Ragasri

Religion and science - விஞ்ஞானமும் மதமும்

2020-06-19T06:55:00.001+05:30

ஜாபாலி என்ற மகரிஷி, ராமாவதாரத்தில், உலகிற்கு ஸ்ரீராமர் மூலமாக பல செய்திகளை நமக்கு அருளியுள்ளார். ஜாபாலி மகரிஷியும் பகவான் ஸ்ரீராமரும் ஒருவரை ஒருவர் நன்றாக அறிந்தவர். நமக்கு ஒரு செய்தியைச் சொல்வதற்காக ஆற்றிய சம்வாதம். அதில் இந்தக் கால நிலைக்குத் தகுந்தாற்போல் விதண்டா வாதமும், நாத்திகமும் எவ்வாறு பிற்காலத்தில் நம்மை எல்லோரையும் மூளைச் சலவை செய்யப்போகிறது என்பதற்கு ஒரு முன் உதாரணம் வைத்தாற் போல் அமைத்து, அவர்கள் இருவர் வாதமும் இருந்ததாக வால்மீகி மகரிஷி நமக்கு அளித்துள்ளார்.

Dictionary meaning of Religion - a particular system of faith and worship.

a pursuit or interest followed with great devotion.

மதத்திற்கும் விஞ்ஞானத்திற்கும் அதிக ஒற்றுமைகள் உள்ளன. அந்நாளில் விஞ்ஞான விஷயங்களை மதக் கோட்பாடுகள் மூலமாக நம் பெரியவர்கள் நமக்கு அளித்துள்ளார்கள். அதனை அறியாத இன்றய நாத்திக மூடர்கள், மதத்திற்கு ஒரு சாயம் பூசி, தங்களது ஆதாயத்தை அடைந்துள்ளனர். பாகவதத்திலும், ராமாயண மஹாபாரதத்திலும் இல்லாத ஒன்று இல்லை. அதனை மதம் என்பர். கூகிளில் இல்லாத ஒன்று இல்லை என்றால் அதனை விஞ்ஞானம் என்பர். அந்த கூகுளும் இதிஹாஸ புராணங்களில் அடக்கம். திரு.வேளுக்குடி அவர்கள் க்ரஹணத்தைப் பற்றிய ஒரு செய்தியை கூறியுள்ளார். நாத்திகம் பேசுபவர்களால், விஞ்ஞானத்தை நன்கு உணர்ந்து சொல்லமுடியுமா? கடவுள் நம்பிக்கை, அதில் ஒரு ஈடுபாடு இருப்பவர்களால் மட்டுமே அதனை தெளிவாகச் சொல்லமுடியும்.

127th Maha Periyava Day 05.06.2020 (Maha Anusham)

2020-06-05T07:32:00.000+05:30

ஓம்

ஸ்ரீ சங்கர ஸத்குரு

சரணாரவிந்தேப்யோ நம :

ஸ்ரீ காமகோடி பீடாதிபதி ஜகத்குரு ஸ்ரீசங்கராசார்ய ஸத்குரு ஸ்வாமிகள்

ஸ்ரீ சந்த்ரசேகரேந்த்ர ஸரஸ்வதீ

பாத தரிசன மலர்

ஆண்டவன் பிச்சை அவர்கள் இயற்றியது ஹேவிளம்பி ளு புரட்டாசிமீ 30

புதவாரம் மாலை (16-10-1957)

புஷ்பாஞ்சலி முடிந்தவுடன்

குழந்தைகள்

கிருஷ்ணன் -பூமா அவர்களால்

பாடப்பட்டு

ஆச்சார்ய பாதகமலங்களில் ஸமர்ப்பிக்கப்பட்டது.

------------------------------------------------------------------------------------------------

Sahadeva ties Krishna - கண்ணனைக் கட்டிய சகாதேவன்

2020-05-05T22:24:00.002+05:30

நம்மில் பலர் அறுபது எழுபது பிராயம் தாண்டியவர்கள், இன்று காலை எங்கு சாவியை வைத்தோம் என்பதை மறந்து விடுவர். அதேபோல் இன்று காலை நாம் யாருடன் பேசினோம் என்பதும், அவர் பெயர் என்ன என்பதையும் மறப்பதற்கு ப்ரமயங்கள் உள்ளன. ஆனால் அவர்களது 10-15 வயது பிராயத்தில் நடந்த பல நிகழ்வுகளை அவர்களால் மறுபடியும் அவர்களது நினைவிற்கு கொண்டு வரமுடியும். அவ்வாறு நானும் என்னுடைய இளம் பிராயத்தில் நடந்த நிகழ்வுகளை மனதில் கொண்டு வர எத்தனித்தேன். பல சமயம் நமது சிந்தனையில் திரைப்படம் பார்ப்பது போல பல நிகழ்வுகள் நம் கண்முன் வந்து நிற்கும். அவ்வாறு ஒரு நிகழ்வு. அதனைக் காண்பதற்கு இந்த பாடல் ஒரு காரணமாய் அமைந்தது.

எங்களது தகப்பனார் திருவல்லிக்கேணி, இந்து உயர்நிலைப் பள்ளியில் 1910-20 ஆண்டுகளில் படித்தவர். பழைய மாணவர் என்பதால் 1960 வது வருடம் பள்ளி ஆண்டு விழாவில் நடைப்பெற்ற “கண்ணன் விடு தூது” என்ற ஒரு நாடகத்திற்கு பாடலை எழுதி, இசையும் அமைக்கும் பொறுப்பை பள்ளி நிர்வாகம் அவர்க்கு அளித்திருந்தது. பள்ளியின் சமஸ்க்ருத ஆசிரியராய் இருந்த திரு தாமல் ஸ்ரீநிவாசன் என்பவர் நாடகத்திற்கு வசனம் எழுதி கண்ணனாய் நடித்தார். கண்ணனை சகாதேவன் கட்டுவதாய் உள்ள ஒரு அறிய காட்சியை, நாடகத்தில் சேர்க்க ஆசைப்பட்ட எனது தகப்பனார், அதற்கு ஏற்ற ஒர் பாடலை எழுதி, அதற்கு இசையையும் அமைத்தார். அதனை எனது தமயன் திரு திருவையாரு க்ருஷ்ணன் அவர்கள் அன்று பாடி எல்லோரையும் வசப்படுத்தினார்.

நாராயணீயத்தின் 100 அங்கங்களின் சமஸ்க்ருத ஸ்லோகங்களையும் தமிழில் மொழி பெயர்த்து பல பாடல்களை இயற்றியுள்ளார். அதில் வரும் ராமாயண காவியத்தை எனது ஒரு பதிவில் பாடியுள்ளேன். பால கண்ணனை யசோதை எவ்வாறு அனுபவித்தாள்; மற்றும் பல கண்ணனின் லீலைகளை பல பாடல்களாய் பட்டத்ரி அனுபவித்தது போல இவரும் அனுபவித்து, அவைகளை இந்த நாடகத்தில் சேர்த்திருந்தார்.

நாராயணீயத்தில், பாகவதத்தில் இல்லாத ஒரு காட்சியை எவ்வாறு அவர் இதில் இணைத்தார் என்பதை சிறிதே ஆராய்ந்தேன். இணைய தளம், எளிதில் அறிய பழைய புத்தகங்கள் கிடைப்பது என்பது போன்ற பல வசதிகள் இல்லாத அந்த நாட்களில், எவ்வாறு இந்த சிறந்த காட்சியை, எனது தகப்பனார் சித்தரித்தார் என்று சிறிதே வியந்தேன்.

வில்லி பாரதத்தின் ஒரு ஈர்ப்போ என்று நினைத்தேன்.

முன்ன நீ கூறியவை எல்லாம் முடித்தாலும்

என்னை நீ கட்டுமாறு எவ்வாறு என மாயன்

உன்னை நீதானும் உணராதா உன்வடிவம்

தன்னை நீ காட்டத் தளைந்திடுவன் யான் என்றான்

மாயவனும் அன்பன் மனமறிவான், கட்டுக என்று,

ஆயவடிவு பதினாறு ஆயிரம் கொண்டான்

தூயவன், மூலமாம் தோற்றம் உணர்ந்தே, உலகும்

தாய அடி இணைகள் தன் கருத்தினால் பிணித்தான்

PADUKA - பாதுகை

2020-04-02T21:17:00.000+05:30

எங்களது தகப்பனார் திரு.ஸ்ரீநிவாச ராகவன் “ராகஸ்ரீ” என்ற அங்கிதத்துடன் படைத்த பல க்ருதிகளில் ஒன்றான, இந்த பாதுகை மஹாத்மிய க்ருதி, இன்றைய ஸ்ரீராம நவமி நன்னாளில் உங்களிடையே பகிர்ந்து கொள்வதில் பெரு மகிழ்ச்சி அடைகிறேன்.

எனது தமக்கை திருமதி ரமா ரங்கநாதன், பாதுகா ஸஹஸ்ர பாராயணம் என்ற ஒரு வேள்வியை, அனுதினமும், ஹைதராபாத்தில் நட த்தி வருகிறார். எனது மற்றுமொறு தமக்கை 50 வருடமாக, பூஜ்யஸ்ரீ நாதமுனி நாராயண ஐயங்கார் நடத்திவந்த நாம சங்கீர்த்தனத்தை, இன்றும் தொடர்ந்து நடத்தி, ராகஸ்ரீ க்ருதிகளை எல்லோருடன் பகிர்ந்து வருகிறாள். எனது தமையன் சங்கீதாச்சார்யா திரு. திருவையாறு க்ருஷ்ணன், லாஸ் ஏஞ்சலில், 42 வருட காலமாக நாம சங்கீர்த்தனவேள்வியை விமர்சயாக செய்து வருகிறார்.

நானும் அவர்களது நாம சங்கீர்த்தனவேள்வியில் கலந்து கொண்டு, இந்த பாடலை சமர்ப்பிப்பதில் மிகவும் மகிழ்ச்சி அடைகிறேன்.

Ragasri's 55th Aaradhana

2019-11-16T08:11:00.001+05:30

எங்களது தகப்பனார் திரு. ஸ்ரீநிவாச ராகவன்,

“ ராகஸ்ரீ “ என்ற அங்கிதத்துடன்

எண்ணிலடங்கா பாடல்களுக்கு மேல் புனைந்துள்ளார்.

அவரது இஷ்ட தெய்வங்களில் ஒன்றான குருவாயூர் அப்பனை

ஸ்துதித்து புனைந்த பாடல்களில் ஒன்றினை அவரது

55வது ஆராதனை நாளான இன்று,

அவர்க்கு நான் சமர்ப்பிக்கிறேன்.

