Radio Samoa - 1593am » news

Tasi le tausaga i le falepuipui ona o le usitaia o tuutuuga

Miriama Pomare — Tue, 28 Feb 2012 01:34:25 +0000

O se tagata sa tafao i se kalapu i Aukilani ma ia faaoolima ai i seisi alii na iu ina aafia ai lona faiai tulou ua falepuipui nei mo le tasi le tausaga. O Sitaleki Koloamatagi na ia ioeina lona moliaga o le faaoolima ia Trevor Kaukau i K Road i le masina o Setema o le tausaga na tea nei. ma o le masina o Tesema na fai ai le faaiuga a le faamasino o le a falepuipui Kolomatangi i lona aiga mo le 15 masina peitai na ia toe solia tuutuuga o le tatalaina o ia i tua ma iu ai loa ina toe suia le faaiuga a le faamasinoga ma ua loka ai nei i le falepuipui i le aso ,ole faamatalaga ale faamasino na fai iai e foliga e na te le o usitaia ma faailoa sona salamo i lana gaioiga na fai ae o lea ua mafatia ai le aiga o si alii na ia faaoolima iai aua ua afaina atoa lona soifuaga o totoe aua ua le lelei lona mafaufau.

Toe tolopo le lauina o le iuga

Miriama Pomare — Tue, 28 Feb 2012 01:33:42 +0000

O se tasi alii sa taalo muamua i le All Blacks ua ia tautino foi i moliaga o le faaoolima i le tamaititi na fai iai le faamasino i le aso e fai si tele o telefoni a leoleo i le atunuu e maua i le tai ono minute e faatatau i sauaga i totonu o aiga. O le mataupu na amata mai i se vevesi na tupu i lo latou fale i le tausaga na tea nei ia Setema na sasa ai e le tagata lea lona atalii i le fusipau ona ua fusu le tamaititi ma lona tuafafine. Peitai o le faaiuga na toe tolo i le aso seia aulia le aso iva o Mati e toe fofogaina ai ma nisi o tuutuuga sa iai i le amataga mai o lenei mataupu sa poloaia ai foi lea alii taalo ina ia auai i se aoaoga o le anger management lea ua uma ona ia auai ai. Ele o faatagaina ona faasalalau le igoa o le tama taalo ona o puipuiga i le tamaititi o loo aofia ai i le mataupu ae ua talia nei le aso iva o mati e iloa ai se tonu o le mataupu.

Tau sailia pea le aiga o se tama o loo i le falemaliu i Aukilani

Miriama Pomare — Tue, 28 Feb 2012 01:33:05 +0000

O se faamatalaga na tuuina mai se tasi o falemaliu i Aukilani i le vaiaso nei ua taua ai ua iai foi seisi maliu e lei oo atu lava se tasi o lona aiga poo se e nate silafia e aveesea mai le falemaliu. Ua fai foi si umi o iai le tino maliu o le tagata Samoa lea i le falemaliu o le Weirs Funeral Directors a le alii o Nick Bakulich. O le ua maliu ose tama e 69 tausaga ma sa aumau i Wade St i Onehunga ae na pau faamaumauga o loo maua mai i le taimi nei e faapea ua le o toe nonofo ma lona aiga ma o lona faaiu lea e manatu ai le pulega a le o se suafa Samoa o se tama Tonga. O loo talosagaina e le falemaliu le atunuu aemaise i le pasefika ina ia fesootai atu pe afai o iai se tasi e aiga i lea tama ua lata nei i le masina talu ona iai i le maota maliu. Afai e leai se tasi e agai o le a faia toe sauniga o lea tama o Molia Sio i le aso tofi o le vaiaso nei i malumalu o le maota maliu lea i Onehunga.

Faalauiloa le au muamua a le Warriors mo le 2012

Miriama Pomare — Tue, 28 Feb 2012 01:32:18 +0000

Ua faalauiloa le au muamua ale warriors mo lenei tausaga e sauni ai mo le fetauga ma le Manky Sea Eagles i Eden Park i le aso Sa nei lea o le a muai taalo ai se tasi alii talavou o Konrad Hurrell e paga ma Jerome Ropati. O le au ua filifilia e aofia ai.
1 Kevin Locke, 2 Bill Tupou, 3 Konrad Hurrell, 4 Jerome Ropati, 5 Manu Vatuvei, 6 James Maloney, 7 Shaun Johnson, 8 Russell Packer, 9 Nathan Friend, 10 Ben Matulino, 11 Feleti Mateo, 12 Simon Mannering, 13 Elijah Taylor. Interchange: Lewis Brown, Sione Lousi, Ben Henry, Ukuma Ta’ai, Glen Fisiiahi, Krisnan Inu, Alehana Mara.

