All copyright free

Peer_Zulfiqar_Naqshbandi

2025-12-14T21:49:00.003+03:00

حضرت پیر ذوالفقار احمد صاحب نقشبندی

ہمارے عہد کی عظیم شخصیت

از قلم: محمد فہیم الدین بجنوری

23 جمادی الاخری 1447ھ 14 دسمبر 2025ء

سفیرِ تصوف، تحریکِ ارشاد، الہامِ اصلاح، واعظِ روح، خطیبِ قلب، دوائے دل، بہارِ سلوک، انجمنِ تزکیہ، موسوعۂ معرفت، انقلابِ باطن، لسانِ صوفیا، قلمِ حقائق، کاشفِ اسرار، کاتبِ انوار، شارحِ دقائق، مفسرِ رموز، فاتحِ عقبات، دست گیر راہ، مشکِ عرفان، طلسمِ تقریر، سحرِ بیان، حضرت پیر فقیر ذوالفقار نقشبندی آج رحمہ اللہ ہو گئے۔

غالبا دو ہزار ایک کی بات ہے، راقم دارالافتا ءکا طالب علم تھا، ایک روز درس گاہ میں ایک کتاب نظر آئی، کتاب تو میں کیا ہی دیکھتا! مصنف کا نام مقناطیس بن گیا، پیشانی پر مرقوم "پیر فقیر" بالکل غیر روایتی معلوم ہوا تھا، فہرست نارمل جا رہی تھی؛ یہاں تک کہ ایک عنوان گلے پڑ گیا، اس کے الفاظ یہ تھے: "ہڑتال فقط جانچ پڑتال"، یہ سرخی بد نگاہوں کا سچا آئینہ تھی، میں اس کی ندرت کا شکار ہوا، پڑھنے گیا تو صاحبِ کتاب نے ایک نیا قاری دریافت کر لیا تھا، مجھے یہاں بلا کی ذہانت ملی، انھوں نے اصلاح کے ایک نکتے کو مزے دار، زندہ، ہم عصر اور تازہ بہ تازہ پیرایہ اور پیرہن دیا تھا، یہ اتفاقی انٹر ایکٹ پیر صاحب کے تعارف کا نقطۂ آغاز تھا۔

پیر صاحب کی عبقریت کا پہلو یہ بھی ہے کہ ان کی نہاد میں علم، مدرسہ اور کتاب نہیں تھے، یہ علمی ساز وسامان ان کے قافلۂ حیات میں آگے شامل ہوئے، وہ عصری درس گاہوں کے طالب علم تھے، باضابطہ انجینئر بنے، وہ الیکٹریکل انجینئر تھے، مشینوں میں برقی نظام بنانے والا دلوں میں بجلی نصب کرنے کی طرف آئے تو یہ دشوار گزار سفر ہے، تعلیم وترتیب کے میدان سے بالکل مختلف میدان کو کیرئیر کے لیے منتخب کرنا بڑا فیصلہ ہے، رسکی، حساس، ففٹی ففٹی، ایسے سنگ میل بڑی طبیعتوں کا خاصہ ہیں، یہ لمحہ مثال اور تاریخ کہلاتا ہے، زندگی کو نئے رخ پر ڈالنے والا سرخرو ہو جائے تو کارنامہ ہے؛ مگر پیر صاحب اس نئے دھارے میں امامِ وقت کے رتبے کو پہنچے، سو ان کے طلسماتی جوہر کا اندازہ کریں!

پیر صاحب جادو بیان تھے، دوہزار گیارہ میں انھوں نے دارالعلوم دیوبند کا دورہ کیا، کانگریس دور میں یہ ممکن تھا، میں ان کے تینوں پروگراموں میں شریک تھا، دفتر اہتمام کی خاص نشست، مسجدِ رشید کا اجلاس عام اور حضرت مولانا محمود مدنی کا ظہرانہ، مسجد رشید میں عوامی ہجوم تھا، وہاں تسخیر قلوب کا منظر دیکھا، کاتب سنگ دل ہے؛ مگر ایک موقع پر دہاڑے مار کر رویا، گریہ وزاری کے متعدد وقفے ہوئے، حاضرین کی چیخیں نکل جاتی تھیں، ناچیز نے اس پہلو کو استاذ گرامی قدر حضرت مولانا ریاست علی صاحب بجنوری کے سامنے رکھا، ولایت کا ان کا اپنا نظریہ تھا، ماورائی داستان سے وہ جلد اثر لینے والے نہیں تھے۔

ایک وقت میں نے کسی کی بزرگی ثابت کرنے کے لیے داستان پارسائی کو طول دیا تھا، سب کچھ برداشت کرنے کے بعد ایک ہی سوال کیا کہ ان کا ذریعہ معاش کیا ہے، وہ "ہدیہ معیشت" پر تحفظات رکھتے تھے اور ولایت کو روزگار چیک پوسٹ سے لازمی گزارتے تھے، خیر! وہ مسجد رشید کی آہ وفغاں والی روایت سے متاثر نہیں ہوئے، اگلے دن مدنی صاحب کے ظہرانے میں وہ بھی مدعو تھے، پیر صاحب کا مختصر خطاب ہوا، یہ گفتگو بھی غضب کی پر اثر تھی، باہر آتے ہوئے تأ ثر کے لیے تحریک کی تو فرمانے لگے کہ بیان میں بلاغت ہے، بے شک وہ روحانی پہلو کی طرف نہیں گئے،مگر بلاغت اور حسنِ بیان کا اعتراف غیر معمولی واقعہ ہے، حضرت پیر ذوالفقار صاحب کو بیان وسخن کی عظیم شہادت عطا ہوئی۔

حضرت پیر صاحب نے مسجد رشید میں سماں باندھ دیا تھا، بعینہ ابن الجوزی کے خطاب کی یاد گار تھی، لوگ مرغ بسمل تھے، مسجد کے احاطے میں ماہئ بے آب تڑپ رہی تھیں، اس قسم کے مناظر کتابوں میں پڑھے تھے، اس دن یہ مناظر تجربے، مشاہدے اور تأثر کا حصہ بنے، ناقابلِ یقین کیمیا اثر صحبت آنکھوں سے دیکھی، وہ دلوں کا شغل تھا، جو خالق قلوب کے توسط کے بغیر ممکن نہیں، کیوں کہ بندوں کے دل اسی کی دو انگلیوں کے مابین ہیں، ان میں تصرف کے لیے خدا کا واسطہ لگتا ہے، وہ بڑی چابک دستی، اعتماد، پیشہ ورانہ مہارت اور کمال وخوبی کے ساتھ ماحول کو اینکر کر رہے تھے، وہ رلا رہے تھے اور ہم رو رہے تھے، سامعین اپنے جذبات سے بحق حضرت والا دست بردار ہو گئے تھے۔

حضرت پیر صاحب نے دفتر اہتمام کی خصوصی مجلس میں بھی قدرے بیان کیا تھا، وہ گفتگو دارالعلوم دیوبند کی عقیدت میں ڈوبی ہوئی تھی، ترانۂ دارالعلوم کے اشعار بھی دہرائے، ایک سماں اور وجد تھا، خالقِ ترانہ روبرو تھے، عشق دارالعلوم کی مجلس مشک مشک ہو گئی تھی، عاشق بعید عشاق نزدیک سے ہم کلام تھا، ہجر زدہ مجنوں وصال یافتہ عشاق سے ہم نوائی میں تھا، بزمِ معشوق سجی تھی، باراتِ عشق آراستہ تھی اور محرم عشق دیوانہ وار تھے، اس فضا میں حضرت پیر صاحب نے حکایت عشق چھیڑی اور تار ہائے وجد کو زیر وزبر کر دیا، رونگٹے کھڑے ہو گئے، روم روم سرشار ہوا، دور کے ساقی نے میخانہ ہلا دیا۔

وہ تصوف کی کساد بازاری میں متاع تصوف لے کر نمودار ہوئے، یہ تاجر کی لیاقت کا منتہی ہے کہ وہ سرد مہری کو للکارے، مین اسٹریم میں غیر مطلوب سامان چلادے، طرز جنوں اور ہی بیدار کرے، مارکیٹ سیٹ کردے، ہم فقط نظریاتی صوفی رہ گئے تھے کہ پیر صاحب ایک سیلاب کی طرح آئے اور طوفان کی طرح چھا گئے، انھوں نے تصوف کا نقارہ عالمی پیمانے پر بجایا، دنیا بھر میں تصوف کی بہار آگئی، صوفیانہ تقریریں، صوفیانہ تحریریں، صوفیانہ رجز، صوفیانہ ادبیات، غرض! تصوف دفاع سے اقدام بن گیا اور بین الاقوامی زنجیر وجود میں آئی، ہمارے مدرسے نقشبندی تصوف میں رنگ گئے، مسجدوں میں پیر صاحب تھے، کتب خانے پیر فقیر کے عنوان سے جگمگا رہے تھے، منبر و محراب کے تذکرے بدل گئے، میز ومطالعے کے عناوین مختلف ہو گئے، گلستان دیوبند میں تصوف کا نیا جھونکا گذر گیا۔

حضرت پیر صاحب کی زندگی ہم طلبہ کے لیے مشعل راہ ہے، اس مشعل سے بلند ہونے والی کرنیں امیدوں کا منبع ہیں، انھوں نے ذاتی محنت سے علم حاصل کیا، کتابیں پڑھیں، مطالعہ کیا، تصوف کی راہ اختیار کی، منزل تک پہنچے اور نئے نشان بھی دریافت کیے، انھوں نے اس احساس کو کہ وہ روایتی عالم نہیں ہیں موقع میں تبدیل کیا، انفرادی محنت، جاں فشانی، تندہی، ریاضت اور شب وروز کو ایک کر کے ہر دو فلک پر کامیاب کمند ڈالی، علمِ شریعت اور علم تصوف دونوں میں مقام بنایا، تصوف میں خاص طور پر رشک زمانہ مرتبہ پایا، وہ ہمارے بہانوں پر حجت ہیں، آپ کسی بھی علم وفن کی گھاٹیوں کو سر کر سکتے ہیں، محنت، جد وجہد، ریاضت اور سرفروشی شرط ہے، کاہلی کا ٹھیکرا رکاوٹوں کے سر پھوڑنا فرار کے سوا کچھ نہیں۔

حضرت پیر صاحب پس مرگ زندہ ہیں، تصانیف، مواعظ، صوتیات، مرأیات، اداروں، تلامذہ، متوسلین اور مستفیدین پر مشتمل صدقۂ جاریہ کا ایک جہان ہے جس میں انقطاع اور توقف ممکن نہیں، وہ اپنے درجنوں جلووں میں ہمیشہ ہمارے درمیان رہیں گے، زندہ، تابندہ اور تازہ بہ تازہ۔

إنا لله وإنا إليه راجعون اللهم اغفر له وارحمه وأسكنه فسيح جناتك وأنزل الصبر والسلوان على ذويه آمين يارب العالمين.

اس مضمون کو PDF میں ڈاؤنلوڈ کرنے کیلئے نیچےبٹن پر کلک کریں

TikTok Earning Guide 2025

2025-10-09T00:31:00.004+03:00

ٹک ٹاک سے آن لائن آمدنی کا مکمل طریقہ

ٹک ٹاک سے پیسے کیسے کمائیں؟

ٹک ٹاک کی کمائی کے راز

ٹک ٹاک سے آن لائن آمدنی کا مکمل طریقہ

How to Earn from TikTok

TikTok Earning Guide 2025 | Complete Step-by-Step Urdu Tutorial

Make Money on TikTok Without Followers | Beginners Guide in Urdu

Earn from TikTok at Home

TikTok Income Secrets | 2025

تحریر: محمد صدیق قاسمی

سوشل میڈیا کے اس دور میں آج کے نوجوان آن لائن دنیا میں روز نئے خواب دیکھتے ہیں "جلدی امیر بننے کے"بغیر محنت پیسہ کمانے کے"یا "غیر ملکی اکاؤنٹس سے ڈالروں کی بارش کے۔

اور کچھ لوگ ان خوابوں کا فائدہ اٹھاکر ایسے نوجوانوں کو مختلف طریقوں سے ٹھگ رہے ہیں ،

کئی نوجوان ان جھوٹے فراڈیوں کے چکر میں آکر اپنا وقت، پیسہ، اور ذہنی سکون سب کچھ گنوا بیٹھے ہیں

آجکل سب سے زیادہ فراڈجہاں ہورہاہے یا لوگ جس پلیٹ فارم کو الادین کا چراغ سمجھ رہے ہیں وہ ہے ٹک ٹاک ہم آج اسی پر بات کریں گے۔

ہمارے بعض نوجوان جو راتوں رات بغیر کسی محنت کے امیر بننا چاہتے ہیں انکی سوچ ہے کہ “ٹک ٹاک کا UK یا USA اکاؤنٹ بنا کر راتوں رات امیر بننا ممکن ہے۔”
حالانکہ یہ بات سراسر جھوٹ ہے۔

حقیقت یہ ہے کہ ٹک ٹاک یا کوئی بھی عالمی پلیٹ فارم اتنا سادہ نہیں ہوتا۔

یہ کمپنیاں تمہارا IP ایڈریس، فون سیٹنگز، بینک تفصیلات، اور مقام (Location) تک سب چیک کرتی ہیں۔

اگر ان میں سے کوئی چیز ایسے ملک کی ہے جہاں ٹک ٹاک ممنوع ہے (بین) تو تمہارا اکاؤنٹ کبھی بھی “مونیٹائز” نہیں ہوگا۔
لہٰذا ضرورت اس بات کی ہے کہ نوجوان ان جعلی گروہوں سے ہوشیار رہیں جو فریب دے کر کورسز، اکاؤنٹس یا جھوٹے خواب بیچتے ہیں۔

اب آئیے ان آزمودہ راستوں کی طرف جو واقعی ٹک ٹاک سے حلال اور پائیدار آمدنی کے ذرائع ہیں۔

اسپانسرشپ محنت اور اعتماد کا صلہ

حقیقی کمائی کا سب سے بڑا ذریعہ اسپانسرشپ ہے۔
جب کسی برانڈ یا کمپنی کو تمہارا مواد پسند آتا ہے تو وہ تمہیں اپنی مصنوعات کے تعارف یا تشہیر کے لیے ادائیگی کرتے ہیں۔
یہی وہ مقام ہے جہاں ایک عام تخلیق کار ایک ویڈیو سے ہزاروں روپے کما سکتا ہے۔

کامیابی کا راز:

ایک مخصوص موضوع (Niche) منتخب کرو، جیسے تعلیم، مزاح، ٹیکنالوجی یا دینی مواد۔
ویڈیوز باوقار، صاف، اور معیاری ہوں۔
اپنی شناخت حقیقی رکھو، نقل نہ کرو۔
چند ہزار فالوورز کے بعد مقامی کاروبار سے رابطہ کرو۔

یاد رکھو: عزت سب سے بڑی دولت ہے۔ غلط یا غیر اخلاقی چیزوں کی تشہیر سے وقتی فائدہ تو ہوگا مگر اعتماد ہمیشہ کے لیے ختم ہو جائے گا،

مقامی کاروبار کی تشہیر اپنے شہر کا فخر بنو

اگر بڑے برانڈز ابھی رابطہ نہیں کر رہے تو اپنے علاقے کے چھوٹے کاروباروں کو پروموٹ کرو۔
یہ وہ لوگ ہیں جن کے پاس اشتہارات کے وسائل کم ہیں ، مگر خریداروں کے محتاج ہیں۔
تم ان کے لیے ویڈیوز بنا سکتے ہو اور اس کے عوض ادائیگی لے سکتے ہو۔

اصول:
ایماندارانہ پروموشن کرو، مبالغہ آرائی نہیں۔
لوگ تم پر تبھی اعتماد کریں گے جب تمہاری باتوں میں سچائی ہو۔

ٹک ٹاک شاپ — اپنی دکان، اپنا سفر

اب ٹک ٹاک خود ایک آن لائن مارکیٹ بن چکا ہے۔
تم اپنی مصنوعات (مثلاً کپڑے، خوشبو، آرٹس، یا تعلیمی نوٹس وغیرہ) وہاں پیش کر سکتے ہو،
اور لوگ ویڈیو دیکھتے ہوئے وہیں سے خرید سکتے ہیں۔

عملی طریقہ:

اپنی پروڈکٹ چنو۔
“TikTok Shop” فیچر فعال کرو۔
ویڈیو میں چیز کا فائدہ، معیار، اور استعمال دکھاؤ۔
اچھی پیکنگ اور وقت پر ڈیلیوری سے اعتماد قائم کرو۔

ایفلییٹ مارکیٹنگ — بغیر سرمایہ کمائی

اگر تمہارے پاس اپنی پروڈکٹ نہیں تو دوسروں کی مصنوعات بیچ کر کمیشن حاصل کرو۔
یہ نظام ایمازون، علی ایکسپریس، یا دراز وغیر ہ پر موجود ہے۔

ان پلیٹ فارمز پر اپنا اکاؤنٹ بناؤ وہاں سے انکے پروڈکٹ کا لنک حاصل کرو،اس پروڈکٹ پر ویڈیو بناؤ پروڈکٹ کی تفصیل بتا دو،اور اس پروڈکٹ کا لنک اپنی ویڈیو کے ڈسکرپشن میں لگادو اب جو شخص تمہارے لنک سے خریدے گا، اس سے تمہارا حصہ بن جائے گا۔

اہم نصیحت:
صرف وہی چیز پروموٹ کرو جسے تم نے خود آزمایا ہو۔
جھوٹا اشتہار دیرپا نہیں ہوتا، بلکہ نقصان کا سبب بنتا ہے۔

ٹک ٹاک لائیو — ہنر کے بدلے عزت اور آمدنی

ٹک ٹاک لائیو ایک مؤثر ذریعہ ہے اگر اسے باوقار انداز میں استعمال کیا جائے۔
تم اپنے فالوورز سے براہِ راست گفتگو کر سکتے ہو، انہیں سکھا سکتے ہو، یا ان کے سوالوں کے جواب دے سکتے ہو۔
لوگ تمہیں "گفٹس" بھیجتے ہیں جنہیں بعد میں رقم میں تبدیل کیا جا سکتا ہے۔

شرط یہ ہے:
اپنے کردار کو برقرار رکھو۔
تمہارے الفاظ، انداز، اور مقصد میں شرافت جھلکنی چاہیے۔

نتیجہ: محنت، سچائی اور صبر
انٹرنیٹ پر کامیابی کے ہزار راستے ہیں مگر کوئی بھی شارٹ کٹ نہیں ہے۔
جعلی دعووں پر یقین مت کرو۔
سچائی، لگن، اور اخلاق کے ساتھ اگر تم محنت کرو گے تو کامیابی خود تمہارے قدم چومے گی۔

اللہ تعالیٰ ہمیں حلال ذرائع سے روزی کمانے، دھوکے سے بچنے، اور اپنے وقت کو مفید بنانے کی توفیق عطا فرمائے۔
آمین۔

Emadrsa#

#ٹک_ٹاک_گائیڈ

tiktok earning,
how to earn from tiktok,
tiktok monetization,
tiktok earning in urdu,
tiktok se paisa kaise kamaye,
earn money from tiktok,
tiktok income 2025,
tiktok views se earning,
tiktok affiliate marketing,
tiktok creator rewards program,
online earning urdu,
how to make money online,
tiktok followers,
urdu tutorial,
tiktok business account

اتباع رسول صلی اللہ علیہ وسلم ایمان کا تقاضا

2025-09-05T04:46:00.031+03:00

اتباع رسول صلی اللہ علیہ وسلم ایمان کا تقاضا

متکلم اسلام مولانا محمد الیاس گھمن

اللہ تعالیٰ کا لاکھ احسان و ہزار ہا شکر ہے کہ اس نے اس امت میں حضرت محمد مصطفیٰﷺ کو پیغمبر بنا کر بھیجا اور اپنی عظیم کتاب قرآن مجید آپﷺ پر نازل فرمائی۔ آپ ﷺ کے ذریعے ہدایت کا نور پوری دنیا میں پھیلا۔ آپﷺ نے جہاں دین متین کی زبانی تعلیم دی، وہاں اس کی عملی شکل بھی اپنے اعمال مبارکہ سے بیان فرما دی۔ یہی وجہ ہے کہ آپ ﷺ کی زندگی کو قرآنی نمونہ قرار دیا گیا۔

دین اسلام کی تعلیمات پر ایمان اور اس کے تقاضوں پر عمل چونکہ آپﷺ کے بغیر ممکن ہی نہیں، اس لیے کلمہ شہادت میں جہاں اللہ تعالیٰ کے معبود ہونے کا اقرار ضروری ہے وہاں رسول اللہ ﷺ کی رسالت کو ماننا بھی لازم ہے۔

حضرت ثمامہ بن اثالؓ اسلام لانے سے قبل جب گرفتار ہو کر آئے تو انہیں مسجد نبوی کے ایک ستون کے ساتھ باندھ یا گیا۔ کچھ دن انہوں نے آنحضرتﷺ کے اخلاق کریمہ اور مشفقانہ سلوک کا بغور مشاہدہ کیا۔ جب آپ ﷺ کے حکم پر انہیں رہا کیا گیا تو انہوں نے بقیع کی ایک جانب کھجوروں کے ایک باغ میں غسل کیا اور پھر خدمت نبوی میں حاضر ہو کر کلمہ شہادت پڑھا اور حلقہ بگوشِ اسلام ہو گئے۔ (سنن ابی داؤد:2681)

آپ ﷺ کی رسالت کو تسلیم کیے بغیر ایمان قابلِ قبول ہی نہیں۔ یہ ایک مسلمہ حقیقت ہے کہ آنحضرت ﷺ پر ایمان اس وقت تک کامل ہو ہی نہیں سکتا جب تک آپ ﷺ کے ساتھ اعلیٰ درجہ کی محبت نہ ہو۔ اگر دل محبت نبویﷺ سے خالی ہے تو آپ ﷺ پر ایمان کا دعویٰ محض زبانی دعویٰ ہے، اس کی کوئی حقیقت نہیں۔ اللہ رب العزت نے قرآن کریم میں اس بات پر عذاب کی وعید سنائی ہے کہ انسان اللہ تعالیٰ، اس کے رسول ﷺ سے اپنے ماں باپ، اولاد، رشتہ داروں، تجارت اور مال و دولت وغیرہ سے زیادہ محبت کرے۔’’(اے پیغمبر صلی اللہ علیہ وسلم! مسلمانوں سے) فرما دیں کہ اگر تمہارے باپ، تمہارے بیٹے، تمہارے بھائی، تمہاری بیویاں، اور تمہارا خاندان، مال و دولت، کاروبار، اور وہ رہائشی مکان جو تمہیں پسند ہیں، تمہیں اللہ اور اس کے رسولﷺ سے، اور اس کے راستے میں جہاد کرنے سے زیادہ محبوب ہیں تو انتظار کرو، یہاں تک کہ اللہ اپنا فیصلہ صادر فرما دے‘‘ (التوبہ: 2)

حضرت انس رضی اللہ عنہ سے مروی ہے کہ نبی کریم ﷺ نے فرمایا: ’’تم میں سے کسی کا ایمان اس وقت تک کامل نہیں ہو سکتا جب تک میں اسے اس کے والدین، اولاد اور باقی تمام لوگوں سے زیادہ محبوب نہ ہو جاؤں‘‘(صحیح بخاری)۔

نبی کریم ﷺ سے محبت کے کچھ تقاضے ہیں۔ ان تقاضوں پر پورا اترنا اور اس کیلئے پوری کوشش کرنا ہی عشق و محبت کی حقیقی علامت ہے۔ آنحضرت ﷺ سے محبت کا حقیقی اور اہم تقاضا اطاعتِ رسول ہے، یعنی آپ ﷺ کے ارشادات پر عمل کیا جائے۔ آپﷺ نے جن باتوں کے کرنے کا حکم فرمایا ہے ان پر عمل کیا جائے اور جن کاموں سے روکا ہے ان سے یکسر اجتناب کیا جائے۔ ارشاد ربانی ہے ’’(اے پیغمبر!) آپﷺ فرما دیجیے کہ اگر تم اللہ تعالیٰ سے محبت کا دعویٰ کرتے ہو تو میری اتباع کرو، اللہ تعالیٰ تم سے محبت کرے گا اور تمہارے گناہوں کو بخش دے گا اور اللہ بہت معاف کرنے والا بڑا مہربان ہے‘‘ (سورۃ آل عمران: 31)۔ یعنی اطاعتِ رسولﷺ کے بغیر محبت الہیہ کا دعویٰ بھی بے حقیقت ہے۔

حضرت ابوہریرہ رضی اللہ عنہ سے روایت ہے کہ رسول اللہ ﷺ نےفرمایا: ’’میری امت کا ہر شخص جنت میں داخل ہو گا، سوائے اس کے جس نے انکار کیا۔ صحابہ کرام رضی اللہ عنہم نے عرض کیا: اے اللہ کے رسولﷺ! وہ کون شخص ہے جس نے (جنت میں جانے سے) انکا ر کیا؟ آپ ﷺ نے فرمایا: جس نے میری اطاعت کی، وہ جنت میں داخل ہو گا اور جس نے میری نافرمانی کی اس نے انکار کیا‘‘(صحیح البخاری)۔

حضرت عابس بن ربیعہ رضی اللہ عنہ سے روایت ہے کہ حضرت عمر بن خطاب رضی اللہ عنہ حجرِ اسود کے پاس آئے اور اسے بوسہ دے کر فرمایا: میں اچھی طرح جانتا ہوں کہ تو محض ایک پتھر ہے، نہ تو نقصان پہنچا سکتا ہے اور نہ نفع۔ اگر میں نے نبی کریم ﷺ کو تجھے بوسہ دیتے ہوئے نہ دیکھا ہوتا تو میں کبھی تجھے بوسہ نہ دیتا۔(صحیح بخاری)

