RANJITH POEMS

கிறுக்கல்கள்

2020-04-13T12:39:00.000+05:30

நீ

தத்தி தத்தி வந்து

தங்கமுலாம் பூசவே

ஏங்கி தவித்து கொண்டிருக்கிறது

நம் வீட்டு சுவர்கள்!..

2019-12-03T17:05:00.001+05:30

மகள்

அழகெனும் பனித்துளி

எங்கள் இருவருக்கிடையில்

கவியாய் மலர்ந்திட

''கவினிகா'' என பெயரிட்டோம்

''கவின் + இ + கா = கவினிகா''

கவின் - அழகு

கவினி - அழகிய கவிதை படைப்பவள்

கவினிகா - ''தெய்வங்கள் பரிசளித்த

தேவதைகளின் தேவதை''

-- ரஞ்சித்..

2019-11-14T19:39:00.001+05:30

பிரம்மன் கொடுத்த

அழகையெல்லாம்

உன் கண்களிலும்

கன்னக்குழிகளிலும்

சேமித்துக்கொண்டு

எனை காணும்போதெல்லாம்

சிறிது சிறிதாய்

சிந்திவிட்டு செல்கிறாய்!...

--- ரஞ்சித்

2019-11-11T11:39:00.002+05:30

ஒவ்வொரு முறையும்
கைபேசி வாயிலாக
உன் அம்மாவிடம்
உன் அசைவுகளை
கேட்டறியும்போதெல்லம்
நான் மீள் செல்லமுடியா
என் கருவறை நாட்களுக்கு
சென்று சேர்கிறேன்
உன்னோடு சேர்ந்து விளையாட !..
-- ரஞ்சித்

புவி வெப்பமயமாதல்

2019-07-08T12:56:00.001+05:30

வண்ணத்துப்பூச்சிகளையெல்லாம்

சிறைபிடித்துவிட்டு

மகரந்த பரிமாறலுக்காக

காத்திருக்கும் பூக்கள்!...

2018-07-14T10:10:00.002+05:30

காதல் என்னவென்று

கற்றுக்கொள்ள

உன் அருகிலேயும்

உன்னைச் சுற்றிலும்

மட்டுமே

அமர்ந்துகொண்டு

வரமறுகின்றன

என் நினைவுகள்!...

--ரஞ்சித்

2017-11-13T21:57:00.001+05:30

வான் மழையில்

நனையாமலிருக்க

குடை விரித்தேன்

புன்னகைத்தாய் நீ!

நனைந்தேன் நான்

குடைக்குள்ளேயே!...

-- ரஞ்சித்

2017-11-11T19:36:00.000+05:30

நான்

உனை

பார்பதை அறிந்ததும்

உன் கன்னக்குழிகள்

பிரசவிக்கின்றன

என் மீதான வெட்கத்தை!...

-- ரஞ்சித்

2017-11-11T11:29:00.001+05:30

உன்னை

என் அம்மாவிடம்

அறிமுகம் செய்ய

அழைத்துப்போகையில்

நீ சிந்திய

வெட்கச்சாரல்களெல்லாம்

இன்று நம் திருமணத்தில்

பூக்களாய் அலங்கரிக்கின்றன!..

--ரஞ்சித்

2017-09-10T19:45:00.001+05:30

நீ

எனைவிட்டு

விலகிச்

செல்லும்போதெல்லாம்

தொலைதூரக்கல்வியில்

காதலை கற்றுத்தருகிறாய்!...

--- ரஞ்சித்

2017-09-08T08:07:00.000+05:30

என்
வண்ணத்துப்பூச்சி
நீ!
இல்லா நேரம்
போகும் பாதையெங்கும்
உன் எண்ணங்களை
பரப்பிச்செல்லும்
எண்ணத்துப்பூச்சி
ஆகிறேன் நான்!...
---ரஞ்சித்

2017-09-07T08:38:00.003+05:30

என் தோல்வியின்

தருணங்களில் - நீ

என்னை அரவணைக்கையில்

சிறகு குவித்து

துயில்கொள்ளும்

பறவையாகிறேன் நான்!..

--- ரஞ்சித்

2017-09-01T18:09:00.002+05:30

வண்ணத்துப்பூச்சிகளின்

வாள்சண்டைக்கு

ஆட்பட்டு போகிறேன்

ஒவ்வொருமுறையும்

உன்னுடன்

பூங்காவிற்கு செல்லும்போதும்

தங்களை விட ஓர்

அழகியை

அழைத்து வந்தேனென்று!..

--- ரஞ்சித்

முத்துக்குளிக்கிறேன்

2017-08-31T18:19:00.002+05:30

பாவை நீ!

நொடிக்கு இருமுறை

கண்சிமிட்டுகையில்

மூச்சடக்காமலே

முத்துக்குளிக்கிறேன் நான்..

--- ரஞ்சித்

2017-08-31T17:29:00.004+05:30

பிறையில்லா வானம்

அமைதியாய் -ஆயினும்

நீயில்லா நினைவ(லி)லைகளை

உரக்கச்சொல்கிறது!..

