Portali shqiptar i medias, Albanian media portal:

Flet Ben Blushi - “Rama të pranojë humbjen,projekti i tij ka dështuar”

2009-07-18T00:57:00.000-07:00

Ben Blushi thyen heshtjen dhe flet hapur. “Rama duhet të pranojë humbjen, zgjedhjet janë humbur nga kauza e gabuar dhe politika e personalizimit të një beteje të përbashkët”. Kështu është shprehur Blushi në një intervistë ekskluzive për “Panorama”. Për herë të parë një eksponent i PS-së pranon se nuk mund të fajësohen komisionerët socialistë për humbjen, por mungesa e programit që PS-ja nuk e kishte në këto zgjedhje. Blushi shton se tanimë nuk flitet për karrierën e secilit, por për fatin e opozitës, e cila duhet të priret nga e vërteta dhe jo mohimi i saj.
Z.Blushi, PS-ja ka nisur një fushatë kontestimesh të zgjedhjeve duke kërkuar rinumërim të votave në Berat, Tiranë dhe Shkodër, ndërsa kryetari Rama ka paralajmëruar publikisht se nuk do t’i njohë zgjedhjet dhe Parlamentin e ri. Cili është qëndrimi juaj për atë çfarë po ndodh tani me PS-në?
Edi Rama duhet të pranojë humbjen dhe t’iu shpjegojë socialistëve se si ka mundësi që nuk solli në pushtet partinë më të madhe në Shqipëri. Çdo përpjekje për të nxjerrë opozitën jashtë Parlamentit do të ishte një vetëvrasje për PS-në, e cila nuk mund të kthehet në pushtet duke imituar PD-në dhe Sali Berishën e vitit 2000. Filozofia e kryetarit të PS-së ka dështuar dhe për këtë nuk mund të fajësohet PS-ja dhe aq më pak komisionerët në të gjithë Shqipërinë. Këto zgjedhje nuk i kanë humbur komisionerët, siç po interpretohet paturpësisht, por kauza e gabuar dhe politika e personalizimit të një beteje të përbashkët. Ajo që po ndodh pas 28 qershorit në PS është një nga aktet më të shëmtuara në historinë e kësaj partie.
A keni komunikuar ju pas zgjedhjeve me z.Rama dhe a i keni kërkuar atij të pranojë humbjen dhe rrjedhimisht të pranojë pasojat siç është e shkruar dhe në statutin e PS-së, pra largimi i tij nga drejtimi i PS-së?
I kam kërkuar Edi Ramës të pranojë humbjen dhe po pres që kjo të kryhet me dinjitet, sepse tanimë nuk bëhet fjalë për karrierën e secilit prej nesh, por për fatin e opozitës, e cila duhet të konsiderohet si garant e lirisë në çdo vend demokratik, prandaj opozita duhet të priret nga e vërteta dhe jo nga mohimi i saj për qëllime meskine. Në këtë humbje ne të gjithë kemi përgjegjësitë tona, sepse kemi heshtur kur duhej të flisnim dhe kemi folur kur duhej të heshtnim, por unë nuk mund të pajtohem me Edi Ramën, që thotë se “tani që partia humbi, unë jam më i fortë se kurrë”. Po pres mbledhjen e forumeve të partisë për të dëgjuar të vërtetën e kolegëve dhe të miqve të tjerë dhe për të thënë dhe unë të vërtetën time.
Si do t’iu përgjigjeshit ju mbështetësve të z.Rama në PS, të cilët argumentojnë se nuk mund të flitet për dorëheqjen e z.Rama, pasi PS-ja ka marrë më tepër vota se në 2005 dhe rezulton partia më e votuar nga zgjedhjet e 28 qershorit?
Zgjedhjet e 28 qershorit ishin zgjedhje të përgjithshme, për të cilat çdo parti përgatitet në katër vjet dhe ato nuk mund të trajtohen si zgjedhje të pjesshme ose lokale, sepse tani kemi humbur Shqipërinë dhe jo Kasharin. Prandaj duhet t’i drejtohemi Shqipërisë duke shmangur kasharizimin e PS-së. Me kasharizim kuptoj faktin që zgjedhjet fitohen në radhë të parë me programe dhe pastaj me komisionerë. Partia Socialiste priste në këto zgjedhje një program që mblidhte vota dhe tani nuk mund të fajësohen komisionerët që nuk administruan dot votat që duhet t’i mblidhte një program që nuk e kishim. Ky është kasharizmi, kundër të cilit do jem gjithmonë për shkaqe lirie. Kasharizim do të thotë ta trajtosh humbjen si fitore dhe unë jam kundër kësaj për shkak të parimeve. Kasharizim do të thotë ta trajtosh humbjen si një ditë të zakonshme dhe unë do të jem kundër kësaj për shkak të PS-së.

Rama në fitoren e Vlorës me kryebashkiakët e PS-së

Kryesocialisti Edi Rama ishte dje i pranishëm në tribunën VIP të stadiumit “Flamurtari” të Vlorës në ndeshjen ndërkombëtare për “Europa League” me skuadrën skoceze të Madhëruellit. Rama ka qenë në krah të kryetarit të Bashkisë së Vlorës, Shpëtim Gjika, i cili e kishte ftuar të shijonin bashkë ekipin që qyteti bregdetar kishte përgatitur për këtë sezon. Kryetari i Bashkisë Tiranë dhe njëkohësisht kryesocialisti ka marrë pjesë në festën e vlonjatëve për shkak të fitores që ky ekip arriti dje. Në tribunën VIP ishin prezentë dhe kryetari i Bashkisë së Elbasanit Qazim Sejdini dhe kryetari i Bashkisë Lushnje, Albert Sanxhaku, të dy si presidentë të ekipeve respektive të futbollit, Elbasanit dhe Lushnjës. Mësohet se para ndeshjes, Gjika ka shtruar dhe një drekë për Ramën dhe kolegët e tij bashkiakë.

Carlo Santana, sot koncert në skenën e Shkupit

2009-07-12T03:49:00.000-07:00

Çmendin Athinën, Beogradin e Shkupin, por jo Tiranën. Kalojnë kaq pranë nesh, por pa na prekur. Sot në stadiumin e Shkupit, kitaristi Carlo Santana jep një koncert live. Një rast i jashtëzakonshëm, i cili prej muajsh pritet jo vetëm në Maqedoni, por edhe në vendet e tjera fqinje. Madje posterat e koncertit të tij të sotshëm, i gjen edhe në qendër të Tiranës. Organizatorët e koncerti presin që shumë adhurues nga Shqipëria të kitaristit të jenë sot në Shkup. Dhe kjo për shkak të lehtësirave në qarkullimin mes dy vendeve, pa pasur nevojën e vizave, për të kaluar kufijtë. Ndërkaq, ardhja e artistëve të nivelit të tillë në Shqipëri, duket mollë e ndaluar, për shkak të spektatorit të pakët dhe mungesës së tregut muzikor.
Mësohet se Carlos Santana mbërrin sot në Shkup nga Athina, ku ka pasur edhe një koncert në stadiumin Olimpik dhe u ndoq nga 20 mijë vetë. Sipas organizatorëve të koncertit, Santana ka paralajmëruar të performojë në Shkup rreth 120 minuta, por edhe më shumë. Ai do të luajë në skenë hitet më të mira të karrierës së tij 40- vjeçare. Kitaristi do të jetë i shoqëruar nga 30 persona të stafit të ngushtë. Në grupin që mban emrin e tij, bëjnë pjesë virtuozë të muzikës si Chester Thompson, Denis Chambers, Karl Perrazo, Bill Ortiz, Jeff Cressman, Tommy Anthony, Tony Lindsay, Rul Rekoë, Benny Rietveld, Tommy Anthony, etj., por nuk do të mungojnë edhe balerinat latino-amerikane. Në një konferencë për shtyp të mbajtur në Shkup, Drejtori i Produksionit "Avalon", që mundësoi koncertin, Boban Millosheski është shprehur se pritet që në shkallët e stadiumit do të jenë mbi 1500 kosovarë. E njëjta pjesëmarrje është parë edhe në koncertin e Lenny Kravitz. "Presim të kemi mbi 15 mijë adhurues të Santanas në Stadiumin e Qytetit, në Shkup. Ky do të jetë koncerti më spektakolar që është organizuar ndonjëherë në Maqedoni", - ka thënë Millosheski. Për fansat shqiptarë nga Kosova dhe Shqipëria është organizuar një "after party" në klubin "Kapan An" në Çarshinë e Vjetër, ku do të performojë një nga grupet më të mira në rajon, "Lilit VS Amon Mra". Rrugëtimi evropian i Santanës nisi në muajin prill në Bukuresht, për të vijuar më tej në Stamboll e Athinë. Pas Shkupit do të vijojë në Beograd, ku pritet të ndiqet nga 30 mijë spektatorë, në Kroaci, Itali, Austri, Gjermani.

Kitaristi
Në karrierën e tij të gjatë, kitaristi Carlo Santana ka shitur më shumë se 90 milionë albume dhe ka luajtur për më shumë se 100 milionë njerëz përreth botës. Është nderuar me 10 çmime Grammys dhe 3 çmime Latin Grammys. Është anëtar i "ROCK & ROLL HALL OF FAME" dhe renditet i 15-i më listën e përjetshme "100 kitaristët më të mëdhenj të botës". Ka bashkëpunuar me të gjithë emrat më të mëdhenj të muzikës xhaz, rrok, bluz, latinë dhe pop. Janë pa fund albumet që ka nxjerrë bashkë me grupin që mban emrin e tij "Santana", por ndër këngët, apo singëllat më të njohur të tij janë "Black Magic Woman", "Maria, Maria", "Smooth", "The Game of Love", "Just Feel Better", etj.