*اطاعت گزاروں پر انعامات*

قرآن پاک میں اللہ تعالیٰ فرماتےہیں ’’اے پیغمبر! آپﷺ فرما دیجیے کہ اگر تم اللہ سے محبت کرنا چاہتے ہو تو میری باتوں پر عمل کرو، خود اللہ تم سے محبت فرمائے گا، مزید یہ کہ وہ تمہارے گناہوں کو معاف فرما دے گا اور اللہ تعالیٰ بڑا بخشنے والا بہت مہربان ہے‘‘ (سورۃ آل عمران:31)۔

اس آیت مبارکہ میں دو انعامات کا تذکرہ موجود ہے۔

پہلا اللہ رب العزت کی محبت کا ملنا جو کہ تمام انعامات میں سے سب سے بڑا انعام اور مقصد حقیقی ہے۔ جس خوش نصیب کو یہ انعام مل جائے اسے اور کسی چیز کی ضرورت ہی کہاں رہتی ہے؟۔

دوسرا انعام گناہوں کی بخشش کرنے کی صورت میں عطا فرمایا ہے کہ تمہاری زندگی میں جو گناہ ہو گئے ہیں ان کا تقاضا تو یہی تھا کہ تمہیں اس کی سزا دیتا لیکن تم نے میرے رسولﷺ کی اطاعت کر کے مجھے خوش کیا ہے اس لیے میں تمہارے گناہوں کو بھی معاف کر تا ہوں۔

دوسری جگہ آتا ہے ’’اللہ اور اس کے رسولﷺ کی اطاعت کرو تاکہ تم پر رحم کیا جائے‘‘ (سورۃ آل عمران: 132)۔

اس آیت مبارکہ میں اطاعت پر ملنے والا انعام یہ ذکر کیا گیا ہے کہ اللہ تم پر رحم فرمائے گا۔ دنیا میں خدا تعالیٰ کی ناراضی کی وجہ سے ہمارے اوپر مصائب و مشکلات آتے ہیں۔

اسی طرح آخرت میں بھی اسے ہی عذاب ہو گا جس سے اللہ تعالیٰ ناراض ہوں گے۔

مفہوم آیت: ’’یہ اللہ کی قائم کردہ حدود ہیں اور جو بھی اللہ تعالیٰ اور اس کےرسول ﷺ کی اطاعت کرے گا اللہ تعالیٰ اسے ایسے باغات میں داخل فرمائے گا جس میں نہریں بہتی ہوں اور یہ ہمیشہ ہمیشہ اسی جنت میں رہیں گے اور یہی بہت بڑی کامیابی ہے‘‘(سورۃ النساء: 13)۔

اس آیت مبارکہ میں اطاعت پر ملنے والا انعام یہ ذکر کیا گیا ہے کہ اللہ تعالیٰ ہمیشہ ہمیشہ کیلئے ایسی جنت عطاء فرمائیں گے جس میں نہریں بہتی ہوں اور اسے ہی بڑی کامیابی قرار دیا گیا ہے۔

*اطاعت سے منہ موڑنے والوں کی سزا*

مفہوم آیت: ’’اور جو شخص اللہ اور اس کے رسولﷺ کی نافرمانی کرے گا اور اللہ کی قائم کردہ حدود سے آگے بڑھے گا تو اللہ تعالیٰ ایسے شخص کو آگ میں ڈال دیں گے جس میں وہ ہمیشہ رہیں گے اور ان کیلئے رسوا کن عذاب ہو گا‘‘(سورۃ النساء: 14)

مفہوم آیات: ’’بے شک اللہ رب العزت اپنے دین کے نہ ماننے والوں پر لعنت بھیجتے ہیں اور ان کو سزا دینے کے لیے جہنم تیار کر رکھی ہے جس میں وہ ہمیشہ ہمیشہ رہیں گے، اور وہاں ان کا کوئی یار و مددگار نہیں ہو گا، اس دن منہ کے بل وہ آگ میں ڈالے جائیں گے تو وہ کہیں گے کہ اے کاش کہ ہم اللہ اور اور کے رسولﷺکی اطاعت کر لیتے‘‘ (سورۃ الاحزاب: 66،65،64)۔

ان آیات مبارکہ میں اطاعت سے روگردانی کرنے والوں کیلئے اللہ تعالیٰ کی لعنت، ہمیشہ کی جہنم اور آخرت میں اپنی بدبختی پر حسرت کا تذکرہ ہے۔

اطاعت اس وقت ہوتی ہے جب دل میں اس کے بارے احترام اور محبت کے جذبات ہوں۔

بحیثیت مسلمان ہم رسول اکرم ﷺ سے محبت کرتے ہیں،بلکہ اپنے والدین، اولاد اور ساری مخلوق سے زیادہ محبت کرتے ہیں، یہی محبت ہمارا ایمان ہے، اسی محبت پر شفاعت کی امیدیں وابستہ ہیں، یہی محبت ہی ہمارے کل دین کی اساس و بنیاد ہے۔

ہم آپ ﷺ کے لائے ہوئے دین اور آپﷺ کی دی ہوئی تعلیمات کے مطابق ساری زندگی گزارنے کا فیصلہ کریں گے تو ہمارا دعویٰ محبت سچا ثابت ہو گا۔

اس کیلئے ہمیں اسلامی تعلیمات کا علم حاصل کرنا ہوگا کیونکہ بغیر علم کے یہ ممکن نہیں۔ اس سے معلوم ہوا کہ ہماری زندگیوں میں اسلامی تعلیمات کس قدر ضروری ہیں۔

علم کے بعد عملاً ایسے طرز پر زندگی گزارنی چاہیے جو سنت رسول کی عکاس ہو، خیر کی باتیں بھی معلوم ہوں تاکہ ان پر عمل کیا جاسکے اور شر کی باتیں بھی معلوم ہوں تاکہ ان سے بچا جا سکے۔

آپ ﷺکی محبت جب تک تمام محبتوں پر غالب رہے گی، آپ ﷺکی سنت جب تک تمام معاشرتی طور طریقوں پر غالب رہے گی، آپﷺ کی تعلیمات جب تک تمام تعلیمات پر غالب رہیں گی اور سب سے بڑھ کر آپ ﷺکی ناموس کی حفاظت کیلئے اپنا سب کچھ قربان کرنے کا جذبہ جب تک دلوں میں باقی رہے گا، ہم اور ہماری نسلوں کا ایمان باقی رہے گا۔ ورنہ خاکم بدہن اس میں کمی آ گئی تو کچھ بھی باقی نہیں رہے گا۔ اللہ تعالیٰ ہمیں عمل کی توفیق عطا فرمائے۔ آمین یارب العالمین بجاہ النبی الامین صلی اللہ علیہ وسلم

Mohabbat_kiya_hai

2025-09-03T13:09:00.002+03:00

محبت کیاہے

محبت زندگی کی اصل خوبصورتی

محبت انسان کے دل کی سب سے خوبصورت کیفیت ہے۔

یہ صرف ایک جذبہ نہیں بلکہ ایک ایسی طاقتور نعمت ہے، جو کسی عام انسان کو بھی دوسروں کے لیے نرم، مخلص اور قربانی دینے والا بنا دیتی ہے۔

اگر ہم محبت کو پہچان سکیں تو یہ محبت والدین کی شفقت میں دکھائی دیتی ہے، بہن بھائیوں کے خلوص میں محسوس ہوتی ہے، اور دوستوں کی مسکراہٹ میں جھلکتی ہے۔

محبت کا حسن یہ ہے کہ یہ دلوں کو جوڑ دیتی ہے، فاصلے مٹا دیتی ہے، اور انسان کو دوسروں کے درد کا احساس عطا کرتی ہے۔

جب محبت خالص ہو تو زندگی میں خوشی، سکون اور امید کے چراغ جل اٹھتے ہیں۔

لیکن اگر محبت میں خودغرضی شامل ہو جائے، تو یہ زہر کی طرح تعلقات کو کمزور کر دیتی ہے۔

اسلئے کبھی بھی محبت کو صرف لفظوں میں نہ رکھیں بلکہ اپنے رویوں، عادتوں اور عمل سے اس کا ثبوت دیں۔

آپکی ایک چھوٹی سی مسکراہٹ، ہمدردی کا ایک جملہ یا کسی موقع پر بے لوث مدد کا ایک لمحہ بھی محبت کو زندہ کر دیتا ہے۔

بس اتنا سمجھ لیں کہ محبت ہی وہ نعمت ہے جو انسان کو انسان سے جوڑتی ہے اور زندگی کو حقیقی معنوں میں خوبصورت بنا دیتی ہے۔

لہٰذا آپ جہاں بھی رہیں محبتیں تقسیم کرتے رہیں

اور سب سے اہم بات کہ سب سے بڑھ کر، اللہ تعالیٰ کی محبت اور اس کے رسول ﷺ کی محبت ہی ہر رشتے کو اصل روشنی بخشتی ہے۔

اسلئے محبت کے کسی بھی رشتے کو مضبوط کرنے کیلئے اللہ اور اسکے رسول سے محبت ضروری ہے

اور جب اللہ سے محبت ہوگی تو شریعت کے احکام پر عمل کرناآسان ہوگا اسکا نتیجہ یہ ہوگا کہ شریعت پر عمل کرنا آسان ہوگا

اور ایک دوسرے کے حقوق کا بھی خیال ہوگا اور جب حقوق کا خیال کیا جاتاہے تو محبتیں مضبوط سے مضبوط تر ہوتی چلی جاتی ہیں

Abu-Umar-Al Suri–Ghaza ke Khamosh-Hero-aur-Daur-e-Sahaba-ka-Mujahid

2025-08-01T00:01:00.003+03:00

دور صحابہ کا آدمی

ابوعمرالسوری

غزہ کے خاموش ہیرو اور دورِ صحابہ کے آدمی کی داستان

طوفان الاقصیٰ کے معمار اور امت کے خاموش ہیرو کی شہادت کی مکمل داستان پڑھیے

تحریر :۔۔۔ ضیاء چترالی

گزشتہ دنوں شہداء کی سرزمین فلسطین اور غازیوں کے غزہ سے ایک ایسا مردِ مجاہد رخصت ہوا

جس کا اصل نام بھی بہت سوں کو معلوم نہ تھا، مگر اس کا ذکر رہتی دنیا تک اہلِ عزیمت کے دلوں کو گرما کر رکھے گا۔

وہ گمنامی میں جیا اور شہادت تک گمنام ہی رہا۔

گزشتہ دنوں جب دجالی فوج نے غزہ کے علاقے صبرہ پر بمباری کے بعد اعلان کیا ،

کہ انہوں نے " ابوعمر السوری" کو نشانہ بنایا ہے،

تو شاید دنیا کی اکثریت کے لیے یہ نام اجنبی ہو،

نہ کسی ٹی وی اسکرین پر ان کا چہرہ کبھی دکھائی دیا،

نہ کسی انٹرویو میں آواز سنائی دی،

نہ ہی وہ کبھی کسی فوجی پریڈ یا شہرت کے ہالے میں نمودار ہوئے،

مگر حقیقت یہ ہے کہ

ابوعمر السوری " جن کا اصل نام حکم العیسیٰ تھا، غزہ کی مزاحمت کی عسکری ریڑھ کی ہڈی تھے،

وہ دماغ تھے جس نے صہیونی دشمن کے لیے ایسے پیچیدہ منصوبے بنائے،

جن سے دجالی فوج آج تک دہل رہی ہے،

اس مردِ میدان نے صرف اپنی جان نہیں بلکہ ساری زندگی آزادیِ فلسطین کے خواب پر قربان کر دی،

ابوعمر السوری کی پیدائش 1967ء میں کویت میں ہوئی، مگر ان کا اصل تعلق فلسطین کے علاقے طولکرم (رامین) سے تھا، انہوں نے اپنی ابتدائی تعلیم کویت میں عبد اللہ السالم اور العدیلیہ کے اسکولوں میں حاصل کی ،

اور اعلیٰ تعلیم کے لیے ہندوستان کا رخ کیا،

وہ ان جوانوں میں سے تھے، جنہوں نے صرف کتابوں سے علم نہیں لیا،

بلکہ دنیا کے ہر اس میدان کو اپنا مکتب بنایا جہاں مظلوموں کے خون سے تاریخ لکھی جا رہی تھی،

فلسطین کی محبت ان کے لہو میں رچی بسی تھی، یہ محبت صرف جذباتی وابستگی تک محدود نہ رہی،

بلکہ ایک واضح فکری اور عسکری نظریہ میں ڈھل گئی،

عراقی حملے کے بعد انہوں نے کویت سے اردن کی طرف ہجرت کی اور وہاں سے ایک طویل مجاہدانہ سفر کا آغاز کیا۔

افغانستان، چیچنیا، شام، لبنان، ہر وہ میدان جہاں امت کے زخم لہو رنگ تھے،

ابو عمر کے قدموں کی خاک سے واقف ہے،

ان کی زندگی ان ممالک میں خفیہ تربیتی اور عسکری منصوبوں میں گزری،

وہ نہ صرف میدان جنگ کے سپاہی تھے بلکہ عسکری فکر اور اسٹرٹیجک منصوبہ بندی کے ماہر تھے،

افغانستان سے غزہ تک، ہر جگہ اُن کی جرات، تدبیر اور قربانی کی داستانیں بکھری ہوئی ہیں،

وہ ان تمام محاذوں میں پہنچے، دشمن سے لڑے اور سرخرو ہو کر لوٹے،

مگر غزہ پہنچ کر بالآخر مقصد زندگی میں کامیاب اور حیات جاوداں سے ہمکنار ہوگئے،

گمنامی سے غزہ تک

ابو عمر 2005 میں شام سے غزہ منتقل ہوا

اُس کا فیصلہ کوئی سیاسی جلاوطنی نہ تھی،

بلکہ ایک خالص نظریاتی ہجرت تھی،

جس کا مقصد تھا:

فلسطین کی سرزمین پر جہاد و مزاحمت کو

عسکری تربیت، فکری بصیرت اور جدید تنظیمی ڈھانچے سے آراستہ کرنا۔

اُس نے حماس کے عسکری ونگ قسام بریگیڈز میں عسکری تربیت کا ایک جامع نظام قائم کیا،

جس کی بدولت ہزاروں نوجوان مجاہدین نہ صرف جسمانی تربیت یافتہ بنے،

بلکہ فکری اور اخلاقی سطح پر بھی صیقل ہو گئے۔

ابوعمر نے عسکری اکیڈمی کی بنیاد رکھی، جہاں ان کی بدولت مختلف عسکری شعبہ جات میں تکنیکی اور سائنسی مہارتیں متعارف کروائی گئیں۔

قـسـام کی دفاعی و حملہ آور حکمت عملیوں، وائرڈ و وائرلیس کمیونی کیشن، زیر زمین سرنگوں، میزائل سازی اور جدید ترین عسکری تربیت کے جتنے بھی ماڈل آج غزہ میں فعال ہیں، ان سب میں ابوعمر السوری کا براہ راست حصہ ہے۔

طُوفان الاقصیٰ کے معمار:

7 اکتوبر 2023 کو جب فلسطینی مزاحمت نے اسرائیلی جارحیت کے خلاف تاریخ کا عظیم ترین جوابی حملہ "طُوفان الاقصیٰ" کے نام سے کیا،

تو یہ محض ایک عسکری کارروائی نہ تھی،

بلکہ ایک برسوں کی منصوبہ بندی، بہترین مشق، طویل صبر اور تیاری کا اعلان تھا۔

اس طوفان کے معماروں میں ابوعمر السوری صف اول میں شامل تھے۔

وہ اُن مٹھی بھر افراد میں سے تھے، جنہوں نے محض دشمن کو للکارا نہیں، بلکہ میدان میں اس کا عسکری غرور توڑ ڈالا۔

اسرائیل نے اُنہیں " حماس کے عسکری بانیوں میں سے ایک" قرار دیا۔

وہ 7 اکتوبر 2023 کی "طُوفان الاقصیٰ" جنگی کارروائی کے منصوبہ سازوں میں سے تھے۔

ان کی زندگی سادگی، تقویٰ اور خفیہ جہادی عمل سے معمور تھی۔

انہوں نے ہمیشہ غزہ سے نہ نکلنے کا عہد کیا تھا،

اور کہا کرتے: "جب میں اپنی بیوی اور چھوٹے بچوں کے ساتھ غزہ داخل ہوا، تب ہی عہد کر لیا تھا کہ یہاں سے صرف دو صورتوں میں نکلوں گا:

یا مغربی کنارے کو آزاد کر کے، یا جنت الفردوس کو جا کر۔"

عسکری ذمہ داریاں:

شہید حکم العیسیٰ کی عسکری مہارت اور خاموش قیادت کے باعث انہیں قسام کی عسکری مجلس شوریٰ کا رکن مقرر کیا گیا۔

وہ ہمیشہ پردے کے پیچھے رہتے اور متعدد کنیتوں سے جانے جاتے:

ابو محمود،

ابو عماد

اور ابو عمر

تاہم آخر الذکر کنیت زیادہ مشہور ہوئی

قسام کے ذرائع کے مطابق، وہ غزہ میں علم و حکمت اور عسکری بصیرت لے کر داخل ہوئے اور جنرل کمانڈر محمد ضیف سمیت قسام قیادت نے ان کی صلاحیتوں کو عسکری ڈھانچے میں بھرپور انداز میں استعمال کیا۔

انہوں نے عسکری شعبوں میں کئی نمایاں خدمات انجام دیں،

مثلاً: غزہ بھر میں مرکزی تربیت اور تیاری کے سربراہ، فضائی دفاعی نظام کے بانی اور کمانڈر، اسلحہ جات اور مرکزی عسکری تخصصات کے نگران، دفاعی و مزاحمتی منصوبہ بندی کی مرکزی کمیٹی کے رکن، استخبارات اور آپریشنز کے سربراہ (2014 کی جنگ کے بعد)، قسام کے عسکری رکن التدريب کے سربراہ اور عسکری مجلسِ عمومی کے رکن۔

عسکری ترقی کی بنیاد:

ابوعمر نے ایران، روس (چچن)، لبنان اور شام جیسے علاقوں میں عسکری تربیت حاصل کی اور 2005 میں غزہ پہنچ کر قسام بریگیڈ کی عسکری حکمت عملی میں پیشہ ورانہ منصوبہ بندی، فیصلہ سازی کا منظم طریقہ کار اور دفاعی و حملہ آور تیاری کو اعلیٰ سطح پر منظم کیا۔ آپریشن "سیف القدس" (2021) سے قبل تمام بڑی جنگی تیاریوں میں ان کا کردار نمایاں رہا۔

انہوں نے غزہ کے نوجوانوں کو تربیت دی، ان کی صلاحیتوں کو نکھارا اور انجینئرنگ، فضائی دفاع، بکتربند اور نشانہ بازی جیسے حساس عسکری شعبوں میں تکنیکی ترقی میں بھی حصہ لیا۔

شہادت:

" ابوعمر السوری " نے اسرائیلی زمینی جارحیت کے دوران بھی میدانِ جنگ میں رہتے ہوئے میدانی منصوبہ بندی کی، اپنی فیملی کے ساتھ بھوک، محاصرے اور بمباری کو برداشت کیا۔

28 جون 2025 کو غزہ کے صبرہ محلے میں ایک اسرائیلی فضائی حملے میں وہ اپنی اہلیہ اور پوتی کے ساتھ شہید ہو گئے۔

اُس وقت ان کی عمر 58 برس تھی۔

صہیونی طیاروں نے صرف ایک وجود کو مارا، فکر، تربیت اور شہادت کے جس تسلسل کو وہ چھوڑ گیا، وہ آج بھی گونج رہا ہے۔

ایک قدسی صفت مجاہد:

ابو عمر کے قریب رہنے والے کہتے ہیں کہ وہ صحابہ کرام رضی اللہ عنہم اجمعین کے عہد کا آدمی لگتا تھا۔

سادگی،

انکساری،

تقویٰ،

جذبۂ جہاد،

للٰہیت،

یہ سب اُس کی شخصیت کے نمایاں رنگ تھے۔

وہ اپنے بستر کی جگہ زمین پر سوتا تھا،

اس لیے کہ آرام کی نرمی کہیں اس کے دل میں دنیا کی محبت نہ ڈال دے۔

وہ جب کسی مشن پر جاتا تو کہتا:

"میں یہاں سے صرف دو صورتوں میں نکلوں گا:

یا تو فلسطین کو آزاد کر کے، یا جنت الفردوس کی طرف پرواز کر کے۔"

ابوعمر نے نہ شہرت کی طلب کی،

نہ عزت کے تمغے،

نہ مال کی طلب،

اُس نے راکٹ،

بندوق،

سرنگ،

بم ،

اور ہر اس شے میں تخلیق کی روح پھونکی جس کا تعلق جہاد سے تھا۔

اس کا کمرہ سادہ، لباس عام، مزاج خاکسار، مگر فکر میں وہ آسمانوں کو چھو رہا تھا۔

خراجِ عقیدت:

جب کوئی مجاہد اس شان سے رخصت ہوتا ہے، تو تاریخ کا سینہ اُس کے لیے احترام سے جھک جاتا ہے۔

ابو عمر کے بارے میں قدسیوں کا کہنا ہے:

"جب تم شہادت کی خوشبو، بارود کی تپش اور گولیوں کی گھن گرج محسوس کرو،

تو جان لو کہ تم ایک ایسے انسان کا ذکر کر رہے ہو جس نے رسول اللہ ﷺ کے نقشِ قدم پر چلتے ہوئے کفر کو ہر میدان میں لرزا دیا۔"

کچھ نے یوں خراج عقیدت پیش کیا:

"وہ سوار اپنی سواری سے اس وقت اُترا جب وہ ہر میدان میں گھوم چکا تھا، افغانستان، چیچنیا، شام، لبنان اور غزہ کی مٹی اُس کی گواہ ہے۔"

"اب تمہارا گھوڑے سے اترنے کا وقت آ گیا، اے ابو عمر! اب تمہیں آرام کا حق حاصل ہے۔"

صحابہ کرام کے نقشِ قدم پر:

ابو عمر نے جس رفیقۂ حیات "ام عماد" کے ساتھ یہ سفر شروع کیا، وہ بھی صابرہ، فاضلہ اور میدانِ جدوجہد کی شریکِ کار تھی۔

ان کی زندگی کا ہر لمحہ اسلام،فلسطین، اور امت کے لیے وقف رہا۔

ہم نے ان سے سوائے خیر کے کچھ نہ دیکھا، اے رب! تو بھی ان سے راضی ہو جا۔

ابو عمر، امت کی خاموش روشنی:

ابوعمر السوری اُن شہسواروں میں سے تھے جو روشنی بکھیرتے ہیں،

مگر دھوپ کی طرح چمکنے کا دعویٰ نہیں کرتے۔

وہ امت مسلمہ کے ان انجانے ہیروز میں شامل تھے،

جن کی زندگی گمنامی میں اور موت عظمت میں لپٹی ہوتی ہے۔

اُن کی شہادت ہمیں بتاتی ہے کہ ابھی بھی اس امت میں ایسے افراد موجود ہیں،

جن کا ہر سانس،

ہر قدم،

ہر فکری لمحہ

صرف حق تعالیٰ،

اس کے دین

اور مظلوموں کی آزادی کے لیے ہوتا ہے۔

ہم ان کے لیے مغفرت اور بلندیٔ درجات کی دعا کرتے ہیں اور ان کے نقش قدم پر چلنے والے مجاہدین کے لیے نصرتِ الٰہی کی التجاد کرتے ہیں۔

نوٹ :۔۔آخر میں آپ سے درخواست ہے کہ ہمیں اور پوری امت مسلمہ کو خاص طور پر اپنے فلسطینی بھائیوں کو اپنی دعاؤں میں ضرور یاد رکھیں
اس کتاب کی PDF ڈاؤنلوڈ کرکے اسکو خوب شئر کریں

RGB اور CMYK کیا ہے اور ان میں کیا فرق ہے

2025-07-30T17:38:00.005+03:00

RGB اور CMYK کیا ہے اور ان میں کیا فرق ہے

کیاآپ جانتے ہیں کہ جب ہم کسی فائل کو سیو کرتے ہیں تو ہمارے سامنے دو طرح کے کلروں میں سے کسی ایک کو اختیارکرناہوتاہے

آخر یہ دو کلر

CMYK اور RGB کیاہیں اور کس جگہ کون سا کلر کام میں آتاہے

آئیے تھوڑا تفصیل سے سمجھتے ہیں

یہ دومختلف کلر ہیں جو مختلف مقاصد کے لیے استعمال ہوتے ہیں۔

RGB کا مطلب ہے Red, Green, Blue

اسکا استعمال ہم اس وقت کرتے ہیں جب کسی فائل کو ہمیں پرنٹ نہیں کرناہوتاہے،بلکہ ہم اس ڈیزائن کو کسی سوشل میڈیا پلیٹ فارم یا کسی ڈیجیٹل آلہ کے اندر استعمال کرتے ہیں جیسے موبائل، کمپیوٹر، ٹی وی، کیمرہ، ویب سائٹس وغیرہ

اور CMYK کا مطلب ہے Cyan, Magenta, Yellow, Black

اسکا استعمال ہم اس وقت کرتے ہیں جب کسی فائل کو ہمیں پرنٹ کرناہوتاہے،اس صورت میں ہم CMYK کلر کو اپنے ڈیزائن میں استعمال کرتے ہیں
جیسے پرنٹنگ کے لیے کوئی ڈیزائن بنانا یا کتابیں، پمفلٹ، پوسٹر، کارڈز وغیرہ کا ڈیزائن تیار کرنا اس صورتوں میں ہم CMYK کلروں کا استعمال کرتے ہیں