-- ரஞ்சித்

மனம் தொட்ட கவிதை

2017-08-03T22:04:00.000+05:30

என்
நன்பனுடனான உரையாடலின்
நடுவே என்னிடம் கேட்டான்
உன் வாசிப்பில்
புதிராயிருந்தும்
அதிகம் ரசிக்கவைத்த
ஆச்சரியப்படுத்திய
கவிதை எதுவென்று கேட்டான்
நான் சற்றும் யோசிக்காமல்
உன் பெயிரை சொல்லிவிட்டேன்
ஆம்,
நான் அதிகம் ரசித்து
அதிசியக்கும் கவிதை நீ மட்டுமே!...

நெடுவாசல் என்கிற எங்கள் கதிராமங்கலம்

2017-08-01T21:57:00.002+05:30

நேற்று

எங்கள் பூமிமேல்

வழிந்தோடிய

காவிரியையும்

விளைந்தாடிய

பொன்னியையும்

காப்பாற்ற தவறிய

புண்ணியவான்கள்

இன்று,

எம் பூமிக்கடியிலிருக்கும்

கார்பனுக்கும்

கனிமத்திற்காகவும்
சப்பைக்கட்டு கட்டுகிறார்கள்
கேட்டால் பொதுவுடைமையாம்!
இந்நிலை நீடித்தால்-நாளை
இவர்களுக்கான வாய்க்கரிசியும்
வான்வழி இறக்குமதி செய்யவேண்டும்
என்பதை என்றுணர்வார்களோ?..
சற்றே சிந்திப்போம்!...

மழை

2017-07-24T17:38:00.001+05:30

மேகத்தாயின்
கருவலியில்
உயிர் பெறுகிறது
பூமி!...

இழப்புகள்

2017-07-20T12:03:00.000+05:30

இப்போதும்
உன்னுடன்
உரையாடிய
மின்னஞ்சல்களை திறக்கையில்
என்னையும் என் நலன்களையும்
பற்றிச் சிந்தித்த - ஓர் இதயத்தின்
துடிப்புகளை உணரமுடிகிறது
கூடவே,
எப்போதாவது உனை மீண்டும்
பார்த்துவிடமாட்டோமா என்கிற
ஏக்க அலைகளும் அதிகமாகிவிடுகிறது
சிலரது அன்பும் அதன் தொடர்ச்சியான
இழப்புகளும்
எவ்வெனும் ஈடுசெய்ய முடியாதவையே!..

உன் நினைவுகள் அருகில்

2012-08-03T19:57:00.001+05:30

கனவிலே வந்தால் நீயே

இரவுகள் உடையும் எனதே

புலரும் காலை பொழுதோ

புலம்பித் தீர்த்திடும்

கனவில் மட்டும் வந்தாய் என்று

இரவுகளை உடைத்து போதும்

என் இதயம் உடைக்காதே

இன்றே எனை சேர்ந்திடு..

*******************************************************************

நிலவின் மறைவு சூரியன் கூற்று!!!

2012-01-30T20:20:00.000+05:30

என் கண்முன்னே கடந்து போகிறாய்

உன்னை தடுத்து உன்னிடம் சொல்லத்தான்

ஆசை-கடந்து போகாதே

என்னோடு கைகோர்க்க வா

நிலவின் மறைவு சூரியன் கூற்று!!!!!!!!!!!!!!

******************************************************

மலர்விழியே!!!!!!!

2012-01-04T18:47:00.000+05:30

அவள் என்னருகில்

என்சோகம் வெகு தொலைவில்

சொல்லிவிடவா என் ஆசைகளை

என் சொர்க்கமே அவள் தான் என்று

மலர்விழியே- மலர் வேண்டாம்

விழி மாற்றி காதல் செய்வோம்

ஒவ்வொருநாளும் ஒரு கவிதைபோலே

புதிதாய் வாழ்வோம் -நீ என்னருகில்

என் சோகம் வெகு தொலைவில்...

*************************************************

என்னுள்ளே இருந்து கொள்

2011-12-10T20:56:00.000+05:30

என்னுளே நுழைந்து கொண்டு

ஏதேதோ செய்கிறாய்-நேற்று

பசி தூக்கம் மறந்துவிட்டேன்

இன்று என்னையே உனக்குள்

தொலைத்து விட்டேன்-எங்கும்

போய் விடாதே என்னுள்ளே இருந்து கொள்

**************************************************

ஒரு கடல் பயணத்தில்.........

2011-12-03T14:34:00.000+05:30

சுற்றிலும் தண்ணீர் இருந்தும்

பருக மனம் வரவில்லை

உதடுகள் மட்டும் உணர்கிறது

தாகம் என்று-மனம்

வெகுதொலைவில் எனக்காய்

ஒரு பறவை காத்து கொண்டிருக்கிறது என

தேடி அலைந்து கொண்டிருக்கிறது

ஒரு கடல் பயணத்தில்.........

************************************************************

நீயே யூகித்துக்கொள்.....

2011-09-20T20:37:00.000+05:30

நான் உனை பார்க்கும் பொழுதெல்லாம்

மனதில் பதிகிறாய்-மருதாணி போல்

வாடாமல் மலர்கிறாய்-காகிதப்பூ போல்

வகை வகையாய்

வாசம் வீசுகிறாய்-வாகை போல்

சிரித்து சிரித்து சிவக்கிறாய்

செவ்வானம் போல்-இருந்தும்

பூமியில் தான் வாழ்கிறாய்

கூட எனக்குள்ளும் வாழ்கிறாய்

மேற்சொன்னதை விட ஒரு படி மேலாய்

எதுவென நீயே யூகித்துக்கொள்.....

*********************************************************************