RADYO MONITORYO

noreply@blogger.com (jdionisio) — Sun, 04 Jan 2009 07:48:00 +0000

JAN
04^th

MALIGAYANG PASKO AT MANIGONG BAGONG TAON

Nawa'y ang 2009 ay maging isang bagong simula para sa iyo, sa inyong pamilya, sa pamayanan at sa buong bansa.

Radyo Monitoryo

noreply@blogger.com (jdionisio) — Sat, 04 Oct 2008 07:59:00 +0000

OCT
04^th

PAUNAWA SA MGA MAMBABASA

Sa kasalukuyan, nagdaraaan ang Radyo Monitoryo sa ilang pagbabago pagdating sa layout ng website.

Humihingi po kami ng dispensa kung nahuhuli na ang mga balita.

Salamat po!

Gumagalang,
RADYO MONITORYO

noreply@blogger.com (jdionisio) — Fri, 03 Oct 2008 03:54:00 +0000

OCT
03^rd

Listahan ng produktong may Melamine, nilabas na ng DOH

Inilabas na ng Department of Health (DOH)Secretary Francisco Duque ang unang 30 produktong sinuri ng Kagawaran para sa melamine. Dalawa rito ang positibo habang 28 naman ang nag-negatibo.

Ang mga milk at milk products na nag-positibo sa melamine ay GreenFood Yili Fresh Milk at Mengnui Drink. Ayon sa listahan ng DOH, ligtas nang kainin at inumin ang mga sumusunod na produkto.

Anchor Lite Milk
Anlene High Calcium, Low Fat Milk
Bear Brand Instant
Chic Choc Milk Chocolate
Farmland Skim Milk
Jinwei Drink
Jolly Cow Pure Fresh Milk
Kiddie Soya Milk Egg Delight
Lactogen 1 DHA Infant Formula
M&M Milk Chocolate Candy
M&M Peanut Chocolate Candy
Milk Boy
Nestagen 2 DHA Follow-up Formula
Nestagen 3 DHA Follow-up Formula
Nido 3 Plus Pre-bio with DHA
Nido Full Cream Milk Powder
Nido Junior
No Sugar Chocolate of Isomalt 2 Oligosaccharide (cocoa butter substitute)
Nutri Express Milk Drink
Pura Fresh Milk
Snickers (roasted in caramel nogut in thick milk chocolate)
Vitasoy Soya Milk Drink
Wahaha Orange
Wahaha Yellow
Want Want Milk Drink
Windmill Skim Milk Powder
Yinlu Milk Peanut
Yogi Yogurt Flavor Milk Drink

Sa balita ng DZXL, 200 pang milk at milk products ang sinusuri ngayon ng DOH kasama ng Bureau of Food and Drugs (BFAD) sa pamumuno ni Dir. Leticia Gutierrez.

Nagsimula ang 'milk scare' noong nakaraang buwan nang magkasakit sa bato ang halos 1,200 bata at ikinamatay naman ng dalawang sanggol sa China. Ayon sa pagsusuri ng mga doktor, ang kemikal na melamine ang naging dahilan ng pagkakasakit ng mga bata. Ang melamine ay ginagamit na pangunahing sangkap para sa paggawa ng plastic. Ito ay inihahalo sa gatas upang tumaas ang protein content nito upang mas maging mabenta.

Photo courtesy of DailyLife.com

Kailangan madaliin ng pamahalaan ang paglalabas ng listahan ng mga positibo at negatibo sa Melamine. Dahil kung hindi, maaaring mauwi ito sa pagkalugi ng mga kumpanyang gumagamit ng gatas bilang pangunahing sangkap ng kanilang mga produkto.

Habang tumatagal ito, ang buong industriya ng gatas ay naaapektuhan at ang mga taong nangangailangan ng sustanya ng gatas, lalo na ang mga sanggol at bata ay ninanakawan nito dahil sa kapabayaan ng ilang kumpanya.

noreply@blogger.com (jdionisio) — Thu, 02 Oct 2008 09:18:00 +0000

OCT
02^nd

Sen. Mar Roxas: Tax Exemption Law, iimplementa ng tama!

Iginiit ni Senador Manuel 'Mar' Roxas III na dapat iimplementa ng tama ang Republic Act No. 9504 o General Appropriations Act na mas kilala bilang Tax Exemption Law.

Sa panayam ng DZMM kay Roxas, sinabi niya na dapat ay 'retroactive' ang pagpapatupad ng batas. Ibig sabihin nito ay mula Enero hanggang Hunyo ng 2008, ang mga buwis na kinaltas sa mga minimum wage earners ay dapat bumalik sa kanila. Dagdag pa nito, dapat ay tuloy-tuloy ring ang pagpapatupad ng batas at hindi tuwing kalahati lamang ng taon.

Kasama ng Trade Union Congress of the Philippines, nais ng Senado na dumulog sa Korte Suprema upang linawin at tignan ang constitutionality ng Implementing Rules and Regulation (IRR) na ginawa ng Bureau of Internal Revenue (BIR).

Ayon sa Implementing Rules and Regulations na binalangkas ng BIR, epektibo lamang ang batas tuwing kalahati ng taon. Mula Hulyo hanggang Disyembre ay walang kakaltasing tax sa mga minimum wage earners ngunit pagdating ng Enero hanggang Hunyo ay mayroong tax o buwis na kakaltasin ang BIR sa sweldo o sahod ng isang minimum wage earner.

Bukod dito, ang mga trabahador na may iba pang benepisyong tinatanggap tulad ng food at clothing allowance ay hindi na kasali sa exemption bagamat sila ay tumatanggap ng minimum wage na pumapatak sa P382 kada araw.

Ngunit kinababahala ni Alliance of Progressive Labor Secretary-General Josua Mata, nag-aalangan silang dumulog sa Korte Suprema dahil maaaring maglabas ng Temporary Restraining Order ang Korte kapag dininig na nila ang reklamong ito. "Lalong hindi makakalaban ang mga tao," ani ni Mata.

Handa naman si BIR Commissioner Lilian B. Hefti na dalhin sa korte ang nasabing IRR ng batas. "Hindi namin hawak kung gusto nila pumunta sa korte. The law is silent [on the application]. We just applied the general rule that tax laws are prospective in character unless it was very clear that it was retroactive." wika ni Hefti sa panayam ng Business World.

Minsan ko ng naranasang tumanggap ng minimum wage bilang aking sahod. Aaminin ko sa inyo, kahit wala kang asawa (single) hindi ka tatagal sa ganoon kaliit na sweldo. Makakakain ka ng maayos pero hindi magiging madali lalo na kung may binabayaran kang mga utang o mga bayarin tulad ng kuryente, tubig at renta. Lagi kang sagad, minsan pa nga kulang kapag maaga ang cut-off.

Tama si Senador Roxas na dapat ayusin ng BIR ang kanilang IRR at ipaliwanag kung saang batas nila nakuha ang mosyong hindi na kasama sa exemption ang isang empleyado kapag tumanggap siya ng ibang benepisyo.

Sa ngayon, ang tanging magagawa ng mga minimum wage earners ay magtiis at manalangin na sana'y hindi maging tuyo ang Pasko at Bagong Taon ng kanilang pamilya.

noreply@blogger.com (jdionisio) — Thu, 02 Oct 2008 07:59:00 +0000

OCT
02^nd

Apat pang Benguet miners, nailigtas mula sa minahan!

Sa kasalukuyan, nasa siyam nang minero ang nailigtas habang dalawa naman ang patay nang ma-trap ang mga ito sa isang minahan sa Itogon, Benguet.

Kinilala ang mga nailigtas na sina Gary Gano, Robert Mabuei, Ngitit Pagulayan, Jose Panio Jr., Jayson Himmayod, Gerry Munyobda, Gilbert Nattem, Mario Anayasan at Rudy Buling Jr. habang apat naman ang nasawi kabilang dito sina Juan Himmayod, 35 at Rudy Himmayod, 37 na nakuha ng mga bankay kahapon ng alas-singko at ala-sais ng gabi.

Ang mga nakaligtas ay dinala sa Baguio General Hospital and Medical Center upang malapatan ng karampatang lunas.

