St.Joseph's Parish Shrine

പാവറട്ടി തീര്‍ഥകേന്ദ്രത്തില്‍ എട്ടാമിടതിരുനാള്‍ ഭക്തിസാന്ദ്രമായി

noreply@blogger.com (Simon Jose N) — Sun, 22 May 2011 19:55:41 PDT

സെന്‍റ് ജോസഫ് തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ എട്ടാമിട തിരുനാള്‍ ഭക്തിസാന്ദ്രമായി.

ഇന്നലെ രാവിലെ നടന്ന ആഘോഷമായ പാട്ടുകുര്‍ബാനയ്ക്ക് ഫാ. ആന്‍റണി പുത്തനങ്ങാടി സിഎംഐ മുഖ്യകാര്‍മികത്വം വഹിച്ചു. ഫാ. ജോണ്‍സണ്‍ കുണ്ടുകുളം വചനസന്ദേശം നല്കി. വീടുകളില്‍നിന്നും വിവിധ സംഘടനകളുടെ നേതൃത്വത്തിലുള്ള വള എഴുന്നള്ളിപ്പുകള്‍ വാദ്യമേളങ്ങളോടെ തീര്‍ഥകേന്ദ്രത്തിലെത്തി സമാപിച്ചു. ഫാ. നോബി അന്പൂ ക്കന്‍, ഫാ. സജി വെളിയത്ത്, ഫാ. അനീഷ് ചെറുപറന്പില്‍ എന്നിവര്‍ മറ്റു തിരുക്കര്‍മ്മങ്ങള്‍ക്ക് നേതൃത്വം നല്കി. എട്ടാമിട തിരുനാളിനോടനുബന്ധിച്ച് തെക്ക് സൗഹൃദവേദിയുടെ ആഭിമുഖ്യത്തില്‍ പുനാരി ഉണ്ണികൃഷ്ണനും നൂറോളം കലാകാരന്മാരും അണിനിരന്ന ദേശമേളം ആസ്വദിക്കാന്‍ തീര്‍ഥകേന്ദ്രം തിരുമുറ്റത്ത് നിരവധി മേളപ്രേമികള്‍ എത്തിയിരുന്നു.

പത്താം ക്ലാസ് സാമൂഹ്യപാഠത്തിലെ ഒന്നാംഅധ്യായം പിന്‍വലിക്കണം: കെസിബിസി

noreply@blogger.com (Simon Jose N) — Sun, 22 May 2011 19:56:31 PDT

പത്താം ക്ലാസിലെ സാമൂഹ്യശാസ്ത്ര പാഠാവലിയിലെ ഒന്നാം അധ്യായമായ "ആധുനിക ലോകത്തിന്‍റെ ഉദയം'എന്ന പാഠഭാഗത്തു കത്തോലിക്കാസഭയെ ആക്ഷേപിക്കാനും കുട്ടികളെ തെറ്റിദ്ധരിപ്പിക്കാനുമുള്ള ഗൂഢശ്രമമാണു നടത്തിയിരിക്കുന്നതെന്നു കേരളത്തിലെ കത്തോലിക്കാ മെത്രാന്മാരുടെ സമിതി (കെസിബിസി) ചൂണ്ടിക്കാട്ടി.

കത്തോലിക്കാസഭയുടെ വിശ്വാസപ്രമാണങ്ങള്‍ കാലഹരണപ്പെട്ടതാണെന്നു സമര്‍ഥിക്കുന്ന ഈ പാഠം പിന്‍വലിച്ചു പുതിയ പാഠപുസ്തകം തയാറാക്കി കുട്ടികളുടെ കൈയിലെത്തിക്കണമെന്നു കെസിബിസി പ്രസിഡന്‍റ് ആര്‍ച്ച്ബിഷപ് മാര്‍ ആന്‍ഡ്രൂസ് താഴത്ത്, വൈസ് പ്രസിഡന്‍റ് ആര്‍ച്ച്ബിഷപ് ഡോ.ഫ്രാന്‍സിസ് കല്ലറയ്ക്കല്‍, സെക്രട്ടറി ജനറല്‍ ആര്‍ച്ച്ബിഷപ് തോമസ് മാര്‍ കൂറിലോസ് എന്നിവര്‍ സംയുക്ത പ്രസ്താവനയില്‍ ആവശ്യപ്പെട്ടു.

സംസ്ഥാന ഗവേഷണ പരിശീലനസമിതി വേണ്ട രീതിയില്‍ പഠനം നട ത്താതെ എഴുതിയ പുസ്തകമാണിത്. പാശ്ചാത്യരാജ്യങ്ങളിലെ ഫ്യൂഡലിസം കത്തോലിക്കാ സഭയുടെ സൃഷ്ടിയാണെന്ന പാഠഭാഗത്തിലെ പ്രസ്താവന ഗ്രന്ഥസമിതിയുടെ അജ്ഞതയും നിലവാരത്തകര്‍ച്ചയുമാണു വ്യക്തമാക്കുന്നത്.

പാഠപുസ്തകത്തിലൂടെ കത്തോലിക്കാസഭയെ അവഹേളിക്കാനും തരം താഴ്ത്താനുമുള്ള ശ്രമം രാഷ്ട്രത്തിന്‍റെ മതേതരത്വ നിലപാടിനോടുള്ള അനാദരവും രാജ്യദ്രോഹക്കുറ്റവുമാണ്.

വിവേകത്തോടെയും പക്വതയോടെയും തീരുമാനങ്ങള്‍ കൈക്കൊള്ളാന്‍ സാധിക്കാത്ത പാഠപുസ്തക കമ്മിറ്റിയിലെയും സംസ്ഥാന ഗവേഷണ പരിശീലന സമിതിയിലെയും അംഗങ്ങളെ പിരിച്ചുവിട്ടു സമിതികള്‍ പുനഃസംഘടിപ്പിക്കേണ്ടതു രാജ്യത്തു മതേതരത്വം സംരക്ഷിക്കാന്‍ അത്യാവശ്യമാണെന്നു കെസിബിസി ഓര്‍മിപ്പിച്ചു.

ആത്മീയ ചൈതന്യം പകര്‍ന്ന പാവറട്ടി തിരുനാളിന് പ്രൗഢഗംഭീര പരിസമാപ്തി

noreply@blogger.com (Simon Jose N) — Sun, 15 May 2011 20:05:39 PDT

തീര്‍ഥാടകര്‍ക്ക് ആത്മീയചൈതന്യം പകര്‍ന്ന പാവറട്ടി സെന്‍റ് ജോസഫ്സ് തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ 135-ാം മാധ്യസ്ഥ തിരുനാളിന് പ്രൗഢഗംഭീരമായ പരിസമാപ്തി. മുത്തുക്കുടകളുടെയും വാദ്യമേളങ്ങളുടെയും അകന്പടിയോടെ വെള്ളിവര്‍ണ്ണ തോരണങ്ങള്‍ മേലാപ്പുചാര്‍ത്തിയ പ്രദക്ഷിണ വീഥിയിലൂടെ വിശുദ്ധരുടെ തിരുസ്വരൂപങ്ങള്‍ വഹിച്ചു നടത്തിയ തിരുനാള്‍ പ്രദക്ഷിണത്തില്‍ ആയിരക്കണക്കിന് ഭക്തജനങ്ങള്‍ പങ്കുചേര്‍ന്നു.

തിരുനാള്‍ പ്രദക്ഷിണം സമാരംഭിക്കുന്പോള്‍ പാവറട്ടിയിലെ സിമന്‍റ്, പെയിന്‍റ് തൊഴിലാളികളുടെ നേതൃത്വത്തില്‍ ദേവാലയസന്നിധിയില്‍ വെടിക്കെട്ട് നടന്നു. തിരുനാള്‍ പ്രദക്ഷിണം പള്ളിനടയിലെ വിശുദ്ധ അന്തോണീസിന്‍റെ കപ്പേളയിലെത്തി തിരിച്ച് തീര്‍ഥകേന്ദ്രത്തില്‍ സമാപിച്ചു. ഇന്നലെ രാവിലെ നടന്ന ആഘോഷമായ തിരുനാള്‍ ഗാനപൂജയ്ക്ക് ഫാ. ഡേവീസ് പുലിക്കോട്ടില്‍ മുഖ്യകാര്‍മികത്വം വഹിച്ചു. റവ. ഡോ. വിന്‍സന്‍റ് കുണ്ടുകുളം തിരുനാള്‍ സന്ദേശം നല്‍കി.

ഫാ. അനീഷ് ചെരുപറന്പില്‍ സഹകാര്‍മികനായിരുന്നു. കമനീയമായി അലങ്കരിച്ച തീര്‍ഥകേന്ദ്രം മുഖമണ്ഡപത്തില്‍ പ്രതിഷ്ഠിച്ച വിശുദ്ധന്‍റെ തിരുസ്വരൂപം ദര്‍ശിക്കുന്നതിനും അനുഗ്രഹങ്ങള്‍ യാചിക്കുന്നതിനും നന്ദി പറയുന്നതിനുമായി ഭക്തജനങ്ങളുടെ വന്‍ തിരക്ക് അനുഭവപ്പെട്ടു.

ശനിയാഴ്ച രാവിലെ നൈവേദ്യപൂജയോടെ ആരംഭിച്ച ഊട്ടുസദ്യ ഞായറാഴ്ച ഉച്ചവരെയും തുടര്‍ന്നു.

ഒന്നര ലക്ഷത്തോളം വിശ്വാസികള്‍ വിശുദ്ധന്‍റെ നേര്‍ച്ചസദ്യയില്‍ പങ്കുചേര്‍ന്നു. ഇന്നലെ രാത്രി നടന്ന തെക്ക് വിഭാഗം വെടിക്കെട്ട് കമ്മിറ്റിയുടെ കരിമരുന്ന് കലാപ്രകടനം തിരുനാളിന് എത്തിയവര്‍ക്ക് ദൃശ്യവിരുന്നായി. എട്ടാമിടം തിരുനാള്‍ 22ന് ആഘോഷിക്കും.

The Grand feast 2011 PHOTOS

noreply@blogger.com (Simon Jose N) — Sat, 14 May 2011 22:35:36 PDT

അനുഗ്രഹം തേടി പാവറട്ടി തിരുനാളിനു പതിനായിരങ്ങള്‍

noreply@blogger.com (Simon Jose N) — Sat, 14 May 2011 22:35:36 PDT

പാവറട്ടി: ദക്ഷിണേന്ത്യയിലെ സുപ്രസിദ്ധ തീര്‍ഥാടന കേന്ദ്രമായ പാവറട്ടി സെന്‍റ് ജോസഫ് തീര്‍ഥ കേന്ദ്രത്തിലെ അനുഗ്രഹ ദായകനായ
വിശുദ്ധ യൗസേപ്പിതാവിന്‍റെ തിരുനാളിന് വിശ്വാസതീക്ഷണതയോടെ പതിനായിരങ്ങളെത്തി.

