RHINO Cricket - Live Stream

क्रिकेट खेलको क्रममा चम्किने स्टम्प र बेल्स किन चम्किन्छ ?

2016-05-08T10:35:00.001+05:45

एजेन्सी – क्रिकेट खेलको क्रममा चम्किने स्टम्पले प्राय गरी क्रिकेट प्रेमीलाई रोमाञ्चक बनाउँछ । खेलको क्रममा स्टम्प माथिको रातो चम्किलो प्रकाशमा धेरै दर्शकको ध्यान गएको हुन्छ । परम्परागत रुपमा क्रिकेटको स्टम्प र त्यसको बेल्स काठबाट बनाइन्छ । तर अहिले चम्किने विकेटमा प्लाष्टिक पनि मिसाइएको हुन्छ, जसमा लेड लाइट जोडिन्छ । अन्तर्राष्ट्रिय क्रिकेट परिषद आइसिसीले सन् २०१३ को जुलाइमा अन्तर्राष्ट्रिय क्रिकेट खेलमा चमकदार विकेट प्रयोग गर्ने अनुमति दिएको थियो । त्यसपछि धेरै घरेलु तथा अन्तर्राष्ट्रिय क्रिकेट खेलमा यस प्रकारको विकेट प्रयोग हुने गरेको छ । यस्तो विकेट एक दिवसीय क्रिकेटको रोमाञ्चकता बढाउँछ । तर यो प्रयोग गर्नुको ठूलो व्यवहारिक कारण पनि छ । क्रिकेटको नियम अनुसार कोही पनि ब्याट्सम्यान आफ्नो त्रिजभन्दा बाहिर रहे र स्टम्प झर्यो भने आउट हुन्छन् । यसमा विकेट जानुको मतलव, बेल्स वा गिल्ली झर्नु वा भत्किनु हो ।

ब्याट्सम्यान आउट हुनका लागि बेल्सको दुवै तर्फको भाग विकेटबाट अलग हुनु पर्छ । तर रेफ्रीलाई बेल्स अलग भएको वास्तिविक समय थाहा पाउन मुश्किल हुन्छ । अब भने यो मुश्किल रहने छैन । जिंक विकेट सिस्टमको नयाँ उपकरणले गर्दा यो काम सजिलो भएको छ । यसमा बेल्स र विकेटबिच जुन बेला सम्पर्क विच्छेद हुन्छ, त्यही बेला बेल्स चम्किन्छ । यो सिस्टम अस्ट्रेलियाका एक पूर्व क्रिकेटर ब्रोन्ट एकरम्यानले तयार पारेका हुन् । उनलाई यसको प्रेरण भने छोरीको खेलौनाबाट मिलेको हो । त्यो खेलौना झण्डै क्रिकेट बलकै आकारको थियो, त्यसमा एलइडी लाइट जडान भएको थियो । यो प्रविधि अनुसार क्रिकेटको बेल्समा कम भोल्टेजको ब्याट्री जडान गरिन्छ र प्रत्येक गिल्लीमा माइक्रोप्रोसेसर रहेको हुन्छ । यही माइक्रोप्रोसेसरले विकेट र बेल्सबिच सम्पर्क विच्छेद भएको समय पत्ता लगाउँछ । यस सिस्टममा बेल्समा एक सेकेण्डमा हजारौं भागमा प्रकाश देखिन्छ । एकरक्यान भन्छन् ‘पानी परोस्, झड्का लागोस वा कम्पन होस् बेल्समा प्रकाश आउँदैन । बेल्समा प्रकाश त्यो बेला मात्रै आउँछ, जुन बेला यसको दुवै तर्फको भाग विकेटबाट छुट्टिन्छ ।’ यसरी सम्पर्क विच्छेद भएपछि माइक्रोप्रोसेसरले विकेटमा रेडियो सिग्नल जान्छ र विकेटमा प्रकाश देखिन्छ । यो सिस्टम भन्दा अघि धेरै ब्याट्सम्यान आउट नभएको अवस्थामा पनि आउट भएका थिए वा कोही ब्याट्सम्यान आउट भएपनि जीवनदान पाएका थिए । तर अब भने यस्तो हुँदैन । यो आधुनिक प्रविधिको विकासमा हजारौं अस्ट्रेलियन डलर खर्च भएको छ । यसले काठको कमजोर विकेटलाई बेल्सलाई एक महंगो उपकरणमा बलियो ।

– स्रोत : बिबिसी हिन्दी

डेटिङको प्रस्ताव गर्ने भारतीय युवतीलाई क्रिश गेलको सुन्दर जवाफ !!

2016-05-06T17:43:00.000+05:45

एजेन्सी - वेष्टइण्डियन क्रिकेटर क्रिश गेल यसै पनि चर्चामा हुन्छन् । कहिले धुवाँदार ब्याटिङ गरेर त कहिले डान्स गरेर । पछिल्लो समय भने क्रिश गेल एक भारतीय केटीले डेटिङ जाने प्रस्ताव राखेपछि दिएको जवाफका कारण चर्चामा छन् । दिल्लीकी एक युवतीले ट्वीटरबाट क्रिश गेलसँग डेटिङ जाने प्रस्ताव राखिन् ।

@henrygayle my heart is pumping only for u boss..! Can we go for a date?
— Arohi (@carohi517) May 4, 2016

ती केटीले राखेको प्रस्तावको जवाफ क्रिश गेलले झनै सुन्दर ढंगले दिएपछि ती युवती र क्रिश गेलको चर्चा चुलिएको छ । आरोही नामकी दिल्लीकी ती युवतीले ट्वीटरमा, गेल तिम्रो लागि मात्र मेरो मुटु धड्किन्छ, के मलाई डिनर खान लैजान सक्छौं?’ भन्दै ट्वीट गरेकी थिइन् । ती युवतीलाई जवाफ दिँदै क्रिश गेलले लेखे, “अँ डिनरका लागि जान तयार छु तर बिल तिम्ले तिर्छौ भने” भन्ने जवाफ दिएका थिए ।

If u paying the bill, sure. 😊 https://t.co/tXbDQBUX4I
— Chris Gayle (@henrygayle) May 4, 2016

यस अघी पनि क्रिश गेललाई एक भारतीय युवतीले प्रेम प्रस्ताव राखेर चर्चामा आएकी थिइन् ।

च्याम्पियनसिपको अंक तालिकामा पाँचौं !!

2016-04-19T13:00:00.002+05:45

काठमाडौं - नामिबियासँग शनिबार(२०७३-०१-०४) र सोमबार(२०७३-०१-०६) दुवै खेलमा जित निकालेपछि नेपाल ८ राष्ट्र समावेश च्याम्पियनसिपको अंक तालिकामा पाँचौं स्थानमा उक्लेको छ । यसअघि स्कटल्यान्ड र पपुवा न्युगिनीसँगका चारै खेलमा पराजित भएको नेपालले अब ४ देश(नेदरल्यान्ड्स, हङकङ, केन्या र यूएई)सँग खेल्ने छ । अगस्टमा नेदरल्यान्ड्स र नोभेम्बरमा हङकङविरुद्ध उनीहरूकै देशमा खेल्नुपर्ने छ । २०१७ मा केन्यासँग हुने खेल नेपालमै हुनेछ । यस्तै यूएईसँगको खेल तटस्थ भूमिमा हुनेछ ।

२०१९ को विश्वकप छनोटका आधार पनि रहेको च्याम्पियनसिपका शीर्ष चार टोली २०१८ मा बंगलादेशमा हुने एकदिवसीय विश्वकप छनोट खेलका लागि सोझै पुग्नेछन् । विश्वकप छनोटका लागि १० राष्ट्रको भिडन्त हुनेछ, जसमा उक्त चार टोलीका साथै एकदिवसीय अन्तर्राष्ट्रिय वरीयतामा शीर्ष ८ मा नपरेका चार राष्ट्र र डिभिजन २ बाट आउने दुई मुलुकको खेल हुनेछ । छनोटका शीर्ष २ राष्ट्रले २०१९ को विश्वकप खेल्न पाउने छन् । यी दुई र एक दिवसीय अन्तर्राष्ट्रिय वरीयतामा रहेका ८ गरी १० देशबीच विश्वकप खेल हुनेछ ।

के तपाईंलाई थाहा छ अन्तिम ओभरको पाँचौ बल, जुन चौका किन भएन ?

2016-04-19T12:43:00.002+05:45

फोटो: अन्नपूर्ण पोस्ट देखी ।

काठमाडौं - शरद भेषावकरले अन्तिम ओभरको पाँचौ बललाई बाउन्ड्री पार गराएका थिए, जुन रनले नेपाललाई विश्व क्रिकेट लिग च्याम्पियनसिपमा नामिबियाविरुद्ध सोमबार तीन विकेटको जित दिलाएको थियो । तर, स्कोरबोर्डमा १ रनमात्र जोडियो । यसले धेरै कौतुहल सिर्जना गर्‍यो । समान्यत: बलले बाउन्ड्री पार गरेपछि चौका हुन्छ । त्यसैले सरसर्ती हेर्दा शरदको नाममा ४ रन थपिनुपर्ने हो । तर, त्यसबेला जेजे स्मिटले त्यस बल फाल्दासम्म नेपाललाई जित हात पार्न १ रन मात्र आवश्यक थियो । जितका लागि आवश्यक रन प्राप्त भइसकेपछि खेलको मतलब हुन्न । त्यसैले शरदको शटले चौकाको मान्यता पाएन । शरदले बल प्रहार गरेपछि रन लिने प्रयास नगरेको भए त्यसलाई चौका मानिन्थ्यो । जितका लागि २ रनको आवश्यकता छ भने त्यसमा १ रनमात्र दौडेर लिएको अवस्थामा बलले बाउन्ड्री पार गरेको अवस्थामा पनि चौका दिने नियम छ । त्यसतो परिस्थितिमा दौडेरै २ रन लिइसकेको अवस्थामा भने बलले बाउन्ड्री पार गरेको अर्थ रहदैन र जितका लागि आवश्यक रहेको २ रनमात्र थपिन्छ । २८ बर्षीय शरदको प्रहारले चौकाको मान्यता पाएको भए नामिबियाविरुद्ध उनको रन ७७ पुग्ने थियो । उनी १ सय ७ बल सामना गर्दै ५ चौकाको सहयोगमा ७४ रनमा नटआउट रहे । उनको विश्व क्रिकेट लिग च्याम्पियनसिपअन्र्गत् अबुधावीमा नोभेम्बर, २०१५ मा बनाएको ७८ रन लिस्ट ‘ए’ मा व्यक्तिगत उच्च स्कोर हो । नामिबियाविरुद्ध शनिबार भएको पहिलो खेलमा नेपालको लागि विजय रन जोड्ने क्रममा चौका प्रहार गर्दै अर्धशतक पूरा गरेका थिए ।

मेरो शतक खेर जान्छ कि भन्ने डर पनि थियोः पारस खड्का (भिडियोसहित)

2016-04-19T09:30:00.003+05:45

पारस खड्का, नेपाली टोलीका कप्तान

कस्तो महसुस भइरहेको छ ?

