Tamil Cricket- Largest Cricket Social Media Network in Sri lanka

இலங்கை வேகப்பந்துவீச்சாளர்கள் திறமையை உயர்த்த வேண்டும்: இலங்கைத் தலைவர் தனஞ்சய !

noreply@blogger.com (Unknown) — Sat, 22 Aug 2026 14:37:00 +0000

இலங்கை வேகப்பந்துவீச்சாளர்கள் திறமையை உயர்த்த வேண்டும்: இலங்கைத் தலைவர் தனஞ்சய கோரிக்கை!

இலங்கை அணியின் வேகப்பந்துவீச்சாளர்கள் தங்களது திறமையை மேலும் சற்று உயர்த்திக்கொள்ள வேண்டும் என்றும், 140 கி.மீ வேகத்திற்கு மேல் பந்துவீசக்கூடிய இரண்டு அல்லது மூன்று பந்துவீச்சாளர்களாவது அணிக்குத் தேவை என்றும் இலங்கைத் தேர்வுத் துடுப்பாட்டத் தலைவர் தனஞ்சய டி சில்வா விருப்பம் வெளியிட்டுள்ளார்.

இந்தியாவிற்கு எதிரான இரண்டாவது டெஸ்ட் போட்டிக்கு முன்னதாக இன்று ஊடகவியலாளர்களிடம் கருத்துத் தெரிவித்தபோதே அவர் இதனைக் குறிப்பிட்டுள்ளார்.

தனஞ்சய டி சில்வா தெரிவித்த முக்கிய கருத்துகள்:

140 கி.மீ வேகப் பந்துவீச்சாளர்கள் தேவை: "எங்களது தற்போதைய வளங்களின்படி அசித பெர்னாண்டோவுக்கு சரியான பந்துவீச்சு இணையாக லஹிரு குமாரவே திகழ்கிறார். அசிதவின் லைன் மற்றும் லென்த் துல்லியமாக உள்ளதுடன் லஹிருவிடம் வேகம் உள்ளது. இருப்பினும், 140 கி.மீ வேகத்திற்கு மேல் பந்துவீசக்கூடிய 2 அல்லது 3 வீரர்கள் அணியில் இருப்பது அவசியமாகும். எதிர்காலத்தில் அத்தகைய பந்துவீச்சாளர்கள் உருவாவார்கள் என எதிர்பார்க்கிறேன்."
வேகப்பந்துவீச்சாளர்களின் பங்களிப்பு: "கடந்த காலத்தில் உள்நாட்டில் ஒரேயொரு வேகப்பந்துவீச்சாளருடன் மட்டுமே இலங்கை அணி விளையாடியது. ஆனால் எனது தலைமையில் இரு வேகப்பந்துவீச்சாளர்களைக் களமிறக்கி வருகிறோம். இலங்கையில் விக்கெட்டுகளை வீழ்த்த முடிந்தால், உலகத்தின் எந்தவொரு ஆடுகளத்திலும் விக்கெட்டுகளை வீழ்த்த முடியும் என்பதை வேகப்பந்துவீச்சாளர்கள் விரைவாகப் புரிந்துகொள்ள வேண்டும்."
தன்னம்பிக்கை அவசியம்: "காளி அல்லது SSC ஆடுகளங்களில் வெளிநாட்டு வேகப்பந்துவீச்சாளர்கள் 5 விக்கெட்டுகளைக் கைப்பற்றியுள்ளனர். ஆனால் எமது பந்துவீச்சாளர்களிடம் அந்த தன்னம்பிக்கை சற்றுக் குறைவாக உள்ளது. அவர்கள் தங்களது ஆட்டத்திறனை இன்னும் சில சதவீதம் உயர்த்தினால், அணியாக நாம் மேலும் முன்னோக்கிச் செல்ல முடியும்."

இலங்கை ஆடுகளங்களில் சுழற்பந்துவீச்சையே அதிகம் நம்பியிருக்கும் நிலையை மாற்றி, வேகப்பந்து வீச்சிலும் வலுவான கட்டமைப்பை உருவாக்க வேண்டும் என்பதை தனஞ்சய டி சில்வா வலியுறுத்தியுள்ளார்.

குல்தீப் யாதவை 'அதிகமாக மதிப்பிடுகிறோம்': கம்பீர் ஆதரவு!

noreply@blogger.com (Unknown) — Sat, 22 Aug 2026 14:28:00 +0000

குல்தீப் யாதவை 'அதிகமாக மதிப்பிடுகிறோம்': கம்பீர் ஆதரவு!

இந்திய அணியின் சுழற்பந்துவீச்சாளர் குல்தீப் யாதவை (Kuldeep Yadav) அணி நிர்வாகம் “மிகவும் உயர்வாக மதிப்பிடுகிறது” என்றும், அவர் கைப்பற்றும் விக்கெட்டுகளின் எண்ணிக்கையை மட்டும் வைத்து அவரது திறமை மதிப்பிடப்படுவதில்லை என்றும் தலைமைப் பயிற்றுநர் கௌதம் கம்பீர் தெரிவித்துள்ளார்.

ஆஸ்திரேலியா மற்றும் இங்கிலாந்துக்கு எதிரான டெஸ்ட் தொடர்களில் விளையாடும் வாய்ப்பு கிடைக்காத நிலையிலும், சமீபத்திய தென்னாப்பிரிக்கத் தொடர் மற்றும் காலி (Galle) டெஸ்ட் போட்டியில் எதிர்பார்த்த அளவு விக்கெட்டுகளைக் கைப்பற்றத் தவறிய நிலையிலும், குல்தீப் யாதவ் மீதான விமர்சனங்கள் அதிகரித்திருந்தன. இந்நிலையில், அவருக்கு ஆதரவாகக் கம்பீர் கருத்து வெளியிட்டுள்ளார்.

நாளை (23) ஆரம்பமாகும் இரண்டாவது டெஸ்ட் போட்டிக்கு முன்னதாக இன்று இடம்பெற்ற ஊடக சந்திப்பில் கௌதம் கம்பீரின் முக்கிய கருத்துகள்:

அணியின் வெற்றி முக்கியம்: "இறுதிவரை குல்தீப் எவ்வளவு திறமையான பந்துவீச்சாளர் என்பதை நாங்கள் அறிவோம். குறிப்பிட்ட ஆடுகளக் களநிலவரத்திற்கு ஏற்ப எந்தப் பந்துவீச்சாளரைப் பயன்படுத்துவது என்பதைப் போட்டியின் போக்கில் தலைவரே (Captain) தீர்மானிக்கிறார். அணி 5 முன்னணிப் பந்துவீச்சாளர்களுடன் களமிறங்கும்போது, யாராவது ஒருவருக்குக் குறைந்த ஓவர்களே கிடைக்கக்கூடும். அது போட்டிக்கான வியூகமே தவிர, வீரரின் தோல்வி அல்ல."
கட்டுப்பாடு அவசியம்: "விக்கெட்டுகளை வீழ்த்த வேண்டும் என்ற பதற்றத்தில் பந்துவீசாமல், சரியான லைன் மற்றும் லென்த்தில் பந்துவீசுமாறு குல்தீப்பிடம் கூறியுள்ளேன். ஏனெனில், ஒரு ரிஸ்ட்-ஸ்பின்னராக அவசரப்படும் போது பந்தின் மீதான கட்டுப்பாடு விலகக்கூடும்."
எந்தவொரு சூழலிலும் மிரட்டக்கூடியவர்: "நீண்டகாலமாகவே குல்தீப் மீது எங்களுக்கு அதிக நம்பிக்கை உள்ளது. எந்தவொரு களநிலவரத்திலும் எதிரணிக்கு அச்சுறுத்தலாக விளங்கும் ஆற்றல் அவருக்கு உண்டு. எனினும், கள நிலவரத்திற்கு ஏற்ப 20 விக்கெட்டுகளையும் வீழ்த்தக்கூடிய மிகச்சிறந்த அணியையே நாங்கள் தேர்வு செய்வோம்."

கொழும்பு டெஸ்ட் போட்டியில், இலங்கை அணியின் இடதுகைத் துடுப்பாட்ட வீரர்களைக் கட்டுப்படுத்த இந்திய அணியில் மற்றுமொரு சுழற்பந்துவீச்சாளரான சாரன்ஷ் ஜெயினுக்கு (Saransh Jain) வாய்ப்பளிக்கப்படுமா என்ற கேள்விகள் எழுந்துள்ள சூழலில், கம்பீரின் இந்த அறிக்கை முக்கியத்துவம் பெறுகின்றது.

இலங்கை கிரிக்கெட் பதினொருவர் vs இந்திய அணி பயிற்சிப் போட்டி: சிராஜ் Hat trick சிக்ஸர்கள் - இந்தியா சுவையான வெற்றி !

noreply@blogger.com (Unknown) — Mon, 10 Aug 2026 06:53:01 +0000

இலங்கை கிரிக்கெட் பதினொருவர் vs இந்திய அணி பயிற்சிப் போட்டி: சிராஜ் Hat trick சிக்ஸர்கள் - இந்தியா சுவையான வெற்றி !