Gabi ng Setyembre 22 nang pumunta ang 16 na minero upang magmina ng ginto habang sinasalanta ng Bagyong Nina ang rehiyon ng Benguet. Hindi nila namalayan na pinasok na ng baha ang mga tunnel na naging sanhi ng kanilang pagkakakulong.

Ayon kay Von Laurel Cypress ng Philippine National Red Cross Response Unit, himala na may nakukuha pa silang buhay na tao sa minahan makalipas ng halos siyam na araw nang nakakulong sa minahan ang mga minero. Kaunting pagkain at tubig lamang ang dala ng mga minero nang bumaba sila sa minahan ngunit nagawa nilang makatagal at mabuhay sa ganoong klaseng sitwasyon.

Sa salaysay ni Ngitit Pagulayan, inaaliw na lamang niya at ng kasamang si Jose Panio Jr. sa pamamgitan ng pagnguya ng nganga o 'momma' at pagbibiruan. Ginawa nila ito upang maging alerto ang kanilang isip at malimutan ang gutom na kanilang dinaranas.

Patuloy pa rin ang search and retrieval operations sa minahan ngunit naaantala ito ng Bagyong Pablo.

Nagbigay naman ng P10,000 ang provincial government habang P5,000 naman ang ilalaan ng Itogon government sa mga pamilya ng mga minero. Nangako rin ang Benguet Corp. na magbibigay sila ng P3,000, at Benguet Federation of Small-Scale Miners ng P2,000 para sa mga minero.

Kabilib-bilib ang determinasyon ng mga minerong ito at nagawa nilang mabuhay sa loob ng ilang araw bagamat kaunti lamang ang pagkain, tubig at hangin nila sa ilalim.

Ngunit dapat maimbestigahan ang mga polisiyang pinatutupad ng pamahalaang lokal ukol sa pagmimina sa lupain ng Benguet. Dapat malaman kung may kaukulang permiso ba ito at kung bakit hinayaang bumaba sa minahan ang mga minero na naging sanhi ng kanilang pagkakakulong.

Hindi rin lingid sa kaalamanan ng lahat ang masamang epekto ng pagmimina sa kalikasan. Dapat ring masiguro ng DENR na nasusunod ang lahat ng panuntunan ng kagawaran at nasisiguro ang kaligatasan ng mga minero.

noreply@blogger.com (jdionisio) — Thu, 02 Oct 2008 06:32:00 +0000

Nang Mangalabit si Nene...

Sex. Bilang isang alipin ng radyo, madalang kong marinig ang salitang ito sa mga balita. Rape, oo pero sex, madalang. Kahit ang mga balitang tunkol sa prostitusyon o sex dens o live show, kadalasang hindi ginagamit ang salitang ito sa pagbabalita. Mangilan-ngilan lamang ang programang may tapang na pag-usapan ang mga bagay tungkol dito. Isa na rito ang programang Love Chat ng DZRH. Dito, deretchan ang usapan pero may censorship. Dahil kasama sa mga panuntunan ng Kapisanan ng mga Broadkaster ng Pilipinas (KBP), ang mga salitang hindi na kaaya-aya sa pandinig ay pinapalitan ng mga teknikal o siyentipikong termino. Ayon nga sa kanilang tagline...

May mga tanong na hindi pwedeng itanong kung kani-kanino lang...
May mga tanong na hindi pwedeng pag-usapan ng ganun-ganun lang...
May mga tanong na hindi basta-bastang binibigyan lang ng payo...
Ngayon pwede na... pwede lahat...

Tama. Hindi pwedeng basta-basta lamang pinag-uusapan ang sex lalo na sa himpapawid. Bakit? Ang sagot: Moralidad. Baka may batang nakikinig. Bata.

Kung gaano kadalang pag-usapan sa radyo ang sex, gayun din sa bahay maging sa paaralan. Para sa isang magulang, isa sa mga panakakinatatakutang oras niya ang pagtatanong ng kanyang anak kung saan siya nagmula.

Mommy... saan ako galeng?
Mommy? Paano ninyo ako ginawa ng Daddy?

Kapag narinig na ng mga magulang ang mga tanong na ito ay tila binuhusan sila ng malamig na tubig sa kanilang likuran. Hindi nila malaman kung paano ipaliliwanag sa kanilang anak ang komplikadong kwento ng pakikipagtalik at ng pagbubuntis. Kaya madalas ay binibigyan ang mga bata ng mga generic at safe na sagot tulad ng...

Anak, galing ka kay God
Dala ka ng stork.. yung bird sa cartoons
Dito sa tiyan ni mommy

Pagdating ng isang bata sa Grade 4 o 5, dito niya unang naririnig ang salitang Reproductive Health sa pamamagitan ng kanilang Biology class. Buong ingat na itinuturo ng mga guro ang mga aspeto ng reproductive system. Mula pagbanggit ng mga terminong vagina o penis, maging menstruation , animo'y nagdidisarma ng bomba ang mga sir at ma'am sa pagtuturo nito. Napaka-ingat. Kasi raw, bata.

Aminin man natin o hindi, sa ating panahong alam na ng isang limang taong gulang na bata ang tungkol sa internet, ay hindi nakagugulat na alam na niya ang tungkol sa sex. Paano? Ito ay sa pamamagitan ng Porn o pornograpiya. Sa pamamagitan ng pagtype ng 'sex' sa search bar ng Google, tapos na ang maliligayang araw ng kainosentehan ng isang bata. Samahan mo pa ng YouTube o kung anumang site na maaaring puntahan ng isang bata, unti-unti niyang nakikita, naririnig at nababasa ang mga bagay na sadyang ginawa para sa mga matatandang lubos na nauunawaan ang mga bagay na ito. At madalas, ang mga bagay na natututuhan nila rito ay mali at hindi angkop sa kanilang edad. Sa ilang nalulong na sa pornograpiya, ito ay nagtutulak sa kanila upang maging promiscuous o pakawala. At ang iba ay humahantong pa sa panggagahasa.

Ang sagot: sex education.

Sa pamamagitan ng House Bill 5043 o mas kilala bilang Reproductive Health Care (RHC) Bill, binibigyan ng kapangyarihan ang DOH kasama ang DepEd, DSWD, Population Commission o POPCOM at ang DILG na gumawa ng mga hakbang upang ipaalam sa mga mamamayan ang tungkol sa family planning at ang iba't-ibang aspeto ng sekswalidad ng isang tao. Kabilang sa mga layunin ng batas ay ang pagpapatupad ng sex education sa mga mag-aaral mula Grade 5 hanggang 4^th Year High School.

Ang pangunahing magiging sentro ng pag-aaral ng sex education ay patungkol sa responsible parenthood, natural and modern family planning, proscription at hazards ng abortion, reproductive health and sexual rights, abstinence before marriage, at responsible sexuality.

Ngunit ang sagot na ito ay mariing tinututulan ng Simbahan.

Mariing tinututulan ng Simbahang Katoliko ang kahit anong hakbang na itinutilak ng panukalang batas na ito. Ayon kay Fr. Melvin Castro ng Catholic Bishops Conference of the Philippines, labag sa utos ng Diyos ang paggamit ng artipisyal na family planning method at tanging ang natural method lamang ang katanggap-tanggap. Bukod dito, pinipiglan ng ganitong panukala ang natural na pagbuo ng buhay o ang procreation. At higit sa lahat, ang panukalang batas na ito ay maaring magbigay-daan sa legalidad ng abortion.

Ang mga puntong ito ay ayon sa Humanae Vitae, isang encyclical letter na isinulat ng yumaong Pope Paul VI noong Hulyo 25, 1968. Ito ang ipinagdiwang mga mga Pro-Life advocates na dumalo sa prayer rally sa University of Sto. Tomas noong Hulyo 25.

Para naman sa mga katulad nina Dra. Sylvia Estrada Castro ng U.P. Center for Women Studies at Dr. Felipe Medalla, dating Director General ng National Economic Development Authority (NEDA), makasasama sa mga Pilipino ang pagpigil sa pagpasa ng panukalang batas na ito at ang ginagawang panghaharang rito ay pakikiaalam sa mga gawaing pampamahalaan.

Sa kasalukuyan, nasa Ikalawang Pagbasa na sa Kamara ang naturang batas matapos itong pumasa sa Committee Level Hearing noong Setyembre.