Pujyasri Nadhamuni Nanaji Aaradhanam - 15.08.2019

2019-08-11T04:55:00.000+05:30

Ragasri 108

2018-11-19T08:50:00.000+05:30

108 வருடங்களுக்கு முன் இந்தப் புவியில் அவதரித்து, தான் வாழ்ந்த 54 வருடங்களில் 300க்கும் மேல், GNB, மஹாராஜபுரம் விஸ்வநாத ஐய்யர், ஆதிசேஷய்யர், ஆண்டவன் பிச்சை, திருபுகழ் மணி என்ற சங்கீத வல்லுனர்களின் உந்துதலுடன், சமகால க்ருதிகள் பல புனைந்து கர்நாடக சங்கீத உலகத்திற்கு அளித்துள்ளார். முருகக் கடவுளும், குருவாயுரப்பனும் அவரது மடியில் தவழ்ந்து, ராகஸ்ரீ ராகவனை பல க்ருதிகளை படைக்க வைத்து அனுபவித்ததை, நம் போன்றவர்கள் இளைய சமுதாயத்திற்கு கொண்டு செல்லவேண்டி வலைத் தளத்தின் மூலம் அளிக்கிறேன். முருகனை ஆராதித்து பல க்ருதிகளை இயற்றி ஆதிசேஷய்யர், ஆண்டவன் பிச்சை, திருபுகழ் மணி, முருகதாஸ் இவர்களது முன்னிலையில் எனது தமக்கை பூமா நாராயணன், அண்ணன் திருவையாறு க்ருஷ்ணன் இவர்களால் 1956-1960 வருடங்களில் முருகன் படி உற்சவத்தில் அறங்கேற்றபட்ட எண்ணற்ற பாடல்கள் தூய நதி நீராக தவழ்ந்து, கர்நாடக சங்கீதம் என்ற ஸாகரத்தில் கலந்து எல்லோரும் இன்புற்றிருக்க இன்றும் ரீங்காரம் செய்கிறது. அவர்களிடமிருந்து கேள்வி ஞானத்தால் அறிந்து, கேட்டு நானும் பாடி பரவசப் பட்டு உங்களுடன் அனுபவிக்கிறேன்.

Aalokaye Sri Balakrishnam - Krishna Leela Tharangini

2018-10-13T19:57:00.001+05:30

Yoga Sankeerthana Yagam - யோகமான சங்கீர்த்தன யாகத்தில் வந்த ........

2018-09-17T20:19:00.001+05:30

ஆசார அனுஷ்டானத்தை பின்பற்றும் ஒரு பெரியவர், ஒரு தீனமான வறியவனைப் பார்த்து அவனது சரீர பலவீனத்தின் காரணத்தைக் கேட்டார். மேலும் அவனுக்கு எளிமையான நல்ல உபதேசங்களை அருளினார். ஜபம், த்யானம், கீர்த்தனம் என்ற மூன்று விதமான வழிகளால் கடவுளின் அருளைப் பெறலாம் என்றார். அது அவனது வறுமை, உடல் பலவீனத்தை ஜெயிக்கும் உபாயமாகவும் இருக்கும் என்று உறைத்தார்.

புஷ்டியான உணவுப் பண்டங்கள் எனக்குக் கிடைப்பதில்லை, அதனால் பட்டிணியாக உள்ள என்னால் எவ்வாறு இந்த மூன்றில் ஒன்றை அனுஷ்டிக்க முடியும் என்றான். மழையின்மையே இதன் காரணம் என்றான்.

அந்த தவசீலரும் மழையைத் தரும் வருண பகவானை காரணம் கேட்டார். “எனது செயல் அக்னியைப் பொறுத்தது, ஆகையால் அக்னி பகவானிடம் காரணம் கேளுங்கள் என்றார்.

மக்கள் வேள்விகள் நடத்தவில்லை. அக்னிஹோத்ரிகள் தங்கள் கடமைகளிலிருந்து தவறினர். மேலும் வாயு மண்டலத்தை பலவிதமான வேண்டாத பொருட்களால் அசுத்தம் செய்துள்ளனர். ஆகையால் என்னால் முறையாக செயல் படமுடியவில்லை. வாயு மண்டலம் எனக்கு உறுதுணையாக இல்லை என்றார்.

ஜபம் அற்ற மனிதர்களால் எனது மண்டலம் மேலும் அசுத்தாமானதாக ஆனதால் என்னால் சரியாக செயல்படமுடியவில்லை என்றார் வாயு மணடலம். எனது தலைவனான ஆகாசத்தைக் கேளுங்கள். அவர் அதற்கு ஏதாவது பரிகாரம் உரைப்பார் என்றார்.

ஆகாசமோ மிகவும் விசனத்துடன் கூறியது. வாயு, அக்னி, தண்ணீர், பூமி ஆகிய நான்கின் உற்பத்திஸ்தானம் நான் தான். ஆனால் மக்களின் நாராசமான ஒலிகளால் நான் துன்புறுத்தலை அடைந்துள்ளேன். பகவன் நாமாவிற்கு பதிலாக வேண்டாத ஒலிகளும், கடும் சொற்களுமே நான் அன்றாடம் கேட்பதால் நான் வறியவனானேன். மத போதகர்களும் அதற்கு விதி விலக்கல்ல. மக்களை உண்மையான வழியில் நடத்திச் செல்லாமல், தங்களை மற்றவர்கள் பெருமையாகப் பேசுவதை மட்டுமே விரும்புகிறார்கள். அவர்களும் செல்வத்தை ஈட்ட தங்களது பணியிலிருந்து சற்றே விலகியுள்ளனர். கலிபுருஷன் தனது வேலையை செவ்வனே செய்கிறான். அவனது பிடியிலிருந்து மக்களைக் காப்பாற்ற எளிய வழி, கடவுளை த்யானம் செய்து அதற்கான ஜபத்தை கையாள வேண்டும். இரண்டும் முடியாவிட்டால் நாம சங்கீர்த்தனம் ஒன்றே வழி. அதனைச் செய்ய அவர்களை ஊக்குவியுங்கள் என்றார்.

அந்தப் பெரியவரும் நாம சங்கீர்த்தனத்தின் மகத்துவம், செய்முறை, வழியான சம்ப்ரதாயம் எல்லாம் போதித்தார். உஞ்ச வ்ருத்தி என்ற வழியையும் சொன்னார். அந்நாளில் உஞ்ச வ்ருத்தி சொம்பில் அரிசிக்கு பதிலாக சொர்ணம் இருந்தால் அதனை வேண்டாத கல் என்று வீசி எறிந்த தேசிகர் போன்ற சமய ஆச்சார்யர்கள் பலர் இருந்தனர். ராஜா அளித்த செல்வம் வேண்டாம், ராம நாமம் ஒன்றே போதும் என்று ஒரு த்யாகராஜரும் இருந்தார். இப்பொழுதோ சொர்ணம் வழியும் அந்த உஞ்ச விருத்தி சொம்பில் உள்ள சிறிதளவு அரிசியை கல் என்று வீசி எறியும் காலமாக உள்ளது. நாம சங்கீர்தனம் என்ற எளிய வழி, கீர்த்தனமாகி, கச்சேரியாகி, செல்வம் ஈட்டும் ஒரு அருமையான வழியாக எல்லோரும் அறிந்துள்ளனர்.

நாம சங்கீர்த்தனம் என்ற ஏணியை எட்டி உதைத்து மேலே சென்றுவிட்டனர். அவர்கள் வழிவந்த மதத்தையும் மதமுடன் எள்ளி நகையாடுகின்றனர்.

நாம சங்கீர்த்தனம் எவ்வாறு மாறுதல் அடைந்தது. எந்த எந்தப் போர்வைகள் அதனை அழகு படுத்துவதாக எண்ணி, அழகைக் குலைத்தது என்பதை பின் வரும் பதிவுகளில் நாம் பார்க்கலாம்.

Testing Time for Karnataka Sangeetham in Kaliyuga

2018-08-21T10:50:00.000+05:30

கர்நாடக சங்கீதம் என்பதே ஒரு இறைஅம்சம்.

அதில் போட்டி, பொறாமை, நான் என்னும் அகங்காரம்

என்பவைகளுக்கு அங்கு இடமில்லை.

கர்நாடக சங்கீதத்தில் முன்னணியில் இருக்கும் பலவித்வான்கள் த்யாகராஜரின் இந்தப் பாட்டினைப் பாடி

பெரும் செல்வம் ஈட்டியுள்ளார்கள்.

கர்நாடக சங்கீதம் படும் இப்பொழுதுள்ள அவல நிலையை

துக்ளக் நாளேட்டில்

திரு.ராமக்ருஷ்ணன் அருமையாக படம் பிடித்துக் காட்டியுள்ளார். இதிலிருந்து அறிய வேண்டியது என்ன என்பதை

உங்களுக்கே விட்டுவிடுகிறேன்.

Pujyasri Nadhamuni Nanaji Aaradhanam - 28.07.2018

2018-07-25T07:37:00.000+05:30

On 28th July 2018

chanting of Vishnu Sahasranamam (14.00 to 16.00 hrs) &

Naama Sankeerthanam (16.30 to 19.30 hrs)

can be seen live through the following link.

https://www.youtube.com/channel/UCnZ5dyFDoPxRU_723r37ERw/live

GOvardhana Giridhara Govinda

2018-07-21T20:33:00.000+05:30

புராதன மதங்களின் புனிதத்தன்மை, உண்மையான நம்பிக்கை என்ற நறுமணம், உலகம் முழுவதும் உள்ளது. மவுண்ட் ஃபிஜி ஜப்பானில், மவுண்ட் ஒலிம்பஸ் கிரேக்கத்தில், மற்றும் ஆஸ்திரேலியாவில் குஸ்கோ, பெருவில் உலுறு சிகரம் என பல சிகரங்கள் புராதன ஞானத்தையும் புனிதத்தன்மையும் அதே உணர்வுடன் பூமி முதலீடு செய்துள்ளது. புனிதத்தன்மையின் சாராம்சத்தை அறிய வரலாறு, தொன்மை என்ற இரண்டும் நமக்கு உதவுகிறது.

இந்துக்கள் பல நூற்றாண்டுகளாக வ்ரஜ பூமியிலுள்ள கோவர்தன மலையை ஒரு புண்ணிய பூமியாக வணங்குகின்றனர். அந்த சிகரமும் அங்கு வரும் எல்லோருக்கும் அருள் பாலித்து வருகிறது. சமஸ்கிருதத்தில் வர்தன என்பது அதிகரித்தல் என்பதாகும். கோ என்பது பசுவைக் குறிக்கும். அந்த மலைக்கு வருபவர்களுக்கு பசு போல் வளமையை அளித்து நன்மை அளித்து பேரின்பத்தை அதிகரிக்கிறது என்பதாகும், கோவர்தன கிரியை மலைகளின் ராஜாவாகச் சொல்லுவர். மலையைச் சுற்றி ப்ரதக்ஷணாமாக வருவதை “பஞ்ச கோஷி பரிக்ரமா” என்பர். புலன்களை அடக்கி மனதை ஒருமைப் படுத்தல், தூய்மையாக ஆக்குதல் என்பவை “பஞ்ச கோஷி பரிக்ரமா” வின் முக்கிய அம்சங்களாகும்.