இலங்கைக்கு சுற்றுப்பயணம் மேற்கொண்டுள்ள இந்திய கிரிக்கெட் அணிக்கும் இலங்கை கிரிக்கெட் பதினொருவர் (Sri Lanka Cricket XI) அணிக்குமிடையிலான 3 நாட்கள் கொண்ட பயிற்சிப் போட்டி நேற்று கொழும்பு NCC மைதானத்தில் நடைபெற்று முடிந்தது. விறுவிறுப்பாக நடைபெற்ற இந்தப் போட்டியில் இந்திய அணி 6 விக்கெட்டுகளால் வெற்றியைப் பதிவு செய்துள்ளது.

இரண்டு அணிகளுமே பயிற்சி எடுப்பதற்கும் தத்தம் அணிகலை டெஸ்ட் தொடருக்கு தெரிவு செய்வதற்கும் ஒரு களமாகப் பயன்படுத்திய போட்டியில் கடைசி ஓவரில் 16 ஓட்டங்கள் வெற்றிக்குத் தேவையாயிருக்க மொஹமட் சிராஜ் அடுத்தடுத்து மூன்று சிக்ஸர்களை விளாசி இந்தியாவுக்கு ஒரு சுவையான வெற்றியைப் பெற்றுக்கொடுத்திருந்தார்.

உலக டெஸ்ட் சம்பியன்ஷிப் (WTC) தொடருக்கு முன்னோடியாக அமைந்த இந்தப் போட்டியில் நாணய சுழற்சியில் வென்ற சோனால் தினுஷ தலைமையிலான இலங்கை கிரிக்கெட் XI அணி முதலில் துடுப்பெடுத்தாடத் தீர்மானித்தது.

முதல் இன்னிங்ஸ்:

இலங்கை XI அணி தனது முதல் இன்னிங்ஸில் அபாரமாக ஆடி 90 ஓவர்களில் 8 விக்கெட்டுகளை இழந்து 363 ஓட்டங்களைப் பெற்று இன்னிங்ஸை இடைநிறுத்திக் கொண்டது (Declared). துடுப்பாட்டத்தில் அசத்திய ரவிந்து ரசன்த 71 ஓட்டங்களையும், நிஷான் மதுஷ்க 66 ஓட்டங்களையும் பெற, தலைவர் சோனால் தினுஷ 52 ஓட்டங்களைச் சேர்த்தார். இந்திய பந்துவீச்சில் ரவீந்திர ஜடேஜா, குல்தீப் யாதவ் மற்றும் மானவ் சுதர் ஆகியோர் தலா 2 விக்கெட்டுகளைக் கைப்பற்றினர்.

பதிலுக்குத் தனது முதல் இன்னிங்ஸைத் தொடங்கிய இந்திய அணிக்கு தேவ்தத் படிக்கல் நிதானமாக ஆடி சதமடித்தார். அவர் 142 ஓட்டங்களுடன் ஆட்டமிழக்காமல் களத்தில் இருந்தார். அவருக்கு ஈடுகொடுத்து ஆடிய ரவீந்திர ஜடேஜா 63 ஓட்டங்கள் பெற்றிருந்த போது காயமடைந்து (Retired Hurt) வெளியேறினார். இந்திய அணி 90 ஓவர்களில் 6 விக்கெட்டுகளை இழந்து 357 ஓட்டங்களைப் பெற்றுத் தனது முதல் இன்னிங்ஸை முடித்துக் கொண்டது. பந்துவீச்சில் அசங்க மனோஜ் மற்றும் ரமேஷ் மெண்டிஸ் தலா 2 விக்கெட்டுகளை வீழ்த்தினர்.

இரண்டாம் இன்னிங்ஸ்:

6 ஓட்டங்கள் முன்னிலையுடன் 2ஆவது இன்னிங்ஸைத் தொடங்கிய இலங்கை XI அணி 45 ஓவர்களில் 6 விக்கெட்டுகளை இழந்து 200 ஓட்டங்கள் எடுத்திருந்த போது 2ஆவது இன்னிங்ஸையும் இடைநிறுத்தியது. மீண்டும் அபாரமாக ஆடிய நிஷான் மதுஷ்க 63 ஓட்டங்களையும், நிபுன் தனஞ்சய 46 ஓட்டங்களையும் பெற்றனர். ஜடேஜா 2 விக்கெட்டுகளை வீழ்த்தினார்.

இந்தியாவின் வெற்றி இலக்கு:

இதன்படி, இந்திய அணிக்கு 207 ஓட்டங்கள் வெற்றி இலக்காக நிர்ணயிக்கப்பட்டது. பதிலுக்குத் துடுப்பெடுத்தாடிய இந்திய அணி 45 ஓவர்களில் 4 விக்கெட்டுகளை மட்டுமே இழந்து 214 ஓட்டங்களை எடுத்து வெற்றி இலக்கை அடைந்தது. இந்திய அணி சார்பில் யஷஸ்வி ஜெய்ஸ்வால் 61 ஓட்டங்களையும், சுப்மான் கில் 44 ஓட்டங்களையும் இறுதியாக சிராஜ் ஆட்டமிழக்காமல் 32 ஓட்டங்களையும் பெற்று வெற்றிக்கு வழிவகுத்தனர்.

ஸ்கோர் விபரம்:

ஶ்ரீலங்கா கிரிக்கெட் XI (1st Innings): 363/8d (90) - ரவிந்து ரசன்த 71, நிஷான் மதுஷ்க 66, சோனால் தினுஷ 52 | மானவ் சுதர் 2/33, ரவீந்திர ஜடேஜா 2/64

இந்தியா (1st Innings): 357/6d (90) - தேவ்தத் படிக்கல் 142*, ரவீந்திர ஜடேஜா 63 | அசங்க மனோஜ் 2/32, ரமேஷ் மெண்டிஸ் 2/77

ஶ்ரீலங்கா கிரிக்கெட் XI (2nd Innings): 200/6d (45) - நிஷான் மதுஷ்க 63, நிபுன் தனஞ்சய 46 | ரவீந்திர ஜடேஜா 2/33

இந்தியா (2nd Innings): 214/4 (45) - யஷஸ்வி ஜெய்ஸ்வால் 61, சுப்மன் கில் 44 | சோனால் தினுஷ 1/21

இந்த இந்திய டெஸ்ட் தொடருக்கான அதிகாரப்பூர்வ இலங்கை டெஸ்ட் குழாம் விரைவில் அறிவிக்கப்படும் என எதிர்பார்க்கப்படுவதுடன், இந்தப் பயிற்சிப் போட்டியில் விளையாடிய இலங்கை கிரிக்கெட் XI அணியின் சில வீரர்களும் அதில் இடம்பெறுவார்கள் என எதிர்பார்க்கப்படுகிறது.

#SLvsIND #SriLankaCricket 

ICC T20I தரவரிசை: மீண்டும் முதலிடத்தைப் பிடித்தது இந்தியா!

noreply@blogger.com (Unknown) — Mon, 27 Jul 2026 04:25:37 +0000

ICC T20I தரவரிசை: மீண்டும் முதலிடத்தைப் பிடித்தது இந்தியா!

சிம்பாப்வே அணிக்கு எதிரான மூன்று போட்டிகள் கொண்ட T20 தொடரைக் கைப்பற்றியதைத் தொடர்ந்து, சர்வதேச கிரிக்கெட் பேரவையின் (ICC) ஆண்களுக்கான T20 தரவரிசையில் இந்திய அணி மீண்டும் முதலிடத்தைப் பிடித்துள்ளது.

ஹராரேயில் நடைபெற்ற இந்தத் தொடரில் முதல் இரண்டு போட்டிகளிலும் அபார வெற்றி பெற்று 2-0 எனத் தொடரைக் கைப்பற்றிய நிலையில், நடப்பு T20 உலகச் சாம்பியனான இந்தியா இந்த மைல்கல்லை எட்டியுள்ளது.

மூன்றாவது போட்டியிலும் நேற்று இந்தியா வெற்றி பெற்றது.

முன்னதாக, அயர்லாந்துக்கு எதிராக 0-2 எனத் தொடரை இழந்ததுடன், இங்கிலாந்து அணிக்கு எதிராக 0-4 எனத் தொடர் தோல்வியைச் சந்தித்ததால் இந்திய அணி தனது முதலிடத்தை இங்கிலாந்திடம் பறிகொடுத்திருந்தது.

இருப்பினும், சிம்பாப்வேக்கு எதிரான முதல் போட்டியில் 7 விக்கெட்டுகளாலும், இரண்டாவது போட்டியில் 90 ஓட்டங்களாலும் அபார வெற்றி பெற்று மீண்டும் தனது ஆதிக்கத்தை நிலைநிறுத்தியுள்ளது.

புதிய தலைவர் ஷ்ரேயாஸ் ஐயரின் தலைமையில் இந்தியா அடைந்த முதலாவது தொடர் வெற்றி இதுவாகும்.

துடுப்பாட்டவீரர்கள் மற்றும் பந்துவீச்சாளர்களின் தரவரிசை நிலை:

சிம்பாப்வேக்கு எதிரான இரண்டாவது போட்டியில் அரைசதம் விளாசிய இந்திய அணியின்  துடுப்பாட்ட வீரர் இஷான் கிஷன் 892 புள்ளிகளுடன் துடுப்பாட்டவீரர்களுக்கான தரவரிசையில் தொடர்ந்து முதலிடத்தில் நீடிக்கின்றார்.

