S A Sagar

اب دہلی میں بھی الرٹ: کیا یہ قہر خداوندی نہیں ہے

2025-09-01T19:53:00.001-07:00

اب دہلی میں بھی الرٹ: کیا یہ قہر خداوندی نہیں ہے؟
دہلی، نوئیڈا اور گورو گرام میں محکمہ موسمیات نے آج 2 ستمبر 2025 کو نہ صرف اورنج الرٹ جاری کردیا ہے، بلکہ قومی خطہ دارالحکومت میں بھی ییلو الرٹ جاری کردیا گیا ہے۔ سوال یہ پیدا ہوتا ہے کہ ہر پانچ سال کے بعد ایک آزمائش: کیا یہ محض اتفاق ہے یا ایک یاددہانی؟ ماہرین ششدر ہیں کہ ہر پانچ سال کے وقفے سے ایک بڑے عالمی سانحے کا پیش آنا کس چیز کا پیش خیمہ ہے، جیسا کہ 2005 کا زلزلہ، 2010 کا سیلاب، 2015 کا زلزلہ، 2020 میں کورونا وائرس، اور اب 2025 میں پھر ایک سیلاب کا ذکر، محض ایک اتفاق نہیں لگتا۔ یہ سلسلہ ایک گہری سوچ کو جنم دیتا ہے کہ شاید یہ واقعات ہمیں بار بار ایک ہی پیغام دے رہے ہیں: دنیا فانی ہے، اور اصل سہارا صرف اللہ تبارک و تعالی کی ذات ہے۔
یہ بات ہر دور میں صادق رہی ہے کہ دنیا کی تمام تر ترقیاں، سائنسی ایجادات اور انسانی کوششیں، اللہ کی قدرت کے سامنے ہیچ اور بے معنی ہیں۔ جب کوئی بڑی قدرتی آفت آتی ہے، تو تمام تکنیکی مہارتیں بے بس ہوکر رہ جاتا ہے۔ اس وقت نہ ٹیکنالوجی کام آتی ہے اور نہ ہی دنیاوی وسائل۔ اس بے بسی کا احساس ہی ہمیں اللہ کی ذات کی طرف لوٹنے پر مجبور کرتا ہے۔
آزمائشیں ایک یاددہانی ہیں:
قرآن مجید میں اللہ تعالیٰ فرماتا ہے کہ وہ انسان کو کبھی خوف، کبھی بھوک اور کبھی مال و جان کے نقصان سے آزماتا ہے۔ یہ آزمائشیں ہمیں اپنی کمزوری کا احساس دلانے اور ہمیں اللہ کی طرف متوجہ کرنے کے لیے ہیں۔ زلزلے، سیلاب، اور وبائی امراض جیسی آفتیں ہمیں یہ یاد دلاتی ہیں کہ ہم اس دنیا میں مہمان ہیں اور یہ دنیا ایک امتحان گاہ ہے۔ ہمیں اپنی زندگی کا مقصد دوبارہ جانچنے اور اپنی راہ کو درست کرنے کی ضرورت ہے۔
2005 اور 2015 کے زلزلوں نے لاکھوں لوگوں کو بے گھر کیا اور ہزاروں جانیں نگل لیں۔ ان واقعات نے ہمیں یہ سکھلایا کہ جن چیزوں کو ہم دائمی سمجھتے ہیں، وہ ایک پل میں ختم ہوسکتی ہیں۔ اسی طرح، 2010 اور 2025 کے سیلاب ہمیں یاد دلاتے ہیں کہ پانی، جو زندگی کا منبع ہے، جب اللہ کی مرضی ہو تو تباہی کا باعث بھی بن سکتا ہے۔ سب سے زیادہ حالیہ، 2020 کا کورونا وائرس، ایک ایسی وبا تھی جس نے پوری دنیا کو گھٹنے ٹیکنے پر مجبور کردیا۔ اس نے ہمیں یہ سمجھایا کہ دنیا کی تمام تر خوشحالی اور روابط بے معنی ہوجاتے ہیں جب موت کا خوف انسان کو گھیر لے۔
حقیقی سہارا، صرف اللہ کی ذات:
جب دنیا کے تمام سہارے ختم ہوجائیں، تو صرف ایک سہارا باقی رہتا ہے، اور وہ ہے اللہ کا سہارا۔ وہ ہی ذات ہے جو ہمیں ہر مصیبت سے نجات دے سکتی ہے، ہمیں ہمارے گناہوں کی بخشش دے سکتی ہے اور ہمارے لئے بہترین راستہ چن سکتی ہے۔ ان واقعات سے ہمیں یہ سیکھنا چاہئے کہ ہمارا رشتہ اپنے خالق سے کتنا مضبوط ہونا چاہئے۔ یہ آزمائشیں ہمیں ایک موقع دیتی ہیں کہ ہم اپنے اعمال پر غور کریں اور اپنی زندگی کو اللہ اور اس کے رسول (صلی اللہ علیہ وسلم) کی تعلیمات کے مطابق ڈھالیں۔
آؤ، توبہ کریں اور اللہ سے رجوع کریں:
جب یہ احساس دل کی گہرائی تک اترجائے کہ دنیا فانی ہے اور ہر چیز فنا اور ختم ہوجاتی ہے، تو انسان کا دل خود بخود توبہ کی طرف مائل ہوتا ہے۔ یہ وقت ہے کہ ہم اپنے گناہوں سے سچی توبہ کریں، اپنی نمازوں کو قائم کریں اور قرآن کی رہنمائی کو اپنی زندگی کا حصہ بنائیں۔ قرآن مجید صرف ایک مقدس کتاب نہیں ہے، بلکہ یہ ہماری زندگی کا مکمل دستور ہے۔ یہ ہمیں ہر قدم پر راہنمائی فراہم کرتا ہے، اور اس کی تعلیمات پر عمل کرکے ہم دنیا اور آخرت کی کامیابی حاصل کرسکتے ہیں۔ اگر ہم ان آزمائشوں سے سبق لیں، تو اللہ کی رحمت ہم پر ضرور نازل ہوگی۔ ہماری چھوٹی سی کوششیں، جیسے کہ نماز کی پابندی، صدقہ و خیرات، اور دوسروں کے ساتھ بھلائی، اللہ کی رحمت کو ہماری طرف کھینچتی ہیں۔ یاد رکھیں:
* دنیا فانی ہے، آخرت کی تیاری کریں۔
* اللہ کی ذات پر کامل یقین رکھیں۔
* توبہ کریں اور اللہ سے معافی مانگیں۔
* نماز قائم کریں اور قرآن کی تعلیمات پر عمل کریں۔
اگر یہ الفاظ آپ کے دل میں اتر جائیں، تو سمجھیں کہ آپ کو اللہ کی طرف سے ایک اشارہ ملا ہے۔ اس اشارے کو ضائع نہ کریں اور اپنی زندگی کو ایک نئی سمت دیں۔ یقین کریں، اللہ کی رحمت ہم سب پر ضرور نازل ہوگی۔ لہذا نا امیدی اور یاسیت سے گریز کریں۔ ( #ایس_اے_ساگر )

https://sasagarurdutahzeeb.blogspot.com/2025/09/blog-post.html

Delhi, Noida, Gurugram on orange alert, Ghaziabad under yellow as NCR continues to receive rain -

دین کی مددگار جماعت

2025-08-18T06:37:00.001-07:00

دین کی مددگار جماعت
ہمارے فضلاء تبلیغ پر برسنے کے لئے بہانے اچکتے ہیں، یہ رویہ اذیت ناک ہے، ہر کس وناکس جست لگاتا ہے، ہم تبلیغ کے رہین احسان ہیں، محسن کے تسامح اور تجاوز کی اصلاح مثبت رنگ میں کی جاتی ہے، ان کی عیب جوئی احسان فراموشی ہے، یہ حروف تبلیغی جماعت کے احسان مند ہیں، والد گرامی تاجر تھے، ان کو معاون درکار تھے، چچا جان امیر جماعت تھے، انھوں نے مدرسہ دکھایا، تبلیغیوں نے جان کی بازی لگا کر مسجدیں ہمارے لئے فتح کیں، میرے گردونواح میں چھ مساجد ہیں، ایک چھوٹی مسجد کے علاوہ سب دیوبندی ہیں، جماعتیوں نے مار کھائی اور یہ مسجدیں جیت کر دیوبند کو تفویض کیں، چھ مساجد کے علاوہ تین مصلے ہیں، سب تبلیغیوں نے قائم کیے ہیں۔

اسلام کے دامن میں مجددین کی کمی نہیں؛ مگر کام اور محنت کے رنگ میں رسول اللہ صلی اللہ علیہ وسلم سے سب سے زیادہ مشابہ مجدد کا نام مولانا الیاس علیہ الرحمہ ہے، ان کی تیار کردہ جماعت ایمان وعمل کی میزان میں صحابہ (کرام رضوان اللہ علیہم اجمعین) کی سب سے بڑی مثال ہے، ان دعوؤں کی تردید آسان نہیں، جہنم کی گرم بازاری کے دور میں حضرت مولانا الیاس صاحب علیہ الرحمہ کا نمود ہوا اور انھوں نے اپنی فنائیت اور فدائیت سے جنت کو گرم بازار اور جہنم کو کساد بازار بنا دیا۔

تبلیغیوں سے تصادم کا حل اپنائیت کے رنگ میں تلاش کریں، راقم نے محلہ بڑ ضیاء الحق دیوبند میں قیام کے دوران مسجد عالی شان میں دس سال تفسیر بیان کی، ابتدا میں عشا کے بعد والا وقت میری ترجیح تھی، تبلیغی بھائیوں نے مشورے وغیرہ کا عذر رکھا، ان کے نکات اہم نہیں تھے؛ مگر میں نے ان کی بات رکھ لی اور فجر بعد کا وقت منتخب کیا، دس سالہ میعاد میں پچیس پاروں کی تفسیر ہوئی، تبلیغ کے تمام احباب پابندی سے شریک رہتے، کبھی کوئی ناگواری پیش نہیں آئی، دارالمدرسین کی تعمیر کے بعد ادھر منتقل ہوا تو سلسلہ موقوف ہوا، فجر کی نماز میں وہاں پہنچنا مشکل تھا۔

تبلیغ ایک مستقل راہ ہے، خود مدارس با ہم شاکی ہیں؛ جب کہ مدارس کا طریق ایک ہے، میں یک مشربی مدارس کی مثال دے رہا ہوں، دوریاں غیر معمولی ہیں؛ لیکن ہم سکوت اختیار کرتے ہیں، صرف اس لیے کہ مخالف بھی منہ میں زبان رکھتا ہے، ہاں تبلیغی بے زبان ملے، اصلاح کا گرز ان پر بے رحمانہ چلتا ہے، یہ اپنے ہیں، ان کی گرفت دوستانہ ہو، دو مدرسے متفق نہیں، تبلیغ تو پھر جداگانہ منہج ہے۔

نظریاتی کام کی فطرت یہ ہے کہ وہ غلو اور مبالغے کے بغیر قائم نہیں ہوتا؛ حالاں کہ غلو ممنوع ہے، یہ اعتراض سب پر وارد ہے، قدیم محدثین پر بالخصوص، ان کے احوال محفوظ ہیں، جس سرگذشت کو ہم قربانی کہتے ہیں اس پر سنجیدہ شرعی اشکال ہیں، حقوق متاثر ہوے، جس حد تک وہ گئے وہ صریح تجاوز ہے؛ لیکن اسی مبالغے نے دین زندہ کیا، کام ایسے ہی ہوتا ہے، کوئی اہم مضمون پورا کرنا ہو تو رات کالی ہوتی ہے، یہ بھی شرعا منع ہے، حضرت مولانا الیاس صاحب علیہ الرحمہ تو تبلیغ کے ماسوا گفتگو سننے کے متحمل نہیں رہ گئے تھے، بیمار ہو جاتے تھے۔

جس طرح دو مدرسوں کے تعصب اور تحزب سے فرقے نہیں بنتے؛ اسی طرح اہل حق کی جماعتوں کے جداگانہ رنگ وآہنگ سے فرقہ وجود میں نہیں آتا، ہاں وہ اپنے کام کی افضلیت پر مصر ہوتے ہیں اور یہ دعوی سب جگہ ہے، میں ایک تنظیم سے اگر وابستہ ہوں تو الگ سے یہ بتانے کی ضرورت نہیں کہ میرے نزدیک وہی تنظیم سب سے افضل ہے، فنائیت اور فدائیت کے بغیر کوئی نقش وجود میں نہیں آیا، وہ عمل میں آگے نکل گئے ہیں، آپ پیچھے رہیں گے تو الزام تو آئے گا، پھر آپ بے تکی باتیں کرتے ہیں، ایک تبلیغی بھائی نے بتایا کہ فلاں مسجد کے امام صاحب بر سر منبر کہہ رہے تھے کہ میرا سونا تمھاری رات بھر عبادت سے افضل ہے، تبلیغی کارکنان ہدف تھے۔

تبلیغی سادہ لوح ہیں، حضور صلی اللہ علیہ وسلم کے دور میں یہ اعراب کہلاتے تھے، آپ ان کی سادگی کے قدردان تھے، لا ازید ولا انقص کو قبول کر لیتے تھے، جب کہ یہ واجب التاویل ہے، ان کی تعبیرات میں تحقیق وتنقیح ممکن نہیں، یہ علما کی شان ہے، بیشتر گرفت کی حقیقت یہ ہے کہ وہ اپنی بات کہہ نہیں پاتے، یہ جواب دہی بھی اہل علم کی ہے، وہ اس تنقیح کے اہل نہیں کہ ہر میدان کی اہمیت ہے اور ہر میدان کے رجال کار ہیں، وہ مینڈک ہیں اور ماورا سے بے خبر اور بے نیاز ہیں؛ مگر آپ فرق کے اہل ہیں، آپ کی بے جا عیب جوئی لائق عذر نہیں۔

کل ہماری مسجد کی جماعت کمیٹی نے طلبہ یعنی عصری اداروں کے اسٹوڈنٹس کا جوڑ رکھا تھا، از عصر تا عشا مسجد میں ایمان کی باد بہار دیدنی تھی، رمضان کا سماں رہا، اس فرق کے ساتھ کہ رمضان میں ہر عمر کے نمازی ہوتے ہیں، کل بیشتر مجمع نو عمر تھا، تبلیغ کی کراؤڈ پلنگ طاقت منفرد ہے، ہمارے اشتہار بھی کم پڑ جاتے ہیں اور ان کا خفیہ نیٹ ورک اجتماع گاہ بھر دیتا ہے، حضرت مولانا الیاس صاحب علیہ الرحمہ کی کرامت دیکھی کہ ماڈرن ماحول کے نوجوان کرتے پائے جامے اور جبے میں تھے، ان کا دم گرم ہے کہ جدید طبقہ باریش ہوجاتا ہے، ڈاڑھی، نماز، لباس، پردہ، بچوں کی مذہبی تعلیم اور دین کے تمام مظاہر میں ان کی سبقت بانی تبلیغ کے اعمال نامے کو خراج تحسین پیش کرتی ہے۔

میں 1997 اور 1998 میں دو مرتبہ چلے کی جماعت میں گیا تھا، یہ طلبۂ دارالعلوم کی تعطیل کلاں والی جماعت تھی، زندگی کا بہترین روحانی تجربہ ثابت ہوا، جماعت کی سرگرمیوں کے جلو میں انفرادی ترقی ہوئی تھی، تہجد کی پابندی عام تھی، یاد ہے کہ رونا بھی نصیب ہوتا تھا، میرے یہ دو چلے ازدواج میں کام آئے، سسرال کٹر تبلیغی ہے، نانا سسر سینئر ترین ذمے دار تھے، نوے سال کی عمر میں جماعت ہی میں اللہ کو پیارے ہوئے، جمعے کا دن تھا، عصر کی سنتوں کے بعد فرض کے منتظر تھے بے توازن ہوگئے، سسر صاحب فنا فی التبلیغ ہیں، اس نسبت سے براعظموں کے راہ نورد ہیں، میرے رشتے کے وقت ایک سال کی بحث اٹھی تھی؛ مگر میری خصوصیات کے پیش نظر دو چلے کافی مان لئے گئے، میری بچی تبلیغ میں چلنے کا مزہ دیکھ نظم چلا کر میرے قریب کردیتی ہے، یہ سب غلو ہے؛ مگر میں انجوائے کرتا ہوں، یہ اپنے ہیں اور اپنے کام کی دعوت دیتے ہیں۔

از قلم: محمد فہیم الدین بجنوری
صفر 1447ھ 18 اگست 2025ء ( #ایس_اے_ساگر )23

مدرسہ بورڈ ختم، اقلیتی بورڈ شروع

2025-08-17T18:02:00.001-07:00

مدرسہ بورڈ ختم، اقلیتی بورڈ شروع

اتراکھنڈ مدرسہ بورڈ 2026 میں ختم ہوجائے گا۔ موصولہ اطلاعات کے مطابق اتراکھنڈ وزارت نے گزشتہ روز اپنی کابینہ اجلاس میں یہ فیصلہ کرلیا ہے. دوسری جانب یہ اطلاعات بھی گردش میں ہیں کہ مدرسہ بورڈ اب اقلیتی بورڈ بنے گا جس میں سکھ، پارسی اور عیسائی سمیت سبھی 6 اقلیتی اداروں کو ایک ہی بورڈ میں شامل کیا جائے گا. اس کے لئے جو قانون بنے گا اس ایکٹ کے نفاذ کے بعد حکومت کا کہنا ہے کہ تسلیم شدہ اقلیتی تعلیمی اداروں میں مذہبی تعلیم پر کوئی پابندی نہیں ہوگی۔ اتھارٹی اپنے نصاب کا تعین کرے گی۔ یہ اس بات کو بھی یقینی بنائے گا کہ ان اداروں میں اتراکھنڈ بورڈ آف اسکول ایجوکیشن کے طے کردہ معیارات کے مطابق تعلیم دی جائے اور طلباء کی تشخیص منصفانہ اور شفاف ہو۔ گویا کہ اب مدرسہ بورڈ نہیں رہنے سے تعلیمی نصاب میں کیا شامل کیا جائے گا اور کیا نہیں وہ بورڈ طے کرے گا جس میں مسلمان ہوں گے بھی کہ نہیں اور ہوں گے بھی تو کس سوچ کے حامل ہوں گے، اس لئے مشکلات پیدا کرنے کی کوشش ہے.

#ایس_اے_ساگر

https://youtu.be/71r3iAdsLfc?si=p4Ujw-RVHcxejSyF

منموہن سنگھ: ملنے کے نہیں نایاب ہیں ہم

2025-01-03T02:24:00.001-08:00

منموہن سنگھ: ملنے کے نہیں نایاب ہیں ہم

یہ شاید 1998-99 کا سال رہا ہوگا۔ نئی دہلی کے 24، اکبر روڈ پر واقع کانگریس ہیڈ کوارٹر میں دیر رات گئے کانگریس کی اعلیٰ فیصلہ ساز مجلس کانگریس ورکنگ کمیٹی کی ایک میٹنگ کور کرنے کے بعد میں بس اسٹاپ کی طرف رواں تھا۔ جن رپورٹروں نے کانگریس بیٹ اس دور میں کور کی ہے، وہ جانتے ہیں کہ کانگریس کی اکثر میٹنگیں رات کو 8 بجے کے بعد ہی شروع ہوجاتی تھیں اورعام حالات میں ان کی بریفنگ آدھی رات کے بعد ہوتی تھیں۔

نہ جانے اس پارٹی کو صحافیوں سے کون سے جنم کا بدلہ لینا ہوتا تھا کہ حساس مواقع پر میٹنگ کی روداد معلوم کرنے کے لیے لیڈروں کے گھروں کے چکر لگاتے ہوئے کئی بار پوری رات گزر جاتی تھی۔

اس علاقہ میں بس یا آٹو ملنا محال ہوتا ہے، اس لیے کندھے پر اپنا بیگ لٹکائے میں پہلی کراسنگ کے پاس پہنچا ہی تھا کہ ایک ماروتی سوزکی 800 میرے پاس آکر رکی۔

پہلے تو میں سمجھا کہ بھٹکا ہوا کوئی ڈرائیور راستہ معلوم کرنا چاہتا ہے۔ مگر ڈرائیور نے شیشہ نیچے کرتے ہوئے کہا؛

نوجوان، کیا میں تمہیں کہیں ڈراپ کر سکتا ہوں؟

میری حیرت کی انتہا نہ رہی کہ یہ کوئی اور نہیں بلکہ سابق وزیر خزانہ اور کانگریس ورکنگ کمیٹی کے رکن منموہن سنگھ تھے، جو بعد میں دس سال تک ہندوستان کے وزیر اعظم رہے۔

ابھی 25 دسمبر کی رات 92 سال کی عمر میں ان کا انتقال ہو گیا۔ وہ بھی اس میٹنگ کے بعد اپنے گھر جا رہے تھے۔ دروازہ کھول کر میں نے ان کو بتایا کہ میں جنوبی دہلی میں رہتا ہوں اور صفدر جنگ مقبرہ کے مقابل اربندو مارگ اسٹاپ پر اس وقت بس مل سکتی ہے۔ انہوں نے تغلق روڑ پولیس اسٹیشن سے ٹرن لےکر مجھے صفدر جنگ چوراہے پر چھوڑ دیا۔

اسی طرح 2004 کے عام انتخابات کے وقت کانگریس پارٹی کے مینی فیسٹو کے اجراء کے بعد مجھے ڈوئچے ویلے یعنی جرمن ریڈیو کی اردو سروس کے لیے اردو میں ساؤنڈ بائٹ چاہیے تھے۔

ڈوئچے ویلے نے ہمیں منی ڈسک ریکارڈر دیے ہوئے تھے۔ میں صفدر جنگ روڑ پر واقع ان کی سرکاری رہائش گاہ پہنچا۔ وہ اس وقت راجیہ سبھا میں لیڈر آف اپوزیشن تھے۔ رہائش گاہ کے لان میں کئی اور چینل کے کیمرہ وغیرہ موجود تھے۔ ان سے فراغت کے بعد انہوں نے مجھے وقت دیا۔

مگر یہ کیا، ڈسک ریکارڈر میں کوئی خرابی پیدا ہو گئی تھی، وہ ٹریک کو سیو ہی نہیں کررہا تھا۔ یہ گیڈجٹس کسی وقت بچوں کی طرح اچانک غیر متوقع طرز عمل کا مظاہرہ کرتے ہیں۔

میں نے ان سے گزارش کی کہ ان کا انٹرویو سیو نہیں ہوا۔ دوبارہ کرسی پر بیٹھ کر انہوں نے انٹرویو دے دیا۔ مگر معلوم ہوا کہ یہ ٹریک بھی سیو نہیں ہوا ہے۔ میں کبھی بیٹری تو کبھی ڈسک چیک کر رہا تھا۔

میرے پسینے چھوٹ رہے تھے۔ مجھے پریشان دیکھ کر انہوں نے تسلی دے کر کسی کو چائے لانے کے لیے کہا۔”ریلیکس، میں ابھی میٹنگ کے لیے جا رہا ہوں، شام کو دوسرا ریکارڈر لے کر آجانا،“ انہوں نے کہا۔

مگر میری تو ایک گھنٹہ کے بعد ہی اسٹوری کی ڈیڈ لائن تھی۔ میں نے بون میں ڈوئچے ویلے کے دفتر میں فون کرکے اردو سیکشن کے ہیڈ مرحوم سید اعجاز حسین شاہ صاحب سے درخواست کی کہ وہ وہیں اسٹوڈیو سے منموہن سنگھ کے لینڈ لائن نمبر پر کال کرکے ان کا انٹرویو ریکارڈ کرکے پھر میری اسٹوری میں ضم کریں۔

دس منٹ کے بعد جب وہ کال کرکے منموہن سنگھ کا انٹرویو ریکارڈ کر رہے تھے، تو میں پاس میں چائے کی چسکیاں لے رہا تھا۔ اس واقعہ کے ایک ماہ سے کچھ کم عرصہ کے بعد ہی وہ ہندوستان کے وزیر اعظم کی کرسی پر فائز ہوگئے۔ یہ کسی شخص کی عاجزی اور مہربانی کی ایک انتہا تھی۔

ان کی بیٹی دمن سنگھ کے مطابق پاکستانی پنجاب کے چکوال ضلع کے ایک گاؤں گاہ میں وہ 1932 کے موسم خزاں میں پیدا ہوئے تھے۔ کب، وہ کوئی نہیں جانتا ہے، کیونکہ ان کے والد گرومکھ سنگھ اس وقت پشاور میں کمیشن ایجنٹوں کی ایک فرم میں بطور کلرک کام کرتے تھے۔ لہذا کسی نے دن اور ماہ کا ریکارڈ ہی نہیں رکھا۔

یہ فرم افغانستان سے خشک میوہ جات درآمدکرکے متحدہ ہندوستان کے مختلف حصوں میں سپلائی کرتی تھی۔ نومولود بچے کو راولپنڈی سے تقریباً پچاس کلومیٹر کے فاصلے پر حسن ابدال نامی قصبے میں واقع پنجہ صاحب لے جایا گیا۔ جہاں گرنتھی نے مقدس گرنتھ صاحب کا صفحہ کھول کر ان کا نام منموہن رکھ دیا۔

وہ اپنے دادا سنت سنگھ اور دادی جمنا دیوی کی گود میں پلے بڑھے۔ اسکول میں استاد دولت رام نے اپنے رجسٹر میں ان کی تاریخ پیدائش 17 اپریل درج کی۔

منموہن سنگھ کے اس دور کے اسکول کے ساتھی گاہ کے راجہ محمد علی، جو 2008 میں دہلی آئے تھے سے میری ملاقات گولف لنکس میں واقع نیشنل ہائیڈرو الکٹرک پاور کارپوریشن یعنی این ایچ پی سی کے گیسٹ ہاوس میں ہوئی۔

ان کا کہنا تھا کہ؛

موہنا نہایت ہی قابل مگر شرمیلا بچہ تھا۔ اس کی جیبیں خشک میوں سے بھری ہوئی ہوتی تھیں۔ یہ دیگر بچوں کے لیے اس سے دوستی کرنے کی خاص وجہ ہوتی تھی۔ موہنا واحد بچہ تھا، جو استاد منشی عبدالکریم کی چھڑی اور ان کے غیض و غضب سے بچتا تھا۔ کیونکہ اس کا کلاس ورک مکمل ہوتا تھا اور اردو اور ریاضی میں پورے اسکول میں طاق تھا۔

محمد علی بتاتے تھے کہ دیگر بچوں کی طرح وہ شور شرابہ اور کھیلوں سے دور بھاگتا تھا۔ جب وہ کھیل میں شامل ہونے سے ہچکچاتا تھا،ہم اسے گاؤں کے تالاب میں پھینک دیتے تھے۔

چوتھی جماعت کے بعد اس بچے کو پشاور کے خالصہ ہائی اسکول فار بوائز بھیجا گیا۔ جہاں اس نے فارسی، انگریزی، تاریخ، جغرافیہ کا مطالعہ کیا۔ مگر تقسیم کے بعد خاندان ہوشیارپور منتقل ہوگیا، جہاں انہوں نے عسرت کے د ن گزارے۔

مجھے یاد ہے کہ وزیر اعظم ہاؤس میں کسی پارٹی کے دوران ایک بار ہندوستان ٹائمز کے ایڈیٹر ونود شرما نے ان کو بتایا کہ وہ ہوشیار پور گئے تھے اور انہوں نے وہ اسٹریٹ لیمپ پوسٹ دیکھا، جہاں منموہن سنگھ پڑھائی کرتے تھے، کیونکہ ان کے گھر والے بجلی کا خرچہ نہیں اٹھا سکتے تھے۔

غربت اور افلاس کے اس پس منظر کو انہوں نے کبھی بھی اپنی کمزوری یا اس کو سیاسی فائدہ اٹھانے کی غرض سے استعمال نہیں کیا۔

پنجاب یونیورسٹی میں معاشیات کی تعلیم حاصل کرنے کے بعد منموہن سنگھ نے کیمبرج یونیورسٹی سے معاشیات میں آنرز کی ڈگری اور پھر آکسفورڈ یونیورسٹی سے ڈاکٹریٹ کی ڈگری حاصل کی۔ اس کے بعد انہوں نے پنجاب یونیورسٹی میں ہی معاشیات پڑھائی۔ 1960 کی دہائی کے اوائل میں، امرتسر میں ان کے پڑوسی، مصنف ملک راج آنند دہلی لے گئے اور وزیر اعظم جواہر لال نہرو سے ملوایا، جنہوں نے باصلاحیت نوجوان ماہر اقتصادیات کو اکانامک سروس کی بیوروکریسی میں شامل ہونے کی دعوت دی۔

مگر کالج نے بیرون ملک تعلیم کے لیے ان کو فنڈ فراہم کیا تھا، اس لیے وہ وہاں ایک خاص مدت تک نوکری کرنے کے پابند تھے۔ 1966 میں وہ، جنیوا میں تجارت اور ترقی پر اقوام متحدہ کی کانفرنس (یواین سی ٹی آے ڈی) میں شامل ہوئے۔ تاہم، تین سال بعد دہلی اسکول آف اکنامکس کی فیکلٹی میں شامل ہونے کے لیے واپس آئے۔ ان دنوں اس ادارہ کے اساتذہ میں نوبل انعام یافتہ امرتیہ سین، جگدیش بھگوتی اور سکھامائے چکرورتی جیسے بین الاقوامی شہرت کے ماہر اقتصادیات شامل تھے۔

وقت کے وہ اتنے پابند تھے کہ ان کے معمولات کو دیکھ کر گھڑی ملائی جاسکتی تھی۔ ایک بار پارلیامنٹ ہاؤس کی لائبریری بلڈنگ میں معروف دانشور اے جی نورانی کی ایک کتاب کا اجراء اسپیکر سومناتھ چٹرجی کر نے والے تھے۔ کارڈ پر چھ بجے کا وقت درج تھا، مگر تقریب ساڑھے چھ بجے شروع ہونے والی تھی۔ ناشروں نے کارڈ شاید وزیر اعظم ہاؤس بھی بھیجا تھا، مگر ان کو توقع نہیں تھی کہ منموہن سنگھ بھی اس میں شرکت کے لیے وارد ہوں گے۔

پارلیامنٹ ان دنوں سیشن میں تھی۔ میں مین بلڈنگ سے لائبریری بلڈنگ کی طرف جب روانہ ہوا، تو دیکھا کہ وزیر اعظم کی سیکورٹی پر مامور ایس پی جی کا دستہ کوریڈور اور بلڈ نگ کے باہر تعینات تھا۔

پہلے سمجھا کہ شاید اس بلڈنگ میں کوئی اور میٹنگ بھی ہو رہی ہوگی، جس میں وزیر اعظم کو شرکت کرنی ہوگی۔ مگر لائبریری بلڈنگ کے جس ہال میں کتاب کی رونمائی ہونے والی تھی، اس میں پورے چھ بجے منموہن سنگھ داخل ہوئے اور پچھلی نشست پر براجمان ہوگئے۔

نورانی صاحب اور اسپیکر کو اطلاع دی گئی اور وہ تقریباً دوڑتے ہوئے پہنچ گئے۔ تقریب وقت سے پہلے ہی شروع کرنی پڑی۔ وزیر اعظم کو اسٹیج پر یا پہلی صف میں بار بار آنے کی دعوت دی گئی، مگر انہوں نے انکار کردیا اور کہا کہ وہ صرف نورانی صاحب کو سننے کے لیے وارد ہو گئے ہیں اور یہ ان کی خوش قسمتی ہے کہ ان تک دعوت نامہ پہنچ گیا تھا۔

وزیر خزانہ کا قلمدان سنبھالنے سے قبل وہ یونیورسٹی گرانٹس کمیشن کے چیئر مین تھے۔ وہاں ملازم میرے ایک رفیق کا کہنا ہے کہ ان دنوں چیئرمین کا کمرہ پانچویں فلور پر ہوتا تھا۔ وہ صبح نو بجے آفس پہنچ کر لفٹ کا استعمال کیے بغیر سیڑھیوں سے اوپر جاتے تھے اور کسی بھی فلور کے کسی بھی کمرے میں داخل ہوکر اچانک حاضری کا معائنہ کرتے تھے۔ ان کے دور میں کسی کی ہمت نہیں تھی کہ نو بجے کے بعد دفتر آئے اور ان کے لفٹ کے استعمال نہ کرنے کی وجہ سے سبھی فلورز اور سیڑھیوں کی پابندی سے صفائی ستھرائی بھی ہونے لگی۔

ان کا وزارت خزانہ کا قلمدان سنبھالنے کا قصہ بھی کم دلچسپ نہیں ہے۔ پہلے پانچ سالہ دور حکومت میں ان کے میڈیا ایڈوائز سنجے بارو نے اپنی کتاب ایکسیڈنٹل پرائم منسٹر: دی میکنگ اینڈ ان میکنگ آف منموہن سنگھ میں لکھا ہے کہ؛

مئی 1991 میں راجیو گاندھی کے قتل کے بعد جب کانگریس پارٹی کی صدارت اور بعد میں وزارت اعظمیٰ نرسمہا راؤ کے سپرد کی گئی، تو ان کو ایسے وزیر خزانہ کی تلاش تھی، جس کی بین الاقوامی مالیاتی اداروں میں کچھ ساکھ ہو اور آئی ایم ایف سے قرض کے لیے بات چیت کر سکے۔ راؤ کی پہلی پسند آئی جی پٹیل تھے، جو وزارت خزانہ کے سابق سکریٹری تھے اور لندن اسکول آف اکنامکس کے ڈائریکٹر کے طور پر کام کرنے کے بعد ہندوستان لوٹ آئے تھے۔ تاہم، پٹیل نے معذوری ظاہر کی اور وہ اپنے آبائی شہر بڑودہ ریٹائرمنٹ کی زندگی گزارنے چلے گئے۔

بتایا جاتا ہے آنجہانی راجیو گاندھی کے پرنسپل سکریٹری پی سی الیگزینڈر نے راؤ کو منموہن سنگھ کا نام دیا تھا۔ جب الیگزینڈر نے ان کو رات گئے فون کیا، تو وہ ہالینڈ کے سفر سے لوٹ کر سو گئے تھے۔

ان کے داماد وجے تنخواہ نے فون اٹھایا۔ الیگزینڈر نے تعارف کرنے کے بعد منموہن سنگھ کو جگانے کے لیے کہا۔ جب ان کو بتایا گیا کہ اگلے دن ان کو راشٹرپتی بھون یا صدارتی محل میں آکر حلف لینا ہے، تو شاید نیند کے خمار یا تھکاوٹ سے چور سنگھ نے اس کو سنجیدگی کے ساتھ نہیں لیا۔

وہ اگلی صبح معمول کے مطابق یو جی سی کے دفتر گئے۔ اس بار نرسمہا راؤ نے خود فون کرکے ان کو گھر جاکر بند گلا کوٹ پہن کر راشٹرپتی بھون پہنچنے کی تاکید کی۔

سنگھ کا کہنا تھا کہ حلف لینے والے وزیروں کی قطار میں بیٹھ کر وہ خود بھی اسی قدر حیران و پریشان تھے، جتنے دیگر لوگ تھے۔

ہندوستان کی پر اعتماد جمہوریت اور سیاسی استحکام کی داغ بیل اگر پہلے وزیر اعظم جواہر لال نہرو نے ڈالی،تو اس کی معیشت کو مستحکم اور عالمی سطح پر لانے کا پورا کریڈیٹ منموہن سنگھ کو جاتا ہے۔

جب انہوں نے وزارت خزانہ کا چارج سنبھالا، تو زر مبادلہ کے ذخائر بس دو ہفتوں کے درآمدات کے لیے بمشکل کافی تھے۔ ملک کے سونے کے ذخائر بینک آف انگلینڈ میں گروی رکھے جا چکے تھے۔ بین الاقوامی کمرشل بینک ہندوستان کو نئے قرضے دینے سے انکار کر رہے تھے۔ یہ لگ رہا تھا کہ ہندوستان ڈیفالٹ کرے گا۔ اس کا دوست سویت یونین ٹوٹ چکا تھا۔ روس خود مغربی ممالک کی طرف آس لگائے بیٹھا تھا۔

صورتحال کم وبیش ایسی ہی ہے، جیسی اس وقت پاکستان کو درپیش ہے۔ اپنی پہلی بجٹ تقریر میں انہوں نے بتایا کہ ہندوستان کو مدد دینے والے تنگ آچکے ہیں۔ اس لیے کشکول کو توڑ کربرآمدات میں زبردست اضافہ کرنا پڑے گا۔ اس کے بعد بڑے پالیسی اعلانات ہوئے۔

بدنام زمانہ لائسنس پرمٹ راج کا خاتمہ،درآمدی محصولات میں کمی، ان گنت ایسے اقدامات اٹھائے گئے۔ آزاد معیشت کے دروازے کھولے گئے۔ 24 جولائی 1991 کو ڈاکٹر سنگھ کی پہلی بجٹ تقریر وکٹر ہیوگو کے مشہور اقتباس کے ساتھ اختتام پذیر ہوئی: ”زمین کی کوئی طاقت اس خیال کو نہیں روک سکتی جس کا وقت آ گیا ہو۔“ان تمام سالوں میں منصوبہ بند ترقی کے نام پرحکومتیں صنعتوں کو بلا امتیاز تحفظ فراہم کر رہی تھی، جس کی وجہ سے وہ بین الاقوامی مسابقت کے قابل ہی نہیں رہ گئی تھیں۔

ان پے در پے اقتصادی اصلاحات کی وجہ سے کانگریس پارٹی مقبولیت کھو رہی تھی۔ نہ صرف اپوزیشن بلکہ کانگریس کے اندر سے ان کے خلاف آوازیں اٹھ رہی تھیں۔پارٹی اقتصادی لبرلائزیشن کو نہرو کے نظریہ کی نفی سمجھتی تھی۔ معاشی اصلاحات جادو کی چھڑی نہیں ہوتے ہیں۔ یہ کئی برسوں کے بعد گراؤنڈ پر اپنا اثر دکھاتے ہیں۔

منموہن سنگھ نے خود ایک بار یہ واقعہ سنایا کہ انہوں نے استعفیٰ لیٹر ٹائپ کرکے اپنی جیب میں رکھا ہوا تھا، اور کئی دفعہ وزیر اعظم کو پیش کیا۔ایک دفعہ تو انہوں نے وزیر اعظم کو استعفیٰ پیش کر کے دفتر جانا ہی بند کردیا۔ کھاد پر سبسڈی کم کرنے کی وجہ سے اپوزیشن نے پارلیامنٹ کو جام کر دیا تھا۔

راؤکو کسی نے کہا کہ پارٹی کے کسی سینئر لیڈر کو بھیج کر منموہن سنگھ کو استعفیٰ واپس لینے کے لیے کہیں۔ مگر انہوں نے کہا کہ پارٹی ہی ان کی مخالف ہے اور وہ پارٹی کے کسی سیاستدان کی نہیں سنیں گے۔

