rêveur tounsi

Qui est reveur tounsi?

2026-02-16T01:41:59.092-08:00

Rêveur Tounsi est un poète /bloggeur tunisien dont l’écriture puise à la fois dans l’expérience personnelle et collective. Il commence à écrire en 2007, explorant les émotions, les rêves et la sensibilité de l’individu face à la vie.

Avec la Révolution tunisienne de 2011, son écriture prend un tournant politique et social : il écrit sur l’injustice, la répression, les espoirs de son peuple, la déception d’une génération et le deuil des camarades.

En 2017, il quitte la Tunisie pour vivre en France. Sa poésie se concentre alors sur l’immigration, l’identité, la nostalgie et la dépression, mêlant une mélancolie intime à une réflexion universelle sur le déracinement et le déplacement.

À travers ses poèmes, Rêveur Tounsi interroge la liberté, l’appartenance et les blessures de l’âme, proposant une poésie à la fois intime et politique, enracinée dans l’expérience tunisienne mais universelle dans ses thèmes.

Bataille perdu

2020-02-29T07:23:00.000-08:00

On a perdu la bataille et on risque de perdre encore plus !

Il est peut-être temps de le dire et de l’assumer. Oui, on a perdu du terrain. Oui, aujourd’hui, les acquis de la révolution sont menacés plus que jamais. Oui, le système est en train de se redresser et d’organiser ses rangs.

Cette perte n’est qu’un résultat dialectiquement envisageable de la faiblesse stratégique et organisationnelle des mouvements activistes, ainsi que de leur propre tragédie. Ces mouvements, avec leurs structures archaïques et rigides, au lieu de rassembler les forces jeunes et leurs énergies pour construire de nouvelles initiatives permettant de reprendre le cap, ont préféré les absorber pour des objectifs limités qu’ils ne sont jamais parvenus à atteindre.

Ces mouvements, dirigés par des ego surdimensionnés et renfermés sur eux-mêmes dans un monde à part, imitent un militantisme universitaire limité. La fameuse tragédie des « mots d’ordre » a ruiné toute forme d’initiative naissante et dissipé toute énergie montante. Combien de batailles ont été perdues à cause de décisions démesurées prises par de soi-disant décideurs en quête d’un leadership perdu ?

J’aurais souhaité être positif, mais le bilan est bien lourd, et la sonnette d’alarme n’a toujours pas été tirée, de peur de remettre en question les fameux « décideurs » et leur prétendue bonne stratégie…

Je pense que nous n’avons plus le temps de tirer la sonnette. Mais je garderai l’espoir et je dirai que nous avons seulement perdu une bataille, et que nous pouvons encore rattraper ce qu’il reste. Je garderai espoir en cette nouvelle jeunesse énergique et pleine d’espérance. Ils n’ont pas besoin de leçons ni de directives : ils ont simplement besoin de revoir les erreurs passées et de comprendre que le combat commence déjà de l’intérieur.

Comprendre que les « mots d’ordre » et la discipline aveugle ont montré leurs limites. Comprendre que le recul et l’autocritique immédiate sont les piliers d’un mouvement solide. Ils ont besoin de se rassembler, de s’organiser et de tracer clairement leur route… pour enfin respirer, loin des ego des chefs en quête d’un leadership perdu.

Lettre à Lina

2020-02-24T14:17:00.001-08:00

Certes, ton enveloppe matérielle a disparu, mais ton âme se conservera à jamais dans les fastes de la révolution.

Lina, tu vivras éternellement dans l’esprit de tes camarades ; tu porteras toujours l’espoir d’un pays, le rêve d’un peuple et la voix des plus exploité·e·s.

Chère sœur, chère camarade, amie éternelle, il est dur de croire à ton départ matériel, dur de croire qu’on ne se reverra plus pour retracer les souvenirs d’une révolution volée, pour rire, vivre et rêver ; qu’on ne se reverra plus pour se consoler, pour se confier dans un monde injustement mal fait ; qu’on ne se reverra plus pour que je te saoule avec mes discours de déserteur protecteur qui te prend la tête afin que tu prennes soin de ta santé.

Pardonne-moi ces jours-là : je ne voyais que ce corps épuisé en quête de repos ; ces jours-là, aveuglé par l’amitié qui nous lie, je ne voyais pas cette âme révoltée en quête de lutte permanente.

Camarade, certes, c’est dur d’accepter cette absence matérielle…

… mais au fond de moi, je maudis la mort matérielle, chère camarade, ce corps sacrifié qui ne porte plus ton âme éternelle, cette flamme, cette révolution permanente…

… cette âme qui éclairera les nuits sombres des plus exploités, qui se faufilera entre les murs des prisons, dans les salles d’interrogatoire et dans les cauchemars des haineux comme des bourreaux. Cette âme pure, presque matérielle, qui s’invitera sans prévenir auprès de ta famille, de tes ami·e·s…

Chère camarade, on a enterré ce corps qui t’emprisonnait.

