Mera Gilgit

This blog is updated on January 2022

2022-01-08T04:40:00.003-08:00

Dear Readers We oppologize for not updating this blog for a long time. We will soon be posting new stuff on the blog. Thank you for visiting

ریحام خان فاونڈیشن کا ضلع دیامر میں زچہ و بچہ سینٹر کے قیام کا اعلان

2017-08-15T23:00:00.001-07:00

چلاس: ریحام خان فاونڈیشن کی چیئرپرسن اور مشہور ٹی وی میزبان ریحام خان نے کہا ہے کہ وہ ضلع دیامیر گلگت بلتستان میں زچہ و بچہ سینٹر بنانے کا ارادہ رکھتی ہیں۔ تاکہ علاقے کے خواتین و بچوں کو معیاری صحت کے حصول میں آسانی ہو۔ انہوں نے اس بات کا اعلان ریحام خان نے چلاس میں ایک عوامی اجتماع میں کیا۔ اس موقع پر بات کرتے ہوئے انہوں نے کہا کہ وہ ضلع دیامیر کے خواتین و بچوں کی مدد کرنا چاہتی ہیں۔ انہوں نے لوگوں کو انتباہ کیا کہ سیاسی پارٹیوں پر اندھا اعتماد نہ کریں بلکہ وہ اپنے حقوق کے لیے آواز اُٹحائیں۔ کیونکہ سیاسی پارٹیز صرف اور صرف اپنی مقاصد کیلئے عوام کو استعمال کرتے ہیں نہ کہ عوام کی حقوق کا تحفظ کرتے ہیں۔ ریحام خان نے پاکستان کے سیاسی پارٹیوں پر نقطہ چینی کرتے ہوئے کہا کہ یہاں سیاسی ماحول بالکل بھی اچھا نہیں کیونکہ سیاسی پارٹیز ایک دوسرے کے اوپر بات کرتے ہوئے غلط زبان استعمال کرتے ہیں اور ہم ان سے مذید کیا توقع کرسکتے ہیں۔ اور ان سیاسی پارٹیز میں اخلاقیات بالکل ختم ہوچکی ہے۔

ریحام خان ضلع دیامیر کا دورہ کررہی تھی جہاں وہ علاقے کے اکابرین و معززین و صحافیوں سے ملاقات کررہی تھی۔ اور وہ اس علاقے میں ریحام خان فاونڈیشن کے ذریعے ترقیاتی کام کرنا چاہتی ہیں۔ ضلع دیامیر کے ہیڈکوارٹر چلاس پہنچنے پر علاقے کے لوگوں نے ریحام خان کا انتہائی گرم جوشی سے استقبال کیا جس میں اکثریت نوجوانوں کی تھی۔ اس موقع پر دیامیر کے نامور شخصیات عنایت اللہ شمالی، فیض اللہ فراق بھی موجود تھے۔
ریحام خان فاونڈیشن کے بارے میں مذید جانئیے۔
https://www.rehamkhanfoundation.com/

گلگت کے تعلیمی اداروں میں مشروبات کے فروخت پر پابندی عائیڈ

2017-08-15T22:15:00.000-07:00

گلگت زرائع سے معلوم ہوا ہے کہ سب ڈویثرن ایڈمنسٹریشن ضلع گلگت نے تمام سکولوں میں مشروبات و انرجی مشروبات پر پابندی لگادی ہے۔ جناب نوید احمد، اسسٹنٹ کمشنر ضلع گلگت نے یہ اعلان کرتے ہوئے بتایا کہ یہ مشروبات بچوں کے صحت کیلئے نقصان دہ ہیں۔ انہوں نے مذید کہا کہ پنجاب فوڈ اتھارٹی سے موصول شدہ رپورٹ کی روشنی میں یہ پابندی لگا دی گئی ہے۔ اسسٹنٹ کمشنر نوید جوکہ سب ڈویثرن مجسٹریٹ بھی ہے نے کہا کہ یہ پابندی ۱۴ اگست ۲۰۱۷ سے نافذ العمل ہوگی جوکہ ہمیشہ کیلئے رہے گی۔ انہوں نے مذید کہا کہ ان مشروبات میں کیمیکل، نشہ آور کیمکل جیسے کیفین اور فاسفورک ایسڈ جو انسانی صحت خصوصا بچوں کے صحت کو خراب کرتے ہیں۔ انہوں نےکہا کہ یہ پابندی گلگت میں تمام تعلیمی اداروں کیلئے یکساں ہے جس میں قراقرم یونیورسٹی، گورنمنٹ سکولز اور تمام پرائیویٹ سکولوں، کالجز، ٹیوشن سنٹرز اور دیگر تعلیمی اداروں پر ہوگی۔

پاکستان کا پہلا آن لائن لنڈا بازار۔ دلچسپ کہانی

2017-08-09T04:56:00.001-07:00

جب ہم نے اپنی ویب سائٹ شروع کی تو پہلے دن ہمیں چھ یا سات آڈر ملے لیکن اب روزانہ تقریبا 50 سے زیادہ آڈر مل رہے ہیں۔ ہماری طرز کی ویب سائٹ دنیا خصوصاً پاکستان میں کہیں اور نہیں ہے۔' یہ باتیں ہیں کراچی کے دو نوجوان لڑکوں کی جنھوں نے چارٹرڈ اکاؤنٹنگ کی پڑھائی مکمل کرنے کے بعد ملازمتوں کا کچھ عرصہ تجربہ کیا لیکن پھر انھیں مزا نہیں آیا تو اپنا کاروبار شروع کرنے کی ٹھانی۔ یہ ہیں پاکستان میں استعمال شدہ جوتوں اور شرٹس کی خریداری کے لیے بنائی گئی پہلی ویب سائٹ 'خزانے ڈاٹ کام' کے نوجوان بانی اور سی ای او محمد عثمان سلیم اور فریدون۔ دونوں نوجوانوں نے اچھی ملازمتیں چھوڑ کر ای کامرس پر اپنا کاروبار شروع کر کے اپنا مستقبل بنانے کی کوشش کی اور اب ڈیڑھ سال سے اسے چلا رہے ہیں۔ 'لنڈا بازار اب سستے نہیں رہے' جدید لنڈا بازار میں جوتے، کپڑے ہی نہیں اور بھی بہت کچھ لنڈا بازار یا کروڑوں کا کاروبار؟ محمد عثمان نے بی بی سی اردو کو بتایا کہ وہ دونوں ملازمتوں سے اکتا گئے تھے۔ 'ہم نے سوچا چونکہ ای کامرس کا رجحان پاکستان میں بڑھ رہا ہے لہذا وہ انٹرنٹ پر ایسی مصنوعات کی خریدو فروخت شروع کرسکتے ہیں جو کوئی دوسرا نہ کر رہا ہو۔ پاکستان میں لوگ ایک عرصے سے استعمال شدہ اشیا خریدتے ہیں۔ یہاں ڈیفنس فیز ایٹ میں اتوار بازار لگتا تھا، لائٹ ہاؤس ہوگیا پھر مشرق سینٹر ہوگیا تو لوگ طویل عرصے سے خرید رہے تھے۔ یہاں سے ہمیں آئیڈیا آیا۔