نرسمہا راؤ نے قائد اپوزیشن اٹل بہاری واجپائی سے درخواست کی کہ وہ سنگھ کو منائیں اور ان کو سیاست کا پاٹھ بھی پڑھائیں۔

دوسری طرف راؤ نے منموہن سنگھ کو واجپائی سے ملنے کی صلاح دی۔ بقول سنگھ جب وہ پارلیامنٹ میں لیڈر آف اپوزیشن کے چیمبر میں داخل ہوئے، تو واجپائی نے چھوٹتے ہی کہا؛

اب تم ایک ٹیکنوکریٹ نہیں، بلکہ سیاستدان ہو، اس لیے کھال موٹی رکھو۔ مخالفت برداشت کرنے کی عادت ڈال لو۔ بار بار وزیر اعظم کو استعفیٰ پیش کر کے ان کی مشکلات اور نہ بڑھاؤ۔ ہمیں معلوم ہے کہ جو کچھ اقدامات اٹھائے جا رہے ہیں وہ ملک کی اس وقت ضرورت ہیں۔ مگر ہم اپوزیشن ہیں اور ہم کو تنقید تو کرنی ہی ہے۔

کھاد کی سبسڈی پر شاید دو روپے بڑھائے گئے تھے، تو واجپائی نے پوچھا کہ کس قدر گنجائش ہے۔ منموہن سنگھ نے کہا کہ ایک روپے کا بوجھ اٹھایا جاسکتا ہے۔ واجپائی نے صلاح دی کہ ایک روپے کم کرنے کا اعلان کرو، ایک روپے خزانہ کو مل ہی رہا ہے۔ اس کے اگلے روز پارلیامنٹ کا جام ختم ہوگیا۔

واجپائی نے بھی ایک بار اتفاق کیا کہ نرسمہا راؤ کے دور کی اقتصادی اصلاحات نے کانگریس پارٹی کی لٹیا ڈبودی اور اس کے بعد وہ کبھی بھی اپنے بل بوتے پر بر سر اقتدار نہیں آئی، مگر اس نے آنے والی حکومتوں کے لیے تعمیر اور ترقی کے دروازے کھول دیے۔

خود واجپائی حکومت کے دور میں پھر منموہن سنگھ کی وزارت اعظمیٰ کے پہلے پانچ سال ہندوستان میں جو ریکارڈ گروتھ درج ہوئی، اس کی جڑیں نوے کی دہائی کے معاشی اقدامات تھے، جو دس سال بعد اپنی افادیت دکھا رہے تھے۔

ہندوستان میں ایک طاقتور مڈل کلاس ابھر رہا تھا۔ نوے کی دہائی میں جب بطور رپورٹر ہم انتخابات یا کسی اور واقعہ کی کوریج کے لیے دہلی سے باہر جاتے تھے، تو بس یا ٹرین کا سفر کرتے تھے۔ مگر 2000 کی دہائی آتے آتے شاید ہی کسی رپورٹر نے کبھی بس یا ٹرین کا سفر کیا ہو۔ وہ اب جہاز یا ٹیکسی کے بغیر سفر کرتے ہی نہیں ہیں۔

ان اقتصادی اصلاحات کی وجہ سے میڈیا کے علاوہ دیگر صنعتوں میں بھی بے شمار پیسہ آگیا۔

جب 2004میں غیرمتوقع طور پر اٹل بہاری واجپائی کی قیادت والی بی جے پی حکومت شکست سے دوچار ہوئی، تو طے تھا کہ کانگریس کی صدر اوریونائیٹد پروگرسیو الائنس یعنی یو پی آئی کی قیادت کر رہی سونیا گاندھی وزیر اعظم بن جائیں گی۔

طریقہ کار کے مطابق انہوں نے صدر اے پی جے کلام سے ملاقات کر کے حکومت سازی کا دعویٰ بھی کیا۔ مگر جب کانگریس پارٹی کی پارلیامانی پارٹی کا اجلاس پارلیامنٹ کے سینٹرل ہال میں منعقد ہوا، تاکہ ان کو باضابطہ لیڈر منتخب کیا جائے، تو انہوں نے اس عہدے کے لیےمنموہن سنگھ کا نام تجویز کرکے سب کو چونکا دیا۔

منموہن سنگھ کے اقتدار کا پہلا پانچ سال یقیناً موجودہ ہندوستان کا سنہری دور تھا۔ تاریخی لینڈ مارک سماجی قوانین حق اطلاعات قانون، نیشنل دیہی صحت مشن اور دیہی روزگار گارنٹی قانون اس دور میں پاس ہوئے۔ مسلمانوں کے حوالے سے جسٹس راجندر سچر کی قیادت میں ایک اعلیٰ سطحی کمیٹی کا قیام عمل میں آیا، جس نے پہلی بار مسلمانوں کی معاشی اور سماجی صورتحا ل کا جائزہ لےکر ان گنت سفارشات پیش کیں۔

مگر ان کے دورہ اقتدار کے دوسرے پانچ سال مایوس کن تھے۔

کہتے ہیں کہ شکست کے بعد سبکدوش وزیر اعظم اٹل بہاری واجپائی نے نئی حکومت سے درخواست کی تھی کہ ان کے چارمنصوبوں جن میں امریکہ کے ساتھ اسٹریٹجک پارٹنرشپ، پاکستان کے ساتھ امن مساعی، ملک میں دریاؤں کو آپس میں جوڑنا اور شمال جنوب، مشرق سے مغرب تک ہائی وے کی تعمیر کے پروجیکٹس کو جاری رکھا جائے۔

بس دریاؤں کے منصوبے کو چھوڑ کر بقیہ سبھی ایشوز پر منموہن سنگھ نے کام جاری رکھ کے خاصی پیش رفت حاصل کی۔ پاکستان کے ساتھ امن مساعی اس حد تک پہنچ گئی تھی کہ لگتا تھا کہ بس ان دونوں ممالک کے درمیان دیرینہ تنازعہ کشمیر بس اب حل ہونے کو ہے۔

بطور وزیر اعظم وہ بیرون یا اندرن ملک دورہ کے دوران پریس کانفرنس منعقد کرکے میڈیا کے روبرو ہوجاتے تھے۔

سابق وزیر اطلاعات مینش تیواری کے مطابق دس سال کے عرصہ میں انہوں نے 117 پریس کانفرنسوں سے خطاب کرکے تیکھے سوالات کے جوابات دیے۔ یہ اس لیے اہم ہے کہ موجودہ وزیر اعظم نریندر مودی نے اپنے دس سالہ اقتدار میں کبھی کسی پریس کانفرنس سے خطاب نہیں کیا ہے۔

اسی طرح وہ ناشتہ پر متواتر ایڈیٹرز، پبلشرز اور ٹی وی اینکرز کے ساتھ آف ریکارڈ ملاقات کرتے تھے۔ کئی ایسی ملاقاتوں میں مجھے بھی حصہ لینے کا موقع ملا ہے۔ ساڑھے آٹھ بجے وزیر اعظم کے گھر پہنچنے کا مطلب ہوتا تھا کہ سات بجے سے قبل ہی گیٹ پر رپورٹ کرنا۔

سنجے بارو کے مطابق جب ایک بار انہوں نے پبلشرز کے گروپ کو مدعو کیا تو ہندوستان ٹائمز کی شوبھنا بھارتیہ ٹائمز آف انڈیا کی چیئرپرسن اندو جین دیر سے پہنچیں۔ بھارتیہ کو اپنے بال خشک کرنے میں کافی وقت لگا، اور جین کو صبح کی پوجا کرنی تھی۔ اس کے بغیر وہ گھر سے باہر قدم نہیں رکھتی ہے۔

پہلے پانچ سالہ دور میں سونیا گاندھی نے ان کی عزت نفس کا خیال رکھ کر حکومت کے کام کاج میں دخل اندازی سے پرہیز کیا۔ وہ کسی بھی وزیر کو وقت نہیں دیتی تھی، بلکہ ان کو وزیر اعظم سے مشورہ کرنے کی ہدایت دیتی تھیں۔ خود بھی وزیر اعظم کے گھر پہنچ کر ہی ان سے صلاح و مشورہ کرتی تھیں۔

ان کے اس طرز عمل نے وزیروں اور پارٹی کارکنان تک پیغام پہنچا دیا تھا کہ حکومت کے باس کلی طور پر سنگھ ہیں۔

مگر کانگریس پارٹی کے دیگر لیڈران ان سے ہمیشہ ہی خائف رہے۔ بطور قومی سلامتی مشیر انہوں نے جے این دکشٹ کو منتخب کیا تھا۔ مگر کانگریس پارٹی کا اصرار تھا کہ انٹلی جنس بیورو کے سابق سربراہ ایم کے نارائنن کو یہ عہدہ دیا جائے۔ اب سمجھوتہ اس پر ہوگیا کہ دکشت کو بیرون سلامتی کا اور نارائنن کو اندرون سلامتی کا مشیر بنایا جائے۔ مگر دونوں وزیر اعظم کی موجودگی میں آپس میں لڑ پڑتے تھے۔

ایک موقع پر ایک حساس موضوع پر میٹنگ کے دوران نارائنن نے دکشت کو کہا کہ ”آپ ایک سفارت کار ہیں جو دنیا کے بارے میں بہت کچھ جانتے ہیں لیکن ہندوستان کے بارے میں کچھ نہیں جانتے۔“ دکشت نے جواب دیا کہ ”انہوں نے (نارائنن) نے تو کبھی پولیس افسر کی بھی نوکری نہیں کی، بلکہ لوگوں کو فائلیں بناکر ڈرایا دھمکایا ہے۔“

نارائنن نے اپنے کیریئر کا بیشتر حصہ آئی بی میں گزارا تھا اور فیلڈ میں نہیں رہے تھے۔ جنوری 2005 میں دکشت کا انتقال ہوگیا اور اس کے بعد یہ پوسٹ پوری طرح نارائنن کے پاس آگئی، جس نے 2009 تک منموہن سنگھ کی پاکستان کے ساتھ امن مساعی میں ہرممکن روڑے اٹکائے۔

روس کے شہر قطرینہ برگ میں 2009 میں برکس کے پہلے سربراہی اجلاس اور شنگھائی کوآپریشن یعنی ایس سی او کی میٹنگ میں شرکت کر نے کے لیےمنموہن سنگھ کے ساتھ میڈیا وفد میں، میں بھی شامل تھا۔ واپسی پر جہاز میں ان کی پریس کانفرنس طے تھی۔ کشمیر ان دنوں شوپیاں قصبہ کی دو خواتین آسیہ اور نیلوفر کے مبینہ قتل اور آبروریزی کے واقعہ سے مشتعل تھا۔

عمر عبداللہ جو حال ہی میں کانگریس کی مدد سے وزیر اعلیٰ کی کرسی پر فائز ہو ئے تھے، نے اپنی ناتجربہ کاری کے باعث آگ میں کچھ زیادہ ہی گھی ڈالنے کا کام کیا تھا۔ میں نے اسی واقعہ کے حوالے سے ان سے استفسار کیا۔ اس کا انہوں نے جواب تو دیا، مگر سبھی کو لگا کہ جواب تسلی بخش نہیں تھا۔ پریس کانفرنس کے ختم ہوتے ہی میں نے ٹیپ ریکارڈراور نوٹ بک بیگ میں رکھ کر اس کو اپنی سیٹ کے اوپر کے کیبن میں رکھ ہی رہا تھا کہ پیچھے سے کسی نے میرے کندھے پر ہاتھ رکھا۔

مڑ کر دیکھا تو وزیر اعظم منموہن سنگھ تھے۔ انہوں نے مجھے بیٹھنے کے لیے کہا اور خود بھی میرے ساتھ ہی بیٹھ گئے اور کہا کہ”ہم نے کشمیر کے سلسلے میں امید کا دامن نہیں چھوڑا ہے۔“ اس دورے کے دوران انہوں نے میڈیا کی موجودگی میں پاکستانی صدر آصف زرداری کو خوب کھری کھوٹی سنائی تھی۔

سبھی افسران اور میڈیا کے افراد ہمارے سیٹ کے اردگرد جمع ہوگئے۔کچھ منٹ بیٹھ کر وہ پھر اپنے کیبن کی طرف روانہ ہوگئے۔ اگلے روز دی ہندو اور دیگر اخبارات میں یہ صفحہ اول کی خبر تھی۔

نومبر 2004 میں ڈاکٹر سنگھ نے جموں و کشمیر کا اپنا پہلا سرکاری دورہ کرنا تھا۔ وہ ستمبر 2004 میں صدر مشرف کے ساتھ ایک مفید ملاقات کے بعد نیویارک سے واپس آئے تھے اور انہیں لگا تھا کہ کشمیر پر ایک نئی پہل کرنے کا وقت آ گیا ہے۔ شیرکشمیر انسٹی ٹیوٹ آف میڈیکل سائنسز کے طلباء اور فیکلٹی سے خطاب کرتے ہوئے، انہوں نے ایک نئے کشمیر (نیا کشمیر) کے اپنے وژن کی بات کی اور کہا کہ اب وقت آگیا ہے کہ کشمیر اور کشمیری عوام کے لیے ایک نیا بلیو پرنٹ، ایک نیا وژن پیش کیا جائے، جو جنگ کے خوف اور استحصال سے پاک ہو۔

اس تقریر کا مسودہ جے این دکشٹ اور جموں یونیورسٹی کے اس وقت کے وائس چانسلر امیتابھ مٹو نے تیار کیا تھا۔ سری نگر مظفرآباد بس سروس کا آغاز اعتماد سازی کی ایک بڑی مشق تھی۔

ستمبر 2005 میں مشرف سے اپنی تیسری ملاقات سے پہلے، وہ کشمیر کے لیڈروں اور سماجی کارکنان سے بات چیت کرنا چاہتے تھے۔ اپنی پہلی میٹنگ میں انہوں نے سابق ہوم سکریٹری کے سبرامنیم، جموں و کشمیر کے بارے میں حکومت کے خصوصی نمائندے این این ووہرا، صحافیوں بی جی ورگیز، منوج جوشی، بھارت بھوشن، کشمیری ماہر اقتصادیات حسیب درابو اور امیتابھ مٹو کو بلایا۔ نارائنن اس میٹنگ سے ناخوش تھے۔

ڈاکٹر سنگھ نے سبرامنیم کی تجویز کو پسند کیا کہ وزیر اعظم کو جموں و کشمیر کے مستقبل پر ایک گول میزکانفرنس بلانی چاہیے۔ 25 فروری 2006 کو، بجٹ سیشن سے قبل پہلی گول میز کانفرنس منعقد کی گئی۔ اس میں نوے کے قریب افراد نے شرکت کی۔

پورے نو گھنٹے تک چلنے والی اس کانفرنس میں منموہن سنگھ پورے وقت موجود رہے اور نوٹس بھی لیتے رہے۔ ستمبر 2004 میں، ڈاکٹر سنگھ نے صدر پرویز مشرف کے ساتھ اپنی ملاقات سے قبل سازگار ماحول پیدا کرنے کے لیے پاکستانی ماہرین تعلیم، تاجروں اور بزرگ شہریوں کے لیے ویزا نظام کو یکطرفہ طور پر سہل کرنے کا اعلان کیا۔

اپنے وزیر اعظم بننے کے موقع پر، مئی 2004 میں، ڈاکٹر سنگھ نے صحافی جوناتھن پاور (اسٹیٹس مین، 20 مئی 2004) کو ایک آف دی ریکارڈ گفتگو میں بتایا تھا کہ علیحدگی پسندی کو چھوڑ کر ہندوستانی اسٹیبلشمنٹ کے لیے کوئی بھی صورتحال قابل قبول ہوسکتا ہے۔

انہوں نے سرحدوں کو اس حد تک نرم کرنے پر زور دیا تاکہ ان کی ضرورت ہی نہ پڑے۔ 2005 کے اوئل میں مشرف نے دہلی میں ہونے والے ہندوستان پاکستان کرکٹ میچ کو دیکھنے کی خواہش کا اظہار کیا تھا۔ گو کہ خارجہ سکریٹری شیام سرن خارجہ پالیسی کے حوالے سے ڈاکٹر سنگھ کے نقطہ نظر سے متفق تھے، مگر پاکستان کے حوالے سے نارائنن کی طرح سخت گیر تھے۔

وزیر اعظم نے ان کو مشرف کو دعوت نامے کا مسودہ تیار کرنے کو کہا۔مگر نارائنن کے کہنے پر وہ آنا کانی کررہے تھے، جس کا سنگھ کو جلد ہی ادراک ہوگیا۔

اگلی صبح لوک سبھا میں ڈاکٹر سنگھ کو پارلیامانی بحث کا جواب دینا تھا۔ بحث کے دوران متعدد اراکین کی طرف سے کیے گئے نکات کا جواب دینے کے بعد انہوں نے اعلان کیا کہ انہوں نے فیصلہ کیا ہے کہ صدر مشرف کو دونوں ٹیموں کے درمیان کرکٹ میچ دیکھنے کے لیے ہندوستان آنے کی دعوت دی جائے۔

میری دلی خواہش ہے کہ ہمارے پڑوسی ملک کے لوگ اور ان کے لیڈر جب چاہیں بلا جھجک ہم سے ملیں۔ کرکٹ میچ دیکھنا ہو؛ کچھ شاپنگ کرنا ہو یا دوستوں اور خاندان سے ملنا ہو ہندوستان کو ایک کھلا معاشرہ اور کھلی معیشت ہونے پر فخر ہے۔ مجھے امید ہے کہ صدر مشرف اور ان کا خاندان ہمارے ملک کے دورے سے لطف اندوز ہوں گے۔

آفیشلز گیلری میں، نارائنن اور سرن سمیت سبھی دنگ تھے۔ دفتر پہنچ کر ان کو دعوت نامہ کا مسودہ بنانا پڑا۔

اسی طرح سری نگر مظفر آباد بس سروس کے آغاز سے قبل نارائنن نے دوبارہ اس میں ٹانگ اڑانے کی کوشش کی۔ 7 اپریل 2005 کواس کے آغاز سے ایک روز قبل عسکریت پسندوں نے سری نگر میں ریاستی سیاحت کے دفتر پر حملہ کیا، جہاں سے یہ بس سروس شروع کی جانی تھی۔

دن کے اختتام تک، قومی سلامتی اور انٹلی جنس ایجنسیاں وزیر اعظم کو اگلی صبح سری نگر کا دورہ منسوخ کرنے کا مشورہ دے رہی تھیں۔ حتمی جائزہ اجلاس رات 9 بجے ختم ہوا، جس میں وزیر اعظم کو اپنا دورہ منسوخ کرنے کا مشورہ دیا گیا۔ تقریباً سب ہی کمرے سے نکل چکے تھے۔ ڈاکٹر سنگھ سوچ میں بیٹھ گئے، ان کے چہرے پر غصہ اور تشویش نمایاں تھی۔

اچانک وہ کھڑے ہوگئے اور کہا کہ ”میں جاؤں گا!“ باہر جاتے ہوئے افسران کو واپس بلایا گیا۔ وزیر اعظم نے سونیا گاندھی کو فون کرکے بتایا کہ انہوں نے سری نگر کا سفر کرنے کا فیصلہ کیا ہے۔ اس نے ان کے فیصلے کی تائید کی اور کہا کہ وہ بھی ان کے ساتھ سفر کریں گی۔

اگلی صبح دونوں سخت سیکورٹی کے درمیان سری نگر کے لیے روانہ ہوئے اور پہلی بس کو جھنڈی دکھا کر روانہ کیا۔ اکتوبر 2005 کو دہلی بم حملوں کی ایک سیریز سے لرز اٹھا۔ سروجنی نگر اور پہاڑ گنج میں بھیڑ بھاڑ والے بازاروں کو نشانہ بنایا گیا۔ہر بار جب عمل میں خلل پڑتا تھا، ڈاکٹر سنگھ کوشش کرتے اور دھاگا اٹھاتے اور ایک معقول وقفہ کے بعد آگے بڑھتے رہے۔ شاید ان کو ان ہاتھوں کے بارے میں علم تھا جو رخنہ ڈالنے پر بضد تھے۔

اپریل 2005 کو مشرف نے دہلی کے فیروز شاہ کوٹلہ گراؤنڈ میں کرکٹ میچ دیکھنے کے بعد ڈاکٹر سنگھ سے باضابطہ بات چیت کے لیے حیدرآباد ہاؤس آگئے۔ ”ڈاکٹر صاحب، اگر آپ اور میں فیصلہ کریں تو ہم لنچ سے پہلے اپنے تمام تنازعات حل کر سکتے ہیں اور پھر میچ دیکھنے واپس جا سکتے ہیں،“ مشرف نے کہا۔ سنگھ نے جواب دیا: ”جنرل صاحب، آپ ایک فوجی ہیں اورمجھ سے عمر میں جوان ہیں لیکن میری عمراس کی اجازت نہیں دیتی ہے۔“اگلے دو سالوں میں، مشرف نے ڈاکٹر سنگھ کے فارمولے پر مبنی کشمیر کے مسئلے کے حل کے لیے ایک روڈ میپ کا خاکہ پیش کیا، جس کا بنیادی مرکز تھا کہ سرحدوں کو تبدیل کیے بغیر غیر متعلقہ بنایا جا ئے۔انہوں نے سابق سفارت کار ستیندر لامبا کو بیک چینل کے لیےمنتخب کیا۔ سنگھ کے ساتھ ان کی ملاقاتیں درج نہیں ہوتی تھیں۔

ان کی مدد وزیر اعظم کے دوسرے پرسنل سکریٹری، جیدیپ سرکار کرتے تھے، جو میٹنگ کے دوران نوٹس لیتے تھے۔ جب بھی جے دیپ بیمار ہونے کی اطلاع دیتا یا یہ کہتا کہ وہ اپنے بیٹے کو امتحانات کی تیاری میں مدد کر رہا ہے، تو وزارت اعظمیٰ کے دفتر میں لوگ جانتے تھے کہ وہ لامبا کے ساتھ دورہ پر ہیں۔لامبا کی مشرف کے مقرر کردہ افسر طارق عزیز کے ساتھ میٹنگ میں طے پایا گیا کہ پہلے قدم کے طور پر لائن آف کنٹرول کو نقشے پر صرف ایک لائن بنانا ہے۔

اس کے لیے آزادانہ سفر اور تجارت ہو اور کشمیری عوام کے لیے تقسیم سے پہلے کا دور لوٹ آئے جب وہ ایک دوسرے علاقہ میں آسانی کے ساتھ سفر کر تے تھے۔دوسرا قدم یہ ہوگا کہ کنٹرول لائن کے دونوں جانب مقامی خود اختیاری کو مضبوط کیا جائے، تاکہ بین الاقوامی نگرانی میں ضرورت پڑنے پر دونوں اطراف کے کشمیر کے عوام اپنی حکومت خود منتخب کریں۔ تیسرا مرحلہ سب سے مشکل ہوگا۔

اس میں مشترکہ مفادات کے معاملات پر پالیسیوں کو ہم آہنگ کرنے کے لیے کشمیری رہنماؤں کی ذمہ داری میں مشترکہ یا کوآپریٹو اداروں کی تشکیل کی ضرورت ہوگی۔ خارجہ پالیسی اور دفاع کے علاوہ ہر چیز مقامی اور مشترکہ طور پر چلائی جائے گی۔ امن فارمولے کا چوتھا اور آخری عنصر دونوں طرف سے فوجیوں کی متفقہ واپسی ہو گی۔

ڈاکٹر سنگھ نے جون 2005 میں سیاچن گلیشیئر کے دورے کے ساتھ اعلان کیا کہ سیاچن تنازعات کے بجائے امن کی علامت ہوگا اور اس سے اعتماد سازی کا آغاز ہوگا۔ان کا خیال تھا کہ ہندوستان میں وہ اس حل کے سلسلے میں رائے عامہ کو ہموار کر پائیں گے۔ وہ سمجھتے تھے کہ اپوزیشن صرف بی جے پی کی طرف سے آئے گی۔ مگر بقول سنجے بارو کے ڈاکٹر سنگھ نے اپنی پارٹی کانگریس کی طرف سے مزاحمت کی توقع نہیں کی تھی۔ نارائنن کے علاوہ پرنب مکھرجی، وزیر دفاع اے کے انٹونی، سیاچن پر معاہدے پر ناخوش تھے۔

ستمبر 2006 میں ہوانا میں، ناوابستہ تحریک کے سربراہی اجلاس سے ایک ماہ قبل جولائی 2006 میں ممبئی میں بم دھماکے ہوئے۔ پاکستان کے تئیں ڈاکٹر سنگھ کی پالیسی پر کانگریس کے برہم لیڈروں کو اب سونیا گاندھی کی حمایت حاصل ہو گئی تھی۔ مگر سنگھ ابھی بھی پر امید تھے۔ ہوانا میں مشرف کے ساتھ ان کی ملاقات ایک ولا میں طے تھی، جو کیوبا کی جانب سے دستیاب کرایا گیا تھا۔

جب سنگھ مشرف کو ریسیو کرکے اندر لے گئے، تو دروازہ آناً فاناً بند کر دیا گیا۔ پاکستان کے وزیر خارجہ خورشید قصوری اور نارائنن کو دروازہ کے باہر رکھا گیا۔ بقول بارو، قصوری تھوڑی دیر کے بعد نارمل ہوکر پاس کے کمرے میں بیٹھ گئے، مگر نارائنن چہل قدمی کرتے ہوئے بڑبڑا رہے تھے۔ ان کی بے چینی واضح تھی کہ ان کو ایک پلان کے تحت میٹنگ سے باہر رکھا گیا تھا۔

اس ایک گھنٹہ کی میٹنگ میں طے پایا گیا کہ سیاچن کے مسئلے کے جلد حل اور سر کریک اور اس سے ملحقہ علاقے کے مشترکہ سروے کے لیے ماہرین کی خدمات لی جائیں۔ اس میں کہا گیا، سروے نومبر 2006 میں شروع ہونا چاہیے اور سال کے اندر ان ددنوں تنازعات سے جان چھڑانی ہے۔

فروری 2007کو پاکستان کے سکریٹری دفاع طارق وسیم غازی جب معاہدے پر دستخط کرنے کے لیے دہلی وارد ہوئے اس سے چند روز قبل الیکشن کمیشن نے سب سے بڑے صوبہ اتر پردیش کی صوبائی اسمبلی کے انتخابا ت کا اعلان کردیا تھا۔ مذاکرات سے ایک روز قبل سونیا گاندھی کی رہائش گاہ پر کانگریس کی اعلیٰ فیصلہ ساز مجلس ورکنگ کمیٹی کا اجلاس اتر پردیش میں امیدوار طے کرنے کے لیے بلایا گیا تھا۔

مگر اس میں سونیا گاندھی کی موجودگی میں احمد پٹیل نے منموہن سنگھ کو سیاچن پر مذاکرات اور وہاں سے فوجوں کے انخلا کے سوال پر خوب آڑے ہاتھوں لیا۔ میٹنگ میں موجود افراد کا کہنا ہے کہ اس طرح کی صورتحال میں سونیا گاندھی اکثر منموہن سنگھ کی حمایت میں کھڑی ہوجاتی تھیں، مگر اس وقت و ہ خاموش رہیں۔

احمد بھائی نے منموہن سنگھ کو بتایا کہ پاکستان کے ساتھ کسی ایگرمینٹ کرنے سے اتر پردیش میں پارٹی کو ہزیمت کا سامنا کرنا پڑے گا۔ یہ اجلاس جاری تھا کہ معلوم ہوا کہ شمال مشرقی ریاستوں کا دورہ کرتے ہوئے فوج کے سربراہ جنرل جے جے سنگھ نے سیاچن سے فوجوں کے انخلا کی مخالفت کی ہے۔ جبکہ چند روز قبل کابینہ کی سلامتی سے امور کمیٹی کے اجلاس میں انہوں نے اس معاہدے کو منظوری دی تھی۔

احمد پٹیل کی یہ مخالفت پاکستان کے ساتھ امن مساعی کے تابوت میں ایک کیل ثابت ہوئی۔ اس کے فوراً بعد پاکستان میں وکلا ء کی ایجی ٹیشن نے مشرف کو داخلی طور پر الجھائے رکھا۔

کانگریس کے اندرون ذرائع کا کہنا ہے کہ پارٹی نے منموہن سنگھ کو چوائس دی تھی کہ پاکستان کے ساتھ امن مساعی یا امریکی کے ساتھ نیوکلیر ڈیل میں کسی ایک ایشو پر ہی وہ عوامی سطح پر رائے عامہ بنائے گی۔ اور وزیر اعظم نے نیوکلیر ڈیل کو ہی ترجیح دی۔

بازی اب پلٹ چکی تھی۔ سونیا گاندھی جو 2004 سے مسلسل ڈاکٹر سنگھ کی عزت نفس کا خیال رکھ کر ان کو حوصلہ افزائی کرکے حکومتی معاملات میں مداخلت سے گریز کر تی تھیں، اب اپنے صاحبزادے راہل گاندھی کے لیے فضا سازگار کرنے پر تلی تھیں۔

وہ کسی ایسے قدم کی حمایت سے گریزاں تھیں، جس سے راہل کے وزیر اعظم بننے میں رکاوٹ ہو۔ 2009 کے انتخابات میں منموہن سنگھ امرتسر سے بطور امیدوار قسمت آزمائی کرنے کی سعی کر رہے تھے۔

اکالی دل سمیت پنجاب کی سبھی پارٹیاں ان کی حمایت میں ڈٹ گئی تھیں۔ مگر ان کو براہ راست انتخاب لڑنے سے منع کر دیا گیا، تاآنکہ وہ سیاسی قوت حاصل کرکے راہل گاندھی کے لیے کوئی چیلنج پیدا نہ کرسکیں۔ 2009کے انتخابات میں جب کانگریس کو واضح برتری حاصل ہوئی، تو یہ صرف منموہن سنگھ کی دین تھی۔

ہندوستان کے مڈل کلاس اور دیہی روزگار قانون سے فائدہ اٹھانے والوں نے ان کو کھل کر ووٹ دیے تھے۔ بجائے ستائش کے کانگریس نے اس کو راہل گاندھی کے لیے خطرہ کی گھنٹی قرار دیا۔ خوشامدی ٹولہ اس جیت کو راہل گاندھی کے سر باندھنا چاہتا تھا۔ مگر دستار کے نیچے کا سر کافی چھوٹا تھا۔اس لیے یہ بیل منڈھے چڑھ نہ سکی۔

ڈاکٹر سنگھ نے اپنی آخری پریس کانفرنس میں شکوہ کیا تھا کہ پاکستان نہ جانے کا ان کو افسوس ہے۔ مگر ان کا کہنا تھا کہ وہ وہاں صرف اپنے آبائی گاؤں کو دیکھنے کے لیے نہیں، بلکہ امن مساعی کے لیے کسی ٹھوس قدم پر مہر ثبت کرنے کے لیے جانا چاہتے تھے۔

شاید کم افراد کو معلوم ہے کہ وہ دوبار وہاں گئے ہیں۔ ان کی صاحبزادی دمن سنگھ کے مطابق انہوں نے 1984 میں پاکستان میں منعقد ایشیائی مرکزی بینکوں کے گورنروں کی میٹنگ میں شرکت کی۔

اس سے قبل بھی وہ 1968 میں محبوب الحق سے ملنے گئے تھے۔اس دورہ کے دوران وہ پنجہ صاحب گردوارے گئے، جہاں ان کا نام کرن ہوا تھا۔

اس کے علاوہ راولپنڈی میں وہ اردو کی کچھ کتابیں خریدنے گئے۔ ان کی پگڑی دیکھ کر اور یہ معلوم کر کے کہ وہ ہندوستان سے آئے ہیں، کتاب والوں نے پیسہ لینے سے منع کردیا تھا۔ اس کا وہ ہمیشہ تذکرہ کرتے رہتے تھے۔ لندن میں اپنے ہم جماعت یاسمین اور سہیل لہڑی نے ان کو کراچی آنے کی دعوت دے دی تھی اور ان کو شہر گھمایا۔

یہ بھی بہت کم افراد کے علم میں ہے کہ 1984 میں ریزرو بینک کے گورنر ہونے کے باوجود منموہن سنگھ کو سکھ ہونے کے باعث کرب سے گزرنا پڑا۔ ان کی اہلیہ کی چچا زاد بہن بھی ان افراد میں تھی، جن کو آپریشن بلیو اسٹار کے دوران دربار صاحب سے حراست میں لیا گیا تھا۔

ان پر الزام لگایا گیا تھا کہ انہوں نے فوج پر فائرنگ کی۔ وہ چار پانچ سال جودھ پور جیل میں رہیں۔ ان کی اہلیہ نے کئی بار وزیر داخلہ بوٹا سنگھ سے مداخلت کی اپیل کی۔ ان کی اس بہن کا ایک سال کا بچہ گھر پر ماں کے لیے تڑپتا تھا۔

وہ جب رہا ہوئیں تو ایک آنکھ سے محروم ہو گئی تھیں۔ اندرا گاندھی کی ہلاکت کے بعد جو طوفان بدتمیزی اٹھا، ان کے ایک قریبی رشتہ دار گوپال سنگھ کا دہرا دون میں پٹرول پمپ جلادیا گیا۔ کانپور میں رہنے والے ایک اور رشتہ دار کا گھر اور دکان جلائے گئے۔

خود منموہن سنگھ ریزرو بنک آف انڈیا کے گورنر کے ناطے اندرا گاندھی کو آخری خراج عقیدت پیش کرنے کے لیے بمبئی سے دہلی روانہ ہوئے۔نہرو کے وقت وزیر اعظم کی رہائش گاہ تین مورتی ہاؤس میں اندرا گاندھی کی باقیات پر پھول رکھ کر وہ اشوک وہار اپنے فلیٹ پر پہنچے اور اپنی بڑی بیٹی دہلی یونیورسٹی میں استاد اوپیندر سنگھ اور ان کے شوہر وجے تنخواہ کو بھی گھر پر بلایا۔

رات کو ایک ہجوم گھر کو جلانے کے لیے آگیا۔ مگر وجے نے ان کو قائل کیا کہ یہ گھر ایک سکھ کا تھا، مگر انہوں نے اس کو اب خریدا ہے اور وہ ایک ہندو ہیں۔ حیرت کی بات تھی کہ گھر کے سامنے رہائشی ایک پنڈت جی بھی اس ہجوم کے ساتھ تھے، اور ان کو بتا رہے تھے کہ یہ گھر ایک سکھ کا ہے۔

اس واقعہ کے بعد ان کو تاریکی میں نکال کر ایرپورٹ پہنچادیا گیا، جہاں سے وہ اگلی صبح واپس بمبئی پہنچ گئے۔ریزرو بینک کا صدر دفتر بمبئی میں ہے۔

دمن کے مطابق انتہائی سنجیدہ ہونے کے باوجود منموہن سنگھ میں حس مزاح بھی موجود تھی، جس کا مظاہرہ وہ بسا اوقات پارلیامنٹ میں مخالفیں پر چوٹ کرتے وقت کرتے تھے۔

بہت سے لوگ نہیں جانتے کہ آواز بھی بڑی سریلی تھی، اور وہ ”لگتا نہیں ہے جی میرا’ اور امریتا پریتم کی نظم ‘آکھاں وارث شاہ نوں، کتھوں قبراں وچوں بول“ بڑی ہی پرسوز آواز میں گاتے تھے۔

اردو زبان پر عبور رکھنے کے ساتھ ساتھ وہ اردو ادب اور شاعری کا بھی ستھرا ذوق رکھتے تھے۔ ان کے پاس اقبال، غالب، فیض اور فراق جیسے شاعروں ادبی کا ذخیرہ موجود تھا۔

منموہن سنگھ کی خاموشی، کسر نفسی اور شرافت کو ان کی کمزوری سمجھ کر ان پر خوب وار کیے گئے۔ ان پر کورپشن کے بھی داغ لگائے گئے۔کمپٹرولر اور آڈیٹر جنرل (جن کو بعد میں بی جے پی نے کئی عہدوں سے نوازا) نے ان کو خزانہ عامرہ کو ہوئے تصوراتی نقصانات پر کٹہرے میں لاکر کھڑا کردیا تھا، جن کو برسوں بعد عدالت نے دور پھینک دیا۔

جب ان کے بچپن کے کلاس فیلو راجہ محمد علی دہلی آکر این ایچ پی سی کے گیسٹ ہاوس میں ٹھہرے تھے، تو رگ صحافت پھڑکنے کی وجہ سے میں ایک بار پھر وہاں گیا، تاکہ معلوم کیا جاسکے کہ ان کے ٹھہرنے وغیرہ کا خرچہ کس نے ادا کیا ہے۔ معلوم ہوا کہ ہدایت تھی کہ بل پرائم منسٹر ہاوس یا دفتر بھیجنے کے بجائے براہ راست منموہن سنگھ کو بھیجی جائیں۔ انہوں نے اس کی خود پے منٹ کی تھی۔ سفر کے ٹکٹ کا خرچہ ان کی بڑی صاحبزادی نے اٹھایا تھا۔

منموہن سنگھ ہندوستان کے ایسے سیاست دانوں کی آخری لائن میں تھے، جو پاکستان میں پیدا ہو ئے تھے۔اب ان میں بس لال کرشن اڈوانی بچے ہیں۔

ان کے انتقال سے جو خلا پیدا ہو گیا ہے، اس پر شاد عظیم آباد کے یہ شعر یاد آتے ہیں؛

ڈھونڈوگے اگر ملکوں ملکوں ملنے کے نہیں نایاب ہیں ہم

تعبیر ہے جس کی حسرت و غم، اے ہم نفسو وہ خواب ہیں ہم

لاکھوں ہی مسافر چلتے ہیں منزل پہ پہنچتے ہیں دو ایک

اے اہل زمانہ قدر کرو نایاب نہ ہوں کم یاب ہیں ہم

مرغان قفس کو پھولوں نے اے شادؔ یہ کہلا بھیجا ہے

آ جاؤ جو تم کو آنا ہو ایسے میں ابھی شاداب ہیں ہم

افتخار گیلانی 31/12/2024

ایسا بھی کوئی ہے کہ سب اچھا کہیں جسے

2024-06-04T07:08:00.001-07:00

ایسا بھی کوئی ہے کہ سب اچھا کہیں جسے

غالب کا ایک بہت مشہور مصرع ہے:

ایسا بھی کوئی ہے کہ سب اچھا کہیں جسے

اس مصرع کو گزشتہ ۵۰ برسوں سے ہر اچھا آدمی اور ہر بری حکومت اپنے دفاع میں پیش کرتے آئے ہیں۔

شعر کا اگر پہلا مصرع نہ پڑھا جائے تو پہلی نظر میں یہ مصرع سوالیہ معلوم ہوتا ہے مگر درحقیقت ہے استفہام انکاری۔ اس کا مطلب ہم یہ سمجھے کہ اگر آپ سے پوچھا جائے، کیا آپ نے کوئی ایسا شخص دیکھا ہے جسے سبھی اچھا کہیں تو آپ کے ذہن میں اپنے سوا کسی اور کا نام نہ آئے! اس کا سبب اپنی ذات سے عقیدت کی زیادتی ہوتا ہے۔ اب ذرا دیر کو اس نقیض یعنی الٹ پر بھی غور کیجیے۔ فرض کیجیے میں ورڈلی وزڈم (فراست ارضی) سے لبریز اور بحر سے خارج مصرع اس طرح کہتا:

