Shaffih Dauda in Sports.

MWISHO WA AIBU WA ZAMA ZA JOSE MOURINHO NDANI YA REAL MADRID

2013-05-22T14:27:00.001-07:00

May 21^st 2003 ni tarehe ambayo Jose Mourinho akiwa na kikosi cha FC Porto alishinda ubingwa wa UEFA Cup kwa kuwafunga Celtic. Tangu wakati huo alienda na kushinda makombe mawili ya Champions League na makombe ya ligi katika nchi nne tofauti. Kunaweza kukawa na ubishani mdogo tu kwamba ndiye kocha aliyetawala katika kipindi cha miaka 10 iliyopita, japokuwa muda wake ndani ya Madrid umeisha vibaya.

2013 umekuwa mwaka wa mwisho wa zama za makocha wengi na wachezaji. Kwa baadhi yao wamekuwa wakisifiwa kwa kazi zao ingawa kwa mtu mmoja - Special One,wakati wake ndani ya Madrid unaangaliwa kama wakati ambao umemfelisha Mourinho kama kocha.

Baada ya kipigo kutoka kwa Atletico kwenye fainali ya Copa Del Rey Jose Mourinho aliulezea msimu huu kama ndio m'bovu kuliko yote kwenye maisha yake ya soka. Ulikuwa wa shetani kwa Madrid huku michezo miwili ikiwa imebakia, Mourinho alitolewa nje kwa kumtusi mwamuzi akiiacha Madrid ikiwa imeghafirika dimbani dhidi ya wapinzani wao wa jadi. Mafanikio pekee aliyoyapata ndani ya msimu huu ni ubingwa Spanish SuperCup.

Msimu uliopita Madrid walikuwa makini, wenye hamu ya kufanikiwa na wakiwa na umoja katika kuuvunja utawala wa Barcelona. Pointi zao walizopata kwenye LA LIGA zilivunja rekodi, walifunga mabao mengi na wangeweza kuzidisha idadi hiyo kama wangekuwa makini. Wangeweza kufanikiwa zaidi msimu uliopita kama wangeshinda kwenye penati kwenye nusu fainali ya ligi ya mabingwa wa ulaya - kufungwa kwao usiku ule ulikuwa mwisho wa umoja wao. ere driven, determined and importantly together in their quest to overcome Barcelona.

Madhara ya kutokuwa na umoja yalionekana msimu huu. Hamu ya kutaka kufanikiwa ulaya zaidi ilizaa sumu iliyokuwa ikimtafuna Mourinho, ligi ikaonekana haina umuhimu hivyo ndivyo atleast kiwango na matokeo yalivyokuwa yakionyesha. Real walikuwa kwenye kiwango cha kawaida sana kwenye ligi wakikosa nguvu na muamko. Kama mlengo ulikuwa ni UCL, basi approach haikuwa sahihi, nguvu nyingi zilitumika mwanzoni na wakati wakielekea mwisho ndivyo nguvu ilivyopungua. Kiwango walichoonyesha kwenye mechi dhidi ya Manchester United na Galatasary kilikuwa cha wastani, aibu ikawakumba kwenye mchezo wa kwanza wa nusu fainali dhidi ya Dortmund waliocheza kitimu dhidi ya Madrid waliokuwa wakicheza kibinafsi

NUSU FAINALI 3 ZA CHAMPIONS LEAGUE HAYAKUWA MAFANIKIO NDANI YA MADRID

Nguvu ya Mourinho ilianza kufifia mwaka uliopita, tabia yake ilianza kuchosha na kutambua kwake kwamba msimu huu utakuwa wa mwisho kwake ilizidi kufanya hali kuwa mbaya. Alianzisha vita ambazo zilikuwa ngumu kwake kushinda na mwishowe wake zikaleta mgawanyiko kwa wachezaji na yeye mwenyewe.

Kama hii ilikuwa ndio plan yake ya kulazimisha kuondoka Madrid anaweza akawa amefanikiwa. Timu yake ilikuwa imesambaratika msimu mzima na anaiacha klabu hiyo kwenye hali mbaya. Ndio kuna wachezaji wa kiwango cha dunia kwenye timu hii ya sasa, lakini inahitaji kuundwa upya iwe kitimu zaidi. Kuondoka kwa Mourinho ni jambo zuri kwa pande zote

Kipigo cha Copa Del Rey kimeonyesha kwa picha safi nini kilikuwa tatizo msimu huu na Mourinho ndio mtu wa kulaumiwa. Ataondoka Madrid mwishoni mwa msimu huu, na mabaya yake yamemfanya kuonekana amefeli kufanya kile alicholetwa kufanya ndani ya Madrid. Jukumu kubwa lilikuwa kushinda ubingwa wa Champions League ambao ameshindwa, nusu fainali 3 zinaweza zikawa rekodi nzuri kwa timu nyingine lakini sio Madrid.

Kombe moja la ligi ndani ya miaka 3 na moja la Copa Del Rey ni mafanikio kidogo kwa kocha wa aina yake aliyepewa matumaini makubwa kutokana na kauli zake mwenyewe. Mourinho ni kocha anayejijali yeye zaidi kuliko timu yake, napenda kuwa juu ya klabu - hii inatajwa kuwa sababu mojawapo iliyomnyima kazi Manchester United. Anakosa ujuzi au hali ya kujtaka kujenga timu kwa malengo ya muda mrefu. Hili ndio limemwangusha ndani ya Madrid.

BARCELONA

Ukweli ni kwamba sababu nyingine kuu iliyomleta Mourinho Bernabeu ilikuwa ni kuuvunja utawala wa Barcelona. Alijaribu lakini hali imerudi vilevile sasa hivi wamerudi kwenye kivuli cha wapinzani wao. Alipowasili Santiago Bernabeu alikumbana na kipigo kibaya cha 5-0 na matokeo yake yake mbinu za mchezo wa Mourinho zikabadilika ndani ya Madrid.

