සූස්ති ගුනේ | Soosthi Gune

සිංහල බෞද්ධ විද්‍යාවක් බිහිකර ගත නොහැක්කේ ඇයි?

noreply@blogger.com (සූස්ති ගුණේ) — Sat, 05 Nov 2011 11:37:00 +0000

නලියා ඇතුළු ගෝලබාලයන්ද ලංකා චී නිව්ස් වැනි නොමිලේ විහිළු සපයන හාංචිපයිස් වෙබ් අඩවිද, දේශීය පොල්බූරුවන්ද සිංහල බෞද්ධ විද්‍යාවක් බිහිකරගැනීමට කරන තැටමිල්ලට මේ වන විට දශක දෙක තුනක් ගත වී තිබේ. ඒ තැටමීමේ ප්‍රතිඵලයක් ලෙස අවම වශයෙන් හීනි පඩයක තරම්වත් ප්‍රතිඵලයක් නොලැබීම ජාතියේ වාසනාවකි. හූනු බිජ්ජක් තරම්වත් මොලයක් තිබේ නම් සිංහල බෞද්ධ විද්‍යාවක් යන්න සැබෑ කරගත නොහැකි සිහිනයක් බව මේ වන විට අවබෝධ විය යුතුය.

නලියාගේ ප්‍රවාදයට අනුව අනුව සිංහල බෞද්ධයින්ගේ දැනුම වියුක්ත දැනුමක් නොවේ. බටහිරයන්ගේ දැනුම වියුක්ත දැනුමකි. නලියාට අනුව සිංහල බෞද්ධයෝ එක් එක් දේ වෙන්කර හදාරන පිරිසක් නොවේ. උදාහරණයක් ලෙස සමාධි පිළිමය ගන්නා නලියා ඇතුළු ගෝලබාලයෝ, එහි කලාවත්, තාක්ෂණයත්, ආගමත්, එකට ඇතැයි කියති. සිංහල බෞද්ධයෝ කන විට බත් සහ අනෙකුත් ව්‍යාංජන කන්නේ එකට අනාගෙනය. බටහිරයෝ මෙන් වෙන් වෙන් වශයෙන් ඇපටයිසර්, මේන් කෝර්ස්, සයිඩ් ඩිෂ් කියා එකක් නැත. සිංහල බෞද්ධයෝ ඇපටයිසර් එකට ගන්නේ ගෙදර ගෑනි යැයි යම් විජාතික බක පණ්ඩිතයෙක් අවලාද නගන්නට ඉඩ ඇති නමුත් බොහෝ සිංහල බෞද්ධ ගෙවල් වල මිනිහා ගෑනිට බයිට් වන බව රහසක් නොවේ. අනෙක් අතට අනාගැනීම සහ ඉල්ලං කෑම අතින් සිංහල බෞද්ධයෝ පෙරමුණේම සිටින බවත් අමුතුවෙන් කිව යුතු නැත.

බුදුහාමුදුරුවන්ගේ දර්ශනයට අනුව නම් දැනුම නිර්මාණය කිරීමම (සංස්කාර) මෝහය, අවිද්‍යාව නිසා සිදුවන්නකි. නාම රූප හටගන්නේම අවිද්‍යාව නිසාය. ඒ අනුව බෞද්ධ ආගම, දර්ශනය තුළ නව දැනුම නිර්මාණය කිරීමට ඉඩක් නැත. නිර්මාණය කල දැනුම මෙන්ම ආනයනය කරන ලද දැනුම දියුණු කිරීමටද අනුබලයක් නොලැබේ. බුදු වදනට අනුව කල යුත්තේ හැකි ඉක්මනින් සියලු ආකාර දැනුම නිර්මාණය කිරීමෙන් ගැලවීමයි. දැනුම නිර්මාණය, සංස්කරණය කරන්නේ මෝහය, අවිද්‍යා අන්ධකාරය නිසාය. වෙනත් වචන වලින් කියතොත් සසෙක්ස් වැනි බටහිර විශ්ව විද්‍යාල වලින් ආචාර්ය උපාධි ලැබුණත්, කෝවේ දමාවත් මකවන්නට බැරි උපන්ගෙයි තකතීරු, මරිමෝඩ කම නිසාය. එසේ බලන විට ලෞකික ලෝකයට ඇඳ බැඳ තබන නව නිපැයුම්, සොයාගැනීම් ආදිය මෝහයත් තණ්හාවත් නිසා කරන විකාරම පමණි. මෙවැනි පසුබිමක් තුළ සිංහල බෞද්ධ විද්‍යාවක් නිර්මාණය කිරීම යනු අමුම අමු ගොං ප්‍රවාදයක් පමණක් නොව අංක එකේ විසංවාදයක් ද වෙයි.

සිංහල බෞද්ධ විද්‍යාවක් නිර්මාණය කිරීම පසෙක තබා මේ විසංවාදයෙන්, පරස්පර විරෝධී මඩ ගොහොරුවෙන් නලියා ඇතුළු ගෝලබාලයන් එළියට එන අන්දම අපි සාවධානව බලා සිටිමු.

ගුරුත්වාකර්ෂණය, පොල් මල, පොල් ගෙඩි සහ පොල් බුරුවෝ

noreply@blogger.com (සූස්ති ගුණේ) — Mon, 11 Jul 2011 14:58:00 +0000

නලින් ද සිල්වා ශ්‍රීමතාණන් නිතර පට්ට ගසන කියමනක් මා අසා තිබේ. ඒ නිව්ටන් ගේ ගුරුත්වාකර්ෂණ ප්‍රවාදය පිළිබඳව දෙසා වධාරද්දීය. ඇපල් ගෙඩියක් ඔළුවට වැටී ගුරුත්වාකර්ෂණ ප්‍රවාදය ගොඩ නැගූ නිව්ටන් සම්බන්ධයෙන් කියන මේ කියමන ඉතාම රසවත්, මා වැනි බජාර් එකේ නෝන්ඩි පොරකගේ වුවද අනුමස්තිෂ්කයේ නිම් වළලු පුළුල් කරන එකකි. කළය නමින් වන වෙබ් අඩවියක් අටවා ඇති බැවින් මේ කියමන අවශ්‍ය අයෙකුට පහසුවෙන් සොයා ගත හැක. කළය වැනි දේශීය වතුර රඳවන භාජනයක් නමින් තම වෙබ් අඩවිය නම් කිරීමම එතුමාගේත් එතුමා වටා සිටින අනෙකුත් බුද්ධිමතුන්ගේත් බහුශ්‍රැත භාවය මොනවට පෙන්වයි. "පිරුණු කළේ දිය නොසැලේ" යනුවන් අපේ පැරැන්නෝ කීවේ මෙවැනි කළ ගැන විය යුතුය. නලින්ද සිල්වා ශ්‍රීමතාණන්ගේ ආදර්ශය අනුව යමින් කොත්තුව වැනි සංකර වෙබ් අඩවි වලට එරෙහිව ඉදිරියේදී "වංගෙඩිය, මෝල්ගහ, කුල්ල, ගුරුලේත්තුව" ආදී දේශීය නම් වලින් වෙබ් අඩවි බිහිවූවොත් එය පුදුමයට කරුණක් නොවේ.

නලින් විද්වතාගේ "දැනුම සංස්කෘතියට, රටකට සහ එක් එක් පුද්ගලයාට සාපේක්ෂවේ" යන ප්‍රවාදයට අනුව ගුරුත්වාකර්ෂණ නියමය නිව්ටන් සොයාගන්නේ ඇපල් ගෙඩියක් ඔළුවට වැටුණ නිසාය. සිංහල බෞද්ධ සංස්කෘතිය තුළ ගුරුත්වාකර්ෂණ නියමයකට ඉඩක් තිබිය නොහැක. පොල්, කොස්, සහ දූරියන් වැනි මාරාන්තික ගෙඩි නිසා වසර දෙදහස් හයසීයක කාලයක් තුළ අපේ ජාතියට අහිමිවූ "ලෝකල්" නිව්ටන්ලා ගණන මෙතෙකැයි කිව හැක්කේ නාථ දෙවියන්ට පමණි. වැලිආතා, ගස්ලබු, හෝ කජු පුහුලම් මේ ප්‍රවාදයට නොගැලපෙන්නේයයි, යම් විජාතික බක-පණ්ඩිතයෙක් සමහරවිට ප්‍රකාශ කරන්නට ඉඩ තිබේ. නලින්ද සිල්වා ඇතුළු ගෝල බාලයන් එවැනි බක-පණ්ඩිත ප්‍රකාශ අවඥාවෙන් යුතුව බැහැර කරනු ඇත. පොල්, කොස් තබා පැණි කොමඩු වැලක් යටින් වුවද සිංහල බෞද්ධයන් යන්නේ නම් ගල් තොප්පියක් දමා ආරක්ෂාව සපයා ගතයුත්තේ මේ ප්‍රවාදයේ ප්‍රායෝගික වටිනාකම නිසාය.

නලින්ද සිල්වා ශ්‍රීමතාණන් මේ සංස්කෘතික සාපේක්ෂතාවය හුවා දැක්වීම සඳහා පොල්මල, පොල්ගෙඩි, හනස්ස, පොල්මුල, කුරුම්බා, පොල්තෙල්, පොල්පැණි, ආදී දහසකුත් එකක් උදාහරණ ගනිමින් වර්ණවත් ලෙස පහදන්නේ බටහිරයන්ගේ සංකල්ප තුළ මේ එකක්වත් නැති බවයි. වෙනෙකක් තබා "ඇට්ටි හැලෙන්න දෙන්නට" පුළුවන් සිංහලයන්ට පමණෙකැයි එතුමා පෙන්වන්නේ ආඩම්බරයෙනි. මීට ව්‍යතිරේකයක් ලෙස පෙන්විය හැක්කේ අනුකාරක විජාතිකයෙක් වන සංගක්කාර කවුඩ්‍රි දේශනයේදී ඇට්ටි හැලෙන්නට දීමයි. ඇට්ටි පමණක් නොව පොරිද හැලෙන්නට දුන්නු බව කාටත් දැන්නම් පැහැදිලිය.

එතුමාට මගහැරුණු තවත් එවැනිම අර්ථවත් උදාහරණ කීපයක් මා මෙසේ සටහන් කරන්නේ එතුමා අවතක්සේරු කිරීමට නොවේ. නිකම්ම "පොල්" යන වදනද අපේ වහරේ පමණක් එන වැදගත් සංකල්පයකි. නලින්ද සිල්වා නොබොන පොල් එතුමාගේ ගෝල බාලයන් හොරෙන් බොන බව රටට රහසක් නොවේ. උන් ඒවා බී, කොන්ටම් ගැනද, නාථ දෙවියන් ගැනද, ආසනික් ගැනද තව තවත් ප්‍රවාද නිපදවති.

පොල් බූරුවා යන්නද අද්‍යතන ලාංකීය සමාජයට සමීපතම යෙදුමකි. පොල් බූරුවා යනු පොල් කන බූරුවෙක් හැඳින්වීමට යොදන්නක් නොවන බව නොතේරෙන්නේ පොල් බූරුවෙකුටම පමණි. මෙහිදී පොල් යන්න යෙදෙන්නේ "බූරුකමේ" විශාලත්වය හුවා දැක්වීම සඳහාය. පොල්ගස තරම් විශාල "බූරුකමක්" ඇති බව මින් හැඟවේ. පොල් බූරුවන් නිසා රටට ජාතියට සිදුවී ඇති හානිය සුළුපටු නොවේ. පොල්බූරුවන් ගණයට වැටෙන්නන් අතර ඉතා ඉහළ "බූරුකමක්" ඇති මහාචාර්යවරු, දොස්තරු, පශ්චාත් උපාධි අපේක්ෂකයෝ සහ විශ්ව විද්‍යාල සිසුන්ද සිටිති. භාවනා කර දෙවියන් හා සංවාද කරන පොල්බූරු දෙන්නුද සිටිති. උන්ගේ පොල් බූරු ප්‍රවාද නිසා කන්නට තියෙන බත් ඇටේටත් කෙලවී, පොහොර සහනාධාරයටත් කෙලවී තිබේ. උන්, නොදන්නා ජීව විද්‍යාවත්, ජාණත්, ඩොලී ගැනත් පොල්බූරු කතා කියා හත්පොලේ ගාගනිති.

නමුත් සැබෑ ප්‍රශ්නය නම් මේ පොල් බූරුවන්ට ඇහුම්කන්දෙන, උන් ඔසවා තබන, උන් කියන කියන පොල් බූරු කතන්දර (ප්‍රවාද) හෙවිල්ලක් බැල්ලිලක් නැතිව පිළිගන්නා එවුන් හැඳින්වීමට යොදාගත හැකි වචනයක් නැති කමයි. පොල් බූරුවන් මෙතරම් සිටින රටක මේ සඳහා ගැලපෙන වචනයක් නොමැතිකම මහත් ලැජ්ජාවකි. අනිත් අතට නලින් ද සිල්වා වැනි විද්වතුන් සිටින රටක ඒ සඳහා වචනයක් නිපදවා ගැනීම මහ කජ්ජක් නොවේ. මේ සඳහා ඔබටත් දායක විය හැකියි. ඔබේ නිර්මාණාත්මක වචනය, යෙදුම මෙහි කමෙන්ට තීරුවේ සටහන් කරන්නේ නම් ජාතික අඩුවක් පුරවන්නට දායක වූවා යයි අනාගතයේ යම් දිනෙක ඔබටත් සතුටු විය හැකියි.

ලැජ්ජා නැතිකම ජනාධිපති කමටත් වඩා...

noreply@blogger.com (සූස්ති ගුණේ) — Sun, 12 Jun 2011 23:12:00 +0000

,ලැජ්ජා නැතිකම ජනාධිපති කමටත් වඩා...

මාරයා සෑර් අලුතින් පටන් ගත්ත වැඩේට මගෙනුත් තල්ලුවක් විදියටයි මේ පෝස්ට් එක. මාරයා සෑර් දූෂණ වංචා වෙනෝ කියා අනෙක් අය දැනුවත් කර විවෙචනයට එහා යමක් කරන්නට ගත් පියවරේ පළමු පෝස්ට් එක නම් මාරම මාරය. කියවූ බොහෝ දෙනෙක් Naomi Campbell ගේ "කැට්වෝක්" එක දැක කොරවී ගිය දෙහිවල සූ එකේ කොටියා මෙන් අංජබජල්-මනිකුංජල් වී ගිය බව රහසක් නොවේ. මාරයා සෑර් ඔය කියන මාද්-දිය සාකච්ඡාව, මිහිඳුවා ගැලරියට රඟ දැක්වූ නාටකයක් බව කියන්නේ රටක් ජාතියක් නැති අවජාතකයන් සුලු පිරිසකි. ඊට විසිල් නොගසන, අත්පොළසන් නොදෙන එකෙක් වෙත්නම් ඒ දේශද්‍රෝහියෙකි. දැන් ඉතින් රජ රට වකුගඩු පුරස්නෙටත් තිත තබා තිබේ! අද හෙටම මහාරාජා එකේ එවුන් හිරේ දමා මහාරාජා සමාගමත් රජයට පවරාගනු ඇත.
රජරට වකුගඩු රෝගයෙන් මල රෝගීන්ගේ වකුගඩු වල හෝ ශරීර පටක වල ආසනික් තිබුණ බව දේශීය විද්‍යාත්මක පර්යේෂණ පත්‍රිකා (- බලි, තොවිල්, අංජනං,යන්තර , මන්තර හදි හූනියං, ජ්‍යෝතිෂ යනාදී දේශීය ක්‍රම ඇසුරෙන් කරන ලද පර්යේෂණ )දහස් ගණනකින් තහවුරු වී තිබෙන නිසා තවත් සැක සාංකා ඇතිකර ගත යුතු නොවේ. කල යුත්තේ ආවර්තිතා වගුවෙන්ද ආසනික් තහනම් කිරීමය.

