SL GOSSIPS

කසාදයක් බඳින්න කලින් කෑල්ල හා කෙල්ල අතර වෙනස හඳුනගන්න

2017-09-27T07:58:00.002-07:00

හැම කොල්ලෙක්ම කැමති කල වයස ආවම හොද කෑල්ලක් සෙට් කර ගන්න.

ඒකත් එසේ මෙසේ කෑල්ලක් නෙවෙයි පට්ට කෑල්ලක්. ඉතින් පට්ට කෑල්ලක් සෙට් කර ගත්තු හැම එකාම හරි ආඩම්බර වෙනවා පොර ටෝක් දෙනවා.පට්ට කෑල්ලක් කියන්නෙ ඉතාම ආකර්ෂණීය,විලාසිතා අනුගමනය කරන, කාගෙත් සිත් ගන්න දෙයක්.

කෑල්ලකට තුන්සියහැටපස් දවසෙම කරන්න තියෙන්නෙ එක දෙයයි ඒ ඇගේ රූපය සහ පෙනුම නඩත්තු කිරීම. හෙට හමු වන ඔහු හෝ අනෙකා පිනවන්නේ කෙසේද යන ගැටලුවට අමතරව ගැටලුවක් ඇයට නැහැ.

සාමාන්‍යයෙන් කෑල්ලක්ට ගෙදර දොරේ වැඩ බැහැ උයන්න පිහන්න බෑ,ගේ දොර අස්පස් කරන්න බෑ, රෙදි හෝදන්න බෑ,දරුවන් හදන්න පුලුවන් උනාට නලවන්න බැහැ, දරුවන්ට කිරි දෙන්න බැහැ.

නමුත් කෑල්ල සර්වකාලීනයි(updated) ඇය වෙළදපල තුල තිබෙන සෑම ආකර්ෂණීය භාණ්ඩයක් ගැනම දන්නවා. ඒවා මිලදීගන්නවා. කලින් කලට වෙනස් වන නවීන පන්නයේ ජංගම දුරකථන, ලැප්ටොප්, විලාසිතාමය ඇදුම් පැලදුම් ඇයට තියනවා.

කෑල්ලක් පාරේ ගමන් කරන්නෙ ලතාවට.ඇගට අරන්, අඩි දෙක තුනක් උඩින්. ඇය දිහා හැමෝම බලනවා. ඇය එහෙම යන්නෙත් ඒ නිසාමයි. ආකර්ෂණීය හැම දෙයක්ම කරන්නෙ සමාජයට පේන්න. නමුත් ඇය සැබවින්ම හිස් චරිතයක්.

හොදයි වගේ පෙනුනට හොද නැහැ. අහිංසකයි වගේ පෙනුනට අහිංසකත් නැහැ
සංවරයි වගේ පෙනුනට සංවරත් නැහැ.දිනපතා පහන තිබ්බත් ආගමික නැහැ.

කෙල්ලෙක් ඊට හාත්පසින්ම වෙනස්.

කෑල්ලක් කරන්නෙ ඔබ ලගට වෙලා දිලිසෙන එක කෙල්ලෙක් කරන්නෙ ඔබව දිරිමත් කරන එක.

කෙල්ල හුගාක් ලැජ්ජාශීලියි. නමුත් අවශ්‍ය තැන් වලදි කතා කරනවා.
පිරිමි එක්ක තියන ගනුදෙනු ඉතා සීමිතයි.

ඇය ආශ්රය කරන්නේ අතිශය විස්වාසවන්ත පිරිමින් විතරයි. චාම් සංවර විලාසිතා අනුගමනය කරනවා. තම රූපයට ආදරෙයි.
නමුත් මානුශීය සම්බන්ධතා වෙනුවෙන් තම රූපය සුන්දරත්වය කැප කරන්න ඇය සූදානම්. ආදරය වෙනුවෙන්, දරුවන් වෙනුවෙන් නොකා නොබී වෙහෙසෙන්න එවැන්නියකට පුලුවන්.

කෙල්ලෙක් අම්මා කෙනෙක් වුන දවසක දරුවන් ඇයගෙන් කිරි බීලම ඇය වැහැරිලා යනවා.කෑල්ලක් අම්මා කෙනෙක් වුන දවසක දරුවන් ගොන් කිරි බීලාම වැහැරිලා යනවා.

කෙල්ලෙක්ට ගේදොර වැඩ ඕන දෙයක් හැඩට කරන්න පුලුවන්. රසට කෑම උයන්න, මිදුල් අතුගාන්න, මල් වවන්නත් පුලුවන්. ඒ වගේම කොල්ලෙක්ගෙ හිත උස්සලා ගිහින් හදේ තියන්න තරම් ලස්සනට මල් කඩන්නත් පුලුවන් ඇයට. කෑල්ල ලග තියෙන්නෙ ආකර්ෂණීය බවත් ලිංගිකත්වයත් පමනයි. කෙල්ලෙක් ලග ආදරයේ උනුසුම පිරී ඉතිරුණ ලස්සන හදවතක් තියනවා.

කෑල්ලක් අපේ ජීවිතයට ලං වෙනවා ඈත් වෙනවා ඒත් කෙල්ලෙක්ව හැමදාම ලග තියා ගන්න හිතෙනවා.

කෑල්ලක් එක්ක තරහා වුනාම බැනලා එලවගන්න හිතෙනවා. කෙල්ලෙක් එක්ක තරහා වුනාම වුනත් ලගට වෙලා ඉන්න හිතෙනවා. කෙල්ලෙක්ට සාමාන්‍යයෙන් හැම වෙලේම ඔබව මතක් වෙනවා. එතකොට වෙලාවකට ඇණයක් කියලත් හිතෙනවා.

කෑල්ලකට call කරන්න එපා කිවුවම අවශ්‍යතාව එනකල් බලාගෙන ඉන්නවා.

කෙල්ලෙක්ට එපා කිව්වට අහන් නැහැ call කරනවා. කෑවද,බිව්වද,නෑවද අහනවා පරිසමින් ඉන්න කියන්වා. කොටින්ම කෑල්ල සුවද හමනවා ක්ලෝන් පාවිච්චි කරනවා.

කෙල්ලෙක් ක්ලෝන් නැතුවත් සුවද හමනවා මොකද එයා හැමදාම නානවා.

කෑල්ලක් ඉන්න කොල්ලන්ට සුබපැතුම්.
කෙල්ලෙක් ඉන්න කොල්ලන්ට බුදුසරණයි.

ඇඟ ඇතුළෙ හැදෙන අමුතු පණුවෙක් දඹුල්ලේ මිනිසුන් ලෙඩ කරයි

2017-09-27T03:02:00.000-07:00

දඹුල්ල ප්‍රදේශයේ පදිංචි පුද්ගලයන් 20කගේ පමණ ශරීරයේ අභ්‍යන්තරයේ ජීවත් වූ පණුවන් විශේෂයක් සැත්කම් මඟින් මේ වන විට ඉවත් කර ඇතැයි දඹුල්ල මූලික රෝහලේ වෛද්‍යවරු පවසති.

කුඩා දරුවන් දෙදෙනකුගේ පණුවන් ඉවත් කිරීමේ සාර්ථක ශල්‍යකර්මය ඊයේ (26දා) ශල්‍ය වෛද්‍ය අජිත් අර්ථනායක මහතා ඇතුළු වෛද්‍ය කණ්ඩායමක් විසින් සිදුකරනු ලැබූහ.

මේ වසර තුළ පුද්ගලයන් 20 දෙනකුට පමණ මේ ආකාරයෙන් සැත්කම් සිදු කොට ශරීර අභ්‍යන්තරයේ සිටි පණුවන් ඉවත් කළ බවට විශේෂඥ ශල්‍ය වෛද්‍ය අජිත් අර්ථනායක මහතා සඳහන් කළේය. මෙසේ ශරීරගත වන පණුවන් අඟල් 3 - 4 - 5ක් දිග සුදු පැහැති පණු විශේෂයක් බව ඔවුහු වැඩිදුරටත් පෙන්වා දෙති.
ශරීරයේ අභ්‍යන්තරයේ විවිධ ස්ථානවල කෝෂ සාදා ගෙන මෙම පණුවන් ජීවත් වන බව පරීක්ෂණවලදී හෙළිවී තිබේ.
ගෘහස්ථ සතුන්ගෙන් මෙම පණු විශේෂය බොහෝ දුරට ශරීරගත විය හැකි බවත් මදුරු විශේෂයක් මඟින් මෙම පණුවා මිනිසුන්ට ශරීරගත වීමේ වැඩි ප්‍රවණතාවක් පවතින බවත් වෛද්‍යවරු පවසති.
කාන්තා හා පිරිමි භේදයකින් තොරව මෙවැනි රෝගීන් හමුවී තිබෙන බවද හෙතෙම වැඩිදුරටත් කියා සිටියේය. ඊයේ (26දා) සිදුකළ සැත්කමෙන් කුඩා දරුවකුගේ ශරීරයේ සිටි පණුවන් ඉවත් කිරීම වෛද්‍ය කණ්ඩායම විසින් සාර්ථකව සිදුකරනු ලැබීය.
ලෝකයේ රටවල් ගණනාවකින් මෙවැනි සිද්ධීන් වාර්තා වී තිබෙන බවත් එහෙත් ලංකාවේ විවිධ තැන් කිහිපයක ශරීරවල මේ ආකාරයෙන් පණුවන් සිටි බවට වාර්තා වී ඇතැයි හෙතෙම සඳහන් කළේය.
එහෙත් එක දිගටම දඹුල්ල රෝහලට මේ ආකාරයෙන් පණුවන් ශරීරගත වී ඇති රෝගීන් වැඩිවීම බරපතළ ප්‍රශ්නයක් බව වෛද්‍යවරු පවසති.
මෙම පණු විශේෂය ශරීරයට ඇතුළු වන ආකාරය මෙම පණුවන් පිළිබඳව සහ ඔවුන් ජීවත් වන කාල සීමාව පිළිබඳවත් එමෙන්ම මෙම සතුන් බෝ වන ආකාරය පිළිබඳවත් පරීක්ෂණ පැවැත්වීම සඳහා ශරීරවලින් ඉවත් කරගත් පණුවන් සහ පණුවන් ජීවත් වූ ශරීර අභ්‍යන්තරයේ තිබූ කෝෂ පේරාදෙණිය විශ්වවිද්‍යාලයේ වෛද්‍ය පීඨයට යැවූ බව වෛද්‍ය අර්ථනායක මහතා වැඩිදුරටත් සඳහන් කළේය.

බොහෝ දුරට සම මතුපිටින් ගැටිති මතුවීමෙන් මෙම පණු ගෙඩි අනාවරණය කර ගැනීමට හැකියාව පැවැතියද ශරීර අභ්‍යන්තරයේ මේ ආකාරයෙන් පණු විශේෂය රැඳී සිටියහොත් එකවරම හඳුනා ගැනීමට නොහැකි අවදානම් තත්ත්වයක් පවතින බවද ඔවුහු පවසති.
විශේෂයෙන් ගෘහස්ථ බල්ලන් පූසන් වැනි සතුන්ගෙන් සහ මදුරුවන්ගෙන් මේ තත්ත්වය බෝවීමේ වැඩි ප්‍රවණතාවක් දක්නට ඇති බවද වෛද්‍යවරු පවසති.
එකවරම මේ හා සමානව වැඩි රෝගීන් පිරිසක් දඹුල්ලෙන් වාර්තා වීම පිළිබඳව විශේෂ පරීක්ෂණයක් පැවැත්වීමටද තම වෛද්‍ය කණ්ඩායම ඉදිරියේදී බලාපොරොත්තු වන බවද අර්ථනායක මහතා වැඩිදුරටත් සඳහන් කළේය.

මෙම පණු විශේෂය කුඩා දරුවන්ගේ රහස් ප්‍රදේශයෙන් ඇතුළු වූ අවස්ථාද එමෙන්ම ශරීරයේ අත් පා වලින් සහ පපුව ප්‍රදේශවලින් ඇතුළු වූ අවස්ථාද දැක ගැනීමට තිබුණු බවද වෛද්‍යවරු සඳහන් කරති. එක් අවස්ථාවක ඇසක රැඳී සිටි අඟල් 6ක පමණ පණුවකු සොයාගැනීමට හැකියාව ලැබුණු බවද ඔවුහු සඳහන් කරති.
විශේෂයෙන් දඹුල්ල හබරණ ගලේවෙල සීගිරිය ආදී ප්‍රදේශවලීන් රෝගීන්ගේ වාර්තා වීම විශේෂත්වයක්ද බවද වෛද්‍යවරු පවසති.

ලෝකයටම ලොකුකම් කියන උ.කොරියාවේ අමුතු නීතී

2017-09-26T07:25:00.000-07:00

කොරියාවේ රැකියාවකට යෑම අද බොහෝ තරුණයන් අතර ඇති සිහිනයකි. එසේ යන සියල්ලෝම පාහේ අතමිට සරු කර ගනිති. ඔවුන් යන්නේ දකුණු කොරියාවටය. එහෙත් උතුරු කොරියාවේ රැුකියාවක් සොයා ගැනීමට ලෝකයේ කවරකු හෝ තැත් කරන්නේද යන්න සැක සහිතය. කොරියාවේ උතුර දකුණ කොයි මොහොතේත් ඇවිලෙන සුළුය. කවදත් උතුර ලෝකයෙන් බොහෝ දේ වසන් කරයි. ප‍්‍රකාශනයේ හා තොරතුරු දැනගැනීමේ අයිතිය තරයේ සීමා කර තිබුණත් එරට ඇතැම් රහස් ලොවට හෙළිවී ඇත.

උ.කොරියාවේ වත්මන් පාලකයා කිම් ජොන් උන්ය. ජොන් උන් යනු එරට ජනප‍්‍රිය නාමයකි. එය ගැහැනු පිරිමි භේදයක් නැතිව බොහෝ දෙනා භාවිත කරති. එහෙත් ඒ නම දැරීමට දැන් අයිතිය ඇත්තේ කිම් ජොන් උන්ට පමණී. ඔහු එම නම නව දරුවන්ට තැබීම තහනම් කර ඇත. එපමණක් නොව ජොන් උන් නම භාවිත කරන සියල්ලන්ම එය වෙනස් කර ගත යුතුය. ඒ අනුව එක් අයෙකු වෙනුවෙන් සමස්ත ජනතාවකගේම නම් වෙනස් කෙරුණු රටකි උ. කොරියාව.
කිම් ජොන් උන් යනු සාහසිකත්වයට ප‍්‍රකට නායකයෙකි. ඔහුගේ මාමා කෙනෙකු මරා දමනු ලැබ තිබුණේ නිරුවතින් කූඩුවකට දමන ලදුව හාමතින් සිටි බල්ලන් 120කට කන්නට සලස්වමිනි. එරටදී බයිබලය හෝ අසභ්‍ය දේ කියවනු ලැබ අසුවුවහොත් මරණ දඩුවම නියතය. එහෙත් එහි මර්ජුවානා මත්ද්‍රව්‍යයක් සේ නොසැලකෙන අතර එය නීත්‍යානුකූල දෙයකි.

අප මෙන්ම ලෝකයේ බහුතරයක් භාවිත කරන ජෝර්ජියානු කැලැන්ඩරය 1997 සිට උ.කොරියාවේ තහනම්ය. ඔවුන් ඒ වෙනුවට භාවිත කරන්නේ කිම් ජොන් උන්ගේ මුත්තණුවන් වන කිම් ඉල් සුං ගේ උපන් දිනය වන 1912 අපේ‍්‍රල් 15වෙනිදා පදනම් කරගෙන සැකසූ දින දසුනකුයි. ඒ අනුව දැන් ඔවුනට ගත වෙන්නේ 102වන වසරයි.

එරට අගනුවර වාසය කිරීමට ලැබෙන්නේ සුවිශේෂී පැලැන්තියේ ලා සැලකෙන 10%ක පමණ පිරිසකට පමණි. ඔවුන් සඳහා තට්ටු ගණන් උසැති සුඛෝපභෝගී නිවාස ඇති අතර ඒවා විකිණීම, මිලදී ගැනීම හා කුලියට දීම එරට නීතිය අනුව බරපතළ වරදකි දැඩි දඩුවම්වලට ලක්වූවත් හොර රහසේ එම කටයුතු කෙරෙන බව පැවැසේ.

උ. කොරියාවේ වරප‍්‍රසාද ලත් 10%ක පුරවැසියන් රිසිි සේ ආහාර පාන භුක්ති විඳිද්දී සෙසු අයට ලැබෙන්නේ දිනකට ධාන්‍ය ග‍්‍රෑම් 250ක් පමණක් බව පසුගිය අගෝස්තුවේ නිකුත් කෙරුණු වාර්තාවක දැක්වේ.

මේ කරුණු මෙසේ වුවත් ලොව විශාලතම ක‍්‍රීඩාගාරයකට හිමිකම් කියන්නේ ද මේ රටයි.

පියොන්ගියෑංහි ‘ungrado 1st’ නම් වන එහි වරකට පේ‍්‍රක්ෂකයන් 150,000කට අසුන්ගත හැකිය. නායකයන් තිදෙනෙකු යටතේ එහි විශාල හමුදා සංදර්ශන පැවැත්වී ඇත. ගිනස් වාර්තා පොතට අනුව මෙහි පැවැත්වෙන්නේ ලොව විශාලතම සංදර්ශනයි.

රටෙන් පිටට ඇමතීම තහනම් වූවත් එරට ජංගම දුරකථන භාවිතය ඉතා ඉහළ බව පැවැසේ. එහෙත් ඩොලර් 500ක් තරම් වැය කර චීනයෙන් සිම් කාඞ්පත් හොරෙන් ලබා ගන්නා අය එහි සිටින බව කියවේ. මේවා සපුරා තහනම් අතර අසුවුවහොත් බරපතල වැඩ සහිතව දිගුකාලීන සිර දඩුවම් අත්වේ.

කොපමණ නීති තිබුණත් වැරදි කරන්නෝ වැරදි කරති. උ. කොරියානුවන් ලක්ෂ 2ක පමණ පිරිසක් සිටින්නේ සිරගතව බව හියුමන් රයිට්ස් වොච් සංවිධානය පවසයි. දේශපාලන සිරකරුවන්ද ඒ අතර වේ. කඳවුරු අපිිරිසිදු හා දුක් සහගත ඒවාය.

උ. කොරියාවේ පරිගණක ඇත්තේ වරප‍්‍රසාද ලත් සීමිත පිරිසට පමණි. අන්තර්ජාල කටයුතු කළ හැක්කේද සීමා සහිතවයි. එද සමාගම් සඳහා අවම මට්ටමකිනි. ඊටද වෙබ් අඩෙවි ඇත්තේ 5000ක් තරම් ප‍්‍රමාණයකි. රට තුළ විදේශ වෙබ් අඩෙවි තහනම්ය. පරිගණක සම්බන්ධ සියලූ ක‍්‍රියාකාරකම් නිරන්තර අධීක්ෂණයකට ලක්වේ. 2014 වසරේ ලෝක කුසලාන ක‍්‍රිකට් තරග එරටේ පෙන්වා තිබුණේ පැය 24ක් පමා කරමිනි. වසර 5කට වරක් පැවැත්වෙන උ.කොරියානු මැතිවරණයේ එකම අපේක්ෂකයා වන්නේ පාලකයාමය. එබැවින් ඡන්ද 100%ක්ම ඔහුට ලැබෙන බව වාර්තාවී ඇත.

ATM යන්ත‍්‍ර නැති උ. කොරියාවේ විදේශිකයන් පවා භාණ්ඩ හා සේවාවන් සඳහා භෞතික මුදල්ම භාවිත කළ යුතුය. රටේ දිලින්දන්ගේ සේයාරූ ගැනීම තහනම්ය. එමගින් රටේ ප‍්‍රතිරූපයට හානි විය හැකි බැවිනි.

උ. කොරියාව යනු තම හමුදාව වෙනුවෙන් වැඩිම මුදලක් වෙන් කර ඇති රටයි. එය ඔවුන්ගේ අයවැයෙන් 33%ක් තරම් ඉහළ අගයක් බව පැවසේ. 12,000,000ක් පමණ වන එරට හමුදාවෙන් 40%ක්ම කාන්තාවන්ය. පිරිමින් සඳහා වසර 12ක් ද කාන්තාවන්ට වසර 7ක්ද යුද මෙහෙය අනිවාර්යය වේ. මේ දෙපිරිසටම ලැබෙන්නේ සමාන යුද පුහුණුවකි. එහෙත් කාන්තා සෙබළියන්ගේ සොඛ්‍ය පහසුකම් සතුටුදායක නොවන බව පැවසේ.

මෝටර් රියක් හිමි වන්නේ එරට හමුදාවේ උසස් නිලයන්ට පමණි. ප‍්‍රධානම ප‍්‍රවාහන මාධ්‍යය පාපැදියයි. නවතම ප‍්‍රවනතාව බැටරි බලයෙන් ක‍්‍රියා කරන චීන පාපැදියි.

කි.මී. 25,554ක් දිවෙන එරට මාවත්වලින් වැඩිහරිය දුහුවිලි පිරි අපිිරිසිදු මාවත්ය. නිසි ලෙස සැකසී ඇත්තේ කි.මී. 724ක් පමණි. බහුතරයක් අක‍්‍රිය මාර්ග සංඥා වෙනුවට රථ නියාමනය නිතරම කෙරෙන්නේ පොලීසියෙනි.

ලෝකයේ සාක්ෂරතාව ඉතා අඩු රටක් වශයෙන් උ. කොරියාව සැලකේ. එහෙත් පාලකයන් පවසන්නේ සාක්ෂරතාව 100%ක් බවයි. එහෙත් එහි බොහෝ දෙනා එකෝඩියන් වාදනයේ නිපුණයෝය. ඒ 90 දශකයේ සියලූ ගුරුවරුන් එකෝඩියන් වාදනය පුහුණු විය යුතුවූ හෙයිනි.

උ. කොරියාවේ දරිද්‍රතාවද දරුවන් හා ගර්භනීන් අතර මන්දපෝෂණයද ඉතා ඉහළ බවයි වාර්තා වන්නේ. සියොල් නුවර සරසවියකින් කෙරුණු සමීක්ෂණයකට අනුව ද. කොරියානුවන්ට වඩා උ. කොරියානුවන් උසින් අඩු බව පෙනී යයි. ඊට හේතුව මන්දපෝෂණය බව අනුමාන කෙරේ. එහෙත් උ. කොරියාව ලොව ඉහළම පලතුරු නිෂ්පාදකයෙකි. තම වැසියන්ගේ කුසගිනි නිවනු වෙනුවට එරට පාලකයන් ප‍්‍රධාන වශයෙන් චීනයට පලතුරු අපනයනය කරයි.

කොරියානු යුද්ධයෙන් පසු උ. කොරියාවේ දකුණට මායිම් වන පෙදෙසේ ඉදිවූ නගරයකි කිජොං-ඩොං. එහි අරුත සාම ග‍්‍රාමයයි. දකුණු කොරියාවේ ප‍්‍රහාරවලට ඉලක්ක වන සේ ගොඩනගා ඇති මේ නගරය පෙනුමට කෙරුණු ව්‍යාජ ඉදිකිරීමක් මිස කිසිවෙක් එහි ජීවත් නොවෙති.

ජීන්ස් ඇඳීම තහනම්ව ඇති උ. කොරියාවේ තරුණයන් නායක කිම් මෙන් කොණ්ඩය කැපිය යුතු බවට වන නීතියකි. කාන්තාවන් තම කොණ්ඩය කැපිය යුත්තේ රජයේ අනුමත මෝස්තර 28න් එක් ක‍්‍රමයකට මිස හිතුමතේ නොවේ.

උ. කොරියාවේ ක‍්‍රියාත්මක වන්නේ එහි නායකයාගේ ආඥාදායකත්වය පමණි. ඔහු සිටින රැුස්වීම් ආදියේදී නිදා වැටුණු හමුදා ප‍්‍රධානීන්ට වුව සිදුවූයේ ජීවිතයෙන් වන්දි ගෙවීමටයි. එය ද ගුවන් යානා නාශක තුවක්කු රැුසකින් කිහිපදෙනෙකු විසින් වෙඩි තැබීම වැනි ඉතා කුරිරු දඩුවමකිනි. එහෙත් ඔවුන් ලෝකයට නිකුත් කරන ඡුායාරූපවල දැක්වෙන්නේ ඉතා සතුටින් සිනාසෙන ක‍්‍රීඩකයන්, කාන්තා සෙබළියන් හා දරුවන් වැනි පිරිස්ය.