பாண்டுவிற்கு பீஷ்மர் கோவர்தனமலையின் தொன்மையையும் சிறப்புகளையும் கூறும்பொழுது த்ரோணாசலத்திலிருந்து எவ்வாறு வ்ரஜ பூமிக்கு இடம் பெயர்ந்தது என்ற வ்ருத்தாந்த்தத்தை கூறுகிறார். ஒருசமயம் காசியிலிருந்து புலஸ்திய மகரிஷி சால்மலி என்ற இடத்திற்கு வந்திருந்தார். அங்கு த்ரோணாசலமும் கோவர்த்தன கிரியும் சேர்ந்து இயற்கையின் அழகையும் செழுமையையும் உயர்த்திக் காண்பித்தது. இடத்தின் தொன்மையையும் கண்டு அங்குள்ள கோவர்தன கிரியை காசிக்கு எடுத்துச் செல்ல ஆசைப்பட்டார். கோவர்தன கிரியின் தந்தையான த்ரோணாசலத்திடம் வினவ அவரும் அதற்கு இசைந்தார். கோவர்தன கிரிக்கு இடம் மாற ஒப்புதல் இல்லை. தந்தையின் சொல் பணிந்து இசைந்தது. தன்னைத் தூக்கிக் கொண்டு செல்ல பணித்தது. ரிஷியால தூக்கமுடியாது என்று நினைத்தது. மேலும் ஒரு நிபந்தனையை விதித்தது. எந்த இடத்திலும் தன்னை வைக்கக்கூடாது. அவ்வாறு வைத்தால் அங்கேயே நின்றுவிடுவேன் என்றது. புலஸ்தியரும் அதற்கு சம்மதித்தார். வ்ரஜ பூமியருகே வரும் பொழுது கோவர்தன கிரி அங்கு இருந்து விடலாம் என்று நினைத்தது. அந்த இடத்தில் மலஜலம் கழிக்குமாறு புலஸ்தியரை சம்மதித்தது. அவரும் நிஜம் என்று நம்பி அங்கு வைத்தார். பிறகு அங்கிருந்து அசைய முடியாதபடி மாறிவிட்டது. கோவர்த்தனம் தன்னை ஏமாற்றி விட்டதால் கோபமடைந்த முனி அதற்கு சாபம் கொடுத்தார். ஒரு நாளைக்கு ஒரு கடுகு அளவு பூமியில் பதிந்து போகக்கடவது என்றார். கலியுகம் தொடங்கி பத்தாயிரம் வருடங்களில் மலை முழுவதும் பூமியின் அடியில் சென்றுவிடும் என்பது ஒரு வ்ருத்தாந்தம்.

சத்ய யுகத்தில் ராமர் சேது பந்தனம் செய்து கொண்டிருந்தார். ஹனுமான் பெரிய பெரிய மலைகளைப் பெயர்த்து சேதுக் கரைக்கு எடுத்து வந்து கொண்டிருந்தார். அச்சமயம் கோவர்த்தன கிரியை ராம சேவையில் ஈடுபட அதன் சம்மதத்தை கேட்டு அதனைத் தூக்கிச் செல்ல ஹனுமன் விழைந்தார். அதற்குள், சேது பந்தனம் நிறைவடைந்ததாக செய்தி கிடைத்ததால், அந்தச் செயலை நிறுத்தினார்.

மிகவும் வருத்தமடைந்த கோவர்தன கிரி ராமரை வினவ, அடுத்த யுகத்தில் தனது ஸ்பரிசம் கிடைக்கும் என்று வாக்குக் கொடுத்தார். த்வாபர யுகத்தில் ராமர் கொடுத்த வாக்கை நிறைவேற்ற க்ருஷ்ணாவதாரத்தில் தனது நித்ய லீலைகளை கோவர்தன மலைக்கருகிலேயே நிறைவேற்றிக் கொண்டதோடல்லாமல், இந்திரனின் மமதையை அடக்க ஏழு நாடகள் கோவர்தன மலையை தூக்கி நிறுத்தி நின்றார்.

Pujyasri Nadhamuni Nanaji 15th Aaradana - 28th July 2018

2018-07-19T13:54:00.000+05:30

Musical Trapeze - Corporate Music or Carnatic Music ?

2017-12-24T21:50:00.000+05:30

நானும் என் நண்பரும் ஒரு முன்னணிப் பாடகரின் கச்சேரிக்குச் சென்றிருந்தோம்.

நான் பாடுவேன். நாம சங்கீர்த்தனம் செய்யும் எனக்கு கர்நாடக சங்கீதத்தில் அவ்வளவு பாண்டித்யம் கிடையாது. கேள்வி ஞானத்தில் ராக சாயயை வைத்துக் கொண்டு இந்த ராகம் என்று ஒரு ஹேஷ்யத்தில் சொல்லுபவன் நான்.

என்னுடன் வந்தவர் முன்னணிப் பாடகர்களிடம் சிக்ஷை பெற்றவர். ராகம், கற்பனை ஸ்வரம் கையாள்வது, கணக்கு வழக்கில் கைதேர்ந்தவர். முன்னணிப் பாடகர் கத்தனு வாரிகி என்ற தோடி ராக கீர்த்தனையை ஆரம்பித்தார்.

தோடி ராகத்தில் அருமையான கோர்வையுடன் ராக ஆலாபனை. COPY BOOK STYLE என்பார்கள். அந்த பாணியில் இந்த சங்கதிக்குப் பிறகு இந்த சங்கதிதான் என்று சொல்லும் அளவிற்கு ஒரு சிட்டையான சங்கீதம். ஒரு ஆயிரம் தடவை கௌளி கொட்டுவது போல் “சோ ச் சா” என்ற சக ரசிகர்களின் ஒரு பாராட்டு. அவர் ஆலாபனை முடிப்பதற்காக மந்த்ர ஸ்தாயி போய் முடிக்கலாம் என்று நினைப்பதற்குள் ஒரு கை தட்டல். ஹாரிமோனியத்தில் Reeds உள்ளது போல் குரல். மூன்று Octaveலும் சஞ்சாரம். மேல் ஸ்தாயில் ஒரு தெய்வீகப் பெண் குரல். கீழ் ஸ்தாயில் கொஞ்சம் புளிச்ச மோர் சாப்பிட்ட வடு. நடு ஸ்தாயியில் அங்கங்கே ஸ்ருதியுடன் சேர்ந்த ஒரு ப்ரமிப்பு. ஒரு வழியாக ஆலாபனை அரிசிப்பானைக்குள் சென்றது. வில்லின் வல்லர் வயலின் வித்வான், தன்னை “Yahudi Menuhin” அளவிற்கு தன்னை நிறுத்திக் கொண்டு, சுவற்றில் பேளாடால் கீறினால் ஏற்படும் ஒரு புளகாங்கித்தை தனது வில்லினால் ஏற்படுத்தி ஒரு அருமையான “Applause” கேட்டு வாங்கிக் கொண்டார். அரங்கம் அதிர்ந்தது. பாவம் ம்ருதங்கம் அரங்கத்தின் குளிரில் நடுங்கி மப்ளர் போர்த்திக் கொண்டிருந்தது. ம்ருதங்க வித்வான் ம்ருதங்கத்தை குழவிக் கல்லால் சிறிது தாஜா பண்ணி வாசிக்க ஆரம்பித்தார். Circus Trapeze தொடங்கிற்று.

பாவம் த்யாகராஜர் க்ருதி.

பாடகர், வயலின் வித்வான், ம்ருதங்க வித்வான், கடம் மற்றும் முகர்சிங் என்று பலதரப்பட்ட வித்வான்களிடம் வேகம், நளினத்தாலும் கீழே விழாமல் பல கைதட்டல்களுடன் மிகவும் வேகமாய் நகர்ந்து கொண்டிருந்தது. அரை இடம் முக்கால் இடத்தில் “ஸ்வரப் ப்ரஸ்தாரத்தை” அமர்க்களமாக கைமாற்றி அரங்கத்தை அதிரச் செய்தார். பிறகு வித்வான் சிறிது ஓய்வு எடுத்துக் கொண்டு ரசித்து ருசித்து ஏதோ ஒரு த்ரவத்தை சுவைத்தபடி மற்றொறு கையால் குத்து மதிப்பாக ஒரு தாளம். ம்ருதங்கம், கடம், முகர்சிங்க் இவர்களிடம் மேலும் உள்ள சுழற்சிகளை விட்டு விட்டார். மூவரும் பிய்த்து விட்டார்கள். அரங்கம் கைதட்டலில் அசந்து விட்டது. உடன் வந்தவர் “சார் கச்சேரி எப்படி? என்று வினவினார். முன்னணிப் பாடகர், என்னுடன் வந்தவரின் favourite musician.

என் நண்பர் சொன்னார் “ஒரே ப்ருகா சார்”, எப்படி?” என்றார்.

என்னுள் வெளியில் சொல்லமுடியாத ஒரு கணிப்பு.

“ஸ்ருதி அங்கங்கே சேர்ந்தது. தாளம் ஒன்று இரண்டு அக்ஷரம் தவறினால் ம்ருதங்கக்காரர் கவனித்துக் கொள்ளமாட்டாரா என்ன? என்பது தான் அந்த கணிப்பு.

பாவம் த்யாகராஜர், என்ன நினைத்துப் பாடினாரோ, அந்த Bhavam, அர்த்தம் கச்சேரியில் பாவமாக அமர்ந்தது. வீட்டிற்கு வந்து பாடலின் அர்த்தம் என்ன என்று சிறிதே பார்த்தேன். என் மனதில் உள்ள இருக்கமான உணர்விற்கு மாற்றாக இருக்கும் என்று அங்கு சென்றால் ஒரு அருமையான ஒரு Circus Trapeze Show வைப் பார்த்த ஒரு அனுபவம் தான் கிடைத்தது.

எனது இல்லத்திற்கு ஒருவர் வந்திருந்தார். அவர் வாழ்க்கையில் பல ப்ரச்சனைகள். அவரது ப்ரச்சனைகளைப் பார்க்கையில், கடவுளுக்கு பல Thanks சொன்னேன். “தெய்வம்" என்று வாஸ்தவமாகவே ஒன்று இருக்கறதா? என்று என்னை, அந்தரங்கமாக, அந்த ஆஸ்திக நண்பர் வினவினார். வாழ்வில் பல துன்பங்களைக் கண்டவர். அந்த துன்பங்கள் மேலும் அவருக்கு தொடர்கின்றது. கடவுள் நம்பிக்கையில் திளைத்து ஏமாந்தவர். ஏமாற்றமும் கோபமும் அடைந்த அவர் “பக்தி பக்தி என்று பிறர்க்கு சொல்லிக் கொண்டிருக்கிறீர்களே உம்முடைய பக்தி எங்குள்ளது என்றார். “வாஸ்தவம், தெய்வத்தை நான் கண்டிருந்தால் உம்மிடம் ஏன் இப்படிப் பேச வருவேன் என்றேன். அவரோ சமாதானம் அடையாமல் சென்றார். கத்தனுவாரி விஷயத்துக்கு வருவோம்.