عثمان نے بتایا کہ دنیا میں ان کی طرح کی کوئی بھی دوسری ویب سائٹ نہیں ہے۔

'ہم نے یہ آئیڈیا امریکہ میں سلیکون ویلی میں جو دنیا کا سب سے بڑا انکیوبیشن سینٹر ہے، بھیجا اور وہ منتخب بھی ہوگیا، انھوں نے ہمیں وہاں بلایا بھی اور اسے پسند کیا۔ اگلے چھ ماہ میں وہ ہمیں امریکہ بلا لیں گے۔'

عثمان اور فریدون پاکستان کے نوجوانوں کے لیے ایک اچھی مثال ہیں۔ لیکن اس سطح پر آنے میں ان کی مدد کراچی میں آئی بی اے میں قائم انکیوبیشن سینٹر نے بھی کی۔

'ہم جیسے نوجوان کاروبار کرنے والوں کی یہ لوگ کافی مدد کرتے ہیں۔ دفتر کے لیے جگہ کافی ارزاں فراہم دیتے ہیں۔ طلبہ انٹرنشپس کے لیے بھی یہاں آ جاتے ہیں تو ہماری کاروبار شروع کرنے کے اخراجات کافی کم ہوگئے۔'

لیکن کرائے اور مارکیٹنگ کے اخراجات پورے کرنے کے بعد بھی عثمان کہتے ہیں کہ ان کا کاروبار اب تک منافع بخش ثابت ہوا ہے۔ 'ہمیں اسے شروع کیے ہوئے ڈیڑھ سال ہوا ہے اور اب تک ہم دو کروڑ روپے سے اوپر کی اشیا فروخت کرچکے ہیں۔'

خریداروں کا ردعمل کیسا ہے؟ جواب میں عثمان نے بتایا 'ہم خریداروں کے خدشات کے مداوے کے لیے ہر چیز جیسے کہ جوتے کے معیار کے اعتبار سے ایک سے دس کے درمیان درجہ بندی کرتے ہیں۔ اس سے خریدنے والے کو آئیڈیا ہو جاتا ہے کہ اس چیز کی حالت کیسی ہو گی۔اس کے علاوہ ہر چیز کی صفائی دھلائی کے بعد تصاویر بھی ویب سائٹ پر دی جاتی ہیں۔ پھر پسند نہ آنے پر کمپنی کی واپسی کی بھی پالیسی موجود ہے۔'

اس ویب سائٹ کے ذریعے خریداروں کو بڑے عالمی برینڈز کے جوتے جو پاکستان میں دستیاب نہیں مل جاتے ہیں۔ اگر بالکل نئے جیسے جوتے ہوں تو ہم اسے اس کی اصل قیمت کے نصف پر فروخت کرتے ہیں۔ زیادہ استعمال شدہ 500 تک کا جوتا بھی مل جاتا ہے جسے ہم مفت میں گھر ارسال کر دیتے ہیں۔

29 سالہ عثمان نے کہا کہ انھوں نے کام کا آغاز جوتوں سے کیا جس کے بعد شرٹس بھی شامل کیں کیونکہ یہاں شرٹس کافی بکتی ہیں۔

’اس کے علاوہ ہم نے آگے چل کر کھلونوں اور دیگر گھریلو اشیا بھی اس میں شامل کرنی ہیں۔ ہم نے مستقبل میں تمام کا تمام اتوار بازار آن لائن کر دینا ہے۔ اس سے توقع ہے کہ وہ لوگ جو لنڈا بازار جانے میں عار یا شرم محسوس کرتے ہیں وہ اب گھر بیٹھے اپنی پسند کی چیز خرید سکیں گے۔ ہاں قیمت فائنل ہوگی اور اتوار بازار کی طرح بارگیننگ ممکن نہیں ہوگی۔

عثمان کو فی الحال ایک اچھے سرمایہ کار کی ضرورت ہے۔ وہ کہتے ہیں کہ پاکستان میں سرمایہ کار ہیں لیکن وہ پوری کمپنی خریدنا چاہتے ہیں۔ ہم چاہتے ہیں کہ سرمایہ ان کا ہو لیکن مداخلت کم ہو تو ہم اسے کافی آگے لے جا سکتے ہیں۔

لنڈا بازار کے ویب سائیٹ پر جانے کیلئے اس لنک پر کلک کریں

https://www.khazanay.pk

گلگت شہر میں جعلی کرنل بن کر لوگوں کو لوٹنے والا شخص گرفتار

2017-02-09T02:35:00.002-08:00

گلگت: گلگت سٹی پولیس نے آج ایک ایسے جعلی کرنل کو گرفتار کیا ہے جو اپنے آپکو انٹیلی جینس کرنل بتا کر عام انسانوں سے پیسے بٹورتا تھا۔ مذکورہ آدمی جو اپنے آپ کو انٹیلی جینس کرنل ظاہر کرتا تھا کا نام دلشاد محمد ولد فقیر محمد ساکن نوشہرہ خیبرپختونخواہ کا رہائشی ہے۔ سٹی پولیس نے مذکورہ شخص کو گرفتار کرکے تفتیش شروع کی ہے۔ مذکورہ شخص نے گلگت میں پچھلے ایک ماہ سے گھر کرایہ پر لیا ہوا تھا۔

کوہستان کار حادثے میں چھ ۶ افراد جان بحق

2017-02-09T02:25:00.000-08:00

گلگت {عبدالرحمن بخاری} راولپنڈی سے گلگت آنے والی ایک کار پٹن کوہستان کے مقام پر گہری کھائی میں گر گئی ہے۔ حادثے میں ایک ہی خاندان کے پانچ ۵ افراد اور ڈرائیور سمیت چھ ۶ جان بحق ہوئے۔ جائے حادثہ سے دو خواتین کی لاشیں نکالی جاچکی ہیں جبکہ باقی چار لاشوں کی تلاش جاری ہے۔ ڈرائیور جس کا نام میاں ارسلان ولد میاں صابر ساکن ٹیکسیلا معلوم ہوا ہے۔ باقی دوسرے پانچ افراد کا تعلق دنیور گلگت سے تھا۔ ان افراد کے نام وسیم اللہ، فرمان، رمضان معلوم ہوا ہے۔

کوہستان پولیس کے مطابق لاشوں کی تلاش کیلئے ریسکو آپریشن جاری ہے۔

حکومت نے پٹرولیم مصنوعات میں اضافے کا فیصلہ کرلیا

2017-01-31T23:29:00.000-08:00

اسلام آباد ۔ حکومت نے دوہفتے کے دوران پیٹرولیم مصنوعات کی قیمت میں دوسری دفعہ اضافہ کیا ہے۔ اسکی ایک بڑی وجہ عالمی مارکیٹ میں تیل کی قیمتوں میں اضافہ ہے۔ نئی قیمتوں کے مطابق پیٹرول ۲ روپے پچیس پیسہ اضافہ ، ہائی سپیڈ ڈیزل ۲ روپے چھبیس پیسہ اضافہ۔ تاہم تیل مٹی اور لائیٹ سپیڈ ڈیزل کی قیمتیں وہی رہیں گی۔

