ പുരസ്കാരം വിതരണം ചെയ്യും. സുന്നഹദോസ് സെക്രട്ടറി ഡോ. യൂഹാനോൻ മാർ ദിയസ്കോറസ് അധ്യക്ഷത വഹിക്കും. മുൻ മുഖ്യമന്ത്രി ഉമ്മൻ ചാണ്ടി സമ്മേളനം ഉദ്ഘാടനം ചെയ്യും.

30നു വൈകിട്ട് ആറിനു ചേരുന്ന കുടുംബ സംഗമം ഫാ. ജോസഫ് പുത്തൻപുരയ്ക്കൽ നയിക്കും. മേയ് ഒന്നു മുതൽ നാലു വരെ നടക്കുന്ന പുതുപ്പള്ളി കൺവൻഷനു ഫാ. ഗീവർഗീസ് വള്ളിക്കാടും കോലഞ്ചേരി സുഖദാ ധ്യാനകേന്ദ്രത്തിലെ അംഗങ്ങളും നേതൃത്വം വഹിക്കും. അഞ്ചിനു തീർഥാടന സംഗമവും വിവിധ കുരിശടികളിൽ നിന്നു പള്ളിയിലേക്കുള്ള പ്രദക്ഷിണവും നടക്കും.മേയ് ആറിനു നിരണം ഭദ്രാസനാധിപൻ ഡോ. യൂഹാനോൻ മാർ ക്രിസോസ്റ്റമോസിന്റെ മുഖ്യകാർമികത്വത്തിൽ അഞ്ചിൻമേൽ കുർബാനയ്ക്കു ശേഷം പൊന്നിൻ കുരിശ് പ്രധാന ത്രോണോസിൽ സ്ഥാപിക്കും. രണ്ടു മണിക്കു വിറകിടീൽ ചടങ്ങ്.

നാലിനു പന്തിരുനാഴി പുറത്തെടുക്കും. സന്ധ്യാപ്രാർഥനയ്ക്കു ശേഷം പ്രദക്ഷിണം. പൊന്നിൻകുരിശും അകമ്പടിയായി 100 വെള്ളിക്കുരിശും ആയിരക്കണക്കിനു മുത്തുക്കുടകളും അണിനിരത്തും. തുടർന്നു കരിമരുന്ന് കലാപ്രകടനം.മേയ് ഏഴിനു പുലർച്ചെ ഒരു മണിക്കു വെച്ചൂട്ട് നേർച്ചസദ്യയ്ക്കുള്ള അരിയിടീൽ. രാവിലെ അഞ്ചിനു കുർബാന, എട്ടിനു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവായുടെ മുഖ്യകാർമികത്വത്തിൽ ഒൻപതിൻമേൽ കുർബാന. തുടർന്നു വെച്ചൂട്ട് നേർച്ച, കുട്ടികൾക്ക് ആദ്യ ചോറൂണ്. രണ്ടു മണിക്കു പ്രദക്ഷിണം, നാലിനു നേർച്ചയോടെ പെരുന്നാൾ സമാപിക്കും.മേയ് 20നു കൊടിയിറങ്ങുന്നതു വരെ പള്ളിയിൽ വിശുദ്ധ ഗീവർഗീസിന്റെ സാന്നിധ്യാനുസ്മരണ ദിനങ്ങളായി ആചരിക്കും. ഈ ദിവസങ്ങളിൽ പ്രത്യേക മധ്യസ്ഥ പ്രാർഥനയും ഉണ്ടായിരിക്കും.

പുതുപള്ളി പള്ളിയിൽ, കാതോലിക്ക ദിനാഘോഷവും, കുടുംബ സംഗമവും

noreply@blogger.com (പുതുപ്പള്ളി പള്ളി) — Fri, 16 Mar 2018 01:04:00 +0000

”സ്വാതന്ത്രിയത്തിനായിട് ക്രിസ്തു നമ്മെ സ്വാതന്ത്ര്യരാക്കി; ആകയാൽ അതിൽ ഉറച്ചു നില്പിൻ;അടിമ നുകത്തിൽ പിന്നെയും കുടുങ്ങി പോകരുത്.”

ഗലാത്യർ 5:1

പരിശുദ്ധ മാർത്തോമാ ശ്ലീഹായുടെ സിംഹാസനത്തിൽ ആരൂഢൻ ആയിരിക്കുന്ന പരിശുദ്ധ കാതോലിക്ക ബാവായോടും, സഭയുടെ എപ്പിസ്കോപ്പൽ സിനഡ്നോടും ഭക്തിയും ആദരവും അർപ്പിച്ചുകൊണ്ട്...

മാന്യ മഹാജനങ്ങളെ, കേരളത്തിന്റെ അക്ഷര നഗരി ആയ കോട്ടയത്ത്‌ മലങ്കര ഓർത്തഡോൿസ്‌ സുറിയാനി സഭയുടെ തിലകകുറിയായ പുതുപള്ളി പള്ളിയിൽ, കാതോലിക്ക ദിനാഘോഷവും, കുടുംബ സംഗമം 18/3/2018ൽ നടത്താൻ തീരുമാനിച്ചിരിക്കുന്നു.

നമ്മുടെ സഭയുടെ മഹാരഥന്മാർ അന്തിഉറങ്ങുന്ന കോട്ടയം നഗരിയിൽ സഭയുടെ സ്വയം ശീർഷകത്തിന്റെ മൂലകല്ലായ് കാതോലിക്ക ദിനാഘോഷത്തിൽ പൌരസ്ത്യ കാതോലിക്കയും, മലങ്കര മെത്രാപ്പോലീത്തയും ആയ മോറാൻ മോർ ബസേലിയോസ് മാർത്തോമാ പൗലോസ് ദ്വിതീയൻ കാതോലിക്ക ബാവ സമ്മേളനത്തിന് തിരി തെളിയിക്കുന്നു.

സഭയിലെ എല്ലാ തിരുമേനിമാരും പങ്കെടുക്കുന്ന ഇ സമ്മേളനം ഒരു മഹാസമ്മേളനം ആക്കി സഭയുടെ യെശസ്സ്‌ ഉയർത്തുവാൻ ഭദ്രാസന മെത്രാപോലിത്ത അഭി. ദിയസ്കോറോസ് തിരുമേനിയോട് ഒപ്പം പങ്കുചേർന്ന് അദ്ദേഹത്തിന് വേണ്ട പിന്തുണ നൽകി സമ്മേളനം വിജയിപ്പിക്കേണ്ടത് നമ്മുടെ കടമ ആണ്.

വലിയ നൊയമ്പിന്റെ പ്രാധാന്യം മനസിലാക്കി, എല്ലാ വിശ്വാസികളും അച്ചടക്കത്തോടെ പങ്കെടുക്കണം. നമ്മൾ ആരേയയും കൂക്കി വിളിക്കുകയോ, സഭയുടെ മാനം നഷ്ടമാകുന്ന തരത്തിൽയാതൊരു പ്രകോപനത്തിനു പോകുകയും ചെയ്യരുത്.

"തിന്മ ചെയ്യുന്നവർ അനുഭവിക്കുന്നത് നമ്മൾ കാണുന്നുണ്ടെല്ലോ "

മുഖ്യ പ്രഭാഷണം നയിക്കുന്നത് സഭയുടെ സീനിയർ വൈദീകനും, പ്രശസ്ത പ്രാസംഗികനും ആയ റെവ. ഫാ.മത്തായി ഇടയനാൽ അച്ചൻ ആണ്.

എല്ലാവരും നിലക്കൽ പള്ളിയിൽ എത്തിച്ചേർന്നു വാഹനം പാർക്ക് ചെയ്തു തുടർന്ന് പുതുപ്പള്ളി പള്ളിയിലേക്ക് റാലി ആയി പോകുന്നതാണ്.

കാതോലിക്കദിന ആഘോഷം വൻവിജയം ആകുവാൻ വിശ്വാസികൾ എല്ലാവരും കൃത്യമായി എത്തിച്ചേരുവാൻ ശ്രദ്ധിക്കുമെല്ലോ.

ജയ് ജയ് കാതോലിക്കോസ്.

പുതുപ്പള്ളി പള്ളിയുടെ 2018-2019 ഭരണസമിതിയെ തെരഞ്ഞെടുത്തു

noreply@blogger.com (പുതുപ്പള്ളി പള്ളി) — Mon, 22 Jan 2018 09:03:00 +0000

കൈക്കാന്മാർ

ലിജോയി വർഗീസ്, കളപ്പുരയ്ക്കൽ സാം കുരുവിള, വായ്പ്പുക്കര.

സെക്രട്ടറി

ജോജി പി ജോർജ്, പെരുമ്പുഴയിൽ

ഓഡിറ്റേഴ്സ്

പി.ജോർജ്ജുക്കുട്ടി, പടിഞ്ഞാറെക്കുറ്റ് , ജോൺ ബേബി മംഗലപ്പള്ളിയിൽ

വാർഡ് അംഗങ്ങൾ

1.കുര്യൻ തമ്പി, പോട്ടയ്ക്കാവേലിൽ 2. റജിമോൻ എം. എബ്രാഹം (വർഗീസ് എബ്രാഹം) വന്ന ല മുട്ടത്തുതറ 3. മാണി വർഗീസ് (ഷൈജു),കൊണ്ടോടിക്കൽ . 4. നോബി ചാക്കോ, കാലായിൽ. 5. പി കെ ജേക്കബ്(ഷാംജി) മുല്ലോത്ത് . 6. എ.റ്റി.തോമസ് , എഴുമാവിൽ . 7. സാം ജി വർഗീസ് കരോട്ട് . 8. ജോൺ കുര്യൻ, കുറുംപ്പഞ്ചേരിൽ 9. ജോണി ഈപ്പൻ,വായ്പ്പുക്കര 10. അജി കെ വർഗീസ് ,കൊച്ചക്കാലക്കുന്നേൽ 11.കെ.റ്റി.സണ്ണി, കളപ്പുരയ്ക്കൽ 12. തോമസ് ബാബു, ചുരം മ്പള്ളിൽ 13.എം.ഐ മാണി ,മംഗലപ്പള്ളിൽ 14. കെ.റ്റി തോമസ് ,വലിയ കാരാപ്പുഴ 15. മാത്യു ഫിലിപ്പ്, മറ്റത്തിൽ 16. നൈനാൻ ഫിലിപ്പ് (ബാബു) കൊച്ചു ചാഴിവലത്ത് 17. കെ.ജെ.സ്ക്കറിയാ, കുന്നേൽ 18.എം സി സോബി ,മoത്തിൽ 19. എം എ മാത്യു (സണ്ണി), മടത്തിൽ 20. പി. എം ചാക്കോ, പാലാക്കുന്നേൽ 21.ജിജോ പുന്നൻ, പടിഞ്ഞാറേക്കുറ്റ് 22. തോമസ് പി ചാക്കോ , പാലക്കൽ പറമ്പിൽ

പുതുപ്പള്ളി പള്ളിയിൽ ഭക്തിയുടെ വിരുന്നൊരുക്കി വെച്ചൂട്ട്

noreply@blogger.com (പുതുപ്പള്ളി പള്ളി) — Tue, 09 May 2017 00:26:00 +0000

ജനസാഗരത്തിന്റെ ഹൃദയത്തിൽ ഭക്തിയുടെ വിരുന്നൊരുക്കിയ വെച്ചൂട്ട് പുതുപ്പള്ളി പള്ളിയിലെ പെരുന്നാൾ ആഘോഷത്തിനെ പൂർണതയിലെത്തിച്ചു. പതിനായിരക്കണക്കിനു വിശ്വാസികൾ പാള പാത്രത്തിൽ ചോറും മോരും ചമ്മന്തിപ്പൊടിയും മാങ്ങാഅച്ചാറും വാങ്ങി ഒരേ മനസ്സോടെ കഴിച്ചു. ഇതൊടൊപ്പം കുരുന്നുകൾ ആദ്യ ചോറൂട്ടിന്റെ മാധുര്യവും നുണഞ്ഞു. വൈദികരുടെ നേതൃത്വത്തിലായിരുന്നു കുഞ്ഞുങ്ങൾക്ക് ആദ്യ ചോറൂട്ട് നടന്നത്.നാടിന്റെ നാനാ ഭാഗങ്ങളിൽ നിന്നും നിലയ്ക്കാത്ത ഭക്തജനപ്രവാഹമായിരുന്നു ഇന്നലെ രാവിലെ മുതൽ പുതുപ്പള്ളി പള്ളിയിലേക്ക്. സംസ്ഥാനത്തിനു പുറത്തു നിന്നും തീർഥാടകർ എത്തി. വിപുലമായ ക്രമീകരണങ്ങളാണ് ഏർപ്പെടുത്തിയിരുന്നത്.

രാവിലെ 11ന് ആരംഭിച്ച വെച്ചൂട്ടു മണിക്കൂറുകൾ നീണ്ടു. 1001 പറ അരിയുടെ ചോറാണ് വെച്ചൂട്ടിനായി തയാറാക്കിയത്. വെച്ചൂട്ടിന്റെ ചോറ് വീടുകളിൽ കൊണ്ടു പോയി ഔഷധത്തിനായി ഉണക്കി സൂക്ഷിക്കുന്ന അനേക ഭക്തരുമുണ്ട്. പെരുന്നാളിന്റെ സമാപന ദിനമായിരുന്ന ഇന്നലെ നടന്ന ഒമ്പതിന്മേൽ കുർബാനയ്ക്കു ഡോ. ജോസഫ് മാർ ദിവന്നാസിയോസ് മുഖ്യകാർ‌മികത്വം വഹിച്ചു.

ഇരവിനെല്ലൂർ കവല ചുറ്റി പ്രദക്ഷിണത്തിനു ശേഷം അപ്പവും കോഴിയും നേർച്ചവിളമ്പിലും ആയിരക്കണക്കിനു വിശ്വാസികൾ പങ്കെടുത്തു. വികാരി ഫാ. കുര്യൻ തോമസ് കരിപ്പാൽ, സഹവികാരിമാരായ ഫാ. മർക്കോസ് ജോൺ പാറയിൽ, ഫാ. മർക്കോസ് മർക്കോസ് ഇടക്കര, ട്രസ്റ്റിമാരായ പി.എം.ചാക്കോ പാലാക്കുന്നേൽ, കുര്യൻ തമ്പി പോട്ടക്കാവയലിൽ, സെക്രട്ടറി ജേക്കബ് ജോർജ് പടിഞ്ഞാറെക്കുറ്റ് എന്നിവരുടെ നേതൃത്വത്തിലുള്ള കമ്മിറ്റിയാണ് ക്രമീകരണങ്ങൾക്കു നേതൃത്വം നൽകിയത്.

പ്രധാന പെരുന്നാൾ ദിനങ്ങൾ കഴിഞ്ഞെങ്കിലും പുതുപ്പള്ളി പെരുന്നാളിന്റെ ആഘോഷം കുറച്ചു ദിവസങ്ങൾ കൂടി നിലനിൽക്കും. 12നു രാവിലെ 7.30നു കുർബാനയ്ക്കു ഫാ. ജോർജ് ജോസഫ് കൊച്ചുചക്കാലയിലും 10.30നു ധ്യാനത്തിനു ഫാ. സഖറിയ തോമസ് പുതുപ്പള്ളിയും 13നു 7.30നു കുർബാനയ്ക്കു ഫാ. സി.ജോൺ ചിറത്തലാട്ടും കാർമികത്വം വഹിക്കും.

14ന് ആറിനു കുർബാന–ഫാ. എം.കെ.ഫിലിപ്പ് മാടാംകുന്നേൽ, 8.45നു മൂന്നിന്മേൽ കുർബാന–യൂഹാനോൻ മാർ മിലത്തിയോസ്, 11നു കൊടിയിറക്ക്. 3.30നു സാന്ത്വനം–ഫാ. സന്തോഷ് കെ. ജോഷ്വാ, 15നു കതിരുകൾക്കുവേണ്ടിയുള്ള ദൈവമാതാവിന്റെ പെരുന്നാളും 21നു യൂഹാനോൻ മാർ സേവേറിയോസ് ഓർമദിനാചാരണവും പള്ളിയിൽ നടത്തും.

പൊൻപ്രഭ തൂകി പുതുപ്പള്ളി പള്ളി

noreply@blogger.com (പുതുപ്പള്ളി പള്ളി) — Sun, 07 May 2017 23:20:00 +0000

പതിനായിരക്കണക്കിനു വിശ്വാസികൾക്കു ഭക്തിയുടെ വിരുന്നൂട്ടുന്ന പുതുപ്പള്ളി പള്ളിയിലെ വെച്ചൂട്ട് ഇന്ന്. നാടിന്റെ നാനാദേശത്തു നിന്നും സംസ്ഥാനത്തിന്റെ പുറത്തുനിന്നുമുള്ള തീർഥാടകരുടെ നിറവിലാണ് പൗരസ്ത്യ ജോർജിയൻ തീർഥാടന കേന്ദ്രമായ സെന്റ് ജോർജ് ഓർത്തഡോക്സ് പള്ളി. വിശുദ്ധ ഗീവർഗീസ് സഹദായുടെ പെരുന്നാളിനു സമാപനം കുറിച്ചുള്ള വെച്ചൂട്ടിൽ പങ്കെടുക്കാൻ സാധിക്കുന്നത് ഭാഗ്യമായാണ് വിശ്വാസികൾ കരുതുന്നത്.

1001 പറ അരിയാണ് വെച്ചൂട്ട് തയാറാക്കാൻ ഉപയോഗിക്കുന്നത്. ചോറും മോരും മാങ്ങാക്കറിയും ചമ്മന്തിപ്പൊടിയും ചേർത്തു വിളമ്പുന്ന വെച്ചൂട്ട് ആചാരാനുഷ്ഠാനങ്ങളുടെയും പാരമ്പര്യത്തിന്റെയും നിറവിലാണ് തയാറാക്കുന്നത്. ഇന്നു പുലർച്ചെ പ്രാർഥനാ നിറവിലായിരുന്നു വെച്ചൂട്ടിനുള്ള അരിയിടീൽ കർമം നടത്തിയത്. വിശ്വാസികൾ നേർച്ചച്ചോറ് ഔഷധമായാണ് കണക്കാക്കുന്നത്. ഇത് ഉണക്കി വീട്ടിൽ സൂക്ഷിച്ചു വയ്ക്കുന്നവരുണ്ട്.

രോഗികൾ വെച്ചൂട്ടിലൂടെ അനുഗ്രഹം പ്രാപിച്ചതിന്റെ അനേകം കഥകൾ പുതുപ്പള്ളി പള്ളിയുടെ അനുഭവസാക്ഷ്യങ്ങളിലുണ്ട്. ജാതിമതഭേദമന്യേ വെച്ചൂട്ടിൽ പങ്കെടുക്കാനെത്തുന്നവരുടെ തിരക്ക് വർഷംതോറും വർധിച്ചു വരികയാണ്. കുട്ടികൾക്ക് ആദ്യ ചോറൂട്ടിനുള്ള മുഹൂർത്തം കൂടിയാണ് വെച്ചൂട്ട്. നൂറുകണക്കിനു കുരുന്നുകളുമായി ആദ്യ ചോറൂട്ട് നൽകാൻ വിശ്വാസികൾ എത്തിച്ചേരും. വൈദികരുടെ നേതൃത്വത്തിൽ‌ കുഞ്ഞുങ്ങൾക്കു ചോറു നൽകിയാണ് ഈ കർമം നിർവഹിക്കുന്നത്.

പെരുന്നാളിന്റെ സമാപനം കുറിച്ച് ഇരവിനല്ലൂർ കവല ചുറ്റിയുള്ള പ്രദക്ഷിണം ഇന്നു രണ്ടുമണിക്കു നടത്തും. തുടർ‌ന്ന് അപ്പവും കോഴിയും നേർച്ചവിളമ്പ് നടത്തും. കോഴി ഇറച്ചിയോടൊപ്പം വിളമ്പുന്ന അപ്പം ഇടവകയിലെ കുടുംബങ്ങളിൽനിന്നും തീർഥാടകരിൽനിന്നും നേർച്ചയായി എത്തിക്കുന്നതുൾപ്പെടെയാണ്.

നവമധ്യസ്ഥർ അനുഗ്രഹം ചൊരിയുന്ന ദേവാലയത്തിൽ ഇന്ന് ഒൻപതിന് ഒൻപതിന്മേൽ കുർബാന നടത്തും. ജോസഫ് മാർ ദിവന്നാസിയോസ് മുഖ്യകാർമികത്വം വഹിക്കും. കെ.വി.ജോസഫ് റമ്പാൻ പരുമല, ജോസഫ് റമ്പാൻ പരുമല, ബർശ്ളീബി റമ്പാൻ, യൂഹാനോൻ റമ്പാൻ, നഥാനിയേൽ റമ്പാൻ, ഗീവർഗീസ് ഇലവുകാട്ട്, സഖറിയ റമ്പാൻ, ജോസഫ് റമ്പാൻ എന്നിവർ സഹകാർമികരാകും.

∙ ആചാരത്തനിമ നിലനിർത്തി വിശ്വാസിസമൂഹം പങ്കെടുത്ത വിറകിടീൽ പുതുപ്പള്ളി പള്ളിയുടെ സാംസ്കാരികത്തനിമ നിലനിർത്തുന്നതായി മാറി. ഇന്നലെ ഉച്ചകഴിഞ്ഞാണ് ഭക്തജനസമൂഹം പങ്കെടുത്ത വിറകിടീൽ ഘോഷയാത്ര നടന്നത്. പുതുപ്പള്ളി, എറികാട് കരകളിൽനിന്നു വാദ്യമേളങ്ങളുടെയും ഗീവർഗീസ് സഹദായെ സ്തുതിച്ചു കൊണ്ടുള്ള പാട്ടുകളുടെയും അകമ്പടിയിലാണ് വെച്ചൂട്ടിനുള്ള വിറകുകൾ എത്തിച്ചത്.

പെരുന്നാൾ ദിനങ്ങളിൽ മദ്ബഹായിൽ സ്ഥാപിക്കുന്ന പൊന്നിൻ കുരിശ് ദർശിച്ചു പ്രാർഥിക്കാനും ഇന്നലെ വൻ തിരക്കാണ് പള്ളിയിൽ അനുഭവപ്പെട്ടത്. സന്ധ്യാനമസ്കാരത്തിനു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ കാർമികത്വം വഹിച്ചു.

നിലയ്ക്കൽ പള്ളി, പുതുപ്പള്ളി കവല ചുറ്റിയുള്ള പ്രദക്ഷിണം ദേശത്തിന് ആഘോഷത്തിന്റെ കാഴ്ചകൾകൂടി സമ്മാനിച്ചു. ഇടവക ജനങ്ങളും തീർഥാടകരും ആഘോഷ പൂർവമാണ് പ്രദക്ഷിണത്തിൽ പങ്കെടുത്തത്. വീഥികളിൽ പ്രദക്ഷിണത്തിനു വരവേൽപ് ഒരുക്കി. പാരമ്പര്യ കലാപ്രകടനങ്ങളും പള്ളിയിൽ അരങ്ങേറി.

∙ പെരുന്നാൾ ഇന്ന്

പ്രഭാത നമസ്കാരം – 8.00
ഒൻപതിന്മേൽ കുർബാന–ഡോ. ജോസഫ് മാർ ദിവന്നാസിയോസ്– 9.00
വാഴ്‌വ് – 11.00
ചരിത്രപ്രസിദ്ധമായ വെച്ചൂട്ട്, കുട്ടികൾക്കുള്ള ചോറൂട്ട്–11.30
ഇരവിനല്ലൂർ കവല ചുറ്റിയുള്ള പ്രദക്ഷിണം– 2.00
നേർച്ചവിളമ്പ് (അപ്പവും കോഴിയും)– 4.00.

പുതുപ്പള്ളി പള്ളിയിൽ ഇന്ന് (7/5/2017)

noreply@blogger.com (പുതുപ്പള്ളി പള്ളി) — Sun, 07 May 2017 01:23:00 +0000

പുതുപ്പള്ളി പെരുനാൾ ഇന്ന്

കുർബാന - ഇ.കെ. ജോർജ ഇഞ്ചക്കാട്ട് കോർ എപ്പിസ്കോ - 600 am
പ്രഭാത നമസ്കാരം-7.00 am
അഞ്ചിന്മേൽ കുർബാന - ഡോ. മാത്യുസ് മാർ സേവേറിയോ - 7.15
ചരിത്രപ്രസിദ്ധമായ പൊന്നിൻ കുരിശ് മദ്ബഹായിൽ സ്ഥാപിക്കൽ- 11.00
വിറകിടിൽ ഘോഷയാത്ര-2.00 pm
വിറകിടീൽ- 4,00 pm
പന്തിരുനാഴി ആഘോഷപൂർവം പുറത്തെടുക്കൽ- 4.30
പെരുന്നാൾ സന്ധ്യാനമസ്കാരം- ഡോ. ജോസഫ് മാർ ദിവ നാസിയോസ്-600
ഗീവർഗീസ് സഹദാ അനുസ്മര ണ പ്രഭാഷണം-7.30
നിലയ്ക്കൽപള്ളി, പുതുപ്പള്ളി കവല ചുറ്റിയുള്ള പ്രദക്ഷിണം 8.00pm
ആശീർവാദം-945
പാരമ്പര്യ കലാപ്രകടനം-9,50
പീറ്റർ ചേരാനല്ലൂർ നയിക്കുന്ന ക്രിസ്തീയ ഗാനസന്ധ്യ- 10,00 pm
വിശുദ്ധ ഗീവർഗീസ് സഹദാ യുടെ തിരുശേഷിപ്പുങ്കൽ അഖ ണഡ്രപ്രാർഥന - 10.30 pm
രാത്രി നമസ്കാരം-12:00 am

പുതുപ്പള്ളി പ്രധാന പെരുന്നാൾ ഇന്നും നാളെയും (മെയ് 7,8)

noreply@blogger.com (പുതുപ്പള്ളി പള്ളി) — Sun, 07 May 2017 00:33:00 +0000

പുതുപ്പള്ളി സെന്റ് ജോർജ് ഓർത്തഡോക്സ് പള്ളിയിലെ ചരിത്രപ്രസിദ്ധമായ പെരുന്നാളിനോടനുബന്ധിച്ചു ഇന്ന് 5.30നു സന്ധ്യാനമസ്കാരത്തിനു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ മുഖ്യകാർമികത്വം വഹിക്കും. സൈഡ്മ.എം.പാറേട്ട് രചിച്ച എംഒസി പ്രസിദ്ധീകരിക്കുന്ന പുതുപ്പള്ളി പള്ളി എന്ന പുസ്തകത്തിന്റെ പുനഃപ്രകാശനവും കാതോലിക്കാ ബാവാ നിർവഹിക്കും.

