تعلیمیات

گاپوچی گم گم

noreply@blogger.com (Anonymous) — Fri, 25 Mar 2016 19:22:00 +0000

شوقؔ بہرائچی کا وہ معروف شعر تو آپ نے سنا ہی ہو گا:

برباد گلستاں کرنے کو بس ایک ہی الو کافی تھا

ہر شاخ پہ الو بیٹھا ہے انجامِ گلستاں کیا ہو گا

وطنِ عزیز کی حالتِ زار پر اس شعر کو چسپاں کرتے ہوئے بھی ہمیں عرصہ بیت گیا ہے مگر مجال ہے جو کسی الو کے کان پر جوں تک رینگی ہو۔ بلکہ حق تو یہ ہے کہ ایک ایک شاخ پہ الوؤں کی کئی کئی رہائشی سکیمیں وجود میں آ گئی ہیں جن کے لیے جوئیں کم پڑ گئی ہیں۔
تازہ ترین خبر یہ ہے کہ نیشنل ٹیسٹنگ سروس یعنی این ٹی ایس (NTS) کے سی ای او جناب ڈاکٹر ہارون رشید ستارۂِ امتیاز کی پی ایچ ڈی کی ڈگری 72 فیصد نقل پر مبنی ثابت ہوئی ہے۔ ایچ ای سی کی تحقیقات کے مطابق موصوف نے 2004ء میں ہمدرد یونیورسٹی سے پی ایچ ڈی کرنے والے ایک سکالر رفیق الرحمٰن کے مقالے پر ہاتھ صاف کیا ہے۔ ڈاکٹر صاحب پاکستان کی کامسیٹس یونیورسٹی میں بھی ایک کلیدی عہدے پر فائز ہیں۔

اس مراسلے کا بقیہ یہاں ملاحظہ فرمائیے »

اڑتی سی اک خبر ہے زبانی طیور کی

noreply@blogger.com (Anonymous) — Wed, 02 Dec 2015 17:09:00 +0000

لیجیے دوستو، حاضر ہیں محکمے سے متعلق کچھ تازہ بتازہ خبروں کی جھلکیوں کے ساتھ۔

پھر نہ کہنا ہمیں خبر نہ ہوئی!!

محکمۂِ تعلیم میں تبادلوں پر عائد پابندی 5 دسمبر سے اٹھانے کا فیصلہ متوقع۔ غیر مصدقہ اطلاعات کے مطابق اگلے ڈیڑھ ماہ تک کے عرصے میں تبادلے جاری رہیں گے۔
پنجاب میں سرکاری سکولوں کے طلبہ کے والدین روزانہ ایس ایم ایس کے ذریعے اپنے بچوں کی کارکردگی اور اساتذہ کی حاضری کے بارے میں مطلع رکھے جائیں گے۔ ابتدائی طور پر لاہور کے سکولوں میں تجربات شروع۔ والدین کی جانب سے مثبت ردِ عمل۔۔۔
اول ادنیٰ (Nursery) اور چھوٹے بچوں (Pre-Nursery) کو روزانہ 12 بچے دوپہر چھٹی کر دی جائے۔ سیکرٹری محکمۂِ تعلیم پنجاب کا تازہ حکم نامہ جاری۔

اس مراسلے کا بقیہ یہاں ملاحظہ فرمائیے »

تدریسی بیاض (ٹیچر ڈائری) لکھنے کا آسان اور مؤثر طریقہ

noreply@blogger.com (Anonymous) — Sat, 28 Nov 2015 16:39:00 +0000

دوستو، تدریسی بیاض یا ٹیچر ڈائری (Teacher Diary) لکھنا ایک ایسا کام ہے جو شاید ہم سبھی کو اپنی تدریسی زندگی میں کبھی نہ کبھی ضرور دشوار لگتا ہے۔ میں بھی سوچا کرتا تھا کہ خدا جانے یہ بلا کیوں ہمارے سر منڈھ دی گئی ہے۔ اسے کیسے لکھوں؟ کتنا لکھوں؟ کتنی بار لکھوں؟ وغیرہ وغیرہ۔ سمجھ میں نہیں آتا تھا کہ آخر اس بیگار کا فائدہ کیا ہے۔ لیکن جیسے جیسے وقت گزرتا گیا اور مجھے محکمۂِ تعلیم کی رمزیں سمجھ میں آتی گئیں، یہ کنفیوژن دور ہوتا گیا۔
آج میں آپ لوگوں کو بتاؤں گا کہ تدریسی بیاض کیسے لکھنی چاہیے۔ آپ کو یہ جان کر خوشی ہو گی کہ سست سے سست لکھنے والے کے لیے بھی یہ پورے ہفتے میں صرف 6 منٹ کا کام ہے۔ پہلے ہم یہ بحث کریں گے کہ ٹیچر ڈائری ہفتے میں کتنے دن لکھی جائے۔ پھر ڈائری لکھنے کا طریقہ بتایا جائے گا اور آخر میں اس کے فوائد پر بات ہو گی۔ تو چلیے، بغیر کسی مزید تمہید کے کام کی بات پہ آتے ہیں!

