Share Blogs SI

කොබෙයිගනේ අවට අලි යකා නටති

2011-11-01T10:11:00.003+05:30

කොබෙයිගනේ ප්‍රදේශයේ නියාගම , තෙලහැර සහ අබලයාගම යන ගම්මානවලට ඇතෙකු සහ අලි තිදෙනකු කඩා වැදී වගා හා දේපල හානී සිදුකර තිබේ.

අද අලුයම අදාළ ගම්මාන වලට කඩා වැදුණු එම වන අලීන් නිවාස දෙකකට හානි සිදු කර ඇති බව කොබෙයිගනේ පොලිසිය ප්‍රකාශ කරයි.

ගම්මානයේ වගාබිම් කිහිපයක් ද අලි ඇතුන් විසින් විනාශ කර ඇති බව වාර්තා වේ.

වන ජීවි නිලධාරීන්ගේ සහය ඇතිව එම අලි ඇතුන් වනයට පන්නා දමා ඇති බව පොලිසිය ප්‍රකාශ කරයි.

මිනීමරුවන්ට මංකොල්ලකරුවන්ට මගේ ‍ගේට්ටුව වැහිලා

2011-10-22T14:57:00.002+05:30

උණ්ඩය,බෝම්බය,කඩුව, කිණිස්ස රජ කරවන යුගයක් අද වන විට උදා වී ඇති බව එ.ජා.ප නියෝජ්‍ය නායක,පාර්ලිමේන්තු මන්ත්‍රී සජිත් ප්‍රේමදාස මහතා පවසයි.

මේ තත්ත්වයට වගකිව යුත්තේ දේශපාලනඥයින් බව මන්ත්‍රීවරයා කියා සිටියේ අද පංචිකාවත්ත ශ්‍රී දේවි කරුමාරියම්මන් කෝවිලට ධන පරිත්‍යාගයක් කිරීමේන් අනතුරුව රැස්ව සිටි පිරිස අමතමිනි.

ටී.පනස් හයක්,ග්‍රේනේඩ් එකක් අරන් ජනතාව බිය ගන්වන අය තමන් මහා බලගතු දේශපාලනයක් කරන බව සිතා සිටින බව ප්‍රේමදාස මහතා පෙන්වා දුන්නේය.

දේශපාලනය කිරීම යනු දේශය පාලනය කිරීම පමණක් නොවන බවත්,දේශයට සේවය කිරීමත් එයින් අදහස් කෙරෙන බවත් හෙතෙම සඳහන් කළේය.

ඡන්දය ලබාගැනීම සඳහා සුජාත පුත්‍රයින් හා දියණියන් සේ ජනතාව අතරට යන අය රාජ්‍ය බලය නමැති හැන්ද තමන් අතට ලැබුණු පසු තමන් බලයට පත් කළ ජනතාවටම එරෙහිව උණ්ඩය පාවිච්චි කරන බව ප්‍රේමදාස මහතා පැවසීය.

තමන්ගේ වීරවිල නිවසේ ගේට්ටුවේ සවි කළ පුවරුවකින් මිනීමරුවන්ට,මංකොල්ලකාරයින්ට උදව් නොකරන බැවින් පැමිණීමෙන් වළකින ලෙස දන්වා ඇති බවත්,එසේ වුවද සාමාන්‍ය ජනයාට ඕනම මොහොතක තමන් හමුවීමට ඉඩ ප්‍රස්ථාව ඇති බවත් සජිත් ප්‍රේමදාස මහතා අවධාරණය කළේය.

මුල්ලේරියාවට පොලිස් ඇඳිරි නීතිය පනවයි

2011-10-08T19:32:00.002+05:30

අද(08) පස්වරු 3 .30 ට පමණ මුල්ලේරියාව පොලිස් වසමේ සිදුවූ වෙඩි තැබීමක් හේතුකොට ගෙන මුල්ලේරියාව පොලිස් බල ප‍්‍රදේශය තුළ පමණක් වහාම ක‍්‍රියාත්මක වන පරිදි පොලිස් ඇඳිරි නීතිය පනවා ඇති බව පොලිස් මාධ්‍ය ප්‍රකාශක මැක්සි ප්‍රොක්ටර් මහතා පවසයි.

මෙම ඇඳිරි නීතිය 2011.10.09 දින පෙරවරු 6 .00 ට අවසන් වන බව පොලිස් මාධ්‍ය ප්‍රකාශකවරයා නිවේදනයක් නිකුත් කරමින් සඳහන් කරයි.

සාමකාමීව හැසිරීමෙන් නීතිය සහ සාමය ආරක්ෂා කිරීමට පොලීසියට සහාය වන ලෙස ද මැක්සි ප්‍රොක්ටර් මහතා ප‍්‍රදේශයේ ජනතාවගෙන් ඉල්ලා සිටියි.

ස්ටීව් ජොබ්ස්ගේ දායකත්වය අගය කළ යුතුයි -ජනපති [1955-2011]

2011-10-06T21:37:00.002+05:30

සියලුදෙනා විසින්ම ස්ටීව් ජොබ්ස්ගේ දායකත්වය මහත් සේ අගය කළ යුතු බව ජනාධිපති මහින්ද රාජපක්ෂ මහතා පවසයි.

‍ ඇපල් සන්නාමය ලොවට හඳුන්වා දුන් ස්ටීව් ජොබ්ස්ගේ මරණය පිළිබඳව ශෝකය පළකරමින් ජනාධිපතිවරයා මේ බව සඳහන් කළ බව ජනාධිපති මාධ්‍ය ඒකකයේ අධ්‍යක්ෂ ජෙනරාල්වරයා ප්‍රකාශ කළේය.

‍ 56 වන වියෙහි පසු වූ ස්ටීවී ජොබ්ස් ඊයේ(05) දිනයේ දී ජීවිතක්ෂයට පත්වූ බව විදෙස් මාධ්‍ය වාර්තා කරනු ලැබීය.