ഇന്നും നാളെയുമാണ് പള്ളിയിലെ പ്രധാന പെരുന്നാൾ. ഇന്ന് 11നു പൊന്നിൻകുരിശ് മദ്ബഹായിൽ സ്കഥാപിക്കൽ, രണ്ടിനു വിറകിടിൽ ഘോഷയാത, നാലിനു വിറകിടീൽ, നാളെ എട്ടിനു രാവിലെ ഒമ്പത്തിന്മേൽ കുർബാന, 11:30നു ചരിത്രപ്രസിദ്ധമായ വെച്ചുട്ട്, കുട്ടികൾക്ക് ആദ്യചോറുണ് തുടങ്ങിയ ചടങ്ങുകളും നടത്തും.

പള്ളിയിലെ ചരിത്രപ്രസിദ്ധമായ പൊന്നിൻകുരിശ് മദ്ബഹായിൽ സ്ക്ഥാപിക്കുന്ന ചടങ്ങ് ഇന്നു നടത്തും. 401 പവൻ തൂക്കമുള്ള കുരിശ് പെരുന്നാൾ ദിനങ്ങളിൽ മാത്രമാണ് പുറത്തെടുക്കുന്നത്. വിശുദ്ധ ഗീവർഗീസ് സഹദായുടെ ശക്സതിയും ചൈതന്യവും ആവാഹിച്ചിട്ടുണ്ടെന്നു വിശ്വസിക്കുന്ന പൊന്നിൻ കുരിശ് പുതുപ്പള്ളി പള്ളിയുടെ സമൃദ്ധിയുടെ പ്രതീകം കുടിയാണ്. ഈ കുരിശ് വണങ്ങി പ്രാർഥിക്കാൻ വർഷം തോറും തീർഥാടകരുടെ വൻ തിരക്കാണ് അനുഭവപ്പെടുന്നത്. ഇന്നു ഉച്ചയ്ക്കു് 11നാണ് പൊന്നിൻകുരിശ് മദ്ബഹായിൽ സ്ഥാപിക്കുന്ന ചടങ്ങ്. പൈശാചിക ശക്സതികളിൽ നിന്നുള്ള മോചനത്തിനും വേദനകളിൽ നിന്ന് ആശ്വാസം പകരുന്നതിനുമായി പൊന്നിൻകുരിശ് ദർശിച്ചു പാർഥിക്കുന്നത് ജീവിത സൗഭാഗ്യമായി വിശ്വാസികൾ കരുതുന്നു.

വെച്ചുട്ടിനുള്ള വിറകിടിൽ ഘോഷയാത കരകളിൽ നിന്നു ഇന്നു രണ്ടിന് ആരംഭിക്കും. വൈകിട്ടു നാലിനാണ് വിറകിടീൽ, ഇന്നു വൈകിട്ടു 8 മണിക്ക് പുതുപ്പള്ളി കവല, നിലക്കക്കൽ പള്ളി ചുറ്റിയുള്ള പ്രദക്ഷിണം പുതുപ്പള്ളിയുടെ വീഥികൾക്കു ഭക്സതിയുടെയും ആഘോഷത്തിന്റെയും വിരുന്നൊരുക്കുന്ന കാഴ്ചകൾ സമ്മാനിക്കും. പ്രദക്ഷിണം എത്തിയ ശേഷം പാരമ്പര്യ കലാപ്രകടനവും ക്രിസ്തീയ ഗാനസന്ധ്യ എന്നിവയും നടത്തും.

കുരിശുപള്ളികളിൽ നിന്ന് പ്രദക്ഷിണം ഇന്ന് (6/5/2017)

noreply@blogger.com (പുതുപ്പള്ളി പള്ളി) — Sat, 06 May 2017 00:57:00 +0000

പുതുപ്പള്ളി സെന്റ് ജോർജ് ഓർത്തഡോക്സ് പള്ളിയിലെ പെരുന്നാളിനോടനുബന്ധിച്ചു കുരിശുപള്ളികളിൽ നിന്നുള്ള പ്രദക്ഷിണം ഇന്ന് നടത്തും. അഞ്ച് കുരിശിൻതൊട്ടികളാണ് പുതുപ്പള്ളി പള്ളിക്കുള്ളത്. ഇവിടെ നിന്നു പെരുന്നാൾ ദിനത്തിൽ നടത്തുന്ന പ്രദക്ഷിണത്തിൽ ആയിരങ്ങളാണ് പങ്കെടുക്കുക.

പാറക്കൽകടവ്, കൊച്ചാലുംമൂട്, വെട്ടത്തുകവല, കാഞ്ഞിരത്തിൻമൂട്, കൈതമറ്റം എന്നിവിടങ്ങളിൽ നിന്നു പ്രദക്ഷിണം വൈകിട്ടു 6.45ന് ആരംഭിക്കും. വാദ്യമേളങ്ങളുടെ അകമ്പടിയിൽ മുത്തുക്കുടകളും കുരിശുകളുമായി ഇടവക ജനങ്ങളും തീർഥാടകരും പ്രദക്ഷിണത്തിൽ പങ്കെടുക്കും. ദീപാലംകൃത വാഹനങ്ങളും പ്രദക്ഷിണത്തിലുണ്ടാകും. പുതുപ്പള്ളി തീർഥാടനമായാണ് നാളത്തെ ദിനം പെരുന്നാളിൽ അറിയപ്പെടുന്നത്. പ്രദക്ഷിണങ്ങൾക്കു ദേവാലയത്തിൽ സ്വീകരണം നൽകും. തുടർ‌ന്നു സെമിത്തേരിയിൽ ധൂപപ്രാർഥന, പരിചമുട്ടുകളി, കരിമരുന്നു കലാപ്രകടനം എന്നിവ നടക്കും.

ഇന്നലെ കുർബാനയ്ക് ഫാ. മാത്യു ഏബ്രഹാം കണ്ടത്തിൽ പുത്തൻപുരയിൽ കാർമികത്വം വഹിച്ചു. ഫാ. ബിജു ആൻഡുസ് ഇടുക്കി ധ്യാനം നയിച്ചു. സ്നേഹവിരുന്നിലും വിശ്വാസി സമൂഹം പങ്കെടുത്തു. ഇന്നു രാവിലെ കുർബാന ഹിന്ദിയിൽ നടത്തും. ഫാ. കുര്യൻ തോമസ് കരിപ്പാൽ മുഖ്യകാർമികത്വം വഹിക്കും.

മനോരമ ചിത്ര പ്രദർശനം: തുടക്കമായി

പുതുപ്പള്ളി പെരുനാളി നോടനുബന്ധിച്ചു മലയാള മനോരമ ഫൊട്ടോഗ്രഫർമാർ പകർത്തിയ വൈവിധ്യമാർന്ന ചിത്രങ്ങളാണ് പ്രദർശനത്തിലുള്ളത്. വിക്ടർ ജോർജിന്റെ അപൂർവ ചിത്രങ്ങളും പ്രദർശനത്തിലുണ്ട്. പ്രദർശനം സൗജന്യമാണ്. ഇതോടനുബന്ധിച്ചു മലയാള മനോരമയുടെ ബുക്ക് സ്റ്റാളും പ്രവർത്തിച്ചു വരുന്നു. മനോരമ പ്രസിദ്ധീകരണങ്ങൾ ഡിസ്കൗണ്ട് നിരക്കിൽ ലഭ്യമാണ്. പ്രസിദ്ധീകരണങ്ങ ളുടെ വാർഷിക വരിസംഖ്യ അടയ്ക്കാനും ക്രമീകരണമുണ്ട്.

പുതുപ്പള്ളി പള്ളിയിൽ ഇന്ന്

പ്രഭാത നമസ്കാരം -7.00 am
കുർബാന (ഹിന്ദിയിൽ)- ഫാ. കുര്യൻ തോമസ് കരിപ്പാൽ - 7.30
പള്ളിയിലും കുരിശടികളിലും സന്ധ്യാനമസ്കാരം - 6.00pm
കുരിശുംതൊട്ടികളിൽ നിന്നു പള്ളിയിലേക്കു പ്രദക്ഷിണം - 6.45 pm
സെമിത്തേരിയിൽ ധൂപ്രപ്രാർഥന - 7:30
പരിചമുട്ടുകളി - 8.00
കരിമരുന്നു കലാപ്രകടനം - 8.30 pm

പുതുപ്പള്ളി ഊട്ട് ആറിനും ഏഴിനും

noreply@blogger.com (പുതുപ്പള്ളി പള്ളി) — Fri, 05 May 2017 05:30:00 +0000

പുതുപ്പള്ളി പെരുന്നാളിനോടനുബന്ധിച്ചു കൊല്ലം, പത്തനംതിട്ട ജില്ലകളിൽ പുതുപ്പള്ളി ഊട്ട് ആറ്, ഏഴ് തീയതികളിൽ നടക്കും. പുതുപ്പള്ളിച്ചാത്തം എന്ന പേരിലും ചിലയിടങ്ങളിൽ വിളിച്ചു വരുന്നു. പെരുന്നാൾ ദിനത്തോടനുബന്ധിച്ചാണ് ഭവനങ്ങളിൽ ഈ ആചാരം നടത്തുക. പുതുപ്പള്ളി പള്ളിയിലെത്തി ഗീവർഗീസ് സഹദായെ ദർശിക്കുവാൻ കഴിയാത്ത ഭക്തർ പ്രാദേശികമായി നടത്തുന്നതാണ് ഈ ആചാരം.

തെക്കൻകേരളത്തിലെ വിശ്വാസികളുടെ ഭവനത്തിൽ വ്രതശുദ്ധിയോടെയും പ്രാർഥനയോടെയുമാണ് ഈ ചടങ്ങു നടത്തുക. പുണ്യവാളനുവേണ്ടി സമർപ്പിക്കപ്പെടുന്ന നേർച്ചക്കോഴികളെയാണ് പുതുപ്പള്ളി ഊട്ടിനായി പാകം ചെയ്യുന്നത്. സഹദായുടെ ചിത്രത്തിനു മുന്നി‍ൽ നിലവിളക്കു കൊളുത്തി ഭക്ഷണങ്ങൾ സമർപ്പിച്ച ശേഷം അതിഥികൾക്കും കുടുംബാംഗങ്ങൾക്കും ഊണ് വിളമ്പുന്നതാണ് ആചാരം.

പുതുപ്പള്ളി പെരുനാൾ ഇന്ന് (5/5/2017)

noreply@blogger.com (പുതുപ്പള്ളി പള്ളി) — Fri, 05 May 2017 01:38:00 +0000

പുതുപ്പള്ളി പെരുനാൾ ഇന്ന്

പ്രഭാതനമസ്കാരം - 7.00 am

കുർബാന: ഫാ. മാത്യു ഏബഹാം കണ്ടത്തിൽ പുത്തൻപുരക്കൽ -7.30

ധ്യാനം: ഫാ. ബിജു ആൻഡ്രൂസ്, ഇടുക്കി -10,00

കുർബാന - 11.30

സ്നേഹവിരുന്ന് - 1.00 pm

വെച്ചൂട്ടിന് ഒരുക്കങ്ങൾ ആരംഭിച്ചു

noreply@blogger.com (പുതുപ്പള്ളി പള്ളി) — Thu, 04 May 2017 03:00:00 +0000

പുതുപ്പള്ളി പള്ളിയിൽ വെച്ചൂട്ടിന് ഒരുക്കങ്ങൾ ആരംഭിച്ചു. പെരുന്നാൾ സമാപന ദിനമായ എട്ടിനാണ് വെച്ചൂട്ട് നടത്തുന്നത്. മാങ്ങാഅച്ചാറും, മോരും, ചമ്മന്തിപ്പൊടിയുമാണ് വെച്ചൂട്ടിലെ പ്രധാന വിഭവങ്ങൾ.

ഇടവകകൂട്ടായ്മ ഇവ തയാറാക്കുന്നത് പ്രാർഥനാപൂർവമാണ്. പതിനായിരക്കണക്കിനു വിശ്വാസികളാണ് എല്ലാ വർഷവും വെച്ചൂട്ടിൽ പങ്കെടുക്കാൻ നാടിന്റെ നാനാഭാഗങ്ങളിൽ നിന്നു ഒഴുകിയെത്തുന്നത്.

വെച്ചൂട്ടിനുള്ള ചമ്മന്തിപ്പൊടി തയാറാക്കൽ ഇന്ന് ആരംഭിക്കും. വൈദികരുടെ നേതൃത്വത്തിൽ പ്രാർഥനകൾക്കു ശേഷം ഭക്തിപൂർവമാണ് വിഭവം തയാറാക്കൽ നടത്തുക. വിഭവങ്ങൾ തയാറാക്കൽ എല്ലാ വർഷവും പ്രധാന പെരുന്നാളിനു ദിവസങ്ങൾക്കു മുൻപേ ആരംഭിക്കും.

മാങ്ങാ അരിയുന്നതും ചമ്മന്തിപ്പൊടിക്കുള്ള തേങ്ങ ചുരണ്ടുന്നതും സ്ത്രീകളുടെ നേതൃത്വത്തിലാണ്. ചമ്മന്തി ഇടിക്കുന്നതിനു പുരുഷന്മാരും മുൻനിരയിലുണ്ടാകും.

നേർച്ചയായാണ് ഭക്തജനങ്ങളും ഇടവക ജനങ്ങളും ഈ ചടങ്ങുകളിലും പങ്കെടുക്കുന്നത്. വെച്ചൂട്ടിനുള്ള വിഭവങ്ങളും നേർച്ചയായി പള്ളിയിൽ എത്തിക്കുന്നവരുണ്ട്. വാഴയിലകൾ വരെ ഇടവകയുടെ വിവിധ ഭാഗങ്ങളിൽ നിന്നു നേർച്ചയായി എത്തിച്ചു നൽകും.

വെച്ചൂട്ടിനായി 2500 കിലോ മാങ്ങായ്‌ക്കുള്ള മാങ്ങാക്കറിയാണ് തയാറാക്കിയത്. കൊശമറ്റം ഫിനാൻസ് മാനേജിങ് ഡയറക്ടർ മാത്യു കെ.ചെറിയാന്റെ പത്നി ലൈല മാത്യുവും കോട്ടയം നഗരസഭാ വൈസ് ചെയർപഴ്‌സൻ ജാൻസി ജേക്കബും ചേർന്നാണു മാങ്ങാ അരിയലിന്റെ ഉദ്‌ഘാടനം നിർവഹിച്ചത്.

പെരുന്നാളിനോടനുബന്ധിച്ചു പാറക്കൽ കുര്യാക്കോസ് കോറെപ്പിസ്ക്കോപ്പ മെമ്മോറിയൽ അഖില മലങ്കര സംഗീത മൽസരം പള്ളിയിൽ ഇന്നലെ നടന്നു.

കുർബാനയ്ക്കു ഫാ. പി.ജെ.ജോസഫ് പാലക്കപ്പറമ്പിലും വചനപ്രഘോഷണത്തിനു ജോസഫ് സാമുവൽ കോറെപ്പിസ്ക്കോപ്പ കറുകയിലും കാർമികത്വം വഹിച്ചു.

ഇന്നു 10.30നു താഴത്തുകുന്നേൽ അഹറോൻ എസ്. ചെറിയാൻ മെമ്മോറിയൽ അഖില മലങ്കര പ്രസംഗ മൽസരം നടത്തും. കെ.വി.ജോൺ കോറെപ്പിസ്കോപ്പ കൊടുവത്ത് ഉദ്ഘാടനം ചെയ്യും. 6.30നു ഫാ. ഫിലിപ് ജി.വർഗീസ് കൊല്ലം വചനപ്രഘോഷണം നടത്തും.

പുതുപ്പള്ളി പെരുനാൾ ഇന്ന് (4/5/2017)

noreply@blogger.com (പുതുപ്പള്ളി പള്ളി) — Thu, 04 May 2017 00:55:00 +0000

പെരുനാൾ ഇന്ന്

പ്രഭാതനമസ്കാരം - 7.00

കുർബാന - ഫാ. ഫിലിപ് വർഗീസ് താഴത്ത് - 7.30

വെച്ചുട്ടിനുള്ള ചമ്മന്തിപ്പൊടി തയാറാക്കൽ - 10.00

അഖില മലങ്കര പ്രസംഗ മൽസരം - 10.30

സന്ധ്യാനമസ്കാരം - 5.30

ഗാനശുശൂഷ - 6.15

വചനപ്രഘോഷണം - ഫാ. ഫിലിപ്പ് ജി.വർഗീസ് കൊല്ലം - 6.30

മധ്യസ്ഥപ്രാർഥന - 7.30.

തീർഥാടകരുടെ ഒഴുക്ക് തുടങ്ങി

noreply@blogger.com (പുതുപ്പള്ളി പള്ളി) — Wed, 03 May 2017 01:00:00 +0000

പൗരസ്ത്യ ജോർജിയൻ തീർഥാടന കേന്ദ്രമായ സെന്റ് ജോർജ് ഓർത്തഡോക്സ് പള്ളിയിലെ പെരുന്നാളിൽ പങ്കെടുക്കാൻ നാനാ ദേശത്തുനിന്നുമുള്ള തീർഥാടകരുടെ പ്രവാഹമാരംഭിച്ചു. ദേവാലയത്തിലെത്തുന്ന തീർഥാടകർ അനുഭവിച്ചറിയുന്നത് പാശ്ചാത്യ പൗരസ്ത്യ സംസ്കാരങ്ങളുടെ സമന്വയ കാഴ്ചകൾ കൂടിയാണ്. പൂർവികർ രൂപകൽപന ചെയ്ത ശിൽപചാരുതയും തനിമയും നിലനിർത്തിക്കൊണ്ടായിരുന്നു പള്ളിയുടെ പുനരുദ്ധാരണം നടത്തിയത്.

ഒൻപതു ത്രോണോസുകളാണ് പുതുപ്പള്ളി പള്ളിയുടെ സവിശേഷത. വിശുദ്ധ ഗീവർഗീസ് സഹദായുടെ നാമത്തിലാണ് മധ്യഭാഗത്തുള്ള പ്രധാന ത്രോണോസ്. ഇടതും വലതുമായി വിശുദ്ധ മാർത്തോമ്മാ ശ്ളീഹായുടെയും പരിശുദ്ധ പരുമല തിരുമേനിയുടെയും ത്രോണോസുകളാണ്. പ്രധാന പള്ളിയുടെ തെക്കുഭാഗത്തായി മധ്യത്തിൽ വിശുദ്ധ ബഹനാൻ സഹദായുടെയും ഇടതും വലതുമായി പരിശുദ്ധ വട്ടശേരിൽ തിരുമേനിയുടേയും പരിശുദ്ധ പാമ്പാടി തിരുമേനിയുടെയും നാമത്തിലുള്ള ത്രോണോസുകളാണ്.

പള്ളിയുടെ വടക്കുഭാഗത്ത് വിശുദ്ധ ദൈവമാതാവിന്റെയും ഇടതും വലതുമായി മർത്തശ്മുനിയമ്മ, മോർത്ത് യൂലീത്തി എന്നിവരുടേയും നാമത്തിലുള്ള ത്രോണോസുകളാണ്. നവമധ്യസ്ഥർ അനുഗ്രഹം ചൊരിയുന്ന ദേവാലയത്തെ പരിശുദ്ധ ത്രിത്വത്തിന്റെ സമന്വയഭാവമായാണ് വിശേഷിക്കപ്പെടുന്നത്. ഭാരതീയ വാസ്തുവിദ്യാ സങ്കേതങ്ങൾ ഉൾക്കൊണ്ടാണ് പള്ളിയുടെ മദ്ബഹായും നിർമിച്ചിരിക്കുന്നത്.

∙ പെരുന്നാളിനോടനുബന്ധിച്ചു മർത്തമറിയം സമാജം ഭദ്രാസന സമ്മേളനം നടത്തി. ഫാ. വി.എം.എബ്രഹാം ഉദ്ഘാടനം ചെയ്തു. കോളജ് പ്രിൻസിപ്പൽമാരായി നിയമിതരായ ഡോ. ജാൻസി തോമസ്, ഡോ. ഷേർലി കുര്യൻ എന്നിവരെ പൊന്നാടയണിയിച്ച് ആദരിച്ചു. മർത്തമറിയം സമാജം കേന്ദ്ര ജനറൽ സെക്രട്ടറി പ്രഫ. മേരി മാത്യു മുഖ്യപ്രഭാഷണം നടത്തി. വികാരി ഫാ. കുര്യൻ തോമസ് കരിപ്പാൽ, സഹവികാരി ഫാ. മർക്കോസ് ജോൺ പാറയിൽ എന്നിവർ പ്രസംഗിച്ചു.

പാറയ്ക്കൽ അന്നമ്മ കുര്യാക്കോസ് മെമ്മോറിയൽ ക്വിസ് മൽസരവും നടത്തി. കുർബാനയ്ക്കു ഫാ. എ.വി.വർഗീസ് ആറ്റുപുറവും, വചനപ്രഘോഷണത്തിനു ഫാ. ടൈറ്റസ് ജോൺ തലവൂരും നേതൃത്വം നൽകി. ഇന്നു 10നു പാറയ്ക്കൽ കുര്യാക്കോസ് കോറെപ്പിസ്ക്കോപ്പ മെമ്മോറിയൽ അഖില മലങ്കര സംഗീത മൽസരം നടത്തും. 6.30നു വചനപ്രഘോഷണത്തിനു ജോസഫ് സാമുവൽ കോറെപ്പിസ്കോപ്പ കറുകയിൽ നേതൃത്വം നൽകും.

കഴിഞ്ഞ ദിവസം നടന്ന ചടങ്ങിൽ വെച്ചൂട്ടിനുള്ള മാങ്ങാ അരിയൽ ഉദ്ഘാടനം നഗരസഭ അധ്യക്ഷ ഡോ. പി.ആർ.സോന നിർവഹിച്ചു. വെച്ചൂട്ടിനുള്ള ചമ്മന്തിപ്പൊടി തയാറാക്കൽ നാളെയാണ്.

പുതുപ്പള്ളി പള്ളിയിൽ ഇന്ന് (3/5/2017)

noreply@blogger.com (പുതുപ്പള്ളി പള്ളി) — Wed, 03 May 2017 00:06:00 +0000

പുതുപ്പള്ളി പള്ളിയിൽ ഇന്ന്

പ്രഭാതനമസ്കാരം – 7.00
കുർബാന– ഫാ. പി.ജെ.ജോസഫ് പാലക്കപ്പറമ്പിൽ– 7.30
പാറയ്ക്കൽ കുര്യാക്കോസ് കോറെപ്പിസ്കോപ്പ അഖില മലങ്കര സംഗീത മൽസരം–10.00
സന്ധ്യാനമസ്കാരം– 5.30
ഗാനശുശ്രൂഷ– 6.15
വചനപ്രഘോഷണം– ജോസഫ് സാമുവൽ കോറെപ്പിസ്കോപ്പ കറുകയിൽ– 6.30
മധ്യസ്ഥപ്രാർഥന– 7.30.

പുതുപ്പള്ളി പളളിയിൽ ഇന്ന് (2/5/2017)

noreply@blogger.com (പുതുപ്പള്ളി പള്ളി) — Tue, 02 May 2017 00:49:00 +0000

പുതുപ്പള്ളി പളളിയിൽ ഇന്ന്

പ്രഭാതനമസ്കാരം – 7.00
കുർബാന– ഫാ. എ.വി.വർഗീസ് ആറ്റുപുറം– 7.30
മർത്തമറിയം സമാജം ഭദ്രാസന സമ്മേളനം– 10.00
പാറക്കൽ അന്നമ്മ കുര്യാക്കോസ് മെമ്മോറിയൽ ക്വിസ് മൽസരം – 2.00 സന്ധ്യാനമസ്ക്കാരം– 5.30
ഗാനശുശ്രൂഷ– 6.15
വചനപ്രഘോഷണം– ഫാ. ടൈറ്റസ് ജോൺ തലവൂർ–6.30
മധ്യസ്ഥപ്രാർഥന– 7.30.

