Raakpraat-Redenaars, Skooltoesprake binne 24uur!

Skrywer: Nicolaas Roos se boek "Om U te sien glimlag, Here" is deur Bybel-Media uitgegee as 'n Bybelse skets en verhaalbundel en deur die CBSA (Christelike Boekhandelaars van Suid-Afrika / Christian Booksellers Association) aangewys as beste publikasie, Christelike geskenkboek, 1999.

Nicolaas Roos

Raakpraat-Redenaars se Facebook-blad

As jy lus het om my gratis Bybelstudie E-boekie "21 Minute" in PDF formaat af te laai, kan jy dit doen deur op "21 Minute" se voorblad te kliek.

Neem gerus deel aan ons interaktiewe Bybelstudie oor die 4de gebod, by die volgende skakel: 4de Gebod

Keer Terug na Tuisblad

Toespraak koop ..?

2018-02-27T18:59:00.001+02:00

Raakpraat-Redenaars se nuwe web-adres is Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Raakpraat-Redenaars

maak vir kinders

die speelveld meer gelyk as ongelyk.

Is dit regverdig dat sommige kinders ‘n toespraak kan koop, vra jy?

Kom ons kyk

hoe dinge REEDS lyk:

Piet Predikant moet elke Sondag ‘n preek gereed hê. Hy help sy seun met vaardige hand om gedagtes onder woorde te bring en ‘n blywende boodskap op die hart te druk.

Annerien Advokaat stel elke dag haar saak, so oortuigend dat regters oortuig raak: Om haar dogter te help met ‘n redenaarstoespraak, is vir haar maar ‘n geringe saak.

Daleen Dramajuffrou weet hoe om ‘n beoordelaar se aandag te hou: Sy ken van stemwisseling en dramatiese pauses wat met ‘n gehoor kan toor!

Vir haar seun skryf sy ‘n uitmuntende toespraak

wat die opposisie sprakeloos laat!

Louis Loodgieter is ‘n man van min woorde, maar hy het darem ‘n niggie in die Kaap

wat sy seun sal help!

As laerskoolonderwyseres weet sy presies hoe die ding gedoen moet word

sodat die heel meeste punte toegeken word!

Skype jou hier, Skype jou daar – en sien daar:

Die loodgieter se seun

staan terug vir geeneen!

Ben die Bouer is ‘n man wat werk met sy hande!

Hy ken van stene en van bou volgens planne!

Hy bereken boukoste sonder ‘n sakrekenaar – maar as dit kom by toesprake het hy nie raad nie:

Hy sal nie sy dogtertjie daarmee kan help nie:

En sy het ook nie ‘n niggie in die Kaap nie.

Vir haar is daar niemand nie.

Vir haar is die speelveld nie

gelyk nie.

Daarom bestel Ben Bouer vir sy dogter ‘n Raakpraat-Toespraak by Raakpraat-Redenaars!

Nie almal se ouers is vaardig met woorde nie.

‘n Bekwame buurvrou is ook nie vir almal beskore nie.

Maar danksy Raakpraat-Redenaars - is hulle saak nie verlore nie!

Om jou toespraak te bestel kliek op die volgende skakel om 'n aanlynbestelvorm (met stap-vir-stap verduidelikings) in te vul:

Bestelvorm vir redenaarstoesprake

Vir navrae, stuur 'n epos na redenaars@gmail.com

Artikel uit Taalgenoot:

Redenaarstoesprake: Om te koop of nie

Die advertensie op een redenaarstoespraakverskaffer se webwerf lui:

“Niemand durf meer die tennisbaan aan met ’n tuisgemaakte raket nie. Waarom moet jy die verhoog aandurf met ’n selfgemaakte toespraak? Vir hokkie koop jy ’n stok. Vir rugby ’n bal en trui. Vir redenaars bestel jy ’n toespraak ...”

Gekoopte redenaarstoesprake het in die laaste paar jaar ’n taai toffie geword.

Daar is dié wat vra hoekom nie, want nie eens die grootste oratore skryf hul eie toesprake nie. Ander snak na hul asem en bevraagteken die regverdigheid daarvan.