ഇന്നലെ ഉച്ചകഴിഞ്ഞ് അതിരൂപത സഹായ മെത്രാന്‍ മാര്‍ റാഫേല്‍ തട്ടിലിന്‍റെ മുഖ്യകാര്‍മികത്വത്തില്‍ ഭക്തിസാന്ദ്രമായ കൂടുതുറക്കല്‍ തിരുകര്‍മ്മങ്ങള്‍ നടന്നു. അള്‍ത്താരയുടെ മുകളില്‍ സ്ഥാപിച്ചിട്ടുള്ള വിശുദ്ധന്‍റെ രൂപകൂട് തുറന്നതോടെ പള്ളിക്കകവും പരിസരവും വിശുദ്ധ യൗസേപ്പിതാവേ ഞങ്ങള്‍ക്കുവേണ്ടി അപേക്ഷിക്കണമേ എന്ന പ്രാര്‍ഥനാ മന്ത്രത്താല്‍ മുഖരിതമായി. പിന്നീട് വിശുദ്ധ യൗസേപ്പിതാവ്, പരിശുദ്ധ കനികാമറിയം, വിശുദ്ധ പത്രോസ് ശ്ലീഹ എന്നിവരുടെ തിരുസ്വരൂപങ്ങള്‍ ദേവാലയ മുഖമണ്ഡപത്തില്‍ പ്രത്യേകം അലങ്കരിച്ച രൂപകൂടില്‍ ഭക്തജനങ്ങള്‍ക്ക് പൊതുവണക്കത്തിനായി സ്ഥാപിച്ചു. ഭക്തിസാന്ദ്രമായ കൂടുതുറക്കല്‍ ശുശ്രൂഷയ്ക്കുശേഷം തീര്‍ഥകേന്ദ്രം വികാരി ഫാ. നോബി അന്പൂക്കന്‍ പള്ളി വെടിക്കെട്ട് കണ്‍വീനര്‍ സുബിരാജ് തോമസിന് യോഗ തിരി കൈമാറിയതോടെ വെടിക്കെട്ടിന് തുടക്കമായി. ആകാശത്ത് വര്‍ണപുഷ്പങ്ങള്‍ വിരിയിച്ച വെടിക്കെട്ട് ആരംഭിക്കും മുന്നേ പള്ളിയും പരിസരവും ജനനിബിഡമായിരുന്നു.

ഇന്നലെ രാവിലെ തീര്‍ഥകേന്ദ്രം വികാരി ഫാ. നോബി അന്പൂക്കന്‍ നൈവേദ്യ പൂജ നടത്തി നേര്‍ച്ച ഭക്ഷണം ആശീര്‍വദിച്ചതോടെ ഊട്ടുസദ്യ ആരംഭിച്ചു. ഒരേസമയം ഊട്ടുശാലയില്‍ 2000ത്തോളം പേര്‍ക്ക് ഒരുമിച്ച് ഭക്ഷണം കഴിക്കുന്നതിനുള്ള സൗകര്യം ഊട്ടുശാലയില്‍ ഒരുക്കിയിട്ടുണ്ട്. വിവിധ ഷിഫ്റ്റുകളിലായി 500ഓളം വളണ്ടിയര്‍മാരും ഭക്ഷണ വിതരണത്തിനുണ്ട്. ഊട്ടുസദ്യ വിതരണം ഇന്ന് ഉച്ചയ്ക്ക് മൂന്നുവരെ തുടരും.

വിവിധ കുടുംബ യൂണിറ്റുകളില്‍ നിന്നുള്ള വള എഴുന്നള്ളിപ്പുകള്‍ രാത്രി 12ഓടെ ദേവാലയത്തിലെത്തി സമാപിച്ചപ്പോള്‍ ഡേവിസ് പുത്തൂര്‍ നേതൃത്വം നല്കുന്ന വടക്കുഭാഗം വെടിക്കെട്ട് കമ്മിറ്റിയുടെ നേതൃത്വത്തില്‍ കരിമരുന്ന് കലാപ്രകടനം അരങ്ങേറി. പള്ളി വെടിക്കെട്ട് കമ്മിറ്റിക്കുവേണ്ടി കുണ്ടന്നൂര്‍ സുന്ദരാക്ഷനും വടക്കുഭാഗം കമ്മിറ്റിക്കുവേണ്ടി അത്താണി ജോഫിയുമാണ് കരിമരുന്ന് കലാപ്രകടനം കാഴ്ചവച്ചത്. തിരുനാള്‍ ദിവസമായ ഇന്ന് പുലര്‍ച്ചെ മൂന്നുമുതല്‍ രാവിലെ ഒന്പതുവരെ തുടര്‍ച്ചയായി ദിവ്യബലി ഉണ്ടായിരിക്കും. രാവിലെ 10ന് നടക്കുന്ന ആഘോഷമായ തിരുനാള്‍ പാട്ടുകുര്‍ബാനയ്ക്കു ഫാ. ഡേവിസ് പുലിക്കോട്ടില്‍ മുഖ്യകാര്‍മികത്വം വഹിക്കും. റവ. ഡോ. വിന്‍സന്‍റ് കുണ്ടുകുളം തിരുനാള്‍ സന്ദേശം നല്കും. ഫാ. അനീഷ് ചെരുപറന്പില്‍ സഹകാര്‍മികനായിരിക്കും. തുടര്‍ന്ന് വാദ്യമേളങ്ങളുടെയും മുത്തുകുടകളുടെയും അകന്പടിയോടെ കമനീയമായി അലങ്കരിച്ച പ്രദക്ഷിണവീഥിയില്‍ വിശുദ്ധരുടെ തിരുസ്വരൂപങ്ങളും വഹിച്ചുകൊണ്ടു തിരുനാള്‍ പ്രദക്ഷിണം നടക്കും.

വൈകീട്ട് ഏഴിനുള്ള ദിവ്യബലിയെ തുടര്‍ന്ന് രാത്രി 8.30ന് സേവ്യര്‍ കുറ്റിക്കാട്ടില്‍ നേതൃത്വം നല്കുന്ന തെക്കുഭാഗം വെടിക്കെട്ട് കമ്മിറ്റിയുടെ കരിമരുന്ന് കലാപ്രകടനം അരങ്ങേറും. വടകര രാജനാണ് തെക്കുഭാഗം കമ്മിറ്റിക്കുവേണ്ടി കരിമരുന്നില്‍ കലാവിരുത് പ്രകടമാക്കുന്നത്.

പോലീസ് അസിസ്റ്റന്‍റ് കമ്മീഷണര്‍ എസ്. ശശിധരന്‍ ഗുരുവായൂര്‍ സിഐ എസ്. സുനില്‍കുമാര്‍, പാവറട്ടി എസ്ഐ പി.വി. രാധാകൃഷ്ണന്‍ എന്നിവരുടെ നേതൃത്വത്തിലുള്ള പോലീസ് സംഘവും വോളണ്ടിയര്‍ ക്യാപ്റ്റന്‍ സി.വി. സേവ്യറിന്‍റെ നേതൃത്വത്തിലുള്ള 1501 അംഗ വോളണ്ടിയര്‍ സേനയും മുല്ലശേരി കമ്യൂണിറ്റി ഹെല്‍ത്ത് സെന്‍റര്‍ സൂപ്രണ്ട് ഡോ. ബീന മൊയ്തിന്‍റെ നേതൃത്വത്തിലുള്ള ആരോഗ്യവകുപ്പ് സംഘവും വൈദ്യുതി വകുപ്പ് അധികൃതരും സേവന സന്നദ്ധരായി ദേവാലയ പരിസരത്ത് ക്യാന്പ് ചെയ്ത് പ്രവര്‍ത്തിച്ചുവരുന്നുണ്ട്.

നടയ്ക്കല്‍ മേളം ആസ്വാദകരുടെ മനം കവര്‍ന്നു

noreply@blogger.com (Simon Jose N) — Sat, 14 May 2011 22:35:36 PDT

പാവറട്ടി: തീര്‍ഥകേന്ദ്രം തിരുനാളിനോടനുബന്ധിച്ച് വടക്കു സൗഹൃദവേദിയുടെ ആഭിമുഖ്യത്തില്‍ സംഘടിപ്പിച്ച നടയ്ക്കല്‍ മേളം ആസ്വാദകരുടെ മനം കവര്‍ന്നു. മേള വിദ്വാന്‍ പദ്മശ്രീ മട്ടന്നൂര്‍ ശങ്കരന്‍കുട്ടി മാരാരും 100ഓളം കലാകാരന്മാരും ചേര്‍ന്നായിരുന്നു നടയ്ക്കല്‍ മേളം അവതരിപ്പിച്ചത്. ഐജി ജോസ് ജോര്‍ജ് നടയ്ക്കല്‍ മേളം ഉദ്ഘാടനം ചെയ്തു.

തീര്‍ഥകേന്ദ്രം വികാരി ഫാ. നോബി അന്പൂക്കന്‍ അധ്യക്ഷനായിരുന്നു. എം.ജെ. ലിയോ, കെ.ജെ. ജയിംസ്, ജോയി വെള്ളറ, പി.പി. രാജു, ജോണ്‍ ടി. വെള്ളറ തുടങ്ങിയവര്‍ സംസാരിച്ചു. മേള പ്രേമികളെ ആവേശം കൊള്ളിച്ച് മട്ടന്നൂരിന്‍റെ ശരീര ചലനങ്ങളും ഭാവമാറ്റങ്ങളും തിരുനാളിനെത്തിയ മേള പ്രേമികള്‍ക്ക് മറക്കാനാവാത്ത അനുഭവമായി മാറി. പള്ളി നടയിലെ കൊടിമരത്തിനു സമീപത്തുനിന്നും മേളം ആരംഭിച്ച് ചെന്പട കൊട്ടി പാണ്ടിയിലേക്ക് കടന്ന് ദേവാലയ മൈതാനിയിലെത്തിയപ്പോള്‍ മേളാസ്വാദകരുടെ ആവേശം വാനോളം ഉയര്‍ന്നിരുന്നു. ഇത് മൂന്നാം തവണയാണ് മട്ടന്നൂര്‍ ശങ്കരന്‍കുട്ടി മേള വിസ്മയം തീര്‍ക്കാന്‍ പാവറട്ടി തിരുനാളിനെത്തുന്നത്.

