Sankarans short and small and large Kadhakal

ഒരു സദാചാര കവല കഥ

2016-07-31T08:29:00.002-07:00

ഒരു സദാചാര കവല കഥ

പതിവ് പോലെ വൈകിട്ടു റോഡിലേക്ക് ഇറങ്ങിയ വഴിക്കു ആദ്യം കാണുന്ന കവലയിൽ സ്ഥിരം ആയി കുറ്റി അടിച്ചിരിക്കുന്ന ടീമുകളിൽ പ്രമുഖനായ കുട്ടപ്പൻ ചേട്ടനെ കണ്ടപ്പോ വണ്ടി ഒന്ന് സൈഡാക്കി വിശേഷങ്ങൾ ആരാഞ്ഞു.

Interruption– 1

ഞാൻ ജനിച്ച കാലം തൊട്ടു ആ കവലയിൽ ഇവർ കുറച്ചു പേർ ഇരിപ്പോണ്ട്. പണി എന്താ എന്നൊന്നും എനിക്ക് അറിയില്ല. പക്ഷെ മുടിഞ്ഞ സോഷ്യൽ കമ്മിറ്റ്മെമന്റ് ആണ്. എന്ത് പ്രശ്നം കണ്ടാലും ഇടപെടും. രണ്ടു പേർ വണ്ടി ഒക്കെ തട്ടി കോമ്പ്രോമൈസ് ആകാൻ നിൽക്കുന്ന ഒരു അവസ്ഥ ആണെന്ന് കരുതുക, ഇവർ ഇടപെട്ടാൽ ആ രണ്ടു പേരും അടിച്ചു തകർന്നു പിരിയും, അതാണ് ഐറ്റംസ്. സദാചാരം എന്ന് കേട്ടാൽ രക്തം തിളയ്ക്കുന്ന കിടിലം ഐറ്റങ്ങൾ. ഈ കുട്ടപ്പൻ ചേട്ടന് എന്താ പണി എന്ന് എനിക്ക് അറിയില്ല , പുള്ളിയുടെ ഭാര്യ അണ്ടിയാപ്പീസിൽ പണിക്കു പോകുന്നുണ്ട്. വൈകിട്ടു അവർ കാശ് കൊടുത്തിട്ട് വേണം പുള്ളിക്ക് മിനുങ്ങിയിട്ട് വീണ്ടും വന്നു കുറ്റിമുക്കിൽ ഇരിക്കാൻ. കുറ്റിമുക്ക് ഞങ്ങൾ ഇട്ട പേരാണ്, ആളുകൾ കുറ്റി അടിച്ച പോലെ ഇരിക്കുന്ന മുക്ക്. കാശ് കിട്ടാത്ത വേളകളിൽ കുട്ടപ്പൻ ചേട്ടൻ ആ ചേച്ചിയുടെ അച്ഛനേം അമ്മയെയും പോരാഞ്ഞിട്ട് ഏതാണ്ട് തായ്‌വഴിയിൽ ഉള്ള സകല പേരെയും ഉച്ചത്തിൽ സ്മരിക്കുന്നത് പലവട്ടം ഞാൻ കേട്ടിട്ടുണ്ട്. പക്ഷെ നമ്മളോട് ആരോടും ഇന്ന് വരെ കടം ഒന്നും ചോദിച്ചിട്ടും ഇല്ല.

“ചേട്ടാ , എന്തൊക്കെ ഉണ്ട് “

“ഓ സുഖം മോനെ , നീ എന്ന് വന്നു “

“ഇന്നലെ എത്തി”

“നിങ്ങൾക്ക് ശനിയാഴ്ച പോണ്ടാല്ലേ ? “

“ഇല്ല, അന്നത്തെ പണി കൂടി അവന്മാര് ഈ അഞ്ചു ദിവസം കൊണ്ട് ചെയ്യിപ്പിക്കും”

“ചുമ്മാതല്ലലോ , നല്ല ചൊള കിട്ടില്ലേ “

ചൊള അല്ല കൊല %$@%@ എന്നൊന്നും പറയാൻ പോയില്ല..

“കഴിഞ്ഞ ആഴ്ച ഇവിടെ എന്തോ ഒരു പ്രശ്നം നടന്നെന്നു നാട്ടുകാര് പറയുന്ന കേട്ടല്ലോ ?, എന്താ കഥ”

“മോനെ , പഴയ കാലം ഒന്നും അല്ല, പിള്ളേരൊക്കെ പിഴകളാ, നമ്മുടെ രവി അണ്ണന്റെ കടയുടെ അടുത്ത് പുതിയതായി താമസത്തിനു വന്ന കുടുംബത്തിലെ പെങ്കൊച്ചില്ലേ , ആ കാലു വയ്യാത്ത തള്ളയും മോളും മാത്രമുള്ള വീട്ടിലെ , അവൾ ശരിയല്ല”

“ശരിയല്ലെന്ന് പറഞ്ഞാൽ ?”

“അവൾ ആ തുണിക്കടയിൽ പണിക്കു പോകുവാ എന്നും പറഞ്ഞു എങ്ങോട്ടാ പോകുന്നെ എന്നാ നിന്റെ വിചാരം. ലോക പിഴയാ മോനെ”

“ചേട്ടൻ വല്ലോം കണ്ടാർന്നോ?”

“പിന്നെ ചുമ്മാ കുട്ടപ്പൻ ചുമ്മാ പറയുമോ? അവളെ ഒരു 9 മണി ആകുമ്പോ മിക്കവാറും ഏതേലും പയ്യന്മാർ ബൈക്കിൽ കൊണ്ടു വിടും, ഇവൾക്കൊക്കെ നേരത്തും കാലത്തും വീട്ടിൽ കയറിക്കൂടെ”

“അല്ല ചേട്ടാ , ആ കൊച്ചിന് ഏതോ തുണിക്കടയിൽ അല്ലെ ജോലി , ജോലി കഴിഞ്ഞു അവൾ വരാൻ ആ സമയം ആവില്ലേ? പിന്നെ നമ്മുടെ ജംക്ഷൻ നിന്നും ഇവിടെ വരെ ഇത്രേം ദൂരം ഒറ്റയ്ക്ക് വരാൻ കൂട്ടിനു കൂടെ ജോലി നോക്കുന്ന ആരേലും കൊണ്ടാക്കുന്നത് ആവില്ലേ?”

“ഓ പിന്നെ, കുഞ്ഞു ലോകം കണ്ടിട്ടില്ലാത്തോണ്ട് ഇങ്ങിനെ ഒക്കെ ചിന്തിക്കുന്നതാ, കഴിഞ്ഞ ആഴ്ച ഞങ്ങൾ ഇവിടെ ഇരുന്നവർ എല്ലാം കൂടി അവനെ അങ്ങ് പിടിച്ചു നിർത്തി. അന്നേരം അവനും ഈ കഥ ഒക്കെ തന്നെയാ പറഞ്ഞത് , നമ്മൾ വിടുവോ? പിടിച്ചു വിരട്ടി വിട്ടിട്ടുണ്ട്, ഇപ്പൊ അവൾ ഒറ്റയ്ക്കാ വരുന്നത് , അവളുടെ അഹങ്കാരം ഒക്കെ അന്നത്തോടെ തീർന്നു “

“അയ്യോ , അപ്പം ആ കൊച്ചു ഒറ്റയ്ക്കു വരണ്ടായോ?”

“അവൾക് രാത്രി എന്തോന്നു പരുപാടി??, നേരത്തെ വീട്ടിൽ കയറുന്ന ജോലിക്കു പോയാൽ മതി അവൾ , എന്റെ പെണ്ണുംപിള്ളക്കും ഉണ്ട് ജോലി, കുഞ്ഞിന് അറിയാമല്ലോ? ആറു മണി എന്നൊരു സമയം ഉണ്ടേൽ അവൾ വീട്ടിൽ കാണും , വീട്ടിൽ ആണുങ്ങൾ ശ്രദ്ധിക്കാൻ ഇല്ലേൽ ഇതിങ്ങൾ ഒക്കെ ഇങ്ങിനെ പിഴച്ചു പോകും , ആ തള്ളയും പണ്ട് അത്ര നല്ല കേസ് ഒന്നും അല്ലായിരുന്നു”

“ഛെ , ചേട്ടാ അറിയാത്ത കാര്യം പറയാതെ”

“പിന്നല്ലാണ്ട് , ഈ ഭർത്താക്കന്മാരൊക്കെ നേരത്തെ ചത്ത് പോകുന്നത് അതൊക്കെ കൊണ്ടാ കുഞ്ഞേ, നിങ്ങൾക് ഇതൊന്നും മനസ്സിലാവില്ല, നമ്മൾ ഒക്കെ ഇവിടെ ഉള്ളടുത്തോളം കാലം ഇതൊന്നും ഈ നാട്ടിൽ നടക്കില്ല, നമ്മൾ വിടുവോ? “

ഇതും കേട്ടോണ്ട് വന്ന സോമൻ ചേട്ടൻ ഏഷ്യാനെറ്റിൽ ന്യൂസ്അവർ ചർച്ചയിൽ ഇടയ്ക്കു കേറി പറയുന്നത് പോലെ രണ്ടു കമന്റ്സ് ഇട്ടേച്ചു പോയി – “ഇല്ലേൽ പിന്നെ ആ തള്ള എന്തിനാ ഈ കൊച്ചിനെ ജോലിക്കു വിട്ടിട്ടു ഒറ്റയ്ക്കു അവിടെ ഇരിക്കുന്നെ, ഫുൾ ടൈം ഫോൺവിളിയാന്നെ “

“അത് ചേട്ടൻ എങ്ങിനെ കണ്ടു?”

“അതിപ്പോ, ഞാൻ….. ഞങ്ങൾ … നമ്മളൊക്കെ ഇവിടെ തന്നെ ഉള്ളവർ അല്ലെടെ..”

ഒരു ചെറിയ ചമ്മൽ പുള്ളിയുടെ മുഖത്തു വരുന്നതിനു മുൻപേ അതിലെ പോയ വേറെ ഒരു ബൈക്കിനു കൈ കാണിച്ചു “സാധനം എടുത്തിട്ട് വരാം കുട്ടപ്പാ ” എന്നും പറഞ്ഞു പുള്ളി ലിഫ്റ്റ് അടിച്ചു പോയി. ട്രിപ്ൾസ്.

പുള്ളി പോയതും പുള്ളി പറഞ്ഞ വാക്കുകൾ കുട്ടപ്പൻ ചേട്ടൻ ശരി വച്ചു , “കണ്ടോ സോമനും അറിയാം, ഇവിടെ ഉള്ള എല്ലാവര്ക്കും അറിയാം , ഹഹഹ “

ഒരു തള്ളയും മോളും മാത്രമുള്ള വീട്ടിലെ അത്താണിയായ ആ പെങ്കൊച്ചിനെ രാത്രി കൊണ്ടാക്കാൻ വന്നു കൊണ്ടിരുന്ന ഒരു ചെറുപ്പക്കാരന്റെ നല്ല മനസ്സും ആർജവവും ഇല്ലാണ്ട് ആക്കി അവളെ വീണ്ടും ഇരുട്ടിന്റെ മറവിൽ ഒരു ഇരയാക്കി വിട്ടു കൊടുത്തിട്ടു നിന്ന് ഒരുമാതിരി ഓഞ്ഞ ചിരി പാസ്സാക്കിയ അയാളെ പിടിച്ചു രണ്ടു കൊടുക്കണം എന്നുണ്ട്. പക്ഷെ എന്നെ കൊണ്ടാവില്ല. ഞാൻ വല്ലോം പറഞ്ഞാൽ നാളെ ആ കൊച്ചിനേം എന്നേം ലുലു മാളിൽ വച്ച് കണ്ടെന്നു വരെ ഇവന്മാര് അടിച്ചിറക്കും, നമ്മൾ ഇല്ലേ

“അല്ല ചേട്ടാ, ഈ ട്രിപ്ൾസ് അടിക്കുന്നത് ഒക്കെ നിയമവിരുദ്ധം അല്ലെ ?”

“ഓ, നമ്മുടെ പിള്ളേർ , അവർ സൂക്ഷിച്ച ഓടിക്കത്തോള് “

അല്ലേലും ആണും പെണ്ണും ഉള്ള വിഷയത്തിൽ മാത്രമാണല്ലോ കേരളത്തിൽ സദാചാര ബോധം. ആരേലും വണ്ടി മോശം ആയി ഓടിച്ചാലോ , നിയമലംഘനം നടത്തിയാലോ, പൊതുമുതൽ നശിപ്പിക്കുന്നത് കണ്ടാലോ, അധികാര ദുരുപയോഗം നടത്തിയാലോ, റോഡിൽ ഇരിന്നു കുടിക്കുന്നത് കണ്ടാലോ , എന്തിനു ഒരാൾ വണ്ടി ഇടിച്ചു കിടക്കുന്നത് കണ്ടാലോ നമുക്കെന്ത്… കൂടുതൽ പേർക്കും അവരോവരുടെ കാര്യം മാത്രം നോക്കി പോകാൻ ആണ് താല്പര്യം. ഞാൻ എന്ത് പറയാനാ… :/ :/

ദൂരെ നിന്നും വന്ന രമേശ് ചേട്ടൻ ആക്ടിവ നിർത്തി, സീറ്റ് തുറന്നു ഒരു കവർ എടുത്തു കുട്ടപ്പന്റെ കയ്യിൽ കൊടുത്തു. മദ്യം ആയിരിക്കണമല്ലോ. “കുട്ടപ്പൻ തുടങ്ങിക്കോ , ഞാൻ ഇപ്പൊ വരാം” എന്നും പറഞ്ഞിട്ട് രമേശ് ചേട്ടൻ എങ്ങോട്ടോ പോയി.

Interruption– 2

രമേശ് ചേട്ടൻ – എനിക്ക് പരിചയം ഒന്നും ഇല്ല. പുള്ളി ഒരു പണച്ചാക്കാണ്, ഈ കുടിയന്മാരുടെ കൺകണ്ട ദൈവം. ചിട്ടി ആൻഡ് പലിശക്കു കൊടുക്കൽ ആണ് ജോലി. നല്ല ചീത്തപ്പേരുണ്ട്, സത്യം എനിക്ക് അറിയില്ല. പുള്ളീടെ വീട് ഈ ഏരിയയിൽ ഒന്നും അല്ല. പക്ഷെ പുള്ളി മിക്കവാറും ഈ പഞ്ചായത്തിൽ ഒക്കെ തന്നെ കാണും.

“അപ്പൊ ശരി കുഞ്ഞേ, ഞങ്ങടെ പരുപാടിക്കുള്ള സമയം ആയി” – ഇതും പറഞ്ഞു കുപ്പിയും കൊണ്ട് തൊട്ടടുത്തുള്ള അടഞ്ഞു കിടക്കുന്ന കടയുടെ പിറകിലേക്ക് പോയി, കൂടെ രണ്ടു മൂന്ന് കവലക്കാരും അകമ്പടി സേവിച്ചു.

പോയേക്കാം എന്ന് കരുതി ഞാൻ വണ്ടി സ്റ്റാർട്ട് ആക്കി, അന്നേരം ഇതെല്ലം കേട്ടോണ്ട് നിന്ന ചെല്ലപ്പൻ മൂപ്പര് എന്റെ അടുത്ത് വന്നു – “ചില്ലറ ഉണ്ടേൽ ഒരു 50 രൂപ താ കുഞ്ഞേ ” എന്നും പറഞ്ഞു ഒരു പുഞ്ചിരി.. 50 രൂപ ഒക്കെ ഇപ്പൊ ചില്ലറ ആയി തുടങ്ങിയിരിക്കുന്നു, കാലം പോയ പോക്കേ !!

Interruption– 3

ചെല്ലപ്പൻ മൂപ്പര് – ആ ഏരിയയിലെ ആസ്ഥാന മൂപ്പർ, പുള്ളിക്ക് കള്ളിന്റെ മണമാണ്. പണിക്കു വിളിച്ചാൽ രാവിലെ വന്നു എന്തേലും ചെറിയ പണിചെയ്തു വെച്ചിട്ട് എന്തേലും നമ്പർ ഇട്ടു മുങ്ങും. ഉടൻ തിരിച്ചു വരും എന്ന് വിളിച്ച വീട്ടുകാർക്ക് ഒരു ഉറപ്പ് കിട്ടാൻ വെട്ടുകത്തി അവിടെ വെച്ചിട്ട് കാശും മേടിച്ചു പോകും. വെട്ടുകത്തി വീട്ടിൽ ഉള്ളടുത്തോളം പുള്ളി വന്നോളും എന്ന് നമ്മൾ കരുതും. പുള്ളിക്ക് ഏതാണ്ട് പത്തിൽ അധികം വെട്ടുകത്തി ഉണ്ടെന്നു ഈ അടുത്ത കാലത്താണ് ഞാൻ മനസ്സിലാക്കിയത്. കാശ് ആവശ്യം വരുമ്പോൾ പുള്ളി വീണ്ടും വന്നോളും.

“പുല്ല് , നിർത്താണ്ടായിരുന്നു” എന്ന് മനസ്സിൽ പ്രാകി പേഴ്സിൽ നിന്നും ഒരു 50 കൂവാ എടുത്തു അങ്ങേർക്ക് കൊടുത്തു. അത് വാങ്ങിയ പുള്ളി സന്തോഷം കൊണ്ട് എൻ്റെ അടുത്ത് വന്നു ചെവിയിൽ ഒരു ഇൻഫർമേഷൻ തന്നു.. “രമേശൻ എങ്ങോട്ടാ പോയേന്നു അറിയോ?” ഞാൻ ഇല്ല എന്ന ഫാവത്തിൽ തല ആട്ടി.

“കുട്ടപ്പന്റെ വീട്ടിലേക്കാ ” – കണ്ണിറുക്കി കൊണ്ട് പുള്ളി പറഞ്ഞു

“ഏഹ് ” – എന്റെ അതിശയോക്തി നിറഞ്ഞു നോട്ടം കണ്ടു പുള്ളി തുടർന്നു.

” രമേശൻ അങ്ങിനെയാ, ഇവന്മാരെ ഒക്കെ കുടിപ്പിച്ചു ഇവിടെ കിടത്തും, ഇവന്മാരൊക്കെ എപ്പോ വീട്ടിൽ കയറാനാ? ആ ഗാപ് അങ്ങേരു അങ്ങ് ഫിൽ ചെയ്യും… അല്ലേൽ പിന്നെ ഓസിനു ഇവന്മാർക്ക് എന്നും കുടിക്കാൻ മേടിച്ചു കൊടുക്കാൻ അങ്ങേർക്കു പ്രാന്തല്ലേ ?? “

ദൃതങ്കപുളകിതനായ ഞാനും വണ്ടിയും ഒരേ സമയം ഇതൊക്കെ കേട്ട് ഓഫ് ആയപ്പോൾ കാശും മടക്കി പോക്കറ്റിൽ ഇട്ടു കൊണ്ട് പുള്ളി പറഞ്ഞു – “ഞാൻ ആ മലരന്റെ കയ്യിൽ നിന്നൊന്നും ഓസിനു വാങ്ങി കുടിക്കില്ല, പോട്ടെ കുഞ്ഞേ, അവന്റെ എന്നല്ല നമുക്ക ആരുടേം ഓശാനം വേണ്ടായേ “

ശുഫം

PS: കടപ്പാട് വയ്ക്കാണ്ട് അടിച്ചു മാറ്റിയാൽ ഉറപ്പായും നാറ്റിക്കും

ഡ്യൂക്കിൽ വന്ന ഫ്രീക്കൻ (Kerala Duke Freak)

2016-07-05T19:38:00.000-07:00

ഡ്യൂക്കിൽ വന്ന ഫ്രീക്കൻ (Kerala Duke Freak)

കൂടെ ജോലി ചെയ്യുന്ന ജോജിൻറെ കല്യാണം ആണു, അടൂർ ഏതോ കാട്ടുമൂലയിൽ ആണെന്നു അറിയാം. കഴിഞ്ഞ ആഴ്ച ഡെലിവെറി ചെയ്തു കിട്ടിയ പുത്തൻ പുതിയ ഹോണ്ടാ സിറ്റി എടുത്തോണ്ട് പോകാം എന്നു ഐഡിയ ഇട്ടതു ഞാൻ തന്നെയാണ്. ബാങ്കിന് അടുത്ത 5 വർഷത്തേക്ക് ഏതാണ്ട് പത്തു ലക്ഷം രൂപ കൊടുക്കാൻ ഉണ്ട്. നമ്മുടെ ആപ്പീസിലെ 2 ചെക്കന്മാർ കൂടി ഉണ്ട്. അടിച്ചുപൊളിച്ചു പോയേക്കാം എന്നു കരുതി.

രാവിലെ കൊട്ടാരക്കരയിൽ കയറി തേങ്ങയും ഉടച്ചു ഉണ്ണിയപ്പവും അടിച്ചു ഞങ്ങൾ മൂന്നു ബാച്ചിലേഴ്‌സ് യാത്ര തുടങ്ങി. അടൂർ നിന്നും ഏതോ കൂതറ വഴി ഒക്കെ കയറി ഒരു ഗ്രാമ വീഥിയിൽ എത്തി. ഗ്രാമം എന്നത്തിന്റെ എല്ലാ സംഫവങ്ങളും ഉണ്ട്. പച്ചപ്പ്‌, ഹരിതാഭ, ഊഷ്മളത, പ്രകൃതിഫംഗി, അംബാസഡർ കാർ, പെട്ടി കടകൾ, പുല്ലു തിന്നാൻ കെട്ടിയിട്ട പശുക്കൾ, ജോലിയും കൂലിയും ഇല്ലാണ്ട് കവലയിൽ വന്നിരിക്കുന്ന കൊറേ ചേട്ടന്മാർ, ഡ്രസിങും ഹെയർസ്റ്റൈലും കണ്ടാൽ ആണാണോ പെണ്ണാണോ എന്നു മനസ്സിലാവാത്ത കൊറേ ഫ്രീക്കന്മാർ, അവർ ഫോണും കുത്തി കൊണ്ടു റോഡിൻറെ ഏതാണ്ട് നടുക്കായി തന്നെ ബൈക്കിന്റെ മുകളിൽ വഴിയും ബ്ലോക്ക് ചെയ്തു “നിങ്ങ എങ്ങിനെ വേണോ പൊക്കോ ” എന്ന ഫാവത്തിൽ ഇരിക്കുന്നു, അല്ല കിടക്കുന്നു.

ഗ്രാമവീഥി മുന്നേറും തോറും വിജനത കൂടി കൂടി വന്നു. കുറേക്കൂടി മുന്നോട്ടു പോയപ്പോൾ കുത്തനെ ഉള്ള ഒരു ഇറക്കം കണ്ടു. പുതിയ വണ്ടി ആയതു കൊണ്ടു വളരെ സൂക്ഷിച്ചാണ് ഓടിക്കൽ. സീറ്റിന്റെ മേളിൽ ഉള്ള പ്ലാസ്റ്റിക് കവർ പോലും മാറ്റിയിട്ടില്ല, മലയാളികൾ അല്ലെ.

വളരെ പയ്യെ ചവിട്ടി ഇറക്കി ഏതാണ്ട് ആ ഇറക്കത്തിൻറെ പകുതി എത്തിയാപ്പോൾ എന്തോ വന്നു വണ്ടീൽ തട്ടി. ‘ടമാർ പടാർ ‘.ഞാൻ ചവിട്ടി ഇറക്കി സൈഡ് ആക്കി, ഇറങ്ങി നോക്കിയപ്പോ ദേ നേരത്തെ പറഞ്ഞ ഗണത്തിൽപ്പെട്ട ഒരു ഫ്രോക്കെൻ , ക്ഷമിക്കണം ഫ്രീക്കൻ, അവൻ അവന്റെ കെടിഎം ഡ്യൂക്ക് കൊണ്ടു കയറ്റിയതാണ് . എന്റെ വണ്ടീടെ ബമ്പർ, റ്റെയിൽ ലാംപ് ഇതെല്ലാം കംപ്ലീറ്റിലി ഔട്ട്. അവനു ഒരു പരിക്കും ഇല്ല. വണ്ടി ചരിഞ്ഞു കിടപ്പോണ്ട്. എന്നിട്ട് എന്നെ നോക്കി ഒരു ചോദ്യം – “നിങ്ങൾ എന്തു പോക്കാണ് ബ്രോ”

ഏഴാം ക്ലാസ്സിൽ മോറൽസയൻസ് പഠിപ്പിച്ച ലൈല ടീച്ചറോട് മനസ്സിൽ ക്ഷമ ചോദിച്ചു കൊണ്ടു ഞാൻ അലറി – “ആരാടാ മലരേ നിൻറെ ബ്രോ, നിൻറെ കണ്ണിൽ എന്താ കുരു ആയിരുന്നോ, ഇത്രേം സ്പീഡിൽ ഈ ഇറക്കം ഇറങ്ങാൻ നീ ആരാ, ഉമ്മൻ ചാണ്ടിയോ ?”.

ഓഫീസിൽ വളരെ മാന്യനായും കുലീനനായും സദ്ഗുണസമ്പന്നൻ ആയും ഇത്രയും കാലം എന്നെ കണ്ടിരുന്ന കൂടെ ഉള്ളവന്മാർ എൻറെ അക്ഷരശുദ്ധി കണ്ടു കോരിതരിച്ചു പകച്ചു മിണ്ടാട്ടം ഇല്ലാണ്ട് എന്റെ കൂടെ വന്നു സൈഡിൽ സൈഡായി നിന്നു.

“അത് ബ്രോ, ഇതിലെ കൂടി വണ്ടി ഒന്നും അധികം പോകാറില്ല”, അതും പറഞ്ഞു കൊണ്ടു കുണ്ടിയും തടവി ഫ്രീക്കൻ എഴുന്നേറ്റു അവൻറെ വണ്ടി സ്റ്റാൻഡിൽ ഇട്ടു.

വീണ്ടും ബമ്പർ നോക്കി വിഷമിച്ച ഞാൻ അവനെ അടിമുടി നോക്കി. മുടിക്ക് ഒക്കെ ഏഴെട്ട് നിറത്തിൽ ചായം പൂശിയിട്ടുണ്ട്, സ്കൈപ്പ് അല്ല സ്പൈക്ക് ഒക്കെ ചെയ്തിട്ടുണ്ട്. കാലിൽ അത്യാവശ്യം വില മതിക്കുന്ന പ്യൂമയുടെ ഷൂസ്, ക്രോണോ വാച്ച്, ഡ്യൂക് ബൈക്ക്… മെന്റൽ കാൽക്കുലേഷനിൽ അവൻ എന്തായാലും കാശിന്റെ അഹങ്കാരം ഉള്ളവൻ ആണല്ലോ.. കിട്ടുന്നതു മേടിച്ചേക്കാം. “ഒരു ഇരുപതിനായിരം രൂപ തന്നിട്ട് നീ പോയാൽ മതി ” എന്നിലെ വിലപേശൽക്കാരൻ ഉണർന്നു.

“അയ്യോ ചേട്ടാ എൻറെ കൈയ്യിൽ കാശൊന്നും ഇല്ല, എന്നെ ഒരു അനിയൻ ആയി കരുതി വെറുതെ വിടണം”

“ചേട്ടാ , അനിയാ – ഈ വാക്കൊക്കെ അറിയാമല്ലോ, എന്നിട്ടാണോടാ പുന്നാര #@$# മോനെ നേരത്തെ നീ ബ്രോ എന്നൊക്കെ ഉണ്ടാക്കിയത് ??” – ഈ തെറി കൂടി കേട്ടപ്പോൾ എന്റെ കൂടെ വന്നവന്മാർ എന്തോ അത്യാവശ്യം വന്നത് പോലെ ഫോണും എടുത്തു ആ ഇറക്കത്തിന്റെ അറ്റം ഉള്ള കലിങ്കിൽ പോയി ഇരിപ്പായി.

“നീ കാശ് തന്നിട്ടേ പോകാത്തൊള്, അടൂർ എസ്ഐ നമുക്ക് അറിയാവുന്ന ആളാ” – ഞാൻ തള്ളിയതല്ല, പുള്ളി ദിനേശിന്റെ കൂട്ടുകാരൻ അഭിലാഷിന്റെ അനിയൻ അരുണിന്റെ കൂടെ പിഎസ്സി കോച്ചിങ്‌ന് പോയ ബിജുവിന്റെ ആദ്യ ഭാര്യയുടെ അയൽക്കാരൻ ആണ്‌. വേണം എന്നു വെച്ചാൽ ഒരു 15 ഫോൺ കോളിൽ പുള്ളിയെ ഒപ്പിക്കാം.

“ചേട്ടായി ഇത് അടൂർ പരിധി അല്ല , ഇത് ആലപ്പുഴ ജില്ലാ ആണ്”

“കൗണ്ടർ അടിക്കുന്നോടാ സ്‌കൗണ്ട്രൽ, ഏതു ജില്ലാ ആണെങ്കിലും നമുക്ക് പിടിപ്പാട് ഉണ്ട്, നീ കളിക്കാണ്ട് കാശ് എടുക്കെടാ ഫ്രീക്കേ”

ഇത്രയും സംഭവം ഉണ്ടായിട്ടും ഒരു മനുഷ്യകുഞ്ഞു പോലും അതു വഴി വന്നു കണ്ടില്ല. അവന്റെ കയ്യിൽ ഇത്രേം കാശ് ഒന്നും കാണില്ല. എന്താ ചെയ്ക?

“നിന്റെ പേരെന്താ?”

“അലെൻ , അലെൻ ചെറിയാൻ “

“നീ എന്തു ചെയുവാ”

“പഠിക്കുവാ, പ്ലസ് ടു “

“അപ്പൊ നിനക്കു ലൈസെൻസ്ഉം ഇല്ലേ “

“അയ്യോ ചേട്ടാ , ലെർണേഴ്‌സ് ഉണ്ട്, അടുത്ത മാസം കിട്ടും”

“നിനക്കെത്ര വയസ് ഉണ്ട്?”

“18 “

അവൻറെ ലൈസെൻസ് കണ്ടിട്ട് എനിക്കെന്ത് കിട്ടാനാ? നമുക്ക് വേണ്ടത് കാശ് അല്ലെ കാശ് …

“സമയം പോകുന്നു അലാ, നിന്റെ വീട് എവിടാ?”

“ഇവിടെ അടുത്താ, ഒരു 2കിലോമീറ്റർ പോണം “

“ആഹാ , എന്നാ നീ നിന്റെ വീട്ടിൽ വിളിക്കു , കാശും എടുത്തോണ്ട് വരാൻ പറ, ഞങ്ങൾക്ക് വേറെ പണി ഉണ്ട്

“അയ്യോ ചേട്ടാ , വീട്ടിൽ ഒന്നും അറിയിക്കല്ലേ , കലിപ്പാകും”

“ആവണം , നിന്നെ പോലെ കാശിന്റെ അഹങ്കാരത്തിൽ കയറി നിരങ്ങുന്ന പിള്ളേരെ വളർത്തുന്ന തന്തയും തള്ളയും ഒക്കെ അറിയണം നിന്റെ ഒക്കെ പോക്കിന്റെ അവസ്ഥ, നീ ഫോൺ എടുത്തു വീട്ടിൽ വിളിക്കെടാ? “

എന്റെ ഒച്ച കേട്ടു പേടിച്ച അവൻ അപ്പൊ തന്നെ ജീൻസ് പോക്കറ്റിൽ നിന്നും ഏതോ വില കൂടിയ തൊട്ടു വിളിക്കുന്ന ഫോൺ എടുത്തു ആരെയോ വിളിച്ചു. ഞാൻ മറ്റവന്മാരോട് സംസാരിക്കാൻ പോയി, പക്ഷെ ഇവൻ ഫോണിൽ സംസാരിക്കുന്നത് ഞാൻ കേട്ടു.

“ഹലോ , ലില്ലി ചേച്ചി , ഞാൻ അലനാ , ഫോൺ ഒന്നു അപ്പന്റെ കയ്യിൽ കൊടുക്കുമോ?” പിന്നെ ഇച്ചിരി നേരം ഗാപ്. അതു കഴിഞ്ഞപ്പോ അവൻ അപ്പനോട് എന്തൊക്കെയോ പറയുന്ന കേട്ടു. ഞാൻ മൈൻഡ് ചെയ്തില്ല. അവൻ ഫോൺ വെച്ചിട്ട് “അപ്പൻ വരാമെന്ന് പറഞ്ഞു” എന്നു എന്നോട് മൊഴിഞ്ഞു. ഞാൻ അവന്റെ ബൈക്കിന്റെ താക്കോൽ ഊരി കാറിന്റെ മുന്നിൽ ചെന്നു നിന്നു. അവൻ പേടിച്ചു വിറച്ചു , അല്ലേൽ പേടി അഭിനയിച്ചു ബൈക്കിൽ ചാരി നിന്നു. മറ്റവന്മാർ കലിങ്കിന്റെ പുറത്തു ഫോണിൽ ആംഗ്രിബേർഡ്‌സും കളിച്ചോണ്ടും ഇരിന്നു. അപ്പന് വേണ്ടിയുള്ള കാത്തിരിപ്പു തുടങ്ങി.

ഒരു പത്തു മിനുറ്റ് കഴിഞ്ഞപ്പോൾ ആ വഴിയുടെ അങ്ങേ തലക്കലിൽ നിന്നും ഒരു മെലിഞ്ഞ മനുഷ്യൻ സൈക്കിൾ ചവിട്ടി വരുന്നു. ഏയ്, ഇയാൾക്കു ഇവന്റെ അപ്പൻ ആവാൻ ഉള്ള മിനിമം യോഗ്യത പോലും ഇല്ല. ഡ്യൂക് മേടിക്കാൻ കുറഞ്ഞത് ഒന്നര ലക്ഷം എങ്കിലും വേണം. പുല്ല്, ഇനിയും കാത്തിരിക്കണമല്ലോ? പക്ഷെ പുള്ളി നമ്മളെ തന്നെ ലക്ഷ്യമാക്കി വരുന്നതാവും. ഛെ, ഇവനെ അറിയാവുന്ന ഏതേലും നാട്ടുകാരൻ ആയിരിക്കും. സാധാരണ അപകടം ഉണ്ടാവുമ്പോൾ ചെറിയ വണ്ടിക്കു സപ്പോർട് ചെയ്യുക എന്നൊരു നാട്ടുനടപ്പ് ഈ നാട്ടുകാർ എന്ന അലവലാതി വിഭാഗത്തിന് ഉണ്ട്. ആഹ് , വരുന്ന പോലെ വരട്ടെ, നമ്മൾ വിട്ടു കൊടുക്കില്ല. തെറ്റ് അവന്റെ ആണ്. കാശ് മേടിച്ചിട്ടേ ഞാൻ പോകൂ. അതിനി സ്വാധീനം ഉപയോഗിച്ചു പൊലീസുകാരെ ഇവിടെ കൊണ്ടുവരേണ്ടി വന്നാലും ശരി.