---------------------------------------------------------------------------------------------------------------

பல்லவி

கத்3(த3)னு வாரிகி கத்3து3 கத்3(த3)னி மொரல(னி)டு3

பெத்3த3ல மாடலு நே(ட3)ப3த்3த4(மௌ)னோ

அனுபல்லவி

அத்3த3ம்பு செக்கிள்ளசே முத்3து3 காரு மோமு ஜூட3

பு3த்3தி4 கலிகி3(ன)ட்டி மா வத்3த3 ரா(வ)தே3மிரா (க)

சரணம்

நித்3து3ர நிராகரிஞ்சி முத்3து3க3 தம்பு3ர பட்டி

ஸு1த்3த4மைன மனஸுசே ஸு-ஸ்வரமுதோ

பத்3து3 தப்பக ப4ஜியிஞ்சு ப4க்த பாலனமு ஸேயு

தத்3-த3ய-ஸா1லிவி நீவு த்யாக3ராஜ ஸன்னுத (க)

--------------------------------------------------------------------------------------------------------------------

உண்டு என்று சொல்பவர்களுக்கு உண்டு. உண்டு என்றால் ஏன் எளிதில் கண்ணில் படுவதில்லை. நான் பார்க்க விரும்புவது அந்த தெய்வத்தின் அழகிய தோற்றத்தை. கண்ணாடி போல் மின்னும் கன்னங்களுடன் ஒளிமிகுந்த அவன் முகத்தைக் காண, புத்தி கொண்டு எங்கும் எங்கள் முன் வராமல் இருப்பானேன். ஸர்வேஸ்வரனின் அகண்ட ஸச்சிதானந்த அதிசயத்தைக் காண இயலாதவனாயினும் ராம, க்ருஷ்ணாதி அவதாரங்களில் அவன் ஏற்ற ஸுகுணாகர சுக ஸ்வரூப தர்சனமாவது எனக்குக் கிடைக்காதா?

தூக்கத்தை விட்டு, நன்றாகத் தம்புராவை ஸ்ருதி சேர்த்து அமைத்து சுத்தாமான மனதுடன் ஸுஸ்வரமாக,

ஸம்ப்ரதாயப்படி பஜனை செய்தால்,

அவ்வாறு தன்னை பஜிப்பவரை பாதுகாக்கும் மகா தயவுள்ள மூர்த்தி, நிச்சயம் தரிசனம் அளிப்பார் என்பது பெரியோர்களின் வாக்கன்றோ.

த்யாகராஜனால் இந்த அனுபவம், கண்டு கொண்டாடப்படும் இந்த ராமபிரான், நிச்சயம் “உள்ளான்” என்பவர்க்கு உள்ளான்.

த்யாகராஜன் உண்டு என்பவருக்கு ஸ்ரீராமபிரான் உண்டு. பக்தியும் உண்டு. நல்ல சங்கீதமும் உண்டு.

ஏனைய மற்றவர்களுக்கு……… ? உங்கள் கணிப்பிற்கு விட்டுவிடுகிறேன்.

இக்கால கட்டத்தில் நாம் கேட்கும் கர்நாடக சங்கீதம், ஒரு தெய்வீக அம்சம் இருப்பது போன்ற ஒரு நிலையை ஏற்படுத்துகிறது !

ப்ரமையா ? உண்மையா?

Trijata's Dreams and Seetha's Anguish

2017-12-05T17:03:00.000+05:30

த்ரிஜடையின் சொப்பனம்

பிரஜாபதி புலஸ்தியரின் பேரன் விஸ்ரவ முனிவருக்கும் - அசுர குலத் தலைவர் சுமாலியின் மகள் கேகசிக்கும் பிறந்தவர்களே இராவணன், விபீடணன் கும்பகர்ணன் மற்றும் சூர்ப்பனகை ஆவர்.

விபீஷணன் இராமாயணத்தில் இடம்பெறும் ஒரு முக்கிய கதை மாந்தர். இவரது மகள் திரிசடை ஆவார். இவன் இராவணனின் தம்பி ஆவான். நீதி நியாயத்தின் படி வாழ்ந்து வந்தான். சீதையை இராவணன் கடத்தி வந்த போது அநியாயம் என்று எடுத்து உரைத்தான். சீதையை விட்டுவிடுமாறு பல ஆலோசனைகள் கூறினான். ஆனால் இராவணன் அதனை ஏற்றுக்கொள்ள மறுத்துவிட்டான். நியாயத்துக்கு எதிராக இராவணனுக்கு உதவ விரும்பாத விபீடணன், அன்னை கேகசியின் அறிவுரைப்படி, இராமனிடம் அடைக்கலம் அடைந்து அவனுக்கு உதவினான்.

சீதையை சிறை வைத்தபோது, த்ரிஜடை பாதுகாவலராக நியமிக்கப்பட்டாள். ராவணனின் துர்போதையினால் அரக்கிகள் சீதையை துன்புறுத்தியதால் கோபமுற்ற த்ரிஜடை தனது கனவினைப் பற்றி விவரமாக மற்ற அரக்கிகளுக்கு உரைக்கிறாள். அதன் தமிழாக்கம் பின்வருமாறு. ராமாயணத்தில் த்ரிஜடை ஒரு முக்கியமான கதா நாயகர்.

சீதையும், விபீஷணனின் பெண்ணான த்ரிஜடையும் அசோகவனத்தில் சம்பாஷித்துக் கொண்டிருக்கிறார்கள். அப்போது சீதை த்ரிஜடையை நோக்கி, “ ஓ, த்ரிஜடை! புழுவானது இடைவிடாமல் வண்டை நினைத்துக் கொண்டிருப்பதால் அது வண்டாக மாறி விடும் என்று சொல்லப்படுவது உண்மையா? அப்படியென்றால் (ராமனை இடைவிடாமல் தியானிக்கும்) நான் ராமனாக மாறி விடுவேன்.எனது அன்புக்குரிய கணவரின் அன்பு இல்லாமல் தள்ளி தூர இருப்பதிலிருந்து விடுபட்டு விடுவேன்” என்றாள். இதைக் கேட்ட த்ரிஜடை உடனே சீதையை நோக்கிப் பதில் கூறுகிறாள் : “ அப்படி என்றால் அது நல்லதற்குத் தான்! ஏனெனில் நீங்கள் ராமர் ஆகி விடுவீர்கள். உங்களை இடைவிடாமல் நினைத்துக் கொண்டிருக்கும் ராமர் சீதை ஆகி விடுவார்!

நீங்கள் (ராமராக ஆகி விடுவதால்) எதிரியான ராவணனைக் கொன்று விடுவீர்கள். உடனே ராமருக்கு அருகில் சென்று விடுவீர்கள். (அவரவர் தம் தம் உருவை எடுத்துக் கொள்வீர்கள்!)

எப்படிப்பட்ட அபாரமான கற்பனை!

------- (Courtesy swamiindology..blogspot)

कीटोऽयं भ्रमरी भवेदविरतध्यानात्तथा चेदहं

रामः स्यां , त्रिजटे , तथा ह्यनुचितं दाम्पत्यसौख्यच्युतः |

एवं चेत्कृतकृत्यतैव भविता ; रामस्तव ध्यानतः

सीता ; त्वं च निहत्य राक्षसपतिं सीतान्तिकं यास्यसि ||

----------------------------------------------------------------------------------

LEAP, was presented in English, as 'Ram-Lila', an improvised folk version of the ancient theatrical tradition of enacting the great epic in front of tens of thousands of devotees for extended period of time - as practiced & presented in India for nearly four centuries; this version includes dramatized adaptations of Saint Valmiki's Ramayana and Saint Tulsidas' Ram-Carit-Manas. This special production incorporated dance (Bharata nAtyam and other) forms as part of the episodic story line. Original music score is based on verses sung in operatic style by a live orchestra from Valmiki Ramayana and Tulsidas' Ram Carit Manas. The original score draws from both Karnatic and Hindusthani music traditions. This unusual operatic production features a distinctive, separate track that maps some of the events in the epic to psycho-spiritual constructs within each of us. This form of play was conceived, and scripted by Dr. KG Parameswaran who has also directed the opera. Apart from writing some special songs and composing music in scores of Indian Ragas, Priya Krishnan Parameswaran has directed the Music and is the lead vocalist. Subhapriya Krishnan Srivatsan has co-directed the Music and managed the Production. Lavanya Raman has acted, contributed to production design and also sang along with Karthik Gopalaratnam, another well known singer. The eighteen member cast included some well known professional actors from the United states and the nine member team of musicians included some of the well known professional artists from the Bay area.
This short clip is from a scene that portrays the agony, angst and dreams of TrijaTa, the noble daughter of the noble prince VibhIshaNa and the concerns of Sita in captivity. TrijaTa is portrayed by the 12-year old actor/singer Kaanchana Parameswaran and Sita was portrayed by Chinmayi Bettadapur, a well known dancer and a coporate executive from the SF bay area.

THIRUPULI AZHWAR - திருப்புளியாழ்வார்

2017-12-04T12:38:00.001+05:30

ஏரார் வைகாசி விசாகத்தின் ஏற்றத்தை

பாரோர் அறியப் பகர்கின்றேன் - சீராரும்

வேதம் தமிழ் செய்த மெய்யன் - எழில் குருகை

நாதன் அவதரித்த நாள்

உண்டோ வைகாசி விசாகத்துக்கு ஒப்பொரு நாள்

உண்டோ சடகோபர்க்கு ஒப்பு ஒருவர் - உண்டோ

திருவாய்மொழிக்கொப்பு தெங்குருகைக்கு உண்டோ

ஒருபார் தனில் ஒக்கும் ஊர்.

-- உபதேச ரத்தினமாலை மணவாள மாமுனிகள்

---------------------------------------------------------------------------------

முன் உரைத்த திருவிருத்தம் நூறு பாட்டும்

முறையில் வரும் ஆசிரியரும் ஏழு பாட்டும்

மன்னிய நற்பொருள் பெரிய திருவந்தாதி

மறவாதபடி எண்பத்தெழு பாட்டும்

பின் உரைத்ததோர் திருவாய்மொழி எப்போதும்

பிழையற ஆயிரத்தொரு நூற்றிரண்டு பாட்டும்

இந்நிலத்தைல் வைகாசி விசாகம் தன்னில்

எழில் குருகை வருமாறா இரங்கு நீயே

--- ஸ்ரீ தேசிக ப்ரபந்த சாரம்

---------------------------------------------------------------------------------------

ஆழ்வார்திருநகரி என்ற தலம் 108 திவ்ய தேசத்தில் ஒன்றாகும்.

