চুটিং কিলাৰ

#যেতিয়া মৰম আহে....

2018-09-22T18:05:00.002+05:30

আৰু ভিডিঅ' চাবলৈ ক্লীক কৰক।

নিৰ্বাণ

2018-09-15T16:28:00.001+05:30

যান্ত্ৰিকতাৰ প্ৰয়োভৰত.....

2018-09-09T18:57:00.001+05:30

# অ গুৰু শংকৰ.....

2018-08-22T11:38:00.001+05:30

মডেল: চীমৰণ

2017-01-17T00:26:00.001+05:30

ট্ৰীক ফটোগ্ৰাফীৰ বাবে ক্লীক কৰক।

ফটোগ্ৰাফী শিক্ষা-৬ (হোৱাইট বেলেঞ্চ)

2016-06-26T00:12:00.003+05:30

ফটোগ্রাফী শিক্ষা : সঠিক ৰঙৰ বাবে হোৱাইট বেলেঞ্চ ঠিক কৰক।

ফটো তোলাৰ সময়ত চাটাৰ স্পীড, এপাৰেচাৰ, ISO আদি বিষয় সমুহ ইমানেই গুৰুত্বপূৰ্ণ যে হোৱাইট বেলেঞ্চৰ কথাটো মনলৈয়ে নাহে। ফলত ফটোখনৰ প্ৰকৃত ৰঙৰ সলনি নীল, ৰঙা বা সেউজীয়া ৰঙৰ এটা প্ৰলেপ। সঠিক হোৱাইট বেলেঞ্চৰ দ্বাৰা এই সমস্যাৰ পৰা হাত সাৰিব পাৰি। আজি হোৱাইট বেলেঞ্চনো কি, সেই বিষয়ে অলপ বাখ্যা কৰিব ওলাইছো।

ফটো এখনত সকলোতকৈ আলোকিত আৰু সকলোতকৈ অন্ধকাৰ দুটা বিন্দুৰ কথা ভবা যাওক। আতাইতকৈ পোহৰ অংশৰ ৰং হব লাগে ‘বগা’ আৰু আতাইতকৈ অন্ধকাৰ অংশৰ ৰং হব লাগে ক’লা।এই বগা অংশক সম্পুৰ্ণ বগাকৈ দেখাৰ ব্যৱস্থা কৰাটোৱেই হ’ল “হোৱাইট বেলেঞ্চ”।

এই বিষয়টোৰ লগত জৰিত আছে কিছুমান আলোক তত্ত্ব। প্ৰতিটো ৰঙৰে বগাৰ তুলনাত আছে নিজস্ব বৈশিষ্ট। ইয়াৰ জোখ বা মাত্ৰা জোখা হয় ‘কেলভিন তাপমান’ত। ইয়াক “কালাৰ টেম্পেৰেচাৰ” বুলি কোৱা হয়।

অতিবেঙুনীয়া ৰস্মিৰ চৰ্টৱেভ লেংথৰ কালাৰ টেম্পেৰেচাৰ বেছি,যেনেকৈ বগা ৰঙ হৈছে ৫৬০০ ডিগ্ৰী কেলভিন, আনহাতে ইনফ্ৰাৰেড লংৱেভৰ টেম্পাৰেচাৰ কম , ২০০০ ডিগ্ৰী কেলভিন।বেঙুনীয়াৰ আৰু ৰঙাৰ মাজৰ ৰংসমুহ ক্ৰমে নীলা,সেউজীয়া,হালধিয়া, কমলা ইত্যাদি।(বেঘনীসেহাসুৰ)

কালাৰ টেম্পেৰেচাৰৰ বৈজ্ঞানিক বাখ্যা হৈছে কাৰ্বন তপত কৰিলে বিভিন্ন কেলভিন টেম্পাৰেচাৰত ৰঙৰ যি পৰিৱৰ্তন হয় সেয়াই। যেনে ২০০০ ডিগ্ৰী তাপত কাৰ্বনৰ ৰং ৰঙা।৫৬০০ ডিগ্ৰীত একেবাৰে বগা।

সূৰ্য্যৰ কথাটোকে উদাহৰন হিচাপে লওঁক। দুপৰীয়া যেতিয়া কালাৰ টেম্পেৰেচাৰ আতাইতকৈ বেছি, তেতিয়া আমি বগা পোহব পাওঁ।আনহাতে সূৰ্য্যোদয় বা সূৰ্যাস্তৰৰ সময়ত সূৰ্য্যৰ ৰস্মি বেকা হোৱা আৰু দুৰত্ব বৃদ্ধি হোৱাৰ বাবে টেম্পেৰেচাৰ কমি যায় আৰু আমি ৰঙা+হালধিয়+ সোনালী আভাৰ পোহৰ।

আমাৰ চকুৱে এই প্ৰাৰ্থক্য সহজে বাছি উলিয়াব পাৰে কিন্তু কেমেৰাই সেইটো নিজে কৰিব নোৱাৰে।আপুনি সুৰ্য্যাস্তৰ সময়ত দুপৰীয়াৰ হোৱাইট বেলেঞ্চ চেট কৰে তেন্তে ফটোত সঠিক ৰং নাপাব। কিন্তু সঠিক হোৱাইট বেলেঞ্চ কৰি আপুনি পাব পাৰে ফটো এখনৰ সঠিক ৰং ।বেছিভাগ কেমেৰাটে হোৱাইট বেলেঞ্চৰ বাবে কিছুমান অপচন দিয়া থাকে। ইয়াৰে এটা আকৌ ‘অটো’। এই অপচনত কেমেৰাই নিজেই পোহৰ বিশ্লেষণ কৰি ঠিক কৰি লয় কেনে ধৰনৰ হোৱাইট বেলেঞ্চ লব লাগিব। পেচাদাৰী বা প্ৰফেচনেল ফটোগ্ৰাফাৰে এই অপচন সাধাৰনতে ব্যৱহাৰ নকৰে।

ইয়াৰোপৰি যি কেইটা প্ৰীচেট আছে সেই সমুহ এনেধৰনৰ: চিধা সুৰ্য্যৰ পোহৰ,ডাৱৰীয়া,ছাঁ,মমৰ পোহৰ,ফ্লৰ’চেন্ট টিউবৰ পোহৰ,সাধাৰন বাল্বৰ পোহৰ, ফ্লেচ ইত্যাদি নামৰ।যেনেকুৱা পোহৰত ফটো উঠাব বিছাৰে তাৰ লগত মিলাই চিলেক্ট কৰি ল’লেই হ’ল। অভিজ্ঞ ফটোগ্ৰাৰ কিন্তু এই সমুহত সন্তুস্ত নহয়।(সেই বাবে তেওঁলোকৰ ফটো ভাল হয়।) তেওলোকৰ বাবে কেমেৰাত আছে কেলভিন ডিগ্ৰীৰ মান চাই হোৱাইটবেলেঞ্চ ঠিক কৰাৰ ব্যৱস্থা।তাৰ বাবে আপুনি জানিব লাগিব কি ৰঙৰ পোহৰৰ কালাৰ টেম্পেৰেচাৰ মান কিমান। কামটো অলপ কঠিন কিন্তু।

বহুত কেমেৰাত আপুনি যত ফটো উঠাইছে সেই স্থানৰ কালৰ টেম্পেৰেচাৰ জোখাৰ ব্যৱস্থা থাকে।এনে দৰে জুখিলৈ সঠিক কালাৰ টেম্পেৰেচাৰ ব্যৱহাৰ কৰা সম্ভৱ।

উদাহৰন হিছাপে মই নাইকন ডি-60 কেমেৰাৰ উদাহৰন দিব বিছাৰোঁ।[ যিহেতু মই নিজে Nikon D-60 ব্যৱহাৰ কৰোঁ।]

প্ৰথমে মেনু খোলক।

Preset Manual চিলেক্ট কৰক।

যি স্থানত আপুনি ফটো তুলিব সেই পৰিৱেশত এখন বগা কাগজ, থাৰ্মকল অথবা বগা কিবা বস্তু ৰাখক।

Aparture Priority মুডলৈ যাওক।

হোৱাইট বেলেঞ্চ বুটাম টিপি ধৰি কমাণ্ড ডায়েল ঘুৰাই থাকক যেতিয়ালৈকে প্ৰীচেট দেখা নাযায়।

হোৱাইট বেলেঞ্চ বুটাম এৰি দিয়ক, আকৌ ২ চেকেণ্ড টিপি ধৰক।ডিচপ্লে স্ক্ৰীনত আইকন ব্লীংক কৰি থাকিব।

সম্পূৰ্ণ স্ক্ৰীনত বগা কাগজখন ফ’কাচ কৰক।

চাটাৰ ৰিলিজ বুটাম চেপি ধৰক।

মনত ৰাখিব, এতিয়া কোনো ফটো নুঠে ।কিন্তু কেমেৰাই সেই মুহুৰ্ত্ততহোৱাইট বেলেঞ্চৰ বাবে মান ৰেকৰ্ড কৰিব।মান সঠিক হ’লে ডিচপ্লেত Good বুলি লিখা দেখিব।

মনত ৰাখিব, পৰিৱেশ বা পোহৰৰ পৰিৱৰ্তনৰ লগে লগে এই মান সলনি হয়। গতিকে আপুনি স্থান বা পোহৰ সলনি কৰিলে আকৌ হোৱাইট বেলেঞ্চ কৰিব লাগিব। অভ্যাস হৈ গ’লে এই কামটো কেই চেকেণ্ড মানৰ ভিতৰতে কৰিব পৰা যায়। আপোনাৰ কেমেৰাত এই ব্যৱস্থা থাকিলে তাক ব্যৱহাৰ কৰক।