ඉහත පින්තූර වලින්ද පෙන්නුම් කරන්නේ තවත් එවැනිම වූ සද්කාර්යකි. නොබෙල් සාම තෑග්ග වැනි එකක් ලැබිය යුතු, ලෝකයේම ජනප්‍රසාදයට පත් වියයුතු, පහන් සංවේග උපදවා ගත යුතු අති දුර්ලභ අවස්ථාවකි.
මේ පින්තූරයට දාන්නට හොඳ හෙඩිමක් ලෙස "දුක් සැප කුමන්දා -අසන නිරිඳෝ වෙන කොයින්දා" යන්න ද උචිතය. එහෙත් වෙඩිතබා මැරූ හිරිමල් වියේ සොයුරාගෙන් එහෙම අහලා වැඩක් නැති නිසාදෝ, ඒ සොයුරාගේ ඥාතීන් ගෙන්වා මේ පොරොන්දු වන්නේ මියගිය එකා නැවත ගෙනැවිත් දෙන්නට විය යුතුය.

නලියා ගැන තවත් කතා 2.

noreply@blogger.com (සූස්ති ගුණේ) — Thu, 09 Jun 2011 10:30:00 +0000

මේ කියන මාධ්‍යවෙදියා අද නම් ලංකාවේ ප්‍රධාන මාධ්‍යජාලයක ඉහල නිලයක් උසුලයි.

ඊට පෙර මේ මාධ්‍යවේදියා ලංකාවේ එකම විද්‍යා සඟරාවේ වැඩ කල බවත් අසා ඇත්තෙමු. එහි ඉතා ජනප්‍රිය කොලමක් රසවත් ආකාරයෙන් ඉදිරිපත් කල බවත් ඉදිනෙදා විද්‍යා දැනුම නව ආකරයකින් ඉදිරිපත් කරන අතරතුර හීන් දේශපාලන ටොකුද ඇන්න බවත් මෙහි සඳහන් කල යුතුය. ගෝඨා-බය රාජපස්ස විශිෂ්ටතම රාජ්‍ය නිලධාරියා යැයි කියන ජෝකර්ලාද සිටින සමයක මේ මාධ්‍යවේදියා නම් ප්‍රශස්ති ගායනා, වන්දිබට්ඨකම් නොකල බවද සඳහන් කල යුතුමය.

මේ ඒ මාද්‍යවේදියා ඉස්කෝලෙ යන කාලයේ සිදුවූවකි. යන්නේ රෝ-ඇලටය. කොල්ලා කාලයේ සිටම නලියා ගැන අතිමහත් භක්තියෙන් පසුවන්නේය. හෙතෙම රෝ-ඇලේ විද්‍යා සංගමයේ සභාපතිවරයා ලෙස පත් වූ අලුතය. පත්වීමෙන් පසු රෝ-ඇල් විද්‍යා දිනයේ පළමු දේශනයට නලියාට ආරධනා කළේ ආඩම්බරයෙනි. නලියාද රෝ ඇලේ ආදි ශිෂ්‍යයෙකි. එකල මහාචාර්ය පට්ටම තිබුණේද නැත. අද මෙන්ම එදාද නලියාගේ ජාතික චින්තන බයිලා වලට කන් දුන්නෝද අතලොස්සකි.

විද්‍යා දිනයට රෝ-ඇලේ සුප්‍රසිද්ධ ශ්‍රවනාගාරයට ආ නලියා මහත් හරසරින් පිළිගත් (වෙන්ට මාධ්‍යවේදී ) සභාපතිතුමා එහි මුල් පෙළ අසුනක් පිළිගන්වා වාඩිකරවීය. රෝ-ඇල් කොල්ලන්ගෙන් ශාලාව අතුරු සිදුරු නැතිව පිරී ගොසිනි. නලියා මඳකට අන්ද මන්ද විය. මූලාසනයේ අසුනක් නලියාට නැත! මූලාසනයේ රෝ-ඇල් විදුහල්පති වරයාද, හරිත චස්වත්තේ නම් තවත් දේශපාලන පසුබිමක් ඇති ආදි ශිෂ්‍යයෙක්ද, අනුශාසක ගුරුවරයාද වෙයි. එහෙත් නලියාට මූලාසනය අහිමිය. ඒ මදිවාට නලියා රෝ-ඇලේ ඉන්නා කාලයේ සිදුවූ බහින්බස් වීමකින් පසු හරිත චස්වත්තේ නලියාගේ ජම්මන්ත සතුරෙකි. ඒ මූලාසනයේ සිටින සතුරා පහළ ඉන්නා තමා දෙස බලමින් සිනාවෙනු නලියාට පෙනේ. නලියා දත්කූරු කමින් වෙන්ට-මාධ්‍යවේදි-විද්‍යා සංගම් සභාපතිවරයා දෙසද රවා බලමින් තම කතාව එනතුරු ඇඟිලි ගනිමින් සිටියේය. නලියා අනුමාන කල අයුරින්ම සියලු කතාවලින් පසු නලියාට අවස්ථාව ලැබුණේය. දෙඤ්ඤං බැටේ න්‍යායෙන් නලියා කතාව ඇරඹුවේය.

"ඔව් මමත් මේ ඉස්කෝලෙ ආදි ශිෂ්‍යයෙක්, මට මතකයි මමත් මෙන්න මේ විදියටම නිල් කලිසම, මේ විදියටම සුදු දිග කලිසම ඇඳල ඇඳල මේ ඉස්කොලෙට ඇවිල්ල ඉගෙන ගත්ත. ඒත් කනගාටුවෙණ් වුණත් කියන්ඩ ඕනේ, මේ ඉස්කොලෙන් බිහිකරපු තරමක් බිහිකළේ අනුකාරකයෝ. මේක ලංකාවේ අංක එකේ විජාතික අනුකරාකයෝ බිහිකරන පාසල. ඒ වගේම මේ ඉස්කෝලෙ තැනක් ලැබෙන්නේත් තැනක් තියෙන්නෙත් විජාතික චින්තනයට, අනුකාරකයන්ට මිසක් ජාතිකත්වයට, නෙවෙයි.."

රෝ-ඇලේ විදුහල්පතිවරයා තුෂ්ණිම්භූතව බලා සිටී. සංගමයේ අනුශාසක ගුරුවරයා නොසන්සුන් මුහුණින් යුතුව ඉදිරිපෙළ සිටින සභාපතිවරයා ඇතුළු අනෙකුත් සිසු-නිල මඩුල්ලට ඔරවයි. සිසුන් අතරද මද නොසන්සුන්තාවයකි. අතරින් පතර ඔලොක්කු සිනාවන්ද ඇසේ.

නලියා දිගටම කතාව කරගෙන යයි. කොන්ටම් පැත්තට කතාව හරවා නිව්ටෝනීය භෞතිකයටත්, බටහිර විද්‍යාවටත් නෙළු හෙතෙම, ජාතික චින්තනය පැත්තට කතාව හරවා තවත් වැළමිටි පහරවල් දෙක තුනක් රෝ-ඇලට නෙලමින් තම කතාව අවසන් කළේය.

රැස්වීම අවසන්වන්නටත් මත්තෙන් විද්‍යා සංගම් සභාපති-වෙන්ට මාධ්‍යවේදී සිසුවාට ලැබුණු නියෝගයකින් කියවුණේ වහාම විදුහල්පතිතුමා හමුවන ලෙසය.

නියෝගය අනුව විදුහල්පති කාර්යාලයට ගිය වෙන්ට-මාධ්‍යවේදී සිසුවාට දකිනට ලැබුණේ මුහුණ රතු කරගගෙන, රවාගෙන සිටින විදුහල්පතිවරයා, අංශ භාර ගුරුවරයා සහ අනුශාසක ගුරුවරයාය.

පසුදා උදෑසනම අපේ කතානායක සිසුවා රෝ-ඇලේ විද්‍යා සංගමයේ සභාපති ධුරයෙන් වහාම ක්‍රියාත්මක වන පරිදි ඉල්ලා අස්වූයේය.

මෙහි එන සියලු චරිත සහ සිද්ධීන් සම්පූර්ණයෙන්ම මනඃකල්පිතය

පරිගණක අපරාධ වලක්වන්නට හැදු රාජ්‍ය ආයතනයකින් "හැකිං"

noreply@blogger.com (සූස්ති ගුණේ) — Mon, 02 May 2011 10:32:00 +0000

පරිගණක අපරාධකරුවන් විමර්ෂණයට පිහිටුවා ඇති " ශ්‍රී ලංකා පරිගණක හදිසි ප්‍රතිචාර ඒකකය" Sri Lanka Emergency Response Team (SLERT) නැමති රාජ්‍ය ආයතනය පරිගණක අපරාධ වලට හවුල් වෙමින් ආණ්ඩුවට විරුද්ධ පුද්ගලයන්ගේ විද්‍යුත් ලිපින හැක් කරන බව ලංකා ඊ නිව්ස් වාර්තා කරයි. මේ ඒකකය පිහිටා ඇත්තේ බණ්ඩාරණායක සම්මන්ත්‍රණ ශාලා පරිශ්‍රයේය. ජාත්‍යන්තර නීතිය යටතේත්, ශ්‍රී ලංකා නීතිය යටතේත් මෙය බරපතල අපරාධ ගණයට ගැනේ. මේ ඒකකය විද්‍යා හා තාක්ෂණ අමාත්‍යංශයට අයත් වුවත් ඔවුන් වග කියන්නේ ආරක්ෂක අමාත්‍යාංශයට බව වාර්තාවේ.

උන්ට තිත තබන්නට සෙට් වෙන්නේ කවදාද

noreply@blogger.com (සූස්ති ගුණේ) — Fri, 29 Apr 2011 22:11:00 +0000

ලංකා ඊ නිව්ස් අඩවියට ද තිත තබා තිබේ. ඉදිරියේදී තව තව බොහෝ දේට තිත තබනු ඇත්තේය. "උන්ගේ" නොවන මතයට, "උන්ගේ" නොවන පත්තරයට , වෙබ් අඩවියට පමණක් නොව "උන්" සමඟ නොවන සිනාවට ද තිත තැබෙමින් ඇත්තේය. ආඩම්බරකාර තාත්තා ප්‍රමුක නෑසියන්ට, ගෝල බාලයන්ට ගෝචර නොවන සියල්ලට තිත තබන්නට උන් සැදී පැහැදී සිටිති. උන්ට තිත තබන්නට සෙට් වෙන්නේ කවදාද??

Video from slcolombo2

සයිබ ත්‍රස්තවාදය පිටුපස චීන බුද්ධි අංශ, හමුදාව සහ TRC???

noreply@blogger.com (සූස්ති ගුනේ) — Sun, 13 Mar 2011 18:18:00 +0000

අන්තර්ජාල-වාරණය පිලිබඳ චෝදනා හේතුවෙන් ලෝක සෙවුම් යන්ත්‍ර යෝධයෙක් වන ගූගල් සමඟ යුද්ධයක පැටලුන චීන විශේෂඥයින්ගේ අනුග්‍රහය, ශ්‍රී ලංකාවට "අහිතකර" අඩවි අවහිර කිරීම සඳහා ලැබෙන බව පසුගිය පෙබරවාරියේදී පලමු වරට ප්‍රවෘත්ති අඩවි කිහිපයක් වාර්තා කරනු ලැබීය. චීන හමුදා-බුද්ධි අංශයට අනුයුක්ත තොරතුරු සන්නිවේදනයේ විශේෂඥයින් මේ කාර්ය්‍යය සඳහා අවශ්‍ය සම්පත් සහ උපක්‍රමික ක්‍රමවේද අධ්‍යනයට පැමිනෙන බවද කියැවුනේය.

ශ්‍රී ලංකා විදුලි සංදේශ නියාමන කොමිෂන් සභාව (TRC), වෙබ් අඩවි තමන් සමඟ රෙජිස්තර කිරීමේ නව නීති රීති හඳුන්වාදීමට යන බවක්ද කියවුනේය. මේ අනුව නීති සම්පාදනය වූ පසු නව අයි. පී ඇඩ්‍රස් ලබාදෙන්නේ මෙම සභාවෙන් ලු. දැනටමත් ඇඩ්‍රස් ඇති එවුන්ගේ ඇඩ්‍රස් නැති කිරීමට මොන කොමිෂන් සභාව සම්බන්දද නැද්ද, කුමන බුද්ධි අංශ හවුල්ද නැද්ද යන්න දන්නේ දෙවියන් පමණි. කොමිෂමේ අධ්‍යක්ෂක වරයා මෙම චෝදනා ප්‍රතික්ෂේප කරමින් කියා සිටියේ අන්තර්ජාල ලිපි සහ පණිවුඩ නිරීක්ෂණය කිරීමට විද්‍යුත් ආවේක්ෂන (Electronic Surveillance) කටයුතු සඳහා චීන ඉංජිනේරුවන් යොදාගෙන නැති බවයි. එහෙත් අන්තර් ජාල අන්තර්ගතය නිරීක්ෂනය කිරීමට හා පාලනය කිරීමට ක්‍රමවේදයක් තිබිය යුතු බවත් "සමාජයට ප්‍රශ්නයක්" වන ආගමික, දේශපාලනික හෝ ලිංගික අඩවි "විමසුමට" ලක්විය යුතු බවත් පිලිගත් බව කියැවිනි.

ආණ්ඩුව විවේචනය කරමින් මැතිවරණ දූෂන පිලිබඳ ට්විටර් සහ ෆේස්බුක් පණිවුඩ ලියු පුද්ගලයන් පසු පස කොමිෂම ලුහු බැඳ ගියබව අධ්‍යක්ෂකවරයා ප්‍රතික්ෂේප කරද්දී, ජාතික ආරක්ෂාව සඳහාවූ මාධ්‍යය ඒකකයේ අධ්‍යක්ෂකවරයා ආණ්ඩුව විවේචනය කරමින් එස්.එම්.එස් පණිවුඩ යැවූ කිහිපදෙනෙක්ම පොලිස් අත් අඩංගුවේ සිටින බවත් පරීක්ෂණ අවසන් වූ පසු නීති ප්‍රකාරව කටයුතු කරන බව පිලිගත් බවත් වාර්තා වූයේත් මෑතකදීය.