Sa usapin ng sex education, dalawang tanong ang lumalabas.

Handa na ba ang mga Pilipino at ang Pilipinas sa sex education?
Dapat bang malaman ng isang bata ang tungkol sa sex mula sa kanilang mga guro?

Bagamat maraming datos at malalalim na punto ang bawat panig sa usaping ito, isa ang nananatiling totoo. Kailangan nang tanggapin ng mga Pilipino, Katoliko man, o hindi na dapat niyang lubos na maunawaan ang kanyang sekswalidad. Para sa iba, kaipokritohan ang hindi pagtanggap na normal ang sex . At ang isa pang pilit na tinatalikuran ng iba ay alam na ng lahat ang sex at ang lahat ng bagay na kaakibat nito; ultimo bata.

Kung ang labanan ay agaw-base, talo na ang konserbatibo dahil naagaw na ang lahat ng ng kanyang kakampi ng kabilang grupo, ang sexually open.

Hindi na tanong kung handa na ba ang mga Pilipino sa sex education. Ang sagot at DAPAT nang maghanda ang mga Pilipino sa sex education. May RHC Bill man o wala, kailangan nang matuto ng mga Pilipino ng tungkol sa reproductive health. Wala ng atrasan ito. Dapat na natin itong tanggapin bilang parte ng buhay at ng pag-aaral. Dahil kung hindi, baka mauwi pa ito sa pagkakaroon ng HIV o AIDS o komplikasyon sa panganganak o humantong sa kamatayan ng isang walang muwang na bata.

Tulad ng nabanggit ko, alam na rin ng mga bata ang tungkol dito. Ang dapat ng gawin ay ituwid ang mga maling paniniwala o kaalamanan ng mga bata tungkol sa sex at gabayan sila upang maging sexually responsible.

Ang susunod na tanong ay kung sino ang dapat na magturo nito sa mga bata. Ang totoo, hindi sa kanila unang natututo ang isang bata ng tungkol sa sex kundi sa pamamagitan ng media at ng kanilang mga nakasasalamuha sa labas ng bahay: ang kanilang mga kaibigan at kaeskwela. Matapos ang kanilang kwentuhan, magaganap ang kwentong aking nabanggit sa simula tungkol sa pagtatanong ng isang bata sa kanyang magulang ukol sa sex upang masigurado ng bata kung totoo man ang kaniyang narinig mula sa kanyang mga kamag-aral.

Sa posisyon ng isang magulang, edukado man o hindi, hirap sila kung paano ituro o ipaliwanag sa kanila ang sex. Hindi dahil sa hindi nila alam ang sasabihin kundi kung paano ito sasabihin. Kung iisipin, dapat ay ang mga magulang ang unang magbanggit sa kanila ng tungkol dito dahil wika nga nila, nagsisimula ang pag-aaral. Ngunit hindi ito tulad ng pagsusulat. Napakahalaga at kritikal ng mga unang impormasyon na makukuha ng bata ukol sa sex. Kung makukuha niya ito ng maaga, maaring hindi pa niya kayanin ang impormasyong ito. Kung masyadong huli na, mawawalan na ito ng saysay dahil maaaring buo na ang pundasyon ng pang-unawa niya sa sex.

Anu ang dapat kung gayon? Mas mabuting bantayan ang bata sa kanyang paglaki lalo na sa kanyang mga nakasasalamuha. Kung mabuti ang kanyang paglaki (hindi siya nakaranas ng pang-aabusong sekswal)maaring hayaan siyang malaman ito at kapag nagtanong na siya ay ipaliwanag sa kanya kung ano ang totoo. Maraming libro at mga sulatin na maaaring basahin ang isang magulang tungkol sa pagtuturo o pagpapaliwanag ng sex sa mga bata. Makakatulong ito upang magawang maipaliwanag ng maayos ng magulang ang tungkol dito.

Hindi ligtas ang akademya sa responsibilidad na ito. Dapat makagawa ang DepEd ng isang matibay at katanggap-tanggap na kurikulum ukol sa sex. Maaari itong isama sa PEHM (P.E., Health and Music) class at ituro ng mga gurong may lubos na kakayahan, karanasan at pang-unawa sa mga pangagailangan ng kanyang mga mag-aaral. Maari ring mag-imbita ng mga resource speakers na may matagal at matibay na kaalaman tungkol sa aspetong ito. Sa pamamagitan nito, magkakaroon ng edukadong pananaw ang mga mag-aaral ukol sa sex at magbibigay sa kanila ng sandata kapag naharap na sila sa oras ng pagdedesisyon.

Habang tumatagal ang pag-uusap at pagdedebate ukol sa kung dapat bang magkaroon ng sex education o hindi, kung dapat bang ipasa ng RHC Bill o hindi, mas lalong dumarami ang mga batang ama at ina at mga nagpapa-abort. Sa paglipas ng oras, dumarami rin ang nagkakasakit ng STD, HIV o AIDS dahil sa kawalan ng kaalaman. Tumatakbo ang oras. Sana hindi pa mahuli ang lahat.

This is my entry to the Blog Challenge 08: Teach me eroticism in school, Please" [backlink]

noreply@blogger.com (jdionisio) — Thu, 25 Sep 2008 08:33:00 +0000

SEPT
25^th

Ateneo Blue Eagles, bagong UAAP Champions!

Halos tumigil ang mundo sa pagsisimula ng Game 2 ng Finals ng University Athletic Association of the Philippines (UAAP) at ang bawat galaw at puntos ng bawat kuponan ay sinasabayan ng sigaw at palakpak ng mga manunood. Bawat pito ng referi ay pinakikinggan at tinitignan kung tama ba o mali. Ang bawat hiway at sigaw ay may dahilan. Ang bawat luhang pumatak, nakunan ng lente ng kamera. Matapos ng apat na quarter at sa harap ng mahigit 22,000 manunood sa loob ng Araneta Coliseum at higit pa sa kani-kanilang mga tahanan, nanaig ang lakas at galing ng Ateneo Blue Eagles laban sa De La Salle Green Archers sa iskor na 62-51.

Ayon kay Coach Norman Black, naging instrumento ng kanilang tagumpay ang mahigpit na depensang kanilang ibinigay laban sa Archers. Ito ang kanilang pinagtuunan ng pansin at nagbunga ang pagod at dedikayon ng kuponan na nagdala sa kanila sa kampyonato.

Dinala ni team captain Chris Tui sa kanyang balikat ang Ateneo sa pagbigay niya ng 16 puntos, limang rebounds, tatlong assits at isang steal. Samantala, ang hinirang na season 71 Most Valuable Player (MVP) na si Rabeh Al-Hussaini ay nag-ambang ng pitong puntos. Si Severino “Nonoy” Baclao naman na tinawag na Most Valuable Player of the Finals ay nagbahagi ng walong puntos, 10 rebounds at limang blocks kahit na iniinda nito ang kanyang tuhod.

Sa gitna ng kasiyahan ng mga taga Katipunan, galit ang nararamdaman ni La Salle Green Archers coach Franz Pumaren dahil sa msasasamang tawag ng referi sa gitna ng laban. "This is the worst officiating in the Finals.", "It's like giving the title to them, you just robbed off the 25,000 people watching." wika ni Pumaren. "It’s just like a script. They might as well have given them the trophy (Ateneo)", dagdag pa nito.

Ito ay dahil sa pagtawag ng dalawang technical foul kina Rico Maierhofer at JV Casio. Pinakakontrobersyal ang pag 'dirty finger' umano ni Maierhofer na siyang nagbunsod upang mapaalis ang manlalaro mula sa laban. Na-fouled out naman si Casio noong huling quarter dahil sa charging foul laban kay Jai Reyes. Ito ang itinuturong dahilan kaya humina ang opensa ng Green Archers.

Humantong ito sa hindi paglabas ng Archers mula sa kanilang dug-out para kunin ang runner-up trophy sa awarding ceremony.

(Photos courtesy on Inboundpass and UBelt.com)

Una sa lahat, congratulations Ateneo.

