Shrimp On Net

電腦overheat - 2

2026-10-29T00:50:57.650+08:00

八年後又再一次遇上電腦過熱的問題，對上一次是八年前，當時部機用了六年多，現在這部又係接近七年的日子，看來都係六七年要換一換散熱膏才行。今次其實沒有上一次那麼熱，最高都係去到81度，但基本上是一開機就是什麼也不做，它也是可以去到60度的

今次換上MX7，也順便同部機d風扇清下塵

在換膏前（低功耗 35.9W 待機狀態），最低溫度約為 43°C ~ 44°C。換上 Arctic MX-7 後，最低溫度成功壓到 34°C ~ 35°C，整體上來不錯，比部機新時還更低溫(當時應該是MX-4來的)。現在打機都係在60頭度左右，所以比未換前又低左差不多20度。在現在電腦咁貴的情況下，部機應該又可以再用多幾年吧。

notebook upgrade

2023-12-16T23:14:00.001+08:00

繼上次幫部HP換電後,今次再次為notebook 加ram同換harddisk 來延長它的壽命

不過可惜部機不能support MVNE只能support NGFF, 所以只好買NGFF 的,現在買NGFF選擇真的不多,所以感覺上比起買隻MVNE來都有點貴,由於選擇不多,仲要本來選的W.D, 冇貨,要換隻貴一點的Kingston ...😓

除了要買隻M2外,由於是為notebook 換harddisk, 所以也沒有位置直接插多m2,要買隻外置盒雖然明知道在淘寶買隻外置盒一定會比較平,但由於時間上想早一點搞掂,所以都係一次過在網上買了,雖然要加上運費,不過在網上買直接FPS, 都幾方便...

當然如果是要整部電腦換的話,我想我還是會到黃金走走, 買少少野就上網買俾運費算了,這太約也是科技為大家帶來的方便.

一次過更換harddisk 同加RAM

M2 的外置盒, 換完後又多一隻外置harddisk

為notebook 換電

2023-05-19T23:45:00.000+08:00

家中有部電腦不能充電了,停留在7%,在網上找了一個買了粒新電,第二天就收到貨了,上youtube 睇過點樣打開部機,唔使15分鐘搞掂救番部機,希望粒代用電正常運作啦.

電池玩完了

代用電, 還付上了螺絲起子

成功打開部機,原來部機仲有ram槽可以加ram

換電成功

install pyodbc for apple silicon

2023-05-03T01:34:00.005+08:00

在apple silicon安裝pyodbc, 先需要安裝unixodbc 再進行build
先安裝unixodbc

brew install unixodbc

再build 一次

pip3 install --pre --no-binary :all: pyodbc

這樣才可以順利運行到pyodbc

Lego 76908 - Lamborghini Countach

2022-11-12T00:00:00.000+08:00

一個突如其來的半天風假,讓我終於有時間可以砌左架76908, speed champions 現在變了8格真係正好多, 能夠有更多的details 展示出來...

都是兩袋

現在的組裝說明都會說現在是用那一袋的組件,所以少了很多找件的時間, 當然其實我覺得找件也是一種樂趣來的, 所以其實要完成它所需要的時間其實不算多

完成了第一袋

完成品, 又是唯一小改動就係變右軚車

把它放到公司的車庫中,真車就冇錢買了, 放兩架lego 好了, 不過唔經唔覺2022年又就快完了, 應該好快就會有2023年的lego preview 了...唔知下一代的speed champion 會唔會又有驚喜呢!

一紅一白

家居小維修 - 換走廊射燈

2022-09-17T18:34:00.004+08:00

家中走廊的射燈去年底特然有一天不停地閃,之前有時轉一下佢, 佢又會冇事, 只要不長開還可以,但上月它終於不行了,無論如何弄都不停地閃,最後還是換了一下,為免將來唔記得是如何去換,所以記錄一下.

狠狠地把燈拉下來,拿了去樓下五金店買,其實淘寶應該會平很多,這個只能買到新款的,火牛已是內置了,所以叫我回家再拉出一點把火牛也移除,還好換的過程也算順利,成功令走廊可以正常開番燈.