खुसी लागेको छ । दुईमा दुई नै जितेका छौं र ४ अंक भएको छ । यो राम्रो जीत हो । विशेष गरेर २४० रनको लक्ष्य भेट्टाउनु । ‘आई थिंक विकेट प्लेड भेरी वेल ।’ अब पहिलो इनिङमा मौकाहरु पनि गुमायौं । त्यसको मूल्य चुकाउनु पर्यो । हाफ टाइममा हामीलाई थाहा थियो कि दुई तीन व्याट्सम्यानले टाउको तल राखेर ब्याटिङ गर्यो भने सम्भव छ । हृयाट्स अफ शरद फेरि एक पटक फर विनिङ रन । जितेको खुसी छौं ।

३१ बलमा १४ रन चाहिएको थियो । तर, अन्तिममा ६ बलमा ६ रन चाहिने अवस्था आयो । के भयो ?

मलाई थाहा छैन । क्राउडका लागि एक्साइटमेन्ट जस्तो भयो । तर, हामी धेरै नर्भस थियौं । मलाई लाग्छ, गेम प्लान अनुसार काम भएन । तर, जबसम्म जित्छौं, ठीक छ । तर, यति क्लोज नजाओस् अर्को पटक ।

आफ्नो शतकबारे के भन्नुहुन्छ ?

राम्रो महसुस भइरहेको छ । दुईवटा क्याच छाडेको थिएँ, त्यसैले मैले यो गर्नु थियो ।

यो खेलै यस्तै हो कि हाम्रो व्यक्तिगत प्रदर्शन राम्रो भो । अघिल्लो खेलमा विनोद र शरदले राम्रो गरे । आज फेरि शरदले राम्रो गरे । ज्ञानु र नरेशले सानो आधार भए पनि दिइरहेका छन् सुरुमा । जुन सर्ट थियो, आज त्यो बलरहरुका लागि सजिलो थिएन किनकि खासै धेरै टर्न थिएन र ब्याटमा आइरहेकोे थियो । त्यसैले हामीले २४० भेट्टाउन सक्यौं तर, हामीले सुधार गर्नुपर्छ । ब्याटिङ युनिटमा आज मैले जीतका लागि योगदान गर्न सकेँ । यसमा खुसी छु ।

शतक हान्दाको अनुभव ?

अन्तिम पटक शतक हान्दा हामी हारेका थियौं । यो पटक डर पनि लागेको थियो कि मैले शतक हान्यो भने हार्ने हो कि भनेर । थ्याङ गड, हामीले जित्यौं । टिमले दुई अंक पाएको छ, त्यसका लागि हामी खुसी छौं । यो चार अंकबाट हामी अगाडि बढ्नु छ ।

पारस, रिभर स्वीप आवश्यक थियो ?

मलाई लाग्यो, म लाइनभन्दा बाहिर छु । क्लाल्कुलेटिभ रिस्क थियो । यदि खेल हाम्रो पक्षमा नआएको भए मलाई पश्चाताप हुने थियो । मैले त्यो सर्टका लागि मूल्य चुकाउनुपर्ने थियो ।

यो जीतपछि विश्व क्रिकेट लिग च्याम्पियानसीपमा के भो ?

मलाई लाग्छ हामी पाँचौं भयौं । यो सुरुवात मात्र हो । अब टप ४ मा जसरी भएपनि पुग्नुछ हामीलाई । अर्को खेल अगष्टमा नेदरल्याण्डमा छ, त्यसैले सजिलो छैन । उनीहरु राम्रा छन् । त्यसैले अबको दुई तीन सातापछि नै तयारी सुरु गर्नुपर्छ । आशा गयौं, यो मोमेन्टमलाई जारी राख्न सक्यौं ।

टप ४ मा पर्ने सम्भावना कति छ ?

सजिलो हुने छैन । तपाईँले नामिबियाको ब्याटिङ हेर्नु भो । त्यसैले कुनै पनि खेल सजिलो छैन । हरेक राउण्डमा हामीले राम्रो खेल्नै पर्छ । अनलाइनखबर देखी खबर लिएको हो । हेर्नुहोस् अनलाइनखबर ।

हेर्नुहोस् पुरा भिडियो:

ICC World Cricket League Championship, 21st Match: Nepal v Namibia at Kirtipur, Apr 16, 2016

2016-04-16T10:53:00.004+05:45

विश्व क्रिकेट लिग च्याम्पिनशिप अन्तरगत नेपाल र नामेबियाबिचको भईरहेको रोमाञ्चक खेल लाईभ हेर्नुहोस् ।

भिडियो हेर्नुहोस् ।

म जागिर खोजीरहेको छैन, तर नेपालका निम्ति उपलब्ध छु: पुबुदु (भिडियोसहित)

2016-04-05T17:48:00.000+05:45

'हामीले मेहनत गर्नुपर्छ, क्षमाको गुञ्जायस छैन'

नेपाली क्रिकेट कोचका रुपमा लामो समय काम गरेका श्रीलंकाली मुलकका क्यानेडियन पुबुदु दासानायके छोटो समयका लागि नेपाल आएका छन् । विश्व क्रिकेट च्याम्पियनसिप अन्तरगत नामिबिया विरुद्धको खेलका लागि नेपाली टोलीलाई सघाउन आइसीसीले उनलाई नेपालमा बोलाएको हो । पुबुदुले छोडेपछि नेपाली राष्ट्रिय टीमले टीमले पहिलोपटक महत्वपूर्ण म्याच खेल्दैछ । सोमबार अबर काठमाडौं अवतरण गरेका पुबुदु भोलिपल्टै कीर्तिपुर पुगेका थिए । त्रिवि क्रिकेट मैदानमा पुगेर पुबुदुले नेपाली टोलीप्रति त्यही प्रेम दर्शाए जुन उनी नेपालको कोच छँदा दर्शाउँथे । प्रस्तुत छ, पुबुदुसँग गरिएको कुराकानीः

फेरि नेपाल फर्कँदा कस्तो अनूभव भयो ?

रमाइलो महसुस भयो । काठमाडौंमा अवतरण गर्नु घर जस्तै लाग्छ । राम्रो लागिरहेको छ ।

तपाईंसम्म आइसीसीको प्रस्ताव कसरी पुग्यो र नेपाल आउनु भो ? पर्दापछाडि के-के भए ?

नेपाल फेरि आउने कुनै योजना थिएन, किनकी मैले नेपाल छाडेपछि कुनै सम्पर्क नै थिएन । डिभिजन वान खेल्दै गरेका खेलाडीहरु ३/४ महिना खेलविहीन थिए । अब उनीहरु फेरि नियमित र्फममा आउन गाह्रो हुन्छ । त्यो केही यहाँ थिएन ।

तर, यो बीचमा क्याम्प सुरु भयो । बन्दुला र अरुले मलाई सम्पर्क गरे । ‘फ्रि हुनुहुन्छ भने टिमलाई सहयोग गर्नुस’ भनेर मलाई प्रस्ताव राखे । छोटो समयका लागि म आउन तयार भएँ । दुई सातामा मैले के सहयोग गर्न सक्छु थाहा छैन । तर, आफ्नो तर्फबाट राम्रो गर्न प्रयास गर्छु ।

नेपाल छाडेर क्यानडा गएपछि तपाईँलाई अन्य देशबाट पनि प्रस्तावहरु आए होलान् नि

केही प्रस्ताव आएको थिएँ । तर, मैले नर्थ अमेरिकामा अवसर पाए काम गर्ने, नत्र अन्यत्र नजाने निर्णय गरेको थिएँ । नेपालको हकमा भने म आउन तयार थिएँ । केही एसियन देशले इच्छा देखाएका थिए, तर मैले मानिँन । किनकी फेरि लामो समय परिवारबाट टाढा रहन चाहन्नँ ।

उसो भए नेपाल तपाईँका लागि विशेष देश हो ?

म क्रिकेट समर्थकलाई आहृवान पनि गर्न चाहन्छु कि यो दुई दिन क्रिकेट हेर्न आउनुस् र हामीलाई समर्थन गर्नुस्

हो । मेरो मन सँधै नेपालमै रहन्छ । म उनीहरुले राम्रो गरेको हेर्न चाहन्छु । उनीहरुले धेरै मेहनत पनि गरेका छन् । उनीहरु एसोसिएट देशमा टपमा छन् ।

केही साताअघिसम्म नेपालमा खेल हुनेमा शंका थियो । यदि खेल भारतमा सरेको भए के असर पर्थ्यो ?