Pse jo në Shqipëri
Organizatorët e koncerteve të mëdha në Shqipëri, do ta kishin zili një ngjarje të tillë. Vitet e fundit edhe Shqipëria u rendit më në fund në kalendarët e muzikantëve të njohur botërorë, por Carlo Santana është një mit dhe ardhja e tij këtu, është gati ëndërr. Agjentët shqiptarë janë të ndërgjegjshëm që një gjë e tillë është e pamundur, pasi biletat e shitura nuk do të justifikonin asnjëherë koston e ardhjes së muzikantit, që do të thotë "rrënim" për ta. Por nga ana tjetër, Shqipëria nuk përbën treg muzikor për këngëtarët e huaj, të cilët i shfrytëzojnë koncertet për të shitur albumet e tyre. Tregu muzikor në Shqipëri nuk ekziston. Kjo është arsyeja pse Cravitz, apo Santana i kalojnë vetëm pranë Shqipërisë.
burimi i marre nga panorama.com.al

Policia: Michael mund të jetë vrarë

2009-07-12T01:29:00.000-07:00

Hetimet mbi vdekjen e Michael Jackson kanë çuar policinë e Los Angelesit të mos përjashtojë tezën e vrasjes. Në një deklaratë për CNN shefi i policisë Uilliam Bratton tha se një akuzë për vrasje mund të ngrihet ndaj mjekëve që e kanë kuruar. Hetimet janë përqendruar në ilaçet që merrte Mbreti i popit.
burimi nga tvklan.tv

Bojken Lako, martohet me dentisten e tij me 27 shtator

2009-07-11T12:38:00.000-07:00

Prej tre vitesh përjeton një histori dashurie të cilën ka vendosur ta kurorëzojë në martesë pikërisht në datën 27 Shtator. E ndërsa data po afron, ai ndihet gjithmonë e më i preokupuar, më në ankth dhe emocion që çdo gjë që ka planifikuar të realizohet, të bëhet ashtu siç është menduar. Dhe padyshim gjithçka lidhet me ceremoninë e martesës e cila është vendosur nga çifti të zhvillohet në mbrëmje tek hotel Tirana.

Ceremonia
Bojken Lako për pak ditë do të finalizojë dashurinë e tij me Olesian, një vajzë simpatike që i ka fituar zemrën që në hapat e parë që është njohur. Ceremonia do të jetë e thjeshtë në të cilën do të përfshihet celebrimi që zhvillohet nga bashkia, me përfaqësuesit e saj përkatës. Pas këtij ‘rituali’ që do të zhvillohet në praninë e njerëzve më të afërt të çiftit. Më pas një party e madhe nën shoqërinë e miqve dhe familjarëve. Nuk do të mungojnë këtu muzikantë të mirënjohur, të cilët përbëjnë edhe pjesën më të madhe të shoqërisë së Bojkenit. Përsa i përket kolegëve të artistit, ata përbëhen nga një staf madhështor me të cilët Bojkeni do të festojë ditën e dasmës së tij. Këta të fundit shprehen mjaft entuziast dhe ditën e dasmës e presin me padurim për të festuar pranë mikut të tyre. Një ndër mikeshat më të mira të Bojkenit e cila tregohet vërtet e kënaqur për ditën e dasmës dhe zhvillimin e ceremonisë është edhe prezantuesja e mirënjohur e shumë programeve në televizionin “Top Channel”, Arbana Osmani. Pikërisht i fejuari i Arbanës është edhe një prej miqve më të mirë të Bojkenit ku ky i fundit lehtësisht mund të quhet edhe si kumbari i dashurisë së tyre.

Lidhja
Dashuria mes Bojkenit dhe Olesias ka nisur që në fillim për mbarë. Njohja mes tyre mund të cilësohet fare mirë si një rastësi ku çifti fitoi vëmendjen e njëri-tjetrit. Mbrëmjen e 14 shkurtit ata janë shfaqur për herë të parë së bashku më afër se kurrë në ambientet e “Loli pop”, ku ndonëse në prani të kolegëve të Bojkenit nuk i kanë kursyer as puthjet. Në ato momente u mësua dhe se dashuria mes Olesias dhe Bojkenit kishte nisur pak kohë më parë ku vetë çifti pohoi se ishin njohur rastësisht në një festë ditëlindje. E ndërsa pas kësaj ditë frekuentoheshin gjithmonë e më shpesh, shfaqjet e tyre në publik filluan të ishin gjithmonë e më të shumta. Gati në çdo festë apo aktivitet që zhvillohej Bojkeni shfaqej me Olesian duke tërhequr në këtë mënyrë vëmendjen jo vetëm të gazetarëve dhe medias, por edhe të paparacëve të shumtë të cilët çdoherë ishin në ‘peshkim’ të ndonjë situatë ku çifti tregohej në ndonjë situatë sensuale. Olesia është stomatologe dhe ushtron profesionin e saj në një klinikë private pranë rrugës “Myslym Shyri”. Ajo është shumë e dhënë pas Bojkenit dhe marrëdhënia e tyre mund të cilësohet si mjaft e veçantë. Shpesh herë ajo shihet teksa udhëton me makinë bashkë me prindërit e Bojkenit për të kaluar një pasdite të këndshme në ndonjë prej kafeneve në kryeqytet.
Bojkeni nuk dëshiron të flasë shumë për veten, asnjëherë nuk ka dashur ta bëjë këtë pasi jetën private dëshiron ta lërë jashtë vëmendjes së medias, ndërsa gjithmonë vëmendja është përqendruar tek rendimentet e punës së tij si drejtor artistik apo regjisor i disa programeve në Top Channel.
Për të dita e dasmës është thjesht një ceremoni dhe një shenjë për njerëzit më të afërt dhe jo për faqet rozë të gazetave, ndërsa dashuria që ka ndaj shoqes me të cilën ka zgjedhur të kalojë jetën për të është mjaft e madhe.

burimi i marre nga Bluetooth

The Best Video Of Car Donation In California

2009-07-11T09:17:00.001-07:00

The California Car Donation Program Accepts Car Donations In The State Of California. When You Donate Your Car Today, You Instantly Help Children In Need In CA And We Make It Easy For You To Help Because.

ERION VELIAJ ne programin opinion

2009-07-11T02:00:00.001-07:00

nje diskutim i nxeht qe ka ven perballe opinionistet shqiptare dhe neopolitikanet.

Liderët e BE-së: Barroso, në krye të Komisionit Europian

2009-07-09T16:20:00.001-07:00

Liderët e Bashkimit Evropian ranë sot zyrtarisht dakord për të emëruar Hose Manuel Barrosos për një mandat të dytë pesëvjeçar si president i Komisionit Evropian, duke e vënë nën presion Parlamentin Evropian që të aprovojë kandidaturën e tij.
Liderët evropianë kishin shprehur më parë mbështetjen për ish-kryeministrin konservator të Portugalisë, por deri tani nuk kishin miratuar ligjërisht kandidaturën e tij.
Liderët e BE-së besojnë se çdo vonesë në miratimin e Barrosos mund të dëmtojë figurën e tij dhe vetë ekzekutivin e bllokut 27-anëtarësh, një organizëm i fuqishëm rregullator, në një periudhe kur Evropës i duhet një lidership i fortë për ta nxjerrë nga kriza më e rëndë ekonomike pas shumë dekadash.
"Jam i kënaqur që tashmë të gjitha vendet anëtare ranë zyrtarisht dakord për emërimin e presidentit të Komisionit", thuhet në një deklaratë të kryeministrit suedez Fredrik Reinfeldt, vendi i të cilit mban presidencën e radhës së Bashkimit Evropian.
Ai deklaroi se ky vendim "do të garantojë vazhdimësinë e punës së rëndësishme të Komisionit në çështjet si ndryshimi i klimës, kriza ekonomike etj".
Barroso, 53 vjeç, është kandidati i vetëm i propozuar, por emërimi i tij kërkon mbledhjen e parlamentit dhe të qeverive të vendeve anëtare. Aleatët e tij të qendrës së djathtë janë forca më e madhe në parlament, por nuk e kanë maxhorancën e nevojshme.
burimi i marre nga shekulli.com.al

'The Economist': Koalicioni i Berishës, s'është i qëndrueshëm

2009-07-09T16:18:00.000-07:00

Partia Demokratike e qendrës së djathtë, e udhëhequr nga Sali Berisha, ka ndërtuar një koalicion që e mban në pushtet pas zgjedhjeve parlamentare. Megjithatë, Kodi i ri, sipas të cilit u zhvilluan zgjedhjet, rezultoi me një përfundim thuajse të barabartë mes PD dhe rivales së saj, Partisë Socialiste, për herë të parë pas rënies së komunizmit. Me një shumicë shumë të ngushtë, PD është vetëm një krizë larg humbjes së pushtetit. Kështu që për herë të parë që pas trazirave të vitit 1997, qeveria e re mund të mos mbyllë një mandat të plotë.

