ЯOCKgaliza

Próximos concertos en Compostela

noreply@blogger.com (Adolfo Palacios Fdez.) — Mon, 16 Jan 2012 15:52:00 +0000

Grandes citas agardan por nós neste comezo de ano na Capitol:

Letz-Zep o 28 de xaneiro coas mellores covers dos Zeppelin.
18/23€
Misfits o 9 de febreiro con Jerry Only como único dos orixinais.
22/27€
Corizonas o 10 de febreiro (Coronas + Arizona Baby).
15/18€
Thin Lizzy o 12 de febreiro con 4 dos membros clásicos.
30/35€
Nada Surf o 17 de febreiro
18€+ gastos
Diamond Dogs o 25 de febreiro
15/18€
The Jon Spencer Blues Explosion o 13 de marzo
18/22€
Mark Lanegan Band o 28 de marzo
18€+ gastos

A Venta de entradas adoita ser en:
A Reixa Tenda (Santiago)
Portobello (A Coruña)
Elepé (Vigo)
ou Online:

http://www.salacapitol.com

http://www.breakpoint.es

http://www.laboleteria.es

The Answer na Capitol

noreply@blogger.com (Adolfo Palacios Fdez.) — Sun, 15 Jan 2012 20:34:00 +0000

Este sábado, 14 de xaneiro, dentro do ciclo "Compostela ROCK" na Capitol, gozamos co concerto de THE ANSWER, unha das bandas máis en forma do Rock internacional.

Estiveron enormes os irlandeses na súa visita a Compostela!

Comezaron cunha das máis "resultonas" do último traballo: "New Day Rising" (Revival, 2011), pero axiña puxéronos os pelos coma escarpias co "Under the Sky" do primeiro (Rise, 2007).

Diríavos cales tocaron do 2º (Everyday Demons, 2009) pero a verdade é que é o que menos controlo (non debeu ser así entre os asistentes ó concerto pois mercábano en vinilo e cd por ducias).

Momento máxico no tema "Preaching" do Rise (un dos nosos favoritos no piraña) cando baixou co público e fíxonos sentar no chan (ou rezar xa que estabamos co tema)... moi divertido, si señor.

Un "boas noites Santiago" ó comenzo e mais uns "graciñas" tralos aplausos e xa tiña o respectable no peto, tanto que nos permitiu cantar con el un par de veces, tamén preguntou pola bebida típica nestas latitudes...

e por sorte (para nós que estabamos cunha chea... non sei se tamén para eles) atopámolos na Reixa ás tantas e, como "answer" á súa pregunta, convidámolos a un LK, pero seica gustáronlles máis as cervexas locais.

A verdade é que nos pareceron uns tipos do máis simpático.

The Answer na Capitol

noreply@blogger.com (Adolfo Palacios Fdez.) — Thu, 29 Dec 2011 13:05:00 +0000

A banda irlandesa

visita Galicia. 14 de xaneiro na Capitol

presentando o seu novo disco "Revival"

15 € + gastos distribución
18 € taquilla

Venta de entradas:
Carrefour, FNAC, Halcón Viaxes, Tendas Tipo, Discos Gong

ticketmaster

Incredibile ma vero: Metallica e Lou Reed gravan disco conxunto!

noreply@blogger.com (JORGE) — Thu, 16 Jun 2011 21:09:00 +0000

Que teñen en común os creadores dunha obra magna(entre outras) coma "Master of puppets" e o lexendario líder da Velvet? Pois a parte de que poidan compartir o mesmo camello(difícil, uns son da Bay Area e o outro de New York), que coincidiron no 25 aniversario do Rock and roll hall of fame, onde se marcaron uns temas(podedes ver a interpretación conxunta de "Sweet jane" ao final).
En fin, a ver que sae de aquí, pintar non pinta ben, pero nunca se sabe. Podedes ver fotos das sesións de gravación aquí.

Se che interesa esta e máis novas rockeiras, visita rockisome.wordpress.com

Concerto na Coruña presentado por El-Beasto-Tours.

noreply@blogger.com (Adolfo Palacios Fdez.) — Mon, 13 Jun 2011 18:46:00 +0000

O vindeiro 18 de xuño, ás 22:00, cita co rock americano na sala Mardi Gras da Coruña.