വന്നപാടെ സൈക്കിൾ സ്റ്റാൻഡ് ഇട്ട് സൈഡിൽ ഒതുക്കി പുള്ളി ആ ഫ്രീക്കൻറെ മുഖത്തു ഒന്നു നോക്കിയിട്ട് എന്റെ മുന്നിൽ വന്നു ഭയഭക്തിബഹുമാനത്തോടെ മൊഴിഞ്ഞു – “സാറേ, ക്ഷമിക്കണം, എനിക്കു ഫോൺ ഇല്ല , വീട്ടിലും ഫോൺ ഇല്ല , അപ്പുറത്തെ വീട്ടിലെ കൊച്ചിന്റെ ഫോണിലാ അവൻ വിളിച്ചതു, അതോണ്ടാ ഇത്രേം താമസിച്ചേ “

“ഹെന്ത് :O”

പുള്ളി പറഞ്ഞതു മലയാളം ആണെങ്കിലും ഏതോ അന്യഭാഷാ ജീവിയുടെ വായിൽ നിന്നും എന്തോ അനർഗ നിർഗ്ഗള നാദം കേട്ടത് പോലെയാണ് എനിക്കു തോന്നിയത്. സത്യത്തിൽ ഞാൻ ഒരു ഒന്നൊന്നര ഞെട്ടൽ ഞെട്ടി. ആ ഫ്രീക്കന്റെ അച്ഛൻ ആവാൻ ഈ മനുഷ്യന് എങ്ങിനെ പറ്റും? അച്ഛൻ ആവാൻ പോയിട്ട് ജാരഅച്ഛൻ ആവാൻ പോലും ഇയാൾക്കു അർഹത ഇല്ല. ഫോൺ ഇല്ലാത്ത സൈക്കിളിൽ വരുന്ന ഒരു അച്ഛൻ, അച്ഛൻ ആണത്രേ അച്ഛൻ :/ :/

“അവൻ പോയിക്കോട്ടെ, എന്ത് സമാധാനം വേണേലും നമുക്ക് ഉണ്ടാക്കാം” – എൻറെ വില കുറഞ്ഞ ചിന്തകളെ ഭേദിച്ചു കൊണ്ടു പുള്ളി പറഞ്ഞു. ഇത്രെയും പ്രായം ഉള്ളവർ സാർ എന്ന് വിളിക്കുന്നത് ഇഷ്ടം അല്ലാത്തോണ്ട് ഞാൻ പറഞ്ഞു – “ചേട്ടാ എന്റെ പേര് സുഭാഷ് എന്നാണ്, പേര് വിളിച്ചാൽ മതി”

“ശരി കുഞ്ഞേ, വണ്ടിക്കു എന്തു ചിലവ് വരും ശരിയാക്കാൻ “

ആ കുഞ്ഞേ വിളിയിൽ ഞാൻ വീണു.

“അതിപ്പോ ചേട്ടാ ഇൻഷുറൻസ് ഉണ്ട്. പക്ഷെ നോ ക്ലെയിം ബോൺസ് വിഷയം വരുന്നുണ്ട്. അതോണ്ട് ക്ലെയിം ചെയ്യാണ്ട് റിപ്പയർ ചെയ്യാൻ ഒരു ഇരുപതിനായിരം എങ്കിലും വേണ്ടി വരും”

“അയ്യോ , ഇരുപത്തിനായിരമോ ? ഞാൻ അപ്പുറത്തെ വീട്ടിൽ നിന്നും ആയിരം രൂപ മേടിച്ചോണ്ടാ വന്നത്…. ഉടനെ തന്നെ തരാൻ…ഇച്ചിരി നേരം തന്നാൽ ഞാൻ മേടിച്ചോണ്ടു വരാം , അവൻ പൊയ്ക്കോട്ടേ , ഞാൻ വേണേൽ കടലാസ്സിൽ ഒപ്പിട്ടു തരാം”

എനിക്കൊന്നും മനസ്സിലാകുന്നില്ല. ഇവിടെ എന്താണ് സംഭവിക്കുന്നത്.

“ചേട്ടനു എന്താ ജോലി?”

“റബ്ബർ വെട്ടൽ ആണ് കുഞ്ഞേ “

“സ്വന്തം റബ്ബർ എസ്റ്റേറ്റ് ആണോ?”

“അയ്യോ അല്ല, വേറെ മുതലാളിമാരുടെ പറമ്പിൽ പണിക്കു പോകുവാ”

“ഈ ബൈക്ക് അവന്റെ അല്ലെ?”

“അതേ , എന്റെ പേരിലാ , അത് എടുക്കുമ്പോൾ അവനു പ്രായപൂർത്തി ആയിട്ടില്ലായിരുന്നു”

“ചോദിക്കുന്നൊണ്ട് ഒന്നും തോന്നരുത് , സൈക്കിളിൽ പോകുന്ന ചേട്ടൻ മോന് ഈ ഒന്നരലക്ഷത്തിന്റെ വണ്ടി മേടിച്ചു കൊടുത്തു എന്നു പറയുമ്പോൾ , അതിനുള്ള വരുമാനം ?”

“അവൻ…. അവൻ ചത്തു കളയും എന്നു പറഞ്ഞു കുഞ്ഞേ , 2 ദിവസം കതക് അടച്ചു ഭക്ഷണം പോലും കഴിക്കാതെ ഈ സ്കൂട്ടർ മേടിച്ചില്ലേൽ ചത്തു കളയും എന്നു പറഞ്ഞു” പുള്ളി സത്യത്തിൽ വിതുമ്പി. അയാളുടെ കണ്ണുകൾ നനഞ്ഞു തുടങ്ങി.

“മുതലാളിയുടെ കയ്യിൽ നിന്നും പലിശക്കും ഇളയ മോൾക്ക്‌ വേണ്ടി കരുതി വെച്ചിരുന്ന 5 പവനും വിറ്റിട്ടാ അവനു ഈ സ്കൂട്ടർ മേടിച്ചു കൊടുത്തത്, ഒരു ആൺതരി ഇല്ലേ ഉള്ളൂ, അവൻ ചാകും എന്നു പറഞ്ഞാൽ ഞാൻ എന്തു ചെയ്യാനാ? ഞങ്ങളെ വയസ്സാം കാലത്തു നോക്കാൻ അവൻ ഇല്ലേ കാണൂ സാറേ” – അയാൾ ഷർട്ടിന്റെ കയ്യിൽ കണ്ണീർ തുടച്ചു കൊണ്ടു പറഞ്ഞു…

സാർ അല്ല കുഞ്ഞ് എന്നൊന്നും ഞാൻ തിരുത്താൻ പോയില്ല,, എന്റെ വായിൽ ഒരു ശബ്ദം പോലും വരുന്നില്ല. ഞാൻ ആ ഫ്രീക്കന്റെ മുഖത്തോട്ട് ഒന്നു നോക്കി. ഈ ജന്തു ആണോ ഇവരെ വയസ്സ് കാലത്തു നോക്കാൻ പോകുന്നത്. ഇവന്റെ ഈ പോക്കിന് അടുത്ത വിനയന്റെ സിനിമ ഇറങ്ങുന്നതിനു മുൻപേ ഇവൻ പുഖ ആവും, നോ ഡൗട്ട്. ഫോണേൽ ഗെയിം കളിചോണ്ടിരുന്ന ലവന്മാർ വരെ ഈ കഥന കഥ കേട്ടു ഞെട്ടി പണ്ടാരം അടങ്ങി.

“അപ്പൊ ഈ ഷൂസ്ഉം വാച്ചും ഒക്കെ?”

“കാശ് ചോദിക്കും, അവൻ തന്നെയാ എല്ലാം മേടിക്കുന്നെ, കാശ് ഇല്ലെന്നു പറഞ്ഞാൽ ബഹളം വെയ്ക്കും, ആഹാരം കഴിക്കില്ല, എങ്ങിനെ എങ്കിലും ഒപ്പിച്ചു കൊടുത്തു പോകും. അവനെയും കുറ്റം പറയാൻ പറ്റില്ല , കൂട്ടുകാർക് ഒക്കെ ഉണ്ടാകുമ്പോൾ അവനും ആഗ്രഹം കാണില്ലേ , ഈ സ്കൂട്ടർ അവന്റെ എല്ലാ കൂട്ടുകാർക്കും ഉണ്ട് കുഞ്ഞേ..”

“ഡ്യൂക്കോ ?”

“പേരൊന്നും എനിക്ക് അറീല, വൈകിട്ടു ആ കവലയിൽ ചെന്നാൽ കാണാം, എല്ലാർക്കും ഈ ജാതി വണ്ടികളാണ് ” അവനെ നോക്കീട്ട് അയാൾ തുടർന്നു “അവൻ പൊയ്ക്കോട്ടേ, കാശ് ഞാൻ ഒപ്പിച്ചു തരാം , സത്യം”

“ഇവൻ പഠിക്കുമോ? “

“പ്ലസ് ടു അഞ്ചു പേപ്പർ കൂടിയേ കിട്ടാൻ ഉള്ളൂ എന്നാ പറയുന്നേ “

നമ്മൾ പ്രീഡിഗ്രി ആയോണ്ട് ഇതിന്റെ കണക്കൊന്നും അറിയില്ല . എന്നാലും അവൻ അങ്ങേരെ പറ്റിക്കുവാ എന്നെനിക്കു മനസ്സിലായി. ഇനിയും വീട്ടിലെ കാര്യങ്ങൾ ചോദിച്ചു കൂടുതൽ ഡെസ്പ് ആവണ്ടിരിക്കാൻ ഞാൻ പറഞ്ഞു – “അവൻ പൊയ്ക്കോട്ടേ ” താക്കോൽ ഞാൻ അവന്റെ നേരെ എറിഞ്ഞു കൊടുത്തു.

താക്കോൽ കിട്ടിയപാതി അവൻ ഡ്യൂകും പറപ്പിച്ചോണ്ടു ഒറ്റ പോക്ക്.

“കുഞ്ഞ് ആ കവല വരെ വന്നാൽ മതി , ഞാൻ ആരുടേങ്കിലും കയ്യിൽ നിന്നും കാശ് മേടിച്ചു തരാം, ഞാൻ സൈക്കിളിൽ പോകാം, നിങ്ങൾ പിറകെ വന്നാൽ മതി “

“അത് വേണ്ട ചേട്ടാ , ആൾറെഡി ഞങ്ങൾ താമസിച്ചു , ഒരു കല്യാണത്തിനു ഇറങ്ങിയതാ, അവനോടു വണ്ടി സൂക്ഷിച്ചു ഓടിക്കാൻ പറഞ്ഞാൽ മതി , ഞങ്ങൾ അങ്ങോട്ടു തിരിക്കുവാ” ഇതും പറഞ്ഞു ഞങ്ങൾ വണ്ടിയിൽ കയറി.

ഒരു വലിയ ബാധ്യത തലയിൽ നിന്നു ഒഴിഞ്ഞത് പോലെ ഉള്ള ആഹ്ളാദം ആ മനുഷ്യൻറെ മുഖത്തു ഞാൻ കണ്ടു. “ഈ ആയിരം രൂപ കുഞ്ഞ് മേടിക്കണം, അതെങ്കിലും…”

“വേണ്ട ചേട്ടാ , ഇൻഷുറൻസ് ഉള്ളതു ഇതിനൊക്കെ അല്ലെ, ബമ്പർ ടു ബമ്പർ ആണ് , കാശ് ഒന്നും ചിലവാകില്ല, അപ്പൊ ശരി , ഞങ്ങൾ പോകുവാ ” ഞാൻ വണ്ടി സ്റ്റാർട് ആക്കി

“ഒരുപ്പാട്‌ നന്ദി ഉണ്ട് സാറന്മാരെ ” – തൊഴുകൈകളോടെയും നിറകണ്ണുകളോടെയും അയാൾ ഞങ്ങളെ നോക്കി. സീൻ ഓവർ ആകണ്ടിരിക്കാൻ ഞാൻ ടാറ്റ പറഞ്ഞു അപ്പോഴേ വണ്ടി എടുത്തു യാത്ര തുടർന്നു.

ആ സൈക്കിളിൽ വന്ന മനുഷ്യൻ കാണിച്ചതും പറഞ്ഞതും ഒക്കെ ഒരു നാടകം ആയിരിക്കണേ എന്ന പ്രാർത്ഥന ആയിരിന്നു ആ ദിവസം മുഴുവൻ. അയാൾ എന്നെ പറ്റിച്ചാലും സാരമില്ല, അയാളുടെ മകൻ അയാളെ പേടിപ്പിച്ചു ഫ്രീക്കൻ ആയി നടക്കരുതേ എന്നു ഞാൻ ആത്മാർത്ഥമായി പ്രാർത്ഥിച്ചു.

ഉണ്ണിയെ കണ്ടാൽ അറിയാം ഊരിലെ പഞ്ഞം എന്നത് ശരി ആണെങ്കിലും ഫ്രീക്കൻമ്മാരെ കണ്ടാൽ അറിയില്ലലോ വീട്ടിലെ പഞ്ഞം. ഈ സംഭവം കുറച്ചു കസിൻസുമായി പങ്കു വെച്ചപ്പോൾ ആണ് ഈ ഫ്രീക്കന്മാരിൽ ഭൂരിഭാഗവും വീട്ടിൽ പട്ടിണി ആണെങ്കിലും തന്തയെയും തള്ളയേയും പട്ടിയെ പോലെ പണി എടുപ്പിച്ചു, അവരുടെ കാശും കൊണ്ടാണ് ഈ ഷോ ഒക്കെ കാണിച്ചു നടക്കുന്നത് എന്ന പരസ്യമായ സത്യം ഞാൻ മനസ്സിലാക്കിയത്.

ഇതു ഇങ്ങനത്തെ മക്കളുള്ള സകല മാതാപിതാക്കൾക്കും ഞാൻ ഡെഡികേറ്റ് ചെയുന്നു.

അദൃശ്യ കുടിയൻ - Invisible Drunkard

2016-02-27T07:27:00.000-08:00

അദൃശ്യ കുടിയൻ

കൊറേ അലഞ്ഞു അവസാനം ഒരു വീട് വാടകയ്ക്ക് ഒപ്പിച്ചു. 2 അറ്റാച്ച്ഡ്‌ ബെഡ്റൂം, ഹാൾ കിച്ചൻ, വർക്ക്‌ഏരിയ, പോർച്ച്. 8000 വാടക. ഭാര്യ വരുമെന്നും പറഞ്ഞാണ് വീട് എടുത്തത്‌ എങ്കിലും ഇത് വരെ അവളുടെ ട്രാൻസ്ഫെർ ശരി ആയിട്ടില്ല. അവൾ വരുന്ന വരെ ഒറ്റയ്ക്ക് താമസിക്കണം.
ആദ്യ ദിവസം ഫ്രിഡ്ജ്, കുറച്ച കസേര , അല്ലറ ചില്ലറ സാധനം ഒക്കെ വാങ്ങി, കൂടെ കുറച്ച അപ്പുറത്ത് താമസിക്കുന്ന വിനയൻ വന്നിരിന്നു. എല്ലാം അടുക്കി വെച്ചിട്ട് ഓട്ടോക്കാരനെയും പറഞ്ഞു വിട്ടിട്ട് ഓർമ്മകൾ അയവിറക്കാൻ പോയി ഒരു ഫുൾ ബക്കാർഡി മേടിച്ചോണ്ട് വന്നു 3 പെഗ് വീതം അടിച്ചിട്ട് അവൻ ടാറ്റാ പറഞ്ഞു പോയി. ഞാൻ അവിടെ ഉള്ള കട്ടിലിൽ, ഞാൻ കൊണ്ട് വന്ന മെത്തയിൽ കിടന്നു മധോന്മാത്താൻ ആയി ഒറങ്ങി. ഒറക്കത്തിന്റെ മയക്കത്തിൽ മുടിഞ്ഞ കൂർക്കം വലിയുടെ ശബ്ദം. അടുത്തൊന്നും വേറെ വീടില്ല. എന്റെ കൂർക്കം വലി ഞാൻ തന്നെ കേൾക്കുന്ന പ്രതിഫാസം. ഫാര്യ (എന്റെ സ്വന്തം) പറഞ്ഞു കേട്ടിട്ടുണ്ട് ഞാൻ കൂര്ക്കം വലിക്കും എന്ന്. അഹ് , പുല്ല് . എന്തേലും ആവട്ടെ എന്നും പറഞ്ഞു മൂടി പുതച്ചു കിടന്നു ഉറങ്ങി. രാവിലെ എണീച്ചു വൃത്തി ആക്കാൻ നോക്കിയപ്പോൾ ബക്കാർഡി കുപ്പി കാലി. ഓഹോ. അപ്പൊ 3 പെഗ് വരെ എന്നിയപ്പോൾ ബോധം പോയാർന്ന്, അല്ല്യോ? എല്ലാം വൃത്തി ആക്കി ആപ്പീസിൽ പോയി.

ദിവസങ്ങൾ കടന്നു പോയി. ട്രാൻസ്ഫർ ഒന്നും ആയില്ല. ഞാൻ എല്ലാ ആഴ്ചയും ശനി, ഞായർ ദിവസങ്ങളിൽ നാട്ടിൽ പോകും. തിങ്കൾ രാത്രി വിനയനും ചിലപ്പോൾ അരുണനും ആയി കള്ളു കുടിക്കും. എന്നിട്ട് അവന്മാർ അവരോരുടെ വീട്ടിൽ പോകും. ഞാൻ ഉറങ്ങും. കൂർക്കം വലി കേൾക്കും. മൈൻഡ് ചെയ്യാണ്ട് പിന്നേം കിടന്നു ഉറങ്ങും. രാവിലെ എണീക്കുമ്പോൾ കുപ്പി പിന്നേം ഗാലി. ആരും കുപ്പി തീർതതായി ആർകും ഓർമയും ഇല്ല.

അതിനിടെ മഞ്ഞപിത്തം പോലൊരു സാധനം വന്നു. കഴുത്തിൽ കൂതറ വള്ളി പോലത്തെ സാധനവും വെള്ള കോട്ടും ഇട്ട കാപാലികൻ എന്നോട് ഇപ്രകാരം അരുൾ ചെയ്തു -"ഒരു വർഷത്തേക്ക് കുടിക്കരുത്"
പുച്ഛത്തോടെ ഞാൻ ആസ്കി - "കുടിച്ചാൽ ?"
"ഒരിക്കലെ അനിയൻ കുടിക്കതോള്, പിന്നെ വിഷമത്തിൽ കൂട്ടുക്കാർ കുടിചോളും "
ആശ നശിച്ചവനെ പോലെ അവിടം വിട്ടു ഇറങ്ങി.

ലീവ് കഴിഞ്ഞ ചെന്ന അടുത്ത തിങ്കൾ വൈകിട്ട് കൃത്യം ആയി ധാ വന്നു നില്ക്കുന്നു പാപികൾ. അരുണൻ അമേരിക്ക വരെ B1 വിസായിൽ പോയിട്ട് വന്നത്രെ. പ്രേമത്തിലെ അബ്സിന്തെ ഇല്ലേ അതിനെക്കാൾ വീര്യം കൂടിയ എന്തോ കൊണ്ട് വന്നിടുണ്ട് എന്ന്. STROH (സ്ട്രോ) എന്നാണ് പേര്. "പിന്നെ.." അമ്മാവന്റെ കടയിൽ പണ്ട് രണ്ടു രൂപയ്ക്കു ഡ്രിങ്ക്സ് മേടിച്ചാലും സ്ട്രോ ഫ്രീ ആയിരുന്നു. മ്ലേച്ചൻമാർ. അവരുടെ വീട്ടില് ഫാര്യമാർ ഉള്ളോണ്ട് ഇവിടെ ഇരിന്നു കുടിച്ചോട്ടെ എന്ന്. "അഹ് , കുടി". സ്പർശന സുഖം ഇലെല്ലും ദർശന പുണ്യം എങ്കിലും ഉണ്ടല്ലൊ. എന്തോ അല്കഹോൾ എണ്പതു ശതമാനത്തിന്റെ കണക്കു ഒക്കെ പറഞ്ഞും, അമേരിക്കൻ തള്ളലുകൾ തള്ളിയും അത് കഷ്ടിച്ച് 150മില്ലി അടിചേച്ചു കുപ്പിയും കൊണ്ട് അടുകളയിൽ വെച്ചിട്ട് അവന്മാർ പോയി. ഒരു സമാധാനത്തിനു കളർ എങ്കിലും കിട്ടാൻ വേണ്ടി ഞാൻ ഒരു കട്ടൻ ചായ ഉണ്ടാക്കി സിപ്പി സിപ്പി മോന്തി. ഒരു കുടിയന്റെ രോദനം.

ന്യൂസ്‌ ചാനലിലെ കൂതറ ചർച്ചകൾ കണ്ടു മടുത്തു പോയി കട്ടിലിൽ കിടന്നു. ഉറങ്ങി ഒരു പാതി , പാതിര, പാതിരാ, രാത്രി ആയപ്പോ എന്റെ കൂർക്കംവലി കേട്ട് ഞാൻ ഉണർന്നു. മുള്ളിയേക്കാം എന്നു മനസ്സിൽ ഉറപ്പിച്ചു ടോയിലേറ്റ് ലക്ഷ്യമാക്കി ഞാൻ നീങ്ങി. മുള്ളി തുടങ്ങിയപ്പോൾ ആണ് എനിക്ക് അത് മനസ്സിലായത്. ഞാൻ പ്രവർത്തിപ്പിക്കുന്ന യന്ത്രത്തിൽ നിന്നും അല്ല ശബ്ദം വരുനത്‌. ഛെ. അതല്ല. മുള്ളുന്ന കാര്യം അല്ല. കൂർക്കം വലിയുടെ കാര്യം. പോലീസുകാരനെ കണ്ട ഹെൽമെറ്റ്‌ ഇല്ലാത്ത ന്യൂജെൻ ഫ്രീക്കനെ പോലെ മുള്ളൽ സടൻ ബ്രേക്ക്‌ ഇട്ടു നിന്നു. നല്ല ഒന്നാംതരം ഡിസ്ക് ബ്രേക്ക്‌.

ആരെ വിളക്കും. വീട്ടിന്റെ അകത്തു നിന്ന് ആണ്ണല്ലോ ശബ്ദം. പൊതുവെ എല്ലാവരുടെയും മുന്നിൽ ധൈര്യം ഉണ്ടെന്നു കാണിക്കുന്ന ശരാശരി മലയാളിയെ പോലെ ഉള്ള ഞാൻ അടുകളയിൽ കേറി പിച്ചാത്തി എടുക്കാൻ രണ്ടും കല്പ്പിച്ചു അടുകളയിലേക്ക്‌ ഓടി. ഓടി കേറി ലൈറ്റ് ഇട്ടു.
"മൂഞ്ചി "
ശബ്ദം അടുകളയിൽ തന്നെയാണ്. അടുകള സ്ലാബിന്റെ മേലിൽ നിന്നും ആണു ആ കൂര്ക്കംവലി ശബ്ദം. എനിക്ക് എന്തേലും കൊഴപം ഒണ്ടോ എന്നറിയാൻ ഞാൻ കണ്ണും ചെവിയും ഒക്കെ തിരുമ്മി നോക്കി. യെസ് , ഐ ആം ദി റൈറ്റ്. ആ കുപ്പി ഏതാണ്ട് 20മില്ലി ബാക്കി മാത്രമായി സ്ലാബിന്റെ അങ്ങേ തലക്കൽ ഇരിക്കുന്നു. വിയർത്തു കുളിച്ചു പരവശനായി എന്ത് ചെയ്യണം എന്നറിയാതെ ഞാൻ പകച്ചു നിന്ന്. പെട്ടന്ന് കൂർക്കം വലി ഒരു ഞരങ്ങൽ ആയി മാറി .
"അയ്യോ , അമ്മെ , ആാഹ്ഹ്, ഗ്ര്ർ , പ്ര്ർ , മ്ര്ർ " ഒരു മനുഷ്യന്റെ സ്വരം വളരെ വ്യക്തം ആയി കേട്ട ഞാൻ എല്ലാ കഥയിലും സംഫവിക്കുനത് പോലെ വെട്ടിയിട്ട വാഴ പോലെ ബോധം കെട്ട് വീന്നു.

രാവിലെ ഏതാണ്ട് ഏഴു മണി അടുപ്പിച്ചാണ് എനിക്ക് ബോധം വന്നത്. വന്നപ്പാടെ അടുകളയിലെ സകല സാധനങ്ങളും തകിടം മറിഞ്ഞു കിടക്കുന്നു. അടുകള സ്ലാബിന്റെ അടിയിൽ കിടന്ന സകല പാത്രങ്ങളും അവിടേം ഇവിടേം ഒക്കെ കിടക്കുന്നു, ആരോ വെപ്രാളത്തിൽ എന്തൊക്കെയോ ചെയ്ത പോലെ. അപ്പോൾ തന്നെ തലേന്ന് കുടിക്കാൻ വന്ന തെണ്ടികളെ വിളിച്ചു വരുത്തി. അവന്മാർ ഞാൻ പറഞ്ഞതൊക്കെ കേട്ടു . ഞാൻ മഞ്ഞപിത്തം ആയോണ്ട് കുടിക്കില്ല എന്ന് ഉറപ്പുള്ള അവന്മാർ അവിശ്വാസം ഒന്നും പറഞ്ഞില്ല. കൊറേ ആലോചിച്ചു. പോലീസിൽ ഒന്നും പറയാൻ പറ്റില്ല. ആരും വിശ്വസിക്കില്ല. രാത്രി അവർ കൂടി വരാം എന്നും പറഞ്ഞു പോയി.
രാവിലെ ഇറങ്ങി അപ്പുറത്തും ഇപ്പുറത്തും ഒക്കെ നൈസ് അയി ഒന്ന് തിരക്കി. അപ്പൊ കേട്ട കഥ. അവിടെ പണ്ടൊരു വർഗീസ് ചേട്ടൻ ഉണ്ടായിരിന്നു. എന്നും ഒരു പൈന്റ് ജവാൻ റം വെള്ളം ചേർക്കാണ്ട്‌ കുടിച്ചു കൊണ്ടിരുന്ന പുള്ളി, ആ പഞ്ചായത്തിലെ ബിവറെജ് പൂട്ടിയത് അറിഞ്ഞു ഹൃദയം പൊട്ടി മരിച്ചു അത്രേ. പ്രേതം തന്നെ ആണെന്ന് ഞങ്ങൾ ഉറപ്പിച്ചു.

രാത്രി ഞങ്ങൾ ഒരു ഫുൾ മേടിച്ചു അടുകളയിൽ കൊണ്ട് വെച്ചു. എന്നിട്ട് കൊന്തയും, കുരിശും , വെള്ളിയും, സന്തോഷ്‌ പണ്ഡിറ്റ്ഇന്റെ ഒരു ഫോട്ടോയും ആയി കാത്തിരിന്നു. അന്ന് ഒന്നം സംഭവിച്ചില്ല. ഫുൾ രാവിലെ അരുണൻ തന്നെ കൊണ്ടു പോയി. ലീവ് എടുത്തു അന്ന് തന്നെ വീട് മാറാൻ ഞാൻ തീരുമാനിച്ചു. അവന്മാരും വന്നു. പെട്ടി ഓട്ടോയും വന്നു. വിനയന്റെ വീട്ടിൽ തല്കാലം സാധനങ്ങൾ എല്ലാം കൊണ്ട് വെയ്ക്കണം. ഓരോ മുറിയും ഒഴിച്ചു ഒഴിച്ച് സാധനങ്ങൾ ഓട്ടോയിൽ ആക്കി. ആടുകള സ്ലാബിന്റെ അടിയിൽ കിടക്കുന്ന സ്പൂൺ ശ്രദ്ധയിൽ പെട്ട ഞാൻ കുനിഞ്ഞു അത് എടുത്തു. യാദ്രിശ്ചികമായി എന്റെ നോട്ടം ആ സ്ലാബിന്റെ അടിയിലെ മതിലിൽ പതിഞ്ഞു.

ആ മതിലിൽ എന്തോ സ്പൂൺ കൊണ്ട് എഴുതി വച്ചിരിക്കുന്നു, ഞാൻ താഴോട്ടു ഇറങ്ങി സൂക്ഷിച്ചു നോക്കി വായിച്ചു - "എന്ത് പട്ടി-കൂതറ സാധനം ആടാ മലരുകളെ ഇത്, ഞാൻ ഇപ്പൊ വീണ്ടും ചാകുവേ :( :( :( :( "

ഒടുക്കത്തെ ഫേസ്ബുക്ക്‌ പോസ്റ്റ്‌ (പോലീസ് പിടിച്ചില്ല എങ്കിൽ )

2016-01-02T22:56:00.000-08:00

ഒടുക്കത്തെ ഫേസ്ബുക്ക്‌ പോസ്റ്റ്‌ (പോലീസ് പിടിച്ചില്ല എങ്കിൽ )
(Final Facebook post)

An open letter to Government of Kerala

എന്റെ പേര് മിതുൻ രാജ്. ഞാൻ ഒരു സോഫ്റ്റ്‌വെയർ എഞ്ചിനീയർ ആണു, അപ്പർ മിഡിൽ ക്ലാസ്സ്‌ എന്ന് പറയാം. ഇവിടെ തിരുവനന്തപുരം ടെക്നോപാർക്കിൽ കഴിഞ്ഞ 8 വർഷമായി ജോലി ചെയ്യുന്നു. 31 വയസ്സ്. ഭാര്യ പഠിത്തം കഴിഞ്ഞു, ജോലി ആയിട്ടില്ല. ഒരു മോൾ ഉണ്ട്, ആസ്മി - 3 വയസ്സ്. എന്റെ വാർഷിക വരുമാനം 8 ലക്ഷം രൂപയാണ്. ഞാൻ എല്ലാ വർഷവും സർക്കാരിന് ഏകദേശം 50000/- രൂപ ഇൻകംറ്റാക്സ് ഇനത്തിൽ മാത്രം അടയ്കാറുണ്ട്.

കഴിഞ്ഞ ഒരു മാസമായി ചുമ മാറാതെ ഉണ്ടായിരിന്നു. അങ്ങിനെ കൊല്ലത്തുള്ള രണ്ടു മൂന്നു ഡോക്ടർമാരെ കണ്ടതിനു ശേഷം സ്കാനിംഗ്‌ ഒക്കെ എടുത്തു, ഏതാണ്ട് 75000/- രൂപായോളും ചിലവക്കിയതിനു ശേഷം കഴിഞ്ഞ ആഴ്ച തിരുവനന്തപുരം RCC യിൽ ചെന്നു. ദുല്ഖറിന്റെ ചാർളി കാണാൻ ആദ്യ ദിവസം ഇത്രേം തിരക്ക് ഇല്ലായിരിന്നു. അമ്മാതിരി ഇടി. ഇടയ്ക്കു സ്വാധീനം ഉള്ളവർ നേരത്തെ കേറി ഡോക്ടറെ കണ്ടു. 8മണി മുതൽ അവിടെ നിന്ന ഞാൻ ഏതാണ്ട് 4 മണി അടുപ്പിച്ചു ഡോക്ടറെ കണ്ടു ആ സന്തോഷ വർത്തമാനം മനസിലാക്കി. എനിക്ക് CLL ആണത്രേ (Chronic Lymphocytic Leukemia). നമ്മൾ ഈ പോളിറ്റെകനികിൽ ഒന്നും പഠിച്ചിട്ടിലല്ലോ. അതോണ്ട്‌ യന്ത്രം തകരാറിൽ ആയതു അറിഞ്ഞില്ല. ഓടി ഓടി എഞ്ചിൻ നാശം ഏതാണ്ട് 3rd സ്റ്റേജ് ആരംഭം ആയത്രേ. ഇനീപ്പോ സർജറി പറ്റില്ല. ഏതേലും നല്ല ആശുപത്രിയിൽ പോയി കീമോയും രേടിയെഷൻ ഉം ചെയ്യണം. വില നിലവാരം തിരക്കിയപ്പോൾ കൈ പൊള്ളുന്ന ഇടപാട് ആണെന്ന് ബോധ്യമായി. കുടിച്ചും വലിച്ചും ഒന്നും വരുന്ന കാൻസർ അല്ല. വരാൻ ഉള്ളത് തത്കാൽ ടിക്കറ്റ്‌ എടുത്തു വരും.

1 ലക്ഷം രൂപയുടെ 'നക്ഷത്രത്തിന്റെ' ഇൻഷുറൻസ് ഉണ്ട്. കൊല്ലത്തെ ആശുപത്രി ബിൽ ക്ലൈം ചെയ്യാൻ നോക്കിയപ്പോൾ തന്നെ അവന്മാര് ലോക ഉടായിപ്പ് ആണെന്ന് എനിക്ക് ബോധ്യമായി. എല്ലാം കൂടി ഒരു പൈനായിരം രൂപ പോലും അവന്മാര് അപ്രൂവ് ചെയ്തില്ല ഇത് വരെ.
പ്രൈവറ്റ് ജോലി ആയതു കൊണ്ട് സ്വന്തം നിലയിൽ തന്നെ ചികിത്സ നോക്കണം. കഴിഞ്ഞ ആഴ്ച മുഴുവൻ ലീവ് എടുത്തു ഒരുപാട് രോഗികളെ ഞാൻ സന്ദർശിച്ചു. മരിച്ചു പോയവരുടെ ബന്ധുകളെയും ഞാൻ പോയി കണ്ടു. 3rd സ്റ്റേജ് ആയിട്ട് രക്ഷപ്പെട്ടവർ വിരളം. അതിൽ ഭൂരിഭാഗവും കാശ് ഉള്ളവർ മാത്രം. രെക്ഷപ്പെടൽ എന്ന് പറഞ്ഞാൽ ജീവനോടെ ഉണ്ട് എന്ന് മാത്രം. മരുന്നും പരിചാരകരുമായി മരണം കാത്തു കഴിയുന്ന കൊറേ പേർ. അല്ലാതെ രക്ഷപ്പെട്ടവർ കുടുംബം വിറ്റു. മരുന്ന് വാങ്ങാൻ കാശ് ഇല്ലാണ്ടും, വാടക പോലും കൊടുക്കാൻ കഴിയാതെയും നരക യാതന അനുഭവിക്കുന്നു. ചിലർക്ക് ഫേസ്ബുക്കിലും നിന്നും മറ്റും ചാരിടി ഇനത്തിൽ കാശ് കിട്ടീട്ടുണ്ട്. പക്ഷെ ജീവിതം പിന്നെയും ചോദ്യ ചിഹ്നമായ കൊറേ മനുഷ്യരെ ഞാൻ കണ്ടു. മാത്രവുമല്ല ബാങ്ക് അക്കൌണ്ടും ഫോട്ടോയും വെച്ചോണ്ട് ഫേസ്ബുക്കിലെ ഒരു പോസ്റ്റ്‌ ആവാൻ എനിക്കൊരു മടി. എന്റെ മോളുന്റെ ഫോട്ടോ വരെ അവന്മാര് തിരികി കയറ്റി ഓണ്‍ലൈൻ പിച്ച എടുക്കും. ആ ലൈക്‌ ഉം കമന്റും, അത് ഞാൻ ജീവിച്ചിരിക്കുമ്പോൾ വേണ്ട.

തിരുവനതപുരത്തെ പ്രധാനപ്പെട്ട പ്രൈവറ്റ് ഹൊസ്പിറ്റൽ എല്ലാം ഏത് സ്റ്റേജിൽ കാൻസർ ആണെന്ന് പറഞ്ഞു ചെന്നാലും 'ആ ചെറിയ സ്പാന്നെർ ഇങ്ങേട്, ദിപ്പോ ശെരിയാക്കി തരാം' എന്ന് പറയും. എന്നിട്ട് നാട്ടിൽ ഉള്ളതും ഇല്ലാത്തതുമായ സകല ടെസ്റ്റും എഴുതി തരും. ചില ടെസ്റ്റ്‌ അവിടെ കാണില്ല. അത് കൊച്ചിയിൽ പോയി എടുക്കണം. തിരക്കി നോക്കിയപ്പോൾ PET TEST എന്നൊക്കെ ഉള്ള സാധനങ്ങൾ എഴുതി തരുന്നത് ആവശ്യം ഉണ്ടായിട്ട്‌ ഒന്നും അല്ല, പക്ഷെ ഒരു ടെസ്റ്റ്‌ എഴുതി കൊടുത്താൽ കമ്മീഷൻ ഇനത്തിൽ പൈനായിരം രൂപാ വരെ ഡാക്ടർനു കിട്ടുമത്രേ. ഞങ്ങടെ അവിടെ സ്ഥല / വണ്ടി കച്ചവടത്തിന് വരുന്ന ബ്രോകേർമാരോട് എനിക്ക് ഉണ്ടായിരുന്ന ദേഷ്യവും അറപ്പും അതോടെ ഇല്ലാണ്ട് ആയി. അവർ ഇത്രേം പഠിച്ചിട്ടു ഒന്നും അല്ലലോ ഈ പരുപാടി കാണിക്കുന്നേ. എന്നിട്ട് കൊറേ കാശ് പിഴിഞ്ഞു കഴിയുമ്പോൾ കൈ മലർത്തി കാണിച്ചിട്ട് "പെയ്ൻ കില്ലെർ തരാം, ഞങ്ങൾക്ക് ഇനി ഒന്നും ചെയ്യാൻ ഇല്ല " എന്ന് പറഞ്ഞു ടാറ്റാ കാണിക്കും.കോട്ടും സ്തെറ്റസ്കോപ്പും ഇട്ട കാലന്മാർ. മ്ലേച്ചം തന്നെ.