ایسا بھی کوئی ہے کہ برا جس کو سب کہیں

تو ذہن میں ایسے ایسے اور اتنے سارے نام آئیں گے کہ انھیں لب پہ لاتے ہوئے اپنے معصوم بال بچوں کا خیال آ جائے گا۔ مطلب یہ کہ دوسروں کے بارے میں اچھی بری رائے معلوم کرنے کی خاطر دنیا جہاں سے ’پنگا‘ تھوڑا ہی لینا ہے۔

یہ تو ہوا غالب کے مصرعے کا الٹا سیدھا لیکن مجھے تو اس مصرعے میں استفہام اقرار و استثنائی بھی نظر آتا ہے۔ میں اپنے بائی پاس شدہ دل اور اپنی چاروں کتابوں پر ہاتھ رکھ کر کہہ سکتا ہوں کہ میں نے اپنی زندگی میں … جسے کسی اعتبار سے مختصر نہیں کہا جاسکتا … ایک ایسابھی خدا کا بندہ دیکھا ہے جسے اس کی زندگی میں اور اس کے رخصت ہونے کے بعد بھی کسی نے برا نہیں کہا۔ یہ فوزِ عظیم اور رتبہ بلند جسے ملا اسے سب کچھ مل گیا۔ سید ضمیر جعفری مرحوم و مغفور کو سب نے اچھا اس لیے کہا کہ وہ واقعی اچھے تھے۔ انھوں نے کبھی کسی کا برا نہیں چاہا،کسی کو برا نہیں کہا۔ کسی کے برے میں نہیں تھے اور ایسا کسی مصلحت عافیت بینی یا صلح جوئی کی پالیسی کے تحت نہیں کیا بلکہ انھوں نے سب سے محبت کی جو بے لاگ، بے غرض اور غیر مشروط تھی۔ آپ نے دیکھا ہوگا کہ لوگ ڈنر یا محفل ختم ہو جانے کے بعد بھی اٹھنے کا نام نہیں لیتے۔ انھیں یہ کھٹکا لگا رہتا ہے کہ اگر ہم چلے گئے تو عزیز ترین دوست ہماری غیبت شروع کر دیں گے مگر اللہ کے ایسے بھی منتخب بندے ہیں جن کے نام اور کام کا غلغلہ ان کے دنیا سے رخصت ہوجانے کے بعد اور زیادہ بلند ہوتا ہے۔ ضمیر جعفری انہی نیک نام اور نایاب و عجوبۂ روزگار بندوں میں سے ایک تھے۔

مجھے ان سے قربت، گاڑھی، دوستی یا گستاخانہ بے تکلفی کا دعویٰ نہیں۔ میری نیاز مندی کی مدت کم و بیش 50 برس بنتی ہے۔

یہ نصف صدی کا قصہ ہے

دو چار برس کی بات نہیں

میں نے یہ وضاحت آغازِ گفتگو میں کرنی اس لیے بھی ضرور سمجھی تھی کہ میری ارادت اور تعلق خاطر کی مدت کے تعین کے ساتھ ساتھ سامعین کو میرے سن ِ پیدائش تک پہنچنے میں ذہن پر زیادہ زور نہ دینا پڑے۔ ہماری عمروں میں اتنا زیادہ تفاوت نہیں تھا کہ وہ مجھے ’جیسے رہو لکھتے رہو‘‘ کہہ کر میرے سر پر شفقت سے ہاتھ پھیریں اور نہ یہ فرق اتنا کم تھا کہ میں ان کے ہاتھ یا زانو پہ ہاتھ مار کے یا تین منٹ بعد ان کے چٹخارے وار فقرے کی داد دوں۔ تین منٹ کی وقفہ بندی اس لیے کہ پیر و مرشد کے ملفوظات اور گل افشانی ِ گفتار کی رفتار کا یہی عالم تھا۔

نصف صدی کی طویل مدت بالعموم ایک دوسرے سے بے زار ہونے کے لیے کافی ہوتی ہے اس لیے کہ اتنے عرصے میں سارے عیب و ہنر کھل جاتے ہیں۔ امریکا میں ایک حالیہ سروے سے یہ دل چسپ انکشاف ہوا ہے کہ 50 فی صد جوڑوں کی طلاق شادی کے تین سال کے اندر ہو جاتی ہے۔ اس لیے کہ وہ ایک دوسرے کے مزاج سے اچھی طرح واقف نہیں ہوتے۔ بقیہ 50 فی صد کی طلاق 40 سال بعد ہوتی ہے۔ اس لیے کہ وہ ایک دوسرے کے مزاج سے بہت اچھی طرح واقف ہو جاتے ہیں۔ 50 برس میں دوستانہ تعلق کا وہی حال ہو جاتا ہے جس کی تصویر غالب نے مرزا تفتہ کے نام اپنے خط میں کھینچی ہے۔

لکھتے ہیں: ’’جیسے اچھی جورو برے خاوند کے ساتھ مرنا بھرنا اختیار کرتی ہے۔ میرا تمھارے ساتھ وہ معاملہ ہے۔‘‘ یوں تو غالب کا ہر قول حرفِ آخر کا درجہ رکھتا ہے لیکن مجھے اس میں تھوڑا سا اضافہ کرنے کی اجازت ہو تو عرض کروں گا کہ تعلقات میں مزید پیچیدگی اس وقت پیدا ہوتی ہے جب دونوں فریق ایک دوسرے کو اپنی مظلوم زوجہ تصور کر کے اس کے ساتھ ویسا ہی سلوک کرنے لگتے ہیں مگر ضمیر جعفری کے کیس میں ایسا بجوگ نہیں پڑتا تھا۔ جیسے جیسے وقت گزرتا، ان کے خلوص کی گہرائی اور شفافیت زیادہ واضح اور آشکارا ہوتی جاتی۔ جیسا کہ ابھی عرض کیا، میں نے انھیں کبھی کسی کی برائی، غیبت یا مذمت کرتے نہیں دیکھا۔دوستانہ ملاقاتوں میں کبھی اپنے اشعار سناتے نہیں دیکھا۔ اپنے کسی دکھ، تکلیف، پریشانی یا الجھن کا ذکر کر کے اوروں کو مغموم کرنا انھوں نے نہیں سیکھا تھا۔ ہمیشہ مسکراہٹیں اور خوشیاں ہی خوشیاں بانٹیں۔ اپنے دکھ درد میںکسی کو شریک نہیں کیا۔

جیسے ہی میں یہاں اپنی آمد و فراغت کی اطلاع دیتا، وہ سارے کام چھوڑ چھاڑ کر ہوٹل آ جاتے۔ دیرینہ بے تکلفی و بے تعلق خاطر کے پیش نظر وہ کرنل محمد خاں کو متروک روزمرہ کے مطابق اپنے ساتھ لِوا لاتے۔ دونوں ایک دوسرے کے لیے چقماق کا درجہ رکھتے تھے۔ نئی نسل کے جن پڑھنے والوں نے چقماق نہیں دیکھی، ان کی آسانی کے لیے یہ کہا جاسکتا ہے کہ دونوں ایک دوسرے پر اپنی ماچس رگڑ کر پھلجھڑیاں چھوڑتے۔ پھر بہ قول نظیر اکبرآبادی تماشا دیدنی ہوتا۔

یوں تو ہم کچھ بھی نہ تھے مثل انار و مہتاب

جب ہمیں آگ لگائی تو تماشا نکلا!

شروعات ضمیر جعفری کرتے تھے۔ وہ شوشہ چھوڑنا جانتا تھے اور کرنل محمد خاں اس پر شگوفہ کھلانا جانتے تھے۔ ضمیر جعفری کی چٹکی سے چبھن کے بجائے گدگدی ہوتی تھی۔ ایک دن انھوں نے مجھے ہشکارا کہ آج کل کرنل صاحب اپنی کتاب ’’بجنگ آمد‘‘ میں سے اپنے فیورٹ الفاظ چن چن کر نکال رہے ہیں۔ آج صبح سویرے سے اس میں جٹے ہوئے ہیں۔ آپ گھما پھرا کر پوچھیے گا۔ میں نے کرنل صاحب سے پوچھا تو انھوں نے بتایا کہ کسی کرم فرما نے مجھے مطلع کیا ہے کہ ’’بجنگ آمد‘‘ میں، میں نے لفظ ’’دھڑلے‘‘ 37 مرتبہ استعمال کیا ہے۔ صبح سے میں 25 ’’دھڑلے‘‘ تو نکال چکا ہوں۔

وہ واقعی اتنے ہی نظر آرہے تھے جتنا کہ کوئی بھی معقول اور صحت مند آدمی 25 دھڑلے خوردبین اور چمنی کی مدد سے نکالنے کے بعد لازمی طور پر نڈھال ہو جائے گا۔

اسی طرح جب کرنل صاحب کا سفرنامہ ٔ برطانیہ ’بسلامت روی‘‘ شائع ہوا تو ضمیر بھائی نے مجھ سے کہا کہ اس کے ہر تیسرے صفحے پر ایک نئی حسینہ ایمان، فارن ایکسچینج اور بڑھاپے کی آزمائش کے لیے جلوہ افروز ہوتی ہے۔ حسیناؤں کی مجموعی تعداد ’’دھڑلوں‘‘ سے بھی زیادہ معلوم ہوتی ہے۔ برطانیہ کا نام آتے ہی ان کا وہی حال ہوتا ہے جو غالبؔ کا کلکتے کے ذکر سے ہوتا تھا۔ ایک تیر میرے سینے میں مارا کہ ہائے ہائے! لندن تو ایک طرف رہا، اگر میں کوہاٹ یا ڈیرہ غازی خاں کے سفر کا بھی ذکر کر دوں تو سارا پری خانہ مجھ پر چھوڑ دیتے ہیں۔ وہ نازنیں بتانِ خود آرا کہ ہائے ہائے۔ خیر گزری کہ برطانیہ میں کل تین مہینے ٹھہرے، ورنہ لاکھوں گھر بگڑ جاتے۔

پھر کہنے لگے کہ کرنل صاحب آج کل نئے ایڈیشن کی تیاری کر رہے ہیں۔ آپ ان سے کہیے کہ آپ نے سفرنامے میں میمیں بہت ڈال دی ہیں۔ خدارا، ان کی تعداد چار سے نہ بڑھنے دینا۔

مرزا غالب تو ڈھلتی جوانی میں کلکتہ گئے تھے جب کہ کرنل محمد خاں ریٹائرمنٹ کے بعد بڑھاپے کے گلابی جاڑے میں میموں کی زیارت کرنے کے لیے نکلے۔ بڑی ہمت اور حوصلے والے تھے، ورنہ اس مرحلۂ عمر میں بعضا بعضا تو ڈھنگ سے ہائے ہائے کرنے کے لائق بھی نہیں رہتا۔

سہ پہر کو کرنل صاحب سے ضمیر بھائی اور بریگیڈیر صدیق سالک کی موجودگی میں ملاقات ہوئی تو میں نے جی کڑا کر کے عرض کیا۔ ’’کرنل صاحب! کتاب میں نازنینوں کی تعداد آپ کی ذاتی ضرورت سے زیادہ ہے۔ آخر کو مقامی انگریزوں کا بھی حق شفعہ بنتا ہے! نئے ایڈیشن میں تعداد کم از کم نصف کر دیجیے۔‘‘ بولے ’’مجھے خود بھی احساس ہے مگر کیا کروں، جس کو بھی نکالتا ہوں، وہ روتی بہت ہے۔‘‘

پنڈی اور اسلام آباد کی صحبتوں کو بریگیڈیر صدیق سالک بھی ایک زمانے میں باقاعدہ بے قاعدگی سے رونق بخشتے تھے۔ پھر وہ جنرل ضیاء الحق کی تقریریں لکھنے پر مامور ہو گئے اور ہمیں صبر آگیا۔ ایک دن ضمیر جعفری نے وضاحت کی کہ صدیق سالک جنرل صاحب کی تقریروں میں مزاح اس طرح ڈالتا ہے جیسے کرنل محمد خاں نے اپنے سفرنامے میں میمیں ڈالی تھیں۔

ہمیں یہ جان کر خوشی ہوئی کہ جنرل صاحب بھی مزاح کے اثر اور رکاوٹ کے قائل ہوتے جا رہے ہیں۔

مزاحِ مرد مومن سے بدل جاتی ہیں تقدیریں

ایک مرتبہ میرے پر اشتیاق بلاوے پر ضمیر بھائی کو آنے میں دیر ہو گئی۔ میں نے دبے الفاظ میں کرب انتظار کی شکایت کی تو بولے، ہوئی تاخیر تو کچھ باعث ِ تاخیر بھی تھا۔ معلوم ہوا کہ باعث ِ تاخیر وہ اپنے سن ِ پیدائش کو گردانتے ہیں۔ یہ تو نہیں کہا کہ میں بوڑھا ہو گیا ہوں۔ بس اتنی اطلاع دی کہ اب میں جوان نہیں رہا۔ میں نے کہا آپ Understatement سے کام لے رہے ہیں۔ بولے بڑھاپے میں یہ بھی مزہ دیتا ہے۔ میں نے پوچھا ضمیر بھائی! کبھی ڈاڑھی رکھنے کا خیال آتا ہے؟ بولے،کیوں نہیں۔ دشمنوں نے کئی مرتبہ Suggest کیا ہے۔ مگر میں پہلے ہی بہت Overweight ہوں۔ میرے گھٹنے مزید بوجھ نہیں اٹھا سکیں گے۔ اس پر میں نے انھیں تازہ لطیفہ سنایا جو انگریزی محاورے کے مطابق مجھ تک Horse' Mouth سے براہِ راست پہنچا تھا۔ ہوا یہ کہ ہمارے کرم فرما میجر ابن الحسن نے جو بہت اچھے ادیب، شگفتہ کالم نگار اور بذلہ سنج تھے، اچانک ڈاڑھی رکھ لی۔ ان کی ملاقات شاہ احمد نورانی سے ہوئی تو مولانا نے پوچھا ’’ڈاڑھی رکھنے کے بعد آپ کیا فرق محسوس کرتے ہیں؟‘‘ میجر ابن الحسن نے جواب دیا ’’روحانی اعتبار سے کوئی فرق محسوس نہیں ہوتا، لیکن بھوک بہت لگنے لگی ہے۔‘‘

اس مضمون کے سلسلے میں ضمیر جعفری سے نصف صدی قبل ابتدائے شوق کی لمبی ملاقاتوں اور صحبتوں کی یادوں اور باتوں کو ذہن میں تازہ کرنے بیٹھا تو عجیب کیفیت سے دوچار ہوا جس کا قطعاً اندازہ یا اندیشہ نہیں تھا۔

ہم آج بیٹھے ہیں ترتیب دینے دفتر کو

ورق جب اس کا اڑا لے گئی ہوا ایک ایک

پھر خیال آیا کہ پورٹریٹ نہ سہی، عکس ِ رخ یار سے پس منظر بھی تو دمک اٹھتا ہے، تو پھر ایام رفتہ اور ان بزم آرائیوں کی ایک ہلکی سی جھلک کیوں نہ دکھا دوں جب پہلے پہل ان سے کراچی میں ملاقات ہوئی۔

میں آج مر کے بھی بزم ِ وفا میں زندہ ہوں

تلاش کر مری محفل مرا مزار نہ پوچھ

جہاں تک میرا حافظہ کام کرتا ہے اور میرا حافظہ بہت دور تک کام کرتا ہے۔ صرف قریب کی باتوں اور واقعات کو یاد رکھنے سے انکاری ہے تو جہاں تک یاد پڑتا ہے۔ ضمیر بھائی سے میرا تعارف 1951 کے اواخر میں نہایت عزیز دوست میاں فضل حسن مرحوم کے توسل سے ہوا۔ فضل صاحب شعر و ادب، شکار اور موسیقی کے رسیا تھے۔ جامع الحیثیات شخصیت، کئی ہزار کتابوں اور ایک مل کے مالک تھے۔ شاعروں اور ادیبوں کو اس طرح جمع کرتے تھے جیسے بچے ڈاک کے استعمال شدہ ٹکٹ یا خارج المیعاد یعنی پرانے سکے جمع کرتے ہیں۔ وہ ہر اتوار کو سات آٹھ شاعروں کو گھیر گھار کر گارڈن ایسٹ میں اپنے دولت کدے پر لاتے جہاں ایک بجے تک گپ اور لنچ کے بعد مشاعرے کا رنگ جمتا۔ لنچ کا ذکر اس لیے بھی کرنا پڑا کہ من جملہ دیگر لذائذ کے دستر خوان پر چنیوٹ کا اچار بھی ہوتا تھا جس میں مجھ سے فرق ناشناس کو بس اتنا ہی فرق معلوم ہوتا تھا کہ زیادہ کھٹا ہوتا ہے اور سرسوں کے تیل میں اٹھایا جاتا ہے جس کی بو مجھے اچھی نہیں لگتی۔ فضل صاحب کہتے تھے جس کیری پہ چنیوٹ کا طوطا بیٹھ جائے وہ بڑی جلدی پکتی اور گدر ہوتی ہے۔ مرزا کہتے ہیں کہ طوطا اگر انڈسٹری پہ بیٹھ جائے تو وہ بھی خوب پھل دیتی ہے۔ ہمارے ناپسندیدہ تیل کے بارے میں ان کا خیال تھا کہ اس میں الھڑ مٹیاروں کے ہاتھوں کی مست مہک آتی ہے جو سنہرے کھیتوں میں سرسوں چنتی ہیں! ہمیں آج بھی اس تیل کا اچار کھانا پڑا تو یہ سمجھ کے کھاتے ہیں گویا سنہرے کھیتوں میں مذکورہ بالا ہاتھوں سے مصافحہ کر رہے ہیں۔

ان کے ہاں بھینس کا گھی بھی چنیوٹ سے آتا تھا جس کے مخصوص خواص شاہی حکیموں کے نسخوں سے کشید کیے گئے تھے۔ چنیوٹ کی جس بھینس کے گھی میں سالن بنتا تھا، وہ ’’پہلن‘‘ بتائی جاتی تھی یعنی پہلی بار بیاہی ہوئی۔ اس نہلے پر ایک مرتبہ ضمیر صاحب نے یہ دہلا لگایا کہ میں تو صبح ناکتخدا یعنی کنواری بھینس کا مکھن توس پر لگا کر کھاتا ہوں۔ اس دعوے کے ثبوت میں اتنا تن و توش پیش کیا جو ہم جیسے بناسپتی خوروں کے برابر تھا۔ مولانا ماہرالقادری کسی ایسے میزبان کی دعوت قبول نہیں کرتے تھے جس کے گھر میں کھانا بناسپتی گھی میں پکتا ہو یا جہاں فرش پر بیٹھ کر کھانا پڑے۔ میرے یہاں دونوں فقیرانہ قباحتیں تھیں۔ چناں چہ کبھی ان کو مدعو کرنے ہمت نہ پڑی۔ فرماتے تھے، کبھی کوئی دھوکے سے بناسپتی گھی میں بنے سالن کا ایک لقمہ بھی کھلا دے تو دوسرے دن پتا چل جاتا ہے۔ لاکھ سر ماروں مصرع موزوں نہیں ہوتا۔ شعر میں کبھی سکتہ پڑتا ہے اور کبھی شتر گربہ ہو جاتا ہے۔ طبیعت میں انشراح کے بجائے قبض محسوس ہوتا ہے۔ شعر رک رک کر آتا ہے۔ فرش پر دستر خوان بچھا کر کھانے کے بارے میں مولانا فرماتے تھے کہ اس طرح بیٹھ کر کھانے سے دائرۂ شکم پچک جاتا ہے اور اشتہا اور معدے کا مکعب انچ (Cubic Inch) رقبہ آدھا رہ جاتا ہے۔ ضمیر جعفری خوش خوراک ضرور تھے مگر رئیسانہ نفاستوں اور نخروں سے دور رہتے تھے۔فرشی نشست انھیں بھی پسند نہیں تھی مگر وجہ دوسری تھی۔ (باقی آئندہ)

تشنہ لب را تشنہ تر کردن روا ست

(تشنہ لب کو تشنہ تر کرنا روا ہے)

جو شعرائے کرام ان ہفتہ وار محفلوں میں شریک ہوتے یا کھینچ بلائے جاتے،ان میں سید ضمیر جعفری ، سید محمد جعفری، ظریف جبل پوری، ادیب سہارن پوری، ماہرالقادری، اقبال صفی پوری اور بہزاد لکھنوی نمایاں تھے۔ یوں تو عندلیب شادانی، مجنوں گورکھ پوری ، نشور واحدی بھی دو تین بار ان محفلوں کو رونق بخش چکے تھے۔ ہانکا کرنے والوں میں سید محمد جعفری، مسرت علی صدیقی اور راقم الحروف پیش پیش تھے۔ جو ملاقات آٹھ نو گھنٹے سے کم دورانیہ کی ہو، فضل صاحب اس کا شمار حادثاتی مڈبھیڑ میں کرتے تھے۔ کچھ شاعر اس لیے کتراتے تھے اور ضمیر جعفری ان میں سے ایک تھے۔ وہ کہتے تھے کہ لذیذ غذا کے بعد ہزار بار سنی ہوئی غزلوں سے ہاضمے پر بہت برا اثر پڑتا مگر نیند اچھی آتی ہے۔ دوسری وجہ جو انھوں نے بتائی وہ یہ تھی کہ ان دنوں ان کے پاس حفیظ جالندھری مقیم تھے جو اپنی بیوی کے ساتھ یک جائی اور ضمیر سے ایک گھنٹے کی بھی جدائی برداشت نہیں کرتے تھے۔ متروک سے محاورے کے مطابق صاحب ِ خانہ لنچ پر جو سونے کا نوالہ کھلاتے، اسے اسی جگہ بٹھا کر ذاتی نگرانی میں ہضم کرواتے تھے۔ بات صرف اتنی تھی کہ میاں فضل حسن خوش باش اور محفل باز آدمی تھے اور اپنی صحبت زیادہ دیر تک برداشت نہیں کرسکتے تھے۔ ضمیر لنچ سے پہلے اٹھ جاتے یا سہ پہر کو کھڑے کھڑے آتے۔ صبح 9 بجے کے پکڑے ہوئے شاعر کو شام چھ بجے سے پہلے رہائی نصیب نہیں ہوتی تھی اور شام کو بھی محض اس لیے کہ میاں فضل حسن کے والد گرامی حاجی احمد حسن صاحب غروب آفتاب کے بعد شعر سننے کو مکروہ اور منحوس تصور کرتے تھے۔ بیٹے سے فرماتے تے کہ اگر ایسا ہی شوق ہے تو مشتاق صاحب کے گھر ان کو لے جا کر باقی ماندہ خرافات سن لو۔ ترنم سے شعر سننے کو بد چلنی کا مترنم آغاز سمجھتے تھے۔ خراب شعر اور خراب ترنم کو قدر کی نگاہ سے دیکھتے تھے۔ ان کا خیال تھا کہ ایسی شاعری اور ترنم سے طبیعت میں اشتعال پیدا نہیں ہوتا۔ گھر پر محفل موسیقی کے سخت خلاف تھے۔ اس زمانے میں دوالے کے بعد جب کسی کا گھر قرق یا نیلام ہوتا تھا تو عدالت کا بیلف اس گھر کے سامنے ڈھول بجوا کر دوالے اور نیلامی کا اعلان کرتا تھا۔ حاجی صاحب فرماتے تھے کہ جس گھر میں طبلے پر تھاپ پڑا یا ٹھیکا لگا اس کے سامنے نیلامی کا ڈھول بجے ہی بجے۔ اپنے بیٹے سے کہتے تھے کہ تمھیں فریدہ خانم کا گانا سننا ہے تو مشتاق صاحب کے یہاں شوق سے طبلہ سارنگی بجواؤ۔ دن میں دھوتی تہمد اور رات کو شلوار پہننے کے خلاف معلوم ہوتے تھے۔ انگریزی فلم دیکھنے کو وہ نری بدمعاشی گردانتے تھے۔ لہٰذا جب سنچرے کو بیٹا انگلش فلم کا میٹنی شو دیکھنے جاتا تو قبلہ خود ساتھ جاتے اور ذاتی نگرانی میں مخرب اخلاق فلم ملاحظہ کرواتے۔ میں اور محمد جعفری باری باری باپ اور بیٹے کے درمیان حد ِ ادب بن کر بیٹھتے۔ ہم دونوں کا کام پدر و پسر کے درمیان ایک پردے کا سا تھا اور پردہ بھی وہ جسے اس زمانے میں کانا پردہ کہتے تھے یعنی صاف چھپتے بھی نہیں سامنے آتے بھی نہیں۔ جیسے اسکرین پر کوئی ایسا ویسا سین آتا تو پہلے قبلہ اپنے صاحبزادے کی طرف دیکھتے، پھر ہماری طرف دیکھتے کہ عینک کے پیچھے ہماری آنکھیں کھلی ہیں یا فرط لذت سے بند ہو گئی ہیں۔ وہ بھی صاحب کمال بزرگ تھے۔ ان کی آنکھ Three Dimensional تھی۔ مطلب یہ کہ وہ بیک وقت خود وہ سین دیکھتے، کن انکھیوں سے بیٹے کو دیکھتے اور ہماری بد نظری پر بھی نظر رکھتے۔ کسی ایکٹریس کا نیم برہنہ لباس میں کلوز اپ آتا تو صاحبزادے سے کوئی اہم کاروباری سوال پوچھنے لگتے مثلاً آج جو ڈیڑھ سو روئی کی گٹھریاں خریدی ہیں، انھیں ترپال سے ڈھک دیا ہے کہ نہیں۔ ان پر غصہ اس لیے اور زیادہ آتا تھا کہ اس روٹی کی ایک بھی گٹھری نہیں خریدی گئی تھی اور گزشتہ 100 برس سے اس مہینے میں کبھی بارش نہیں ہوئی تھی اور یہ دونوں باتیں قبلہ کے علم میں تھیں! انھیں انگریزی نہیں آتی تھی۔ نظر انگریزی سے بھی زیادہ کم زور تھی! جیسے ہی اسکرین پر کوئی عورت نظر آتی تو ہم سے پوچھتے ’’مشاق صاحب اس کی کیا عمر ہو گی؟‘‘ ہم دس بارہ برس کم کر کے بتاتے تو اکثر فرماتے کہ امریکن لڑکے لڑکیاں اتاولے باؤلے ہوتے ہیں۔ روزے فرض ہونے کی عمر سے پہلے ہی بدمعاشی شروع کر دیتے ہیں۔

امریکن مستورات شوہر کے مرنے کا انتظار نہیں کرتیں! ایک مرتبہ اسکرین پر ایک انتہائی جذباتی سین آیا۔ بوس و کنار ہوا چاہتا تھا۔ حاجی صاحب نے میرا جلتا ہوا ہاتھ اپنے کانپتے ہاتھ میں لے کر پوچھا ’’یہ زنانی اتنی پریشان اور بے قرار کیوں ہے؟‘‘ میں نے کہا ’’محبت ہو گئی ہے‘‘ بولے ’’تو پھر نکاح کیوں نہیں کر لیتی؟‘‘

جو مقامات آہ و فغاں میں اپنی ناقص اردو حاجی صاحب کو نہیں سمجھا پاتا تھا وہ محمد جعفری ٹھیٹ پنجابی میں ذہن نشین کرا دیتے تھے۔ وہ پنجابی اور فارسی بہت روانی سے کھرے اور کرارے لہجے میں بولتے تھے۔

ضمیر جعفری کہتے تھے کہ جتنی دیر آپ حضرات فلم دیکھ کر بنانے والے پر لعنت بھیجتے ہیں اتنی دیر میں تو آدمی پنڈی سے مری اور مری سے نتھیا گلی جاسکتا ہے۔ مغز ملی نہاری کھا کر 3گھنٹے سو سکتا ہے۔کسی دوست کا سچا خاکہ لکھ کر اسے ہمیشہ کیلیے گنوا سکتا اور اسی قسم کے بہت سے مفید کام کرسکتا ہے۔

لیکن صرف فلم دیکھنے سے کس روسیاہ کو غرض تھی۔ اس زمانے میں ایرکنڈیشننگ عام نہیں تھی۔ صرف ہسپتالوں کے آپریشن تھیٹرز ایر کنڈیشنڈ ہوتے تھے لیکن اس سے مستفید ہونے کے لیے پہلے بے ہوش ہونا ضروری تھا البتہ سینما ہال میں یہ شرط نہیں تھی۔ لہٰذا رمضان کے مہینے میں کوئی فلم قضا نہیں ہوتی تھی۔ اس عمل کو روزہ بہلانا کہتے تھے۔ ضمیر جعفری کہتے تھے کہ آپ لوگ فلم کو چسنی کی طرح استعمال کرتے ہیں، جب کہ محمد جعفری فرماتے تھے کہ ایسے ویسے سین کے بعد اگر تین مرتبہ قرأت سے لاحول پڑھ لی جائے تو معافی و مغفرت کی صورت پیدا ہوسکتی ہے۔ وہ بڑا غفور الرحیم ہے۔

حاجی صاحب سرد و گرم چشیدہ اور جہاں دیدہ بزرگ تھے۔ اپنے بیٹے کے دوستوں پر کڑی نظر رکھتے تھے۔ عاجز کو بہت پسندیدگی کی نظر سے دیکھتے تھے۔ اس لیے کہ میری قلیل تنخواہ، خراب صحت اور 120 پاونڈ وزن کو بد چلنی کے لیے نااہلی کا سرٹیفکیٹ تصور کرتے تھے۔ بیٹے کو نصیحت کی تھی کہ جو شخص بہت اچھے کپڑے بہن کر یا دھوپ کا چشمہ لگا کر آئے اسے ادھار مال ہر گز نہ بیچو۔ اسی طرح جو شخص تم سے بلا وجہ بہت اخلاق و انکسار سے پیش آئے اس سے ہوشیار رہو۔ وہ ایک نہ ایک دن تم سے قرض ضرور مانگے گا۔ ضمیر بھائی سے ان کی خوب بنتی تھی۔ اس کی کئی وجہیں تھیں۔ ضمیر سگریٹ نہیں پیتے اور زیادہ دیر نہیں بیٹھتے تھے۔ جہلم کے تھے۔ وہی جہلم جہاں کے لوگ بہ قول ان کے خدا کے تصور کے لیے تھانے دار کو دیکھتے ہیں۔ حاجی صاحب جہلم کو چنیوٹ خورد گردانتے اور ضمیر جعفری سے خوردوں کا سا برتاؤ کرتے۔

ضمیر جعفری ، حاجی صاحب کو اپنے بزرگ حضرت میاں محمد بخش کے پنجابی اشعار ترنم سے سناتے ۔ وہ یعنی حاجی صاحب ضمیر جعفری کی ’’لکڑی کی ہٹ‘‘ اور محمد جعفری کی ’’بھنگیوں کی ہڑتال‘‘ بڑے شوق سے سنتے۔ اکثر فرماتے کہ ایسی شاعری میں کوئی حرج نہیں۔ نقصان نہیں پہنچاتی۔ ان کے صاحبزادے میاں فضل حسن بھی ہومیو پیتھک دوائیں محض اس لیے کھاتے تھے کہ نقصان نہیں پہنچاتیں! اس کی تصدیق تو ہم بھی کریں گے کہ مرض کے جراثیم کو نقصان نہیں پہنچاتیں۔ ضمیر جعفری ان سے لطیفے نہیں سنتے تھے۔ انھیں بات میں بات نکالنے کا فن آتا تھا۔ ان سے مل کر آپ کو اپنی اور ان کی عمر کا احساس نہیں ہوتا تھا۔ وہ ہر ایک سے جھک کر ملتے مگر بچکتے کسی سے نہیں تھے۔ وہ پہلے فوجی تھی جس نے اپنی درویشی چھپانے کے لیے یونی فارم پہنی۔

جس دن مولانا ماہرالقادری ، ضمیر جعفری اور محمد جعفری یک جا ہوں تو کمرے کی ہر دیوار و دیوار قہقہہ بن جاتی۔ شعر و شاعری ملتوی، نوک جھونک، فقرے بازی اور قہقہوں کے سوا کچھ نہ سنائی دیتا۔ بعض اوقات مولانا کو اپنا مذاق اڑوانے اور چاند ماری کا ہدف بننے میں بھی مزہ آتا تھا اور ادبدا کراس کا مواد و جواز خود مہیا کرتے۔ شاید یہ بھی اللہ کے بندوں کا دل شاد کرنے کی ایک صورت نکالی تھی۔ اتوار کے دن مولانا لباس کے معاملے میں لاپروا نظر آتے تھے۔ ہفتے کے بقیہ دنوں کے بارے میں کچھ عرض نہیں کرسکتا۔ اس لیے کہ ان دنوں ان سے صرف اتوار ی کو ملاقات ہوتی تھی (وہ مجھے بھری محفل میں دو مرتبہ ٹوک چکے تھے کہ لاپروا غلط ہے صحیح بے پروا ہے مگر مجھے تو آج بھی بے پروا میں وہ لاپروائی والی شان اور بے ڈھنگا پن نظر آتا تھا) گرمیوں میں مولانا ململ کے مسلے کرتے اور پاجامے میں بھی با رعب نظر آتے تھے۔ ازار بند اکثر لٹکا رہتا اور کرتے کے نیچے صاف نظر آتا۔ ایک مرتبہ ضمیر جعفری نے ٹوکا تو فرمایا ’’گرہ تو مضبوط ہے‘‘ ضمیر بولے ’’آپ کے عقیدے کی طرح…!‘‘

سینۂ شمشیر سے باہر ہے دم ِ شمشیر کا

ایک دن مولانا ذرا تاخیر سے آئے تو گھبرائے، گھبرائیے سیدھے باتھ روم گئے۔ وہاں سے قہقہے لگاتے لوٹے۔ کہنے لگے کہ بس میں کوئی سیٹ خالی نہیں تھی۔ لہٰذا میں بس کے دروازے کے پاس ہی کھڑا رہ گیا۔ اتنے میں ایک بڑے میاں بس میں چڑھنے لگے۔ اب اسے اتفاق کہیے یا وضعداری، میرا کمربند حسب معمول نیفے سے باہر لٹکا ہوا تھا۔ یہ سراسر میرا نجی معاملہ تھا۔ کچھ دیر تو وہ بڑے میاں بس کا ڈنڈا اور سہارا ڈھونڈتے رہے۔ پھر میرے ازار بند کا کلیدی سرا پکڑ کے پوری طاقت سے اوپر چڑھے۔ گرہ پہلے ہی جھٹکے میں کھل گئی۔ پبلک یا بازار میں کھڑے ہو کر کھانا یا ازار بند باندھنا ہمارے ہاں شرفاء میں خلاف تہذیب سمجھا جاتا ہے لہٰذا میں ازار بند کے دونوں سروں کو دونوں ہاتھوں میں مرغی کی طرح دبوچے کھڑا رہا۔ بس اسٹانڈ سے فضل صاحب کے گھر تک وہ اسی دبوچواں پوز میں تشریف لائے تھے۔

ضمیر جعفری مولانا کے ازار بند کو فریادیوں کے لیے عدل جہانگیری کی زنجیر اور بس کے بوڑھے مسافروں کے لیے عصائے پیری کہتے تھے۔

محمد جعفری کہتے تھے کہ صاحبو، میں نے تو اس واقعے سے ایسی عبرت پکڑی کہ دوسرے دن سے ململ کا ٹرانسپیرنٹ کرتا پہننا چھوڑ دیا۔ بس میں بوڑھے مسافروں کو اپنے ازار بند کے نزدیک نہیں آنے دیتا۔

ضمیر جعفری جس انداز سے اپنے چاہنے والوں سے ملتے تھے، اسے خلوص یا تپاک کہنا کسر بیانی (Understatement) ہو گا۔ ان کی چھلکتی ہمکتی گرم جوشی اس سے آگے کی چیز تھی۔ ٹیلی فون پر بھی ایسا محسوس ہوتا تھا جیسے ’’جچھی‘‘ ڈال دی ہے اور اپنے 50 انچ چوڑے سینے سے علیٰحدہ نہیں ہونے دیں گے۔ جیسے ہی وہ فون اٹھاتے اور میں کہتا۔ میں یوسفی بول رہا ہوں، تو وہ نہ السلام علیکم کہتے، نہ آداب۔ مزاج پوچھتے نہ حال احوال۔ بلکہ مجھے بھی اتنا موقع نہ دیتے کہ یہ مراسم ادا کرسکوں۔ فون پر بس ایک ایک لفظی نعرہ مستانہ ساسنائی دیتا۔ ’’جناب‘‘ نہ میں نے کسی اور کو اس طرح لفظ ’’جناب‘‘ میں اپنی ساری شخصیت اور پیار کو سموتے سنا، نہ میں ان کے ’’جناب‘‘ کی نقل کرسکتا ہوں۔ ممکن ہے ان کے چھوٹے صاحبزادے جو اپنے ابا کے دلآویز اور گونجیلے ترنم کی بڑی اچھی نقل کرتے ہیں، ان کے ’’جناب‘‘ کی گونج اور گمک بھی سناسکیں۔

وہ ’’جناب‘‘ کے ناکو اپنی مخصوص لے میں اتنا کھینچتے کہ راگ دلار کا الاپ معلوم ہوتا۔ کیسے بتاؤں کہ وہ اس سمپورن الاپ میں کیا کیا سمودیتے تھے۔

’’کیسے ہیں آپ؟ اتنے دن کہاں انڈر گراونڈ رہے؟ تری آواز مکے اور مدینے۔ آج ہماری تو عید ہو گئی۔ میں اچھا ہوں جیسا کہ آپ نے میری آواز سے اندازہ کر لیا ہو گا۔ آپ کے ’’ہیلو‘‘ سے نقاہت ٹپک رہی تھی۔ صحت کا خیال نہیں رکھتے۔‘‘

مختصر یہ کہ اس ایک ’’جناب‘‘ میں انتظار و اشتیاق ملاقات، طبیعت کی چونچالی، ڈھیروں پیار اور دو طرفہ خیر و عافیت سبھی کچھ آ جاتا تھا۔

ان کا جناب اگر ان کے خلوص و محبت کی صوتی شکل تھی تو ان کے مصافحے اور بغل گیری کو شکنجہ ٔ شفقت و شیفتگی کہا جاسکتا ہے۔ لیکن پستہ قد لوگوں سے معانقہ کرنے سے بالعموم گریز کرتے، اس لیے کہ اس میں انہیں کافی جھکنا اور دوسروں کو پنجوں کے بل کھڑا ہونا پڑتا تھا۔ پیر و مرشد کی اس ادائے خاص کا قدرے تفصیل سے اس لیے بھی ذکر کرنا پڑا کہ مصافحے کے انداز سے لوگوں کے انکسار، تمکنت و رعونت، ملنساری اور Snobbery کا اندازہ ہو جاتا ہے۔ میں ایک ایسے بڑے افسر سے واقف ہوں جو ایک زمانے میں میرے فدویانہ خلوص میں لتھڑے ہوئے ہاتھ کو مصافحہ کے لیے اپنی انگشت ِ شہادت کی پہلی پور سے اس طرح چھوتے تھے جیسے ٹب میں انگلی ڈال کر کھولتے پانی کا ٹمپریچر دریافت کر رہے ہوں، نہاؤں کہ نہ نہاؤں؟ اب انہیں بھی ریٹائرڈ ہوئے 14 برس ہو گئے۔ کبھی ملتے ہیں تو خود بڑھ کر بڑی گرم جوشی سے بغل گیر ہوتے ہیں۔

اگر آپ کسی بڑے سرکاری Reception میں ایک کونے میں کھڑے ہو کر صرف یہ دیکھتے چلے جائیں کہ مایا سے مایا کر کر لمبے ہاتھ کیسے مل رہی ہے۔ کون کس سے کس طرح ہاتھ ملا رہا ہے تو آپ کو کھڑے کھڑے پتہ چل جائے گا کہ کون صاحب اختیار و اقتدار ہے۔ کون اہل غرض اور حاجت مند ہے۔ کس کی کورکس سے دبتی ہے۔ کس کی گڈی چڑھتی ہے اور وہ جو شامیانے سے باہر قنات کے بانس کا سہارا لیے کھڑا ہے، وہ پرسوں ہی او ایس ڈی بنایا گیا ہے۔

مجھے یقین ہے کہ جب کار جہاں تمام ہو گا اور عالم بالا میں ان سے ملاقات ہو گی تو وہ اسی روح کو گرما دینے والے نعرے سے خیرمقدم کریں گے۔ جناب! جنت تو ادھر ہے۔ آپ دوسری طرف کیوں جا رہے ہیں؟

ممتاز حسن مرحوم جب بھی اسلام آباد جاتے تو ضمیر جعفری اور Limerick والے نذیر احمد شیخ کے ساتھ ایک بے تکلف اور پر لطف شام ضرور گزارتے۔ ’’راندے وو‘‘ اگر واہ کینٹ ہوتا تو ممتاز حسن صاحب فرمائش کر کے دال پکواتے جسے دری پر دسترخوان بچھا کر نوش کیا جاتا۔ ضمیر جعفری نے ایک ڈنر میں میرا تعارف شیخ صاحب سے کرایا۔ وہاں انہوں نے اپنی مشہور لمرک ’’ارتقائے زبان‘‘ سنائی۔ آپ بھی سنئے۔

بس گئے پنجاب میں روئی کو روں کہنے لگے

دلبران لکھنؤ اوئی کواوں کہنے لگے

آج کل رنگِ زباں کچھ اور ہے

شوخی و حسن بیاں کچھ اور ہے

آپ کو تم، تم کو تو اور تو کو توں کہنے لگے

اسلام آباد میں ایسی ہی ایک صحبت میں ممتاز حسن صاحب نے اپنے دوست پنڈت ہری چند اختر کا ایک شعر سنایا۔

خدا تو خیرمسلماں تھا، اس سے کیا شکوہ

مرے لیے مرے پرماتما سے کچھ نہ ہوا

دورانِ گفتگو ضمیر جعفری نے بیان کیا کہ پنڈت ہری چند کی کسی سے ملاقات ہوتی تو کبھی آداب عرض، مزاج شریف، مزاج عالی، کیسی طبیعت ہے یا کیسے ہو؟ نہیں کہتے تھے، اس کے بجائے چھوٹتے ہی پوچھتے تھے، کیا تکلیف ہے؟ ان کی دیکھا دیکھی ان کے مداحین و مقربین بھی مزاج شریف کے بجائے کیا تکلیف ہے؟ کہنے لگے۔

ہمیں یہ انداز پرسش حال کہیں زیادہ سچا، ہمدردانہ و حقیقت پسندانہ اور ڈائریکٹ لگتا ہے۔ اس کی تہہ میں صداقت پر مبنی یہ مفروضہ ہے کہ اگلے کو تکلیف تو یقیناً ہے۔ صرف اس کی نوعیت معلوم کرنی مقصود ہے۔

ہمارا بس چلے تو مزاج شریف اور کیسی طبیعت ہے؟ کے بجائے کیا تکلیف ہے؟ کو National for of salvation ordinance کے ذریعے کم از کم 90 دن کے لیے قانوناً لازمی قرار دے دیں۔ پچھلے تیس ، چالیس برسوں میں ہمارا جو احوال ہوا، اس کی پرسش اور مداوا کے لیے اس سے بہتر حال پرسی کا کوئی فقرہ نہیں ہوسکتا۔ ٹریجڈی یہ ہے کہ بنی نوع انسان کے مصائب کی تمام تر ذمہ داری انسان پر ہی عائد ہوتی ہے جو آپ اپنا مسبب المصائب ہے!