Mbinu zake za kucheza dhidi ya Barcelona zilibadilika kabisa na badala ya kufanya mabadiliko kadhaa kwenye timu yake, alikiri kwamba timu yake ni haiwezi Barca na njia pekee ya kucheza dhidi yao na kuwashinda ilikuwa kwa mbinu chafu za vurugu na udanganyifu.Ikiwa tu angeweza kuiendeleza timu yake kwa mfano wa Dortmund na Bayern Munich labda tayari angeweza kuumaliza utawala wa Barcelona kwa kupata mafanikio zaidi hata kwa kubeba kombe la ulaya.

Baada ya majaribio kama 10 kwa mbinu zake Mourinho akaanza kufanikiwa lakini alikuwa ameshachelewa. Barca walionyesha kuwa na mentallity na imani kwenye aina ya mchezo wao na kuwa na mchezaji aina ya Messi waliweza kufanya visivyowezekana pale ilipohitajika. Pamoja na vita ya umalaika vs ushetani baina ya Mourinho dhidi ya Guardiola uliifanya El Classico izidi kuandamwa na vituko, lakini mwisho wa siku Guardiola alimshinda mpinzani wake.

Vita hii ilimfanya Mourinho aonekane mkorofi mwenye mbinu chafu hata ushindi wake ulikuwa wenye malalamiko. Huyu hakuwa kocha mwenye heshima bali mwenye wivu na majivuno. Mourinho aliwasili Santiago Bernabeu akiwa bingwa wa ulaya kama ilivyokuwa wakati akiwasili Chelsea ingawa muda huu alikutana na kiboko yake ambaye hakumpata England.

Alidhalilishwa na Guardiola, aliyekataa kucheza mchezo alioutaka Mourinho. Hivyo ikazaliwa vita ya class vs fashion kati yao. Katika miaka iliyopita Mourinho alionekana kama kocha kijana mnadhifu mwenye kuvaa Armain Suit lakini bado Guardiola alimshinda hata kwenye vita hiyo. Ukweli ni kwamba Barcelona na Guardiola walionyesha dhahiri ya ubovu wa Mourinho.

VITA BINAFSI MBELE YA MASLAHI

Vita ya Mourinho dhidi ya Barcelona, ilipelekewa na mreno huyo kunyimwa kazi mwaka 2008, alisahau kuweka umakini wake kwenye klabu yake aliyoifundisha kwa miaka 3. Vita yake na Barcelona haikuharibu sifa yake binafsi bali pia na ile ya Madrid.

Unaweza ukajaribu kubisha kwa namna alivyoileta uimara kwenye ambao haukuwepo miaka mingi iliyopita, lakini Pellegrini angeweza kufanikiwa zaidi ikiwa angepewa nafasi ya kuendelea kuwa kocha baada ya msimu wake aliomaliza na pointi 96. Pia Pellegrini asingeweza kusababisha migongano na matatizo kwa wachezaji na klabu kwa ujumla.

Ndio maana haikushangaza kuona wachezaji wake wenyewe wakikosana nae - pia haikushangaza kuona wale wachezaji wanaoijua Madrid haswa kiundani walianza kutofautiana nae. Wachezaji ambao tayari walishakuwa na medali za ubingwa wa dunia waliambiwa wacheze mchezo ambao hawakuupenda ili kuweza kuwashinda Barcelona. Haikuwa kama ilivyokuwa kwenye vilabu alivyopitia huko nyuma ambapo aliweza kuwashawishi kuamini kwenye mbinu zake. Kwa sababu tofauti na Porto, Chelsea na Inter, wachezaji wa Madrid tayari walishakuwa washindi. Na baadhi ya wachezaji wa kihispania walikuwa kwenye timu ambayo inasifika kwa kucheza soka safi kuliko timu zote ulimwenguni.

Kwenye macho yao waliona mbinu za Mourinho zilikuwa zinatofautiana na utamaduni wa Spain na ule wa Madrid. Ugomvi wake na Ramos na Casillas ulikuwa kielelezo tosha. Alipoteza imani ya wachezaji muhimu ndani ya timu, matamanio ya Mourinho yalikuwa kuwadhibiti wachezaji hao ili kuweza kutawala vizuri. Lakini hili ndio likazidisha tatizo, wachezaji hawa haswa Casillas alikuwa mkubwa na mwenye umuhimu ndani ya klabu kuliko Mourinho. Kama ingetakiwa mmoja aondoke baina yao basi Casillas angebaki.

Ndio mwanzoni alipewa rungu na akaweza kumuondoa Raul, lakini kadri siku zilizovyokuwa zikienda ndivyo alivyozidi kugundua Casillas ni kizingiti kikubwa katika utawala wake - na hii ni moja ya sababu zilizomuangusha Mourinho ndani ya Madrid.

Ingekuwa Mourinho angeweza kumtumia vizuri kipa basi angeweza kujiletea mafanikio binafsi na ya timu lakini badala yake akaamua kuwa na vita nae . Ukosefu wa umoja na ushirikiano ndani ya kikosi ndio sabau kuu ya anguko la Madrid msimu huu na mtu wa kumlaumu ni Mourinho mwenyewe.

Sio "Special One" tena

Mwanaume huyu aliyewasili mwaka 2010 akiwa bingwa wa ulaya, The Special One anaondoka Madrid akiwa amefeli na chini ya kivuli cha kocha aliyefanikiwa zaidi kwenye kipindi cha miaka 10 iliyopita. Swali ni - je tumeshaona ubora wote wa Mourinho? Makocha kama Guardiola na Klopp wanaonekana kuwa makocha wa kisasa zaidi wenye kujiheshimu. Tunashuhudia kizazi cha makocha wapya na nina mashaka kwamba Mourinho atapata mafanikio yoyote yatakayokaribia mafanikio aliyoyapata muongo mmoja uliopita.

