CINE MANTHRA

முன்னாள் காதலனுக்கு டஃப் கொடுக்கும் சமந்தா

2016-04-07T00:40:00.004+05:30

சமந்தாவும், சித்தார்த்தும் ஒருகாலத்தில் காதலர்கள் என்பது அனைவரும் அறிந்ததே. அதேபோல் அவர்களின் பிரிவும்.

இருவரும் கா விட்டு பிரிந்தாலும் அவ்வப்போது ஏட்டிக்குப் போட்டியாக எதையாவது செய்யாவிடில் இருவருக்குமே தூக்கம் வராது. முக்கியமாக சமந்தாவுக்கு.

கன்னடத்தில் பவன் குமார் இயக்கிய லூசியா படத்தின் உரிமையை வாங்கிய சித்தார்த், அதன் தமிழ் ரீமேக் எனக்குள் ஒருவனில் நடித்தார். படம் ப்ளாப். சித்தார்த் மண்ணை கவ்விய கிரவுண்டில் சிக்சர் அடிக்க நினைக்கிறார் சமந்தா.

பவன் குமாரின் புதிய படம், யு டர்ன். நாயகி மையத்திரைப்படம். அதன் தமிழ் ரீமேக்கில் நடிக்க சமந்தா ஆர்வம் காட்டுகிறார். தமிழ் ரீமேக் உரிமையை வாங்கி, தமிழில் அவரே தயாரித்து நடித்தாலும் ஆச்சரியமில்லை என்கிறார்கள், சமந்தாவின் ஆர்வத்தை கவனித்தவர்கள். எதிரி வீழ்ந்த இடத்தில் வெற்றிக் கொடிகட்டத்தான் வீரனுக்கும் ஆசை, காதலிக்கும் ஆசை.

பாலசந்தர் படம் பார்த்த மாதிரியிருக்கு...

2016-04-07T00:36:00.003+05:30

தோழா படத்தின் சக்சஸ்மீட். நாகார்ஜுனும், கார்த்தியும் மாறி மாறி உணர்ச்சிவசப்பட்டுக் கொண்டேயிருந்தனர்.

கார்த்திக்கு தாள முடியாத சந்தோஷம்.

படம் பார்ப்பதோடு மறந்துவிடுகிற கார்த்தியின் அம்மா, தோழா படம் பார்த்துவிட்டு, படத்தின் இயக்குனர் வம்சியை போனில் அழைத்து பாராட்டியிருக்கிறார். இந்தத் தகவலை பகிர்ந்து கொண்ட கார்த்தி, தோழா படம் பார்த்துவிட்டு, ரொம்ப நாளைக்கப்புறம் பாலசந்தர் படம் பார்க்கிற மாதிரி இருக்கு என தனது அம்மா கூறியதாக தெரிவித்தார்.

ம்... பெரிய பாராட்டுதான்

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்

சிம்புவை மீண்டும் சீண்டிய பாண்டிராஜ்!!!

2016-04-07T00:30:00.001+05:30

இது நம்ம ஆளு என்ற ஒரேபடம். பாண்டிராஜின் மொத்த எனர்ஜியையும் ஸ்ட்ரா போட்டு உறிகிறது. படம் வெளிவரும்வரை. அதன் இயக்குனர் என்றவகையில், அதுபற்றி கவலைப்பட்டுத்தானே ஆக வேண்டும். இது நம்ம ஆளு படத்தின் டீஸரை ட்விட்டரில் வெளியிட்டவர், கூடவே, நாங்க சொன்ன நேரத்துக்கு வரமாட்டோம், நெனைச்ச நேரத்துக்குதான் வருவோம் என்று கமெண்டும் போட்டுள்ளார். சிம்பும், டி.ஆரும் இன்னும் படத்தை வெளியிடாமல் இருப்பதை இந்த கமெண்டில் மீண்டும் இடித்துரைத்திருக்கிறார் பாண்டிராஜ்.விஜய் சந்தர் இயக்கத்தில் சிம்பு நடிக்கும் படத்துக்கு பூஜை போட்ட போதும், வெற்றிப்படமாகவும், அதேநேரம் விரைவாகவும் முடிய வாழ்த்துகள் என்று, இது நம்ம ஆளு தாமதத்தை இடித்துக்காட்டியிருந்தார். இதோ மீண்டும் ஒருமுறை. டி.ஆர். மட்டும் வேண்டுமென்றே படத்தை இழுத்தடிக்கிறார். வாலு படத்துக்காக சேர்த்துக் கொண்ட கடனை கொடுத்தால்தானே இது நம்ம ஆளு படத்தை வெளியிட முடியும்? கோடிகளில் கடனிருந்தால், சொன்ன நேரத்துக்கு மட்டுமில்லை, நெனச்ச நேரத்துக்கும் வரமுடியாது.

பிரபஞ்ச அழகியின் தனுஷ் ஆசை

2016-04-07T00:25:00.001+05:30

பெங்காலி படங்களில் நடித்து வருகிறவர் ஷீனா. பிரபஞ்ச அழகியாக தேர்வு செய்யப்பட்டவர். கொல்கத்தாவைச் சேர்ந்த இவரது ஆசை, தனுஷுடன் ஜோடி சேர்ந்து நடிக்க வேண்டும் என்பதுதானாம்.ஷீனா நடிகர் அனுபம் ரின் நடிப்புப் பள்ளியில் நடிப்புப் பயிற்சி எடுத்துக் கொண்டவர். அந்த நேரம் மலையாளப்பட இயக்குனர் ஜெயராஜ் அறிமுகமாகி, அவரது படத்தில் நடித்தார். தமிழில் தனுஷுடன் நடிக்க வேண்டும் என்பது ஷீனாவின் விருப்பம். கேட்டால்,"தனுஷ் தமிழைத்தாண்டி பாலிவுட்டிலும் கலக்குகிறார், அவரது நடிப்பு எனக்குப் பிடிக்கும், அவருடன் சேர்ந்து நடிக்க ஆவலாக இருக்கிறேன்" என்றார்.பிரபஞ்ச அழகியுடன் சேர்ந்து நடிக்க தனுஷுக்கு பிடிக்குமா, தெரியவில்லை

விஷால் படத்தில் மீண்டும் காமெடியனாகும் வடிவேலு

2016-04-07T00:17:00.001+05:30

விஷால் நடிக்கும் கத்தி சண்டை படத்தில் வடிவேலு மீண்டும் காமெடியனாக நடிப்பதாக செய்தி வெளியாகி உள்ளது. ஆனாலும், சம்பந்தப்பட்டவர்கள் இந்த செய்தியை இன்னும் உறுதி செய்யவில்லை.ஹீரோவாக மட்டுமே நடிப்பேன் என்று சொல்லி வந்த வடிவேலின் ஹீரோ படங்கள் எதுவும் ஓடவில்லை. தெனாலிராமன், எலி என்று அனைத்துப் படங்களும் தோல்வியடைய, தற்போது வீட்டில் சும்மாதான் ஓய்வெடுக்கிறது வைகைப் புயல். இந்நிலையில், நடிகர் சங்கத்தில் விஷாலுடன் ஏற்பட்ட நெருக்கம் காரணமாக சுராஜ் இயக்கத்தில் விஷால் நடிக்கும் கத்தி சண்டை படத்தில் நடிக்க ஒப்புக் கொண்டதாக தகவல்கள் கூறுகின்றன. கதாநாயகன் வடிவேலு அல்ல கைப்புள்ள வடிவேலைத்தான் தமிழகம் எதிர்பார்க்கிறது. இப்போதாவது இந்த உண்மை வடிவேலுக்கு புரிந்தால் சரிதான்.