Chère camarade, ton âme est libre, libre de leur haine, libre de la douleur, libre comme tu le souhaitais.

تعلم عوم

2018-04-08T02:00:00.002-07:00

تعلّم تعوم في بلاد غارقة في دمّ ولادها،

جابَتهم وتشيّطهم لكلبها.

تعلّم تعوم في زبلتها، في وسخها، وفي وديانها،

تعلّم تعوم فيها، وتعلّم تغرق،

وتعلّم كيفاش تموت، وتعلّم كيفاش تسكت.

تعلّم كيفاش يجري دمّك في شوارعها وكساها،

تعلّم كيفاش تغنّي في حبوستها،

تعلّم كيفاش تبول على حكومتها،

تعلّم كيفاش تحبّها،

وتعلّم كيفاش تنساها.

تونس والامل

2018-04-08T01:12:00.000-07:00

أمل قوم

قوم نعملوا بلعة

أمل يا متاع الأجيال قوم

أمل قوم أمل قوم

شنقولك نحرقوا للطليان؟

وبرا متنا نموت مع الأمل

أمل ستيكتي وفات، فما شراب أحمر

أمل قُلّي شبيه الوطن؟ كي البوردال، ما يحكموه كان الهمال

أمل أمل قوم

راني غرقت وما نعرش نعوم

رجعنا

2018-04-08T01:10:00.000-07:00

رجعنا لأيام اللي فيها قاضي التحقيق النزيه يتبدّل من الجلسة الأولى.

ورجعنا لأحكام معوّجة على دوسي فارغ،

هذا قضاء… ورجعناه لسطل.

رجعنا لأيام اللي فيها البوليس كان كلب مسيّب، يعفس على القانون

ويبول على كاتِبُه.

رجعنا لمواطن باع كرامتو على خاطر خبز صغارو،

وفي الآخر يبات جيعان.

رجعنا لأيام الكلمة فيها تتحاسَب.

زعمة رجعنا…

ولا فِقنا من حِلمة العتارس؟

قلنا ربيع،

وصباحنا على شتاء قارس.

Le déserteur

2014-09-13T18:42:00.001-07:00

كيف كنّا مراهقين انبهرنا بالحلم الأحمر،

انبهرنا بصورة الرفيق جيفارا،

انبهرنا بفكرة الثورة الحمراء،

وزِدنا اتخمّرنا مع الفلسفة الماركسية،

بالزعيم لينين،

بالراية الحمراء…

كنّا نعشقوا…

كنّا نرقصوا على موسيقى الجيش الأحمر وأغاني الحزب الشيوعي الإيطالي،

كنّا نحلموا حلم يقظة،

كنّا نحسّوا رواحنا كي سبارتكوس، حاملين وحدنا قضية العالم،

قضية العبيد، قضية الطبقة المضطهدة.

مشينا، جرينا للحزب،

الحزب اللي نظّر له الرفيق لينين،

حزب البروليتاريا،

حزب من أجل توحيد الصفوف المناصرة للقضية…

إيجي يا زمان، امشي يا زمان،

عملنا ثورة — أو ما يُسمّى بثورة الخبز والحرية،

أو انتفاضة، أو انقلاب ناعم،

والتسمية اللي تحب —

أما نحنا حسّينا رواحنا ثوّار،

حسّينا رواحنا رفاق جيفارا أيام الغِرِيلا في الثورة الكوبية.

قصبة 1، قصبة 2،

“إصلاح المسار واجب”،

زدنا ضربنا الصباط،

زدنا اتخمّرنا،

رفعنا شعار “السلطة للشعب”،

وطلبنا بإسقاط النظام،

طلبنا مجلس تأسيسي.

إيه… ما أحلى هاك النهار،

حسّينا ولو مرّة في حياتنا البائسة بنكهة الانتصار،

انتصار رفاق جيفارا وأبناء لينين.

حتى من أبناء سيّد قطب شاركونا فرحتنا…

أما بعد…

حلمنا كان يقول: لازم أحزاب ثورية تسيطر على المجلس لإتمام المسار الثوري…

دخلنا الانتخابات،

وقتها اكتشفنا اللي يعمّرلك الشوارع ما يعمّرش الصندوق،

اكتشفنا إنو نحنا مجرّد فواصل،

مجرّد مراهقين ضايعين في أحلام يقظتهم…

“لا ما تنهارش يا رفيق، خسرنا معركة مش القضية،

عاود قوم، لمّ صفوفك، واجري على منامتك…”

وإنتي مازلت تسترجع في أنفاسك،

كرتوشة غادرة باردة تنسف رفيقك،

الرفيق الزعيم شكري بلعيد.