امید ہے آپکو کلروں کا فرق واضح طور پر سمجھ آگیاہوگا

آسانی کیلئے اتنایاد رکھیں کہ

اگر آپ ویب ڈیزائن، یا سوشل میڈیا پوسٹ یا ویڈیو بنا رہے ہیں تو اس صورت میں آپ RGB کلراستعمال کریں۔

اور اگر آپ کسی ڈیزائن کو کاغذ یا کسی چیز پر (Print) کے لیے بنا رہے ہیں تو پھر اس صورت میں آپ → CMYK کلر کا استعمال کریں۔

اگر آپ حافظ عالم یا امام ہیں یا استاذ ہیں اور کمپیوٹر سیکھنے میں دلچسپی رکھتے ہیں تو اس فارم کو فل کرکے گروپ میں شامل ہوں اور انی صلاحیتوں کو پہچانیں

محمد صدیق

Emadrsa

فلسفہ قربانی

2025-05-29T05:06:00.001+03:00

🐪🐏🐃🐑

*فلسفہ قربانی*

✍️....*متکلم اسلام مولانا محمد الیاس گھمن حفظہ اللہ*

*قربانی کی تاریخی حیثیت:*👇

اقوام عالم کی تاریخ کا مطالعہ کرنے سے یہ بات سامنے آتی ہے کہ ہر قوم میں قربانی کا تصور کسی نہ کسی شکل میں موجود رہا ہے، ہزاروں سال پہلے جب انسان اپنے حقیقی خالق و مالک کو بھول چکا تھا اور عناصر، ہیاکل، ستاروں بلکہ اپنے ہاتھوں سے تراشے ہوئے بتوں اور دیوتاؤں کی خوشنودی حاصل کرنے کے لیے یا ان کے نام کی نذر و نیاز مانتے ہوئے جانور وغیرہ کو ذبح کر کے ان کے سامنے رکھ دیتا تھا یا پہاڑوں پر چھوڑ دیتا اور یہ عقیدہ رکھتا کہ اب دیوتا اور بت مجھے آفات و حادثات سے محفوظ رکھیں گے۔ قربانی کا یہ تصور یونہی چلتا رہا، آج سے تقریباً چار ہزار سال پہلے حضرت ابراہیم علیہ السلام اور آپ کے فرزند حضرت اسماعیل علیہ السلام نے قربانی کا حقیقی مقصد اور صحیح فلسفہ دنیا کے سامنے پیش کیا۔حضرت ابراہیم علیہ السلام کو خواب میں دکھایا گیا کہ وہ اپنے بیٹے اسماعیل کو ذبح کر رہے ہیں اور یہ بات آپ اچھی طرح جانتے ہیں کہ نبی کا خواب بھی ”وحی“ ہوا کرتا ہے چنانچہ اللہ رب العزت کے حکم کی تعمیل کے لیے پھر فلسطین سے مکہ مکرمہ روانہ ہوئے۔

*خلیل و ذبیح کا مکالمہ:*👇

حضرت ابراہیم علیہ السلام اور ان کے بیٹے حضرت اسماعیل علیہ السلام کے مابین جو گفتگو ہوئی ہے، قرآن کریم کی روشنی میں اسے ملاحظہ فرمائیں:

حضرت ابراہیم علیہ السلام: اے میرے بیٹے!میں نے خواب میں دیکھا ہے کہ تجھے ذبح کر رہا ہوں، اس بارے تیرا کیا خیال ہے؟

حضرت اسماعیل علیہ السلام: اے میرے ابو!جس کام کا آپ کو اللہ کی طرف سے حکم دیا گیا ہے آپ وہ کام کر گزرئیے۔ان شاء اللہ آپ مجھے صبر کرنے والوں میں سے پائیں گے۔

حضرت ابراہیم علیہ السلام نے گفتگو کا ایسا طرز اختیار نہیں کیا جس سے خوف اور وحشت ٹپکتی ہو بلکہ فکری اور ذہنی طور پر اللہ کے نام پر جان قربان کرنے کی خوبصورت انداز میں ترغیب دی ہے تاکہ جب اللہ احکم الحاکمین کے حکم پر عمل پیرا ہوا جائے تو اس میں بیٹا مجبور نہ ہو بلکہ تسلیم و رضا کا پیکر نظر آئے اور ہر عبادت میں یہی مقصود ہوا کرتا ہے۔

حضرت اسماعیل علیہ السلام کے جواب میں غور کیا جائے تو یہ بات سامنے آ تی ہے کہ حضرت اسماعیل اتنی بڑی قربانی دینے کے لیے اتنی چھوٹی سی عمر میں تیار ہوئے واقعتاً چھوٹی عمر میں بڑا کمال ہے لیکن حضرت اسماعیل علیہ السلام نے اسے اپنی ذات کی طرف منسوب نہیں ہونے دیا بلکہ اسے محض اللہ کی عطا سمجھا اور مشیئتِ ایزدی پر صبر کرنے والوں کی قطار میں خود کو کھڑا کر دیا۔

حضرت اسماعیل علیہ السلام نے فیصلہ سنایا میں اللہ کے اس حکم پر دل و جان سے راضی ہوں اور یہ راضی ہونا محض لفظوں تک ہی محدود نہیں بلکہ ذبح ہونے کو بھی تیار ہوں۔

*جذبہ خلیل اور صبر ذبیح:*👇

باقی پدرانہ شفقت کی وجہ سیآپ اس سوچ میں بھی نہ پڑئیے کہ شاید میرا یہ فیصلہ ہنگامی یا وقتی ہوگا میں ”قربانی کا فلسفہ“ خوب اچھی طرح جانتا ہوں کہ اپنی جان تک کو اللہ کی راہ میں قربان کرنا درحقیقت ”قربانی“ ہے اس حقیقت پر عمل کرنے کی لیے میرے ذاتی ارادہ کو دخل نہیں بلکہ یہ سب کچھ اللہ کی مشیئت اور ارادہ سے ہی ممکن ہے چونکہ اللہ صبر کرنے والوں کے ساتھ ہوتا ہے اس لیے میں بھی صبر کروں گا تاکہ اللہ کی معیت مجھے بھی نصیب ہو جائے۔ جس طرح حضرت ابراہیم علیہ السلام کا اللہ کے حکم پر اپنے لخت جگر کو قربان کرنے کا جذبہ پختہ تھا اسی طرح حضرت اسماعیل علیہ السلام کا اللہ کے نام پر قربان ہو جانے کا ارادہ بھی مصمم تھا یہ اس لیے کہ دونوں باپ بیٹا ”فلسفہ قربانی“ کی حقیقت کو سمجھ چکے تھے۔

*صبر ذبیح سے زیادہ صبر خلیل:*👇

حضرت اسماعیل علیہ السلام نے تو اللہ تعالیٰ کے نام پر خود قربان ہونے کے لیے پیش کیا اس لیے ان کا جذبہ تو واضح طور پر سمجھ میں آتا ہے جبکہ حضرت ابراہیم علیہ السلام کا جذبہ قربانی سمجھنے کے لیے ایک دوسری حقیقت کو سمجھنا ہوگا وہ یہ کہ باپ کے لیے اولاد کی قربانی پیش کرنا اپنے آپ کو ذبح کر لینے سے زیادہ مشکل ہوتا ہے، یہ وہ قلبی کیفیت اور دلی احساس ہے جس کو سمجھا تو جا سکتا ہے لیکن الفاظ میں سمجھایا نہیں جا سکتا۔ دنیا کا ہر باپ اس بات کو اچھی طرح سمجھتا ہے کہ اولاد کی محبت کیا ہوتی ہے؟ اس لیے قرآن کریم نے اولاد کو (فتنہ) باعثِ آزمائش کہا ہے۔ اس بنیاد پر یہ بات کہی جا سکتی ہے کہ حضرت اسماعیل علیہ السلام کا جذبہ قربانی بھی قابلِ صد ستائش ہے اور ان کا صبر وضبط بھی مثالی ہے لیکن حضرت ابراہیم علیہ السلام کا ”جذبہ قربانی“ اس سے بڑھ کر قابل تحسین اور ان کا صبر بے مثال ہے۔ انسان اپنے آپ کو قربان کر سکتا ہے لیکن لخت جگر نرم و نازک اور معصوم گردن پراپنے ہاتھوں سے چھری چلانا، نہ چلے توبار بار چھری کو تیز کر کے چلانا اس سے بھی زیادہ مشکل ہے۔

*سنتِ ابراہیمی:*👇

یہ کام اعصاب شکن، مشکل اور بہت صبر آزما تھا جب حضرت ابراہیم علیہ السلام نے صدق نیت کے ساتھ اس پر عمل کر کے دکھایا تو اللہ رب العزت نے بچے کے عوض ایک دنبہ وہاں بھیج دیا اور فرمایا کہ آپ امتحان میں کامیاب ہوچکے ہیں۔ اس کے بعد یہ عمل شریعت میں اس قدر پسندیدہ اور مقبول ہوا کہ اسے ”سنتِ ابراہیمی“ کے مبارک الفاظ سے یاد کیا جانے لگا۔ یہ حضرت ابراہیم علیہ السلام کے اخلاص کی ایسی مضبوط دلیل ہے جو تاقیامِ قیامت قائم رہے گی۔

*قربانی کی اسلامی حیثیت:*👇

حضرت زید بن ارقم رضی اللہ عنہ سے روایت ہے کہ رسول اللہ صلی اللہ علیہ و سلم کے صحابہ رضی اللہ عنہم نے سوال کیا: یارسول اللہ!یہ قربانی کیا ہے؟ (یعنی قربانی کی حیثیت کیا ہے؟) آپ صلی اللہ علیہ وسلم نے فرمایا: تمہارے (روحانی) باپ حضرت ابراہیم علیہ السلام کی سنت (اور طریقہ) ہے۔صحابہ رضی اللہ عنہم نے عرض کیا کہ ہمیں قربانی کے کرنے سے کیا ملے گا؟ فرمایا ہر بال کے بدلے میں ایک نیکی۔صحابہ کرام رضی اللہ عنہم نے (پھر سوال کیا) یارسول اللہ!اُون (کے بدلے میں کیا ملے گا) فرمایا: اُون کے ہر بال کے بدلے میں نیکی ملے گی۔(سنن ابن ماجہ، باب ثواب الاضحیہ،الرقم:3127)

*قربانی کی اہمیت:*👇

قربانی والی عبادت ان چیزوں میں سے ایک ہے جو اسلام کی علامت اور شعائر ہیں۔ یہی وجہ ہے کہ آپ صلی اللہ علیہ وسلم مدینہ منورہ کے دس سالہ قیام میں ہر سال قربانی فرماتے رہے اور آپ کے بعد صحابہ کرام، تابعین، تبع تابعین، ائمہ مجتہدین، مفسرین، محدثین، اسلاف اور اکابر، غرض پوری اس وقت سے لے کر آج دن تک امت کا متوارث، متواتر اور مسلسل عمل بھی قربانی کرنے کا چلا آ رہا ہے۔

*قربانی کے بجائے رفاہی کام:*👇

رفاہ عامہ میں روٹی کپڑا اور مکان ہے۔ اسی رفاہ عامہ میں عید کے دنوں میں غریبوں کو قربانی کے جانور کا گوشت دے دیا جائے تو اس میں کیا حرج ہے؟ یقیناً یہ بھی رفاہ عامہ ہی ہے لیکن اگر اس سے ہٹ کر بھی دیکھا جائے تب بھی قربانی میں عام لوگوں بالخصوص غریبوں کا بہت نفع ہے۔ قربانی والے عمل کا حکم دے کر شریعت یہ ہرگز نہیں کہتی کہ رفاہِ عامہ کے مفید کاموں کو نہ کیا جائے،انسانیت کی ضروریات کو پورا کرنے کے لیے اسلام کی تعلیمات موجود ہیں اس کے لیے زکاۃ، صدقہ الفطر، عشر اور دیگر وجوبی صدقات کا مستقل ایک نظام ہے جس کے تحت انسانیت کی فلاح وبہبود، غریب ومساکین اور ناداروں پر خرچ کیا جاتا ہے، اس لیے شریعت یہ کہتی ہے کہ دس ذوالحجہ سے لے کر بارہ ذوالحجہ کی شام تک جس شخص پر قربانی کرنا واجب ہیاس کے لیے قربانی چھوڑ کر اس رقم کا صدقہ کرنا بالکل جائز نہیں ہے، ہاں! جس شخص پر قربانی کرنا واجب نہیں ہے اس کے لیے ان دنوں میں یا صاحب ِ نصاب لوگوں کے ان دنوں میں قربانی کرنے کے ساتھ ساتھ یا سال کے دیگر ایام میں مالی صدقہ کرنا یقیناً بہت زیادہ ثواب کی چیز ہے لیکن اس لیے قربانی والے عمل کی قربانی دینا درست نہیں۔

*قربانی کا پیغام:*👇

قربانی ہمیں یہ پیغام دیتی ہے کہ ہمارے دلوں میں یہ احساس اور فکر پیدا ہوجائے کہ اللہ کا حکم ہر چیز پر مقدم ہے ہماری ساری کامیابیوں کا مدار اللہ کے احکام کو ماننے پر ہے اگرچہ وہ ہماری طبیعت،عقل اور سماج کے خلاف ہی کیوں نہ معلوم ہو رہا ہو۔ اس میں حکمتیں اور مصلحتیں نہ تلاشی جائیں بلکہ بے چوں وچرا اس پر صدق دل سے عمل کیا جائے۔ حدیث مبارک میں ہے کوئی شخص اس وقت تک کامل مومن نہیں ہو سکتا جب تک وہ اپنی خواہشات کو میرے دین کے تابع نہ کردے۔ دوسرا اہم پیغام یہ ہے اپنے اندر جذبہ ایثارپیدا کریں اسی کی بدولت دنیا میں امن و امان قائم ہو گا۔

*عیدوالے دن:*👇

حضرت جابر رضی اللہ عنہ سے روایت ہے کہ نبی کریم صلی اللہ علیہ وسلم عید والے دن(عید گاہ کی طرف آنے اور جانے والا) راستہ بدل لیتے تھے۔ اس لیے جس راستے سے عید گاہ کی طرف جائیں مناسب ہے کہ واپسی میں وہ راستہ تبدیل کر لیا جائے۔ حضرت بریدہ رضی اللہ عنہ سے روایت ہے کہ رسول اللہ صلی اللہ علیہ وسلم عید الفطر کی نماز کے لیے تشریف لے جاتے تو کچھ کھا پی کر جاتے اور عید الاضحیٰ کے دن نماز عید پڑھنے تک کچھ نہیں کھاتے تھے۔ بعض لوگ اس دن عید سے پہلے اپنے اوپر کھانے پینے کو حرام کر لیتے ہیں اور روزہ دار کی طرح کچھ نہیں کھاتے پیتے، یہ نظریہ غلط ہے۔

🤲 اللہ کریم تمام مسلمانوں کو عید کی خوشیاں نصیب فرمائے۔ آمین بجاہ النبی الکریم صلی اللہ علیہ وسلم

عشرہ ذوالحجہ-کی-فضیلت-مولانا الیاس-گھمن

2025-05-26T11:02:00.001+03:00

عشرۂ ذوالحج کے 10فضائل

متکلم اسلام حضرت مولانا محمد الیاس گھمن ✍

اللہ تعالیٰ نے ماہ ذوالحج کو بالخصوص اس کے پہلے عشرہ کو حرمت، برکت، عظمت اور فضیلت عطا فرمائی ہے۔

پہلی فضیلت

اس مہینے کا شمار ان چار مہینوں (ذوالقعدہ، ذوالحج، محرم اور رجب)میں ہوتا ہے جن کو حرمت عزت والے مہینے کہا جاتا ہے ان میں خونریری، لڑائی جھگڑا وغیرہ کرنا بہت بڑا گناہ ہے۔

حضرت ابو بکرہ رضی اللہ عنہ سے روایت ہے: نبی کریم صلی اللہ علیہ وسلم نے فرمایا: زمانہ گھوم کر اسی حالت پر آ گیا جیسے اس دن تھا جب اللہ رب العزت نے آسمانوں اور زمین کو پیدا فرمایا تھا۔ سال کے بارہ مہینے ہیں اور ان میں سے چار حرمت یعنی عزت و احترام والے ہیں: تین تو اکٹھے ترتیب کے ساتھ ہیں یعنی ذوالقعدہ، ذوالحج، محرم اور چوتھا مہینہ رجب والا ہے جو جمادی الثانیہ اور شعبان کے درمیان میں ہے۔

(صحیح البخاری، باب قولہ ان عدۃ الشھور، رقم الحدیث:4662)

دوسری فضیلت

اس مہینے کے پہلے دس دنوں میں کیے جانے والے نیک اعمال کا ثواب باقی ایام کے مقابلے میں زیادہ عطا کیا جاتا ہے۔

1:حضرت عبداللہ بن عباس رضی اللہ عنہما سے روایت ہے رسول اللہ صلی اللہ علیہ وسلم نے ارشاد فرمایا:عشرۂ ذو الحج میں کیے جانے والے نیک اعمال دوسرے عام دنوں میں کیے جانے والے نیک اعمال کے مقابلے میں اللہ تعالیٰ کے ہاں زیادہ فضیلت والے ہیں۔صحابہ کرام رضی اللہ عنہم نے عرض کی یا رسول اللہ! کیا جہاد(جیسی عظیم عبادت)بھی ان کے برابر نہیں؟ آپ صلی اللہ علیہ وسلم نے فرمایا: ہاں۔ مگر وہ شخص جو جان و مال لے کر جہاد کے لیے نکلے اور پھر ان جان و مال میں سے کچھ بھی واپس نہ آئے(یعنی وہ شہید ہو جائے)۔

(صحیح البخاری، باب فضل العمل فی ایام التشریق، رقم الحدیث:969)

2:حضرت عبداللہ بن عمر رضی اللہ عنہما سے روایت ہے رسول اللہ صلی اللہ علیہ وسلم نے فرمایا: اللہ تعالیٰ کے ہاں عشرۂ ذو الحج زیادہ عظمت والا ہے اور ان دس دنوں میں کی جانے والی عبادت باقی عام ایام کی بہ نسبت اللہ کو زیادہ محبوب ہے۔ ان دنوں میں کثرت کے ساتھ اللہ تعالیٰ کی تسبیح کرو یعنی سبحان اللہ کہو، تہلیل یعنی لا الہ الا اللہ کہو، تکبیر یعنی اللہ اکبر اور تحمیدیعنی الحمد للہ کہو۔

(مسند عبد بن حمید، احادیث ابن عمر، رقم الحدیث:805)

تیسری فضیلت:

اس مہینے کو یہ فضیلت بھی حاصل ہے کہ یہ دین اسلام کے پانچویں اہم ترین رکن”حج“ کی ادائیگی کا مہینہ ہے۔ اس لیے اس مہینے کا نام ہی ذوالحج رکھا گیا ہے یعنی حج والا مہینہ۔

چوتھی فضیلت:

اس مہینے کے مخصوص ایام(نویں ذوالحج کی نماز فجر سے تیرہویں ذوالحج کی نماز عصر تک)میں ہر فرض نماز کے بعد تکبیرات تشریق کہی جاتی ہیں۔ تکبیر تشریق یہ ہے:اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد

پانچویں فضیلت:

اس مہینے کے پہلے عشرہ(مراد پہلے نو دن ہیں) کے روزوں کا ثواب بہت زیادہ ہے یہاں تک کہ اس کے ایک دن کا روزہ سال بھر کے روزوں کے برابر ہے اور اس کی ایک رات کی عبادت لیلۃ القدر کی عبادت کے برابر ہے۔

حضرت ابو ہریرہ رضی اللہ عنہ نبی کریم صلی اللہ علیہ وسلم سے روایت کرتے ہیں: اللہ تعالیٰ کے ہاں عام دنوں کے مقابلے میں عشرۂ ذو الحج کی عبادت زیادہ محبوب ہے، اس ایک دن کا روزہ(عام دنوں کے)ایک سال کے روزوں کے برابر ہے اور(عشرۂ ذو الحج کی)ایک رات کی عبادت لیلۃ القدر کی عبادت کے برابر ہے۔

(جامع الترمذی، باب ماجاء فی العمل فی ایام العشر، رقم الحدیث:689)

چھٹی فضیلت

اس میں اللہ تعالیٰ نے اسلام کو مکمل فرمایا اور اپنی نعمت کو پورا فرمایا۔

حضرت عمر بن خطاب رضی اللہ عنہ سے مروی ہے کہ ایک یہودی نے ان سے کہا اے امیر المومنین!آپ کی کتاب(قرآن کریم) میں ایک آیت ایسی ہے اگر وہ ہمارے اوپر یعنی دین یہود میں نازل کی جاتی ہے تو ہم اس دن عید مناتے۔حضرت عمر رضی اللہ عنہ نے اس یہودی سے پوچھا کہ کون سی آیت؟ یہودی نے کہا: اَلْیَوْمَ أَکْمَلْتُ لَکُمْ دِینَکُمْ وَأَتْمَمْتُ عَلَیْکُمْ نِعْمَتِی وَرَضِیتُ لَکُمُ الْإِسْلَامَ دِینًاجس کا مفہوم یہ ہے کہ آج میں نے تمہارے لئے تمہارا دین مکمل کردیا اور تم پر اپنی نعمت پوری کردی اور تمہارے لئے اسلام کو بحیثیت دین پسند کرلیا۔ حضرت عمر رضی اللہ عنہ نے اس سے فرمایا: ہم اس دن کو خوب جانتے ہیں اور اس جگہ کو بھی اچھی طرح سے جہاں یہ آیت نبی کریم صلی اللہ علیہ وسلم پر نازل ہوئی۔ یوم عرفہ(نویں ذوالحج) بروز جمعہ میدان عرفات میں وقوف فرما رہے تھے۔

(صحیح البخاری، باب زیادۃ الایمان ونقصانہ، رقم الحدیث:45)

ساتویں فضیلت

اس مہینے کی نویں تاریخ یعنی ”یوم عرفہ“ کا روزہ ہے۔ جس کا احادیث مبارکہ میں بہت زیادہ اجر ذکر کیا گیا ہے۔

فائدہ:

پہلے عرض کیا جا چکا ہے یہ عظیم الشان فضیلت ان لوگوں کے لیے ہے جو حج ادا نہ کر رہے ہوں، حجاج کرام کو روزہ کی وجہ سے وقوف عرفہ جیسی عبادت میں سستی پیدا ہونے کا اندیشہ ہو تو بہتر یہ ہے کہ وہ روزہ نہ رکھیں۔

آٹھویں فضیلت:

اس مہینے کی نویں تاریخ یعنی یوم عرفہ میں اللہ رب العزت لوگوں کو جہنم سے کثرت کے ساتھ آزاد فرماتے ہیں۔

حضرت ابن المسیب سے مروی ہے کہ حضرت عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: اللہ رب العزت باقی ایام کی بہ نسبت یوم عرفہ(نویں ذوالحج)والے دن لوگوں کو کثرت کے ساتھ جہنم سے آزاد فرماتے ہیں۔

(صحیح مسلم،باب فی فضل الحج والعمرۃ ویوم عرفۃ، رقم الحدیث: 2402)

نویں فضیلت:

اس مہینے کی دسویں تاریخ کو نماز عید ادا کی جاتی ہے، عید کا دن بھی فضیلت والا ہوتا ہے اور اس کی رات بھی۔ عیدین کی راتیں ایسی مبارک راتیں ہیں اگر کوئی شخص ان میں اللہ کی عبادت کرے تو اللہ تعالیٰ اس کو قیامت کی ہولناکیوں سے محفوظ فرماتے ہیں۔

حضرت ابو امامہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: جو شخص دونوں عیدوں (عید الفطر اور عید الا ضحیٰ) کی راتوں میں ثواب کا یقین رکھتے ہوئے عبادت میں مشغول رہا تو اس کا دل اس دن نہ مرے گا جس دن لوگوں کے دل مردہ ہو جائیں گے۔

(سنن ابن ماجہ، باب فیمن قام فی لیلتی العیدین، رقم الحدیث: 1782)

دسویں فضیلت

اس مہینے کی دسویں، گیارہویں اور بارہویں تاریخ کو اللہ کے نام پر متعین جانور کو ذبح کیا جاتا ہے یعنی قربانی کے مبارک عمل کی ادئیگی کی جاتی ہے اس دن اس عمل سے زیادہ کوئی اور عمل زیادہ اجر و ثواب والا نہیں۔

1: حضرت ابن عباس رضی اللہ عنہما سے روایت ہے کہ رسول اللہ صلی اللہ علیہ و سلم نے ارشاد فرمایا:اللہ تعالیٰ کے ہاں کسی خرچ کی فضیلت اس خرچ سے ہرگز زیادہ نہیں جوعید قربان والے دن قربانی پر کیا جائے۔

(سنن الدارقطنی،با ب الصید والذبائح، رقم الحدیث: 4815)

2: ام المومنین سیدہ عائشہ صدیقہ رضی اللہ عنہا سے روایت ہے کہ رسول اللہ صلی اللہ علیہ و سلم نے فرمایا: عید الاضحیٰ کے دن کوئی نیک عمل اللہ تعالیٰ کے نزدیک قربانی کا خون بہانے سے محبوب اور پسندیدہ نہیں اور قیامت کے دن قربانی کا جانور اپنے بالوں، سینگوں اور کھروں سمیت آئے گا اور قربانی کا خون زمین پر گرنے سے پہلے اللہ تعالیٰ کے ہاں شرفِ قبولیت حاصل کر لیتا ہے لہٰذا تم خوش دلی سے قربانی کیا کرو۔

(جا مع الترمذی با ب ما جاء فی فضل الاضحیہ،رقم الحدیث: 1413)