Tani Shqipëria gjendet me një qeveri të re në horizont, një javë pas zgjedhjeve të përgjithshme. Numërimi i pjesshëm i dha PD një kryesim të lehtë ndaj PS, rreth 46 me 45 për qind, çka i nxiti zyrtarët demokratë që më një korrik të pretendonin se partia e tyre do të kishte 71 mandate - një shumicë shumë e ngushtë - në parlamentin prej 140 vendesh. Fillimisht këto pretendime u kundërshtuan nga PS. Më 3 korrik, autoritetet zgjedhore konfirmuan rezultatin: PD 46.7 për qind, 71 mandate, PS 45 për qind, 65 mandate. Pas kësaj u lajmërua se LSI, e cila mori rreth 5.6 për qind dhe ka 4 mandate, do t'i bashkohej PD në koalicionin qeverisës. Me 75 mandate, zoti Berisha do të ketë një shumicë funksionale.

Jo sipas planifikimit

Megjithëse PD dhe PS kanë dominuar gjatë politikën shqiptare, qeveritë kanë patur prirjen të jenë koalicione, duke patur parasysh që partitë e vogla kanë arritur të përfaqësohen në parlament. Në një përpjekje për të eliminuar peshqit e vegjël, partitë e mëdha bashkëpunuan për të krijuar një Kod të ri Elektoral.

Nisma thuajse doli me sukses. Megjithatë, deri tani ka patur dy pasoja, që PD dhe PS nuk i kishin llogaritur, kur bashkëpunuan për Kodin Elektoral.

Së pari, Kodi rezultoi në një rezultat shumë të ngushtë në parlament. Të gjitha zgjedhjet e mëparshme në Shqipëri kanë dhënë fitore të qartë për njërën palë, të majtën ose të djathtën. Në 1997 PS dhe aleatët morën dy të tretat e mandatave; në 2001 PS dhe aleatët mori 60 për qind të mandateve; në 2005 PD udhëhoqi një aleancë që fitoi 73 vende në parlament. Në parlamentin e ri, PD dhe aleatët e saj kanë 71 vende, ndërsa e majta 69.

Së dyti, një parti e vogël ka mbijetuar - dhe është kthyer në lojtar kyç. LSI, e cila u themelua dhe udhëhiqet nga ish-kryeministri socialist, Ilir Meta, i dha Berishës një shumicë funksionale në parlament. Reagimi i PS ndaj këtyre ngjarjeve ka qenë i parashikueshëm: kreu i partisë, Edi Rama, e cilësoi zotin Meta si "patericë të Berishës" dhe marrëveshjen si më të turpshmen në 18 vitet e fundit.

Rama nuk është Obama

Pakënaqësia e PS ndaj Ilir Metës, që mendohet si kryeministri më i suksesshëm i partisë së tyre, shtohet me sa duket nga perceptimi se zgjedhjet u rrëshqitën nga duart për shumë pak gjë. Në fillim të vitit, sondazhet treguan 39 për qind përkrahje për PS dhe 30 për PD. Deri në mes të majit renditja e PS zbrit në 36, ndërsa PD u ngjit në 38 për qind, stimuluar më shumë nga anëtarësimi në NATO në prill. Sondazhi më i vonshëm, nga agjencia amerikane Zogby International, tregoi se 42 për qind e votuesve nën 35 përkrahnin PD, ndërsa 34 për qind PS. Kjo ishte kundër mendimit që zoti Rama, i cili është 45 vjeç dhe afërsisht 20 vjet më i ri se zoti Berisha, ishte më i pëlqyer nga të rinjtë.

Fatos Nano, themeluesi i PS, vazhdon të ketë një hije të gjatë mbi partinë. Ai dhe përkrahësit e tij e dominuan partinë nga 1990 deri më 2005, kur zoti Rama u bë kryetar i PS. Ai u përpoq ta largonte gardën e vjetër nga postet dominuese dhe të kthente ish-figurat socialiste në parti. Megjithatë, ai nuk ia arriti të rikthente Metën dhe duket se priste që Kodi Elektoral ta zvogëlonte ose zhdukte fare LSI. Në fakt, Kodi e vendosi Metën në një rol kyç - dhe ai e ka kaluar përkrahjen për zotin Berisha.

Kurs i qartë

Nga pikëpamja e politikave, ka shumë pak për të zgjedhur mes PD dhe PS. Të dyja kanë një platformë që synon integrimin evropian. I vetmi ndryshim thelbësor lidhet me Fondin Monetar Ndërkombëtar, me PS që është hapur në mbështetje të një marrëveshjeje me Fondin për të stabilizuar financat publike.

Zoti Berisha aplikoi për statusin e kandidatit për në BE në fund të prillit. Në atë kohë BE bëri të ditur se kërkesa do të varej nga përfundimi i zgjedhjeve. Fakti që OSBE ka vënë re parregullsi në zgjedhje, pavarësisht progresit në krahasim me vitin 2005, mund të ndikojë te krerët e qeverive të BE që të presin akoma më shumë, përpara se të kërkojnë nga Komisioni Evropian që të japë një opinion në lidhje me aftësitë e Shqipërisë.

Kjo mund të ndodhë në shtator ose ndoshta deri në publikimin e raportit vjetor për progresin në nëntor.

Megjithatë, Komisioni duket se do të pyetet për opinionin ndoshta diku pas gjashtë ose shtatë muajsh, e më pas Shqipërisë do i jepet një pyetësor voluminoz që mund të kërkojë 12 deri në 18 muaj që të plotësohet.

Për sa i përket financave publike, një rishikim i buxhetit duket i paevitueshëm - së bashku me të gjithë fqinjët e saj - Shqipëria e ka miratuar buxhetin e vitit 2009, përpara se ekonomitë e Evropës Lindore të nisnin një rënie të shpejtë.

Si rezultat, parashikimet për GDP janë shumë optimiste dhe projektimi i të ardhurave është shumë i lartë. Ekziston një mundësi e madhe që zoti Berisha do i qaset FMN për një kredi përpara fundit të këtij viti për të mbuluar rënien të ardhurave në buxhet. Në përgjigje të kësaj, Fondi do të kërkojë uljen e shpenzimeve.

Pozicioni i lëkundur i Berishës

Me një mazhorancë funksionale, ka pak arsye për të besuar se zoti Berisha nuk do i trajtojë si duhet këto çështje.

Të dhënat e qeverisjes së tij janë të mira: viti 2008 ishte viti i parë, kur Shqipëria nuk përjetoi ikje të energjisë, rrjeti rrugor i vendit është përmirësuar së fundmi në të mirë të qytetarëve dhe biznesit, anëtarësimi në NATO është arritur dhe rritja ekonomike ka qenë e shëndetshme në nivelin e 6 për qind.

Megjithatë, akuzat për korrupsion kanë qenë një burim i vazhdueshëm problemesh për PD. Një skandal madhor në parlamentin tjetër mund të ketë implikime serioze, zoti Meta mund të tërheqë mbështetjen e tij për PD dhe qeveria e zotit Berisha do ngelej e zbuluar.

Korrupsioni deri më tani mund të jetë potencialisht e vetmja arsye që do sillte largimin e LSI; një mosmarrëveshje për politika ose një ndryshim kabineti mundet gjithashtu të provojë një largim,

PD kërkoi përkrahjen e LSI, jo që të krijonte qeverinë, por të zvogëlonte mundësinë e marrjes peng nga ndonjë deputet i saj ose PS mund të bënte për vete ndonjë deputet të PD dhe kështu ajo humbiste shumicën. Nëse zoti Meta tërhiqet nga qeveria, ky rrezik do të dalë në sipërfaqe.

Një tjetër aspekt i ndryshimeve elektorale do të punojë në favor të zotit Berisha: vetëm votat konstruktive të mosbesimit lejohen në parlamentin e ri, që do të thotë se parlamenti duhet të ketë një kryeministër alternativ në të njëjtën kohë, ndërsa kërkon heqjen e atij në detyrë.

Padyshim kjo i jep zotit Berisha njëfarë sigurie. Prapëseprapë, duke parë balancën në parlament, ka një mundësi të mirë që qeveria e ardhshme demokrate të mos e mbushë gjithë mandatin katërvjeçar. Nuk ka qenë ky rezultati që krerët e partisë projektuan kur firmosën një radhë pikash "fituesi i merr të gjitha" në Kodin e ri Elektoral së bashku me PS.

burimi i marre nga shekulli.com.al

Vizat, KE: Shqipëria, pas plotësimit të kushteve

2009-07-09T16:15:00.000-07:00

BRUKSEL- Ekzekutivi i Bashkimit Evropian do të propozojë javën e ardhshme që qytetarëve të Malit të Zi, Serbisë dhe Maqedonisë t'u lejohet udhëtimi pa viza në vendet e BE-së prej fillimit të vitit të ardhshëm. Lajmi është dhënë sot nga Komisioneri për Drejtësi i BE-së, Zhak Barrot, i cili ka deklaruar se për vendin tonë pritet më parë plotësimi i kushteve dhe pastaj liberalizimi.

"Të enjten e ardhshme në Strasburg do të propozohet liberalizimi i vizave për qytetarët e Ballkanit Perëndimor", tha në një konferencë për media komisioneri, Zhak Barot.

Propozimi duhet të miratohet nga 27 ministrat evropianë të drejtësisë, ndonëse votimi unanim nuk është i nevojshëm.