ඇපල් සන්නාමය ලොවට හඳුන්වාදෙමින් දුරකථන ලෝකයට නව තාක්ෂණයක් හඳුන්වා දීමට මොහුට හැකිවිය.

2004 වසරේ සිට ස්ටීව් ජොබ්ස් පිළිකා රෝගයකින් පෙළුණු බව විදෙස් මාධ්‍ය වාර්තා කරයි.

ඇපල් දුරකථන ජාලයට නව දුරකථන මාදිලියක් හඳුන්වා දී දිනයක් ඇතුළත මොහු මියයාම ද විශේෂත්වයක් වේ.

මෙරටින් ස්වභාවික ගෑස් නිධියක් හමුවූ බව ජනපති කියයි

2011-10-02T12:53:00.002+05:30

ශ්‍රී ලංකාවෙන් ප්‍රථමවරට ස්වභාවික ගෑස් නිධියක් හමුවී ඇති බව ජනාධිපති මහින්ද රාජපක්ෂ මහතා විසින් අද(02) නිවේදනය කර ඇති බව ජනාධිපති මාධ්‍ය ඒකකය පවසයි.

පුනරුත්ථාපනය වූ හිටපු එල්.ටී.ටී.ඊ. සාමාජිකයින් පිරිසක් යළි සමාජයට

2011-09-30T18:24:00.001+05:30

එල්.ටී.ටී.ඊ. සාමාජිකයින්ව සිටි පිරිසක් පුනරුත්ථාපනය කිරීමෙන් පසු යළි සමාජ ගත කිරීම අද(30) සිදුකෙරුණි.

මෙලෙස සමාජ ගත කෙරුණු පිරිසට තරුණ තරුණියන් 1800 දෙනෙකු ඇතුළත්ය.

එම පිරිස ඔවුන්ගේ මව්පියන් වෙත බාර කිරීම අරලියගහ මන්දිරයේදී අද සිදුකෙරුණි.

නව ජීවිතයක් ආරම්භ කිරීම සඳහා අදාළ පිරිසට දැන් අවස්ථාව උදා වී ඇති බව ඒ වෙනුවෙන් පැවති උත්සවයට එක්වෙමින් ජනාධිපති මහින්ද රාජපක්ෂ මහතා සඳහන් කළේය.

එම අවස්ථාවෙන් නිසි ප්‍රයෝජන ගත යුතු බවට ජනාධිපතිවරයා ප්‍රකාශ කළේය.

බලය නොලැබුණොත් ජ.වි.පෙ කැරලිකාරීන්ගෙන් ස්වාධීන ගමනක්..?

2011-09-22T20:20:00.000+05:30

ජනතා විමුක්ති පෙරමුණේ කැරලිකාර කණ්ඩායමට පක්ෂයේ බලය නොලැබුණහොත් එම පිරිස ස්වාධීන විප්ලවවාදී පක්ෂයක් ලෙස දේශපාලන කටයුතු අඛණ්ඩව කරගෙන යනු ඇති බව පක්ෂයේ අභ්‍යන්තර ආරංචි මාර්ග කියා සිටියි.

එසේ වුවද පක්ෂය තුළ මෙන්ම පිටතද අවසන් මොහොත දක්වාම සිය බලය උරගා බලන්නට ඔවුන් තීරණය කර තිබේ. ජාතික ප්‍රශ්නය හා සන්ධාන දේශපාලනය පිළිබඳ ජනතා විමුක්ති පෙරමුණ දෙකඩවීමත් සමග එක් කණ්ඩායමක් අධිකරණමය ක්‍රියා මාර්ගයක් ගැනීමට සූදානම් වන බව කියැවෙයි.

සෝමවංශ අමරසිංහ මහතාගේ නායකත්වයෙන් යුතු සන්ධාන දේශපාලනය පිළිගන්නා කණ්ඩායමට අයත් වන්නේ ප්‍රසිද්ධියේ පෙනී සිටින ජ.වි.පෙ නායකයන්ය.

සන්ධාන දේශපාලනය ප්‍රතික්ෂේප කරමින් විප්ලවවාදී දේශපාලන පක්ෂයක් ලෙස ඉදිරියට ගමන් කළ යුතු බව පවසා සිටින්නේ ජ.වි.පෙ අභ්‍යන්තර නායකයකු ලෙස පෙනී සිටි කුමාර ඇතුළු පිරිසයි.

මැතිවරණ කොමසාරිස් කාර්යාලයේ ලියාපදිංචි නාම ලේඛනයට අනුව ජනතා විමුක්ති පෙරමුණේ දේශපාලන මණ්ඩලය සෝමවංශ අමරසිංහ,ටිල්වින් සිල්වා,අනුර කුමාර දිසානායක,විජිත හේරත්,කේ.ඩී ලාල්කාන්ත,ජී.කුලරත්න,පුබුදු ජාගොඩ,දිමුතු ආටිගල,යන ඇතුළත් වන අතර අභ්‍යන්තර දේශපාලන මණ්ඩලයට මෙම පිරිසට අමතරව කුමාර,ඕපාත,මාලන්,අශෝක,යන නායකයන්ද ඇතුළත්ව සිටියහ.

දේශපාලන මණ්ඩලයෙන් පුබුදු ජාගොඩ,දිමුතු ආටිගල,පමණක් නොව විප්ලවවාදී කණ්ඩායමේ සියලුම නායකයන් ඉවත් කිරීමට සෝමවංශ අමරසිංහ පිළ විසින් කටයුතු යොදා ඇති බව කියැවේ.

පාර්ලිමේන්තු මන්ත්‍රීවරුන් ඇතුළු ප්‍රසිද්ධ දේශපාලන නායකයින් කුමක් පැවසූවද පක්ෂයේ ඉහළ සිට බිම් මට්ටම දක්වා සංවිධාන ජාලය ඇත්තේ කුමාරගේ නායකත්වයෙන් බව සඳහන් වේ.