Ikiwa atarudi Chelsea kama inavyotegemewa itadhihirika kwamba amefeli kwenye levo ya juu, ndio alikuwa bora kwa miaka kadhaa iliyopita lakini amefeli ndani ya Madrid na kuvionyesha vilabu kama United, Barcelona na Bayern Munich kwamba hafai kuwa kiongozi ndani ya timu zao. Hata Man City ambapo wafanya maamuzi ni watumishi wa zamani wa Barca inaonekana hawataki kujihusisha nae. Ukweli ni kwamba Madrid imempotezea sifa yake kama kocha bora kutokana na kufeli kufanya kazi kama ilivyopaswa.

VIBONZO VYA LEO

2013-05-22T13:05:00.002-07:00

NGASSA ASAJILIWA BILA KUPIMWA, FEDHA ZA EL MERREIKH ZIMEMPONZA, NI HALALI KUCHEZA YANGA

2013-05-22T06:08:00.001-07:00

LAZIMA tuamini kwamba aliyekuwa kiungo mshambuliaji wa Simba, Mrisho Ngassa amejiunga na Yanga na ataichezea timu hiyo michuano yoyote itakayoshiriki kuanzia sasa.

Ngassa amejiunga na Yanga huku kukiwa na vitimbi kadhaa vilivyotokea tangu anaondoka katika timu hiyo miaka michache iliyopita, wakati huo Yanga ilikuwa chini ya Mwenyekiti, Iman Madega.

Winga huyo aliondoka Yanga na kujiunga na Azam FC katika usajili ambao haukutarajiwa na wengi kutokana na mapenzi ya Ngassa kwa Yanga, bila shaka fedha iliongea. Azam ililipa zaidi ya Sh. 90 milioni ili kumnasa mchezaji huyo.

Mwaka jana katika michuano ya Klabu Bingwa Afrika Mashariki na Kati, akiwa anaichezea Azam, Ngassa baada ya kuifungia bao muhimu timu hiyo katika nusu fainali, alikwenda kwenye kibendera cha kona na kukibusu. Kibendera hicho kina rangi ya kijani na njano, rangi hizo zinatumiwa na Yanga.

Hiyo ilionekana kama ishara ya kuitukuza Yanga na kuidharau Azam timu inamlipa mshahara na posho nyingine, kwa kifupi ni mwajiri wake. Azam haikupendezwa na hali hiyo, kabla ya kuanza kwa msimu huu ikatangaza kumtoa kwa mkopo kwa Simba.

Wakati Azam inatangaza kumtoa kwa mkopo au kumuuza Ngassa, nilijua fika kwamba Yanga inaweza kutia mkono wake hivyo ikatazama mazingira ya kumkwamisha kurejea katika klabu yake na kuhakikisha anakwenda Simba.

Alipokuwa Simba, Ngassa alipata ‘deal’ la kujiunga na klabu ya El Merreikh ya Sudan, viongozi wa Simba walizungumza na El Merreikh bila ya kupata ridhaa ya Ngassa. Mwisho wake mchezaji alikataa kujiungana timu hiyo ya Sudan.

Azam ambayo nayo ingefaidika kama Ngassa angejiunga na El Merreikh, ni wazi haikupendezwa na hali hiyo ya Ngassa kukataa kuiunga na klabu hiyo. Mkakati ukapangwa.

Lakini wakati haya yakitokea siku za nyuma hebu tutazame namna Ngassa alivyosajiliwa na Yanga huku kukiwa na mambo kadhaa ya kushangaza;

NGASSA HAJAPIMWA AFYA

Kama ilivyo kawaida ya timu nyingi za Tanzania, safari hii Ngassa amesajiliwa na Yanga kwa mkataba wa miaka miwili bila ya kupimwa afya…!

Jambo hili la wachezaji kusajiliwa bila kupimwa afya sasa linaonekana la kawaida ambalo klabu zimerithi utaratibu huo toka zamani, Dunia imebadilika lakini viongozi wengi wa soka hapa nchini hawatazami hili.

Kwa mfano Ngassa anaweza kuwa na matatizo ya afya katika viungo vyake vya mwili ambavyo baadaye anaweza kuigharimu klabu kumgharamia matibabu kwa mfano matatizo ya goti.

Matibabu hayo yanaweza kuigharimu klabu kiasi kikubwa cha fedha ambacho kingeweza kufidiwa wakati wa usajili wake.

FEDHA ZA EL MERREIKH ZAMPONZA

Kama inavyodaiwa kwamba, Ngassa amesaini mkataba wa mwaka mmoja wa kuitumikia Simba, baada ya deal la kumpeleka El Merreikh kushindikana, Simba na Azam ziliamua kupeleka mkataba huo wa Simba kwa Shirikisho la Soka Tanzania (TFF) ili kuusajili ili Ngassa asiwe na uamuzi mwingine atakapoamua timu ya kujiunga nayo mkataba wake utakapoisha Azam.

Lengo la Azam na Simba lilikuwa ni kuona Ngassa hajiungi na Yanga na anaichezea Simba msimu ujao pia, HATA KAMA BILA RIDHAA YAKE.

Kwa kuwa Ngassa anafahamu anachofanya na anaheshimu maamuzi yake, aliamua kusaini kuichezea Yanga ili acheze soka kwa amani zaidi.

Usajili wa Ngassa kwa Simba (kama kweli alisaini) ulikuwa wa kama ‘kishika uchumba’ ili awe na uhakika na ahadi ya kusajiliwa na klabu hiyo, hivyo baadaye angeweza kuwa na maamuzi mengine kama alivyofanya sasa.

NGASSA NI HALALI YANGA

Kama kweli TFF itafuata hatua kwa hatua katika kile kinachoitwa mkataba wake na Simba, Ngassa ataichezea Yanga msimu ujao, kwani kuna vitu vingi vilifanyika katika mkataba huo bila ridhaa ya mchezaji.

Jambo hili linaweza kuwa kama la usajili wa Kelvin Yondani na Mbuyu Twite.

MWAMUZI WA AFRIKA KUSINI KUICHEZESHA STARS MOROCCO

2013-05-22T05:17:00.001-07:00

Shirikisho la Kimataifa la Mpira wa Miguu (FIFA) limemteua mwamuzi kutoka Afrika Kusini kuchezesha mechi ya mchujo ya Kombe la Dunia, Kanda ya Afrika kati ya Tanzania (Taifa Stars) na wenyeji Morocco (Lions of the Atlas).