新的已內置火牛了

這個外置火牛也要移除

原本裝修是把火牛線和燈線直接連在一邊,我還是分開它們好了

任務完成

新電腦 - MBA M2

2022-09-03T20:25:00.003+08:00

現在的一部MBA也使用了九年後, 終於也決定把它退下來, 換上了全新的M2, 使用上back to school 優惠,所以除了價錢平了一點外,還送上了airpod 2

等了個多星期, 主機終於由上海寄到, 贈品airpod 在確認了購買資格後的第二天,就由香港出貨,隔天就收到了,倒是不知道是不是因為是選擇了加ram 的關係, 它竟然不是由香港出貨, 而是由遠在上海來出貨運來香港..

包裝內的東西

午夜暗色

開始setup 準備

九年差距的大升級,感覺上是快了很多的,特別是新機換上了16G ram...在網上的測試來看,其實8G是應該夠用的,不過考慮到這部機可能會用上十年以上(希望可以),加ram 的千多元,平均計每年都是才百多元,計下來還不算很貴的,雖然都是無法和windows notebook 加8G的價錢來比較...

新的工作keyboard - MX mechanical

2022-07-29T14:06:00.002+08:00

Logitech 剛剛發表了新的keyboard, 剛巧我又想試一下機械鍵盤,它又有早烏優惠再加上信用卡優惠平了二百大元,所以很快直接下單了,由於是打算在公司用, 所以選擇了靜一點的紅軸

還送了手枕

等了幾天收到貨了, 這是暫時來說買得最貴的一個keyboard, 往時都只是用keyboard+滑鼠的套裝,今次這個一下就過千了...

過千元一個keyboard 很矜貴的咁包住

包裝盒內容

早前剛剛換上了lift vertical, 這隻MX mechanical 都是用bolt 的, 所以簡單的設定一下,就可以直接用同一個usb receiver.

早前剛剛換了lift vertical, 可以用上同一個bolt receive

一連上就有新的fireware 更新

突然地公司用上了很貴的鍵盤及滑鼠,哈哈...正所謂工欲善其事,必先利其器.唔知咁樣係咪真係應該可以提升工作效率.

後記: 哈哈, 使用了機械鍵盤兩星期, 真係會有回不去的感覺

Logitech LIFT 人體工學垂直滑鼠

2022-06-21T23:29:00.000+08:00

不知道是不是年紀開始大,最近在公司用電腦多了,隻手會有點痛,適逢剛剛又發了消費卷,而且logitech 又在做discount,咁就豪一次,試一下換隻人體工學mouse一用...

這個lift 是新的形號,比起上一舊款旳來說,size 細上一點,價錢也平了二百大元,而且也是靜音的設計,到了體驗店一試,lift的感到上比較好一點,所以也不多想了,很快就選擇了lift.

原價700,95折後,六百五十多元的一隻mouse另再送mousepad一塊

這隻lift可以用上藍牙連接,而且也可以支援三部裝置,剛巧家中部電腦隻滑鼠的右鍵好像壞了,不是每一下也能感應,剛好可以把macbook air 的滑鼠拿回家中用,隻lift 就在公司電腦及部air共用..

現在講求環保,簡約的包裝差不多是指定的動作

find SID by account name

2021-11-03T22:59:00.003+08:00

又來記一下工作的command,唔知點解公司有幾部server,會resolve 唔到d AD user account,得番條SID係度.哈,避免自己又會唔記得點可以將個名resolve 做SID,又係時候記個command係度.

Get-ADUser -Identity 'XXXXXXXXXX' | select SID

Play Station 5

2021-10-28T14:04:00.000+08:00

Play station 5 面世了一年,基本上都係要抽籤才能買到,無聊下每次有得抽都填下去抽,但係估唔到今次竟然抽中左,雖然可能買回來再放左佢可能都有人會買,但最後都係決定開左佢,就當是今年的生日禮物來玩FF7,同為播disney+作準備,哈,因為家中的apply tv為第三代,冇得直接裝apps,雖然可以用airplay播,但變左播緊時又用唔到部電話或者部ipad,咁都係把部PS5常高級dvd player 同播disney+吧....

部機真係好大部,而且其實咁樣拎反屋企都有d重,把屋企部blueray player 移除,位置來放部PS5.雖然用ps5播碟好似有點奢侈,但竟然可以用它來播,那部blueray player 就好似冇也用了,而且電視櫃也空間有限.