യാദ്രിചികം ആവണം, ഇന്ന് രാവിലെ പത്രത്തിൽ നമ്മുടെ 2-3 മന്ത്രിമാർ കുടുംബസമ്മേതം അമേരിക്കയിൽ വിദഗ്ദ ചികിത്സക്കായ്‌ പോയേച്ചു ആ തണുപ്പത്ത് കോട്ടും ഇട്ടോണ്ട് നിക്കണ ഫോട്ടം പത്രത്തിൽ കണ്ടായിരിന്നു. പണ്ടേ സ്കൂളിൽ പോകാണ്ട് രാഷ്ട്രീയത്തിൽ ഇറങ്ങീലല്ലോ കർത്താവെ. വിദേശത്ത് ഒക്കെ ചികിത്സ സൗജന്യം ആന്നെന്നു എന്തോ ചെറിയ പ്രീമിയം അടച്ചു ഇൻഷുറൻസ് എടുത്താൽ. ഇനി ഇപ്പൊ അതിനു ഒന്നും സമയം ഇല്ല. കൂടെ പഠിച്ച ഒരു ബുദ്ധി ജീവി ഉണ്ട് ഹരീഷ് ചന്ദ്രശേഖർ , ഡോക്ടറാണ്. അവനെ വിളിച്ചു ഈ അറിഞ്ഞ രോഗ വിവരങ്ങൾ എല്ലാം ഒരു സുഹൃത്തിനു ആണെന്ന് പറഞ്ഞു, വല്ലോം നടക്കുമോ എന്ന് ആരാഞ്ഞു. ചുമ്മാ ചികിത്സിക്കാം എന്നലാണ്ട് വലിയ പ്രതീക്ഷ വേണ്ടെന്നു അവൻ മൊഴിഞ്ഞു. എനിക്ക് ആണെന്ന് പറഞ്ഞാൽ അവൻ സത്യം പറയില്ല.

അപ്പൊ ഞാൻ കുത്തി ഇരിന്നു ആലോചിച്ചു. ഈ വിവരം ആരോടും ഇത് വരെ പറഞ്ഞിട്ടില്ല. വീടും, മൊത്തത്തിൽ 30 സെന്റ് സ്ഥലവും ഉണ്ട്. സെന്റ്‌ ഒന്നിന് ഒരു മൂന്ന്-മൂന്നര ലക്ഷം കിട്ടും. ഭാര്യക്ക് അടുത്ത് തന്നെ ജോലി എന്തേലും കിട്ടുമായിരിക്കും. വിവാഹത്തിന് ഇട്ട അവളുടെ 50 പവൻ സ്വർണ്ണം. ബാങ്കിൽ ഒരു 3ലക്ഷം രൂപ ഉണ്ട്. ഒരു ഹോണ്ട ആക്ടിവ , ഹ്യുണ്ടായ് i10 കാർ. ഇത്രയും ആണ് എന്റെ ആസ്ഥി. ആസ്മിയുടെ വിവാഹം നടക്കണേൽ ഈ പറഞ്ഞ സ്ഥലവും സ്വർണ്ണവും നില നില്കേണ്ടത് അത്യാവശ്യം ആണ്. നമ്മൾ കേരളത്തിൽ ജനിച്ചു പോയില്ലേ. ഞാൻ ഇലേല്ലും അവളുടെം മോള്ടെയും ദൈനംദിന ചിലവുകൾ ഞങ്ങളുടെ മാതാപിതാക്കൾ നോക്കികൊള്ളും.

എന്നെ ചികിൽസിപിചു തുടങ്ങാൻ തന്നെ സ്വർണ്ണം വിലക്കേണ്ടി വരും. പിന്നെ പതിയെ പതിയെ അഞ്ചു - അഞ്ചു സെന്റ് വീതം സ്ഥലവും. ഞാൻ ഇനി ഒരു പക്ഷെ രക്ഷപ്പെട്ടു എണീച്ചു നിന്നാലും, ജോലിക്ക് പോയി തുടങ്ങിയാലും ഈ പോയതൊക്കെ തിരിച്ചു പിടിക്കാൻ എന്നെ കൊണ്ട് ആവില്ല. അസുഖം വന്നു കുടുംബം വിറ്റ ഒരു ശരാശരി മലയാളി ആയി ഈ ആശുപത്രി കേറി നിരങ്ങി പട്ടിയെ പോലെ മരിക്കാൻ ഞാൻ ആഗ്രഹിക്കുന്നില്ല. അതിനാൽ ഞാൻ ആത്മഹത്യാ ചെയ്യാൻ തീരുമാനിച്ചു. മരിക്കാൻ പേടി ഇല്ലാഞ്ഞിട്ടല്ല, നരകത്തിൽ ജീവിക്കാൻ ഭയം ആയിട്ടാണ്.
ആസ്മിയെ സ്കൂളിൽ നിന്നും വിളിക്കാൻ അവൾ പോയിട്ടുണ്ട്. ഒരു ഫോണ്‍ മേടിക്കാൻ തന്നെ സകല സൈറ്റും കേറി റിവ്യൂ നോക്കി ഏറ്റവും വില കുറഞ്ഞ നല്ല സാധനം മേടിക്കുന്ന എന്നെ പോലെ ഒരു ശരാശരി മലയാളി ഈ എടുത്ത തീരുമാനം തെറ്റാണു എന്നു ആരും പറയില്ല എന്നാണ് എന്റെ ഒരു ദിത്.

വിഷം മേടിക്കാൻ വലിയ പാടൊന്നും ഇല്ലെന്നു ബോധ്യം ആയി. ബിയറിൽ വിഷം കലർത്തി കുടിക്കാൻ ആണ് പ്ലാൻ. പ്ലാൻ പൊളിഞ്ഞാൽ, പോലീസ് ആത്മഹത്യ ശ്രമത്തിനു പിടിച്ചില്ല എങ്കിൽ നിങ്ങൾ ഇടുന്ന കമന്റ്‌നു ഞാൻ മറുപടി തരും. എന്റെ എല്ലാ പോസ്റ്റുകളും ലൈക്കുന്നത് പോലെ ഇതും നിങ്ങൾ ലൈക്കും ഷെയറും ചെയ്യുമെന്ന വിശ്വാസത്തിൽ ഞാൻ ആത്മഹത്യ ചെയ്യാൻ പോക്കുന്നു.

PS: ഇത് വലിയ വിഷയം ആക്കുമ്പോൾ സർക്കാർ എന്റെ കുടുംബത്തിനു ധനസഹായം ഒന്നും കൊടുകണ്ട. ആസ്മിയുടെ പഠനത്തിന്റെയും , അവളുടെയും അവളുടെ അമ്മയുടെയും സമ്പൂർണ രോഗ ചികിത്സക്ക് ഉള്ള ചിലവും വഹിച്ചാൽ മതിയാകും. അവള്ക്ക് കൂടി ഒരു അസുഖം വന്നാൽ എന്റെ ആസ്മി ആരും ഇല്ലാത്തവൾ ആയി മാറും. ഇത് പോലെ ആയിര കണക്കിന് മിതുൻമാർ കേരളത്തിൽ ഉണ്ട്. ആത്മഹത്യ ചെയ്യാൻ പോലും ധൈര്യം ഇല്ലാത്ത പാവം മലയാളികൾ.

വാട്ട്സാപ്പ് ഗ്രൂപ്പ്‌ കഥ – Whatsapp Group Story

2015-11-29T09:36:00.000-08:00

വാട്ട്സാപ്പ് ഗ്രൂപ്പ്‌ കഥ

Disclaimer – അമ്മച്ചിയാണേ ഇതിലെ കഥാപാത്രങ്ങൾക്ക് നിങ്ങളുടെ കുഞ്ഞമ്മേടെ മോളുമായോ, കൊച്ചച്ചന്റെ മോനുമായോ ചായയോ കാപ്പിയോ സോഡയോ തോന്നിയാൽ അത് സത്യമല്ലെന്നും, ഈ കഥ സത്യമാണെന്ന് കരുതി ജീവിച്ചിരിക്കുന്നവരെ മരിച്ചവരുമായി ബന്ധിപ്പിക്കാൻ ശ്രമികരുത് എന്നും ഞാൻ കരഞ്ഞു കാലിൽ പിടിച്ച് അപേക്ഷിക്കുന്നു .

സ്കൂളിലെ വാട്ട്സാപ് ഗ്രൂപ്പിൽ ഒരുത്തനെ ഇടയ്ക്ക് ഇടയ്ക്ക് കാണാറില്ല. ബാക്കി എല്ലാവരും മിക്കവാറും ആക്റ്റീവ് ആണ്. ആകാമല്ലോ! പട്ടിണി കിടന്നിട്ടില്ലാത്ത.. തിന്നു വയറും, കവിളും, ശരീരം മൊത്തം ഒരിക്കലും പൊട്ടാത്ത ബലൂണ്‍ പോലെ വീർത്ത എന്നെ പോലെ സമയം ഉള്ള മാന്യന്മാർക്ക് എന്നും പതിവായി കേറി നിരങ്ങാമല്ലോ?

സ്ഥിരം ടോപിക്സ് – പൊങ്ങച്ച കഥകൾ,തള്ളലുകൾ, രാഷ്ട്രീയം, സിനിമ, പരദൂഷണം, പിന്നെ തുണി മേടിച്ചത് മുതൽ വണ്ടിക്ക് കാറ്റ് അടിച്ചത് വരെ ഇതിൽ പെടും. ഏതു വിഷയം ആണേലും ഇഷ്ടം പോലെ അഭിപ്രായം കാണും. അടി ആവും. ചിലപ്പോ അടി തുടങ്ങിയപ്പോൾ വാദിച്ചവർ ഒരു കോഫി ഒക്കെ അടിച്ചു കഴിഞ്ഞു വന്നു ഇതൊന്നും ഓർക്കാതെ നല്ല സുന്ദരമായി വിഷയത്തെ എതിർക്കും. ചിലർ ഭാര്യ പിണങ്ങുന്ന പോലെ പിണങ്ങി പോകും, ചിലരെ മെയിൻ മുതലാളി (അഡ്മിൻ ) ചവിട്ടി പുറത്താക്കും , ഞങ്ങടെ ഈ കഥ നടക്കുന്ന ഗ്രൂപ്പിൽ ഞാൻ ഉൾപടെ 7 മൊതലാളിമാർ ഉണ്ട്… ചിലർ അമ്മാവന്മാരെ പോലെ പോയി വിളിച്ചോണ്ട് വരും. (വീണ്ടും ആഡ് ചെയ്യും). എല്ലാം കോമ്പ്ലിമെന്റ്സ് ആക്കും. വേറെ രാജ്യത്തിലും ഫൂകണ്ടതിലും ഒള്ള ചെല്ലന്മാരും ചെല്ലകിളികളും പാതിരാത്രിയിൽ അവരവരുടെ അഭിപ്രായം കുറിചേച്ചും പോകും. അന്ന് പുഷ്കരമായി ശുഫരാത്രി പറഞ്ഞു പിരിഞ്ഞിട്ടു രാവിലെ ഇത് തന്നെ വീണ്ടും തുടങ്ങും. ഒരു ശരാശരി വാട്ട്സാപ് ഉപഫോക്താവിന്റെ ഗ്രൂപ്പ്‌ മെസ്സേജ് പിഴിഞ്ഞാൽ ഇത്രത്തോളം കറ കാണും. ഛെ, സാറി, ഇത്രത്തോളം കന്റെന്റ്റ് കാണും.
കഥ നടക്കുന്ന കാലം – അങ്ങിനെ പത്തു പൈസയുടെ ഉപയോഗമില്ലാതെ സമയം നശിപ്പിച്ചു കൊണ്ട് ഗ്രൂപ്പിൽ കറങ്ങി നടക്കുന്ന കാലം.
ഈ കഥയിലെ നായകന് ഒരു പേര് ഇടണമ്മല്ലോ ? അവന്റെ പേര് വച്ചാൽ എന്റെ അഡ്മിൻ പദവി രാജി വെക്കേണ്ടി വരും എന്നുള്ളത് കൊണ്ട് നമുക്ക് അവനെ ‘നിവിൻ പോളി’ എന്ന് വിളിക്കാം. ലുക്ക്‌ കൊണ്ട് അവനു ചേരില്ല. ആഹ്, പോട്ടെ, കഥയിൽ എങ്കിലും അവനു അല്പം സൗന്ദര്യം ഉണ്ടെന്നു തോന്നിച്ചോട്ടെ.

കഥ – പൊതുവെ അവനെ വല്ലപ്പോഴും മാത്രമേ ഗ്രൂപ്പിൽ കാണൂ. അവനു എന്തോ ലോ പ്രൊഫൈൽ ജോലി ആണെന്ന് അറിയാം. ആരുമായി വലിയ കമ്പനി ഒന്നും അവനില്ല. മിക്കവാറും പേർ അവന്റെ നമ്പർ പോലും ആഡ് ചെയ്തിട്ടില്ല. അവൻ ഇട്ടിരിക്കുന്ന ‘നിവിൻ പോളി’ പ്രൊഫൈൽ പിക് നോക്കിയാകും അവർ അവനെ മനസ്സിലാകുക. അവനു ഫോണ്‍ അധികം ഉപയോഗിക്കാൻ ഒന്നും അറിയില്ല എന്നാന്നു ഞങ്ങളുടെ ഏകദേശ ധാരണ. വല്ലപ്പോഴും വരും. ഒരു ‘ഹൈ’ പറയും. ചിരിക്കുന്ന സ്മൈലി ഇടും.പൊട്ടി ചിരിക്കുന്ന സ്മൈലി ഇടും. ടാറ്റാ പറയും, കൈ വീശൽ സ്മൈലി ഇടും, പോകും. പിന്നെ ഒരു 10 ദിവസം കാണില്ല. ഇതാണ് ഞങ്ങടെ ഗ്രൂപ്പിൽ അവന്റെ ഒരു ഇത്. ഏതു ?
അവന്റെ ആർക്കോ അസുഖം എന്തോ ഉണ്ടെന്നു ആരോ എപ്പോഴോ പോസ്റ്റ്‌ ഇട്ടത് കണ്ടു. പോസ്റ്റ്‌ ഇട്ടവൻ വേറെ ആരോ പറഞ്ഞു അറിഞ്ഞതാണ് അത്രേ. അറിയാവുന്ന ആളുകൾക് പ്രശ്നം ഉണ്ടെന്ന പോസ്റ്റ്‌ കണ്ടാൽ , പ്രേതെകിച്ചു സാമ്പത്തികം വേണ്ടി വരും എന്നാ പോസ്റ്റ്‌ കണ്ടാൽ , പിന്നെ നമ്മൾ ഒടുക്കത്തെ ബിസി ആയിരിക്കും. അന്ന് ഒബാമക്ക് മെയിൽ അയചിട്ട് വീട്ടിൽ പോണം എന്നാ ഒരു ഫീൽ ഒക്കെ വരുത്തി നമ്മ മുങ്ങും. ഒരു ശരാശരി മലയാളിയുടെ ഇമ്മാതിരി സമയത്തെ പ്രവർത്തി കണ്ടാല്ൽ …… , ശോ , ഈ ഡയലോഗ് ഞാൻ ആൾറെഡി പറഞ്ഞു അല്ലെ. :(

അപ്പൊ മെയിൻ ത്രെഡ് ഓടിക്കാം. ഒരു ദിവസം ഉച്ചക്ക് അവന്റെ ഒരു മെസ്സേജ് കണ്ടു.
[Nivin Pauly]
ഡിയർ ഫ്രണ്ട്സ്, ഞാൻ ഇന്ന് കൂടിയേ ഈ ഗ്രൂപ്പിൽ കാണുകയുള്ളൂ. അമ്മക്ക് ഒരു അസുഖം ഉണ്ട്. അതിനു കുറെ ചെലവ് ഉണ്ടായിരന്നു. എപ്പോഴും ആശുപത്രിയിൽ പോകണം. നാളെയും പോകണം. നാളെ പോകാൻ സാമ്പത്തിക ബുദ്ധിമുട്ട് ഉണ്ട്. അപ്പൊ ഈ ഫോണ്‍ കൊടുത്തു കാശ് മേടിച്ചു പോവുകയാണ്. വേറെ ഒരു ഫോണ്‍ കിട്ടും, ചെറുത്‌ .. പക്ഷെ അതേൽ വാട്സ്അപ്പ് ഉണ്ടാവില്ല. ടേക്ക് കെയർ ഓൾ..
[കിണിക്കുന്ന സ്മൈലി ][കിണിക്കുന്ന സ്മൈലി ] [വാ തുറന്നു കിണിക്കുന്ന സ്മൈലി ] [കൈ വീശുന്ന സ്മൈലി ]

കൊറേ നേരത്തേക്ക് നിശബ്ദത. പിന്നീട് അങ്ങോട്ട്‌ ദുഖത്തിന്റെ സ്മൈലി ഘോഷയാത്ര ആയിരിന്നു.
[ദുഃഖം സ്മൈലി]
[ഫയങ്കര ദുഃഖം സ്മൈലി]
[തൊള്ള കൊറച്ചു തുറന്നു നിലവിളി സ്മൈലി]
[തൊള്ള മൊത്തം തുറന്നു നിലവിളി സ്മൈലി ]
………….
………….
[വാ പൂട്ടി സീൽ വച്ച സ്മൈലി ]

അങ്ങിനെ വൈക്കുന്നേരം സണ്ണി ലിയോണ്‍ സാരി ഉടുത്ത ഫോട്ടം ആരാണ്ട് ഫോർവേഡ് ചെയ്ത പോസ്റ്റ്‌ വന്നപ്പോ ഗ്രൂപ്പ്‌ വീണ്ടും വാചാലമായി. പകച്ചു നിന്ന ഞങ്ങൾ ടോപികുകളിൽ നിന്നും ടോപികുകളിൽ നിന്നും പിന്നേം ടോപികുകളിലേക്ക് പ്രാന്തന്മാരെ പോലെ സഞ്ചരിച്ചു. ഒടുവിൽ നാട്ടിലെ എല്ലാ പ്രശ്നങ്ങളും സംവാദം നടത്തി ശെരിയാക്കിയ ഞങ്ങൾ നിവിൻ പോളിയുടെ വിഷയത്തിലേക്ക് കടന്നു.
[ഇടക്ക് കേറി പറയുന്നതിൽ ക്ഷമിക്കണം, ഇല്ലേലും എനിക്കൊരു ചുക്കും ഇല്ല (actually ചുക്ക് is costly , reconsider ),,, ആണോ? വില കുറഞ്ഞ എന്തേലും പറയണോ ? എന്നാൽ എനിക്കൊരു democracyയും ഇല്ല. എന്റെ കഥയുടെ ഇടക്കല്ലേ ഞാൻ കയറുന്നെ. ഈ എല്ലാ രാത്രിയിലും ചാനലിൽ കാണിക്കുന്ന സംവാദം കൊണ്ട് കൊറേ തെറി പിള്ളേര് പഠിക്കും എന്നല്ലാണ്ട് ആർക്കേലും എന്തേലും ഉപകാരം ഉണ്ടായിട്ടുണ്ടോ ? ബ്ലൂടി മ്ലേച്ചൻസ് ]

ഞങ്ങൾ എല്ലാവരും താടി വച്ച ബ്രിട്ടാസ്സ്നെ പോലെ കൂലംകേഷമായി സംവദിച്ചു.
[Start of Discussion]
അവൻ നമ്മുടെ ക്ലാസ്സ്‌മേറ്റ്‌ ആണെന്ന് ഇടയ്ക്കു ആരോ ഞങ്ങളെ വീണ്ടും വീണ്ടും ഓർമിപ്പിച്ചു. അവനു വേണ്ടി ഞങ്ങൾ ഗ്രൂപ്പിൽ സംസാരിച്ച വിഷയത്തിൽ എന്ത് കൊണ്ടെന്നു അറിയില്ല , ഒബാമ. ക്ലിന്റാൻ, അച്ചു മാമാ, ചാണ്ടിചൻ , മാണി. രവി പിള്ള , അബ്ദു റബ്ബ് , നിഷാന്തിനി ടീച്ചർ , സരിത, കവിത തുടങ്ങിയ ഒരുപാട് പ്രമുഖർ ഗ്രൂപ്പിൽ കേറി ഇറങ്ങി പോയി. (ഏതു കവിത? അത് പിന്നെ നമ്മൾ 10B പഠിക്കുമ്പോൾ 9C യിൽ ജർമ്മനി എന്ന് ഇരട്ട പേര് ഉള്ളൊരു പീസ്‌ ഉണ്ടായിരിന്നു , ഓർമ ഉണ്ടോ ? അഹ് , അതാണ്‌ കവിത ) . അവന്റെ പേരും ഇടയ്ക്കു ആരോ പറയുന്ന പോലെ കേട്ടു.
“എങ്ങിനെ എങ്കിലും അവനെ സഹായിചില്ലേൽ നമ്മൾ ഒക്കെ ക്ലാസ്സ്‌മേറ്റ്സ് ആണെന്ന് പറയുന്നതിൽ എന്ത് അർത്ഥം” എന്നൊരു വിഫാഗം
” അങ്ങിനെ ആയാൽ ലാൽ ജോസ് വരെ നമ്മളെ പുച്ചിചു പുഷ്പിണി ആക്കില്ലേ” എന്നൊരു വിഫാഗം.
“ഇത് അങ്ങിനെ വിട്ടു കൊടുക്കാൻ പറ്റില്ല” – എന്നൊരു വിഭാഗം
“പിരിവ് ഇട് , ഞാൻ മുൻകൈ എടുത്ത് നോക്കി ചെയ്യേണ്ടത് ചെയ്യാം ” – എന്ന് ‘അജു വർഗീസ്‌ ‘ പറഞ്ഞതോടെ ആ അടി അന്നത്തേക്ക്‌ ഒതുങ്ങി. അജു വർഗീസ്‌ എന്ന പേരും ഗ്രൂപിലെ നില നില്പിന് വേണ്ടി ഞാൻ സൗകര്യപൂർവ്വം ഇട്ടതാ ട്ടോ. (മരപ്പട്ടി എന്നാ ശരിക്കും അവനെ വിളികേണ്ടത്)
[End of Discussion]

അങ്ങിനെ പിറ്റേന്നു രാവിലെ ഒരു 10 മണി ആയപ്പോൾ തന്നെ , അജു ഞങ്ങൾക്ക് ആ സന്തോഷപൂർവമായ മെസേജ് അയച്ചു. അവൻ ആ പുണ്യ കർമം ചെയ്തിരിക്കുന്നു. നെറ്റിൽ കയറി നിരങ്ങി ഇറങ്ങി വാട്സപ്പ് ഉപയോഗിക്കാൻ പറ്റിയ ഏറ്റവും വില കുറഞ്ഞ മൊബൈൽ ഫോണ്‍ അവൻ ഓർഡർ ചെയ്തിരിക്കുന്നു. ഏതോ ചൈനീസ് ബ്രാൻഡ്‌ ഫോണ്‍. 999/- രൂപ്പക്ക് കിട്ടിയത്രേ. ആരെയോ വിളിച്ചു ചോദിച്ചു നിവിന്റെ അഡ്രസ്‌ ഒപ്പിച്ചു അങ്ങോട്ട്‌ വണ്ടി കേറ്റി വിട്ടിടുണ്ട് അത്രേ. ഗ്രൂപ്പിലെ ബാക്കി 16 പേരും Rs. 62.4375/-, റൗണ്ട് ചെയ്തു 63 കൂവാ വെച്ച് അവന്റെ ബാങ്ക് അക്കൌണ്ടിൽ ഇട്ടു കൊടുകണം.
സന്തോഷ സ്മൈലി ഘോഷയാത്ര
[കൈ അടി സ്മൈലി ]
[തള്ളവിരൽ പൊക്കിയ സ്മൈലി ]
[നടുവിരൽ പൊക്കിയ സ്മൈലി ] ———- തെറ്റിപോയി , സ്മൈലി മാറിപോയി , ക്ഷമികണം ,
………………………..
“അവൻ വല്ല ബംഗാളിയുടെ കയ്യിൽ നിന്നും സെകന്റ് ഹാൻഡ്‌ മേടിച്ചു കാണമോ?
സന്തോഷ സ്മൈലി ഘോഷയാത്ര അപ്പൊ ബ്രേക്ക് ഇട്ടു നിന്നു .
അവൻ തെളിവിന്റെ സ്നാപ് അയച്ചു തന്നു . വീണ്ടും സന്തോഷ സ്മൈലി ഘോഷയാത്ര
[കൈ അടി സ്മൈലി ]
[തള്ളവിരൽ പൊക്കിയ സ്മൈലി ]
[തൊള്ള തുറന്നു ചിരി സ്മൈലി]

അങ്ങിനെ ഞങ്ങൾ അവനെ സഹായിച്ചു. പുണ്യ പ്രവർത്തിയിൽ അങ്ങോട്ടും ഇങ്ങോട്ടും എല്ലാവരെയും പുകഴ്ത്തി പറഞ്ഞു ഞങ്ങൾ വീണ്ടും ഗ്രൂപ്പിലെ മാതൃക മെംബേർസ് ആയി… ശുഫം
[കൈ തൊഴുന്ന സ്മൈലി ] – 5 എണ്ണം

പിന്നാമ്പുറം
ആ [Start of Discussion] ഇന്റെയും [End of Discussion] ഇന്റെയും ഇടയ്ക്ക് അവന്റെ അമ്മയെ കുറിച്ച് ആരും ഒരു വാക്ക് പോലും മിണ്ടിയില്ല. സംസാരം മൊത്തം ഏതു ഫോണ്‍ വാങ്ങണം, മോഡൽ, ബജറ്റ് എന്നിവയെ ചൊല്ലി ആയിരിന്നു.
ഫോണ്‍ കിട്ടിയ അവൻ കുറച്ചു ദിവസം കഴിഞ്ഞു അയച്ച ആദ്യത്തെ മെസ്സേജ്
“താങ്ക്സ് ഫോർ ദി ഫോണ്‍”
അപ്പൊ തന്നെ 16 തള്ളവിരൽ പൊക്കി സ്മൈലികൾ ഗ്രൂപ്പിൽ നിറഞ്ഞു
അവൻ തുടർന്നു ” നോക്കാൻ സമയം ഇല്ലായിരിന്നു, ഇന്നലെ ആയിരിന്നു അമ്മയുടെ പതിനാറ് , വിളിക്കാൻ പറ്റിയില്ല, ക്ഷമികണം ..മാനസിക അവസ്ഥ.. ”

പല തരത്തിൽ ഉള്ള 16 ദുഃഖ സ്മൈലികൾ ഗ്രൂപ്പിൽ നിറഞ്ഞു ……

KinderJoy

2015-09-27T08:49:00.000-07:00

Kinder-Joy (കിണ്ടെർ-ജോയ് )

"എടാ, ഇത് തിന്നെടാ തടിയാ.."
അവൻ എന്റെ ചേട്ടന്റെ മോൻ. അവന്റെ അപ്പൻ മേടിച്ചു കൊണ്ടു വന്ന കിണ്ടെർ-ജോയ് എല്ലാം പൊട്ടിച്ചിട്ട് അതിനകത്തുള്ള പ്ലാസ്റ്റിക്‌ ടോയ് ഉണ്ടാകുന്ന സാധനം മാത്രം പറക്കി കൊണ്ടു അവൻ അകത്തേക്ക് പോയി, ബാക്കി പകുതി സിറ്റ്ഔട്ടിൽ കിടക്കുന്ന കണ്ടു ചെറിയ ഒരു വിഷമം തോന്നീട്ടാണ് ഞാൻ അത് പറഞ്ഞത്.

ആദ്യമായി ഈ സാധനം ഞാൻ കാണുന്നത് 2009ഇലോ മറ്റോ ആണ്. രതീഷിന്റെ ചേട്ടന്റെ മോനു ഇത് വേണമെന്ന് അവൻ അച്ഛനോട് പറയുന്ന കേട്ടപ്പോ പുറത്തോട്ടു ഇറങ്ങിയ ഞാൻ ഒരു കടയിൽ കയറി
"ചേട്ടാ , 2 കിണ്ടെർ-ജോയി" , അയാൾ 2 എണ്ണം തന്നപ്പോൾ ഞാൻ 50 രൂപ കൊടുത്തു.
അയാൾ "10 രൂപ "
ഒരെണ്ണത്തിനു 5 രൂപ ആണെന്ന് കരുതി ഞാൻ പറഞ്ഞു
"ഇല്ല ചേട്ടാ, 10 രൂപ ചില്ലറ ഇല്ല "
അപ്പോൾ സൂപ്പർ പുച്ഛത്തോടെ കടക്കരാൻ -
"10 രൂപ കൂടി ഇങ്ങോട്ട് വരുമെന്ന് !!"

"ഈ കോഴി മുട്ടയെക്കാൾ ചെറുതായ ഈ സുനാപ്പിക്ക് 30 രൂപയോ?", 'പകച്ചു പോയി എന്റെ സാലറി സ്ലിപ്'

അന്ന് ഞെട്ടിയപ്പോൾ മുതൽ എനിക്ക് ഈ സാധനം ഇഷ്ടമല്ല.

തേക്കിന്റെ കൊമ്പ് കോതാൻ വന്ന മൂപ്പര് ഇറങ്ങുന്ന സമയം ആയിരിന്നു. അങ്ങേരു കാശ് മേടിക്കാൻ വന്നു നില്ക്കുന്നു. അമ്മ കാശ് എടുക്കാൻ പോയപ്പോ ഞാൻ ചുമ്മാ ചോദിച്ചു -
"വീട്ടിൽ പിള്ളേര് ഒണ്ടോ?"
" 2 പസംഗ ഇറുക്ക്‌ "
"എന്നാ ചേട്ടൻ ഈ മിട്ടായി അവർക്ക് കൊണ്ട് കൊടുത്തോള് , ആ ചെക്കൻ ഇത് തിന്നില്ല "
"വേണ്ട സാർ, ഇപ്പൊ ഇത് അവന്ഗ്ഗല്ക്ക് കൊടുത്തു ഒരു വേള അവന്ഗ്ഗല്ക്ക് പിടിച്ചു പോച്ച്‌ എന്ട്രാൽ നാളെ അവന്ഗെ കേട്ടാൽ എന്നാലെ വാന്ഗ കൊടുക്ക മുടിയാത്.., അന്ത കാസുക്ക് ഒരു കിലോ അരസ്സി കടക്കുവിന്ഗെ, സാധാരണ അരസ്സി ഇല്ലേ, നീന്ഗെ തിന്നര മാത്രി നല്ല അരസ്സി..."

ഒരു ശബ്ദം പോലും വായിൽ നിന്നു വരാതെ ഞാൻ തകർന്നു പോയി ഒരു മരം വെട്ടുക്കാരൻ തമിഴന്റെ മുന്നിൽ. ഒരു കാരണവും ഇല്ലാതെ ഞാൻ അയാളുടെ മുന്നിൽ നിന്നും വിയർത്തു കുളിച്ചു. അയാൾ, അല്ല അദ്ദേഹം എന്നിൽ ബാക്കി വച്ചത് ഒരു ലോഡ് ചിന്തകൾ ആയിരിന്നു...

സദാചാര പോലീസുകാർക്ക് ഒരു തുറന്ന കത്ത്

2015-05-09T21:26:00.000-07:00

സദാചാര പോലീസുകാർക്ക് ഒരു തുറന്ന കത്ത്

നിങ്ങൾ ഈ നാടിനു ചെയ്തു തരുന്ന സുദീർഘമായ സേവനങ്ങൾക്ക് ആദ്യം തന്നെ ഞാൻ നന്ദി പറഞ്ഞു കൊള്ളട്ടെ . ഫാര്യ ഫർതാവെന്നൊ , സഹോദരി സഹോദരൻ എന്നോ, അച്ഛനോ മകളോ എന്നോ പോലും നോകാതെ നിങ്ങളുടെ കണ്ണിൽ സംശയത്തിന്റെ കണിക ഒരു മില്ലിമീറ്റെർ എങ്കിലും തോന്നിയാൽ അവരെ ചോദ്യം ചെയുകയും മാനസികമായും പറ്റുമെങ്ങിൽ ശാരീരികമായും ഉപദ്രെവികുകയും ചെയുന്ന നിങ്ങൾ ദൈവ തുല്യരാണ്. ഈ സമൂഹത്തിൽ നിഷ്ക്രിയരായ പോലീസിനും സര്കാരിനും മുന്നിൽ നിങ്ങളുടെ സോഷ്യൽ രേസ്പോന്സിബിളിടി അന്ഗീകരിക്കപെടുക തന്നെ ചെയ്യും.

പക്ഷെ ഒരു കാര്യം ചോദിച്ചോട്ടെ, നിങ്ങൾ ഈ ആണ്‍ - പെണ്‍ വിഷയത്തിൽ മാത്രമേ തല ഇടുകയുള്ള് ? അതെന്താ അങ്ങിനെ? അസൂയ, കണ്ണുകടി , കിട്ടാ കൊതി തുടങ്ങിയ വാക്കുകൾ ഈ വേളയിൽ ഞാൻ ഉപയോഗിക്കാൻ പാടില്ല. കാരണം നിങ്ങളൊക്കെ നല്ല മനുഷ്യരാണ്. സംസ്കാരത്തിന്റെ പേരില് ആണല്ലോ നിങ്ങൾ ഈ ആളുകളുടെ തലയിൽ കയറുന്നത്. അപ്പൊ സ്വൊഭവികം ആയിട്ടും ഈ സംസ്കാര ലങ്ഘനം നടത്തുന്ന എല്ലാരേയും നിങ്ങൾ ശിക്ഷികണ്ടേ. ഈ പറയുന്നവ ഒന്നും നിങ്ങളുടെ കണ്ണിൽ പെടൂലെ?

