Sahara Sansar - News Portal, Breaking, National, World, Business, Sports & Entertainment

आन्दोलन फिर्तामा सद्‍भावनाको अटेरीपन

bsgyanu212@gmail.com (SIMC) — Fri, 17 May 2013 08:00:43 PDT

काठमाडौं, जेष्ठ ३ - सरकार र राजेन्द्र महतो नेतृत्वको सद्‍भावना पार्टीबीच शुक्रवारको वार्ता टुङ्गोमा पुग्न नसकेपछि शनिवार फेरि वार्ता हुने भएको छ । राजधानीको बबरमहलस्थित् शान्ति कोषको सचिवालयमा दुई घण्टा भएको वार्तामा सरकारले आन्दोलन फिर्ता लिन आग्रह गरे पनि वार्तामा रहेका सद्‍भावना पार्टीका नेताले अस्वीकार गरेपछि शुक्रवारको वार्ता निष्कर्षमा पुग्न नसकेको हो ।निर्वाचन मिति घोषणा, नागरिकता वितरण, निर्वाचन क्षेत्र पूननिर्धारण आयोग, नेपाल-भारत सीमामा भारु सटही काउन्टर र तराई/मधेसमा शान्ति सुरक्षा कायम गर्नुपर्नेलगायत १० बुँदे माग गर्दै सद्‍भावनाले २० जिल्लामा अनसन गरिरहेको छ ।

सरकारी टोलीले आन्दोलन फिर्ता लिए एक/दुई दिनमा माग पूरा गर्ने प्रस्ताव राखे पनि सदभावना पार्टीबाट वार्तामा सहभागी सदस्यहरुले सहमतिपत्रमा हस्ताक्षर भएपछि मात्रै फिर्ता लिने अडान लिएपछि वार्ता निष्कर्षविहीन भएको हो ।

'तपाईंहरुका मागप्रति हामी सकारात्मक छौं, आन्दोलन फिर्ता लिनुस् केही दिनभित्रै माग पूरा गर्छौ भन्नुभएको थियो,' सरकारी वार्ता टोलीको प्रस्ताव उद्धृत गर्दै वार्तामा सहभागी सद्‍भावनाका महासचिव मनीषकुमार सुमनले ईकान्तिपुरसित भने, 'आन्दोलन फिर्ता गरेर वार्ता हुदैन, आन्दोलन जारी रहनेछ, सकारात्मक हुनुहुन्छ भने सम्झौतामा हस्ताक्षर गरौं अनि आन्दोलन फिर्ता लिन्छौं भनेर हामीले भन्यौं ।'

सरकारका तर्फबाट गृह एवं परराष्ट्रमन्त्री तथा वार्ताटोली संयोजक माधव घिमिरे, सञ्चारमन्त्री तथा वार्ताटोली सदस्य माधव पौडेल, स्वास्थ्यमन्त्री विद्याधर मल्लिक र प्रधानमन्त्री कार्यालयका सचिव कृष्णहरी बाँस्कोटा सहभागी थिए भने सद्‍भावनाबाट वरिष्ठ नेता एवं वार्ताटोली संयोजक लक्ष्मणलाल कर्ण, नवलकिशोर साह र सुमन सहभागी थिए । सद्‍भावना अध्यक्ष महतोले बेलैमा चुनावको मिति घोषणा नहुँदा जनता अलमलमा परेको भन्दै चुनावलाई बन्धक पारेर सरकारले जनताको भविष्य अन्योलमा पारेको टिप्पणी गरे । Source: Ekantipur

रिसको झोंकमा राष्ट्रपतिका सल्लाहकारले दिए राजीनामा

bsgyanu212@gmail.com (SIMC) — Sun, 12 May 2013 15:19:28 PDT

(र्इकान्तिपुर) काठमाडौं, वैशाख ३० - राष्ट्रपति रामवरण यादवका राजनीतिक सल्लाहकार हरि शर्माले अख्तियार दुरुपयोग अनुसन्धान आयोगको प्रमुखमा शाहीकालीन मुख्यसचिव लोकमानसिंह कार्कीको नियुक्ती प्रकरणमा असन्तुष्टि जनाउँदै पदबाट राजिनामा बुझाएका छन् । अर्का दुई सल्लाहकार डा. सूर्य ढुंगेल र राजेन्द्र दाहाल पनि त्यही प्रकरण असन्तुष्ट र राजीनामा निम्ति समय कुरिरहेको बुझिएको छ ।

स्रोतका अनुसार, तीनै जनाले एकैचोटि राजीनामा दिंदा 'राष्ट्रपतिय पद्धति र गरिमामा धक्का पुग्ने' निकाल्दै परिस्थिति सामान्य हुँदै जाने क्रममा राजीनामा दिने मनस्थिति बनाएका हुन् । त्यही नीति अनुरुप पहिलो खेपमा शर्माले मात्रै राजीनामा बुझाएका हुन् ।

राजीनामा बुझाए लगत्तै शर्मा मुलुक बाहिर गएका कारण उनीसँग सम्पर्क हुन सकेन । शर्मा प्रजातन्त्र पुनस्र्थापनालगत्तै निर्वाचित प्रधानमन्त्री गिरिजाप्रसाद कोइरालाका राजनीतिक सल्लाहकार थिए । राजनीतिशास्त्रमा पिएचडी गरेका शर्मा प्रधानन्यायाधीशलाई मन्त्रिपरिषद् अध्यक्ष बनाउने निर्णयसँग सन्तुष्ट थिएनन् । स्रोतका अनुसार, त्यतिबेला यो निर्णय शक्ति पृथकीकरणको सिद्धान्तविपरित हुने र यसले मुलुकलाई अहित गर्ने सुझाव दिएका थिए । अख्तियारमा नियुक्ति गरिंदा संविधानको संरक्षक राष्ट्रपतिको पदीय मर्यादाविपरित हुने सुझाव दिएका थिए । संविधानमै उल्लेखित प्रावधानअनुरुप संवैधानिक परिषद्लाई प्रस्ताव फिर्ता गर्नुपर्ने सुझाव दिएका थिए ।

राष्ट्रपति यादव शुरुमा कार्कीको सिफारिशको विपक्षमा रहेको, अस्वाभाविक र असहज तवरमा एकाएक सिफारिश अनुमोदन गर्न पुगेपछि सल्लाहकारहरु बढी सशंकित हुन पुगेका हुन् । संवैधानिक निकायमा नियुक्तिको योग्यतामा 'उच्च नैतिक आचरणको कायम भएको' हुनुपर्ने स्पष्ट संबैधानिक ब्यवस्था विपरितको सिफारिस फिर्ता पठाउने पक्षमा शर्मासहितका सल्लाहकारहरुको एक मत थियो । त्यसअतिरिक्त संवैधानिक परिषद्सम्बन्धी कानूनमा सामाजिक प्रतिष्ठा प्राप्त भएको, इमान्दार र जनभावना अनकूल व्यक्तिमात्रै नियुक्त गर्न मिल्ने कानून प्रावधान देखाउँदै फिर्ता गर्न सकिने प्रशस्त आधार पनि सल्लाहकारहरुले देखाएका थिए । तर बाह्य शक्तिको प्रभाव र राजनीतिक विचैालियाहरुको चलखेलका कारण रातारात शितलनिवासको निर्णय फेरिन पुग्यो । कार्कीको नियुक्तिविरुद्ध उभिएका सल्लाहकारहरुलाई पदमा बसिरहन 'नैतिकता'का आधारमा अप्ठ्यारो परेको हो ।

कार्कीको नाम फिर्ता पठाउन प्रयोग गरिने भाषामा समेत आफूहरुले गृहकार्य गरिसकेपछि मध्यरातमा एकाएक कार्कीको नियुक्ती सदर गर्ने निर्णय प्रति उनीहरु रुष्ट छन् । मध्यरातमा भएको निर्णय अनुसार कार्कीलाई भोलिपल्टको कार्यालय समय समेत सुरु नहुँदै सपथ गराईएपछि सल्लाहकारुले आफुहरु पदमा बस्नुको औचित्य नभएको निष्कर्षमा निकालेका हुन् । तिनीहरु शपथका बेला समेत उपस्थित भएनन् ।

कानुनी सल्लाहकार डा. ढुङ्गेल र प्रेस सल्लाहकार दाहाल पनि पद त्यागकै पक्षमा छन् । तर उनीहरुले राष्ट्रपतिलाई 'असहयोग' गरेको सन्देश जानेगरी एकै पटक राजिनामा नगर्ने र पद त्याग पहिले कुनै टिप्पणी पनि नगर्ने रणनीति लिएका छन् । 'चार वर्ष पदमा बसेपछि पहिले नै राजिनामा घोषणा हुने कुरा भएन' स्रोतले भन्यो- 'राष्ट्रपतिकै सजिलोका लागि पनि उहाूहरुले राजिनामा दिने मनस्थिति बनाउूनु भएको हो ।'

यसअघि तत्कालिन प्रधानमन्त्री बाबुराम भट्टराईलाई पदमुक्त गरी कामचलाउ घोषणा गर्ने र पछि नया सरकार गठनका लागि दलहरुलाई मिति तोकेर आह्वान गर्ने निर्णयमा पनि राष्ट्रपति यादव र सल्लाहकार समुहबीच दुरी बढेको थियो । कार्कीलाई नियुक्त गर्ने मध्यरातको निर्णय कतिपय सल्लाहकारहरुले भोलिपल्ट विहान निकै अबेर थाहा पाएका थिए ।शितलनिवास स्रोतका अनुसार पछिल्लो समयमा सल्लाहकारहरु नियमित कार्यालय जान समेत छोडेका छन् ।

राजिनामा बुझाउन अघिदेखि नै शर्माले निस्कृय रहेर पदत्यागको जनाउ दिएका थिए । अन्य दुई सल्लाहकारले औपचारिक निर्णय नगरेपनि शितल निवासको उपस्थिति पातलिएको ती अधिकारीले बताए । शर्माको राजीनामाबारे राखिएको जिज्ञासामा प्रेस सल्लाहकार दाहालले आइतबार आफू राजधानी बाहिर रहेको र त्यस सम्बन्धमा जानकारी नभएको बताए । 'मैले तत्काल राजिनामा दिने निर्णय गरेको छैन' दाहालले भने ।

'कार्की नियुक्ति कालो धब्बा’ Gagan Thapa

bsgyanu212@gmail.com (SIMC) — Sat, 11 May 2013 23:26:26 PDT

पर्सा, वैशाख २९ - कांग्रेस केन्द्रीय सदस्य गगन थापाले अख्तियार दुरुपयोग अनुसन्धान आयोगको प्रमुख आयुक्तमा लोकमानसिंह कार्कीको नियुक्ति मुलुकको इतिहासमा कालो धब्बाका रूपमा रहेको बताएका छन् ।

'कार्की नियुक्ति मुलुकको इतिहासमा कालो धब्बा हो, यसले निर्वाचनको वातावरण थप असहज बनाएको छ,' शनिबार यहाँ टे्रड युनियन कांग्रेसको पाँचौं जिल्ला अधिवेशन उद्घाटन गर्दै उनले भने, 'दुर्भाग्यपूर्ण यो विषयमा गम्भीर ढंगले मुलुक र जनताको सार्वभौमसत्तासँग जोडिएको छ ।'कार्की नियुक्तिले निर्वाचनको वातावरण असहज बनाएको उनले बताए । कार्कीलाई अख्तियार प्रमुख बनाएपछिका परिणाम मुलुकले भोग्ने उनले बताए । यस्ता गतिविधि देखाएर सरकार आफैं निर्वाचन बिथोल्ने काममा लागिपरेको थापाको भनाइ थियो ।