Mechi hiyo ya kundi C itachezwa Juni 8 mwaka huu jijini Marrakech, Morocco kwenye Uwanja wa Grand kuanzia saa 3 kamili usiku kwa saa za Morocco. Mwamuzi atakayechezesha mechi hiyo ni Fraser Daniel Bennett.

Bennett atasaidiwa na Thusi Zakhele Siwela pia wa Afrika Kusini, wakati mwamuzi msaidizi namba mbili atakuwa ni Marwa Range kutoka Kenya. Mwamuzi wa akiba (fourth official) ni Lwandile Mfiki wa Afrika Kusini.

Kamishna wa mechi hiyo ni Robert Mangollo-M’voulou wa Gabon wakati mtathimini wa waamuzi (referee assessor) ni Charles Masembe kutoka Uganda.

Taifa Stars ambayo iko chini ya Kocha Kim Poulsen, na ikidhaminiwa na Kilimanjaro Premium Lager tayari iko kambini katika hoteli ya Tansoma ikiendelea kujinoa kwa ajili ya mechi hiyo ambapo kabla itajipima na Sudan (Nile Crocodiles) Juni 2 mwaka huu jijini Addis Ababa, Ethiopia.

Ratiba ya mazoezi kwa timu hiyo ni kama ifuatavyo;

Mei 22 Saa 10 jioni Uwanja wa Karume

Mei 23 Saa 1 asubuhi na Saa 10 jioni Uwanja wa Karume

Mei 23 Saa 10 jioni Uwanja wa Karume

Mei 25 Saa 1 asubuhi na Saa 10 jioni Uwanja wa Karume

Mei 26 Saa 3 asubuhi Uwanja wa Karume

MKUTANO WA WAANDISHI WA HABARI

Rais wa Shirikisho la Mpira wa Miguu Tanzania (TFF), Leodegar Tenga atakuwa na mkutano na waandishi wa habari. Mkutano huo utafanyika kesho (Mei 23 mwaka huu) saa 5 kamili asubuhi kwenye ukumbi wa mikutano wa TFF.

CHEMSHA BONGO: HAWA NI AKINA NANI?

2013-05-21T23:46:00.001-07:00

KAGAME CUP: SIMBA KUNDI MOJA NA APR, YANGA DHIDI YA VITAL O NA EXPRESS FC

2013-05-21T10:03:00.000-07:00

CECAFA 2013
GROUP A; Merriekh El Fasher (Sudan), Simba (TZ), Al Mann (Somalia) & APR (Rwanda).
GROUP B; Hilal Kadougli (Sudan), Ahli Shandi (Sudan), Al Nasr (S.Sudan), Tusker (Kenya) & Super Falcon (Zanzibar)
GROUP C; Yanga (Tanzania), Express FC (Uganda), Vitalo (Burundi) & AS Port (Djibouti).

KALI YA LEO: REAL MADRID WATELEKEZA BASI LAO LA KUSHEREHEKEA UBINGWA WA MFALME BAADA YA KUNYUKWA NA ATLETICO

2013-05-21T08:59:00.002-07:00

(

Real Madrid walikuwa wakijiamini sana kuelekea fainali ya Ijumaa iliyopita ya Copa del Rey dhidi ya Atletico Madrid, lakini wapizani wao hao wakavunja uteja wa miaka 10 kwa kuwafunga Madrid na kubeba taji la kombe la mfalme.
Kutokana na kujiamini sana Madrid walikuwa wameshaandaa bus maalum kwa ajili ya kusherehekea ubingwa wao katika jiji la Madrid, lakini mambo yakawa tofauti wakafungwa na Atletico na matokeo yake wakaliacha bus lao la kusherehekea ubingwa likiwa tupu kwenye moja ya gareji moja iliyopo jijini humo.

Kwa upande wa Atletico wao wakalitumia bus lao kwa kutembeza kombe lao mbele ya maelfu ya washabiki ndani ya jiji la Madrid.

HUU NDIO MCHANGANUO WA MAPATO YA VILABU VYA ENGLAND KUTOKA KWENYE MAUZO YA HAKI ZA TV - MAN UNITED WANAONGOZA

2013-05-21T08:11:00.002-07:00

Manchester United kwa mara nyingine imeendelea kuwa kinara kwenye listi ya timu zinazoongoza kwa mapato makubwa kupitia haki za matangazo ya Television.
Mapato ya Premier League yanagawanywa kwa asilimia 50 za fedha zote kugawanywa sawa sawa kwa vilabu vyote, na pia mapato ya fedha kutoka nje ya nchi yanagawanywa kwa usawa.

Asilimia 25% ya mapato ya ndani yanagawanywa kutokana na ambapo timu imemaliza kwenye msimamo wa ligi, huku 25% zilizobakia zikitumika katika ya kiufundi katika kila mechi inayoonyeshwa kwenye TV ndani ya UK.
TIMU ZILIZOPATA MAPATO MENGI KWENYE EPL:
Man Utd £60.8m, Man City £58.1m, Arsenal £57.1m, Tottenham £55.8m, Chelsea £55m, Liverpool £54.8m, Everton £51.7m, West Ham £48.7m, West Brom £48.3m, Swansea £47.6m, Norwich £46.1m, Fulham £45.3m, Newcastle £45.1m, Aston Villa £44.9m, Stoke £44.5m, Southampton £43.8m, Sunderland £43.4m, Wigan £40.8m, Reading £40m, QPR £39.8m.

KOCHA SIMBA ATAJA SABABU ZA KUFUNGWA NA YANGA, ASEMA KIBARUA CHAKE SIMBA KIPO HATARINI

2013-05-21T04:58:00.002-07:00

MUDA mfupi baada ya mechi ya watani wa jadi, Simba na Yanga wikiendi iliyopita, Kocha wa Simba, Patrick Liewig amesema hana uhakika na majaliwa yake lakini ametaja mambo manne yaliyoifanya timu yake ifungwe mabao 2-0 na Yanga.