3:حضرت زید بن ارقم رضی اللہ عنہ سے روایت ہے:رسول اللہ صلی اللہ علیہ وسلم کے صحابہ رضی اللہ عنہم نے سوال کیا: یارسول اللہ!یہ قربانی کیا ہے؟ (یعنی قربانی کی حیثیت کیا ہے؟) آپ صلی اللہ علیہ وسلم نے فرمایا: تمہارے(روحانی)باپ حضرت ابراہیم علیہ السلام کی سنت (طریقہ) ہے۔صحابہ رضی اللہ عنہم نیعرض کیا کہ ہمیں قربانی کے کرنے سے کیا ملے گا؟ فرمایا ہر بال کے بدلے میں ایک نیکی۔صحابہ کرام رضی اللہ عنہم نے (پھر سوال کیا) یارسول اللہ!اون (کے بدلے کیا ملے گا) فرمایا: اون کے ہر بال کے بدلے میں نیکی ملے گی۔

(سنن ابن ماجہ، باب ثواب الاضحیہ، رقم الحدیث: 3127)

فائدہ

جس شخص نے قربانی کرنی ہو اسے چاہیے کہ ذوالحج کا چاند نظر آنے سے قربانی کرنے تک ناخن اور بال وغیرہ نہ کاٹے۔

4:حضرت ام سلمہ رضی اللہ عنہا بیان فرماتی ہیں کہ رسول اللہ صلی اللہ علیہ وسلم نے ارشاد فرمایا جب ذو الحج کا پہلا عشرہ شروع ہوجائے (یعنی ذو الحج کا چاند نظر آجائے) اور تم میں سے کسی کا ارادہ ہو قربانی کا تو اس کو چاہیے (قربانی کرنے تک) اپنے بال اور ناخن نہ تراشے۔

(صحیح مسلم، باب اذا دخلت العشر واراد احدکم ان یضحی، رقم الحدیث: 5233)

اللہ کریم ہمیں ان مبارک ایام کی قدر توفیق نصیب فرمائے۔ آمین بجاہ النبی الکریم صلی اللہ علیہ وسلم

تعلیمی سال کے آغاز پرطلبہ سے چند گزارشات

2025-04-13T04:42:00.002+03:00

تعلیمی سال کے آغاز پر اپنے نوجوان طلبہ سے چند گزارشات

سید احمد اُنیس ندوی

اللہ تعالی کا خاص فضل و کرم ہے کہ اللہ تعالی نے آپ کو یہ موقع عنایت فرمایا کہ آپ تفقہ فی الدین حاصل کرنے کی غرض سے مختلف مدرسوں میں پہنچ چکے ہیں اور داخلے وغیرہ کی کارروائی میں مشغول ہیں۔ آپ کا یہ دینی بھائی اس موقع پر آپ سب سے ترتیب وار کچھ عرض کرنا چاہتا ہے۔ امید ہے کہ آپ سب اسے عمل کی نیت سے توجہ کے ساتھ پڑھیں گے، اور تمام طلبہ تک اسے منتقل فرمائیں گے

1- "تحصیل علم" کے لیے "تصحیح نیت" سب سے اہم ہے۔ خوب غور کر لیں کہ ہم قرآن و حدیث کا یہ علم کس غرض سے حاصل کر رہے ہیں ؟؟؟ " و من اراد الآخرۃ و سعی لھا سعیھا و ھو مومن فاولئک کان سعیھم مشکورا" آیت مبارکہ پر خوب غور و فکر کر کے معتبر تفاسیر میں اس آیت کی تفسیر پڑھ لیں۔ آج کل یہ جو تماشہ بنا ہوا ہے کہ ہر طالب علم خود کو "مولانا" ، "مفتی" اور "دامت برکاتہم" جیسے سابقے اور لاحقے حاصل کرنے کے لیے تعلیم حاصل کر رہا ہے، یہ ان کے "اخلاص" و "اختصاص" کے راستے کی سب سے بڑی رکاوٹ ہے

2- سخت محنت اور مجاہدے کے بغیر علم کی ہوا بھی نہیں لگتی۔ سب سے پہلے مطالعہ پھر استاذ کے درس کو غور سے سننا اور اسے محفوظ کرنا اور پھر ساتھیوں کے ساتھ اس کا مذاکرہ و تکرار بہت اہم ہے۔ پہلے دن سے ان تینوں کاموں کا التزام کریں

3- جہاں تک ممکن ہو اردو کی شروحات سے بچیں۔ ابتدائی درجوں میں تو ہرگز اردو شروحات نہ دیکھیں۔ بلکہ کوشش یہ ہو کہ عبارت حل ہو, اور اس کے لیے حاشیہ سے مدد لیں۔ آپ جتنا زیادہ محنت کر کے براہ راست کتاب کی عبارت حل کریں گے اتنا ہی فائدہ ہوگا۔ عربی الفاظ کو عربی لغت کی مدد سے ہی حل کریں

4- نحو و صرف میں مہارت پیدا کر کے اعراب وغیرہ کی غلطی سے اپنے کو بچایا جا سکتا ہے, اور اس میں کمال پیدا کرنے کے لیے "عربی ادب" کا کثرت سے مطالعہ اپنے اساتذہ کرام کے مشورے اور ان کی نگرانی میں کرتے رہیں

5- اپنے اساتذہ کرام کا ادب و احترام نہایت ضروری ہے۔ اساتذہ کرام کے تعلق سے اپنے دل و دماغ کو اور اپنی زبان و قلم کو بہت احتیاط کے ساتھ استعمال کریں۔ ذرائع علم جتنے بھی ہیں ان سب کا لحاظ ضروری ہے

6- گناہوں اور معصیت کے ساتھ علم کا نور کبھی جمع نہیں ہو سکتا اور ایسا علم نہ اپنی ذات کو فائدہ دیتا ہے اور نہ دوسروں کے لیے نفع بخش ہوتا ہے۔ اس لیے گناہوں سے اپنے کو بہت بچائیں۔ خصوصاً آنکھ اور زبان کا استعمال بہت تقوی اور پرہیزگاری کے ساتھ ہو

7- تلاوت قرآن مجید, مسنون اذکار, ماثور دعائیں اور چند نوافل روزآنہ کا معمول بنائیں, ان اعمال سے دل منور ہوتا ہے, اور تعلق مع اللہ میں اضافہ ہوتا ہے جو کہ ہر حال میں مطلوب ہے

8- ملٹی میڈیا موبائل اور سوشل میڈیا کا استعمال بلاشبہ تحصیل علم میں بہت بڑی رکاوٹ اور یکسوئی میں مُخِل ہے، اور طلبہ کے لیے سب سے بڑا فتنہ ہے۔ اس لیے کوشش کریں کہ اس میں وقت بالکل ضائع ہی نہ ہو

9- علم میں "عمق" کے لیے نصاب کی کتابوں میں اچھی استعداد پیدا کرنا ضروری ہے, اور علم میں "وسعت" کے لیے خارجی مطالعہ شرط ہے۔ ان دونوں کے درمیان خوبصورت امتزاج پیدا کریں۔ افراط و تفریط سے ہر حال میں بچیں۔ سیرت و تاریخ کا مطالعہ ضرور کرتے رہیں

10- خالی اوقات میں کوئی ایسا فن یا کوئی ایسی مہارت بھی حاصل کی جا سکتی ہے جسے تعلیم کے بعد اپنا ذریعہ معاش بنایا جا سکے۔ ۔ خصوصاً خالی اوقات میں انگریزی زبان یا کمپیوٹر وغیرہ کے کورس کیے جا سکتے ہیں۔ لیکن اگر اس کی وجہ سے تعلیم متاثر ہو تو یہ فکر کرنے کی بات ہے

11- آپ کو درسی کتابوں میں جس فن سے مناسبت ہو اس فن سے متعلق کتابوں اور اس کی عربی شروحات پر شروع سے ہی خاص توجہ دیں۔ اور اس فن کو سب سے زیادہ وقت دیں

12- پیغامات کی ترسیل اور دین کی تبلیغ کے لیے تقریر و تحریر میں کمال پیدا کرنا بھی اہم ہے۔ لہذا مدرسے کی طرف سے منعقد ہونے والے ثقافتی پروگراموں میں خوب ذوق و شوق سے شرکت کریں

13- اردو ادب کا معیاری ذوق بھی بہت اہم ہے۔ اپنے استاذہ کرام کی نگرانی میں اس جانب بھی خاص توجہ دیں۔ معیاری اشعار اور نثری اقتباسات حفظ کر لیں

14- دوران طالب علم سادگی, محنت اور جفا کشی کو اپنی پہچان بنائیں۔ تعیش, فضول خرچی اور غیر سنجیدگی سے اپنے کو بچائیں

15- صفائی ستھرائی, نظم و ضبط, سلیقہ اور حسن انتظام یہ سب طالب علم کی صفات ہیں۔ ہر عمل میں ان کا اظہار ہونا چاہیے۔ جو کھانا پینا میسر ہو شکر ادا کر کے خوشی کے ساتھ اس پر قناعت کریں

16- تکبیر اولی کے ساتھ مسجد میں نماز پنج گانہ کا اہتمام بہت ضروری ہے۔ نماز میں سستی اور کاہلی تو نفاق کی علامت ہے۔ اس لیے اس سے بہت بچیں۔ اپنا حلیہ , چہرہ اور لباس ایسا رکھیں جو واقعی قرآن و حدیث کے عالم کے شایان شان ہو

17- اگر آپ کے مدرسے میں کوئی صاحب نسبت استاذ ہیں اور ان کی اصلاحی مجلس منعقد ہوتی ہے تو بغرض استفادہ وقتاً فوقتاً ان کی خدمت میں حاضر ہوتے رہیں۔

18- عالم اسلامی کے حالات سے ہمارے اونچے درجے کے طلبہ کو تو کم از کم ضرور واقف رہنا چاہیے۔ اسی طرح اسلامی اخوت کا آفاقی تصور بھی ان کے ذہنوں میں مستحضر رہے۔ علمی اختلافات کی حدود بھی واضح رہیں۔ اختلاف کا ادب بھی سیکھا جائے۔ یہ سب مکارم اخلاق کا حصہ ہیں

19- دوران طالب علمی کسی بھی دینی تحریک, تنظیم کے ایسے پرجوش اور اسی میں منہمک ایسے داعی و مبلغ نہ بنیں جس سے آپ کی پڑھائی ذرا بھی متاثر ہو۔ یہ سارے کام تو بعد میں بھی ہو جائیں گے۔ مگر مدرسے کا یہ علمی ماحول دوبارہ میسر نہیں ہوگا۔ ہر طرح کی عصبیت و گروہ بندی سے اپنے کو بچائیں

20- اپنے خود کے تعلیمی معیار پر برابر نظر رکھیں, اپنی صلاحیت و استعداد کو خود بھی جانچتے رہیں, اگر اضافہ محسوس ہو تو شکر ادا کر کے مزید محنت کریں, اور اگر اضافہ محسوس نہ ہو تو بہت سنجیدگی کے ساتھ سرپرستوں اور اساتذہ کرام سے اس سلسلے میں مشورہ لیں اور یہ فکرمندی آخر آخر تک جاری رکھیں

و ما توفیقی الا بالله علیه توکلت و الیه انیب

صلہ رحمی کی عملی دعوت اور متکلم اسلام

2025-04-10T23:53:00.000+03:00

صلہ رحمی کی عملی دعوت اور متکلم اسلام

*ترتیب: مولانا محمد کلیم اللہ حنفی*

استاد محترم، مربی و محسن متکلم اسلام مولانا محمد الیاس گھمن حفظہ اللہ نے عید الفطر کے بعد اپنے نئے مکان میں اپنے تمام رشتہ داروں کو جمع کیا اور زوم میٹنگ کے ذریعے آن لائن صلہ رحمی کے عنوان پر گفتگو کی۔ اس گفتگو کا مقصد اپنے رشتہ داروں کے درمیان محبت و اتحاد کو فروغ دینا تھا، اور دین اسلام کی روشنی میں رشتہ داریوں کی اہمیت کو اجاگر کرنا تھا۔ آپ کی گفتگو کے اہم نکات درج ذیل ہیں۔

*رشتہ داروں کا خیال رکھنا*

اللہ رب العزت نے ہمیں عزت، مال اور دولت دی ہے، اس لیے ہمیں اپنے رشتہ داروں کا خیال رکھنا چاہیے، خاص طور پر وہ رشتہ دار جو مالی مشکلات کا شکار ہیں۔ ہمیں چاہیے کہ ہم اپنے مال کا کچھ حصہ اپنے ضرورت مند رشتہ داروں پر خرچ کریں تاکہ ان کی پریشانیاں کم ہو سکیں۔ اسلام میں صلہ رحمی کا مطلب صرف جسمانی طور پر ایک دوسرے کے ساتھ موجود ہونا ہی نہیں، بلکہ مالی طور پر بھی اپنے رشتہ داروں کی مدد کرنا ہے۔

*صلہ رحمی کا لحاظ رکھنا*

صلہ رحمی کی بدولت ہم اپنے رشتہ داروں کے ساتھ تعلقات کو مضبوط بناتے ہیں۔

میری خواہش ہے کہ ہمارے خاندان میں باہمی ناچاقی، نفرت، حسد، کینہ اور بغض نہ ہو۔ تاہم ہم انسان ہیں آپس میں رہتے ہوئے کبھی اونچ نیچ ہو جاتی ہے تو میں اپنے آپ کو سب سے پہلے آپ کے سامنے پیش کرتا ہوں اور بصدق دل یہ کہتا ہوں کہ اگر مجھ سے کسی کو کسی طرح کی بھی کوئی تکلیف پہنچی ہو تو میں معافی مانگتا ہوں اللہ کے لیے مجھے معاف کر دیں اسی طرح میں آپ کو بھی اس عمل کی دعوت دیتا ہوں کہ آپس کی ناچاقیاں اور کدورتیں ختم کر کے ایک دوسرے کے ساتھ ویسے رہیں جیسے اسلام رہنے کا حکم دیتا ہے۔ المسلم اخو المسلم مسلمان مسلمان کا بھائی ہے۔

*دینی اداروں کی مدد کرنا*

ہمیں اپنے رشتہ داروں کے ساتھ ساتھ دینی اداروں کی مدد بھی کرنی چاہیے تاکہ دین کی تعلیم کا سلسلہ جاری رہ سکے۔ مرکز اہل السنۃ والجماعۃ سرگودھا اور مرکز اصلاح النساء سرگودھا میں انے والے طلبہ اور طالبات کی مدد کرنا ایک عظیم عمل ہے۔ آپ لوگ میرے خاندان کے لوگ ہیں تو میرے پاس آنے والے مہمان صرف میرے مہمان نہیں بلکہ آپ کے بھی مہمان ہیں آپ ان کے ساتھ میزبانوں والا سلوک رکھیں اور ان کی مالی کفالت بڑھ چڑھ کریں۔

*جامع مسجد خاتم النبیین صلی اللہ علیہ وسلم کی تعمیر میں حصہ لینا*

مرکز اہل السنۃ والجماعۃ سرگودھا کی نئی جامع مسجد خاتم النبیین صلی اللہ علیہ وسلم کچھ دنوں میں تعمیر ہونے جا رہی ہے اور پرانی مسجد کو شہید کیا جائے گا۔ اس اہم منصوبے میں ہم سب کا حصہ بہت ضروری ہے، اور خاص طور پر میری خاندان والوں سے درخواست ہے کہ وہ اس مسجد کی تعمیر میں بھرپور حصہ لیں۔ ہمارا یہ عمل ہمارے لیے صدقہ جاریہ بن جائے گا جو قیامت تک ہمارے لیے اجر کا باعث بنے گا۔ ہم سب کو چاہیے کہ ہم اس مسجد کی تعمیر میں مالی طور پر اور دیگر طریقوں سے مدد کریں۔

*رمضان میں خاندان کی دعوت افطار رکھنا*

میں نے اپنی زندگی میں رمضان کی 29ویں کی افطاری میں ہمیشہ اپنے خاندان والوں کو مدعو کیا۔ اور اس میں صرف اپنے خاندان والوں کو ہی بلاتا ہوں کسی حافظ قاری عالم کو جو میرے خاندان کا نہ ہو اس کو اس دعوت میں نہیں بلاتا اور میں اس موقع پرخاندان والوں سے یہ بھی نہیں پوچھتا کہ تمہارا روزہ ہے یا نہیں؟ تم نمازیں پڑھتے ہو یا نہیں؟

الحمدللہ! میرے خاندان والوں نے میری دینی دعوت پر ہمیشہ لبیک کہا ہے۔ خاندان کے بہت سارے لوگوں نے اپنی سابقہ زندگی کو بدل کر دین والی زندگی کو اپنایا ہے، بہت سارے افراد میں داڑھی رکھی ہے پکے نمازی بنے ہیں سودی بینکوں کی ملازمتیں چھوڑی ہیں، ہمارے خاندان کی بہت ساری خواتین نے پردہ شروع کیا ہے، دینی تعلیم شروع کی ہے اور اپنے اپ کو دینی ماحول میں ڈھالا ہے۔

*معاشرتی تعلقات کو مضبوط کرنا*

ہمیں اپنے رشتہ داروں سے تعلقات کو مضبوط بنانا چاہیے۔ خاندان کے ہر فرد کا خیال رکھنا اور ان کے ساتھ خوشی اور غم میں شریک ہونا ہماری ذمہ داری ہے۔ یہ تعلقات نہ صرف ہمارے لیے دنیوی سکون کا باعث بنتے ہیں بلکہ آخرت میں بھی ہماری نیکیوں کا باعث بنیں گے۔

*نادار افراد کا مالی تعاون کرنا*

ہم سب کو اپنے مالی وسائل کا کچھ حصہ اپنے نادار رشتہ داروں پر خرچ کرنا چاہیے۔ خاص طور پر ان رشتہ داروں کی مدد کرنا ضروری ہے جو مالی طور پر کمزور ہیں تاکہ وہ اپنی زندگی کی ضروریات پوری کر سکیں۔ یہ عمل نہ صرف ہمارے رشتہ داروں کے لیے فائدہ مند ہے بلکہ خود ہمارے لیے بھی بہت مفید ہے۔ اس سے ہمارے باہمی تعلقات بہتر ہوتے ہیں اور ہمارا دینی فریضہ بھی ادا ہوتا ہے۔

*خواتین کو دینی تعلیم دینا*

ہمیں اپنے خاندان کی خواتین کو دین کی تعلیم دینی چاہیے تاکہ وہ اپنے گھرانے کو بہتر طریقے سے دین کے اصول سکھا سکیں۔ خواتین کو دین کی صحیح تعلیم دینے سے خاندان کا پورا ماحول دینی بن جاتا ہے اور اس کا اثر نسلوں تک پہنچتا ہے۔ اس کے لیے آپ کے اسی گاؤں میں مرکز اصلاح النساء کے نام سے بچیوں کا ادارہ موجود ہے یہاں اپنی بچیوں کو بھیجیں اور انہیں دین کی تعلیم دلوائیں۔

*گفتگو کا خلاصہ*

دین صرف عبادات کا نام نہیں، بلکہ دین کی حقیقت میں ہمارے معاشرتی تعلقات، اخلاقی ذمہ داریوں اور رشتہ داریوں کا بھی ذکر ہے۔ صلہ رحمی دین کا ایک اہم جزو ہے اور ہمیں اپنی روزمرہ کی زندگی میں اسے عملی طور پر اپنانا چاہیے۔

📌 استاد محترم مربی و محسن متکلم اسلام مولانا محمد الیاس گھمن حفظہ اللہ کی گفتگو کے ذریعے ہم سب کو صلہ رحمی کی عملی دعوت ملتی ہے، جو ہمارے رشتہ داروں کے ساتھ محبت و اتحاد بڑھانے کے ساتھ ساتھ دین کے اصولوں کو اپنی زندگیوں میں اپنانے کی ترغیب دیتی ہے۔

لیلۃ القدرفضائل و مسائل

2025-03-24T12:19:00.021+03:00

Scroll down to download the PDF

لیلۃ القدرفضائل و مسائل

متکلم اسلام مولانا محمد الیاس گھمن ﷾

لیلۃ القدر کی فضیلت

حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:

"من قام لیلۃ القدر ایمانا واحتسابا غفر لہ ماتقدم من ذنبہ۔"

(📚 صحیح بخاری ج1ص270، باب فضل لیلۃ القدر)

ترجمہ: جس شخص نے ایمان کی حالت میں خلوصِ نیت سے لیلۃ القدر میں عبادت کی تو اللہ تعالیٰ اس کے پچھلے گناہوں کو معاف فرما دیتے ہیں۔

فضیلت کے حصول کی شرائط

رسول اللہ ﷺ نے دو شرطیں ذکر فرمائی ہیں:

مومن ہونا: عبادت کرنے والے کا عقیدہ صحیح ہو۔ اگر عقیدہ غلط ہو تو ایک نہیں، ہزار لیلۃ القدر بھی عبادت کر لے، کچھ حاصل نہ ہوگا۔

عقیدہ بنیاد ہے، اگر بنیاد کمزور ہو تو عبادت کی عمارت کھڑی نہیں ہوگی۔ ہمیں عقائدِ اہل السنت والجماعت پر مضبوطی سے قائم رہنا چاہیے۔

نیت کا خالص ہونا: عبادت میں ریا کاری اور دکھاوا نہ ہو، ورنہ ساری محنت ضائع ہو جائے گی۔

عبادت سے کن گناہوں کی معافی ہوتی ہے؟

اس حدیث اور دیگر احادیث میں جو عبادت کے ذریعے گناہوں کی معافی کا ذکر ہے، اس سے مراد صغیرہ گناہ ہیں۔

کبیرہ گناہوں کی معافی کے لیے توبہ لازم ہے، اور حقوق العباد کی معافی کے لیے یا تو حق ادا کرنا ہوگا یا صاحبِ حق سے معافی لینا ہوگی۔

لیلۃ القدر کون سی رات ہے؟

حضرت عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا:

"تحروا لیلۃ القدر فی الوتر من العشر الاواخر من رمضان۔"

(📚 صحیح بخاری ج1ص270)

ترجمہ: لیلۃ القدر کو آخری عشرے کی طاق راتوں میں تلاش کرو۔

طاق راتیں: 21، 23، 25، 27، 29

اسی طرح حضرت عبادہ رضی اللہ عنہ نے سوال کیا تو نبی کریم ﷺ نے مسند احمد (📚 ج16، ص399، رقم 22612) میں بھی یہی جواب دیا۔

لیلۃ القدر کی مخصوص دعا

حضور صلی اللہ علیہ وسلم نے فرمایا:

اللہم انک عفو تحب العفو فاعف عنی

(📚 سنن ابن ماجہ، ص274، باب الدعاء بالعفو والعافیۃ)

ترجمہ: اے پروردگار! آپ بہت معاف فرمانے والے ہیں اور معاف کرنے کو پسند بھی فرماتے ہیں، مولائے کریم! مجھے معاف فرما دیں۔

لیلۃ القدر میں غیر ضروری کاموں سے اجتناب کریں

افراط و تفریط کی چند عام مثالیں

مساجد پر چراغاں

خصوصی اعلانات کر کے صلوٰۃ التسبیح کا اجتماعی اہتمام

فضولیات میں مشغول رہنا

دعا: اللہ تعالیٰ ہمیں اس رات میں عبادت کی توفیق عطا فرمائے اور اسے ہمارے لیے ذریعۂ بخشش بنا دے۔

آمین یا رب العالمین!

پی ڈی ایف ڈاؤن لوڈ کرنے کے لیے کلک کریں۔

Click to download the PDF.

شیخ طریقت سے بیعت اور اسکا ثبوت

2025-03-24T11:38:00.016+03:00

پی ڈی ایف ڈاؤن لوڈ کرنے کے لیے کلک کریں۔

Click to download the PDF.

شیخ طریقت سے بیعت اور اسکا ثبوت

متکلم اسلام مولانا محمد الیاس گھمن حفظہ اللہ

عَنْ عُبَادَةَ بْنِ الصَّامِتِ رَضِيَ اللهُ عَنْهُ وَكَانَ شَهِدَ بَدْرًا وَهُوَ أَحَدُ النُّقَبَاءِ لَيْلَةَ الْعَقَبَةِ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ وَحَوْلَهُ عِصَابَةٌ مِنْ أَصْحَابِهِ: بَايِعُونِي عَلَى أَنْ لَا تُشْرِكُوا بِاللَّهِ شَيْئًا وَلَا تَسْرِقُوا وَلَا تَزْنُوا وَلَا تَقْتُلُوا أَوْلَادَكُمْ وَلَا تَأْتُوا بِبُهْتَانٍ تَفْتَرُوْلَهُ بَيْنَ أَيْدِيكُمْ وَأَرْجُلِكُمْ وَلَا تَعْصُوا فِي مَعْرُوفٍ فَمَنْ وَلَى مِنْكُمْ فَأَجْرُهُ عَلَى اللهِ وَمَنْ أَصَابَ مِنْ ذَلِكَ شَيْئًا فَعُوْقِبَ فِي الدُّنْيَا فَهُوَ كَفَّارَةٌ لَهُ وَمَنْ أَصَابَ مِنْ ذَلِكَ شَيْئًا ثُمَّ سَتَرَهُ اللهُ فَهُوَ إِلَى اللَّهِ إِنْ شَاءَ عَفَا عَنْهُ وَإِنْ شَاءَ عَاقَبَهُ•"

فَبَا يَعْنَاهُ عَلَى ذَلِكَ .

