songeayetu.blogspot.com

MBUNGE WA SONGEA MJINI AKABIDHI MAGARI MAWILI KWA WANANCHI WAKE

2016-04-18T21:52:00.001+03:00

Na Nathan Mtega,Songea yetu

Mbunge wa jimbo la songea mjini mkoani Ruvuma Leuindas Gama amekabidhi magari mawili kwa ajili ya kuwahudumia wananchi wa jimbo ilo ambayo ni gari kwa ajili ya kubeba wagonjwa na moja likiwa kwa ajilki ya kuwsaidia wananchi hao wa jimbo hilo wanapopatwa na matatizo ya msiba au kufiwa kama sehemu ya ahadi zake za kushirikiana na wananchi alizozitoa kwao wakati kampeni za kuelekea uchaguzi mkuu uliofanyika Oktoba 25 mwaka jana.

Akizungumza na wananchi katika uwanja wa Maji maji wa mjini Songea wakati akikabidhi magari hayo amesema kwa kutambua changamoto za kipato na kiuchumi kwa wananchi walio wengi wa jimbo hilo la Songea zinazowakabili na kwa kuzingatia ushauri alioupata wakati wa kampeni hizo za uchaguzi na baada ya uchaguzi ameamua kuekeleza kwa vitendo ushauri huo.

Amesema magari hayo aliyokabidhi kwa wananchi yanapaswa kutumiwa kwa malengo yaliyokusudiwa na si vinginevyo huku akiongeza kuwa wasimamizi wakuu wa magari hayo ni wenyeviti wa mitaa wakishirikiana na katibu wake ambaye anawafahamu wenyeviti wote wa mitaa wa manispaa ya Songea na anaamini hakutakuwa na udanganyifu wala ubadhirifu katika matumizi ya magari hayo.

Wakizungumza baadhi ya wananchi waliokuwepo kwenye hafla hiyo mbali ya kupongeza na kushukuru kwa uamuzi huo wa mbunge wameahidi kuhakikisha magari hayo yanatunzwa na kutumiwa kwa madhumuini yaliyokusudiwa ambayo yanailenga jamii yote ya wananchi wa Manispaa hiyo ya Songea.

Aidha akizungumzia adha inayolalamikiwa na wananchi walio wengi ya kufungwa kwa kituo kikuu cha mabasi cha mjini Songea kwa ajili ya kupisha matengenezo ambayo yamechukua muda mrefu na kuanzishwa kwa kituo kipya cha mabasi kilichopo eneo la Msamala hali ambayo imekuwa ikiwagharimu wananchi kiasi kikubwa cha fedha wanapohitaji kusafiri Gama amesema matengenezo ya kituo hicho cha awali cha mabasi yamekamilika na baada ya wiki moja kituo hicho cha awali kitazinduliwa.

Amesema baada ya kuzinduliwa kwa kituo hicho cha mabasi cha awali mabasi yatakuwa na njia mbili tofauti kwa ajili ya kuingia na kutoka kwenye kituo hicho ili kuepusha usumbufu kwa watumiaji wa usafiri huo na kuongeza kuwa kituo kipya cha mabasi cha Msamala kitaendelea kutumika kwa mabasi hayo kupitia na kuendelea na safari za kwenda nje ya mkoa au kuingia kuelekea kituo kikuu cha mabasi cha awali.

MAJIMAJI SELEBUKA YAWA GUMZO TENA MJINI SONGEA 2016

2016-04-02T13:36:00.001+03:00

MAJIMAJI SELEBUKA YAWA GUMZO TENA MJINI SONGEA 2016

Maji maji Selebuka ni tamasha linaloandaliwa na kampuni binafsi iitwayo Tanzania Mwandi Co. Ltd ikishirikiana na shirika lisilokuwa la kiserikali liitwalo Songea-Mississippi (SO-MI). Shirika hili linahusika na mambo ya maendeleo ya jamii na elimu kwa wanaSongea kwa ushirikiano kati ya Songea Tanzania na Mississippi Marekani tangu lilipoanzishwa 2008.
Mwaka huu shirika limeandaa tamasha la maji maji Selebuka kwa mara ya pili litakaloanza tarehe 28 mwezi Mei hadi tarehe 04 Juni katika viwanja vya maji maji na viwanja vya makumbusho ya Mashujaa wa vita vya maji maji mjini Songea.
Tamasha hili linafanywa kwa lengo la:

1) Kutambua juhudi za shughuli za kiuchumi za wajasiriamali wa mkoa wa Ruvuma kupitia maonyesho ya shughuli za wajasiriamali wadogo wa Ruvuma katika viwanja vya Mashujaa kwa siku saba kuanzia tarehe 28 Mei hadi tarehe 04 Juni.
Tamasha linalenga pia kupanua soko la wajasiriamali hao kwa watu tofauti kwani kutakuwa na wageni mbali mbali walioalikwa toka ndani na nje ya nchi.
2)Kuibua vipaji na kuviendeleza kupitia michuano ya kimichezo. Kutakuwa na mashindano ya Riadha, na mbio za baiskeli ambazo zitakuwa za aina yake kufanyika mkoani Ruvuma kwa mara nyingine mwaka huu 2016.
Mbio hizi zote zitaanzia uwanja wa majimaji kwenda mpaka peramiho na peramiho kurudi mpaka uwanja wa maji maji tena.
Mbio za miguu zitafanyika siku ya ufunguzi tarehe 28 Mei majira ya asubuhi! Kutakuwa na ulinzi na usalama wa kutosha. Kutakuwa na mbio za Kilometa 5, Kilometa 21 na Kilometa 42 na pia tumeongeza mbio za kujifurahisha kwa ajili ya wale ambao wanatamani kushiriki katika riadha lakini wakaosa nafasi katika usahili. Washindi watapata zawadi za pesa taslimu na Medali pamoja na vyeti.

3) Kupeleka mbele elimu kupitia mdahalo ulioandaliwa kati ya shule sita za mkoa wa Ruvuma. Songea Girls, Songea boys, Msamala Sec, Londoni Sec, Kigonsera Sec na Peramiho girls!

MBARONI KWA KUKUTWA AKIFANYA MAPENZI NA MBUZI SONGEA

2016-01-24T13:36:00.000+03:00

Picha haihusiani na tukio

JESHI la Polisi mkoani Ruvuma limemtia mbabroni Rajabu Mbunda(30) mkazi wa kijiji cha Mkumbi wilaya ya Mbinga kwa tuhuma za kukutwa akiwa ndani ya banda la Mbuzi huku akifanya mapenzi na Mbuzi jike.

Akizungumza Ofisini kwake kamaimu kamanda wa polisi wa mkoa wa Ruvuma Revocatus Malimi alisema kuwa tukio hilo limetokea januari 18 mwaka huu majira ya saa sita na nusu usiku huko katika kijiji cha Mipeta kilichopo kata ya Mhukulu wilayani songea.

Kamanda Malimi alisema kuwa inadaiwa siku hiyo ya tukio Mbunda alikutwa akiwa ndani ya banda la mbuzi linalomilikiwa na Twaini Mbele(45) mkazi wa kijiji hicho.

Alifafanua zaidi kuwa inadaiwa siku hiyo hiyo kabla ya tukio mtuhumiwa mbunda aliku amekwenda kwenye nyumba hiyo kwa ajili ya kunywa pombe kwa kuwa kwenye nyumba hiyo kuna klabu cha pombe za kienyeji ambapo alipomaliza kunywa aliaga kuwa anaondoka na kuacha watu wengine wakiendelea kunywa pombe akiwemo na mmiliki wa nyumba hiyo ambaye alikuwa anaendelea kuwauzia kinywaji.

Alifafanua zaidi zaidi kuwa inadaiwa mtuhumiwa Mbunda baada ya kuondoka kwenye kilabu hicho alielekea kwenye banda la mbuzi ambako baadaye alikutwa na mpita njia huku akifanya mapenzi na mbuzi.

Alieleza zaidi kuwa mpita njia huyo ambaye jina lake limehifadhiwa wakati akipita kwenye eneo hilo la tukio alisikia mbuzi wakipiga kelele na alipowamulika tochi alimuona mbunda akiwa ndani ya banda hilo huku akiwa amemshika mbuzi akiendelea kufanya mapenzi alikimbia hadi kwenye kilabu na kuwaarifu watu waliokuwepo baadaye walilazimika kuongozana naye kwenda na kumkuta mbunda akiendelea kufanya mapenzi na huyo mbuzi.

Alisema kuwa baadaye watu waliokuwa kwenye eneo hilo la tukio akiwepo na mmiliki wa mbuzi huyo walifanikiwa kutoa taarifa kwa uongozi wa kijiji hicho na kumfungia na baadaye walimpeleka kituo cha polisi kwenye kijiji cha Magagula ambao walika na kumchukua na kumpeleka mahabusu.

Alisema uchunguzi wa awali wa polisi umebaini kuwa mtuhumiwa Mbunda ni mkazi wa kijiji cha Mkumbi wilayani Mbinga ambaye inadaiwa alikuwa amekwenda kwenye kijiji hicho oktoba mwaka jana kwa lengo la kutafuta vibarua vya kulima na kwamba muda wowote kuanzia sasa mtuhumiwa atafikishwa mahakamani baada ya upelelezi wa tukio kukamilika.

Na Gideon Mwakanosya –Songeayetu.blogspot.com

BABA AMBAKA NA KUMLAWITI MTOTO WAKE SONGEA

2016-01-22T08:07:00.001+03:00

Na Gideon Mwakanosya –Songea Yetu

JESHI la Polisi mkoani Ruvuma linamsaka Mohamed Said Mkazi wa Mjimwema katika halmashauri ya manispaa ya Songea kwa tuhuma za kufanya mapenzi na mtoto wake wa kike ambaye anasoma darasa la sita katika shule ya msingi Samola iliyopo katika manispaa hiyo.

Habari zilizopatikana jana mjini hapa ambazo zimezibitishwa na kaimu kamanda wa polisi wa mkoa wa Ruvuma revocatus Malimi zimesema kuwa mwanafunzi huyo ambaye jina lake limehifadhiwa inadaiwa amekuwa akilawitiwa na kubakwa na baba yake mzazi tangu oktoba mwaka jana .

Malimi alifafanua kuwa inadaiwa saidi alikuwa akimtishia mtoto wake kuwa asiseme kwa mtu yeyote na kwamba taarifa hiyo ikisikika atamuua kwa kuwekewa sumu kwenye chakula au kumchinja kwa kutumia panga.

Alisema kuwa kufuatia vitisho hivyo Saidi anadaiwa kuwa alikuwa akifanya kitendo hicho cha kufanya mapenzi na binti yake mara kwa mara kwani mke wake alikuwa ameachana naye miaka mingi iliyopita.

