shankhnad news blog

2020-05-12T19:43:00.000+05:30

ફિલ્ટર પ્લાન્ટ મુદ્દે મીડિયામાં હાઇલાઈટ થવા આરોપો કરે છે, હજુ માત્ર ફિલ્ટર પ્લાન્ટ શરૂ કરવાની ચર્ચાઓ કરી છે, કોઈ કામો આપી દેવાયા નથી, દીપ્તિબેન ત્રિવેદી

મિલન કુવાડિયા

સિહોર નગરપાલિકા ફિલ્ટર પ્લાન્ટનો મુદ્દો છેલ્લા બે દિવસથી ચર્ચાના ચગડોળે ચડ્યો છે સમગ્ર મામલો શહેરભરમાં ટોક ઓફ ધ ટાઉન બન્યો છે શાશક અને વિપક્ષ સભ્યોએ ફિલ્ટર પ્લાન્ટ મુદ્દે ગઈકાલે ગંભીર આરોપો લગાવ્યા છે જેને લઈ સ્થાનિક રાજકારણના હડકંપ મચ્યો છે ગઈકાલે ફિલ્ટર પ્લાન્ટ મુદ્દે સિહોર નગરપાલિકા શાશક અને વિપક્ષ નગરસેવક દીપશંગભાઈ રાઠોડ, કિરણભાઈ ઘેલડા, મુકેશ જાની, ડાયાભાઈ રાઠોડ, અલ્પેશ ત્રિવેદી, જયેશ રાઠોડ દ્વારા ફિલ્ટર પ્લાન્ટની સ્થળ મુલાકાત કરીને ગંભીર આક્ષેપો કર્યા હતા કરોડો રૂપિયાના ખર્ચે બનેલા ફિલ્ટર પ્લાન્ટ એક વખત પણ શરૂ કરાયો નથી લોકાર્પણ પણ બાદ એક ટીપું પાણી સિહોરની જનતાએ આ ફિલ્ટર માંથી પીધું નથી તે હકીકત છે ત્યાં જ ફરી નગરપાલિકા ફિલ્ટર પ્લાન્ટ માટેના રીપેરીંગ માટે ૩૮ જેવો ખર્ચ કરવા જઈ રહી હતી ત્યાં જ ફરી શાશક અને વિપક્ષ સભ્યોએ ગઇકાલે ભારે હોબાળો મચાવ્યો હતો જેને લઈ આજે સિહોર નગરપાલિકા પ્રમુખ દીપ્તિબેન ત્રિવેદીએ આજે મીડિયા સામે આવીને જણાવ્યું હતું કે ફિલ્ટર પ્લાન્ટ રીપેરીંગ માટેની હજુ ચર્ચાઓ ચાલે છે અને માત્ર આક્ષેપો થયા તે મીડિયામાં હાઇલાઇટ થવા માટેના આરોપો છે હજુ સુધી આ બાબતે કોઈ કામો અપાયા નથી વધુમાં કહ્યું હતું કે અમારૂ કામ સિહોર શહેરના લોકો શુદ્ધ પાણી પીવે તે હેતુ છે કોઈ ભષ્ટાચારની વાત નથી હજુ સુધી ફિલ્ટર પ્લાન્ટ રીપેરીંગનો કોઈ ઠરાવ થયો નથી..નથી બિલ ચુકવાયુ..માત્ર નગરસેવકો મીડિયામાં હાઈલાઈટ થવા માટે ખોટા આરોપો કરે છે તેવું નગરપાલિકા પ્રમુખ દીપ્તિબેન ત્રિવેદીએ કહ્યું હતું

2020-05-10T20:27:00.004+05:30

ઉમરાળા પોલીસ અધિકારી અને એ.એસ.આઈ કોતર ની કરુણા ને નિષ્ઠા વૃદ્ધની લાઠી બની

નિલેશ આહીર
કોરોના મહામારીમાં સૌ કોઈ દિવસે દિવસે મૂંઝવણ અનુભવી રહ્યું છે. જેમાં ઘરમાં બેઠેલા લોકો કંટાળી ગયા હશે પરંતુ ફરજ પરના પોલીસ જવાનો અને ડોકટરો અડગ પણે કોરોનાની વચ્ચે જંગ લડી રહ્યા છે. કોરોના વોરિયર્સ તરીકે પ્રશાશનના નાને થી લઈને મોટા અધિકારીઓ સાથે મળીને દેશનું રક્ષણ કરી રહ્યા છે. આવા સમયમાં પોલીસની ફરજ નિષ્ઠા સાથે માનવતા પણ છલકાઈ દેખાઈ છે.ત્યારે ઉમરાળા પીએસઆઇ પઢીયારના માર્ગદર્શન નીચે પોલીસ ફરજ સાથે સેવાકીય કાર્ય પણ કરી રહી છે. મળતી વિગતો મુજબ ઉમરાળા ટાઉન બીટમાં એ.એસ.આઈ તરીકે ફરજ બજાવતા મૂળ સિહોરના ખારી ગામના આર.બી.કોતર પેટ્રોલિંગમાં હોય.

એ દરમ્યાન એક વૃદ્ધ માજી પોતાની નાની એવી દુકાન માં જુના લાકડાના ઘોડામાં બે ત્રણ ભાગના ડબા સાથે બેઠા હોય છે. વૃદ્ધની દયનિય પરિસ્થિતિ પોલીસની આંખોમાં ઉતરી જતા એ.એસ.આઈ દરરોજ ઉતરીને વૃદ્ધ માડીના હાથમાં એક મોટી નોટ બંધ મુઠીમાં મૂકીને સેવાકાર્ય કરી રહ્યા છે. વૃદ્ધના હાથમાં મોટી નોટ આવતા જ તેની આંખોમાં જાને આખા દિવસનો વેપાર કરી નાખ્યો હોય તેવી ઝલક દેખાઈ આવી જાય છે. જેને લઈને પોલીસના દિલમાં પણ સેવા કર્યાની ટાઢક આવી જાય છે. પોલીસની આવી સેવાકાર્ય ની કામગીરીની સો સો સલામ છે.

2020-05-10T20:26:00.001+05:30

રાહતના સમાચાર: સિહોરના બે દર્દી સાથે કોરોનાથી ૧૬ સાજા થયા, તમામને હોસ્પિટલમાંથી રજા અપાઈ

સિહોરના ચાર ભાઈઓએ કોરોનાને હરાવ્યો, આજે સીરાજ અને ઈરફાનને હોસ્પિટલમાંથી રજા અપાઈ, જોકે માતા હજુ હોસ્પિટલમાં કોરોના સામે ઝઝુમેં છે

હરેશ પવાર
કોરોનાનો કહેર અને ભય વચ્ચે આજે રવિવારે એક રાહતના સમાચાર આવ્યા છે ભાવનગરમાં એક સાથે ૧૬ દર્દીઓ કોરોના મુક્ત થયા છે અને જેઓને હોસ્પિટલમાંથી રજા આપવામાં આવી છે ઉલ્લેખનીય છે કે સિહોરના ૨ ભાવનગરના ૧૩ અને બોટાદના ૧ દર્દી કોરોનાથી મુકત થયા છે જે તમામ ને હોસ્પિટલમાંથી ડિસ્ટાચાર્જ કર્યા છે ભાવનગર હોસ્પિટલમાં ભાવનગર હોસ્પિટલમાં કોરોનાની સારવાર લઈ રહેલા ૧૬ દર્દીઓ કોરોના મુક્ત થયા છે ભાવનગરમાં કોરોના દર્દીઓની સારવારમાં જોડાયેલ તબીબી ટીમની મહેનત રંગ લાવી રહી છે. કોરોનાની સારવાર લઈ રહેલા સિહોરના એક જ પરિવારના ૫ લોકોની કોરોનાની લપેટમાં સપડાયા હતા તા ૧૩ એપ્રિલે અલ્ફાજ દસાડિયા નામના યુવકને કોરોના પોઝિટિવ આવતા જેમના પરિવારના ૮ સભ્યોને કોરોન્ટાઇન કરી લેવામાં આવ્યા હતા અને પછી ક્રમશ એક પછી એક પરિવારના સભ્યો કોરોના પોઝિટિવ થયા હતા જોકે અગાઉ અલફાજે કોરોને હરાવ્યો હતો ગઇકાલે તેમના ભાઈ યાસીને પણ કોરોના સામે ઝઝુમીને જીત મેળવી હતી આજે એજ પરિવારના સીરાજ અને ઈરફાન નામના બન્ને સગ્ગા ભાઈઓએ કોરોનાને હરાવ્યો છે કહી શકાય કે એક સાથે ચાર ભાઈઓએ કોરોના હરાવ્યો છે જોકે હજુ માતા શહેનાજબેન ને ગઇકાલે જ રિપોર્ટ પોઝિટિવ આવતા હજુ એ હોસ્પિટલમાં સારવારમાં છે અને કોરોના સામે ઝઝુમી રહ્યા છે પરંતુ ચાર સગ્ગા ભાઈઓ કોરોને હરાવી ને કોરોના જંગમાં જીત મેળવી છે ત્યારે આજે રવિવારે ભાવનગર માટે સારા સમાચાર છે કે એક સાથે ૧૬ લોકો કોરોના મુક્ત થયા છે એ જેઓને હોસ્પિટલમાંથી રજા અપાઈ છે જેથી લોકો સાથે તંત્રએ પણ રાહતનો શ્વાસ લીધો છે