Link 1
Link 2
Link 3
Link 4

අති පූජ්‍ය අපරැක්කේ පු_ රැක්කේය. රට දැය සමයද රැක්කේය.

noreply@blogger.com (සූස්ති ගුනේ) — Thu, 10 Mar 2011 09:09:00 +0000

මන්ත්‍රී හාංදුරු ධුරන්දර අති පූජ්‍ය අපරැක්කේ කුඩා සාමනේර හිමිවරුන් රාසියකගේ හිරි ඔතප් බිඳ ලිංගික අපහරණය කල බව කියැවෙන පුවතක් අසන්නට ලැබේ. ධර්ම රාජ්‍යයකට රට ගෙන යන්නට කැපවී ක්‍රියා කල හෙල උරුමයේ හිටපු මන්ත්‍රී ධුරන්දර අපරැක්කේ යම් අවැඩක් කල බවක් අපි නම් විශ්වාස නොකරමු. මේ ත්‍රිපිටකය, බුද්ධ වචනය අතැඹුලක් සේ දන්නා සද්ධර්මයෙන් මත්වූ හිමිපානන් සෘද්ධි ප්‍රාතිහාර්ය වැනි උසස් මානසික තලයක් ලබා ගැනීම සඳහා කරන ලද යාතුකර්මයක් වැනි යමක් විය යුතුය මේ ලිංගික අපහරණය කියා සිංහල බෞද්ධ විරෝධීන් විසින් හදුන්වන්නේ. ලිංගික අපහරණයට ලක්වූ කුඩා සාමනේර හිමිවරු පස් නමකගෙන් කට උත්තර ගෙන ඇති අතර, අති පූජ්‍ය අපරැක්කේ චෝදනා පිලිගැනීමන් පසුව රුපියල් ලක්ෂයක ශරීර ඇප මත මුදා හැර තිබේ. බුදු බනේ මේ ලිංගික අපයෝජනය වැනි වැඩ තහනම් කර නැති බව අපිට නම් සීයට දෙසීයක් ෂුවර්ය. ඇප දී නිදහස් කිරීමම අපි ධර්ම රාජ්‍යයට කොපමන ලංව සිටින්නේද යන්න කියන නිර්ණායකයකි. අති පූජ්‍ය අපරැක්කේ රට දැය සමය පමණක් නොව කුඩා සාමනේර හිමිවරුන්ගේ ශරීරාංගද තමන්ගේ මෙන් රැකගත් උතුමෙක් බව සාසන ලැදි අපිට නම් අරුමයක් නොවේ. "පිරිත් කැටි කර" සාන්ද්‍ර කර බෙදන මෙවන් උතුම් බුද්ධ පුත්‍රයන් නිසාම බුදු සසුන තවත් අවුරුදු විසිපන්දහසක් වත් නොතිබුනෝතින් තමා අරුමය!
සිංහල බෞද්ධයන්ට එරෙහි වන නිසා "බ්ලොග් ඉවත් කරන" මහතැන්ලාට මේ සම්බන්දයෙන්ද මැදිහත් විය හැකිය. අති පූජ්‍ය අපරැක්කේ වැනි නිර්මල බුද්ධ පුත්‍රයන් ගැන රටට හඬ ගා කියන අතරම එතුමන් වැනි උතුමන් පිදීම සඳහා "මොහොමඩ් නාශක" සම්මානය වැන්නකින් පුදා ගෞරව කල හැක. පිදිය යුත්තන් පිදීම මංගල කරුනක් බව අප මතක් කල යුතු නොවේ.

මේ අව්වස්සේම, ජොර ජොර ගා කඳුලු වගුරුවන ගං කබරයින් බෞද්ධ හිමිවරු ~~සාතනය~~ ඝාතනය කරල යැයි දෙස් දෙවොල් තබමින් කොමිෂොන් පිට කොමිෂොන් ඉල්ලනු පෙනේ. ඇත්ත වශයෙන්ම අපේ සිහල උරුමයේ මන්ත්‍රී හාංදුරු වරු ඉන්නා කාලෙක, අපේ ඩයිනමෝ ඇමති වැනි හෙල උරුම ලොක්කන් පොරවී සිටින සමයක ආංඩුව අපහසුතාවට පත්කල යුතු නැත. සෝම ගේ මරණය විකුණා පාර්ලිමේන්තු ගිය හෙල උරුමයේ මන්ත්‍රී හාංදුරු ඒ පිලිබඳව නිහඩව තම පරීක්ෂන කරගෙන යන බව අපට නම් ෂුවර්ය. අමතක වූ සාසන ලැදි බෞද්ධ සැමට මතක් කරන්නේ මේ රෝහණ ජන රංජන සම්මානයෙන් පිදුම් ලැබු මහින්ද මහ රජාගේ ආණ්ඩුව සහ හෙල උරුම මන්ත්‍රී හාංදුරුවරුන්ගේ ආන්ඩුවක් විනා ඌ.එම්.පී ආණ්ඩුවක් නොවන බවය. ඒ නිසා ඉවසීමෙන් සැනසීම ලැබේ යයි සිතා කටපියා ගැනීම කාගේත් ශරීර සෞඛ්‍යට හිතකරය.

වාරණයට එරෙහිව- ටැබූ සබ්ජෙක්ට්ස් බ්ලොග් අඩවිය

noreply@blogger.com (සූස්ති ගුනේ) — Mon, 07 Mar 2011 19:02:00 +0000

උපුටා ගැනීමකි.

සියල්ලන් වෙත දැනුම් දීමයි.

ටැබූ සබ්ජෙක්ට්ස් බ්ලොග් අඩවිය සේම ඒ සඳහා භාවිතා කරන ඊ-මේල් ගිණුමද ඊයේ රාත්‍රියේ හැකර් ප්‍රහාරයකට ගොදුරුව ඇති බව සැක කරමු. දැන් මේ දෙකටම ප්‍රවේශ වීමේ හැකියාව අපට අහිමිය. ඒ හැරුණු විට ටැබූ සබ්ජෙක්ට්ස් බ්ලොග් අඩවියේ සියළු සටහන් කමෙන්ටුද සමඟ මකා දමා ඇත.

මේ තුච්ඡ, නින්දිත, පාහර ක්‍රියාව පසුපස හිඳිනා සංවිධානාත්මක කල්ලිය හඳුනා ගැනීමේ අපහසුවක් බුද්ධිමත් බ්ලොග් රචකයින්ට හා පාඨකයින්ට වෙතැයි අපි නොසිතමු. මන්ද ඔවුන්ගේ පෙර ක්‍රියා කලාප රහසක් නොවන නිසාය. මීට අමතරව අපේ කිසිම සහභාගිත්වයකින් තොරව කණිෂ්ක ඩිල්ෂාන් නැමැති පුද්ගලයා Beyond Frame ගේ අඩවියෙහි සොරා ගත් අනන්‍යතාවයක් මාර්ගයෙන් ව්‍යාජ සංවාදයක් මවා පාමින් මේ තුච්ඡ ක්‍රියාවට සැක කටයුත්තන් හඳුනා ගැනීම අපට පහසු කොට ඇත. (ටැබූගේ අනන්‍යතාවයෙන් එම බ්ලොග් අඩවියේ කමෙන්ට් කිරීම මහ කජ්ජක් නොවේ. එය මින් පෙර කර ඇතිවා සේම පසුද කෙරෙණු ඇත. අවශ්‍ය නම හා ඊ-මේල් ලිපිනය නිවැරදිව සටහන් කිරීම පමණෙකි. අවශ්‍ය නම් මෙය ඕනෑම කෙනෙකුට තමන්ම කර පරීක්ෂා කර බැලිය හැකිය.)

කෙනකු බ්ලොග් අඩවියක් කරන්නේ දැඩි ශ්‍රමයක් හා කාලයක් කැප කරෙමිනි. ඒ ගැන කිසිම තැකීමක් නොකොට ඒ විනාශ කර දැමීමට තරම් පහත් තැනකෙට බ්ලොග් අවකාශයේ සිංහල වර්ගවාදීන් පත්ව ඇත. ටැබූ සබ්ජෙක්ට්ස් බ්ලොග් අඩවිය ඔවුන්ගේ වියරු වර්ගවාදී කුණු වූ සිත් වලට ලොකු තර්ජනයක් වූ බව පමණි මෙයින් පෙනෙන්නේ.

වසර දෙකකට ආසන්න කාලයක් තිස්සේ ටැබූ සබ්ජෙක්ට්ස් බ්ලොග් අඩවිය ඉතාම ජනප්‍රිය බ්ලොග් අඩවියක් වූ අතර එය මේ වර්ගවාදීන්ට දරා ගැනීමට නොහැකි වූ වේදනාවක් වී ඇති බව පෙනේ. මෙම හැක් කිරීම කණිෂ්ක ඩිල්ෂාන් නැමැති පුද්ගලයා විසින් තනිව කළ දෙයක් සේ අපි නොසිතමු. ඊට සංවිධානය වූ මේ වර්ගවාදී කල්ලියේ අනුග්‍රහය හා ආශිර්වාදය ලැබී ඇති බව පැහැදිළිය. දැන් අදාළ නැති කරුණු ගෙන හැර දක්වමින් තමන් කළ තුච්ඡ ක්‍රියාව වසා ගැනීමේ අසාර්ථක උත්සාහයක මේ පිරිස යෙදී සිටිති.

දැනට මෙපමණයි. වැඩි විස්තර පසුව දැනුම් දෙමු. මේ අසීරු අවස්ථාවේ අප සමඟ රැඳී සිටින මෙන් සියළු පාඨකයින්ගෙන් ඉල්ලා සිටිමු.

ටැබූ සබ්ජෙක්ට්ස් බ්ලොග් අඩවිය පිණිස භාවිතා කළ swimfanlk@gmail.com ලිපිනයට ලිපි යොමු නොකරන මෙන් සහෘද බ්ලොග් රචකයින්ගෙන් හා පාඨකයින්ගෙන් ඉල්ලා සිටිමු.

- Taboo

Taboosubjects.wordpress.com is no longer available. The authors have deleted this blog.

noreply@blogger.com (සූස්ති ගුනේ) — Mon, 07 Mar 2011 01:13:00 +0000

Taboosubjects.wordpress.com is no longer available.
The authors have deleted this blog.

නලියා ගැන තවත් කතා 1.

noreply@blogger.com (සූස්ති ගුනේ) — Thu, 03 Mar 2011 18:23:00 +0000

නලියා මුංතුල්ල තක්සලාවේ කොන්ටම් උගන්වමින් සිටින අවදියයි. කොන්ටම් කීවාට මුංතුල්ලේ කොන්ටම් නැති නිසා චින්තනයත් ගණිතයත් උගන්වමින් බටහිර විද්‍යාවට අම්ම මූ නැතිව බනිමින් පොරවෙන්නට දඟලන කාලයයි. අනුකාරක චින්තනයෙන් අත්මිදෙන ආකාරය කියා දෙමින් මෙසේ හුදී ජනයාට යහමග පෙන්වමින් කාලය ගත කරන අතරේ තම පුත්‍රයින් දෙදෙනාම නොම්බර එකේ අනුකාරක පාසල වන රෝ-ඇල් කොලීජියට යවන්නේය. මුංතුල්ලේ සිට රෝ-ඇලට පයින් යන දුරය, තාප්පෙන්ද පැන යා හැක.

සාමන්‍ය ජන ජීවිතය ගැන මෙලෝ තැකීමක් නැති, කිසිම අංගපුලාවකට නැති කොටි ත්‍රස්තවාදීන් හිටිවනම රෝ-ඇල අසලම එවකට පිහිටා තිබූ "ඒකා-ආබද්ද හමුදා මූලස්ථානය"ට මරාගෙන මැරෙන ප්‍රහාරයක් එල්ල කලහ. මුලු තුම්මුල්ලම දෙදරුම් කවමින් පුපුරන ද්‍රව්‍ය පිරවූ ලොරියක් ඒකා-ආබද්දේ ගේට්ටු කඩාගෙන ඇතුල්වී පුපුරා ගියේය.

නලියා වහා මුංතුල්ලෙ විවෘත ආපන ශාලව ඉදිරිපසට විත් බෙල්ල දික්කර බැලුවේය. හාපෝයි!, රෝ-ඇල දිහාවෙන් කලු දුං ගුලියක් නගිනු පෙනේ! තර්ස්ටන් පාරේ තදබදය මැද්දේ සයිරන් හඬ නංවමින් ගිලන් රත එක පේලියට ඇදී යයි. නලියාට පුත්තු දෙන්නා සිහිවිය. අඩියට දෙකට රෝ-ඇල දෙසට දුවන්නට විය.

පැයක් පමණ අනෙකුත් දෙමව්පියන් සමඟ පොරකා තම පුතුන් දෙදෙනා සොයාගත් නලියා උන් දෙන්නා අතින් අල්ලගෙන තර්ස්ටන් පාර දිගේ ගෑටුවේ තුන් හිතින්ම ප්‍රබාකරන්ගේ අම්මලා තාත්තලා, සීයලා ආච්චිලාට නොසෑහෙන්න සාප කරමිනි.

තර්ස්ටන් පාරේ තක්සලා ගේට්ටුවෙන් අතුල්වනවාත් සමඟම නලියාට මුන ගැසුනේ තුන්වන වසර ගනිතය විශේෂවේදී උපාදිය හදාරන සිසුන් තිදෙනෙකි.

"බලනව අයිසේ! අරහෙ කොටි ගහල. මං ගිහිල්ල මේ පොඩි උන් දෙන්න හොයාගත්තේ. තව පොඩ්ඩෙන් මොනවයින් මොනව වෙයිද දන්නේ නෑ" නලියා තම දුක කීවේය.

සිසුන් අතර සිටි චින්තන විරෝධියෙක් " ඉතිං සෑර් ලමයි දෙන්න රෝ-ඇල් එකෙන් අස්කොරල පනිනපිටියේ ධර්මපාලෙට යැව්වනං කිසි කරදරයක් නෑනේ" කීවේ ඔලොක්කු සිනාවකින් මුව සරසාගෙනය.

නලියාට කට උත්තර නැත! අත මිට මොලවා සිසුන් තිදෙනාට රැවූ නලියා "මේ ලමයි දෙන්න ඉන්න නිසා මම කියන්නේ නැහැ!" කියමින් අඩියට දෙකට මාරුවුයේ අනුකාරක චින්තනය නිසා මොටවී ඇති සරසවි සිසු-මොල වලට සාපකරමිනි.

මෙහි එන සියලු චරිත සහ සිද්ධීන් සම්පූර්ණයෙන්ම මනඃකල්පිතය.

තොපි මාවත් අන්දන්නද?

noreply@blogger.com (සූස්ති ගුනේ) — Sat, 29 Jan 2011 07:55:00 +0000

ඒ ජෙප්පන් අවි ගෙන සිටි භීෂන සමයයි. ජෙප්පන්ට එරෙහිව රජයේ නිල-නොනිල හමුදා අඳුරු සෙවනැලි අස්සේ දඩයම් කල අවදියයි. පේරාදෙණිය සරසවිය ජෙප්පන්ගේ බලකොටුවක්ව තිබූ කාලයයි.චම්පක ජෙප්පන් සමඟ මතවාදීමය කරුනු උඩ ගැටී විරසකවූ කාලයයි. දේශප්‍රේමයේ නාමයෙන් මව්බිම සුරකින වීරයා මම්ම නොවේදැයි සිතමින් පසුවූ කාලයයි. අක්බාර් එකේ ප්ලේන්ටි බොමින් රතන හා එක්ව ජෙප්පන්ට එරෙහිව මව්බිම සුරැකීමේ ව්‍යාපාරය ක්‍රියාවට නැංවීම සඳහා පිඹුරුපත් සකසන අවදියයි.

ජෙප්පන්ට එරෙහිව පලමු පෝස්ටර් වෙඩිමුරය පත්තු කරන්නට අවශ්‍ය පිරිස් බලය මඳ කමින් නියව නියවා සිටින චම්පකයාට වැඩිකල් වේලි වේලි ඉන්නට සිදුවුනේ නැත. "තෙල බෙදීමේ"ද, වාග් චාතුර්‍යෙහිද දස්කම් විස්කම් නිසාම පලමු වසර කොලු ගැටයෙක් අක්බාර් එකෙන්ම "බා" ගන්නට හැකි විය.