قیمتیں یہ ہونگی

پیٹرول پرانی قیمت 68.04

پیٹرول نئی قیمت 70.29

ڈیزل پرانی قیمت 75.22

ڈیزل نئی قیمت 77.48

عیدالضحی پر چھٹیوں کی بارش

2016-09-01T06:23:00.001-07:00

اندازہ کیا جاتا ہے کہ عید العضحی پر ۹ چھٹیاں مل جائیں گی۔

۲۵ اگست کو وزیر اعظم پاکستان نواز شریف کا دورہ سکردو یلتھ انشورنس سکیم کا افتتاح

2016-08-24T03:57:00.001-07:00

اسلام آباد ۔ نیوزڈیسک۔وزیر آعظم پاکستان میاں محمد نواز شریف ۲۵ اگست کو سکردو کا دورہ کریں گے۔ دورہ کے دوران وہ ہیلتھ انشورنس کارڈ کا افتتاح کریں گے۔ وزیر اعظم کو دورہ کے دوران میگا پراجیکٹس پر بریفنگ بھی دی جائے گی۔ وزیر اعظم کے ساتھ وزیر امور کشمیر و گلگت بلتستان جناب برجیس طاہر اور وزیر مملکت برائے صحت سائرہ افضل تارڈ بھی ہونگے۔

سترہ ارب کی لاگت کے اس منصوبے سے گلگت بلتستان کے ہزاروں مستحق مریض ۵ لاکھ تک کا علاج مفت کراسکیں گے۔صحت کے شعبے میں اتنا بڑا منصوبہ ماضی میں کسی حکومت نے شروع نہیں کیا ہے۔ ان باتوں کا اظہار خیال وزیر اعلی حفیظ الرحمن نے کیا۔

سی پیک کانفرنس کی وجہ سے ہنزہ ضمنی انتخاباد تیسری بار ملتوی

2016-08-24T03:42:00.000-07:00

گلگت ۔ گلگت میں پاک چین اقتصادی راہداری منصوبے کے سلسلے میں رواں ہفتے کانفرنس کی وجہ سے ہنزہ کے ضمنی انتخابات ملتوی کئے گئے ہیں۔ گلگت بلتستان قانون ساز اسمبلی حلقہ چھ کی نشست میر غضنفر علی خان کے گورنر منتخب ہونے کی وجہ سے خالی ہوئی تھی۔ جس پر الیکشن تیسری بار ملتوی ہوچکی ہے۔

توقع ہے کہ مجوزہ کانفرنس میں وزیر اعظم پاکستان، چیف آف آرمی سٹاف، اور دیگر اہم شخصیات شرکت کریں گے۔ ان اہم شخصیات کی سیکورٹی کی خاطر باہمی مشاورت سے الیکشن ملتوی کئے گئے ہیں تاہم نئی تاریخ کا اعلان بہت جلد کیا جائے گا۔

لاہور اور اسلام آباد کیلئے جہاز جیسا لگژری بس سروس

2016-08-16T05:21:00.000-07:00

لاہور۔ اسلام آباد اور لاہور کے درمیان سفر کرنے والے حضرات کیلئے ایک بہت ہی عمدہ بس سروس کیو کنیکٹ کے نام سے شروع ہوچکی ہے۔ شاید آپ میں سے بہت سے احباب اس بس سروس کے بارے میں بہت پہلے سے جانتے ہونگے لیکن بہت سارے ایسے ہونگے جو ابھی بھی وہی روایتی بس سروسز میں سفر کررہے ہونگے۔ جن میں بمشکل بیٹھنے کی گنجائش ہوتی ہے بلکہ صرف بیٹھنے کی ہی گنجائش ہوتی ہے ٹانگیں پھیلا کر سستانا تو دور کی بات ہے۔ یہاں ہم آپ کو کیو کنیکٹ کے بارے میں تفصیل سے بتائیں گے تاکہ آپ اپنی اگلی لاہور اسلام آباد کا سفر اس عمدہ سروس سے کریں گے۔

سب سے پہلے یہ کہ یہ بسیں دنیا کی بہترین کمپنی والوو کی تیار کردہ ہیں۔ یہ بس سائز کے اعتبار سے بہت بڑی بس ہے لیکن اس میں صرف ۲۱ پسنجر سفر کر سکتے ہیں۔ ایسا کیوں؟ ایسا اس لیے کہ اس میں ایک مسافر کیلئے بہت کھلی جگہ رکھی گئی ہے۔ اس کے ساتھ ساتھ اس بس میں مندرجہ ذیل لگژری سروسز ہیں جو اس بس سروس کی عمدہ خصوصیات ہیں۔

چوبیس انچ کلب کلاس سیٹس بمع ریموٹ کنٹرول

ہر سیٹ کے ساتھ ۵۔۱۸ انچ ٹچ ایل سی ڈی

ہر سیٹ کے ساتھ الگ سیٹلائٹ ٹی وی

وائی فائی انٹرنیٹ کی سہولت

ہر سیٹ کے ساتھ میوزک، ویڈیو گیمز

ہر سیٹ کے ساتھ موبائل اور لیپ ٹاپ کو چارج کرنے کیلئے ساکٹ

سفر کے دوران ٹھنڈے اور گرم مشروبات کی سہولت

تازہ گرما گرم کھانے مسافروں کیلئے

ائیر کنڈیشن بس، نان سٹاپ، ٹائلیٹ کی سہولت بس کے اندر ہی۔

سب سے اہم بات جو آپ پڑھ کر ضرور حیران ہوجائیں گے اس آخر میں پڑھیں۔

اس بس سروس کی ایک انتہائی عمدہ خصوصیت یہ ہے کہ اس کی ٹکٹ آپ آن لائین خرید سکتے ہیں اور ایک سائیڈ کا کرایہ صرف ۳۳۰۰ روپے ہیں۔ بکنگ کیلئے ان کے ویب سائٹس ملاحظہ کریں۔

www.qconnect.pk اور www.bookme.pk

اپنے دوستوں کے ساتھ بھی شیئر کریں۔

پی آئی اے کی ایک منفرد سروس ۔ پی آئی اے پریمئر سروسز کا افتتاح

2016-08-15T04:06:00.000-07:00

اسلام آباد ۔ نیوزڈیسک۔وزیر آعظم پاکستان میاں محمد نواز شریف نے آج اسلام آباد ائرپورٹ پر پی آئی اے

پریمئر سروس کا افتتاح کیا۔

پی آئی اے کو اس سروس سے بہت ساری اُمیدیں وابستہ ہیں کہ یہ سروس ادارہ کی کھوئی ہوئی ساکھ کو دوبارہ بحال کرنے میں مددگار ثابت ہوگی۔ ابتدائی طور پر چھ پروازیں اسلام آباد، لاہور اور لندن کے درمیان چلائی جائیں گی۔ ان پروازوں میں بزنس کلاس سروس کے ساتھ ساتھ اعلی معیار کا کھانہ اور دوسری سہولیات فراہم کی جائیں گی۔ بین الاقوامی ہوابازی کے معیار کے مطابق ہر پسنجر کو انفرادی توجہ دی جائے گی اور ہر پسنجر کو الگ انٹرٹینمنٹ کی سہولت ہوگی یعنی الگ ایل سی ڈی، میوزک کی سہولت ہوگی۔

