Концептот на мал туризам за прв пат беше воведен од британската креативна платформа It’s Nice That, а популарноста се вклопува со зголемената потреба патниците да избегнуваат гужви и да пронајдат поавтентични искуства.

Зошто расте интересот за мал туризам?

Наместо да се фотографираат најпознатите локации што станаа вирални, малиот туризам го префрла фокусот на секојдневниот живот. Идејата е да се запознае дестинацијата преку нејзините мали, обични и често занемарени детали.

Секојдневните активности стануваат туристичко искуство

Tiny туризмот следи неколку нови трендови во патувањето – од посета на странски аптеки до купување секојдневни производи во локалните продавници. Според Opodo Traveller Hacks 2026, одењето во супермаркет стана речиси исто толку вообичаено кај британските туристи како и одењето во ресторан. Поентата е активностите што се дел од секојдневниот живот за локалното население да се претворат во начин за запознавање на дестинацијата. Ова може да биде одење во супермаркет, посета на локални градинарски центри, пробување нови вкусови, локална аптека, пазарување во продавници за половна стока, разговор со локалното население и барање препораки.

Социјалните медиуми водич за тоа што да се избегнува

Еден од поинтересните аспекти на концептот на мал туризам е неговата врска со социјалните медиуми. Локациите што стануваат вирални на TikTok, Instagram или други платформи честопати привлекуваат огромен број посетители. Затоа, малиот туризам зазема спротивна позиција: виралната содржина може да биде еден вид водич за тоа каде да не се оди.

Од сувенири до секојдневни детали

Малиот туризам ја менува и идејата за тоа што може да биде сувенир. Може да биде необичен производ од супермаркетот, локално списание, тетратка, специфична закуска или предмет пронајден во продавница за половна стока.

Дали е доволен малиот туризам?

Малиот туризам не значи дека треба целосно да ги елиминирате познатите знаменитости. Неговата најголема вредност можеби лежи во потсетувањето на патниците дека дестинацијата не е само она што е на туристичките мапи. Најдобриот пристап може да биде комбинација – посета на неколку од најважните атракции, но оставање малку време за истражување на секојдневниот живот, малите улици, локалните продавници, населбите и искуствата што не се создадени исклучиво за туристи. Во оваа смисла, малиот туризам не е нужно замена за класичното патување, туку нов начин на гледање на дестинацијата. Понекогаш најдобриот дел од патувањето не е она што е на насловната страница на туристичкиот водич, туку она што е…

Словенија бележи силен раст на кампинг туризмот, бројот на ноќевања е двојно зголемен за 15 години

Кампувањето во Словенија станува сè попопуларен одмор. Според Заводот за статистика на Словенија, бројот на ноќевања во камповите се зголемил од 1,25 милиони во 2010 година на нешто над 2,5 милиони во 2025 година. Растот е првенствено резултат на поголемиот број странски туристи кои ја избираат Словенија за престој во природа.

Додека бројот на ноќевања од домашни гости остана во голема мера стабилен, на околу 600.000 годишно, бројот на ноќевања од странски туристи речиси се зголемил за трипати, на приближно 1,9 милиони во 2025 година.

Словенечките кампови имаа речиси 34.000 кревети минатата година. Повеќе од половина од капацитетот e лоциран во два статистички региони: Горењска, со 27 проценти, и Горишка, со 24 проценти. Овие податоци укажуваат на важноста на алпските региони и западниот дел од земјата за развојот на кампинг туризмот, особено благодарение на природните атракции и можностите за активен одмор.

Странските гости учествуваа со три четвртини од сите ноќевања во словенечките кампови во 2025 година, додека уделот на домашните туристи беше една четвртина. Меѓу странските пазари, особено се издвојуваат Германија, Холандија, Австрија, Чешка, Полска и Италија. Гостите од овие шест земји учествуваа со вкупно 74 проценти од странските туристи кои ноќеваат во камповите.