උ. කොරියාව ගැන මේ තරමින් හෝ තොරතුරු වාර්තා වන්නේ ඉන් පැන එන පිරිස්වලිනි. හිතුවක්කාර ලෙස න්‍යෂ්ටික අත්හදා බැලීම් කරමින් දැන් උ. කොරියාව ලෝකයටම තර්ජනයක් වෙමින් සිටී. එහි ප‍්‍රතිඵලය නම් කිසිසේත්ම ලොවට හිතකර නොවනු ඇත.

ලක්බිම පුවත්පත

පරිපාලන සේවා විභාගයේ දෙමල ප්‍රශ්න කලින් ම පිටවෙලා

2017-09-25T10:11:00.000-07:00

ශ්‍රී ලංකා පරිපාලන සේවයේ III වෙන ශ්‍රේණියට නිලධාරීන් බඳවා ගැනිමේ විවෘත තරඟ විභාගය ඊයේ දිනයේ පැවැත්විණ. එහි අභියෝග්‍යතාවය ප්‍රශ්න පත්‍රයේ ප්‍රශ්න 15ක් කිසිදු අකුරක් හෝ වෙනස් නොවී විභාගය පවත්වා පැයකට පසුව සමාජ ජාලා වෙත මුදා හැරීමට මඩකලපුව ප්‍රදේශයේ සේවය කරන දමිල මාධ්‍ය ගුරුවරයෙකු ක්‍රියාකොට තිබේ.

මෙමගින් සිංහල මාධ්‍යයෙන් විභාගයට එක්වූ අපේක්ෂකයින්ට බරපතල අසාධාරණයක් සිදුව ඇති බවට විභාග අපේක්ෂකයින් චෝදනා කරයි. අප මේ සම්බන්ධයෙන් අදාල ගුරුවරයාගෙන් විමසා සිටියදී ඔහු ප්‍රකාශ කලේ තමන් පරිශීලනය කල දමිල මාධ්‍ය කෘතියක මෙම ප්‍රශ්න 15ව ගැබ්ව තිබූ බවයි.

ඔහුගේ ප්‍රකාශයත් සමග අපට ශ්‍රී ලංකා විභාග දෙපාර්තමේන්තුව කෙරෙහි ඇතිවන්නේ ගැටළුවක්. අදාල ගුරුවරයා ප්‍රකාශ කලේ සත්‍ය නම් විභාගයේ ප්‍රශ්න පත්‍ර කලින් පිටවී තිබේ යන්න එක සැකයක්, එසේ නොවේනම් විභාග දෙපාර්තමේන්තුවේ ප්‍රශ්න පත්‍ර සකසන්නන් මෙම පොත් මූලාශ්‍රයක් කොටගෙන ප්‍රශ්න සකසා තිබේ.

කෙසේහෝ වේවා මේ සිදුවීම නිසා බරපතලම අසාධාරණයට ලක්වන්නේ විභාගට මුහුණදුන් සිංහල අපේක්ෂකයින් බව නැවත වරක් අවධාරණය කරමු.

කලින් පිටවූ ප්‍රශ්න හා එම ප්‍රශ්න ඇතුලත්ව තිබූ දමිළ කෘතිය,

මඩකලපුවේ පදිංචි ද්‍රවිඩ ගුරුවරයෙකු විභාගය පවත්වා පැයකට පසුව සිය ෆේස්බුක් ගිණුමට දැමූ සටහන,

(www.abrighterfuture.lk)

රුපියල් 100 ට විකුණූ පරණ පත්තර ගොඬේ ලක්ෂ 3 ක්

2017-09-25T05:41:00.000-07:00

අයිතිකරුට බාරදෙයි

පරණ පත්තර සහ අබලි ද්‍රව්‍ය එකතු කිරීමේ රැකියාවේ නියුතු පුද්ගලයකු රුපියල් 100කට මිලදී ගත් පත්තර මිටියක තිබූ රුපියල් ලක්ෂ තුනක මුදලක් එහි අයිතිකරුට බාරදීමේ සිද්ධියක් හොරණින් වාර්තා වේ.

හොරණ, පෝරුවදණ්ඩ, පැලවිටිගොඩ අංක 138 ලිපිනයේ පදිංචි ආර්. කරුණාරත්න මහතා කුඩා ලොරියකින් හොරණ සහ අවට ප්‍රදේශවල සැරිසරමින් පරණ පත්තර, අබලි ද්‍රව්‍ය ආදිය එකතු කර ඒවා විකුණා සාධාරණ ජීවිකාවක් කරගෙන යන එක් දරු පියෙකි.

ඉකුත් 17 වැනිදා ඔහු සිය සේවකයා වන හොරණ ඇලකන්ද පදිංචි වේලු සම්මුගන් සේදරන් සමග කුඩා ලොරියක ගැට ගසන ලද ශබ්ද විකාශන යන්ත්‍රයක් උපයෝගී කරගෙන පරණ පත්තර හා ඉවත ලන අබලි ද්‍රව්‍ය මිලදී ගන්නා බවට ප්‍රචාරය කරමින් හොරණ නගරය ආසන්නයේ අතුරු මාර්ග රැසක නිවාස කිහිපයකට ගොස් ඒවා මිලදීගෙන අනතුරුව 20 කණුව ප්‍රදේශයට ද ගොස් ඇත.

එම ප්‍රදේශයේ නිවසක සිටි කාන්තාවක් ඔවුන්ට කතා කර නිවසේ තිබූ පරණ පත්තර තොගයක් දී තිබූ අතර කිලෝ දහයක් තිබූ එම පත්තර තොගයට රුපියල් සියයක් දී එම පත්තර තොගය පොහොර උරයක දමාගෙන එම ස්ථානයෙන් පිටත්ව ගොස් තිබේ.

එම ප්‍රදේශයේම තවත් නිවාස කිහිපයකින් යකඩ, ප්ලාස්ටික් හා පරණ පත්තර ද මිලදී ගත් කරුණාරත්න එකතු කරගත් සියලුම දෑ වෙනදාත් විකුණන හොරණ, මුණගම අබලි ද්‍රව්‍ය වෙළෙඳසැල වෙත සිය සේවකයා හා ලහි ලහියේ පිටත් වූයේ ලොරියේ කාර්මික දෝෂයක් කාර්මිකයකු ලවා සකසාගැනීමේ අවශ්‍යතාව තිබූ හෙයිනි.

මුණගම වෙළෙඳසල කරා ලොරිය පැද වූ කරුණාරත්න සිය සේවකයා ලවා එකතු කරගත් සියලුම භාණ්ඩ ලොරියෙන් පිටතට ගෙන වෙන් කරන්නට විය.

සිය සේවකයා ලොරියේ පිටුපසට වන්නට තිබූ පත්තර දැමූ පොහොර බෑග් ඔහු වෙත දුන් අතර කරුණාරත්න ඒවා පිටතට ගෙන සකස් කරමින් සිටියදී පත්තර අතර රබර් පටියක් දැමූ මුදල් නෝට්ටු මිටියක් තිබෙන අයුරු දැක ඇත.

වහා එය අතට ගත් ඔහු වෙළෙඳසැලේ පසෙකට ගොස් කාටත් නොපෙනෙන පරිදි පරීක්ෂා කිරීමේදී රුපියල් පන් දහසේ නෝට්ටු හැටක් ඒ තුළ අඩංගුව තිබෙන අයුරු දැක ගත හැකි වී තිබේ.

ඒ බව සිය සේවකයාට හෝ නොපැවසූ කරුණාරත්න එදින එකතු කරගත් සියලුම පත්තර ඇතුළු අබලි ද්‍රව්‍ය එම වෙළෙඳසලට දී ඒ වෙනුවෙන් මුදල් ද රැගෙන ලොරිය සාදා ගැනීමට හොරණ නගරයේ ස්ථානයකට ගියේ රුපියල් ලක්ෂ තුනේ හිමිකරු එදිනම සොයා ගැනීමේ හෝ සොයා එයි යන අදහසිනි.

මේ අතරතුර 20 කණුව ප්‍රදේශයේ නිවසේ කරුණාරත්න පත්තර විකුණූ කාන්තාවගේ සැමියා නිවසට පැමිණ පත්තර අතර සැඟවූ මුදල් අවශ්‍යතාවකට ගැනීම සඳහා එම ස්ථානයට ගොස් තිබේ.

ආර්. කරුණාරත්න මහතා (වමේ) ඔහුගේ සේවකයා වන වේලු සම්මුගන් සේදරන් (දකුණේ) පරණ පත්තර හා අබලි ද්‍රව්‍ය එකතු කරන ලොරිය ඉදිරිපිට දී

රුපියල් ලක්ෂ තුනක මුදල සඟවා තිබූ පත්තර ගොඩ එම ස්ථානයේ දක්නට නොවූයෙන් ඔහු නිවසේ සෑම තැනකම එය සොයා බැලුවේය.

පත්තර ගොඩ නොවූයෙන් පපුව රත්වී දැඩි කලබලයට පත් ඔහු සිය බිරියගෙන් ඒ ගැන විමසීමේදී එම පත්තර තොගය විකුණූ බව පවසා ලොරිය පිළිබඳ හා එහි පැමිණි පුද්ලයන්ගේ හැඩරුව මතක ඇති අයුරින් සැමියාට පැවැසුවාය.

වහා ක්‍රියාත්මක වූ මුදල් හිමිකරු සිය බිරිය ද කැටුව නගරයේ අබලි ද්‍රව්‍ය තොග ගණනට මිලදී ගන්නා ව්‍යාපාරිකයා හමුවට ගොස් නිවසට පත්තර මිලදී ගැනීමට පැමිණි පුද්ගලයන්ගේ හැඩරුව පවසා ඔවුන්ට පත්තර විකුණු බවත් ඒ තුළ ඉඩමක ඔප්පුවක් තිබූ බවත් පවසා ඇත.

එම අඹුසැමි යුවළ පැවසූ තොරතුරු අනුව එම පුද්ගලයා පැල්විටිගොඩ කරුණාරත්න බව වහා හඳුනාගත් ව්‍යාපාරිකයා කරුණාරත්නගේ ජංගම දුරකතනයට ඇමතුමක් ගෙන වෙළෙඳසලට වහා පැමිණෙන ලෙස දැනුම් දුන්නේය.

ඒ අනුව කරුණාරත්න එම ස්ථානයට පැමිණි අතර අඹුසැමි යුවළ ද එම ස්ථානයේ සිට ඇත.

වෙළෙඳ ව්‍යාපාරිකයා කරුණාරත්න අමතා, ‘මෙයාලාගේ ඉඩම් ඔප්පුවක් ඔයා ගෙනාව පත්තර මිටිය තුළ තිබුණලු. ඒක දැම්ම තැන පෙන්වන්නැ’ යි පැවැසීය.

‘නෝනා මහත්මයා පත්තර ගොඩ ඇතුළේ ඔප්පුවක් නම් තිබුණේ නැහැ. මෙන්න මේ සල්ලි මිටිය නම් තිබුණා. හොඳට ගැනලා ගන්න ඔතැන ශතයක්වත් අඩු නැහැ’ යැයි පවසා එම යුවළ අත තැබීය.

පන්දහසේ නෝට්ටු 60කින් සමන්විත රුපියල් ලක්ෂ 3ක මුදල නිසි පරිදි වූයෙන් එම යුවළ ඒ මොහොතේම කරුණාරත්නට රුපියල් හතළිස් දහසක මුදලක් දීමට කෘතඥ විය.

කරුණාරත්න ඔවුන් ඉදිරිපිටදීම තම සේවකයා වූ සේදරන් වෙත රුපියල් විසි දහසක් පරිත්‍යාග කළේ තම ගුණවත්කම තවදුරටත් කියාපාමිණි.

මීට වසර කිහිපයකට පෙර ත්‍රීරෝද රථ රියැදුරෙකු ලෙස සිටි කරුණාරත්න පවුම් දෙක හමාරක් බරැති අත්පළඳනාවක් මෙන්ම රුපියල් හතළිස් දහසක මුදල් පසුම්බියක් ඔහුගේ ත්‍රීරෝද රථයේ වැටී තිබියදී අහුලා අයිතිකරුවන් වෙත බාරදීමට තරම් අවංක කාරුණික හදවතක් තිබූ පුද්ගලයකු බවට ඔහු හා කළ කථා බහේදී හෙළි විය.

රුපියල් ශතවලට මනුස්සකම අමතක වී අමනුෂ්‍යකම ඉස්මතු වන අවධියක කරුණාරත්න වැනි මිනිසුන් මුළු සමාජයටම ආදර්ශයක් බව මෙම සිද්ධිය ගැන ඇසූ දුටු සියල්ලෝම පැවැසූහ.

දෙසැම්බර් 31 පසු හානී වූ මුදල් නෝට්ටු වලට රජය කරන දේ | SL GOSSIPS

2017-09-24T17:03:00.001-07:00

විකෘති කිරීමකින්, වෙනස් කරන ලද , පළුදු කරන ලද හෝ කවරාකාරයෙන් හෝ හානියට පත් කරන ළද මුදල් නෝට්ටු සඳහා 2017 දෙසැම්බර් 31 වනදා යින් පසුව අලුත් නෝට්ටු නිකුත් කිරීම සිදු නොකරන බව ශ‍්‍රී ලංකා මහ බැංකුව ප‍්‍රකාශ කරනවා.
කෙසේ වෙතත් හිතාමතා හානී නොකොට පොදු බාවිතයේදී පමණක් හානී වූ මුදල් නෝට්ටු ශ‍්‍රී ලංකා මහ බැංකුවෙන් සහ බලපත‍්‍රලාභී වාණිජ බැංකු හරහා පවත්නා ක‍්‍රිමවේදය යටතේ හුවමාරු කරගෙන එහි වටිනා කම තවදුරටත් පවත්වාගෙන යා හැකි.
ශ‍්‍රී ලංකා මහ බැංකුවේ ව්‍යවහර මුදල් දෙපාර්තමේන්තුව මගින් නිවේදනයක් නිකුත් කොට මේ පිළිබඳ ප‍්‍රකාශ කර ඇති අතර එය මුදල් නෝට්ටු අතර ගුණාත්මක භාවය වැඩි කරීම සඳහාත් සත්‍ය හා ව්‍යාජ මුදල් හදුනා ගැනීම සඳහාත් මෙම තීරණය ගත් බව මහ බැංකුව ප‍්‍රකාශ කරනවා.
එම නිසා අද ඉදන් ඔයා මුදල් දෙනකොට ගන්නකොට පරිස්සම් ඇතිව හොදට හොයලා බලලා දෙන්න.නැත්නම් ඊළග අවුරුද්දේදී පාඩු විදින්න වෙයි

ඇමෙරිකානු ප්‍රහාරක යානා උතුරු කොරියාව සමීප අහසේ

2017-09-24T12:00:00.002-07:00

සිය යුද ශක්තිය ප්‍රදර්ශනය කිරීම පිණිස ඇමෙරිකානු බෝම්බ ප්‍රහාරක යානා උතුරු කොරියාවේ නැගෙනහිර වෙරළබඩ තීරය සමීපයට පියාසර කළ බව පෙන්ටගනය පවසයි.
"ඕනෑම තර්ජනයක් පරාජය කිරීම සඳහා" ජනාධිපති ට්‍රම්ප් සතුව "විවිධ හමුදා ක්‍රියාමාර්ග" තිබෙන බව ප්‍රදර්ශනය කිරීම උතුරු කොරියාව සමීපයට ප්‍රහාරක යානා පිටත් කිරීමේ අරමුණ බව ද පෙන්ටගනයේ ප්‍රකාශිකා ඩනා වයිට් (Dana White) සඳහන් කළාය.
ඇමෙරිකා එක්සත් ජනපදය සහ උතුරු කොරියාව අතර වාග් සංග්‍රාමය මෑත සති කිහිපය තුළ උත්සන්න විය.

එයගේ ආදරේ දිනාගන්නේ විදිය

2017-09-22T01:18:00.000-07:00

තරුණ තරුණියන් අතර ඇතිවන ආදර සබඳතා දිගුකාලීන සබඳතා බවට පත්වන්නේ කලාතුරකිනි. ඊට බොහෝ විට හේතු වන්නේ එකිනෙකා අවබෝධ කරගැනීමට ඇති නොහැකියාවයි. ආදර සබඳතාවක්‌ පවත්වාගෙන යන විට පෙම්වතා පෙම්වතියගේ ආදරය දිනාගන්නට සමත්a වී තිබෙනවාද? පෙම්වතුන් ලෙස ඔබට ඇයගේ ආදරය හඳුනාගන්නටත්, ඇයගේ ආදරය තමා සතු කරගැනීමටත් හැකිවී තිබෙනවාද? ස්‌වභාවයෙන්ම පිරිමි පාර්ශ්වය තුළ ආදරයක්‌ ඇති වන්නේ රාගික හැඟීමත් සමගයි. ආදරයේ දී කාන්තාවගේ හැඟීම් වෙනස්‌ වේ. "මං හිතන විදියටමයි එයා හිතන්නෙ", "මම කැමැති විදියටමයි එයා අඳින්නෙ" මෙවැනි සිතුවිලිත් සමගම කාන්තාව තුළ ආදරයක්‌ ඇති වේ. පිරිමි සිත් රාගික හැඟීම්වලට ඉඩ දුන්නද කාන්තා සිත ඉඩ දෙන්නේ ආශාවන්වලට පමණයි. මේ නිසාම ආදරයේ දී එකිනෙකාගේ සිතුම් පැතුම් එකිනෙකට වෙනස්‌ වේ.
ආදරය යන්න මිනිසෙක්‌ තුළ ඇති වන උතුම් හැඟීමකි. ආදරය කරන විට පිරිමියා ඒ දෙස බලන ආකාරය, කාන්තාව ඒ දෙස බලන ආකාරය අනුව එකිනෙකා හඳුනාගත යුතුයි. මෙය එක හා සමාන වූ පමණින් උතුම් ආදරයක්‌ ඇති වේ. ආදරය සදාකල්හිම පැවතෙන සංසාරික බැඳීමකි. මෙකී නොසංසිඳෙන ආදරය සදාකල්හිම පවත්වාගෙන යන්නට ඇයගේ ආදරය දිනා ගැනීම වැදගත්.

පෙම්වතිය හැමවිටම හැඟීම්වලට ඉඩදෙයි

පෙම්වතා ලෙස ඔබට ඔබේ පෙම්වතියගේ හැඟීම් තේරුම්ගත හැකි නම් ජීවිත කාලය පුරාවටම ඇය සමග සතුටින් කාලය ගතකළ හැකිවේ. හැමවිටම කාන්තාවක්‌ තම සිතේ ඇතිවන ආදරය, සෙනෙහස, දුක, මෛත්‍රිය, කෝපය, කුතුහලය, සැකය, බය පිළිබඳ කතා කරයි. සිතනු ලබයි. නමුත් පිරිමියා මීට ප්‍රතිවිරුද්ධව සිතුවහොත් ඔහු හා ඇය අතර සබඳතාව පවත්වාගෙන යැමට නොහැකි වෙයි. පෙම්වතිය සමග කතා කරන විට තේරුම් ගත යුතු පළමු දෙය වන්නේ ඇය හැඟීම්වලට කතා කරන බවත්, මා හැම විටම ඇයගේ හැඟීම් අසා සිටිය යුතු බවත්ය. ඇය ආදරය ගැන කතා කළත් දුක ගැන කතා කළත් පිරිමි ඔබ එය අසා සිටිය යුතුය. සාමාන්‍යයෙන් ඔබේ පෙම්වතිය වැඩිපුර කතා කරන්නේ දුක, කනස්‌සල්ල, පාළුව, තනිකම, හුදෙකලාව, වේදනාව, කලකිරීම් ආදී කරුණු පිළිබඳවය. මේ ඇය තුළ ඇති වන හැඟීම්ය. ඇය මුදල් උපයන ක්‍රම පිළිබඳව, දේශපාලනය, ආර්ථික ප්‍රශ්න පිළිබඳ වැඩිපුර කතා නොකරන අතර වැඩිපුර කතා කරන්නේ ඉහත කාරණා ගැනය. ඒ නිසා ඇයගේ ආදරය දිනා ගන්නට නම් ඔබ පෙම්වතියගේ හැඟීම්වලට ඇහුම්කන් දිය යුතුය. ප්‍රේම සබඳතා බොහොමයක්‌ අතරමඟදී බිඳ වැටෙන්නේ පෙම්වතා හැමවිටම පෙම්වතියගේ හැඟීම්වලට ඇහුම්කන් නොදීම නිසයි.

ආදරය ගැන කතා කිරීමට, රස විඳීමට, වින්දනය ලබන්නට වැඩි කැමැත්තක්‌ දක්‌වයි. ඔබේ සිත දිනාගත් තරුණිය සමග ආදරය ගැන කතා කරන්නට හැකිනම් ඇයගේ සිත දිනාගැනීමට හැකිවේ. සාමාන්‍ය ස්‌වභාවය වන්නේ තරුණයා තරුණියකගේ, ආදරය දිනාගත් පසු ඒ ගැන කතා කිරීම අත්හැර දමයි. නමුත් තරුණියට මියයන මොහොත දක්‌වාම ආදරය ගැන කතා කිරීම අවශ්‍ය වේ. ආදරය කාන්තාවන්ගේ ශක්‌තිය වර්ධනය කරන සාධකයකි. ඒ නිසා මේ වචනයෙන් එන හැඟීම හැම විටම දැනෙන දෙයක්‌ බවට පත්විය යුතුය. ආදරය ප්‍රකාශ කිරීම, කතා කිරීම, දැනෙන්ට සැලැස්‌වීම තුළින් පහසුවෙන්ම පෙම්වතියගේ ආදරය දිනාගැනීමට හැකි වේ.

පෙම්වතිය පුංචි පුංචි දේ ගැන කැමැත්තක්‌ දක්‌වයි

පෙම්වතියගේ උපන්දිනයට ඇයට ලැබෙන තෑගි අතරින් ඇය වඩාත් සතුටට පත්වන්නේ පෙම්වතා ආදරයෙන් ලබාදෙන උණුසුම් හාද්දකින් විය හැකියි. නමුත් පෙම්වතා ලෙස ඔබ සිතන්නේ තම පෙම්වතිය වෙනුවෙන් මහා ලොකු දෙයක්‌ කළ යුතු බවත් එවිට ඇය මහා ඉහළින් සතුටු වන බවයි. තරුණියන් සතුටු වන්නේ කුඩා, කුඩා දේවල්වලින් බව තරුණයන් දැනගත යුතුය. උදාහරණයක්‌ ලෙස තමන්ගේ පෙම්වතිය මුණගැසුණු දිනය මතක තබාගෙන ඇයට රෝස මලකින් තෑගි කරන්නට හැකිනම් එය විශාල දෙයක්‌ ලෙසින් තරුණිය සලකයි. පෙම්වතිය මුලින් හමුවූ දිනය, පෙම්වතියගේ උපන් දිනය ආදිය පිළිබඳව මතක තිබේ නම් ඇය බොහෝ සතුටට පත්වේ. නමුත් මෙවැනි කුඩා දේවල් අමතක කිරීම විශාල ගැටලු ඇති කරන්නට හේතු වේ.

පෙම්වතිය හැමවිටම උණුසුම අපේක්‍ෂා කරයි

කාන්තාවන් හැමවිටම ප්‍රතිවිරුද්ධ ලිංගිකයකුගේ උණුසුමට ආසා කරයි. තමන් ආදරය කරන තරුණියට උපරිම ආකාරයෙන් උණුසුම ලබා දෙන්නට හැකිනම් ඇයට උපරිම ආකාරයෙන් උණුසුම ලබාදිය යුතුය. උණුසුම අඩු වීගෙන යද්දී ඇයට මගේ පෙම්වතා ඈත්වන බවක්‌ දැනෙන්නට ගනී. නමුත් ප්‍රායෝගික ලෝකයේ ඔවුන් ඈත් වී නොමැත. ඔබ දෙදෙනා තුළ පෙර පරිදිම ආදරය පවතී. කාන්තාවගේ ස්‌වරූපය වන්නේ පිරිමියාගේ උණුසුම විඳිමින් ඔහුගේ තුරුලෙහිම රැඳී සිටීමයි. ඇයට ඔබ ළඟ රැඳෙමින් උණුසුම විඳින්න ඉඩ ලබාදෙන්න. එවිට ඇය ඔබව හැර නොයයි.