Akizungumza katika mahojiano maalum, Liewig raia wa Ufaransa aliuambia mtandao huu kwamba, kikosi chake kilicheza vizuri lakini Yanga walitumia vizuri nafasi walizopata.

“Tulicheza vizuri kuanzia mwanzo hadi mwisho wa mchezo tatizo nafasi tulizopata hatukuzitumia vizuri na badala yake wenzetu Yanga walicheza vizuri na kutumia nafasi walizopata,” anasema Liewig.
Kocha huyo hata hivyo alisema anaamini kikosi chake kinachoundwa na wachezaji wengi vijana na wale waliokuwa hawapati nafasi kikosi cha kwanza, bado kina nguvu ya kufanya vizuri msimu ujao wa ligi na hata katika michuano ya Klabu Bingwa Afrika Mashariki na Kati ‘Kombe la Kagame’.

Liewig alitaja mambo makubwa manne yaliyoikwaza timu yake na kuruhusu kufungwa mabao 2-0 na Yanga;

SAIKOLOJIA;
“Kabla ya kuingia uwanjani si wachezaji tu hata mashabiki wetu wengi walijua timu yetu itafungwa, sasa kazi kubwa ilikuwa kuwaweka sawa wachezaji wetu hasa vijana katika hali ya kuhakikisha tunashinda mechi hii.
“Wakati sisi tukiwaza hivyo, wenzetu Yanga walikuwa wana uhakika wa ushindi na mbaya zaidi walikuwa wanawaza kuibuka na ushindi wa mabao mengi zaidi wakidhani kikosi chetu ni dhaifu,” anasema Liewig.
Liewig anakiri kwamba, pamoja na yote hayo lakini benchi la ufundi la Simba lilijitahidi kuwaweka sawa kisaikolojia lakini timu zilipoingia uwanjani ni wazi Yanga ilikuwa vizuri kisaikolojia katika ushindi kuliko wao.

PENALTI YA MUDDE;
Simba ilipata penalti dakika ya 28 baada ya beki wa Yanga, Nadir
Haroub ‘Cannavaro’ kumuangusha ndani ya eneo la hatari aliyekuwa mshambuliaji wa Simba, Mrisho Ngassa. Penalti hiyo ilipigwa na Mussa Mudde raia wa Uganda, lakini alikosa.

“Hadi tunapata penalti, Yanga walikuwa mbele kwa bao 1-0, hivyo kama tungepata penalti ile matokeo yangekuwa sawa na kuhamsha morali yetu ya kuhakikisha tunapata matokeo mazuri.
“Siku zote anayepiga penalti huwapa mashabiki uhakika wa kupata kwa asilimia kubwa, lakini Mudde amekosa na lile halikuwa lengo lake japokuwa umakini wa hali ya juu ulitakiwa kuwepo,” anasema Liewig.

KULINDA LANGO;
Liewig anasema kwa muda mwingi viungo na hata washambuliaji wake walikuwa wakilinda lango badala ya kushambulia kutokana na kasi ya Yanga hivyo kupoteza lengo la kupata ushindi mapema.
“Kama tungetangulia kupata bao mambo yangekuwa mazuri lakini muda mwingi wachezaji wangu walikuwa wakilinda lango kutokana na Yanga walivyokuwa wanashambulia.
“Mchezo huu wa kulinda ungekuwa mzuri kwetu endapo tungekuwa tunaongoza angalau kwa bao moja, sasa tulikuwa nyuma kwa bao moja muda mrefu halafu bado tukawa tunalinda lango, hapo unaona jinsi gani kwamba hata wachezaji wenyewe walikuwa bado na tatizo la saikolojia kwa kudhani Yanga inaweza kuwafunga mabao mengi zaidi,” anasema Liewig.

UBINGWA WA YANGA;
Tofauti na mechi nyingine za watani wa jadi zinavyokuwa, mara nyingi Simba na Yanga hukutana katika mechi za mwisho tena kwa kuwania pointi muhimu lakini katika mechi ya wikiendi iliyopita, mambo yalikuwa tofauti na hata Liewig ameliona hilo.
“Yanga ilikuwa tayari bingwa, sisi tulikuwa na uhakika wa nafasi ya
tatu huku tukiwa hatuwezi kupata nafasi ya pili kwa vyovyote hata kama tungeshinda. Hii ina maana Yanga, ilicheza kwa kujiamini zaidi huku ikitaka ushindi tu ili iweze kupewa kombe kwa furaha.
“Sisi tulitaka kucheza kwa kuweka heshima mbele ya mashabiki wetu huku tukipingana na makelele ya kufungwa mabao mengi na Yanga. Hili lilikuwa tatizo dogo japokuwa lilionekana kubwa baadaye,” anasema Liewig.

ANAZUNGUMZIAJE MUSTAKABALI WAKE…………….?
Liewig ambaye alijiunga na Simba Januari mwaka huu, anasema baada ya kipigo cha mabao 2-0 kutoka kwa Yanga huku akiwa na msimamo wa kuendelea kutowatumia wakongwe, hajui mustakabali wa kazi yake utakuaje.
Kocha huyo muda mfupi baada ya kutua Simba, alihakikisha kikosi
kinakuwa na nidhamu na mchezaji aliyeona anaharibu nidhamu kikosini alimtimua. Katika ‘timuatimua’ yake, Liewig aliwasimamisha wachezaji Haruna Moshi ‘Boban’, Amir Maftah, Juma Nyosso, Felix Sunzu, Mwinyi Kazimoto, Paul Ngalema na Abdallah Juma, lakini baadaye aliwasamehe Kazimoto na Sunzu.
Uamuzi huu wa Liewig uliigawa Simba kwani si mashabiki tu hata
viongozi wapo waliomuunga mkono na wengine walipinga uamuzi wake huo wa ‘kuwatimua’ kikosini kina Boban.
“Uamuzi huu ulikuwa mzuri kwa manufaa ya Simba na ni mapema kuona uzuri wa uamuzi wangu lakini baada ya muda mtaelewa kwa nini nilifanya vile. Bado nina imani na wachezaji vijana ninaowatumia na hata akija kocha mwingine mambo yatakuwa vizuri kwao,” anasema Liewig.
“Kila msimu unapoisha, viongozi wa timu huketi pamoja na kufanya tathmini yao sasa siwezi kukuambia kama majaliwa yangu yatakuaje ndani ya Simba lakini uongozi wenyewe ndiyo utakaojua nini cha kufanya mimi naheshimu mkataba wangu hapa,” anamaliza Liewig.