දින දෙකකට ඉහත දිනය දක්වාම පක්ෂයේ අර්බුද විසඳීම සඳහා මහා සම්මේලනය කැඳවීමට තීරණය කර තිබුණද 12 සහ 13 ලෙස බෙදී ඇති මධ්‍යම කමිටුවෙන් වැඩි බලයක් ලෙස එක ඡන්දයක් ඊයේ දිනයේ තමන්ට ලැබීමත් සමග සෝමවංශ පිළ සිය තීරණය වෙනස් කොට තිබේ.

ඒ නිසාම සෝමවංශ මහතාගේ නායකත්වයෙන් යුතු කණ්ඩායම පක්ෂයෙන් ඉවත් කිරීම සඳහා කුමාර ඇතුළු පිළ විසින් මේවන විට පක්ෂයේ දහසක් අභ්‍යන්තර නායකයින්ගෙන් අත්සන් ලබාගෙන පක්ෂ සම්මේලනයක් කැඳවීමේ නියෝගයක් නිකුත් කරන ලෙස ඉල්ලා අධිකරණමය ක්‍රියා මාර්ගයක් ගැනීමට සූදානම් වේ.

කෙසේ වෙතත් මේවන විට පක්ෂයේ මාධ්‍ය ඒකකය මුළුමනින්ම විසුරුවා ඇති අතර ප්‍රසිද්ධ නායකයින් හා කැරලිකාර නායකයින් තම තමන්ගේ බලය උරගා බලමින් සිටියි.

Sri Lanka Telecom අන්තර්ජාල [Broadband] ගාස්තු අඩු කරයි...

2011-09-17T19:25:00.002+05:30

ශ්‍රි ලංකාවෙ ප්‍රධානතම සන්නිවේදන සේවා සැපයුම් කරුවන Sri Lanka Telecom අන්තර්ජාල ගාස්තු පහල දමා ඇත [Broadband] .. ගාස්තු පහල දැමීම සමගම විශේශ සේවාවන් කිහිපයක්ද එක්කර ඇත...

Broadband Packages

Volume Based Packages

With Entrée and new exciting PLUS packages, now you can surf the internet with super speed for a lesser price

Package Name	Speeds (Download/ Upload)	Free Usage (GB per month)	Startup Fee (Rs.)	Usage Charge (Rs.)	Charge for each additional 1MB (Rs.)	Remarks	Special Offer
Entrée	1Mbps/ 128Kbps	1.5	500	500	00.35	Maximum limit is Rs.3,500 Speed will reduce to 64 Kbps after threshold limit of 18 GB	1 Email account free
Web Surfer Plus	1Mbps/ 128Kbps	10	1,000	1,390	00.35	-	1 Email account free
Web Pro Plus	2Mbps/ 256Kbps	20	1,000	3,500	00.35	-	2 Email accounts free
Web MasterPlus	4Mbps/ 512Kbps	40	1,000	8,000	00.35	-	5 Email accounts free 5 MB free web space DNS & VMS free (Note 01)

Note 01: DNS hosting is free for customers who requested VMS, Web Hosting or POP3 Service.

Note 02: For VMS

Startup fee	Free
Monthly rental	Free
For email accounts under the VMS
Startup fee	Free
Mailbox capacity	50 MB

For customers who don't require VMS service,can request their email accounts with sltnet.lk domain name

Email Services (Free)	Web Mail access
	POP / SMTP / IMAP access
	Password change facility
	Mail Forwarding facility
	Vacation Notices
	Spam & Virus protection
	Email to SMS (Mobitel/Dialog/Etisalat/Hutch)

Unlimited Packages

Unlimited browsing with additional benefits ,including static IP and Web Hosting

Package Name	Speeds (Download/ Upload)	Threshold Volume (GB per month)	Startup Fee (Rs.)	Usage Charge (Rs.)	Remarks	Special Offers
Web Mate	512 Kbps/ 128 Kbps	18	1,000	1,490	Speed will reduce to 64 Kbps if threshold limit exceeded	1email account free
Web Surfer	1 Mbps/ 256 Kbps	22	1,000	2,690		1email account free
Web Pro	2 Mbps/ 512 Kbps	35	1,000	4,890		2 email accounts free
Web Master	4 Mbps/ 512 Kbps	60	1,000	8,890		5 email accounts free 5 MB free web space DNS/VMS free(Note 03)

Note 01: Static IP is provided on customer's request and only applicable for Web Master and Web Pro packages

Note 02: Monthly rental for One Static IP with Virtual Mail Service (VMS),Web and DNS service is Rs.1,500.00

Note 03: DNS hosting is free for customers who requested VMS, Web Hosting or POP3 Service.

Note 04: For VMS

Startup fee	Free
Monthly rental	Free
For email accounts under the VMS
Startup fee	Free
Mailbox capacity	50 MB

For customers who don't require VMS service,can request their email accounts with sltnet.lk domain name

Email Services (Free)	Web Mail access
	POP / SMTP / IMAP access
	Password Change facility
	Mail Forwarding facility
	Vacation Notices
	Spam & Virus protection
	Email to SMS (Mobitel/Dialog/Etisalat/Hutch)

Note 05: For each additional email Account, a monthly rental of Rs 200 applies

Source : http://slt.lk/broadband/index.html

දකුණු අධිවේගී මාර්ගය විවෘත කිරීමේ දිනය ගැන තවම තීරණයක් නෑ

2011-09-16T21:13:00.001+05:30

දක්ෂිණ අධිවේගී මාර්ගය විවෘත කරන දිනය සම්බන්ධයෙන් මෙතෙක් තීරණයක් ගෙන නොමැති බව වරාය මහාමාර්ග නියෝජ්‍ය අමාත්‍ය නිර්මල කොතලාවල මහතා පවසයි.

