SuperPrimetime

ഇടുക്കി അടിമാലിയിൽ അനുജനെ കുത്തിക്കൊന്ന് ജേഷ്‌ഠൻ

2026-10-26T21:43:11.486+05:30

ഇടുക്കി: അടിമാലിയിൽ ഗൃഹനാഥനെ ജേഷ്ഠൻ വീട്ടിൽ കയറി കുത്തികൊലപ്പെടുത്തി. വെള്ളത്തൂവൽ ശല്യാംപാറ കൈതപ്ലാക്കൽ അനിൽ (42) ആണ് കൊല്ലപ്പെട്ടത്. ഇയാളുടെ സഹോദരൻ പ്രസാദ് (കഞ്ചൻ പ്രസാദ്) അറസ്റ്റിലായിട്ടുണ്ട്.

ശല്യാംപാറയിലെ അനിലിന്‍റെ വീട്ടിലെത്തിയ പ്രസാദ് കത്തികൊണ്ട് കുത്തികൊലപ്പെടുത്തുകയായിരുന്നുവെന്നാണ് വിവരം. സഹോദരങ്ങൾ തമ്മിൽ വാക്ക് തർക്കം നിലനിന്നിരുന്നു. ബിഎസ്എൻഎൽ കേബിൾ മോഷ്ടിച്ച കേസിൽ അറസ്റ്റിലായ പ്രസാദ് അടുത്തിടെയാണ് ജയിലിൽ നിന്നും പുറത്തിറങ്ങിയത്.

എന്നുമൊന്നും വീട്ടിലെത്താത്ത പ്രസാദ് ഇന്ന് വൈകിട്ട് വീട്ടിലെത്തുകയും അനിലുമായി വാക്കു തർക്കം ഉണ്ടാകുകയുമായിരുന്നു. ഈ സമയത്ത് വീട്ടിൽ മറ്റാരും ഉണ്ടായിരുന്നില്ല. സന്ധ്യയ്ക്ക് ഭാര്യ വീട്ടിലെത്തിയപ്പോഴാണ് അനിലിനെ രക്തം വാർന്ന നിലയിൽ കാണുന്നത്.

നിലവിളിയും ബഹളവും കേട്ട് സമീപത്തുള്ളവർ ഓടിയെത്തി അനിലിനെ അടിമാലിയിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവം അറിഞ്ഞ് പൊലീസ് സ്ഥലത്തെത്തിയപ്പോൾ പ്രസാദ് ടിവി കണ്ടുകൊണ്ടിരിക്കുകയായിരുന്നുവെന്നാണ് വിവരം. പ്രസാദ് ഈ സമയം മദ്യലഹരിയിലായിരുന്നു.

കൊലപാതകത്തിനുള്ള കാരണങ്ങൾ അടക്കം അന്വേഷിച്ചു വരികയാണ്. പൊലീസ് അറസ്റ്റ് ചെയ്‌ത പ്രസാദിനെ ചോദ്യം ചെയ്തുവരികയാണ്. മൃതദേഹം നടപടികൾക്ക് ശേഷം നാളെ ബന്ധുക്കൾക്ക് വിട്ടുകൊടുക്കും.

Join Our Whats App group

https://chat.whatsapp.com/HN3zUlGc2Va9613524dFBp

റൺവെയിൽ നിന്ന് തെന്നിമാറി യാത്രാ വിമാനം; വീഡിയോ

2026-10-26T21:08:17.520+05:30

ബർമിങ്ഹാം: കൊടുങ്കാറ്റിൽ റൺവേയിൽ നിന്നും തെന്നിമാറി വിമാനം. ബർമിങ്ഹാം വിമാനത്താവളത്തിലാണ് സംഭവം. വെനീസിൽ നിന്നും ബെർമിങ്ഹാമിലേക്ക് വന്ന ജെറ്റ് ടു വിമാനമായ LS1310 വിമാനമാണ് വൻ അപകടത്തിൽ നിന്നും രക്ഷപെട്ടത്.

ശക്തമായ കാറ്റിനെ തുടർന്ന് വിമാനം നിമിഷനേരത്തേക്ക് റൺവേയിൽ നിന്ന് പുറത്തേക്ക് നീങ്ങിയതായി ജെറ്റ്ടു അറിയിച്ചു.എന്നാൽ വിമാനം ഉടൻ തന്നെ റൺവേയിലേക്ക് തിരിച്ചെത്തുകയും നിയന്ത്രണം വീണ്ടെടുക്കുകയും ചെയ്തു. എല്ലാ യാത്രക്കാരും സുരക്ഷിതമായി ഇറങ്ങിയതായും എയർലൈൻ സ്ഥിരീകരിച്ചു.

കഴിഞ്ഞ ദിവസത്തെ ശക്തമായ മഴയിലും കാറ്റിലും വെസ്റ്റ് മിഡ്‌ലാൻഡ്‌സിൽ വ്യാപക നാശമാണ് ഉണ്ടാകുന്നത്. മരങ്ങൾ ട്രാക്കിലേക്ക് വീണതിനെ തുടർന്ന് നിരവധി ട്രെയിൻ സർവീസുകൾ റദ്ദാക്കി. നൂറുകണക്കിന് വീടുകളിൽ വൈദ്യുതി നിലച്ചു.

View this post on Instagram

A post shared by BBC Birmingham (@bbcbirmingham)

Join Our Whats App group

https://chat.whatsapp.com/HN3zUlGc2Va9613524dFBp

ബാഡ്‌മിന്‍റൺ കളിക്കിടെ പ്രവാസി മലയാളി കുഴഞ്ഞു വീണു മരിച്ചു

2026-10-26T17:23:18.929+05:30

ദുബൈ: ബാഡ്മിന്‍റൺ കളിക്കുന്നതിനിടെ കുഴഞ്ഞുവീണ പ്രവാസി മലയാളി മരിച്ചു. ദുബൈ ആസ്ഥാനമായ എന്‍ജിനീയറിങ് ആന്‍ഡ് ഇന്‍ഡസ്ട്രിയല്‍ സൊല്യൂഷന്‍സ് കമ്പനിയില്‍ ലോജിസ്റ്റിക്സ് ആന്‍ഡ് സപ്ലൈ ചെയിന്‍ വിഭാഗം ജനറല്‍ മാനേജരായിരുന്ന രഞ്ജിത്ത് വിജയന്‍(52) ആണ് മരിച്ചത്.

ഒപ്പമുണ്ടായിരുന്ന സഹപ്രവര്‍ത്തകരും സുരക്ഷാ ജീവനക്കാരും സിപിആര്‍ നല്‍കിയെങ്കിലും ജീവന്‍ രക്ഷിക്കാനായില്ല. 26 വര്‍ഷമായി ഈകമ്പനിയിലെ ജീവനക്കാരനായിരുന്നു രഞ്ജിത്ത് വിജയന്‍.

വരാന്ത്യത്തില്‍ ഇന്‍ഡോര്‍ കോര്‍ട്ട് ബുക്ക് ചെയ്ത് ഏകദേശം രണ്ട് മണിക്കൂറോളം രാവിലെ എട്ട് മുതല്‍ 10 വരെ രഞ്ജിത്ത് സുഹൃത്തുക്കള്‍ക്കൊപ്പം ബാഡ്മിന്‍റണ്‍ കളിക്കാറുണ്ട്.

പ്രാഥമിക മരണ റിപ്പോര്‍ട്ടില്‍ ഹൃദയാഘാതമാണ് മരണകാരണമായി കണ്ടെത്തിയിട്ടുള്ളത്. മൃതദേഹം നാട്ടിലെത്തിക്കുന്നതിനുള്ള നടപടികള്‍ നടക്കുകയാണ്. യുഎഇയില്‍ താമസിക്കുന്ന ഭാര്യ രശ്മി, മകന്‍ ഋത്വിക്.

Join Our Whats App group

https://chat.whatsapp.com/HN3zUlGc2Va9613524dFBp

ഞായർ, തിങ്കൾ ദിവസങ്ങളിൽ തീവ്ര മഴ

2026-10-24T20:38:53.454+05:30

തിരുവനന്തപുരം: സംസ്ഥാനത്ത് ഞായർ, തിങ്കൾ ദിവസങ്ങളിൽ മഴ ശക്തമാകും. ഞായറാഴ്ച്ച വയനാട്, കോഴിക്കോട്, മലപ്പുറം ജില്ലകളില്‍ റെഡ് അലർട്ടാണ്. തിങ്കളാഴ്ച പാലക്കാടും ഇടുക്കിയിലും റെഡ് അലര്‍ട്ടാണ്. ഇന്ന് ഏഴ് ജില്ലകളില്‍ ഓറഞ്ച് അലര്‍ട്ടും മറ്റു ജില്ലകളില്‍ യെല്ലോ അലര്‍ട്ടും മുന്നറിയിപ്പ് നല്‍കി.

ഞായറാഴ്ച്ച ഏഴ് ജില്ലകളിലാണ് ഓറഞ്ച് അലര്‍ട്ട്. തിങ്കളാഴ്ച പത്തനംതിട്ട, കോട്ടയം, എറണാകുളം, തൃശൂര്‍, മലപ്പുറം ജില്ലകളില്‍ കേന്ദ്ര കാലാവസ്ഥാ വകുപ്പ് ഓറഞ്ച് അലര്‍ട്ട് നല്‍കി.