TASWA FC YAWAFUNGA MABONDIA MABAO 2:0

2013-05-20T22:58:00.000-07:00

ibrahim'bigright akitoa maelezo kwa timu ya mabondia huku thomas mashali akisikiliza kwa makini kabla ya kuingia.

alphonce mchumia tumbo akiwa chini ya ulinzi wa mabaki wa taswa

majuto omari wa taswa na jimwili lake kashindwa kabisa kufurukuta kwa daudi muhunzi.majuto ndie aliefunga bao la pili la taswa.hapa kabla hajatulizwa kibondia.

KIBONZO CHA LEO!

2013-05-20T22:46:00.002-07:00

NGASA ATAMBULISHWA RASMI YANGA

2013-05-20T11:04:00.001-07:00

Katibu Mkuu wa klabu ya Young Africans Lawrence Mwalusako leo amemtambulisha rasmi kwa waandishi wa habari mchezaji Mrisho Ngasa ambaye amerejea katika klabu yake ya zamani kufuatia ku

Mrisho Ngasa akiongea na waandishi wa Habari leo makao makuu ya klabu ya Yanga baada y akutambulishwa rasmi leo

malizika kwa mkataba wake wa miaka miatatu (3) dhidi ya timu ya Azam FC.
Akiongea na waandishi wa habari makao makuu ya klabu Mwalusako amesema Ngasa amerejea katika timu yake, alikuwa mchezaji wetu kwa muda mrefu kabla ya kuhamia katika timu ya Azam FC ambako alitumikia mkataba wa miaka 3 uliomalizika mwisho mwa msimu huu.
Naye mwenyekiti wa mashindano wa klabu ya Yanga Abdallah Bin Kleb amesema anashukuru kwa Ngasa kuamua kurudi nyumbani, kwani amekuwa mchezaji anayejitolea kwa moyo wake wote katika timu zake zote alizokuwa akichezea hali iliyompelekea kuendelea kuwa katika kiwango cha hali ya juu.
Kwa kweli mimi binafsi nimefurahi kijana kurejea nyumbani, amerejea katika timu inayomjali, inamsikiliza alisema Bin Kleb huku akimalizia kwa kusema kuwa Ngasa ataitumikia Yanga kwa mkataba wa miaka 2.
Aidha Ngasa mwenyewe amewashakuru wapenzi, washabiki na wanachama wa klabu ya Yanga kuwa naye kwa nyakati zote, nilipohamia Azam walikua wakishangilia, nilipohamia Simba pia walikuwa wakinipa moyo na kunishangilia pia.
Nimeamua kurudi katika timu yanga ya zamani sababu ndio sehemu pekee wanaponisikiliza na kunithamini, timu niliyotoka pamoja na kucheza kwa moyo wangu wote bado viongozi wake hawakua na imani na mimi hicho ndo kilichonipelekea kurudi katika timu yangu ya Yanga.
Ngsa anakua mchezaji wa kwanza kusajiliwa na klabu ya Yanga kwa ajili ya kuongeza nguvu katika kikosi kitachoitumikia Yanga katika msimu ujao.
DAIMA MBELE NYUMA MWIKO (DMNM)
EVER FORWARD BACKWARD NEVER (EFBN)

Mrisho Ngasa akikabidhiwa jezi ya klabu ya Yanga na katibu mkuu Lawrence Mwalusako

Source: www.youngafricans.co.tz

HAWA NDIO WASHINDI WA DROO YA WESTERN UNION

2013-05-19T23:31:00.002-07:00

Kutoka kushoto katika picha ya pamoja ni Meneja Masoko wa Benki ya Posta (TPB) Bw. Andrew Chimazi, Quraish Shindo (mshindi), Flora Mbuya (mshindi), Mratibu wa promosheni hiyo kutoka 24D Brand Communications Bi. Farida Makame, Mkuu wa Huduma za Usafirishaji Fedha wa Benki ya Diamond Trust (DTB) Bi. Chandni Jiwa na Bw. Patropa Ndanshao (mshindi) wakiwa uwanjani JNIA.

Add caption

Mmoja wa washindi wa tiketi kuona fainali ya ligi ya mabingwa iliyodhaminiwa na Western Union Bw. Quraish Shindo akihojiwa na waandishi wa habari kuhusu ushindi wake na safari ya kwenda kushuhudia fainali kati ya Chelsea FC na SL Benfica huko Amsterdam, Uholanzi leo.

Washindi wa Shinda Tiketi Kuona Fainali za Ligi ya Mabingwa Ulaya (UEFA) Flora Mbuya (kulia) na mwenzake Quraish Shindo wakiwa katika wakati wa furaha kabla ya kukwea kuelekea jijini Amsterdam kushuhudia fainali ya Ligi ya Mabingwa kati ya Chelsea FC na SL Benfica itakayochezwa leo.

KIBONZO CHA LEO!

2013-05-19T23:30:00.000-07:00

Ligi ya vijana Dar kuanza Julai 29

2013-05-19T23:19:00.001-07:00

KAMATI ya Ufundi ya Chama cha Mpira wa Miguu Mkoa wa Dar es Salaam (DRFA), kimetangaza kuanza kwa Ligi ya vijana walio chini ya umri wa miaka 15, itakayoanza Julai 29 mwaka huu.