پی آئی اے پریمئر سروسز کی خوبیوں کے بارے میں پی آئی اے کے سی ای او نے وزیر اعظم پاکستان میاں محمد نواز شریف کو بریفنگ دی۔ اس موقع پر اسحاق ڈار، فنانس منسٹر، پرویز رشید، انفارمیشن منسٹر بھی

موجود تھے۔

گلگت شہر میں موٹر سائیکل چور گینگ سرگرم، پولیس کی گرفت سے باہر

2016-04-20T04:29:00.000-07:00

گلگت ۔شیر شاہ۔ شہر میں موٹر سائیکل چوری کے متعدد واقعات ہوئے ہیں۔ موٹر سائیکل چور گینگ دوبارہ سرگرم ہوا ہے اور متعد موٹر سائیکل چوری کیئے ہیں۔ گزشتہ شام تقریبا ۸ بجے ذوالفقار آباد جٹیال میں گھر کے گیٹ سے نامعلوم چوروں نے عزیز شاہ نامی بندے کی موٹرسائیکل چوری کی ہے لیکن چوروں کے بارے میں کوئی سراغ نہیں ملا ہے۔ جٹیال تھانہ میں رپورٹ درج کروائی گئی ہے لیکن تاحال اس حوالے سے پولیس کچھ اندازہ لگانے سے قاصر ہیں۔ یاد رہے کہ ذوالفقار آباد جٹیال سے اس سے پہلے بھی متعدد موٹر سائیکل چوری ہوچکے ہیں جنکی تعداد تقریبا چار ہے، لیکن پولیس ان میں سے کسی بھی موٹر سائیکل کو برآمد نہیں کرسکی ہے۔ اس سے پہلے سال ۲۰۱۰ میں بھی سات موٹر سائیکل چوری کے واقعات رونما ہوئے ہیں۔ جٹیال تھانے کے اہلکاروں سے پرزور اپیل کی جاتی ہے کہ اس موٹر سائیکل چوروں کا سراغ لگائیں اور چوروں کے کڑی سے کڑی سزا دیں۔

گلگت بلتستان کا وہ جگہ جہاں گاڑی کی مفت سروس ہوتی ہے۔

2016-04-18T04:39:00.002-07:00

گلگت بلتستان میں ایک ایسا جگہہ بھی ہے جہاں قدرتی آبشار سے گاڑی کی اچھی خاصی سروس ہوجاتی ہے۔ سکردو آتے جاتے وقت راستے میں ایک ایسا جگہ ہے جہاں پہاڑ کی چوٹی سے ایک صاف پانی کا انتہائی خوبصورت آبشار گرتا ہے اور گاڑی جب گزرتی ہے وہاں سے تو قدرتی طور پر یہ پانی گاڑی کے اوپر گرتا ہے۔ ہاں اگر آپ نے اپنی گاڑی کو ٹھندا کرنا ہو یا اس کی صفائی بغیر کسی محنت کے کرنی ہو تو دس منٹ کیلئے اپنی گاڑی کو اس آبشار کے نیچھے روکے رکھیں، آپکی گاڑی بالکل صاف اور تازہ دم ہوجائے گی۔ اگر آپ کبھی سکردو کی طرف ںہیں گئے ہیں تو اس آبشار کو دیکھنے ضرور جائیں۔ مذید مندرجہ ذیل تصویریں دیکھیں جو ہمارے ایک دوسر شاہد حسین نے اپنے فیس بک پر لگایا ہوا ہے۔

گلگت بلتستان کونسل کے انتخابات شو آف ہینڈ کے ذریعے مکمل

2016-04-18T01:11:00.000-07:00

{گلگت تازہ ترین} گلگت بلتستان کونسل کے الیکشن آج منعقد ہوئے۔ الیکشن شو آف ہینڈ کے ذریعے مکمل ہوئے۔ کامیاب اُمیدواروں میں سلطان علی خان، ارمان شاہ ہاشوان، اشرف صدا، سید افضل، سید عباس اور وزیر اخلاق شامل ہیں۔
واضح رہے کہ مسلم لیگ ن نے سلطان علی خان، وزیر اخلاق، اشرف صدا اور ارمان شاہ ہاشوان کو پارٹی تکٹ جاری کیے تھے۔
گلگت بلستان کونسل ۲۰۰۹ میں قائم کیا گیا تھا۔ موجودہ الیکشن دوسرا الیکشن پانچ سال بعد منعقد ہوا ہے۔ کونسل کے چیئرمین وزیر اعظم ہیں اور کونسل کے ممبران کو قانون ساز اسمبلی کے ممبران اپنے ووٹ کے ذریعے منتخب کرتے ہیں۔

شاہراہ قراقرم چھوٹے گاڑیوں کیلئے کھول دیا گیا

2016-04-15T04:39:00.001-07:00

شاہراہ قراقرم دو ہفتے کا عرصہ گزر جانے کے بعد آج ٹریفک کیلئے کھول دیا گیا ہے۔ گلگت بلتستان انفارمیشن ڈیپارٹمنٹ کے اطلاع کے مطابق کیال، چوچانگ داسو کوہستان کے مقام پر لینڈ سلائیڈ ہٹانے کے بعد شاہراہ قراقرم ٹریفک کیلئے کھول دیا گیا ہے۔ بیشام سے ذرائع کے مطابق شاہراہ صرف چھوٹے گاڑیوں کیلئے کھول دیا گیا ہے۔ تاہم کل سہہ پہر تک روڑ کو بڑے گاڑیوں کیلئے بھی کھول دیا جائے گا۔ مذید یہ کہ سوست خنجراب سیکشن بھی متعدد مقامات پر بلاک ہے برہان آفندی ڈپٹی کمشنر ہنزہ لے مطابق ہنگامی بنیادوں پر روڑ کھولنے کیلئے کام جاری ہے۔ وزیر اعلی گلگت بلتستان نے پاکستان آرمی اور ایف ڈبلیو او کو ان مشکل ھالات میں دن رات کام کرنے پر ان کو سراہا ہے۔

Source: http://pamirtimes.net/2016/04/14/karakoram-highway-opened-for-traffic-after-13-days

اڑتالیس گھنٹوں میں شاہراہ قراقرم کوہرقسم کی ٹریفک کے لئے بحال کردیا جائے گا.