* ഉദാഹരണത്തിന് ബൈകേൽ റ്റ്രിപ്പിൽസ് അടിച്ചു പോകുന്ന ആരെയാണ് നിങ്ങളോ ഏതേലും പാര്ട്ടിയുടെ അംഗങ്ങളോ പിടിച്ചു നിർത്തി ഉപദേശം ചോരിഞ്ഞിടുള്ളത്? മൊട കാണിച്ചു ന്യൂ ജനറേഷൻ ബൈകേൽ പോകുന്ന പിള്ളേരെ നിങ്ങൾ ഒന്നും പറയില്ലേ ?
* പൊതു സ്ഥലത്ത് മദ്യപാനം / സിഗ്രട്റ്റ് വലി - നിങ്ങൾ ഇതൊന്നും കാണാത്തത് ആണോ അതോ നിങ്ങൾ ആ ടീമിൽ ആണോ (പുച്ഛം)
* ബസുകളുടെ മത്സരയോട്ടം , സർക്കാർ വണ്ടികളുടെ ദുരുപുയോഗം , മന്തിര്മാർ മുതൽ ചീള് പഞ്ചായത്ത്‌ മെമ്പർ വരെ ഉള്ളവരുടെ അധികാര ദുർവിനിയോഗം
* ഫുട്പാത് സ്ഥലത്ത് കടക്കാർ സാധനം ഇറക്കി വെക്കുക, ബോർഡുകൾ സ്ഥാപികുക , അനധികൃത സ്ഥല കയ്യേറ്റം , കായൽ നികത്തൽ, വയൽ നികത്തൽ , മാലിന്യ നിക്ഷേപം
* വഴി ബ്ലോക്ക്‌ ചെയ്തു വക്കുകയും സ്വാധീനം ഉള്ളവർക്ക് മാത്രം തുറന്നു കൊടുക്ക്പെടുകയും ചെയുന്ന ട്രാഫിക്‌ ഏമാന്മാർ
* ശബ്ദ മലിനീകരണം. ഈ എല്ലാ കാര്യത്തിലും തല ഇടുന്ന നാട്ടിലെ ഒരു പണിയും ഇല്ലാത്തവരാണ് ഒരു മാതിരി ഉള്ള ഈ സ്പീക്കർ വച്ച് പരുപാടി നടത്തുന്നതിന്റെ മുന്നിൽ നില്കുന്നത് എന്നാ കാര്യം നമ്മൾ ഈ വേളയിൽ പ്രതേകം സ്മരികണം (പാര്ട്ടികരും ശബ്ദ മലിനീകരണത്തിൽ നല്ല രീതിയിൽ സഹകരിക്കുന്നു )
* പറയാൻ ആണേൽ ഒരു ബ്ലോഗിൽ ഒന്നും നിക്കില്ല. കൊറേ ഉണ്ട്, കണ്ണ് തുറന്നാൽ കാണാം

ഇങ്ങിനെ സമൂഹത്തിലെ എല്ലാ തിന്മകൾക്കും എതിരെ കൂടി നിങ്ങൾ പ്രവർത്തിച്ചാൽ കേരളം ഒരു പുതിയ സ്വര്ഗമായി തീരും എന്നതിൽ ആർക്കാണ് സംശയം? അല്ലാതെ വെറുതെ പെണ്ണ് വിഷയത്തിൽ മാത്രം മുന്നിൽ നിന്ന് സാമൂഹിക പ്രതിബദ്ധത കാണിച്ചാൽ അത് എങ്ങിനെ ശെരി ആകും.2 മനുഷ്യർ തമ്മിൽ ഉള്ള ഹിതതോടെ ഉള്ള അവിഹിതത്തെക്കാൾ മ്ലേച്ചകരമല്ലേ സമൂഹത്തെ ബാധിക്കുന്ന മേൽ പറഞ്ഞ ഐറ്റംസ്. ആയതിനാൽ ഈ പറഞ്ഞവ കൂടി കണക്കാകി നിങ്ങൾ പ്രവർത്തികണം എന്ന് വിനീതമായി അഫയർഥിക്കുന്നു.

(ഇത് പാർട്ടി പ്രവർത്തനം എന്നും പറഞ്ഞു തേരാ-പാരാ പിരിക്കാൻ നടക്കുന്ന ആളുകള്ക്കും ആകാം ട്ടോ.)

-
ഒരു പാവം സാധാരണ പൗരൻ

Voters Code - വോട്ടേസസ് കോഡ്

2015-02-08T07:58:00.000-08:00

Voters Code - വോട്ടേസസ് കോഡ്

https://www.facebook.com/voterscode

നമ്മുടെ നാട് നന്നാവുന്നില്ല നന്നാവുന്നില്ല എന്ന് ഒരു വട്ടം എങ്കിലും പറയാത്ത മലയാളികൾ ബധിരന്മാർ ആണെന്ന് ഞാൻ പറഞ്ഞാൽ എന്നെ പൊട്ടൻ എന്ന് ആരും വിളികില്ല. എന്ത് കൊണ്ടാണ് ഈ നാട് ഇത്രയും യുഗങ്ങൾ കഴിഞ്ഞിട്ടും ഇങ്ങിനെ? ചിന്തിച്ചിടുണ്ടോ ? നമ്മൾ എല്ലാം ഓരോ കുറ്റം കാണുമ്പോൾ ഉറക്കെ 'ഛെ', 'ഇതെന്തു നാടാ!', 'ഇവിടെ എന്തും ആകാമല്ലോ? ', 'മഹാ ചെറ്റത്തരം ആയി പോയി!', പിന്നെ കൊറേ തെറിയും അങ്ങോട്ടും ഇങ്ങോട്ടും പറയുന്നത് ഒഴിച്ചാൽ നാട് നന്നാവാൻ നമ്മൾ എന്തേലും ചെയ്തിടുണ്ടോ? ചായ കുടിക്കുന്ന സമയത്ത് സർകാരിനെ കുറ്റം പറഞ്ഞാൽ മാത്രം കേരളം നന്നാകുമോ ? വോട്ട് ചെയ്തു കഴിഞ്ഞാൽ നമ്മൾ ക്ലാസ്സ്‌ ലീഡർ ആക്കിയ ആ പയ്യനോ പെണ്ണോ മിണ്ടുന്നവരുടെ പേരുകൾ എഴുതി ടീച്ചറെ എല്പിക്കുമെന്നും, ടീച്ചർ അത് ഹെഡ്മാഷിനെ ഏല്പിച്ചു മിണ്ടിയവരെ ശിക്ഷികുമെന്നും നമ്മൾ കരുതിയാൽ അത് തെറ്റാണ്. നമ്മൾ ജയിപ്പിച്ചു വിട്ട ആ ക്ലാസ്സ്‌ ലീഡർ ഇരിക്കുന്നത് ഭൂമിയിലെ സ്വർഗത്തിലാണ് . കൂടെ പല വഴിക്ക് അവിടെ എത്തിപെട്ട കൊറേ സമാന ചിന്താഗതികാരും, അടുത്ത 5 വർഷത്തിൽ ക്ലാസ്സ്‌ ലീഡർ ആകാൻ ആയി വെമ്പൽ കൊണ്ട് നിൽകുന്ന വേറെ കൊറേ എണ്ണവും . കൂട്ടത്തിൽ നല്ലത് മാത്രം ആഗ്രഹിക്കുന്ന കൊറേ പിള്ളേർ ഉണ്ടേലും ബാക്കി ആളുകളുടെ ബഹളത്തിൽ അവരുടെ ശബ്ദം ആരും ചെവി കൊള്ളില്ല.

അപ്പൊ, എന്താണ് നമ്മൾക്ക് ചെയ്യാൻ കഴിയുക. എല്ലാ കളിയിലെയും പോലെ ആദ്യം വേണ്ടത് നിയമങ്ങൾ ആണ്. അതിനു വേണ്ടി നമുക്ക് ഒരു ലിസ്റ്റ് ഉണ്ടാകാം.ഒരു വോട്ടേസസ് കോഡ്. ഇനി ആരേലും വോട്ട് ചോദിച്ചു വന്നാൽ, ഇത്രേയും കാര്യങ്ങൾ എങ്കിലും ചെയ്തു തന്നാൽ വോട്ട് തരാം എന്ന് പറയണം.

നമ്മൾ ഇനി ഒന്നും ചോദിക്കാത്തത് കൊണ്ട് മാത്രം സർക്കാർ ഒന്നും ചെയ്തില്ല എന്ന് വേണ്ട!

ഈ കാര്യങ്ങൾ പ്രിന്റ്‌ എടുത്തു ഒപ്പ് ഇട്ടു ഇനി പറയുന്ന സ്ഥലങ്ങിളിൽ കൊടുകുക (എല്ലാം സ്ഥലത്തും അല്ലേൽ എവിടേലും ഒരെണ്ണം എങ്കിലും ). നിങ്ങൾക്ക് വേറെയും ഉള്ള ആവശ്യങ്ങൾ ഇതിന്റെ കൂടെ ചേർക്കുക

1) പോസ്റൽ ആയി
To
The Chief-Minister
Kerala
2) കലക്ടർ ഓഫീസിൽ പോയി അങ്ങേർക്കു ഒരെണ്ണം കൊടുകുക
3) അടുത്തുള്ള പോലീസ് സ്റ്റേഷനിൽ പോയി SI ക്ക് കൊടുത്തിട്ട് നടപടി വേണമെന്നും, ആ പരാതി DGP ക്ക് ഫോർവേഡ് ചെയ്യണമെന്നും പറയുക. അക്നൊലെട്ജ്മെന്റ് ഉറപ്പായും വാങ്ങുക.
4) അടുത്തുള്ള കോർപോറേഷൻ അല്ലേൽ വില്ലജ് ആപീസിൽ പോയി കൊടുകുക
5) ഓണ്‍ലൈൻ അയി http://www.cmcc.kerala.gov.in/fnd/online/mod/complaint/new.php എന്നാ മുഖ്യന്റെ സൈറ്റിൽ പരാതി കൊടുകുക്ക. ഏറ്റവും നല്ലത് ഇതാണ്. കാരണം ഒരു എണ്ണം ഒക്കെ ഉണ്ടാകുമല്ലോ.

-------------------------------------------------------------------------------------------------------------------------------------------------------------------------------
Sir

ഒരു മലയാളി എന്നുള്ള നിലയിൽ, താഴെ പറയുന്നവ എത്രയും പെട്ടന്ന് ലഭ്യമാകണം എന്ന് ഞാൻ താഴ്മയായി അപേക്ഷിക്കുന്നു.

1) പോലീസുകാരെ വിളിച്ചാൽ ഉടൻ തന്നെ എത്തും എന്ന് ഒരു ശരാശരി മലയാളിയും സമ്മതികില്ല. വിളിച്ചാൽ ഉടൻ തന്നെ എത്തുന്ന 7 ദിനവും 24 മണിക്കൂറും പ്രവർത്തിക്കുന്ന പോലീസ് , ഫയർ ഫോഴ്സ് , അനിമൽ - കണ്ട്രോൾ , ശബ്ദ മലിനീകരണ നിയന്ത്രണം , ഗതാഗത നിയന്ത്രണം, ആംബുലൻസ്, ടാക്സി , ഓട്ടോ , ഫുഡ്‌ കണ്ട്രോൾ , വെള്ളം, വൈദ്യുതി - തുടങ്ങിയവ പ്രവർത്തിപ്പിക്കുകയും വിളികുന്നവർക്ക് ടോകെൻ സംവിധാനം ഉൾപടെ നീതി ലഭിച്ചു എന്ന് പൂര്ണമായും ഉറപ്പാക്കുന്ന ഒരു സംവിധാനം.( ഹെല്പ്ലൈൻ ഏതാണ് കറക്റ്റ് ആയി വിളികേണ്ടത് എന്ന് അറിയാത്തവർക്ക് വിളിക്കാൻ ആയി ഒരു ജെനെറിക് ഹെല്പ്ലൈനും വേണം)
2) മന്ത്രിമാരുടെയും ജഡ്ജ്മാരുടെയും ഉയർന്ന പോലീസ് ഉദ്യോഗസ്ഥരുടെയും (സര്കാരിന്റെ ചിലവിൽ എണ്ണ അടിച്ചു പോകുന്ന സകല ) വണ്ടികളുടെയും നിരത്തിലെ അധികാര ദുരുപയോഗം അവസാനിപിക്കുക. വളരെ ആവശ്യം ഉള്ള ഘട്ടത്തിൽ മാത്രം അവർക്ക് വായൂ ഗുളിക മേടിക്കാൻ പോകുന്ന പോലെ ആളുകളെ പേടിപ്പിച്ചു തെറ്റായ സൈഡിൽ കൂടി പോകാം. എന്നും ഇങ്ങിനെ പോയാൽ, ഒരു സമയം കഴിഞ്ഞു ആരും വണ്ടി മാറ്റി തരില്ല. കല്യാണത്തിനും പാല് കാച്ചൽനും ഒന്നും സർക്കാർ ചിലവിൽ ഇത്രയും പോലീസ് അകമ്പടി പാടില്ല.അവർക്ക് ജന മധ്യത്തിൽ ഇറങ്ങാൻ ഇത്ര പേടി ആണെങ്ങിൽ അവർ ജനങ്ങളെ എങ്ങിനെ നിര്ഭയം സേവിക്കും.
ഒരു നിശ്ചിത അളവിൽ പോലീസുകാരെ അവർക്കായി അല്ലൊട്ട് ചെയ്തെകുക. നാട്ടിൽ ഒരുപാട് പ്രശ്നങ്ങൾ ഉണ്ടെന്നും ആര് വിളിച്ചാലും മന്തിരമാർക്കു ഡ്യൂട്ടി പോയത് കൊണ്ട് പോലീസുകാരെ കിട്ടാൻ ഇല്ലെന്നും വ്യാപകമായി പരാതി ഉണ്ട്. കല്യാണത്തിനും പാല് കാച്ചലിനും ഒന്നും സർക്കാർ വണ്ടി പോലീസുകാരെ ഉപയോഗിച്ച് വഴി ഒരുക്കി പോകതിരികുക . ഒരു ഓണ്‍ലൈൻ പോർട്ടൽ തുടങ്ങുകയും സർകാർ വണ്ടി എവിടെ ഒക്കെ ആണ് പോയത് എന്ന് കൃത്യമായി ലോഗ് ചെയുകയും, ജനങ്ങൾക് അത് ഇൻറർനെറ്റിൽ കേറി നോക്കാൻ പറ്റുകയും ചെയ്യണം. ഈ പറഞ്ഞത് സകല സർക്കാർ വണ്ടിക്കും ബാധകമാണ്. അല്ലാതെ ആവശ്യത്തിനു സ്വന്തം വണ്ടിയിൽ പോവുക.
3) പൊതു നിരത്തിലെ പ്രകടനത്തിന് റോഡിൽ തടസ്സം ഉണ്ടായാൽ നിയമപരമായി ആ പരുപാടി സംഘടിപിച്ച ആളിനോ സംഘടനക്കോ എതിരെ കുറ്റവും പിഴയും ചുമത്തുക.
4) സർക്കാർ സ്ഥാപങ്ങളിലെ ജോലികാരോട് മാന്യമായി പെരുമാറാൻ പറയുക , കൃത്യമായി അവരുടെ ലോഗ് രേഖപെടുത്തുക. ടോകെൻ സംവിധാനം എര്പെടുതുകയും ഒരു വിധത്തിൽ ഉള്ള ശുപാർശയും പരിഗണനയും ടോകെൻ തെറ്റിക്കാൻ സമ്മതികാതിരികുക (അതിപ്പോ മന്ത്രി വന്നാലും )
5) നിയമനടപടികൾ എത്രയും പെട്ടന്ന് തീർപാകൻ ഉള്ള നടപടികൾ വേണം. ഒരു വണ്ടി തട്ടിയാൽ തന്നെ മനുഷ്യന്റെ ഒരു മാസത്തോളം നിയമ കുരുക്കിൽ കിടക്കും.
6) എല്ലാ സർക്കാർ ആപീസുകളിൽ ഹെല്പ്ലൈൻ നമ്പർ സംവിധാനം ഉണ്ടായിരികണം. അവർ മാന്യമായും വ്യക്തമായും ആളുകളോട് സംസരികണം. എറ്റവും പ്രധാനം, വിളിച്ചാൽ അവർ ഫോണ്‍ എടുകണം.
7) ആളുകൾക്ക് മല മൂത്ര വിസർജനതിനു ഉള്ള സൗകര്യം. കാശ് കൊടുത്തു ഉപയോഗികുന്നത് ആയാലും മതി (ATM ഉള്ള അത്ര എണ്ണം എങ്കിലും )
8) റോഡിന്റെ വികസനം. സ്ഥലം ഉള്ള ഇടങ്ങളിൽ എങ്കിലും തല്കാലം വീതി കൂട്ടികൂടെ.
9 ) സ്ത്രീകൾക്കും കുട്ടികൾക്കും വിളിക്കാൻ പറ്റുന്ന ഹെല്പ്ലൈൻ നമ്പറുകൾ
9) പാർട്ടി ചടങ്ങുകൾക്ക് സര്കാരിന്റെ കാശ് ചിലവാക്കുനത് ശരി ആണോ എന്ന് ചിന്തിച്ചു പെരുമാറുക . ജനങ്ങൾ ആളുകളെ ജയിപിച്ചു വിട്ടത് പാർട്ടി ആപീസിൽ പോയി പാര്ട്ടിയുടെ പ്രശ്നങ്ങൾ തീർക്കാൻ അല്ല . ആദ്യം നാട് നന്നാവട്ടെ.
10) വലിയ കച്ചവടക്കാരുമായും സിനിമകാരുമായും മാത്രം യോഗം കൂടാതെ താഴേക്കു ഇറങ്ങി വന്നു ലോക്കൽ മനുഷ്യരുടെ പ്രശ്നങ്ങൾ മനസ്സിൽ ആകണമെന്നും അവരെയും പരിഗണികണമെന്നും എല്ലാ ഉദ്യോഗസ്ഥരോടും പറയുക. ഓരോ ലെവലിൽ മീറ്റിങ്ങുകൽ കൂടുകയും അതിൽ നിന്നും ഉരുത്തിരിയുന്ന പ്രശ്നങ്ങൾ, അഭിപ്രായങ്ങൾ തുടങ്ങിയവ മാനികണമെന്നും അഭ്യർത്ഥിക്കുന്നു.

ഇത് വായിച്ചിട്ട് ഈ പരുപാടികൾ എല്ലാം നാട്ടിൽ ഇപ്പോഴും നിലവിൽ ഉണ്ടെന്നു താങ്കൾ പറഞ്ഞാൽ ആരും അതിനോട് യോജികില്ല. നാടിലെ പ്രശ്നങ്ങൾ ഈ ഒരു പേജിൽ ഒന്നും തീരില്ല. ആദ്യം ഇത്രേം കാര്യങ്ങൾക്ക് ഒരു തീരുമാനം ഉണ്ടാക്കി തരണം എന്ന് വിനീതമായി അഭ്യർത്ഥിക്കുന്നു. അടുത്ത തിരഞ്ഞെടുപ്പിൽ 'ഇത് ഒരു വര്ഷത്തിനകം ചെയ്തു തരാം, ഇല്ലേൽ രാജി വയ്ക്കും' എന്ന് ഉറപ്പോട് പറയുന്ന ഒരാള്ക്കു/ പാർട്ടിക്ക് മാത്രമേ ഞാൻ വോട്ട് ചെയതോള്. ജയ് ഹിന്ദ്‌!

തീയതി :
ഒപ്പ്:
------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

An Appeal - വോട്ട് ചെയ്തു തോൽപ്പികണം

2014-12-19T21:50:00.000-08:00

An Appeal - വോട്ട് ചെയ്തു തോൽപ്പികണം

പാർട്ടിയുടെ നയങ്ങൾ ജനങ്ങളെ അടിച്ചേൽപ്പിക്കുന്ന വ്യക്തികളെ ദയവു ചെയ്തു ഇനി മുതൽ വോട്ട് ചെയ്തു ജയിപ്പിച്ചു വിടരുത്. പാര്ടിയുടെ കാര്യങ്ങൾ നോക്കാൻ ആണെങ്ങിൽ അവർ അവിടെ തന്നെ ഇരിന്നു കൊള്ളട്ടെ. ജനങ്ങളുടെ അഭിപ്രായം ആരായാതെ തീരുമാനങ്ങൾ എടുക്കാൻ ഏതു പാർട്ടിക്കാണ് അധികാരം? ഞാൻ ഒരു പാർറ്റിയെയും അനുകൂലിച്ചു പറയുകയല്ല. പക്ഷെ ഇവിടെ വല്ലതും നടകണം എന്നുണ്ടെങ്കിൽ ഇവന്മാർ ആരും അടുത്ത തവണ മുതൽ ജയികരുത്. വിദ്യാഭാസം ഉള്ള ഏതേലും സ്വതന്ത്രൻ നില്കുന്ന മണ്ഡലത്തിൽ എങ്കിലും നിങ്ങൾ പാര്ടിക്കാരെ തോല്പിക്കുക്ക. 140 മണ്ഡലങ്ങളിലും വിദ്യാഭാസം ഉള്ള പാർറ്റിയെ താങ്ങില്ല എന്ന് ഉറപ്പുള്ള സ്വതന്തർ നിന്ന് ജയിക്കട്ടെ. അതിൽ എറ്റവും മിടുക്കന്മാർ തമ്മിൽ തല്ലാതെ മന്ത്രി സഭ ഉണ്ടാക്കട്ടെ. ഇതൊന്നും നടപ്പുള്ള കാര്യം ആയിരിക്കില്ല. സ്വതന്ത്രരിൽ ആര് ജയിച്ചു അഴിമതി കാണിച്ചാലും പാർട്ടിക്കാർ ചെയുന്നതിലും കുറവു ആയിരിക്കും.

പാർട്ടിക്കാർ ഒരുമിച്ച് ആകുമ്പോൾ

*അഴിമതിയുടെ കനം കൂടും

*അവർക്ക് പാർട്ടിയുടെ എല്ലാ പരുപാടിക്കും സർകാർ ചിലവിൽ പോകണം. സർക്കാർ ചിലവ് എന്നത് നമ്മുടെ ഊഹങ്ങൾക്കും അപ്പുറമാണ്

*പാർട്ടിയുടെ പ്രശ്നങ്ങൾ തീർന്ന ശേഷം വേണം നാട്ടിലെ കാര്യങ്ങൾ നോക്കാൻ (അതിനി എന്ന് തീരാനാ ?)

*പാര്ട്ടിയുടെ ഏതേലും മുതിര്ന്ന നേതാവ് വന്നാൽ കേരള പോലീസ് അവരെ താങ്ങാൻ പോകണം, ഇവന്മാർ എല്ലാം കൂടി റോഡ്‌ മുഴുവൻ ബ്ലോക്ക്‌ ആക്കും. പാര്ട്ടിയുടെ നേതാകൾക്ക് എവിടെയും ബ്ലോക്ക്‌ ഉണ്ടാക്കാം, ജാഥ നടത്താം. ആഭ്യന്തരം ചോദിക്കില്ലലോ?

*മന്ത്രിമാർ തീരുമാനങ്ങൾ എടുകുമ്പോൾ പാർട്ടിയോടും ചോദികേണ്ടി വരും. എന്ന് വച്ചാൽ ജനങ്ങൾ ആ സമയത്ത് തിരഞ്ഞെടുക്കാത്ത ഒരു ആളുടെ അഭിപ്രായം പോലും ജനാധിപധ്യത്തിൽ നിർണായകം ആകും എന്ന് സാരം

പാർട്ടിക്കാർ ജയിചില്ലേൽ

*പോലീസ് സ്റ്റേഷൻഇൽ നിന്നും ഗുണ്ടകളെ ഇറക്കാൻ ആരും കാണില്ല

* പോലീസ് എന്ന വസ്തുവിന് ജനങ്ങളുടെ കാര്യം കൂടി മര്യാദക്ക് നോക്കാൻ സമയം ലഭിക്കും

*എല്ലാ MLA യും MP യും സ്വന്തം നാട്ടിലെ കാര്യങ്ങൾ മര്യാദക്കു നടത്തുമായിരിക്കും (:-? *Conditions Apply )

*അഥവാ ജയികുന്നവാൻ അഴിമതികാരൻ ആയി മാറിയാലും അവൻ ഒരുകാലത്തും പിന്നെ ജയികില്ല.

*ഭരിക്കുന്ന പാര്ട്ടിയുടെ ഒരു നേതാവും ആളുകളെ ബുദ്ധിമുട്ടിക്കുന്ന ഒരു പരുപാടിയും നടുറോടിൽ നടത്തില്ല

നമുക്ക് ആരെയും ജയിപ്പിക്കാൻ ആവില്ലായിരിക്കാം. പക്ഷെ ആരെയെങ്കിലും തോല്പ്പിക്കാൻ നമ്മൾ ആത്മാര്തമായി വിചാരിച്ചാൽ മതി. എന്ന് വച്ചാൽ ഒരു കൂട്ടം വലിയ കള്ളന്മാരെ ജയിപ്പിക്കുന്നതിലും നല്ലതാണല്ലോ കുറച്ചു കുഞ്ഞു കള്ളന്മാരെ അങ്ങ് ജയിപിച്ചു വിടുന്നത് എന്ന്. കഴിവ് ഉള്ള ഇലക്ഷന് നില്ക്കാൻ കാശ് ഇല്ലാത്ത സ്വതന്ത്രന്മാരെ സോഷ്യൽ കമ്മിട്മ്മേന്റ്റ് ഉള്ള ആളുകൾ സ്പോന്സോർ ചെയട്ടെ. ഉദാഹരണത്തിന് മമ്മൂട്ടി, മോഹൻലാൽ, ദിലീപ് , ഗൾഫ്‌-ഗേറ്റ് , കോണ്ഫിടെന്റ്റ് ഗ്രൂപ്പ്‌ , ഇന്ദുലേഖ , ഐഡിയ , ഗം-ഓണ്‍ തുടങ്ങിയവർ. :P . പിന്നെ ഏറ്റവും കുറച്ചു പരസ്യം ഉള്ളവരെ ജയിപ്പിക്കുനത് ആണ് നല്ലത്. അത്രേം അഴിമതി കുറയും .

അത് കൊണ്ട് ദയവു ചെയ്തു അടുത്ത തിരഞ്ഞെടുപ്പ് മുതൽ എല്ലാവരും ദയവു ചെയ്തു സ്വതന്ത്രർക്ക് വോട്ട് ചെയ്തു പാര്ട്ടികാരെ തോല്പികണം എന്ന് വിനീതമായി അഫ്യർതിക്കുന്നു... ഒരു വൊട്ടെയ്സ് കോഡ് (Voters-Code ) അടുത്ത് തന്നെ ഇറക്കാൻ പ്ലാൻ ചെയുന്നുണ്ട്. അതിന്റെ കൂടെ ഇതിന്റെ പൂർണ രൂപവും.

Please share and spread the word...

Hotel Mannan Kulathoor - Review

2013-01-15T05:31:00.000-08:00

Hotel Mannan Kulathoor - Review
ഉണ്ണാന്‍ കുളത്തൂര്‍ പോണം, എന്നും ഇത് ഓര്‍ത്തു കൊണ്ടാണ്ണ്‍ ഞാന്‍ ഓഫീസില്‍ പോകുന്നത്. പണി എങ്ങിനെ നടന്നാലും ചോറ് കുളത്തൂര്‍ തന്നെ പോയി തിന്നണം. എന്ത് കൊണ്ട്? ഒരു എത്തി നോട്ടം?

Reasonable Cost

35 രൂപയ്ക്കു ചോറും മീന്‍ വറുത്തതും മീന്‍ കറിയും അത്യാവശ്യം നല്ല കൂട്ടാനുകളും . 4.5/5

Really Fast

സീറ്റ്‌ കിട്ടിയാല്‍ നമ്മുടെ സ്പീഡ് അനുസരിച്ച് പെട്ടന്ന് തിന്നു തീര്‍ത്തു തിരികെ പോകാം. അവിടുത്തെ ചേട്ടന്മാര്‍ക്ക് നല്ല സ്പീഡ് ആണ് വിളംബാന്‍ . ടെക്നോപാര്‍ക്ക്ഇന്റെ സമീപത്തുള്ള മറ്റു ഹോടലുകലുമായി താരതമ്യം ചെയ്യുമ്പോള്‍ ആണ് ഈ സ്പീഡ് . ഇടയ്ക്കു കാത്തിരിക്കേണ്ടി വന്നിട്ടുടെങ്ങിലും 5ഇല്‍ 4 മാര്‍ക്ക്‌ കിട്ടും

Parking

കാറില്‍ ആയാലും ബൈക്ക്ഇല്‍ ആയാലും അവിടെ എപ്പോഴും എവിടേലും ഒക്കെ വണ്ടി കൊണ്ട് പാര്‍ക്ക്‌ ചെയ്യാന്‍ സ്ഥലം കിട്ടും. 3/5

Taste

സാംബാര്‍ - ആ അടുത്ത പഞ്ചായത്തുകളില്‍ കിട്ടാവുന്നതില്‍ വച്ച് ഭേദപ്പെട്ട സാമ്പാര്‍ ആണ് . ഭൂരിഭാഗം ഹോടലുകളിലും സാംബാര്‍ എന്ന് പറഞ്ഞാല്‍ വെള്ളം ആണ്. ഇവിടെ കൊള്ളാം 3/5

അവിയല്‍ - അവിയലും പൊതുവെ നല്ലതാണു ഇവിടെ. ഇതിന്റെ അടുത്ത് ഒരു അമ്മുമയുടെ വീടിലെ അവിയല്‍ ആണ് പക്ഷെ ബെസ്റ്റ്. അവിയല്‍ 3/5. അവിയല്‍ അമ്മുംമയുടത് 4/5

പുളിശ്ശേരി - എന്നും കിട്ടുന്ന ഐറ്റം അല്ല,, ഒന്ന് ഇടവിട്ട്‌ മാത്രമേ കിട്ടൂ, പൊളപ്പന്‍ ആണ്. പുളിശ്ശേരി മാത്രം മതി ഒരു അണ്ടാവു ചോറ് തിന്നു പണ്ടാരം അടങ്ങാന്‍......... . 4/5, അമ്മുംമയുടെത് 4.5/5

തോരന്‍ - കൊഴപ്പം ഇല്ലെന്നു പറയാം 3.5/5

മീന്‍ വറുത്ത് - നല്ലതാണു , 10 രൂപ്പക്ക് 3 മത്തി കുഞ്ഞുങ്ങള്‍ കിട്ടും, കൂതറ മണം ആയിരിക്കും ഉച്ച കഴിഞ്ഞു, പക്ഷെ ടേസ്റ്റ് ഉണ്ട്, നെത്തോലി വറുത്തതും സൂപ്പെര്‍, 4/5

മീന്‍ കറി - അത്ര സെറ്റപ്പ് ഒന്നം അല്ലേല്ലും സഹികാം, 2.5/5, അമ്മുംമയുടെത് 3.5/5

പ്രതേക വിശേഷ ദിവസങ്ങളില്‍ പായസവും ഫ്രീ അയി കിട്ടാറുണ്ട് :)

Ambience

പൊതുവെ ബോയ്സ് ആണ് കൂടുതല്‍... പക്ഷെ ഫാമിലി ആന്‍ഡ്‌ ഗേള്‍സും വരാറുണ്ട്,ദൂരം ആയിരിക്കും കാരണം. നല്ല ചൂടാണ്. ഉണ്ട് തീരുമ്പോഴേക്കും ഫാന്‍ ഉണ്ടേലും വിയര്‍ത്തു കുളിക്കും. അമ്മാതിരി തീറ്റ ആണ് എങ്കില്‍ :P പിന്നെ ചില ഹോട്ടലില്‍ കാണാറുള്ള പോലെ "വേണേല്‍ ഞണ്ണിയിട്ട് പോടാ " എന്നാ അട്ടിട്യുട് അവിടെ ഇല്ല. 3/5

Verdict

ടെക്നോപാര്‍ക്കിന്റെ അടുത്തുള്ള ഹോടലുകളില്‍ ഉച്ചക്ക് ചോറ് ഉണ്നാവുന്നതില്‍ വച്ച് എറ്റവും നല്ല മീഡിയം സൈസ് ഹോട്ടല്‍ ആണ് മന്നന്‍, കുളത്തൂര്‍./.. ഉണ്ട് കഴിഞ്ഞു കപ്പലണ്ടി മിഠായി കൂടി കഴിച്ചാലേ ഒരു സംതൃപ്തി കിട്ടതോള് .

Vanjaki - വഞ്ചകി

2012-12-20T06:04:00.000-08:00

രാവിലെ ഉറക്കം എണീറ്റ്‌ നോക്കിയപ്പോള്‍ 12 മിസ്ഡ് കോള്‍സ്. നാട്ടിലേക്ക് തിരികെ പോകുന്ന ദിവസം ആണ്. രാത്രി ആണ് ഫ്ലൈറ്റ്. മുഖം കഴുകി തുടച്ചു ഫോണ്‍ എടുത്തു നോക്കി. അമ്മയുടെ കാള്‍ ഉം ഉണ്ട്. പിന്നെ സതീശന്റെയും. സതീശനെ തിരികെ വിളിച്ചു.

"ഹലോ "

"അളിയാ ഉറക്കം ആയിരിന്നു, ചുമ്മാ വിളിച്ചത് ആണോടാ ?"

"എടാ സുമേഷേ, ലവളുടെ കല്യാണം ആണ് ഇന്ന്, അതൊന്നു പറഞ്ഞു ശവത്തില്‍ കുത്താന്‍ വിളിച്ചതാ !!"

"ഹഹഹ , അതൊക്കെ ഞാന്‍ എന്നെ മറന്നു , ശെരി അളിയാ , പിന്നെ വിളിക്കാം " കാള്‍ കട്ട്‌ ചെയ്തു.

അവനോടു അങ്ങിനെ പറഞ്ഞെങ്കിലും ഒരു നിമിഷം കൊണ്ട് പഴയ ജീവിതം മൊത്തം മനസില്‍ മിന്നി മറഞ്ഞു, എന്തൊക്കെ ആയിരിന്നു. പ്രേമം, സ്നേഹം, അവളെ മാത്രമേ കെട്ടൂ , കെട്ടിയില്ലേല്‍ തൂങ്ങും. ഞാന്‍ ഇല്ലാതെ അവള്‍ ഇല്ല, അവള്‍ ഇല്ലാതെ ഞാന്‍ ഇല്ല. മൈട്‌ ഫോര്‍ ഈച് അദര്‍. , ചക്ക , മാങ്ങ, തേങ്ങ

പെണ്ണുങ്ങള്‍ ചതിക്കും എന്ന് എല്ലാ തെണ്ടികളും പറഞ്ഞിട്ടും ഞാന്‍ ചെവി കൊണ്ടില്ല. അവളെ സ്നേഹിച്ച സമയത്ത് പി എസ് സി കോച്ചിംഗ്നു പോയിരുന്നേല്‍ സര്‍കാര്‍ ജോലി എങ്കിലും കിട്ടി പോയേനെ. 2 വര്‍ഷത്തെ അബോധമായ , ഛെ അഗാധമായ ആത്മാര്‍ത്ഥമായ പ്രേമം. ഒടുവില്‍ അവള്‍ "ഇത് നടക്കൂല അണ്ണാ " എന്നും പറഞ്ഞു പോകുമ്പോള്‍ മരണം അല്ലാതെ മറ്റൊരു പോംവഴിയും മുന്നില്‍ ഉണ്ടായിരിന്നില്ല .

തന്റെ ജീവിതം ചവിട്ടി അരച്ച് കൊണ്ട് പോയ അവളോട്‌ മരണം കൊണ്ടല്ലാതെ എങ്ങിനെ പ്രതികാരം ചെയ്യാന്‍ ആകും. രണ്ടു വര്‍ഷം മുന്‍പ് നടന്ന ആ ബ്രേക്ക്‌-അപ്പ്‌ ഇന്നലെ പോലെ എന്റെ മനസ്സില്‍ തെളിഞ്ഞു വന്നു. ഇന്ന് അവള്‍ മറ്റൊരുത്തന്റെ ആയി മാറും. വഞ്ചകി . ക്രൂര. നിഷ്ടൂര. കാപലകി. കണ്ണി ചോര ഇല്ലാത്ത കൂശ്മാണ്ടം. ഒരു മനസാക്ഷി കുത്ത് പോലും ഇല്ലാതെ അവള്‍ക്ക് എങ്ങിനെ ഇതിനു സാധിക്കുന്നു. മനുഷ്യ സ്ത്രീ തന്നെ ആണോ അവള്‍...? എന്നും വിഷമവും വേദനയും ഏറ്റു വാങ്ങാന്‍ പുരുഷന്മാര്‍ മാത്രം. കള്ളു കുടിക്കാനും നമ്മള്‍ മാത്രം, ആത്മഹത്യ ചെയ്യാനും നമ്മള്‍ മാത്രം.