Pangalawa, dismayado ako dahil gusto ko sana ng game 3 hindi dahil sa La Salle ako pero dahil mas kapana-panabik ang game 3 kapag nagkataon. Siyempre, mas maraming kita ang Araneta at mas mataas ang rating ng Studio 23. Pero hindi yun ang punto. Mas masaya siya dahil wala kaninuman ang momentum sa match. Even kumbaga. At kung nangyari yun, mas malakas ang tili, mas maraming tao at mas malaki ang naging balita.

Kung (at uulitin ko, kung) totoo man ang paratang ni Franz Pumaren sa mga masasamang tawag ng referi sa laro, dapat itong maimbestigahan. Maraming may camera at video footage ng makasaysayang laban at sa pamamagitan noon, puwedeng malaman kung masama ba talaga ang ilang tawag ng mga referi sa larong iyon.

Ang mga katulad ng ganitong eksena ang isa sa mga nakikita kong dahilan kung bakit sobrang pinananabikan ang paghaharap sa court ng dalawang unibersidad. Ang bawat paghaharap ay laging may bahid ng pagdududa o kontrobersiya. Kung hindi man, sabik lang sa bawi ang isa. Sa dami rin ng mga kilalang taong nagtapos sa mga unibersidad na ito, hindi maiwasang nakadaragdag sila sa popularidad ng mga pamantasang ito.

Hindi dito nagtatapos ang kuwentong Ateneo - La Salle. Hanggang buhay ang dalawang pamantasan ay mananatili ang "rivalry" sa pagitan nilang dalawa. At dahil dito, patuloy na pananabikan ang paghaharap ng Archers ang Eagles sa basketball court.

See you sa Season 72.

noreply@blogger.com (jdionisio) — Thu, 25 Sep 2008 07:23:00 +0000

SEPT
25^th

Cong. Rodriguez: Lisensya ni Pacman, ikansela!

Sa pangamba sa maaring mangyari sa buhay ni Manny 'Pacman' Pacquiao, hiniling ni Cagayan de Oro Congressman Rufus Rodriguez na kanselahin ang lisensya ni Pacman upang hindi ito makalaban kay Oscar 'The Golden Boy' dela Hoya na magaganap sa Disyembre 6 sa MGM Grand Hotel sa Las Vegas.

Hiniling ni Rodriguez sa Games and Amusement Board noong budget hearing sa Kongreso dahil maaaring mapahamak o mamatay si Pacman dahil sa 'mismatch' na nakikita ni Rodriguez sa nasabing laban. Mas matangkad at mabigat si Dela Hoya kaysa ay Pacquiao. Bukod dito, dalawang weight class division and kailangan akyatin ni Pacquaio sa labang ito.

Pinagsabihan naman ni Bacolod Representative Monico Fuentebella na pabayaan na ang Pambansang Kamao sa labang ito at kung may nakakakilala man sa kakayahan ng boksingero ay ang kanyang trainer na si Freddie Roach ang ang kanyang kampo. Bukod dito, iginiit pa ni Fuentebella na naparakaming problema ng Kongreso na dapat nilang pagtuunan ng pansin kaysa pakialamanan ang laban ni Pacman. Maaring makaapekto rin sa problema sa paglaban ni Pacquaio ang mga ganitong balita.

Giit ni Team Pacquiao Chief of Staff Jake Joson, na ayon mismo sa dating trainer ni Golden Boy na is Roach, kayang-kaya ni Pacman ang kanyang makakalaban at nagpapasalamat rin sila sa mga nag-aalala sa kaligatasan ng Pambansang Kamao.

Samantala, dalawang buwan pa bago ang inaabangang laban nina 'Pacman'at 'Golden Boy' ngunit ngayon pa lamang ay ubos na ang tickets para sa inaabangang bakabakan. Tuwang-tuwa naman si Golden Boy Promotions chief executive officer Richard Schaefer at sinabing ito ay patunay kung gaano kasabik ang mga boxing fans sa nasabing laban.

Maaraming nagsasabing ito ang pinakamalaki at pinakamahalagang laban ng Pambansang Kamao hindi dahil sa kanyang makakalaban kundi dahil sa mga kuwentong bumalot at patuloy na bumabalot sa labang ito. Matatandaang muntikan nang hindi matuloy ang labang ito ngunit matapos ang mahabang diskusyon ay kumpirmado ng tuloy ang bakbakang Pacquiao - Dela Hoya.

Katanggap - tanggap ang punto ni Congressman Rodriguez tungkol sa labang ito ngunit sabi nga ni Congressman Fuentebella, dagdag pa ang kumento nina Karen Davilla at Vic de Leon Lima, mas marami pang problema ang bayan kaysa pakialamanan ang buhay ni Pacman. Wika nga nila, matanda na siya at kaya niya ang sarili niya. Bukod dito hindi ipapahamak ni Pacman at ni Coach Freddie Roach ang kanyang buhay sa ngalan lamang ng pera o ng titulo.

Bahala na. Anatabayanan na lamang natin ang mga susunod na pangyayari.

noreply@blogger.com (jdionisio) — Wed, 24 Sep 2008 06:48:00 +0000

SEPT
24^th

Makati Police, na 'Yari Ka!'

Tila ba napasali sa isang prank show na 'Yari Ka!' ang mga miyembro ng Makati Police District.

Ito ay nangyari nang makatanggap sila sa isang tip na mayroong mga armadong kalalakihang nagtatangka umanong mangholdup ng bangko sa Paseo De Roxas, Makati.

Agad namang rumisponde ang mga pulis Makati at iba pang miyembro ng PNP. Handang-handa ang mga pwersa ng pulisya na makipagsagupa ang mga alagad ng batas sa mga hinihinalang hold uppers. Nang puntahan nila ito'y nakakita nga sila ng mga armadong lalaki ngunit ito pala'y mga miyembro ng back-up security ni Bureau of Customs Commissioner Napoleon Morales. Si Morales ay kasalukuyang nasa isang pagpupulong ng Department of Trade and Industry kasama si Secretary Peter Fabilla.

Agad namang pinahupa ng mga pulis ang tensyon sa Business District at ibinalik ang kapayapaan at kaayusan sa lugar.

Kung may maganda mang kinahinatnan ang pagkakayari ng mga pulis, ito ay ang katotohanang kaya nilang rumisponde sa kahit anong sakuna o krimeng maaaring maganap kahit saan at handa silang ipagtanggol ang mamamamyan laban sa mga masasamang loob.

Huwag na lang nating intindihing na 'Yari Ka!' sila. Minsan lang naman eh. :-)

noreply@blogger.com (jdionisio) — Mon, 22 Sep 2008 16:38:00 +0000

SEPT
23^rd

White Rabbit candy, damay na sa Melamine Scandal (UPDATE 2)

Maging ang popular na White Rabbit creamy candy ay nadamay na sa mga produktong may halong gatas na pinasusuri upang matukoy kung mayroon itong nakalalasong kemikal na Melamine.

Ayon sa pagsusuri ng Agri—Food and Veterinary Authority (AVA) ng bansang Singapore, naglalaman rin ng Melamine ang popular na kendi at inabisuhang huwag ng kainin pa ng sinuman ang White Rabbit. Maliban rito, positibo rin sa melamine ang Yili Brand Choice Dairy Fruit Bar Yogurt Flavoured Ice Confection" at "Dutch Lady" isang uri ng strawberry flavored milk.

Matatandaang pinasusuri ang lahat ng gatas at mga produktong may sangkap na gatas na galing Tsina dahil sa pagkakasakit ng mga batang Tsino na umiinom ng kanilang lokal na gatas na napag-alamang naglalaman ng nasabing nakalalasong kemikal.

Sa huling tala, Apat na sanggol na ang namatay dahil sa mga kumplikasyon sa bato habang nasa isang labintatlong libong bata ang nakitaan ng sakit sa bato.

Una nang napag-alamang may sangkap na melamine ang mga gatas pambata nang matagpuan ito sa mga produkto ng kumpanyang Sanlu Group Co. Ayon sa Bloomberg.com,ang nasabing kumpanya any pagmamay-ari rin ng kilalang kumpanya ng gatas na Fonterra Cooperative Group Ltd.,ng bansang New Zealand na nanguna sa pagpaparecall ng mga produktong nagtataglay ng melamine.