பாகுபலியில் தீபிகா... நல்லா கிளப்புறாங்கையா பீதியை

2016-04-07T00:14:00.002+05:30

பாகுபலி இரண்டாம் பாகம் குறித்து வருகிற வதந்திகளைக் கேட்டால் பாகுபலியே மிரண்டு போவார். ஒவ்வொன்றும் அணுகுண்டு ரகம்.ராணாவின் மனைவியாக நடிக்க ஸ்ரேயாவை ராஜமௌலி ஒப்பந்தம் செய்துள்ளார் என்று முதலில் கூறினார்கள். பிறகு, ஸ்ரேயாவே, அப்படியெல்லாம் இல்லை என்று வதந்திக்கு முற்றுப்புள்ளி வைத்தார். இப்போது, தீபிகா படுகோனே நடிப்பதாக கொளுத்திப் போட்டிருக்கிறது ஒரு கும்பல். கேட்கும் போதே வதந்தியின் தீய்ந்தவாடை அடிக்கிற இந்த செய்தியையும் உண்மை என்று சிலர் தொங்கிக் கொண்டிருப்பதைப் பார்க்கும் போதுதான் ஆச்சரியமாக இருக்கிறது. திருந்துங்கப்பா.

'ஜித்தன் ரமேஷ்' ஏப்ரல் 8 ஆம் தேதி மீண்டும் பிறக்கிறார்!

2016-04-05T22:51:00.002+05:30

"அ முதல் ஃ தானடா, இவ எவர்சில்வர் தட்டு தானடா!" என்ற ஜித்தன் படப்பாடலை தெரியாதவர்கள் தமிழ்நாட்டில் இருக்க முடியாது. தற்போது மீண்டும் அதே உற்சாகத்துடன் நடிகர் ரமேஷின் 'ஜித்தன் 2' திரைப்படம் வெளியாக உள்ளது. புதுமுக இயக்குனர் ராகுல் பரமஹம்சா இப்படத்தை இயக்க, வின்சென்ட் செல்வா கதை, வசனம் எழுதியுள்ளார். மேலும் மயில்சாமி, ரோபோ ஷங்கர், கருணாஸ் மற்றும் யோகி பாபு ஆகியோர் முக்கிய வேடங்களில் நடித்துள்ளனர். "என் வாழ்க்கையில் எனக்கு ஓர் மைல் கல்லாக அமைந்த திரைப்படம் 'ஜித்தன்'. அன்று முதல் இன்று வரை 'அ முதல் ஃ தானடா', பாடல் ஒலிக்காத கச்சேரியே கிடையாது. அதுபோல் 10 மடங்கு நச்சென்று ஒரு குத்து பாடலை இந்த படத்திற்காக இசையமைத்துள்ளேன். மேலும் வெளிநாட்டில் இருந்து பின்னணி இசைக்காக வரவழைக்கப்பட்ட சவுண்ட் ட்ராக்ஸ் படத்திற்கு கூடுதல் பலத்தை தரும்!", என்கிறார் கலகலப்பான ஸ்ரீகாந்த் தேவா. இயக்குனர்-ஒளிப்பதிவாளர் விஜய் மில்டன் அவர்களின் உதவியாளர் S.K.மிட்ஷெல் ஒளிப்பதிவில் உருவாகியுள்ள இந்த திரைப்படம், ஏப்ரல் 8 ஆம் தேதி வெளியாகிறது. 'படத்தின் கதைப்படி முதல் பாகத்தில் இறந்துப்போன ரமேஷ் இந்த பாகத்தில் மீண்டும் பிறந்து, பேயுடன் மாட்டிக்கொண்டு வாழும் தருணங்களே ஜித்தன் 2 வின் கதை கரு", என்கிறார் படத்தின் எழுத்தாளர் வின்சென்ட் செல்வா. மேலும் அவர் கூறுகையில், "இந்த திரைப்படம் நிச்சயமாக ரசிகர்களின் மனதை வென்று, அவர்களின் உள்ளங்களில் இடம் பிடிக்கும்", என்றார். படத்தின் அறிமுக இயக்குனர் ராகுல் பரமஹம்சா கூறுகையில், "பொதுவாக பேய் என்றால் பயம் மட்டும் தான் என்று நினைத்து வருகிறார்கள். ஆனால், அதற்கு அப்பாற்பட்டு வேறு சில விஷயங்களும் உள்ளது என்ற கருத்தை புதியகோணத்தில் இந்த படம் மூலம் கூறி இருக்கிறோம்," என்கிறார். மொத்தத்தில் ஜித்தன் 2 அனைத்து தரப்பினரின் பாராட்டுகளையும் பெறும் என எதிர்பார்கப்படுகிறது.

மானத்தை வாங்காதீர்கள் : நடிகர் சங்கத்துக்கு ஆர். கே. செல்வமணி வேண்டுகோள்!

2016-04-03T22:12:00.000+05:30

மானத்தை வாங்காதீர்கள் : நடிகர் சங்கத்துக்கு ஆர். கே. செல்வமணி வேண்டுகோள்!

மானத்தை வாங்காதீர்கள் நடிகர்களில் கிரிக்கெட் ஆடத் தெரிந்தவர்களை போட்டிக்கு அனுப்புங்கள் என்று நடிகர் சங்கத்துக்கு ஆர். கே. செல்வமணி வேண்டுகோள் விடுத்தார்.

இது பற்றிய விவரம் இதோ:

சினிமாவில் ஒரே நேரத்தில் 14 தொழில்நுட்ப வேலைகளைச் செய்து கின்னஸ் சாதனை செய்துள்ளவர் பாபு கணேஷ் .அவர் தன்மகன் ரிஷிகாந்த்தை கதாநாயகனாக அறிமுகம் செய்துள்ள படம் 'காட்டுப்புறா'. இது தமிழ் சினிமாவின் முதல் குழந்தைகள் வாசனைப் படமாக உருவாகியுள்ளது.

இப்படத்தின் ஆடியோ வெளியீட்டுவிழா தியாகராயர் க்ளப்பில் நடைபெற்றது. இவ்விழாவில் தமிழ்நாடு திரைப்பட தயாரிப்பாளர் சங்கத்தலைவர் கலைப்புலி எஸ்.தாணு ஆடியோவை வெளியிட்டார்.

விழாவில் தமிழ் திரைப்பட இயக்குநர்கள் சங்கத்தின் செயலாளர் ஆர்.கே. செல்வமணி பேசும் போது

" இந்த பாபு கணேஷ் என் நெருங்கிய நண்பர். குடும்பத்துடன் பழகிடும் குடும்ப நண்பர். என் காலத்தில் பிலிம் இன்ஸ்டிடியூட்டில் படித்தவர். நான் 30 ஆண்டுகளுக்கு முன் 'செம்பருத்தி'
எடுத்தபோது அவர் 'கடல்புறா' எடுத்தார். இப்போது 'காட்டுப்புறா' எடுத்திருக்கிறார். அவர் மகன் அன்று கைக்குழந்தை, இன்று கதாநாயகனாகி இருக்கிறான். 8 பேக் வைத்திருக்கிறான் ஒரு நாள் பாபு கணேஷ் எனக்கு தொலைபேசியில் கூப்பிட்டுப் பேசினார். என் மகனை சிசி எல்லில் சேர்க்காமல் தவிர்த்து விட்டார்கள் என்று. ஏதாவது செய்ய முடியுமா என்றார்.
அது நடிகர் சங்கம் சம்பந்தப்பட்டது நான் ஒன்றும் செய்ய முடியாதுப்பா என்றேன்.
என் மனைவி ரோஜாவின் அண்ணன் மகள் என்னிடம் கேட்டாள். 'என்ன மாமா உங்க ஆளுங்க. ஊத்திக்கிட்டு வந்துட்டாங்க போல..' அவள் என்னைக் கேலி செய்தாள்.செலிபிரிட்டி கிரிக்கெட்டில் நம் நடிகர்கள் சரியாக ஆடாததைத்தான் அப்படிச் சொல்லிக் காட்டினாள்.

யாரோ நடிகர்கள் செலிபிரிட்டி கிரிக்கெட் ஆடுகிறார்கள். ஆனால் வெளியில் இருப்பவர்கள் தமிழ்நாடே ஆடுவதாக நினைக்கிறார்கள்..தமிழர்களே ஆடுவதாக நினைக்கிறார்கள். நம் மானம் போகிறது. நடிகர் சங்கத்துக்கு நான் வேண்டுகோள் வைக்கிறேன் இதுமாதிரி செலிபிரிட்டி கிரிக்கெட்டுக்கு ஆடத்தெரிந்த நடிகர்களை அனுப்புங்கள் .ஆடத்தெரியவில்லை என்றால் சில மாதம் பயிற்சி கொடுத்து அனுப்புங்கள்.இப்படி மானத்தை வாங்காதீர்கள். ரிஷிகாந்துக்கு தாணு சார் வாய்ப்பு தருவதாக கூறியிருக்கிறார்.இன்றைக்கு சினிமா மாறியிருக்கிறது.இன்றுள்ள சூழலில் 'காட்டுப்புறா'வை வெளியிட முடியுமா? இன்றைக்குள்ள சினிமாபழையபடி வருமா?