******

অন্য কেমেৰাৰ বাবে পদ্ধতিটো সামন্য সলনি হব।

অন্য বিষয় জানিবলৈ ক্লীক কৰক:

১) মেক্ৰ ফটোগ্ৰাফী

২) ডিজিটেল পেইন্টিং

মডেল: বৰষা

2016-04-28T15:41:00.002+05:30

মডেল: দ্বীব্যাশ্ৰী

2016-04-28T15:28:00.000+05:30

ডিজিটেল পেইন্টিং

2016-02-29T12:34:00.000+05:30

হলীৰ শুভেচ্ছা পত্ৰ।

2015-03-05T14:42:00.000+05:30

এজন অভিজ্ঞ আলোকচিত্ৰ শিল্পীৰ মনৰ কথা।

2014-11-24T17:01:00.000+05:30

অসমৰ সকলোৰে পৰিচিত ফটোগ্ৰাফাৰ বিক্ৰমজিৎ কাকতীৰ ফেচবুকৰ পাতত লিখা এই লিখনিটো তেখেতৰ অনুমতি সাপেক্ষে ইয়াতো প্ৰকাশ কৰিলো।তেখেতলৈ ধন্যবাদ।

---------------------------------------------------------------------------------

মোৰ মনৰ কথা

অসমত ফটোগ্ৰাফী জনপ্ৰিয় হৈ অহাটো শুভ লক্ষণ । ফটোগ্ৰাফাৰ যিমানেই বাঢ়িব সিমানেই প্ৰতিযোগিতা বাঢ়িব ।

বাস্তব পৰিস্থিতিত দেখা গৈছে যে যি হাৰত কেমেৰা বিক্ৰী হৈছে আৰু নতুন নতুন লোকে ফটো তুলিবলৈ শিকিছে সেই অনুপাতে আমাৰ আন্তৰ্জাতিক পৰ্যায়ৰ ফটো নাই | ই এক চিন্তনীয় বিষয় ।

বিগত 3 বছৰত আমাৰ ইয়াত কেমেৰাৰ বিক্ৰী পূৰ্বত কৈ ২গুণত কৈ অধিক হ’ল , কিন্তু National Geographicৰ দৰে অনুস্থান বোৰত বিগত ৩ বছৰত আমাৰ ইয়াৰ ফটো বোধকৰো ৩০ খনত কৈ বেছি প্ৰকাশ হোৱা নাই । বহুতেই মোক প্ৰশ্ন কৰিব যে National Geographicত প্ৰকাশ পালে হে ফটো নেকি ? আনবোৰ কি ফটো নহয় ? হয় কিয় নহয় , ম‍ই মাথো এটা উদাহৰণ হে দিছো । কিন্তু National Geographicত ফ’টো প্ৰকাশ পোৱা এক সুকিয়া মাদকতা আছে | থিক যি দৰে World Press Photoত আছে ।

আজিকালি ফটোগ্ৰাফি চেলুন সমূহত আমাৰ ফ’টোগ্ৰাফাৰ সকলে ভাগ লবলৈ আৰম্ভ কৰিছে ই এক শুভলক্ষণ । ম‍ই আশাঁকৰো কেমেৰা হাতত লোৱাৰ প্ৰথম দিনাৰ পৰাই আমাৰ লক্ষ্য আন্তৰ্জাতিক প্ৰতিযগিতা সমূহ হোৱা উচিত । ফটোগ্ৰাফীক প্ৰফেচন হিছাবে ল’ব খোজা সকলে উত্তৰ পূৰ্বত থাকি বিয়া , অন্নপ্ৰাসন্ন আদিত ফটো তোলাতে সীমা বদ্ধ নাথাকি আন্তঃৰ্জাতিক বজাৰ খনলৈয়ো চকুদিয়া উচিত , উত্তৰ পূৰ্বাঞ্চলক প্ৰকৃতিয়ে নিদিয়া বস্তু নাই । প্ৰকৃতিৰ এই উপাদান সমূহ আমি সঠিক quality maintain কৰি যদি ফ’টো তোলো তেনেহ’লে বাহিৰত ভাল মূল্যত বিক্ৰি কৰিব পৰা যায় । আমি এই দিশটো মনোযোগ দিয়া উচিত ।

আৰু এটা কথা ম‍ই ম’ন কৰিছো এক বুজন পৰিমাণৰ জেষ্ঠ্য ফটোগ্ৰাফাৰে উঠিঅহাসকলক শিকাবলৈ ম’ন নকৰে , আনকি ম‍ই ম’ন কৰিছো বহুতেই নতুন সকলক mislead কৰে , discourage কৰে , এইটো ভাল কথা নহয় বুলি ম‍ই ভাবো । আপোনালোকে ম’ন কৰিব PCAত আজিৰ দিনত 32,752 সদষ্য আছে । ইয়াৰ যদি এক শতাংশ সদষ্যৰ অভিজ্ঞতা ৫ বছৰত কৈ অধিক বুলি ধৰা হয় তেনেহ’লে তেনে সদষ্যৰ সংখ্যা হ’ব প্ৰায় ৩২৭ জন, কিন্তু কেইজন অভিজ্ঞ ফটোগ্ৰাফাৰে নবপ্ৰজন্মক সঠিক ৰূপত guide কৰিছে ? তেওঁলোকৰ বহুতেই নিজৰ অস্তিত্ব সংকটত ভোগে । ভাবে নতুন সকলক শিকালে নিজৰ কামবোৰ বেলেগে লৈ যাব .... কিন্তু বিশাল এই পৃথীৱিত ফটোগ্ৰাফীৰ মৰণ নাই । ফটো তোলা কলা কৌশল সময়ে সময়ে সলনি হৈ আহিছে , কিন্তু ফ’টোৰ বজাৰ খনৰো লাহে লাহে পৰিষৰ বাঢ়ি আহিছে। বহু জেষ্ঠ্য ফটোগ্ৰাফাৰে PCAত Sleeping Memberৰ ভূমিকা পালন কৰা দেখা গৈছে .... কিয় এনে হৈছে বাৰু ?

আমি PCA খোলাৰ সময়ৰ নিজকে বহু experienced বুলি ভবা ফটোগ্ৰাফাৰে আমাক হাঁহিছিল আৰু কৈছিল তহঁত দুবিবলৈ বেছি দিন নাই ...... কিন্তু তেওঁলোকৰ অভিসাপক আমি আশিৰ্বাদ বুলি লৈ আগবাঢ়ি গৈছিলো । আজি এই সময়ত মোৰ , PCAৰ অন্যতম কান্ডাৰী ৰাকেশলৈ মনত পৰিছে ... ৰাইজৰ আশিৰ্বাদ আৰু ঈশ্বৰৰ কৃপাত সোনকালে তেওঁ আৰোগ্য হৈ উঠিব বুলি আমি আঁশা ৰাখিছো । ম‍ই মন কৰিছো আমাক আদিতে হঁহা সকলৰ বহুতেই এতিয়া PCAৰ সদষ্য , this is a positive sign | আমি উত্তৰ পূৰ্বৰ ফটোগ্ৰাফী জগৎ খনৰ উন্নতিৰ বাবে অতীতৰ অপ্ৰীয় কথাবোৰ ধৰি নাথাকি একে ল’গে আগবাঢ়ি যোৱাটো যথেষ্ট প্ৰয়োজনীয় ।

অভিজ্ঞ ফটোগ্ৰাফাৰ সকলে নিজৰ অস্তিত্ব সংকট পৰিহাৰ কৰি নবপ্ৰজন্মক উৎসাহিত কৰিব বুলি আশাঁ কৰিলো । আনহাতে ম‍ই অভিজ্ঞ ফটোগ্ৰাফাৰ সকলৰ লগত আলোচনা কৰোতে গ’ম পাইছো যে বহু নবপ্ৰজন্মই শিকালে শিকিব নোখোজে , উল্টাই তৰ্কত হে লিপ্ত হয় .... এনে কৰা অনুচিত , এই কাৰণটোৰ বাবেও বহু জেষ্ঠ ফ’টোগ্ৰাফাৰে Guide কৰিবলৈ নোখোজে । নব প্ৰজন্মই জেষ্ঠজনক সন্মান কৰা উচিত ।

দুনিয়া বহু আগবাঢ়ি গৈ আছে , আমি যদি নিজৰ মাজতেই খোৱা কামোৰাত ব্যাস্ত থাকো তেনেহ’লে কোনোদিনে আমি বিশ্ব দৰবাৰত উত্তৰ পূৰ্বক প্ৰতিস্থা কৰিব নোৱাৰিম ।

গতিকে উপলুঙা কৰা বাদ দি এজনে আনজনৰ হাতত ধৰি আগবঢ়াৰ এয়েই সঠিক সময় .....

মোৰ এই অনুভূতি সম্পূৰ্ণ স্বতঃফূৰ্ত , কোনোব্যাক্তিক ম‍ই হেয় কৰিব খোজা নাই | অজথা তৰ্ক বিতৰ্ক নকৰি মোৰ অনুভূতি খিনি অন্তৰেৰে উপলব্ধি কৰিলে ম‍ই ধন্য মানিম ।

শেষত সকলোকৈ শ্ৰদ্ধা থাকিল .......

Come together ….. Let us strike back ……

দুৰ্গা পূজা_২০১৪

2014-10-04T01:23:00.002+05:30

পূজাৰ কিছুমান ভাল লগা দৃশ্য...

কেমেৰা কিনিব নেকি ?