O prato forte serán os californianos Lazy Stars co grande Jonny Kaplan ao fronte.
myspace.com/jonnykaplanandthelazystars

E como grupo invitado, un dos nosos favoritos ЯOCKgalegos:
Los Eternos, country-rock desde Cedeira.
myspace.com/loseternos

www.salamardigras.com
elbeasto.com/tours
12€ anticipada 15 € taquilla
venda: DISCOS PORTOBELLO (A Coruña)
reservas: elbeasto@elbeasto.com / Tfn. 881885328

Reggae e Rock na Capitol

noreply@blogger.com (Adolfo Palacios Fdez.) — Mon, 13 Jun 2011 10:46:00 +0000

Axenda para tódolos gustos:

O xoves 16 de xuño ás 20:30, Julián Marley, o fillo do mito, vainos facer bailar na Capitol
www.julianmarley.com
teloneado polos coruñeses Bush Doctors
myspace.com/bushdoctorsreggae
20€ anticipada 25€ taquilla

E o 1º de xullo ás 20:30, os ex-Asfalto José Luis Jiménez e Lele Laina, que no 1978 formaron Topo, presentan os seu novo traballo e mailos temas míticos de ambalas dúas bandas.
www.grupotopo.com
acompañados dos rockeiros composteláns Tungsteno.
myspace.com/wtungsteno
18€ anticipada 22€ taquilla

www.salacapitol.com

azkena 2011

noreply@blogger.com (Adolfo Palacios Fdez.) — Tue, 12 Apr 2011 16:32:00 +0000

www.azkenarockfestival.com
E non hai moito máis que dicir...

Estrea de As silenciadas

noreply@blogger.com (ces) — Sat, 02 Apr 2011 16:32:00 +0000

O próximo 8 de abril, as 20,30h na Domus, A Coruña
http://www.casaciencias.org/domus/
MAPA

www.silenciadas.com

desligados do miúdo

noreply@blogger.com (Adolfo Palacios Fdez.) — Fri, 04 Mar 2011 21:19:00 +0000

A casa de música e o café Miúdo presentan:

Hai moitas razóns que fan que este concerto sexa imprescindible nas nosas axendas

1-Celébrase a despedida do café Miúdo de Compostela, lugar de reunión sen par para a bohême compostelá. Un continente entrañable cun contenido (jazz, xadrez, palabras, folk, licor café, persoas...) trístemente raro nestes tempos.

2-Reúnense máis de vinte bandas, dúos, tríos ou solistas que interpretan cultura libre. Músicas creative commons que foron un día escoitadas en directo no Miúdo e que, para este día especial, se trasladan ao Auditorio de Galicia.

3-A variedade de estilos déixame sen ostentosos epítetos. Jazz, folk, rock, punk, hip hop, metal... mimá, todos xuntos, nun acto de rebeldía fronte á conformidade: coido que están moi ben as manifestación en contra das leis que restrinxen o acceso á cultura, pero, que mellor protesta que a reivindicación das alternativas reais? Que existen é un feito, e os privilexiados que veñades ídelo ver.

evento desligados do Miúdo no facebook

Lüger - Swastika Sweetheart

noreply@blogger.com (Adolfo Palacios Fdez.) — Sat, 11 Dec 2010 15:54:00 +0000

Velaquí o vídeo que o noso amigo Crespez fixo para os madrileños Lüger

Sodes libres de descarga-lo disco en www.luger.bandcamp.com

Adolfo gnu no Ambigú

noreply@blogger.com (Adolfo Palacios Fdez.) — Wed, 17 Nov 2010 19:54:00 +0000

A partires de agora tedes todos a oportunidade de escoita-lo voso ROCK favorito destes dous séculos da man dun dj dos de antes (sen chunda-chundas deses que lles gustan aos novos).Tódolos xoves noite no Ambigú a iso das 11.

XVII Festival de Cerceda.

noreply@blogger.com (Adolfo Palacios Fdez.) — Tue, 18 May 2010 16:07:00 +0000

este sábado 22 de maio...

Cerceda será a primeira vila galega en declararse «100% libre da SGAE»

Farao dunha forma simbólica o próximo 22 de maio durante a celebración do seu 17º festival

A localidade coruñesa de Cerceda será o primeiro pobo galego en declararse 100% libre da SGAE, aínda que só de forma simbólica. Será o próximo día 22, cando se celebre a 17.ª edición do seu festival, organizado pola Asociación Cultural Lucerna e dedicado desta volta á cultura libre.