திருநெல்வேலி அருகே இருக்கும், ஆழ்வார்களால் மங்களாசாசனம் பெற்ற நம்மாழ்வார் அவதரித்த இத்தலம், தாமிரபரணிக் கரையில் நதிக்கரையில் இருக்கும் நவதிருப்பதிகளில் ஒன்றாக, வியாழனுக்குரிய தலமாக உள்ளது.

மூலவர் ஆதிநாதர். கிழக்குப் பார்த்து நின்ற திருக்கோலம். ஆதியிலே தோன்றியவர் என்பதால் இத்திருநாமம். முதன்முதலாகப் பெருமாள் வாசம் செய்த தலம் என்பதால் ஆதிக்ஷேத்திரம் ஆயிற்று.

இத்தலம் வராக க்ஷேத்திரமும் ஆகும். ஞானப்பிரான் சன்னிதி முதல் பிரகாரத்தில் உள்ளது. ஆதிநாதவல்லி, குருகூர்வல்லி என்று இரு தாயார்கள் தனித் தனியான சன்னிதிகளில் பெருமாள் சன்னிதியின் இருபுறங்களிலும் குடியிருக்கிறார்கள். அருகில் உள்ள நவதிருப்பதித் தலங்களிலும் அந்தந்த ஊர்ப் பெயர் கொண்ட நாச்சியார்கள் இருக்கிறார்கள்.

கருடன் இங்கு வழக்கமான கூப்பிய நிலையில் இல்லாமல் அபயஹஸ்தம், நாகர், சங்கு, சக்கரத்துடன் இருக்கிறார்.

நகரின் பழைய பெயர் திருக்குருகூர். நம்மாழ்வார் தம் திருவாய்மொழியில் பல இறுதிப் பாசுரங்களில் ‘குறுகூர்ச் சடகோபன்’ என்றே தன் பெயரைக் குறிப்பிடுகிறார்.

இராமாவதாரம் முடிவுக்கு வரும் தருவாயில் யமதர்மன் இராமனுடன் பேச வந்தார். அப்பொழுது இராமன் இலக்குவனிடம் யார் வந்தாலும் உள்ளே விடக் கூடாது என்ற கட்டளை இட்டுச் சென்றார். அப்பொழுது மகா கோபியான துர்வாசர் வந்து இராமனைப் பார்க்க வேண்டும் என்று சொல்கிறார். தடுத்தும் கேட்கவில்லை. நாட்டு மக்களை சபித்து விடுவேன் என்று கூறியதால், தனக்கு இதனால் எத்துன்பம் வரினும் பரவாயில்லை என்று இலக்குவன் உள்ளே சென்று துர்வாசர் வந்த செய்தியைச் சொல்கிறார். அதனால் இலக்குவன் மரமாக வேண்டிய சாபம் ஏற்படுகிறது. ஆனால், இராமன் இலக்குவன் ஒரு இக்கட்டான சூழ்நிலையில் செய்த அந்த செயலைப் புரிந்து கொண்டு, நான் கலியுகத்தில் ஆழ்வாராக அவதரிக்க உள்ளேன், நீ இந்தக் கணையாழியோடு தென் திசை செல், எங்கு இந்தக் கணையாழி கீழே விழுகிறதோ அங்கு புளியமரமாய் நில் என்று கூறுகிறார்.

அந்த இலக்குவன் புளிய மரமாய் நின்ற இடத்தில் தான் மாறன் தான் இருப்பிடமாக்கிக் கொண்டார். பெருமாள் எங்கு சென்றாலும் இணை பிரியாது தொடர்ந்து வரும் ஆதிசேடனே மரமாகி அதில் பதினாறு வருடங்கள் பெருமாள் மௌனியாக சின் முத்திரையோடு அமர்ந்திருந்தார். அந்தப் புளியமரம் இன்றும் உள்ளது.

திருமால் பிரம்மனுக்குக் குருவாக வந்ததால் திருக்குருகூர் என்ற பெயர் பெற்றது. இத்தலத்தின் இன்னொரு சிறப்பு திருப்புளியாழ்வார் என்றும், உறங்காப்புளி என்றும் அழைக்கப்படும் புளிய மரமாகும். இம்மரம் 5,000 ஆண்டு பழமையானது என்று கூறப்படுகிறது. இதன் இலைகள் மற்ற புளிய மர இலைகளைப் போல் இரவில் மூடாது. இம்மரம் பூக்கும், காய்க்கும், ஆனால் பழுக்காது.

ஆகவே கருடாழ்வார், சக்கரத்தாழ்வார், இளையாழ்வார் என்பதைப் போல் ‘திருப்புளியாழ்வார்’ என்று வைணவ மக்களால் இந்தப் புளிய மரம் கொண்டாடப் படுகிறது.

ஒரு குழந்தை வயிற்றில் இருக்கும் வரை அதற்கு முற்பிறவி நினைவு இருக்குமாம். பூமியில் பிறந்தவுடன் சடம் என்னும் வாயு குழந்தையை சூழ்ந்து கொள்வதால் பூர்வ பிறவியின் வாசனை அற்றுப் போய் மாயையினால் கவரப்பட்டோமே என்று அழுமாம். ஆனால் நமாழ்வார் பிறந்தவுடன் அவரை சடம் என்னும் வாயுவால் நெருங்க முடியவில்லை. அதனால் தான் அவர் பிறந்தவுடன் அழவில்லை. சடம் என்னும் வாயுவை முறித்ததினால் அவருக்கு சடகோபன் என்னும் பெயரும் உண்டாயிற்று.

நம்மாழ்வார் பிறந்தவுடன் எந்தவித அசைவும் இல்லாமல் இருந்தார். அவருடைய பெற்றோர் இத்தலத்துக்கு வந்து இறைவன் முன் அவரைத் தரையில் இட்டனர். உடனே அக்குழந்தை தவழ்ந்து சென்று அருகில் இருந்த இப்புளிய மரத்தின் பொந்தில் சென்று தியானத்தில் ஆழ்ந்தது.

16 ஆண்டுகளுக்குப் பின், அருகில் உள்ள திருக்கோளூரைச் சேர்ந்த பண்டிதர் ஒருவர் வடதிசை சென்றபோது, தென்திசையில் தெரிந்த தெய்வீக ஒளியைப் பின்பற்றி வந்து நம்மாழ்வாரை அடைந்தார்.

புளியமரப் பொந்திலிருந்த பாலகனைப் பார்த்து அவர், “செத்ததன் வயிற்றில் சிறியது பிறந்தால் எத்தைத் தின்று எப்படி இருக்கும்?” என்று கேட்டார். அப்பாலகனும் கண் திறந்து, “அத்தைத் தின்று அங்கே கிடக்கும்” என்று கூறினார். அவர் கேட்டது - சடப்பொருளான உடம்பில் உயிர் சேர்ந்தால் என்னவாகும் என்பதாகும். உடம்பையே தானாக நினைத்து அதில் உழன்று கொண்டிருக்கும் என்று நம்மாழ்வார் கூறியவுடன், அந்தப் பண்டிதர் அவரது காலில் விழுந்து, அவரது சீடனாகி, அவரை மட்டுமே பாடி, மதுரகவி ஆழ்வார் என்ற பெயருடன் பன்னிரு ஆழ்வார்களில் ஒருவருமானார்.

தேறிய மாஞானமுடன் திருக்கோளூரில்

சித்திரையில் சித்திரைநாள் வந்து தோன்றி

ஆறிய நல் அன்புடனே குருகூர் நம்பிக்கு

அனவரதம் அந்தரங்க அடிமை செய்து

மாறனை அல்லால் என்றும் மறந்தும் தேவு

மற்றறியேன் எனும் மதுரகவியே நீ முன்

கூறிய கண்ணிநுண் சிறுத்தாம்பு அதனில் பாட்டுக்

குலவு பதினொன்றும் எனக்கு உதவு நீயே

--- ஸ்ரீ தேசிக ப்ரபந்த சாரம்

---------------------------------------------------------------------------------

ஏரார் மதுரகவி இவ்வுலகில் வந்து உதித்த

சீராரும் சித்திரையில் சித்திரை நாள் - பாருலகில்

மற்றுமுள்ள ஆழ்வார்கள் வந்துதித்த நாள்களிலும்

உற்றது எமக்கு என்று நெஞ்சே ஓர்.

- உபதேச ரத்தினமாலை மணவாள மாமுனிகள்

----------------------------------------------------------------------------------------------

வைணவ மரபுப்படி குருவிற்கே ஏற்றம் அதிகம். இறைவனை விட ஆச்சர்யார்களே முதன்மையும் மேன்மையும் உடையவர்கள். இந்த மரபுப் படி திருமாலே முதல் ஆச்சார்யர், திருமகள் இரண்டாம் ஆச்சார்யர், பரமபதத்தில் இருக்கக் கூடிய சேனை முதலியார் மூன்றாம் ஆச்சார்யர். சேனை முதலியாரின் அம்சமாகப் பிறந்த நம்மாழ்வாரை மதுரகவியாழ்வார் தன் குருவாக ஏற்றுக் கொண்டு அவருக்குத் தொண்டு புரிவதிலேயே தான் வாழ்நாளைக் கழித்தார். மதுரகவிஆழ்வார் இறைவன் மேல் ஒரு பாசுரம் கூட இயற்றவில்லை. அவர் இயற்றியப் பாசுரங்கள் அனைத்தும் நம்மாழ்வார் மேல் மட்டுமே. இவரன்றி வேறு தெய்வம் இல்லை என்று இவர் மேல் பதினோரு பாக்கள் இயற்றி அதனாலேயே ஆழ்வாரானார். நம்மாழ்வாரின் பாக்களை உலகறியச் செய்தார் மதுரகவியாழ்வார்.

இந்தப் புளியமரத்தின் அடியிலேயே நம்மாழ்வாருக்கு 36 திவ்ய தேசத்துப் பெருமாள்களும் வந்து காட்சி அளித்ததாகவும், இங்கிருந்தே அவர்களைப் பாடியதாகவும் கூறப் படுகிறது.

புளிய மரத்தின் அடியில் கட்டப்பட்டிருக்கும் சுவரின் நான்கு பக்கங்களிலும் 36 திவ்ய தேசப் பெருமாள்களின் சிற்பங்கள் உள்ளன.

VRUCHCHIGA MAASA - NARASIMHA MAHATMIYUM (கார்த்திகை மாதத்தில் லக்ஷ்மீ நரசிம்மனைத் துதிப்போம்

2017-11-30T08:15:00.002+05:30

கார்த்திகை மாதம் என்றாலே பகவான் நரசிம்மன் என்பர். இந்த மாதத்தில் அவர் கண் திறந்து பக்தர்களை அருளுவதாக ஒரு ஐதீகம்.