सरकार प्रमुख खिलराज रेग्मीले निर्वाचित सरकारले गर्नेसरह एकपछि अर्को ठूला निर्णय गर्दै गरेको र नेता मूकदर्शक बनिरहेको आरोप लगाए ।

कार्की नियुक्तिपछिका घटनाक्रमले कांग्रेस सभापति सुशील कोइरालासहित मुख्य दलका शीर्ष नेताले व्यक्तिगत रूपमा राजनीतिक निर्णय गर्ने क्षमता गुमाएको र उनीहरू स्वतन्त्र ढंगबाट कुनै पनि निर्णय गर्न सक्षम नरहेको भन्ने गम्भीर प्रश्न खडा भएको उनले आरोप लगाए । कोइरालाले शुक्रबार काभ्रेको एक कार्यक्रममा रेग्मी नेतृत्वको सरकारमा सहमति जनाएर ठूलो भूल गरेको कुरा स्विकारेकामा उनले आपत्ति जनाए ।

आफूलगायत २२ केन्द्रीय सदस्यले कोइरालालाई रेग्मी नेतृत्वको सरकार गठन प्रक्रियामा लिखित र संस्थागत रूपमै विरोध जनाउँदा पनि कोइरालाले आफूहरूको भावना र आग्रहलाई नटेरेको आरोप लगाए । अहिले आएर कोइरालाले आफू परिबन्धमा परेको कुरा गर्नु अनुचित रहेको भन्दै थापाले यस विषयमा संस्थागत निर्णय गरेर आत्मालोचना गर्नुपर्ने बताए ।

'कार्की नियुक्ति कालो धब्बा’ Gagan Thapa: source: Ekantipur

सचिवले पाए अवकाश १४ सहसचिवहरूको सरुवा

bsgyanu212@gmail.com (SIMC) — Fri, 10 May 2013 15:03:13 PDT

काठमाडौ, वैशाख २८ - सरकारले १४ सहसचिवलाई सरुवा गर्नुका साथ नयाँ १० जनालाई विभिन्न मन्त्रालयमा पदस्थापन गरेको छ । ६० जना सहसचिवको सरुवा गरेको एक महिना नपुग्दै मन्त्रिपरिषदो बिहीबार बसेको बैठकले थप १४ जनाको सरुवा गरेको हो ।

सहकारी विभागका महानिर्देशक सुदर्शन ढकाललाई भौतिक पूर्वाधार तथा यातायात मन्त्रालयमा सरुवा गरिएको छ । उनलाई यातायात व्यवस्था विभागको महानिर्देशकको जिम्मेवारी दिइने जानकारी स्रोतले दिए । यातायात विभागबाट अध्यागन महानिर्देशकमा काजमा पठाइएका शरदचन्द्र पौडेललाई सोही ठाउँमा सरुवा गरिएको छ ।उद्योग मन्त्रालयकी यामकुमारी खतिवडा र अतिरिक्त समूहमा दरबन्दी रहेका नवराज भण्डारीलाई अर्थ मन्त्रालय सारिएको छ ।

विदेशमा अध्ययन सकेर फर्केका भण्डारीलाई पुनः दोहोर्‍याएर अर्थ मन्त्रालयमा लगिएको हो । उनी भन्सार विभाग महानिर्देशक भइसकेका सहसचिव हुन् । अर्थ मन्त्रालयका विष्णु नेपाललाई योजना आयोगमा सरुवा गरिएको छ । काठमाडौं महानगरका कार्यकारी अधिकृत केदारबहादुर अधिकारीलाई स्वास्थ्य मन्त्रालय सरुवा गरिएको छ ।

योजना आयोगका सहसचिव लक्ष्मण अर्याललाई स्थानीय विकास मन्त्रालयमा पठाई काठमाडौं महानगरको कार्यकारी अधिकृतको जिम्मेवारी दिइएको छ । सामान्य प्रशासन मन्त्रालयमा काजमा रहेका गंगाराम गेलाललाई उद्योग मन्त्रालयमा सारिएको छ । स्वास्थ्य मन्त्रालयका काजमा रहेका मुकुन्द निरौलालाई सोही ठाउँमा सरुवा गरिएको छ । अर्का सहसचिव गोपी खनाललाई उनी काजमा रहेकै स्थानीय विकास मन्त्रालयमा सरुवा गरिएको छ ।

सचिव रेग्मीले पाए अवकाश राष्ट्रपति कार्यालयका सचिव शीतलबाबु रेग्मीले शुक्रबार ५८ वर्ष पूरा पुगेकाले अनिवार्य अवकाश पाएका छन् । रेग्मीले अवकाश पाएपछि सचिव रिक्त भएका विभिन्न मन्त्रालय र निकायको संख्या ४ पुगेको छ । सचिव रिक्त भएका निकायमा सहकारी तथा गरिबी निवारण मन्त्रालय, राष्ट्रपति कार्यालय, उपराष्ट्रपति कार्यालय र प्रधानमन्त्री तथा मन्त्रिपरिषदो सचिवालय छन् ।

सचिवहरू यज्ञ गौतमले माघमा, लक्ष्मण पोखरेल र रणबहादुर श्रेष्ठले वैशाखमा ५८ वर्ष पूरा गरी अनिवार्य अवकाश पाइसकेका छन् । गौतमको अवकाशसँगै रिक्त ठाउँमा प्रधानमन्त्री तथा मन्त्रिपरिषद् सचिवालयमा सहसचिव ङइन्द्रप्रसाद उपाध्यायलाई कायममुकायम सचिव बनाइएको छ । बाँकी तीन निकायमा भने वरिष्ठ सहसचिवले निमित्त सचिवको जिम्मेवारी सम्हालेका छन् । चार निकाय प्रशासनिक नेतृत्वविहीन भएको र कतिपय मन्त्रीले आ-आफ्ना मन्त्रालयका सचिव फेर्न चाहेकाले मन्त्रिपरिषद्ले ठूलो संख्यामा सचिव सरुवा गर्ने र रिक्त पदमा सहसचिवहरूलाई कायममुकाय बनाउने गृहकार्य सुरु गरेको जानकारी स्रोतले दिए । स्रोतका अनुसार मन्त्रिपरिषदो आगामी बैठकमा सचिव सरुवा र कायममुकायम दिनेबारेमा निर्णय हुनेछ ।
-News Source: Ekantipur News

कानुनी सहमति खोज्न आज सर्वलीय बैठक

bsgyanu212@gmail.com (SIMC) — Thu, 09 May 2013 16:05:44 PDT

काठमाडौ, वैशाख २७ - सरकारले विवादित निर्वाचन कानुन मस्यौदामा छलफलका लागि शुक्रबार सर्वदलीय बैठक डाकेको छ ।

निर्वाचन आयोगले प्रस्ताव गरेको संविधानसभा सदस्य निर्वाचन ऐन संशोधन अध्यादेशमा राजनीतिक सहमति खोज्ने मुख्य एजेन्डामा हुने छलफलमा विघटित संविधानसभामा प्रतिनिधित्व गर्ने दलका अतिरिक्त अन्य दलहरूलाई पनि डाकिएको छ ।

'निर्वाचन माहौल सिर्जना गर्न सबै पक्षको बैठक गर्न लागिएको हो,' अन्तरिम चुनावी मन्त्रिपरिषद् अध्यक्ष खिलराज रेग्मीका प्रेस सल्लाहकार विमल गौतमले भने, 'अध्यक्षज्यूले निर्वाचन केन्दि्रत वार्ता र छलफल निरन्तररूपमा अघि बढाउन खोज्नुभएको छ ।'

आयोगले प्रस्ताव गरेको एक प्रतिशतको थ्रेस होल्ड, उम्मेदवारले मनोनयपत्र दाखिलाकै समयमा फौजदारी अभियोगको अवस्था र सम्पत्ति विवरण बुझाउनुपर्ने प्रावधानलाई एमाओवादी र मधेसी मोर्चासहितका दलहरूले विरोध गरेका छन् ।

एक प्रतिशतभन्दा बढी मत ल्याउने दलहरूले मात्र समानुपातिक कोटाबाट संविधानसभामा प्रतिनिधित्व पाउने प्रस्तावित व्यवस्थाप्रति साना दलहरू पनि रुष्ट छन् । फौजदारी अभियोगको स्वघोषणा गर्नुपर्ने प्रावधानप्रति एमाओवादी-मधेसी मोर्चाको तीव्र असहमति रहेकाले सरकारले विधेयक अघि बढाउन नसकेको हो ।

संविधानसभा सदस्य निर्वाचन ऐनमा सहमति जुट्न नसकेका कारण सरकारले यसअघि निर्वाचन आयोग ऐन र मतदाता नामावली ऐन संशोधन अध्यादेश जारी गरेको थियो । सरकारले मंसिरभित्र संविधानसभाको दोस्रो निर्वाचन गराउने प्रतिबद्धता जनाए पनि मतदान तिथि घोषणा हुन सकेको छैन । निर्वाचन कानुन जारी गरी चुनावी माहौल सिर्जना भएपछि मात्र तिथि घोषणा गर्ने बताउँदै आएको छ ।

चुनावी एजेन्डा तय गर्दै एमालेले

bsgyanu212@gmail.com (SIMC) — Thu, 09 May 2013 16:05:44 PDT

काठमाडौ, वैशाख २७ - एमालेले संविधानसभा असफलताका कारण जनतामा राख्दै बहुपहिचानसहितको संघियता र प्रत्यक्ष निर्वाचित कार्यकारी प्रधानमन्त्री बनाउने चुनावी एजेण्डा बोकेर निर्वाचनमा जाने प्रस्ताव अघि सारेको छ ।

केन्दि्रय समितिको बैठकमा अध्यक्ष झलनाथ खनालले बिहीबार राजनीतिक प्रतिवेदन पेश गर्दै एमालेका पुराना निर्णय र अडानहरु बोकेर जनतासमक्ष जानुपर्ने प्रस्ताव राखेका हुन् । अध्यक्ष खनालको प्रस्तावमाथि केन्दि्रय समितिमा छलफल शुक्रबारबाट सुरु हुने छ । केन्दि्रय नेताहरुसंग प्रतिवेदनमाथि लिखित र बुँदागत सुझावसहितको धारणा मागिएको छ ।

एमाले पार्टी कार्यालय भवन

एमालेले संविधान सभको असफलताको दोष एमाओवादीलाई दिदै आएको छ । त्यसको पुष्टी हुने गरी एमालेले पार्टीको तर्फबाट यसअघि नै श्वेतपत्र समेत जारी गरेको छ । त्यही श्वेतपत्रलाई जनतासमक्ष राख्दै सामाजिक सद्भाव कामय गर्ने र सबै बर्ग क्षेत्र र समुदायको अधिकार स्थापीत हुनेगरी संविधान बनाउने सन्देश लिएर जानपुपर्ने प्रस्तावमा छ ।

संविधान सभा प्रमुख दलहरुबीच एकल जातीय पहिचान कि बहुजातीय पहिचान सहितको संघियताको मोडलमा जाने भन्ने विवाद थियो । त्यही विवादका कारण संविधान सभा विघटन भएको थियो । एमाले त्यो बेलामा बहुजातीय पहिचान झल्किने खालका प्रदेशहरु निर्माण गर्नुपर्ने अडान लिएको थियो ।