Tupu se faalavelave i se aoga i Ohio

Miriama Pomare — Tue, 28 Feb 2012 01:31:49 +0000

Faamaonia mai ua maliu le tamaititi aoga e toatasi ma le toalima o loo manunua i le faalavelave na tulai mai i le setete o Ohio i Amerika i le taeao nei. O le faalavelave o loo taua ai na toe maua mulimuli ane le tagata na mafua ai lenei mataupu ma o loo suesue nei e leoleo ma le vaega ale FBI. O Heather Ziska 17 tausaga na ia faamatala o ia sa i le vaega e iai le faleaiga ae ia faalogoina faatasi ma isi tamaiti aoga se pao leotele.Fai mai na ia vaaia leisi tamaititi e aoga foi i le aoga lea o ulufale ane i le faleaiga ma amata loa ona tafana solo amaiti. O leisi tamaititi na lavea na maliu lava mulimuli ane. O le aai lea o Chardon pe a ma le 5afe tagata e aumau ai ma e latalata i le itu i sasae o Cleveland. O loo faia pea nei suesuega.

Le faia ni car seats o tamaiti ma ua taofia ai nei i le falemai, tigaina

Miriama Pomare — Tue, 28 Feb 2012 01:31:10 +0000

O se trailer sa toso atu i le pito i tua o le taavale o le ituaiga o le SUV ananafi na mafua ai ona lavea ma fetoai taavale e lua o loo manunua tigaina ai se auso tama e nao o le fa ma le ono tausaga le matutua. O nai taimaiti ia sa i le pito i tua o le taavale lea ma o loo tigaina nei i le falemai o tamaiti i Aukilani. O o la matua o loo taua na fai o la fusipau ma e manua mitimiti peitai o nai tamaiti ia e lei iai ni o la car seats sa faia .O le molimau a se tasi tina na vaaia le taimi na tupu ai le faalavelave na ia taua ai le tele o taavale na faatutu faafuasei i le alatele i el taimi lea ma tamomoe ane e fesoasoani i le falavelvael ma e oo lava foi i loli na tutu uma ae tamomoe ane ave loli ma fesoasoani ia i latou sa aafia ai i le faalavelave. O le mataupu o loo faamamafa i lenei lipoti o le leai o ni car seats o tamaiti ma e le taumate e iai se aafiaga o matua i lenei mataupu pe a maea suesuega a leoleo o loo faia pea.

Teena foi suiga i tulafono mo le tatala i tua (bail)

Miriama Pomare — Tue, 28 Feb 2012 01:30:16 +0000

O suiga o loo faaata nei mo tulafono e faatatau i le tatala i tua o tagata e molia o loo taua e nisi e le o lelei. E faitau selau tagata sa faaalia lo latou tetee i suiga ia i le tulafono ma o latou agai ai i le faamasingoa maualuga i Aukilani i le aso ananafi ma faailoa ai o latou lagona aemaise lava talu ona maea le faalavelave na uma ai le ola o le tamaitai o Christine Marceau lea o loo tuuaia ai se alii faapea sa tatala mai tua mai se mataupu na loka ai. O le finau a le Sensible Sentencing Trust o loo taua ai o tagarta e molia ma faasalaina i faasalaga e silia ma le lua tausaga le umi e le tatau ona faataga e tatala i tua. O loo faatalia se tali a le malo i lenei tetee.