අදාළ මාර්ගය මෙම වසර ඇතුළත විවෘත කිරීමට අපේක්ෂා කරන බව ඔහු සඳහන් කරයි.

එම මාර්ගයේ ඉදිකිරීම් අවසන් කර ඇති නමුත් ඊට අදාළ සහය සේවාවන්ට අදාළ ඉදිකිරීම් සහ යටිතල පහසුකම් සකස් කිරීම සිදුකරමින් පවතින බව නියෝජ්‍ය අමාත්‍යවරයා පෙන්වාදෙයි.

අදාළ සියලු ඉදිකිරීම් අවසන් වීමෙන් අනතුරව දක්ෂිණ අධිවේගී මාර්ග‍ය විවෘත කෙරෙන බව ඔහු පවසයි.

සැප්තැම්බර් මාස‍ය වන විට එම මාර්ගය විවෘත කිරීමට මීට පෙර සැලසුම් කර තිබුණි.

ගංජා තොගයක් ගෙන ගිය සුරාබදු ස්ථානාධිපති අත්අඩංගුවට

2011-09-10T12:19:00.001+05:30

ගංජා තොගයක් ප්‍රවාහනය කරමින් සිටි හම්බන්තොට සුරාබදු කාර්යාලයේ ස්ථානාධිපතිවරයා පොලිසිය විසින් අත්අඩංගුවට ගෙන තිබේ.

තණමල්විල, උඩවලව ප්‍රදේශයේ මාර්ග බාධකයක දී කැබ් රථයක් පරීක්ෂා කළ පොලිස් නිලධාරීන් විසින් මෙම ගංජා ‍තොගය සොයාගෙන ඇති බව සඳහන්ය.

කැබ් රථයේ තිබී ගංජා කුඩු කිලෝග්‍රෑම් 111 ක් සහ වියළි ගංජා කිලෝග්‍රෑම් 131ක් ද ‍සොයාගත් බව පොලිසිය පවසයි.

මොණරාගල පොලිසියේ දූෂණ මර්දන අංශයේ ස්ථානාධිපතිවරයා ඇතුළු නිලධාරීන් කණ්ඩායමක් විසින් අදාළ සැකකරු අත්අඩංගුවට ගෙන ඇති බව සඳහන්ය.

ගංජා තොගය ප්‍රවාහනය කළ බවට සැකකෙරෙන හම්බන්තොට සුරාබදු කාර්යාලයේ ස්ථානාධිපතිවරයා හම්බන්තොට, සිරිබෝපුර ප්‍රදේශයේ පදිංචිකරුවෙකු බව අනාවරණය වී තිබේ.

දැයට කිරුළට ජලය දෙන්න විශේෂ වැඩසටහනක්

2011-09-06T20:42:00.001+05:30

ලබන වසරේ අනුරාධපුරයේ පැවැත්වෙන දැයට කිරුළ ප්‍රදර්ශනය සඳහා අවශ්‍ය ජල පහසුකම් ලබාදීමට වාරිමාර්ග හා ජල සම්පත් කළමනාකරණ අමාත්‍යාංශය විශේෂ වැඩසටහනක් ක්‍රියාත්මක කර තිබේ.

මේ යටතේ කලා‍වැවේ සිට කිලෝමීටර 4ක දිගින් යුත් ඇළ මාර්ගයක් සකස් කර ජල සම්පාදන මණ්ඩලයේ ආධාරයෙන් එම ජලය පිරිසිදු කර බෙදා හැරීමට පියවර ගන්නා බව අමාත්‍යාංශය පවසයි.

මෙම වැඩසටහනට සමගාමීව ප්‍රදේශයේ තවත් වැව් 5ක් ප්‍රතිසංස්කරණය කිරීමට ද පියවර ගෙන ඇත.

ඒ සදහා රුපියල් මිලියන 50ක මුදලක් වැය කරන බව වාරිමාර්ග හා ජල සම්පත් කළමනාකරණ අමාත්‍යාංශය පවසයි.

අල්ලස් ගත් දිස්ත්‍රික් කළමනාකරු රිමාන්ඩ්

2011-09-02T19:42:00.003+05:30

අල්ලස් චෝදනා මත අත්අඩංගුවට ගත් මධ්‍යම පළාත් මාර්ගස්ථ මගී ප්‍රවාහන අධිකාරියේ මහනුවර දිස්ත්‍රික් කළමනාකාරවරයා ලබන 16 වැනිදා දක්වා රිමාන්ඩ් භාරයේ තැබීමට කොළඹ මහේස්ත්‍රාත් අධිකරණය නියෝග කර තිබේ.

බස් රථයක මාර්ග බලපත්‍රයක හිමිකාරීත්වය ලබාදීම සඳහා රුපියල් දස දහසක මුදලක් අල්ලස් වශයෙන් ලබාගැනීමේ දී අත්අඩංගුවට ගත් බව සැකකරු සම්බන්ධයෙන් අල්ලස් කොමිසම, අධිකරණයට වාර්තාවක් ඉදිරිපත් කරමින් සඳහන් කර ඇත.

අදාළ මුදල මධ්‍යම පළාත් මාර්ගස්ථ මගී ප්‍රවාහන අධිකාරියේ සභාපතිවරයාට දිය යුතු බව පවසමින් ලබාගෙන ඇති බව ද අල්ලස් කොමිසම අධිකරණය හමුවේ ප්‍රකාශ කර තිබේ.

ඉදිරිපත් වූ කරුණු සලකා බැලු මහේස්ත්‍රාත්වරයා සැකකරු ලබන 16 වැනිදා දක්වා රිමාන්ඩ් භාරයේ තැබීමට සහ එදිනට පරීක්ෂණවල ප්‍රගතිය දැක්වෙන වාර්තාවක් ඉදිරිපත් කරන ලෙස නියෝග කර ඇත.

