MORAL REVOLUTION/ധാര്‍മ്മിക വിപ്ലവം

ഒരുദിനം ആയിരം സുന്നത്തുകൾ; അഭിപ്രായങ്ങൾ രേഖപ്പെടുത്താം

2023-10-15T11:39:00.032+04:00

വിശുദ്ധ മദീനയിലെ തെരുവുകളിലൂടലൂടെ നടക്കുക ഒരു ഹരമായിരുന്നു. 2009 - 2019 കാലയളവിനിടയിൽ അബുദാബിയിൽ നിന്നും ദുബൈയിൽ നിന്നുമൊക്കെ ഉംറക്കാരോടൊപ്പം സേവകനായി ഇരു ഹറമുകളിലേക്ക് പോകുമ്പോൾ ഒഴിവു സമയങ്ങളിൽ ആ നടത്തം വല്ലാത്തൊരു അനുഭൂതി നൽകുമായിരുന്നു. യാത്രക്കാരായ സുഹൃത്തുക്കളുടെ കുടുംബക്കാർ വാഹനവുമായി വന്ന് അവരുടെ വീടുകളിലേക്ക് കൊണ്ടുപോകും മദീനയിലെ ഗ്രാമങ്ങൾ കാണാൻ.. ചിതൽപുറ്റ് പോലെ തലയുയർത്തിനിൽക്കുന്ന മൺചുമരുകൾ.. കോട്ടകൾ.. ഈന്തപ്പഴ തോട്ടങ്ങൾ.. തോട്ടങ്ങളിലൂടെ ഒഴുകുന്ന ജലസേചന പദ്ധതികൾ.. ഒട്ടകക്കൂട്ടങ്ങൾ അവയുടെ പാൽ.. അങ്ങിനെ പലതും..

മദീനയുടെ മഹത്വം പറയുന്ന നമ്മുടെ ഉസ്താദുമാരുടെ കൃതികൾ വായിച്ച് മദീനാ പള്ളിയുടെ പരിസരത്തുകൂടെ നടക്കാനെന്തു രസമാണ്. ഇതിഹാസങ്ങൾ പിറന്ന മണ്ണിലൂടെ ഖൽബറിഞ്ഞു നടന്ന രാത്രികളെത്ര.. പകലുകളെത്ര.. അതിനെല്ലാം ആ കൃതികൾ ഏറെ സഹായിച്ചു. ഉഹ്ദ് മലയുടെ താഴ്വാരം എണ്ണമറ്റ ധീരരുറങ്ങുന്ന രണഭൂമിയാണ്. അവിടെയുറങ്ങുന്ന മഹോന്നതരുടെ ചരിത്രങ്ങൾ ആവേശപൂർവം വായിക്കാനും പറയാനും അവ പ്രചോദനമായിട്ടുണ്ട്.

മദീനയുടെ പാരമ്പര്യവും ചരിത്രനാളുകളും പഴയ ചിത്രങ്ങളുമെല്ലാം ഉൾപ്പെടുന്ന നല്ല ഒന്നാംതരം അറബ് ഗ്രന്ഥങ്ങൾ പള്ളിയുടെ പരിസരങ്ങളിൽനിന്ന് പലപ്പോഴായി ഞാൻ വാങ്ങിയിട്ടുണ്ട്. ആ കൂട്ടത്തിൽ മസ്ജിദുൽ ഗമാമയുടെ പരിസരത്തെ കടയിൽ നിന്ന് വാങ്ങിയ ഒരു അറബ് ഗ്രന്ഥമാണ് ഇങ്ങനെ ഒന്ന് മലയാളത്തിൽവേണം എന്ന ചിന്തയിലെത്തിച്ചത്.

താമസിച്ചില്ല 'ഒരുദിനം ആയിരം സുന്നത്തുകൾ' എന്ന തലവാചകം മനസ്സിൽ തറച്ചു.. അങ്ങിനെ ഒരു ഗ്രന്ഥം മലയാളത്തിൽ വേണമെന്ന ആശ വർദ്ധിച്ചു. അബുദാബിയിൽ നിന്നും മദീനയിലേക്ക് വന്ന മറ്റൊരു യാത്രയിൽ വിശുദ്ധ റൗളാ ശരീഫിലിരുന്ന് ആ ഗ്രന്ഥത്തിന് തുടക്കം കുറിച്ചു. ബാക്കി ഒഴിവുപോലെ എഴുതി ചേർത്തു...

പലകാരണങ്ങളാൽ ഇടക്കാലത്ത് നിലച്ചുപോയെങ്കിലും കഴിഞ്ഞ ഏഴുമാസത്തെ പരിശ്രമത്തിനൊടുവിൽ ഇപ്പോൾ റബീഉൽ അവ്വലിൽ അഥവാ 2023 ഒക്ടോബർ 14 ശനി ത്രിശൂർ ജില്ലാ മീലാദ് സംഗമത്തിൽ ഈ ഗ്രന്ഥം പ്രകാശിതമായി.

ഒരുപാട് മദീനയിലെത്താനും ഇങ്ങനെയൊക്കെ ചെയ്യാനും പ്രചോദനം ലഭിച്ചത് ഉപ്പിച്ചി എന്ന മാടവന ഉസ്താദിൽ നിന്ന് തന്നെ. അതിനാൽ അവതാരിക നൽകിയതും അവിടുന്ന് തന്നെ. അതിനു വഴിയൊരുക്കിത്തന്ന ഉസ്മാൻ സഖാഫി തിരുവത്ര ഉസ്താദിനെയും മറക്കാൻ കഴിയില്ല. ശൈഖുനാ കോടമ്പുഴ ബാവ ഉസ്താദ് മുതൽ അറിവ് പഠിപ്പിച്ചു തന്ന എല്ലാ ഗുരുക്കന്മാരെയും സ്മരിച്ചു കൊണ്ട്, ആശംസകൾ നൽകി ഗ്രന്ഥത്തിന് മാറ്റുപകർന്ന സയ്യിദ് ഫസൽ തങ്ങൾ വാടാനപ്പള്ളി, പാണാവള്ളി ഉസ്താദ് എന്നിവർക്കെല്ലാം കടപ്പാട് രേഖപ്പെടുത്തിക്കൊണ്ട് കൈരളിക്ക് സമ്മാനിക്കുകയാണ്. അല്ലാഹു ഉസ്താദുമാർക്ക് ആഫിയത്തുള്ള ദീർഘായുസ്സ് ഏറ്റിത്തരട്ടെ. അല്ലാഹു ഇതൊരു സ്വാലിഹായ സത്കർമമായി സ്വീകരിക്കട്ടെ. ആമീൻ.

കാലങ്ങളേറെയായി ഈ ബ്ലോഗിലൂടെ എന്റെ കൊച്ചു കൊച്ചു ആശയങ്ങൾ ഞാൻ എഴുതിവരുന്നു. യൂട്യൂബിന്റെ വരവോടെ ഇത്‌ മെല്ലെ സ്തംഭിച്ചു എന്ന് മാത്രം. ഏതായാലും എന്റെ ഈ പുസ്തകം നിങ്ങൾ മുഴുവനായും വായിച്ചു കഴിഞ്ഞാൽ അഭിപ്രായങ്ങൾ കമെന്റ് അയി താഴെ രേഖപ്പെടുത്താൻ മറക്കരുതേ..

ഒന്നാം എഡിഷൻ പ്രകാശനം

തൃശൂർ മീലാദ് കോൺഫറൻസ്

14/10/2023

രണ്ടാം എഡിഷൻ പ്രകാശനം

എറണാകുളം ഹബ്ബുറസൂൽ കോൺഫറൻസ്

സുൽത്താനുൽ ഉലമ കാന്തപുരം എ പി അബൂബക്കർ മുസ്‌ലിയാർ

10/09/2024

പുസ്തക പരിചയം:
യൂസുഫ് ലത്തീഫി വാണിയമ്പലം

രണ്ടാം എഡിഷൻ പ്രകാശനം

എറണാകുളം ഹബ്ബുറസൂൽ കോൺഫറൻസ്

സുൽത്താനുൽ ഉലമ കാന്തപുരം എ പി അബൂബക്കർ മുസ്‌ലിയാർ

10/09/2024

ഹദീസിന്‍റെ പൂങ്കാവനത്തില്‍ PART - 2

2017-01-19T01:29:00.001+04:00

സമര്‍ഖന്ദില്‍ നിന്നും തുര്‍മുദ് പട്ടണത്തിലേക്ക് 375 കിലോമീറ്റര്‍ ദൂരമുണ്ട്. വൈകുന്നേരം 4 മണിയോടെ ഞങ്ങള്‍ ഷേര്‍ബോദ് (Sherobod) പട്ടണത്തിലെത്തി. ഈ പട്ടണം തുര്‍മുദിന് 61 കിലോമീറ്റര്‍ മുമ്പാണ് സ്ഥിതി ചെയ്യുന്നത്. ഷേര്‍ബോദില്‍ നിന്നും ഞങ്ങളുടെ വാഹനം കൊച്ചു റോഡിലേക്ക് തിരിഞ്ഞു. ജനത്തിരക്കില്ലാത്ത നല്ല ഗ്രാമം. കര്‍ഷകര്‍, കുതിര സവാരിക്കാര്‍ റോഡരികിലൂണ്ട്. 7 കിലോമീറ്റര്‍ ദൂരം സഞ്ചരിച്ച് യക്തിയൂള്‍ (Yakhtiyul) എന്ന സ്ഥലത്തെത്തി. ഇതാണ് ഹദീസിന്‍റെ സൗരഭ്യം പരിലസിക്കുന്ന നാട്. ലോക ഗുരു മുഹമ്മദ് നബി(സ്വ)യുടെ വിശുദ്ധ ഹദീസുകള്‍ക്ക് സേവനം ചെയ്ത മഹാ മനീഷിയുടെ വിശ്രമ കേന്ദ്രം. അന്ത്യനാള്‍ വരെ ഈ നാടിനെ മുസ്ലിം ലോകം ഓര്‍ത്തു കൊണ്ടിരിക്കും.

ഇമാം തുര്‍മുദിയുടെ നാമം ഉല്ലേഘനം ചെയ്ത വലിയ കമാനം കടന്ന് വാഹനം മുന്നോട്ട് നീങ്ങി. റോഡിനിരുവശവും സൗന്ദര്യമാര്‍ന്ന മരങ്ങള്‍ നട്ടു പിടിപ്പിച്ചിട്ടുണ്ട്. ഇമാമിന്‍റെ വിശുദ്ധ ഖബര്‍ശരീഫ് ഉള്‍പ്പെടുന്ന കോമ്പോണ്ടിലേക്കുള്ള ഈ രാജ പാതയിലൂടെ വാഹനം മെല്ലെ നീങ്ങുമ്പോള്‍ മനം കുളിര്‍ത്തു. ബസ്സിറങ്ങി ഞങ്ങളെല്ലാം കോമ്പോണ്ടിലേക്ക് നടന്നു. വിജനമായി കിടക്കുന്ന ഭൂപ്രദേശം. പരിസരങ്ങളില്‍ ഭവനങ്ങളില്ല. കെട്ടിടങ്ങളില്ല. കടകളില്ല. വിജനതയുടെ നടുവില്‍ മഹാനവര്‍കളുടെ ഖബര്‍ശരീഫ് ഉള്‍കൊള്ളുന്ന കെട്ടിവും പള്ളിയും കുളവും മാത്രം. ഇവയെല്ലാം ഒരു മതില്‍ കെട്ടിനുള്ളില്‍ വളച്ചുകെട്ടിയിരിക്കുന്നു. മഹാനവര്‍കളുടെ ഖബര്‍ശരീഫും അതുള്‍കൊള്ളുന്ന കോമ്പോണ്ടും ഭംഗിയായി നിര്‍മ്മിച്ചിട്ടുണ്ടെങ്കിലും പരിപാലകരുടെയും സന്ദര്‍ശകരുടെയും തിരക്ക് നന്നേ കുറവാണെന്ന് പ്രത്യക്ഷത്തില്‍ മനസ്സിലായി. കുളക്കരയില്‍ നിന്നും വുളു ചെയ്ത് പള്ളിയിലേക്ക് നീങ്ങി. നിസ്ക്കാരം പൂര്‍ത്തിയാക്കി ഞങ്ങള്‍ മഖ്ബറയിലേക്ക് നടന്നു.

മനസ്സ് ചോദിക്കുന്നു നീ ആരുടെ അടുത്തേക്കാണ് പോകുന്നതെന്ന്. തിരുനബി സ്വല്ലള്ളാഹു അലൈഹി വസല്ലമയുടെ സുന്നത്തുകള്‍ക്ക് കാവല്‍ നില്‍ക്കുക വഴി അന്ത്യനാള്‍ വരെ വരുന്ന മുസ്ലിംകളുടെ മനസ്സില്‍ ഇടം നേടിയ മഹാമനീഷിയുടെ ദര്‍ബാറില്‍ കേവലം കുമിളപോലൊരുവന്‍ ഈ ഞാന്‍!! ഇടറുന്ന പാദത്താല്‍ ദര്‍ഘാ കവാടത്തില്‍ നിന്നു. അവിടത്തെ ജീവിതം എത്ര മഹോന്നതം!!! സ്രഷ്ടാവ് നല്‍കിയ 70 വര്‍ഷം അദ്ദേഹം തിരുനബിക്കായി സമര്‍പ്പിച്ചു. മുന്നാം നൂറ്റാണ്ടില്‍ അഥവാ സുവര്‍ണ്ണ കാലഘട്ടത്തില്‍ ജീവിച്ച മഹാന്‍. ഹിജ്റ 209 ല്‍ ജനിച്ച് 279 ലാണ് വഫാത്തായത്. അപാരമായ ഓര്‍മ്മ ശക്തിയാണ് തിര്‍മിദി ഇമാമിന്‍റെ പ്രത്യേകത. ജനനവും മരണവും ഈ നാട്ടില്‍ തന്നെ. വിജ്ഞാനത്തിനായി ദേശങ്ങള്‍ താണ്ടി. വാഹന സൗകര്യങ്ങളുടെ പരിമിതി നിറഞ്ഞ ആ കാലത്ത് ഇറാഖ്, ഖുറാസാന്‍, ഹിജാസ് തുടങ്ങിയ നാടുകള്‍ താണ്ടി ഉസ്താദുമാരെ തേടിയെത്തി. മഹാനവര്‍കളുടെ സമകാലികരായിരുന്നു ഇമാം ബുഖാരി(റ), മുസ്ലിം, അബൂദാവൂദ്, ഇബ്നു മാജ തുടങ്ങിയ ഹദീസ് പണ്ഡിതര്‍. തിര്‍മിദി ഇമാമിന്‍റെ പ്രഗത്ഭ ഗുരുവര്യര്‍ ഇമാം ബൂഖാരി(റ) തന്നെയായിരുന്നു. എന്നാല്‍ ബുഖാരി ഇമാമിന് തിര്‍മിദി ഇമാമം തന്‍റെ പക്കലില്ലാത്ത രണ്ടു ഹദീസുകള്‍ സ്വീകരിച്ചതിനാല്‍ ഗുരുവുമാണ്. തന്‍റെ നാല്‍പ്പത്തി ഒന്നാം വയസ്സില്‍ ഖുറാസാനിലെത്തുകയും രചനാ രംഗത്തേക്ക് തിരിയുകയും ചെയ്തു. തന്‍റെ മാസ്റ്റര്‍ പീസ് കൃതിയാണ് ജാമിഉത്തുര്‍മുദി. മഹാനവര്‍കള്‍ തന്നെ ഈ ഗ്രന്ഥത്തെ പറ്റി പറയുന്നത് ഇങ്ങനെ: 'ആരുടെയെങ്കിലും വീട്ടില്‍ ഈ ഗ്രന്ഥമുണ്ടെങ്കില്‍ അവിടെ സംസാരിക്കുന്ന തിരുനബിയുള്ളത് പോലെയാണ്.' പണ്ഡിതലോകത്തിന്‍റെ അംഗീകാരം ഏറ്റു വാങ്ങിയ ഈ ഗ്രന്ഥത്തിനു പുറമെ വെറെയും ഗ്രന്ഥങ്ങള്‍ മഹാനവര്‍കള്‍ക്കുണ്ട്. അതില്‍ പെട്ടതാണ് ശമാഇലുല്‍ മുഹമ്മദിയ്യ. പുരോഗമനം കൈവരിച്ച ഈ നൂറ്റാണ്ടിലും തിര്‍മിദെന്ന ഈ നാട്ടില്‍ ഇന്നും പഴമ തന്നെയാണ്. ആധുനികതയുടെ പ്രസരിപ്പൊന്നും ഇവിടെ കാണാനായില്ല. എങ്കില്‍ ഇമാമര്‍കള്‍ ജീവിച്ച നൂറ്റാണ്ടില്‍ നേരിട്ട യാത്രാസൗകര്യങ്ങളുടെ അപര്യപ്തത നമുക്ക് ഊഹിക്കാവുന്നതേയുള്ളൂ. അപര്യാപ്തതകളുടെ വേലിക്കെട്ടുകള്‍ ഭേദിച്ച് മഹാനവര്‍കള്‍ തിരുനബിയുടെ വചനങ്ങള്‍ക്ക് സേവനം ചെയ്യാനായി പുറപ്പെട്ടു. അല്ലാഹു വഴികള്‍ എളുപ്പമാക്കിക്കൊടുത്തു.

അതെ, ആ മഹാമനീഷിയുടെ ചാരെയാണല്ലോ? നെടുവീര്‍പ്പോടെ കവാടത്തില്‍ നിന്നും ഖബര്‍ ശരീഫിനടുത്തേക്ക് ചെന്നു. പിതവ് പി.എസ്.കെ മാടവന ഇമാമവര്‍കള്‍ക്ക് സലാം ചെല്ലിത്തന്നു. എല്ലാവരും അതേറ്റു ചൊല്ലി. പ്രഗത്ഭ ചിന്തകനും ഗ്രന്ഥകാരനും എന്‍റെ ഒമ്പത് വര്‍ഷത്തെ ഗുരുവര്യരും പണ്ഡിതനുമായ കോടമ്പുഴ ബാവ മുസ്ലിയാര്‍ ഇമാമവര്‍കളെ അനുസ്മരിച്ചു. ഇമാമവര്‍കളുടെ ജീവിതം ആഴത്തില്‍ പരാമര്‍ശച്ചു കൊണ്ട് ഉസ്താദിന്‍റെ വിവരണം മനസ്സില്‍ തറച്ചു. തലഉയര്‍ത്തി നില്‍ക്കുന്ന വലിയ താഴകക്കുടത്തിനു താഴെ ഒരാള്‍ പൊക്കത്തില്‍ ഇമാമവര്‍കളുടെ മഖ്ബറ തൂവെള്ള മാര്‍ബിളില്‍ പണിതീര്‍ത്തിരിക്കുന്നു. ഉസ്താദ് കല്‍ത്തറ അബ്ദുല്‍ ഖാദിര്‍ മദനിയുടെ പ്രാര്‍ത്ഥനയില്‍ എല്ലാരും സായൂജ്യരായി. ഇമാമവര്‍കള്‍ക്ക് സലാം പറഞ്ഞ് ഞങ്ങള്‍ പുറത്തേക്ക് ഇറങ്ങി. വിതുമ്പുന്ന മനസ്സോടെ..ഇത്ര ദൂരെ, ഈ മഹോന്നത സൂനത്തിനു മുന്നില്‍ നിന്ന് സലാം പറയാന്‍ ഭാഗ്യം നല്‍കിയ നാഥന് സ്ഥുതിപറഞ്ഞ്...

ഒരു ബറ്റാലിയന്‍ പട്ടാളക്കാര്‍ വന്നിറങ്ങി നേരെ മഖ്ബറക്കുള്ളിലേക്ക് പ്രവേശിച്ചു. ഞങ്ങള്‍ എല്ലാരും മാറി നിന്നു. അല്‍പ്പം ഭയത്തോടെ എല്ലാവരും മുഖത്തോട് മുഖം നോക്കി. അവര്‍ സിയാറത്ത് ചെയ്തു. ഒരു മുത്വവ്വ അവര്‍ക്ക് ദുആ ചെയ്തു കൊടുത്തു. ശേഷം അവര്‍ വാഹനത്തില്‍ കയറി മടങ്ങി.

ഇമാമവര്‍കളുടെ മഖ്ബറ നില്‍ക്കുന്ന കെട്ടിടത്തിന് പരിസരത്ത് വലിയ ഖബര്‍സ്ഥാന്‍ കാണപ്പെട്ടു. ധാരാളം നല്ലഇനം മരങ്ങളും വിവിധഇനം പഴങ്ങളും വിളഞ്ഞു നില്‍ക്കുന്നുണ്ടായിരുന്നു.

നമ്മില്‍ പലരും പല മഹാډാരുടെ മഖ്ബറകളിലും പോയിട്ടുണ്ടാവുമെങ്കിലും ഇങ്ങനെ, ഈ നട്ടില്‍, പലരും വന്നെത്തല്‍ തുലോം വിരളമായിരിക്കും. അതും തുര്‍മുദ് പട്ടണത്തില്‍. കാരണം ഇതൊരു പ്രധാന സഞ്ചാര പാതയല്ല. അതിനാല്‍ ഇങ്ങോട്ട് അധിക പേരും ശ്രദ്ധവെക്കാറില്ല. ഉസ്ബക്കിസ്താനലെത്താന്‍ എളുപ്പമാണ്. പക്ഷേ പലരും തുനിയാറില്ല. ഇനി എത്തിയാല്‍ തന്നെ തുര്‍മുദ് പട്ടണവും മഖ്ബറ സിയാറയൂം സാഹസികമായതിനാല്‍ പലരും ഒവിവാക്കലാണ് പതിവ്. നാം ഇവിടെ വരണം. തിരുനബിയുടെ ഹദീസുകള്‍ക്ക് സേവനം ചെയ്യാന്‍ മഹാനവര്‍കള്‍ നടത്തിയ സാഹസത്തിന്‍റെ പാതയിലെത്താന്‍ നമുക്കൊന്നും സാധിക്കില്ലെങ്കിലും സാഹസികം ചെയ്ത് തിര്‍മിദി ഇമാമിന്‍റെ തിരു മുന്നിലെത്തി ഒരു അസ്സലാമു അലൈക്കും പറഞ്ഞാല്‍ അതിലെ നേട്ടം നമുക്ക് വലുത് തന്നെയാണ്. അല്ലാഹു സ്വീകരിക്കട്ടെ ആമീന്‍

ബസ്സില്‍ കയറിയ ഞങ്ങള്‍ അവിടെ നിന്നും മടങ്ങി. ഇമാമവര്‍കളുടെ വിശ്രമസ്ഥാനം ഒരു നോക്കുകൂടി പുറം തിരിഞ്ഞു നോക്കി.. അങ്ങ് വിദൂരതയില്‍ ആ വിശുദ്ധ സഥലം മറഞ്ഞു. ഞങ്ങളുടെ വാഹനം ടെര്‍മിസ് പട്ടണം ലക്ഷ്യമാക്കി കുതിച്ചു. ഇനി 60 കിലോമീറ്റര്‍. രാത്രി ഭക്ഷണവും കഴിച്ച് ഞങ്ങള്‍ ഹോട്ടലിലെത്തി.

ഹദീസിന്റെ നറുമണം പരത്തി തുര്‍മുദ് ഗ്രാമം PART-1

2017-01-18T21:08:00.001+04:00

ഇത് തുര്‍മുദ് നഗരം. ഡെല്‍ഹിയില്‍ നിന്നും വിമാന മാര്‍ഘം സഞ്ചരിച്ചാല്‍ കേവലം നാലു മണിക്കൂര്‍ കൊണ്ട് ഇവിടെയെത്താം. ഉസ്ബക്കിസ്താന്‍ രാഷ്ട്രത്തിലെ സര്‍ഖന്‍ദ്രിയോ (Surxondaryo) സ്റ്റേറ്റിലെ ഒരു ജില്ലയാണ് ടെര്‍മിസ് (Termez) അഥവാ തുര്‍മുദ്. അഫ്ഗാനിസ്ഥാന്‍, തുര്‍ക്കുമാനിസ്താന്‍, കിര്‍ഗിസ്ഥാന്‍, കസാകിസ്ഥാന്‍ എന്നീ രാഷ്ട്രങ്ങളുടെ മധ്യത്തില്‍ നിലകൊള്ളുന്ന ഉസ്ബക്കിസ്താന്‍റെ തെക്ക് ഭാഗത്തായി അഫ്ഗാനിസ്ഥാനോട് തോളുരുമ്മിക്കിടക്കുന്ന കൊച്ചു പ്രദേശം. ജډംകൊണ്ടും മരണം കൊണ്ടും ഒരു നാടിന്‍റെ കീര്‍ത്തി വാനോളമുയര്‍ത്തിയ വിശ്വ പണ്ഡിതന്‍ ജീവിച്ച ദേശം. തിരുനബി(സ്വ)യുടെ ഹദീസുകള്‍ക്ക് സേവനം ചെയ്ത് മുസ്ലിം ലോകത്തിന് വിലമതിക്കാനാകാത്ത സംഭവാവകളര്‍പ്പ മഹാ മനീഷിയുടെ നാട്.

അബൂ ഈസ മുഹമ്മദ് ബ്നു ഈസ തുര്‍മുദി(റ) അഥവാ ഇമാം തുര്‍മുദി അന്ത്യവിശ്രമം കൊള്ളുന്ന തുര്‍മുദിലേക്ക് നാല്‍പ്പത് പേരടങ്ങുന്ന ഞങ്ങളുടെ ബസ് അധിവേഗം സഞ്ചരിച്ചു. ഉസ്ബകിസ്താനിലെ പ്രസിദ്ധ പട്ടണമായ സമര്‍ഖന്ദില്‍ നിന്നാണ് ഞങ്ങള്‍ പുറപ്പെടുന്നത്. പകലിന്‍റെ സിംഹ ഭാഗവും ബസ്സില്‍ തന്നെ. കോടമ്പുഴ ബാവ മുസ്ലിയാര്‍, കല്‍ത്തറ ഉസ്താദ്, പി.എസ്.കെ മാടവന തുടങ്ങിയ പ്രഗത്ഭരുടെ സാന്നിധ്യവും നേതൃത്വവും യാത്രയില്‍ തെല്ലും മുഷിപ്പേകിയില്ല. പഠനാര്‍ഹമായ ചര്‍ച്ചകളും മദ്ഹുഗീതങ്ങളും യാത്രയെ ത്രസിപ്പിച്ചു. വഴിയോരക്കാഴ്ചകളില്‍ കണ്ണും നട്ടിരിന്നവര്‍ക്ക് അതിലേറെ കണ്‍കുളിര്‍മ്മയാണ് ലഭിച്ചുകൊണ്ടിരിന്നുന്നത്.

റോഡിന് ഇരുവശങ്ങളിലും പരന്നു കിടക്കുന്ന പരുത്തി കൃഷിത്തോട്ടങ്ങള്‍ ഉസ്ബകിസ്താന്‍ യാത്രയിലെ വേറിട്ട കാഴ്ചയായിരുന്നു. പരുത്തിയെ വൈറ്റ് ഗോള്‍ഡ് എന്ന മറുനാമത്തില്‍ ഈ നാട്ടുകാര്‍ വിശേഷിപ്പിക്കുന്നു. ലോകാടിസ്ഥാനത്തില്‍, പരുത്തി ഉല്‍പാദനത്തില്‍ ആറാം സ്ഥാനവും കയറ്റുമതിയില്‍ രണ്ടാം സ്ഥാനവുമാണ് ഉസ്ബകിസ്ഥാന്‍. ഏപ്രില്‍ മെയ് മാസങ്ങളില്‍ കൃഷി ചെയ്താല്‍ സെപ്തമ്പര്‍ മാസത്തില്‍ വിളവെടുപ്പ് നടത്തുകയാണ് പതിവ്. റോഡ് സൈഡില്‍ അല്പനേരം നിറുത്തിയ ബസ്സില്‍ നിന്നും യാത്രികര്‍ പുറത്തിറങ്ങി. തോട്ടത്തിലിറങ്ങി കാഴ്ചകള്‍ ആസ്വദിച്ചു. തോട് പൊട്ടി പാതി പുറത്തു വന്ന പരുത്തിയെ എല്ലാവരും തൊട്ടറിഞ്ഞു.