Join Our Whats App group

https://chat.whatsapp.com/HN3zUlGc2Va9613524dFBp

സംസ്ഥാനത്ത് ഇന്ന് തീവ്ര മഴയ്ക്ക് സാധ്യത

2026-10-24T13:12:49.305+05:30

തിരുവനന്തപുരം: സംസ്ഥാനത്ത് ഇന്ന് തീവ്ര മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. 10 ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം, തൃശൂര്‍, പാലക്കാട്, മലപ്പുറം ജില്ലകളിലാണ് ഓറഞ്ച് അലര്‍ട്ട്.

തെക്കന്‍ കേരളത്തിലും, മധ്യകേരളത്തിലും മഴ ശക്തമാകും. വടക്കന്‍ കേരളത്തില്‍ നാല് ജില്ലകളില്‍ യെല്ലോ അലര്‍ട്ടുമുണ്ട്. കോഴിക്കോട്, വയനാട്, കണ്ണൂര്‍, കാസറഗോഡ് എന്നീ ജില്ലകളിലാണ് യെല്ലോ അലര്‍ട്ട്.

കേരള കര്‍ണാടക ലക്ഷദ്വീപ് തീരങ്ങളില്‍ തിങ്കളാഴ്ച വരെ മീന്‍പിടുത്തത്തിന് വിലക്കേര്‍പ്പെടുത്തി. ഇടിമിന്നലില്‍ ജാഗ്രത വേണമെന്ന് മുന്നറിയിപ്പുണ്ട്. തിങ്കളാഴ്ച വരെ അതിശക്തമായ മഴ തുടരും. ഇടിമിന്നലോട് കൂടിയ ശക്തമായ കാറ്റും മഴയുമാണ് പ്രവചിക്കപ്പെട്ടിരിക്കുന്നത്.

ഓറഞ്ച് അലര്‍ട്ട് പ്രഖ്യാപിച്ചിരിക്കുന്ന ജില്ലകളില്‍ ഒറ്റപ്പെട്ടയിടങ്ങളില്‍ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 115.6 mm മുതല്‍ 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.

Join Our Whats App group

https://chat.whatsapp.com/HN3zUlGc2Va9613524dFBp

നാല് മാസം പ്രായമുള്ള കുഞ്ഞിന്‍റെ മരണം കൊലപാതകം; മാതാപിതാക്കൾ അറസ്റ്റിൽ

2026-10-23T20:42:33.714+05:30

കോഴിക്കോട്: പെരുവയലിലെ നാല് മാസം പ്രായമുള്ള കുഞ്ഞിനെ അച്ഛൻ മർദിച്ചുകൊലപ്പെടുത്തുകയായിരുന്നുവെന്ന് പൊലീസ്. സംഭവത്തില്‍ കുട്ടിയുടെ അച്ഛന്‍ കുറ്റിക്കാട്ടൂര്‍ സ്വദേശി ഷിജിന്‍, അമ്മ അഞ്ജന എന്നിവര്‍ അറസ്റ്റിലായി. മദ്യ ലഹരിയിലായിരുന്നു സംഭവം.

2025 ഒക്ടോബര്‍ ഒന്നിനാണ് കൊലപാതകം നടന്നത്. കുട്ടി രാത്രി വിളിച്ചിട്ട് എഴുന്നേല്‍ക്കുന്നില്ലെന്നും, മൂക്കിലൂടെ കഫം വരുന്നു എന്നു പറഞ്ഞ് സമീപത്തെ ആശുപത്രിയില്‍ എത്തിക്കുകയായിരുന്നു. ഗുരുതരാവസ്ഥയിലായതിനെത്തുടര്‍ന്ന് കോഴിക്കോട് മെഡിക്കല്‍ കോളജിലേക്ക് മാറ്റി.

മെഡിക്കല്‍ കോളജില്‍ ചികിത്സയിലിരിക്കെയാണ് മരണം സംഭവിച്ചത്. മെഡിക്കല്‍ കോളജില്‍ നടത്തിയ പോസ്റ്റ് മോര്‍ട്ടം റിപ്പോര്‍ട്ടിലാണ് സ്വാഭാവിക മരണമെല്ലെന്നും, മര്‍ദ്ദനമേറ്റിട്ടുണ്ടെന്നും സൂചിപ്പിച്ചിരുന്നത്. എന്നാല്‍ മര്‍ദ്ദനമേറ്റ കാര്യം കുട്ടിയുടെ അമ്മ അഞ്ജന ആരോടും വെളിപ്പെടുത്തിയിരുന്നില്ല. എന്നാല്‍ നാട്ടുകാര്‍ ചില സംശയങ്ങള്‍ പൊലീസിനോട് സൂചിപ്പിച്ചിരുന്നു.

ഇതിന്‍റെ അടിസ്ഥാനത്തില്‍ അഞ്ജനയെ പൊലീസ് വിശദമായി ചോദ്യം ചെയ്തപ്പോഴാണ് കൊലപാതകം സ്ഥിരീകരിച്ചത്. സ്ഥിരം മദ്യപാനിയായ ഷിജിന്‍, രാത്രി കുട്ടി ഉറക്കെ കരഞ്ഞതിന്‍റെ ദേഷ്യത്തിലാണ് മര്‍ദ്ദിച്ചതെന്നാണ് അഞ്ജന പൊലീസിനോട് പറഞ്ഞത്. കൊലപാതകക്കുറ്റത്തിന് ഷിജിനെയും, വിവരം മറച്ചുവെച്ചതിന് അഞ്ജനയെയും അറസ്റ്റ് ചെയ്യുകയായിരുന്നു.

Join Our Whats App group

https://chat.whatsapp.com/HN3zUlGc2Va9613524dFBp

യുവാവ് കൂളത്തിൽ വീണ് മരിച്ച നിലയിൽ

2026-10-23T19:02:43.094+05:30

കൊല്ലം: കുളത്തിൽ കാൽവഴുതി വീണ് യുവാവ് മരിച്ച നിലയിൽ. തിരുമുല്ലവാരം കുന്നത്ത് കിഴക്കതിൽ സന്തോഷ് (42) ആണ് മരിച്ചത്. വെള്ളിയാഴ്ച്ച രാവിലെ 10.30 ഓടെ തിരുമുമല്ലവാരം ക്ഷേത്രത്തിനു സമീപത്തെ കുളത്തിൽ സമീപവാസികളാണ് മൃതദേഹം കണ്ടത്.

തുടർന്ന് പൊലീസും അഗ്നിരക്ഷാ സേനയും സ്ഥലത്തെത്തി മൃതദേഹം കരക്കെത്തിച്ചു. വ്യാഴാഴ്ച്ച വൈകിട്ട് വീട്ടിൽ നിന്നും പോയ ഇയാൾ കാൽകഴുകാനോ മറ്റോ കുളത്തിൽ ഇറങ്ങിയതാണെന്നാണ് കരുതുന്നത്. അവിവാഹിതനാണ്. സംസ്കാരം നടത്തി. അസ്വാഭാവിക മരണത്തിനു കേസെടുത്ത് അന്വേഷണം ആരംഭിച്ചിട്ടുണ്ട്.

Join Our Whats App group

https://chat.whatsapp.com/HN3zUlGc2Va9613524dFBp

റോഡില്ല; വിവാഹ വേഷത്തിൽ 18 കിലോമീറ്റർ നടന്ന് വധു

2026-10-23T17:23:30.733+05:30

ചക്രത: റോഡ് ഗതാഗത യോഗ്യമാക്കണമെന്നാവശ്യപ്പെട്ടുള്ള പലവിധത്തിലുള്ള സമരങ്ങളും നമ്മൾ കണ്ടിട്ടുണ്ട്. എന്നാൽ ഇപ്പോൾ ഉത്തരാഖണ്ഡിലെ ഒരു വേറിട്ട സമരം സമൂഹ മാധ്യമങ്ങളിൽ വൈറലാകുകയാണ്.

ചക്രതയിലെ റോഡിന്‍റെ ശോചനീയാവസ്ഥ പുറം ലോകത്തെ അറിയിക്കാൻ വധു വിവാഹ വേഷത്തിൽ നടന്നത് 18 കിലോമീറ്റർ ദൂരമാണ്. ഉത്തരാഖണ്ഡ് മുഖ്യമന്ത്രി പുഷ്‌കര്‍ സിംഗ് ധാമിയോട് ഗ്രാമത്തിലേക്ക് ഒരു റോഡ് നിര്‍മിച്ചു നല്‍കാന്‍ അഭ്യര്‍ഥിച്ചുകൊണ്ടാണ് ശര്‍മിള എന്ന യുവതി ദുര്‍ഘടമായ പാതയിലൂടെ കാല്‍നടയായി യാത്ര ചെയ്തത്.

കഴിഞ്ഞ ചൊവ്വാഴ്ചയായിരുന്നു സംഭവം. ബുല്‍ഹാര്‍ ഗ്രാമത്തില്‍ നിന്ന് ഡെറാഡൂണിന് സമീപമുള്ള ഉന്ദവ എന്ന ഉള്‍ഗ്രാമത്തിലേക്ക് വിവാഹ സംഘത്തോടൊപ്പം പോകുകയായിരുന്ന ശര്‍മിളയ്ക്ക്, റോഡ് ഇല്ലാത്തതിനാല്‍ അവസാന കിലോമീറ്ററുകള്‍ നടന്ന് താണ്ടേണ്ടി വരികയായിരുന്നു.

ഭവനപ്രവേശന ചടങ്ങിന്‍റെ ശുഭമുഹൂര്‍ത്തത്തില്‍ എത്തുന്നതിനായി കനത്ത വിവാഹ ലെഹങ്ക ധരിച്ച് കുടപിടിച്ചും ബുദ്ധിമുട്ടുകള്‍ വകവെക്കാതെയും യുവതി ദീര്‍ഘദൂരം നടക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായി.