இன்று படம் ஓடவில்லை ஓடவில்லை என்கிறோம். எந்த தியேட்டரில் எந்தப் படம் ஓடுகிறது என்று நமக்கே தெரிவதில்லை ரசிகன் எப்படி வருவான்?

பழையபடி குறிப்பிட்ட திரையரங்குகளில் தினசரி 3 காட்சிகள் முறை மீண்டும் வர வேண்டும். எந்த தியேட்டரில் எந்தப் படம் ஓடுகிறது என்று ரசிகர்கள் மனதில் பதியச் செய்ய வேண்டும்.

சினிமா சூழல் மாறி விட்டது. முதலில் எங்களை விரட்டினார்கள். இனி உங்களையும் (தயாரிப்பாளர்களை )விரட்டப் போகிறார்கள்.

இப்போது சினிமா புரோக்கர்கள் கையில் போய்விட்டடது. புரோக்கர்கள்தான் நம்மை ஆண்டு வருகிறார்கள். உற்பத்தி செய்பவர்கள் வாழ முடியவில்லை, விற்கிறவர்களும் வாழ முடியவில்லை. இது விவசாயத்தில் மட்டுமல்ல சினிமாவிலும் வந்து விட்டது. இது என்று மாறும்? ''
இவ்வாறு செல்வமணி ஆவேசத்துடன் பேசினார்.

விழாவில் கிரிக்கெட்வீரர் பத்ரிநாத் சுப்ரமணியன், மிஸ்டர் வேர்ல்டு ராஜேந்திரமணி, சத்யஜோதி பிலிம்ஸ் டி.ஜி.தியாகராஜன், விநியோகஸ்தர் சங்கத் தலைவர் அருள்பதி , பாடகர் கானாபாலா, பாடகி வாணிஜெயராம், இயல்இசை நாடக மன்ற செயலாளர் சச்சு. தயாரிப்பாளர்கள் 'பிலிம் சேம்பர்' காட்ரகட்டபிரசாத்,ஜெயந்தி சண்ணப்பன் ஆகியோரும் கலந்து கொண்டனர்.

கலையரசனுக்கு இது ’டபுள் கொண்டாட்ட ஏப்ரல் மாதம்’!

2016-04-03T22:06:00.003+05:30

‘மெட்ராஸ்’ முகவரியுடன் நடிக்க வந்த கலையரசனுக்கு உயிரைக் கொடுத்து நடித்த ‘டார்லிங்’ படமும் திறமைக்கு விசிட்டிங் கார்ட்டாக அமைய, இப்போது டபுள் சந்தோஷத்தில் இருக்கிறார்.

காரணம், இந்த ஏப்ரல் மாதத்தில் மட்டும் அவர் நடித்திருக்கும் ‘டார்லிங்-2’மற்றும் ‘ராஜா மந்திரி’ ஆகிய இரண்டு திரைப்படங்களும் வெளிவர இருக்கின்றன.

உற்சாகமும், திறமையும் இருந்தாலும், ஒரேயொரு படம் மூலம் சில நட்சத்திரங்களின் வாழ்க்கையில் பெரும் மாற்றத்தையும், புதிய அடையாளத்தையும் கொடுத்து ஆசீர்வதிப்பாள் கலை தாய். கலை தாயின் அந்த ஆசீர்வாதம் பெற்ற இன்றைய தலைமுறை நடிகர்களில் முக்கியமான ஒருவராக, கலையரசன் திகழ்கிறார்.

டாப் கியரில் இருக்கும் கலையரசனின், சினிமா பயணத்தில் அவரது கால்ஷீட் இப்போது ஃபுல். அவர் நடிக்கும் படங்களில் மிகவும் முக்கியமானது, சூப்பர் ஸ்டாரின்‘கபாலி’. இப்படத்தில் நல்ல கதாபாத்திரத்தில் நடித்து கொண்டிருக்கிறார். இது ஒருபுறம் இருக்க, அறிமுக இயக்குநர் சதீஷ் சந்திரசேகர் தன் வாழ்வில் ஒரு விடுமுறை கொண்டாட்டத்தின் போது பார்த்த உண்மைச் சம்பவங்களை அடிப்படையாக கொண்டு எழுதிய கதையை கொண்டு இயக்கி யிருக்கும் படம்‘டார்லிங்–2’. இப்படம் இம்மாதம் ஏப்ரல் திரையரங்குகளில் வெளியாக இருக்கிறது.

’டார்லிங்–2’ படத்தைப் பொறுத்தவரை ஒரு அறிமுக இயக்குநர் இயக்கிருந்தாலும், இப்படத்தின் ஒட்டுமொத்த யூனிட்டை அவர் கையாண்ட விதமும், நுணுக்கமாக படத்தை உருவாக்கியதும் பெரும் பாராட்டைப் பெற்றிருக்கிறது. இப்பட ஷூட்டிங்கின் போது பெரும்பாலான நாட்கள் ஆந்தைகளைப் போல இரவு முழுவதும் முழித்திருந்து ஷூட்டிங்கை முடித்துவிட்டு, பகல் முழுவதும் தூக்கியிருக்கிறது ஒட்டுமொத்த டீமும். இந்த டிமாண்ட்க்கு காரணம் கதை.

இப்படி ஒவ்வொரு விஷயத்திலும் மெனக்கெட்டிருக்கும் ‘டார்லிங் -2’ படத்தைப் பற்றி கேட்டதுமே, தமிழ் திரையுலகில் ஒரு படத்தை எப்படி வெற்றி பெற வைத்து ஹிட்டாக்குவது என்பதில் தனது அசாத்தியமான திட்டமிடல்களால் புகழ்பெற்ற சூப்பர் தயாரிப்பாளர் திரு. ஞானவேல் ராஜா, தனது பேனரில் வெளியிட இருக்கிறார். இதன் மூலம் இப்படத்தின் மீது அவர் கொண்டிருக்கும் நம்பிக்கையே முதல் வெற்றியாக அமைந்திருக்கிறது.

இது தொடர்பாகவும், ‘டார்லிங் -2’ படம் பற்றியும் கலையரசன் கூறுகையில், “டார்லிங்-2’ படம் மிகப்பெரிய கமர்ஷியல் படமாக வெற்றிப் பெறும். இந்த வெற்றி என்னுடைய சினிமா கேரியரில் ஒரு நடிகராக என்னை அடுத்தக்கட்டத்திற்கு கொண்டு செல்லும் என்றும் நம்புகிறேன்” என்று உற்சாகமாகிறார்.

இறுதிக்கட்ட தருவாயில் பாபி சிம்ஹாவின் 'வல்லவனுக்கும் வல்லவன்'

2016-04-03T22:01:00.002+05:30

'ஜிகர்தண்டா' படத்தில் வரும் 'அசால்ட் சேது' என்கிற கதாப்பாத்திரத்தால் தமிழக மக்களின் நெஞ்சில் நீங்கா இடம் பெற்றவர் பாபி சிம்ஹா. தற்போது அவர் தயாரிப்பில் அசால்ட் PRODUCTIONS என்ற நிறுவனத்தின் சார்பில் அவர் கதாநாயகனாக நடித்து வெளி வர இருக்கும் படம் வல்லவனுக்கும் வல்லவன்.அறிமுக இயக்குனர் விஜய் தேசிங்கு இயக்கியுள்ள இந்த அதிரடி திரில்லர் படத்தின் டப்பிங் இன்று துவங்கியுள்ளது. இதைத் தவிர்த்து, 'கோ 2' மற்றும் 'இறைவி' ஆகிய இரண்டு படங்கள் பாபி சிம்ஹா நடிப்பில் விரைவில் வெளியாக உள்ளன. இந்த மூன்று படங்களிலும், பாபியின் கதாப்பாத்திரம் தனித்துவம் வாய்ந்ததாக கருதப்படும் என எதிர்ப்பார்க்கப்படுகிறது. இடை விடாத படப்பிடிப்பின் மூலம் வல்லவனுக்கு வல்லவன் படத்தின் படப்பிடிப்பு பணிகள் முடிந்து, டப்பிங் வேலைகள் இன்று துவங்கி உள்ளது.