യാത്രതുടന്ന് മണിക്കൂറുകള്‍ക്ക് ശേഷം ചില സാങ്കേതിക ആവശ്യത്തിനായി വാഹനം വീണ്ടും നിറുത്തിയിട്ടു. എല്ലാവരും പുറത്തിറങ്ങി. ചുറ്റും വലിയ മലകള്‍. വിദൂരതയില്‍ വശ്യസുന്ദരമായ ഗ്രാമക്കാഴ്ച്ചകള്‍. മലമുകളിലെ കൊച്ചു കൊച്ചു കുടിലുകളും വൈക്കോല്‍ കൂനകളും ഓടിച്ചാടിക്കളിക്കൂന്ന കുട്ടികളും ഗ്രാമസൗന്ദര്യത്തിന് പകിട്ടേകി. അവശ്യസാധനങ്ങള്‍ കഴുതപ്പുറത്ത് കയറ്റി നീങ്ങുന്ന ഗ്രാമീണര്‍. വലിയ ആട്ടിന്‍ പറ്റത്തെ തെളിച്ചു നീങ്ങുന്ന ആട്ടിടയډാര്‍. എല്ലാം കണ്ട് നില്‍ക്കവേ അപ്രതീക്ഷിതമായി ചൂളം വിളിച്ചെത്തിയ തീവണ്ടി എല്ലാവരുടെയും ശ്രദ്ധ ക്ഷണിച്ചു. വലിയ കുന്നുകള്‍ക്കിടയിലൂടെ ഒളിഞ്ഞും തെളിഞ്ഞും കറുത്ത പുകതുപ്പി ഇന്ധനച്ചരക്കുകള്‍ വഹിച്ച് കുതിച്ചെത്തിയ ആ ട്രയിന്‍ ഞൊടിയിടയില്‍ വീദൂരതയിലേക്ക് മറഞ്ഞു.

കേരളത്തിന്‍റെ ജനസംഖ്യാ നിരക്കിനോളമില്ല ഉസ്ബക്കിസ്ഥാന്‍ രാഷ്ട്രത്തിലെ മൊത്തം ജനസംഖ്യ. ടുറിസ്റ്റുകളെ മാറ്റിനിറുത്തിയാല്‍, അക്ഷരാര്‍ത്ഥത്തില്‍ വഴിയോരങ്ങളും അങ്ങാടികളും പട്ടണങ്ങളും അത്ര ജനനിബിഡമല്ല. അറ്റമറ്റുകിടക്കുന്ന റോഡിലൂടെ വാഹനം അതിവേഗം സഞ്ചരിച്ചു. തുര്‍മുദിലേക്ക് അടുക്കും തോറും മൊട്ടക്കുന്നുകളായി മടക്കുകള്‍ കണക്കേ കൂറ്റന്‍ പര്‍വ്വതങ്ങള്‍ പ്രത്യക്ഷപ്പെട്ടുതുടങ്ങി. ഗ്രാമീണതയുടെ ചന്തം വിരിഞ്ഞു നില്‍ക്കുന്ന ചെറിയ അങ്ങാടിയിലൂടെ വാഹനം കടന്നുപോയി. മണ്‍കട്ടകള്‍കൊണ്ട് പടുത്തുയര്‍ത്തിയ വീടുകള്‍, കളിമണ്ണുകൊണ്ടും പുല്ലുകൊണ്ടും മേഞ്ഞിരിക്കുന്ന മേല്‍പുരകള്‍. ഒറ്റപ്പെട്ട സ്ഥലങ്ങളില്‍ മാത്രം ആസ്പറ്റോസ് കൊണ്ട് മേല്‍പുര നിര്‍മ്മിച്ച ഭവനങ്ങള്‍. കന്നുകാലികളും കൃഷിത്തോട്ടങ്ങളും ധാരാളം. കഴുതസവാരിയിലാണ് അധിക ഗ്രാമീണരും. പെട്ടിക്കടകള്‍ സജീവം. തണ്ണിമത്തനും ഷമാമും റോഡരികില്‍ കൂട്ടിയിട്ട് വില്‍പ്പന നടത്തുന്നു. ഉസ്ബക്കിസ്ഥാന്‍ ഷമാമിന് തേനൂറും മധുരമാണെന്ന് ഞ്ഞങ്ങള്‍ രുചിച്ചറിഞ്ഞു.

വൈകുന്നേരം നാലുമണിയോടെ ഞങ്ങള്‍ തുര്‍മുദ് പട്ടണത്തിനോടടുത്തെത്തി.ഉസ്ബക്കിസ്ഥാനിലെ ഏറ്റം ചൂട് കൂടിയ പ്രദേശമാണിവിടം. ഗ്രീക്ക് പദമായ തെര്‍മോസ് (thermos) അഥവാ ചൂട് എന്നര്‍ത്ഥം വരുന്ന പദത്തില്‍ നിന്നാണ് തിര്‍മിദ് എന്ന പദം ലോപിച്ചതെന്ന് പറയപ്പെടുന്നു. അഫ്ഗാന്‍ അതിര്‍ത്ഥി പങ്കിടുന്ന തിര്‍മിദ് പട്ടണം അമൂദാരിയ നദീ തീരത്താണ് സ്ഥിതി ചെയ്യുന്നത്. 2400 കി.മി നീണ്ടു കിടക്കുന്ന നദിയെപൗരാണിക ഗ്രീക്കുകാര്‍ (Oxus) ഓക്സസ് എന്നാണ് വിളിച്ചിരുന്നത്. അറബികള്‍ ജൈഹൂന്‍ (جيحون) എന്നും പറഞ്ഞുവരുന്നു. അഫ്ഗാനിസ്ഥാന്‍, താജികിസ്ഥാന്‍, തുര്‍ക്കുമാനിസ്ഥാന്‍, ഉസ്ബക്കിസ്ഥാന്‍ എന്നീ രാഷ്ട്രങ്ങളിലൂടെ നദീ കടന്നു പോകുന്നു. ഇവിടെ തിര്‍മിദ് പട്ടണത്തെയും അഫ്ഗാനിസ്ഥാനെയും വേര്‍തിരിച്ചുകൊണ്ടാണ് അമൂദാരിയ നദിയുടെ സഞ്ചാരം.

ഉസ്ബക്കിസ്ഥാന്‍, കസാകിസ്ഥാന്‍ അടങ്ങുന്ന പ്രദേശങ്ങളെ പത്താം നൂറ്റാണ്ടിന്‍റെ ആദ്യ കാലം വരെയും യൂറോപ്പ്യന്‍മാര്‍ ട്രാന്‍സോക്സിയാന (Transoxiana) എന്നായിരുന്നു വിളിച്ചിരുന്നത്. ഹിജ്റക്ക് ശേഷം അറബികള്‍ ഈ നാടുകള്‍ കീഴടക്കിയപ്പോള്‍ ബിലാദു മാവറാഅന്നഹ്റ് (بلاد ما وراء النهر) എന്ന് വിളിക്കാന്‍ തുടങ്ങി. നദിക്കപ്പുറത്തെ പ്രദേശങ്ങള്‍ എന്നാണിതിന് അര്‍ത്ഥം. ഈ നദികൊണ്ടുള്ള ഉദ്ദേശ്യം അമൂദാരിയ നദിയായിരുന്നു.

പൗരാണികകാലം മുതല്‍ ഇന്നോളമുള്ള ചരിത്രം പരതിയാല്‍ എണ്ണിയാലൊടുങ്ങാത്ത ചെറുതും വലുതുമായ ഭരാധികാരികള്‍ക്കും സാമ്രാജ്യങ്ങള്‍ക്കുമാണ് തുര്‍മുദ് പട്ടണം വിരിമാറ് കാട്ടിയിട്ടുള്ളത്. ചെങ്കിസ്ഘാന്‍, അലക്സാണ്ടര്‍ ചക്രവര്‍ത്തി, ബനൂ അബ്ബാദ്, സാമാനി ഭരകൂടങ്ങള്‍, അവയില്‍ ചിലത് മാത്രം. പതിനെട്ടാം നൂറ്റാണ്ടില്‍ റഷ്യന്‍ ഭരണവും പത്തൊമ്പതാം നൂറ്റാണ്ടില്‍ സോവിയറ്റ് യൂണിയന്‍റെ അധികാരവും വിട്ടൊഴിഞ്ഞപ്പോള്‍ തൊള്ളായിരത്തി തൊണ്ണൂറ്റി ഒന്നില്‍ രാജ്യത്തിന്‍റെ ഭാഗമെന്നോണം ഈ പട്ടണവും സ്വാതന്ത്ര്യത്തിന്‍റെ വായു ശ്വസിച്ചു.

സോവിയറ്റ് ഭരണകാലത്ത് ഗതാഗതരംഗത്ത് വലിയ പുരോഗതി സിറ്റിയിലുണ്ടായി. റൈല്‍, റോഡ്, പാലം ധാരാളം പണിതീര്‍ക്കപ്പെട്ടു. അതില്‍ അറിയപ്പെട്ട ഒന്നാണ് 'ഉസ്ബക് അഫ്ഗാന്‍ സൗഹൃദ പാലം' തുര്‍മുദ് പട്ടണത്തിന്‍റെയും അഫ്ഗാന്‍ അതിര്‍ത്ഥിയുടെയും ഇടയിലൂടെ ഒഴുകുന്ന അമൂദാരിയ നദിക്ക് കുറുകെയാണ് ഈ സൗഹൃദ പാലം പണിയപ്പെട്ടത്. അഫ്ഗാനിസ്ഥാനിലെ ബല്‍ക്ക് പ്രവിശ്യയിലെ ഹൈറത്താന്‍ (Hairatan) പട്ടണത്തിലേക്കാണ് പാലം ചെന്നെത്തുന്നത്. താലിബാന്‍ ഭീഷണിയെ തുടന്‍ന്ന് ഇടക്കാലത്ത് അടച്ചിടുകയും പിന്നീട് തുറന്നു കൊടുക്കുകയും ചെയ്തു. അലി(റ)ന്‍റെ മഖ്ബറ ഉണ്ടെന്ന് പറയപ്പെടുന്ന അഫ്ഗാനിസ്ഥാനിലെ മസാറെ ശരീഫില്‍ നിന്നും തുര്‍മുദ് വഴി ഉസ്ബക്കിസ്ഥാനിലേക്ക് 2011 ല്‍ റെയില്‍ ഗതാഗതം ആരംഭിച്ചു. ചരക്ക് കടത്താന്‍ വേണ്ടി അഫ്ഗാനിസ്ഥാനാണ് റെയില്‍ നിര്‍മ്മിച്ചത്.

ലോക സഞ്ചാരി ഇബ്നു ബതൂത്ത, തന്‍റെ മൂന്നാം ഘട്ട സഞ്ചാരത്തിനിടെ തുര്‍മുദ് പട്ടണം സന്ദര്‍ശിക്കുകയുണ്ടായി. മധ്യ കാലത്തെ തുര്‍മുദ് പട്ടണത്തെ അദ്ദേഹം വിവരിക്കുന്നത് ലളിതവും രസകരവുമായാണ്. "സമര്‍ഖന്തില്‍ നിന്നും ഞങ്ങള്‍ തുര്‍മുദ് പട്ടണത്തിലെത്തി. ജാമിഉല്‍ കബീര്‍ എന്ന ഹദീസ് ഗ്രന്ഥത്തിന്‍റെ രചയിതാവായ അബൂ ഈസ തുര്‍മുദിയുടെ പേരിലാണ് ഈ പട്ടണം അറിയപ്പെടുന്നത്. ഈ പട്ടണവും അങ്ങാടികളും രൂപ ഭംഗിയില്‍ മികച്ച് നില്‍ക്കുന്നു. പുഴകളും സൗരഭ്യം നിറഞ്ഞ പൂന്തോട്ടങ്ങളും ധാരാളമാണ്. സബര്‍ജില്‍, മുന്തിരിത്തോട്ടങ്ങള്‍ വളരെയധികം കാണപ്പെട്ടു. ധാരാളം മാംസങ്ങള്‍, പാല്‍ സംഭരണ കേന്ദ്രങ്ങള്‍ എല്ലാം സുലഭം. കുളിപ്പുരകളില്‍ വലിയ ജാറുകളില്‍ പാല്‍ സംഭരിച്ചിരിക്കുന്നു. കൊച്ചു പാത്രംകൊണ്ട് ജാറില്‍ നിന്നും മുക്കി തലയില്‍ പാലൊഴിച്ച് കഴുകുന്ന കാഴ്ച്ച കാണാമായിരുന്നു." (തുടരും)

രണ്ടാം ഭാഗം (ഹദീസിന്‍റെ പൂങ്കാവനത്തില്‍)വായിക്കുവാന്‍ ഇവിടെ ക്ലിക്ക് ചെയ്യുക.

ഹറമൈന്‍ റയില്‍; ചൂളംവിളിക്ക് കാതോര്‍ത്ത് തീര്‍ഥാടകര്‍

2017-01-06T19:43:00.000+04:00

വിശുദ്ധ മക്കയിലെ സൗറ് പര്‍വ്വതത്തില്‍ നിന്നും മദീനാ പട്ടണത്തിലെ ഖുബാ ഗ്രാമത്തിലേക്ക് എട്ടു ദിനം കൊണ്ടാണ് തിരു നബി സ്വല്ലള്ളാഹു അലൈഹി വസല്ലമയും പ്രിയ കൂട്ടുകാരന്‍ സ്വദ്ദീഖ്(റ)വും പലായനം ചെയ്തതെന്നാണ് ചരിത്രം. നാലു മണിക്കൂര്‍ സമയദൈര്‍ഘ്യമെന്നതാണ് ഇന്നത്തെ അനുഭവം. എന്നാല്‍ ഏതാനും മാസങ്ങള്‍ക്കുള്ളില്‍ ഈ ദൂരം കേവലം ഒന്നര മണിക്കൂര്‍ കൊണ്ട് സഞ്ചാരയോഗ്യമാകുകയാണ്.. വിശാലമായ സൗദിഅറേബ്യന്‍ പട്ടണങ്ങളെ കോര്‍ത്തിണക്കിക്കൊണ്ടുള്ള റയില്‍വേ ശൃഘലക്ക് ചുക്കാന്‍ പിടിക്കുന്ന 'സൗദി റയില്‍വേയ്സ് ഓര്‍ഗനേസേഷന്‍റെ'(SRO) വിവിധ പ്രൊജക്ടുകളില്‍ ഒന്നാണ് ഹറമൈന്‍ ഹൈസ്പീഡ് റെയില്‍(HHR)

ഹിജാസ് റയില്‍ എന്നപേരില്‍ 1908 മുതല്‍ 1920 വരെയുള്ളതാണ് സൗദി റയില്‍വേയുടെ പൗരാണിക ചരിത്രം. ഡമസ്ക്കസില്‍ നിന്നും ഹിജാസ് വഴി മദീനയിലേക്കായിരുന്നു ഹിജാസ് റയില്‍ നിലകൊണ്ടിരുന്നത്. രണ്ടാം ലോക മഹായുദ്ധത്തിനു ശേഷം 1947 ല്‍ ചരക്ക് ഗതാഗത ആവശ്യാര്‍ത്ഥം അമേരിക്കന്‍ ഒയില്‍ കമ്പനിയായ അരാംകോ(Aramco) ആരംഭിച്ച റെയില്‍ സംവിധാനമാണ് ആധുനിക റെയില്‍വേയുടെ അടിസ്ഥാനം. പിന്നീട് ധനകാര്യ വകുപ്പ് ഇത് ഏറ്റെടുക്കുകയായിരുന്നു. റയില്‍ സംവിധാനം കാര്യക്ഷമമായി കൈകാര്യം ചെയ്യുന്നതിനായി 1966 ല്‍ കിങ്ഡം സൗദി റയില്‍വേയ്സ് ഓര്‍ഗനേസേഷന്(SRO) രൂപം നല്‍കി.

എസ്.ആര്‍.ഒ യുടെ റയില്‍പദ്ധതി വിപ്ലവാത്മകമാണ്. 2010 മുതല്‍ 2040 വരെയുള്ള കാലയളവിനെ മൂന്നായി തരംതിരിച്ചുകൊണ്ടാണ് റയില്‍ നെറ്റ്വര്‍ക്ക് വ്യാപിപ്പിക്കാന്‍ ഉദ്ദേശിച്ചിട്ടുള്ളത്. റിയാദ്, ദമ്മാം, ജുബൈല്‍ ജിദ്ദ, ഹുഫൂഫ് തുടങ്ങിയെ നഗരങ്ങളെ ബന്ധിപ്പിച്ചുകൊണ്ട് ചരക്ക് ഗതാഗതാവശ്യാര്‍ത്ഥം കണ്ടയ്നറുകള്‍ നീക്കം ചെയ്യുന്നതിനായുള്ള സൗദി റയില്‍വേ ലാന്‍ഡ്ബ്രിഡ്ജ് എന്നതാണ് ഇതില്‍ പ്രധാനം. അത്യാധുനിക സൗകര്യങ്ങളോടെയുള്ള പാസഞ്ചര്‍ ട്രയിന്‍ സര്‍വ്വീസ്, തെക്ക് വടക്കന്‍ പ്രദേശങ്ങളിലൂടെ കടന്നുപോകുന്ന മിനറല്‍ ലൈന്‍, ജി.സി.സി രാജ്യങ്ങളിലേക്കുള്ള ലിങ്ക് പാതകള്‍, വിശുദ്ധ ഗേഹങ്ങളായ മക്കയെയും മദീനയെയും ബന്ധിപ്പിക്കുന്ന ഹറമൈന്‍ റയില്‍, വിവിധ പട്ടണങ്ങളിലെ മെട്രോ ട്രയിന്‍ തുടങ്ങിയവ പ്രസ്തുത പദ്ധതിക്ക് കീഴില്‍ കടന്നു വരുന്നു.

വിശുദ്ധ ഗേഹങ്ങളെ ലക്ഷ്യമിട്ടു വരുന്ന സന്ദര്‍ശകരുടെയും സ്വദേശികളുടെയും ഗതാഗതക്കുരുക്ക് പൊതുവെ ഗവര്‍മെന്‍റിന് തലവേദന സൃഷ്ടിക്കുന്നുവെന്നതില്‍ തര്‍ക്കമില്ല. നിലവില്‍ വിശുദ്ധ മക്കയെ സംബന്ധിച്ച് പൊതു ഗതാഗത സൗകര്യം സ്ഥലപരിമിതികളാല്‍ അത്രമേല്‍ ജനപ്രിയമല്ലാത്തതിനാല്‍ സ്വന്തം വാഹനങ്ങള്‍, ടാക്സി എന്നിവയാണ് സ്വദേശികളും വിദേശികളും ആശ്രയിച്ചു വരുന്നത്. ഇതിനു ബദലായി പൊതു ഗതാഗതത്തിലൂടെ മില്യന്‍ കണക്കിനു ജനങ്ങള്‍ക്ക് സുതാര്യമായ യാത്രാ സൗകര്യം ഒരുക്കുകയെന്നതാണ് ഹറമൈന്‍ റയിലു കൊണ്ട് ഗവര്‍മെന്‍റെ ഉദ്ദേശിക്കുന്നത്.

ശക്തമായ ചൂടും, തണുപ്പും, പൊടിക്കാറ്റും നിറഞ്ഞ അറേബ്യന്‍ മണല്‍ കാട്ടില്‍ വെല്ലുവിളികളോട് പൊരുതാന്‍ മാത്രമുള്ള പ്ലാനാണ് നിര്‍മാണ കമ്പനികള്‍ തയ്യാറാക്കിയിട്ടുള്ളത്. ഈ രംഗത്ത് സൗദിയുടെ പുത്തന്‍ കാല്‍വെപ്പ് അറബ് രാജ്യങ്ങള്‍ക്ക് അഭിമാനമാണ്. ഈ പ്രൊജക്ട് ലഭിച്ചത് രണ്ടായിരത്തി പത്ത് ഫെബ്രുവരിയില്‍ ലണ്ടന്‍ ആസ്ഥാനമായി പ്രവര്‍ത്തിക്കുന്ന സ്കോട്ട് വില്‍സണ്‍ (Scott Wilson Company) എന്ന കമ്പനിക്കാണ്. 89.8 മില്യന്‍ സൗദി റിയാലാണ് കരാര്‍ തുക. 55 മാസമാണ് കാവാവുധി നല്‍കിയിട്ടുള്ളത്. എന്നാല്‍ നിര്‍മ്മാണക്കരാര്‍ പന്ത്രണ്ടോളം സ്പാനിഷ് കമ്പനികളും, ദാര്‍ അല്‍ ഹന്ദസ കമ്പനിയും ചേര്‍ന്നു കൊണ്ടാണ് ഏറ്റെടുത്തിട്ടുള്ളത്.

മക്ക, മദീന പട്ടണങ്ങളെ ജിദ്ദ വഴി ലിങ്ക് ചെയ്തുകൊണ്ടാണ് റയില്‍ പാത കടന്നുപോകുന്നത്. ഇതിനിടയില്‍ മൊത്തം അഞ്ചു സ്റ്റേഷനുകളാണ് ഉണ്ടായിരിക്കുക. ജിദ്ദ സെന്‍റ്രല്‍, ജിദ്ദ എയര്‍പോര്‍ട്ട്, മക്ക, റാബഗ്, മദീന എന്നിവയാണവ. 450 കിലോമീറ്ററാണ് മൊത്തം ദൂരം. ഇലക്ട്രിക് നിര്‍മ്മിത ഇരട്ടപ്പാതകളിലൂടെ മണിക്കൂറില്‍ 300 കിലോമീറ്റര്‍ വേഗതയില്‍ ഓരോ ഒന്നര മണിക്കൂര്‍ ഇടവവിട്ട് 35 'ടാല്‍ഗോ'(Talgo 350 SRO) ട്രയിനുകള്‍ ചീറിപ്പായുമ്പോള്‍ ഹറമൈന്‍ റയില്‍ അറബ് നാട്ടില്‍ വേഗതയുടെ പുതുചരിതം രചിക്കും. മക്കയില്‍ നിന്നവര്‍ കേവലം 21 മിനിറ്റ് കൊണ്ട് ജിദ്ദ പട്ടണം കാണുമ്പോള്‍ ജിദ്ദയില്‍ നിന്നും റാബഗിലേക്ക് 36 മിനിറ്റ് മാത്രം. അവിടെ നിന്നും മദീനയിലെത്താന്‍ വെറും 61 മിനിറ്റ്.

ഹറമൈന്‍ റയില്‍ നിര്‍മ്മാണം പ്രധാനമായും രണ്ടു രൂപത്തിലാണ് തരം തിരിച്ചിട്ടുള്ളത്. അതില്‍ ഒന്നാം ഘട്ടം രണ്ടു പക്കേജാണ്. ഒന്നാമത്തേത് സിവില്‍ വര്‍ക്കാണ്. അല്‍ റാജിഹി, ബിന്‍ ലാദിന്‍, സൗദി ഓജര്‍ തുടങ്ങിയ കമ്പനികള്‍ക്കാണ് അതിന്‍റെ ചുമതല. രണ്ടാം പാക്കേജ് സ്റ്റേഷന്‍ നിര്‍മ്മാണവുമായി ബന്ധപ്പെട്ടതാണ്. സൗദി ഓജര്‍, ബിന്‍ ലാദന്‍ കമ്പനികള്‍ക്കു തന്നെയാണ് അതിന്‍റെയും ചുമതല. രണ്ടാം ഘട്ടം റയില്‍വേ സിസ്റ്റവുമായി ബന്ധപ്പെട്ടതാണ്. ഡിസൈന്‍, സിസ്റ്റം ഓപ്പറേഷന്‍, സിഗ്നല്‍, ടെലികമ്മ്യൂണിക്കേഷന്‍ തുടങ്ങിയവ ഇതില്‍ പെടുന്നു. സ്പാനിഷ് കമ്പനികള്‍ക്കാണ് ഇതിന്‍റെ ചുമതല. മക്കയില്‍ ക്രയിന്‍ ദുരന്തവുമായി ബന്ധപ്പെട്ട് ബിന്‍ലാദന്‍ കമ്പനിക്ക് നേരെ രൂക്ഷവിമര്‍ശനം ഉയരുകയും താല്‍ക്കാലികമായി ലൈസന്‍സ് റദ്ദാക്കുകയും ചെയ്തതോടെ ഹറമൈന്‍ റയില്‍ പ്രവര്‍ത്തികള്‍ ഏകദേശം 8 മാസത്തോളം മന്ദഗതിയിലായിരുന്നുവെന്നാണ് പുതിയ വാര്‍ത്തകള്‍.

മണല്‍കൂനകളും കരിമ്പാറക്കൂട്ടങ്ങളും നിറഞ്ഞ പ്രദേശങ്ങളിലൂടെ പുതിയ റയില്‍ പാത വെട്ടിത്തെളിക്കുകയെന്നത് അതി സാഹസികവും വെല്ലുവിളികള്‍ നിറഞ്ഞതുമാണെന്നതില്‍ ശങ്കക്കിടയില്ല. മക്കയില്‍ നിന്നും ഇരുനൂറ്റി എഴുപതോളം കീലോമീറ്ററുകള്‍ക്കുള്ളില്‍ 103 പാലങ്ങളും 571 ഡ്രയിനേജ് സംവിധാനങ്ങളും, ഓവുപാലങ്ങളുമാണ് നിര്‍മ്മാണം കഴിഞ്ഞിരിക്കുന്നത്. 270 കിലോമീറ്റര്‍ മുതല്‍ 450 കിലോമീറ്റര്‍ വരെ, മദീനയിലേക്കുള്ള പാതയില്‍ 33 പാലങ്ങളും 268 ഓവുപാലങ്ങളുമാണ് യാത്രക്കായി സജ്ജമായിരിക്കുന്നത്. ഇതിനും പുറമെ കേമല്‍ ക്രോസ്സിങ്ങ്, റോഡ് ബ്രിഡ്ജ്, വാദി ബ്രിഡ്ജ് തുടങ്ങിയവ വേറെയും.

പള്ളികള്‍, സിവില്‍ ഡിഫന്‍സ്, ഫയര്‍ സ്റ്റേഷന്‍, ഹെലിപ്പാട്, വി.ഐ.പി. ലോഞ്ച്, റെസ്റ്റോറന്‍റുകള്‍, ചുരുങ്ങിയതും ദൈര്‍ഘ്യമേറിയതുമായ കാര്‍പാര്‍ക്കിംങ് സൗകര്യം, പൊതു ഗതാഗത സൗകര്യത്തിനുള്ള സുതാര്യത, തുടങ്ങിയ അത്യാധുനിക സംവിധാനങ്ങളോടെയാണ് സ്റ്റേഷനുകല്‍ ഉയര്‍ന്നു വരുന്നത്. യു.കെ ആസ്ഥാനമായി പ്രവര്‍ത്തിക്കുന്ന ബ്യൂറോ ഹോപ്പോള്‍ഡ് (BuroHappold) കമ്പനിയാണ് സ്റ്റേഷന്‍ ഡിസൈനുകള്‍ ചെയ്തിട്ടുള്ളത്. ഇസ്ലാമിക ശില്‍പകലയില്‍ തന്നെ അഞ്ചു സ്റ്റേഷനുകള്‍ക്കും അതാതു നാടിന്‍റെ പ്രൗഡി നല്‍കിയിട്ടുണ്ട്. മക്ക സ്റ്റേഷന് കറുത്തതും സുവര്‍ണ്ണ നിറവും ചേര്‍ത്തു കൊണ്ടുള്ള നിറ ചാരുതയാണ് നല്‍കിയത്. മദീനയിലെ പച്ച ഖുബ്ബയിലേക്ക് വിരല്‍ ചൂണ്ടി വിവിധങ്ങളായ പച്ച നിറങ്ങളോടെയാണ് മദീന സ്റ്റേഷന്‍. ജിദ്ദ സ്റ്റേഷന്‍ ചുവപ്പ് ഡിസൈനിലും റാബഗ് സ്റ്റേഷന്‍ നീലയും സില്‍വറും ചേര്‍ന്ന നിറങ്ങളിലുമാണ് നിര്‍മ്മാണം പൂര്‍ത്തീകരിച്ചിട്ടുള്ളത്.