அவரைத் தொடர்ந்து அபிஷேக் சர்மா 858 புள்ளிகளுடன் இரண்டாவது இடத்தில் உள்ள நிலையில், பாகிஸ்தானின் ஷஹிப்சதா பர்ஹான் மூன்றாமிடத்திலும் அவரைத் தொடர்ந்து இங்கிலாந்தின் சோல்ட், இலங்கையின் பத்தும் நிசங்க ஆகியோர் தொடர்கின்றனர். 

பந்துவீச்சு தரவரிசை:

பந்துவீச்சாளர்களுக்கான தரவரிசையின் 'முதல் 10' பட்டியலில் இடம்பெற்றுள்ள ஒரே இந்திய வீரரான சுழற்பந்து வீச்சாளர் வருண் சக்ரவர்த்தி, தற்போதைய சிம்பாப்வே தொடரில் பங்கேற்காத போதிலும் 683 புள்ளிகளுடன் 5ஆவது இடத்தில் நீடிக்கின்றார்.

முதலாவது இடத்தில் தொடர்ந்தும் ஆப்கானிஸ்தானின் ரஷீத் கான் நிலைத்திருக்கிறார்.

அவரைத் தொடர்ந்து பாகிஸ்தானின் அப்ரார் அஹமட், இங்கிலாந்தின் அடில் ரஷீத் ஆகியோர் இருக்கின்றனர்.

இலங்கையின் வனிது ஹசரங்க தற்போது எட்டாமிடத்தில் தரப்படுத்தப்பட்டுள்ளார்.

T20 சகலதுறை வீரர்களின் பட்டியில் முதலிடத்தில் சிம்பாப்வே அணித் தலைவர் சிக்கந்தர் ராசா நீடிக்கிறார்.

முழுமையான விவரங்கள் படங்களில்...

2026 ஆசிய விளையாட்டுப் போட்டிகள்: இலங்கை கிரிக்கெட் அணிக்கு நேரடியாகக் காலிறுதி வாய்ப்பு!

noreply@blogger.com (Unknown) — Mon, 27 Jul 2026 03:48:30 +0000

2026 ஆசிய விளையாட்டுப் போட்டிகள்: இலங்கை கிரிக்கெட் அணிக்கு நேரடியாகக் காலிறுதி வாய்ப்பு!

ஜப்பானின் அய்ச்சி-நகோயாவில் நடைபெறவுள்ள 2026 ஆசிய விளையாட்டுப் போட்டிகளின் (Asian Games) ஆடவர் கிரிக்கெட் பிரிவில், இலங்கை உட்பட இந்தியா, பாகிஸ்தான் மற்றும் பங்களாதேஷ் ஆகிய அணிகளுக்கு நேரடியாகக் காலிறுதிச் சுற்றில் (Knock-out) போட்டியிடும் வாய்ப்பு வழங்கப்பட்டுள்ளது.

வெளியிடப்பட்டுள்ள போட்டி அட்டவணையின்படி, இந்த நான்கு முதன்மை அணிகளுடன் மேலும் நான்கு அணிகள் பிரத்தியேகத் தகுதிச் சுற்று மூலமாக இணைந்து காலிறுதியில் மோதவுள்ளன.

தகுதிச் சுற்றில் பங்கேற்கும் ஆறு அணிகள் இரண்டு குழுக்களாகப் பிரிக்கப்பட்டுள்ளன. இதில் கடந்த 2023 ஆசிய விளையாட்டுப் போட்டிகளில் வெள்ளிப் பதக்கம் வென்ற ஆப்கானிஸ்தான் அணியுடன் போட்டியை நடத்தும் ஜப்பான் மற்றும் நேபாளம் ஆகிய அணிகள் 'குழு A' இல் இடம்பெற்றுள்ளன. 'குழு B' இல் மலேசியா, ஓமான் மற்றும் ஹொங்கொங் ஆகிய அணிகள் போட்டியிடுகின்றன. லீக் சுற்றின் முடிவில் இரு குழுக்களிலிருந்தும் முதல் இரண்டு இடங்களைப் பிடிக்கும் அணிகள் காலிறுதிச் சுற்றுக்கு முன்னேறும்.

அதேவேளை, மகளிர் கிரிக்கெட் போட்டிகள் நேரடியாகக் காலிறுதிச் சுற்றிலிருந்தே ஆரம்பமாகவுள்ளன.

மகளிர் பிரிவு காலிறுதி மோதல்கள்:

இலங்கை எதிர் மலேசியா
இந்தியா எதிர் ஜப்பான்
பாகிஸ்தான் எதிர் தாய்லாந்து
பங்களாதேஷ் எதிர் சீனா

கடந்த 2023 ஆம் ஆண்டு நடைபெற்ற ஆசிய விளையாட்டுப் போட்டிகளில் ஆடவர், மகளிர் ஆகிய இரண்டு பிரிவுகளிலுமே இந்திய அணி தங்கம் வென்று நடப்புச் சாம்பியனாகத் திகழ்கின்றது.

இம்முறை ஆசிய விளையாட்டுப் போட்டிகளில் மகளிர் கிரிக்கெட் போட்டிகள் செப்டம்பர் 17 முதல் 22 வரையிலும், ஆடவர் கிரிக்கெட் போட்டிகள் செப்டம்பர் 24 முதல் ஒக்டோபர் 01 வரையிலும் நடைபெறவுள்ளமை குறிப்பிடத்தக்கது.

சச்சினின் சாதனை உடைகிறது? இந்திய அணியில் அறிமுகமாகப் போகும் 15 வயது புயல் வைபவ் சூர்யவன்ஷி!

noreply@blogger.com (Unknown) — Fri, 26 Jun 2026 06:49:00 +0000

சச்சினின் சாதனை உடைகிறது? இந்திய அணியில் அறிமுகமாகப் போகும் 15 வயது புயல் வைபவ் சூர்யவன்ஷி!

அயர்லாந்து அணிக்கு எதிரான முதலாவது டி20 சர்வதேசப் போட்டியில் இந்திய அணி இன்று (வெள்ளிக்கிழமை) பெல்ஃபாஸ்டில் களம் இறங்குகிறது. இப்போட்டியில் 15 வயது மட்டுமே நிரம்பிய இளம் வீரர் வைபவ் சூர்யவன்ஷி (Vaibhav Sooryavanshi) ஆடும் லெவனில் சேர்க்கப்பட்டால், இந்திய கிரிக்கெட் வரலாற்றில் புதியதொரு மைல்கல் எட்டப்படும்.

தனது 15 வயது 91 நாட்களில் சர்வதேச கிரிக்கெட்டில் தடம் பதிப்பதன் மூலம், இந்திய அணியில் விளையாடிய மிக இளம் வயது வீரர் என்ற வரலாற்றுச் சாதனையை அவர் படைப்பார்.

சச்சின் டெண்டுல்கரின் சாதனை முறியடிக்கப்படுமா?

தற்போது இந்த அரிய சாதனை 'கிரிக்கெட் கடவுள்' சச்சின் டெண்டுல்கர் வசமே உள்ளது.

சச்சினின் சாதனை: கடந்த 1989 ஆம் ஆண்டு பாகிஸ்தானுக்கு எதிரான போட்டியில் சச்சின் அறிமுகமாகும்போது அவரது வயது 16 வயது 205 நாட்கள் ஆகும்.
இன்று வைபவ் சூர்யவன்ஷி களம் இறங்கும் பட்சத்தில், சச்சினின் இந்த நீண்டகால சாதனை முறியடிக்கப்படுவதுடன், இந்த தசாப்தத்தில் (2020-2030) இந்திய அணிக்காக விளையாடும் முதல் டீன்-ஏஜ் (Teenager) வீரர் என்ற பெருமையையும் அவர் பெறுவார்.

கடைசியாக அறிமுகமான டீன்-ஏஜ் வீரர் யார்?

இந்திய ஆண்கள் கிரிக்கெட் அணியில் கடைசியாக அறிமுகமான டீன்-ஏஜ் வீரர் பிரித்வி ஷா (Prithvi Shaw) ஆவார்.

கடந்த 2018 ஆம் ஆண்டு அக்டோபர் 4 ஆம் தேதி மேற்கிந்திய தீவுகள் அணிக்கு எதிரான டெஸ்ட் போட்டியில், தனது 18 வயது 329 நாட்களில் பிரித்வி ஷா சர்வதேச கிரிக்கெட்டில் அறிமுகமானார். அந்த அறிமுகப் போட்டியிலேயே சதம் விளாசி, அறிமுக டெஸ்டில் சதம் அடித்த மிக இளம் இந்திய வீரர் என்ற சாதனையையும் அவர் படைத்திருந்தார். எனினும், அடுத்தடுத்த போட்டிகளில் பிரகாசிக்காததன் காரணமாக அவர் அணியில் தனது இடத்தை இழந்தமை குறிப்பிடத்தக்கது.

இந்திய அணிக்காக மூன்று வகைப் போட்டிகளிலும் மிகக் குறைந்த வயதில் அறிமுகமான வீரர்கள்

டெஸ்ட்

ஒருநாள்

T20 சர்வதேசப் போட்டி

தற்போது ஒட்டுமொத்த கிரிக்கெட் உலகினதும் பார்வை 15 வயதே ஆன வைபவ் சூர்யவன்ஷி மீது திரும்பியுள்ளது. இன்று அவருக்கு இந்திய அணியில் வாய்ப்பு வழங்கப்படுமா என்பதைப் பொறுத்திருந்து பார்ப்போம்!
இன்று மாலை 6 மணிக்கு அயர்லாந்து அணிக்கெதிரான முதலாவது T20 சர்வதேசப் போட்டி இடம்பெறவுள்ளது.