صحیح البخاری : رقم الحدیث 17

ترجمہ : حضرت عبادہ بن صامت رضی اللہ عنہ جو بدری صحابی ہیں اور بیعت عقبہ والی رات بارہ نقیبوں میں سے ایک نقیب تھے ، سے روایت ہے کہ رسول اللہ صلی اللہ علیہ وسلم نے صحابہ کرام رضی اللہ عنہم کی موجودگی میں فرمایا: ( ان امور پر ) میری بیعت کرو کہ اللہ کے ساتھ کسی کو شریک نہ ٹھہراؤ گے،

چوری نہ کرو گے،

زنانہ کرو گے،

اپنی اولاد کو قتل نہیں کرو گے،

نہ کوئی ایسا بہتان باند ھو گے جو تم نے اپنے ہاتھ اور پاؤں کے درمیان گھڑ لیا ہو

اور نہ کسی بھلے کام میں نافرمانی کروگے،

پس جس نے اس (عہد ) کو پورا کیا تو اس کا اجر اللہ کے ذمہ ہے ، جس نے ان امور میں سے کسی کا ارتکاب کیا اور دنیا ہی میں اس کو سزا مل گئی تو یہی سزا اس گناہ کا کفارہ بن جائے گی اور جس نے ان امور میں سے کسی کا ارتکاب کیا پھر اللہ نے ( دنیا میں ) اس کی پردہ پوشی کی تو اس کا معاملہ اللہ کے سپر د ہے ، اگر اللہ چاہے گا تو بخش دے گا اور اگر چاہے گا تو سزا دے گا۔ چنانچہ ہم نے ان امور پر رسول اللہ صلی اللہ علیہ وسلم کی بیعت کی۔

فائدہ: جس طرح طبیب اور ڈاکٹر کے نسخہ پر عمل اور بتائی ہوئی پر ہیز کی رعایت کرنے سے انسان جسمانی بیماریوں سے محفوظ رہتا ہے، اسی طرح شیخِ طریقت کی بتائی ہوئی ہدایات اور فرمودات پر عمل پیرا ہو کر انسان روحانی بیماریوں سے بچ جاتاہے

بیعت کا مقصد ان بیماریوں کا علاج کرانا ہے جو باطنی و روحانی طور پر انسان پر اثر انداز ہوتی ہیں،

عہد نبوت میں رسول اللہ صلی اللہ علیہ وسلم کی بیعت ہوتی تھی اور اب آپ کے نائبین کی بیعت ہوتی ہے،

مردوں کی طرح خواتین بھی بیعت کر سکتی ہیں مگر ان کا طریقہ بیعت مردوں کی طرح نہیں ہے،

لہذا با شرع، متقی و پرہیز گار اور مجاز طریقت شیخ سے تعلق جوڑیے،

اس کی ہدایات پر عمل کیجیے اور تقویٰ و پرہیز گاری سے بھر پور زندگی کا لطف اٹھائیے،

اعتکاف_کورس_فضائل_اورمسائل

2025-03-23T13:30:00.001+03:00

اعتکاف کورس فضائل اور مسائل

اعتکاف ایک عظیم عبادت ہے

اور جو حضرات اعتکاف میں بیٹھتے ہیں انکو اکثر مسائل درپیش آتے ہیں

اسلئے متکلم اسلام حضرت مولانا الیاس گھمن حفظہ اللہ نے اس کورس کو ترتیب دیا

تاکہ پیش آنے مسائل میں معتکفین کی راہنمائی ہوسکے

نَحْمَدُهُ وَنُصَلِّي عَلَى رَسُوْلِهِ الْكَرِيمِ أَمَّا بَعْدُ

اعتکاف کورس " آپ کے ہاتھوں میں ہے جو معتکفین کے لیے ایک انمول تحفہ ہے۔ اس کی ترتیب کی بنیادی طور پر دو وجوہات ہیں

رمضان المبارک کے آخری عشرہ میں مسلمانوں کی ایک بڑی تعداد اعتکاف کی عبادت سر انجام دیتی ہے۔ مبارک سماعات اور مسجد کے نورانی ماحول میں ذکر و عبادات کا لطف تو ہوتا ہی ہے لیکن اعتکاف کے مسائل نہ جاننے کی وجہ سے بے حد غلطیاں واقع ہو جاتی ہیں، حتی کہ بعض مرتبہ معتکف اپنا اعتکاف بھی توڑ بیٹھتا ہے۔

اس لیے ضرورت ہوئی کہ اعتکاف سے متعلق بنیادی مسائل مختصر انداز میں تحریر کیے جائیں۔

دس دن کا مختصر عرصہ اور مسجد کا یکسوئی والا ماحول مختلف کی علمی و عملی تربیت کے لیے انتہائی قیمتی وقت ہے۔

انسان جب کسی بات کو یکسوئی اور توجہ کے ساتھ پڑھتا اور سنتا ہے تو یقینی طور پر وہ بات دل میں جاگزیں ہو جاتی ہے۔

اس لیے اس بات کا داعیہ پیدا ہوا کہ ایسا نصاب مرتب کر دیا جائے جو اعتکاف کے اس عشرہ کی مناسبت سے مختصر ہونے کے ساتھ ساتھ پر اثر بھی ہو۔

ان دو وجوہات کے پیش نظر یہ کورس ترتیب دیا گیا ہے۔ اس کورس میں دس اسباق ہیں اور ہر سبق درج ذیل پانچ عنوانات پر مشتمل ہے

احادیث مبارکہ، عقائد، مسائل، آداب،دعائیں،

اس کورس کے اندر آپکو بہت کچھ سیکھنے کو ملے گا ان شاءاللہ

اسکے علاوہ اس کورس کو مکمل پی ڈی ایف کی شکل میں Download link کے ذریعہ Download کرسکتے ہیں جسکے لئے نیچے

Download likn دیا گیاہے

اعتکاف کی تعریف

اعتکاف میں کیاکام کریں

اعتکاف کس طرح اور کہاں ہوتاہے

اعتکاف کے مسائل

اعتکاف میں کیاکیاکام نہیں کرنےچاہئیں

اعتکاف میں کیاکام کرنے ہیں

حضرت مولانا الیاس گھمن کا اعتکاف کے بارے میں مکمل گائڈ مضمون

متکلم اسلام کی اعتکاف کے بارے میں مکمل اور مدلل کتاب

اعتکاف کے مسائل

اعتکاف کے فضائل اور مسائل

اعتکاف کی اقسام

خواتین کا عالمی دن

2025-03-17T12:40:00.015+03:00

8 مارچ خواتین کا عالمی دن

متکلم اسلام مولانا محمد الیاس گھمن حفظہ اللہ

دنیا بھر میں 8 مارچ کو خواتین کا عالمی دن منایا جاتا ہے۔ ہمارے معاشرے میں بھی اس دن کے حوالے سے بحث چھڑ جاتی ہے۔ بعض خواتین "عورت مارچ" نکالتی ہیں، جس میں مختلف قسم کے بینرز اور پلے کارڈ اٹھائے جاتے ہیں، جن پر درج ذیل نعرے لکھے ہوتے ہیں:

✅ میرا جسم میری مرضی

✅ اگر دوپٹہ اتنا پسند ہے تو آنکھوں پہ باندھ لو

✅ عورت بچہ پیدا کرنے کی مشین نہیں ہے

✅ طلاق یافتہ لیکن خوش 😀

✅ اپنا کھانا خود گرم کرو 🍲🔥

یہ نعرے درحقیقت کس سوچ کی عکاسی کرتے ہیں؟ 🤔

جمہوری ممالک میں احتجاج کا حق 🏛️

جمہوری ممالک میں احتجاج کا حق سب کو حاصل ہوتا ہے، لیکن احتجاج کا ایک وقت اور طریقہ ہوتا ہے۔ اگر انصاف ملنے میں تاخیر ہو یا نہ ملے تو احتجاج جائز ہو سکتا ہے، لیکن اس کے لیے پہلے قانونی راستے اپنانا ضروری ہے ⚖️۔

❌ غلط طریقہ

✖️ دنگا فساد کرنا

✖️ سڑکیں بلاک کرنا 🚧

✖️ قانون نافذ کرنے والے اداروں کو نظر انداز کرنا

✅ صحیح طریقہ

✔️ قانونی چارہ جوئی کرنا

✔️ پرامن احتجاج کرنا ☮️

✔️ عوامی شعور بیدار کرنا

خواتین کے حقوق اور عدالتیں ⚖️

پاکستان میں خواتین کے حقوق سے متعلق عدالتوں کے کئی فیصلے سامنے آ چکے ہیں۔ حال ہی میں ایک قانون پاس ہوا کہ جو شخص کسی عورت سے جنسی زیادتی (ریپ) میں ملوث پایا جائے گا، اسے سرعام پھانسی دی جائے گی۔ حیرت کی بات یہ ہے کہ خواتین کے حقوق کی بات کرنے والی تنظیموں نے اس فیصلے کی حمایت نہیں کی ❓😮

❓ یہ احتجاج کس کے خلاف ہے؟

جب خواتین کے حقوق کے لیے قوانین موجود ہیں، تو پھر احتجاج کا جواز کیا رہ جاتا ہے؟

احتجاج کا اصل ایجنڈا 🔍

یہ احتجاج حقوق کے لیے نہیں بلکہ اسلامی نظریات کے خلاف ایک منظم سازش کا حصہ لگتا ہے۔ مغربی ممالک کی حمایت یافتہ تنظیمیں مسلم ریاستوں کی نظریاتی بنیاد کو ختم کرنا چاہتی ہیں 🚫📜۔

"میرا جسم میری مرضی" 🤷‍♀️

یہ ایک مبہم اور غیر واضح نعرہ ہے، جس کے پیچھے ایک خفیہ ایجنڈا کارفرما ہے۔ اگر اس کا مطلب پردہ، حیا اور اسلامی حدود کی پامالی ہے، تو یہ نعرہ ناقابل قبول ہے 🚫.

❓ یہ نعرہ لگانے والی کون ہیں؟

یہ نعرہ زیادہ تر ایسی خواتین لگا رہی ہیں جو مغربی تہذیب سے متاثر ہیں اور اسلامی معاشرتی اقدار سے بیزار ہیں۔

"اگر دوپٹہ پسند ہے تو آنکھوں پر باندھ لو" 🧕

یہ نعرہ اسلامی پردے پر حملہ ہے۔ دوپٹہ حیا اور عفت کی علامت ہے۔ جب میدان کربلا میں خواتین تنہا تھیں، تب بھی ان کے سروں سے دوپٹہ نہیں اترا تھا!

💬 اکبر الہ آبادی نے کہا تھا:

"بے پردہ جو نظر آئیں چند بیبیاں

اکبر زمین میں غیرتِ قومی سے گڑ گیا!"

"عورت بچہ پیدا کرنے کی مشین نہیں ہے" 🤰🚫

اسلام میں عورت کو ماں کے عظیم درجے پر فائز کیا گیا ہے، جو معاشرے کی نسلوں کو پروان چڑھاتی ہے۔ نبی کریم صلی اللہ علیہ وسلم نے فرمایا:

🔹 "زیادہ بچوں کو جنم دینے والی اور اپنے شوہروں سے محبت کرنے والی عورتوں سے نکاح کرو، تاکہ میں قیامت کے دن اپنی امت کی کثرت پر فخر کر سکوں" (سنن ابی داؤد)

"طلاق یافتہ لیکن خوش" 😃❓

یہ نعرہ خاندانی نظام کی تباہی کی سازش کا حصہ ہے۔ طلاق اللہ کے نزدیک سب سے ناپسندیدہ چیزوں میں سے ایک ہے۔

🔹 نبی کریم صلی اللہ علیہ وسلم نے فرمایا:

"حلال چیزوں میں سب سے زیادہ ناپسندیدہ چیز طلاق ہے" (سنن ابی داؤد)

❌ شیطان کو سب سے زیادہ خوشی اسی وقت ہوتی ہے جب وہ میاں بیوی میں جدائی کروا دیتا ہے!

"اپنا کھانا خود گرم کرو" 🍽️🔥

یہ نعرہ خاندانی محبت کو کمزور کرنے کے مترادف ہے۔ اگر مرد دن بھر محنت مزدوری کے بعد گھر آئے اور بیوی یہ کہے کہ "اپنا کھانا خود گرم کرو", تو کیا یہ گھر میں محبت بڑھائے گا یا نفرت؟ 💔

🔹 نبی کریم صلی اللہ علیہ وسلم نے فرمایا:

"سب سے بہتر عورت وہ ہے جسے دیکھ کر شوہر خوش ہو، جو شوہر کی اطاعت کرے اور اس کی غیر موجودگی میں اس کے مال اور عزت کی حفاظت کرے" (سنن نسائی)

📢 خواتین کو سمجھنے کی ضرورت ہے کہ ان نعروں کا اصل مقصد "آزادی" نہیں بلکہ "اسلامی اقدار کی بربادی" ہے!

رمضان میں جسمانی صحت کیسے بحال رکھیں

2025-03-13T09:14:00.001+03:00

رمضان میں قدرتی طریقوں سے جسمانی افعال کو متوازن اور درست رکھنے کے لیے آپ درج ذیل تدابیر اختیار کر سکتے ہیں:

1. متوازن غذا کا انتخاب

سحری میں: ایسی غذائیں کھائیں جو دیر تک توانائی فراہم کریں، جیسے دلیہ، جو، انڈے، دہی، خشک میوہ جات، اور دالیں۔

افطار میں: کھجور سے روزہ کھولیں اور پانی یا لیموں پانی پیئیں تاکہ جسم کو فوری توانائی ملے۔ اس کے بعد ہلکی غذائیں جیسے پھل، سبزیاں، اور سوپ لیں۔

بہت زیادہ تلی ہوئی اور مصالحے دار غذا سے پرہیز کریں تاکہ معدے کے مسائل سے بچ سکیں۔

2. ہائیڈریشن کا خاص خیال رکھیں

روزہ کھولنے کے بعد سحری تک کم از کم 8-10 گلاس پانی پیئیں۔

ہربل چائے، ناریل پانی، اور لسی جیسے قدرتی مشروبات کا استعمال کریں تاکہ جسم میں پانی کی کمی نہ ہو۔

کیفین والے مشروبات (چائے، کافی، کولڈ ڈرنکس) کم مقدار میں استعمال کریں کیونکہ یہ پانی کی کمی کا باعث بن سکتے ہیں۔

3. ہلکی جسمانی سرگرمی جاری رکھیں

رمضان میں مکمل آرام دہ طرزِ زندگی نہ اپنائیں، بلکہ ہلکی ورزش جیسے چہل قدمی، یا نرم اسٹریچنگ کریں تاکہ نظامِ ہاضمہ بہتر رہے اور توانائی برقرار رہے۔

4. نیند کا مناسب دورانیہ یقینی بنائیں

رمضان میں نیند کا نظام غیر رمضان سے کچھ مختلف ہوتا ہے اس لیے دن و رات دونوں کو ملا کر سونے کا نظام مرتب فرمائیں ، اس سے جسم کو مطلوبہ نیند بہتر طور پر فراہم ہو سکے گی

5. نظام ہاضمہ کو درست رکھنے کے لیے فائبر کا استعمال کریں

پھل، سبزیاں، دلیہ، چیا سیڈز، اور بیج کھانے سے قبض سے بچاؤ ہوگا اور نظام ہاضمہ بہتر ہوگا

زیادہ چکنائی والی غذاؤں سے پرہیز کریں تاکہ بدہضمی نہ ہو

6. ذہنی سکون اور روحانی فوائ

روزے کے ساتھ ساتھ ذہنی سکون کے لیے تلاوت قرآن، ذکر و دعا، اور مثبت سوچ اپنائیں تاکہ جسمانی اور ذہنی صحت بہتر ہو

یہ قدرتی طریقے آپ کے جسمانی افعال کو رمضان میں درست رکھنے میں مدد دیں گے، اور آپ خود کو زیادہ توانائی اور تازگی سے بھرپور محسوس کریں گے۔

رجب کے فضائل اور احکام

2025-01-20T21:11:00.058+03:00

رجب کے فضائل و احکام

✍...متکلم اسلام مولانا محمد الیاس گھمن حفظہ اللہ

اللہ تعالیٰ نے سال کے بارہ مہینےمقرر فرمائے اور ان میں سے چار مہینوں (ذوالقعدہ، ذوالحج، محرم اور رجب)کو عظمت والا قرار دیا۔ ان میں عبادت کرنے کا اجر وثواب زیادہ ملتا ہے۔ جو شخص ان مہینوں میں برائیوں سے بچتا ہے اسے باقی مہینوں میں برائیوں سے بچنے کی توفیق ملتی ہے۔

🤲 رجب کا چاند دیکھنے کی دعا:

عَنْ أَنَسِ بْنِ مَالِكٍ رَضِيَ اللهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا دَخَلَ رَجَبٌ قَالَ: اللَّهُمَّ بَارِكْ لَنَا فِي رَجَبٍ وَشَعْبَانَ وَبَلِّغْنَا رَمَضَانَ۔

کتاب الدعاء للطبرانی ،باب القول عند دخول رجب، الرقم: 911

ترجمہ: حضرت انس بن مالک رضی اللہ عنہ سے مروی ہے کہ جب رجب کا چاند نظر آتا تو نبی کریم صلی اللہ علیہ وسلم یوں دعا مانگتے تھے: اے اللہ!ہمارے لیے رجب اور شعبان کے مہینوں میں برکتیں عطا فرما اور ہمیں رمضان کا مہینہ نصیب فرما۔

فائدہ: رسول اکرم صلی اللہ علیہ وسلم کا رجب میں برکت کی دعا مانگنا اس بات کی دلیل ہے کہ یہ مہینہ برکتوں والا ہے۔

🌙 رجب کی پہلی رات:

اس مہینے کی پہلی رات کی فضیلت بہت زیادہ ہے اور اس میں دعاؤں کا قبول ہونا حدیث مبارک سے معلوم ہوتا ہے ۔

حضرت عبداللہ بن عمر رضی اللہ عنہما سے روایت ہے: پانچ راتیں ایسی ہیں جن میں مانگی جانے والی دعاؤں کومسترد نہیں کیا جاتا۔ شبِ جمعہ، رجب کی پہلی رات ، پندرہویں شعبان کی رات اور عیدین کی راتیں۔

فضائل الاوقات للبیہقی ، باب فی فضل العید ، الرقم: 149

🎯 کوئی عبادت خاص نہ کی جائے:

رجب کی پہلی رات فضیلت والی ہے لیکن یہ خیال رہے کہ اس میں اپنی طرف سے یا غیر مستند باتوں کی وجہ سے اس میں کوئی عبادت خاص نہ کی جائے جیسا کہ بعض علاقوں میں بعض لوگوں نے بعض چیزوں کو رواج دے رکھا ہے ۔ دوسری یہ بات بھی ذہن نشین رہے کہ نفلی عبادات میں اتنی مشغولیت نہ کی جائے کہ فرائض و واجبات متاثر ہوں یعنی رات بھر تلاوت ، ذکر اذکار، استغفار، درود پاک ، نوافل وغیرہ اتنی دیر تک نہ کی جائیں کہ فجر کی نمازقضا ہو جائے۔مزید یہ کہ اس میں لوگوں کو عبادت کے لیے بلانے کا اہتمام نہ کیا جائے۔

⛲ رجب کے روزے:

حضرت عطاء رحمہ اللہ سے مروی ہے کہ حضرت عروہ رضی اللہ عنہ نے حضرت عبداللہ بن عمر رضی اللہ عنہما سے پوچھا کہ کیا اللہ کے رسول صلی اللہ علیہ وسلم رجب کے مہینے میں روزہ رکھا کرتے تھے؟ ابن عمر رضی اللہ عنہما نے جواب دیا کہ جی ہاں آپ صلی اللہ علیہ وسلم اس مہینے میں روزہ رکھا کرتے تھے اور اس کو عظمت والا مہینہ قرار دیتے تھے۔

جمع الوسائل فی شرح الشمائل، باب ماجاء فی صوم رسول

🕋 رجب کے روزہ داروں کے لیے جنتی محل:

حضرت عامر بن شبل رحمہ اللہ سے مروی ہے کہ حضرت ابوقلابہ رحمہ اللہ فرماتے ہیں: جنت میں ایک عظیم الشان محل ان لوگوں کے لیے ہے جو رجب میں روزے رکھنے والے ہیں۔

فضائل الاوقات للبیہقی، باب فضل شھر رجب ، الرقم:17

💰 رجب میں زکوٰۃ:

بعض لوگ کم علمی کی وجہ سے اس مہینہ کے بارے میں یہ اعتقاد رکھتے ہیں کہ زکوٰۃ رجب کے مہینے شب معراج میں فرض ہوئی ، حالانکہ یہ درست نہیں۔ زکوٰۃ معراج والی رات فرض نہیں ہوئی بلکہ معراج والی رات نماز فرض ہوئی ہے۔ لہٰذا زکوٰۃ کی شرائط پوری ہوتے ہی جب سال گزر جائے تو رجب کا انتظار کیے بغیر زکوٰۃ ادا کر دینی چاہیے ورنہ انسان گناہ گار ہوتا ہے۔

🫓 رسم تبارک:

بعض لوگ ماہ رجب کے جمعہ والے دن یا کسی اور دن میں ایک مخصوص رسم کرتے ہیں کہ ایصال ثواب کےلیے میٹھی روٹیوں پرسورۃ تبارک الذی سورۃ الملک اکتالیس بار پڑھواتے ہیں پھر ان روٹیوں کو کھاتے ہیں۔ ایصال ثواب کا یہ طریقہ درست نہیں، لوگوں نے از خود یہ طریقہ نکال لیا ہے شریعت میں ایصالِ ثواب کے لیے اس طرح کی کوئی قیود نہیں ہیں۔

🍽 بڑی بی بی کی کہانی:

بعض خواتین رجب کی بائیسویں رات کو نہا دھو کر بڑے اہتمام کے ساتھ میدہ، شکر، گھی، دودھ اور مختلف میوہ جات سے مرکب ایک پکوان بناتے ہیں اور ایک خاص برتن میں ڈال کر ایک نظم پڑھتی ہیں اور اسے بڑی بی بی کی داستان کے نام سے موسوم کرتی ہیں، اسے داستان عجیب بھی کہتے ہیں بعض خواتین تو اس کہانی پڑھوانے کی منت مانتے ہیں اور اس بے اصل اور غیر مستند کہانی پڑھنے کو باعث ثواب سمجھتی ہیں۔

🪓 لکڑہارے کی جھوٹی کہانی:

بعض داستان تراش لوگوں نے ایک کہانی گھڑی ہے کہ مدینہ منورہ کا ایک لکڑ ہارا روزی کمانے کے لیے کسی دوسرے ملک چلا گیا اور اس لکڑہارے کی بیوی نے پیٹ پالنے کے لیے مدینہ کے بادشاہ کے ہاں صفائی کرنے کی نوکری کر لی ایک دن جب وہ صحن میں جھاڑو دے رہی تھی تو امام جعفر صادق اس سے راستے سے گزرے اور یہ فرمایا:” اگر کوئی مشکل سے نجات حاصل کرنا چاہتا ہوتو آج بائیس رجب کو پوریاں پکا کر دوکونڈوں میں بھر کر میرے نام کی فاتحہ دلائے تو اس کی ہر مراد پوری ہوگی اگر پوری نہ ہو تو قیامت کے دن اس کا ہاتھ ہوگا اور میرا گریبان۔“

یہ کہہ کر لکڑہارے کی بیوی نے منت مانی کہ میرا شوہر جس کو گئے ہوئے بارہ برس ہوچکے ہیں جیتا جاگتا واپس لوٹ آئے اور ڈھیر سارا مال بھی ساتھ لے آئے تو میں امام جعفر صادق کے نام کے کونڈے کروں گی۔ جس وقت یہ خاتون منت مان رہی تھی عین اسی وقت اس کے شوہر نے ایک جنگل میں سوکھی جھاڑی پر کلہاڑی چلائی تو کسی سخت چیز پر لگی اور گر گئی جس جگہ کلہاڑی گری اس نے وہاں زمین کھودی تو اسے بہت سارا خزانہ ملا۔ وہ اس خزانے کو لے کر مدینہ آیا اس نے ایک خوبصورت محل تیار کرایا اور اپنی بیوی کے ہمراہ اس محل میں ہنسی خوشی زندگی گزارنے لگا۔ لکڑہارے کی بیوی نے اپنے شوہر کا یہ واقعہ وزیر کی بیو ی کو بتایا اور حضرت امام جعفر صادق کے نام کی کونڈوں کی یہ تاثیر بتلائی تو وزیر کی بیوی نے اس کونڈوں والی بات کو جھوٹ سمجھ کر اس کا انکار کیا۔ جس کی وجہ سے اس پر اسی دن یہ مصیبت آئی کہ بادشاہ نے وزیر کو ملک بدر کر دیا چنانچہ وہ وزیر اپنی بیوی کے ہمراہ محل سے نکلا اور جنگل کی راہ لی۔راستے میں اس وزیر نے اپنی بیوی سے کچھ رقم لی اورایک خربوزہ خریدا اور خربوزے کو ایک کپڑے میں لپیٹ کر سفر شروع کیا۔ دوسری طرف یہ ہوا کہ بادشاہ کا بیٹا شہزادہ قتل ہو گیا ، شہر اور گردونواح میں شاہی پولیس شہزادے کے قاتل کی تلاش میں گھوم رہی تھی جب یہ وزیر اپنی بیوی کے ساتھ ایک جگہ سے گزرا تو ان کے پاس کپڑے میں خربوزہ تھا پولیس نے شہزادے کے قتل کے شبہ میں اس وزیر اور اس کی بیوی کو گرفتار کر لیا اور ان کو دربار شاہی میں لایا گیا ۔ بادشاہ کے حکم پر اس کپڑے کو کھولنے کا کہا گیا جس میں خربوزہ تھا۔ بھرے دربار میں جب اس کپڑے کو کھولا گیا تو اس میں خربوزے کے بجائے شہزادے کا خون سے لت پت سر برآمد ہوا ۔ بادشاہ اور زیادہ غضبناک ہوا اور حکم دیا کہ کل صبح سویرے ان کو پھانسی دے دی جائے۔

