Studentet.info

Jeton Shasivari, doktoron në shkencat juridike

Thu, 9 Jul 2009 21:35:35 CEST

TETOVË, 9 KORRIK - Procesi i zgjedhjeve si element thelbor i demokracisë përfaqësuese me vështrim të posaçëm në republikën e Maqedonisë, ishte tema e disertacionit të doktoraturës të magjistrit Jeton Shasivari i cili tani e tutje është doktor i shkencave juridike. Tema në fjalë flet rreth mbindërtimit të mëtejshëm të kornizës ligjore të zgjedhjeve në Maqedoni me modelin më të përshtatshëm zgjedhor, natyrën e mandatit të deputetit, njësitë zgjedhore, administrimin zgjedhor, theksoi Shasivari.
Ai tha se modeli zgjedhor është bërë duke marrë për bazë hulumtimin karahsues të modeleve zgjedhore të vendeve të njohura si Norvegjia, Gjermania, Spanja, Danimarka, Suedia Austria, Holanda dhe Greqia.

Universiteti i Prishtinës bëhet me rektor të imponuar nga Qeveria

Thu, 9 Jul 2009 10:23:02 CEST

Prishtinë, 9 korrik Kimisti Mujë Rugova është zgjedhur të martën rektor i Universitetit të Prishtinës, në një proces formal votimi që është parë pasdite në Këshillin Drejtues, por që është diktuar krejtësisht nga Qeveria.
Tetë nga nëntë anëtarët e Këshillit e kanë dhënë votën për Rugovën, meqë paraprakisht kryeministri Hashim Thaçi ishte përcaktuar për këtë kandidat, ka shkruar e përditshmja "Koha Ditore". Kjo pasi, sipas burimeve në të cilat thirret kjo gazetë, paraditen e së martës ishte e paqartë nëse nëntë anëtarët e organit që e zgjedh rektorin duhej dhënë votën për Myzafere Limanin, të cilën e mbështeste ish-rektori Enver Hasani dhe zëvendëskryeministri Hajredin Kuçi, apo për Isa Elezajn, që e mbështeste ministri i Arsimit, Enver Hoxhaj.
Deri pak orë para votimit as që ishte në agjendë zgjedhja e tre nga pesë kandidatët për rektorë, të përfshirë në listën e ngushtë: Selim Dacin, Shyqyri Galicën dhe Mujë Rugovën.

Marifeti I BDI-së në USHT!

Wed, 8 Jul 2009 23:51:29 CEST

Urim Hasipi

Ngjarjet e fundit në Universitetin Shtetëror të Tetovës sheshuan edhe një herë dobësinë e partisë shqiptare në pushtet, e cila tregoi se ka forcë vetëm për të ndërhyrë në kurriz të shqiptarëve dhe asgjë më tepër.Po kjo parti (BDI) shkurtazi ua bëri të qartë shqiptarëve se Skam asgjë për të bërë për të mirën tuaj- por mund vetëm të ushtroj forcën e shtetin kundër jush., sepse ditën e marifetit USHT-ja I ngjante kampit policor e jo një universitreti.

Pjesëmarrja e kësaj partie në qeveri pak a shumë u bë e qartë se kësaj radhe do të ketë pushtet vetëm për të ndruar funksionarë dhe emëruar tjetër dhe asgjë më tepër. Nëse nuk gaboj BDI dhe ministrat e saj më shumë se 9 muaj nuk kanë përuar asnjë projekt kaptial në viset shqiptare. Asnjë prerje shiriti, asnjë investim apo punësim nuk kemi parë që nëntë muaj.

DEMANT

Wed, 8 Jul 2009 20:13:55 CEST

Udhëheqësia e paligjshme e Universitetit Shtetëror të Tetovës vazhdon të plasojë dezinformata, me të vetmin qëllim që të krijojë huti tek opinioni.