Die vraag is dus, voorsitter, dames en here (soos dit in ’n goeie toespraak hoort): Om te koop of nie?

Wat is die les?

Erika Janse van Rensburg, wat al jare by redenaars en debat betrokke is en ATKV-Redenaarskursusse aanbied, meen toespraakskrywers (dis nou diegene wat ’n geldjie vir hul moeite kry) het die kompetisie gekaap.

“Die feit dat ouers te besig is – ouers koop selfs vir hul kinders toesprake vir ’n klaspraatjie – en die wenfaktor het veroorsaak dat daar ’n bedryf ontstaan het. As iemand so vindingryk is om op hierdie manier geld te maak, kan die ATKV niks daaraan doen nie, maar dis belangrik om voor oog te hou dat dit beslis nie die doelwit van die ATKV-Redenaarskompetisie is nie.”

Volgens Erika gaan dit nie vir die ATKV oor ’n gekoopte toespraak nie, maar eerder om kinders te bemagtig om dit self te doen. “Anders kon ons netsowel ’n kompetisie gereël het waar kinders ’n lekker lang gedig leer en dit kom opsê.”

Dr. Elbie Adendorff, wat al 17 jaar by die beoordeling van redenaarskompetisies betrokke is, beskou die koop van toesprake as ’n grysgebied. Sy meen enigeen wat aan sport deelneem, kry tog hulp van ’n afrigter, en dan praat ’n mens nie eens van fisioterapeute, kopdokters ensovoorts nie. Maar watter boodskap stuur gekoopte redenaarstoesprake, want redenaarskompetisies val in die opvoedkundige veld, voeg sy by. “Maak ons nie dan kinders groot wat nie vir hulself kan of wil dink nie?”

Die argumente

Gaan loer ’n mens op webwerwe waar toesprake te koop aangebied word, kan ’n redenaarstoespraak jou tussen R300 en R700 uit die sak jaag. Daar is beloftes van klastoesprake binne 24 uur en sommige diensverskaffers reik selfs ’n sertifikaat uit wat “waarborg” die toespraak is enig in sy soort.

Die komediant Schalk Bezuidenhout, wenner in die ATKV-Redenaarsfinaal in 2009, sien niks fout daarmee om ’n toespraak te koop nie. “Op skoolvlak sou ek nie my eie toespraak kon skryf nie. Ek sou nooit met my eie toespraak kon meeding teen iemand wie se toespraak deur, byvoorbeeld, ’n vrou in haar 40’s geskryf is nie. Om met ’n gekoopte toespraak te praat is die saak net halfpad gewen; jy moet steeds die gehoor probeer oortuig.”

Volgens Schalk was daar in sy jare geen voorskrif dat jy jou eie toespraak moet skryf nie – dit was belangriker dat jy ’n beredeneerde toespraak skryf. “My ma is moerse bang vir reëls breek; sy sou nooit toegelaat het as dit verbied is nie.”

Janneke Venter, ’n matriekleerder aan die Hoërskool Witteberg en 2016 se wenner in die ATKV-Redenaarsfinaal vir onvoorbereide toesprake, sê ’n mens moet vra wat die uiteindelike doel van die kompetisie is. “Volgens my is dit om ’n toespraak te leer skryf en praat; om te leer om ’n mening te vorm en jou oortuigings dan oor te dra. Wanneer jy toesprake koop, leer jy net om die toespraak te lewer en nie noodwendig om vanuit navorsing ’n bepaalde standpunt te formuleer en dan jou eie oortuiging oor te dra nie.”

Haar pa, Coenie, hoof van Witteberg en ’n bekende in redenaarskringe, sê die koop van toesprake is te verstane in ’n strawwe kompetisie en weens ouers se beheptheid met wen. “Maar so min mense besef dat die vaardigheidsontwikkeling van openbare redevoering, wat redenaars ten doel het om te ontsluit, ’n baie groter oorwinning is as die titel van wenner. Dit het naskoolse waarde wat jy nie met geld kan koop nie.”

Waardevolle diens

Praat jy met toespraakskrywers, is hulle dit eens die diens wat hulle lewer, bemagtig ’n kind om met selfvertroue sy sê te kan sê.