विश्व क्रिकेट लिग च्याम्पियनसिपको शीर्ष चारमा पर्न चाहने हो भने केही गर्नुपर्छ । र, घरेलु मैदानमा खेल हुँदा हामीलाई फाइदा हुन्छ ।

हामीले पपुवा न्यूगिनीसँग घरेलु मैदानमा खेल्ने मौका गुमायौं । हाम्रो सिंगो टिमलाई थाहा छ कि यदि हामीले यहाँ खेल्न पाएको भए दुबै अंक पाउथ्यौं । हामीले त्यो मौका गुमायौं । अहिले नामिबिया नेपाल आउने भएको छ, मलाई खुसी लागेको छ । यसको श्रेय आइसीसी र स्टाफहरुलाई जान्छ ।

भिडियो

क्रिकेट संघको विवादका बीच आईसीसीले नेपालमा नै खेल गर्ने निर्णय गर्‍यो । क्रिकेट समर्थक, नेपालको वातावरण वा के कारणले हो ?

यहाँ जुन खालको वातावरण छ, जुन क्रिकेट फ्यान छन्, अन्तर्राष्ट्रिय क्रिकेटका लागि ठूलो ‘मार्केटिङ टुल’ हो । एसोसिएट देशमा क्रिकेट हेर्न १५/२० हजार दर्शक आउँछन् भने यसले नै खेल कति लोकप्रिय छ भनेर देखाउँछ । मलाई लाग्यो यो पटक खेल हेर्न ठूला अधिकारीहरु नै आउनेछन् । म तपाईमार्फत क्रिकेट समर्थकलाई आहृवान पनि गर्न चाहन्छु कि यो दुई दिन क्रिकेट हेर्न आउनुस् र हामीलाई समर्थन गर्नुस् ।

हामीले दुई चरणका खेल गुमायौं र बाँकी टिम पनि कमजोर छैनन् । विश्व क्रिकेट लिग च्याम्पियनसिपमा नेपालको अवस्था चाहीँ कस्तो छ ?

हामी अहिले पनि धेरै पछाडि छैनौं । मैले अघि नै भनेँ कि पपुवा न्यूगिनीसँग घरेलु मैदानमै खेल्न पाएको भए हामीले जित्न सक्थ्यौं । तर, स्कटल्याण्डसँगको खेल भने मेरा लागि पनि निकै निराशाजनक रहृयो । हामीले पहिलो खेल जित्नुपथ्र्यो । युरोपमा खेल जित्न त्यति सजिलो पनि छैन, किनकी हामी धेरै एसियन कन्डिसनसँग परिचित छौं । यो त विगत भइसक्यो र त्यसलाई अब फेरि फर्काउन सम्भव छैन । तर, हाम्रो अझै सम्भावना छ । यदि हामीले यो दुई खेल जित्यौं तथा हङकङ र नेदरल्याण्डसँगको एक खेल जित्यौं भने शीर्ष चारमा पर्ने सम्भावना छ ।

उसो भए यो खेल नेपालको लगातारको खराव प्रदर्शनमा टर्निङ प्वाइन्ट बन्न सक्छ ?

हो । हामीले यो खेल जित्नैपर्छ । नत्र निकै कठिन हुनेछ । तर, टिमका हिसावले हामी पछाडि छौं । किनकी नेशनल टिमका खेलाडीहरु ३/४ महिना ब्रेकमा बसे । तपाईंले अन्तर्राष्ट्रिय क्रिकेटमा सुन्नु भएकै होला कि टप खेलाडी पनि घाइते भएर एक महिना बाहिर रह्यो भने टीममा फर्किँदा उ आफ्नो लेभलमा छैन भनिन्छ । हाम्रो पनि त्यही हो । हामीले त्यो वातावरण बनाउन सकेनौं । यो अँध्यारो पक्ष भयो । तर, अबको बाँकी केही समयमा हामीले मेहनत गर्नुपर्छ । किनकी तपार्इँले यो भनेर क्षमा पाउनुहुन्न ।

नेपाल र डिभिजन वान खेलिरहेका टिमहरुको कस्तो अन्तर छ ?

म जागिर खोजिरहेको छैन । यदि नेपालले मेरो सेवा आवश्यक छ भन्ने ठान्यो भने म कुनै पनि बेला खुसी साथ आउन तयार छु र हुन्छु डिभिजन ४/३ खेल्दा जितका लागि खेलाडीहरुको प्रतिभा पर्याप्त हुन्छ । तर, डिभिजन २ र त्यसभन्दा माथि ट्यालेन्टले मात्र पुग्दैन, किनकी हरेक टिममा ट्यालेन्ट हुन्छ । खेलाडीहरु कसरी दबाब हृयाण्डल गर्छन्, सही समयमा सही निर्णय गछैन्, यस्ता धेरै फ्याक्टर हुन्छन् र यसका लागि लगातार क्रिकेट खेल्नुपर्छ ।

हाम्रो र युरोपियन टिममा त्यही फरक छ । नेदरल्याण्ड, आयरल्याण्ड र स्कटल्याण्डका धेरै खेलाडी इंग्लिस लिग खेल्छन् । उनीहरु सिजनभर खेल्छन्, चाहे त्यो लिग वन होस कि टु । नेपालमा त्यही छैन । अफगानिस्तानले केही वर्ष त्यहाँ खेल्यो । तर, हामीले कहिल्यै त्यो अवसर पाएनौं । त्यसैले हामी पछाडि छौं । हाम्रो खेलाडीहरुको दृढता जस्ता कुराले केही मद्दत त गरेको छ । तर, धेरै गाह्रो छ ।

त्यसो भए अघिल्लो र अहिलेको नेपालको खेलमा के फरक हुन्छ त ?

नामिबियामा भएको डिभिजन टुमा हामीले तीन खेल जित्यौं र दुई खेल हार्‍यौं । यदि थप एक खेल जित्न सकेको भए हामी आइ कपमा पुग्थ्यौं । यदि आइकपमा पुगेको भए झन् समस्या हुने रहेछ । हामी तयार नै भइसकेका रहेनछौं । हो, हामी त्यहाँ पुग्न चाहन्छौं । तर, हामीले चार दिवसीय खेल गुमाउने रहेछौं, किनकी खेलाडीहरुमा अनुभव छैन । त्यस्तो संरचना नै बनेको छैन ।

उसो आइलिगमा पुगेको भए पनि हतारो हुने रहेछ ?

हतारो हुने त म भन्दिँन । हामी खेल्न चाहन्छौं । खेलाडीहरुमा क्षमता पनि छ । तर, त्यसका लागि आवश्यक संरचनाहरु नै बनेको छैन । उदाहरणका लागि विनोद भण्डारी, महेश क्षेत्रीहरुले राम्रो गरिरहेका छन् र प्रदर्शन गर्न संघर्ष गरिरहेका छन् । तर, उनीहरुले खेल्न पाइरहेका छैनन् । यहि समस्या हो ।

क्रिकेट संघको विवादले गर्दा अमेरिकाले प्रतिवन्ध ब्यहोर्‍यो । यहाँ पनि विवाद देखिएको छ र अदालतसम्म पुगेको छ । तपाई त्यो खतरा देख्नुहुन्छ ?

आइसीसीले के चाहन्छ मलाई थाहा छैन । यसबारे कुनै टिप्पणी गर्न चाहन्न । तर, समय वितिरहेको छ । हामीले राम्रोसँग काम गर्न सकेका छैनौं ।

अन्तिममा, तीन वर्षभन्दा बढी नेपालमा काम गरेर जानु भो । अहिले छोटो समयका लागि भनेर आउनु भएको छ । यसले नेपाल र्फकने ढोका खोल्यो ?

म मेरो लागि जागिर खोजिरहेको छैन । तर, नेपालको टिमप्रति मेरो सहानुभूति छ । मैले भन्दै आएको छु कि नेपालले माथिल्लो स्तरको क्रिकेट खेलेको हेर्न चाहन्छु । र, यदि नेपालले मेरो सेवा आवश्यक छ भन्ने ठान्यो भने म कुनै पनि बेला खुसी साथ आउन तयार छु र हुन्छु । प्रस्तुती- राजकुमार श्रेष्ठ अनलाइनखबर देखी ।

ट्वेन्टी–ट्वेन्टी विश्वकप: फाइनल खेलको ५ रोचक तथ्य

2016-04-04T15:39:00.002+05:45

काठमाडौँ - भारतको कोलकातास्थित इडन गार्डनमा भएको रोमाञ्चक खेलमा इंगल्यान्डलाई ४ विकेटले हराउँदै वेस्ट इन्डिजले टी २० विश्वकपको उपाधि जितेको छ । टस जितेर फिल्डिङ रोजेको वेस्ट इन्डिजले इंग्ल्यान्डलाई निर्धारित २० ओभरमा ९ विकेटको क्षतिमा १५५ रनमा रोकेको थियो । वेस्ट इन्डिजको विजय अन्तिम ओभरसम्म पनि निश्चित भएको थिएन । अन्तिम ओभरमा वेस्ट इन्डिजलाई आवश्यक थियो ६ बलमा १९ रन । स्टोक्स आए बलिङ गर्न । पहिलो बलमा आठौँ नम्बरमा ब्याटिङ गर्न आएका ब्रथवेइटेले छक्का प्रहार गरे । अब पाँच बलमा १३ रन आवश्यक थियो । दोस्रो बलमा अर्को छक्का उनैले प्रहार गरे । अब चार बलमा ७ रन आवश्यक । र, फेरि पनि उनैले अर्को छक्का हानेपछि स्कोर बराबर भयो । अब तीन बलमा मात्र एक रन आवश्यक थियो विजयका लागि ।