തിരുനാളിന് വ്യാപാരികളുടെ പന്തലും

noreply@blogger.com (Simon Jose N) — Sat, 14 May 2011 22:35:36 PDT

സെന്‍റ് ജോസഫ് തീര്‍ത കേന്ദ്രത്തിലെ വിശുദ്ധ യൗസേപ്പിതാവിന്‍റെ തിരുനാളിനെ വരവേല്‍ക്കാന് പാവറട്ടി ഡെന്റല് വ്യാപാരികള് ബഹുനില വര്‍ണ പന്തല് ഉയര്‍ത്തി. പാവറട്ടി ഗ്രാമ പഞ്ചായത്ത് പ്രസിഡന്‍റ് ത്രേസ്യാമ്മ റപ്പായി ഇന്ന് വൈകീട്ട് ഏഴിന് പന്തല് ദീപാലങ്കാരത്തിന്‍റെ സ്വിച്ച് ഓണ് കര്‍മം നിര്‍വഹിക്കും. മര്‍ച്ചന്‍റ് അസോസിയേഷന് ഭാരവാഹികളായ എം.വി. ശശിധരന്, ഇ.ടി. സണ്ണി, സി.എല്. റാഹേല്, എ.സി. ജോര്‍ജ്, യൂത്ത് വിംഗ് ഭാരവാഹികളായ എ.ജെ. വര്‍ഗീസ്, കെ.എ. വില്‍സന്, വി. ഡെന്നി എന്നിവരടങ്ങുന്ന കമ്മിറ്റിയാണ് തിരുനാള് പന്തല് നിര്‍മാണത്തിന് നേതൃത്വം നല്‍കിയത്.

കൂടുതുറക്കല് ശുശ്രൂഷയ്ക്ക് തിരുസ്വരൂപങ്ങള് ഒരുക്കി

noreply@blogger.com (Simon Jose N) — Sat, 14 May 2011 22:35:36 PDT

യൗസേപ്പിതാവിന്‍റെ തിരുനാളിന്‍റെ പ്രധാന ചടങ്ങായ കൂടുതുറക്കല് ശുശ്രൂഷയ്ക്ക് തിരുസ്വരൂപങ്ങളൊരുങ്ങി. തീര്‍ഥ കേന്ദ്രത്തിന്‍റെ സങ്കീര്‍ത്തിയില് തിരുസ്വരൂപങ്ങള് കിരീടവും ലില്ലിപൂവും ചാര്‍ത്തി മനോഹരമാക്കി.

തിരുനാളിനുള്ള കിരീടങ്ങളും മറ്റാഭരണങ്ങളും ട്രസ്റ്റിമാരുടെ നേതൃത്വത്തില് സ്വര്‍ണം പൂശി മനോഹരമാക്കിയിരുന്നു. വലിയ കിരീടം, ചെറിയ കിരീടങ്ങള്, യൗസേപ്പിതാവിന്‍റെ ലില്ലി പൂ, പത്രോസിന്‍റെ താക്കോല്, വളകള് തുടങ്ങിയവയാണ് തിരുസ്വരൂപങ്ങളില് ചാര്‍ത്തിയിട്ടുള്ളത്.

ഉണ്ണിയേശുവിനെ കൈയിലേന്തിയ വിശുദ്ധ യൗസേപ്പിതാവിന്‍റെയും പരിശുദ്ധ കന്യാമറിയത്തിന്‍റെയും വിശുദ്ധ പത്രോസ് ശ്ലീഹായുടെയും തിരുസ്വരൂപങ്ങളാണ് കൂടുതുറക്കല് ശുശ്രൂഷയ്ക്കുശേഷം പുറത്തേക്ക് എഴുന്നള്ളിക്കുന്നത്. നാളെ വൈകീട്ട് അഞ്ചിന് അതിരൂപത സഹായ മെത്രാന് മാര് റാഫേല് തട്ടിലിന്‍റെ മുഖ്യകാര്‍മികത്വത്തില് സമൂഹബലിയര്‍പ്പണം നടക്കും. തുടര്‍ന്ന് വിശുദ്ധ യൗസേപ്പിതാവിന്‍റെ നൊവേനയ്ക്കുശേഷം അള്‍ത്താരയില് പ്രതിഷ്ഠിച്ച വിശുദ്ധ യൗസേപ്പിതാവിന്‍റെ രൂപക്കൂട് വിശ്വാസികള്‍ക്കായി തുറക്കും.ആത്മീയ ചൈതന്യം പകരുന്ന വിശുദ്ധന്‍റെ തിരുസ്വരൂപം ദര്‍ശിക്കാന് ഈ സമയം ദേവാലയത്തിനകത്തും പുറത്തും വിശ്വാസികള് തിങ്ങികൂടും. തുടര്‍ന്ന് വിശുദ്ധരുടെ തിരുസ്വരൂപങ്ങള് ഭക്തജനങ്ങള്‍ക്ക് വണങ്ങുന്നതിനായി ദേവാലയ മുഖ മണ്ഡപത്തില് പ്രത്യേകം അലങ്കരിച്ച രൂപകൂടില് പ്രതിഷ്ഠിക്കും. ഞായറാഴ്ച രാവിലെ 10നുള്ള ആഘോഷമായ തിരുനാള് ഗാനപൂജയെ തുടര്‍ന്ന് വിശുദ്ധരുടെ തിരുസ്വരൂപങ്ങള് വഹിച്ചുകൊണ്ടാണ് വെള്ളി വര്‍ണ തോരണങ്ങളാല് അലംകൃതമായ പ്രദക്ഷിണവീഥിയിലൂടെ തിരുനാള് പ്രദക്ഷിണം നടക്കുക.

പാവറട്ടി തിരുനാള്: ദീപാലങ്കാര സ്വിച്ച് ഓണും ഫാന്‍സി വെടിക്കെട്ടും ഇന്ന്

noreply@blogger.com (Simon Jose N) — Sat, 14 May 2011 22:35:36 PDT

പാവറട്ടി: ദക്ഷിണേന്ത്യയിലെ സുപ്രസിദ്ധ തീര്‍ഥ കേന്ദ്രമായ പാവറട്ടി സെന്‍റ് ജോസഫ് തീര്‍ഥ കേന്ദ്രത്തിലെ വിശുദ്ധ യൗസേപ്പിതാവിന്‍റെ തിരുനാളിനോടനുബന്ധിച്ച് ദേവാലയ ദീപാലങ്കാരത്തിന്‍റെ സ്വിച്ച് ഓണ് കര്‍മവും ഫാന്‍സി വെടിക്കെട്ടും ഇന്ന് നടക്കും.

പാവറട്ടി സെന്‍റ് തോമസ് ആശ്രമാധിപന് ഫാ. സെബി പാലമറ്റത്ത് രാത്രി എട്ടിന് ദീപാലങ്കാര സ്വിച്ച് ഓണ് കര്‍മം നിര്‍വഹിക്കുന്നതോടെ തീര്‍ഥകേന്ദ്രം ബഹുവര്‍ണ ദീപ പ്രഭയില് മുങ്ങും. തുടര്‍ന്ന് പാവറട്ടിയിലെ ഇലക്ട്രിക്കല് തൊഴിലാളികളുടെ നേതൃത്വത്തിലുള്ള വെടിക്കെട്ട് നടക്കും. ദേവാലയവും പരിസരവും തോരണങ്ങളാല് നിറഞ്ഞു കഴിഞ്ഞു.

പാരിഷ് ഹാളില് ഊട്ടുസദ്യക്കുള്ള ഒരുക്കങ്ങള് തകൃതിയായി തുടങ്ങി കഴിഞ്ഞു. പാരിഷ് ഹാളിലേക്കുള്ള വഴിയില് തിരക്ക് നിയന്ത്രിക്കുന്നതിനുള്ള സൗകര്യങ്ങള് ഒരുക്കിയിട്ടുണ്ട്. വിശുദ്ധ യൗസേപ്പിതാവിന്‍റെ തിരുനാളിന് തീര്‍ഥ കേന്ദ്രത്തിലേക്കെത്തുന്ന ലക്ഷകണക്കിന് നാനാജാതി മതസ്ഥരായ ഭക്തജനങ്ങളെ സ്വീകരിക്കാന് പാവറട്ടിയും പരിസരങ്ങളും ഒരുങ്ങി കഴിഞ്ഞു.

പാവറട്ടി തിരുനാള് ഇനി മേളക്കന്പകാര്‍ക്കും ആവേശമാകും

noreply@blogger.com (Simon Jose N) — Sat, 14 May 2011 22:35:41 PDT

പാവറട്ടി: വിശുദ്ധ യൗസേപ്പിതാവിന്‍റെ തിരുനാള് ഇനി മേളകന്പകാര്‍ക്കും ആവേശം പകരും. ഇത്തവണ തിരുനാള് ആവേശം വാനോളമുയര്‍ത്താന് പ്രസിദ്ധ മേള വിദ്വാന്‍ന്മാരാണ് പാവറട്ടിയിലെത്തുന്നത്.

തെക്കുഭാഗം വെടിക്കെട്ട് കമ്മിറ്റിയുടെ നേതൃത്വത്തില് ഇന്നു വൈകീട്ട് 7.30ന് വൈക്കം ചന്ദ്രന് നയിക്കുന്ന പഞ്ചവാദ്യസദ്യ നടക്കും. നാളെ ഉച്ചയ്ക്ക് രണ്ടിന് വടക്ക് സൗഹൃദവേദിയുടെ നേതൃത്വത്തില് പദ്മശ്രീ മട്ടന്നൂര് ശങ്കരന്‍കുട്ടി നയിക്കുന്ന നടക്കല് മേളം അരങ്ങേറും. മട്ടന്നൂരിന്‍റെ ശരീര ചലനങ്ങളും ഭാവമാറ്റങ്ങളും മേള പ്രേമികളെ ആവേശം കൊള്ളിക്കും.

ഇത്തവണ പൂരത്തിന് മട്ടന്നൂര് ഇല്ലാത്തതിനാല് ഒട്ടേറെ മേളപ്രേമികള് മട്ടന്നൂരിന്‍റെ മേളത്തിനായി പാവറട്ടിയിലെത്തും. തിരുനാള് എട്ടാമിടദിനമായ 22ന് തെക്ക് സൗഹൃദ വേദിയുടെ ആഭിമുഖ്യത്തില് പുനാരി ഉണ്ണികൃഷ്ണന് നയിക്കുന്ന ദേശമേളം വൈകീട്ട് ഏഴിന് ദേവാലയ തിരുമുറ്റത്ത് അരങ്ങേറും. തിരുനാളിനെത്തുന്ന മേള പ്രേമികളെ ആവേശം കൊള്ളിക്കാന് മൂന്നു പ്രഗത്ഭരാണ് മേളവുമായി പാവറട്ടിയിലെത്തുന്നത്.