Alifafanua zaidi kuwa taarifa za awali zinaonyesha kuwa mtuhumiwa alikuwa ameachana na mke wake tangu mwaka 2009 na kumuachia mtoto huyo mama yake Hadija Mohamed Hitima mkazi wa Tunduru.

Alieleza zaidi kuwa mpaka oktoba mwaka jana saidi alipolazimika kumfuata mtoto wake alikokuwa anaishi Tunduru na mama yake mzazi kisha kumleta songea ili aendelee kuishi naye.

Kamanda Malimi alieleza zaidi kuwa Saidi alipofika songea mjini alianza kumueleza mtoto wake kuwa anapokwenda kulala usiku asiwe anafunga mlango wa chumba chake na baadaye alianza kuingia kwenye chumba hicho na kuanza kumrubuni na alipoona mtoto anamkataa ndipo alipoanza kumpa vitisho kisha alifanikiwa kutembea naye.

Malimi ambaye pia ni Afisa Upelelezi wa makosa ya jinai mkoa wa Ruvuma alisema kuwa inadaiwa mwanzoni mwa mwezi januari mwaka huu baba mzazi wa mwanafunzi huyo aliaga anaenda shambani ambako binti huyo hakufahamu ndipo mtoto huyo alipata nafasi ya kutoa taarifa kwa majirani ya hali halisi aliyokuwa anafanyiwa ya kufanya mapenzi na kulawitiwa na baba mzazi na baadaye majirani walimsaidia kumpeleka kwenye kituo kikubwa cha polisi cha songea mjini.

Alisema kuwa taratibu za uchunguzi zaidi kuhusiana na tukio hilo zimefanywa licha ya kuwa uchunguzi wa awali umebaini kuwa msichana huyo ameingiliwa sehemu zake za siri na mzazi wake kama alivyojieleza yeye mwenyewe na polisi inaendelea kumsaka mtuhumiwa ili afikishwe mahakamani kujibu shitaka linalomkabili.

MGOMO WA WAFANYABIASHARA SONGEA WADUMU KWA SAA 5

2016-01-19T22:31:00.001+03:00

Na Nathan Mtega,Songea

Wafanyabiashara wa maduka wa manispaa ya Songea mkoani Ruvuma wamelazimika kufunga maduka yao kwa zaidi ya masaa matano kwa ajili ya kuzungumza na uongozi wa manispaa na mkuu wa wilayaya Songea kuhusiana na omgezeko la tozo a leseni kwa wafanyabiashara.

Hatua hiyo ya wafanyabiashara kufunga maduka ilifikiwa leo baada yakutokuwepo na makubaliano baina yao na uongozi wa halmashauri ya manispaa ya Songea ambao ulidaiwa kukiuka makubaliano ya awali ya pamoja yaliyofikiwa baina ya uongozi wa jumuiya ya wafanyabiashara,uongozi wa manispaa ya Songea na mkuu wa wilaya.

Makubaliano hayo yalikuwa ni kuangaliwa upya kwa viwango vya tozo za leseni vilivyowekwa kwa mujibu wa sheria ya kodi iliyotungwa na bunge la jamhuri ya muungano ambayo haikuangalia uwezo wa kiuchumi uliopo kwa halmashauri za wilaya,miji na majiji nchini na kwa mzunguko wa fedha uliopo katika mji wa Songea wafanyabiashara waliomba pamoja na kuwepo kwa sheria hiyo wao kutazamwa kulingsana na mzunguko wa kiuchumi uliopo.

Wakati mazungmzo hayo yakiendelea baina ya viongozi na jumuiya ya wafanyabiashara wa mkoa wa Ruvuma uongozi wa halmashauri ya manispaa ya Songea uliamua kuendesha msako kwenye maduka kwa ajili ya ukaguzi wa leseni msako ambao ulitumia nguvu zaidi za jeshila polisi kwa kushirikianana askari mgambo kitendo ambacho kiliwafanya wafanyabiashara waamue kufunga maduka yao kwa ajili ya kutoa ufafanuzi zaidi kuhusiana na suala hilo.

Akizungumza katika mkutano huo wa wafanyabiashara mkuu wa wilaya ya Songea Benson Mpesya pamoja na kutumia muda mwingi kuwaomba radhi wafanyabiashara kwa mkanganyiko huo uliojitokeza miongoni mwao na uongozi wa halmashauri wa Manispaa huku akiwaonyeshea kidole wataalamu wa halmashauri ya ya Manispaa kwa kutoa ushauri usio sahihi kwa viongozi wao na kusababisha mkanganyiko huo.

Amesema lengo la serikali ya awamu ya tano ni kuhakikisha mapato yanakusanywa kwa mfumo ulio sahihi na rafiki kwa kila mmoja na siyo matumizi ya mabavu kwa wafanyabiashara na ili serikali iweze kutoa huduma muhimu kwa wananchi kunapaswa kuwepo kwa mfumo sahihi wa ukusanyaji wa mapato hayo huku akilaani matumizi ya askari wa jeshi la polisi katika ukaguzi huo wa leseni.

Aidha amewashauri viongozi wa jumuiya ya wafayabiashara na uongozi wa manispaa ya Songea kuimarisha mahusiano chanya miongoni mwao ili kuweza kuijenga manispaa hiyo kiuchumi na pamoja na kushirikiana na mbunge wa jimbo la Songea mjini Leunidas Gama aweze kufikisha kilio hicho cha wafanyabiashara wa manispaa ya Songea cha ongezeko kubwa la tozo la leseni bungeni ili mapitio yaweze kufanyika.

Naye mwenyekiti wa jumuiya ya wafanyabiasharawa mkoa wa Ruvuma Titus Mbilinyi aliwahakikishia viongozi wa halmashauri ya manispaa hiyo na mkuu wa wilaya kuwa kuwa wafanyabiashara hawapendi kufunga biashara zao kila wakati na wanatambua umuhimu wa kulipa kodi kwa ajili ya maendeleo yao na taifa bali kinachogomba kwao ni mfumo wa ukusanyaji kodi na kauli za baadhiya watendaji wa mamlaka zilizopo.

WAZIRI UMMY MWALIMU ATEMBELEA HOSPITALI YA PERAMIHO SONGEA

2016-01-12T21:21:00.001+03:00

Waziri Ummy Mwalimu akisalimiana na Padri Lucius wa hospitali ya Peramiho Mheshimiwa Ummy Mwalimu akizungumza na Mganga Mfawidhi wa hospitali ya Peramiho, Dr Venance Mushi, alipotembelea hospitali hiyo asubuhi ya leo Baadhi ya wanachama wa Mfuko wa Bima ya Afya (NHIF), wakiwa sehemu ya mapokezi, tayari kwa kupata huduma Mheshimiwa Ummy Mwalimu akiwafariji wagonjwa hospitalini hapo
CDT: JOHN KITIME

Vyandarua vyatumika kuanikia dagaa ziwa Nyasa

2013-05-31T21:17:00.000+03:00

Na Gideon Mwakanosya -Mbambay

Baadi ya wananchi wanaoishi katika vijiji vilivyoko kandokando ya ziwa Nyasa katika wilaya ya Nyasa Mkoa wa Ruvuma wamewalalamikia baadhi ya wananchi wakiwemo wavuvi wa samaki kwa tabia yao ya kutumia vibaya vyandarua tofauti na makusudio yake ambapo serikali kupitia Wizara ya Afya na Ustawi wa Jamii kwa muda mrefu imekuwa ikigawa vyandarua bure lakini baadhi ya wananchi wamekuwa wakitumia kuvulia samaki huku wengine wakitumia kuanikia dagaa kwenye vichanja.

Wakizungumza na NIPASHE, kwa nyakati tofauti katika vijiji vya Mbaha na Lundu wananchi hao ambao waliomba majina yao yafadhiwe walisema kuwa serikali imekuwa ikigawa vyandarua kwa kila kaya kwa lengo la kupunguza malaria lakini ni jambo la kushangaza baadhi ya wavuvi na wakazi wengine wamekuwa wakitumia vyandaraua hivyo tofauti na ilivyokusudiwa.

Walisema kuwa katika vijiji vingi vilivyoko kandokando ya ziwa Nyasa kumekuwa na tabia hiyo mbaya ambayo inaweza kuhatarisha maisha kwa wakazi wa maeneo hayo ya kuchukua vyandarua kwenye majumba na kupeleka ziwani kuvulia samaki huku wengine wakanikia dagaa wakati wanajua kwamba vyandarua hivyo vimewekwa dawa za viuatilifu.

Wameiomba serikali ya wilaya hiyo kuona umhimu wa kuwazuia au kuwapiga marufuku kuvulia na kuanikia samaki vyandarua na badala yake wananchi wahimizwe kuvitumia vyandarua kama ilivyokusudiwa na serikali na sio vinginevyo.

Hata hivyo mratibu wa malaria wa mkoa wa Ruvuma, Kibua Amani Kakolwa, alisema kuwa kampeni ya ugawaji vyandarua sehemu za malazi ilifanyika mwaka 2010 ambapo jumla ya vyandarua 706219 viligawiwa kwa wananchi wa mkoa wa Ruvuma wakti vyandarua 236375 viligawiwa katika wilaya ya Mbinga kabla kabla wilaya hiyo haijagawanywa.

Kibua alisema kuwa lengo kuu ni kuwa wananchi wanapaswa kuvitumia kila siku ili waweze kujikinga na mbu waenezao malaria na uwezo wa vyandarua hivyo ni miaka mitatu hadi mitano kama vinatunzwa vizuri hivyo watu wanaoamua kuanikia au kuvulia dagaa wanakwenda tofauti na malengo ya serikali.

Aliongeza kuwa faida ya vyandarua itaonekana katika kupunguza malaria endapo kila mwananchi atatumia chandarua chake kwa usahihi na amezishauri mamlaka za halmashauri za wilaya zitumie sheria ndogo walizo nazo kuhakikisha kuwa wananchi hawatumii vyandarua kwa shughuli ambazo hazikukusudiwa na serikali.

Kwa upande wake mkuu wa wilaya ya Nyasa, Ernest Kahindi, aliiambia NIPASHE kuwa ofisi yake ilishapokea malalamiko hayo na kwamba kwa hivi sasa amewaagiza viongozi wote wa serikali wakiwemo maafisa watendaji wa vijiji na kata kuwa mwananchi yeyote atakayepatikana kuainikia dagaa au kuvulia samaki akamatwe na achukuliwe hatua haraka iwezekanavyo na maafisa wa idara ya maliasili tayari wameshaanza kufanya msako kijiji hadi kijiji kandokando ya Ziwa Nyasa ili kuwabaini waharibifu wa vyandarua.