'संविधान सभा असफलताका कारणहरु स्पष्ट रुपमा राख्ने र संघीयता र शासकीय स्वरुपमा पार्टीले यसअघि गरेका निर्णयहरुलाई पनि जननासमक्ष लैजाने खालको कुरा अध्यक्षको प्रतिवेदनमा आएको छ' बैठकपछि पोलिट ब्यूरो सदस्य प्रकाश ज्वालाले भने,'बुहजातीय पहिचानसहित समाजिक एकतामा खलल नपुग्ने र आधारभूत अधिकार निक्षेपित हुनेगरी संघीयतामा जाने भन्ने धारणा एमालेले पहिले नै बनाईसकेको छ, त्यो सन्देश अब जनतामा लैजाने हो ।'

निर्वाचनको रणनीति समेत बनाउने गरी बसेको केन्दि्रय समितिको बैठकमा अध्यक्ष खनालले चुनावी अभियान र तालमेल लगायतका बिषयलाइ पनि अघि सारेका छन् । उनले आफ्नै संगठनात्मक आधारमा उभिएर एमालेले बुहमत ल्याउने गरी चुनावी रणनति बनाउनुपर्ने प्रस्ताव गरेका छन् । त्यो संगसंगै कपितय स्थानहरुमा स्थानीय आवश्यकता अनुसार बामपन्थी शक्तिहरुसंग तालमेल गरे जान सकिने धारणा पनि खनालको प्रतिवदेनमा छ ।

जातीय विखण्डन ल्याउन खोज्ने र उग्रवादीरुलाई परास्त गर्नका लागि देशभक्त प्रजातान्त्रिक अन्य शक्तिहरुसंग पनि सहकार्य गरेर जान सकिने धारणा खनालको छ । तर पहिलो जोड आफ्नै संगठनात्मक शक्तिको आधारमा चुनाव जित्नेतिर हुनुपर्ने उनको प्रस्ताव छ ।

चुनाव जसरी पनि हुने उल्लेख गर्दै खनालले चाडै निर्वाचनसंग सम्बन्धि अध्यादेशहरु पारित भई चुनावको मिति घोषणा हुने उल्लेख गरेका छन् । निर्वाचन अध्यादेशमा प्रस्तावित थ्रेसहोल्डको प्रावधान, उम्मेद्वारको सम्पत्ति विवरण फौजदारी अभियोग लागेकाले चुनाव लडन नपाउने लगायका बिषयमा एमालेले समर्थन गरिरहेको छ । तर एमाओवादी र मधेसी दलले ती प्रावधान राख्न नहुने अडान लिएका छन् । त्यही कारण अध्यादेश मन्त्रिपरिषद्मै अडकइरहेको छ ।

संविधान सभाको सभाको नया चुनावका लागि आगामी जेठ ५ देखि देशव्यापी रुपमा एक महिने चुनावी तयारी अभियान चलाउने प्रस्ताव अघि सारिएको छ । केन्दि्रय सदस्य कर्णबहादुर थापाकाअनुसार चुनावी अभियानका लागि २ सय ४० क्ष्ाेत्रमै केन्दि्रय प्रतिनिधिहरु खटिनेछन् ।

अभियानका निर्वाचन तयारी सम्बन्धि भेला, प्रशिक्षण, पुराना चुनावमा पाएको मतसहित हालको स्थिति मुल्याकन लगायतका काम गरिने उनले जानकारी दिए । 'यो अभियानपछि चुनावका लागि अन्तिम रुपमा कसरी अघि बढ्ने भन्ने तय हुन्छ' केन्दि्रय सदस्य थापाले भने । पार्टिको स्थिति मुल्यांकन र कस्तो रणनीति अपनाउने भन्नेबारेमा एमालेले स्थानीय तहमा लैजानका लागि फारम नै तयार गरेको छ । त्यसको आधारमा पार्टीको स्थिति मुल्यांकन गर्न सजिलो हुनेछ । एक महिने चुनावी अभियानबाट प्राप्त सुझावहरुको आधारमा चुनावी घोषणा पत्र तयार गर्ने एमालेको योजना छ ।

११ मध्ये तीन पूर्ण आठ बैकल्पिक

एमालेले स्थायी समिति र पोलिट ब्यूरोले सिफारिस गरेका मध्ये तीन जनालाई पूर्ण र आठ जनालाई बैकल्पिक केन्दि्रय सदस्यको रुपमा केन्दि्रय समितिमा प्रवेश गराएको छ । पूर्व सभामुख सुबास चन्द्र नेम्बाङ, किसान महासंघका उपाध्यक्ष केशबलाल श्रेष्ठ र उपत्यका सचिव सानु श्रेष्ठलाई पूर्ण सदस्य बनाइएको छ । उनीहरु यसघि केन्दि्रय समितिमा रहिसकेकाले केन्दि्रय सदस्य बनाइएको हो । पहिलो पटक केन्दि्रय समितिमा पुगेकाहरु गणेश काङमाङ, शेरधन राई, राजेन्द्र राई, रामदयाल मण्डल, एकबहादुर राना, शेरबहादुर तामाङ, चन्द्रबहादुर शाही र ज्ञानबहादुर भुजेललाई बैकल्पिक केन्दि्रय सदस्य बनाइएको हो । यसअघि केन्दि्रय समितिमा ३० जना बैकल्पिक केन्दि्रय सदस्य थिए । अब बैकल्पिकको संख्या ३८ पुगेको छ । पाूचप्रतिशत मनोनयनको कोटाबाट यसपटक नेम्बाङ र भुजेललाई मनोयन गरिएको हो । अरुलाई रिक्त स्थानमा ल्याएको हो ।

यसैबीच एमाले बैठकले सााफेबगर मार्तडी सडक खण्डको बुढीगंगा नदीमा बेलिबि्रज जडान गरी सदरमुकाम मार्तडीसम्मको यातायात सुचारु गर्नुपर्छ भनी माग गर्दै अस्ति गत मंगलबार शान्तिपूर्ण प्रदर्शनमा ओर्लिएका बाजुरेलीमाथि अश्रुग्यास, लाठी, गोली प्रहार र दमनको भत्र्सना गरेको छ ।

निर्वाचन आयोगमा २७ दल दर्ता

bsgyanu212@gmail.com (SIMC) — Thu, 09 May 2013 16:05:44 PDT

काठमाडौ, वैशाख २७ - निर्वाचन आयोगले आह्वान गरेअनुसार बिहीबार सम्ममा २७ दल दर्ता भएको कानून तथा राजनीतिक दल सम्बन्ध महाशाखाले जनाएको छ । आगामी संविधानसभा निर्वाचनका निम्ति विघटित संविधानसभामा प्रतिनिधित्व गर्ने दलहरु दर्ता भएका हुन् । आयोगले नयाँ दल दर्ताका निम्ति दसहजार हस्ताक्षर जुटाउन कडाइ गरेपछि आम समर्थन नभएका नयाँ दलहरु उत्साहि देखिएका छैनन् ।

दर्ता भएका दलहरुमा एमाले, एमाओवादी, राप्रपा नेपाल, कांग्रेस, नेकपा (माले), तराई-मधेश लोकतान्त्रिक पार्टी, सद्भावना पार्टी छन् । त्यसैगरी राष्ट्रिय प्रजातन्त्र पार्टी, मधेशी जनअधिकार फोरम, नेपाल (लोकतान्त्रिक), संघिय लोकतान्त्रिक राष्ट्रिय मञ्च (थरुहट), नेपाल परिवार दल, राष्ट्रिय जनमुक्ति पार्टी, समाजवादी जनता पार्टी, मधेशी जनअधिकार फोरम, राष्ट्रिय जनमोर्चा, नेकपा-संयुक्त), राष्ट्रिय जनशक्ति पार्टी, नेपाली जनता दल, नेपाल मजदुर किसान पार्टी, नेपाल लोकतान्त्रिक समाजवादी दल र चुरे भावर राष्ट्रिय एकता पार्टी, नेपाल सदभावना पार्टी -आनन्दीदेवी), नव नेपाल निर्माण पार्टी, दलित जनजाती पार्टी, तराई मधेश लोकतान्त्रिक पार्टी नेपाल र मधेशी जनअधिकार फोरम-गणतान्त्रिक) छन् । बिहीबार एउटामात्र दल दर्ता हुन आएको आयोगले जनायो ।

वैशाख १७ गतेबाट सुरु दल दर्ता प्रक्रिया आगामी जेठ १५ सम्म चल्ने छ । २०६४ सालको संविधान सभामा मान्यताप्राप्त दलहरु दर्ता भइरहेका छन् । आयोगमा अहिलेसम्म १ सय १९ वटा दल दर्ता छन् । निर्वाचनका निम्ति पुनः दर्ता हुनु पर्ने प्रावधान छ । यसअघिको संविधानसभामा दर्ताप्राप्तबाहेक नयाू खुलेका दलले चुनावमा भाग लिन १० हजारको हस्ताक्षरसहित आवेदन दिनुपर्ने छ ।

नयाँ दर्ताका निम्ति आयोगमा सोधपुछ गर्न दलका प्रतिनिधि आएपनि अहिलेसम्म कुनैले प्रक्रिया पूरा गरेका छैनन् । 'दसहजार हस्ताक्षर संकलन गर्न अलि अप्ठ्यारो छ,' निर्वाचन आयुक्त अयोधिप्रसाद यादवले भने, 'विभिन्न समस्या छन् । दलहरुले चुनावका निम्ति सकारात्मक माहौलमा जुट्ने विश्वास लिएका छौं ।'

आयोगले दल दर्ताका फारामसूगै हस्ताक्षर संकलनका निम्ति अहिलेसम्म संकलित फोटोसहितको मतदाता नामावलीको फोटोकपी दिनुपर्ने प्रावधान राखेको छ । दर्ता हुन चाहने दलले तिनै नामावलीबाट हस्ताक्षर गराउनु पर्नेछ । दलहरुले मतदाताको नाम,थर, हस्ताक्षरसूगै नागरिकता नम्बर, फोटोसहितको मतदाता नामावली दर्ता नम्बरसमेत उल्लेख गर्नुपर्ने हुन्छ ।

'नाम, थरमात्र उल्लेख भएर हुन्न हस्ताक्षर, नागरिकता, मतदाता नामावली दर्ता नम्बर उल्लेख हुनुपर्छ,' आयोगका सहसचिव बीरबहादुर राईले भने, 'कुनै एक दलले हस्ताक्षरण गराएको व्यक्ति अर्को दलले पनि हस्ताक्षर गराएको हुनुभएन ।' आयोगले ती मतदाताको नाम, थर, फोटो, हस्ताक्षर, औंठा छापसमेत डिजिटल प्रविधिमा राखेको छ । उसले सफ्टवेरका माध्यममा राखिएका ती विवरण देशको जुनसुकै जिल्लाबाट दाूजेर हेर्न सकिनेछ ।

