The Saikawt Post

PHC ah Doctor panga an um ta ding

noreply@blogger.com (Editor) — Wed, 6 Jul 2011 06:34:00 -0700

Date 4-June-2011 (Thawtanni) hin Saikawt PHC a doctor thar haiin charge an lak tan ding a ni a. Chu dungzui chun, tuta Doctor um sa hai leh panga an um ta ding a nih. Saikawt PHC a Doctor posting hai chu:
1. Dr. C. Lalbieksang Sr. M.O. i/c
2. Dr. Ms Vanlalkungi M.O.
3. Dr. Mithoibi Sana Devi M.O.
4. Dr. Robert M.O.
5. Dr. David Gangte M.O.

Dam naw

noreply@blogger.com (Editor) — Wed, 6 Jul 2011 06:32:00 -0700

# Pu Laldawnlien h/o Pi Malsawm of Vengtang chu Dt. 1-July-2011 sun khan a Mit (Eye) Muolvaiphei ah at a nih.
# Pi Darmawii w/o Pu Rualhleia of Hmuntha chu damnaw na leiin tuol suok pei lo in a um. A dam nawk vat ei nuompui.
# Pi Rinte w/o Pu Lalrammawi of Vengtang chu a Ring a anbawk um chu JN Hospital Imphal a Dt 30-June-2011 khan at a nih.
# Pu Zuola of Lailak khawm that tieng a pan hrat naw leiin mitin hai in ei tawngtai na ah hre tahr nawk seng ei tieu.
# Nk. Vasty of Lailak Vengsak khawm hma tieng a sawn pei thei na dingin tawngtai na ah hre thar nawk seng ei tieu.

Mithi

noreply@blogger.com (Editor) — Wed, 6 Jul 2011 06:30:00 -0700

# Pu Laldawnglien (Aizawl) s/o Upa Ramtlanthang of Saikawt, Sichung chun dt. 28-June-2011 khan fam a lo chang tah. A um na Aizawl a dt. 20-June-2011 khan a ruong vui liem a nih.
# Pu Jacob Pudaite of Saikawt, Hmar veng chun Dt. 29-June-2011 khan muol a mi lo liem san tah. A ni la la in a ruong vui liem a nih. Lusun sungkuo hai ei tuorpui hle.

Saikawt ITI a admission thaw thei

noreply@blogger.com (Editor) — Tue, 28 Jun 2011 21:24:00 -0700

Industrial Training Instute Saikawt a admission thaw nuom tu hai chun Dt 30 June 2011 chen admission form lak thei a ni a, Dt. 5 July 2011 chen a submit thei ning a tih. Admission thaw thei na trade hai chu Stenographer, Welder, Carpenter le Dress making hai an nih. Stenographer a ding hin Class 10+2, Dress making a ding hin Class 10, Welder le carpenter a ding hin class 8 certificate a tul a nih. Chun, kum 14 inkar neka naupawnglo le kum 40 neka upa lo hai chun admission thaw thei nih.

HYA hai an la hrat pei

noreply@blogger.com (Editor) — Tue, 28 Jun 2011 21:24:00 -0700

Saikawt HYA Branch hai chu Saidan a Football tournament ah an suok a. Date 21 June (thawleni) khan 5-0 in Saidan hai an hneban a Knock-out an kai a nih. Chun, 24 June khan an inkhel nawk na ah 1-0 in an hrat leiin Quarter-final an kai a., hungtlung ding zirtawpni khin an inkhel nawk ding ti thu lo dawng anih.

Damnaw

noreply@blogger.com (Editor) — Tue, 28 Jun 2011 21:23:00 -0700

# Pi Tuokim m/o Upa L. Remtluong of Sichung chu damnaw na leiin tuol suok pei lo in a um.
# Pi Darmawii w/o (L) Rualhleia of Hmungtha chu damnawna leiin tuol suok pei lo in a um. Damnawhai hi an hung that suok nawk ngei ei nuompui.

Pass an lawmpui

noreply@blogger.com (Editor) — Tue, 28 Jun 2011 21:23:00 -0700

HSA Saikawt Unit chun tukum a pawl sawm le a chungting a pass thar hai lawmpuina le Chawimawina Programme Dt. 25 June 2011 khan SYC Hall ah an hmang. Hi hunser a hin Chief Guest in Pu Jimmy Hrangate, Deputy Commandant BSF le Guest of Honour in Major Sharat, 27 Sector Assam Rifles le Functional President Pu James Lalrobul, Administrator Mount Carmel haiin an Hmangpui. Pu Lalhrillien MDC khawmin hi hun a hin thuhril na a nei. HSA General Head Quarter le Joint Head Quarter khawmin hi hunser hi uopin thu hrilna hun pek an ni a, Saikawt YMA thuoitu hai khawmin programme hi an uop a thuhril na hun pek an nih. A pass thar hai kuomah memento le Certificate hai an inhlan nghal ti thu lo dawng a nih. Saikawt khawsung a hlasaktheim tak tak hai a inthawkin hla mawi tak tak ngai thlak a ni bawk.