好大部的PS5

抽獎需要連手控買的

兩隻手制, 一黑一白, 不過感覺黑色靚D

21/22 國米球衣

2021-08-25T02:12:00.002+08:00

為了慶祝會那個久違了的意甲冠軍,所以今年入手了第六件的國米球衣,哈..本來是好期望這件會是最後的一件只得一粒星的,但現在沒有了干地,夏基美,盧卡古,似乎本來有點難度的任務,會變得更難,不過也要加油,希望一件兩星的國米波衣不用等太久

新的隊徽

沒有了黑色,沒有了Pirelli, 還是覺得深藍應該要是黑色才對, 國米是藍黑軍團

Searching windows event

2021-06-27T16:58:00.001+08:00

神奇地你會發現雖然windows 已經有這麼多年的歷史,但windows eventlog的xml filter 竟然係不能用wildcard search的,如果要用到wildcard 來search 只能借用powershell 的幫助,還好他的command 還不算複雜

Get-EventLog -LogName "Application" | ?{$_.Message -like "*your text*"} | Out-GridView

Lego 42124 - Off-road buggy

2021-02-13T22:39:00.000+08:00

因為疫情的關係, 農曆新年未能外出吃飯, 所以能夠在初一一早就能夠把之前買下來的2021年新品開箱砌出來...

從去年開始, lego technic 的中價位的remote control 也升級了變成了用apps 加藍牙,所以相對來說價錢也貴了不少,之前用IR 的中價control 才500多元, 現在的平版control 也要接近900元,不過換上了藍芽的控制,的確讓它的可玩性大大提高了.

900元多說件其實不多

一體的電源及藍牙接收

因為件其實不多,所以其實砌的時間也不會要太長,不過砌technic 我覺得好玩的地方都係你會砌到一些gear 位, 都可以玩一陣,所以其實都可以消磨到一定的時間.

從前用IR, 接收器一定要露出來,現在藍牙可以把接收器好好收起

太約是因為換上了一體的藍牙及電箱設計, 所以整體來說成品的感覺的感覺很不錯, 而且這車的避震也是不錯的,所以作為入門藍牙車來說,應該比去年的top gear 更好玩.

成品

砌完當然立刻去下載個control+ apps 去試車, 開左個apps, 選擇你現在玩的車款, 之後就通常都係新野的指定動作firmware update, update 完就真係可以試車了

用control+ apps

firmware update 應該都係指定動作

Control + offroad buggy 的版面

唔知係咪新motor 功率高還是車身輕, 架車行落都幾快,而且藍牙這個remote 係佢可以program都個motor都做到servo的功能,變相唔使轉登買隻motor去做轉向用,用control+ 我自己覺得比較難控制速度, 或者用powerup apps 自己custom 可能會比較易玩

Lego - 51515 Mindstorms Robot Inventor

2020-11-05T23:33:00.000+08:00

之前的EV3,雖然吸引但是多年都最後都係沒有買到,剛好今年年中公佈的51515, 第一眼完全已經有了買的決定, 到九月尾,平時買開的lego店開訂了,問完價覺得價啱,就直接入數了,十月中就取貨了,剛好剛剛的週未是重陽節,就立刻把它開箱了,哈,都好似好少咁快買左一盒lego 咁快就開

原盒的16日前不要上架呢

5in1, 號碼51515, 好易記的一個model number..ha

全部零件合照

第一隻選擇了先砌Blast來玩,因為小朋友話想砌這個先,基本上blast佢分為四個部分來砌,頭,身,手同腳,

頭就昰主機的部分,第一次開機要更新主機

頭部基本上都冇乜野砌,真係要砌的都只是用來放置建設過程中的blast,所以好快就可以進入砌身體的部份

完成了身體的試玩....

完成手部,其實咁樣放架上都好型

完成了Blast

完成了基本的機械人後, 其實佢仲有好多組件跟著砌,而我就將佢其中的一組加上remote來玩,remote佢除了可以用apps之外,還可以用上PS同Xbox的手控,哈,但估唔到佢唔可以switch的....明明你都出左孖寶系列,但係反而冇同switch的手控連結...=.=

其實佢入面真係好多野可以係個apps 到設定, 不過可能只係砌左第一款,所以好似好多都未係好知點用, 不過其實只係砌隻blast 都砌左4,5個鐘, 要玩晒咁多款都真係需要一點時間...可能下次轉款已經要去到聖誕的假期....

linksys - MX4050

2020-08-21T02:10:00.020+08:00

在四月時換入了MX5300, 當時的速度也是滿意的, 不過也許香港的屋有太多的牆,在某些地點上雖然連結的速度的確比之前用7500的快, 但還是有一點不隱定的感覺, 還是會有突然收不了wifi的出現(雖然比之前用7500 的時候少, 但都係有俾人投訴的時候)