2014-06-17T22:33:00.002+05:30

বৰ্তমান সময়ত ফটোগ্ৰাফী এটা নিচাৰ লগতে পেচা হিছাপেও বেচ জনপ্ৰিয়। ঘৰৰ ভিতৰত অনুস্থিত বিভিন্ন অনুস্থান বা বাহিৰত পিকনিক, সাংস্কৃতিক অনুষ্ঠান ইত্যাদিত ফটো তোলাতো এতিয়া যেন অপৰিহাৰ্য্য হৈ পৰিছে। বহু সময়ত হাতত থকা মোবাইল ফোনটোৱেও কেমাৰাৰ চাহিদা পুৰণ কৰিব লগা হৈছে। এনেবোৰ কাৰণতে এটা কেমেৰাৰ প্ৰয়োজন অনুভব হয় বহুতৰে। কিন্তু ইয়াতে এটা সমস্যাই দেখা দিয়ে। বজাৰত পোৱা বহুতো সুন্দৰ সুন্দৰ কেমেৰাৰ মাজৰ পৰা এটা কেমেৰা নিৰ্বাচন কৰি পচন্দ কৰা। সচাকৈ ই এক মূৰৰ কামোৰনি।

কি কেমেৰা কিনিব:

সাধাৰণতে বজাৰত যি বোৰ কেমেৰা পোৱা যায়, সেই সমূহ প্ৰধানকৈ দুই ধৰণৰ। এবিধ "পইন্ট এণ্ড চুট" আৰু আনবিধ হৈছে " DSLR" [ Digital Single Lens reflection ]।ইয়াৰ ভিতৰত কিন্তু "পইন্ট এণ্ড চুট" কেমেৰা বেছি জনপ্ৰিয়। এটা সময়ত এনে কেমেৰাৰ যথেষ্ট দাম আছিল। বৰ্তমান এনে কেমেৰাৰ দাম হ্ৰাস হৈ মধ্যবিত্তৰ বাজেটৰ ভিতৰত হৈছেগৈ। বিশ্বৰ আগশাৰীৰ নামি দামী কেমেৰা নিৰ্মাতাৰ একোটা কেমেৰা বৰ্তমান ৫/৬ হেজাৰ টকাত পোৱা যায়। এনে কেমেৰাৰে বৰ বিশেষ প্ৰশিক্ষণপ্ৰাপ্ত নোহোৱাকৈ ভাল ফটো তুলিব পৰা যায়। দক্ষ ফটোগ্ৰাফাৰে অৱশ্যে ডিজিটেল এচ.এল.আৰ কেমেৰাকেই পচন্দ কৰে, কাৰণ এনে কেমেৰাৰে নিজৰ দক্ষতা প্ৰকাশ কৰাৰ সুযোগ বেছি। "পইন্ট এণ্ড চুট" কেমেৰা মূলতঃ সাধাৰণ ব্যৱহাৰকাৰী বা যাক আমি "এমেচাৰ ফটোগ্ৰাফাৰ" বুলি কওঁ, তেখেত সকলেই বেছি ব্যৱহাৰ কৰে। "পইন্ট এণ্ড চুট" কেমেৰাত প্ৰায় সকলো ফটোগ্ৰাফীক চেটিংচেই কেমেৰাৰ নিজৰ মেমৰীৰ দ্বাৰাই নিয়ন্ত্ৰণ কৰিব পৰা যায়।অৰ্থাৎ ফ'কাছ এক্সপ'জাৰ টাইম, চাটাৰ স্পীড, এপাৰেচাৰ, আই.এচ.অ'[ISO], ইত্যাদি বিষয় বিলাক কেমেৰাই নিজেই নিয়ন্ত্ৰণ কৰে। গতিকে ব্যৱহাৰকাৰীয়ে এইবোৰ বিষয়ত পাৰদৰ্শী নহ'লেও চলে। অন্যহাতেদি এচ.এল.আৰ কেমেৰাত এই সকলোবোৰ মেনুৱেলি চেট কৰাৰ সুবিধা আছে। কিন্তু তথাপিতো বহুতে এস.এল.আৰ কেমেৰাতো অট'ফ'কাছ ব্যৱহাৰ কৰে। কাৰণ অট'ফ'কাছ ব্যৱস্থা বৰ্তমানৰ কেমেৰা সমুহত ইমানেই উন্নত যে বহু ফটোগ্ৰাফাৰে নিজতকৈও বেছি "অট'ফ'কাছ"ৰ ওপৰত বেছি ভৰসা কৰে।

আকৌ বহুতো "পইন্ট এণ্ড চুট" কেমেৰাত মেনুৱেল চেটিংচ অপচন থাকে। কিছুমান চেমিএচ.এল.আৰ কেমেৰাত ৰিংফ'কাছ সহ প্ৰায় সকলো অপচনেই থাকে। এনে কেমেৰা ন-শিকাৰু সকলৰ বাবে বৰ উপযোগী।

বৰ্তমান গুৱাহাটীকে আদিকৰি অসমৰ প্ৰধান চহৰ কেইখনত পৃথিবীৰ প্ৰায় সকলো বিখ্যাত নিৰ্মাতাৰ কেমেৰা পোৱা যায়। যেনেঃ নাইকন[Nikon], কেনন, চনী, কোডাক, অলীম্পাচ, চেমচাং ইত্যাদি। কেননৰ দুই ধৰণৰ পইন্ট এণ্ড চুট কেমেৰা পোৱা যায়। এবিধ 'পাৱাৰস্বট'[Power Shot] চিৰিজ আৰু আনবিধ হৈছে ইকচাচ[IXUS] চিৰিজৰ। ২য় বিধ আল্ট্ৰা শ্লিম ডিজাইনৰ আৰু দামটো ১ম বিধতকৈ অলপ বেছি। তাৰোপৰি আছে বিশ্ব বিখ্যাত ডি.এচ.এল.আৰ ইঅএচ[DSLR EOS] চিৰিজৰ কেমেৰা। ড.এস.এল.আৰ কেমেৰাৰ ক্ষেত্ৰত কেননৰ মুল প্ৰতিদ্বন্দ্বী হৈছে নাইকন। অৱশ্যে "পইন্ট এণ্ড চুট" কেমেৰাৰ ক্ষেত্ৰত নাইকন আৰু চনী উভয়ৰে সৈতে প্ৰতিদ্বন্দ্বিতা কৰিব লগা হৈছেগৈ। চেমি এচ.এল.আৰ লেভেলৰ কেমেৰাৰ ভিতৰত চনী, কোডাক আৰু পেনাচনীকৰ বিভিন্ন মডেল পোৱা যায়। চনীৰ "পইন্ট এণ্ড চুট" কেমেৰা হৈছে চাইবাৰ স্বট চিৰিজৰ।এই কেমেৰাও বিশ্ব ব্যাপি জনপ্ৰিয়।চনীৰ কেমেৰাত ব্যৱহৃত হয় বিশ্ব বিখ্যাত লেঞ্চ নিৰ্মাতা কাৰ্ল জেইচৰ দ্বাৰা নিৰ্মান কৰা লেঞ্চ।চনীৰ ডি.এচ.এল.আৰ চিৰিজৰ কেমেৰাৰ নাম হ’ল আলফা ডি.এচ.এল.আৰ।

বৰ্তমান সময়ত অৱস্যে সকলোৱে একমুখে স্বীকাৰ কৰে যে, ডি.এচ.এল.আৰ চিৰিজৰ কেমাৰাৰ প্ৰতিস্থিত দুটা ব্ৰেণ্ড হ’ল কেনেন আৰু নাইকন।আৰু এটা কথা মন কৰিব যে নাইকন কেমেৰাৰ লেঞ্চৰ দাম কেননৰ তুলনাত কম।তথাপিও ফটোগ্ৰাফাৰ সকলৰ ১নং পচন্দ হৈছে ‘কেনন’।

"পইন্ট এণ্ড চুট"

কেনন পাৱাৰ চুট- A480

10 মেগাপিক্সেল। 2.5`` এল.চি.ডি। 3.3 এক্স অপটিকেল ঝুম, 9পইন্ট অটো ফ’কাছ, ডিজিক 3 ইমেজ প্ৰছেছৰ, লাইভ ভি্উ অট’ ফ’কাছ।

দামঃ- প্ৰায় ন হাজাৰ টকা।

কেনন পাৱাৰ স্বট জি-10

14.7 মেগাপিক্সেল, 3’’ এল.চি.ডি, 5 এক্স অপ্টিকেল ঝুম, 9 পইন্ট অটোফ’কাছ, ডিজিক 4 ইমেজ প্ৰচেছৰ, লাইভ ভিউ উইথ অটোফ’কাছ।

দামঃ-38 হাজাৰ টকা।

কেনন ইকচাচ 95 আই এচ

10মেগাপিক্সেল, 2.5” এল.চি.ডি, 9 পইন্ট অটোফ’কাছ, ডিজিক 4 ইমেজ প্ৰচেছৰ, লাইভ ভিউ উইথ অটোফ’কাছ।3 এক্স অপটিকেল ঝুম।

দামঃ- 16 হাজাৰ 500 টকা।

কেনন ইকচাচ 100 আই এচ

12.1 মেগাপিক্সেল, 2.5” এল.চি.ডি, 9 পইন্ট অটোফ’কাছ, ডিজিক 4 ইমেজ প্ৰচেছৰ, লাইভ ভিউ উইথ অটোফ’কাছ।3 এক্স অপটিকেল ঝুম।

দামঃ-22 হাজাৰ টকা।

কেনন ইকচাচ 980 আই এচ

14.7 মেগাপিক্সেল, 2.5” এল.চি.ডি, 3.7 এক্স অপটিকেল ঝুম। 9 পইন্ট অটোফ’কাছ, ডিজিক 4 ইমেজ প্ৰচেছৰ, লাইভ ভিউ উইথ অটোফ’কাছ।