تفهم وقتها اللي احنا فيه موش مجرد حلم،

احنا في واقع،

احنا في حرب…

نتذكر وقتلي استقبلنا جثمان الرفيق قدّام دار الشباب بجبل جلود،

غنّينا بكل حرارة ودموعنا في عينينا:

“ما تقولوش شكري مات…”

حسّينا بغضب، بالقهر،

حسّينا إنو الخط الأحمر اتْمَسّ،

حسّينا بأمل دنقل يزن بحذا ودنينا ويقول:

“لا تصالح… لا تصالح…”

يومها ما كنّاش مجرد حالمين،

بل جيش فقد قائده.

آلاف غاضبة جات تودّع وتثأر لقائدها،

الكل كان يستنّى ساعة الصفر،

يستنّى كلمة القائد…

تصوّرنا باش يكون خطاب قوي، خطاب غاضب…

“نم… نم يا حبيبي نم…”

وبالوقت رقدنا الكل،

وما بقى من رفيقنا وقائدنا الراحل إلا الذكريات.

وبكل وقاحة يقولك إنو مقتل الرفيق جلب التعاطف وقلّب الحسابات السياسية…

وقتها تحسّ ببشاعة الموقف،

وتزيد تكرز،

وفي قالب الانضباط الحزبي تصدّق الكذبة،

وتبلع السكينة بدمّها،

ويتسكر الدوسي…

هاوكا نعملوا وقفة صورية كل نهار أربعاء،

نرمّموا بيها ما بقى من عزائمنا…

تتعدّى مدّة، ويجينا الحدث المنتظر:

إعادة ترتيب صفوف الاتحاد العام لطلبة تونس.

تنسى الهزائم وتقول نعاود نقوم…

تيجي باش تقوم،

وفي قالب صراعات داخلية يتقسم الاتحاد على زوز،

ويبدأ التخوين والصراعات الفارغة.

ورغم إنك رافض للصراع المراهق،

ورافض تشوف منظمة كيما اتحاد الطلبة مقسومة على اثنين،

تلقى روحك مجبور — كالعادة — بما يسمّى الانضباط الحزبي،

إنك تكون طرف في الصراع،

وإنك تلتحق بأحد المؤتمرات…

تغصب على روحك وتقول:

“مغرم أخاك لا بطل”،

وتهز روحك وتمشي،

وتقول على الأقل نعملوا مؤتمر يليق بصورة الطالب التونسي وبصورة المنظمة.

تلقى روحك مجرد علوش في قطيع يقود فيك راعي أعور…

نهار تمرض، يطلعلك الدم للمخ،

تثقل، تنعزل، ترتاح، تبعد…

تهرب لبعيد،

تنسى القضية وجدّ بوها القضية…

وفي قلب راحتك تزيدك كرتوشة ثانية

تنخر ما تبقّى من جسدك،

وتنسف رفيق آخر: محمد البراهمي.

وكل مرّة تطلع، تهبط، تغضب،

وبعد تبرد… تبرد…

ويتسكر الدوسي،

وإيجي تفرّغ غيضك في نهارات الأربعاء،

وكأنه لم يكن…

وبالوقت، بينك وبين روحك،

تشوف الشي قدامك يتكدّس،

تحس روحك ضعيف، منهار، مخنوق، ضايع.

وفي قالب نفسك تعيف حلمتك، تعيف روحك،

وبكل عقلانية تقرر شنق حلمتك وشنق فكرتك،

وترمي بجسدك المنهك في قلب التيار،

وتبيع القضية…

وتبيع معاها كل ما هو قابل للبيع.

إي نعم، خائن ونهزامي،

أما كيما قال الشاعر:

“ورغم اعتراض المواخير طولاً وعرضاً

عجيبٌ أن حجارة المراحيض تظهر طهراً

ويجرؤ على بغضه،

والهزائم تُفرض فرضاً.”

budapest országban, akinek nincs olyan ország

2014-06-21T08:18:00.000-07:00

بوداباست بلاد الي معندوا بلاد

متغرّب في بلادي،

متغرّب في بلاد أهلي وأجدادي…

هزّيت حوايجي ووهجت،

شقّيت بحور وبرور،

عدّيت أيّاماتي من مدينة لمدينة،

سايح، ضايع، جاي يزور…

جاي يلوّج على بلادو،

بلادي اللي صورتها في خيالي،

بلادي كيما حبيتها…

بحكم القدر لقيتها،

ومن بئس زهري طلعت ما نفهمش لغتها،

ورغم ذلك رميت لها روحي،

رميت روحي في ودّها، في سماها،

بين زنايقها وفي قصورها.

ورغم جرحها حضنتني،

حبّتني وضحكتلي،

وعلى ذكرياتها الحزينة حكّتلي…

حكّتلي على خمسين سنة استعمار روسي،

حكّتلي على ولادها اللي ضاعوا في الغولاغ،

حكّتلي على ستالين اللي غزّاها بدبّاباته وشعل فيها النار،

حكّتلي على هتلر اللي دمّرها بين ليل ونهار،

حكّتلي على الصابون اللي تعمل من جلد ولدها…

ويامّا حكّت…

بودابست، المدينة المجروحة،

بودابست المدينة اللي بدموعها حفرت وديان،

بودابست، بلاد اللي ما عندو بلاد…

جنّة فوق الأرض.