അവളെ ഒരു ആയിരം തവണ പ്രാകി കൊണ്ട് ഒരു കട്ടന്‍ ചായ കുടിച്ചു. എനിട്ട്‌ അമ്മയെ തരികെ വിളിച്ചു.

"എടാ, ഇത്ര ഉത്തരവാദിത്വം ഇല്ലാതെ ആയി പോയല്ലോ ?"

"എന്ത് പറ്റി അമ്മേ "

"ഭാര്യ പ്രസവിക്കാന്‍ കിടക്കുമ്പോള്‍ നിനക്ക് അവിടെ പോത്ത് പോലെ കിടന്നു ഉറങ്ങിയാല്‍ മതിയോ?, രാത്രി തന്നെ എത്തില്ലേ. ശനിയായിച്ച പ്രസവം കാണും എന്നാ പറയുന്നേ , അവളെ വിളിച്ചോ നീ?"

................................................................................................

PS : ആദ്യം വന്ന 12 മിസ്ഡ് കാല്‍കളില്‍ 10 എണ്ണവും സുഷമയുടെ ആയിരിന്നു. എന്‍റെ പ്രിയപ്പെട്ട ഫാര്യ :) !

ഓല കഥ (Increment letter)

2012-11-06T02:07:00.000-08:00

ഓല കഥ

പാഷന്‍ ഫ്രൂട്ട് എന്നൊരു കട ഉണ്ട് തേജസ്വിനി ബില്‍ടിങ്ങിന്റെ എഴാം നിലയില്‍ .എല്ലാ ബുധനായിച്ചയും ഞാന്‍ അതിന്റെ മുന്നില്‍ ചെന്ന് മെനു നോക്കി വെള്ളമിരക്ക്കും . മാതളനാരങ്ങ ജ്യൂസ്‌ 70 രൂപ. ഒരു സോഫ്റ്റ്‌വെയര്‍ എഞ്ചിനീയര്‍ എന്ന് പറഞ്ഞാല്‍ ഭയങ്കര സാധനം ആണെന്നും ഇഷ്ടം പോലെ കാശ് ഉള്ളവര്‍ ആണെന്നും പൊതുവേ ഒരു മിഥ്യാധാരണ ഉണ്ട്. അടുത്ത അപ്പ്രിസല്‍ കഴിഞ്ഞു മാതളനാരങ്ങ ജ്യൂസ്‌ കുടിക്കാം എന്ന് കരുതി എന്നും നാരങ്ങ വെള്ളം (20 രൂപ ) കുടിച്ചു ഞാന്‍ സംതൃപ്തി അടഞ്ഞു .

കഴിഞ്ഞ ഏപ്രില്‍ മാസം മുതല്‍ മാതള നാരങ്ങ ജ്യൂസ്‌ കുടിക്കാന്‍ കൊതിച്ചു നടന്നതാണ്. കമ്പനി ചതിച്ചു . ഓല വന്നില്ല. മോഹം നശിച്ചു നാരങ്ങ വെള്ളം തന്നെ കുടിച്ചു ജീവിക്കുക ആയിരിന്നു. സെപ്റ്റംബര്‍ ആയപ്പോള്‍ നവംബറില്‍ ഹൈക്കു തരാം എന്നും പറഞ്ഞു വീണ്ടും ഓരോ ബഹളങ്ങള്‍ തുടങ്ങി. എന്‍റെ ഉറങ്ങി കിടന്ന മോഹങ്ങളേ വീണ്ടും ചവിട്ടി എണീപ്പിച്ച് ആ വാഗ്ദാനങ്ങള്‍.. വീണ്ടും മാതള നാരങ്ങ ജ്യൂസ്‌ കുടിക്കാനുള്ള എന്‍റെ വെമ്പല്‍ കൂടി. നവംബര്‍ മാസം നിന്നെ ഞാന്‍ സ്വന്തം ആക്കും എന്ന് പറഞ്ഞു ഞാന്‍ അതിയായി അഹങ്കരിച്ചു. മറ്റു കമ്പനികളിലെ തെണ്ടികള്‍ മാതളനാരങ്ങ ജ്യൂസ്‌ കുടിക്കുമ്പോള്‍ ഞാന്‍ നാരങ്ങ വെള്ളം മോന്തി കൊണ്ട് മനസ്സില്‍ പറഞ്ഞു " നവംബര്‍ ആവട്ടെ"

ഇന്ന് നവംബര്‍ 7, എന്‍റെ കയ്യിലെ നാരങ്ങ വെള്ളം നോക്കി ഞാന്‍ മനസ്സില്‍ പറഞ്ഞു "ഓല ചതിച്ചു "

അവസാന ദിനം - ലോകത്തിന്റെയും പ്രേമത്തിന്റെയും (End of love and world)

2012-10-23T00:52:00.000-07:00

ഉച്ചക്ക് ഏകദേശം ഒരു രണ്ടു മണി ആയി കാണും. അന്നേരം ആപ്പീസിലെ എല്ലാവര്ക്കും വട്ടു പിടിച്ച പോലെ ഒരു ബഹളം, എനികൊന്നം മനസിലായില്ല. അടുത്ത് ഇരിക്കുന്ന ചെക്കന്‍ ആ ബഹളത്തിലേക്ക് ഓടി പോയി കരഞ്ഞു കൊണ്ട് തിരിച്ചു വന്നു. അവന്‍ ബാഗ്ഗും എടുത്തു കൊണ്ട് പോകാന്‍ തുടങ്ങി. "എന്ത് പറ്റിയെടാ?" ഞാന്‍ ആരാഞ്ഞു. "ലോകം ഇന്ന് അവസാനിക്കും. കണ്‍ഫേം ആയത്രേ, ഞാന്‍ വീട്ടില്‍ പോകുകയാണ്. അമ്മയെ കാണണം" . ഞാന്‍ ഉടനെ മനോരമ ഓണ്‍ലൈന്‍ എടുത്തു നോക്കി, സംഭവം സത്യമാണ്. ലോകം ഇന്ന് അവസാനിക്കും, ഏതോ ഒരു ഉല്‍ക അതിനു ഭൂമിയെകാള്‍ നീളവും വീതിയും ഉണ്ട്. ആര്‍ക്കും ഇനി ഒന്നും ചെയ്യാന്‍ പറ്റില്ല. ഇന്ന് രാത്രി 8 മണിക്ക് അത് ഫൂമിയെ ഇല്ലാണ്ടാക്കും. തിരിഞ്ഞു നോക്കിയപ്പോള്‍ ഓഫീസ് കാലി. എല്ലാവരും മുങ്ങി.

ഞാനും ഓഫീസില്‍ നിന്ന് ഇറങ്ങി. കൊല്ലം വരെ പൊയ് അമ്മയെ കാണണോ അതോ പേരൂര്‍കട വരെ പോയി കാമുകിയെ കാണണോ? കാറില്‍ കേറി കഴക്കൂട്ടം വരെ എത്തി. നോക്കിയപ്പോള്‍ ഭയങ്കര ബ്ലോക്ക്‌ . ബ്ലോക്ക്‌ കണ്ട ചിലര്‍ കാര്‍ റോഡില്‍ ഇട്ടേച്ചു ഇറങ്ങി ഓടി, ആ കാറുകള്‍ കാരണം വീണ്ടും ബ്ലോക്ക്‌ കൂടി. അങ്ങിനെ എന്റെ കാര്‍ ഉം റോഡില്‍ അനങ്ങാന്‍ വയ്യാണ്ട് കിടന്നു, അതില്‍ നിന്നും ഇറങ്ങി മുന്നോട്ടു നടന്നു. ഒരു സ്പ്ലെണ്ടോര്‍ ബൈക്ക് സൈഡില്‍ ഇരിക്കുന്നു. ഞാന്‍ ഹാന്‍ഡില്‍ ഒന്ന് തിരിച്ചു നോക്കി, ലോക്ക് ചെയ്തിടില്ല. ഞാന്‍ കാറിന്റെ താക്കോല്‍ വച്ച് അത് ഓണ്‍ ആകാന്‍ നോക്കി. ജയിച്ചു. ഹീറോ ഹോണ്ട പണ്ടേ ഇങ്ങിനെ ആണ്ണല്ലോ!.

ബൈക്ക് സ്റ്റാര്‍ട്ട്‌ ആയപ്പോള്‍ കാമുകിയെ തന്നെ കണ്ടേക്കാം എന്ന് വിചാരിച്ചു. അവളുടെ അച്ഛന്‍ ഇത് വരെ കല്യാണത്തിന് സമ്മതിച്ചിട്ടില്ല. അവര്‍ക്ക് കൊല്ലത്തുള്ള നായന്മാരെ വേണ്ടത്രേ, വടക്കുള്ള നമ്പ്യാരെ തന്നെ വേണമത്രേ. ഫോണ്‍ എടുത്തു വീട്ടിലേക്കു വിളിച്ചു . എല്ലാവരോടും സംസാരിച്ചു. അമ്മുംമയോടും." മോനെ നീ വരില്ലേ?" "ഇല്ല അമ്മുമ്മേ, ഞാന്‍ അവളെ കാണാന്‍ പോവുകയാണ്, എന്റെ കാമുകിയെ". ഉടന്‍ വന്നു അടുത്ത ചോദ്യം -"നായര്‍ ആണോ അവള്‍?" അതിനു മറുപടി പറയാണ്ട് ഞാന്‍ ഫോണ്‍ വച്ചു.

അങ്ങിനെ ഒരു മണിക്കൂര്‍ കൊണ്ട് ഞാന്‍ അവളുടെ വീട്ടില്‍ എത്തി. അവളുടെ അച്ഛന്‍ എന്നെ കണ്ടതും ഇറങ്ങി വന്നു. ഞാന്‍ ആ വീടിന്റെ മുന്നില്‍ നിന്നും അദ്ദേഹത്തോട് പറഞ്ഞു. "ഞാന്‍ ഒരു നമ്പ്യാര്‍ അല്ല, മലബാരിയും അല്ല. പക്ഷെ ഏതൊരു മനുഷ്യനും നിങ്ങളുടെ മകളെ സ്നേഹികുന്നതിനെകാലും കൂടുതല്‍ ഞാന്‍ അവളെ സ്നേഹിക്കുന്നു. നിങ്ങളുടെ സമ്മതം ഇല്ലാതെ അവളെ ഞാന്‍ വിവാഹം കഴിക്കില്ല. എനികവളെ അവളായിട്ടു തന്നെ ആണ് വേണ്ടത്. അവള്‍ അവള്‍ ആകുന്നതു നിങ്ങള്‍ എല്ലാവരും കൂടെ ഉള്ളപ്പോള്‍ ആണ്. തെക്കുള്ളവരും മനുഷ്യര്‍ ആണ്. എന്നെ നിങ്ങളുടെ മകള്‍ മനസ്സിലകിയത് കൊണ്ടാണ് അവള്‍ എന്നെ സ്നേഹിച്ചത്. അവളുടെ സന്തോഷം ആണ് നിങ്ങള്‍ക്ക് വേണ്ടത് എങ്കില്‍, അവളെ അവളായി കാണാന്‍ നിങ്ങള്‍ ആഗ്രഹിക്കുന്നു എങ്കില്‍ അച്ഛാ ഈ അവസാന ദിവസം എങ്കിലും ഞങ്ങളുടെ പ്രണയം താങ്കള്‍ അംഗീകരിച്ചു തരില്ലേ?" കണ്ണീരോടെ ഞാന്‍ അത് പറഞ്ഞു തീര്‍ത്തു. ഈ നമ്പര്‍ എങ്കിലും എല്കണേ എന്നാ പ്രാര്‍ത്ഥനയോടെ ഞാന്‍ അങ്ങേരുടെ മുഖത്ത് നോക്കി. അദ്ദേഹം എന്റെ തോളില്‍ തട്ടി കൊണ്ട് പറഞ്ഞു. "അവള്‍ എത്തിയിട്ടില്ല ബാങ്കില്‍ നിന്നും". "മോന്‍ വന്നു അകത്തു ഇരിക്ക് "

അകത്തെ കയറി ഞാന്‍ ഇരുന്നു. അവളുടെ അച്ഛന്‍ ദയനീയ ഭാവത്തോടെ എന്നോട് പറഞ്ഞു -" അവള്‍ വിളിചിരിനു ഇച്ചിരി മുന്‍പേ, അനുവാദം ചോദിക്കാന്‍, അവള്‍ക്കു അവളുടെ കാമുകനെ കാണാന്‍ പോകണം എന്ന്"

"അയ്യോ! അവള്‍ എന്നെ തിരക്കി പോയതാണോ" - ഞാന്‍ ചാടി എഴുനേറ്റു. എന്നെ പിടിച്ചു ഇരുത്തി കൊണ്ട് അദ്ദേഹം തുടര്‍ന്നു -" അവളുടെ ഒരു കോളേജ് മേറ്റ്‌ പയ്യന്‍, നമ്പ്യാരും അല്ല നായരും അല്ല , നീ ഇപ്പം പറഞ്ഞ സ്നേഹം, സന്തോഷം അതൊക്കെ വേണമെങ്ങില്‍ അവള്‍ക് അവന്റെ കൂടെ പോണം എന്നും പറഞ്ഞു ഫോണ്‍ വിളിച്ചു കരഞ്ഞു അല്പം മുന്‍പ്. അവള്‍ അവന്റെ അടുത്താണ് പോയിരിക്കുന്നത്."

ഒരു 10 മിനിറ്റ് ഞാന്‍ ഒന്നും പറഞ്ഞില്ല. പറഞ്ഞാലും ആര് കേള്‍ക്കാന്‍, ആരെ ബോധിപ്പിക്കാന്‍, പണി കിട്ടിയത് എനിക്ക് തന്നെ ആണല്ലോ! ദൈവമേ, 8 മണിക്ക് വരാനുള്ള പണിയെകാളും വലുതായി പോയല്ലോ ഈ എട്ടിന്റെ പണി. ലാസ്റ്റ് ദിവസം ആയോണ്ടേ ആരുടേം മുന്നില്‍ ചമ്മാന്‍ ഇല്ല. എന്നാലും നാണക്കെട് ആയി പോയല്ലോ ഈശ്വരാ!

"വരട്ടെ അച്ഛാ" - എന്നും പറഞ്ഞു അവിടെ നിന്നും മുങ്ങി, റോഡ്‌ മൊത്തം കട്ട ബ്ലോക്ക്‌ . എങ്ങിനെ ശ്രേമിച്ചാലും കൊല്ലം എത്തില്ല. തിരുവനന്തപുരത്ത് എനിക്ക് വേറെ പ്രേമവും ഇല്ല. ഫോണ്‍ വ്യ്ബ്രെറ്റ് ചെയ്യുന്നു, കുറെ നേരം ആയി ചെയുന്നു. ഞാന്‍ മൈന്‍ഡ് ചെയ്യുനില്ലായിരിന്നു. ഫോണ്‍ എടുത്തു നോക്കി, അമ്മയാണ്. ഫോണ്‍ എടുത്തു - " നീ വരുന്നുണ്ടോ? നിന്നെ കാത്തു ദെ ഇവിടെ 4 പെണ്ണുങ്ങള്‍ വന്നിരിക്കുന്നു " . ആ ശബ്ദത്തിന്റെ പിറകില്‍ വന്നതില്‍ ഒരു നസ്രാണി ഉള്ളതിന്റെ ബഹളം അമ്മുമ്മ വെയ്കുന്നത് എനിക്ക് കേള്‍ക്കമായിരിന്നു.

ആദ്യത്തെ ആദി രാത്രി (1st First Night)

2012-06-01T04:51:00.000-07:00

14 ദിവസം അവധി ഉണ്ട്. വീണ്ടും തിരകെ യുറോപ്പില്‍ പോണം. മൂന്നു മാസം വീണ്ടും അവിടെ. എനിട്ട്‌ വന്നു കല്യാണം കഴിക്കാം. അതയിരിന്നു പ്ലാന്‍ . കേരളത്തില്‍ വര്‍ക്ക്‌ ചെയുന്ന ഭൂരിഭക്ഷം സോഫ്റ്റ്‌വെയര്‍ എഞ്ചിനീയര്‍ ആള്‍കാരുടെ വിവാഹവും പ്രവാസികളുടെ വിവാഹവും തമ്മില്‍ വലിയ വ്യത്യാസം ഇപ്പോള്‍ കാണാറില്ല. എത്ര ലൈന്‍ ഉണ്ടായിരുന്നാലും നമ്മുടെ കല്യാണ പ്രായം ആകുമ്പോള്‍ ഒരെണ്ണം പോലും സ്റ്റോക്ക്‌ കാണില്ല. അഥവാ ഉണ്ടേലും അത് നമ്മുടെ ജാതിയോ മതമോ ആവില്ല. പിന്നെ അത്രെക്കു കടുത്ത പ്രേമം ഒന്നും അല്ലാലോ, എന്തിനാ വെറുതെ വീട്ടുകാരെയും നാട്ടുക്കാരെയും വിഷമിപ്പിക്കുനത് എന്നോകെ പക്വമായി ചിന്തിച്ചു നമ്മള്‍ അറേഞ്ച് മാര്യേജ് എന്നാ വെറുക്കപ്പെട്ട കനി തേടി പോകും. കിട്ടിയേക്കാവുന്ന സ്വര്‍ണവും സ്ഥലവും കളയണ്ടല്ലോ എന്നാ ചിന്ത ആവില്ല ഒരിക്കലും ഇതിന്റെ പിറകില്‍ . പ്രെതെകിച്ചു സ്വര്‍ണത്തിന് ഇപ്പോള്‍ വലിയ വില ഇല്ലാലോ. ആരോ സ്ത്രീധന ഡിമാണ്ട് ചോദിച്ചപ്പോള്‍ മാസം സ്വര്‍ണം ഇല്ലേല്ലും സാരമില്ല ഒരു കാര്‍ ഉം മാസം 100 ലിറെര്‍ പെട്രോള്‍ ഉം മതി എന്ന് ആരോ ചോദിച്ചതായി ഒരു കഥ കേട്ടു. സത്യമാവാന്‍ വഴി ഇല്ല.

എല്ലാം നേരത്തെ പ്ലാന്‍ ചെയ്തു. കേരള മാട്രിമോണി എന്നാ ആധുനിക വിവാഹ ചന്തയില്‍ വിന്‍ഡോ ഷോപ്പിംഗ്‌ നടത്തി ഫില്‍റ്റര്‍ ചെയ്തു വച്ചേക്കുന്ന 6 കുട്ടികള്‍ ഉണ്ട്. ജോലി ഉള്ളതും ഇല്ലാത്തതും പഠികുന്നതും അങ്ങിനെ കൊറേ എണ്ണം. ഉത്തമ ജാതകം തന്നെ വേണമെന്ന് വീടുക്കാര്‍ക്ക് നിര്‍ബന്ധം ആയിരിന്നു. എത്രയെത്ര സുന്ദരികള്‍ ഈ പേരില്‍ എന്റെ ഫില്‍റ്ററില്‍ നിന്നും പോയെന്നു അറിയാമോ? മധ്യമത്തില്‍ തന്നെ ഉണ്ടായിരിന്നു സുന്ദരികളായ തരുണീമണികള്‍ . പക്ഷെ അതൊന്നും അവര്‍ക്ക് സ്വീകാര്യം ആയിരിന്നില്ല. രാവിലെ തിരുവനന്തപുറം എയര്‍പോര്‍ട്ടില്‍ നിന്നും വീടിലേക്ക്‌ പോക്കുനതിനു മുന്‍പേ തന്നെ ഞാന്‍ ആറ്റിങ്ങല്‍ ഉള്ള ഒരു വീട്ടിലും പാരിപ്പള്ളി ഉള്ള ഒരു വീട്ടിലും ചാത്തനൂര്‍ ഉള്ള ഒരു വീട്ടിലും കേറി പെണ്ണ് കണ്ടു. ഈ 6 പേരോടും ഞാന്‍ നേരത്തെ ഫോണേല്‍ സംസാരിച്ചു വച്ചിട്ടുണ്ടയിരിന്നു. എല്ലാം ഏകദേശം നല്ല കുട്ടികള്‍ ആണ്. ആര്‍ക്കും മുന്‍പ് ലൈന്‍ ഉണ്ടായിട്ടില്ല. "പഴയ വല്ല അഫയരും ഉണ്ടായിരിന്നോ?" എന്നാ എന്റെ ചോദ്യത്തിന് എല്ലാവര്ക്കും ഒരേ ഉത്തരം മാത്രം :" പഠിക്കുന്ന കാലത്ത് ഒരുപ്പാട്‌ പേര്‍ ഇഷ്ടമാ എന്നൊക്കെ ഇങ്ങോട്ട് വന്നു പറഞ്ഞിടുണ്ട്. പക്ഷെ എനിക്ക് ആരോടും ഒന്നും തോന്നിയിട്ടില്ല. എനിക്ക് പഠിത്തത്തില്‍ മാത്രം ആയിരിന്നു ശ്രദ്ധ. വീട്ട്ക്കാര്‍ തീരുമാനിക്കുനത് അനുസരികുന്നതാ എനികിഷ്ടം". ഡിഗ്രിക്ക് എല്ലാ വിഷയത്തിനും തോറ്റ പെണ്ണുങ്ങള്‍ വരെ ഈ ഉത്തരമേ പറയൂ. ഇന്നേ വരെ ആരും, പ്രെതെകിച്ചു വിവാഹ ആലോചന സമയത്ത് അവര്‍ക്ക് ഒരു അഫയര്‍ ഉണ്ടായിരുനതായി സമ്മതികില്ല. ഉടനെ നമ്മള്‍ അടുത്ത നമ്പര്‍ ഇടും. "എനിക്ക് കോളേജില്‍ ഒരു ലൈന്‍ ഉണ്ടായിരന്നു. പിന്നീട് അത് നടക്കില്ല എന്ന് മനസ്സില്‍ ആയപ്പോള്‍ ഞങ്ങള്‍ നല്ല സുഹൃത്തുക്കള്‍ ആയി പിരിഞ്ഞു". ഇത് കേട്ടു കഴിയുമ്പോള്‍ "ഓ ഇവനും കളങ്കം ഉണ്ടല്ലോ " എന്ന് മനസ്സില്‍ ഓര്‍ത്തു കൊണ്ട് അവര്‍ അടുത്ത ഡയലോഗ് പറയും. "എനിക്കും ഒരു ഫ്രണ്ട് ഉണ്ടായിരന്നു. അവനു എന്നെ ഇഷ്ടം ആയിരിന്നു. എനിക്ക് ഫ്രണ്ട്ഷിപ്‌ മാത്രമേ ഉണ്ടായിരിന്നോള് . പക്ഷെ കോളേജിലെ പിള്ളേരുടെ വിചാരം ഞങ്ങള്‍ തമ്മില്‍ പ്രേമത്തില്‍ ആയിരിന്നു എന്നാ".

ഏതേലും ഉറപ്പിച്ചാല്‍ അപ്പോഴേ പെണ്ണുകാണല്‍ നിര്‍ത്തി നിശ്ചയം ഉറപ്പികണം. അതയിരിന്നു എന്റെയും വീട്ടുക്കാരുടെയും പ്ലാന്‍ .

ആദ്യത്തെ വീട്

പെണ്ണിന്റെ അച്ഛന്‍-"മ്യോനെ! എടേ , യാത്രകള്‍ ഒക്കെ എങ്ങിനെ ഉണ്ടാര്‍ന് ?"

പെണ്ണിന്റെ അമ്മ-" ക്ഷീണങ്ങള്‍ ഒക്കെ കാണും അല്ലെ?"

പെണ്ണിന്റെ അമ്മാവന്‍ - "യുറോപ്പില് എന്തിരാണ് പണി?"

പെണ്ണിന്റെ ചേട്ടന്‍- "അവധികള് ഒക്കെ കിട്ടോ ?"

ഇതെന്തു വീട്,, ഇവിടെ ഏകവചനം എന്നൊന്ന് ഇല്ലേ? ,, ഞാന്‍ എല്ലാവരുടെയും മുഖത്ത് മാറി മാറി നോക്കി. ആ നോട്ടത്തിന്റെ അര്‍ഥം എന്റെ വീട്ടുക്കാര്‍ക്ക് മനസ്സില്‍ ആയില്ല. കൂടെ ഉണ്ടായിരുന്ന എന്റെ മാമന്റെ മകന്‍ എന്റെ ചെവിയില്‍ പറഞ്ഞു - "അവരുടെ ഭാഷ കാര്യം ആകേണ്ട. പെണ്ണിന് വിദ്യാഭാസം ഉണ്ടല്ലോ? അവളുടെ സംസാരം നല്ലതാവും". ഫോണേല്‍ കേട്ടിടുണ്ട്. എന്നാലും. അങ്ങിനെ ഞങ്ങള്‍ മാത്രം ആയി. സംസാരം തുടങ്ങി. അവള്‍ വളരെ സോഫ്റ്റ്‌ ആയി സംസാരിക്കുന്ന പെണ്ണാണ്‌. ഭാഷ പ്രശ്നമേ അല്ലെ. അങ്ങിനെ എന്റെ മനസ്സ് പതുക്കെ ചാഞ്ചാടി തുടങ്ങിയതോടെ അവളുടെ വീട്ടില്‍ ഫോണ്‍ അടിക്കുന്ന ശബ്ദം കേട്ടു. അവളുടെ കൂടെ പഠിക്കുന്ന ഏതോ പെണ്ണ് ആണ്. അകത്തു നിന്നും അമ്മ വിളിച്ചു കൂക്കി - "ടീയെ, നമ്മട സിന്ധു ഫോണ്‍ വിളിക്കണ്, എന്തിര് പറയണം'. അവള്‍ പതുക്കെ ശബ്ദം കേട്ട ഭാഗത്തേക്ക്‌ നോക്കി. അമ്മ വീണ്ടും കാറി - "ഡീ, നീ കേട്ടാ ഞാന്‍ പറയണത്"

"വോ! കേട്ടാണ്, എന്തിരാനെന്നു ചോദി.. ഞാന്‍ അവളോട്‌ പിന്നെ വിളിചോളം എന്ന് പറഞ്ഞാണ് " - അവളുടെ അലര്‍ച്ച ആ ആറ്റിങ്ങല്‍ പഞ്ചായത്ത് മുഴുവന്‍ കേട്ടു. നല്ല ഭാഷ. "ശെരി അപ്പം പിന്നെ കാണാം" എന്നും പറഞ്ഞു ഞാന്‍ അവിടെ നിന്നും ഇറങ്ങി നേരെ കാറില്‍ പോയി ഇരിന്നു. കാര്യം വീട്ടുകാര്‍ക്ക് മനസിലായി.

രണ്ടാമത്തെ വീട്

അവള്‍ ഒരു ബാങ്ക് ജോലിക്കാരി ആയിരിന്നു. ചായ കുടി ഒക്കെ കഴിഞ്ഞു ഞങ്ങള്‍ ഒരുമിച്ചു ഒരു മുറിയില്‍ ആയി.

"സുഗമാണോ?"

"അതെ. ഫോണേല്‍ കേള്‍കുന്ന ശബ്ദം പോലെയേ അല്ല "

"അതെയോ."

"ഞാന്‍ ബാങ്കിലെ ആള്കാരോട് പറഞ്ഞു ഇന്ന് ചേട്ടന്‍ വരുമെന്ന്? അപ്പോള്‍ അതിലൊരാള്‍ പറയുവാ, IT ഫീല്‍ഡ് അല്ലെ? അപ്പോള്‍ ഒരുപ്പാട്‌ ഓടിയ വണ്ടി ആയിരിക്കും എന്ന് .."

എന്നിട് ഒരു ഓഞ്ഞ ചിരിയും. നല്ല വാക്യത്തില്‍ പ്രയോഗം. സുന്ദരി ആയ സുശീല ആയ ഒരു ബാങ്ക് ജോലികാരിയില്‍ നിന്നും ഞാന്‍ അത് പ്രതീക്ഷിച്ചില്ല. ഞാന്‍ ഞെട്ടി. അവിടുന്ന് എത്രയും പെട്ടന്ന് ടാറ്റാ പറഞ്ഞു ഞങ്ങള്‍ അടുത്ത വീട് പിടിച്ചു. എനിക്ക് വീട്ടുക്കരോട് പറയാന്‍ വേറെ കാരണം ഒന്നും ഇല്ലാത്തതിനാല്‍ അവളുടെ അച്ഛന് വിദ്യാഭാസം ഇല്ല എന്നും പറഞ്ഞു ആ ആലോചന ഞാന്‍ നിര്‍ത്തിച്ചു.

മൂന്നാമത്തെ വീട്

ഒരു MBA അവസാന വര്‍ഷ വിദ്യാര്‍ഥി. ചെന്നൈയില്‍ പഠിച്ച കുട്ടി ആണ്. നല്ല അച്ഛന്‍, നല്ല അമ്മ , നല്ല ബന്ധുകള്‍, നല്ല വീട്. നല്ല ചായ, കൂറ സമോസ, കിടിലം കട്ട്‌ലെറ്റ്‌ അങ്ങിനെ അങ്ങിനെ. അവള്‍ക്കു ഒരു ലൈന്‍ ഉണ്ടായിരുനത് (അവളോട്‌ മാത്രം , നേരത്തെ പറഞ്ഞത് പോലെ ) അവള്‍ ഫോണ്‍ വിളിച്ചപ്പോള്‍ സമ്മതിച്ച കാര്യം ആണ്. ഒരു പരിഷ്കാരവും ഇല്ല. ഞാന്‍ ചോദിച്ചപോള്‍ അവള്‍ പറഞ്ഞത് അവള്‍ക്കു സാരിയും ചുരിദാര്‍ഉം അല്ലാതെ വേറെ ഒന്നും ഇടുന്നത് ഇഷ്ടം അല്ല എന്നാണ്. സ്വന്തം ആയി ഒരു ഫേസ്ബുക്ക്‌ അക്കൗണ്ട്‌ കൂടി ഇല്ല എന്ന് കേട്ടപ്പോള്‍ സന്തോഷ്‌ പാലി ആയി. മറ്റുള്ളവര്‍ പരിഷ്കാരം കാണിച്ചാലും നമ്മുടെ സ്വന്തം ഫാര്യയും പെങ്ങളും അത് ചെയ്യാന്‍ പാടില്ല എന്നാണ് എല്ലാ മലയാളികളും ആഗ്രഹികുന്നത്. ഒറ്റ മകള്‍ ആണ്. ഈ കാണുന്ന വീടും പറമ്പും ഒന്നും ഇങ്ങോട്ടും ഓടാന്‍ പോകുനില്ല. ഇരിക്കുന്ന കസേരക്ക് വരെ ഉണ്ട് കുലീനത. പുറത്തു കിടക്കുന്ന സ്വിഫ്റ്റ് ഡീസല്‍ zdi :). അച്ഛന്‍ റിട്ടയര്‍ ആയി. അമ്മക്ക് സര്‍കാര്‍ ജോലി ഉണ്ട്. ആ വഴിക്ക് ഒരു സാലറി സര്‍ട്ടിഫിക്കറ്റ് ഉം ഒപ്പിക്കാം. ഇങ്ങിനെ ചിന്തകള്‍ കടന്നു പോയി. ഒടുവില്‍ ഞങ്ങള്‍ മാത്രം ബാക്കി ആയി.

"ഇരിക്ക് "

"വേണ്ട ഞാന്‍ നിന്നോളാം "

" ഓ! ഫോര്‍മാലിറ്റി ഒന്നും വേണ്ട "

" എന്നാലും വേണ്ട"

"ഇരികെടി പെണ്ണെ "

അവള്‍ ഇരിന്നു

"നിനക്ക് മടി ഒന്നും ഇല്ലാലോ എന്നെ കെട്ടാന്‍ , ഉവോ?"

"നമ്മള്‍ എല്ലാം സംസരിച്ചതല്ലേ, ഇഷ്ടം അല്ലേല്‍ ഞാന്‍ വരാന്‍ പറയുമോ? "

"എന്താ MBA കഴിഞ്ഞു ഉദ്ദേശം?"

" ഒരു ജോലി ഒപ്പിക്കണം, ചേട്ടന് ഇഷ്ടം അല്ലേല്‍ വേണ്ട,, എല്ലാം ചേട്ടന്റെ ഇഷ്ടം പോലെ മാത്രം"

ഞാന്‍ മതലിലെ മാതൃഭുമി കലണ്ടര്‍ ഒന്ന് നോക്കി, 2012 തന്നെ. "ഈശ്വരാ, ഈ വര്‍ഷത്തിലും 1918 ഇലെ ശാലീനതയും മനസ്സും ഉള്ള ഒരു കുട്ടിയോ? കേരള മാട്രിമോണി നീണാള്‍ വാഴട്ടെ. കുറച്ചു കാശ് കൊടുത്തെങ്കിലും എനികൊരു തങ്കകുടം തന്നെ കിട്ടിയല്ലോ. സഫലമീ ജീവിതം" - എന്റെ മനസ്സ് സന്തോഷത്താല്‍ പിറ് പിറുത്തു.

"നീ പറഞ്ഞത് പോലെ എല്ലാ പാചകവും അറിയാമല്ലോ അല്ലെ? "

"വിശ്വാസം ഇല്ലേ " - അവളുടെ പരിഫവം എന്നെ വിഷമിപിച്ചു

"വിശ്വാസം ആണ്" - അതും പറഞ്ഞു ഞാന്‍ അവളുടെ കൈകളുടെ മുകളില്‍ എന്റെ കരങ്ങള്‍ കൊണ്ട് ഡീല്‍ ഉറപ്പിച്ചു. നാണത്തോടെ അവള്‍ എണീച്ചു നിന്നു. ഒടുവില്‍ കണ്ണുകള്‍ കൊണ്ട് ടാറ്റാ പറഞ്ഞു ഞാന്‍ പുറത്തു ഇറങ്ങി. അപ്പോള്‍ അവളുടെ അച്ഛന്‍ - "മോനെ, ഒരു സെക്കന്റ്‌ ".

ഞാന്‍ അടുത്തേക്ക് ചെന്നു. എന്റെ തോളില്‍ കൈ ഇട്ടു കൊണ്ട് പുള്ളി ഒരു മൂലയിലേക്ക് നടന്നു.

"ചോദിക്കുനത് കൊണ്ട് ഒന്നും തോന്നരുത്, മദ്യപാനം ഉണ്ടോ?"

"മദ്യപാനമോ. ഏയ്‌. കമ്പനിക്ക് പോലും ഞാന്‍ കുടികാറില്ല" - എയര്‍പോര്‍ട്ടില്‍ നിന്നും വന്ന എന്റെ ബാഗില്‍ 3 ഫുള്‍ ഉണ്ട്,, ഇന്ത്യന്‍ എയര്‍ലൈന്‍ നിയമം അനുവാദം നല്‍ക്കുനതിലും 100ml കൂടുതല്‍ . കൂടാതെ ദുബായ് ഇറങ്ങിയപ്പോള്‍ വാങ്ങിയ 2liter ഉം. അതൊന്നും കണകാക്കാതെ ഞാന്‍ ധൈര്യമായി തട്ടി വിട്ടു.

"കുടിക്കുനത് ഒന്നും തെറ്റല്ല, അടിമ ആകറത്തു അത്രെയേ ഉള്ളു., വലികുമോ?"

"ഇയാള്‍ എന്തൊരു മണ്ടനാ! ഓര്‍ബിറ്റ് ഇന്റെ മണം കേട്ടാല്‍ അറിഞ്ഞൂടെ" എന്ന് മനസ്സിലും "എയ്യ്" എന്നും വായാലും പറഞ്ഞു. അങ്ങേര്‍ക്കും സംതൃപ്തി ആയി. അങ്ങിനെ ഇത് മതി എന്നും പറഞ്ഞു ഞാന്‍ ഇറങ്ങി പുറത്തു പൊയ് കാറ്റും കൊണ്ട് നിന്നു.