HSCL result 2011 Saikawt

noreply@blogger.com (Editor) — Sat, 18 Jun 2011 21:23:00 -0700

Name    Parents    Div    School
1. Siemon    VL Siema    1st    AG School
2. Hmarramnghak    Rohminglien    1st    AG School
3. Merry Lalfelkim    Thangzarlien    1st    M Carmel School
4. Joseph L. Khawbung    Rev. Lalsiemkung    1st    SCHSS
5. Lalawmpuii    Mrs. Lalhlimpuii    1st    M Carmel
6. James Vanlalsuong    Darchuoilo    1st    YLS
7. Henry Chanchinmawia    (L) Muonkim    1st    YLS
8. Thelma Lalengkimi    Laltlanchianga    1st    M Carmel
9. Chrictina    (L) Lalrinawma    1st    YLS
10. James Lalrawngbawl    (L) Rev. Ngamlalchawl    2nd    SCHSS
11. Paula    Tana    2nd    Douglas
12. Lalremruat    (L) Lalchuoilo    2nd    Saikawt Govt. High. School
13. Margareth    Darsanglur    2nd    Stephen H. School
14. Precilla Ramnghaklien    Ramsanlien    2nd    YLS
15. James Lalhmunsiem    Hmanga F. Khawlum    2nd    Stephen H School
16. JR. Ritinlien    Hmanga F. Khawlum    2nd    Stephen H School
17. K. Lallienmang    Hmanga F. Khawlum    2nd    Stephen H School
18. Kapkhanlien    Hmanga F. Khawlum    2nd    Stephen H School
19. Samuel Lalsuodawng    Hmanga F. Khawlum    2nd    Stephen H School
20. Chinneikim    Hmanga F. Khawlum    2nd    Stephen H School
Zeik hmei annawleh ziek suol a lo um pal chun mipui hai hrietthiem na kan ngen nghal. Hlawtling na chang hai po po editorial board chun a lawmpui tak zet a, hmatieng pei a hlawtlingna insang lem an chang ngei a nuom pui in a ditsakna vochuom an inhlan.

GOOD NEWS-GOOD NEWS

noreply@blogger.com (Editor) — Sat, 18 Jun 2011 21:21:00 -0700

Ei khawsuong a ding thil la um ngailo, thil thar tha em em, Shilong, Guwahati, Dimapur, Kohima fe nuom hai ta ding in Lamka pan kher a ngai tanaw ei khawsuong a khawm ieng tik lai khawm a Direct Bus tricktet lak thei zing ani, Hung pan ve ro.
Pi Ramnghak hai INN, Phaiveng

Chatuon ram a mi lo pan san tah

noreply@blogger.com (Editor) — Sat, 18 Jun 2011 21:20:00 -0700

Pi Hmingi w/o R. Lalnuna of Hmuntha chu Date 18-June-2011 khan a chatuon ram tieng a mi lo in lawi san tah. Lusun sungkuo hai ei tuorpui tak zet.

Saisu kak lak thei

noreply@blogger.com (Editor) — Sat, 18 Jun 2011 21:19:00 -0700

Saisu kak (hme chi) a dit hai chun a thlawnin iengtik lai khawmin kan huon a lak thei a ni. A dit hai chun hung pan ro.
---Joseph D. Hmar

HYA in Football tournament an thang

noreply@blogger.com (Editor) — Sat, 18 Jun 2011 21:16:00 -0700

Saikawt HYA Branch hai chu Saidan a Football tournament an i buotsei a chun Football inkhel na an nei mek a, thawleni khan 2-1 in Sielmat hai an hneban a. Chun Date 21 June (thawleni) khin zanting 2:30pm. a in khel nawk an tih.

Damnaw

noreply@blogger.com (Editor) — Sat, 18 Jun 2011 21:15:00 -0700

#Pu. David Darngawn vengtang chu Date 10 June khan a kal a lung um chu Langol View Hospital Imphal a an at a, 14 June in an suok.
# Mrs.Vanlalrem@ w/o Pu.Doval Vengthar chu, Date 14.June Khan Sielmat Hospital a a rilphir operation ani a. Date 17 khan damtakin anhung suok nawk ta.

noreply@blogger.com (Editor) — Fri, 17 Jun 2011 03:21:00 -0700

Lawmthu hrilna
Kan naupa T.C. James a damnaw lei a hospital a mi hung kan tu hai chunga kan lawm hle a, a bikin motor a tul na na-a a hmang dinga a mi phal pek tu Pu Lalhrietzing a chunga kan lawm takzet a nih. Chun, Doctor, Nurse le thawktu dang hai kuomah khawm kan lawm hle bawk. Hi News hmang hin in renga chunga lawmthu kan hung hril a nih.
Ei khuo a Damdawi in um hi lawm a um em em a mitin in sawr tangkai tum seng ei tieu.