🖇رات جیل میں وزیر اور اس کی بیوی نے بہت غور کیا کہ آخر ہم سے کیا جرم ہوا ہے جس کی ہمیں یہ سزا مل رہی ہے ۔ تو وزیر کی بیوی کہنے لگی کہ مجھے یوں لگتا ہے کہ میں نے امام جعفر صادق کے کونڈوں کا انکار کیا ہے جس کی وجہ سے ہم پر یہ مصیبت اور پریشانی نازل ہوئی ہے ۔ چنانچہ جیل اپنے اس جرم پر توبہ کی اور منت مانی کہ وہ امام جعفر صادق کے نام کے کونڈے بھریں گے۔

منت ماننے کی وجہ سے ان کی پریشانی یوں ختم ہوئی کہ گم شدہ شہزادہ صحیح سلامت واپس لوٹ آیا جس کی وجہ سے بادشاہ نے ان دونوں کی قید سے رہائی کا حکم جاری کیا ۔ بادشاہ نے اس وزیر کو دوبارہ اپنے دربار میں وزیر مقرر کیا اور اس وزیر کی بیوی نے امام جعفر صادق کے نام کے کونڈے بھرنے کی منت پوری کی۔

یہ ہے وہ من گھڑت کہانی جس کی وجہ سے لوگ بائیس رجب کو کونڈے کرتے ہیں ۔ اس طرح کی بے اصل بے سند اور فضول واقعہ پر یقین کرنا ، اس کو صحیح سمجھنا سب ناجائز اور حرام ہیں۔

✍🏼 کہانی گھڑنے کی وجہ:

اصل یہ ہے کہ اس دن سیدنا امیر معاویہ رضی اللہ عنہ کا یوم وفات ہے بعض بغض صحابہ رکھنے والے لوگوں نے سیدنا امیر معاویہ رضی اللہ عنہ کے یوم وفات پر خوشی منانے کے لیے یہ کہانی گھڑی ہے اور ایک منظم منصوبہ بندی کے تحت صحابی رسول کے یوم وفات پر خوشی منانے کا پروگرام بنایا۔

✍🏼 ایمان سے محرومی کا اندیشہ:

ہمارے سادہ لوح مسلمان اسے عام خیرات سمجھ کر برکت کے طور پر کھا لیتے ہیں۔ اچھی طرح یاد رکھیں یہ ناجائز اور حرام ہے اور بالخصوص جب جلیل القدر صحابی رسول کے یوم وفات پر خوشی منانے کی وجہ سے ہو تو اندیشہ ہے کہ اللہ تعالیٰ ایمان سے ہی محروم نہ فرما دیں۔ اس لیے خود بھی اس سے بچیں اور اپنے دوست احباب رشتہ داروں اور دیگر مسلمانوں کو بھی اس سے بچائیں۔

❌ ہزاری روزہ:

بعض لوگ رجب کی ستائیس تاریخ کو روزہ رکھنا ضروری سمجھتے ہیں اور اس کا ثواب ایک ہزار روزوں کے برابر سمجھتے ہیں جبکہ بعض لوگ اس کو مریم روزے کا چاند بھی کہتے ہیں ۔ یہ سراسر جھوٹ ہے اس لیے یہ اعتقاد رکھنا ضعف الاعتقادی ہے۔

❌ صلوٰۃ الرغائب:

بعض لوگ رجب کی پہلی شب جمعہ جبکہ بعض لوگ ستائیسویں رجب کو ایک نماز پڑھتے ہیں جسے ”صلوٰۃ الرغائب “ کہا جاتا ہے ۔ اس کی کل بارہ رکعتیں ہوتی ہیں ہر رکعت میں سورۃ الفاتحہ اور ایک سورۃ ساتھ ملاتے ہیں جب بارہ رکعتوں سے فارغ ہوتے ہیں تو اسی جگہ بیٹھ کر سات بار سورۃ الفاتحہ پڑھتے ہیں اور اس کے بعد سبحان اللہ والحمد للہ ولا الہ الا اللہ واللہ اکبر ولا حول ولا قوۃ الا باللہ العلی العظیم چار بار پڑھتے ہیں اور پھر صبح اٹھ کر روزہ رکھتے ہیں۔

🔍 اس کے بعد یہ اعتقاد رکھتے ہیں کہ اس طرح کرنے سے سو سال نیکی کرنے کا ثواب ملے گا۔ یہ سراسر بے بنیاد اور جھوٹ ہے اس طرح کی فضیلت کسی حدیث میں مذکور نہیں ۔

🤲 اللہ تعالیٰ ہمیں شریعت اسلامیہ کے مطابق عمل کرنے کی توفیق عطا فرمائے اور بے بنیاد من گھڑت باتوں سے بچنے کی توفیق نصیب فرمائے۔

آمین بجاہ النبی الامی الکریم صلی اللہ علیہ وسلم

اس مضمون کی پی ڈی ایف ڈاؤنلوڈ کریں

خامیاں

2025-01-15T20:41:00.001+03:00

ایک آدمی کی شادی اس لڑکی سے ہوئی جسے وہ پسند کرتا تھا

یہ ایک بہت بڑا فنکشن تھا- اس کے تمام دوست احباب اس کی خوشی میں شرکت کرنے آئے تھے- یہ دن ان سب کے لئے بھی ایک یادگار دن تھا- وہ لڑکی لال جوڑے میں ملبوس بہت ہی خوبصورت لگ رہی تھی،

لڑکا بھی اپنی کالی شیروانی میں بہت دلکش لگ رہا تھا- وہ دونوں ساتھ میں بہت اچھے لگ رہے تھے- ہر کوئی کہہ سکتا تھا کہ ان کا پیار ایک دوسرے کے لئے بہت سچا تھا،کچھ مہینے بعد وہ لڑکی اپنے شوہر کے پاس آئی

اور اس سے کہنے لگی کہ میں نے ایک میگزین میں پڑھا ہے کہ کس طرح اپنی شادی کو مضبوط بنایا جاسکتا ہے- اسکے لئے ہمیں یہ کرنا ہوگا کہ ہم دونوں اپنی اپنی ایک لسٹ تیار کریں گے ،

جس میں ہم ایک دوسرے کی وہ تمام باتیں لکھیں گے جو ہمیں ایک دوسرے میں بری لگتی ہیں- اور پھر ہم اس پر بات کریں گے کہ کس طرح ہم اسے حل کرسکتے ہیں اور اپنی زندگی ایک ساتھ خوشی خوشی گزار سکتے ہیں،

اسکا شوہر راضی ہوگیااس لڑکی نے کہا کہ اب ہم دونوں الگ الگ کمروں میں جائیں گے اور ان باتوں کے بارے میں سوچیں گے جو ہمیں خفا کرتی ہیں، انھوں نے اس بارے میں پورا دن سوچا اور وہ تمام باتیں جو انھیں ناراض کرتی تھیں لکھتے گئے،

اگلے دن صبح ناشتے کی میز پر انھوں نے فیصلہ کیا کہ وہ اپنی اپنی لسٹ پڑھیں گے، اسکی بیوی نے کہا کہ پہلے میں شروع کروں گی، اس نے اپنی لسٹ نکالی اس میں بہت ساری چیزیں تھیں، اس نے تین صفحات پر وہ تمام عادتیں لکھ دی تھیں جو اسے اپنے شوہر کی بری لگتی تھیں

جیسے ہی اس نے چھوٹی چھوٹی شکایتوں کی وہ لسٹ پڑھنا شروع کی اس نے دیکھا کہ اس کے شوہر کی آنکھوں میں آنسو آنے لگے،

اس نے اپنے شوہر سے پوچھا کہ کیا ہوا ہے ؟

تو اس پر اس کے شوہر نے جواب دیا کہ کچھ نہیں، اور اس سے کہا کہ وہ اپنی لسٹ پڑھتی رہے- وہ لڑکی پڑھتی گئی جب تک کہ اس نے وہ تینوں صفحات اپنے شوہر کو نہ سنا دئیے،-

اس نے اپنی لسٹ میز پر رکھی اور اپنے ہاتھ باندھ کر بیٹھ گئی،

اس کے بعد اس نے خوش ہو کر اپنے شوہر سے کہا کہ وہ اپنی لسٹ پڑھے تاکہ پھر وہ لوگ ان دونوں لسٹوں میں موجود باتوں پر غور کریں اور سوچیں کہ ان مسئلوں کو کیسے حل کیا جا سکتا ہے؟

اس کے شوہر نے بہت نرمی سے کہا کہ میری لسٹ میں کچھ بھی نہیں لکھا ہے- میں یہ سمجھتا ہوں کہ تم جیسی ہو بہت اچھی ہو اور میرے لئے بالکل مکمل ہو- میں نہیں چاہتا کہ تم میرے لئے کچھ بھی بدلو-

تم بہت خوبصورت اور خوب سیرت ہو- میں کبھی تمہیں بدلنا نہیں چاہوں گا اور نہ ہی ایسی کوئی کوشش کروں گا،-

وہ لڑکی اپنے شوہر کی پر خلوص محبت، اس کے پیار کی گہرائی اور اپنے لئے اس کی سوچ دیکھ کر بہت متاثر ہوئی- اس کی آنکھیں جھک گئیں اور وہ رو پڑی،-

زندگی میں ایسے بہت سے مواقع آتے ہیں جب ہم پریشان اور خفا ہو جاتے ہیں- ہمیں ان کی طرف نہیں دیکھنا چاہئے بلکہ اس دنیا اور اپنے رشتوں کی خوبصورتی کو محسوس کرنا چاہئے،-

ہم خوش رہ سکتے ہیں اگر ہم اچھی چیزوں کی تعریف کریں اور ایک دوسرے کی غلطیوں کو بھلا دیں،

اس دنیا میں کوئی بھی مکمل نہیں ہے ،

لیکن ہم ایک دوسرے کو مکمل دیکھ سکتے ہیں اگر ہم ایک دوسرے کی غلطیوں کو نظرانداز کرنا سیکھ جائیں-

ایک اچھے رشتے کے لئے ضروری ہے کہ آپ ایک دوسرے کو سمجھیں اور ایک دوسرے کی مدد کریں، اسطرح آپ اپنی زندگی میں خوشیاں بھر سکتے ہیں ۔

عالمِ اسلام کی عہد ساز شخصیت امامِ اعظم ابوحنیفہ نعمان بن ثابت رحمہ اللہ

2025-01-15T11:57:00.038+03:00

*عالمِ اسلام کی عہد ساز شخصیت*

*امامِ اعظم ابوحنیفہ نعمان بن ثابت رحمہ اللہ*

متکلم اسلام مولانا محمد الیاس گھمن حفظہ اللہ

*کوفہ* جس کے دروازوں سے صدیاں گزر چکی ہیں۔ ایسا سنگم ہے جہاں عرب و عجم کی سرحدیں گلے مل رہی ہیں، یا یوں کہیے کہ عربی و عجمی کی باہم برتری و کمتری کی تقسیم و تفریق دم توڑ رہی ہیں اس کے چپے چپے پر سینکڑوں جلیل القدر اصحاب پیغمبر کے حسن خرام کے پھول کھِلے ہیں اس کی ہواؤں میں انفاسِ صحابیت کی خوشبوئیں بَسی ہوئی ہیں۔ اس کے انگ انگ سے فراست و بصیرت انگڑائیاں لے رہی ہیں۔ خلافتِ فاروقی کے مبارک عہد میں اس کی علمی و سیاسی اساس رکھی گئی۔ ایک ہزار پچاس جلیل القدر صحابہ جن میں چوبیس ایسے شیردل مجاہد بھی تھے جو غزوہ بدر میں رسول ا للہ صلی اللہ علیہ وسلم کے ہمرکاب رہے تھے، کوفہ آئے اور اسے علم و تقویٰ، عمل و اخلاص، آداب و اخلاق، فضل و کمال اور تدبر و سیاست کے موتیوں سے سجادیا۔

*جائے ولادت:*

ہجرت رسول کو 80 برس بیت چکےتھے، عبد الملک بن مروان کی حکومت تھی اور حجاج بن یوسف عراق کا گورنر تھا۔ اس کے دارالخلافہ کوفہ میں مشیت ایزدی نے یاوری کی اور بشارت نبوی کی پیشن گوئی پوری آب و تاب کے ساتھ جلوہ گر ہوئی ثابت بن زوطی کے گھرانے میں ایک بچے نے آنکھ کھولی جسے دنیا سرتاج الفقہاءسید المحدثین امام اعظم ابو حنیفہ نعمان بن ثابت کے نام سے یاد کرتی ہے۔ یہ وہ عہد تھا کہ حالت ایمان میں وجود پیغمبر کی صحبتیں اٹھانے والے (یعنی صحابہ کرام ) میں سے چند بزرگ بھی موجود تھے جن میں سے بعض امام ابو حنیفہ رحمہ اللہ کے آغازِ شباب تک اپنے وجود کی برکتیں زمانے کو بانٹتے رہے۔

*نام و نسب:*

نعمان بن ثابت۔ نُعْمَانْ اصل میں اُس خون کو کہتے ہیں جس کی وجہ سے بدن کا قِوام ہوتاہے۔اسی طرح آپ رحمہ اللہ کے ذریعے ملت اسلامیہ کا قوام ہے۔یا نعمان بمعنی گل لالہ۔آپ کے فضائل ایسے خوشبودار ہیں جیسے گل لالہ(پاک وصاف کردار کے مالک ہیں،فضائل اس طرح مہکتے ہیں جیسے گل لالہ کی خوشبو مہکتی ہے)

*کنیت:*

آپ کی کنیت ابوحنیفہ ہے یہ کنیت نسبی نہیں بلکہ وصفی ہے جیسے ابوہریرہ اور ابو تراب وغیرہ چونکہ دین اسلام کانام قرآن نے ملت حنیف بتلایا ہے اسی طرح امام اعظم نے سب سے پہلے اس دین حنیف کی تدوین فرمائی ہے اورعربی محاورہ میں ”اب“کے معنی ہوتے ہیں ”والا“ چونکہ آپ نے دین حنیف کی تدوین فرمائی اس لیے آپ کی کنیت ابوحنیفہ قرارپائی۔

*بشارت نبوی:*

حضرت سلمان فارسی رضی اللہ عنہ اور دیگر صحابہ کرام آپ صلی اللہ علیہ وسلم کی مجلس میں تشریف فرما تھے کہ قرآن کریم کی آیت مبارکہ *واٰخرین منہم لما یلحقوا بہم* نازل ہوئی۔ آپ صلی اللہ علیہ وسلم نے حضرت سلمان کے کندھے پر ہاتھ رکھتے ہوئے فرمایا کہ اگر علم / دین / ایمان ثریا ستارے تک بھی پہنچ جائے تو فارس کے کچھ لوگ اسے وہاں سے بھی حاصل کرلیں گے۔ امام جلال الدین سیوطی الشافعی کہتے ہیں کہ اس حدیث میں رسول اللہ صلی اللہ علیہ وسلم نے جو بشارت دی ہے اس کا مصداق حضرت امام اعظم ابو حنیفہ رحمہ اللہ ہے۔

*حلیہ مبارک:*

خطیب بغدادی نے لکھا ہے کہ امام ابوحنیفہ رحمہ اللہ خوبصورت داڑھی، عمدہ کپڑے، اچھے جوتے، خوشبودار اور بھلی مجلس والے رعب دار آدمی تھے۔ آپ کی گفتگو نہایت شیریں، آواز بلند اور صاف ہوا کرتی تھی۔ کیسا ہی پیچیدہ مضمون ہو نہایت صفائی اور فصاحت سے ادا کرتے تھے۔ خوش لباس رہتے تھے۔

*بچپن کا زمانہ:*

تاریخ نویسوں نے اس وقت کا یوں نقشہ کھینچا ہے: حجاج بن یوسف، خلیفہ عبد الملک کی طرف سے عراق کا گورنر مقرر تھا۔ ہر طرف ظلم و جور کی سنسناہٹ تھی۔ ایک قیامت برپا تھی۔ حجاج کی سفاکیاں تاریخ سے وابستہ ہر شخص کو معلوم ہیں۔خلیفہ عبد الملک 86ھ میں فوت ہوا تو اس کا بیٹا ولید تخت نشین آراءہوا۔ عمر بن عبدالعزیز رحمہ اللہ فرمایا کر تے تھے۔ "ولید شام میں، حجاج عراق میں، عثمان حجاز میں، قرہ مصر میں، واللہ تمام دنیا ظلم سے بھری تھی۔" حجاج 95ھ میں چل بسا۔

96؁ھ میں ولید نے بھی یہاں سے کوچ کیا۔ اس کے بعد سلیمان بن عبد الملک مسندِ خلافت پر جلوہ آرا ہوا مورخین کہتے ہیں کہ بنو امیّہ کے حکمرانوں میں سب سے اچھا انسان اور صاحب فضل و کمال تھا۔ سلیمان رحمہ

اللہ نے مرتے وقت یہ وصیت لکھی کہ کہ میرے بعد عمر بن عبدالعزیز رحمہ اللہ کو تخت نشیں بنایا جائے۔ 99ھ میں سلیمان بھی اپنا وقت پورا کر کے راہی ملک بقا ہوا۔ وصیت کے مطابق عمر بن عبد العزیز رحمہ اللہ مسندِ خلافت پر آئے جن کا عدل و انصاف اور علم و عمل اور اہل علم کی قدردانی تاریخ میں روشن آفتاب کی طرح چمک رہی ہے۔حجاج اور ولید کے دور اقتدار میں آپ رحمہ اللہ نے خز (ایک خاص قسم کے کپڑے) کا کارخانہ قائم کرکے منافع بخش تجارت کی۔

*عہد صحابہ میں:*

اہل علم نے لکھا ہے کہ 70 صحابہ کرام کا امام صاحب رحمہ اللہ نے زمانہ پایا ہے۔ان میں سے بعض سے حدیث نقل بھی کی ہے۔ چنانچہ علامہ جلال الدین سیوطی رحمہ اللہ نے ان کے نام بھی درج کیے ہیں۔ حضرت انس بن مالک، حضرت عبداللہ بن جزءالزبیدی، حضرت جابر بن عبداللہ، حضرت معقل بن یسار، حضرت واثلہ بن اسقع اور حضرت عائشہ بنت عجرد رضی اللہ عنہم۔

*تحصیل علم:*

سلیمان کے دور اقتدار میں ایک دن امام صاحب بازار جا رہے تھے۔ کوفہ کے مشہور عالم دین امام شعبیؒ نے آپ کو دیکھ لیا اور پوچھا:بیٹا تم کس سے پڑھتے ہو؟" آپ نے نفی میں جواب دیا اس پر امام شعبیؒ نے کہا "مجھے تیرے اندر قابلیت کے جوہر نظر آتے ہیں، تم علماءکی صحبت میں بیٹھا کرو۔" اس نصیحت کے بعد تحصیلِ علم کے لیے کمر بستہ ہوگئے۔اس وقت علم کلام کو حاصل کرنے لیے صرف قدرتی ذہانت اور مذہبی معلومات درکار تھیں قدرت نے امام ابو حنیفہ رحمہ اللہ میں یہ تمام باتیں جمع کر دی تھیں۔ اس وقت کے تمام گمراہ فرقوں کے سامنے آپ نے منطقی، استدلالی اور علمی انداز میں مذہب اسلام کی حقانیت کو دلائل کے ساتھ ثابت کیا اور دین اسلام پر ہونے والے عقلی اعتراضات کو احسن انداز سے دور کیا۔

*علم فقہ کا حصول:*

اس وقت کوفہ میں امام حماد رحمہ اللہ کا مدرسہ طلباءدین کا مرجع سمجھا جاتا تھا اس کی ابتداءخلیفہ راشد حضرت علی اور حضرت عبد اللہ بن مسعود رضی اللہ عنہما سے ہوئی تھی۔ اس کے بعد شریح، علقمہ اور مسروق رحمہم اللہ۔ پھر ابراہیم نخعی رحمہ اللہ اور ان کے بعد امام حماد رحمہ اللہ تک اس کی امامت پہنچی۔حضرت علی و عبد اللہ بن مسعود رضی اللہ عنہما سے فقہ کا جو سلسلہ چلا آتا تھا اس کا مدار انہی پر رہ گیا تھا۔ ان وجوہ سے امام ابو حنیفہ رحمہ اللہ نے علمِ فقہ پڑھنا چاہا تو انہی کو منتخب کیا۔

*کمال ِذہانت:*

شروع شروع میں ایک نئے طالب علم ہونے کی وجہ سے درس میں پیچھے بیٹھتے۔ لیکن چند روز کے بعد جب امام حماد کو تجربہ ہو گیا کہ تمام حلقہ میں ایک شخص بھی حافظہ اور ذہانت میں اس کا ہمسر نہیں ہے تو حکم دے دیا کہ ابو حنیفہ سب سے آگے بیٹھا کریں۔

*امام حماد کی جانشینی:*

خود آپ رحمہ اللہ کا بیان ہے کہ میں دس برس تک حماد رحمہ اللہ کے حلقہ میں ہمیشہ حاضر ہوتا رہا اور جب تک وہ زندہ رہے ان کی شاگردی کا تعلق کبھی نہیں چھوڑا۔ انہی دنوں میرے استاد امام حماد رحمہ اللہ کے ایک رشتہ دار کا انتقال ہوگیا تو وہ مجھے اپنا جانشین بنا کر تعزیت کے لیے سفر پر روانہ ہو گئے۔ چونکہ مجھ کو اپنا جانشین مقرر کر گئے تھے، تلامذہ اور اربابِ حاجت نے میری طرف رجوع کیا۔ بہت سے ایسے مسئلے پیش آئے جن میں استاد سے میں نے کوئی روایت نہیں سنی تھی اس لئے اپنے اجتہاد سے جواب دیئے اور احتیاط کیلئے ایک یادداشت لکھتا گیا۔ دو مہینہ کے بعد حماد بصرہ سے واپس آئے تو میں نے وہ یادداشت پیش کی۔ اس سے میرے استاد بہت زیادہ خوش ہوئے اور بعض معمولی اصلاح بھی فرمائی۔ میں نے عہد کیا کہ حماد رحمہ اللہ جب تک زندہ ہیں ان کی شاگردی کا تعلق کبھی نہ چھوڑوں گا۔

*علم قراءت کا حصول:*

سیرت نگاروں نے لکھا ہے کہ آپ رحمہ اللہ نے قرآت امام عاصم رحمہ اللہ سے سیکھی جن کا شمار معروف قراءِ سبعہ میں ہو تا ہے اور انہیں کی قرآت کے مطابق قرآن حفظ کیا۔

*حدیث کی تحصیل:*

امام حماد رحمہ اللہ کے زمانہ میں ہی امام صاحب رحمہ اللہ نے حدیث کی طرف توجہ کی کیونکہ مسائلِ فقہ کی مجتہدانہ تحقیق جو امام صاحب رحمہ اللہ کو مطلوب تھی حدیث کی تکمیل کے بغیر ممکن نہ تھی۔ لہذا کوفہ میں کوئی ایسا محدث باقی نہ بچا جس کے سامنے امام صاحب رحمہ اللہ نے زانوئے تلمذ تہ نہ کیا ہو اور حدیثیں نہ سیکھیں ہوں۔ اس سلسلے میں آپ نے مکہ مکرمہ کا سفر بھی کیا فن حدیث کے اساتذہ میں سے صحابہ کرام کے خاص معتمد اور فیض یافتہ حضرت عطاء سے استفادہ کی غرض سے حاضر خدمت ہوئے۔ آپ کی قوت حافظہ اور قوت استدلال کو دیکھ کر حضرت عطاء آپ کو خصوصی توجہ سے نوازتے۔ 115ھ کو یہ آفتاب علم بھی غروب ہوگیا۔حضرت عطاءکے بعد مکہ مکرمہ میں جن کے علم کا سکہ چلتا تھا ان کا نام عکرمہ ہے یہ حضرت عبداللہ بن عباس رضی اللہ عنہما کے شاگرد تھے۔آپ نے ان سے بھی علم حاصل کیا۔اس کے بعد آپ مدینہ پہنچے تو بطور خاص سلیمان رحمہ اللہ اور سالم بن عبد اللہ رحمہ اللہ سے کسب فیض کیا۔ سلیمان ام المومنین سیدہ میمونہ رضی اللہ عنہا کے غلام تھے۔ اور سالم رحمہ اللہ حضرت فاروق اعظم رضی اللہ عنہ کے پوتے تھے اور اپنے والد بزرگوار سے تعلیم پائی تھی۔ امام ابو حنیفہ رحمہ اللہ دونوں بزرگوں کی خدمت میں حاضر ہوئے اور ان سے حدیثیں روایت کیں۔الغرض امام ابو حنیفہ رحمہ اللہ کے اساتذہ کی تعداد محتاط اندازے کے مطابق بقول امام ابو حفص کبیر رحمہ اللہ چار ہزار تک پہنچتی ہے۔ آپ کے اساتذہ آپ سے انتہائی شفقت والا معاملہ فرماتے تھے۔

*مسند حماد پر جلوہ آرائی:*

امام حماد رحمہ اللہ نے 120ھ میں فوت ہوئے۔ ابراہیم نخعی رحمہ اللہ کے بعد فقہ کا دارومدارچونکہ امام حماد پر ہی موقوف تھا اس لیے ان کی وفات سے چراغ علم ٹمٹا اٹھا۔ اس صورت حال کے پیش نظر تمام بزرگوں نے متفقاً امام ابو حنیفہ سے درخواست کی کہ مسندِ درس کو زینت بخشیں۔آپ کی عمر چالیس سال تھی۔

*مبارک خواب:*

تاریخ بغداد اور دیگر کتب میں لکھا ہے کہ اس زمانہ میں آپ نے یہ خواب دیکھا کہ وہ نبی کریم صلی اللہ علیہ وسلم کی قبر کھود رہے ہیں اور وہاں ہڈیاں جمع کر کے انہیں ترتیب سے رکھ رہے ہیں،یہ خواب دیکھ کر سخت پریشانی ہوئی جب اس کی تعبیر امام ابن سیرین سے پوچھی گئی تو انہوں نے کہا کہ خواب دیکھنے والے شخص کو احادیث سے مسائل کے استنباط کی توفیق خاص نصیب ہوگی۔