Mwisho

KADA WA CHADEMA AWASIFIA WABUNGE CCM

2013-05-28T21:57:00.001+03:00

Na Gideon Mwakanosya- Songea

Mjumbe wa Halmashauri kuu ya Taifa wa Chama cha Demokrasia na Maendeleo (CHADEMA), Edson Mbogolo, amewamwagia sifa wabunge watatu wa Chama cha Mapinduzi (CCM) kuwa ndio wawakilishi wazuri na ni wakweli kwa wananchi Bungeni kwani hoja zao wanazozitoa zimekuwa zikileta tija kwa jamii wakiwemo wapiga kura wao.

Hayo yalisemwa juzi (Jumapili) kwenye viwanja vya shule ya msingi Matalawe katika Halmashauri ya Manispaa ya Songea kwenye mkutano wa hadhara ulioandaliwa na CHADEMA ambao ulihudhuriwa na mamia ya wakazi wa Manispaa hiyo akiwemo Mwenyekiti wa CHADEMA taifa Freeman Mbowe.

Mbogolo aliwataja wabunge ambao alidai kuwa ndio watetezi wazuri wa wapiga kura wao kuwa ni Deo Filikunjombe mbunge wa jimbo la Ludewa mkoa wa Njombe, Kangi Lugola Mbunge wa jimbo la Mwibala mkoa wa Mara na Ally Kessy Mbunge wa jimbo la Nkasi Kaskazini Mkoani Rukwa.

Alisema kuwa kwa muda mrefu amekuwa akiwashangaa wabunge wengi wa CCM ambao wamekuwa wakitoka kwenye majimbo yao kwenda Bungeni bila kubeba hoja za wapiga kura wao badala yake wamekuwa wakitumia muda mwingi kukejeli na kubeza hoja zinazotolewa na wabunge wa upinzani ndani ya Bunge jambo ambalo wanaona ni kitu cha kawaida.

Amewaomba wabunge wa Bunge la Jamhuri ya Muungano wa Tanzania bila kujali itikadi za vyama vyao vya kisiasa ni vyema wawe wanaona ni muhimu kuwa na hoja zitakazoleta manufaa kwa wapiga kura wao na taifa kwa ujumla na si vinginevyo.

Alieleza kuwa inashangaza sana kuona serikali inaacha kuwabana wabunge wanawaobeza wabunge wenzao wanapotoa hoja zenye tija kwa taifa na badala yake serikali hiyo imekuwa ikitengeneza mazingira ya kuwabana wabunge wa vyama vya upinzani na baadhi ya wabunge wa CCM pale wanapotoa hoja Bungeni walizotumwa kutoka kwenye majimbo yao lakini inaanza mikakati ya kuwabana ili wasiendelee kusema ukweli kwa manufaa ya Taifa.

“Ndugu wananchi ninashangazwa kuona kwamba serikali kupitia ofisi ya Bunge ilifikia uamuzi wa kutaka kuwa mijadala inayotolewa Bungeni isirushwe kwenye luninga jambo ambalo linaonesha wazi kuwa serikali haina nia nzuri ya kuhakikisha kuwa wananchi wanaona kinachofanyika Bungeni”. Alisema Mbogolo.

Naye Mwenyekiti wa CHADEMA mkoa wa Ruvuma Joseph Fuime akimkaribisha Mwenyekiti wa CHADEMA Taifa Freeman Mbowe ili aweze kuongea na wananchi kwenye mkutano huo wa hadhara alisema kuwa CHADEMA mkoa wa Ruvuma kwa sasa hivi imejipanga kikamilifu kuhakikisha kuwa mwaka 2015 majimbo yote ya Mkoa wa Ruvuma yatashikwa na wabunge kutoka CHADEMA na alidai kuwa jitihada zinafanywa zaidi kuhakikisha kuwa jimbo la Songea Mjini, linaloshikiliwa na DK. Emmanuel Nchimbi kwa sasa, ni lazima ushindi wa kishindo upatikane.

Kwa upande wake Mwenyekiti wa CHADEMA Taifa, Freeman Mbowe, akiongea na wananchi wa Songea alisema kuwa Watanzania wana haki za msingi kuchagua chama cha siasa wanachokipenda ambacho wao wanaona kuwa ndicho kitakachoweza kuwakomboa na si vinginevyo.

Alisema kuwa Tanzania ina makundi mawili ya uongozi ambapo alilitaja kundi la kwanza kuwa ni la viongozi wanaochaguliwa na wananchi wenyewe ambalo linapaswa kuwa na mamlaka na kundi la pili akalitaja kuwa ni la viongozi wanaoteuliwa na Rais ambalo ndilo linaloonekana kusikilizwa zaidi na kuwa na maamuzi makubwa kutoka serikalini hivyo amewataka wananchi waone umuhimu kwa sasa hivi kuwa viongozi wote wanaoteuliwa na Rais kama vile wakuu wa wilaya na wakuu wa mikoa wanachaguliwa na wananchi na jambo hili liingizwe kwenye katiba mpya.

Alifafanua zaidi kuwa wnanchi katika kila wilaya au mkoa wananchi ni vyema wachague wakuu wa wilaya na wakuu wa mikoa kutoka katika maeneo yao kupitia kwenye vyama vyao vya siasa badala ya ilivyo sasa hivi ambapo wanateuliwa na Rais kutoka katika maeneo tofauti na wanayoongoza.

Aliwataka Watanzania kutambua kuwa mfumo wa siasa wa vyama vingi sio wa ugonvi wala sio wa kuwekeana chuki badala yake vyama vya upinzani ndivyo vinavyoweka bayana changamoto zilizopo kwa serikali inayoongozwa na chama tawala ambayo inapaswa kuzifanyika kazi changamoto hizo.

WATOTO WATANO WALIOZALIWA KWA PAMOJA SONGEA WAFARIKI

2013-05-25T15:11:00.005+03:00

Na Julius Konala,Songea

WATOTO wote watano waliozaliwa juzi katika hospitali ya mkoa wa Ruvuma wamefariki usiku wa kuamkia jana .

Watoto hao wote watano walizaliwa salama na Sophia Mgaya (28) mkazi wa Ruhuwiko mjini hapa kwa kufanyiwa upasuaji katika hospitali ya mkoa wa Ruvuma.

Mganga mkuu Mfawidhi wa Hospitali ya mkoa Songea(HOMSO)Dkt. Benedict Ngaiza, alisema kuwa watoto hao wameishi kwa masaa kumi tu na kufariki dunia kutokana na kuzaliwa na uzito mdogo wa chini ya kilo moja.

Dkt.Ngaiza alibainisha kuwa watoto wote wanaozaliwa wakiwa na uzito mdogo wanakuwa na maisha mafupi,hata hivyo alisema hali ya mama wa watoto hao inaendelea vizuri ingawa bado amelezwa katika hospitali ya mkoa wa Ruvuma akiendelea kupata matibabu.

Tukio ambalo halijawahi kutokea katika hospitali ya mkoa wa Ruvuma limetokea Mei 24 mwaka huu majira ya saa 4 asubuhi huku mtoto wa kwanza akiwa na uzito wa gramu 730,wa pili 810,watatu 670,wanne 820 na watano gramu 430.

Kulingana na mganga huyo kati ya watoto hao waliozaliwa,watatu ni wa kiume na wawili ni wa kike na kwamba huu ulikuwa ni mzao wa pili kwa mwanamke huyo.

Alieleza kuwa katika mzao wa kwanza wa mama huyo alifanikiwa kujifungua mtoto mmoja na huu wa pili amebahatika kujifungua watoto hao watano ambao wote wamefariki dunia .

Mkutano wa CHADEMA waruhusiwa Songea.

2013-05-25T08:40:00.001+03:00

Habari tulizozipata hivi punde zinasema Baada ya Mkutano wa pamoja kati ya viongozi wa vyama vya siasa na Mkuu wa Mkoa wa Ruvuma Said Mwambungu, hatimaye Chama cha Democrasia na Maendeleo CHADEMA kimeruhusiwa kufanya Mkutano wake wa kampeni ya M4C uliopangwa kufanyika tarehe 26 Mei 2013. Mkutano huo utafanyika Mjini Songea katika eneo la Matarawe Mjini Songea.

Hata hivyo katika makubaliano hayo, CHADEMA imekataliwa kufanya maandamano kama ilivyopangwa awali ambapo ilitangazwa kuwa Mkutano wa hadhara ungetanguliwa na maandamano ambayo yangeanzia katika Chuo Kikuu Huria hadi Matarawe.

Kufutwa na baadaye kuruhusiwa kwa Mkutano wa CHADEMA kumeleta mkanganyiko kwa wananchi wa Manispaa ya Songea kutokana na kubadilika kwa maamuzi ya Dola katika kipindi kifupi.

Habari pia zinaeleza kuwa Baada ya Mkutano wa CHADEMA hapo Mei 26, Chama Cha Mapinduzi CCM pia kitafanya mkutano wake hapa Songea Juni 02, 2013 ambapo Katibu Mkuu wa CCM Abdulahaman Kinana anatarajiwa kufanya Mkutano huo ikiwa ni sehemu ya ziara ya viongozi waandamizi wa Chama hicho nchi nzima. Mikutano hiyo ina lengo la kukagua uhai wa Chama pamoja na kutembelea na kuzungumza na mabalozi wa nyumba kumi, viongozi wa mashina ambayo ni uti wa mgongo wa Chama, matawi, kata, wilaya na mkoa.

via Demasho

Mwanamke ajifungua watoto watano Songea

2013-05-25T07:50:00.002+03:00

MWANAMKE mmoja mkazi wa maeneo ya Ruhuwiko katika Halmashauri ya Manispaa ya Songea mkoani Ruvuma, Sophia amejifungua watoto watano.

Akizungumza na waandishi wa habari jana mkoani hapa, Mganga Mkuu Mfawidhi wa Hospitali ya Songea, Dk. Benedict Ngaiza, alisema mwanamke huyo alijifungua salama na watoto wake wanaendelea vizuri.

Dk. Ngaiza alisema wauguzi wa hospitali hiyo walimpa huduma nzuri mwanamke huyo jambo lililosaidia kujifungua salama watoto hao licha ya kufanyiwa upasuaji.

Aliongeza kuwa Sophia alijifungua watoto hao jana majira ya saa 4 asubuhi katika hospitali hiyo huku mtoto wa kwanza akiwa na uzito wa gramu 730, wa pili 810, wa tatu 670, wa nne 820 na wa tano gramu 430.