يكذب اللي قال فينا ما زينا،

ويكذب اللي سمّى باريس عاصمة الأنوار،

ويكذب اللي قال موسكو بلاد الفودكا والبرد،

ويكذب اللي قال برلين بلاد الحفلات والسهريات.

إي نعم، يا إمّا كذّاب

يا إمّا عمرو ما شمّ ريحة النسمة المجرية

كي تضربك وإنت تتمشّى عبر جسورها.

إي نعم، بلادي اللي حسّيت فيها روحي حرّ،

نجم نتنفّس،

نجم نفرح،

نحبّ وننتحب،

نطيح، نسكر، نفكّر، نكفّر،

نتهبّل ونعمل اللي نحب،

وكان نضيع، نتكّى من حيط لحيط

حتى نوصل للدار.

بلادي من غيركم،

ومن غير تنبيركم،

ومن غير عقدكم الاجتماعية

والنفسية

والوجودية

والجنسية

والـ… والـ…

إي نعم، بلادي،

وخير من بلادكم.

بلادكم الحبس الكبير،

عسّاستو محبوسين،

والمحبوسين فيه عسّاسة.

هذيكة هي العيشة، هذيكة هي الموت

2014-02-10T15:42:00.001-08:00

عمرك حسّيت تمنّيت الموت لعبد اتعزّو، ضحكة معاه ووجعتو؟

قدّ ما تعدّات الأيام والسنين، ما نجّمتش ننسى صورتها الأخيرة… صيحتها الأخيرة… ضحكتها الأخيرة…

التوّا للفهمت اللي صار، كانت بيناتنا تضحك والتفذلك، كانت تحبّني وتنصحني، كنت نشكيلها وتشكيلي.

بين ليل ونهار، سي الطبيب الطحّان وخّر وقدّم وهزّ يدو.

فهمني: شمعناها طبيب يهزّ يديه؟

براس أمّ العلم اللي في كتب ابن سينا والفارابي…

فسّرولي شمعناها طبيب يهزّ يديه؟

شمعناها طبيب يغلط في الدياقنوستيك؟

شمعناها كي تقولي: “بلاكثر تعيشلكم جمعة أخرى…”؟

ما لقيتش وقت باش نسأل، ولا باش نهبل، ولا باش نبكي.

مازالت جمعة ما بعضنا… جمعة.

النهار الأول

كي حلّيت الباب وشفتها، وشفت المرض آش عمل فيها، ما عطانيش قلبي… سكّرت الباب وبكيت دوبّا.

ومسكرة الباب، سمعت صوتها تعيّطلي، حبّتني نرجع بحذاها.

عفست على قلبي، حلّيت الباب ومشيتلها.

شدّيتلها يدّها، كبستلي على يدي وضحكتلي… ضحكتلها، ومنيش عارف علاش ضحكنا.

النهار الثاني

دخلت نجري، وقعدنا نتذكّروا في الأيام وقتلي كنت صغير، كنت بعمّايلِي.

النهار الثالث

دخلت وحكينا، وكالعادة نصحتني وسهّلتني: شنعمل في قرايتي، في حياتي، عالسياسة…

على النهضة، وعلى حمّة، وعلى اتحاد الطلبة، وانتخابات المجالس العلمية… وعلى كل شي.

النهار الرابع

دخلت نرڨّها، ذابلة كالشمعة، تتوجّع وتصيّح.

لحمها اتهرّى، وكل ما تتنحّى الفاصمة تتنحّى معاها جلدة رقيقة.

الطبيب والفرملية حايرين، ما عادش فما منين يزرقلها المورفين.

الوقت يتعدّى والوجيعة تزيد.

قعدت بجنبها، شدّيتلها يدّها، ورغم وجيعتها تبسّمتلي.

وضحكتلها… ضحكنا لين ما عادش تنجم تشدّ الوجيعة.

يدّها تكبّست على يدي وصاحت… صحت معاها وبكيت.

حملتها وهربت نجري مالبيت، نخبّي في دمعتي.

وقتها فهمت اللي هي تتعذّب… فهمت اللي في موتها راحتها.

ومنعرش كيفاش وصلت نفكّر هكّا.

وقتها ما فهمت شي… ولليوم ما فهمتش.

النهار الخامس

بصيف ما تتحرّك. يدّها باردة، ورغم كل شي ضحكتها مازالت.

حسّيتها مازالت عندها ما تقول، أمّا بصيف تخرج الكلمة.

قعدنا شدّين بعضنا… لين رقدت.

النهار السادس

وما وصلت حتى للباب، صيحتها سبقتني.