പുതുപ്പള്ളി പള്ളിയിൽ മാങ്ങാ അരിച്ചിൽ ഇന്ന് (1/5/2017)

noreply@blogger.com (പുതുപ്പള്ളി പള്ളി) — Sun, 30 Apr 2017 23:49:00 +0000

പുതുപ്പള്ളി പള്ളിയിലെ പെരുന്നാളിനോടനുബന്ധിച്ചു വെച്ചൂട്ടിനുള്ള മാങ്ങാ അരിച്ചിൽ ഇന്നു നടത്തും. വെച്ചൂട്ട് നേർച്ചയ്ക്കു മാങ്ങാ അച്ചാർ തയാറാക്കൽ ഇടവക ജനങ്ങൾ ഭക്ത്യാദരപൂർവമാണ് നടത്തുക. നഗരസഭ അധ്യക്ഷ ഡോ. പി.ആർ.സോന ഇന്നു രാവിലെ ഒൻപതിനു മാങ്ങാ അരിച്ചിലിന്റെ ഉദ്ഘാടനം നിർവഹിക്കും. നേർച്ചയായി മാങ്ങാ എത്തിച്ചു മാങ്ങാ അരിച്ചിലിൽ പങ്കെടുക്കുന്നവരുമുണ്ട്. ഇന്നു മുതൽ വചനപ്രഘോഷണങ്ങളും ആരംഭിക്കും. ഇന്നു വൈകിട്ടു 6.30നു മത്തായി ഇടയാനാൽ കോറെപ്പിസ്ക്കോപ്പയും നാളെ ഫാ. ടൈറ്റസ് ജോൺ തലവൂരും വചനപ്രഘോഷണം നടത്തും.

∙പുതുപ്പള്ളി പളളിയിൽ ഇന്ന്

പ്രഭാതനമസ്കാരം – 7.00
കുർബാന– ഫാ. വർഗീസ് ഉമ്മൻ തിരുവല്ല– 7.30
മാങ്ങാ അരിച്ചിൽ– 9.00
സന്ധ്യാനമസ്ക്കാരം – 5.30
ഗാനശുശ്രൂഷ– 6.15
വചനപ്രഘോഷണം– മത്തായി ഇടയാനാൽ കോറെപ്പിസ്കോപ്പ – 6.30
മധ്യസ്ഥപ്രാർഥന– 7.30

പുതുപ്പള്ളി പള്ളി: ഓർഡർ ഓഫ് സെന്റ് ജോർജ് പുരസ്കാരം സമ്മാനിച്ചു

noreply@blogger.com (പുതുപ്പള്ളി പള്ളി) — Sun, 30 Apr 2017 23:25:00 +0000

നാനാജാതി മതസ്ഥർ ഒത്തുചേരുന്ന പുതുപ്പള്ളി പള്ളിയുടെ പാരമ്പര്യവും സാംസ്കാരികതയും നാടിനു ഹൃദ്യമായ അനുഭവമാണെന്നു മുൻ മുഖ്യമന്ത്രി ഉമ്മൻചാണ്ടി. പൗരസ്ത്യ ജോർജിയൻ തീർഥാടനകേന്ദ്രമായ സെന്റ് ജോർജ് ഓർത്തഡോക്സ് പള്ളിയിലെ പെരുന്നാളിനോടനുബന്ധിച്ചുള്ള സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

കോട്ടയം ഭദ്രാസന സഹായ മെത്രാപ്പൊലീത്ത ഡോ. യൂഹാനോൻ മാർ ദിയസ്കോറസ് അധ്യക്ഷത വഹിച്ചു. ഓർഡർ ഓഫ് സെന്റ് ജോർജ് പുരസ്കാരം വികെഎൽ ഹോൾഡിങ് ആൻഡ് അൽ നമാൽ ഗ്രൂപ്പ് ചെയർമാൻ ഡോ. വർഗീസ് കുര്യനു സമർപ്പിച്ചു.

ജോർജിയൻ ചാരിറ്റി അവാർഡ് മാഹേർ സ്നേഹഭവൻ ഡയറക്ടർ സിസ്റ്റർ ലൂസി കുര്യനു നൽകി. ഓർത്തഡോക്സ് സഭ വൈദിക ട്രസ്റ്റി ഫാ. ഡോ. എം.ഒ. ജോൺ, അൽമായ ട്രസ്റ്റി ഡോ. ജോർജ് പോൾ, അസോസിയേഷൻ സെക്രട്ടറി ബിജു ഉമ്മൻ എന്നിവരെ ചടങ്ങിൽ ആദരിച്ചു.

ജോർജിയൻ പബ്ലിക് സ്കൂൾ പ്രോസ്പക്ടസ് പ്രകാശനം, പുതുതായി നിർമിച്ചു നൽകുന്ന വീടുകളുടെ താക്കോൽ‌ദാനം എന്നിവ ഡോ. യൂഹാനോൻ മാർ ദിയസ്കോറസ് നിർവഹിച്ചു.ചലച്ചിത്ര താരം ഫഹദ് ഫാസിൽ ചിത്രരചനാ മൽസര വിജയികൾക്കു സമ്മാനം നൽകി. ഫഹദ് ഫാസിലിനു ട്രസ്റ്റി കുര്യൻ തമ്പി ഉപഹാരം നൽകി.

വികാരി ഫാ. കുര്യൻ തോമസ് കരിപ്പാൽ, സഹവികാരിമാരായ ഫാ. മർക്കോസ് ജോൺ, ഫാ. മർക്കോസ് മർക്കോസ്‌, പഞ്ചായത്ത് പ്രസിഡന്റ് നിബു ജോൺ, ട്രസ്റ്റി പി.എം. ചാക്കോ പാലാക്കുന്നേൽ, സെക്രട്ടറി ജേക്കബ് ജോർജ് എന്നിവർ പ്രസംഗിച്ചു.

പുതുപ്പള്ളി പെരുന്നാൾ - പൊതുസമ്മേളനം ഇന്ന് (30/04/2017)

noreply@blogger.com (പുതുപ്പള്ളി പള്ളി) — Sun, 30 Apr 2017 01:10:00 +0000

ഇന്നു 8.30നു കുർബാനയ്ക്കു ഡോ. യൂഹാനോൻ മാർ ദിയസ്കോറസ് കാർമികത്വം വഹിക്കും. 11നു പൊതുസമ്മേളനത്തിൽ ഓർഡർ ഓഫ് സെന്റ് ജോർജ്, ജോർജിയൻ ചാരിറ്റി അവാർഡ് എന്നിവയുടെ സമർപ്പണവും പുതുതായി തിരഞ്ഞെടുക്കപ്പെട്ട സഭാ സ്ഥാനികൾക്ക് ആദരവും നൽകും.

∙പുതുപ്പള്ളി പെരുന്നാൾ ഇന്ന്

കുർബാന – ഫാ. തോമസ് വർഗീസ് കാവുങ്കൽ – 6.00 am
പ്രഭാത നമസ്കാരം – 7.30 am
കുർബാന– ഡോ. യൂഹാനോൻ മാർ ദിയസ്കോറസ് – 8.30 am,
പൊതുസമ്മേളനം, അവാർഡ്ദാനം – മുൻ മുഖ്യമന്ത്രി ഉമ്മൻചാണ്ടി, വർഗീസ് കുര്യൻ, സിനിമാതാരം ഫഹദ് ഫാസിൽ, സിസ്റ്റർ ലൂസി കുര്യൻ–11.00 am

പെരുന്നാളിന്റെ രണ്ടാം ദിനമായിരുന്ന ഇന്നലെ കുർബാനയ്ക്കു ഫാ. വി.എം.ഏബ്രഹാം വാഴക്കൽ കാർമികത്വം വഹിച്ചു. യുവജനപ്രസ്ഥാനത്തിന്റെ ആഭിമുഖ്യത്തിൽ ടിറ്റോ പി.തോമസ് മെമ്മോറിയൽ അഖില കേരള ചിത്രരചന മൽസരം ‘നിറച്ചാർത്ത്’ നടത്തി.

പുതുപ്പള്ളി പള്ളി പെരുന്നാളിനു ഇന്ന് തുടക്കം.

noreply@blogger.com (പുതുപ്പള്ളി പള്ളി) — Fri, 28 Apr 2017 01:36:00 +0000

ഇന്ന് രണ്ടിന് കൊടിമര ഘോഷയാത്ര. അഞ്ചിനു കൊടിയേറ്റ്

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് പള്ളി പെരുന്നാളിനു ഇന്ന് തുടക്കം. ഇന്ന് രണ്ടിന് കൊടിമര ഘാഷയാത്രയെ തുടർന്ന് അഞ്ചിനു ഡോ. യുഹാനോൻ മാർ ദിയസ്കോറസ് കൊടിയേറ്റും

29ന് ഒൻപതിനു യുവജനപ്രസ്ഥാനത്തിന്റെ നേതൃത്വത്തിൽ ചിത്രരചനാ മൽസരം -നിറച്ചാർത്ത്. ഞായറാഴ്ച രാവിലെ 11നു പൊതുസമ്മേളനം. മുൻ മുഖ്യമന്തി ഉമ്മൻ ചാണ്ടി വ്യവസായി ഡോ.വർഗീസ് കുര്യനു ഓർഡർ ഓഫ് സെന്റ് ജോർജ് ബഹുമതിയും മാഹേർ സ്നേഹഭവൻ ഡയറക്ടർ സിസ്റ്റർ ലൂസി കുര്യന് ജോർജിയൻ ചാരിറ്റി പുരസ്കാരവും സമർപ്പിക്കും. പുതിയ സഭാ സ്ഥാനികളെ ആദരിക്കും. നടൻ ഫഹദ് ഫാസിൽ ചിതരചനാ മൽസര വിജയികൾക്കു സമ്മാനങ്ങൾ നൽകും.

മേയ് ഒന്നിന് ഒൻപതിനു വെച്ചുട്ടിനുള്ള മാങ്ങ അരിയൽ, ഉദ്ഘാടനം നഗരസഭാധ്യക്ഷ ഡോ. പി .ആർ. സോനം. തീർഥാടന ദിനമായ ആറിന് ഏഴരയ്ക്ക് ഹിന്ദിയിൽ കുർബാന, വൈകിട്ട് 6.45നു പ്രദക്ഷിണം, എട്ടിനു പരിചമുട്ടുകളി തുടർന്ന് കരിമരുന്നു കലാപ്രകടനം.

ഏഴിന് 7.15ന് അഞ്ചിൻ മേൽ കുർബാനയ്ക്ക് കണ്ടനാട് വെസ്റ്റ ഭദ്രാസനാധിപൻ ഡോ. മാത്യുസ് മാർ സേവേറിയോസ് മുഖ്യകാർമികനാകും. 11ന് ചരിത്രപ്രസിദ്ധമായ പൊൻകുരിശ് സ്കഥാപിക്കൽ. രണ്ടിന് വിറകിടീൽ ഘോഷയാത്രയും നാലിന് വിറകിടീലും.

പ്രധാന പെരുനാൾ ദിനമായ എട്ടിന് രാവിലെ ഒൻപതിനു നടക്കുന്ന ഒൻപതിൻമേൽ കുർബാനയ്ക്കു കൊൽക്കത്ത ഭദാസനാധിപൻ ഡോ. ജോസ ഫ് മാർ ദിവന്നാസിയോസ് മുഖ്യ കാർമികനാകും. 11.30നു വെച്ചുട്ട്, നാലിന് നേർച്ച വിളമ്പ്.

14നു രാവിലെ 8.45നു മുന്നിൻമേൽ കുർബാന, തൃശൂർ ഭദ്രാസനാധിപൻ ഡോ. യുഹാനോൻമാർ മിലിത്തിയോസ്. 11ന് കൊടിയിറക്ക്

പെരുന്നാൾ ദിനങ്ങളിൽ കുർബാനകളും വിവിധ വൈദികരുടെ പ്രഭാഷണങ്ങളുമുണ്ട്. ഒരുക്കങ്ങൾ പൂർത്തിയായതായി വികാരി ഫാ. കുര്യൻ തോമസ് കരിപ്പാൽ അറിയിച്ചു.

പുതുപ്പള്ളി പള്ളിയില്‍ മുത്തശ്ശിമാവിന് ആദരം

noreply@blogger.com (പുതുപ്പള്ളി പള്ളി) — Thu, 27 Apr 2017 13:44:00 +0000

മുത്തശ്ശിമാവിനെ പൊന്നാട അണിയിച്ചും വൃക്ഷാസനം ചെയ്തും ആദരിച്ചപ്പോള്‍......

വലിയപള്ളിയങ്കണത്തിലെ മുത്തശ്ശിമാവ് പരിസ്ഥിതി പ്രവര്‍ത്തകരുടെ ആദരവ് ഏറ്റുവാങ്ങി. ഭൗമദിനാചരണത്തിന്റെ ഭാഗമായാണ് ആദരവ് സംഘടിപ്പിച്ചത്. പള്ളിമുറ്റത്ത് നൂറ്റാണ്ടുകളായി നിറസാന്നിധ്യമായ നാട്ടുമാവുമുത്തശ്ശിയെ ആദരിക്കുന്ന ചടങ്ങ് പള്ളി വികാരി ഫാ. കുര്യന്‍ തോമസ് കരിപ്പാല്‍ ഉദ്ഘാടനം ചെയ്തു.

ഒ.ബി.വി.എസ്. യൂണിറ്റ് സൂപ്രണ്ട് ജയിംസ് പി.ചാക്കോ അധ്യക്ഷത വഹിച്ചു. കേരള വനം വന്യജീവി ബോര്‍ഡ് അംഗം കെ.ബിനു മാവിനെ പൊന്നാട അണിയിച്ചു. പരിസ്ഥിതി പ്രവര്‍ത്തകനും അധ്യാപകനുമായ ഡോ. രാജേഷ് കടമാന്‍ചിറ കുട്ടികളെക്കൊണ്ട് മരത്തിന് ചുറ്റും നിര്‍ത്തി വൃക്ഷാസനം ചെയ്യിച്ചു.

പള്ളി ട്രസ്റ്റിമാരായ കുര്യന്‍ തോമസ് പോട്ടയ്ക്കാവയലില്‍, ജെയിംസ് കുട്ടി പാലാക്കുന്നേല്‍, എം.ആര്‍.ഗോപാലകൃഷ്ണപിള്ള തുടങ്ങിയവര്‍ പങ്കെടുത്തു. ആദരിക്കല്‍ ചടങ്ങിന് പുതുപ്പള്ളി പള്ളിയിലെ ഓര്‍ത്തഡോക്‌സ് വെക്കേഷന്‍ ബൈബിള്‍ സ്‌കൂളാണ് മുന്‍കൈയെടുത്തത്. സംസ്ഥാന വൃക്ഷപരിസ്ഥിതി സംരക്ഷണസമിതിയുടെ സഹകരണത്തോടെയായിരുന്നു പരിപാടി.

അഡ്വ. ബിജു ഉമ്മന്‍ മലങ്കര അസോസിയേഷന്‍ സെക്രട്ടറി

noreply@blogger.com (പുതുപ്പള്ളി പള്ളി) — Tue, 04 Apr 2017 19:16:00 +0000

മലങ്കര ഓര്‍ത്തഡോക്‌സ് സുറിയാനി ക്രിസ്ത്യാനി അസോസിയേഷന്‍ മാനേജിംഗ് കമ്മിറ്റിയുടെ അടുത്ത അഞ്ചു വര്‍ഷത്തേക്കുള്ള സെക്രട്ടറിയായി അഡ്വ. ബിജു ഉമ്മന്‍ വിജയിച്ചു. 108 വോട്ട്. മൂന്നാം വട്ടം സെക്രട്ടറി സ്ഥാനത്തെക്കു മത്സരിച്ച ഡോ. ജോര്‍ജ് ജോസഫിനു 77 വോട്ട് കിട്ടി. ബാബുജി ഈശോക്ക് 14 വോട്ട് കിട്ടി. രണ്ട് വോട്ട് അസാധുവായി. ആകെ 208 വോട്ടിൽ 201 എണ്ണം പോൾ ചെയ്തു.

പുതിയ മാനേജിങ് കമ്മിറ്റിയുടെ പ്രഥമയോഗം കോട്ടയം വൈദീക സെമിനാരി ഓഡിറ്റോറിയത്തിൽ ചേർന്നാണ് സെക്രട്ടറിയെ തെരഞ്ഞെടുത്തത്. പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ അദ്ധ്യക്ഷത വഹിച്ചു. ഡോ. യൂഹാനോൻ മാർ തേവോദോറോസ് മ്രെതാപ്പൊലീത്ത ധ്യാനം നയിച്ചു. വൈദീകട്രസ്റ്റി ഫാ. ഡോ. എം. ഒ. ജോൺ മിനിറ്റ്സ് അവതരിപ്പിച്ചു. പരിശുദ്ധ കാതോലിക്കാ ബാവാ നിയോഗിച്ചതനുസരിച്ച് ഡോ. യൂഹാനോൻ മാർ മിലിത്തോസ് മെത്രാപ്പൊലീത്താ യോഗനടപടികൾ നിയന്ത്രിച്ചു. ഡോ. വർഗീസ് പുന്നൂസ് റിട്ടേണിങ് ആഫീസറായിരുന്നു.

സഭാ മാനേജിങ് കമ്മിറ്റി അംഗമായി 23 വർഷം സേവനമനുഷ്ഠിച്ചിട്ടുണ്ട്. നിരണം ഭദ്രാസനത്തിലെ കവിയൂർ സ്ലീബാ പള്ളി ഇടവകാംഗമാണ്. ഇടവക സെക്രട്ടറി, സൺഡേസ്‌ക്കൂൾ ഹെഡ്‌മാസ്റ്റർ, സുവിശേഷ സംഘം ഡിസ്ട്രിക്റ്റ് ഓർഗനൈസർ, നിരണം ഭദ്രാസന കൗൺസിൽ അംഗം, സഭയുടെ റൂൾസ് കമ്മിറ്റി, ലീഗൽ കമ്മീഷൻ, 2008-ൽ എപ്പിസ്‌ക്കോപ്പൽ തെരഞ്ഞെടുപ്പ് സ്‌ക്രീനിങ് കമ്മിറ്റി, കാതോലിക്കേറ്റ് & എം.ഡി സ്‌ക്കൂൾസ് ഗവേണിങ് ബോർഡ് എന്നിവയിൽ അംഗവും വിവാഹസഹായ പദ്ധതി, പരുമലയിൽ നടന്ന മൂന്ന് മലങ്കര അസോസിയേഷൻ യോഗങ്ങളുടെയും പബ്ലിസിറ്റി കമ്മിറ്റി എന്നിവയുടെ കൺവീനർ, പുനർവിവാഹം സംബന്ധിച്ചുള്ള പരിശുദ്ധ ബാവായുടെ നിയമോപദേഷ്ടാവ് എന്നീ സ്ഥാനങ്ങളും വഹിച്ചിട്ടുണ്ട്.

നിരണം സെന്റ് മേരീസ് സ്‌ക്കൂൾ അദ്ധ്യാപിക ആശാ ജേക്കബ് ഭാര്യയും, ക്രിസ്റ്റീന മറിയം മാത്യൂ (പത്തനംതിട്ട കാതോലിക്കേറ്റ് കോളേജ് അദ്ധ്യാപിക) ജേക്കബ് എം. ഉമ്മൻ (തിരുവനന്തപുരം ടെക്നോപാർക്ക് ഉദ്യോഗസ്ഥൻ) എന്നിവർ മക്കളുമാണ്.

ഫാ. ഡോ. എം.ഒ. ജോൺ വൈദീകട്രസ്റ്റി, ജോർജ് പോൾ അത്മായ ട്രസ്റ്റി

noreply@blogger.com (പുതുപ്പള്ളി പള്ളി) — Wed, 01 Mar 2017 16:51:00 +0000

മലങ്കര ഒാർത്തഡോക്സ് സുറിയാനി സഭ വൈദീകട്രസ്റ്റിയായി ഫാ. ഡോ. എം.ഒ. ജോണിനെയും ആത്മായട്രസ്റ്റിയായി ജോർജ് പോളിനെയും തിരഞ്ഞെടുത്തു. പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവയുടെ അധ്യക്ഷതയിൽ കോട്ടയം എം.ഡി. സെമിനാരിയിൽ മാർ ഏലായാ കത്തീഡ്രൽ അങ്കണത്തിലെ ‘ബസേലിയോസ്’ നഗറിൽ ചേർന്ന യോഗത്തിലാണ് തിരഞ്ഞെടുപ്പ് നടന്നത്.

47 വൈദികരും അയ്മേനികളും ഉൾപ്പെടെ 141 മാനേജിങ് കമ്മിറ്റി അംഗങ്ങളെയാണ് തിരഞ്ഞെടുത്തത്. 30 ഭദ്രാസങ്ങളുടെ ഭദ്രാസനയോഗങ്ങൾ ചേർന്ന് നിർദേശിച്ച 141 പേരെ മലങ്കര അസോസിയേഷൻ യോഗം അംഗീകരിച്ചു. ഫാ. ബിജു ആൻഡ്രൂസ് ധ്യാനം നയിച്ചു.

ഫാ. എം ഒ ജോൺ -2384 വോട്ട്‌
ഫാ.കോനാട്ട്‌ -1122
ഫാ. കറുകയിൽ -142
അസാധു -18
ആകെ- 3666

ജോർജ്ജ്‌ പോൾ -1834 വോട്ട്‌
റോയി മുത്തൂറ്റ്‌ - 1813
അസാധു-. 18

ആകെ-3665⁠⁠⁠⁠

പഴയ സെമിനാരി വാഹന തീർഥാടനം ഇന്ന്

noreply@blogger.com (പുതുപ്പള്ളി പള്ളി) — Wed, 22 Feb 2017 03:01:00 +0000

പുതുപ്പള്ളി സെന്റ് ജോർജ് വലിയപള്ളിയിൽനിന്നു പരിശുദ്ധ വട്ടശേരിൽ തിരുമേനിയുടെ ഓർമപ്പെരുന്നാളിനോടനു- ബന്ധിച്ചു നടത്തുന്ന പഴയ സെമിനാരി വാഹന തീർഥാടനം 22/02/2017 5.30ന് പുറപ്പെടും.

പള്ളിവക പാറയ്ക്കൽകടവ് കുരിശടിയിൽ മാസാവസാന ബുധനാഴ്ച നടക്കുന്ന സന്ധ്യാനമസ്കാരം ഉണ്ടായിരിക്കില്ല.

പുതുപ്പള്ളിപള്ളിയിൽ കൊച്ചു പെരുന്നാൾ ഇന്നും നാളെയും

noreply@blogger.com (പുതുപ്പള്ളി പള്ളി) — Thu, 22 Dec 2016 12:53:00 +0000

പുതുപ്പള്ളി സെന്റെ ജോർജ് വലിയപള്ളിയിലെ ബഹനാൻ സഹദായുടെ നാമത്തിൽ ആരംഭിച്ച പെരുന്നാളിനോട് അനുബന്ധിച്ചുള്ള പ്രധാന പരിപാടികൾ ഇന്നും വെള്ളിയാഴ്ചയും (ഡിസംബർ 22,23).

ഇന്ന് ആറിനു സന്ധ്യനമസ്കാരം, റവ. ഡോ. ജേക്കബ് മാത്യ (ഓർത്തഡോക്സ്തിയളോജിക്കൽ സെമിനാരി, കോട്ടയം) നയിക്കുന്ന അനുസ്മരണ പ്രഭാഷണം, കൊച്ചക്കാല കുരിശടിയിലേക്കുള്ള പ്രദക്ഷിണം.

വെള്ളിയാഴ്ച 7.30നു പ്രഭാതനമസ്കാരം, ഡോ. യൂഹാനോൻ മാർ ദിയ സ്കോറസിന്റെ പ്രധാന കാർമികത്വത്തിൽ ഒൻപതിന്മേൽ കുർബാന, പ്രദക്ഷിണം, ആശീർവാദം നേർച്ചവിളമ്പ്, ആദ്യഫലലേലം എന്നിവയോടെ സമാപിക്കും. കിസ്മസ് ശുശൂഷ, രാത്രി നമസ്കാരം 3.30ന് ആരംഭിക്കും.

സുവിശേഷ ധ്യാനം ഇന്ന് (16/12/16) 10.30നു

noreply@blogger.com (പുതുപ്പള്ളി പള്ളി) — Thu, 15 Dec 2016 23:21:00 +0000

പുതുപ്പള്ളി സെന്റ് ജോർജ് വലിയ പള്ളിയിൽ ഇന്ന് 10.30ന് സുവിശേഷ ധ്യാനം നടക്കും. യോഗത്തിൽ വികാരി ഫാ. കുര്യൻ തോമസ് അധ്യക്ഷത വഹിക്കും. ഫാ. കെ.വി. തോമസ് കല്ലൂപ്പാറ പ്രസംഗിക്കും.

12ന് ഉച്ചനമസ്കാരം, മധ്യസ്ഥപ്രാർഥന, നേർച്ചസദ്യ.
5.30ന് പള്ളിയിലും ബഹനാൻ സഹദായുടെ നാമത്തിൽ കൊച്ചക്കാല കടവ് കുരിശിങ്കലും സന്ധ്യാനമസ്കാരം.

ഫാ. മർക്കോസ് ജോൺ, ഫാ. മർക്കോസ് മർക്കോസ് എന്നിവർ കാർമികത്വം വഹിക്കും.

സുവിശേഷ ധ്യാനം ഇന്ന് (25/11/16) 10നു

noreply@blogger.com (പുതുപ്പള്ളി പള്ളി) — Fri, 25 Nov 2016 00:49:00 +0000

പുതുപ്പള്ളി സെന്റ് ജോർജ് വലിയ പള്ളിയിൽ ഇന്ന് രാവിലെ 10നു സുവിശേഷ ധ്യാനം നടക്കും. വികാരി ഫാ. കുര്യൻ തോമസിന്റെ അധ്യക്ഷതയിൽ കൂടുന്ന യോഗത്തിൽ ഫാ. സഖറിയ ജോർജ് പ്രസംഗിക്കും.

12ന് ഉച്ചനമസ്കാരം, മധ്യസ്ഥ പ്രാർഥന, നേർച്ച സദ്യ.
5.30നു പള്ളിയിലും കവല കുരിശിങ്കലും ഫാ. മർക്കോസ് ജോൺ, ഫാ. മർക്കോസ് മർക്കോസ് എന്നിവരുടെ കാർമികത്വത്തിൽ സന്ധ്യാ നമസ്കാരം.