ഗ്രാമവാസികള്‍ ചിത്രീകരിച്ച വീഡിയോയില്‍ ക്ഷീണിതയായ വധു മുഖ്യമന്ത്രി പുഷ്‌കര്‍ സിംഗ് ധാമിയോട് നേരിട്ട് അപേക്ഷിക്കുന്നത് കാണാം. തങ്ങള്‍ അനുഭവിക്കുന്ന ഈ ദുരിതം മറ്റാരും അനുഭവിക്കാതിരിക്കാന്‍ ഉന്ദവ ഗ്രാമത്തിലേക്ക് എത്രയും പെട്ടെന്ന് ഒരു റോഡ് നിര്‍മിച്ചു നല്‍കണമെന്ന് അവര്‍ അഭ്യര്‍ഥിച്ചു.

സ്വാതന്ത്ര്യം ലഭിച്ച് പതിറ്റാണ്ടുകള്‍ കഴിഞ്ഞിട്ടും ഉന്ദവ ഗ്രാമത്തില്‍ ഇതുവരെ റോഡ് സൗകര്യം എത്തിയിട്ടില്ല. ഇത് വിവാഹങ്ങള്‍ പോലെയുള്ള പ്രധാനപ്പെട്ട ചടങ്ങുകളെയും ജനങ്ങളുടെ ദൈനംദിന ജീവിതത്തെയും ഗുരുതരമായി ബാധിക്കുന്നുണ്ട്.

ഉത്തര്‍ഖണ്ഡിലെ മലയോര മേഖലകളില്‍ റോഡുകള്‍ ഇല്ലാത്തത് ഗര്‍ഭിണികള്‍ക്കും രോഗികള്‍ക്കും പ്രായമായവര്‍ക്കും അത്യാഹിത ഘട്ടങ്ങളില്‍ ആശുപത്രികളില്‍ എത്തിച്ചേരുന്നതിന് വലിയ തടസമാണ് സൃഷ്ടിക്കുന്നത്.

ഇത്തരം ഉള്‍ഗ്രാമങ്ങളിലെ അടിസ്ഥാന സൗകര്യമില്ലായ്മയും യാത്രാദുരിതവും ഒരിക്കല്‍ കൂടി ദേശീയ തലത്തില്‍ ശ്രദ്ധിക്കപ്പെടാന്‍ ഈ സംഭവം കാരണമായിരിക്കുകയാണ്.

Join Our Whats App group

https://chat.whatsapp.com/HN3zUlGc2Va9613524dFBp

അപമര്യാദയായി പെരുമാറി; നടൻ ബാലു വർഗീസിനെതിരെ യുവതിയുടെ വക്കീൽ നോട്ടീസ്

2026-10-22T22:14:48.640+05:30

കൊച്ചി: ശരീരത്തിൽ അപമര്യാദയായി സ്‌പർശിച്ചെന്നാരോപിച്ച് നടൻ ബാലു വർഗീസിനെതിരെ വക്കീൽ നോട്ടീസ് അയച്ച് യുവതി. അനുവാദമില്ലാതെ ശരീരത്തിൽ സ്പർശിക്കുകയും അപമര്യാദയായി പെരുമാറുകയും ചെയ്‌തുവെന്നാണ് ആരോപണം.

നീന്തല്‍ക്കുളത്തില്‍ വെച്ച് തന്നെ ബലമായി പിടിച്ചുവെന്നും, ഇത് അബദ്ധത്തില്‍ സംഭവിച്ചതല്ലെന്ന് ഉറപ്പാണെന്നും പരാതിക്കാരി വ്യക്തമാക്കി. ദ ന്യൂസ് മിനിറ്റാണ് ഇക്കാര്യം റിപ്പോർട്ട് ചെയ്‌തത്.

സംഭവത്തില്‍, ഖേദം പ്രകടിപ്പിച്ചുള്ള മാപ്പപേക്ഷയും ഇനി ഇത്തരം പെരുമാറ്റം ആവര്‍ത്തിക്കില്ലെന്ന് രേഖാമൂലം ഉറപ്പും നല്‍കണമെന്നാണ് നോട്ടീസിലെ ആവശ്യം. സംഭവം നടന്നയുടന്‍ തന്നെ താന്‍ എതിര്‍പ്പ് പ്രകടിപ്പിച്ചെങ്കിലും, അബദ്ധം പറ്റിയതാണെന്നായിരുന്നു ബാലുവിന്‍റെ മറുപടി. തുടര്‍ന്ന് ഭര്‍ത്താവ് വിഷയം ബാലുവുമായി സംസാരിച്ചപ്പോഴും കൈ അബദ്ധത്തില്‍ തട്ടിയതാണെന്ന ന്യായീകരണമാണ് അദ്ദേഹം നല്‍കിയത്.

എന്നാല്‍ ഇത് ബോധപൂര്‍വ്വമായ കടന്നുകയറ്റമാണെന്ന് ബോധ്യപ്പെട്ടതായും, തന്‍റെ അനുഭവം സുഹൃത്തുക്കളായ മറ്റ് സ്ത്രീകളോട് പങ്കുവെച്ചപ്പോഴാണ് ഇത് ഒറ്റപ്പെട്ട സംഭവമല്ലെന്ന് മനസിലായതെന്നും യുവതി വെളിപ്പെടുത്തി. ഇതിനെത്തുടര്‍ന്നാണ് നിയമനടപടികളുമായി മുന്നോട്ടുപോകാന്‍ തീരുമാനിച്ചത്.

ഇതിനുപുറമെ, കഴിഞ്ഞ വര്‍ഷം മാര്‍ച്ചില്‍ സുഹൃത്തിന്‍റെ ജന്മദിനാഘോഷത്തിനിടെ ബാലുവില്‍നിന്ന് മോശം അനുഭവം നേരിടേണ്ടി വന്നെന്ന വെളിപ്പെടുത്തലുമായി മറ്റൊരു യുവതിയും രംഗത്തു വന്നിട്ടുണ്ട്. ആളുകള്‍ ചുറ്റുമുള്ള പൊതുസ്ഥലങ്ങളില്‍ വെച്ചാണ് ഇത്തരത്തിലുള്ള മോശം പെരുമാറ്റങ്ങള്‍ ഉണ്ടായതെന്ന് ഇവര്‍ ചൂണ്ടിക്കാട്ടുന്നു.

സഹപ്രവര്‍ത്തകരും സുഹൃത്തുക്കളും പങ്കെടുത്ത ചടങ്ങില്‍ വിസമ്മതിച്ചിട്ടും ബാലു പിന്മാറാന്‍ തയ്യാറായില്ലെന്നും, തനിക്ക് ഭയമാണോ എന്ന് ചോദിച്ചുകൊണ്ട് കടന്നുപിടിക്കാന്‍ ശ്രമിച്ചതായും മറ്റൊരു യുവതിയും വ്യക്തമാക്കിയിട്ടുണ്ട്. വിഷയത്തില്‍ ഇതുവരെ ബാലു വര്‍ഗീസിന്‍റെ ഭാഗത്തുനിന്ന് പ്രതികരണം വന്നിട്ടില്ല.

Join Our Whats App group

https://chat.whatsapp.com/HN3zUlGc2Va9613524dFBp

ഇന്നും ശക്തമായ മഴ; നാല് ജില്ലകളിൽ ഓറഞ്ച് അലർട്ട്

2026-10-22T09:38:19.552+05:30

തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ഞായറാഴ്ച്ച വരെ മഴ തുടരുമെന്നാണ് പ്രവചനം. വിവിധ ജില്ലകളില്‍ ഇന്ന് ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.

എറണാകുളം, തൃശൂര്‍, മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്‍ട്ട്. എല്ലാ ജില്ലകളിലും ശക്തമായ മഴ മുന്നറിയിപ്പുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, പാലക്കാട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട്.

തെക്കുപടിഞ്ഞാറന്‍ ബംഗാള്‍ ഉള്‍ക്കടലില്‍ തമിഴ്‌നാട് തീരത്തിന് സമീപം ന്യൂനമര്‍ദ്ദം രൂപപ്പെട്ടിട്ടുണ്ട്. തായ്‌ലന്‍റ് കടലിടുക്കിനും അതിനോട് ചേര്‍ന്ന തായ്‌ലന്‍റ്, മ്യാന്‍മര്‍ പ്രദേശത്തിനും മുകളിലായി ചക്രവാതച്ചുഴി സ്ഥിതിചെയ്യുന്നു.

ഈ ചക്രവാതച്ചുഴി വടക്കന്‍ ആന്‍ഡമാന്‍ കടലിലേക്ക് പ്രവേശിച്ചു. തുടര്‍ന്ന് പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങി. ഇതിന്‍റെ സ്വാധീനഫലമായി ഒക്ടോബര്‍ 23-ഓടെ തെക്കുകിഴക്കന്‍ ബംഗാള്‍ ഉള്‍ക്കടലിലും അതിനോട് ചേര്‍ന്ന മധ്യ-കിഴക്കന്‍ ബംഗാള്‍ ഉള്‍ക്കടലിലും ന്യൂനമര്‍ദ്ദം രൂപപ്പെടാന്‍ സാധ്യത.

തുടര്‍ന്ന് ഇത് വടക്കുപടിഞ്ഞാറന്‍ ദിശയിലേക്ക് നീങ്ങുകയും അടുത്ത മൂന്ന് ദിവസങ്ങളില്‍ കൂടുതല്‍ ശക്തിപ്രാപിക്കാനും സാധ്യതയെന്ന് മുന്നറിയിപ്പില്‍ പറയുന്നു.