صيحة زلزلت الدار… صيحة كالرصاص في قلبي.

صيحة، قد ما تعدّات الأيام، مازالت تزنّ في وذني.

جرينا للبيت… نرڨّوا، نرڨّوا، ما نعرش آش صار.

نعرش برك اللي رقيتها منوّرة البيت، راقدة بابتسيمتها.

كي ريتها، اتسمّرت في بلاصتي.

وقعدت نغزل فيها، ونتذكّر في الأيام…

وندمت على كل فرصة جاتني وما مشيتش طلّيت عليها في المدّة الأخيرة

خارج عن السائد و المعهود

2013-12-28T18:00:00.001-08:00

خارج عن السائد والمعهود،

مسهّلها كلمة يا معلم، يا معلم،

فتورتها غالية

بالكشي ساهل إنك تفكر وتنتج فكرة،

حلمة تعيش بيها،

وعليها حلمة أدمرك، تخنقك، تقتلك، تعذبك…

علاش تحبني نفكر؟

التفكير حرام، التفكير عذاب.

طرقى روحك وحدك في تركينة ضحكة،

مجرد كلون في مسرح المجتمع.

قالوا: فكر وحلم بالحرام.

الفكرة قبل ما توصل، نقصفها،

قبل ما تقصفني الحلمة.

نحرق ربها بيدي.

سيب زبي، خليني شادد الحيط كالشعب الكل.

حيطنا الأبيض، الزبور،

حيطنا المخزّ، المعوّج،

حيط الهم والبهام،

الحيط اللي عداو عليه المهبلة عمروهم،

وهم يليقوا فيه، ماتوا المهبلة، وهو العمروا تليق.

قالوا: “خارج عن السائد والمعهود”

خاطي خوك، غالط في الإدريسة،

أنا داخل في ربور، أنا الحيط بيدوا

انتحار اليسار التونسي

2013-11-30T14:26:00.000-08:00

قبل كل شيء، تحية لكل من ناضل من أجل الفكرة: تحية للطاهر قرقورة، والفاضل ساسي، و نبيل البركاتي، وميلود ناجح، وغيرهم من الرفاق الذين قدموا روحهم وقودًا للفكرة وللقضية. تحية لكل شاب حرق شبابه ورهن مستقبله من أجل فكرة ومن أجل قضية. تحية لكل رفيق ورفيقة ناضلوا من أجل الفكرة ومن أجل القضية.

تحية نضالية، وبعد، إلى أبناء اليسار التونسي العريق، تحية إلى رفاقي باتحاد الشباب بالنقابات الراديكالية، بولاد الوطد والوطن والقوميين، تحية خالية من المزايدة الفارغة.

الوضع الذي نحن فيه اليوم، وضع لا يعجب. أحب أن أسألكم: متى سينضج اليسار التونسي؟ متى تتوقف الصراعات الداخلية الفارغة والنزعات الزعامتية؟ متى نتوحد من أجل الفكرة التي ناضلنا من أجلها سابقًا؟

لا تقولوا لي إن هذه صراعات قديمة، أو أنكم كنتم منشغلين بتطوير أنفسكم أو تنظيمكم، بل أريد تفسيرًا صريحًا وواضحًا، بعيدًا عن الكلام الكرتوني الذي يُقال في المؤتمرات الطلابية. هل هذه المؤتمرات ترفع من قيمة هذه المنظمة العريقة، أم أنها مجرد عروض شكلية؟

أصدقائي، عندما أتذكر بعض الأحداث التي شاركنا فيها، أشعر بالدهشة، وأحيانًا بالإحباط. ولكن، دعونا لا ننسى أن الالتزام التنظيمي والحزبي يجب أن يكون على الفكرة وليس على الأشخاص. فكروا دقيقة، تحدثوا مع أنفسكم بصدق، وقيموا ما حدث، بدون خوف. التفكير والنقد الذاتي هما العمود الفقري للفكر اليساري.

رفاقي، لا تجعلوا ولاءكم لأشخاص يتجاوز ولاء الفكرة والتنظيم. الفكرة هي السبب الذي أدخلنا جميعًا إلى هذا النضال. وأحيانًا، دفاعكم عن شيء تعتقدون أنه خاطئ داخليًا، فقط لأن التنظيم قرر ذلك، قد يجعلكم تتبعون القطيع وتصبحون مجرد أدوات في يد أشخاص غير واعين ومريضة بالزعاماتية.

يا رفاق، استيقظوا، فاليسار وتاريخه في خطر، والمسؤولية بيدينا جميعًا

,,,,,,,

حي ميت

2013-09-22T14:10:00.000-07:00

معاد شي يتحس معاد شي يخوف ولاحد فينا دايم خلي يقتلوا خلي يقتلوا القلب مات معادش يحس معادش نخافو من صورة القبر و من حفرتوا معادش نخافوا من الدفينة تي حتى من طريق الجبانة حفظناه يقتلوه ندفنه نعيطوا نهرين في الشوارع ونرجعوا يامن حيا الدفينة الجاية ………..لله يرحمهم, قول أمين….