අක්බාර් එකේ ඇල් ප්ලේන්ටිය බොමින් චම්පකයා අලුත් කොලුගැටයා හා රහස් සංවාදයකට මුල පිරුවේය.

"මල්ලි අපි අලුත් සංවිධානයක් හදන්නයි යන්නේ ජෙප්පොන්ට විරුද්ධව. මල්ලි මේකෙ උප සභාපති කරන්න තමයි කට්ටිය හිතං ඉන්නේ." කොලු ගැටයා මුරුංගා ගසේ කරටියට යාන්තම් පහලින් ස්තාන ගත කරන්නට චම්පක වග බලාගනී.
කොලුගැටයා විශ්මයෙන් අසා සිටී. මොහොතකට කලින් ඉන්දියානු භූ-දේශපාලනික උපක්‍රම සහ චීනය ඊට ප්‍රතික්‍රියා දක්වන ආකාරය ගැන පුළුල් දේශනයක් දී තම ගෞරවය දිනාගත් චම්පක "අයියා" කියන්නේ මට වඩා සුදුසු එකෙක් මේ මුලු මහත් කැම්පස් තලයේම නැති බවද?

"කවුද කට්ටිය කිව්වේ?"

"කට්ටිය කිව්වේ අනිත් පැකල්ටිවල ඉන්න අපිට සපෝට් අය, කොච්චර නං ඉන්නවද ඒවල.!"

"අරූ, රතනය ඇරෙන්න එකෙක්වත් මට තාම හම්බෙලා නැහැනේ" කොලුගැටයා තම අවංක අදහස තෙපලයි.

"ඒකම තමයි මල්ලි අපි මේ මව්බිම සුරැකීමේ ව්‍යාපාරය ගැන කට්ටිය දැනුවත් කරන්න ඕනේ, තාම කට්ටිය මම මේකෙ සභාපති කියලවත් දන්නේ නෑනේ.. මේ පෝස්ටර් පාර හරියට ගියොත් ..හහ් ඔන්න බලන්ඩකෝ."

" එහෙනං වැඩේ කරමු අයියේ. මම රෙඩි. රතනය පාප්ප වැඩේ කරල දෙන්නං කිව්ව කියන පරක්කුවෙන්."

"රයිට්, රයිට් එහෙනං අඟහරුවාදට එලිවෙන්න, මම එනව පෝස්ටර් ටික ඇඳන් ගලහ හන්දියට."

-------------------------------------------------

"කෝ මල්ලි එකට නේ එනව කිව්වේ? මම මෙතන මර රෑ වාත වෙනවනේ?"

කොලුගැටයා පාප්ප බාල්දිය බිමින් තබා හති අරියි.." හාපෝ.... මේ රතනය දීපු පාප්පේ මහ ගඳයි, ගිය සතියේ හැදුව එකක් ලු" කොලුගැටයා නැවත් හති අරී.
"ඉතින් මේ බකට් එකට දාගන්න කවුරුත් සප් එකක් දුන්නේ නෑ. ඔක්කොම නහයවල් වහං දුවනව. පාප්ප ගාන්න බුරුසුවක් හෙව්ව හෙව්ව හම්බුනේ නැහැ, අන්තිමට රතනය පන්සලේ කොස්ස දෙකට කඩල දුන්න..බලාගෙන ගියාම ඒකත් නියමයි වැඩේට."

"හරි, හරි. මල්ලි ගාන්න මම අලවන්නං" චම්පක වට පිට බලමින් කියයි. "ඉක්මනට වැඩේ ඉවරයක් කරමු, කියන්න බෑනේ , උඩුගම්පොලයගේ එවුන් ගජරාමෙට කොල්ලො උස්සනවලු"

"අයියේ අර කොලඹ මෙඩ්ඩ, වෙනුර, ඌවත් උස්සලලු"

චම්පකයාගේ හිත ගැස්සී යයි.

" අර වයිශිකේ හිටපු මෑන්ස් නේද?"

"වයිශිකේ කිව්වේ??" කොලුගැටයාගෙන් නැවතත් ප්‍රශ්නයක්.

"වෛද්‍ය ශිෂ්‍ය කමිටුව,..මල්ලි ඔය කොන් හොඳට ඇලවෙන්න උඩිනුත් පාප්ප පාරක් දෙන්න"

ඈතින් වාහනයක් එන හඬක් ඇසේ. ජීප් එකක් බව ඉවෙන් මෙන් කොලු ගැටයා හඳුනා ගනී.

"අයියේ ජීප් එකක් වගේ ..මොකද කරන්නේ.."

"මල්ලි හැංගෙන්න ඕන්නෑ, ඔහොම්ම ඉමු, මේ පෝස්ටර් ජෙපි-විරෝදී නේ,බය වෙන්ඩ දෙයක් නෑ"

ජීප් රතය මහ හඬින් තිරිංග තද කරමින් නවතියි. ඉන් එලියට බහින්නේ තරු දෙකේ පොලිස් නිලධාරියෙකි. තුවක්කු අතින් ගත් සිවිල් ඇඳුමෙන් සැරසුනු පිරිසක් චම්පකයාත් කොලු ගැටයාත් වටකර ගනිති.

පොලිස් නිලධාරියා තම අතවු මිලි මීටර් නවයේ පිස්තෝලය ලෙලවමින් පැමින " ආ කෝ බලන්න මොනවද මේ පෝස්ටර්.. හ්ම්ම්ම්.. මව්බිම සුරැකීමේ ව්‍යාපාරය.. ඒ මොකද්ද ඒ?. යකෝ තොපේ කටේ පිට්ටුද? මොකද්ද මේ සංවිදානේ? කවුද මේකෙ නායකයෝ?

කොලු ගැටයා පොලිස් නිලධාරියාගේ ගෝරනාඩුවෙන් තැති ගනී. බයටම චම්පකයාට ලංවෙද්දී පාප්ප බාල්දිය තුලට කකුල දමන්නේ නොදැනුවත්වමය.

"ෂික් විතරක් මුංගේ පාප්ප නිකං බලු ගූ වගේ" අවි ගත් එකෙක් පිලිකුලෙන් චම්පකයාට ඔරවයි.

"කවුද මේකෙ නායකයා" පොලිස් නිලධාරියා පිස්තෝලය කොලුගැටයාගේ හිසට තබා ගොරවයි.

"මෙයා සබාපති, මං උපසබාපති"

"මෙයා චබාපති, මං හුකචබාපති, ඈ ?" කට ඇදකර කොලුවා කියූවම පුනරුච්චාරනය කල නිලධාරියා " එතකොට තොපේ ලේකම් පංසලේ හාමුදුරුවොද?" යි අසන්නේ නැගී එන කේන්තිය මැදය.

චම්පකයාගෙ වැලමිටි පහර නිසා කොලුවා "ඔව්" කියන්නට ගිය වචන ගිල ගනියි.

"නෑ ඇත්තටම මෙයා සබාපති, මං උපසබාපති" කොලුවා බැගැපත්ව කියද්දී චම්පකයා හිස් අහස දෙස බලා සිටී.

"අනේ බොල හු** ගේ පුතාල තොපි මාවත් අන්දන්නද? මොන සංවිදානෙද යකෝ සබාපතියි උප සබාපතියි පෝස්ටර් ගැහැව්වේ???" නිලධාරියා පිස්තෝල මිටෙන් චම්පකයාගේ බඩට අනී. අවි ගත් එව්වෝද නිලදාරියා අනුව යමින් තුවක්කු මිටි වලින් චම්පකයාටත් කොලුගැටයාටත් හොඳ හැටි සංග්‍රහ කරති.

"දාපල්ල ඕකුන් දෙන්නව ජීප් එකට." නිලධාරියා කේන්තියෙන් අණදෙයි.

නහයෙන් කටින් ලේ පෙරාගෙන වැටී සිටින චම්පකයාත් කොලුගැටයාත් ජීප් රිය තුලට විසිවෙයි.

සිද්ධිය සැලවී විශ්ව විද්‍යාල ආචර්යවරයෙකු සමඟ චම්පකයා බේරගන්නට පොලීසි එන රතනයා දකින්නේ හොඳටම පහර කා සිහිසුන්ව පොලිස් කූඩුවේ වැටී සිටින සගයින් දෙදෙනාය.

"සංවිධානයේ නායකයින් කවුද" යන ප්‍රශ්නය නැවත නැවතත් රැ තිස්සේ ඇසී ඇති බවත්, ඊට පිලිතුරු ලෙස කොලු ගැටයා එකම උත්තරය දී ඇති බවත් රතනයා ඇතුලු සරසවි ප්‍රජාව දැනගන්නේ ඊට සතියකට පසු රෝහලේදී චම්පකයාට සිහි එලැඹි විටදීය.

මෙහි එන සියලු චරිත සහ සිද්ධීන් සම්පූර්ණයෙන්ම මනඃකල්පිතය. යාන්තමින් හෝ සැබෑ ලෝකයේ අතීත සිදුවීමක් නිරුපණය කැරෙන බව හැඟේ නම් එය කතෘ ගේ දක්ෂතාවය බව පමණක්ම නිසා වූවක් ලෙස සැලකිය යුතු.

කවුද යකෝ තොට නම දැම්මේ?

noreply@blogger.com (සූස්ති ගුනේ) — Tue, 18 Jan 2011 22:57:00 +0000

මේ ටැබූ ගේ මෑතක පෝස්ට් එකක් කියවීම නිසා හිරවු සූස්ති දුමාරය මැද සිහිවු කතාවකි.

ඔහු උගතෙකි, හෙලයේ අරුත් බර වදන් මවන් දෙවියාය. ජාතියටම නම් දාන්නේ ඔහුය.
කැනඩාවේ වෙසෙන ඔහුට දුරින් නෑයෙක් වන කාන්තාවක් එකම දරුවා සමඟ ලංකාවට සැපත් විය. කොලුවා කටකාරය, වැඩිහිටන්ට ගරු සරු දැක්වීම වැනි හෙල ගති නැත. කැඩිච්ච සිංහලෙන් දොඩවයි. මහ හෙලයාට මල පැන්න නමුත් හෙල සිරිත්-විරිත් නිසා මුවින් නොබැන ඉවසා වදාලේය.

"ග්‍රැන්පා ග්‍රෑන්පා" කියමින් චාරයක් නිනව්වක් නැතිව එහෙ-මෙහෙ දුවන කොලුවා වරෙක මහ හෙලයාට හැදූ තේ එක බී හෙලයා කුපිත කලේය. තවත් වරෙක නිවසේ මහ හෙලයාගේ හාන්සි පුටුව බදු ගත්තාසේ පුකත් උඩ දමාගෙන දිගෑදී මහ හෙලයා නොදැක්කාසේ සිටියේය. මහ හෙලයාට මූව කන්න කෙන්තිය. නමුත් මූලග්ගින්න වැඩිවන තුරුත් ඉවසා සිටියේ නෑකම නිසාය.

දිනක් මහ හෙලයා හාන්සි පුටුවේ සිටියදී දුටුවේ "ඉංග්‍රිස්" සින්දුවක් මුමුනමින් ඒ අසලින් පැන පැන යන කොලුවාය. කොලුවා දුටු මහ හෙලයාට හදිසියේම මතක් වුයේ ජාතියටම නම් දමන තමාට මේ වසවර්තියාට නමක් දාන්නට නොලැබුනු බවය. දුරින් නෑ වන ගැහැනියද මු වගේම බක-පණ්ඩිත අම්මන්ඩියෙක් බව හෙලයාට මතක් විය.

"ඒයි කොල්ලෝ මෙහෙ වරෙං!" හෙලයා හඬ අවදි කලේයෙ.

"වෝට් ??" කොලුවා නුරුස්නා බැල්මකින් පිලිතුරු දුන්නේ කිසිදු ගරු සරුවක් නැතිවය.

"මෙහෙ එනවා"

කොලුවා මහ හෙලයාට කිට්ටු විය.

"මොකද්ද ඔයයිගෙ නම ?" හෙලයා විමසන්නට විය.
කොලුවා පිලිතුරක් නැතිව බලා සිටී.

"නම,නම.. නේම් ??"

"මයි නේම්? ...ඉරෝශන්"

හෙලයාට අම්බානකට තද විය."ඉරෝශන් ??"

"යා, ඉරෝශන්"

" ඇයි යකෝ, ඔයිට හොඳයිනෙ තොට හෝදපාලුවා කියල දැම්මනං" මහ හෙලයා කිවේ දවස් ගනණක කේන්තිය පිටකරන ගමන්ය.

"මාම්, වොට් ඉස් ෂොදාපාල්වා ?" ඈතින් ඇසෙන කොලුවා සහ මව අතර සංවාදය රස විඳිමින් හෙලයා හාන්සිපුටුවේ වාඩි වූයේ දින ගණනකින් නොවිඳි තෘප්තියකිනි.

චීනාට ලැබුනු ප්‍රවේශ පත්‍රය

noreply@blogger.com (සූස්ති ගුනේ) — Sat, 14 Aug 2010 03:39:00 +0000

සමහර රටවල රාජ්‍ය තාන්ත්‍රික විදේශ සේවය ගරු ගාම්භීර වැදගත් රස්සාවකි. සමහර සිරි ලාංකීය තානාපති කාර්යාල වල ඉන්නා ඉන්ගිරිසිත් බැරි මීහරක් මෙන් නොව, ඒ ඒ රටේ බාසාව දන්නා එකෙක් හිරිමල් වයසේදීම පුරුදු කිරීම මේ රටවල සිරිතය. සමහර විට එකෙක් නොව දෙන්නෙක්ම පුරුදු කරති. උන්ගෙන් එකෙක් එරට එම්බසියේ ස්ථානගත කරන අතරම අනෙකා විදේශ සේවයේ "අහවල් රට පිලිබඳ එක්ස්පර්ට්" ලෙස වැඩකරයි. චීනය මේ අතින් ඉදිරියෙන්ම සිටින රටකි. ඕනෑම රටක නායකයෙක් චීනයට සැපත් වන්නේ නම් ගුවන් තොටුපලේදී ඔහුගේ මවු භාෂාවෙන් ඇමතිය හැකි නිලධාරියෙක් උන්ගේ විදේශ සේවයේ සිටිති.

මේ එක්දහස් නවසිය හැත්තෑ ගනන් වල සිදුවුනා යැයි කියන සිදුවීමකි. ඒ කාලයේ දැන් මෙන් නොව රටේ ප්‍රවාහනය රජයේ ලං.ග.ම ඒකාධිකාරයක්ව පැවති යුගයකි. කතාවේ එන චීන රාජ්‍ය තාන්ත්‍රිකයා නාඹර කොලු ගැටයෙකි. චීන විදේශ සේවයේ නියමයෙන් මේකාට විද්‍යෝදය විස්ස විජ්ජාලයේ අවුරුදු තුනක සිංහල හැදෑරීමට නියම කෙරුනි. ඇස්වාට්ටුව පැත්තේ තනි කාමරයක නැවතී මේකා ටැක්සියකින් විස්ස විජ්ජාලයට එයි. අටෝරාසියක් දුක් විඳිමින් සිංහල භාෂාව ප්‍රගුනකරයි. චීනා ප්‍රියමනාපය. එබැවින් වැඩිකල් නොයා ලාංකීය කොල්ලන් කිහිපදෙනෙකු හා මිත්‍රත්වයක් ගොඩ නගා ගත්තේය. කොල්ලන් හා එක්වී චීනා බස්රථ වල යයි. ටිකට් ගන්නේ උගේ අලුත් මිතුරන්ය. චීනා ඒ සඳහා මුදල් ගෙවන නමුත් සිංහල බැරි නිසා බස් කොන්දොස්තර හා කතා බහට අකැමැතිය. දැන් ටැක්සියේ යන්නේ තනිවම යන ගමනකදී පමණි.