Sa Pilipinas naman, pinasusuri na ng Bureau of Food and Drugs (BFAD)ang lahat ng gatas at mga produktong may gatas sa merkado upang malaman kung ang mga ito ba ay nagtataglay ng nakalalasong kemikal. Sa kasalukuyan, nalamang may 15 gatas mula sa Tsina ang binebenta sa merkado. Pinayuhan rin ni Department of Trade and Industry Undersecretary Zenaida Maglaya na huwag munang bibili ng mga gatas na walang etiketa o brand dahil maaring galing ito mula sa Tsina. Kung may pangalan man, dapat siguraduhin hindi ito nakasulat sa wikang Instik o may ladga ng People's Republic of China. Dahil dito, apektado na ang bentahan ng repacked na gatas sa Divisoria at iba pang pamilihan dahil sa takot ng mga mamimili na baka galing Tsina ang mga repacked na gatas.

Siniguro naman ng Nestle Philippines, ang manufacturer ng Nido, Bear Brand, Neslac, Nestogen, at Nesvita na ligtas ang kanilang mga produkto at walang sangkap na melamine. Ito ay matapos malamang may melamine sa isang Nestle Dairy Farm pure milk sample galing northeastern China. Nilinaw ng Nestle na galing sa Australia, New Zealand, Europe, at Estados Unidos ang kanilang mga sangkap at hindi mula sa Tsina.

Seryosong usapan ang pagkakaroon ng mga ganitong klaseng kemikal sa mga pagkaing ibinebenta sa merkado lalo na yaong mga pagkaing ginawa para sa mga bata. Buhay ang nakataya sa 'pagkakamaling' ito ng mga nasabing kumpanya dahil maaring mapahamak ang kalusugan ng isang walang muwang na bata. Maging ang kanilang mga magulang ay nalalagay sa alanganin dahil nagtiwala sila sa produktong ito ngunit ang katotohanan ay nilininlang sila at silang mga magulang pa tuloy ang nagiging daan upang mapahamak ang kanilang mga minamahal.

Hindi na ito bago. Hulyo ng nakaaang taon nang lumutang ang balitang may formaline o formaldehyde ang mga pagkaing nagmula sa Tsina, kabilang na rito ang White Rabbit.

Malaking katungan kung bakit laging nasasangkot sa mga ganitong eskandalo ang Tsina. Wala bang sinusunod na patakaran o polisiya ang bansang ito pagdating sa paggawa ng pagkain? O sinasadya ito. Huwag naman sana dahil hindi lamang ang kanilang mga mamamayan ang maaring maapektuhan nito bagkus ang buong mundo. Sa bawat depektibong produktong lumalabas mula sa kanilang bansa ay nasasaalang-alang ang kaligtasan at kalusugan ng mga bansang tumatangkilik sa kanilang mga produkto.

noreply@blogger.com (jdionisio) — Wed, 17 Sep 2008 09:17:00 +0000

SEPT
17^th

Sa pagkalugi ng Lehman Brothers Holdings...
Pangulong Arroyo: Kaya natin yan!

Sa pagdekalara ng pagkalugi ng Lehman Brothers Holdings, isa sa pinakamatanda at pinakamalaking holdings sa Estados Unidos, pinayapa ng Pangulong Arroyo ang mga mamumumuhan na makakayanan ng bansa ang mga maaaring maging epekto nito sa pandaigdigang ekonomiya.

Sa pagharap ng Pangulo sa economic briefing sa Makati City na bumagal nga ang pag-unlad ng bansa mula 8.3 porsyento na ngayon ay 4.6 porsyento na lamang.

Ngunit salamat sa mga pinatutupad na 'economic moves' ng pamahalaan ay makakayanan natin ang epekto ng naturang financial crisis sa Amerika.

Nais ng Pangulo na siguraduhing maayos at kontrolado ang inflation sa bansa at manatiling matatag ang mga bangko sa bansa gayundin ang pagpapaababa ng presyo ng bilihin.

Ang dalawa sa pinakmalaking bangko sa Pilipinas, ang BDO (Banco de Oro) at Metrobank ay may investments sa Lehman Brothers Holdings.

Dahil na rin sa pagtaas ng presyo ng mga bilihin ay nawawalan na ng 'buying power' ang mga Pilipino at nililimita na lamang sa kung ano ang pinaka kinakailangan na lamang nilang bilhin.

Sa panayam ng dzMM kay Winnie Monsod, isang kilalang ekonomista, hindi dapat mabahala ang simpleng Juan dela Cruz dahil problemang mayayaman ito.

May dapat pa ba akong sabihin?

noreply@blogger.com (jdionisio) — Fri, 12 Sep 2008 05:27:00 +0000

SEPT
12^th

Petrolyo, nagrollback ng P2!

Simula kaninang madaling araw ay nagrollback ang mga kumpanya ng langis ng dalawang piso kada litro ng kanilang mga produktong petrolyo dahil sa pagbaba ng presyo ng langis sa pandaigdigang pamilihan.

Sunod-sunod na nagbaba ng presyo ang Pilipinas Shell, SeaOil, Petron, Chevron Philippines, Unioil at Eastern Petroleum sa kanilang mga produkto bandang alas dose ng madaling araw.

Ngunit mas mataas ang naging rollback ng Unioil sa kanilang gasolina at diesel nang magbaba sila ng tatlong piso sa kanilang kasalukuyang presyo.

Mula ng bumaba ang presyo ng langis sa pandaigdigang merkado, halos P8.50 na ang ibinaba ng presyo ng gasolina habang P6.50 naman para sa diesel mula ng pumalo ang presyo nito sa halos P60 kada litro.

Kasunod nito, maraming commuters ang humiling na ibaba na rin ang pamasahe at ang iba pang produkto sa pamilihan.

Gayunpaman, dismayado pa rin si Senate Committee on Economic Affairs chair Loren Legarda na hindi makaaapekto ang ganito kaliit na rollback sa presyo ng mga bilihin. Bukod dito, sinabi rin niya na ang malakihang pagbaba ng presyo ng produktong petrolyo ang magiging dahilan upang bumaba rin ang presyo ng bilihin. Ngunit sa takbo at bagal ng pagrorollback ng mga kumpanya ng langis sa bansa, malabo pa itong mangyari.

Tirina niya rin ang kabagalan ng pagrorollback ng tinaguriung 'Big 3' sa industriya ng langis, ang Shell, Petron at Caltex, kumpara sa mga independent players na mabilis ang pagbaba ng presyo kapag bumaba na ito sa pandaigdigan pamilihan.

Ayon naman kay Robert Martin ng Pasang Masda, dapat ay magrollback ng hanggang pitong piso kada litro ang mga kumpanya ng langis dahil sa umabot na sa $95 kada bariles ang petrolyo.

Sa ngayon, ang tanging magagawa ng mga Pilipino ay maghintay at magtiis lalo na sa mga namamasahe. Para naman sa mga motorista, malaking tulong na rin ang dalawang pisong rollback. Kung iisipin, halos sampung piso rin ang matitipid ng isang drayber na nagpapakarga dahil sa nasabing rollback

Kung sa pagbaba naman ng presyo ng bilihin, tama si Senador Legrada, ang isang malaking rollback lang ang natatanging paraan upang bumaba ang presyo ng bilihin maging ng pamasahe.

Para naman sa mga kumpanya ng langis, maaaring hindi gumana ang pinanawagan ng ilang miletanteng grupo ang pagboycott sa mga mga kumpanyang ito sa pamamagitan ng hindi pagbili ng kanilang mga produkto. Gayunpaman, ito sana'y magsilbing babala sa mga kumpanya na matamang nagmamatyag ang mga Pilipino sa bawat galaw nila.

noreply@blogger.com (jdionisio) — Wed, 10 Sep 2008 05:19:00 +0000

SEPT
10^th

Ina, Nanlason at Naglason Dahil sa Kahirapan

Sadyang winakasan ng isang ina at dinamay ang kanyang tatlong anak ang kanilang buhay dahil sa kahirapan noong Martes ng madaling araw sa Magdalena, Laguna.