দামঃ- 29 হাজাৰ টকা।

নাইকন এল 19

8.0 মেগাপিক্সেল, 2.7” এল.চি.ডি, 3.6 এক্স অপটিকেল ঝুম। ডাবল এ বেটাৰী।

দামঃ- 11 হাজাৰ টকা।

নাইকন এল-20

10.0 মেগাপিক্সেল, 3” এল.চি.ডি, 3.6 এক্স অপটিকেল ঝুম। ডাবল এ বেটাৰী।

দামঃ- 12 হাজাৰ টকা।

চনী চাইবাৰ স্বট এইচ-10 [ চেমি এচ.এল.আৰ]

8.1 মেগাপিক্সেল, 3” এল.চি.ডি, 10 এক্স অপটিকেল ঝুম। লিথিয়াম বেটাৰী।

দামঃ- 18,500 টকা।

চনী চাইবাৰ স্বট W-220

12.1 মেগাপিক্সেল, 2.7” এল.চি.ডি, 4 এক্স অপটিকেল ঝুম। লিথিয়াম বেটাৰী।

দামঃ- 15000 টকা।

চনী চাইবাৰ স্বট টি-90

12 মেগাপিক্সেল, 3” এল.চি.ডি, 4 এক্স অপটিকেল ঝুম। লিথিয়াম বেটাৰী।

দামঃ- 21000 টকা।

চনী চাইবাৰ স্বট টি-700

10.1 মেগাপিক্সেল, 3.5” এল.চি.ডি, 8 এক্স অপটিকেল ঝুম। লিথিয়াম বেটাৰী।

দামঃ- 22,500 টকা।

চনী চাইবাৰ স্বট এইচ 50 [চেমি এচ.এল.আৰ]

8.1 মেগাপিক্সেল, 3” এল.চি.ডি, 10 এক্স অপটিকেল ঝুম। লিথিয়াম বেটাৰী।

দামঃ- 2400 টকা।

চেমছাং 18

8.3 মেগাপিক্সেল, 2.7” এল.চি.ডি, 5 এক্স অপটিকেল ঝুম। লিথিয়াম বেটাৰী।

দামঃ- 11800 টকা।

চেমচাং – এনভি 9

10.2 মেগাপিক্সেল, ডাঙৰ এল.চি.ডি, 5 এক্স অপটিকেল ঝুম। লিথিয়াম বেটাৰী।

দামঃ-

আলিম্পাচ এফই 25

10.0 মেগাপিক্সেল, 2.4” ডিচপেঞ্চ, 3 এক্স অপটিকেল ঝুম। ডাবল এ বেটাৰী।

দামঃ- 7, 500 টকা।

অলিম্পাচ এফই 300

12 মেগাপিক্সেল, 2.5” এল.চি.ডি, 3 এক্স অপটিকেল ঝুম। লিথিয়াম বেটাৰী।

দামঃ- 15,500 টকা।

কোডাক এম 1073 আই এচ

10.2 মেগাপিক্সেল, 2.7” এল.চি.ডি, 3 এক্স অপটিকেল ঝুম। লিথিয়াম বেটাৰী।

দামঃ- 15,500 টকা।

কোডাক ভি273

12 মেগাপিক্সেল, 3” এল.চি.ডি, 3 এক্স অপটিকেল ঝুম। লিথিয়াম বেটাৰী।

দামঃ- 21,000 টকা।

কোডাক জেড 1012 আইএচ [চেমি এচ.এল.আৰ]

10.1 মেগাপিক্সেল, 2.5” এল.চি.ডি, 12 এক্স অপটিকেল ঝুম। ডাবল এ বেটাৰী।

দামঃ- 23,500 টকা।

ডি.এচ.এল.আৰ

কেনন ই অ এচ 450 ডি (18-55 মি.মি কিট)

12.2 মেগাপিক্সেল, 3’’ এলচিডি, 9 পয়ন্ট অটো ফ’কাছ।3.5 এফপিএচ শুটিং স্পীড, লাইভ ভিউ উইথ অটো ফ’কাছ।ডিজিক 3 ইমেজ প্ৰচেছৰ।

দামঃ- 52,000/_ টকা।

কেনন ই অ এচ 50 ডি (17-85 মি.মি. কিট)

15.1 মেগাপিক্সেল, 3’’ এলচিডি, 9 পয়ন্ট অটো ফ’কাছ, 6.3 এফপিএচ শুটিং স্পীড, লাইভ ভিউ উইথ অটো ফ’কাছ।ডিজিক 4 ইমেজ প্ৰচেছৰ।

দামঃ- 99,000/_ টকা।

কেনন ই অ এস 5 ডি মাৰ্ক-2

21.1 মেগাপিক্সেল, 3’’ এলচিডি, 9 পয়ন্ট অটো ফ’কাছ।3.9 এফপিএচ শুটিং স্পীড, লাইভ ভিউ উইথ অটো ফ’কাছ।ডিজিক -4 ইমেজ প্ৰচেছৰ, এইচডি ভিডিঅ’ কেপচাৰ 1920X1080 ৰিজলিউচন।

দামঃ- 1,80,000/_ টকা।

নাইকন ডি-40

6.24 মেগাপিক্সেল, 2.5’’ এলচিডি, 15.6X23.7 মি.মি. চেঞ্চৰ চাইজ, লিথিয়াম বেটাৰী।

দামঃ- 38,000/_ টকা।

নাইকন ডি-60

10.2 মেগাপিক্সেল, 2.5 এলচিডি, 15.8 X 23.6 চেঞ্চৰ চাইজ, লিথিয়াম বেটাৰী।

দামঃ 38,000 টকা।

এটা ডিজিটেল কেমাৰা কিনাৰ আগতে কি কি মন কৰিব লাগে ?

১| বৰ্তমান সময়ত এটা কেমেৰা ন্যুনতম ৮ মেগাপিক্সেল হোৱাতো উচিত।

২| তুলনামূলক ভাবে লিথিয়াম আয়ন বেটাৰীৰ চাৰ্জৰ স্থায়ত্ব বেছি।সেয়েহে কেমেৰা কিনোতে লিথিয়াম বেটাৰী কেমেৰাক প্ৰাধান্য দিব লাগে।

৩| কেনন, নাইকন, চনী, অলিম্পাচ আদি নামী কোম্পানীৰ কেমেৰা কিনা বহু দিশৰ পৰা নিৰাপদ।এই সমুহ কোম্পানীৰ লেঞ্চ আৰু চেঞ্চৰ যথেষ্ট উন্নত মানৰ হয়।

৪| আপুনি পচন্দ কৰা কেমেৰাটোৱে আই.এচ.অ [ISO] কিমানলৈকে সমৰ্থন কৰে চালিজাৰি চাই লব।কাৰন কম পোহৰত ফটো তোলোতে এই আই.এচ.অৰ গুৰুত্ব বহুত।

৫| কেমেৰাটোৱে কিমান দূৰ মেমৰী চাপৰ্ট কৰে চাই লব লাগে।

৬| পৰাপক্ষত প্ৰকৃত পৰিবেশক বা এজেন্টৰ পৰা কেমেৰা কিনাতো বেছি নিৰাপদ।কেমেৰা কিনোতে চাৰ্ভিচ আৰু ৱেৰেন্টী কাৰ্ড লবলৈ নাপাহৰিব।

ওপৰত উল্লেখ কৰা কেমেৰাৰ দাম সমুহ সময়ে সময়ে সলনি হৈ থাকে। ইয়াত সাম্ভাব্য দাম সমুহহে উল্লেখ কৰা হৈছে। এই সমুহৰ মাজৰ পৰা এটা কেমাৰা নিৰ্বাচন কঁৰোতে এটা কথা মনত ৰাখিব লাগে যে, সকলো নিৰ্ভৰ কৰে আপোনাৰ প্ৰয়োজনৰ ওপৰত। আপোনাৰ যদি স্পেচীয়েল ফটো তুলিব লগা হয় বা আপোনাৰ পেশাদাৰী ফটোগ্ৰাফীৰ মন আছে তেন্তে নিশ্চয় ডি.এচ.এল.আৰ লবলৈ ক’ম। কিন্তু এমেচাৰ ফটোগ্ৰাফীৰ বাবে বেছি খৰচ নকৰাই শ্ৰেয়। বহু সময়ত ডাঙৰ এচ.এল.আৰ কেমেৰা হাৰমালহে হয়। ক’ত থম ? কি কৰিম ইত্যাদি নানা সমস্যা। সেইবোৰ সমস্যা কম্পেক্ট কেমেৰাত নাই। আজিকালি কম্পেক্ট কেমেৰাত ১০ এক্স ঝুম আৰু ১০ মেগা পিক্সেল পোৱাই যায়। এনে কেমেৰাৰ বেটাৰিও দীৰ্ঘদিন চলে। গতিকে খুব প্ৰয়োজন নহলে কম্পেক্ট কেমেৰা যঠেষ্ট সুবিধজনক।

বিঃদ্ৰঃ এই লিখনিৰ লগত উল্লেখ কৰা দাম সমুহ সময় সাপেক্ষহে। সময়ে সময়ে এই সমুহ সলনি হৈ থাকে। গতিকে তৎকালীন দাম সমুহৰ বাবে কেমেৰা নিৰ্মাণ কৰা কোম্পানীৰ ৱেব চাইটত প্ৰৱেশ কৰি চাই লয় যেন।

অন্য লিংকসমুহ:

ডিজিটেল কেমেৰাৰ যত্ন আৰু ব্যৱহাৰৰ সাৱধানতা

2014-03-09T08:49:00.004+05:30

যি কোনো ইলেকট্ৰনিক ডিভাইছ ব্যৱহাৰ কৰোতে কিছুমান সাৱধানতা অৱলম্বন কৰিব লাগে। ডিজিটেল কেমেৰাৰ ক্ষেত্ৰতো এনে কিছু নিয়ম মানি চলিব লাগে। কিছু নিয়ম মানি আপুনি আপোনাৰ কেমেৰাটোক দীৰ্ঘদিন ব্যৱহাৰ উপযোগী কৰি ৰাখিব পাৰে।

প্ৰথমে এটা বিষয় স্পষ্টকৈ কৈ থোৱা ভাল যে ডিজিটেল কেমেৰাৰ প্ৰযুক্তি অত্যন্ত উন্নত। কমদামী একোটা ডিজিটেল কেমেৰাৰ দাম সাধাৰণ কম্পিউটাৰ এটাকৈও বেছি। ইয়াৰ পৰাই ধাৰণা কৰিব পাৰি কেমেৰা এটা কিমান যত্ন কৰি তৈয়াৰ কৰা বা নিৰ্মাণ কৰা হয়। সাধাৰণতে কেমেৰা নষ্ট হোৱাৰ কোনো কাৰণ নাই। এটা কেমেৰা এজনে ১০/১৫ বছৰলৈকে অনায়সে ব্যৱহাৰ কৰিব পাৰে। আপুনিও পাৰে, যদি কিছু সাৱধানতা অৱলম্বন কৰে।

১) ব্যৱহাৰ নকৰা অৱস্থাত কেমেৰাৰ বেটাৰী খুলি থওকঃ

আপুনি যদি দীঘলিয়া দিনৰ বাবে কেমেৰা ব্যৱহাৰ নকৰে, তেন্তে কেমেৰাৰ পৰা বেটাৰী খুলি থওক। স্বাভাৱিক নিয়মমতেই কেমেৰাৰ বেটাৰীৰ চাৰ্জ কমি থাকে। কেমেৰাৰ ভিতৰত বেটাৰী সুমুৱাই থলে কেতিয়াবা কেমেৰাৰ ক্ষতি কৰিব পাৰে।

বেটাৰী থওতে সাৱধান হব যাতে বেটাৰীৰ টাৰমিনাল দুডাল কেতিয়াও কোনো ধাতব পদাৰ্থৰ সংস্পৰ্শলৈ নাহে। ইয়াৰ বাবে কেমেৰাৰ লগতে প্লাষ্টীকৰ ব্ৰেকেট দিয়ে। যদি নাই, অন্য কিবাৰে মেৰিয়াই থওক।

দীৰ্ঘদিন ব্যৱহাৰ নকৰিলে, সম্পূৰ্ণ চাৰ্জ শেষ হোৱাৰ আগতেই বেটাৰী চাৰ্জ কৰিব লাগে।

২) কেমেৰা সদায় ধুলি-বালি আৰু আদ্ৰতা মুক্ত স্থানত ৰাখিব লাগে।

কেমেৰা সদায় বেগৰ ভিতৰত থোৱা উচিত।ধূলি-বালি কেমেৰাৰ বাবে অত্যন্ত ক্ষতিকাৰক বস্তু। এচ.এল.আৰ কেমেৰাবোৰত চেঞ্চৰ পৰিস্কাৰ কৰবৰ বাবে মেনেৰ পৰা কমাণ্ড দিয়াৰ ব্যৱস্থা থাকে। নিয়মিয়াকৈ চেঞ্চৰ পৰিস্কাৰ কৰা উচিত। কেতিয়াবা প্ৰয়োজন হ’লে লেঞ্চ খুলি পৰিস্কাৰ কাপোৰৰে লেঞ্চ পৰিস্কাৰ কৰি লোৱা ভাল। ইয়াৰ বাবে বিশেষ ধৰণৰ কাপোৰ কিনিবলৈ পোৱা যায়।

ইলেকট্ৰনিক যন্ত্ৰাংশ পৰিস্কাৰ কৰিবলৈ বজাৰত একধৰনৰ ক্লীনিংচেট পোৱা যায়। ব্ৰাছ, লিকুইড ইত্যাদিৰ এই চেট ব্যৱহাৰ কৰিব পাৰে। কম্পেক্ট কেমেৰাৰ অৱস্যে লেঞ্চ খুলিব নোৱাৰি।

৩)প্ৰতিবাৰ ব্যৱহাৰৰ কৰাৰ আগতে মেম’ৰীকাৰ্ড ফৰ্মেট কৰা উচিত:

পুৰ্বৰ ছবি সমুহ কপি কৰাৰ পাছত নতুন ছবি উঠোৱাৰ আগতে মেম’ৰীকাৰ্ড ফৰ্মেট কৰি লব লাগে। ইয়াৰ পৰা ফটো নষ্ট হোৱাৰ পৰা ৰক্ষা পৰিব পাৰি। কেমেৰাৰ মেম’ৰী কাৰ্ড কম্পিউটাৰত ফৰ্মেট নকৰি কেমেৰাৰ মেনুৰ পৰা ফৰ্মেট কমাণ্ড দিব লাগে।

৪)পানীৰ পৰা কেমেৰা দুৰত ৰাখিবঃ

ৱাটাৰপ্ৰুফ কেমেৰাৰ বাহিৰে সকলো কেমেৰা পানীত নষ্ট হয়। সেয়ে যদি আপোনাৰ কেমেৰা ৱাটাৰপ্ৰুফ নহয়, তেন্তে পানীৰ পৰা দূৰত ৰাখিব। আউটড’ৰ স্বুটিংৰ সময়ত ৱাটাৰপ্ৰুফ বেগ লগত নিবলৈ নাপাহৰিব। বৰষুণ হ’লে কেমেৰা সদায় বেগত ভৰাই থব লাগে।

৫)লেঞ্চ সাৱধানে ৰাখিব:

লেঞ্চ এখনক মানুহৰ চকুৰ লগত তুলনা কৰিব পাৰি।হাতৰে লেঞ্চ কেতিয়াও স্পৰ্শ নকৰিব।কাম শেষ হ’লেই নেঞ্চৰ ঢাকনী লগাবলৈ নাপাহৰিব।কেতিয়াবা কিবা দাগ দেখিলে কোমল কাপোৰৰে লাহে লাহে মচিব।

কেমেৰাৰ যিকোনো অংশ খোলা মেলা কৰোতে কেমেৰাৰ চুইচ অফ কৰি লব।উদাহৰন স্বৰূপে লেঞ্চ, মেমৰী কাৰ্ড বা বেটাৰী ইত্যাদি। SLR কেমেৰাৰ ক্ষেত্ৰত সঘনে লেঞ্চ খোলামেলা কৰি নথকাই ভাল।

৬)কেমেৰাৰ বেগ ব্যৱহাৰ:

আপোনাৰ কেমেৰা লগত নিশ্চয় এটা কেমেৰা-বেগ [Strap] দিছে। ডাঙৰ কেমেৰাৰ বাবে কান্ধত ওলোমাই ল’ব পৰা আৰু সৰু কেমেৰা হ’লে ককালত ল’ব পৰা। এই বেগ সদায় ব্যৱহাৰ কৰিব। নাই যদি এটা নতুন ভাল বেগ কিনি লওক।সদায় ভাল বেগ ব্যৱহাৰ কৰিব।কেমেৰাৰ বেগ সমুহৰ ভিতৰত কোমল পেড দিয়া থাকে বাবে আঘাট লাগিলেও কেমেৰা সহজে নষ্ট নহয় বা ই বহুদুৰ আঘাটৰ পৰা বছাব পাৰে।ইয়াৰ উপৰি কেমেৰা,লেঞ্চ, ফ্লাচ আদিৰ বাবে ধুনিয়াকৈ বেগৰ ভিতৰত ভাগ ভাগ কৰা থাকে বাবেবহু সুবিধা।

কেমেৰাৰ যত্ন লওক, ভাল ফটো উঠাওক।

ফটোগ্ৰাফীৰ অন্যান বিষয় জানিবলৈ তলৰ লিংক সমুহ ক্লীক কৰি চাওক:

ফটোগ্রাফী শিক্ষা--১
ফটোগ্রাফী শিক্ষা--২
ফটোগ্রাফী শিক্ষা--৩
ফটোগ্ৰাফী শিক্ষা- ৪ [চাটাৰ স্পিড]
ফটোগ্ৰাফী শিক্ষা ----৫ [ISO]
ভাল ফটোগ্ৰাফীৰ ১০টা টিপচ।

2013-11-26T17:29:00.004+05:30

জাহ্নৱী-অসমীয়া বানান পৰীক্ষক আৰু দ্ৰুত লিখন সঁজুলি।

জাহ্নৱী

ফটোগ্ৰাফী শিক্ষা

আমবাৰীৰ দূৰ্গা পুজা

বিহু নাচনী

অসমীয়া শুভেচ্ছ পত্ৰ[E-Greetingd]

মূৰ্চ্ছনা

অসমীয়া মডেল জগৎ

চাৰিআলি উ: মা: বিদ্যালয়

অসমীয়া বাতৰি কাকত আৰু টিভি চেনেলৰ ৱেব লিংক

ভাল ফটোগ্ৰাফীৰ ১০টা টিপচ।

2013-06-12T15:54:00.000+05:30

ফটোগ্ৰাফীত পাৰদৰ্শিতা অৰ্জনৰ বাবে বহু কথাই শিকিব লগা হয়।কিতাপ পঢ়ি, ইন্টাৰনেট, ভাল ফটোগ্ৰাফাৰৰ কৰ্ম চাইও বহু কথা শিকিব পাৰি।ফটোগ্ৰাফীত দক্ষতা অৰ্জন কৰাৰ কিছু টিপচ সম্পৰ্কে ইয়াত আলোচনা কৰিব ওলাইছো।এইবোৰ মোৰ মৌলিক লিখনি নহয় বা ফটোগ্ৰাফী সম্পৰ্কে জ্ঞাণ দিবলৈ মোৰ সাহসো নাই।ভিভিন্নজনৰ পৰামৰ্শ সমুহ মাত্ৰ মই গোটাই ৰাইজলৈ অসমীয়াত আগবঢ়াই দিছো।