2020-05-10T20:23:00.002+05:30

સિહોરથી ઉત્તરપ્રદેશ રવાના થયેલ પરપ્રાંતિય બોલ્યા, ઉદ્યોગો શરૂ થશે એટલે પરત આવી જઇશું

આપની યાત્રા શુભ રહે: સિહોરથી ૯૦૦ થી વધુ પરપ્રાંતીય શ્રમિકો ઉત્તરપ્રદેશ જવા રવાના

હરેશ પવાર
લોકડાઉનના કારણે સિહોર અને જિલ્લાના જુદાજુદા વિસ્તારોમાં પરપ્રાંતિયો માટે સરકારે વતન જવાની આપવાની સાથે પરપ્રાંતના મજૂરોએ પોતાના વતન તરફ જવાની દોટ મૂકી છે જેના ભાગરૂપે સિહોર વિસ્તારમાંથી આજે ૨૧ મીની ખાનગી બસો દ્વારા ૯૦૦ થી વધુ શ્રમિકોને ભાવનગર રેલવે સ્ટેશન ખાતે રવાના કરાયા હતા જ્યાંથી સ્પે ટ્રેન દ્વારા આ પરપ્રાંતિયો ઉત્તરપ્રદેશ રવાના થશે સિહોર અને આજુબાજુ વિસ્તારમાં સૌથી વધુ રોલિંગમિલો ઇન્ડસ્ટ્રીઝ સાથે શ્રમિકો જોડાયા છે ખાસ કરીને જીઆઇડીસી વિસ્તારમાં રોલિંગમિલો અને સળિયા ફેક્ટરીઓમાં પરપ્રાંતના શ્રમિકો નો સૌથી વધુ કામ રહ્યું છે અને મજૂરો મોટા પ્રમાણમાં કામ કરે છે લોકડાઉનના કારણે આ શ્રમિકો પાસે રોજગારી નો સૌથી મોટો પ્રશ્ન ગંભીર બની રહ્યો છે

ત્યારે પૈસાના અભાવે અને સલામતી જોખમાતા હવે વતનમાં જવા સિવાય બીજો કોઈ વિકલ્પ નથી તેથી અનેક મજુર અનેક શ્રમિકો આજે સિહોરની મામલદાર કચેરી ખાતેથી તેઓને ઉત્તરપ્રદેશ મોકલવામાં આવ્યા છે ભાવનગર સુધીની સ્પે ૨૧ બસો દ્વારા ૯૦૦ જેટલા શ્રમિકો અહીંથી રવાના થયા છે સરકારની જાહેરાત બાદ શ્રમિકોને તેમના વતનમાં મોકલવાની કામગીરી તંત્ર દ્વારા હાથ ધરવામાં આવી છે આ તમામ શ્રમિકો ના મેડીકલ ચેક અપ કરીને તેમને ફૂડ પેકેટ પણ આપવામાં આવ્યા હતા ઉલ્લેખનીય છે કે સિહોર સાથે જિલ્લામાં પરપ્રાંતિય લોકોની સંખ્યા ખૂબ મોટી છે તંત્ર અને પ્રશાસન દ્વારા વ્યવસ્થાઓ કરવામા આવી રહી છે પરપ્રાંતિય લોકો સ્વ ખર્ચે જઈ રહ્યા છે ત્યારે અગાઉ પણ ભાવનગરથી ટ્રેનો રવાના થઈ છે અને હજુ પણ બુકીંગમાં ઘસારો રહે છે

2020-05-10T20:06:00.002+05:30

છેલ્લા ત્રણ મહિનાથી ભાડે રહેતા યુવકે બેકારીથી કંટાળી ગળાફાંસો ખાઈ લીધો

હે રામ: પૈસા ખાવાનું અને ધીરજ ખૂટી: પેટનો ખાડો પુરવાની અને મકાન ભાડું આપવાની ચિંતાએ સિહોરના યોગેશનો જીવ લીધો

દેવરાજ બુધેલીયા
લોકડાઉને અનેક પરિવારોનું સામાન્ય જીવન લોકઅપ કરીને રાખી દીધુ છે મજુર અને મધ્યમવર્ગના લોકો પેટના ખાડો ભરવા માટેની ચિંતાઓ હવે સતાવવા લાગી છે લોકડાઉનને આજકાલ કરતા ૪૫ દિવસથી વધુ સમય પસાર થઈ ચૂક્યો છે તમામ ધંધા રોજગાર ઠપ્પ છે મજૂરી કામો બંધ થઈ ચુક્યા છે અને પેટ ભરવા માટે ગરીબોને આ મુશ્કેલી અત્યંત સતાવી રહી છે લોકો માટે કપરી સ્થિતિનું નિર્માણ થયું છે સિહોરના ગુંદાણા વિસ્તારમાં રહેતા એક યુવક ગળાફાંસો ખાઈને જીવન ટૂંકાવી નાખ્યું છે ગુંદાળા વિસ્તારમાં ભાડે મકાનમાં રહેતા યોગેશભાઈ વાજા જેઓને છેલ્લા ત્રણ માસથી કામધંધો હતો નહિ જમવાનું પણ પાડોશી આપી જતા હતા અને પૈસા અને ધીરજ ખૂટી જતા યોગેશભાઈએ આજે ભાડેના રહેતા મકાનમાં જીવનનો અંત આણી દીધો હતો ઘરે ગળાફાંસો ખાઈને જીવનને ટૂંકાવી નાખ્યું હતું બનાવને લઈ આજુબાજુના લોકો દ્વારા પોલીસને જાણ કરાઈ હતી સિહોર પોલીસનો કાફલો બનાવ સ્થળે જઈને લાશને સરકારી હોસ્પિટલ ખાતે પીએમ અર્થે ખસેડવામાં આવી હતી અને પોલીસે વધુ કાર્યવાહી હાથ ધરી છે યોગેશભાઈ જેવા અસંખ્ય પરિવારો પેટના ખાડો ભરવા માટેની ચિંતા સતાવી રહી છે ધંધાઓ લોકડાઈન છે ગરીબ અને મધ્યમવર્ગના લોકો પાસે પૈસાઓ હવે ખૂટયા છે બેકારીએ ભરડો લીધો છે આવતા દિવસોમાં કપરી સ્થિતિનું નિર્માણ થશે તે હકીકત છે

2020-05-10T20:03:00.001+05:30

પરપ્રાંતિયોની હ્રદય વલોવી મૂકે તેવી વ્યથા ગમે તે રીતે વતનમાં જવું છે મરશું તો વતનની માટી તો નસીબ થશે

અલંગ અને આસપાસના વિસ્તારોમાં જિલ્લા કોંગ્રેસ પ્રમુખ અને ધારાસભ્ય પોહચ્યા, પરપ્રાંતિયોને કરી મદદ

દેવરાજ બુધેલીયા
લોકડાઉન લંબાતા પરપ્રાંતિય અને શ્રમિકની હાલત દયાજનક બની છે રોજીરોટી વગર રઝળી પડ્યા છે કોરોનાથી નહિ પણ શ્રમિકોને પેટની ભૂખ મારી નાખશે તેવી હૃદયદ્રાવક સ્થિતિનું નિર્માણ થયું છે નોકરીઓ ગુમાવી છે..પૈસા ખૂટયા છે..બે ટંક ખાવાના સાંસા પડી રહ્યા છે અને બીજી તરફ અને શ્રમિકોએ હજારો કિલોમીટર પગપાળા જવા માટે વતનની વાટ પકડી લીધી છે ભર તડકે તૂટેલી ચપ્પલો ખંભે બેગ અને છોકરાઓ સાથે કેટલાક શ્રમજીવી પરિવારો પગપાળા જવા નીકળ્યા છે અને એક તરફ શ્રમિકોને વતન જવા રાજકારણ શરૂ થયું છે કોંગ્રેસ અધ્યક્ષા સોનિયા ગાંધીજીએ કહ્યું કે જે પણ પરપ્રાંતિય અને શ્રમિક લોકોને વતન જવું હશે તેનો સંપૂર્ણ ખર્ચ કોંગ્રેસ પક્ષ ઉઠાવશે હાલાકી કોંગ્રેસના રાષ્ટ્રીય અધ્યક્ષાના નિવેદનના ચાર પાંચ દિવસ સુધી જિલ્લાના સ્થાનીક શહેરમાં કોઈ નેતાકે કાર્યકર પરપ્રાંતિયોની મદદ માટે પોહચ્યા ન હતા જોકે ગઈકાલે શનિવારના રોજ ભાવનગર જિલ્લા કોંગ્રેસ પ્રમુખ પ્રવીણભાઈ રાઠોડ ધારાસભ્ય કનુભાઈ બારૈયા સહિત આગેવાન અગ્રણીઓ અલંગ અને આસપાસના વિસ્તારોમાં પરપ્રાંતિયો અને શ્રમિકની લોકોની મદદ માટે પોહચ્યા હતા સરકાર દ્વારા સ્વ ખર્ચે જવા માટે ટ્રેનો શરૂ કરવામાં આવી છે કેટલાક શ્રમજીવીઓને લોકડાઉન પૂરું થવા આવ્યું છે ત્યારે વતનમાં જવાનું કારણ શું? આટલા દિવસ રોકાયા તો થોડા દિવસ રોકાઇ જવામાં વાંધો શું છે ?તમોને ખબર છે તમે ક્યારે પહોંચશો?તેવા સવાલો કર્યા હતા.જેની સામે શ્રમજીવીઓએ જે જવાબ આપ્યા છે તે હૃદય વલોવી મુકે તેવો છે. શ્રમજીવીઓ કહે છે કે,હજી કેટલા દિવસો લોકડાઉન લંબાશે તે ખબર નથી..જો મરવાનો વખત આવશે તો વતનની માટી તો નશીબ થશે.અમે ક્યારે પહોંચીશું તેની અમોને કાંઇ જ ખબર નથી.