*آپ کے معمولات:*

آپ نہایت عبادت گزار تھے کثرت سے نوافل پڑھتے۔ اکثر روزہ سے ہوتے قرآن کریم سے بے حد لگاؤ تھا۔ خوب تلاوت فرماتے آپ کے بارے میں مورخین نے لکھا ہے کہ رمضان المبارک میں 60 مرتبہ قرآن کریم ختم فرماتے جبکہ عام مہینوں میں ایک رات میں مکمل قرآن کریم کا ختم فرماتے ،تہجد گزار تھے ، رات کو اللہ کے حضور اتنا روتے اتنا روتے کہ اس آواز سے پڑوسیوں کو بھی آپ پر ترس آتا۔

*آپ کے اوقات کار:*

صبح کی نماز کے بعد مسجد میں درس دیتے، دور دور سے استفتا آئے ہوتے۔ ان کے جواب لکھتے۔ پھر تدوینِ فقہ کی مجلس منعقد ہو تی، بڑے بڑے نامور شاگردوں کا مجمع ہوتا۔ پھر ظہر کی نماز پڑھ کر گھر آتے۔ نمازِ عصر کے بعد کچھ دیر تک درس و تعلیم کا مشغلہ رہتا۔ باقی دوستوں سے ملنے ملانے، بیماروں کی عیادت، تعزیت اور غریبوں کی خبر گیری میں صرف ہوتا۔ مغرب کے بعد پھر درس کا سلسلہ شروع ہوتا اور عشاءتک رہتا۔ نمازِ عشاءپڑھ کر عبادت میں مشغول ہوتے اور اکثر رات رات بھر نہ سوتے۔

*جذبہ خیر خواہی:*

علم کے ساتھ ساتھ خدمت خلق کے جذبے نے آپ کی محبت لوگوں کے دلوں میں پیوست کر دی۔ آپ لوگوں کی مشکلات میں ان کا ہاتھ بٹاتے، لوگوں کا بوجھ اٹھانے لگے اور ایسے ایسے کام کرنے لگے جن کو کرنے سے دوسرے لوگ عاجز تھے۔مفلس اور نادار لوگوں کی کفالت بھی آپ نے خوب کی۔آپ کی علمی شہرت اور خدمت خلق کے چرچے دنیا بھر میں عام ہونے لگے یہاں تک کہ مکہ، مدینہ، دمشق، بصرہ، مصر، یمن، یمامہ، بغداد، اصفہان، استرآباد، ہمدان، طبرستان، مرجان، نیشاپور، سرخس، بخارا، سمرقند، کس، صعانیاں، ترمذ، ہرات، خوازم، سبستان، مدائن، حمص وغیرہ۔تک آپ کے علم و فضل اور خدمت خلق کاطوطی بولتا تھا۔

*تقویٰ ، عقلمندی اور قدردانی:*

آپ کپڑے کے بہت بڑے تاجر تھے۔ آپ نے اپنے شریک حفص بن عبدالرحمان سے کہا کہ فلاں کپڑے میں کچھ عیب ہے لہذا جب تم اسے بیچو تو خریدار کو واضح طور پر اس عیب کا بتلا دینا۔ لیکن جب حفص نے وہ کپڑا بیچا تو خریدار کو عیب کا بتلانے بھول گئے۔ اس واقعے کی جب امام ابو حنیفہ کو خبر ہوئی تو انہوں نے وہ ساری کمائی صدقہ کر دی۔ آپ کے عقلمندی کےبارے میں ائمہ حدیث و فقہ کے بہت سارے اقوال اور واقعات کتب میں ملتے ہیں۔اہل علم کی قدردانی کے بارے میں حجر بن عبدالجبار کہتے ہیں کہ دوستوں اور اہل مجلس کا سب سے زیادہ اکرام و اعزاز کرنے والا شخص میں ابو حنیفہ کے علاوہ نہیں دیکھا۔

*افراد سازی:*

امام ابو حنیفہ رحمہ اللہ نے کوفہ کی جامع مسجد میں اپنے تلامذہ کو جمع فرمایا اور کہا کہ میں نے تم کو تیار کر دیا ہے اب تم میں سے 40 تو ایسے ہیں جو قاضی بننے کی صلاحیت رکھتے ہیں اور 10 ایسے ہیں جو قاضی بنانے کی بھی صلاحیت رکھتے ہیں۔اب تم اٹھو اور سارے عالم میں انصاف وعدل کی بہاریں چلا دو۔چونکہ قانون سازی اور افراد سازی کے لیے محکمہ قضا سے دور رہنا حکمت ودانش کا تقاضا بھی تھا اور مجبوری بھی تھی اس لیے خود علمی کام میں مصروف رہے اور امام ابو یوسف کو چونکہ تیار کرلیا تھا اس لیے وہ چیف جسٹس بن گئے۔

*قانون سازی:*

امام ابو حنیفہ نے حضرت عمر بن عبدالعزیز کا اڑھائی سالہ دور حکومت دیکھا اس کے بعد جب یزید بن عبدالملک تخت نشین آرا ہوا تو اس نے کہا عمر بن عبدالعزیز فریب خوردہ شخص تھا اپنے عمال کو حکم جاری کیا کہ آج سے جیسے تین سالہ پہلے کی حالت تھی دوبارہ وہی حالات پیدا کیے جائیں چنانچہ ایسا ہوا بھی لوگ دوبارہ اسی ابتری کا شکار ہوگئے۔امام اعظم ابوحنیفہ نے جب یہ صورتحال دیکھی تو دو بنیادی کاموں کی طرف متوجہ ہوگئے جس سے اسلامی ریاست قائم کی جاسکتی تھی وہ دو بنیادی کام قانون سازی اور افراد سازی کے تھے شریعت کو قانون کی شکل دینے کے لیے پرائیویٹ سطح پر ایک ادارہ قائم کیا جس میں مختلف الانواع علوم وفنون کے ماہرین بٹھائے اور باہمی مباحثے کرائے محتاط اندازے کے مطابق تقریبا83 ہزار دفعات پر مشتمل عملی قوانین مرتب فرمائے،اسی طرح قانون سازی بھی کی گویا فقہ اسلامی کے پہلے مدون امام اعظم ابوحنیفہ ہیں۔

فقہ حنفی چند جزوی مسائل کا نام نہیں بلکہ ایک مضبوط اور مربوط نظام کا نام ہے جس کی بنیاد قرآن وسنت خلفاءراشدین اور صحابہ کرام کے اقول وآثار اور اجتہاد کی بنیاد پر ہے۔اسلامی عقائد کی تعبیر وتشریح میں آپ کا بہت بڑا کردار ہے امام صاحب کے نزدیک فقہ صرف احکام کا نام نہیں بلکہ فقہ النفس جس کواخلاقیات یا تصوف کہتے ہیں فقہ الاحکام اور فقہ العقائد بھی فقہ کے وسیع مفہوم میں شامل ہیں۔

*عہدہ قضا سے انکار:*

خطیب بغدادی نے روایت کی ہے کہ یزید بن عمر بن ہیبر، والی عراق نے امام ابو حنیفہؒ کو حکم دیا کہ کوفہ کے قاضی بن جائیں لیکن امام صاحب نے قبول نہیں کیا تو اس نے ایک سو دس کوڑے لگوائے۔ روزانہ دس کوڑے لگواتا جب بہت کوڑے لگ چکےامام صاحب قاضی نہ بننے پرڈٹے رہے تو اس نے مجبور ہو کر چھوڑ دیا۔

*ائمہ کرام کا خراج تحسین:*

*1:* امام مالک رحمہ اللہ نے فرمایا میں ایک ایسے شخص کو جانتا ہو اگر وہ اس لکڑی کے ستون کو سونا کا ثابت کرنا چاہے تو دلائل کی قوت سے اسے ثابت کر سکتا ہے اور وہ امام ابوحنیفہ رحمہ اللہ ہے۔

*2:* امام شافعی رحمہ اللہ کا فرمان موجود ہے کہ اگر کوئی شخص دین کی تفقہ حاصل کرنا چاہے وہ ابوحنیفہ رحمہ اللہ اورآپ کے اصحاب سے حاصل کرے کیونکہ تمام لوگ فقہ میں ابوحنیفہ رحمہ اللہ کے عیال ہیں۔

*3:* امام احمد بن حنبل رحمہ اللہ فرماتے ہیں علم و روع اور تقوی کے جس مقام پر ابوحنیفہ رحمہ اللہ ہے وہاں دنیا کا کوئی شخص نہیں پہنچ سکتا۔

*قید و بند اور وفات:*

146ھ میں منصور نے قاضی القضاۃ کے عہدہ قبول نہ کر نے کی وجہ سے امام صاحب کو قید کر ڈالا۔ قید خانہ میں ان کا سلسلہ تعلیم بھی برابر قائم رہا۔امام محمد نے جو فقہ کے دستِ بازو ہیں انہوں نے یہاں قید خانہ میں بھی آپ سے تعلیم حاصل کی۔بالآخر رجب 150 ھ میں بادشاہ نے آخری تدبیر یہ اختیار کی کہ ان کو زہر دلوا دیا۔

جب ان کو زہر کا اثر محسوس ہوا تو سجدہ کیا اور اسی حالت میں جاں؛ جانِ آفریں کے سپرد کر دی انا للہ وانا الیہ راجعون۔ آپ کی کل عمر 70 سال بنتی ہے۔

*جنازہ:*

آپ کی وفات کی خبر جنگل میں آگ کی طرح ہر سو پھیل گئی سارا شہر آپ کے جنازے کے لیے امڈ آیا۔قاضی شہر حسن بن عمارہ آپ کو غسل دے رہا تھا اور اس کی زبان پر برابر یہ جاری تھا :

”اے ابو حنیفہ !واللہ!تم سب سے بڑے فقیہ تھے ،سب سے بڑے عبادت گزار تھے ، سب سے بڑے زہد و تقویٰ کے مالک تھے، تم میں تمام خوبیاں پائی جاتی تھیں۔“

*وصیت*

امام صاحب رحمہ اللہ نے وصیت کی تھی کہ خیزران میں دفن کئے جائیں۔وصیت کے موافق خیزران کے مشرقی جانب آپ کی قبر تیار کی گئی۔

*مقام تدفین*

ھ؁459 میں سلطان الپ ارسلان سلجوقی نے آپؒ کی قبر کے قریب ایک مدرسہ تیار کرایا جو ”مشہدِ ابی حنیفہ “کے نام سے مشہور ہے۔

پی ڈی ایف کیلئے واٹس اپ کریں +97477352121

کامیاب مومن کی سات صفات

2024-10-12T23:03:00.005+03:00

کامیاب مومن کی سات صفات

متکلم اسلام مولانا محمد الیاس گھمن

اللہ تعالیٰ نے قرآن کریم کی سورۃ المؤمنون کی ابتدائی چندآیات میں کامیاب مومن کی درج ذیل سات صفات ذکر فرمائی ہیں:

مفہوم آیات: وہ اہل ایمان کامیابی پائیں گے جو اپنی نماز میں خشوع اختیار کرنے والے ہیں اور بے فائدہ باتوں اور کاموں سے دور رہنے والے ہیں،جو(اعمال و اخلاق میں)اپنا تزکیہ کرنے والے ہیں،جو(شرعاً حرام شہوت سے) اپنی شرمگاہوں کی حفاظت کرنے والے ہیں، سوائے اپنی بیویوں سے اور(شرعی) لونڈیوں سے جو ان کی ملکیت میں آچکی ہوں کیونکہ ان کے بارے میں ان پر کوئی ملامت نہیں۔ ہاں جو لوگ اس کے علاوہ کوئی اور طریقہ اختیار کرنا چاہیں تو ایسے لوگ شریعت کی حدیں پھلانگنے والے ہیں، جو لوگ اپنے پاس رکھی لوگوں کی امانتوں اور باہمی معاہدات کی رعایت رکھنے والے ہیں اور اپنی نمازوں کی پابندی کرنے والے ہیں یہی وارث ہیں جو جنت الفردوس کے وارث بن کر ہمیشہ ہمیشہ اس میں رہیں گے۔(سورۃ المومنون، رقم الآیات:1 تا 11)

1:خشوع والی نماز:

کامیاب مومن کی پہلی صفت یہ ہے کہ وہ نماز کو خشوع کے ساتھ ادا کرتے ہیں۔ عام طور پر دو لفظ بولے جاتے ہیں: خشوع اور خضوع۔خضوع کا معنی ہوتا ہے ظاہری اعضاء کو ادب کی وجہ سے جھکانا اور خشوع کا معنی ہوتا ہے دل کو اللہ کی طرف جھکائے رکھنا نماز میں خضوع کے ساتھ ساتھ خشوع بھی مطلوب اور مقصود ہے۔ ہمارا دل اللہ کی طرف، اس کے انعامات، رحمتوں، برکتوں اور عنایتوں کی طرف مائل رہے۔ غفلت اور لاپرواہ نہ بنا رہے۔ نماز میں حضورِ قلب کی کیفیت حاصل ہو۔ اس کا طریقہ یہ ہے کہ انسان نماز میں زبان سے پڑھی جانے والی چیزوں کو دل سے سمجھیاور اس کا استحضار کیے رکھے۔حکیم الامت مولانا اشرف علی تھانوی رحمہ اللہ فرماتے ہیں: خشوع صحتِ صلوٰۃ کے لیے موقوف علیہ نہیں ہاں البتہ قبولیتِ صلوٰۃ کے لیے موقوف علیہ ہے۔

2: لغویات سے اجتناب:

کامیاب مومن کی دوسری صفت یہ ہے کہ وہ فضول،لایعنی، بے کار اور بے فائدہ باتوں اور کاموں سے خود کو بہت بچاتے ہیں، یعنی وقت کے قدردان ہوتے ہیں۔حضرت ابو ہریرہ رضی اللہ عنہ سے روایت ہے رسول اللہ صلی اللہ علیہ وسلم نے فرمایا:انسان کے اسلام کی خوبی یہ ہے کہ وہ بے فائدہ باتوں اور بیکار کاموں کو چھوڑ دے۔(جامع الترمذی)

3:تزکیہ باطن:

کامیاب مومن کی تیسری صفت یہ ہے کہ وہ اپنا تزکیہ باطن اور اصلاح نفس کرتے ہیں۔ یہی وجہ ہے کہ آپ صلی اللہ علیہ وسلم کے منجملہ فرائض میں سے تزکیہ بھی ہے یعنی امت کے قلوب میں سے غیر اللہ کی محبت اور غیر اللہ کا خوف ختم ہو کر اللہ وحدہ لاشریک کی محبت اور اللہ ذوالجلال کا خوف پیدا ہو، ان کے قلب و روح سے بری خصلتیں ختم ہوکر نیک اوصاف اور عمدہ اخلاق پیدا ہوں کیونکہ جب تک دل غیراللہ اور گندے اوصاف کی آلائشوں سے پاک نہیں ہوتا اس وقت تک اس میں محبت الہیہ، معرفتِ خداوندی، رضائے باری عز وجل، اطاعت رسول، عقیدت نبوت اور عمدہ اوصاف و اعلی اخلاق کبھی بھی پیدا نہیں ہو سکتے۔

مفہوم آیت: جس نے اپنے آپ کو گناہوں سے بچالیا حقیقتاً وہی کامیاب ہوا۔ (سورۃ الیل، رقم الآیۃ:9)

4: ناجائز شہوات سے دوری:

کامیاب مومن کی چوتھی صفت یہ ہے کہ وہ ہرقسم کے شہوانی گناہوں سے خود کو دور رکھتے ہیں ہے۔ ان میں چند ایک کا تذکرہ ذیل میں اختصار کے ساتھ کیا جاتا ہے۔

5: امانت داری:

کامیاب مومن کی پانچویں صفت یہ ہے کہ وہ امانت کی پاسداری کرتے ہیں یعنی ان میں خیانت نہیں کرتے۔ حضرت عبادہ بن صامت رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: مجھے 6 چیزوں کی تم ضمانت دے دو، جنت کی ضمانت میں تمہیں دیتا ہوں۔ سچ بولو، وعدہ پورا کرو، امانت ادا کرو، شرم گاہوں کی حفاظت کرو، نگاہوں کو غیر محرم سے بچاؤ اور ظلم سے اپنے آپ کو روک کے رکھو۔(صحیح ابن حبان)

6: معاہدے کی پاسداری:

کامیاب مومن کی چھٹی صفت یہ ہے کہ وہ معاہدوں اور وعدوں کی پاسداری کرتے ہیں۔

قرآن کریم میں ہے:

اپنے معاہدوں کو پورا کیا کرو، بے شک اس کی پاسداری کے بارے میں تم سے پوچھا جائے گا۔(سورۃ الاسراء، رقم الآیۃ:34)

حضرت عبداللہ بن عمرو رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: چار صفات جس شخص میں ہوں وہ پکا منافق ہے اور جس میں ان صفات میں سے ایک صفت ہوتو اس میں نفاق(کے برے اثرات)اسی کے بقدر ہے یہاں تک کہ وہ اس (عادت) کو چھوڑ دے۔جب اس کے پاس امانت رکھی جائے تو خیانت کرے، جب بات کرے تو جھوٹ بولے، جب معاہدہ کرے تو خلاف ورزی کریاور جب کوئی جھگڑا ہوجائے تو گالی گلوچ پر اتر آئے۔(صحیح البخاری)

7: نماز کے تمام آداب کی رعایت:

کامیاب مومن کی ساتویں صفت یہ ہے کہ وہ نماز کے تمام آداب، شرائط،سنن اور مستحبات کی رعایت کرتے ہیں۔ وقت کا لحاظ کرتے ہیں مسنون اور افضل اوقات میں ادا کرتے ہیں،مساجد میں ادا کرتے ہیں، باجماعت ادا کرتے ہیں، دنیاوی معاملات کی وجہ سے نماز میں غفلت اور سستی سے کام نہیں لیتے۔ بلکہ مستعد ہوکر چستی سے اس فریضہ کو بحسن خوبی انجام دیتے ہیں۔

قرآن کریم میں کامیاب مومن کی صفات کو شروع بھی نماز سے کیا گیا ہے اور ختم بھی نماز پر ہی کیا اسی سے اندازہ لگانا چاہیے کہ اللہ تعالیٰ کے نماز کی اہمیت وحیثیت کس قدر ہے؟ساتھ ساتھ اس طرف بھی اشارہ ملتا ہے نماز کی پابندی سے باقی اوصاف بھی پیدا ہوجاتے ہیں۔

خلاصہ یہ ہوا کہ

نماز میں خشوع اختیار کرنا،لغویات سے بچنا،نفس کی اصلاح کرنا،ناجائز شہوات سے بچنا،امانت کی پاسداری کرنا،معاہدوں کو پورا کرنا اورنماز کے تمام آداب کی رعایت رکھناایسے اوصاف ہیں جس مومن میں یہ آجائیں اللہ تعالیٰ اسے کامیاب قرار دیتے ہیں۔

اللہ تعالیٰ ہمیں عمل کی توفیق عطا فرمائے۔

آمین بجاہ النبی الکریم صلی اللہ علیہ وآلہ واصحابہ وسلم

عیدکی_رات_کےفضائل

2024-06-15T13:06:00.018+03:00

عید کی رات کے فضائل

متکلم اسلام شیخ طریقت حضرت مولانا محمد الیاس گھمن حفظہ اللّٰه

🔹اس رات کی فضیلت پر چند روایات ملاحظہ ہوں:

[1] حضرت ابو امامہ باہلی رضی اللہ عنہ سے روایت ہے کہ نبی اکرم صلی اللہ علیہ و سلم نے ارشاد فرمایا:

مَنْ قَامَ لَيْلَتَىْ الْعِيدَيْنِ مُحْتَسِبًا لِلّٰهِ لَمْ يَمُتْ قَلْبُهُ يَوْمَ تَمُوتُ الْقُلُوبُ.

﴿سنن ابن ماجة: رقم الحدیث 1772﴾

ترجمہ:

جس شخص نے عید الفطر اور عید الاضحیٰ کی راتوں میں اجر و ثواب کی امید رکھتے ہوئے قیام کیا (یعنی عبادات سر انجام دیں) تو اس کا دل اس دن مردہ نہیں ہو گا جس دن سب کے دل مردہ ہو جائیں گے۔

[2] حضرت عبد اللہ بن عمر رضی اللہ عنہما فرماتے ہیں:

خَمْسُ لَيَالٍ لَا تُرَدُّ فِيهِنَّ الدُّعَاءَ: لَيْلَةُ الْجُمُعَةِ، وَأَوَّلُ لَيْلَةٍ مِنْ

رَجَبٍ، وَلَيْلَةُ النِّصْفِ مِنْ شَعْبَانَ، وَلَيْلَتَيِ الْعِيدَيْنِ.

﴿مصنف عبد الرزاق : ج 4 ص 313 رقم الحدیث7927﴾

ترجمہ:

پانچ راتیں ایسی ہیں جن میں کی جانے والی دعا کو رد نہیں کیا جاتا:

ا... جمعہ کی رات

۲... رجب کی پہلی رات

٣... شعبان کی پندرہویں رات

۵،۴... عید الفطر اور عید الاضحیٰ کی دورا تیں

ان روایات اور دیگر کئی روایات کے پیش نظر

محدثین نے اس رات کی

عبادت کو خاص طور پر ذکر کیا ہے۔

علامہ محی الدین ابو زکریا یحییٰ بن شرف النووی (ت 676ھ) لکھتے ہیں:

اتفقوا على استحباب إحياء ليلتي العيدين وغير ذلك.

﴿شرح مسلم للنووی: ج 1 ص 372 کتاب الاعتكاف باب الاجتهاد في العشر الأواخر من شهر رمضان﴾

ترجمہ:

علمائے امت اس بات پر متفق ہیں کہ عیدین اور دیگر (بابرکت اور فضائل کی حامل) راتوں میں جاگنا مستحب ہے۔

اس رات کی اہمیت کے پیش نظر عبادات کو بجالایا جائے اور اگر عبادات بجانہ لاسکیں تو فسق فجور اور لایعنی کاموں میں پڑنے سے بہتر ہے کہ عشاء کی نماز مسجد میں جماعت سے ساتھ ادا کریں اور آرام کریں۔ صبح اٹھ کر تہجد کی نماز ادا کریں اور فجر کی نماز بھی باجماعت ادا کریں۔ اللہ تعالی سے امید ہے کہ پوری رات کی عبادت کا ثواب عنایت فرمائیں گے ۔ اس طریقے سے گناہوں سے حفاظت بھی رہے گی اور ثواب بھی ملے گا ان شاء اللہ ۔

🔹اس رات یہ کام کریں:

عید کی رات کو درج ذیل چند کام سر انجام دینے کی کو شش کرنی چاہیے:

1.نوافل پڑھنا

2.قرآن مجید کی تلاوت کرنا

3.صدقہ دینا

4.دعاؤں کا اہتمام کرنا

5.ذکر اللہ کرنا

6.اپنے گناہوں کی معافی مانگنا

7.امت مسلمہ کی بھلائی اور عافیت کی دعا کرنا

8.رشتہ داروں سے نیک سلوک کرنا

9.اگر کسی کی حق تلفی ہو گئی ہو تو اس سے معافی مانگنا

10.کسی نے ظلم زیادتی کی ہو تو اسے معاف کرنا

2024-03-03T18:43:00.006+03:00

جامع امام محمد بن عبدالوہاب جسکو مسجد دولہ بھی کہا جاتاہے،

آپ اس ویڈیو میں مسجد جامع امام محمد بن عبدالوھاب کی زیارت کریں گے

ویڈیودیکھنے کیلئے تصویرپر کلک کریں

یہ مسجد قطر کی سب سے بڑی مسجد ہے۔ اسے 16 دسمبر 2011ء 21 محرم 1433 ہجری کو کھولا گیا،

اور قطر کے اس وقت کے امیر شیخ حمد بن خلیفہ الثانی کی ہدایت پر 13 دسمبر 2011 کواس مسجد کا نام امام محمد بن عبدالوہاب

کے نام پر جامع امام محمد بن عبدالوھاب رکھاگیا جو شیخ امام محمد بن عبدالوھاب کی قدرومنزلت کو ظاہرکرتاہے

مسجد پرانے قطری فن تعمیرات کے مطابق بنائی گئی ہے۔ اسے قطر کی سب سے بڑی، اور سب سے خوبصورت مساجد میں سے ایک قرار دیا گیا ہے۔

حالانکہ اسکے علاوہ بھی بہت ساری مساجد قطر میں خوبصورت میں اپنی مثال رکھتی ہیں ،

ان شاءاللہ بہت جلد ان مساجد پر بھی ویڈیوز آئیں گی

آپ اس ویڈیو میں مسجد جامع امام محمد بن عبدالوھاب کی زیارت کریں گے

مزید اس طرح کی ویڈیوز کیلئے آج ہی ہمارے چینل کو سبسکرائب کرلیں اور بیل آئکان کو ضرور دبادیں تاکہ ہر نئی ویڈیو کی جانکاری اپ کو مل سکے

اس مسجد کی تعمیر ملک کی تعمیری علامتوں اور ثقافتی اقدار کو زندہ کرنے میں ریاست کی دلچسپی کی عکاس بھی ہے۔"

امام محمد بن عبدالوہاب مسجد حکومت کی طرف سے شروع کیے گئے اس وقت کے بڑے منصوبوں میں سے ایک تھی۔

جامع امام محمد بن عبدالوہاب دوحہ شہر کےقریب کے علاقے میں واقع ہے۔

مسجد کے اس رقبہ میں جو تقریباَ (175,000 مربع میٹر سے زیادہ کا رقبہ ہے)اس میں آرائشی باغیچے پارکنگ اور گھومنے کیلئے خوبصورت میدان ، خدمات کی عمارت اور خود مسجد کی عمارت شامل ہے۔

مسجد میں ایئر کنڈیشنڈ ہال کے اندر تقریباً 11,000 نمازیوں کی گنجائش ہے،

اور خواتین کے لیے مختص ایئر کنڈیشنڈ ہال میں تقریباً 1,200 نمازی بیٹھ سکتے ہیں۔

مسجد کے صحن اور مسجد کے سامنے کے صحن میں نماز ادا کی جا سکتی ہے، اور وہ 30,000 نمازیوں کو ایڈجسٹ کر سکتے ہیں.