പുതുപ്പള്ളി പള്ളിയിൽ സുരക്ഷാ ദിനം ആചരിച്ചു

noreply@blogger.com (പുതുപ്പള്ളി പള്ളി) — Sun, 20 Nov 2016 22:49:00 +0000

ജോർജിയൻ തീർഥാടന കേന്ദ്രമായ പുതുപ്പള്ളി പള്ളിയിൽ ഐക്യരാഷ്ട്ര സംഘടനയുടെ ആഹ്വാനപ്രകാരമുള്ള റോഡപകട സുരക്ഷാദിന സമ്മേളനം മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്തു. മോട്ടോർ വെഹിക്കിൾ ഇൻസ്പെക്ടർമാരായ റോയി തോമസ്, കുര്യൻ ജോൺ എന്നിവർ ബോധവൽക്കരണ ക്ലാസ് നയിച്ചു.

വികാരി ഫാ. കുര്യൻ തോമസ് കരിപ്പാൽ, ഫാ. മർക്കോസ് ജോൺ പാറയിൽ, ഫാ. മർക്കോസ് മർക്കോസ് ഇടക്കര എന്നിവർ അനുസ്മരണ ശുശ്രൂഷയ്ക്കു നേതൃത്വം നൽകി. ട്രസ്റ്റിമാരായ പി.എം.ചാക്കോ പാലാക്കുന്നേൽ, ഏബ്രഹാം മാമ്മൻ കൊക്കോടിൽ എന്നിവർ പ്രസംഗിച്ചു.

സുവിശേഷ ധ്യാനം ഇന്ന് (18/11/16)

noreply@blogger.com (പുതുപ്പള്ളി പള്ളി) — Thu, 17 Nov 2016 23:59:00 +0000

സെന്റ് ജോർജ് വലിയ പള്ളിയിൽ ഇന്ന് സുവിശേഷ ധ്യാനം നടക്കും.

10ന് വികാരി ഫാ. കുര്യൻ തോമസിന്റെ അധ്യക്ഷതയിൽ ചേരുന്ന യോഗത്തിൽ ഫാ. തോമസ് പി.നൈനാൻ പ്രസംഗിക്കും.
12ന് ഉച്ചനമസ്കാരം, മധ്യസ്ഥപ്രാർഥന, നേർച്ചസദ്യ.
5.30ന് പള്ളിയിലും ബഹനാൻ സഹദായുടെ നാമത്തിൽ കൊച്ചക്കാലകടവിലുള്ള കുരിശിങ്കൽ ഫാ. മർക്കോസ് ജോൺ, ഫാ.മർക്കോസ് മർക്കോസ് എന്നിവരുടെ കാർമികത്വത്തിൽ സന്ധ്യാനമസ്കാരത്തോടെ സമാപിക്കും.

സാന്ത്വനഭവനം സന്ദർശിച്ചു

noreply@blogger.com (പുതുപ്പള്ളി പള്ളി) — Mon, 03 Oct 2016 20:42:00 +0000

പുതുപ്പള്ളി വലിയപള്ളിയിൽ വൃദ്ധജനങ്ങളുടെ ആരോഗ്യവും മാനസികോല്ലാസവും ലക്ഷ്യമിട്ടു നടത്തിവരുന്ന സാന്ത്വനഭവനം പകൽവീട് കോട്ടയം ഭദ്രാസന സഹായമെത്രാൻ ഡോ. യൂഹാനോൻ മാർ ദിയസ്കോറസ് സന്ദർശിച്ചു.

പുതുപ്പള്ളി പള്ളിയിൽ സ്ലീബാ പെരുന്നാൾ ആഘോഷിച്ചു

noreply@blogger.com (പുതുപ്പള്ളി പള്ളി) — Thu, 15 Sep 2016 09:10:00 +0000

പുതുപ്പള്ളി സെന്റ് ജോർജ്സ് വലിയപള്ളിയിൽ സ്ലീബാ പെരുന്നാൾ ആഘോഷിച്ചു. രാവിലെ നമസ്കാരത്തിനു ശേഷം നടന്ന കുർബാനക്ക് ഇടവക മെത്രാപ്പൊലീത്ത ഡോ. യൂഹാനോൻ മാർ ദിയസ്കോറസ് നേതൃത്വം നൽകി. തുടർന്ന് എംഡി എൽപി സ്കൂളിനു വേണ്ടി പുതുതായി നിർമിക്കുന്ന കെട്ടിടത്തിന്റെ ശിലാസ്ഥാപനകർമം മെത്രാപ്പൊലീത്ത നിർവഹിച്ചു. വികാരി ഫാ. കുര്യൻ തോമസ്, ഫാ. മാർക്കോസ് ജോൺ, ഫാ. മാർക്കോസ് മാർക്കോസ് എന്നിവർ ചടങ്ങുകൾക്കു നേതൃത്വം നൽകി.

ഫാ.കുര്യൻ തോമസ് കരിപ്പാല്‍ പുതുപ്പള്ളി പള്ളിയുടെ പുതിയ വികാരി

noreply@blogger.com (പുതുപ്പള്ളി പള്ളി) — Tue, 28 Jun 2016 17:32:00 +0000

ദക്ഷിണേന്ത്യയിലെ പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയപള്ളിയുടെ വികാരിയായി ഫാ.കുര്യൻ തോമസ് കരിപ്പാലിനെ കോട്ടയം ഭദ്രാസന സഹായ മെത്രാപ്പോലീത്ത ഡോ.യൂഹാനോൻ മാർ ദിയസ്കോറോസ് നിയമിച്ചു. നിയമനകല്പന ജൂലൈ മാസം പത്തു മുതല്‍ പ്രാബലത്തില്‍ വരും.

ബഹു. അച്ഛൻ പരിശുദ്ധ ബസേലിയോസ് മാർത്തോമാ മാത്യൂസ് പ്രഥമൻ (വട്ടക്കുന്നേൽ) ബാവായുടെ സെക്രട്ടറിയായിരുന്നു. നിലവില്‍ കുറിച്ചി സെന്റ് മേരീസ് ആൻഡ് സെന്റ് ജോൺസ് ഓർത്തഡോക്സ് ചെറിയപള്ളിയുടെ വികാരിയായ ഫാ. കുര്യൻ തോമസ് പരിശുദ്ധ സഭയുടെ സൺഡേ സ്കൂൾ പ്രസ്ഥാനമായ ഓ.വി.ബി.എസിന്റെ ഡയറക്ടർ കൂടിയാണ്. നാഗ്പൂർ സെന്റ് തോമസ് ഓർത്തഡോക്സ് തീയോളോജിക്കൽ സെമിനാരി അധ്യാപകനായി സേവനം അനുഷ്ഠിച്ചിട്ടുണ്ട്.

വിശ്വാസത്തിന്റെ പൊൻപ്രഭയിൽ പുതുപ്പള്ളി

noreply@blogger.com (പുതുപ്പള്ളി പള്ളി) — Sat, 07 May 2016 09:16:00 +0000

വിശ്വാസികളുടെ ഹൃദയങ്ങളിൽ അനുഗ്രഹത്തിന്റെ സുവർണ പ്രഭ ചൊരിഞ്ഞു പുതുപ്പള്ളി പള്ളിയിൽ പെരുന്നാളിനോടനുബന്ധിച്ചു പുറത്തെടുത്ത പൊന്നിൻകുരിശ് സ്ഥാപിച്ചു. വിശുദ്ധ ഗീവർഗീസ് സഹദായുടെ ശക്തിയും ചൈതന്യവും ആവാഹിച്ചിട്ടുള്ളതെന്നു വിശ്വസിക്കുന്ന പൊന്നിൻകുരിശ് ദർശിച്ച് അനുഗ്രഹം തേടാൻ ഒഴുകിയെത്തുന്നത് പതിനായിരങ്ങൾ. വലിയപെരുന്നാൾ ദിനമായ ഇന്നു ചരിത്രപ്രസിദ്ധമായ വെച്ചൂട്ട് നേർച്ചസദ്യ നടക്കും. ഡോ. യൂഹാനോൻ മാർ ദിയസ്ക്കോറോസിന്റെ മുഖ്യകാർമികത്വത്തിൽ നടന്ന അഞ്ചിന്മേൽ കുർബാനയ്ക്കു ശേഷം പ്രാർഥനാനിർഭരമായ ചടങ്ങുകളോടെയാണ് പെരുന്നാൾ ദിനങ്ങളിൽ മാത്രം സ്ഥാപിക്കുന്ന പൊന്നിൻകുരിശ് പുറത്തെടുത്തത്.

401 പവൻ തൂക്കം വരുന്ന പൊന്നിൻകുരിശുമായി തുടർന്നു പള്ളിക്കു ചുറ്റും പ്രദക്ഷിണം നടത്തി. മദ്ബഹായിൽ കുരിശു സ്ഥാപിച്ചു. പെരുന്നാൾ ആഘോഷത്തിമർപ്പിലായിരുന്നു പുതുപ്പള്ളിയിലെ കാഴ്ചകൾ. ചരിത്രപ്രസിദ്ധമായ വെച്ചൂട്ടിനുള്ള വിറകിടീൽ ചടങ്ങ് പുതുപ്പള്ളി, ഏറികാട് കരക്കാർ ജാതിമതഭേദമന്യേ ഏറ്റെടുക്കുകയായിരുന്നു. വള്ളപ്പാട്ടിന്റെ ഈരടികളും വാദ്യമേളങ്ങളുമായി വെച്ചൂട്ടിനു വിറക് കരകളിൽനിന്നു പാരമ്പര്യത്തിന്റെ പകിട്ടു വിളിച്ചോതി എത്തിച്ചു. ആർപ്പുവിളിയോടും വാദ്യമേളങ്ങളോടും കൂടി പന്തിരുനാഴി ആഘോഷപൂർവം പുറത്തെടുത്തു. പെരുന്നാൾ പ്രദക്ഷിണത്തിൽ നാനാദേശങ്ങളിൽനിന്നുള്ള തീർഥാടക സമൂഹം പങ്കെടുത്തു.

വിശുദ്ധ ഗീവർഗീസ് സഹദായോടുള്ള പ്രാർഥനകളുമായി വിശ്വാസസമൂഹം പ്രദക്ഷിണത്തിൽ നടന്നുനീങ്ങി. പ്രദക്ഷിണം പള്ളിയിലെത്തിയ ശേഷം ഗീവർഗീസ് സഹദായുടെ തിരുശേഷിപ്പുങ്കൽ അഖണ്ഡപ്രാർഥന ആരംഭിച്ചു. വെച്ചൂട്ടിനുള്ള അരിയിടീൽ കർമം പ്രാർഥനാപൂർവമാണ് പുലർച്ചെ നടന്നത്. പള്ളിയിലെ കെടാവിളക്കിൽനിന്നു വൈദികർ പകർന്നുകൊടുത്ത തിരിനാളമാണ് അടുപ്പിൽ ജ്വലിപ്പിച്ചത്. പെരുന്നാൾ സമാപന ദിനമായ ഇന്നു ചരിത്രപ്രസിദ്ധമായ വെച്ചൂട്ടിൽ പങ്കെടുക്കാൻ കാത്തിരിക്കുകയാണു പതിനായിരക്കണക്കിനു വിശ്വാസികൾ. 11.30ന് വെച്ചൂട്ട് ആരംഭിക്കും.

പുതുപ്പള്ളി പെരുന്നാൾ ഇന്ന്

പ്രഭാതനമസ്കാരം – 8.00
ഒൻപതിന്മേൽ കുർബാന–പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ – 9.00
ശ്ലൈഹീക വാഴ്‌വ് – 11.00
വെച്ചൂട്ട്–നേർച്ചസദ്യ – 11.30
പ്രദക്ഷിണം – 2.00
നേർച്ച‌വിളമ്പ് – അപ്പവും കോഴിയിറച്ചിയും – 4.00.

പൊന്നിൻ കുരിശ് സ്ഥാപിക്കലും, വിറകിടീലും, പ്രദക്ഷിണവും ഇന്ന്

noreply@blogger.com (പുതുപ്പള്ളി പള്ളി) — Fri, 06 May 2016 06:04:00 +0000

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓ‍ർത്തഡോക്സ് പള്ളിയിൽ പെരുന്നാളിനോടനുബന്ധിച്ചുള്ള പൊന്നിൻ കുരിശ് സ്ഥാപിക്കൽ ഇന്ന്. 11നു ഡോ. യൂഹാനോൻ മാർ ദിയസ്കോറോസിന്റെ മുഖ്യകാർമികത്വത്തിൽ പ്രാർഥനാ നിർഭരമായ ചടങ്ങുകളോടെയാണ് വിശ്വാസ പ്രസിദ്ധമായ പൊന്നിൻ കുരിശ് മദ്ബഹായിൽ സ്ഥാപിക്കുക. 401 പവൻ തൂക്കം വരുന്ന കുരിശ് പുതുപ്പള്ളി പള്ളിയിലെ പ്രത്യേകതയാണ്. തീർഥാടകർക്കു കുരിശു വണങ്ങി പ്രാർഥിക്കാൻ വിപുലമായ ക്രമീകരണങ്ങൾ ഏർപ്പെടുത്തിയിട്ടുണ്ട്. ഉച്ചകഴിഞ്ഞു കരക്കാരുടെ നേതൃത്വത്തിലുള്ള വിറകിടീലും രാത്രി എട്ടിനു പ്രസിദ്ധമായ നിലയ്ക്കൽപള്ളി, പുതുപ്പള്ളിക്കവല വഴിയുള്ള പ്രദക്ഷിണവും നടക്കും.

പ്രധാന പെരുന്നാൾ ദിനമായ നാളെ ഒൻപതിനു ഒൻപതിന്മേൽ കുർബാനയ്ക്കു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ‌ കാതോലിക്കാ ബാവാ മുഖ്യകാർമികത്വം വഹിക്കും. 11.30നു ചരിത്രപ്രസിദ്ധമായ വെച്ചൂട്ട്,– നേർച്ചസദ്യയും കുട്ടികൾക്ക് ആദ്യചോറൂട്ടും നടത്തും. രണ്ടിനു അങ്ങാടി, ഇരവിനെല്ലൂർ ചുറ്റി പ്രദക്ഷിണം പള്ളിയിൽ മടങ്ങി എത്തും. നാലിനു അപ്പവും കോഴിയിറച്ചിയും നേർച്ചവിളമ്പ്.

കരകളിൽ നിന്നുള്ള പ്രദക്ഷിണം ഇന്ന്

noreply@blogger.com (പുതുപ്പള്ളി പള്ളി) — Thu, 05 May 2016 08:27:00 +0000

പൗരസ്ത്യ ജോർജിയൻ തീർഥാടന കേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ പെരുന്നാളിനോടനുബന്ധിച്ചു കരകളിൽ നിന്നുള്ള പ്രദക്ഷിണം ഇന്ന്. പ്രധാന പെരുന്നാൾ ദിനത്തിനു മുന്നോടിയായുള്ള ഈ പ്രദക്ഷിണത്തിൽ ആയിരങ്ങൾ പങ്കെടുക്കും. വൈകിട്ട് 5.30നു പ്രദക്ഷിണം പുറപ്പെടുന്ന അഞ്ചു കേന്ദ്രങ്ങളിൽ നിന്ന് ഒരേസമയം സന്ധ്യാപ്രാർഥന ആരംഭിക്കും. ആറിനു പ്രദക്ഷിണം ആരംഭിക്കും. കൈതമറ്റത്തുള്ള പുതുപ്പള്ളി പള്ളിയുടെ മാർ ഗ്രിഗോറിയൻ ചാപ്പൽ, വെള്ളുക്കുട്ട പള്ളിയുടെ കാഞ്ഞിരത്തുമൂട്ടിലുള്ള കുരിശിൻതൊട്ടി, നിലക്കൽപള്ളിയുടെ വെട്ടത്തുകവലയിലെ കുരിശിൻതൊട്ടി, പാറക്കൽകടവിലെ പുതുപ്പള്ളി പള്ളിയുടെ കുരിശിൻതൊട്ടി, കൊച്ചാലുംമൂട് ഓർത്തഡോക്സ് കാതോലിക്കേറ്റ് സെന്റർ എന്നിവിടങ്ങൾ കേന്ദ്രീകരിച്ചാണു കരക്കാരുടെ പ്രദക്ഷിണം ആരംഭിക്കുക.

പള്ളിയുടെ പ്രധാന കവാടത്തിൽ വികാരി ഫാ.മാത്യു വർഗീസ് വലിയപീടികയിൽ, സഹവികാരിമാരായ ഫാ.മർക്കോസ് ജോൺ പാറയിൽ, ഫാ.ഇട്ടി തോമസ് കാട്ടാമ്പാക്കൽ കൈക്കാരന്മാരായ പി.ജോർജ് ജോസഫ്, പി.എം.ചാക്കോ, സെക്രട്ടറി ജീവൻ കുര്യൻ എന്നിവരുടെ നേതൃത്വത്തിൽ പ്രദക്ഷിണങ്ങളെ സ്വീകരിക്കും. തുടർന്നു സെമിത്തേരിയിൽ ധൂപപ്രാർഥനയും മരിച്ചവരുടെ ഓർമയും ആചരിക്കും. വിവിധ പള്ളികളിൽ നിന്നു തീർഥാടകസംഘങ്ങളായി എത്തുന്നവർക്കും ഇന്നു രാവിലെ പള്ളിയിൽ സ്വീകരണം നൽകും. പാറക്കൽ കുര്യാക്കോസ് കോർ എപ്പിസ്കോപ്പ മെമ്മോറിയൽ എവർറോളിങ് ട്രോഫിക്കു വേണ്ടിയുള്ള അഖില മലങ്കര സംഗീത മൽസരം 11നു നടത്തും. പ്രസിദ്ധമായ വെച്ചൂട്ടിനുള്ള വിറകിടീൽ നാളെയാണ്. പുതുപ്പള്ളി പള്ളിയുടെ തനതു സവിശേഷതയാണ് അപൂർവ മാതൃകയിലുള്ള പുതുപ്പള്ളി കുരിശ്.

കൂർമാകൃതിയിലുള്ള ശിൽപഭംഗി കലർന്ന പീഠത്തിലാണ് ഈ കുരിശ് പ്രതിഷ്ഠിച്ചിരിക്കുന്നത്.പ്രാചീന ക്ഷേത്രങ്ങളിലും ഇത്തരത്തിലുള്ള കൂർമപീഠങ്ങളുള്ളധ്വജസ്തംഭങ്ങളും കുരിശുകളുമുണ്ട്.കൂർമപാദമുള്ള കുരിശ് സാധാരണ കാണാറുള്ളതല്ല. അതുകൊണ്ടാണു പുതുപ്പള്ളിയുടെ തനതു സവിശേഷതകളിലൊന്നായി ഈ കുരിശിനെ വിശേഷിപ്പിക്കുന്നത്. കുരിശിന്റെ കൈപ്പിടി ഒരു വാളിന്റെ പിടിയെ അനുസ്മരിപ്പിക്കുന്നു. ഒപ്പം അംശവടിയെയും കിരീടത്തെയും. ക്രൈസ്തവ ജയത്തിന്റെ സ്ളീബ എന്നുമവന്റെ ആയുധമാണെന്നു പുതുപ്പള്ളി കുരിശ് ഉദ്ഘോഷിക്കുന്നു. പീഠത്തിന്റെ ആമക്കാലുകൾ ഭൂമിയെ ഉദ്ധരിക്കുന്നതിനായി കൂർമാവതാരം പൂണ്ട ദേവന്റെ സ്മരണ ഉണർത്തുന്നു. ഇവിടെ രണ്ടു വ്യത്യസ്ത സംസ്കാരങ്ങളുടെ സമന്വയമാണു പ്രതിഫലിക്കുന്നത്. ലോകരക്ഷകനായ ക്രിസ്തുവിന്റെ സ്മരണയെ ആർഷസംസ്കാരവുമായി തികച്ചും പ്രതീകാത്മകമായി ഈ കുരിശിൽ ബന്ധപ്പെടുത്തിയിരിക്കുന്നു.

പുതുപ്പള്ളി പെരുന്നാൾ ഇന്ന്

പ്രഭാതനമസ്കാരം – 7.00,
കുർബാന–ഫാ.തോമസ് വർഗീസ് പരക്കുന്നേൽ–7.30
പുതുപ്പള്ളി തീർഥാടനം, തീർഥാടകർക്കു സ്വീകരണം–10.00
അഖില മലങ്കര സംഗീത മൽസരം–11.00
മധ്യസ്ഥപ്രാർഥന–12.00
കുരിശിൻ തൊട്ടികളിൽ നിന്നുള്ള പ്രദക്ഷിണം ആരംഭം–6.00
പ്രദക്ഷിണത്തിനു പള്ളിയിൽ സ്വീകരണം–8.00

പുതുപ്പള്ളി പള്ളി സമൂഹത്തിന് മാതൃക: മുഖ്യമന്ത്രി ഉമ്മൻചാണ്ടി

noreply@blogger.com (പുതുപ്പള്ളി പള്ളി) — Tue, 03 May 2016 05:58:00 +0000

വെടിക്കെട്ടു ദുരന്തമുണ്ടായ പരവൂർ ക്ഷേത്രത്തിന്റെ പുനരുദ്ധാരണത്തിനും പരുക്കേറ്റവർക്കു തുടർചികിത്സയ്ക്കും പണംനൽകിയ പുതുപ്പള്ളി പള്ളിയുടെ പ്രവർത്തനം മാതൃകാപരമാണെന്നു മുഖ്യമന്ത്രി ഉമ്മൻചാണ്ടി. പൗരസ്ത്യ ജോർജിയൻ തീർഥാടന കേന്ദ്രമായ സെന്റ് ജോർജ് ഓർത്തഡോക്സ് വലിയപള്ളിയിലെ പെരുന്നാളിനോടനുബന്ധിച്ചു നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

വികാരി ഫാ.മാത്യു വർഗീസ് വലിയപീടികയിൽ അധ്യക്ഷതവഹിച്ചു. മുൻ ചീഫ് സെക്രട്ടറി ജിജി തോംസൺ മുഖ്യപ്രഭാഷണം നടത്തി. ഓർഡർ ഓഫ് സെന്റ് ജോർജ് ബഹുമതി പുതുപ്പാടി ആശ്രമാംഗം കെ.ഐ.ഫിലിപ്പ് റമ്പാനു മുഖ്യമന്ത്രി സമർപ്പിച്ചു. ഒൻപതു സംസ്ഥാനങ്ങളിലായി 30 സ്ഥാപനങ്ങൾ നിർമിച്ച് 83–ാം വയസ്സിലും കർമനിരതനാണു കെ.ഐ.ഫിലിപ്പ് റമ്പാൻ. അനാഥർക്കും രോഗികൾക്കും കുട്ടികൾക്കുമായി സ്ഥാപനങ്ങൾ നിർമിച്ചു; രാജ്യത്തെ വിവിധ ഗ്രാമങ്ങളുടെ പുനരുദ്ധാരണത്തിനു നേതൃത്വം നൽകി.

സഹവികാരി ഫാ.ഇട്ടി തോമസ് കാട്ടാമ്പാക്കൽ ആമുഖപ്രസംഗം നടത്തി. രക്തദാന ഗ്രൂപ്പുകളെക്കുറിച്ചും പള്ളിയുടെ വിവരങ്ങളും അറിയുന്നതിനുള്ള പുതിയ വെബ്സൈറ്റിന്റെ ഉദ്ഘാടനം പഞ്ചായത്ത് പ്രസിഡന്റ് നിർവഹിച്ചു. ടിറ്റോ സ്മൃതി അഖില കേരള ചിത്രരചനാ മത്സരത്തിൽ വിജയിച്ചവർക്കു ജിജി തോംസൺ സമ്മാനം നൽകി. സഹവികാരി ഫാ.മർക്കോസ് ജോൺ പാറയിൽ, ട്രസ്റ്റി പി.ജോർജ് ജോസഫ് കൊച്ചുചക്കാലയിൽ എന്നിവർ പ്രസംഗിച്ചു.

പുതുപ്പള്ളി പെരുന്നാളിന് ഇന്ന് കൊടിയേറും

noreply@blogger.com (പുതുപ്പള്ളി പള്ളി) — Wed, 27 Apr 2016 20:45:00 +0000

പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ ഓർമ്മ പെരുന്നാളിന് ഇന്ന് കൊടിയേറും. രണ്ടു മണിക്ക് കൊടിമര ഘോഷയാത്ര. പുതുപ്പള്ളി - ഏറികാട് കരക്കാർ ഓരോ കവുങ്ങ് മുറിച്ചു വാദ്യമേളങ്ങളുടെയും ആർപ്പുവിളികളുടെയും പുതുപ്പള്ളി പുന്ന്യാളച്ചനെ സ്തുതിച്ചു കൊണ്ടുള്ള വള്ളപ്പാട്ടുകളുടെയും അകമ്പടിയോടെ പള്ളിയിൽ എത്തിക്കും.

വൈകുന്നേരം നാലിന് ബാഗ്ലൂർ ഭദ്രാസനാധിപൻ ഡോ.എബ്രഹാം മാർ സെറാഫിം കൊടിയേറ്റും. രണ്ടു കൊടിമരങ്ങൾ പുതുപ്പള്ളി പെരുന്നാളിന്റെ പ്രതേകതയാണ്‌.

മെയ്‌ മൂന്നിന് കുർബാനയ്ക്ക് ശേഷമാണു വെചൂട്ടു നേർച്ചസദ്യക്കുള്ള മാങ്ങാ അരിയൽ. മെയ്‌ അഞ്ചു, ആറ്, ഏഴ്‌ തീയതികളാണ് പ്രധാന പെരുന്നാൾ ദിനങ്ങൾ.