പാവറട്ടി തീര്‍ഥകേന്ദ്രത്തിലെ ഊട്ടുതിരുനാളിന് കലവറ ഒരുങ്ങി

noreply@blogger.com (Simon Jose N) — Sat, 14 May 2011 22:35:36 PDT

തീര്‍ഥ കേന്ദ്രത്തിലെ വിശുദ്ധ യൗസേപ്പിതാവിന്‍റെ ഊട്ടുതിരുനാളിന് കലവറ ഒരുങ്ങി. അരിയും പലചരക്കും പച്ചക്കറി സാധനങ്ങളും ഭൂരിഭാഗവും കലവറയില് എത്തിക്കഴിഞ്ഞു. ഇന്നലെ രാവിലെ തന്നെ മാങ്ങ അച്ചാര് തയാറാക്കുന്നതിനുള്ള ജോലികള് ആരംഭിച്ചു. പാവറട്ടി തീര്‍ഥകേന്ദ്രം വികാരി ഫാ. നോബി അന്പൂക്കന് കലവറയിലെ ഊട്ടുതിരുനാളിനുള്ള സാധനങ്ങള് ആശീര്‍വദിച്ചു. ചോറ്, സാന്പാര്, ഉപ്പേരി, അച്ചാര് എന്നിവയടങ്ങുന്നതാണ് നേര്‍ച്ചസദ്യ.പെരുവല്ലൂര് സ്വദേശി സമുദായ മഠത്തില് വിജയനാണ് ഊട്ടുസദ്യയുടെ പ്രധാന ചുമതല. ശനിയും ഞായറുമായി ഒന്നര ലക്ഷത്തിലേറെ ഭക്തജനങ്ങള് നേര്‍ച്ചയൂട്ടിന് എത്തിച്ചേരുമെന്നാണ് കണക്കുകൂട്ടല്. സദ്യക്കായി 175 ചാക്ക് അരിയും 2000 കിലോ മാങ്ങയും 1900 കിലോ കായയും കലവറയിലെത്തി. തീര്‍ഥ കേന്ദ്രത്തിലെ ഊട്ടുതിരുനാളിനുള്ള അരിവയ്പ്പിന് നേതൃത്വം കൊടുക്കുന്നത് പാവറട്ടി സ്വദേശി ചേന്ദംകര വീട്ടില് ഗോപിയാണ്.

നാളെ രാവിലെ 10നുള്ള ദിവ്യബലിക്കും നൈവേദ്യ പൂജയ്ക്കും ശേഷം പ്രധാന ബലി പീഠത്തില് നേര്‍ച്ചസദ്യ വികാരി ഫാ. നോബി അന്പൂക്കന് ആശീര്‍വദിക്കും. തുടര്‍ന്ന് ഊട്ടുസദ്യ.

ഊട്ടുസദ്യ ഞായറാഴ്ച മൂന്നുവരെ തുടരും. നേര്‍ച്ചസദ്യയില് പങ്കെടുക്കാന് കഴിയാത്തവര്‍ക്ക് അരി, അവില്, ചോറ്, പാക്കറ്റുകളും ലഭിക്കും.

പാരിഷ് ഹാളില് ഊട്ടുതിരുനാള് ഏറ്റു കഴിക്കുന്നതിന് വിപുലമായ സൗകര്യങ്ങള് ഒരുക്കിയിട്ടുള്ളതായി കണ്‍വീനര് വര്‍ഗീസ് തെക്കക്കര അറിയിച്ചു.

പാവറട്ടി തീര്‍ഥകേന്ദ്രം മുഖമണ്ഡപവും പ്രദക്ഷിണ വീഥിയും കമനീയമാക്കി

noreply@blogger.com (Simon Jose N) — Sat, 14 May 2011 22:35:41 PDT

തീര്‍ഥ കേന്ദ്രത്തിലെ വിശുദ്ധ യൗസേപ്പിതാവിന്‍റെ ഊട്ടുതിരുനാളിനോടനുബന്ധിച്ച് ദേവാലയ മുഖമണ്ഡപവും പ്രദക്ഷിണ വീഥിയും കമനീയമാക്കി. തിരുനാള്‍ ദിനങ്ങളില്‍ വിശുദ്ധരുടെ തിരുസ്വരൂപങ്ങള്‍ പൊതു വണക്കത്തിനായി എഴുന്നള്ളിച്ചുവയ്ക്കുക മുഖമണ്ഡപത്തിലാണ്.

വിശുദ്ധരുടെയും മാലാഖമാരുടെയും മറ്റും രൂപങ്ങള്‍ ചിത്രീകരിച്ച ഫ്ളക്സുകൊണ്ടാണ് മുഖമണ്ഡപത്തിന്‍റെ മുകള്‍ഭാഗം അലങ്കരിച്ചിട്ടുള്ളത്. തിരുകുടുംബം, ഔസേപ്പിതാവ്, പരിശുദ്ധ കന്യകാമറിയം, യേശുവിന്‍റെ ഉയിര്‍പ്പ്, മദര്‍തെരസ, തോമസ് ശ്ലീഹാ, വിശുദ്ധ അന്തോണീസ്, നല്ല ഇടയന്‍ തുടങ്ങി വ്യത്യസ്തങ്ങളായ നിരവധി ചിത്രങ്ങള്‍ ഫ്ളക്സില്‍ സ്ഥാനം പിടിച്ചിട്ടുണ്ട്. 48 അടി നീളവും 20 അടി വീതിയുമുള്ളതാണ് ദേവാലയ മുഖമണ്ഡപം. വെള്ളിവര്‍ണ തോരണങ്ങള്‍കൊണ്ടാണ് പ്രദക്ഷിണവീഥിക്ക് മേലാപ്പു ചാര്‍ത്തുക. പിങ്ക് വര്‍ണത്തിലുള്ള അരങ്ങുകള്‍ ബോര്‍ഡര്‍ തീര്‍ക്കും. ഒരു ക്വിന്‍റല്‍ വര്‍ണകടലാസാണ് തോരണങ്ങള്‍ക്കായി വാങ്ങിയിട്ടുള്ളത്. 36 വലിയ തൂണുകളിലും 20 ചെറിയ തൂണുകളിലുമായാണ് വിശാലമായ പ്രദക്ഷിണ വീഥി മുഴുവന്‍ വര്‍ണ തോരണങ്ങള്‍കൊണ്ട് അലങ്കരിക്കുന്നത്. ഒരു ലക്ഷത്തിലേറെ രൂപ ചെലവുവരുന്ന അലങ്കാര പണികള്‍ക്ക് നേതൃത്വം നല്‍കുന്നത് സിജോ മുട്ടത്തും ഇ.ജെ.ടി. ദാസും അടങ്ങുന്ന ഡെക്കറേഷന്‍ കമ്മിറ്റിയാണ്.

തിരുനാള്‍ ദിവസമായ ഞായറാഴ്ച നടക്കുന്ന തിരുനാള്‍ പ്രദക്ഷിണം വെള്ളിവര്‍ണതോരണങ്ങള്‍ മേലാപ്പുചാര്‍ത്തിയ പ്രദക്ഷിണവീഥിയിലൂടെയാണ് കടന്നുപോവുക.

1501 അംഗ തിരുനാള്‍ സന്നദ്ധസേന

noreply@blogger.com (Simon Jose N) — Sat, 14 May 2011 22:35:41 PDT

വിശുദ്ധ യൗസേപ്പിതാവിന്റെ തിരുനാളിനോടനുബന്ധിച്ച് സുരക്ഷാക്രമീകരണങ്ങള്‍ക്കായി 1501 അംഗ സന്നദ്ധസേനയും പോലീസ് സംഘവും ടോള്‍മെന്‍ സെക്യൂരിറ്റിയും രംഗത്തുണ്ടാകും. സന്നദ്ധസേനയ്ക്ക് പോലീസ് അസി. കമ്മീഷണര്‍ എന്‍. ശശിധരന്‍, ഗുരുവായൂര്‍ സിഐ എസ്. സുനില്‍കുമാര്‍, പാവറട്ടി എസ്‌ഐ പി.വി. രാധാകൃഷ്ണന്‍ എന്നിവര്‍ പരിശീലനം നല്‍കി.

വിവിധ ഷിഫ്റ്റുകളായാണ് സേന പ്രവര്‍ത്തിക്കുക. ഷാഡോ പോലീസിന്റെ സേവനവും തിരുനാള്‍ ദിനത്തിലുണ്ടാകും. ഗുരുവായൂരില്‍നിന്നുള്ള അഗ്‌നിശമനസേനയും ആംബുലന്‍സ് സൗകര്യത്തോടെയുള്ള ആരോഗ്യവകുപ്പ് സംഘവും വൈദ്യുതിവകുപ്പ് ഉദ്യോഗസ്ഥരും തിരുനാള്‍ ദിവസങ്ങളില്‍ ദേവാലയപരിസരത്ത് ക്യാമ്പ് ചെയ്യും. പാവറട്ടി തീര്‍ഥകേന്ദ്രം വികാരി ഫാ. നോബി അമ്പൂക്കന്‍ അധ്യക്ഷനായി. വളണ്ടിയര്‍ ക്യാപ്റ്റന്‍ സി.വി. സേവിയര്‍, ട്രസ്റ്റി എം.പി. ജെറോം, വെടിക്കെട്ട് കമ്മിറ്റി കണ്‍വീനര്‍ സുബിരാജ് തോമസ് എന്നിവര്‍ പ്രസംഗിച്ചു.

ഒരുക്കങ്ങള്‍ പൂര്‍ത്തിയായി; തിരുനാളിന് വെള്ളിയാഴ്ച തുടക്കം

noreply@blogger.com (Simon Jose N) — Fri, 13 May 2011 13:33:48 PDT

പാവറട്ടി സെന്റ്‌ജോസഫ്‌സ് തീര്‍ത്ഥാടന കേന്ദ്രത്തില്‍ വെള്ളി, ശനി, ഞായര്‍ ദിവസങ്ങളിലായി ആഘോഷിക്കുന്ന വി. യൗസേപ്പിതാവിന്റെ 135-ാം ഊട്ടുതിരുനാളിനുള്ള ഒരുക്കങ്ങള്‍ പൂര്‍ത്തിയായി. വെള്ളിയാഴ്ച രാത്രി 8ന് പാവറട്ടി സെന്റ്‌തോമസ് ആശ്രമദേവാലയം പ്രയോര്‍ ഫാ.സെബി പാലമറ്റം ദീപാലങ്കാരം സ്വിച്ച്ഓണ്‍ ചെയ്യും. തുടര്‍ന്ന് വൈദ്യുതിത്തൊഴിലാളികളുടെ നേതൃത്വത്തില്‍ സാമ്പിള്‍ വെടിക്കെട്ടും തെക്ക് വെടിക്കെട്ട് കമ്മിറ്റിയുടെ ആഭിമുഖ്യത്തില്‍ വൈക്കം ചന്ദ്രന്‍ നയിക്കുന്ന പഞ്ചവാദ്യവും അരങ്ങേറും.