Windies வேகப்புயலை அடக்கிய 'தனி ஒருவன்' தனஞ்சய! சரிவிலிருந்து இலங்கை அணியை மீட்ட அணித் தலைவனின் வீர நடை!

noreply@blogger.com (Unknown) — Fri, 26 Jun 2026 04:09:15 +0000

Windies வேகப்புயலை அடக்கிய 'தனி ஒருவன்' தனஞ்சய! சரிவிலிருந்து இலங்கை அணியை மீட்ட அணித் தலைவனின் வீர நடை!

மேற்கிந்திய தீவுகள் அணிக்கு எதிரான முதலாவது டெஸ்ட் போட்டியின் முதல் நாளிலேயே, இலங்கை அணியின் தலைவர் தனஞ்சய டி சில்வா தனது அபாரமான சதத்தின் மூலம் அணியை இக்கட்டான சூழ்நிலையிலிருந்து மீட்டுள்ளார். மேற்கிந்தியப் பந்துவீச்சாளர்களின் ஆரம்ப அதிரடித் தாக்குதல்களைத் தகர்த்தெறிந்த அவர், அணியின் ஸ்கோரை 308 ரன்களுக்கு உயர்த்தியுள்ளார்.

அண்டிகுவாவில் உள்ள சேர் விவியன் ரிச்சர்ட்ஸ் மைதானத்தில் நேற்று (வியாழக்கிழமை) தொடங்கிய இப்போட்டியில், நாணயச் சுழற்சியில் வென்ற மேற்கிந்திய தீவுகள் அணி முதலில் பந்துவீசத் தீர்மானித்தது. ஆரம்பத்தில் வேகப்பந்து வீச்சுக்குச் சாதகமாக இருந்த ஆடுகளத்தைப் பயன்படுத்தி விண்டீஸ் பந்துவீச்சாளர்கள் இலங்கை அணிக்கு அடுக்கடுக்கான அதிர்ச்சிகளை அளித்தனர்.

தலைவனுக்கே உரிய இலக்கணம்: தனஞ்சயவின் அசாத்தியப் போராட்டம்!

இலங்கை அணி வெறும் 42 ஓட்டங்களுக்குள் 3 முக்கிய விக்கெட்டுகளை (பதும் நிஸங்க 0, நிஷான் மதுஷ்க 23, கமிந்து மெண்டிஸ் 0) இழந்து தடுமாறிய போது, களமிறங்கினார் தனஞ்சய டி சில்வா.

விக்கெட்டுகள் ஒருபுறம் சரிந்தாலும், இமயமலை போன்ற உறுதியோடு விண்டீஸ் வேகப்புயலை எதிர்கொண்டார் தனஞ்சய. ஒரு உண்மையான தலைவனாக முன்னின்று படையை வழிநடத்திய அவர், 150 பந்துகளில் 17 பவுண்டரிகளுடன் 120 ஓட்டங்களைக் குவித்து அசத்தினார். நெருக்கடியான சூழலிலும் பதற்றமின்றி அவர் ஆடிய நிதானமான ஆட்டம், இலங்கை அணிக்குத் கௌரவமான ஸ்கோரைப் பெற்றுத் தந்தது.

முக்கிய இணைப்பாட்டங்கள்:

தனஞ்சய தனி ஆளாகப் போராடியது மட்டுமன்றி, ஏனைய வீரர்களையும் ஒருங்கிணைத்துச் சிறப்பான கூட்டணிகளை அமைத்தார்:

தினேஷ் சண்டிமாலுடன் (54): 4ஆவது விக்கெட்டுக்கு இணைந்து 68 ஓட்டங்கள் சேர்த்து சரிவைத் தடுத்தனர்.
சோனல் தினுஷாவுடன் (43): 6ஆவது விக்கெட்டுக்கு ஜோடி சேர்ந்து அதிரடியாக 99 ஓட்டங்களைக் குவித்து மே.இ அணியின் வியூகங்களை உடைத்தனர்.
மிலான் ரத்நாயக்கவுடன் (27): 7ஆவது விக்கெட்டுக்கு 64 ஓட்டங்கள் பகிர்ந்து அணியின் மொத்த ஓட்டங்களை 300 கடக்க உதவினர்.

இறுதியில் ஜஸ்டின் கிரீவ்ஸின் பந்துவீச்சில் தனஞ்சய ஆட்டமிழந்தார். விண்டீஸ் தரப்பில் கிரீவ்ஸ் 39 ஓட்டங்களுக்கு 3 விக்கெட்டுகளை வீழ்த்தினார். அல்சாரி ஜோசப், ஷமார் ஜோசப் மற்றும் கேமர் ரோச் ஆகியோர் தலா 2 விக்கெட்டுகளைக் கைப்பற்றினர். இதில் கேமர் ரோச் தனது 296ஆவது விக்கெட்டைப் பதிவு செய்து 300 விக்கெட்டுகள் என்ற மைல்கல்லை நெருங்கியுள்ளார்.

முதல் நாள் ஆட்ட முடிவு:

இலங்கை அணி தனது முதல் இன்னிங்ஸில் 308 ஓட்டங்களுக்கு சகல விக்கெட்டுக்களையும் இழந்தது. இதனைத் தொடர்ந்து தனது முதல் இன்னிங்ஸைத் தொடங்கிய மேற்கிந்திய தீவுகள் அணி, முதல் நாள் ஆட்ட நேர முடிவில் விக்கெட் இழப்பின்றி இதுவரை ஓட்டங்கள் எடுக்கவில்லை.
தொடக்க வீரர்களான ஜான் கம்ப்பெல் மற்றும் பிரண்டன் கிங் ஆகியோர் களத்தில் உள்ளனர்.

தலைவர் தனஞ்சயவின் இந்த வீரமிக்க இன்னிங்ஸ், கரீபியன் மண்ணில் இலங்கை அணிக்கு ஒரு வலுவான அடித்தளத்தை அமைத்துக் கொடுத்துள்ளது என்பதில் சந்தேகமில்லை!

15 வயது வைபவ் சூர்யவன்ஷிக்கு இங்கிலாந்தில் தனி உடைமாற்றும் அறை! ஐசிசி விதிகளால் விநோத கட்டுப்பாடு

noreply@blogger.com (Unknown) — Wed, 24 Jun 2026 21:18:31 +0000

15 வயது வைபவ் சூர்யவன்ஷிக்கு இங்கிலாந்தில் தனி உடைமாற்றும் அறை! ஐசிசி விதிகளால் விநோத கட்டுப்பாடு

இந்திய கிரிக்கெட் அணியின் வளர்ந்து வரும் இளம் அதிரடித் துடுப்பாட்டப் புயல் வைபவ் சூர்யவன்ஷி (Vaibhav Sooryavanshi), இங்கிலாந்துக்கு எதிரான வரவிருக்கும் டி20 தொடரின் போது சக வீரர்களுடன் அல்லாமல், தனியான உடைமாற்றும் அறையை (Changing Facilities) பயன்படுத்த வேண்டியிருக்கும் என்ற விநோத தகவல் வெளியாகியுள்ளது. பிரிட்டிஷ் நாளிதழான 'தி கார்டியன்' (The Guardian) இந்தச் செய்தியை வெளியிட்டுள்ளது.

வெள்ளிக்கிழமை பெல்ஃபாஸ்ட்டில் நடைபெறவுள்ள அயர்லாந்துக்கு எதிரான போட்டியில் அறிமுகமாகவுள்ள 15 வயதேயான வைபவ் சூர்யவன்ஷி, இந்தியாவின் மிக இளம் சர்வதேச கிரிக்கெட் வீரர் என்ற வரலாற்றுச் சாதனையைப் படைக்கவுள்ளார். அயர்லாந்து போட்டிக்குப் பிறகு, இந்திய அணி இங்கிலாந்துடன் 5 போட்டிகள் கொண்ட டி20 தொடரில் மோதவுள்ளது.

பாதுகாப்பு விதிமுறைகள் என்ன சொல்கின்றன?

சர்வதேச கிரிக்கெட் கவுன்சில் (ICC) மற்றும் இங்கிலாந்து கிரிக்கெட் கட்டுப்பாட்டுச் சபையின் (ECB) சிறுவர் பாதுகாப்பு விதிகளின்படி, 16 வயதுக்குட்பட்ட இளம் வீரர்கள், பெரியவர்களுக்கான (Adults) உடைமாற்றும் அறைகளைப் பயன்படுத்த அனுமதி இல்லை. இதன் காரணமாகவே, இங்கிலாந்தில் போட்டிகள் நடைபெறும் அனைத்து மைதானங்களிலும் வைபவ் சூர்யவன்ஷிக்குத் தனி வசதிகள் செய்துகொடுக்கப்படவுள்ளன.

இருப்பினும், இந்தத் தடை உடைகளை மாற்றுவதற்கும், குளிப்பதற்கும் மட்டுமே பொருந்தும். போட்டிகளின் போதோ அல்லது அணியின் முக்கிய ஆலோசனைக் கூட்டங்களின் போதோ அவர் வழக்கம் போல் இந்திய அணியின் முதன்மை டிரஸ்ஸிங் ரூமிற்குள் (Dressing Room) இருக்க முழு அனுமதி வழங்கப்பட்டுள்ளது.