മക്കയിലെ സ്റ്റേഷന്‍ ഹറമില്‍ നിന്നും കേവലം 3 കി.മി ദൂരെയാണ് സ്ഥിതി ചെയ്യുന്നത്. അല്‍ റുസൈഫ പ്രദേശത്ത് അബ്ദുല്ല അരീഫ് റോഡിലാണിത്. മക്കയിലേക്കുളള പ്രധാന കവാടം കൂടിയാണിവിടം. സ്റ്റേഷനില്‍ ഏകദേശം അയ്യായിരം വാഹനങ്ങള്‍ക്കായി പാര്‍ക്കിംഗ് സൗകര്യവും കൂടി ഒരുക്കിയിട്ടുണ്ട്. മദീനാ സ്റ്റേഷന്‍, കിംഗ് അബ്ദുല്‍ അസീസ് റോഡില്‍ ദാര്‍ അല്‍ മദീന മ്യൂസിയത്തോട് ചേര്‍ന്നു കൊണ്ടാണ് നിലകൊള്ളുന്നത്. ഹറമൈന്‍ റയില്‍ മക്കയിലെയും മദീനയിലെയും മറ്റൊരു സുപ്രധന പ്രൊജക്ടായ മക്ക മെട്രോ, മദീന മെട്രോയുമായി ബന്ധിപ്പിക്കുന്നതോടെ സന്ദര്‍ശകര്‍ക്ക് വലിയൊരു മുതല്‍ക്കൂട്ടാകുമെന്നതില്‍ തര്‍ക്കമില്ല. മക്കയില്‍ നിന്നും മദീനയിലേക്ക് സഞ്ചരിക്കാന്‍ ഒരാള്‍ക്ക് 110 റിയാലാണ് തുക ഈടാക്കുക. എസ്. ആര്‍. ഒ യുടെ അഭിപ്രായത്തില്‍ ഇത്രയും കുറഞ്ഞ നിരക്കില്‍ ലോകത്ത് ആദ്യമായിട്ടായിരിക്കും ഹൈസ്പീഡ് പാസഞ്ചര്‍ ട്രയിന്‍ സര്‍വ്വീസ് നടത്തുക. അല്ലാഹുവിന്‍റെ അതിഥികളായി വരുന്നവരെ സ്വീകരിക്കാന്‍ ഖാദിമുല്‍ ഹറമൈനി കാണിക്കുന്ന വിശാല മനസ്കതയാണ് ഇതില്‍ നിന്നും വ്യക്തമാകുന്നത്.

രണ്ടായിരത്തി പതിനാറ് നവംബര്‍ മാസത്തില്‍ സുപ്രധാനമായ ടെസ്റ്റ് റണ്ണിങ്ങ് പൂര്‍ത്തിയാക്കി വിജയപ്രധമാണെന്ന് അതോറിറ്റി വ്യക്തമാക്കിക്കഴിഞ്ഞു. സഞ്ചാരയോഗ്യമായ എല്ലാ കാബിനുകളും സ്പാനിഷ് കമ്പനി ഇതിനകം സൗദിയിലെത്തിച്ചു കഴിഞ്ഞു. ഈ ഫീല്‍ഡ് കൈകാര്യം ചെയ്യുന്നതിനായി സ്വദേശികളായ എണ്ണമറ്റ യുവാക്കളാണ് വിദേശത്ത് പഠനം നടത്തിവരുന്നത്. എല്ലാ സ്റ്റേഷനുകളുടെയും തൊണ്ണൂറ് ശതമാനം നിര്‍മ്മാണ പ്രവര്‍ത്തികളും പൂര്‍ത്തിയാക്കിക്കഴിഞ്ഞുവെന്നാണ് സൗദി പത്രങ്ങള്‍ കഴിഞ്ഞ ദിവസങ്ങള്‍ റിപ്പോര്‍ട്ട് ചെയ്തത്.

കുറഞ്ഞ വിഷയങ്ങളില്‍ നിന്ന് കൂടുതല്‍ മിച്ചം എന്ന തത്വമാണ് ഹറമൈന്‍ റയിലിനു പിന്നില്‍. യാത്രികരുടെ എകോപനം വഴി തിരക്ക് ലഘൂകരിക്കുവാനും അന്തരീക്ഷ മലിനീകരണത്തിന്‍റെ തോത് കുറയ്ക്കുവാനും സാധിക്കുന്നു. പൊതുവെ ബസ് യാത്രികര്‍ ഏകദേശം എഴോ എട്ടോ മണിക്കൂറ് കൊണ്ടാണ് മക്കയില്‍ നിന്നും മദീനയിലേേക്ക് എത്തുന്നതെങ്കില്‍ ഇനി കേവലം ഒന്നര മണിക്കൂര്‍ മാത്രം. അതും അത്യാധുനിക സൗകര്യങ്ങളോടെയും. ടെലിവിഷന്‍, വൈഫെ, ഭക്ഷണ ശാലകള്‍, വാഷ്റൂം എല്ലാം ഈ അതിവേഗ പാതയില്‍ ലഭ്യമാകും.

മണിക്കൂറില്‍ 3800 യാത്രികരെയും വഹിച്ച് മക്കയുടെയും മദീനയുടെയും ഇടയിലൂടെ ഹറമൈന്‍ റയില്‍ സഞ്ചരിക്കുമ്പോള്‍ ഹിജ്റയുടെ ചരിത്രമുറങ്ങുന്ന പാത സ്രഷ്ടാവിന്‍റെ അതിഥികളെയുമായി വേഗതയുടെ പുതുചരിത്രം കുറിക്കും. ഇന്‍ഷാഅല്ലാഹ്.. കാത്തിരുന്നു കാണാം ഈ രണ്ടായിരത്തി പതിനേഴിന്‍റെ അവസാനത്തില്‍.

ലേഖനം പ്രിന്‍റ് വെര്‍ഷന്‍ കാണുവാന്‍ ഇവിടെ ക്ലിക്ക് ചെയ്യുക

(അവലഭം: ഹറമൈന്‍ റയില്‍ ഔദ്യോഗിക വെബ്സൈറ്റ്)

നിര്‍മ്മാണം കഴിഞ്ഞ മദീന സ്റ്റേഷന്‍, പുറം കാഴ്ച

നിര്‍മ്മാണം കഴിഞ്ഞ മദീന സ്റ്റേഷന്‍

നിര്‍മ്മാണം കഴിഞ്ഞ മദീന സ്റ്റേഷനിലെ പാര്‍ക്കിംഗ്

മക്ക സ്റ്റേഷന്‍

കിംഗ്‌ അബ്ദുല്‍ അസീസ്‌ എയര്‍പോര്‍ട്ട് സ്റ്റേഷന്‍

റാബഗ് സ്റ്റേഷന്‍

©ചിത്രങ്ങള്‍ക്ക് കടപ്പാട്: skyscrapercity

അലി ഹാജിക്കയുടെ വേര്‍പ്പാട്

2015-04-23T01:10:00.000+04:00

പ്രിയപ്പെട്ട അലി സാഹിബ് നമ്മോടെ വിടപറഞ്ഞു. അല്ലാഹു അദ്ദേഹത്തിന്‍റെ പരലോകം അല്ലാഹു സന്തോഷത്തിലാക്കട്ടെ..ആമീന്‍. കഴിഞ്ഞ വര്ഷം (2014 മാര്‍ച്ച് 19) നു യര്‍മൂക് ഉംറ സംഘത്തോടൊപ്പം ഉംറക്ക് പുറപ്പെട്ടപ്പോള്‍ കൂടെ നമ്മുടെ അലിക്കയും കുടുംബവും ഉണ്ടായിരുന്നു. മറക്കാനാകാത്തതായിരുന്നു ആ പത്തു ദിനം. യാത്രയിലുടനീളം സഹയാത്രികര്‍ക്ക് അളവറ്റ രൂപത്തില്‍ ഭക്ഷണം നല്‍കി യാത്രയില്‍ നിറഞ്ഞു നിന്ന ഹജ്ജിക്ക, പ്രായത്തേക്കാളേറെ മനസ്സുറപ്പുള്ള വ്യക്തിയായിരുന്നു. മദീനത്ത് ഹോട്ടല്‍ റിസപ്ഷനില്‍ ഞാനിരിക്കവേ ഹജിക്കയെ കണ്ടു. അടുത്തിരുന്നു. രണ്ടു മണിക്കൂറോളം ഒരുപാട് കാര്യങ്ങള്‍ സംസാരിച്ചു. വിഷമങ്ങളും പ്രയാസങ്ങളും സന്തോഷങ്ങളും എല്ലാം അതിലുണ്ടായിരുന്നു. അടുത്തിടെ മകന്‍ മരണപ്പെട്ട വിഷമം പറഞ്ഞു. അസുഖങ്ങള്‍ എല്ലാം പങ്കുവെച്ചു.

ഷാര്‍ജയില്‍ അറിയപ്പെട്ട വ്യാപാരിയാണ് അലിക്ക. ധാരാളം ഷോപ്പുകള്‍ ഉണ്ട്. ധാരാളം ജോലിക്കാര്‍..ബിസിനസിന്‍റെ വിശേഷങ്ങളും പങ്കുവെച്ചു..ദുആ ചെയ്യണമെന്നു പറഞ്ഞ് രാത്രി പന്ത്രണ്ട് മണിയായപ്പോള്‍ അദ്ദേഹം റൂമിലേ പോയി..

നാല്‍പത് വര്‍ഷത്തോളം യു.എ.ഇയില്‍ ജീവിതം നയിച്ച്‌ ധാരാളം ദീനീ സ്ഥാപനങ്ങളെ സഹായിക്കുകയും ആലിമീങ്ങളെ സ്നേഹിക്കുകയും സഹായിക്കുകയും ചെയ്ത വ്യക്തികൂടിയാണ്. സ്വന്തം നാട്ടിലെ ദീനീ സ്ഥാപനത്തെ സഹായിക്കുന്നതും അനുബന്ധ വിഷയങ്ങളും അദ്ദേഹം എന്നോട് പങ്കുവെച്ചത് ഓര്‍ക്കുന്നു... അലിക്കയുടെ ഡ്രൈവറും ഉംറ യാത്രയിലെ അംഗവും ആയ ഖാലിദിനോട് സംസാരിച്ചപ്പോള്‍ അദ്ദേഹം പറഞ്ഞു ഒരു മാസം മുമ്പ് അറ്റാക്ക് വന്നു. ചികിത്സ നടത്തി. ശേഷം ഗള്‍ഫിലേക്ക് വന്നു. വീണ്ടും നാട്ടില്‍ എത്തി മൂന്നു ദിവസം കഴിഞ്ഞപ്പോഴാണ് വിരുന്നുകാരനായി മരണമെത്തിയത്. മരണം മുന്നില്‍ കണ്ടപോലെയായിരുന്നു നാട്ടിലേക്കുള്ള യാത്ര.. അര്‍ബാബിനെ നേരില്‍ പോയി കണ്ടു. ഓരോരുത്തര്‍ക്കും അതാത് കാര്യങ്ങള്‍ ഏല്പിച്ചു. പല സാധനങ്ങളും നാട്ടിലേക്ക് പാക്ക് ചെയ്തു. ഉംറക്ക് പോകണ്ടേ ഹാജിക്കാ എന്ന് ഒരാള്‍ ചോദിച്ചപ്പോള്‍ എന്‍റെ ഉംറ അല്ലാഹു ബാന്ദാക്കിയടാ എന്ന് അദ്ദേഹം മറുപടി നല്‍കി.

അല്ലാഹു അദ്ദേഹത്തെയും നമ്മെയും ഹബീബായ തിരുനബി(സ്വ)യോടൊപ്പം സ്വര്‍ഗ്ഗത്തില്‍ ഒരുമിച്ചു കൂട്ടി അനുഗ്രഹിക്കട്ടെ ആമീന്‍. കൂട്ടുകാര്‍ ഒരു ഫാത്തിഹ എങ്കിലും ഓതി ഹദിയ ചെയ്ത് ദുആ ചെയ്യുക. മയ്യിത്ത് നിസ്കരിക്കുക.

ഉംറ യാത്രയിലെ സുന്ദര നിമിഷങ്ങളില്‍ നിന്നും.....

വിശുദ്ധ മദീനയില്‍ സിയാറത്തിനായി നീങ്ങുന്നു..

വിശുദ്ധ മദീനയില്‍ ദുആ സങ്ങമത്തില്‍ നിന്നും...

യാത്രയുടെ അവസാനം സംഘടിപ്പിച്ച മത്സരത്തില്‍ വിജയിക്ക് അലി ഹാജിക്ക സമ്മാനം നല്‍കുന്നു..

ഒരായിരം ഷാനവാസ് ഡോക്ടര്‍മാര്‍ പിറക്കട്ടെ...

2015-02-15T02:24:00.000+04:00

ഡോ. ഷാനവാസ്. പി.സി.

പറയാന്‍ വാക്കുകളില്ല..

പൊടിയുന്ന കണ്ണീരോടെയാണ് ഈ വരികള്‍ കുറിക്കുന്നത്.

ഇന്നാണ്(15/02/15) ഞാന്‍ ഷാനവാസ് ഡോക്ടറെ അറിയുന്നത്. മരണവാര്‍ത്തകൊണ്ട്...

സമൂഹത്തിന്റെ മര്‍മ്മം തൊട്ടറിഞ്ഞ മഹാനായ ഡോക്ടര്‍...

കൃത്യനിര്‍വഹണത്തിന്‍റെ കാര്യബോധം തിരിച്ചറിഞ്ഞ ഡോക്ടര്‍.....

കച്ചവടകണ്ണോടെ രോഗികളുടെ രക്തമൂറ്റിക്കുടിക്കുന്ന വെള്ളക്കോളര്‍ അണിഞ്ഞ ഡോക്ടര്‍മാരുടെയും ഭരണാധികാരികളുടെയും ബിസ്സിനസ്സ് ഗുണ്ടകളുടെയും തോന്നിവാസങ്ങളെ പുച്ചിച്ചു തള്ളിയ ധീരനായ ഡോക്ടര്‍...

ആരുമറിയാതെ കിടന്നിരുന്ന, ദുരിതങ്ങളുടെ ചുഴിയില്‍ പിടഞ്ഞിരുന്നവരെ ജാതിയും മതവും രാഷ്ട്രീയവും നോക്കാതെ കൈപിടിച്ചുയര്‍ത്തികൊണ്ടുവന്ന പാവപ്പെട്ടവരുടെ പ്രിയപ്പെട്ട ഡോക്ടര്‍....

പ്രയാസങ്ങളുടെയും പ്രധിസന്ധികളുടെയും നടുത്തളത്തില്‍ ഗതിയറിയാതെ കറങ്ങിയവര്‍ക്ക് ദിശാബോധം നല്‍കിയ ഡോക്ടര്‍....

വസ്ത്രങ്ങളും, ഭക്ഷണക്കിറ്റുകളും, അരിച്ചാക്കുകളും തോളിലേറ്റി ആദിവാസി കുടിലുകളില്‍ വരുന്ന ഡോക്ടര്‍...

പണംവേണ്ടവര്‍ക്ക് പണം, മരുന്നിനു മരുന്ന്, എല്ലാം നല്‍കിയ ഡോക്ടര്‍...

പുറംലോകം ഇന്നുവരെ കാണാതെ പോയ പാവപ്പെട്ടവരുടെ കുടുംബാന്തരീക്ഷം, നരകയാതനകള്‍, രോഗങ്ങള്‍, എല്ലാം ഡോക്ടര്‍ പുറം ലോകത്തെത്തിച്ചു...

പ്രിയപ്പെട്ട ഷാനവാസ് ഡോക്ടറുടെ ഫേസ്ബൂക്ക് പേജ് വിശധമായി പരിശോധിച്ചപ്പോള്‍ ഹൃദയം പൊട്ടിപോയി.. ഒരു ഡോക്ടര്‍ ചെയ്തുകൂട്ടിയ സേവന പ്രവര്‍ത്തങ്ങളുടെ ചിത്രങ്ങളും വീഡിയോകളും ഏതൊരാളെയും കണ്ണീരണിയിക്കുന്നതായിരുന്നു, പ്രശംസ പിടിച്ചുപറ്റുന്നവയായിരുന്നു.

ഡോക്ടര്‍ പലനിലയിലും മാതൃകയായിരുന്നു...

അനാവശ്യങ്ങളില്‍ തലവെച്ച് സമയവും കാലവും തള്ളിനീക്കുന്ന ന്യൂ ജെനറേഷന് ഡോക്ടറില്‍ നിന്ന്‍ പഠിക്കാന്‍ ഏറെയുണ്ട്.
ഷോര്‍ട്ട് ഫിലിം നിര്‍മാണം നടത്തി ആത്മ രസം നേടുന്ന പുതു തലമുറ തിരിച്ചറിയണം സാമൂഹിക പ്രവര്‍ത്തനത്തിന്‍റെ പ്രാധാന്യം..

അഴിമതിയും ചതിയും വെട്ടിപ്പും മുഖമുദ്രയാക്കിയ അധികാരിവര്‍ഗത്തിനും ഷാന് ഡോക്ടര്‍ എന്നും മാതൃകയായിരിക്കും..
ഘര്‍വാപ്പാസി നടത്താന്‍ ഓടി നടക്കുന്നവരും തിരിച്ചറിയണം ഇത്തരം കോണുകളില്‍ നരകയാതനകള്‍ അനുഭവിക്കുന്നവരെ.. അവിടെയും സമാശ്വസിപ്പിക്കാന്‍ ഒരു ''ഷാനവാസ്'' തന്നെ വേണ്ടിവന്നു...
സരിതാ നായരുടെ ചൂടുവാര്‍ത്തകളും ചിത്രങ്ങളും വിളമ്പാന്‍ മത്സരിക്കുന്ന പൈങ്കിളി പത്രക്കാര്‍ തുലയട്ടെ...
ഈ വിഷയത്തില്‍ അവര്‍ക്ക് അന്തത ബാധിച്ചു...ബാധിക്കും കാരണം അവരെല്ലാം നെറികേടിന്റെ പക്ഷത്താണ്...
ധാര്‍മ്മികത ഉണരട്ടെ....

പാവപ്പെട്ടവരുടെ കണ്ണീരൊപ്പാന്‍ ഫണ്ട് ശേഖരണാര്‍ത്ഥം ഡോക്ടര്‍ യു.എ യിലും മറ്റും സന്ദര്‍ശനം നടത്തിയിരുന്നു.

നല്ലത് ചെയ്യുമ്പോള്‍ പിശാചുക്കളുടെ കൂക്കുവിളികളും പരിഹാസങ്ങളും ഭീഷണികളും സ്വാഭാവികം മാത്രം..ഇവിടെയും അത് സംഭവിച്ചു.

ഡോക്ടര്‍ വിടവാങ്ങി... സ്രഷ്ടാവിലേക്ക് മടങ്ങി..വിതച്ചത് കൊയ്യാന്‍....

പ്രിയപ്പെട്ട ഡോക്ടര്‍ തുടങ്ങിവെച്ച സേവനപ്പ്രവര്‍ത്തങ്ങള്‍ നില്യ്ക്കരുത്...ഏറ്റെടുത്ത് പൂര്‍വോപരി ശക്തിപ്പെടുത്താന്‍ നാം തയ്യാറാകണം..
ഈ ഡോക്ടര്‍ നമുക്കൊരു തികഞ്ഞ മാത്രികയാകട്ടെ....
ഒരായിരം ഷാനവാസ് ഡോക്ടര്‍മാര്‍ സമൂഹത്തില്‍ പിറക്കണം.
ഞാനും കൊതിക്കുന്നു ഈ ഡോക്ടറിലെ സേവന തല്‍പരത ജീവിതത്തില്‍ പകര്‍ത്താന്‍.
സര്‍വ്വ ശക്തന്‍ അനുഗ്രഹിക്കട്ടെ..ആമീന്‍...

അല്ലാഹു അദ്ദേഹത്തിന്‍റെ പരലോകം സന്തോഷത്തിലക്കട്ടെ ആമീന്‍.
വിശുദ്ധ ഖുര്‍ആന്‍, സ്വദഖ, ഭക്ഷണ വിതരണം തുടങ്ങിയ സല്പ്രവര്‍ത്തികള്‍ ഇദ്ദേഹത്തിന്‍റെ പേരില്‍ ഹദിയ ചെയ്യുക..
ഇതാണിനി അദ്ദേഹത്തോട് നമുക്കുള്ള കടപ്പാട്.

അദ്ദേഹത്തിന്‍റെ ചില ചിത്രങ്ങളിലൂടെ...

ഡോക്ടറുടെ Facebook Page.

Post by Shanavas Pc.

മൌലിദ് വിരോധികള്‍ക്ക് വായടപ്പന്‍ മറുപടിയുമായി ഹസ്രത് പീര്‍ മുഹമ്മദ്‌ അല്‍ ഷമ്മി

2015-01-23T02:24:00.001+04:00

ഹസ്രത് പീര്‍ മുഹമ്മദ്‌ സാബിഖ് ബിന്‍ ഇഖ്ബാല്‍ അല്‍ ഷമ്മി

ഹസ്രത് പീര്‍ മുഹമ്മദ്‌ സാഹിബിന്‍റെ വീഡിയോ ഈ അടുത്തിടെയാണ് വിനീതന്‍ ഫേസ്ബുക്ക്‌ വഴി കാണാനിടയായത്. അദ്ദേഹത്തിന്‍റെ ഫേസ്ബുക്ക്‌ നല്ല വണ്ണം പരിശോധിച്ചപ്പോള്‍ ഇദ്ദേഹം ഉറച്ച സുന്നീ ആദര്‍ശത്തിന്‍റെ വക്താവാണെന്നു മനസിലായി. തിരുനബി (സ്വ) യുടെ പേരിലുള്ള മൌലിദ് ആഘോഷവും സുന്നത്തും ബിദ്അത്തും വിശദീകരിച്ചുകൊണ്ടുള്ള പുതുതായി അപ്ലോഡ് ചെയ്ത ഇംഗ്ലിഷ് ക്ലാസ്സ്‌ വളരെ ഗഹനമാണ്. ആസാദ് കശ്മീരിലെ ഉയര്‍ന്ന സൂഫി കുടുംബത്തില്‍ ജനിച്ച ഇദ്ദേഹം കുടുംബം ഇംഗ്ലണ്ടിലേക്ക് കുടിയേറിയപ്പോള്‍ കൂടെ പോകുകയും പിന്നെ പഠനത്തിനായി പാകിസ്താനിലേക്ക് തിരിച്ചു വരികയും കുറച്ചുകാലം ഖുര്‍ആന്‍ പഠനത്തിലായി റാവല്‍പിണ്ടിയില്‍ കഴിച്ചു കൂട്ടുകയും ചെയ്തു. പതിനാലാം വയസ്സില്‍ ഇംഗ്ലണ്ടിലേക്ക് തന്നെ പോയ ഇദ്ദേഹം ശൈഖ് റസൂല്‍ ഭക്ഷ് സഈദി എന്നവരില്‍ നിന്ന് മതപഠനം പൂര്‍ത്തിയാക്കി.. ശേഷം ഇംഗ്ലണ്ടിലെ സ്റ്റഫോര്‍ഡ്ഷയര്‍ യൂണിവേര്‍‌സിറ്റിയില്‍(Staffordshire University) നിന്നും ഭൌതിക പഠനത്തില്‍ ബിരുദം കരസ്ഥമാക്കി. മതപഠനത്തില്‍ കൂടുതല്‍ അവഗാഹം നേടുന്നതിനായി അദ്ദേഹം പിന്നീട് പോയത് സിറിയയിലെ ദാമാസ്കസിലേക്കായിരുന്നു. ധാരാളം പണ്ഡിതരെ കണ്ടുമുട്ടുകയും വിജ്ഞാനം നേടുകയും ചെയ്തു. ഗുരുനാഥരിലെ പ്രഗത്ഭനാണ് ഈ അടുത്തിടെ ശഹീദായ ഷെയ്ഖ് റമദാന്‍ അല്‍ ബൂത്തി. ദമാസ്കസ് പള്ളിയില്‍ ദര്‍സ് നടത്തുമ്പോള്‍ വഹാബി നരബോജികള്‍ ബോംബ്‌ വര്ഷിക്കുന്നതിനിടെയായിരുന്നു അദ്ദേഹത്തിന്‍റെ മരണം. ശൈഖുനാ കാന്തപുരം ഉസ്താദുമായി ശൈഖ് ബൂത്തി അവര്‍കള്‍ സംഭാഷണം നടത്തിയിരുന്നു.

പീര്‍ മുഹമ്മദ്‌ ഇപ്പോള്‍ ലണ്ടനിലെ ബിര്‍മിങ്ഹാം കേന്ദ്രീകരിച് കന്‍സുല്‍ ഹുദ (Kanzul Huda) എന്ന പേരില്‍ ധാരാളം പ്രബോധന പ്രവര്‍ത്തനങ്ങള്‍ നടത്തി വരുന്നു. ഇംഗ്ലീഷിലും ഉര്‍ദുവിലും വശ്യമായ ശൈലിയിലുള്ള പഠന ക്ലാസ്സും അത് കേട്ട ഇസ്ലാമിലേക്ക് വരുന്നവരുടെ വീഡിയോകളും അദ്ദേഹത്തിന്‍റെ വെബ്‌ സൈറ്റില്‍ കാണാം. ഏതായാലും മൌലിദ് കഴിക്കുന്നതിന്റെ തെളിവുകള്‍ നിരത്തികൊണ്ടുള്ള ക്ലാസ്സ് വഹാബീ കോന്തന്മാര്‍ക്ക് കനത്ത താക്കീതായിട്ടുണ്ട്. അല്ലാഹു നല്ലത് പറയാനും എഴുതാനും പ്രവര്‍ത്തിക്കാനും നമുക്കെല്ലാവര്‍ക്കും തൌഫീഖ് നല്‍കട്ടെ ആമീന്‍. ഫേസ്ബൂക്കിലെ അദ്ദേഹത്തിന്‍റെ ചില വീഡിയോകള്‍ താഴെ ചേര്‍ക്കുന്നു.

Post by Hazrat Allama Pir Muhammad Saqib Bin Iqbal Al-Shaami.