"Në regjimin e ri të vizave do të përfshihen fillimisht Mali i Zi, Serbia dhe Maqedonia, ndërsa Shqipëria dhe Bosnja do të bëhen pjesë e tij më vonë, diku në vitin 2010, kur t'i kenë përmbushur kriteret e duhura"- tha ai.

Lajmi për përjashtimin e vendit tonë nga lëvizja e lirë e vizave është dhënë edhe pak kohë më parë, pas raportit të bërë posaçërisht për kriteret dhe kushtet që nevojiteshin, ku Shqipëria 'ngeli në klasë'. (rel)

burimi i marre nga shekulli.com.al

Marrëveshja për klimën, Ban Ki Moon: Politikat, të pamjaftueshme

2009-07-09T16:14:00.001-07:00

Marrëveshja e arritur gjatë mbledhjes së G8-s nuk është vlerësuar si shumë pozitive nga numri një i Organizatës së Kombeve të Bashkuara.

Sekretari i OKB-së, Ban Ki Moon ka deklaruar fill pas marrëveshjes së arritur për klimën se puna e bërë nuk është e mjaftueshme dhe objekti i fiksuar për klimën nga G8 nuk është aq ambicioz.

"Politikat që janë njoftuar deri më tani nuk janë të mjaftueshme. Çështja e klimës kërkon një impenjim dhe përgjegjësi historike për të ardhmen e njerëzimit në planetin tonë", ka thënë ai.

Grupi i Tetë vendeve më të industrializuara në samitin e tyre në Itali kanë rënë dakort për herë të parë se ngrohja globale nuk duhet të kalojë dy gradë celcius.

Ky është niveli që shihet nga shumë ekspertë si minimumi për të penguar ndryshime klimaterike të pakthyeshme.

Për të arritur këtë, udhëheqësit e G8-ës i kanë vënë vetes një objektiv ambicioz për pakësimin e gazrave të efektit serrë në masën 80 përqind deri në vitin 2050.

Samitt pritet te kete bisedime të vështira me vendet dhe ekonomitë e mëdha në zhvillim si Kina dhe India.

burimi i marre nga shekulli.com.al

KQZ miraton emrat e deputetëve në Korçë, Kukës e Gjirokastër

2009-07-09T16:12:00.000-07:00

IRANË- Pas miratimit të mandateve, Komisioni Qendor i Zgjedhjeve ka miratuar në mbledhjen e pasdites edhe emrat e deputetëve të parlamentit të ri për Kukësin, Korçën dhe Gjirokastrën. Sipas vendimeve, në ndarjen e mandateve, 12 mandatet e Qarkut të Korçës ndahen në mënyrë të barabartë mes dy koalicioneve; 6 i takojnë koalicionit të djathtë "Aleanca e ndryshimit' dhe 6 koalicionit të majtë "Bashkimi për ndryshim".
Për Qarkun e Gjirokastrës shpërndarja e mandateve, sipas vendimit të KQZ-së, është: koalicioni "Aleanca e ndryshimit" 2 mandate dhe koalicioni "Bashkimi për ndryshim" 3 mandate.
Ndërkohë për Qarkun e Kukësit, nga katër mandate që ka ky qark, tre i takojnë koalicionit të djathtë "Aleanca e ndryshimit' dhe 1 koalicionit të majtë "Bashkimi për ndryshim".

Qarku Kukës
PD
Flamur Noka
Besnik Dushaj
Fatos Hoxha

PS
Asllan Dogjani

Qarku Gjirokastër
PD
Genc Ruli
Spiro Ksera

PS
Arta Dade
Vangjel Tavo
Ethem Ruka

Qarku Korçë
PD
Ridvan Bode
Gjergji Papa
Ledina Aliolli
Edmond Spaho
Fatbardh Kadilli
Ismail Hoxha

PS
Ben Blushi
Pandeli Majko
Alfred Dalipi
Mimi Kodheli
Arben Ahmetaj
Olta Xhacka

burimi i marre nga .shekulli.com.al

Dosja e diktaturës II:Atë që shqiptarët u bënë shqiptarëve

2009-07-08T13:03:00.000-07:00

Pjetër Pepa, për botimin e dytë të plotësuar të "Dojes së diktaturës". Lënda bazë nga janë nxjerrë të dhënat e klerikëve apo civilëve shqiptarë dhe ata pak huaj që janë përfshirë në procesin e kanonizimit. Hapi që i çon drejt shkallës së njohjes martirë nga Vatikani

Quod non fecerunt barbari, barberini fecerunt. Botimit të parë të "Dosjes së diktaturës" në vitin 1995, Pjetër Pepa, mjek stomatolog në profesion, "rastësisht në Kuvendin Popullor", siç thotë ai, përcjell këtë mesazh me fjalët e Papa Urban VIII, Maffeo Barberini, për çka shqiptarët u kishin bërë shqiptarë në shekullin e njëzetë.

14 vjet më pas, po ky autor e ka plotësuar "Dosjen" me materiale arkivore dhe familjare përtej vitit '50-të. Quhet "Dosje", sepse është e pajisur me të dhënat e të ekzekutuarve me dhe pa gjyq, me dënimet dhe autorët e tyre.

Është lënda bazë prej së cilës Pepa ka nxjerrë të dhënat e atyre klerikëve apo civilëve shqiptarë dhe ata pak huaj që janë përfshirë në procesin e kanonizimit, hapi që i çon drejt shkallës së njohjes martirë nga Vatikani.

Pepa tregon për "Dosjen e diktaturës" të plotësuar, e cila do të botohet së shpejti nga Ministria e Kulturës, Turizmit, Rinisë dhe Sporteve. Botimi I ekziston edhe në gjuhët italisht e anglisht.

Para se të ndalemi tek ky botim i dytë i "Dosjes së diktaturës", dy fjalë për ata që nuk e dinë se ç'është "Dosja I".

E kam thënë, s'jam as shkrimtar as autor, jam mjek, por rastësia më futi në Parlament dhe rastësia e solli që të futem në arkivat e Ministrisë së Brendshme. Qëllimi ishte për të nxjerrë disa materiale për 2-3 tubime mjaft domethënëse për kohën, për Gjyqin e Deputetëve, Gjyqin e Partive Politike, për figura politike, nacionaliste, varur e pushkatuar nga diktatura.

M'u kujtuan ngjarjet e fëminisë kur im atë, Ndoc Pepa, ankoheshe se si pushkatuan pa gjyq njerëz të shquar të klerit katolik me pretekstin e armëve në kishë, apo për të ashtuquajturat organizata terroriste. Në vitin 1945 kishin filluar pushkatimet e para, e më pas pushkatohet Dom Lazër Shantoja, Pater Anton Harapi, Dom Ndre Zadeja, por fushata më e madhe ishte në '46-ën.

Çfarë lidhjeje kishte babai juaj me klerin katolik të Shkodrës?

Në Shkodër unë e kam pasur shtëpinë pranë Kuvendit Françeskan dhe im atë, duke qenë besimtar praktikant, i njihte klerikët qysh para lufte. Nuk kishte ndarë vetëm ditët e bukura të paraluftës, por edhe kohët e vështira deri në Revolucionin Kulturor të '67-ës, kur u asgjësuan kishat.

Im atë kishte dy pengje para se të vdiste më '78-ën: të hapeshin edhe një herë kishat
dhe një peng për gjermanët dhe italianët klerikë, që kishin ardhur për të ndihmuar shqiptarët dhe ne i pushkatuam.

Kur i dhashë Papa Benediktit XVI dy vëllimet e librit tim, i bëra me dije se aty ishin materialet jo vetëm për martirët e klerit katolik shqiptar, por edhe të huaj, mes tyre edhe italianë dhe dy gjermanë.

Dhe cilët të huaj keni përfshirë ju në këtë histori?

Një pjesë e tyre u dëbuan, kurse nga ata që mbetën këtu, nuk janë shumë. Gjermanët, Alfons Tracki dhe Jozef Marksen, kurse kyçi për të ashtuquajturat organizatat terroriste ishte Gjon (Giovanni) Fausti nga Bresha.

Arkivat e Ministrisë së Brendshme ishin i vetmi burim?

Sigurisht që më kanë ndihmuar edhe burime të tjera. Për shembull, kur diskutohej bomba në Ambasadën Sovjetike, ose gjyqi i deputetëve tek kinema "17 Nëntori", ishin të gjithë familjarët të interesuar dhe përmes shoqatës së të përndjekurve, që në atë kohë ishte mjaft aktive.

Kishte familjarë që për herë të parë po u dilnin historitë e prindërve, për shembull Riza Alizoti i varur me gjithë të atin. Për herë të parë po u hiqej balta këtyre të varurve dhe të pushkatuarve. Dosja u pasurua me detaje të internimeve të familjeve, të familjeve të përgjysmuara, me jetimë dhe vejusha.

Atëkohë më dukej vetja si vajtojcë që shkon e qan të vdekurit. Unë vetë nuk kam qenë kushedi çfarë nga bashkëvuajtësit, por gjithmonë thosha se nuk është konditë të bëjmë të gjithë gjilpërë, që të dimë sa dhemb gjilpëra.

Ju shkruani se, që në fillimet e tij, ky pushtet zu fill me hedhjen në erë të varrit të nënës Mbretëreshë nga Mehmet Shehu... Mbetet akoma kjo, sipas jush, shenjë e parë e dhunës së regjimit?