Mkurugenzi wa Ufundi wa DRFA, Joseph Kanakamfumu, alisema jana baada ya kikao cha kamati hiyo, kilichokutana jana (Jumapili) kwenye Ukumbi wa Harbours Club Kurasini kuwa ligi hiyo ni moja ya mikakati ya chama hicho katika kuhakikisha mkoa wa Dar es Salaam unaibua vipaji kwa faida ya mkoa na Taifa.
Ligi hiyo itakuwa na faida kubwa kutokana na kuenda sawa na umri unaotumika na mashindano ya vijana ya Copa Coca Cola, ambayo mwaka huu yameanza kwa kushirikisha umri wa miaka 15.
Pia alisema ligi ya wanawake itaanza Agosti mwaka huu huku akiomba wadhamini nao kujitokeza kusaidia ligi hizo.
Wakati huo huo fomu kwa ajili ya kozi ya waamuzi na ile ya mpira wa miguu kwa ngazi ya cheti cha pili (Inter-Mediate) na zinapatikana kwenye ofisi za vyama vya mpira vya wilaya vya IDFA, KIFA na TEFA.

PICHA ZA WAREMBO WA REDD'S MISS KIGAMBONI 2013

2013-05-19T23:04:00.001-07:00

Warembo wanaoshiriki shindano la Redd's Miss Kigamboni wakiwa kwenye mazoezi kwa ajili ya kujiandaa na kinyang'anyiro hicho kitakachofanyika Ijumaa Juni 7 mwaka huu kwenye ukumbi wa Navy Beach ulioko Kigamboni.

SIR ALEX FERGUSON AAGWA KWA SARE YA 5-5 DHIDI YA WEST BROM

2013-05-19T13:39:00.000-07:00

конец FOOTYROOM.COM by footyroom

HATIMAYE ARSENAL YAENDA KUCHEZA ULAYA HUKU GOLI LA USHINDI LA BALE LIKISHINDWA KUISADIA SPURS

2013-05-19T13:32:00.001-07:00

n0-1a Footyroom.com by Futbol2101
SPU 1-0 SU by GoalF

CPwaa ateuliwa kuwa msimamizi mkuu na MC wa michuano ya Foosball

2013-05-19T13:09:00.000-07:00

Msanii maarufu wa kimataifa wa muziki wa kizazi kipya CPwaa ateuliwa na kampuni ya bia Heineken Tanzania kusimamia michuano ya mpira wa mezani (Foosball) pamoja na kutangaza na kuhamasisha mchezo huo wakati wa mashindano ambayo ni endelevu.Mpango huo ulikamilishwa kati ya kampuni ya Brainstormmusic & Media Co. Ltd na Heineken Tanzania Limited

Sharon Mariwa Meneja Muenezi Biashara Brainstormusic, Caroline Kakwezi, Meneja Masoko wa Heineken Tanzania, Uche Unigwe – Mkurugenzi Mkuu wa Heineken Tanzania, kulia Cpwaa na Ronald Louis Meneja Opereshini wa Brainstormusic.

Sharon Mariwa Meneja Muenezi Biashara Brainstormusic, Caroline Kakwezi, Meneja Masoko wa Heineken Tanzania na Uche Unigwe – Mkurugenzi Mkuu na Cpwaa msanii maarufu wakishikana mikono na Mkurugenzi wa Heineken Tanzania baada ya kusaini mkataba wa kuteuliwa kuwa msimamizi na MC wa michuano ya mpira wa mezani (Foosball) kulia ni Ronald Louis Meneja Opereshini wa Brainstormusic.

KIBONZO CHA LEO.

2013-05-19T09:27:00.000-07:00

PAMBANO LA SIMBA, YANGA LAINGIZA MIL 500/-

2013-05-19T09:04:00.000-07:00

Pambalo la watani wa jadi Simba na Yanga la Ligi Kuu ya Vodacom lililochezwa jana (Mei 18 mwaka huu) kwenye Uwanja wa Taifa, Dar es Salaam na kumalizika kwa mabingwa wapya Yanga kushinda mabao 2-0 limeingiza sh. 500,390,000.

Mechi hiyo namba 180 ambayo ilikuwa kati ya saba la kuhitimisha ligi hiyo msimu wa 2012/2013 ilishuhudiwa na watazamaji 57,406 waliokata tiketi kwa viingilio vya sh. 5,000, sh. 7,000, sh. 10,000, sh. 15,000, sh. 20,000 na sh. 30,000.

Kila klabu imepata mgawo wa sh. 123,970,927.45 wakati Kodi ya Ongezeko la Thamani (VAT) iliyolipwa ni sh. 76,330,677.97.

Kiingilio cha sh. 5,000 ndicho kilichovutia watazamaji wengi ambapo waliokata tiketi hizo walikuwa 19,039 na kuingiza sh. 95,195,000 wakati kile cha sh. 7,000 kiliingiza watazamaji 17,647 na kupatikana sh. 123,515,000.

Mgawo mwingine wa mapato hayo ni asilimia 15 ya uwanja sh. 63,036,064.81, tiketi sh. 3,818,890, gharama za mechi sh. 37,821,638.88, Kamati ya Ligi sh. 37,821,638.88, Mfuko wa Maendeleo ya Mpira wa Miguu (FDF) sh. 18,910,819.44 na Chama cha Mpira wa Miguu Mkoa wa Dar es Salaam (DRFA) sh. 14,708,415.12.

Boniface Wambura

Ofisa Habari

Shirikisho la Mpira wa Miguu Tanzania (TFF)

DAVID BECKHAM ALIVYOAGWA KWENYE MECHI YA MWISHO BAADA YA KUTANGAZA KUSTAAFU

2013-05-19T00:53:00.000-07:00

David Beckham na familia yake katika mechi yake ya mwisho kuichezea PSG baada ya kutangaza kustaafu soka.