ටෙලිකොම් දත්ත ගබඩාවට ඇතුළු වී දත්ත වෙනස් කිරීම -පරීක්ෂණ අරඹයි

2011-09-01T19:30:00.000+05:30

ශ්‍රී ලංකා ටෙලිකොම් සමාගමේ පරිගණක දත්ත ගබඩාවට අයුතු ලෙස ඇතුළු වී දත්ත වෙනස් කිරීමේ සිද්ධියක් සම්බන්ධයෙන් පරීක්ෂණ පවත්වන බව රහස් පොලිසිය කොළඹ මහේස්ත්‍රාත් අධිකරණයට දැනුම් දී තිබේ.

ටෙලිකොම් සමාගම විසින් කරන ලද පැමිණිල්ලකට අනුව රහස් පොලිසිය මෙම පරීක්ෂණ ආරම්භ කර ඇති බව සඳහන්ය.

මේ සම්බන්ධයෙන් ගම්පහ ප්‍රදේශයේ සැකකරුවෙකු අත්අඩංගුවට ‍ගෙන ඇති අතර ඔහු රුපියල් ලක්ෂයක ඇප මත මුදා හැර ඇති බව පොලිසිය අධිකරණයට දන්වා ඇත.

සැකකරු ටෙලිකොම් පරිගණක දත්ත ගබඩාවට අයුතු ලෙස ඇතුළු වී එම දත්ත වෙනස් කර එම ආයතනයේ සේවා බලාපොරොත්තු නොවන ආයතනවලට ද එහි සේවාවන් ලබාගැනීමට අවස්ථාව සලසා ඇති බව පොලිසිය ලබාදුන් වාර්තාවේ සඳහන්ය.

අදාළ සැකකරුට ලබන 26 වැනිදා අධිකරණයට ඉදිරිපත් වන‍ ලෙස නියෝග කළ කොළඹ අතිරේක මහේස්ත්‍රාත් මහී විජේවීර මහතා එදිනට පරීක්ෂණවල ප්‍රගතිය දැක්වෙන වාර්තාවක් ගොනු කරන ලෙස පොලිසියට‍ නියෝග කර තිබේ.

නිව්යෝර්ක්හි ලාංකිකයන් ගැන නිත්‍ය ‍නියෝජිත කාර්යාලය හරහා උපදෙස්

2011-08-28T19:07:00.001+05:30

හරිකේන් කුණාටුවේ බලපෑමට ලක්ව තිබෙන නිව්යෝර්ක් නුවර වෙසෙන ශ්‍රී ලාංකිකයන් සම්බන්ධයෙන් නිව්යෝර්ක් ශ්‍රී ලංකා නිත්‍ය ‍නියෝජිත කාර්යාලය හරහා අවශ්‍ය උපදෙස් ලබා දීමට පියවර ගෙන ඇති බව විදේශ කටයුතු අමාත්‍යාංශය පවසයි.

වොෂින්ටන් බලධාරීන් ලබා දෙන නියෝග වලට අනුව කටයුතු කරන ලෙස ශ්‍රී ලාංකිකයින්ට ද උපදෙස් ලබා දී ඇති බව අමාත්‍යාංශයේ ප්‍රකාශකයෙකු සඳහන් කළේය.

හරිකේන් අයරින් කුණාටුව හේතුවෙන් නිව්යෝර් නගරයේ දෛනික කටයුතු අඩාල වී ඇති අතර දැඩි වර්ෂාව සමඟ ගංවතුර තර්ජනයක් ද මතුව තිබේ.

උතුරු කැරොලිනා , වර්ජිනියා සහ වොෂින්ටන් ඇතුළු ප්‍රාන්ත කිහිපයකට පසුගිය සෙනසුරාදා සිට හරිකේන් කුණාටුවේ බලපෑම් එල්ල විය.

ග්‍රීස් යකුන් යැයි පහරදී දෙදෙනෙකු මියයාම -පස්දෙනෙකු අත්අඩංගුවට

2011-08-26T21:19:00.003+05:30

හපුතලේ, තොටලාගල ප්‍රදේශයේදී කළ පහරදීමකින් පුද්ගලයින් දෙදෙනෙකු මරණයට පත්වීමේ සිද්ධිය සම්බන්ධව සැකකරුවන් පස්දෙනෙකු අත්අඩංගුවට ගෙන තිබේ.

‍ හපුතලේ පොලිසිය විසින් අද(26) පස්වරුවේ මෙම සැකකරුවන් අත්අඩංගුවට ගෙන ඇති බව අද දෙරණ වාර්තාකරු ප්‍රකාශ කළේය.

‍ ග්‍රීස් යකුන් යැයි සැකකරමින් තොටලාගල වතු කම්කරුවන් විසින් පහරදීම නිසා මෙම පුද්ගලයින් දෙදෙනා මරණයට පත්විය.

‍ මොණරාගල ප්‍රදේශයේ පදිංචිකරුවන් දෙදෙනෙකු මෙසේ ඝාතනයට ලක්ව තිබිණි.

‍ සැකකරුවන් පස්දෙනා හෙට(27) බණ්ඩාරවෙල දිසා අධිකරණයට ඉදිරිපත් කිරීමට නියමිත බව අද දෙරණ වාර්තාකරු සඳහන් කළේය.

ආනන්දසංගරී ජනපතිගේ මැදිහත්වීම පතයි

2011-08-16T15:35:00.000+05:30

අවශ්‍ය ආරක්ෂාව මත ජනතාවට සාමකාමීව ජීවත්වීම සඳහා ඉඩකඩ සලසා දෙන ලෙස ද්‍රවිඩ එක්සත් විමුක්ති පෙරමුණේ නායක වී. ආනන්දසංගරී මහතා ජනාධිපති මහින්ද රාජපක්ෂ මහතාගෙන් ඉල්ලීමක් කර තිබේ.