Them që po. Natyrisht që klerikët e dinin mirë se ç'do të ishte komunizmi. E dinin që është një shtrëngatë e keqe që s'ka çfarë pjell, derisa është ateiste, derisa është diktaturë, derisa s'ka liri fjale. Elita e dinte, por nuk e dinte masa.

Dhe akoma pa u instaluar pushteti, hidhet në erë varri i një paraardhësi që ka vendin e vet në histori, sado që "kundërshtar" i regjimit. Për të vdekurin vetëm lutesh, është parimi.

Çfarë do të ketë plus "Dosja e diktaturës II"?

Kur u ktheva nga detyra për një vit, deri më '97-ën si ambasador në Vatikan, gjeta gjithçka përmbysur për mua, për forcën time politike, pavarësisht se unë nuk isha ndonjë politikan kurrë.

Pas 3-4 vitesh, ngaqë kisha shkruar këtë libër, më thirrën në Konferencën Ipeshkvnore, me rastin e kanonizimit të dyzetë pjesëtarëve të klerit katolik. U thirra që të jem në komisionin e historisë për martirizimin e këtyre personave. Kjo u bë shkas që të futesha edhe njëherë në arkiva. Dhe s'ma mori mendja se ky kërkim do zgjaste edhe 5-6 vite të tjerë.

Botova dy vëllime, më pas nisa një cikël tek gazeta "55". Kështu që botimi i tyre në një vëllim të vetëm, do të jetë dosja e diktaturës e plotësuar.
Dosja rri dosje, pra ngjarjet kyç janë në vitet '45-'50-të. Në botimin II, ngjarjet arrijnë deri në rënien e regjimit.

Ju keni qenë një nga autorët e ekspozitës për antikomunzimin e hapur më 18 shkurt në Muzeun Historik Kombëtar. Mendoni se ia arriti qëllimit ekspozita?

Evitoi, së paku, harresën. Por, në atë ngut që u bë, nuk mund të mendohet se qëllimi është arritur. Natyrisht, pavijoni duhet të jetë definitiv, nuk duhet të jetë fushatë. Ajo që ka ndodhur nuk është e paktë.

Ajo që ka ndodhur në Shqipëri, nuk ka ndodhur askund tjetër dhe izolimi ynë deri në nëntëdhjetën, bëri që dhuna të shkojë in extremis. Duhen dokumentuar jo për hakmarrje, por për brezat e ardhshëm. Ka njerëz që kërkojnë varret e të afërmve për ngushëllim, kërkohet një rehabilitim.

Sipas jush, është arritur një farë rehabilitimi i njerëzve të përndjekur dhe të dënuar politikisht?

E vështirë. Qeveritë premtojnë, në atë mënyrën e vet dhe bëjnë. Pesëdhjetë vitet e diktaturës kanë bërë një dëm të parehabilitueshëm. Dëmet janë morale, fizike, ekonomike. Brezi i ri s'do t'ia dijë, qeveritë jetojnë mbi bazën e taksave.

A nuk ka ndodhur një manipulim i statusit "i përndjekur politik"?

Gjithçka ndodh. Pas 50 vitesh diktaturë, ku kthehesh në kopsht zoologjik, njerëzit s'janë më njerëz, s'kanë më ideal dhe shpërthen papritmas ajo që quajmë liri-demokraci, ai më i pakarakteri, ai që dje kishte grushtin nxjerr dy gishtat e bëhet demokrat. Po edhe më i përndjekuri e ka pësuar fatkeqësinë, se është kthyer në bashkëpunëtor prej hallit e sikletit.

Kështu që, ajo që thoni ju, ndodhi brenda vetë shoqatave të të përndjekurve që nuk ditën ta kryejnë misionin si duhet. Në këtë situatë, drejtësinë e vërtetë nuk e sjellin as shoqatat, as qeveritë.

Gënjehet, abuzohet, luhet me ndjenjat e tyre, shpeshherë. Diçka është bërë, por gjithmonë është shumë pak në raport me çka u takon. Por, nuk mund të ngulësh këmbë që të korrigjosh atë që ka ndodhur.

Është si puna e një autobusi që është mbushur me njerëz, ka shpërthyer një flakë dhe duan të dalin të gjithë në atë portë dhe të gjithë mbajnë njëri-tjetrin dhe s'dalin as dy, as tre vetë. Dëmshpërblimi ka një faturë. Ku ka qeveri që do t'u marrë të rinjve taksën për këtë dëm!

Në çfarë faze është procesi i martirizimit të dyzetë viktimave të diktaturës nga Vatikani?

Natyrisht, atje punët shkojnë me këmbë plumbit. Janë rreth dyzetë, tridhjetë klerikë dhe disa civilë, për të cilët dëshmitë para vdekjes janë të jashtëzakonshme dhe rrëqethëse. Këto janë në proces të përfundimit të dokumentacionit. Për këtë ngrihet komision historik, komision gjyqësor etj., dhe duhet të kenë kaluar 50-60 vjet pas vdekjes.

Cilët janë civilët?

Mark Çuni, një seminarist, student. Jemi në vitin 1945. Duke qenë antikomunist me të rinj të tjerë, është aktiv dhe u thërret njerëzve që mos votojnë për komunizmin.
Gjelosh Luli, profesor, poliglot, i ri, i ardhur nga shkollat e Perëndimit.

Është ai që i dorëzon Gjeneralit Hudson një memorandum, ku i thuhet se zgjedhjet nuk do të jenë të lira, përderisa këtu merr pjesë veç një forcë: Fronti Demokratik. Ai e vë në dijeni se ka pushkatime dhe kjo i duhet bërë me dije opinionit ndërkombëtar.
Marie Tuci, një mbesë e Gjomarkajve, një vajzë rreth 20-vjeçare, e torturuar dhe e masakruar.

Dom Gjon Gazulli, është jashtë diktaturës komuniste, i përket periudhës së Zogut. Vjen nga pjesa e madhe Gazullorëve që kanë kontribuar në shekuj për këtë vend. Dom Gjon Gazulli varet në pazarin e Shkodrës për lëvizjen malësore kundër Zogut.
Në listën e martirëve është edhe Dom Nikollë Gazulli, antikomunist, vritet në shpellë. Autori i fjalorit etimologjik.

Cilët janë të huajt?

Historia më tronditëse është pikërisht e njërit prej tyre: Dom Zef Marksen, që ka ardhur nga Gjermania për të dhënë dije këtu, rreth 30 vjeç. E arrestojnë menjëherë pas luftës, sepse futet në grupin e armiqve të popullit, dënohet dy vjet.

Pastaj, me pretekstin se tani po ju çojnë në shtëpi, si i huaj që ishte, rrugës, 2 km duke dalë nga Tirana, e pushkatojnë bashkë me dy bashkëkombës të tjerë. Për këta persona nuk ekzistonte asnjë dokument, arkivi s'kishte asgjë.

Rastësisht shoh dosjen e Koçi Xoxes, në kohën e të cilit, viti '46, ishin bërë shumë vrasje. Vetë hetuesit, vetë vrasësit, në kohën e gjyqit të Xoxes, për t'i shtuar fajet atij, për të nxjerrë se partia dhe Hoxha s'kanë faj, tregojnë historinë. Vrasësi tregon historinë, ku thotë se tre klerikët donin të iknin, prandaj u goditën. Është absurde.

Ka ndodhur që pasi viktima kishte vdekur në tortura, mbysnin një qengj, merrnin gjak në një shishe të vogël, merrnim kufomën, e çonim në një fushë dhe i derdhnin plumbat për së vdekuri, pastaj i derdhnin gjakun.

Pra, Dom Zef Marksen vritet pa lënë gjurmë. Gjermani tjetër, Dom Alfons Tracki, është vrarë në shpellë, ndërsa do t'i bëjë nderin e fundit para vdekjes Ndoc Jakovës, vëllait të kompozitorit Prenkë Jakova. Dom Alfons Tracki u pushkatua.

Prej tij kanë dalë shumë klerikë të zotë shqiptarë.
Një nxënës i tij do të varej në mënyrë demonstrative. Po aq e tmerrshme është historia e Dom Lazër Shantojës.

Çfarë ju thotë ky përvjetor i 20-të i rënies së Murit të Berlinit?