Nicolaas Roos van Raakpraat Redenaars het begin toesprake skryf as ’n guns vir sy suster en deesdae het hy ’n lang waglys van mense wat met sy kalwers wil ploeg. “Kinders se vermoë om navorsing te doen word reeds in take getoets. Hul vermoë om te skryf, word in opstelle getoets. Hoekom, as ’n kind se vermoë om te praat getoets moet word, moet hulle self die toesprake skryf?”

Madelein Waldeck van Praat met Passie skaar haar by Nicolaas en sê ’n kind moet leiding kry. “Dis nie meer net die elite-kinders wat aan redenaars deelneem nie,” voeg sy by. “En omdat die standaard deesdae so hoog is, kan ’n mens nie net met ’n selfgeskryfde toespraak daar opdaag en dink jy gaan die kompetisie wen nie.”

Dink saam

Een ding is seker: Of jy voor ’n gehoor gaan staan met ’n gekoopte toespraak of een wat jy self geskryf het, ure se werk word ingesit om jou standpunt te stel.

Janneke sê die mededinging is so sterk natuurlike talent is nie genoeg nie; dit verg klipharde werk. “Ek sou sê dat ’n goeie redenaar aan die volgende eienskappe moet voldoen: Aanhou, uithou en opstaan wanneer die uitslae jou platslaan.”

Sy bestee ure saam met Annalie Bredenkamp, haar redenaarsonderwyseres. Hulle oefen om onderwerpe te ontrafel, standpunte te toets en skeppende taal te gebruik.

Luister ’n mens na die werk wat ingesit word, is dit duidelik: Al praat ’n mens in onvoorbereide redenaars, verg dit steeds baie oefening. Schalk se ma het ure se werk ingesit om hom gereed te maak om op sy voete te kan dink. “My ma sou oefeninge met my doen,” vertel hy. “Sy sou vir my ’n nuusberig gee en ’n tyd waarin ek ’n toespraak moes uitwerk. Ek het geleer om vinnig deur bronne te werk en ’n standpunt te stel. ’n Mens oefen die game, net soos rugby.”

Vir Elbie lê die oplossing daarin dat toespraakskrywers en sprekers nouer saamwerk. Die kind kan sy of haar insette lewer, terwyl ’n volwassene dit skryf en formuleer.

“Alle ouers wil hê hul kind moet goed doen, maar dis belangrik om nie die opvoedkundige waarde van redenaars te vergeet nie. Ek weet ouers en kinders is besig, maar die saam skryf aan ’n toespraak kan ’n goeie bonding-ervaring wees.”

Coenie meen die formaat van die kompetisie kan aangepas word. “Sodra ons sou begin om kinders op ’n baie vroeë ouderdom – met hulp vooraf vir struktuur en woordeskat – in ’n lokaal te plaas om hul eie toespraak te skryf en dan rou talent teen rou talent beoordeel, hoe gouer gaan ons kinders bemagtig om die vaardigheid te bemeester. Vir diegene wat net wil perform, kan ons ’n kategorie skep vir slegs gekoopte toesprake waar die klem op die voordraggedeelte val.”

Die Amerikaanse rolprentmaker John Ford, wat as een van die grootste en invloedrykste regisseurs gesien word, het gesê: “Jy kan goed praat as jou tong die vermoë het om die boodskap van jou hart oor te dra.” Met ’n gekoopte toespraak loop jy dalk met iemand anders se hart op jou mou, maar ten minste kry dit jou sover om voor ’n gehoor te praat. Om te koop of nie te koop nie – dit bly die vraag.

DEUR REZA CLIFFORD

* Hierdie artikel het in die Taalgenoot (Lente-uitgawe 2017) verskyn.

https://www.atkv.org.za/Korporatief/Nuus/ArticleID/14319/Redenaarstoesprake-Om-te-koop-of-nie

Bladsy 4: Ererol vir Redenaars wat Raak Praat!