David Beckham akiagana na kocha wake Carlo Ancelloti

Machozi yakimtiririka David Beckham wakati uwanja mzima uliposimama kumuaga

KWA STAILI YA AINA YAKE ROBERTO MANCINI AWAAGA MASHABIKI WA CITY

2013-05-18T23:43:00.003-07:00

Siku moja ambayo gazeti la Daily Mail liliandika stori ya namna baadhi ya wachezaji wa walivyokuwa hawampendi kocha wao aliyefukuzwa Roberto Mancini, muitaliano huyo ambaye hakuachwa mpaka amalize mechi za ligi zimalizike alitumia ukurasa mzima wa gazeti la Manchester Evening kuweka tangazo la kuwaaga mashabiki liloandikwa "Manchester City supporters 3 UNFORGETTABLE YEARS," kwenye tangazo hilo pia kuna picha ya Mancini akiaaga huku kukiwa kuna makombe matatu ya EPL, FA na Ngao ya Hisani. Pia akaandika "You will always be in my heart. Ciao. Roberto Mancini."

Mancini alikuwa akipendwa na mashabiki hata baada ya kumaliza nafasi ya pili nyuma ya Man United na kufungwa na Wigan kwenye fainali ya FA Cup. Ingawa hali ilikuwa tofauti kwa wachezaji na wamiliki ambao wote walipoteza imani nae.

MPAMBANO WA SIMBA NA YANGA KATIKA PICHA.

2013-05-18T10:26:00.000-07:00

Haruna Shamte akipambana na Simon Msuva wa Yanga...

Nahodha wa Yanga Nadir Haroub akinyanyua ubingwa wa ligi kuu ya VODACOM msimu wa 2012/2013

kikosi cha Simba kilichoanza hii leo....

Makocha wa Yanga Ernst Brandts pamoja na Felix Minziro wakijadiliana jambo.....

Sir Juma Nature pia alikuwepo kutoa burudani.....

Hili ndo lilikuwa bao la kwanza la Yanga lilifungwa na Didier Kavumbagu kwa kichwa....

Mrisho Ngassa akiwa amevalishwa jezi ya YANGA kwa mara nyingine tena huku akiwa amefurahi kweli kweli...

Mwamuzi wa mchezo wa leo Saanya akiwa chini mara baada ya kuumia.....

LIVE MATCH CENTRE: SIMBA SC 0 - 2 YANGA SC

2013-05-18T04:22:00.001-07:00

Mpira umemalizika, Young Africans 2 - 0 Simba SC
Kavumbagu ddk 4
Kiiza dkk 63

Dk 85 Nizar Khalfan anapiga shuti kali langoni kwa Simba lakini Kaseja anaokoa na kuumia. Simba 0-2 Yanga

Dk 76 SUB....! Simba imefanya mabadiliko ametoka Haruna Chanongo ameingia Ramadhan Singano 'Messi'

Dakika ya 75, Young Africans 1 - 0 Simba SC
Anaingia Nizar Khalfani kuchukua nafasi ya Hamis Kiiza

Dk 69 Sunzu wa Simba anamchezea faulo Mbuyu Twite wa Yanga. Mpira unasimama kwa muda ili Twite atibiwe.

Dakika ya 63, Hamis Kiiza anaipatia Young Africans bao la pili - Young Africans 2 - Simba SC

DK 60 Yanga wanaendelea kuongoza hapa dhidi ya Simba

Dk 47 SUB: Simba imefanya mabadiliko, ametoka Abdallah Seseme ameingia Felix Sunzu.

Dk 45 KIPINDI CHA PILI KIMEANZA!

Mpira ni mapumziko, Young Africans 1 - 0 Simba SC

Dk 38 Simba inapata kona ya pili.

Dk 35 Kiiza wa Yanga anakosa bao la wazi baada ya mpira alioupiga kutoka juu ya lango la Simba. Simba 0-1 Yanga.

Dk 32 Mwinyi Kazimoto wa Simba anamchezea vibaya Frank Domayo wa Yanga.

Dakika ya 28 Simba walipata penati, akapiga Mussa Mudde na kukosa

Dk 27 PENALLLLTTY......! Simba inapata penalti baada ya Cannavaro kumchezea vibaya Mrisho Ngassa.

Dk 21 Hamis Kiiza wa Yanga anauwahi vizuri mpira katikati ya mabeki wa Simba waliojichanganya kuokoa lakini shuti lake hafifu linaokolewa na kipa wa Simba, Juma Kaseja.

Dk 20 Cannavaro wa Yanga anachezewa faulo na Haruna Shamte wa Simba.

Dk 16 YELLOW CARD......! Haruna Shamte wa Simba anaonyeshwa kadi ya njano baada ya kumchezea vibaya Simon Msuva. Simba 0-1 Yanga

DK 15 Simba 0 - 1 Yanga

Dk 10 Didier Kavumbagu wa Yanga anamchezea faulo Shomari Kapombe.

Dk 8 Simba inapata kona ambayo haizai matunda

Didier Kavambagu anaipatia Yanga bao la kuongoza

Dk 1 YELLOW CARD...! Mbuyu Twite wa Yanga anaonyeshwa kadi ya njano baada ya kumchezea vibaya Haruna Chanongo wa Simba.

Mpira unaanza uwanja wa Taifa

Simba line up: Juma Kaseja, Nassor Masoud 'Chollo', Haruna Shamte, Shomari Kapombe, Mussa Mudde, William Lucian, Mwinyi Kazimoto, Abdallah Seseme, Mrisho Ngassa, Amri Kiemba na Haruna Chanongo. Sub: Abel Dhaira, Miraji Adam, Ramadhan Singano 'Messi', Felix Sunzu, Christopher Edward, Jonas Mkude na Hassan Mkude

Yanga line up: Ally Mustapha 'Barthez', Mbuyu Twite, David Luhende, Nadir Haroub 'Cannavaro', Kelvin Yondan, Athuman Idd 'Chuji', Simon Msuva, Frank Domayo, Didier Kavumbagu, Hamis Kiiza na Haruna Niyonzima. Sub: Said Mohamed, Juma Abdul, Oscar Joshua, Nurdin Bakar, Nizar Khalfan, Said Bahanuz na Jerry Tegete