Alifafanua kuwa kati ya watoto hao waliozaliwa, watatu ni wa kiume na wawili ni wa kike na kudai kwamba tukio hilo ni la kwanza kutokea katika hospitali hiyo ambapo uzao huo ni wa pili kwa mama huyo.

Alibanisha kuwa katika mzao wa kwanza wa mama huyo alijifungua mtoto mmoja

Tanzania Daima

Wakazi wa Manispaa ya Songea walalamikia uchafu uliokithiri

2013-05-18T19:00:00.002+03:00

Hili ni moja ya Ghuba lililopo pembezoni ya Mjia wa Songea

Ghuba hili lipo mtaa wa mahenge ambalo pia limesahulika kuzolewa taka

Pichani hapo juu ni ghuba lililopo Mtaa wa Sovi barabara iendayo kituo kikuu cha Polisi likiwa limejaa uchafu .

Wafanya biashara wa Mabucha ya Nyama na wauza Viungo wakiendelea na biashara huku pembeni kukiwa na hali ya uchafu uliokithiri wasiwe na wasiwasi.
.......................................................................

Na Nathan Mtega,Songea

BAADHI ya wakazi wa halmashauri ya Manispaa ya Songea mkoani Ruvuma wamelalamikia kukithiri kwa uchafu katika maeneo yote ya Manispaa hiyo na kusababisha maghuba ya kuhifadhia taka kufurika kwa muda mrefu yakiwemo yanayozunguka maeneo ya soko kuu,Majengo na kituo kikuu cha mabasi cha mjini Songea.

Wakizungumza kwa nyakati tofauti walisema kuwa mazingira ya usafi kwa ujumla katika Manispaa ni mabaya na yanaweza yakaleta madhara makubwa ya kiafya ikiwa hali hiyo haitachukuliwa hatua za haraka na maafisa afya wa Manispaa hiyo kwa sababu baadhi ya maghuba yamefurika na kutoa harufu kali.

Walisema kuwa ni muda mrefu hali hiyo ya uchafu imeendelea kuwepo na hakuna jitihada zinazofanyika kuiondoa hali hiyo ambayo ni kero kubwa kwa wakazi walio wengi wa Manispaa hiyo licha ya kuwa wamekuwa wakilipa ushuru wa usafi wa mazingira kila mwezi.

Wakizungumza Sebastiani Komba na Elizabeth Luambano wakazi wa Bombambili walisema kuwa ni vyema halmashauri ya Manispaa hiyo ikachukua hatua za haraka za kuiondoa adha hiyo ambayo imekuwepo kwa muda mrefu huku Adam Haule na Edson Kumbuka wakazi wa Majengo wakisema kuwa maghuba ya kuhifadhia taka yaliyopo yamefurika kupita kiasi na watoto wakicheza kwenye maghuba hayo hali ambayo inaweza ikawasababishia madhara.

Naye Seleman Said mfanyabiashara wa soko kuu alielezea kusikitishwa kwake na hali ya kukithiri kwa uchafu ndani ya eneo la soko kuu ambamo kuna ghuba la kuhifadhia taka ambalo ni muda mrefu gali la kuzoa taka halijafika kuchukua taka taka zilizofurika kwenye ghuba hilo na Rashid Husein wa kituo kikuu cha mabasi cha mjini Songea alisema kuwa taka taka zilizopo kwenye ghuba ambalo lipo kando kando mwa kituo hicho zimekuwa kero kwa wasafiri na wapiti njia.

Afisa afya wa Manispaa ya Songea Maxmilian Mahundi alipojohojiwa na mwandishi wa habari kuhusiana na hali hiyo alikataa kusema chochote kwa madai kuwa yeye siyo msemaji hata hivyo jitihada za mwandishi wa habari zilimtafuta Mkurugenzi wa Manispaa ya Songea Nachowa Zacharia ambaye alikiri kukithiri kwa uchafu katika halmashauri hiyo.

Alisema kuwa halmashauri ya Manispaa ya Songea ina magari mawili tu ambayo ni chakavu na yana zaidi ya miaka ishirini tangu yaliponunuliwa huku mahitaji ya magari mapya kwa ajili ya kuzoa taka ni sita ambayo yana uwezo wa kubeba taka tani ishirini kila moja na kijiko kimoja cha kuzolea taka badala ya kutumia vibarua ambao wamekuwa wakifanya kazi hiyo kwa kutumia vitendea kazi duni.

Aidha amewahimiza wakazi wa Manispaa kuendelea kulipa ushuru wa usafi kwa kila kaya ambayo ni shilingi 150 kwa kila siku ili kupunguza adha iliyopo ya uchafu uliokithiri kwenye maeneo mengi ya Manispaa hiyo

KAULI MBALI MBALI ZA VIONGOZI KUHUSU MAUAJI YA ARUSHA KWENYE MAGAZETI YA LEO JUMAMOSI TAREHE 11/5/2013

2013-05-11T11:39:00.002+03:00

ADHABU YA WABUNGE CHADEMA YALETA UTATA

2013-04-19T11:57:00.002+03:00

MBOWE AMBANA SPIKA AELEZE KANUNI ILIYOTUMIKA.

Kiongozi wa Kambi ya Upinzani Bungeni, Freeman Mbowe.

WAKATI wabunge sita wa Chama cha Demokrasia na Maendeleo (CHADEMA) wakianza kutumikia adhabu ya kutohudhuria vikao vitano vya Bunge la Bajeti vinavyoendelea mjini hapa, utata mkubwa umeibuka juu ya kanuni alizotumia Naibu Spika, Job Ndugai, kutoa adhabu hiyo.

Utata huo ulibainika jana wakati Kiongozi wa Kambi Rasmi ya Upinzani, Freeman Mbowe, alipoomba mwongozo wa Spika Anna Makinda, kutaka kujua kanuni aliyotumia Ndugai wakati hakuna kanuni iliyomruhusu kutoa adhabu hiyo.

Baadhi ya wabunge waliozungumza na gazeti hili jana pia walihoji kifungu kilichotumika hata kama wabunge hao walikosea.

Miongoni mwa waliohoji adhabu hiyo, wapo baadhi ya wabunge wa CCM ambao hawakupenda kutaja majina yao, wakisema kuwa uamuzi wa Naibu Spika ulitawaliwa na jazba za kibinadamu badala ya kufuata kanuni zinazoliongoza Bunge.

Katika mwongozo wake jana kwa Spika Makinda, kiongozi huyo wa kambi ya upinzani alihoji kifungu kilichotumika kuwaadhibu wabunge wake.

Mbowe alisema juzi wakati Bunge lilipokuwa katika kipindi chake cha jioni, wabunge sita wa CHADEMA waliotolewa nje kwa maelekezo ya Naibu Spika, Job Ndugai.

Aliwataja wabunge waliotolewa kuwa ni Tundu Lissu (Singida Mashariki), Haghness Kiwia (Ilemela), Ezekia Wenje (Nyamagana), Godbless Lema (Arusha Mjini), Joseph Mbilinyi (Mbeya Mjini) na Pete Msingwa (Iringa Mjini).

“Na wabunge hawa walipotolewa, walipewa vile vile adhabu ya kutohudhuria vikao vitano vya Bunge, adhabu iliyotolewa papo kwa papo na Naibu Spika.

“Kwa mujibu wa kanuni zetu, kanuni inayompa Naibu Spika au Spika mamlaka ya kumtoa mbunge kwa siku tano ni kanuni ya 73 ya kanuni ndogo ya tatu ambayo inahusu mbunge ambaye atashindwa kutoa vielelezo vya aidha kusema uongo ambayo inasema hivi:

“Endapo mbunge yeyote atatakiwa kuthibitisha maneno aliyoyasema na hadi kufikia mwisho wa muda aliopewa, ameshindwa kutoa uthibitisho huo, Spika anaweza kumsimamisha mbunge huyo asihudhurie vikao vya Bunge visivyozidi vitano,” alinukuu.

Mbowe ambaye pia ni mwenyekiti wa CHADEMA, alisema yaliyotokea bungeni juzi ni sintofahamu kati ya wabunge na kiti cha Spika ambapo katika mambo ya msingi CHADEMA ilitegemea kifungu cha nne cha kanuni za Bunge, kifungu kidogo cha kwanza kingetumika.

Kifungu kinasema: “Spika anaweza kutaja jina la mbunge kwamba amedharau mamlaka ya Spika na kisha kupeleka jina hilo kwenye Kamati ya Haki na Maadili ya Bunge.

“Ikiwa kwa maneno au vitendo, mbunge huyo anaonyesha dharau kwa Spika au atafanya kitendo chochote cha makusudi cha kudharau shughuli ya Bunge au mbunge yeyote anayeongoza shughuli hiyo.”

Kutokana na kanuni hiyo, Mbowe aliomba mwongozo wa Spika kutaka kujua wabunge hao walitolewa kwa kanuni gani na ni lini wataweza kurejeshewa haki yao ya kurejea ndani ya Bunge.

Vituko vya juzi
Baadhi ya askari walioamriwa kuingia ndani ya Bunge, walisema hawakuwa tayari kumtoa Lissu kwa nguvu ndio maana walitumia muda mrefu kutimiza agizo hilo.

Askari hao walisema hofu yao ilikuwa ni usalama wa Waziri Mkuu kwani endapo vurugu zingeibuka, angekuwa katika wakati mgumu kiusalama.

Baada ya Lissu na wabunge wenzake kutoka nje ya ukumbi chini ya ulinzi, askari hao walipata wakati mgumu kuwatoa nje ya eneo la Bunge.

“Tulipanda juu hadi kwenye ofisi ya Lissu, alipofika alikaa chini, akafungua kompyuta yake, baadaye akaizima wala hakuwa na haraka na sisi wakati huo tulibaki tumesimama tu.

“Baadaye aliizima, akachomoa waya na kuziingiza kwenye begi lake, kisha alisimama taratibu na kuondoka kama vile hakuna jambo lililotokea,” alisema askari huyo.

Wenyewe wanena
Lema alisema:
“Nimepokea kwa furaha adhabu hii kwa sababu imetokana na kupigania haki na ukweli ndani ya Bunge. Kwa hiyo adhabu hii kwangu ni baraka.”

Alisema uonevu wa wazi uliofanywa na Naibu Spika, Job Ndugai, baada ya muda kidogo Tanzania itashangilia ushindi mkubwa. Kwamba Watanzania watafurahia vijana wao na watoto wao walioshinda hofu.

“Ushahidi nilioombwa kuhusu mwenyekiti wa CCM kuwa mwasisi wa udini ninao, tena wa uhakika wa nguvu na imara na niko tayari kuutoa mbele ya Bunge kwa kuwa nilitoa maneno hayo mbele ya Bunge.