അബൂബകര്‍ മശ്ഹൂര്‍ എന്ന പണ്ഡിതന്‍റെ സദസ്സില്‍ അബ്ദു സമദ് അമാനിയുടെ ബുര്‍ദ്ദ

2015-01-18T22:11:00.000+04:00

അല്‍ ഹബീബ് അബൂബകര്‍

അബൂബകര്‍ മശ്ഹൂര്‍ എന്ന പണ്ഡിതന്‍റെ സദസ്സില്‍ ബുര്‍ദ്ദ ആലപിക്കുന്ന അബ്ദു സമദ് അമാനിയുടെ വീഡിയോ. ഇത് പോസ്റ്റ്‌ ചെയ്തത് ഈ പണ്ഡിതന്‍റെ ഔദ്യോഗിക ഫെയ്സ്ബൂക് പേജില്‍ മുഹമ്മദ്‌ റാഇദ് എന്നവരാണ്. പതിനഞ്ച് മിനിറ്റ് നേരമുള്ള വീഡിയോയില്‍ അവസാനം ഷെയ്ഖ് അവര്‍കള്‍ ദുആ ചെയ്തു കൊടുക്കുന്നതും കാണാം. യെമനില്‍ ജെനിച്ച് വളര്‍ന്ന മഹാന്‍ ഇപ്പോള്‍ ആഗോള തലത്തില്‍ ആഹലുസുന്ന യുടെ പ്രചാരകനാണ്. ഓണ്‍ലൈന്‍ രംഗത്ത് നിരവധി ചാനലുകള്‍ അദ്ദേഹത്തിനുണ്ട്. അബ്ദു സമദ് അമാനി കേരളത്തിലെ പണ്ഡിതനും പ്രവാചക കീര്‍ത്തന സദസ്സുകളിലെ അറിയപ്പെടുന്ന താരവുമാണ്. കേരളത്തില്‍ ബുര്‍ദ്ദ സദസ്സുകള്‍ വ്യാപകമാകുന്നതിന്റെ തുടക്കക്കാരന്‍ കൂടിയാണിദ്ദേഹം. കണ്ണൂരിലെ അല്‍മഖര്‍ സ്ഥാപനത്തില്‍ നിന്നുമാണ് അമാനി പട്ടം നേടിയത്. അദ്ദേഹത്തിന്‍റെ ബുര്‍ദ്ദ സദസ്സ് ഇവിടെ കാണാം.

Post by ‎Alhabib Abobakr | الحبيب أبوبكر المشهور‎
അദ്ദേഹത്തിന്റെ പേര്‍സണല്‍ വെബ്‌ സൈറ്റ് http://www.alhabibabobakr.com/

ഫെയ്സ്ബൂക് https://www.facebook.com/alhabibabobakr/timeline
യൂടുബ് http://www.youtube.com/user/alhabibabobakr
ട്വിറ്റെര്‍ https://twitter.com/alhabibabobakr
വിമിയോ http://vimeo.com/alhabibabobakr

തിരുനബി (സ്വ) സ്നേഹം. കണ്ടിരിക്കേണ്ട വീഡിയോ

2014-12-01T16:04:00.000+04:00

പ്രവാചകന്‍ തിരു നബി (സ്വ)യിലേക്ക് ഒരു അവിശ്വാസിയുടെ തീര്‍ഥയാത. ഒടുവില്‍ അദ്ദേഹം വരിച്ച മരണം. പേരോട് ഉസ്താദിന്റെ സുന്ദരമായ അവതരണം. ഒരിറ്റു കണ്ണുനീര്‍ പൊടിയാതെ നിങ്ങള്‍ ഈ വീഡിയോ കണ്ടു തീര്‍ക്കില്ല. അല്ലാഹു തിരുനബി സ്നേഹം നമ്മില്‍ വര്‍ധിപ്പിച്ചു നല്‍കട്ടെ ആമീന്‍.

കാന്തപുരത്തിന്റെ ഉസ്ബകിസ്ഥാന്‍ യാത്ര; കാമറ കണ്ണുകളിലൂടെ

2014-10-02T12:28:00.000+04:00

കാന്തപുരം ഉസ്താദ്, പേരോട് ഉസ്താദ്, ചുള്ളിക്കോട് ഉസ്താദ്‌, മുഹമ്മദ് കുഞ്ഞി സഖാഫി തുടങ്ങിയ നേതാക്കളോടൊപ്പം 50 പേരടങ്ങുന്ന ഉസ്ബെക്കിസ്ഥാന്‍ യാത്രയുടെ കാഴ്ചകള്‍...(17/09/14/ - 22/09/14)

ഇമാം തുര്‍മുദി(റ)ന്‍റെ മഖ്ബറയില്‍ കാന്തപുരം ഉസ്താദ്‌ എത്തിയപ്പോള്‍. അഫ്ഗാന്‍ അതിര്‍ത്തിയില്‍ നിന്നും 40 കി.മി. ദൂരത്താണ് ഈ സ്ഥലം.

ബസ് യാത്രയില്‍ നിന്നും

ഇമാം ബുഖാരിയുടെ മഖ്ബറ ഉള്‍കൊള്ളുന്ന കുബ്ബയുടെ അകത്തേക്ക് കാന്തപുരം ഉസ്താദ്‌ പ്രവേശിക്കുന്നു. അപൂര്‍വ്വം പേര്‍ക്ക് മാത്രം ലഭിക്കുന്ന അവസരമാണിത്. കൂടെ പേരോട് അബ്ദുര്‍റഹ്മാന്‍ സഖാഫി,ഡോ.ഹുസൈന്‍ സഖാഫി ചുള്ളിക്കൊദ് പി.എസ്.കെ.മൊയ്തു ബാഖവി മാടവന. തുടങ്ങിയവര്‍..

ഇമാം ബുഖാരി മഖ്ബറയില്‍, സിയാരത്.

കാന്തപുരം ഉസ്താദ്‌ ഇമാം ബുഖാരി (റ) അന്ത്യവിശ്യ്രമം കൊള്ളുന്ന വിശാലമായ കോംപ്ലക്സ് പ്രവേശിക്കുന്നു.

ഡോ. ഹുസൈന്‍ സഖാഫി ചുള്ളിക്കോട്, ബി.എം. മുഹ്സിന്‍.

ഡോ. മുഹമ്മദ്‌ കുഞ്ഞി സഖാഫി കൊല്ലം

ഉസ്താദിനൊപ്പം ഉസ്ബെക്കിസ്ഥാനിലേക്ക്

2014-09-17T12:35:00.001+04:00

കാന്തപുരം ഉസ്താദ്‌ ബുഖാരി ദര്‍സില്‍

പിതാവ് പി.എസ്. മൊയ്തു ബാഖവി മാടവന വര്‍ഷങ്ങള്‍ക്ക് മുമ്പ് ഏര്‍വാടി-നാഹൂര്‍-മുത്തുപ്പേട്ടയില്‍ നിന്നും തുടങ്ങിയ സിയാറത്ത് ടൂര്‍ പ്രോഗ്രാം, അജ്മീറിലേക്കും പിന്നെ ഹജ്ജ് ഉംറ സേവന രംഗത്ത് വര്‍ഷങ്ങളോളവും ഇപ്പോള്‍ രണ്ടു വര്‍ഷത്തോളമായി ഇന്ത്യക്ക് പുറത്തുള്ള മഹാന്മാരുടെ മസാറുകളിലേക്ക്, അഥവാ ഈജിപ്റ്റ്‌, ഇറാഖ്, ഫലസ്ത്തീന്‍, ജോര്‍ദ്ദാന്‍, ഉസ്ബെക്കിസ്ഥാന്‍, യമന്‍, മൊറോക്കോ, തുര്‍ക്കി, സ്പയിന്‍ തുടങ്ങിയ രാഷ്ട്രങ്ങളിലേക്ക് ജനങ്ങളെയുമായി പോയിക്കൊണ്ടിരിക്കുകയാണ്.

ഇപ്പോള്‍ കാന്തപുരം ഉസ്താദ്, പേരോട് ഉസ്താദ്, ചുള്ളിക്കോട് ഉസ്താദ്‌, മുഹമ്മദ് കുഞ്ഞി സഖാഫി തുടങ്ങിയ പ്രഗത്ഭരായ നേതൃനിരയുമായാണ് ഉസ്ബെക്കിസ്ഥാനിലേക്ക് യാത്രപുറപ്പെട്ടിരിക്കുന്നത്. 50 പേരടങ്ങുന്ന യാത്ര അഞ്ചു ദിവസം(17/09/14/ - 22/09/14) നീണ്ട് നില്ല്‍ക്കുന്നതാണ്. ഈ യാത്രയിലെ പ്രത്യേകത ശ്രദ്ധേയമാണ്. ബുഖാറയില്‍ അന്ത്യവിശ്രമം കൊള്ളുന്ന സ്വഹീഹുല്‍ ബുഖാരിയുടെ രചയിതാവായ ഇമാം ബുഖാരി മഖ്ബറ സന്ദര്‍ശിക്കാന്‍ വര്‍ഷങ്ങളോളമായി മര്‍ക്കസില്‍ സ്വഹീഹുല്‍ ബുഖാരി ദര്‍സ് നടത്തുന്ന കാന്തപുരം ഉസ്താദ് ഉണ്ട് എന്നുള്ളതാണ്. ഉസ്ബെക്കിസ്ഥാനിലെ പ്രസിദ്ധമായ പട്ടണമാണ് ബുഖാറ. ദുര്‍മുദി ഇമാം അന്ത്യവിശ്രമം കൊള്ളുന്നത് അഫ്ഗാന്‍ അതിര്‍ത്തിയോട് ചേര്‍ന്ന് കിടക്കുന്ന ടെര്‍മിസ് എന്ന സ്ഥലത്താണ്. താഷ്കന്റ്, സമര്‍കന്ദ് തുടങ്ങി ഒട്ടനവധി സ്ഥലങ്ങളില്‍ അന്ത്യവിശ്രമം കൊള്ളുന്ന മഹാന്മാരെ ലക്‌ഷ്യമിട്ടാണീ യാത്ര. ഉസ്താദിന്റെ അരുമ ശിഷ്യന്‍ പേരോട് ഉസ്താദും ഈ യാത്രയിലെ ശ്രധയാണ്. എല്ലാവര്ക്കും ഖിദ്മയായിട്ടാണ് പിതാവാണ് യാത്ര നയിക്കുന്നത്. അല്ലാഹു ആരോഗ്യമുള്ള ദീര്‍ഘായുസ്സ്‌ മാതാപിതാക്കള്‍ക്കും ഉസ്താടുമാര്‍ക്കും നേതാക്കള്‍ക്കും ഏറ്റിക്കൊടുക്കട്ടെ. സിയാറത്തുക്കൊണ്ടുള്ള ലക്‌ഷ്യം വ്യക്തമാണ്. അവരുടെ ശഫാഅത്ത് ലഭിക്കണം. സ്വര്‍ഗ്ഗപ്രവേശം എളുപ്പമാകണം. അല്ലാഹു നമ്മെയും ആ കൂട്ടത്തില്‍ ഉള്‍പെടുത്തി അനുഗ്രഹിക്കട്ടെ.

പേരോട് ഉസ്താദ്‌

ചുള്ളിക്കോട് ഉസ്താദ്‌

മുഹമ്മദ്‌ കുഞ്ഞി സഖാഫി

പി. എസ്. കെ മാടവന

2012 ല്‍ തന്നെ ഇറാഖ്, ഈജിപ്റ്റ്‌, ജോര്‍ദ്ദാന്‍, ഫലസ്തിന്‍ യാത്രയില്‍ 100 പേരടങ്ങിയ വലിയ സംഘം ഉപ്പയോടൊപ്പം പുറപ്പെട്ടപ്പോള്‍ ആകൂട്ടത്തിലും ശൈഖുനാ കാന്തപുരം ഉസ്താദ് ഉണ്ടായിരുന്നു. കൂടാതെ പൊന്മള ഉസ്താദ്‌, പകര മുഹമ്മദ്‌ ആഹ്സനി, അലവി സഖാഫി കൊളത്തൂര്‍, കൊമ്പം മുഹമ്മദ്‌ മുസ്ലിയാര്‍, കല്‍ത്തറ അബ്ദുല്‍ ഖാദിര്‍ മദനി, കോടമ്പുഴ ബാവ മുസ്ലിയാര്‍, പ്രൊ. അബ്ദുല്‍ ഹമീദ് സാഹിബ്, തുടങ്ങിയ പ്രഗത്ഭരും കൂട്ടത്തില്‍ ഉണ്ടായിരുന്നു. വീഡിയോ താഴെ കാണുക.

2013 ബൈത്തുല്‍ മുഖദ്ദസ് യാത്രയിലും കാന്തപുരം ഉസ്താദ് ഭാര്യ, ബഹുമാനപ്പെട്ട പേരോട് ഉസ്താദ് ഭാര്യ, ഹുസൈന്‍ സഖാഫി ചുള്ളിക്കോട്, അപ്പോളോ ജ്വല്ലറിയുടെ ഉടമ മൂസാഹാജി ഭാര്യ തുടങ്ങി 50 പേരടങ്ങുന്ന പ്രഗത്ഭസംഘത്തെയും നയിച്ചത് പിതാവ് പി. എസ്. കെ. മാടവന തന്നെയായിരുന്നു.

പി.എസ്.കെ. മാടവന ഉസ്താദിനൊപ്പം ഫലസ്തീനിലേക്കും ഇറാഖിലേക്കും നടത്തിയ സിയാറത്ത് യാത്രകളുടെ ചില ഫോട്ടോകള്‍.

ഇറാഖ് യാത്ര 2012. കോടമ്പുഴ ബാവ മുസ്‌ലിയാര്‍ ഷെയ്ഖ്‌ ജീലാനിയെ സംബന്ധിച്ച് രചിച്ച അറബി ഗ്രന്ഥപ്രകാശനം.
ജീലാനി മസ്ജിദ് ഇമാം സമീപം.

ഇറാഖ് യാത്ര 2012.കാന്തപുരം ഉസ്താദ്‌, പൊന്മള ഉസ്താദ്‌, പി.എസ്.കെ. മാടവന, കല്‍ത്തറ ഉസ്താദ്‌,
അലവി സഖാഫി കൊളത്തൂര്‍,തുടങ്ങിയവര്‍.

ദുബായ് എയര്‍പോര്‍ട്ടില്‍

2013ലെ ബൈത്തുല്‍ മുഖദ്ദസ് യാത്രയില്‍ നിന്നും

ബൈത്തുല്‍ മുഖദ്ദസിനരികിലെ കുബ്ബത്തുസഖ്റയുടെ അരികില്‍

2013ലെ ബൈത്തുല്‍ മുഖദ്ദസ് യാത്രയില്‍ നിന്നും

ബൈത്തുല്‍ മുഖദ്ദസില്‍ കാന്തപുരം ഉസ്താദിന്റെ ദറസ്

ജറൂസലമിലെ ഹിബ്രോനിലെ മസ്ജിദ് ഇബ്രാഹിം ഖലീലില്‍ തൃശൂര്‍ ജില്ലാ നബിദിന സമ്മേളന പതാകയുടെ പ്രകാശനം

2013ലെ ബൈത്തുല്‍ മുഖദ്ദസ് യാത്രയില്‍ നിന്നും

വിനീതന്‍ ഇമാം ബുഖാരി(റ) അന്ത്യവിശ്രമം കൊള്ളുന്ന വിശുദ്ധ കുബ്ബയുടെ ചാരെ.2013 October. 23.
അല്ലാഹു സിയാറത്ത് സ്വീകരിക്കട്ടെ ആമീന്‍.

ഇമാം ബുഖാരി (റ) യുടെ ഖബര്‍ ശരീഫ്‌ ഉപഗ്രഹ ചിത്രം.

രക്ത മുലകുടി വിവാഹ ബന്ധങ്ങള്‍ ഭാഗം 2

2014-09-02T07:28:00.000+04:00

രക്തബന്ധം

രക്തബന്ധംകൊണ്ട് നിഷിദ്ധമാകുന്നവര്‍ ഏഴ് വിഭാഗമാണെന്ന് മുമ്പ് പ്രസ്താവിച്ചുവല്ലോ അവയുടെ വിശദീകരണം താഴെ ചേര്‍ക്കുന്നു.

പുരുഷന് അവന്‍റെ ഉമ്മ, പിതാമഹി(പിതാവിന്‍റെ മാതാവ്)മാതാമഹി(മാതാവിന്‍റെ മാതാവ്)എന്നിവര്‍ എത്ര മേല്‍പ്പോട്ടുള്ളവരായാലും നിഷിദ്ധമാണ്. സ്ത്രീക്ക് അവളുടെ മകനും മകന്‍റെയോ മകളുടെയോ മക്കളും എത്ര കീഴ്പ്പോട്ടുള്ളവരായാലും നിഷിദ്ധമാണെന്ന് ഇതില്‍ നിന്ന്‍ വ്യക്തമാണ്.
മകള്‍, അടുത്തതോ അകന്നതോ ആയ മകന്‍റെയോ മകളുടെയോ പെണ്മക്കള്‍. അപ്പോള്‍ പിതാവ്, പിതാമഹന്മാര്‍, മാതാമഹന്‍മാര്‍, (അടുത്തതും അകന്നതും) എന്നിവര്‍ സ്ത്രീയുടെ മേല്‍ ഹറാമാണ്.
പിതാവും, മാതാവും ഒത്ത സഹോദരി, പിതാവ് ഒത്ത സഹോദരി, മാതാവ് ഒത്ത സഹോദരി എന്നിവര്‍ അവന്‍റെ മേല്‍ ഹറാമാകുമ്പോള്‍ പിതാവും മാതാവും ഒത്ത സഹോദരന്‍, മാതാവോ പിതാവോ ഒത്ത സഹോദരന്‍ എന്നിവരാണ് അവളുടെ മേല്‍ ഹറാമാകുന്നത്.
അവന്‍റെ സഹോദരന്മാരുടെ പെണ്‍മക്കള്‍, സഹോദരന്മാരുടെ അടുത്തതോ അകന്നതോ ആയ ആണ്‍മക്കളുടെയോ പെണ്മക്കളുടെയോ പെണ്മക്കള്‍, അതനുസരിച്ച് അവളുടെ പിതൃവ്യന്‍ (എളാപ്പ മൂത്താപ്പമാര്‍) പിതാവിന്‍റെയോ മാതാവിന്‍റെയോ പിതൃവ്യന്‍ എന്നിവര്‍ അവളുടെ മേല്‍ നിഷിദ്ധമാണ്.
സഹോദരിമാരുടെ പെണ്‍മക്കള്‍, സഹോദരിമാരുടെ അടുത്തതോ അകന്നതോ ആയ ആണ്‍മക്കളുടെയോ പെണ്മക്കളുടെയോ പെണ്മക്കള്‍, അഥവാ സ്ത്രീയുടെ അമ്മാവനും മാതാപിതാക്കളുടെ അമ്മാവന്മാരും അവളുടെ മേല്‍ ഹറാമാകുന്നു.
അടുത്തതോ അകന്നതോ ആയ പിതൃസഹോദരികള്‍,(അമ്മായികള്‍)പിതാവിന്‍റെ മാതാവും പിതാവും ഒത്തതോ രണ്ടിലൊന്ന് ഒത്തതോ ആയ സഹോദരി അടുത്ത അമ്മായിയും പിതാമാതാമഹന്മാരുടെ മൂന്ന്‍ രൂപത്തിലുള്ള സഹോദരിമാര്‍ അകന്ന അമ്മായികളുമാണ്. പ്രസ്തുത രണ്ടു വിഭാഗവും നിഷിദ്ധമായവരില്‍ പെടുന്നു. അപ്പോള്‍ സ്ത്രീയുടെ മേല്‍ അവളുടെ മൂന്നാലൊരു സഹോദരന്‍റെ പുത്രനും പ്രസ്തുത സഹോദരന്‍റെ അടുത്തതോ അകന്നതോ ആയ മകന്‍റെയോ മകളുടെയോ പുത്രന്മാരും നിഷിദ്ധമാകുന്നു.
വിദൂരമായതോ അല്ലാത്തതോ ആയ മാതൃസഹോദരികള്‍,(എളയുമ്മ, മൂത്തുമ്മ)ഉമ്മയുടെ സഹോദരികള്‍ അടുത്ത മാതൃസഹോദരികളും പിതാവിന്‍റെയോ മാതാവിന്‍റെയോ മാതൃസഹോദരികള്‍ അകന്ന മാതൃസഹോദരികളുമാണ്. മാതാവിന്‍റെ മൂന്നുരൂപത്തിലുള്ള (പൂര്‍ണ്ണമായത്, മാതാവോ പിതാവോ ഒത്തത്)സഹോദരികളും പിതാ മാതാമഹികളുടെ (എത്ര മേല്‍പ്പോട്ട് പോയാലും) മൂന്നുരൂപത്തിലുള്ള സഹോദരികളും ഇതില്‍പെടുന്നു. സ്ത്രീയുടെ മൂന്നുവിധേനയുള്ള സഹോദരിയുടെ പുത്രനും പ്രസ്തുത സഹോദരിയുടെ മകന്‍റെയോ മകളുടെയോ അടുത്തതും അകന്നതുമായ പുത്രന്മാരും അവളുടെ മേല്‍ ഹറാമാണെന്ന് ഇതില്‍നിന്ന്‍ വ്യക്തമാണ്.

ഭാഗം 3 (തുടരും)
..........................................................................................................................
അബ്ജദ് പ്രസിദ്ധീകരിച്ച കെ. മുഹമ്മദ്‌ ബാഖവി പൂക്കോട്ടൂര്‍ എന്നവരുടെ 'രക്ത മുലകുടി വിവാഹ ബന്ധങ്ങള്‍' എന്ന പുസ്തകത്തോട് കടപ്പാട്.

രക്ത മുലകുടി വിവാഹ ബന്ധങ്ങള്‍ ഭാഗം 1

2014-08-31T15:21:00.000+04:00

ബന്ധങ്ങള്‍

രക്ത മുലകുടി വിവാഹബന്ധങ്ങളിലൂടെ വിവാഹം നിഷിദ്ധമായി വരുന്നു. അത് ശാശ്വതമോ താല്‍ക്കാലികമോ ആവാം. ശാശ്വത നിഷിദ്ധമുള്ളവര്‍ മൂന്നു വിഭാഗമാണ്‌.

രക്തബന്ധം മുഖേന നിഷിദ്ധമായവര്‍.
മുലകുടി ബന്ധം മുഖേന നിഷിദ്ധമായവര്‍.
വിവാഹ ബന്ധം മുഖേന നിഷിദ്ധമായവര്‍.

ഇതില്‍ ആദ്യത്തെ രണ്ട് ബന്ധം കൊണ്ടു ഹറാമായവര്‍ ഏഴുവിഭാഗം വീതവും മൂന്നാമത്തെ ബന്ധം കൊണ്ട് ഹറാമായവര്‍ നാലുവിഭാഗവും ചേര്‍ന്ന് ആകെ പതിനെട്ട് വിഭാഗം നിഷിദ്ധമാകുന്നു.

ഒരു ഭാര്യ ഉണ്ടായിരിക്കെ മറ്റൊരു സ്ത്രീയെ വിവാഹം കഴിക്കുകയോ ഒരേ സമയം ഒന്നിലധികം സ്ത്രീകളെ ഭാര്യമാരാക്കുകയോ ചെയ്യുമ്പോഴാണ് താല്‍ക്കാലിക നിഷിദ്ധമുല്‍ഭവിക്കുന്നത്. ഈ നിലയില്‍ മൂന്നു വിഭാഗം ഹറാമാണ്. അപ്പോള്‍ 21വിഭാഗം ആകെ ഹറാമായി വരുന്നു. ഇതില്‍ താല്‍ക്കാലിക ഹറാമുള്ളവരെ തൊട്ടാല്‍ മാത്രമേ വുളു മുറിയുകയുള്ളൂ. ശാശ്വത ഹറാമുള്ള 18 വിഭാഗത്തെ തൊട്ടാല്‍ വുളു മുറിയുകയില്ല. അവരെ കാണല്‍ അനുവദനീയമാണ്.

ഭാഗം 2 (തുടരും)

..........................................................................................................................
അബ്ജദ് പ്രസിദ്ധീകരിച്ച കെ. മുഹമ്മദ്‌ ബാഖവി പൂക്കോട്ടൂര്‍ എന്നവരുടെ 'രക്ത മുലകുടി വിവാഹ ബന്ധങ്ങള്‍' എന്ന പുസ്തകത്തോട് കടപ്പാട്.

ബൈത്തുല്‍ മുഖദ്ദസില്‍ കാന്തപുരം ഉസ്താദിന്‍റെ പ്രഭാഷണം

2014-08-06T21:39:00.000+04:00

മുസ്‌ലിം ലോകത്തിന്‍റെ മൂന്നാം ഹറമായ ബൈത്തുല്‍ മുഖദ്ദസില്‍ മഹാനായ കാന്തപുരം ഉസ്താദ് 2013 നവംബര്‍ 21 നു എത്തിയപ്പോള്‍ അവിടെ വെച്ച് ദര്‍സ് നടത്തുകയും പ്രസംഗിക്കുകയും ചെയ്തിരുന്നു. അതിന്‍റെ ചെറിയ ഭാഗമാണ് നിങ്ങള്‍ ഈ വീഡിയോയില്‍ കാണുന്നത്. മര്‍കസ് ഫെയ്സ്ബുക്കില്‍ പോസ്റ്റ്‌ ചെയ്ത ഈ വീഡിയോ ഇവിടെ നിങ്ങള്‍ക്ക് കാണാം. കാന്തപുരം ഉസ്താദിന്റെ ബൈത്തുല്‍ മുഖദ്ദസ് യാത്രയെ സംബന്ധിച്ചുള്ള വിവരണം നിങ്ങള്‍ക്കിവിടെ വായിക്കാം.

Post by markazussaqafathissunniyyah.

ഹറമൈന്‍ റെയില്‍; സിറാജ് ലേഖനം

2014-06-10T19:50:00.000+04:00

ഗുജറാത്ത്‌ സമ്മേളനം

2014-03-16T17:45:00.000+04:00

2002ല്‍ ഗുജറാത്ത് കലാപത്തിന്‍റെ തീപൊരി പൊന്തിയ അഹമദാബാദില്‍ ഇന്നലെ ഇസ്‌ലാമിന്‍റെ സ്നേഹ കാറ്റ് വീശിയ ദിനമായിരുന്നു. ആദര്‍ശത്തിന്‍റെ ഇടിനാദം മുഴക്കാന്‍ ഇന്ത്യന്‍ മുസ്‌ലിംകളുടെ സുല്‍ത്തനല്ലാതെ മറ്റാര്‍ക്കാണ് കഴിയുക? ഇസ്‌ലാമിന്‍റെ ലേബലില്‍ മുസ്‌ലിംകളെ തേജോവധം നടത്താന്‍ ഇറങ്ങിത്തിരിച്ച ജമാഅത്തെ ഇസ്ലാമിയെന്ന തീവ്രവാദി സംഘടന പഠിച്ച പണി പതിനെട്ടും പയറ്റിയിട്ടും കാന്തപുരത്തിന്റെ ഗുജറാത്ത് സമ്മേളനം മുടക്കാനായില്ല. ഗുജറാത്ത് എന്ന് കേട്ടാല്‍ അടുക്കാന്‍ പോലും മടിക്കുന്ന സാഹചര്യത്തില്‍ ഗുജറാത്തിന്‍റെ മണ്ണില്‍ ഇറങ്ങിചെന്ന് അവിടത്തെ ജനങ്ങളെ മര്‍ക്സിന്‍റെ പ്രവര്‍ത്തകര്‍ ഭക്ഷണവും വസ്ത്രവും കിടക്കാന്‍ ഒരിടവും വിദ്യാഭ്യാസവുമൊക്കെ നല്‍കി ജീവിധത്തിന്‍റെ മുഖ്യധാരയിലെത്തിക്കാന്‍ കഠിനമായ പ്രയത്നങ്ങളാണ് നടത്തികൊണ്ടിരിക്കുന്നത്. അതിന്റെ ഭാഗമായി ധാരാളം മര്‍കസിന്‍റെ സ്ഥാപനങ്ങള്‍ ഉയര്‍ന്നു കൊണ്ടിരിക്കുകയാണ്. ഇതിന്റെ പ്രവര്‍ത്തകരാണ് ഇസ്‌ലാമിക ആദ്ധ്യാത്മിക മൂല്യങ്ങളുടെ വീണ്ടെടുപ്പിന് എന്ന പ്രമേയത്തില്‍ അഹ്മദാബാദിലെ ഷാഹ് ആലം എം.എസ്. ഗ്രൗണ്ടില്‍ ദേശീയ ഇസ്‌ലാമിക സമ്മേളനം സംഘടിപ്പിച്ചത്. സമ്മേളനത്തെ സംബന്ധിച്ച് ആദ്യ പ്രതികരണം കാണാം..സമ്മേളനത്തിലേക്ക് ഒരെത്തിനോട്ടമാനിവിടെ..