১]নিজৰ দুৰ্বলতা বিচাৰি উলিয়াওক:

কি কি কামত আপুনি পাৰদৰ্শী নহয়, তাৰ এখন তালিকা প্ৰস্তুত কৰক।সেই কামবোৰ এটা এটাকৈ নিজৰ আয়ত্বলৈ আনিবলৈ চেষ্টা কৰক।এটা কামত পাৰদৰ্শী হৈ উঠিলে পৰৱৰ্তী কামটোৰ অভ্যাস কৰক।

২]ফটোতুলি অসন্তুষ্ট হ'লে ন'হব:

কোনো এখন ফটোতুলি ভাল ন’হলে তাক বাদ নিদিব।আৰু সময় দিব লাগিব ফটোখনৰ বাবে।বাৰে বাৰে আকৌ চেষ্টা কৰক ফটোখন তুলিবৰ বাবে।

৩]নিজে নিজে পৰীক্ষা নিৰীক্ষা চলাওক:

কোনো এটা বিষয়ৰ ফটো কিভাৱে তুলিলে ভাল হয় সেই সিদ্ধান্ত নিজে নিজে লোৱা আৰু সেই ধৰণৰ এটা পৰিৱেশ সৃষ্টি কৰাৰ চেষ্টা কৰিব লাগিব।

৪]নতুন নতুন বিষয়ৰ সন্ধান কৰক:

সকলো সময়তে নতুন বিষয়, প্ৰকৃতিৰ অনুসন্ধান চলাই যাব লাগিব।অনাবিস্কৃত সৌন্ধৰ্যৰ আবিস্কাৰ কৰিব লাগিব।

৫]ধৰ্য্য ধৰি, সময়লৈ ফটো তোলক:

ফটাফট ফটো তোলাৰ সলনি কিছু সময়লৈ ফটো তোলক।এখন ফটো এবাৰ নহয় কেইবা বাৰো তোলক। দেখিব আপুনি ভাল ফল লাভ কৰিছে।

৬]সৌন্ধৰ্য্যৰ সন্ধান কৰক:

অন্য কোনো ভাল ফটোগ্ৰাফাৰৰ কৰ্ম্ম, আলোচনী ইত্যাদিৰ পৰা ভিন্নধৰ্মী আইডিয়া আপোনাৰ মগজুলৈ আহিব পাৰে।যিবোৰ ভাল লাগে সেইবোৰ অনুসৰণ কৰক।নকল নহয়, জ্ঞাণ আহৰণৰ উদ্দ্যেশে এই কাম কৰক।

৭]বিশেষ বিশেষ আৰু বিখ্যাতলোকৰ ফটোৰ পৰা শিক্ষা লওক।

বিশ্বৰ বিখ্যাৎ ফটোগ্ৰাফাৰ সকলৰ কৰ্মৰ ধাৰা, নিজস্ব বৈশিষ্ট্যমণ্ডিত কৰ্মাৱলীৰ পৰা বহু কথা শিকিব পৰা যায়।মনতে ভাবিৱ লাগে যে, “ তেখেতে ইমান সুন্দৰ সুন্দৰ ফটো তুলিছে যেতিয়া, মই কিয় নোৱাৰিম?”

৮]বাৰে বাৰে ফটো তোলক:

আছলতে নিজৰ ভুলৰ পৰা আতাইতকৈ সোনকালে শিক্ষা লোৱা সম্ভৱ।সেইবাবে বাৰে বাৰে ফটো তুলি ফটোৰ কোনবোৰ অংশ বা বিষয় ভাল লগা নাই তাক বিশ্লেষণ কৰি উলিয়াই, আকৌ ফটো তোলোতে তোলোতে দেখিব আপুনি এদিন সচাকৈ এজন ভাল ফটোগ্ৰাফাৰ হৈ পৰিছে।

৯]ফটোগ্ৰাফী ত্যাগ নকৰিব:

আছল কথা হ’ল ফটোগ্ৰাফাৰ হ’বলৈ যঠেষ্ট সময়ৰ প্ৰয়োজন হয়।কিছুদিন চেষ্টা কৰাৰ পাছতেই ভাল ফটো তুলিব পৰানাই বুলি ফটোগ্ৰাফী ত্যাগ কৰিলে ন’হব।ধৰ্যধৰি নিয়মিত অনুশীলনী কৰাই সফলতাৰ চাবি-কাঠি।

১০]যদিহে আপুনি এজন নশিকাৰু তেন্তে আনক পৰামৰ্শ দিবলৈ নাযাব

যদিহে আপুনি এজন নশিকাৰু তেন্তে আনক পৰামৰ্শ দিবলৈ নাযাব।যদিহে আপুনি এজন প্ৰলেভেল ফটোগ্ৰাফাৰ, তেন্তে আপুনি আপোনাৰ বহুমূলীয়া অভিজ্ঞতা আনৰ লগত স্বেয়াৰ কৰক।যি আপোনাৰ সহায় বিচাৰে তেখেতক যি পাৰে সহায় কৰক।

জাহ্নৱী: অসমীয়া বানান পৰীক্ষক আৰু দ্ৰুত লিখন সঁজুলী।

http://jahnabi.org/

ফটোগ্ৰাফী শিক্ষা ----৫ [ISO]

2013-06-07T22:43:00.004+05:30

আই.এচ.অ’(ISO)

আই.এচ.অ’ হ’ল ফ্লীম বা চেঞ্চৰ কিমান আলোক সংবেদী বা Light Sensitive ।সাধাৰণতে আপোনাৰ মনত প্ৰশ্ন জাগ্ৰত হয় যে এটা কেমাৰাৰ ৰীল যদি বেছি আলোক সংবেদী হয় তেতিয়ানো কি হয়?উত্তৰটো হ’ল ই কম পোহৰতে পোহৰৰ লগত বিক্ৰিয়া ঘটাব পাৰে।

আৰু যদি কম আলোক সংবেদী হয় তেন্তে কি হ’ব?উত্তৰ হ’ল ইয়াত আলোক সংবেদন ঘটাবলৈ বহু বেছি পোহৰ, বেছি সময়ধৰি পেলাব লাগিব।

আশাকৰো সময় আৰু পৰিমান কিহৰ সহায়ত নিয়ন্ত্ৰন কৰা হয় সেই বিষয়ে আপোনালোক জ্ঞাত।

কোনোবা এজনে এই ‘আলোক সংবেদী’ বিষয়টো বুজাবলৈ এটা বৰ সুন্দৰ উপমা দিছিল।[কোনে দিছিল মই কিন্তু নামটো পাহৰিলো।]ধৰক আপুনাৰ কাষলটিৰ তলত আঙুলী সুমুৱাই আপোনাক কোনোবাই কুটকুটাই দিলে।আপুনি এতিয়া হাঁহিত থাকিব পৰা নাই।এতিয়া ধৰক আপুনি এটা গঁড় [বা মন্ত্ৰী হ’লেও চলে J]ক কুটকুটাই দিলে, কিন্তু গঁড়ৰৰ কোনো খা-খবৰেই নাই। গঁড়ৰ ডাঠ চালৰ বাবে একো অনুভৱেই নকৰে।এতিয়া আমি ক’ব পাৰো আপুনি বেছি ‘কুটকুটনি’ সংবেদী কিন্তু গঁড় বহু কম ‘কুটকুটনি’ সংবেদী।

যি নহওক,আকৌ আই.এচ.অ’লৈ ঘুৰি আহো।ফ্লীম কেমেৰাৰ ক্ষেত্ৰত, চাটাৰস্পীড আৰু এপাৰেচাৰ কেমেৰাৰ সম্পত্তি হলেও আই.এচ.অ’ কিন্তু কেমেৰাৰ ৰীল অৰ্থাৎ ফ্লীমৰ সম্পত্তি।ৰীল এটা কিনাৰ সময়ত নিশ্বয় শুনিছে ১০০পাৱাৰৰ ৰীল, ২০০ পাৱাৰৰ ৰীল।ৰীলৰ ওপৰতে এইটো লিখা থাকে।ডিজিটেল কেমেৰাৰ ক্ষেত্ৰতো একেই কথা, মাত্ৰ ৰীলৰ সহানত কেমেৰাৰ চেঞ্চৰ।এই ১০০ বা ২০০ হ’ল সেই ৰীলটোৰ আই.এচ.অ’।আই.এচ.অ’ৰ মান হ’ব পাৰে ধৰক এনে ধৰণৰ: ১০০,২০০,৪০০,৮০০.১৬০০... ইত্যাদি।মন কৰিব চাটাৰ স্পীড আৰু এপাৰেচাৰৰ দৰে দুগুণ হোৱাৰ কথাটো ইয়াতো আছে।

আই.এচ.অ’ ১০০ মানে কম আলোক সংবেদী আৰু ৮০০ মানে বেছি আলোক সংবেদী। য’ত বেছি পোহৰ থাকে[ধৰক, বিয়াঘৰ বা দিনত ৰ’দৰ পোহৰত]তাত আমাৰ বেছি আলোক সংবেদনৰ প্ৰয়োজন নাই।গতিকে আই.এচ.অ’ ১০০ বা ২০০ ব্যৱহাৰ কৰো।আকৌ ধৰক ৰাতিৰ অন্ধকাৰত জ্বলিথকা মম এডালৰ ফটো উঠাবলৈ ৮০০ বা ১৬০০ আই.এচ.অ’ৰ প্ৰয়োজন হয়।

আই.এচ.অ’ বঢ়োৱাৰ অসুবিধাও আছে।ঝামেলাটো হ’ল আই.এচ.অ’ যিমান বঢ়োৱা হয় ফটোত gain বা noise বেছি অহিব।গতিকে অই.এচ.অ’ বঢ়োৱাৰ ক্ষেত্ৰত কিছু সাৱধান.... !!

