Дигиталната трансформација последниве години го промени начинот на кој функционираат хотелите, рестораните и другите угостителски објекти. Од системиот за резервација, фактурирање до паметни уреди во собите и управување со залихи, речиси секој сегмент зависи од доверлива ИТ инфраструктура.

Многу хотелски компании значително инвестираат во нова технологија, но честопати се соочуваат со предизвикот да ја одржуваат. Управувањето со различни добавувачи, решавањето технички проблеми и координирањето на поддршката може да ги преоптоварат внатрешните ИТ тимови. Наместо да развиваат нови проекти, тие трошат сè повеќе време на секојдневно решавање проблеми. Затоа, сè поголем број хотели се свртуваат кон партнери кои можат да преземат дел од овие одговорности.

Секој прекин значи губење на приходи и довербата на гостите.

Во угостителската индустрија, дури и краткорочниот прекин на информациските системи може да има сериозни последици. Проблемите со интернет мрежата, ПОС терминалите, системите за пријавување на гостите или дигиталните клучеви директно влијаат на квалитетот на услугата, задоволството на гостите и генерирањето приходи. Затоа, брзиот одговор и експертската поддршка стануваат исто толку важни како и самата технологија.

Хотелските синџири и угостителските системи што работат на повеќе локации се особено тешки. Одржувањето на стандардизиран квалитет на ИТ поддршка во различни градови или земји бара добро организирана мрежа на експерти. Доколку партнерот нема доволно искуство или локални ресурси, компаниите се принудени сами да ја организираат мрежата на услуги, што ги зголемува трошоците и ја забавува работата.

Изборот на ИТ партнер станува стратешка одлука

Станува јасно дека изборот на технолошки партнер може да биде подеднакво важен како и изборот на самите софтверски или хардверски решенија. Искусен давател на ИТ услуги (Managed Services) не се занимава само со решавање проблеми. Тој помага на компаниите да го планираат развојот на инфраструктурата, да ја подобрат безбедноста на мрежата, да ги оптимизираат трошоците и да воведат нови решенија што ќе го поддржат идниот раст.

Современите системи овозможуваат следење на работата на мрежата и уредите во реално време. Потенцијалните проблеми можат да се детектираат пред да предизвикаат застој, менаџерите добиваат подобар увид во состојбата на сите деловни локации. Ова го намалува бројот на итни интервенции, ја зголемува сигурноста и го олеснува секојдневното управување.

Добар пример е хотелски синџир кој управува со објекти во повеќе градови или земји. Доколку системот за пријавување на гости, POS терминалите на ресторанот или мрежната инфраструктура откажат на една локација, бавната техничка поддршка може да предизвика подолго време на чекање на рецепција, тешко фактурирање и незадоволство на гостите. Спротивно на тоа, компанија која има сигурен ИТ партнер со развиена мрежа на експерти може брзо да го реши проблемот. Да ги намали прекините и да овозможи вработените да се фокусираат на обезбедување квалитетна услуга, наместо на решавање на технички тешкотии.

Како што угостителската индустрија продолжува брзо да се дигитализира, технологијата повеќе не е само алатка за поддршка, туку еден од клучните фактори на конкурентноста. Компаниите кои имаат сигурна ИТ поддршка можат побрзо да иновираат, полесно да го прошират својот бизнис и да обезбедат подобро искуство за гостите.

Интересен преглед според ГПС аналитиките на Suunto во однос на тоа кој најмногу качува. Графиконот подоле ја прикажува активноста на 9 различни активности. Водечка активност во поминатa односно искачена висина имаат турно/сплитборд , понив се планинарството-качувачите и планинското трчање. За некого разбирливо, за некого не, но показателот е тој. Што мислите вие?

Black Diamond Distance 15 Backpack Glacier

Deuter Guide Ultra 24 SL 

Deuter Guide 32 + 8 SL

Ortovox TRAVERSE 20

Vaude Wizard 24+4 Backpack Baltic Sea

Огромен интерес раскажувањето преку филмот да дојде и пред македонската публика – скоро 250 автори од 50-тина земји аплицираа за ЕХО фестивалот

Најмногу апликации пристигнаа од автори од Шпанија, Франција, Италија, САД, Канада и Швајцарија, но географијата на годинешните пријави, како што можете да погледнете на мапата – се протега многу пошироко…

Од сите пристигнати апликации, официјалната програма ќе се состои од 49 филмови. Тоа се 49 приказни со голема шареноликост во темите: за планините, за луѓето, за авантурите, истражувањата, спортот, природата и културата… За толкуте многу начини на уживање на нашата љубов со неверојатниот свет кој не’ опкружува…

Македонија има квалитетни природни убавини и соодветна позиционираност на планинските региони за мали и квалитетни ски зони.Питоми долини со северна експозиција, околина богата со вода. Но, потребно е вложување во јавна инфраструктура, како и приватен сегмент. Денес водечките ски центри имаат слична одлика. Релативно мали скијачки села кои имаат постојано население, квалитетна развиена инфраструктура, пат, струја, вода, интернет. Беспрекорна општинска комунална активност, уреденост, мали маркети, ресторани, соодветна локална понуда на скијачки сервиси, рента, школи, планинарски водичи. 365 дена понуда на услуги и активности.