اخرج عيط سلمية سلمية وقول سلاحي فكرة و قلم اكذب على روحك واعمل فيها ذكي وستنى الثورة استنها تو اتجيك من تالي من تحت الكرسي استنى هاني حتى انا نستنى معاك هنا نستناو في الثورة الشعبية في الثورة الي قرينا عيها في الكتب في الثورة الي دفعت عليها اجيال دمها ثورة الي مات عليها فاضل ساسي الثورة الي تعذب على خاطرها نبيل البركاتي الثورة و المسار الثوري الثورة الي كان يحكيانا عليها شكري بلعيد الثورة ثورة الشعب المضطهد الشعب المفقر الشعب المستعمر الشعب المخدر … استناها يا رفيق هي جاية من تالي…

ما انلوم حد ما نلوم كان على روحي يزنا وحنا كل واحد يحط في حملوا على غيروا الي صاير فينا اليوم عملتوا انا وانتي ,,,,خلي عزها سكات

ولله الواحد ولا يتمنا الموت ولا عذاب الضمير الي هوعايش فيه ميت حي هارب من الواقع نستنا في الثورة الي بش اتجي منتالي ,,,فماشي كرطوشة ليا وحدي كرطوشة والازوز كرتوشة طايشا خلي نرتاح

موتا قريب اخر سهرية حلال

2013-09-17T12:19:00.002-07:00

الستيلوا الحر ما يموتش… كلمة قلتها كذبة، كذبتها. ما يمكنش… صحيح، ما يموتش، لكن يتقهر، يتخنق، يهبل، يضيع.

ستيلوا الحر ما يموتش، أما يذوب، يتدمر.

عندي ستة شهور وأنا ساكت، هارب، ضايع بين البارات والدبابز. حبيت ننسى، حبيت نرجع نعيش في بلادي، نعيش في بلادي اللي حبيتها كيما حبيتها، تكون بلادي المزيانة، الزبور في روبتها الحمرا…

بلادي بنية تقهرك بزينها، بلادي بنية بألف عاشق وألف شاعر، وألف زبراط يبكي عليها على عتبة البارتها

لا، لا، نحشي فيه، هذي حلمتي، حلمة العتارس والزهر الفالس… روبتها موش حمرا، روبتها بيضة مسخة بالدم…

بلادي وجهها مجروح، وجهها يخوف الصغار والكبار، حاشا خليقة الرحمان.

بلادي بنية تسخفك، أتبكيك اللي يتعدّي يبزق، والزبراط بعد ما يكملو يبلعو، يبول عليها ويروح. ما قعد حد يحبها كان المهبول وخوه… وعلاش يحبها؟ شقعد فيها يتحب…

ماتت من غير دفينة، ما خلاطناش حتى على كسكسي فرقها. ماتت كيما يموتو قطاطس الشارع في زك البرد… ماتت.

تونس ماتت… تونس ماتت… تونس تناكت… تونس تناكت، والوسكي وفا… تونس ماتت… قولولي وين قبرها؟ فانا حفرة رميتوها في… أنا واد تونس ماتت، أما مدفنوهاش بجثتها، عملوا كمية حلال بالوسكي الحلال، مع شيخ الحلال… عقاب، سهرية، هبال، سهرية مزالت أطول.

وأنا وأنتي مزلنا في البار، مزلنا نكملو في سكرتنا… سكرتنا طالت، طالت، وموتنا قريب

يلعن ابو الكذبة التي سمينها وطن

2013-03-20T17:40:00.002-07:00

يلعن أبو بيت الدعارة التي أصبحنا نسميها وطنًا

يلعن أبو كل مومس جعلناها رئيسا لهذا الوطن

يلعن أبونا

معرفنا نبني وطنًا

يلعن أبو الثورة والثورات وما تبقى من عورات

يلعن أبو التفكير في زمن بول البعير

يلعن أبو الزمن

معرفنا نبني وطنً

بياع المشموم

2012-09-24T14:45:00.001-07:00

عمروش عمروا عشر سنين

كل انهار احد يقوم الستة امتع الصباح لتونس

يبيع المشموم في شوارع العاصمة

وكي يتنحالو المشموم من يدية

يتذكر الي هو صغير ويحب يلعب كالصغار الكل

عمروش كي الناس سفقتلوا

ضحك ضحك مالقلب بكات الصالة

والرجال خرجت اتخبي في دموعها

عمروش كيفو كيبرشا صغار

نساتهم الايام

les êtres chers partent vite

2012-08-22T16:45:00.000-07:00

Un mois avant, c’était une allergie au gluten. Quelques semaines auparavant, une simple intervention à la clinique pour une anémie chronique… Et puis le drame a commencé. Les événements se sont précipités sans que je puisse comprendre ni avaler l’amertume de la réalité. Je la voyais s’éteindre, jour après jour, heure après heure.