2017-11-17T20:19:00.004+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Ererol vir Redenaars wat Raakpraat

2017-10-16T13:29:00.003+02:00

Bladsy 1 ererol vir redenaars wat raak praat

Bladsy 2 ererol vir redenaars wat raak praat

Bladsy 3 ererol vir redenaars wat raak praat

Bladsy 4 ererol vir redenaars wat raak praat

Bladsy 5 ererol vir redenaars wat raak praat

Bladsy 6 ererol vir redenaars wat raak praat

Bladsy 7 ererol vir redenaars wat raak praat

Keer terug na Raakpraat-Redenaars se TUISBLAD

Bladsy Drie: Ererol vir Redenaars wat Raakpraat!

2015-03-13T16:01:00.003+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Alle Temas

2014-07-28T10:21:00.001+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Lys van afgelope jare se ATKV Temas:

2017 Temas:

GRAAD 1 tot 3 - Gebruik 2017 Bestelvorm

1. Gogga

2. Blink

3. Reënboog

GRAAD 4 tot 5 - Gebruik 2017 Bestelvorm

1. Note

2. Blou

3. Klei

GRAAD 6 tot 7 - Gebruik 2017 Bestelvorm

1. Klik

2. Spieël

3. Krap

2016 Temas:

GRAAD 1 tot 3 - Gebruik 2016 Bestelvorm

1. Ledigheid is die duiwel se oorkussing

2. As die vlooi byt, moet jy krap

3. Elke haan is koning op sy eie mishoop

4. As twee hande mekaar was, word albei skoon

5. Om van ’n padda vere te probeer pluk

GRAAD 4 tot 5 - Gebruik 2016 Bestelvorm

1. Bloed kruip waar dit nie kan loop nie

2. Die pap dik aanmaak

3. Wie wind saai, sal storm maai

4. Jou eie boontjies uitdop

5. Die oggendstond het goud in die mond

GRAAD 6 tot 7 - Gebruik 2016 Bestelvorm

1. Iemand se Achilleshiel

2. As die hoenders tande kry

3. ’n Man van twaalf ambagte en dertien ongelukke

4. Haastige hond verbrand sy mond

5. Elke bobbejaan het sy krans

GRAAD 8 tot 9 - Gebruik 2016 Bestelvorm

1. Mens vang meer vlieë met heuning as asyn

2. Elke man soen sy vrou op sy eie manier

3. Benoude katte maak benoude spronge

4. Dis maklik gesê maar die eend lê die eier

5. Die verste berge is altyd die blouste

GRAAD 10-12 - Gebruik 2016 Bestelvorm

1. Adam sê dis Eva en Eva sê dis die slang

2. Hunker na die vleispotte van Egipte

3. Baantjies vir boeties

4. ’n Saak blou-blou laat

5. Dis die klein jakkalsies wat die wingerde verniel

2015 Temas:

GRAAD 1 tot 3
1. Lekker is net 'n vinger lank.
2. Een vrot appel steek al die ander aan.
3. Kinders moet gesien word, maar nie gehoor word nie.
4. Oos, Wes, Tuis, Bes ...
5. Met grysheid kom wysheid.

GRAAD 4 tot 5
1. Liewer bang Jan as dooie Jan.
2. Een swaeltjie maak nog nie 'n somer nie.
3. Blaffende honde byt nie.
4. Buig die boompie solank hy jonk is.
5. Die een hand was die ander.

GRAAD 6 tot 7
1. Te veel hooi op jou vurk hê.
2. As dit pap reën, moet jy skep.
3. Elke dassie prys sy eie kwassie.
4. Geld wat stom is, maak reg wat krom is.
5. 'n Boom gooi altyd 'n skaduwee.

GRAAD 8 tot 9
1. Skoenmaker, hou jou by jou lees.
2. Klein baas beter as groot kneg.
3. Baie honde is 'n haas se dood.
4. Bloed uit 'n klip tap.
5. Met jou hoed in die hand kom jy deur die hele land.

GRAAD 10-12
1. Dis die hand wat die wieg skommel wat die wêreld regeer.
2. As die klou uitsteek, is die leeu daaragter.
3. Waar die aas is, vergader die arende/aasvoëls.
4. Moenie hoera skree voor jy oor die brug is nie.