संघीय समाजवादी पार्टी, नेपालका उपाध्यक्ष गोपाल ठाकुरले आयोगले गरेको नयाू प्रावधानको अर्थ नरहेको बताए् । 'दसहजार हस्ताक्षरको प्रावधानले कुनै अर्थ राख्दैन,' उनले दाबी गरे, 'दलको भाग्य हस्ताक्षरले फैसला गर्दैन । निर्वाचनमा भाग लिएपछि जनताको भोटले मात्र आधिकारिकता दिन्छ । तैपनि खुला मैदान छाडैनौं आयोगले भनेजस्तै हस्ताक्षर बुझाउन तत्पर छौं ।'

आयोगले अहिलेसम्म १ करोड ११ लाखभन्दा बढीको फोटोसहितको मतदाता नामावली संकलन गरेको छ । सरकारले देशव्यापी एकीकृत घुम्ती सेवा सुचारु राखेको छ । घुम्ती टोलीमा गृहमन्त्रालय, निर्वाचन आयोगलगायत कृषि, स्वास्थ्य, शिक्षा, महिला विकास, पशु सेवा, जिल्ला विकास समितिले आ-आफ्नो सेवा पुर्‍याएका छन् ।

निर्वाचन आयोगमा २७ दल दर्ता

source - Ekantipur.com

पर्यटकको रहस्यमय मृत्यू

bsgyanu212@gmail.com (SIMC) — Tue, 30 Apr 2013 12:15:55 PDT

शिशिर सिंखडा

बैशाख १७ चितवन । चितवनको पर्यटकीय नगरी सौराहामा एक जना पर्यटकको रहस्यमय मृत्यू भएको छ । सौराहा स्थित होटल चितवन प्याराडाइजमा कोठा नम्बर १०२ मा गएराती सुतेका सिगापुरका नागरीक अन्दाजी ५५ बर्षका वि ह्वाह्याङको बिहान उठदा मरिरहेको भेटिएको हो । बैशाख १५ गते चितवन आएको २३ जनाको समुहमा रहेका उनको मुखवाट रगत आएको अबस्थामा मृत भेटिएको प्रहरी चौकी बछ्यौलीका प्रहरी नायब निरीक्षक बिष्ण्ुा प्रसाद श्रेष्ठले जानकारी दिए । पार्सपोर्ट नम्बर ई २५२९०६२ ए रहेका वि ह्वाह्याङ मुखबाट रगत आएको अबस्थामा साथीले देखेपछि प्रहरीलाई खबर गरेका थिए ।

बुद्धिष्ट सोसाइटी अन्र्तगत नेपाल घुम्न आएका उनको मृत्यू भएपछि उनीसगै रहेका १ जना बिदेशी नागरीक र एक जना नेपाली गाइडलाई आबश्यक अनुसन्धानका लागी नियन्त्रणमा लिइएको छ । मृतक सिगापुरका नागरीक वि ह्वाह्याङको शब पोस्टमार्टमका लागी भरतपुर अस्पतालको शब गृहमा राखिएको छ । साझ सुत्नुअघि चिया, अन्य केही खानेकुरा र गोर्खा बियर खाएको होटल स्रोतले जनाएको छ।

आश्रयमा आएका थप २१ जना चेपाङ विद्यार्थीहरुलाई विद्यालयमा भर्ना

bsgyanu212@gmail.com (SIMC) — Tue, 30 Apr 2013 12:13:09 PDT

शिशिर सिंखडा

बैशाख १७ चितवन। चितवनको रत्ननगर– १३ जयमंगलामा रहेको गामवेसीको चेपाङ संरक्षण केन्द्रको आश्रयमा आएका थप २१ जना चेपाङ विद्यार्थीहरुलाई विद्यालयमा भर्ना गरिएको छ । पुर्वी चितवनको पञ्चकन्या उच्च माविमा चितवनका विकट पहाडी गाविस वाट आएका चेपाङ विद्यार्थीहरुलाई निःशुल्क भर्ना गरी जनही १/१ वटा कपी दिएको थियो ।

सो संरक्षण केन्द्रमा मकवानपुर,लोथर,सिद्धि,कोराक र काउलेका २१ जना थप विद्यार्थी ल्याईएको केन्द्रका अध्यक्ष केपिकिरण शर्माले जानकारी दिनुभयो । गत बर्ष सो बिद्यालयमा संरक्षण केन्द्रले २५ जना बिद्यार्थीहरु लाई भर्ना गरिएको थियो । कार्यक्रममा बिद्यालयका प्राचार्य मेघनाथ दुवाडीले संरक्षण केन्द्रमा आएका चेपाङ विद्यार्थीहरु अरु विद्यार्थीहरु भन्दा अनुसासित रहेको बताउदै छात्राबासमै बिहान बेलुका पढाउने वातावरण र सो व्यबस्था गर्न सके विद्यार्थीले राम्रो सफलता हासिल गर्न सक्ने बताए ।

कार्यक्रममा विद्यायलय व्यबस्थापन समितिका अध्यक्ष श्याम प्रसाद बराल को अध्यक्षता मा भएको कार्यक्रममा बिद्यालयका शिक्षक जगदिश चन्द्र शर्मा,संरक्षण केन्द्रका अध्यक्ष केपी किरण शर्मा लगायत ले बोलेका थिए । हाल केन्द्धमा ७ जना अपाग सहित ४६ जना चेपा ग वालवालिका आवसिए सुविधा सहित

अध्यन गरीरहेका छन ।

आमावुवाको चौरासी पुजामा चेपाङ विद्यार्थीहरुलाई सहयोग

bsgyanu212@gmail.com (SIMC) — Mon, 29 Apr 2013 10:54:56 PDT

शिशिर सिंखडा

बैशाख १६ चितवन। चितवनका जिल्ला शिक्षा अधिकारी रमाकान्त शर्माले आफनो आमावुवाको चौरासी पुजामा गरिएको तुलादानको रकम गामवेसीको चेपाङ संरक्षण केन्द्रमा आश्रित चेपाङ विद्यार्थीहरुलाई सहयोग गरेका छन ।रत्ननगरको बकुलहर स्थित आफनै निवासमा आज भएको चौरासी पुजामा चेपाङ विद्याथीहरुलाई खाद्यान्न खरिदको लागि ११ हजार ५ सय रुपैया सहयोग गरेका छन ।

जिल्ला शिक्षा अधिकारी शर्माले तुलादानको आधा रकम ब्राहमण दान गरेको र आधा रकम चेपाङ संरक्षण केन्द्रलाई सहयोग गरेको बताउनु भयो ।गरिवीका कारण शैक्षिक जोखिममा परेका चेपाङ वालवालिकालाई सहयोग गर्न पाउदा आफू खुसी भएकोजिल्ला शिक्षा अधिकारी शर्माले बताउनु भयो ।

सहयोग जुटाएर चेपाङ वालवालिकालाई उचित शिक्षा प्रदान गरिरहेको संरक्षण केन्द्रलाई जिल्ला शिक्षा अधिकारीको सहयोगले चेपाङ विद्यार्थीको शैक्षिक उन्नतीमा थपटेवा पु¥याउन हौसला मिलेको केन्द्रका अध्यक्ष केपिकिरण शर्माले बताउनु भयो । केन्द्रमा हाल मकवानपुरको कागडा,चितवनको लोथर,कोराक काउले,सिद्धि र शक्तिखोरका ४० जना चेपाङ वालवालिका आवासीय सुविधा सहित अध्ययन गरिरहेका छन ।

यूरोपको सांगीतिक यात्रामा भुल्दै कलाकार द्वय ढकाल र कार्की

bsgyanu212@gmail.com (SIMC) — Mon, 29 Apr 2013 10:55:12 PDT

बैशाख १६ बेल्जियम। यतिबेला लोकप्रिय आधुनिक गायक रामकृष्ण ढकाल र मल्लिका कार्की यूरोपको सांगीतिक यात्रामा छन। बेल्जियमको ब्रुजमा एवेरेष्ट नेपाली समाजको आयोजनामा उनीहरुले १० अप्रिलमा पहिलो सांगीतिक कार्यक्रम प्रस्तुत गरे त्यस्तै १४ अप्रिलमा ब्रुसेल्समा ब्रुस्सेल नेपाल मिलन केन्द्रको आयोजनमा उनीहरुले अर्को सांगीतिक कार्यक्रम प्रस्तुत गरे उत्साह जनक रुपमा बेल्जियम बासि नेपालीहरु सहभागी भएको उक्त कार्यक्रममा ढकाल र मल्लिका कार्कीका गीत दर्शकहरुले वान्समोर वान्समोर भन्दै सुनेका थिए।

एसिया, जापान, अमेरिका, अस्ट्रेलिया लगाएतका विभिन्न राष्ट्रहरुमा सांगीतिक कार्यक्रम प्रस्तुत गरिसकेका ढकालको युरोप भने पहिलो यात्रा हो ८ अप्रिलमा बेल्जियम आएका ढकालले २१ अप्रिलमा बेलायतमा पनि सांगीतिक प्रस्तुति दिएका थिए। त्यस्तै गरी शनिबार बेल्जियमको अन्त्रोपेंनमा पासा पुच संस्थाले आयोजना गरेको कार्यक्रम गायिका मल्लिका कार्की संगै ढकालले आफ्ना लोकप्रिय गीतहरु प्रस्तुत गरेका थिए।

दर्शकहरुले खचाखच भरिएको हलमा उपस्थितहरुले आफ्नो मनपर्ने गीतहरु गाउन लगाउदै भरपुर मनोरञ्जन गरे बेल्जियममा आगामी १२ मे मा क्याटको आयोजनामा उनीहरुको अर्को कार्यक्रम रहेको छ। यस्तै गरी उनीहरुले युरोपका अन्य राष्ट्रहरु, फ्रान्स, जर्मनी, स्विडेन, स्पेन, स्विट्जरल्याण्ड, लगायतका विभिन्न राष्ट्रहरुमा पनि आफ्नो सांगीतिक प्रस्तुति दिने छन।

NRN बेल्जियमका संस्थापक प्रेसिडेन्ट रबिन्द्र मान श्रेष्ठ, श्रीमती रजनी प्रधानको निमन्त्रणा मा यूरोप आएका ढकाल र कार्कीको सम्पर्ण कार्यक्रमको व्यवस्थापन पनि श्रेष्ठ र प्रधानलेनै गरेका हुन् करिब २ महिना भन्दा बढी यूरोपको सांगीतिक यात्रा सकेर उनिहरु जुनको पहिलो साता नेपाल फर्किने छन।

सामुहिक बलात्कार गर्ने ६ जनालाई प्रहरीद्वारा सार्वजनिक

bsgyanu212@gmail.com (SIMC) — Sun, 28 Apr 2013 07:11:39 PDT

वैशाख १५ बनेपा,। काभ्रेको मेथिनकोट गाउँ विकास समिति वडा नम्बर ८ स्थित काफ्लेथोककी किशोरीलाई सामुहिक बलात्कार गर्ने ६ जनालाई पक्राउ गरी आज प्रहरीले सार्वजनिक गरेको छ । पक्राउ पर्नेमा मेथिनकोट ८ का शंखमान मोक्तान, सोही ठाउँकै रामबहादुर स्याङतान तामाङ, मेथिनकोट ९ का बिशाल भन्ने पञ्चबहादुर स्याङतान तामाङ, शिखरआम्बोटे ८ का कुमार विक, सिपाली चिलाउने ३ का आकाश तामाङ र योजनाकार बनेपा ८ बस्ने जानुका थापा रहेका छन् ।