80 проценти од сите ноќевања во 2025 година биле остварени помеѓу јуни и септември, при што јули и август се најпосетуваните месеци.

Според податоците за потрошувачката на странските туристи, просечната дневна потрошувачка била 63 евра по лице. Во просек, тие трошеле 27 евра дневно за сместување во камп, што сочинувало 43 проценти од вкупната потрошувачка, додека преостанатите 36 евра отишле на други трошоци за време на престојот.

Растот на кампинг туризмот отвора простор за понатамошен развој на понудата што ги комбинира природата, активните одмори и локалните искуства. Словенија веќе привлекува голем број гости од европските земји во овој сегмент, а речиси двојно поголемиот број ноќевања во споредба со 2010 година покажува колку се променил интересот на туристите за овој вид патување.

Анхоч ја проширува својата малопродажна мрежа со нов продажен салон во Џевахир Мол во Скопје, кој официјално ги отвори вратите за посетителите на 15 октомври 2026 година.

Отворањето на новата локација е дел од континуираното унапредување на продажното искуство на Анхоч и потребата на купувачите да им се понуди повеќе простор за избор, подобра презентација на производите и можност технологијата да се види и почувствува одблиску.

Од Бисер во нов и поголем простор – досегашниот Анхоч Бисер се сели во Џевахир Мол, со што клиентите од овој дел на градот добиваат нова и поголема Анхоч локација.

Во исто време, на располагање останува и Анхоч Action во Capitol Mall.

Во тек се подготовките и уредувањето на просторот каде што ќе биде поставена скијачката лента. Следуваат монтажата и подготовките за нејзино ставање во функција во претстојната зимска сезона,каде што благовремено повторно ќе бидете известени за секое нејзино унапредување до реализација.

Со поставувањето на лифт лентата децата и оние неикусните скијачи полесно ќе се качуваат без ризик од повреди.

Петок 1 јануари 2027 , враќање во Скопје 10 јануари

Петок 8 јануари 2027, враќање во Скопје 17 јануари

Val Thorens дестинација “Со еден удар четири центри, и тоа кој од кој”. Оваа сезона стартуваме со самиот почеток на новата година, 1 јануари. Период кога можете да ги уживате новогодишните украси, прослави и амбиент.

Една од највисоките ски населби во Европа, дел од Три Долини (Les Trois Vallées) + Orelle . Les Trois Vallées  ги покрива и елитното прибежиште луксузниот Courchevel и Méribel, кои заедно ја сочинуваат една од најголемите ски зони во светот со над 600 километри ски патеки (ќе се изгубите). Ски патеки кои се протегаат на висина од 1100 до 3250 метри.

Сместена во огромна природен цирк, создаден од 6 глечери, Val Thorens нуди голем број патеки во сите правци каде што ќе посакате да го бркате сонцето во текот на целиот ден. Val Thorens е познат по квалитетот на снегот и фрирајд скијањето. Центарот нуди секаков тип скијање, бордер крос, фрирајд , снежни парк зони, понуда која ги задоволува сите сетила. 90% од ски зоната се наоѓа над 2.000 метри, центарот нуди одлични услови да уживате во турбо брзина.

Сместувањето е во рамките на самата ски зона, лифтовите се пред врата. Населбата овозможува да уживате во исклучителни погледи, грандиозниот поглед на легендарниот Glacier de Péclet или Cîme Caron гондолата која носи на 3200 метри до “најубавиот поглед во Алпите”, според Зелениот водич на Мишелин: 360 ° панорамски поглед на повеќе од 100 алпски врвови (француски, швајцарски и италијански).

Повеќето патеки се свртени кон север и северозапад, обезбедувајќи добри услови на снегот. Падините не се толку сончеви, така што одморалиштето има тенденција да привлече поголема заинтересираност за скијање отколку “дремење на сонце”. Сепак, населбата е свртена на југ, па многу луѓе уживаат да седат надвор на сонце кога завршуваат со скијање.