5. Volstruispolitiek

2014 Temas:

Skop, Sirkus, Poeding (Gr.1-3)

Trappe, Braai, Seisoene (Gr.4-5)

Posisie, Kook, Rooi (Gr.6-7)

Pols, Arbeid, Sterre (Gr.8-9)

Druk, Etiek, Bakens (Gr.10-12)

2013 Temas:

Familie, Eet, Speelgoed (Gr.1-3)

Omgewing, Praat, Ryk (Gr.4-5)

Geld, Skryf, Dakke (Gr.6-7)

Taal, Toeskouers, Lig (Gr.8-9)

Doolhof, Vlieg, Netwerke (Gr.10-12)

2012 Temas:

Hande, Blaf, Skatte (Gr.1-3)

Hekke, Resepte, Vlieërs (Gr.4-5)

Wurm, Sambok, Gom (Gr.6-7)

Vlam, Remme, Skoene (Gr.8-9)

Roer, Integriteit, Spens (Gr.10-12)

2011 Temas:

Geluide, Sênou, Sorg (Gr.1-3)

Sleutel, Herwin, Tameletjies (Gr.4-5)

Beweeg, Knope, Grond (Gr.6-7)

Wapens, Verskil, Spore (Gr.8-9)

Goud, Horison, Konserwatief (Gr.10-12)

Bladsy Twee: Ererol vir redenaars wat raakpraat

2014-02-27T11:43:00.003+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Raad met die aanbieding van jou toespraak

2013-05-08T13:31:00.001+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

As kinders toesprake aanbied, dink hulle maklik hulle "speel nou die rol van 'n grootmens." En dit is 'n fout. Ons wil nie 'n grootmens in 'n kinderlyf hoor nie: Ons wil 'n kind hoor! Onthou om die toespraak as 'n "tiener" aan te bied en moenie probeer om soos 'n grootmens of politikus te klink nie. Onthou, jy is 'n TIENER wat jou maats en grootmense wil oortuig van jou standpunt as kind: Uit die oogpunt van 'n kind. Pasop vir sinne wat "te volwasse" klink. Daar is 'n fyn lyn tussen 'n "slim kind" en 'n "klein grootmensie."

Bladsy Een: Ererol vir Redenaars wat Raakpraat!

2013-02-08T21:19:00.004+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

ATKV Beoordeelstate vir Redenaarstoesprake

2012-09-18T08:51:00.003+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Laai 'n ATKV beoordeelstaat af - dan kan jy self sien hoe punte vir redenaarstoesprake en lewering toegeken word!

Om af te laai, kliek op een van die volgende skakels:

Gr.1-5 Beoordeelstaat

Gr.6-12 Beoordeelstaat

Gr.4-12 Adissionele taal: Beoordeelstaat

Hoe om jou woordvorming (artikulasie) te verbeter

2011-10-21T10:51:00.001+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Hier is 'n stukkie raad wat vir my persoonlik baie beteken het: Toe ek drama-eksamen afgelê het, het die aktrise, Lizz Meiring my beoordeel. Sy het vir my gesê ek moet werk aan my woordvorming, en toe gee sy die volgende raad oor HOE om dit prakties te verbeter:

Sy het gesê ek moet 'n derde of 'n kwart van 'n kurkprop afsny en dit tussen my voortande sit wanneer ek my dialoog oefen. Die stuk kurkprop dwing jou om jou woorde baie bewustelik te vorm. Wanneer jy die kurkprop uithaal hoor jy 'n groot verbetering in jou uitspraak. Dit voel regtig onnosel, maar oefen afwisselend met die kurkprop, en dan weer daarsonder: Dit het vir my baie goed gewerk! Dankie Lizz!

HUMOR in redenaarstoesprake?

2011-08-08T14:32:00.001+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Hier is my antwoord op iemand se vraag oor humor in redenaarstoesprake.

Wat jou vraag oor grappies betref:

Humor word aanbeveel vir redenaarstoesprake, maar grappies word nie aanbeveel nie.

Let op die verskil tussen humor en grappies:

Humor is in die manier waarop jy 'n ding sê of dinge teenoor mekaar stel. Humor is die "sout" wat jy liggies moet sprinkel oor die ernstige dinge wat jy sê, deur 'n ligte, vrolike en optimistiese trant. Wat 'n mens regtig daarmee wil verhoed is 'n droë, emosielose toespraak.