اس مراسلے کا بقیہ یہاں ملاحظہ فرمائیے »

پنجاب میں بلدیاتی الیکشن کے فوری بعد 48 ہزار اساتذہ بھرتی کرنے کا فیصلہ

noreply@blogger.com (Anonymous) — Wed, 25 Nov 2015 17:44:00 +0000

اطلاعات کے مطابق پنجاب میں بلدیاتی الیکشن کے فوری بعد 48 ہزار اساتذہ بھرتی کرنے کا فیصلہ کیا گیا ہے۔ بھرتی کا عمل 15 دسمبر سے شروع ہو گا اور 31 مارچ سے قبل مکمل کر لیا جائے گا جس کے لیے تجربہ کار ماہرینِ تعلیم کی مدد سے جامع پالیسی مرتب کر لی گئی ہے۔ اس بھرتی کے بارے میں اعلان اگلے چند روز میں متوقع ہے۔ محکمۂِ تعلیم پنجاب کے افسران کے مطابق اساتذہ کی ان بھرتیوں سے صوبہ بھر کے سکولوں کے نتائج میں بہتری آئے گی۔

اس مراسلے کا بقیہ یہاں ملاحظہ فرمائیے »

وزیرِ تعلیم پنجاب کا سکولوں اور کالجوں میں برقی کتب خانے قائم کرنے کا عزم

noreply@blogger.com (Anonymous) — Fri, 13 Nov 2015 15:04:00 +0000

لاہور: (پریس ریلیز) پنجاب کے وزیر تعلیم رانا مشہود احمد خان نے کہا ہے کہ حکومت 6 ہزار اسکولوں اور کالجوں میں پہلے سے قائم قائم کمپیوٹر لیبز میں ڈیجیٹل لائبریریاں قائم کرے گی تاکہ زیادہ سے زیادہ لوگ معلومات کی دنیا تک رسائی حاصل کر سکیں۔ وہ بدھ کے روز پنجاب یونیورسٹی میں پنجاب یونیورسٹی انفارمیشن مینیجمنٹ ڈیپارٹمنٹ کے زیر اہتمام "معلومات کا انتظام اور لائبریریاں" پر 3 روزہ بین الاقوامی کانفرنس کے افتتاحی اجلاس سے خطاب کر رہے تھے. پنجاب یونیورسٹی کے رئیسِ جامعہ پروفیسر ڈاکٹر مجاہد کامران، امریکہ ڈاکٹر ساندہ الڈرز، معلومات کے انتظام کی سربراہِ شعبہ پروفیسر ڈاکٹر کنول امین، جامعہ کے اساتذہ، منتظمینِ کتب خانہ اور طالب علموں کی ایک بڑی تعداد اس موقع پر موجود تھے.
تقریب سے خطاب کرتے ہوئے رانا مشہود نے کہا کہ حکومتِ پنجاب نے ای لرن پنجاب (E-Learn Punjab) اسی بنا پر شروع کیا تھا کہ یہ دور علم پر مبنی معیشت کا ہے۔ انھوں نے کہا کہ ہم بحیثیتِ قوم بدقسمتی سے کتب خانوں پر توجہ نہیں دے سکے۔ انھوں نے بتایا کہ حکومت کتب خانوں کا جال پھیلانے کی منصوبہ بندی کر رہی ہے اور پنجاب میں کوئی ایسا علاقہ نہیں رہے گا جہاں کوئی کتب خانہ موجود نہ ہو۔ انھوں نے کہا کہ حکومت ابتدائی، اعلیٰ، تکنیکی اور پیشہ ورانہ ہر سطح کی تعلیم کو بہتر بنانے کے لیے کوشاں ہے۔

اس مراسلے کا بقیہ یہاں ملاحظہ فرمائیے »

ضابطۂِ اخلاق برائے مانیٹرنگ تعلیمی ادارہ جات

noreply@blogger.com (Anonymous) — Wed, 11 Nov 2015 16:07:00 +0000

جیسا کہ آپ سب کو معلوم ہے کہ محکمۂِ تعلیم کے دیگر عملے کی طرح MEAs کے کام کرنے کے بھی کچھ اصول ہیں۔ حکومتِ پنجاب نے اس سلسلے میں ایک مراسلہ جاری کر رکھا ہے جس کی بابت محکمۂِ تعلیم کے ضلعی افسران کو ہدایت کی گئی ہے کہ یہ تمام سربراہانِ مدرسہ وغیرہ کو پہنچایا جائے۔ لیکن آپ جانتے ہیں کہ یہ تکلیف اگر محکمہ کرتا تو ہمارے دکھ شاید آدھے رہ گئے ہوتے۔