Join Our Whats App group

https://chat.whatsapp.com/HN3zUlGc2Va9613524dFBp

പീരുമേട്ടിൽ ഇരട്ടക്കൊലപാതകം; യുവാവ് അറസ്റ്റിൽ

2026-10-21T22:51:41.900+05:30

ഇടുക്കി: കുടുംബ വഴക്കിനിടെ യുവാവ് ഭാര്യയെയും ഭാര്യാമാതാവിനെയും കുത്തിക്കൊലപ്പെടുത്തി. പീരുമേട് ഗ്ലെൻമേരി എസ്റ്റേറ്റിൽ ബുധനാഴ്ച്ച രാത്രി ഏഴോടെയാണ് സംഭവമുണ്ടായത്. സംഭവത്തിൽ ഗ്ലെന്‍ മേരി എസ്റ്റേറ്റിൽ താമസിക്കുന്ന പ്രിൻസ് (40 ) ആണ് പൊലീസ് പിടിയിലായത്.

ഇയാളുടെ ഭാര്യ പ്രിയങ്ക (34), ഭാര്യയുടെ മാതാവ് നേസം (വസന്ത -60) എന്നിവരാണ് കൊല്ലപ്പെട്ടത്. ഭാര്യാ പിതാവ് ഇസ്രവേലിനും കുത്തേറ്റിട്ടുണ്ട്. ഇയാൾ പീരുമേട് താലൂക്ക് ആശുപത്രിയിൽ ചികിത്സയിലാണ്.

മദ്യലഹരിയിലാണ് പ്രിൻസ് ക്രൂരകൃത്യം ചെയ്‌തതെന്നാണ് വിവരം. ഇന്നലെ വൈകിട്ട് കുടുംബ പ്രശ്നത്തെ തുടർന്ന് ഭാര്യ പ്രിയങ്കയെയാണ് ഇയാൾ ആദ്യം ആക്രമിച്ചത്. ഇതിനിടെ തടസം നിന്ന നേസത്തിനെയും ഇസ്രവേലിനെയും കുത്തി വീഴ്ത്തി. പ്രിയങ്കയും നേസവും തൽക്ഷണം മരിച്ചതായിട്ടാണ് വിവരം.

Join Our Whats App group

https://chat.whatsapp.com/HN3zUlGc2Va9613524dFBp

എട്ട് മാസം പ്രായമായ കുഞ്ഞിന്‍റെ മരണം കൊലപാതകം; അമ്മ അറസ്റ്റിൽ

2026-10-21T15:03:30.441+05:30

തിരുവല്ല: എട്ട് മാസം പ്രായമായ കുഞ്ഞിന്‍റെ മൃതദേഹം ചതുപ്പിൽ കണ്ടെത്തിയ സംഭവത്തിൽ അമ്മ അറസ്റ്റിൽ. തിരുവല്ല പുളിക്കീഴിൽ മൂന്ന് വർഷം മുമ്പുണ്ടായ കൊലപാതകത്തിലാണ് അമ്മയെ പൊലീസ് പിടികൂടിയത്.

കഴിഞ്ഞയാഴ്ച പാലക്കാട് നാടോടിസ്ത്രീകള്‍ തമ്മിലുണ്ടായ വഴക്കിനിടയിലാണ് കുട്ടി മരിച്ചതിന്‍റെ കാരണം പുറത്തുവന്നത്. എസ്.സി പ്രമോട്ടര്‍ വഴിയാണ് പാലക്കാട് പൊലീസില്‍ ഇത്തരത്തില്‍ ഒരു വിവരം എത്തുന്നത്. 2023 ഓഗസ്റ്റ് 12 നാണ് എട്ടുമാസം പ്രായമുള്ള കുഞ്ഞിന്‍റെ മൃതദേഹം ചതുപ്പില്‍ കണ്ടെത്തുന്നത്. കുഞ്ഞിനെ തന്‍റെ സുഹൃത്ത് ശ്വാസം മുട്ടിച്ച് കൊന്നതാണെന്ന് അമ്മ മൊഴി നല്‍കി.

മൂന്ന് വര്‍ഷങ്ങള്‍ക്ക് ശേഷമാണ് കുഞ്ഞിന്‍റെ അമ്മയായ നാടോടി സ്ത്രീയെ പൊലീസ് കണ്ടെത്തുന്നത്. നാടോടിസ്ത്രീകള്‍ തമ്മിലുണ്ടായ വഴക്കിനിടയില്‍ കുട്ടിയുടെ അമ്മ തന്നെയാണ് ഇക്കാര്യം പറഞ്ഞത്. വിവരമറിഞ്ഞ ആക്ടിവിസ്റ്റ് ഇടപെട്ടതിനെത്തുടര്‍ന്ന് മീനാക്ഷിപുരം പൊലീസ് അമ്മയെ കസ്റ്റഡിയിലെടുത്ത് ചോദ്യം ചെയ്തു.

തുടര്‍ന്ന് തിരുവല്ല പോലീസിന്‍റെ നേതൃത്വത്തിലുള്ള സംഘം അവിടെയെത്തി നാടോടി സ്ത്രീയെ കസ്റ്റഡിയിലെടുത്തു. ചോദ്യം ചെയ്തപ്പോഴാണ് ഈ കേസില്‍ വ്യക്തത വന്നത്. ഇതോടെയാണ് മൂന്നു വര്‍ഷം മുമ്പ് നടന്ന കൊലപാതകത്തിന്‍റെ ചുരുളഴിഞ്ഞത്.

ചങ്ങനാശേരിയില്‍ വെച്ച് കുട്ടിയുടെ അമ്മയും സുഹൃത്തും ശാരീരികമായി ബന്ധപ്പെടുന്നതിനിടെയാണ് കുഞ്ഞ് കരഞ്ഞത്. കരച്ചിലില്‍ പ്രകോപിതനായ സുഹൃത്ത് കുട്ടിയെ ശ്വാസം മുട്ടിച്ച് കൊലപ്പെടുത്തുകയായിരുന്നു. തുടര്‍ന്ന് സുഹൃത്തിന്‍റെ സഹായത്തോടെയാണ് മൃതദേഹം ഏതാണ്ട് 12 കിലോമീറ്റര്‍ അകലെ പുളിക്കീഴിലെത്തിച്ച് ചതുപ്പില്‍ കുഴിച്ചിട്ടത്. പ്രതികളായ സുഹൃത്തിനെയും സഹോദരനെയും പോലീസ് അന്വേഷിക്കുന്നുണ്ട്.

Join Our Whats App group

https://chat.whatsapp.com/HN3zUlGc2Va9613524dFBp

ടർഫിൽ ഫുട്ബോൾ കളിക്കുന്നതിനിടെ വിദ്യാർഥി കുഴഞ്ഞു വീണു മരിച്ചു

2026-10-21T14:43:20.908+05:30

കോഴിക്കോട്: ടർഫിൽ ഫുട്ബോൾ കളിക്കുന്നതിനിടെ വിദ്യാർഥി കുഴഞ്ഞുവീണു മരിച്ചു. പയ്യാനക്കല്‍ വലിയതോട് പറമ്പില്‍ ബഷീറിന്‍റെ മകന്‍ മുഹാദ് (18) ആണ് മരിച്ചത്.

മാങ്കാവ് മാനാരിയിലെ ഫുട്‌ബോള്‍ ടര്‍ഫിൽ കൂട്ടുകാർക്കൊപ്പം ഫുട്ബോൾ കളിക്കുന്നതിനിടെ മുഹാദിന് പെട്ടെന്ന് ദേഹാസ്വാസ്ഥ്യം അനുഭവപ്പെടുകയും കുഴഞ്ഞുവീഴുകയുമായിരുന്നു.

ഉടന്‍തന്നെ ഒപ്പമുണ്ടായിരുന്നവരും ടര്‍ഫ് അധികൃതരും ചേര്‍ന്ന് സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കോഴിക്കോട് ക്രിസ്ത്യന്‍ കോളേജ് ഹയര്‍സെക്കന്‍ഡറി സ്‌കൂളിലെ പ്ലസ് ടു വിദ്യാർഥിയാണ്.

Join Our Whats App group

https://chat.whatsapp.com/HN3zUlGc2Va9613524dFBp

സ്‌കൂട്ടർ ബസിൽ ഇടിച്ച് യുവതികൾ മരിച്ചു

2026-10-21T13:38:54.838+05:30

പാമ്പാടി: പതിമൂന്നാം മൈലിൽ സ്വകാര്യ ബസിൽ സ്‌കൂട്ടർ ഇടിച്ചുണ്ടായ അപകടത്തിൽ രണ്ട് യുവതികൾ മരിച്ചു. മീനടം വട്ടക്കാവുങ്കൽ തോമസിന്‍റെ മകൾ ആഷ്‌ലി ആൻ തോമസ് (25), മീനടം സ്വദേശി ഫാ. കുര്യാക്കോസ് കടവുംഭാഗത്തിന്‍റെ മകൾ കൃപ (24) എന്നിവരാണ് മരിച്ചത്.

ഇന്ന് രാവിലെയായിരുന്നു അപകടം. പൊൻകുന്നം ഭാഗത്തേക്ക് പോയ യുവതികളുടെ സ്‌കൂട്ടർ കട്ടപ്പനയിൽ നിന്നും കോട്ടയം ഭാഗത്തേക്ക് വരികയായിരുന്ന ബസിൽ ഇടിക്കുകയായിരുന്നു.