'n Redenaarstoespraak is op 'n ander vlak as 'n inligtingstoespraak of 'n vermaaklikheidstoespraak:

Met 'n redenaarstoespraak probeer jy jou gehoor van jou standpunt oortuig. Soos 'n advokaat in die hof, is jou doelwit om hulle oor te haal tot jou standpunt wat heel ernstig is.

Op die ATKV-beoordeelstaat sal jy sien dat daar nie punte toegeken word vir grappies nie, en selfs nie vir humor nie, want 'n redenaar is nie 'n seremoniemeester of 'n komediant nie.

Dink Riaan Cruywagen, nie Casper de Vries nie.

Humor in 'n redenaarstoespraak is in lyn met die tipe spitsvondige tong-in-die kies opmerking wat Riaan Cruywagen gewoonlik maak by die Nuusbulletin se laaste berig.

Om te sien hoe humor in Raakpraat Redenaars se toesprake gebruik word, lees gerus: Voorbeeld van 'n tipiese Raakpraat Toespraak

Raakpraatgroete,

Nicolaas Roos
(skrywer)

Raakpraat Redenaars distansieer hom van eboek

2011-07-30T11:10:00.001+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Raakpraat Redenaars distansieer hom van Judy van Biljon se nuwe eboek met dieselfde naam (Raakpraat Redenaars, geadverteer by Kalahari.com).

Haar boek word nie onderskryf nie, nie aanbeveel nie.

Raakpraat Redenaars is 'n internetgebaseerde toespraakdiens gelewer deur een skrywer alleen: Nicolaas Roos.

Kersfees tussen bome

2010-12-22T12:48:00.001+02:00

Kersfees tussen bome - nicolaas roos

Kain slaan vir Abel dood

bloed syfer weg in die grond

Te midde van al die sonde heen,

skenk God steeds reën

Uit die aarde spruit daar groenigheid:

stammetjies breek die grond

Nuwe boompies kom op

Somers, warm;

Winters, koud;

Sagte, groen stammetjies

word harde bruin hout

Noag vat die hout en bou ‘n reuse skip

In die ark lê die redding

Vir DIE wat ‘n skoon, nuwe aarde sal beërwe

Maar in Betlehem kap iemand net een boom af en bou ‘n enkele hout krip

En in DIE hout krip lê ‘n groter Redding

Van sondevloed

as in Noag se reuse ark

Vir DIE wat ‘n skoner, splinternuwe, splintervrye aarde sal beërwe

Een mens slaan ‘n ander dood

en bloed syfer weg in die grond

Te midde van al die sonde heen,

skenk God steeds reën

Uit die aarde spruit daar groenigheid:

stammetjies breek die grond

Nuwe boompies kom op

Somers, warm;

Winters, koud;

Sagte, groen stammetjies

word harde bruin hout

Van sederhout bou Moses ‘n ark en trek dit oor met goud

Goue engelebeelde strek hulle vlerke oor die versoendeksel waar versoening gedoen sal word met bloed

In Moses se ark lê die versoening

Vir DIE wat ‘n vry nuwe aarde sal beërwe

Maar in Betlehem kap iemand net een boom af en bou ‘n nederige hout krip

En bo die krip skyn goue lig;

sing WERKLIKE engele en strek hulle vlerke,

want in DIE hout krip lê ‘n groter Versoening as in Moses se goue ark

Vir DIE wat ‘n vryer, nuwe aarde sal beërwe

Buite Jerusalem breek ‘n stammetjie die grond

En ‘n Nuwe boompie kom op

Nog ‘n klompie Somers, warm;

Nog ‘n paar Winters, koud;

En buite Jerusalem

staan ‘n kruishout

En nou?

'n Fluistering deur die bome..

Duisende stammetjies breek steeds die grond

Miljarde Nuwe boompies kom oral om ons op

Sagte, groen stammetjies

word harde bruin hout

Tot dun Bybelblaadjies verpulp

En Saamgebind

Sodat almal oor die Aarde

In alle tale

die Kind

kan vind

En kind kan

WORD

Van God

Vir God

Vir altyd!