ശനിയാഴ്ച രാവിലെ 10ന് നടക്കുന്ന നൈവേദ്യപ്പൂജയ്ക്ക് തീര്‍ത്ഥകേന്ദ്രം വികാരി ഫാ. നോബി അമ്പൂക്കന്‍ നേതൃത്വം നല്‍കും. തുടര്‍ന്ന് നേര്‍ച്ച ഭക്ഷണ ആശീര്‍വാദവും നേര്‍ച്ചയൂട്ട് ആരംഭവും നടക്കും. ഒന്നരലക്ഷം പേര്‍ക്കുള്ള നേര്‍ച്ച ഭക്ഷണമാണ് ഒരുക്കുന്നത്. ഉച്ചയ്ക്ക് രണ്ടിന് വടക്ക് സൗഹൃദവേദിയുടെ ആഭിമുഖ്യത്തില്‍ മട്ടന്നൂര്‍ ശങ്കരന്‍കുട്ടിയുടെ നേതൃത്വത്തില്‍ നടയ്ക്കല്‍ മേളം അരങ്ങേറും. വൈകീട്ട് 5.30ന് സഹായമെത്രാന്‍ റാഫേല്‍ തട്ടിലിന്റെ മുഖ്യകാര്‍മികത്വത്തില്‍ സമൂഹബലി ആരംഭിക്കും. 7.30ന് ആഘോഷമായ കൂടുതുറക്കല്‍ ശുശ്രൂഷ നടക്കും. തുടര്‍ന്ന് കുണ്ടന്നൂര്‍ സുന്ദരാക്ഷന്റെ നേതൃത്വത്തില്‍ പള്ളി വെടിക്കെട്ട് നടക്കും. രാത്രി 12ന് വളയെഴുന്നള്ളിപ്പുകള്‍ ദേവാലയത്തിലെത്തും. അത്താണി ജോഫിയുടെ നേതൃത്വത്തിലുള്ള വടക്ക്ഭാഗം വെടിക്കെട്ട് കമ്മിറ്റിയുടെ കരിമരുന്ന് കലാപ്രകടനത്തിന് തിരികൊളുത്തും.

ഞായറാഴ്ച പുലര്‍ച്ചെ മൂന്ന് മുതല്‍ രാവിലെ 9 വരെ തുടര്‍ച്ചയായ ദിവ്യബലി നടക്കും. 10ന് ഫാ.ഡേവിഡ്പുലിക്കോട്ടില്‍ കാര്‍മികനായി ആഘോഷമായ തിരുനാള്‍ പാട്ടുകുര്‍ബാനയും തിരുനാള്‍ പ്രദക്ഷിണവും നടക്കും. ഡോ. വിന്‍സെന്റ് കുണ്ടുകുളം തിരുനാള്‍ സന്ദേശം നല്‍കും. തുടര്‍ന്ന് സിമന്റ്-പെയിന്റ് തൊഴിലാളികളുടെ നേതൃത്വത്തില്‍ പ്രദക്ഷിണ വെടിക്കെട്ട് നടക്കും.

വൈകീട്ട് അഞ്ചിന് നടക്കുന്ന തമിഴ് കുര്‍ബാനയ്ക്ക് ഫാ.ആന്റണി വാഴപ്പിള്ളി കാര്‍മികനാകും. വൈകീട്ട് ഏഴിന് ദിവ്യബലിക്ക് ഫാ.ജോബ് അറയ്ക്കപറമ്പില്‍ കാര്‍മികനാകും. തുടര്‍ന്ന് 8.30ന് വടകര രാജന്റെ നേതൃത്വത്തില്‍ തെക്കുംഭാഗം വെടിക്കെട്ട് കമ്മിറ്റിയുടെ വെടിക്കെട്ട് നടക്കും. ആഘോഷക്കമ്മിറ്റി ഭാരവാഹികളായ സുബിരാജ് തോമസ്, സേവ്യര്‍ കുറ്റിക്കാട്, ഡേവീസ്പുത്തൂര്‍, ഒ.എഫ്. ഫ്രാന്‍സീസ്, സി.വി. ഷൈജു, തോമസ് പള്ളത്ത് എന്നിവര്‍ പത്രസമ്മേളനത്തില്‍ പങ്കെടുത്തു.

ഉന്നത പോലീസ് സംഘമെത്തി

noreply@blogger.com (Simon Jose N) — Tue, 10 May 2011 18:40:07 PDT

പാവറട്ടി: വിശുദ്ധ യൗസേപ്പിതാവിന്‍റെ തിരുനാളിനോടനുബന്ധിച്ചുള്ള സുരക്ഷ ക്രമീകരണങ്ങള്‍ വിലയിരുത്തുന്നതിനായി ഉന്നത പോലീസ് സംഘം പാവറട്ടി തീര്‍ഥകേന്ദ്രത്തിലെത്തി. തൃശൂര്‍ റൂറല്‍ എസ്പി എം. പത്്മനാഭന്‍, അസിസ്റ്റന്‍റ് കമ്മീഷണര്‍ എസ്. ശശിധരന്‍, പാവറട്ടി എസ്ഐ പി.വി. രാധാകൃഷ്ണന്‍ എന്നിവരടങ്ങുന്ന സംഘമാണ് പരിശോധനകള്‍ക്കായി എത്തിയത്.

വെടിക്കെട്ട് കമ്മിറ്റി കണ്‍വീനര്‍ സുബിരാജ് തോമസ്, ട്രസ്റ്റി എം.പി. ജറോം, ഡേവിസ് പുത്തൂര്‍, തോമസ് പള്ളത്ത്, ആന്‍റണി വെള്ളറ, സേവ്യാര്‍ കുറ്റിക്കാട്ടില്‍ തുടങ്ങിയവര്‍ തിരുനാള്‍ ക്രമീകരണങ്ങള്‍ വിശദീകരിച്ചു. വെള്ളി, ശനി, ഞായര്‍ ദിവസങ്ങളിലാണ് പാവറട്ടി തീര്‍ഥകേന്ദ്രത്തില്‍ വിശുദ്ധ യൗസേപ്പിതാവിന്‍റെ തിരുനാള്‍.

പാവറട്ടി തിരുനാള്‍: അഞ്ച് വെടിക്കെട്ടിനും അനുമതി

noreply@blogger.com (Simon Jose N) — Tue, 10 May 2011 18:23:50 PDT

പാവറട്ടി തിരുനാളിനോടനുബന്ധിച്ച് വിവിധ സമയങ്ങളിലായി നടക്കുന്ന അഞ്ച് വെടിക്കെട്ടുകള്‍ക്കും ജില്ലാ ഭരണകൂടത്തിന്റെ അനുമതി ലഭിച്ചു. വെള്ളിയാഴ്ച വൈകീട്ട് ദീപാലങ്കാര സ്വിച്ച്ഓണ്‍ കര്‍മ്മം നടക്കും. തുടര്‍ന്ന് ഇടവകയിലെ ഇലക്ട്രിക്കല്‍ തൊഴിലാളികളുടെ നേതൃത്വത്തിലുള്ള വെടിക്കെട്ട് നടക്കും.

ശനിയാഴ്ച രാത്രി ഏഴരയ്ക്കുള്ള കൂടുതുറക്കല്‍ ശുശ്രൂഷകള്‍ക്കുശേഷം പള്ളിക്കമ്മിറ്റിയുടെയും രാത്രി 12ന് എഴുന്നള്ളിപ്പുകള്‍ സമാപിക്കുമ്പോള്‍ വടക്കുഭാഗം വെടിക്കെട്ട് കമ്മിറ്റിയുടെയും വെടിക്കെട്ട് നടക്കും.

ഞായറാഴ്ച രാവിലെ 10ന് തിരുനാള്‍ പാട്ടുകുര്‍ബാന നടക്കും. തുടര്‍ന്ന് ഇടവകയിലെ സിമന്റ്, പെയിന്റ് തൊഴിലാളികളുടെ നേതൃത്വത്തില്‍ വെടിക്കെട്ടു നടക്കും. രാത്രി 8.30ന് തെക്കുവിഭാഗത്തിന്റെ നേതൃത്വത്തിലും വെടിക്കെട്ടുണ്ടാകും. അത്താണി ജോഫി, കുണ്ടന്നൂര്‍ സുന്ദരാക്ഷന്‍, വടകര രാജീവ് എന്നിവരാണ് വെടിക്കെട്ടിന് നേതൃത്വം നല്കുന്നതെന്ന് വെടിക്കെട്ട് കമ്മിറ്റി കണ്‍വീനര്‍ സുബിരാജ് തോമസ് അറിയിച്ചു.

പാവറട്ടി തിരുനാള്‍: ദീപപ്രഭ ചൊരിയാന്‍ ഒന്നരലക്ഷം ബള്‍ബുകള്‍

noreply@blogger.com (Simon Jose N) — Mon, 09 May 2011 19:39:41 PDT

പാവറട്ടി സെന്റ് ജോസഫ്‌സ് തീര്‍ത്ഥകേന്ദ്രത്തിലെ വി. യൗസേപ്പിതാവിന്റെ ഊട്ടുതിരുനാളിന് ഒരുക്കങ്ങള്‍ ആരംഭിച്ചു. ചാഴൂര്‍ തട്ടുപറമ്പില്‍ കുടുംബാംഗം ലോറന്‍സ് തന്നെയാണ് ഇത്തവണയും രൂപക്കൂട് ഒരുക്കുന്നത്.