അവര്‍ അവരുടെ തന്നെ കുടുംബ ജ്യോത്സ്യനെ ഫോണേല്‍ വിളിച്ചു എന്തോക്കെയെ സംസാരിച്ചു അവസാനം ഒരു തീരുമാനത്തില്‍ എത്തി. നിശ്ചയം വേണ്ട,, കല്യാണം തന്നെ നടത്തിയേക്കാം. അതും 10ആം ദിവസം. എനിക്ക് പ്രെതെകിച്ചു ഒന്നും തോന്നിയില്ല. 2 ദിവസം മുണ്ട് ഉടുക്കുനതിലും നല്ലതല്ലേ ഒരു ദിവസം കൊണ്ട് കാര്യം സാധികുന്നത്. "ഇനി 3 മാസം കൂടി അല്ലെ ഉള്ളു യുറോപ്പില്‍ , അവള്കുള്ള ടിക്കറ്റ്‌ കൂടി ഞാന്‍ എടുത്തേക്കാം " - എന്റെ അമ്മയിഅപ്പന്റെ ഡയലോഗ് എനികിഷ്ടം അയി, ഓസിനൊരു ഹണിമൂണ്‍ എയര്‍ ടിക്കറ്റ്‌. എന്നാലും യുറോപ്പിലെ ചിലവ് ,, അവളുടെ സ്വര്‍ണം തീര്‍ന്നത് തന്നെ. അങ്ങിനെ ചിന്തകളുമായി ഞാന്‍ അവിടെ നിന്നും ഇറങ്ങി. ബാക്കി വീടുകളില്‍ വിളിച്ചു ചെറുക്കന്റെ കല്യാണം തീരുമാനം ആയെന്നു പറഞ്ഞു. അങ്ങിനെ കൊറേ കാലം നീണ്ടു നിന്ന എന്റെ വിവാഹ കച്ചവടം ഉറപിച്ചു.

-------------------------------------------------------------------------------------------------------------------------------------------------------------------------------------------------------------------------------------------------

അങ്ങിനെ എന്റെ ആദ്യ രാത്രി , ആദ്യത്തെ ആദി രാത്രി ;)

എന്തൊരു തിരക്ക് പിടിച്ച ദിവസം ആയിരിന്നു. ഹോ. എല്ലാവരും പോയി തുടങ്ങിയപ്പോള്‍ ഞാന്‍ മുറിയില്‍ കയറി കതക് അടച്ചു നമ്മുടെ പെട്ടിയില്‍ നിന്നും ഒരു 555 എടുത്തു കുളിമുറിയില്‍ കയറി കത്തിച്ചു. ഹോ. എന്തിര് ആശ്വാസം. അത് തീര്‍ന്നപ്പോള്‍ ഒരെണ്ണം കൂടി വലിച്ചു. എന്നിട്ട് കുളിമുറിയില്‍ കയറി പല്ലും തേച്ചു. റൂം ഫ്രെഷ്നെര്‍ എടുത്തു മുറി മുഴുവന്‍ പൂശി. സിനിമയിലെ പോലെ മുല്ലപൂവ് ഒന്നും ഇല്ല കട്ടിലില്‍. ഫ്രണ്ട് നിര്‍ബന്ധം പിടിച്ചതാ. ഫുള്‍ കൊടുക്കില്ല എന്നും പറഞ്ഞു അവരെ പിന്‍ തിരിപ്പിച്ചു. അല്പം കഴിഞ്ഞപോള്‍ കതവില്‍ ഒരു മുട്ട് കേട്ടു. തുറന്നപ്പോള്‍ അവള്‍. നല്ല വെളുത്ത ഒരു സാരീ, തലയില്‍ മുല്ലപ്പൂ, ശരീരം മൊത്തം സ്വര്‍ണം. കൈയില്‍ പാല്‍ ഗ്ലാസ്‌. "അയ്യേ. ചീപ്പ്‌ ഇടപാട്" - എന്നും പറഞ്ഞു പാല് മൊത്തം ഞാന്‍ തന്നെ അവിടെ നിന്നും കുടിച്ചു. എന്നിട് ഗ്ലാസ്‌ കൊണ്ട് താഴത്തെ മേശയില്‍ വച്ച്, എനിട്ട്‌ അമ്മയോടെ പുച്ചഫാവത്തില്‍ ഒരു ചോദ്യവും കാച്ചി. "ഈ കാലത്ത് ഇതൊക്കെ നാണക്കേട്‌ ആണ് അമ്മെ". എന്നിട്ട ഞാന്‍ വലിയ ജാടയില്‍ നടന്നു പുറത്തു ഒക്കെ ഒന്ന് പോയി, തിരികെ റൂമില്‍ എത്തി. കതക് അടചെക്കുന്നു. ഞാന്‍ തട്ടി, ഉടനെ അവള്‍ തുറന്നു. അകത്ത് കയറിയ ഞാന്‍ ഞെട്ടി. സാരീ കാണാനില്ല, സ്വര്‍ണവും, എല്ലാം അവള്‍ അലമാരയില്‍ ആക്കി., എന്നിട്ട് ഒരു മാതിരി പരിഷ്കാരി വസ്ത്രം.ഒരു നാല് അഞ്ചു സെക്കന്റ്‌ ഞാന്‍ കുറ്റിയടിച്ച പോലെ നിന്നു. എന്നിട് ഞാന്‍ ചോദിച്ചു - "ഇതെന്തു വേഷമാ?"

"നൈറ്റ്‌ ഡ്രസ്സ്‌ " - എന്റെ മുഖം പോലും നോക്കാതെ അവള്‍ കൂള്‍ ആയി മറുപടി പറഞ്ഞു.

എന്നിട്ട് അവള്‍ കുളിമുറിയില്‍ പോയിട്ട് തിരികെ വന്നു.

ഞാന്‍ കട്ടിലില്‍ ഇരികുക ആയിരിന്നു. അവള്‍ എന്റെ അടുത്ത് വന്നിരിന്നു. ഞാന്‍ അപ്പോഴും ഷോക്കില്‍ ആയിരിന്നു, അവള്‍ എന്റെ മുഖം അവളുടെ കരങ്ങള്‍ കൊണ്ട് അവളുടെ മുഖത്തിന്റെ അടുത്തേക്ക് കൊണ്ട് പോയി. ഈശ്വരാ അവള്‍ ഉമ്മ തരാന്‍ പോവുകയാണോ. ഞാന്‍ വീണ്ടും ഞെട്ടി. അവള്‍ എന്റെ മുഖത്തിന്റെ ഒരുപാട് അരികിലേക്ക് വന്നു, കണ്ണ് അടച്ചു. എന്നിട്ട് ഒരു പട്ടിയെ പോലെ എന്റെ ശ്വാസം മണപ്പിച്ചു കൊണ്ട് ചോദിച്ചു - "555 അല്ലെ?"

ഞാന്‍ വീണ്ടും ഞെട്ടി. "നിനകെങ്ങിനെ മനസ്സിലായി ?, അച്ഛന്‍ വലികുമോ?"

"ഏയ്‌ ! ടെന്‍ഷന്‍ വരുമ്പോള്‍ ഞാന്‍ വലിക്കാറുണ്ട്"

"ആരാ"

ഞെട്ടലില്‍ നിന്നും വിമുക്തമായി ഞാന്‍ ചോദിക്കുന്നതിനു മുന്നേ അവള്‍ എന്റെ പെട്ടിയില്‍ നിന്നും ഒരെണ്ണം എടുത്തു ലിഎട്ടെര് എവിടെ എന്ന് എന്നോട് ചോദിച്ചു, ഞാന്‍ കുളിമുറി ചൂണ്ടി കാണിച്ചു. അവള്‍ ഒരു കൂസലും ഇല്ലാതെ അവിടെ പോയി ഒരെണ്ണം കടിച്ചു വലിച്ചു തിരികെ വന്നു, എന്നിട് ഞാന്‍ ചെയ്ടത് പോലെ റൂം ഫ്രെഷ്നെര്‍ എടുത്തു ആ മുറി മുഴുവന്‍ പൂശി.

"നീ വലിക്കും എന്ന് എന്നോട് എന്താ പറയാത്തെ?"

"ചേട്ടന്‍ ചോദിച്ചോ"

അതും പറഞ്ഞു അവള്‍ കട്ടിലില്‍ കിടന്നു. ശെരിയാണ്‌. ഏകദേശം 50 മണിക്കൂര്‍ അവളോട്‌ പഞ്ചാര അടിച്ചിട്ടും "നീ സിഗരറ്റ് വലികുമോ ചക്കരെ ?" എന്നാ ചോദ്യം ഞാന്‍ വിട്ടു കളഞ്ഞു. അവളോടും എനിക്ക് വലിക്കാന്‍ അറിയില്ല എന്നായിരിന്നു ഞാന്‍ പറഞ്ഞിടുള്ളത്. "ഗുഡ്നൈറ്റ്‌ " പറഞ്ഞു ഞങ്ങളുടെ ആദ്യത്തെ ആദി രാത്രി അവിടെ അവസാനിച്ചു.

ഞങ്ങള്‍ യൂറോപേല്‍ എത്തി

എന്റെ കല്യാണം കഴിഞ്ഞതിന്റെ പേരില്‍ കമ്പനിയിലെ ആളുകള്‍ ഞങ്ങള്‍ക്ക് വേണ്ടി ഒരു പാര്‍ട്ടി അറേഞ്ച് ചെയ്തു. പാര്‍ട്ടി തുടങ്ങിയപ്പോള്‍ ഡ്രൈവ് ചെയ്യാന്‍ ഉള്ളത് കൊണ്ട് മദ്യം വേണ്ട എന്ന് ഞാന്‍ പറഞ്ഞു. എന്നിട് ഒരു നോണ്‍ അല്കഹോലിക് ബിയര്‍ കുപ്പിയും പിടിച്ചു ഞാന്‍ അവിടെ എല്ലാം കറങ്ങി നടന്നു, ഫാര്യ കുറച്ചു പെണ്ണുങ്ങളുടെ കൂടെ ആണ്. ഞാന്‍ അവളെ മൈന്‍ഡ് ചെയ്യാതെ കറങ്ങി നടന്നു, ഒരു ഒന്നര മണിക്കൂര്‍ കഴിഞ്ഞപ്പോള്‍ ആണ് ഞാന്‍ ആ കാഴ്ച കണ്ടത്, അവള് ആ പാര്‍ട്ടിയില്‍ ഉള്ള എല്ലാ വിധ മദ്യങ്ങളും 2 ഉം 3 ഉം പെഗ് വീതം അകത്തു ആക്കുന്നു. എന്നെ കണ്ടതും ഓടി വന്നു അവള്‍ എന്നോട് പറഞ്ഞു -"നമ്മുടെ നാട്ടിലെ മദ്യം പോലെ അല്ല, ഇത് കൊള്ളാം, സൂപ്പര്‍ ആയിടുണ്ട് . ചേട്ടന്‍ വേണേല്‍ കഴിച്ചോള്, നമുക്ക് ടാക്സി യില്‍ പോകാം". അതും പറഞ്ഞു അവള്‍ നേരെ ആ മദാമ്മ കൂടുകാരോട് പോയി ചേര്‍ന്നു. "നീ കുടികുമോ ?" - ഈശ്വരാ ആ ചോദ്യവും ഞാന്‍ വിട്ടു പോയിരിന്നു,

പിറ്റേന്ന് രാവിലെ തന്നെ ഞങ്ങള്‍ തിരുവനന്തപുരം എയര്‍പോര്‍ട്ടില്‍ എത്തി. കൊല്ലത്തേക്ക് പോകുന്ന വഴിയില്‍ തന്നെ അവളെ വീട്ടില്‍ ഇറങ്ങി .അപ്പോള്‍ അവിടെ കണ്ട അവളുടെ അച്ഛനോട് ഞാന്‍ പറഞ്ഞു -"ഇവള് കുടിക്കും, സിഗ്രടും വലിക്കും". "അതരിയവുന്നോണ്ട് അല്ലെ ദുശീലം ഇല്ലാത്ത ഒരുത്തനെ ഞങ്ങള്‍ നോകിയത് ". എന്തോ വിരുന്നിനു അവിടെ ചെന്നത് പോലെ അയാള്‍ സന്തോഷത്തില്‍ മറുപടി പറഞ്ഞു. "മോനെ, ഒരാള്‍ക്ക് മാത്രം ദുശീലം ഉണ്ടേല്‍ ജീവിതം മുന്നോട്ട് പോകും, രണ്ടു പേര്‍ക്കും ഉണ്ടേല്‍ കുറച്ചു പാടാ". ഇത് പറഞ്ഞു തീര്‍നതും ഞാന്‍ ഓടി ആ ടാക്സിയില്‍ കയറി വീട്ടില്‍ പൊയ്.

ഇപ്പോള്‍ എന്റെ ഡിവോസ് ഏകദേശം തീരുമാനം ആയി. വീണ്ടും കേരള മാട്രിമോണി ചന്തയില്‍ എന്റെ പടം പ്രത്യക്ഷപ്പെട്ടു. ആരെ ഫില്‍റ്റര്‍ ചെയ്തു ഫോണ്‍ വിളിച്ചാലും ഞാന്‍ ആദ്യം ചോദിക്കുന്ന കുറച്ചു ചോദ്യങ്ങള്‍ ഉണ്ട്

"കോണ്യാക് എന്നാല്‍ എന്ത് "

"ബീറിന്റെ മണം എന്താ?"

"555 കേട്ടിടുണ്ടോ?"

................................

"സിഗരറ്റ് വലികുമോ?"

"കുടിക്കുമോ? കോള അല്ല, മദ്യം?"

ഒന്‍പതാമത്തെ പെണ്ണ് കാണല്‍ - 9th proposal

2012-01-10T05:24:00.000-08:00

എന്റെ ഒന്‍പതാമത്തെ പെണ്ണ് കാണല്‍ ചടങ്ങ്

ലഡുവും ജിലേബിയും ഒക്കെ തീര്‍ത്തതിനു ശേഷം ഏമ്പക്കം വിട്ടു കൊണ്ട് മൂന്നാന്‍ ഉറക്കെ ചോദിച്ചു - "ചെക്കനും പെണ്ണിനും എന്തേലും മിണ്ടാന്‍ കാണില്ലേ ?". ഞാന്‍ ഓട്ട കണ്ണിട്ടു നോക്കി, എല്ലാവരും ചിരിക്കുന്നു. ഉടനെ പെണ്ണിന്റെ അച്ഛന്‍ എന്നോട് ഒരു മുറി കാണിച്ചു തന്നിട്ട് അങ്ങോട്ട്‌ ചെന്നോള്ലാന്‍ ആംഗ്യം കാണിച്ചു. ഞാന്‍ നാണിച്ചു കൊണ്ട് ആ മുറിയില്‍ ചെന്നു. കുറച്ചു കഴിഞ്ഞപ്പോള്‍ അവള്‍ അങ്ങോട്ട്‌ വന്നു. എന്നെ ഒന്ന് നോക്കിയിട്ട് തല കുനിച്ചു ഇരിപ്പായി. നാണം കാരണം ആണോ അതോ എന്റെ സൌന്ദര്യം കണ്ടിട്ടാണോ എന്നെനിക്കറിയില്ല. "പഠിത്തം ഒക്കെ എങ്ങിനെ ഉണ്ട് ?" - ഞാന്‍ ഗൌരവത്തോടെ ചോദിച്ചു. "കുഴപ്പം ഇല്ല, ഇത്തവണ പാസ്‌ ആവും എന്നാ മാഷ്‌ പറയുന്നേ".. യേത് മാഷ്‌ എന്ന് ഞാന്‍ ചോദികുന്നതിനു മുന്നേ അവള്‍ പറഞ്ഞു- " കണാകരന്‍ മാഷ്‌! അച്ഛന്റെ കൂട്ടുക്കാരനാ.. അദ്ദേഹം ആണ് ബികോം നു ടൂഷന്‍ എടുകണേ..". ഞാന്‍ ഒന്ന് നെടുവീര്‍പ്പിട്ടു. ബികോം 4 തവണ എഴുതി പാസ്‌ ആവുന്നത് ഒരു തെറ്റല്ല. അവള്‍ എഴുതട്ടെ,, "കുക്കിംഗ്‌ അറിയാം അല്ലെ?" - എന്റെ അടുത്ത ചോദ്യം. "ചേട്ടന്‍ ഇപ്പം കഴിച്ച എല്ലാം ഞാന്‍ ഉണ്ടാക്കിയതാ. അമ്മ എന്നെ എല്ലാം പഠിപ്പിചിടുണ്ട്. ഞാന്‍ ഹൈദ്രേബാദ് ബിരിയാണി ഉണ്ടാക്കാന്‍ പഠിക്കാന്‍ പോയത് കൊണ്ടാണ് കഴിഞ്ഞ വര്‍ഷവും ഡിഗ്രിക്ക് തോറ്റത്.." അവളുടെ വിഷമം ഞാന്‍ ഉള്‍കൊണ്ടു. ബിരിയാണി ആണ് പെണ്ണെ ഡിഗ്രീയെക്കള്‍ വലുത്. എനിക്കവളെ അനുമോദികാന്‍ തോന്നി. പഠിക്കാന്‍ മണ്ടി ആണേലും എല്ലാ ജോലിയും ഇവള്‍ ചെയ്തോളും. കാണാനും കൊള്ളം. വീടും കൊള്ളം.അം ഇംപ്രസ്‌ട്.

"ആ മൊബൈല്‍ നമ്പര്‍ ഒന്ന് തരുമോ?" - ഞാന്‍ ശബ്ദം താഴ്ത്തി ആരാഞ്ഞു.. "അയ്യോ, എനിക്ക് മൊബൈല്‍ ഇല്ല,, അച്ഛന്‍ വാങ്ങി തന്നതാ, പക്ഷെ എനിക്ക് ഉപയോഗിക്കാന്‍ അറിയില്ല, അത് കൊണ്ട് ഞാന്‍ തിരികെ കൊടുത്തു, അല്ലേലും എനിക്ക് ആരെ വിളിക്കാനാ?" - അവളുടെ നിഷ്കളങ്കത കണ്ടു ഞാന്‍ കോരി തരിച്ചു പോയി, മൊബൈല്‍ ഇല്ലാത്ത ഒരു പെണ്ണോ? ഇവള് മതി. "മെയില്‍ ഐഡി ആയാലും മതി?" -ഞാന്‍ കെഞ്ചി. "എനിക്ക് കമ്പ്യൂട്ടര്‍ ഉപയോഗിക്കാന്‍ അറിയില്ല, അവള്‍ വീണ്ടും പരിഫവം പറഞ്ഞു". ഞാന്‍ വീണ്ടും വീണ്ടും ഞെട്ടി - " അപ്പം ഫേസ്ബുക്ക്?" - ഞാന്‍ അലറി. "എന്ന് വച്ചാല്‍ എന്താ?" - അവള്‍ വിസ്മയത്തോടെ ചോദിച്ചു.

സന്തോഷത്താല്‍ എനിക്ക് പ്രാന്ത് ആയ പോലെ എനിക്ക് തോന്നി,, ഞാന്‍ ഒരു ഭ്രാന്തനെ പോലെ ആ മുറിയില്‍ നിന്നും ഓടി എല്ലാവരുടെയും മുന്നില്‍ എത്തി വിളിച്ചു കൂവി. "ഇവള്‍ മതി, ഇവളാണെന്റെ പെണ്ണ്, അടുത്ത ആഴ്ച തന്നെ എനിക്ക് ഇവളെ കെട്ടണം. :)" എല്ലാവര്ക്കും സന്തോഷം ആയി. ഞാന്‍ കല്യാണം വിളികം, പക്ഷെ ഫേസ്ബുക്ക്‌ ഉള്ള മൊബൈല്‍ ഫോണുമായി വന്നാല്‍ അകത്തു കയറ്റില്ല.

ദോശ പ്രേമം - love for dosha

2011-11-11T00:10:00.000-08:00

ഒടുവില്‍ കൊറേ നാളത്തെ കഠിന പരിശ്രമത്തിന്റെ ഭാഗമായി ഞാന്‍ അവളെ വളച്ചു. എന്തൊക്കെ ബഹളം ആയിരിന്നു ആദ്യമൊക്കെ. അവളുടെ ആദ്യക്കാല ചില പ്രയോഗങ്ങള്‍
"ആവശ്യം ഇല്ലാതെ ഫോണ്‍ വിളിയോ? അതിന്റെ ആവശ്യം എന്താ? "
"രാത്രി 9 മണി കഴിഞ്ഞാല്‍ ഞാന്‍ പുരുഷന്മാരുമായി സംസാരിക്കാറില്ല" വാ ദി ഫ
"എനിക്ക് എപ്പോഴും മെസ്സേജ് അയകേണ്ട കാര്യം ഇല്ല"
"സമയം ഉണ്ടേല്‍ ഞാന്‍ മിസ്സ്‌ അടിക്കാം"
"വിളിചിരുനെന്നോ,, ആഹ് ഞാന്‍ ശ്രദ്ധിച്ചില്ല"
"കൊഞ്ചി സംസാരികണ്ട കാര്യം എന്താ?" etc etc ...

ഇപ്പോള്‍ ഞങ്ങള്‍ പ്രേമത്തില്‍ ആയി, എല്ലാ പ്രേമവും ഒരു പോലെ ആണെന്ന് ഞാന്‍ പറയുന്നില്ല.. പക്ഷെ ഭൂരിഭാഗവും ആണുങ്ങള്‍ അവരുടെ മിടുക്ക് കൊണ്ടാണ് പ്രേമം വിജയിപ്പിക്കുനത്, കാരണം സിമ്പിള്‍ ആണ്, പെണ്ണുങ്ങള്‍ക്ക്‌ മിനകെടാന്‍ വയ്യ,, ആള്‍സോ നല്ല പോലെ മിനകെട്ടു പുറകെ നടക്കുന്ന ഒരുത്തന്‍ ആണേല്‍ അവരെ സന്തോഷിപ്പിക്കാനും മെനകെടും എന്ന് കരുതി ഗിര്‍ല്സ് എസ് പറയും, സില്ലി പെണ്ണുങ്ങള്‍. ഞാന്‍ പറഞ്ഞു വന്നത് എന്റെ പ്രേമം. അവളുടെ പേര് നിമിത. ഞാന്‍ സ്നേഹത്തോടെ നിമ്മു എന്ന് വിളിക്കും. കണ്ട നാള്‍ മുതല്‍ അവള്‍ തലയില്‍ ആവാന്‍ വരെ എടുത്തത്‌ ഏതാണ്ട് 4 മാസം. പഴയ പ്രേമങ്ങള്‍ പോലെ അല്ല ഇത്. പക്വുമായ ഒരു സ്നേഹം ഇതില്‍ ഉണ്ടെന്നു എനിക്ക് തോന്നി തുടങ്ങിയിരിന്നു. ഒരു ഒന്നൊന്നര മാസത്തോളം ഞങ്ങള്‍ സോള്ളികൊണ്ട് നടകുകയാണ്. ഓഫീസില്‍ ആണെങ്ങില്‍ ഞാന്‍ എല്ലാ 20 മിനുടിലും അവള്‍ക്ക് എസ്എംഎസ് അയക്കും, അവള്‍ മറുപടിയും തരും, പിന്നെ ഉണ്ടോ? കുളിച്ചോ? പല്ല് തേച്ചോ? തൂത്തോ? എന്ത് കളര്‍ ഡ്രസ്സ്‌ ആണ്? ഏതു സ്റ്റോപ്പില്‍ എത്തി? ഏതു പാട്ടാ കേള്‍ക്കുന്നേ? ദോശക്ക് എന്താ കറി? പുട്ടിനു ഉപ്പുണ്ടോ? അപ്പം പുളിച്ചോ? അങ്ങിനെ അങ്ങിനെ ഉത്തരം അറിഞ്ഞില്ലേല്‍ ജീവിതം അവസാനിക്കും എന്ന് തോന്നുന്ന കൊറേ കിടുപിടി ചോദ്യങ്ങളും ഉത്തരങ്ങളും ആയി പോകുന്ന കാലം.

ഒരു ശനിയായിച്ച വൈകുനേരം ഞാന്‍ വീട്ടില്‍. ഒരു 8 മണി മുതല്‍ ഫോണേല്‍ തുടങ്ങിയ പഞ്ചാര അടി ഇനിയും ശമിച്ചിട്ടില്ല. ഇടയ്ക്കു അമ്മ വിളിക്കുന്ന ശബ്ദം കേട്ടു. വീട്ടില്‍ നിക്കുവണേല്‍ അമ്മ എനിക്ക് രാത്രിയില്‍ ദോശ ഉണ്ടാക്കി തരും. അതാണ് പതിവ്. ദോശകല്ലില്‍ നിന്നും നേരെ പാത്രത്തില്‍ വന്നു വീഴുന്ന മൊരിഞ്ഞ ദോശ മാത്രമേ ഞാന്‍ തിന്നാരുള്ള്. അതമ്മക്കും അറിയാം. എനിക്കും അറിയാം. ബട്ട്‌ ഈ പിശാചിന് അറിയില്ല എന്നാ കാര്യം എനിക്ക് അറിയില്ലാരിന്നു. അമ്മ ആദ്യം വിളിക്കുമ്പോള്‍ അതിന്റെ അര്‍ത്ഥം ദോശകല്ല്‌ സ്ടുവേല്‍ വച്ച് എന്നാണ്. അടുത്ത വിളി വന്നാല്‍ ആദ്യത്തെ ചൂട് ദോശ റെഡി ആയെന്നും അര്‍ത്ഥം. ആ ദോശയുടെ മണം അടിച്ചാല്‍ ഞാന്‍ അറിയാതെ തന്നെ അടുകളയില്‍ എത്തി പോകും.
"എടീ അമ്മ വിളിക്കുന്നു, ഞാന്‍ പിന്നെ വിളിക്കാം. ഉമ്മ" - ദോശ മോഹം കാരണം ഞാന്‍ പറഞ്ഞു.
"എവിടെ പോകുന്നു?" - ഉടന്‍ വന്നു ചോദ്യം "ദോശ തിന്നാന്‍"-എന്റെ ഉത്തരം
"അത് കുറച്ചു കഴിഞ്ഞു കഴിച്ചാലും പോരെ? അമ്മയോട് അടച്ചു വയ്ക്കാന്‍ പറ."
" അല്ല അതിപ്പം.. എനിക്ക് ചൂടോടെ തിന്നണം, അതാണ്‌ ശീലം?"- ഞാന്‍ ജസ്ടിഫി ചെയ്യാന്‍ ശ്രമിച്ചു
"ഇല്ലേല്‍ ചത്ത്‌ പോകുമോ? എന്നാല്‍ അതൊന്നു കാണണമല്ലോ?" - അവളിലെ അഹങ്കാരത്തിന് കൈയും കാലും മുളച്ചു.
അതാ കേള്‍ക്കുന്നു അമ്മയുടെ രണ്ടാമത്തെ വിളി. "എടീ, ഞാന്‍ ഇപ്പം വരം, ലെസ്സ് തന്‍ ഫൈവ് മിനിട്സ്, പ്ലീസ്‌.." - ഞാന്‍ വിനീതനായി കെഞ്ചി.
"ഇല്ല പറ്റില്ല,, അതൊന്നു അറിയണമല്ലോ, ഞാന്‍ ആണോ വലുത് ദോശ ആണോ വലുത്?, ഇപ്പം പറയണം" - അവള്‍ ഒരു സിംഗം ആയി മാറി.
"ഓക്കേ! എന്നാല്‍ കേട്ടോ,, എനിക്ക് ദോശ ആടീ പുല്ലേ വലുത്,, നീ പോയി ചാക്" - ഇതും പറഞ്ഞു ഞാന്‍ ആടുകളയിലേക്ക് ഓടി.

ഒരു അര മണിക്കൂര്‍ കഴിഞ്ഞു ഞാന്‍ വന്നു അവളെ ഫോണ്‍ വിളിച്ചു, എടുക്കുന്നില്ല. കൊറേ വട്ടം ട്രൈ ചെയ്തു,, എടുക്കുന്നില്ല.. എസ്എംഎസ് അയച്ചു നോക്കി.. രക്ഷയില്ല.. ഒരു മാസത്തോളം ഞാന്‍ ട്രൈ ചെയ്തു.. അവളുടെ തീരുമാനം ഉറച്ചതായിരിന്നു,, ഏതോ ദോശ ഇഷ്ടം ഇല്ലാത്ത തെണ്ടി അവളെ കെട്ടുമെന്നാണ് അവളുടെ വിശ്വാസം. അങ്ങിനെ കേവലം ഒരു നേരത്തെ ദോശക്കു വേണ്ടി ഞാന്‍ അവള്‍ എന്നെ വിട്ടു പിരിഞ്ഞു പോയി, എനിക്ക് വിഷമം ഇല്ല, കാരണം യഥാര്‍ത്ഥ സ്നേഹത്തെക്കാള്‍ എനിക്ക് വലുത് ദോശയാണ്... :(

വീണ്ടും ചില പ്രേമ കാര്യങ്ങള്‍ - some useful love tips

2011-09-01T08:00:00.000-07:00

ഒരുപാട് പേരെ പ്രേമിച്ചു എന്ന് ഒന്നും ഞാന്‍ പറയില്ല. ആത്മാര്‍ഥമായി രണ്ടോ മൂന്നോ മാത്രം. ബാക്കി എല്ലാം കപടം ആണെന്നല്ല, എങ്കിലും ചില പ്രേമങ്ങള്‍ പ്രേമങ്ങള്‍ ആകണം എന്നില്ല. സാധാരണ രീതിയില്‍ പ്രേമം തുടങ്ങുന്നത് എങ്ങിനെ ഒക്കെ ആണ്? പ്രേമം ആണിനും തോന്നാം പെണ്ണിനും തോന്നാം, പക്ഷെ 95% പെണ്ണുങ്ങളും അത് അവരുടെ മനസ്സില്‍ തന്നെ സൂക്ഷിക്കും. 98% ആണുങ്ങളും അത് അപ്പം തന്നെ അവരുടെ ഉറ്റ സുഹൃതുകളോട് പറയും. നമ്മള്‍ ഒരുപാട് ഒന്നും ചിന്തികേണ്ട കാര്യം ഇല്ലാലോ. അവള് പോയാല്‍ റോസി ;) . ലവ് അറ്റ്‌ ഫസ്റ്റ് സൈറ്റ് എന്നൊക്കെ ഇപ്പോഴും ഉണ്ടോ എന്തോ? ഈ കാലത്ത് എല്ലാം ഫില്‍റ്റര്‍ ചെയ്താണ് ചെക്കന്മാര്‍ തീരുമാനം എടുകുക. ഈ പറയുന്നത് ഭൂരിപക്ഷത്തിന്റെ മാത്രം കാര്യം ആണ്. മറ്റുള്ളവര്‍ സദയം ക്ഷെമിക്കുക.

ആദ്യത്തെ നോട്ടം സ്വാഭാവികമായും സൗന്ദര്യം തന്നെയാണ്. സൗന്ദര്യം ഇല്ലാതെ ആരെയും കൂടെ കൊണ്ട് നടക്കാന്‍ ആണുങ്ങള്‍ ഒരു ചെറിയ മടി കാണിക്കും. അങ്ങിനെ ഒരു കോളേജ് ആണെങ്ങില്‍ കാണാന്‍ കൊള്ളാവുന്ന കൊറേ എണ്ണത്തിന്റെ ലിസ്റ്റ് എടുക്കും, അതാണ് ആദ്യ യോഗ്യത. രണ്ടാമത് നോക്കുക സാമ്പത്തികം ആണ്. നമ്മുടെ കാശിനു ഐസ്-ക്രീം തിന്നുന്ന ഒരുവളെക്കാള്‍ നമ്മുടെ ഫോണ്‍ ചാര്‍ജ് ചെയ്തു തരുകയും പെട്രോള്‍ അല്ലവന്‍സ് തരുന്നതുമായ ഒരുവള്‍ ആണ് അഭികാമ്യം. പൂത്ത കാശാണ് ഇവിടെ നോക്കേണ്ട യോഗ്യത. മൂന്നാമതായി ധൈര്യം. ബൈക്കേല്‍ കേറാന്‍ ധൈര്യം ഇല്ലേല്‍ പിന്നെ എന്ത് പ്രേമം?. നാലാമതായി നോകേണ്ട കാര്യം കുടുംബം ആണ്. കുടുംബം എന്ന് കേള്‍ക്കുമ്പോള്‍ കല്യാണം ആലോചിക്കാന്‍ വേണ്ടി ഒന്നും അല്ല, അവളുടെ അച്ഛനോ മാമനോ, ചേട്ടനോ ആരേലും ഈ കഥ അറിഞ്ഞാല്‍ നമ്മള്‍ക്ക് കിട്ടിയേക്കാവുന്ന പ്രഹരത്തിന്റെ അളവ് നേരത്തെ മനസിലാക്കിയാല്‍ അതൊഴിവാക്കാമല്ലോ, യേത്? പ്രധാനമായും സ്വാധീനം ഉള്ള കുടുംബത്തിലെ പെണ്ണുങ്ങളെ, അവര്‍ ഇനി എത്ര കൂതറ ആണെങ്കിലും, സ്വന്തം പെങ്ങള്‍ ആയി കാണുക. അവരെ പെങ്ങളെ എന്നെ വിളികാവൂ. പെങ്ങള് കഴിച്ചോ, പഠിച്ചോ, സുഖം അല്ലെ, വീട്ടുകാര്‍ എന്ത് പറയുന്നു? എന്നൊക്കെ ചോദിച്ചു അവളുമായുള്ള ബന്ധം ധ്രിടപെടുത്തനം. അഥവാ എന്നേലും ആരേലും പരാതി കൊടുത്തു പോലീസ് പിടിച്ചാല്‍ പെങ്ങള്‍ പറഞ്ഞു രെക്ഷിചാലോ, എപ്പടി?

അങ്ങിനെ നമ്മള്‍ പ്രേമത്തില്‍ എത്തിയാല്‍ അതോടെ ഇനി ഒന്നും നോകേണ്ട എന്ന് കരുതരുത്. പ്രേമത്തിന്റെ ഓരോ ചുവടും നമ്മള്‍ വളരെ ശ്രദ്ധയോടെ വേണം നടന്നു കയറുവാന്‍.