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

SONVANGERS MET GROEN VINGERS

2010-06-17T07:30:00.001+02:00

SONVANGERS MET GROEN VINGERS

Houtbruin, en doodstil staan die sonvangers - met hulle Groen vingers:

Bome en plante wat uit die grond opkom en lig van die son fotosinteer:

(Heiliger, eintlik: FotoSAINTeer)

Die wonder van kos uit lig gebeur:

sodat ons lewe uit die verste hemel kan verteer.

Sodat ons die onaantasbare lig versadigend kan verorber:

Tussen ons vingers kan brokkel soos brokkolie; kan afskil soos piesang; kan proe soos lemoen.

Jong grasspriete sterf in die sappige fleur van hulle lewe, sodat kalwers kan wei en gesonde, jong beeste kan word

wat geslag word

sodat ons kan eet en leef – vreugdevol - met die lewenskrag wat plantlangs uit die verre hemel van die son af na ons toe kom:

Lewenslig wat die sonvangers met hulle groen vingers vasgevang het en losgelaat het in ‘n voedselketting waaraan alle lewe anker.

Ons kry versadigend deel aan die lig uit die hemel,

nie net aan fotosinterende slaaiblare, of jonk-geplukte vrugte en jonk-ontrukte groente met lewenssap in hulle nutriëntryke liggame nie, maar ook aan ryke vlees wat ons laat wees: kinders van die lig wat uit die hoogste Hemel kom.

So kry ons deel aan die lig. Deur die dood. En in die dood vind ons die lewe wat van die ligbron; die son af kom met die oorsprong van alle lewe in hom.

Eet ons blare; eet ons son!

Eet ons vrugte, eet ons van hom.

Eet ons vlees; eet ons eweneens lewe uit lewe uit lig.

Ons lewe uit lig.

Tot ons terugkeer na Hom. Die ware bron. Die Lig wat uit die Hoogste hemel kom.

Die namaal wat die dag laat breek.

Heel.

Stukkend, ja.

Maar HEEL.

Houtbruin en doodstil staan die kruis wat hemel-toe wys.

Die Lig het gekom en die lewe was in Hom.

IS in Hom.

Is in ons wat wag dat die Lig ons moet wegdamp

Maar tot dan

Is ons deel van die ketting wat lewe moet anker aan die lig wat uit die hemel kom.

-nicolaas roos

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Vrywaring, terme en voorwaardes

2010-02-04T05:40:00.002+02:00

Raakpraat-Redenaars se nuwe web-adres is:

Raakpraat.com

Kliek hier om direk na Raakpraat-Redenaars se nuwe web-adres te gaan: Raakpraat.com

Help asb om al ons maats se se alleenreg te beskerm, deur die volgende te onthou: Die toespraak is (en bly) die wettige eiendom van Raakpraat-Redenaars. Kopiereg word streng voorbehou. Dit is onwettig om die toespraak (of video/audio opname van aanbieding) te publiseer of te versprei. Dit is onwettig om die toespraak te gebruik, tensy jy in besit is van 'n geldige alleenregsertifikaat wat uitgereik is deur Raakpraat-Redenaars. Jou reg om die toespraak te gebruik verval aan die einde van die skooljaar waarvoor gebruiksreg bekom is. Jy kan nie jou reg om 'n toespraak te gebruik oordra na 'n volgende jaar, 'n ander skool of 'n ander persoon nie. *Laat weet asb as jy van skool verander, om duplisering te voorkom!

Sou enige een of meer elemente van hierdie dokument nietig verklaar word, bly die res daarvan steeds bindend.

Deur gebruik te maak van die dienste van Raakpraat Redenaars en of Nicolaas Roos, vrywaar jy Raakpraat Redenaars, sy eienaar(s) en of werknemer(s) en Nicolaas Roos van enige eise en of vervolging vir skade. Dit sluit onder meer in:

Goeie nuus: Jy is geregtig om jou volle betaling terug te ontvang as jy 'n bewys van betaling het en 'n toespraak nie aan jou voorsien kan word nie. Maar: Jy onderneem om Raakpraat Redenaars nie aanspreeklik te hou vir enige SKADE wat direk of indirek mag voortspruit uit gebruik van dienste, plasing van bestelling(s), foutiewe bestelling(s), bestelling(s) wat nie nagekom word nie, bestellings wat nie betyds nagekom word nie, ontvang van epos, besoek en of interaksie met die webwerf (blog), skade wat direk of indirek mag voortspruit uit enige foute of misgissings of misverstande of enige aspek van 'n toespraak of as Raakpraat Redenaars in gebreke sou bly om produkte of dienste te lewer en of betyds te lewer nie. (Eenvoudige voorbeeld: As jy glo dat 'n redenaarsprestasie jou kanse sou verbeter om gekeur te word om medies te gaan studeer kan jy Raakpraat-Redenaars nie dagvaar vir verlies aan inkomste as jou bestelling per ongeluk nie deurgevoer word nie - Maar jy sal die volle bedrag wat jy betaal het vir 'n toespraak terugkry as die toespraak nie aan jou voorsien kan word nie)

Deur gebruik te maak van die toespraakdiens stem jy in dat enige regsgeding wat mag voortspruit verhoor sal word in 'n hof naaste aan Raakpraat Redenaars.

Jy kry vir die res van die betrokke skooljaar alleenreg op die gebruik van 'n nuwe toespraak, maar deur gebruik te maak van die dienste van Raakpraat Redenaars en of Nicolaas Roos onderneem jy dat jy Raakpraat Redenaars, sy eienaar(s) en of werknemer(s) en of Nicolaas Roos hoegenaamd glad nie verantwoordelik sal hou as jou alleenreg deur iemand geskend sou word nie, ongeag die skade wat jy direk of indirek mag ly. Laat weet asb so spoedig moontlik as skending van jou alleenreg wel sou plaasvind, sodat dringende stappe gedoen kan word om die skending te probeer omkeer of te probeer beperk.

NB: Jou reg om die toespraak te gebruik verval aan die einde van die skooljaar waarvoor dit gekoop is. Jy kan nie jou reg om 'n toespraak te gebruik oordra na 'n volgende jaar, 'n ander skool, of aan 'n ander persoon nie. (Laat weet betyds as jy gedurende die termyn van jou alleenreg van skool moet verander, sodat ek dit kan probeer akkomodeer)

Vir jou eie veiligheid: Skandeer dokumente wat aan jou ge-epos word met jou eie Antivirus program voordat jy dit oopmaak.

Die jongste pryse is op Raakpraat Redenaars se webwerf beskikbaar. Elders op die Internet mag verouderde advertensies met verouderde pryse voorkom wat ongelukkig nie meer geldig is nie.

Beskerming van persoonlike inligting? (POPI-wet)

Raakpraat-Redenaars verwelkom die POPI-wet en werk graag mee om jou te beskerm teen ongewensde bemarking en identiteitsdiefstal. Jou persoonlike inligting word NIE gebruik om jou vir bemarking te kontak nie, en word NIE met bemarkingsmaatskappye gedeel nie. Persoonlike inligting word gestoor en gebruik vir die toespraakdiens wat Raakpraat-Redenaars aan jou lewer: Vir die leerder se Lokale Alleenregsertifikaat, om seker te maak dat geen ander leerder in jou skool dieselfde toespraak mag gebruik nie – en om enige nodige stappe te neem om seker te maak jou alleenreg op gebruik van ‘n toespraak word beskerm. (In plaas van ‘n kind se naam, mag jy voorletters en van verskaf vir die Lokale Alleenregsertifikaat.) Jou eposadres word gebruik vir reëlings oor toespraak-bestelling, en ook om jou toespraak te stuur. Jou selfoonnommer word gebruik as verwysing by jou betaling, WANT as jou epos nie deurgaan nie, kan Raakpraat-Redenaars ‘n boodskap na jou selfoon stuur om te laat weet jou epos gaan nie deur nie, of jou eposadres is foutief. Jou selfoonnommer help ook om enige SMS-kommunikasie of WhatsApp-kommunikasie wat jy met Raakpraat-Redenaars mag voer met die regte bestelling te verbind. Vir enige navrae oor persoonlike inligting, epos Nicolaas Roos gerus by: redenaars@gmail.com

Baie dankie vir julle almal se vriendelike samewerking!

Raakpraatgroete,

Nicolaas Roos