Ски центри од врвот на пирамидата ги карактеризира мир, уредност, висока класа на сервиси и персонал. Тивка околина и отменост. Хотели и ресторани со традиција. Населби без возила и загадување. Добра логистика, квалитетен јавен превоз, возови, електрични комбиња или автобуси.

Avoriaz, Morzine, Les Gets, Châtel, Champery, Morgins, Les Crosets …12 ски центри, една ски карта, 2 држави, Франција и Швајцарија. Повеќе од 600 км ски патеки во неколку долини.

Avoriaz (каде што е сместувањето) е шармантна надреална населба близу француско-швајцарската граница. Oсобено светски позната од Red Bull рекламите.

100% целосно наменета за пешаци, каде улиците се покриени со снег, а буквално од сите апартмани имате директен пристап до скијачките патеки. Низ населба се движите пеш, на скии или кочии со коњи.

Најснежен центар во Франција, според статистиките за снежни врнежи, Avoriaz го држи рекордот како најснежен центар, со сезонски просек од околу 7.5 до 8 метри снег, што му дава огромна предност пред пониските алпски центри.

Број 1 центар за семејства во Европа, повеќекратен освојувач на златни медали. На неодамнешните Junior Travel Awards, како и европската мрежа EDEN (European Destinations of Excellence), официјално прогласен за најдобар семеен ски-ризорт во Европа. Ова се должи на безбедноста (целосно забранети автомобили) и неговото познато „Детско село“ (Village des Enfants)

Дел од најголемата група ски центри здружени под едно, Portes du Soleil или “Порти на Сонцето”. На располагање се колосални димензии од 600км ски патеки меѓусебно поврзани со 200 ски лифтови низ 12 мали гратчиња, селца и ски зони во Франција и Швајцарија.

Местото располага со неколку добро снабдени маркети и поголем број на барови, ресторани и пицерии кои обично се полни за време и после скијање. Додека сте на ски терените на располагање ви стојат атрактивни панорамски барови со вкусна храна и пијалоци.

Portes du Soleil како што самите велат, поседува бесконечни powder резерви и честа можност за скијање на свеж снег со уникатни и возбудливи пејсажи и амбиент што би се рекло како од рекламите.

Целата област Portes du Soleil не само што има изобилство на снежни паркови, туку ги менаџира и едни од најдобрите паркови во Европа. Паркови кои нудат скијање за сите нивоа од целосни почетници во слободен стил до простор за тренинг на светската класа натпреварувачи. Пример во Les Crosets супер фан паркот, населба која е во комшии на Châtel ги поседува најголемите скокови со големина од 6 до 20 метри, a Avoriaz го има таканаречениот super-pipe една од најголемите halfpipe во Европа, која се одржува на дневно ниво.

Тука е и една од најстрмните патеки на светот, Swiss Wall на границата Швајцарија, Франција. Во првите стотина метри  се наоѓате во дел што предизвикува најголема вртоглавица, стрмнина скоро па 90% и џумки могули што допираат до висината на половината.

Активностите поврзани со „Славков проект – Маркација на планински патеки во Северна Македонија“ продолжија и овој викенд. Повторно се работеше на Пелистер, каде беше поставен фотоволтаичен систем во планинарскиот дом „Димитар Илиевски – Мурато“, покрај Големо Езеро.

Овој дел од проектот оди чекор понатаму од уредувањето и подобрувањето на планинарските патеки. Користењето на сончевата енергија ќе придонесе за поголема енергетска независност и ефикасност на планинарскиот дом, подобри услови за негово функционирање, како и попријатен и побезбеден престој за планинарите и посетителите.

Воедно, ова е уште еден конкретен пример како планинарската инфраструктура може да се развива на одржлив и еколошки одговорен начин, особено на места каде пристапот до електрична енергија и друга инфраструктура е ограничен.

Од безбедни и добро обележани патеки до поодржливи планинарски домови – „Славков проект“ продолжува да создава конкретни промени на терен.

Активностите на Пелистер се директно поддржани од Амбасадата на Република Словачка.

Мал чекор за еден планинарски дом, но важен чекор кон поодржлива иднина на нашите планини и развој на одржливиот планински туризам.