സ്കൂട്ടറിന്‍റെ നിയന്ത്രണം നഷ്ടമായതാണ് അപകട കാരണമെന്നാണ് കരുതുന്നത്.മൃതദേഹങ്ങൾ കോട്ടയം മെഡിക്കൽ കോളെജ് ആശുപത്രിയിലേക്ക് മാറ്റി. പൊലീസ് മേൽനടപടികൾ സ്വീകരിച്ചിട്ടുണ്ട്.

Join Our Whats App group

https://chat.whatsapp.com/HN3zUlGc2Va9613524dFBp

Premium Bath Towels

12-ാം നിലയിലെ ഗ്രില്ലിൽ തല കുടുങ്ങി മൂന്നു വയസുകാരി; വീഡിയോ

2026-10-21T11:42:14.508+05:30

ഫുജിയാൻ: 12-ാം നിലയിലെ അപ്പാർട്ട്മെന്‍റിൽ ജനൽകമ്പിയിൽ കുടുങ്ങിക്കിടന്ന മൂന്നു വയസുകാരിക്ക് അത്ഭുത രക്ഷപെടൽ. ചൈനയിലെ ഫുജിയാൻ പ്രവിശ്യയിലാണ് സംഭവം ഉണ്ടായത്. അയൽവാസികളുടെ സമയോചിത ഇടപെടലാണ് കുട്ടിയെ ജീവിതത്തിലേക്ക് തിരികെ കൊണ്ടുവന്നത്.

താഴത്തെ നിലയിലെ ജനലില്‍നിന്ന് സ്റ്റൂള്‍ ഉയര്‍ത്തിപ്പിടിച്ച് കുട്ടിയുടെ ശരീരത്തിന് താങ്ങുനല്‍കിയതോടെയാണ് അവളുടെ ജീവന്‍ രക്ഷിക്കാനായത്. രാവിലെ 7.48 ഓടെ കുട്ടി ജനലിലെ സുരക്ഷാ ഗ്രില്ലിലൂടെ പുറത്തേക്ക് ഇറങ്ങാന്‍ ശ്രമിക്കുന്നതിനിടെയാണ് തല ലോഹക്കമ്പികള്‍ക്കിടയില്‍ കുടുങ്ങിയതെന്നാണ് റിപ്പോര്‍ട്ടുകള്‍.

ഇരുകൈകളും ഉപയോഗിച്ച് ഗ്രില്ലില്‍ മുറുകെപ്പിടിച്ച കുട്ടിയുടെ ശരീരത്തിന്‍റെ ബാക്കി ഭാഗം കെട്ടിടത്തിന് പുറത്തേക്ക് തൂങ്ങിനില്‍ക്കുന്ന നിലയിലായിരുന്നു. അപകടകരമായ അവസ്ഥയില്‍ കുട്ടിയെ കണ്ടപ്പോള്‍ തന്നെ അവള്‍ താഴേക്ക് വീഴാനുള്ള സാധ്യത മുന്നില്‍ക്കണ്ട് സമീപവാസികള്‍ പരിഭ്രാന്തരായി.

സംഭവം ശ്രദ്ധയില്‍പ്പെട്ട ഒരാള്‍ ഉടന്‍തന്നെ താമസക്കാരുടെ ഗ്രൂപ്പ് ചാറ്റില്‍ ചിത്രങ്ങള്‍ പങ്കുവെച്ച് അടിയന്തര സഹായം അഭ്യര്‍ഥിച്ചു. തുടര്‍ന്ന് സുരക്ഷാ ജീവനക്കാരും കെട്ടിടത്തിന്‍റെ നടത്തിപ്പുകാരും സ്ഥലത്തെത്തി. കുട്ടിയുടെ വീടിന് തൊട്ടുതാഴെയുള്ള അപ്പാര്‍ട്ട്‌മെന്‍റില്‍ പ്രവേശിച്ച രണ്ടുപേര്‍ ജനലിലൂടെ പുറത്തേക്ക് ചാഞ്ഞുനിന്ന് ഒരു സ്റ്റൂള്‍ കുട്ടിയുടെ ശരീരത്തിനടിയില്‍ ഉയര്‍ത്തിപ്പിടിച്ചു.

എന്നാല്‍, ഉയരക്കൂടുതല്‍ കാരണം കുട്ടിയെ നേരിട്ട് പിടിച്ചുയര്‍ത്താന്‍ അവര്‍ക്ക് സാധിച്ചില്ലെന്നും റിപ്പോര്‍ട്ടില്‍ പറയുന്നു. അഗ്‌നിരക്ഷാസേന എത്തിയശേഷം കുട്ടിയുടെ അപ്പാര്‍ട്ട്‌മെന്‍റിന്‍റെ വാതില്‍ ബലംപ്രയോഗിച്ച് തുറന്ന് അകത്ത് കയറുകയായിരുന്നു.

തുടര്‍ന്ന് ഗ്രില്ലില്‍ കുടുങ്ങിയ കുട്ടിയെ മോചിപ്പിച്ച് ആശുപത്രിയിലെത്തിച്ചു. പ്രാഥമിക റിപ്പോര്‍ട്ടുകള്‍ പ്രകാരം കുട്ടിക്ക് ഗുരുതരമായ പരിക്കുകളൊന്നുമില്ല. സംഭവസമയത്ത് കുട്ടിയുടെ അച്ഛന്‍ ജോലിക്കായും അമ്മ സാധനങ്ങള്‍ വാങ്ങാനായും പുറത്തുപോയിരുന്നുവെന്ന് റിപ്പോര്‍ട്ടുകള്‍ പറയുന്നു.

太惊险了😱爸爸去上班，妈妈早起去买菜，一岁多的孩子被挂16楼阳台。后续被众人合力救下🙏 https://t.co/2cMDzwVuIc
— 小牛 (@Xiaoniu6161) October 17, 2026

Join Our Whats App group

https://chat.whatsapp.com/HN3zUlGc2Va9613524dFBp

നേര്യമംഗലത്ത് സ്‌കൂട്ടർ കൊക്കയിലേക്ക് മറിഞ്ഞ് യുവാവ് മരിച്ചു

2026-10-19T21:13:03.945+05:30

ഇടുക്കി: കൊച്ചി- ധനൂഷ്കോടി ദേശീയ പാതയിൽ നേര്യമംഗലത്തിനു സമീപം നിയന്ത്രണം വിട്ട സ്കൂട്ടർ പാറക്കൂട്ടത്തിലേക്ക് മറിഞ്ഞ് യുവാവ് മരിച്ചു. സുഹൃത്തിനു ഗുരുതര പരുക്ക്.

ഇന്ന് രാവിലെ 10 ഓടെയായിരുന്നു അപകടം. എറണാകുളം പറവൂർ ഏഴിക്കര നാലമ്പാട്ടുപറമ്പിൽ പ്രമോദിന്‍റെ മകൻ ആദിത്യനാണ് (21) മരിച്ചത്. സുഹൃത്ത് പറവൂർ കളത്തിപ്പറമ്പിൽ ഭഗത് കൃഷ്ണനെ (21) ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു.

അടിമാലിൽ നിന്നും മടങ്ങുന്നതിനിടെ നേര്യമംഗലത്തിനു സമീപം മൂന്നു കലുങ്കിൽ ഇവരുടെ സ്കൂട്ടർ അപകടത്തിൽപെടുകയായിരുന്നു. പുഴയിലെ പാറകൂട്ടങ്ങളിലേക്ക് വീണ് പരുക്കേറ്റ ആദിത്യൻ സംഭവസ്ഥലത്തു വച്ചുതന്നെ മരിച്ചു.

ദേശീയപാത നിർമ്മാണത്തിൽ ഏർപ്പെട്ടിരുന്ന തൊഴിലാളികളാണ് രക്ഷാപ്രവർത്തനം നടത്തി ഇരുവരെയും ആശുപത്രിയിലെത്തിച്ചത്. പൊലീസ് മേൽനടപടികൾ സ്വീകരിച്ചു.

Join Our Whats App group

https://chat.whatsapp.com/HN3zUlGc2Va9613524dFBp

വാഗമണ്ണിൽ 800 അടി താഴ്ച്ചയിലേക്ക് വീണ് യുവ ഡോക്‌ടർ

2026-10-19T20:48:36.462+05:30

ഇടുക്കി: ചെങ്കുത്തായ സ്ഥലത്ത് നിർമിച്ച പൂളിലേക്ക് നടന്നു ചെല്ലുന്നതിനിടെ കാൽ വഴുതി 800 അടി താഴ്ച്ചയിലേക്ക് വീണ യുവ ഡോക്‌ടറെ രക്ഷപെടുത്തി. വാഗമണ്ണിലെ നാച്ചുറൽ ഇൻഫിനിറ്റി പൂളിലേക്ക് പോകുന്നതിനിടെയാണ് അപകടമുണ്ടായത്.

ഉത്തര്‍പ്രദേശ് സ്വദേശിയായ സഞ്ജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ ഇ.എന്‍.ടി സര്‍ജൻ സുഖിയ ജെയിന്‍ (28) ആണ് അപകത്തില്‍പ്പെട്ടത്. നാല് കൂട്ടുകാരോടൊപ്പമാണ് ഇവര്‍ വിനോദയാത്രയ്ക്ക് എത്തിയത്.

കരയില്‍ നിന്ന് ഏകദേശം 800 അടി താഴ്ച്ചയില്‍, കുത്തനെ ഉള്ളതും നടന്നു കയറുവാന്‍ ബുദ്ധിമുട്ടുള്ളതുമായ പാതയിലൂടെ പൂളിലേക്ക് ഇറങ്ങില്ലുന്നതിനിടെ ഡോക്ടര്‍ കാല്‍ വഴുതി വീഴുകയായിരുന്നു.