«É un tema que está de moda, pero xa vén de atrás», lembra Xosé Bocixa, membro de Lucerna. «Eu formo parte do grupo Zenzar, levamos cinco discos editados fóra da SGAE e houbo un momento no que era case ilegal. Chamábannos para ameazarnos sen pertencer a eles», explica. De aí que á asociación, composta na súa maioría por xente do pobo vinculada a grupos musicais, centre boa parte da súa actividade en concienciar á xente de que hai outras opcións.

Así, a edición deste 2010 inaugurarase cunha mesa redonda na que se debaterá sobre os bens culturais de uso común, unha alternativa aos tradicionais dereitos de autor. Esta cita contará, entre outros, con Francisco Alvarellos e Joaquín Riera, socios da Casa de Música, «un espazo multidisciplinar compostelán que ofrece asesoramento a locais e grupos sobre lexislación e licenzas», en palabras de Bocixa.

As actividades da tarde completaranse coa proxección de curtametraxes que non están suxeitas á SGAE e coa iniciativa de que os bares da zona pinchen unicamente música libre. «Xa falamos cos locais e distribuímoslles temas en MP3. Iso non é ningún problema, hai miles e miles», sinala Bocixa.

Para a noite resérvase o prato forte do festival. Tras a lectura do manifesto que declarará á vila libre da SGAE, terán lugar as actuación musicais, da man dos grupos locais 12 Labirinto e Gendebeat, dos vigueses Selectah in Helicopta -que serán os encargados de pechar a noite- e Leo i Arremecághona, dos coruñeses Fracasados de Antemano e da banda de metal Nao.

A iniciativa de Lucerna está sendo moi ben acollida porque, segundo Bocixa, a oposición á SGAE é xeralizada. «A xente está queimada, o que fan é unha auténtica sangría. Pretendemos amosar que hai outras solucións para a xente modesta deste negocio», sinala Bocixa. «Moitos están en contra, pero pensan que non está na súa man facer nada. Nós non somos uns expertos, pero colaboramos co noso gran de area», conclúe.

(Míriam Vázquez Fraga, 11-05-10, la voz de Galicia)

AS SILENCIADAS

noreply@blogger.com (ces) — Wed, 12 May 2010 11:13:00 +0000

As silenciadas é un documental histórico que recupera historias de vida, inseridas no seu contexto, de numerosas mulleres que andaron na clandestinidade ou apoiaron desde a chaira o movemento guerrilleiro. Por defendelo, foron duramente represaliadas: morte, cárcere, tortura física e psicolóxica, exilio… O seu papel foi fundamental na supervivencia deste movemento de resistencia e cómpre coñecelo.

www.silenciadas.com

A Gramola Analóxica

noreply@blogger.com (Adolfo Palacios Fdez.) — Wed, 21 Apr 2010 23:31:00 +0000

Este xoves no Ambigú (e, posibelmente, os que veñan,) coa túa consumición vaiche ser otorgado o dereito de facer realidade os teus desexos musicais.
Porque a partires de agora, os xoves e sábados do Ambigú van ser corrompidos polos insanos apetitos rocanroleiros de dj ñu aka Adolfeti.

A movida chámase Gramola Analóxica, pero é máis dixital e con vocación creative commons ca nai que me crew.

O sábado Ilegales na Capitol

noreply@blogger.com (Adolfo Palacios Fdez.) — Wed, 14 Apr 2010 17:41:00 +0000

E despois, festa rachada no Ambigú!!!

A Hora do Ñu

noreply@blogger.com (Adolfo Palacios Fdez.) — Mon, 12 Apr 2010 15:53:00 +0000

Este xoves estades invitad@s a unha velada de Rock'n'roll no Ambigú.

A volta de Adolfo aos pratos pode ser unha realidade, non lle falledes!!!!

concertillo

noreply@blogger.com (Adolfo Palacios Fdez.) — Fri, 02 Apr 2010 04:25:00 +0000

ATENCIÓN TSUNAMI regresan a Galicia un ano despois de publicar El Lejano Oyente, o seu disco de debut. Fano acompañados dun dos grupos máis orixinais do panorama nacional, WHY GO, co seu flamante primeiro disco homónimo baixo o brazo.