In Lunginsietna dawngtu
Lalmalsawm hai nupa

Thina chunga Lawm thu Hrilna

noreply@blogger.com (Editor) — Fri, 17 Jun 2011 03:20:00 -0700

Kan Nu dit tak kan ngai em em Mrs. Manlien. Ni 6-June-2011 zana muol amilo liem san na chung thua Nu le pa, U le nau, nunghal tlangval hai, Chung Pathien in tlawmngaina in sangtakel apek hai cheu kha. Kan nu thina chunga hin, in hung suklang lei hin Saikot mipui le khuo dang danga inthawka hung hai in chunga hin lawmthu kan hril tak zet anih. Chun Hospital a inthawka Saikawpui kan in lum chen a ruong min tlun pui tu hai innei hai inphaltaka tlawmngai a hungin thawtu hai in chunga lawmthu kan hril nawn nawk takzet anih. Chung Pathien in alet tam in malsawmna in vur ro se cheu. Chun, Zan khawvara a ruong mi meng pui tu hai chunga khawm lawmthu News hmangin kan hung hril nawn a nih. Chun, Saikot mipui khawtlang chunga hai khawm Pathien hmingin lawmthu kan hung hril nawn cheu. Tiemtu le ngaithlatu hai po po in lunginsietna le intlawmngaina le inhmangaina dawngtu hai hin.
Chung Pathien in kawng tin renga malsawm nan vur seng raw se cheu. In that na le tlawmngaina le in hmangaina dawngtu hai.
Mr T.T. Khuoma le a suong hai

Follow up programme an hmang

noreply@blogger.com (Editor) — Fri, 17 Jun 2011 03:19:00 -0700

Presbyterian hai chun Crusade le Camp hai an nei zo hnungin follow-up programme hlim takin an la hmang zawm ti thu lo dawng a nih. Thalai Sport inrinni khan an nei a, an hlim tlang hle ti thu ei lo dawng.

Bible tiem suok an tum

noreply@blogger.com (Editor) — Fri, 17 Jun 2011 03:18:00 -0700

I.C.I. Sub. Headquarter hai chun Holy Bible tiem suok an tum a, Date 12-June-2011 (Sunday) zan hin tan an tih.

Jiont K.T.P thuoitu hai in an kan

noreply@blogger.com (Editor) — Fri, 17 Jun 2011 03:17:00 -0700

Zirtawpni zan khan Jiont K.T.P. Thuoitu hai chun Saikawt E.F.C.I. K.T.P hai chu an Biekin-ah kanna an nei.

Damnaw

noreply@blogger.com (Editor) — Fri, 17 Jun 2011 03:16:00 -0700

Timothy (Mama) s/o Hunlawmum of Shichung chu phiengpui na leiin tulai chu tuolsuok peilovin a um.

GNM Nursing a pass

noreply@blogger.com (Editor) — Fri, 17 Jun 2011 03:16:00 -0700

Ruthi Lalsanhim d/o Lalropui Kanan veng chun GNM nursing 1st class ah a pass. Saikawt Post chun a lawmpui hle.

Nuhmei nei thar

noreply@blogger.com (Editor) — Fri, 17 Jun 2011 03:14:00 -0700

# Laldinthara s/o Saithangzama of vengthlang le Betsy of Ngurte hai chu nupa tuok ni dingin an lo in thuoi tah.
# Mesak Lalrofel s/o (L) Risang le Rachel of Rengkai hai chu nupa tuok ni dingin an lo in thuoi ve tah. Ei lawmpui tak zet.

Chatuon ram a mi lo pan san tah

noreply@blogger.com (Editor) — Fri, 17 Jun 2011 03:14:00 -0700

Pi Manliani w/o T.T. Khuoma of Eden Street chu 6-June-2011 (Thawtanni) zan khan chatuon ram a mi lo inlawi san tah.

Inhriettirna le ngenna

noreply@blogger.com (Editor) — Fri, 17 Jun 2011 03:13:00 -0700

Mi tukhawm admit nilo injection tul hai chun OPD Hour (10:00am-1:00pm) sung chau a PHC pan ta dingin Staff hai in inhriettirna le ngenna an siem. Mipui hai in zawm tum seng ei tieu.

Damnaw PHC a admit

noreply@blogger.com (Editor) — Fri, 17 Jun 2011 03:12:00 -0700

# T.C. James s/o Malsawm, Saikawt Shichung chu Typhoid natna anvawi leiin Date 7-June-2011 khan PHC a admit a ni a, damtakin June-10-2011 khan an lo suok nawk tah.
# Samuel Lalthuoisuok s/o Vanmalsawm, Saikawt Kananveng chu Date 6-June-2011 khan PHC a admit a ni a, June-9-2011 khan damtakin an lo suok nawk tah.

PHC ah nau an nei

noreply@blogger.com (Editor) — Fri, 17 Jun 2011 03:11:00 -0700

Pi Lalchawimawi w/o Pu Lalhuollien of Muolvaiphei in nau nuhmeite date 7-June-2011, dar 2:00pm khan Saikawt PHC ah an nei. Ei lawmpui hle.