කාලයත් සමඟ චීනා බැරි මරගාතේ සිංහල හසුරුවන්නට ඉගෙනගත් නමුත් උගේ වැඩි කැමැත්ත පැරැණි සිංහලයටය. කථිකාචාර්‍ය වරුන් කිහිපදෙනෙක්ම මේ පිලිබඳව අවවාද කලත් චීනාගේ එදිනෙදා ජීවිතයේ කතා බහ පැරණි සිංහලයෙන්මය. ඊට හරිහමන් හේතුවක් නොවූවත් තමන් සමඟ සිංහල ඉගෙන ගන්නා "ලෝකල්" සගයන් මේ සිංහලය ට යම් ගරුසරුවක් බියක් දැක්වීම නිසා එයම ප්‍රගුණ කරම්හයි සිතුවා විය යුතුය. කිහිප අවස්තාවකදීම බැචියන් ඉදිරියේ මේ පැරණි සිංහලෙන් සම්භාෂණයට ගිය චීනාට, උන් විශ්මයට පත් කිරීමට හැකිවීම නිසා උපන් ආඩම්බරයද හේතුවක් වූවාට සැක නැත. සමහර විටෙක "රාජ්‍ය තාන්ත්‍රික" පුහුණුව නිසා පැරණි සිංහලය වඩාත් ආචාර ශීලි වීමේ ලක්ෂනයක් යැයි සිතුවා වන්නටද පුලුවන.

ඒ කෙසේ වෙතත් දිනක් චීනා තනිවම විජේරාම හන්දියට පියමැන්නේ ඇස්වාට්ටුවට යන බසයක් අල්ලා ගැනීමටය. දේශීය මිතුරු කැල යම් හේතුවක් නිසා ඌට මග හැරිනි. එදින තමන්ටම බස් ටිකට් පත ගැනීමේ කර්තව්‍යය කරගන්නට වන බව සිහි වුනු චීනා, වඩ වඩාත් ආචාරශීලී වීමට ඉටා ගත්තේය.

138 බස් රථයේ සිටි ටිකට් කඩන කොන්දොස්තර වෙත චීනා ලංවූයේ මුහුණ පුරා මවාගත් සිනාවකිනි. කොන්දොස්තර තොමෝ අඩියක් පස්සට ගත්තේ "මේකා මොකාට එනවාදැයි" සිතමිනි.

"මහත්තය කොහාටද ?" කොන්දොස්තර තෙමේ ටිකට් කඩන මැෂිම කරකවන්නට සුදානමින් ඇසුවේය.

චීනා දිගු හුස්මක් ගෙන උගුර පාදා හඬ අවදි කලේය.

" එම්බා බස් පලුව !!! මට අක්ෂිසායනාගාරයට ප්‍රවේශපත්‍රයක් දෙව !!!"

කොන්දොස්තර තෙමේ අන්ද මන්ද වී ගියේය. චීනෙක් සුද්ද සිංහලෙන් මොනවාදෝ දොඩවයි. එක්කෝ මූ පිස්සෙක් විය යුතුය. නැතිනම් කැම්පස් කොල්ලන්ගේ සංවිධානාත්මක විලම්බීතයක් විය යුතුය. "බස් පලුව.." මෙවැනි අපහාසයක් අවුරුදු 18 ක සේවා කාලය තුල කවරදාවත් සිදුවී නැත. කොන්දොස්තර තෙමේගේ ඉවසීමේ සීමාව පැන්නේය.

"හෑ!!.. මොකක්. බස් පලුව ??! මේ ඕයි! මේක බස්පලුවක් නෙවෙයි. හොඳට බලනව! මේක සම්පූර්න බස් එකක්! "

චීනා එයින් සැලුනේ නැත. කොන්දොස්තර මහතාට තමන් කියූ දේ තේරී නැත. තේරුනා නම් තරහ ගන්නට හේතුවක් නැත. බසයේ රියැදුරුද මගීන්ද තමන් දෙස හැරී බලනු පෙනේ. සමහර විට රියදුරාට තේරුම් ගියහොත්!

"තට නොතේරෙන්නේ නම් කැණියාගෙන් අසව!!!" චීනා වහා කීවේ රියදුරා දෙස බලමිනි.

කොන්දොස්තරට මාරයා ආවේශ විය.

" මොකක්ද කිව්වේ??. කැ_යා!? යකෝ මෙච්චර මිනිස්සු ඉන්න බස් එකේ කුනුහබ්බ කියන්න,.. හිටු තොට !" ටිකට් කඩන මැෂිම පසෙකට දැමූ කොන්දොස්තර තෙමේ ඉදිරියට පැන චීනාගේ කණ හරහා එල්ල කල අතුල් පහරින් ඒකා බිම ඉන්දවිය.

චීනා සහ සිරි ලංකා ජනතාව අතර පලමු රාජ්‍ය තාන්ත්‍රික ගනුදෙනුව එසේ නිමවිය.

වෂී ගුලිය

noreply@blogger.com (සූස්ති ගුනේ) — Tue, 03 Aug 2010 23:38:00 +0000

"අප්පච්චි අප්පච්චි! අන්න අර කොල්ල එනව."
"මොන කොල්ලද බොල?" පොඩි එකීගේ කලබලය යම් කරදරයක පෙරනිමිත්තක් සේ ගුරුන්නාන්සෙට හැඟේ.

"අර කැම්පස් කොල්ලා අප්පච්චී.!"
"මොකාද බොල මට නිනවු නැති හැටි හැබෑට?"

"අර කටුබැද්දෙ ඉඳල එනවා කිව්වේ. අර වෂීයක් කරගන්න සල්ලි දුන්නේ"

"හුටා!!" ගුරුන්නාන්සේ අඩියට දෙකට කාමරය ඇතුලට පැනගත්තේය. වෂී ගුරුකමක් කර ගැන්මට ආ තරුණ ගැටයෙකුගෙන් රුපියල් පහලොස්දාහක් කඩා ගත්තේ මීට සති දෙක තුනකට උඩදී බව ගුරුන්නාන්සේ පසක් විය.

" කොහොමද යකෝ මේක මට අමතක වුනේ??" ගුරාට තම මතකය ගැන මහා කලකිරීමක් ඇති විය. මාස තුනක් පමණ අතේ පිච්චියක් නැතිව වේලි වේලි සිටියදී පෑදුනු මේ "පිනට" පින්සිදුවන්නට සියලු නය තුරුස් සුද්දෙක් මෙන් ගෙවා දැමූ අයුරු මතක් වන විට තාමත් සිතට හීනි ආඩම්බරයක් මතුව එයි.

"අප්පච්චි ගෙදර නෑ කියන්නද??"

" ම්.ම්..නෑ ඇවිත් ඉඳගන්න කියහන්. මම මොකක් හරි ගැටයක් ගහන්නං"

මොහොතක් යන්නට පෙර ගැටයාගේ මෝටර් සයිකලය ගේ ඉදිරිපස නවත්වන හඬද පොඩි එකී හා කෙරෙන ඇල්මැරුනු සංවාදයද ගුරාගේ දෙසවනින් ඇතුල්වුව ගුරාගේ ඔලුවේ වැඩ කලේ මේ මරාලයෙන් ගැලවෙන මගකි.

"යකෝ පුදුම රස්නයක්නෙ" ගුරාට සිතිනි. සුමානයකින් හමාරකින් ඇඟට වතුර දෙකක් දමාගැන්මට නොහැකිවූ බව මතක් වුයේ සර්වාංගයෙන්ද පාන්කඩ වූ සරමෙන්ද නගින හඩු ගඳ නිසාවෙනි.

"කොහොම හරි බොරුවක් කියල තව කල් ගත්තනං.." ගුරා වම් අතේ මවිල් අතර වූ දාඩිය මිශ්‍ර කුනු දකුනතින් රෝල් කලේ යම් උප්පරවැට්ටි අදහසක්, ගල් පැලෙන බොරුවක් ඔලුවට එන තෙක් කල්මරමිනි. දහඩිය නිසා එකට ඇලෙන සම්-කුනු ගුලිය මදටිය ඇටයක් තරම් වන්නට වැඩි වෙලා නොගියේය. හදිසියේම ගුරාට ගණ දෙවි නුවණ පහල විය. දකුනතේත් පපුවේත් දහඩිය-කුනු ගුලි එකතු කරමින් කුනු ගුලිය රටකජු ඇටයක ප්‍රමාණයට වර්ධනය කල ගුරා ඉන් නොනැවතී කිහිලි වලද, සරම උස්සා ඉකිලි වලද කුනු එකතු කරමින් එය මිදි ගෙඩියක් පමනට ගෙන ආවේය. දැන් ඉතින් තවත් හැංගිමුත්තං කෙලීමේ තේරුමක් නැත.

"ආ! මේ මහත්තය නේ ..මං ඒත් කල්පනා කරා වැඩේ ඉවර වෙලත් තාම පරක්කු ඇයි කියල."

ගැටයා ලැජ්ජාවෙන් ඇඹරෙයි. "නෑ මේ දවස්වල මේ විභාග..ඒකයි."

"මහත්තයා වැඩිය කතා ඕන්නෑ, මේන්න මේ කොලේ ඇතුලෙ තියෙනවා පන්ලක්ෂහතලිස්දාස් වාරයක් ජීවම් කොරාපු වෂී ගුලිය. දැන් කොරන්න තියෙන්නෙ මහත්තයගෙ හිසකේ පොඩ්ඩක් මේකට එකතු කරල ගෑනු ලමයට කවෝන එකයි."

"එච්චරයි?" ගැටයා අසන්නේ විශ්මයෙනි.

" ඔව් වොව් වොව්,..හැබැයි ඔක්කෝම ටික ඇඟට ඇතුල් වෙන්ට ඕනෑ ප්‍රතිපල ලැබෙන්න නං."

ගැටයා ගුලිය මහත් භක්තියෙන් අතට ගෙන ප්‍රවේශමෙන් තම මල්ලේ තැන්පත් කරයි.

"මේක තියාගන්නකෝ" ගැටයා රුපියල් පන්දහසක් ගුරා අත තබයි.

" නෑ ඕනැන්නෑ මහත්තයෝ" ගුරා එය සාක්කුවෙ දමාගන්නා ගමන් කියන්නේ බයාදු හඬිනි."

"එහෙනම් මං ගියා. වැඩේ කෙරුනොත් ඉතුරු හරිය..ආ!"
ගැටයා දඩුමොනරයේ නැගී නොපෙනී යයි.
--------------------------------------------------

"යකෝ ආන්න අර කොලුගැටය, ඊයෙත් උඹව හොයං ගෙදර ආවයි කියන්නේ" සියදෝරිසා කියන්නේ හරියට බලා සිටියාක් මෙනි.

"බං, මම ගෙදර හිටියා. එලියට නාවට" ගුරා ඔලොක්කු සිනාවකින් මුව සරසා ගනියි.

"මේ බලහං, ඕකුන් කැම්පස් කොල්ලෝ. ඕකුන් රවට්ටන්න ගිහිල්ල අපි හැමෝටම සම්බුව හම්බෙයිද මන්දා..ඌ යනිං ගමන් මාගරට්ලගෙ කඩෙන් අහල තියෙනවලු උඹ ගැන..ලොකු හදිස්සියකින් ඉන්න පාටයි පෙනිල තියෙන්නේ"

"කාට කාටත් කියහල්ල මං නිදන් හාරන වැඩකට ගිහින් එන්නෙ කවද්ද කියල කියන්න බැහැයි කියල..අපෙ කෙලිටත් ඔය කතාව කියන්න කියල තියෙන්නෙ..පාරක් දෙකක් ඇවිල්ල ඕකටම ඇති වෙලා නවතියි" ගුරුන්නාන්සේ කියන්නේ සිත තුල නැගී එන බිය මුසු දෙගිඩියාව මැඩගනිමිනි.
-----------------------------------------------

පීටර්ගේ "බොකුදිරාස්" වීදුරු දෙක තම සිත තුල හොල්මන් කරන අභූත සිතුවිලි සියල්ල අමතක කරවන බවක් ගුරාට හැඟෙයි.

"කැම්පස් වුනා නැතා..කොල්ලෝ කොල්ලොමයි..ඕවා කරල හැදෙනව මිසක් මිනීමරන්නෑ නෙව"

"ආ ..ගුරුන්නාන්සේ...අයියෝ මම කොච්චර දවස් ආවද හම්බෙන්න."
ගුරාට උතුර දකුන නිනව්වක් නැත. මේකා මතු වූයේ කොහෙන්ද? ගැටයා මග රැක සිටියාවත්ද?..

"අ..ආ ම.මම මේ නිදන් වැඩකට.."

"ඔව් මට කිව්ව" ගැටයාගේ හඬේ ඇත්තේ මිතුරු නාදයකි. මොන විගඩමක් වෙන්නට යන්නේදෝයි ගුරාට සිතා ගත නොහැක.

"මෙන්න ගුරුන්නාන්සේ ඉතුරු විසිදාහ..මේක දෙන්න මම කීපාරක් ආවද..ගනන්කරල බලන්න."

"හෑ??..මහත්තය හැබෑට මොකෝ වුනේ"

"වැඩේ හරි, ලමය කැමැත්ත දුන්න" ගැටයා පවසන්නේ රටක් රාජ්ජයක් දිනූවෙක් ලෙසිනි.

"..අර ගුලිය..ඔක්කොම.?"

" ඔව් ඔව් ඔක්කොම ටික ගිල්ලෙව්ව අයිස් ක්‍රීම් එකකට දාල"

ගුරුන්නාන්සේට මහා පිලිකුලක් දැනෙයි. පීටර් ගේ "සුදු ෆැන්ටා" බුලියේ දියවී සිටි ගැරඬියා දුටු දිනයේවත් මෙතරම් පිලිකුලක් ගුරාට දැනී නැත. ඔක්කාරයට එන්නාක් මෙනි.

"එහෙනං මං ගියා."

"හොඳමයි මහත්තයෝ..තව යාලුවෝ හෙම ඉන්නවනං එක්කං එන්ඩකෝ." ගුරා කියන්නේ බෙල්ලේ සිට කන දක්වාවු ප්‍රදේශය පිරිමදිමින් තඩි කුනු ගුලියක් එකතු කරන අතරතුරය.