Unha velada contemporánea e ecléctica con luz e escuridades para todas as idades.

atencion tsunami

why go

esto es casa

e todo isto o sábado, 3 de abril ás 22h por só 4 pavos

Concertos destacados

noreply@blogger.com (Adolfo Palacios Fdez.) — Mon, 22 Mar 2010 18:52:00 +0000

27-marz o'funk'illo Compostela sala capitol
Sábado ás 22,00h.
18€ | Adiantada (Discos Gong, Discoprecio, A Reixa): 15 €

07-abril Sepultura + Crowbar + Hamlet + Armed For Apocalypse
Mércores Compostela sala capitol

11-abril josele santiago + pablo novoa Compostela sala nasa
Domingo ás 20,00h.
12 € | Adiantada (A Reixa Tenda): 10 €
14-abril corcobado Compostela sala nasa
Mércores ás 21,30h.
12 € | Adiantada (A Reixa Tenda): 10 €

18-maio mark lanegan Compostela sala capitol
Martes ás 21,ooh.
15 € adiantada (Discos Gong e A Reixa Tenda)| 15,75 € en caixanova.es

Pecha Kucha Night por Haití na Sala Nasa

noreply@blogger.com (Adolfo Palacios Fdez.) — Mon, 22 Mar 2010 18:31:00 +0000

Dende que tivo lugar o desastre de Haití, a comunidade de creativos de todo o mundo estase mobilizando na organización dun Pecha Kucha Night en máis de 250 cidades —dende Tokio ata San Franciso—, co fin de recadar fondos destinados á reconstrución dese país. Fondos que irán destinados á ong Architecture for Humanity.

Pecha Kucha, xogo de palabras que en xaponés fai referencia aos sons que se producen durante unha conversa, é unha reunión informal onde cada participante dispón de 20 segundos por 20 imaxes para expoñer en público o seu proxecto creativo, facendo un total de 6 minutos e 40 segundos —cun obrigado “break” para repoñer a cervexa—. Deste xeito lógranse presentacións concisas, mantendo o interese en todo momento e permitindo a participación de moita xente.

O atractivo desta iniciativa, adoptada xa en máis de 260 cidades de todo o mundo, baséase na posibilidade de establecer un punto de encontro alternativo á marxe das institucións, museos, galerías ou publicacións especializadas e os seus editores.

A noite do mércores 24 de marzo, na Sala Nasa, colaboran:

The Homens
Projecto [‘Trepja]

Información extraída de:
www.salanasa.com
(preme para coñecer a todos os participantes e organizadores)

Festivais 2010 (II) Arteficial

noreply@blogger.com (Adolfo Palacios Fdez.) — Mon, 22 Mar 2010 14:15:00 +0000

Un ano máis teatro, maxia, curtametraxes e concertos de rock, pop e hip-hop chegan á Ribadavia da man de Arteficial, para ledicia da mocidade galega.

30 abr - Festival Arteficial Ribadavia
23:00, Concertos:
Los Coronas – Madrid
Pacífico – Galiza
The Electric Riders – Navarra
Sweet Oblivion Band – Galicia

1 mai - Festival Arteficial Ribadavia
23:00, Concertos:
Sindicato del Crimen – Madrid
Guerrilla: tributo a RATM – Andalucía
Second Silence – Madrid
Los Sesuales – Galicia

Todo o programa e máis información: nvivo.es
entradas á venda por 5,5 € un día, 8,5€ abono 2 días en:
la boletería
caixa galicia

Festivales 2010 (I) Fornos Rock

noreply@blogger.com (Adolfo Palacios Fdez.) — Sun, 21 Mar 2010 17:15:00 +0000

27 mar - Festival Fornos-rock Os Fornos (Sta. Comba)
Artistas: Abúr Gulundrú, Tres de Copas, Álvaro Muras, Sex-presidentes, Ruta 77, 4 rhesus monkeys, Negadeth, Capitán Morgan, Descontrol e David Pazos. Entrada Gratuita.

Non ao peche de webs

noreply@blogger.com (Adolfo Palacios Fdez.) — Fri, 19 Mar 2010 15:57:00 +0000

Nun Consello de Ministros que se celebra hoxe en Sevilla, o Goberno de España aprobará a Lei de Economía Sostible cunha Disposición Final Primeira que inclúe a normativa para regular Internet. Hano facer mediante un procedemento que permitirá bloquear ou pechar páxinas web de descargas de arquivos protexidos por dereitos de autor a través dunha denuncia ante a Comisión de Propiedade Intelectual. Se queredes máis información premede aquí:

Desde ROCKgaliza defendemos a creación libre e mailas licenzas creative commons, pero cando se utilizan as leis para limitar o acceso á cultura, para censurar e para pribar de liberdade ao pobo e por riba co fin de facer máis ricos aos ricos, pois como que non puidemos deixar de comentalo.