വിപുലമായ പാർക്കിംഗ് സൌകര്യങ്ങളും ഭക്തജനങൾക്ക് വിശ്രമിക്കാനുള്ള വലിയ പന്തലും ക്രമികരിച്ചു കഴിഞ്ഞു. പെരുന്നാൾ ദിനമായ മെയ്‌ ഏഴിനാണ് വെച്ചുട്ടു നേർച്ചസദ്യ.

പെരുന്നാൾ പ്രോഗ്രാം

മെയ്‌ 5,6,7 തീയതികളിലാണ് പ്രധാന പെരുന്നാൾ.

മെയ്‌ 5 ന് പുതുപള്ളി തീർഥാടനം. നാടിന്റെ നാനഭാഗത്ത്‌ നിന്നെത്തുന്ന തീർഥാടകർക്ക് വലിയ പള്ളിയിൽ സ്വീകരണം നൽകും. വൈകുന്നേരം പള്ളിയുടെ വിവധ കുരിശടികൾ ചുറ്റി പ്രദക്ഷിണം.
മെയ്‌ 6 ന് പ്രസിദ്ധമായ പൊന്നിൻ കുരിശ് ത്രോണോസിൽ പ്രതിഷ്ഠിക്കും. രണ്ടു മണിക്ക് വിറകീടൽ ചടങ്ങ്. സന്ധ്യാ നമസകരത്തിന് ശേഷം പ്രദിക്ഷണവും – കലാ പ്രകടനവും .
പ്രധാന പെരുന്നാൾ ദിവസമായ മെയ്‌ 7 ന് ഒൻപതിൻമേൽ കുർബാന. തുടർന്ന് വെച്ചൂട്ട് നേർച്ച സദ്യ. രണ്ടിന് പ്രദക്ഷിണം, നേർച്ച.

പുതുപള്ളി പെരുന്നാളിന് ഏപ്രിൽ 28 ന് കൊടിയേറും; ഒരുക്കങ്ങൾ പൂർത്തിയായി

noreply@blogger.com (പുതുപ്പള്ളി പള്ളി) — Wed, 27 Apr 2016 05:21:00 +0000

മലങ്കര സഭയുടെ നൂറ്റാണ്ടുകൾ പഴക്കമുള്ള പ്രമുഖ ദേവാലയം പൗരസ്ത്യ ജോർജ്ജിയൻ തീർഥാടന കേന്ദ്രമായ പുതുപള്ളി സെന്റ്‌.ജോർജ് ഓർത്തഡോക്സ്‌ വലിയപള്ളിയിൽ വി.ഗീവർഗീസ് സഹദായുടെ ഓർമ്മപ്പെരുന്നളിനുള്ള ഒരുക്കങ്ങൾ പൂർത്തിയായി.

പെരുന്നാൾ നടത്തിപ്പിനായി ഇടവക പൊതുയോഗം ചേർന്ന് 1001 അംഗ സ്വാഗത സംഘം നേരത്തെ രൂപീകരിച്ചിരുന്നു. പരിശുദ്ധ ബസേലിയോസ് മാർത്തോമ്മാ പൗലോസ്‌ ദ്വിതിയൻ കാതോലിക്ക ബാവായും സഭയിലെ മറ്റു മെത്രാപ്പോലീത്തമാരും പെരുന്നാൾ ചടങ്ങുകൾക്ക് നേതൃത്വം നൽകും.

പെരുന്നാൾ പ്രോഗ്രാം

ഏപ്രിൽ 28 ന് പെരുന്നാൾ കൊടിയേറ്റ്. മെയ്‌ 5,6,7 തീയതികളിലാണ് പ്രധാന പെരുന്നാൾ. 5 ന് പുതുപള്ളി തീർഥാടനം. നാടിന്റെ നാനഭാഗത്ത്‌ നിന്നെത്തുന്ന തീർഥാടകർക്ക് വലിയ പള്ളിയിൽ സ്വീകരണം നൽകും. വൈകുന്നേരം പള്ളിയുടെ വിവധ കുരിശടികൾ ചുറ്റി പ്രദക്ഷിണം. 6 ന് പ്രസിദ്ധമായ പൊന്നിൻ കുരിശ് ത്രോണോസിൽ പ്രതിഷ്ഠിക്കും. രണ്ടു മണിക്ക് വിറകീടൽ ചടങ്ങ്. സന്ധ്യാ നമസകരത്തിന് ശേഷം പ്രദിക്ഷണവും – കലാ പ്രകടനവും . പ്രധാന പെരുന്നാൾ ദിവസമായ 7 ന് ഒൻപതിൻമേൽ കുർബാന. തുടർന്ന് വെച്ചൂട്ട് നേർച്ച സദ്യ. രണ്ടിന് പ്രദക്ഷിണം, നേർച്ച.

പുതുപ്പള്ളി എംഡിഎൽപി സ്കൂൾ ശതോത്തര രജതജൂബിലിയിലേക്ക്

noreply@blogger.com (പുതുപ്പള്ളി പള്ളി) — Wed, 16 Mar 2016 01:26:00 +0000

(സ്കൂളിന്റെ പഴയ ചിത്രം)

പുതുപ്പള്ളി അങ്ങാടി എം.ഡി.എൽ.പി സ്‌കൂൾ ശതോത്തര രജതജൂബിലിയും വാർഷികാഘോഷവും പൂർവവിദ്യാർഥി സമ്മേളനവും ഇന്നു നടക്കും.

ആഘോഷങ്ങളുടെ ഉദ്ഘാടനം പഞ്ചായത്തു പ്രസിഡന്റ് നിർവഹിക്കും. ഫാ. മാത്യു വർഗീസ് അധ്യക്ഷത വഹിക്കും. ഫാ. പി.കെ. കുര്യാക്കോസ് മുഖ്യപ്രഭാഷണം നടത്തും.

1891ൽ സ്ഥാപിച്ച സ്‌കൂൾ പുതുപ്പള്ളി സെന്റ് ജോർജ് ഓർത്തഡോക്‌സ് വലിയപള്ളിയുടെ കീഴിലുള്ളതാണ്. മുഖ്യമന്ത്രി ഉമ്മൻ ചാണ്ടി, പരേതരായ പാറേട്ട് മാത്യൂസ് മാർ ഇവാനിയോസ്, ചരിത്രകാരൻ സെഡ്. എം. പാറേട്ട് എന്നിവർ പൂർവവിദ്യാർഥികളാണ്.

പുതുപ്പള്ളി പെരുന്നാൾ 2016 ഏപ്രിൽ 28 മുതൽ മേയ് 7 വരെ

noreply@blogger.com (പുതുപ്പള്ളി പള്ളി) — Mon, 14 Mar 2016 09:30:00 +0000

ഭാരതത്തിലെ പ്രഥമ ജോർജീയൻ തീർത്ഥാടന കേന്ദ്രമായ പുതുപ്പള്ളി പള്ളിയിൽ വി. ഗീവറുഗീസ് സഹദായുടെ ഓർമപ്പെരുന്നാൾ ഏപ്രിൽ 28 മുതൽ മേയ് 7 വരെ ഭക്തിപൂർവ്വം ആചരിക്കുന്നതാണ്.

പെരുന്നാൾ നടത്തിപ്പിന് ആവശ്യമായ പന്തലുകൾ, ആർച്ചുകൾ, വെടിക്കെട്ട് (ലൈസൻസികൾ മാത്രം) മൈക്ക്, ലൈറ്റ് ഇല്യൂമിനേഷൻ, സി.സി. ടി.വി. വാദ്യമേളങ്ങൾ, പേപ്പർ ബാഗ്, കോഴികളെ സപ്ലെ ചെയ്യുക, പാചകം, പായ്ക്കിംഗ് ചെയ്യുക തുടങ്ങിയ കാര്യങ്ങൾക്ക് ടെൻഡറുകൾ ക്ഷണിക്കുന്നു. ടെൻഡർ ഫോംസ് പള്ളി ഓഫീസിൽനിന്നും 18-03-2016 വരെ ലഭ്യമാണ്. പൂരിപ്പിച്ച ടെൻഡർ ഫോംസ് 20-03-2016, 5 മണിക്കു മുമ്പ് പള്ളി ഓഫീസിൽ ലഭിക്കേണ്ടതാണ്. പെരുന്നാളിന് താൽക്കാലികമായി കടകൾ കെട്ടാൻ ആവശ്യമായ സ്ഥലത്തിന്റെ ലേലം10-04-2O16, 2 പി.എംന് നടത്തുന്നതാണ്.

കാഞ്ഞിരത്തിൻമൂട് കൺവൻഷൻ

noreply@blogger.com (പുതുപ്പള്ളി പള്ളി) — Thu, 11 Feb 2016 02:15:00 +0000

പുതുപ്പള്ളി സെന്റ് ജോർജ്സ് ഓർത്തഡോക്സ് വലിയപള്ളിയുടെ കാഞ്ഞിരത്തിൻമൂട് വെള്ളുക്കുട്ട ഭാഗം പ്രാർഥനായോഗത്തിന്റെ ആഭിമുഖ്യത്തിൽ 12 മുതൽ 14 വരെ കൺവൻഷൻ നടത്തും. എം‍ഡി എൽപി സ്കൂൾ മൈതാനിയിൽ നടത്തുന്ന കൺവൻഷനിൽ ദിവസവും ആറിനു സന്ധ്യാനമസ്കാരം, ഗാനശുശ്രൂഷ, വചനപ്രഘോഷണം എന്നിവ ഉണ്ടായിരിക്കും.

ഫാ. ജോൺ തോമസ് കരിങ്ങാട്ടിൽ, ഫാ. ഡോ. കുര്യൻ ദാനിയൽ നിരണം, ഫാ. പി. കെ. ഗീവർഗീസ് മാവേലിക്കര എന്നിവർ വിവിധ ദിവസങ്ങളിൽ വചനപ്രഘോഷണം നടത്തും. കാഞ്ഞിരത്തിൻമൂട് സെന്റ് ജോർജ്സ് സൺഡേ സ്കൂൾ വാർഷികവും സമ്മാനദാനവും ‍ഞായർ 1.30ന് നടക്കും. വികാരി ഫാ. മാത്യു വർഗീസ് വലിയപീടികയിൽ, ഫാ. മർക്കോസ് ജോൺ പാറയിൽ, ഫാ. ഇട്ടി തോമസ് കാട്ടാമ്പാക്കൽ എന്നിവർ നേതൃത്വം നൽകും.

പരിശുദ്ധ വലിയ നോമ്പിനു തുടക്കമായീ

noreply@blogger.com (പുതുപ്പള്ളി പള്ളി) — Mon, 08 Feb 2016 09:48:00 +0000

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് വലിയപള്ളിയിൽ വിശുദ്ധ വലിയ നോമ്പിനു തുടക്കമായീ. ഇന്നു രാവിലെ 10.30 ന് ശുബ്ക്കോനോ ശുശ്രൂഷയോടെയാണ് തുടക്കമായത്. ഫെബ്രുവരി 8 മുതൽ മാർച്ച്‌ 27 വരെ ആണ് ഇക്കുറി പരിശുദ്ധ വലിയ നോമ്പ്. പരിശുദ്ധ വലിയ നോമ്പിലെ എല്ലാ തിങ്കൾ മുതൽ വെള്ളി വരെയുള്ള ദിവസങ്ങളിൽ പുതുപ്പള്ളിപ്പള്ളിയിൽ 5.30ന് പ്രഭാത നമസ്കാരം, 12 മണിക്ക് ഉച്ചനമസ്കാരം, 5.30ന് സന്ധ്യാനമസ്കാരം എന്നിവ ഉണ്ടായിരിക്കുന്നതാണ്.

പുതുപ്പള്ളി പള്ളി കൊച്ചുപെരുന്നാൾ (ഏത്തയ്കാ പെരുന്നാൾ) ഡിസംബര്‍ 9 മുതല്‍ 23 വരെ

noreply@blogger.com (പുതുപ്പള്ളി പള്ളി) — Tue, 08 Dec 2015 17:57:00 +0000

പെരുന്നാൾ ആരംഭവും കുരിശിൻതൊട്ടി കൂദാശയും

പൗരസ്ത്യ ജോർജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് വലിയപള്ളിയിൽ ബഹനാൻ സഹദായുടെ പെരുന്നാൾ ആരംഭവും ആ നാമത്തിൽ കൊച്ചാക്കാലപ്പടിയിൽ സ്ഥാപിച്ചിരിക്കുന്ന കുരിശിൻതൊട്ടിയുടെ കൂദാശയും ഒൻപതിനു വൈകിട്ട് ആറിനു നടക്കും.

യൂഹാനോൻ മാർ പോളിക്കാർപ്പസിന്റെ മുഖ്യകാർമികത്വത്തിൽ ഫാ. മാത്യു വർഗീസ്, ഫാ. മർക്കോസ് ജോൺ, ഫാ. ഇട്ടി തോമസ് എന്നിവരുടെ സഹകരണത്തിൽ കൂദാശ നിർവഹിക്കും. ആശീർവാദം, നേർച്ചവിളമ്പ് എന്നിവയോടെ സമാപിക്കും. പരിപാടികൾക്ക് ട്രസ്റ്റിമാരായ ജേക്കബ് ഫിലിപ്പ്, മാത്യു കൊക്കൂറ, സെക്രട്ടറി ജേക്കബ് തോമസ് എന്നിവർ നേതൃത്വം നൽകും.

പുതുപ്പള്ളി പള്ളിയിൽ ഓർത്തഡോക്സ് ചർച്ച് ഓഫ് അമേരിക്കൻ മേലധ്യക്ഷനു സ്വീകരണം

noreply@blogger.com (പുതുപ്പള്ളി പള്ളി) — Wed, 25 Nov 2015 06:05:00 +0000

ഓർത്തഡോക്സ് ചർച്ച് ഓഫ് അമേരിക്കയുടെ പ്രധാന മേലധ്യക്ഷൻ ശ്രേഷ്ഠ ടിക്കോൺ മെത്രാപ്പൊലീത്തായും സംഘവും പുതുപ്പള്ളി സെന്റ് ജോർജ് ഓർത്തഡോക്സ് പള്ളി സന്ദർശിച്ചു. ഓർത്തഡോക്സ് സഭ അമേരിക്കൻ ഭദ്രാസനാധിപൻ സഖറിയാസ് മാർ നിക്കോളവാസ്ക്, വികാരി ഫാ. മാത്യു വർഗീസ് വലിയപീടികയിൽ, സഹവികാരിമാരായ ഫാ. ഇട്ടി തോമസ് കാട്ടാമ്പാക്കൽ, ഫാ. മർക്കോസ് ജോൺ പാറയിൽ എന്നിവർ ചേർന്നു വരവേൽപ്പു നൽകി.

ഓർത്തഡോക്സ് പൈതൃകവും പാരമ്പര്യവും തനിമയോടെ കാത്തുസൂക്ഷിക്കുന്ന പുതുപ്പള്ളി പള്ളി സന്ദർശിക്കുവാൻ കഴിഞ്ഞത് സന്തോഷകരമായ അനുഭവമാണെന്നു മെത്രാപ്പൊലീത്താ പറഞ്ഞു.

പുതുപ്പള്ളി പള്ളിയില്‍ എട്ടു നോമ്പ്ചരണം

noreply@blogger.com (പുതുപ്പള്ളി പള്ളി) — Tue, 01 Sep 2015 09:44:00 +0000

ദക്ഷിണേന്ത്യയിലെ പ്രഥമ ജോര്‍ജ്ജിയന്‍ തീര്‍ത്ഥാടന കേന്ദ്രമായ പുതുപ്പള്ളി പള്ളിയില്‍ വി. ദൈവമാതാവിന്റെ ജനനപെരുന്നാൽ (എട്ടു നോമ്പ്ചരണം) സെപ്റ്റംബർ 1 മുതൽ 8 വരെ ഭക്തിപൂർവ്വം ആചരിക്കുന്നു. എല്ലാ ദിവസവും വി. കുർബാനയും, ധ്യാനവും, മധ്യസ്ഥ പ്രാർത്ഥനയും തുടർന്ന് കഞ്ഞി നേർച്ചയും ഉണ്ടായിരിക്കുന്നതാണ്.

പാറാട്ട് മാത്യൂസ്‌ മാർ ഇവാനിയോസ് തിരുമേനിയുടെ ദുഖറോനോ പെരുന്നാൾ

noreply@blogger.com (പുതുപ്പള്ളി പള്ളി) — Sun, 30 Aug 2015 21:02:00 +0000

പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് പള്ളി ഇടവകാഗവും, മുൻ വികാരിയും, മലങ്കര ഓർത്തഡോൿസ്‌ സുറിയാനി സഭയുടെ കോട്ടയം ഭദ്രാസന മുൻ അധിപനും, പരിശുദ്ധ പാമ്പാടി തിരുമേനിയുടെ പിൻഗാമിയും ആയിരുന്ന ഭാഗ്യസ്മരണർഹാനായ അഭിവന്യ പാറാട്ട് മാത്യൂസ്‌ മാർ ഇവാനിയോസ് തിരുമേനിയുടെ 35 അം ദുഖറോനോ പെരുന്നാൾ ഓഗേസ്റ്റ് 31നു മലങ്കര സഭ ഭക്തി ആദരവോടെ കൊണ്ടാടുന്നു.

പ്രധാന പെരുന്നാൾ അഭിവന്യ പിതാവ് അന്ത്യവിശ്രമം കൊള്ളുന്ന പാമ്പാടി മാർ കുരിയാക്കോസ് ദയറായിൽ അഭിവന്യ പിതാക്കന്മാരുടെ പ്രധാന കാർമികത്വത്തിൽ നടത്തപെടുന്നു.

ഒറ്റത്തേങ്ങയിലെ നാലു തൈകൾ പുതുപ്പള്ളി പള്ളി മുറ്റത്ത്

noreply@blogger.com (പുതുപ്പള്ളി പള്ളി) — Mon, 24 Aug 2015 12:38:00 +0000

ആദ്യതിരഞ്ഞെടുപ്പിൽ ഒറ്റത്തെങ്ങിന്റെ പിൻബലത്തിൽ ജനവിധിതേടിയ മുഖ്യമന്ത്രിയുടെ കയ്യിൽ ഇന്നലെ നാലു തെങ്ങിൻ തൈകളുണ്ടായിരുന്നു.

ഒറ്റത്തേങ്ങയിൽ കിളിർത്ത നാലു തെങ്ങിൻതൈ പുതുപ്പള്ളി പള്ളിമുറ്റത്ത് ഉമ്മൻചാണ്ടി നട്ടപ്പോൾ നാട്ടുകാരുടെ ഓർമയിലേക്ക് ഒരുപാടു സംഭവങ്ങൾ തെളിഞ്ഞുവന്നു. നാലു പതിറ്റാണ്ടു മുൻപ് പുതുപ്പള്ളി നിയമസഭാ മണ്ഡലത്തിൽ ആദ്യമായി മത്സരിക്കുമ്പോൾ തെങ്ങായിരുന്നു ഉമ്മൻചാണ്ടിയുടെ ചിഹ്നം. അൻപതുവർഷം മുൻപ് പുതുപ്പള്ളി പള്ളിയുടെ മുന്നിൽ ഒറ്റത്തേങ്ങയിൽ വിരിഞ്ഞ മൂന്നു തെങ്ങുകളുണ്ടായിരുന്നു. അതിന്റെ ഓർമയ്ക്കു കൂടിയാണ് നാലുതെങ്ങുകൾ നട്ടത്.

കടുത്തുരുത്തിയിലെ ഒരു സ്വകാര്യ നഴ്സറിയിൽ നിന്നാണ് ഇടവകാംഗമായ മൗനം തോമസ് ഈ അപൂർവ തൈ സംഘടിപ്പിച്ചത്. കൊണ്ടുവരുമ്പോൾ മൂന്നുതൈ മാത്രമാണ് ഉണ്ടായിരുന്നത്. പിന്നീടാണ് നാലാമതൊരു തൈകൂടി കിളിർത്തത്. രാവിലത്തെ കുർബാനയ്ക്കു ശേഷമായിരുന്നു തൈനടീൽ. ഫാ. മാർക്കോസ് ജോൺ പാറയിൽ, ഫാ. ജോൺ ഇട്ടി തോമസ്, മാത്യു കൊക്കൂറ, ജേക്കബ് ഫിലിപ്പ് തുടങ്ങിയവർ പങ്കെടുത്തു.

© 2009 Puthuppally Pally Varthakal™

പരിശുദ്ധ ദൈവമാതാവിന്റെ വാങ്ങിപ്പു പെരുന്നാൾ ആരംഭിച്ചു

noreply@blogger.com (പുതുപ്പള്ളി പള്ളി) — Fri, 14 Aug 2015 22:01:00 +0000

പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ പരിശുദ്ധ ദൈവമാതാവിന്റെ വാങ്ങിപ്പു പെരുന്നാൾ ആരംഭിച്ചു. ഏഴിന് പ്രഭാതപ്രാർഥന, മൂന്നിനേമൽ കുർബാന, പ്രദക്ഷിണം. വികാരി ഫാ. മാത്യുവർഗീസ്, ഫാ. മർക്കോസ് ജോൺ, ഫാ. ഇട്ടി തോമസ്, ടസ്റ്റിമാരായ ജേക്കബ് ഫിലിപ്ത്, മാത്യു കൊക്കുറ, സെകട്ടറി ജേക്കബ് തോമസ് പുതുപ്പനത്ത് എന്നിവർ നേതൃത്വം നൽകി.

ശുനോയോ പെരുന്നാൾ - ഇന്നത്തെ പരിപാടി - 15/Aug
പ്രഭാത പാർത്ഥന, മുന്നിൽമേൽ കുർബാന 7.00 am

പുതുപ്പള്ളി പള്ളിയില്‍ ദുക്‌റോനോ പെരുന്നാള്‍ നാളെ

noreply@blogger.com (പുതുപ്പള്ളി പള്ളി) — Wed, 01 Jul 2015 23:53:00 +0000

പൗരസ്ത്യ ജോര്‍ജിയന്‍ തീര്‍ഥാടന കേന്ദ്രമായ പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് പള്ളിയില്‍ വിശുദ്ധ മാര്‍ത്തോമ്മാ ശ്ലീഹായുടെ ദുക്‌റോനോ പെരുന്നാള്‍ നാളെ ആചരിക്കും. രാവിലെ ഒന്‍പതിന് നമസ്‌കാരം, 10ന് ധ്യാനം, വിശുദ്ധ മാര്‍ത്തോമ്മാ ശ്ലീഹാ അനുസ്മരണം. തുടര്‍ന്ന് വൈദിക സെമിനാരി പ്രിന്‍സിപ്പല്‍ ഫാ. ഡോ. ജേക്കബ് കുര്യന്റെ മുഖ്യ കാര്‍മികത്വത്തില്‍ വിശുദ്ധ മൂന്നിന്മേല്‍ കുര്‍ബാന. പ്രദക്ഷിണം, സ്‌നേഹവിരുന്ന്.

നിലയ്ക്കല്‍ പള്ളി വലിയ പെരുന്നാള്‍ നാളെ

noreply@blogger.com (പുതുപ്പള്ളി പള്ളി) — Sun, 28 Jun 2015 23:01:00 +0000

(പരിശുദ്ധ പന്ത്രണ്ട് ശ്ലീഹന്മാരുടെ നാമത്തിലുള്ള മലങ്കര ഓർത്തഡോക്സ് സഭയിലെ ദേവാലയങ്ങളിലെ പ്രധാനപെട്ട ദേവാലയമായ നിലയ്ക്കൽ ഓർത്തഡോക്സ് പള്ളിയിലെ പ്രധാന പെരുന്നാളിന് ബഹുമാനപ്പെട്ട ആചാര്യശ്രേഷ്ഠന്മാരുടെ കാർമികത്വത്തിൽ പെരുന്നാൾ കൊടിയേറ്റു കർമ്മം നടത്തപ്പെടുന്നു.)

പുതുപ്പള്ളി* നിലയ്ക്കല്‍ ഓര്‍ത്തഡോക്‌സ് പള്ളിയില്‍ പരിശുദ്ധ പന്ത്രണ്ട് ശ്ലീഹന്മാരുടെ പെരുന്നാള്‍ ഇന്നും നാളെയും ആചരിക്കും. ഇന്ന് 7.30നു കുര്‍ബാന. രാത്രി ഏഴിന് പെരുന്നാള്‍ സന്ദേശം ഫാ. ഫിലിപ്പ് കെ. പോള്‍ കൊച്ചുകുറ്റിക്കല്‍. 7.15നു പ്രദക്ഷിണം പുതുപ്പള്ളി കവല ചുറ്റി ദേവാലയത്തില്‍ എത്തിച്ചേരും. തുടര്‍ന്ന് ആശീര്‍വാദം. ആകാശദീപക്കാഴ്ച. നാളെ എട്ടിന് മൂന്നിന്മേല്‍ കുര്‍ബാനയ്ക്ക് ഡോ. ഏബ്രഹാം മാര്‍ എപ്പിഫാനിയോസ് മുഖ്യ കാര്‍മികത്വം വഹിക്കും. 9.30നു പ്രദക്ഷിണം. തുടര്‍ന്ന് ശ്ലൈഹിക വാഴ്‌വ്, നേര്‍ച്ച വിളമ്പ് എന്നിവയോടുകൂടി പെരുന്നാള്‍ ചടങ്ങുകള്‍ സമാപിക്കുമെന്ന് വികാരി ഫാ. സി. ജോണ്‍ ചിറത്തലാട്ട്, സഹ പട്ടക്കാരന്‍ ഫാ. ആന്‍ഡ്രൂസ് ജോസഫ് ഐക്കരമറ്റത്തില്‍, ട്രസ്റ്റി ജോബി മാത്യു പുന്നൂച്ചേരില്‍ എന്നിവര്‍ അറിയിച്ചു.