ජාතික චින්තනයට/ඇඳුමට Sri Lankan සැලකීම.

noreply@blogger.com (සූස්ති ගුනේ) — Fri, 30 Jul 2010 05:28:00 +0000

එක්තරා විස්ස විජ්ජාලයක, විද්‍යා නොවන පීඨයක අංශ ප්‍රධානී මහැදුරා සහ තවත් කථිකාචාර්ය වරයෙක් සම්මන්ත්‍රනයකට සහභාගී වීමට ලන්ඩන් බලා පිටත් වූහ. මහ ඇදුරා සම්පූර්න බටහිර ඇඳුමින් සැරසී එද්දී සගයා සැරසී ආවේ ජාතික ඇඳුමිනි. ශ්‍රි ලන්කන් ගුවන් සේවයට අයත් ගුවන් යානයේ එක ලඟ අසුන් දෙකක හරිබරි ගැසී හිඳගත් මේ දෙදෙනාටම විදේශ ගමන් මැජික් නොවන නිසා අතරින් පතර වචනයකින් දෙකකින් දොඩමලු වෙමින් ගුවන් යානය ගුවන් ගත වනතෙක් සැහැල්ලුවෙන් ගත කලහ. ගුවන් යානය ගුවනට නැගී සුලු වෙලාවකින් සුරූපී ශ්‍රී ලංකන් ගුවන් සේවිකාවක් ට්‍රොලියක් සමඟ මේ දෙදෙනා වෙත පැමිනියාය.

මහඇදුරා ලැප්ටොප් එකේ වැඩකි. ටයි එක වරින් වර කී බෝඩ් එකට වැටෙන එක වලකමින් එහි අකුරු ඔබයි. කෝට් බෑයේ උඩ සාක්කුවේ බෝඩින් පාස් එකත් පාස්පෝට් එකත් එලියට පෙනේ.

ශ්‍රී ලංකන් මොනරිය ශෘංගාරාත්මක හඬකින් මහැදුරු ඇමතුවේය.

"What would you like to drink sir? .., we have scotch, red rum, red wine, white wine, tea, coffee, coke and fruit juice"
("මහත්තය මොනවද බොන්නේ?.. අපි ගාව තියෙනව විස්කි, රෙඩ් රම්, රෙඩ් වයින්, වයිට් වයින්, තේ, කෝපි, කෝක් සහ පලතුරු යුෂ ")

" I'll have a scotch on the rocks"
(" "මට විස්කි අයිස් එක්ක.")

මහැදුරු පිලිතුරු දුන්නේය.

සගයා බෝතල් අඩි කන්නාඩි දෙක දමාගෙන සම්මන්ත්‍රණයට ඉදිරිපත් කරන කතාවේ සුලු සුලු වෙනස්කම් කරමින් බෝල්පොයින්ට් පෑනකින් කුරුටු ගායි.අත් අකුරු වෙද මහත්තයෙක් සිහියට නංවයි. ජාතික ඇඳුමට යටින් බැනියමත් කිහිලි වල දාඩිය පැල්ලනුත් යාන්තමින් පෙනේ.

මොනරිය අමුතු වෙසක් ගත්තාය.

"මේ!.. මොනවද බොන්නේ? තේද කෝපිද ?"

මොහොතකට පෙර තිබු ලයාන්විත හඬ නැත. හරියට බීරෙක්ට කතා කරන්නාක් මෙනි. වාග් විලාශය කර්ණ කඨෝරය. අමු හිංඟලෙනි.

සගයාත් මහඇදුරත් එකිනෙකා දෙස බලමින්ද ගුවන් සේවිකාව දෙස බලමින්ද මද සිනා පෑහ.

"ඉක්මනට කියන්ඩ..පරක්කු වෙනවා" මොනරිය නිතඹ ගස්සා අමනාප හඬකින් අනකලාය.

සගයා සිනා මුසු මුහුනින් මහැදුරු දෙස බලමින් මොනරිය ඇමතුවේය.

" I am travelling with him,.... I'll have a glass of red wine"

("මම මෙයත් එක්ක යන්නේ,.. මට රතු වයින් වීදුරුවක්")

එකවරම ලද ප්‍රතිචාරයෙන් ක්ෂනයක් ගල් ගැසුනු මොනරිය රතු වූ මුහුනින් යුතුව එතැනින් චුත වුයේ " I ..I'll be right back" කියමිනි.

දියතලාවෙන් ගඳම ගඳ බොග කතාවක්

noreply@blogger.com (සූස්ති ගුනේ) — Mon, 26 Jul 2010 20:48:00 +0000

මේ කතාවට හේතු පාදක වන්නේ අපේ මිතුරන් පිරිසක් නුවර එලිය, බණ්ඩාරවෙල, දියතලාව ආශ්‍රිත සීතල කඳුකරය පීරමින් අරක්කු බෝතල් හිස් කරමින් ගිය විනෝද ගමනකි. පිරිසෙන් එකෙකුට බීපු අරක්කු වර්ගය හෝ බයිට් වර්ගය දිරවා ගන්නට බැරිවිය. දින ගානක් එක දිගට බීම නිසා හෝ එසේත් නැතිනම් නැවතී සිටි සංචාරක නිවසේ කෝකියාගේ ඉවුම් පිහුම් නිසා හෝ හැදුනේ අසාධ්‍ය බඩේ අමාරුවකි. දියතලාවෙන් නික්ම එද්දි මතු නොවු රෝග ලක්ෂණ වෑන් රතය තුලදී පෙන්වන්නට විය. "මචං මට යන්නම ඕන මචන්" අපේ එකා මූන ඇඹුල් කරමින් පින්සෙන්ඩු වන්නට විය. "පාරෙ තියෙන ගෙදරකටවත් යන් මචන්" මේකා බැගෑපත්වෙයි. "වායු පාලනය" මෙන්ම "හඬ පාලනය"ද මේ වන විට අප මිතුරාගෙන් ගිලිහෙමින් තිබින. කර කියාගත දෙයක් නොමැතිව අසරනව රිය එලවන මිතුරා අහම්බෙන් මෙන් පොදු වැසිකිලියක් යයි හැඟෙන තැනක් දැක වහා වාහනය හිටිවනම නැවතුවේය. බැලූ බැල්මට පැරණි ගොඩනැගිල්ලක් වුවද අහල පහලින් ගලන වතුර පාරවල් සහ නහයට දැනෙන වැසිකිලි ගඳ බඩේ අමාරුවෙන් නලියන මිතුරාගේ දෙනෙතට රසඳුනක් විය.

ගොඩනැගිල්ලේ වැසිකිලි කාමර තුනකි. දෙවරක් නොසිතා පලමු කාමරයට රිංගූ මිතුරා දොර වසන්නට අගුල සෙව්වේය. අගුලක් නැත. අපේ එකා මැද කාමරයට පැන්නේය. එහිද අගුලක් නැති නමුත් හැට්ට කට්ටක් අමුනා තාවකාලික අගුලක් නිමවා තිබින. වහ වහා ඇඳුම් උනා දොරේම එල්ලු මිතුරාට වෙලාව ඉතිරිව තිබුනේ යාන්තම් ඇනතියා ගන්නට පමනි.

උදරය ඇතුලේ හිරවී සිටි නාලාගිරියෙකුගේ අවසාන කුංචනාදය වැනි ශබ්දයක් නැගුනේය. එක මොහොතකට ලෝකයම නිසල වූ බවක් දැනින.

මොහොතකින් සියලු දුක් අවසන්ය. ක්‍රමක්‍රමයෙන් වටපිටාව පිලිබඳ සංවේදන ප්‍රකෘති තත්වයට පත්විය. එහෙන් මෙහෙන් සීතල දැනෙන්නට විය. හීන් හුලිජ්ජ ගඳක්ද නැහැපුඩු අගුලු වට්ටවන ගූ ගඳක්ද දැනේ. ස්කොටින් පෑන් එක නෙත ගැටුනු අප මිතුරා වික්ෂිප්ත විය. එය හරියටම පරමානු බෝම්බය දැමු හිරෝශිමාව මෙනි. විනාශය එතැනින් නොනැවතී තම සෙරෙප්පු සහ ඇඟිලි තුඩු , යටි පතුල් දක්වා ගමන් කර තිබේ.

"වතුර ..වතුර. හෝදගන්න ඕනේ ඔක්කොම." මිතුරා අසලින්ම ඇති කරාමය කරකැව්වේය. එය ගැලවී අතට ආවේය. වතුර නැත! කෙමෙන් කෙමෙන් මධ්‍යම කඳුකරයේ සීතල තදින් දැනෙන්නට විය. වතුරත් නැති එකේ විකල්පයක් ලෙස ඇත්තේ බැනියම සහ යට ඇඳුමින් පිසදා ගැනීමයි. ඒ ගැන සිතන වාරයක් වාරයක් පාසා මහා පිලිකුලක් සිතට නැගෙන්නට විය.

හදිසියේම තෙවෙනි කාමරයෙන් උගුර පාදන හඩක්ද , ඒ සමගම කිසිදු හඬ පාලනයකින් තොරව ශරීර කෘත්‍ය කරන හඩක්ද අපේ මිතුරාට ඇසින. මොහොතකට බලපොරොත්තු දැල්වුනි.

"වතුරෝ!!!" එහා කාමරයෙන් මහ හඬක් නැගින. ක්ෂනයකින් යමෙක් ගොඩනැගිල්ලට ඇතුලුවනු ඇසේ. "දහයායි" පිලිතුරු හඬ සමග බෙලෙක්කයක හඬක්ද ඇසේ.

අපේ එකාද යටි ගිරියෙන් කෑ ගැසුවේය. "වතුර!!"

"දහයායි" දොර යටින් වතුර පිරවූ කුඩා සැමන් ටින් එකක් ආවේය. කරන්නට දෙයක් නැත. ටින් එකේ ප්‍රමානය සහ රුපියල් දහය ගැන වාද කරන්නට ගොස් මලපහ සමග සීතලේ මැරුනු මිනිසෙක් ලෙස ඉතිහාස ගතවන්නට උවමනාවක් අපේ එකාට තිබුනේ නැත. පලමු වතුර එක ගැටුනු තම අවයව ඇකිලී සිරුර ඇතුලට යන තරම් සීතලක් දැනුනේය. පශ්චාත් බාගය හිරිවැටී ගොසිනි. පශ්චාත් බාගය සේදු වම් අතේ දබර ඇඟිල්ලත් මැදැගිල්ලත් අතර යම් උනුසුම් ජල්ලියක් ඇලී සෙමෙන් පහලට රූටනු දැනේ. සැමන් ටින් එකේ වතුර ඉවරය.

"වතුර!!!" අපේ එකා නැවතත් කෑ ගැසුවේය.

"දහයායි" ක්ෂනික ව වතුර පිරවූ සැමන් ටින් එක දොර යටින් එයි. වතුර එක වැටෙන වැටෙන වාරයක් පාසා එලොව පොල් පෙනෙයි. දතක් ගලවන්නට පෙර දෙන වේදනා නාශක එන්නත පුකට ගැසුවාක් මෙන් මොහොතකට සංවේදන නැතිවී යයි.

" මල්ලි මේ වතුර ගේන්නේ අයිස්ලන්තෙන්ද??"

සැමන් ටින් 15ක් හුවමාරුවූ පසු අප මිතුරා වෙව්ලමින් ඇසුවේලු.

සෙරෙප්පු සහ කකුල්ද සොදා ගෙන සම්පූර්නයෙන් පිරිසිදුවී මිතුරා අප වෙත ගැහි ගැහි එන විට සැමන් ටින් 23ක් ඒ දොර යටින් හුවමාරුවී තිබින.

කැන්ගරුදේශයෙන් ගල් කතන්දරයක්

noreply@blogger.com (සූස්ති ගුනේ) — Sun, 25 Jul 2010 09:43:00 +0000

අපේ විස්ස විජ්ජාල පද්දතියෙන් පිටවන සමහරු වැඩිදුර ඉගනීම සඳහා නොයෙක් රට රාජ්ජ වලට සම්ප්‍රාප්තවී පශ්චාත් උපාධි හදාරති. ඒසේ මෙසේ කාලයක් නොව අවුරුදු 3-4ක් ඒ සඳහා වැයකරති. මේ කතාව එවැනි උපාදියක් වෙනුවෙන් අපමණ දුක්ඛ දෝමනස්සයන් ඉවසු එකෙක් ගැනය. තම දරුපවුලත් සමග කැන්ගරුදේශයට ගොඩ බැස්ස අප මිතුරා, එහි වසන අනෙකුත් ශ්‍රි ලාංකිකයන්ගේ පිහිටෙන්, තමන්ගේ වියදමෙන් දැහැමෙන් සෙමෙන් අද්‍යයන කටයුතු කරමින් ජීවත්විය. බිරින්දෑ තොමෝද පූර්ණකාලින රැකියාවක් සොයා ගත් බැවින් දරුවන්ගේ වැඩ කටයුතුද සමග ඉවීම් පිහීම් සඳහා වන කාලය අවම වූයේය. ඒ කෙසේ වෙතත් මේ පවුලට හොදට කටට සැරට ලුනුමිරිස් කරපින්චා තුනපහ දැමූ ලාංකීය ආහාර වට්ටෝරු හැර වෙනසකටවත් ලාංකීය නොවන ඒවා නම් දිරවන්නේද නැත.

නොබෝ දිනකින් බිරින්දෑ තොමෝ මහා ආඩපාලියක් දිගහරිමින් කියා සිටියේ ග්‍රයින්ඩර් එකේ හදන ලුනුමිරිස් වල මෙලෝ රහක් නැති බවයි. "ග්‍රේස් ලගේ ගෙදරත් මිරිස්ගලක් තියෙනව, සුසිලල ගාවත් මිරිස්ගලක් තියෙනව, ඒකනේ අනේ අර රසට යසට ලුනුමිරිස් හදන්නේ" ඇය තම මතය ඔප්පු කරන්නට සාධක ගෙනහැර පෑවාය. "ඊලඟ පාර ලංකාවට ගියහම ඔයත් එකක් කොහොම හරි ගේන්නකො" අති සරල විසඳුමක්ද ඇය ඉදිරිපත් කලාය. "මල හත් ඉලව්වේ ඔස්ට්‍රේලියාවට මිරිස්ගලක් ගේන්න ?#&*"@" අපේ මිතුරා කටට ආ වචන ආපසු ගිලගත්තේ කුස්සියේ වැඩ ගැන තියරි දැමීම අනතුරු දායක බව දන්නා නිසාය.

සයමසකින් පසු අපේ මිතුරාට ලංකාවට සැපත්වන්නට පොටක් පෑදුනේය. සිරි ලංකාවට ගොඩබැස්ස සැනින් බිරින්දෑ තොමොගේ යෙහෙලියක් තම සැමියාද සමග විත් ගුවන්තොටෙන්ම අපේ මිතුරා පිලිගෙන තම නිවසට ගෙනැවිත් රෑ කෑමත් දී යන්නට සුදානම් වන විට හැඩ දැමූ හුරුබුහුටි මිරිස් ගලක් පරිත්‍යාග කලාය.

ආපසු ලංකාවෙන් යද්දී කස්ටම් එකේ මිතුරෙක් අල්ලාගෙන, (බ්ලැක් ලේබල් බෝතලයක් ද පොරොන්දු වී) බැක් පැක් එකේ මිරිස්ගල සඟවාගෙන කැන්ගරුදේශයට සැපත්විය.

කැන්ගරු ගුවන් තොටෙන් එලියට පනින්නට ඔන්න මෙන්න තිබියදී ඔස්ට්‍රේලියානු ආගමන විගමන නිලධාරියෙකුගේ උකුසු ඇසට අප මිතුරා හසුවිය. අනෙක් අතට උකුසු ඇසක් නැතුව වුවද බැක් පැක් එකේ මිරිස්ගල බැදන් රුවිතෙට යන අපේ එකා ගැන සැක පහල නොවී නම් තමා පුදුම.