பகவான் ஸ்ரீமத்நாராயணன் பக்தனுக்காக கூப்பிட்டவுடன் வந்து அருளிய அவதாரங்களில் சிறந்தது நரசிம்ம அவதாரம். ப்ரஹ்லாதன் கூப்பிட்டு தவறான ஒரு தூணில் ஹிரண்யகசிபு அடித்து உடைத்து விடக்கூடாது என்பதால், அன்று அந்த மாளிகையில் உள்ள எல்லா தூண்களிலும் நரசிம்மர் ப்ரஹ்லாதனுக்காக அருள தயார் நிலையில் இருந்தாகச் சொல்லுவர்.

ராமன் சீதையைத் தேடிச் செல்லும் பொழுது, அஹோபிலம் வழியாகச் சென்று நரசிம்மனை வழிபட்டதாகச் சொல்வர். அதனால் உலகிற்கு கிடைத்தது நரசிம்ம பஞ்சாம்ருத ஸ்தோத்திரம். க்ருஷ்ண பரமாத்மா யுதிஷ்டிரனுக்கு வனவாசத்தின் போது, அஹோபில நரசிம்மனின் மஹத்வத்தைச் சொல்லும் பொழுது, இந்த ஸ்தோத்திரத்தை உலகுக்கு அருளினார்.

இன்று எங்களது தகப்பனார் ஸ்ரீனிவாச ராகவனின் ஆராதனை நாள். அவர் எல்லா மூர்த்திகளையும், வைணவ சைவ பத்ததிகளையும் ஆராதித்தவர். நாம சங்கீர்த்தனத்தில் இச்சையுடையவர்கள், அதன் மூலம் பகவானை அடையும் சுலப வழியாக நினைப்பவர்கள், மூன்று சித்தாந்தங்களான த்வைத, அத்வைத, விசிஷ்டாத்வைத வழிபாட்டு மூர்த்திகளையும் ஆராதிப்பர். எங்களது தகப்பனார் அதன் வழியாக எல்லா ஆராதன மூர்த்திகளையும் ஆராதித்த பாடல்களின் தொகுப்பை, மாலையாக தொடுத்து அர்ப்பணித்தார்.

ஆதிசேஷய்யருடன் சேர்ந்து முருகனை நினைந்து உருகி பல பாடல்களை இயற்றினார். ஆண்டவன் பிச்சையுடன் ஆறுபடை யாத்திரையில் கிடைத்த ஒரு தொடர்பால் அம்பிகை, ஈஸ்வரன் வழிபாட்டில் திளைத்து பல பாடல்களை தந்தார். நாராயண பட்டத்ரியின் நாராயணீயத்தை தினமும் பாராயணம் செய்து, அதன் தமிழாக்கத்தை பாடல்களாக அளித்தார்.

திருவல்லிக்கேணி தெற்கு மாடவீதி ராகவாச்சாரி அவர்களின் பஜனையில் கலந்து கொண்டு, திருவல்லிக்கேணி யோக நரசிம்மரை மையமாகக் கொண்டு, சன்னதியிலே எங்களது தந்தை "ராகஸ்ரீ" என்ற ஸ்ரீநிவாசராகவனால் இயற்றப் பட்ட இந்தப் பாடல், எனது தமக்கை ஸ்ரீமதி பூமா, எனது தமயனார் திரு க்ருஷ்ணன் இருவரால் சேர்ந்து 1956ல் மார்கழி மாதத்தில் யோக நரசிம்மர் சன்னதியில் அரங்கேற்றப்பட்டது.

Sundarakandam

2017-11-20T22:13:00.001+05:30

सुंदरे सुंदरो रामो सुंदरे सुंदर: कपि: |

सुंदरे सुंदरी सीता सुंदरे किं न सुंदरम् ||

------------------------------------------------

சுந்தர காண்டத்தில் சீதையை தேடும் பொருட்டு பரத கண்டத்தின் தெற்கு பக்கம் அங்கதன் தலைமையில் சென்ற வானரக் கூட்டம், மகேந்திரகிரி மலையில் தங்கியிருக்கையில், அங்கிருந்த வயது முதிர்ந்த கழுகரசன் சம்பாதியின் அறிவுரையின் படி, அனுமான் வானில் பறந்து, கடலைக் கடந்து இலங்கை சென்றான்.

இலங்கையின் அசோகவனத்தில் இராவணனால் சிறை வைக்கப்பட்டிருந்த சீதையை, அனுமார் சிறு குரங்கு வடிவில் சந்தித்து, இராமரின் கணையாழி மோதிரத்தை சீதையிடம் கொடுத்து, தன்னை இராமதூதன் என்று அறிமுகப்படுத்திக் கொள்கிறார். சீதையும் தனது நெற்றிச் சூடாமணி நகையை, அனுமாரிடம் கொடுத்து, இராமர் ஒரு மாதத்திற்குள் இராவணன் மீது போர் தொடுத்து தன்னை விடுவிக்க வேண்டிக் கொள்கிறாள்.

பின்னர் அரக்கர்களிடம் வேண்டுமென்று சிக்கிக் கொண்ட அனுமாரின் வாலில் தீ வைக்கப்பட்டது. அனுமரும் வாலில் வைக்கப்பட்ட தீயுடன் இலங்கை நகரைச் சுற்றி வந்து, நகரின் பெரும்பாலான பகுதிகளை எரித்தார். பின்னர் அனுமாரைப் பிடிக்க வந்த சம்புமாலி , பஞ்ச சேனாபதிகள் , மற்றும் இராவணன் மகன் அட்சயகுமாரன் ஆகியோர் அனுமரால் கொல்லப்பட்டனர். பின்னர் கண்டேன் சீதையை எனக் கூறிய படி, இராமரிடம் சீதை கொடுத்த சூடாமணியை அனுமார் கொடுத்ததுடன், சீதையின் செய்தியையும் கூறினார்.

சுந்தர காண்டத்தை பாராயணம் செய்வது மனதுக்கு நிம்மதி, தைரியம் தரும். நோயுற்றவர்கள், குழந்தைகளின் திருமணச் செலவு போன்ற இக்கட்டான நிலையில் உள்ளவர்களும், வரன் தேடுபவர்களும் இதைப் படித்தால் அல்லது கேட்டால் உரிய பலன் கிடைக்கும் என்பது நம்பிக்கையாகும்.

இங்கு உள்நுழைந்தால் பாராயணம்செய்வது சுலபமாகும்.

Ramanamame Jeevanamu

2017-11-08T19:59:00.000+05:30

ராம நாம மந்திரத்தின் ஏற்றத்தை உலகுக்கு தெரியச் செய்த நாரதரின் கலகத்தை நாம் எல்லோரும் அறிவோம். காசி மன்னனை பகடைக்காயாக ஆக்கி, ராம ஹனுமானின் போரைத் துவக்கி, ராம நாம ஸித்தாந்தை உலகு அறியச் செய்தார் அன்று.

பாபனாசம் சிவனின் க்ருதியை நாம் மனமுருகப் பாடினால் ஜகத்குரு பகவன்நாம போதேந்திர ஸ்வாமிகளின் காலத்தில் நடந்த சில நிகழ்வுகள் நம் கண்முன் ஒளிக்கும்.

ராம நாம அம்ருத பானமே நாவுடையோர் உயர் ஜீவனமே

உரைக்க உரைக்க உடல் எல்லாம் இனிக்குமே

ஊமையல்லாவதர்க்கும் எளிது -ஸ்ரீ

(ஊமையை உரைக்கவைத்த ராம நாம் என்று எழுதியிருந்தால் அது மிகையாகாது. போதேந்திர ஸ்வாமிகளின் சீடரிலிருந்து அறியலாம்.)

எட்டு எழுத்திற்கும் உயர் ஐந்தெழுத்திற்கும் – இவ

இரண்டெழுத்தே உயிராகும் -இத்

தாரக மந்திரம் ஈசன் காசிபதியில்

உபதேசம் செய்த வைபவம் கொண்ட அதிமதுர

19ம் நூற்றாண்டில் பதிவு செய்யப்பட்ட ஒரு புத்தகத்தின் நகலை இங்கே தந்துள்ளேன். “திருநெய்தானம் நரசிம்ம பாகவதரால்” தொகுக்கப்பட்ட இந்த புத்தகம், காகிதத் துகள்களிருந்து புனருத்தாருணம் செய்யப்பட்டது.

போதேந்திர சரஸ்வதி (Bodhendra Saraswathi, 1610-1692) தமிழ்நாடு மாநிலத்தின், காஞ்சிபுரம் நகரத்தில் உள்ள காஞ்சி சங்கர மடத்தின் 60வது பீடாதிபதியாவர். 17வது நூற்றாண்டில் வாழ்ந்தவர். தஞ்சாவூருக்கு அருகில் உள்ள கோவிந்தபுரத்தில் விதேகமுக்தி அடைந்தவர். சதாசிவ பிரமேந்திரர் மற்றும் ஸ்ரீதர வெங்கடேச அய்யாவாள் ஆகியோர்களின் சமகாலத்தவர்.

போதேந்திர சரசுவதி, கேசவபாண்டுரங்க யோகி - சுகுணா இணையருக்கு 1610இல் காஞ்சிபுரத்தில் புருசோத்தமன் எனும் இயற்பெயருடன் பிறந்தவர். காஞ்சி சங்கர மடத்தின் 59வது மடாதிபதியான விஸ்வகேந்திர சரசுவதி சுவாமிகள், மெய்யறிவு நிரம்பிய புருசோத்தமனின் திறமையைப் பாராட்டி, சங்கரமடத்தின் இளைய மடாதிபதியாக, போதேந்திர சரசுவதி என்ற புதிய பெயர் சூட்டி நியமித்தார். ஆத்மபோதர் எனும் குருவால் பயிற்றுவிக்கப்பட்ட போதேந்திர சரசுவதி சுவாமிகள், இளம் வயதிலே சுருதி மற்றும் ஸ்மிருதி ஆகிய இந்து சமய வேத சாத்திரங்களில் தேர்ச்சி பெற்றார். நாள்தோறும் ஒரு இலட்சம் இராம நாமத்தை ஜெபித்துக் கொண்டிருப்பர்.

போதேந்திர சரசுவதி சுவாமிகள், தனது முதுமைக் காலத்தில் காவேரி ஆற்றாங்கரையில் அமைந்த தஞ்சாவூர் பகுதியின் கோவிந்தபுரம் எனும் கிராமத்தில் வாழ்ந்தார். இக்கிராமத்திலேயே சமாதி அடைய முடிவெடுத்தார்.1692ஆம் ஆண்டு புராட்டாசி மாதம் போதேந்திர சரசுவதி சுவாமிகள் யோக நிலையில் அமர்ந்து சீவசமாதியில் இருந்தார்.1962ஆம் ஆண்டில் முழு நிலவு நாளான்று விதேக முக்தி அடைந்தார். போதேந்திர சரசுவதி சுவாமிகளின் சமாதியை காஞ்சி சங்கர மடத்தினர் பராமரிக்கிறார்கள்.