शिखर आम्बोटे ८ घर भई हाल काठमाडौ बौद्ध बस्ने कृष्ण विक भने अझै फरार रहेको प्रहरीले जनाएको छ । पानी खाने बहानामा गत चैत्र १३ गते राती हतियार सहित घर भित्र छिरी उनीहरुले मेथिनकोट–८ काफ्लेथोककी किशोरीलाई सामूहिक बलात्कार गरी घरमा भएको नगद तथा जिन्सी सामानहरु समेत गरी १५ हजार ९ सय समेत लुटेर लगेको बताइएको छ । प्रहरी कार्यालयले अभियुक्त पक्राउ गर्ने चार जना प्रहरीलाई प्रोत्साहन स्वरुप नगद पुरस्कारसहित सम्मान समेत गरेको छ ।

मन्त्रिपरिषदका अध्यक्ष रेग्मीलाई दुवै पदमा बसिरहने अधिकार छैन: पूर्व सभामुख नेम्बाङ

bsgyanu212@gmail.com (SIMC) — Mon, 29 Apr 2013 10:55:28 PDT

वैशाख १५ काठमाडौं। विगठित संविधानसभाका अध्यष सुभाषचन्द्र नेम्वाङले बर्तमान मन्त्रिपरिषदका अध्यक्ष खिलराज रेग्मीले तत्काल एउटा पदबाट राजीनामा दिनुपर्ने बताए । उनले दुवै पदमा रहिरहने उनलाई कुनै अधिकार नभएको जिकिर गरे ।

राजधानीबाट प्रकासित हुने ‘साझा यात्रा’ मासिक पत्रिकाको आइतवार शुभारम्भ गर्दै नेम्वाङले दलहरुबीच अझै असमझदारी कायम रहेकाले संविधान बन्ने कुनै ज्ञारेष्टी नभएको बताए । दलहरुकै कारण समस्या आइरहने हुनाले त्यसले निम्त्याउने संकट टार्न पनि रेग्मीले प्रधान्याधिश वा मन्त्रिपरिषदको अध्यक्ष एउटा पदबाट राजीनामा दिनुपर्नेमा जोड दिए ।

उनले देशको संकट समाधानमा आम नेपालीले साझा यात्रा गर्नुपर्ने बताए । अब संविधानसभाको निर्वाचनको विकल्प नभएकाले इमानदारिताका साथ निर्वाचनमा जानु उनले दलहरुलाई आग्रह गरे । ‘निर्वाचन भाँडेर कुनै काम छैन’ उनले भने ‘निर्वाचनका लागि पहिले दलहरु स्पष्ट हुनुपर्छ, नत्र फेरि पनि समस्या पहिलेकै जस्तो हुन्छ’ । उनले भने ‘समस्याहरु धेरै छन्, तीनै समस्याहरको उठान साझा यात्राले गर्छ भन्ने अपेक्षा लिएका छौ ।’ कार्यक्रममा पत्रिकाका प्रकाशक/ प्रबन्ध सम्पादक गोपाल बराइलीले पत्रिकाले आम नेपालीको साझा यात्रामा सहभागिता जनाउन कोसिस मात्रै गर्ने बताए ।

जनमत लागि दलहरुको दौढधुप

bsgyanu212@gmail.com (SIMC) — Sat, 27 Apr 2013 14:35:12 PDT

जनमत लागि दलहरुको दौढधुप

एन. पी. रिजाल, संविधान सभाको निर्वाचन असारमा हुने भन्दा भन्दै कार्तिकतिर धकेलिएको छ । चुनाव कार्तिक वा मंसिरमा हुने राजनीतिक दलहरुबीच शैद्रान्तिक सहमती भएको छ । निर्वाचनको मिति नतोकिए पनि नयाँ निर्वाचनको माहोल सिर्जना गर्नका लागि दलहरु सक्रीय रुपमा लागेका छन । पहिलो संविधान सभाको चार वर्षे कार्यकालमा दलहरु संविधान निर्माणमा भन्दा पनि सत्ताको भागबण्डामा लागि परे ।

दश वर्ष सशस्त्र क्रान्ति गरेको माओवादीले संविधान सभामा जुन रुपमा सिट आर्जन गर्यो त्यसको अडकल बाजी नेपाली कांग्रेस तथा नेकपा एमालेले सपनामा गरेका थिएन । आफ्नो बहुमत आउने अपेक्षा रोखेको नेपाली कांग्रस दोस्रो स्थानमा चित्त बुझाउन बाध्य भयो । फूटेको पार्टीलाई एकिकरण गरे पनि पार्टी भावनात्मक रुपमा एकिरण हुन नसक्नु नेपाली कांग्रेस ठूलो दलबाट दोस्रो स्थानमा झर्नुको मुख्य कारण हो भने दोस्रो कारण हो नेपाली जनताले माओवादीलाइ एक पटकका लागि सत्तामा पुग्ने मौका दिनु ।

धेरै लामो समयसम्म सत्तामा बसेर पनि उल्लेख्य रुपमा आर्थिक, सामाजिक परिवर्तन गर्न नसकेको नेपाली कांग्रेस आगामी निर्वाचनमा गुमेको राजनीतिक हैसियत प्राप्त गर्ने दाउमा रहेको छ । तर वर्तमान राजनीतिक माहोलमा ठूला राजनीतिक दल भनिएका नेपाली कांग्रेस, एनेकपा माओवादी, नेकपा एमाले तथा नेकपा माओवादी तथा संयुक्त मदेसी लोकतान्त्रिक मोर्चालाई नेपाली जनताहरुले एक पल्ट हेरिसकेका छन । त्यसकारण आगामी निर्वाचनमा दलहरुले आफ्नो हैसियत देखाउन धेरै कसरत गर्नु पर्ने छ ।

एनेकपा माओवादी आगामी निर्वाचनमा आफ्नो हैसियत गुमाउने पक्षमा छैन । तर पार्टी विगठन भइ सकेको अवस्थामा ठूलो जनमत टुक्रेर गएको छ । नेकपा माओवादी वैध्य पक्षमा धेरै जनता गएका छन । त्यसले पार्टीलाई कमजोर बनाएको छ ।

एनेकपा माओवादी गणतन्त्र स्थापना भए पछि धेरै लामो समयसम्म सत्तामा बस्यो तर पनि खासै उल्लेखनीय काम गर्न सकेन । जनयुद्धको दौरानमा आर्थिक, सामाजिक तथा राजनीतिक पक्षबाट पिछडिएका जनतालाई आफ्नो पक्षमा पार्न सफल भएको माओवादीले विगत ७ वर्षमा जनताको मन जित्न पूर्णरुपमा असफल भएको छ । अन्य दलहरु भन्दा भिन्न सर्वहारा वर्गको आवाजको नारा अगाडी सारेर राजनीति गरेको माओवादी न त पार्टीभित्र वैचारिक रुपमा एकताको भावना सिर्जना गर्न सक्यो न त पार्टीलाई फूटको अवस्थाबाट बचाउन नै सक्यो ।

फूटेर गएको जनमतले एमाओवादीलाई अधिल्लो संविधान सभाको निर्वाचन सहर मत प्राप्त गर्न सहज छैन । आफ्नो स्थान सुरक्षित राख्नका लागि अन्य पार्टीमा लागेका कार्यकताहरुलाई पार्टीमा फर्काउन लागि परेको छ ।
एमाओवादीलाई समस्यामा पार्ने अक्र्रो पाटो छ संघियताको नारा । जातीय पहिचानलाई अनिवार्य रुपमा समेट्नु आवश्यक छ । त्यसो भएमा पहिचान सहितको संघिय राज्यको माग गर्ने स्थानीय राजनीतिक समुहहरुको मत आउन सक्दछ । त्यसका लागि प्रदेशहरुको स्पष्ट खाका तयार गर्नु पर्दछ । त्यसले पार्टीलाई स्पष्ट मत ल्याउन थप मद्दत गर्ने छ । दोस्रो जनआन्दोलन पूर्व नै संघिय राज्यको स्पष्ट खाका आम जनता सामु ल्याएको माओवादीले पहिलो संविधान सभाको निर्वाचनमा चुनावी प्रचार प्रसारको दौरानमा पनि आफ्नो खाका प्रस्तुत गरेको थियो । संघिय राज्यबारेमा आम जनतामा स्पष्ट चेतना नबनिसकेको त्यो समयमा अन्य दलहरु पनि संघियताको धारणा नबनाई चुनावमा आएका थिए । त्यस नाराको आडमा माओवादीले धेरै मत ल्याएको थियो ।

संघियताको पहिचान समय शान्दर्भिक रुपबाट निर्धारण गर्नु पर्ने वहस नेकपा ऐमालेमा भइरहेको छ । कतिपय नेताहरु जातीय पहिचान सहितको संघिय प्रदेशको नारालाई प्रमुख प्राथमिकतामा राखेर मात्र चुनावमा जानु पर्ने धारण राख्दै छन । माओवादी दुई टुक्रा भए पछि आफू शक्तिशाली कम्युनिष्ट पार्टी बनी धेरै मत ल्याउने दाउमा एमाले रहेको छ । त्यसका लागि पार्टी कार्यकताहरुको जागरुकता गाउँघरमा देख्न पाइन्छ । अन्य कम्युनिष्ट पार्टीहरुसंग एमालेले एकता गर्ने आवाज पार्टीभित्र अहिले सम्म सुनिएको छैन । आगामी निर्वाचनमा आफ्नो स्पष्ट प्रभाव जमाउनका लागि राष्ट्रिय प्रजातन्त्र पार्टी र राष्ट्रिय जनशक्ति पार्टीबीच जेठ महिनामा पार्टी एकता हुँदैछ । अक्र्रो टुक्रिएर गएको पार्टी राप्रापा नेपाल भने राजतन्त्रात्मक हिन्दु राज्यको नारा लिएर अगाडी आएको छ । पूर्व पञ्चहरुको पार्टीको नामले चिनिएको राष्ट्रिय प्रजातन्त्र पार्टीले आगामी निर्वाचनमा आफ्ना स्पष्ट जनमत ल्याउनका लागि धेरै दौढधुप गर्नु पर्दछ । पार्टी एकता हुँर्दैमा र संघियताको नारा लगाउँदैमा जनमतको धारो पार्टीको पोल्टामा झर्ने वाला छैन ।

आफूलाई जनप्रिय पार्टीको रुपमा स्थापित गर्ने दाउमा रहेको नेपाली कांग्रेसले कार्यकताहरुलाई एकतामा राख्न सफल भएको छ । त्यस आडमा आगामी निर्वाचनमा आफ्नो पक्षमा स्पष्ट मत आउने विश्वासमा चुनावी माहोल विस्तार गर्ने पक्षमा देखिन्छ । तर पार्टीभित्र स्पष्ट रुपमा एकमतको खड्को लामो समयदेखि दोहोरिदै आएको छ । राजनीतिक परिवर्तन र विकासको पक्षमा ६ दशक लामो अनुभव बोकेको पार्टीभित्र नेताहरु बीच विश्वासको खडेरी लागेको छ । त्यो खडेरीको कारण विगत एक वर्षमा नेपाली कांग्रेसले सर्वदलीय सरकारको नेतृत्वकर्ता चयन गर्न सकेन । त्यही कमजोरी पन आगामी निर्वाचनको दौरानमा पनि देखिन सक्ने छ । लामो समयदेखि नेपाली कांग्रेसको टिकट लिएर बसेका कार्यकर्ताहरु बाहेक कांग्रेसमा आस्था राख्ने जनताहरु अन्य पार्टीमा सरी सकेका छन ।