अन्ततः उनले फेरि अर्को छक्का हानी वेस्ट इन्डिजलाई विजयी बनाए । समूह चरणमा यी दुवै टोली ग्रुप ए मा थिए । पहिलो खेलमा वेष्टइन्डिजले इंग्लिस टोलीलाई हराएको थियो । समूह चरणमा दुवैले एक/एक खेल हारेका थिए । इंग्ल्याण्ड वेस्ट इन्डिजसँग र वेस्ट इन्डिज अफगानिस्तानसँग ।

खेलका ५ रोचक तथ्य

१) वेस्ट इन्डिजका तर्फबाट बलिङ आक्रमणमा आएका बदरीले पहिलो ओभरको पहिलो बलमा नै एलबिडब्ल्यु अपील गरेका थिए । तर अम्पायरले दिएनन्। पहिलो बलमै नर्भस भइसकेका रोयलाई उनले दोस्रो बलमा सून्यमा आउट गरिदिए ।

२) इंग्ल्यान्डका दुई ब्याट्सम्यान रोय र अलि सून्यमा आउट भए। हालेस एकमा, मोर्गन ५ मा र प्लन्केट ४ रनमा आउट भए । सबभन्दा बढी ५४ रन रुटले बनाए । वेस्ट इन्डिजका सिम्मोन्स ० मा, चार्ल्स र रस्सेल १ मा, साम्मी २ मा र गेल ४ रनमा आउट भए ।

३) ११० रनबाट १११ रन स्कोरबोर्डमा बन्दासम्म इंगल्यान्ड पाँच विकेटबाट सात विकेट गुमाएको स्थितिमा थियो । १३.४ ओभरमा पाँचौँ, १३.६ ओभरमा छैटौँ र १४.१ ओभरमा सातौँ विकेट गुमेको थियो ।

४) जवाफी ब्याटिङमा उत्रेको वेस्ट इन्डिजको सुरुवात पनि गतिलो भएन। ११ रन बनाउँदै तीन विकेट गुम्यो वेस्ट इन्डिजको । दोस्रो ओभरका तीन बलमै वेस्ट इन्डिजका चार्ल्स र गेलले बाटो तताए । सेमिफाइनलका हिरो सिम्मोन्स पनि तेस्रो ओभरको तेस्रो बलमा आउट भए ।

५) इंग्ल्यान्डको पारीमा जम्मा पाँच वटा छक्का प्रहार भयो। वेस्ट इन्डिजको पारीमा छक्का हेर्न १३.३ ओभरसम्म कुर्नुपर्‍यो । ब्राभोले वेस्ट इन्डिजको तर्फबाट पहिलो छक्का हानेका थिए । अन्तिम ओभरमा चार छक्काले वेस्ट इन्डिजलाई विजयी बनायो । त्यसबाहेक थप ३ छक्का गरी कूल ७ छक्का हान्यो ।

#WI parade the field as they celebrate their thrilling #WT20 win! #ENGvWI #WT20Final https://t.co/3el8c2WVqr
— ICC (@ICC) April 3, 2016

The moment #WI won the 2016 #WT20! Hear that roar! #ENGvWI #WT20Final https://t.co/pIdmBtoIRa
— ICC (@ICC) April 3, 2016

Can you believe it! #WI WIN #WI WIN!!!! #WT20Final #WT20 https://t.co/Kjqy1WgNC7
— ICC (@ICC) April 3, 2016

विश्व क्रिकेट लिग च्याम्पियनसिप: दोस्रो चरणको टियु मैदान सरसफाई अभियान सम्पन्न !! (फोटो फिचर)

2016-04-04T15:15:00.003+05:45

काठमान्डौ - नेपाल क्रिकेट सपोटर्स असोसियन द्वारा आयोजित टि यु मैदान व्यवस्थापन मा सहयोग र सरसफाइ कार्यक्रम अन्तरगतको दोस्रो चरणको सरसफाई तथा यसोसेसनको सदस्यता बितरण कार्यक्रम आज सम्पन्न भएको छ ।

नेपाल मा लामो समय पछि आईसिसि ले खेल आयोजना गर्न लागेको विश्व क्रिकेट च्याम्पीनसिप लिग अन्तर्गत को नेपाल भर्सेस नामिबिया को खेल सफल पार्न नेपाल क्रिकेट सपोटर्स असोसियसन (NCSA) ले सरसफाई तथा ब्यबस्थापन कार्यक्रम गरीरहेको छ ।

सयौं क्रिकेट प्रेमि उपस्थित सरसफाई कार्यक्रम मा आज करिब ३५ जना ले यसोसेसन को सदस्यता लिएका छन् सबै क्रिकेट पेमिको हैसला बढाउनको लागि यसोसेसनले सरसफाई अभियान मा उपस्थित हुने जो कोहिलाई पनि यसोसेसनको सदस्यता पत्र दिने घोषणा गरेको थियो ।

असोसियन अधक्ष्य भानु सिग्देल का अनुसार: NCSA ले हरेक सनिबार सरसफाइ कार्यक्रम, मैदान व्यवस्थापन मा क्यान लाई सहयोग र खेल दौरानमा भोलिन्टियरिन्ङ गर्ने छ ।

अब को सरसफाई कार्यक्रम यहि चैत २७ गते शनिबार हुने सयोसियन कोषाध्यक्ष प्रमोद बज्राचार्य ले बताउनुभयो ।

विश्व क्रिकेट लिग च्याम्पियनसिप: नेपालको तयारी तीब्र गतिमा !! (फोटो फिचर)

2016-04-04T14:31:00.003+05:45

‪काठमाडौं – विश्व क्रिकेट लिग च्याम्पियनसिप अन्तर्गत नामिबियाविरुद्व हुने खेलका लागि नेपालको तयारी तीब्र गतिमा भइरहेको छ । वैशाख ४ र ६ गते त्रिवि क्रिकेट मैदानमा हुने खेलका लागि नेपालको तयारी भौतिक पूर्वाधारको उन्नती, मैदान र टिममा रहेको छ । नामिबियाको खेलसँगै नेपालमा ३ वर्षपछि अन्तर्राष्ट्रिय क्रिकेट फर्किने छ । सन् २०१३ को मार्च–अप्रिलमा एसीसी ट्वान्टी–२० भएयता नेपालमा कुनै अन्तर्राष्ट्रिय खेल आयोजना भएको छैन । यसअघि पनि नोभेम्बरमा च्याम्पियनसिपकै नेपाल र पपुवा न्यु गिनीबीचको खेल काठमाडौंमै हुने तालिका थियो । वैशाख १२ को ठूलो भूकम्पमा भत्किएको कीर्तिपुर स्थित त्रिवि क्रिकेट मैदानको भौतिक संरचना मर्मत हुन नसकेपछि यो खेल नोभेम्बरमा युएईमा भएको थियो । नामिबियासँगको खेलमा पनि अन्तर्राष्टिय क्रिकेट परिषद (आईसीसी) ले सशर्त हुन लागेको हो । यसमा पनि विषय त्यही मैदानको पूर्वाधार स्तरनोति र सुरक्षा प्रत्याभुति नै छ । खबर पुरा पढ्नुहोस् ।

भुल्न नसकिने ब्रेथवेटको त्यो फाइनल चार छक्का !! (अन्तिम ओभर भिडियोसहित)

2016-04-04T14:04:00.002+05:45

काठमाडौं - कोलकत्ताको ईडन गार्डेनमा टी-२० विश्वकपको फाइनल भिडन्तमा इंग्ल्याण्डको ब्याटिङ राम्रो रहेन । तर, टीमले १५० रन पार गर्‍यो । १५६ रनको लक्ष्य पछ्याएको वेष्ट इण्डिजको पनि सुरुवात निकै खराब रहृयो । जोनसन चार्ल्स, क्रिस गेल र लिन्डल सिमन्स आउट हुँदा टीमको स्कोर ११ रन थिययो । मर्लेन सामुअलले टिम सम्हाले । तर, अन्तिम ओभरको पहिले इंल्याण्डले बाजी मार्ने देखियो ।

वेष्टइण्डिजलाई जितका लागि ६ बलमा १९ रन चाहियो । इंग्ल्याण्डले बेन स्टोक्सलाई नै बल थमायो भने क्रिजमा कार्लोस ब्रेथवेट थिए । आठौं टी-२० म्याच खेलिरहेका ब्रेथवेटका अगाडि बेन स्टोक्स निकै अनुभवी थिए । तर, पहिलो बल उनले लेग स्टम्पमा फाले । योर्कर फल्ने प्रयासमा सफल भएनन् र ब्रेथवेटले पावरफुल सट हान्दै ब्याकवर्ड स्क्वायर लेगको बाहिर पठाए । अब वेष्टइण्डिजलाई पाँच बलमा १३ रन चाहियो । ब्रेथवेटले दोस्रो बलमा पनि स्टोक्सलाई कुनै मौका दिएनन् र बललाई लङ अन बाउन्ड्री पार गराए । अब चार बलमा ७ रन भए पुग्यो । तर, तेस्रो बलमा ब्रेथवेटले लङ अफ बाउन्ड्रीको बाहिर छ रनका लागि स्ट्रोक लगाए । ओभर सुरु हुनु अघि खेल इंग्ल्याण्डको पक्षमा थियो । ब्रेथवेटले तीन बलमा लगातार छक्का हान्दै वेष्टइण्डिजको पोल्टामा पारे । तर, उनी त्यतिमै रोकिएनन् । उनले चौथो बल पनि मिड विकेट बाहिर छ रनका लागि पठाउँदै वेष्टइण्डिजका लागि अविश्वसनीय जित दिलाए । बेन स्टोक्स तीन छक्कापछि नै घुँडामा हात राखेर बसेका थिए । ब्रेथवेट ब्याटिङ हेर्दा यस्तो लाग्थ्यो यदि छ बलमा छ छक्का चाहिएको भए पनि उनीबाट सम्भव थियो । उनको अलराउण्ड क्षमता पहिले पनि देखिएको हो ।

तर, टी-२० विश्वकपकोे फाइनलको चार छक्का विश्वभरका क्रिकेट प्रेमीले लामो समयसम्म याद राख्नेछन् र बेन स्टोक्सले त कहिल्यै भुल्ने छैनन् ।

हेर्नुहोस् पुरा भिडियो:

ट्वेन्टी–ट्वेन्टी विश्वकप: महिलातर्फको उपाधि वेष्टइण्डिजलाई !! (भिडियोसहित)

2016-04-04T13:48:00.003+05:45

Australia has never lost a T20I to West Indies, but Lanning says the past will count for nothing in the Women's WT20 final

A couple of months ago, Stafanie Taylor was part of the Sydney Thunder Women’s side that won the inaugural Women’s Big Bash League in Australia, contributing 372 runs and ten wickets across the season. Now, after three consecutive semifinal defeats, she will lead West Indies in the final of the ICC World Twenty20 for the first time. The opposition? Australia.