Thuhet se pasi kalojnë 20-30 vite, shkruhet vërtet historia, e zhveshur nga pasionet. Ky përvjetor më kujton një të keqe që s'e patëm vetëm ne.Mjerisht, jemi një vend që gjeografikisht Perëndia është treguar bujare me ne, por jo historia. Nuk është rastësi që pushtimi osman zgjat më shumë se kurrë tek ne, edhe diktatura zgjat më shumë se kurrë tek ne. Janë një ndërthurje faktorësh në favor të së keqes.Jemi më të vonuar në shpëtim. Nga ana tjetër, dita e rënies së Murit mbetet ditë e lume, solli dhjetorin tonë nëntëdhjetë.

burimi marre nga shekulli.com.al

Berluskoni, përgëzime për koalicionin Berisha-Meta

2009-07-08T12:37:00.001-07:00

Kryeministri i Italisë, Silvio Berluskoni, i ka telefonuar dje kryeministrit Sali Berisha, të cilin e ka uruar për fitoren në 28 qershor. “Kryeministri italian Berluskoni e përgëzoi Kryeministrin Berisha për koalicionin që ka bërë me zotin Ilir Meta dhe Lëvizjen Socialiste për Integrim, duke u shprehur se ‘ky është veprimi i duhur që unë personalisht e përshëndes’. Gjithashtu, kryeministri italian Berluskoni theksoi se ky përbën një koalicion premtues për Shqipërinë”, thuhet në njoftimin për shtyp të Këshillit të Ministrave. Berluskoni e siguroi kryeministrin Berisha se ai dhe qeveria italiane do t’i japin një mbështetje të fuqishme dhe të gjithanshme qeverisë së re, në rrugën e saj drejt zhvillimit dhe integrimit të vendit në Bashkimin Evropian.

burimi marre nga panorama.com.al

Konventa e LSI: Meta të negociojë me Berishën për Qeverinë, vetëm Xhufi e Klosi dalin kundër

2009-07-08T12:27:00.000-07:00

Konventa e jashtëzakonshme e LSI-së mandaton Ilir Metën të nisë negociatat me kryeministrin Berisha për qeverinë e re. E mbledhur dje pasdite në sallën e Teatrit të Operës dhe Baletit, anëtarët e Konventës Kombëtare diskutuan rreth mundësisë së bashkëpunimit të LSI-së me Partinë Demokratike në një qeveri e cila është cilësuar si qeveria e Integrimit të Shqipërisë. Në fjalën e tij, kryetari i LSI-së, Ilir Meta, argumentoi të gjitha opsionet që i paraqiten LSI-së në këtë moment politik dhe historik për vendin dhe i ftoi të pranishmit të shprehnin mendimet e tyre rreth këtij vendimi.
Pasi argumentoi para anëtarëve të Konventës të gjitha përpjekjet që LSI kishte bërë për të bashkëpunuar me Edi Ramën dhe kishte marrë prej tij vetëm agresion dhe përpjekje për ta shfarosur LSI-së nga jeta politike e vendit, Meta tha se, “në koalicion me PS-në vendi do të ketë vetëm kriza”. “Interesave të këtij mafiozi nuk mund t’i shërbejë Ilir Meta, dhe nuk e lidh asgjë më me të, dhe e bëjmë të qartë se vetëm largimi i tij nga jeta politike mund të vendosë marrëdhëniet personale dhe shoqërore, ndaj asaj masakre që organizoi kundër votës suaj dhe votës së LSI-së. Të bashkohemi ne me atë, kur të gjithë aleatët e tij parazgjedhorë e akuzojnë atë për vjedhjen e votave. Çfarë morali ka këtu?”, u shpreh Meta. Kreu i LSI-së u shpreh më pas se, “ne do të ecim përpara sipas mendimit tim, sepse nuk jemi krijuar ne për të qenë bisht i PS-së, dhe aq më tepër e lidershipit të saj”. Nënkryetari i LSI-së, Pëllumb Xhufi, nuk ishte dakord me kohën e shpejtë të pranimit të ftesës së bërë nga ana e kryeministrit Berisha bërë LSI-së për të bashkëpunuar në qeverisjen e ardhshme. Madje, ai hodhi dhe idenë e mospjesëmarrjes në qeveri, por vetëm të bashkimit të votave deri në krijimin e një qeverie teknike. Edhe Fatos Klosi shprehu rezerva për këtë bashkëpunim të LSI-së me PD-në, pasi, sipas tij, bashkëpunimi me PD-në është i dëmshëm për LSI-në dhe për vendin. Drejtues të lartë të LSI-së kanë mbështetur vendimin e kryesisë së kësaj partie për të negociuar dhe bashkëpunuar me kryeministrin Berisha. Vasili, Prifti, Braho, Haxhinasto, Axhemi, Xhixho, Kodra dhe të tjerë mbështetën përfshirjen e LSI-së në qeverinë e re, duke zbatuar Planin e saj të Veprimit. “Përpjekjeve për të na kthyer dhe të bëhemi një faktor krize, ne besoj se do iu përgjigjemi me gjithë këtë emancipim që ka sjellë kjo forcë e re politike në Shqipëri, që nga krijimi i saj. Është një forcë që gjithmonë ka sjellë risi, që i ka shërbyer demokracisë, që i ka shërbyer zhvillimit të vendit. Dhe jam i bindur që jemi në prag të një risie të jashtëzakonshme dhe të veçantë. Në fund të fundit nuk jemi ne hartuesit e këtij Kodi, sepse në çdo rast ky kod imponon koalicione. Dhe përveç produktit elektoral të këtij kodi, koalicioni më i mundshëm për të krijuar një maxhorancë stabilizuese në vend, është pikërisht koalicioni PD-LSI”, u shpreh Meta, duke iu përgjigjur dy kolegëve të tij që nuk mbështesnin vendimin e shumicës në Konventë. Sipas tij, “rruga ku duhet të ecim është rruga e zgjidhjes dhe jo rruga e krizës. Është rruga e stabilitetit dhe jo rruga e destabilitetit”.
Zv.kryetari Xhufi: Jo pjesëmarrje në qeveri
Nënkryetari i LSI-së, Pëllumb Xhufi, votoi kundër bashkëpunimit me PD-në në qeverisje, duke e cilësuar vendimin për pranimin e ftesës së Berishës të nxituar. “Jam nga ata që nuk më duket bashkëpunimi me kryeministrin Berisha një tragjedi. Kam qenë shumë vite jashtë shtetit dhe njoh bashkëjetesa të tilla. Por për rastin tonë, mendoj se u dogjën kohët, sepse kishim lënë që bashkëpunimin me koalicionet ta diskutonim pasi të kishim përfunduar ankimimet për zgjedhjet dhe të dilte rezultati përfundimtar. Mendoj se ka dhe mënyra të tjera që të mbështesim qeverinë, por jo të përfshihemi në të. Mund të votojmë qeverinë dhe ligjet e saj, por jo të përfshiheshim në qeverinë e Berishës”, u shpreh Xhufi.
burimi marre nga panorama.com.al

Berisha Veliaj Perplasje

2009-07-08T09:57:00.001-07:00

Sali Berisha dhe Erion Veliaj perplasen ne tryezen e shoqerise civile.

Panik ne gjimnazet e Tiranes

2009-07-08T09:46:00.000-07:00

Maturantet, qe vetem pas dy ditesh do t‘u nenshtrohen dy provimeve te lendeve me zgjedhje, kane lene pergjysme studimin dhe jane drejtuar te alarmuar prane shkollave te tyre. Diten e djeshme, ne pjesen me te madhe te gjimnazeve kryeqytetase u perhap lajmi se do te ndryshojne koeficientet e lendeve me zgjedhje te vlefshme per garen ne universitetet publike.
Dhe pikerisht per kete arsye, ata nuk duhet te plotesonin formularin A2, i cili duhej dorezuar neper shkolla.
Nderkohe qe nje pjese e ketyre te rinjve tashme e kane plotesuar kete formular me te dhjete preferencat per deget ne te cilat duan te studiojne ne shkollat e larta.
Paniku, i cili pushtoi dje maturantet e Tiranes lidhej se pari me faktin se ata qe prej momentit te berjes publike te ketyre koeficienteve, disa muaj me pare, kishin planifikuar edhe perzgjedhjet personale.
Keto llogari konsiderohen si shume te rendesishme ne shpalljen e fituesve ne deget qe ofrojne universitetet publike ne vend.
burimi i marre nga top-channel.tv

FMN: Kriza drejt fundit, Shqiperia pak ndryshime

2009-07-08T09:42:00.000-07:00

Fondi Monetar Nderkombetar ka deklaruar per here te pare se ekonomia boterore ka filluar te dale nga kriza e paprecedente qe e mbertheu ate vitin e kaluar. FMN thote se ekonomia po permiresohet me shpejt nga parashikimet dhe se rritja ekonomike pergjate vitit 2009 dhe atij 2010 do te jete 0.5 pike perqindje me e larte se sa ishte vleresuar deri me tani. Ne raportin e fundit te quajtur “Parashikimi mbi ecurine e ekonomise globale”, i cili eshte publikuar kete te merkure.
FMN vlereson se ne vitin 2009 bota do te kete nje renie ekonomike prej 1.4 per qind, ndersa ne vitin 2010 do te rikthehet serish rritja ekonomike e cila ne nivel boteror vleresohet se do te jete 2.5 per qind. Ne raport, fondi merr ne analize te gjitha ekonomite e botes. Per Shqiperine parashikimet mbeten ato te prillit, sipas te cilave, ne vitin 2009 ekonomia shqiptare do te rritet me vetem 0.4 per qind.
Rimekembeja e cila do te filloje qe nga viti 2010 duket do te jete e ngadalte, madje ne rastin e Shqiperise edhe me e ngadalte se mesatarja e ekonomise boterore. Sipas raportit, vitin e ardhshem ekonomia shqiptare do te rritet me vetem 2 per qind, ose 0.5 pike perqindje me pak se norma mesatare e rritjes per ekonomine boterore.
Ekspertet e fondit vleresojne se ekonomia jone do t’i rikthehet ritmeve te larta te rritjes vetem pas 5 viteve, me saktesisht ne vitin 2014, kur rritja ekonomike pritet te arrije serish nivelit 6 per qind, qe ka qene mesatarja e viteve te fundit.
burimi i marre nga top-channel.tv

Vdes turistja, e zë korenti në dushin e hotelit

2009-07-07T10:06:00.000-07:00

KAVAJE- Kanë qenë fatale pushimet për çiftin Kacani nga Tetova që kishin zgjedhur të pushonin në Golem të Kavajës. Gruaja 51 vjeçare, Selvina Kacani, 51 vjeç, ka rënë ne korent teksa kishte hyrë për të bërë një dush në hotelin ku ishte rezidente për sezonin veror.