එකා දෙකා වී කස්ටම්ස් ඇන් බෝඩර් ප්‍රොටෙක්ශන් නිලධාරීන් දුසිමක් පමණ අප මිතුරාව වට කරගත්තෝය. විලිලැජ්ජාවෙන් මිරිකෙමින් දහඩිය ගලන නලල් තලයත් රතුවූ මූනත් පිසදමමින් අපේ එකා ප්‍රවේශමෙන් මිරිස් ගල එලියට ගත්තේය. ගත් සැනෙන් එය උදුරාගත් කස්ටම්ස් නිලධාරීන් සේනාව මේ අමුතු ගල් ගෙඩිය පිරික්සා බලන්නට විය. හැඩයකට කපා ඇති කලු ගලේ එක් පැත්තක යම් රටාවකට මෝස්තරයක්ද ඇති බව මේ නිලධාරීන් නිරීක්ෂනය කලහ. මද වෙලාවක් ඔවුනොවුන් හා දීර්ග කතා බහක යෙදුන නිලධාරීන්ගේ ලොක්කා යයි සිතිය හැකි සුද්දෙක් අපේ එකා වෙත පැමිණ මිරිස් ගල නැවත දෙන ගමන් මෙසේ පැවසීය.

"Sir, we normally do not allow these kind of things, but since this is your TOMBSTONE, on humanitarian grounds we allow you to take this with you."

"මහත්තය, මේ වගේ ඒව අපි සාමාන්‍යයෙන් ගෙනියන්න දෙන්නෙ නෑ, ඒත් මේක ඔබේ සොහොන් කොත නිසා මානුෂික හේතු මත අපි මේක ගෙනියන්න දෙනවා"

තැන්කූ කියු අප මිතුරා අඩියට දෙකට ගුවන් තොටෙන් එලියට පැනගත්තේ
"යකෝ , මෙහේ ඇවිල්ල මෙහෙ විදියට කාල බීලා ඉන්න බැරුව මිරිස් ගල් උස්සන් එන අපි ගැන එහෙම හිතන එකේ වැරද්දක් නෑ තමයි" සිතමින් නැන්දම්මාත් නැන්දම්මාගේ හත්මුතු පරම්පරාවටත් දෙස් දෙවොල් තබමිනි.

කතන්දර! කතන්දර! චතුෂ්කෝටික කතන්දර!

noreply@blogger.com (සූස්ති ගුනේ) — Thu, 17 Dec 2009 11:19:00 +0000

නලියා ගේ සෑබෑ නොහැකියාව සහ හෙලුව හෙලිදරව් කිරීමේ ආහ්ලාදයෙන්ද, නලියාට කඩේ යන ඉග්නොරේමස් ඇම්බැට්ට රැළ නිහඬ කිරීම නිසා නොවක් සන්තුෂ්ටියෙන්ද පසුවූ හෙයින්, වෙනස් ආරක නලියා ගැනම කතන්දර කිහිපයක් ලියන්නට මම අදහස් කරමි. මේ කතන්දර ලියැවෙන්නේ අපේ සහෘදයෙකු වන කතන්දර කාරයා සම්මානයට පාත්‍රව තිබෙන අවස්තාවකය. ඒ ගැන මතක් කෙරනුයේ නොමඳ සතුටකිනි. බ්ලොග් අවකාසයේ තවත් සහෘද අඩවියක් වන බූන්දිය වාරණය කරනු ලැබුයේ ද මේ තරගයෙනි. ඒ ගැන නොසතුටද මෙහි සටහන් විය යුතුමය. කිසිවෙකු වාරණය කිරීම අපට එකඟ විය හැකි මාතෘකාවක් නොවේ. සූස්ති ගුනේ සමඟ නිතර ගැටෙන මිගාර විසින් ඒ සම්බන්දයෙන් පෙන්වනු ලැබූ ප්‍රතිපත්තිමය එකඟතාවය මේ සියල්ලටම වඩා අතිමහත් ප්‍රශංසාවට ලක්විය යුතුයැයි සිතමි.

මේ කතන්දර වල එන නලියා අප දන්නා නලියාම නොවේ. එසේ කීවද ඒකා නොවෙයිත් නොවේ. බෞද්ධ චතුස්කෝටික චින්තනයට සහ බ්‍රයන් ඇඩම්ස් ගේ Elegant Universe හි එන තන්තු වාදයට අනුව මේ නලියා සිටින්නේ අපට සමාන්තර විශ්වයකැයි සිතමු.

සිල්වා කතාවස්තුව.

මේ කියන සමාන්තර විශ්වයේ නිල් ග්‍රහලොවෙහි එක්තරා කොදෙව් දූපතක නලියා නම් ගනිතයෙහිද කොන්ටම් විද්‍යාවෙහිද කෙලපැමිණි කෞරව වංශිකයෙක් වාසය කරන්නේය. තුමුගෙන් "චින්තනය" නම්වූ නව මගෝඩි අදහසක් හදාරමින් සිටි පසුව මේ චින්තනය අරබයා ගැටී වෙන්ව ගිය චම්පක නම්වූ කෙලෙඹි පුත්‍රයෙක්ද රතන නම්වු රාත්‍රී ආහාර ගන්නා නිකායේ ශ්‍රමනයෙක්ද "ත්‍රස්ත මහා ව්‍යාපාරය" නැමති රති-කාම කල්ලියක් පවත්වාගෙන යන්නාහුය. මේ කල්ලියේ සැබෑ තතු නොදත් නොයෙකුත් කොල්ලන් සහ කෙල්ලන් දේශප්‍රේමයේ නාමයෙන් එතනට රැස්වන්නාහු, නලියා සහ චම්පකගේ විරසකය දැන විසුලුවක් කරමුයි සිතා ඒ කොල්ලන් අතර සිටි ගෙවිඳු නම් වු පුත්‍රයෙක් දුරකතනයෙන් නලියා අමතයි.

ගෙවිඳු - හලෝ

නලියා- ඔව් ආයුබෝවන්,

ගෙවිඳු- හලෝ, මේ මට ෆ්‍රෙඩී සිල්වා ට කතා කරන්න පුලුවන්ද?

නලියා- හ්ඃ ඈ!!??

ගෙවිඳු- හලෝ මට ෆ්‍රෙඩී සිල්වට කතා කරන්න පුලුවන්ද

නලියා- ෆ්‍රෙඩී සිල්ව??

ගෙවිඳු- ඔව් ඔව්..

නලියා- ....ෆ්‍රෙඩී සිල්වා තොපේ අම්මත් එක්ක බුදි!!!

--------------------------------------------------------

මහා මංගල ජල්බරි කතාවස්තුව.

නලියා තම කෙලපැමිනි දැනුම බෙදාදෙමින් මුංතුල්ල නම්වූ ශිල්ප විද්‍යා අකුරු කරන්නාවූ තැනෙක ජිවීකාව කරන්නේ, නොයෙකුත් කෙලෙඹි පුත්‍රයන් නලියාගේ ගෝලයන් ලෙස විද්‍යා හදාරති. එහෙත් නලියා තම මගෝඩි චින්තනය මේ විද්‍යාර්තීන් අතර පතුරවන්නේ, කෙටිකලකින් චින්තන පාක්ෂික, චින්තන විරෝධී නම්වූ කල්ලි දෙකක් මුංතුල්ලේ පැනනැංගාහුය.

චින්තන පාක්ෂික ගෝලයෙක් යුගදිවියට ප්‍රවිශ්ඨවන්නේ නලියාට තම මංගලෝත්සවයට ආරාධනා කලා පමනක් නොව, චින්තනයට අනුව දේශීය රසකැවිලි වලින් මංගල උත්සවය සැරසූහ. හිතවත්කම නිසාම චින්තන විරෝධී පාර්ශවයේ එකෙක් ඡයාරූප ගැනීමට ගෙන්වා ගත්තේය. නලියා සැපත්ව දේශීය ආහාර ගනිමින් මංගල යුවලට සුභ පතන්නේ, අසූ අට රියන් කේක් ගෙඩිය දැක ප්‍රේත සිතින් යුතුව විශාල කේක් කැබල්ලක් බුදින්නේය. චින්තන විරෝධී මිතුරා නලියා කේක් බුදිනු දැක ලවක් දෙවක් නොමැතිව පොටෝ ගහන්නේය. නලියා මේ දැක කිපී, ඌ හඹාවුත් කොලරයෙන් අල්ලා

"ඈ බොල මං මෙච්චර කැවුම් කොකිස් කෑව, තොට එක පොටෝ එකක් ගහන්න බැරි වුනා..මම කේක් කනකොට තොට පොටෝ ගහන්න තියෙන කඩි කුලප්පුව මොකක්ද බොල" යි ගුගුරන්නේය.

මහත් බියට පත් චින්තන විරෝධී මිතුරා, තම කැමරාවට හානියක් වෙත්දෝයි බියෙන් නලියාගෙන් ගැලවෙන්නට හදන්නේ, සම්බරතාවය බිඳී නලියා සමඟ මඟුල් මේසය උඩට වැටුනාහුය. මහාමංගල කේක් ගෙඩිය අටවා තිබූ අසු අට රියන් අටමගලය කඩාපාත්වී මංගල යුවලත්, නෑ සිය මිත්‍රාදීන්හුත් කේක් වලින් නැහැවී මහා ජල්බරියකින් මංගලෝත්සවය නිමියේය.

මෙහි එන සියලු නම් ගම් මනඃකල්පිතය. සැබෑ ලෝකයේ කිසිදු පුද්ගලයෙක් හෝ සිද්ධියක් නිරූපනය නොකරන්නේය.

Times expert authenticates Sri Lanka's Channel-4 war-crimes video

noreply@blogger.com (සූස්ති ගුනේ) — Tue, 15 Dec 2009 16:09:00 +0000

[TamilNet, Tuesday, 15 December 2009, 04:51 GMT]
Following independent verification by a US-based group of the authenticity of the Channel-4 video in October, UK's Times reported in its Tuesday edition that its own independent analysis of the Channel-4 broadcast video, showing Sri Lanka Army (SLA) soldiers summarily executing unarmed Tamils stripped naked and hands tied behind the back, found "no evidence of digital manipulation, editing or any other special effects." Times' forensic analyst, Grant Fredericks, is an independent forensic video specialist who is also an instructor at the FBI National Academy, the paper said.

Mr Fredericks’s research showed that code embedded in the footage appeared to match with software used in Nokia mobile phones.” He said: “The recording is completely consistent with a cell phone video recording and there are no signs of editing or alterations,” according to Times.

The Times UK report closely matches the key findings by the US Colorado-based Image and Sound Forensics (ISF) experts who performed the analysis on behalf of US pressure group Tamils Against Genocide (TAG). Colorado ISF's report, parts of which appeared in the Sunday Leader, had previously confirmed, "[t]he video and audio of the events depicted in the Video, were continuous without any evidence of start/stops, insertions, deletions, over recordings, editing or tampering of any kind."

While, Philip Alston, the UN Special Rapporteur on extra-judicial, summary or arbitrary executions had earlier declared the video investigations by the local 'experts' appointed by the Sri Lanka Government as "not impartial."

However, Philip Alston's assertion that UN will conduct its own investigations on the authenticity of the video has not materialized.

Meanwhile, TAG spokesperson when contacted by TamilNet said, "While we have published the summary of the findings, ISF is due to provide TAG a detailed technical report detailing the analysis carried out."

New Tamil group vows to start a fresh war

noreply@blogger.com (සූස්ති ගුනේ) — Mon, 07 Dec 2009 08:16:00 +0000

http://www.timesonline.co.uk/tol/news/world/asia/article6946605.ece

A Marxist group of Tamil militants with connections to the Palestinian Liberation Organisation and Cuba is preparing to mount a new insurgency in Sri Lanka six months after the Government declared an end to the 26-year-old war there.

The People’s Liberation Army (PLA) was founded in eastern Sri Lanka four months ago and has vowed to launch attacks against government and military targets unless its demands for a separate Tamil homeland are met.

“This war isn’t over yet,” Commander Kones, head of the PLA’s Eastern District military command, told The Times during a night meeting in a safe house in the east of the country last week.

“There has been no solution for Tamils since the destruction of the LTTE [Tamil Tigers] in May. So we have built and organised the PLA and are ready to act soon. Our aim is a democratic socialist liberation of the northeast for a Tamil Eelam [the desired Tamil state].”

“We are getting stronger by the day, much stronger than any other group,” Kones said. “The day of action is close.”

A few nights after meeting Commander Kones, deep in a rural area, The Times encountered three young PLA recruits waiting for a guide to take them to one of the organisation’s jungle training camps.

Two were 15 years old, one was 16. “The PLA sound very interesting to us,” they said. “They are the only ones now doing something for the Tamil people.”

Read the full story

නඩරාජාට මෙන්ම තිස්සට ද වැරදුනි

noreply@blogger.com (සූස්ති ගුනේ) — Wed, 16 Sep 2009 12:02:00 +0000

තිස්සට පුවත්පත් කලාව හැර වෙනත් වෘත්තියක් තෝරාගැනීමට හා ගෞරවාන්විතව රට හැර යාමට අවශ්‍ය උසස්ම සුදුසුකම් තිබුනි. එහෙත් තිස්ස තෝරාගත්තේ ඔහු ඉදිරියේ තිබූ දුෂ්කරම මාවතයි. සරුංගලය චිත්‍රපටයේ නඩරාජා මෙන් ඔහු තමාගේ වෘත්තීය හිතවතුන් සමඟ ජීවත් වීම මැනවයි සිතන්නට ඇත. එහෙත් නඩරාජාට මෙන්ම තිස්සටද වැරදුනි.

සිංහලයන්ට සිංහලකමට ලෙංගතු වීමට ඇති අයිතිය තමාගේ දෙමලකමටත් ලැබේ යයි ඔහු සිතන්නට ඇත. ඔහු සමඟ එකම ආයතනයක වැඩ කරද්දී විවෘතව හෘදය සාක්ෂියට එකඟව වැඩ කිරීමට ඇති කැමැත්ත මැනැවින් ප්‍රදර්ශනය විය. සරුංගලේ චිත්‍රපටයේ නඩරජාට මෙන් තිස්සට ද තමා අවට ඇති භයංකාරත්වයේ තරම ගැන එදා ඔහුට වැටහීමක් තිබුනේ නැත. වසර 15 කින් පමණ මුණනොගැසුණු මගේ මිතුරාට අදද ඒ වැටහීම ලැබී නැත යන්න ඔහුට අත්වූ විපත්තියෙන් පෙනේ.
-------------------------------------------

තිස්ස පිලිබඳ ඔහුගේ මිතුරන් හා ඇසුරු කළවුන් දන්නා දෙය ඔහුට දඬුවම් කළ උදවිය දන්නේ නැත. තිස්ස කොළඹ විශ්ව විද්‍යාලයෙන් අධ්‍යාපනය ලබා, සිංහල දැන උගත් සමාජය ඇසුරු කල තරුණ බුද්ධිමතෙකි.ඔහුට හොඳින් සිංහලත් දෙමලත් ඉංග්‍රීසිත් හැසිරවිය හැකිව තිබිණ. 1987-94 කාලයේ ඔහු අප සමග එකට මාර්ග ආයතනයේ තරුණ පර්යේෂකයන් ලෙස සේවය කලෙමු. මා දන්නා තිස්ස නම් අපමණ දැනුම් පිපාසයකින් පෙලුනු, පුළුල් ගවේශනශීලි මනසක් සහිත සමාජ සංවේදී මිනිසෙකි. එල්. ටී. ටී. ඊ ය හා ජනතා විමුක්ති පෙරමුණද ඇතුලු සන්නද්ද ව්‍යාපාර කෙරෙහි ඔහුට තිබුනේ බලවත් විවේචනයකි.
-------------------------------------------------------------

සියල්ල අවසානයේ තිස්සනායගම් සිරගෙට යැවුනි. මඳ කලකට නොව වසර විස්සකටය. පුවත් පලකිරීමේ නිදහස වෙනුවෙන් 1871 දී සිරගෙට යැවුණු පෑලිස් අප්පුහාමිගේ සිට මේ තාක් කල් පුවත්පත් කලාව වෙනුවෙන් ඉහලම වන්දියක් ගෙවුයේ තිස්සනායගම් යැයි ඉතිහාසය යලි යලිත් කාලාන්තරයක් යනතුරුත් අපට මතක් කරදෙනු ඇත. ලසන්ත වික්‍රමතුංග වැනි කිහිප දෙනෙක් තම ජීවිතයෙන් වන්දිගෙව්වා සෑබෑ වුවත් ඊටත් වඩා තිස්සනායගම් ගෙවන වන්දියේ හරයාත්මක වටිනාකම ඉහල යැයි මම සිතමි. ලසන්තගේ මාධ්‍ය ක්‍රියාකාරීත්වය පුවත්පත් කලාවේ සීමාවන් අබිභවා ඔහු සේවය කල පක්ෂයේ අභිලාශයන් හා සම්බන්ද කලේය. එහෙත් තිස්සනායගම්ගේ පුවත්පත් රචනාවන් බද්ධ වූයේ එවන් පටු අරමුණු සඳහා නොව තම හෘද සාක්ෂියටය.