പരിസ്ഥിതി ദിനാചരണം: ഒലിവ് മരം നട്ടു

noreply@blogger.com (പുതുപ്പള്ളി പള്ളി) — Sun, 07 Jun 2015 13:00:00 +0000

പരിസ്ഥിതി ദിനാചരണത്തിന്റെ ഭാഗമായി പുതുപ്പള്ളി സെന്റ് ജോര്‍ജ് പള്ളി വികാരി ഫാ. മാത്യു വര്‍ഗീസ്, അസിസ്റ്റന്റ്‌ വികാരിമാരായ ഫാ. മാർക്കോസ് ജോണ്‍, ഫാ. ഇട്ടി തോമസ്‌, ട്രസ്റ്റിമാരായ ജേക്കബ്‌ ഫിലിപ്പ്, മാത്യു കൊക്കുറ എന്നിവരുടെ സാനിധത്തിൽ മുഖ്യമന്ത്രി ഉമ്മന്‍ ചാണ്ടി പുതുപ്പള്ളി പള്ളി മൈതാനത്ത് സമാധാനത്തിന്റെ പ്രതീകമായ ഒലിവ് വൃക്ഷത്തൈ നട്ടു. ഇന്ത്യയില്‍ പലസ്ഥലത്തും വ്യാപക അടിസ്ഥാനത്തില്‍ വിവിധതരം ഒലിവ് വൃക്ഷങ്ങള്‍ നടുന്നുണ്ട്. നമ്മുടെ കാലാവസ്ഥയില്‍ ഇവ വളരുമെന്ന് അല്‍ ഒലിവ് ഇന്ത്യ സിഇഒ അലക്‌സ് ചാക്കോ കരിവേലിത്തറ അറിയിച്ചു.

ഔഗേന്‍ മാര്‍ ദീവന്നാസിയോസ് തിരുമേനിയുടെ 8-ാം ഓര്‍മ്മപ്പെരുന്നാള്‍ മെയ് 31 മുതല്‍

noreply@blogger.com (പുതുപ്പള്ളി പള്ളി) — Sat, 30 May 2015 10:13:00 +0000

വാകത്താനം: മലങ്കര ഓര്‍ത്തഡോക്സ് സുറിയാനി സഭയുടെ പ്രഖ്യാപിത തീര്‍ത്ഥാടന കേന്ദ്രമായ വാകത്താനം വള്ളിക്കാട്ട് ദയറായില്‍ കബറടങ്ങിയിരിക്കുന്ന ഇടുക്കി ഭദ്രാസന മെത്രാപ്പോലീത്ത ആയിരുന്ന അഭിവന്ദ്യ ഔഗേന്‍ മാര്‍ ദീവന്നാസിയോസ് തിരുമേനിയുടെ 8-ാം ഓര്‍മ്മപ്പെരുന്നാള്‍ മെയ് 31 മുതല്‍ ജൂണ്‍ 6 വരെ ആചരിക്കുന്നു.

മെയ് 31ന് രാവിലെ 8ന് വിശുദ്ധ കുര്‍ബ്ബാനയെ തുടര്‍ന്ന് അഭിവന്ദ്യ ഡോ.മാത്യൂസ് മാര്‍ സേവേറിയോസ് മെത്രാപ്പോലീത്താ പെരുന്നാള്‍ കൊടിയേറ്റ് നിര്‍വഹിക്കും. 11ന് കേരള മുഖ്യമന്ത്രി ഉമ്മന്‍ ചാണ്ടി പഠനോപകരണ വിതരണോദ്ഘാടനം നിര്‍വഹിക്കും. 11.15ന് വിദ്യാരംഭ ഒരുക്ക ധ്യാനം.

ജൂണ്‍ 1 മുതല്‍ 4 വരെ രാവിലെ 6.15ന് പ്രഭാത നമസ്കാരം, 6.45ന് വിശുദ്ധ കുര്‍ബ്ബാന, വൈകിട്ട് 6ന് സന്ധ്യാപ്രാര്‍ത്ഥന എന്നിവ ഉണ്ടായിരിക്കും. 5ന് രാവിലെ 6.15ന് പ്രഭാത നമസ്കാരം, 6.45ന് വിശുദ്ധ കുര്‍ബ്ബാന, വൈകിട്ട് 6ന് തീര്‍ത്ഥാടകര്‍ക്ക് സ്വീകരണം, 6.30ന് പരിശുദ്ധ കാതോലിക്കാ ബാവായുടെ കാര്‍മികത്വത്തില്‍ സന്ധ്യാനമസ്കാരം, അനുസ്മരണ പ്രസംഗം, ഭക്തിനിര്‍ഭരമായ റാസ എന്നിവ നടക്കും. മെയ് 6ന് രാവിലെ 7.30ന് പ്രഭാത നമസ്കാരം, 8.30ന് പരിശുദ്ധ ബസേലിയോസ് മാര്‍ത്തോമ്മാ പൌലോസ് ദ്വിതീയന്‍ കാതോലിക്കാ ബാവായുടെ മുഖ്യകാര്‍മികത്വത്തില്‍ വിശുദ്ധ മൂന്നിന്മേല്‍ കുര്‍ബ്ബാന, അനുസ്മരണ പ്രസംഗം, അവാര്‍ഡ് ദാനം, കബറിങ്കല്‍ ധൂപപ്രാര്‍ത്ഥന, ആശീര്‍വാദം, നേര്‍ച്ച വിളമ്പ്, പ്രഭാത ഭക്ഷണം, കൊടിയിറക്ക് എന്നിവ നടക്കുമെന്ന് ദയറാ മാനേജര്‍ വന്ദ്യ സി.എം. ഫിലിപ്പോസ് റമ്പാന്‍ കോര്‍-എപ്പിസ്കോപ്പാ, അസിസ്റന്റ് മാനേജര്‍ ഫാ. ജോയിക്കുട്ടി വര്‍ഗീസ് എന്നിവര്‍ പറഞ്ഞു.

പുതുപ്പളളിപളളിയുടെ സമീപത്തു കൂടി കടന്നു പോകുന്ന ബൈപ്പാസ് റോഡ്‌ ഉദ്ഘാടനം ചെയ്തു.

noreply@blogger.com (പുതുപ്പള്ളി പള്ളി) — Wed, 27 May 2015 17:51:00 +0000

ചരിത്രപ്രസിദ്ധമായ പുതുപ്പളളി പളളിയുടെ മുന്നില്‍ കൂടി കടന്നു പോകുന്ന വാകത്താനം - ഞാലിയാകുഴി - കൊട്ടാരത്തിൽ കടവ് - അങ്ങാടി - പാലൂര്‍ പടി - കോട്ടയം ബൈപ്പാസ് റോഡിന്റെ ഉദ്ഘാടനം മെയ് 24 ഞായറാഴ്ച വൈകുന്നേരം 7 മണിക്ക് ബഹുമാനപ്പെട്ട കേരള മുഖ്യമന്ത്രി ഉമ്മന്‍ ചാണ്ടി നിർവഹിച്ചു.

തദവസരത്തിൽ പൊതു മരാമത്ത് വകുപ്പ് മന്ത്രി ഇബ്രാഹിം കുഞ്ഞു, ഗതാഗത വകുപ്പ് മന്ത്രി തിരുവഞ്ചുർ രാധാകൃഷ്ണൻ, ജോസ് കെ മാണി എംപി, പുതുപ്പളളി പള്ളി വികാരിമാർ, പുതുപ്പളളി ഗ്രാമപന്ചായത്ത് പ്രസിഡന്റ്‌ ശശികലാ ദേവി, മെമ്പർമാരായ ഏബ്രഹാം ചാക്കോ, വത്സമ്മ മാണി തുടങ്ങി വിവിധ രാഷ്ട്രീയ പാര്‍ട്ടി നേതാക്കള്‍ പ്രസംഗിച്ചു.

സമ്മേളനത്തിനു ശേഷം പാലാ ബ്ലൂ മൂൺ അവതരിപ്പിച്ച ഗാനമേള നടന്നു.

ഓര്‍ത്തഡോക്‌സ് ക്രൈസ്തവ യുവജനപ്രസ്ഥാനം അന്തര്‍ദേശീയ സമ്മേളനം പാമ്പാടി ദയറയില്‍

noreply@blogger.com (പുതുപ്പള്ളി പള്ളി) — Wed, 13 May 2015 19:00:00 +0000

ഓര്‍ത്തഡോക്‌സ് ക്രൈസ്തവ യുവജനപ്രസ്ഥാനത്തിന്റെ 79-ാമത് അന്തര്‍ദേശീയ സമ്മേളനം 14 മുതല്‍ 16 വരെ പാമ്പാടി മാര്‍ കുര്യാക്കോസ് ദയറയില്‍ നടക്കും.

14ന് 4ന് നടക്കുന്ന സമ്മേളനം ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവ ഉദ്ഘാടനം ചെയ്യും. യൂഹാനോന്‍ മാര്‍ പോളിക്കാര്‍പ്പോസ് മെത്രാപ്പോലീത്ത അധ്യക്ഷത വഹിക്കും. ചീഫ് സെക്രട്ടറി ജിജി തോംസണ്‍ മുഖ്യസന്ദേശം നല്‍കും. 15ന് 2ന് 'മതനിരപേക്ഷതയുടെ ഭാരതം' എന്ന വിഷയത്തില്‍ സിംപോസിയം.

16ന് 11ന് നടക്കുന്ന സമാപന സമ്മേളനം എം.ജി. യൂണിവേഴ്‌സിറ്റി വൈസ് ചാന്‍സലര്‍ ഡോ. ബാബു സെബാസ്റ്റ്യന്‍ ഉദ്ഘാടനം ചെയ്യും. യൂഹാനോന്‍ േമാര്‍ പോളിക്കാര്‍പ്പോസ് മെത്രാപ്പോലീത്ത അധ്യക്ഷത വഹിക്കും.

ഭക്തസംഗമമായി പുതുപ്പള്ളി വലിയപെരുന്നാള്‍

noreply@blogger.com (പുതുപ്പള്ളി പള്ളി) — Fri, 08 May 2015 08:36:00 +0000

നാടൊരുമിച്ച ഭക്തസംഗമമായി പുതുപ്പള്ളി വലിയ പെരുന്നാള്‍. ആഘോഷത്തിന്റെ പരകോടിയിലായിരുന്നു വ്യാഴാഴ്ച പുതുപ്പള്ളി. ഇടവഴികളില്‍ വരെ നിറഞ്ഞ ജനസഞ്ചയത്തിന്റെ യാത്ര പള്ളിയെ ലക്ഷ്യം വെച്ചായിരുന്നു. ചെറുവാഹനങ്ങള്‍ പാതയോരങ്ങളും സമീപ പ്രദേശങ്ങളിലെ വീട്ടുമുറ്റങ്ങളും നേരത്തെ തന്നെ ൈകയടക്കി. ബസ്സുകളില്‍ രാവിലെ മുതല്‍ അനുഭവപ്പെട്ട വന്‍തിരക്കും പള്ളി മുറ്റത്തണഞ്ഞു.

പതിവിലും ഏറിയ ഭക്തജന സാന്നിധ്യം കൊണ്ട് ശ്രദ്ധേയമായിരുന്നു ഇത്തവണത്തെ പെരുന്നാള്‍ ദിനങ്ങള്‍. കാലാവസ്ഥ അനുകൂലമായി നിന്ന പകലില്‍ ഭക്തസഹസ്രങ്ങള്‍ വെച്ചൂട്ടിന്റെ ഭാഗമായി. ഇടവകയുടെ ഏറെക്കാലത്തെ ആഗ്രഹം പൂര്‍ത്തീകരിച്ചുകൊണ്ട്, ബൈപാസ് റോഡിന്റെ പുതുപ്പള്ളിക്കും അങ്ങാടിക്കുമിടയിലെ വീതികൂട്ടി നവീകരിച്ച റോഡിലൂടെയുള്ള പ്രദക്ഷിണത്തിനും ഈ പെരുന്നാള്‍ സാക്ഷിയായി. റോഡുവീതി വര്‍ധിപ്പിച്ചതോടെ വലിയപെരുന്നാള്‍ ദിനത്തിലെ പതിവ് കാഴ്ചയായ ഏറെ നേരത്തെ ഗതാഗതക്കുരുക്കിനും പരിഹാരമായി.

കൊച്ചി ഭദ്രാസനാധിപന്‍ ഡോ.യാക്കോബ് മാര്‍ ഐറേനിയോസ് മെത്രാപ്പോലീത്തയുടെ മുഖ്യകാര്‍മികത്വത്തിലായിരുന്നു വലിയപെരുന്നാള്‍ ദിവസത്തെ ഒമ്പതിന്മേല്‍ കുര്‍ബാന. രാവിലെ 11ന് നടന്ന ശ്ലൈഹികവാഴ്വിനെ തുടര്‍ന്ന് പ്രസിദ്ധമായ വെച്ചൂട്ട് ആരംഭിച്ചു. പള്ളിക്ക് പടിഞ്ഞാറു ഭാഗത്ത് തയാറാക്കിയ പന്തലിലായിരുന്നു വെച്ചൂട്ട്. വാഴയിലയില്‍ നിലത്തിരുന്ന് നേര്‍ച്ചചോറ് വിതരണം ചെയ്യുന്ന പതിവ് ഭക്തജനത്തിരക്ക് പരിഗണിച്ച് പാളയില്‍ നിര്‍മിച്ച പാത്രത്തില്‍ വരിനിന്ന് വാങ്ങാവുന്ന രീതിയിലാക്കി. ഇതുമൂലം വന്‍തിരക്ക് കുറയ്ക്കാനായി. ചോറും മോരും മാങ്ങാക്കറിയും തേങ്ങാച്ചമ്മന്തിയും അടങ്ങിയവയാണ് നേര്‍ച്ചസദ്യയ്ക്കുണ്ടായിരുന്നത്. ഇതേ സമയം പള്ളിയുടെ വടക്കു ഭാഗത്തെ പന്തലില്‍ വൈദികരുടെ നേതൃത്തില്‍ കുഞ്ഞുങ്ങള്‍ക്കുള്ള ആദ്യ ചോറൂട്ടും നടന്നു. തുടര്‍ന്നായിരുന്നു 2.30ഓടെ അങ്ങാടി ചുറ്റിയുള്ള പ്രദക്ഷിണം.

പ്രദക്ഷിണം പള്ളിയിലെത്തിയ ശേഷം പള്ളിയിലെ പ്രത്യേകതയായ അപ്പവും കോഴിയിറച്ചിയും നേര്‍ച്ച വിളന്പും ഉണ്ടായിരുന്നു. മോരുംവെള്ളം, ചുക്കുകാപ്പി എന്നിവയുമായി ലീഡര്‍ കെ.കരുണാകരന്‍ സ്മാരക ചാരിറ്റബിള്‍ സൊസൈറ്റി പ്രവര്‍ത്തകരും മോരുംവെള്ളം വിതരണം ചെയ്ത് വൈ.എം.സി.എ, എസ്.ബി.ടി. പുതുപ്പള്ളി ശാഖയിലെ ഗ്രേസ് സോഷ്യല്‍ സര്‍ക്കിള്‍, മദ്യവിമുക്ത പ്രവര്‍ത്തകര്‍, ഓര്‍ത്തഡോക്‌സ് യുവജന പ്രസ്ഥാനം പ്രവര്‍ത്തകരും സേവന നിരതരായി.

അനുഗ്രഹം തേടി വെച്ചുട്ടിന് ആയിരങ്ങൾ

noreply@blogger.com (പുതുപ്പള്ളി പള്ളി) — Fri, 08 May 2015 07:50:00 +0000

പുതുപ്പള്ളി പുണ്യാളന്റെ അനുഗ്രഹം തേടി ആയിരങ്ങൾ ഇന്നലെ പുതുപ്പള്ളിയിൽ വെച്ചുട്ടിനെത്തി. പുതുപ്പള്ളി പള്ളിയിലെ വലിയ പെരുന്നാളിനോടനുബന്ധിച്ചാണ് പ്രസിദ്ധമായ വെച്ചുട്ട് നടന്നത്.

നാടിന്റെ നാനാഭാഗത്ത്‌ നിന്നു ജാതിമതഭേദമന്യേയുള്ളവർക്കു പുറമെ അന്യസംസ്ഥാനങ്ങളിൽ നിന്നും തീർഥാടകരെത്തി. മുൻ വർഷങ്ങളേക്കാൾ തിരക്കായിരുന്നു ഇത്തവണ്. തിരക്കു നിയന്ത്രിക്കാൻ പൊലീസും വൊളന്റിയർമാരും മികച്ച പ്രവർത്തനം നടത്തി. പ്രത്യേക കൗണ്ടറുകൾ സ്ഥാപിച്ചായിരുന്നു വെച്ചുട്ട് വിളമ്പിയത് പതിവു തെറ്റിക്കാതെ ഇടവക പള്ളിയിലെ വെച്ചുട്ടിൽ പങ്കെടുക്കാൻ മുഖ്യമന്ത്രി ഉമ്മൻ ചാണ്ടിയെത്തി.

ഇന്നലെ രാവിലെ മുതൽ എല്ലാ വീഥികളും പുതുപ്പള്ളി പള്ളിയിലേക്കായിരുന്നു. വെച്ചുട്ടിനൊപ്പം രാവിലെ മുതൽ കുരുന്നുകൾക്ക് ആദ്യ ചോറുണ് നടത്താനും ഒട്ടേറെ പേർ ദേവാലയത്തിലെത്തിയിരുന്നു.

ഒൻപതിന്മേൽ കുർബാനയുടേയും ഗ്ലൈഹിക വാഴ്വിന്റെയും പുണ്ണ്യമുഹൂര്തത്തിനു ശേഷമാണ് വെച്ചുട്ട് ആരംഭിച്ചത്. വെച്ചുട്ട തീർഥാടകർ പ്രസാദമായാണ് സ്വീകരിക്കുന്നത്. വെച്ചുട്ട് സമയത്ത് പുതുപ്പള്ളിക്കു സമീപ ഭാഗങ്ങളിലെല്ലാം തിമിർത്തു മഴ പെയ്തപ്പോൾ പള്ളിയുടെ പരിസരത്ത് മഴയില്ലായിരുന്നു.

വലിയ പെരുന്നാൾ ഇന്നലെ ആഘോഷിചെങ്കിലും പെരുന്നാൾ ചടങ്ങുകൾ 17 വരെ നീളും. ഇന്നും നാളെയും 7.30നു കുർബാനയും 10നു ഒന്പത് മണിക്ക് മൂന്നിൽമേൽ കുർബാനയും നടക്കും. 17നു യുഹാനോൻ മാർ സേവേറിയോസിന്റെ ഓർമപെരുന്നാൾ ആചരണത്തെ തുടർന്ന് 12 മണിക്ക് കൊടിയിറങ്ങും.

പുതുപ്പള്ളി പെരുന്നാള്‍: വെച്ചൂട്ട് ഇന്ന്

noreply@blogger.com (പുതുപ്പള്ളി പള്ളി) — Thu, 07 May 2015 00:17:00 +0000

പുതുപ്പളളി സെന്റ് ജോര്‍ജ് ഓത്തഡോക്‌സ് വലിയപള്ളിയിലെ പെരുന്നാളിനോടനുബന്ധിച്ചുള്ള വെച്ചൂട്ട്

പുതുപ്പള്ളി പള്ളിയിലെ പ്രധാന പെരുന്നാളിനോടനുബന്ധിച്ചുള്ള വെച്ചൂട്ട് ഇന്ന്. 11.10ന് ആരംഭിക്കുന്ന വെച്ചൂട്ടില്‍ ആയിരക്കണക്കിന് ആളുകള്‍ പങ്കെടുക്കും.

കുരുന്നുകള്‍ക്കുള്ള ആദ്യ ചോറൂട്ടും വൈദികരുടെ നേതൃത്വത്തില്‍ നടത്തും. പുലര്‍ച്ചെ ആചാരാനുഷ്ഠാനങ്ങളോടെയാണ്‌വെച്ചൂട്ടിന്റെ അരിയിടീല്‍ ചടങ്ങ് നടത്തിയത്.

രാവിലെ ഒന്‍പതിന് ഒന്‍പതിന്മേല്‍ കുര്‍ബാന യാക്കോബ് മാര്‍ ഐറേനിയസിന്റെ മുഖ്യകാര്‍മികത്വത്തില്‍ നടക്കും. വെച്ചൂട്ടിനു ശേഷം രണ്ടിനു പ്രദക്ഷിണം, നാലിനു നേര്‍ച്ചവിളമ്പ്.

അനുഗ്രഹം ചൊരിഞ്ഞ് പ്രദക്ഷിണം

noreply@blogger.com (പുതുപ്പള്ളി പള്ളി) — Wed, 06 May 2015 02:36:00 +0000

പുതുപ്പള്ളി - തീർഥാടക മനസ്സുകളിൽ ആഹ്ലാദത്തിന്റെ പൂത്തിരിയും അനുഗ്രഹത്തിന്റെ കുളിർമഴയും ചൊരിഞ്ഞു പുതുപ്പള്ളി തീർഥാടനം ഇന്നലെ നടന്നു. സന്ധ്യനമസ്ക്കാരത്തെ തുടർന്നായിരുന്നു പള്ളിയിലേക്കു വിവിധയിടങ്ങളിൽ നിന്ന് ഇന്നലെ പ്രദക്ഷിണം ആരംഭിച്ചത്. വാദ്യമേളങ്ങളും മെഴുകുതിരികളും മുത്തുക്കുടകളുമായി ജനസഞ്ചയം പ്രദക്ഷിണത്തിൽ അണിനിരന്നു.

കൈതമറ്റം മാര്‍ ഗ്രിഗോറിയോസ് ചാപ്പലില്‍, പാറയ്ക്കൽ കടവ് കുരിശിൻതൊട്ടി, കൊച്ചാലുംമൂട് ഓർത്തഡോക്സ് സെന്റർ, നിലയ്ക്കക്കൽ പള്ളിയുടെ വെട്ടത്തുകവല കുരിശിൻതൊട്ടി, വെള്ളക്കുട്ട സെന്റ് തോമസ് പള്ളിയുടെ കാഞ്ഞിരത്തുംമൂട കുരിശിൻതൊട്ടി എന്നീവടങ്ങളിൽ നിന്നാണ് പ്രദക്ഷിണം നടന്നത്. സെമിത്തേരിയിൽ ധൂപ്രപാർത്ഥന, തീർഥാടകർക്ക് ആനന്ദം പകര്ന്നു പരിചമുട്ടുകളി എന്നിവയും നടന്നു. ചരിത്രപ്രസിദ്ധമായ വെച്ചൂട്ട്നുള്ള , വിറകിടീല്‍ ഘോഷയാത്ര ഇന്നു ആചാരപൂർവ്വം നടക്കും. ഇടവക സമൂഹം ഒന്നാകെ വിറകിടീല്‍ ഘോഷയാത്രയിൽ അണിനിരക്കും.

പുതുപ്പള്ളി പെരുന്നാള്‍ ഇന്നും നാളെയും (6 & 7)

noreply@blogger.com (പുതുപ്പള്ളി പള്ളി) — Tue, 05 May 2015 23:51:00 +0000

തീര്‍ഥാടകസമൂഹം പ്രാര്‍ഥനാപൂര്‍വം കാത്തിരിക്കുന്ന ചരിത്രപ്രസിദ്ധമായ പുതുപ്പള്ളി പെരുന്നാളിന്റെ പ്രധാന ദിനങ്ങള്‍ ഇന്നും നാളെയും. പൗരസ്ത്യ ജോര്‍ജിയന്‍ തീര്‍ഥാടന കേന്ദ്രമായ സെന്റ് ജോര്‍ജ് ഓര്‍ത്തഡോക്‌സ് വലിയപള്ളി ജനസാഗരത്തിലായി.

ആചാരാനുഷ്ഠാനങ്ങളുടെ വൈവിധ്യവും അനുഗ്രഹങ്ങളുടെ കലവറ നിറയുന്നതുമായ ദേവാലയത്തിലെത്തി പ്രാര്‍ഥനാപൂര്‍വം പെരുന്നാള്‍ ആചരണത്തില്‍ പങ്കെടുക്കാന്‍ സംസ്ഥാനത്തിനകത്തു നിന്നും പുറത്തുനിന്നുമാണു തീര്‍ഥാടകര്‍ ഒഴുകിയെത്തുന്നത്. ഇന്ന് ഒന്‍പതിനു പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവായുടെ മുഖ്യകാര്‍മികത്വത്തില്‍ അഞ്ചിന്മേല്‍ കുര്‍ബാന. പ്രസിദ്ധമായ പൊന്നിന്‍കുരിശ് 11നു ത്രോണോസില്‍ സ്ഥാപിക്കും.

രണ്ടിനു വിറകിടീല്‍ ഘോഷയാത്ര, പ്രസിദ്ധമായ പന്തിരുനാഴി പുറത്തെടുക്കല്‍ ചടങ്ങ് അഞ്ചിനാണ്. ആറിനു പെരുന്നാള്‍ സന്ധ്യാനമസ്‌കാരത്തില്‍ ഡോ. യാക്കോബ് മാര്‍ ഐറേനിയസ് കാര്‍മികത്വം വഹിക്കും. നിലയ്ക്കല്‍ പള്ളി, പുതുപ്പള്ളി കവലയിലുള്ള കുരിശുംതൊട്ടി എന്നിവ വഴി തീര്‍ഥാടകസമൂഹം പങ്കെടുക്കുന്ന ആഘോഷപൂര്‍വമായ പ്രദക്ഷിണം രാത്രി എട്ടിനും കരിമരുന്നു കലാപ്രകടനം 9.30നും നടക്കും. വിശുദ്ധ ഗീവര്‍ഗീസ് സഹദായുടെ തിരുശേഷിപ്പില്‍ അഖണ്ഡപ്രാര്‍ഥന 10.30ന് ആരംഭിക്കും.