വീഴ്ചയില്‍ സുഖിയ ജെയിന്‍റെ കാല്‍പ്പാദം ഒടിഞ്ഞു തൂങ്ങുകയും നടക്കാന്‍ സാധിക്കാത്ത അവസ്ഥയിലാവുകയും ചെയ്തു. വിവരമറിയിച്ചതിനെ തുടര്‍ന്ന് പീരുമേട് ഫയര്‍ഫോഴ്‌സ് സേനാംഗങ്ങള്‍ ഉടന്‍ തന്നെ സംഭവസ്ഥലത്തെത്തി. സീനിയര്‍ ഫയര്‍ ആന്‍റ് റെസ്‌ക്യൂ ഓഫീസര്‍ നവാസിന്‍റെ നേതൃത്വത്തില്‍ ഫയര്‍ ആന്‍റ് റെസ്‌ക്യൂ ഓഫീസര്‍മാരായ ആനന്ദ്, രജീഷ്, രാഗേഷ് ലാല്‍, അലക്‌സ് സൈമണ്‍ എന്നിവരടങ്ങിയ സംഘമാണ് രക്ഷാപ്രവര്‍ത്തനത്തില്‍ പങ്കെടുത്തത്.

800 അടി താഴ്ചയില്‍ നിന്നും ഡോക്ടറെ അതിസാഹസികമായി കരയ്‌ക്കെത്തിച്ച ശേഷം അവിടെനിന്ന് രണ്ട് കിലോമീറ്റര്‍ നടന്ന് വാഗമണ്‍ സിറ്റിയില്‍ എത്തിച്ചു. തുടര്‍ന്ന് 108 ആംബുലന്‍സില്‍ ഈരാറ്റുപേട്ട ആശുപത്രിയിലേക്ക് മാറ്റുകയായിരുന്നു.

Join Our Whats App group

https://chat.whatsapp.com/HN3zUlGc2Va9613524dFBp

ഇടുക്കി വണ്ടൻമേട്ടിൽ ഗൃഹനാഥൻ ഷോക്കേറ്റ് മരിച്ച നിലയിൽ

2026-10-19T20:32:02.610+05:30

ഇടുക്കി: വണ്ടൻമേട്ടിൽ ഗൃഹനാഥനെ വീടിനുള്ളിൽ വൈദ്യുതാഘാതമേറ്റ് മരിച്ച നിലയിൽ കണ്ടെത്തി. മംഗളാദേവിക്ക് സമീപം കുമാര്‍ഇല്ലം രവിചന്ദ്രനാണ് (55) മരിച്ചത്. വൈകിട്ട് നാലോടെ ജോലിക്ക് പോയ ഭാര്യ ശാന്തി തിരിച്ചെത്തിയപ്പോഴാണ് രവിചന്ദ്രനെ അനക്കമില്ലാതെ കിടക്കുന്നതായി കണ്ടത്.

ഉടൻ സമീപവാസികളെ വിവരം അറിയിച്ചു. വീട്ടിലെ അറ്റകുറ്റപ്പണികൾക്കിടെ വൈദ്യുതാഘാതമേറ്റെന്നാണ് പ്രാഥമിക നിഗമനം. വണ്ടൻമേട് പൊലീസ് മേൽനടപടികൾ സ്വീകരിച്ചു.

Join Our Whats App group

https://chat.whatsapp.com/HN3zUlGc2Va9613524dFBp

അന്ത്യകർമങ്ങൾക്കിടെ 56 കാരി ചുമച്ചു; പിന്നീട് സംഭവിച്ചത് ഇങ്ങനെ

2026-10-19T12:06:32.795+05:30

ഗോരഖ്‌പൂർ: അന്ത്യ കർമങ്ങൾക്കിടെ 56 കാരി ചുമച്ചു, പിന്നാലെ ജീവിതത്തിലേക്ക്. യുപിയിലെ ഗോരഖ്പുരിലാണ് സംഭവം നടന്നത്. ദഖിലി ഗ്രാമത്തിലെ ലളിതാദേവി എന്ന സ്ത്രീയാണ് മരണാനന്തര ചടങ്ങുകള്‍ക്കിടെ ബോധംവന്നത്. ഉടന്‍ തന്നെ ബന്ധുക്കള്‍ ഇവരെ മെഡിക്കല്‍ കോളെജ് ആശുപത്രിയിലെത്തിച്ചു.

ഒരാഴ്ചയായി പനി ബാധിച്ച് ചികിത്സയിലായിരുന്നു ലളിതാദേവി. ആദ്യം സ്വകാര്യ ഡോക്ടറെ സമീപിച്ചെങ്കിലും ആരോഗ്യനില വഷളായതോടെ ബര്‍ഹല്‍ഗഞ്ചിലെ സ്വകാര്യ ആശുപത്രിയില്‍ പ്രവേശിപ്പിച്ചു. മസ്തിഷ്‌ക രക്തസ്രാവമാണെന്ന് സംശയിച്ച ഡോക്ടര്‍മാര്‍ തുടര്‍ചികിത്സയ്ക്കായി ഗോരഖ്പുരിലേക്ക് കൊണ്ടുപോകാന്‍ നിര്‍ദേശിച്ചു.

ഗോരഖ്പുരിലെ സ്വകാര്യ ആശുപത്രിയില്‍ ചികിത്സയില്‍ കഴിയുന്നതിനിടെ ലളിതാദേവി മരിച്ചതായി ഡോക്ടര്‍മാര്‍ അറിയിക്കുകയായിരുന്നു. മൃതദേഹവുമായി ബന്ധുക്കള്‍ ഗ്രാമത്തിലേക്ക് മടങ്ങി. തുടര്‍ന്ന് വീട്ടില്‍ അന്ത്യകര്‍മങ്ങള്‍ക്കുള്ള ഒരുക്കങ്ങള്‍ ആരംഭിച്ചു.

മുളകൊണ്ടുള്ള ശവമഞ്ചം തയ്യാറാക്കി ചടങ്ങുകള്‍ നടത്തുന്നതിനിടെ കുടുംബത്തിലെ സ്ത്രീകള്‍ ലളിതാദേവിയുടെ വായില്‍ തുളസിവെള്ളം ഒഴിച്ചു. ഇതിനുപിന്നാലെ ഇവര്‍ പെട്ടെന്ന് ചുമയ്ക്കാന്‍ തുടങ്ങുകയായിരുന്നു. ഇതുകണ്ട് അമ്പരന്ന ബന്ധുക്കള്‍ ഉടന്‍തന്നെ ലളിതാദേവിയെ മെഡിക്കല്‍ കോളെജില്‍ പ്രവേശിപ്പിച്ചു. നിലവില്‍ ചികിത്സയില്‍ തുടരുകയാണ്.

Join Our Whats App group

https://chat.whatsapp.com/HN3zUlGc2Va9613524dFBp

കുർബാനയ്ക്കിടെ കൂറ്റൻ തടി കുരിശ് തലയിൽ വീണു; വൈദികൻ മരിച്ചു

2026-10-19T11:36:14.735+05:30

ഗ്വായാക്വിൽ: കുർബാനയ്ക്കിടെ തടി കുരിശ് ദേഹത്തേക്ക് വീണ് വൈദികൻ മരിച്ചു. ഇക്വഡോറിലെ ഗ്വായാക്വിൽ നഗരത്തിലുള്ള ഔർ ലേഡി ഓഫ് പെർപെച്വൽ ഹെൽപ് പള്ളിയിലാണ് സംഭവം നടന്നത്.

പള്ളിയില്‍ കുര്‍ബാന അര്‍പ്പിക്കുന്നതിനിടെയാണ് സംഭവം. ഭിത്തിയില്‍ ഉറപ്പിച്ചിരുന്ന കൂറ്റന്‍ തടി കുരിശ് വൈദികന്‍റെ ദേഹത്തേക്ക് വീഴുകയായിരുന്നു. സഭയിലെ റെഡംപ്റ്ററിസ്റ്റ് സന്യാസ വിഭാഗത്തിലെ അംഗവും പള്ളി വികാരിയുമായ ഫാദര്‍ പട്രീഷ്യോ ആല്‍ഫ്രഡോ സാഞ്ചേസ് മോലിനാരിയാണ് മരിച്ചത്.

ശനിയാഴ്ച നടന്ന തിരുക്കര്‍മ്മങ്ങള്‍ സോഷ്യല്‍ മീഡിയ വഴി തത്സമയം സംപ്രേഷണം ചെയ്യുന്നതിനിടെയാണ് അപകടമുണ്ടായത്. പ്രാര്‍ഥനാ ചടങ്ങുകള്‍ തുടങ്ങി ഏകദേശം 27 മിനിറ്റിനു ശേഷം, അള്‍ത്താരയില്‍ നിന്ന് വിശ്വാസികളെ അഭിമുഖീകരിച്ച് സന്ദേശം നല്‍കുകയായിരുന്ന വൈദികന്‍റെ തൊട്ടുപിന്നിലെ ഭിത്തിയില്‍ സ്ഥാപിച്ചിരുന്ന ഭാരമേറിയ തടി കുരിശ് പെട്ടെന്ന് വേര്‍പെട്ട് അദ്ദേഹത്തിന്‍റെ തലയിലേക്കും ദേഹത്തേക്കും നേരിട്ട് പതിക്കുകയായിരുന്നു.