1 ) നമ്മള്‍ സീരിയസ് ആന്നു എന്നൊരു ചിന്ത ക്ലാസ്സിലെ പുള്ളര്‍ക്കോ സഹപ്രവര്തകര്‍ക്കോ ഒരു കാലത്തും വരന്‍ പാടില്ല. നമ്മള്‍ പ്രേമിക്കുന്ന വിവരം അവള്‍ മാത്രം അറിഞ്ഞാല്‍ മതി. കൂടിപോയാല്‍ നമ്മുടെ അടുത്ത സുഹൃത്തുകളും അവളുടെ അടുത്ത സുഹൃത്തുകളും അറിഞ്ഞോട്ടെ( ?? "പെണ്ണുങ്ങള്‍ അറിയാനോ??" അത് കഴിവതും ഒഴിവാകണം എന്നെ ഞാന്‍ പറയൂ.. അനുഭവം ഗുരു! ). ഇതിന്റെ ഗുണം എന്തെന്നാല്‍ കളയാന പ്രായം ഒക്കെ ആകുമ്പോള്‍ ഈ ക്ലാസ്സ്മറെസ് ഒക്കെ വധുവിന്റെ ഏതേലും കൂട്ടുകാരന്റെ അളിയന്റെ മാമന്റെ കൊച്ചച്ചന്റെ ആരാണ്ട് ഒക്കെ ആയിട്ട് വരും, അന്നേരം നമ്മളുടെ പ്രേമ കഥകള്‍ പൊങ്ങി വരാന്‍ പാടില്ലാലോ. എന്റെ ആ പ്രായത്തില്‍ ഇതാരും പറഞ്ഞു തരാത്തത് കൊണ്ട് കൊല്ലം ,തിരുവനന്തപുരം ജില്ലകളില്‍ നിന്നും മാവേലിക്കര പഞ്ചായത്തില്‍ നിന്നും എനിക്ക് ഈ ജന്മത്ത് പെണ്ണ് കിട്ടാന്‍ പോകുനില്ല.. വേറേം ജില്ലകള്‍ ഉണ്ടല്ലോ.. ;)

2 ) നമ്മള്‍ നോക്കുന്ന പെണ്ണുങ്ങളെ വേറേം ചെറുക്കന്മാര്‍ നോക്കും. അവര്‍ അവളെ ശല്യം ചെയ്തു തുടങ്ങും. ഉദാഹരണത്തിന് ഫോണ്‍ വിളികുക, ബസ്‌സ്റ്റോപ്പില്‍ നിന്ന് വായിനോക്കുക etc etc . അപ്പോള്‍ നമ്മള്‍ മോഹന്‍ലാലിനെ (25വര്ഷം മുന്‍പുള്ള) പോലെ അവന്മാരോട് കയര്‍ത്തു ഇടി ഉണ്ടാക്കി അവന്മാരുടെ ശല്യം തീര്‍ത്തു അവളുടെ മുന്നില്‍ സ്റ്റാര്‍ ആവുക. അങ്ങിനെ ചെയ്യുക ആണെങ്ങില്‍ അതാണ്‌ ലോക മണ്ടത്തരം. "ശെടാ! നിനക്ക് സൌന്ദര്യം ഉള്ളോണ്ട് അല്ലെ അവന്മാര്‍ നോക്കുന്നെ? ഇതൊന്നും അത്ര കാര്യം ആകേണ്ട. ഞാന്‍ അവന്മാരെ പൊയ് ഇടിച്ചു വിഷയം ആയാലും നിനക്കല്ലേ നാണകേടു? വിട്ടു കള ചക്കരെ" - ഇതാണ് പക്വുമായ ശൈലി. നമ്മള്‍ക്ക് ഇടി കൊള്ളുകയും ഇല്ല നമ്മളുടെ പക്വത ഓര്‍ത്തു അവള്‍ക്കു അഭിമാനം ഉണ്ടാവുകയും ചെയ്യും.

3 ) ഒരേ സമയം ഒന്നിലേറെ പേരെ നോക്കാന്‍ MAT പാസ്‌ ഒന്നും ആകേണ്ട. സാമാന്യ ബുദ്ധി ഉള്ള ഏതു കൊല്ലകാരനും അത് സാധിക്കും. സൂക്ഷികേണ്ട കാര്യങ്ങള്‍ ഇത്ര മാത്രം. ആ രണ്ടു പേരും അറിയാതെ പോലും കൂടുകാരവാന്‍ സാധ്യത ഉണ്ടാവരത്ത്. അവര്‍ ഒരേ ബ്യൂടി-പാര്‍ലര്‍ പോകുന്നവര്‍ ആവരത്. ഒരുതിയുമായി കറങ്ങാന്‍ പോകുമ്പോള്‍ മറ്റവളുടെ കണ്ണിലോ ചെവിയിലോ മൂക്കിലോ ചെന്ന് പെടരത്. എല്ലാവരും ഉറങ്ങിയിട്ട് മാത്രം ഫോണ്‍ വിളിക്കാന്‍ പറ്റുന്ന ഒരുത്തിയും, എല്ലാവരും ഉറങ്ങുനതിനു മുന്‍പ് മാത്രം മിണ്ടാന്‍ പറ്റുന്ന ഒരുത്തിയും വല്ലപ്പോഴം മാത്രം ഫോണേല്‍ മിണ്ടാന്‍ പറ്റുന്ന ഒരുത്തിയും നോക്കുക, ഫോണ്‍ വിളിയുടെ ക്ലാശുകള്‍ ഒഴിവാക്കാന്‍ ഇത് സഹായിക്കും. പിന്നെ പേര് ഉറക്കപിച്ചയില്‍ തെറ്റി പോകതിരികാന്‍ ചെല്ലപെരുകള്‍ മാത്രം ഉപയോഗിക്കുക. ഉദാഹരണത്തിന് മോള്, വാവ, ചക്കര, റ്റുറ്റു , ടുട്ടു, മിട്ടു അങ്ങിനെ എന്തേലും ഒക്കെ. പട്ടികിടുന്ന പേരാണെന്ന് അവള്‍ക് തോനറത്തു എന്ന് മാത്രം. ഒരുത്തിയെ കാണാന്‍ പോകുന്ന സമയത്ത് ബാകി എല്ലാത്തിനോടും വീട്ടില്‍ മാമന്റെ മക്കള്‍ ഉണ്ടെന്നും അവര്‍ ഫോണേല്‍ ഗെയിം കളിക്കും എന്നും ആയതിനാല്‍ വിളിയോ മെസ്സേജ്ഓ ആ സമയത്ത് അരുത് എന്ന് താകീത് ചെയ്താല്‍ മനസമാധാനത്തോടെ മറ്റേ പെണ്ണുമായി സൊള്ളം.

4 ) ഒരിക്കലും നമ്മളുടെ വീട്ടുക്കാരുമായി കൂട്ട് കൂടാന്‍ അവളുംമാരെ അനുവദിക്കരുത്. അതപകടം ആണ്, നമ്മള്‍ എങ്ങാനും ഇട്ടേച്ചു പോയാല്‍ അവള്‍ വീട്ടില്‍ വിളിച്ചു കരഞ്ഞു നാശം ഉണ്ടാക്കും. ബാക്കി ഞാന്‍ പറയണ്ടല്ലോ. അത് പോലെ തന്നെ നമ്മുടെ ഒരു നാട്ടുക്കാരനും നമുക്ക് ഉള്ള ചുറ്റികളികള്‍ അറിയാന്‍ ഉള്ള ഇട വരുത്താതെ സൂക്ഷികണം. നാടുക്കാര്‍ കാട്ട്തീ പോലെ നമ്മടെ മാനം കത്തിക്കും.

5 ) അവള്‍ക്കു വേണ്ടി ഒരു രൂപ പോലും ചെലവ് ആക്കരുത്. അതൊന്നും ഒരികളും തിരികെ കിട്ടില്ല. മാത്രവുമല്ല ഈ പ്രേമം തീരുന്ന അന്ന് വരെ അവളുടെ ചിലവില്‍ വേണം ജീവിക്കാന്‍. സിനിമ, പെട്രോള്‍, മൊബൈല്‍, സുപ്പ്ലിയുടെ എക്സാം ഫീസ്‌, പെര്‍ഫ്യൂം അങ്ങിനെ എന്തെല്ലാം cc ഇടാമോ അതെല്ലാം ഇട്ടോണം. കുറച്ചു ചീപ്പ്‌ ആണ്, എന്നാലും ഒരു രസമല്ലേ.

6 ) പ്രേമത്തില്‍ ആണെന്നും പറഞ്ഞു അവളെ എപ്പോഴും വിളിക്കാന്‍ ഒന്നും പോവറത്തു. അത് നമ്മുടെ വില കുറയ്ക്കും. അവളുടെ പിറന്നാള് പോലും ഓര്‍ക്കറത്തു, ഓര്‍മ്മ വന്നാലും മൈന്‍ഡ് ചെയ്യണ്ട. അതൊക്കെ ചുമ്മാ വേണ്ടാതെ ശീലങ്ങള്‍ ഉണ്ടാക്കും. നമ്മുടെ ഒരു സുഹൃത്ത്‌ ഒരു രാത്രിയില്‍ അവന്റെ ഭാര്യയുടെ ആദ്യ പിറന്നാളിന് വിഷ് ചെയ്യാന്‍ മറന്നത് കൊണ്ട് പാതി രാത്രിയില്‍ തിരിച്ചു നാട്ടില്‍ പോകാന്‍ ഇറങ്ങിയതും അവനെ ഒരു മണിക്കൂര്‍ ഉപദേശിച്ചു ഒരു നല്ല ഫര്താവ് ആക്കി മാറ്റിയതും ഞാന്‍ സ്മരിച്ചു കൊള്ളുന്നു.

7 ) ബന്ധം ഒരികലും ഒറ്റ തീര്‍പ്പില്‍ നിര്‍ത്താന്‍ പാടില്ല. അത് ചിലപ്പോള്‍ ആത്മഹത്യ വരെ എത്തിയേക്കാം. പയ്യെ തിന്നാല്‍ പനയും തിന്നാം, പക്ഷെ ദഹികില്ല. ആയതിനാല്‍ പ്രേമം അവളെ കൊണ്ട് തന്നെ മുറിപ്പികാന്‍ നോക്കുക. അതിനു കാരണം കണ്ടു പിടിക്കാന്‍ ഞാന്‍ പറഞ്ഞു തരണ്ടല്ലോ. ഒന്നും ഇല്ലേലും നമ്മള്‍ ഒക്കെ ആണുങ്ങള്‍ അല്ലെ. എന്റെ 2006 ഏപ്രില്‍ മാസത്തിലെ പ്രേമം മുറിക്കാന്‍ ഞാന്‍ പറഞ്ഞ കള്ളം എന്റെ വീട്ടുക്കാര് വേറെ ഒരുത്തിയെ കൊണ്ട് എന്നെ കെട്ടിക്കാം എന്ന് വാക്ക് കൊടുത്തു പോയി , അതിനാല്‍ എനികെന്തു ചെയ്യണം എന്ന് അറിയില്ല എന്നാണ്. ആര് കേട്ടാലും ചിരിക്കുന്ന ഒരു കള്ളം, പക്ഷെ അവള്‍ അപ്പോഴേ ഓടി മറഞ്ഞു. ;).. ഇത് പോലെ ജാതകം, പ്രായം, ജാതി, ജോലി, ഭാവി, ഭൂമി ശാസ്ത്രം തുടങ്ങി ഏതു മേഘലയിലെ കള്ളം വേണമെങ്കിലും നമുക്ക് ഉപയോഗിക്കാം.

കൊഞ്ച് സാമ്പാര്‍ ( prawn sambaar)

2011-08-15T07:47:00.000-07:00

കൊഞ്ച് സാമ്പാര്‍

ചെന്നൈക്ക് പോയിട്ട് ഞാനും രതീഷും അഞ്ജുവും കൂടി വെറുതെ കറങ്ങാന്‍ പുറത്തിറങ്ങി,,, അപ്പോള്‍ അഞ്ജുവിന്റെ ഫോണേല്‍ ദിവ്യ വിളിക്കുന്നു, ആരാ ഇവരൊക്കെ എന്ന് ചിന്തിച്ചു കുഴയേണ്ട,, ഞാന്‍, രതീഷ്‌, അഞ്ചു, ദിവ്യ ഇവരെല്ലാം ക്ലാസ്സ്‌മേറ്റ്സ് ആണ്, അഞ്ജുവിന്റെ ഫര്‍താവ് ആണ് രതീഷ്‌.. അവര്‍ ചെന്നൈയില്‍ ആണ്,,, ദിവ്യയും അവളുടെ ഫര്‍താവ് ജയകൃഷ്ണനും കുഞ്ഞുമോന്‍ ആയ പാക്കരനും; അവരും ചെന്നൈയില്‍ ആണ്, ഞാന്‍ ഇടയ്ക്കു പോയി അവരെ ശല്യപെടുതും, ഐഡിയ കിട്ടിയല്ലോ?? ബാക്ക് ടു സ്റ്റോറി,,
"എടീ, നിങ്ങള്‍ ഇവിടെ ഇല്ലേ??"- ദിവ്യയുടെ ചോദ്യം,,, " ഞങ്ങള്‍ ഒന്ന് കറങ്ങാന്‍ ഇറങ്ങിയതാ! എന്റെ ഒരു ഫ്രണ്ട്നു ഒരു ഡ്രസ്സ്‌ വാങ്ങണം, നീ ഇപ്പം വരും വീടിലോട്ടു?"..
"പ്ഫ്ഹാ, ഞങ്ങള്‍ നിന്റെ വീടിന്റെ മുന്നില്‍ ഉണ്ട്.. നിനകൊക്കെ പോകുവണേല്‍ പറഞ്ഞിട്ട് പൊയ്കൂടെ!"- ദിവ്യ അലറി,, അമ്മായി കൂടെ ഉള്ളത് കാരണം അവള്‍ അധികം തെറി പറഞ്ഞില്ല..
"ഞങ്ങള്‍ ഇപ്പം അങ്ങ് ഇതും, ഒരു ഒരു മണിക്കൂര്‍,, വെയിറ്റ് ചെയ്യുമോ?" - അഞ്ചു മൊഴിഞ്ഞു,,
"ഇല്ലെടി, അമ്മ ഉണ്ട്, കുറച്ചു ഷോപ്പിംഗ്‌ ഉണ്ട്,, ഞാന്‍ നിങ്ങള്ക്ക് എന്റെ കൈ കൊണ്ട് ഉണ്ടാക്കിയ കറി തരാന്‍ വന്നതാ,, ഞാന്‍ ഈ കുപ്പി നിങ്ങടെ വാതിലിനു മുന്നില്‍ വച്ചിട്ട് പോകുവാ,, നാളെ പറ്റുവാണേല്‍ ഇങ്ങോട്ട് ഇറങ്ങാം.. ടാറ്റാ!"..
"ശോ! മോശം ആയി പോയി!", ഫോണ്‍ കട്ട്‌ ചെയ്തു കൊണ്ട് അഞ്ചു ഞങ്ങളെ നോക്കി പറഞ്ഞു,,, ഇതൊന്നും ശ്രദ്ധിക്കാതെ അവളുടെ കണവന്‍ കാര്‍ ഡ്രൈവിംഗ് തുടര്‍ന്നു..

ഒരു 3 മണിക്കൂര്‍ ശേഷം ഞങ്ങള്‍ വീട്ടില്‍ തിരികെ എത്തി.. നോക്കുമ്പോള്‍ അതാ ഒരു ഹോര്‍ലിക്ക്സ് കുപ്പിയില്‍ ഒരു സാധനം,, തുറന്നു നോക്കി,, സാമ്പാറിന്റെ മണം ഒക്കെ ഉണ്ട്,, "കണ്ടു പടിക്കെടീ"- അതും മണപ്പിച്ചു കൊണ്ട് രതീഷ്‌ അന്ജുവിനെ ശകാരിച്ചു,, "സാംബാര്‍ ഉള്ള സ്ഥിതിക്ക് ഇന്ന് രാത്രി ദോശ ചുടാം"- അഞ്ചു തീരുമാനം എടുത്തു.. അവളുടെ ഉണക്ക ചപ്പാത്തി തിന്നു മതിയായ ഞാന്‍ ആനന്ടചിതനായി,, :).. അങ്ങിനെ ഒരു 9 മണിക്ക് ഞങ്ങള്‍ ദോശയും സാമ്പാറും കഴിച്ചു,, സംബാരിന്റെ ലഗേജിനുള്ളില്‍ അപ്രതീക്ഷിതമായി ഞങ്ങള്‍ കൊഞ്ച് കണ്ടു ഞെട്ടി,, അവളുടെ ഓരോരോ പരീക്ഷണങ്ങള്‍ എന്നും പറഞ്ഞു കൊണ്ട് ഞങ്ങള്‍ ദോശകള്‍ തിന്നു മുഴുമിപ്പിച്ചു..

തിന്നു ഏമ്പക്കം വിട്ടപ്പോള്‍ ദിവ്യയോട് നന്ദി പറയണം എന്നൊരു തോന്നല്‍ വന്നു,, ഉടനെ ഫോണ്‍ എടുത്തു വിളിച്ചു -" എടീ നിന്റെ കൈപുണ്യം അപാരം തന്നെ,, നല്ല ഒന്നാംതരം സാംബാര്‍,,, നീയാണോ വച്ചത് അതോ അമ്മായി ആണോ? - ഞാന്‍ സ്നേഹത്തോടെ ചോദിച്ചു..

"പ്ഫ്ഹാ തെണ്ടീ, എന്റെ കൊഞ്ച് തീയലിനെ കളിയാക്കുന്നോ??"-

ഒരു അവിവിഹതിനായ സോഫ്റ്റ്‌വെയര്‍ എന്ജിനീയരുടെ പഴയ ഡയറി കുറിപ്പ് !

2011-07-29T00:54:00.000-07:00

കഥയും കഥാപാത്രവും പ്രൊജക്റ്റ്‌ ഉം സാങ്കല്‍പ്പികം മാത്രം ആണ്. എന്നോട് ഒന്നും ചോദിക്കരുത്.

ഒരു അവിവിഹതിനായ സോഫ്റ്റ്‌വെയര്‍ എന്ജിനീയരുടെ പഴയ ഡയറി കുറിപ്പ് !

തിരുവനന്തപുരത്ത് ടെക്നോപാര്‍ക്കില്‍ ഒരു ജോലി വാങ്ങണം എന്നത് ഒരു നീണ്ടകാല സ്വപ്നം ആയിരിന്നു. നീണ്ടകാലം എന്നത് ഒരു 2 - 3 വര്‍ഷം. പണ്ട് ഇടയ്കൊക്കെ ഇവിടെ കറങ്ങാന്‍ വരുമായിരിന്നു. അന്നേരം ഇവിടുത്തെ കളക്ഷന്‍ കണ്ടു ഞെട്ടി ഒരു ചെറിയ വേദനയോടു മാത്രമേ തിരികെ പോകുമായിരിനോള്. കുറച്ചു c++ പഠിച്ചിട്ടയാലും വേണ്ടീല, എങ്ങിനെ എങ്കിലും ഇവിടെ കേറി പട്ടണം എന്ന് ഉറച്ച തീരുമാനത്തില്‍ എത്തി. അങ്ങിനെ ഇന്റര്‍വ്യൂ അറ്റന്‍ഡ് ചെയ്തു തുടങ്ങി. വണ്ടികൂലിയും സമയവും മാനവും നഷ്ടം ആയതു മാത്രം മിച്ചം. അങ്ങിനെ ഇന്റര്‍വ്യൂ അറ്റന്‍ഡ് ചെയ്തു ചെയ്തു എനിക്ക് ഒരു 30 വയസ്സായപ്പോള്‍ ടെക്നോപാര്‍ക്കിലെ സാമാന്യം അറിയപെടുന്ന ഒരു കമ്പനിയില്‍ ജോലി കിട്ടി. എന്റെ ആഗ്രഹങ്ങള്‍ക്ക് ചിറകു മുളച്ചു എന്നതില്‍ ഞാന്‍ അതിയായി സന്തോഷിച്ചു.

അങ്ങിനെ ഒരു തിങ്ങള്‍ ദിവസം രാവിലെ, ഞാന്‍ ആ കമ്പനിയില്‍ ചേരാന്‍ വേണ്ടി എത്തി ചേര്‍ന്നു. രാവിലെ തന്നെ HR വിളിച്ചു കൊണ്ട് പോയി കൊറേ കടലാസുകളില്‍ ഒപ്പ് വപ്പിച്ചു. കമ്പനി ആനയാണ് ചേനയാണ് എന്നൊക്ക് പറഞ്ഞു തന്നു. 8 മണിക്കൂര്‍ ലോഗ് ദിവസം വേണം എന്നത് മാത്രമാണ് ഞാന്‍ ആ കൂട്ടത്തില്‍ ശ്രദ്ധിച്ച ഒരേ ഒരു കാര്യം. സാരമില്ല ബാക്കി സമയത്ത് വായി നോക്കാമല്ലോ എന്ന് കരുതി ഞാന്‍ സന്തോഷിച്ചു. അങ്ങിനെ എന്നെ കൊണ്ട് പോയി ഒരു പ്രൊജക്റ്റ്‌ ഇല്‍ ഇട്ടു. ആദ്യം ദിവസം തന്നെ പ്രൊജക്റ്റ്‌ മാനേജര്‍ എന്നെ പറഞ്ഞു പേടിപ്പിച്ചു. അങ്ങിനെ പേടിക്കുന്ന ഒരുത്തന്‍ അല്ലാത്തത് കൊണ്ട് ഞാന്‍ ഒന്നും ശ്രദ്ധിച്ചില്ല.

കൃത്യം 5.30 ആയപ്പോള്‍ തന്നെ ഞാന്‍ ഓഫീസില്‍ നിന്നും ഇറങ്ങി പുറത്തു വായിനോക്കാന്‍ ചെന്ന് നിന്നു. അന്ന് ഒരു അഞ്ഞൂറ് പെണ്‍കൊടികളെ എങ്കിലും ഞാന്‍ കണ്ടു കാണും. ആരെയെങ്ങിലും ഒരാളെ ഷോര്‍ട്ട് ലിസ്റ്റ് ചെയ്തു വരും ദിനങ്ങളില്‍ പ്രേമിക്കാം എന്നാ തീരുമാനത്തില്‍ ഞാന്‍ എത്തി ചേര്‍ന്നു. ബട്ട്‌ ആ തീരുമാനം ഇപ്പോഴും തീരുമാനം മാത്രമായി തുടരുകയാണ്. പിന്നീട് ഒരു ദിവസം പോലും എനിക്ക് 8 മണി കഴിയാതെ ഇറങ്ങാന്‍ പറ്റിയിട്ടില്ല. രാവിലെ ഈ പറഞ്ഞ അഞ്ഞൂറ് പെണ്ണുങ്ങള്‍ എനീക്കുനതിനു മുന്‍പ് തന്നെ ഞാന്‍ ഓഫീസില്‍ എത്തും. ഉച്ചക്ക് വിശന്നു കണ്ണ് കാണാതെ പുറത്തിരങ്ങമ്പോള്‍ ആരേം നോക്കാന്‍ തോന്നില്ല. മാത്രവുമല്ല ഭക്ഷണം എന്നും എന്റെ വീക്നെസ് ആയിരിന്നു. എന്റെ വയര്‍ കണ്ടാല്‍ അതറിയാം. രാത്രി ഞാന്‍ കാണുന്ന എല്ലാ പെണ്ണുങ്ങളും ഒന്നുംകില്‍ കാമുകന്റെ കൂടെ അല്ലേല്‍ കെട്ടിയോന്റെ കൂടെ. പിന്നെ 9 മണിക്ക് തറവാട് അടക്കും എന്നുളത് കൊണ്ട് ഞാന്‍ രാത്രി നേരത്തെ ഇറങ്ങും. അപ്പം നിങ്ങള്‍ ചോദിക്കും നിന്റെ പ്രൊജക്റ്റ്‌ഇല്‍ ആരും ഇല്ലേ എന്ന്? പണി ഒന്നോഴിഞ്ഞിട്ടു വേണ്ടേ ആരേലും നോക്കാന്‍.. :(

അങ്ങിനെ ഈ പ്രൊജക്റ്റ്‌ കഴിഞ്ഞിട്ട് വേണം ഏതേലും ഒരുത്തിയെ ലൈന്‍ അടിച്ചു പ്രേമിച്ചു കല്യാണം കഴിച്ചു ഒരു ടീം ലീഡ് ആയി മാറാന്‍

എന്ന് സ്വന്തം

ഫിജു ഫാലന്‍
21/ 02 / 2005
തിരോന്തരം

അച്ചുവും ഞാനും,

2011-02-12T04:21:00.000-08:00

അച്ചുവും ഞാനും,

സമയം രാത്രി 9.50 . "അളിയാ ടിക്കറ്റ്‌ എടുക്കാന്‍ നിന്നാല്‍ എന്റെ ട്രെയിന്‍ പോകും, അപ്പം ശരി മണ്ടേ പാക്കലാം", തിരുവനന്തപുരം റെയില്‍വേ സ്റ്റേഷന്‍ ടിക്കെറ്റ് ക്യുവില്‍ നിന്ന എന്നോട് ഉറക്കെ പറഞ്ഞു കൊണ്ട് ആ പാണ്ടി സഹപ്രവര്‍ത്തകന്‍ ഓടി മറഞ്ഞു,, അവന്‍ നാഗര്‍കോവില്‍ ട്രെയിന്‍ പിടിക്കാന്‍ പൊയ്,, എനിക്ക് കൊല്ലത്ത്‌ പോണം,, ഒരു മണികൂര്‍ കഴിഞ്ഞാണ് ട്രെയിന്‍,, ടിക്കെറ്റ് എടുത്തു ഞാന്‍ പ്ലാട്ഫോര്‍മിലേക്ക് കേറി .. വിജനമായ സ്റ്റേഷന്‍, മണി പത്തായല്ലോ.. ഒരു ഒഴിഞ്ഞ ബെഞ്ചില്‍ ഞാന്‍ കേറി ഇരിന്നു,, ഒന്ന് മയങ്ങി തുടങ്ങിയപ്പോള്‍ ഒരു കിളി ശബ്ദം "മൈന്‍ഡ് ഇഫ്‌ ഇഫ്‌ സിറ്റ് ഹിയര്‍?". കണ്ണ് തുറന്നു നോക്കുമ്പോള്‍ ഒരു സുന്ദരി പെണ്ണ്,, "നോട്ട് എ പ്രോബ്",,, ഞാന്‍ ഒതുങ്ങി കൊടുത്തു.. അവള്‍ ബാഗ്‌ ഒതുക്കി വച്ച് എന്റെ ബെഞ്ചില്‍ ഇരിന്നു,, ഉറങ്ങണോ മുട്ടണോ എന്നാ ചിന്തയില്‍ ഞാന്‍ വാച് നോക്കി.. ഇനീം ഉണ്ട് 50 മിനിട്സ്.. ഒരു കോഫി കുടിച്ചേക്കാം,, എണീച്ചു കുറച്ചു ദൂരെ ഉള്ള ഒരു കടയില്‍ ചെന്ന് കോഫി പറഞ്ഞു, 10 രൂപ നോട്ട് കൊടുത്തു,, 5 രൂപ ചില്ലറ തരാന്‍ അയാള്‍. ഒരു കോഫി കൂടി തന്നോളൂ എന്ന് ഞാന്‍,

2 കോഫിയും ആയി ഞാന്‍ തിരികെ എന്റെ ബെഞ്ചില്‍ എത്തി. ഒരു കോഫി ആ പെണ്ണിന്റെ നേരെ നീട്ടി,, ആരെടാ ഇവന്‍ എന്നാ ഫാവത്തോടെ അവള്‍ എന്നെ നോക്കി,, "ചേഞ്ച്‌ ഇല്ലാര്‍ന്നു. അതോണ്ട , പ്ലീസ്‌ ഹാവ് ഇറ്റ്‌". അവള്‍ അര്‍ദ്ധമനസ്സോടെ അത് വാങ്ങി., എന്നിട്ട് സ്വീറ്റ് ആയി ഒരു താങ്ക്സ് ഉം പറഞ്ഞു. "എങ്ങോട്ടാ?"- ഞാന്‍ ആരഞ്ഞു , "കണ്ണൂര്‍, ആന്‍ഡ്‌ യു?", "കൊല്ലം ഒണ്‍ലി".. "ഇങ്ങിനെ ഒറ്റയ്ക്ക് ഇരിക്കുന്ന എല്ലാര്ക്കും കോഫി വാങ്ങി കൊടുകുമോ? "- ഒരു ചിരിയോടെ അവള്‍ എന്നെ ഒന്ന് ആക്കി.. "എല്ലാവര്ക്കും ഇല്ല.. സിംഗിള്‍ ആയ സുന്ദരികള്‍ക്ക് മാത്രം" അതും പറഞ്ഞു ഞാന്‍ ആ കോഫി കപ്പ്‌ ട്രാക്കിലേക്ക് എറിഞ്ഞു,, പിന്നീട് ഒരു 10 മിനിട്ട് നേരം ഞങ്ങള്‍ കൊറേ സംസാരിച്ചു, അവളുടെ പേര് അശ്വതി എന്നാണ്. അച്ചു എന്ന് എല്ലാവരും വിളിക്കും,, യുനിവേര്സിടിയില്‍ സൈക്കൊലാജി പഠിക്കുന്നു,, അങ്ങിനെ കൊറേ അല്ലറ ചില്ലറ കാര്യങ്ങള്‍..നല്ല രസമുണ്ട് അവളെ കാണാന്‍,, ഏതാണ്ട് എന്റെ പതിമൂനമത്തെ കാമുകിയെ പോലെ ഇരിക്കും, അവള്‍ക്കു ലൈന്‍ ഒന്നും ഇല്ല എന്നും ഈ ഗാപ്പില്‍ ഞാന്‍ മനസിലാക്കി എടുത്തു.. ഒടുവില്‍ ഇന്നെന്റെ പ്രണയം പൂക്കുമെന്നു എനിക്ക് തോന്നി തുടങ്ങി,, അച്ചുവും ഞാനും,, നല്ല രസമുണ്ട് കേള്‍ക്കാന്‍,,

സംസാരത്തിന്റെ ഇടയില്‍ അവള്‍ ബാഗില്‍ നിന്നും ഒരു പാക്കറ്റ് ഗുഡ്-ഡേ ബിസ്ക്കറ്റ് എടുത്തിട്ട് പറഞ്ഞു - "വുഡ് യു മൈന്‍ഡ് ഹാവിംഗ് സം?" എനിക്ക് ആ ബിസ്ക്കറ്റ് പണ്ടേ ഫയങ്ങര ഇഷ്ടം ആണ്,, എന്നാലും ഞാന്‍ പറഞ്ഞു. "നോ താങ്ക്സ്". എനിട്ട്‌ ഞാന്‍ വീണ്ടും ട്രകിന്റെ വിധൂരയത്തിലേക്ക് നോക്കി.. "അത് പറ്റില്ല.. ഞാന്‍ കോഫി കുടിച്ചില്ലേ,, അപ്പം യു ആള്‍സോ ഷുഡ്, ഇല്ലേല്‍ എനിക്ക് ഇന്സല്‍റ്റ് ആവും?"- അവള്‍ എന്റെ വായിനോട്ടം ഭേദിച്ച്. സത്യത്തില്‍ അത് കേള്‍ക്കാന്‍ വേണ്ടി ആണ് ഞാന്‍ ട്രാക്കിലേക്ക് നോട്ടം മാറിയത്.. ഞാന്‍ ആരാ മോന്‍!,,, "ഓക്കേ, ഇഫ്‌ ഉ ഇന്സിസ്റ്റ്" എന്നും പറഞ്ഞു ഞാന്‍ ഒരു ൩ ബിസ്സുറ്റ് ആദ്യം എടുത്തു,, പിന്നേഎദു ഒരു ൩ എണ്ണം കൂടി,,, എന്നിട്ട് ഒരു 2 എണ്ണം,, എന്നിട്ട് ആക്രാന്തത്തോടെ അതെല്ലാം അകത്താക്കി,, ട്രെയിന്‍ ഉടനെ എങ്ങും വരള്ല്ലേ എന്നായി അത് തിന്നുമ്പോള്‍ എന്റെ പ്രാര്‍ത്ഥന..

ട്രെയിന്റെ ശബ്ദം കേട്ടാണ് ഞാന്‍ ഉണര്‍ന്നത്... വാച്ചില്‍ സമയം നോക്കി. രാവിലെ 5.30 .. എന്തോ സംഭവിച്ചു,, സൈഡില്‍ അച്ചുവിനേം കാണുനില്ല.. തലയ്ക്കു നല്ല പിടിത്തം,, "അയ്യോ എന്റെ ബാഗ്‌"- ഞാന്‍ അലറി, എന്റെ 3 ഷര്‍ട്ട്‌, 2 ട്രൌസേര്‍സ്, 3 ജട്ടികള്‍, 2 മൊബൈല്‍, ഒരു ലാപ്ടോപ്. ഈ കിടുപിടികള്‍ ഇട്ടിരുന്ന 2 ബാഗുകള്‍, വുഡ്ലാന്‍ഡ്‌ ചെരുപ്പ്, വാച്, സ്വര്‍ണ മോതിരം ആന്‍ഡ്‌ മാല. പേഴ്സ്. ഒന്നും തന്നെ കാണാന്‍ ഇല്ല.. ഞാന്‍ പോക്കറ്റില്‍ തപ്പി,, ഒരു 10 രൂപ നോട്ട് മാത്രം,, അതേല്‍ എന്തോ എഴുത്തിയേകുന്ന പോലെ.. ഞാന്‍ സൂക്ഷിച്ചു നോക്കി,, "താങ്ക്സ് ഫോര്‍ ദി കോഫി ആന്‍ഡ്‌ അദര്‍ ഐറ്റംസ്.. ലവ് ആന്‍ഡ്‌ രിഗാട്സ്.. അച്ചു.."

ക്രിസ്തുമസ് കാര്‍ഡ്‌ - ഒരു നട്ടുച്ച പരാക്രമത്തിന്റെ കഥന കഥ

2010-12-16T06:29:00.001-08:00

ഒരു ഒന്‍പതു പത്തു കൊല്ലം മുന്‍പ് നടന്ന സംഭവം ആണ്. പ്രീ ഡിഗ്രി പഠിക്കുന്ന കാലം.. ഇപ്പോഴത്തെ പുള്ളാര്ക്ക് അറിയാമോ എന്തോ! എന്നാ അങ്ങിനെ ഒരു ഡിഗ്രി പണ്ട് ഉണ്ടായിരിന്നു. ആ കാലത്ത് ഞങ്ങള്‍ കണക്കു പഠിക്കാന്‍ ഒരു സാറിന്റെ വീട്ടില്‍ പോകുമായിരിന്നു,, അവിടെ ഏഴാം ക്ലാസ്സ്‌ മുതല്‍ ഉള്ള കുട്ടികള്‍ ഉണ്ടായിരിന്നു.. ഞങ്ങള്‍ക്ക് നാലര മണിക്കാണ് ക്ലാസ്സ്‌. അതെ സമയത്താണ് വിമല ഹൃദയ ഗേള്‍സ് ഹൈ സ്കൂളിലെ കിളികളും അവിടെ എത്തുക. ആ കിളികളില്‍ ഒരെണ്ണം എന്റെ മാനം കവര്‍ന്നു; സോറി ഐ മീന്‍ മനം,. അവളുടെ പേര് സോഫി,, അന്നൊക്കെ ജാതിയും മതവും ഒരു പ്രശ്നം ആയി ഞാന്‍ കരുതിയിരുനില്ല. ഞാന്‍ പറഞ്ഞു വന്നത് ഞങ്ങള്‍ രണ്ടും ഒരേ ജാതി അല്ല എന്ന് മാത്രം ആണ്, ഈ പേരില്‍ എന്നെ പേടിപിക്കാന്‍ ആരും ഇവിടെ വന്നു ഇടികേണ്ട കാര്യം ഇല്ല.. ഒന്ന് ഫോണേല്‍ വിളിച്ചു പേടിപ്പിച്ചാല്‍ മതി, ഞാന്‍ അത്രെക്കു ഒക്കെയേ ഉള്ളൂ. ബൈ ദി ബൈ സോഫി ഒന്‍പതില്‍ ആണ്, ഞാന്‍ പ്രീ-ഡിഗ്രി ആദ്യ വര്‍ഷവും, ഫോര്‍ ന്യൂ ജനരഷന്‍, ഇറ്റ്‌ മീന്‍സ്‌ +1 .