ഒന്നരലക്ഷം ബള്‍ബുകള്‍ ഉപയോഗിച്ച് ദീപാലങ്കാരം വൈവിധ്യമാര്‍ന്നതാക്കാനുള്ള തിരക്കിലാണ് ജെന്‍സന്‍ ചുങ്കത്തിന്റെ നേതൃത്വത്തിലുള്ള ഇലക്ട്രീഷ്യന്മാര്‍. ദീപാലങ്കാരം സ്വിച്ച് ഓണ്‍ കര്‍മം റിമോട്ട് കണ്‍ട്രോളിലാണ് പ്രവര്‍ത്തിപ്പിക്കുക. അരുളിക മുകളിലേയ്ക്കുയരുമ്പോള്‍ ധൂപക്കുറ്റിയില്‍നിന്ന് ഉയരുന്നതുപോലെ പുകച്ചുരുളുകള്‍ പ്രത്യക്ഷപ്പെടും. അന്നേരം റോസാപ്പൂക്കള്‍ വിടരും. ഈ സമയം പള്ളിമണികളുടെ ശബ്ദം ഒഴുകിയെത്തുന്ന പ്രതീതി അനുഭവപ്പെടും. ഇടവേളകളില്‍ വിശുദ്ധരുടെ തിരുസ്വരൂപങ്ങളും ദീപാലങ്കാരത്തില്‍ തെളിയും. വലതുഭാഗത്ത് അന്തോണീസ്, സെബസ്ത്യാനോസ്, തോമാശ്ലീഹ എന്നീ വിശുദ്ധരുടെ രൂപങ്ങള്‍ മിന്നിത്തെളിയുമ്പോള്‍ ഇടതുഭാഗത്ത് മദര്‍തെരേസ, കൊച്ചുത്രേസ്യ, അല്‍ഫോന്‍സാമ്മ എന്നിവരുടെ രൂപങ്ങളും ഉണ്ടാകും.

വെള്ളിയാഴ്ച രാത്രി എട്ടിന് സെന്റ് തോമസ് ആശ്രമാധിപന്‍ ഫാ. സെബി പാലമറ്റത്ത് ദീപാലങ്കാരം സ്വിച്ച്ഓണ്‍ നടത്തും.

തിരുനാളിനോടനുബന്ധിച്ച് നല്‍കാനുള്ള നേര്‍ച്ച പാക്കറ്റുകള്‍ തയ്യാറായി. അരി, അവില്‍ എന്നിവ നിറച്ച് 50,000 പാക്കറ്റുകളാണ് തയ്യാറാക്കിയിരിക്കുന്നത്. ഫ്രാന്‍സിസ്‌കന്‍ അല്‍മായസഭയില്‍പ്പെട്ട നൂറോളം പേര്‍ ചേര്‍ന്നാണ് നേര്‍ച്ച പാക്കറ്റുകള്‍ തയ്യാറാക്കിയത്. പാവറട്ടി തിരുനാള്‍ ഊട്ടുസദ്യയ്ക്ക് പങ്കെടുക്കാന്‍ കഴിയാത്തവര്‍ക്കായാണ് പാക്കറ്റില്‍ നേര്‍ച്ച തയ്യാറാക്കുന്നത്. 14ന് രാവിലെ എട്ടുമുതല്‍ ഞായറാഴ്ച രാത്രി 10 വരെ പള്ളിയിലെ പ്രത്യേക കൗണ്ടറില്‍ നേര്‍ച്ച പാക്കറ്റുകള്‍ വഴിപാടായി വിശ്വാസികള്‍ക്ക് വിതരണം ചെയ്യും. 10 രൂപയാണ് നിരക്ക്.

പാവറട്ടി തിരുനാള്‍: രൂപക്കൂട് അലങ്കാരങ്ങള്‍ തകൃതിയില്‍

noreply@blogger.com (Simon Jose N) — Mon, 09 May 2011 19:39:13 PDT

സെന്‍റ് ജോസഫ്സ് തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ തിരുനാളിനോടനുബന്ധിച്ച് വിശുദ്ധ തിരുസ്വരൂപങ്ങള്‍ എഴുന്നള്ളിച്ച് വയ്ക്കുന്നതിനുള്ള രൂപക്കൂട് അലങ്കാരങ്ങള്‍ പൂര്‍ത്തിയാകുന്നു. കുന്നത്തങ്ങാടി സ്വദേശി ചാഴൂര്‍ എട്ടുപറന്പില്‍ പൗലോസിന്‍റെ മകന്‍ ലോറന്‍സിന്‍റെ നേതൃത്വത്തിലാണ് വര്‍ണക്കടലാസുകള്‍ പൊതിഞ്ഞ് രൂപക്കൂട് മനോഹരമാക്കുന്നത്. പിതാവിനൊപ്പംവന്ന് കൗതുകത്തോടെ അലങ്കാരപണികള്‍ കണ്ടുപടിച്ച ലോറന്‍സിന് ഇന്ന് രൂപക്കൂട് അലങ്കാരം ഒരു നിയോഗമാണ്.

ഒരു ജോലി എന്നതിനേക്കാള്‍ വ്രതശുദ്ധിയോടെയുള്ള കര്‍മവും നിയോഗവുമായാണ് ലോറന്‍സ് രൂപക്കാട് അലങ്കാരം കാണുന്നത്. പല ദേവാലയങ്ങളിലും നവീനരീതിയിലുള്ള കനംകുറഞ്ഞ രൂപക്കൂടുകള്‍ സ്ഥാനം പിടിച്ചെങ്കിലും പാരന്പര്യമുള്ള പഴയദേവാലയങ്ങളില്‍ ഇപ്പോഴും മരംകൊണ്ടുള്ള കനംകൂടിയ രൂപക്കൂടുകള്‍ തന്നെയാണ് ഉപയോഗിക്കുന്നത്.

ശനിയാഴ്ച വൈകീട്ട് നടക്കുന്ന ഭക്തിസാന്ദ്രമായ കൂടുതുറക്കല്‍ ശുശ്രൂഷയ്ക്കുശേഷം വിശുദ്ധ യൗസേപ്പിതാവിന്‍റേയും പരിശുദ്ധ കന്യകാമറിയത്തിന്‍റേയും വിശുദ്ധ പത്രോസ് ശ്ലീഹായുടെയും തിരുസ്വരൂപങ്ങള്‍ ഭക്തജനങ്ങള്‍ക്ക് വണങ്ങുന്നതിനായി ഈ രൂപക്കൂട്ടിലാണ് വയ്ക്കുക.

തിരുനാള്‍ദിവസമായ ഞായറാഴ്ച രാവിലെയുള്ള തിരുനാള്‍ ഗാനപൂജയെത്തുടര്‍ന്ന് വിശുദ്ധരുടെ തിരുസ്വരൂപങ്ങള്‍ പ്രതിഷ്ഠിച്ച രൂപക്കൂടുകള്‍ വഹിച്ചുകൊണ്ടാണ് ഭക്തിനിര്‍ഭരവും ആകര്‍ഷകവുായ തിരുനാള്‍ പ്രദക്ഷിണം നടക്കുക. കമനീയമായി അലങ്കരിച്ച പ്രദക്ഷിണവീഥിയിലൂടെ വാദ്യമേളങ്ങളുടെ അകന്പടിയോടെ പ്രദക്ഷിണം പുറപ്പെടുന്പോള്‍ വിശുദ്ധ യൗസേപ്പിതാവേ ഞങ്ങള്‍ക്കുവേണ്ടി അപേക്ഷിക്കണമേ എന്ന പ്രാര്‍ഥനാമന്ത്രം ഉരുവിട്ട് പ്രദക്ഷിണവീഥിയുടെ ഇരുഭാഗത്തും ആയിരക്കണക്കിന് ഭക്തജനങ്ങളാണ് ഒത്തുകൂടുക.

ഊട്ടുതിരുനാളിന് കൊടികയറി

noreply@blogger.com (Simon Jose N) — Fri, 06 May 2011 19:39:37 PDT

പ്രസിദ്ധ തീര്‍ത്ഥകേന്ദ്രമായ പാവറട്ടി സെന്റ് ജോസഫ്‌സ് ദേവാലയത്തിലെ ഊട്ടുതിരുനാളിന് കൊടികയറി. പള്ളിനടയിലെ വിശുദ്ധ അന്തോണീസിന്റെ കപ്പേളയില്‍ വെള്ളിയാഴ്ച രാവിലെ നടന്ന ദിവ്യബലിക്കുശേഷം സാഗര്‍ രൂപത ബിഷപ്പ് മാര്‍ ആന്റണി ചിറയത്താണ് കൊടിയേറ്റം നിര്‍വഹിച്ചത്. വിശുദ്ധ യൗസേപ്പിതാവിന്റെ ചിത്രം മുദ്രണം ചെയ്ത ശുഭ്രപതാക വര്‍ണബലൂണുകളുടെ അകമ്പടിയോടെ വാനിലേക്ക് ഉയര്‍ന്നപ്പോള്‍ 135-ാം തിരുനാളിന്റെ വരവറിയിച്ചുകൊണ്ട് കതിന മുഴങ്ങി. കപ്പേളയില്‍ നടന്ന വാദ്യമേളങ്ങളുടെയും മുത്തുക്കുടകളുടെയും അകമ്പടിയോടെ നടന്ന പ്രദക്ഷിണം തീര്‍ത്ഥകേന്ദ്രത്തില്‍ എത്തിച്ചേര്‍ന്നതോടെ ലദീഞ്ഞ്, നൊവേന, തിരുശേഷിപ്പു വന്ദനം എന്നിവ നടന്നു. വര്‍ണക്കുടകള്‍ വിരിയിച്ച വെടിക്കെട്ട് കൊടിയേറ്റച്ചടങ്ങിന് ചാരുതയേകി. തീര്‍ത്ഥകേന്ദ്രം വികാരി ഫാ. നോബി അമ്പൂക്കന്‍, ഫാ. ജോണ്‍ മുളയ്ക്കല്‍ എന്നിവര്‍ കൊടികയറ്റ കര്‍മങ്ങള്‍ക്ക് സഹകാര്‍മികരായിരുന്നു. നവനാള്‍ ആചരണത്തിന്റെ ഭാഗമായി വെള്ളിയാഴ്ച മാതാപിതാക്കളുടെ ദിനമായി ആചരിച്ചു. വൈകീട്ട് 5നുള്ള ദിവ്യബലിക്കും പ്രത്യേക പ്രാര്‍ഥനാ ശുശ്രൂഷകള്‍ക്കും ഫാ. ജോഷി കണ്ണുക്കാടന്‍ മുഖ്യകാര്‍മികത്വം വഹിച്ചു. 13, 14, 15 തീയതികളിലാണ് വിശുദ്ധ യൗസേപ്പിതാവിന്റെ ഊട്ടുതിരുനാള്‍ ആഘോഷിക്കുന്നത്.

പാവറട്ടി വിശുദ്ധ യൗസേപ്പിതാവിന്‍റെ തിരുനാള്‍; ഒരുക്കങ്ങള്‍ തുടങ്ങി, കൊടിയേറ്റം ആറിന്

noreply@blogger.com (Simon Jose N) — Tue, 10 May 2011 18:37:51 PDT

ദക്ഷിണേന്ത്യയിലെ സുപ്രധാന തീര്‍ഥ കേന്ദ്രമായ പാവറട്ടി സെന്‍റ് ജോസഫ് തീര്‍ഥ കേന്ദ്രത്തിലെ വിശുദ്ധ യൗസേപ്പിതാവിന്‍റെ തിരുനാളിന് ഒരുക്കങ്ങള്‍ തുടങ്ങി. തിരുനാളാഘോഷങ്ങള്‍ക്ക് തുടക്കം കുറിച്ചുകൊണ്ട് മേയ് ആറിന് സാഗര്‍ രൂപത ബിഷപ് മാര്‍ ആന്‍റണി ചിറയത്ത് കൊടിയേറ്റു കര്‍മം നിര്‍വഹിക്കും. 13, 14, 15 തീയതികളിലാണ് പ്രസിദ്ധമായ പാവറട്ടി തിരുനാള്‍ ആഘോഷിക്കുന്നത്.