വലിയ പെരുന്നാള്‍ ദിനമായ നാളെ പുലര്‍ച്ചെ ഒന്നിനു വെച്ചൂട്ടിനുള്ള അരിയിടും. ഒന്‍പതിന് ഒന്‍പതിന്മേല്‍ കുര്‍ബാന, 11.10നു ചരിത്രപ്രസിദ്ധമായ വെച്ചൂട്ട്, കുഞ്ഞുങ്ങള്‍ക്കുള്ള ആദ്യ ചോറൂട്ടും ഇതോടനുബന്ധിച്ചു നടക്കും. രണ്ടിനു പ്രദക്ഷിണം, തുടര്‍ന്നു നേര്‍ച്ചവിളമ്പ്. പെരുന്നാളിന്റെ ഭാഗമായി കെഎസ്ആര്‍ടിസി പള്ളിയിലേക്കു ബസ് സര്‍വീസുകള്‍ ആരംഭിച്ചു. പൊലീസിന്റെയും സര്‍ക്കാരിന്റെ വിവിധ വകുപ്പുകളുടെയും സേവനങ്ങള്‍ പള്ളിയില്‍ ലഭ്യമാക്കിയിട്ടുണ്ട്.

പുതുപ്പള്ളി തീർത്ഥാടനം: പുതുപള്ളി പെരുന്നാൾ ഇന്ന് (മെയ് 5 ചൊവ്വ)

noreply@blogger.com (പുതുപ്പള്ളി പള്ളി) — Mon, 04 May 2015 21:53:00 +0000

പുതുപ്പള്ളി പള്ളിയിലേക്ക് റാസ

പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയ പള്ളിയിലെ വിശുദ്ധ ഗീവര്‍ഗീസ് സഹദായുടെ പെരുന്നാളിനോടനുബന്ധിച്ച് കൈതമറ്റം മാര്‍ ഗ്രിഗോറിയോസ് ചാപ്പലില്‍നിന്ന് ഇന്ന് 5.30ന് പുതുപ്പള്ളി പള്ളിയിലേക്ക് റാസ ഉണ്ടായിരിക്കും. വികാരി ഫാ. ജോര്‍ജ് തോമസ് പോത്താനിക്കല്‍ നേതൃത്വം നല്‍കും. റാസയ്ക്ക് 6.30ന് പുമ്മറ്റം സെന്റ് ആന്റണീസ് ഇടവകയില്‍ സ്വീകരണം നല്‍കുമെന്ന് വികാരി ഫാ. ജോസഫ് മണ്ണാംപറമ്പില്‍ അറിയിച്ചു.

മെയ് 5 ചൊവ്വ - പുതുപ്പള്ളി തീർത്ഥാടനം

07.00 എ. എം - പ്രഭാത നമസ്ക്കാരം
07.30 എ. എം - വി.കുർബാന ഫാ. മാത്യ ഏബ്രഹാം, കണ്ടത്തിൽ പുത്തൻപുരയിൽ,
05.30 പി. എം - സന്ധ്യനമസ്കാരവും പുതുപ്പള്ളി പള്ളിയിലേക്ക് പ്രദക്ഷിണവും കൈതമറ്റും മാർ ഗ്രിഗോറിയോസ് ചാപ്പൽ

06.00 പി.എം - സന്ധ്യ നമസ്കാരം (പള്ളിയിലും)

പാറയ്ക്കൽ കടവ് കുരിശിൻതൊട്ടി,

കൊച്ചാലുംമൂട് ഓർത്തഡോക്സ് സെന്റർ,

നിലയ്ക്കക്കൽ പള്ളിയുടെ വെട്ടത്തുകവല കുരിശിൻതൊട്ടി,

വെള്ളക്കുട്ട സെന്റ് തോമസ് പള്ളിയുടെ കാഞ്ഞിരത്തുംമൂട കുരിശിൻതൊട്ടി എന്നീ കുരിശടികളിൽ.

06.45 പി.എം - പ്രദക്ഷിണം പാറയ്ക്കൽ കടവ്, കൊച്ചാലുംമൂട്, വെട്ടത്തുകവല കാഞ്ഞിരത്തുംമൂട എന്നിവിടങ്ങളിൽ നിന്ന് പള്ളിയിലേക്ക്
08.00 പി.എം - സെമിത്തേരിയിൽ ധൂപ്രപാർത്ഥന

08.30 പി.എം - പരിചമുട്ടുകളി

അപ്പവും കോഴി നേർച്ചയും പാഴ്സലായി ലഭിക്കുന്നതിനുള്ള കൂപ്പണ്‍ പള്ളി ഓഫീസിൽ നിന്ന് ലഭിക്കുന്നതാണ്.
മെയ് 7-ന് രാവിലെ 7 മണി മുതൽ വൈകുന്നേരം 3 മണി വരെ കൂപ്പണ്‍ മുഖേനയുള്ള നേർച്ച ലഭ്യമാണ്.
പെരുന്നാൾ ദിനങ്ങളിൽ കേരളത്തിന്റെ വിവിധ ഭാഗങ്ങളിൽ നിന്നും പള്ളിയിലേക്ക് ബസ് സർവീസ് ഉണ്ടായിരിക്കും.

പുതുപള്ളി പെരുന്നാൾ ഇന്ന് (മെയ് 4 തിങ്കൾ)

noreply@blogger.com (പുതുപ്പള്ളി പള്ളി) — Mon, 04 May 2015 01:48:00 +0000

മെയ് 4 തിങ്കൾ

07.00 എ. എം - പ്രഭാത നമസ്ക്കാരം
07.30 എ. എം - വി.കുർബാന ഫാ. എം. സി. ജോർജ്,
10.00 എ. എം - പാറയ്ക്കൽ അന്നമ്മ കുര്യാക്കോസ് മെമ്മോറിയൽ ക്വിസ് മത്സരം
02.00 പി. എം - പാറയ്ക്കൽ കുര്യാക്കോസ് കോറെപ്പിസ്ക്കോപ്പാ മെമ്മോറിയൽ എവർറോളിംഗ് ട്രോഫിക്കുവേണ്ടിയുള്ള അഖില മലങ്കര സംഗീത മത്സരം
06.00 പി.എം - പുതുപ്പള്ളി തിരുവചന സന്ദേശം: റവ. ഫാ. അജി വർഗീസ്, ബത്തേരി
മദ്ധ്യസ്ഥ പ്രാർത്ഥന, - കാൻഡിൽ പ്രയർ

പുതുപ്പള്ളി പെരുന്നാളിനോടനുബന്ധിച്ചുള്ള പുതുപ്പള്ളി കണ്‍വെൻഷൻ ഇന്നു സമാപിക്കും.

എല്ലാ ദിവസവും വൈകുന്നേരം 5.30ന് പള്ളിയിൽ സന്ധ്യ നമസ്കാരം ഉണ്ടായിരിക്കും.
അപ്പവും കോഴി നേർച്ചയും പാഴ്സലായി ലഭിക്കുന്നതിനുള്ള കൂപ്പണ്‍ പള്ളി ഓഫീസിൽ നിന്ന് ലഭിക്കുന്നതാണ്.
മെയ് 7-ന് രാവിലെ 7 മണി മുതൽ വൈകുന്നേരം 3 മണി വരെ കൂപ്പണ്‍ മുഖേനയുള്ള നേർച്ച ലഭ്യമാണ്.
പെരുന്നാൾ ദിനങ്ങളിൽ കേരളത്തിന്റെ വിവിധ ഭാഗങ്ങളിൽ നിന്നും പള്ളിയിലേക്ക് ബസ് സർവീസ് ഉണ്ടായിരിക്കും.

സമുദായ മൈത്രിയുടെ ഉത്തമ ഉദാഹരണമാണ് പുതുപ്പള്ളി പള്ളി: ഉമ്മന്‍ ചാണ്ടി

noreply@blogger.com (പുതുപ്പള്ളി പള്ളി) — Sun, 03 May 2015 22:49:00 +0000

സമുദായ മൈത്രിയുടെയും സമുദായ സൗഹാര്‍ദത്തിന്റെയും ഉത്തമ ഉദാഹരണമാണ് പുതുപ്പള്ളി പള്ളിയെന്ന് സാംസ്‌കാരിക സമ്മേളനം ഉദ്ഘാടനം ചെയ്ത മുഖ്യമന്ത്രി ഉമ്മന്‍ ചാണ്ടി പറഞ്ഞു. ആ മഹത്വമാണ് പുതുപ്പള്ളി പള്ളിയിലേക്കു നാനാജാതി മതസ്ഥര്‍ എത്താന്‍ കാരണമാകുന്നതെന്നും മുഖ്യമന്ത്രി പറഞ്ഞു.
ആസ്വകര്യങ്ങളുണ്ടായിട്ടും അതെല്ലാം മാറ്റിവച്ചു നാടിനോടുള്ള താൽപര്യം പരിഗണിച്ച് എത്തിയ മോഹൻലാലിന് ഹൃദയത്തിന്റെ ഭാഷയിൽ നന്ദി അറിയിക്കുകയാണെന്നു മുഖ്യമന്ത്രി ഉമ്മൻചാണ്ടി പറഞ്ഞു.

ദേവാലയങ്ങള്‍ മതങ്ങളെ മാത്രമല്ല, നല്ല മനസ്സുള്ള മനുഷ്യരെയും വളര്‍ത്തണമെന്ന് ചലച്ചിത്രതാരം മോഹന്‍ലാല്‍. പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയപള്ളിയിലെ പെരുന്നാളിനോട് അനുബന്ധിച്ചുള്ള സാംസ്‌കാരിക സമ്മേളനത്തില്‍ മുഖ്യാതിഥിയായി പങ്കെടുത്തു പ്രസംഗിക്കുകയായിരുന്നു അദ്ദേഹം.

നല്ല മനസ്സുള്ളവരുടെ സത്സംഗമമാണ് പുതുപ്പള്ളി പള്ളിയില്‍ കാണാനാകുന്നത്. പെരുന്നാളും പൂരവുമെല്ലാം നാടിന്റെ അലങ്കാരമാണ്. മതങ്ങള്‍ ദേവാലയങ്ങളുടെ ഉള്ളില്‍ മാത്രമാണ്. ആഘോഷങ്ങള്‍ എല്ലാവരുടേയുമാണ്. ആള്‍ക്കൂട്ടവും ആഘോഷവും എപ്പോഴും ഊര്‍ജം പകരുന്നതാണെങ്കിലും ജോലിയുടെ തിരക്കില്‍ പലപ്പോഴും സാധിക്കാറില്ല. പ്രാര്‍ഥനയിലൂടെ വേണം തെളിമയുള്ള ആത്മാവിനെ വളര്‍ത്തിയെടുക്കാനെന്നും മോഹന്‍ലാല്‍ പറഞ്ഞു.

ഫാ. മാത്യു വര്‍ഗീസ് വലിയപീടികയില്‍ അധ്യക്ഷത വഹിച്ചു. പുതുപ്പള്ളി പള്ളി നല്‍കുന്ന ജോര്‍ജിയന്‍ അവാര്‍ഡ് ഗോകുലം ഗ്രൂപ്പ് ചെയര്‍മാന്‍ ഗോകുലം ഗോപാലനു മുഖ്യമന്ത്രി വിതരണം ചെയ്തു.

പുതുപ്പള്ളി പള്ളിയുടെ ജീവകാരുണ്യ പ്രവര്‍ത്തനങ്ങള്‍ മാതൃകാപരമാണെന്നും അര്‍ഹമായ സഹായങ്ങള്‍ പള്ളിക്കു ചെയ്തു നല്‍കുമെന്നും അവാര്‍ഡ് ഏറ്റുവാങ്ങിയ ഗോകുലം ഗോപാലന്‍ പറഞ്ഞു. ചിത്രരചനാ മല്‍സര വിജയികള്‍ക്കു മോഹന്‍ലാല്‍ സമ്മാനം വിതരണം ചെയ്തു. മോഹന്‍ലാലിനു മംഗളപത്ര സമര്‍പ്പണം സഹവികാരി ഫാ. ഇട്ടി തോമസ് കാട്ടാമ്പാക്കല്‍ നിര്‍വഹിച്ചു.

മോഹന്‍ലാല്‍, പുതുപ്പള്ളി ബൈപാസ് മികച്ച രീതിയില്‍ പൂര്‍ത്തീകരിച്ച പാലാത്ര കണ്‍സ്ട്രക്ഷന്‍ ഉടമ സോണി പാലാത്ര, കൗണ്‍സിലര്‍ അന്നമ്മ മാത്യു എന്നിവര്‍ക്ക് പള്ളിയുടെ ഉപഹാരം സമര്‍പ്പിച്ചു. മന്ത്രി തിരുവഞ്ചൂര്‍ രാധാകൃഷ്ണന്‍, കലക്ടര്‍ യു.വി. ജോസ്, സഹവികാരി ഫാ. മാര്‍ക്കോസ് ജോണ്‍ പാറയില്‍, ജില്ലാ പഞ്ചായത്ത് അംഗം ഫില്‍സണ്‍ മാത്യൂസ്, ട്രസ്റ്റി മാത്യു കൊക്കൂറ എന്നിവര്‍ പ്രസംഗിച്ചു.

സാംസ്‌കാരിക സമ്മേളനം: ദേവാലയങ്ങള്‍ നല്ല മനസ്സുള്ളവരെ സൃഷ്ടിക്കുന്ന ഇടമാകണം - മോഹന്‍ ലാല്‍

noreply@blogger.com (പുതുപ്പള്ളി പള്ളി) — Sun, 03 May 2015 22:17:00 +0000

ദേവാലയങ്ങള്‍ നല്ലമനുഷ്യരെ വളര്‍ത്തുന്ന ഇടംകൂടിയാകണമെന്ന് മോഹന്‍ലാല്‍. പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയപള്ളി പെരുന്നാളിന്റെഭാഗമായ സാംസ്‌കാരിക സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ദുബായില്‍ സിനിമാചിത്രീകരണം നിര്‍ത്തിവച്ച് പുതുപ്പള്ളിപ്പള്ളിയിലെ സമ്മേളനത്തില്‍ പങ്കെടുക്കാനെത്തിയതായിരുന്നു അദ്ദേഹം.

വലിയൊരു പ്രഭാഷണത്തിന് മുതിരുന്നില്ലെന്ന ആമുഖത്തോടെയാണ്, കരഘോഷങ്ങളുയര്‍ത്തി സ്‌നേഹംപ്രകടിപ്പിച്ച സദസ്സിനെ മോഹന്‍ലാല്‍ അഭിവാദ്യംചെയ്തത്. പെരുന്നാളും പൂരങ്ങളും ആണ്ടുനേര്‍ച്ചകളും കേരളത്തിന്റെ അലങ്കാരങ്ങളാണ്. മതം ദേവലായങ്ങളുടെ ഉള്ളിലാണ്. ആഘോഷങ്ങള്‍ വെളിയിലും. എല്ലാ ജനങ്ങളും ഒന്നുചേരുന്ന കര്‍മമാണ് ആഘോഷങ്ങള്‍. അതിന്റെയൊരു ഊര്‍ജം പുതുപ്പള്ളിയ്ക്കുണ്ടെന്ന് മോഹന്‍ലാല്‍പറഞ്ഞു.

ചിലര്‍ വിളിച്ചാല്‍ വരാതിരിക്കാന്‍ പറ്റില്ല. അത്തരമൊരു ക്ഷണമായിരുന്നു മുഖ്യന്ത്രിയുടേത്. ഐശ്വര്യമുള്ള മനുഷ്യനാണ് പുതുപ്പള്ളിയുടെ ഉമ്മന്‍ ചാണ്ടിയെന്ന പരാമര്‍ശത്തെ സദസ്സ് ഹര്‍ഷാരവത്തോടെ വരവേറ്റു. പരിപാടിയിലേക്കു ക്ഷണിച്ചപ്പോൾ എന്റെ ഹൃദയമാണു പുതുപ്പള്ളി, ആത്മാവാണ് ഇവിടുത്തെ നാട്ടുകാർ എന്നാണു മുഖ്യമന്ത്രി പറഞ്ഞത്. വിദേശത്തെ ഷട്ടിങ് നിർത്തിവച്ച ഇവിടേക്കു പോരാൻ പ്രചോദിപ്പിച്ചതും അതാണ്. നാടിന്റെ ഹൃദയമായ ഈ ദേവാലയത്തിന്റെ തണലിൽനിന്നു സംസാരിക്കാൻ സാധിച്ചതു പൂർവജന്മ സുകൃതമായി കരുതുന്നുവെന്നും മോഹൻലാൽ കരഘോഷത്തിനിടെ പറഞ്ഞു.

കോട്ടയം നല്ലമണ്ണും മനുഷ്യരുമുള്ള സ്ഥലമാണെന്നുപറഞ്ഞ മോഹന്‍ലാല്‍ തന്റെ സിനിമാജീവിതത്തിലെ അനുഭവങ്ങളും പങ്കുവച്ചു. കോട്ടയത്തുനിന്ന് നിരവധി നല്ല കഥാപാത്രങ്ങള്‍ക്ക് ജീവന്‍ നല്‍കാനായി. ഇവിടെ ഒരുപാട് സൗഹൃദങ്ങളുമുണ്ട്.

നല്ല മനുഷ്യരുടെ സത്സംഗമായി ഈ സമ്മേളനത്തെ കാണുന്നു. പ്രാര്‍ഥനയിലൂടെ തെളിമയുള്ള ആത്മാവിനെ വീണ്ടെടുക്കാനാകുമെന്നും അതിന് പുതുപ്പള്ളിപ്പള്ളിക്കാകുമെന്നും അദ്ദേഹം പറഞ്ഞു. പരിപാടിയില്‍ പങ്കെടുക്കാന്‍ ലഭിച്ച അവസരത്തെ അഭിമാനമായും സ്വകാര്യഅഹങ്കാരമായും കരുതുന്നുവെന്ന് പറഞ്ഞാണ് മോഹന്‍ലാല്‍ പ്രസംഗമവസാനിപ്പിച്ചത്.

ആസ്വകര്യങ്ങളുണ്ടായിട്ടും അതെല്ലാം മാറ്റിവച്ചു നാടിനോടുള്ള താൽപര്യം പരിഗണിച്ച് എത്തിയ മോഹൻലാലിന് ഹൃദയത്തിന്റെ ഭാഷയിൽ നന്ദി അറിയിക്കുകയാണെന്നു മുഖ്യമന്ത്രി ഉമ്മൻചാണ്ടിയും പറഞ്ഞു.

വികാരി ഫാ. മാത്യു വര്‍ഗീസ് വലിയപീടികയില്‍ അധ്യക്ഷത വഹിച്ചു. മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്തു. പള്ളിയില്‍നിന്നുള്ള 'ജോര്‍ജിയന്‍ പുരസ്‌കാരം' ഗോകുലം ഗോപാലന്, മുഖ്യമന്ത്രി സമ്മാനിച്ചു.

പുതുപ്പള്ളി പെരുന്നാളിനു തീര്‍ഥാടക പ്രവാഹം: സാംസ്‌കാരിക സമ്മേളനം ഇന്ന്

noreply@blogger.com (പുതുപ്പള്ളി പള്ളി) — Sat, 02 May 2015 23:53:00 +0000

പൗരസ്ത്യ ജോര്‍ജിയന്‍ തീര്‍ഥാടനകേന്ദ്രമായ പുതുപ്പള്ളി പള്ളിയിലെ പെരുന്നാളിനോടനുബന്ധിച്ച് ഇന്നു സാംസ്‌കാരിക സമ്മേളനം നടക്കും. 11 നു മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. ചലച്ചിത്രതാരം മോഹന്‍ലാല്‍ മുഖ്യാതിഥിയാവും. ജോഷ്വാ മാര്‍ നിക്കോദീമോസ് അധ്യക്ഷത വഹിക്കും.

വൈകിട്ട് ആറിനു പുതുപ്പള്ളി കണ്‍വന്‍ഷനില്‍ ഓര്‍ത്തഡോക്‌സ് വൈദിക സെമിനാരി പ്രിന്‍സിപ്പല്‍ ഫാ. ഡോ. ഒ. തോമസ് തിരുവചനസന്ദേശം നല്‍കും. മദ്യം, ലഹരിപദാര്‍ഥങ്ങള്‍ എന്നിവയില്‍നിന്നു മോചനത്തിനുള്ള പ്രാര്‍ഥന, കണ്‍വന്‍ഷനോടനുബന്ധിച്ചു നടത്തും.

പെരുന്നാള്‍ ദിനങ്ങള്‍ അടുത്തതോടെ പുതുപ്പള്ളി പള്ളിയിലേക്കു തീര്‍ഥാടകരുടെ ഒഴുക്കേറി. വിശുദ്ധ ഗീവര്‍ഗീസ് സഹദായുടെ അദ്ഭുത സാക്ഷ്യങ്ങള്‍ക്കു വേദിയാകുന്ന പുതുപ്പള്ളി പള്ളിയില്‍ പെരുന്നാളില്‍ പങ്കെടുത്ത് അനുഗ്രഹങ്ങളേറ്റുവാങ്ങാന്‍ ദൂരെ ദേശങ്ങളില്‍ നിന്നുള്‍പ്പെടെയാണ് ദിനവും തീര്‍ഥാടകര്‍ എത്തുന്നത്. അഞ്ചിനു തീര്‍ഥാടക സംഗമം നടക്കും. സംസ്ഥാനത്തിനകത്തുനിന്നും പുറത്തുനിന്നും കാല്‍നടയായും വാഹനങ്ങളിലും എത്തുന്ന തീര്‍ഥാടകര്‍ക്കു സ്വീകരണം നല്‍കും.

നിറച്ചാര്‍ത്ത് -2015 ഇന്നു (രണ്ടാം തീയതി) പുതുപ്പള്ളി പള്ളിയിൽ

noreply@blogger.com (പുതുപ്പള്ളി പള്ളി) — Sat, 02 May 2015 01:27:00 +0000

ടിറ്റോ സ്മൃതി അഖില കേരള ചിത്രരചന മല്‍സരം നിറച്ചാര്‍ത്ത് -2015നു ഇന്നു (രണ്ടാം തീയതി) പുതുപ്പള്ളി പള്ളി വേദിയാകും. യുവജനപ്രസ്ഥാനത്തിന്റെ ആഭിമുഖ്യത്തില്‍ 10.30നു മല്‍സരങ്ങള്‍ ആരംഭിക്കും.

പുതുപ്പള്ളി പള്ളിയിൽ ഇന്ന്

ഏഴു മണിക്ക് പ്രഭാത നമസ്കാരം
ഏഴു മുപ്പതിന് വി. കുർബാന: റവ. കെ. വി. ജോസഫ്‌ റമ്പാൻ പരുമല സെമിനാരി
പത്തു മുപ്പതിന് നിറച്ചാര്‍ത്ത് -2015
ആറു മണിക്ക് കണ്‍വന്‍ഷനില്‍ കുടുംബഭദ്രതയ്ക്കുവേണ്ടിയുള്ള പ്രാര്‍ഥനയും സമര്‍പ്പണശുശ്രൂഷയും നടക്കും. ഫാ. ഷിബു ടോം വര്‍ഗീസ് നിരണം വചനസന്ദേശം നല്‍കും.

പുതുപ്പള്ളി പള്ളിയില്‍ കണ്‍വന്‍ഷനുകള്‍ മേയ് 1ന് തുടങ്ങുന്നു

noreply@blogger.com (പുതുപ്പള്ളി പള്ളി) — Fri, 01 May 2015 04:00:00 +0000

പുതുപ്പള്ളി പള്ളിയിലെ പെരുന്നാളിനോടനുബന്ധിച്ചുള്ള കണ്‍വന്‍ഷനുകള്‍ക്ക് ഇന്നു തുടക്കം. പെരുന്നാള്‍ ദിനങ്ങളെ വരവേറ്റു മനസ്സിനെയും ശരീരത്തെയും വിശുദ്ധിയിലേക്കു നയിക്കുന്നതാണ് കണ്‍വന്‍ഷനുകള്‍. ഒാര്‍ത്തഡോക്സ് സഭയുടെ സഞ്ചാര സുവിശേഷ വിഭാഗമായ സ്നേഹസന്ദേശമാണ് കണ്‍വന്‍ഷനുകള്‍ നയിക്കുന്നത്. നാലാംതീയതിവരെ വൈകിട്ട് ആറിനാണ് കണ്‍വന്‍ഷനുകള്‍.

ഇന്ന് ആറിനു നാഗ്പൂര്‍ സെന്റ് തോമസ് ഒാര്‍ത്തഡോക്സ് സെമിനാരി പ്രഫസര്‍ ഫാ. ഡോ. കെ. വര്‍ഗീസ് തിരുവചന സന്ദേശം നല്‍കും. യുവതീയുവാക്കള്‍ക്കും കുട്ടികള്‍ക്കും വേണ്ടി പ്രാര്‍ഥനയും സമര്‍പ്പണ ശുശ്രൂഷയും നടക്കും. നാളെ കുടുംബഭദ്രതയ്ക്കുവേണ്ടിയുള്ള പ്രാര്‍ഥനയും സമര്‍പ്പണശുശ്രൂഷയും നടക്കും. ഫാ. ഷിബു ടോം വര്‍ഗീസ് നിരണം വചനസന്ദേശം നല്‍കും.