کچھ عرصے بعد میں نے اس تجویز کا ذکر ضمیر جعفری سے کیا تو اپنے مخصوص انداز میں ’’اوہوہو‘‘ کہنے کے بعد فرمایا کہ Ordinance کے Sub Section 5.C میں یہ شرط لگادی جائے کہ جواب میں کوئی شخص ایک سے زیادہ تکلیف بیان نہ کرے ورنہ دونوں ایک دوسرے کا ہاتھ ہاتھ میں لیے گھنٹوں کھڑے تکلیفیں گنواتے رہیں گے۔

ان کی انسان دوستی، محبت، رواداری اور درگزر ایک ایک سطر سے جھلکتی ہے۔ یہ امر قابل غور ہے کہ خاکوں پر مشتمل ان کی پانچ کتابیں ہیں جن میں کم و بیش 50 خاکے ہیں۔ شخصیت کا کوئی تضاد اور بوالعجبی، معاشرے کی ناہمواری اور کردار کی مضحک پہلوان کی نظر سے نہیں بچتا۔ لیکن وہ تصویر بناتے وقت سیاہ رنگ استعمال نہیں کرتے۔ بلکہ دھیمے، گاتے، گنگناتے، پیسٹل رنگوں سے پورٹریٹ بناتے ہیں۔ باس اور ماتحت کا رشتہ بہت پیچیدہ ، اکثر ناہموار اور بعض اوقات صبر آزما اور بہت جلد آگ پکڑنے والا ہوتا ہے۔ جس کے لیے بالعموم Love Hate Relationship کی اصطلاح استعمال کی جاتی ہے۔ یعنی پیار، پھٹکار، لاچاری و ناچاقی کا ناتا ہوتا ہے۔ ضمیر جعفری کا اوج کمال، وسیع القلبی اور حسِ مزاح کا شاہکار دیکھنا ہو تو ’’حفیظ نامچہ‘‘ پڑھئیے۔ اردو ادب میں اگر کسی کو Boswell یا Pepys کہا جاسکتا ہے تو وہ صرف اور صرف ضمیر جعفری ہیں۔ انہوں نے حفیظ جالندھری کو اپنی تمام دل آویز کم زوریوں کے ساتھ نظروں کے سامنے لا کھڑا کیا ہے۔ یہی اعجازِ مسیحا ’’سنگاپور کا میجر حسرت‘‘ والے چہچہاتے خاکے میں نظر آتا ہے۔ میں ان کے انداز بیان کو Tongue in the cheek تو نہیں کہوں گا کہ اس میں طعن کا شائبہ محسوس ہوتا ہے۔ ان کا قلب بین السطور مسکراتا رہتا ہے۔

یہ صحیح ہے کہ ان کے ہاں پولیٹیکل کمنٹ نہیں ملتا اور اس کی ضرورت بھی نہیں تھی۔وہ کہنے کی سب باتیں ہنسی ہنسی میں کہہ جاتے ہیں۔ یوں بھی اردو غزل کی سب سے بڑی خوبی یہ ہے کہ حکومت میں، میرا مطلب ہے ہر حکومت میں، جتنی بھی خوبیاں اور خرابیاں پائی جاتی ہیں وہ سب کی سب اردو غزل کے معشوق سے مستعار لی گئی ہیں؟ مثلاً دوست، دشمن میں تمیز نہ کرنا، خیرخواہوں سے دور رہنا، ملاقات سے ڈرنا، رقیبوں اور خوشامدیوں میں گھرے رہنا،’ وعدہ کر کے صاف مکر جانا، سچے عاشق کے مرنے کے بعد اس کا سوگ منانا اور تعریف کرنا وغیرہ۔ غرضیکہ ہر شعر چسپاں ہوتا ہے۔

شخصیت کے نمایاں Contours ہوں یا کسی سچویشن کے مضحک پہلو، فوجی یا دیہی زندگی کی عکاسی ہو یا بوالعجیوں اور تضادات و ناہمواریوں کا ذکر۔ وہ چند لفظوں میں پوری تصویر کھینچنے اور سماں باندھنے پر حیرت انگیز قدرت رکھتے۔ فضا بندی کے لیے وہ لمبے چوڑے میورل یا فریسکو نہیں بناتے بلکہ کسی ترچھے اور تیکھے چغل خور زاویے سے لیے گئے چند اسنیپ شاٹس سے صحبت یاراں کی گل فشانی، گفتار، اسلوب حیات اور زندگی کے مختلف قرنیوں کا ہنستا بولتا مرقع پیش کر دیتے ہیں۔ انجمن ترقی اردو کراچی نے چند برس قبل ان کے اعزاز میں جو یادگار تقریب منعقد کی تھی اس میں انہوں نے ایک بہت دلچسپ تقریر کی۔ اب ذرا اس کمال فن کی داد دیجئے کہ قلم برداشتہ لکھی ہوئی7 سطروں، جی ہاں کل 7 سطروں میں کتنا کچھ سمودیتے ہیں۔

’’روئیں میں ستار کے تاروں کی طرح بولنے لگی… اور میں مسرت کی سرشاری سے گویا نڈھال ہو گیا… صرف 3 موقعوں پر محسوس ہوا… اول اس دن جب میرے گاؤں کے مڈل اسکول کے طلبہ … جس کے پھٹے پرانے ٹاٹوں پر بیٹھ کر میں نے…’’گاچنی مٹی‘‘ سے پوچی ہوئی تختی پر اپنی زندگی کا پہلا ’’الف‘‘ لکھا تھا… میرے استقبال کے لیے ڈھول کی سنگت پر دھمال ناچتے ہوئے… کھیتوں میں نکل آئے اور پھر ہیڈ ماسٹر کی سرپرستی میں ان بچوں نے … مٹی کی چاٹیوں میں رڑکی ہوئی گھر کی بھینسوں کا تازہ مکھن سے مالا مال لسی کے ساتھ تازہ دہی مکھن میں گتھے شرابور اسی طرح کے سہ منزلہ پر اٹھے کھلائے جیسے تقریباً70 برس قبل میری ’’بے جی‘‘ مجھے مدرسہ کو روانہ کرتے وقت رومال میں باندھ کر آدھی چھٹی میں کھانے کے لیے دیا کرتی تھی۔ پھر گزشتہ برس نومبر 1992 میں وہ موقع میری عظیم مادر ۂ علمی… اسلامیہ ‘‘ اس تقریر اور اس شام کا اختتام جو ان کے نام تھی اپنے ہی اس شعر پر کیا۔

کتنی تصویروں کے ساتھ آئی ہے شام زندگی

وقت جب کم رہ گیا تو کام یاد آئے بہت

لیکن یہ حقیقت ہے کہ اپنے کرنے کے کام وہ تمام کر گئے اور ہر کام بڑی رسان سے ہنستے بولتے کیا۔ بحسن و خوبی کیا اور شعر و ادب کا اتنا بڑا اور وقیع و نادر ورثہ چھوڑ گئے کہ ہم سے سنبھالے نہیں سنبھلتا۔

آسماں اس کی لحد پر شبنم افشانی کرے.

٭٭٭

مشہور مزاح نگار سید ضمیر جعفری کے سانحہ ٔ ارتحال پر یہ مضمون یوسفی صاحب کے کسی مجموعے میں شامل نہیں ہے۔ ہم نے اسے خاص طور پر حاصل کیا ہے)

٭٭٭

وہ مجھے بھری محفل میں دو مرتبہ ٹوک چکے تھے کہ لاپروا غلط ہے صحیح بے پروا ہے مگر مجھے تو آج بھی بے پروا میں وہ لاپروائی والی شان اور بے ڈھنگا پن نظر آتا تھا.

بلا شبہ مشتاق احمد یوسفی اس عہد کے عظیم مزاح نگار ہیں اور ضمیر جعفری مرحوم کی تو بات ہی کیا تھی۔

واقعی بہت مزہ آیا پڑھ کر اور بآوازِ بلند اپنی نصف بہتر کو سنا کر۔جہاں مزیدار مزاح پڑھنے کو ملا وہیں خوبصورت اردو کے مزے لیے۔ دل چاہ رہا ہے کہ (اُن کی فرمائش کے مطابق) اردو کی خوبصورت ترکیبوں کی ایک فرہنگ بنالی جائے جس کی ابتدا اس مضمون سے کی جاسکتی ہے جس میں ایسی خوبصورت ترکیبیں جا بجا سجی ہوئی ہیں۔

(یہ مضمون یوسفی صاحب کے کسی مجموعے میں شامل نہیں ہے۔ ہم نے اسے خاص طور پر حاصل کیا ہے۔ادارہ)

تشکر: منصف۔۴ اکتوبر ۲۰۱۲

احادیث مشہورہ کی تحقیق؛ حضرت فاطمہ کو بتائی گئی وتر کے بعد والی تسبیحات

2024-05-29T23:33:00.000-07:00

احادیث مشہورہ کی تحقیق؛

حضرت فاطمہ کو بتائی گئی وتر کے بعد والی تسبیحات

سوال: کیا یہ روایت ثابت ہے کہ:

حضور اکرم صلی اللہ علیہ وسلم نے ایک مرتبہ جہاد کی فضیلت بیان فرمائی، یہ فضیلت سن کر حضرت فاطمہ کو بھی جہاد کا شوق ہوا اور آپ علیہ السلام سے اس کے متعلق دریافت کیا، تو آپ علیہ السلام نے فرمایا کہ: فاطمہ، میں تم کو اس سے آسان اور اعلی اجر والا عمل نہ بتاؤں؟
اے فاطمہ! جب کوئی مومن مرد یا عورت وتر کے بعد دو سجدے کرتے ہیں اور ہر سجدے میں یہ دعا پانچ مرتبہ پڑھتے ہیں سبوح قدوس رب الملائكة والروح تو اس کےسراٹھانے سے پہلے اللہ تعالی اس کےسب گناہ معاف فرمادیتے ہیں،اور اس کو سو حج،سو عمرے،اور سو شہیدوں کا اجرعطا فرماتے ہیں، اور اللہ تعالی اس کے لئے ایک ہزار فرشتے مقرر کرتے ہیں جو اس کے لئے نیکیاں لکھتے رہتے ہیں، اوراس کوایک ہزارغلام آزاد کرنے کا ثواب ملتا ہے،اور اللہ تعالی اس کو مستجاب الدعوات بنادیتے ہیں، اورقیامت کے دن ساٹھ جہنمیوں کے بارے میں اس کی شفاعت قبول کی جائے گی ،اور یہ شخص جب مرے گا تو شہادت کی موت نصیب ہوگی.

الجواب:

مذکورہ روایت کے عربی الفاظ

قالت فاطمة رضي الله عنها : رَغَّب النبيُّ صلی الله علیه وسلم في الجهاد وذَكر فضله، فسألتُه الجهادَ، فقال: ألا أدلكِ على شیئ يسير وأجره كبير، ما من مؤمنٍ ولا مؤمنةٍ يسجدُ عقيب الوتر سجدتين ويقول في كل سجدة: سُبوح قُدوس رب الملائكة والروح - خمس مراتٍ - لا يرفع رأسَه حتى يغفر الله ذنوبه كلها ، واستجاب الله دعاءه ، وإن مات في ليلته مات شهيدا ، وأعطاه ثواب مئة حجة و مئة عمرة ، وأعطاه الله ثواب الشهداء، وبعث الله إليه ألف ملك يكتبون له الحسنات ، وكان كأنما أعتق مئة رقبة ، ويشفَّع يوم القيامة فى ستين من أهل النار ، وإذا مات مات شهيدا.

تخریج روایت

۱۔ اس دعاء کا سب سے پرانا مصدر ہے ( فتاوی تاتارخانیہ 2/346 نمبر 2617)

دیگر کتب جن میں یہ دعا منقول ہے:

۲۔ نزہۃ المجالس للصفوری 1/227 باب مناقب فاطمہ الزہراء
۳۔ خزينۃ الأسرار للكاتب محمد حقی النازلی ص 40
۴۔ غنیۃ المتملی شرح منیۃ المصلی (حلبی کبیر) 617
۵۔ حاشیۃ رد المحتار لابن عابدین الشامی (ج: 2، ص: 120) باب سجود التلاوة
۶۔ اسی طرح کتب روافض میں (دعاء الزہراء) کے عنوان سے مذکور ہوتی ہے۔

نوٹ : مذکورہ بالا تمام کتابوں میں اس روایت کی کوئی سند مذکور ہے، نہ حدیث کی کسی کتاب کا حوالہ۔

تحقیق روایت

۱۔ علامہ ابراہیم حلبی نے (غنیۃ المتملی 617) میں اس روایت کے پیش کرنے کے بعد تبصرہ کرتے ہوئے لکھا ہے :

واما ما ذكره التاتارخانیة عن المضمرات، (فنقل النص المذکور بتمامه) فحدیثٌ موضوعٌ باطلٌ لا أصل له، ولا یجوز العملُ به، ولا یجوز نقلهُ إلا لبیان بطلانه کما هو شأن الأحادیث الموضوعة، ویدلك علی وضعه رکاکتُه والمبالغةُ الغير الموافقة للشرع والعقل، فإن الأجرعلی قدرالمشقة شرعا وعقلا،وأفضل الأعمال أحمزُها، وإنما قَصَد بعض المُلحِدين بمثل هذا الحدیث إفسادَ الدین وإضلالَ الخلق وإغراءهم بالفسق ، وتثبيطَهم عن الجد في العبادة، فيغترُّ به بعضُ مَن لیس له خبرةٌ بعلوم الحدیث وطرقِه ولا مَلَكةٌ یميّز بها بین صحیحه وسقیمه.
قال الربیع بن خُثيم: إن للحدیث ضوءا مثل ضوء النهار تعرفه، وظلمةً کظلمة اللیل تنكره . وقال ابن الجوزي:إن الحدیث المنکر یقشعر منه جلدُ الطالب للعلم ، وینفر منه قلبه في الغالب.
{ومن لم یجعل الله له نورا فما له من نور}. والله سبحانه أعلم ، وهو ولی العصمة والتوفیق.(انتهى)

ترجمہ: تاتارخانیہ میں مضمرات کے حوالہ سے جو لکھا ہے کہ آپ صلی اللہ علیہ وسلم نے حضرت فاطمہ رضی اللہ عنھا سے فرمایا: جب کوئی مومن مرد یا عورت وتر کے بعد دو سجدے کرتے ہیں الخ
یہ موضوع، باطل اور بے اصل حدیث ہے،نہ اس پر عمل جائز ہے،نہ اسے نقل کرنا۔ الا یہ کہ اس کا بطلان بتانے کے لئے ہو،جیساکہ دیگر احادیث موضوعہ کا حکم ہے۔اور اس کے موضوع ہونے کا اندازہ اس کے رکیک (بودا) ہونے سے ہی ہو جاتاہے۔نیز اس میں ایسا مبالغہ ہےجو نقل و عقل سے میل نہیں کھاتا،کیوں کہ اجر بقدر مشقت ہوتاہے شرعاوعقلا۔اور سب سے افضل عمل وہ ہے جو مضبوط ہو۔بات صرف یہ ہے کہ بعض بد دینوں کا مقصد ان جیسی احادیث گھڑنے سے دین کی شبیہ کو بگاڑنا،خلق خدا کو گمراہ کرنا،لوگوں کو فسق میں پھنسا رکھنا اور عبادت میں مجاہدہ سے روکنا ہے۔اس لئے جن کو علوم حدیث اور اس کے طرق سے شناسائی نہیں،نہ صحیح وسقیم میں تمیز کا ملکہ ہے؛وہ ایسی چیزوں سے دھوکہ کھا جاتے ہیں۔ (مترجم مفتی ابوزاہر سورتی)

۲۔ علامہ حلبی کے اس تبصرہ کو علامہ شامی نے (رد المحتارجلد ثانی باب سجود التلاوة) میں نقل کرنے کے بعد اتفاق فرمایا کہ یہ روایت بے اصل ہے ۔

۳۔ مفتی شبیر صاحب قاسمی نے (فتاوی تاتارخانیہ 2/346) میں اس روایت پر نوٹ لکھا: لم أجد هذا الحديث في كتب الأحاديث التي عندي .

۴۔ فتاوی دار العلوم زکریا (1/386) پر اس حدیث کے متعلق ایک فتوی کا خلاصہ لکھا ہے کہ : یہ روایت موضوع ہے، ان کلمات کے پڑھنے سے اتنے فضائل کسی حدیث سے ثابت نہیں۔ البتہ’’ سبوح قدوس رب الملائکۃ والروح‘‘کا پڑھنا حضور سے ثابت ہے۔واللہ اعلم

خلاصہ کلام (اخونزادہ):

یہ روایت اور یہ فضیلت کسی بھی حدیث کی مستند کتاب میں موجود نہیں، فقہ کی بعض کتابوں نے لوگوں میں اس کے مشھور ہونے کو بیان کیا ہے اور ساتھ ساتھ اس کے من گھڑت ہونے کو بھی بیان کیا ہے، لہذا اس روایت کا بیان کرنا اور پھیلانا جائز نہیں.

واللہ اعلم ، کتبہ ابو معاذ المکی ، مع الاستفادۃ مما سطرہ المفتی عبد الباقی اخونزادہ الموقر

أبو معاذ المكي

حرام کو چھوڑنے کا نتیجہ

2024-05-29T23:13:00.000-07:00

حرام کو چھوڑنے کا نتیجہ
دمشق کے ادیب‏ شیخ علی طنطاوی نے اپنی یادداشتوں میں لکھا ہے کہ دمشق میں ایک بہت بڑی مسجد ہے کہ جو "مسجد جامع توبہ" کے نام سے مشہور ہے-اس مسجد کا نام مسجد توبہ رکھنے کی وجہ یہ ہے کہ وہاں پہلے فحشاء ومنکرات کا مرکز تها. ساتویں ہجری میں ایک مسلم بادشاه نے اس کو خرید کر وہاں ایک مسجد تعمیر کروائی-
"ایک طالب علم کہ جو بہت زیادہ غریب اور عزت نفس میں مشہور تها وہ اسی مسجد کے ایک کمرے میں ساکن تها- دو روز گزر چکے تھے کہ اس نے کچھ نہیں کھایا تھا اور اس کے پاس کھانے کے لئے کوئی چیز نہیں تهی اور نہ ہی کھانا خریدنے کے لیے کوئی پیسہ اس کے پاس تھا ... تیسرے روز بهوک کی شدت سے اس نے محسوس کیا کہ وہ مرنے کے قریب ہے! سوچنے لگا کہ اب میں اضطراری حالت میں ہوں کہ شرعا حتی مردار اور یا حتی ضرورت کے مطابق چوری جائز ہے. اسی بنا پر چوری کا راستہ بہترین راستہ تها.
شیخ طنطاوی کہتے ہیں: یہ سچا واقعہ ہے اور میں ان لوگوں کو اچهی طرح جانتا ہوں اور اس واقعہ کی تفصیل سے اگاہ ہوں- اور
میں صرف حکایت بیان کرونگا نہ حکم نہ ہی فیصلہ
یہ مسجد ایک قدیمی محلہ میں واقع ہے اور وہاں تمام مکانات قدیمی طرز پر اس طرح بنے ہوئے ہیں کہ ایک دوسرے کی چھتیں آپس میں ملی ہوئی ہیں اور چهتوں سے ہی سارے محلہ میں جایا جاسکتا ہے- یہ جوان مسجد کی چھت پرگیا اور وہاں سے محلہ کے گھروں کی طرف چل دیا پہلے گھر میں پہنچا تو دیکھا وہاں کچھ خواتین ہیں تو سر جهکاکے وہاں سے چلاگیا-بعد والے گهر پہنچا تو دیکها گهر خالی ہے لیکن اس گهر سے کھانے کی خوشبو آرہی ہے-بهوک کی شدت میں جب کھانے کی خوشبو اس کے دماغ میں پہنچی تو آہن ربا کی مانند اس کو اپنی طرف کھینچ لیا. یہ مکان ایک منزل تها- چھت سے بالکونی اور پهر وہاں سے صحن میں کود گیا. فورا باورچی خانے میں پہنچا - دیگچی کا ڈهکن اٹھایا تو اس میں بهرے ہوئے بینگن کا سالن تها-ایک بینگن اٹهایا بهوک کی شدت سے سالن کے گرم ہونے کی بهی پروا نہیں کی- بینگن کو دانتوں سے کاٹا اور جیسے ہی نگلنا چاہا تو اسی وقت عقل اپنی جگہ واپس آگئی اور اس کا ایمان جاگ گیا-اپنے آپ سے کہنے لگا:
خدا کی پناہ!میں طالب علم ہوں. لوگوں کے گهر میں گهسوں اور چوری کروں؟؟
اپنے اس فعل پر شرم آگئی. پشیمان ہوا اور استغفار کیا اور پهر بینگن کو واپس دیگچی میں رکھ دیا.اور جیسے آیا تها ویسے ہی سراسیمہ واپس لوٹ گیا- اور مسجد میں داخل ہوکر شیخ کے حلقہ درس میں حاضر ہوا-درحالیکہ بهوک کی شدت سے سمجھ نہیں پارہا تھا کہ شیخ کیا درس دے رہے ہیں؟ جب شیخ درس سے فارغ ہوئے اور لوگ بهی متفرق ہوگئے، توایک خاتون مکمل حجاب میں وہاں آئی-(اس زمانے میں خواتین کا بغیر حجاب کے وجود نہیں تها)
شیخ سے کچھ گفتگو کی اور وہ طالب علم ان دونوں کی گفتگو نہیں سمجھ سکا ..
شیخ نے اپنے اطراف میں نگاہ کی تو اس طالب علم کے علاوہ کسی کو وہاں نہ پایا… پهراس کو آواز دی اور کہا: تم شادی شدہ ہو؟
جوان نے کہا: نہیں!
شیخ نے کہا: تم شادی نہیں کرنا چاہتے؟
جوان خاموش رہ گیا…
شیخ نے پھر کہا: مجھے بتاؤ تم شادی کرنا چاہتے ہو یا نہیں؟
اس جوان نے جواب دیا: خدا کی قسم میرے پاس ایک لقمہ روٹی کے لئے پیسے نہیں ہیں...
میں کس طرح شادی کروں؟
شیح نے کہا: یہ خاتون آئی ہے اس نے مجھے بتایا ہے کہ اس کا شوہر وفات پاگیا ہے اور اس شہر میں بے کس ہے اور اس کا دنیا میں سوائے ایک ضعیف چچا کے کوئی عزیز و رشتہ دار نہیں ہے... اپنے چچا کو یہ اپنے ساتھ لیکر آئی ہے .. ..اور وہ اس وقت اس مسجد کے ایک گوشہ میں بیٹھا ہوا ہے ...اور اس خاتون کو اس کے شوہر سے گهر اور مال ارث میں ملا ہے...اب یہ آئی ہے اور ایسے مرد سے شادی کرنا چاہتی ہے جو شرعا اس کا شوہر اور اس کا سرپرست ہو- تاکہ تنہائی اور بدطینت انسانوں سے محفوظ رہے. کیا تم اس سے شادی کروگے ؟
جوان نے کہا: ہاں.
اور پھر اس خاتون سے پوچھا کہ تم اس کو اپنے شوہر کے طور پر قبول کرتی ہو؟ اس نے بھی مثبت جواب دیا...شیخ نے اس خاتون کے چچا اور دو گواہوں کو بلاکر ان دونوں کا عقد پڑھ دیا اور اس طالب علم کے بجائے خود اس خاتون کا مہر ادا کیا- اور پهر اس خاتون سے کہا: اپنے شوہر کا ہاتھ تھام لو.
اس نے ہاتھ تهام لیا اور اپنے گهر کی طرف اپنے شوہر کی رہنمائی کی ..
جب گهر میں داخل ہوئی تو اپنے چہرے سے نقاب ہٹادیا...وہ جوان اپنی زوجہ کے حسن و جمال سے مبہوت ہوگیا!اور جب اس گهر کی طرف متوجہ ہوا تو دیکھا کہ وہی گھر ہے جس میں وہ داخل ہوا تها .... زوجہ نے شوہر سے پوچها کہ تمہیں کچھ کهانے کے لئے لے آوں؟
کہا: ہاں..
اس نے دیگچی کا ڈهکن اٹهایا اور بینگن کو دیکها اور بولی: عجیب ہے گھر میں کون آیا تھا اور اس نے بینگن کو دانتوں سے کاٹا ہے ..! وہ جوان رونے لگا اور اپنا قصہ اس کو سنادیا...
زوجہ نے کہا: یہ تمہاری امانت داری اور تقوی کا نتیجہ ہے تم نے حرام بینگن کهانے سے اجتناب کیا تو الله نے سارا گھر اور گھر کی مالکہ کو حلال طریقے سے تمہیں دیدیا!.

آذان ‏ہونے ‏کے ‏بعد ‏یہ ‏دعاء ‏پڑھیں

2024-04-25T13:33:00.000-07:00

اذان ہونے کے بعد یہ دعاء پڑھیں:

اذان کے بعد حضور صلی اللہ علیہ وسلم پر درود بھیج کر یہ دعاء پڑھے:

اللَّهُمَّ رَبَّ هَذِهِ الدَّعْوَةِ التَّامَّةِ وَالصَّلَاةِ الْقَائِمَةِ آتِ مُحَمَّدًا الْوَسِيلَةَ وَالْفَضِيلَةَ وَابْعَثْهُ مَقَامًا مَحْمُودًا الَّذِي وَعَدْتَهُ إنك لا تخلفُ الميعادَ

ترجمہ: اے اللہ اس پوری پکار کے رب اور قائم ہونے والی نماز کے رب محمد صلی اللہ علیہ وسلم کو وسیلہ عطاء فرما اور ان کو فضیلت عطاء فرما اور ان کو مقام محمود پر پہنچا جس کا تو نے ان سے وعدہ فرمایا ہے بیشک تو وعدہ خلافی نہیں فرماتا.

Aazan Ke Bad Ye Dua Padhen

Tarjuma :Ey Allah Is Poori Pukaar Ke Rab Or Qaim Hone Wali Namaz Ke Rab Mohammad ﷺ Ko Waseela Ata Farma Or Unko Fazeelat Ata Farma Or Unko Muqam E Mahmood Par Pohcha Jiska Tune Unse Wada Farmaya Hai Beshak Tu Wada Khilafi Nahi Farmata

आज़ान के बाद ये दुआ पढ़ें:

तर्जुमा: ए अल्लाह इस पूरी पुकार के रब ओर क़ायम होने वाली नमाज़ के रब मोहम्मद ﷺ को वसीला अता फरमा ओर उनको फज़ील्त अता फरमा ओर उनको मुक़ाम ए महमूद पर पोह्चा जिसका तुने उन से वादा फरमाया है बेशक तू वादा खिलाफि नही फरमाता

﴿بخاری﴾ ﴿مشکوۃ﴾

----------

عنوان: اذان کے بعد پڑھنے کی دعا جو گناہ کو معاف کرنے کا ذریعہ بھی بن جائے، دو تین دعاء ہو بتائیں۔

سوال: اذان کے بعد پڑھنے کی دعا جو گناہ کو معاف کرنے کاذریعہ بھی بن جائے ، دو تین دعاء ہو بتائیں۔

جواب نمبر: 58025

بسم الله الرحمن الرحيم

Fatwa ID: 278-243/Sn=5/1436-U

بخاری میں ہے جوشخص اذان سننے کے بعد درج ذیل دعا پڑھے گا، اسے آنحضرت صلی اللہ علیہ وسلم کی شفاعت نصیب ہوگی، وہ دعا یہ ہے: اللَّھُمَّ رَبَّ ھَذِہِ الدَّعْوَةِ التَّامَّةِ، وَالصَّلاَةِ القَائِمَةِ آتِ مُحَمَّدًا الوَسِیلَةَ وَالفَضِیلَةَ، وَابْعَثْہُ مَقَامًا مَحْمُودًا الَّذِي وَعَدْتَہُ (مشکاة المصابیح ص:۵۶، بحوالہ بخاری) مسلم کی ایک روایت میں ہے: موذن کی اذان سن کر جو شخص درج ذیل دعا پڑھے گا اس کے گناہوں کی مغفرت ہوجائے گی، دعا یہ ہے: أَشْہَدُ أَنْ لَا إِلَہَ إِلَّا اللہُ وَحْدَہُ لَا شَرِیکَ لَہُ، وَأَنَّ مُحَمَّدًا عَبْدُہُ وَرَسُولُہُ، رَضِیتُ بِاللہِ رَبًّا وَبِمُحَمَّدٍ رَسُولًا، وَبِالْإِسْلَامِ دِینًا (مشکاة المصابیح ص: ، بحوالہ مسلم) ایک حدیث میں ہے کہ جو شخص اخلاص کے ساتھ موٴذن کے کلمات دہرائے اورحی علی الصلاة اور حی علی الفلاح کے جواب میں لاَ حَولَ ولا قُوَةَ إلاّ باللہ العلي العظیم کہے تو وہ (ان شآء اللہ) جنت میں داخل ہوگا۔

واللہ تعالیٰ اعلم دارالافتاء، دارالعلوم دیوبند

جمعہ کے دن کے فضائل اور اعمال کیا ہیں؟

2024-04-25T12:59:00.000-07:00

سوال: جمعہ کے دن کے فضائل اور اعمال کیا ہیں؟

جمعہ سب سے بہترین دن ہے۔ (مسلم: 854)

جمعہ سب سے افضل دن ہے۔ (نسائی: 1284) (ترمذی: 3339)

جمعہ تمام دِنوں کا سردار ہے۔ (ابن ماجہ: 1084)

جمعہ سب سے زیادہ عظمت والا دن ہے۔(ابن ماجہ: 1084)

جمعہ کے دن فرشتے حاضر ہوتے ہیں. (ابن ماجہ: 1637)

جمعہ کی رات اور دن دونوں روشن و چمکدار ہیں. (شعب الایمان: 2772)

جمعہ کے دن مَرنے والا عذابِ قبر سے محفوظ رہتا ہے. (ترمذی: 1074)

جمعہ کے دن قبولیت کی گھڑی ہوتی ہے۔ (ترمذی: 3339)

جمعہ کا دن مسلمانوں کا عید کا دن ہے۔ (مؤطاء مالک: 452)(ابن ماجہ: 1098)

جمعہ کے دن کی اللہ تعالیٰ نے قسم کھائی ہے۔ (سورۃ البروج) (ترمذی: 3339)

جمعہ کے دن جہنم کو دہکایا نہیں جاتا. (ابوداؤد: 1083)

جمعہ کا سلامتی کے ساتھ گزر جانا ہفتہ بھر کی سلامتی کا ذریعہ ہے۔ (شعب الایمان: 3434)

جمعہ کا دن اِس اُمّت کیلئے اہلِ کتاب کے مقابلے میں عطیہ خداوندی ہے۔ (مسلم: 855)

جمعہ کا دن مغفرت کادن ہے۔ (طبرانی اوسط: 4817)

جمعہ کے دن اَعمال کا اجر بڑھادیا جاتا ہے۔ (طبرانی اوسط: 7895)

پہلاعمل: جمعہ کے دن صبح کی نماز سے پہلے اِستغفار کرنا

دوسراعمل: جمعہ کے دن صبح کی نماز کا خصوصی اہتمام

تیسراعمل: جمعہ کے دن فجر میں سورۂ سجدہ اور سورۂ دھر پڑھنا

چوتھاعمل: جمعہ کے دن اللہ تعالیٰ کی نافرمانی سے بچنا

پانچواں عمل: جمعہ کے دن غسل کرنا

چھٹاعمل: مسواک کرنا

ساتواں عمل: اچھے کپڑے پہننا

آٹھواں عمل: عمامہ باندھنا

نواں عمل: خوشبو لگانا

دسواں عمل: ناخن اور مونچھیں کاٹنا

گیارہواں عمل: جسم کے زائد بالوں کی صفائی

بارہواں عمل: جمعہ کیلئے جلدی جانا

تیرہواں عمل: اَذان کے بعد خرید و فروخت ترک کردینا

چودھواں عمل: جمعہ کیلئے سکون اور وقار کے ساتھ جانا

پندرہواں عمل: جمعہ کے دن مسجد میں داخل ہونے کی دُعاء

سولہواں عمل: صلاۃ التسبیح پڑھنا

سترہواں عمل: جمعہ کی نماز پڑھنا

اٹھارہواں عمل: جمعہ کی نماز اوّل وقت میں پڑھنا

اُنیسواں عمل: جمعہ کی نماز اور خطبہ کے آداب کو ملحوظ رکھنا

بیسواں عمل: جمعہ کی نماز کے بعد کے اَوراد و اَذکار پڑھنا

اکیسواں عمل: سات جنّت میں لےجانے والے اَعمال

بائیسواں عمل: سورۃ الکہف پڑھنا

تئیسواں عمل: جمعہ کے دن سورۂ ھود پڑھنا

چوبیسواں عمل: جمعہ کے دن سورہ آلِ عمران پڑھنا

پچیسواں عمل: جمعہ کے دن سورۂ یٰسٓ پڑھنا

چھبیسواں عمل: جمعہ کی شب یا دن میں سورۂ دخان پڑھنا

ستائیسواں عمل: جمعہ کے دن درود شریف کی کثرت کرنا

اٹھائیسواں عمل: جمعہ کے دن ذکر کی کثرت کرنا

انتیسواں عمل: جمعہ کے دن دُعاء کی کثرت کرنا

مستفاد از باقیات صالحات. مفتی منور ابن مصلح الدین شیخ بھاٹاباڑی. دارالافتاء بھاٹاباری. دینی مقالات. مجلس الفتاویٰ

Mufti Munawwar Bhatabari

مفتی منور بھاٹاباری ( #ایس_اے_ساگر )

https://sasagarurdutahzeeb.blogspot.com/2024/04/blog-post_25.html

موجودہ اسمارٹ فونز کا دور اختتام پذیر ہے

2024-04-23T19:04:00.000-07:00

موجودہ اسمارٹ فونز کا دور اختتام پذیر ہے

#ایس_اے_ساگر

موبائل فون اینڈروئیڈ اور آئی فون کا دور ختم ہونے کو ہے. اب دور ہے ہیومین کا ایک ایسی ڈیوائس جوکہ حیرت انگیز ہے اس کا باقاعدہ آغاز 2024 سے امریکہ میں T Mobile کے ساتھ ہورہا ہے۔ تازہ ترین اطلاعات کے مطابق دنیا ایک طویل عرصے سے جس حیرت انگیز’اے آئی پن‘ کی منتظر تھی اس کی خالق کمپنی’ ہیومین‘ نے بکنگ شروع کردی ہے۔ کمپنی ’ہیومین‘ کے بانیوں میں عمران چودھری اور بیتھانی بونگیورنو شامل ہیں جنہوں نے ابتدائی طور پر اس پروڈکٹ کا اعلان جولائی 2023 میں کیا۔ بونگیورنو کا کہنا ہے کہ اگر آج کوئی ’اے آئی پن‘ خریدتا ہے تو وہ مئی کے اوائل میں اسے مل جائے گی۔

’اے آئی پن‘ ایک چھوٹا سا آلہ ہے جسے کپڑوں یا ایکسیسریز پر چسپاں کیا جاسکتا ہے، مصنوعی ذہانت سے چلنے والا یہ آلہ آواز، اشارے اور ٹچ ان پٹ کا استعمال کرتا ہے۔ اس کی نمایاں خصوصیات میں ویب سرچ، نیویگیشن، ترجمہ، فون کالز اور ٹیکسٹ پیغامات بھیجنا اور وصول کرنا شامل ہیں۔ واضح رہے کہ ڈیوائس کی سب سے نمایاں خصوصیت اس کا پروجیکشن سسٹم ہے جو صارف کی ہتھیلی پر معلومات دکھاتا ہے، جس سے اسکرین کی ضرورت ختم ہوجاتی ہے۔

اس حیرت انگیز ایجاد کے تخلیق کار عمران چودھری ہے وہ 1973 میں لندن برطانیہ میں پیدا ہوئے بعد ازاں امریکہ منتقل ہوگئے جہاں انہوں نے ایپل ( Apple) کے ساتھ 22 سال کام کیا اور ایپل، آئی فونز، آئی پیڈ، اسیسریز کے ڈیزائن اور آئی فون کے انٹرفیس ڈیزائن اور دیگر مصنوعات کے ڈیزائن تخلیق کیے۔

اس ایجاد کے ساتھ انہوں نے 5 سال پہلے اپنی کمپنی ہیومین کے نام سے بنائی، انہوں نے اپنی پہلی پروڈیکٹ ہیومین اے آئی پِن لانچ کرکے ٹیکنالوجی کی دنیا میں دھماکہ کردیا. یہ پراڈکٹ موبائل فون کا متبادل ہے. اے آئی پِن ایک وئیر ایبل مصنوعی ذہانت سے بھرپور اسسٹنٹ ہے جو آپ کے اسمارٹ فون والے سارے کام کریگا اور موبائل سے متعلق بہت سارے مسائل کا حل بھی رکھتا ہے، اس میں کیمرہ، مائک اور پروجیکٹر ہے آپ اسے بول کر کمانڈ دینگے، آپ اس سے کال کرسکتے، میسیج کرسکتے اور یہ آپ کی کال کو لائیو ٹرانسلیٹ بھی کرسکتا ہے، اس کا لیزر پروجیکٹر آپ کو آپ کے ہاتھ پر ڈسپلے بھی دیگا، اگر آپ مصروف ہیں تو یہ آپ یہ آپ کی کالز اور میسیج کا جواب بھی دیگا.