咁arm linksys 出了新的velop model - MX4050,而且1支裝的價錢係只需$1499, 最後都係決定入多一隻MX4050組mesh (買多隻5300太貴, 而且感覺上睇spec 其實4050都夠用的, 一隻5300 的價錢其實已可以買到2支裝的4050, 真係想喊,如果唔係咁早買左隻5300, 一定係唔使諗選兩支裝的4050, 現在只好一隻5300, 一隻4050咁組)

和5300外形一樣的4050

雖然它們外形上是一樣的, 但當然差了$1200 蚊,就總會有點分別的, 下面簡單列一下它們的分別

	MX5300	MX4050
Processor	2.2 GHz Quad-Core	1.4 GHz Quad-Core
Memory	Flash: 512MB; RAM: 1GB	Flash: 512MB; RAM: 512MB
MU-MIMO	4x4 MU-MIMO	2x2 MU-MIMO
Wi-Fi Speed	AX5300 (1147+2402+1733 Mbps)	AX3000 (600+1200+1200 Mbps)
Ethernet Ports	1 Gigabit WAN 4 Gigabit LAN	1 Gigabit WAN 3 Gigabit LAN

因為選擇了兩個不同型號的velop,討論區其實有建議用部比較強的做primary node, 但由於家中會行wired backhaul,我又懶得把現在部5300從書房搬出廳(因為部4050 行3A, 5300行4A, 兩隻火牛不能互通, 要把火牛換出廳有點大工程),所以最後我只用選擇用4050做primary 放在廳而reset左部5300變成child, config 好後再連番lan 線行wired,雖然我冇法比較一下用5300做primary 的效果會是如何, 但最少現在我用部弱一點的做primary 使用上的效能也不錯

新Mon - MSI 24 optix g241vc

2020-08-02T20:02:00.001+08:00

用了七年的dell mon, 突然用用下自己斷電, 開開下機, 畫面全黑, 連電都冇, 要拔電之後可以開番幾分鐘....=.=, 而它竟然在疫情出現第三波時壞, 所以都唔係太想出去睇mon, 剛好這隻mon做特價, 最後膽粗粗咁係剛上買了...

由22" 轉去24"

在網上買, 直送屋企..

保險係全新貨的封條

不過很搞笑的是個包裝外面還有一包野, 打開竟然係一條電線, 但係明明部機本身都已經有一條了的...

竟然送多一條power, 但係我已經有好多條電線

最初還怕V字形的mon腳會比較凸,要大執台前的空間才放得下, 但好在厡來位置是剛剛好的呢, 完全不用執,連左右兩邊的空間也是good fit 的...:)

裝好隻mon,試一試有冇死點同光點,還好,不專業的我完全沒有發現,所以就算真係有,我都係會當沒有的了.

忘記了先影張相,又放位了,懶得再搬出來再影, 因為真係好大工程

由台灣運來的離子生產器 - IZ-CCL15E

2020-07-09T01:26:00.000+08:00

家中一路用開的sharp空氣清新機在農曆新年開始那個離子的閃燈開始閃爍,是更換的時候,有d野真係當你要用的時候佢就偏偏缺貨,最初以為是因為疫情的關係,工廠沒有開工,也沒有物流,所以也會缺貨吧,但當大陸的工廠開始復工後,還是沒有貨,咁就email左一次問香港代理,但他們竟然連何時會返貨的期也不知道,真係吹脹!?

相反在網上台灣郤找到有貨,當時都係心諗,等下應該遲d也會有貨...

但等下等下幾個月,代理的網頁也古怪地開始不停做d陳列品清貨,最後所有家用電器都消失了.所以最後在確認集運可以送香港後,就立刻在台灣sharp的官網上買了(對比上次在香港買的價錢是貴了少少,但總好過唔知部機仲可唔可以用,而要換一部新的好).

不過神奇的是明明sharp 給我的運單是一個,但到了集運倉,運單號碼郤是另一個,還好的是這間集運不像平時用開的一間,一定要靠自己提供的運單,他收貨地址寫到明你一定要連一個code,最後是它提醒了我有運單到了但還未作出登記,才知貨件已到台灣的倉,再等多幾天終於送到手,部空氣清新機終於復活.

終於到手

還好香港只是換了代理,所以兩年後如果再要買新離子生產器,應該都不用再越洋來買吧!