जातीय पहिचान सहितको संघीय राज्य संरचनाको मागले पनि कांग्रेस पार्टीलाई समर्थन गर्ने धेरै कार्यकर्ताहरु माओवादीमा प्रवेश गरे । ती मतलाई आफ्नो पक्षमा ल्याउनका लागि धेरै मेहनत गर्नु पर्दछ । त्रिवेणी घाटमा भएको पार्टीको महासमितिको बैठकमा संघीय राज्य बारेमा स्पष्ट धारणा आउन सकेन । रामचन्द्र पौडेलले आफ्नो कार्यपत्रमा सबै नेपालीलाइ एक आदिवासीको रुपमा व्याख्या गरी गोलबन्दीमा ल्याउने प्रयास मात्र गरे । तर त्यसको विरोध पार्टीभित्रबाट नै भयो । यदि स्पष्ट धारणा र कार्यदिशा ल्याउन सकेन भने नेपाली कांग्रेसले आफ्नो आगामी निर्वाचनमा स्पष्ट मत ल्याउन सक्ने अवस्था देखिदैन ।

मदेस मुद्धाको राजनीति गरेका मदेसवादी राजनीतिक दलहरु पनि संविधान सभामा आफ्नो स्थान जोगाउन प्रयासरत छन । तर उनीहरुमा धेरै पहिलेदेखि देखिएको समस्या अझै पनि कायम रहेको छ । त्यो हो एकताको अभाव र सत्ता र शक्तिका लागि पार्टी फूटाउने संस्कार । हरेक वर्ष एक–दुई पल्ट फूट्ने मदेसवादी राजनीतिक दलहरुबीच स्पष्ट रुपमा मदेस मुद्धा छैन । चुनावमा आफ्नो प्रभावशाली स्थान पक्का बनाउनका लागि सम्पूर्ण मदेसवादी दलहरु एक हुनु आवश्यक छ । तर निर्वाचनपछि ठूला दलहरुसंग साझेदारी गरी सत्ताको स्वाद चाख्ने नीति लिएमा उनीहरुले आफ्नो हैसियत गुमाउने कुरामा दुई मत छैन । संयुक्त लोकतान्त्रिक मदेसी मोर्चामा सम्पूर्ण मदेसवादी दलहरु समावेश हुन सक्नु पर्दछ । त्यसो भएका मदेसमा प्रदेशको निर्धारण गर्ने सर्वमान्य खाका आउन सक्ने थियो ।

संविधान सभाको निर्वाचन असारबाट कातिक वा मंसिर तर्फ धकेलिदै जाँदा दलहरुमा चुनावी प्रचार प्रसार गर्ने होडवाजी सिर्जना हुन नसके पनि भित्रि रुपमा गृहकार्य भने सम्पूर्ण दलहरुले गरेका छन । चुनावको मिति तोके पछिको राजनीतिक अवस्थामा गठबन्धन भएर चुनावमा जाने या एकलौटी रुपमा चुनावमा जाने त्यसबारेमा पनि केही प्रतिकृयाहरु सार्वजनिक हुने थिए । धेरै राजनीतिक दलहरु राजनीतिक मैदानमा क्रियाशिल बनेको अवस्थामा एकलौटी रुपमा भन्दा पनि अन्य दलहरुसंग सहकार्य गरी संघियताको विषयमा स्पष्ट धारणा बनाउनु सम्पूर्ण दलहरुका लागि लाभदायक हुनेछ । आफ्नो चुनावी यात्रामो रणनीति निर्माणमा सम्पूर्ण दलहरुले यस बारेमा वहस गर्नु आवश्यक छ ।

स्वामी प्रपन्नाचार्य रोगले थलिए, उपचारका लागि सहयोग अपिल

bsgyanu212@gmail.com (SIMC) — Sat, 27 Apr 2013 15:09:50 PDT

काठमाडौ, वैशाख १५ - रोगले थलिएपछि स्वामी प्रपन्नाचार्य हिँड्डुल गर्न नसक्ने भएका छन् । तीन महिनाअघिसम्म हिँड्डुल र ग्रन्थ पढ्न सक्ने उनी अहिले शौचालय जान पनि सहारा लिनुपर्ने अवस्थामा पुगेका छन् ।

उनको देब्रे आँखा पूरै नदेख्ने भएको छ । दाहिने आँखा पनि अलि-अलि मात्रै देख्छन् । रिंगटा लाग्ने, उच्च रक्तचाप, खाना नरुच्ने, नपच्ने समस्या रहेको उनले बताए । पशुपतिस्थित मृगस्थलीमा बस्दै आएका उनी श्वासप्रश्वासका लागि अक्सिजन लिइरहेका छन् । पिसाबमा समस्या भएपछि चिकित्सकले 'युरिन ब्याग' राखिदिएका छन् ।

पाँचथरमा जन्मिएका उनी सुरुमा काले राई नामले चिनिन्थे । ३० वर्ष छँदा उनी अध्ययनका लागि बनारस गएका थिए । बनारस संस्कृत विश्वविद्यालयबाट वेदान्त शास्त्र विषयको ग्रन्थ सम्पादनमा विद्यावारिधि गरेका उनी संन्यास ग्रहण गरी स्वामी प्रपन्नाचार्य भएका हुन् । उनले लेखेको 'वेदमा के छ ?' पुस्तक चर्चित छ । स्वामीको स्वास्थ्योपचारका लागि वासुदेवकृष्ण शास्त्रीले शनिबार १० हजार रुपैयाँ प्रदान गरे । आफ्नो उपचारका लागि सहयोग गरिदिन स्वामीले आग्रह गरेका छन् । 'सहयोग समिति र अरू संस्थाले सहयोग उठाउँदा दुरुपयोग हुन सक्छ,' उनले भने, 'कसैले सहयोग गर्न चाहनु हुन्छ भने सीधै मलाई भेटेर दिन सक्नुहुन्छ ।'

News Credits : ekantipur.com

लुट पछिको एकाउन्न दिनमा रिदम - Rythm

bsgyanu212@gmail.com (SIMC) — Sat, 27 Apr 2013 14:20:46 PDT

विकास आचार्यको नेपाली फिल्म रिदमले काठमाण्डूका तीन मल्टिप्लेक्समा रिलिजको एकाउन्न दिन पुरा गरेको छ ।

२०६८ मा रिलिज भएको लुट फिल्मले एकाउन्न दिन मनाएको थियो भने त्यस पश्चात एकाउन्न दिन मनाउन रिदम सफल भएको हो । मोफसलमा चाहि एक महिना सम्म यो फिल्म चलेको थियो । यध्यपी काठमाण्डूका ख बर्गका तीन मल्टीप्लेक्स गोपी, अष्टनारायण र गुणमा यो फिल्मले अझै केही हप्ता बिजनेस होल्ड गर्ने छनक देखाएको छ । आठौ हप्तामा पनि चल्दा रिदमले गोपीकृष्णमा हिजो देखि रिलिज भएको फिल्म हिम्मत टू पछिको सकेण्ड रेसियोमा बिजनेस गरेको देख्दा गोपी कष्णहलका प्रबन्धक एवं सो फिल्मका प्रोड्यूसर समेत रहेका प्रदीप दाहाल तीन छक्क छन् ।

Rhythm

यो रेसियो अष्टनारायणमा पनि जारी रहेको जानकारी हल सञ्चालकले दिएका छन् । 'एक हलका ब्यक्ति यो फिल्मका प्रोड्यूसर अनि अर्को हलका प्रोपाईटरका छोरा फिल्मको हिरो भएपछि यत्रो दिन जर्वजस्ती चलाईएको भन्ने आरोप पनि आयो मलाई तर दर्शकलाई कसैले पनि जर्वजस्ती डो¥याएर ल्याउन सक्दैन त्यसकारण यो आरोप आरोप मात्र हो जुन आजको नतिजा ले दिएको छ ।' 'फिल्मीखबरको बजार हल्लामा स्पष्ट पार्न आग्रह गरेपश्चात निर्देशक आचार्यले आफ्नो तर्क राखे । रिदमका एक क्यारेक्टर शोहित मानन्धर अष्टनारयण हलका प्रोप्राईटर त्रिरत्न मानन्धरका छोरा भएका कारण आचार्यलाई यस्तो आरोप लागेको थियो ।

३७ लाख बजेटमा निर्मित यो फिल्मले हलबाट नाफा १५ लाख माथि शेयर लग्ने प्रारम्भीक रिपोर्ट छ । यस्तै डिभिडी राईट तथा म्यूजिक तर्फको सिआरबीटी रोयल्टी बाट थप १५ लाख र करिब ३० लाखको हाराहारिमा फिक्स भएको ईन्टरन्यशनल शोको डिलले निर्देशक आचार्यको खुट्टा अहिले भुईमा छैन ।

यो फिल्ममा शोहित सहित लिड रोलमा वील्सन बिक्रम राई, जीवन लुईटेल, निष्मा घिमिरेको साथमा स्वेता भट्टराई, नीर शाह र बाल कलाकार अनुभव रेग्मीले खेलेका छन् । रिदम गत फाल्गुन २५ देखि देशब्यापी रिलिजमा आएको हो ।

News Source: Filmykhabar.com

Watch Video Here

मदन भण्डारी राष्ट्रिय पुरस्कार शहीद स्मारक विकास समितिलाई

bsgyanu212@gmail.com (SIMC) — Mon, 08 Apr 2013 00:12:01 PDT

काठमाडौं,चैत्र २६ । मकवानपुरको हेटौडास्थित शहीद स्मारक विकास समितिले यस बर्षको मदन भण्डारी राष्ट्रिय पुरस्कार प्राप्त गरेको छ । राजधानीमा आज आयोजित कार्यक्रममा चुनावी मन्त्रिपरिषदका अध्यक्ष खिलराज रेग्मीले एक लाख रुपैयाको सो पुरस्कार स्मारक विकास समितिका अध्यक्ष डोरमणी पौडेललाई प्रदान गर्नुभयो ।

Madan Bhandari

मदन भण्डारी फाउन्डेसनले स्थापना गरेको सो पुरस्कार गत बर्ष हास्य कलाकार मह जोडीलाई प्रदान गरिएको थियो ।

छोरीलाई बिष खुवाई आत्महत्या

bsgyanu212@gmail.com (SIMC) — Mon, 08 Apr 2013 00:04:49 PDT

दाङ, चैत्र २६ - दाङको मानपुर गाबिसमा एक आमाले एक वर्षीया छोरीलाई बिष खुवाएर हत्या गर्नुका साथै आत्महत्या गरेकी छिन् । मानपुर गाबिस २ सन्नेवा निबासी २१ वर्षीया सानु चौधरीले गए राति छोरीलाई बिष खुवाएर आफूले पनि बिष सेवन गरेको जिल्ला प्रहरी कार्यालय दाङले जानकारी दिएको छ ।

बिष सेवनबाट गम्भीर बिरामी भएका आमाछोरीको उपचारका लागि घोराही ल्याउँदै गर्दा बाटोमै मृत्यु भएको प्रहरीले जनाएको छ ।

मृतकहरुको शबलाई पोष्टमार्टमका लागि राप्ती उपक्षेत्रीय अस्पताल घोराहीमा राखिएको छ । घटनाको अनुसन्धानका लागि मृतकका श्रीमान हरिबहादुर चौधरीसँग सोधपुछ गरिरहेको प्रहरीले जनाएको छ ।