2016-04-14T05:38:00.001-07:00

گلگت(خصوصی رپورٹ)شاہراہ قراقرم گلگت راولپنڈی سیکشن کی بحالی کے لئے تیزرفتاری سے کام جاری ہے اوراگلے اڑتالیس گھنٹوں میں شاہراہ قراقرم کوہرقسم کی ٹریفک کے لئے بحال کردیا جائے گا۔انتہائی ذمہ دارذرائع کے مطابق شاہراہ قراقرم دواپریل کوہونے والی بارشوں کے دوران لینڈسلائیڈنگ کی وجہ سے گلگت اورراولپنڈی کے درمیان کئی مقامات پربند ہوگئی تھی۔ ذرائع کے مطابق منگل کے روزٹین کورکمانڈر لیفٹیننٹ جنرل ظفراقبال اعوان نے اپنے دورہ گلگت بلتستان کے دوران شاہراہ قراقرم کے متاثرہ حصے کا نہ صرف فضائی جائزہ لیاتھا بلکہ ایف ڈبلیواو کے ذمہ دارحکام کوہدایات جاری کی تھیں کہ وہ شاہراہ قراقرم کوہنگامی بنیادوں پر بحالی کے لئے دن رات کام کریں۔ذرائع کے مطابق ٹین کورکمانڈر کی ہدایت کی روشنی میں ایف ڈبلیواو کے اہلکار شاہراہ قراقرم کے متاثرہ حصے کی بحالی کے لئے دن رات کام کررہے ہیں۔ذرائع کے مطابق اس وقت گلگت سے داسو چوچنگ پڑی تک جوداسو میں موجود پی ٹی ڈی سی موٹل کے قریب واقع ہرقسم کی ٹریفک کے لئے بحال کردی گئی ہے جبکہ راولپنڈی سے کیال نالہ جوپٹن اور داسو کے درمیان واقع ہے تک بھی ہرقسم کی ٹریفک کے لئے بحال کردی گئی ہے۔ ذرائع کے مطابق چوچنگ پڑی کے قریب لینڈسلائیڈنگ کی وجہ سے سڑک پرایک سوفٹ کے علاقے میں ملبہ پڑا ہوا ہے اورایف ڈبلیواو کے اہلکار مبلہ ہٹانے کا کام تیزرفتاری سے کررہے ہیں جبکہ کیال کے علاقے میں متاثرہ پل کومکمل طورپر بحال کردیاگیا ہے البتہ پل کے ساتھ کیال کے علاقے میں لینڈسلائیڈنگ کے باعث تقریباً100میٹرشاہراہ قراقرم مکمل طورپر ختم ہوگئی تھی اس جگہ دوبارہ سڑک بنانے کے لئے ایف ڈبلیواو کے اہلکار دن رات کام کررہے ہیں۔ذرائع کے مطابق کیال نالہ سے داسو کے درمیان بھی گاڑیاں موجود ہیں داسو کے بلاک سے کیال نالہ کے بلاک تک گاڑیاں آدھے گھنٹے میں مسافروں کوپہنچاتی ہیں۔ذرائع کے مطابق ایف ڈبلیواو کے اہلکار اگلے اڑٹالیس گھنٹوں میں شاہراہ قراقرم کو گلگت سے راولپنڈی تک ہرقسم کی ٹریفک کے لئے بحال کرنے کی پوری کوشش کررہے ہیں اور آئندہ اڑتالیس گھنٹوں کے دوران مزیدبارش یالینڈسلائیڈنگ نہ ہوئی تو شاہراہ قراقرم کوہرقسم کی ٹریفک کے لئے بحال کردیاجائے گا واضع رہے کہ شاہراہ قراقرم بند ہونے کی وجہ سے نہ صرف گلگت بلتستان میں آٹے کابحران پیدا ہوا ہے بلکہ مارکیٹوں سے رفتہ رفتہ اشیائے خوردونوش بھی غائب ہوتی جارہی ہیں۔

Source: http://www.dailyk2.com/

وزیر اعظم میاں محمد نواز شریف کے استعفی، مسلم لیگ ن سے ہی نیا وزیر اعظم لانے کا مطالبہ زور پکڑ گیا۔

2016-04-13T10:21:00.002-07:00

اسلام آباد –نیوز ڈیسک- وزیر اعظم میاں محمد نواز شریف کے استعفی، مسلم لیگ ن سے ہی نیا وزیر اعظم لانے کا مطالبہ زور پکڑ گیا۔ اہم شخصیت مضبوط ترین اُمیدوار، تفصیلات کے مطابق پانامہ لیکس کے معاملے کے بعد پاکستانی حکومت، مسلم لیگ ن اور شریف خاندان شدید تذبذب کا شکار ہوچکا ہے۔ اندرون خانہ ایک نئی آپشن بہی گردش کررہی ہے کہ وزیر اعظم نوازشریف جوکہ آج کل شدید ذہنی دباو کا شکار ہیں اور ان کی طبیعت بہی ٹہیک نہیں رہتی جس کی وجہ سے انہوں نے متعدد اندرونی و بیرونی دورے بہی منسوخ کردئیے ہیں اور علاج کی غرض سے لندن جارہے ہیں، وہ وزارت عظمی کے عہدے سے استعفی دے دیں اور ان کی جگہ مسلم لیگ ن سے ہی کوءی دوسرا اہم رہنما یہ منصب سنبہال لے۔ ذرائع کے مطابق موجودہ سیاسی بحران سے نکلنے کیلئے اس آپشن کو بہترین قرار دیا جارہا ہے۔ اگر میاں محمد نوازشریف وزارت عظمی سے مستعفی ہوگئے تو وزیر داخلہ چوہدری نثار احمد وزارت عظمی کے سب سے مضبوط اُمیدوار ہوں گے۔ ادھر دوسری جانب پاکستان مسلم لیگ ن سندھ کے سینئر رہنمائوں اور سابق گورنر سندھ سردار ممتاز بھٹو کے قریبی ساتھیوں محمد انور گجر اور رزاق باجوہ نے وزیر اعظم میاں محمد نوازشریف کو اپنے منصب سے الگ ہونے کا مشورہ دیتے ہوئے کہا ہے کہ وزیر اعظم کو چاہئے کہ وہ فوری طور پر اپنے منصب سے مستعفی ہوکر پارٹی کے کسی سینئر رہنما کو وزیر اعظم منتخب کریں تاکہ ن لیگ کے گرتی ہوئی حکومت اور ساکھ کو بچایا جاسکے۔ وزیر اعظم کی اس کی اس تجویز کو ان کے چھوٹے بہائی وزیراعلی پنجاب میاں شہباز شریف نے یکسر مسترد کردیا ہے اور اصرار کیا ہے کہ عبوری مدت کیلئے وہ خود یا ان کے صاحبزادے حمزہ شہباز شریف کو وزیر اعظم نامزد کردیا جائے۔ آن لائن کو ملنے والی مصدقہ معلومات کے مطابق وزیر اعلی پنجاب نے وزیر اعظم کی اس تجویز کی روشنی میں پیر کو وفاقی دارالحکومت کا ہنگامی دورہ بہی کیا اور وزیر داخلہ چوہدری نثار علی خان سے خصوصی ملاقات بہی کی۔ معتبر ذرائع نے انکشاف کیا ہے کہ وزیر اعلی پنجاب وزیر داخلہ کو اپنے لئے متفق کرتے رہے لیکن وزیر داخلہ چوہدری نثار علی خان نے دو ٹوک الفاظ میں وضح کردیاہے کہ اگر وزیر اعظم میاں محمد نواز شریف کچھ عرصہ کیلئے اپنا عہدہ چھوڑتے ہیں تو عبوری مدت کیلئے وہ سب سے مضبوط اُمیدوار ہونگے۔ اس پر وزیر اعلی پنجاب نے ان پر واضح کیا کہ چوھدری نثار کو اگر وزیر اعظم نامزد کیا گیا تو وزراء کی بڑی اکثریت اس کی حمایت نہیں کرے گی۔ خاص طور پر خواجہ آصف اور چوہدری احسن اقبال اس فیصلے کو قبول نہیں کریں گے۔ اس پر چوہدری نثار نے خادم اعلی پر واضح کردیا کہ مجھے کسی وفاقی وزیر کی پرواہ نہیں ہے ان ہاوس تبدیلی کیلئے میں اراکین اسمبلی کی تعداد پوری کرلوں گا۔ اس کے بعد میاں شہباز شریف لاہور واپس تشریف لے گئے جبکہ اس حوالے سے چوہدری نثار علی خان نے مولانا فضل الرحمن کو بھی اپنا ہمنوا بنالیا۔ ان ہاوس تبدیلی کی صورت میں مولانا فضل الرحمن چوہدری نثار علی خان کی سپورٹ کریں گے۔ مصدقہ ذرائع کا کہنا ہے کہ وزیر اعظم میاں محمد نواز شریف کو آئینی اور قانونی مشیروں نے آگاہ کردیا ہے کہ آف شور کمپنیوں سے متعلق حسین نواز کا انٹرویو اور مریم نواز کی طرف سے اپنے فلیٹس کی ملکیت کی تصدیق ان کیلئے مشکلات پیدا کرے گی۔ رائیونڈ کے محل اور وفاقی دارالحکومت میں سیاسی تبدیلیاں تیزی سے رونما ہورہی ہیں۔ دوسری طرف میاں نواز شریف نے اپنے بااعتماد ساتھی اسحاق ڈار کے ذریعے آصف علی زرداری سے لندن میں ملاقات کا وقت بھی مانگ لیا ہے۔ واضح رہے کہ میاں محمد نواز شریف کی لندن روانگی شریف میڈیکل کمپلکس کے ماہر ڈاکٹروں کے مشورے کے نتیجے میں ہورہی ہے تاکہ وزیر اعظم دباو سے باہر آسکیں۔ ان ہاوس تبدیلی کی صورت میں وزیر اعلی پنجاب اور وزیر داخلہ کے درمیان کانٹے دار مقابلہ ہے۔