பெற்றோருடன் பயணிக்கும் இளம் வீரன்:

இந்த விசேட பாதுகாப்பு ஏற்பாடுகளைச் சரியாகக் கையாள்வதற்காக இங்கிலாந்து கிரிக்கெட் கட்டுப்பாட்டுச் சபையானது, இந்திய கிரிக்கெட் கட்டுப்பாட்டுச் சபையுடனும் (BCCI) மைதான அதிகாரிகளுடனும் இணைந்து தீவிரமாகப் பணியாற்றி வருகிறது. மேலும், இந்தத் தொடர் முழுவதும் வைபவ்வின் பெற்றோரும் அவருடனேயே தங்கியிருப்பார்கள் எனத் தெரிவிக்கப்பட்டுள்ளது.

சமீபத்தில் நடைபெற்ற ஐபிஎல் தொடரில் அதிரடி காட்டியதுடன், இலங்கை ஏ அணிக்கு எதிராக வெறும் 29 பந்துகளில் 94 ஓட்டங்கள் விளாசி உலகையே திரும்பிப் பார்க்க வைத்த வைபவ் சூர்யவன்ஷி, தற்போதைய கிரிக்கெட் உலகின் மிகச்சிறந்த இளம் திறமையாகக் கொண்டாடப்படுகிறார் என்பது குறிப்பிடத்தக்கது.

126 பந்துகளில் 306 ஓட்டங்கள்! வைபவ் சூர்யவன்ஷியைத் தொடர்ந்து இந்திய கிரிக்கெட்டை அதிரவைத்த பீஹார் இளம் புயல் அக்ஷரா குப்தா!

noreply@blogger.com (Unknown) — Thu, 18 Jun 2026 21:07:59 +0000

126 பந்துகளில் 306 ஓட்டங்கள்! வைபவ் சூர்யவன்ஷியைத் தொடர்ந்து இந்திய கிரிக்கெட்டை அதிரவைத்த பீஹார் இளம் புயல் அக்ஷரா குப்தா!

இந்திய கிரிக்கெட்டில் சமீபகாலமாக பீஹார் மாநிலத்தைச் சேர்ந்த இளம் வீரர்கள் தங்களது அசாத்திய திறமையால் ஒட்டுமொத்த கிரிக்கெட் உலகையும் ஆச்சரியத்தில் ஆழ்த்தி வருகிறார்கள். 15 வயதேயான வைபவ் சூர்யவன்ஷியின் அசுரத்தனமான வளர்ச்சிக்கு மத்தியில், தற்போது பீஹாரைச் சேர்ந்த மற்றொரு 15 வயது இளம் வீராங்கனையான அக்ஷரா குப்தா (Akshara Gupta) ஒட்டுமொத்த தேசத்தின் கவனத்தையும் தன் பக்கம் ஈர்த்துள்ளார்.

BCA மகளிர் 19 வயதுக்குட்பட்டோருக்கான ஒருநாள் கிண்ணத் தொடரில் விளையாடிய அவர், யாரும் கற்பனை செய்து கூட பார்க்க முடியாத அளவிற்கு அசுரத்தனமான அதிரடி துடுப்பாட்டத்தை வெளிப்படுத்தி மிரட்டியுள்ளார்.

மைதானத்தை நாலாபுறமும் சிதறடித்த அதிரடி ஆட்டம்!

பாகல்பூரில் உள்ள சாண்டிஸ் காம்பவுண்ட் மைதானத்தில் நடைபெற்ற இந்த ஆட்டத்தில், அக்ஷரா குப்தா எதிரணி பந்துவீச்சாளர்களை நாலாபுறமும் சிதறடித்தார். வெறும் 126 பந்துகளை மட்டுமே எதிர்கொண்ட அவர், ஆட்டமிழக்காமல் 306 ஓட்டங்கள்* குவித்து புதிய சரித்திரம் படைத்தார்.

அவரது இந்த வரலாற்று இன்னிங்ஸின் முக்கிய புள்ளிவிவரங்கள் இதோ:

மொத்த ஓட்டங்கள்: 126 பந்துகளில் 306* (ஆட்டமிழக்காமல்)

பவுண்டரிகள்: 55 நான்குகள்

சிக்ஸர்கள்: 8 ஆறுகள்

ஸ்டிரைக் ரேட்: 242.86

அரைசதம்: வெறும் 16 பந்துகளில் 50 ஓட்டங்கள்!

சதம்: வெறும் 34 பந்துகளில் 100 ஓட்டங்கள்!

யார் இந்த அக்ஷரா குப்தா?

கிழக்கு சம்பாரனில் உள்ள ரக்ஸால் (Raxaul) பகுதியைச் சேர்ந்த இந்த 15 வயது இளம் கிரிக்கெட் வீராங்கனை, தற்போது பீஹார் 19 வயதுக்குட்பட்ட மகளிர் அணியின் தலைவியாக செயல்பட்டு வருகிறார். அதுமட்டுமன்றி, வெறும் இரண்டே ஆண்டுகளுக்குள் பிசிசிஐ-யின் (BCCI) நான்கு தொடர்ச்சியான மகளிர் கிரிக்கெட் தொடர்களில் விளையாடிய பீஹாரின் முதல் பெண் கிரிக்கெட் வீரர் என்ற பெருமையையும் அக்ஷரா பெற்றுள்ளார்.

அக்ஷராவின் இந்த அசாத்திய சாதனை குறித்துப் பேசிய பீஹார் கிரிக்கெட் சங்கத்தின் (BCA) தலைவர் ஹர்ஷ்வர்தன், "பீஹார் மகளிர் கிரிக்கெட் வீராங்கனைகள் தங்களது சிறப்பான ஆட்டத்தின் மூலம் மாநிலத்திற்குத் தொடர்ந்து பெருமை சேர்த்து வருகிறார்கள்" என்று மனதாரப் பாராட்டியுள்ளார். அதேபோல் சங்கத்தின் செயலாளர் ஜியாவுல் அர்பினும் அக்ஷராவிற்கு தனது வாழ்த்துகளைத் தெரிவித்துள்ளார்.

கிரிக்கெட் உலகை ஆளும் பீஹாரின் இளம் சிங்கங்கள்!

சமீபகாலமாக பீஹார் மாநிலம் இந்திய கிரிக்கெட்டிற்கு அடுத்தடுத்து அற்புதம் வாய்ந்த இளம் வீரர்களை வாரி வழங்கி வருகிறது. அக்ஷரா குப்தாவிற்கு முன்னதாக, பீஹாரின் தாஜ்பூர் பகுதியைச் சேர்ந்த 15 வயதான வைபவ் சூர்யவன்ஷி (Vaibhav Sooryavanshi) இந்திய கிரிக்கெட் அணியில் விளையாடத் தேர்ந்தெடுக்கப்பட்டு சாதனை படைத்தார். அவர் வரும் ஜூன் 26 முதல் தொடங்கவுள்ள அயர்லாந்து மற்றும் இங்கிலாந்துக்கு எதிரான டி20 தொடர்களில் இந்திய அணியுடன் பயணிக்கவுள்ளார். தற்போது அவர் இலங்கையில் நடைபெற்று வரும் முத்தரப்பு தொடரில் விளையாடி வருகிறார் என்பது குறிப்பிடத்தக்கது.

வைபவ் சூர்யவன்ஷியைத் தொடர்ந்து, தற்போது மகளிர் கிரிக்கெட்டில் அக்ஷரா குப்தா படைத்துள்ள இந்த அசுரத்தனமான முச்சத சாதனை, இந்திய கிரிக்கெட்டின் எதிர்காலம் எவ்வளவு பிரகாசமாக உள்ளது என்பதை மீண்டும் நிரூபித்துள்ளது!

ஐசிசியின் மென்மையான போக்கு: தற்காலிக தடையிலிருந்து தப்பியது ஸ்ரீலங்கா கிரிக்கெட்!?

noreply@blogger.com (Unknown) — Tue, 02 Jun 2026 04:26:07 +0000

ஐசிசியின் மென்மையான போக்கு: தற்காலிக தடையிலிருந்து தப்பியது ஸ்ரீலங்கா கிரிக்கெட்!?

இலங்கை கிரிக்கெட் நிர்வாகத்தில் இலங்கை அரசாங்கம் தலையிட்டுள்ள போதிலும், சர்வதேச கிரிக்கெட் கவுன்சில் (ICC) இம்முறை கடுமையான தடைகள் எதையும் விதிக்காததால் ஸ்ரீலங்கா கிரிக்கெட்டின் புதிய மறுசீரமைப்புக் குழு (Transformation Committee) நிம்மதிப் பெருமூச்சு விட்டுள்ளது.

கடந்த வார இறுதியில் இந்தியாவின் அஹமதாபாத்தில் நடைபெற்ற ஐசிசியின் காலாண்டு கூட்டத்திற்கு ஸ்ரீலங்கா கிரிக்கெட் (SLC) பிரதிநிதிகள் எவருக்கும் அழைப்பு விடுக்கப்படவில்லை. எனினும், இலங்கையின் புதிய கிரிக்கெட் மறுசீரமைப்புக் குழுவிற்கு எதிராக ஐசிசி நிர்வாகம் எந்தவொரு தடையையும் விதிக்காமை, கொழும்பில் உள்ள புதிய நிர்வாகத்தினரிடையே ஓர் ஆறுதலான மகிழ்ச்சியை ஏற்படுத்தியுள்ளதாக அதன் உறுப்பினர் ஒருவர் தெரிவித்துள்ளார்.