Siç ka dëshmuar bashkëshorti Jashari, dje pasdite ajo ishte ngritur nga çadra e plazhit dhe kishte mbërritur në dhomën e hotelit për të bërë një dush. Sapo ka hapur ujin, energjia elektrike ka shkarkuar në trupin e saj duke e lënë të vdekur. Bashkëshorti thotë se ka tentuar me çdo kusht ta shpëtojë por ka qenë e pamundur.

Forcat e policisë së Kavajës kanë mbërritur menjëherë në vendin e ngjarjes dhe nga hetimet ka rezultuar se gruaja kishte gjetur vdekjen nga energjia elektrike. Për të sqaruar rrethanat e ngjarjes, policia ka marrë në pyetje dëshmitarët okularë, pronarët e hotelit, si dhe punonjësit.

burmi marre nga http://www.shekulli.com.al

KQZ miraton rezultatet e Fierit. Nuk hapen 9 kutitë

2009-07-07T09:58:00.000-07:00

TIRANË- Komisioni Qendror i Zgjedhjeve ka vendosur sot të mos lexojë votat e KZAZ nr.20 të qarkut të Fierit, të shmëdebatuarat kuti ku PS pretendon mandatin e 9 të deputetit. Kryetari Ristani ka dekalruar se situata po tensionohet për të bërë pis zgjedhjet, pasi me ligj këto kuti nuk mund të hapen në këtë moment. Por vendimi i KQZ-se dhe tabelat që ka sjellë KZAZ mund të ankimohen më vonë. Nënkryetarja Subashi që ka mbrojtur gjithnjë tezën e hapjes së 9 kutive, ka deklaruar se "kutitë duhet të hapen pasi ato ishin të rregullta në momentin që janë marrë në dorëzim dhe anëtarët e KZAZ nr.20 në mënyrë abuzive nuk kanë shënuar rezultatin në tabelat përmbledhëse të rezultateve. Ajo shkon më tej duke akuzuar Ristanin se ka qenë ai që ka udhëzuar komisionerët që të mbyllin sa më shpejt këtë çështje dhe të plotësojnë tabelat, ndërsa situata në Fier po tensionohej (nata e 1 korrikut). Në përfundim të mbledhjes, KQZ me 4 vota pro dhe 3 kunder miratoi tabelat e rezultateve të 7 KZAZ-ve të Fierit, duke mbyllur procesin në këtë qark.

Gjatë debateve në mbledhje, nënkryetarja Subashi argumentoi se: "Në qarkun e Fierit ka tre kategori çështjesh: Tre qendra votimi ku nuk është votuar fare por nuk e diskutojmë sot. Kategoria e mospërfshirjes në rezultat të qendrave të votimit të cilat kanë një rezultat. Janë marrë në dorëzim kutitë e rregullta dhe KZAZ në mënyrë abuzive s'ka nxjerrë rezultatet. Dhe kemi dy qendra votimi të KZAZ nr. 20 që i janë numëruar votat është hartuar dhe akti përkatës dhe përsëri nuk është përfshirë në tabelat e rezultateve. Në bazë të ligjit KZAZ-ja nuk fut në rezultat vetëm kutitë e parregulllta dhe jo kutitë që vetë kjo KZAZ i merr në dorëzim si të rregullta. Në bazë të ligjit subjektet zgjedhore kanë paraqitur ankesa sepse në Fier KZAZ-të dhe grupet e numërimit në kundërshtim me ligjin nuk i kanë përfshirë 2 qendrat e votimit në tabelat e rezulateve përmbledhëse dhe për këtë keni përgjegjësi edhe ju z.kryetar pasi ju keni thënë komisionerëve mbylleni këtë çështje sa më shpejt sepse nëse ka pakënaqësi e zgjidhim ne në KQZ".

Të tej ajo vijon se "problematika e Fushë-Kuqes është e njëjtë me rastin e Fierit. KZAZ nuk ka patur procesverbal në këto kushte e kemi miratuar këtu numërimin e 6 kutive".

Këtë diskutim e vijon kryetari i KQZ-së, Arben Ristani: "Në rastin e Lezhës KZAZ s'kishte bërë tabelë përmbledhesë s'kishte miratuar 6 kuti, sepse njerëz të pautorizuar krijonin tension në qendrën e numërimit, ne ndërhynë duke i marrë këtu kutitë dhe kemi vendosur bashkarisht për hapjen e tyre. Fieri nuk është i njëjtë, komisioni zonal atje ka marrë një vendim, atë për mospërfshirjen e këtyre kutive në tabelat përmbledhëse të rezultateve. Ne iu kemi thënë plotësoni tabelën përmbledhëse dukeqenëse ka një vendimmarrje atje. Ndaj këtyre tabelave mund të ankimohet si edhe për vendimet tona. Kështu thotë ligji, ata që kanë ankesë ta paraqesin atë, sepse aktualisht ka një rezultat nga KZAZ-ja. Tani nuk jemi në momentin e hapjes së kutive sepse nuk na e lejon ligji. Mbyllet çështja për KZAZ-në nr 20 të Fierit".

Me tej ai shton "dhe me këto veprime tentohet për të goditur KQZ-në. Janë të padrejta, janë deklarata për të bërë pis KQZ-në, për të treguar se Shqipëria nuk është e mundur të bëjë zgjedhje të ndershme".

Ristani vazhdon mbledhjen duke iu drejtuar administratës se "sa nga KZAZ-të e Fierit kanë sjellë rezultatet". Sipas juristes, 6 nga 7 KZAZ-te e Fierit i kanë sjellë rezultatet dhe vetëm ajo me nr 23 kishte një ankesë nga kryetari i kësaj KZAZ-je. KQZ hodhi në votim marrjen e vendimit për KZAZ nr. 23 dhe me shumicë votash ajo kaloi. Natyrisht vetëm me votat e 4 anëtarëve të djathtë në këtë komsion. Vendimi kishte të bënte me korrigjimin e tabelave të kësaj KZAZ-je.
burimi http://www.shekulli.com.al

Saranda, e dyta në Botë për investimet në turizëm

2009-07-07T09:55:00.000-07:00

Qyteti i Sarandës është i dyti në listën e pesë destinacioneve turistike më të mira në botë ku ia vlen të investosh. Rrjeti britanik i investimeve ndërkombëtare Write About Property në rekomandimet për investimet në pasuri të paluajtshme, vlerëson se Saranda është një nga destinacionet më popullore turistike të botës. Shqipëria është vlerësuar nga Program blu flag, që i jep merita atyre vendeve bregdeti i së cilës është i pastër dhe i sigurt shkruan Liam Bejli, autor i këtij artikulli duke theksuar se Tirana zyrtare është e vendosur t’i kthejë plazhet e saj në më të mirët e Europës. Me një klimë të ngjashme si Korfuzi ,një bregdet të jashtëzakonshëm dhe kosto të ulët jetese, nuk është e nevojshme të jesh një gjeni për të kuptuar potencialin e Sarandës. Sipas Bejlit gjatë këtyre viteve të ardhshme, Saranda do të shohë një rritje të madhe të numrit të turistëve e si rrjedhojë vlera e pronave dhe pasurive të paluajtshme në këtë qytet të bukur bregdetar do të ketë një shumëfishim prej 200 përqind në këto 10 vitet e fundit. Disa organizata dhe agjensi turistike e kanë cilësuar Shqipërinë, si “pasioni I ri mesdhetar ”, dhe një ndër vendet më aktraktivë të europës juglindore. Pozita e favorshme gjeografike, klima, bukurite natyrore dhe trashëgimia e pasur historike e kulturore janë garanci të mëdha argëtimi për çdo turist që zgjedh për të vizituar tokën e shqipeve.
burimi marre nga tvklan.tv

Liberalizim vizash vetëm me pasaportë biometrike

2009-07-07T09:53:00.001-07:00

Disponimi i një pasaporte biometrike me të gjitha elementet e lartë të sigurisë, është tashmë një kusht themelor për përfitimin dhe liberalizimin e vizave, për të gjithë shtetasit shqiptarë.
Klodian Branko ”Pajisja me pasaportën biometrike bëhet në të njejtën procedurë dhe në të njëjtën zyrë aplikimi. Nga procesi i liberalizimit të vizave do të përfitojnë vetëm qytetarët që do të jenë të paisur me pasaportën biometrike. Duke vazhduar të garantojmë kapacitetet e plota për aplikim, i kërkojmë të gjithë qytetarëve t’i drejtohen zyrave përkatëse për t’u paisur me këto dokumenta të standarteve të larta.”
Nëse të gjithë shtetasit shqiptarë do të tregoheshin të vullnetshëm për ta përmbushur këtë standart, brenda një viti shqiptarët do të kenë mundësinë të udhëtojnë lirshëm në vendet e Bashkimit Europian. Burime nga firma franceze Sagem, deklarojnë se janë kapacitetet për të prodhuar 20 deri në 30 mijë pasaporta në ditë.
Po kështu, Ministria e Brendshme ka sqaruar se dokumenti i vetem i identifikimit do të jetë vetëm letërnjoftimi elektronik.
Branko ”Paisja me kartën e identitetit është e domosdoshme që çdo qytetar të përfitojë shërbimet dhe realizojë marrëdhëniet me institucionet publike dhe ato private”.
burimi tvklan.tv

Kafeja ndikon ne kurimin e semundjeve nervore

2009-07-07T05:33:00.000-07:00

Nje grup shkencetaresh ne Florida kane zbuluar nje tjeter veti kuruese te kafese. Behet fjale per efektet pozitive te nje filxhani kafeje ne dite tek personat qe jane te prekur nga semundja e Alzajmerit.