යාපනය, පුනරීන් ප්‍රදේශයේ සිවිල් පරිපාලන කටයුතුවලට ආරක්ෂක අංශවල මැදිහත්වීම් සිදුවීම සම්බන්ධව අප්‍රසාදය පළකරමින් ජනාධිපතිවරයා වෙත එවන ලද ලිපියකින් ඒ මහතා මේ බව දැනුම් දී ඇත.

මෑතකදී පැවැත්වුණු පළාත් පාලන මැතිවරණයේදී පරාජයට පත් දේශපාලන පක්ෂයක ක්‍රියාකාරකම් පිළිබඳව බලවත් විරෝධය මෙන්ම අප්‍රසාදය පළකරන බව සංගරී මහතා සිය ලිපියෙන් පෙන්වා දී තිබේ.

මැතිවරණයේදී වෙනත් පක්ෂ සඳහා බාධා එල්ල කළ ආරක්ෂක අංශ සාමාජිකයින් එම පරාජිත පක්ෂයේ ප්‍රචාරණ කටයුතු සඳහා සහයෝගය ලබාදුන් බවට ද ඔහු චෝදනා එල්ල කර ඇත.

එමෙන්ම එම පක්ෂය සමුපකාර නිලවරණය ජයග්‍රහණය කිරීම වෙනුවෙන් ද ආරක්ෂක අංශ සහයෝගය ලබාගැනීමට කටයුතු කරන බව ආනන්දසංගරී මහතා පෙන්වාදෙයි.

නිසි පරිදි රාජකාරි කටයුතු සිදුකරන ආරක්ෂක අංශ නිලධාරීන් වෙත ගෞරවය පිරිනමන බවත්, නමුත් ඇතැම් නිලධාරීන් ආරක්ෂක අංශවල කීර්ති නාමයට හානිවන අයුරින් කටයුතු කරන බවත් හෙතෙම සඳහන් කරයි.

ඇතැම් හමුදා නිලධාරීන්ගේ ක්‍රියාකාරකම් නිසා එම ප්‍රදේශවල ජනතාව බියෙන් පසුවන බව ද ආනන්දසංගරී මහතා ප්‍රකාශ කරයි.

එමෙන්ම යාපනයේ එක් එක් සමුපකාර සංගම්වලින් හමුදා නිලධාරීන් පිරිසක් රුපියල් මිලියනය බැගින් එකතු කර ඇති බවටත් ඒ මහතා සිය ලිපිය මගින් චෝදනා එල්ල කරයි.

මේ සම්බන්ධව මැදිහත්ව කටයුතු කරන ලෙසත්, අවශ්‍ය පරීක්ෂණ පවත්වා අදාළ හමුදා නිලධාරීන් සම්බන්ධව අවශ්‍ය පියවර ගැනීමට කටයුතු කරන ලෙසත් ඔහු වැඩිදුරටත් ජනාධිපතිවරයාගෙන් ඉල්ලා සිටියි.

අමෙරිකානු ගුවන්යානා අනවසරෙන් ඇවිත් නෑ

2011-08-10T15:08:00.001+05:30

අමෙරිකානු ගුවන්යානා කිහිපයක් ශ්‍රී ලංකා ගුවන් සීමාව උල්ලංඝණය කළ බවට පළ වූ වාර්තාවල කිසිදු සත්‍යතාවක් නොමැති බව සිවිල් ගුවන්සේවා අමාත්‍ය ප්‍රියංකර ජයරත්න මහතා පවසයි.

අද පාර්ලිමේන්තුවේදී විශේෂ ප්‍රකාශයක් කරමින් අමාත්‍යවරයා මේ බව සඳහන් කළ බව අද දෙරණ පාර්ලිමේන්තු වාර්තාකරු කියා සිටියි.

අමෙරිකානු නාවික හමුදාවට අයත් මෙම ගුවන්යානා ජාත්‍යන්තර ගුවන්සීමාවට පැමිණ ඇති බව තහවුරුවී ඇති බවත්,ජාත්‍යන්තර ගුවන් සීමාවට පැමිණීමට ඕනෑම රටක ගුවන් යානාවලට බාධාවක් නොමැති බවත් අමාත්‍යවරයා අවධාරණය කර තිබේ.

එසේ වුවද මේ සම්බන්ධයෙන් කළ විමර්ශනවලට අනුව මෙම ගුවන්යානා ශ්‍රී ලංකා ගුවන් සීමාවට ඇතුළු වූ බවට පිළිගත හැකි කිසිදු සාක්ෂියක් නැතැයි සිවිල් ගුවන්සේවා අමාත්‍ය ප්‍රියංකර ජයරත්න මහතා වැඩිදුරටත් පෙන්වා දී ඇත.

ශිෂ්‍යාධාර ඉල්ලා ජ,පුර සිසුන් උපකුලපතිගේ කාර්යාලය වටලයි

2011-08-10T15:06:00.001+05:30

ශ්‍රී ජයවර්ධනපුර විශ්ව විද්‍යාලයේ සිසුන් විසින් උපකුලපතිවරයාගේ නිල කාර්යාලය ඇතුළු පරිපාලන ගොනැගිල්ල වටකර ඇතැයි අද දෙරණ වාර්තාකරු පවසයි.

අද පස්වරු 1.00ට මහපොල ශිෂ්‍යාධාර ලබාදීමේ නිල උත්සවය පවත්වන්නට කටයුතු යොදා තිබුණු අතර එම අවස්ථාවට සහභාගී වූ උපකුලපති ආචාර්ය එන්.එල්.ඒ කරුණාරත්න මහතා සිසුන්ට මහපොළ ශිෂ්‍යාධාර නොදෙන බව පවසා යන්නට ගිය බව එහි ශිෂ්‍ය සංගමයේ ප්‍රකාශකයෙක් සඳහන් කළේය.