Full story here

इंग्ल्याण्डलाई हराउँदै वेष्ट इण्डजले जित्यो उपाधि !! (भिडियोसहित)

2016-04-04T13:36:00.000+05:45

A stuttering chase of 156 was heaved into life in the final over, as Carlos Brathwaite smashed four sixes off a crushed Ben Stokes to power West Indies to an extraordinary win

A stuttering chase of 156 was heaved into life in the final over, as Carlos Brathwaite smashed four sixes off a crushed Ben Stokes to power West Indies to an extraordinary win.

Needing 19 off the final over, Brathwaite heaved Stokes into a packed Eden Gardens stadium, four times in a row, to leave Stokes close to tears, England's hopes dashed and West Indies the champions.

Full story here

ट्वेन्टी–ट्वेन्टी विश्वकप: वेष्ट इण्डिजको पोल्टामा २० लाख, भारतलाई साढे ८ लाख डलर !!

2016-04-04T13:26:00.002+05:45

काठमाडौं – भारतमा भएको ट्वेन्टी–ट्वेन्टी विश्वकप क्रिकेटको उपाधि विजेता वेष्ट इण्डिजले २० लाख अमेरिकी डलर नगद हात पारेको छ । वेष्ट इण्डिजले उपाधि विजेता भएकोमा १६ लाख अमेरिकी डलर, सुुपर टेनका ३ खेल जितेकोमा १ लाख ५० लाख अमेरिकी डलर र विश्वकपमा सहभागी भए वापत ३ लाख गरेर कुल २० लाख ५० हजार अमेरिकी डलर हात पारेको हो ।

इंग्ल्याण्डको पोल्टामा १२ लाख ५० हजार

फाइनलमा वेष्ट इण्डिजसँग ४ विकेटले पराजित भएको इंग्ल्याण्डको पोल्टामा भने १२ लाख ५० हजार अमेरिकी डलर मात्र परेको छ । उसले उपविजेता भए वापत ८ लाख, सुपर टेनमा ३ खेल जिते वापत डेढ लाख र सहभागिता जनाए वापत ३ लाख गरेर १२ लाख ५० हजार हात पारेको हो ।

न्युजिल्याण्डलाई ९ र भारतलाई साढे ८ लाख डलर

ट्वेन्टी–ट्वेन्टी विश्वकपको सेमिफाइनलमा हार्ने न्युजिल्याण्डले ९ लाख अमेरिकी डलर र भारतले साढे ८ लाख अमेरिकी डलर हात पारे । सेमिफाइनलमा हार्र्ने टिमका लागि ४ लाख डलर पुरस्कारको व्यवस्था थियो । न्युजिल्याण्डले सुपर टेनका सबै ४ खेल जितेर २ लाख थप गरेको हो भने भारतले सुपर टेनमा ३ खेल मात्र जितेर डेढ लाख पाएको थियो । यो पटकको विश्वकपमा सहभागी सबै टिमलाई ३ लाख डलर दिइएको थियो । त्यो सबै जोड्दा न्युजिल्याण्डले ९ लाख डलर र भारतले साढे ८ लाख अमेरिकी डलर पुरस्कार पाएका हुन् ।

पुरस्कार रकम कसले राख्छ?

पुरस्कार वापत पाएको सबै रकम खेलाडीले पाउँदैनन् । वेष्ट इण्डिजले ट्वेन्टी–ट्वेन्टी विश्वकप हात पारेको २० लाख ५० हजार अमेरिकी डलर वेष्ट इण्डिजको क्रिकेट बोर्डको खातामा जान्छ । बोर्डले विश्वकप जित्ने खेलाडीलाई यो रकमबाट बोनस भने दिन सक्छ । बोर्डसँग सम्झौता गर्ने सबै खेलाडीले बोर्डबाट मासिक तलब पाउने गर्छन् । वेष्ट इण्डिजको जस्तै अन्य टिमले पाएको नगद पुरस्कार पनि सम्बन्धित टिमको क्रिकेट संघको खातामा नै जान्छ ।

वेष्ट इन्डिज कप्तान सामीले देशको क्रिकेट बोर्डप्रति निराशा व्यक्त गरे, हामीसँग जर्सी पनि थिएन (भिडियोसहित)

2016-04-04T13:10:00.000+05:45

एजेन्सी – आइसिसी ट्वेन्टी–ट्वेन्टी विश्वकपको उपाधि दोस्रो पटक जितेको वेष्ट इन्डिजका कप्तान डरेन सामीले आफ्नो देशको क्रिकेट बोर्डप्रति निराशा व्यक्त गरेका छन् ।

आइतबार राति इंग्ल्याण्डलाई चार विकेटले हराएर दोस्रो पटक उपाधि पक्का गरेपछि पुरस्कार वितरण समारोहमा कप्तान सामीले भने ‘हामीले यो यात्राको सुरुवात गरेका छौं, हामीलाई केही गर्नु छ भन्ने थाहा थियो, यो प्रतियोगितामा हामी खेल्छौं कि खेल्दैनौं भन्ने पनि टुंगो नहुँदा समर्थक निराश थिए ।’

आफूहरुले यो सफलता हात पार्ने क्रममा धेरै समस्याको सामना गरेको उनले बताए । उनले भने ‘आफ्नै देशको क्रिकेट बोर्डबाट अपमानित भएको महसुस गथ्र्यौं ।

बोर्डले हाम्रो टिमसँग दिमाग नै नभएको भन्दै होच्याउँथ्यो ।’ उनले प्रशिक्षकका बारेमा पनि बोले । उनले भने ‘यो प्रतियोगितमा हामीसँग नयाँ प्रशिक्षक राल लेविस थिए । जसले अहिलेसम्म कुनै पनि टिमको व्यवस्थापन गरेका थिएनन् । हामी दुबईमा एक क्याम्पमा रहँदा हामीसँग युनिफर्म (जर्सी वा पोशाक) पनि थिएन।’ वेष्ट इन्डिज सेमिफाइनलमा भारतलाई हराएर फाइनलमा पुगेको थियो । यसअघि सन् २०१२ मा ट्वेन्टी–ट्वेन्टी विश्वकपको उपाधि उचालेको थियो ।

हेर्नुहोस् पुरा भिडियो:

अफ्रिदीले ट्वेन्टी – ट्वेन्टी टिमको कप्तानबाट राजीनामा दिए !!

2016-04-04T12:55:00.000+05:45

एजेन्सी – पाकिस्तानी क्रिकेटर सहिद अफ्रिदीले ट्वेन्टी–ट्वेन्टी विश्वकप क्रिकेटको कप्तानबाट राजीनामा दिएका छन् । अफ्रिदीको कप्तानीमा पाकिस्तान ट्वेन्टी–ट्वेन्टी विश्वकप क्रिकेटको नकआउट चरणमा पुग्न असफल भएको थियो । तर कप्तानबाट राजीनामा दिएका उनले पाकिस्तानका लागि खेल्न भने नछाड्ने बताए । उनले लिग क्रिकेट पनि खेल्ने बताएका छन् । भारतमा भएको ट्वेन्टी–ट्वेन्टी विश्वकप क्रिकेटका चार खेलमा ९० रन बनाउने क्रममा अफ्रिदीले बंगालादेशविरुद्ध ४९ रन जोडेका थिए । बलिङतर्फ उनले चार खेलमा ४ विकेट लिए । ट्वेन्टी–ट्वेन्टी विश्वकप क्रिकेटको सेमिफाइनल पुग्न असफल भएपछि पाकिस्तानको क्रिकेट बोर्डले अफ्रिदीले सन्यास लिने संकेत गरेको थियो । अफ्रिदीले घर, परिवार र आफन्तसँग सल्लाह गरेर मात्र सन्यासबारे बोल्ने बताएका थिए । सन् २०११ मा अन्तर्राष्ट्रिय क्रिकेटबाट सन्यास लिएका अफ्रिदी सन्यास फिर्ता गर्दै पुन मैदान फर्केका थिए ।

ट्वेन्टी–ट्वेन्टी विश्वकप: महिलातर्फको उपाधि वेष्टइण्डिजलाई !!