走入wifi 6和 Mesh - Linksys MX5300

2020-04-12T18:17:00.000+08:00

前文提到換左隻舊router 去測試,測試了兩星期也沒有出現突然的斷線後降速到100M的情況,不過這隻router有一個很大的問題,就係唔知做乜佢訊號竟然奇唔隱定,在和router隔一牆的房竟然會經常load 唔到 =.=,所以忍受了兩星期,雖然部舊的用到,但我都係決定換隻新的router,最終選擇了剛出的MX5000, 網上評價過佢覆蓋範圍很強reference,就算只係行1隻都有很大的覆蓋範圍,咁就選佢試一下,雖然它一點都唔平($2699),我應該末買過一隻router 咁貴, 希望貴得來會係物超所值la...

以前router都是在腦場買的,不過因為現在疫情的關係,所以我選擇了在豐澤的網店買,等了接近一星期終於直送到屋企個結果係完全地擊倒了AC制式呢,而且個coverage 真係幾impressive,真係可以做到一隻就cover到成間屋,所以總算冇投資錯到吧...

個包裝都幾大盒的

開盒了

部主機比之前的mesh 大得多了,隨機也有跟一條肩扁身的lan 線,基本的火牛,還有安裝光碟, 不過其實安裝光碟其實還有什麼人會用呢?

包裝內容

選它的其中一個原因係因為它有4個lan port,不用另買switch, 散熱在機頂, 摸上手都係微熱吧

部機比較大, 所以都要花一點時間安排一下放置的空間, 花了一點時間把它安置好就可以開始做setup了, 第一次setup 它一定要你經app 做,其實經app做都係簡單地作設定, 和平常的router router 不同的太約就是mesh 要你設定你是放在什麼位置, 比個名佢, 佢預設都有好多的名, 不過就係冇一個叫書房...

開始設定, 在設定前它會是閃紫色的燈

其實設定和平時都是一樣, 不過過了第一次後, 就可以好似其他router 咁用回電腦設定,設定好了當然又係基本動作, 試左行lan的速度如何..

行lan 的速度完全冇問題

今次再試下行wifi 看看和之前的有乜分別,之前在換走隻EA7500時做左一次wifi test, 在下面五個位置 (A-E), 再用隻MX5300做一次睇下分別有幾多.

EA7500 的結果

	Download(Mbps)	Upload(Mbps)
A	319	302
B	311	232
C	141	49.2
D	82.7	56.1
E	0.46	1.62

MX5300的結果

	Download(Mbps)	Upload(Mbps)
A	624	458
B	469	201
C	234	125
E	262	122
E	58.4	10.9

Router 的最後倒數?

2020-03-28T00:56:00.001+08:00

去年11月時隻router 突然傻左, 得超低的upload speed, 同會無端端斷線行左100M, 但用用下reboot 下又冇事一排....但係到最近問題又突然重新出現, =.=!

上次有問題時從母親家中拎左隻舊的EA6350做後備,但又因為用用下又冇事, 所以冇嘗試換來睇下係咪真係隻router 有問題, 但今次又問題又出現,最後都係花一點時間換隻router 去睇下會唔會有同樣的情況, 如果隻舊的冇事, 也許是時候換上新的router了...雖然如果隻6350都仲頂到的話, wired 係冇乜問題, 不過好似wifi 來說始終也沒有7500的好, 7500之前在廳有時也會接受不良(隔了兩牆), 也許是時候選擇mesh wifi 了

新機啟動任務 - 終章

2019-12-24T00:20:00.000+08:00

plan 左一整年的換機計劃,終於啟動了, 由去年本來的目楆9700K, 變成了3700X,雖然在買前的最後一天還在想想會唔會用3600就算...哈, 但係計落今次部機應該有機會用上十年, 部i5 2400 都用左7年多了, 今次應該有力超越它...

除左SSD, HD, 同display card用回舊的, 其他都換新了

機箱最後選擇了TD500 Mesh 黑色版, 其實白色也很美, 但可惜我怕白色會變黃,因為今次部機應該會用上十年了

這箱得前面3把ARGB, 不過因為之前部機overheat買左把12MM的, 咁就唔好浪費,做機後面的一把

開波砌機

太耐冇砌機,估唔到一搞就搞左幾個鐘, 第一次砌機一開始就用巨型的塔散, 之前都係用跟cpu 的cooler, 裝左落機箱之後發現很阻礙cpu 的8pin同其中一個風扇電源, 所以估唔到裝條2條應該係很簡單的電線都搞了很久..=.=,