यसअघि फागुन २६ गते सतवरीया-६ असानीकी २२ वषिर्या सिताकुमारी चौधरीले ६ वर्षीय छोरा सुभम र ३ वषिर्य छोरा आरएनलाई बिष खुवाई आत्महत्या गरेकी थिइन् । कान्तिपुर

इराकमा नेपाली चेलीको दर्दनीय हत्या

bsgyanu212@gmail.com (SIMC) — Mon, 08 Apr 2013 00:00:51 PDT

काठमाडौ, चैत्र २६ - प्रतिबन्धित मुलुक इराकमा काम गर्न पुगेकी धादिङ तिप्लिङ-६ की सुमिता तामाङको बग्दाद नजिकै एक इराकी मालिकको घरमा हत्या भएको छ ।

बग्दाद नजिकै जादि्रयामा एक इराकीको घरमा काम गर्ने सुमितालाई मार्च २८ (चैत १५) को बिहान ६ बजे भान्सामा काम गरिरहेका बेला घर मालिकका 'मानसिक सन्तुलन ठीक नभएका' छोराले छुरा प्रहार गरी हत्या गरेको स्थानीय व्यवसायी ध्रुब कुँवरले बताएका छन् ।

शवलाई हाल स्थानीय अस्पतालमा राखिएको छ । 'सुमिताले काम गर्ने घर नजिकै घरेलु कामदार रहेकी ठूलोबाकी छोरीले मलाई यो घटना जानकारी गराएकी हुन्,' कुँवरले फोनमा भने । इराकी घर मालिकसँग सम्पर्क गर्ने र उक्त अस्पताल भ्रमण गर्ने योजना रहेको उनले सुनाए । २३ वर्षीया सुमिताको बुबाआमाको नाम दुर्गा र सुष्मा तामाङ रहेकाले सोही आधारमा धादिङस्थित घरको पहिचान गरेर शव फर्काउने कूटनीतिक प्रयासका लागि इस्लामाबादस्थित नियोगलाई जानकारी गराइएको छ ।

घटनाको पुष्टि गर्दै गैरआवासीय नेपाली संघ इराकका अध्यक्ष लालकाजी गुरुङले दुई वर्षको काम गर्ने सम्झौता सकिएपछि २३ वर्षीया सुमिताले हालै जादि्रयास्थित नयाँ घरमा काम थालेको बताए । 'म कुर्दिस्तानमा रहेकाले बग्दादमा रहेका नेपालीमार्फत मृतक युवतीबारे थप बुझ्ने प्रयत्नमा छु,' उनले भने । इराकमा हाल ३० हजारभन्दा बढी नेपाली रहेकामा पाँच हजार जति महिला छन् । इराकभित्र पनि स्वतन्त्र राज्यझैं रहेको कुर्दिस्तान, अरबिल र सुलेमानिया आसपासमा अधिकांश नेपाली युवती कार्यरत रहेको उनले बताए ।

अढाई वर्षअघि अमेरिकी सेनाको कन्ट्रोल कमान्डले इराकमा कार्यरत गैरकानुनी कामदारलाई २० दिनभित्र इराक छाड्न आदेश दिएपछि नेपाल सरकारले मन्त्रीस्तरमा निर्णय गरेर २०६७ साउन १२ मा इराकमाथिको 'प्रतिबन्ध फुकुवा' गरेको थियो । तर कागजी अर्थमा मात्रै रहेको यो फुकुवापछि अहिलेसम्म कुनै नेपाली अध्ययन टोली बग्दाद जान सकेको छैन । इराक मामला हेर्ने इस्लामाबादस्थित राजदूतले समेत बग्दाद गएर आफ्नो ओहोदाको प्रमाणपत्र बुझाउन सकेका छैनन् ।

'यहाँ हजारौं नेपालीको पासपोर्टको म्याद सकिएको छ, हामीले इस्लामाबाद नियोगलाई नवीकरण गरिदिन आग्रह गरिरहेका छौं, नजिकको साउदी अरेबिया दूतावासले पनि कुनै सहयोग गर्न सकेको छैन,' गुरुङले भने ।

इराकमा पछिल्लो पटक हत्या गरिएकी युवतीसहित अरू दुई कामदारको शव अस्पतालमा रहेकाले त्यसलाई घर फिर्ता गराउनै पनि कूटनीतिक पहल जुटाउन मुस्किल परिरहेको उनले बताए ।

News source: ekantipur

साँघु साप्ताहिकका सम्पादकलाई ज्यान मार्ने धम्की दिएको घटनाप्रति महासङ्घको गम्भीर ध्यानाकर्षण

bsgyanu212@gmail.com (SIMC) — Fri, 08 Feb 2013 03:01:37 PST

२६ माघ,काठमाडौँ - साँघु साप्ताहिकका सम्पादक गोपाल बुढाथोकीलाई अश्लील गालीगलौजसहित सात दिनभित्र ज्यान मार्ने धम्की दिएको घटनाप्रति नेपाल पत्रकार महासङ्घको गम्भीर ध्यानाकर्षण भएको जनाएको छ।

सम्पादक बुढाथोकीलाई उक्त साप्ताहिकमा प्रकाशित समाचारको विषयलाई लिएर बेग्लाबेग्लै देशको नम्बरबाट फोन गरी अश्लील गालीगलौजसहित सात दिनभित्र ज्यान मार्ने धम्की दिएको घटनाप्रति महासङ्घको गम्भीर ध्यानाकर्षण भएको सङ्घका महासचिव ओम शर्माले विज्ञप्तिमार्फत् प्रष्ट गरेका छन्।

महासङ्घले प्रेस तथा अभिव्यक्ति स्वतन्त्रतालाई चुनौती दिने तथा पत्रिकाका सम्पादकलाई हतोत्साहित बनाउने यो धम्कीको घोर भर्त्सना गर्दै धम्की दिनेलाई तत्काल पहिचान गरी कारबाही गर्न र पत्रकारलाई सहज एवम् निर्भयपूर्वक सूचना सङ्कलन र सम्प्रेषणको वातावरण बनाउन सरकारसँग मागसमेत गरेको छ।

- रासस

कोरियामा हुने "बृहत सांगीतिक सौगात भाग -१" को तयारी पुरा

bsgyanu212@gmail.com (SIMC) — Fri, 08 Feb 2013 03:24:21 PST

२६ माघ,दक्षिण कोरिया - नेपाल आदिवासी जनजाती महासंघ गणतन्त्र कोरियाको आयोजनामा कोरियन नयाँ बर्ष सलनालको अवसरमा सम्पन्न हुन् गैरहेको सांस्कृतिक कार्यक्रम "बृहत सांगीतिक सौगात भाग -१" को तयारी पुरा भएको आयोजकले बताएको छ। आदिवासी जनजाती महासंघ कोरियाले एक सूचना जारी गरि कार्यक्रममको तयारी पुरा भएको बताएको हो।

महासंघ कोरियाद्वारा जारी गरिएको सूचना :

सर्बप्रथम त नेपाल आदिवासी जनजाति महासंघ गणतन्त्र कोरियाले कोरियन नव बर्षको उपलक्ष्यमा देश बिदेशमा रहेका नेपाली दाजुभाई तथा दिदी बहिनीहरुमा उत्तरोउत्तर प्रगतिको मगलमय शुभकामना ब्यक्त गर्दछ।

"आदिवासी जनजातिको संस्कृति आदिवासी जनजातिको पहिचान" भन्ने मुलनारा सहित नेपालकै अतिदुर्गम जिल्ला डोल्पाका ३ जना बालबालिकाहरुलाई गत २ बर्ष देखि यस महासंघले पोखराको सुर्योदय बोर्डिङ्ग स्कुलमा पढाउदै आएको र आगामी दिनमा थप बिद्यार्थीहरु भर्ना गर्ने उद्देश्यका साथ यहि फेब्रुरी १० तारिख बृहत सांगीतिक सौगातभाग १ को आयोजनागरिएकोले उक्त साँस्कृतिक कार्यक्रमको सम्पुर्ण तयारी पुरा भएको छ।

बृहत साँगीतिक सौगातमा नेपाल देखि ५ जना कलाकारहरु सुप्रशिद्ध भर्सटायल गायक राजेश पायल राई, चर्चित लोक गायीकामुनाथापा मगर,चर्चित नृत्याङ्गना पार्बति राई, खोजीप्रतिभा २०१२ को प्रथम चर्चित गायक बिक्रमलिम्बु र नबप्रतिभा पपगायिका एन्जेल श्रेया राई को भीजा बिभिन्न बाधा अवरोधको बाबजुद बिहिबार लागेको छ।उनीहरु सनिबार कोरिया आईपुग्नेछन्।

नेपाल आदिबासी जनजाति महासंघ सधै अन्याय र अत्याचारको बिरुद्धमा आवाज उठाइरहेको संस्था,कोरियाली भुमीमा पनि स्थापनाकाल देखी निरन्तर आफनो भुमीका र आवाजहरु स्पष्ट रुपमा राख्दै आइरहेको छ। समाज सेवाको नाममा अनावश्यक प्रतिस्पर्धा, सामाजिक बिकृति र बिसङ्गगतीको बिरुद्ध आवाज उठाउदा कतिपय संस्था र महानुभावहरुलाई अपचभइरहेको छ र त्यसको बदला लिन खोजीरहेका छन् अति घृनितकार्यहरु गरिराखेकाछन्।

अरुलाई दुखदिन ठुलो खाल्डो खन्दा आफु पनी त्यो खाल्डोमा पर्न सकिन्छ भन्ने हेक्का राख्न जरुरी छ। यस प्रकारका घृनितकार्यहरुको नेपाल आदिवासी जनजाति महासंघ कोरियाले घोर भ्रत्सना र निन्दा गर्दछ।

आदरणीय कोरियाबासी नेपालीदाजुभाई तथा दिदीबहिनीहरु, बुद्धिजिबी, ब्यापारी, समाजसेबी, पत्रकार, राजनितिज्ञ तथा संस्थाका पदाधिकारीहरु सबैमा नेपाल आदिवासी जनजाति महासंघ गणतन्त्र कोरिया हार्दिकताका साथ बिनम्र अनुरोध गर्दछ कीयहाँहरुको गौरबमय उपस्थितिले सधैं सत्यको जीत हुनेछ र महासंघले लिएको निस्वार्थ उद्देश्यअवस्य पुरा हुनेछ।

आशा गर्दछौं की यहाँहरुले चर्चित कलाकारहरुको साथमा भरपुर मनोरन्जन सहित ४।५ महिना सम्म लगातार गरेको कडा परिश्रमको दुख बिसाउनुहुनेछ र समाजसेवा पनि गर्नुहुनेछ। अन्तमा सबै महानुभाबहरुको सुबिधालाई मध्यनजर गर्दै दोङदेमुन ३ नं. गेटबाट कार्यक्रमहल सम्मजानको लागी २ वटा मिनीबसको पनि ब्यबस्था गरिएको छ। समयमै उपस्थित भै कार्यक्रमलाई भब्य र सभ्य रुपमा सफल बनाईदिनु हुनको लागि हार्दिक अनुरोध गर्दछौ।

मितिः२०१३ फेब्रुरी १० आईतबार

स्थानः सङ्गबुक कुमिन यसङ्गह्वेग्वान(बाग्लुङ्ग सम्पर्क समितिले कार्यक्रम गरेको हल)