আজিলৈ ইমানতে সামৰিলো।মোৰ আগৰ প’ষ্ট সমুহ পঢ়ি যি সকলে ভাল পোৱা বুলি জনাইছিল, তেখেত সকলৰ অনুপ্ৰেৰণাতে এই লিখনি লিখিবলৈ সাহস পালো।

বি:দ্ৰ:এই প’ষ্ট মোৰ মৌলিক লিখনিৰ নহয়।ইন্টাৰনেটৰ পৰা সংগ্ৰহৃত তথ্যৰ অনুবাদহে।

সকলোলৈকে ধন্যবাদ।

হেপ্পী ফটোগ্ৰাফি।

ফটোগ্ৰাফী বিষয়ৰ অন্য প'ষ্ট সমুহঃ

ফটোগ্ৰাফী শিক্ষা- ৪ [চাটাৰ স্পিড]

2013-05-31T09:08:00.001+05:30

চাটাৰ স্পিড(Shutter Speed)

আজি ক’বলৈ ওলাইছো চাটাৰ স্পিডৰ বিষয়ে।ইতিমধ্যে আগৰ প’ষ্টত উল্লেখ কৰিছোৱেই যে কেমেৰাৰ পোহৰ নিয়ন্ত্ৰন কৰা সমলৰ ভিতৰত অন্যতম হ’ল “চাটাৰ স্পিড”।

চাটাৰ স্পিড কি ?

সহজ ভাষাত, আপোনাৰ ঘৰত খিৰীকি আছে নহয় ?সেই খিৰিকিত পৰ্দা আছে নিশ্চয়।এপাৰেচাৰ যদি খিৰিকিৰ চাইজ হয়, তেন্তে চাটাৰ হ’ল এই খিৰিকিখনৰ পৰ্দা।এতিয়া কেমেৰাৰ লেঞ্চৰ ভিতৰেদি পোহৰ আহি এপাৰেচাৰৰ মাজেদি পাৰহৈ গৈ এই পোহৰ কেমেৰাৰ ভিতৰত কিমান সময় থাকিব তাক নিয়ন্ত্ৰন কৰে এই চাটাৰ স্পিডে।এইটো কথা সকলোৱে বুজি পাই নিশ্চয় যে খিৰিকিৰ পৰ্দাখন অলপ সময় ডাঙি থলে কম সময়ৰ বাবে পোহৰ কোঠাৰ ভিতৰলৈ আহিব।অন্যহাতে যদি কোঠাৰ পৰ্দাখন দিনটো ডাঙি থৈদিয়া যায়, তেন্তে দিনতো পোহৰ কোঠাৰ ভিতৰত প্ৰৱেশ কৰিব, অৰ্থাৎ বেছি সময়ধৰি পোহৰ সোমাব।উদাহৰণটো ঠিক দিছোনে ? J

:চাটাৰ স্পিডৰ একক:

চাটাৰ স্পিডৰ একক হ’ল চেকেন্ড। যদি চাটাৰ স্পিড ¼ sec বুলি কওঁ তেন্তে বুজিব লাগিব পোহৰ একচেকেণ্ডৰ চাৰি ভাগৰ এভাগ সময় কেমেৰাৰ চেঞ্চৰ বা ৰীলৰ ওপৰত পৰিব।যদি চাটাৰ স্পিড 1/60 sec বুলি কওঁ তেন্তে বুজিব লাগিব পোহৰ চেঞ্চৰ বা ৰীলৰ ওপৰত এক চেকেণ্ডৰ ষাঠি ভাগৰ এভাগ সময় পৰিব।

একোটা কেমেৰাৰ চাটাৰ স্পিডবোৰ সাধাৰনতে তলত দিয়া ধৰনৰঃ

1/8000 s
1/4000 s
1/2000 s
1/1000 s
1/500 s
1/250 s
1/125 s
1/60 s
1/30 s
1/15 s
1/8 s
1/4 s
1/2 s
1 s
2 s
4 s
8 s
B – এইটোৰ অৰ্থ বাল্ব।এইটো চিলেক্ট কৰিলে, যিমান সময় ক্লীক বুটাম টিপি ৰখা হ’ব সিমান সময় চাটাৰ বন্ধ নহয়।

ওপৰৰ কথাটোত অকনমান মন কৰিলে দেখিব ওপৰলৈ বা তললৈ যাওতে চাটাৰ স্পিড হয় দুগুণ হৈছে অথবা আধা হৈছে।যেনে ১/২ চেকেণ্ডৰ পৰা বাঢ়িলে হয় ১ আৰু কমিলে হয় ১/৪ । এই আধা হোৱা বা দুগুণহোৱা খেলাটো এপাৰেচাৰতো আহে। J J J ভালকৈ মনত পেলাওক।আকৌ যেতিয়া ISO ৰ বিষয়ে ক’ম তেতিয়া দেখিব তাতো সেই একেই খেলা। J L

চাটাৰ স্পিড কম বা বেছি কৰি ফটোত বহু খেলা কৰিব পাৰি।ধৰক গুৱাহাটি চহৰৰ ব্যস্ত ৰাস্তা এটাৰ ফটো যদি আপুনি শ্ল-চাটাৰ স্পিডত তোলে তেন্তে গাড়ীবিলাকৰ হে’ড লাইট আৰু বেকলাইটৰ এটা দীঘল বগা আৰু ৰঙা ৰঙৰ ৰেখাৰ দৰে সৃষ্টি হৈছে।[এনে বহু সুন্দৰ ছবি মোৰ বন্ধু বিক্ৰমজিৎ ৰ Profile প্ৰফাইলত চাবলৈ পাব। মই নিজে আজিলৈ তেনে এখন ভাল ফটো উঠাব পৰা নাইLL।বিক্ৰমজিৎ কাকতিৰ ফটো চাওক:]
আকৌ যদি চাটাৰ স্পিড বঢ়াই ,ধৰক 1/200 sec ত কোনো জলপ্ৰপাতৰ ফটো উঠাও তেন্তে তাৰ বৈ অহা পানীখিনি বৰফ যেন দেখা যাব। ধৰক এনেধৰণৰঃ

[কেমেৰাটোলৈ জলপ্ৰপাতৰ ওছৰ নাপালোগৈ। গতিকে নদীৰ বুকুত বঠাৰ চাবৰ ফটোকে দিলো। উপাই নাই। কেৰ্কেটুৱাৰ বাঁহপাতেই ভেটি । :)]
তেতিয়া হ’লে এতিয়ালৈকে আমি গমপালো যে এপাৰেচাৰৰ সহায়ত পোহৰৰ পৰিমান নিয়ন্ত্ৰন কৰা হয়, আৰু এই পোহৰ কিমান সময় চেঞ্চৰ বা ৰীলৰ ওপৰত পৰিব সেইটো নিয়ন্ত্ৰন কৰা হয় চাটাৰ স্পিড কন্ট্ৰল কৰি।

অহা প’ষ্টত ISO সম্পৰ্কে লিখিম বুলি আশা ৰাখিলো।

পুৰণা প'ষ্ট চাবলৈ লিংক:

।হেপ্পী ফটোগ্ৰাফী।

ফটোগ্ৰাফী শিক্ষা-৩ [এপাৰেচাৰ]

2013-05-29T23:34:00.005+05:30

Aperature

ইয়াৰ আগৰ প’ষ্টত এক্সপ’জাৰ কি সেই বিষয়ে উল্লেখ কৰিছিলো।এক্সপ’জাৰ নিয়ন্ত্ৰন কৰা হয় তিনিটা বস্তুৰ সহায়ত: এপাৰেচাৰ(Aperature),চাটাৰ স্পীড(Shutter Speed) আৰু আই.এচ.অ’(ISO)। এই তিনিটাৰ মাজৰ 'এপাৰেচাৰ'ৰ বিষয়ে আজি ক’বলৈ ওলাইছো।

এপাৰেচাৰ(Aperture)

এপাৰেচাৰৰ অসমীয়া প্ৰতিশব্দ কি হ’ব নাজানো।গতিকে এই লিখনিত এপাৰেচাৰ বুলিয়েই ব্যৱহাৰ কৰিম। ঠিক আছে ? এপাৰেচাৰ মানে ধৰক ফুটা।কেমেৰাৰ লেঞ্চখনৰ ঠিক কাষতে থাকে কিছুমান অইনাৰ যন্ত্ৰপাতি(Glass Elements)।তাৰ ঠিক পিছতেই থাকে ‘এপাৰেচাৰ’।এপাৰেচাৰ যিমান ডাঙৰ হ’ব মানে ফুটাটো যিমান ডাঙৰ হ’ব, কেমেৰাৰ ভিতৰত সিমানেই বেছি পোহৰ সোমাব।আৰু এপাৰেচাৰ সৰু হ’লে পোহৰ কম সোমাব।অৰ্থাৎ কেমাৰাৰ ভিতৰত কিমান পৰিমানৰ পোহৰ সোমাব তাক নিয়ন্ত্ৰন কৰিব পাৰো এই ‘এপাৰেচাৰ’ৰ সহায়ত।

কিন্তু মনকৰিব লগা কথা যে কেমেৰাবোৰত এটা গণ্ডগোলীয়া কথা আছে।জমনি কথাটো হ’ল, এপাৰেচাৰ বুজাবলৈ যি Value বা সংখ্যা কেমেৰা বোৰত দিয়া থাকে, তাৰ লগত ফুটাৰ আকাৰৰ সম্পৰ্ক সম্পূৰ্ণ ওলোটা।মানে এপাৰেচাৰৰ সংখ্যা যিমান বঢ়োৱা হ’ব ফুটাৰ আকাৰ সিমান সৰু হ’য় আৰু এপাৰেচাৰৰ সংখ্যা যিমান সৰু হ’ব, ফুটাৰ আকাৰ সিমান ডাঙৰ হয়। জমনী নহয়নে ?