مسجد کے گنبدوں کی تعداد

ایک مینار ہے

بڑے گنبدوں کی تعداد 28 ہے، اور چھوٹے گنبدوں کی تعداد 65 ہے۔ محراب کے دو گنبد ہیں، مسجد کے تین مرکزی دروازے ہیں، اور نماز گاہ کے 17 دروازے ہیں۔

تہ خانہ

اس کے اندر تہہ خانےہیں جس میں پارکنگ اور دوسری عمارتیں بھی ہیں ،جن میں ، وضو اور مردوں کے غسل خانے بھی شامل ہیں اور اس کا رقبہ تقریباً 3853 مربع میٹر ہے۔

2- گراؤنڈ فلور:

یہ مردوں کے لیے مرکزی نماز ہال، خواتین کے لیے وضو کے لیے مختص جگہ، وضو کے لیے مخصوص جگہ کے علاوہ خصوصی ضروریات والے لوگوں کے لیے باتھ روم پر مشتمل ہے۔ اس کا رقبہ تقریباً 12,117 مربع میٹر ہے۔

یہاں خواتین کی نماز کے لیے ایک جگہ اور مردوں کی نماز کے لیے ایک اضافی جگہ پر مشتمل ہے، اس کے علاوہ ایک لائبریری اور قرآن پاک کے حفظ کرنے کے لیے دو ہال ہیں، ایک مردوں کے لیے اور دوسرا خواتین کے لیے، اس کا رقبہ تقریباً 2594 مربع میٹر ہے۔

4- احاطہ شدہ پارکنگ:

اس میں تقریباً 347 کاریں ہیں، اور اس کا رقبہ 14,877 مربع میٹر ہے۔

5- VIP علاقہ:

اس کا رقبہ تقریباً 650 مربع میٹر ہے۔

پہلی نمازیں

امام محمد بن عبدالوہاب مسجد میں پہلی نماز جمعہ کی نماز تھی۔

پہلی نماز تراویح اور نماز تہجد 1433 ہجری = 2012 عیسوی میں ہوئی۔

عید کی پہلی نماز 1433ھ میں ادا کی گئی۔

بارش کی پہلی دعا 4 دسمبر 2012 بروز منگل شہریوں اور مکینوں کے ایک اجتماع کے ساتھ سنت نبوی صلی اللہ علیہ وسلم کی یاد میں ادا کی گئی۔ شیخ ڈاکٹر نے نمازیوں کی امامت کی اور خطبہ دیا۔ محمد بن حسن المرخی۔

دنیا بھر کے مشہور ائمہ کرام اس مسجد میں تراویح کی امامت کر چکے ہیں جن میں سے چند ایک نام یہ ہیں

شیخ عبداللہ بسفر

شیخ محمد عبدالکریم

شیخ سعد الغامدی

شیخ فریس آباد

شیخ عامر المحل

شیخ فہد الکندری (نماز تہجد میں

شیخ عبدالمجید الارکانی (رمضان کی ایک رات کو وتر کی نماز

شیخ عبدالولی الارکانی

شیخ ادریس ابکر

شیخ محمد عبدالکریم

شیخ سعد الغامدی

انکے علاوہ قطری ائمہ جو مشہور ہیں ان حضرات نے بھی یہاں امامت کی

قاری مال اللہ الجابر ہے۔

قاری ترکی عبید مہران ہیں۔

قاری محمد یحییٰ طاہر

قاری یوسف احمد عاشر

ویلنٹائن_ڈے_ایک_حیا_سوز_رسم

2024-02-13T22:00:00.003+03:00

ویلنٹائن ڈے ایک حیا سوز رسم

Valentine's Day

writer

Molana Ilyas Ghumman

متکلم اسلام حضرت مولانا محمد الیاس گھمن

*اللہ کے آخری نبی حضرت محمد صلی اللہ علیہ وسلم نے انسانیت کو جن اعتقادی ، معاشرتی اور عملی بے راہ رویوں سے روکا یقینا ً وہ نقصان دہ تھیں اس لیے منع کیا اور صراط مستقیم کے جن معتدل خطوط پر چلنے کا حکم دیا وہ یقیناً انفرادی و اجتماعی ، قومی و ملی طور پر سراپا خیر ہیں اس لیے حکم دیا۔ ورنہ منع کرنے اور حکم دینے کا کوئی راز سمجھ میں آ ہی نہیں سکتا۔ تبلیغ کے منصب پر فائز ہو اتمام حجت کرتے ہوئے فرمایا :ان ھذا صراطی مستقیماًفاتبعوہ ولا تتبعوا السبل فتفرق بکم عن سبیلہ۔*

*اسلامی اعتقادات و معاملات ، طور طریقوں اور اصولوں پر جمے رہو اور غیر مسلم اقوام کے معتقدات ، رسوم و رواج اور اختراعات و خرافات سے مکمل بچو ورنہ یہ چیزیں تمہیں اپنے رب سے دور کر دیں گی۔*

*قرآن و سنت اور اسلاف کے زریں اقوال کی بے شمار شہادتیں اس بات پر موجود ہیں کہ ساری انسانیت کے لیے صرف دین اسلام ہی مکمل ضابطہ حیات اور ذریعہ نجات ہے۔ اسلام ہی کامل و مکمل ، جامع اور ناقابل تبدیل دستور العمل ہونے کی ناقابل تردید حقیقت ہے۔ دنیا و آخرت ، زندگی موت اور فوز و فلاح کے تمام شعبے اس کے وسیع دائرے میں سمٹے ہوئے ہیں۔ اسی لیے تو لوح محفوظ سے روح القدس کے دوش پر ادخلوا فی السلم کافۃ کا فرمان قلب محمد تک پہنچایا گیا اور پھر لسان محمد سے سارے عالم کو اس نہج پر آ کر ابدی کامیابی کی نوید دی گئی۔*

*اسلام نے آ کراقوام عالم میں ہماری مستقل الگ شناخت پیدا کی اور ہمیں اس پر قائم رہنے کا حکم دیا، جب تک ہم اپنی شناخت کی حفاظت کریں گے ہمارا وجود باقی رہے گا ورنہ اہل تاریخ کا متفقہ فیصلہ ہے کہ جو قومیں اپنی شناخت کھو بیٹھتی ہیں وہ اپنے وجود اور بقاء سے بھی ہاتھ دھو بیٹھتی ہیں۔ اس لیے ہمارا ہر قول و فعل شریعت اسلامیہ کی پاکیزگی سے مہکتا ہوا ہونا چاہیے نہ کہ غیر اسلامی رسوم و رواج کی گندگی میں لتھڑا ہوا ہو۔*

*حضرت انسان کا سب سے قدیم ، شاطر ، چالاک ، عیار اور خطرناک دشمن شیطان ہے۔ وہ اس کو ہر اس کام پر ابھارتا ہے بلکہ مزین کر کے پیش کرتا ہے جو عقلی و حسی اور شرعی طور پر برا اور فحش ہو۔*

*جس پر قرآنی شہادت انما یامرکم بالسوء والفحشاء کے الفاظ سے موجود ہے۔ ان بے شمار کاموں میں سے ایک غیر اسلامی، غیرشرعی ، غیر فطری اور غیر اخلاقی محبت کا اظہار بھی ہے۔ جسے ’’ویلنٹائن ڈے‘‘کے منحوس نام سے جانا جاتا ہے جو اخلاق باختگی اور بے ہودگی کی انتہاء پر پہنچ کر ہی منایا جاتاہے۔تیسری صدی عیسوی میں ویلنٹائن نام کے ایک پادری تھے جو ایک راہبہ (Nun) کی زلف گرہ گیر کے اسیر ہوئے۔ چونکہ عیسائیت میں راہبوں اور راہبات کے لئے نکاح ممنوع تھا۔ اس لئے ایک دن ویلن ٹائن صاحب نے اپنی معشوقہ کی تشفی کے لئے اسے بتایا کہ اسے خواب میں بتایا گیا ہے کہ 14 فروری کا دن ایسا ہے اس میں اگر کوئی*

*راہب یا راہبہ صنفی ملاپ بھی کرلیں تو اسے گناہ نہیں سمجھا جائے گا۔ راہبہ نے ان پر یقین کیا اور دونوں جوشِ عشق میں یہ سب کچھ کر گزرے۔ کلیسا کی روایات کی یوں دھجیاں اْڑانے پر ان کا حشر وہی ہوا جو عموماً ہوا کرتا ہے یعنی انہیں قتل کردیا گیا۔ بعد میں کچھ منچلوں نے ویلن ٹائن صاحب کو’شہید ِمحبت‘ کے درجہ پر فائز کرتے ہوئے ان کی یادمیں دن منانا شروع کردیا۔تاریخ میں اس دن سے اور بھی کئی منسوب داستانیں ہیں۔ایک دوسرے کو پھول دیتے وقت یہ بھول جاتے ہیں کہ مردو عورت کا یہ بے حجابانہ ملاپ جہاں عورت کے ماتھے سے حیاء کا زیور لوٹ کر ذلت کا داغ لگا تا ہے۔*

*وہاں پر مرد کے سر سے انسانیت کا تاج اتار کر اسے شرم سے جھکا دیتا ہے اور دونوں کو انسانوں کی وادی سے نکال کر درندگی کے جنگل میں چھوڑ دیتا ہے۔ گزشتہ ادوار میں ہر سال 14 فروری کو جنسیت زدہ غیر مسلم اقوام ناجائز خواہشات کی تسکین و تکمیل کے لیے اسے منانے کا اہتمام کرتے تھے۔ پھر اس کو فروغ دینے کے لیے اس دن سے وابستہ کئی دیو مالائی داستانیں بھی اس سے منسوب کر دیں اور تاریخ کے اوراق کو اپنے من کی سیاہی سے سیاہ کر کے رکھ دیا۔ قطع نظر اس سے کہ ان داستانوں میں کہاں تک واقعیت کو دخل ہے ؟ ہم اس غیر ضروری بحث میں الجھے بغیر اس کے چند معاشرتی و شرعی مفاسد پر نگاہ ڈالتے ہیں:سب سے بڑی بات تو یہ ہے کہ یہ سراسر غیر اسلامی فعل ہے جس سے اللہ اور اس کا رسول صلی اللہ علیہ وسلم ہم سے ناراض ہوتے ہیں۔ہماری تباہی و بربادی اور تنزلی کا اصل سبب خدا و ر رسول کی ناراضگی ہے۔*

*اس کے بعد یہ سنجیدگی ، متانت ، عزت و وقار اور حیاء کے سراسر منافی کام ہے۔اس دن کئی عفت مآب بہنوں کی عزت کے آنچل تار تار ہوتے ہیں۔ کئی خاندانوں میں دشمنیاں جنم لیتی ہیں نوبت قتل و قتال تک جا پہنچتی ہے۔دسیوں ، بیسیوں نہیں سینکڑوں ایسے واقعات و سانحات ہیں کہ اس دن عزت و شرافت کے جنازے نکلتے ہیں اور غیور وباشعور خاندانوں میں ماتم کی صفیں بچھ جاتی ہیں۔جنسیت کے بْت کو ’’اظہارِ محبت ‘‘ کا لبادہ اوڑھا کر پوجا جاتا ہے۔*

Valentine's Day

*یوم محبت کے دلکش اور دلربا عنوان سے شیطانی عمل کو فروغ دیا جاتا ہے۔غیر مسلم اقوام کے مخصوص و متعین تہوار کو منا کر ان سے مشابہت کا وبال اپنے سر لیا جاتا ہے اور فرمان مصطفی صلی اللہ علیہ وسلم من تشبہ بقوم فھو منہم کہ جو کوئی بھی کسی قوم کی مشابہت اختیار کرے گا دن قیامت اس کا حشر اسی قوم کے ساتھ ہوگا۔ کے تحت خدا اور رسول دشمنوں کی صفوں میں شامل ہو ا جاتا ہے ۔ جو ہمارے لیے کسی طور پر فائدہ مند نہیں بلکہ دنیا و آخرت کی تباہی و بربادی ہے۔اہل اسلام کو اسلامی اقدار و روایات زندہ کر کے لشکر رحمان میں شامل ہونا چاہیے لیکن افسوس کہ ہم خود شیطانی شطرنج کے مہرے بن جاتے ہیں ہم اور ہماری آنے والی نسلوں کی عزت و حیا کا بقاء صرف اور صرف اسلام کی روشن تعلیمات میں ہے اس لیے ہمیں اپنے معاشرے سے تمام غیر اسلامی ، غیر اخلاقی اور غیر فطری رواجوں کو ختم کرنا ہوگا ،ورنہ یاد رکھیں !!*

*تمہاری داستاں تک نہ ہو گی داستانوں میں!!*

*Valentine's Day... A Shameful Tradition!!*

✍️ *Mutakallim-e-Islam Maulana Muhammad Ilyas Ghuman*

The last Prophet of Allah, Hazrat Muhammad (PBUH), prohibited humanity from harmful beliefs, social practices, and impractical deviations. His guidance, undoubtedly, is profoundly beneficial on individual, societal, national, and global levels. Therefore, it is ordained to follow the moderate path and avoid deviating ways.

Islamic beliefs, traditions, manners, and principles should be adhered to, while staying away from the beliefs, customs, inventions, and myths of non-Muslim nations, as they might lead you away from your Lord.

The Quran, Sunnah, and the sayings of the Prophet and his companions provide numerous testimonies that Islam is the complete code of life and the path to salvation for all of humanity. Islam is unquestionably a comprehensive, unalterable, and universal guide.

Islam has given us a distinct identity in the world and commands us to preserve it. Nations that lose their identity face not only a loss of existence but also a unanimous historical judgment. Hence, every aspect of our lives should emanate the purity of Islamic teachings.

The most ancient, cunning, sly, and dangerous enemy of humanity is Satan. He not only entices people into evil deeds but also adorns and presents them in morally, ethically, and legally objectionable ways.

Valentine's Day, known for its unethical and shameless celebrations, is one such non-Islamic, non-legal, unnatural, and immoral expression of love. Its origin dates back to a priest named Valentine in the third century AD, who fell in love with a nun. Since marriage was forbidden for priests and nuns in Christianity, Valentine informed his beloved that he had a dream telling him that February 14 was a special day. If they could manage to get married on that day, it wouldn't be considered a sin. Believing in him, they engaged in a forbidden relationship. The church, later, punished them, and Valentine was declared a martyr for love, and the celebration of this day began in his memory.

This day has been used in the past to celebrate and indulge in illicit desires. Many mythological stories and tales have been associated with it, and historical records have been distorted to suit certain narratives. Regardless of the authenticity of these stories, we must focus on the social and moral harms associated with such celebrations.

After all, this day promotes immorality, indecency, and shamelessness. It is connected to the prohibited celebrations of non-Muslim nations, and by imitating them, we risk being included among those who will be gathered with them on the Day of Judgment, against whom Allah and His Messenger are displeased.

Furthermore, this day brings about seriousness, hypocrisy, disgrace, and shamelessness instead of promoting values such as integrity, dignity, and modesty. It is associated with shameful acts that bring disgrace upon women. Families are torn apart, enmity arises, and sometimes, it leads to violence. Time bears witness to numerous incidents where the honor and dignity of chaste sisters are compromised.

Celebrating a day of love gives rise to satanic actions. Non-Muslim nations, with their specific and designated celebrations, are akin to the people against whom Allah and His Messenger warned us. Associating with them in such celebrations places us among those who are enemies of Allah and His Messenger, which is detrimental to us both in this world and the hereafter.

Our salvation lies in living according to Islamic ways and traditions. Unfortunately, we find ourselves entangled in the web of Satanic chess, jeopardizing our existence and that of our future generations. To preserve the dignity and modesty of ourselves and our coming generations, we must eradicate all non-Islamic, unethical, and unnatural customs prevalent in our society. Otherwise, remember!! Your stories will be no different from those in the tales!

Hazrat-Molana-Ilyas-Ghumman-Sab.Bayan-Doha-Qatar

2023-11-05T15:53:00.003+03:00

Hazrat-Molana-Ilyas-Ghumman-Sab.

Bayan-Doha-Qatar

مولاناالیاس گھمن صاحب کون ہیں

حضرت مولان الیاس گھمن صاحب کا مختصرتعارف

حضرت مولانا محمدالیاس گھمن صاحب کی ولادت 12 اپریل 1969 کو جنوبی سرگودھا میں ہوئی ،

آپ نے حفظ کی تعلیم جامع مسجد بوھڑ والی ،گکھڑمنڈی ،گوجرانوالہ میں حاصل کی،

درسِ نظامی کی ابتدائی تعلیم کا آغاز جامعہ بنوریہ کرا چی سے کیا اور مکمل جامعہ اسلامیہ امدادیہ ،فیصل آباد سے کیا،

ترجمہ وتفسیر القرآن امام اهل السنة والجماعة حضرت مولانا محمد سرفراز خان صفدر رحمۃ اللہ علیہ سے پڑھا،

حضرت اس وقت مرکز اهل السنة والجماعة ، کے سر پرست اعلیٰ ہیں،

اسی کے ساتھ آپ بانی و امیر عالمی اتحاد اهل السنة والجماعةبھی ہیں،

حضرت مولانا الیاس گھمن صاحب کی نگرانی میں مستقل ایک ادارہ احناف میڈیا کے نام سے انٹرنیٹ پر کام کررہاہے جس کے چیف ایگزیکٹو خود مولانا ہیں،

حضرت مولاناالیاس گھمن صاحب کے مختلف ممالک میں تعلیمی اور تبلیغی اسفار ہوتے رہتے ہیں اب تک جن ممالک کے اسفار ہوچکے ہیں انکی تعداد اکیس سے تجاوز کر چکی ہے ،

حضرت مولانا الیاس گھمن صاحب ایک صحافی بھی ہیں جنکے مضامین دنیا بھر کے مختلف اخبارا میں مستقل چھپتے ہیں وہیں حضرت مولانا کی بہت ساری تصانیف بھی ہیں جو طبع ہوکر منظرعام پر آچکی ہیں اور بہت ساری کتابیں ابھی زیرترتیب ہیں ،جو جلدہی ان شاءاللہ طبع ہوکر منظرعام پر آجائیں گی ،جوتصانیف طبع ہوچکی ہیں ان میں چند کے نام یہاں لکھے جاتے ہیں،:

دروس القرآن ،

خلاصة القرآن،

دروس الحدیث ،

زبدة الشمائل ؛

شرح شمائل ترمندی،

صلوۃ وسلام،

اللہ سے مانگیئے ،

اللہ کے بندے،

القواعد في العقائد،

عقائد اهل الست لجماعۃ،

صراط مستقیم کورس ( مردو خواتین ) ،

ان تمام خوبیوں کے باوجود حضرت مولانا الیاس گھمن صاحب نے اپنی اصلاح کی طرف سے کبھی غفلت نہیں کی اسکے لئے ہمیشہ اکابرین سے اصلاحی تعلق رکھا حضرت الشیخ حکیم محمد اخترصاحب ،حضرت الشیخ عبد الحفیظ مکی ؒ ،مکہ حضرت الشیخ پیر عزیز الرحمنؒ،

حضرت الشیخ سید محمد امین شاه، حضرت الشیخ پیرذوالفقار احمد نقشبندی دامت برکاتہم ،

حضرت الشیخ محمد یونس پالنپوری حفظہ اللہ ، حضرت الشیخ قاضی محمد مہربان حفظہ اللہ ، ان حضرات سے خلافت بھی حاصل کی ،

حضرت مولانا کے مریدوں کی ایک بڑی تعداد پوری دنیا میں موجود ہے جو ہر وقت مولانا سے استفادہ کرتی ہیے ،

وہیں مستقل خانقاہ ، خانقاه حنفیه 87 جنوبی ، سرگودهامیں لوگ آکر اپنی اصلاح کراتے ہیں،

حضرت کا یہ بیان حضرت کے دورہ قطر پر ایک مختصر ملاقاتی نشست پر کیا گیا

Copyright_Free_Quran_Download_Surah_Al_Naziat_By_Qari_siddeequeQasmi

2023-10-21T07:12:00.004+03:00

Copyright Free Quran Download Surah Al Naziat

By Qari siddeequeQasmi

Best Quran Recitation Surah Al Naziat

By Qari siddeequeQasmi

Copyright free Quran Download

Best Quran Recitation Surah Al Naziat By Qari SiddeequeQasmi Copyright free

Where To Get Copyright-Free Quran Audio Copyright Free Quran Kaha Se Milegi? ye sawal aksar log karte hen

Ab Ap hamari website se bilkul muft Copyright Free Quran Download kar sakte hen

jald hi is(freemp3quran) website par bhi mukammal quran Upload kar diya jayega in sha allah

jald hi ek or website bhi Ajayegi jahan Ap online_quran_classes or urdu corce bhi le sakte hen

online_learning_quran in shallah jald hi shuru ki jayegi

copyright_free_quran_audio Download Karne k liye Ap Hamari website or youtube channel ko subscribe karlen

copyright free audio by siddeequeqasmi

جب آپ اس آڈیو کو اپی ویڈیو میں استعمال کریں تو کریڈٹ دینا نا بھولیں تاکہ آپکو مستقبل میں کوئی پریشانی نا ہو
کریڈٹ دینے کا طریقہ آپ یہاں سے دیکھ سکتے ہیں

کریڈٹ دینے کا طریقہ

ڈاؤنلوڈ کرنے کیلئے نیچے دئے گئے لنک پر کلک کریں

Click on the below link to download

👇👇👇

تازہ ترین اپڈیٹ اورکاپی رائٹ فری اسلامی آڈیوویڈیواور مضامین کیلئے ہماراواٹس اپ گروپ جوائن کریں

ہمارے اسلاف کا ا ختلاف اور اسکا طریقہ

2023-10-12T12:24:00.004+03:00

ہمارے اسلاف کا ا ختلاف اور اسکا طریقہ

کپڑے کے وہ باریک موزے جو تخین نہ ہوں لیکن انکے تلے پرچمڑاچڑھاہواہو جنہیں فقہاءرقیق منعل کہتے ہیں، ان پرمسح کے جوازمیں فقہائے حنفیہ کا کچھ اختلاف رہا ہے اس مسئلہ میں حضرت مولانا مفتی شفیع صاحب رحمتہ اللہ علیہ کا فتویٰ یہ تھاکہ ان پر مسح جائز نہیں ہے (جس کے تفصیلی دلائل کے لیے حضرت رحمتہ اللہ علیہ نے مستقل ایک رسالہ بھی تحریر فرمایا جو فتاویٰ دارالعلوم دیوبند میں شائع ہو چکاہے )لیکن حضرت مدنی رحمتہ اللہ علیہ کا رحجان جواز کی طرف تھا اس مسئلہ پر زبانی گفتگو تو کئی بار ہوئی لیکن کوئی نتیجہ نہیں نکلا ایک دن حضرت مدنی قدس سرہ نے فرمایا کہ اس مسئلہ کی تحقیق کے لئے میں کچھ وقت فارغ کرکے دارالافتاء میں آؤنگا چنانچہ ایک دن حضرت تشریف لائے اور کتابوں کی مراجعت کر کے گفتگو ہوتی رہی حضرت مدنی رحمتہ الله عليه نے اپنے دلائل بیان فرمائے اور حضرت مفتی شفیع صاحب رحمتہ اللہ علیہ اپنے شبہات پیش کرتے رہے، یہاں تک کہ گفتگو تین روزکے قریب چلی اور آخر میں حضرت مدنی رحمتہ الله عليه نے فرمایا کہ بات آپ کی بھی بے وزن نہیں ہے لیکن میرا اس پر انشراح نہیں ہوتا اور آپ کو میرے دلائل پر اطمینان نہیں ہورہا,اس لئے آپ اپنے موقف پررہیں اورمیں اپنے موقف پراس واقعہ کے کچھ عرصہ بعد حضرت مدنی قدس سرہ مفتی صاحب کے بہنوئ مولانانبیہہ حسن صاحب رحمتہ اللہ علیہ کے مکان پر تشریف لائے حضرت مفتی محمد شفیع صاحب رحمتہ اللہ علیہ بهی موجود تھے حضرت مدنی رحمتہ الله عليه اس وقت ایسے ہی موزے(یعنی رقیق منعل) پہنے ہوئے تھے مغرب کی نماز کا وقت ہواتو حضرت مدنی رحمتہ الله عليه نے ان موزوں پر مسح فرمایا ،اور ارشاد فرمایا کہ مفتی صاحب آپ کے نزدیک تویہ مسح درست نہیں ہوا اس لئے میرے پیچھے آپکی نماز بھی نہ ہوگی اب آپ ہی امامت فرمائیں حضرت کے کہنے پر مفتی صاحب نے بھی تکلف نہیں کیا اور خود امامت کی

یا اللہ یہ حضرات تھےجن کے اختلاف امت کے لئے رحمت تھےاور ایک آج ہمارے اختلاف ہیں کہ الحفیظ والأمان ایک دوسرے سے اختلاف رائے ہونا کوئی نئی یا بری بات نہیں،بلکہ بری بات یہ ہے کہ ہم اپنی رائے کو دوسروں پر مسلط کریں اور اپنی رائے سے اختلاف کرنے والے کو ایک دم فاسق کہہ دیں اللہ ہمیں اور مجھے خاص طور سے عمل کی توفیق عطا فرمائے