خیر، ہم آپ کے سامنے اس مراسلے کی تازہ ترین صورت پیش کر رہے ہیں جو امسال 25 جون کو سامنے لائی گئی ہے۔ آپ اسے یہاں کلک کر محکمۂِ تعلیم پنجاب کی ویب سائٹ سے براہِ راست بھی ڈاؤن لوڈ کر سکتے ہیں۔ اسے غور سے پڑھیے۔ امید ہے کہ آپ کو کئی نئی باتیں معلوم ہوں گی۔ ہو سکے تو اس کی ایک نقل اپنے سکول میں بھی رکھ لیجیے۔ اس صورت میں فوجی یا آپ کے لیے اپنی حدود سے تجاوز کرنا آسان نہیں رہے گا۔

ذیل میں آپ کی سہولت کے لیے اس مراسلے کا متن دیا جا رہا ہے:

اس مراسلے کا بقیہ یہاں ملاحظہ فرمائیے »

سرکاری سکولوں میں طلبہ کی شرحِ حاضری 80٪ مقرر

noreply@blogger.com (Anonymous) — Wed, 11 Nov 2015 07:20:00 +0000

سرکاری سکولوں میں طلبہ کی مطلوبہ شرحِ حاضری 90 فیصد سے گھٹا کر 80 فیصد مقرر کر دی گئی ہے۔ جن اساتذہ کے خلاف طلبہ کی حاضری 90 فیصد سے کم ہونے کی بنیاد پر کارروائی کا فیصلہ کیا گیا تھا ان کی سزائیں حاضری 80 فیصد سے اوپر ہونے کی صورت میں معاف کر دی جائیں گی۔

سکول کے دورے میں افسران کو کیسے مطمئن کریں؟

noreply@blogger.com (Anonymous) — Tue, 10 Nov 2015 16:43:00 +0000

محکمۂِ تعلیم میں گزرتے وقت کے ساتھ ساتھ ہر چیز کے معیارات طے ہوتے جا رہے ہیں جو نہایت خوش آئند امر ہے۔ جس طرح اساتذہ کے لیے ٹیچرز گائیڈ (Teachers' Guide) کی صورت میں ایک پیمانہ مقرر کر دیا گیا ہے جس کے مطابق اصولی طور پر تمام اساتذہ پڑھانے کے پابند ہیں بالکل اسی طرح ایم ای ایز (MEAs)، ڈی ٹی ایز (DTEs) اور محکمے کے افسران کے کام کرنے کے اصول بھی طے کر دیے گئے ہیں۔ آج ہم ایسے ہی چند اصول آپ کو بتائیں گے تا کہ آپ ڈی ایس ڈی (DSD) یا ایس ای ڈی (SED) یعنی سکول ایجوکیشن ڈپارٹمنٹ (School Education Department) کے کسی بھی افسر کا پوری تیاری کے ساتھ سامنا کر سکیں اور انھیں مطمئن کر کے اپنے ساتھیوں پر خوب خوب رعب جما سکیں!

دوستو!

پرانے زمانوں میں کوئی بھی افسر جب بھی کسی تعلیمی ادارے کا دورہ کرتا تھا تو اپنی مرضی سے فیصلہ کر لیتا تھا کہ مجھے فلاں فلاں چیزیں چیک کرنی ہیں۔ کوئی بچوں کی وردیوں کے پیچھے ہاتھ دھو کر پڑ جاتا تھا تو کوئی صفائی میں کیڑے نکالنے کی قسم کھا لیتا تھا۔ کوئی طالبعلموں کی لکھائیاں دیکھتا پھرتا تھا تو کوئی ٹوائلٹ میں جھانک جھانک کر کے آپ کو شرمندہ کرتا تھا۔

اچھی بات یہ ہے کہ اب یہ باتیں تقریباً ختم ہو گئی ہیں۔ اب افسران آپ سے کچھ خاص باتوں کی توقع لے کر آتے ہیں۔ اگر آپ وہ چند کام کر سکیں تو سمجھیں آپ کا سکول زبردست ہے۔ خاص طور پر تعلیمی سال کے آخری دنوں میں یہ باتیں آپ کے لیے نہایت ضروری ہیں۔
محکمۂِ تعلیم کے نوے فیصد سے زائد افسران آپ کے سکول میں آ کر صرف تین چیزوں کو چیک کریں گے جو بالترتیب کچھ اس طرح ہیں:

ٹیچر ڈائری (Teacher Diary)
بچوں کا ذِمیہ کام (گھر کا کام)
آٹھویں، پانچویں یا تیسری جماعت کے بچوں کی کارکردگی

آئیے اب ان تینوں عوامل کو ذرا تفصیل سے دیکھتے ہیں۔

اس مراسلے کا بقیہ یہاں ملاحظہ فرمائیے »