Eksperimenti u krye te minjte laboratorike dhe permiresimi te brejtesit ishte i dukshem.

Shkencetaret thone se nuk ka prove me te mire se kafeina mund te jete trajtimi i duhur per te mbrojtur kujtesen sepse hyn lehtesisht ne tru dhe ndikon ne procesin e semundjes.

Nje doze prej 500 mlg kafeine ne dite do t'ju bente shume mire, perjashtuar ketu personat qe vuajne nga tensioni i larte dhe grave shtatzena.
material i marre nga top-channel.tv

Rama: Mandatin e 9-të në Fier ose nuk njohim zgjedhjet, Ruçi e Majko: Të bojkotojmë Kuvendin

2009-07-07T05:12:00.000-07:00

Partia Socialiste paralajmëron se nuk do të njohë zgjedhjet e 28 qershorit nëse Komisioni Qendror i Zgjedhjeve nuk i jep kësaj force mandatin e nëntë në qarkun e Fierit. Pak orë pasi KQZ-ja vendosi të mos i numërojë nëntë kutitë e qarkut të dytë më të madh në vend, PS-ja thirri mbledhjen e kryesisë, në përfundim të të cilës kreu i kësaj partie, Edi Rama, bëri publik qëndrimin e selisë rozë. “Dua të rinënvizoj me shumë forcë atë çka kemi theksuar gjatë gjithë këtyre ditëve. Nuk do të lejojmë grabitjen e mandatit të 9-të në Fier. Maskarada e KQZ-së duhet të marrë fund, ashtu si kundër Sali Berisha, i cili e orkestron këtë maskaradë, duhet të heqë dorë nga ideja se mund të grabisë mandatin e 9-të të PS-së në Fier, nëse nuk do që PS-ja të mos i njohë zgjedhjet”, u shpreh kreu i PS-së. Sipas tij, është e patolerueshme që qeveria e re të nisë punën me grabitjen e zgjedhjeve. Rama theksoi se Partia Socialiste do të provojë se vullneti i zgjedhësve në 28 qershor është deformuar në disa qarqe të vendit. Në të njëjtën kohë kreu i PS-së akuzoi kryeministrin Berisha për shkarkimin nga puna të punonjësve të administratës në qarqet ku selia rozë ka fituar zgjedhjet. “Nga ana tjetër, dua t’i them Sali Berishës, që duhet t’i vijë turp për të gjitha masat represive, që pushteti i tij po merr në të gjitha qarqet ku ka fituar PS-ja, duke larguar njerëz nga puna, ende pa dalë rezultati. Ashtu si kundër duhet t’i vijë turp për studentin që u ndalua në komisariatin e Fierit, për të cilin u bë e pamundur dhënia e një provimi sot paradite”, theksoi më tej Rama, sipas të cilit, me këto masa, do të jetë e pamundur për Berishën e Metën të qeverisin vendin. Por në të njëjtën kohë, kreu i PS-së ka hedhur poshtë deklaratën e një dite më parë të kryetarit të Lëvizjes Socialiste për Integrim, Ilir Meta, sipas të cilit Rama i ofroi postin e kryeministrit dhe blerjen e disa deputetëve nga Partia Demokratike. “Pas asaj që Ilir Meta bëri, askush nuk duhet të çuditet nga ato që Ilir Meta thotë. Dyfytyrësia e Ilir Metës doli në pah në një përmasë që askush nuk mund ta përfytyronte. Për fat të keq, 83 mijë njerëz që e votuan Ilir Metën për të hequr Sali Berishën, u kthyen në një mall, që Ilir Meta u shiti për të blerë karriget e palo qeverisë që po rreket të formohet përmes kësaj marrëveshje. Kjo bëmë flet më shumë se gjithçka! Ilir Meta është i pabesueshëm në gjithçka thotë. Ndërkohë, unë e mohoj me neveri atë që ai ka thënë konkretisht, lidhur me pyetjen tuaj dhe faktin tërësisht të pavërtetë, se paska pasur një ofertë nga PS-ja”, u shpreh Rama. Sipas tij, “duhet të jeni të sigurt, se PS-ja është një familje e madhe dhe e shëndetshme politike. Pa asnjë dyshim, ne jemi të vetëdijshëm për gjithçka kemi bërë e për gjithçka që pritet të bëjmë. Ndërkohë, që ju siguroj ju dhe gjithë të tjerët, se rezultati i këtyre zgjedhjeve, i cili për ne nuk ishte i mjaftueshëm, nuk do të bëhet dot alibi për askënd që ta kthejë mbrapa Partinë Socialiste”. Në fund kryetari i Partisë Socialiste theksoi se kjo forcë do të ketë si objektiv kthimin në alternativë qeverisëse, duke përsëritur tezën e hedhur prej vetë atij se në 28 qershor PS-ja ishte forcë e parë në vend. “Ashtu si kundër, pas marrëveshjes së pistë mes Sali Berishës dhe Ilir Metës, ne sot kemi vetëdijen se jemi shtëpia e madhe e të gjithë socialistëve e progresistëve dhe vendi ku do të gjejë vendin e tyre, jo vetëm ata që ishin me ne në 28 qershor, por edhe ata që nga 28 qershori dolën të tradhtuarit e mëdhenj”, përfundoi Rama.
burimi marre nga panorama.com.al

Vizat, Komisioni Europian vendos me 14 korrik

2009-07-07T01:09:00.000-07:00

Komisioni Europian, ne takimin e caktuar me 14 korrik ne Strasburg do te miratoje propozimin per vendosjen e Maqedonise, Serbise dhe Malit te Zi ne listen pozitive te Shengenit. Kete lajm e konfirmuan mediat e rajonit, duke iu referuar dje burimeve nga Komisioni Europian.

Sipas burimit te njejte, synohet qe procedura te perfundoje deri me 30 nentor, kur ne takimin e Keshillit te Ministrave te Puneve te Jashtme duhet te miratohet vendimi qe liberalizimi i vizave per Maqedonine, Serbine dhe Malin e Zi te hyje ne fuqi me nje janar te vitit 2010.
Komisioni Europian te marten e ardhshme pas miratimit, propozimin per heqjen e vizave do t’ia dergoje keshillit te Bashkimit Europian dhe Parlamentit Europian, i cili duhet te jape mendim ne afat prej tre muajve.
Vetem pak dite me pare, ministri i Suedise per Migracionin dhe Azilin, vend i cili mori Presidencen e radhes te BE-se, tha se “nga mesi i muajit korrik, Komisioni Europian do te dale me propozime ligjore, te cilat do te mundesojne regjim pa viza deri ne fund te vitit 2009, per ato vende te cilat deri ne ate kohe do t’i realizojne kushtet e nevojshme per liberalizim”. Ketu besoj, shtoi ai, se perfshihen Maqedonia, Serbia dhe Mali i Zi”, theksoi ministri Tobias Bilstrom.
Ai pohoi se Serbise, i mbetet te zgjidhe çeshtjet per kontrollin e vijes kufitare me Kosoven, si dhe çeshtjen e dhenies se pasaportave per qytetaret e Kosoves. Ministri suedez tha me tej se presidenca suedeze e BE-se e njeh dimensionin rajonal te liberalizimit te vizave per Ballkanin Perendimor, por thekson se te gjitha vendet ne proces duhet te fitojne regjim pa viza kur t’i realizojne kushtet e nevojshme.
“Secili vend ka problemet e veta specifike, por permbushja e kushteve eshte kyç per gjithçka”, tha me tej ministri Bilstrom. Sipas analizave te diteve te fundit, vleresohet se Presidenca suedeze kesaj radhe do te jete thelbesore per Bashkimin Europian, me shume çeshtje te ndjeshme, duke filluar nga fati i Traktatit te Lisbones, nje karte e re e propozuar ne Bashkimin Europian, per te cilen shume lidere thone se eshte thelbesore per kontinentin nese synon te shtoje ndikimin ne skenen nderkombetare.
Me ekonomi ne renie, suedezet do te perballen me rezistence ne perpjekjet per te vendosur rend ne financat e derrmuara publike te ketij blloku, pastaj eshte edhe çeshtja e ndryshimeve klimatike dhe fakti nese Europa mund te imponoje nje konsensus perpara bisedimeve globale qe do te mbahen ne dhjetor.

burimi marre nga top-channel.tv/artikull.php?id=156185

"Albania - il paese di fronte" "Shqiperia vendi perballe" incipit teaser

2009-07-07T00:52:00.001-07:00

Documentario sulla storia dell'Albania del '900 con le immagini degli archivi storici A documentary on the history of Albania through the film archives "Shqiperia vendi perballe" dokumentar 92 mi...
Documentario sulla storia dell'Albania del '900 con le immagini degli archivi storici
A documentary on the history of Albania through the film archives
"Shqiperia vendi perballe" dokumentar 92 min mbi historine e Shiperise nepermjet arkivave kinematografike nga pavaresia deri e renien e komunizmit.albania shqiperia albanese albanian shqiptar shqip documentario documentary historik historic film archive archivio Luce Istituto.