Informojmë opinionin se deklarata e dhënë në media nga zëdhënsja e paligjshme e USHT-së Valdrina Fetai, për gjoja borxhin që ka USHT-ja, është një dezinformatë e kulluar dhe një tentim për të manipuluar me opinionin.
Kjo dezinformatë vërtetohet edhe nga vetë deklarata e zëdhënëses, nga se në njërën anë e quan borxh, ndërsa në anën tjetër thotë se janë paguar të punësuarit me kontratë.

Informojmë opinionin se Universiteti Shtetëror i Tetovës ka paguar në mënyrë korrekte gjithë stafin akademik dhe punëtorët teknik-administrativ që kanë qenë të angazhuar me kontratë në vepër.

Ministri i Arsimit në Maqedoni Pero Stojanovski jep dorëheqje

Wed, 8 Jul 2009 13:29:47 CEST

SHKUP, 8 KORRIK - Jozyrtarisht mësohet se ministri i Arsimit dhe Shkencës, Pero Stojanovski ka dhënë dorëheqje, ndërkohë që qeveria akoma nuk e është prononcuar.

Tashmë gjatë kohë spekulohet se në qeveri ka pakënaqësi për punën e tij. Kulmi i kësaj pakënaqësie ka të bëjë me faktin se Gjyqi kushtetues për një kohë të shkurt ka rrëzuar futjen të mësim besimit në procesin arsimor dhe të testeve eksterne.

Vela: Si do t`a rikthejë drejtësinë në USHT

Wed, 8 Jul 2009 13:18:11 CEST

TETOVË, 8 KORRIK - Rektori i zgjedhur nga senati dhe që pretendon bindshëm se është vetëm ai si udhëheqës ligjor në postin e rektorit të USHT-së, prof.dr. Agim Vela në një bisedë për 24 orë ka dhënë detaje lidhur me zhvillimet më të reja rreth universitetit shtetëror, pas ndërhyrjes së ministrisë së Arsimit, por edhe pas emërimeve të së hënës të prorektorëve dhe dekanëve nga ana e ushtruesit të caktuar qeveritar për rektorë, Agron Rekës. Rektori Vela ka bërë të ditur se po vazhdon betejën ligjore për të rikthyer të drejtën dhe të vërtetën e shkelur në USHT.

Situata është e tendosur në universitet, për shkak se akoma kemi praninë të forcave të rendit, ndërsa të gjitha zyrat e dekanëve janë hapur në mënyrë të dhunshme dhe janë demoluar. Ne po bëhemi gati për ankesat në Gjykatën Administrative, Kushtetuese dhe do të shfrytëzohen të gjitha rrugët ligjore rreth këtyre zhvillimeve, ka sqaruar rektori i USHT-së, prof.dr Agim Vela, i cili thekson se në bazë të normale ligjore ai është rektori i plotëfuqishëm i votuar nga shumica e senatit.

Asistentët dhe magjistrat e dhunshëm zëvendësojnë doktorët e shkencave

Tue, 7 Jul 2009 14:05:58 CEST

TETOVË, 6 KORRIK - Rektori i dhunshëm i USHT-së, Agron Reka, të hënën ka emëruar stafin e ri të prorektorëve dhe dekanëve të fakulteteve gjegjëse. Nga lista tashmë e publikuar e prorektorëve dhe dekanëve shihet qartë se kemi të bëjmë me një degradim të këtyre funksioneve. Në krahasim me bartësit e ligjshëm të këtyre funksioneve, të emëruarit nga rektori i dhunshëm kanë tituj shkencor më të ulët.

Në të gjitha këto funksione kemi degradim të titullit shkencor. Kjo listë e prorektorëve dhe dekanëve tregon qartë për kualitetin e personave të emëruar, që as për së afërmi nuk mund të krahasohet me bartësit legjitim të këtyre funksioneve.

Shembull eklatant i këtij degradimi të dhunshëm është emërimi pa thirrje akademike dhe shkencore i Azis Pollozhanit si prorektor për marrëdhënie ndërkombëtare, si dhe pensionisti 72 vjeçar, Prof. Dr. Serafim Tomovski, i cili është emëruar prorektor për çështje financiare.