Xira de One. Tributo a Queen.

noreply@blogger.com (Adolfo Palacios Fdez.) — Mon, 01 Mar 2010 16:34:00 +0000

Seguro que aos que tiveron a ocasión de ver a estes arxentinos na anterior visita a Galiza non lles teño que explicar moito (sobre todo se foron tan afortunados de estar connosco no acústico prévio no TNT)
A todos os demais, que saibades que esta é, probablemente, a mellor banda de tributo a Queen do planeta.
Ademais do parecido físico do Doctor Queen con Freddie, aínda que algo máis cachas, a súa voz non se queda atrás e chega con forza aí onde doe, executando con mestría as notas máis complicadas do nada doado repertorio dos británicos.
Alvaro Navarro Kahn, no rol de Brian May, ten xeito dabondo para encher a Capitol el soíño e a sección rítmica, con Andrés De Charras na batera e Patricio Lafleur ao baixo amósanse moi profesionais e respetuosos cos seus (e nosos) ídolos.
Son, no conxunto, a mellor homenaxe que uns amantes do legado de Queen lle poderían facer.
Datas da xira peninsular:
11-marz Vigo mondo club
12-marz Ourense teatro xesteira
13-marz Compostela sala capitol
18-marz Santander heaven
19-marz Ponferrada sala la vaca
20-marz Xixón teatro asturias

Na capitol van ser teloneados polo rock máis nobre, o dos tungsteno de Compostela
Nas demáis datas van ser os tamén composteláns kathaarsys (METAL con maiúsculas) os encargados de lles acompañar.

Entradas para Santiago á venda desde o 1 de marzo:
no TNT, tatooine, baseado nunha historia real, disco precio, discos gong, sala krooner, ambigú, a reixa tenda, la taquilla, deluxe e a tere (bocatas na zona vella, casas reais)
12€ anticipada, 15€ na taquilla

one, tributo a queen

tungsteno

kathaarsys

Marcos Coll e Adrián Costa, xira galega

noreply@blogger.com (Adolfo Palacios Fdez.) — Fri, 26 Feb 2010 15:40:00 +0000

Os blueseiros composteláns máis internacionais, que, coa súa banda Los Reyes del KO triunfan en todo o mundo con base en Berlín, achéganse de novo á súa terra en formato dúo.
Somos tan afortunados que temos a posibilidade de gozar co seu alegre blues-rock nunha ducia de localidades galegas ao longo dos vindeiros dous meses no intre das súas xiras europea e americana.
... Non tedes escusa, os vosos oídos, enquistados pola mediocridade reinante, hano agradecer.
Marzo 2010
05-marz Ferrol Sala Rum Rum
06-marz Illa de Arousa Con Do Moucho
07-marz Ordes Badulake
11-marz Marín Sala Ache
12-marz Sarria Sala Planeta
13-marz Lugo Sala Clavicembalo

Abril 2010
01-abril Nigrán Clandestino
02-abril Melide Pub Gatos
03-abril Salvaterra Vagalume
04-abril A Coruña Jazz Vides
08-abril Ferrol Teatro Torrente Ballester
09-abril Ponteareas A Regueifa
10-abril Vigo La Pecera

Máis concertos!!!

noreply@blogger.com (Adolfo Palacios Fdez.) — Wed, 24 Feb 2010 18:27:00 +0000

05-marz nao + kastomä Compostela sala capitol 5€ taquilla

06-marz rinôçérôse Arzúa festa do queixo de balde

06-marz ruxe ruxe Compostela sala capitol 10€ (+ cd agasallo)

11-marz tonhito de poi e rasa loba Compostela sala capitol 5€

12-marz love of lesbian Compostela sala capitol 18€ taquilla10€ anticipada Gong, Fnac, Tipo, Carrefour, ticketmaster, heineken.es

09-abril supersuckers + rev. horton heat Compostela sala capitol €?

10-abril standstill Compostela sala capitol €?

11-abril the muggs Vigo fábrica de chocolate €?
13-abril the muggs A Coruña mardi gras €?