Post by Iuml Malappuram.

പോസ്റററുകള്‍

സമ്മേളനത്തിലേക്ക് സ്വാഗതം

Post by Basheer Nizami.

സമ്മേളന വേദി

സ്വീകരണം

Post by Anees Ponmala.

റിപ്പോര്‍ട്ടുകള്‍

കാന്തപുരം ഗുജറാത്തില്‍ ആദ്യമായാണ് എത്തിയതെന്ന് ആരും കരുതണ്ട. മുമ്പ് സാക്ഷാല്‍ ഗുജറാത്തില്‍ തന്നെ നടത്തിയ കാന്തപുരത്തിന്റെ ഗുജറാത്ത് യാത്രയുടെ സി.ഡിയും ഇവിടെ ചേര്‍ക്കുന്നു. കണ്ണ് തുറന്നു കാണുക.

ഇവ്വിഷയകമായി വി. സി. ശമീരിന്‍റെ നിര്‍ബന്ധമായും വായിച്ചിരിക്കേണ്ട ലേഖനം.

Post by VC Shameer.

കോലാഹല മേട് സന്ദര്‍ശനം.

2014-01-01T23:53:00.000+04:00

വശ്യസുന്ദരമായ ഇടുക്കി ജില്ലയിലെ കോലാഹലമെട് കാണാന്‍ കാലമേറെ കൊതിച്ചു. ഒടുവില്‍ ഒക്ടോബര്‍ 28 രാവിലെ പതിനൊന്നുമണിയോടെ ഭാര്യ വീട്ടില്‍നിന്നും കാറെടുത്ത് യാത്രയാരംഭിച്ചു. കൂടെ അളിയന്‍ അസ്ലമും.

Post by Selu Ahmed.

ഇമാം ബുഖാരി(റ) മഖ്ബറയില്‍

2013-12-05T13:36:00.000+04:00

ബുഖാറയില്‍ നിന്നും ഇമാം ബുഖാരിയുടെ മഖ്ബറയിലെക്കുള്ള റോഡ്‌ മാപ്.

പിതാവ് പി.എസ്.കെ. മൊയ്തു ബാഖവി മാടവന കേരളത്തില്‍ നിന്നും സംഘടിപ്പിച്ച ഉസ്ബകിസ്ഥാന്‍ സിയാറത്ത് യാത്രയിലൊരു അംഗമായാണ് ആദ്യമായി മഹാനായ ഇമാം ബുഖാരി (റ)ന്‍റെ അടുക്കല്‍ ഞാന്‍ എത്തുന്നത്. ഞങ്ങള്‍ അമ്പത് പേരടങ്ങുന്ന പ്രൌഡമായൊരു സംഘമായിരുന്നു. തലപ്പാറ തങ്ങള്‍, കോടമ്പുഴ ബാവ മുസ്‌ലിയാര്‍, കല്‍ത്തറ അബ്ദുല്‍ ഖാദിര്‍ മദനി, തുടങ്ങിയ മഹാന്മാര്‍ യാത്രയുടെ ആത്മീയതക്ക് വേണ്ടുവോളം നിറംപകര്‍ന്നു നല്‍കി. 2013 ഒക്ടോബര്‍ 18 നു തൃശ്ശൂരില്‍ നിന്നും ട്രെയിന്‍ കയറി 20 നു ഞാന്‍ ദല്‍ഹിയില്‍ എത്തി. നിസാമുദ്ദീന്‍ ദര്‍ഘ സിയാറത്ത് കഴിഞ്ഞ് രാത്രി 11 മണിക്ക് ദല്‍ഹി ഇന്ദിരാഗാന്ധി ഇന്റര്‍നാഷണല്‍ വിമാനത്താവളത്തിലെത്തി. പല സംഘങ്ങളായി എത്തിയ 50 പേരടങ്ങുന്ന ഉസ്ബക് യാത്രാ സംഘത്തില്‍ അങ്ങനെ ഞാനും ഒരു കണ്ണിയായി.

യാത്രാ നിര്‍ദ്ദേശങ്ങള്‍ക്ക് ശേഷം പുലര്‍ച്ചെ 3നു വിമാനം പറന്നുയര്‍ന്നു. 21 നു പുലര്‍ച്ചെ ഉസ്ബക് സമയം 5നു ഉസ്ബക്കിസ്ഥാന്‍ തലസ്ഥാനമായ താഷ്ക്കന്‍റില്‍ വിമാനമിറങ്ങി. പകല്‍ പ്രോഗ്രാം കഴിഞ്ഞ് രാതി ബുഖാറയിലേക്ക് ട്രെയിന്‍ കയറി. 22നു ബുഖാറയില്‍ തങ്ങി. 23നു പുലര്‍ച്ചെ ബുഖാറയില്‍ നിന്നും ഇമാം ബുഖാരിയുടെ മഖ്ബറ ലക്ഷ്യമാക്കി ബസ്സ്‌ പുറപ്പെട്ടു. ഇമാം ബുഖാരി ജനിച്ച നാടാണ് ബുഖാറയെങ്കിലും വഫാത്തായത് 268 കിലോമീറ്റര്‍ ദൂരെയുള്ള ഖര്‍തന്‍ക് എന്ന സ്ഥലത്താണ്. ഇവിടെ നിന്നും സമര്‍ഖന്ദ്‌ പട്ടണത്തിലേക്ക് 50 കിലോമീറ്റര്‍ ദൂരമേ ഉള്ളൂ.

ബസ്സില്‍ മൂന്നര മണിക്കൂര്‍ കഴിഞ്ഞതറിഞ്ഞില്ല, സഹയാത്രികരുടെ മുഖാമുഖം പ്രോഗ്രാം എല്ലാവര്‍ക്കും ഉണര്‍വ് പകര്‍ന്നു. ബുഖാരി ഇമാമിനെ അനുസ്മരിച്ചു പ്രസംഗങ്ങളും സംശയങ്ങളും മറുപടികളും എല്ലാം ഭംഗിയായി നടന്നു. വഴിയോര കാഴ്ചകള്‍ ഏവരെയും മനംകുളിര്‍പ്പിക്കുന്ന ഒന്നായിരുന്നു. കൃഷിയിടങ്ങളും ഗ്രാമീണരും നമ്മെ അങ്ങേയറ്റം മതിപ്പിക്കും. ഏകദേശം ഉച്ചയോടെ ഇമാം ബുഖാരി അന്ത്യവിശ്രമം കൊള്ളുന്ന സ്ഥലത്ത് ഞങ്ങള്‍ എത്തിച്ചേര്‍ന്നു.

കിലോമീറ്ററുകള്‍ക്ക് മുമ്പേ റോഡുകളും വഴിയോരങ്ങളും ബുഖാരി ഇമാമിന്‍റെ നാമത്താല്‍ അലങ്കൃതമായിരുന്നു. മഖാമിലേക്കുള്ള രാജകീയപാത എല്ലാ പ്രൌഡിയോടെയും നിര്‍മിച്ചിരിക്കുന്നു. പുല്‍മേടുകളും സൌന്ദര്യമാര്‍ന്ന വൃക്ഷങ്ങളും പൂന്തോട്ടങ്ങളും രാജപാതക്ക് വര്‍ണ്ണമേകി. ബസ്സിറങ്ങി, റോഡ്‌ മുറിച്ച് കടന്നു മഖാമിലേക്ക് നടന്നു. ഇമാം ബുഖാരി മഖാമും പള്ളിയും ഉള്‍പെടുത്തി ചുറ്റും വളച്ചുകെട്ടിയ കോംപ്ലക്സ് അതിവിശാലമാണ്. കര്‍ശനമായ പരിശോധനക്ക് ശേഷം ഞങ്ങളെ കോംപ്ലക്സിലേക്ക് കടത്തിവിട്ടു.

വുളു ചെയ്തു ഇമാം ബുഖാരി മസ്ജിദില്‍ പ്രവേശിച്ചു. നിസ്ക്കാരം ളുഹറും അസറും ജംഉം ഖസ്റുമായി നിസ്കരിച്ചു. ഇമാം ബുഖാരിയെ സംബന്ധിച്ച് കോടമ്പുഴ ബാവ മുസ്‌ലിയാര്‍, കല്‍ത്തറ അബ്ദുല്‍ ഖാദിര്‍ മദനി എന്നിവര്‍ പ്രഭാഷണം നടത്തി. ഇമാം ബുഖാരിയെ സംബന്ധിച്ച് ബാവ മുസ്‌ലിയാര്‍ രചിച്ച അറബി ഗ്രന്ഥം ഇമാം ബുഖാരി മസ്ജിദ് ഇമാം തലപ്പാറ തങ്ങള്‍ക്ക് കോപി നല്‍കി പ്രകാശനം നിര്‍വഹിച്ചു. എല്ലാ വര്‍ഷവും എറണാകുളത്ത് നടക്കുന്ന ഹുബ്ബുര്‍റസൂല്‍ കോണ്‍ഫ്രന്‍സിന്‍റെ ഈ വര്‍ഷത്തെ പ്രോഗ്രാമിന് മുന്നോടിയായി ഉയര്‍ത്താനുള്ള പതാക ഇമാം ബുഖാരി മസ്ജിദ് ഇമാം കല്‍ത്തറ അബ്ദുല്‍ ഖാദിര്‍ മദനിക്ക് കൈമാറി. ശേഷം എല്ലാവരും മഹാനവര്കളുടെ മഖാമിനരികിലേക്ക് നടന്നു.

ഇമാം ബുഖാരിയുടെ മഹത്വത്തിനോദ് നീതിപുലര്‍ത്തിക്കൊണ്ട്തന്നെ വിശുദ്ധ ഖബര്‍ ശരീഫിനു മീതെ ഉയര്‍ന്നുനില്‍ക്കുന്ന ഖുബ്ബ കണ്ടപ്പോള്‍ മനസ്സ് തളര്‍ന്നു...ഞാന്‍ നില്‍ക്കുന്നത് ആരുടെ അരികില്‍!? വിശുദ്ധ ഇസ്‌ലാമിനു വേണ്ടി ഒരു പുരുഷായുസ്സ് മുഴുവന്‍ സമര്‍പ്പിച്ച മഹ്ല്‍വ്യക്തിയുടെ അരികില്‍ ധിക്കാരിയായ എനിക്ക് എന്തുണ്ട് കാര്യം? വിശുദ്ധ ഇസ്‌ലാമിന് എന്തെങ്കിലും എന്‍റെ വക സംഭാവന എന്നുപറയാന്‍ ഞാന്‍ എന്താണ് ചെയ്തത്? പോകട്ടെ ഇസ്‌ലാം അനുസരിച്ച് ജീവിക്കാനെങ്കിലും എനിക്ക് സാധിച്ചോ? നിരാശയും സങ്കടവും മിന്നലാട്ടം നടന്ന നിമിഷം!! ഏതായാലും മുന്‍കാമികള്‍ക്ക് അല്ലാഹു നല്‍കിയ കഴിവുകള്‍ പില്‍ക്കാലക്കര്‍ക്ക് ലഭിക്കില്ലല്ലോ എന്ന് ആശ്വസിച്ചു. അല്ലാഹു ഇഷ്ടപെട്ട കൂട്ടക്കാരായ ഈ മഹത്തുക്കളോട് സ്നേഹം വെച്ചാല്‍ അത് വെറുതെയാകില്ലെന്ന് മനസ്സ് മന്ത്രിച്ചു. ബുഖാരി ഇമാമിന്‍റെ ഖബര്‍ ശരീഫ് പുറത്ത് നിന്ന് കാണാം. ഉയര്‍ന്നു നില്‍ക്കുന്ന കുബ്ബക്ക് താഴെ. ഖബറിന് അടുത്തേക്ക് പ്രവേശനം ഇല്ല. പുറത്ത് ഞങ്ങള്‍ കൂട്ടമായി നിന്നു. ഖുര്‍ആന്‍ കഴിഞ്ഞാല്‍ ഏറ്റം ഉന്നതമായ ഗ്രന്ഥം രചിച്ച മനുഭാവാന്‍! ഇമാം ബുഖാരി.(റ) ആ ഗ്രന്ഥമാണ് സ്വഹീഹുല്‍ ബുഖാരി. (സ്വഹീഹുല്‍ ബുഖാരി ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക.) ആരാണ് ഇമാം ബുഖാരി എന്താണ് സ്വഹീഹുല്‍ ബുഖാരി എന്നറിയാന്‍ അല്പം വിശദീകരണം താഴെ നല്‍കുന്നു. 2013 ആഗസ്റ്റ്‌ 2 നു സുന്നീവോയ്സില്‍ പ്രസിദ്ധീകരിച്ച ''ഇമാം ബുഖാരി(റ): നബിവചനങ്ങള്ക്കു സമര്പ്പിച്ച പുരുഷായുസ്സ്'' എന്ന ലേഖനം താഴെ കൊടുക്കുന്നു.

സ്വഹീലുല്‍ ബുഖാരി

വിശുദ്ധ ഇസ്ലാമിന്‍റെ രണ്ടാം പ്രമാണമായ തിരുസുന്നത്തിനെ കൃത്യവും കണിശവുമായി ശേഖരിച്ചും സമര്പ്പിച്ചും നിസ്തുലനായ മഹദ് വ്യക്തിത്വമാണ് ഇമാം ബുഖാരി(റ). ഹദീസ് വിഷയത്തില്‍ സത്യവിശ്വാസികളുടെ നേതാവ് എന്ന അപരനാമത്താല്‍ വിശ്രുതനായ അദ്ദേഹം നടത്തിയ സേവനത്തിന്‍റെ മൂല്യം സമൂഹം തിരിച്ചറിഞ്ഞ് കലവറയില്ലാതെ സ്വീകരിച്ചു. വിശുദ്ധ ഖുര്‍ആന്‍നുശേഷം ഏറ്റവും സ്വീകാര്യമായ ഗ്രന്ഥമാണ് ഹദീസ് സമാഹാരമായ സ്വഹീഹുല്‍ ബുഖാരി. സ്വഹീഹുല്‍ ബുഖാരി ക്രോഡീകരിക്കപ്പെടുന്ന കാലവും സാഹചര്യവും വിലയിരുത്തുമ്പോള്‍ അതു വെറുമൊരു ഒരു സേവനം മാത്രമല്ല, അമൂല്യമായ നിയോഗവും അനിവാര്യതയുമായിരുന്നുവെന്ന് ബോധ്യപ്പെടും.

തിരുവചനങ്ങളില്‍ കലര്പ്പൊട്ടും കടന്നുവരാനിടവരാത്ത വിധം അവയുടെ പരമ്പരയിലുള്ള ഗുരുവര്യരെക്കുറിച്ച് സൂക്ഷ്മപഠനം നടത്തി ശേഖരിച്ച ഹദീസുകളില്‍ നിന്നാണ് സ്വഹീഹുല്‍ ബുഖാരി ക്രോഡീകരിച്ചിട്ടുള്ളത്. ഇസ്ലാമിക തത്ത്വങ്ങളുടെ പരിരക്ഷ ലഭിക്കാതെപോയ അല്പന്മാര്‍ മാത്രമാണ് ഇമാം ബുഖാരി(റ)യുടെ നിസ്തുല സംഭാവനയെ സംശയിച്ചിട്ടുള്ളത്. മുസ്ലിം ഉമ്മത്ത് അതു സ്വീകരിക്കുകയും ചെയ്തു. ഇസ്ലാമിക സമൂഹത്തിന്‍റെ നേര്‍വഴിയില്‍നിന്നും തെന്നിമാറി സഞ്ചരിച്ചവര്‍ പേറുന്ന വിശ്വാസമാലിന്യത്തിന്‍റെ ഫലമായി കേരള നാട്ടില്‍ നിന്നുവരെ സ്വഹീഹുല്‍ ബുഖാരിയില്‍ തിരുത്താവശ്യപ്പെടുന്നുണ്ട്. തന്‍റെ ആദര്‍ശത്തിനു വിരുദ്ധമായതിനാല്‍ ഇമാം ബുഖാരിയുടെ പിതാവിനെ ആക്ഷേപിച്ച മുജാഹിദ് നേതാക്കള്‍ വരെയുണ്ട്. യഥാര്ത്ഥത്തില്‍ ഓറിയന്‍റലിസത്തിന്‍റെ ഇസ്ലാംവിരുദ്ധ വിഴുപ്പ് പേറിയവരാണ് സ്വഹീഹായ ഹദീസുകളില്‍ സംശയം രേഖപ്പെടുത്തുന്നത്.

ഇമാം ഹദീസ് സ്വീകരണത്തിലും ഗുരുനാന്മാരെ കണ്ടെത്തുന്നതിലും സ്വീകരിച്ച കണിശതയും കൃത്യതയും എടുത്തുപറയേണ്ടതാണ്. അനിതരസാധാരണമായ തന്‍റെ ബുദ്ധിശക്തിയും അന്വേഷണ ത്വരയും ചെറുപ്പനാളിലേ സമൂഹവും ഗുരുനാഥന്മാരും മനസ്സിലാക്കിയിരുന്നതാണ്. ഒരായുഷ്കാലത്തെ താനെങ്ങനെ നടന്നവസാനിപ്പിച്ചു എന്നതിനെ കുറിച്ച് അവസാനകാലത്തും കൃത്യമായി വിവരിക്കാനദ്ദേഹത്തിനു കഴിഞ്ഞിരുന്നുവെന്നാണ് ചരിത്രം. ഇമാം ബുഖാരി(റ)ന്‍റെ വിവരണം ഇബ്നുഹജറില്‍ അസ്ഖലാനി(റ)യും മറ്റും മുഹമ്മദ് ബ്നു അബീഹാതമില്‍ ബുഖാരി(റ)യില്‍ നിന്നു ഉദ്ധരിക്കുന്നുണ്ട്.

അബൂഹാതിം(റ) ചോദിച്ചു: എങ്ങനെയായിരുന്നു നിങ്ങളുടെ പഠന യാത്രയുടെ തുടക്കം.
ഇമാം ബുഖാരി(റ): ഞാന്‍ പ്രാഥമിക പാഠശാലയിലായിരിക്കുമ്പോള്‍ ഹദീസ് മനഃപാഠമാക്കാന്‍ എനിക്ക് ഒരു ഉള്‍വിളി അനുഭവപ്പെട്ടു.
അബൂഹാതിം(റ): അന്ന് നിങ്ങള്ക്കെത്ര വയസ്സായിരുന്നു?
ഇമാം ബുഖാരി(റ): പത്തോ അതില്‍ താഴെയോ. പിന്നീട് പത്തു വയസ്സിനു ശേഷം ഞാന്‍ പ്രാഥമിക പാഠശാലയില്‍ നിന്നും പഠനം പൂര്ത്തിയാക്കി. അങ്ങനെ ഞാന്‍ ദാഖിലി(റ) അടക്കം പല ഉസ്താദുമാരുടെയും അടുത്തുപോയിക്കൊണ്ടിരുന്നു. ഒരു ദിവസം ഉസ്താദ് ദാഖിലി(റ) ഒരു ഹദീസിന്റെ സനദില്‍ ഇങ്ങനെ പറഞ്ഞു: സുഫ്യാന്‍ എന്നവര്‍ അബുസ്സുബൈര്‍ എന്നവരില്‍ നിന്ന് അദ്ദേഹം ഇബ്റാഹിം എന്നവരില്‍ നിന്നും ഇതുകേട്ടപ്പോള്‍ ഞാന്‍ ഉസ്താദിന്റെ ശ്രദ്ധയില്‍ പെടാനായി ഇങ്ങനെ പറഞ്ഞു: അബുസ്സുബൈര്‍(റ) ഇബ്റാഹിം എന്നവരില്‍ നിന്ന് ഉദ്ധരിച്ചിട്ടില്ലല്ലോ. അദ്ദേഹം അതവഗണിച്ചപ്പോള്‍ ഞാന്‍ ഒന്നുകൂടി പറഞ്ഞു: നിങ്ങള്‍ ശേഖരിച്ചുവെച്ച അടിസ്ഥാന രേഖയില്‍ ഒന്നു നോക്കിയാലും.
അങ്ങനെ ദാഖിലി(റ) അകത്തുകയറി പരിശോധന നടത്തി തിരിച്ചെത്തിയ ശേഷം എന്നോടു ചോദിച്ചു: അതുപിന്നെ എങ്ങനെയാണു കുട്ടീ?
ഞാന്‍ പറഞ്ഞു: സുബൈറുബ്നു അദിയ്യ് എന്നവര്‍ ഇബ്റാഹിം എന്നവരില്‍ നിന്ന് എന്നാണ്. അദ്ദേഹം എന്റെ കൈയില്‍ നിന്നും പേന വാങ്ങി തന്റെ ഗ്രന്ഥത്തില്‍ തിരുത്തിയെഴുതിപ്പറഞ്ഞു: നീ പറഞ്ഞതാണു ശരി.
അന്നു താങ്കള്ക്കെത്ര വയസ്സുണ്ടായിരുന്നു എന്ന ചോദ്യത്തിന് ഇമാം പറഞ്ഞു: പതിനൊന്ന് വയസ്സ്.
അദ്ദേഹം തുടരുന്നു: പതിനാറ് വയസ്സുള്ളപ്പോള്‍ ഇബ്നുല്‍ മുബാറക്, വകീഅ്(റ) തുടങ്ങിയവരുടെ ഗ്രന്ഥങ്ങള്‍ ഞാന്‍ മനഃപാഠമാക്കിയിരുന്നു. പിന്നെ ഞാനും ഉമ്മയും സഹോദരനും ഹജ്ജിനായി മക്കയിലേക്ക് പുറപ്പെട്ടു. ഹജ്ജിനു ശേഷം ഉമ്മയും സഹോദരനും നാട്ടിലേക്കു തിരിച്ചു. ഞാന്‍ ഹദീസ് ശേഖരിക്കുന്നതിനും പഠിക്കുന്നതിനുമായി അവിടെതന്നെ താമസിച്ചു.

മരണദിനമടുക്കുന്ന സമയത്തൊരിക്കല്‍ ഇമാം അബൂഹാതമെന്നവരോട് ഇമാം പറഞ്ഞു: ആയിരത്തി എണ്‍പത് ഗുരുവര്യന്മാരില്‍ നിന്നും ഞാന്‍ ഹദീസ് രേഖപ്പെടുത്തിയിട്ടുണ്ട്. അവരിലാരും അഖീദയില്‍ പിഴവ് സംഭവിച്ചവരായിരുന്നില്ല. ബുഖാറയില്‍ നിന്ന് ബന്ഖ്, മുറു, നൈസാബൂര്‍, റയ്യ്, ബഗ്ദാദ്, ബസ്വറ, കൂഫ, മക്ക, മദീന, ഈജിപ്ത്, സിറിയ എന്നിവിടങ്ങളിലെ മഹാഗുരുക്കളില്‍ നിന്നും ഹദീസ് സ്വീകരിച്ചു.

ഇമാം ബുഖാരി(റ) തന്റെ യാത്രയെക്കുറിച്ച് ഒരിക്കല്‍ പറഞ്ഞു: ശാമിലും ഈജിപ്തിലും അള്‍ജീരിയയിലും ഞാന്‍ രണ്ടു പ്രാവശ്യം പോയിട്ടുണ്ട്. ബസ്വറയില്‍ നാലുപ്രാവശ്യം പോയി. ഹിജാസില്‍ ആറു വര്‍ഷം താമസിച്ചു. കൂഫയിലും ബഗ്ദാദിലും ഞാനെത്ര പ്രാവശ്യം പോയി എന്നു കൃത്യമായി പറയാനാവില്ല.

ഇമാമിന്റെ സഹപാഠി ഹാശിറുബ്നു ഇസ്മാഈല്‍ പറഞ്ഞു: ഇമാം കുട്ടിയായിരിക്കുമ്പോള്‍ ഞങ്ങള്‍ ബഗ്ദാദിലെ ഗുരുവര്യന്മാരെത്തേടിപ്പോകും. ഞങ്ങള്‍ കേള്ക്കുന്നതൊക്കെ കുറിച്ചിടും. ഇമാം ഒന്നും എഴുതിവെക്കാറില്ല. കുറെനാള്‍ കഴിഞ്ഞപ്പോള്‍ ഞങ്ങള്‍ അദ്ദേഹത്തെ ആ വിഷയത്തില്‍ ആക്ഷേപിച്ചു. ഇതു തുടര്ന്ന പ്പോള്‍ ഇമാം പറഞ്ഞു: നിങ്ങള്‍ വല്ലാതെ ആക്ഷേപിക്കുന്നുണ്ടല്ലോ. എങ്കില്‍ നിങ്ങള്‍ എഴുതിയതൊക്കെ ഒന്ന് പുറത്തെടുക്കൂ. ഞാന്‍ എഴുതി ശേഖരിച്ചത് എല്ലാം പുറത്തെടുത്തപ്പോള്‍ അതു പതിനയ്യായിരത്തിലധികം ഹദീസുകളുണ്ടായിരുന്നു. ഇത്രയും ഹദീസുകള്‍ ഇമാമവര്കള്‍ മനഃപാഠമായി ഓതിക്കേള്പ്പിച്ചു. അങ്ങനെ ഞങ്ങളുടെ കുറിപ്പുകളില്‍ ആവശ്യമായ തിരുത്തും സ്ഥിരീകരണവും നടത്തി.

കേള്ക്കുന്നതെല്ലാം മനഃപാഠമാക്കാന്‍ കഴിയുന്നതിനാല്‍ ശ്രദ്ധ കേള്‍വിയില്‍തന്നെ കേന്ദ്രീകരിക്കുമായിരുന്നു. ബഗ്ദാദില്‍ നിന്നും കൂഫയില്‍ നിന്നും കേള്ക്കുന്നത് ബുഖാറയിലെത്തിയ ശേഷമാണ് എഴുതിവെച്ചിരുന്നതെന്നറിയുമ്പോള്‍ ഓര്മനശക്തിയുടെ അപാരതക്ക് വേറെ തെളിവു വേണ്ടതില്ല.

ഇമാമിന്റെ ഓര്മ്ശക്തിയും കണിശതയും മഹാഗുരുക്കന്മാര്‍ അംഗീകരിച്ചിട്ടുള്ളതാണ്. ഇസ്ഹാഖ് ബ്നു റാഹവൈഹി(റ) ഇമാമിന്‍റെ ഗുരുനാഥന്മാരില്‍ പ്രമുഖരാണ്. ഹദീസ് പാരായണത്തിനിടെ അതാഉല്‍ കൈഖറാനീ എന്ന താബിഈ പ്രമുഖനെ ഹദീസിന്‍റെ സനദില്‍ വായിച്ചു. സാധാരണ ഗതിയില്‍ കൈഖറാന്കാനരനായ ഒരാള്ക്ക് സ്വഹാബി ഗുരുവര്യനാകുന്നതെങ്ങനെ എന്ന ആലോചന പ്രസക്തമാണ്. ഗുരുനാഥന്‍ ഇമാമിനോട് ചോദിച്ചു: ഏതാണീ കൈഖറാനി? ഇമാം ഉടനെ മറുപടി പറഞ്ഞു: കൈഖറാന്‍ യമനിലെ ഒരു ഗ്രാമമാണ്. മുആവിയ(റ) ഇബ്രാഹിം(റ) എന്ന സ്വഹാബിയെ ഒരു വിഷയത്തിനയച്ചപ്പോള്‍ കൈഖറാനിലൂടെ പോയി. അവിടെവെച്ച് അതാഅ് അല്‍ കൈഖറാനി രണ്ടു ഹദീസുകള്‍ ഇബ്റാഹിം(റ) എന്ന സ്വഹാബിയില്‍ നിന്നും കേട്ടതാണ്.