Ayon sa mga pulis, sapilitang pinainom ng ina ang kanyang mga anak ng toilet bowl disinfectant na naging sanhi ng kanilang pagkamatay. Matapos nito ay ininom din nito ang nasabing likido upang tapusin ang kanyang buhay. Sinubukan pang isugod ng kapatid ng suspek sa pagamutan ang mga biktima ngunit binawian na ang buhay ang mga bata habang ang ina naman ay hindi na naisalba.

Ang asawa naman ng biktima ay nagtatrabaho sa Maynila at lingguhan lamang kung umuwi. Ayon sa kanya, wala namang naikukwento ang asawa tungkol sa hirap ng buhay o anumang problemang maaaring nagtulak sa maybahay na wakasan ang kanyang buhay at idamay ang kanilang mga anak.

Agad namang nangako ng tulong pinansyal si Gov. Teresita 'Ningning' Lazaro sa pamamagitan ng pagpapalibing sa mga nasawi. Pinaiimbistigahan na rin ni Lazaro ang nasabing pagpapakamatay dahil hindi siya naniniwala na kahirapan ang dahilan kung bakit nagawang patayin ng ina ang kanyang mga anak at magpatiwakal pagkatapos.

Hindi ito ang unang beses na may nagpakamatay dahil sa kahirapan. Nobyembre ng nakaraang taon nang magbigti ang isang labing-isang taong gulang na batang babae dahil sa nararanasan nilang kahirapan. Ang tanging hiling ng bata ay bagong sapatos, bag, biskleta at isang maayos na trabaho para sa kanyang mga magulang.

Ang magulang ng bata ay walang maayos na trabaho. Halos isang buwan nang walang trabaho ang ama ng bata habang ang ina naman nito ay namamasukan sa pagwaaan ng pansit.

Matapos mamatay ang bata ay nagdagsaaan ang tulong sa pamilyang ito. Maging ang 'Wish Ko Lang' ng GMA-7 ay nagpaabot ng tulong matapos malamang sinubukang sumulat ng bata sa nasabing programa ngunit walang pera para maipadal ang nasabing sulat.

Nakalulungkot isipin na dahil sa kahirapan ay marami sa ating mga kababayan ang pinipiling wakasan ang kanilang buhay upang matakasan sa miserableng buhay na dala ng kahirapan.

Matatandaang buong yabang na ipinagmamalaki ng pamahalaang Arroyo na maraming maralitang tagalungsod na ang nakatikim ng 'katas ng VAT' at ng paglago ng ekonomiya. Ngunit para sa mga di mapalad na naaambunan ng nasabing tulong, ang pagtatapos ng kanilang buhay ang nakikita nilang paraan upang matakasan ito. Kung hindi man, nariyang kakapit sa patalim at gagawa ng krimen tulad ng pagnanakaw.

Hanggat hindi nakahahanap ng konkretong solusyon ang pamahalaan sa kahirapan, maging ito man ay sa pamamagitan ng pagkontrol ng populasyon, pagpapalago ng ekonomiya o pamumudmod ng pera sa mahihirap, nananatili ang katotohanang maraming maralita ang nanaising wasakan ang kanilang buhay upang di na maranasan ang hirap ng buhay.

noreply@blogger.com (jdionisio) — Mon, 08 Sep 2008 08:43:00 +0000

SEPT
08^th

Doktors, di na pwede mag-endorse ng gamot

Ayon sa bagong Code of Ethics ang Philippine Medical Association (PMA)sa pamumuno ni Dr. Rey Melchor Santos na bawal nang mag-endorso ng mga brand ng gamot ang mga doktor sa pamamagitan ng kahit anong uri ng media.

Base sa bagong Code of Ethics, hindi pwedeng magbigay ng kahit anong paraan ng pag-eendorso ang isang doktor ng kahit anong gamot. Hindi dapat marinig mula mismo sa bibig ng isang doktor ang isang brand ng gamot (i.e., Biogesic). Ang tanging pwede nilang gawin ay magbigay ng generic brand ng gamot (i.e., Paracetamol). Hindi rin sila pwedeng mag-endorso partikular sa pamamagitan ng patalastas ay ipinagbabawal na. Bukod dito, kung mayroon man silang gamot na hawak o siya ay tinutulungan ng isang pharmaceutical company, maaari ito ngunit hindi nila pwedeng banggitin ang kumpanya o gamot na binebenta ng kumpanya.

Tahasan ring sinabi ni Santos na ang hakbang na ito ay hindi paglaban sa mga nag-eendorso o gumagawa ng mga herbal supplements.

Ayon sa panayam ng dzMM kay Dr. Santos, iniiwasan lamang nila ang commercialization ng panggagamot at ng mga medisina. Ayaw nilang mapahamak ang kalusugan ng mga mamamayan dahil sa pag-eendorso o di-tahasang pagsusuri ng isang doktor sa isang may sakit. Iba ang kaso ng preskripsyon. Maaring gawin ito ngunit tahasang ipinagbabawal ang pag-eendorso.

Pagdating sa mga doktor na lumalabas ang isang doktor sa mga palabas, sa radyo man o sa telebisyon, hindi na nila maaaring banggitin ang mga mga brand names ng gamot at tanging generic names lamang ang maaaring sabihin.

Ayon naman kay Dr. Rainier Villanueva, pangulo ng Chamber of Herbal Industries of the Philippines Inc., nababahala sila na maaring humantong ito sa pagbabawal ng pag-eendorso ng mga gamot mismo.

Naiipit rin ang mga doktor sa mga nagmamay-ari ng mga pharmaceutical companies dahil sa ginagawang pag-sponsor ng mga kumpanyang ito sa mga medical mission at iba pang proyekto.

Nais rin ni Villanueva na makonsulta ang mga stakeholders upang maging malinaw ang mga lalamanin ng Implementing Rules and Regulations ng nasabing Code of Ethics.

Sa mga lalabag sa Code of Ethics ng PMA, miyembro man nila o hindi ay maaring mapagsabihan o matanggalan ng lisensya bilang doktor.

Kung Ethics o pagkilos ng isang manggagamot ang pag-uusapan, may punto si Dr. Santos at ang Philippine Medical Association. Tama nga naman na hindi dapat kumiling ang isang doktor sa isang gamot lamang dahil ito ay kanyang ineendorso. Mayroon pang ibang gamot sa merkado, na maaring mas mura pa ang puwedeng ibigay ng doktor sa kanyang pasyente. Ang pag-eendorso ay di-tahasang nagbibigay ng maling pagtingin na ang nasabing gamot ay mas mabisa kaysa sa iba.

Sa punto naman ng mga Food Supplements na nabubuhay ay nakikilala sa pamamagitan ng patalastas, malaking dagok ito sapagkat hindi na nila maaari pang gawin ito. Ngayon, kailangan nilang umasa sa mga kilalang tao, tulad ng mga artista upang gawin ito para sa kanila.

noreply@blogger.com (jdionisio) — Fri, 05 Sep 2008 06:42:00 +0000

SEPT
05^th

Suansing laban kay 'Bayani'

Sinimulan nang tanggalin at sitahin ng pinagsanib na pwersa ng Lant Transportation Office (LTO) at Land Transportation Franchising and Regulatory Board (LTFRB) ang mga Public Utility Vehicles (PUV) na may nakadikit na 'Bayani' stickers.

Ayon kay LTO Chief Asec. Robert Suansing,labag sa batas ang paglalagay ng mga 'unauthorized signages' sa mga pampublikong sasakyan. Bukod dito, marami nang reklamong naririnig si Suansing na reklamo na nagagamit umano ito bilang pampalusot sa mga traffic violations.

Sa panig naman ni Metro Manila Development Authority Chairman(MMDA) Bayani Fernando, walang masama rito at baka ito raw ay para sa pagdiriwang ng Araw ng mga Bayani o National Heroes Day. Kung hindi man ay malamang para sa ika-25 taon ng pagdiriwang ng kamatayan ni Benigno "Ninoy" Aquino. Ngunit sa isang panayam umamin sina Fernando at MMDA general manager Robert Nacianceno na sariling pondo raw ni Fernando ito at hindi galing sa kaban ng bayan.

Iba't-iba ang reaksyon ng mga motorista sa paglipana ng nasabing sticker. May ibang nainis kay Fernando at inakusahan siya ng maagang pangagampanya. May iba naman na naniniwala sa paliwanag ni Fernando. Matatandaaang hayagang sinabi ni Fernando na plano niyang tumakbo sa 2010 elections.