Source: http://javedch.com/latest-news/2016/04/13/151248

عمران خان زبان پر قائم رہیں۔ 24 اپریل کو رائے ونڈ کا گھیراو کرکے دکھائیں۔

2016-04-13T05:03:00.000-07:00

Rana Sanaullah ka Imran Khan ko challenge by msaeedd321

بھارت عمران خان کوایک گھنٹے کے 4کروڑ روپے دے گا

2016-03-16T04:52:00.001-07:00

بھارت نے پاکستان کرکٹ کے سابق کپتان اور لیچنڈ عمران خان کو 4کروڑ روپے دینے کا فیصلہ کیا ہے۔ عمران خان ورلڈ ٹی ٹوئنٹی میں پاک بھار ت میچ دیکھنے کےلئے کولکتہ جائیں جائیں گے اور وہاں میچ کی کمنٹری بھی کریں گے۔ ذرائع کا کہنا ہے کہ عمران خان کو صر ف 1گھنٹہ کمنٹری کرنے کےلئے 4کروڑ روپے دیئے جائیں گے جو کہ ایک منفرد ریکارڈ ہو گا اور آ ج تک کسی بھی کمنٹیٹر کو دی جانے والی سب سے زیادہ رقم ہو گی۔

نانگا پربت دہشت گردی کے ملزم سمیت 13دہشت گردوں کی سزائے موت

2016-03-15T23:09:00.001-07:00

راولپنڈی(خصوصی رپورٹ)آرمی چیف جنرل راحیل شریف نے 13خطرناک دہشتگردوں کی سزائے موت کی توثیق کر دی۔ جن دہشتگردوں کی سزائے موت کی توثیق کر دی گئی ہے ان میں عرفان اللہ ولد خدا یار، مشتاق احمد ولد محمد معراج، محمد نواز ولد گل محمد، تاج گل ولد سلطان زرین ، اصغر خان ولد عزیز الرحمان ، احمد علی ولد بخت کرم، ہارون رشید ولد میاں سید عثمان، بخت امیر ولد امیر زرین، عزیز خان ولد اشبر ، فضل غفار ولد شہزادہ، اصغر خان ولد احمد جان، اکرام اللہ ولد حبیب اللہ، حیدر ولد دائم خان شامل ہیں۔ عرفان اللہ ولد خدایار تحریک طالبان پاکستان کا سرگرم رکن رہا ہے اور وہ نانگا پربت بیس کیمپ کے قریب 10غیرملکی سیاحوں کے قتل میں ملوث تھا۔ آئی ایس پی آر کے مطابق عرفان اللہ نے مجسٹریٹ اور عدالت کے سامنے اقرار جرم کیا۔ حیدر ولد دائم خان کوئٹہ میں شہریوں کے قتل میں ملوث تھا اس نے عدالت کے سامنے اعتراف جرم کر لیا۔ سزائے موت پانے والے دیگر دہشت گرد سیدو شریف ایئرپورٹ حملہ، سکولوں کو تباہ کرنے ، سکیورٹی فورسز پر حملوں میں ملوث رہا ہے۔ ڈیلی کے ٹو۔

دیامر میں اشتہاریوں کیخلاف کارروائی تیز کرنے کا فیصلہ، شاہراہ قراقرم پر سیکورٹی سخت کرنے کا حکم

2016-03-15T22:42:00.003-07:00

چلاس(عمرفاروق فاروقی : ڈیلی کے ٹو) نیشنل ایکشن پلان کی روشنی میں گلگت بلتستان ایپکس کمیٹی کے فیصلے پر مکمل عملدرآمد کرنے کیلئے ڈی آئی جی دیامر ڈویژن عنایت اللہ فاروقی کی زیر صدارت چلاس میں اعلی سطح کا ایک اہم اجلاس منعقد ہوا ۔اجلاس میں دیامر اور استور کے ایس ڈی پی اوزاور ایس ایچ اوز نے شرکت کیا۔اجلاس میں دیامر اور استور کے اندر سیکورٹی کو سخت کرنے ،گلگت بلتستان آنے والے سیاحوں کو مکمل تحفظ دینے اور نیشنل ایکشن پلان پر مکمل عملدرآمد کرانے کا فیصلہ کیا گیا۔اجلاس سے خطاب کرتے ہوئے ڈی آئی جی دیامر ریجن عنایت اللہ فاروقی نے دیامر اور استور کے تمام ایس ڈی پی اوز اورایس ایچ اوز کو سختی سے ہدایت جاری کی ہے کہ وہ اپنے اپنے علاقے میں قانون شکن عناصرپرکڑی نظر رکھیں اور جرائم پیشہ عناصرکا گھیرا تنگ کر یں ۔انہوں نے کہا کہ فیری میڈو ،نانگا پربت ،شاہراہ قراقرم اور بابوسر روڈپر سیکورٹی کے سخت اقدامات کیئے گئے ہیں اور پولیس کی بھاری نفری تعینات کر دیا جائیگا۔انہوں نے کہا کہ تھلیچی سے تھور تک پٹرولنگ کرنے کیلئے مزید 6نئی گاڑیاں فراہم کریں گے،اور سیکورٹی کے نظام کو مزید موثر بنائیں گے۔انہوں نے کہا کہ دیامر میں اشتہاریوں کی لسٹ بناکر متعلقہ تھانوں اور چوراہوں پر اشتہاریوںکے تصاویر کے ساتھ پینا فلکیس آویزاں کیا جائیگا ،انہوں نے کہا کہ دیامر میں 30 ایسے اشتہاری رپوش ہیں،جن کی سر کی قیمتیں مقرر کی جاچکی ہیں ،دیامر پولیس دیامر کو اشتہاریوں اور جرائم پیشہ عناصر سے صاف کرنے کیلئے چھاپوں میں تیزی لائے۔انہوں نے کہا کہ دیامر پولیس اپنے رویوں میں تبدیلی لائیں اور اپنے کام سے کام رکھیں اور شہریوں کے حقوق اور جان و مال کی حفاظت کریں ۔انہوں نے کہا کہ ڈیوٹی پر غفلت برتنے والے پولیس کو نہیں بخشیں گے اور ڈیوٹی پر کوئی سمجھوتا نہیں ہوگا،دیامر پولیس شہر میں منشیات فروشوں کا گھیرا تنگ کریں اور ٹریفک قوانین کی خلاف ورزی کرنے والے عناصر کے خلاف کریک ڈاون کریں ،اور قانون پر عملدرآمد کرائیں اور سکولوں کی سیکورٹی سخت اور موثر بنائیں ۔انہوں نے کہا کہ دیامر میں ڈیوٹی سے غافل خواتین پولیس اہلکاروں کو جلد نوکری سے فارغ کر دیں گے۔