“Sitapeleka tena ushahidi wangu vichochoroni kwa kuwa nilipeleka ushahidi wangu kwa Spika kuhusu uongo wa Waziri Mkuu, walipiga chenga hadi wakanivua ubunge,” alisema.

Lema alidai kuwa ametumiwa meseji za vitisho kwamba wangelimuonyesha tena mahakamani, lakini akasema wafanye wafanyavyo ila moyo wake una furaha kuwa amesema yale ambayo wengine wameogopa kuyasema.

Mbunge wa Mbeya Mjini, Joseph Mbilinyi, alisema: “Bunge letu lina matatizo, halina mwelekeo. Job Ndugai anajidai yeye ndiye kiongozi wa serikali.”

Alisema kama Ndugai ana sifa hizo na anajiandaa kuwa Spika wa Bunge lijalo, anamwomba Mungu asiwe mbunge katika Bunge hilo.

“Tusi lililotolewa na Peter Serukamba wa CCM, lilikuwa kubwa kuliko matusi yote yaliyowahi kutolewa ndani ya Bunge katika mabunge ya Jumuiya ya Madola.

“Hili lilihitaji adhabu, lakini kitendo cha Naibu Spika kumtimua Lissu ambaye alikuwa anafuata kanuni ni cha kusikitisha sana,” alisema.

Mbilinyi alisema wananchi wa Mbeya Mjini hawakumtuma kushangilia bungeni.

Kwa upande wake Mchungaji Msigwa alisema: “Adhabu hii ni ya hovyo kwa sababu haikufuata taratibu; wamegeuza Bunge kama sehemu ya serikali.”

Alifafanua kuwa kama angepata adhabu iliyofuata kanuni asingekuwa na shida, angeipokea kwa furaha.

“Naibu Spika ana jazba, anapaswa apate mafunzo ya jazba zake. Viongozi wa Bunge wamejaa u-CCM zaidi kuliko utaifa. Binafsi sitajali kufukuzwa, ninachotaka haki itendeke,” alisema.

Mbunge wa Ilemela, Kiwia, alisema adhabu waliyopewa ni kinyume cha kanuni.

“Adhabu hiyo anapaswa apewe mtu aliyesema uongo na kushindwa kuthibitishwa, pamoja na hayo kanuni zifanye kazi kwa wabunge kwa usawa,” alisema.

Kiwia aliongeza kuwa kanuni hazipaswi kuwaona wabunge wengine wana haki na wengine hawana; kwamba hoja za msingi zijibiwe, maamuzi bungeni yasifanyike kwa mabavu.

Naye Lissu ambaye ni mwanasheria kitaaaluma, alisema hajui ni kanuni gani iliyotumika na kumwadhibu na kwa kosa gani.

SOURCE: http://www.freemedia.co.tz

WANASONGEA WAILALAMIKIA MANISPAA KWA UBOVU WA KITUO KIKUU CHA MABASI

2013-04-17T12:14:00.002+03:00

BAADHI ya abiria na wamiliki wamabasi katika halmashauri ya manispaa ya Songea wameulalamikia uongozi wa manispaa hiyo kwa kushindwa kukifanyia matengenezo kituo kikuu cha mabasi cha mjini Songea ambacho kimekithiri kwa kuwa na mashimo mengi na kusababisha magari yanayoingia na kutoka kuharibika yakiwa kwenye kituo hicho.

Wakizungumza kwa nyakati tofauti baadhi ya abiria walisema kuwa hali ya kituo hicho cha mabasi ni mbaya kwani katikati ya kituo kuna mifereji ambayo imekuwa ikipitisha maji wakati mvua na maeneo mengine kuna madimbwi yaliyojaa maji ambapo magari yanapita kwa taabu

Kuruthum Athuman mkazi wa kijiji cha mtwara pachani wilayani namtumbo ameuomba uongozi wa halmashauri hiyo kuona umuhimu wa kuchukua hatua za haraka za kukifanyia matengenezo kituo hicho ambacho kwa muda mrefu ni kibovu na kusababisha wakati mwingine magari kukwama katikati ya kituo hicho.

Adam Kumburu mkazi wa Ruhuwiko wilayani Mbinga ameeleza kuwa kutokana na ubovu wa kituo cha mabasi hasa kwa nyakati za masika abiria wamekuwa wakilazimishwa kupanda mabasi wakiwa nje ya kituo hicho kwa sabababu mvua zinapokuwa zinanyesha kituo hicho kimekuwa kikijaa tope jambo ambalo limekuwa likionekana kuwa ni kero kubwa kwa abiria.

Kwa upande wao baadhi ya wamiliki wa mabasi yanayotoa huduma ya kusafirisha abiria kutoka Songea kwenda Mbinga na kutoka Songea kwenda jijini Dar es Salaam wamesema kwa masharti ya kutotajwa majina yao kwenye blog kuwa kituo cha mabasi cha mjini Songea ni kibovu sana na kina mashimo mengi ambayo husababisha magari yanayoingia na kutoka kwenye kituo hicho kutaka spiringi na kuwepo uharibifu wa mara kwa mara kwa baadhi ya vipuri vya magari yao.

Walisema kuwa pamoja na kuwepo uharibifu wa magari yao na kutoa malalamiko ya mara kwa mara bado halmashauri inaendelea kukusanya ushuru wa kuegesha magari kwenye kituo hicho kila siku mfano magari madogo (taksi) hutozwa shilingi 500/= kwa siku moja, magari kuanzia tani tatu hadi tani kumi hutozwa kiasi cha shilingi 1000/= kwa siku kwa kila gari linaloegeshwa kituoni hapo na magari makubwa kuanzia tani kumi hadi tani kumi na tano linatozwa kiasi cha shilingi 2000/= kwa siku moja.

Walifafanua kuwa kwa wastani halmashauri ya manispaa hiyo imekuwa ikipata mapato makubwa kutokana na kuegesha magari kutoka katika kituo kikuu cha mabasi cha Songea kwani ni zaidi ya magari kati ya hamsini na sabini kwa siku yanaingia kituoni hapo na kutozwa ushuru wa maegesho. Hivyo wameumba uongozi wa halmashauri hiyo kuwa fedha zinazokusanywa kutokana na maegesho ndiyo zitumike kufanyia ukarabati wa kituo hicho ambacho ni kibovu kwa muda mrefu.

Walisema kuwa wameshangaa kuona zimeletwa kokoto tangu miezi miwili iliyopita na kurundikwa katikati ya kituo cha mabasi na mpaka sasa hakuna kinachoendelea na inaonekana kuwa kokoto hizo zimeletwa kwa kuhifadhiwa kwa muda na sio kwa ajili ya matengenezo ya kituo hicho kwani zingeletwa kwa matengenezo ya kituo hicho halmashauri ingekuwa imeshaanza kufanya kazi hiyo lakini kokoto hizo zimekuwa zikisababisha mabasi kuegeshwa kwa taabu.

Hata hivyo mkurugenzi wa halmashauri ya manispaa ya Songea Nachoa Zakaria alipohojiwa ofisini kwake kuhusiana na tatizo la ubovu wa kituo cha mabasi cha mjini Songea alikiri kuwepo kwa tatizo hilo lakini aliwataka wakazi wa mjini songea pamoja na wamiliki wa mabasi kuwa watambue kuwa mara zote ujenzi mchakato hivyo kwa sasa wanatafuta vifaa mbalimbali na wanaangalia uwezekano wa kupata lami kwani lengo kubwa la manispaa yake ni kukifanyia matengenezo kituo hicho kwa kiwango cha lami.

Alisema kuwa kokoto zilizomwagwa kwenye kituo hicho zimeletwa kwa msaada toka kampuni moja ya ujenzi wa barabara mkoani Ruvuma hivyo kwa sasa hivi halmashauri yake bado inashughulikia zabuni ya kumpata mtu wa kukijenga kituo hicho na amewataka kuwa wavumilivu na si vinginevyo.

MAGAZETI YA LEO JUMATANO 17.04.2013

2013-04-17T09:16:00.001+03:00

Bungeni hakukaliki

2013-04-16T08:23:00.004+03:00

Mbunge wa Kilolo, Profesa Peter Msolla (kushoto), akiwasiliana na mwenzake wa Njombe Kaskazini, Deo Sanga ndani ya Ukumbi wa Bunge Dodoma jana. Picha na Edwin Mjwahuzi.

Baadhi ya wabunge jana waliendelea kutumia fursa ya mjadala wa hotuba ya Waziri Mkuu kurushiana vijembe na maneno ya kuudhi mambo ambayo yalisababisha mivutano ya kikanuni, huku mmoja wao akionya kwamba ikiwa haki hiyo itaendelea bungeni hakutakalika.

Chimbuko la mivutano hiyo ni kauli zilizotolewa na Mbunge wa Kondoa Kusini (CCM), Juma Nkamia ambaye alimjibu Mbunge wa Mbeya Mjini (Chadema), Joseph Mbilinyi kwamba “haongei na mbwa bali anazungumza na mwenye mbwa.”

Kadhalika Mbunge wa Mtera (CCM), Livingstone Lusinde aliwapiga vijembe viongozi wakuu wa Chama cha Demokrasia na Maendeleo (Chadema) akisema kwamba kuna wabunge ambao wana “mimba zisizotarajiwa bungeni”.

Vijembe hivyo viliendelea jioni baada ya Mbunge wa Nyamagana (Chadema), Ezekiah Wenje kusema Serikali iliyopo madarakani haina uwezo, haina ujuzi na imepoteza imani ya watu kutokana na kushindwa kuwatatulia wananchi matatizo yaliyopo.

Naye Mbunge wa Iringa Mjini (Chadema), Mchungaji Peter Msigwa akieleza kuwa Serikali ina tatizo kwa kuwa kuna “akili ndogo inatawala vichwa vikubwa.”

Alitumia kifungu cha kitabu kitakatifu cha Biblia cha Mithali 27:22 kinachosema kuwa “mpumbavu ukimchukua ukimchanganya na ngano kwenye kinu atabaki na upumbavu wake.”
Waziri wa Nchi, Ofisi ya Waziri Mkuu (Sera,Uratibu na Bunge), William Lukuvi alisema Wenje na Msigwa walikiuka kanuni za Bunge kutokana na matamshi yao.

Naibu Spika, Ndugai alionya lugha hizo bungeni akiwasihi wabunge kuacha kutumia, kauli iliyoungwa mkono na Mbunge wa Viti Maalumu (CCM), Anna Abdallah ambaye alieleza kukerwa na udhalilishaji wa wanawake bungeni.