ഇമാമിന്റെ മനനശേഷി പരീക്ഷിക്കാനായി കുറച്ച് ഹദീസ് പണ്ഡിതന്മാര്‍ പദ്ധതിയാവിഷ്കരിച്ചു. ഇമാം ബഗ്ദാദിലേക്ക് പോയിക്കൊണ്ടിരിക്കുന്നതിനിടയിലായിരുന്നു ഇത്. അവര്‍ നൂറ് ഹദീസുകള്‍ മൂലവാക്യവും (മത്ന്) പരമ്പരയും പരസ്പരം മാറ്റിയ ശേഷം പത്തുവീതം ഹദീസുകള്‍ പത്തുപേരെ ഏല്പ്പിച്ചു. ഇമാം ബഗ്ദാദിലെത്തിയാല്‍ അതിനായി ഒരു സദസ്സ് ഒരുക്കാനും തീരുമാനിച്ചു. നിശ്ചയംപോലെ വലിയൊരു സദസ്സ് വ്യത്യസ്ത നാട്ടുകാര്‍, ഓരോരുത്തരായി അവരുടെ ഹദീസുകള്‍ ഇമാമിന്‍റെ മുന്നില്‍ ഓതിക്കേള്പ്പിച്ചു. ഇമാം എല്ലാവരോടും പറഞ്ഞു: ഇങ്ങനെ ഒരു ഹദീസ് ഞാനറിയില്ല. സദസ്യര്‍ അദ്ഭുതപ്പെട്ടു. എല്ലാം കഴിഞ്ഞ ശേഷം ഇമാം നൂറു ഹദീസുകളും സനദുകള്‍ ശരിയാംവണ്ണം യോജിപ്പിച്ച് ഓതിക്കേള്‍പ്പിക്കുകയുണ്ടായി.

ഹദീസ് ശേഖരണത്തില്‍ അതിന്റെ മത്നും സനദും ക്ലിപ്തപ്പെടുത്തുകയും കണിശതയോടെ ക്രോഡീകരിക്കുകയും ചെയ്യുന്ന രീതിയായിരുന്നു മഹാന്‍റെത്. ശേഖരിച്ച ഹദീസുകള്‍ രേഖപ്പെടുത്തുന്നതിലും ഗുരുനാഥന്മാരുടെ ചരിത്രം രേഖപ്പെടുത്തുന്നതിലും സാധാരണവും അനിവാര്യവുമായ കണിശതക്ക് പുറമെ തബര്‍റുക്കും ആദരവും അര്‍ഹിക്കുന്നവിധം നല്കുകയും സ്വീകരിക്കുകയും ചെയ്തിരുന്നു.

ഇമാം പറയുന്നു: പതിനെട്ടാം വയസ്സിലാണ് ഞാന്‍ ഖളായസ്വഹാബത്തിവത്താബിഈന്‍ രചിച്ചത്. പിന്നീട് മദീനയില്‍ റസൂല്‍(സ്വ) അന്ത്യവിശ്രമസ്ഥാനത്തിരുന്ന് നിലാവുള്ള രാത്രികളില്‍ ഞാന്‍ താരീഖ് രചിച്ചു. അതില്‍ ഞാന്‍ രേഖപ്പെടുത്തിയവരെക്കുറിച്ചെല്ലാം ഇനിയുമേറെ ചരിത്രമെന്‍റെയടുത്തുണ്ട്. സുദീര്‍ഘമാവുമെന്നതിനാല്‍ ഞാനതു ചേര്ത്തി ട്ടില്ല.

ജാമിഅ് (സ്വഹീഹുല്‍ ബുഖാരി) ഞാന്‍ രചിച്ചത് മസ്ജിദുല്‍ ഹറമില്‍ വെച്ചാണ്. കുളിച്ച് രണ്ടു റക്അത്ത് നിസ്കരിച്ച് ഇസ്തിഖാറത്ത് നടത്തി സ്വഹീഹാണെന്ന് ഉറപ്പുവരുത്തിയതിനു ശേഷമല്ലാതെ ഒരു ഹദീസും ഞാനതില്‍ ഉള്‍കൊള്ളിച്ചിട്ടില്ല. ലഭ്യമായ ആറു ലക്ഷം ഹദീസുകളില്‍ നിന്ന് പതിനാറ് വര്‍ഷം കൊണ്ടാണ് ഇതു രചിക്കുന്നത്. അല്ലാഹുവും ഞാനും തമ്മിലുള്ള ബന്ധത്തില്‍ അത് എനിക്ക് അനുകൂലമായ ഒരു പ്രമാണമാകുമെന്ന് പ്രതീക്ഷിക്കുന്നു.

തന്‍റെ ഗ്രന്ഥങ്ങളെല്ലാം മൂന്നു പ്രാവശ്യം മാറ്റി എഴുതിയിട്ടുണ്ടെന്നു ഇമാമില്‍ നിന്നുദ്ധരിക്കപ്പെട്ടിട്ടുണ്ട്. സ്വഹീഹുല്‍ ബുഖാരിക്ക് സമൂഹത്തില്‍ ലഭ്യമായ സ്വീകാര്യത അതിന്‍റെ സ്ഥാനത്തെ മാത്രമല്ല അടയാളപ്പെടുത്തുന്നത്, അതിന്‍റെ ആധികാരികതയും അനിവാര്യതയും കൂടിയാണ്. തനിക്ക് ലഭിച്ച ഒരു ഹദീസും അലസമായി ശേഖരിച്ചതല്ലെന്നും കൃത്യമായ വിവരണവും ചരിത്രവുമുള്ള ഗുരുപരമ്പരയെ അടിസ്ഥാനപ്പെടുത്തിയാണെന്നും ഇമാം പറഞ്ഞിട്ടുണ്ട്. മാത്രമല്ല, സ്വഹാബികളുടെയോ താബിഉകളുടെയോ മഹദ്വചനങ്ങള്‍ ഉദ്ധരിക്കുന്നുവെങ്കില്‍ കിതാബില്‍ നിന്നും സുന്നത്തില്‍ നിന്നും അതു ശരിവെക്കുന്ന അടിസ്ഥാനം ഞാന്‍ ഹൃദിസ്ഥമാക്കി മാത്രമായിരിക്കും. അവരില്‍ അധിക പേരുടെയും ജനനം, മരണം, നാട് തുടങ്ങിയവ അറിയാതെ ഞാന്‍ ഉദ്ധരിച്ചിട്ടില്ലെന്നും അദ്ദേഹം വ്യക്തമാക്കിക്കാണാം.

ഒരു ദിവസം നേരംപുലര്ന്നനപ്പോള്‍ ഇമാം പറഞ്ഞു: ഞാനെന്‍റെ രചനകളിലെല്ലാം ഉദ്ധരിച്ച ഹദീസുകള്‍ എണ്ണി നോക്കിയിട്ടല്ലാതെ ഇന്നലെ രാത്രി ഉറങ്ങിയിട്ടില്ല. അതു രണ്ടരലക്ഷം ഹദീസുകളുണ്ടായിരുന്നു. ഒരിക്കല്‍ അബൂഹാതം(റ) ഇമാമിനോടിങ്ങനെ ചോദിച്ചു: അങ്ങയുടെ രചനകളിലുള്ളതെല്ലാം അങ്ങേക്ക് ഹൃദിസ്ഥമാണോ? അദ്ദേഹം മറുപടി പറഞ്ഞതിങ്ങനെ: അവയിലുള്ളതൊന്നും എനിക്ക് വ്യക്തമായി ഓര്മയയില്ലാത്തതില്ല. എന്‍റെ രചനകളെല്ലാം ഞാന്‍ മൂന്നു പ്രാവശ്യം മാറ്റിയെഴുതിയിട്ടുണ്ട്. അഞ്ചുകൊല്ലം ബസ്വറയില്‍ താമസിച്ച് ഗ്രന്ഥരചന നടത്തുമ്പോള്‍ ഓരോ വര്ഷവും ഹജ്ജ് നിര്‍വഹിക്കാന്‍ പോകുമായിരുന്നു. എന്‍റെ രചനകളില്‍ നിന്നെല്ലാം അല്ലാഹു മുസ്ലിംകള്ക്ക് ബറകത്ത് ചെയ്യണമെന്ന് ഞാനാഗ്രഹിക്കുന്നു.

ഇമാം നടത്തിയ കൃത്യവും കണിശവുമായ ഹദീസ് സേവനത്തിന്‍റെ അംഗീകാരം അദ്ദേഹത്തിന് ലഭിച്ച സ്വീകാര്യതയിലൊതുങ്ങുന്നില്ല. പാരത്രികമായി ഇമാമിനുള്ള സൗഭാഗ്യ സ്ഥിതി മനസ്സിലാക്കാവുന്ന ഒട്ടേറെ അനുഭവങ്ങള്‍ മഹാന്മാരില്‍ നിന്നും ഉദ്ധരിക്കപ്പെട്ടിട്ടുണ്ട്. സാത്വികനായ നജ്മുബ്നു ഫുളൈല്‍(റ)യില്‍ നിന്നും ഉദ്ധരിക്കുന്ന ഒരു സംഭവമിങ്ങനെ: നബി(സ്വ)യുടെ പിന്നിലായി ഇമാം ബുഖാരി(റ) നടന്നുപോകുന്നതു ഞാന്‍ സ്വപ്നം കണ്ടു. നബി(സ്വ) കാല്പാ്ദം വെച്ചിടത്തെല്ലാം ഇമാമും കാല്പാ)ദം വെക്കുന്നു. തിരുചര്യ പിന്തുടരുന്നതില്‍ ഇമാം പുലര്‍ത്തിയ കണിശതയും കൃത്യതയും സൂചിപ്പിക്കുന്നതാണീ സ്വപ്നം.

ഹിജ്റ 194 ശവ്വാല്‍ 13ന് വെള്ളിയാഴ്ച ജുമുഅക്കു ശേഷം ബുഖാറയിലാണ് മഹാന്‍ ജനിച്ചത്. പഴയ ഖുറാസാന്‍റെ ഭാഗമാണ് ബുഖാറ പ്രദേശം. ഇപ്പോഴത് ഉസ്ബെക്കിസ്ഥാനിലാണ്. പിതാവ് സാത്വികനും ധനികനും ഹദീസ് പണ്ഡിതനുമായിരുന്ന ഇസ്മാഈല്‍(റ)വാണ്. മാലിക്(റ)വില്‍ നിന്നും ഹമ്മാദ്(റ)ല്‍ നിന്നും ഇബ്നുല്‍ മുബാറക്(റ)ല്‍ നിന്നും പിതാവ് ഹദീസ് പഠനം നേടിയിട്ടുണ്ട്. ധാരാളം ശിഷ്യന്മാരുമുണ്ട്. ഉമ്മ ഭക്തയും സച്ചരിതയുമായിരുന്നു. ഇമാമിന്‍റെ ചെറുപ്പത്തിലേ പിതാവ് മരണപ്പെട്ടതിനാല്‍ ഉമ്മയാണ് വളര്ത്തിയത്.

കുഞ്ഞിന് അന്ധത ബാധിച്ചപ്പോള്‍ ഉമ്മ കരഞ്ഞുപ്രാര്ത്ഥിച്ചു. ഫലമായി ഖലീലുല്ലാഹി ഇബ്റാഹിം(അ)നെ സ്വപ്നത്തില്‍ ദര്ശി്ച്ചു: നിന്‍റെ കരച്ചിലിന്‍റെയും പ്രാര്ത്ഥനയുടെയും ഫലമായി അല്ലാഹു അവന്‍റെ കാഴ്ച തിരിച്ചുനല്‍കിയിരിക്കുന്നു. പുലര്ന്നപ്പോള്‍ അതു യാഥാര്‍ഥ്യമായിരുന്നു. ഉമ്മയും സഹോദരന്‍ അഹ്മദ്(റ)വും ഇമാമും പിതാവ് ബാക്കിവെച്ച സമ്പത്തുപയോഗിച്ചു ജീവിച്ചു. ഉമ്മ മക്കളെ പഠനത്തിനയച്ചു. ഇമാം എല്ലാറ്റിലും മികവുപുലര്‍ത്തി. ഒരായുഷ്ക്കാലം ഹദീസിലും അനുബന്ധ കാര്യങ്ങളിലുമായി വിനിയോഗിച്ച് അതിശ്രദ്ധേയമായ ജ്ഞാന നിര്ഝരികള്‍ ലോകത്തിന് സമ്മാനിച്ചു.

അവസാനകാലം ചില കാരണങ്ങളാല്‍ ബുഖാറയില്‍ നിന്നു മാറി സമര്‍ഖന്ദില്‍ താമസിക്കുകയുണ്ടായി. ഖര്‍തന്‍ക് എന്ന സ്ഥലത്തായിരുന്നു അത്. ഈ മാറിത്താമസം പക്ഷേ, ഇമാമിനെ വല്ലാതെ വിഷമിപ്പിച്ചിരുന്നു. ഒരു രാത്രി നിസ്കാരാനന്തരം ഇമാം ഇങ്ങനെ പ്രാര്ത്ഥിച്ചു: അല്ലാഹുവേ, പ്രവിശാലമായിരിക്കെ തന്നെ ഭൂമി എനിക്ക് ഇടുങ്ങിയതായി അനുഭവപ്പെടുന്നു. അതിനാല്‍ നീ എന്നെ നിന്നിലേക്ക് സ്വീകരിക്കേണമേ. അതുകഴിഞ്ഞ് ഒരു മാസം തികയുന്നതിന് മുമ്പ് ഈ ലോകത്തോട് വിടപറഞ്ഞു.

ഹിജ്റ 256ല്‍ റമളാന്‍ അവസാനിച്ച് ഈദുല്‍ ഫിത്വറിന്‍റെ രാത്രി ശനിയാഴ്ചയായിരുന്നു വിയോഗം. അറുപത്തിമൂന്ന് വയസ്സ് തികയാന്‍ 13 ദിവസം ശേഷിക്കെയായിരുന്നു അത്. പെരുന്നാള്‍ ദിനത്തില്‍ ളുഹ്ര്‍ നിസ്കാരാനന്തരം ഖര്‍തന്‍കില്‍ ജനാസ മറവുചെയ്തു.

അവസാനകാലം ഇമാം താമസിച്ചിരുന്ന വീട്ടുകാരന്‍ അബൂമന്‍സൂര്‍ ഗാലിബ് പറയുന്നു: ഇമാം ഞങ്ങളുടെ അടുത്ത് അല്പദിവസമേ താമസിച്ചുള്ളൂ. ആയിടക്ക് അദ്ദേഹം രോഗിയായി. രോഗം മൂര്‍ച്ചിച്ചിരിക്കുന്ന അവസ്ഥയില്‍ സമര്ഖമന്ദില്‍ നിന്ന് അദ്ദേഹത്തെ തിരിച്ചുകൊണ്ടുപോവാന്‍ ബുഖാറയില്‍ നിന്നും ദൂതന്‍ വന്നു. ഇമാം കൂടെപ്പോവാന്‍ തയ്യാറാവുകയും ചെയ്തു. ചെരിപ്പ് ധരിച്ച് തലപ്പാവണിഞ്ഞ് വാഹനത്തിനടുത്തേക്ക് നീങ്ങുന്നതിനിടെ കൂടുതല്‍ തളര്ന്നു അദ്ദേഹം. ഉടനെ വഫാത്ത് സംഭവിക്കുകയും ചെയ്തു. ഒരു ചെറിയ വിയര്പ്പ് മാത്രമാണനുഭവപ്പെട്ടത്. ഇമാം വസ്വിയ്യത് ചെയ്തതു പ്രകാരം മൂന്നു വെള്ളത്തുണിയില്‍ കഫന്ചെനയ്ത് മറവുചെയ്തു.

അബൂഹാതം(റ) പറയുന്നു: ഇമാമിന്‍റെ ജനാസ മറവുചെയ്ത ശേഷം ആ മണ്ണില്‍നിന്നു കസ്തൂരിയെക്കാള്‍ മികച്ച സുഗന്ധം അടിച്ചുവീശിക്കൊണ്ടിരുന്നു. ഏതാനും ദിവസങ്ങള്‍ ഈ അവസ്ഥ തുടര്ന്നു . ഖബ്റിനു നേരെ മുകളില്‍ നീളത്തില്‍ വെള്ള മേഘം മേലാപ്പ് പോലെ ഉയര്ന്നു നിന്നതും ജനങ്ങള്‍ കണ്ടു. അസൂയാലുക്കളും വിരോധികളും ഈ സവിശേഷതകള്‍ കണ്ട് ഖബ്റിടത്തില്‍ വന്ന് മാപ്പപേക്ഷിക്കുകയുണ്ടായി.

അബ്ദുല്‍ വാഹിദ്ബ്നു ആദമുത്തവാവീസി(റ)യെ മുഹമ്മദുല്‍ ജുര്ജായനി(റ) ഉദ്ധരിക്കുന്നു. അദ്ദേഹം പറഞ്ഞു: നബി(സ്വ) ഒരു സംഘത്തോടൊപ്പം ഒരിടത്ത് നില്ക്കുമന്നതായി സ്വപ്നം കണ്ട ഞാന്‍ സലാം പറഞ്ഞു. നബി(സ്വ) സലാം മടക്കി. ശേഷം ഞാന്‍ ചോദിച്ചു: അല്ലാഹുവിന്‍റെ റസൂലേ, അങ്ങെന്താണിവിടെ നില്ക്കുന്നത്? ഞാന്‍ മുഹമ്മദ്ബ്നു ഇസ്മാഈലുല്‍ ബുഖാരിയെ കാത്തിരിക്കുകയാണ്. പിന്നീട് ദിവസങ്ങള്‍ കഴിഞ്ഞാണ് ഞാന്‍ ഇമാം വഫാതായ വിവരം അറിഞ്ഞത്. നോക്കുമ്പോള്‍ ഞാന്‍ നബി(സ്വ)യെ സ്വപ്നം കണ്ടദിവസമായിരുന്നു ഇമാമിന്‍റെ അന്ത്യവും.

ഇമാമിന്റെ മരണശേഷം ഹിജ്റ 464ല്‍ സമര്ഖ്ന്ദില്‍ വലിയ വരള്ച്ച അനുഭവപ്പെട്ടു. മഴ തേടിയുള്ള പ്രാര്ത്ഥന പലപ്രാവശ്യം നടത്തിയിട്ടും മഴ ലഭിച്ചില്ല. അങ്ങനെ ഒരു സാത്വികന്‍ സമര്‍ഖന്ദിലെ ഖാളിയെ സമീപിച്ച് പറഞ്ഞതനുസരിച്ച് ഖാളിയുടെ നേതൃത്വത്തില്‍ സമര്‍ഖന്ദ്‌ നിവാസികള്‍ ഇമാം ബുഖാരി(റ)യുടെ ഖബറിങ്കല്‍ ചെന്ന് മഴക്കുവേണ്ടി പ്രാര്‍ത്ഥന നടത്തി. ജനങ്ങള്‍ അവിടെവെച്ച് കരയുകയും ഇമാമിനെക്കൊണ്ട് ശഫാഅത്ത് തേടുകയും ചെയ്തപ്പോള്‍ അവര്ക്ക് ആവശ്യംപോലെ മഴ ലഭിക്കുകയുണ്ടായി.

അദ്ദേഹം അനുവര്ത്തിചച്ചതും പഠിപ്പിച്ചതുമെന്താണോ അതിനനുസരിച്ച് പില്ക്കാലക്കാര്‍ അദ്ദേഹത്തെ കാണുകയും അംഗീകരിക്കുകയും പിന്തുടരുകയും ആദരവ് ചൊരിയുകയും ചെയ്തുകൊണ്ടിരിക്കുന്നു. ബുഖാരിക്ക് സേവനം ചെയ്തും സ്വഹീഹ് പാരായണം ചെയ്തും പുണ്യം നേടല്‍ മുസ്ലിം ഉമ്മത്തിന്‍റെ പതിവ് ശീലത്തില്‍ പെടുന്നു. നാഥന്‍ നമ്മെ മഹാന്‍റെ ബറകത്തുകൊണ്ട് ഹിദായത്തില്‍ അടിയുറച്ച് നിര്ത്തി ത്തരട്ടെ. ആമീന്‍.
മുഷ്താഖ് അഹ്മദ്

താജുല്‍ ഉലമ

ബാവ മുസ്‌ലിയാര്‍

ബറക്കത്തിനു വേണ്ടി ഉസ്താദുമാര്‍ സ്വഹീഹുല്‍ ബുഖാരിയുടെ ചില ഹദീസുകള്‍ അവിടെ വെച്ച് പാരായണം ചെയ്തു. ഖുര്‍ആന്‍ ഓതി, കോടമ്പുഴ ബാവ മുസ്‌ലിയാര്‍ ദുആ ചെയ്തു. ഇതിലെ മറ്റൊരു ചാരിതാര്‍ത്ഥ്യം! കോടമ്പുഴ ദാറുല്‍ മആരിഫില്‍ എന്‍റെ ഒമ്പത് വര്‍ഷത്തെ ഉസ്താദായ കോടമ്പുഴ ഉസ്താദിനോട് കൂടെ തന്നെ ഇവിടെ എത്താന്‍ കഴിഞ്ഞു എന്നുള്ളതാണ്. പഠിക്കുന്ന സമയത്ത് സ്വഹീഹുല്‍ ബുഖാരി ദര്‍സ് തുടങ്ങി തന്നത് ഇന്നത്തെ പണ്ഡിത തറവാട്ടിലെ കാരണവരും സമസ്തയുടെ ആദ്യക്ഷനുമായ താജുല്‍ ഉലമ ഉള്ളാള്‍ തങ്ങളെ കൊണ്ടായിരുന്നു. കരുവന്‍തുരുത്തിയിലെ തങ്ങളുടെ വീട്ടില്‍ വെച്ചായിരുന്നു. ഇതിനു നിമിത്തമായത് ബാവ ഉസ്താദായിരുന്നു. ശേഷം ഞങ്ങള്‍ക്ക് കിതാബ് ഓതിത്തന്നത് എ.കെ.സി. അബ്ദുല്‍ അസീസ്‌ ബാഖവി ആക്കോട് ഉസ്താദായിരുന്നു. അല്ലാഹു എല്ലാ ഉസ്താദുമാര്‍ക്കും ആഫിയത്തുള്ള ദീര്‍ഘായുസ്സ് നല്‍കട്ടെ..ആമീന്‍. ബുഖാരി ഇമാമിന്‍റെ ബറകത്ത് അല്ലാഹു നമ്മുടെ ഉസ്താദുമാര്‍ക്കും നമുക്കും സന്താനപരമ്പരയിലും ഒരുപാട് വര്‍ധിപ്പിച്ചു നല്‍കട്ടെ..ആമീന്‍. ചെറുപ്പം മുതലേ മദ്റസയില്‍ കിതാബ് ഓതിത്തന്ന അബ്ദുല്‍ ഗഫൂര്‍ ഉസ്താദ് മാടവന. അല്ലാഹു അവിടത്തെ പരലോകം സന്തോഷമാക്കികൊടുക്കട്ടെ... ഇതോടൊപ്പം സ്മരിക്കുകയാണ്.

അബ്ദുല്‍ അസീസ്‌ ബാഖവി
ആക്കോട്

ഉസ്ബക് നാട്ടുകാരായ ധാരാളം ആളുകള്‍ മഖ്ബറ സന്ദര്‍ശകരായി എത്തുന്നത് കാണാന്‍ കഴിഞ്ഞു. എല്ലാ മഖ്ബറകള്‍ക്കരികിലെന്നപോലെ ഇവിടെയും മുതവമാര്‍ വരുന്നവര്‍ക്ക് ദുആ ചെയ്തുകൊടുക്കാന്‍ ഉണ്ടാകും. അവര്‍ക്ക് സന്ദര്‍ശകര്‍ കൈമടക്കും കൊടുക്കും. കമ്മ്യൂണിസ്റ്റ് ഭരണത്തിലമര്‍ന്നിരുന്ന രാജ്യം സ്വാതന്ത്ര്യം നേടിയതിന്‍റെ ക്ഷീണം മാറി വരുന്നതേയുള്ളൂ. ഇസ്‌ലാമിക ചിന്നങ്ങള്‍ തകര്‍ത്തും തടഞ്ഞുവെച്ചും പൂട്ടിയിട്ടും കൂത്താടിയിരുന്ന കാലത്തില്‍ നിന്ന് മടക്കം വേഗമാകണമെങ്കില്‍ നല്ലൊരു ഇസ്‌ലാമിക മുന്നേറ്റം ആവശ്യമാണ്. ഇസ്‌ലാമിക പാഠങ്ങള്‍ പകര്‍ന്നു കൊടുക്കാനുള്ള ആളുകളോ അവസരങ്ങളോ പാഠശാലകളോ ഒന്നുമില്ലാതെ എന്നാല്‍ പുറംലോകത്തുനിന്നുള്ള ഇടപെടലുകള്‍ക്ക് അവസരം നല്‍കാത്ത ഭരണകൂടവും; നിസ്സഹായരായ ഒരു ജനത: അതാണ്‌ ഉസ്ബക് മുസ്‌ലിംകള്‍.

ഒരുകാലത്ത് വിജ്ഞാനത്തിന്‍റെ ഈറ്റില്ലമായ നാട്, പക്ഷെ ഇന്ന് നിസ്സഹായമായിക്കിടക്കുന്നു. ഓരോരുത്തരും ഒറ്റയ്ക്കും കൂട്ടമായും ബുഖാരി ഇമാമിനോട്‌ സലാം പറഞ്ഞു പിരിഞ്ഞു...ഇനിയെന്ന് ഇവിടെയൊക്കെ വരാന്‍!? ഇല്ല..കഴിഞ്ഞേക്കില്ല..ചിലര്‍ പരസ്പ്പരം നൊമ്പരപ്പെടുന്നുണ്ടായിരുന്നു. ഇടറുന്ന ചുണ്ടുകളോടെ തളംകെട്ടിയ കണ്ണുകളോടെ ഇമാമിന്‍റെ മഖാമില്‍നിന്നും നടന്നകന്നു...ഏകദേശം രണ്ടു മണിയോടെ ഞങ്ങളുടെ വാഹനം ഖര്‍തന്‍ക് വിട്ടു. വാഹനം കുതിച്ചു.. ഉസ്ബകിസ്ഥാനിലെ സുപ്രസിദ്ധ പട്ടണമായ സമര്‍ഖന്ദിലേക്ക്.

യാത്രയിലെ നിമിഷങ്ങള്‍ ക്യാമറ കണ്ണുകളിലൂടെ

ഇമാം ബുഖാരി മഖാമിനരികിലെ ഇമാം ബുഖാരി മസ്ജിദില്‍ കല്‍ത്തറ അബ്ദുല്‍ ഖാദിര്‍ മദനി പ്രഭാഷണം നടത്തുന്നു.

ഇമാം ബുഖാരി മഖാമിനരികില്‍ കോടമ്പുഴ ബാവ മുസ്‌ലിയാര്‍ സ്വഹീഹുല്‍ ബുഖാരിയിലെ ഹദീസ് പാരായണം നടത്തുന്നു.

ഇമാം ബുഖാരി മഖാമിനരികില്‍ പി.എസ്.കെ.മൊയ്ദു ബാഖവി മാടവന സ്വഹീഹുല്‍ ബുഖാരിയിലെ ഹദീസ് പാരായണം നടത്തുന്നു.

ഇമാം ബുഖാരി മഖാമിനരികില്‍ കല്‍ത്തറ അബ്ദുല്‍ ഖാദിര്‍ മദനി സ്വഹീഹുല്‍ ബുഖാരിയിലെ ഹദീസ് പാരായണം നടത്തുന്നു.