ടിറ്റോ സ്മൃതി അഖില കേരള ചിത്രരചന മല്‍സരം നിറച്ചാര്‍ത്ത് -2015നും നാളെ പുതുപ്പള്ളി പള്ളി വേദിയാകും. യുവജനപ്രസ്ഥാനത്തിന്റെ ആഭിമുഖ്യത്തില്‍ 10.30നു മല്‍സരങ്ങള്‍ ആരംഭിക്കും. മൂന്നാം തീയതി കണ്‍വന്‍ഷനില്‍ ഒാര്‍ത്തഡോക്സ് വൈദിക സെമിനാരി പ്രിന്‍സിപ്പല്‍ ഫാ. ഡോ. ഒ. തോമസും നാലാം തീയതി ഫാ. അജി വര്‍ഗീസ് ബത്തേരിയും സന്ദേശം നല്‍കും. മദ്യം, ലഹരിപദാര്‍ഥങ്ങള്‍ എന്നിവയില്‍നിന്നു മോചനത്തിനുള്ള പ്രാര്‍ഥന, കാന്‍ഡില്‍ പ്രയര്‍ എന്നിവ യഥാക്രമം കണ്‍വന്‍ഷനോടനുബന്ധിച്ചു നടത്തും.

പെരുന്നാളിനോടനുബന്ധിച്ചു പ്രസിദ്ധമായ അപ്പവും കോഴിനേര്‍ച്ചയും പാഴ്സലായി ലഭിക്കുന്നതിനുള്ള കൂപ്പണ്‍ പള്ളി ഒാഫിസില്‍നിന്നു ലഭിക്കുന്നതാണ്. പ്രധാന പെരുന്നാള്‍ ദിനമായ ഏഴിനു രാവിലെ ഏഴു മുതല്‍ നേര്‍ച്ച ലഭ്യമാണ്.

പുതുപ്പള്ളി പള്ളി: വെച്ചൂട്ടിനുള്ള ഒരുക്കം നാളെ തുടങ്ങും

noreply@blogger.com (പുതുപ്പള്ളി പള്ളി) — Thu, 30 Apr 2015 07:25:00 +0000

നവമാധ്യസ്ഥർ അനുഗ്രഹം ചൊരിയുന്ന പുതുപ്പള്ളി പള്ളിയിൽ പെരുന്നാളിലെ പ്രധാന ചടങ്ങായ വെച്ചുട്ടിനുള്ള ഒരുക്കങ്ങൾ നാളെ ആരംഭിക്കും. വെച്ചുട്ടിനുള്ള മാങ്ങാ അരിച്ചിലിന്റെ ഉദ്ഘാടനം നാളെ രാവിലെ ഒമ്പതിനു സംസ്ഥാന വനിത കമ്മിഷൻ അംഗം ഡോ. ജെ. പ്രമീള ദേവി നിർവഹിക്കും.

ഭാരതീയ വാസ്തു സങ്കൽപ്പം അനുസരിച്ചു പണികഴിപ്പിച്ച ദേവാലയമാണ് പുതുപ്പള്ളി പള്ളി. ഒൻപതു ത്രോണോസുകളാണ് പള്ളിയുടെ പ്രത്യേകത. മധ്യഭാഗത്തുള്ള വലിയ പള്ളിയുടെ പ്രധാന ത്രോണോസ് വിശുദ്ധ ഗീവർഗീസ് സഹദായുടെ നാമത്തിലാണ്. ഇടത്തും വലത്തുമായി പരിശുദ്ധ മാർത്തോമ്മാശ്ലീഹായുടെയും പരിശുദ്ധ പരുമല തിരുമേനിയുടേയും നാമത്തിലുള്ള ത്രോണോസുകൾ സ്ഥിതി ചെയ്യുന്നു. വലിയപള്ളിയുടെ വടക്കു ഭാഗത്തെ പ്രധാന ത്രോണോസ് വിശുദ്ധ ദൈവമാതാവിന്റെയും ഇടത്തും വലതുമായി മർത്തശ്മൂനിയമ്മ, മോർത്ത യുലീത്ത എന്നിവരുടെയും നാമത്തിൽ രൂപകൽപ്പന ചെയ്തിരിക്കുന്നു. ശുദ്ധിമതികളുടെ നാമത്തിലുള്ള ഏക ദേവാലയം കൂടിയാണിത്.

പ്രധാന പള്ളിയുടെ തെക്കുഭാഗത്ത് വിശുദ്ധബഹനാൻ സഹദായുടെയും ഇടതും വലത്തുമായി പരിശുദ്ധ വട്ടശേരിൽ തിരുമേനിയുടെയും പരുശുദ്ധ പാമ്പാടി തിരുമേനിയുടെയും നാമത്തിൽ ത്രോണോസുകളുണ്ട്. വട്ടശേരി തിരുമേനിയുടെ നാമത്തിൽ മലങ്കരയിൽ ആദ്യമായി സ്ഥാപിച്ചിരിക്കുന്ന ത്രോണോസും പുതുപ്പള്ളി പള്ളിയിലാണ്.

ആചാരത്തനിമയിൽ പുതുപ്പള്ളി പെരുന്നാൾ കൊടിയേറി

noreply@blogger.com (പുതുപ്പള്ളി പള്ളി) — Wed, 29 Apr 2015 02:47:00 +0000

പൗരസ്ത്യജിയൻ തീർഥാടനകേന്ദ്രമായ പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിലെ ചരിത്രപ്രസിദ്ധമായ പെരുന്നാളിന് ഭക്തിയുടെ നിറവിൽ കൊടിയേറി.

മഴയിലും പരമ്പരാഗത പാട്ടുകൾ പാടി പുതുപ്പള്ളി എറികാട് കരകളിൽ നിന്ന് ആഘോഷങ്ങളോടെയാണു കൊടിയേറ്റിനുള്ള കമുകുമരങ്ങൾ ഘോഷയാത്രയായി എത്തിച്ചത്. വാദ്യമേളങ്ങൾക്കൊപ്പം ആർപ്പുവിളികളും ആരവങ്ങളുമായി നൂറുകണക്കിനാളുകളാണു കൊടിമരഘോഷയാത്രയിൽ പങ്കെടുത്തത്.

പള്ളിക്കു ചുറ്റും പ്രദക്ഷിണം നടത്തിയ ശേഷമായിരുന്നു പെരുന്നാളിനെ വരവേറ്റു കൊണ്ട് കൊടിമരം ഉയര്ത്തൽ. അഭിവന്ദ്യ മെത്രാപ്പോലീത്തമാരായ ഗീവര്‍ഗീസ് മാര്‍ കൂറിലോസ്, ഡോ. ഗീവര്‍ഗീസ് മാര്‍ യൂലിയോസ് എന്നിവർ കൊടിയേറ്റിനു മുഖ്യകാർമികത്വം വഹിച്ചു. മേയ് അഞ്ചു മുതൽ ഏഴു വരെയാണു പ്രധാന പെരുന്നാൾ.

ആചാരത്തിനിമകൾ നിറഞ്ഞ പെരുന്നാൾ ആഘോഷങ്ങളിൽ പങ്കെടുക്കാൻ പുതുപ്പള്ളിപള്ളിയിലേക്കു വിവിധ ദേശങ്ങളിൽ നിന്നും തീർഥാടകരുടെ ഒഴുക്ക് ആരംഭിച്ചു.

പുതുപ്പള്ളി പള്ളിയില്‍ കൊടിയേറ്റ് ഇന്ന്

noreply@blogger.com (പുതുപ്പള്ളി പള്ളി) — Tue, 28 Apr 2015 02:36:00 +0000

പൗരസ്ത്യ ജോര്‍ജിയന്‍ തീര്‍ഥാടന കേന്ദ്രമായ പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയപള്ളി പെരുന്നാളിന് ഇന്ന് കൊടിയേറും. ഉച്ചക്ക് 2 മണിക്ക് പള്ളിയിൽ നിന്നും ആരംഭിക്കുന്ന പുതുപ്പള്ളി, എറികാട് കരക്കാരുടെ നേതൃത്വത്തിലുള്ള കൊടിമരഘോഷയാത്ര കവുങ്ങുകളും ആയീ തിരിച്ചു പള്ളിയിലെത്തിയ ശേഷം വൈകീട്ട് 4.30ഓടെയാണ് കൊടിയേറ്റ്.

അഭിവന്ദ്യ മെത്രാപ്പോലീത്തമാരായ ഗീവര്‍ഗീസ് മാര്‍ കൂറിലോസ്, ഡോ. ഗീവര്‍ഗീസ് മാര്‍ യൂലിയോസ് എന്നിവര്‍ ചേർന്ന് കൊടിയേറ്റും.

പുതുപ്പള്ളി പെരുന്നാൾ നാളെ കൊടിയേറുന്നു

noreply@blogger.com (പുതുപ്പള്ളി പള്ളി) — Mon, 27 Apr 2015 16:59:00 +0000

പൗരസ്ത്യ ജോര്‍ജിയന്‍ തീര്‍ഥാടന കേന്ദ്രമായ പുതുപ്പള്ളി പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാളിന് നാളെ കൊടിയേറും. രണ്ടു മണിക്ക് കൊടിമരഘോഷയാത്ര ആരംഭിക്കും.

പുതുപ്പള്ളി - എറികാട് കരക്കാർ കമുക് മുറിച്ച് വാദ്യമേളങ്ങളുടെയും ആർപ്പുവിളികളുടെയും പുതുപ്പള്ളി പുണ്യാളച്ചനെ സ്തുതിച്ചുകൊണ്ടുള്ള വള്ളപ്പാട്ടുകളുടെയും അകമ്പടിയോടെ ആഘോഷപൂർവ്വം പള്ളിയിലെത്തിക്കും. തുടർന്ന് പള്ളിക്ക് പ്രദക്ഷിണം.

കമുക് പള്ളിയുടെ മുന്നിൽ കുരി ശിൻതൊട്ടിയുടെ ഇരുവശത്തും നാട്ടും. 4.30ന് അഭിവന്ദ്യരായ ഗീവർഗീസ് മാർ കൂറിലോസും ഡോ.യൂലിയോസും ചേർന്ന് കൊടിയേറ്റും. രണ്ടു കൊടിമരങ്ങൾ പുതുപ്പള്ളി പള്ളിയുടെ പ്രതേകതയാണ്.

മേയ് അഞ്ച്, ആറ്, ഏഴ്തീയതികളിലാണു പ്രധാന പെരുന്നാൾ.

പുതുപ്പള്ളി പള്ളി പെരുന്നാളിന് ഒരുക്കമായി; 28നു കൊടിയേറ്റ്

noreply@blogger.com (പുതുപ്പള്ളി പള്ളി) — Sun, 26 Apr 2015 00:18:00 +0000

പൗരസ്ത്യ ജോര്‍ജിയന്‍ തീര്‍ഥാടന കേന്ദ്രമായ പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയ പള്ളിയിലെ പെരുന്നാളിന് ഒരുക്കമായി. 28ന് ആണ് കൊടിയേറ്റ്. മേയ് അഞ്ച്, ആറ്, ഏഴ് തീയതികളിലാണു പ്രധാന പെരുന്നാള്‍. മൂന്നിനു പൊതുസമ്മേളനത്തില്‍ ചലച്ചിത്രതാരം മോഹന്‍ലാല്‍ മുഖ്യാതിഥിയാവും. പെരുന്നാളില്‍ പങ്കെടുക്കാന്‍ ലക്ഷക്കണക്കിനു തീര്‍ഥാടകരാണ് എത്തുക. തീര്‍ഥാടകരെ സ്വീകരിക്കാന്‍ പള്ളിയില്‍ വിപുലമായ ക്രമീകരണമാണ് ഒരുക്കിയതെന്നു ഭാരവാഹികള്‍ പറഞ്ഞു.

പെരുന്നാളിന്റെ സമാപനം കുറിച്ചു നടക്കുന്ന വെച്ചൂട്ടില്‍ ഇത്തവണ രണ്ടു ലക്ഷം തീര്‍ഥാടകരെയാണു പ്രതീക്ഷിക്കുന്നത്. പള്ളിയിലേക്കുള്ള വഴികള്‍ തോരണങ്ങളാല്‍ അലങ്കരിച്ചു. റാസയ്ക്കുള്‍പ്പെടെ ഉപയോഗിക്കുന്നതിനു 11,000 മുത്തുക്കുടകള്‍ ഒരുക്കി. പള്ളിയുടെ തെക്കുവശത്തു സ്ഥിരം പന്തലിന്റെ നിര്‍മാണം പൂര്‍ത്തിയായി വരുന്നു. കൊല്ലത്തുനിന്നുള്ള സംഘത്തിന്റെ നേതൃത്വത്തില്‍ ദീപാലങ്കാര ജോലികള്‍ പള്ളിയില്‍ പൂര്‍ത്തിയാക്കി.

പെരുന്നാള്‍ കഴിഞ്ഞ് ഒരാഴ്ചകൂടി ദീപാലങ്കാരപ്രഭയിലാകും പള്ളി. പെരുന്നാള്‍ ദിനങ്ങള്‍ പള്ളിയും പരിസരവും ഉല്‍സവമേഖലയാണ്. സര്‍ക്കാരിന്റെ വിവിധ വകുപ്പുകളുടെ സേവനം ലഭ്യമാക്കും. കെഎസ്ആര്‍ടിസി ചെങ്ങന്നൂര്‍, പത്തനംതിട്ട, മാവേലിക്കര, കൊട്ടാരക്കര, തിരുവല്ല, കോട്ടയം ഡിപ്പോകളില്‍നിന്നു പ്രത്യേക സര്‍വീസുകള്‍ നടത്തും.

Puthuppally Pally Varthakal

രാജാ രവി വർമ്മയുടെ അമൂല്യചിത്രം കാണാൻ അശ്വതി തിരുനാൾ ​ഗൗരിലക്ഷ്മി ബായി തമ്പുരാട്ടി ദേവലോകത്ത് എത്തി

പുതുപ്പളളി പള്ളി പെരുന്നാൾ : സാംസ്കാരിക സമ്മേളനം നാളെ (3/05/2026)

പുതുപ്പള്ളി സെൻ്റ് ജോർജ് ഓർത്തഡോക്സ് വലിയ പള്ളി യിൽ വിശുദ്ധ ഗീവർഗീസ് സഹദായുടെ പെരുന്നാളിന് ഇന്നു കൊടിയേറും

മുണ്ടത്തിക്കോട് അപകടം; പുതുപ്പള്ളി വലിയപള്ളി പെരുന്നാളിന് വെടിക്കെട്ട് ഉപേക്ഷിച്ചു

പുതുപ്പള്ളി പാറേട്ട് ആശുപത്രിയുടെ നിയന്ത്രണം പരുമല ആശുപത്രി മാനേജ് മെൻ്റ് ഏറ്റെടുക്കുന്നു

പുതുപ്പള്ളി പെരുന്നാൾ ; ഒരുക്കങ്ങൾക്ക് തുടക്കം

പുതുപ്പള്ളി വലിയപള്ളി പെരുന്നാൾ മെയ് 23 വരെ . പ്രധാന പെരുന്നാൾ 5, 6, 7 തീയ്യതികളിൽ

പരുമല തിരുമേനിയുടെ കബറിടത്തിലേക്കുള്ള തീർഥയാത്ര ഒക്ടോബര് 31 ന് {31/10/2024}

തട്ടിൻപുറം കുന്നിലെ സന്യാസി ശ്രേഷ്ഠൻറെ 2ാം ഓർമ്മദിവസം

പുതുപ്പള്ളി പള്ളിയിൽ പാറേട്ട് മാത്യൂസ് മാർ ഈവാനിയോസ് മെത്രാപ്പൊലീത്തയുടെ 44-ാം ഓർമപ്പെരുന്നാൾ

പാറേട്ട് മാത്യൂസ് മാർ ഈവാനിയോസ് തിരുമേനിയുടെ 44-ാം ഓർമ്മപ്പെരുന്നാൾ

പുതുപ്പള്ളി പള്ളിയിൽ എട്ടുനോമ്പാചരണം

കുട്ടികൾക്ക് ക്യാംപുമായി പാറേട്ട് ആശുപത്രി

പുതുപ്പള്ളി പള്ളിയിൽ പരിശുദ്ധ ദൈവമാതാവിന്റെ വാങ്ങിപ്പ് പെരുന്നാൾ ഇന്നും നാളെയും ആചരിക്കും.

വയനാട് പുനരധിവാസത്തിന് പുതുപ്പള്ളി പള്ളിയോട് ഒപ്പം നമുക്കും ചേരാം

വി. മാർത്തോമ ശ്ലീഹായുടെ ദുഖ്റോനോ പെരുന്നാൾ ഇന്നും നാളെയും ആചരിക്കും.

വിശ്വാസിത്തിരയേറ്റത്തിൽ പുതുപ്പള്ളി പള്ളി

പുതുപ്പള്ളി പള്ളി പെരുന്നാളിനോട് അനുബന്ധിച്ച് ഗതാഗത ക്രമീകരണങ്ങള്‍ ഏര്‍പ്പെടുത്തി

ഉമ്മൻ ചാണ്ടി സാറിന്റെ കല്ലറയ്ക്കുസമീപം ഹൈ മാസ്റ്റ് ലൈറ്റ് സ്ഥാപിച്ചു

പുതുപ്പള്ളി പെരുന്നാൾ 2024; കൊടിയേറ്റ് ഏപ്രിൽ 28ന്

പുതുപ്പള്ളി പള്ളി ഇടവക ദിനം പുതിയ ഒരു അനുഭവമായി.

സൗജന്യ കേൾവി പരിശോധന ക്യാമ്പ്

ഉമ്മൻ ചാണ്ടിയുടെ 80-ാം ജന്മവാർഷികം 31ന്

പരുമല പദയാത്ര നവംബർ ഒന്നാം തിയതി ആരംഭിക്കുന്നതാണ്

പുതുപ്പള്ളിയിൽ മെഗാ മെഡിക്കൽ ക്യാംപ്

പി പി മത്തായിയുടെ മരണം കൊലപാതകമെന്ന് CBI കണ്ടെത്തി. കുറ്റപത്രം CBI കോടതിയിൽ ഹാജരാക്കി.

ഭക്തിയുടെ കുടക്കീഴിൽ പുതുപ്പള്ളിയിൽ വെച്ചൂട്ട്

ഭക്തിനിറവിൽ പുതുപ്പള്ളി; വെച്ചൂട്ട് ഇന്ന്

വിറകിടീൽ ഘോഷയാത്ര ഇന്ന് 2ന്

തീർഥാടന സംഗമം ഇന്ന്‌

പുതുപ്പള്ളി പള്ളി ഇടവക കൂട്ടായ്മയുടെ നേതൃത്വത്തിൽ നടന്ന മാങ്ങ അരിയിൽ

പുതുപ്പള്ളി പള്ളി ജറുസലം ദേവാലയത്തിന് തുല്യം: കാതോലിക്കാ ബാവാ

പുതുപ്പള്ളി പെരുന്നാൾ ഇന്ന് കൊടിയേറും

പുതുപ്പള്ളി പെരുന്നാൾ ഏപ്രിൽ 28 മുതൽ മേയ് 8 വരെ

പുതുപ്പള്ളി പെരുന്നാളിനോട് അനുബന്ധിച്ച് പുതുപ്പള്ളി ടൗണിലെ വാഹന ഗതാഗത ക്രമീകരണം

“ഓർഡർ ഓഫ് സെന്റ് ജോർജ് ' പുരസ്കാരം കെ.എസ്. ചിത്രയ്ക്ക് സമ്മാനിച്ചു

പുതുപ്പള്ളി പെരുന്നാൾ ഇന്ന് കൊടിയേറും

പുതുപ്പള്ളി പെരുന്നാൾ കൊടിയേറ്റ് 28ന്; വെച്ചുട്ട് മേയ് 7ന്

ഓർഡർ ഓഫ് സെന്റ് ജോർജ് പുരസ്കാരം; കെ.എസ്.ചിത്രയ്ക്ക്

പുതുപ്പള്ളി പെരുന്നാൾ 2022 ഏപ്രിൽ 28 മുതൽ മെയ് 7 വരെ

ഡോ. മാത്യൂസ് മാർ സേവേറിയോസ് കാതോലിക്കാ ബാവയാവും

പുതുപ്പള്ളി പള്ളിയുടെ സഹകരണത്തോടെ തോട്ടയ്ക്കാട് ആശുപത്രിയിൽ ഓക്സിജൻ പാർലർ സ്ഥാപിക്കുന്നു

ഒപ്പമുണ്ട് ഞങ്ങൾ!; യുവജന പ്രസ്ഥാനം

പുതുപ്പള്ളി പെരുന്നാൾ സമാപിച്ചു.

വിശ്വാസിമനസ്സുകളിൽ അനുഗ്രഹമേകി പുതുപ്പള്ളി പെരുന്നാൾ ഇന്ന്

പുതുപ്പള്ളി പള്ളിയിൽ പൊന്നിൻകുരിശ് പ്രതിഷ്ഠിക്കൽ ഇന്ന്

പുതുപ്പള്ളി പെരുന്നാൾ: കൺവൻഷൻ പ്രസംഗങ്ങൾ ഉപേക്ഷിച്ചു.

പുതുപ്പള്ളി പെരുന്നാളിനു കൊടിയേറി ആർപ്പുവിളിയും ആരവങ്ങളും നിറയുന്നു, ഓർമകളിൽ

പുതുപ്പള്ളി പെരുന്നാൾ കൊടിയേറി

പുതുപ്പള്ളി പെരുന്നാളിന് ഒരുക്കങ്ങളായി; 28ന് പെരുന്നാൾ കൊടിയേറ്റ്

പുതുപ്പള്ളി വലിയ പെരുന്നാളിന് സമാപനം

നൂറായിരം ഓർമകളാണ് ഓരോ പുതുപ്പള്ളിക്കാരനും; ഉമ്മൻചാണ്ടി

പ്രാർഥനയുടെ നിറവിൽ പുതുപ്പള്ളി പെരുന്നാൾ

പുതുപ്പള്ളി പെരുന്നാൾ: പൊന്നിൻകുരിശ് സ്ഥാപിച്ചു

പുതുപ്പള്ളി പെരുന്നാൾ ഇന്നും നാളെയും, ചടങ്ങുകൾ മാത്രം.

പുതുപ്പള്ളി പള്ളി പെരുന്നാൾ കൊടിയേറി

പുതുപ്പള്ളി പള്ളി മദ്ബഹ കൂദാശ ചെയ്തു

ഓർമപ്പെരുന്നാൾ കൊടിയേറി

പുതുപ്പള്ളി വെച്ചൂട്ടിനു പതിനായിരങ്ങൾ

പുതുപ്പള്ളിയിലേക്ക് ഭക്തപ്രവാഹം

പുതുപ്പള്ളി പെരുന്നാൾ ഇന്ന്

സ്നേഹം ഉണ്ടെങ്കിൽ ലോകം കീഴടക്കാം: ശ്രീശ്രീ രവിശങ്കർ

പുതുപ്പള്ളി പെരുന്നാൾ വെച്ചൂട്ട്: രുചിക്കൂട്ട് ഒരുക്കൽ തുടങ്ങി

ആഘോഷനിറവിൽ പുതുപ്പള്ളി കരകൾ

പുതുപ്പള്ളി പെരുന്നാൾ ഒരുക്കങ്ങൾ തുടങ്ങി

പുതുപ്പള്ളി പെരുന്നാൾ ഏപ്രിൽ 28 മുതൽ മേയ് 7 വരെ

പുതുപ്പള്ളി പള്ളി വെച്ചൂട്ടിന് സ്വന്തം പാടത്തെ നെല്ല്

പുതുപ്പള്ളിപള്ളിയിൽ കാരൾ ഗാനമത്സരം ഡിസംബർ 23 ന്

ആത്മീയാചാര്യന് സ്നേഹാഞ്ജലി; മാർ അത്തനാസിയോസിന് അന്ത്യാഞ്ജലിയുമായി ആയിരങ്ങൾ

അനുഗ്രഹ പ്രാപ്തിയുടെ നിറവുമായി പുതുപ്പള്ളി വെച്ചൂട്ടിൽ പതിനായിരങ്ങൾ

ആത്മീയ വിരുന്നൊരുക്കുന്ന പുതുപ്പള്ളി വെച്ചൂട്ട് ഇന്ന് (7/5/2018)

ആശ്വാസം തേടി തിരുശേഷിപ്പിന് അരികിൽ വിശ്വാസികൾ

പുതുപ്പള്ളി പെരുന്നാൾ: പ്രദക്ഷിണങ്ങൾക്ക് ഊഷ്മള സ്വീകരണം

പുതുപ്പള്ളി പെരുന്നാൾ:വിറകിടീൽ ഇന്ന് (6/5/2018)

പുതുപ്പള്ളി പെരുന്നാൾ ഇന്ന് (6/5/2018)

പുതുപ്പള്ളി തീർഥാടനം ഇന്ന് (5/5/2018)

പുതുപ്പള്ളി പെരുന്നാളിന്റെ ഒരുക്കങ്ങൾ അവസാനഘട്ടത്തിൽ

വിശ്വാസ സാഗരമായി പുതുപ്പള്ളി പള്ളി

ഇത് അതിരുകളില്ലാത്ത മനുഷ്യസ്നേഹം കരുതേണ്ട കാലം: ദയാ ബായി

രാജാ രവി വർമ്മയുടെ അമൂല്യചിത്രം കാണാൻ അശ്വതി തിരുനാൾ ഗൗരിലക്ഷ്മി ബായി തമ്പുരാട്ടി ദേവലോകത്ത് എത്തി