കൊടിയേറ്റം മുതല്‍ തിരുനാള്‍ ദിനം വരെയുള്ള ദിവസങ്ങളില്‍ നവനാള്‍ ആചരണത്തിന്‍റെ ഭാഗമായി മാതാപിതാക്കള്‍, കുട്ടികള്‍, യുവജനങ്ങള്‍, ജീവിതാന്തസില്‍ പ്രവേശിക്കാത്തവര്‍, സമര്‍പ്പിതര്‍, രോഗികള്‍, ദന്പതികള്‍, തൊഴിലാളികള്‍ എന്നിവര്‍ക്കായി പ്രത്യേക പ്രാര്‍ഥനാ ശുശ്രൂഷകള്‍ ഉണ്ടാകും. ഫാ. ജോഷി കണ്ണൂക്കാടന്‍, ഫാ. ഷിജോ ചിരിയന്‍കണ്ടത്ത്, ഫാ. ജോവി കുണ്ടുകുളങ്ങര, ഫാ. സജു വടക്കേത്തല, ഫാ. ബിജു പൂത്തോട്ടാല്‍, ഫാ. ബാസ്റ്റിന്‍ ആലപ്പാട്ട്, ഫാ. ഷിജോ മാപ്രാണത്തുകാരന്‍, ഫാ. ജിന്‍റോ ചിറ്റിലപ്പിള്ളി എന്നിവര്‍ നവനാള്‍ ആചരണങ്ങള്‍ക്ക് നേതൃത്വം നല്‍കും. മേയ് 13ന് വൈകീട്ട് എട്ടിന് ദേവാലയ ദീപാലങ്കാരത്തിന്‍റെ സ്വിച്ച് ഓണ്‍കര്‍മം പാവറട്ടി ആശ്രമാധിപന്‍ ഫാ. സെബി പാലമറ്റത്ത് നിര്‍വഹിക്കും.

തുടര്‍ന്ന് ഫാന്‍സി വെടിക്കെട്ട് അരങ്ങേറും. 14ന് രാവിലെ 10 മണിക്കുള്ള നൈവേദ്യപൂജയ്ക്ക് തീര്‍ഥ കേന്ദ്രം വികാരി ഫാ. നോബി അന്പൂക്കന്‍ മുഖ്യകാര്‍മികത്വം വഹിക്കും. തുടര്‍ന്ന് നേര്‍ച്ചഭക്ഷണ ആശീര്‍വാദവും നേര്‍ച്ചയൂട്ടും ആരംഭിക്കും.

വൈകീട്ട് 5.30ന് നടക്കുന്ന സമൂഹബലിക്ക് അതിരൂപത സഹായമെത്രാന്‍ മാര്‍ റാഫേല്‍ തട്ടില്‍ മുഖ്യകാര്‍മികത്വം വഹിക്കും. തുടര്‍ന്ന് ഭക്തിസാന്ദ്രമായ കൂടുതുറക്കല്‍ ശുശ്രൂഷ നടക്കും. തുടര്‍ന്ന് പള്ളി കമ്മിറ്റിയുടെ നേതൃത്വത്തിലുള്ള വെടിക്കെട്ട് അരങ്ങേറും.

വിവിധ കുടുംബ കൂട്ടായ്മകളുടെ നേതൃത്വത്തിലുള്ള വള എഴുന്നള്ളിപ്പുകള്‍ രാത്രി 12ന് തീര്‍ഥ കേന്ദ്രത്തിലെത്തി സമാപിക്കുന്നതോടെ വടക്ക് വിഭാഗത്തിന്‍റെ നേതൃത്വത്തിലുള്ള കരിമരുന്ന് കലാപ്രകടനം നടക്കും. ഞായറാഴ്ച പുലര്‍ച്ചെ മൂന്നുമുതല്‍ ഒന്പതുവരെ തീര്‍ഥ കേന്ദ്രത്തില്‍ ദിവ്യബലി ഉണ്ടാകും. 10നുള്ള ആഘോഷമായ തിരുനാള്‍ പാട്ടുകുര്‍ബാനയ്ക്ക് ഫാ. ഡേവിസ് പുലിക്കോട്ടില്‍ മുഖ്യകാര്‍മികത്വം വഹിക്കും. റവ. ഡോ. വിന്‍സന്‍റ് കുണ്ടുകുളം തിരുനാള്‍ സന്ദേശം നല്‍കും. തിരുനാള്‍ ദിവ്യബലിയെ തുടര്‍ന്ന് ഭക്തിനിര്‍ഭരവും ആകര്‍ഷകവുമായ തിരുനാള്‍ പ്രദക്ഷിണം നടക്കും.

രാത്രി ഏഴിനുള്ള ദിവ്യബലിയെ തുടര്‍ന്ന് 8.30ന് തെക്കു വിഭാഗത്തിന്‍റെ വെടിക്കെട്ട് നടക്കും. തിരുനാളിനോടനുബന്ധിച്ച് ഒന്നര ലക്ഷത്തോളം പേര്‍ക്ക് നേര്‍ച്ച സദ്യ നല്‍കും. കൂടാതെ അരി, അവില്‍ നേര്‍ച്ച പാക്കറ്റുകളും വിതരണം ചെയ്യുന്നുണ്ട്.

തിരുനാളിനോടനുബന്ധിച്ചുള്ള ജീവകാരുണ്യ പ്രവര്‍ത്തനങ്ങളുടെ ഭാഗമായി മേയ് ഒന്നിന് പ്രമുഖ ഹൃദ്രോഗ ഡോക്ടര്‍മാര്‍ നേതൃത്വം നല്‍കുന്ന സൗജന്യ ഹൃദ്രോഗ പരിശോധന ക്യാന്പും കൊടിയേറ്റം മുതല്‍ തിരുനാള്‍ ദിനംവരെയുള്ള ദിവസങ്ങളില്‍ തീര്‍ഥ കേന്ദ്രത്തിന് കീഴിലുള്ള സാന്‍ജോസ് പരീഷ് ഹോസ്പിറ്റലില്‍ ഡോക്ടര്‍മാരെ കാണുന്നതിന് സൗജന്യമായി ഒപി ടിക്കറ്റും നല്‍കുന്നുണ്ട്.

പാവറട്ടി പാരീഷ് ഹോസൗജന്യ ഹൃദയ പരിശോധന ക്യാന്പ്

noreply@blogger.com (Simon Jose N) — Tue, 10 May 2011 18:37:34 PDT

പാവറട്ടി:സ്പിറ്റലില്‍ സാന്‍ ജോസ് പാരീഷ് ഹോസ്പിറ്റലില്‍ ജീവകാരുണ്യ പ്രവര്‍ത്തനങ്ങളുടെ ഭാഗമായി സൗജന്യ ഹൃദയപരിശോധന ക്യാന്പ് മേയ് ഒന്നിന് നടത്തും. ജൂബിലി മെഡിക്കല്‍ കോളജിലെയും അമല മെഡിക്കല്‍ കോളജിലെയും വിദഗ്ധ ഡോക്ടര്‍മാര്‍ നേതൃത്വം നല്കും. കേരള ആരോഗ്യ സര്‍വകലാശാല വൈസ് ചാന്‍സലര്‍ ഡോ. കെ. മോഹന്‍ദാസ് ഹൃദയ പരിശോധന ക്യാന്പ് ഉദ്ഘാടനം ചെയ്യും. സെന്‍റ് തോമസ് ആശ്രമാധിപന്‍ ഫാ. സെബി പാലമറ്റം യോഗത്തില്‍ അധ്യക്ഷത വഹിക്കും. മേയ് ഒന്നു മുതല്‍ ആശുപത്രി വിപുലീകരണത്തിന്‍റെ ഭാഗമായി രാവിലെയും വൈകീട്ടും ഒപി പരിശോധന ഉണ്ടാകും. ഡോക്ടര്‍മാര്‍ നിര്‍ദേശിക്കുന്ന വിദഗ്ധ പരിശോധന ആവശ്യമുള്ള രോഗികള്‍ക്ക് ജൂബിലി മിഷ്യന്‍ മെഡിക്കല്‍ കോളജ് ആശുപത്രിയില്‍ ഡോക്ടര്‍മാരുടെ സേവനം ലഭ്യമാക്കുമെന്നും അധികൃതര്‍ പാവറട്ടിയില്‍ വാര്‍ത്താ സമ്മേളനത്തില്‍ അറിയിച്ചു.

കുര്‍ബാനയ്ക്കുള്ള വീഞ്ഞ് പരിശോധിച്ചത് വിവാദമായി

noreply@blogger.com (Simon Jose N) — Tue, 08 Mar 2011 18:26:09 PST

സി.എസ്.ഐ. സഭയിലെ പള്ളികളില്‍ കുര്‍ബാനയ്ക്ക് ഉപയോഗിക്കുന്നതിന് സൂക്ഷിച്ചിരുന്ന വീഞ്ഞ് എകൈ്‌സസ് സംഘം പരിശോധനയ്ക്കായി എടുത്ത സംഭവം വിവാദമാകുന്നു. കോട്ടയം ജില്ലയില്‍ സി.എസ്.ഐ. ഈസ്റ്റ് കേരള മഹായിടവകയിലെ മേലുകാവ് മറ്റം ബുക്ക് ഡിപ്പോയില്‍നിന്ന് കഴിഞ്ഞ മൂന്നിന് വൈകീട്ടാണ് പാലാ എകൈ്‌സസ് സി.ഐ. ടി.എ.അശോക്കുമാറിന്റെ നേതൃത്വത്തിലുള്ള സംഘം ഒരുകുപ്പി വീഞ്ഞ് കൊണ്ടുപോയത്. വീഞ്ഞില്‍ ആല്‍ക്കഹോളിന്റെ അംശം കലര്‍ന്നിട്ടുണ്ടെന്ന സംശയത്തെത്തുടര്‍ന്ന് പരിശോധിക്കാനാണ് കൊണ്ടുപോയതെന്ന് എകൈ്‌സസ് വിഭാഗം പറയുന്നു.