අදිකරණයට ගරු කරන්නට අපට බල කර තිබේ. එය සෑම රටක්ම තම සිය රටවැසියන්ට ලබාදෙන මූලික නෛතික නියෝගයකි. හෘද සාක්ෂිය ක්‍රියාත්මක වන්නේ ඊට පරිබාහිරින් වුවද නියෝගය පිලිපැදිය යුතුය.බ්‍රිතාන්‍යයේ හෝ කැනඩාවේ වේවා, චීනයේ හෝ කියුබාවේ වේවා, සිම්බාබ්වේ හෝ රුවන්ඩාවේ වේවා ඒ ඒ රටවල දේශපාලන යාන්ත්‍රනය සිය රටවැසියන්ට ඒ නියෝගය ලබාදෙනු ලැබේ. එය පිලිපැදිය යුතුය. එහෙත් ඇත්ත නම් බ්‍රිතාන්‍යයේ හෝ කැනඩාවේ අධිකරණ හා සිම්බාබ්වේ හෝ රුවන්ඩාවේ අධිකරණ ක්‍රියාකාරීත්වය තුල යුක්තියේ හා සාධාරණත්වයේ ප්‍රමාණය අහසට පොලොව මෙන් දුරස්ථ බවයි.
---------------------------------------------------------

මට ඇති කනගාටුව නම් තිස්සට මේ දඬුවම ලැබෙන්නේ එක්තරා සමාජ අනුමැතියක් ද සහිතව වීම ගැනයි. තිස්ස රිමාන්ඩ් බාරයට පත් වූදා සිට ඔහු සිරගෙට යැවූ අගෝස්තු 31 වනදා දක්වා මම ඒ ගැන උනන්දුවෙන් පසුවීමි. ඔහු ගැන කතාකරන්නට සියගණක් වූ පත්තර අතරෙන් ඉදිරිපත් වූයේ කීයද? විකල්ප වෙබ් අඩවි, රාවය පමනක් ඒ යුතුකම ඉෂ්ඨ කලේය.

Read the full article written by Chandrarathna Bandara

http://www.lankaenews.com/Sinhala/news.php?id=10241

නලින් සිල්වා ගේ තිත්ත මිදි සහ ඉග්නොරේමස් (Ignoramous) ඇම්බැට්ට රැල.

noreply@blogger.com (සූස්ති ගුනේ) — Sun, 13 Sep 2009 22:40:00 +0000

"නලින් සිල්වාගේ පොර ටෝක් වල හෙලුව " ට ප්‍රතිචාර වශයෙන් සුපුරුදු පරිදි තලේබාන්-සිල්වාබාන් වර්ගයේ ගොං පිලිතුරු ලැබී තිබේ. චම්පක සහ (රෑට කන ) රතන වහන්සේ "නලියා" යන ගෞර්වාර්තයෙන් හඳුන්වන නලින් සිල්වා ගේ විහිලු - අභියෝග වල නිරුවත හෙලිකල විට, නලියාගේ ඇම්බැට්ට රැල බෝලය මට ම පාස් කර ගැලවෙන්නට බලයි. එහෙත් මගෙන් උත්තර ඉල්ලයි! මේවා ලෝක විහිලුය.

මගේ අති සරල පුරස්නය උගුරේ හෝ වෙනයම් නරක තැනක හිරවී රිදුම් දේ නම් මට කොරන්නට දෙයක් නැත. එහෙත් පැහැදිලිවම පුරස්නය ඇසුවේ මමය. සිල්වාබාන් ඉග්නොරේමස් රැල අන්දකයිප්පු කෑ එවුන් සේ මට යමක් ඔප්පු කරන්නට අභියෝග කරයි. අහවල් එකදැයි නොකියයි.

ඉංගිරිසි බැරි, පොතක් පතක් කියවා ගත නොහැකි සිල්වාබාන් ඉග්නොරේමස් ඇම්බැට්ට රැලට නලියාගේ මුවින් පිටවන ඕනෑම කුනුහරුපයක් දේව වැකියකි. උංගේ නොදනුවත්කම ගසාකෑම හරිම ලෙහෙසි වැඩකි. නලීන් කාලයක් ඩෙරීඩාට "මහතා" කීවේය. කාලයක් ඩෙරීඩා "තුමා" විය. කාලයක් ඩෙරීඩා පඬියෙකි! ලූනු ගෙඩි සයිස් මොල ඇති ඉග්නොරේමස් ඇම්බැට්ට රැලට මේ සියල්ල එහෙයි වාදයෙන් පිලිගත හැකි කාරණාය.

නලීන් හැබෑවටම දක්ෂයෙක් නම් කල යුත්තේ, පලමුව ඔය කියන "බටහිර" විද්‍යාව තුල පොරක් වීමය. Nature හෝ Science වල ලිපි පලකරවා (බටහිර ) විද්‍යාවේ කෙල පැමිනියෙකු බව ලොවට පෙන්වීමය. නලීන් කියන දේ වෙනුවෙන් බටහිර විද්‍යා සමාජය තුල ඉඩකඩක්, ශ්‍රාවක පිරිසක් බිහිකර ගැන්මය. ඉන් පසුව බටහිර විද්‍යාවට අම්බානක නෙලිය හැක.

නමුත් අපට පෙනෙන්නේ නරියාගේ තිත්ත මිදි කතාව වැනි බොලඳ ගොන් පාට් එකකි. නලීන් "බටහිර" විද්‍යාවට ගරහන්නේ තම නොහැකියාව වසා ගන්නට නොවේද? මෙන්න ඉග්නොරේමස් ඇම්බැට්ට රැල සඟවන්නට තතනන පිලිතුර! තවමත් නලින් Nature හෝ Science වැනි පලමු පෙල විද්‍යා සඟරාවක ලිපියක් පලකර නැත.

මෙන්න Jouranal of Citation Reports සහ Journal of Permformence Indicators මූලාශ්‍ර ඇසුරෙන් 26 අවුරුද්දක දත්ත. මේ ලොව පලමු පෙල විද්‍යා සඟරා 10 යි.

Journals Ranked by Impact:
Multidisciplinary Sciences

Rank	2006 Impact Factor	Impact 2002-06	Impact 1981-2006
1	Science (30.03)	Science (53.00)	Science (152.46)
2	Nature (26.68)	Nature (50.95)	Nature (151.16)
3	PNAS (9.64)	PNAS (19.35)	PNAS (74.93)
4	J. Roy. Soc. Interface (2.98)	Ann. NY Acad. Sci. (4.35)	Collagen & Rel. Res. (32.80)
5	Philos. Tr. Roy. Soc. A (2.28)	Philos. Tr. Roy. Soc. A (4.29)	J. Ultrastructure Res. (20.21)
6	Naturwissenschaften (2.02)	Naturwissenschaften (4.04)	Journal Du Conseil (18.92)
7	Ann. NY Acad. Sci. (1.93)	IBM J. Res. Devel. (3.58)	Proc. Royal Soc. A (15.49)
8	Scientific American (1.56)	Proc. Royal Soc. A (2.96)	Philos. Tr. Roy. Soc. A (13.99)
9	Comptes Rendu Biologies (1.48)	CR Acad. Sci. Ser. III (2.79)	IBM J. Res. Devel. (13.37)
10	IBM J. Res. Devel. (1.48)	Proc. Japan Acad. B (2.42)	Experientia (13.07)

The above table compares the citation impact of journals in a given field as measured over three different time spans. The left-hand column ranks journals based on their 2006 "impact factor," as enumerated in the current edition of the Thomson Scientific Journal Citation Reports^®. The 2006 impact factor is calculated by taking the number of all current citations to source items published in a journal over the previous two years and dividing by the number of articles published in the journal during the same period—in other words, a ratio between citations and recent citable items published. The rankings in the next two columns show impact over longer time spans, based on figures from the Thomson Scientific Journal Performance Indicators. In these columns, total citations to a journal's published papers are divided by the total number of papers that the journal published, producing a citations-per-paper impact score over a five-year period (middle column) and a 26-year period (right-hand column).
SOURCE: Journal Citation Reports and Journal Performance Indicators.

http://in-cites.com/research/2007/november_5_2007-1.html

මේ දත්ත දුටු විට බඩ කරකවා වැසිකිලි යාමට අවශ්‍යතාවක් දැනේ නම් ඔබද ඒ ඉග්නොරේමස් ඇම්බැට්ට රැලේ බවට ඉඟියකි. නොබියව නොපමාව අසල තිබෙන බඩවැටියකට රිංගා සරම කරට ගෙන ( සිංහල බෞද්ධ සඟිස්කෘතියට අනුව ), නලීන් තුමා සිහිකරගෙන ඇනතියාගන්න. කාරිය කෙරුන පසු, පශ්චාත් බාගයේ ලේ උරාබොන මදුරුවන් මෙත් සිතින් චප්ප කර, කූඩැල්ලන් ගලවා දමා, දිය කඩිත්තකින්, ඇලකින් සෝදාගෙන බටහිර කුමන්ත්‍රන, කතන්දර වලට එරෙහිව තිර අදිටනින් යුතුව මෙහි ප්‍රතිචාරයක් දක්වා යන්න. ඔබට ජය!

නලින් සිල්වා ගේ පොර ටෝක් වල හෙලුව

noreply@blogger.com (සූස්ති ගුනේ) — Tue, 08 Sep 2009 10:21:00 +0000

"බටහිර විද්‍යාව පරම සත්‍ය නොවේ" යයි තමන් සොයා ගත්තා සේ මොරෙදෙන නලින්ලංකාවේ උගතුන්/විද්‍යාඥයින් අනුකාරකයන් ලෙස හංවඩු ගසන අතරම, අනෙකුත් විද්‍යාඥයින්ට නිරතුරුව කෙරෙන අභියෝගයක් වෙයි. අනුකාරකයන් වන මේ උගතුන්ට තමන්ගේම බටහිර විද්‍යා ප්‍රවාදයක් වත් ගොඩනගා ගත නොහැකි බවයි. ප්‍රවාද යනු "කතන්දර" ම හැර අන් කවරෙක්දැයි අසන නලින් ප්‍රමුඛ ජෝකරයෝ නලින්ගේ පශ්චාත් මාක්ස්වාදී ඉතිහාසය ගැන නිහඬය. නලින්ගේ සසෙක්ස් විශ්ව විද්යාල ජීවිතය ගැන නිහඬය. ජාතික චින්තනය අනුව යමින් නලින් සසෙක්ස් වලදී ඇන්දේ අමුඩ ද එසේත් නැතිනම් හැරඩ්ස් ජොක්කුදැයි අපි නොදනිමු.

අනෙකුත් විද්‍යාඥයින්ට හරිහමන් බටහිර ප්‍රවාදයක් වත් ගොඩනගා ගත් නොහැකි යයි කින්ඩි දාන නලින්ගෙන් අපි මෙසේ අසමු. ඉතාම වැදගත් බටහිර විද්‍යා ප්‍රවාද/ කතන්දර / සොයාගැනීම් පලවන (High Impact) ඉහල පරාසයේ විද්‍යා සඟරා කීයක නලින් ගේ ප්‍රවාද පලවී ඇත්ද? උදාහරණයක් වශයෙන් Science හෝ Nature සඟරා වල පලවන්නේ(බටහිර ) විද්‍යාවේ සුවිශේෂී සොයාගැනීම්ය. ඔරිජිනල් කතන්දරය. අනිත් එවුන්ට කෝචෝක් දාන නලින් Nature හෝ Science වල කතන්දර කීයක් පල කර තිබේද?

"බටහිර විද්‍යා සඟරාවලට නොලියමි" වැනි ගොන් කතා හෝ "බටහිර ප්‍රවාද සැදීම අපේ කාරියක් නොවේ" වැනි මෝඩ ජෝක් නොදා, කොන්ටම් ගැන බටහිර විද්‍යා සඟරා වල පල නොවී රිජෙක්ට් වූ ලිපි ඉරිදා දිවයිනට යැවීම වැනි කොමිටල් වැඩ නොකර, Nature හෝ Science ලෙවල් එකේ සඟරාවක බටහිර බැරිනම් චීන හෝ බෞද්ධ විද්‍යා කතන්දරයක් පල කර තිබේද??

මේ උතුරේ යුධ අපරාධ වල පටිගත දර්ශන ද??

noreply@blogger.com (සූස්ති ගුනේ) — Tue, 25 Aug 2009 22:34:00 +0000

Be warned - there are extremely disturbing scenes

ශ්‍රි ලංකා හමුදා උතුරේ කොටි ත්‍රස්තයින් විනාස කොට සමූලඝාතනය කල බව නිවේදනය කර මාස තුනක් ගතවු පසු , ශ්‍රී ලංකා හමුදා යැයි සැක කල හැකි කන්ඩායමක් විසින් නිරායුධ දෙමල තරුණයන් ඝාතනය කරන විඩියෝ දර්ශන කල එලි බැස තිබේ. මේ දර්ශන "චැනල් ෆෝ නිවුස්" හි පෙන්වා තිබේ. ලංකාවේ ප්‍රජාතන්ත්‍රවාදය සඳහා වු මාධ්‍යවේදියෝ නම් සංවිධානය පවසන්නේ මෙම දර්ශන පසුගිය ජනවාරියේ හමුදා භටයෙකුගේ දුරකතනයක් මගින් පටිගත දර්ශන බවයි

බ්‍රිතාන්‍යයේ ශ්‍රී ලංකා මහ කොමසාරිස් කාර්යාලය මෙම චෝදනා ප්‍රතික්ශේප කරන අතරම මෙම පටිගත විඩියෝ දර්ශන වල සත්‍ය අසත්‍යතාවය විකාශනයට පෙර සැක හැර නිශ්චය කරගන්නා ලෙස ඉල්ලා තිබේ

http://www.channel4.com/news/articles/world/asia_pacific/is+this+evidence+of+sri+lankan+aposwar+crimesapos/3321087