এপাৰেচাৰ কম বা বেছি কৰি ফটোত বহু খেলা কৰিব পৰা যায়।যিটোক কোৱা হয় “ডেপথ্‌ অফ ফিল্ড” (Depth of Field)। চমুকৈ যাক কোৱা হয় DOF।আজি অৱশ্যে DOF ৰ বিষয়ে বাখ্যা নকৰো।পৰৱৰ্তী প’ষ্টত কেতিয়াবা এই বিষয়ে ক’ম।

এইখিনিতে এজন বিখ্যাত ফটোগ্ৰাফাৰৰ উক্তি উল্লেখ কৰা ভাল হ’ব।তেখেতে কৈছে: “এটা সহজ উদাহৰণ দিও।ধৰক আপোনাক এটি সুক্ষ্ম বস্তু আঁকিবলৈ দিয়া হৈছে।আপোনাৰ সন্মুখত মোটা আৰু মিহি দুইবিধ তুলিকা আছে।আপুনি বস্তুটো অঁকাৰ সময়ত কোনবিধ তুলিকা ব্যৱহাৰ কৰিব ? নিশ্চয় মিহিডাল।কিয়নো মোটা তুলিকাৰে আঁকিলে ৱংবোৰ বিয়পি যাব, সুক্ষ্মভাৰে ছবিখন অঁকা সম্ভব নহব।গতিকে কোনো ফটোৰ চাৰ্পনেচ বা তিক্ষ্ণতাৰ বাবে ফুটাটো যিমান সৰু হব পোহৰ সিমান তিক্ষ্ণ হব আৰু ফটো সিমান সুক্ষ্ম হব।“

এপাৰেচাৰৰ সুচক হ’ল f. বহু সময়ত f.ৰ পিছত /চিহ্নও দিয়া থাকে।আকৌ মনত পেলাই দিছো f যিমান সৰু হয় ফুটা সিমান ডাঙৰহয়।f.ৰ ভেলু কি কি হয় লগত দিয়া ফটোখনৰ পৰা নিশ্বয় অনুমান কৰিব পাৰিব।

আজিলৈ ইমানতে সামৰিলো। পৰৱৰ্তী প’ষ্টত নতুন কিছু আলোচনাৰ আশাৰে “হেপ্পী ফটোগ্ৰাফী”।

পুৰণা প'ষ্টৰ লিংক:

ফটোগ্ৰাফীৰ প্ৰথম কথাঃ

2013-05-29T00:26:00.001+05:30

ফটোগ্ৰাফীৰ প্ৰথম কথা হ’ল নিয়ম ভঙা।কিন্তু এটা প্ৰচলিত নিয়ম ভাঙি তাৰ স্থানত এক নতুন নিয়ম প্ৰৱৰ্তন কৰাৰ আগতে আমি জানিব লাগিব নিয়মটোনো কি।নহলে নিয়ম ভঙ্গ কৰাটো থিক যুক্তিপূৰ্ণ নহবL।

এই লিখনিৰ উদ্দেশ্য কিন্তু সেইটোৱেই।যি সকলে ফটো তুলি মনৰ ভিতৰত এক অনাবিল আনন্দ উপভোগ কৰে সেই সকলে আৰু কেনেকৈ এই আনন্দ বৃদ্ধি কৰিব পাৰে তাৰেই কৌশল কিছুমানৰ লগত পৰিচয় কৰি দিয়া।আপাতত আপোনাৰ হাতত কেমেৰা আছে নে নাই সেই বিষয়ে চিন্তা নকৰিব। বৰ্তমান যিখিনি কথা কবলৈ ওলাইছো সেইখিনি বুজিবলৈ জীৱনত কোনোদিন কেমেৰা নেদেখিলেও হ’ব।কেমেৰা নাথাকিলেও আপুনি এইখিনি কথা বুজি পাব। তেন্তে আহক আমি কেমেৰাৰ বা ফটোগ্ৰাফীৰ নিয়মৰ জগতত ভৰি দিও।

এক্সপ’জাৰ (Exposure)

ফটোগ্ৰাফীৰ জীৱনত প্ৰথম আৰু শেষ পৰ্য়ন্ত এই শব্দটো আপুনি অসংখ্যবাৰ শুণিব লাগিব। ফটো কি ? ই হ’ল এটা পোহৰৰ খেল। সেয়ে আমি ইয়াক অসমীয়াত নাম দিছো বা সততে ব্যৱহাৰ কৰো “আলোকচিত্ৰ” বুলি।পুৰণিদিনত যেতিয়া ফ্লীমকেমেৰা আছিল তেতিয়া পদ্ধতিটো আছিল এনেধৰণৰ, পোহৰ যেতিয়া বিষয়বস্তুৰ ওপৰত পৰি প্ৰতিফলিতহৈ ফ্লিমৰ অৰ্থাৎ ৰীলৰ ইমালচনৰ ওপৰত পৰে আৰু তেতিয়া তাৰ ওপৰত ‘আলোক সংবেদী এটা বিক্ৰিয়া ঘটে। আৰু ইয়াৰ ফলত যিটো উৎপন্ন হয় তাক আমি ফটো বুলি কওঁ।আৰু ৰীলটো পোহৰৰ সংস্পৰ্শত অহাটোক আমি কওঁ ‘ৰীলটো পোহৰত এক্সপ’জ হ’ল’।

ডিজিটেল কেমেৰাত যিহেতু ফ্লীম অৰ্থাৎ ৰীলৰ ব্যৱস্থা নাই, সেই কাৰণে ইয়াত এক্সপ’জাৰ হোৱাৰ অৰ্থ হ’ল কেমেৰাৰ চেঞ্চৰৰ ওপৰত পোহৰ পৰা।এই কেমেৰাৰ চেঞ্চৰ বা ৰীলৰ ওপৰত পোহৰপৰাটো যদি ‘এক্সপ’জাৰ’ বুলি কওঁ তেন্তে এই পোহৰ বা আলোক নিয়ন্ত্ৰন কৰাৰ কাইদাটোৱেই হ’ব “এক্সপ’জাৰ কণ্ট্ৰল”।পোহৰ যদি বেছি পৰে তেন্তে ‘অভাৰ এক্সপ’জা’ আৰু প্ৰয়োজনতকৈ কম পৰিলে ‘আণ্ডাৰ এক্সপ’জাৰ’।

ফটোএখন অভাৰ এক্সপ’জাৰ হ’লে ফটোখন বগা বগা বা ধোৱাকোঁৱা দেখো আৰু আণ্ডাৰ-এক্সপ’জাৰ হ’লে আন্ধাৰ মুন্ধাৰ দেখো।

এক্সপ’জাৰ কন্ট্ৰল কৰা হয় তিনিটা বস্তুৰ সহায়ত। সেইকেইটা হ’ল:এপাৰেচাৰ(Aperture), চাটাৰ স্পিড(Shutter Speed) আৰু আই.এচ.অ (ISO)

আজিলৈ ইমানতে এৰিলো।পৰৱৰ্তী প’ষ্টত এই তিনিটা বিষয় বস্তুৰ ওপৰত আলোচনা কৰা হব।

ধন্যবাদ।
পুৰণা প'ষ্ট চাবলৈ ক্লীক তলৰ লিংকত কৰক

দেশী ৱাল-পেপাৰ

2013-05-26T10:32:00.000+05:30

ইয়াত কেইখনমান অসমীয়া মডেলৰ ৱাল-পেপাৰ আপল'ড কৰা হ'ল। আপোনালোকৰ কম্পিউটাৰত ৱাল-পেপাৰ হিছাপে ব্যৱহাৰ কৰিব পাৰে।ই সম্পুৰ্ণ বিনামুলীয়া। :)

হাতৰ সুচল

2013-05-26T09:30:00.000+05:30

ইয়াত পেলনীয়া বস্তু পুনঃ ব্যৱহাৰ সম্পৰ্কে কিছুমান সুচল[Tips] দিয়া হৈছে।ৰাইজে চাই/ব্যৱহাৰ কৰি মতামত জনাব।তথ্য সমুহ ইণ্টাৰনেটৰ পৰা সংগ্ৰহ কৰি অসমীয়ালৈ অনুবাদ কৰা হৈছে :

ওপৰত পেলনীয়া মিনাৰেল ৱাটাৰ বটলৰ পৰা, পলিথিন কেৰীবেগৰ সহায়ত কেনেকৈ এয়াৰটাইট বেগ বনাব পাৰি দেখুৱা হ'ল।

মেক্ৰ ফটোগ্ৰাফী Macro Photography

2012-09-04T18:12:00.001+05:30

পূর্ণগ্রাস চন্দ্র-গ্রহণ_বিশ্বনাথ চাৰিআলি।১০ ডিচেম্বৰ ২০১১ চন।

2011-12-11T17:16:00.000+05:30

বিশ্বনাথ ঘাট

2011-12-08T13:00:00.000+05:30