පෙම්වතිය සිතන දේ සහ කියන දේ අතර වෙනසක්‌ පවතී
ඔබේ පෙම්වතිය සිතන්නේ එකකි. කියන්නේ තව එකකි. උදාහරණයක්‌ ලෙස පෙම්වතා තම පෙම්වතියට මුහුදු වෙරළට යැමට කතා කළ විට ඇය "හ්ම්" යනුවෙන් පිළිතුරු දුන්නේ නම් ඉන් අදහස්‌ වන්නේ ඇය ඊට අකැමැති අතර පෙම්වතා අමනාප වේ යෑයි සිතා එයට කැමැත්ත දුන් බවයි. මේ ආකාරයට ඔබ පෙම්වතිය අකමැතිම දේ කිහිප සැරයක්‌ පැවසූ විට තත්ත්වය කෙසේ වේවිද? එවිට තරුණියගේ සිත තුළ මෙම අකැමැතිම දේ කරනවා යන සිතුවිල්ල ඇති වේ. ඇයට මුහුදු වෙරළට යන්න කතා කළ විට ඇයගේ පිළිතුර "හ්ම්" වුවහොත් ඔබ කළ යුත්තේ ඇය සමග නොයා සිටීම නොවේ. ඔබ ඒ සඳහා ඇයට වෙනත් විකල්පයක්‌ ඉදිරිපත් කිරීමයි. චිත්‍රපටයක්‌ බලන්න යමුද, ලන්ච් අවුට්‌ එකට යමුද ආදී වශයෙන් වෙනත් යෝජනා ඉදිරිපත් කිරීමය. එවිට ඇය ඇයගේ අදහස්‌ ප්‍රකාශ කරයි. තරුණියන්ගේ හිනාවීමද එබඳුය. ඒ තුළත් අර්ථ කිහිපයක්‌ ගැබ්වී ඇත. ඇය තනි වචන භාවිත කරයි (තනියි, පාළුයි, දුකයි) නම් ඉන් අදහස්‌ වන්නේ තම පෙම්වතාගේ උණුසුම අපේක්‍ෂා කරන බවයි. හැමවිටම පෙම්වතිය කියන දේට වඩා වෙනස්‌ අපේක්‍ෂාවන්, හැඟීම් ඇයගේ සිත තුළ තිබේ. ආදරයේ දී පෙම්වතා ලෙස ඔබ හැමවිටම පෙම්වතියගේ හැඟීම් වටහා ගන්න.

ඔබේ පෙම්වතියට කිසිදා නොපැවසිය යුතු දේවල් 5ක්

2017-09-22T00:57:00.001-07:00

කාන්තාවන් තේරුම් ගන්න අමරුයි කියල ගොඩ දෙනෙක් කියනව. සමහර අයගෙ අත්දැකීම් එක්ක ඒ කතාව හරි වන්නත් පුලුවන්. නමුත් අපි එයාව තේරුම් ගන්න අමාරුයි කියල අතැරල දෙම්මොත් වෙන්නෙ එයාව අපිට කවම දාකවත් තේරුම් ගන්න බැරිවෙන එකයි. ඒක නිසා අපි හැම වෙලාවකම එයා ආසකරන දේවල් මොනවද, ආස නැති දේවල් මොනවද, එයාට තරහ යන දේවල් මොනවද වගේ පොඩි පොඩි කරුනු ටිකක් දෑනගෙන ඉන්න ඔනෙ. මම මේ කියන්ඩ හන්නෙ ඔයා කවම දාකවත් ඔයාගෙ __ ට __ ට කියන්ඩ හොද නැති දේවල් ටිකක්. මෙතන විස්තර කරල තියෙන්නෙ නම් පොඩ්ඩයි. නමුත් ඔයාල කියන්ඩ ඔන නැති දේවල් මොනවද කියන එක ගැන පොඩි හරි කරුනු ටිකක් තේරුම් ගනී කියල හිතනව. මේ වගේ පොඩි පොඩි දේවල් නිසා අදර වන්තයන්ට තමන්ගෙ ආදරවන්තියව, ස්වාමියාට තමන්ගෙ බිරිද, ලමයින්ට තමන්ගෙ වටිනා දෙමවුපියො නැතිවුන අවස්තා බොහොමයි. ඒක නිසා මේගැනත් හිතන්න. ඔයාල දන්න මේවගේ කරුනු තියනව නම් කටිටියටම දෑනගන්න කියන්නකො.

1 ඔය හරියට නිකන් අරයා වගේ
කාන්තාවක් කවදාවත් කැමති නෑ තමන්ව වෙනත් කෙනෙක් එක්ක සන්සන්දනය කරනවට, ඒ වගේම තමයි එයාල ඔයා වෙන කෙනෙක්ව වර්නනා කරනවටත් කැමත් නෑ. ඒකනිසා ඔයා හරියට අරය වගේ නැත්තම් ඔයත් කරන්නෙ එයා කරන වැඩමයි වගේ දේවල් කියන්න එපා

2 ඔයාත් හරියට අපේ අම්මා වගේමයි
මේ වගේ දේ ඔයාගෙ පෙම්වතියට කියන්න එපා. මේ කතාවෙන් හැගෙන්නෙ ඔයාගෙ අම්මවයි එයාවයි එක මට්ටමේ තිබ්බ වෙගේ අදහසක්. ඒ වගේ කතා වලට කාන්තාවන් එච්චරම කැමති නෑ.

3 ඇය කැමතිම දේවල් විවේචනය කරන්න යන්න එපා
කාන්තවක් උනත් පිරිමියේක් උනත් තමන් ආසකරන දේවල් තියෙන බව අමතක කරන්න එපා. ඒ දේවල් වලට කවුරුහරි මොනවත් කියනවට ඕනම කෙනෙක් කැමති නෑ. ඉතින් එයා ආසකරන දේවල් වලට මොකුත් කියන්න එපා. ඒ දේවල් තේරුම් අරගන ජීවත්වීම යහපත්.

4 ඇය දුකින් ඉන්න වෙලාවට ඇත් වෙන්න එපා
ඇය දුකින් ඉන්න වෙලාවට කවදාවත් එයාව තනි කරන්න එපා. ඒ වගේම ඒ වෙලාවට මගඇරල ඉන්නත් එපා. ඔයා එහෙම කලොත් එයා හිතාවි ඔයා එයා ගැන හිතන්නෙ නැ කියල. ඒක නිසා සැපේදි වගේම දුකේදිත් එයා ලගින්ම ඉන්න.

5 මීට කලින් කීයක් එක්ක යාළුවෙලා තියෙනවද ?
අත්තම කියනව නම් ඉතින් මේ වගේ කතා එලොවටත් නැති මේලොවටත් නැති කතා තමයි. මෙහෙම කතාවක් ඔය එයාගෙන් අහුවොත් ඒකෙන් අදහස් වෙන්නෙ ඔයාට එයා ගැන විස්වාසයක් නැ කියන එකයි. ඉතින් එහෙම කෙනෙක් එක්ක ඉන්න මොන කෙනාඳ කැමති. ඒක නිසා මේ වගේ කතා විහිලුවටවත් අහන්න යන්න එපා.

අන්තර්ජාලය ඇසුරිණි

ලොව දිගම ඔසරි පොට පාසල් සිසුන් අතින් නුවරදී

2017-09-21T07:40:00.000-07:00

ලොව දිගම ඔසරි පොට සහිත ඔසරිය ඇඳ ගිනස් වාර්තාවකට හිමිකම් කීමේ අරමුණින් මනාලියක් අද (21) මහනුවර ගන්නෝරුවේදි මංගල ගමන් ඇරඹුවාය.

ලොරියක පටවා තිබූ ඔසරි ‍පොට ලොරියේ සිට දිග හරිනු ලැබූ අතර එය මාර්ගයේ එක පෙළට රැස්ව සිටි පාසෙල් සිසුවියන් 250 දෙනකු විසින් අල්ලා ගනු ලැබ සිටියහ.

උඩරට මනාලියක සේ හැඩගැන්වුණු සජිනි ප්‍රියංගිකා මනාලියගේ ඔසරි පොට මීටර 3200කින් සමන්විත විය.

මනාල යුවළ අද (21) පෙරවරුවේ මහනුවර ගන්නෝරුව මංසන්ධියට පැමිණීමෙන් පසු ගිනස් වාර්තාව නිරීක්ෂණය කිරීම සඳහා නම්කර තිබූ කමිටුව ඉදිරියේ ඔසරි පොට ගැටඹේ මංසන්ධියේ සිට ඊරියගම මංසන්ධිය දක්වා දිග හරිනු ලැබීය.

මෙයට ‍ප්‍රථම මෙම ගිනස් වාර්තාවට හිමිකම් කියන ලද්දේ ඉන්දියානු කාන්තාවක් වන අතර ඇය මීටර 2800 ක දිගින් යුත් සාරිපොටක් සහිත සාරියක් ඇඳ ගිනස් වාර්තාව පිහිටුවා තිබිණි.

මනාලියට සාරිය ඇන්දවීම ප්‍රවීන රූපලාවන්‍යය ශිල්පිනී ඉන්ද්‍රමාලා රාජපක්ෂ මහත්මිය විසින්ද සාරිය සැපයීම මාලා සාරි ආයතනයේ මංජුල තිලකරත්න මහතා විසින්ද සිදුකරනු ලැබ තිබේ.

මධ්‍යම පළාත් ප්‍රධාන ඇමැති සරත් ඒකනායක මහතා මෙම අවස්ථාවට විශේෂ ආරාධිතයකු ලෙස පැමිණ සිටි අතර විවාහය සඳහා මල්කුමාරියන් 40 ක් සම්බන්ධව සිටීමද විශේෂත්වයකි.

ගුරු මාරුව ඔබේ ලග්නයට බලපාන හැටි

2017-09-20T23:56:00.002-07:00

සුරගුරු හෙවත් බ්‍රහස්පති ග්‍රහයා 2017 සැප්තැම්බර් මස 12 වන දින මෙතෙක් ගමන් කළ කන්‍යා රාශියෙන් සිකුරු හිමි තුලා රාශියට මාරුවීමට නියමිතය මෙම ග්‍රහයා එක් රාශියක වසරක පමණ කාලයක් ගමන් කරන අතර තුලා රාශියට ඇතුළු වන්නේ වසර දොළහකට පසුවය. සුරගුරු ග්‍රහයා 2017 සැප්තැම්බර් මස 12 වන දින සිට 2018 ඔක්තෝම්බර් 10 වන දින දක්වා මෙම රාශියේ සිය අනසක පතුරවමින් සිටී. 2018 මාර්තු මස 09 වන දින සිට 2018 ජූලි 10 දක්වා ගුරු ග්‍රහයා වක්‍රවේ.

ප්‍රඥ‌ාවට, ආගමට දහමට, නීතියට අධිපති ගුරු ග්‍රහයා සුරගුරු, බ්‍රහස්පති, මන්ත්‍රී යන නම්වලින් හැඳින්වෙන අතර ධනු හා මීන ලග්නවලට අධිපති වේ. විසා. පුවපුටුප, පුනාවස නැකත් අයත් වේ. ගුරු දශාව වසර 16 කි. කටක රාශියේ ගුරු උච්ච වන අතර ධනු හා මීන රාශිවල ස්වකේෂත්‍ර වන අතර මකර රාශියේ නීච වෙයි. සිල්වත් උගත් ස්වාමින් වහන්සේලා, පූජ්‍ය පක්ෂය, බුද්ධිමතුන්, ගුරුවරු, විද්‍යාඥයන්, වෛද්‍යවරු, මහාචාර්යවරු, ශිෂ්‍යයන් ගුරුගෙන් නියෝජනය වෙයි. ඡන්ම පත්‍රයක ගුරු බලවත් වීමෙන් යහපත් ගුණධර්මවලින් යුක්ත වූ පුද්ගලයකු බිහිවේ. ප්‍රඥාවන්තයකු වීම හොඳ ශරීර සෞඛ්‍යයෙන් යුක්ත වීම, ප්‍රියමනාප පෙනුම, උසස් ඉගෙනීම ලබා දෙයි. ගුරු ග්‍රහයා අසුබව යම් ඡන්ම පත්‍රයක පිහිටි විට අහංකාර, කෙලෙහිගුණ නොදත්, ධනය විනාශ කරන, බුද්ධිය හීන හා ලේ විෂවීම්, අක්මා රෝග, සෙන්ගමාලය, දියවැඩියාව යන රෝගවලට හිමිකම් ඇතිවේ.

ගුරු අපලය ඇතිවත්තේ ගුරු නියෝජනය කරන අයට කරන අකටයුතුකම් හේතුවෙනි, ගුරුෙග් අපලය ඇති අය බුද්ධ පූජා බෝධි පූජා තබන විට බ්‍රහස්පතින්ද‌ා දිනය ගුරු හෝරාවෙන් කහ මල් කහ කොඩි පූජා කිරීමට සුදුසු වේ. අලුත් නුවර දෙවියන්ට බාරහාර වීම සුදුසු වේ. අටවිසි පිරිත, භාවිත කරන්න. නවගුණ අභිසම්භිදාන යන්ත්‍ර පැළඳවීමද සුදුසු වේ. බෝධි රෝපණය විශේෂ පිංකමකි. පැවිදි උතුමන්ට, දෙමාපියන්ට, ගුරුවරුන්ට ගෞරව කරන්න, තවද සීනි හකුරු ආදී සීනි කෑම හා තෙල් ආහාර අගුණ වේ.

උද‌ාවන ග්‍රහ මාරුව පොදුවේ ලග්නවලට සුබාසුබ කෙසේද කියා බලමු.

මේෂ - ගුරු හත්වැන්නට මාරු වීම සුබ ඵලදායකයි. පසුගිය වසරට වඩා සෞඛ්‍ය තත්ත්වය යහපත් වේ. ගෘහ ජීවිතය තුළ සමගිය ඇතිවේ. හවුල් ව්‍යාපාරවලින් ලාභ ලැබේ. ආද‌ායම් සතුටුද‌ායක වේ. අසල්වාසීන් අතර සුහදතාව වර්ධනය වේ. අවිවාහක අයට මංගල යෝග උද‌ා වේ.

වෘෂභ - ගුරු හයවැන්නට මාරු වීම එතරම් සුබද‌ායක නොවේ. රැකියා ස්ථානයේ සේවක ගැටලුවලට මුහුණ දීමට සිදු විය හැක. ලැබෙන ලාබය වියදම් වීමට කරුණු යෙදේ. ගෘහ ජීවිතය ගැන සැලකිලිමත් වන්න. සතුරු කරදර ඇතිවේ. දරුවන් ගැන සැලකිළිමත් වන්න. කොලෙස්ටරෝල් හා දියවැඩියාව වැනි රෝග ඇති අය ප්‍රවේසම් වන්න. සෙනසුරු අපලයක් අැති බව අමතක නොකරන්න. අද‌ාළ ශාන්තිකර්ම කරගන්න.

මිථුන - ගුරු පස් වැන්නට මාරු වීම සුබ ද‌ායක වේ. අධ්‍යාපන කටයුතු සාර්ථක වේ. ආයෝජන කටයුතුවලින් ලාභ ලැබේ. ලොතරැයි දිනුම් වැනි හදිසි ධන ලාභ ලැබේ. රැකීරක්ෂා හා වෙළෙඳ ව්‍යාපාරවලින් ලාභ ලැබේ. ආගම දහමට නැඹුරු වන අතර වන්දනා ගමන් යෙදේ. අවිවාහක අයට මංගල යෝග උද‌ා වේ. දරුවන් අපේක්ෂිත අයට දරු ලාභ ලැබේ. සෞඛ්‍යය යහපත් වේ.

කටක - ගුරු හතරවැන්නට මාරුවීම තරමක් සුබ ද‌ායක වේ. ගුරුට භාග්‍යස්ථානය හිමි වීම නිසා පෙරපින් මතු කරයි. කෘෂිකාර්මික කටයුතු සාර්ථක වේ. පදිංචිය පිළිබඳ ගැටලු ඇතිවිය හැකියි. අ‌ාද‌ායම් අඩුවන අතර ණය වීමට සිදු වේ. කොලෙස්ටරෝල් හා හෘදයබාධ ඇති අය ප්‍රවේශම් වන්න.

සිංහ - ගුරු තුන්වැන්නට මාරු වීම එතරම් සුබ නොවේ. තනතුරුවල උසස් වීම්වලට බාධා ඇති වේ. අසල්වාසීන් සමඟ ගනුදෙනු කිරීමේදී ප්‍රවේශම් වන්න. ලියකියවිලිවලට අත්සන් තැබීමේදී කල්පනාකාරී වන්න. අවිවාහක අයට මංගල යෝග උද‌ා වේ. පවුලේ දියුණුව ඇති වේ. සෞඛ්‍යය ගැන සැලකිලිමත් වන්න.

කන්‍යා - ගුරු ධනස්ථානය වන දෙවැන්නාට මාරුවීම සුබ වේ. තැන්පත් ධනය වර්ධනය කරගැනීමට හැකිවේ. පසුගිය වසරේ කරන ලද තමාගේ රැකියා කටයුතුවලින් හා ව්‍යාපාර කටයුතුවලින් ප්‍රයෝජන ලැබේ. ගේ දොර ඉඩකඩම් හා වාහනවලින් සහ බිරිඳ හෝ සැමියාගෙන් ධනය ලැබෙන කාලයකි. කථාව නිසා අන්‍යයන් සමඟ කටයුතු කිරීමේදී වාසිද‌ායක වේ. අවිවාහක අයට මංගල යෝග උද‌ාවේ. සෞඛ්‍යය තත්ත්වය යහපත් වේ.

තුලා - මෙතෙක් තුලා ලග්නයේ දොළොස්වැන්නේ ගමන් කළ ගුරු ග්‍රහයා ලග්නයට පැමිණීම පසුගිය වසරට වඩා සුබ ඵල ලැබේ. දරුවන්ට සුබ ඵල ඇති වේ. පවුල් ජීවිතවල සමගිය ඇති වේ. ආගම දහමට නැඹුරු වන අතර වන්දනා ගමන් යෙදේ. සතුරු කරදරවලින් ප්‍රවේශම් වන්න. අවිවාහක අයට මංගල යෝග උද‌ා වේ. අසල්වාසීන් අතර සුහදතාවය ඇති වේ. සෞඛ්‍යය තත්ත්වය ගැන සැලකිලිමත් වන්න.

වෘශ්චික - ගුරු දොළොස් වැන්නට මාරු වීම එතරම් සුබ නොවේ. දරුවන්ගේ කටයුතු නිසා පවුල් ජීවිතයේ කටයුතු සඳහා තැන්පත් ධනය වැය වේ. නිතර නිවසින් පිටතට යෑමට සිදුවන නිසා බිරිඳ හෝ සැමියාගෙන් වෙන්වී සිටීමට සිදුවේ. විදේශ ගමන් යෙදේ. සෞඛ්‍ය තත්ත්වය ගැන සැලකිලිමත් වන්න.

ධනු - සියලුම ලැබීම් පෙන්වන එකොළොස්වැන්නට ගුරු මාරුවීම සුබ වේ. නව රැකියා ලාභ හිමි වන අතර ආද‌ායම් තත්ත්වය යහපත් වේ. අලුත් මිතුරන් ඇති වේ. වැඩිමහල් සහෝදරයන්ට සුබද‌ායක වේ. ගේ දොර ඉඩකඩම් හා යාන වාහන හිමිවේ. අවිවාහක අයට මංගල යෝග උද‌ා වේ. අධ්‍යාපන කටයුතුවලට සුබ වේ. චිත්ත ධෛර්යය ඇති වේ. සෙනසුරු අපලයක් ඇති බව අමතක නොකරන්න. ආගමානුකුලව ජීවත් වන්න.

මකර - ගුරු දහවැන්නේ ගමන් කිරීම තරමක් යහපත් වේ. රැකියා හා ව්‍යාපාර කටයුතුවලින් ලාභ ලැබේ. ගෞරව ප්‍රශංසාව ලැබේ. ඉහළ තනතුරු ලැබේ. නිවාස ඉඩකඩම් දියුණුව ඇති වේ. සතුරු කරදර ගැන සැලකිලිමත් වන්න. සෞඛ්‍යය තත්ත්වය ගැන සැලකිලිමත් වන්න.

කුම්භ - ගුරු නම වැන්නේ ගමන් කිරීම සුබද‌ායක වේ. මෙතෙක් අටවැන්නේ ගමන් කළ ගුරු සෞඛ්‍ය ගැටලු හා චිත්ත පීඩා ඇති කළ අතර ඉදිරි වසර සුබ වේ. ආද‌ායම් තත්ත්වය යහපත් වේ. දරුවන්ගේ අධ්‍යාපන කටයුතුවලට සුබවේ. දරු ලාභ ලැබේ. බුද්ධිමතුන්ගේ ඇසුර ලැබේ. ආගම දහමට සිත යොමුවේ. වන්දනා ගමන් යෙදේ. සෞඛ්‍යය යහපත් වේ.

මීන - ගුරු අටවැන්නේ ගමන් කිරීම තරමක් අපලද‌ායක බව පෙනේ. රැකියාවේ ගැටලු ඇති වේ. තැන්පත් ධනය වියදම් වීමට කරුණු යෙදීමට පුළුවන. දෙමව්පියන් ගැන සැලකිලිමත් වන්න. තනි තීරණ ගැනීමෙන් වළකින්න. දරුවන්ට එතරම් සුබ නොවේ. නිවාස කටයුතුවලට බාධා පැමිණේ. ශරීර සෞඛ්‍යය ගැන ඉතාමත් සැලකිලිමත් වන්න. ඉවසීමෙන් ආගමානුකූලව ජීවත් වන්න.

මුලාශය - ලංකාදීප පුවත්පත

සෑම මරණ පහකින් එකකට හේතුව වැරදි ආහාර පුරුදු

2017-09-19T19:08:00.000-07:00

ලොව පුරා සිදු වන සෑම මරණ පහකින්ම එක්‌ මරණයක්‌ වැරදි ආහාර පුරුදු හේතුවෙන් සිදුවන බව ඇමරිකා එක්‌සත් ජනපදයේ වොෂිංටන් විශ්වවිද්‍යාලයට අනුබද්ධ සෞඛ්‍ය හා තක්‌සේරුකරණය පිළිබඳ ආයතනය විසින් සිදු කරන ලද නවතම පුළුල් වූ අධ්‍යයනයකදී අනාවරණය කරගෙන තිබේ.

එම අධ්‍යයනයට අනුව ලොව පුරා මිලියන ගණනක ජනතාව යහපත් සෞඛ්‍යයක්‌ සඳහා යෑයි පවසමින් වැරදි ආකාරයේ ආහාර වර්ග අනුභව කිරීමට පෙළඹී සිටිති.

ලොව පුරා සෑම රටක්‌ම ආවරණය වන පරිදි සිදුකර ඇති මෙම අධ්‍යයනයේදී හෙළිදරව් වී ඇත්තේ පරිපූර්ණ ධාන්‍ය, පලතුරු, ඇට වර්ග, මාළු තෙල් අඩු, ලුණු අධික ආහාර වර්ග අනුභව කිරීමට වැඩි දෙනකු පෙළඹී ඇති නිසා ඔවුන් අඩු වයසින් මියයැමේ දැඩි අවදානමක පසුවන බවයි.

මෙම අධ්‍යයනය පිළිබඳ වාර්තාවක්‌ ලැන්සෙට්‌ වෛද්‍ය සඟරාවෙහි පළකර ඇති අතර එම අධ්‍යයනය මෙතෙක්‌ ලොව සිදුකර ගෙන යන දැවැන්තම ජාත්‍යන්තර රෝග පිළිඳවද අධ්‍යයනය සේ සැලකේ.

මෙම අධ්‍යයන වාර්තාවට අනුව ලොව පුරා මිනිසුන් අඩු වයස්‌වලදී මියයැමට හේතු කාරකවී ඇති දෙවැනි අධි අවදානම් සාධකය ආහාරය, දුම්පානය, අධික කොලෙස්‌ටරොල්, අධි රුධිර පීඩනය, රුධිරගත සීනි මට්‌ටම ඉහළ යැම, තාරබාරු බව කරා ළඟාවන අධික ශරීර ස්‌කන්ධ දර්ශකයක්‌ පැවැතීම අඩු වයස්‌ මරණවලට හේතු වන ප්‍රධානතම සාධකයන් ලෙස හඳුනාගෙන තිබේ.

දුර්වල ආහාර රටාව හේතුවෙන් වසර 2016 වනවිට ලෝක ජනගහනයෙන් සියයට 11 ක්‌ මන්ද පෝෂණයෙන් පෙළෙමින් සිටි බව අනාවරණය වී ඇති අතර ලොව පුරා සිදුවන මරණවලින් සියයට 72 ක්‌ම තරබාරු බව හා දුර්වල ආහාර රටාව නිසා හටගන්නා බෝ නොවන රෝග හේතුවෙන් සිදුවන බව මෙහිදී හෙළි වී තිබේ.