Gayun pa man, buo ang desisyo ng LTO at LTFRB na tanggalin na sa lansangan ang mga nasabing stickers.

Kung anu man ang silbi ng Bayani stickers, dapat itong matanggal sa mga pampublikong sasakyan upang hindi na pagmulan ng katiwalian. Kung nais ninyong magpahayag ng inyong pagkmakabayan, humanap tayo ng mas maayos na paraan na walang kaakibat na pamumulitika.

noreply@blogger.com (jdionisio) — Tue, 02 Sep 2008 08:06:00 +0000

SEPT
02^nd

Tiya Dely Magpayo, pumanaw na

Matapos ng isang araw, binawian na ng buhay ang batikang broadkaster na si Fidela 'Tiya Dely' Magpayo sa edad na 87.

Namatay si Tiya Dely ganap na alas-sais diyes ng gabi sa Manila Doctors' Hospital. Binawian siya ng buhay dahil sa stroke.

Ayon kay Dra. Cynthia Juico, nagising pa ang beteranang mamamahayag Lunes ng umaga. Sinuri ang kanyang kalagayan at nakitang may malalang pagdugo sa kanyang utak ngunit hindi na ito maisasalba pa sa pamamagitan ng operasyon.

Nasa tabi ni Magpayo ang kanyang pamilya lalo na ang anak na si Didi Reyes-Belonio.

Sa kasalukuyanm nakahimlay ang katawan ng First Lady of Philippine Radio sa Loyola Memorial Park sa Marikina City. Una itong dinala sa Dayao Funeral Homes sa Concepcion, Marikina City

Hiling ng anak na si Deedee, sa halip ng bulaklak ay magtulos na lamang ng kandila para sa kanyang ina at magbigay ng donasyon sa kanyang tatlong paboritong places of devotion, ayon sa kanyang panayam sa dzBB radio.

Ang mga simbahang tinutukoy niya ay ang Black Nazarene sa Quiapo, Our Lady of Perpetual Help sa Baclaran at Monasterio de Santa Clara sa Katipunan, Quezon City.

Bukod dito, hiningi rin niya na hanggang Huwebes na lang ng umaga bumusita ang kanyang mga tagasubaybay at ilaan ang natitirang araw para sa kanyang pamilya at kamag-anak.

Ihahatid sa huling hantungan si Tiya Dely sa Sabado, alas tres ng hapon sa Loyola Memorial Park sa Marikina City.

(photo courtesy of ABS-CBN news)

Malaking kawalan si Tiya Dely sa industriya. Salamat sa kanyang mga naiambag. Siya ay siguradong hindi malilimutan ng kanyang mga tagapakinig.

Si Tiya Dely ay nagpapaalam na sa'yo...sa'yo... at higit sa lahat...sa'yo.

noreply@blogger.com (jdionisio) — Sun, 31 Aug 2008 15:58:00 +0000

AUG
31^st

Tiya Dely Magpayo, na-sroke!

Nakaratay ngayon sa banig ng karamdaman ang broadcasting icon na si Tiya Dely Magpayo, radio-broadcaster ng DZRH dahil sa partial stroke.

Nangyari ito bandang alas onse'y medya ng gabi ng sabado habang siya ang nasa programa niyang "Serenata Filipina" Ang nasabing programa ay nagpapatutugtog ng mga kilalang lumang awiting bayan na inawit ng Mabuhay Singers at iba pang kilalang mang-aawit ng kundiman. Sa nasabing programa, kausap niya si Dr. Edna Lucis, isang doktor na nagtataguyod ng virgin coconut oil sa bansa. Matapos ang interview tuloy si Tiya Dely sa pagere. Ngunit bigla itong nawala at tanging ang Pangkat Kolektibista at ilan pang regular na kasama niya ang nagpatuloy ng programa. Ayon kay Danny Dolor, bigla nabulol magsalita sa Magpayo na senyales na pala ng atake nito. Agad na sinugod ang 88-anyos na broadkaster sa Manila Doctors' Hospital upang malapatan ng kaukulang lunas.

Sa kasalukuyan ay bumubuti na ang kalagayan ng tinaguriang First Lady of Philippine Radio. Si Fidela Magpayo, sa totoong buhay ay nagkamit na ng maraming parangal sa loob ng kanyang 68 taong pamamayagpay sa radyo. Ilan rito ay Pama-As Gintong Bai (Centennial Women) award mula sa National Commission for Culture and the Arts; Gawad Plaridel ng University of the Philippines College of Mass Communications; at Lifetime Achievement Awards mula sa Kapisanan ng mga Broadkaster ng Pilipinas at Rotary Club of Intramuros at ang pinakabago ay ang Gawad Saguisag Quezon.

Tulad ng hinihinggi ng mga taga DZRH sa pamumuno ni Joe Taruc, nawa'y ipagdasal natin ang agarang paggaling ni Tiya Dely. Siya ay maituturing nang isang alamat sa larangan ng brodcasting at dapat maging modelo ng mga nag-aaral ng Mass Communication o Broadcast Communications dahil sa kanyang angking dedikasyon, galing, sipag at pagpapahalaga sa wikang Filipino.

noreply@blogger.com (jdionisio) — Fri, 29 Aug 2008 14:13:00 +0000

AUG
29^th

Cadungog Lalaban para sa Philippine Air Force

Emosyunal na dinpensahan ni Lt. Col. Pedrito Cadungog ang Philippine Air Force (PAF) sa paratang ng ilang kumentarista at kolumnista na tinaguriang 'flying coffins' at 'widow makers' ang mga sasakyang panghipapawid ng Air Force. Ito ay dahil sa pagbagsak ng Hercules C-130 sa Davao Gulf noong Lunes.

Ayon kay Cadungog, insulto ito 'di lamang sa Hukbong Sandatahan ngunit maging sa mga taong nasebisyuhan ng nasabing eroplano. Sa loob ng tatlumpung taong buhay ng bumagsak na eroplano, ito ay nakapaghatid na ng mga supplies tulad ng bala sa mga tropa ng militar at mga relief goods sa panahon ng bagyo. Ito rin ay nagsilbi ng service ng ilang kongresista, senador at ilan pang kawani ng gobyerno. Tinawag niyang walang puso, walang utak at bastos ang mga miyembro ng media na nagbigay ng nasabing taguri sa mga sasakyang panghipapawid ng Air Force.

Bukod dito, hinamon ng suntukan ni Cadungog ang sinumang tatawag na 'flying coffins' at 'widow makers' ang kanilang mga gamit panghimpapawid. Hindi niya hahayaang sumakay ang sinuman lalo na ang mga kasapi ng Philippine Air Force sa mga eroplanong ito kung ito nga ay isang 'flying coffin'.

Muling nabuksan ang isyu ng modernisasyon ng PAF maging ng AFP at ng Philippine Navy. Kung tutuusin, laging nauungkat ang usaping ito kapag may nangyayaring sakuna sa mga kagamitan o miyembro ng militar. Tulad ng pagkamatay ng isang sundalo ng AFP sa bakbakan sa Lanao de Norte. Namatay si Marine Cpl. Angelo Abeto sa harap ng milyong taong nakapanuod o nakarinig ng pagbabalita ni Jiggy Manicad sa pakikipagbakbakan ng AFP laban sa mga rebeldeng MILF. Isang Bell 412 helicopter, na pribadong pagmamay-ari ng isang Amerikanong grupo at hindi isang UH-1H Huey helicpoter ang nagsilbing Medevac (Medical evacuation) ni Cpl. Abeto.

Maraming pwedeng sabihin. Maraming pwedeng iturong dahilan. Maraming maraming pwedend sisihin. Pero bilang responsableng mamamahayag, (slogan 'to ng RMN) hinihingi kong ating bigyang pugay ang mga miyembro ng Sandatahang Lakas ng Pilipinas - ang ating mga sundalong nagbubuwis ng buhay para sa ating kasarilan.

noreply@blogger.com (jdionisio) — Tue, 26 Aug 2008 11:13:00 +0000

AUG
26^th

Among Ed Panlilio laban sa Recall Elections

Hinihingi ng Kapanalig at Kambilan ning Memalen Pampanga Inc. (Kambilan) sa pamumuo ni dating Provincial Board Member Engineer Rosve Henson na magsagawa ang Commission on Elections (COMELEC) ng recall election upang matanggal si Pampanga Governor 'Among' Eddie Panlilio sa kanyang pamumuno.