ഞങ്ങളുടെ ക്ലാസ്സ്‌ ആദ്യം വിടും, ഒരു 5 മിനിറ്റ് കഴിഞ്ഞു അവരുടെതും,, ആ ഗാപില്‍ ഞാന്‍ ബസ്‌ സ്റ്റോപ്പില്‍ പൊയ് അവളേം കാത്തു നില്‍ക്കും, അവളെ ബസ്‌ കയറ്റി വിട്ടിട്ടേ ഞാന്‍ തിരികെ പോകുന്ന വഴി ആലോചികതും പോലും ഉള്ളു,, ഒറ്റയ്ക്ക് നിന്ന് രാട്ടാന്‍ മടി ആയതിനാല്‍ ഞാന്‍ കൂട്ടത്തില്‍ സൗന്ദര്യവും, നീളവും ബുദ്ധിയും ലവലേശം ഇല്ലാത്ത അലെന്‍ ചെറിയാന്‍ അലക്സ്‌ എന്ന പയ്യനെ കൂട്ട് വിളിച്ചോണ്ട് പോയി. ഇനി അവളുടെ ശ്രെധ വേറെ ഇങ്ങോട്ടും തിരിയതിരികാന്‍ വേണ്ടി ആയിരിന്നു ഈ നീക്കം,, അങ്ങിനെ എന്നും ഞാന്‍ അവളെ നോക്കി കണ്ണുകളാല്‍ എസ്എംഎസ് അയക്കുമായിരിന്നു, അവളും എന്നെ എന്നും നോക്കുനതായി എനിക്ക് തോന്നിയിരിന്നു,, അവള്‍ ഒരു ദിവസം വരാതെ ഇരുന്നാല്‍ ഞാന്‍ ആകെ തളരുമായിരിന്നു, അപ്പോള്‍ അലെന്‍ എന്നെ സമാധാനിപ്പികുമായിരിന്നു. സ്നേഹത്തിന്റെ നിറകുടം ആണ് അവന്‍ എന്നെനിക് അപ്പോഴാണ് മനസിലായത്, അല്ലെങ്കില്‍ എനിക്ക് വേണ്ടി ഇത്രേം നേരം അവന്‍ കളയില്ലലോ. ആ ഇടയ്ക്കു ടീവിയില്‍ ഷോലേ പടം വന്നപ്പോള്‍ അതിലെ നായകന്മാരുടെ കൂട്ട് ഞങ്ങളുടെ കൂട്ടിന്റെ മുന്നില്‍ ഒന്നും അല്ലാലോ എന്ന് ഞാന്‍ അഹങ്കരിച്ചു.

കമിംഗ് ബാക്ക് ടു സ്റ്റോറി,,, എന്റെ വായിനോട്ടം നന്നായി തന്നെ പൊയ്കൊണ്ടിരിന്നു,, അങ്ങിനെ ഒരു ഡിസംബര്‍ 15 നു ക്രിസ്തുമസ് വന്നു,, തെറ്റിയതല്ല, ക്രിസ്തുമസിനു 10 ദിവസം അവധി അല്ലെ..അതിനാല്‍ അവിടെ 15 നു ആണ് സെലിബ്രേഷന്‍.. ആ പേരില്‍ ഇപ്പം ഒരു മദ്യം ഉണ്ട്,, അത് വേറെ കാര്യം, ആഹ്! പോട്ടെ! അങ്ങിനെ ഞാന്‍ അവള്‍ക്കു ഒരു കാര്‍ഡ്‌ കൊടുക്കാന്‍ തീരുമാനിച്ചു,. എന്റെ ഹൃദയം ആകുന്ന കാര്‍ഡ്‌,, എന്റെ മനസ്സ് തുറക്കാന്‍ ഞാന്‍ തീരുമാനിച്ചു,, ഞായര്‍ വൈകുന്നേരം ആണ് സെലിബ്രേഷന്‍. ശനിയയ്ച്ച രാവിലെ ഞാന്‍ അലെനെയും പൊക്കി ഡോണ്‍-ബോസ്കോ എന്ന കടയില്‍ പോയി.. അവന്‍ കൂടെ ഉള്ളപോള്‍ എനിക്ക് നല്ല കോന്ഫിടെന്‍സ് ആയിരിന്നു, അവനു സൌന്ദര്യം ഇല്ലാത്തതു കൊണ്ട് ഞാന്‍ സുന്ദരന്‍ ആണെന്ന് എനിക്ക് തന്നെ തോന്നും.. ഓരോരോ തോന്നലുകള്‍ .അങ്ങിനെ ഞങ്ങള്‍ കടയില്‍ എത്തി. അതാ സോഫി അവിടെ നില്കുന്നു, കൂടെ വേറേം 2 കിളികള്‍.. എനിക്ക് നാണം വന്നു,, എന്തിനാണ് എന്നെ ആള്‍കാര്‍ നാണം ഇല്ലാത്തവന്‍ എന്ന് വിളികുന്നത് എന്ന് എനിക്ക് ഇപ്പോഴും മനസിലാവാറില്ല.. എനിക്ക് ഇന്നലെ വൈകിട്ട് കൂടി നാണം വന്നതാ.

"ഹൈ സോഫി. കൊറേ കാര്‍ഡ്‌ വാങ്ങിച്ചല്ലോ?", എന്റെ ആലോചനകളെ ചവിട്ടി താഴ്ത്തി കൊണ്ട് അലെന്‍ അവളോടെ സംസാരിച്ചു. " ക്രിസ്തുമസ് അല്ലെ. എല്ലാ കൂട്ടുകാര്‍ക്കും കൊടുകണ്ടേ." - അവളുടെ മറുപടി. "അതെന്താ ക്രിസ്തുമസിനു കാര്‍ഡ്‌ കൊടുത്തിലേല്‍ അടുത്ത വര്‍ഷം ജനുവരി കാണില്ലേ?" - ഞാന്‍ മനസ്സില്‍ പറഞ്ഞു. എന്തേലും ആവട്ടെ, ഞാന്‍ മാത്രം മിണ്ടാടത് ശെരി അല്ലാലോ!.. "എക്സാം ഒക്കെ എങ്ങിനെ ഉണ്ടായിരിന്നു സോഫീ?" - ഞാനും കേറി മുട്ടി, "ഓ, അതൊക്കെ ഇനി പേപ്പര്‍ കിട്ടിയിട്ട് ആലോചിച്ചാല്‍ പോരെ?". അവള്‍ ഒരു പുച്ഛത്തോടെ എന്നോട് പറഞ്ഞു,, ഞാന്‍ വീണ്ടും നാണിച്ചു. "എന്നാ ഞങ്ങള്‍ പോകുന്നു"- അതും കൂടി ആഡ് ചെയ്തിട്ട് ആ കിളികള്‍ ഇറങ്ങി പോയി,, ഞാന്‍ അവരെ നോക്കി നിന്നു. പുറകില്‍ നിന്നും ഒരു തട്ട് - "ബാ അളിയാ, കാര്‍ഡ്‌ സെലക്ട്‌ ചെയ്യാം". അങ്ങിനെ ഞങ്ങള്‍ ആ കടയാകെ അരിച്ചു പറക്കി, പടം കൊള്ളാമെങ്കില്‍ വേഡ്സ് കൊള്ളില,, വേഡ്സ് കൊള്ളാമെങ്കില്‍ പടം കൊള്ളില, ഇത് രണ്ടും ഓക്കേ ആയാല്‍ കാശ് കറക്റ്റ് ആകുനതും ഇല്ല. ഒരു പത്തു മിനിറ്റ് ആയി കാണും. "ഒന്നിങ്ങു വന്നെ"- പുറകില്‍ നിന്നൊരു ശബ്ദം,

ഞാന്‍ തിരികെ നോക്കി. അത് വിദ്യ ആണ്, നേരത്തെ ഇറങ്ങി പോയ കിളികളില്‍ ഒരാള്‍. "എന്താ ദിവ്യേ?", ഞാന്‍ ആരാഞ്ഞു. "സങ്കരന്‍ അല്ല അലെനെയാ"- അവള്‍ മൊഴിഞ്ഞു, അലെന്‍ അവളെ ലക്‌ഷ്യം ആക്കി നടന്നു നീങ്ങി. ഞാന്‍ അവളോട്‌ പറഞ്ഞു -" അതേയ്! അത് സങ്കരന്‍ എന്നല്ല ശങ്കരന്‍ എന്നാണ്". അവള്‍ അത് കേട്ട ഭാവം നടിച്ചില്ല.ഞാന്‍ വീണ്ടും ചമ്മി. അവര്‍ എന്തോ സംസാരിച്ചു കൊണ്ട് താഴേക്കു പോയി. ഞാന്‍ പതുക്കെ ആ കടയുടെ ഗ്ലാസ്സിലൂടെ താഴേക്കു നോക്കി,, അവന്‍ പോയി ആ കിളികള്‍ അടങ്ങുന്ന ഗാങ്ങുമായി സംസാരിക്കുന്നു, എന്തേലും ആവട്ടെ എന്ന് കരുതി ഞാന്‍ വീണ്ടും കാര്‍ഡ്‌ തിരച്ചിലില്‍ വ്യപ്രിതനായി. അങ്ങിനെ ഒടുവില്‍ എല്ലാം കൊണ്ടും തികഞ്ഞ ഒരു കാര്‍ഡ്‌ എന്റെ കരങ്ങളില്‍ എത്തിപ്പെട്ടു. "ഇത് ഓക്കേ, എന്റെ മനസ്സ് മുഴുവന്‍ ഈ കാര്‍ഡ്‌ പറഞ്ഞോളും" - ഞാന്‍ മനസ്സില്‍ പറഞ്ഞു തീരും മുന്‍പേ എന്റെ തോള്ളില്‍ ഒരു കൈ വന്നു വീണു. അത് അലന്‍ ആയിരിന്നു, "അളിയാ! ഈ കാര്‍ഡ്‌ ഓക്കേ അല്ലെ?"- ഞാന്‍ ആസ്കി.. അവന്‍ ആ കാര്‍ഡ്‌ തിരികെ വച്ചു. എന്നിട്ട് അവന്‍ പുറകില്‍ ഒളിപിച്ചിരുന്ന ഒരു കാര്‍ഡ്‌ എന്റെ നേരെ നീട്ടി. "എന്തൊരു മഹാന്‍!"- ഞാന്‍ മനസ്സില്‍ പറഞ്ഞു. എനിക്ക് വേണ്ടി അവന്‍ കാര്‍ഡ്‌ സെലക്ട്‌ ചെയ്തു കൊണ്ട് വന്നിരിക്കുന്നു,"യെ ദോസ്തി ഹം നഹിന്‍ തോടെങ്ങെ " - അറിയാതെ ഞാന്‍ ആ പാട്ട് കേള്‍ക്കുനത് പോലെ തോന്നി.

ഞാന്‍ ആ കാര്‍ഡ്‌ നോക്കി.. "വോ", ഐ മീന്‍ "വോവ്".. "എന്തൊരു കിടിലം പടം,, എന്റെ ഹൃദയം തന്നെ,, അളിയാ നീയാണ് നീ,, ", ഞാന്‍ അവനെ കെട്ടിപിടിച്ചു, എന്നിട് ഞാന്‍ കാര്‍ഡ്‌ തുറന്നു നോക്കി. അതിന്റെ അകത്തു കണ്ടത്.. ശെരിക്കും അത് അത് തന്നെ ആണോ? ഞാന്‍ കണ്ണ് തിരുമ്മി വീണ്ടും നോക്കി. അതെ, അത് തന്നെ,, "ടു മൈ ഡിയര്‍ അലെന്‍.... പിന്നെ കൊറേ ക്രൂരമായ വാക്കുകള്‍ (ഐ ലവ് യു എന്നാണ് അതിന്റെ അര്‍ഥം) ,,, ബൈ യുവര്‍ ലവങ്ങിലി സോഫി".. ദൈവമേ! എന്തൊരു ക്രൂരത ആണ് ഇത്.. "എന്താടാ ഇത്?" - ഞാന്‍ അലനോട് അലറി.. "അളിയാ അത്, ഇത്രേം സൌന്ദര്യം ഉള്ള ഒരു പെണ്ണ് എന്നോട് ഇങ്ങിനെ പറയുമ്പോള്‍,.... മാത്രവുമല്ല നീ സുന്ദരന്‍ അല്ലെ? നിനക്ക് വേറെ പെണ്ണ് കിട്ടും.. ആള്‍സോ ഞങ്ങള്‍ ഒരേ ജാതിയാ. എല്ലാം കൊണ്ട് ഇതല്ലെടെ ശെരി?".. ഞാന്‍ നേരത്തെ കേട്ട പാടിന്റെ കാസറ്റ് കുരുങ്ങിയ പോലെ എനിക്ക് തോന്നി, എന്തൊക്കെയോ കേള്‍കുന്നു,,,, എന്ത് കണ്ടിട്ടാണ് ഈ കൊന്തനെ അവള്‍ക്കു ഇഷ്ടം ആയത്?.. എന്റെ മനസ്സ് പിടഞ്ഞു,,, "എടാ avalku കൊടുക്കാന്‍ എനിക്ക് ഒരു കാര്‍ഡ്‌ നീ തന്നെ സെലക്ട്‌ ചെയ്തു തരണം, നിനകവുമ്പോള്‍ എന്റെ മനസ്സ് അറിയാമല്ലോ?"- അവന്‍ പൈശാചികമായി എന്നോട് മൊഴിഞ്ഞു.. "പ്ഫ്ഹാ തെണ്ടീ" എന്ന് മനസ്സില്‍ വിചാരിച് കൊണ്ട് ഞാന്‍ ആദ്യം സെലക്ട്‌ ചെയ്ത കാര്‍ഡ്‌ അവനു ഞാന്‍ സമ്മാനിച്ചു. അതിന്റെ കാശും ഞാന്‍ തന്നെ കൊടുത്തു,, അന്ന് തന്നെ അവനുമായി ഞാന്‍ ഉടക്കി പിരിഞ്ഞു,

ഇന്നലെ ഒരു കാര്‍ ലോണ്‍ വാങ്ങാന്‍ പോയപ്പോള്‍ ബാങ്കിലെ മാനെജേറെ ചെന്ന് കാണാന്‍ പറഞ്ഞു,, പുറത്തു നെയിം ബോര്‍ഡില്‍ മനജേരുടെ പേര് ഉണ്ടായിരന്നു, 'അലെന്‍ ചെറിയാന്‍ അലക്സ്‌'.ഞാന്‍ കാര്‍ വേണ്ട എന്ന് വച്ചു തിരികെ പോണു,,,

വിനയനും യക്ഷിയും പിന്നെ ഞാനും ( V, Y & ME)

2010-11-07T05:00:00.000-08:00

കൊറേ നാള്‍ ആയി എഴുതിയിട്ട്,, എന്ത് എഴുതിയാലും കുത്തുവാക്ക് മാത്രം പറയാന്‍ കൊറേ കൂട്ടുക്കാര്‍ ഉണ്ടേല്‍ എങ്ങിനെ സമാധാനം ആയി എഴുതും. ഇന്ന് പക്ഷെ എഴുതാതെ വയ്യ. ഇന്ന് ഉച്ചക്ക് ബോര്‍അടി സഹിക്കാന്‍ പറ്റാതെ വന്നു, മഴ ആയോണ്ട് പുറത്തു ഇറങ്ങാനും നിര്‍വാഹം ഇല്ല, ,, അതിനാല്‍ ചുമ്മാ അപ്പുറത്തെ വീടിലെ ചെറുക്കനോട് dvd വല്ലതും ഉണ്ടോ എന്ന് ചോദിച്ചു, അവന്‍ യക്ഷിയും ഞാനും എന്നാ സൂപ്പര്‍ ഹിറ്റ്‌ സിനിമയുടെ dvd കൊണ്ട് വന്നു തന്നു, വ്യത്യസ്തമായ വിനയന്‍ ചിത്രങ്ങള്‍ തീട്രേല്‍ പോയി കാനുനത് ഞാന്‍ പണ്ടേ നിര്‍ത്തിയതാണ്,,, ആഹ്! വരുനടുത്തു വച്ച് കാണാം എന്ന് കരുതി ഞാന്‍ ആ dvd പ്ലേ ചെയ്തു,,

തുടക്കം തന്നെ മറ്റു ഹോറൊര്‍ ചിത്രങ്ങളുടെ ഒടുക്കം പോലെ ആണ്, 5.1 ആയോണ്ട് ആകും നല്ല പോലെ പേടിക്കുന്നില്ല.. നിലവാരം ഇല്ല എന്ന് പറയാന്‍ പറ്റുന്നവിധം അതിലും തറയായി ഒപ്പിച്ച ഗ്രാഫിക്സില്‍ കൊറേ പട്ടികളും കൂതറ പ്രേതങ്ങളും,, മാരകം തന്നെ.. പിന്നീടു മുത്തുകളും പവിഴങ്ങളും കൊണ്ട് ചിത്രത്തിന്റെ പേരും പിന്നണി പ്രവര്‍ത്തകരുടെ പേരും,, ഏറവും ഒടുവില്‍ നല്ല കനല്‍കട്ട കൊണ്ട് വിനയന്‍ സാറിന്റെ പേരും,, കഥ തുടങ്ങുന്നു. കഥയില്‍ വലിയ കാര്യം ഇല്ലേലും നായിക സുന്ദരി ആണ്.. അളവ് എടുക്കാന്‍ അറിയാത്ത ഏതോ തയ്യല്‍കാരന്‍ കഷ്ടപ്പെട്ട് ഉണ്ടാക്കിയ ആടകള്‍ മാത്രമേ അവള്‍ക്കു വിനയന്‍ സാര്‍ കൊടുത്തിട്ടുള്ളൂ.. അതിപ്പം റൊമാന്‍സ് സീന്‍ ആണേലും നല്ല സെന്റി സീന്‍ ആണേലും,, അവളെ കൂടാതെ വേറെ ഒരുത്തിയും ഇടയ്ക്കു കാണികുനുണ്ട്‌.. ടിന്റു മോന്‍ പറഞ്ഞ പോലെ വേറൊരു പാവപ്പെട്ടവള്‍..

പിന്നെ കൊറേ അലവലാതി സംസാരങ്ങള്‍. ഐ മീന്‍ ഡയലോഗുകള്‍.. ഏറവും കൊടുത്താല്‍ അശ്ലീലം നിറഞ്ഞ സംസാരം ഈ ഇടയ്ക്കു ഞാന്‍ കണ്ടത് ഈ സിനിമയില്‍ ആണ്... ഇംഗ്ലീഷ് സിനിമയില്‍ ഇതൊക്കെ ആകമെങ്ങില്‍ നമ്മുക്കും ആവാം എന്നാവും വിനയന്റെ ഭാഷ്യം,, പാട്ടുകള്‍ കാണാന്‍ കൊള്ളിലെലും ചിലത് കേള്‍ക്കാന്‍ കൊല്ലം,, ഉള്ളത് ഉള്ള പോലെ പറയണമല്ലോ.. ചായാഗ്രഹണം നന്നായിടുണ്ട്,, നമ്മുടെ അരുവികളുടെ പച്ച കളര്‍ മാറ്റി യൂറോപീന്‍ സിനിമകളില്‍ കാണുനത് പോലെ നീല ആകിയത് മനോഹരം ആയിടുണ്ട്,,

എങ്കിലും നിലവാരം ഇല്ലാത്ത അഭിനയവും, അസഹനീയം ആയ വളിപ്പുകളും, ആവശ്യമില്ലാതെ ശരീര പ്രദര്‍ശനവും, കടുകടുത്ത സംഘട്ടന രംഗങ്ങള്‍ കൊണ്ടും ഈ വിനയന്‍ ചിത്രം മലയാളത്തില്‍ വല്ലപ്പോഴും ഇറങ്ങാറുള്ള നിലവാരം ഉള്ള ചിത്രങ്ങളില്‍ നിന്നും തികച്ചും വ്യത്യസ്തം ആണ്,, എല്ലാവരും കാണണം,, ഞാന്‍ മാത്രം അനുഭവിച്ചാല്‍ പോരല്ലോ?

പുന്തലത്താഴം (Punthalathazham)

2010-08-14T09:41:00.000-07:00

പുന്തലത്താഴം. എന്‍റെ ജന്മ സ്ഥലം. ഈ സ്ഥലത്തെ കുറിച്ച് എന്നാ പറയാനാ? എത്ര നല്ലത് പറഞ്ഞാലും ഇടയ്കൊക്കെ ആരേലും എന്തേലും പണി ഒപ്പിച്ചു പേരുദോഷം ഉണ്ടാക്കും. ഒരു പണ്ടാരം വാട്ടര്‍ ടാങ്കും, 2 അമ്പലവും , ഒരു ഇലക്ട്രിക്‌ കടയും , ഒരു ബാഗ്‌ കടയും , 2 മെഡിക്കല്‍ ഷോപ്പും, ഒരു സൂപ്പര്‍ ഷാപ്പും, ഒരു ബെവ്കോയും, 3 - 4 ചെറിയ ഹോടേലും, കൊറേ പെട്ടികടകളും, 2 ബേക്കറിയും , ഒരു കൃഷി ആപീസും, കെ എസ് ബി യും, കൊറേ ചിട്ടിക്കാരും, അരി മുതലാളിമ്മാരും, സര്‍ക്കാര്‍ ജീവനക്കാരും, ഓട്ടോക്കാരും, കാറുക്കാരും, എണ്ണാന്‍ പറ്റാത്ത അളവില്‍ ടൂഷന്‍ അധ്യാപകരും അതിലേറെ കുടിയന്മാരും ഉള്ള മനോഹരമായ ഒരു സ്ഥലം.

എല്ലാവരും പറയുന്ന പോലെ ആറും പുഴയും ഒന്നും ഇവിടെ ഇല്ല,, കുറച്ചു വയല്‍ ഉണ്ട്,, അതിന്റെ അടുത്തെങ്ങാനും കണ്ടാല്‍ തന്നെ ആളുകള്‍ ഞാന്‍ മദ്യപിക്കാന്‍ വേണ്ടി പോവുന്നു എന്ന് പറഞ്ഞു കളയും. അതിനാല്‍ ആ പ്രദേശത്തേക്ക് ഞാന്‍ കടക്കുന്നില്ല. ഒരു ഷാപ്പുണ്ട്. നല്ല കിടിലം ഫുഡ്‌ കിട്ടും, മീന്‍ തലയും കപ്പയും കൂടി കഴിച്ചു നോക്കണം,, പൊളപ്പന്‍ ആണ്. അവിടെ കേറാന്‍ കൊതിയാകും, എന്ത് ചെയ്യാനാ? സ്വന്തം നാട്ടില്‍ കിടിലം ഷാപ്പും ബാറും ഉണ്ടേല്‍ ആരും ഒന്ന് ആലോചിചിട്ടെ കയറൂ.. മാനം പോകാതെ നോക്കണമല്ലോ?

കൊല്ലത്ത് നിന്നും പുന്തലത്താഴം വരെ ബസില്‍ പോകാന്‍ ഇന്ന് രാവിലെ നാല് രൂപ അമ്പതു പൈസ ആയിരിന്നു, ഞാന്‍ പണ്ട് കോളേജില്‍ പോകുന്ന കാലത്ത് 50 പൈസ ST ആയിരിന്നു. പ്രൈവറ്റ് ബസ്‌ ഒരുപാട് ഉണ്ട്. മത്സര ഓട്ടം ആയതിനാല്‍ നമ്മള്‍ എന്നും നേരത്തും കാലത്തും ഇതും എത്തേണ്ട സ്ഥലത്ത് എത്തും. പിന്നെ അധികം ചിലവോന്നുമില്ലാതെ വീഗലാണ്ടില്‍ പോയ ഒരു സംതൃപ്തിയും, ഈ നാട്ടില്‍ ഉള്ള ഒരുപാട് ആളുകള്‍ കൊല്ലത്ത് കടകളില്‍ ജോലിക്ക് നില്‍ക്കുനുണ്ട്,, ഈ ജനറേഷന്‍ അല്ല പഴയ ആള്‍ക്കാര്‍, ഈ കാലഘട്ടത്തില്‍ കൂടുതലും സര്‍ക്കാര്‍ ജീവനക്കാര്‍ ആണ്. എന്‍റെ ഏതാണ്ട് എല്ലാ കൂട്ടുക്കാര്‍ക്കും ഒന്നില്‍ കൂടുതല്‍ സര്‍ക്കാര്‍ ജോലി കിട്ടിയവര്‍ ആണ്. എനിക്കതില്‍ തീരെ അസൂയ ഇല്ല.. ഒട്ടും ഇല്ല.. മംഗലതമ്മ ആണേ സത്യം,, തെണ്ടികള്‍. :(

2 അമ്പലങ്ങള്‍ ഉണ്ട്. മംഗലത്ത് നടയും, പുത്തന്‍ നടയും; ഇവിടങ്ങളിലെ ഉത്സവങ്ങള്‍ തമ്മില്‍ 2 ദിവസത്തെ ഗാപ്‌ മാത്രമേ ഉള്ളൂ. അതിനാല്‍ ഉത്സവകാലം വളരെ മനോഹരമാണ്. അലമ്പും, അടിയും, കുടിയും, കുടുംബങ്ങളുടെയും കൂട്ടുകാരുടെയും ഒത്തു ചേരലും എല്ലാം, എല്ലാ സമയം പോലെ തന്നെ ഉത്സവ കാലത്തും ഏറ്റവും കൂട്ടല്‍ കച്ചവടം നടകുന്നത് ബെവ്കോ യില്‍ തന്നെയാണ്, അതിന്റെ മുന്നില്‍ വന്നു നിന്ന് വണ്ടി പിടിക്കാന്‍ പോലീസുക്കാരും എത്താറുണ്ട്, പൂച്ചക്ക് എന്താ ഈ പഞ്ചായത്തില്‍കാര്യം,
പുന്തലത്താഴം സിറ്റി കോര്‍പ്പോരറേന്റെ പരിധിയില്‍ ആണെന്ന് നിങ്ങളോട് ഞാന്‍ പറഞ്ഞായിരിന്നോ. പണ്ട് ഒരിക്കല്‍ ഞങ്ങള്‍ കോര്‍പ്പോരേഷന്‍ ആയെന്നു ഒരാളോട് പറഞ്ഞപ്പോള്‍ അവര് കോര്‍പ്പോരേഷന്‍ വേണ്ട എന്ന് റിക്വസ്റ്റ് ചെയ്യാന്‍ പോവുന്നു എന്ന് പറഞ്ഞു. കളിയാക്കിയതായിരിന്നു എന്ന് പുള്ളി തന്നെ പറഞ്ഞപ്പോള്‍ ആണ് എനിക്ക് കത്തിയത്,

പിന്നീട് എടുത്തു പറയത്തക്ക മറ്റൊരു പ്രേതെകത കൂടി ഉണ്ട് ഞങ്ങളുടെ സ്ഥലത്തിന്. ഭൂമിശാസ്ത്രപരമായി നമ്മുടെ സ്ഥലം കിളികൊലൂര്‍ പോലീസ് സ്റ്റേഷന്‍ പരിധിയില്‍ ആണേലും മുഖത്തല പോലീസും കൊല്ലം ഈസ്റ്റ്‌ സ്റ്റേനിലെ ചേട്ടന്മാരും ഇടയ്കൊക്കെ അത് വഴി വരാറുണ്ട്. പുന്തലത്താഴത്തെ ജനങ്ങളെ ഗുണദോഷികാന്‍ ഉള്ള ചുമതല ഇവര്‍ എല്ലാം തന്നെ ഭംഗി ആയി നിര്‍വഹിച്ചു പോരുനുണ്ട്. അതിന്‍റെ ഇടയില്‍ അല്ലറ ചില്ലറ തട്ടും മുട്ടും ഒക്കെ ഇവിടെ പതിവാണ്. ചട്ടിയും കലവും അല്ലെ എന്ന് കാരണവന്മാര്‍. വേറെ ഒരു കൂട്ടര്‍ ഉണ്ട്,, ന്യൂനപക്ഷം ആയ ഒരു കൂട്ടര്‍ ,, ആരെ കണ്ടാലും 10 രൂപ ചോദിക്കും, കിട്ടിയാല്‍ കിട്ടി,, ഇല്ലേല്‍ ഇല്ല. പോലീസുക്കാര്‍ പേടിപിച്ചു വാങ്ങുന്നു, മറ്റവര്‍ അവകാശം എന്ന നിലയില്‍ തെണ്ടി വാങ്ങുന്നു,

എന്തൊക്കെ ആണേലും സ്വന്തം നാട് എല്ലാവര്‍ക്കും ഏറ്റവും പ്രിയപെട്ടതാണ്. അത് കൊണ്ട് എത്രയും പെട്ടന്ന് തന്നെ ഇവിടെ നിന്നും ശാന്തതയും, സ്വസ്ഥതയും, സമധാനാവും ഉള്ള ഡീസന്റ്റ്‌ മുക്കിലെക്കോ കോടാലി മുക്കിലെക്കോ താമസം മാറാന്‍ ഞാന്‍ തീരുമാനിച്ചു. ;)

അന്ധയായ ഭാര്യ (the Blind Wife)

2010-05-21T21:17:00.000-07:00

"കോഫീ കോഫീ.. " കാതു തുളകുന്ന ശബ്ദം കേട്ടാണ് ഞാന്‍ ഉണര്‍ന്നത്. ഞാന്‍ സമയം നോക്കി. 6 .45 .. അപ്പം ആലപ്പുഴ കഴിഞ്ഞിടുണ്ടാവും. കോഫിക്കാരനെ കണ്ണ് കൊണ്ട് 'എനിക്കുംകൂടി ഒരെണ്ണം' എന്നാ സിഗ്നല്‍ കൊടുത്തു, പുള്ളി ഒരു കപ്പ്‌ കോഫി എനിക്ക് തന്നു. ഞാന്‍ പോക്കറ്റില്‍ തപ്പി. ഒരു അഞ്ച്‌ രൂപ തുട്ടു കിട്ടി, അതും വാങ്ങി അയാള്‍ മുന്നോട് പൊയ്. അയാളെ ഒരു കൈകള്‍ വീണ്ടും തടഞ്ഞു നിര്‍ത്തി. ഒരു 45 വയസു തോന്നിക്കുന്ന ഒരു മെലിഞ്ഞ മനുഷ്യന്‍,, പിച്ചകാരന്‍ ആണോ? ഒന്നുംകൂടി സൂക്ഷിച്ചു നോക്കി. അല്ല.. എന്തോ കച്ചവടകാരന്‍ ആണ്.
അയാള്‍ ഒരു കോഫി വാങ്ങി. കോഫ്ഫീക്കാരന്‍ വീണ്ടും മുന്നോട് പോയി.

അയാള്‍ പോയി മരഞ്ഞപോയാണ് ആ കച്ചവടകാരന്‍ ഒറ്റക്കല്ല എന്ന് എനിക്ക് മനസിലായത്, അയാളുടെ ഭാര്യ ആവണം - ഒന്ന് കറുത്ത കണ്ണട ധരിച്ച ഒരു സ്ത്രീ,, അന്ധയാണ്‌. അയാള്‍ കോഫീ അവളുടെ കരങ്ങളില്‍ പിടിപിച്ചു, അവള്‍ അത് മുറുകെ പിടിച്ചു കഴിഞ്ഞു എന്ന് മനസ്സില്‍ ആയിട്ട് മാത്രമാണ് ആ പുള്ളിക്കാരന്‍ കൈകള്‍ വിട്ടത്,, എനിട്ട്‌ അയാള്‍ അവളോട്‌ എന്തോ പറഞ്ഞു .. ചൂടാണ് എന്നായിരിക്കും ഒരു പക്ഷെ അയാള്‍ പറഞ്ഞത്. ഞാന്‍ എന്റെ കോഫി കുടിച്ചു തീര്‍ത്തു വീണ്ടും അങ്ങോട്ട്‌ കണ്ണോടിച്ചു, ആ സ്ത്രീയുടെ കൊഫ്ഫീയും തീര്‍ന്നു, അയാള്‍ ആ കപ്പ്‌ വാങ്ങി ജനലില്‍ കൂടി പുറത്തു കളഞ്ഞു, എനിട്ട്‌ അയാളുടെ തോളില്‍ കിടന്നു ഒരു തുണി കൊണ്ട് അവളുടെ മുഖം തുടച്ചു വൃത്തിയാക്കി. എനിട്ട്‌ അവളോട്‌ വീണ്ടും എന്തോ പറഞ്ഞു,
ഉടന്‍ തന്നെ ആ സ്ത്രീ അയാളുടെ തോളില്‍ കൈ വച്ചു. അവളുടെ കൈ തോളില്‍ ഉറപിച്ചു കൊണ്ട് അയാള്‍ വീണ്ടും യാത്ര തുടര്‍ന്നു.

ഒരു മൂന്നു മണിക്കൂര്‍ മുന്നത്തെ കാര്യമാണ്, ചായ കഴിഞ്ഞു ഡെസ്കില്‍ എത്തിയപ്പോള്‍ സുരേഷിന്‍റെ ഡെസ്കില്‍ ഒരു ആള്‍ കൂട്ടം, ഞാനും എത്തി നോക്കി. മാട്രിമോണി സൈറ്റില്‍ കൊറേ പെണ്ണുങ്ങളെ നോക്കുകയാണ്. പെണ്ണിന്റെ കണ്ണ് കൊള്ളില്ല, മൂക്ക് കൊള്ളില, പൊക്കം ഇല്ല, മുടി ഇല്ല, തടി കൂടുതല, കളര്‍ പോരാ,,,, അങ്ങിനെ അങ്ങിനെ ഒരുപാട് അഭിപ്രായങ്ങള്‍,, ഞാനും അവരോടു ചേര്‍ന്ന് കൊറേ അഭിപ്രായങ്ങള്‍ പറഞ്ഞു,, സ്വാഭാവികം,,, പക്ഷെ ഇപ്പോള്‍ വെറും 3 മനികൂരിനു ശേഷം ഞാന്‍ ആകെ തകര്‍ന്നു പോയി. എനിക്ക് ആകെ ഒരേ ഒരു വിഷമം മാത്രമേ ഉണ്ടയോളൂ.. ആ കച്ചവടകാരന് മാട്രിമോണി സൈറ്റ് നോക്കി പെണ്ണ് കെട്ടാമായിരിന്നു.. അല്ലെ?

What should I write about??

2010-05-01T05:24:00.000-07:00

Hi,, I wrote more than 10 blogs in malayalam,, Last week some one asked me -"why don't you write something in English?".. I don't know if he really meant that or maybe he have had enough with my malayalam blogs,, I didn't apprehend what was on his head.. what ever it is? am just going to give it a try,
you people please suffer this one too...

What should I write about?? It's raining outside and I'm not getting a cold air inside this room,, Maybe, I should try opening the window..
Well, I opened it. Hooh,, Now I feel good.. I never thought of suffering these much hot air when I argued for getting this room upstairs.
Room Upstairs, Well! it has got its plus points too.. I can get out at night without letting any one else know about it.. Can talk to my girlfriends over phone in a pretty average sound,, Am lucky to have my own room, that too upstairs..

Oh,, I completed 2 paragraphs,, Bravo man! You are not that bad as others say,, I encouraged myself.. oh Shit! I didn't come to the point yet,, I mean I was supposed to write something na.. After thinking for a second, I started thinking again,, again and again,, I am listening to a song from the movie SURA,, Some of my friends went through the movie last day and they haven't recovered from it yet.. As I was on leave yesterday, I'm still conscious.. Serious this time ,, okie,,,

I really appreciate all those authors who write these big, really big books, Where the heck are they getting these much ideas and all? How are they populating all these pagas?? God damn! don't they have any other job?? The only thing I can write big is some lines of code, that too if braces were not taken into account; Oh No! am a looser again,,,

The rain seems to be settling down,, I like the sound of rain,, it has got a rhythm,, or may be the roof is leaking,, A dirty wet cat is trying to get into my room through the windows i just opened in Para:2.. shooo!! goooo! I screamed and it went out to enjoy rain again,, My whole family hate cats, But I,, I hate them even more,, Why do we have cats in earth?? So are dogs,, Earth will survive even without them,, But Dhoni said something about Tigers,, I can't recollect,,, Whatever,,,

So that is my first blog, I believe its a blog,, Trust me, I have seen worser ones of DL, RatJulk and many more,,, But I still dont understand one thing -" What should I write about??"