2020-05-09T21:04:00.001+05:30

આટકોટ પાસે ગોળાઈમાં કાર–ટ્રક સાથે અથડાતા ભાવનગરના બે જીગરી મિત્રોએ જીવ ગુમાવ્યો

હિતેશ અને વિશાલ બન્ને મોતને ભેટ્યા, વિશાલ કોમ્પ્યુટરનું બહુ મોટું કામ કરે છે સિહોરમાં પણ કેટલીક કંપનીઓમાં કોમ્પ્યુટર રીપેરીંગના કોન્ટ્રાક્ટ ચાલતા હતા

સલીમ બરફવાળા
ભાવનગર હાઈ–વે ઉપર આટકોટ જંગવડ વચ્ચે ભાવનગરની કાર ડિવાઈડર સાથે અથડાઈને એક ટ્રક સાથે ધડાકાભેર અથડાતા સર્જાયેલા અકસ્માતમાં ભાવનગરના વીરપાર્ક સિકસર રોડ પર રહેતાં બે વ્યકિતઓના મોત થયા હતા. મળતી વિગતો મુજબ જસદણથી દસ કિલોમીટર દુર જંગવડ ગામ પાસે ભાવનગરથી મોરબી હિતેશભાઈ ડાભી પોતાના સસરા મૃત્યુ પામ્યા હોય અને એમના પત્ની મોરબી પાસે વાંગધ્રા તેના માવતર હોય તેથી તેની બાજુમાં રહેતા તેના મિત્ર વિશાલભાઈ મહેતા આ બન્ને ભાવનગરથી વહેલી સવારે નીકળી જંગવડ ગામ નજીક પહોંચતા ત્યાં અચાનક કાર રોડ ડિવાઈડર પર ચડી જતાં ત્યાં કારમાં સામે આવતા ટ્રક સાથે ધડાકાભેર અથડાતા બન્ને મિત્રના મૃત્યુ થયા હતા. આ બનાવની જાણ રાયના કેબિનેટ મંત્રી કુંવરજીભાઈ બાવળિયાને થતાં તેઓએ જરૂરી સૂચના આપી હતી. અકસ્માતના પગલે શહેરના સામાજિક અગ્રણી નરેશભાઈ દરેડ તથા રફીકભાઈ ગોગદા પણ આ અકસ્માતે મદદ કરવા હાજર થઈ ગયા હતા ઉલ્લેખનીય છે કે, જંગવડ ગામ પાસેની આ ગોળાઈવાળા હાઈવે પર અનેક અકસ્માત અગાઉ પણ સર્જાઈ ચૂકયા છે ઉલ્લેખનીય છે કે વિશાલ મહેતા જેઓ કોમ્પ્યુટરનું બહુ મોટું કામકાજ કરતા હતા અને સિહોરની કેટલીક કંપનીઓમાં પણ કોમ્પ્યુટર રીપેરીંગના કોન્ટ્રાક્ટ ચાલતા હોવાનું પ્રાથમિક જાણવા મળ્યું છે

2020-05-09T20:55:00.000+05:30

ઘરના ઘંટી ચાટે અને પારકાને આટો '

વિદેશથી નવા ઉદ્યોગો ગુજરાતમાં આવે તેનાથી ખુબ જ આશ્ચર્ય અને આઘાત - શ્રી શક્તિસિંહ ગોહિલ

સલીમ બરફવાળા
ગુજરાતના મુખ્યમંત્રીશ્રીએ વિદેશથી નવા ઉદ્યોગો ગુજરાતમાં આવે તે માટે જાહેરાતો કરી છે તેનાથી ખુબ જ આશ્ચર્ય અને આઘાત લાગ્યો વિદેશથી આવતા ઉદ્યોગકારો માટે જે જાહેરાતો કરી છે તેનાથી સ્પષ્ટ થાય છે કે 'ઘરના ઘંટી ચાટે અને પારકાને આટો ' વિદેશથી આવતા ઉદ્યોગકારો માટે ઓનલાઇન વ્યવસ્થા કરીને ૭ જ દિવસમાં તમામ મંજૂરીઓ આપી દેવાની જે જાહેરાત કરવામાં આવી છે તેના બદલે હાલમાં આપણાં ગુજરાતના નાના અને લઘુ ઉદ્યોગો જે મુશ્કેલીમાં મુકાઈ ગયા છે તેના માટેની ચિંતા કરવી જોઈએ, તેમ કોંગ્રેસ અગ્રણી શ્રી શક્તિસિંહ ગોહિલ દ્વારા જણાવાયું છે. કોંગ્રેસના રાષ્ટ્રીય અગ્રણી શ્રી શક્તિસિંહ ગોહિલ રોષ સાથે દ્વારા જણાવાયું છે કે, નવા વિદેશથી આવતા ઉદ્યોગો માટે ૩૩,૦૦૦ હેકટર જમીન અને એ પણ પ્લગ અને પ્રોડ્યૂસ સુવિધા સાથે આપવાની ગુજરાત સરકારે જાહેરાત કરી છે. હકીકતમાં જે આપણાં ઉદ્યોગો કોરોના વાયરસ, નોટબંધી અને વધારે પડતા GST ના કારણે અતિશય મુશ્કેલીમાં આવી ગયા છે તેવા આપણાં સ્થાનિક ઉદ્યોગોને વધારે લાભ આપવો જોઈએ નહીં કે નવા વિદેશથી ઉદ્યોગો માટે લાલ જાજમ. વિદેશથી નવા આવનાર ઉદ્યોગોને શ્રમિકોનું શોષણ કરવાની પુરી પરવાનગી આપવાની હોય તે રીતે ત્રણ કાયદાઓ છોડીને તમામ શ્રમિક કાયદાઓમાંથી નવા ઉદ્યોગોને ૧૨૦૦ દિવસ સુધીની છૂટ આપવામાં આવી છે જે આપણાં શ્રમિકો માટે ઘાતક પુરવાર થશે. રાજ્ય સરકારનો આ વિદેશથી આવતા ઉદ્યોગો માટેનો પ્રેમ એ આપણાં ગુજરાત ના ઘરેલું ઉદ્યોગોને પડયા પર પાટું મારવા સમાન બની રહેશે. આથી તાત્કાલીક અસરથી આ બધી વિદેશથી આવતા ઉદ્યોગો માટેની મહેરબાની બંધ કરીને આપણાં સ્થાનિક ઉદ્યોગો ટકી રહે તે માટેની વિચારણા થાય અને આપણા ગુજરાત ના ઉદ્યોગો ને તાત્કાલિક સ્ટિમ્યુલસ પેકેજ આપવામાં આવે તેવી કોંગ્રેસ પક્ષ દ્વારા લાગણી અને માંગણી વ્યક્ત કરવામાં આવી છે, તેમ શ્રી ગોહિલ દ્વારા જણાવાયું છે.