Tele le gugulu i suiga a le malo i le social welfare

Miriama Pomare — Tue, 28 Feb 2012 01:29:37 +0000

O talavou ua le o toe aooga pe faigaluega ma le o iai foi ini courses poo nisi lava ituaiga auaunaga o le a faaopoopo iai le 10 tala i le vaiaso mai le malo e unaia ai ina ia toe foi i vasega pe auai foi i ni aoaoga faatatau i le faasoasoaina o tupe i lalo o se tasi o suiga ua faagaioia nei e le work and income. O tina nofo taitoatasi foi solo mothers e maua a latou galuega ae lei faia ni a latou faataitaiga mo ia ituaiga galuega o le a mafai foi ona faaumiumi atu le taimi e maua ai a latou penefiti ma o le a faaititia i le 100 tala i le vaiaso seia oo ina leai se tupe e maua, o se fuafuaga a le malo ina ia maua ai se fesoasoani mo le tina lea e sauni ai ma tapena mo le agai atu i lana galuega foui o le a faigaluega ai. O le faaupuga a isi vaega faaupufai i le mataupu lenei e le o se faiga lelei ma e foliga o loo faapele ai tagata ma e le taumate e le tele se aoga o lenei faiga pe afai o lea lava e faaititia pea le aofai o galuega o loo avanoa. Amata mai i le masina o Iulai e oo atu i le 14 afe talavou mai le 16 ma le 17 tausaga le matutua e le o aooga ma faigaluega o le a maua le avanoa e fesoasoani ai ni polokalame faaleaoaoga mo latou i mataupu tau i le faasoasoaina o tupe, o mataupu faatatau i le avea ma matua aemaise o le sailia o galuega. O le a totogi lava e le malo a latou rent ma le power ma o le a iai foi a latou payment card e tuuina iai mo le faatauina o taumafa ae le o ava malosi ma le tapaa. E maua a latou alauni e oo atu i le tai 50 i le vaiaso mae mafai ona faopopo iai le 10tala pe a toaga i le course.O providers foi lea e faatinoina aoaoga o le a maua le fesoasoani tau tupe.Amata mai i le masina o Oketopa o le 30 afe o tagata o loo i le domestic purposes benefit o le a faasauni foi e saili se galuega pe a atoa le lima tausaga o lana tama laititi.O isi suiga e ao lava ona siaki i le matagaluega e le tagata lava ia e faamautu ai pe ono aafia i nei suiga. O se vaega lona lua o suiga a le work and income e aofia ai tagata le faigaluega, o i latou e gasegase ma le atoa le malosi e amata faamamalu i le masina o Iulai i le tausaga fou.

Toe malo Julia Gillard ia Kevin Rudd

Miriama Pomare — Mon, 27 Feb 2012 01:31:51 +0000

Ua toe manumalo foi le tamatai palemia o Julia Gillard i le palota sa faia a le vaega a le Leipa mo le sailia o le taitai. O le palota sa tauva ai ma le sa avea muamua ma palemia ma minisita o le va i fafo o Kevin Rudd ma ua taua ai i ni faamatalaga na liki mai i le potu o le kapeneta ua malo Gillard i palota e 73 Kevin Rudd e 29. Fai si umi o fefaloai foi le mataupu lea i le va o le toalua lea ma o le iuga o le palota lea e le taumate ua faamuta ai ma nisi o faamatalaga feaveai e tusa ai o le taitaiga o le vaega faaupufai a le leipa i le atunuu o Ausetalia.O le faamatalaga a le tamaitai o Gillard sa faia ao lei faia le palota afai ae faiaina e talitonu e le toe foi ane e toe tauva ai peitai o lea ua ia toe manumaloina.

Malo Mark Hunt i le siamupini mixed martial arts

Miriama Pomare — Mon, 27 Feb 2012 01:31:16 +0000

O se tasi alo o Samoa o loo finau nei i le faagatama o le mixed martial arts ua manumalo nei i le sailiga siamupini o le Ultimate Fighting Championship. O Mark Hunt ua 37 tausaga le matua ma na faiaina ai le sa siamupini i le faagatama, o le alii mai Farani o Cheick Kongo i le amataga o le taamilosaga muamua i Iapani ma ua avanoa ai nei Hunt e tausinio mo le paga mamafa. O le taamilosaga lea o le UFC o le taamilosaga tele i totonu o le lalolagi ma e valu ona vaega amata mai i le flyweight agai i le heavyweight poo le paga mamafa. O Hunt na soifua ane i St Hellers i Aukilani ma toe agai mai ai i Magele i Aukilani i saute nei. O loo taua i isi o tusitusiga faatatau ia te ia o se faalavelave na tupu i fafo ane o se kalapu i Aukilani na suia ai lona olaga ina ua faateia le bouncer o le falekalapu lea i le vave o le gaioi a Hunt i le faamutaina o le vevesi ma o i na amata ai loa ona ia asia le fale koleni ma fai ai ana toleniga. O se taimi mulimuli ane na malaga ai Hunt i Ausetalia ma koleni ai ma Alex Tui ma aumau ai mulimuli ane i Luverpool ma koleni e lana faiaoga maoli o Hape Ngaranoa.O le malo la lea a Hunt ua siamupini ai i se tasi o vaega o le taamilosaga tele lea ao talia ai se taimi e faatulaga ai sana tausinoga mo le paga mamafa i lea taamilosaga faavaomalo.