Osman Kadriu: Është shkelur autonomia e USHT-së

Mon, 6 Jul 2009 21:54:18 CEST

SHKUP, 6 KORRIK - Prorektori i Universitetit FON dhe eksperti i çështjeve juridike, prof.dr Osman Kadriu ka theksuar se është e qartë se në USHT është cenuar autonomia e universitetit me ndërhyrjen e tillë të Ministrisë së Arsimit dhe Shkencës

Prorektori i Universitetit FON në Shkup, prof.dr. Osman Kadriu për agjencinë e lajmeve INA ka theksuar se janë krijuar paqartësi të mëdha sa i përket zhvillimeve të fundit në USHT.

Mendoj se është e qartë se cënohet autonomia e Universitetit. Ndërsa në anën tjetër, me kohë është dashur të ndërhyjë Qeveria pas kontrolleve të inspektorëve për keqpërdorime dhe jo në këtë formë kur paraqiten tani me masa administrative, ka theksuar Osman Kadriu. Sipas tij, në këtë situatë që është në USHT rrugëdalja është shumë e vështirë. Në këtë fazë kemi involvim të strukturave shtetërore, mosmarrëveshje të partive që janë kyçur drejtpërdrejt me problemin dhe që garojnë për të kontrolluar universitetin. Por nga gjithë kjo situatë, viktima janë studentët, theksoi prorektori i FON-it, prof.dr. Osman Kadriu.

Rektori Vela përgënjeshtron dezinformatat për pranim-dorëzimin

Mon, 6 Jul 2009 19:28:34 CEST

TETOVË, 6 KORRIK - Rektori i USHT-së, Prof. Dr.Agim Vela ka demantuar të hënën pretendimet e rektorit të dhunshëm në USHT, se gjoja ka bërë pranim- dorëzimin e detyrës.

Në një deklaratë për media, rektori Agim Vela, ka sqaruar se më 06.07.2009 bashkë me avokatin dhe përfaqësuesen e OSBE-së ka shkuar në zyrën e tij dhe ka marrë sendet personale.

Sipas rektorit Vela, ky veprim është keqpërdorur nga rektori i dhunshëm si pranim-dorëzim. Kërkoj që të mos manipulohet opinioni me dezinformata të këtilla, thuhet në demantin e rektorit të USHT-së, Agim Vela

USHT-ja radhitet në vendin e dytë në Maqedoni në ranglistën e universiteteve botërore

Mon, 6 Jul 2009 10:27:31 CEST

Universiteti Shtetëror i Tetovës radhitet në vendin e dytë në Maqedoni për nga cilësia e kërkimeve dhe publikimeve shkencore dhe për nga kualiteti i standardeve të vendosura në procesin arsimor. Ky rangim është bërë nga grupi më i madh hulumtues Consejo Superior de Investigaciones Cientificas (CSUIC), i cili për metodologji ka Parimet e Institucioneve të Arsimit të Lartë në Berlin ( BPHEI).

Universiteti Shtetëror i Tetovës rangohet në vendin 3991 nga gjithsej 6000 universitete botërore . Deri para 3 vitesh ky universitet nuk gjendej në ranglistën e universiteteve botërore . Kjo arritje është rezultat i menaxhimit të suksesshëm gjatë periudhës nga tetori i vitit 2006 deri në fillim të korrikut të vitit 2009 nga ana e ish- rektorit të USHT-së, Prof.Dr. Sadi Bexhitit dhe rektorit aktual Prof.Dr. Agim Vela si dhe stafit akademik.

Universitetet tjera të Maqedonisë siç është ai i Shën Kirili dhe Metodi është ranguar në vendin 2072, ndërsa ai i Evropës Juglindore gjendet në vendin e 5951.

Sa i përket universiteteve të vendeve fqinje, siç është Kosova dhe Shqipëria, Universiteti i Prishtinës është ranguar në vendin 4452, ndërsa Universiteti i Tiranës nuk kualifikohet ndër 6000 universitetet më të mira në botë.