സംഭവം കണ്ടുനിന്ന വിശ്വാസികള്‍ ഓടിയെത്തി അദ്ദേഹത്തെ രക്ഷിക്കാന്‍ ശ്രമിക്കുകയും ചെയ്തു. ഉടന്‍തന്നെ അടിയന്തര വൈദ്യസഹായ സംഘം സ്ഥലത്തെത്തിയെങ്കിലും ജീവന്‍ രക്ഷിക്കാനായില്ല. ഞായറാഴ്ച ഗ്വയാക്വില്‍ അതിരൂപത ഔദ്യോഗിക പ്രസ്താവനയിലൂടെയാണ് ഫാദര്‍ പട്രീഷ്യോയുടെ വേര്‍പാട് സ്ഥിരീകരിച്ചത്. അദ്ദേഹത്തിന്‍റെ കുടുംബത്തിനും സഹവൈദികര്‍ക്കും സുഹൃത്തുക്കള്‍ക്കും അതിരൂപത അനുശോചനം അറിയിച്ചു.

വര്‍ഷങ്ങളായി ഭിത്തിയില്‍ സ്ഥാപിച്ചിരുന്ന ഭാരമേറിയ കുരിശ് പെട്ടെന്ന് അടര്‍ന്നു വീഴാനുണ്ടായ കാരണം വ്യക്തമല്ല. നിര്‍മ്മാണത്തിലെ തരാറുകളാണോ അതോ മറ്റ് ഘടനാപരമായ കേടുപാടുകളാണോ അപകടത്തിന് വഴിവെച്ചതെന്ന് സംബന്ധിച്ച് അധികൃതരുടെ വിശദീകരണം ലഭ്യമായിട്ടില്ല. അപകടത്തിന്‍റെ ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിക്കുന്നുണ്ട്.

Join Our Whats App group

https://chat.whatsapp.com/HN3zUlGc2Va9613524dFBp

അമ്മാവൻ നൽകിയ തോക്കിൽ നിന്നും വെടിപൊട്ടി; മൂന്ന് വയസുകാരൻ മരിച്ചു

2026-10-17T21:02:34.307+05:30

റാഞ്ചി: കളിക്കാൻ അമ്മാവൻ നൽകിയ തോക്കിൽ നിന്നും അബദ്ധത്തിൽ വെടിയുതിർന്ന് മൂന്നു വയസുകാരൻ മരിച്ചു. സംഭവത്തിനു പിന്നാലെ തോക്കുമായി ഒളിവിൽ പോയ അമ്മാവനു വേണ്ടി പൊലീസ് തിരച്ചിൽ ആരംഭിച്ചു.

ഝാര്‍ഖണ്ഡിലെ ബൊക്കാറോ ജില്ലയില്‍ ഇന്ന് രാവിലെയാണ് സംഭവം. രാവിലെയാണ് കുട്ടിയുടെ അമ്മാവന്‍ വീട്ടിലെത്തിയത്. അമ്മാവനെ കണ്ട വഴി കുട്ടി ചോക്ലേറ്റ് ചോദിച്ചു. ചോക്ലേറ്റിന് പകരം അമ്മാവന്‍ കുട്ടിക്ക് തോക്ക് നല്‍കുകയായിരുന്നുവെന്ന് പൊലീസ് പറയുന്നു.

തോക്കുമായി കളിക്കുന്നതിനിടെ അബദ്ധത്തില്‍ വെടിയേറ്റ കുട്ടിയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. കുട്ടി ആശുപത്രിയില്‍ എത്തുമ്പോഴേക്കും മരണം സംഭവിച്ചതായി ഡോക്ടര്‍മാര്‍ സ്ഥിരീകരിച്ചു.

കുട്ടിയുടെ അമ്മാവന്‍ രാജേഷ് കുമാര്‍ (21) ആണ് തോക്കുമായി ഒളിവില്‍ പോയത്. കുട്ടിയുടെ അമ്മ നല്‍കിയ പരാതിയുടെ അടിസ്ഥാനത്തിലാണ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചത്.

Join Our Whats App group

https://chat.whatsapp.com/HQ0SnBGiTEQ6GoGsYAgBsN‌

പാംബ്ല ഡാമിനു സമീപത്തെ കൊലപാതകം പ്രണയ നൈരാശ്യത്തിൽ; 19 കാരൻ പിടിയിൽ

2026-10-16T12:49:55.884+05:30

ഇടുക്കി: ഇടുക്കി പാംബ്ല ഡാമിനു സമീപം യുവതിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തിയ സംഭവത്തിൽ യുവതിയുടെ കാമുകൻ അറസ്റ്റിൽ. തമിഴ്‌നാട് ബോഡിനായ്ക്കന്നൂര്‍ സ്വദേശിയായ 18 കാരിയാണ് കൊല്ലപ്പെട്ടത്. സംഭവം ക്രൂരകൊലപാതകമെന്ന് സ്ഥിരീകരിച്ചതിനു പിന്നാലെയാണ് കാമുകനായിരുന്ന വട്ടപ്പാറ സ്വദേശി നിഷാന്തിനെ (19) പൊലീസ് പിടികൂടിയത്.

വിവാഹത്തെച്ചൊല്ലിയുളള തര്‍ക്കമാണ് കൊലപാതകത്തിന് കാരണമെന്നാണ് നിഷാന്തിന്‍റെ മൊഴി.ബുധനാഴ്ച്ചയാണ് പാംബ്ല ഡാമിന് സമീപം കത്തിക്കരിഞ്ഞ നിലയില്‍ പെണ്‍കുട്ടിയുടെതെന്ന് തോന്നിക്കുന്ന മൃതദേഹം കരിമണല്‍ പൊലീസ് കണ്ടെടുത്തത്. തുടര്‍ന്ന് നടത്തിയ അന്വേഷണത്തിനൊടുവിലാണ് 48 മണിക്കൂറിനകം പ്രതി പിടിയിലാവുന്നത്.

ബോഡിനായ്ക്കന്നൂര്‍ സ്വദേശിയായ പെണ്‍കുട്ടിയും ഇടുക്കി വട്ടപ്പാറ സ്വദേശിയായ നിഷാന്തും നേരത്തെ ഒരുമിച്ച് പഠിച്ചവരാണ്. ഇരുവരും തമ്മില്‍ അടുപ്പമുണ്ടായിരുന്നു. അടുത്തിടെയായി പെണ്‍കുട്ടിക്ക് മറ്റാരോടോ അടുപ്പമുണ്ടെന്ന സംശയമാണ് പ്രശ്‌നങ്ങള്‍ക്ക് തുടക്കം.

വിവാഹം കഴിക്കാനെന്ന പേരില്‍ ഈ മാസം 11ന് പെണ്‍കുട്ടിയെ പൂപ്പാറയിലേക്ക് വിളിച്ചുവരുത്തി. ചര്‍ച്ചകള്‍ക്കിടെ വഴക്കായി. പിന്നീട് നിഷാന്തിന്‍റെ ഓട്ടോയിലിട്ട് കഴുത്ത് ഞെരിച്ച് കൊലപ്പെടുത്തി. മരണം ഉറപ്പാക്കാന്‍ തലയില്‍ കല്ലുകൊണ്ട് ഇടിച്ചെന്നും നിഷാന്ത് പൊലീസിനോട് സമ്മതിച്ചു. രാത്രി ആളൊഴിഞ്ഞ സമയത്ത് പാംപ്ലയിലെത്തി മൃതദേഹം കത്തിച്ചു.

പെണ്‍കുട്ടിയെ കാണാനില്ലെന്ന് ബന്ധുക്കള്‍ ബോഡിനായ്ക്കന്നൂര്‍ പൊലീസില്‍ പരാതി നല്‍കിയെങ്കിലും അവര്‍ അലംഭാവം കാണിച്ചെന്നാണ് ആരോപണം. പെണ്‍കുട്ടിയുടെ വീട്ടുകാര്‍ ഈ വഴിക്കും അന്വേഷണം നടത്തിയിരുന്നു.

ഇതോടെയാണ് നിഷാന്തിനെ പൊലീസ് കസ്റ്റഡിയിലെടുത്ത് ചോദ്യംചെയ്തത്. മരിച്ചതാരെന്ന് വ്യക്തതയില്ലാത്തതിനാല്‍ ഇതുവരെ പോസ്റ്റ്‌മോര്‍ട്ടം നടത്തിയിരുന്നില്ല. സംഭവം നടന്ന സ്ഥലത്തുള്‍പ്പെടെ നിഷാന്തിനെയെത്തിച്ച് ഇന്നുതന്നെ തെളിവെടുപ്പ് പൂര്‍ത്തിയാക്കും.

Join Our Whats App group

https://chat.whatsapp.com/HQ0SnBGiTEQ6GoGsYAgBsN‌

വായുവിൽ പറന്ന് ടെസ്‌ലയുടെ റോഡ്സ്റ്റർ

2026-10-16T12:16:25.098+05:30

ലോകത്തെ ഞെട്ടിച്ച് ടെസ്‌ലയുടെ പറക്കും കാർ. സയൻസ് ഫിക്ഷൻ സിനിമകളിൽ മാത്രം കണ്ടിട്ടുള്ള പറക്കും കാറിനെ യാഥാർഥ്യമാക്കിയിരിക്കുകയാണ് ടെസ്‌ല. ടെക് ലോകത്തെ അമ്പരപ്പിച്ചുകൊണ്ട് പുത്തന്‍ രൂപകല്‍പ്പനയിലുള്ള ടെസ്‌ല റോഡ്സ്റ്റര്‍ തലകീഴായി ഓടുകയും കുറഞ്ഞ ദൂരം വായുവില്‍ പറക്കുകയും ചെയ്യുന്നതിന്‍റെ ദൃശ്യങ്ങള്‍ പുറത്തുവന്നു.