STUDENTS SURROUND ADMINISTRATIVE BUILDING AT J’PURA

ගන්නෝරුව සූර්යබල ව්‍යාපෘතිය 8 වැනිදා ජනතා අයිතියට

2011-08-05T19:45:00.000+05:30

මෙරට ක්‍රියාත්මක ප්‍රථම ජාල සම්බන්ධිත සූර්යබල ව්‍යාපෘතිය වන හම්බන්තොට ගන්නෝරුව සූර්යබල ව්‍යාපෘතිය ලබන 8 වැනිදා ජනතා අයිතියට පත්කිරීමට නියමිතය.

මෙම ව්‍යාපෘතිය මගින් කිලෝවොට් 500ක ධාරිතාවක් ජාතික විදුලිබල පද්ධතියට එක්කිරීමට නියමිත බව විදුලිබල හා බලශක්ති අමාත්‍යාංශය පවසයි.

මෙම ව්‍යාපෘතිය සඳහා කොරියානු රජය රුපියල් මිලියන 412ක ආධාර ලබාදී තිබේ.

ජල විදුලියට අමතරව මෙරට ප්‍රධාන විදුලි උත්පාදක මාධ්‍ය බවට පත්ව ඇත්තේ ඉන්ධන වන අතර ඒ සඳහා වැය වන පිරිවැය අධික බව අමාත්‍යාංශය පෙන්වා දෙයි.

ඒ අනුව නව සූර්ය බලශක්ති ව්‍යාපෘතිය මගින් ඉන්ධන යොදා විදුලිය උත්පාදනය කිරීම සීමා කිරීමට හැකි වන බව එම අමාත්‍යාංශය පෙන්වා දෙයි.

හිතු මනාපෙට තෙල් ගොඩබාන්නෙත් නෑ-බෙදාහරින්නෙත් නෑ

2011-08-02T20:45:00.001+05:30

කොළොන්නාව සහ මුතුරාජවෙල තෙල් ගබඩා සංකීර්ණයෙන් බෙදාහරින පෙට‍්‍රල්, ඞීසල්, භූමිතෙල් ගොඩබෑම හා බෙදාහැරීම සිදුකෙරෙන්නේ ස්වාධීන පරීක්‍ෂණ කණ්ඩායම් මගින් තහවුරු කිරීමෙන් පමණක් බව ලංකා ඛනිජ තෙල් සංස්ථාව පවසයි.

ගොඩබෑමෙන් පසුද කොළොන්නාව හා සපුගස්කන්ද රසායනාගාර පරීක්‍ෂණ මගින්ද එහි ගුණාත්මක භාවය පිළිබඳ තහවුරු කර ගන්නා බවත්, ලංකා ඛනිජ තෙල් තොග ගබඩා පර්යන්ත සමාගම ඉන්ධන දිවයින පුරා බෙදාහැරීම සිදුකරනු ලබන්නේ එයින් අනතුරුව බවත් ඛනිජ තෙල් සංස්ථාව සභාපති එම්.ආර්.ඩබ්ද සොයිසා මහතාගේ අත්සනින් යුතුව නිකුත් කළ නිවේදනයක සඳහන් වේ.

එහෙයින් දැනට බෙදාහරින ඉන්ධන නියමිත පිරිවිතරයෙන් යුක්ත බවට සහතික කරන බවත්,ලංකා ඛනිජ තෙල් සංස්ථාවේ හා ලංකා ඛනිජ තෙල් තොග ගබඩා පර්යන්ත සමාගමේ සභාපතිවරු ඇතුළු ප‍්‍රධානීන්ගේ අධීක්‍ෂණයෙන් දැනට තෙල් ආනයනය හා බෙදාහැරීම සිදුකෙරෙන බවත් සභාපතිවරයා එමගින් කියා සිටියි.

එමිරේට්ස් ජාතික තෙල් සංස්ථාවෙන් ගෙන්වූ ඞීසල් මෙන්ම සියලූම තෙල් සැපැයුම්කරුවන්ගෙන් ආනයනය කරන ඉන්ධන වර්ග නියමිත පරීක්‍ෂණවලින් පසුව පිරිවිතර ගැළපේ නම් පමණක් නිකුත් කරන බව ඔහු අවධාරණය කරයි.

සිමෙන්ති මිල වැඩිකරන්න හැදුවොත් පාලන මිලක් ගේනවා

2011-07-31T20:04:00.003+05:30

සිමෙන්ති මිල වැඩිකරන්න හැදුවොත් පාලන මිලක් ගේනවා

2011-07-31T20:02:00.001+05:30

මෙරට පවතින සිමෙන්ති හිඟය මඟහැරවීම සඳහා කඩිනමින් පියවර ගන්නා බව සමූපකාර හා අභ්‍යන්තර වෙළඳ කටයුතු අමාත්‍ය ජොන්ස්ටන් ප්‍රනාන්දු මහතා පවසයි.

ලෝක වෙළඳපොලේ පවතින සිමෙන්ති හිඟය හේතුවෙන් මේ වන විට මෙරට ද සුළු සිමෙන්ති ‍හිඟයක් හට ගෙන ඇති බව අමාත්‍යවරයා පෙන්වා දෙයි.

එහෙත් ඉදිරි සතිය ඇතුළත සිමෙන්ති තොගයක් මෙරටට ආනයනය කිරීමට මේ වන විටත් පියවර ගෙන ඇති බවද අමාත්‍යවරයා ප්‍රකාශ කළේය.

කෙසේ වෙතත් සිමෙන්ති හිඟය මූලික කර ගනිමින් සිමෙන්ති මිලෙහි වැඩි කිරීමක් සිදු කිරීමට අවස්ථාව ලබා නොදෙන බව ජොන්ස්ටන් ප්‍රනාන්දු අමාත්‍යවරයා අවධාරණය කළේය.