سال 2016 گلگت بلتستان کیسا ہوگا؟ مشہور ماہر فلکیات آغابہشتی کی پیشنگوئیاں

2016-02-22T01:36:00.003-08:00

گلگت (اوصاف رپورٹ:ایمان شاہ سے) عالمی ایوارڈ یافتہ ماہر علم فلکیات آغابہشتی نے پیشگوئی کی ہے کہ پاکستان مسلم لیک ن کی وفاقی اور گلگت بلتستان کی صوبائی حکومت اپنی آئینی مدت پوری کرے گی۔ پنجاب میں بہت جلد دہشتگردی کیخلاف آپریشن شروع ہوگا۔ حفیظ الرحمن کیخلاف درپردہ سازشیں ہورہی ہیں تاہم سازشی عناصر ناکام ہوں گے۔ گلگت بلتستان سے فرقہ واریت کا خاتمہ ہوجائے گا۔ جمعیت علمائ اسلام اور وحدت المسلمین مضبوط جبکہ جماعت اسلامی اور اسلامی تحری پاکستان آئندہ الیکشن تک کمزور ہوجائیں گی۔ گلگت بلتستان میں آلو کے کاشتکاروں کو ریکارڈ منافع ملے گا اور آلو کی قیمتیں بلند ترین سطح پر ہوںگی۔ آصف علی زرداری وطن واپس آئیں گے تاہم پاکستان پیپلز پارٹی کا سفر زوال کی طرف جاری رہے گا۔ حلقہ ایل اے نمبر۶ ہنزہ میں اصل مقابلہ پاکستان مسلم لیگ ن اور آزاد اُمیدوار کے مابین ہوگا۔ جبکہ پاکستان پیپلز پارٹی اور تحریک انصاف کو بری طرح شکست کا سامنا کرنا پڑے گا۔ اتوار کی شام روزنامہ اوصاف سے خصوصی گفتگو کرتے ہوئے ملک کے معروف ٹی وی چینل اے آر وائی پر پیشنگوئیاں کرنے والے عالمی شہرت یافتہ ماہر علم فلکیات آغا بہشتی نے کہا کہ پاکستان مسلم لیگ ن اپنی مدت پوری کرے گی تاہم لک کا اگلا وزیر اعظم عمران خان ہوگا۔ انہوں نے پیشنگوئی کی ہے کہ پنجاب میں دہشتگردوں کیخلاف جلد بہت بڑا آپریشن ہوگا جبکہ کرپٹ لوگوں کیخلاف بھی بدترین احتساب ہوگا۔ ۲۰۱۸ئ کے عام انتخابات میں پاکستان تحریک انصاف کی پوزیشن مضبوط نظر آرہی ہے اور ملک کا اگلا وزیر اعظم عمران خان ہوگا۔ پاکستان مسلم لیگ ن اور پاکستان پیپلز پارٹی کے درمیان اختلافات شدت اختیار کرجائیں گے تاہم میاں نواز شریف کو ان اختلافات سے کوئی نقصان نہیں پہنچے گا۔ پنجاب میں نیب کا کردار اہم ہوگا۔ حافظ حفیظ الرحمن نہ صرف قومی بلکہ بین الاقوامی فورمز پر بھی گلگت بلتستان کا مقدمہ کامیابی سے لڑیں گے اور گلگت بلتستان کے عوام کو اسی سال آئینی حقوق کے حوالے سے خوشخبری ملے گی۔ آغابہشتی نے اس بات کی بھی پیش گوئی کی کہ گلگت بلتستان میں آلو کی کاشت کرنے والے کاشتکار خوشحال ہوں گے کیونکہ ملک بھر میں آلو کی مانگ بڑھ جائے گی اور قیمتوں میں اضاٖفہ ہوگا۔ آغا بہشتی نے یہ بھی پیش گوئی کی کہ حکومت کے درمیان اختلافات پیدا ہوں گے تاہم میاں محمد نواز شریف اس صورتحال سے بچ نکلنے میں کامیاب ہوںگے۔ان اختلافات کی وجہ سے ایک مرحلے میں ایسا محسوس ہوگا جیسے حکومت ابھی گئی۔ گلگت بلتستان کی صوبائی حکومت کے حوالے سے پوچھے گئے سوال کے جواب میں آغا بہشتی نے کہا کہ وزیر اعلی گلگت بلتستان حافظ حفیظ الرحمن گلگت بلتستان کے مسائل حل کرنے میں کامیاب ہوںگے۔ گلگت سکردو روڑ پر کام کا آغاز بھی اسی دور میں شروع ہوگا۔ اس سال ریکارڈ تعداد میں سیاح گلگت بلتستان کا رخ کریں گے اور گلگت بلتستان کے عوام کو دل بڑا کرکے سیاحوں کو جگہ فراہم کرنے کیلئے اقدامات کرنے ہوں گے۔ انہوں نے مذید کہا کہ گورنر گلگت بلتستان اپنی آئینی مدت پوری نہیں کر پائیں گے۔

اینٹی ٹیکس مومنٹ نے ٹیکس کے خلاف 24 فروری کو گلگت بلتستان بھر میں شٹرڈاون ہڑتال کا اعلان