Val Thorens е домаќин на бројни светски натпревари од висок ранг и е најпосетуваното меѓународно скијачко одморалиште во Франција. Над 70% од посетителите се странци, доминираат британските, скандинавските, белгиските, холандските и германските туристи и замислете пар автобуси Македонци.

Детали за турата: Апартманите и студијата се наоѓаат во различни резиденции/згради по должината на целата населба.

Патувањето е со високо комфорен автобус директно од Скопје. Во цената е вклучено, 7 ноќевања во Val Thorens, 6 дневен ски карта за патеките на Val Thorens/Orelle (150 км стази), се доплаќа 45 евра за full ski pass Les Trois Vallées во кои влегуваат сите центри вклучувајќи ги, Courchevel и Méribel. За време на целиот престој стоиме на располагање за асистенција со цел патувањето да биде поспокојно.

VAL THORENS 01. Januari 2027 симни целосен агенциски програм за турата

VAL THORENS 08. Januari 2027 симни целосен агенциски програм за турата

Повеќе од 15.000 европски хотели бараат отштета од Booking.com, тврдејќи дека договорните правила на популарната платформа за резервации со години ја ограничувале конкуренцијата и им оневозможувале да нудат пониски цени преку сопствените веб-страници.

Зошто хотелите го тужат Booking.com?

Спорот се однесува на таканаречените клаузули за паритет на цените, со кои платформата во минатото им ограничувала на хотелите да нудат пониски цени преку сопствените веб-страници или други канали за резервација.

На пример, ако хотел нудел соба за 100 евра преку Booking.com, не смее истата соба да ја понуди за 90 евра на својата веб-страница.

Хотелиерите тврдат дека ваквата практика ја ограничувала ценовната конкуренција и ја зголемувала нивната зависност од големите платформи.

Европскиот суд веќе се произнесе за спорните клаузули

Важен момент во спорот беше одлуката на Судот на правдата на Европската Унија од септември 2024 година, поврзана со клаузулите за паритет на цените што ги користат платформите за хотелски резервации.

Судот оцени дека ваквите ограничувања не можат автоматски да се сметаат за неопходни за функционирањето на платформите и дека можат да ја ограничат конкуренцијата.

Сепак, оваа одлука не значи дека со неа е утврдена конкретната отштета што им следува на хотелите. Тоа е прашање што треба да се разгледува во соодветните постапки.

Booking.com ги отфрла обвинувањата

Од Booking.com ги оспоруваат тврдењата на хотелиерите, наведувајќи дека платформата им помага на хотелите, особено на помалите , да стигнат до милиони потенцијални гости ширум светот.

Компанијата смета дека услугата им овозможува на сместувачките капацитети да привлечат клиенти без да мораат самостојно да вложуваат големи средства во маркетинг и меѓународна промоција.

Booking.com повеќе не ги применува клаузулите за паритет на цените во Европската економска област, но спорот за евентуалната штета од нивната претходна употреба продолжува.

Дали платформите имаат преголема моќ врз туристичкиот пазар?

Случајот отвора поширока дебата за влијанието на големите дигитални платформи врз туристичката индустрија. Иако тие им овозможуваат на хотелите да допрат до меѓународна публика, зависноста од посредници може да влијае врз нивните трошоци и деловната независност.

Booking.com е опфатен и со посебните европски правила за големите дигитални платформи, познати како Законот за дигитални пазари.

Реконструкцијата на столбот 4 од ски-лифтот К7, кој беше поткопан во пролетта 2024 година ќе биде завршена до почетокот на сезоната, ветуваат изведувачите.

„Скијачките центри Колашин 1600 и Колашин 1450 ќе имаат унифицирана ски-карта. Преговорите се во тек и дозволете ми да кажам дека цената што ја предлагаат црногорските ски-центри е дека ски-картата за двата ски-центри, односно за околу 45 км патеки, ќе биде 40 евра. Ски-центарот Колашин 1600 ќе има ски-карта само за инфраструктурата што ја има, а цената ќе биде 30 евра“, вели Бојана Меденица, директорка на црногорските ски-центри.

Спојувањето на ски-центрите не значи дека Колашин, и покрај одличните патеки и инфраструктура, ќе биде конкурентен со ски-центрите во регионот. Причината е вештачкиот снег, кој нема да биде достапен на Бјеласица ниту оваа сезона.

А дали ќе има скијање на дури 45 км патеки оваа зима, сепак ќе зависи исклучиво од снежните врнежи.

Сите знаеме колку е важна храната и водата за хидрирано тело, некои не можат да одолеат на гурманскиот комфор, па и во планина носат изобилие на храна која претставува дополнителен простор и тежина. Во сооднос со останатата опрема и простор во ранецот, добро е да имаме филтрирана, претходно спремена и практична храна.

Со цел да ги имате на располагање сите вкусови, наполнете ја вашата кутија со ефикасна храна:

– Мешавина од суво грозје, брусница, табла црно чоколадо, енергетски чоколади, барови или гелови

– Мешавина од јаткаста храна како лешник, бадем, орев, кикирики, семки од сончоглед, тиква, високо енергетска храна кои во комбинација со сол добро ќе ве закрепнат од дехидрирањето кога телото бара соли како резултат на многу потење.

– Парче кашкавал стои повеќе од што мислиме и е добро да се комбинира со двопек, кекс или тортиља тесто.

– Варено јајце, малку тестенини, помешани со свеж зеленчук се супер оброк при голема пауза на планина. Ќе ви ја освежат енергијата, а нема да ви прават потешкотии во стомакот при понатамошно движење.

– Мала конзерва со риба обезбедува здрави протеини

– Парче свежо овошје (лимон, портокал, ананас, банана, сливи)

– Претходно исчистени и средеи свежи парчиња на зеленчук (морков, краставица, кромид, лук, цвекло, патлиџан, пиперка)

– Течности, преферирајте ладна вода, термос со топол чај при активности во студени региони. Секогаш внимавајте на добра хидратација и баланс со електролити затоа што при голем напор и многу потење се губат значителни количини на натриум и калиум. Многу спортски пијалаци содржат натриум хлорид или калиум хлорид и шеќер за да се обезбеди вашето тело со екстра енергија.

Сета оваа храна обезбедува доволно енергија која е потребна за физички напор, а количината што треба да ја понесете зависи од вашите потреби и бројот на саати или денови во планина.

Деценија наназад за летни денови многу аутдор компании почнаа да продаваат и планинарски ниски чевли или патики како сакате наречете ги. Тие во основа имаат слични својства во делот на стапалото како и високите модели. Тврд вибрам ѓон, стабилно стапало, не се виткаат лесно, засилени странични ѕидови, полесни се од стандардната планинарска чевла, отпорни на вода, делуваат посвежо и не генерираат толку топлина.

Планинарските патики сепак имаат повеќе недостатоци во однос на класичната планинарска чизма. Високите планинарски чизми го заштитуваат горниот дел од стапалото, зглобот од извиткување и други повреди, полесно симнувате надоле, полесно сте заштитени од разни треви и ситни гранки, инсекти, заштита од вода и сите оние работи кои ги има во изобилие во високогорството, а можат да ви прават проблеми. Кога сте високо на планина, проблеми не ви требаат.

Настрана од искусните планинари и планинарски тркачи кои за потребите на брзинско искачување користат засилени крос патики, во стандардното планинарство препорачливо е движење со високи планинаркси чизми.

Планинарските патики се добри и ги препорачуваме, а и ние ги практикуваме за долги пешачења и планини кои немаат стрмен нагиб, сипар , за терен кој покрива шумски појас, ливади и благи врвови и патеки до 2000 метри каде што веќе постои добро маркирана и формирана планинарска патека или макадам пат. Тие се многу корисни и при возење планински велосипеди, каде ќе бидете заштитени од влага и влијанијата на суровиот терен, цврсти се за притисок на педаља и макадам патеки во природата.