(கலைக்களஞ்சியமான விக்கிப்பீடியாவில் இருந்து கொடுக்கப்பட்டுள்ளது)

ஸ்ரீ காமகோடி பீடாதிபர்களான விஸ்வாதிகேந்த்ர ஸரஸ்வதீ ஸ்வாமிகள் திரு.புருஷோத்தமனை போதேந்திர ஸரஸ்வதியென்று பெயரிட்டு மடத்திற்கு 60வது இளவரசாக்கி மந்திர உபதேசம் செய்தார். அவரது சொல்படி லக்ஷ்மீதரக்கவியின் “ஸ்ரீபகவந்நாம கௌமுதி” என்ற அறிய க்ரந்தத்தை இவ்வுலகிற்கு அளித்த அந்த வ்ருத்தாந்தத்தை நாம் அறியலாம். காசியாத்திரைக்குச் சென்ற ஒரு ப்ராமண தம்பதி, ஒரு ம்லேச்சனிடம் தனது மனைவியை பறிகொடுத்து, பின்பு லக்ஷ்மீதரக்கவியின் மகன் சொல்படி, ராம நாமத்தை உரைத்து மனைவியையும் அதனால உயர்ந்த பதவியையும் பெற்ற அந்த தம்பதியை கண்ட போதேந்திர ஸ்வாமிகள், ஒரே இரவில் “ஸ்ரீபகவந்நாம கௌமுதி” க்ரந்தத்தை படித்து மனதில் வாங்கிக் கொண்டு, அந்த நூலை நமக்கு அளித்துள்ளார். ஊமையை ராம நாமத்தின் மூலமாக பேசவைத்த போதேந்திர ஸ்வாமிகளின் அறிய செயலை நாம் அறியாலாம். மூன்று முறை உறைக்கச் சொன்ன மகனிடம், லக்ஷ்மீதரக்கவியின் மனைவி, ராம நாமத்தை ஒரு தரம் உறைத்தாலே உன்னத பதவியை அடையாலாம் என்றார்.

Click here to view the book / download Bagwan Nama Kaumudhi

அப்படிப்பட்ட அந்த ராம த்யானத்தை பத்ராசல ராமதாஸர் எவ்வாறு அனுபவித்தார் என்பதை உங்களுடன் பாடி மகிழ்கிறேன்.

Krishna Invade Arjuna - Narada's Plot

2017-10-08T06:23:00.001+05:30

எனது உறவினர் இல்லத்தில் இந்த சித்திரத்தைக் கண்டேன். இது 1940-50 வருடங்களில் வெளி வந்த நாட்காட்டியில் வந்த வண்ணச் சித்திரம். இந்த சித்திரத்தின் பின்னணிக் கதையினை அறிய, வலைத்தளத்தைச் சிறிது ஆராய்ந்ததில் பாரதக் கதையில் சொன்ன ஒரு சுவாரஸ்யமான நிகழ்வைப் பற்றிய ஒரு தொகுப்பினைப் படித்தேன்.

இதோ உங்களுடன் இந்த நிகழ்வினை பகிர்கிறேன்.

கோகுல கண்ணன் பகவான் நாராயணனின் அவதாரம். அவருடன் எப்பொழுதும் இருப்பவர் ரிஷி நரன். அர்ஜுனன் நரனின் அம்சமாகும். க்ருஷ்ணர் கோகுலத்தில் அவதரித்த அதே சமயம், குந்தியின் மூலமாக இந்திரனின் அம்சமாக நரனான அர்ஜுனன் அவதரித்தான். இந்த இருவருக்குள் உள்ள பந்தம் நட்பு என்று சொல்வதற்கும் மேலானது. ஒரு சமயம் இந்த இருவருக்குமிடையே போர் நடக்க இருந்தது. அதனைப் பற்றி சிறிது காண்போம்.

ஞான் என்பவன் ஒரு கந்தர்வன். பதவி, புகழ், செல்வாக்கு என்பது இருந்தால் யார் தான் செருக்குடன் இருக்கமாட்டார்கள். அதற்கு இந்த கந்தர்வன் விதி விலக்கு இல்லை. ஒரு சமயம் இந்த கந்தர்வன் ஆகாய மார்கமாக துவாரகைக்கு மேல் செருக்குடன் சென்றான். கீழே உள்ளவர் நாராயணன் என்பதை மறந்து, கண்ணன் தானே என்று அலட்சியாமாக தேரை ஓட்டிச் சென்றதோடு அல்லாமல், அவரை கீழே தள்ளும் அளவிற்குச் சென்றான். க்ருஷ்ணரின் குரல் கேட்டு திரும்பிப் பார்த்த கந்தர்வன், அவரிடம் மன்னிப்புக் கேட்காமல், நிற்காமல் சென்றான். கோபமுற்ற கண்ணன் அவனை வதம் செய்யப் ப்ரகடனப் படுத்தியதை அறிந்த அவன் பயந்து, இந்திரனிடம் உதவி கோரி சென்றான். மறுத்தவுடன் ப்ரும்மா, பின்பு சிவன் என்று ஒவ்வொருவராக அழைத்தான். எல்லோரும் கண்ணனிடம் மன்னிப்புக் கோர அறிவுரை வழங்கினர்.

நாரதர் இந்த இக்கட்டான சூழ்னிலையை தனது விளையாட்டிற்கு ஒரு காரணியாகக் கொண்டார். அர்ஜுனன் ஒர் அரசன். யார் அபயம் என்று வந்தாலும் காப்பது அரச தர்மம். அந்த தர்மத்தை பயன்படுத்தி, கந்தர்வனை அர்ஜுனனிடம் உதவி கேட்க அனுப்பினார். அர்ஜுனன் கண்ணனிடம் மன்னிப்புக் கேட்க அறிவுரை கூறினான். ஆனால் கந்தர்வனோ, நாரதரின் அறிவுரைப்படி, “அரசனின் போர் தர்மம் அபயம் என்பவரைக் காப்பது” என்ற சாக்கைச் சொல்லி கண்ணனிடம் போர் தொடுக்க உந்துதல் அளித்தான். வேறு வழியின்றி இருவரும் போர் களத்தில் நிற்கின்றனர்.

அர்ஜுனன் பாசுபதாஸ்த்ரத்தை கையில் எடுக்க, க்ருஷ்ணர் சக்ராயுத்தை அழைக்க, ப்ரும்மா பதைபதைக்க ஓடி வருகிறார். அர்ஜுனனிடம் கந்தர்வனை க்ருஷ்ணரிடம் ஒப்படைக்கச் சொல்கிறார். க்ருஷ்ணர் அவனை வதம் செய்தவுடன், ப்ரும்மா அவனை உயிர்ப்பித்து நரநாராயணர்களை சமாதானப் படுத்துகிறார். வந்த வேலை முடிந்தது. நாரதர் அடுத்த பயணத்தை தொடர்கிறார்.

இந்த நிகழ்வை மிகவும் அற்புதமாக அந்நாளில் சித்தரித்துள்ளனர்.

Bagawathathilakam Brahmasri Ramaswamy Iyengar joined the realm of Sants

2017-10-07T06:48:00.000+05:30

நாம ஸங்கீர்த்தனம் என்ற ஒரு யஞ்யத்தை, எந்த ஒரு ப்ரதிபலனையும் எதிர்பார்க்காமல் ஒரு யாகமாய் 1955 முதல் இந்த நீண்ட 62 வருடங்கள் அனுஷ்டித்த ஒரு பாகவத ஸ்ரேஷ்ட்ரான திரு.ராமஸ்வாமி ஐயங்கார், திருவனந்தபுரம் நகரத்தில் ஒளிர்ந்த, நாம ஸங்கீர்த்தன ஆசாரியர், இந்த வருடம் செப்டம்பர் மாதம், 25ம் தேதி திங்கட்கிழமை அன்று ஆசாரியன் திருவடிகளை அடைந்தார்.

எப்பொழுதும் நாமதேவ், முக்தாபாய், ஸோபன், நிவ்ருத்தி, ஞானேஸ்வர், துக்காராம் என்று. இவர்களது பெருமைகளைச் சொல்லி எப்பொழுதும் அபங்களைப் பாடிக் கொண்டிருந்த ப்ரும்மஸ்ரீ திரு.ராமஸ்வாமி ஐயங்கார், அந்த ஸந்த்துக்கள் சமூகத்தில் ஒன்றானார்.

ஏப்ரல் 5, 1925ம் ஆண்டு திருநெல்வேலி ஜில்லாவில் பிள்ளையார்குளம் என்ற ஸ்தலத்தில் ஸ்ரீமான் அடைச்சாணி வானமாமலை ஆச்சாரியருக்கும், திருமதி சேஷம்மாளுக்கும் ஸத்புத்திரனாய் ஜனித்த இவர், பெற்றோர்களின் நல் ஆசியுடன் 1945ம் வருடம் திருவனந்தபுரம் வங்கியில் சேர்ந்து 40 வருடங்கள் நன்கு பணியாற்றினார். வங்கியில் பணியாற்றினாலும் அவர் நாம ஸங்கீர்த்தனத்தை ஒரு நித்ய கர்மானுஷ்டானகளில் ஒன்றாக செய்து வந்தார். புதுகோட்டை கோபாலக்ருஷ்ண பாகவதர் வகுத்துக் கொடுத்த நாம ஸங்கீர்த்தன பத்ததியை அனுஷ்டித்து அவரது சிஷ்யபரம்பரைகளில் ஒருவராக ப்ரகாசித்து நாம ஸங்கீர்த்தனம் செய்து ப்ராபல்யமாய் நிலவி வந்தார். ஸ்ரீகல்யாண க்ருஷ்ண பாகவதரிடம் ஜயதேவரின் 24 அஷ்டபதிகளையும் முறையாய் பயின்று அஷ்டபதிகளை பாடுவதில் ஒரு ஜயதேவராய் மிளிர்ந்தார். திருவனந்தபுர சமஸ்த்தானத்தில் ஹார்மோனிய சக்ரவர்த்தியாய் திகழ்ந்த திரு வைத்யநாத பாகவதரிடம் முறையாய் சங்கீதமும் டோலோத்ஸ்வபத்ததியை பயின்று நாம சங்கீர்த்தனத்தை செவ்வனே செய்து வந்தார். இதுபோன்ற குருமார்களின் வழியில் அவர்களது புகழ் அதிகரிக்குமாறு 72 வருடங்களாய் இந்த வேள்வியை நடத்திவந்தார்.