ഇമാം ബുഖാരി മഖാമിനരികില്‍ കോടമ്പുഴ ബാവ മുസ്‌ലിയാര്‍ ദുആക്ക് നേതൃത്വം നല്‍കുന്നു.

യാത്രാ സംഘം ഇമാം ബുഖാരി മഖാമിനരികില്‍ ദുആയില്‍

ഇമാം ബുഖാരിയെ സംബന്ധിച്ച് കോടമ്പുഴ ബാവ മുസ്‌ലിയാര്‍ രചിച്ച അറബി ഗ്രന്ഥത്തിന്‍റെ പ്രകാശനം
ഇമാം ബുഖാരി മസ്ജിദില്‍ തലപ്പാറ തങ്ങള്‍ അബ്ദുല്‍ ഖാദിര്‍ മദനിക്ക് കോപ്പി നല്‍കി പ്രകാശനം നിര്‍വഹിക്കുന്നു.

ഇമാം ബുഖാരിയെ സംബന്ധിച്ച് കോടമ്പുഴ ബാവ മുസ്‌ലിയാര്‍ രചിച്ച അറബി ഗ്രന്ഥത്തിന്‍റെ പ്രകാശനം

ഇമാം ബുഖാരി (റ) ന്‍റെ വിശുദ്ധ ഖബര്‍ ശരീഫിനു മീതെ കെട്ടിപ്പൊക്കിയിട്ടുള്ള ജാറം

ഇമാം ബുഖാരി (റ) ന്‍റെ കുബ്ബക്കരികില്‍, കൂടെ ജലീല്‍ സഖാഫി പുത്തുപാടം(എ.പി. ഉസ്താദിന്റെ ഖാദിം) ഹമീദ് സഖാഫി (ബിലാല്‍ ദഅവ കോളേജു പ്രിന്‍സിപ്പാള്‍)

ഇമാം ബുഖാരി (റ) ന്‍റെ മഖ്ബറയുടെ ഭാഗത്ത് നിന്നും പുറത്തേക്കുള്ള കാഴ്ച.

പുറത്ത് നിന്നും ഇമാം ബുഖാരി (റ) ന്‍റെ മഖ്ബറയിലേക്കുള്ള വഴിത്താര

ഇമാം ബുഖാരി (റ) യുടെ ഖബര്‍ ശരീഫ്‌ ഉപഗ്രഹ ചിത്രം.

മഖ്ബറ പൊളിയന്‍മാര്‍

2013-11-23T00:28:00.002+04:00

മഖ്ബറ തകര്‍ക്കപ്പെട്ട ശേഷം

പ്രവാചകന്‍ (സ്വ)യുടെ പ്രിയ സ്വഹാബികളില്‍ പെട്ട പ്രമുഖനും ചരിത്രത്തില്‍ നിറഞ്ഞു നില്‍ക്കുന്ന സ്വഹാബിയുമായ ഹുജര്‍ ബ്നു അദിയ്യ് (റ)ന്‍റെ വിശുദ്ധ ഖബര്‍ ശരീഫ് സിറിയയിലെ ദമാസ്കസില്‍ തകര്‍ക്കപ്പെട്ടു. ഖബര്‍ ശരീഫ് തുറന്നപ്പോള്‍ സ്വഹാബിയുടെ കേടുകൂടാത്ത ശരീരം കണ്ടപ്പോള്‍ ആരുമറിയാത്ത സ്ഥലത്ത് കൊണ്ടുപോയി പുണ്യ ശരീരം മറവു ചെയ്തിരിക്കുകയാണ്. ഏകദേശം 2013 ആദ്യവാരത്തില്‍ പുറത്തു വന്ന ഈ വാര്‍ത്ത ഇന്റര്‍നെത്തിലൂടെ ഇപ്പോഴും പ്രചരിച്ചുകൊണ്ടിരിക്കുന്നു. നിരവധി ചാനലുകളും അറബ് പത്രങ്ങളും ഈ വാര്‍ത്തയും സ്വഹാബിയുടെ ചിത്രവും വീഡിയോയും പ്രസിദ്ധപ്പെടുത്തിയത് കാണാം. സ്വഹാബിയുടെ ചിത്രത്തിന്‍റെയും വീഡിയോയുടെയും ആധികാരികത എത്രത്തോളം ശരിയാണെന്ന് ഉറപ്പു വരുത്താന്‍ കഴിയില്ലെങ്കിലും ഖബര്‍ തുറക്കുകയും വിശുദ്ധ ശരീരം മാറ്റി മറവു ചെയ്തെന്നും നിരവധി വെബ്‌സൈറ്റുകള്‍ സാക്ഷ്യപ്പെടുത്തുന്നു. അതിനാല്‍ ആ ചിത്രവും വീഡിയോയും ഞാന്‍ ഇവിടെ നല്‍കുന്നില്ല. ചില അറബ് പത്രങ്ങള്‍ ഹെഡ്ലൈന്‍ നിരത്തിയിരിക്കുന്നതുതന്നെ 'സുബ്ഹാനല്ലാഹ്! ഹജര്‍ ബ്നു അദിയ്യ് (റ) ശരീരം 1400 വര്‍ഷങ്ങള്‍ക്ക് മുമ്പുള്ളത് പോലെത്തന്നെ'. എന്നാണ്.

ഇസ്‌ലാമിക ചരിത്രത്തിലെ മിന്നുന്ന താരം..അല്ലാഹുവിന്‍റെ പടവാള്‍ എന്ന അപരനാമത്തില്‍ അറിയപ്പെടുന്ന സയ്യിദുനാ ഖാലിദ് ബിന്‍ വലീദ് (റ)ന്‍റെ മഖ്ബറയും പള്ളിയും ഈ വര്‍ഷം താന്നെയാണ് സിറിയയിലെ ഹിമ്സില്‍ വഹാബി കിരാതന്‍മാര്‍ തകര്‍ത്തത്. അഞ്ചാം ഖലീഫയെന്നു വിശേഷിപ്പിക്കപ്പെട്ട ഉമറുബ്നു അബ്ദുല്‍ അസീസ്‌ എന്ന മഹാന്‍റെയും ഖബര്‍ തകര്‍ത്ത കൂട്ടത്തില്‍ പെടുന്നു.

മുസ്‌ലിം ലോകത്ത് ഭിന്നിപ്പിന്റെയും വഴിതെറ്റിക്കലിന്റെയും വിപ്ലവം സൃഷ്ടിച്ച് രംഗത്ത് വന്ന വഹാബി പ്രസ്ഥാനം ലോകത്ത് വിതച്ച നാശം ചില്ലറയല്ല. പുണ്യ മദീനത്തെ പതിനായിരക്കണക്കിനു സ്വഹാബികള്‍ വിശ്രമിക്കുന്ന ജന്നത്തുല്‍ ബഖീഇല്‍ ഉസ്മാന്‍ (റ)ന്‍റെ മഖ്ബറയടക്കം നിരവധി മഖ്ബറകളാണ് ഈ കിരാതന്മാര്‍ തകര്‍ത്തത്. അതിന്‍റെ തുടര്‍ച്ചയാണ് ഇപ്പോള്‍ ലോകാടിസ്ഥാനത്തില്‍ നാം കണ്ടുകൊണ്ടിരിക്കുന്നത്. മഖ്ബറ പൊളിയാന്‍മാര്‍ നമ്മുടെ സാക്ഷാല്‍ കേരളത്തിലും തലപൊക്കിയത് കുറച്ചു നാള്‍ മുമ്പ് കേരളം കണ്ടതാണ്. നിയമപാലകര്‍ അവരെ കയ്യോടെ പൊക്കിയപ്പോള്‍ നാണംകെട്ട വാഹബികളുടെ തനിനിറം പുറംലോകമറിഞ്ഞു.

വര്‍ഷങ്ങള്‍ക്ക് മുമ്പ് കേരളത്തില്‍ നിന്ന് ഖലീല്‍ തങ്ങളുടെ നേതൃത്വത്തില്‍ പുറപ്പെട്ട യാത്രാ സംഘം അറബ് രാഷ്ടങ്ങളിലൂടെ മഹാന്മാരുടെ മഖ്ബറയിലേക്ക് നടത്തിയ യാത്രയില്‍ സിറിയയും പെട്ടിരുന്നു. അന്ന് ഇവിടെങ്ങളില്‍ എല്ലാം അവര്‍ എത്തിയിരുന്നു. ഇന്ന് അങ്ങോട്ട്‌ കടക്കാന്‍ കഴിയാത്ത വിധം രാജ്യം അരാജകത്വവാദികളുടെയും വഹാബി കിരാതന്മാരുടെയും പിടിയിലമര്‍ന്നിരിക്കുകയാണ്.

മഖബറ തകര്‍ക്കും മുമ്പ്

ലോകത്ത് കഅബ പൊളിക്കല്‍ അടക്കമുള്ള സംഭവങ്ങള്‍ നടക്കാനിരിക്കുമ്പോള്‍ ഇതെല്ലാം അതിലേക്കുള്ള ചവിട്ടു പടികളാകാം. സത്യത്തില്‍ സിറിയയില്‍ അസദിന്‍റെ സൈന്യം വഹാബികളിലൂടെയും ശിയാക്കളിലൂടെയും സുന്നികള്‍ക്കെതിരെ നരകതുല്യമായ അക്രമങ്ങളാണ് അഴിച്ചുവിട്ടുകൊണ്ടിരിക്കുന്നത്. ലോകത്തിനു മുന്നില്‍ വെളിച്ചം കാണാത്ത എത്രയോ മഖ്ബറകള്‍ ഇനിയും തകര്‍ത്തിട്ടുണ്ടാകാം. അല്ലാഹു അവിടെയുള്ള നമ്മുടെ മുസ്‌ലിം സഹോദരന്മാര്‍ക്ക് ഈമാനിക വീര്യവും തെമ്മാടിക്കൂട്ടങ്ങള്‍ക്കെതിരെ ചങ്കൂറ്റവും നല്‍കട്ടെ. മരണപ്പെട്ടവര്‍ക്ക് ഷഹീദിന്‍റെ പ്രതിഫലവും നല്‍കട്ടെ ആമീന്‍.

>>>>>>>>>>>>>>>>>>>>>>>>>>>>>>>>>>>>

ഖാലിദ് ബിന്‍ വലീദ് (റ) ന്‍റെ മഖ്ബറ തകര്‍ത്ത ശേഷം

ഖാലിദ് ബിന്‍ വലീദ് (റ) ന്‍റെ മഖ്ബറ ഉള്‍കൊള്ളുന്ന പള്ളി

ഖാലിദ് ബിന്‍ വലീദ് (റ) ന്‍റെ മഖ്ബറ തകര്‍ക്കുന്നതിന് മുമ്പ്

ഹുജര്‍ ഇബ്നു അദിയ്യ് (റ) ന്‍റെയും ഖാലിദ് ബിന്‍ വലീദ് (റ)ന്‍റെയും ഉമറുബ്നു അബ്ദുല്‍ ആസീസിന്‍റെയും(റ) മഖ്ബറകള്‍ തകര്‍ക്കുന്ന വാര്‍ത്തകള്‍ വിത്യസ്ത ചാനലുകളില്‍ , വീഡിയോകള്‍ താഴെ>>

ഹുജര്‍ ഇബ്നു അദിയ്യ് (റ) ന്‍റെ മഖബറ

ഹുജര്‍ ഇബ്നു അദിയ്യ് (റ) ന്‍റെ മഖബറ

ഹുജര്‍ ഇബ്നു അദിയ്യ് (റ) ന്‍റെ മഖബറ

ഹുജര്‍ ഇബ്നു അദിയ്യ് (റ) ന്‍റെ മഖബറ

ഖാലിദ് ബിന്‍ വലീദ് (റ)ന്‍റെ ഖബര്‍

ഖാലിദ് ബിന്‍ വലീദ് (റ)ന്‍റെ ഖബര്‍

ഖാലിദ് ബിന്‍ വലീദ് (റ)ന്‍റെ ഖബര്‍

ഉമറുബ്നു അബ്ദുല്‍ അസീസ്‌ (റ) ന്‍റെ മഖ്ബറ

കാന്തപുരം ഉസ്താദിനൊപ്പം ബൈത്തുല്‍ മുഖദ്ദസിലേക്ക്.

2013-11-17T17:46:00.000+04:00

കാന്തപുരം ഉസ്താദ്‌

നബിമാര്‍, ശുഹദാക്കള്‍, ഔലിയാക്കള്‍, സ്വാലിഹുകള്‍ തുടങ്ങി അല്ലാഹുവിന്‍റെ ഇഷ്ടദാസന്മാര്‍ ജീവിതകാലത്തെന്നപോലെ മരണശേഷവും അവരുടെ ഇടപെടലുകള്‍ ഭൂമിയിലേക്കും പ്രത്യേകിച്ച് ജീവിച്ചിരിക്കുന്നവരിലേക്ക് ഉണ്ടാകുന്നു. ആ മഹാന്മാരെ സന്ദര്‍ശിക്കലും ബറക്കത്തെടുക്കലും പുണ്യമാണ്. നബി(സ്വ) ഖബര്‍ സിയാറത്ത് നടത്തിയിരുന്നു. അല്ലാഹുവിനെ കാണാനുള്ള മിഅറാജ് യാത്രക്കിടെ ബൈത്തുല്‍ മുഖദ്ദസില്‍ ഇറങ്ങിയത് എന്തിനായിരുന്നു? അതിനുള്ള സംഭവങ്ങളും തെളിവുകളും നമുക്ക് മുന്നില്‍ ധാരാളമാണ്. ഇവിടെ അതിന്‍റെ വിശദീകരണം നല്‍കുന്നില്ല. വിശദീകരണത്തിനായി ഇവിടെയും ഇവിടെയും ഇവിടെയും ക്ലിക്ക് ചെയ്യുക.

പി.എസ്.കെ. മാടവന

കേരളത്തില്‍ ധാരാളം മഖ്ബറകള്‍ നാം കണ്ടിട്ടുണ്ട്. കേരളം വിട്ടാല്‍ അങ്ങ് കശ്മീരിന്‍റെ മലമടക്കുകളില്‍ നിന്ന് തുടങ്ങുന്നു മഹാന്മാരുടെ മസാറുകള്‍. ഇന്ത്യാ മഹാരാജ്യം ആദം നബി (അ)ന്‍റെ കാലം മുതലേ ഇസ്‌ലാമിക പ്രതിഭകളാല്‍ സമ്പന്നമാണ്. മുസ്‌ലിംകളെ ഇല്ലായ്മ ചെയ്യാന്‍ ആഗോള ഇസ്‌ലാം വിരുദ്ധര്‍ തുടങ്ങി വെച്ച പ്രധാന ആശയമാണ് 'ഭിന്നിപ്പിച്ചു ഭരിക്കലും തോളിലിരുന്നു ചെവികടിക്കല്ലും'. ഈ ആശയം ഏറ്റെടുത്ത് ആഗോളതലത്തില്‍ നടപ്പില്‍ വരുത്തിയത് ഇബ്നു അബ്ദുല്‍ വഹാബാണ്. ഇന്ത്യയിലും വിശിഷ്യാ കേരളത്തിലും അവരുടെ ശിങ്കിടികളും ഇതുമായി രംഗപ്രവേശം നടത്തി. അവര്‍ ഉന്നയിച്ച വിഘടന വാദങ്ങളില്‍പെട്ട ഒന്നാണ് മഖ്ബറകള്‍ ശിര്‍ക്കിന്‍റെ കേന്ദ്രങ്ങള്‍ എന്നത്.

പേരോട് ഉസ്താദ്‌

2012 മെയ്മാസത്തിലാണ് ഈയുള്ളവന്‍ നാല്‍പ്പത് പേരടങ്ങുന്ന സംഘത്തില്‍ ഉപ്പയോടൊപ്പം ഈജിപ്റ്റ്‌, ഫലസ്തീന്‍, ജോര്‍ദാന്‍ യാത്ര നടത്തിയത്. എന്നാല്‍ അവരുടെ വങ്കത്തരങ്ങള്‍ കേവല കുമിളകള്‍ മാത്രമായിരുന്നു വെന്ന് ഈ യാത്രകളില്‍ നിന്ന് എനിക്ക് നേരിട്ട് മനസ്സിലാക്കാന്‍ കഴിഞ്ഞു. ഈജിപ്തില്‍ ബഹു. ഇമാം ഷാഫി (റ)ന്‍റെ മഖ്ബറക്ക് പരിസരങ്ങളിലായി ഏകദേശം അമ്പതോളം വിശ്വപ്രസിദ്ധരായ നിരവധി മഹാന്മാരാണ് അന്ത്യവിശ്രമം കൊള്ളുന്നത്. അങ്ങിനെ കൈറോ പട്ടണം മഹാരഥന്മാരുടെ വിശ്രമസ്ഥാനം എന്ന നിലക്ക് അനുഗ്രഹീതമണ്ണാണ്. എല്ലാ മഖ്ബറകളും കെട്ടിപ്പൊക്കി അതിനു മീതെ വലിയ ഖുബ്ബകളും നമുക്ക് കാണാന്‍ കഴിഞ്ഞു. ദസൂഖി ഇമാം, ആഹ്മദുല്‍ ബദവി, ശാദുലി, ബൂസൂരി ഇമാം, റാബിഅത്തുല്‍ അദവിയ, നഫീസത്തുല്‍ മിസരിയ, ഇബ്നു അതാഇല്ലാഹി സിക്കന്ദരി, ഇബ്നു ഹജര്‍ (റളിയല്ലാഹു അന്ഹും) തുടങ്ങിയ മഹാരഥരുടെ ഖബറുകള്‍ അതില്‍ ചിലത് മാത്രം. ഈജിപ്തില്‍ മാത്രമല്ല, ഫലസ്തീനില്‍ ഇബ്രാഹിം നബി (അ), ഇസ്ഹാഖ് നബി (അ), സാറാ ബീവി, യഅഖൂബ് നബി (അ), മൂസാ നബി (അ) തുടങ്ങിയ മഹാന്മാരുടെ ഖബറുകള്‍ക്ക് മീതെയും ഖുബ്ബകള് കാണാന്‍ കഴിഞ്ഞു. ജോര്‍ദ്ദാനില്‍ ശുഐബ് നബി (അ), അബ്ദുല്ലാഹിബ്നു റവാഹ: (റ), സൈദുബ്നു ഹാരിസ്‌ (റ), ജഅഫര്‍ ഇബ്നു അബീത്വാലിബ് (റ) തുടങ്ങിയ മഹാന്മാരുടെ ഖബരുകള്‍ക്ക് മീതെയും കുബ്ബകള്‍ ഉണ്ട്.

ഡോ.ഹുസൈന്‍ സഖാഫി

2013 ഒക്ടോബര്‍ മാസത്തില്‍ ഉപ്പയോടൊപ്പം തന്നെ ഉസ്ബെക്കിസ്ഥാന്‍ യാത്രയില്‍ പങ്കെടുത്തു. ഇമാം ബുഖാരി,(റ), ഇമാം തിര്‍മുദി(റ), നഖ്ഷബന്ദി ത്വരീഖത്തിന്‍റെ ഷെയ്ഖ്‌ ബഹാഉദ്ദീന്‍ എന്നവര്‍, അബൂ മന്സൂരില്‍ മാതുരീദി, ഹകീമുത്തുര്‍മുദി, തുടങ്ങിയ മഹാന്മാരുടെ ഖബറുകളും സിയാറത്ത് ചെയ്തു. എല്ലാം ആദരണീയ ശൈലിയില്‍ തന്നെ ഖുബകളും ജാറങ്ങളും ഉണ്ടായിരുന്നു. ഇസ്ലാമിന്‍റെ ഉള്ളില്‍ നിന്ന് ഇസ്ലാമിനെ പൊളിച്ചടക്കാന്‍ ഇറങ്ങിത്തിരിച്ച പാശ്ചാത്യരുടെ കൂലിവേലക്കാരാണ് യഥാര്‍ഥത്തില്‍ പുത്തനാശയക്കാരെന്നു എനിക്ക് ഈ യാത്രകള്‍ നന്നായി ബോധ്യപ്പെടുത്തിതന്നു.

എന്‍റെ പിതാവ് പി.എസ്. മൊയ്തു ബാഖവി മാടവന വര്‍ഷങ്ങള്‍ക്ക് മുമ്പ് ഏര്‍വാടി-നാഹൂര്‍-മുത്തുപ്പേട്ടയില്‍ നിന്നും തുടങ്ങിയ സിയാറത്ത് ടൂര്‍ പ്രോഗ്രാം, അജ്മീറിലേക്കും പിന്നെ ഹജ്ജ് ഉംറ സേവന രംഗത്ത് വര്‍ഷങ്ങളോളവും ഇപ്പോള്‍ രണ്ടു വര്‍ഷത്തോളമായി ഇന്ത്യക്ക് പുറത്തുള്ള മഹാന്മാരുടെ മസാറുകളിലേക്ക്, അഥവാ ഈജിപ്റ്റ്‌, ഇറാഖ്, ഫലസ്ത്തീന്‍, ജോര്‍ദ്ദാന്‍, ഉസ്ബെക്കിസ്ഥാന്‍ തുടങ്ങിയ രാഷ്ട്രങ്ങളിലേക്ക് ജനങ്ങളെയുമായി പോയിക്കൊണ്ടിരിക്കുകയാണ്. അല്ഹംദുലില്ലാഹ്!! ഇപ്പോള്‍ സുന്നികൈരളിയുടെ അഭിമാനവും സുര്യതേജസ്സുകളുമായ ശൈഖുനാ കാന്തപുരം ഉസ്താദ് ഭാര്യ, ബഹുമാനപ്പെട്ട പേരോട് ഉസ്താദ് ഭാര്യ, ഹുസൈന്‍ സഖാഫി ചുള്ളിക്കോട്, അപ്പോളോ ജ്വല്ലറിയുടെ ഉടമ മൂസാഹാജി ഭാര്യ തുടങ്ങി 50 പേരടങ്ങുന്ന പ്രഗത്ഭരുമായാണ് പത്ത് ദിവസത്തെ ഈ ട്രിപ്പ്(17/11/2013-27/11/2013) പുറപ്പെടുന്നത്. അല്ലാഹു യാത്ര സന്തോഷമാക്കട്ടെ. ആമീന്‍.

ഹജ്ജും ഉംറയുമൊക്കെ കഴിഞ്ഞ് പണം എന്ത് ചെയ്യണമെന്നറിയാതെ വിഷമിക്കുന്നവരൊക്കെ ഈ യാത്രകളില്‍ പങ്കെടുക്കുന്നത് വളരെ നല്ലതായിരിക്കുമെന്ന് പറയേണ്ടതില്ലല്ലോ. ഒരുപാട് സംസ്കാരങ്ങളിലേക്കും ഖുര്‍ആനില്‍ വിവരിച്ച ചരിത്ര ഭൂമികളിലേക്കും, പ്രവാചകരുടേയും ഔലിയാക്കളുടെയും അഖ്താബുല്‍ അര്‍ബഅ, അഇമ്മത്തുല്‍ അര്‍ബഅ തുടങ്ങിയവരുടെയൊക്കെ ദര്‍ബാറുകളില്‍ ഒരു ചാണ്‍ അകലെ നാം എത്തി നില്‍ക്കുമ്പോള്‍, അവരെ മുന്‍നിറുത്തി അല്ലാഹുവിനോട് യാചിക്കുമ്പോള്‍ അല്ലാഹുവും അവന്‍റെ ഇഷ്ടദാസരും നമ്മെ തട്ടില്ലല്ലോ. അവരുടെ ബറക്കത്ത് കൊണ്ട് അല്ലാഹു നമ്മെയും കുടുംബത്തെയും ഇരുവീട്ടിലും വിജയിപ്പിക്കട്ടെ. ആമീന്‍.

പി.എസ്.കെ. മാടവന നടത്തിയ സിയാറത്ത് യാത്രകളുടെ ചില ഫോട്ടോകള്‍.

ഇറാഖ് യാത്ര 2012.

ഒലിവ് മല.2012. ഞാനും ഉപ്പയും. വിദൂരതയില്‍ ബൈതുല്‍ മുഖദ്ദസ്, ഫലസ്തീന്‍.

ബൈത്തുല്‍ മുഖദ്ദസിനരികെ യാത്രാ ടീം.2012

ഇമാം അബുല്‍ ഹസന്‍ ശാദുലി. ഹുമൈസിറ, ഈജിപ്റ്റ്‌. 2012

ഇമാം ബൂസീരി മഖാം. അലക്സാണ്ട്രിയ, ഈജിപ്റ്റ്‌ 2012

അല്‍ അസ്ഹര്‍ മസ്ജിദ്, കൈറോ, ഈജിപ്റ്റ്‌.2012

ഇമാം ശാഫിയെ സംബന്ധിച്ച് കോടമ്പുഴ ബാവ മുസ്‌ലിയാര്‍ രചിച്ച അറബി ഗ്രന്ഥം
ഇമാം ശാഫിയുടെ മഖ്ബറക്കരികില്‍ വെച്ച് പ്രകാശനം നിര്‍വഹിക്കുന്നു. 2012

ഇമാം ശാഫി മസ്ജിദിലെ ഉത്ബോധന ക്ലാസ്.2012

നഖ്ഷബന്ദി ത്വരീഖത്തിന്‍റെ ഷെയ്ഖ്‌, ബഹാവുദ്ധീന്‍ നഖ്ഷബന്ദിയുടെ മഖ്ബറക്കരികില്‍.
ബുഖാറ, ഉസ്ബകിസ്ഥാന്‍. 2013

ഉസ്ബകിസ്താന്‍ സിയാറത്ത് ടീം. ബുഖാറയില്‍ 2013

2014ല്‍ നടക്കാന്‍ പോകുന്ന ഏറണാകുളത്തെ ചരിത്രപ്രസിദ്ധമായ ഹുബ്ബു റസൂല്‍ സമ്മേളനത്തിന്‍റെ പതാക,
ഇമാം ബുഖാരി മസ്ജിദ് ഇമാമിന് കല്‍ത്തറ അബ്ദുല്‍ ഖാദിര്‍ മടനി കൈമാറുന്നു. 2013, October. 23

ഇമാം ബുഖാരിയെ സംബന്ധിച്ച് കോടമ്പുഴ ബാവ മുസ്‌ലിയാര്‍ രചിച്ച അറബി ഗ്രന്ഥത്തിന്‍റെ പ്രകാശനം
ഇമാം ബുഖാരി മസ്ജിദ് ഇമാം നിര്‍വഹിക്കുന്നു.2013

പറപ്പാടി മഖാം

2013-09-22T15:43:00.000+04:00

കാസര്‍ഗോഡ്‌ ജില്ലയിലെ മൊഗ്രാല്‍ പുത്തൂര്‍ എന്ന സ്ഥലത്തെ പുണ്യഭൂമിയാണ്‌ പറപ്പാടി. ഒരേക്കറിലധികം വിശാലമായി കിടക്കുന്ന ഈ പ്രദേശം നിരവധി മഹാരഥന്മാര്‍ അന്ത്യവിശ്രമം കൊള്ളുന്ന സ്ഥലമാണ്. ഇത് അനിഷേധ്യമായ വസ്തുതയാണ്. മൊഗ്രാല്‍ പുത്തൂര്‍ ബസ്സ്‌ സ്റ്റോപ്പില്‍ നിന്നും ഏകദേശം 3 കി.മി. ദൂരമേ ഇങ്ങോട്ടെക്കൊള്ളൂ. ഇവിടെ പ്രധാനമായ ഒരു മഖ്ബറയും അതിന്‍റെ പരിസരങ്ങളില്‍ വേറെയും ചില മഖ്ബറകള്‍ ഇപ്പോള്‍ നമുക്ക് കാണാനാകും. ആരാണ് ഇവിടെ മറപെട്ടു കിടക്കുന്നതെന്ന് പേരോ മറ്റു രേഖാപരമായ തെളിവുകളോ നിലവിലില്ലെങ്കിലും പണ്ടുമുതലേ കൈമാറിവരുന്ന വിവരങ്ങളാണ് നിലവിലെ തെളിവുകള്‍ . എല്ലാത്തിനും പുറമേ മഹാനായ സി.എം. വലിയുല്ലാഹി ഇവിടെ മറപെട്ടുകിടക്കുന്നത് മഹാന്മാരാണെന്ന് ഔദ്യോഗികമായി സാക്ഷ്യപ്പെടുത്തിയതുമാണ്.