Naye Mbunge wa Viti Maalumu (Chadema), Paulina Gekul akitumia Kanuni ya 68 (7) alikilaumu kiti cha Spika kwa kukaa kimya wakati wabunge wanatukana bungeni. “Kama hali hii itaendelea, humu ndani kutakuwa hakutawaliki,” alisema Gekul.

Pia Moses Machali (Kasulu Mjini -NCCR-Mageuzi) na Magdalena Sakaya (Viti Maalumu-CUF) waliomba mwongozo wa Spika wakitumia Kanuni ya 64 inayozuia lugha za kuudhi bungeni.

Lusinde alianza kuipiga vijembe hotuba ya Kiongozi wa Kambi ya Upinzani Bungeni na baadaye alidai kwamba wapo wabunge wenye mimba zisizotarajiwa ambao wanaharibu nchi.

“Ukiangalia kuna watu wanataka kuvuruga nchi wakati wana watoto wachanga. Mimi mtoto wangu wa mwisho ana miaka minane halafu Slaa (Dk Willibrod, Katibu Mkuu Chadema) wa kwake sijui ana wiki ngapi,” alisema Lusinde na kuongeza: “Hawa wapinzani tuachieni mimi na Mwigulu (Nchemba, Naibu Katibu Mkuu CCM).”

Baada ya Lusinde kumaliza Sakaya aliomba mwongozo wa Spika kuhusu utaratibu akitumia Kanuni ya 64(1) (g) , akisema kauli yake kwamba kuna wabunge ambao ni viongozi wana mimba zisizotarajiwa ni ya kuudhi.
Chanzo: Mwananchi

TAMKO LA CHADEMA KWA VYOMBO VYA HABARI

2013-04-15T09:45:00.001+03:00

TAMKO LA CHADEMA KUHUSU NJAMA ZA KUKICHAFUA ZINAZOFANYWA NA GENGE LA VIONGOZI WAKUU WA CCM NA VYOMBO VYA DOLA, LIMETOLEWA JIJINI DAR ES SALAAM LEO, MACHI 14, 2013 NA MJUMBE WA KAMATI KUU NA MWANASHERIA WA CHAMA, MH. MABERE NYAUCHO MARANDO

Ndugu waandishi wa habari;
LEO tumewaita hapa ili kuwaomba mtufikishie ujumbe kwa Watanzania, kwamba nikiwa mwanasheria na mtu ambaye nimepata ujuzi wa kazi za ushushu, nimefanya uchunguzi matukio haya ya utekaji na utesaji na kugundua mambo mengi mno.

Uchunguzi huu nimeufanya kabla na baada ya kukamatwa kwa Mkurugenzi wetu wa Ulinzi na Usalama, Willifred Muganyizi Lwakatare, ambaye hivi sasa anashitakiwa mahakamani kwa tuhuma za kupanga ugaidi.

Nimefanya hivyo kwa kuangalia maslahi mapana ya taifa langu na chama changu. Katika uchunguzi wangu huo, nimegundua mambo mengi ikiwamo kuwapo kwa genge la watu ndani ya serikali na Chama Cha Mapinduzi (CCM), wanaopanga mipango hii ya kishetani na kisha kuwasingizia watu wengine.

Angalieni mfano huu: Unaoitwa na polisi na Mwigulu Nchemba, “mkanda wa Lwakatare” unadaiwa uliwasilishwa jeshi la polisi Desemba mwaka jana. Lakini jeshi hilo halikumkamata yoyote wala kumhoji, hadi pale Mwenyekiti wa Jukwaa la Wahariri, Absalom Kibanda, alipovamiwa na kuumizwa.

Aidha, Nchemba amedai kumiliki video ile Desemba mwaka jana, lakini rekodi hiyo iliwekwa kwenye mitandao ya kijamii (YouTube na Jamii Forum) baada ya kutekwa kwa Kibanda. Hapa mtu makini anaweza kujiuliza, hiki kimelenga nini?

Kwamba genge hili la kina Nchemba na wenzake, walipanga kumteka Kibanda, wakatimiza lengo lao hilo, baadaye wakaingia kwenye plani B ya kutaka kuihusisha Chadema. Wakamtumia Ludovick Joseph Rwezahula ambaye ni mshitakiwa wa pili katika kesi ya Lwakatare, kufanikisha mkakati wao huu wa kishetani.

Ndugu waandishi wa habari;
Huu ni mchezo mchafu na wahatari mno ambao kwa vyovyote vile, haupaswi kuvumiliwa. Kuanzia sasa nimeamua kwa dhati kabisa, kukomesha mchezo huu ambao unahatarisha uhai wa taifa letu.

Kwa kuanzia, kesho Jumatatu, nitaongoza jopo la mawakili sita wa Chadema kumtetea Bw. Lwakatare. Wenzangu wengine katika kesi hii, ni Profesa Abdallah Safari, Tundu Lissu, Edson Mbogoro, Peter Kibatara na Nyaronyo Kicheere. Huko mbele tutaongeza mawakili wengine, akiwamo mmoja anayewekwa na familia ya Lwakatare.

Ndugu waandishi wa habari;
Mnaweza kujiuliza, kwa nini Chadema kimechukua uamuzi huu wa kuweka kundi kubwa la wanasheria katika kesi hii ya Lwakatare? Jibu ni kwamba tumegundua kuwa kesi hii imefunguliwa kwa lengo maalum la kuidhoofisha Chadema na kuinusuru CCM ambayo inakabiliwa na dhahama ya kushindwa katika uchaguzi mkuu ujao kutokana na kushamiri kwa makundi.

Hivyo wameamfungulia kesi Lwakatare, kwa lengo la kutaka kuaminisha umma kuwa Chadema ni chama cha magaidi, kinapanga ugaidi na hivyo kichukiwe. Hilo ndilo lengo lao. Basi!

Ndugu waandishi wa habari;
Pili, nitakwenda mahakamani kuwasilisha ombi maalum la kuomba amri ya mahakama kuagiza makampuni ya simu za mkononi kuwasilisha mahakamani statement za simu za watu kumi (10) ili kusaidia mahakama kutenda haki na jamii kujua ukweli wa mambo haya.

Watu ambao nitaomba mahakama itoe amri ya kuletwa taarifa zao simu
na meseji (sms) ni Naibu Mkurugenzi wa Usalama wa Taifa nchini (TISS), Jack Zoka, anayetumia simu Na. 255756809535, Naibu Katibu Mkuu wa Chama Cha Mapinduzi (CCM), Mwigulu Lameck Nchemba, anayetumia simu tano zikiwamo 0754 008888, 0757 946223, 0714 008888 na 0787 513446 na Ludovick Joseph Rwezahula, ambaye simu zake ni,0715 927100 na 0753 927 100.

Mwingine ambaye mawasiliano yake yanahitajika, ni Waziri wa Mambo ya Ndani ya Nchi, Emmanuel Nchimbi, anayetumia simu Na. 0754 003388, Mhariri Mtendaji wa magazeti ya Mwananchi, Dennis Msaky anayetumia simu mbili, 0655 331010 na 0764 331010 na Bw. Sinbad Mwagha, ambaye ni afisa wa idara ya usalama wa taifa, anayetumia simu 0754 006355.

Wengine, ni Bw. Shaali Ali, afisa mwinge wa usalama wa taifa anayetumia simu Na. 0716990099, Saumu K. Malungu, mwenye kutumia simu 0719 541 434 na 0789 614 629, simu mbili zinazotumiwa na mtuhumiwa mkuu wa utekaji wa Dk. Steven Ulimboka, Bw. Ramadhani Abeid Igondo ikiwamo 0713 760 473, simu za Bw. Ridhiwani Kikwete ambazo ni 0754 566299, 0784 566 299, simu ya Dr. Steven Ulimboka, ambayo ni 0713 0713 731 610, pamoja na simu zote tatu za Willifred Lwakatare, ambazo ni 0786 774697, 0713 237869 na 0758 417169.

Ndugu waandishi wa habari;
Mtu mwingine muhimu nitakayeomba mahakama itoe amri ya kutolewa kwa taarifa zake, ni mwandishi wa habari na mpigapicha wa magazeti ya serikali, Muhidini Issa Michuzi. Mwandani huyu wa Ikulu, ndiye aliyeandika ujumbe kwa njia ya emeili kuipongeza ofisi binafsi ya rais (OBR) na usalama wa taifa kwa kupata video ya Lwakatare.

Pongezi za Michuzi kwa TISS ndizo zinanisukuma kuiomba mahakama kuagiza kupatikana taarifa zake. Michuzi anaipongeza TISS kwa kuibua njama za wahalifu, lakini mimi ninajua TISS ikipata njama za aina hiyo haraka inapeleka ushahidi polisi, lakini huu wa Lwakatare ulipelekwa Youtube, badala ya kwenye vyombo vya sheria.

Maneno ya Michuzi kwamba ni TISS imeibua hiyo video yanathibitisha ushiriki wa TISS kwenye mchezo huo mchafu, na kwamba Chadema kinajua kuwa Michuzi alishirikiana na watu wa usalama wa taifa katika kazi hiyo chafu. Software za video (editing) walizotumia zilitoka kwake. Fedha ya kuandaa hiyo video zilitoka usalama na Ikulu. Tunajua kuwa wale vijana wa Ada Estate na yule jamaa anayempelekea kigogo wa Jamii Forum, walilalamika sana kwa mmoja wa wamiliki wa JF.

Ndugu waandishi wa habari;
Chadema kinajua kuwa mmoja wa watuhumiwa hawa, Mwigulu Nchemba anafanya mipango na baadhi ya wafanyakazi wa kampuni ya Vodacom ili kumsaidia kufuta taarifa zake. Nachukua nafasi hii, kuionya kampuni hiyo kuacha kucheza mchezo huo kwa kuwa ni kinyume cha sheria za mamlaka ya mawasiliano (TCRA).

Tunahitaji mawasiliano haya kwa kuwa Mwigulu – zinaonyesha mtuhumiwa huyo akifanya mawasiliano mfululizo na Ludovick, yakiwamo yale ya tarehe 4 Machi 2013. Hii ilikuwa siku moja kabla ya Kibanda kutekwa.

Ndugu waandishi wa habari;
Hawa niliowataja ni watu muhimu sana katika upangaji wa mkakati wa utengenezaji wa video ya Lwakatare na vitendo vya kihalifu vya utekwaji wa Kibanda na tukio la kutekwa na kisha kutupwa msutuni kwa mwenyekiti wa Jumuiya ya madaktari nchini, Dr. Steven Ulimboka.