'ஒரே ஒரு பாட்டு ஓஹோன்னு வாழ்க்கை : பாடகர் ஜெகதீஷ்

2016-04-03T21:57:00.000+05:30

ஒரே ஒரு பாட்டு ஓஹோன்னு வாழ்க்கை: பாடகர் ஜெகதீஷ்
மெல்லிய மனசுக்குச் சொந்தக்காரர் ஏ.ஆர் ரகுமான் சார்: சொல்கிறார் பாடகர் ஜெகதீஷ்

ரகுமானுடன் ரம்மியமான அனுபவங்கள் : சொல்கிறார் பாடகர் ஜெகதீஷ்

சினிமாவில் ஒரு திருப்பு முனை வாய்ப்புக்காகவே எல்லாரும் காத்திருப்பார்கள். அது வந்து விட்டால் அவர்கள் உயரத்தை நோக்கி பயணிக்கத் தொடங்கி விடுவார்கள்.

பின்னணிப் பாடகர் ஜெகதீஷ் ஏற்கெனவே பல பாடல்கள் பாடியிருந்தாலும் ராகவா லாரன்ஸின் தெறி ஹிட் படமான 'காஞ்சனா-2' படத்தில் பாடிய 'சில்லாட்டா பில்லாட்டா' பாடலுக்குப் பின் அவரைப் புகழ் வெளிச்சமும் புதுப்புது வாய்ப்புகளும் தேடி வர ஆரம்பித்தன. 'ஒரே ஒரு பாட்டு ஓஹோன்னு வாழ்க்கை' என்று இன்று மகிழ்ச்சியுடன் இருக்கிறார்.

பாடகர் ஜெகதீஷ் லயோலா கல்லூரியில் விஸ்காம் படித்துவிட்டு அங்கேயே ஊடகக்கலை முதுகலையும் முடித்துள்ளார்.

பிறகு ஏ.ஆர்.ரகுமானின் 'கே எம் காலேஜ் ஆப் மியூசிக் அண்ட் டெக்னாலஜி' கல்லூரியில் மேற்கத்திய இசை பயின்றுள்ளார்.

உங்கள் அறிமுகம் பற்றிச் சொல்லுங்கள் என்றால்,

" எனக்கு இந்துஸ்தானி கற்றுக் கொடுத்த குல்தீப் சாகர், தனுஸ்ரீ அம்மா, கர்நாடக இசை கற்றுக் கொடுத்த தகேசி மாஸ்டர், ஜெயலட்சுமி, சியாமளா வெஸ்டர்ன் தியரி கற்றுக் கொடுத்த ஆல்பர்ட் மாஸ்டர், ஆர்க்கெஸ்ட்ராவில் வளர்த்து விட்ட சித்தப்பா '' என்றுநீண்ட பட்டியல் வாசித்தவர், இவர்கள் இல்லாமல் தான் இல்லை என்கிறார் நன்றியுடன்.

இவர் வானொலியில் ரேடியோ ஜாக்கியாகவும் தொலைக்காட்சியில் வீடியோ ஜாக்கியாகவும் வேலை பார்த்திருக்கிறார். இதனால் பாடமட்டுமல்ல இவர் பேசவும் தெரிந்தவர். விளம்பரங்கள், ஜிங்கிள்ஸ், குறும்படங்கள் என நிறைய பாடியுள்ளார்.

இவர் உலகப்புகழ் ஆஸ்கார் நாயகன் ஏ.ஆர்.ரகுமானின் இசைக் கல்லூரி மேற்கத்திய இசையின் பல்வேறு பரிமாணங்களை தனக்கு வெளிப்படுத்தி இசை ஞானத்தை விரிவாக்கியதாகக் கூறுகிறார்.

ஏ.ஆர்.ரகுமானின் இசையில் கூட பாடியிருக்கிறார், பாடிக் கொண்டும் இருக்கிறார். இருந்தாலும் தனக்கு முதல் வாய்ப்பு கொடுத்த இசையமைப்பாளர் ஜீவன் மயில்,இன்று வளர்ந்து வரும் நிலையில் இருந்தாலும் மறக்காமல்அவரையும் குறிப்பிடுகிறார்.

'காஞ்சனா--2' படப் பாடல் மூலம் குழந்தைகள் முதல் பெரியவர்கள் வரை சென்றடைந்து இருப்பதாகக் கூறும் ஜெகதீஷ், ஸ்டுடியோ 1 ஸ்டார் ஐகான் சார்பில் சிறந்தபாடகர் விருதும் பெற்றுள்ளார். அதற்குள்ளாகவே எடிசன் விருதுக்கு சந்தோஷ் நாராயணன், ஷான் ரோல்டன், அனிருத் ஆகியோருடன் சிறந்தபாடகர் விருதுக்கான போட்டியில் இருந்திருக்கிறார்.

ஏ.ஆர்.ரகுமானின் இசைக் கூடத்தில் பயின்றது தனி உலகம் போன்ற தனி அனுபவம் என்கிறார்.

'மிர்ச்சி அன் ப்ளக்டு' என்றொரு முயற்சியில் எலெக்ட்ரானிக் கருவிகள் இல்லாமல் எல்லாமே மேனுவலாக வாசிக் கப்பட்டு ரகுமான் இசையில் 'நறுமுகையே' பாடல் பாடி வீடியோ ஆல்பமாகியுள்ளது.. இது யூடியூப்பில் ஹிட் அடித்தது. ரேடியோ மிர்ச்சிக்காக இதை கேஎம் இசைக்கல்லூரி கல்லூரி மாணவர்கள் செய்திருந்தனர். ரகுமான் இதில் தோன்றியிருப்பார்.

ரகுமான் மிகவும் அமைதியானவர் அதிகம் பேச மாட்டார். என்பார்கள். அவர் திறமை சாலிகளை ஊக்கப் படுத்த தவறுவதில்லை அவரது இசைக்கல்லூரி மாணவர்களைப்பாராட்டி ஊக்கப் படுத்துவார். வெகு ஜாலியான மெல்லிய மனசுக்குச் சொந்தக்காரர். ஜெகதீஷ் போட்டிருந்த 'டிஷர்ட்' வாசகத்தைப் படித்து விட்டுக்கூட பாராட்டியிருக்கிறாராம்.

ரகுமான் இசையில் நிறைய கோரஸ் பாடியிருக்கிறார். தனிக்குரலும் வெளிப்பட்டு உள்ளது. இப்படி 'கோச்சடையான்', 'ஐ' ,தமாஷா' இந்திப்படம் போன்ற பல அனுபவங்கள் உள்ளன ஜெகதீஷீக்கு. ''உலக இசை நாயகன் ரகுமானின் அருகில் இருந்து அவரது குழுவில் இருந்ததே பெருமை, பாக்யம். " என்கிற ஜெகதீஷ், ரகுமானின் 'கவாலி' இசைக் குழுவில் இடம் பெற்றுள்ளதை பூரிப்புடன் கூறுகிறார் இருபது பேர் கொண்ட அக்குழுவின் பல மதத்தினரும் உள்ளது மத நல்லிணக்கத்துக்கு ஓர் உதாரணம் எனலாம். மசூதிகளில் இறைவணக்கம் பாடுவது இவர்களின் பணி.

ஏ.ஆர்.ரகுமான் தொடங்கி தேவா, ஹாரிஸ் ஜெயராஜ்,ஸ்ரீகாந்த் தேவா, சி.சத்யா, என்.ஆர்.ரகுநந்தன், விஷால் சந்திரசேகர், அருணகிரி, சித்தார்த் விபின் வரை பல்வேறு இசையமைப்பாளர்களின் இசையில் ஜெகதீஷ் பாடிவருகிறார்.