2020-05-09T20:49:00.002+05:30

કોરોના મહામારી વચ્ચે માતા અને બાળકોના પોષણની કાળજી લેતાં મંત્રીશ્રી દવે

રાજ્યમંત્રી સુશ્રી વિભાવરીબેન દવે દ્વારા 108 ઘાત્રી માતાઓને કાટલાકીટનું વિતરણ કરાયુ

શ્યામ જોશી
ભાવનગર શહેરના પૂર્વ વિધાનસભા મતવિસ્તારમાં ૧૦૮ ધાત્રી માતાઓને રાજ્યમંત્રી સુશ્રી વિભાવરીબેન દવે દ્વારા કાટલાકિટનું વિતરણ કરવામાં આવ્યું હતું. આ કાટલા કિટમા ચોખ્ખું ઘી, ૩૨ જાતની ઔષધિઓથી બનેલું બત્રીસું, ગોળ, ગુંદર, ટોપરૂ, ઘઉંના લોટ સહિતની ૧.૫ કી. ગ્રા. વસ્તુઓના પેકેટનું ધાત્રી માતાઓના ઘરે ઘરે જઈ વિતરણ કરાવામાં આવ્યું હતું અને તેના ઉપયોગ અંગેની માહિતી આપવામાં આવી હતી. આ કાટલા કિટ ધાત્રી માતાઓને ખવડાવવામાં આવે છે. જેથી માતા અને બાળક બન્નેની તંદુરસ્તી જળવાઈ રહે છે.અને તેમને પુરતું પોષણ મળે છે. રાજ્યમંત્રી સુશ્રી વિભાવરીબેન દવેએ આ તકે જણાવ્યું હતું કે ભાવનગરમાં કોરોના મહામારી વચ્ચે છેલ્લા ૧૫ થી ૨૦ દિવસમાં નવજાત બાળકોને જન્મ આપનાર માતાઓ તથા બાળકોની ચિંતાને લઇ તેમજ બાળકોને પોષણયુક્ત બને તેવાં આશીર્વાદ આપવાના હેતુસર આ કાટલાકીટનું વિતરણ કરવામાં આવ્યું છે. આ કાટલુ એક સાંસ્કૃતિક પરંપરા છે, જેના સેવનથી માતાને પોષણ મળે છે અને માતા થકી નવજાત બાળકને પોષણ મળે છે. આ કાટલા વસાણાને લઈ ઘર માં બીજા કોઈ આ નથી લેતા માત્ર માઁ ને જ લેવાનું થાય છે. વધુમાં રાજ્યમંત્રીશ્રીએ હાલની પરિસ્થિતિમાં માઁ અને બાળકને બહાર નહિ નીકળવા તેમજ પરિસ્થિતિ મુજબ સ્વાસ્થ્યની કાળજી લેવા અને તંદુરસ્તી જાળવવા જણાવ્યું હતું. અત્રે ઉલ્લેખનીય છે કે ગુજરાતમાં આવી વિશિષ્ટ રીતે નવ જન્મેલ બાળકોની કાળજી અને કીટ આપવાનો આ પહેલો પ્રસંગ છે.

2020-05-09T20:48:00.000+05:30

સિહોરમાં શાકભાજીના ફેરિયાઓ બમણાં થઈ ગયા, વેચાણ માર્કેટમાં ધસારો

લોજીક વગરના લોકડાઉનથી વ્યથિત વેપારી અને મધ્યમવર્ગના લોકો કાઢે છે રસ્તા, સરકારે દુકાનો ખોલવા નહીં દેતા બેરોજગારો શાક-ફળ વેચવા લાગ્યા

દેવરાજ બુધેલીયા
સિહોરમાં લોજીક વગરના લોકડાઉનના કારણે લોકોમાં નારાજગી પ્રસરી છે ત્રીજા લોકડાઉન સમયે સરકારે કેટલીક છૂટછાટ આપી હોવા છતાં સ્થાનિક તંત્ર દ્વારા હજુ કેટલીક પાબંદીઓ રાખવામાં આવી છે ત્યારે કામધંધા વગર દોઢ માસથી કંટાળી ગયેલા વેપારીઓ લાચાર બનીને અન્ય રસ્તા કાઢવા લાગ્યા છે. લોકડાઉનમાં શાકભાજી, ફળફળાદિ વેચવાની છૂટ છે ત્યારે સિહોરમાં શાકભાજી ફેરિયાઓની સંખ્યા બમણી થઈ ગઈ છે. ફ્રૂટ,શાકભાજીની લારી વધી ગઈ છે સિહોરની બન્ને માર્કેટ ક્રિકેટ ગ્રાઉન્ડ અને રેસ્ટ હાઉસ સામે ગ્રાઉન્ડમાં ચાલતી માર્કેટમાં મોટા પ્રમાણમાં ફેરિયાઓ શાકભાજી-ફળો વેચી રહ્યા છે કેટલાક વેપારીઓ લાચાર બનીને ધંધા-રોજગાર માટે રસ્તા કાઢે છે બીજી બાજુ મોટાભાગના વેપારીઓની આવક ઠપ્પ થઈ ગઈ છે. પાન,કટલેરી,હોઝીયરી, ઈલેક્ટ્રીક, હેરકટિંગ, કપડાં, કંદોઈ, સ્ટેશનરી સહિત દુકાનો કે સુતાર,લુહાર, રિપેરીંગ કામ સહિતની દુકાનો પર ગુજરાન ચલાવતા હજારો લોકો માટે કપરી સ્થિતિ સર્જાઈ છે.

2020-05-09T20:41:00.002+05:30

સિહોર શહેરમાં વિનામૂલ્યે રેશનકાર્ડ ધારકોને અનાજ વિતરણ શરૂ

બ્રિજેશ ગૌસ્વામી
કોરોના વૈશ્વિક મહામારીને લઈને સરકાર દ્વારા રાશન કાર્ડ ધારકોને વિનામૂલ્યે રાશન વિતરણ કરવાનું જાહેર કરવામાં આવ્યું હતું. જેમાં ગયા મહિનાની માફક આ મહિનામાં પણ રાશન કાર્ડ ધારકોને વિનામૂલ્યે રાશન વિતરણ શરૂ કરી દેવામાં આવ્યું છે. સોશ્યલ ડિસ્ટન્સ અને માસ્ક સાથે સિહોરની રાશન દુકાનો ઉપટ સરકાર દ્વારા જાહેર કરાયેલા કોર્ડ સીસ્ટમ દ્વારા વિતરણ શરૂ કરી દેવામાં આવ્યું હતું. સિહોર શહેરમાં જિલ્લા પુરવઠા તંત્ર દ્વારા એપીએલ-૧ કાર્ડધારકોને તા.૧૨ મે સુધી વ્યાજબી ભાવની દુકાનો પરથી રેશનકાર્ડ દીઠ ૧૦ કિ.ગ્રા. ઘઉં, ૩ કિ.ગ્રા. ચોખા, ૧ કિ.ગ્રામ. ખાંડ તથા ૧ કિ.ગ્રામ. ચણાદાળનું વિનામૂલ્યે વિતરણ કરવાનો પ્રારંભ થયો છે. આ વિતરણ વ્યવસ્થા હેઠળ જે રેશનકાર્ડ ધારકોના રેશનકાર્ડનો છેલ્લો અંક ૩ અને ૪ છે તેઓને આજે વિતરણ કરાયુ હતુ. રેશનકાર્ડનો ૭ અને ૮ છેલ્લા અંક હોય તેમને આજે વિતરણ કરાયું હતું અને તા.૧૦ મે તેમજ છેલ્લો અંક ૯ અને ૧૦ હોય તેવા રેશનકાર્ડધારકને તા.૧૧ મેના રોજ નિઃશુલ્ક અનાજ વિતરણ કરવામાં આવશે. અનિવાર્ય સંજોગોમાં જે કાર્ડધારક પોતાના નિર્ધારિત દિવસે અનાજ મેળવી શકતા નથી તો તેઓને સીધા તા.૧૨ના દિવસે જ અનાજ આપવામાં આવશે.

2020-05-09T20:38:00.002+05:30

સિહોરના ચાર પુત્રો બાદ માતા પણ કોરોનાની લપેટમાં

એક જ પરિવારના ચાર પુત્રો સહિત માતા સાથે ૫ સભ્યોને કોરોના, ૧૩ એપ્રિલ થી આખો પરિવાર ભાવનગર સમરસમાં કોરોન્ટાઇનમાં છે, એક પછી એક પરિવારના પાંચ સભ્યોને કોરોના રિપોર્ટ પોઝિટિવ

હરેશ પવાર
ભાવનગરમાં ચિંતાનજક રીતે કોરોનાના કેસો વધી રહ્યા છે ત્યારે કોરોના વૈશ્વિક મહામારીએ સિહોરમાં પણ ૧૩ એપ્રિલે દેખા દઈ દીધા હતા સિહોરના જલુના ચોકમાં રહેતા દસાડીયા પરિવારના યુવાન અલ્ફાજનો કોરોના રિપોર્ટ પોઝિટિવ આવતા તેના પરિવારને ૧૩ એપ્રિલથી ભાવનગર સમરસ હોસ્પિટલ ખાતે કોર્નટાઇનમાં રાખવામાં આવ્યા છે જેમાં ક્રમશ યુવાનના ત્રણે ભાઈઓના રિપોર્ટ પણ પોઝિટિવ આવ્યા હતા. જેમાં બે ભાઈઓ કોરોનાને માત આપીને સ્વસ્થ થઈને ઘરે પરત આવી ગયા છે ગઇકાલે જ અલ્ફાજ બાદ યાસીને પણ કોરોને હરાવ્યો હતો જોકે આજે ચારેય યુવાનની માતા શહેનાઝબેન દસાડીયાનો કોરોના રિપોર્ટ પોઝિટિવ આવતા તેને સારવાર માટે ભાવનગર સર.ટી હોસ્પિટલ ખાતે ફેરવામાં આવ્યા હતા. સિહોરમાં કુલ પાંચ કેસો કોરોના પોઝિટિવ આવ્યા છે જેમાં હાલ ત્રણ કેસો જ એક્ટિવ છે અને બે કેસોના સારવાર બાદ રિપોર્ટ નેગેટિવ આવતા ડિસ્ચાર્જ કરી આપવામાં આવ્યા હતા. સિહોરના લોકો જે હજુ પણ ગંભીરતા નથી દાખવતા તેમને ચેતી જવું જરૂરી છે કોરોનાનો કહેર દિવસે દિવસે વધી રહ્યો છે સિહોરના એક જ પરિવારના ૫ સભ્યોને કોરોનાએ બાનમાં લીધા છે ઉલ્લેખનીય છે કે સમગ્ર વિસ્તાર છેલ્લા ૨૫ દિવસથી સિલ કરાયો છે અને આ પરિવાર તે દિવસથી તબીબી સારવાર હેઠળ છે.