2016-04-04T12:46:00.001+05:45

काठमाडौं – महिलातर्फको ट्वेन्टी–ट्वेन्टी विश्वकप क्रिकेटको उपाधि वेष्ट इण्डिजले जितेको छ । भारतको कोलकतामा भएको फाइनलमा लगातार ३ पटकको विजेता अष्ट्रेलियालाई ८ विकेटले हराउँदै वेष्ट इण्डिजले उपाधि जितेको हो । जितका लागि पाएको १ सय ३९ रनको सामान्य लक्ष्य वेष्ट इण्डिजको महिला टिमले खेल सकिन ३ बल बाँकी छँदै २ विकेट गुमाएर भेट्टायो ।

वेष्ट इण्डिजलाई जिताउन हेली म्याथ्युजले ६६ र स्टाफानी टेलरले ५९ रन बनाइन् । यसअघि पहिला ब्याटिङ गरेको अष्ट्रेलियाको महिला टिमले २० ओभरमा ५ विकेट गुमाउँदै १ सय ४८ रन बनाएको थियो । अष्ट्रेलियाका लागि इल्से भिलानी र मेग लन्निङले समान ५२ रन बनाए । सन् २००९ बाट सुरु भएको ट्वेन्टी–ट्वेन्टी महिला विश्वकप क्रिकेटको पहिलो संस्करण आयोजना इंग्ल्याण्डले जितेको थियो भने त्यसपछिका ३ वटा संस्करणमा अष्ट्रेलियाले कब्जा जमाएको थियो । यो पटकको विजेता वेष्ट इण्डिज पहिलो पल्ट फाइलनमा पुगेको हो ।

ट्वेन्टी-ट्वेन्टी विश्वकप: १० उत्कृष्ट बलरमध्ये मा मोहमद नाबी पहिलो, राशिद खान दोस्रो नम्बरमा !!

2016-04-04T12:30:00.001+05:45

एजेन्सी – भारत कोलकाताको इडेन गार्डेन रंगहालमा इंग्ल्याण्डलाई चार विकेटले हराउँदै वेष्ट इन्डिजले उपाधि उचालेपछि यो पटकको आइसिसी ट्वेन्टी–ट्वेन्टी विश्वकप क्रिकेट सकिएको छ । ट्वेन्टी–ट्वेन्टी विश्वकप २०१६ मा राम्रो प्रदर्शन गरेका १० बलर यी हुन्:

१. मोहमद नाबी

भारतमा भएको ट्वेन्टी–ट्वेन्टी विश्वकपमा सबैभन्दा बढी विकेट लिनेमा अफगानिस्तानका बलर मोहमद नाबी पहिलो नम्बरमा रहे । सात म्याच खेलेका नाबीले २७ ओेभर बलिङ गर्दै एक सय ६४ रन खर्चेर १२ विकेट लिए ।

२. राशिद खान

सबैभन्दा बढी विकेट लिने खेलाडीको दोस्रो नम्बरमा छन् अफगानिस्तान कै राशिद खान । ७ खेल खेलेका राशिदले २८ ओभर बलिङ गर्दै एक सय ८३ रन खर्चेर ११ विकेट लिए । १७ वर्षका रसिदले खेलेको खेल मध्ये साउथ अफ्रिका विरुद्धको खेलमा मात्रै विकेट लिन सकेनन् । उनले सबैभन्दा बढी ३ विकेट जिम्बाबे विरुद्धको खेलमा लिएका थिए ।

३. इश सोढी

न्युजील्याण्डकै अर्का बलर सोढी यो विश्वकपमा सबै भन्दा बढी विकेट लिने खेलाडीको सूचीमा तेस्रो नम्बरमा परेका छन् । २३ वर्षे साढीले ५ खेल खेले । जसमा १९ दशमलव ५ ओभर बलिङ गर्दै उनले एक सय २० रन खर्चेर १० विकेट लिए ।

४. मिचेल सन्टनर

न्युजिल्याण्डका मिचेल यो विश्वकपमा बढी विकेट लिने खेलाडीको सूचीमा चोथो नम्बरमा छन् । उनले ५ खेलमा १८ दशमलव एक ओभर बलिङ गर्दै एक सय १४ रन खर्चेर १० विकेट लिए । २४ वर्षे मिचेल खेलेका पाँचैवटा खेलमा विकेट लिन सफल भए ।

५. शकिब अल हसन

सात खेल खेलेका बंगलादेशका २९ वर्षे हसन बढी विकेट लिने खेलाडीको सूचीमा पाँचौं नम्बरमा छन् । उनले २३ ओभर बलिङ गर्दै एक सय ६६ रन खर्चेर १० विकेट लिए ।

६. डेविड विली

इंग्ल्याण्डका डेविड विली बढी विकेट लिने खेलाडीको सूचीमा छैटौं नम्बरमा रहे । ६ खेलमा २१ ओभर बलिङ गरेका विलीले एक सय ५९ रन खर्चे र १० विकेट लिए । वेष्ट इन्डिजसँगको फाइनलमा उनले तीन विकेट लिए ।

७. सामुएल बाड्री

वेष्ट इन्डिजका ३५ वर्षका बलर सामुएल यो विश्वकपमा सर्वाधिक विकेट लिने खेलाडीको सूचीमा सातौं नम्बरमा रहे । ६ खेलमा २३ ओभर बलिङ गरेका उनले एक सय २४ रन दिएर ९ विकेट लिए । इंग्ल्याण्डसँगको फाइलनमा उनले दुई विकेट लिए ।

८. मुस्ताफिजुर रहमान

बंगलादेशकै अर्का बलर मुस्ताफिजुर रहमान बढी विकेट लिने खेलाडीको सूचीमा आठौं नम्बरमा छन् । वर्षका युवा बलर रहमानले जम्मा तीन खेल खेले । तीन खेलमा जम्मा १२ ओभर मात्र बलिङ गरेका उनले ८६ रन खर्चेर ९ विकेट चट्काए ।

९. एण्ड्री रुसेल

वेष्ट इन्डिजका रुसेल यो विश्कपमा बढी विकेट लिने खेलाडीको सूचीमा नवौं नम्बरमा छन् । जम्मा ६ खेल खेलेका उनले २४ ओभर बलिङ गर्दै एक सय ८९ रन खर्चेर ९ विकेट लिए । २७ वर्षे रुसेलले इंग्ल्याण्डसँगको फाइनलमा एक विकेट लिए ।

१०. डवेन ब्रावो

वेष्ट इन्डिजका ब्रावो यो विश्वकपमा सर्वाधिक विकेट लिने खेलाडीको सूचीमा १० औं नम्बरमा छन् । ३२ वर्षका ब्रावोले ६ खेलमा २४ ओभर बलिङ गर्दै एक सय ९० रन खर्चेर नौ विकेट लिए । उनले इंग्ल्याण्डसँगको फाइलनमा तीन विकेट लिए ।

ट्वेन्टी-ट्वेन्टी विश्वकप: धेरै रन बनाउने स्टार ब्याट्सम्यान !!

2016-04-04T11:18:00.001+05:45

एजेन्सी – यसपटकको आइसिसी ट्वेन्टी–ट्वेन्टी विश्वकप वेष्ट इन्डिजले उपाधि जितेसँगै सकिएको छ । यो विश्वकपमा धेरै खेलाडीले राम्रो प्रदर्शन गरे । यस्तैमा यो विश्वकपमा ब्याटिङतर्फ धेरै रन बनाउने केही स्टार ब्याट्सम्यान यस्ता छन्:

१. तमिम इकवाल खान

भारतमा भएको ट्वेन्टी–ट्वेन्टी विश्वकपमा बंगलादेशका २७ वर्षे ब्याट्सम्यान तमिम इकबाल खानले सबैभन्दा धेरै दुई सय ९५ रन बनाए । समूह चरण र सुपर टेनमा गरी ८ खेल खेलेका उनले २ सय ७ बलको सामना गरेको थिए । खानले सर्वाधिक रन बनाए पनि आफ्नो देशलाई भने नक आउट चरणमा पुर्‍याउन भने सकेनन् । यो विश्वकपमा एकै खेलमा सबैभन्दा बढी रन बनाउने पनि खान नै रहे । उनले ओमानसँगको खेलमा १ सय ३ रन बनाएका थिए । जम्मा ८ खेल खेल खेलेका बाँया हाते ब्याट्सम्यान खानले सबैभन्दा कम ३ रन रन न्युजिल्याण्ड विरुद्धको खेलमा बनाए ।

२. विराट कोहली

सबैभन्दा बढी रन बनाउनेको दोस्रो नम्बरमा रहे भारतका ब्याट्सम्यान विराट कोहली । २७ वर्षे ब्याट्सम्यान कोहलीले १८६ बलको सामना गरी जम्मा दुई सय ७३ रन बनाए । ५ खेल खेलेका कोहलीले सेमिफाइनलमा वेष्ट इन्डिजविरुद्ध सबैभन्दा बढी ८९ रन बनाए पनि आफ्नो देशलाई फाइनलमा पुर्‍याउन सकेनन् । त्यस्तै कोहलीले न्युजिल्याण्डविरुद्ध सबैभन्दा थोरै २३ रन मात्र बनाएका थिए ।

३. जोय रुट

इंग्ल्याडका जोसेफ इडवार्ड रुट जोय सबैभन्दा बढी रन बनाउने सूचिको तेस्रो नम्बरमा परे । उनले एक सय ७० बलको सामना गर्दै कुल दुई सय ४९ रन बनाए । २५ वर्षे दायाँ हाते ब्याट्सम्यान रुटले जम्मा ६ खेल खेलेका थिए । जसमा सबैभन्दा बढी ८३ रन साउथ अफ्रिकासँग बनाए । इंग्ल्याण्डलाई फाइनमा पुर्‍याउनमा उनले महत्वपूर्ण योगदान गरेका थिए । वेष्ट इन्डिजसँगको फाइलनमा उनले इंग्ल्याण्डका तर्फबाट सर्वाधिक ५४ रन बनाएपनि जित भने दिलाउन सकेनन् ।

४. मोहमद सेहजाद

समूह चरण र सुपर टेनमा गरी सात खेल खेलेका अफगानिस्तानका २८ वर्षे मोहमद सेहजाद बढी रन बनाउनेको सूचिमा चौंथो नम्बरमा रहे । एक सय ५८ बलको सामान गरेका उनले जम्मा दुई स २२ रन बनाए । विकेट किपरसमेत रहेका ब्याट्सम्यान सेहजादले सबैभन्दा बढी ६१ रन स्कटल्याडविरुद्धको खेलमा बनाए । इंग्ल्याडसँगको खेलमा भने उनले खाता पनि खोल्न सकेनन् ।