Les seules choses qu’elle a conservées jusqu’au bout, c’étaient son sourire accueillant chaque fois que j’entrais dans sa chambre, ce sourire qu’elle a gardé jusqu’à la dernière minute de sa vie. Hélas, il est difficile de croire qu’aujourd’hui, à 10h du matin, j’irai enterrer une personne que j’adore énormément et avec qui j’ai partagé de si beaux souvenirs.

Tata Naima ne sera plus parmi nous, mais elle restera à jamais dans nos souvenirs… ALLAH YAR7HMAHA. Comme on dit, « les êtres chers partent vite, et c’est le paradoxe de la vie ».

Toutes mes condoléances à ma famille, et je souhaite force et guérison à toutes les personnes qui combattent encore le cancer. Que le bonheur accompagne ceux qui ont réussi à le vaincre.

Un petit message aux médecins et aux futurs médecins : soyez responsables dans vos actes et vigilants dans vos diagnostics. Certaines erreurs peuvent conduire à des drames irréversibles.

Et j’espère qu’un jour, la science progressera suffisamment pour que le cancer métastasé ne soit plus synonyme de mort. La mort reflète encore aujourd’hui les limites de nos découvertes scientifiques.

الرقصة الأخيرة

2012-05-26T15:13:00.002-07:00

حان وقت الرقصة الأخيرة

حان وقت العشق المحرم

حان وقت لقائي بأجمل ملكات الكون

فاملأوا الكؤوس خمراً، واجعلوا المكان سواداً

واطلبوا من بني السلف الصالح أن يطربونا

بأنغام الإرهاب المدمر

حان وقت لقائي بحبيبتي وعاشقتي وقاتلتي

حان وقت لقائي بخالقي

حان الوقت لكي أترك جسدي بين يدي حبيبتي

حان وقت قبلات الموت المستحب

حان الوقت لأرقص مع ملكات الموت

فليشعلوا النار، لتكن لهباً مدمراً

ارفعوا رؤوسكم، فبدمائنا سنجرف هذا الإرهاب المدبّر

وغداً سنستفيق على ربيع مزهر

سمحونة عملنا ثورة

2012-04-18T13:08:00.004-07:00

سمحنة يا بن علي، فلوسنا دخلت مكتوبك

سمحنة يا ليلى، أموالنا هربت لانسابك

سمحونة يا قناصة، راس الشهيد ضربت كرتوشتكم

سمحنة يا بوليس، راسي جاء على متركك

سمحني يا جلادي، خدي جاء على يدك

سمحونة يا رجال الأموال، عرقنا هرب ليديكم

سمحونة يلي سرقتوه، ويلي قتلتوه وغبتوه

سمحونة، واهي ثورتنا بين يديكم

اشنقوها وحرقوها، وسيبو رمادها في البحر

وخليو الشعب الثائر يحتضر

وقولولنا، وقتاش على ثورتنا بش تحاكموها

كفرت بدين الله والكفر واجبٌ عليَّ وعند السلفين قبيح

2012-03-30T02:19:00.007-07:00

كفرت بدين الله والكفر واجبٌ عليَّ وعند السلفين قبيح

فقتولوني واحرقوني بعضام الفانيات

ثم مر برفات بقبور الدائسات

كفرت بالجهل المقدس و بالكره المسقط

كفرت بالفقر والعيش المنكد

كفرة بالرايات السوداء وبالشيوخي المندسين

كفرت بدين لله والكفر عند المتشديدين حرام

فصلبوني ورجومني بجسدي الفاني

وجعلوا منه فزاعتا للحليمين

كفرت بالقتل والموت

كفرت بالضلمي وبالمتسلطين

كفرت بالقيود والسجون وبالجلدين

كفرت بمن يتاجر بالدين فقيلة اني كفرة بالدين

قال الحلاج :

كفرت بدين الله والكفر واجبٌ عليَّ وعند الْمُسْلِمِينَ قبيح

يعني: نظرتكم نظرة كفر ولا يهمني هذا الذي تقولونه.