2020-05-09T20:35:00.001+05:30

સ્ત્રી શક્તિ કોરોના સામે મેદાનમાં

સિહોર એલ.આર.ડી મહિલા પોલીસ ખડેપગે ફરજ નિભાવી રહી છે

દેવરાજ બુધેલીયા
કોરોના સામેની જંગમાં પોલીસ અને પ્રશાશન ખભે ખભા મિલાવીને કામ કરી રહ્યું છે. સિહોરમાં પણ પોલીસ સાથે શહેરમાં સુરક્ષા પુરી પાડવા લે.આર.ડી., જી.આર.ડી, હોમગાર્ડના જવાનો રાઉન્ડ ધ ક્લોક ફરજ નિભાવી રહ્યા છે. આવા સમયમાં બે દિવસ બાદ આજે સિહોરમાં કરીયાણાના વેપારીઓ દ્વારા દુકાનો શરૂ કરાતા ગામમાં ભારે ગિરદી જોવા મળી રહી હતી. આવા સમયે લોકોને સોશ્યલ ડિસ્ટન્સનું પાલન કરાવવા માટે પીઆઇ ગોહિલની સૂચનાથી એલ.આર.ડી મહિલા પોલીસ મુખ્ય બજારમાં સતત બંદોબસ્તમાં ખડેપગે પોતાની ફરજ નિભાવી રહી હતી. એક તરફ જેઠ મહિનો અગન વર્ષા આકાશમાંથી વરસાવી રહી છે. દસ વાગ્યામાં જ સુરજ દેવ પોતાનો મિજાજ બતાવા લાગે છે.ત્યારે આવા ચાલીસ બેતાલીસ ડીગ્રી તાપમાં સતત બજારમાં ઉભા રહેવું અને પાછું આ અજાગ્રત પ્રજાને કોરોના ગાઈડલાઈન નું પાલન કરવા સમજાવું એ ખરેખર કપરું છે. છતા પણ પોતાની ફરજને કર્તવ્યનિષ્ઠ બનીને તેઓ નિભાવી રહ્યા છે.

2020-05-08T20:44:00.003+05:30

સિહોર પોલીસે બિનવારસી લાશની અંતિમવિધિ કરી

હરેશ પવાર - સંદીપ રાઠોડ
કોરોનાની મહામારીમાં પોલીસ અને પ્રશાસન સતત રાત દિવસ ફરજ બજાવી રહી છે. એક તરફ પોલીસ પોતાની ફરજમાં રાત દિવસ પેટ્રોલિંગ કરીને શહેરની સુરક્ષા વધારી રહી છે ખાસ કરીને સિહોર પોલીસ મથકના પીઆઇ ગોહિલ દ્વારા લોકડાઉનના સમયમાં પણ ફરજ સાથે તેઓ સતકાર્ય ચૂકતા નથી આજે સિહોરના ગુદાળા વિસ્તારમાં સવારે ૫૫ વર્ષીય એક અજાણી મહિલાનો મૃતદેહ મળતા સિહોર પોલીસ ઘટના સ્થળે દોડી જઈને જરૂરી કાર્યવાહી હાથ ધરી હતી મહિલાના મૃતદેહને સિહોર હોસ્પિટલમાં ખસેડીને પીએમ સહીતની કાર્યવાહી કરીને તેના વાલી વારસાની શોધખોળ સિહોર પોલીસે કાર્યવાહી હાથ ધરી હતી. મૃતક મહિલાના પરિવાર ની કોઈ ભાળ નહિ મળતા સિહોર પોલીસ મથકના પીઆઇ કે.ડી.ગોહિલ, સહિત સ્ટાફે અને તેમની ટિમ દ્વારા આ અજાણી મહિલાના મૃતદેહની અંતિમ વિધિની તૈયારી કરવામાં આવી હતી. સિહોર પોલીસ સ્ટાફ દ્વારા સિહોરના સ્મશાન ગૃહમાં મૃતકની અંતિમ વિધિ કરીને તેના આત્માની શાંતિ માટે પ્રાર્થના કરી હતી. પોલીસ અને નગરપાલિકા વિભાગ દ્વારા અજાણી લાશની પણ વિધિસર અંતિમ વિધિ કરીને માનવતા દાખવી હતી.

2020-05-08T20:41:00.003+05:30

ભાજપ કોંગ્રેસના રાજકારણ વચ્ચે માત્ર થઈ રહી છે જાહેરાતો, બે ટંક ભોજન માટે તરસતા શ્રમિકો પાસેથી વસૂલાતું કમ્મરતોડ ભાડું

સહાય મળી નથી ઉછીના પૈસાથી લેવી પડે છે ટીકીટ, કોંગ્રેસ અધ્યક્ષા સોનિયા ગાંધીજીની જાહેરાત પછી પણ સિહોર કે જિલ્લામાં ક્યાંય નેતા કે કાર્યકરો દેખાતા નથી

દેવરાજ બુધેલીયા
'સરકારની દાનત જોઈએ' હજારો ગરીબ શ્રમિકો અહીંથી ભુખ્યા-તરસ્યા તેમના વતનમાં જઈ રહ્યા છે. તેઓને રેલવે ભાડુ ભોગવવું પડે છે. જે આપડા સૌની કમનસીબી છે સિહોર સહિત જિલ્લાના સેંકડો શ્રમિકો છેલ્લા ૪૫ દિવસથી કામધંધા વગર રોજીરોટીના અભાવે હિજરત કરી રહ્યા છે. ટ્રેનો ભરી-ભરીને શ્રમિકો પોતાના ખર્ચે વતનમાં જઈ રહ્યા છે. એ જ રીતે રોજી-રોટી રળવા સુરતમાં રત્નકલાકાર તરીકે કામ કરતા હજારો કારીગરો સૌરાષ્ટ્રમાં પોતાના વતનમાં બસ ભાડુ ખર્ચીને આવી રહ્યા છે. રોજીરોટી વગરના ગરીબ શ્રમિકોએ પોતાના ખર્ચે વતનમાં જવું પડે છે. સરકાર શ્રમિકોની ગરીબી અને લાચારીનો ગેરલાભ ઊઠાવી જાણે તમાશો જોઈ રહી હોય તેવી સ્થિતિ શ્રમિકો અનુભવી રહ્યા છે અસંખ્ય પરપ્રાંતિયો લોકોની હાલત કફોડી બની છે સ્થિતિ અતિ ગંભીર બની રહી છે.

રાજસ્થાન મધ્યપ્રદેશ ઉત્તરપ્રદેશ સહિતના વિસ્તારોમાંથી લોકો રોજીરોટી માટે ગુજરાતમાં આવ્યા હતા જોકે હાલની સ્થિતિ કપરી બની છે લોકો પાસે પૈસા ખૂટયા છે આખરે વતન જવા પગપાળા જવા નીકળ્યા છે બીજી તરફ કોંગ્રેસ અધ્યક્ષા સોનિયા ગાંધીજીએ શ્રમિકોના ભાડા માટેની વ્યવસ્થાની જાહેરાત કરવામાં આવી છે પરંતુ સિહોર કે જિલ્લાના અન્ય મથકો પર કોંગ્રેસના એક પણ નેતા કે કાર્યકર દેખાતો કે જોવા મળતો નથી તે પણ એટલી વાસ્તવિકતા છે અને કહેવાઈ કે ભાજપ કે કોંગ્રેસના નેતાઓના હાલ જમીર મરી ચુક્યા હોવાનું કહેવાય છે ત્યારે રાજકારણની રમતને મૂકી માનવતાના લોકોને મદદ રૂપ થવાય તે જરૂરી છે.