समयः ठीक १ बजे देखी

नेपाल आदिवासी जनजाति महासंघ, गणतन्त्र कोरिया

एमाओवादी महाधिवेशनमा पुर्व लडाकुको नाराबाजी

bsgyanu212@gmail.com (SIMC) — Fri, 08 Feb 2013 02:13:32 PST

२६ माघ,हेटौंडा – एकीकृत नेकपा माओवादीको महाधिवेशनमा प्रतिनिधिहरुले पार्टी भित्र र लडाकू शिविरमा भएको आर्थिक अनियमितताबारेको छानवीन प्रतिवेदनको विरोध गरेका छन् ।

भ्रष्टाचार गर्नेहरुलाई चोख्याउन खोजिएको भन्दै उनीहरुले बन्द सत्रमा नाराबाजी गरेका छन् । उनीहरुले छानवीन प्रतिवेदन स्वीकार नगर्ने बताएका छन् ।

भृकुटीमण्डमा भएको विस्तारित बैठकमा प्रतिनिधिहरुले अध्यक्ष पुष्पकमल दाहाल प्रचण्ड सहितका नेताहरु पनि आर्थिक अनियमिततामा संलग्न रहेको भन्दै आवाज उठाएपछि लडाकू शिविरको आर्थिक अनियमितता छानवीन गर्न पोष्ट बहादुर बोगटी र पार्टी भित्रको अनिमितता छानवीन गर्न अमिक शेरचनको नेतृत्वमा छानवीन समिति गठन गरेको थियो ।

छानवीन समितिका प्रतिवेदन सार्वजनिक नगरेको भन्दै प्रतिनिधिले महाधिवेशनमा प्रतिवेदनमा सार्वजनिक गर्न माग गरेका थिए ।

विपक्षी प्रदर्शनकारी र प्रहरीवीच झडप

bsgyanu212@gmail.com (SIMC) — Fri, 08 Feb 2013 02:04:05 PST

२६ माघ,खोटा्ङ - सरकारको विरोध उत्रिएको विपक्षी दलका जिल्ला नेता कार्यकर्ता र प्रहरीबीच शुक्रबार झडप हुँदा दर्जन बढी नेता कार्यकर्ता भएका छन्। झडपमा परी राष्ट्रिय जनशक्ति प्रजातन्त्र पार्टीका जिल्ला अध्यक्ष ललितकुमार राई, नेकपा एमालेका जिल्ला सचिव राजन राई, उपसचिव रामप्रसाद दंगाल, नेपाल विद्यार्थी संघका जिल्ला सचिव राजकुमार राई, युवा संघ नेपालका जिल्ला सचिव प्रमोद श्रेष्ठ, अनेरास्ववियुका जिल्ला संयोजक मिलन राई, सचिव खेमराज देउसाली, नेपाल विद्यार्थी संघ दिक्तेल बहुमुखी क्याम्पस इकाइ समितिका सदस्य नबीनकाजी राईलगायतका नेता तथा कार्यकर्ताहरु घाइते भएका हुन्।

आन्दोलनकारीले हानेको ढुंगाले लागेर जिल्ला प्रहरी कार्यालय खोटाङका प्रहरी निरीक्षक कमल रजौरे पनि घाइते भएका छन्। घाइतेमध्ये राष्ट्रिय जनशक्ति प्रजातन्त्र पार्टीका जिल्ला अध्यक्ष ललितकुमार राई गम्भीर घाइते छन्। टाउको र शरीरका विभिन्न भागमा चोट लागेका राईको सदरमुकाम दिक्तेलस्थित हलेसी पोलीक्लिनिकमा उपचार भइरहेको छ। सरकारविरुद्धको आन्दोलनलाई थप सशक्त बनाएर अघि बढेका जिल्लास्थित नेपाली कांग्रेस, नेकपा एमाले र राष्ट्रिय शक्ति प्रजातन्त्र पार्टीका नेता तथा कार्यकर्ताहरु प्रमुख जिल्ला अधिकारीलाई कार्यकक्ष प्रवेशमा रोक लगाउन जुलुससहित प्रशासन पुगेका थिए।

भारत विरुद्ध अमेरिकाको उजुरी

bsgyanu212@gmail.com (SIMC) — Fri, 08 Feb 2013 01:58:42 PST

२६ माघ,एजेन्सी - भारतको राष्ट्रिय सौर्य ऊर्जा नीतिविरुद्ध अमेरिकाले विश्व व्यापार संगठन (डब्लुटिओ) मा उजुरी हालेको छ। भारतीय नीतिले अमेरिकी उत्पादनलाई 'विभेद' गरेको भन्दै अमेरिकाले डब्लुटिओ गुहारेको हो।

भारतले सौर्य ऊर्जा उत्पादकलाई स्थानीय उत्पादन (सोलार ब्याट्री र मोड्युल) नै प्रयोग गर्नुपर्ने अनिवार्य गरेको दाबी गर्दै अमेरिका डब्लुटिओ गएको हो। अमेरिकाले यस किसिमको 'जबर्जस्ती स्थानीयकरण' का कारण भारतीय बजारमा अमेरिकी निर्यात रोकिएको दाबी गरेको छ।

अमेरिकाले दर्ता गराएको उजुरीमा भारतीय सौय ऊर्जा नीतिले डब्लुटिओको नियम उल्लंघन गरेको उल्लेख गरिएको छ। नीतिबारे यसअघि नै भारती निकायहरूसँग विभिन्न समय र अवसरमा कुरा उठाइए पनि बेवास्ता गरिएको पनि उजुरीमा जनाइएको छ।

डब्लुटिओमा पुगेको यो उजुरी भारत र अमेरिकाबीच व्यापार विवादको पछिल्लो घटनाक्रम हो। गत वर्ष पनि अमेरिकी कुखुरा र कुखुराजन्य उत्पादन आयातमा लगाएको प्रतिबन्धलाई चुनौती दिँदै अमेरिकाले यसै गरी भारतलाई डब्लुटिओ पुर्याउएको थियो।

भारतले सन् २००७ मा बर्डफ्लुको फैलने भन्दै कुखुराको मासु, अन्डासहित अमेरिकी कृषि उत्पादनको भारत आयातमा प्रतिबन्ध लगाएको थियो। त्यसविरुद्ध अमेरिकाले डब्लुटिओमा उजुरी दर्ता गरेको थियो।

त्यसबेला पनि अमेरिकी निकायहरूले स्थानीय उद्योग संरक्षण गर्नका लागि भारतले जबर्जस्ती आफूहरूको उत्पादनमाथि प्रतिबन्ध लगाएको दाबी गर्दै त्यसबाट विश्व व्यापारको नियम उल्लंघन भएको बताएका थिए। 'विश्वमा जहाँ पनि प्रतिस्पर्धा गर्न सक्ने हाम्रा सौर्य ऊर्जा उत्पादन र सेवामाथि भारतीय कदमले गम्भीर प्रभाव पारेको छ,' अमेरिकी व्यापार प्रतिनिधि रोन किर्कले भने।

यसैबीच भारतले पनि अमेरिकी कदमविरुद्ध डब्लुटिओमा उजुरी दर्ता गराएको छ। भारतीय स्टिल उत्पादनमा आयात कर उच्च बनाएको भन्दै उसले अमेरिका विरुद्ध उजुरी हालेको हो। अमेरिकाले भारतबाट आयात गर्ने केही स्टिल पाइपमा करिब २ सय ८६ प्रतिशत कर लगाएको र यो 'नियतवस' भएको भारतीय उजुरीमा उल्लेख गरिएको छ।

दुइ माओवादीका विद्यार्थी संगठनविच झडप

bsgyanu212@gmail.com (SIMC) — Fri, 08 Feb 2013 01:53:13 PST

२६ माघ,चितवन - एमाओवादीको सातौं महाधिवेशनमा रामपुर कृषी क्याम्पसको सवारी साधनमा कार्यकर्ता ओसारेको भन्दै दुई माओवादीका विद्यार्थीबीच झडप भएको छ। एमा‌ओवादी र नकेपा-माओवादीबीचको टकरावले प्रहरी र विद्यार्थीबीचसमेत झडपको स्थिति निम्त्यायो।

आपसी टकरावबीच एमाओवादी निकट विद्यार्थीहरुले नेकपा-माओवादीका विद्यार्थी कुटेर घाइते बनाएपछि अन्य विद्यार्थी संगठन पनि विरोधमा उत्रिएका थिए। नेकपा- माओवादीसहित प्रतिपक्षि दल निकट विभिन्न विद्यार्थी संगठनको संयुक्त विद्यार्थी संघर्ष समितिले गरेको विरोधका क्रममा प्रहरीसँग भरतपुरको क्याम्पसचोकमा शुक्रबार झडप भयो। झडपमा आधादर्जन विद्यार्थी घाइते भए। एक पत्रकार पनि प्रहरीको लाठीचार्जमा परे।

घाइते विद्यार्थीमा अखिलका केन्द्रीय सदस्य निरज भट्टसँगै देवप्रकाश पाठक, नेविसंघका परमेश्वर खनाल र राजेन्द्र डोटेल, नेकपा-माओवादी निकट रुद्र भट्टराई र प्रकाश कँडेललगायत छन्। प्रहरीले चक्काजाम खुलाउन गरेको हस्तक्षेपका क्रममा उनीहरुलाई लाठीचार्ज गर्दै कुटपिट गरी पक्राउ गरेको थियो।

रामपुरमा बिहीबार नेकपा- माओवादीका सुशील न्यौपानेमाथि एमाओवादी निकट विद्यार्थीले कुटपिट गरेकाले दोषीमाथि कारबाहीको माग गर्दै संयुक्त विद्यार्थी संघर्ष समितिले शुक्रबार एकघण्डे चक्काजामको विरोध कार्यक्रम गरेका थिए।

बिहान साढे आठ बजेदेखि साढे नौ बजेसम्मको चक्काजाम सकिनै लाग्दा कोणसभा हुँदै थियो। त्यहीक्रममा बाटो खुलाउन आएका प्रहरीको टोलीले एक्कासी हस्तक्षेप गरेर कुटपिट गर्दै विद्यार्थी नेताहरु पक्राउ गरेका थिए।

'कोणसभा गरेर खुलाइदिन्छौं भन्दैथियौं एक्कासी प्रहरीले लाठीचार्ज गर्यो घाईते विद्यार्थी परमेश्वर खनालले भने कुट्दै हामीलाई पक्रेर जिल्ला प्रहरी कार्यालय लग्यो।' प्रहरीले बल प्रयोग गरेपछि विद्यार्थी पनि आक्रमणमा उत्रेका थिए। आफ्ना नेताहरु नै पक्राउ परेपछि आक्रोशित बनेका विद्यार्थीले सडक र वरपरका बजार पसल ठप्प पारेर ढुंगामुढा गरे।

प्रहरीको लाठीचार्जमा पत्रकार प्रस्ताव सुवेदी पनि घाइते भए। समाचार संकलनका लागि गएका बेला एक्कासी विद्यार्थी भनेर प्रहरीले उनीमाथि लाठी चलाएका थिए। म पत्रकार हो भन्दा भन्दै उनमाथि तीन राउण्ड लाठी वर्षेपछि घाइते भए। उनको मोबाइल पनि प्रहरीको लाठीचार्जमा फुटेको छ।