ஏப்ரல் 1ல் வெளியாகவிருக்கும் 'ஹலோ நான் பேய் பேசுறேன்' படத்தில் 'ஹலோ நான் பேய் பேசுறேன்' என்கிற பாடலை விஷ்ணுப்பிரியாவுடன் இணைந்து பாடியுள்ளார். அதே படத்தில் நடிகர் விஜய்சேதுபதியுடன் 'மஜா ' பாடலை இணைந்து பாடியதை மகிழ்ச்சியான அனுபவமாகக் கூறுகிறார்.

பாடகர் அனுபவம் பற்றிக் கூறும்போது "இப்போதுள்ள இசையமைப்பாளர்கள் எளிதில் வேலை வாங்குகிறார்கள். புதியவர்களை வளர்த்து விடுகிறார்கள் ஆர்வமும் முறையான பயிற்சியும் தொடர் முயற்சியும் இருந்தால் நிச்சயம் ஜெயிக்கலாம். " என்கிறார்.

ஜெகதீஷிடம் நம்பிக்கையுடன் நன்றியுணர்வும் உள்ளது. எனவே இவர் வளர்வதை இவருக்கு உதவியவர்களின் ஆசீர்வாதங்களே உறுதி செய்யும் எனலாம். வாழ்த்துக்கள்.!

“களம் படத்தின் முன்னோட்டம் என்னை நடுங்க வைத்துவிட்டது" - வெங்கட் பிரபு

2016-04-03T21:54:00.003+05:30

தமிழ் சினிமாவிற்கு மேலும் திகிலூட்டக்கூடிய வகையில் வெளிவர இருக்கும் திரைப்படம் 'களம்'. இந்த படத்தின் முன்னோட்டத்தை இன்று இயக்குனர் வெங்கட் பிரபு வெளியிட்டார். " தற்போது தான் இந்த படத்தின் முன்னோட்டத்தை நான் பார்த்தேன். ஓர் திகில் சினிமாவிற்குரிய அனைத்து அம்சங்களும் இதில் அமைந்திருக்கிறது", என்கிறார் வெங்கட் பிரபு. மேலும் அவர் கூறுகையில், "பொதுவாக ஓர் திகில் படம் எடுப்பது சாதாரண விஷயம் அல்ல; பார்வையாளர்களை பயத்தில் வைத்திருப்பதே அதனுடைய சிறப்பம்சம். அந்த வகையில், களம் படத்தின் முன்னோட்டம் என்னை சில இடத்தில் ஆட்டம் காட்டிவிட்டது. அறிமுக இயக்குனர் ராபர்ட் S ராஜ் மற்றும் கதை ஆசிரியர் சுபிஷ் K சந்திரன் அவர்களுக்கும், படம் வெற்றிப்பெற நான் வாழ்துகிறேன்", என்றார்.

ஏப்ரல் மாத நாட்களில்,இந்த திகில் அனுபவத்தை நாம் எதிர்ப்பார்க்கலாம்.

'ரம்' நாயகியின் கார் சாகசம்

2016-04-03T21:53:00.000+05:30

சூது கவ்வும் திரைப்படத்தில் கற்பனை கதாப்பாத்திரமாக தோன்றி, தமிழக இளைஞர்களின் உள்ளங்களை கிறங்கடித்தவர் சஞ்சிதா ஷெட்டி. இவர் தற்போது அறிமுக இயக்குனர் 'சாய்' இயக்கும் 'ரம்' திரைப்படத்தில் நடித்து வருகிறார். கடந்த 2013 ஆம் ஆண்டு வெளியான 'பீட்சா - 2' படத்திற்கு பிறகு, மூன்று வருடம் கழித்து இவர் நடிக்கும் தமிழ் படம் இதுதான். அனிரூத் இசையமைப்பில் All In Pictures விஜய் தயாரிப்பில் 'ரம்' ஒரு திரில்லர் மூவி. படப்பிடிப்பு முழுக்க முழுக்க இரவு நேரத்தில் தான் நடைபெற்று வருகிறது. "இப்படத்தில் காரில் துரத்திக்கொண்டு போகும் காட்சி ஒன்று இருப்பதை நான் நன்கு அறிவேன், ஆனால் அந்த காரை நான் தான் ஓட்ட வேண்டும் என்று இயக்குனர் சொன்னவுடன் மனதிற்குள் ஒரு பயம் கலந்த பதற்றம் ஏற்பட்டது. சிறிது நேரத்தில் எனது சக நடிகர்களாகிய ரிஷிகேஷ், விவேக் மற்றும் அம்ஜத் ஆகியோரும் காரில் ஏற, பயத்தின் உச்சத்துக்கே சென்று விட்டேன்! காரைவிட்டு இறங்கியதும் இயக்குனர் என்னிடம் கேட்ட கேள்வி என் பதற்றத்தை எல்லாம் சிரிப்பாக மாற்றிவிட்டது" அப்படி என்ன கேள்வி அது? "ஏன்மா, கார் ஒட்ட தெரியாது என்று நாங்கள் உள்ளே ஏறும் முன்னே சொல்லியிருக்கலாமே !! இது தான் அந்த கேள்வி" என்று புன்னகைக்கிறார் சஞ்சிதா ஷெட்டி .இத்திரைப்படம் தற்போது மூன்றாவது கட்ட படப்பிடிப்பில் இருப்பது குறிப்பிடத்தக்கது.

அப்போ 'மெட்ராஸ் ஜானி', இப்போ 'டார்லிங் பாலாஜி'

2016-04-03T21:49:00.002+05:30

தனது படபடப்பேச்சாலும், தனித்துவமான நடிப்பாலும் சினிமா காதலர்களின் உள்ளங்களை தட்டிச்சென்றவர் 'மெட்ராஸ் ஜானி' கதாப்பாத்திரத்தில் நடித்த 'ஹரி'. வட சென்னையை பூர்விகமாக கொண்ட ஹரி ஒரு 'மைம்' கலைஞர். வசனங்கள் இல்லாமல் தங்கள் பாவனைகளை வைத்து பிறரை கவர்வதில் இவர் சிறந்தவர். குயிலோ, மயிலோ! சின்னதோ, பெரியதோ! தனக்கு கொடுக்கும் கதாப்பாத்திரத்தை உள்வாங்கி கொண்டு, அந்த கதாப்பாத்திரமாகவே மாறும் திறன் ஹரியிடம் உண்டு.

அதற்கு உதாரணம்தான், 'அட்டக்கத்தி', 'மரியான்' மற்றும் 'மெட்ராஸ்' படங்கள். பொதுவாக தமிழ் சினிமா ரசிகர்கள் அவ்வளவு எளிதில் யாரையும் ஏற்றுக்கொள்ளமாட்டார்கள், அப்படிப்பட்ட ரசிகர்களின் மனதை வென்ற ஹரியை கண்டிப்பாக பாராட்டிதான் ஆக வேண்டும். தற்போது 'டார்லிங் 2' டிரெய்லரில் வரும் திக்குவாய் கதாப்பாத்திரம் வெகுவிரைவிலேயே பல்லாயிரக்கணக்கான மக்களின் இதயங்களை கவர்ந்துவிட்டது. "என்னுடைய ஜானி கதாப்பாத்திரம் மக்களின் மனதில் இடம் பிடிக்க ஒரு வாய்ப்பை பெற்று தந்தது; அதேபோல் இந்த பாலாஜி கதாப்பாத்திரமும் அமையும் என்று நம்புகிறேன். இந்த இரண்டு பாத்திரங்களும் முற்றிலும் வெவ்வேறு அம்சங்களை கொண்டது, என்னுடைய முழு திறமையையும் 'டார்லிங் 2' படத்தில் வெளிப்படுத்தி இருக்கிறேன்" என்று புன்னகையுடன் விடை பெறுகிறார் ஹரி.