2016-02-21T21:27:00.001-08:00

گلگت (پ ر)اینٹی ٹیکس مومنٹ نے ٹیکس کے خلاف جاری تحریک کے تیسرے مرحلے میں گلگت بلتستان بھر میں شٹر ڈاو ¿ن ہڑتال اور احتجاجی ریلی نکالنے کا فیصلہ کر لیا ہے۔ہفتے کے روز اینٹی ٹیکس مومنٹ میں شامل تمام ٹریڈ یونیز پر مشتمل اجلاس میں طویل مشاورت کے بعد فیصلہ کیا گیا کہ مورخہ 24 فروری کو گلگت بلتستان بھر میں شٹر ڈاو ¿ن ہڑتال اور غیر قانونی و غیر آینی ٹیکسز کے خلاف احتجاجی ریلیاں نکالی جائیںگی۔ اجلاس میں کہا گیا کہ ٹیکس کے خلاف گلگت بلتستان کے عوام نے ٹیکس کے خلاف جاری تحریک کے پہلے اور دوسرے مرحلے میں دیدیا ہے تیسرے مرحلے میں عوام سے پر امید ہیں کہ گلگت بلتستان کے عوام پر عائد جبری ٹیکسز کے خلاف اٹھ کھڑے ہوں گے۔اجلاس میں کہا گیا کہ نہ ہمارے کوئی سیاسی عزا ئم ہیں اور نہ ہی کسی کے خلاف ہماری تحریک ہے ہم نے آلگت بلتستان کے عوام کی حمایت اور تائید سے غیر قانونی اور غیر آینی ٹیکسز کے خلاف آواز بلند کی ہے اور حکومتی ایوانوں تک ہماری آواز پہنچنے اور ٹیکسزکے نفاز کا فیصلہ واپس لینے تک ہماری تحریک جاری رہے گی اور ہماری تحریک اپنے مقصد کے حصول تک کبھی متزلزل ہو گی اور نہ ہی کسی دباو ¿ یا مصلحت کا شکار ہو گی۔اجلاس میںفیصلہ کیا گیا کہ 24 فروری کو ہی اگلے لائحہ عمل کا اعلان کیا جائے گا۔

قراقرم یونیورسٹی سے پانچ طلبا ءکو نکالنے پر طلباءو طالبات کلاسوں کا بائیکاٹ (Daily K2)

2016-02-16T23:30:00.001-08:00

گلگت(سٹاف رپورٹر)قراقرم انٹر نیشنل یونیورسٹی سے پانچ طلبا ءکو نکالنے پر طلباءو طالبات کلاسوں کا بائیکاٹ کیا اور وی سی آفس کے سامنے احتجاجی مظاہرہ کیا۔طلبہ کا موقف تھا کہ ےونےورسٹی سے بے دخل کئے گئے 5 طلباءکو واپس داخلہ دےا جائے ‘ ۔ پےر کے روز قراقرم انٹر نےشنل ےونےورسٹی مےںطلبا کے ایک گروپ نے احتجاجی مظاہرہ کرتے ہوئے کلاسوں کا بائےکاٹ کےا ۔ طلباءو طالبات کا کہنا تھا کہ 5 طلباءکو بے جرم و خطاءےونےورسٹی سے بے دخل کےا گےا اور اے ٹی اے دفعات لگائی گئی ہےں ان طلباءکو یونیورسٹی دوبارہ داخلہ دےا جائے اور اے ٹی اے دفعات ختم کی جائےں۔ملک کی تمام یونیورسٹیز میں یوم حسین منایا جاتا ہے قراقرم یونیورسٹی بھی یوم حسین منانے کی اجازت دی جائے طلبا کے احتجاج اور بائیکاٹ سے نظام درہم برہم ہوکر رہ گیا اسی دوران قراقرم انٹرنیشنل یونیورسٹی مسائل حل کرنے کےلئے بنائی گئی پارلیمانی بورڈ اور احتجاجی طلباءکے مابین مذاکرات ہوئے جس کے بعد طلبا نے غیر مبینہ مدت کےلئے احتجاج ملتوی کردیا پارلیمانی بورڈ اور طلباءوفد کے مابین طے پاگئے آئندہ یونیورسٹی کے تمام مسائل مذاکرات کے ذریعے ہی حل کئے جائیں گے طلباءکے وفد سے گفتگو کرتے ہوئے پارلیمانی بورڈ کے چیئرمین وصوبائی وزیر تعمیرات ڈاکٹر اقبال نے کہا کہ قراقرم یونیورسٹی ایک رنگ، ایک نسل یا ایک زبان بولنے والوں کی نہیں ہے بلکہ قراقرم یونیورسٹی خطے کا اثاثہ ہے ماضی میں یونیورسٹی کو فرقہ واریت کی بھینٹ چڑھایا گیا جس کی وجہ سے تعلیمی ادارے بھی تباہی کے دہانے پر پہنچ گئے طلباءآنے والی نسلوں کےلئے کلیدی کردار ادا کریں کسی کا آلہ کار نہ بنیں انہوں نے کہاکہ مسلم لیگ ن نے پورے ملک میں دہشتگردی کے خاتمے کےلئے اقدامات کررہی ہے صوبائی حکومت بھی خطے کے پائیدار قیام امن کےلئے کوشش کررہی ہے طلباءاپنے جذبات کو قابو کریں ورنہ شرپسندوں سے نمٹنا حکومت خوب جانتی ہے اسلام میں زبردستی کی کوئی گنجائش نہیں وزیر اعلیٰ گلگت بلتستان بھی کے آئی یو کی پرامن مسئلے کے حل کےلئے دلچسپی رکھتے ہیں اس لئے طلباءکے مسائل کے حل کےلئے پارلیمانی بورڈ تشکیل دی ہے قراقرم یونیورسٹی میں4ہزار سے زائد طلباءزیر تعلیم ہیں ایک ہی یونیورسٹی ہے طلباءبھی یونیورسٹی کو تحقیق کا مرکز بنائے صوبائی پارلیمانی سیکریٹری برائے قانون اورنگزیب خان ایڈووکیٹ نے کہا کہ لڑائی جھگڑوں کے مقدمات کو ختم کرنا صوبائی حکومت کا کام نہیں مقدمات کو ختم کرنا عدالتوں کا کام ہے حالیہ دنوں قراقرم یونیورسٹی جھگڑے میں طلباءپر لگائے گئے ATAکو ختم کرنے کےلئے بہت کوشش کی جب بھی حالات بہتری کی طرف جاتے ہیں تو مختلف بہانوں سے احتجاج کیا جاتا ہے جو صوبائی حکومت کےلئے پریشانی کا باعث بنتا ہے طلباءکسی کے آلہ کار بننے کے بجائے امن کےلئے کردار ادا کریں تاکہ بہتر امن و امان سے گلگت بلتستان تعمیر و ترقی کے راہ پر گامزن کیا جاسکے ممبر قانون ساز اسمبلی حاجی رضوان نے طلباءوفد سے گفتگو کرتے ہوئے کہا کہ طلباءسنی سنائی باتوں پر بغیر تحقیق کے احتجاج کےلئے سڑکوں پر آتے ہیں قراقرم یونیورسٹی طلباءمسائل کے حل کےلئے اوزنگریب ایڈووکیٹ کی کوشش قابل ستائش ہے طلباءتعاون کریں انہوں نے کہاکہ وزیر اعلیٰ اور وائس چانسلر بھی یونیورسٹی مسائل کے حل چاہتے ہیں طلباءکا بھی فرض بنتا ہے وہ یونیورسٹی کے مسئلے کوحل کرنے کےلئے پارلیمانی بورڈ کے ساتھ تعاون کریں وزیر اعلیٰ گلگت بلتستان کے معاون خصوصی عابد علی بیگ نے کہا کہ گلگت بلتستان کی تعمیر و ترقی ہی خطے کا پائیدار قیام امن سے ہے جب تک خطے میں امن قائم نہیں ہوتا خطہ ترقی نہیں کرسکتا عوام کی خوشحالی کےلئے طلباءکو بھی حکومت کے ساتھ تعاون کرنا ہوگا۔