ලොව පුරා අඩු වයසින් මියයැමට හේතු වී ඇති ප්‍රධානතම රෝගය හෘද රෝග බව අනාවරණය වී ඇති අතර ශ්‍රී ලංකාවේද හෘද රෝගවලට ගොදුරු වන්නන්ගේ සංඛ්‍යාව වාර්ෂිකව වැඩිවෙමින් පවතින බව සෞඛ්‍ය අමාත්‍යාංශයේ බෝ නොවන රෝග ඒකකය පවසයි.

වසර 2016 දී ලොව පුරා කාන්තාවකගේ උපරිම ආයු කාලය වයස අවුරුදු 75.3 ක්‌වූ අතර පිරිමියෙකුගේ උපරිම ආයු කාලය අවුරුදු 69.8 ක්‌ විය. ලොව ඉහළම ආයු කාලය වන අවුරුදු 84 ක්‌ ජපානයෙන් වාර්තා වී තිබේ.

දේහ ලක්‍ෂණ කියයි ඔබේ ගති ගුණ

2017-09-19T07:11:00.000-07:00

ඉතා පුළුල් වූද ගැඹුරු වූද ශාස්‌ත්‍රයක්‌ වූ දේහ ලක්‍ෂණ විද්‍යාව අංශ කිහිපයකට බෙදී ඇත. හස්‌ත රේඛා ශාස්‌ත්‍රය, ධව්නි මුඛ ශාස්‌ත්‍රය, මේ අතර හස්‌ත රේඛා ශාස්‌ත්‍රය කැපී පෙනෙන ලෙස ඉදිරියෙන් සිටී.

ගුත්තිල කාව්‍යයේ ගුත්තිල ඇදුරු දේහ ලක්‍ෂණ විද්‍යාවේ ප්‍රවීණයකු බැව් පෙනේ. වීනා වාදනය ඉගෙනීමට එන මූසිලගේ දේහ ලක්‍ෂණ දුටු ගුත්තිල ඇදුරු ඔහු ගුණමකුවකු බව ඉඳුරා දැන ශිල්ප දීමට අකැමැති වූ බව මෙසේ දැක්‌වේ.

බලමින් ලකුණු ගත

දුදන ගුණ දැන ඔහු සිත

නොවසව තෙපි මවෙත

ශිල්ප නොදෙමැයි කිවෙත් මහසත

දිනක්‌ බුදුන් වහන්සේ උක්‌කට්‌ඨා හා සේතව්‍යා යන නගර දෙක අතර පා ගමනින් වැඩම කරද්දී ඒ ගමන් මගෙහි ගමන් කළ ෙද්‍රdණ නමැති බමුණා වැල්ලේ තිබූ බුදුන් වහන්සේගේ පා සටහන් විමසා බලා එය සුවිශේෂි පුද්ගලයකුගේ බව දැන බුදුන් වහන්සේ සොයා පැමිණ ඔබ දෙවියෙක්‌ද යනුවෙන් ප්‍රකාශ කර සිටියේ ඒ පා සටහන්වල තිබූ සුවිශේෂී ලක්‍ෂණ නිසාය. සිදුහත් කුමරුගේ නළලේ තිබූ ඌර්ණ රෝම ධාතුව දැක ඒකාන්තයෙන්ම බුදුවන බව කොණ්‌ඩඤ්ඤ බමුණා පැවසුවේ දේශ ලක්‍ෂණ විද්‍යාව උපයෝගි කරගනිමිනි. මේ අනුව බුද්ධ කාලීන සමයේද දේහ ලක්‍ෂණ විද්‍යාව ප්‍රබල ලෙස තිබූ බව පෙනේ.

කෙනකුගේ ශරීරයේ ස්‌වරූපය බලා ඔහුගේ ගති ගුණ කිව හැකි ඉපැරණි විද්‍යාවක්‌ සේ දේහ ලක්‍ෂණ විද්‍යාව හැඳින්විය හැකිය. කෙනකුගේ සිරුරේ ඒ ඒ අංග ලක්‍ෂණ පිහිටන්නේ කරන ලද පව් පින්වලට අනුකූලවය.

දේහ ලක්‍ෂණ විද්‍යාව අනුව සුවිශේෂී පුරුෂ ලක්‍ෂණ හඳුනා ගනිමු.

යම් පුද්ගලයකුගේ නළල් තලයෙහි රේඛා තුනක්‌ සටහන්ව තිබේ නම් හෙතෙම සෞඛ්‍ය සම්පන්න ලෙස දිගු කලක්‌ ජීවත් වේ. සැප සම්පත්වලට උරුමකම් කියයි. දිගටි ඇස්‌ පිහිටියේ නම් සියුම් හැඟීම් ඇත්තාවූද කලාවට ලැදි, ස්‌ත්‍රීන් ප්‍රියකරන්නා වූ ධනය හිමි තැනැත්තෙකු වනු ඇත.

මහත්වූ විශාල ඇස්‌ පිහිටියේ නම් අන්‍යයන් බොරුවෙන් චාටුවෙන් මුළාකරන, නුසුදුසු සම්බන්ධතා පවත්වන අයකු වේ.

නිතර චලනය වන්නා වූ ඇස්‌ පිහිටියේ නම් ඔහු තීක්‍ෂණ උපක්‍රම සහිත වූ ආත්මාර්ථකාමී, අන්‍යයන් උපායෙන් රවටන්නා වූ සමාජයේ කැපී පෙනෙන පුද්ගලයෙකි.

නිතර ඇසිපිල්ලන් ගසන තැනැත්තා වංචාකාරී කපටි අදහස්‌ ඇති පුද්ගලයකු වෙයි. දිගු නාසයක්‌ ඇති තැනැත්තා කලාවට ලැදි නැටුම් ගැයුම්වලින් ප්‍රවීණ මහත් ජනාදරයට පත් චරිතයක්‌ වේ. කෙටි, පැතලි වූ නාසයක්‌ ඇති තැනැත්තා කුරිරු ගති ඇති පාපී ක්‍රියාවලට සම්බන්ධ වූවකු වේ.

සිහින් නාස්‌ පුඩු පිහිටීම යහපත් ලක්‍ෂණයක්‌ වන අතර ප්‍රමාණයට වඩා විශාල නාස්‌පුඩු පිහිටීම අනුන්ගේ අඩුපාඩු සොයන විවේචනයට ලක්‌කරන අයකු සේ සැලකේ.

සිරුරේ සිනිදු රෝම පිහිටා තිබීම විශේෂයෙන් පසු පෙදෙසේ රෝම පිහිටා ඇති පුද්ගලයා අනුන්ගේ දුකේදී පිහිටවන, අනුකම්පා සහගත, සංවේදී පුද්ගලයකු වේ. එල්ලා වැටෙන ස්‌වභාවයේ තොල් පිහිටීම බොරු කියන අයකුගේ දේහ ලක්‍ෂණයකි. හිස කසමින් කෙනකු කථාකරන්නේද වංචාකාරී පුද්ගලයකු වනු ඇත.

පිරිමි මුහුණට ආභරණයක්‌ වන රැවුල විශේෂයෙන්ම උඩු රැවුල ඇති පුද්ගලයා කා සමගත් සුහදව කටයුතු කරයි. කෙනකුගේ උදරය මනාව වටකුරුව පිහිටා තිබීම, රැලි ලක්‍ෂණ තුනකින් යුක්‌ත වීම, ධනවත් භාවය ලැබීමට, යසස වර්ධනයට ඉවහල්වන, ප්‍රසිද්ධ කෙනකු වනු ඇත. උදරය ඉදිරියට නැඹුරු වූ තැනැත්තා තම අභිමතාර්ථ කෙසේ හෝ ඉටුකර ගැනීමට ක්‍රියාකරන අයකු වේ.
කවාකාර විශාල කන්පෙති උගත් බුද්ධිමත්, විවිධ ශිල්ප ශාස්‌ත්‍ර ප්‍රගුණ කළා වූ සෘජු ගති ඇති අයෙකි. රත් පැහැයට හුරු ඇස්‌ ඇත්තා ඉක්‌මනින්ම කෝපයට පත්වන තම මතයම ගරු කරන කෙනකුවේ.

දේහ ලක්‍ෂණ විද්‍යාව අනුව ස්‌ත්‍රී ගති ලක්‍ෂණ මෙසේය.

මුව කුඩා අය ලඡ්ජාශීලීය,

ගුප්ත චරිතයකි. විශාල මුව කෑමට ගිජු බව දක්‌වයි. නොසිතා කථා කරයි. දිගු ඇඟිලි ඇති කාන්තාව කලාවට ලැදිය. ගෙල රේඛා තුනක්‌ පිහිටීම නම්බුනාම ලබන වාසනාවන්ත කාන්තාවකගේ ලක්‍ෂණයකි. විශාල උරහිස්‌ කොටට පිහිටි ඇඟිලි කම්සැපට ඇල්ම දක්‌වන්නියකි. වටකුරුව පිහිටි ඇඟිලි ව්‍යාපාරික කටයුතුවලට හපන්කමක්‌ දක්‌වයි. කොට උරහිස සැප සම්පත් අඩු තැනැත්තියක වනු ඇත. පළල් පරතරයකින් පිහිටි පියයුරු ශුභපල හීනය. පැතලි බෙල්ල, බෙල්ලේ සුලියද අසුබ සේ සැලකේ.

අඩවන් වූ දෙනෙත් තම සැමියාට ආදරය ලෙන්ගතු බව දක්‌වන්නියකි. පැහැපත් දෙනෙත් සැමියාට වාසනාව ගෙනදෙයි. සිත්ගන්නා මධ්‍යම ප්‍රමාණයේ මුහුණතේ වළක්‌ පැතලි නිකටත් කුඩා උදරයත් කන කුඩා හා ඇඟිලි සාධාරණත්වය අගයකරන්නියක ගේ දේහ ලක්‍ෂණ වේ.

සමව පිහිටි උකුල සැප සම්පත් ලබන්නියකි. රෝස පැහැයෙන් පිහිටි තොල් පෙති භාග්‍යවන්ත පිහිටීමකි.

මහත් වූ ඉඟටියක්‌ සහිත කුඩා උකුල් තලයක්‌ පිහිටි කාන්තාව කලහකාරීය, තම මතයටම ක්‍රියාකරයි, උකුල් තලයේ විසිරීගිය උපන් ලප පිහිටි තැනැත්තිය කාමාශාවන් වැඩි තැනැත්තියක්‌ වේ.

යම් ස්‌ත්‍රියක ගේ උදරයේ සිට පෙකනිය දක්‌වා වූ රෝම වැලක්‌ නූලක්‌ පරිද්දෙන් පිහිටන්නේද ඕ ඉතා වාසනාවන්ත සැප සම්පත් වලින් අනූන ගෞරවනීය තැනැත්තියකි.

උදරයේ රැලි තුනක්‌ පිහිටි කාන්තාව ඉතා වාසනා වන්තය, ජන්මයෙන් උරුම වූ ශිල්පීය දක්‍ෂතා දක්‌වයි. අතේ සුළඟිල්ල ඇදනම් වංකය. හැමවිටම ලාභය බලාපොරොත්තු වේ. පාදයේ සුළඟිල්ල හෝ ඊළඟ ඇඟිල්ල පොළවේ නොවැදේ නම් වරදට පෙළඹේ. පාදයේ මාපට ඇඟිල්ල දිගනම් ස්‌වාමියා නුරුස්‌සන, එඩිතර, හිතුවක්‌කාර ගති ඇති තැනැත්තියකි. ගමනේ දී පාදවල ශබ්දයක්‌ ඇත්නම් සැමියාට අපල ගෙනදේ, ගුප්ත ආශාවන් ඇති කෙනෙකි.

සිනාසෙන විට දෙකම්මුල් වළ ගැසේ නම් විනෝද කාමීය, කාමයට ලැදිකමක්‌ දක්‌වයි. උඩු ඇන්දේ ඉදිරි දත් දෙක මැද හිඩැසක්‌ ඇත්නම් පුරුෂ වසඟයට දක්‍ෂය.

නිල්වන් ඇසි ඥනාන්විත බවේ ලක්‍ෂණයකි. කුඩා ඇස්‌නම් කාමුකය, තෙත් ගතියෙන් යුත් ඇස්‌ දුර්වල තැනැත්තියකි.

දෙතොල සමබරව ඇත්තී ආලයට සුදුස්‌සියකි. මුව නිදහස්‌ව තිබෙන විට තොල්සඟල පිටතට පෙනෙන ලෙස විහිදී ඇත්නම් ඉඳුරන් පිනවීමේ මහත් රුචියක්‌ ඇත්තියකි. තොල් පෙති සලමින් විවිධ ඉරියව් නගමින් කථාකරන අය විවෘතව සිතැඟි පළකරන විනෝදකාමී අයෙකි.
සිනාසීමේදී උඩුතොල එයට සහභාගි කර නොගන්නා ඉරියව්වද ඉතා වැදගත් චරිත ලක්‍ෂණයකි.

දිගු ගෙලක්‌ පිහිටියේනම් උපායශීලී තීක්‍ෂණ බුද්ධියක්‌ ඇත්තියකි. පුරුෂ වසඟයට ගෙන තම සිතැඟි පරිදි කටයුතු කරයි. ගෙලෙහි හරහට රේඛාවන් සහිත වූයේ නම් ඒ ස්‌ත්‍රිය බොහෝ වාසනාවන්තය, ධනය බලය, යසඉසුරින් පිරි කාන්තාවකි.

රෝම සහිත පපුව පිහිටි කාන්තාව දැඩි මුකරි බවින් යුක්‌ත වේ. මුරණ්‌ඩුය, සැමියා සමඟ කලහ කරයි. පපුවේ දකුණු පස තල ඇට සේ උපන් ලප පිහිටියේ නම් ඕ ප්‍රසිද්ධියටත් පත්වේ. පසුවේ මැද තිලකයක්‌ සේ උපන් ලපයක්‌ පිහිටන්නේ නම් ඕ ඉතා ඉහළ තනතුරකට පත් වේ.

හතරැස්‌ තුඩු සහිත මසින් පිරි ඇඟිලි සහ අත්ල ඇත්තා වූ අය ගුප්ත වූ ශක්‌තියක්‌ හසුරුවන්නා වූ අයකු වේ.

පයෝදර එකිනෙකට තදවී පිහිටියා වූද තද කළු පැහැති කෙස්‌ කළඹක්‌ ඇති පාදය සම්පූර්ණයෙන්ම බිම ස්‌පර්ශවන ස්‌ත්‍රිය ජනප්‍රිය වෙයි. ධනය, සැප සම්පත් ලබයි.

ක්‍රිකට් නව තේරීම් කමිටුවට මෙන්න

2017-09-19T05:52:00.000-07:00

ශ්‍රී ලංකා ක්‍රිකට් නව තේරීම් කමිටුවට ක්‍රීඩා අමාත්‍ය දයාසිරි ජයසේකර මහතාගේ අනුමැතිය හිමිව ඇත.
ග්‍රැහැම් ලැබ්රෝයි මහතාගේ සභාපතීත්වයෙන් යුතු 05 දෙනෙකුගෙන් සමන්විත තේරීම් කමිටුව සඳහා අමාත්‍යවරයා අද(19) සිය අනුමැතිය ලබාදී තිබේ.
ලැබ්රෝයිට අමතරව අසංක ගුරුසිංහ, ගාමිණී වික්‍රමසිංහ, ජෙරී වව්ටර්ස් සහ සජිත් ප්‍රනාන්දු යන අය කමිටුවේ සෙසු සාමාජිකයෝ වෙති.
නව තේරීම් කමිටුවේ පළමු කාර්යය වී ඇත්තේ එළඹෙන පකිස්ථාන සංචාරයට අදාළ ශ්‍රී ලංකා සංචිතය නම් කිරීමය.

ශ්‍රී ලංකා කණ්ඩායමේ පකිස්ථාන තරඟ සංචාරයට ටෙස්ට් තරඟ දෙකකින් එක්දින තරඟ 05 කින් සහ විස්සයි විස්ස තරඟ තුනක් ඇතුලත්ය.

දේවානම්පියතිස්‌ස රජු මියගියේ අක්‌මාවේ පිළිකාවකින්ද?

2017-09-19T02:41:00.000-07:00

'සිංහලයා මෝඩයා කැවුම් කන්ට යෝධයා.' මෙය අපේ රට අල්ලාගත් ඉංග්‍රීසිකාරයා අපේ මොළ ශෝධනය සඳහා යොදා ගත් ආප්තෝපදේශයක්‌ යයි පවසන්නෝ ද අද සිටිති. එහෙත් බලාගෙන යනකොට මේ කතාවේ ඇත්තක්‌ නැත්තේම නොවේ. නැතිනම් අපේ වංශකතා ඉස්‌පිල්ලක්‌ පාපිල්ලක්‌ නෑර විශ්වාස කරන්නන් මේ තරම් සිටින්නට නොහැක. එසේම අවුරුදු පතා සෑම පොසොන් පෝයකටම අශෝක අධිරාජයා ඉදිරියේ බෞද්ධ සිංහලයන් දණින් නොවැටෙනු ඇත.

මහාවංසය හා මහාවංසය ගැන සවිස්‌තරාත්මක විග්‍රහයක යෙදෙන වංසත්තප්පකාසිනිය පමණක්‌ උපයෝගී කරගෙන ලක්‌ ඉතිහාසයේ අනභිභවනීය රජු දේවානම්පියතිස්‌ස රජු ගැන අපි සොයමු.

මහාවංසයේ 11 වැනි පරිච්ඡේදයට අනුව දේවානම්පියතිස්‌ස කුමරු මුටසිවගේ ඇවෑමෙන් ඒ කියන්නේ මුටසිව රජුගේ මරණින් පසු ලංකාවේ රජවිය. අපේ වංසකතා කියන්නේ තිස්‌ස, රජ වූ සැනෙන් නොයකුත් මහා අනර්ඝ වස්‌තූන් පහළ වූ බවත් ඒවා වඩා සුදුසු වන්නේ තමාට නොව තම නුදුටු මිතුරා වන අශෝක රජුට බව යෑයි පවසමින් තිස්‌ස රජ ඒවා අරිටඨ ඇමැති අත අශෝක රජුට යෑවූ බව ය. කුමන පදනමක පිහිටාද තිස්‌ස රජ එවැනි දෙයක්‌ තීරණය කළේ?

වංසකතාකරුවන් කිසිදා අනාගත ලොව මෙසේ වේ යෑයි දැන සිටියේ නැත. 19 වැනි සියවසෙන් පසු විද්‍යා තක්‍ෂණයත් සමඟ ලෝකය විශ්ව ගම්මානයක්‌ වන බවත්, ලෝකයේ සිදුවන දේ ඒ ක්‌ෂණයකින් දැනගත හැකිවා පමණක්‌ නොව සිදු වූ දේ ගැනද නිවැරදි ව දැනගැනීමට හැකි තොරතුරු සංනිවේදන වන බවත්, පුරාවිද්‍යාඥයන් කියා කොටසකුත් බිහිවන බවත් නොදැන සිටියහ.

ඒ තොරතුරු දැනගැනීමේ තාක්‌ෂණය නිසා දැන් අපි ගී්‍රක මූලාශ්‍රයන් දෙසට හැරෙමු. මහා ඇලෙක්‌සැන්ඩර් රජු ඉන්දියාවට එන්නේ ක්‍රි.පූ. 326 දී ය. එකල මගධය පාලනය කළේ ධනනන්ද රජු ය. මොහුව යටත් කර ගැනීමට ඇලෙක්‌සැන්ඩර් රජුට හැකියාවක්‌ නොලැබුණි. වරක්‌ පංජාබයේදී චන්ද්‍රගුප්ත කුමරු ඇලෙක්‌සැන්ඩර් රජු මුණගැසීමට යයි. ගී්‍රකයන් ඔහුව හඳුන්වන්නේ සන්ද්‍රකොප්ටෝස්‌ නමිනි. රෝගී වූ ඇලෙක්‌සැන්ඩර් රජු ක්‍රි.පූ. 323 දී ඉන්දියාවෙන් පිටවූ බව සැලකේ. ඔහු අල්ලාගත් ප්‍රදේශ ඔහු වෙනුවෙන් පාලනය කරන්නේ සෙලියුලස්‌ නිකේටර් නම් ග්‍රීක ජාතිකයාය. ඊළඟට චන්ද්‍රගුප්ත ධනනන්ද මරා මගධයේ රජ වේ. ජෛනාගමිකයෙක්‌ වන ඔහු ඉන්දියාවේ පළවැනි අධිරාජයා වේ. ඔහු අශෝකගේ මුත්තා ය. (පියාගේ පියා) මේ චන්ද්‍රගුප්තට තම දියණිය විවාහ කර දෙන නිකේටර්, තම තානාපති ලෙස මෙගස්‌තීනස්‌ එහි යවයි.

තානාපති මෙගස්‌තීනස්‌ට අනුව ඉන්දියාවේ අලි ඇතුන්ට වඩා විශාල වූද, ශක්‌තිමත් වූද, අලි ඇතුන් වෙළඳාම පිණිස පහුරුවල පටවා එවූ බවද, ලංකාවෙන් ඉන්දියන් මුතුවලට වඩා විශාල මුතු ලැබුණු බවත්, ඉන්දියාවට වඩා විශාල රත්රන් නිධි ලංකාවේ ඇති බවත් වාර්තා කර ඇත. (ඇන්තනී 2006 පි.203)

මෙගස්‌තීනස්‌ පමණක්‌ නොවේ, මහා ඇලෙක්‌සැන්ඩර් රජුගේ සේනාධිපති ඔනිසික්‌රිටස්‌, ග්‍රීක ලේඛක ප්ලුටාක්‌, ග්‍රීක නැවියකු වන ජුස්‌ටින් යන අය පවා මේ කාලයේ අප රට ජාත්‍යන්තර වෙළඳාමේ ප්‍රබල ස්‌ථානයක තිබූ බව සඳහන් කර ඇත. ඇලෙක්‌සන්ද්රියාවේ කෞතුකාගාරයේ ඒ සටහන් ඇති බව කියවේ. (විකිපීඩියා)

මෙසේ අප රට ජාත්‍යන්තර වෙළඳාමේ ද නියුක්‌ත වූවේ (International trade) අද ඊයේක නොවේ. දේවානම්පියතිස්‌සගේ මුත්තා, පණ්‌ඩුකාභය රජතුමාගේ කාලයේ පටන් බවට ලිත සාධක ඇත.

මේ පණ්‌ඩුකාභය රජු අනුරපුරයේ ඇතුල්නුවර බටහිර දොරටුව අසල යෝනකයන් සඳහා ශාලා පිහිටවූයේය (ගයිගර්ගේ මහාවංසය 2003, පි. 74) මේ යෝනකයන් යනු වෙළඳාමේ යෙදී සිටි ගී්‍රකයන් හෝ අරාබිවරුන් විය හැකි යෑයි ගයිගර් පවසයි. ගණන් බැලීමේදී මේ පණ්‌ඩුකාභය රජතුමා සිටියේ ක්‍රි.පූ.437-367 දක්‌වා ය.

පුරාවිද්‍යාඥ සිරාන් දැරණියගල මහතා ඇතුල් නුවර කැණීම්වලින් 2003 වසරටත් පෙර ඔප්පු සිද්ධ කළේ පණ්‌ඩුකාභය රජුගේ මේ අගනුවරයි. මේ අනුරපුරයේ මුළු සැලසුම ම වංසකතා හොඳින්ම ඉදිරිපත් කර ඇත. මෙය ලෝකයේ පළමු වාර්තාගත නගර සැලසුම විය හැක. මෙය නිර්මාණය කොට ඇත්තේ ජෝතිය නම් බමුණාය. පසුකාලයක ජීවත් වූ රජකු විසින් ජෝතිය බමුණාගේ පරම්පරාවට ලබා දුන් මුක්‌තියක්‌ සම්බන්ධයෙන් සෙල්ලිපියක්‌ ද වේ.

කොට වෙහෙරක්‌ ඉදි කරනුයේ ස්‌මාරකයක්‌ වශයෙන් බව තහවුරු වන්නේ අපේ රටේ ඉදි වී ඇති කොට වෙහෙරයන් පිළිබඳව සමීක්‌ෂණ කිරීමෙනි. පහතින් සඳහන් වන්නේ දැනට සොයාගෙන ඇති කොට වෙහෙරයන් හතරයි.

1. දැදිගම සුතිඝර චෛත්‍ය

2. රඹුක්‌කන අසල දැලිවල කොට වෙහෙර

3. පොළොන්නරුවේ දෙමළ මහා සෑය

4. ලාහුගල කොට වෙහෙර

රඹුක්‌කන දැලිවල කොට වෙහෙර ඉදි කළේ ජාත්‍යන්තර වෙළෙඳ ගිවිසුමක්‌ සංකේතවත් කිරීමටද? මෙය දේවානම්පියතිස්‌ස රජු කල ඉදි වුවක්‌ බව කියෑවේ. වර්ෂ 2001 දී මේ ස්‌ථානයේ කරන ලද කැණීම්වලින් සේද රෙදි කඩක ඔතන ලද රත්තරන් ධාතු කරඩුවක්‌ සොයා ගැනීමට හැකි විය. මෙම රෙදිකඩ කාලනිර්ණය සඳහා ඕස්‌ටේ්‍රලියාවට යවන ලදුව මහාචාර්ය ජුඩිත් කැමරන් විසින් එය ක්‍රි.පු. 2 වැනි සියවසට අයත් බවට අපගේ පුරාවිද්‍යා අධ්‍යක්‍ෂ ජෙනරාල්ට වර්ෂ 2010 දී දන්වා ඒවා තිබුණි. මෙයින් හැඟවෙන්නේ කුමක්‌ද? චීනයේ හන් පෙළපත ක්‍රි.පු. 3 වැනි සියවසේදී මුහුදු සේද මාවතට අවතීර්ණ වූ දා පටන් ම වාගේ අපත් ඒ ජාත්‍යන්තර වෙළඳාමට සම්බන්ධ වූ වග නොවේද? එසේම අප මේ නැව් මාර්ගයේ ප්‍රබල සන්ධිස්‌ථානයක්‌ විය. චීනයේ හැනෝයි රතු ගංගා මෝයෙන් ඇරඹෙන මේ සේද මාවත මලක්‌කාවට, අග්නිදිග ආසියාවට, ලංකාවට, ඉන්දියාවට හා පර්සියන් බොක්‌ක ඔස්‌සේ රතු මුහුදට වැටී එතනින් ගොඩබිම ඔස්‌සේ නයිල් නදියෙන් ඇලෙක්‌සැන්ඩ්රියාවට ප්‍රවාහනය කළ භාණ්‌ඩ නැවත මුහුදින් රෝමයට ගෙන ගොස්‌ ඇත. ඉතින් චීනයේ හන් රාජවංශිකයෙක්‌ අනිවාර්යෙන්ම අප සමග වෙළෙඳ ගිවිසුමක්‌ ගැසීමට අගනා සේද රෙදි කඩක එතූ මේ කරඬුව ගෙන ආවා වෙන්නට බැරිද?

සංගම් සාහිත්‍යයේ ද දකුණු ඉන්දියාවට ලංකාවෙන් ගිය නැව් ගැන පැවසේ. එසේ නම් දකුණු ඉන්දියාවත් සමඟ ලංකාව ඉතා සුහද ව ක්‍රියා කරන්නට ඇත.

අපේ රජවරුන් ජාත්‍යන්තර වෙළෙඳාමේ යෙදී සිටි බවට මෙතරම් පැහැදිලි සාක්‌ෂි තිබෙද්දී මේ පහළ වූ වස්‌තුව තමන්ට උරුම නැතැයි තිස්‌ස රජු තීරණය කරයි ද? රජවරු පමණක්‌ නොව බිසෝවරුද ප්‍රබල වෙළෙන්දියන් වී සිටින්නට ඇති වග අපට පසක්‌ වනුයේ මිහිඳු හිමිගෙන් චුල්ල හත්ති පදෝපම සුත්‍රය අසා අනුලා දේවිය පමණක්‌ සෝවාන් වීමෙනි. එතුමිය ජාත්‍යන්තර ඇත් වෙළඳාමේ යෙදුණා පමණක්‌ නොව අලි ඇල්ලීම නිරීක්‌ෂණය කිරීමට කැලෑවටත් ගොස්‌ තිබිය යුතුමය. ඒ නිසයි ඇයට ඔය තරම් හොඳට ඇත් පද උපමාව වැටහුණේ.

එසේ නම් එදා කුමක්‌ද සිදුවුණේ? මහාවංසයේ 11 වැනි පරිච්ඡේදයට අනුව මුටසිවගේ ඇවෑමෙන් (මරණයෙන් පසු) දේවානම්පියතිස්‌ස කුමරු රජ වෙයි. එහෙත් මහාවංශයේම 13 වැනි පරිච්ඡේදයේදී මේ මුටසිව රජු යලිත් පණ අදිමින් සිටියි. 13 වැනි පරිච්ඡේදයේ දෙවැනි ගාථාවට යමු.

ලංකාදීපං පසාදෙතුං කාලං විචින්තයි

වුද්ධෝ මුටසිවො රාජා රාජා හොතු සුතො ඉති

වංසත්තප්පකාසිනියේ මේ ගාථාව මෙසේ විග්‍රහ කරයි.

බුදුසසුන නොපිහිටි හෙයින් මිලින වූ ලක්‌දිව පහදවනු පිණිස කල්යල් බලමින් මෙසේ සිතුහ යන අර්ථයයි.

"මේ මුටසිව රජ තෙමේ මහලු වියෙහි සිටියේය. මොහු ලවා සසුන් පිහිටවනු නොහැකිය මොහු පුත් දෙවනපෑතිස්‌ තෙමේ රජ වන්නේය ඔහු ලවා සසුන් පිහිටවනු හැකිවේ කාලය එළඹෙන තෙක්‌ ඥාතීන් හට සංග්‍රහ කෙරෙමි'යි සිතුහ යන අර්ථයයි.

මිහිඳු හිමි මෙහි වඩිනට කලින් වේදිසයේ සත් මසක්‌ ගෙව්වේ මෙහි සිටි රජු මරණාසන්නව සිටි නිසාය. කවුද ඒ රජු? මහාවංසය ලියූ මහානාම හිමියන් හිතාමතා අපව නොමග යවා නැත. එසේ කළා නම් මිහිඳු හිමි වේදිස නුවරට වී සත් මසක්‌ සිටීම ගැන වෙනත් කතාවක්‌ ගොතනු ඇත. උන්වහන්සේත් අසා තිබී ඇත්තේ මිහිඳු හිමිගේ ප්‍රමාදයට හේතුව වශයෙන් රජෙක්‌ මැරෙන තුරු සිටි බවයි. උන්වහන්සේගේ විශ්වාසය අනුව දේවානම්පියතිස්‌ස රජ වුයේ අශෝකට පසුව කියා සිතන නිසා සෙවිල්ලක්‌ බැලිල්ලක්‌ නොමැතිව ඒ මුටසිව කියා නිගමනය කරයි.

කීයටවත් ඒ මුටසිව රජු නම් නොවේ. හේතුව දේවානම්පියතිස්‌ස රජ වූ පසුයි තම බෑණා වූ අරිට්‌ඨ සහ බමුණුය, ඇමතිය, ගණකය, යන අනෙකුත් තිදෙනාත් ප්‍රධාන කොටගෙන පාටලී පුත්‍රයට විශාල වස්‌තු සම්භාරයක්‌ යවනුයේ. මේ ගමනට දින 13 ක්‌ ගතවූ බව කියවේ. මේ පිරිස එහි සත් මසක්‌ රැඳේ. ඊළඟට අශෝක රජුගේ රාජ්‍ය කකුධ භාණ්‌ඩත් රැගෙන ඔවුන් මෙහි ආ විට දේවානම්පියතිස්‌ස නැවත අභිෂේකයකට යයි.

මිහිඳු හිමි ප්‍රධාන පිරිස ලංකාවට වැඩියේ අතිශයින් රහස්‌ වූ රාජ්‍ය තාන්ත්‍රික ක්‍රියාවකට බව මට නම් පැහැදිලිය. මා මෙහි රහස්‌ යන වචනය භාවිතා කිරීමට එකග නොවූවද මහාචාර්ය මැන්දිස්‌ රෝහණධීරයන් පවසන්නේ ද මිහිඳු හිමි මෙහි වැඩියේ රාජ්‍ය තාන්ත්‍රික ක්‍රියාවකට බවයි. මවිසින් තෙලපවසුවෙන් එතුමාගෙන් ඒ ගැන විමසූ විට පවසන ලද්දේ අරිටඨ ඇමති පුර ඔක්‌තෝම්බරයේදී දූත ගමන පිටත් වී දින 12 කින් එනම් නොවැම්බර් 1 වැනිදා පමණ පාටලීපුත්‍රයට පැමිණ රජමාළිගයේ නැවතී සිටි බවත්, අශෝකාරාමය මාළිගයට නුදුරින් ඉදි කර තිබූ බවත්, ඒ නිසා නිතර එහි ගොස්‌ මිහිඳු හිමි මුණගැසී සාකච්ඡා කරමින් මාස 7 ක්‌ ගත කළ බවත්, අප්‍රියෙල් 1 වැනිදා මේ දෙපිරිස ම දක්‌ණ ගිරියෙන් නික්‌මුණු බවත්, අරිටඨ තමා ආ මගින් ම නැවත ලංකාවට ආ නමුත් මිහිඳු හිමි උදේනි හරහා වේදිස නුවරට ගිය බවත් ය. බක්‌ මස 15 වැනිදා දේවානම්පියතිස්‌ස දෙවන වරට මෞර්ය ක්‍රමයට අභිෂේකය ලැබූ බවත්, අනතුරුව පොසොන් මාසයේ සිවුරඟ සේනාව පිරිවරාගෙන අනුරපුරයෙන් උතුරට ඇති තැනකට ගිය බවත්, මිහිඳු හිමි එහිදී 'තිස්‌ස්‌ යෑයි කතා කළ විට 'අයියානෝ ඛෝ ආගතා' (ආර්යයන් වහන්සේලා ඇවිල්ලා නේද) කියා විපරම් කළ බව සමන්තපාසාදිකාවේ විනය අටුවාවේ ඇති බවත් එතුමාණෝ පැවසූහ.

මේ වන විට මහලු දේවානම්පියතිස්‌ස මිය ගොස්‌ ඇති බව නිසැකය. පොසොන් මාසයේ සිවුරඟ සේනාව පිරිවරාගෙන අනුරපුරයෙන් උතුරට ඇති තැනකට ගිය මේ තිස්‌ස උත්තිය රජු විය යුතුයි. (මගේ අභිමානී හෙළන්කා) ලංකා ඉතිහාසයට විප්ලවීය අර්ථකථනයක්‌ යන ග්‍රන්ථයෙන් ද මා පෙන්වා ඇත්තේ යක්‌ෂ ජන කොට්‌ඨාශයට අයත් අපේ රජවරුන්ට තුන් ඉසක්‌ ඇති තැනැත්තා යන විරුදාවලියෙන් තිස්‌ස කියා භාවිතා කළා විය හැකි බවයි. මේ තුන් ඉස්‌ නම් යකඩ තාක්‌ෂණය, කෘෂි හා වැව් තාක්‌ෂණය සහ යුද්ධ තාක්‌ෂණයයි. ්‍රපිටුව 5)

ඇයි එසේ විශාල ධනයක්‌ යෑව්වේ? බල තණ්‌හාවෙන් වියරු වැටුණු අශෝක තම පියාගේ මරණින් පසු දිගට හරහට තම සහෝදරයන් සියලු දෙනා මරමින් මහා රාජ්‍යයක්‌ ගොඩ නගන්නට තැත් කළේය. එහෙත් අපේ රජවරුන් මෙන් කලින් යුද සුදානමක්‌ නොවිණි. කාලිංග යුද්ධයෙන් පසු ඔහු හොඳටම හෙම්බත් විය. දකුණු ඉන්දීය රාජ්‍යවලට අතවත් තැබීමට ඔහු සුදානම් නොවීය. කාලිංගයේ ජනතාවගේ දුක පෙනී එරට නැවත් ගොඩනැඟීමේ අරමුණින් අපේ රජු මේ තරම් ධන පරිත්‍යාගයක්‌ කරනුයේ.

ඉන්දියානු ගමනට යන්නේ දින 13 ක්‌ නම්, මාස 7 ක්‌ තිස්‌සේ අරිටඨ ඇමැති සහ අනිකුත් තිදෙනා මගධයේ කුමක්‌ කරන්නට ඇත්ද? මට නම් සිතෙන්නේ අපේ දේවානම්පියතිස්‌ස රජු යෑවූ විදේශාධාර නියමාකාරයෙන් පරිභෝජනය කරන්නේදැයි අධීක්‌ෂණය කරන්නට ඇත. ඇයි ගණකයෙක්‌ ගියේ? විගණනය කිරීමට නොවේද?

අපේ රටේ කොටි යුද්ධය තිබෙන දවස්‌වල ඉන්දියාව ගුවනින් පරිප්පු දැමූ වේලේ අප හෙල්ලී ගියේ යම් සේ ද අශෝකත් එදා එසේම හෙල්ලුම් කා ගියේය. ඒ හැරත් අපේ දුතයෝ මේ ධනය සුදුසු අයුරින් බෙදෙන්නේ දැයි විමසමින් ද සිටියහ. බලවත් රජෙක්‌ සමඟ හැප්පෙනවාට වඩා සම්‍යක්‌ ප්‍රයෝගයකින් කටයුතු කළ යුතු බව අශෝක තේරුම් ගත්තේය.

අශෝක රජු තම කකුධ භාණ්‌ඩ එවමින් දෙවැනි අභිෂේකයකට යන්න යයි අපේ රජුට ආරාධනා කරයි. කකුධ භාණ්‌ඩවලින් තහවුරු වන වැදගත් දෙයක්‌ ද ඇත. තිස්‌ස රජු මේ දෙවැනි අභික්‌ෂේකයෙන් රජ වන්නේ ඉන්දියාවේ බවයි. විශේෂයෙන් අප මතක තබාගත යුතු වැදගත් දෙයක්‌ ඇත. කිසි දවසක වෙනත් රටක කකුධ භාණ්‌ඩවලින් තවත් රටක අභිෂේක ලැබිය නොහැක. මෙයට හොඳම නිදසුනක්‌ ඉන්දියාවෙන් ම අපට හමුවේ.

ක්‍රි.ව.924-935 දක්‌වා ලංකාවේ රජ කළ හතර වන දප්පුල රජුගේ කාලයේදී චෝළ රාජ්‍යයේ 1 වන පරන්තක රජු පඬි රට ආක්‍රමණය කරන ලදී. එවිට තම කකුධ භාණ්‌ඩත් රැගෙන පඬි රජු අප රටට උදව් පතා ආවේය. ඒ අවස්‌ථාවේ අපේ රටේ තිබූ වාතාවරණය යටතේ උදව් ලබා ගත නොහැකි වූ නිසා පඬි රජු කකුධ භාණ්‌ඩ අප රජු වෙත පරිස්‌සමට තබා කේරළයට ගියේය. ඒ, ඒ රජුගේ මව කේරළයේ සිටි නිසා බව පැවසේ. එහෙත් චෝළ රජ පාණ්‌ඩ්‍ය දේශයේ රජ නොවුණි. ඔහු අවුරුදු 13 ක්‌ පමණ ඉවසිල්ලේ බලා සිටියේය. දප්පුල රජුගේ ඇවෑමෙන් තව රජවරු දෙදෙනක්‌ බලයට පත් වූහ. ඉන් අනතුරු ව දුර්වල පාලකයකු වූ හතර වන උදය, රජ විය. මේ අවස්‌ථාවේදී චෝළ රජ පඬි රටේ කකුධ භාණ්‌ඩ ඉල්ලා පණිවිඩ එවීය. එහෙත් අපේ රජු ඒවා නුදුන්නෙන් අප රට ආක්‍රමණය කොට ඒවා රැගෙන ගියේය.

මෙයින් ගම්‍ය වන්නේ කුමක්‌ද? චෝළ රජුටත් තමන්ගේ ම කකුධ භාණ්‌ඩ තිබෙනවා නොවේද?. එහෙත් ඒවායින් වුවද තමන් විසින් පරාජය කරන ලද රටකවත් රජවිය නොහැක. අරාජික රටක වුවද රජ වීමට එම රටේ ම කකුධ භාණ්‌ඩ තිබිය යුතුය.

අශෝක රජු අරිට්‌ඨට සේනාධිපති තනතුර දුන්නේ ද තමන් ලංකාවේ රජුට යටත් බව ඇඟවීමටයි. රටකින් තව රටකට පස්‌ සහ වතුර යවන්නේ පරාජය සංකේතවත් කිරීමටය.

පස්‌ සහ වතුර ගැන ඉතිහාසයේ ඇති සිද්ධි දෙකක්‌ ඉදිරිපත් කරමි.

ක්‍රි.පූ. 522 දී පර්ෂියාවේ සිටි මහා ඩේරියස්‌ රජු ඊජිප්තුව අල්ලා ගත් පසු ගී්‍රසිය අල්ලා ගැනීමට යුධ වැදුණි. යුද්ධයෙන් පීඩාවට පත් වී සිටි ඇතන්ස්‌ පාලක පෙරික්‌ලීස්‌ රජුට දූතයන් (ambassadors) අත මහා ඩේරියස්‌ රජු දන්වා යෑව්වේ, යුද්ධය නැවැත්වීමට නම්, පරාජයේ සංකේතය ලෙසට ගී්‍රසියේ වතුර සහ පස්‌ තමා වෙතට එවන මෙන් ය. ජාතික අභිමානයෙන් අභීත ව නැගී සිටි ගී්‍රකයෝ ඒ දූතයන් ව අල්ලා ළිඳකට දැමූ බව කියෑවේ.

එසේ ම සංගම් සාහිත්‍යයේ ද එන පලවන රාජේන්ද්‍ර (1012/14 - 1044) නමැති ප්‍රබල චෝළ රජ උතුරු ඉන්දියාව පවා ආක්‍රමණය කළ එකම දකුණු ඉන්දීය රජුයි. ඔහු හිමාලයේ ව්‍යාඝ්‍ර රූපය පවා කෙටවූ බව කියෑවේ. මේ රජ උතුරු ඉන්දියාව ආක්‍රමණය කළ බව සංකේතවත් කිරීමට ඔහුගේ සෙනෙවියකු ගංගා නම් ගඟේ ජලය රැගෙන විත් දකුණු ඉන්දියාවේ වැවකට දැමූ බව කියෑවේ. ඒ නිසා 1 වැනි රාෙ-න්ද්‍ර රජුට ගංගෙයි කොණ්‌ඩෙයි යන විරුදාවලිය ලැබුවේය. මේ රජුට මණ්‌ඩලම් 9 ක්‌ තිබුණි. පස්‌වැනි මිහිඳු රජුගේ පරාජයත් සමග අපේ රටත් එයින් එකක්‌ වී මුම්මඩි චෝළ මණ්‌ඩලම් නම් වූයේය.

ඉතින් පස්‌ හා වතුර පරාජයේ සංකේතයක්‌ නම් අපේ දේවානම්පියතිස්‌ස රජුගේ දූතයා (ambassador) අත රජකු විසින් රැකිය යුතු කන්‍යාවකද එවීමෙන් රටේ ආරක්‌ෂාවත්, රාජ්‍යයත් යන දෙකම භාර දුන් බව ඇඟවේ. එසේ ම මේ අවස්‌ථාව වන විට තිස්‌ස රජු වයස්‌ගත වීමට අමතරව මාරාන්තික රෝගයකින් නිශ්චිතවම පෙළුණු නිසා ඉන්දියාවට ගොස්‌ කිරුළ පළඳින්නට අපහසු බැවින් ඉන්දියන් පොළොව නියෝජනය කරමින් පස්‌ සහ වතුර අරිට්‌ඨ ඇමති අත ම අශෝක රජු එවන ලදී.

කෙනකු මහලු වූ පමණින් මැරේ යයි කිසිවකුට ස්‌ථිරවම කිව නොහැක. විශේෂයෙන්ම අවුරුදු 107 ක්‌ ආයු වැළදූ පණ්‌ඩුකාභයගේ මුනුබුරා එසේ මියයාවි යයි සිතිය නොහැක. එහෙත් මිහිඳු හිමි අපේ රජු මැරෙන තුරු වේදිස පුරයට වී බලා සිටි බව කියවේ. ඒ මාරාන්තික රෝගයකින් රජු පෙලෙන බව දන්නා නිසාම බලා සිටි බව අපට නිගමනය කළ හැක. කුමක්‌ද ඒ රෝගය? හෘදයාබාධය වැනි රෝගයක්‌ නම් නොවේ. බොහෝ විට එය අක්‌මාවේ පිළිකාවක්‌ විය යුතුයි. අදටත් බටහිර වෛද්‍යවරුන්ට අනුව මේ රෝගීන්ට වැඩිම වුණොත් මාස 7 ක ජීව අපේක්‌ෂා කාලයක්‌ දෙනු ලැබේ. මෙවැනි රෝගීන්ට ප්‍රොaටීන ආහාර අගුණය. ඒ නිසාම මොවුන්ගේ ශක්‌තිය අඩුය. ඒ නිසයි දේවානම්පියතිස්‌ස රජු මගධයේ සංකේතාත්මකව රජවීමටවත් එරටට නොගියේ. මේ කාලයේ රාජ්‍යයේ වැඩ බැලුවේ උත්තිය කුමරුය. ඒ නිසයි එතුමාගේ මුල් සෙල්ලිපිවල තමන් ගමනිඋති කියා හැඳින් වූයේ. දේවානම්පියතිස්‌ස රජුගේ අභාවයෙන් පසු සෙල්ලිපිවල එතුමාව හැඳින් වූයේ මහරක්‌ධ උති කියාය.

අවුරුදු දෙදහස්‌ ගණන් තිස්‌සේ අපව අන්දපු ගොබෙල්ස්‌ න්‍යාය පළමු වරට අභිමානි හෙළන්කා 2007 තුළින් මම හෙළි කෙරුවෙමි. ඉතිහාසඥයනි, බලන් කඩතුරා ඇර දෑසේ·

මිහිඳු හිමි මෙහි වැඩියේ අපේ දේවානම්පියතිස්‌ස රජු මගධයේ සංකේතාත්මකව රජ වී සිට මියගිය පසු උත්තිය රජ දවස අතිශයින් රහස්‌ රාජ්‍ය තාන්ත්‍රික ක්‍රියාවකටද?

උපුටාගැනීම දිවයින
තිලකා රන්දෙනි.

කොරියාවේ සිටින ලාංකිකයන් හදිසි අවස්ථාවකදි ලංකාවට ගෙන්වාගැනීමට සියල්ල සුදානම්

2017-09-17T01:48:00.002-07:00

උතුරු කොරියාවේ න්‍යෂ්ටික අත්හදාබැලීම් මුල් කර ගනිමින් ඇමරිකාව සහ උතුරු කොරියාව වාග් සංග්‍රාමයක නිරතව සිටිති.

ඇමරිකානු බල ප්‍රදේශයක් වන ගුවාම් දූපත ආසන්නයට මිසයිල ප්‍රහාරයක් එල්ල කිරීමට පවතින සැලසුමක් පිළිබඳ උතුරු කොරියාව නිවේදනයක් නිකුත් කිරීමත් සමග එරට සහ ඇමරිකාව අතර පවතින උණුසුම්කාරී වාතාවරණය තවත් උත්සන්න විය.
ගුවාම් දූපතට කිසියම් දෙයක් සිදු වුවහොත් "විශාල විපතක්" බලාපොරොත්තු විය හැකි බවට ඇමරිකානු ජනාධිපති ඩොනල්ඩ් ට්‍රම්ප් අනතුරු ඇඟවීය.
කෙසේ නමුත් සිය න්‍යෂ්ටික වැඩසටහන දිගටම කරගෙන යන බව උතුරු කොරියාව පවසයි.

මේ අතර නිල සංඛ්‍යා ලේඛනවලට අනුව උතුරු කොරියාවට අසල්වැසි දකුණු කොරියාව තුළ ශ්‍රී ලාංකිකයන් තිස් දහසකට ආසන්න සංඛ්‍යාවක් සේවයේ නිරතව සිටිති.
ඉහළ යමින් පවතින කලාපීය උණුසුම හමුවේ හදිසි තත්ත්වයක් ඇති වුවහොත් එහි සිටින ශ්‍රී ලාංකිකයන් ඉවත් කර ගැනීම සඳහා සැලසුම් සකස් කර ඇති බව දකුණු කොරියාවේ පිහිටි ශ්‍රී ලංකා තානාපති කාර්යාලය පවසයි.
බීබීසී සිංහල සේවය වෙත අදහස් දක්වමින් දකුණු කොරියාවේ සිටින ශ්‍රී ලංකා තානාපතිවරිය මනීෂා ගුණතිලක කියා සිටියේ ලාංකිකයන් වැඩි වශයෙන් සේවය කරන ප්‍රදේශ පිළිබඳ අධ්‍යයනය කර මීට මාස 06 පමණ පෙර අදාළ සැලැස්ම සැකසීමට පියවර ගත බවය.
ඒ හා සම්බන්ධ වාර්තාව විදේශ සේවා නියුක්ති කාර්යාංශය, විදේශ සේවා අමාත්‍යංශය සහ විදේශ කටයුතු අමාත්‍යංශයට භාර දී ඇති බවත් තානාපතිවරිය වැඩිදුරටත් සඳහන් කළාය.

ඇමරිකාව සහ උතුරු කොරියාව අතර මතුව ඇති උණුසුම්කාරී වාතාවරණය සම්බන්ධයෙන් ලොව සෙසු රටවල් ද විමසිල්ලෙන් පසුවෙති.
දෙරටේ නායක දෙපල අතර පැවති දුරකථන සංවාදය අතරතුර සියලු පාර්ශව සංයමයෙන් කටයුතු කිරීමේ සහ නොඉවසිලිමත්භාවය ඉහළ යාමට තුඩු දෙන වචන හුවමාරු කර ගැනීමෙන් වැළකී සිටීමේ වැදගත්කම ජනාධිපති ජින් පින් අවධාරණය කළ බවත් එම වාර්තාවේ දැක්වේ.

රුසියාව, චීනය සහ ජර්මනිය

මේ අතර ඇමරිකානු ධවල මන්දිරය නිවේදනයක් නිකුත් කරමින් කියා සිටියේ උතුරු කොරියාව සිය "කුපිතකාරී හැසිරීම" නවතා දැමිය යුතු යයි අදාළ දුරකථන සංවාදයේ දී දෙරටේ නායකයන් එකඟ වූ බවය.
වොෂින්ටනය සහ ප්යොංයැං පාලනය එකිනෙකාට තර්ජනය කර ගැනීම මොස්කව් පාලනයේ කණස්සල්ලට හේතු වී ඇති බව රුසියාව පවසයි.

අර්බුදකාරී වාතාවරණය සමනය කිරීම සඳහා චීන - රුසියානු ඒකාබද්ධ සැලැස්මක් පිළිබඳ අදහස් දක්වමින් රුසියානු විදේශ අමාත්‍ය සර්ගෙයි ලැව්රොෆ් කියා සිටියේ හමුදා ගැටුමක් ඇති වීමට පවතින අනතුර ඉහළ මට්ටමක පවතින බවය.

ජර්මනියේ චාන්සලර්වරිය ඇන්ගලා මර්කල් කියා සිටියේ උතුරු කොරියාවේ න්‍යෂ්ටික වැඩසටහන මුල් කර ගනිමින් මතුව ඇති අර්බුදයට හමුදා විසඳුමක් නොමැති බවය.

ඔබ දකුණු කොරියාවේ සිටින්නෙක්ද ?

එහි සේවයේ නිරත ඔබේ අත්දැකීම් හා අදහස් අප වෙත දන්වන්න.

දුරකතන :

+44 (0) 20 36144039

+ 44 (0)20 36140556

+ 44 (0)20 36140555

+ 44 (0)20 36140554

+ 44(0) 20 36140551

+ 44(0) 20 36140552
මුලාශය : BBC Sinhala

ලංකාවට ක්‍රිකට් හදුන්වා දුන්නේ නැත්නම් කොහොම වෙයිද

2017-09-16T21:12:00.000-07:00

ලංකාවට ක්‍රිකට් ක්‍රීඩාව හදුන්වා නුදුන්නේ නම්,

මාලීකා සිරිසේන සනත් ජයසූරිය සමඟ යාලු වන්නට හීනෙකින්වත් සිතන්නේවත් නැත.

විරාත් කෝලිට වෛර කරන්නන්ගේ ප්‍රතිශතය 3/4 කින් පහත බසී.

එවිට ලංකාවට සිටින හොදම ජාත්‍යන්තර ක්‍රීඩා තරුව වන සුසන්තිකා අක්කා සංගාගෙ කීල්ස් ඇඩ් එක, කොකා කෝලා ඇඩ් එක, ඩයලොග් ඇඩ් එක මෙන්ම මැතිව්ස් ගේ මයිලෝ ඇඩ් එකේ ද රඟපානු ඇත. ඇතැම් විට මුරලිගේ හොල්සිම් සිමෙන්ති ඇඩ් එකට සවලක් අතින් රැගත් ඇගේ සැමියා ද ඇය සමග සහභාගි වන්නට ඉඩ තිබුණි.

පාසල් වල ක්‍රිකට් බිග් මැච් පැවැත්වෙන්නේද නැත. එවිට පාරේ යන වාහන පෙළපාලි වල ආතල් බැලීමට මෙන්ම මැච් එකේදි වැඩ කිඩ පෙන්වා කෙල්ලෙක් දා ගැනීමට ඇති ඉඩකඩද ඇහිරේ. නං වනං ලියූවන්ගේ ජාතිය අමතා කාන්තා පාසල් වල තාප්ප වල තින්ත ගෑමටද සිදු නොවේ.

ලංකාවට චියර් කරන පකිස්ථාන් කොලුවා හුදෙක් ලංකාවට බාස්මතී ගෙන්නන රටේ පුරවැසියෙක් පමණි.

චැනල් අයි එක ජාතියේ දමිළ නාලිකාවයි. එය ඇන්ටනාවට අහු වෙනවාදවත් අපි දන්නෙ නැත.

තවද අපි හය (6) හතර (4) නොදන්නා කිරිසප්පයෝම වෙමු.

අසේල ගුණරත්න හා අජන්ත මෙන්ඩිස් ආදී හමුදා නිලධාරින් උද්ඝෝෂණයකදී අපිට තඩිබා ගියද අපි නොදන්නෙමු. නොහඳුනන්නෙමු.

මාලිංග ආදී ලාංකික ක්‍රීඩකයන් නොමැතිව ඇතැම් විට මුම්බායි ඉන්දියන්ස් පිල බංකොලොත් වී මුකේශ් අම්භානි දිල්ලියේ වීදියක "මේ ආදරයයි මුල සිට" ඩීවීඩී විකුණන්නට තිබුණි.

ලංකාවේ ක්‍රිකට් පිට්ටනි ඇති තැන්වල කොළඹ නම් ගොඩනැගිලි ද, දඹුල්ලේ නම් ලොකු ලූණු වගාවද, පල්ලෙ කැලේ නම් කානිවල් එකක් ද, සූරියවැව නම් ගංජා හේනක් හෝ තිබෙන්නට ඉඩ තිබුණි.

එවිට චාලි ඔස්ටින් යනු ලංකාවට පැමිණ කා බී විනෝද වී යන පස්ස හෝදන් නැති පර සුද්දෙක් පමණි. ඇතැම් විට එවිට ලංකාව වල කජු ගැසීම, ඔළිද කෙලිය, චග්ගුඩු වැනි ක්‍රීඩාවකින් ජාත්‍යන්තරයට ගියේ නම් ඔහු ඒවාට අත පෙවීමට තිබුණි.

වැදගත්ම දේ බොසාට බොරු කියා මැච් බලන්න නිවාඩු දාන, ක්ලාස් යන යමන් අබාන්ස් එකේ හෝ සිංගර් එකේ ටීවි වලටත් එබි එබී මැච් බලන, ජනේලෙ වැදුනොත් අවුට් ඒත් ජනේලෙ බිදුන් නෑ නෙ අවුට් නෑ කියා බිම් මට්ටමෙන් ක්‍රිකට් ගහන ආදරණීය ක්‍රිකට් පිස්සන් හා ක්‍රිකට් සංස්කෘතියක් නැති වීමයි.

ෆේස්බුක් සටහන ඉෂූ වින්දි

ඔබව මත්කර ඇවිදින පිල්ලියක්‌ කරන ZOMBI ලංකාවට ඇවිත්ද

2017-09-16T05:50:00.002-07:00

ලංකාවේ වැඩි දෙනා මත්ද්‍රව්‍ය කියූ සැණින් සිතන්නේ අරක්‌කු, හෙරොයින්, සිගරැට්‌, දුම්කොළ එල්. එස්‌. ඩී. වැනි අද අපේ රටේ පුරාවිද්‍යාත්මක වටිනාකමක්‌ හිමිවන මත්ද්‍රව්‍ය ගැනයි. ඒත් අද ලෝකයේ ඊට වඩා භයානක METH, GHB, KATAMINE වැනි මත්ද්‍රව්‍ය ඇත. මෙහි ගැටලුව වන්නේ පුරාවිද්‍යාව ගැන පමණක්‌ සොයන නිසා අලුතෙන් එන වැඩියෙන් භයානක මත්ද්‍රව්‍ය අපේ අයට මඟහැරීමය. එහි ප්‍රතිඵල වඩාත් භයානකය. මන්දයත් ඒ මත්ද්‍රව්‍ය ගැන ලක්‌ සමාජයට යන්තමින් හෝ ඉව වැටෙන්නේ ඒ මත්ද්‍රව්‍යවලට ඇබ්බැහි වී තත්ත්වය ඔඩුදිවුවාටත් පසුවය. හරියටම කියනවා නම් කොකේන් කන්ටේනර් ගැන පමණක්‌ සිතමින් සිට අපිට ලොව භයානකම මත්ද්‍රව්‍යයක්‌ වූ CRISTAL METH මග ඇරුණා වගේය. තෙලිජ්ජ කට්‌ටට විරුද්ධව යුද්ධ ප්‍රකාශ කර සිටියදී භයානක හෂීෂ්වලට රට ඇබ්බැහි වූවා වැනිය. කතාව සරලවම කියනවා නම් මෙසේය. අපි මීට වඩා හොඳින් මත්ද්‍රව්‍ය ලෝකයේ නාඩි ගැන අවධානයෙන් සිට හරිම නිලය අල්ලා ගන්නට අවශ්‍යය.

අද ලෝකයේ අලුතෙන්ම දිවෙන මත්ද්‍රව්‍ය රැල්ල ZOMBI DRUGS ය. ZOMBI DRUGS ලොව ඇති භයානකම මත්ද්‍රව්‍යයක්‌ වන්නේ එය අනෙක්‌ මත්ද්‍රව්‍ය වලට වඩා එයින් මත්වන ස්‌වභාවය වෙනස්‌ වන නිසාය. හරියටම කිව්වොත් ZOMBI DRUGS මිනිසුන් පණපිටින් යන පිල්ලියක්‌ බවට පත් කරන නිසාය.

ඇමරිකාවේ ඉපදුන ZOMBI DRUG ලෝකෙ වටා කරක්‌ගහන අතරේ මේ අන්දමන්ද දූපතට ද පෑල දොරින් ගොඩවන්නට ඕනෑවටත් වඩා ඉඩ ඇති බව තේරුම් ගැනීම උකුණු හිසක්‌ තරම් මොළයක්‌ ඇති අයෙක්‌ට ද අපහසු නැත. මේ අන්දමන්ද රටට මත්ද්‍රව්‍ය එන්නේ කන්ටේනර් වලින්ය. අල්ලන මත්ද්‍රව්‍යවලට වන්නේ මොකක්‌ද කියා ජනාධිපති දන්නේත් නැත. නොදන්නා නිසා කැබිනෙට්‌ටුවෙන් ඇසූවිට ඔවුන් දන්නේ ද නැත. රටේ ඉහළම තැන් දෙක නොදන්නා කෙහෙල්මලක්‌ ගැන අනෙක්‌ අයගෙන් දන්නවාදැයි ඇසීම කාලය කා දැමීමකි. ඒ මොනවා වුණත් අඩුම ගානේ මාසයකට සැරයක්‌ වත් පත්තරේ පොල් ගෙඩි අකුරින් දාන්න තරම් මත්ද්‍රව්‍ය සම්බන්ධ සිද්ධියක්‌ මේ දීපංකරේ කොහේ හෝ තැනකින් වාර්තා වෙයි.

ඒවා කොකේන්, හෙරොයින්, පිෂා වගේ මත්ද්‍රව්‍ය ගැනය. ලංකාව මත්ද්‍රව්‍යවලට පාරාදීසයක්‌ යෑයි තීරණය කිරීමට ජනාධිපතිට කොමිෂන් පත්කරමින් කාලය කා දමන්නට අනවශ්‍යය. උදේ පාතරාසය ගන්නා ගමන් පත්තර ටික බැලුවානම් ඇතිය. ලංකාවේ කුප්‍රකට BEACH PARTY වල (ICE) CRISTAL METH භාවිතා කරන බව ප්‍රසිද්ධ රහසකි. ICE තිබෙන රටේ පොලිසියට අහු නොවුණු පමණින් ZOMBI DRUGS නැතැයි සිතීම දවල්ට තරු නොපෙනෙන නිසා දවල්ට අහසේ තරු නැතැයි කියනවා වැනිය. ICE පොලිසිය අහු වුණේ මේ ළඟකදී වූවාට ICE ලංකාවේ බින්න බැස්‌සේ 77 විවෘත ආර්ථිකයෙන් පසු පළමු දශකයේදී බව දන්නෝ දනිති. ඒ නිසා ZOMBI සම්බන්ධයෙන් ද අපට පොලිසියෙන් ඊට වඩා දෙයක්‌ බලාපොරොත්තු විය නොහැකිය. එක්‌ අතකට විෂය භාර අමාත්‍ය රිෂාඩ් බදියුදීන් නොදැන සතොසට කොකේන් කන්ටේනර් ගණන් ආවාසේ ලොකු ලොක්‌කන්ගේ සූට්‌කේස්‌වල ලංකාවට ZOMBI DRUGS පැමිණීමට ඕනෑවටත් වඩා ඉඩ ඇත. වැටත් නියරත් ගොයම් කානම් ඒ අමාරුව කියන්නට ඇත්තේ පඹයාටය. ඒත් මේ නිදහස්‌ නිවහල් ප්‍රජාතන්ත්‍රවාදී සමාජවාදී µeසිස්‌ට්‌වාදී රටේ යහපාලන ආණ්‌ඩුවට ඕවා කීම බීරි අලින්ට වීණා වයනවාට වඩා හපන් නිසා ඒ ගැන තවත් ලිවීම ඔබේ කාලයත් මගේ පෑනේ තීන්තත් නාස්‌ති කිරීමකි. එහෙත් ZOMBI DRUGS යනු මොනවාදැයි ඔබට හඳුන්වා දීම අනාගතයේ ඔබ හෝ ඔබ දන්නා කෙනකු විශාල විපතකින් මුදා ගැනීමට ඔබට ප්‍රයෝජනවත් වේ යෑයි සිතමි.

ZOMBI DRUGS යනු සුදුපාට සූකිරි කැට වැනි මත්ද්‍රව්‍යයකි. වීදුරු බෝතල් වල මේවා අසුරා ඇත. ZOMBI DRUGS කැට යම් බඳුනක දමා රත් කරන විට එය දියවෙයි. එම දියරය ශරීරයට එන්නත් කරගන්නා අතර වැලමිට, කකුලේ මහපටඟිල්ලත් දබරැඟිල්ලත් අතර ඇති කරුව, ස්‌ත්‍රී පුරුෂ දෙපාර්ශවයේම රහස්‌ ස්‌ථාන මෙම එන්නත් කර ගන්නා ප්‍රසිද්ධ ස්‌ථානයි. එන්නත් කරගන්නා තැන් ඉක්‌මනින්ම සුව නොවන ඔඩු දුවන තුවාලයක්‌ දදයක්‌ බවට පත්වෙයි. OXY, VIKES, TRANKS, MINS, ZOMBI PILLS, SPEED, BLOOM, WITE
GIRLS, BLUE MAGIC, WITE KNIGHT, GOULDIO, GOLD RUSH ZOOM, NICE GUY, ARTIC BLAST, VITAMIN R, UPPER, VICODIN, VAIIUM, AMDINE යනු ZOMBI DRUGS හැඳින්වීමට ගන්නා වීදි නම් වලින් කිහිපයකි.

වචනයේ පරිසමාප්ත අර්ථයෙන්ම ZOMBI DRUGS මිනිසුන්ව ඇවිදින මළමිනි කරයි. පිල්ලි බවට පත් කරයි. ZOMBI DRUGS භාවිතා කළ පසු ඇතිවන මත්වූ ස්‌වභාවය සිහියකින් බලා සිටින ඕනෑම අයකුගේ ඇඟේ මයිල් කෙලින් වීම සාමාන්‍ය දෙයකි. ඔවුන්ගෙන් සමහරෙක්‌ තමාටම දැඩිව හානි කරගනිති. තවත් අය අනුන්ට හානිකරති. සමහරු නිරුවතින් සිටිමින් ඉතාත් දරුණු ලෙස සාමාන්‍ය මිනිසුන්ට පහරදෙති. මාර්ගයේ ධාවනය වන වාහනවලට පනිති. සමහරු ඇවිදින්නේ ZOMBI චිත්‍රපටවල අප දැක ඇති චරිතවල එන පිරිස මෙනි. තමාගේම ශරීර කොටස්‌ වල මස්‌ ඉරාගෙන එය ආහාරයට ගන්නා පුද්ගලයන් මේ අතර වෙයි.

ඉහතින් සඳහන් කළේ ZOMBI DRUGS වලට ඇබ්බැහි වූ අයගේ හැසිරීම ගැනය. මේවා භාවිතා කළ අයට ඉතාමත් අධික වේදනාවක්‌ දැනෙයි. අප දකින අනෙක්‌ මත්ද්‍රව්‍ය මෙන් නොව ඒ වේදනාව ඉතා භයානක එමෙන්ම අධික කම්පනය, වමනය, නාසයෙන් ලේ ගැලීම, හිසරදය, හෘද ස්‌පන්දනය අක්‍රමත්වීම් පපුවේ වේදනාව, අසිහිය ආදී ලක්‍ෂණ මේවා භාවිත කළ අයට දැනෙයි. මේවා භාවිතා කළ විට ශරීරයේ උෂ්ණත්වය වේගයෙන් ඉහළ යන අතර එය සෙල්සියස්‌ අංශක 104 ද ඉක්‌මවා යයි. මේවා භාවිතා කළ විට කථන ආබාධ ඇති වන අතර ඔවුන් කතාකරනවාට වඩා කරන්නේ ගෙරවීම හා භයානක උස්‌ හඬකින් කෑගැසීමය.

මේවාට ඇබ්බැහි වූ අයට ලැබෙන ත්‍යාග ඉතා වේදනාකාරී තුවාල, පිළිකා ඔඩු දුවන තුවාල, කොළ හා කළු පොතු කබර ගැලවෙන හම, දුර්වල මතකය, ඉතා දුර්වල ප්‍රතිශක්‌තිය හා අවසානයේ වේදනාකාරී භයානක මරණයකි. ZOMBI වලට ඇබ්බැහි වූ අවසානයේ උරුමකර ගන්නා මරණය ලොව ඇති වේදනාත්මක සහ භයානක මරණ වලින් එකක්‌ ලෙස හැඳින්විය හැකිය. ZOMBI චිත්‍රපටවල දැක ඇති ලෙසටම අත් ඇඟිලි, පා ඇඟිලි පමණක්‌ නොව මැණික්‌ කටුවෙන් පහළ වළලු කරත් ගැලවී ගිය අය අත් පා වල මාංශපේෂි දියව ගොස්‌ අස්‌ථි එළියට පේන අත් පා ඇති අය, මුහුණේ මාංශපේෂි දියව ගොස්‌ මුඛයේ හක්‌ක එළියට පේන, ඇස්‌ බෝල, නහය කන් ගැලවී ගිය අය රෝහල්ගතව ප්‍රතිකාර ලබති. ඒ ඡායාරූප දකින අය භීතියෙන් ගල් ගැසෙන තරම් භයානකය. උදාහරණයක්‌ ලෙස ලාදුරු රෝගයට ගොදුරුවන බෙහෙත් නොකළ අයෙක්‌ගේ අත් පා ආදිය ගැලවී යන්නේ කෙසේ ද එසේම ZOMBI DRUGS වලට ඇබ්බැහි වූ අයෙක්‌ගේ අත් පා ගැලවී යයි. එපමණක්‌ නොව මාංශ පේෂි ද දියවී යයි.

ZOMBI කෙතරම් භයානක මත්ද්‍රව්‍යයක්‌ ද යන්නට තවත් අටුවා ටීකා අවශ්‍ය නැතැයි සිතමි. ZOMBI වලට මාසයක්‌ වැනි කෙටි කාලයකින් දැඩිව ඇබ්බැහි වෙයි. දැඩිව යන්නෙත් අදහස්‌ කළේ ZOMBI නැති වුවහොත් මරාගෙන මැරෙන තත්ත්වයට පත්වන බවය. ඒ තත්ත්වයට පත් වූ අයෙක්‌. සක්‍ර දෙයියන් පැමිණ ඔළුවෙන් හිටගෙන එපා කිව්වත් අහන්නේද නැත. අහන්නද බැරිය. ZOMBI DRUGS වල කතාව එසේය. ZOMBI DRUGS ගැන සොයා බැලීමේ වගකීම පොලිසිය, රේගුව, ජනාධිපති මත්ද්‍රව්‍ය නිවාරණ ඒකකය ආදී ඒ සියලු දෙනා සතුවේ. ඔවුන් ඒ වගකීම පැහැර හැරිය හොත් මස්‌ දියවී ඇටකටු හැලී වේදනාවෙන් මොර දෙමින් ප්‍රසිද්ධ ස්‌ථානවල පවා සියදිවි නසා ගන්නා පිරිසක්‌ නුදුරේදීම අපේ සමාජයට එක්‌වනු ඇත.

බලන්න ඔයාගෙ හැටි ඔයාලට ඔහොම කවදාවත් ගායකයෙක් වෙන්න බෑ

2017-09-16T01:55:00.001-07:00

කෙල්ලෙක් දාලා ගියාම මුළු ලෝකෙම අතාරැලා මැරෙන්න දගලන වුන් අතරේ වටින කතාවක්.

ඔව් එක කාලෙක හිටියලු කොලු ගැටයෙක්.රූපයෙන් ලස්සන නැති කැහැටු ගැහුන ශරීරයක් එක්ක..හැබැයි මේ කොල්ලට තිබ්බ ලොකු හීනයක් බලාපොරොත්තුවක් ඒ කවද හරි මේ පුංචි රටේ ගායකයෙක් වෙන එක.ඉතින් පෙර වාසනාවකට වගේ කොළඹ රාජ්කීය විද්‍යාලයට යන්න මේ පුංචි කැහුටු කොල්ලට වාසනාව පෑදෙනවා.

එතනින් තමයි කොල්ලගෙ ජීවිතේ අනිත් පැත්ත හැරෙන්නෙ.පොඩ්ඩ පොඩ්ඩ සින්දු කියන්න පුලුවන් උනත් ඒක ඔප මට්ටම් වෙන්නෙ රාජකීය විද්‍යාලයේ සාගා වේදිකාවෙන්.ඉතින් ඒ ගුරුවරුන්ටත් හුගාක් පින්.ඉතින් ඔය අතර කොල්ලගෙ පියාගේ ව්‍යාපාර බිද වැටෙනව.අම්ම අමා දුකක් විදිනව කොල්ලව ලොකු මහත් කරන්න අම්මගෙ ලොකුම ආසාව වෙන්නෙ කොල්ලව ටයි කෝට් දාපු මහත්තයෙක් කරන්න..ඒත් කොල්ල කැමති ගායකයෙක් වෙන්න.

ඒක පස්සෙම දුවනව.බාදක ආවත් නවතින් නෑ.දිගටම යනව..ඉතින් දැන් තමයි හොදම හරිය පටන් ගන්නෙ.පාසලේ 12 වසර වෙනකොට පාසල් ප්‍රේමයක් පටන් ගන්නව.තමන්ට වඩා හුගක් ලස්සන සල්ලි තියෙන කෙල්ලෙක් එක්ක.කොල්ල බොක්කෙන්ම ආදරේ කරනව කෙල්ලට අව්රුදු 2ක් විතර ආදරේ තියෙනව.කෙල්ලගෙ යාලුවො කියනව කෙල්ලට උබට පිස්සුද ඒ කොල්ලගෙ හැටි බලපන් පබයෙක් වගේ ඇට කටු ටික විතරයි ඔන්න ඔය කොල්ලව අතඇරපන් කියල අර කෙල්ලට කෙල්ලගෙ යාලුවො උපදෙස් දෙනවා.මේ අතර කෙල්ලගෙ ගෙදරින් සම්බන්දෙ දැනගෙන නොයෙක් ප්‍රශ්න දානව.ඒත් කතාව දිගටම යනව.කොහොම හරි කෙල්ලගෙ හිතත් වෙනස් වෙන්න ගන්නව.

.කොල්ලව මග අරිනව.මේ කොල්ල මෝඩයෙක් වගේ ආදරේ කලා කියල හිතෙන්නෙ පස්සෙ ඒ කෙල්ලගෙ 17 වෙනි උපන්දිනේට කෙල්ලද පුදුම කරන්න කෙල්ලගෙ නම අතේ පච්චයක් කොටා ගන්නව..උපන් දිනේ දවසෙ පෙන්නන්න.හරි ආදරෙන් කෙල්ලව හම්බවෙන්න යනව කෙල්ල එන පන්තිය ලගට එතකොට කොල්ල උ/පෙ එහෙම කරපු ගමන්.කෙල්ල කොල්ල ලගින් බස් එකෙන් බැහැල නොදැක්ක වගේ යනව.කොල්ල කෙල්ලගෙ අතින් අල්ලනව සුභ උපන්දිනයක් කියල.කෙල්ල අත ගසල දාල මෙහෙම කියනව කොල්ලට.

*මේක දැන් ඇති මට ඔයාව එපා බලන්න ඔයාගෙ හැටි මගේ යාලුවොත් මට විහිලු කරනව.අම්මල අයියල බනිනව ඔයාලට ඔහොම කවදාවත් ගායකයෙක් වෙන්න බෑ ඔයාවයි මාවයි ගැලපෙන් නෑ.මේක නවත්තන්න මගේ පස්සෙ ආයෙ එන්න එපා ඔයාට කවදාවත් ගායකයෙක් වෙන්න බෑ*

කෙල්ල ඔන්න ඔහොම කියනව.කොල්ලගෙ ඇස් දෙකෙන් සට සට ගාල කදුලු බින්දු හතරක් පහක් වැටෙන්නෙ කොල්ල නොදැනුවත්වමයි.හැබැයි කොල්ල ඒ කදුලුත් එක්කම මෙහෙම කියනව කෙල්ලට.
*ඔයා මට කියන්නෙ මැරෙන්න කියලද? මම කැත ඇති හැබැයි හුගාක් ආදරේ කලා ඔයාට.ඔයා නිසා මම වැටෙන් නෑ.ඔයා බලන්න කවද හරි මම ලංකාවෙ ගායකයෙක් වෙනව එදාට ඔයාට මාව දකින්න ලැබෙයි මෙහෙම නෙමෙයි ටීවි එකෙන්.විදින්න තිබ්බ ජීවිතේ මම ඔයා නිසා විදෙව්ව ආයෙත් එහෙම වෙන් නෑ ..මම යන්නම් පරිස්සමෙන් ඉන්න*

මෙහෙම කියන කොල්ල එතනින් යන විදිය ඔයාලට අමුතුවෙන් කියන්න ඕනි නෑනෙ..මෙහෙම යන කොල්ල ජිම් යනව ලස්සන වෙන්න එක එක දේවල් කරනව සින්දු පිස්සුව වැඩි වෙනව..ගායකයෙක් වෙන්න ටික ටික පාර කපාගන්නව..මුලින්ම සින්දුවක් කරනව ඒක තමයි දිලුම් තේජන අයිය සංගීතවත් කරපු දිලාන් අයිය පද රචනය කරපු *මේ ඇසින්* ගීතය ඉතෙන් ඒකෙන් ගොඩක් දේවල් ඉගන ගන්නව මේ ඉන්ඩස්ට්‍රි එක ගැන.

ඔන්න ඊලගට තමයි කොල්ලගෙ වාසනාව උදාවෙන්නෙ සදීප්ත අයිය සංගීත්වත් කරපු සජිත් වී චතුරංග මල්ලි පද රචනය කරපු *පෙනෙනාතෙක් මානේ* ගීතය එලි බහිනව..ඔන්න කොලව ටික පිරිසක් දැනගන්නව.නම චුට්ටක් හැදෙනව චුට්ටක් ජනප්‍රිය වෙනව.ඔහොම ඉන්න කොල්ල ගේම ගහගෙන එනව හිමින්..මේ අතර චතුර වර්නසේකර අයිය හම්බ වෙලා *පිං මදිද දන්නෙ නෑ* ගීතය මට කරල දෙනව හිතපු නැති විදියට මේක කතා බහට ලක් වෙනව ලංකාවෙ එක ශෝ එකක්වත් තිබුන් නැති ඒ කොල්ලට ලංකාව වටේම පොඩ්ඩක් ශෝ ලැබෙන්න ගන්නව.කොල්ල එදා කෙල්ලට කියපු දේ අද කරල පෙන්නුව.

කෙල්ලො කොල්ලො දාල ගියාම මැරෙන එක නෙමෙයි හරි එයාලට වඩා හොදට අපි හැදෙන එකයි.ඉතින් මේ එදා අන්ත අසරන වෙලා හිටපු කරකියාගන්න දෙයක් නැතුව හිටපු ඒ කොල්ල තමයි අද *සමිත් සිරිමාන්න* කියන්නෙ.සමහර අය ආදරේ කරන සමහර අයට අදටත් විහිලුවක් උන ඒ චරිතෙ මම ඔව් ලැජ්ජ වෙන්න ඕනි නෑ ඇත්ත කියන්න..අහින්සක ආඩම්බරයක් මම ගැනම දැන් මට තියෙනව.ඉතින් ඔයාලට මම කියන්නෙ තමන්ගෙ හීන තමන්ගෙ බලාපොරොත්තු පස්සෙ දුවන්න විහිලු කරයි ගල් ගහයි කකුලෙන් අදී ඒත් තමන්ගෙ ගමන තමන් යන්න.මොකද විහිලු කරන කතා හදන කව්රුත් අපිට කන්න බොන්න ගෙනත් දෙන් නෑ.හොදින් මතක තියාගන්න අම්ම තාත්ත මල්ලි නංගි වගේ පව්ලෙ අයයි නෑදෑයො සුලු පිරිසකුයි.අතේ ඇගිලි ගානට අදු යාලුවො පිරිසකුයි විතරයි අපිට නැති වෙලාවට පිහිට වෙන්නෙ..ඉතින් ඔයාල හැමෝට බුදුසරණයි !අසාසිටි ඔබ සැමට ස්තූතියි! හැමදාම මගෙත් එක්ක ඉන්න..ජය වේවා..ඔය පොටෝ එකේ නොපෙනෙන කතාව ඒකයි..✌️💪

👌කතාවේ සත්‍ය අසත්‍යතාවය නොදනිණි. කියවන්න ජීවිතයට දෙයක් ගන්න පුළුවන් වදන් ටිකක්.
උපුටාගත්තේ https://www.facebook.com/officialsamith පිටුවෙන්

ඇපල් සමාගම ගැන අමුතු කතා 10ක්.

2017-09-15T19:23:00.001-07:00

අද ලෝකයේ පවතින දැවැන්ත සමාගම් පිළිබද ලේඛනයක් සකස් කරන්නේ නම් ඇපල් සමාගම (Apple inc.) එහි ඉහලින්ම වැජඹෙනු ඇත. වර්ෂ 1976 අප්‍රේල් 01 වනදා, ස්ටීව් ජොබ්ස්, රොනල්ඩ් වේන් හා ස්ටීව් වොස්නියාක් යන තිදෙනා විසින් කැලිෆෝනියාවේදී ආරම්භ කරන ලද ඇපල් සමාගම, පරිගණක උපාංග, මෘදුකාංග නිර්මාණය කරන ප්‍රධාන පෙළේ සමාගමක් බවට පත්ව අවසන්. ඇපල් තාක්ෂණික උපාංග බිලියනකට අධික ප්‍රමාණයක් ලොව පුරා භාවිතා වන අතර එහි වත්කම් ප්‍රමාණය ඇමරිකානු රජයටත් වඩා වැඩි බව වාර්තා වනවා. මෙම ලිපිය දිගහැරෙන්නේ ලෝකප්‍රකට ඇපල් සමාගම ගැන ඔබ මෙතෙක් දැන නොසිටි කාරණා දහයක් පිළිබදවයි.

#10

2011 ජූලි වන විට, ඇපල් සමාගමට අයත් බැංකු ගිණුමේ තැන්පත් කර ඇති මුදල ඇමරිකානු රජය සතු මුදලටත් වඩා වැඩිය.

#09

itunes භාවිතා කිරීමේදී, කිසිදු ඇපල් උපාංගයක් න්‍යෂ්ටික අවි නිපදවීමට යොදා නොගන්නා බවට එකඟතාවයකට එළඹීමට සිදුවේ.

#08

ඇපල් සමාගමේ කෘතිම බුද්ධි වැඩසටහන වන සිරිට (Siri) ඔබ පවසන සෑම දෙයම පාහේ ඇපල් සමාගම විසින් ගබඩා කරගනී.

#07

ඇපල් පරිගණක අසල දුම්පානය කිරීම, පරිගණකයේ වගකීම් සහතිකය අවලංගු වීමට හේතුවක් වේ.

#06

ඇපල් සමාගමේ මූලස්ථානයේ රැකියාවේ නියුතු සේවකයන් වාර්ෂිකව උපයන මුදල සාමාන්‍යයක් ලෙස ගත් විට ඇමරිකානු ඩොලර් 125,000 කි.

#05

ව්‍යාජ ඇපල් උපාංග නිෂ්පාදනය කරන සමාගම් චීනයේ දක්නට ඇති අතර, ඒවා කෙතරම් සූක්ෂමද කියතොත් එම සමාගම්වල රැකියා කරන සේවකයන්ද, තම සමාගමේ නිෂ්පාදනය කරනු ලබන්නේ ව්‍යාජ උපාංගයක් බව නෙදනී.

#04

සෑම මිනිත්තුවකදීම ඇපල් සමාගම ඇමරිකානු ඩොලර් 300,000ක් උපයනු ලබයි.

#03

Mission Imposible Ghost protocol චිත්‍රපටය තුල, මිනිත්තු 8කය ආසන්න කාලයක් ඇපල් නිෂ්පාදනයන් සඳහා ලබාගෙන ඇති අතර ඒ සදහා ඇස්තමේන්තු ගත දැන්වීම් ගාස්තුව ඇමරිකානු ඩොලර් මිලියන 23කි. නමුත් ඇපල් සමාගම එය ලබාගෙන ඇත්තේ සම්පූර්ණයෙන්ම නොමිළේ ය.

#02

ඇපල් සමාගමට, බ්‍රසීලයතුළ iphone යන වෙළද නාමය භාවිතා කළ නොහැක. එයට හේතුව වන්නේ Gradiente Eletronicas නම් සමාගමක් iphone වෙළද නාමය සඳහා වර්ෂ 2000දී ලියාපදිංචි වී සිටීමයි.

#01

iphone සඳහා භාවිතා කරනු ලබන ප්‍රොසෙසරය (Processor) ඇත්ත වශයෙන්ම නිෂ්පාදනය කරනු ලබන්නේ Samsung සමාගම විසිනි.

උපුටාගැනීම අන්තර්ජාලයෙන්

ලෝකයටම දැනුම බෙදූ ලංකාවේ විශ්වකර්මයා කොන්ක්‍රීට් කුලසිංහ

2017-09-15T06:33:00.002-07:00

කොළඹ ග්‍රහලෝකාගාරය හෝ වරායේ සම්බුද්ධත්ව ජයන්ති චෛත්‍යය හෝ පොල්ගොල්ල වේල්ල හෝ එකවරක් පමණක් නොව කීප වරක් දකින්නකු තුළ වුවත් විස්මයක් හට ගනු නො අනුමානයි. එහි නිර්මාතෘවරයා ආචාර්ය ඒ.එන්.එස්. කුලසිංහ මහතා. අපේ රටේ කොන්ක්‍රීට් විශ්වකර්මයා ලෙස හැඳින්වෙන්නේ ඔහු. චෛත්‍ය, තට්ටු නිවාස, ආයතන, ගොඩනැඟිලි, වරාය, පාලම් යනාදි වශයෙන් ඉදිකිරීම් ගණනාවකට නිර්මාතෘ වන්නේ කුලසිංහ. බ්‍රිතාන්‍යයේ යටත් විජිතයක්ව පැවත නිදහස ලැබූ රාජ්‍ය අතරින් ශ්‍රී ලංකාව 1948 න් පසු බුද්ධිමත් දක්ෂ විද්‍යාඥයන් කීපදෙනකු ම බිහි කළ අතර ආචාර්ය කුලසිංහ ද ඔවුන් අතර එක් අයකු බව ආතර් සී. ක්ලාක් වරක් පවසා සිටියා.

1919 දී ජාඇළ උදම්විට උපන් ඒ. (අරුමා දර) එන්. (නන්දසේන) එස්. (සිල්වා) කුලසිංහ අධ්‍යාපනය ලැබුවේ මීගමුව මාරිස්ටෙලා විද්‍යාලයෙන් හා කොටහේන ශාන්ත බෙනඩික්ට් විදුහලෙන්. ඔහු රාජ්‍ය ඉංජිනේරු සංස්ථාවේ නිර්මාතෘ හා ප්‍රථම සභාපති. ශ්‍රී ලංකා ඉංජිනේරු පර්යේෂණ හා සංවර්ධන ආයතනය (NERD) ආරම්භ කරන ලද්දේත් කුලසිංහයන් විසින්. විවිධ අවදීන්හි විවිධ ආයතනවල නිලතල දැරූ හෙතෙම ජාතික හා ජාත්‍යන්තර මට්ටමින් සම්මාන ගරු බුහුමන් බොහෝමයක් ලබා තිබෙනවා. 1979 දි මොරටුව විශ්ව විද්‍යාලයෙන් ඔහුට ආචාර්ය උපාධිය පිරිනැමුවා. පෙරසවි තාක්ෂණය (PRE STRESSED CONCRETE) හඳුන්වා දීමේ පුරෝගාමියා ආචාර්ය කුලසිංහ. ඒ අනුව ඔහු ඉදිකිරීම් රැසක් කර තිබෙනවා. වරක් අපේ රටේ නිවාස හා ඉදිකිරීම් ඇමැතිවරයෙක් නිවාස ඉදිකිරීම් සඳහා අඩු වියදම් තාක්ෂණික උපදෙස් ගැනීමට මැලේසියාවට ගොස් තිබෙනවා. එහිදි මැලේසියානු නිවාස හා ඉදිකිරීම් ඇමතිවරයා අපේ ඇමැතිට කියා ඇත්තේ මෙවැන්නක්. “අපිත් නිවාස ඉදිකිරීම්වලදි තාක්ෂණික උපදෙස් ගත්තේ ඔබේ රටින්. ඒ කියන්නේ කුලසිංහ නමැති දක්ෂ ඉංජිනේරුවරයාගෙන්. එහෙම අය ඔබේ රටේ ඉද්දි ඔබලා මොකටද එන්නේ අපෙන් උපදෙස් ගන්ට.” කුලසිංහයන් මැලේසියාවේ පමණක් නොව ඉන්දුනීසියාව, සිංගප්පූරුව, පිලිපීනය, තායිලන්තය වැනි රටවල ද උපදේශක ඉංජිනේරුවකු ලෙස කටයුතු කර තිබෙනවා.

පෙරසවි තාක්ෂණය ඇතුළු විවිධ තාක්ෂණික විධික්‍රම 25ක් පමණ කුලසිංහයන් සොයාගෙන තිබෙන බව පැවසෙනවා.කොළඹ වරායේ සම්බුද්ධත්ව ජයන්ති චෛත්‍යයමාලිගාවත්ත මහල් නිවාස පිහිටි තැන 1960 ගණන්වල තිබුණේ විශාල මඩ වගුරක්. “කුලසිංහට පුළුවන්ද ඔය මඩ වගුරේ ගෙවල් හදන්න.” ආර්. ප්‍රේමදාස මහතා දිනක් කුලසිංහගෙන් ඇහැව්වා. “හා හොඳයි” ඒ කුලසිංහගේ පිළිතුර. ඒ මඩවගුරේ තට්ටු හතරේ ගෙවල් හැදුවේ එලෙසින්. ඉන්පසු නාරාහේන්පිට මහල් නිවාසත් ඔහු යටතේ ඉදිකෙරුණා. කුලසිංහයන්ගෙන් සිදු වූ මහානාර්ඝ සේවයක් වන්නේ වසර 30 කින් ඉදිකිරීමට ‍යෝජිතව තිබූ මහවැලි ව්‍යාපෘතිය වසර 6 කින් නිම කිරීමයි. කඩිනම් මහවැලි ව්‍යාපෘථිය යටතේ වූ නළ මාර්ග හා විදුලිබල මධ්‍යස්ථාන ඇතුළුව වික්ටෝරියා, කොත්මලේ, මාදුරු ඔය, රන්දෙණිගල, රන්ටැඹේ ජලාශ ඉදිකිරීම කටයුතු අධීක්ෂණය කළේ මොහු. නායයෑම්වලට හේතුව මහවැලිය කඩිනම් කිරීම බව ඇතැමුන් චෝදනා කරද්දි කුලසිංහ තර්කානුකූලව පෙන්වා දුන්නේ ඊට හේතුව වන්නේ කැපීමෙන් සිදුවන පස සෝදා යෑම බවයි. ධීවර වරාය ගණනාවක ම නිර්මාතෘ කුලසිංහ හම්බන්තොට වරාය ගැන ඔහු කලකට ඉහත දී දැක්වූ ආකල්ප මොනතරම් සාධනීයදැයි ඔහුගේ පහත වන ප්‍රකාශයෙන් සාක්ෂාත් වෙනවා. “හම්බන්තොට වරායක් හැදුවොත් ලංකාවට විශාල ආදායමක් එනවා. ඒක මහවැලියටත් වඩා විශාල ව්‍යාපෘතියක් වෙනවා. මුළු වැඩේ ම අපිට කරන්න පුළුවන්; පිටරට උදව් නැතුව.” මිරිස්ස, තංගල්ල, යාපනය, බේරුවල ධීවර වරාය කුලසිංහයන්ගේ නිර්මාණ. තාර ඇතිරූ මහාමාර්ගවලට කොන්ක්‍රීට් දැමීම, දුම්රිය මාර්ගවල දැව සිල්පර වෙනුවට කොන්ක්‍රීට් සිල්පර දැමීම, පූට්ටු පාලම් ඉදිකිරීම් කුලසිංහයන් ගේ අධීක්ෂණය යටතේ සිදුවුණු තවත් වැදගත් ක්‍රියාකාරකම්.

දුම්රිය මාර්ගවලට කොන්ක්‍රීට් සිල්පර දැමීමෙන් සියයට විසිපහක මුදලක් ඉතිරි කර ගත හැකි බවත් ඔහු පෙන්වා දුන්නා. දේශීය ඉංජිනේරුවන් ගේ ශිල්පීය හැකියාව කෙරෙහි කුලසිංහයන් සියයට සීයක් විශ්වාසය තැබුවා. විදේශීය උපදෙස් ගැන ඔහු ඒ තරම් තැකීමක් කළේ නැහැ. ඔහු ඇතැම් අවස්ථාවලදි විදේශීය ඉංජිනේරුවන් සමඟ ගැටුණු බවක් ද සඳහන් වෙනවා. ඊට හොඳම නිදර්ශනයක් තමයි මාදුරුඔය ජලාශයේ ඉදිකිරීම්. මෙහි ඉදිකිරීම් කටයුතු සිදුවෙමින් පැවතියදි ඉහළින් ලැබුණු නියෝගකින් කියැවුණේ ඉදිකිරීම් වහාම නවතා දමන ලෙසයි. එයට ‍හේතුව වුණේ කැනඩාවෙන් ඉංජිනේරු කණ්ඩායමක් පැමිණීම. මෙයින් වියදම සිවු ගුණයක් වන බවත් කිසියම් ප්‍රමාදයක් සිදුවන බවත් කුලසිංහයන් පෙන්වා දුන්නත් වගකිව යුත්තන් එය ගණනකට ගත්තේ නැහැ.ග්‍රහලෝකාගාරයඅවසානයේ සිදුවූයේ කුමක් ද? මිලියන 650 කින් නිම කරන්නට සැලසුම් කර තිබූ මෙම ජලාශය විදේශ ආධාර යටතේ ඉදිකිරීම සඳහා මිලියන දෙදහස් අටසීයක් වැයවීම. එපමණක් නොවේ. දේශීය සැලසුම්වලට මෙගාවොට් 6 ක විදුලි බලාගාරයක් ද ඇතුළත් වුණා. ඒත් කැනඩා සැලසුම්වල එවැන්නක් තිබුණේ නැහැ. ඒ නිසා ඉන් ලැබෙන වාසිය ද අපේ රටට අහිමි වුණා. ප්‍රතිඵලය වුණේ මාදුරු ඔය ජලාශයේ ජලය අපතේ ගලා ගෙන යෑමයි. වානේ සංස්ථාව හා පිටි කම්හල ඉදිකිරීම්වලදී ද මෙවැනි පරස්පර විරෝධතා නිසා කුලසිංහයන් රුසියානු ඉංජිනේරුවන් සමඟ ගැටුණු බව ඔහුගේ සමකාලීයන් කියා තිබෙනවා. කළුතර බෝධිය කුලසිංහයන්ගේ තවත් මාහැඟි නිර්මාණයක්. මෙහිදි ඔහුට ගැටෙන්න සිද්ධ වුණේ අපේ ම අය සමඟ. මහාචාර්ය සෙනරත් පරණවිතාන කුලසිංහගේ සැලස්මට එකඟත්වය පළකළේ නැහැ. මෙහි සැලැස්ම වුණේ ගෘහයක් සහිතව චෛත්‍යය පිහිටීම. දුටුගැමුණු යු‍ගයේවත් මෙවැනි ගෘහයක් සහිත චෛත්‍යයක් ඉදිකර නැති බව පරණවිතානයන් තර්ක කළා. ඊට කුලසිංහ දුන්නේ මෙවන් පිළිතුරක්.

“දේශීය පැරණි තාක්ෂණය මා අගය කරනවා. පස්වලින් වේලි හදපු රටක් මේක. ඒත් දුටුගැමුණු රජ්ජුරුවන්ගේ කාලේ අද මේ තියෙන තාක්ෂණය තිබුණේ නැහැ. තිබුණ නම් එතුමත් අනිවාර්යයෙන්ම යොදා ගන්නේ මේ තාක්ෂණය. චෛත්‍යය හදන්නේ ගඟක් (කළු ගඟ) ආසන්නයේ. වර්ග අඩි 100 ක විෂ්කම්භයක් ඇති මේ චෛත්‍යය ගලෙන් බැන්දොත් ඒක ගිලා බහිනවා.”වික්ටෝරියා වේල්ලකළුතර චෛත්‍යයේ නිර්මාණ සැලැස්ම දුටු ලංකාවේ කිසිම ඉදිකිරීමේ සමාගමක් එය ඉදිකිරිම භාර ගත්තේ නැහැ. අවසානයේ කුලසිංහ ම ඉදිරිපත් වී චෛත්‍යයේ වැඩ නිම කළා. (මෙහි වටදාගෙය වාස්තු විද්‍යා උපදේශක ජස්ටින් සමරසේකර නිමැවුමක්) අපේ රටේ ඉදිකිරීම් ප්‍රතිපත්තියක් නැති කම ගැන කුලසිංහයන් නිරන්තරවම කතා කළා

. “අපේම සම්පත් උපයෝගි කරගෙන, දේශගුණයට සරිලන පරිදි වියදම් අඩු, පරිසරයට හානියක් සිදු නොකරන ඉදිකිරීම් ප්‍රතිපත්තියක් අපි හදාගන්න ඕනෑ.” ඒ ඔහු කියූ දේ. එවිට විදේශීය සමාගම්වලට ඉදිකිරීම් කොන්ත්‍රාත් දීම අවශ්‍ය නොවන බව ඔහු කියා සිටියා. 2002 වසරේ ප්‍රකාශනයට පත් කුලසිංහ අභිනන්දන ග්‍රන්ථයට ලිපියක් ලියන ආතර් සී. ක්ලාක් කියා ඇති දෙයකින් මෙම ලිපිය නිම කිරීම උචිත යැයි මා කල්පනා කරනවා. “බටහිරින් පැමිණි ඉතාමත් හොඳ යැයි සැලකුණු තාක්ෂණික ක්‍රම වෙනුවට දේශීය ප්‍රශ්නවලට දේශීය විසඳුම් සෙවීමට ඔහු (කුලසිංහ) උත්සාහ ගත්තේය. ඒ දේශීය හැකියාව හා දේශීය සම්පත් යොදා ගනිමිනි

ලෝකයේ ජීවත්වීමට හොදම සුන්දරම රටවල් 10

2017-09-14T19:14:00.000-07:00

ඇත්තටම කිව්වොත් මේ කියන රටවල් 10 ලෝකේ තියෙන වඩාත් සුන්දරම රටවල් 10 කියල කිව්වොත් නිවැරදි! මේ රටවල් තුල ක්‍රියාත්මක වෙන්නෙත් ලංකාවේ විදිහටම නිදහස් අධ්‍යාපන රටාවක්! ඔවුන්ගේ ජනගහනය ගත්තම හරිම ධනාත්මක ඒ වගේමයි හරිම කාරුණිකයි ලු! එක්සත් ජාතීන්ගේ සංවිධානය විසින් සපයන ලද දත්ත භාවිත කරලා National Geographic චැනලය විසින් තමයි මේකියන අනුපිලිවෙල සකස් කරලා තියෙන්නේ!

10. ස්විඩනය

ස්වීඩනයේ ජිවත් වන පුද්ගලයින් ගත්තම ඔවුන් නිරතුරුවම තමන්ගේ ජීවිතය පිලිබදව ඉහල තෘප්තියකින් ලු පසුවෙන්නේ! එකට හේතුව වෙන්නේ මේ රටේ තියෙන Fika නමින් හැදින්වෙන සම්ප්‍රදායක් ! ඒ කියන්නේ වැඩ කරන අතරතුර මේ කට්ටිය බ්කෙටි විවේකයක් ලබගන්නවලු කෝපි පානය කරන්න සහ එදිනෙද සිද්දවෙන දේවල් ගැන තමන්ගේ යාළුවොත් එක්ක කතාබහ කරගන්න!ඉතින් මේ කතාබහ සාමාන්‍යයෙන් විනාඩි 15 ක් විතරලු තියෙන්නේ! හැබැයි සෑම පැය දෙකකට වගේ වරක් මේ විදිහට සිද්ධ වෙනවලු! ඉතින් මේ සම්ප්‍රදායම ස්වීඩනය ලොව විශාලතම කෝපි පාරිභෝගිකයෙක් බවට පත් කරලා තියෙනවලු!

9.ඔස්ට්‍රේලියාව

ඔස්ට්ට්‍රේලියාව කියන්නේ පරිසර දුෂණය අවම ඒ දැඩිව එකට බැදුණු ප්‍රජාවන් ජිවත් වෙන රටක් කිව්වොත් හරියටම හරි! මෙහෙ ජිවත් වන මිනිස්සු ගත්තම ඔවුන් වෙලාවට මොකක් හරි පාක් එකකට එකතුවෙලා තමන්ගේ යහළු මිත්‍රාදීන් එක්ක කාලය ගත කරන්න පුරුදුවෙලා ඉන්නවලු.ඔබට ඕස්ට්‍රේලියානු යාලුවෝ නැති උනත් ප්‍රශ්නයක් නෑ ! මොකද මේවගේ අවස්ථාවක සහභාගිවෙලා අනිවාර්යෙන්ම ඔබට අලුත් යාලුවෝ ඇති කරගන්න පුළුවන් වේවි !

8.නවසීලන්තය

අලංකාර නිල්වන් කදුපෙලකින් වටවෙලා තියෙද්දී,ඒවගේමයි ඇදහිය නොහැකිතරන් ලස්සන වටපිටාවක් හා වනාන්තර පද්ධතියක් තියෙද්දිත් සතුටු නොවී ඉන්නේ කොහොමද ?

7.නෙදර්ලන්තය

නෙදර්ලන්තයේ ජිවත් වන පුද්ගලයන් ගත්තම ඔවුන් වැඩිපුර ශාරීරික ක්‍රියාකාරකම් ඒ කිව්වේ බයිසිකල් පැදීම වගේ ක්‍රිකාරකම් වල නිරතවෙන්න කැමතිලු! කිලෝමීටර 30,000ක් පමණ දිගට විහිදුනු ආරක්ෂාකාරී බයිසිකල් ධාවන පථ මේ රටේ තියෙනවා! බැරිවෙලාවක් හරි ඔබත් අම්ස්ටෙර්ඩෑම් පැත්තේ එහෙම ගියොත් බයිසිකලයක් සහ මාර්ගෝපදේශකයෙක් කුලියට ගන්න අමතක කරන්න එපා!

6.කැනඩාව

කැනඩාව කියන්නේ ලෝකයේ තියෙන විශාලතම රටවල්වලින් එකක්! කැනඩාව කියන්නේ ඉතින සංචාරක පාරාදීසයක් කිව්වොත් නිවැරදි. ඒ මොකද අලංකාර ජාතික උද්‍යාන ඒවගේමයි කදු පන්ති මේ රටේ බහුලව දකින්න පුළුවන් නිසා!

5.ෆින්ලන්තය

ෆින්ලන්තය කියන්නේ ඉතා කුඩා ජනගහනයක් ජිවත් වෙන රටක් එහ කියන්නේ මිලියන 5.2 ක් පමණ! හැබැයි මෙහි මිලියන 3.3 පමණ සෝනා (Sauna) තියෙනවා! ඔබත් සම්ප්‍රදායක ෆින්ලන්ත සෝනාවකට ඇතුළු උනේ නම් අනිවාර්යෙන්ම ඒ ක්ෂණයකින් ඔබගේ ප්‍රශ්න සියල්ල වාෂ්ප වී යන බව නං නොඅනුමානයි!

4.නොර්වේ

නොවේජියානුවන් තමන් සතු විශිෂ්ට ඒ වගේමය චිත්තකර්ෂණිය ස්වභාවික වටපිටාව පිලිබදව ආඩම්බරයකින් පසු වෙනවා වගේම වගකීමකින් යුතුව ඒවා ආරක්ෂා කරගැනීමට වගබලාගන්නවා! නොර්වේවල තියන උසම කදුවලින් එකක් වන Skala තරණය කිරීමෙන් පුද්ගලයෙකුගේ කරදර බාධා නැති වෙන බවට ඔවුන් අතර විශ්වාසයක් පවතිනවා!

3.අයිස්ලන්තය

විශාල ගිනිකඳු, උණුදිය උල්පත් සහ අන් කිසිවකට දෙවැනි නොවන තරම් අලංකාර වූ භූ විෂමතා ලක්ෂණ වලින් සමන්විත අයිස්ලන්තයේ ජිවත් වෙන පුද්ගලයත් සතුටින් ජිවත් වන බව අහන්නත් දෙයක්ද?

2.ස්විට්සර්ලන්තය

ස්විට්සර්ලන්තය කෙනෙක්ට මතක් වෙන්නේ ඉතින් චොක්ලට් නේ! ඒවුනාට මෙහෙ ජිවත් වන පුද්ගලයන් තමන්ගේ සෞඛ්‍යය පිලිබදව හුගක් සැලකිලිමත් වෙනවලු! ලෝකය ස්ථුලතාවය අඩුම මට්ටමක පවතින රටක් විදිහටත් අපිට මේ රට හදුන්වන්න පුළුවන්!

1.ඩෙන්මාර්කය

පෘථිවියේ තියෙන සතුටින්ම ජිවත්වන පුද්ගලයන් සිටින රට තමයි ඩෙන්මාර්කය කියන්නේ! මෙහි සම්පුර්නයෙන්ට නිදහස් අධ්‍යාපනයක් වගේම නිදහස් සෞඛ්‍ය සේවාවක් ක්‍රියාත්මක වෙනවා!

උපුටාගැනීම

මේවා හරියට දැනගත්තොත් වැඩිකාලයක් පාවිච්චි කරන්න පුළුවන්

2017-09-14T19:01:00.000-07:00

“දුරකථනය චාර්ජ් වෙන අතරතුර පාවිච්චි කරන්න එපා” , “රැ පුරා චාර්ජ් වෙන්න ගහල නිදා ගන්න එපා” , “බැටරිය සම්පුර්ණයෙන් බැසීමට ඉඩ දෙන්න” මෙවැනි මිත්‍යා විශ්වාස බොහෝය.

බැටරි පාවිච්චියේදි කල යුතු දේවල් හා නොකළ යුතු දේවල් තියෙනවා, නමුත් මිත්‍යා විශ්වාස බොහෝය

මෙන්න ඒ මිත්‍යා විශ්වාස හා ඒ පිලිබඳ ඇත්ත

රැ පුරා චාර්ජ් වෙන්න ගහල නිදා ගත්තම බැටරිය පිච්චෙනවා

ඇත්ත – නැ, එහෙම වෙන්නේ නැ.ඔබ හිතනවට වඩා ජංගම දුරකතනය බුද්ධිමත්. නමුත් එහෙම කිව්වා කියල හැමදාම රැ පුරා චාර්ජ් කරන්න එපා. එහෙම කලාම බැටරියේ ආයු කාලය අඩු වෙන නමුත් පිච්චෙන්නේ නම් නැ. බැටරිය 40% ත් 80% ත් අතර චාර්ජ් කරමින් තියාගත්තොත්, බැටරියේ ආයු කාලය වැඩි වෙනවා.

බැටරිය සම්පුර්ණයෙන් බහිනකන් ඉන්න ඕනේ අයෙත් චාර්ජ් කරන්න

ඇත්ත – නැ, එහෙම කරන්න ඕනේ නැ. හැමදාම බැටරිය චාර්ජ් කරන එක හොදයි, බැටරිය මුල ඉදන් චාර්ජ් කරනවට වඩා. දැනට භාවිතයට ඇති ජංගම දුරකථන වල ලිතියම්-අයන්(යකඩ) බැටරි බොහෝ දුරට දක්නට ලැබේ. දිගටම 0% බහින්න දුන්නම බැටරිය අස්ථායි වෙනවලු. බොහෝ අලුත් ජංගම දුරකථන වල බැටරිය 5% වගේ වෙද්දී ඉබේම ක්‍රියා විරහිත වෙන්නේ එකයි. බැටරිය ඇතුලේ චාර්ජ් වෙන වක්‍ර සීමිත ප්‍රමාණයක් තියෙන්නේ, බැටරිය 0% වෙන සෑම මොහොතකදිම එයින් එක වක්‍රයක් නැතිවී යනවලු. ඉතින් බැටරිය 0% වෙන්න නොදී තියාගත්තොත් බැටරියේ ආයු කාලය වැඩි කරගන්න පුළුවන්.

ජංගම දුරකථනය චාර්ජ් වෙන අතරතුරේ පාවිච්චි කරන්න එපා

ඇත්ත – ඕනෑ තරම් පාවිච්චි කරන්න ප්‍රශ්නයක් නැ. හැබැයි හොඳ නැති, ඔරිජිනල් නොවන චාර්ජර් පාවිච්චි කාරණාවනම් එපා. මේ මිත්‍යා විශ්වාසයට 2013 දි චීන ගුවන් යානා සේවිකාවක් වන “Ma Ailun” ජංගම දුරකථනය චාර්ජ් කරන අතරතුරේ පාවිච්චි කරමින් සිටියදී විදුලි කම්පනයකට ලක්වී මිය ගිය සිද්ධිය බලපා ඇත. මාධ්‍ය වාර්තා වලට අනුව ඇය ඔරිජිනල් නොවන චාර්ජරයක් පාවිච්චි කර ඇත. ඔරිජිනල් චාර්ජර් එක පාවිච්චි කරනකල් ප්‍රශ්නයක් නැ.

ඔරිජිනල් නොවන චාර්ජර් පාවිච්චි කලාම බැටරිය පිච්චෙනවා.

ඇත්ත – බැටරිය පිච්චෙන්නේ නම් නැ. ඔරිජිනල් චාර්ජර් මිලදී ගැනීමට නොහැකි නම් අඩුම තරමේ ප්‍රසිද්ධ වෙලන්දන්ගේ ( Belkin, KMS ) චාර්ජර් පාවිච්චි මිලදී ගන්න. ඒවගෙන් කිසිදු හානියක් බැටරියට වෙන්නේ නැ.

ජංගම දුරකථනය කවදාවත් ක්‍රියා විරහිත( off ) කරන්න ඕනේ නැ

ඇත්ත – දුරකථනය යන්ත්‍රයක් වුනත් ඒවටත් නිදහසක් අවශ්‍යයි. බැටරියේ ආයු කාලය වැඩි කරගැනීමට අවශ්‍ය නම් ඉදල හිටලා හෝ රාත්‍රී කාලයේදී දුරකථනය ක්‍රියා විරහිත කරලා තියන්න.

සයිටම් ආයතනය එංගලන්ත වෛද්‍ය සභාවේ අසාදු ලේඛනයට

2017-09-14T07:41:00.001-07:00

මහා බ්‍රිතාන්‍යයේ වෛද්‍ය සභාව මගින් මාලබේ සයිටම් වෛද්‍ය විද්‍යාලය අසාදු ලේඛන ගත කර ඇත.

සයිටම් ආයතනය පිරිනමනු ලබන උපාධි පිළිනොගන්නා බව එංගලන්ත වෛද්‍ය සභාව සනාථ කර ඇති අතර ලොව පුරා එසේ පිළිනොගත් උපාධි පිරිනමන ආයතන කිහිපයක් එම අසාදු ලේඛනයට අන්තර්ගත කර තිබිණි. සයිටම් ආයතනයද මේ වනවිට එම අසාදු ලේඛනයට ඇතුළත් කරනු ලැබ තිබේ.

ඒ අනුව එංගලන්ත වෛද්‍ය සභාවේ පීඑල්ඒබී පරීක්ෂණයට පෙනී සිටීමට හෝ එරට වෛද්‍ය සභාවේ ලියාපදිංචිවීමට එම අසාදු ලේඛනයේ ඇති කිසිදු ආයතනයකින් පිරිනමනු ලබන උපාධියක් තිබීම සුදුසුකමක් ලෙස නොසැලකේ.

සයිටම් වෛද්‍ය උපාධිය සම්පූර්ණ කළ ශිෂ්‍යයකු බ්‍රිතාන්‍ය වෛද්‍ය සභාවේ පීඑල්ඒබී විභාගයට පෙනී සිටීමට අයදුම්පතක් ඉදිරිපත් කර ඇති අතර එම සභාව එය ප්‍රතික්ෂේප කළ බව සයිටම් ආයතනයේ ප්‍රකාශිකාවක සඳහන් කළාය.

අදාළ සයිටම් ශිෂ්‍යයා පීඑල්ඒබී විභාගයට අයදුම්පතක් ඉදිරිපත් කළ පසුව බ්‍රිතාන්‍ය වෛද්‍ය සභාව සයිටම් වෛද්‍ය විද්‍යාලය ගැන ශ්‍රී ලංකා වෛද්‍ය සභාවෙන් කරුණු විමසා තිබෙන බවද එහිදී ශ්‍රී ලංකා වෛද්‍ය සභාව සයිටම් ආයතනය පිළිනොගන්නා බව දන්නා ඇතැයිද ඇය කීවාය.

ඒ අනුව ශ්‍රී ලංකා වෛද්‍ය සභාවේ කරුණු පදනම් කරගනිමින් බ්‍රිතාන්‍ය වෛද්‍ය සභාව සයිටම් ශිෂ්‍යයාගේ අයදුම්පත ප්‍රතික්ෂේප කර ඒ බව එම ශිෂ්‍යාවටත් සයිටම් ආයතනයටත් දැන්වූ බවද ඇය ප්‍රකාශ කර සිටියාය.

http://www.gmc-uk.org/doctors/registration_applications/14390.asp#2

ලෝකයේ මිලෙන් වැඩි ම පෑන්

2017-09-14T05:47:00.001-07:00

මේ රටේ සාහිත්‍යය මාසයයි. සාහිත්‍ය මාසයේදී වැඩිපුරම කතා කෙරෙන්නේ පොත පත ගැන ය. එනිසා, පොත පත් ලියන්නට ඉවහල් වන පෑන් ගැන තොරතුරු බිඳක් මෙහි එක්තැන් කෙරේ. මේ,ලොව මිලෙන් අධිකතම තීන්ත පෑන් ගැන විස්තරයකි. මේ පෑන් මිලදී ගන්නට තරම් වත්කමක් ඇත්තේ ඉහළ ම ධනවතුන්ට බවත් ඔබ අමතක නොකළ යුතු ය.
1. අරෝරා ඩයමන්ටේ ෆවුන්ටන් පෑන
මේ වර්ගයේ පෑන් එකක් පමණක් දැනට නිෂ්පාදනය වී ඇත. පෑනක මිල අමෙරිකා ඩොලර් 1,470,000ක් වේ.
ලොව මිලෙන් අධිකම තීන්ත පෑන ලෙස සැලකෙන්නේ මේ පෑන ය. කැරට් 30 දියමන්ති, කැරට් 18 රත්‍රං යොදාගෙන පෑන නිර්මාණය කර ඇත.

2. මිස්ටරි මාස්ටර්පීස් මොන්ට් බ්ලෑන්ක් ඇන්ඩ් වැන් ක්ලිෆ් ඇන්ඩ් අර්පෙල් ලිමිටඩ් එඩිෂන්
ඉතාමත් සුඛෝපභෝගී ගණයෙහිලා සැලකෙන භාණ්ඩයක් ලෙස මේ පෑන් වර්ගය සැලකේ. පෑන් නිෂ්පාදනය කිරීමේදී රතු කැට, පච්ච ගල් සහ නිල් කැට යොදාගෙන ඇත. මේ වර්ගයේ පෑන් තුනක් පමණක් නිෂ්පාදනය කෙරී ඇති බව සඳහන් වේ. පෑනක් අලෙවි වී තිබෙන්නේ අමෙරිකා ඩොලර් 730,000කට ය.

3.ලා මොඩනිස්ටා ඩයමන්ඩ් කරන් ඩොෂ්
මේ වර්ගයේ පෑනක් නිෂ්පාදනය කරන්නට අවශ්‍ය සැලසුම පළමුවෙන්ම සකස් වන්නේ 1999 වසරේදී ය. පසුව පෑන නිෂ්පාදනය කරන්නේ ස්විට්සර්ලන්තයේ සමාගමකි. එය නිර්මාණකරුවන්ගේ අතින්ම ඉතා සියුම් ලෙස නිෂ්පාදනය කෙරුණු පෑනකි. පෑන නිෂ්පාදනයට මාස හයක කාලයක් ගත වී ඇත. නිෂ්පාදනය කෙරුණු පෑන ලන්ඩනයේ වෙන්දේසියකදී අමෙරිකා ඩොලර් 265,000කට අලෙවි වුණු බව දැක්වේ. ලොව ඉහළ ම මිලකට අලෙවි වුණු තීන්ත පෑන ලෙස 2001 වසරෙහි ගිනස් වාර්තා අතර තිබෙන්නේ ද මේ පෑන ය.

4. ඔමාස් ෆීනික්ස් ප්ලැටිනම් ෆවුන්ටන් පෑන - ලක්ෂරි ලිමිටඩ් එඩිෂන් විත් ඩයමන්ඩ්ස්
අමෙරිකා ඩොලර් 60,000කට මිල නියම කර ඇති මේ වර්ගයේ පෑන් නිමවා තිබෙන්නේ වැඩිපුර ප්ලැටිනම් භාවිතයට ගනිමිනි. එහෙත්, පෑනෙහි තලය කැරට් 18හි රත්‍රංවලින් නිමා කර ඇත.සෙසු සාමාන්‍ය තීන්ත පෑන්වලට වඩා මේ වර්ගයේ පෑනක් දිගින් වැඩි ය. එමෙන් ම, විශ්කම්භයෙන් ද වැඩි ය. පෑනෙහි ස්වරූපයත් කේතු ආකාර වේ

.
5. විස්කොන්ටි රිප්ල් එච්.ආර්.එච්. ෆවුන්ටන් පෑන
ඉතාමත් අලංකාර නිමාවකින් යුත් මේ වර්ගයේ පෑන් සීමා සහිත සංඛ්‍යාවක් නිපදවා ඇති බව සඳහන් වේ. පෑනක මිල අමෙරිකා ඩොලර 57,000කි. පෑනක් එතරම් ඉහළ මිලකට අලෙවි වන්නේ, එය නිෂ්පාදනය කරන්නට යොදාගෙන ඇති අමුද්‍රව්‍ය ඉතාමත් ඉහළ වටිනාකමකින් යුතු ඒවා වීම නිසා ය. යොදාගෙන ඇති අමුද්‍රව්‍ය අතර රත්‍රං සහ දියමන්ති ඇත.

පෑන් නිෂ්පාදනය කෙරෙන්නේ වර්ණ දෙකින් පමණක් බවත් සඳහන් වේ.
6. විස්කොන්ටි අල්කෙමි එච්.ආර්.එච්. ෆවුන්ටන් පෑන
අතින් නිමවන ලද කැටයම් සහිත මේ වර්ගයේ පෑන්, ස්වරූපයෙන් ඉතාමත් අලංකාර ය. මෙවැනි පෑනකට තීන්ත රඳවන දෙකක් ඇත. රත්‍රං, රිදී, රතුකැට සහ දියමන්ති ආදිය යොදා නිපදවා ඇති මේ වර්ගයේ පෑනක් අලෙවි වන්නේ අමෙරිකා ඩොලර් 57,000කට පමණ ය.

7. විස්කොන්ටි ද ෆෝර්බිඩ්න් සිටි එච්.ආර්.එච්. ෆවුන්ටන් පෑන
කැරට් 18 රත්‍රන්, දියමන්ති සහ රිදී ආදිය යොදා නිපදවා ඇති මේ වර්ගයේ තීන්ත පෑන් ඉතා අලංකාර ය. පෑන් සීමිත සංඛ්‍යාවක් පමණක් නිෂ්පාදනය කර ඇති බැව් නිෂ්පාදකයෝ පවසති. පෑනක් මිල කර තිබෙන්නේ අමෙරිකා ඩොලර් 50,500කට ය.

8. මාර්ටි - ඔමාස් ෆවුන්ටන් පෑන
"මාර්ටි" යනු මෙම පෑන් මොඩලයෙහි නාමයයි. ඉතාලි බසින් එහි අරුත කුජ ග්‍රහයා යන්න ය. එකී අරුත ඉස්මතු වන අන්දමට මේ වර්ගයේ පෑන් නිෂ්පාදනය කර තිබේ. කුජ ග්‍රහයාගේ ස්වභාවය පෑනේ බාහිර පෘෂ්ඨය මත සිත්තම් කර ඇත. රත්‍රං, රතු කැට ආදිය ඔබ්බවා අලංකාර කර ඇති මේ වර්ගයේ පෑනක් අලෙවි කෙරෙන්නේ අමෙරිකා ඩොලර් 43,000කට බැව් පැවසේ. යටකී මොඩලයේ පෑන් 30ක් පමණක් නිෂ්පාදනය කර ඇත.

9. ගයා හයි ලක්ෂරි ඔමාස් ෆවුන්ටන් පෑන
ඔමාස් සමාගම මේ වර්ගයේ පෑන් නිෂ්පදනය කරන්නේ සුදු රත්‍රං දියමන්ති ආදිය ද ඔබ්බවමිනි. මේ වර්ගයේ පෑන් තද අළු පැහැයෙන් නිමවන බව සඳහන් වේ. පෑන අලංකාර කර තිබෙන්නේ මාංශ භක්ෂක සතුන්, විශාල ප්‍රමාණයේ මකුළුවන් සහ ජලජ සතුන් ආදිය පෑන මත පින්තාරු කිරීමෙනි. මේ වර්ගයේ පෑනක් මිල කර තිබෙන්නේ අමෙරිකා ඩොලර් 43,000කට ය.

10. කෘව් සික්ස්ටිත් වයිට් ගෝල්ඩ් ටිබල්ඩි ෆවුන්ටන් පෑන
අමෙරිකා ඩොලර් 43,000කට මිල කර ඇති මේ වර්ගයේ පෑන් අලෙවි කරන්නේ ලෝක ප්‍රකට බෙන්ට්ලී මෝටර් රථ සමාගම මඟිනි. පෑන් තනා නිමකර ඇත්තේ ටිබල්ඩි නමැති ඉතාලි සමාගම ය. නිමැවුම්කරුවන් මේ පෑන් හැඩ ගන්වන්නේ සිය දෑත්වලින්ම බව සඳහන් වේ. පෑනක මිල ඉහළ මට්ටමක පවතින්නට එයත් හේතුවක් වී ඇත. ඒ හැරුණු විට පෑනෙහි තලය නිපදවා තිබෙන්නේ කැරට් 18හි සුදු රත්‍රං යොදාගෙන ය. මේ වර්ගයේ පෑන් 80ක් පමණ මේ වනවිට නිෂ්පාදනය කර තිබෙන බව සඳහන් වේ.

අන්තර්ජාලය ඇසුරිනි