ஹலோ நான் பேய் பேசுறேன் விமர்சனம்

2016-04-03T14:48:00.002+05:30

நடிப்பு: வைபவ், ஓவியா, ஐஸ்வர்யா ராஜேஷ், விடிவி கணேஷ், யோகி பாபு, கருணாகரன்

இசை: சித்தார்த் விபின்

தயாரிப்பு: சுந்தர் சி

இயக்கம்: எஸ் பாஸ்கர்

பேய்கள் (சீஸன்) ஓய்வதில்லை என்பதை தமிழ் சினிமா கால காலமாக மெய்ப்பித்து வருகிறது. இந்த வெள்ளிக்கிழமை வெளியான நான்கு படங்களில் இரண்டு பேய்ப் படங்கள் என்றால், பேய்கள் ஆதிக்கம் கோடம்பாக்கத்தில் எந்த அளவுக்கு கொடிகட்டிப் பறக்கிறது என்பதைப் புரிந்து கொள்ளலாம்.இந்தப் படத்தில் பேயை உருட்டி உருட்டி மரப்பாச்சி விளையாடியிருக்கிறார்கள்.அவ்வப்போது சின்னதும் பெரிதுமாக திருடிக் கொண்டிருக்கும் வைபவுக்கு ஐஸ்வர்யா ராஜேஷ் மீது காதல். ஐஸ்வர்யாவின் அண்ணன் சாவுக் குத்து போடும் விடிவி கணேஷ். குத்தாட்டம் தெரிந்தவனுக்குத்தான் என் தங்கை கொடுப்பேன் என்று நூதன கண்டிஷன் போட, அதை ஏழே நாளில் கற்றுக் கொள்வதாக நூதன சபதம் போட்டு, அதில் ஜெயிக்கிறார். இருவரும் கல்யாணம் பண்ணிக்கொள்ளும் நேரத்தில் ஒரு செல்போன் ரூபத்தில் ஓவியா பேய் குறுக்கிடுகிறது. பேயை விரட்டினார்களா, கல்யாணம் நடந்ததா என்பது மீதி ஒரு மணி நேரப் படம்.

இந்தப் படத்தில் பேய் பெரிதாக பயமுறுத்தவில்லை. ஏதோ பக்கத்துவீட்டுப் பெண் மாதிரி கொஞ்சம் மென்மையாகவே வந்து போகிறது.ஆனால் பேய் வருவதற்கு முந்தைய முக்கால் மணி நேரப் படம் செம கலகலப்பு. பாஸ்கரின் டைமிங் வசனங்கள் நான் ஸ்டாப் சிரிப்புக்கு உத்தரவாதம்.அதிலும் யோகி பாபுவும் அவரது நண்பர்களும் 'கம்போசிங்கில்' ஆஷிக் 2 பாடலைப் பாடும் காட்சி வயிற்றைப் பதம் பார்க்கிறது!சாவுக் குத்தில் உண்மையிலேயே இத்தனை வகை இருக்கிறதா... சுவாரஸ்யமான தகவல்.வைபவ் இந்தப் படத்தில்தான் இயல்பாக நடித்திருக்கிறார். பக்கா சென்னை லோக்கல் பார்ட்டியாக குத்தாட்டத்திலும் வெளுக்கிறார். ஐஸ்வர்யாவுடனான அவரது காதலின் பின்னணி புதுசாக இருக்கிறது. சேட்டு, சேட்டு என இருவரும் லவ்வும் இடங்கள் அழகு.அப்பாவி ஐஸ்வர்யாவை விட, பேய் பிடித்த ஐஸ்வர்யா பரவாயில்லை. ஆமா.. முதல் பாதியில் ஏன் இப்படி மேக்கப் வழிகிறது?

திருடனாக வரும் வைபவ் சென்னை பாஷை பேசி நடித்து சகல சாவு குத்து ஆட்டத்தையும் போட்டு அசத்தியிருக்கிறார். பேயுடன் இருக்கும் போது அவர் காட்டும் நடிப்பிற்கு பாராட்டுகளை கொடுக்கலாம்.

ஐஸ்வர்யா ராஜேஷ், தான் நடிக்கும் படங்களை பக்குவமாக தேர்வு செய்வதிலேயே தொடர்ந்து ஜெயிக்கிறார். இதிலும் அப்படியே. பேயாக மாறும் தருணத்தில் அவருடைய நடிப்பு மிரட்டுகிறது. ஓவியா, அடையாளமே தெரியாத பேயாக, பாய்ந்து, பறந்து, பயமுறுத்தி அசத்தியிருக்கிறார்

படத்தில் இரண்டு பாடல்கள் கேட்கும் ரகமாக கொடுத்திருக்கிறார் இசையமைப்பாளர் சித்தார்த் விபின். பின்னனி இசையிலும் மிரட்டியிருக்கிறார். பானுமுருகனின் ஒளிப்பதிவும், ஸ்ரீகாந்தின் எடிட்டிங்கும் படத்திற்கு பலமே…

திரைக்கதையில் சில தடுமாற்றங்கள் இருந்தாலும் முழுக்க முழுக்க காமெடியையே குறிக்கோளாக வைத்து இந்த படம் எடுக்கப்பட்டிருக்கிறது. வழக்கமான பேய் படங்களில் பேய் இருட்டில் வெள்ளை அல்லது கருப்பு உருவத்தில் இருக்கும். சில பேய் கோரமான உருவத்துடன் இருக்கும் திடீர் திடீர் என திரையில் தோன்றும். ஆனால் இந்த படத்தில் சற்று வித்தியாசமாக ஸ்மார்ட் போனில் பேய் வருகிறது. இயக்குநரின் இந்த வித்தியாசமான முயற்சிக்காகவே அவரை பாராட்டலாம்.

முதல் பாதியில் சிரிப்பலையில் அதிரும் அரங்கம், இரண்டாம் பாதியில் சற்று குறைந்து விடுகிறது. இரண்டாம் பாதியில் காமெடி தளத்திற்கு அதிகம் இடங்கள் இருந்தும் இயக்குநர் கொஞ்சம் கூடுதல் கவனம் செலுத்தியிருக்கலாமோ என்று தோன்றுகிறது.

“‘ஹலோ நான் பேய் பேசுறேன்’- நன்றாகவே பேசியிருக்கிறது!”

Stars 3.5/5 - ஸ்ரீநாத் கலாசல்

விஜய்-60 பற்றி (Exclusive) நியூஸ்..!!

2016-04-03T11:14:00.000+05:30

விஜய் நடித்து வெளிவர தயாராக இருக்கும் படம் ”தெறி” இப்படம் வரும் 14ஆம் தேதி வெளியாகுகிறது இதற்க்கடுத்து விஜய் நடிக்கும் அடுத்தப் படத்தை இயக்குநர் பரதன் இயக்குகிறார். முதல் முறையாக இசையமைப்பாளர் சந்தோஷ் நாராயணன் விஜய்க்கு இசை அமைக்குகிறார். சமீபத்தில் இப்படத்தின் படக்குளு ஹைத்திராபாத்தில் லோக்கேஷன் பார்க்க சென்றனர். இப்படத்தை விறுவிறுப்பாக முடிக்க வ்ரும் 10ஆம் தேதி துபாயில் ஷுட்டிங் ஆரம்பிக்கப்போவதாக தகவல்கள் வெளியாகியுள்ளது. இப்படத்தை பற்றி அதிகாரப்பூர்வ அரிவிப்பு மிகவிரைவில் வெளியாகும் என தெரிகிறது.

பாரதிராஜா இயக்கும் புதிய படம் "குற்றப்பரம்பரை"

2016-04-03T10:19:00.002+05:30

மனோஜ் கிரியேஷன்ஸ் தயாரிப்பில் இயக்குனர் இமயம் பாரதிராஜா "குற்றப்பரம்பரை" எனும் புதிய படத்தை இயக்கவுள்ளார். குற்றப்பரம்பரை சட்டத்தை எதிர்த்து தன் உயிரை துச்சமென மதித்து, நிராயுதபாணியாக போராடிய மக்கள் மீது ஆங்கிலேயர் அரசு நடத்திய துப்பாக்கி சூட்டில் உயிர் நீத்த தியாகிளின் போராட்டத்தை பேராசிரியர் இரத்தினகுமார் சேகரித்து வைத்திருந்த பதிவுகளை இயக்குனர் இமயம் பாரதிராஜா உணர்வுபூர்வமாகவும், உயீரோட்டமாகவும் இயக்கவுள்ளார்.