Kwa mfano, simu ya Mwigullu Nchemba, namba 0714 008888, 0756 008888 na 0757 946223, zimefanya mawasiliano mara kadhaa na Ludovick Joseph, Saumu K. Malungu, Jack Zoka, Ali Shaali na Ramadhani Ighondo. Mawasiliano hayo yalifanyika katika kipindi ambacho mgomo wa madaktari ulishamiri; baadaye yakarudi tena kati ya 26 Desemba mwaka jana na 15 Machi mwaka huu.

Miongoni mwa mawasiliano ambayo tunaona yanahusika na ujambazi huu, ni yale ya 28 Desemba, siku ambayo mkanda wa Lwakatare umerekodiwa; tarehe 4 hadi 6 Machi 2013, siku moja kabla ya Kibanda kutekwa na yale ya usiku wa manane (saa 8:17) wa 13 Machi 2013, ambako mchana uliofuata Lwakatare alikamatwa.

Huyu Mwagha ndiye aliyekuwa anatumika kuwasiliana na Saumu Malungu, ambaye tulimtaja kuwa ndiye aliyekuwa amepewa kazi na Mwigulu na usalama wa taifa, kurubuni vijana wetu kwa fedha ili kutoa ushahidi wa uongo juu ya video ya Lwakatare.

Vilevile, mawasiliano ya Mwiguluna Mwagha, katika kipindi hicho nayo tunayahitaji. Kwa sababu, huyu Mwagha anayetumia simu 0754006355, mbali na kuwasiliana na Mwigulu, ndiye aliyekuwa anawasiliana na mmoja wa waliomteka Ulimboka; na ndiye aliyewasiliana na Saumu kati ya 20Januari na Machi 6 mwaka huu.

Ndugu waandishi wa habari;
Ludovick alifanya mawasiliano ya mwisho na Joyece Agustine, ambaye anatumia simu Na. 0717 559210, mawasiliano ambayo yalifanyika saa 5:13 usiku. Hiyo ndiyo ilikuwa simu yake ya mwisho usiku huo; katika siku hiyo Ludovick aliwasilisna na Joyce mara tisa kuanzia saa 12: 54 asubuhi.

Kwa mujibu wa taarifa za kwenye mtandao wa Jamii Forum, ambako video ya Lwakatare ilitumwa, Ludovick alikamatwa Machi 15 mwaka huu. Hata hivyo, rekodi katika simu yake Na. 0715 927100 inaoyesha 17 Machi Ludovick alifanya mawasiliano na Joyce Augustino. Mawasiliano hayo yalifanyika saa 8: 9 usiku, wakati inadaiwa na polisi alishakamatwa.

Naye mhariri wa Mwananchi, Bw. Msaky ambaye anatajwa kutaka kutekwa na Ludovick na Lwakatare, amekuwa na mawasiliano kadhaa na Ludovick – mtu anayepanga kumteka. Ludovick na Msaky walifanya mawasiliano mfululizo kati 27 Desema 2012, siku moja kabla ya video ya Lwakatare haijarekodiwa na 7 Machi siku moja baada ya Kibanda kutekwa.

Msacky alitumia simu zake hizo mbili (0764 331010 na 0655 331010) kuwasiliana na Ludovick, huku Ludovick akitumia 0753927100. Mawasiliano ya 31 Desemba yalifanyika Ludovick akiwa Tegeta, jijini Dar es Salaam. Mawakala hawa wawili wa usalama wa taifa (Ludovick na Msaky), walikutana 31 Desemba 2012, katika hoteli ya Tamal, Mwenge jijini Dar es Salaam.

Ndugu waandishi wa habari;
Baada ya kupitia taarifa hizi za mawasiliano ya simu za Mwigulu Nchemba, Ludovick Joseph, Ramadhani Ighondo na Saumu Malungu tumegundua yafuatayo: Kwamba, Ramadhani Ighondo, amefanya mawasiliano mara nyingi na Mwigulu, Mwagha na Zoka; naye Mwagha amefanya mawasiliano na Mwigulu na Saumu; naye Saumu amefanya mawasiliano na Mwagha, Mwiguluna Shaali Ali, ambaye ni afisa usalama wa taifa.

Tumegundua vilevile, kuwapo mawasiliano kadhaa kati ya Ludovick na Msaky; Ludovick na Mwigulu; Msaky na Nchimbi; Msaki na Mwagha, Samu na Mwagha na Ramadhani Ighondo Abeid, anayetuhumiwa kumteka Dk. Ulimboka na Mwanga na Mwigullu.

Tumegundua pia kuwapo mawasiliano kati ya Ulimboka na Ramadhani; Zoka na Ighondo na Ridhiwani na Ighondo. Mawasiliano haya yalifanywa mfululizo usiku wa Juni 2012 siku ambayo Dk. Ulimboka alitekwa.

Tumepata kufahamu pia kwamba baadhi ya watu waliotajwa na gazeti la MwanaHALISI kuwa waliwasiliana na Ighondo usiku wa Juni 26, mwaka 2012, wamefanya mawasiliano pia na Mwigulu, Mwagha na Shaali Ali.

Ndugu waandishi wa habari;
Mwagha ni afisa usalama wa taifa anayefanyakazi makao makuu ya idara hiyo. Ndiye yule anayetumika kuendesha michezo ya kuhonga wanasiasa wa CCM na upinzani. Ni Mwagha anayepanga wabunge na kuwapanga waongee nini kwa maslahi ya CCM. Ushenzi wote anaoongea Mwighulu bungeni, hupewa na Mwagha kwa maelekezo ya Jack Zoka.

Naye Shaali ndiye aliyekutana na afisa wetu wa usalama, Ahmed Sabula na mwenzake, Machi 29 mwaka huu katika hoteli ya See Cliff jijini Dar es Salaam. Katika mkutano huo kati ya Sabula, kijana wetu wa usalama na afisa usalama wa serikali Bw. Shaali alitaka Sabula akubali kutumika kwa kutoa taarifa za vikao vya chama, kuwasilisha kwake nyaraka za kamati kuu na kueleza mipango ya chama katika kesi ya Lwakatare.

Kwenye mpango huu, afisa huyo wa usalama wa taifa ambaye ninamfahamu vizuri, alimuahidi Sabula kiasi cha Sh. milioni 30 na kwamba fedha hizo angelipwa wiki iliyopita. Aliahidiwa pia kwamba kila nyaraka atakayopeleka atalipwa ujira.

Aidha, Sabula aliahidiwa kulipwa shilingi 500,000 (laki tano) kila mwezi; afisa wetu huyu ameripoti tukio hilo kwa viongozi wake wa chama. Yule mwenzake aliandaliwa kuwa shahidi wa kesi ya Lwakatare; aliambiwa akikubali dili hiyo atalipwa kila mwezi Sh. 500, lakini akaombwa kuwa mvumilivu kwa kuwa atalazimika kupotea kwa miezi kama mitano hadi sita.

Ndugu waandishi wa habari;
Kitendo cha Mwigulu kuwasiliana Ramadhani Ighondo, Mwigulu kuwasiliana na Ludovick, Saumu kuwasiliana na Mwigulu, Ighondo kuwasiliana na Ulimboka, Zoka kuwasiliana na Ighondo, tena katika muda uleule ambao Ighondo amewasiliana na Ulimboka na Saumu kuwasiliana na Mwagha, ni uthibitisho tosha kwamba usalama wa taifa wako nyuma ya mipango hii ya michafu ya kupanga utekaji na kisha kutaka kukichafua Chadema.

Aidha, kitendo cha Ludovick kuwasiliana Msaky; Ighondo kuwasiliana na Mwagha, Ridhiwani Kikwete kuwasiliana na Ighondo, tena kila baada ya Ighondo kuwasiliana na Ulimboka na Jack Zoka, ni uthibitisho mwingine kuwa genge hili la wahalifu linashirkiana na baadhi ya watu kutaka kuangamiza taifa.

Ni uthibitisho tosha kwamba hawa ndiyo wanaowahonga wanachama wa Chadema na watu wengine ili watoe ushahidi feki dhidi ya Lwakatare, na kwamba ni usalama wa taifa walioandaa ile video uchwara inayopigiwa chapuo na Mwigulu.

Ndugu waandishi wa habari;
Chama Cha Mapinduzi kinajua kwa hali ya sasa hakiwezi kushinda uchaguzi wa mwaka 2015 huku Chadema ikiwa katika hali nzuri ya kisiasa tunayoiona sasa. Wanajua kabisa CCM imegawanyika, kundi lolote litakalopita ndani ya CCM, litahujumu kundi jingine. Ni kama ilivyotokea uchaguzi mdogo wa Arumeru Mashariki.

Ndiyo maana wanapanga kila mbinu kutaka kuiangamiza Chadema. Nasi tunasema katu hatutakubali kuona Chadema kinakufa. Tutapambana usiku na mchana. Juna na mvua. Hadi tushinde hila hizi.Tunawaambia wanachama wetu na wale wanaotuunga mkono, Chadema ni chama kikubwa. Kina mtandao kila mahali, kuanzia Ikulu hadi polisi; na hivyo hakitakufa au kuzorota kwa mambo ya kupikwa.

Ni imani yangu kwamba amri ya mahakama itawafichua wote hawa ni kuirudisha Tanzania katika amani yake. Ni lazima tufikike mahala watu hawa wafahamike mbele ya umma, tunataka wafahamu kuwa maisha ya mwanadamu yana thamani kuliko siasa chafu na ufisadi wanaouendeleza.

Nawashukuru kwa kunisikiliza.

Mabere Marando,
Dar es Salaam

MAGAZETI YA LEO JUMAPILI 14.04.2013

2013-04-14T16:31:00.002+03:00

AudiofaceJackson

ALIYEFARIKI 2008 NA KUZIKWA AONEKANA JANA AKIWA HAI KATIKA MAZINGIRA TATA..SOMA RIPOTI KAMILI HAPA

2013-04-14T15:57:00.003+03:00

mwanamke anayedaiwa kufariki miaka mitano iliyopita

Kwa ufupi

Inadaiwa kwamba Flora Onesmo (45) alifariki Februari 28, 2008 katika Hospitali ya Wilaya ya Geita na kuzikwa katika Kijiji cha Nakasenya, Kata ya Butundwe, lakini juzi alfajiri alikutwa ameketi nje ya nyumba ya dada yake aitwaye Monica James, anayeishi Kasamwa.

