ආකාස හීන

මර්වින් සහ බාලා මැරූ සංවේදී මිනිසුන්ට අපේ උත්තමාචාරය.....!

2012-02-16T05:34:00.001Z

පෙරේදා පාරේ පිච්චුණ එකෙක් සහ ඊයේ වෙඩි කෑ එකෙක් ගැන රට පුරා උන් කෑ ගැසීමට පටන්ගෙන ඇත.
කෑ ගහන උන්ගෙන් මට අහන්න ඇත්තේ ප්‍රශ්න දෙකකි.
01. කෑ ගහන්නේ අහවල් මඟුලටද?
02. තව කී දවසක් කෑ ගහන්නද?
කියාය.

අද නැත්නම් හෙට තමා හා බිරියගේ නමින් හැඳින්වුන ඕකිඩ් මලත් රැගෙන අප රජතුමා මෙරටට එනු ඇත. කටුනායක ඩී. ඒ රාජපක්ෂ ගුවන් තොටුපලේ එලා ඇති ඉරාන තාර මත දණ ගසා එය සිඹිණු ඇත. පෙරදා වූවාක් මෙන් එසැනින් නුඹලාගේ දුක් නිවෙනු ඇත.

එතෙක් කට වසානොගෙන උද්ඝෝෂණ කිරීමෙන් නුඹලා කරන්නේ ඇතැම් ප්‍රාදේශීය සභා මන්ත්‍රීවරුන්ගේ රස්සා නැතිකිරීම හා වයසක වාසු වැන්නවුන්ගේ ප්‍රෙෂර් නැග්ගීම පමණි. මන්ද රජතුමා පැමිණ ෂෝටක් ගසා හලාවත වැල්ලේ ඇවිද, මැරිච්ච බාලාගේ පොඩි උන් දෙන්නාට රජ මැදුරෙන් කෑම වේලක් දුන් පසු සියළු ගැටළු විසඳෙන හෙයිනි.

මැරිච්ච උන් දෙස බැලූ විටද වෙඩිතැබූ කරුවල අඳුන ගාගත් හාදයා ( කටුනායකදී රොෂේන් නම් ගංජා කාරයාටද, කොලොන්නාවේදී භාරත නම් කසිප්පුවාටද වෙඩිතැබුවේ මොහුමය) රටට කර ඇති සේවය එමට පෙනේ.

පුච්චා දැමූ කුඩු මර්වින් කොළඹටම කුඩු බෙදූ එකාය. ඌ මැරූ පසු තවත් නම් කුඩු බෙදන්න එකෙක් නැත. ආයේ හැදෙන්නේත් නැත. කොච්චර ගෙන්නුවද බෙදන්න එකෙක් නැති කල කුඩු නැති වන්නේය. ඌ පිච්චූ එකාට උපහාරය පිදිය යුත්තේ එහෙයිනි.

ඔළුව හිල්වෙන්නට වෙඩි කෑ බාලා ද එසේ මෙසේ එකකු නොවේ. විකෘති කාමාශාවන්ගෙන් පිරි අයෙකි. ගැහැනුන්ගේ පියයුරු හපා කෑමට දැඩිසේ ගිජු අයෙක් වන මොහුගේ ගැහැට ඉවසිය නොහැකිව බිරිඳද ගිය මාසයේ රට ගොස් ඇත. ( සල්ලි නැතිකමට ගියාය යනු පට්ට බොරුවකි). ඔහු වෙඩි කෑවේ මහේස්ත්‍රාත්තුමියගේ නංගීගේ හා පොලිස් අධිකාරී තුමාගේ බිරිඳගේ පියයුරු හතරම එකවිට හපා කෑමට යත්න දැරූ අවස්ථාවේය. මෙවන් අසහන කාරයන් මරා දැමිය යුතුය. බිම දන ගසා උන් දෙසට උණ්ඩ මුදා හැරි අපේ එකාට ගෞරව බහුමානය හිමිවිය යුත්තේ එහෙයිනි.

පහතින් දැක්වෙන්නේ මා මෝරන්ට පෙර තැබූ සටහනකි. දැන් මෙහෙම එව්වා ලියන්ට තරම් මා මෝඩ නැත.
http://skydreams2010.blogspot.com/2010/09/blog-post.html

ප්‍රේම කථාවක් ......!

2012-02-03T08:43:00.001Z

ආ අක්කෙ...!
මං මේ රත්නෙ කථා කරන්නෙ. අර වසන්තත් එක්ක ගෙදර ආවෙ......?
ඔව් ඔව් පොල් එහෙම ගාල දුන්නෙ.....?

අන්න හරි! ඇමතිතුමාගෙ අක්කගෙ පුතාගෙ යාළුවෙක්ට උදව්වක් කරල තිබුණෙ !
නෑ අක්කෙ නිකං ගත්තෙ. නම්බර් එක තිබුණ නිසා.
චූටි නංගි නිදි ඇති නේද අක්කෙ..?

ආ...හා....හා....හී...හී ඒකත් ඇත්ත නේද? මහ දවල් මොන නිදිද?
ආ... නෑ ..නෑ .. නිකං.... නිකං. හී .... හී.....

ඉතිං අක්කෙ....? සනීපෙන් ඉන්නව නේද?...... ඈ....?
මොකක්....?
ඉතිං අක්කෙ බොන්නැත්තෙ මොන මිනිහද? අර හාමුදුරුවොත් කියන්නෙ ටිකක් ගත්තට කමක් නෑ කියල.... හී ... හී....!

දැන් කවද්ද අක්කෙ අන්කල්ගෙ පුට් සයිකලේට බල්ලෙක් හැප්පිලා තියෙන්නෙ?
ඊයෙද....? මලේ නෑනෙ? හරි අක්කෙ බිව්ව කියල ඒක එච්චර දෙයක් යැ? අනිත් එක අපෙ බල්ලෙක් යැ හැප්පිලා තියෙන්නෙ?
රුපියල් පනහක් විතර දීල වැඩේ ෂේප් කරගන්න පුළුවන්නෙ? අපේ සපෝට් එකක් ඕනෙ නෑනෙ?

ඈ....? චන්ඩි පාට් දාන්න කට්ටිය ගෙනාවා.
ඒ මොකාද? කෝල් එකක් දෙන්න එපායැ අක්කෙ?
අපිත් සද්ද නැතුව හිටියට අපිටත් මිනිස්සු ඉන්නවනෙ. ඔයාට කියන්න අක්කෙ දැන් මගෙ ලඟ නම්බර් එක නෑ නැත්නම් මාකට් එකේ කොල්ලෙක් ඉන්නව මහේෂ් කියල. ඌට බෝතලයක් දෙන්න විතරයි තියෙන්නෙ. “ඇයි රත්තා..... ?“ කියාගෙන එන්නෙ.

පොලිසියද...? පොලිසිය ෂේප් කරගන්න එක වැඩක්ද අක්කෙ? මං දවසක් බණ්ඩක්ක දෙසිය පනහක් වික්ක ආරක්ෂක ලේකම් තුමාගෙ ගෙවල්වලට හැරෙන වංගුව ලඟ එක්කෙනෙකුට. එයාට කියල ඕන වැඩක් කරගන්න පුළුවන්.

හරි හරි අක්කේ... උන් අල්ලන් ඉන්නෙ මන්ත්‍රීවනෙ...? අපි ඊට වඩා ගේමක් දෙමු.
මං මගෙ පැත්තෙන් බලා ගන්නම්.

අක්කලත් පොඩි වැඩක් කරන්න. අංකල්ට තමයි මේක නියමෙටම කරන්න පුළුවන් අක්කෙ.
කොලයක් ගන්නකො......

දැන් මේ ටික ලියාගන්න.
“ අඩෝ.... පොන්නසේකා.....තෝ ත්‍රස්තවාදියා..... පරයා ... උඹ චන්දෙ පැරදුණේ මං චන්දෙ දුන් නැති නිසා හරිද?
තෝ ඒ තරහට නේද යකෝ අරූගෙ බල්ලව එවල මාව හැපෙව්වෙ? අඩෝ ඔයිට වඩා බල්ලො ආව.... හරිද?
අපේ ජනාධිපතිතුමයි, ආරක්ෂක ලේකම් තුමයි ඉන්නකල් මට කාටවත් මොකුත් කරන්න බෑ හරිද? මං ඉන්නකල් ඒ දෙවිවරුන්ටත් මොකුත් කරන්න බෑ හරිද.....?“

දැන් අක්කෙ අංකල්ට කියන්න ඔය ටික කටපාඩම් කරගෙන, දෙකක් දාගෙන අරලිය ගහ මන්දිරේ ඉස්සරහට ගිහින් කෑ ගහන්න කියල. ඈ.... කුණුහරුප කියයි...? . ආ.... ඒව තමා ඕන අක්කෙ.

බයවෙන්න එපා. රෑට කෑමත් දීල එවයි. ෂුවර් අක්කෙ.

ඊලඟට අක්කෙ ඔයා ස්වර්ණවාහිනියටයි, සිරසටයි, අයි.ටී.... නෑ .. නෑ... ඔය චැනල් හැම එකටම කෝල් කරල කියන්න හෙට රටේ නිදහස් අභිමානය විනාශ කරන්න විශාල කුමන්ත්‍රනයක් දියත් වෙනව කියල.
හරි... හරී.... ඉන්න මං කියන්නම් කුමන්ත්‍රණේ. ඒකත් ලියා ගන්නකෝ....

“ හෙට නිදහස් දිනේ පොන්සේකව නිදහස් නොකිරීමට විරුද්ධව ජාතික කොඩි දාන් නැතුව ඉන්න, එතකොට එදාට නිදහස් උත්සවේ සජීවී විකාශය බලන්නැතුව වලකජු ගහන්න, ඊලඟට ජාතික ගීය වයද්දි ඉඳගෙනම ඉන්න, තව.... ආ.... පේස්බුක් ප්‍රොපයිල් පිච්චර් එක කළු කරන්න.... වගේ දැඩි ත්‍රස්තවාදී ක්‍රියාමාර්ග වලට ජනයව පොලඹවන ව්‍යාපාරයක් තියෙනවය. ඒක මෙහෙයවන්නෙ ඔය බල්ලගෙ අයිතිකාරයය “ කියල කියන්න.

මං අර යාළුවන්ටත් කියල තියන්නම්. අක්කයි අංකලුයි දෙන්නත් ඔය වැඩ දෙක හරියට කලොත් නම් අක්කෙ.... ආයෙ ෂුවර් ඇන්ඩ් සොට්.... පොලිසියෙන් නඩුවක් දානවා දානවාමයි ඔය බල්ල අංකල්ව කෑවය කියල. අපි නොදන්න ගේම් අක්කෙ.....

ආ නෑ අක්කෙ ... බිල ගානක් නෑ.... උපහාර පැකේජ් එක තියෙන්නෙ.
චූටි නංගි මතක් කලා කියන්නකො......!

බොක්කේ දඩමස් ඇත්තවුන්ගේ හක්ක කුඩුවුණොත් මෙසේය......!

2012-01-25T08:54:00.000Z

අපි සියල්ලන්ම පාහේ කටක් ඇරියොත් මාර මිනිස්සුන්ය. කිසිදා වැරැද්දක් කර නැත. කලද ඒ ප්‍රගතිශීලී අරමුණකිනි.

අපට විටින් විට අපගේ ආස්තානයන් වෙනස් කිරීමට සිදුවේ. ඒත් අපගේ ශ්‍රේෂ්ඨ අරමුණු වෙනුවෙනි. නැත්නම් ආත්මාර්ථය උදෙසා නොවේ.මේ සම්බන්ධ ඉතිහාසගත උදාහරණය දුටුගැමුණු රජතුමන්ය. එතුමා යුධ කලේ රාජ්‍යය ගැනුමට නොවේ, “ දේශය රකින්ටය“.

අපගේ කාලයේද එබඳු උතුම් පුරුෂයන් ස්ත්‍රීන් පහලව ඇත. රට දිනෙන් දින දියුණුවට යන්නේ ඒ ආනුභාවයෙනි.

නමුත් මෙබඳු උතුම් හැසිරීම් අවඥාවට ලක්කරන්නන්ද නැතිවා නොවේ. ඔවුන් පවසන්නේ මොවුන් කටින් එකක් කීවද යටි හිත වෙන අරමුණක ඇති බවය.

එවැන්නන්ගේ “ හක්කේ බුදුරැස් බොක්කේ දඩමස් “ යැයි මේ අසමජ්ජාතීහු කියති.

එසේ වෙත්නම් එසේ වෙත්වා.නමුත් අප බුද්ධිමත් ජනයා හක්කද බොක්කද හොඳින් හඳුනති. බුදුරැස්ද දඩමස්ද දනිති. දෙක පටලා නොගනිති. ( පසුගියදා ආචාර්ය මර්වින් සිල්වා මැතිතුමාද රෙද්ද උස්සා පෙන්වූයේ එයට උදාහරණයකි. ඇතැම්විට එතුමා දුටුගැමුණු ඥාතියෙක් වන නිසා විය හැක). එමනිසා කිසිවෙකුට මේ රටේදී නම් ඔය “ හක්කේ බුදුරැස් බොක්කේ දඩමස් “ තියරිය පාවිච්චිකල නොහෙන බව මට විශ්වාසය.

එසේ තිබියදී ‘ලංකා නිව්ස් වෙබ්‘ නම් අසික්කිත, තහනම් කල වෙබ් අඩවියක්, ඉතාමත් ද්වේෂ සහගත පුවතක් පල කරයි. ඒ මෙරට සිටින අවංක, කාර්යශූර, ලස්සන, අහිංසක මාධ්‍යෙවේදිනියක් වන විජයානි එදිරිසිංහ මැතිණියට විරුද්ධවයි.

ඔවුන් විසින් එම මැතිණිය විසින් කල අභීත හෙලිදරව්ව හඳුන්වා ඇත්තේ, ‘පච විජයානිගෙන් තවත් අධෝමුඛ වාතයක් ‘ ලෙසය. ඇගේ දේශප්‍රේමීකම ඔවුන් හෑල්ලුවට ලක්කර ඇත්තේ පහත පුවත ලියූ නිසාය.

රටින් පැන්න මාධ්‍ය නඩය රටට එරෙහි කුමන්ත්‍රණයක

* ප්‍රහාරයකට ආරක්‍ෂක අංශ පෙලඹවීමේ උත්සාහයක් * මුදල් දී රවටා ජනතාව සහභාගි කරවීමේ තැතක් - විජයානි එදිරිසිංහ
කොටි හිතවාදී රාජ්‍ය නොවන සංවිධාන මෙම උද්ඝෝෂණයේ සියලු විය හියදම් දරන අතර මෙහෙයවන්නන්ට ලක්‍ෂ ගණනින් මුදල් ගෙවා ඇත.

දේශහිතෛශී ජනතාවනි, මෙබදු අවලම් වෙබ් අඩවි වලින් රට රැක ගැනීම උදෙසා සැවොම දැනුවත් කරන ලෙසත්. ඒ වෙනුවෙන් මේ සටහන හැකිතරම් බෙදා ගන්නා ලෙසත් ඉල්ලා සිටිනු කැමැත්තෙමු.

කොටි විරෝධී විජයානි එදිරිසිංහ මැතිණියට ජයවේවා.........!

ප.ලි: කවුරුන් හෝ මා ඉහත කී ලස්සන, අහිංසක වැනි විශේෂණ එතුමියට නොගැලපේ යැයි සිතන්නේ නම්, එතුමියගේ ඡායාරූපයක් මෙතැනින් නරඹා සැක හැරගත හැකිය.

කොටි කචල්ලෙක ගැන සදහම් පනිවිඩයක්

2012-01-08T15:01:00.001Z

ආයිබෝං කිව්වා. ඇතැම්විට ඌගුල්ලො මං ගැන ආල නැත්තං මේම හිතාගන්ඩ. මං ඇවිල්ලා දැනටමත් සෑහෙංඩ ජනප්රිය පොරක් හරිය? ඇත්ත වසයෙම්ම ඔය දේසපාලනේ ගැන මාර විදිහට ප්‍රමානාත්මක දැනුමක් තමයි මට තියෙංනෙ. වැඩේ කියන්නෙ එක උගුඩුවෙක්කත් ඕක පිලිගන්නෑනෙ.

රයිට්. ටොපික්කෙකට.

මේ ලගදි බුකියෙ ගිය වලියකදි මං මේම අලුගුත්තේරු කතාවක් කිව්වා.

"කොටිය උපංනෙ මේ රටේ. උං මලේ මේ රටේ. මහ කොටිය මලෙත් මේ රටේ. උං මේ රටට අයිති. ඒ අයිතිය වෙනුවෙං මං ඉන්නවා."

ඕකෙ ඉතිං අහවල්ලෙකක් හෝදංඩයැ. කොටිය බැයිනං දේවදත්තයා. මේකෙ උපන්නනං ඌ අපේ තමයි. නැතුව අපිට බෝම්බ තිබ්බෙ පිටසක්වල එවුංයැ?

ඊට පස්සෙ තියෙන ගොංකොමට මේමත් කිව්වනෙ.......

"උං ගේම ඉල්ලුවා. සාම්බාරු වෙලාම යංඩ දුන්නා. හරි හෝ වැරදි. දැං ගනුදෙනු ක්ලොස් හරිය?"

ඉතිං ඕකට අපේ එක සඕදර සෑර් කෙනෙක් ඇ‍ඬෙන රිප්ලයියෙකක් දුන්න බොසාලා. මෙන්න මේම.....

"ගේම ඉල්ලුවා ගේම සාම්බාරු වෙන්න දුන්නා කියන එකේ මෙන්න මේ ටිකත් තියෙනවා.

- ආයිත් ගේම ඉල්ලන්න ඉඩ ඇත.

- ගියපාර වගේ සාම්බාරු දෙන්න කල්මැරීමෙන් ජීවිතට් දෙපොලත් යන දෙකම නැතිවේ.

- [උඹලා වගේ ජාති හිතයිශියෝ නිතර අපට අනතුරු හඟවන පරිදි] අරක මේක නොදුන්නොත් ආයිත් ගේම ඉල්ලනු ඇත.

- එනයින් ගේම හා සාම්බාරු සමාප්ත වුවද චැප්ටරය ක්ලෝස් වී නැත."

මල මගුලයි. ඇඬුන ඕයි.

ඉතිං මේ උතුං පෝය දවසෙ මං ඕක ටිකක් ධර්මානුකූලව හිතලා මෙන්න මේම සදහම් පනිවුඩයක් ඒ සෑර්ට ඇරියා. සමාරවිට ඒ සෑර් යම් මාර්ගපලේකට පත්තුනාද දන්නෙත් නෑ. හෙට වෙද්දි බඩු පොලිත්තෙක්ක හම්බෙයි.

මෙන්න ඒ අගනා සදහම් පනිවිඩේ............

"පිංවතුනි, අද මේ උතුම් පෝය දවසෙ මං අරමුනු කොරගන්නෙ අපේ හිතවත් (අහවල්) උපාසක මාත්තයගෙ ධර්ම පාටයක්....

//අනික තමා. ගේම ඉල්ලුවා ගේම සාම්බාරු වෙන්න දුන්නා කියන එකේ මෙන්න මේ ටිකත් තියෙනවා.

- ආයිත් ගේම ඉල්ලන්න ඉඩ ඇත.

- ගියපාර වගේ සාම්බාරු දෙන්න කල්මැරීමෙන් ජීවිතට් දෙපොලත් යන දෙකම නැතිවේ.//

දැං පිංවතුනි, මං ඩොට්ටස් බුවෙක් නොවෙන හිංදා මේ ලෙඩේ නම එකපාරටම කියන්ට අමාරුයි. නමුත් පිංවතුනි අපේ ගොඩවෙද්දුනං කියන්නෙ ගිනිපෙනෙල්ලෙං කාපු උං කලාමැදිරිංට බයයි වගේ හරුපයක්.

දැං පිංවතුනි අපේ කෙහෙලිය ඇමතිතුමා ප්‍රමුක මහිංදලා/ගෝටලා කස්ටිය එකතුවෙලා ගරු හමුදාපති ජගත් ජයසූරියගෙ පුදානත්වයෙං අම්බ මානසික (සොරි - මානුසික) මෙහෙයුමක් කොරලා කොටිංට දුකෙං පුං යන්ඩ දුන්නනේ. කියංඩ පිංවතුනි දැන්නං මතක්කොලත් ආතල් බේරෙන මාර ඇඩ්වෙංචරස් සීසං එකක් ඒක.

ඉතිං පිංවතුනි ඕම දෙමලා හාංචිපයිස් වෙංඩම දුන්නත් පෘතක්ජන ස්වබාවෙ හිංදා හිතට මදි. ඉතිං හිතෙන්නෙම මුං තාම ගේමෙ කියලා. සංසාරෙ දුකයි පිංවතුනි.

ත්‍රස්තවාදියා හැදෙංනෙ පෙර අකුසලකර්ම ඔලිං නෙමේ පිංවතුනි. ඌ හැදෙංනෙ දේසපාලනෙං. කියංඩ දුකයි පිංවතුනි. ඒත් ඇත්ත. දෙමලගෙ දේසපාලනේ අහවරයි. අර උතුම් මානසික මෙහෙයුමෙං ඒ නයිං පාර ඕපං කොරලා අබාන්ස්සෙකයි සිංගර්රෙකයි යුනිලිවර් බුවාලයි අනික් මුදලාලිලා ටිකයි උතුරට සැපත්කොලාට පස්සෙ එහෙ එක බල්ලෙක්වත් මරාගෙන මැරෙංනෑ පිංවතුනි. ඒක තමයි ලෝක නියාම දර්මෙ. තව අවුරුදු හතාටක් ඕම්ම ඉවසං ඉන්ඩ පිංවතුනි. දකුනේ අපි වගේම රටට හෙනගැහුවත්, ආතල් දෙන එකාට කතිරෙ ගාල සුපර්ස්ටාර් බලල බුදියගන්න අමන කාලකන්නි සහෝදර හැත්තක් උතුරෙං කලඑලි බහී. අනේ එතකංවත් අවුරුදු තිහක් හිරකොරලා හිටපු උංට නිදහසේ හුස්මක් අරං කටක් ඇරල කතා කොරල නිදහසේ ඇවිදල කොරල දැංවත් ජීවිතේ විදින්ඩ අයිතියක් තියෙනව කියල මේ පෝය දවසෙවත් හිතාගනිල්ල යකුනේ........"

__________________________________________

ප/ලි

අඩෝ අපිත් දැං බ්ලොග් ලියනවා හරිය?

ආණ්ඩුවට, විපක්ෂයට හා 'බුද්ධිමත්' ජනයාට ප්රිශ්න කිහිපයක්

2011-07-02T17:00:00.001+01:00

අදාල පාර්ශවයන්ගේ බුද්ධිමට්ටම පිලිබඳ සලකා බහුවරණ ප්රදශ්න ඉදිරිපත්කර ඇති බව කරුණාවෙන් සලකන්න.

1. බී.ටී. අයි. බැක්ටීරියාව කෝ?
අ. එහෙම එකක් තිබුණද?
ආ. තියෙනවා. ඇයි මොකද අහන්නේ?
ඇ. ක්ෂුද්රක ජීවීන් මත යැපීම අපි වගේ ජාතියකට හොඳද?
ඉ. ඒක ඉස්සනම් පහුගිය දවස්වල දඩවලින් හොයපු සල්ලි දෙන්නෙ උඹෙ ....ද?

2. නාථ දෙයියන් සමඟ සාකච්ඡාකර ප්ර ගීත් එක්නැලිගොඩව හොයාගන්න බැරිද?
අ. කවුද ප්ර්ගීත් එක්නැලිගොඩ?
ආ. දෙයියො මේ දවස්වල කාර්යබහුලයි.
ඇ. සම්යයයක් දෘශ්ඨික දේවතාවුන් ඔය වගේ ත්රාස්තවාදීන් ගැන බලන්නෙ නැහැ.
ඉ. මිනිහ හැංගිලා. අපි ලඟදිම විද්යාේත්මකව මිනිහව එලියට ගේනවා.

3. සරත් ෆොන්සේකා වෙනුවෙන් පාරට බස්සනවා කියූ ලක්ෂ ගණන් ජනතාව කෝ?
අ. ඒ වැඩේ අපි අතෑරල නෑ.
ආ. ඊලඟ ජනාධිපතිවරණෙට තව කොච්චර කල් තියෙනවද?
ඇ. හා..පෝ... එතුමගෙ සෞඛ්ය? තත්වය දුර්වලයි. සෙනඟ දැකල හාට් ඇටෑක් හැදුණොත් එහෙම.
ඉ. අනේ මන්ද? අපි නම් ලෑස්තියි. ඒත් ජනතාව?

4. සිරසට බෝම්බ ගැසූ රවි කරුණානායකගේ ගෝලයාටත් උපවාසවංශගේ ගෝලයාට පගා දුන් අයටත් මොකද වුණේ?
අ. මේ රටේ හැමතැනම දූෂිතයි. ආණ්ඩුව අපි අතේ තිබිලත් සාධාරණය කරගන්න බැහැ.
ආ. උන් ආවාවෙකො චන්දෙ ඉල්ලන්න. එදාට අපි ඒ කේස් ටික අදිනවා.
ඇ. මොනවද දොඩවන්නෙ. ලංකාවෙ කවද්ද ඔහොම කේස් වුණේ.
ඉ. ඇහුන්නෑ...

5. චැනල් හතර වීඩියෝවේ බලබිඳි සෙන්පති තුමා එහි අවසන් විනාඩි කිහිපයේ දැක්වෙන දර්ශන ගැන කීවේ මොනවාද?
අ. එතුමා එතැනට ගියේ ඒ ටික පෙන්නන්න කලින්.
ආ. "...කල තියෙන්නෙ. මුන් හොරෙන් කැමරා ෆෝනුත් බංකරවලට ගෙනල්ලනෙ"
ඇ. ඒක රාජ්යි ආරක්ෂාවට සම්බන්ධ ප්ර්ශ්නයක්.
ඉ. ..ගෙ පුතා. තෝ දන්නවද කවුරු ගැනද අහන්නෙ කියල? තමුසෙගෙ නම කියනවා. ගම කොහෙද?

6. මේ දවස්වල නින්ද යනවද?
අ. ඇයි අපිට නින්ද නොයන ලෙඩක් තිබ්බද?
ආ. ඇයි සැකද?
ඇ. ඇයි උඹට සදහටම නිදාගන්න ඕනද?
ඉ. ඇයි කවුරුත් අපිව ඇහැරෙව්වද?

7. ......

ආසනික්, ඩෙංගු, චැනල් 4, අලවේට්ටි, තහනම් උත්තේජක, කුඩු පොළු, කැම්පස් හා ආශ්චර්යය........

2011-06-21T01:52:00.001+01:00

ලොකු ටෝක් ඇවැසි නැත.
අසන්නට ඇත්තේ සරල ප්‍රශ්න දෙකකි.

මුන්ට පිස්සුද?
නැතිනම් උන් වටේ නටන රටට පිස්සුද?

Cause and Effect : හේතුඵල වාදයට නූතන සාක්ෂි

2011-06-13T16:30:00.000+01:00

සාක්ෂි අංක 01:

හේතුව
කුඩු ජාවාරම පිටුපස දේශපාලඥයෙක්….
ලංකා ඊ ලින්ක්
ලංකා ඊ නිව්ස්

ඵලය

සාක්ෂි අංක 02:

හේතුවක්
කරදියවර මංගල්‍යයේ වියදම කෝටි 3යි

ඵලයක්

ඒ විගඩම් නඩුව අවසානයේ දඩුවම් නියම කරන ලද්දේ ය : Posted on April 2, 2010 by beyondframe

2011-04-23T17:07:00.000+01:00

හදිසියේම ජනප‍්‍රිය මතය ඔහුට එරෙහිව ගියේ ය. ඔහුගේ සගයෝ ඔහු හැර ගියෝ ය. ඔහු සතුරන් වෙත බාර දෙන ලද්දේ ය. ඔහුට විරුද්ධව නඩු පැවරුණු අතර නඩුව රැවටිල්ලක් ද කෝලමක් ද විහළුවක් ද වූයේ ය.
නඩුව අසන වාරයේ විනිසුරුවරු ඔහු සතුව තිබු එකම දේපල පරදුවට තබමින් සූදු කෙළියේ යෙදුනෝය
ඒ විගඩම් නඩුව අවසානයේ දඩුවම් නියම කරන ලද්දේ ය.
මෙ කතාවෙ කතා නායකයා සරත් ෆොන්සේකා නොවෙ. දේශපාලන බ්ලොග් අඩවියකට ඇති ප‍්‍රශ්නය එයයි. කියා ගෙන යන විට එයින් මතුවන්නේ ම දේශපාලන පින්තූරයකි.
අප කීවෙ අද මහ සිකුරාදා ඒ නියම කරන ලද දඩුවම අනුව කුරුසියේ ඇණ ගසා මරා දැමුණු ජේසුතුමන් ගැන ය.
ඉතිහාසය පුරාම විහිළුකාරයෝ විනිසුරු අසුන්වල ඉඳගෙන උන්හ. බොරු නඩු නිමිත්තක් ගෙන නිසරු නඩු ඇසීමකින් පසු තකතිරු තීන්දුම දුන්හ.
එය දෙවියන්ගේ දේවදූතයා සම්බන්ධයෙන් වත් වෙනස් වූයේ නැත.
එහෙව් ලෝකයකින් සාධාරණ නඩුවිභාගයක් පතන චුදිතයින්ට අපි අනුකම්පා කරමු. ඊට වඩා කුමක් නම් කරන්න ද?
අපට කියන්නට ඇත්තේ ඒ විගඩම් නඩුව අවසානයේ ද නොකළ වරදකට දඩුවම් නියම කිරීමට නියමිතව ඇති බව ය.

ප.ලි:
මේ සටහන මගේ නොවේ. beyondframe නම් අයෙකුගේය. ඔහු කවුදැයි මා නොදන්නා අතර පසුගිය ජනවාරි 11 දායින් පසු ඔහු සටහනක් තබා නැත. මා මෙය උපුටාගත්තේ මහ සිකුරාදාවට අදාල නිසා පමණි.
ඒ හැර කිසිදා ජුදාස්ලා බිහි නොවන මේ උතුම් දීපයෙහි ජේසුට අලගු තියන්නට තරම් හෝ එකෙක් තැනෙනු ඇතැයි මා කිසිදා නොසිතමි.

උපවාසවංශට ගඩාපි වැහීම හා එකට සරනා ගිජුලිහිණියෝ.......

2011-03-24T13:34:00.001Z

ලිබියාවේ වෙමින් පවතින දෙය කුමක්දැයි හරියාකාරව නොදනිමි. නමුත් සිද්ධියට ගඩාපි සහ පුත්‍රසමාගමේ පොරටෝක් හා උන්ට එරෙහිවන්නන් කෙරෙහි දියත් කෙරුණු මර්ධනය සෑහෙන දුරට වගකිවයුතු බව මගේ වැටහීමයි. එහෙයින්ම ලිබියාව ගැන කියන්නට උචිතම සටහන මීට මාස කිහිපයකට පෙර උපවාසවංශ වෙනුවෙන් තැබූවම බව මට හැඟේ.

වඩාත් උත්ප්‍රාසය දනවමින් උපවාසවංශ හා ඔහුගේ බත්/බෝතල්/බඩු/තනතුරු/ etc. / බැලයන් "ලිබියාවට අත නොතබනු" කියා ටයර් පිලිස්සීමද අරඹා ඇත්තේය.

එදා මා තැබූ සටහන පහත දැක්වේ ( කරුණාකර 'වීරවංශ' යන යෙදුම වෙනුවට 'ගඩාපි' යන්න ආදේශකර කියවන්න).:

" අල්ලපු ගෙදර කෙනාට පස්සා දොර (ගෙදර) ඇරීම.......

අල්ලපු ගෙදර එකා සහ අවලමේ යන කොල්ලන් ගෙය වටේ රැස් කන්නට ගන්නේ ගෙදර එකා තම කටයුත්ත නිසි පරිදි නොකරන විටය.

ඊට එරෙහිව කසිප්පු බී උන්ගෙන් ගේම ඉල්ලනවා වෙනුවට තම කටයුත්ත නිසි පරිදි කරන්නේ නම් වෙන උන්ට සිය ඇඹේණියගේ කිල්ලෝටයට හුණු දමන්නට වරම් නැති බව වීරවංශ ඇතුළු නඩයට කඩේ යන උන්ට වැටහෙන්නේ නැතිකම උන්ගේ කරුමයදැයි අපේ කරුමයදැයි නොදනිමි. "

ඔබේ ප්‍රේම ලීලාවට පෙම් කරමි - I Love The Way You Love Me

2011-03-22T12:02:00.000Z

රජයේ සේවකයන්ගෙන් අප්‍රේල් 01වනදා සිට ආදායම් බදු අයකෙරේ.

නමුත්, මම නුඹේ ප්‍රේම ලීලාවට පෙම් කරමි.

දැඩි හා නොදැමුණු

මන්දගාමී හා පහසු

හදවතින් හා ආත්මයෙන්

අතිශයින්ම පරිපූර්ණවූ

නුඹේ ප්‍රේම ලීලාවට පෙම් කරමි

John Michael Montgomery - I Love the Way You Love Me

ඉංග්‍රීසි පද රචනය මෙතනින්

මංගලලාගෙන් පටන්ගෙන ජේවීපී හා ෆොන්සේකා හරහා සූටින් මල්ලි දක්වා ආ නොනවතින ආශ්චර්යය ......

2011-03-16T16:41:00.001Z

පු: බලාපල්ලකො මූණෙ තියෙන ආඩම්බරකම.....!

කවුද ඊලඟ............?

ඡායාරූපය: ලංකා ඊ නිවුස්

බියොන්ඩ් ෆ්‍රේම් වෙත - To Beyond Frame

2011-03-15T05:50:00.001Z

සිද්ධිය දැක්කෙ පෙරේදා උදේ.

ඒ අස්සෙ "වත්" එයාගෙ අන්තිම සටහන තියල.

වෙන්නෙ මොකක්ද කියල පැහැදිලි නැති උනත් මොනව හරි වෙනව කියල නම් විශ්වාසයි. මේ වැඩේ කරන්නෙ කවුද කියන එකවත්, කොහොමද කරන්නෙ කියන එකවත් වැදගත් නැහැ. මොකද ඒක දැන ගත්තත් අපට කරන්න දෙයක් නැති නිසා.

ඒත් මට විශ්වාසයක් තියෙනව ඔයා ලිවීම නවත්වන්නෙ නැතිවෙයි කියල. ඒ වගේම මේක අර ජනප්‍රිය තමන් විසින් කෙලවාගැනීමක් නෙවේ කියලත් මට විශ්වාසයි. මොකද මට දැනුණ විදිහට හිට්ස් ගැන හිතන්නෙ නැතිව ලියපු එක්කෙනෙක් ඔයා.

වැඩි දේවල් කියන්න ඕනෙ නැහැ. නැතිවෙලා තියෙන්නෙ කතන්දර කිවිව වගේ බයිනරි ටිකක් විතරයි.

ආයෙත් ලියන්න. අළුත් බ්ලොග් එකකින් එන්න. ඔයාගෙ බ්ලොග් එක මොකක්ද කියල මෙතන කමෙන්ට් එකක් දාන්න. ( මං මෙහෙම කිව්වම බොරු BFලත් කමෙන්ට් දාන්න පුළුවන් කියල දන්නවා. ඒත් ඒක ප්‍රශ්නයක් නැහැ).

තවත්තන ගානට අළුත් මූණුවරකින් එන්න පුළුවන් තරම් අපි සිංහල බව පෙන්නමු. උන් විකුණන්කන මහානුභාවසම්පන්න සිංහලකම උන්ට වඩා අපේ ලඟ තියෙන බව පෙන්නමු.

BF,
පාළුයි..., තනියි..., ඒ නිසා ආපහු එන්න.
මෙවන් මතක අරන් ආපසු එන්න.

ප.ලි: පිස්සාට අපේ ආචාරය "welcome back"

ත්‍රස්තවාදීන් යනු................,

2011-03-09T01:47:00.000Z

බොහෝ විට පොරවල්ගේ පොරත්වය ප්‍රශ්න

කරන්නවුන්ය.

වෙන විදිහකින් නම්, ආතල් කඩන්නවුන්ය.

ටැබූ, කොලූ ......., ආපසු එන්න.

කපුටන් අඩු බිමේ කසල ගඳ විඳින්න.

අම්මට හුඩු ......! අද මාර්තු අට........

2011-03-08T10:54:00.000Z

හරි.

වයිෆ්,
ඔයා අද උයන්න මහන්සි වෙන්න ඕන නෑ. අපි කඩෙන් කෑම කමු.
ඔයා දවල් ටිකක් නිදාගන්න. අද මට හවසට උණුවතුර එපා.
උදේ මට අමතක උනානෙ. කමක් නැහැ. අද රෑට මං ළමයින්ට කෑම කවන්නම්.
අහ්... අර මෙගා නාට්‍යය යන්නෙ අද නේද? ඔයා ඒක බලන්න. මැච් එක මොකා දින්නත් එකයිනෙ.

හවස එනකොට මං අළුත් කොණ්ඩකටුවක් ගේන්නම්. අද අමතක කරන්නෙ නෑ.
ඔයා අම්මල බලන්න යන්න ඕන කිව්ව නේද? මං එනකොට මොනා හරි අරන් එන්නම්.

නෑ. නෑ. මං අද බීල එන්නෙත් නෑ. හැම පොඩිදේටම බෙරිහන් දෙන්නෙත් නෑ.

ම්...ම්...ම්... ආයෙ මොනවද....?

මම ආයෙ ඔයාගෙ පරණ බෝයි ගැන අහන්නෙත් නෑ.

එතකොට,
ඔයා අකමැතිනම් අදට කටෙන් කරන්න ඕන නැහැ. මං තරහ ගන්නෙ නැතුව ඉන්නම්.

අද වගේ දවසක ඔයා වෙනුවෙන් කැපවෙන එක මට මාර ගටක්.

ලිපියක්, කමෙන්ට් කිහිපයක් හා වීඩියෝවක්.......

2011-03-07T14:37:00.002Z

ලිපිය: http://peramunerala.wordpress.com/2011/03/07/taboo-subjects/

කමෙන්ට් කිහිපය:

වීඩියෝව:

වගකීමෙන් නිදහස් වීමේ නිවේදනය.....!

2011-03-04T06:20:00.000Z

වැඩේ පත්තු වී තිබේ. මා විසින් සැකකල පරිදිම මහේල හා තිලාන් කේන්ද්‍රකොටගෙන ජැස්මින් විප්ලවය ඇරඹෙමින් තිබේ. විපක්ෂනායකතුමා කෙටි පණිවිඩ යවන්න කියන්නේත්, විජිත හේරත් මහතා ආණ්ඩුව සමාවගතයුතු බව කියන්නේත්, සිරස පුරා මිනිසුන් තම විරෝධය පලකරමින් සිටින්නේත් එම නිසාය.

මගේ මේ සටහන ඒ පිලිබඳව හුරේ දැමීමට හෝ ඒක කලේ මා යැයි කියා ලකුණු දමාගැනීමට නොවේ. ඒ සම්බන්ධයෙන් මාගේ වගකීමක් නොමැති බවත්, මා විසින් සටහන් කෙරුණේ එඬරු දඬු දේශපාලනයක් පවතින ලංකාවේ සමහරුන් දැකීමට ආසා සිහිනයක් පමණක් බවත් කීමටය. එම නිසා මෙම ව්‍යාපාරයේ හා මගේ කිසිදු සම්බන්ධයක් නැති බවත් කීමටය.

නමුත් සිදුවීම් පෙලගැසෙමින් තිබෙන ආකාරය අනුවනම් මා ගලවා ගත හැක්කේ අප මහරජතුමාට හෝ මහේල/ තිලාන් දෙපලට පමණි. එසේ නැතහොත් මගේ බිලොග් අඩවිය තහනම් කිරීම හෝ හැක් කිරීමට ලක්වනු ඇතැයි යන බිය මා පෙලමින් සිටී.

එම නිසා, පස්වාන් දහසකට බුදුවන්ට නරෝත්තමයානන් වහන්ස, අනේ අර මහින්ද ගොබිලාට ප්‍රසිද්ධියේ බැනවැදී,මහේලට හා තිලාන්ට කෑම වේලක් දී, ඒ බව ඔබතුමාගේ මිතුරුකතුවරුන් ලවා පත්තර පුරවා ලියවා, මා මේ අබග්ගයෙන් ගලවාගනු මැනවි.

මහේල/ තිලාන් මහත්වරුනි, "අප ඔබ සමගයි" යනුවෙන් කෙතෙක් පණිවිඩ එව්වත් ඒ එවන බහුතරයක් පසුගිය කාලයේ ඔබේ බිරින්දෑවරුන් කොන්ඩම් පුම්බන රූප කිහිපයකින් ආතල් ගත්බව හෝ සිහියට ගෙන දුරකථන අංක මාරුකරනු මැනවි. ඉන්පසු ක්‍රිකට් ගසනු මැනවි.

අනේ මගේ බිලොග් අඩවිය බේරාදෙනු මැනවි ...... !

ප.ලි:

සයිබර් අවකාශයේ මුරදේවතාවුණි, ඇතැම් කටකැඩුණු උතුමෙක් මා මේ සටහන ලියූවේ මේ රටේ දේශපාලකයන් හා ජහමනයා ගන්නා සිඟිති ආතල් උපහාසයට ලක්කරමින් යැයිද, එමනිසා සයිබර් ත්‍රස්තවාදය පිලිබඳ චෝදනාවෙන් මට ගැලවීමට නොහැකියැයිද කියා මගේ බ්ලොග් අඩවිය ඔබතුමන්ලාගේ උදහසට ලක්කල හැකි වුවත්, මේ සටහන මුලදීම කියූ පරිදි මේ වෙන කිසිදු දෙයකට මාගේ සම්බන්ධයක් නැති නිසා මගේ බ්ලොග් පඩංගුව රැකදෙන මෙන්ද ඉල්ලා සිටිමි.

ලංකාවට ජැස්මින් ආවේය.......

2011-03-03T06:02:00.000Z

සියළු විරුද්ධ පාක්ෂිකයන් ප්‍රාර්ථනා කල අයුරින්ම, සයිබර් අවකාශයේ මුර දේවතා එළි සැක කල පරිදිදෙන්ම, w3lanka හි පැරකුම් හා පාඨකයා නිගමනය කල පරිද්දෙන්ම, ලංකාවටත් ජැස්මින් විප්ලවය පැමිණ ඇත.

සිද්ධිය ඇරඹුණේ දරුවන්ට කන්න දීගත නොහැකිවූ පියෙකු අරලිය ගහ මන්දිරය ඉදිරිපිට ගිනිතබා ගැනීමෙන් නොවේ. එසේත් නැත්නම් විපක්ෂය දියත් කල දීප ව්‍යාප්ත වර්ජන රැල්ලක දිගුවක් ලෙසද නොවේ.

මහින්ද නම් වූ අයෙකු ජනතාවගේ හදවතෙහි වඩාත්ම සංවේදී තැනකට ඇනීම නිසාය. එනම් ජාතියේ ක්‍රිකට් තරුවකට අපහාස කිරීම නිසාය. ඔබ සියල්ලන්ම පාහේ දන්නා එම සිදුවීමෙන් පසු සිද්ධි පෙල ගැසුණේ මෙසේය.

1. මහේල ජයවර්ධන විපරමට හා මහින්දට විරුද්ධව නඩු දමයි.

2. සිද්ධියෙන් සලිත වන මහින්ද, නිශ්චල චංචල දැකුම් සමඟ ගොස් සිය හාම්පුතුන් මුණගැසේ.
3. ඉහල තැනකින් මහේලට ඇමතුමක් ලැබේ. මහේල එම ඉල්ලීම ප්‍රතික්ෂේප කරයි. කෝපයට පත් අනෙකා " we'll hang you" කියමින් රිසීවරය තබයි.
4. මහේල ඕස්ට්‍රේලියාවට එරෙහිව ශතකයක් ලබයි.
5. සිම්බාබ්වේ සමග තරගයට මහේල සහභාගි නොවන අතර ඔහු විවේක ගැන්වූ බව අතුරු කමිටු නිලධරයෙක් පවසයි.
6. ලංකාව සිම්බාබ්වේ තරඟයෙන් පරාජය වෙයි.
7. මහේල, සංගක්කාර හා අරවින්ද මාධ්‍ය සාකච්ඡාවක් කැඳවයි. දේශපාලනයේ කුහක කම් සමඟ තවදුරටත් ක්‍රීඩා කිරීමට හෝ තේරුම් කමිටුවේ සිටීමට නොහැකි බව කියමින් ඔවුහු තම සමුගැනීම දැනුම්දෙති.
8. මහේල හා සංගක්කාර තරඟ පාවාදීමි චෝදනා මත අත් අඩංගුවට ගැනෙති. අරවින්දට අපචාර චෝදනා කිහිපයක් ඉදිරිපත්වේ.
9. විපරමට අමතරව "ක්‍රිකට් හුටපට" යනුවෙන් නව වැඩසටහනක් මහින්ද විසින් හඳුන්වා දෙයි.
10. "ක්‍රිකට් වෙනුවෙන් අපි" යනුවෙන් සංවිධානයක් බිහිවේ. ඔවුහු සිය පුචාරණය සමාජජාල හා කෙටි පණිවිඩ ඔස්සේ සිදුකරයි.
11. මෙම සංවිධානයේ මංගල රැළිය මහේලගේ ප්‍රධානත්වයෙන් පැවැත්වෙන අතර අරවින්ද හා අර්ජුන විශේෂ අමුත්තන් වශයෙන් සහභාගි වේ.
12. ලංකාවේ ක්‍රිකට් විනාශකල, ලෝක කුසලානය අහිමිකල දේශද්‍රෝහී ආණ්ඩුව ගෙදර යැවීමට පැමිණ සිටි සියල්ලෝ සපථ කරති.
13. උද්ගෝෂණ රැල්ලක් ඇරඹේ. පක්ෂ විපක්ෂ බොහෝ බලවේග ක්‍රිකට් වෙනුවෙන් අපි හා එක්වෙති.
14. දැඩි මර්ධනකාරී පිලිවෙතකින් වුවද නැවතිය නොහැකි තරම් ජනතා විරෝධය බලවත් බව දැනගත් රජය, රටේ පාලනය බාරකාර ආණ්ඩුවකට පවරයි.
15.මහේල සහ සංගක්කාර යලි ක්‍රිකට් ගසති. අරවින්ද ක්‍රිකට් පාලක මණ්ඩලයේ සභාපති වේ.
16. ජනතාව සතුටින් දිවි ගෙවති.

ප.ලි: නමුත් මෙවැන්නක් සිදුවුණේ නැත. ඒ වෙනුවට සති අග පුවත්පත්වල දේශපාලන හා ක්‍රීඩා කොලම් වල මෙබඳු සටහනක් පලවී තිබුණි.

" ජනපතිගෙන් විපරමට කුණු බැනුම්, මහේල නඩුව අස්කර ගනී"

මම බෞද්ධයෙක්මි. සැමට සුබ නත්තලක් වේවා.......

2010-12-25T02:44:00.000Z

මම බෞද්ධයෙක්මි.

මම මගේ ශාස්තෲවරයානන් දෙසූ දෑ පිලිගනිමි. පිලිපදිමි.

නමුත්.....

මෙලොව බිහිවූ ශ්‍රේෂ්ඨ මිනිසෙකුට ගරු කිරීමටවත්....,

සියල්ලන් තමා හැර යද්දීත් ඔවුන් වෙනුවෙන් පෙනී සිටියා වූ නායකයකුට බුහුමන් දැක්වීමටවත්......,

ප්‍රේමය උදෙසා සියල්ල පිදිය යුතු වූ ලොවක කිසිත් නොපතා ප්‍රේමයම බෙදාදුන් දයාවන්තයකුට ආදරය කිරීමටවත් .....,

මගේ ඇදහිල්ල මට තහනම් කරන්නේ නැත.

ඔබට සුබ නත්තලක් වේවා...........!

Julian Assange, සරත් ෆොන්සේකා, විමල් වීරවංශ තුමා, වාසුදේව තුමා, .... තුමා, ......,තුමා......,තුමා සහ අපි......

2010-12-10T14:27:00.000Z

Julian Assange යනු සියළු දෙස් විදෙස් රාජ්‍ය (පවතින) විරෝධී සියල්ලන්ගේ අළුත්ම වීරයාය. එපමණක් නොව මීට සති කිහිපයකට පෙර දක්වා අපගේ සියළු දේශප්‍රේමීන්ගේ සුපිරි බුද්ධිමතාය ( එය ලංකාව පිළිබඳ වාර්තා කරන තෙක් පමණක් පැවතීම වෙනම කරුණකි).

Julian Assange පහර ගැසීම ඇරඹුවේ ඇමෙරිකාවෙනි. අනතුරුව එය තවත් බොහෝ රටවල් දක්වා විහිදී ගියේය. ඉඳින් අපිද හුරේ දැම්මෙමු. ඔහුගේ භූමිකාව කුමක්ද එහි ඉදිරිය කුමක් විය හැකිද නොසිතාම අප ආශා කරන දෙය ඔහු අතින් කෙරෙද්දී මහන්සි නැතිව ආතල් ගැනීම කරමින් සිටියෙමු. විවේචනයක් නැතිව, විචාරයක් නැතිව ඔහුව උඩදමමින් ඔහු ඇමෙරිකාව දණ ගස්වනකම්, ඉන්පසු ලංකාවට සාධාරණය ගෙනෙනකම් බලා සිටියෙමු.

දැන් Julian Assange අත්අඩංගුවේය. ඇතැම් විට ඔහු නිදහස් වනු ඇත. නැතිනම් වැනසෙනු ඇත. නමුත් දැන් අපේ ආතල්එක ඇත්තේ මහා අනතුරකය. බොහෝවිට අපට Julian Assangeව අමතක කොට දමා වෙනත් ආතල් එකක් සොයාගැනීමට වනු ඇත.

මේ මෙවැන්නක් සිදුවූ පලමු වතාව නොවේ. අපි පරම්පරා ගණනාවක් පුරා වෙනකකු අප වෙනුවෙන් විමුක්තිය ගෙනෙනතුරු බලා සිටියෙමු.

නමුත් අපේ ගැලවුම්කරුවන් සියල්ල එක්කෝ බලයේ අභියෝගය හමුවේ අප විසින්ම හුදකලාකොට දැමුවෙමු. නැතිනම් අප විසින්ම දේවත්වයට පත්කර අනතුරුව උන්ගේ කෝචෝක් බලමින් ඇටිකෙහෙල් කෑ උගුඩුවන්ව සිටියෙමු.

දැන් මට ප්‍රශ්න කිහිපයක් ඇත. අප අප වෙනුවෙන් සිතන්නේ කවදාද? තම ඉරණම තවෙකකුට බාරදීමෙන් තොරව ස්වාධීන වන්නේ කවදාද? අනෙකා කලදෙය හෝ කරන දෙය නොව තමන් දෙසට හැරී බලන්නේ කවදාද?

උත්තර කුමක් වුවත් එය පහසු නැතිබවත් ඒ වෙනුවෙන් කලයුතු කැපකිරීම හුරේ දමනවාට වඩා ගව් ගණනක් දුරින් තිබෙන්නක් බවත් පමණක් ලියා තබමි.

ඡායාරූපය:http://www.hboasia.com/family/movie/2657

ප.ලි.: හඳගමගේ විදූ අද ප්‍රදර්ශනය ඇරඹු බව මට මතක් වූයේ දැන්ය. මා තවම විදූ නරඹා නැත. නමුත් වීදූ කියන්නට හදන්නේද මෙවැන්නක් බව එහෙන් මෙහෙන් කියවීමි.

පොල්කෝම්බෙන් උපන් මහත්වරුනි.........

2010-11-10T10:25:00.000Z

නුඹලා වැනිම පිරිමින් විස්වාසකොට, නොදැනුවත්ව හෝ ඌ වෙනුවෙන් හෝ, එක්වරක් සළු ඉනූ වරදට, වරක් නොව සිය දහස්වරක් කෙලෙසී අවසන, නුඹලා විසින් දඬුකඳේ ගැසූ ගැහැනුන් වෙනුවෙන් පිදෙන උපහාරයයි මේ...............................

ඡායා උපුටනය: http://www.123rf.com/photo_4769054_business-man-with-erect-penis-head.html

අපෙ මොකෝ........උන්ට කෙලවෙනවනෙ...!

2010-11-03T01:39:00.000Z

"සරසවි වලට මාෂල් ක්‍රමය නැවතත්" - ලංකාදීප

ඉඳින්,
වලේ නාට්‍යයකට හූ කීමත්
AT එතේ "අක්ෂරය" පෙන්වීමත්
WUS වලේ පෙම් පිලිසඳරත්
තහනම් ම වනු ඇත.

මතු නොව,
Lover's Lane පැත්තට යෑමත්
6.30 දේශනයෙන් පසු "කලා කවය"ත්
10.30න් පසු විවිධ ප්‍රසංගත්
නැති ප්‍රශ්න තනනු ඇත.

තාරුණ්‍යයේ තෝතැන්න,
දේශනයකදී ප්‍රශ්නයක්
සංවාදයකදී අභියෝගයක්
කලා කෘතියකදී උපහාසයක්
ගුටි කා ගෙදර යෑමට මං තනනු ඇත.

ආරක්ෂාව යන වදනෙහි අකුරුතුල
මර්ධනය යන අරුත ඇති බව
උතුරට දන්නවා අව.........

" නවත්ත ගනිං බං........, මොනා උනත් අරුන්ට කෙලවෙනවනෙ. අනික අපිට තව අවුරුදු කීයද මේකෙ ඉන්න තියෙන්නෙ. මාර්ෂල්ලට බෝතලයක් දුන්නම උන් ෂේප් කරගන්න පුළුවන්"

සිම්පල් කථාව මේකය....(18+), සුකුමාල හිත් ඇත්තන්ට ඇලජික් විය හැක....

2010-10-08T11:29:00.000Z

යකෝ පිළිවෙලකට ආවොත් සමාව දෙන්නම් කියල කිව්වෙ, ඌව පොර කරල තොපිට ළකුණු දාගන්න නෙවෙයි හරිය?
ඔය කඩප්පුළි වාල දැනගන්න ඕන ඌ කව්ද අපි කව්ද කියල. ඖකුන් අපෙ වලව් වල කොළොම්බෙ ඉඳගත්තු පරයි. ඕකව ලොකු කරල තැනකට අරගත්තෙ මර්විය වගේ කියන දේ අහල ඉඳියි කියල හිතලයි. නැත්තම් ඕකට සුදුසුකම් තිබ්බ කියල ඔය රදා වේසාවව පැත්තකට දාල තියන්න තිබ්බෙ නැත්ද අපිට?
ඕක දෙන වැඩේ හරියට කරපු එකා උනත් අපි ඕකව උඩට ගත්තෙ නැත්නම් ඌට මොකද වෙන්නෙ?
එහෙව් පරය අපෙ වලව්වට විරුද්ධව වැඩ කෙරුව. ඌට දැන් පේනව ඇතිනෙ පොඩි හාමුත් එක්ක හැප්පිල්ල ලේසි නෑ කියල!

තොපි කොච්චර උපවාස කෙරුවත්, උද්ගෝෂණ කෙරුවත් ඇති වැඩක් නෑ. වාලට වාල විදිහට ඉන්න කියපියව්.

සමාවක් ඕන්නම්, බල්ලෙක් වගේ ඒක ඉල්ලන්න කියපියව්. නැත්නම්, අනිත් උන් කෙරුව වගේ ගෑනිව හරි දුවලව හරි බැල්ලියෙක්ව කරල කකුල් මුලට එවන්න කියපයව්. ඒත් බැරිනම් අර බෑන කියන එකාට සල්ලි ටිකත් අරන් අපෙ ගෙවල් පැත්තෙ එන්න කියපියව්. නැතුව මං ඉන්නකම් ඌට පොර වෙන්න බෑ හරිය?

වල් පරය.ඌ දැන ගන්න ඕන මේ හාමුට ඌයි කීප දෙනෙකුයි විරුද්ධ වුණාට තාමත් රජා මං කියල. බොරුනම් අල්ලපු ගෙදර එකාගෙන් අහපන්.

සාක්කි මදි...... නඩුව බැලවීම කල්යයි....

2010-10-04T15:37:00.000Z

( ආචාර්යතුමාගෙන් වරම්ලද විශේෂ වාර්තා කරුවෙකු විසිනි)

අද දින බැලවීමට තිබූ පොන්සේකාට එරෙහිව ජෑන්ස්, සුදුකොඩි නඩුව ප්‍රමාණවත් සාක්ෂි නොමැතිවීම නිසා දින 14කින් කල් ගියේය.

මෙහිදී වැරදිකාර පක්ෂයේ කුලියට කහින නීතීඥයන් තරයේ දක්වා සිටි කරුණක් වූයේ නඩුවේ වැදගත්ම සාක්ෂිය වන ජෑන්ස් මහත්මියගේ සටහන්පොතේ වෙනත් අය කියූ දේවල්ද ලියැවී ඇති නිසා ඒවා ගැනද නඩු ඇසිය යුතු බවයි.

මේ අවස්ථාවේදී අතිරේක සාක්ෂිකරුවකු ලෙස සිටි යුධෝපාය උතුමාණන් ටිකක් සැරෙන් " එහෙම කොහොමද, අපි කැමති ඒවට අපි කැමතිනම් විතරයි නඩු දාන්න පුළුවන්!!! ඊට ඉහලින් යන්න ආවොත් එල්ලනවා......." යනුවෙන් සුපුරුදු දේශනය ඇරඹුවද, ළඟින් සිටි දේශයේ වීර සෙන්පති සිල්වාතුමා විසින් එතුමාව සන්සුන් කර වාඩි කරවීය.

සටහන් පොතක් සාක්ෂියක් ලෙස පිළගැනීමට උසාවිය මඳක් පැකිලෙණු දුටු ජෑන්ස් මෙනෙවිය, උසාවියේ අවසරය පිට විශේෂ පුකාශයක් කරමින්, තමන් කියන්නේ සහතික ඇත්ත බවත්, තම සටහන් පොතේ අනිත් දේවල් වල්පල් විය හැකි වුවත්, සුදුකොඩි කථාව තමන් ඉතා බියෙන් හා ශෝකයෙන් කම්පිතව සිටි මොහොතක ලියූ නිසා පෙරාපු ඇත්ත බවත් කියා සිටියාය.

මෙහිදී තවදුරටත් අදහස් දැක්වූ ඒ මෙනෙවිය, තමා ඒ අවස්ථාවේ මොනතරම් කම්පනයට පත් වීද කිවහොත්, ඊට දින දෙකකට පෙර නතරවූ සිය ඔසප්වීම ඒ මොහොතේ යලි සිදුවූ බවත්, අවශ්‍යනම් සාක්ෂි ලෙස එදා ඇඳසිටි යට ඇඳුම උසාවියට ඉදිරිපත්කල හැකි බවද කීවාය.

ඒ අනුව සියල්ලන්ගේ ඒකමතික තීරණය අනුව එම අතිශය වැදගත් සාක්ෂිය සමගින් මීලඟ නඩු දිනයේදී නඩුව බලවනු ඇත.

පිංතූරය: http://notesfromthebartender.wordpress.com/2009/12/23/man-loves-dog-just-a-little-too-much/

මංම දාපු එකෙන් මංම කියල දීපු එක කෙරුවට පස්සෙ.... අස්සං නොකර මං මක්කොරන්නද අපෙ හාන්දුරුවනේ......

2010-10-02T15:31:00.001Z

ඒ විතරක්යැ.......

ගෑනු ටික ෂේප් කරගන්න සද්දයක් දාල නීතියක් ගෙනෙන්න තියෙන මතට සිරාවටම තිතක් තියන්නෙවත්,

පස්සෙ වෙලාවක අඩු කරල ගොඩ යන්න තියෙන පාන් ගෙඩියකට පාලන මිලක් දාන්නෙවත්,

මාධ්‍යයට කෙලිද්දිත් විහිළුවට වගේ මංම මාධ්‍ය ඇමතිකම දීපු එකාව මේ පඟරනැට්ටෙක්ව ගස් බැන්ඳ කියල ඇමතිකම නැති කරන්නෙවත්,

උපවාසවංශයයි කඩේ යන එව්වොයි මෙහෙ ගොන් රැල රවට්ටන්න කොරපු එක ඔළුවෙ තියාගෙන මූන් මහත්තයට එහෙදි විරෝධය පෙන්නන්නෙවත්,

මංම පත්කොරපු මගෙම මල්ලි නිධානයක් වගේ මිනිස්සු ටිකක් හොයාගන පරම්පරා හතක් ගොඩයන්න පාරක් හොයාගත්තට පස්සෙ, මේ හද්ද පරණ කොටි කථාවක් හින්ද උන්ව හිරේට දාන්නෙවත්,

ලබන පාරත් ඉන්න ඕනෙ නම් මේ වගේ සිම්පල් ප්ලෑන් වලින් බැරි වෙන ලකුණු තියෙද්දි කෙලවෙන්න තියෙන පාරවල් ඔක්කොම දැන්ම තියා වහන්නෙ නැතුව ඉන්නෙවත්,

මේ රටේ උන්ට "අපි මාරයි" කියන එක තරම් චූන් එකක් වෙන මොන රෙද්දෙන්වත් දෙන්න බැරි එකේ උන්ගෙ ප්‍රශ්න අමාරුවෙන් විසඳන්නෙවත්,

අහවල් කෙං ගෙඩියකටද හාන්දුරුවනේ.

දවස් දෙකක් කුසු කුසුව තියෙයි, ඊට පස්සෙ අපි වෙන නාට්ටියක් සැට් කොරල දෙන්නම්කෝ....... එතකන් ආං දන් ගේ. ඔක්කොම ලෑස්තියි. මට අවසරයි.

කඩේ යෑමකැයි අර්ථ දැක්විය හැක. නමුත් මේ කඩේ යන්නේ ආඩම්බරයෙන් නොවේ......ලජ්ජාවෙන්, දුකෙන් හා හිරිකිතෙනි.

2010-09-21T04:41:00.001Z

උපුටා ගැනීම: ලංකා ඊ නිවුස්