ടെക് ഭീമനായ ഇലോണ്‍ മസ്‌കിന്‍റെ തന്നെ റോക്കറ്റ് നിര്‍മാണ കമ്പനിയായ സ്പേസ്എക്‌സിന്‍റെ സാങ്കേതികവിദ്യ ഉപയോഗിച്ചാണ് ഈ അദ്ഭുതം സാധ്യമാക്കിയത്. ടെക്സസിലെ മഗ്രഗോറിലുള്ള സ്പേസ്എക്സ് ഫെസിലിറ്റിയില്‍ നടന്ന പ്രത്യേക ചടങ്ങിലാണ് വിസ്മയകരമായ പ്രദര്‍ശനം നടന്നത്.

Turns out the future does have flying cars https://t.co/6fexPp6SXI
— Elon Musk (@elonmusk) October 16, 2026

ഭാവിയില്‍ പറക്കുന്ന കാറുകള്‍ ഉണ്ടാകുമെന്ന് ഒടുവില്‍ തെളിഞ്ഞിരിക്കുന്നു എന്ന കുറിപ്പോടെ ഇലോണ്‍ മസ്‌ക് ഡെമോ വിഡിയോ തന്‍റെ ഔദ്യോഗിക എക്സ് അക്കൗണ്ടില്‍ പങ്കുവെച്ചു. പരമ്പരാഗത കാര്‍ ലോഞ്ച് ചടങ്ങുകള്‍ക്കപ്പുറം സ്റ്റണ്ട് ഷോയെ ഓര്‍മിപ്പിക്കുന്നതായിരുന്നു ഈ പ്രദര്‍ശനം.

വലിയ വളഞ്ഞ റാമ്പിലൂടെ മുകളിലേക്ക് കയറിയ കാര്‍, അതിനുമുകളിലൂടെ തലകീഴായി സഞ്ചരിക്കുകയും, തുടര്‍ന്ന് കുറഞ്ഞ ദൂരം വായുവില്‍ പറന്ന് സുരക്ഷിതമായി താഴെയിറങ്ങുകയും ചെയ്തു. ടെസ്‌ലയുടെ ഔദ്യോഗിക അക്കൗണ്ടും ഇതിന്‍റെ വിഡിയോ പങ്കുവെച്ചിട്ടുണ്ട്.

സ്പേസ്എക്‌സ് വികസിപ്പിച്ചെടുത്ത 'കോള്‍ഡ്-ഗ്യാസ് ത്രസ്റ്റേഴ്സ്' (Cold-gas thrusters) ആണ് ഈ പുതിയ റോഡ്സ്റ്ററിലെ പ്രധാന ആകര്‍ഷണം. ഉയര്‍ന്ന മര്‍ദത്തിലുള്ള ഗ്യാസ് ഉപയോഗിച്ച് ശക്തമായ തള്ളല്‍ (thrust) സൃഷ്ടിക്കുന്ന സംവിധാനമാണിത്. പ്രത്യേക സംവിധാനങ്ങളുമായി ചേര്‍ന്ന് പ്രവര്‍ത്തിക്കുന്ന ഈ സാങ്കേതികവിദ്യ സാധാരണ റോഡ് കാറുകള്‍ക്ക് അസാധ്യമായ രീതിയിലുള്ള നീക്കങ്ങള്‍ നടത്താന്‍ വാഹനത്തെ സഹായിക്കുന്നു.

Real life, baby https://t.co/3QEqn18wig
— Tesla (@Tesla) October 16, 2026

2017 നവംബറിലാണ് അടുത്ത തലമുറയിലുള്ള ടെസ്‌ല റോഡ്സ്റ്റര്‍ പ്രഖ്യാപിച്ചത്. എന്നാല്‍ വിവിധ കാരണങ്ങളാല്‍ നിര്‍മാണം പലതവണ വൈകുകയായിരുന്നു. ഏറ്റവും പുതിയ റിപ്പോര്‍ട്ടുകള്‍ അനുസരിച്ച്, 2028ഓടെ വാഹനം നിര്‍മാണ ഘട്ടത്തിലേക്ക് കടക്കുമെന്നാണ് പ്രതീക്ഷിക്കുന്നത്.

നിലവില്‍ നിയന്ത്രിത ചുറ്റുപാടുകളില്‍ (controlled conditions) മാത്രമാണ് ഈ സ്റ്റണ്ട് പ്രദര്‍ശിപ്പിച്ചത്. പൊതുറോഡുകളില്‍ ഇത്തരത്തിലുള്ള പറക്കലുകള്‍ക്കോ ഡ്രൈവിങ്ങിനോ നിയമപരമായ അനുമതി ലഭിച്ചിട്ടില്ല. സുരക്ഷാ മാനദണ്ഡങ്ങളും പ്രായോഗികതയും സംബന്ധിച്ച ചോദ്യങ്ങള്‍ ഇനിയും അവശേഷിക്കുന്നുണ്ടെങ്കിലും, ഭാവിയിലെ യാത്രാസൗകര്യങ്ങളെക്കുറിച്ചുള്ള വലിയ സൂചനയാണ് ടെസ്‌ല ഇപ്പോള്‍ നല്‍കിയിരിക്കുന്നത്.

Roadster event livestream https://t.co/G0jU4mWfid
— Tesla (@Tesla) October 15, 2026

tesla-roadster-flying-car

Join Our Whats App group

https://chat.whatsapp.com/HQ0SnBGiTEQ6GoGsYAgBsN‌

വീട്ടുമുറ്റത്ത് കളിച്ചുകൊണ്ടിരുന്ന രണ്ട് കുട്ടികൾ കുളത്തിൽ മുങ്ങി മരിച്ചു

2026-10-15T11:03:24.731+05:30

പട്ടാമ്പി: വീട്ടുമുറ്റത്ത് കളിച്ചുകൊണ്ടിരുന്ന രണ്ട് കുട്ടികൾ കുളത്തിൽ മുങ്ങി മരിച്ചു. പട്ടാമ്പി തിരുവേഗപ്പുറ പപ്പടപ്പടിയിലാണ് സംഭവം. കാരക്കൂത്ത് വീട്ടില്‍ ശിഹാബ് മുസ്ലിയാരുടെ മകള്‍ അഞ്ച് വയസുകാരി ഫാത്തിമ സഹറ, ശിഹാബിന്‍റെ സഹോദരന്‍ ഷൗക്കത്തിന്‍റെ മകന്‍ രണ്ടര വയസുകാരന്‍ മുഹമ്മദ് ഹയാന്‍ എന്നിവരാണ് മരിച്ചത്.

ബുധനാഴ്ച വൈകുന്നേരമാണ് അപകടമുണ്ടായത്. വീട്ട് മുറ്റത്ത് കളിച്ചുകൊണ്ടിരിക്കുകയായിരുന്നു കുട്ടികള്‍. കുറച്ച് കഴിഞ്ഞ് കുട്ടികളെ കാണാതാവുകയും സംശയം തോന്നി 50 മീറ്റര്‍ അടുത്തുള്ള കുളത്തില്‍ തിരഞ്ഞപ്പോഴാണ് കുട്ടികളെ കണ്ടെത്തിയത്.

ഉടന്‍ തന്നെ കുട്ടികളെ പെരിന്തല്‍മണ്ണയിലെ സ്വകാര്യ ആശുപത്രിയില്‍ എത്തിച്ചെങ്കിലും ഫാത്തിമ സഹറയുടെ മരണം സംഭവിച്ചിരുന്നു. ജീവനുണ്ടായിരുന്നു മുഹമ്മദ് ഹയാനെ വെന്‍റിലേറ്ററിലേക്ക് മാറ്റിയെങ്കിലും വ്യാഴാഴ്ച രാവിലെയോടെ മരണം സംഭവിച്ചു. കൊപ്പം പോലീസ് തുടര്‍ നടപടികള്‍ സ്വീകരിച്ചു.

Join Our Whats App group

https://chat.whatsapp.com/HQ0SnBGiTEQ6GoGsYAgBsN‌

ഇടുക്കിയിൽ ഗ്യാസ് സിലിണ്ടർ പൊട്ടിത്തെറിച്ചു; വീട് കത്തിനശിച്ചു

2026-10-12T20:59:55.036+05:30

ഇടുക്കി: ആളില്ലാത്ത സമയത്ത് ഗ്യാസുകുറ്റി പൊട്ടിത്തെറിച്ച് വീട് കത്തി നശിച്ചു. ഇടുക്കി കഞ്ഞിക്കുഴി മഴുവടിയിൽ ഇന്ന് വൈകിട്ടാണ് സംഭവം നടന്നത്. കല്ലുംതൊട്ടിയിൽ മേരി സെബാസ്റ്റ്യന്‍റെ വീടാണ് കത്തി നശിച്ചത്.

അപകട സമയത്ത് വീട്ടുകാർ പുറത്തായതിനാൽ വൻ ദുരന്തം ഒഴിവായി. വീട് പൂർണമായി കത്തി നശിച്ച നിലയിലാണ്. ഷീറ്റ് മേഞ്ഞ വീടായിരുന്നു. വീട്ടുപകരണങ്ങള്‍ പൂർണമായി കത്തിക്കരിഞ്ഞ നിലയിലാണ്. സംഭവത്തിൽ കേസെടുത്ത കഞ്ഞിക്കുഴി പൊലീസ് അന്വേഷണം ആരംഭിച്ചിട്ടുണ്ട്.

Join Our Whats App group

https://chat.whatsapp.com/HQ0SnBGiTEQ6GoGsYAgBsN‌