பின்னணியும் ஐசிசியின் பார்வையும்:

கடந்த மே மாதத்தில், தேர்ந்தெடுக்கப்பட்ட ஸ்ரீலங்கா கிரிக்கெட் நிர்வாகிகளை நீக்கிவிட்டு, அதற்குப் பதிலாக புதிய 'மறுசீரமைப்புக் குழு' ஒன்றை இலங்கை அரசாங்கம் நியமித்தது. பொதுவாக கிரிக்கெட் நிர்வாகத்தில் அரசியல் தலையீடுகளை ஐசிசி கடுமையாக எதிர்த்து வந்துள்ளது.

கடந்த கால தடைகள்: இதேபோன்ற அரசியல் தலையீடுகளைக் காரணம் காட்டி கடந்த 2015 மற்றும் 2023 ஆம் ஆண்டுகளில் ஸ்ரீலங்கா கிரிக்கெட் நிர்வாகத்திற்கு ஐசிசி தடை விதித்திருந்தது.
தற்போதைய நிலை: இம்முறை உண்மை நிலவரத்தைக் கண்டறிவதற்காக ஐசிசியின் பிரதித் தலைவர் இம்ரான் க்வாஜா மற்றும் பிசிசிஐ-யின் (BCCI) தேவஜித் சைகியா ஆகியோர் கொழும்புக்கு விஜயம் செய்து நிலைமைகளை மதிப்பிட்டனர். எனினும், அஹமதாபாத் கூட்டத்தின் பின்னரும் இலங்கை மீது நேரடித் தடைகள் எதுவும் விதிக்கப்படவில்லை.

"தற்போதைக்கு ஐசிசியிடமிருந்து எந்தவொரு எதிர்மறையான செய்தியும் வராமல் இருப்பதே எங்களுக்கு நல்ல செய்திதான்" என மறுசீரமைப்புக் குழுவின் உறுப்பினர் ஒருவர் குறிப்பிட்டுள்ளார்.

குழுவின் முக்கிய நோக்கம்:

முன்னாள் அரசியல்வாதியான ஏரான் விக்கிரமரத்ன தலைமையிலான இந்த மறுசீரமைப்புக் குழு, காலாவதியான ஸ்ரீலங்கா கிரிக்கெட் நிறுவனத்தின் அரசியலமைப்பை மாற்றி அமைப்பதை முதன்மை நோக்கமாகக் கொண்டுள்ளது.

இது குறித்துக் குழுவின் தலைவர் ஏரான் விக்கிரமரத்ன கருத்துத் தெரிவிக்கையில்: "கட்சிப் பாகுபாடின்றி நாடாளுமன்றத்தில் நடந்த விவாதங்களில் கூட ஸ்ரீலங்கா கிரிக்கெட் நிர்வாகத்தில் மாற்றம் தேவை என்பது ஒப்புக்கொள்ளப்பட்டுள்ளது. எங்களின் முக்கிய பணியே கிரிக்கெட் நிறுவனத்தின் அரசியலமைப்பை மாற்றுவதுதான். இந்த மாற்றத்தின் முக்கிய பங்குதாரர்கள் இலங்கை மக்களே ஆவர். பொதுமக்கள் மற்றும் ஏனைய பங்குதாரர்களின் கருத்துக்களைக் கேட்டறிவதே எங்களின் முதல் வேலை" என்று கூறினார்.

எதிர்காலத்தில் நடைபெறவுள்ள ஐசிசி கூட்டங்களில் இந்த மறுசீரமைப்புக் குழுவின் உறுப்பினர்களுக்கு அழைப்பு விடுக்கப்படும் என ஸ்ரீலங்கா கிரிக்கெட் தற்பொழுது நம்புகிறது.

Lanka Premier League 2026 - Player Draft List - Full Details

noreply@blogger.com (Unknown) — Sat, 30 May 2026 08:57:40 +0000

Lanka Premier League 2026 - Player Draft List

📊 Draft Pool Summary

Local Players

Category	Players
Platinum	17
Gold	43
Classic	80
Emerging	48

Overseas Players

Category	Players
Platinum	31
Gold	81
Classic	99
Associate Stars	48

🏆 LOCAL PLAYERS

Platinum (17)

Pathum Nissanka
Charith Asalanka
Pavan Rathanayaka
Kamil Mishara
Maheesh Theekshana
Matheesha Pathirana
Dilshan Madushanka
Binura Fernando
Nuwan Thushara
Janith Liyanage
Kusal Perera
Milan Rathnayake
Vijayakanth Viyaskanth
Dushan Hemantha
Avishka Fernando
Asitha Fernando
Akila Dananjaya

Gold (43)

Gold Pool A

Lasith Croospulle
Sahan Arachchige
Lahiru Udara
Nuwanindu Fernando
Thanuka Dabare
Sohan De Livera
Traveen Mathews
Tharindu Rathnayake
Garuka Sanketh
Shevon Daniel
Nishan Madushka
Dhananjaya Lakshan

Gold Pool B

Dhananjaya de Silva
Wanuja Sahan
Jeffrey Vandersay
Chamika Gunasekara
Lahiru Kumara
Minod Bhanuka
Lahiru Samarakoon
Ashen Bandara
Isitha Wijesundara
Vishad Randika (WK)
Mohammed Shiraz
Thikshila de Silva
Chathuranga Jayathilake

Gold Pool C (New)

Vishwa Fernando
Sonal Dinusha
Kasun Rajitha
Pramod Madushan
Vishen Halambage
Sadeera Samarawickrama
Niroshan Dickwella
Ramesh Mendis
Chamika Karunaratna

🌍 OVERSEAS PLAYERS

Platinum (30)

Platinum Pool A

Wiaan Mulder
Will Jacks
Piyush Chawla
Rahmanullah Gurbaz
Mujeeb Ur Rahman
Shoriful Islam
Keshav Maharaj
Tabraiz Shamsi
Dawid Malan
Abbas Afridi
Hazratullah Zazai
Hassan Ali
Saim Ayub
Evin Lewis
Daniel Sams

Platinum Pool B

Imad Wasim
Kyle Jamieson
Fazalhaq Farooqi
David Wiese
Muhammad Nawaz
Iftikhar Ahmed
Usman Khan
Sufyan Moqim
Obed McCoy
Dominic Drakes
Martin Guptill
Chris Lynn
Ashton Agar
Shan Masood
Benny Howell

Gold (63+)

Gold Pool A

Towhid Hridoy
Shak Mahedi Hasan
Shamim Hossain
Hardus Viljoen
Rubin Hermann
Ryan Burl
Bjorn Fortuin
Temba Bavuma
Parvez Hossain Emon
Sheldon Cottrell
Ibrahim Zadran
Najibullah Zadran
Gulbadin Naib
Cole McConchie
Chad Bowes

Gold Pool B

Maaz Sadaqat
Hayden Kerr
Ben Lister
Blair Tickner
Sediqullah Atal
Azam Khan
Scott Kuggeleijn
Sandeep Lamichhane
Karim Janat
Waqar Salamkheil
Ish Sodhi
Md. Nahid Rana
Litton Kumar Das
Najmul Hossain Shanto
Mark Steketee
Sean Williams

Gold Pool C

Mohammad Saifuddin
Brian Bennett
Zaman Khan
Shamar Joseph
Odean Smith
Shamar Springer
Keemo Paul
Carlos Brathwaite
Bas de Leede
Scott Edwards
Tim Robinson
Sam Harper
George Munsey
George Dockrell
Rahkeem Cornwall

Gold Pool D (New)

Mark Adair
Paul Stirling
Mohammad Wasim Jr.
Akif Javed
Lizaad Williams
Hassan Nawaz
Tanzid Hasan
Tanzim Hasan Sakib
Md Mahmudullah
Mir Hamza
Imran Khan
Mushfiqur Rahim
Musaddek Hossain Saikat
Salman Irshad
Fabian Allen
Josh Little
Mohammad Haris

⭐ Biggest Sri Lankan Names in the Draft

Local Platinum

Pathum Nissanka
Charith Asalanka
Maheesh Theekshana
Matheesha Pathirana
Kusal Perera
Avishka Fernando

Local Gold

Dhananjaya de Silva
Sadeera Samarawickrama
Niroshan Dickwella
Chamika Karunaratne
Jeffrey Vandersay
Lahiru Kumara
Vishwa Fernando
Kasun Rajitha

Overseas Platinum

Will Jacks
Rahmanullah Gurbaz
Mujeeb Ur Rahman
Dawid Malan
Imad Wasim
Kyle Jamieson
Fazalhaq Farooqi
Martin Guptill
Chris Lynn

Overseas Gold

Paul Stirling
Josh Little
Mushfiqur Rahim
Mohammad Haris
Temba Bavuma
Ibrahim Zadran
Litton Das
Najmul Hossain Shanto
Shamar Joseph
Sean Williams

இலங்கைக்கு வருகை தரும் இந்திய U19 கிரிக்கெட் அணி! 🇮🇳✈️🇱🇰

noreply@blogger.com (Unknown) — Wed, 20 May 2026 15:37:00 +0000

🇮🇳✈️🇱🇰 இலங்கைக்கு வருகை தரும் இந்திய U19 கிரிக்கெட் அணி!