裝完機其實入windows 都算順利, 係因為換了底板要再啟動一次, 本來原以為已經連結了Microsoft的帳戶, 所有野都應該係自動的, 但按了網上的指示做都是不能啟動, 最後要打去Microsoft 的CS 去問, 哈, 原來win7 free upgrade 上去win 10 的, 並不能用連結帳戶來啟動的佢係要入番win7條key做啟動, 但佢網頁其實都冇寫過要咁做, 好在我win7隻碟同key都仲係度, 唔係就真係要再買多隻win 10..=.=

裝完機用左幾日都發現佢有BSOD,而且行machine learning 中佢竟然會花畫面,心血來潮咁做一次memtest, wah....行一陣已經爆多error, 心諗唔係ma....咁難的死ram 都中,拎番晒d單出來,諗緊邊日去代理到搞,突然心諗不如試下disable 個xmp再行一次, 行左一陣都冇error,上網search下,發現xmp同底板不夾的話有機會enable後爆error,所以只好等佢行足4 個pass,6 個鐘後confirm 條ram冇事後,自己手動去行OC,填番晒佢XMP profile d value,後再行一次memtest,今次終於冇error.順利行晒4個pass,so far 再行machine learning, 同prime95, 都冇再死, 希望真係順利!

新機BSOD真係好灰,心動overclock 希望問題解決

Router 要死了嗎?

2019-11-07T02:31:00.001+08:00

最近隻router 又係會突然地變左得番100MB, 要reboot 或著重接條wan 先上回1G, 因為咁所以最近每次reset 都會再做一次speed test, 但今天一做, 它的upload speed 竟然得番細過1Mbps...=.=

download speed 正常但係upload 就...=.=

開頭以為係netvigator 的問題, 但後來直駁電腦竟然係好正常, 轉回經router 就upload 又得番幾Mbps....

直駁電腦

睇番原來隻router 係16年的11月買, 還有幾天就3年了, 唔通它真的夠期了嗎? 再unplug 多幾次佢又行到正常....想點.....

試多幾次, 突然又行到正常

藍牙耳機

2019-09-10T23:30:00.000+08:00

由於反正有些會員積分唔知換乜好, 見可以用積分又不用加錢下可以換到小米藍牙耳機超值版, 咁就換隻來玩下,

盒內內容, 是沒有usb 線的, 不過也好, 因為其實家中也有大量的usb 線, 沒有再送其實反而更好

這個耳機戴上去耳仔感覺也幾舒服, 而且連線的反應也很快, 基本上才拿出盒, 它不用1秒就能重新和部電話連上, 音質對於沒有太大要求的我是沒有太大的所謂呢, 哈哈, 反正我只問應該聽不出什麼的分別來.....以定價不足150元其實很抵玩, 哈, 不過當然用上積分換感覺更良好..

充電盒

新機啟動任務 - 新CPU Fan - Freezer 34 eSports DUO

2019-06-03T00:47:00.000+08:00

今次新機因為會選擇9700K的關係, 而且上次部機overheat之後, 換上了arctic 的散熱器, 感覺不錯, 所以新的電腦就計劃用它新的model - Freezer 34 eSports DUO, 因為香港沒有這個model 賣, 所以就只好在Amazon 訂回來吧,在本身有其他東西也要在amazon買回來的關係下, 在運費分擔下, 隻野都係400蚊左右, 而且在它網頁上, 它和Noctua NH-D15來比, 也只是熱1度左右, 感覺上也可以接受, 所以就選它試一次..

等了兩星期終於收到貨

等了兩星期, 終於收貨, 不過由於其他的還沒有買, 所以都係未有得開工住, 所以只好先把它們影一下簡單的開箱, 真正的效能測試,還是要留待換新機的日子吧!

主體

底部的保護貼

其他零件

NAS 死harddisk

2019-05-25T19:39:00.001+08:00

要壞的, 始終都係會壞, 如果沒有記錯它也是因為曾經係部電腦耐唔耐就出smart error 我才換它去部NAS 用, 當時同部NAS 隻640G對換了,

雖然最後好似其實係條cable 死死地咁, 唔關隻harddisk 事, 不過現在它也出SMART error了, 看來換機前也要先破費先換一隻harddisk ....mmm...近一年沒有了電腦parts 回收, 家中仲有幾隻3.5冇記錯呢應該隻隻都係死死地...真係唔知點好....看來堆填區也許是它們唯一的出路...