සිමෙන්ති මිල වැඩි කිරීමට වෙළඳුන් උත්සහ කළහොත් සිමෙන්ති සඳහා පාලන මිලක් ගෙන ඒමට ද කටයුතු කරන බවද අමාත්‍යවරයා වැඩිදුරටත් සඳහන් කළේය.

අනවසරයෙන් වැලි ගෙනගිය දසදෙනෙක් අත්අඩංගුවට

2011-07-30T12:50:00.003+05:30

අනවසරයෙන් වැලි ප්‍රවාහනය කරමින් සිටි පුද්ගලයින් දසදෙනෙකු පොතුවිල්, සියඹලාණ්ඩුව මාර්ගයේ තුනේ කණුව ප්‍රදේශයේ දී අත්අඩංගුවට ගෙන තිබේ.

පොලිස් විශේෂ කාර්යය බලකායේ ආරුගම්බේ කඳවුරට අනුයුක්ත නිලධාරීන් පිරිසක් යතුරුපැදි සංචාරක රා‍ජකාරියේ යෙදී සිටියදී මෙම සැකකරුවන් පිරිස අත්අඩංගුවට ගෙන ඇති බව පොලිසිය පවසයි.

වැලි ප්‍රවාහනය සඳහා යොදාගත් ට්‍රැක්ටර් රථ 3ක් ද විශේෂ කාර්යය බලකා නිලධාරීන් භාරයට ගෙන ඇත.

සැකකරුවන් සහ ට්‍රැක්ටර් රථ වැඩිදුර පරීක්ෂණ සඳහා පොතුවිල් පොලිස් ස්ථානය වෙත බාරකර ඇති බව පොලිස් විශේෂ කාර්ය බලකාය සඳහන් කරයි.

බන්ධනාගාර නිලධාරීන්ගේ රාජකාරියට බාධා කිරී‍ම -පරීක්ෂණ ඇරඹෙයි

2011-07-28T19:40:00.001+05:30

සරත් ෆොන්සේකා මහතා කොළඹ පෞද්ගලික රෝහලකට රැගෙන ගිය අවස්ථාවේ දී බන්ධනාගාර නිලධාරීන්ගේ රාජකාරියට බාධා කිරී‍මේ සිද්ධියක් සම්බන්ධයෙන් පරීක්ෂණ ආරම්භ කර ඇති බව කොළඹ අපරාධ කොට්ඨාශය කොටුව මහේස්ත්‍රාත් අධිකරණයට දැනුම් දී තිබේ.

අදාළ බන්ධනාගාර නිලධාරීන් සිදුකළ පැමිණිල්ලකට අනුව පොලිසිය අධිකරණය හමුවේ ‍එම කරුණු වාර්තා කර ඇති බව සඳහන්ය.

සරත් ෆොන්සේකා මහතා රෝහලට රැගෙන ගිය අවස්ථාවේ කිහිලිකරුවකින් පැමිණි පුද්ගලයෙකු සහ කැමරාවක් අතින් ගත් පුද්ගලයෙකු තම රාජකාරියට බාධා කළ බව බන්ධනාගාර නිලධාරීන් පොලිසියට පැමිණිලි කර ඇත.

මේ පිළිබඳ පරීක්ෂණ සිදුකිරීම සඳහා ඊට අදාළ වීඩියෝ පට ලබාදෙන ලෙස නියෝගයක් පනවන ලෙස පොලිසිය අධිකරණයෙන් ඉල්ලීමක් කර තිබිණි.

ඒ අනුව එම වීඩියෝ පට ලබාදෙන ලෙස අදාළ අංශ වෙත අධිකරණය නියෝග කර ඇත.

ටී.එන්.ඒ දේශපාලනඥයා ඊ.පී.ඩී.පී ආධාරකරුට පහරදීලා

2011-07-26T19:02:00.000+05:30

යාපනය,වලිකාමම් උතුරු ප්‍රාදේශීය සභාවට තේරීපත් වූ ද්‍රවිඩ ජාතික සන්ධානයේ සජීවන් නමැති අය‍ගේ කණ්ඩායමක් තම ආධාරකරුවෙකුට පහර දී ඇතැයි ඊ.පී.ඩී.පී සංවිධානය පවසයි.

පසුගිය පළාත් පාලන මැතිවරණයේදී වලිකාමම් උතුරු ප්‍රාදේශීය සභාවට ඊ.පී.ඩී.පී සංවිධානය නියෝජනය කරමින් එක්සත් ජනතා නිදහස් සන්ධානය යටතේ තරගවැදුණු දයාපාලන් නමැති අපේක්ෂකයාගේ සොයුරෙකු වන චන්ද්‍රබාලන් නමැති අයට මෙම පහරදීම සිදුකර ඇති බව ඊ.පී.ඩී.පී විසින් නිකුත් කළ නිවේදනයක දැක්වේ.

අද යාපනය පන්නාලෙයි හි පවත්නා චන්ද්‍රබාලන්ගේ වෙළඳසැලට කඩාවැදුණු සජීවන් ඇතුළු තිදෙනෙකුගෙන් සමන්විත කණ්ඩායමක් ඔහුට පහරදී වෙළඳසැලට දැඩි අලාභ හානි කර ඇති බව සඳහන් වේ.

එහිදී මෙසේ පහරදීමට පැමිණි ද්‍රවිඩ ජාතික සන්ධානයේ ප්‍රාදේශීය දේශපාලනඥයා ඇතුළු තිදෙනා ප්‍රදේශවාසීන් විසින් අල්ලා තෙල්ලිපලෙයි පොලීසියට භාරදී ඇති බවත්,තුවාල ලැබූ තම ආධාරකරු තෙල්ලිපලෙයි රෝහලට ඇතුළත් කළ බවත් ඊ.පී.ඩී.පී විසින් නිකුත් කළ නිවේදනයෙන් වැඩිදුරටත් පැවසෙයි.