எதிர்வரும் ஜூன் - ஜூலை மாதங்களில் இந்திய 19 வயதுக்குட்பட்ட கிரிக்கெட் அணி இலங்கையில் சுற்றுப்பயணம் மேற்கொண்டு விளையாடவுள்ளது.

இலங்கை மற்றும் இந்திய U19 அணிகளுக்கு இடையிலான இந்த இருதரப்பு தொடரில் 3 ஒருநாள் போட்டிகளும், 2 நான்கு நாட்கள் கொண்ட போட்டிகளும் நடைபெறவுள்ளன. அடுத்த தலைமுறை இளம் கிரிக்கெட் வீரர்கள் தங்களது திறமைகளை சர்வதேச மட்டத்தில் வெளிப்படுத்த இத்தொடர் ஒரு சிறந்த களமாக அமையும்.

இந்த போட்டித் தொடரில் பங்கேற்பதற்காக இந்திய U19 கிரிக்கெட் அணி எதிர்வரும் ஜூன் மாதம் 30ஆம் திகதி இலங்கை வந்தடையவுள்ளது. 🏏🔥

#U19Cricket #SriLankaCricket #FutureStars #SLvIND #CricketTamil

15 வயது சாதனைச் சூறாவளி - வைபவ் சூர்யவன்ஷி !

noreply@blogger.com (Unknown) — Wed, 20 May 2026 02:03:00 +0000

15 வயது சாதனைச் சூறாவளி - வைபவ் சூர்யவன்ஷி !

சரித்திரம் படைத்த 15 வயது வைபவ் சூர்யவன்ஷி: ரிஷப் பண்ட்டின் சாதனையைத் தகர்த்து ஐபிஎல்-இல் புதிய சாதனை!

ஐபிஎல் 2026 தொடரில் லக்னோ சூப்பர் ஜெயண்ட்ஸ் அணிக்கு எதிரான போட்டியில் ராஜஸ்தான் ராயல்ஸ் அணியின் இளம் துடுப்பாட்ட வீரர் வைபவ் சூர்யவன்ஷி அதிரடி ஆட்டத்தை வெளிப்படுத்தி புதிய சரித்திர சாதனை ஒன்றை நிகழ்த்தியுள்ளார்.

ஜெய்ப்பூரில் உள்ள சவாய் மான்சிங் மைதானத்தில் நடைபெற்ற இப்போட்டியில், மிகக் குறைந்த வயதில் ஒரு ஐபிஎல் சீசனில் 500 ஓட்டங்களை (Runs) கடந்த வீரர் என்ற பெருமையை அவர் தன்வசப்படுத்தியுள்ளார்.

ரிஷப் பண்ட்டின் சாதனை முறியடிப்பு:

இதற்கு முன்னர் 2018 ஆம் ஆண்டு டெல்லி டேர்டெவில்ஸ் (தற்போது டெல்லி கேப்பிடல்ஸ்) அணிக்காக விளையாடிய போது ரிஷப் பண்ட் இந்த வரலாற்றுச் சாதனையைப் படைத்திருந்தார். தற்போது 15 வயதேயான இளம் சுட்டிப் புயல் வைபவ் சூர்யவன்ஷி, பண்ட்டின் அந்த நீண்ட கால சாதனையை முறியடித்து அசத்தியுள்ளார். லக்னோ அணிக்கு எதிராக களமிறங்கிய அவர், ஆரம்பத்தில் நிதானம் காட்டி பின்னர் அதிரடியாக மாறி மைதானத்தின் நாலாபுறமும் பந்துகளைப் பறக்கவிட்டார்.

அதிரடி ஆட்டத்தின் முக்கிய புள்ளிவிபரங்கள்:

அரைச்சதம்: வெறும் 23 பந்துகளில் அதிவேகமாக அரைசதத்தை எட்டினார்.
பவுண்டரிகள் & சிக்ஸர்கள்: அவரது இந்த அதிரடி இன்னிங்ஸில் 6 பவுண்டரிகளும், 4 பிரம்மாண்ட சிக்ஸர்களும் அடங்கும்.
வரலாற்று மைல்கல்: ஐபிஎல் வரலாற்றில் ஒரு சீசனில் 500 ஓட்டங்களை பூர்த்தி செய்த மிக இளவயது வீரர் என்ற சாதனையை 15 வயதில் பதிவு செய்துள்ளார்.
முந்தைய சாதனையாளர்: ரிஷப் பண்ட் (2018 ஆம் ஆண்டு தனது 20 ஆவது வயதில் இச்சாதனையைச் செய்திருந்தார்).
போட்டி முடிவு: வைபவ்வின் இந்த அதிரடியின் உதவியுடன் லக்னோ அணிக்கு எதிரான போட்டியை ராஜஸ்தான் ராயல்ஸ் அணி 7 விக்கெட்டுகளால் எளிதாகக் கைப்பற்றியது.

இந்திய அணியில் வாய்ப்பு?

இந்த சீசனில் தொடர்ந்து ஓட்ட மழை பொழிந்து வரும் வைபவ் சூர்யவன்ஷியை, விரைவில் இந்திய முதன்மை அணியில் சேர்க்க வேண்டும் என கிரிக்கெட் ரசிகர்களும் விமரிசகர்களும் கோரிக்கை விடுத்து வருகின்றனர்.

அதன் முதற்கட்டமாக, இலங்கையில் நடைபெறவுள்ள முத்தரப்பு தொடருக்கான இந்திய ஏ (India A) அணியில் அவர் தற்போது சேர்க்கப்பட்டுள்ளார். இதே வேகம் தொடர்ந்தால், மிக விரைவில் அவர் சர்வதேச கிரிக்கெட்டிலும் இந்திய அணிக்காக களமிறங்குவார் என எதிர்பார்க்கப்படுகிறது.

ரஞ்சி சாதனையாளர்கள் முதல் ஐபிஎல் நட்சத்திரங்கள் வரை: ஆப்கானிஸ்தான் தொடருக்கான இந்திய அணியில் இடம்பிடித்த 4 இளம் வீரர்கள்!

noreply@blogger.com (Unknown) — Tue, 19 May 2026 21:52:00 +0000

ரஞ்சி சாதனையாளர்கள் முதல் ஐபிஎல் நட்சத்திரங்கள் வரை: ஆப்கானிஸ்தான் தொடருக்கான இந்திய அணியில் இடம்பிடித்த 4 இளம் வீரர்கள்!

ஆப்கானிஸ்தான் அணிக்கு எதிராக சொந்த மண்ணில் நடைபெறவுள்ள டெஸ்ட் மற்றும் ஒருநாள் தொடருக்கான இந்திய அணியில், இதுவரை சர்வதேச போட்டிகளில் விளையாடாத (Uncapped) நான்கு இளம் வீரர்களுக்கு முதன்முறையாக வாய்ப்பளிக்கப்பட்டுள்ளது. தங்களது அபார திறமையால் இந்திய அணியின் கதவுகளைத் தட்டிய அந்த 4 வீரர்கள் யார், அவர்களின் பின்னணி மற்றும் புள்ளிவிவரங்கள் என்ன என்பதை இங்கே பார்ப்போம்:

1. குர்நூர் ப்ரார் (Gurnoor Brar) - டெஸ்ட் மற்றும் ஒருநாள் அணி

6 அடி 5 அங்குல உயரத்தைக் கொண்ட இந்த வலதுகை வேகப்பந்து வீச்சாளரை, தற்போதைய இந்திய டெஸ்ட் அணியின் கேப்டன் சுப்மன் கில் தான் தனது அண்டர்-19 காலப்பகுதியில் அடையாளங்கண்டார். கில்லின் உதவியால் மொஹாலி மாவட்ட அணியில் நுழைந்த இவர், பின்னர் பஞ்சாப் அண்டர்-23 அணியில் இடம்பிடித்தார். காயத்தினால் ஒரு சீசனை இழந்த போதிலும், மீண்டு வந்து ரஞ்சி கிண்ணத் தொடரிலும், இந்தியா ஏ அணி போட்டிகளிலும் பந்துவீச்சில் மிரட்டினார். இவரது அசாத்திய உயரமும் பந்துவீச்சு வேகமும் தான் தேர்வுக்குழுத் தலைவர் அஜித் அகர்கரை கவர்ந்து, இவருக்கு இந்திய அணியில் இடத்தை பெற்றுத் தந்துள்ளது.

முக்கிய புள்ளிவிவரங்கள்:

2024/25 ரஞ்சி கிண்ணத் தொடர்: 7 போட்டிகளில் 20.30 சராசரியுடன் 26 விக்கெட்டுகள்.
இந்தியா ஏ (2025): ஆஸ்திரேலியா ஏ அணிக்கு எதிரான 'டெஸ்ட்' போட்டிகளில் 3 இன்னிங்ஸ்களில் 8 விக்கெட்டுகள்.
முதல்தர அறிமுக போட்டி: ரயில்வேஸ் அணிக்கு எதிராக 16 ஓட்டங்களுக்கு 4 விக்கெட்டுகள் (4-16).