الحلاج:أبو عبد الله حسين بن منصور الحلاج (858 - 26 مارس، 922) (244 هـ 309 هـ) من أعلام التصوف السني من أهل البيضاء وهي بلدة بفارس، نشأ بواسط والعراق، وصحب أبا القاسم الجنيد وغيره^[1]

اغتصاب الاقصى

2012-02-11T16:37:00.002-08:00

العرب غارقين في ربيعهم العربي التعيس

واسرائيل تغتصب القدس

القدس اليتم

فبغداد دمرت

و دمشق ذبحت

وطرابلس حرقت و

القاهرة بيعت

وتونس للعمالة ركعت

فصرخ يا قدس فصرخ لقد مات العرب

ولا من مجيب

يا اسرائيل اغتصبي

اغتصبي فشيوخنا

قد شرعوا لكي لنكاحنا

يا اسرائيل هنيئ لكي نكاح العرب

فانكحي و شيوخنة

بنكاحكي سيطبلون

الثورة بنت تونس

2012-01-06T17:02:00.000-08:00

تولدت من كرش الفقر والقهر

أول ما تحركت تحركت في رديف

وفي بنقردان الكرش تنفخ

وفي بوزيد جها الحس

والكرتوش بدا يخيط

لوجع بدأت تزيد

والدم بدا يسيل

الحمد لله ربي سلك وحلها

جابت زوز توام الفقر والبهامة

غزرت للسماء ودموعها في عينها

وقالت: “هذاك إلي كتب”

ورجعت لتونس حزينة

تتذكر الأيامات الجميلة

تتذكر رديف وبوزيد

قاعد تسأل في روحها

زعمة على شنوة توحمة؟

مسكينة حلمت بطفلة

تسميها حرية

وإلا كرامة…

خرجت باش تنسى

غزرت للطاحونة القديمة

القاتها رجع الدور

أما طحينها تبدل

دخلت لدارها

لقات العلم متاعها

اتبدل وما اكحل

ولقات راجل غريب

لابس عمامة قطرية

قاعد في دارها

يلعب مع ولادها

غزرت له وسألتو: “انتي شكون ومنين جيت؟”

غزرلها وقال:

“راجلك مات وفلك فلوسك فات

خذ ولادك وسمحني، حنك الباب

ما دين الفقر

2011-12-19T11:09:00.001-08:00

وهل للفقر دين؟

وهل للجُوع رسولُ ؟

أليسَ كُفرًا عندما يموت الطفل جوعًا..

أليسَ كفرًا عندما يموت الطّفل بردًا

أليس كفرا أن يُضحك على الفقير

باسم الدين

بجهلهم جعلو من كتابنا سجنا

ومن خالقنا جلادا

و من الفقر والجوع إيمانا

يا شيوخ أمتنا يا من تسكنون القصور

متى ستفتون بكفر الفقر؟

متى ستعلنون الجهاد على الجهل

يا شيخنا ها قد لبسنا فوق نقبنا

نقابا فهل ستمتلئ بطوننا الخاوية

وهل للفقر دين؟

وهل للجُوع رسولُ ؟

أليسَ كُفرًا عندما يموت الطفل جوعًا..

أليسَ كفرًا عندما يموت الطّفل بردًا

أليس كفرا أن يُضحك على الفقير

باسم الدين

بجهلهم جعلو من كتابنا سجنا

ومن خالقنا جلادا

و من الفقر والجوع إيمانا

يا شيوخ أمتنا يا من تسكنون القصور

متى ستفتون بكفر الفقر؟

متى ستعلنون الجهاد على الجهل

يا شيخنا ها قد لبسنا فوق نقبنا

نقابا فهل ستمتلئ بطوننا الخاوي

فلسطيني

2011-09-23T13:12:00.000-07:00

فلسطيني

رغم جيوشكم

فلسطيني

رغم قذائف مدافعكم

فلسطيني

رغم قنابل طائراتكم

فلسطيني

وسأرفع اعلام بلادي

على مسجدها وكئنسها

فلسطيني

وان رفضت مجالسكم

فلسطيني

رغم صمتكم

فلسطيني

والقدس مسقط راسي

وفي غزة ينبض قلبي

وفي الضفة روحي

فلسطيني

ولن اتنازل عن حقي

البلاد المرهونة

2011-09-23T12:28:00.000-07:00

البلاد المرهونة

البلاد اللمقهورة

بعد مثارت باعوها

يا تونسي فيق

بلادك ترهنة قدام عينيك

قرض على قرض

ونرهنوا لبلاد طول وعرض

قالوا ننقضوا بها لبلاد

وهما يغرق فيها

في امسخ واد

(كي حلمت حلمت ببلاد حرة مش ببلاد مرهونة)

رمضانكم مبروك

2011-07-31T05:16:00.000-07:00

رمضان مبروك على البنيا

الي كل صباح يجريوا على الخبزة الم

رمضان مبروك على بياع الكاكي في المحطة

الي بش تضربو لبطالة

رمضان مبروك على الخديمة

الي بشتتهتك في الكوجينة

رمضان مبروك على العساسة

رمضان مبروك على البحارة

رمضان مبروك على خدامة المناجم

رمضان مبروك على الزوالي الي

قاعد في الجامع يستنا

في فاعل الخير

رمضان مبروك على ليتما والثكالة والمنسين

رمضان مبروك على على الكلوشرات

الي قعدين على عتبة البرات

رمضان مبروك على النصابة

رمضان مبروك علي حارق وعلي ولدو مات في الغارق