„Славков проект – Маркација на планински патеки во Северна Македонија“ се реализира со поддршка од амбасадите на Австрија, Чешка и Словачка во Северна Македонија.

Голема благодарност до Mountain Rescue и ПСК Пелистер Битола за логистичката поддршка и придонесот во реализацијата на активностите на терен.

Скијање март Les2Alpes Франција

Период на поаѓање: 5 март 2027, враќање пристигнување во Скопје 14 март

Скијате на кровот на Европа со загарантиран одличен снег. Les 2 Alpes втор најстар ски центар во Европа после Chamonix, со 200км ски патеки на еден од највисоките глечери Glacier de Mont-de-Lans на 3600 м, патеки на кои се скија и во лето. Гратче со околу 2000 жители, сместено на 1650 метри, бројни ресторани и барови за забава во текот на целиот ден. Поседува модерната гондола која за помалку од 20 минути, носи од центарот, директно до вечниот мраз на 3.200 метри.

Les 2 Alpes е познат и по тешката црна стаза (Grand Colouire), перфектно средените долги и широки стази за сите нивоа на скијачи, одлични за вежбање и усовршување на техники. Snowpark 3200. Нуди одлични услови за скијање freeride. Посебно теренот  La Grave,  наменет исклучиво за  нив. Oмилен меѓу младата популација заради бурен ноќен живот и добри apres-ski-party. Забавата почнува околу 15 часот во Pano Bar на скијалиштето, а од 17 часот се сели во самиот град, завршува во дискотеката Avalanche до раните утрински часови (како на кого му држи).

Les 2 Alpes е грандизони пејсажи, комплетно алпско доживување кое остава без здив.

Термин на поаѓање: Петок, 22 јануари 2027 година, враќање кон Скопје 31 јануари.

Espace Killy – скијачки ресорти Val d’Isère и Tignes на Савојските Алпи еден од најатрактивните скијачки центри во Франција, Европа и светот. Тука ќе ги видите најмодерните шалети, скапи ресторани и хотели, продавници со најдобрите светски брендови и спортска опрема, рамо до рамо со луксузот во Courchevel. Најмодерните лифтови и гондоли, ресторани на 3000 метри со готвена храна и супер избор на колачи и кафе. Километарски долги патеки и скијање до 3450 метри. Неверојатно уживање!

300 км стази во зоната Val d’Isère и Tignes се само 12% од површината која ви е на распоалгање за скијање, тоа се многу територија фрирајд. Сместувањето е одма на ски патека, што би се рекло по папучи се качувате на жичара и веќе сте некаде по планината.

Покрај рестораните и барови , во близина на апартманите има и маркети каде во секое време можете да набавите свежа храна и пијалоци по пристапни цени.

Патеки за сите генерации и нивоа на скијачи како и додатни 44км за cross country скијање. Espace Killy идеален за секое ниво на скијачи/бордери, без разлика дали сте почетник, рекреативец или напреден скијач/бордер. Терените се протегаат во опсег од 1550м до 3456м надморска височина, а добрата поврзаност на стазите овозможува непрекинато скијање од огромни дистанци без потреба од конекција со достапни ски лифтови или жичари. Двата глечера Pissaillas и Grand Motte овозможуваат уживање на скијачките терени дури и во летните денови. XXL SuperPipe, најголем halfpipe во Франција. Долг 190м, 19м широк, 7 м висок.

Центарот располага со разни содржини (ски паркови, базени, спа, сауни, лизгалиште, санки со кучиња ) неповторливите секојдневни забави во познатиот ланец барови La Folie Douce. Услуги кои го прават центарот премиер место за зимски одмор и забава.

Val d’Iser, ултра модерно скијалиште, сместен на 1800 м. Шармантен амбиент, скапи хотели и ресторани, продавници со светски брендови,  најмодерната скијачка опрема. Прекрасен поглед кон глечерот Grand Motte. Многубројни ресторани, продавници,маркети, дневни и ноќни барови, клубови, кино, затворен базен и природно лизгалиште.

Tignes, сместен покрај заледено езеро на 2100 метри. Познат и по најдобрите off патеки во Европа. Дури постои СПОТ зона за едукација и вежбање за скијање на off патеки. Се состои од 3 населби: Val Claret, Le Lac i Le Lavachet поврзани со бесплатен ски бус. Дополнителната понуда е заокружена со модерен  wellness  центар и базен со бесплатен влез за иматели на skipas Espace Killy. Делот Val Claret каде што е сместувањето е идеално лоциран, со ski IN-ski OUT сместување и во непосредна близина на возот кој вози до глечерот Grande Mote.  Секако не изостанува богата ноќна програма за сечиј вкус. Најдобрите ноќни клубови се Deep во Le Lac и Melting Pot во Val Claret.