இப்படத்தின் பூஜை மற்றும் படத்தொடக்க விழா நாளை காலை 10.30 மணிக்கு ( ஏப்ரல் 3 ) உசிலம்பட்டி அருகிலுள்ள பெருங்காமநல்லூர் என்ற இடத்தில் விமர்சையாக நடைபெறுகின்றது. இயக்குனர்கள் லிங்குசாமி, பாலாஜி சக்திவேல், சுசிந்திரன், பாண்டிய ராஜன், பொன்ராம், எழில், SS ஸ்டான்லி, சரவண சுப்பையா, மகிழ் திருமேனி, ஒளிப்பதிவாளர் கண்ணன், பாடலாசிரியர்கள் நா.முத்துகுமார், கபிலன் வைரமுத்து உள்ளிட்ட பல பிரபலங்கள் இவ்விழாவில் கலந்து கொள்கின்றனர்.

இப்படத்தின் நடிகர் நடிகையர் மற்றும் தொழில்நுட்ப கலைஞர்கள் விவரம் விரைவில் அறிவிக்கப்படும் தயாரிப்பு தரப்பு கூறியுள்ளது.

பொது நிகழ்ச்சியில் நடிகைக்கு நடந்த கொடுமையை பாருங்க (வீடியோ)

2016-04-01T23:48:00.000+05:30

சினிமாவில் மேக்கப் அறையில் நடக்கும் யாரும் அறியாத விடயம்! அதிர்ச்சி வீடியோ

2016-04-01T23:35:00.000+05:30

Actress Bhaavya Latest Hot Photos

2016-03-31T20:53:00.000+05:30

வேணாங்க... ரஜினியோட என்னை ஒப்பிடாதீங்க!- ராகவா லாரன்ஸ்

2016-03-31T20:37:00.000+05:30

ஒரு நடிகர் அடுத்தடுத்து இரு வெற்றிகள் கொடுத்துவிட்டால் உடனே அவரை உச்ச நட்சத்திரத்துடன் ஒப்பிடுவது மீடியா மற்றும் ரசிகர்களின் மனோபாவமாகிவிட்டது. அஜீத், விஜய், சூர்யா, தனுஷ், சிம்பு என யாருமே இதில் விலக்கில்லை. இப்போது அந்தப் பட்டியலில் ராகவா லாரன்ஸ். ‘காஞ்சனா 2' படத்திற்கு பிறகு லாரன்ஸ் நடிப்பில் உருவாகியுள்ள படம் ‘மொட்ட சிவா கெட்ட சிவா'. இப்படத்தை சூப்பர் குட் பிலிம்ஸ் நிறுவனம் தயாரிக்க, வேந்தர் மூவிஸ் நிறுவனம் வெளியிடவிருக்கிறது.

இப்படத்தில் லாரன்ஸுக்கு ஜோடியாக நிக்கி கல்ராணி நடித்துள்ளார். சாய்ரமணி இயக்கியுள்ள இப்படத்திற்கு அம்ரிஷ் இசையமைத்துள்ளார். சமீபத்தில் இப்படத்தின் 'அசையும் போஸ்டர்' வெளியிடப்பட்டது. இது ரசிகர்களிடையே நல்ல வரவேற்பு பெற்றது. இதில் லாரன்ஸ் போலீஸ் உடையில் நடந்து வருகிறார். உடனே இந்தப் புகைப்படத்தை மூன்று முகம் படத்தில் ரஜினி ஏற்ற அலெக்ஸ் பாண்டியன் பாத்திரத்துடன் ஒப்பிட்டு, படங்களைப் பகிர்ந்து வந்தனர். இணையத்தில் இந்த ஒப்பீட்டுப் படம் வைரலானதால், உடனடியாக ராகவா லாரன்ஸ் விளக்கம் தெரிவித்துள்ளார். "ரஜினி சாருடன் என்னை ஒப்பிடாதீர்கள். அவர் முன்னாடி நான் மிகச் சிறியவன். அவரால் திரைத் துறைக்கு வந்தேன். அவரால் வளர்ந்தேன்.. எனக்கு என்றும் வழிகாட்டி ரஜினிதான்," என்று தனது விளக்கத்தில் அவர் கூறியுள்ளார்.

சொல்லாமல் கொள்ளாமல் கம்பி நீட்டிய ஹீரோயின்... பர்த்டே கேக்குடன் காத்திருந்த தயாரிப்பாளர்!

2016-03-31T20:25:00.001+05:30

வெளியிலிருந்து பார்க்க, சினிமா உலகம் கவர்ச்சியும் சுவாரஸ்யமும் நிறைந்ததாக இருந்தாலும், ஒரு படத்தை எடுத்து முடிப்பதற்குள் தயாரிப்பாளர்கள் முழி பிதுங்கி மூலையில் நிற்க வேண்டியதாகிவிடுகிறது. இன்று நடந்திருக்க வேண்டிய ஒரு ஷூட்டிங், வளர்ந்து வரும் நடிகை ஒருவரின் அலட்சியத்தால் ரத்தாகி, அதன் தயாரிப்பாளருக்கு அநியாயத்துக்கு இரண்டு மூன்று லட்சங்கள் இழப்பைத் தந்திருக்கிறது.

நடிகை பெயர் ஐஸ்வர்யா தத்தா. தமிழுக்கு எண் ஒன்றை அழுத்தவும், ஆறாது சினம் படங்களின் நாயகி. இப்போது மறைந்திருந்து பார்க்கும் மர்மமென்ன படத்தில் நடித்து வருகிறார். இந்தப் படத்தின் இறுதி நாள் ஷூட்டிங் இன்று கிழக்குக் கடற்கரைச் சாலையில் உள்ள ஒரு உணவகத்தில் நடக்கவிருந்தது. இன்றைய ஷூட்டிங் நடந்திருந்தால், மாலையில் பூசணிக்காய் உடைத்திருப்பார்கள். இத்தனைக்கும் பங்கேற்கும் அத்தனை பேரும் டாப் டெக்னீஷியன்கள். தயாரிப்பாளரும் லேசுப்பட்டவர் அல்ல. காலையிலேயே தயாரிப்பாளர், டெக்னீஷியன்கள், ஹீரோ உள்ளிட்ட துணை நடிகர்கள் என சகலரும் ஆஜர். ஹீரோயினுக்கு மும்பையிலிருந்து டிக்கெட் போட்டும் கொடுத்திருந்தார்கள். அவரது டேமேஜர்.. ஸாரி மேனேஜர் ஷான் என்பவரும் ஹீரோயின் வந்துவிடுவார் என்றுதான் கூறி வந்தார். கடைசி நாள் ஷூட் என்பதால் முன்கூட்டியே மீதி சம்பளம் மொத்தத்தையும் செட்டில் பண்ணியிருந்தார் தயாரிப்பாளர். ஆனால் ஐஸ்வர்யா தத்தா சொன்னபடி வரவே இல்லை. அவருக்குப் போன் அடித்தால் ஸ்விட்ச் ஆஃப். டேமேஜருக்குப் போன் பண்ணால் இதோ அதோ என்று டபாய்த்துக் கொண்டே இருந்தார். ஐஸ்வர்யாவின் பாய் ப்ரண்ட் ஒருவர் மும்பையில் இருக்கிறார். அந்தப் பார்ட்டியைத் தொடர்பு கொண்டபோதுதான், ஐஸ்வர்யா சென்னையிலேயே இல்லை, எஸ் ஆர் பிரபாகரன் இயக்கும் புதுப் படத்தில் நடிக்க பொள்ளாச்சிக்குப் போய்விட்டார் என்ற உண்மை தெரிந்தது.

இதை கடைசி வரை தயாரிப்பாளரிடம் சொல்லவே இல்லை டேமேஜர் ஷான். ஆனால் இரண்டு தயாரிப்பாளர்களிடமும் பணத்தை வாங்கிக் கொண்டு, ஒரு ஷூட்டிங்குக்கு மட்டும் ஹீரோயினை அனுப்பி வைத்திருக்கிறார் அவர். இன்று மறைந்திருந்து பார்க்கும் மர்மம் என்ன படத்தின் தயாரிப்பாளருக்கு பிறந்த நாள் வேறு. அதற்காக கேக் வாங்கி வைத்துக் கொண்டு, 'ஹீரோயின் வந்ததும் கேக் வெட்டலாம்' என்று காத்திருந்தாராம். ஷூட்டிங் ஏற்பாட்டுக்காக செய்யப்பட்ட மூன்று லட்ச ரூபாய் எள்ளானதுதான் மிச்சம்!