Ayon sa grupo, si Among Ed ay walang kakayahang pamunuan ang nasabing probinsya at ang lumalalang problema sa koleksyon sa quarry, isa sa malaking pinagkukunan ng pondo ng Pampanga. Base sa rekalamong isususmite nina Henson, tahasang nilabag ni Panilio ang ilang probisyon ng Civil Service Law; Anti-Graft and Corrupt Practices Act; Republic Act No. 6713, mas kilala bilang Code of Conduct and Ethical Standards for Public Officials and Employees; at Grave Misconduct in Office.

Naniniwala naman si Among Ed at ang mga sumusuporta rito na pulitika ang rason kung bakit lumabas ang isyung ito. Maaring masyado na niya nasasagasaan ang mga nakikinabang noon sa malaking kitang ipinapasok ng quarrying maging sa illegal na sugal na jueteng.

Si Henson ay kilalang sumusuporta kay dating gobernadora Lilian Pineda, asawa ng sinasabing jueteng lord na si Bong Pineda. Tahasang itinanggi ni Henson na may kinalaman si Pineda sa naturang hakbang.

Sa ngayon ay hindi pa sinusumite ng grupo ang nasabing petisyon. Kinakailangan nila ng pirma ng mahigit sampung porsyento ng mga botenta sa Pampanga upang masagawa ang recall elections.

Para sa kaalamanan ng lahat, si Among Eddie Panlilio ay dating pari na tumakbo nitong 2007 election. At aminado si Among na wala siyang masyadong alam sa pulitika at sa pamamahala ng pamahalaaan. Inamin niya ito noong Sabado sa Light Moments with Fr. Jerry Orbos, SVD. Si Fr. Orbos ay kaklase ni Panlilio noon sa seminaryo. Ngunit unti-unti niyang pinag-aaralan ang lahat ng kinakailangan niyang malaman sa pagpapatakbo ng Pampanga.

Para sa mga Kapampangan, si Among ang simbolo ng pagbabago sa pamamahala ng Pampanga. Dekada na ang binibilang ng pamamahala ng mag-amang Lapid (Mark at Senador Lito) maging ng mga Pineda ngunit wala umanong malinaw o malaking pagbabago sa pamumuhay nila. At nakita nila ang pag-asa kay Among Ed.

Sugal na maituturing ang ginawa ng mga Kapampangan ngunit kung titignan ang mga nagawa ni Among sa loob ng labingwalong buwan ng pamamahala, maraming pagbabago na ang kanilang naramdaman, partikular sa aspeto ng kalusugan at ang pagkawala unti-unti ng jueteng sa naturng probinsya. Nakilala ang Pampanga bilang sentro ng kurapsyon at ng jueteng sa bansa at ayon na rin sa mga mamamayan nito, nabago ito ni Among.

Sana'y pabayaan muna natin si Among Ed na gawin ang alam niyang tama, at sa kalauna'y makikita rin ang progresong minimithi ng mga Kapampangan. Kung tutuusin, ganito rin ang pinag-daanan ni Gov. Vilma Santo nang una siyang tumakbo bilang Mayor ng Lipa. At ngayon, isa ng maunlad na probinsya ng Lipa City.

noreply@blogger.com (jdionisio) — Mon, 25 Aug 2008 12:56:00 +0000

AUG
25^th

Backstab? Annabel Rama and Sharon Cuneta speaks out

Inihayag kahapon nina Sharon Cuneta at Annabel Rama ang kanilang pagkadismaya sa umanoy aksyon ng GMA 7 sa pagsasabay ng Dingdong-Marian Birthday Special sa Opening Day ng "For the First Time" na pagtatambalan nina GMA-7 artist Richard Gutierrez at ABS-CBN second generation star KC Concepcion.

In the latest episode of Sharon aired August 24, 2008, direktang nagtanungan ang mga nanay ng dalawang stars ng nasabing pelikula ukol sa animoy planadong aksyon ng GMA management na sabayan ang unang pelikulang pagtatambalan nina Richard at KC. Pareho silang disappointed with the event but does not blame the people involved; specifically Marian Rivera and Dingdong Dantes. Rama even noted na pwede namang mag-set ng ibang date para sa show, at hindi sa Opening Night. Sharon directly told Tita Annabel that she is indeed disappointed with GMA. The fact that gagawin nila yun sa isa sa mga artista nilang nag-aakyat ng maraming pera and boots the ratings of the Kapuso station to double digits.

wala lang. naaliw lang ako sa kwento. wala akong narinig na maganda o exciting na balita eh. kaya eto na lang pinatulan ko. salamat.

noreply@blogger.com (jdionisio) — Fri, 22 Aug 2008 12:12:00 +0000

AUG
22^nd

Killer Maid, nadakip na!

Matapos ang tatlong araw, nahuli na rin ang tinaguriang 'Maid-Killer" o ang napapabalitang kasama sa bahay na nanlalason ng kaniyang nagiging amo upang pagnakawan ang mga ito. Ang mga biktima ng naturang magnanakaw ay mga Tsinoy na naninirahan sa Sta Cruz at Binondo, Manila.

Ayon sa suspek, hindi siya nag-iisa. Isang sindikato ang nagpapatakbo ng naturang modus operandi ngunit iisa ng taktika. Mamamasukan bilang kasambahay at pagkatapos ng ilang araw, lalasunin ang pamilyang bibiktimahin at tatangayin ang mga pera at alahas ng amo.

Itinuturing nang 'case closed' ang nasabing kaso sa pagkakadakip ng suspek kasama ang itinuturo nitong utak ng modus operandi.

Para sa iba, 'no-brainer' o di dapat masyadong pinag-iisipan ang dapat gawin kapag tayo ay kukuha ng isang kasambahay. Nariyan ang NBI Clearance, Police Clearance, resume, at iba pa. Lahat ito, normal na hinihingi ng isang employer sa kanyan employee. Sa kasong ito, hindi ito naganap. Dahil sa galing ng suspek sa pakikipagpalagayang-loob, nakuha niya agad ang tiwala ng mga bibiktimahin niya at makalipas lamang ang ilang araw ng paunti-unting panglalason gamit ang isang puting powder, sa ospital na ang susunod na eksena at pag-uwi na ng inyong pamilya, wala ang mga naipundar na yaman.

Madaling manisi, ngunit hindi kasalanan ang magtiwala sa kapwa lalo na kung ito ay nanghihingi ng tulong sa atin, at tayo naman ay may kakayahang tumulong.

noreply@blogger.com (jdionisio) — Thu, 21 Aug 2008 05:07:00 +0000

DISCLOSURE POLICY

This policy is valid from 21 August 2008

This blog is a personal blog written and edited by me. For questions about this blog, please contact black_beret007@yahoo.com.

The content of this blog is mainly based on the reports of three of the AM Radio stations in the Philippines namely, DZMM Radyo Patrol 630KHz, Super Radyo DZBB 594KHz, DZXL RMN Manila 558KHz. The author sites as well from on-line newspapers like Inquirer.net and BusinessWorld.Org and websites like GMANews.tv and ABS-CBN News On-line. All news were written and sources are quoted and acknowledged properly. No form of plagiarism is present in all articles.

This blog accepts forms of cash advertising, sponsorship, paid insertions or other forms of compensation.

The compensation received will never influence the content, topics or posts made in this blog. All advertising is in the form of advertisements generated by a third party ad network. Those advertisements will be identified as paid advertisements.

The owner(s) of this blog is not compensated to provide opinion on products, services, websites and various other topics. The views and opinions expressed on this blog are purely the blog owners. If we claim or appear to be experts on a certain topic or product or service area, we will only endorse products or services that we believe, based on our expertise, are worthy of such endorsement. Any product claim, statistic, quote or other representation about a product or service should be verified with the manufacturer or provider.

This blog does not contain any content which might present a conflict of interest.

To get your own policy, go to http://www.disclosurepolicy.org