2020-05-08T20:40:00.001+05:30

કુદરતને લોકડાઉન ફળ્યું

વાતાવરણ પ્રદુષણ મુક્ત બનતા ચોમેર હરિયાળી છવાઈ ગઈ

સિહોરી માતાના ડુંગરેથી આહલાદક નયનરમ્ય કુદરતનો નજારો

સલીમ બરફવાળા - દર્શન જોશી
લોકડાઉન ના ચાલીસથી વધુ દિવસોમાં માનવી માનસિક રીતે થાકી ગયો હશે. લોકડાઉન લાગતા પ્રદુષણ ઓકતા તમામ એકમોને બ્રેક લાગી ગઈ છે. ફેકટરીઓ, વાહનો, સહીતના પ્રદુષણને હાનીઓ પહોંચાડતા એકમો લોક થઈ જતા કુદરત જાણે સાજું થઈને બેઠું થઈ ગયું હોય એવું લાગે છે. ભારત શહેરના અનેક રાજ્યોની તસ્વીરો કુદરતને લોકડાઉન ફળ્યું હોવાની સાક્ષી પુરી રહ્યું છે. સિહોર અને આસપાસના પંથકમાં પણ કુદરતે મન મુકીને લીલોતરી અને ડુંગરો આપ્યા છે. જ્યારે લોકડાઉનને લઈને સિહોર અને આસપાસના વિસ્તારોમાં ચાલતી ફેકટરીઓ અને વાહનો ઓછા થઈ જતા વાતાવરણ શુદ્ધ થઈ ગયું હતું. સિહોરની મધ્યમાં સિહોરી માતાજીના ડુંગરથી છેક સોનગઢ સુધીના દ્રશ્ય દૂરબીન વગર પણ સારા દેખાઈ રહ્યા છે. ડુંગર ઉપરથી ગૌતમેશ્વર તળાવ સહિતના કુદરતના આહલાદક નયનરમ્ય દ્રશ્યો આંખોને ટાઢક આપે તેવા દેખાઈ રહ્યા હતા. જો પ્રદુષણ મુક્ત થતા કુદરતને એનું ઓરીજીનલ રૂપ મળતું હોય તો આ લોકડાઉન બાદ પણ કુદરતની જાળવણી કરવી આપણી ફરજ આવે છે.

2020-05-08T20:37:00.001+05:30

લાંબા દિવસો બાદ સિહોરના હાઇવે ઉપર ધમધમાટ દેખાયો

સુરતી લાલાઓ સિહોર સહિતના પંથકમાં આવી પહોંચ્યા

હરેશ પવાર
લોકડાઉનના એક લાંબા ગાળા બાદ સુના બની ગયેલા હાઇવે ઉપર આજે કઈક નવો ધમધમાટ દેખાયો હતો. સિહોર અને ભાવનગર જિલ્લાના હાઇવે ઉપર જીજે ૫ દેખાવા લાગી હતી. જાણે દિવાળી ના દિવસોમાં સુરતી લાલાઓ દેખાઈ આવે સૌરાષ્ટ્રમાં તેમ હાઇવે ઉપર આજે ભરચક દેખાઈ હતી.લોકડાઉન ના ત્રીજા તબક્કામાં રાજ્ય સરકાર દ્વારા સુરતમાં રહેતા સૌરાષ્ટ્ર વાસીઓને પોતાના ગામડે જવા માટે કાર્યવાહી કરાવી ને જવાની પરવાનગી આપી દેતા આજે સિહોર સહીત આસપાસના ગામડાઓમાં અને સમગ્ર જિલ્લામાં આશરે ૧૫૦ થી વધુ બસો દ્વારા સુરતવાસીઓ વહેલી સવારે આવી પહોંચ્યા હતા. સિહોરના પીપરડી ગામે આજે વહેલી સવારે ૬ સરકારી બસો દ્વારા ગ્રામજનો આવી પહોંચ્યા હતા. સુરતથી આવેલા તમામ લોકોનું સણોસરા પીએચસી સેન્ટર દ્વારા આરોગ્ય ચકાસણી કરીને તમામ લોકોની નોંધણી કરવામાં આવી હતી. આરોગ્ય અંગેની સૂચનાઓ આપીને તમામ લોકોને હોમકોર્નટાઇન કરવા માટેની કામગીરી કરવામાં આવી હતી. સોનગઢ પોલીસ સ્ટાફ દ્વારા વ્યવસ્થા જાળવવા બંદોબસ્ત ગોઠવી દેવામાં આવ્યો હતો. પીપરડી ગામના સરપંચ અને તલાટી મંત્રી દ્વારા સુરતથી આવેલા તમામ લોકોને કોરોના વાયરસને લગતી સરકાર દ્વારા જાહેર કરાયેલ ગાઈડલાઈનનું પાલન કરવાં માટે સૂચનાઓ આપવામાં આવી હતી.

2020-05-08T20:33:00.003+05:30

મનસુખ માંડવીયા સિહોર નજીકના પાલીતાણાથી આવે છે

ગુજરાતમાં નેતૃત્વ પરિવર્તનની કોઈ શક્યતા જ ન હોવાની કેન્દ્રીય મંત્રી માંડવિયાએ ટ્વિટ કર્યું

ગઈકાલે ગુજરાતમાં મુખ્યમંત્રી રૂપાણીના બદલાવની અફવાથી વાતાવરણ સાથે રાજકારણ ગરમાયું હતું

મિલન કુવાડિયા
કોરોના વાઈરસના ચેપને ફેલાતો અટકાવવામાં લૉકડાઉન વચ્ચેય ગુજરાત સરકાર નિષ્ફળ ગઈ હોવાથી નારાજ થયેલી કેન્દ્ર સરકારે ગુજરાતના મુખ્યમંત્રીને બદલવાનો નિર્ણય કર્યો હોવાની એકાએક જોર પકડી ગયેલી અફવાને કેન્દ્રના શિપિંગ મિનિસ્ટર મનસુખ માંડવિયાએ સ્પષ્ટ રદિયો આપ્યો હતો. મનસુખ માંડવિયાએ ટ્વિટ કરીને જણાવ્યું હતું કે કોરોનાના સતત વધી રહેલા વ્યાપને અંકુશમાં લેવા માટે ગુજરાતના મુખ્યમંત્રી વિજય રૂપાણી મક્કમ લડત કરી રહ્યા છે ત્યારે નેતૃત્વ પરિવર્તનની વાતો વહેતી કરવી ઉચિત નથી. ગુજરાતના હિતોને નુકસાન કરાવવાનું આ કૃત્ય છે. વેબ પોર્ટલ પર આ અહેવાલ વહેતા કરવામાં આવ્યા ત્યારબાદ આ અંગે સોશિયલ મિડીયામાં ચર્ચાએ ખાસ્સું જોર પકડયું હતું. કેન્દ્રિય મંત્રીએ જણાવ્યું હતું કે આ અગાઉ પણ આ જ પ્રકારે મુખ્યમંત્રીના બદલાવા અંગેની અફવાઓ ભૂતકાળમાં ફેલાવવામાં આવી હતી. આ અફવાઓ અગાઉ પણ ખોટી જ હોવાનું સાબિત થઈ ચૂક્યું છે. કોરોનાનો વ્યાપ વધવાના કિસ્સામાં ગુજરાતની નબળી કામગીરીને કારણે દેશમાં કોરોનાના કેસની બાબતમાં મહારાષ્ટ્ર પછીના બીજા ક્રમે ગુજરાત આવી ગયું છે. તેનાથી કેન્દ્રની નેતાગીરીની નારાજગી વધી છે. આ વાતને આગળ કરીને કેટલાક શાસક વિરોધી પરિબળો આ અફવાઓને ફેલાવવાનું કામ કરી રહ્યા છે.
તેમણે જણાવ્યુંહતુંકે વિજય રૂપાણી સતત પ્રધાનંત્રી કાર્યાલયના સંપર્કમાં છે અને ગુજરાતમાં કોરોના વાઈરસને કારણે નિર્માણ થઈ રહેલી પરિસ્થિતિથી સતત માહિતગાર કરી રહ્યા છે. કેન્દ્રિય મંત્રી મંડળને ગુજરાત તરફથી સતત આપવામાં આવતી માહિતીથી તેઓ સંતુષ્ટ છે. ઉલ્લેખનીય છે મનસુખ માંડવિયા સિહોર નજીકના પાલીતાણાથી આવે છે ને જેઓ કેન્દ્રીય મંત્રી છે

2020-05-08T20:31:00.001+05:30

નારાજગી દૂર અને સમસ્યાનું સમાધાન

સિહોર અનાજ કરિયાણા એસોસિએશન પ્રતિનિધિ મંડળ પ્રાંત અધિકારીને રૂબરૂ મળ્યું, આવતીકાલથી ફરી રાબેતા મુજબ અનાજ કરીયાણા દુકાનો ધમ-ધમશે