یہ آپ کی صحت اور کھانے پینے کا بھی خیال رکھے گا، آپ کو جو چیز کھانا ہے تو اس چیز کو آپ اس کے سامنے کرینگے تو آپ کی صحت اور بیماری وغیرہ کو دیکھتے ہوئے وہ آپ کو ایک ڈاکٹر کی طرح سجیسٹ بھی کریگا کہ وہ چیز آپ کی صحت کے لئے بہتر ہے یا نہیں، اس ڈیوائس کو ذیل فون کا متبادل کہا جارہا ہے۔ یہ وہ ڈیوائس ہے جو دنیا میں اسمارٹ فون کی ساری ٹیکنالوجی کو نہ صرف تبدیل کردے گی بلکہ اس سے گوگل کو بھی شدید خطرات لاحق ہیں۔ مسلمانوں کا دنیا بھر کی ایجادات میں ایک بڑا کرادر سامنے آرہا ہے جوکہ قابل تحسین ہے۔

S A Sagar: موجودہ اسمارٹ فونز کا دور اختتام پذیر ہے (sasagarurdutahzeeb.blogspot.com)

کیا آپ نے آگرہ کا قلعہ اور نگینہ مسجد دیکھی ہے

2024-04-18T19:56:00.001-07:00

"کیا آپ نے آگرہ کا قلعہ اور نگینہ مسجد دیکھی ہے"

یہ مسجد سر تا پا سنگ مرمر کی ہے، یہاں بیگمات نمازِ پنج وقتہ ادا کرتی تھیں، وضو کرنے کی جگہ قابل دید ہے، فوراۂ اندرونی سے ایک ڈھلواں میناکاری سنگ مرمر کی دیوار پر ہوکر پانی بڑی آہستگی سے نیچے آتا تھا، پانی کی چادر کے نیچے رنگین پچکاریوں کی لہریں سرخ و سبز مچھلیوں کی طرح تیرتی ہوئی نظر آتی تھیں،

یہ مصلی خاص بؔانو بیگم کا ہے، جس کی جبینِ نازک کا سایہ واقعی سنگ مرمر کو موم بنادیتا ہوگا، یہ مسجد قیدخانۂ شاہجہاں کے پسِ دیوار ہے...

✧ قيد خانۂ شاہجہانی ✧

وہ تنگ و تار کوٹھری سنگِ سرخ کی ہے، جہاں شؔاہجہاں سے عالی دماغ بادشاہ کو اپنی زندگی کے اخیر دن گزارنے پڑے، اس غریب کو یہاں سات سال تک کڑی جھیلنا پڑی، اس موقع پر بجز اس پاک نفیس بڑی لڑکی کے جس کا نام "جہاں آرا بیگم" تھا کوئی بھی نہ تھا، یہی ایک شریکِ درد و غم تھی اور ضعیف باپ کی خدمت گزار، اتنے بڑے لال قلعے کی وسعت کو دیکھ کر اس ڈیڑھ گز کی کوٹھری پر نظر ڈالئے تو بے اختیار یہ شعر زبان پر آجاتا ہے؎

عالَم ہستی کی ہستی صاف ظاہر ہوگئی

قصرِ منعم دیکھ کر گور غریباں دیکھ کر

✧ جائے مرگِ شاہجہاں ✧

آہ! مجھے اب میرا رہبر اس سنسان مقام پر لے آیا ہے جو ایک کمرہ برج نما بارہ دری کے عنوان پر سنگِ سرخ کا بنا ہوا تاج آگرہ کے پس منظر واقع ہے، یہاں کے فرشِ زمیں کے پتھر تک اکھڑ گئے، اب صرف خاک اڑ رہی ہے۔

جس شؔاہجہاں کی عیش گاہ اور جس کی حور طلعت معشوقہ بؔانو بیگم عرف ''ممتاز محل'' کی نشست گاہ کی سیر کی تھی اور جس شاہِ جَم جاہ کی ساری شوکتوں کے بعد قیدخانے کو دیکھا تھا یہ اسی کی جائے مرگ ہے۔

اے متحیر دیواروں! تمہارے سکوت میں بھی نالہائے عزا نمایاں ہیں؛ کیونکر نہ کلیجہ پھٹ جائے!

ذرّہ ریگ رواں کی پُر از یاس آنکھیں ''تاج آگرہ'' کی طرف بار بار اسی شاہجہاں کے بستر خاکی کو دیکھ رہی ہیں جو مر مٹ کر بھی آج اپنے پہلوے معشوق میں میٹھی نیند سورہا ہے۔

وائے ذوقِ فنا! دمِ مرگ بھی اس کا یہی تقاضہ تھا کہ مجھ کو اس مقام پر رہنے دینا جہاں سے باآسانی میں خوابگاہِ بانو بیگم کا نظارہ کرسکوں اور میرے مرغِ روح کو قفسِ عنصری چھوڑ کر عالَم فنا تک پہونچ جانے میں دشواری نہ ہو! زندگی کے بعد بھی ڈوبتے کو تنکے کا سہارا رہے! چنانچہ وہی ہوا:

اے ممتاز محل کی روح! آج تیری عیش گاہ کی وہ بچی بچائی شمع بھی بجھ گئ جو چند منٹ پہلے تیری یاد میں فنا کا دم بھر کر زار زار رو رہی تھی، ہائے اے صرصرِ ذوق! یہ تونے کیا کیا؟

مرگِ فرہاد سے اب تک ہے وہاں سناٹا

دیکھئے چل کے ذرا دامنِ کُہسار کے پاس

شاہجہاں بعارضۂ حبس البول آگرہ میں قریبِ مرگ ہوکر ١٠٧٦ھ کی ٢٦ رجب کو فوت ہوا، اور ''تاج گنج آگرہ'' میں بؔانو بیگم عرف ''مؔمتاز محل'' کے مقبرہ کے برابر میں مدفون ہوا، اس وقت اسکی عمر ٧٦ یا ٧٠ برس کی ہوگی، مدتِ سلطنت ٣٠ یا ٣١ سال بطور مختلف بتلائی گئ ہے، بعد وفاتِ شاہجہاں اس کا بیٹا ''اورنگ زیب'' عرف عؔالمگیر آگرہ میں آیا اور رسومات تعزیت مستورات عصمت سمات نے ادا کی، وہی قلعۂ سنگ سرخ جس کے در پر کل نقّارۂ شادمانی بج رہا تھا، آج ماتمی باجوں اور نالوں سے گونج رہا ہے، اراکین بغایتِ مغموم و خاک بہ سر ''کل نفس ذائقۃ الموت'' کا دَم بھر لرہے ہیں ؎

جتنے تھے بادشاہ ہفتِ اقلیم

ہوئے جا جا کے تہ خاک مقیم

اونچے اونچے مکان تھے جن کے

آج ہیں تنگ گور میں وہ پڑے

(ماہنامہ ادیب، مئی ١٩١٣ء، صفحہ: ٢٤٧، طبع: جامعہ اردو علیگڑھ)

(سلسلہ نمبر: 59) (انتخاب مطالعہ) (تحریر: عرش گؔیاوی)

(محمد عدنان وقار صدیقی) ( #ایس_اے_ساگر )

کیا آپ نے آگرہ کا قلعہ اور نگینہ مسجد دیکھی ہے | S A Sagar (sasagarurdutahzeeb.blogspot.com)

انسانی معاشرے میں بلوغت کا آغاز کب تسلیم کیا جاتا ہے

2024-04-15T02:27:00.001-07:00

انسانی معاشرے میں بلوغت کا آغاز کب تسلیم کیا جاتا ہے

ہر انسان میں بلوغت کا عمل کچھ مختلف ہوسکتا ہے مگر عام طور پر ایک مخصوص عمر میں اس کا آغاز ہوجاتا ہے۔ مردوں اور خواتین میں بلوغت کا عمل کافی مختلف ہوتا ہے اور ان سے واقفیت والدین کے لیے کافی مددگار ثابت ہوتی ہے۔

لڑکوں میں بلوغت:

لڑکوں میں بلوغت کے آغاز میں ان کا قد 5 سے 6 سینٹی میٹر، بعد میں 7 سے 8 سینٹی میٹر پھر آخر میں 10 سینٹی میٹر سے زائد ہر سال بڑھتا ہے اور عام طور پر 17 سال کے بعد قد بڑھنے کا سلسلہ رک جاتا ہے۔

لڑکوں میں عام طور پر 12 سال کی عمر میں بلوغت کی علامات نمودار ہونا شروع ہوتی ہیں اور جسم میں بال بڑھنے لگتے ہیں اور پسینہ زیادہ آنے لگتا ہے۔

قد میں تبدیلی کا جسمانی نشوونما سے تعلق ہوتا ہے یعنی کچھ نوجوانوں چند ماہ میں بہت تیزی سے لمبے ہوسکتے ہیں اور پھر سست روی سے نشوونما ہوتی ہے اور اس عمل کے دوران مسلز بننے لگتے ہیں۔

ان کی آواز بتدریج بھاری ہونے لگتی ہے اور آغاز میں وہ عجیب یا پھٹی پھٹی سی لگتی ہے، یہ وہ دور ہوتا ہے جب آواز بھاری اور اونچے کے مرحلے میں ہوتی ہے اور پھر مستقل طور پر بھاری ہوجاتی ہے۔

لڑکوں میں اکثر کیل مہاسوں کا مسئلہ بھی بلوغت کے اختتامی مراحل میں ابھرتا ہے، چہرے پر بال زیادہ ہوجاتے ہیں اور شیو کرنا شروع ہوسکتے ہیں، مجموعی طور پر لڑکوں میں بلوغت کا عمل 18 سال تک مکمل ہوجاتا ہے۔

لڑکیوں میں بلوغت:

لڑکیوں میں لڑکوں کے مقابلے میں اس عمل کا آغاز جلد ہوتا ہے اور یہ 8 سے 11 سال کی عمر میں ہوسکتا ہے۔

اس دوران زیادہ پسینہ آنے لگتا ہے، کیل مہاسے، سالانہ 2 سے 3 انچ قد بڑھنا جسمانی وزن میں اضافہ اور ساخت میں تبدیلی، جس دوران ہاتھوں کے اوپری حصے، رانتوں اور کمر پر چربی بڑھ جاتی ہے، کولہے پھیل جاتے ہیں جبکہ کمر تنگ ہوجاتی ہے۔

بلوغت کی ابتدا کے بعد 4 سال میں لڑکیاں مکمل بالغ ہوجاتی ہیں اور ان کا قد بڑھنا رک سکتا ہے۔

ممکنہ پیچیدگیاں:

کچھ افراد میں بلوغت کا عمل بہت جلد یا دیر سے بھی شروع ہوسکتا ہے، جو کئی بار کسی طبی عارضے کا نتیجہ بھی ہوسکتا ہے اور اس حوالے سے ڈاکٹر سے رجوع کرنا چاہیے۔

لڑکیوں میں اس کی علامات اگر 8 سال قبل نظر آئیں تو ڈاکٹر سے رجوع کرنا چاہیے جبکہ لڑکوں میں 9 سال سے پہلے اس عمل کا آغاز ہو تو ڈاکٹر کے پاس جانا چاہیے۔

قبل از وقت بلوغت مرکزی اعصابی نظام میں کسی مسئلے، جینیاتی سینڈروم، خاندانی تاریخ، کچھ اعضا میں رسولیاں، ہارمونز کا بغیر کسی وجہ کے جلد اخراج ہونا۔

اسی طرح بلوغت میں تاخیر سے مراد یہ ہے کہ لڑکیوں میں 13 سال یا لڑکوں میں 14 تک کوئی علامات نمودار نہ ہوں۔

والدین کو کیا خیال رکھنا چاہیے:

بلوغت کے دوران بچوں کو متعدد جسمانی اور جذباتی تبدیلیوں کا سامنا ہوتا ہے اور ان کا مزاج بار بار بدل سکتا ہے، ڈپریشن، ذہنی بے چینی، خوداعتمادی میں کمی، جارحانہ رویہ، جسم کو لے کر احساس کمتری وغیرہ کا سامنا ہوسکتا ہے جبکہ کیل مہاسے بھی عام ہوتے ہیں۔

بلوغت کے دوران پسینہ زیادہ آتا ہے تو روزانہ نہانا ضروری ہے تاکہ جس میں بو نہ ہوسکے۔

والدین کو اس عمل کے دوران بچوں میں ذہنی بے چینی یا شرمندگی کے احساسات میں کمی لانے کے لیے ان سے بات کرنی

دوپہر کو دیر تک سونا جان لیوا مرض کا خطرہ بڑھائے

جو لوگ دن میں زیادہ دیر تک سوتے ہیں یا رات کو 9 یا اس سے زائد گھنٹے تک سوتے ہیں، ان میں فالج کا خطرہ بڑھ جاتا ہے۔

چند دن زیادہ وقت بیٹھنا بھی صحت کے لیے تباہ کن:

محض 2 ہفتے تک جسمانی سرگرمیوں کو محدود کرنا بھی مسلز کے حجم میں کمی اور جسمانی چربی کی شرح میں اضافے کا باعث بن سکتا ہے۔

#ایس_اے_ساگر

انسانی معاشرے میں بلوغت کا آغاز کب تسلیم کیا جاتا ہے | S A Sagar (sasagarurdutahzeeb.blogspot.com)

بچوں کو ’خوبصورت‘ بنانے کے خطرناک ٹوٹکے

2023-07-01T01:45:00.001-07:00

بچوں کو ’خوبصورت‘ بنانے کے خطرناک ٹوٹکے

کہتے ہیں خوبصورتی دیکھنے والے کی آنکھ میں ہوتی ہے لیکن اگر آپ ہندپاک سمیت جنوبی ایشیا کے کسی ملک میں پیدا ہوئے ہیں تو زیادہ امکان اس بات کا ہے کہ یہ خوبصورتی دیکھنے والی آنکھیں آپ کی ماں کی ہوں، کیونکہ ہمارے معاشرے میں خوبصورتی کے معیار اتنے اونچے ہیں کہ اِن پر شاید ہی کوئی پورا اُترسکے۔

یہاں پہلے شادی کرنے کا پریشر ہوتا ہے، ہوجائے تو بچے پیدا کرنے کا پریشر۔ بچہ ہوجائے تو یہ پریشر کہ اب وہ معاشرے کی ’خوبصورت‘ ہونے کی تعریف پر پورا بھی اُترے۔ اگر کسی ایک کو بھی اعتراض ہو تو پورا خاندان، محلہ اس بچے کے نین نقش نکھارنے میں اپنا بھرپور حصہ ادا کرنے لگ جاتا ہے۔ بچے پر اپنا زیادہ حق سمجھنے والے معاملات اپنے ہاتھوں میں لینے کی کوشش کرتے ہیں جبکہ باقی لوگ مشورے دے کر کام چلاتے ہیں۔

بچی کا سر بنانا ہے تو پلیٹ پر رکھ دو:

ڈاکٹر سے رجوع کرنے پر معصومہ کو پتہ چلا کہ یہ خود ہی ٹھیک ہوجائے گا اور پھر تین ماہ بعد ہیماٹوما ٹھیک ہوگیا۔

آپ نے بعض مرتبہ سنا ہوگا کہ فلاں کا سر بہت اچھا بنا ہوا ہے یا پھر سر ٹھیک سے نہیں بنایا گیا اور اسے لمبا چھوڑ دیا گیا ہے۔ ماؤں پر بچوں کا فلیٹ سر بنانے کا بہت پریشر ہوتا ہے۔

معصومہ رضا کو اسی پریشر کا سامنا ایک سال پہلے تب کرنا پڑا جب ان کی بچی کی پیدائش ہوئی اور ہیماٹوما یا جمے ہوئے خون کی وجہ سے بچی کے سر کے اوپر تھوڑی سی جگہ ابھری ہوئی تھی۔

معصومہ کہتی ہیں گھروالوں نے تو خیال کرتے ہوئے پوچھا لیکن باہر والے لوگوں نے انھیں ایسے مشورے بھی دیئے جو انھوں نے مانگے بھی نہیں تھے۔

معصومہ نے بتایا: ’لوگوں نے پوچھنا شروع کردیا کہ یہ کیا مسئلہ ہے، الگ سے نظر آرہا ہے۔' ایک جاننے والی خاتون تو پلیٹ ہی لے کر آگئیں کہ لاؤ تہھیں سکھلاؤں بچی کا سر پلیٹ میں رکھ کر بنانا کیسے ہے۔‘ ڈاکٹر سے رجوع کرنے پر انھیں پتہ چلا کہ یہ خود ہی ٹھیک ہوجائے گا اور پھر تین ماہ بعد ہیماٹوما ٹھیک ہوگیا۔ معصومہ کہتی ہیں کہ: ’میں نے ٹھان لی کہ نہ پریشر لوں گی اور نہ کبھی اپنی بچی کو لینے دوں گی۔ ہمارا کلچر بن گیا ہے کہ بیٹی ہے تو ایسے خوبصورت بناؤ۔۔۔ آنکھیں اتنی بڑی ہونی چاہئیں، ماتھے پر بال نہ ہوں، ناک پتلی ہو۔۔۔ دنیا کہاں سے کہاں پہنچ گئی ہے، ہمارے معاشرے کو بھی تھوڑا آزاد خیال ہونا چاہئے۔‘

12 دن کی بچی کی ویکسنگ کردو، بال ختم ہوجائیں گے:

ماہم حسّان جب پہلی بار ماں بنیں تو انھیں یہ پتہ نہیں تھا کہ لوگ بچے کو خوبصورت بنانے کے لئے کتنا پریشر ڈالتے ہیں۔ان کی بیٹی کے روئیں جیسے بال دیکھ کر ایک جان پہچان والی خاتون نے کہا کہ آٹے کی لوئی لے کر بال صاف کردو. ایک اور خاتون نے انھیں بتایا کہ بچوں کی ویکس بھی آتی ہیں۔ ماہم اس وقت دنگ رہ گئیں جب ایک خاتون نے انھیں مشورہ دیا کہ بچوں کی ویکس بھی آتی ہے اور اگر وہ اپنی 12 دن کی بچی کی ویکس کردیں گی تو بعد میں شکر کریں گی کہ بچی کے بال دوبارہ نہیں آئے۔وہ کہتی ہیں مجھے سمجھ نہیں آتا کہ کوئی 12 دن کی بچی کو ویکس کرنے کا کیسے سوچ سکتا ہے!

ٹوٹکے اور ان کی حقیقت:

بچوں کو ’پیارا‘ بنانے والے ٹوٹکوں اور ان سے جڑے کئی سوالات لے کر میں شفا اسپتال میں چائلڈ اسپیشلسٹ ڈاکٹر معصومہ فاطمہ کے پاس گئی اور یہ جاننے کی کوشش کی کہ ان ٹوٹکوں کو بچوں پر آزمانے سے کیا ہوتا ہے.

آنکھیں بڑی کرنے کے لئے سرمہ لگانا:

ڈاکٹر معصومہ کے مطابق خالص سرمے میں لیڈ یا سیسہ ہوتا ہے جو نومولود بچوں کی آنکھوں میں فوراً جذب ہوسکتا ہے اور اس کی وجہ سے لیڈ پوائزننگ ہوسکتی ہے۔ صرف ایک بار سرمے کے استعمال سے بھی بچوں کے جسم میں لیڈ لیول بڑھ سکتا ہے۔ اس کے علاوہ سرمے کی سلائی سے بچے کی آنکھوں میں انفیکشن ہونے کا خدشہ رہتا ہے جو ان کے پورے جسم میں پھیل سکتا ہے۔

رنگ گورا کرنے کے لئے کریمیں لگانا:

ڈاکٹر معصومہ کے مطابق بچوں کا وہی رنگ ہوگا جو ان کو جینیاتی طور پر ماں باپ سے ملے گا۔ اس کے لئے ان کی جلد پر مختلف چیزیں لگانے سے گریز کریں ورنہ کیمیکل بچوں کی جلد پر ریش کی شکل میں اثرانداز ہوسکتے ہیں۔

فلیٹ یا سیدھا سر بنانا:

ڈاکٹر معصومہ کہتی ہیں فلیٹ سر بنانے کا رواج بہت عام ہے اور اسے اچھا سر سمجھا جاتا ہے۔ لیکن اگر ہم دماغ کی شیپ دیکھیں تو دماغ کا ایک حصہ سر کی پچھلی طرف موجود ہوتا ہے جسے دباکر سخت سطح پر رکھا جاتا ہے تاکہ سر کو فلیٹ کیا جاسکے۔ ان کے مطابق دماغ ایڈجسٹ تو کرلیتا ہے لیکن اس سے نہ صرف کان کی ساخت تبدیل ہوسکتی ہے بلکہ بچوں کی ذہنی نشونما میں کچھ کمی رہنے کا اندیشہ ہوسکتا ہے۔ تو اگر ان کا سر پیچھے سے گول بھی ہے تو یہ نارمل بات ہے۔

انھوں نے کہا کہ ٹائٹ ٹوپی پہنانے کا نقصان یہ ہے کہ اس سے بچوں کے سر کا سائز چھوٹا رہنے کا خدشہ ہوسکتا ہے۔

نومولود بچوں کے بال اتارنا:

ڈاکٹر معصومہ کہتی ہیں کہ بہت سے بچوں کے جسم پر بالخصوص پری میچور یا وقت سے پہلے پیدا ہونے کی صورت میں کافی بال ہوسکتے ہیں لیکن بچوں کے جسم سے آٹے کی لوئی یا بیبی ویکس کے ذریعے بال اتارکر بچے کو تکلیف پہنچانے کی ضرورت نہیں ہے۔ انھوں نے کہا کیونکہ جسم پر بالوں کا تعین بچے کی جینیات کرتی ہیں یعنی اگر ماں باپ کے جسم پر زیادہ بال نہیں ہیں تو زیادہ امکان اسی بات کا ہے کہ بچے کے جسم پر بال بھی ایک سال تک پہنچنے کے بعد کم ہوجائیں۔

ناک دباکر پتلی کرنا:

ڈاکٹر معصومہ کے مطابق بچوں کی ہڈیاں، خاص طور پر ناک کی ہڈی بہت نرم اور نازک ہوتی ہے۔ ناک کو دبانے سے ہڈی کو نقصان پہنچنے کا خدشہ ہوسکتا ہے۔

گھنے بالوں کے لئے سر کا شیو کروانا:

ڈاکٹر معصومہ کہتی ہیں کہ اگر ماں باپ کے بال اچھے ہیں تو سائنس یہی کہتی ہے کہ بچوں کے بال اچھے ہونے کے امکانات زیادہ ہوں گے۔ بچوں کے اچھے بال عوماً ایک سال کے بعد ہی آنا شروع ہوتے ہیں۔ اس لئے اگر کسی بچے کا سر ایک سال سے پہلے خالی بھی ہو تو پریشان ہونے کی ضرورت نہیں ہے۔

وزن بڑھانے کے لئے روٹی، انڈے وغیرہ کھلانا:

چھ ماہ تک بچوں کو صرف ماں کا دودھ دینا چاہئے اور گائے یا بکری کا تازہ دودھ یا انڈے وغیرہ کسی صورت نہیں دینا چاہئے کیونکہ اس سے بچوں میں الرجی کا خطرہ ہوسکتا ہے۔ ڈاکٹر معصومہ کے مطابق بچوں کے لئے ماں کا دودھ کافی ہوتا ہے۔ اس کے بعد کم مقدار میں چاول یا پھل، سبزی دی جاسکتی ہے۔

بچوں کا مساج کرنا چاہئے:

تو نومولود بچوں کے لئے کوئی ٹوٹکا مفید بھی ہے؟ جی ہاں۔ ہلکے ہاتھوں کے ساتھ بچوں کی مالش کی جاسکتی ہے۔ اس کے لئے ڈاکٹر معصومہ زیتون کا تیل استعمال کرنے کا مشورہ دیتی ہیں۔ ان کے مطابق مساج کرنے سے بچہ سکون محسوس کرے گا۔ ( S_A_Sagar# )

بچوں کو ’خوبصورت‘ بنانے کے خطرناک ٹوٹکے | S A Sagar (sasagarurdutahzeeb.blogspot.com)

کیا آپ کا فون بھی پھٹ سکتا ہے

2023-07-01T01:43:00.001-07:00

کیا آپ کا فون بھی پھٹ سکتا ہے؟

اس کا مختصر جواب "ہاں" ہے، کیونکہ فون پھٹنے کے بہت سے واقعات ہیں، وہ کون سی وجوہات ہیں جو آپ کے فون کو پھٹنے پر مجبور کرسکتے ہیں. مثال کے طور پر:

• ہارڈ ویئر کے مسائل: سب سے اہم وجوہات جو فون کو پھٹا سکتی ہیں وہ ہیں فون کے اندرونی ہارڈ ویئر خصوصا بیٹری کے مسائل، اور یہ پریشانی عام طور پر مینوفیکچرنگ پریشانیوں یا غلط استعمال کی ہوتی ہیں۔

• فون سے زیادہ گرمی: ایپل نے نوٹ کیا آئی فون کا درجہ حرارت کسی بھی صورت میں 45 ڈگری سینٹی گریڈ سے تجاوز نہیں کرنا چاہئے، کیونکہ اس طرح سے زیادہ درجہ حرارت ایسی چیز ہے جو فون کے اندرونی ساخت کو نقصان پہنچاسکتے ہیں اور اس طرح اسے جلاسکتے ہیں لیکن فون اس معاملے میں آپ کو الرٹ ونڈو دکھائے گا۔ اس کے علاوہ، اگر آپ گرم آب و ہوا میں رہتے ہیں تو مناسب مواد سے تیار کردہ کور کو ضرور استعمال کریں جس سے فون کو ہوا گردش کرنے کا موقع مل سکے۔

• سستے لوازمات کا استعمال: سستے یا کم معیار کے لوازمات کا استعمال کرنا یا یہاں تک کہ وہ فون کے لئے براہ راست ارادہ نہیں رکھتے ہیں جو عام طور پر فون کی کارکردگی کو خراب کرنے میں معاون ثابت ہوسکتی ہے لیکن ایسی عادت فون کے پھٹنے یا جلانے میں بھی معاون ثابت ہوسکتی ہے۔ ....

فون گرم کیوں ہوتا ہے اور اسے ٹھنڈا کیسے رکھا جائے؟

آپ اپنے لنچ بریک پر باہر بیٹھے ہیں اور آپ کا فون پر آپ کو اوور ہیٹ یا گرم ہونے اور صحیح طریقے سے کام نہ کرسکنے کا پیغام ملتا ہے۔ ایسے میں آپ ٹک ٹاک یا اپنے دوستوں سے بات کرنے کے لئے فون کیسے استعمال کریں گے؟ برطانیہ سمیت دنیا بھر میں جاری حالیہ ہیٹ ویو نہ صرف انسانوں بلکہ ان کے الیکٹرونک آلات کو بھی متاثر کررہی ہے۔ انسانوں کے برعکس، فونز کو پسینہ نہیں آتا۔ یہ انھیں ہاتھ میں پکڑنے والوں کے لئے اچھا ہے لیکن ہمارے ہینڈ سیٹس کے لئے اچھا نہیں ہے۔ تو ہمارے الیکٹرونکس آلات گرمی میں کیوں گرم ہوجاتے ہیں اور ہم اس بارے میں کیا کرسکتے ہیں؟ جیسے ہی فون گرم ہوتا ہے اس کا پروسیسر سست پڑجاتا ہے۔ بالکل اسی طرح جیسے ہم شدید گرمی میں ایک ہی رفتار سے کام کرنے کے لئے جدوجہد کرتے ہیں، فون کے پروسیسر کے لئے بھی کچھ ایسا ہی معاملہ ہوسکتا ہے۔ فون پروسیسر دراصل فون میں موجود ایک چپ ہے جو اس کے اہم فنکشنز کے لئے ذمہ دار ہے۔ لیڈز بیکٹ یونیورسٹی میں الیکٹرانک اور الیکٹریکل انجینئرنگ کی ایک سینئر لیکچرر ڈاکٹر روز وائٹ ملنگٹن کہتی ہیں کہ ’اندرونی چیزیں جو حقیقت میں یہ سب کام کرتی ہیں، بدقسمتی سے، وہ خود اپنے کام کرنے کے طریقے سے حرارت پیدا کرتی ہیں۔ اور جیسے جیسے یہ ڈیوائسز فونز کے لئے زیادہ گرم ہوتی جاتی ہیں، پروسیسر خود کو زیادہ گرم ہونے سے روکنے کی کوشش کرتا ہے اور اس کے نتیجے میں سب کچھ سست ہوجاتا ہے۔ الیکٹرانکس کو عام طور پر 35 سینٹی گریڈ تک کام کرنے کے لئے ڈیزائن کیا گیا ہے۔ بیٹریاں توانائی ذخیرہ کرتی ہیں اور انھیں مخصوص درجہ حرارت پر کام کرنے کے لئے ڈیزائن کیا گیا ہے۔ وہ جتنی گرم ہوتی ہیں، ان کے لئے کام کرنا اتنا ہی مشکل ہوتا ہے اور وہ اتنی ہی زیادہ توانائی استعمال کرتی ہیں۔ جس کا مطلب ہے کہ بیٹری زیادہ تیزی سے ختم ہوگی کیونکہ اسے ٹھنڈا کرنا مشکل ہوتا ہے۔ جب ہم باہر دھوپ میں ہوتے ہیں تو ہم اکثر اسکرین کی روشنی کو بڑھالیتے ہیں، اس کا اثر بھی بیٹری جلد ختم ہونے پر پڑسکتا ہے۔ وہ اپنی حالت کی نگرانی کے لئے بھی توانائی کا استعمال کرتی ہیں اور اس لئے بنیادی طور پر انھیں زیادہ کام کرنا پڑتا ہے۔ اگر آپ نے اپنے فون کی اسکرین پر کوئی معمولی سی تبدیلی محسوس کی ہے تو ایسا گرمی کی وجہ سے ہوسکتا ہے۔ اگر یہ پرانا فون ہے اور اگر اس میں کوئی معمولی خرابی ہے، تو گرمی اس کو بڑھادے گی۔ اسکرین پروٹیکٹر اکثر اپنے اندر زیادہ گرمی رکھ سکتے ہیں، جوکہ گرم حالات میں اچھا ثابت نہیں ہوتا۔

فون کو ٹھنڈا رکھنے کے لئے کیا کرسکتے ہیں؟

جب آپ اپنی بیٹری چارج کررہے ہوتے ہیں تو ایسے میں اگر واقعی گرمی ہے تو آپ مزید حرارت پیدا کررہے ہوتے ہیں۔ جب آپ کا فون چارج ہوتا ہے تو یہ زیادہ گرم ہوجاتا ہے۔

اسے دھیان سے رکھیں:

اسے براہ راست سورج کی روشنی سے دور رکھنے سے مدد مل سکتی ہے۔ اسے اپنی کار میں نہ چھوڑیں، جتنا ہوسکے سائے میں رکھیں۔ اگر ہوسکے تو اسے پنکھے کے سامنے رکھیں۔

اسے ہلکا رکھیں:

یہ بات یہ فون کے اندرونی اور بیرونی دونوں سطحوں پر نافذ ہوتی ہے۔ اگر آپ نے اسے کسی کیس میں رکھا ہے تو اس سے باہر نکالیں اور ان تمام فنکشنز کو بند کردیں جن کی آپ کو ضرورت نہیں ہے۔ اگر آپ جی پی ایس استعمال نہیں کررہے ہیں، اگر آپ چیزیں استعمال نہیں کررہے ہیں، تو اسے بند کردیں۔ کیونکہ آپ جتنی کم چیزیں استعمال کریں گے، آپ جتنی کم توانائی استعمال کریں گے، اتنی ہی کم گرمی پیدا ہوگی۔‘

کم پاور موڈ:

آپ جتنی کم پاور استعمال کریں گے، آپ کا فون اتنا ہی بہتر ہوگا۔ ’کبھی کبھی اگر آپ کا فون واقعی مشکل میں ہے تو اسے چند منٹ کے لئے بند کردیں اور اسے ٹھنڈا ہونے دیں اور پھر اسے دوبارہ آن کریں۔ لیکن اسے ٹھنڈا کرنے کے لئے فریج یا فریزر کا استعمال نہ کریں۔۔۔ اسے برف کے تھیلے میں نہ رکھیں، کیونکہ اس سے کوئی فائدہ نہیں ہوتا۔ درجہ حرارت میں تیزی سے تبدیلیاں فون کے لئے واقعی خراب ثابت ہوسکتی ہیں اور برف سے اس میں پانی کے گھس جانے کا باعث بن سکتی ہے۔

فون میں زیادہ گرمی کے میکانزم بنائے گئے ہیں تاکہ انھیں ’خود کو تباہ کرنے سے روکا جاسکے، جوکہ واقعی گرمی میں ہوسکتا ہے۔‘

#ایس_اے_ساگر

کیا آپ کا فون بھی پھٹ سکتا ہے | S A Sagar (sasagarurdutahzeeb.blogspot.com)

موبائل فون کا بے تکا استعمال آپ کو کہیں کا نہیں چھوڑے گا

2021-11-14T19:03:00.001-08:00

موبائل فون کا بے تکا استعمال آپ کو کہیں کا نہیں چھوڑے گا!