1945ம் வருடம் ஹ்ருஷிகேச சிவானந்த ஆஸ்ரம ஸ்வாமி ப்ரும்மானந்தா Divine Life Society என்ற பக்தியை பரப்பும் ஒரு சேவாஸ்ரமத்தை துவக்கிவைத்து, அதன் முக்கிய பொருப்பாளராய் திரு.ராமஸ்வாமி ஐயங்காரை நியமித்தார். அன்று ஆரம்பித்த இந்த வேள்வியை இன்று வரை மிகவும் ஸ்ரத்தையுடன் சரித்திர புகழ் உள்ளதாய் செய்து வந்தார்.

1955ல் ஸ்ரீவேங்கடேஸ்வர ஐய்யர், திரு ஸ்ரீனிவாசன் போத்தி, ஸ்ரீகேசவன் போத்தி, திரு ஜனார்த்தனன் போத்தி, ஸ்ரீசுப்பிரமணிய ஐய்யர் என்ற முக்கிய ப்ரமுகர்களின் உதவியுடன் திரு.ராமஸ்வாமி ஐயங்கார் ஆரம்பித்த பஜனை மண்டலி இன்றும் சிறப்பாய் நடந்து வருகிறது.

எல்லா வியாழக்கிழமைகளில் அனுமார் கோவிலிலும், எல்லா சனிக்கிழமைகளில் தெற்குத் தெருவிலுள்ள சங்கரமடத்திலும், எல்லா ஞாயிற்றுக்கிழமைகளில் ஸ்ரீவராகர் சந்நதியிலும், திரு.ராமஸ்வாமி ஐயங்காரால் நாம சங்கீர்த்தனம் இன்றுவரை நடத்தப்பட்டு வந்தது. கார்த்திகை மாதத்தின் முதல் தேதியன்று தொடங்கி 41 நாட்கள் ஸஹஸ்ர நாம ஜபம் மற்றும் நாமசங்கீர்த்தனம் இன்று வரை நடத்தப்பட்டுள்ளது. மார்கழி மாதத்தில் 30 நாட்களும் கோட்டையைச் சுற்றி உள்ள அக்ரஹாரத்தில் வீதி பஜனை செய்யப்பட்டு வந்தது. இந்த 30 நாட்கள் வீதி பஜனை, ராதா கல்யாணத்துடன் பூர்த்தியாகும். இந்த நாம சங்கீர்த்தன வேள்வியை எந்த விதாமான ஆதாயத்திற்கும் அல்லாமல், தனது ஆத்ம த்ருப்திக்காக இன்று வரை நடத்தி வந்த ப்ரும்மஸ்ரீ பாகவத திலகம் திரு.ராமஸ்வாமி ஐயங்காரின் இந்த வேள்வியை, திருவனந்தபுர ஸத்குரு கோபாலக்ருஷ்ண நாம ப்ரசார பஜனை மண்டலி, இவரது ஆசியுடன் இன்றும் தொடர்கிறார்கள் / தொடர்வார்கள்.

My Journey of Nama Sankeerthanam

2017-08-07T14:17:00.001+05:30

எனது 60 வருட நாம ஸங்கீர்த்தன அனுபவங்களை இந்தப் பதிவின் மூலம் பகிர்ந்து கொள்ள ஆசைபடுகிறேன்.

1956-57 களிலில் திருவல்லிக்கேணி திரு.ராகவாச்சாரி அவர்கள், 14, தெற்கு மாடவீதியில் உள்ள அவர் இல்லத்தில் நடந்த நாம சங்கீர்த்தன குழுவில் நானும் பங்கு வகித்து, வீதி பஜனைகளில் வலம் வந்த பிராயம். திரு.தாஸ் என்பவர் ஹார்மோனியத்தில் இசை மழை பொழிய, திரு வேணு என்பவர் நந்தி போல ம்ருதங்கம் வாசிக்க, திருவல்லிக்கேணியின் நான்கு மாடவீதிகளில், தெருக்களை அடைத்தவாறு வலம் வந்த நாட்களை சிறிதே எண்ணிப் பார்த்தேன். எனது தந்தை திரு.ராகவன் (ராகஸ்ரீ) வேங்கட சுப்பய்யார் ஸாஹித்யங்களைப் பாடவைத்து எனது நாம ஸங்கீர்த்தன பயணத்தை ஆரம்பித்து வைத்தார்.

மேலும் வெங்கடாசலம் செட்டித்தெருவில் அமைந்த பாண்டுரங்க பஜனை மண்டலியில் நாம சங்கீர்த்தனக் குழுவில் என்னைப் பாடவைத்து, நாம ருசியை அனுபவிக்கக் கற்றுக்கொடுத்தார். திரு.நாட்டண்ணாஜி ராவ், திரு.நாராயண சாஸ்த்ரி, திரு.க்ருஷ்ண ஐய்யர், திரு.சந்தானம் ஐய்யர், பூஜ்யஸ்ரீ ஹரிதாஸ் அவர்கள், திரு.க்ருஷணமூர்த்தி பாகவதர் என்ற பல ஜாம்பவான்கள் தங்களது சிம்மக் குரலில் பாடி, அந்த பாண்டுரங்கனையே நேரில் கொண்டு வந்து நிறுத்திய ஸ்தலத்தில் நானும் பல வருடங்கள் நாம சங்கீர்த்தனத்தில் கலந்து கொள்ளும் ஒரு ஆன்மீக அனுபத்தை, எனது தந்தை மறைந்த பின், எனது அம்மான் திரு.நாராயண ஐயங்கார் வளர்க்க ஏதுவாக இருந்தார்.

பூஜ்யஸ்ரீ திரு.நாராயண ஐயங்கார் 1956ல், சனிக்கிழமை நாம சங்கீர்த்தனத்தை ஆரம்பித்து, என்னை அதில் ஊக்குவித்து, ஹார்மோனியம் பயில உதவி, இன்றும் அதன் தொடர்ச்சி நடந்து வருகிறது.

பூஜ்யஸ்ரீ திரு.நாராயண ஐய்யங்காரின் 14வது ஆராதனை விழா நடக்கும் இந்தத் தருணத்தில் அவர் அனுபவித்த பல பாடல்களை “YouTube“ல் பகிர்ந்துள்ளேன்.

உங்களுடன் நானும் அனுபவிக்கும் – லக்ஷ்மீ நரசிம்மன்.

Poojyasri Nathamuni Narayana Aiyangar Aaradhanam

on 8th August 2017 will be between 02.00pm to 7.30pm.

The live telecast can be seen by entering the following

"You Tube" link.

Be blessed by watching the live telecast

and feel the presence of being with us.

Poojyasri Nathamuni Narayana Aiyangar Aaradhana - 08082017

2017-08-01T21:52:00.001+05:30

गुरु ब्रम्हा गुरु विष्णू गुरुः देवो महेश्वरा

गुरु शाक्षात परब्रम्हा तस्मै श्री गुरुवे नमः

-------------------------------------------------
ஸ்ரீகுருப்யோ நம:

நிகழும் ஹேவிளம்பி வருடம்
ஆடி மாதம் 23ம் நாள்

செவ்வாய்க் கிழமை பௌர்ணமியன்று

Tuesday, August 8^th 2017

பூஜ்யஸ்ரீ நாதமுனி நாராயண ஐயங்கார்

அவர்களின் பதினான்காவது ஆராதனை விழா

புதிய எண் 19, பழைய எண் 10, சம்பங்கி தெரு,

மேற்கு மாம்பலத்தில் உள்ள ஸர்வஸ்ரீ இல்லத்தில்

நடைபெற உள்ளது. அன்று தங்களது குடும்பத்துடன்

வந்து குருநாதரின் ஆசியைப் பெறவும்.

======================================

அன்றைய நிகழ்ச்சி நிரல்

மதியம் 02.00 மணி முதல் 4.00 மணி வரை

விஷ்ணு ஸஹஸ்ரநாம பாராயணம்

மாலை 04.30 மணி முதல் 07.30 மணி வரை

நாம ஸங்கீர்த்தனம்

गुरु बिना ज्ञान् नहीं ज्ञान् बिना आत्मा नहीं

----------------------------------------------------

Table showing Shradhdha Thithis - 2017-2018

2017-06-24T08:56:00.002+05:30

சிலர் நமது முன்னோர்கள் திதியை அவரவர்களது க்ரஹத்தின் ப்ருஹஸ்பதி சொல்லட்டும் என்று உள்ளனர். நாம் தான் அதில் அக்கரையுடன் இருக்க வேண்டும். பல சமயம் நாம் சரியாக திதியை கணிக்காது, ப்ருஹஸ்பதியை குறை கூறுவோம். அதற்கான காரணங்கள்

1. திதித்துவையம் வரலாம்.

2. சூரியோதயத்திலிருந்து எவ்வளவு நாழிகைகள் அன்றைய திதி உள்ளது என்பதை அறிவதில் தவறாகலாம்.

3. மற்றும் க்ருஷ்ணபக்ஷமா அல்லது சுக்லபக்ஷமா என்ற ஒரு சம்சயம் வரலாம்.

சுலபமாக முன்னதாகவே நாள்களை குறித்து நமது நாட்காட்டியிலோ அல்லது கூகுள் / விண்டோஸ் நாட்காட்டியில் முன்னதாகவே இதனை பதிவு செய்து நம்மை நினைவு படுத்தச் செய்யலாம். இதனை செயவதற்கு முன், நம்மிடம் உள்ள நமது முன்னோர்களின் சர்மஸ்லோகம் எழுதப்பட்ட தஸாஹஸ் கடுதாசியினை பத்திரப் படுத்தி வைத்து குறித்துக்கொள்ளலாம்.

சுலபமாக நாளினைக் குறித்துக் கொள்ள கீழே தரப்பட்டுள்ள அட்டவணை மிகவும் பயனுள்ளதாக இருக்கும். ஸ்ரீபரந்தாமன் பஞ்சாங்கம் அச்சிட்டவர்களுக்கு நன்றியைத் தெரிவிக்கலாம்

Sri.R.Sundararajan Attained Lotus Feet

2017-06-20T01:12:00.000+05:30

குருஜீ பூஜ்யஸ்ரீ நாராயண ஐயங்கார் அவர்களின் மருமான் திரு சுந்தரராஜன்,
திங்கட்கிழமை (19.06.2017) அன்று ஆசாரியன் திருவடிகளை அடைந்தார்.

பாகவத ஸ்ரேஷ்டரான இவர், பூஜ்யஸ்ரீ நாராயண ஐயங்கார் வழியில் ஸத்காரியங்களில் மிகவும் ஈடுபாடுடன் இருந்து எல்லோராலும் போற்றப்பட்ட ஒரு எளிமையான, அமைதியான உத்தம சீலர்.

இவரின் முன்னோர்கள் போல் நல்ல ஸாயுஜ்யம் அடைய ஸ்ரீமன்நாராயணனை நாம் எல்லோரும் ப்ரார்த்திப்போம்.