દેવરાજ બુધેલીયા
લોકડાઉનની વચ્ચે ગઇકાલથી સિહોર શહેરમાં અનાજ કરીયાણા એસોસિએશન દ્વારા વેપારીઓએ અચોક્કસ મુદ્દત માટે બંધ રાખવા અને વેપારીઓની નારાજગીને લઈ એસોસિએશન દ્વારા સંપૂર્ણ વેપાર ધંધા સજ્જડ બંધ રાખવાના નિર્ણય સામે લોકોને ભારે હાલાકીનો સામનો કરવો પડ્યો હતો ગઈકાલ બાદ આજે બીજા દિવસે પણ સિહોર શહેરના કરીયાણા એસોસિએશન દ્વારા દુકાનો સંપૂર્ણ બંધ રાખવામાં આવી હતી છેલ્લા દોઢ માસ કરતા વધુ સમયથી લોકડાઉન ચાલી રહ્યું છે જીવન જરૂરિયાત ચીજવસ્તુઓ સિવાયના તમામ ધંધા રોજગારને લોકડાઉન લાગી ચૂક્યું છે સિહોરની બજારોમાં પણ જીવન જરૂરિયાત ચીજવસ્તુઓ સિવાય તમામ દુકાનોના શટરને તાળાઓ લાગેલા જોવા મળે છે માત્ર અનાજ કરીયાણા અને જીવન જરૂરિયાત ચીજવસ્તુઓનું વેચાણ કરી શકાઈ છે બે દિવસ પહેલા તંત્ર અને વેપારીઓની એક મિટિંગ પોલીસ મથક ખાતે મળી હતી જેમાં તંત્ર અને વેઓરીઓ વચ્ચે નિયમોનું પાલન કરવાની સૂચના સહિતની કેટલીક ચર્ચા થઈ હતી જે મિટિંગ બાદ વેપારીઓમાં નારાજગી ઉભી થઇ હોવાનું કહેવાઈ છે જેના કારણે અનાજ કરિયાણાના વેપારીઓ દ્વારા છેલ્લા બે દિવસથી દુકાનો સજ્જડ બંધ રાખવામાં આવી છે જે મામલે આજે સિહોરના પ્રાંત અધિકારી રાજેશ ચૌહાણને ભાવનગર ચેમ્બર ઓફ કોમર્સ સિહોર ચેપ્ટર અને વેપારીઓનું એક પ્રતિનિધિ મંડળ રૂબરૂ મળ્યું હતું જેમાં અગ્રણી ઉદ્યોગપતિ દિપકભાઈ ધોળકિયા શહેર ભાજપ પ્રમુખ શંકરમલ કોકરા સહિતના આગેવાનો પ્રાંત અધિકારીને રૂબરૂ મળી જરૂરી ચર્ચાઓ કરીને નારાજ થયેલા વેપારીઓની નારાજગી દૂર કરાઈ છે હવે આવતીકાલથી ફરી સિહોરની બજારોમાં અનાજ કરીયાણાની દુકાનો ધમ-ધમવા લાગશે આખરે વેપારીઓની સમસ્યાઓનું સમાધાન થયું છે દુકાનો ખુલશે અને લોકોની મુશ્કેલીઓ ઓછી થશે

2020-05-08T20:28:00.002+05:30

સિહોરના અલ્ફાજ પછી એમના સગ્ગા ભાઈ યાસીન દસાડિયાએ પણ કોરોના સામે જંગ જીત્યો

સારવાર બાદ સિહોરના યાસીન સહિત ભાવનગરના ૩ કોરોનાગ્રસ્ત દર્દી રોગમુક્ત થતાં ડિસ્ચાર્જ, હોસ્પિટલ માંથી રજા અપાઈ

બ્રિજેશ ગૌસ્વામી
સિહોરમાં ૧૩ એપ્રિલના કોરોના કાળે પગપસેરો કર્યો હતો અલ્ફાજ હનીફભાઈ દસાડીયાના સેમ્પલ લેવાયા બાદ જેઓને રિપોર્ટ પોઝિટિવ આવતા જેમને સારવાર માટે ભાવનગર હોસ્પિટલ ખસેડવામાં આવેલ તેમજ એમના પરિવારને સમરસ ખાતે કોરોન્ટાઇનમાં રાખવામાં આવેલ સારવાર દરમ્યાન તેમના પરિવારના ત્રણ સભ્યોને કોરોના પોઝિટિવ આવ્યો હતો અગાઉ અલ્ફાજે કોરોનાને હરાવ્યો હતો હવે યાસીને કોરોનાને હરાવ્યો છે જેઓને આજે તાળીના ગડગડાટ સાથે રજા આપવામાં આવી છે ભાવનગરના ત્રણ દર્દીઓ સાથે તા.૨૬ એપ્રીલના રોજ સિહોરના જલુનો ચોક પાસે રહેતા ૨૨ વર્ષીય યાસીનભાઈ હનિફભાઈ દસાડિયાના કોરોના રિપોર્ટ પોઝિટિવ આવતા તેમને વધુ સારવાર માટે શહેરની સર તખ્તસિંહજી જનરલ હોસ્પિટલ ખાતે આઇસોલેશન વોર્ડમા દાખલ કરવામા આવ્યા હતા. ત્યારબાદ આજ તા ૦૮/૦૫/૨૦૨૦ની સવાર સુધી આઇસોલેશન વોર્ડમા આરોગ્ય વિભાગના ડોક્ટર અને નર્સિંગ સ્ટાફે દર્દીની સેવામા ખડે પગે રહી સતત દર્દીની સઘન સારવાર હાથ ધરી હતી. સાથો સાથ જિલ્લા કલેકટર શ્રી ગૌરાંગ મકવાણા, કમિશનર એમ.એ.ગાંધી, જિલ્લા વિકાસ અધિકારી વરૂણકુમાર સાથે વિવિધ વિભાગોના ડોક્ટરો અને તેમની ટીમની સેવા સુશ્રુષા અને મહેનત રંગ લાવી અને બંને દર્દીનો ગત ચોવીસ કલાક દરમિયાન ૨ વખત કરવામા આવેલ રિપોર્ટ નેગેટીવ આવતા ચારેય દર્દીને સંપૂર્ણ સ્વસ્થ જાહેર કરી આજે સવારે તેમને હોસ્પિટલમાંથી રજા અપાઇ હતી.

2020-05-08T20:25:00.000+05:30

કામ ધંધો છોડીને જવાનું દુઃખ પણ છે અને પરિવારને મળવાની ખુશી પણ, બારસોથી વધુ પરપ્રાંતિય મજુરો વતન જવા રવાના, આજે બીજી ટ્રેન ઉપડી

દેવરાજ બુધેલીયા
કોરોના વાયરસના સંક્રમણને અટકાવવા લોકડાઉનની પરિસ્થિતિનું નિર્માણ થયુ છે, જેના ભાગરૂપે શહેર અને ભાવનગર શહેર અને જિલ્લામાં વિવિધ જગ્યાઓ પર કામ કરતા પરપ્રાંતીય શ્રમિકોને આજ રોજ જિલ્લા વહિવટી તંત્ર અને પશ્ચિમ રેલ્વે મેનેજમેન્ટ દ્વારા ભાવનગર રેલ્વે જંકશન ખાતેથી બપોરે ૩ વાગે ૧૨૫૩ જેટલા પરપ્રાંતીય મજૂરોને વતનમાં પરત ફરવા માટે ૨૪ કોચની ટ્રેનની વ્યવસ્થા કરી આપવામાં આવી હતી. જેને રવાના કરતી વેળાએ જિલ્લા વહીવટી તંત્ર તેમજ રેલવેના ઉચ્ચ અધિકારીઓ ઉપસ્થિત રહ્યા હતા. અત્રે ઉલ્લેખનીય છે કે, લોકડાઉનના કપરા સમયમાં આ પરપ્રાંતીય શ્રમિકો પોતાના વતન પરત નહોતા જઇ શક્યા, તેઓને વતન જવા માટે જિલ્લા વહીવટીતંત્ર દ્વારા ખાસ ટ્રેનની વ્યવસ્થા કરવામાં આવી હતી.ટ્રેનમાં મુસાફરી કરનાર તમામ શ્રમિકો અને તેના પરિવારજનોનું મેડીકલ ચેકઅપ કરીને સોશ્યિલ ડિસ્ટન્સીંગ જળવાઈ રહે, તે પ્રકારની વ્યવસ્થા કરવામાં આવી છે. સામાન્ય રીતે દરેક કોચમાં ૭૨ વ્યક્તિઓને સમાવિષ્ટ કરવાની ક્ષમતા હોય છે પરંતુ સોશ્યિલ ડિસ્ટન્સીંગને ધ્યાને રાખીને ૫૪ જેટલા શ્રમિકોનો જ સમાવવામાં આવ્યા હતા. ભાવનગરથી મુસાફરી કરનાર તમામ શ્રમિકોને ૩ પ્રકારના ફૂડ પેકેટસ, છાસ, ફળ, પાણીની બોટલ અને ત્રિપલ લેયર માસ્ક આપવામાં આવ્યા હતા. તેમજ કોચમાં સ્વચ્છતા જાળવવા હેન્ડ સેનિટાઈઝર, હેન્ડ વોશ તથા સાબુની સુવિધા પણ આપવામાં આવી હતી. આ ઉપરાંત વહીવટી તંત્ર અને સામાજિક તેમજ સ્વૈચ્છિક સંસ્થાઓ દ્વારા ચિત્રા ખાતે આવેલ ઓમ પાર્ટી પ્લોટમાં શ્રમિકો માટે ભોજનની વ્યવસ્થા પણ કરવામાં આવી હતી. રેલ્વે તંત્ર દ્વારા તમામ કોચને સેનિટાઈઝડ કરવામાં આવ્યા હતા.ટિકીટ એક્ઝામિનર તથા વરિષ્ઠ અધિકારીશ્રીઓએ કતારબંધ ઉભા રહીને શ્રમિકોને ભાવસભર વિદાય આપી હતી.