کیا آپ کو علم ہے کہ آپ کے سر کا وزن تقریباً 5 کلو ہوتا ہے جبکہ سر کے وزن گردن کو برداشت کرنا ہوتا ہے. یعنی سر کے جھکاؤ کے زاویہ کا بوجھ نامناسب ہونے کی وجہ سے گردن پر غیرضروری بوجھ بڑھ جاتا ہے۔ اب ذرا منسلکہ خاکہ کو بغور دیکھئے جس میں سیل فون استعمال کرنے کی صفر درجہ سے ساٹھ درجہ تک زاویہ کو پیش کیا گیا ہے. معمولی احتیاط برتنے سے آپ کی صحت کو زبردست فائدہ پہنچ سکتا ہے. یعنی کہ جتنا ہم نیچے دیکھتے ہیں، اسی تناسب سے ہمارے گردن کے پٹھوں اور ریڑھ کی ہڈی کے مہروں پر بوجھ پڑھتا ہے. اگر آپ آگے کی طرف جھکتے ہیں تو اس کا وزن زیادہ ہوتا ہے۔ 60 ڈگری پر جھکنے پر یہ گردن کے نچلے حصے اور سینے کے نیچے 22-27 کلوگرام پڑتا ہے۔ یعنی پوری ریڑھ کی ہڈی کا وزن. لہذا خود پر رحم کیجئے اور اسمارٹ فون استعمال کرتے ہوئے اپنا خیال رکھئے. اپنی صحت کا خیال رکھئے …… یعنی اپنی جسمانی پوزیشن، فون کےطریقہ استعمال سے کبھی لاپروا نہ ہوں. وقت گزرنے کے ساتھ یہ چھوٹا سا آلہ آپ کے ساتھ کیا کچھ کرسکتا ہے اس کا آپ کبھی تصور بھی نہیں کرسکتے …… #ایس_اے_ساگر

موبائل فون کا بے تکا استعمال آپ کو کہیں کا نہیں چھوڑے گا | S A Sagar (sasagarurdutahzeeb.blogspot.com)

کامیڈی کنگ عمر شریف کا انتقال

2021-10-02T13:40:00.000-07:00

کامیڈی کنگ عمر شریف کا انتقال

طنز و مزاح کے ذریعے اصلاح معاشرہ کے لئے جدوجہد کرنے والوں کے بے تاج بادشاہ 'کامیڈی کنگ' عمر شریف جرمنی کے اسپتال میں انتقال کرگئے ہیں۔ انا للہ وانا الیہ راجعون. معروف اداکار عمر شریف دل کے عارضے کے علاج کی غرض سے منگل کو بذریعہ ایئر ایمبولینس امریکہ روانہ ہوئے تھے۔ برلن سے موصولہ اطلاعات کے مطابق ہفتہ کو اینکرپرسن وسیم بادامی نے اپنے ٹوئٹر اکاؤنٹ پر عمر شریف کے انتقال کی اطلاع دیتے ہوئے لکھا کہ ’عمر بھائی ہم میں نہیں رہے۔ جرمنی میں پاکستانی سفیر ڈاکٹر محمد فیصل نے اپنے ٹویٹ میں لکھا کہ ’گہرے افسوس کے ساتھ یہ اعلان کیا جاتا ہے کہ عمر شریف انتقال کرگئے ہیں، ہم ان کے خاندان اور دوستوں سے تعزیت کرتے ہیں، ہمارے قونصل جنرل اسپتال میں ان کے خاندان کی ہر طرح سے معاونت کے لئے موجود ہیں۔ عمر شریف نے برسوں تک لاکھوں لوگوں کے چہروں پر مسکراہٹیں بکھیریں. عمر شریف کی طبیعت پیر کو اچانک بگڑگئی تھی، ڈاکٹر طارق شہاب کے مطابق ڈائیلاسز کے دوران ان کا بلڈ پریشر خاصا کم ہوگیا تھا جس کے بعد عمر شریف کو انتہائی نگہداشت وارڈ میں منتقل کردیا گیا تھا۔ گذشتہ ماہ اسٹیج اور ٹی وی کے نامور کامیڈین کی تصویریں سوشل میڈیا پر وائرل ہوئی تھیں جن میں وہ ویل چیئر پر بیٹھے نظر آرہے تھے۔ وہ عارضہ قلب، گردے اور دیگر امراض میں مبتلا تھے۔ عمر شریف کے بیٹے نے پاکستان تحریک انصاف کی حکومت سے درخواست کی تھی کہ ان کے والد کو علاج کے لیے امریکہ جانا ہے جس کے لئے انہیں مدد درکار ہے۔ مشہور اداکار کے بیٹے کی اپیل سامنے آنے کے بعد سندھ کے وزیر ثقافت سید سردار علی شاہ نے عمر شریف کے علاج کروانے کا اعلان کیا تھا۔
عمر شریف 19 اپریل 1955 کو کراچی میں پیدا ہوئے اور انہوں نے 14 برس کی عمر میں اسٹیج پر اداکاری شروع کی۔ مزاحیہ اسٹیج ڈرامے ان کی وجہ شہرت بنے اور انہوں نے ٹی وی اور فلموں میں بھی اپنے فن کا مظاہرہ کیا۔
عمر شریف کو ان کی خدمات کے اعتراف میں نگار ایوارڈ اور تمغہ امتیاز سمیت کئی اعزازات سے نوازا گیا تھا۔ سوشل میڈیا پر پاکستان کی شوبز انڈسٹری سے وابستہ فنکار، سیاسی شخصیات اور مختلف شعبہ ہائے زندگی سے تعلق رکھنے افراد لیجنڈری اداکار کے انتقال پر افسوس کا اظہار کررہے ہیں۔ گزشتہ دو دن سے عمر شریف انتہائی علیل تھے اور انہیں نمونیہ بھی لاحق ہوگیا تھا، تاہم ڈاکٹروں کو توقع تھی کہ ان کی طبیعت سنبھل جائے گی، جس کے بعد انہیں مزید علاج کے لئے امریکہ منتقل کیا جائے گا، تاہم دو اکتوبر کی دوپہر کو وہ خالق حقیقی سے جاملے۔

لیجنڈری کامیڈین کی موذی مرض کینسر میں مبتلا ہونے کی افواہیں 2017 میں پھیلی تھیں، اس وقت اداکار کی اسپتال کے بستر پر کھنچوائی گئی تصویر وائرل ہونے کے بعد چہ مگوئیاں تھیں کہ وہ سنگین بیماری میں مبتلا ہیں، تاہم اس وقت بھی ان کے اہل خانہ نے ان کی بیماری پر وضاحت کی تھی کہ وہ سینے کے معمولی انفیکشن میں مبتلا ہیں۔ عمر شریف نے 1970 کی دہائی سے اپنے کریئر کی ابتدا کی۔
ان کا اصل نام محمد عمر تھا۔ وہ پاکستانی مزاحیہ اداکار منور ظریف سے بہت متاثر تھے اور ان کو اپنا روحانی استاد بھی مانتے تھے. لہٰذا انہی کے نقشِ قدم پر چل کر اپنی کامیڈی کے خدوخال تشکیل دیئے۔ انہوں نے انتہائی کم عمری میں اپنے کیریئر کا آغاز کیا اور محض 14 برس کی عمر میں پہلے ڈرامے میں جلوہ گر ہوئے اور پھر انہوں نے پوری زندگی اسکرین، پردے اور تھیٹر پر گزاری۔ انہوں نے متعدد لازوال اسٹیج ڈرامے لکھے، جن میں سے ‘بکرا قسطوں پہ’ بھی تھا، عمر شریف کا مذکورہ تھیٹر وہ ڈرامہ تھا جس کی وجہ سے انہیں عالمی سطح پر شہرت ملی۔ عمر شریف نے فلمی صنعت کا رُخ بھی کیا اور فلمیں بنانے کے ساتھ ساتھ ان میں کام بھی کیا۔ اس تناظر میں ان کی مقبول فلم ‘مسٹر 420’ ہے، انہوں نے مسٹر 420 (1992ء)، مسٹر چارلی (1993ء) اور مس ٹربل سم (1993ء) جیسی فلموں کی نہ صرف ہدایت کاری کی بلکہ ان کی کہانی بھی لکھی۔
عمر شریف نے 3 شادیاں کیں، ان کی بیگمات کے نام دیبا عمر، شکیلہ قریشی اور زرین غزل ہیں، صرف پہلی بیگم سے ان کے 2 بیٹے ہیں، انہی سے ایک بیٹی تھی جن کا انتقال ہوچکا ہے۔ ان کے ایک قریبی دوست اور ساتھی اداکار شرافت علی شاہ کے خیال میں ‘عمر شریف کی بیماری کے پیچھے اصل وجہ ذہنی دباؤ تھی۔ انہوں نے پیشہ ورانہ کام کو بھی اپنے اوپر حاوی رکھا اور پھر نجی زندگی کے مسائل نے بھی ان کو اپنی گرفت میں لئے رکھا’۔

آخری ایام کی تصویر سے معلوم ہوتا ہے کہ عمر شریف نے ماشآءاللہ داڑھی رکھ لی تھی. کہتے ہیں کہ اتنا بولنے والا شخص آخری دنوں میں ایک حرف صحیح سے ادا نہیں کرپا رہا تھا، اللہ تعالیٰ ہم سب کو عافیت والی زندگی اور عافیت والی موت عطاء فرماۓ.

دلِ مردہ دل نہیں ہے اسے زندہ کر دوبارہ

کہ یہی ہے امتوں کے مرض کہن کا چارہ
#ایس_اے_ساگر

کامیڈی کنگ عمر شریف کا انتقال | S A Sagar (sasagarurdutahzeeb.blogspot.com)

Comedy king Umar Sharif Passed Away

اچھے اخلاق کا مطلب کیا ہوتا ہے؟

2021-09-27T14:55:00.001-07:00

اچھے اخلاق کا مطلب کیا ہوتا ہے؟
1 - کسی کو ایک ہی وقت میں دوسری بار کال نہ کریں۔ اگر آپ کا فون نہیں اٹھایا جارہا ہے تو بدگمان نہ ہوں. متعدد اعذار لاحق ہوسکتے ہیں.
2 - اگر کوئی آپ کو دعوت طعام دے تو مہنگا کھانا آرڈر نہیں کرنا چاہئے. یہ ندیدہ پن ہے. بے. خواہ دعوت دینے والا خوشحال ہو یا متوسط طبقہ کا فرد ہو.
3 - کسی سے بے تکے سوالات نہیں کرنے چاہئیں ۔ مثلا آپ کی ابھی تک شادی کیوں نہیں ہوئی؟ آپ کے ابھی تک بچے کیوں نہیں ہوئے؟ آپ نے گھر کیوں نہیں بنوایا؟ یا کار کیوں نہیں خریدی؟ خدارا ... غور کیجئے.... یہ آپ کے مسائل نہیں ہیں.
4 - کسی عمارت یا کمرے میں دروازہ کھولتے وقت کوئی آپ کے پیچھے ہے تو اپنے سے پیچھے والے شخص خواہ لڑکی ہو یا لڑکا پہلے باہر جانے دیں. عوامی جگہوں پر کسی کو عزت دینے سے آپ کی عزت گھٹے گی نہیں.
5 - اگر ٹیکسی یا بس میں سفر کرتے ہوئے کسی دوست نے آپ کا کرایہ ادا کردیا ہے تو آپ کا فرض ہے اگلی بار آپ کرایہ ادا کریں.
6 - دوسروں کے نظریات کا احترام کرنا سیکھیں۔ جیسے 6 اور 9 اپنی اپنی جگہ دونوں ٹھیک ہیں لیکن زاویے نظر کا فرق ہے.
7 - اگر کوئی بات کررہا ہو تو اس کو ٹوکنا نہیں چاہئے. جیسے کہاوت ہے جس نے سب سنا اس نے سب چھانا۔ (یعنی حقیقت معلوم ہوگئی) ۔
8 - اگر کسی دوست کو آپ نے ازراہ مذاق چھیڑا یا تنگ کیا لیکن وہ اس سے لطف اندوز نہیں ہوا تو دوبارہ ایسا مذاق نہ کریں۔ اس سے پتہ چلتا ہے کہ آپ کتنے معاملہ فہم اور دوستانہ رویہ کے حامل انسان ہیں.
9 - چھوٹی سے چھوٹی مدد پر بھی دوسروں کا شکریہ ادا کریں۔
10 - کسی کی ستائش سرعام کرنا سیکھیں ، اور نصیحت ہمیشہ تنہائی میں اپنائیت کے ساتھ کریں۔
11 - کسی کی چیز پر ایسی رائے زنی نہیں کرنا چاہئے جس سے اس کو احساس کمتری یا خجالت ہو ۔ کسی کی رنگت. شکل و صورت. نیز ڈیل ڈول اور وزن وغیرہ پر ہرگز معترض نہ ہوں۔
12 - اگر اپ کو اپنے موبائل فون پر کوئی تصویر دکھائے تو دائیں بائیں ہاتھ مت چلائیے یعنی اس کے فون کی گیلری میں دوسری تصاویر دیکھنے کی کوشش نہ کریں. اس سے دوسرے کی ذاتیات مجروح ہوسکتی ہے.
13 - اگر آپ کے ساتھ کام کرنے والا کہے کہ مجھے ڈاکٹر سے اپوائنٹمنٹ لینا ہے تو یہ نہ پوچھیں کیا مسئلہ ہے ... بلکہ شفا کی دعا دیں۔ ہوسکتا ہے آپ کے پوچھنے سے اس کو پریشانی ہو لیکن وہ نہ بتانا چاہتا یا چاہتی ہو.
14 - صفائی والے کو بھی وہی عزت دیں جو اپنے منیجر یا باس کو دیتے ہیں. یاد رکھیں اکڑ اور غرور سے کوئی متاثر نہیں ہوتا. بلکہ نرمی و عزت دینے سے لوگ آپ سے متاثر ہوتے ہیں ۔
15 - اگر آپ سے کوئی شخص براہ راست بات کررہا ہے یا مخاطب ہے تو اپنے موبائل فون کی طرف متوجہ نہ ہوں. مجلس میں فون کی مشغولی سے حتی الامکان گریز کریں.
16 - کسی کو اس وقت تک مشورہ نہ دیں جب تک وہ مشورہ طلب نہ کرے۔ مثال کے طور پر بیماری کی سنتے ہی دوائیں تجویز کرنا شروع نہیں کیجئے.
17 - اگر کوئی دوست کافی عرصے بعد ملا ہے تو جب تک وہ خود آپ کو اپنی تنخواہ یا عمر نہ بتائے آپ کو تجسس نہیں کرنا چاہئے اور نہ ہی براہ راست پوچھنا چاہئے۔
18 - کسی کے ذاتی معاملات میں دخل اندازی نہیں کرنی چاہئے ۔
19 - کسی سے بھی بات کرتے ہوئے دھوپ کا چشمہ اتار دینا چاہئے. یہ کسی کو عزت دینے کے مترادف ہے۔ مزید یہ کہ بات کرتے وقت نگاہوں کا ملنا یہ 'آئی کانٹیکٹ' لازمی ہونا چاہئے. ہاں اگر مخاطب نامحرم ہوتو براہ راست دیکھنے سے اجتناب برتنا ضروری ہے.
20 - متوسط طبقہ یا مڈل کلاس احباب کے سامنے اپنی امیری اور پیسے کا تذکرہ نہیں کرنا چاہئے ۔ اور بالکل اسی طرح بے اولاد جوڑوں کے سامنے بچوں کا تذکرہ نہ کریں۔ بیوہ یا رنڈووں کے سامنے اپنے شریک حیات کا تذکرہ نہ کریں. شوہر کے سامنے غیرعورت کی خوبیاں اور بیوی کے سامنے غیرمردوں کی وجاہت بیان نہ کریں.
21 - اگر کسی سے کچھ ادھار لیا ہے چاہے پیسے ہوں یا کوئی چیز تو اس کے مانگنے سے پہلے واپس کریں ۔ یہ آپ کے اچھے کردار اور ایمانداری کا ثبوت ہے۔
22 - اگر آپ کو لگتا ہے کہ یہ واقعی اچھا پیغام ہے تو 'جزاکم اللہ خیرا' یا کم از کم 'شکریہ' کہہ کر ابھی سے اچھے اخلاق کا ثبوت پیش کریں.

#ایس_اے_ساگر

اچھے اخلاق کا مطلب کیا ہوتا ہے؟ | S A Sagar (sasagarurdutahzeeb.blogspot.com)

How to preserve mutton at home? گوشت کو کیسے محفوظ کیا جائے؟

2021-07-27T06:02:00.001-07:00

گوشت کو کیسے محفوظ کیا جائے؟

بازار سے خریدا ہوا گوشت زیادہ دیر تک اچھی حالت میں رہتا ہے ... جبکہ قربانی کا گوشت گھروں میں اسٹور کرتے ہیں تو فریج سے بلکہ فریج میں پڑی ہر چیز سے گوشت کی بو آنے لگتی ہے ... پھر جب پکایا جاتا ہے تب بھی ذائقہ بدلا ہوا محسوس ہوتا ہے۔ اس کی کیا وجوہات ہیں؟

ماہرین سے موصولہ تفصیلی جواب👇

جناب عالی اس کا قصوروار آپ کا قصائی ہے۔

✅ اس نے ذبیحہ درست نہیں کیا گوشت کو ہوا نہیں لگنے دی کچھ دیر لٹکا کر ہوا نہیں لگوائی۔

👈 ذبیحہ میں جانور کی گردن کا منکا کبھی نا توڑنے دیں پہلے تو ساری رگیں سامنے کٹوائیں خون کا بہاؤ بتا دے گا کہ زبح درست ہوا ہے یا نہیں بہت سارا خون نکلے گا۔

👈 پانی کے پائپ سے جانور پہ کبھی بھی پانی نا ڈالیں کہ جانور ٹھنڈا جلدی ہوجائے گا سارا خون خارج نہیں ہوگا۔ اس طرح قصائی کی جلدی میں جانور کا گوشت خراب ہوجاتا ہے۔

👈 گردن کا منکا توڑنے سے بھی جانور مر جاتا ہے سارا خون خارج نہیں ہوتا۔

گردن موڑ کر اس کا منکا توڑنا اسے تکلیف در تکلیف میں مبتلا کرنا ہے۔بلکہ چاہیے کہ جانور کو ذبح کرنے کے بعد اس کا تمام خون نکل جائے پھر ٹھنڈا ہو کر بے حس و حرکت ہو جانے تک اس کی کھال اتارنے میں جلدی نہ کی جائے۔ جبکہ حرام مغز کاٹ دینے سے جسم دم مسفوح سے پوری طرح پاک نہیں ہوتا، کیوں کہ حرام مغز کے ذریعے دماغ اور جسم کا رابطہ قائم رہتا ہے اور اس کے ذریعے بہنے والے خون کی نجاست سے جسم پاک ہو جاتا ہے۔ اس سلسلے میں علماء کا موقف یہ ہے کہ ذبح کے وقت جلد کاٹنے کے بعد درج ذیل رگیں کاٹی جائیں۔

✅ حلقوم: … اس سے مراد سانس کی رگ ہے، اس کے کاٹنے سے سانس لینے کا سلسلہ ختم ہوجاتا ہے۔

✅ مری: … کھانے پینے کی نالی، اس کے ذریعے چارہ اور پانی وغیرہ معدہ میں جاتا ہے، اس کے کاٹنے سے کوئی غذا وغیرہ معدہ میں نہیں جاسکتی، اسے بھی کاٹنا چاہیے۔

✅ الو دجان: … اس سے مراد وہ دو رگیں جو حلقوم اور مری کے اردگرد ہوتی ہیں، ان کے ذریعے خون گردش کرتا ہے، اس کے کاٹنے سے دم مسفوح نکل جاتا ہے۔

ان کے بعد گردن کی ہڈی کا جوڑ ہوتا ہے، یہی وہ جوڑ ہے جسے گردن پیچھے کی طرف موڑکر کھولا جاتا ہے اور اسے ہم منکا ٹوٹ جانے سے تعبیر کرتے ہیں۔ پھر سفید دھاگے کی طرح حرام مغز روئی کی بتیوں کی شکل میں نظر آتا ہے۔ اس کے کٹ جانے سے جسم اور دماغ کا تعلق ختم ہو جاتا ہے۔

✅ ذبح کرتے وقت صرف گردن کی ہڈی تک کاٹنا چاہئے، حرام مغز کو کاٹنا ذبح کے اصولوں کے خلاف ہے۔ چنانچہ امام بخاری رحمہ اللہ نے اپنی صحیح میں ایک عنوان ’’الذبائح والصید‘‘ قائم کیا ہے۔ انہوں نے اس کے تحت سیدنا عبداللہ بن عمر رضی اللہ عنہما کے متعلق لکھا ہے کہ وہ حرام مغز کاٹنے سے منع کرتے تھے اور فرماتے تھے کہ جانور کو اس کی گردن کی ہڈی تک کاٹ کر چھوڑ دیا جائے تا آنکہ وہ ختم ہوجائے۔ امام بخاری رحمہ اللہ نے سیدنا عطاء بن ابی رباح رحمہ اللہ کے حوالے سے لکھا ہے کہ ذبح کرتے وقت جانور کی رگیں کاٹنا ہوتی ہیں، میں ان کے ساتھ حرام مغز کو کاٹنا اچھا خیال نہیں کرتا.

✅ جب جانور مکمل ٹھنڈا ہوجائے اور سانس باقی نا رہے تب منکے کی ہڈی کو کھولنا چاہئے اور سر جسم سے جدا کرنا چاہئے۔ اس وقت تک جانور کے جسم کا سارا خون خارج ہوچکا ہوتا ہے اور ذبیحہ کا مکمل طریقہ بھی یہی ہے۔

👈 کچھ موسمی قصائی اپنے ہاتھ میں موجود چھری کی نوک کو تکبیر کے فوری بعد حرام مغز میں چبھوکر جانور کو بے حس کردیتے ہیں وہ طریقہ درست نہیں۔ بعض قصاب تکبیر پڑھ کر چھری پھیرنے کے ساتھ ہی اپنا گھٹنا جانور کی گردن کے پیچھے رکھ کر سر کھینچ کر منکا توڑ دیتے ہیں. یہ بھی اصول ذبیحہ کے خلاف ہے۔ جانور کا مکمل خون خارج نا ہو تو جھٹکے والے مردار جانور اور اس جانور کے گوشت کی بو اور مزا ایک جیسا لگے گا۔ کھانا پکاتے ہوئے بھی مردار جیسی بو آئے گی باوجود کہ اللہ کا نام لے کر ذبح کیا گیا جانور ہوگا۔

👈 قصائی کے پاس وقت نہیں ہوتا وہ جلدی میں یہ سب کرتے ہیں۔ ان سے تکبیر سننے کی کوشش کریں کہ گردن پہ چھری خود چلائیں اگر یہ نا کرسکیں تو باآواز بلند تکبیر پڑھیں تاکہ اگر قصائی بھول رہا ہو تو اس کو یاد آ جائے۔ وہڑا (بڑا جانور) درست ذبیح میں ٹھنڈا ہونے کے قریب ایسے حرکت کرے گا جیسے بھاگ رہا ہے. اپنے چاروں پاؤں کو حرکت دے گا اور پانچ سات منٹ کے بعد ایسا ہوتا ہے. ذبح کے بعد جبکہ چھوٹا جانور یعنی بکرا چھترا دنبہ ٹھنڈا ہونے کے قریب کانپے گا. اس پہ ہاتھ رکھیں تو ہلکی سی لرزش محسوس ہوگی۔ یہ دونوں عمل ہمیشہ ہونا ضروری نہیں لیکن ایسا ہو تو سمجھیں کہ درست ذبح ہوگیا۔ الحمدللہ۔

👈 عیدالاضحیٰ کے ایام میں ہر شخص قصائی بنا ہوتا ہے جو اس کام کو جانتا بھی نہیں۔ اب یہ آپ کی ذمہ داری ہے کہ مذکورہ بالا نکات کو ذہن میں رکھتے ہوئے اناڑی اور کھلاڑی میں نہ صرف تفریق کریں بلکہ نوآموز سے اپنا پلہ جھاڑ لیں. #ایس_اے_ساگر

How to preserve mutton at home? گوشت کو گھرپر کیسے محفوظ کیا جائے؟ | S A Sagar (sasagarurdutahzeeb.blogspot.com)

How to preserve mutton at home

احادیثِ رسول صلی اللہ علیہ وآلہ وسلم کا نچوڑ

2021-06-22T10:54:00.001-07:00

چار ہزار آٹھ سو (4800) احادیثِ رسول صلی اللہ علیہ وآلہ وسلم کا نچوڑ صرف چار (4) احادیث میں

امام ابوداؤد رحمۃ اللہ علیہ فرماتے ہیں میں نے نبی کریم صلی اللہ علیہ وآلہ وسلم کی پانچ لاکھ احادیث لکھی ہیں ان میں سے چار ہزار آٹھ سو کا انتخاب کرکے انہیں اپنی کتاب سنن ابی داؤد میں ذکر کیا اور پھر ان چار ہزار آٹھ سو احادیث میں سے صرف چار احادیث کا انتخاب کیا اور یہ چار ایسی احادیث ہیں جو انسان کو دیندار بنانے کے لئے کافی ہیں۔

☘️حدیث نمبر 1:-👇

1) اعمال کا دارومدار نیت پر ہے.

☘️حدیث نمبر 2:-👇

2) آدمی کے اسلام کی خوبی اور کمال یہ ہے کہ وہ فضول کاموں اور باتوں کو چھوڑ دے۔

☘️حدیث نمبر 3:-👇

3) آدمی اس وقت تک کامل مومن نہیں ہوسکتا جب تک وہ اپنے بھائی کے لئے وہ پسند نہ کرے جو وہ اپنے لئے پسند کرتا ہے۔

☘️حدیث نمبر 4:-👇

4) حلال بھی واضح ہے اور حرام بھی واضح ہے اور ان دونوں کے درمیان کچھ مشتبہ چیزیں ہیں جو ان مشتبہ چیزوں سے بچتا رہا تو اس کا دین اور اس کی عزت بچ گئی۔

(البدایة والنہایة: 64)

لہذا کوشش یہی کرنی چاہئے کہ

1️⃣جو بھی نیک اعمال ہو اُس میں خالص اللہ کی رضا کی نیّت کریں خواہ کوئی تعریف کرے یا نہ کرے حمایت کرے یا مخالفت ہر حال میں خالص اللہ کی رضا کی نیّت کریں۔

نیک اعمال لوگوں کی حوصلہ شکنی کی وجہ سے نہ چھوڑیں ورنہ اس سے یہ سمجھا جائے گا کہ آپ نے لوگوں کی خاطر یہ عمل شروع کیا تھا نہ کہ اللہ تعالی کی رضا کی خاطر۔

البتہ بعض مرتبہ انسان کے دل میں اخلاص ہوتا ہے لیکن شیطان وساوس ڈال کر تنگ کرتا رہتا ہے کہ آپ نیک اعمال میں ریاکاری اور دکھلاوا کررہے ہو. اس کے یہ وساوس اتنے شدت سے آتے ہیں کہ آخرکار وہ انسان نیکی کا کام چھوڑ ہی جاتا ہے کہ کہیں میں سچ میں ریاکار نہ بنوں حالانکہ یہ محض وسوسہ ہوتا ہے. ایسے وساوس کی وجہ سے کوئی بھی نیکی کا کام نہیں چھوڑنا چاہئے بلکہ اور بھی کثرت سے نیک کاموں میں حصہ لینا چاہئے۔

2️⃣ دوسرے یہ کہ فضول کاموں سے بچنے کی کوشش کریں (خصوصا موبائل کو ناجائز کاموں میں کبھی بھی استعمال نہ کریں.) ہر وقت یہ سوچا کریں کہ اللہ تعالی مجھے دیکھ رہا ہے. مجھے ہر ایک عمل کا حساب دینا ہے. اللہ کے حضور پیش ہونا ہے۔ موت کی یاد اور جہنم کے عذاب کو بار بار یاد کرنے سے بھی انسان گناہ کے کام سے کافی حد بچ جاتا ہے۔

3️⃣ کبھی بھی مطلب پرست اور خودغرض مفاد پرست بننے کی کوشش نہ کریں بلکہ ایثار اور دوسرے مسلمان سے ہمدردی کا جذبہ رکھیں۔ ضرورت کے وقت اس کی حاجت پوری کریں اللہ تعالی آپ کی حاجات غیب سے پوری کرے گا۔

4️⃣ ہر کام سے پہلے سوچا کریں کہ یہ جائز ہوگا کہ نہیں؟ جس کام میں شک پیدا ہو تو کسی صاحب علم سمجھدار شخص سے مسئلہ پوچھ کر عمل کیا کریں اور جب تک کوئی بھی شخص میسر نہ ہو اُس وقت تک اس کام سے اجتناب کریں مشکوک چیزوں میں کبھی نہ پڑیں بلکہ مکمل اطمینان کے بعد ہی اس کام کو کیا کریں۔ (نقلہ: #ایس_اے_ساگر)

احادیثِ رسول صلی اللہ علیہ وآلہ وسلم کا نچوڑ | S A Sagar (sasagarurdutahzeeb.blogspot.com)

یقین کا مرکز قلب اور صحت کا مرکز معدہ

2021-02-24T13:56:00.000-08:00

یقین کا مرکز قلب اور صحت کا مرکز معدہ

طب نبوی کی روشنی میں غفلت کو دور کیجئے

حالیہ ایام میں قلب کے امراض کے غلبہ نے لوگوں کو معدہ کے افعال اور اس کی بیماریوں کے اسباب، علامات اور علاج سے غافل کردیا ہے. جبکہ امراض معدہ کو بھی تفصیلی طور پر سمجھنا چاہئے.

جب انسان اپنی غلطی، غفلت اور مسائل کی وجہ سے ان اعضاء اور جسم کی ضروریات کے مطابق ان کا خیال نہیں رکھتا تو پریشانیاں اور بیماریاں جنم لیتی ہیں۔ معدہ انسانی جسم کا ایک اہم حصہ ہے۔ انسانی جسم میں توانائی، حرکت اور نشو و نما کی بنیادیں اسی میں ہوتی ہیں۔ انسان جو کچھ کھاتا ہے، اسے کھا کر چبانا، ہضم کرنا اور پھر سے جسم انسانی کا حصہ بنانا یہ سب کام معدہ اور اس کے معاون اعضا ہی کرتے ہیں۔ نشاستے، لحمیات، حیاتین اور معدنیات انسان کی خوارک کا حصہ ہیں، ان اجزاء کا ایک فیصد استعمال ہوتا ہے اور باقی ناقابلِ ہضم اجزاء معدہ جسم سے خارج کرتا ہے۔ خوراک ہضم کرنے میں لعاب کا اہم کردار ہوتا ہے۔ اگر لعاب ٹھیک نہ ہو تو نظامِ انہضام میں خرابیاں پیدا ہوجاتی ہیں۔

معدہ کی تکالیف میں عمومی طور پر ورمِ معدہ، نظامِ ہضم کی خرابیاں، بھوک نہ لگنا، پیٹ میں ریاح، گیس، تبخیر، انتڑیوں کا سکڑ جانا اور السر یعنی معدہ کے زخم وغیرہ شامل ہیں۔ معدہ کا ورم جب حادّ ہو جائے تو معدہ کا داخلی حصہ اور دیواریں سرخ اور سوجی ہوئی حالت میں تبدیل ہوجاتی ہیں، اس سے معدہ کا درد، قے، متلی، سینہ کی جلن سمیت کئی پریشان کن علامات کا ظہور ہوتا رہتا ہے۔ معدہ کی ان بیماریوں کی وجہ سے انسان کا پورا جسم متاثر ہوتا ہے اور مزید کئی بیماریوں کے اسباب پیدا ہوتے ہیں۔ سر کا درد، آدھے سر کا درد، نظر کی کمزوری، جگر کا تازہ خون کی پیدائش روک دینا، ہڈیوں کا درد، گردوں میں خرابیاں، وزن میں کمی، مردوں میں احتلام و جریان، خواتین میں لیکوریا اور ماہواری کی خرابیاں، نیند میں خرابی اور ذہنی انتشار و تناؤ… یہ سب وہ مسائل ہیں جن کا بالواسطہ یا بلاواسطہ معدہ سے لازمی تعلق ہے۔

معدہ کی بیماریوں کے اسباب:

معدہ کی بیماریوں میں معدہ کا ورم اور السر نمایاں ہیں۔ اس کی بنیادی وجہ فاسٹ فوڈ، غیرمسلم ممالک میں خنزیر جیسے جانور کا حرام گوشت، زیادہ تیل اور گرم کھانا، بازاری اچاری کھانے، سگریٹ نوشی، شراب و الکوحل، بروقت نہ کھانا، جنسی عمل میں زیادتی، سوئے تغذیہ (غذائی کمی یا لازمی غذائی اجزاء کا جذب نہ ہونا) عفونت جراثیمی، جیسے کہ ایچ پائلوری انفکشن، آنتوں کی عفونت، نمونیا، مسمومیت غذائی، اینٹی بائیوٹک ادویات کا غلط استعمال، دافع درد انگریزی ادویات (ڈکلوفینک سوڈئیم، ڈکلوفینک پوٹاشئیم، آئیبو پروفین، انڈو میتھاسون، فینائل بیٹازون، کوٹیزون، اسپرین) اور کیمو تھراپی کے لئے استعمال ہونے والی ادویات۔ ڈاکٹر صاحبان دافع درد ادویات کے ساتھ احتیاطاً رینیٹیڈین، زینیٹیڈین اور اومپرازول استعمال کرواتے ہیں. اس کا مقصد مریض کو ان ادویات کے ممکنہ خطرات سے بچانا ہوتا ہے جوکہ معدہ کی تکایف کی صورت میں ہوتا ہے۔ جنسی ہارمون اور کورٹی سون کا استعمال السر پیدا کرسکتا ہے۔

شراب نوشی‘ تمباکونوشی اور تفکرات کے علاوہ صدمات بھی السر پیدا کرتے ہیں۔ جیسے کہ خطرناک نوعیت کے حادثات‘ آپریشن‘ جل جانے اور دل کے دورہ کے بعد اکثر لوگوں کو السر ہوجاتا ہے۔ اس کی توضیح یہ ہے کہ صدمات چوٹ اور دہشت کے دوران جسم میں ایک ہنگامی مرکب ہسٹامین پیدا ہوتا ہے یہ وہی عنصر ہے جو جلد پر حساسیت کا باعث ہوتا ہے۔ یقین کیا جارہا ہے کہ اس کی موجودگی یا زیادتی معدہ میں السر کا باعث ہوتی ہے۔ اسی مفروضہ پر عمل کرتے ہوئے السر کی جدید دواؤں میں سے سیمیٹیڈٰن بنیادی طور پر ہسٹامین کو بیکار کرتی ہے اور یہی اس کی افادیت کا باعث قرار دیا گیا ہے۔ ایسی خوراک جس میں ریشہ نہ ہو۔ جیسے کہ خوب گلا ہوا گوشت۔ چھنے ہوئے سفید آٹے کی روٹی السر کی غذائی اسباب ہیں۔

اکثر اوقات السر خاندانی بیماری کے طور پر بھی ظاہر ہوتا ہے۔ آپس میں خونی رشتہ رکھنے والے متعدد افراد اس میں بیک وقت مبتلا ہوجاتے ہیں۔ اس کا یہ مطلب بھی لیا جاسکتا ہے کہ ان میں تکلیف وراثت میں منتقل ہوتی ہے یا یہ کہہ سکتے ہیں کہ ان کے بودوباش کا اسلوب‘ کھانا پینا یا عادات ایک جیسی تھیں۔ اس لئے ان کو السر ہونے کے امکانات دوسروں سے زیادہ رہے 50 فیصدی مریضوں کو السر معدہ کے اوپر والے منہ کے قریب ہوتا ہے وہ اسباب جو معدہ میں زخم پیدا کرتے ہیں وہ بیک وقت ایک سے زیادہ السر بھی بنا سکتے ہیں لیکن 90 فیصدی مریضوں میں صرف ایک ہی السر ہوتا ہے۔ جبکہ 10-15 فیصدی میں ایک سے زیادہ ہوسکتے ہیں۔

اس پر حکماء اور معالجین متفق ہیں کہ السر کے متعدد اقسام جلد یا بدیر کینسر میں تبدیل ہوجاتی ہیں کیونکہ اس کی سب سے بڑی خرابی یہ ہے کہ بروقت علاج نہ ہونے پر یہ پھٹ جاتا ہے، عموماً مریض کو اس کا احساس اس وقت ہوتا ہے جب قے کے ساتھ خون آنا شروع ہوجاتا ہے۔ اس کے پھٹنے میں شراب نوشی، سگریٹ نوشی اور دافع درد ادویات کا اہم کردار ہوتا ہے۔

السر کی تمام پیچیدگیاں خطرناک ہوتی ہیں، ان میں سے کوئی بھی علامت یا پیچیدگی جان لیوا بھی ثابت ہوسکتی ہے۔ السر کا مریض زندگی سے مایوس، پریشان و بے چین اور اعصابی تناؤ کا شکار رہتا ہے۔

اس مختصر مضمون میں معدہ کے امراض کے اسباب و علاج مکمل لکھنا ممکن نہیں، آگہی اور علاج میں معاونت مقصود ہے۔ جس کسی کو بھی یہ تکلیف محسوس ہو اسے چاہیئے کہ فی الفور کسی مستند طبیب سے رجوع کرے۔ آپ کے آس پاس میں بہت سارے نیم حکیم آپ کو ملیں گے، تعویذ اور دم والوں کی بھی بھرمار ہوگی مگر یاد رکھیں علاج کروانے کی ترغیب ہمیں اسلام اور پیغمبراسلام صلی اللہ علیہ و آلہٖ و سلم نے دی ہے۔ اس علاج میں کچھ میڈیکل ٹیسٹ بھی کروانے پڑتے ہیں۔ اس لئے کسی ماہر حکیم یا ڈاکٹر سے مشورہ کریں۔

امراض معدہ کا آسان علاج

یہاں کچھ علامات کے ساتھ آسان علاج پیش ہیں تاہم گذارش ہے کہ اگر کسی کی سمجھ میں نہ آئے تو اس وقت تک استعمال نہ کرے جب تک کسی اچھے طبیب سے مشاورت نہ کرلیں۔

نسخہ نمبر1:

اگر سر میں درد رہتا ہے، پاخانہ وقتِ مقررہ یا معمول میں نہیں ہے، نیند کی زیادتی ہے تو کسی اچھے دواخانے کی بنی ہوئی اطریفل زمانی ناشتہ کے بعد ایک چھوٹا چمچ پانی کے ساتھ کھائیں۔ رات سونے سے قبل چار عدد انجیر نیم گرم دودھ کے ساتھ۔ صبح نہار منہ زیادہ سے زیادہ تازہ پانی پئیں۔

نسخہ نمبر 2:

اگر سر میں درد، جسم میں تھکاوٹ کمزوری، قبض اور پاخانہ درد وجلن کے ساتھ ہو یعنی بواسیر کی علامات ظاہر ہو رہی ہوں یا پاخانہ میں خون خارج ہوتا ہو تو جوارش جالینوس ایک چھوٹا چمچ رات کے کھانے کے بعد پانی کے ساتھ، جوارش کمونی ناشتہ کے بعد ایک چھوٹا چمچ پانی کے ساتھ۔ چار عدد انجیر دوپہر کے کھانے کے بعد نیم گرم دودھ کے ساتھ۔ مدت علاج دو مہینے۔

نسخہ نمبر 3:

معدہ کی تکالیف کی وجہ سے نظر اور دماغ کمزور ہو گیا ہو، قبض کا احساس ہو اور کھانا ہضم نہ ہوتا ہو، سر میں درد، چکر، آدھے سر کا درد ہو تو ایسی علامات میں شربتِ فولاد دو چمچ صبح شام، اطریفل اسطخودوس رات میں ایک چھوٹا چمچ، مربہ ہریڑ چار عدد نیم گرم دودھ کے ساتھ رات میں۔ مدت علاج دو ماہ جاری ہے

نسخہ نمبر 4:

اگر سینہ میں جلن، تبخیر، قے اور معدہ میں درد کا احساس ہو تو یہ علامات بنیادی طور پر السر کی طرف اشارہ کررہی ہیں اس کی تشخیص براہِ راست مشاورت اور چیک اپ کے بغیر ناممکن ہے۔ اس لئے اپنے طبیب سے ضرور ملیں۔ کچھ مفید تراکیب و علاج یہ ہیں کہ ایسے مریض کو ہلدی کے زیرو سائز کیپسول بناکر دیں، دو کیپسول صبح شام پانی کے ساتھ۔ زیادہ سے زیادہ مائع خوراک بشکل دودھ، جوس اور صاف پانی دیں۔ میٹھا اور ترش چیزوں سے پرہیز۔

پرہیز:

معدہ کی بیماریوں میں مبتلا تمام مرد و عورتیں ہر قسم کی ترش کھٹی، گھی، مرچ مسالہ، گوشت اور بازاری خوارک سے بچیں۔ فاسٹ فوڈ کو اہنے لئے حرام سمجھیں۔ سگریٹ نوشی کسی سم قاتل سے کم نہیں۔ شادی شدہ خواتین و حضرات جنسی عمل میں اعتدال برتیں۔

خوراک:

نہار منہ صاف تازہ پانی، ٹھنڈا دودھ، جوس، پھل، ہرے پتے والی سبزی، ریشہ دار غذائیں، انجیر اور ہریڑ کا استعمال کریں۔

صحت آپ کے اپنے ہاتھ میں:

جس طرح تندرست انسان کے لئے ضروری ہے کہ وہ بھوک پر غذا کھائے اسی طرح مریض کے لئے تو اشد ضروری ہے کہ وہ بغیر شدید بھوک کوئی غذا نہ کھائیں۔ کیونکہ بھوک کی طلب نہ ہونا اس امر کی دلالت کرتا ہے کہ یا تو جسم میں پہلے ہی غذا موجود ہے یا پھر طلب غذا کے عضو میں خرابی ہے اس لئے لازم ہے کہ بغیر بھوک غذا نہ کھائی جائے، کیونکہ بغیر شدید بھوک کھائی ہوئی غذا خمیر بن جاتی ہے جو ایک قسم کا زہر ہوتا ہے جس سے انسان بیمار ہوجاتا ہے۔

۔ شدید بھوک سے معدہ و انتڑیوں میں پڑا ہو خمیر جل جاتا ہے جس سے ہر قسم کے امراض جسم و خون سے بھاگ جاتے ہیں۔

شدید بھوک اگر تین دن بھی نہ لگے تو کسی قسم کی غذا نہ کھائیں البتہ چائے قہوہ یا کوئی پھل کھاسکتے ہیں۔

۔ شدید بھوک سے دوران خون تیز ہوکر پورے جسم سے ہر قسم کے فضلات خارج ہوجاتے ہیں۔

۔ شدید بھوک پر کھائی ہوئی غذا ہضم ہوکر خون بن جاتی ہے اس کے برعکس بغیر بھوک کھائی ہوئی غذا خمیر بن کر امراض میں اضافہ کردیتی ہے۔

۔ شدید بھوک بعض امراض سے نجات حاصل کرنے کا بہترین راستہ ہے۔

۔ ہر شخص کو اپنے مزاج کے مطابق اغذیہ ادویہ استعمال کرنی چاہئے، اگر مزاج کے مخالف استعمال کی گئیں تو نتیجہ امراض کی صورت میں ظاہر ہوگا۔

بغیر ضرورت کھائی ہوئی غذا ضعف پیدا کرتی ہے۔

دنیا میں کوئی غذا یا دوا ایسی نہیں ہے جو انسان کو بلاضرورت اور بلاوجہ طاقت بخشے مثلاً دودھ ایک مقوی غذا سمجھی جاتی ہے۔ لیکن جن لوگوں کے جسم میں بلغم و رطوبات اور ریشہ کی زیادتی ہو ان کے لئے سخت مضر ہے۔ گویا جن لوگوں کے دماغ اور اعصاب میں تحریک و تیزی اور سوزش ہو وہ اگر دودھ کو طاقت کے لئے استعمال کریں گے تو ان کا مرض روز بروز بڑھتا جائے گا اور وہ طاقتور ہونے کی بجائے کمزور ہوتے جائیں گے۔

اسی طرح دوسری مقوی اور مشہور غذا گوشت ہے ہر مزاج کے لوگ اس سے طاقت حاصل کرنے کی کوشش کرتے ہیں لیکن ایک فاضل حکیم جانتا ہے کہ گوشت کا ایک خاص مزاج ہے۔ اگر کسی انسان کا وہ مزاج نہ ہو تو اس کے لئے مفید ہونے کی بجائے نقصان دہ ہوتا ہے۔ مثلاً جن لوگوں کا بلڈپریشر ہائی ہو ان کو اگر بھنا ہوا گوشت کھلا دیا جائے تو شدید نقصان دے گا۔ اسی طرح جن لوگوں کے جگر و گردوں میں سوزش ہو ان کو بھی گوشت طاقت دینے کی بجائے سخت نقصان دے گا۔

اسی طرح مقوی اور مشہور غذا گھی ہے۔ جو اس قدر ضروری ہے کہ تقریباً ہر قسم کی غذا تیار کرنے میں استعمال ہوتا ہے۔ لیکن جن لوگوں کو ضعف جگر ہو تو اگر گھی کا استعمال کریں گے تو ان کے ہاتھ پاؤں بلکہ تمام جسم پھول جائے گا، سانس کی تنگی پیدا ہوجائے گی، ایسا انسان بہت جلد مرجائے گا۔

دنیا میں کوئی ایسی دوا مفرد یا مرکب نہیں ہے جس کو بلاوجہ اور بغیر ضرورت استعمال کریں اور وہ طاقت پیدا کرے۔ یہی وجہ ہے کہ فن علاج کو پیدا ہوئے ہزاروں سال گزر چکے ہیں لیکن ابھی تک کوئی ایسی غذا یا دوا تحقیق نہیں ہوئی جو بلاضرورت خون پیدا کرے، یا طاقت دے۔

آج کل مارکیٹ میں طب اور ایلوپیتھی کی ہزاروں ادویات، مقوی، اسپیشل ٹانک اور جنزل ٹانک کے ناموں سے فروخت ہورہی ہیں یہ ادویات نہ صرف ہمارے ملک کے کروڑوں روپے برباد کررہی ہیں بلکہ بہت سے خطرناک امراض پیدا کرنے کا سبب بن رہی ہیں۔

ان ادویات کے بے جا استعمال سے تپ دق، سل، ذیابیطس، ہائی بلڈپریشر، فالج، عصبی امراض وغیرہ اس قدر بڑھ گئے ہیں کہ ہر سال ہزاروں افراد ان میں گرفتار ہوکر مرجاتے ہیں۔

لیکن افسوس ہے کہ ملک کے کسی بھی طریقہ علاج کے معلاج نے ان مقوی پیٹنٹ ادویات کو فوری طور پر بند کرنے کا مشورہ نہیں دیا تاکہ ملک کی دولت اور قوم کی صحت برباد نہ ہو۔

معدہ کے علاج میں طریقہ نبوی صلی اللہ علیہ وسلم

بدہضمی:۔

بد ہضمی ایک عام سی بیماری ہے۔ پیٹ میں بوجھ، کھٹے ڈکار، منہ میں کھٹا پانی آتے رہنا۔ پیٹ میں ہوا رہنا۔ یہ تمام کیفیات معدہ کی خرابی کی آئینہ دار ہیں۔ غذا ٹھیک سے ہضم نہ ہونے کی وجہ سے جسم میں کمزوری، سستی وغیرہ واقع ہو جاتی ہے۔

بدہضمی اکثر مرغن غذاؤں، مسلسل بسیار خوری، آرام طلب زندگی، پرانی قبض، کھانے کے غیر متعین اوقات یا کھانے کے بعد جلد سو جانے کی وجہ سے آنتوں میں غذا معمول سے زیادہ ٹھہرتی ہے جس کی وجہ سے بدہضمی کی علامات پیدا ہوتی ہیں۔ پیدل چلنے سے آنتوں میں موجود خوارک بھی آگے کو چلتی ہے۔ جو لوگ گھر سے سواری پر کام پر جاتے ہیں حتٰی کہ تھوڑے سے فاصلہ پر بھی سواری کا استعمال کرتے ہیں۔ ان کو بدہضمی اپنی اس کوشش سے حاصل ہوتی ہے۔

مسیح الملک اجمل خان دہلوی نے ثیقل غذاؤں، ٹھنڈی اور بادی غذاؤں نیز کھانے کے درمیان زیادہ پانی پینے اور پیٹ بھر کر کھانا کھانے کو بدہضمی کا باعث قرار دیا ہے۔ مسند اور دوسری کتابوں میں ہے کہ رسول اللہ صلی اللہ تعالیٰ علیہ وآلہ وسلم نے فرمایا، کسی خالی برتن کو بھرنا اتنا برا نہیں ہے جتنا کہ آدمی کا خالی شکم کو بھرنا۔ انسان کے لئے چند لقمے کافی ہیں جو اس کی توانائی کو باقی رکھیں۔ اگر پیٹ بھرنے کا ہی خیال ہے تو ایک تہائی کھانا، ایک تہائی پانی اور ایک تہائی سانس کے لئے خالی رکھے۔

مذکورہ بالا حدیث خوراک کی متوازن مقدار کی طرف اشارہ کرتی ہے۔ معدہ میں پانی، غذا اور رطوبتوں کے عمل سے کاربن ڈائی آکسائیڈ گیس بنتی ہے اور یہ معدہ کے اوپر والے حصے میں آجاتی ہے۔ اگر معدہ کے اس حصے کو بھی خوارک سے بھر دیا جائے تو گیس کے لئے جگہ نہ ہوگی۔ یہ عمل معدہ میں بہت سی بیماریوں کا باعث اور سانس میں دشواری پیدا کرتا ہے۔ بدہضمی بذات خود کوئی بیماری نہیں بلکہ متعدد بیماریوں کی علامت ہے۔ ذہنی بوجھ یا ثقیل غذاؤں کی وجہ سے پیدا ہونے والی صورتحال کا علاج تو ادویات سے کیا جا سکتا ہے لیکن پتہ یا اپینڈکس کی سوزش کا دواؤں سے علاج خطرناک ہے۔

علاج نبوی صلی اللہ تعالیٰ علیہ وآلہ وسلم:

بدہضمی کا بنیادی علاج شہد ہے۔ حالت خواہ کچھ بھی ہو، شہد پینے سے آرام آتا ہے۔ معدہ اور آنتوں کی جلن رفع ہوتی ہے۔ شہد اگر گرم پانی میں پیا جائے تو اکثر اوقات نیند آجاتی ہے جس کے بعد علامات کا بیشتر حصہ ختم ہو جاتا ہے۔

جدید تحقیق کے مطابق شہد قدرے ملین، محلل ریاح اور دافع تعفن ہے۔

کھانے کے بعد پیٹ میں بوجھ زیادہ ہو تو 4 یا 3 دانے خشک انجیر چبالینے سے فائدہ ہوتا ہے۔ پیٹ میں اگر السر نہ ہو تو انجیر کو کچھ عرصہ لگاتار کھانا مفید رہتا ہے۔ یہ فائدہ پتہ کی سوزش میں بھی جاری رہتا ہے۔ معدہ میں کینسر یا زخم کی صورت میں زیتون کا تیل ایک شافی علاج ہے۔ اکثر مریضوں میں جو کا دلیہ شہد ملاکر دینا مفید رہتا ہے کیونکہ جو کی لیس جلن کو سکون دیتی ہے۔ یہ قبض کشاء اور جسمانی کمزوری کا بھی علاج ہے۔ بدہضمی اور تبخیر کے سلسلہ میں یہ دوائیںانتہائی مفید ہیں۔

قسبط البحری 40 گرام

کلونجی 50 گرام

سوئے 10 گرام

تمام کو سفوف کرکے کھانے کے بعد پون چھوٹا چمچ پانی کے ہمراہ استعمال کریں۔

(طب نبوی اور جدید سائنس)

(2) سوزش معدہ:

سوزش معدہ کا مرض آج بالکل عام ہے۔ اس سلسلہ میں آنحضرت صلی اللہ تعالیٰ علیہ وآلہ وسلم نے جو ہدایت فرمائی، وہ یہ ہے کہ کھانا گرم گرم نہ کھایا جائے کیونکہ جب گرم کھانا پیٹ کے اندر جاتا ہے تو معدہ کی جھلیوں میں اپنے درجہ حرارت کی وجہ سے خون کا ٹھہراؤ پیدا ہوتا ہے۔ جب ایسا بار بار ہوتا ہے تو معدہ میں سوزش کی کیفیت پیدا ہوجاتی ہے۔

معدہ کی جھلیاں متورم ہو جاتی ہیں۔ ان میں سرخی آجاتی ہے۔ اس کے رد عمل کے طور پر نازک خلئے گھسنے یا گلنے لگتے ہیں جن کی وجہ سے اندرونی طور جریان خون وہ جاتا ہے یہ معمولی بھی ہو سکتا ہے اور شدید بھی۔

گردوں کے فیل ہونے کے نتیجے میں جب خون میں یوریا کی مقدار بڑھ جاتی ہے یا خون میں پیپ پیدا کرنے والے جراثیم کی وجہ سے زہر باد پیدا ہو جاتا ہے تو اس کے اثرات معدہ پر سوزش کی صورت میں ظاہر ہوتے ہیں۔ نیز سوزش اور جلن پیدا کرنے والی دواؤں مثلاً اسپرین، شراب اور جوڑوں کے درد کی دواؤں از قسم Phenyl Butazone کھانے سے پیدا ہوتی ہے۔

علاج:

نبی کریم صلی اللہ تعالیٰ علیہ وآلہ وسلم نے معدہ کو بیماری کا گھر قرار دیا ہے۔ آپ صلی اللہ تعالیٰ علیہ وآلہ وسلم نے معدہ کی جھلیوں کی حفاظت کے سلسلہ میں متعدد اہم ہدایات عطا فرمائی ہیں جن میں صبح کو ناشتہ جلدی کرنے کا حکم بھی ہے۔ رات بھر کے فاقہ کے بعد معدہ صبح کو خالی ہوتا ہے۔ اس وقت اگر چائے یا کافی یا لیموں کا عرق وغیرہ پیا جائے تو معدہ کی تیزابیت میں اضافہ ہوتا ہے جس کے نتیجہ میں وہاں پر سوزش اور السر کے امکانات بڑھ جاتے ہیں۔ اس لئے آپ صلی اللہ تعالیٰ علیہ وآلہ وسلم نے علی الصبح خود ہمیشہ شہد پیا جو تیزابیت کو کم کرتا ہے اور معدہ کی جھلیوں کی حفاظت کرتا ہے۔

نہار منہ شہد، ناشتہ میں جو کا دلیا شہد ڈال کر، جس وقت پیٹ خالی ہو اس وقت زیتون کا تیل پلانے سے معدہ میں سوزش کا کوئی بھی عنصر باقی نہیں رہتا۔

اسہال:

حضرت ابوسعید خدری رضی اللہ تعالیٰ عنہ روایت کرتے ہیں کہ ایک شخص نبی کریم صلی اللہ تعالیٰ علیہ وآلہ وسلم کی خدمت میں حاضر ہوا اور بیان کیا کہ میرے بھائی کو اسہال ہو رہے ہیں۔ حضور اکرم صلی اللہ تعالیٰ علیہ وآلہ وسلم نے فرمایا کہ شہد پلاؤ۔ وہ پھر آیا اور عرض گزار ہوا کہ دستوں میں اضافہ ہوگیا ہے۔ اسے پھر شہد ہی کی ہدایت کی گئی اور اس طرح وہ تین مرتبہ اضافہ کی شکایت لے کر اور شہد پینے کی ہدایت لے کر چلا گیا۔ پھر وہ چوتھی مرتبہ آیا تو پھر یہی ارشاد فرمایا کہ اسے شہد پلاؤ۔ اس نے عرض کیا کہ میں نے اسے شہد پلایا ہے مگر ہر بار اس کے دست بڑھ گئے ہیں۔

رسول اللہ صلی اللہ تعالیٰ علیہ وآلہ وسلم نے فرمایا: اللہ عزوجل کا فرمان سچا ہے اور تیرے بھائی کا پیٹ جھوٹا ہے۔ اس شخص نے پھر شہد پلایا تو اس کا بھائی صحت مند ہوگیا۔ (بخاری۔ مسلم۔ مشکوٰۃ)

علم الادویہ اور اپنے افعال کے لحاظ سے شہد ملین بھی ہے اور زخموں کو مندمل کرنے کی صلاحیت رکھتا ہے۔ اس لئے شہد کو بار بار دینے سے پہلے تو پیٹ میں جمع جراثیم کی Toxins خارج ہو جائیں اور پھر اس نے جراثیم کو ہلاک کیا اور اس طرح مریض کے شفایاب ہونے میں اگرچہ ابتدائی طور پر کچھ وقت لگا لیکن اس وقت کا ہر حصہ مریض کی صحت کی بحالی کے لئے ضروری تھا۔ شہد جراثیم کو مارتا اور مقوی بھی ہے۔

پہلے کے اطباء اسہال کے علاج کی ابتداء کسٹرائیل سے کرتے تھے تاکہ زیریں نکل جائیں۔ اسہال کے علاج میں اہم ترین مسئلہ اور ضرورت سبب کو دور کرنے کے ساتھ ساتھ مریض کے جسم سے نکل چکے نمکیات اور پانی کی کمی کو پورا کرنا ہے۔ شہد وہ عظیم اور منفرد دوائی ہے جو کمزوری کو دور کرتی ہے۔ پانی اور نمکیات کی کمی کو پورا کرتی ہے اور جراثیم کو ہلاک کرکے آنتوں اور زخموں کو مندمل کرتی ہے۔

علماء کرام فرماتے ہیں کہ حضور صلی اللہ تعالیٰ علیہ وآلہ وسلم اس مریض کو بار بار شہد پلانے کا مقصد یہ تھا کہ ایک خاص مقدار شہد کی پلائی جائے کیونکہ جب تک کسی بھی دوائی کی مطلوبہ مقدار استعمال نہ کی جائے۔ اس وقت تک خاطر خواہ فائدہ نہیں ہوتا۔ یہی وجہ ہے کہ جب خوراک پوری ہوئی، مریض کو صحت ہو گئی۔ بعض علماء کرام فرماتے ہیں کہ ضرورت ہی اس امر کی تھی کہ مریض کو مسہل دیا جائے تاکہ پیٹ سے فاسد مواد نکل جائے کیونکہ یہ ایک مانی ہوئی حقیقت ہے کہ اگر پیٹ میں فاسد مواد موجود ہو تو دست بند کرنے سے مریض کو نقصان ہوتا ہے اور آپ صلی اللہ تعالیٰ علیہ وآلہ وسلم کا یہ ارشاد گرامی کہ اللہ عزوجل سچا اور تیرے بھائی کا پیٹ جھوٹا ہے۔ اس سے ثابت ہوا پیارے نبی کریم کے ہر فرمان میں حکمت ودانائی کے موتی ہیں. نوٹ: مذکورہ بالا کوئی بھی نسخہ اپنے معالج کے مشورے کے بغیر استعمال نہ کریں. #ایس_اے_ساگر

یقین کا مرکز قلب اور صحت کا مرکز معدہ | S A Sagar (sasagarurdutahzeeb.blogspot.com)

قرآن و حدیث میں قلب کی مختلف اقسام:

عقائد کا یقین، تسلیم و رضا کی کیفیت، صبر و شکر کے جذبے، اطمینان و سکون، توکل، اخلاص اور تقویٰ، تزکیہ کی ابتدا اور انتہا سبھی "قلب" کی اصلاح پر موقوف ہے- ارشاد ربانی ہے: مَا جَعَلَ اللّٰہُ لِرَجُلٍ مِّنْ قَلْبَیْنِ فِیْ جَوْفِہٖ (الأحزاب 33: 4) ’’اللہ نے کسی آدمی کے لئے اس کے سینے میں دو دل نہیں بنائے۔‘‘ آیت میں اس بات کی طرف اشارہ ہے کہ جب ہر آدمی کے سینے میں ایک ہی قلب ہے تو پھر اس قلب کو قلبِ سلیم ہونا چاہئے نہ کہ قلبِ سقیم، اس دل کو اطاعت گزار ہونا چاہئے نہ کہ خطاوار، اس دل میں اطاعت و فرمانبرداری کے جذبے کو غلبہ حاصل ہو آئیے ہم جائزہ لیں کہ ان میں سے ہمارا دل کونسا ہے۔

١. قلب مریض:

روگ اور بیماری والا دل (منافقین یا ضعیف الایمان کے دل) فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ o (البقرۃ-١٠) ان کے دلوں میں بیماری ہے پھر بڑھا دی اللہ نے ان کی بیماری اور ان کے لئے عذاب درد ناک ہے اس بات پر کہ جھوٹ کہتے تھے- منافقین یا ضعیف الایمان کے دل وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَٰذَا مَثَلًا ۚ ----o (المدثر -٣١) اور تاکہ جن کے دلوں میں (نفاق کی) بیماری ہے اور کافر یہ کہیں کہ اللہ کی اس بیان سے کیا غرض ہے -------

٢. سخت دل:

یہ ایسے دل ہیں جو عبرت کی بڑی بڑی نشانیاں دیکھنے کے باوجود بھی سخت ہی رہتے ہیں۔ ثُـمَّ قَسَتْ قُلُوْبُكُمْ مِّنْ بَعْدِ ذٰلِكَ فَهِىَ كَالْحِجَارَةِ اَوْ اَشَدُّ قَسْوَةً ۚ وَاِنَّ مِنَ الْحِجَارَةِ لَمَا يَتَفَجَّرُ مِنْهُ الْاَنْـهَارُ ۚ وَاِنَّ مِنْـهَا لَمَا يَشَّقَّقُ فَيَخْرُجُ مِنْهُ الْمَآءُ ۚ وَاِنَّ مِنْـهَا لَمَا يَهْبِطُ مِنْ خَشْيَةِ اللّـٰهِ ۗ وَمَا اللّـٰهُ بِغَافِلٍ عَمَّا تَعْمَلُوْنَ o ‘ (البقرہ ۔ ٧٤) مگر ایسی نشانیاں دیکھنے کے بعد بھی آخر کار تمھارے دل سخت ہو گئے پتھروں کی طرح سخت۔ بلکہ سختی میں کچھ ان سے بڑھے ہوئے۔ کیونکہ پتھروں میں کوئی تو ایسا بھی ہوتا ہے جس میں سے چشمے پھوٹ پڑتے ہیں، کوئی پھٹتا ہے اور اس میں سے پانی نکل آتا ہے۔ اور کوئی خدا کے خوف سے لرز کر گر بھی پڑتا ہے۔ اللہ تعالٰی کرتوتوں سے بے خبر نہیں ہے- سخت دل لِّيَجْعَلَ مَا يُلْقِى الشَّيْطَانُ فِتْنَةً لِّلَّـذِيْنَ فِىْ قُلُوْبِـهِـمْ مَّرَضٌ وَّالْقَاسِيَةِ قُلُوْبُـهُـمْ ۗ وَاِنَّ الظَّالِمِيْنَ لَفِىْ شِقَاقٍ بَعِيْدٍ o (سورہ الحج-٥٣) تاکہ شیطان کی آمیزش کو ان لوگوں کے لئے آزمائش بنا دے جن کے دلوں میں بیماری ہے اور جن کے دل سخت ہیں، اور بے شک ظالم بڑی ضد میں پڑے ہوئے ہیں۔ سخت دل فَمَن شَرَحَ اللَّهُ صَدْرَهُ لِلْإِسْلَامِ فَهُوَ عَلَىٰ نُورٍ مِّن رَّبِّهِ فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّهِ أُولَٰئِكَ فِي ضَلَالٍ مُّبِينٍo (سورہ زمر -٢٢)

بھلا جس شخص کا سینہ خدا نے اسلام کے لئے کھول دیا ہو اور وہ اپنے پروردگار کی طرف سے روشنی پر ہو (تو کیا وہ سخت دل کافر کی طرح ہوسکتا ہے) پس ان پر افسوس ہے جن کے دل خدا کی یاد سے سخت ہو رہے ہیں۔ اور یہی لوگ صریح گمراہی میں ہیں.

٣. گناہ آلود دل:

جو لوگ شہادت کو چھپاتے ہیں اور حق بات کہنے سے گریز کرتے ہیں سمجھ لو کہ ان کے دل گناہ آلود ہوتے ہیں۔ وَلاَ تَكْتُمُواْ الشَّهَادَةَ وَمَن يَكْتُمْهَا فَإِنَّهُ آثِمٌ قَلْبُهُ وَاللّهُ بِمَا تَعْمَلُونَ عَلِيمٌ o (البقرہ۔٢٨٣) ‘

اور شہادت کو ہرگز نہ چھپاؤ، جو شہادت کو چھپاتا ہے اس کا دل گناہ آلود ہے۔ اور اللہ تمھارے اعمال سے بے خبر نہیں ہے‘۔

٤. ٹیڑھے دل:

جو لوگ فتنہ و فساد پھیلانے والے دل فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ o (ال عمران۔٧) جن لوگوں کے دلوں میں ٹیڑھ ہے، وہ فتنے کی تلاش میں متشابہات ہی کے پیچھے رہتے ہیں، اور ان کو معنی پہنانے کی کوشش کرتے ہیں حالانکہ ان کا حقیقی مفہوم اللہ کے سوا کوئی نہیں جانتا۔‘

٥ . دانشمند دل:

دل میں‌استقامت ہوتی ہے اور ٹیڑھ پن نہیں‌ہوتا رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ (ال عمران ۔٨) پروردگار! جب کہ تو ہمیں سیدھے راستے پر لگا چکا ہے تو پھر کہیں ہمارے دلوں کو کجی میں مبتلا نہ کردیجیو۔ ہمیں اپنے خزانہء فیض سے رحمت عطا کر کہ تو ہی فیاضِ حقیقی ہے۔‘

٦. نہ سوچنے والے دل:

غافل دل ۔ وَلَقَدْ ذَرَاْنَا لِجَهَنَّـمَ كَثِيْـرًا مِّنَ الْجِنِّ وَالْاِنْسِ ۖ لَـهُـمْ قُلُوْبٌ لَّا يَفْقَهُوْنَ بِـهَاۖ وَلَـهُـمْ اَعْيُـنٌ لَّا يُبْصِرُوْنَ بِـهَاۖ وَلَـهُـمْ اٰذَانٌ لَّا يَسْـمَعُوْنَ بِـهَا ۚ اُولٰٓئِكَ كَالْاَنْعَامِ بَلْ هُـمْ اَضَلُّ ۚ اُولٰٓئِكَ هُـمُ الْغَافِلُوْنَ o (الاعراف -١٧٩ ) اور حقیقت یہ ہے کہ بہت سے جن اور انسان ایسے ہیں جن کو ہم نے جہنم ہی کے لئے پیدا کیا ہے۔‘ ‘ان کے پاس دل ہیں مگر سوچتے نہیں، ان کے پاس آنکھیں ہیں مگر ان سے دیکھتے نہیں، ان کے پاس کان ہیں مگر سنتے نہیں۔ وہ جانوروں کی طرح ہیں بلکہ ان سے بھی زیادہ گئے گزرے۔ یہ وہ لوگ ہیں جو غفلت میں کھوئے گئے ہیں۔‘

٧. لرز اٹھنے والے دل:

اللہ کا ذکر سن کر جس کا دل لرز اٹھے وہ سچا مومن ہے۔‘ إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ o (الانفال۔٢)

سچے اہل ایمان وہ لوگ ہیں جن کے دل اللہ کا ذکر سن کر لرز جاتے ہیں، اور اللہ کی آیات ان کے سامنے پڑھی جائیں تو ان کا ایمان بڑھ جاتا ہے۔‘ دل کانپ اٹھتے ہیں ٱلَّذِينَ إِذَا ذُكِرَ ٱللَّهُ وَجِلَتْ قُلُوبُهُمْ وَٱلصَّـٰبِرِينَ عَلَىٰ مَآ أَصَابَهُمْ وَٱلْمُقِيمِى ٱلصَّلَوٲةِ وَمِمَّا رَزَقْنَـٰهُمْ يُنفِقُونَ o ( سورہ الحج-٣٥) جن کا حال یہ ہے کہ اللہ کا ذکر سُنتے ہیں تو ان کے دل کانپ اٹھتے ہیں، جو مصیبت بھی اُن پر آتی ہے اُس پر صبر کرتے ہیں، نماز قائم کرتے ہیں، اور جو کچھ رزق ہم نے اُن کو دیا ہے اُس میں سے خرچ کرتے ہیں -

٨. ٹھپہ لگے ہوئے دل ۔

جو حد سے گزر جائے گا اس کے دل پر ٹھپہ لگ جائے گا (یعنی ہدایت حاصل نہ کر سکے گا) ثُمَّ بَعَثْنَا مِن بَعْدِهِ رُسُلًا إِلَىٰ قَوْمِهِمْ فَجَاءُوهُم بِالْبَيِّنَاتِ فَمَا كَانُوا لِيُؤْمِنُوا بِمَا كَذَّبُوا بِهِ مِن قَبْلُ ۚ كَذَٰلِكَ نَطْبَعُ عَلَىٰ قُلُوبِ الْمُعْتَدِينَ ( یونس-٧٤﴾

پھر نوحؑ کے بعد ہم نے مختلف پیغمبروں کو اُن کی قوموں کی طرف بھیجا اور وہ اُن کے پاس کھلی کھلی نشانیاں لے کر آئے، مگر جس چیز کو انہوں نے پہلے جھٹلا دیا تھا اسے پھر مان کر نہ دیا اس طرح ہم حد سے گزر جانے والوں کے دلوں پر ٹھپہ لگا دیتے ہیں۔

٩. مطمین دل:

الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ o (رعد۔ ٢٨)

اللہ کی یاد ہی وہ چیز ہے، جس سے دلوں کو اطمینان نصیب ہوتا ہے۔

١٠. مجرم دل:

جن کے دلوں میں اللہ کا ذکر، قلب کی ٹھنڈک اور روح کی غذا بن کر اترے وہ اہلِ ایمان کے دل ہیں مگر جن کے دلوں میں شتابہ بن کر لگے اور اسے سن کر ان کے اندر آگ بھڑک اٹھے، گویا ایک گرم سلاخ تھی کہ سینوں سے پار ہو گئی وہ مجرمین کے دل ہیں۔ كَذٰلِكَ نَسۡلُكُهٗ فِىۡ قُلُوۡبِ الۡمُجۡرِمِيۡنَۙ‏ o لَا يُؤۡمِنُوۡنَ بِهٖۚ ----- سورہ الحجر -١٢‘ مجرمین کے دلوں میں تو ہم اس ذکر کو اس طرح (سلاخ کی مانند) گزارتے ہیں وہ اس پر ایمان نہیں لایا کرتے‘۔

١١. غافل دل:

اللہ کی یاد سے غا فل دل "--- وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا o (سوره الكهف:٢٨) اور ایسے شخص کی باتوں کی پیروی نہ کرو جس کا دل ہماری یاد سے غافل ہے اور وہ اپنی نفسانی خواہشات پر چلتاہے اور اس کا یہ حال حد سے گزر گیا ہے_

١٢. قلب تقي:

يہ وه دل هے جو الله کا خوف رکھتا ہے-‎ ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ o (سورة الحج، ٣٢) یہ ہے اصل معاملہ (اسے سمجھ لو)، اور جو اللہ کے مقرر کردہ شعائر کا احترام کرے تو یہ دلوں کے تقویٰ سے ہے-

١٣. ‎قلب وجل:

يه وه دل هے جو نيكي كے بعد بهي ڈرتا رھتا ھے كه پتہ نہیں الله قبول كرے گا يا نہيں اَلَّـذِيْنَ اِذَا ذُكِـرَ اللّـٰهُ وَجِلَتْ قُلُوْبُـهُـمْ وَالصَّابِـرِيْنَ عَلٰى مَآ اَصَابَـهُـمْ وَالْمُقِيْمِى الصَّلَاةِ وَمِمَّا رَزَقْنَاهُـمْ يُنْفِقُوْنَ o (سورة الحج، ٣٥) وہ لوگ جب اللہ کا نام لیا جائے تو ان کے دل ڈر جاتے ہیں اور جب ان پر مصیبت آئے تو صبر کرنے والے ہیں اور نماز قائم کرنے والے ہیں اور جو کچھ ہم نے انہیں دیا ہے اس میں سے خرچ کرتے ہیں۔ وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ o (سورة المؤمنون :٦٠) اور وہ جو دیتے ہیں جو کچھ دیں اور ان کے دل ڈر رہے ہیں یوں کہ ان کو اپنے رب کی طرف لوٹ کر جانا ہے-

١٤. اندھے دل:

جو عبرت حاصل نہ کرے، اس کا دل اندھا ہوتا ہے۔ اَفَلَمْ يَسِيْـرُوْا فِى الْاَرْضِ فَتَكُـوْنَ لَـهُـمْ قُلُوْبٌ يَّعْقِلُوْنَ بِهَآ اَوْ اٰذَانٌ يَّسْـمَعُوْنَ بِـهَا ۖ فَاِنَّـهَا لَا تَعْمَى الْاَبْصَارُ وَلٰكِنْ تَعْمَى الْقُلُوْبُ الَّتِىْ فِى الصُّدُوْرِ o (سورہ الحج-٤٦) کیا یہ لوگ زمین میں چلے پھرے نہیں ہیں کہ ان کے د ل سمجھنے والے یا ان کے کان سننے والے ہوتے، حقیقت یہ ہے کہ آنکھیں اندھی نہیں ہوتیں، بلکہ وہ دل اندھے ہوتے ہو جاتے ہیں جو سینوں میں ہیں‘۔

١٥. قلب مخبت:

يه وه دل هے جو جهكا هوا مطمئن اور سكون والا هوتا هے- وَلِيَعْلَمَ الَّذِينَ أُوتُوا الْعِلْمَ أَنَّهُ الْحَقُّ مِن رَّبِّكَ فَيُؤْمِنُوا بِهِ فَتُخْبِتَ لَهُ قُلُوبُهُمْ وَإِنَّ اللَّهَ لَهَادِ الَّذِينَ آمَنُوا إِلَىٰ صِرَاطٍ مُّسْتَقِيمٍ.o ( سورة الحج -٥٤ ) اور علم سے بہرہ مند لوگ جان لیں کہ یہ حق ہے تیرے رب کی طرف سے اور وہ اس پر ایمان لے آئیں اور ان کے دل اس کے آگے جھک جائیں، یقیناً اللہ ایمان لانے والوں کو ہمیشہ سیدھا راستہ دکھا دیتا ہے-

١٦. قلب سليم:

وہ دل ہے جو شرک اور شکوک و شبہات سے پاک ہو۔‘ یَوْمَ لاَ یَنْفَعُ مَالٌ وَّلاَ بَنُوْنَ o اِلَّا مَنْ اَتَی اللّٰہَ بِقَلْبٍ سَلِیْمٍ (الشعرآ-٨٨ ،٨٩) ’’جس دن نہ کوئی مال فائدہ دے گا اور نہ بیٹے۔ مگر جو اللہ کے پاس سلامتی والا دل لے کر آیا۔‘‘

١٧. غافل دل:

اللہ کی یاد سے غفل دل "---وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا o (سوره الكهف: ٢٨)

ترجمہ:اور ایسے شخص کی باتوں کی پیروی نہ کرو جس کا دل ہماری یاد سے غافل ہے اور وہ اپنی نفسانی خواہشات پر چلتا ہے اور اس کا یہ حال حد سے گزر گیا ہے_

١٨. بے ایمان، منقبض، کڑھنے والے دل ۔ ذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ o (الزمر۔٤٥)

‘جب اکیلے اللہ کا ذکر کیا جاتا ہے تو آخرت پر ایمان نہ رکھنے والے کے دل (منقبض ہوجاتے ہیں) کڑھنے لگتے ہیں اور جب اس کے سوا دوسروں کا ذکر ہوتا ہے تو یکایک وہ خوشی سے کھل اٹھتے ہیں‘۔

١٩. متکبر دل:

اللہ ہر متکبر اور جبار کے دل پر ٹھپہ لگا دیتا ہے- الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتًا عِندَ اللَّهِ وَعِندَ الَّذِينَ آمَنُوا كَذَلِكَ يَطْبَعُ اللَّهُ عَلَى كُلِّ قَلْبِ مُتَكَبِّرٍ جَبَّارٍo (المومن-٣٥) اور جو لوگ اللہ کی آیات میں جھگڑا کرتے ہیں بغیر اس کے کہ ان کے پاس کوئی سند یا دلیل آئی ہو یہ رویہ اللہ اور ایمان لانے والوں کے نزدیک سخت مبغوض ہے اِسی طرح اللہ ہر متکبر اور جبار کے دل پر ٹھپہ لگا دیتا ہے-

۲۰. قلب منيب:

الله سے توبه كرنے اور اس كي اطاعت ميں لگا رہنے والا دل مَنْ خَشِيَ الرَّحْمَن بِالْغَيْبِ وَجَاء بِقَلْبٍ مُّنِيبٍ o (سورة ق: ٣٣) ’’جو رحمان سے بغیر دیکھے ڈر گیا اور رجوع کرنے والا دل لے کر آیا۔

٢١. ایمان والے دل:

جن لوگوں کے دل اللہ کے ذکر پر پگھلتے ہیں، وہ اللہ والے ہیں۔ اَلَمْ يَاْنِ لِلَّـذِيْنَ اٰمَنُـوٓا اَنْ تَخْشَعَ قُلُوْبُـهُـمْ لِـذِكْرِ اللّـٰهِ وَمَا نَزَلَ مِنَ الْحَقِّۙ وَلَا يَكُـوْنُـوْا كَالَّـذِيْنَ اُوْتُوا الْكِتَابَ مِنْ قَبْلُ فَطَالَ عَلَيْـهِـمُ الْاَمَدُ فَقَسَتْ قُلُوْبُـهُـمْ ۖ وَكَثِيْـرٌ مِّنْـهُـمْ فَاسِقُوْنَ o (سورہ الحدید : ١٦) ،

کیا ایمان لانے والوں کے لئے ابھی وہ وقت نہیں آیا کہ ان کے دل اللہ کے ذکر سے پگھلیں اور اس کے نازل کردہ حق کے سامنے جھکیں۔ اور ان لوگوں کی طرح نہ ہوجائیں، جنہیں پہلے کتاب دی گئی تھی، پھر ایک لمبی مدت ان پر گزر گئی تو ان کے دل سخت ہو گئے اور آج ان میں سے اکثر فاسق بنے ہوئے ہیں‘۔ ٢٢* قلب مهدي: یہ وه دل هے جو الله كے فيصلوں پر بهي راضي رهتا هے "------ وَمَنْ يُّؤْمِنْ بِاللّـٰهِ يَـهْدِ قَلْبَهٝ ۚ وَاللّـٰهُ بِكُلِّ شَىْءٍ عَلِـيْمٌ o (سورة التغابن: ١١) ، اور جو اللہ پر ایمان رکھتا ہے وہ اس کے دل کو ہدایت دیتا ہے، اور اللہ ہر چیز جاننے والا ہے۔

٢٤. قلب الحي:

يہ وه دل ہے جو الله کی نافرمان قوموں كا انجام سن كر ان سے عبرت اور نصحيت حاصل كرتا هے اِنَّ فِىْ ذٰلِكَ لَـذِكْرٰى لِمَنْ كَانَ لَـهٝ قَلْبٌ اَوْ اَلْقَى السَّمْعَ وَهُوَ شَهِيْدٌ o بے شک اس میں اس شخص کے لیے بڑی عبرت ہے جس کے پاس (فہیم) دل ہو یا وہ متوجہ ہو کر (بات کی طرف) کان ہی لگا دیتا ہو۔

٢٥. زنگ آل ود قلب:

اعمال بد کی وجہ سے دلوں پر زنگ چڑھ جاتا ہے اور نتیجہ یہ ہوتا ہے کہ ایسے انسانوں کو حق بات بھی فسانہ ہی نظر آتی ہے۔ كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا يَكْسِبُونَ o (سورہ مطففین :١٤)

‘بلکہ دراصل ان کے دلوں پر ان کے بُرے اعمال کا زنگ چڑھ گیا ہے- ارشادِ نبوی صلی اللہ علیہ وسلم ہے:

’تُعْرَضُ الْفِتَنُ عَلَی الْقُلُوبِ کَالْحَصِیْرِ عُوداً عُوداً فَأَیُّ قَلْبٍ اُشْرِبَھَا نُکِتَ فِیْہِ نُکْتَہٌ سَودَآئُ … لَا یَعْرِفُ مَعْرُوْفًا وَلَا یُنْکِرُ مُنْکَراً اِلاَّ مَا اُشْرِبَ مِنْ ھَوَاہُ. (صحیح مسلم: 144) ’’چٹائی کے تنکوں کی مثل (پے در پے) دلوں پر فتنے پیش کیے جائیں گے جو دل ان کو قبول کرلے گا اس میں ایک سیاہ نکتہ لگا دیا جائے گا،… (پھر وہ دل) نہ نیکی کو پہچانے گا اور نہ برائی کا انکار کرے گا بلکہ اپنی ہی خواہشات کی پیروی کرے گا۔‘‘ یہ دل ہی وہ مین پوائنٹ ہے جہاں سے تمام عبادات کے سرچشمے پھوٹتے ہیں۔ رسول اللہ کا ارشادِگرامی ہے: ’’خبردار! جسم میں ایک (ایسا) لوتھڑا ہے، جب وہ صحیح ہو تو پورا جسم صحیح رہتا ہے۔ جب وہ خراب ہو تو پورا جسم خراب رہتا ہے۔ خبردار! وہ (لوتھڑا) دل ہے۔‘‘ (صحیح مسلم: 1599) آپ صلی اللہ علیہ عالم نے فرمایا: اَفْضَلُہُ لِسَانٌ ذَاکِرٌ وَقَلْبٌ شَاکِرٌ (جامع الترمذی: 3094) ’’افضل ترین مال، اللہ کا ذکر کرنے والی زبان اور شکر گزار دل ہے۔‘‘ ---------

تو پھر آپ کے پاس کونسا دل ہے؟ اے اللہ دلوں کو خشیت الٰہی اور اخلاص سے معمور کردے- آمین. #ایس_اے_ساگر

یقین کا مرکز قلب اور صحت کا مرکز معدہ | S A Sagar (sasagarurdutahzeeb.blogspot.com)

کوڈ 19 وبا اور شدید گرمی کے دوران روزہ داروں کے لئے 10 طبی مشورے

2020-04-23T14:24:00.001-07:00

کوڈ 19 وبا اور شدید گرمی کے دوران روزہ داروں کے لئے 10 طبی مشورے

ایس اے ساگر

کووِڈ 19- وبا اور شدت بھری گرمی کے درمیان آنے والا ماہ مبارک رمضان شریف مزاج کے اعتبار سے گرم اور خشک ہوگا۔ اس لحاظ سے روزہ داروں کو خاص اہتمام کرنا ہے تاکہ روزہ رکھنا آسان ہو اور کووِڈ 19- سے بھی محفوظ رہا جاسکے۔ اس سلسلے میں آل انڈیا یونانی طبّی کانگریس نے روزہ داروں کو کچھ مشورے دیئے ہیں۔ طبّی کانگریس کے اعزازی سکریٹری جنرل ڈاکٹر سیّد احمد خاں کے مطابق کووِڈ 19- وبا اور شدت بھری گرمی کے درمیان آنے والا رمضان شریف گرم خشک ہوگا۔ اس لحاظ سے روزہ داروں کو خاص اہتمام کرنا ہے تاکہ روزہ رکھنا آسان ہو اور کووِڈ 19- سے بھی محفوظ رہا جاسکے۔ ڈاکٹر سیّد احمد نے کہا کہ روزہ افطار اور سحری میں وہ غذائیں اور مشروب استعمال کئے جائیں جو ہماری ذاتی زندگی کے تجربات پر مشتمل ہوں۔ غذائیں اور مشروب وہی بہتر ہیں جو آسانی سے ہضم ہوجائیں اور پیاس کی شدت میں کمی لائیں۔ ڈاکٹر سیّد احمد خاں نے کہا کہ موسم کے مزاج کے مطابق

1. سرد وتر غذائیں اور مشروب کا استعمال کیا جائے جس سے روزہ کے دوران جسم میں پانی کی کمی بھی نہ ہونے پائے اور قوت مدافعت بھی برقرار رہے۔ انہوں نے بطور انتباہ یہ بھی مشورہ دیا کہ

2. زیادہ چکنائی اور تلی ہوئی غذائیں، برف،

3. بیسن اور میدہ سے پرہیز کیا جائے۔ اسی طرح

4. اے سی کی جگہ کولر اور پنکھوں سے کام چلایا جائے اور

5. فریج کی جگہ مٹکا یا صراحی کے پانی کا استعمال کیا جائے نیز

6. وضو کے وقت پیلو، نیم یا ببول سے مسواک کیا جائے اور

7. سحری میں کھانے سے پہلے ایک یا دو گلاس سادہ پانی پیا جائے اور

8. چائے ترک کی جائے جبکہ

9. افطار میں پھلوں کے چاٹ، لیموں وغیرہ کا شربت اور شیک کا استعمال کیا جائے۔ اس کے علاوہ

10. اپنے سالن میں لہسن، کالی مرچ، لونگ، دارچینی اور ہلدی وغیرہ کو شامل کیا جائے۔

ایس اے ساگر

http://sasagarurdutahzeeb.blogspot.com/2020/04/19-10.html?m=1

بنگلہ دیش: نماز جنازہ میں ایک لاکھ سے زائد افراد کی شرکت

2020-04-19T19:57:00.001-07:00

بنگلہ دیش: نماز جنازہ میں ایک لاکھ سے زائد افراد کی شرکت

ایس اے ساگر

کورونا وائرس کے انتشار کے زمانے میں ہفتہ کے روز

بنگلہ دیش کے انسٹھ سالہ زبیر احمد انصاری بنگلہ دیش کی سیاسی و مذہبی جماعت خلافت مجلس کے نائب امیر زبیر احمد انصاری کی نماز جنازہ کیلئے کسی قسم کی احتیاطی تدبیر کو بروئے کار لائے بغیر ایک لاکھ سے زیادہ لوگ مجتمع ہوگئے۔ یہ نماز جنازہ بنگلہ دیش کے شہر ساریل کے ایک مدرسہ میں ادا کی گئی۔ پولیس نے مرحوم کے اہل خانہ کو محض پچاس افراد کے ساتھ جنازہ پڑھنے کی اجازت دی تھی۔

پولیس محکمہ کے سربراہ شہادت حسین کا کہنا ہے کہ انصاری صاحب کی تکریم کیلئے آئے ہوئے لوگوں کا جم غفیر روکنے میں ہم قطعی ناکام رہے۔ انصاری صاحب کی وفات بروز جمعہ ہوئی تھی۔ نماز جنازہ کی انتظامیہ کا کہنا ہے کہ شرکاء کی تعداد ایک لاکھ تھی جبکہ وزیر اعظم حسینہ شیخ کے معاون خصوصی شاہ علی فرہاد کا کہنا ہے کہ نماز جنازہ میں شریک لوگ ایک لاکھ سے کہیں زیادہ تھے۔ نماز جنازہ میں نہ صرف مدارس کے طلبا شریک ہوئے بلکہ عام شعبہ حیات کے لوگوں کی بھی بڑی تعداد شامل تھی۔

پولیس سربراہ شہادت حسین نے ایک فرانسیسی اخبار 'فرانس پریس' کو انٹرویو دیتے ہوئے کہا کہ لوگوں کا ایک سیلاب تھا جو جنازہ پڑھنے کیلئے نکل کھڑا ہوا۔ افسوسناک امر یہ کہ اب تک کی جتنی تصاویر سامنے آرہی ہیں ان میں چند افراد کے سوا کسی نے بھی ماسک نہیں لگایا۔

لوکل میڈیا کے مطابق نماز جنازہ میں شرکت کیلئے لوگ بنگلہ دیش کے طول و عرض سے امڈ آئے۔

یاد رہے کہ بنگلہ دیش میں 26 مارچ سے لاک ڈاؤن چل رہا ہے اور ملک بھر کی 3 لاکھ سے زیادہ مساجد میں 5 افراد سے زیادہ کا اجتماع ممنوع قرار دیا گیا ہے۔

سرکاری اعداد وشمار کے مطابق اس ملک میں ابھی تقریباﹰ بائیس سو افراد مہلک وائرس کووڈ انیس سے متاثر ہوچکے ہیں جبکہ ہلاک ہونے والوں کی تعداد چوراسی بتائی گئی ہے۔ ماہرین کے مطابق اس ملک میں بھی ٹیسٹ نہ ہونے کے برابر کئے جارہے ہیں اور ہلاکتوں کی تعداد اس سے کہیں زیادہ ہوسکتی ہے۔

http://sasagarurdutahzeeb.blogspot.com/2020/04/blog-post.html?m=1

کیایہ شعر درست ہے؟

2019-11-18T03:35:00.000-08:00

کیا یہ شعر درست ہے؟

براہ کرم تصدیق فرمائیں۔ شاعر کا نام بھی عنایت فرمادیں تو بڑا کرم ہوگا

غیروں سے سنا تم نے

غیروں سے کہاتم نے

کچھ ہم سے کہا ہوتا

کچھ ہم سے سنا ہوتا

الجواب وباللہ التوفیق:

شروع کی دو سطریں

غیروں سے سنا تم نے

غیروں سے کہاتم نے

غلط ہیں ۔ دراصل یہ ایک مصرع ہے

غیروں سے کہا تم نے غیروں سے سنا تم نے

شعر کا مصرع ثانی اس طرح ہے:

کچھ ہم سے کہا ہوتا کچھ ہم سے سنا ہوتا

مکمل شعر اس طرح ہوا:

غیروں سے کہا تم نے غیروں سے سنا تم نے

شعر کا مصرع ثانی اس طرح ہے:

کچھ ہم سے کہا ہوتا کچھ ہم سے سنا ہوتا

یہ چراغ حسن حسرت کا کلام ہے۔

ایس اے ساگر

کیایہ شعر درست ہے؟ | S A Sagar (sasagarurdutahzeeb.blogspot.com)

شمالی کینیڈا میں سخت سردی، جبکہ آسٹریلیا میں سخت گرمی

2019-02-01T08:44:00.001-08:00

شمالی کینیڈا میں سخت سردی، جبکہ آسٹریلیا میں سخت گرمی

آپ نے 25 جنوری 2019ء کو خبروں میں سنا ہوگا کہ شمالی کینیڈا میں منفی 43 ڈگری سینٹی گریڈ کی سخت سردی ریکارڈ کی گئی، جبکہ دوسری طرف آسٹریلیا میں 48 ڈگری سینٹی گریڈ کی سخت گرمی ریکارڈ کی گئی، اب سوال یہ پیدا ہوتا ہے کہ ایک ہی زمین پر موسموں میں اس حد تک تبدیلی کس وجہ سے ہے؟
جواب: آپ جانتے ہیں زمین سورج کے گرد گھوم رہی ہے اور ہماری زمین اپنے مدار میں 23.5 ڈگری جھکی ہوئی ہے (تصویر مندرجہ ذیل ہے)

سو اس جھکاو کے باعث جون اور جولائی میں زمین کا Northern hemisphere (زمین کا اوپری حصہ) سورج کے سامنے ہوتے ہیں جس وجہ سے جون جولائی میں یہاں سخت گرمی ہوتی ہے جبکہ Southern hemisphere (زمین کا نچلا حصہ) اس دوران چونکہ سورج کے سامنے نہیں ہوتا جس وجہ سے آسٹریلیا اور اُس حصے میں موجود دیگر ممالک پر سورج کی شعاعیں ترچھی پڑ رہی ہوتی ہیں سو جون جولائی میں وہاں سخت سردی ہوتی ہے، اور آجکل یعنی دسمبر جنوری میں Southern hemisphere سورج کے سامنے آجاتا جس کی وجہ سے وہاں سخت گرمی ہوجاتی ہے جبکہ Northern hemisphere پر سورج کی ترچھی شعاعیں پڑ رہی ہوتی ہیں جس وجہ سے یہاں سخت ٹھنڈ ہوتی ہے، اسی خاطر آپ اکثر سنتے ہیں poles کے قریب علاقوں میں چھ ماہ دن اور چھ ماہ رات رہتی ہے، یہ زمین کے جھکاو کی وجہ سے ہی ہوتا ہے!
https://sasagarurdutahzeeb.blogspot.com/2019/02/blog-post.html
تحریر: محمد شاہ زیب صدیقی، اسلام آباد
زمین کے جھکاؤ کے متعلق اردو ڈاکومنٹری دیکھنے کے لیے لنک پہ کلک کیجئے:

پولیو قطرے‘ تشنج اور خسرہ ویکسین دوا یا زہر؟

2018-12-24T23:17:00.003-08:00

پولیو قطرے‘ تشنج اور خسرہ ویکسین دوا یا زہر؟

اسلام ومسلم دشمن عناصر کی ہمیشہ سے یہ کوشش رہی ہے کہ مسلمانوں کی جڑیں کاٹ کر صفحہٴ ہستی سے ہمیشہ کے لئے انہیں مٹا دیا جائے‘ مسلمانوں کو مجبور ومقہور بناکر ان پر حکومت کرنے کے لئے ان کو مختلف محاذوں پر کمزور کردیا جائے‘ مثلا ایمان واسلام‘ معیشت واقتصادیات‘ فوجی قوت‘ افرادی قوت اور اخلاقی قوت وغیرہ۔ ایمان واسلام کا جنازہ تو پہلے ہی سے مسلمانوں کے دلوں سے نکال دیا گیاہے‘ رنگ ڈھنگ‘ چال ڈھال‘ شکل وشباہت غرضیکہ قول وفعل کے اعتبار سے اغیار کی تقلید کرتے نہیں تھکتے‘ بلکہ فخر محسوس کرتے ہیں۔ اس کے ساتھ ساتھ مسلمانوں کی اقتصادیات کو تباہ وبرباد کردیا گیا‘ سارے مسلمان غیر مسلموں کے مقروض اور مجبور ہیں‘ دنیا بھر میں مسلمانوں کی فوجی قوت کو کمزور کرنے کی مہم شروع کی گئی ہے‘ کسی مسلمان ملک کو اجازت نہیں کہ وہ اپنے دفاع کے لئے جدید اسلحہ‘ ایٹم وغیرہ کی صورت میں حاصل کریں‘ جبکہ ارشاد خداوندی ہے:

”واعدوا لہم ما استطعتم من قوة ومن رباط الخیل ترہبون بہ عدو اللہ وعدوکم وآخرین من دونہم لاتعلمونہم اللہ یعلمہم“۔ (۱)

ترجمہ:․․”اور مسلمانو! سپاہیانہ قوت سے اور گھوڑوں کے باندھے رکھنے سے جہاں تک تم سے ہو سکے کافروں کے مقابلے کے لئے ساز وسامان مہیا کئے رہو کہ ایسا کرنے سے اللہ کے دشمنوں پر اپنی دھاک بٹھائے رکھوگے اور نیز ان کے سوا دوسروں پر بھی جن کو تم نہیں جانتے اور ان کے حال سے اللہ تعالیٰ خوب واقف ہے“۔

مسلمانوں کی اخلاقی قوت کو تباہ وبرباد کردیا گیا ہے‘ مرد وزن کا اختلاط عام سی بات ہے‘ قرآن کریم کا حکم

”وقرن فی بیوتکن ولا تبرجن تبرج الجاہلیة الاولیٰ“ (۲)

کو حقوق نسواں پر نعوذ باللہ! ڈاکہ اور عورت کو غلامی کی زنجیروں میں جکڑنے کے مترادف سمجھ رہے ہیں اور حضورا کا ارشاد کہ:

”بعثت لاتمم مکارم الاخلاق“ (موطا امام مالک)

یعنی میں بہترین اخلاق کی تکمیل کے لئے بھیجا گیا ہوں کو بھول گئے ہیں اور سیاحت وروشن خیالی کے نام پر عورتوں کا غیر مردوں کی جھولی میں گرنا اور ان سے بغل گیر ہونے کو روشن خیالی سمجھتے اور اس پر فخر کرتے ہیں‘ بلکہ اسلام اور مسلمانوں کی نظر میں ایسے افراد حضور ا کے اس قول : ”من تشبہ بقوم فہو منہم“ یعنی جس نے کسی قوم سے مشابہت اپنائی وہ انہیں میں سے ہیں کا مصداق ہیں۔ اب اغیار کا اگلا ہدف مسلمانوں کی افرادی قوت کا خاتمہ ہے‘ جس کے لئے مختلف قسم کے حربے استعمال کئے جارہے ہیں۔جن میں سے ایک مرحلہ وار اور آہستگی کے ساتھ ویکسین کے ذریعے مسلمانوں کی آئندہ نسل کا خاتمہ ہے اور یہ سب کو معلوم ہے کہ مسلمان وہ واحد قوم ہے جو تعداد میں سب سے زیادہ ہے ‘ اب ان لوگوں کی یہ کوشش ہے کہ مسلمانوں کی افرادی قوت کو کم کیا جائے‘ اسی ایجنڈے کی تکمیل کے لئے پہلے ایک مرض کا خوب ڈھنڈورا پیٹا جا تاہے اور پھر اس کی ویکسین تیار کرکے ان ممالک میں سپلائی کی جاتی ہے۔ ایک بات قابل غور ہے اور اس کی گواہی قرآن وسنت سے بھی ثابت ہے کہ غیر مسلم ہمارے خیر خواہ کبھی ہو ہی نہیں سکتے‘ لیکن ہم پھر بھی ان کی تقلید میں ہی اپنی فلاح وبہبود ڈھونڈتے ہیں۔ قرآن مجید میں ارشاد خداوندی ہے:

”یا ایہا الذین آمنوا لاتتخذوا الیہود والنصاریٰ اولیاء بعضہم اولیاء بعض ومن یتولہم منکم فانہ منہم“۔ (۳)

ترجمہ:․․․”اے ایمان والو! یہود ونصاریٰ کو اپنے دوست مت بناؤ وہ آپس میں ایک دوسرے کے دوست ہیں اور اگر تم میں سے کوئی ان کی طرف پھرا وہ انہی میں سے ہے“۔

پولیو ویکسین کیا چیز ہے؟ اس کے کیا نقصانات ہیں؟ اور سائنس اس حوالے سے کیا کہتی ہے؟ چونکہ پولیو ویکسین ہر بچے کو شروع سے پلائی جاتی ہے‘ اس ویکسین میں ایسے زہر ملانے کے شواہد ملے ہیں جو اپنا اثر بچپن ہی سے دکھاتی ہے اور یہ بچے جب بڑے ہوجائیں تو پھر بچے پیدا نہ کرپائیں‘ یہ سب کیسے ہوتا ہے؟ ذرا سائنسی نقطہٴ نگاہ سے اس کا تجزیہ کرتے ہیں ۔ اللہ تعالیٰ بچے کو ماں باپ کے باہم جنسی ملاپ سے پیدا فرماتاہے‘ دوسرے جانداروں کی طرح انسان میں بھی بچے پیدا کرنے کے لئے نر اور مادہ کا جنسی ملاپ ضروری ہے‘ نر میں اعضائے تولیدی کو ”ٹیسٹیز“ اور مادہ کے اعضائے تولیدی کو ”اووری“ کہتے ہیں۔ یہ اعضاء نہ صرف تولیدی ہیں‘ بلکہ یہ ”غدود“ کا کام بھی سر انجام دیتے ہیں‘ غدود انسانی جسم کا ایسا جز ہے جس کے ذمہ جسم کے مختلف افعال کو باقاعدہ بناکر انہیں کنٹرول کرنا ہے‘ جیساکہ ”پٹیوٹری“ غدود انسان کے قدکا ذمہ دار ہے‘ اگر یہ ٹھیک وقت پر برابر مقدار میں ہا رمونز خارج کرے تو انسان کا قد نارمل ہوگا‘ ورنہ یا تو بہت زیادہ بڑھے گا یا پھر پست رہ جائے گا ۔ اسی طرح مادہ انسان میں ”اووری“ بھی ایک خاص قسم کا ہارمونز ”اسٹروجن“ خارج کرتی ہے‘ اس ہارمونز کے ذمہ اللہ تعالیٰ نے یہ کام لگا رکھا ہے کہ جو بچہ پیدا ہوگا اگر تو وہ مادی (بچی) ہے تو اس میں عورت ذات والی تمام خصلتیں اور خصوصیات بھردے گی‘ اس کے ساتھ اسے نسوانی حسن بخش دے گی۔ اسی طرح نر انسان میں” ٹیسٹیز“ جو ہارمونز خارج کرتا ہے اسے ”انڈروجن“ کہتے ہیں اور یہ انسانی بچے میں مردانہ پن پیدا کرنے کا ذمہ دار ہے‘ اگر یہ دونوں غدود صحت مند ہوں گے اور اپنا کام صحیح طور پر سرانجام دیں تو نر بچہ میں مردانہ خصوصیات اور مادہ بچی میں نسوانی خصوصیات ہوں گی‘ لیکن اگر یہ غدود اپنا کام صحیح طور پر سرانجام نہ دیں اور” اسٹروجن“ اور” انڈروجن“ صحیح مقدار میں پیدا نہ کرسکیں تو پھر پیدا ہونے والے بچے یا تو بن ہی نہیں پاتے اور اگر بن جاتے ہیں تو ہیجڑا پن کے حامل ہوں گے‘ جیساکہ ہم آج کل دیکھ رہے ہیں۔ ہوگی لڑکی لیکن اس کا نسوانی حسن غائب اور خصلتیں مردوں جیسی ہوں گی۔ اور ہوگا لڑکا لیکن مردانہ پن غائب اور خصلتیں وکردار لڑکیوں جیسا ہوگا تو اسی طرح پولیو ویکسین میں ایسا زہر ملانے کے شواہد ملے ہیں کہ جس سے نر اور مادہ انسان میں ”اووری“ اور” ٹیسٹیز“ اپنا صحیح کام نہیں کر پاتے ”اسٹروجن“ اور ”انڈروجن“ صحیح مقدار میں خارج نہیں ہوپاتی جس سے پیدا ہونے والے بچے میں بے قاعدگیاں پیدا ہوجاتی ہیں۔یہ ویکسین جب شروع سے پلائی جاتی ہے تو آہستہ آہستہ بچے جب جوان ہوتے ہیں تواس وقت تک یہ اپنا کام کرچکی ہوتی ہے اب بچہ جوان ہوکریاتو بچے پیدا ہی نہیں کر سکتے یعنی مستقل بانجھ پن کا شکار ہوجاتے ہیں یا پھر اگر پیدا کرتے بھی ہیں تو ان میں ہیجڑا پن ہوتا ہے ۔ ویکسین میں کون سی چیز ملائی جاتی ہے یہ تو ابھی تک زیر تحقیق ہے‘ لیکن شاید مصنوعی اسٹروجن ملاتے ہیں‘ لیکن اس کے استعمال سے بچیوں میں اسٹروجن کی زیادہ مقدار بنے گی اور مستقبل میں جو بھی اولاد پیدا ہوگی ان میں زیادہ تعداد لڑکیوں کی ہوگی اور اگر کوئی لڑکا پیدا ہو تو ماں سے اسٹروجن کی زیادہ مقدار منتقل ہونے کی وجہ سے ہیجڑا پن کا حامل ہوگا یعنی ساری عادتیں اور خصلتیں لڑکیوں جیسی ہوں گی (۴)

ڈاکٹر ہاروناکائیٹا جوکہ احمد دبلو یونیورسٹی زاریا میں فارماسوٹیکل سائنسز ڈیپارٹمنٹ کا سربراہ ہے‘ وہ نائیجریا سے ویکسین کے کچھ نمونے تحقیق کے لئے انڈیا لے گئے‘ تاکہ ان میں موجود اجزاء کی جانچ پڑتال ہوسکے‘ جب ڈاکٹر کائٹانے ان ویکسین کو مختلف ٹیسٹ اور جانچ پڑتال کے مراحل سے گزارا تو اس میں کچھ ایسے مواد کی ملاوٹ کے شواہد ملے جوکہ صحت کے لئے خطرناک تھے‘ ڈاکٹر کائٹا نے ہفت روزہ ”کیڈونا ٹرسٹ“ کو ایک انٹرویو میں بتایا کہ: ”ہم نے پولیو کے اس ویکسین میں کچھ ایسی اشیاء دریافت کی ہیں جو صحت کے لئے نقصان دہ اور زہریلی ہیں اور خاص طور پر کچھ ایسی ہیں جو براہ راست انسان کے جنسی نظام تولید پر اثر انداز ہوتی ہیں‘ بدقسمتی سے خود ہمارے بیچ ایسے لوگ موجود ہیں جو ان کی خباثت اور بدتمیزی کی پشت پناہی کررہے ہیں اور برابر ان کی مدد کررہے ہیں اور مجھے یہ کہہ کر افسوس ہو رہا ہے کہ ان میں کچھ ہمارے اپنے ماہرین بھی شامل ہیں۔ ڈاکٹر کائٹا نے یہ مطالبہ کیا کہ جو لوگ پولیو ویکسین کے نام پر یہ جعلی دوائی در آمد کررہے ہیں ‘ ان کے خلاف دوسرے مجرموں کی طرح مقدمہ چلانا چاہئے اور سزا دینی چاہئے“۔ (۵)

Lifesite لائف سائٹ کی رپورٹ کے مطابق ۱۹۹۵ء میں فلپائن کی آزاد خواتین کی ایک لیگ نے تشنج کے ٹیکوں کے خلاف کورٹ میں مقدمہ جیت لیا تھا اور یونیسف کی اس مہم کو روک لیا تھا‘ کیونکہ اس ویکسین میں ایسی دوائی (B-hCG) استعمال کی گئی تھی جس کے استعمال کرنے سے عورت کا حمل مکمل طور پر نہیں ٹہرسکتا تھا ‘ فلپائن کی سپریم کورٹ نے یہ معلوم کیا کہ تین ملین خواتین کو جن کی عمر ۱۲ سے ۴۵ سال تک تھی‘ پہلے ہی سے یہ ویکسین دی جاچکی تھی۔ (۶)

عالمی ادارہ صحت کی طرف سے (۲۰ جون ۲۰۰۵ء) جاری کئے گئے اعداد وشمار کے مطابق دنیا بھر میں پولیو کے قطرے پلانے کے باوجود ۵۰۰ سے زائد پولیو کے کیس سامنے آئے ہیں‘ یہاں تک کہ یمن اور انڈونیشیا جنہیں ۱۹۹۶ء میں پولیو ویکسین کی مہم چلانے کے بعد اس بیماری سے آزاد خطہ قرار دے دیا گیا‘ وہاں پھر سے یہ وبا پھوٹ پڑی ہے‘ یمن میں ۲۴۳ اور انڈونیشیا میں ۵۳ نئے کیس سامنے آئے ہیں (۷)

بہت سے محققین نے ویکنیشین کو دراصل دنیا کی آبادی کنٹرول کرنے کا خفیہ مگر انتہائی مؤثر ہتھیار ثابت کیا ہے اور اس حوالے سے دستاویزی ثبوت بھی فراہم کئے ہیں۔

ایک خفیہ امریکی دستاویز "NSSMZOO" جو ۱۹۷۴ء میں شائع ہوئی اور ۱۹۸۹ء میں ڈی کلاسیفائی ہوئی‘ اس دستاویز پر اس وقت کے وزیر خارجہ ہنری کسنجر کے دستخط ہیں‘ اس دستاویز میں شناخت کئے گئے ممالک میں سے ہندوستان‘ پاکستان‘ بنگلہ دیش‘ نائیجریا‘ انڈونیشیا‘ برازیل‘ فلپائن‘ میکسیکو‘ تھائی لینڈ‘ ترکی‘ ایتھوپیا اور کولمبیا ہیں۔ پاپولیشن کنٹرول اس دستاویز کا مرکزی اور یک نکاتی ایجنڈا ہے‘ ۲۹ جون ۱۹۸۷ء کو امریکی اخبار نے نیشنل کینسر انسٹیٹیوٹ کے ڈاکٹر رابرٹ سے بات کی‘ جن کا کہنا تھا کہ خسرہ کی ویکسین نقصان دہ وائرس سے آلودہ ہیں‘ ۳۰ برس تک نامی گرامی ڈاکٹر چلاتے رہے کہ ہم ”ویکسین“ نامی ٹائم بم سے کھیل رہے ہیں‘ خسرہ کے ویکسین سے یہ ثابت ہوا ہے کہ یہ کینسر کا باعث ہے (۸)

لندن کے موقر ترین روز نامے دی ٹائمز نے فرنٹ پیچ پر اس حوالے سے یہ سرخی لگائی تھی کہ ”خسرہ کے لئے لگائے گئے ٹیکے ایڈز وائرس پھیلا رہے ہیں“ (۹)

عالمی ادارہ صحت (W.H.O)کے ایک کنسلٹنٹ نے who کو رپورٹ دی کہ زیمبیا‘ زائرے اور برازیل میں خسرہ ویکسینشین اور ایڈز وائرس کے پھیلاؤ کے درمیان تعلق کا شبہ تھا‘ تحقیق پر یہ شک وشبہات صحیح نکلے۔who نے رپورٹ ملنے کے باوجود اسے شائع نہیں کیا‘ برازیل واحد جنوبی امریکی ملک تھا جس نے خسرہ سے بچاؤ کی ویکسین مہم میں حصہ لیا اور پھر یہی ملک ایڈز کا سب سے بڑا شکار بنا۔ پولیو‘ خسرہ ہیپاٹائٹس کی ویکسین میں وائرس کی موجودگی کے ثبوت سامنے آچکے ہیں ۔ان میں منگی وائرس جیسا خطرناک وائرس بھی شامل ہے ۔ who پر خسرہ ویکسین کے ذریعے ایڈز پھیلانے کے الزامات بھی لگ چکے ہیں‘ ان ٹیکوں کی وجہ سے بانجھ پن ہونا بھی ثابت ہوچکا ہے۔ ویکسینشین دو ماہ کے بچوں کے لئے قطعا محفوظ نہیں‘ مگر یہ ویکسین کا شیڈول نومولود کے ابتدائی دنوں سے ہی شروع ہوجاتا ہے‘ نومولود کے وزن‘ قد اور جسامت جیسے معاملات بالکل نظر انداز کردیئے جاتے ہیں‘ یہ سائنسی حقیقت ہے کہ ایک ہی دوائی یا ٹیکہ کسی ایک انسان کے لئے تو قطعی محفوظ ہو سکتے ہیں‘ مگر دوسرے کے لئے موت کا باعث بھی۔ ویکسینشین کو بچوں میں ذہنی عوارض کا سبب بھی قرار دیا جاتا ہے‘ پولیو کے قطرے جب پلوانے شروع ہوئے جن بچوں نے یہ استعمال کئے ہیں‘ یقینا آج وہ جوان ہوں گے مگر یہ حقیقت ہے کہ وہ کسی نہ کسی مرض میں مبتلا ہوں گے اور آج کل نوجوانوں کی اکثر یت جن امراض میں مبتلا نظر آتی ہے وہ مردانہ امراض ہی ہیں۔ (۱۰) اس ضمن میں مزید جو حقائق دیئے گئے ہیں وہ بہت خوفناک ہیں‘ بھارت کے ایک جریدے ”المرشد“ میں پولیو کے قطروں سے متعلق ایک مدلل مضمون شائع ہوا ہے‘ اس مضمون کو اشرف لیبارٹریز فیصل آباد کے ترجمان ماہنامہ رہنمائے صحت کی اشاعت میں شامل کیا گیا تھا‘ جس میں سات سے زائد ایسے کیس ذکر کئے گئے ہیں جن میں بچوں کو پولیو کے قطروں کا کورس مکمل کروایا گیا تھا‘ انہیں اس روک تھام کے باوجود پولیو ہوگیا۔ (۱۱)

ملک کے معروف قلم کا ر جناب حامد میر صاحب اپنے ایک مضمون میں لکھتے ہیں:

” قارئین کو یاد ہوگا کہ ۷/جون ۲۰۰۴ء کو میں نے ”پولیو اور پارلیمنٹ“ کے عنوان سے اپنے کالم میں لکھا تھا کہ پولیو کے خلاف حالیہ مہم میں چھوٹے بچوں کو پولیو ویکسین کے جعلی قطرے پلائے جارہے ہیں‘ وفاقی وزارت صحت نے میرے دعوے پر خاموشی اختیار کئے رکھی ہے‘ ایک ماہ کے بعد ۷/ جولائی کو عالمی ادارہ صحت نے وفاقی وزارت صحت حکومت پاکستان کو ایک خط لکھا کہ نیشنل انسٹی ٹیوٹ آف ہیلتھ اسلام آباد میں تیار کی گئی پولیو ویکسین انتہائی غیر معیاری ہے‘ لہذا اس ویکسین کو فوری تلف کیا جائے ۔ ۲۶/ جولائی ۲۰۰۴ء کو عالمی ادارہ صحت کے نمائندہ برائے پاکستان ڈاکٹر خالف بلے محمد نے وفاقی وزیر صحت کو ایک اور خط لکھا اور انہیں یاد دلایا کہ نیشنل انسٹی ٹیوٹ آف ہیلتھ اسلام آباد میں تیار کی گئی پولیو ویکسین کی ۱۵ کروڑ ڈوز غیر معیاری ہیں اور انہیں تلف کردیا جانا چاہئے‘ اس خط کی وجہ یہ تھی کہ وفاقی وزارت صحت کی نگرانی میں تیار کئے گئے پولیو کے غیر معیاری قطروں کا استعمال ملک بھر میں بدستور جاری ہے‘ لاکھوں والدین نے اپنے بچوں کو پولیو سے بچاؤ کی امید میں یہ قطرے پلائے‘ لیکن افسوس یہ قطرے زہریلے پانی کے سوا کچھ نہیں ۔ جناب حامد میر مزید لکھتے ہیں کہ: مجھے معلوم ہے کہ ہتک عزت کے لئے قانون کے تحت بغیر ثبوت کے کسی پر الزام لگانا بہت مشکل ہے‘ لہذا اگر (ملک کے وزیر اعظم کو) ضرورت ہو تو عالمی ادارہ صحت کی طرف سے خط کی نقل اور عالمی ادارہ صحت کی طرف سے پاکستان میں استعمال ہونے والے پولیو ویکسین کے لیبارٹری ٹیسٹوں کی رپورٹ یہ بندہ ناچیز انہیں فراہم کرسکتا ہے‘ اطلاعاً عرض ہے کہ یہ دونوں دستاویزات وفاقی سیکرٹری برائے صحت‘ ڈائریکٹر جنرل ہیلتھ اور ایگزیکٹیو ڈائریکٹرنیشنل ٹیوٹ آف ہیلتھ کے پاس بھی موجود ہیں- (۱۲)

ہمارے بچوں کے بہتر اور خوشحال مستقبل کی فکر میں پیش پیش وہ مغربی ممالک ہیں جن کی سرمایہ کاری کی ایک خطیر رقم عراق‘ فلسطین اور افغانستان میں مسلمان بچوں کے قتل وتباہی پر خرچ ہو رہی ہے‘ ان ممالک کے بارے میں سروے رپورٹ یہ ہے کہ جنگ میں سب سے زیادہ اموات بچوں کی ہورہی ہے‘ اس بارے میں آج تک ایسی مہم نہیں چلائی گئی ہے کہ جس میں ان تندرست اور بے گناہ بچوں کو تحفظ دیا جاسکے اور ان کے تحفظ کے اقدامات کئے جاسکیں۔ پولیو قطرے پلانے کے حوالے سے بعض حضرات کا استدلال یہ ہے کہ اگر پولیو کے ویکسین مضر صحت ہوتے تو پھر تعلیم یافتہ طبقہ اسے استعمال نہ کرتا۔ ایسے حضرات کی خدمت میں گزارش ہے کہ شراب کی حرمت پر تمام مذاہب متفق ہیں‘ اسی طرح صحت کے لئے شراب کا مضر اور خطرناک ہونا بھی تحقیقاتی اداروں سے ثابت ہو چکا ہے‘ لیکن بدقسمتی سے شراب کو استعمال کرنے والے اکثر لوگ تعلیم یافتہ ہیں‘ جاہل نہیں‘ اس قسم کے استدلال پیش کرنے والے دراصل حقائق سے ناواقف ہیں‘ مذکورہ بالا مشاہدات کے باوجود اگر ہم اپنے بچوں کو مذکورہ ویکسین وغیرہ پلاتے ہیں تو پھر ہم اس جرم میں برابر کے شریک ہیں اور ہمارا انجام یہی ہوگا کہ ہم پر عروج کی جگہ تسفل‘ ترقی کی جگہ تنزل‘ عظمت کی جگہ ذلت‘ حکومت کی جگہ غلامی اور بالآخر زندگی کی جگہ موت چھا جائے گی۔

نوٹ: ویکسین کے منفی اور مثبت دونوں پہلوؤں پر مزید تحقیق جاری ہے:

مراجع ومصادر

۱- الانفال:۶۰ ۲- الاحزاب:۳۳) ۳- المائدہ:۵۱

۴- ڈاکٹر حمید اللہ وزیر‘ اصلی بیماریاں علاج‘ ہفت روزہ ضرب مؤمن‘ کراچی ۱۶تا ۲۲ ستمبر ۲۰۰۵ء

۵- عبد الرحمن‘ بانجھ قطرے‘ ہفت روزہ ضرب مؤمن کراچی‘ ۱۰ مارچ ۲۰۰۶ء

۶- net/idn/2002/oct/021.html ۷- (who) عالمی ادارہ صحت کی رپورٹ‘ جاری کردہ ۲۰ جون ۲۰۰۵ء

۸-ڈاکٹر ناصر الدین‘ کیا ویکسین کورس بہت ضروری ہے؟ ہفت روزہ ضرب مؤمن کراچی‘ ۱۶ مارچ ۲۰۰۷ء

۹- thi times, london ,11 may 1987 ۱۰- ڈاکٹر ناصر الدین‘ حوالہ بالا

۱۱- ماہنامہ رہنمائے صحت‘ اشرف لیبارٹریز فیصل آباد‘ جون ۲۰۰۶ء

۱۲- ڈاکٹر حمید اللہ وزیر‘ حوالہ بالا۔

اشاعت ۲۰۰۸ ماہنامہ بینات , محرم الحرام ۱۴۲۹ھ فروری۲۰۰۸ء, جلد 70, شمارہ 1

مرغوب الرحمٰن عفی عنہ

ماہنامہ البینات کراچی محرم الحرام ۱۴۲۹ھ فروری ۲۰۰۸ء
https://sasagarurdutahzeeb.blogspot.com/2018/12/blog-post_24.html