Geita: Mji wa Geita na maeneo ya jirani juzi ulikumbwa na taharuki ya aina yake, pale mwanamke ambaye anadaiwa kwamba alifariki miaka mitano iliyopita alipoonekana akiwa hai katika eneo la Kasamwa.
Inadaiwa kwamba Flora Onesmo (45) alifariki Februari 28, 2008 katika Hospitali ya Wilaya ya Geita na kuzikwa katika Kijiji cha Nakasenya, Kata ya Butundwe, lakini juzi alfajiri alikutwa ameketi nje ya nyumba ya dada yake aitwaye Monica James, anayeishi Kasamwa.
Aliyekuwa wa kwanza kumwona Flora ni mdogo wake aitwaye Monica Onesmo ambaye baada ya kuamka saa 11:00 alfajiri nyumbani kwa dada yake, alimwona mwanamke aliyekuwa ameketi nje ya nyumba hiyo, lakini alimfananisha mwanamama huyo na marehemu dada yake.
“Baada ya kumwona nilimwita mtoto wake tunayekaa naye na nikampigia simu dada (Monica) ambaye alikuwa amelala chumba kingine nikamwambia kwamba nimeamka na kumkuta mwanamke amekaa hapa nje, lakini kila nikimwangalia anafanana na marehemu dada yetu,”alisema Jubili na kuongeza kwamba alipowaita wote walitoka nje.
Alisema mtoto wa Flora (marehemu anayedaiwa kufufuka) anaitwa Rebeka Elisha (16) na kwamba walimchukua tangu 2008 wakati mama yake huyo alipofariki dunia katika Hospitali ya Geita ambako alikuwa amelazwa kutokana na kusumbuliwa na ugonjwa wa ini.
Rebeka ambaye ni mtoto wa nne wa Flora alisema: “Mama mdogo alituita sisi tulikuwa tumelala akasema kwamba nje kuna mwanamke ambaye anafanana na marehemu mama yetu, ndipo na sisi tukatoka na kweli kumwangalia alikuwa ni yeye kabisa.”
Alisema walipomuhoji mama yake huyo kwamba ametokea wapi, aliwaeleza kuwa ametoka eneo la Katoro kwa mganga na aliletwa na watu ambao hakuwatambua Alhamisi saa 1:30 usiku ndani ya gari na watu hao walimshusha kwa mtu aitwaye Juma Luchunga ambaye ni jirani na dada zake hao.
Kauli ya Flora
Akizungumza na waandishi wa habari, Flora alisema yeye ni mkazi wa Katoro na kwamba alitokea Katoro nyumbani kwa mganga wa jadi ambaye hata hivyo hakumtaja kwa maelezo kwamba wataalamu wake (majini) wamemkataza.
“Nilikuwa naishi kwa mganga wa kienyeji ila alikuja mwanaume wakati nikiwa pale akaninywesha dawa kisha tukapakizwa kwenye gari na watu wawili ambao sikuwatambua, mmoja mwanamke na mwingine mwanaume mpaka hapa Kasamwa tukashushwa saa 1:00 jioni,”alisema Flora.
Alisema alipofika Kasamwa alikwenda kunywa uji kwa mama mmoja ambaye pia hakumtaja na kwamba baadaye alipelekwa nyumbani kwa mtu mwingine saa nne usiku, lakini watu wa nyumba hiyo walipomwona walimwambia: “Hapa si kwako twende tukupeleke kwa ndugu yako” na ndipo wakampeleka kwa dada yake ambako aliketi nje hadi alfajiri.
Flora alisema kabla ya kuishi kwa mganga alikuwa akiishi porini ambako alitupwa na watu asiowafahamu na baadaye aliokotwa na wasamaria wema ambao ndiyo walimpeleka kwa mganga ambako alikuwa akiishi muda wote.
Kuhusu ndugu, Flora alisema ana ndugu zake Sengerema na Geita kwamba Sengerema ndiko alikokuwa akiishi kabla ya kwenda porini.
Kadhalika mwanamke huyo anayedaiwa kufufuka alisema ana watoto watano, (idadi ambayo ni sawa na ile aliyoacha marehemu Flora), lakini alipoambiwa awataje alikuwa akichanganya majina.
Ndugu wapishana
Baba mzazi wa mwanamke huyo, James Tunge ambaye aliitwa baada ya kutokea tukio hilo alisema kuwa mwanaye alifariki, lakini anashangaa kuona leo anaonekana tena.
Hata hivyo, Tunge alisema alipomwona mwanamke huyo juzi asubuhi alikuwa akifanana kabisa na mwanaye Flora, lakini alipoondoka kwenda kufuata picha yake na kurejea alikuta amebadilika, kwani kovu alilokuwa nalo kabla ya kifo halikuwa likionekana.
“Kwa sasa naweza kusema huyu siyo ila asubuhi wakati namwona ni kweli alikuwa mwanangu marehemu, najua mwanangu alikuwa na kovu kubwa puani na shavu la kushoto, lakini sasa hivi anaonekana ana kovu moja la shavuni ila sehemu zingine za mwili wanafanana kabisa,”alisema Tunge.
Kwa upande wake Jubili alisema kuna kila dalili kwamba mwanamke huyo ni mdogo wake, kwani anavyojieleza maelezo yake yanafanana. Alisema anawatambua watoto wake na ndugu japo wakati mwingine ni kama anapoteza kumbukumbu na kubadilika badilika sura.
“Wakati tunamwona asubuhi alikuwa akifanana na dada yangu marehemu, kwani dada alikuwa na kovu kubwa puani na shavuni na kweli alikuwa nalo na baadaye tulipoendelea kumuhoji alianza kubadilika sura na mara kovu likawa halionekani tena, “alisema Jubili.
Kwa ujumla ndugu wa mwanamke huyo wanahusisha tukio hilo na ushirikina kwa kusema kwamba huenda ndugu yao alichukuliwa kwa njia za giza, lakini Mungu amemwezesha kurejea katika maisha ya kawaida.
Jubili alisema kifo cha Flora miaka mitano iliyopita kilikuwa cha mazingira ya kutatanisha, kwani aliugua ghafla baada ya kula viazi vitamu kwenye mji wa jirani na hapo kuanza kuvimba tumbo.
Kwa kuzingatia mazingira hayo, juzi Flora alipelekwa wilayani Sengerema kwa mganga wa jadi aliyejitambulisha kwa jina la Dk. Mkonogi Masendena .
Kabla ya kupelekwa Sengerema, suala hilo lilifikishwa polisi ambao baadaye waliruhusu Flora kuondoka na wanaodai kwamba ni ndugu yao na hata walipofika Sengerema walilazimika kwenda polisi kwanza.
Polisi mkoani Geita walithibitisha kutokea kwa tukio hilo na kwamba ndugu zake waliondoka naye.
Mwananchi

NAFASI MPYA ZA KAZI "WOLD VISION TANZANIA"......CHANGAMKIA ..MWISHO JUMATATU

2013-04-13T16:54:00.001+03:00

World Vision is urgently recruiting qualified Tanzanian citizens to fill the below positions:

1:Security Adviser

2:Senior Internal Auditor

3:Internal Auditor

4:External relations Manager

5: Sustainable Local Institutions Coordinator

6:Sr.Program Officer

For details on job descriptions and how to apply visit our blog at: WORLD VISION TANZANIA CAREERS

NOTE:World Vision Tanzania does not charge any fees or ask for any payment in any stage of recruitment.DO NOT accept any request of payment.We only use e-mail dresses with a domain name wvi.org and not any other e-mail domain names such as yahoo,hotmail etc.

BAADHI YA WABUNGE WAMEENDELEA KUJADILI KESI INAYOMKABILI WILFRED LWAKATARE LICHA YA KESI HIYO KUWA MAHAKAMANI

2013-04-13T13:23:00.001+03:00

Bila kujali kwamba kesi ya Ugaidi na kula njama ya kutenda kosa la jinai inayomkabili Mkuu wa Usalama wa Chama cha Demokrasia na Maendeleo (Chadema), WILFRED LWAKATARE na mwenzake LUDOVICK RWEZAURA kuwa mahakamani, baadhi ya Wabunge wameendelea kulijadili suala hilo na kubainisha mkakati huo ulivyopangwa.

MWIGULU NCHEMBA Mbunge wa Iramba Magharibi ndiye aliyefungua pazia la malumbano hayo akidai kujibu Hotuba ya Mkuu wa Kambi Rasmi ya Upinzani Bungeni inayomtaka akamatwe kwa ugaidi na kusema anao ushahidi wa kutosha na yuko tayari kwenda popote kuthibitisha jambo hilo.

Kambi ya Upinzani ikiwakilishwa na Mbunge wa Mbulu MUSTAPHA AKUNAI inaoneshwa kuchukizwa na kauli hiyo na kupelekea kuomba muongozo wa Spika ili hoja hiyo isijadiliwe Bungeni.

Hata hivyo kwa kutoridhishwa na kauli hiyo ya kiti cha Spika, Mbunge wa Singida Mashariki TUNDU LISSU anairudisha tena hoja hiyo iliyopo mahakamani kwa madai kwamba mkakati mzima umepangwa na Naibu Katibu Mkuu wa CCM Bara MWIGULU NCHEMBA.

Baadae Mbunge wa Viti Maalum ANNA ABDALAH nae akaingilia kati na kuomba muongozo hali inayompelekea Spika MAKINDA kuwataka wabunge kuachana na jambo hilo ili wajadili masula yanayowahusu wananchi kwa ujumla.

Mbali na hayo bunge limeendelea na majadiliano ya Makadirio na Matumizi ya Bajeti ya Ofisi ya Waziri Mkuu na Matumizi ya Bunge na kuahirishwa hadi Juni 15 saa tatu asubuhi mwaka huu.

source:http://michapo24.info/?p=1721

MAGAZETI YA LEO JUMAMOSI TEREHE 13/04/2013

2013-04-13T11:24:00.001+03:00

BUNGENI::MBUNGE AOMBA KUJENGWA CHUO CHA KUFUNDISHA WANAUME KUTONGOZA

2013-04-13T10:25:00.001+03:00

Ilikuwa ni kipindi cha maswali na majibu kwa Waziri Celine Kombani ambaye alieleza jinsi baadhi ya wanaume wanavyowachukua wanawake ombaomba au vichaa na kujamiiana nao na kisha wanawatekeleza wanapopata mimba.

Ndipo mmbunge mmoja wa viti maalum CCM alipoinuka kuuliza swali la nyongeza akisema, kwamba wanaume wanaowanyia hivyo hawa walemavu ni kwa sababu hawana uwezo wa kushawishi wanawake. Hivyo, kwa nini serikali isiunde na kujenga chuo cha kufundisha wanaume kushawishi mwanamke hadi ampate?

Celine Kombani alijibu serikali haiwezi kujenga chuo cha namna hiyo kwani suala la njia ya mwanaume kumtafuta na kumshawishi mwanamke amkubali ni suala binafsi.

credits:sangafesto.blogspot.com

Magazeti ya Leo Ijumaa 12.04.2013

2013-04-12T10:09:00.005+03:00