2020-05-07T20:41:00.002+05:30

સિહોરના સુરકાના દરવાજા વિસ્તારમાં વહેતા ગટરના પાણીથી ભયાનક રોગચાળો ફાટી નીકળવાની દહેશત, તંત્રની ગંભીર બેદરકારી

યાસીન ગુંદીગરા
હાલ કોરોનાનું કમઠાણ ચાલે છે વૈશ્વિક મહામારીના વાઇરસના કારણે સમગ્ર દેશમાં લોકડાઉન કરી દેવાયું છે લોકો ઘરના દરવાજે તાળું દઇ ઘરમાં પુરાઈ ચુક્યા છે ધંધા રોજગાર બંધ છે કોરોનાને લઈ દિવસે દિવસે ભયાવહ સ્થિતિ થતી જાય છે કોરોના નામના વાઇરસને ડામવા સમગ્ર સરકાર ને તંત્ર ઉંધા માથે કામ કરી રહ્યું છે પરંતુ કોરોના વાઇરસની સિહોર નગર પાલિકાને લેશમાત્ર કાળજી ન હોઈ તેનું તાદ્રશ્ય ઉદાહરણ સામે આવ્યું છે ચાલુ દિવસોમાં સુરકાના દરવાજા વિસ્તારમાં રોજબરોજ ઉભરાતી ગટર આ કહેર વચ્ચે પણ અટકવાનું નામ લેતી છે તંત્રની ગંભીર બેદરકારી સામે આવી છે વૈશ્વિક મહામારીમાં પણ તંત્રની ગંભીર બેદરકારી સામે આવી છે ભયાવહ સ્થિતિમાં ભયાનક રોગચાળો ફાટી નીકળવાની દહેશત ઉભી થઇ છે પાલિકા ગટર વિભાગ દ્વારા તાકીદે કામગીરી કરી ગટરનું ઉભરાતું પાણી બંધ કરવામાં આવી તે જરૂરી છે

2020-05-07T20:37:00.001+05:30

મિકો, ખેડૂતો, કર્મચારીઓ, યુવાનો, વાલીઓ, કારખાનેદારો,દુકાનદારોની ખુશી લોકડાઉન!

લોનના હપ્તા મોકુફ રાખવામાં'ય બેન્કોની બાબુશાહી, નોકરી-ધંધા બંધ, ટયુશન ફી,વિજબિલ,હાઉસટેક્ષ,લોન પ્રિમિયમ બધુ ચાલુ, ઉપરથી નફાખોરો તેલને, સરકાર ઈંધણને મોંઘુ બનાવે, લોકડાઉનની ઘંટીના બે પડ વચ્ચે પીસાતો મધ્યમવર્ગ

સલીમ બરફવાળા
કોરોનાના કેસો વધવા સાથે આર્થિક કટોકટીની ચિંતા પણ આમ નાગરિકોમાં પ્રસરી રહી છે.લોકડાઉનના નિયમોની ભરમાર વચ્ચે રોજ પરસેવો પાડીને હક્કની રોજીરોટી કમાનારા શ્રમિકો અને કારીગરો, પરસેવો પાડીને પાક ઉગાડીને ગુજરાન ચલાવતા ખેડૂતો, ઓછા-વધતા પગારે કલાકો નોકરી કરીને ઘરખર્ચ કાઢતા યુવાન-પ્રૌઢ નોકરિયાતો, સંતાનોને કમ્મરતોડ ફી ભર્યે રાખતા વાલીઓ, અનેકવિધ સરકારી ખર્ચાઓ વચ્ચે ખર્ચ અને આવકના બે છેડાં ભેગા કરતા મધ્યમ દુકાનદારો અને કારખાનેદારોની ખુશી હાલ લોકડાઉન થઈ ગઈ છે જેમના માટે કોઈ આશા જગાવતી યોજના પણ નથી. લોકડાઉન-૩ શરુ થયું ત્યારે કેન્દ્ર સરકારના આદેશમાં જે છૂટછાટો આપી હતી તે ગુજરાતમાં સિહોર ભાવનગર સહિત અનેક શહેરોને મળી નથી. લોકો લોકડાઉનને દોઢ માસથી સહયોગ આપી રહ્યા છે પરંતુ હવે લોકો પાસે આર્થિક બચત ખૂટી છે અને હાલ પણ આવક બંધ છે ત્યારે લોકોમાં ભવિષ્યમાં ખર્ચ કેમ કાઢશું તેની ચિંતાના વાદળો છવાવા લાગ્યા છે. આવક બંધ થવા સાથે ખર્ચ બંધ થાય તો લોકો એટલા સહનશીલ છે કે ઘરમાં બેઠા હજુ એકાદ માસ કાઢી નાંખે. પરંતુ, ઈન્કમટેક્સ, ટી.ડી.એસ.માં કપાત થઈ ગઈ છે, કારલોન, સ્કુટરલોન, જીવનવિમા, હેલ્થ ઈન્સ્યુરન્સ વગેરેના પ્રિમિયમ નથી બાકી રખાતા કે નથી ઓછા કરાયા, હાઉસટેક્સ વસુલવાનું શરુ થઈ ગયું છે, વિજબિલમાં નગણ્ય રાહત મળી છે. બીજી તરફ આંતરરાષ્ટ્રીય ક્રૂડના લાંબા સમયથી નીચા ભાવનો લાભ દેશની જનતાને આપવો જ ન હોય તેમ કેન્દ્ર ઉપરાઉપરી તેના પર એક્સાઈઝ ડયુટી વધારીને પેટ્રોલ ડીઝલ મોંઘુ રાખ્યું છે. આ કારણે લોકડાઉનના કારણે મંદી ભોગવતા લોકો બહાર ધંધો કરવા નીકળે તો ઈંધણ ખર્ચ ઉંચો જ ચૂકવવો પડે તેમ છે. બેન્કો ત્રણ માસના લોનના હપ્તા મોકુફ રાખશે તેવી જાહેરાત થઈ છે પણ સરકારે એ તપાસ કરાવવી જોઈએ કે કેટલી બેન્કોએ કેટલા લોકોના હપ્તા મોકુફ રાખ્યા?

2020-05-07T20:34:00.000+05:30

સિહોરના કરીયાણાના વેપારીઓની દુકાનો અચાનક આજથી બંધ: લોકોમાં ભારે હાલાકી

દેવરાજ બુધેલીયા
શહેરમાં લોકડાઉનને લઈને ગઈકાલે બપોરે કરીયાણા ના વેપારીઓની તંત્ર સાથે બેઠક મળી હતી. જ્યારે આજે સવારે સિહોરના તમામ વેપારીઓએ કોઈ કારણોસર પોતાની દુકાનો બંધ રાખી હતી. કરીયાણાની તમામ દુકાનો બંધ રહેતા ખરીદી માટે આવતા લોકોને ભારે હાલાકી ભોગવી પડી હતી. વેપારીઓ દ્વારા કેમ અચાનક કોઈ જાણ વગર દુકાનો બંધ રાખી તેવા અનેક પ્રશ્નો લોકોના મનમાં ઉઠ્યા હતા. વેપારી એસોસિએશન દ્વારા પણ આ અંગે કોઈ ચોખ પાડવામાં આવ્યો ન હતો. હવે આજના દિવસે બંધ રાખ્યા બાદ કાલે દુકાનો ખુલશે કે કેમ તે પણ એક પ્રશ્ન છે.

2020-05-07T20:30:00.003+05:30

પરપ્રાંતિય શ્રમિકોએ સિહોર અર્બન હેલ્થ કચેરીની બહાર લાંબી લાઈન લગાવી

તંત્ર દ્વારા શ્રમિકોનું રજિસ્ટ્રેશન અને આરોગ્ય ચકાસણી કરી વતન મોકલવાની પ્રક્રિયા ચાલુ છે

બ્રિજેશ ગૌસ્વામી
સિહોર જીઆઇડીસી વિસ્તારમાં રહેતા પરપ્રાંતિય શ્રમિકો પોતાના માદરે વતન જવા અઘિરા બન્યા છે.આજે સવારથી સિહોર અર્બન હેલ્થ સેન્ટર ખાતે આવા પરપ્રાંતિય શ્રમિકોએ લાંબી લાઇનો લગાવી હતી.જો કે બે દિવસમાં વહીવટી તંત્ર દ્વારા સિહોરમાં ૧૫૦ થી વધુ લોકોને તેમના માદરે વતન મોકલી આપ્યા છે. આજે સવારથી જ આવા અસંખ્ય શ્રમિકો પરમિશન લેવા માટે અર્બન હેલ્થ સેન્ટર ખાતે બહાર મોટી લાઇનોમાં ઉભા રહી ગયા છે. આ તમામ લોકોનુ વતન જવા માટે રજીસ્ટ્રેશન કરવામાં આવે છે.

આરોગ્ય ચકાસણી પણ કરવામાં આવી રહી છે. સોશિયલ ડિસ્ટન્સીંગ રાખી શ્રમિકો મોટી કત્તારોમાં ઉભા રહેલા જોવા મળ્યા હતા.વતન જવા માટે રજીસ્ટ્રેશન કરાવવુ ફરજીયાત છે. જેથી આધાર કાર્ડ સાથે લઇ રજીસ્ટ્રેશનની લાઇનોમાં ગોઠવાઇ ગયા હતા અને તંત્ર દ્વારા શ્રમિકોનું રજિસ્ટ્રેશન અને આરોગ્ય ચકાસણી કરી વતન મોકલવાની પ્રક્રિયા ચાલુ છે