५. जोस बटलर

इंग्ल्याण्डका जोस वटलरका नामले चिनिने जोसेफ चार्ल बटलर बढी रन बनाउने खेलाडीको सूचीमा पाँचौं नम्बरमा परे । जम्मा ६ खेल खेलेका उनले एक सय २० बलको सामना गर्दै एक सय ९१ रन बनाए । विकेट किपर समेत रहेका दाँया हाते २५ वर्षे ब्याट्सम्यान बटलरले सबैभन्दा बढी रन श्रीलंका विरुद्धको खेलमा ६६ रन बनाए । वेष्ट इन्डिजसँगको फाइलनमा बटलरले ३६ रन बनाए ।

६. जासन रोय

इंग्ल्याण्ड कै जासन रोय बढी रन बनाउनेको खेलाडीको सूचीमा छैटौं नम्बरमा रहे । ६ खेल खेलेका २५ वर्षे रोयले एक सय २० बलको सामना गर्दै एक सय ८३ रन बनाए । जसमा सबैभन्दा बढी उनले न्युजील्याण्ड विरुद्धको खेलमा ७८ रन बनाए भने सबैभन्दा कम अफगनिस्तान विरुद्धको खेलमा ५ रन बनाएका थिए । रोयले पनि इंग्ल्याण्डलाई फाइनलमा पुर्‍याउन महत्वपूर्ण योगदान दिएका थिए । उनले फाइनलमा एक रन पनि बनाउन सकेनन् ।

७. क्विन्टन डी कक

दक्षिण अफ्रिकाका क्विन्टन डी कक बढी रन बनाउने खेलाडीको सूचीमा सातौं नम्बरमा परे । जम्मा चार खेलमात्र खेलेका कोकले एक सय ७ बलको सामना गर्दै एक सय ५३ रन जोडेका थिए । विकेट किपरसमेत रहेका २५ वर्षे ब्याट्सम्यान ककले सबैभन्दा बढी ५६ रन भारत विरुद्धको खेलमा बनाएका थिए ।

८. सहवीर रहमान

बंगलादेशका सहवीर रहमान बढी रन बनाउने खेलाडीको सूचीमा आठौं नम्बरमा परे । समूह चरण र सुपर टेनमा गरी जम्मा सात खेल खेलेका रहमानले एक सय १९ बलको सामना गर्दै एक सय ४७ रन बनाएका थिए । २४ वर्षे दायाँ हाते ब्याट्सम्यान रहमानले सबैभन्दा बढी ४४ रन ओमान विरुद्धको खेलमा बनाएका थिए ।

९. उसमान खाउजा

अष्ट्रेलियाका उसमान खाउजा बढी रन बनाउने खेलाडीको सूचीमा नवौं नम्बरमा परे । अष्ट्रेलिया समूह चरणबाटै घर फर्केकाले जम्मा ४ खेल मात्र खेल्न पाएका खाउजाले एक सय चार बलको सामना गर्दै एक सय ४३ रन बनाएका थिए । २९ वर्षे खाउजाले सबैभन्दा बढी ५८ रन बंगलादेश विरुद्धको खेलमा बनाएका थिए ।

१०.अस्घर स्टानिखजाई

अफगानिस्तानका अस्घर स्टानिखजाई यो विश्वकपमा सबैभन्दा बढी रन बनाउने ब्याट्सम्यानको १० औं नम्बरमा पर्न सफल रहे । ७ खेल खेलेका उनले एक सय ३१ बलको सामना गर्दै एक सय ४१ रन बनाए । २८ वर्षेे ब्याट्सम्यान अस्घरले सबैभन्दा बढी ५५ रन स्कटल्याण्डसँगको खेलमा बनाएका थिए ।

ट्वेन्टी–ट्वेन्टी विश्वकप: ८ शतक, ७ खेलाडी !!

2016-04-04T10:39:00.003+05:45

एजेन्सी – आइसिसी ट्वेन्टी–ट्वेन्टी विश्वकपमा अहिलेसम्म धेरै कीतिर्मान बनेका छन् त्यसमध्ये सबैको ध्यान खिच्ने एक कीतिर्मान हो, शतक । ट्वेन्टी–ट्वेन्टी विश्वकपमा अहिलेसम्म सात खेलाडीले जम्मा आठ पटक शतक प्रहार गरेका छन् । वेष्ट इन्डिजका ब्याट्सम्यान क्रिस गेलले अहिलेसम्म ट्वेन्टी–ट्वेन्टी विश्वकपमा दुई पटक शतक प्रहार गरेका छन् ।

क्रिस गेल: गेलले ट्वेन्टी–ट्वेन्टी विश्वकपमा दुई पटक शतक प्रहार गरेका छन् ।

गेलले सन् २००७ को पहिलो विश्वकपमा दक्षिण अफ्रिकासँगको खेलमा ५७ बलमा १० छक्का र सात चौको मद्दतमा एक सय १७ रन बनाए ।

उनले यो विश्वकपमा इंग्ल्याण्डसँगको खेलमा ४८ बलमा ११ छक्का र पाँच चौकाको मद्दतमा नटआउट एक सय रन बनाए ।

सुरेश रैना: ट्वेन्टी–ट्वेन्टी विश्वकपमा शतक बनाउने खेलाडी भारतका रैना पनि हुन् ।

उनले सन् २०१० को विश्वकपमा दक्षिण अफ्रिकासँगको खेलमा ६० बलमा पाँच छक्का र ९ चौकाको मद्दतमा एक सय एक रन बनाएका थिए ।

महेला जयकर्धने: श्रीलंकाका जयवर्धनेले सन् २०१० को विश्वकपमा शतक प्रहार गरेका थिए ।

उनले जिम्बाबेसँगको खेलमा ६४ बलमा चार छक्का र १० चौकाको मद्दतमा बनाएको एक सय रन बताएका थिए ।

ब्रान्डम म्याकुलम: न्युजिल्याण्डका म्याकुलमले सन् २०१२ को विश्वकपमा शतक बनाएका थिए ।

उनले बंगलादेशसँगको खेलमा ५८ बलमा सात छक्का र ११ चौकाको मद्दतमा एक सय २३ रन बनाएका थिए । ट्वेन्टी–ट्वेन्टी विश्वकपमा कुनै पनि खेलाडीले एक पारीमा बनाएको यो नै सर्वाधिक रन हो ।

एलेक्स हेल्स: इंग्ल्याण्डका

हेल्सले सन् २०१४ को विश्वकपमा शतक बनाएका थिए । उनले श्रीलंकासँगको खेलमा ६४ बलमा ६ छक्का र ११ चौकाको मद्दतमा नटआउट एक सय १६ रन बनाएका थिए ।

अहमद शहजाद: पाकिस्तानका शहजादले पनि ट्वेन्टी–ट्वेन्टी विश्वकपमा शतक बनाएका छन् ।

उनले सन् २०१४ को विश्वकपमा बंगलादेशसँगको खेलमा ६२ बलमा पाँच छक्का र १० चौकाको मद्दतमा नटआउट एक सय ११ रन बनाएका थिए ।

तमिम इकबाल: बंगलादेशका इकबालले यो विश्वकपको पहिलो चरणमा ओमानसँगको खेलमा शतक बनाएका हुन् ।

उनले गएको १३ मार्चमा भएको खेलमा ६३ बलमा पाँच छक्का र १० चौकाको मद्दतमा नटआउट १०३ रन बनाएका थिए ।

ट्वेन्टी–ट्वेन्टी विश्वकप: कोहली २०१६ को प्लेयर अफ दि टुर्नामेन्ट घोषित !! (भिडियोसहित)

2016-04-04T09:51:00.002+05:45

काठमाडौं – भारतका ब्याट्सम्यान विराट कोहली आइसिसी ट्वेन्टी–ट्वेन्टी विश्वकप क्रिकेट २०१६ को प्लेयर अफ दि टुर्नामेन्ट घोषित भएका छन् । कोहली लगातार दोस्रो पटक प्लेअफ दि टुर्नामेन्ट घोषित भएका हुन् । उनी यसअघि सन् २०१४ मा बंगलादेशमा भएको ट्वेन्टी–ट्वेन्टी विश्वकपमा पनि प्लेयर अफ दि टुर्नामेन्ट घोषित भएका थिए । यो विश्वकपमा भारतलाई सेमिफाइनलसम्म पु¥याउन कोहलीले ठूलो भूमिका खेलेका थिए । कोहलीलाई पूर्व क्रिकेट तथा कमेनटेटरको समूहले सर्वसम्मतिले प्लेअर अफ दि टुर्नामेन्टको रुपमा छनौट गरेको अन्तर्राष्ट्रिय क्रिकेट परिषद आइसिसीले जनाएको छ । प्लेअर अफ दि टुर्नामेन्ट घोषित भएपछि कोहलीले भने ‘घरेलु मैदानमा सेमिफाइलनसम्म मै सीमित हुनु पर्दा दुःख लागेको छ । तर प्लेअर अफ दि टुर्नामेन्टको अवार्ड पाउँदा गर्व लागेको छ ।’ कोहलीले यसपटक विश्वकपमा पाँच पारीमा एक सय १३६.५० को औषतमा दुई सय ७३ रन बनाएका छन् । उनको स्ट्राइक रेट एक सय ४७ छ । कोहलीले न्युजिल्याण्डसँगको खेलमा २३, पाकिस्तानसँगको खेलमा नटआउट ५५, बंगलादेशसँगको खेलमा २४, अस्ट्रेलियासँगको खेलमा नटआउट ८२ तथा वेष्ट इन्डिजसँगको सेमिफाइनलमा नटआउट ८९ रन बनाएका थिए ।

कोहलीले सन् २०१४ को विश्वकपमा तीन सय १४ रन बनाएका थिए ।

हेर्नुहोस् पुरा भिडियो:

ट्वेन्टी–ट्वेन्टी विश्वकप: अन्तिम ओभरमा कार्लोस् ब्रेथवेटले हाने लगातार ४ छक्का !! जिताए बिश्वकप । (भिडियोसहित)

2016-04-04T09:32:00.002+05:45

काठमाडौं –अन्तिम ओभरमा १९ रन बनाउनु पर्ने अवस्थामा लक्ष्य पछ्याउँदै ब्याटिङ गर्ने टोलीलाई लगभग खेल गुमाइयो जस्तै हुन्छ । तर आइसिसी ट्वेन्टी–ट्वेन्टी विश्वकप क्रिकेट अन्तर्गत भारत कोलकाताको इडेन गार्डेन मैदानमा वेष्ट इन्डिजका कार्लोस ब्रेगवेटले यसलाई उल्ट्याए ।

इंग्ल्याण्डले प्रस्तुत गरेको एक सय ५६ रनको लक्ष्य पूरा गर्न वेष्ट इन्डिजलाई अन्तिम ओभरमा १९ रन चाहिएको थियो । वेष्ट इन्डिजका ब्रेगवेटले अन्तिम ओभरमा इंग्ल्याण्डका बेन स्टोक्सले हानेका सुरुका चार बलमा लगातार छक्का प्रहार गरे । सुरुका तीन बलमा छक्का प्रहार गरेर ह्याट्रिक पूरा गर्दा वेष्ट इन्डिजलाई जितका लागि एक रन चाहिएको थियो भने तीन बल बाँकी थियो ।

चौंथो बलमा पनि ब्रेनवेटले छक्का प्रहार गरेपछि वेष्ट इन्डिजले दुई बल बाँकी हुँदा ६ विकेटको क्षतिमा एक सय ६१ रन बनाउँदै नतिजा आफ्नो पक्षमा पार्‍यो र दोस्रो पटक ट्वेन्टी–ट्वेन्टी विश्वकपको उपाधि उचाल्ने पहिलो टोली बन्यो । ब्रेनवेट आठौं नम्बरमा ब्याटिङमा आएका थिए । त्यस बेला वेष्ट इन्डिजले १६ औं ओभरमा ब्याटिङ गरिरहेको थियो । ६ विकेट गुमाएर एक सय सात बनाएको टिमका लागि बाँकी २७ बलमा ४९ रन बनाउनु पर्ने थियो । कुल १० बल ब्याटिङ गरेका ब्रेनवेटले नटआउट ३४ रन बनाए । तर अन्तिम ओभरमा चार छक्काको मद्दतमा बनाएको २४ रन जितका लागि महत्वपूर्ण बन्यो ।

हेर्नुहोस् पुरा भिडियो:

ट्वेन्टी-ट्वेन्टी विश्वकप: इंग्ल्याण्डलाई हराउँदै वेष्ट इण्डजले जित्यो उपाधि !!

2016-04-04T09:13:00.001+05:45

काठमाडौं - ट्वेन्टी-ट्वेन्टी विश्वकप क्रिकेटको उपाधि वेष्ट इण्डिजले जितेको छ ।

भारतको कोलकातामा आइतबार बेलुकी भएको फाइनलमा इंग्ल्याण्डलाई ४ विकेटले हराउँदै वेष्ट इण्डिजले दोश्रो पल्ट ट्वेन्टी ट्वेन्टी विश्वकपको उपाधि जितेको हो ।

वेष्ट इण्डिजले यसअघि सन् २०१२ को ट्वेन्टी ट्वेन्टी विश्वकप जितेको थियो । कोलकातामा इंग्ल्याण्डविरुद्ध जितका लागि पाएको १ सय ५६ रनको लक्ष्य क्यारेबियन टिमले खेल सकिन २ बल अघि ६ विकेट गुमाएर भेट्टायो ।

वेष्ट इण्डिजका लागि मार्लोन स्यामुअल्सले नट आउट ८५ रन बनाए । ६६ बल खेलेका उनले ९ चौका र २ छक्का हानेका थिए । जितका लागि वेष्ट इण्डिजलाई अन्तिम ओभरमा १९ रन चाहिएको थियो । बेन स्टोकको ओभरमा ब्रेथवाइटले लगातार चार छक्का हानेर वेष्ट इण्डिजलाई जिताए । १० बलमा ३४ रन बनाएका उनी नट आउट रहे । यसअघि पहिला ब्याटिङ्ग गरेको इंग्ल्याण्डले निर्धारत २० ओभरमा ९ विकेट गुमाउँदै १ सय ५५ रन बनाएको थियो । इंग्ल्याण्डका लागि जोय रुटले ५४ र जोु बट्लरले ३६ रन बनाए ।

ट्वेन्टी–ट्वेन्टी विश्वकप: फाइनल आज, उपाधि कस्को इंग्ल्याण्ड वा वेष्ट इन्डिज ?

2016-04-03T09:37:00.000+05:45

काठमाडौं – वेस्ट–इन्डिज कप्तान डारेन सामीले आफ्नो टिम क्यारेबियन क्रिकेट समर्थकको अनुहारमा खुसी फर्काउन सक्ने विश्वासमा रहेको शुक्रबार बताएका छन् । विश्व ट्वान्टी–२० को फाइनल प्रवेशका लागि वेस्ट–इन्डिजले भारतलाई स्तब्ध पारेपछि टिम उपाधिको ह्याट्रिक गर्ने दुर्लभ मोडमा पुगेको छ । आइसिसी ट्वेन्टी–ट्वेन्टी विश्वकप क्रिकेटको उपाधिका लागि आइतबार इंग्ल्याण्ड र वेष्ट इन्डिजबिच प्रतिस्पर्धा हुँदैछ ।

कोलकाताको इडन गार्डेन मैदानमा बेलुका सवा सात बजे दुई टोली उपाधिका लागि आमने सामने हुने छन् । इंग्ल्याण्ड सेमिफाइनलमा न्युजिल्याण्डलाई सात विकेटले हराएर फाइलनमा आइपुगेको हो । यस्तै वेष्ट इन्डिजले आयोजक भारतलाई सात विकेटले नै हराएर फाइनलमा स्थान बनाएको हो । इंग्ल्याण्ड र वेष्ट इन्डिज दुवैले यसअघि एक एक पटक ट्वेन्टी–ट्वेन्टी विश्वकपको उपाधि जितेका छन् ।

इंग्ल्याण्डले सन् २०१० मा वेष्ट इन्डिजमा भएको खेलमा अस्ट्रेलियालाई सात विकेटले हराएर उपाधि उचालेको थियो । यस्तै वेष्ट इन्डिजले सन् २०१२ मा श्रीलंकामा भएको खेलमा घरेलु टोलीलाई ३६ रनले हराएर उपाधि जितेको थियो । इंग्ल्याण्ड र वेष्ट इन्डिज दुवै टोली यो पटक उपाधि उचाल्दै ट्वेन्टी–ट्वेन्टी विश्वकपमा दुई पटक उपाधि जित्ने पहिलो टोली बन्ने लक्ष्यका साथ मैदान उत्रने छन् । इंग्ल्याण्ड इओन मोर्गान तथा वेष्ट इन्डिज डरेन सामीको कप्तानीमा मैदान उत्रने छ । १९७० र १९८० बीच वेस्ट–इन्डिजले विश्व क्रिकेटमा एकलौटी वर्चस्व कायम राखेको थियो । यसक्रममा उसले सन् १९७५ र १९७९ मा वान–डे विश्वकप जितेको थियो । त्यसयता खस्कन सुरु गरेको वेस्ट–इन्डिजले आफूलाई विवाद र आरोप–प्रत्यारोपबीच सम्हाल्न सकिरहेको थिएन ।

World T20 Final 2016: England vs. West Indies

2016-04-01T17:37:00.000+05:45

“It's a fine line, T20 cricket” – Williamson shrugs off semifinal defeat

New Zealand captain gives England bowlers credit for scripting win, praises his side's consistency in the tournament

Viewers of the highly successful medical drama, House, will be familiar with the character of Dr James Wilson, soulmate of the irascible and brilliant protagonist, Gregory House. One of Wilson’s sterling qualities is his bedside manner, which enables the oncologist to deliver the news of terminal illness and the imminence of death with such sensitivity that patients often leave his chambers profusely thanking him despite hearing the worst. Should a New Zealand version of this television series ever be made, Kane Williamson would be a shoo-in for that role. see more at: http://www.icc-cricket.com/world-t20/news/2016/news/94481/its-a-fine-line-t20-cricket-williamson-shrugs-off-semifinal-defeat

Simmons shades Kohli as West Indies reaches final

Indian vice-captain's blitzkrieg 89 not out and a wicket go in vain as India fails to defend 192 for 2

This was the big battle between the team that has perfected the art of keeping its composure under pressure, and a side rich in explosive talent, but that can blow hot and blow cold.

India v West Indies, in the second semifinal of the ICC World Twenty20, was hyped up as a cracker whose destination, it was believed, would be dictated as much by which of Virat Kohli or Chris Gayle would have the better evening, as which team addressed its disciplines better. Kohli comprehensively shaded the big West Indian opener on Thursday (March 31), but India, error-prone and perhaps overcome by the occasion, still came up short as the Caribbean side found heroes of its own, most notably late replacement Lendl Simmons who would be well advised to buy a lottery ticket.

At his adopted Wankhede Stadium home, on a surface that he knows exceedingly well and which played true for the entire duration of the match, Simmons rode his luck – he was caught off no-balls from R Ashwin and Hardik Pandya when 18 and 50 respectively – but also showcased extraordinary power-hitting skills to turn a see more at: http://www.icc-cricket.com/world-t20/news/2016/match-reports/94506/simmons-shades-kohli-as-west-indies-reaches-final