தமன்னாவுக்கு கிடைத்த பாராட்டால் ஸ்ருதி சோகம்

2016-03-31T11:54:00.000+05:30

நாகார்ஜூனா, கார்த்தி நடித்துள்ள படம் ‘தோழா’. இதில் முதலில் ஸ்ருதிஹாசன் ஹீரோயினாக நடிக்க ஒப்பந்தம் செய்யப்பட்டார். சில நாட்கள் படப்பிடிப்பில் கலந்துகொண்டவர் திடீரென்று விலகுவதாக அறிவித்தார். பட குழு தடுமாறியது. ஸ்ருதியை வைத்து காட்சிகள் திட்டமிடப்பட்ட நிலையில் அவர் திடீரென்று நடிக்க மறுத்ததால் பிரச்னை எழுந்தது. தயாரிப்பாளர் சங்கம், போலீஸ் வரை பட தயாரிப்பாளர் சார்பில் புகார் அளித்தார். பிறகு இருதரப்புக்கும் ஏற்பட்ட சுமூக பேச்சுவார்த்தை பிறகு பிரச்னைக்கு முற்றுப்புள்ளி வைக்கப்பட்டது.

ஸ்ருதி நடிக்க மறுத்த கதாபாத்திரத்தில் தமன்னா நடிக்க முன்வந்தார். உடனடியாக அவரது கால்ஷீட் பெற்று படப்பிடிப்பு நடத்தி முடித்தனர். படம் திரைக்கு வந்து ஹிட் ஆனதை கண்டு அதிர்ச்சி அடைந்திருக்கிறார் ஸ்ருதி ஹாசன். இரண்டு ஹீரோக்கள் நடிப்பதால் தனது கதாபாத்திரத்துக்கு முக்கியத்துவம் இருக்காது என்று எண்ணியவர் படத்தில் தமன்னாவுக்கு நடிக்க கிடைத்திருக்கும் வாய்ப்பு மற்றும் அவரது காஸ்டியூம்களை கண்டும் சோகத்திலிருக்கும் ஸ்ருதி தான் நடிக்க மறுத்த கதாபாத்திரத்தில் தமன்னா நடித்து பெயரை தட்டிக்கொண்டு சென்றதால் பெரிய வாய்ப்பை இழந்த மன உளைச்சலில் இருக்கிறாராம்.

ஹன்சிகாவை சைட் அடித்த ஹீரோயின் மகன்

2016-03-31T11:51:00.001+05:30

சலங்கை ஒலி, நினைத்தாலே இனிக்கும் போன்ற படங்களில் மனதை கவர்ந்த ஜெயப்ரதா தற்போது தமிழில் ‘உயிரே உயிரே’ படம் மூலம் தயாரிப்பாளராகி இருக்கிறார். அவரது மகன் சித்து ஹீரோவாக அறிமுகமாகிறார். ஹன்சிகா ஹீரோயின். ஏ.ஆர்.ராஜசேகர் இயக்குகிறார். அனூப் ருபென்ஸ் இசை. ஆர்.டி.ராஜசேகர் ஒளிப்பதிவு. நடிக்க வருவதற்கு முன்பே ஹன்சிகாவை சைட் அடித்த விவகாரத்தை சித்து கூறினார். அவர் கூறும்போது,’என் வீட்டிலேயே எனக்கு நடிப்பு சொல்லிக்கொடுக்க ஒரு இன்ஸ்டியூட் இருக்கிறது. அதுதான் எனது அம்மா ஜெயப்பிரதா. நடிகனாவதற்கு முன்பிருந்தே ஹன்சிகாவை திரையில் பார்த்து அவரை சைட் அடிக்க ஆரம்பித்துவிட்டேன். ஹீரோவாக நடிக்க முடிவு செய்தபோது ஜோடியாக ஹன்சிகா நடிக்கிறார் என்று இயக்குனர் சொன்னதும் என்னால் நம்பவே முடியவில்லை. அவருடன் சென்டிமென்ட்டாக முதல் காட்சி இருந்தால் நன்றாக இருக்கும் என்று எண்ணினேன். அதன்படி முதல்காட்சியில் அவரிடம் ஐ லவ் யூ சொல்லும் வசனத்தை படமாக்கினார்’ என்றார்.

கா விடுகிறார் டார்லிங்!

2016-03-31T11:47:00.004+05:30

ஃப்ரெஷ்ஷாக பனியில் மனைந்த காட்டுமலர் மாதிரி இருக்கிறார் மாயா. ‘டார்லிங்-2’, ‘உன்னோடு கா’ படங்களின் ஹீரோயின். ‘ஈ’யென்று பல்லைக் காட்டுபவர்களிடம், “சொத்தை விழுந்திருக்கு. உடனே ட்ரீட் பண்ணணும்” என்கிறார். யெஸ், அம்மணி பல் டாக்டராம். ரொம்ப பல்லைக் காட்டினால், கழட்டி கையில் கொடுத்துவிடுவார் என்கிற எச்சரிக்கை உணர்வுடனேயே பேசினோம்.

“சொந்த ஊரு?”

“திருச்சி. அப்பா டாக்டர். தி.நகரில் க்ளினிக் வெச்சிருக்காரு. சென்னையில் பல் டாக்டருக்கு படிச்சேன். அப்போதான் ‘டார்லிங்-2’ வாய்ப்பு கிடைச்சது.”

“சினிமா பிடிச்சிருக்கா?”

“பிடிச்சிருக்கறதாலேதானே நடிக்கிறேன்? ‘டார்லிங்-2’ ஷூட்டிங் ஊட்டியில் ‘அன்பே வா’ நடந்த பங்களாவில் நடந்துச்சி. அதுக்கு கீழே இருக்குற கெஸ்ட் ஹவுஸில் தங்கினோம். நைட்டுலே சிறுத்தைப்புலி நடமாட்டம் அதிகம். பகலில் கூட மான், காட்டெருமைன்னு கூட்டமா திரியும். ஏதாவது வனவிலங்கு போட்டுத் தாக்கிடுமோன்னு பயந்துக்கிட்டேதான் நடிச்சேன். த்ரில்லிங் எக்ஸ்பீரியன்ஸ். முஸ்லீம் பொண்ணு கேரக்டர். க்ரைம் த்ரில்லர். முதல் படம் ரிலீஸ் ஆகுறதுக்குள்ளே அடுத்த படம் புக் ஆயிடிச்சி. செம டைட்டில். ‘உன்னோடு கா’. ஆக்டிங் கேரியரும் இன்டரெஸ்டிங்காதான் இருக்கும்னு நெனைக்கிறேன்.”

“சொந்தக்குரலில்தான் பேசுறீங்களாமே?”

“ஆமாம். நான் தமிழ்ப்பொண்ணுதானே? எனக்கு எதுக்கு டப்பிங்? அதுவுமில்லாமே என்னோட வாய்ஸ் நல்லா இருக்கும். காலேஜ் கல்ச்சுரல்ஸில் பாட்டெல்லாம் பாடியிருக்கேன். சினிமாவில் பாட சான்ஸ் கிடைச்சாலும் பட்டையைக் கிளப்பிடுவேன்.”

“ஃப்யூச்சர்?”

“ரெண்டு வருஷம் நடிப்பேன். அதுக்கப்புறம் சொந்தமா டென்டல் க்ளினிக். இருபத்தேழு வயசுலே கல்யாணம் பண்ணிப்பேன். என் கேரக்டருக்கு எழுத்தாளர் அல்லது கவிஞர் யாராவது செட் ஆவாங்கன்னு நெனைக்கிறேன்.”

“பத்திரிகையாளர்கள் மட்டும் என்ன பாவம் பண்ணாங்க மாயா?”

“கெளம்புங்க சார். காத்து வரட்டும்.” ஆகவே, எழுத்தாளர்களே, கவிஞர்களே... மாயாவின் சுயம்வரத்துக்கு சுறுசுறுப்பா ரெடி ஆகுங்க!