2. ஹர்ஷ் துபே (Harsh Dubey) - டெஸ்ட் மற்றும் ஒருநாள் அணி

இந்திய அணியின் முன்னணி சுழற்பந்து வீச்சாளர்களான ரவீந்திர ஜடேஜா மற்றும் அக்ஸர் படேல் ஆகியோருக்கு ஓய்வளிக்கப்பட்டுள்ளதால், விதர்பா அணியின் இடதுகை சுழற்பந்து வீச்சு ஆல்-ரவுண்டரான ஹர்ஷ் துபேவுக்கு இந்த நல்வாய்ப்பு கிடைத்துள்ளது. ஒரு ரஞ்சி கிண்ண சீசனில் அதிக விக்கெட்டுகளை வீழ்த்திய வரலாற்றுச் சாதனையை தன்வசம் வைத்துள்ள இவர், ஐபிஎல் தொடரில் சன்ரைஸர்ஸ் ஹைதராபாத் (SRH) அணியின் முக்கிய வீரராகத் திகழ்கிறார்.

முக்கிய புள்ளிவிவரங்கள்:

ரஞ்சி கிண்ண சாதனை (2024/25): ஒரே சீசனில் 16.98 சராசரியுடன் 69 விக்கெட்டுகள் (7 முறை ஐந்து விக்கெட்டுகள்).
முதல்தர போட்டிகள் (First Class): 27 போட்டிகளில் 23.26 சராசரியுடன் 133 விக்கெட்டுகள்.
லிஸ்ட் ஏ போட்டிகள் (List A): 30 போட்டிகளில் 31 விக்கெட்டுகள்.
டி20 போட்டிகள் (T20s): 38 போட்டிகளில் 7.57 எகானமியுடன் 34 விக்கெட்டுகள்.

3. மானவ் சுதார் (Manav Suthar) - டெஸ்ட் அணி

ராஜஸ்தான் அணியைச் சேர்ந்த இடதுகை சுழற்பந்து வீச்சாளரான மானவ் சுதார், நீண்ட நாட்களாகவே இந்திய அணியின் கதவைத் தட்டிக் கொண்டிருந்த ஒரு திறமையாளர் ஆவார். ஜடேஜா மற்றும் அக்ஸர் படேல் அணியில் இருந்ததால் இவருக்கு வாய்ப்பு தாமதமானது. இந்தியா ஏ அணிக்காக இங்கிலாந்து லயன்ஸ், ஆஸ்திரேலியா மற்றும் தென்னாப்பிரிக்க ஏ அணிகளுக்கு எதிரான போட்டிகளில் தொடர்ந்து சிறப்பான பங்களிப்பை வழங்கியதன் மூலம் தற்போது டெஸ்ட் அணியில் இடம்பிடித்துள்ளார்.

முக்கிய புள்ளிவிவரங்கள்:

முதல்தர போட்டிகள்: 29 போட்டிகளில் 25.76 சராசரியுடன் 129 விக்கெட்டுகள் (6 முறை ஐந்து விக்கெட்டுகள், 3 முறை 10 விக்கெட்டுகள்).
2022/23 ரஞ்சி கிண்ண சீசன்: 6 போட்டிகளில் 20.33 சராசரியுடன் 39 விக்கெட்டுகள்.

4. பிரின்ஸ் யாதவ் (Prince Yadav) - ஒருநாள் அணி

2025 ஐபிஎல் ஏலத்தில் 30 இலட்சம் ரூபாய்க்கு லக்னோ சூப்பர் ஜெயண்ட்ஸ் (LSG) அணியால் வாங்கப்பட்ட 24 வயதான பிரின்ஸ் யாதவ், நடப்பு 2026 ஐபிஎல் சீசனின் மிகப்பெரிய 'பிரேகவுட்' நட்சத்திரமாக உருவெடுத்துள்ளார். புதிய மற்றும் பழைய பந்து என இரண்டிலும் விக்கெட்டுகளை வீழ்த்தும் இவரின் திறமை இந்திய ஒருநாள் அணியில் இவருக்கு இடத்தை பெற்றுத் தந்துள்ளது. டெல்லி பிரீமியர் லீக் மூலம் வெளிச்சத்திற்கு வந்த இவர், நடப்பு ஐபிஎல் தொடரில் விராட் கோலியின் விக்கெட்டை வீழ்த்திப் பலரதும் கவனத்தை ஈர்த்தவர் என்பது குறிப்பிடத்தக்கது.

முக்கிய புள்ளிவிவரங்கள்:

ஐபிஎல் 2026 (நடப்பு சீசன்): 13 போட்டிகளில் 16 விக்கெட்டுகள் (லக்னோ அணியில் அதிக விக்கெட்டுகளை வீழ்த்திய இரண்டாவது வீரர்).
லிஸ்ட் ஏ போட்டிகள்: 14 போட்டிகளில் 20.31 சராசரியுடன் 29 விக்கெட்டுகள்.

- M.அக்பர்
சையத் முஷ்டாக் அலி கிண்ணத் தொடர் (2024/25): 7.54 எகானமியுடன் 11 விக்கெட்டுகள் (டெல்லி அணியில் அதிக விக்கெட்டுகள்).

புதிய அடையாளத்துடன் களம் காணும் கொழும்பு கப்ஸ் - Colombo Kaps ! Lanka Premier League 2026

noreply@blogger.com (Unknown) — Tue, 19 May 2026 13:10:00 +0000

புதிய அடையாளத்துடன் களம் காணும் கொழும்பு கப்ஸ் - Colombo Kaps !

Lanka Premier League 2026

கடந்த 2024 ஆம் ஆண்டுக்கு பின்னர், கிரிக்கெட் ரசிகர்களின் பலத்த எதிர்பார்ப்புக்கு மத்தியில் மீண்டும் பிரம்மாண்டமாக களம் காணவுள்ளது லங்கா பிரீமியர் லீக் (LPL) தொடர். இதன் 06 ஆவது சீசன் ஆரம்பமாகவுள்ள நிலையில், கொழும்பு அணி முற்றிலும் புதியதொரு அத்தியாயத்தை நோக்கி நகர்ந்துள்ளது.

கொழும்பு அணியின் பெயர் மாற்றங்களின் வரலாறு:

லங்கா பிரீமியர் லீக் வரலாற்றில் ஆரம்பம் முதலே ரசிகர்களின் நன்மதிப்பைப் பெற்ற கொழும்பு அணி, பல சீசன்களில் தனது அடையாளங்களை மாற்றிக்கொண்டு வந்துள்ளது.

எல்.பி.எல் முதலாவது சீசனில் 'கொழும்பு கிங்ஸ்' (Colombo Kings) என அறிமுகமாகி,
பின்னர் 2021 மற்றும் 2022 ஆண்டுகளில் 'கொழும்பு ஸ்டார்ஸ்' (Colombo Stars) எனப் பரிணமித்தது.
அதன் பின்னர் கடந்த 2023-2024 காலப்பகுதியில் 'கொழும்பு ஸ்ட்ரைக்கர்ஸ்' (Colombo Strikers) என விளையாடிய இந்த அணி, தற்போது புதிய உரிமையின் கீழ் 'கொழும்பு கப்ஸ்' (Colombo Kaps) என்ற புத்தம் புதிய கம்பீரமான அடையாளத்துடன் களம் இறங்கவுள்ளது.

புதிய உரிமையாளர்கள் யார்?

சரண்யன் பழனிசாமி மற்றும் கே.சி. ஷியாம் கங்கயன் தலைமையிலான 'விட்னஸ் ஸ்போர்ட்ஸ் அலையன்ஸ்' (Witness Sports Alliance LLC) நிறுவனம், கொழும்பு கப்ஸ் அணியின் உரிமையை அதிகாரப்பூர்வமாகக் கைப்பற்றியுள்ளது. ஒரு பலம் வாய்ந்த, ரசிகர்களை மையமாகக் கொண்ட அணியை உருவாக்கி எல்.பி.எல் 06 சீசனில் பாரிய தாக்கத்தை ஏற்படுத்த இவர்கள் திட்டமிட்டுள்ளனர்.

நட்சத்திர வீரர்களின் முன்கூட்டிய ஒப்பந்தம்:

புதிய உரிமையின் கீழ் களமிறங்கும் கொழும்பு கப்ஸ் அணி, இப்போதே தனது உள்ளூர் வீரர்களின் பலத்தை அதிகரிக்கத் தொடங்கியுள்ளது. இலங்கை கிரிக்கெட்டின் நட்சத்திர துடுப்பாட்ட வீரர்களான குசல் மெண்டிஸ் மற்றும் கமிந்து மெண்டிஸ் ஆகிய இருவரையும் முன்கூட்டியே (Pre-signings) ஒப்பந்தம் செய்து, தங்களது பலமான அடித்தளத்தை அணி இப்போதே உறுதி செய்துள்ளது.

நிர்வாகத்தின் தொலைநோக்குப் பார்வை:

நவீன தொழில்நுட்பம் மற்றும் கடுமையான ஒழுக்கக் கட்டுப்பாட்டுடன் கூடிய ஒரு முன்மாதிரியான அணியை உருவாக்குவதே தங்களின் முக்கிய நோக்கம் என புதிய உரிமையாளர்கள் தெரிவித்துள்ளனர். இதன் மூலம் இலங்கை கிரிக்கெட்டின் வளர்ச்சிக்கு உறுதுணையாக இருப்பதுடன், எல்.பி.எல் தொடரில் நீண்டகால வெற்றிகளைப் பதிவு செய்ய எதிர்பார்ப்பதாகவும் அவர்கள் குறிப்பிட்டுள்ளனர்.

இந்த புதிய உரிமையாளர்களின் வருகையை எல்.பி.எல் தொடரின் பணிப்பாளர் சமந்த டொடன்வல வரவேற்றுள்ளார். அத்துடன், ