Boendoe Toere bied met trots aan:

Werklike luukse toerbus, professionele en persoonlike diens

Net die beste akkommodasie en etes

Allerhande verassings vir ons toer vriende

Vriendelike en gesellige atmosfeer

Absolute waarde vir u geld

Kontak vir Kotie Steyn:

Telefoon en faks:  014 743 1610

Selfoon:                   083 298 6012

Posbus 1848

Naboomspruit

0560

Vul die verwysings op die vorm in en druk die stuur knoppie. Hierna sal ons agente die verwysings skakel en kan jy elke maand ‘n CD of boek wen. Die kompetisie begin maandeliks op die 1ste en hou aan tot die 25ste van daardie maand. Daar is ook ‘n groot prys vir die algehele wenner. Hierdie wenner sal elke ses maande aangekondig word en ‘n Gebroke Land boek wen (boeke word verkoop teen R300).

cforms contact form by delicious:days

6 September 2010

Helpende Handnooi die media uit na ‘n kosblikkiepartytjie saam met die Ontbytsake-span van KykNET by die Villa Gloria-plakkerskamp in Krugersdorp.

Die twintig behoeftige kleuters van die plakkerskamp gaan bederf word met voedsame ontbytkosblikkies, opvoedkundige inkleurboekies en voedingsdrankies.

Leerlinge van Laerskool Hennopspark in Centurion was verantwoordelik vir die pak van die ontbytkosblikkies.

Die partytjie vorm deel van Helpende Hand se bestaande nasionale Kosblikkieprojek.

Die Ontbytsake-span en Storm Rekordz het onlangs ‘n nuwe CD, Ontbytsake en vriende, met die temalied Plekkie in die son bekendgestel.

‘n Gedeelte van die opbrengs van die CD word aan Helpende Hand geskenk om projekte soos die nasionale Kosblikkieprojek te befonds.

Danksy die bydraes wat Helpende Hand-ondersteuners tot die Kosblikkieprojek in 2009 gemaak het, word 30 ma’s van Danville tans as dagmoeders opgelei, waarna hulle in staat sal wees om hul eie dagsorgsentrums te begin.

Altesaam 2 000 blikke Nativa-voedingsdrankies ter waarde van R160 000, sowel as voedselkoepons is die afgelope twee maande as deel van die projek by minderbevoorregte kleuterskole regoor Suid-Afrika uitgedeel.

“Dit is wonderlik as ‘n groep mense soos die Ontbytsake-span omgee vir kleuters in nood en glo aan ‘n groter strategie van opheffing-deur-opleiding om dié nood aan te pak,” sê dr. Danie Langner, uitvoerende direkteur van Helpende Hand.

Die media word uitgenooi om die geleentheid by te woon:

Datum: Maandag, 6 September

Tyd: 10:00

Plek: Villa Glorio plakkerskamp, Engelbrechtstraat 25, Krugersdorp (Aanwysings is aangeheg)

RSVP: Surika by 083 411 0927

1 September

Helpende Hand het gister ter viering van lentedag die kleuters van Beit-Lechm Kleuterskool in Krugersdorp bederf met ‘n lenteblommekosblikkiepartytjie saam met gewilde sangeres Nedine Blom. Die 52 behoeftige kleuters is bederf met partytjiekosblikkies, voedingsdrankies en opvoedkundige inkleurboekies wat holistiese ontwikkeling stimuleer.

Blom is tans besig om die lekkerleesboekie Die avonture van Pieter Paddavis en Lientjie Lier te toonset.

Die kosblikkiepartytjie was ‘n inisiatief van Helpende Hand se nuutgestigte vroue-organisasie Vroue in Aksie. Die partytjie vorm deel van Helpende Hand se bestaande nasionale Kosblikkieprojek wat in Junie vanjaar afgeskop het.

In die loop van die projek vat Helpende Hand-takke hande met minderbevoorregte kleuters regoor Suid-Afrika. Bo en behalwe die uitdeel van kosblikkies en voedselkoepons by die skole, kan takke op eie inisiatief programme aanbied wat fokus op die intellektuele en motoriese ontwikkeling van die kind.

Navorsing wat Helpende Hand pas bekendgestel het, toon dat minderbevoorregte kleuterskole ‘n ernstige tekort het aan opvoedkundige materiaal vir spraak- en motoriese ontwikkeling, sowel as kreatiewe stimulasie.

Volgens dr. Danie Langner, uitvoerende direkteur van Helpende Hand ontwikkel 80% van ‘n kind se breinfunksie voor die ouderdom van ses. “Baie kleuters in minderbevoorregte gebiede is milieugestremd. Sonder die nodige intellektuele stimulasie is hierdie kleuters derhalwe ook nie skoolgereed op die ouderdom van ses nie,” sê Langner.

Volgens hom voorsien minderbevoorregte kleuterskole dikwels aan kleuters die enigste maaltye wat hulle elke dag kry. “Helpende Hand pak hierdie probleme in minderbevoorregte kleuterskole aan deur voedingskemas, die opleiding van onderwysers en die verspreiding van opvoedkundige materiaal in Afrikaans,” sê Langner.

Met Sol-Tech se opedag om die draai, kyk Karin Venter vandag in Bobaas Beroepe na die opleiding van ? Dieselwerktuigkundige.

Luister na opleiding as dieselwerktuigkundige

Berig oor dieselwerktuigkundiges

Dieselwerktuigkunde is ? skaars vaardigheid soos die meerderheid ander ambagte in Suid-Afrika. ? Groot oorsaak van die huidige tekort aan ambagslui is die groot afname in die aantal ambagslui wat in Suid-Afrika opgelei word. Die gemiddelde ouderdom van opgeleide ambagslui in die land is tans na raming tussen 50 en 58 jaar. Daar gaan dus binnekort ? groot tekort aan opgeleide en ervare ambagslui wees indien daar nie genoeg nuwe ambagslui opgelei word nie.

Die meeste van ons besef eers die belangrikheid van ? motorwerktuigkundige die dag wat ons motors breek of versien moet word. Minder mense besef egter dat motorwerktuigkundiges nie noodwendig aan motors werk nie. Heelwat motorwerktuigkundiges werk aan vliegtuie, motorfietse of dieselenjins. Daar is ook marine werktuigkundiges. Dieselwerktuigkundiges of -tegnici herstel en onderhou dieselenjins wat gebruik word vir swaarvoertuie soos trokke, busse, lokomotiewe, hyskrane en trekkers.

Dieselwerktuigkunde en ? kursus in motorherstel en -instandhouding word by Solidariteit se tegniese kollege Sol-Tech aangebied. Die kursus in motorherstel en -instandhouding handel oor die algehele versiening van voertuie, sowel as die verwydering, afbreek en vervanging van komponente en klein verstellings aan voertuie se stelsels. Die studente leer die basiese herstel- en instandhoudingsteorieë; die name en funksies van motorvloeistowwe, -smeermiddels en -onderdele; en hoe om ? werkswinkel se handleiding en prosedures te lees, te interpreteer en korrek uit te voer. Die studente doen verder kennis op van motorwerktuigkundige komponente en stelsels, werkswinkeltoerusting, taakinstruksies en werkkaarte .

Gekwalifiseerde studente sal oor die vermoë beskik om aan ? groot verskeidenheid voertuie te werk en om doeltreffende en veilige bedryfspraktyke ten opsigte van passasiersvoertuie, ligte afleweringsvoertuie en kommersiële voertuie toe te pas. Hulle sal dus aktief aan alle werksverwante aktiwiteite kan deelneem.

Persone wat in die motorherstel en -instandhoudingsbedryf werk, benodig tegniese vaardighede en kennis sowel as goeie handvaardighede en ? oog vir detail. ? Wiskundige aanleg en die vermoë om onafhanklik te werk is ook belangrik.

Nadele van die beroep sluit in lang werksure, die risiko van beserings en ? raserige werksomgewing.

Gedagte vir die week:

“Hulle is maar net dienaars deur wie julle tot geloof gekom het en elkeen doen die werk soos die Here dit vir hom gegee het.”

1 Kor. 3:5

Die week se aanhaling om oor na te dink:

“Die hekke van uitnemendheid is geolie met sweet.” ? Katherine Paterson

27 Augustus 2010

Bybels uitgedeel in wit plakkerskamp in Bredell

Helpende Hand het gister ter viering van die Afrikaanse Bybel se 77ste verjaarsdag vandag Bybels gaan uitdeel aan die 106 inwoners van die Bredell-plakkerskamp aan die Oos-Rand.

Die uitdeelaksie, wat in samewerking met die Bybelgenootskap van Suid-Afrika gehou is, het ten doel gehad om Afrikaanse Bybels aan minderbevoorregtes aan die Oos-Rand te verskaf. Talle helderkleurige Kinderbybels, standaard Bybels en grootdruk-Bybels is gister met groot dankbaarheid ontvang.

“Vir die mense van Bredell wat elke dag in haglike omstandighede moet bly en sonder die nodige lewensmiddele moet klaarkom, is ? Bybel in hulle eie taal soos ? geestelike oase,” sê dr. Danie Langner, uitvoerende direkteur van Solidariteit Helpende Hand.

Volgens hom aanvaar die meeste mense toegang tot ? Afrikaanse Bybel as vanselfsprekend. “Navorsing wat Helpende Hand in wit plakkerskampe onderneem het, toon dat baie minderbevoorregte Afrikaners nie Bybels besit nie. Meeste van die 24 kinders in die Bredell-plakkerskamp het gister hulle eerste Kinderbybels ontvang,” sê Langner.

Hy sê dit is juis plakkerskampinwoners wat na hulle eie omstandighede moet kyk deur Jesus se oë en moet besef dat hulle beter is as hulle omstandighede. “Sonder Bybels sukkel die Krugers, Van der Walts en Venters van die meer as 430 wit plakkerskampe landswyd om te besef watter juwele van wysheid oor roeping, verantwoordelikheid en werk in die Bybel opgesluit is.

Langner sê Bybels is ? noodsaaklikheid in die oorlewingstryd van elkeen van die 600 000 Afrikaners in Suid-Afrika wat in armoede verval het en gevolglik hul toekomshoop verloor het. “Helpende Hand is uiters dankbaarheid vir organisasies soos die Bybelgenootskap van Suid-Afrika wat verstaan dat ons die Woord as daaglikse brood moet beskikbaar stel en regdeur Suid-Afrika moet versprei aan elkeen wat geestelik en maatskaplik verarm het.”

Ná die uitdeelaksie het tientalle kinders spoedig in groepies op die gras gaan sit en deur hulle nuwe kleurvolle Kinderbybels begin blaai. Verskeie bejaardes het hulle dankbaarheid uitgespreek vir die grootdruk-Bybels wat help dat hulle nie meer met skrefiesoë – soms by kerslig – die klein skrif van standaard Bybels hoef te probeer lees nie.

Kyk gerus die video “My eerste Bybel”.

http://zoopy.com/q/4y4g

27 Augustus 2010

Bybels word uitgedeel in wit plakkerskamp in Bredell

Solidariteit Helpende Hand het op Donderdag, 26 Augustus, ter viering van die Afrikaanse Bybel se 77ste verjaarsdag, Afrikaanse Bybels by die Bredell-plakkerskamp aan die Oosrand uitgedeel.

Die uitdeelaksie, wat in samewerking met die Bybelgenootskap van Suid-Afrika en die Gideon Bybelgenootskap gehou is, het ten doel gehad om Afrikaanse Bybels aan minderbevoorregtes aan die Oosrand te verskaf.

Die verjaarsdagviering het plaasgevind te midde van die Afrikaanse Taalraad se Onderwyskonferensie wat pas in Kaapstad by die Kunstekaap-teater afgeskop het.

Volgens die Suid-Afrikaanse Bybelgenootskap, wat hierdie week190 jaar oud geword het, is Afrikaans die huistaal van byna ses miljoen Suid-Afrikaners. Navorsing wat Helpende Hand in wit plakkerskampe onderneem het, toon dat baie minderbevoorregte Afrikaners nie Bybels besit nie.

Dr. Danie Langner, uitvoerende direkteur van Solidariteit Helpende Hand, sê dit is vir Helpende Hand ? voorreg om die Afrikaanse Bybels uit te deel aan minderbevoorregtes wat dit nie kan bekostig nie. “Ds. JD Kestell, die vader van die 1933 Afrikaanse Bybel, is reeds in sy eerste bedieningsjare diep geraak deur die verarming van die Afrikaner. Daarom het hy besluit om sy lewe daaraan te wy om die verarmde Afrikaner nie net maatskaplik nie, maar ook geestelik op te hef,” sê Langner.

Helpende Hand het met die herdenking van die 1939-Reddingsdaadbond by die Voortrekkermonument in Oktober 2009 die JD Kestell-gedenkfonds in die lewe geroep. Die doel van die JD Kestell-gedenkfonds is om erkenning te gee aan die reuse bydrae wat Kestell gelewer het tot die oplossing van die eerste twee Afrikanerarmoedevraagstukke en om die denkraamwerk van opheffing deur opleiding verder te ontwikkel. “Die doel van die Fonds is om die geestelike, kulturele en maatskaplike nood onder behoeftige Afrikaanse jongmense aan te pak,” sê Langner.

Die eerste Afrikaanse Bybel

Die eerste Afrikaanse Bybel het op 27 Augustus 1933 die lig gesien. Die Bybelgenootskap van Suid-Afrika het ? nuwe vertaling van die Afrikaanse Bybel in 1983 uitgegee. Daarna het die Bybelgenootskap weer geskiedenis gemaak in 2008 toe die eerste Afrikaanse Bybel vir Dowes die lig gesien het. Die Bybel vir Dowes is die tweede Bybel in die wêreld wat spesiaal vir dowes gedruk is.

‘n Groep Nederlandse en Vlaamse uitruilstudente hetvandeesweek ‘n plakkerskamp – waar arm blankes woon – besoek.

Hulle het boeresport soos kruiwaresies met die inwoners, veral die kinders, gespeel.

Dit was ‘n dag van sing, speel, lag en pret.

Solidariteit Helpende Hand het die studente spesifiek na die plakkerskamp toe geneem om hulle bloot te stel aan die realiteite in Suid-Afrika soos die groeiende aantal Afrikaners wat in armoede verval.

“Die studente het eerstehands beleef wat die realiteit van baie arm Afrikaners is

wat daagliks sonder water, elektrisiteit en ander lewensmiddele moet klaarkom,” het dr. Danie Langer, direkteur

van Helpende Hand gesê.

“Die 100 inwoners van die plakkerskamp lewe in haglike omstandighede waar hulle elke dag aan die natuurelemente blootgestel is.”

Die studente het Suid-Afrika besoek as deel van die Jongerenprojek.

As deel van die projek besoek studente die land reeds sedert die 1970′s om taal en

kultuurbande tussen Nederland en Suid-Afrika te versterk.

Die studente is vir drie weke in Suid-Afrika.

26 Augustus 2010

Solidariteit Helpende Hand nooi die media uit na die viering van die Afrikaanse Bybel se 77ste verjaarsdag by die Bredell-plakkerskamp aan die Oosrand op Donderdag, 26 Augustus. Die uitdeelaksie, wat in samewerking met die Bybelgenootskap van Suid-Afrika en die Gideon Bybelgenootskap gehou word, het ten doel om Afrikaanse Bybels aan minderbevoorregtes aan die Oosrand te verskaf.

Die verjaarsdagviering vind plaas te midde van die Afrikaanse Taalraad se Onderwyskonferensie wat gister in Kaapstad by die Kunstekaap-teater afgeskop het.

Volgens die Suid-Afrikaanse Bybelgenootskap, wat pas 190 jaar oud geword het, is Afrikaans die huistaal van byna ses miljoen Suid-Afrikaners. Navorsing wat Helpende Hand in wit plakkerskampe onderneem het, toon dat baie minderbevoorregte Afrikaners nie Bybels besit nie.

Dr. Danie Langner, uitvoerende direkteur van Solidariteit Helpende Hand, sê dit is vir Helpende Hand ‘n voorreg om die Afrikaanse Bybels uit te deel aan minderbevoorregtes wat dit nie kan bekostig nie. “Ds JD Kestell, die vader van die 1933 Afrikaanse Bybel, is reeds in sy eerste bedieningsjare diep geraak deur die verarming van die Afrikaner. Daarom het by besluit om sy lewe daaraan te wy om die verarmde Afrikaner nie net maatskaplik nie, maar ook geestelik op te hef,” sê Langner.

Helpende Hand het met die herdenking van die 1939-Reddingsdaadbond in Oktober 2009 by die Voortrekkermonument die JD Kestell-gedenkfonds in die lewe geroep. Die doel van die JD Kestell-gedenkfonds is om erkenning te gee aan die reuse bydrae wat Kestell gelewer het tot die oplossings van die eerste twee Afrikanerarmoedevraagstukke en om die ideeraamwerk van opheffing deur opleiding verder te ontwikkel. “Die doel van die fonds is om arm Afrikaanse jongmense se geestelike, kulturele en maatskaplike nood aan te spreek,” sê Langner.

Die eerste Afrikaanse Bybel

Die eerste Afrikaanse Bybel het op 27 Augustus 1933 die lig gesien. Die Afrikaanse Bybel is weer in 1983 deur die Bybelgenootskap van Suid-Afrika vertaal. Daarna het die Bybelgenootskap weer geskiedenis gemaak in 2008 toe die eerste Afrikaanse Bybel vir Dowes die lig gesien het. Die Bybel vir Dowes is die tweede Bybel in die wêreld wat spesiaal vir dowes gedruk is.

Die media word uitgenooi om die geleentheid by te woon:

Datum: Donderdag, 26 Augustus

Tyd: 14:30

Plek: Plakkerskamp: Plot 411 op die hoek van 7de Straat en 1ste Laan, Bredell

Pas en Draai is nie vir sussies nie, maar wel vir vroue!

Luister wat opleiding vir pas en draai behels

Artikel oor passers en draaiers

Tegnies opgeleide mense is in groot aanvraag in die Suid-Afrikaanse ekonomie. In 2006 het slegs 3 400 vakleerlinge in die metaalbedryf opleiding ontvang in vergelyking met ongeveer 13 000 in 1982. Passers en draaiers is hoogs opgeleide vakmanne wat komponente vir masjinerie, voertuie, installasies en ander apparate ontwerp, vervaardig en aanmekaar sit. By Solidariteit se tegniese kollege Sol-Tech word daar op pas en draai as ‘n skaars vaardigheid gefokus.

Die standaard en vlak van die pas-en-draai-kwalifikasie is daarop gemik om die studente die nodige vaardighede te leer om doeltreffend in enige bedryf te kan werk en om die uitdagings van die ingenieursmontering en -masjineringsomgewing te kan hanteer. Die kwalifikasie erken vaardighede soos die vermoë om foute te identifiseer, die toepassing van uitmekaarhaaltegnieke, die instandhouding van toerusting, die herstel en installering van meganiese komponente en die herstel van toerusting tydens produksie. Hierdie vaardighede is gegrond op ‘n begrip van masjineringsteorieë, masjienfunksies en -instandhouding, ingenieurstoerusting, beginsels van meetkunde en ingenieurstekeninge. Handvaardighede speel ’n groot rol in die kursus.

Ingenieursmasjinering word gekenmerk deur werk-tot-bestelling, laevolume-produksie van komponente deur middel van verskillende masjineringsmetodes in ’n verskeidenheid bedrywe, insluitend die motorherstel-, metaal-, toestelproduksie-, plastiek-, band- en rubberbedryf. Persone wat in die ingenieursmasjineringsveld werk, benodig gespesialiseerde tegniese vaardighede en kennis, sowel as hoogs ontwikkelde handvaardighede om te voldoen aan die vereistes van die immerveranderende produkte wat vervaardig word.

Ingenieursmontering behels die verskaffing van ingenieursinstandhoudingsdienste, hersteldienste, installeringsdienste en ondersteuning in ‘n verskeidenheid bedrywe. Die toerusting wat vir dié dienste en ondersteuning benodig word, strek van gesofistikeerde toerusting tot verouderde enkelstasiemasjiene.

Die pas-en-draai-kursus bestaan uit drie vlakke wat elk ’n jaar neem om te voltooi, aangesien dit ses maande se teoretiese en simulasie-opleiding in ‘n gemoniteerde omgewing en ses maande se praktiese opleiding in die bedryf behels.

Gedagte vir die week:

“Net soos die liggaam ‘n eenheid is en baie lede het, en soos al die lede saam, al is hulle baie, een liggaam vorm, so is dit ook met die liggaam van Christus.” 1 Kor. 12:12

Die week se aanhaling om oor na te dink:

“Wie geleer het om sy werk te doen sonder om te kla, het een van die beste maniere gevind om die lewe draaglik te maak.” ? Voltaire