എന്നാല്‍, പള്ളികളില്‍ വിശുദ്ധകുര്‍ബാനയ്ക്ക് ഉപയോഗിക്കുന്നതിനായുള്ള വീഞ്ഞായിരുന്നു ഇതെന്ന് സഭാ അധികൃതര്‍ അറിയിച്ചു.
സംസ്ഥാന എകൈ്‌സസ് ജോയിന്റ് കമ്മീഷണര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് മേലുകാവുമറ്റത്ത് അന്വേഷണത്തിനെത്തിയതെന്ന് പാലാ എകൈ്‌സസ് സി.ഐ. ടി.എ.അശോക്കുമാര്‍ അറിയിച്ചു.

മേലുകാവുമറ്റത്തുള്ള ഒരു ബേക്കറിയില്‍നിന്ന് വീഞ്ഞ് വാങ്ങി കുടിച്ചയാള്‍ കുഴഞ്ഞുവീണു എന്ന വിവരമാണ് കമ്മീഷണര്‍ക്ക് ലഭിച്ചത്. ബേക്കറിയില്‍ അന്വേഷിച്ചപ്പോള്‍ തൊട്ടടുത്ത ബുക്ക്സ്റ്റാളിലാണ് വീഞ്ഞുവില്പന നടക്കുന്നതെന്നറിഞ്ഞു. ഇവിടെയെത്തി ഒരുകുപ്പി വീഞ്ഞ് ബില്ലെഴുതി വിലയ്ക്കുവാങ്ങിയാണ് എകൈ്‌സസ് സംഘം കൊണ്ടുപോയതെന്നും സി.ഐ. അറിയിച്ചു.

വീഞ്ഞ് വാങ്ങിയത് ഈസ്റ്റ് കേരള മഹായിടവകയുടെ ബുക്ക് ഡിപ്പോയില്‍നിന്നാണെന്ന് പിന്നീടാണ് അറിഞ്ഞതെന്നും സി.ഐ. പറഞ്ഞു. ഇതുസംബന്ധിച്ച് കേസെടുക്കുകയോ മറ്റ് നടപടികള്‍ സ്വീകരിക്കുയോ ചെയ്തിട്ടില്ല. മതവിശ്വാസത്തെ മുറിപ്പെടുത്തുന്ന ഒരു നടപടിയും ഉണ്ടായിട്ടില്ലെന്നും അധികാരികള്‍ പറയുന്നു.

എന്നാല്‍, ലഹരിയുള്ള മദ്യമാണെന്നുപറഞ്ഞ് മേലുകാവുമറ്റത്തുള്ള ബുക്ക് ഡിപ്പോയില്‍നിന്ന് അനധികൃതമായി ഇത് എടുത്തുകൊണ്ടുപോവുകയായിരുന്നുവെന്ന് സഭാ പി.ആര്‍.ഒ. കെ.ഒ.ജോര്‍ജ് പറഞ്ഞു. വ്യാജ ആരോപണത്തിന്റെ പേരിലാണ് നടപടി. സഭാ ഭാരവാഹികള്‍ സ്ഥലത്തില്ലാതിരുന്ന സമയത്ത് ജീവനക്കാരെ ഭീഷണിപ്പെടുത്തിയാണ് വീഞ്ഞുകുപ്പി വാങ്ങിയത്. വീഞ്ഞ് എടുത്തതിന് രേഖ നല്‍കിയിട്ടില്ല -അദ്ദേഹം അറിയിച്ചു.

സംഭവത്തിന് ഉത്തരവാദികളായവര്‍ക്കെതിരെ നടപടി സ്വീകരിക്കണം. ഇത് ആവര്‍ത്തിക്കപ്പെടരുത്-അദ്ദേഹം ആവശ്യപ്പെട്ടു.
സംഭവത്തില്‍ പ്രതിഷേധിച്ച് വിശ്വാസികളും വൈദികരും ചൊവ്വാഴ്ച മേലുകാവുമറ്റത്ത് പ്രതിഷേധപ്രകടനം നടത്തി. എച്ച്.ആര്‍.സി.ടി. സെന്ററില്‍നിന്ന് ആരംഭിച്ച മാര്‍ച്ച് ടൗണ്‍ ചുറ്റി തിരികെയെത്തി സമാപിച്ചു. പ്രതിഷേധയോഗം സി.എസ്.ഐ. ഈസ്റ്റ് കേരള മഹായിടവക ബിഷപ്പ് റവ. ഡോ.കെ.ജി.ദാനിയേല്‍ ഉദ്ഘാടനം ചെയ്തു

പാവറട്ടി തീര്‍ഥകേന്ദ്രത്തില്‍ ബുധനാഴ്ച തിരുനാള്‍ നാളെ ആരംഭിക്കും

noreply@blogger.com (Simon Jose N) — Tue, 08 Mar 2011 09:34:48 PST

സെന്‍റ് ജോസഫ്സ് തീര്‍ഥകേന്ദ്രത്തില്‍ വലിയനോന്പിലെ ബുധനാഴ്ച തിരുനാള്‍ നാളെ ആരംഭിക്കും. വലിയ നോന്പ് ആരംഭം മുതല്‍ ഉയര്‍പ്പുതിരുനാള്‍വരെയുളള ഏഴു ബുധനാഴ്ചകളിലായാണ് തിരുനാള്‍ ആഘോഷിക്കുന്നത്. നോന്പിലെ എല്ലാ ബുധനാഴ്ചയും രാവിലെ 5.30, ഏഴ്, 8.15, പത്ത്, വൈകീട്ട് അഞ്ച്, ഏഴ് എന്നീ സമയങ്ങളില്‍ ദിവ്യബലിയും വിശുദ്ധ യൗസേപ്പിതാവിന്‍റെ നൊവേനയും ഉണ്ടായിരിക്കും.

പത്തിന് ആഘോഷമായ പാട്ടുകുര്‍ബാനയ്ക്കുശേഷം ദേവാലയ അള്‍ത്താരയില്‍വച്ച് ശിശുക്കള്‍ക്കുള്ള ആദ്യ ചോറൂണ്‍ നടക്കും. തിരുനാളിനെത്തുന്നവര്‍ക്ക് പാരിഷ് ഹാളില്‍ സൗജന്യ നേര്‍ച്ചഊട്ടും ഒരുക്കിയിട്ടുണ്ട്. ബുധനാഴ്ചയിലെ ആഘോഷമായ തിരുനാള്‍ പാട്ടുകുര്‍ബാനയ്ക്ക് ഫാ. സജു വടക്കേത്തല മുഖ്യകാര്‍മികത്വം വഹിക്കും. പാവറട്ടി തീര്‍ഥകേന്ദ്രം വികാരി ഫാ. നോബി അന്പൂബക്കന്‍ നേര്‍ച്ചഭക്ഷണ ആശീര്‍വാദം നിര്‍വഹിക്കും. ഓരോ ബുധനാഴ്ച തിരുനാളിനും പതിനായിരത്തോളം പേര്‍ ഊട്ടുഭക്ഷണത്തിന് എത്തിചേരുമെന്ന് പ്രതീക്ഷിക്കുന്നതായി ഫാ. അനീഷ് ചെറുപ്പറന്പില്‍, എം.പി. ജറോം, ടി.ജെ. സൈമണ്‍, എന്‍.കെ. ജോസഫ്, പി.കെ. ജോബ് എന്നിവര്‍ പാവറട്ടിയില്‍ വാര്‍ത്താസമ്മേളനത്തില്‍ അറിയിച്ചു.

നോന്പുകാലം

noreply@blogger.com (Simon Jose N) — Mon, 07 Mar 2011 18:22:06 PST

നോന്പാരംഭം വിവാഹാഘോഷങ്ങള്‍ക്ക് മുടക്ക്. 2011 മാര്‍ച്ച് 06ാം തിയ്യതി മുതല്‍ 50 നോന്പ് ആരംഭിക്കുന്നു. അന്നുമുതല്‍ ഉയിര്‍പ്പുതിരുനാള്‍ (2011 ഏപ്രില്‍ 24) വരെ വിവാഹാഘോഷങ്ങള്‍ക്ക് മുടക്കമായിരിക്കും.

മാര്‍ച്ച് 7ാം തിയതി വിഭൂതി തിങ്കള്‍. രാവിലെ 5.30ന് വിഭൂതി തിരുകര്‍മ്മങ്ങള്‍. രാവിലെ 7.30നും വൈകിട്ട് 5നും ദിവ്യബലി ഉണ്ടായിരിക്കും.

നോന്പുകാലത്ത് എല്ലാ ദിവസവും രാവിലെ 5.30ന്‍റെ വി. കുര്‍ബാനയ്ക്കുശേഷം വി. കുരിശിന്‍റെ വഴി.

നോന്പിലെ എല്ലാ ബുധനാഴ്ചയും നോന്പുകാല ബുധനാഴ്ചയാചരണം. രാവിലെ 5.30നും, 7നും, 8.15നും, 10നും വൈകിട്ട് 5നും, 7നും ദിവ്യബലി. രാവിലെ 10 മണിയുടെ ദിവ്യബലിക്കുശേഷം കുട്ടികള്‍ക്ക് ചോറൂണ്, ഭക്തജനങ്ങള്‍ക്ക് നേര്‍ച്ചഭക്ഷണ വിതരണം.

നോന്പുകാല ബുധനാഴ്ചയാചരണം.

noreply@blogger.com (Simon Jose N) — Mon, 07 Mar 2011 18:19:06 PST

ദിവ്യബലി സമയക്രമം
രാവിലെ : 5.30, 7, 8.15, 10.
വൈകീട്ട് : 5, 7.
10 മണിയുടെ ദിവ്യബലിക്കുശേഷം കുട്ടികള്‍ക്ക് ചോറൂണ്, ഭക്തജനങ്ങള്‍ക്ക് നേര്‍ച്ചഭക്ഷണ വിതരണം എന്നിവ ഉണ്ടായിരിക്കും.

വലിയ നോന്പിലെ ബുധനാഴ്ചകളില്‍ -10 am ന് കുര്‍ബാനയ്ക്ക് നേതൃത്വം നല്‍കുന്നവര്‍

09-03-11 ഫാ. സജു വടക്കേത്തല
16-03-11 ഫാ. ജോസ് പുതുക്കരി MSFS
23-03-11 ഫാ. ഷിബു ചീരമറ്റത്തില്‍ CSJBP
30-03-11 ഫാ. ജോജു ചിരിയങ്കണ്ടത്ത്
06-04-11 ഫാ. ജോസ് എടക്കളത്തൂര്‍
13-04-11 ഫാ. ജോസ് പുലിക്കോട്ടില്‍
20-04-11 ഫാ. ജോസ് തെക്കക്കര