1977 ല്‍ പറപ്പാടിയെ വെറും പാറക്കുന്ന് മാത്രമെന്ന് പറഞ്ഞ് പരിഹാസമുയര്‍ത്തിയപ്പോള്‍ മൊഗ്രാല്‍ പുത്തൂരിലെ മര്‍ഹൂം യാസീന്‍ മുത്തുക്കോയ തങ്ങള്‍ മുഖേനയാണ് സി.എം വലിയുല്ലാഹി ഇവിടെയെത്തുന്നത്. ഞാന്‍ സ്ഥിരമായി സിയാറത്ത് ചെയ്യാറുണ്ടെന്നും ഉറൂസും മറ്റു കര്‍മ്മങ്ങളും കഴിക്കേണ്ടതാണെന്നും ആദരിക്കേണ്ടതും ബഹുമാനിക്കേണ്ടതുമാണീ സ്ഥലമെന്നും മഹാനവര്‍കള്‍ അന്ന് പറഞ്ഞിരുന്നു. ഇവിടത്തെ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ സി.എം. വലിയുല്ലാഹി നിര്‍ദ്ദേശിച്ചത് കുമ്പോള്‍ സയ്യിദ് ആറ്റക്കോയ തങ്ങളോടായിരുന്നു. ഈ വിഷയത്തില്‍ മഖാം-മസ്ജിദ് കമ്മിറ്റിയുടെ പ്രസിഡന്‍റ് കൂടിയായ കുമ്പോള്‍ തങ്ങളുടെ പ്രതികരണം താഴെ നല്‍കുന്നുണ്ട്.

സി.എം. വലിയുല്ലാഹിക്ക് പുറമേ കണ്ണിയത്ത് ഉസ്താദ്, ശംസുല്‍ ഉലമ, താജുല്‍ ഉലമ, വടകര മുഹമ്മദാജി തങ്ങള്‍, വലിയുല്ലാഹി അന്ത്രുപ്പാപ തുടങ്ങിയവരും പലപ്പോഴായി ഇവിടെ സിയാറത്തിനെത്താറുണ്ടായിരുന്നു. ഇവിടെ സി.എം. വലിയുല്ലാഹി ക്ഷണിതാവായി ഒരുതവണ മാത്രമേ എത്തിയിട്ടുള്ളൂ എങ്കിലും അവിടുത്തെ പ്രധാന സിയാറത്ത് കേന്ദ്രങ്ങളില്‍ ഒന്നായിരുന്നു ഇവിടം. ഇസ്മാഈല്‍ ബിന്‍ അബ്ദുല്‍ ഖാദിര്‍ മദനി എന്നവര്‍ രചിച്ച മൌലിദുന്നൂര്‍ ഫീ മനാഖിബി സി.എം. വലിയുല്ലാഹില്‍ മടവൂരി എന്ന ഗ്രന്ഥത്തില്‍ ഇത് വിവരിക്കുന്നുണ്ട്.

സി.എം. വലിയുല്ലാഹി ഇവിടെ ക്ഷണിതാവായി എത്തിയസമയത്ത് ഇപ്പോഴത്തെ മഖാമിന്‍റെ വലത് വശത്തായിരുന്നു സ്റ്റേജ് കെട്ടിയിരുന്നത്. മഹാനവര്‍കളെ സ്റ്റേജിലേക്ക് ആനയിച്ഛപ്പോള്‍ സ്റ്റേജിലേക്ക് കയറാതെ മാറിനിന്നു. ക്ഷുഭിതനായി...''അവിടെ കയറിയിരിക്കാന്‍ പറ്റിയ സ്ഥലമല്ല'' എന്ന് പറഞ്ഞു മഹാനവര്‍കള്‍ മാറിനിന്നു. അതിനാല്‍ ഇന്ന് ഈ സ്ഥലവും ആദരവോടെ മറച്ചുകെട്ടി സൂക്ഷിച്ചു വരുന്നു. ചിത്രത്തില്‍ കാണുന്ന കെട്ട് അതാണ്‌.

ഇവിടെ ഖബറുമില്ല പ്രസക്തിയുമില്ല എന്ന് പറഞ്ഞ് പുത്തനാശയക്കാര്‍ രംഗത്ത് വന്നപ്പോള്‍ മഖാം പരിപാലകര്‍ ഇപ്പോഴത്തെ പ്രധാന ഖബറുകളില്‍ ഒന്ന് തുറന്നു. അതില്‍ അത്ഭുതപ്പെടുത്തുമാര്‍ ഒരുകേടും സംഭവിക്കാത്ത മുസ്‌ലിം ശൈലിയില്‍ മറമാടിയ മയ്യിത്ത് കാണുകയും ചെയ്തു. ഉറൂസ് വേളയില്‍ ഇത് ദിവസങ്ങളോളം തുറന്ന് വെക്കുകയും സംശയ രോഗികളെ വെല്ലുവിളിച്ച് കൊണ്ട് ഈ നില ദിവസങ്ങളോളം തുടര്‍ന്നുവെങ്കിലും സംശയാലുക്കളാരും രംഗത്ത് വന്നില്ല. ഇത് പറപ്പാടിയുടെ ചരിത്രത്തിലെ മറക്കാനാവാത്ത അനുഭവമാണ്.

ദീര്‍ഘകാലമായി പറപ്പാടി മഖാം കമ്മിറ്റി സെക്രട്ടറിയായി സേവനം ചെയ്യുന്ന ഹമീദ് പറപ്പാടിയുടെ പിതാവാണ് ദേശംകുളം അബ്ദുല്ല കുഞ്ഞി എന്നയാള്‍ . ഇദ്ദേഹമാണ് ആദ്യകാലങ്ങളില്‍ ഇവിടുത്തെ നിത്യ സിയാറത്ത്കാരനും പരിപാലകനും.

പ്രധാന മഖ്ബറയിലേക്ക് കയറുവാനുള്ള സ്റ്റെപ്പ് നിര്‍മ്മിക്കുവാന്‍ ആസൂത്രണം നടത്തിയ വ്യക്തി രാത്രി ഉറങ്ങാന്‍ കിടപ്പോള്‍ ഒരു സ്വപ്നം കണ്ടു. ''എന്‍റെ തലക്ക് കല്ലിടുകയോ?'' എന്ന ചോദ്യമാണ് തനിക്ക് നേരെ വന്നത്. പുലര്‍ച്ചെ അവിടെ സന്ദര്‍ശിച്ചപ്പോള്‍, സ്വപ്നത്തില്‍ കണ്ട സ്ഥലം പ്രത്യേകമായി മണ്ണ് നീങ്ങിയ രൂപത്തില്‍ അടയാളപ്പെട്ടതായി അവര്‍ക്ക് ബോധ്യപ്പെട്ടു. അങ്ങിനെ ആ പദ്ധതി ഒഴിവാക്കുകയും അവിടെ ഖബര്‍ കെട്ടി അടയാളപ്പെടുത്തുകയും ചെയ്തു. ചിത്രത്തില്‍ കാണുന്ന ഖബര്‍ അതാണ്‌ .

ചിത്രത്തില്‍ കാണുന്നതുപോലെ മൈതാനിയില്‍ പ്രധാന മഖാമിന്‍റെ ഇടഭാഗത്ത് കിഴക്കുഭാഗത്തായി ഉയര്‍ത്തപ്പെട്ട ഖബര്‍ സംശയിക്കുന്നവര്‍ക്ക് വേണ്ടി തുറന്ന് കൊടുത്ത് മൂട് കല്ല്‌ വരെ എത്തിയപ്പോള്‍ തുറക്കാന്‍ ശംശയിക്കുന്നവര്‍ക്ക് അനുമതികൊടുത്ത് വെല്ലുവിളിച്ച ശേഷം ഉയര്‍ത്തപ്പെട്ടതാണ്. വിശാലമായ മൈതാനിയില്‍ നിരവധി മഖ്ബറകളുണ്ട്. മൈതാനിയില്‍ മാത്രമല്ല പരിസരത്തു വരെ ചില ആവശ്യങ്ങള്‍ക്ക് വേണ്ടി കുഴി കുത്തിയപ്പോള്‍ ഖബറുകള്‍ കണ്ടിട്ടുണ്ട്. വര്‍ഷത്തില്‍ ഉറൂസുകളും മറ്റു പരിപാടികള്‍കൊണ്ടും ഇവിടെ ഇന്ന് സജ്ജീവമാണ്.

ഈയുള്ളവര്ന്‍ സുഹൃത്ത് താഹിര്‍ ഭായിയുടെ വീട്ടില്‍ വിരുന്നിനെത്തിയപ്പോഴാണ് ഈ ദേശത്തിന്‍റെ മഹത്വം അദ്ദേഹം എന്നെ അറിയിക്കുന്നത്. അദ്ദേഹത്തിന്‍റെ വീട്ടില്‍ നിന്നും ഒരു കിലോമീറ്റര്‍ മാത്രം ദൂരമുള്ള ഇവിടേക്ക് ഞങ്ങള്‍ ബൈക്കെടുത്ത് എത്തി. ആത്മ നിര്‍വൃതിയോടെ സിയാറത്ത് നടത്തി. എന്‍റെ മൊബൈലില്‍ പകര്‍ത്തിയ ചിത്രങ്ങള്‍ ഇതോടൊപ്പം ചേര്‍ക്കുന്നു. ഈ നാട്ടുകാരനായ സഈദ് സഅദി കാരക്കുന്ന് ഇവിടത്തെ ചരിത്രങ്ങള്‍ കോര്‍ത്തിണക്കി ഒരു ലഖു കൃതി മലയാളത്തില്‍ രചിച്ചിട്ടുണ്ട്. അദ്ദേഹത്തെയും അവിടെ ഞങ്ങള്‍ക്ക് കാണാന്‍ കഴിഞ്ഞു. അദ്ദേഹത്തിന്‍റെ മൊബൈല്‍ നമ്പര്‍ 95673246935. ഈ വിവരണങ്ങള്‍ക്ക് ഇദ്ദേഹത്തിന്‍റെ പുസ്തകത്തോടാആണ് കടപ്പാട്.

ഈ കഥനത്തിനു സമയം നീക്കി വെച്ചത് അവരോടുള്ള സ്നേഹം കൊണ്ടാണ്. സ്നേഹിച്ചവര്‍ സ്നേഹിക്കപ്പെട്ടവരോടൊപ്പം നാളെ പരലോകത്തുണ്ടാകുമ്പോള്‍ അല്ലാഹു നമ്മെയും കുടുംബത്തെയും വേണ്ടപ്പെട്ടവരെയും ആ കൂട്ടത്തില്‍ പെടുത്തി അനുഗ്രഹിക്കട്ടെ..ആമീന്‍.

മഖ്ബറക്ക് പരിസരത്തെ പ്രകൃതി

സ്റ്റെപ്പ് പണിതപ്പോള്‍ വെളിപ്പെട്ട ഖബര്‍

01/09/2013നു വിനീതന്‍ ഈ പുണ്യ സ്ഥലത്തെത്തി.

വാച്ചാക്കല്‍ മഖാം

2013-09-11T21:21:00.000+04:00

പ്രധാന മഖ്ബറകള്‍

ഇടുക്കി ജില്ലയിലെ തൊടുപുഴ-ഉടുമ്പന്നൂര്‍ റൂട്ടില്‍ ഉടുമ്പന്നൂര്‍ ടൌണ്‍ എത്തും മുമ്പ് ഇടത്തോട്ട് അല്‍പ്പം തിരിഞ്ഞാല്‍ ഈ മഖാമിലെത്താം. ആധികാരികമായ രേഖകള്‍ ഇന്ന് ലഭ്യമല്ലെങ്കിലും പ്രദേശത്തെ കാരണവന്മാര്‍ പറഞ്ഞു പോരുന്ന വിരങ്ങളുടെ അടിസ്ഥാനത്തില്‍ ഇവിടെ മറപെട്ടു കിടക്കുന്നവര്‍ അങ്ങ് അറബ് നാട്ടില്‍ നിന്നും വന്നെത്തിയ ശുഹദാക്കന്മാരാണത്രെ. ചുറ്റും റബ്ബര്‍ തോട്ടത്താല്‍ ചുറ്റപ്പെട്ടു കിടക്കുന്ന ഇവിടം ആദ്യകാലങ്ങളില്‍ കൈവശം വെച്ചിരുന്ന അവിശ്വാസികള്‍, അവര്‍ക്കനുഭവപ്പെട്ട അസാധാരണത്വം മൂലം ശുഹദാക്കന്മാര്‍ മറപെട്ടുകിടക്കുന്ന 80 സെന്റ്‌ ഭൂമി മുസ്‌ലിംകളെ ഏല്‍പ്പിക്കുകയായിരുന്നു. അതിനാല്‍ ഇപ്പോഴും ഇതിനു പരിസരത്ത് താമസിക്കുന്നവര്‍ അവിശ്വാസികള്‍ തന്നെയാണ്. പ്രദേശത്തെ പ്രധാന മഹല്ലിനു കീഴിലാണ് ഈ മഖാമും കൊച്ചു പള്ളിയും പരിസരവും പരിപാലിച്ചു വരുന്നത്. ഇവിടത്തെ ഏറ്റം ശ്രദ്ധേയമായ കാര്യം! അറിയപ്പെടാതെ കിടന്നിരുന്ന മഖ്ബറകള്‍ ഓരോന്നായി വെളിവായിക്കൊണ്ടിരിക്കുന്നു എന്നതാണ്. ഒരു മഹാന്‍ വന്നുകൊണ്ട്‌ ഈ സ്ഥലത്ത് മറപെട്ടു കിടക്കുന്ന മഹത്തുക്കളുടെ 40 ഖബറുകള്‍ ഓരോന്നായി വെളിവാകുമെന്ന് നേരത്തെ പ്രവചിച്ചിരുന്നു. തദടിസ്ഥാനത്തില്‍ ഇപ്പോള്‍ ഇരുപത്തി നാലോളം ഖബറുകള്‍ വെളിവായിക്കഴിഞ്ഞുവന്നതാണ്. ഇതില്‍ മൂന്നെണ്ണം ഈയടുത്ത് വെളിവായതാണ്. മതില്‍കെട്ടാന്‍ കുഴിവെട്ടുന്ന സമയത്ത് അടിച്ചുവീശുന്ന പരിമളത്തോടെ കുഴിയില്‍ നിന്ന് പുകവന്നിരുന്നത് പരിവസരവാസികള്‍ നേരില്‍ ദര്‍ശിച്ചിരുന്നു. ധാരാളം ആളുകള്‍ ഇത് നേരില്‍ കണ്ടിരുന്നു. ധാരാളം ആളുകള്‍ ഇവിടം സിയാറത്തിനായി എത്തുന്നു. വാരാന്ത രാതീബ് പരിപാടികളും മറ്റും ഇവിടെ നടന്നു വരുന്നു. നബിദിനത്തോടനുബന്ധിച്ച് പരിസരത്തെ മഹല്ലുകളില്‍ നിന്ന് വിദ്ധ്യാര്‍ത്തികളുടെ റാലി ഇവിടെ സമാപിക്കുന്നു.

09/09/2013 നു വിനീതന്‍ സിയാറത്തിനായി ഇവിടെ എത്തിയപ്പോള്‍ മൊബൈലില്‍ പകര്‍ത്തിയ ചിത്രങ്ങള്‍ താഴെ ചേര്‍ക്കുന്നു. അല്ലാഹു സ്വാലിഹീങ്ങളെ സ്നേഹിക്കുന്നവരില്‍ നമ്മെയും കുടുംബത്തെയും ഉള്‍പെടുത്തി അനുഗ്രഹിക്കട്ടെ ആമീന്‍.

പ്രസ്ഥാനം അജയ്യമാണ്. പുകഞ്ഞ കൊള്ളികള്‍ പുറത്തു തന്നെ.

2013-09-03T10:46:00.000+04:00

കോഴിക്കോട്: ദുരാരോപണങ്ങള്‍ ഉന്നയിച്ചും കുപ്രചാരണം നടത്തിയും സുന്നി പ്രസ്ഥാനത്തെ ഭിന്നിപ്പിക്കാന്‍ സാധ്യമല്ലെന്നും അതിന് ആരും ശ്രമിക്കേണ്ടതില്ലെന്നും സമസ്ത കേരളജജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍, എസ് വൈ എസ് സംസ്ഥാന പ്രസിഡന്റ് പൊന്മള അബ്ദുല്‍ഖാദിര്‍ മുസ്‌ലിയാര്‍, ജനറല്‍ സെക്രട്ടറി പേരോട് അബ്ദുര്‍റഹ്മാന്‍ സഖാഫി, സുന്നി ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ് സയ്യിദ് അലി ബാഫഖി, എസ് എം എ സംസ്ഥാന പ്രസിഡന്റ് സയ്യിദ് ഇബ്‌റാഹീം ഖലീല്‍ ബുഖാരി, എസ് എസ് എഫ് സംസ്ഥാന പ്രസിഡന്റ് അബ്ദുല്‍ ജലീല്‍ സഖാഫി എന്നിവര്‍ സംയുക്ത പ്രസ്താവനയില്‍ പറഞ്ഞു. വിശുദ്ധ ഇസ്‌ലാമിന്റെ തനതായ വിശ്വാസ ആചാരങ്ങള്‍ പ്രചരിപ്പിക്കുകയും സമൂഹത്തെ നന്‍മയിലേക്ക് നയിക്കുകയും ചെയ്യുന്ന ഭദ്രതയും കെട്ടുറപ്പുമുള്ള സംഘശക്തിയാണ് താജുല്‍ ഉലമ സയ്യിദ് അബ്ദുര്‍റഹ്മാന്‍ അല്‍ബുഖാരിയുടെ നേതൃത്വത്തിലുള്ള സമസ്തയും കീഴ്ഘടകങ്ങളും. സംഘടനയുടെ ഉന്നതരായ നേതാക്കള്‍ക്കിടയില്‍ ഭിന്നതയുണ്ടെന്ന് വരുത്തിത്തീര്‍ക്കാന്‍ വിഫലശ്രമം നടത്തുന്നവര്‍ സംഘടനയുടെ നയങ്ങളോട് പുറം തിരിഞ്ഞ് നില്‍ക്കുന്നവരാണ്. ഇത്തരം വിലകുറഞ്ഞ ആരോപണങ്ങളെയും കുപ്രചാരങ്ങളെയും അവജ്ഞയോടെ തള്ളിക്കളയാന്‍ പ്രവര്‍ത്തകര്‍ ഉല്‍ബുദ്ധരാണ്. സംഘടനയില്‍ കുഴപ്പം സൃഷ്ടിക്കാന്‍ ദുരുദ്ദ്യേശ്യപരമായ പ്രവര്‍ത്തങ്ങള്‍ക്ക് നേതൃത്വം കൊടുത്തവരും ഭാഗവാക്കായവരും സമൂഹത്തില്‍ ഒറ്റപ്പെട്ടുപോയ ചരിത്രമാണുള്ളതെന്നും നേതാക്കള്‍ പറഞ്ഞു.

ആരോപണക്കാരുടെ വാറോലകള്‍ക്ക് നേതാക്കന്മാരുടെ വായടപ്പന്‍ മറുപടി. കേള്‍ക്കൂ... എങ്ങിനെയാണ് പണ്ഡിതനും പാമരനും തുല്യമാവുക?

ഈദാശംസകള്‍

2013-08-08T03:38:00.002+04:00

മുസ്‌ലിം ലോകം വീണ്ടുമൊരു ചെറിയ പെരുന്നാള്‍ ആഘോഷം കൊണ്ടാടുകയാണ്. ഒരു മാസം വ്രതമാനുഷ്ടിച്ച് നേടിയെടുത്ത വിശുദ്ധി വരും ദിനങ്ങള്‍ക്ക് കരുത്ത് പകരാനാകണം. ആഘോഷ ദിനങ്ങള്‍ അനിസ്‌ലാമിക പ്രവണതകളിലൂടെ ചിലവഴിക്കാന്‍ മുസ്‌ലിമായ നമുക്ക് കഴിയരുത്. അല്ലാഹുവിനെ സ്മരിക്കുക. അവന്‍ നമുക്ക് നല്‍കിയ അനുഗ്രഹങ്ങളെ ഓര്‍ക്കുക. നന്ദി രേഖപ്പെടുത്തുക. കുടുംബന്ധങ്ങള്‍ ഊട്ടിയുറപ്പിക്കുക. ദാനധര്‍മ്മങ്ങള്‍ അധികരിപ്പിക്കുക. മറ്റു ഇസ്‌ലാമിക രാഷ്ട്രങ്ങളില്‍ ധാരാളം മുസ്‌ലിം സഹോദരന്മാരും സഹോദരിമാരും പലവിധത്തില്‍ ദുരിധമനുഭവിക്കുമ്പോള്‍ ഒരു വേള അവരെ കൂടി നാം സ്മരിക്കണം. അല്ലാഹു നമ്മെ അവര്‍ പോരുത്തപ്പെട്ടവരില്‍ പെടുത്തി അനുഗ്രഹിക്കട്ടെ..ആമീന്‍ എല്ലാ കൂട്ടുകാര്‍ക്കും എന്‍റെ ഹൃദയം നിറഞ്ഞ ഈദാശംസകള്‍ നേരുന്നു. അള്ളാഹു നമ്മെയും കുടുംബത്തെയും സന്താന പരമ്പരകളെയും ഇരുലോക വിജയികളില്‍ പെടുത്തി അനുഗ്രഹിക്കട്ടെ ആമീന്‍.. എന്‍റെ പ്രിയ സുഹൃത്ത് അബ്ദുശുക്കൂര്‍ ഇര്‍ഫാനി ചെമ്പരിക്ക ആലപിച്ച ഒരു സുന്ദരമായ പെരുന്നാള്‍ ഗാനം നിങ്ങള്‍ക്കായി സമര്‍പ്പിക്കുന്നു.

സുന്ദരമായ തക്ബീര്‍ മന്ത്രങ്ങള്‍ ....

ബദര്‍ അനുസ്മരണം

2013-07-27T01:23:00.003+04:00

ബദര്‍ യുദ്ധ ഭൂമി.

ഇസ്‌ലാമിക ചരിത്രത്തിലെ നിര്‍ണായക വഴിത്തിരിവേകിയ ഒരു സംഭവമാണ് ബദര്‍ യുദ്ധം. സത്യവും അസത്യവും വേര്‍തിരിഞ്ഞ ദിനം. പിറന്ന നാട്ടില്‍ അലാഹുവിന്‍റെ ഏകത്വം പറഞ്ഞ പ്രവാചകന്‍ നബി (സ്വ)യെ ശത്രുതയാല്‍ പിന്തുടര്‍ന്ന ശത്രുക്കളുടെ അഹങ്കാരത്തിന്‍റെ മുനയൊടിഞ്ഞ ദിനം. നീണ്ട പതിനഞ്ചു വര്‍ഷത്തെ ശത്രുക്കളുടെ അക്രമങ്ങള്‍ക്കും പരിഹാസങ്ങള്‍ക്കും ക്ഷമകൊണ്ട്‌ മറുപടി നല്‍കിയ നബിയും സ്വഹാബികളും ആദ്യമായി യുദ്ധക്കളത്തിലിറങ്ങിയ ദിനം. വിശ്വാസമെന്ന ആയുധം കൊണ്ട് പൊരുതി നേടിയ വിജയം. തൊള്ളായിരത്തി അമ്പത്തോളം വരുന്ന സര്‍വ്വായുധ സജ്ജരായ കൂത്താട്ട സംഘത്തോട് കേവലം മുന്നൂറ്റി പതിമൂന്നോളം വരുന്ന മുസ്‌ലിം സേന നേടിയെടുത്ത വിജയ രഹസ്യം നമ്മുടെ ജീവിതത്തില്‍ പാഠമാകേണ്ടതുണ്ട്. വിശുദ്ധ മദീനയില്‍ നിന്നും 150 കി.മി. യാത്ര ചെയ്‌താല്‍ ഇവിടെയെത്താം. കൂറ്റന്‍ മലകളും അത്രതന്നെ ഉയരത്തിലുള്ള മണല്കൂനകളും താണ്ടിയെത്തിയാല്‍ വിദൂരതയില്‍ ബദര്‍ പട്ടണം കാണാന്‍ കഴിയും. ബദറില്‍ പങ്കെടുത്തവര്‍ക്ക് മഹത്വമുണ്ട്. അവര്‍ക്കാണ് ബദ്രീങ്ങള്‍ എന്ന് പറയുന്നത്. ജീവന്‍ കൊടുത്ത് ഇസ്ലാമിന്‍റെ അസ്ഥിത്വം കാത്തുസംരക്ഷിച്ച ആ മഹാരഥന്മാരെ അനുസ്മരിക്കലും അതുവഴി അവരുടെ ജീവിതം മാതൃകയാക്കുവാനും ഈ അനുസ്മരണനാള്‍ നമുക്ക് പ്രചോതനമേകട്ടെ.ആമീന്‍. ബദര്‍ യുദ്ധ ചരിത്രങ്ങളുമായി ബന്ധപ്പെട്ട ഒത്തിരി പ്രഭാഷണങ്ങളും പുസ്തകങ്ങളും ഇവിടെ ലിങ്ക് ചെയുന്നു. അള്ളാഹു സ്വീകരിക്കട്ടെ ആമീന്‍.

ബദര്‍ ഒരു ഹൃസ്വ കഥനം- അബ്ദു സലാം ഇര്‍ഫാനി കുനിയില്‍ PDF

ബദര്‍ മൌലിദ് PDF

ബദര്‍ യുദ്ധ ഭൂമി

ഡോ. ഫാറൂഖ് നഈമി. ഭാഗം 1

ഡോ. ഫാറൂഖ് നഈമി. ഭാഗം 2

പകര മുഹമ്മദ്‌ അഹ്സനി ഭാഗം 1

പകര മുഹമ്മദ്‌ അഹ്സനി ഭാഗം 2

പകര മുഹമ്മദ്‌ അഹ്സനി ഭാഗം 3

മുഹ്യദ്ദീന്‍ സഅദി ഭാഗം 1

മുഹ്യദ്ദീന്‍ സഅദി ഭാഗം 2

മുഹ്യദ്ദീന്‍ സഅദി ഭാഗം 3

മുഹ്യദ്ദീന്‍ സഅദി ഭാഗം 4

കൂറ്റമ്പാറ അബ്ദുറഹ്മാന്‍ ദാരിമി

ബദര്‍ ബൈത്ത്.

ബദറിലെ മസ്ജിദുല്‍ അരീഷ്

ബദര്‍ ശുഹദാക്കളുടെ നാമം ഉല്ലേഖനം ചെയ്ത മാര്‍ബിള്‍ സ്തൂഭം

ബദര്‍ ശുഹദാക്കളുടെ നാമങ്ങള്‍

ബദര്‍ യുദ്ധഭൂമിയുടെ മേപ്പ്

വിനീതന്‍ 2013 മെയ്മാസം അബൂദാബിയില്‍ നിന്നും യര്മൂക്ക് ഉംറ സംഘത്തോടൊപ്പം ബദറിലെത്തിയപ്പോള്‍ അല്ലാഹു ബദര്‍ ശുഹദാക്കളോടൊപ്പം നമ്മെയും കുടുംബത്തെയും ഉസ്താദുമാരെയും സ്വര്‍ഗ്ഗലോകത്ത് ഒരുമിച്ചുകൂടാന്‍ വിധികൂട്ടട്ടെ ആമീന്‍.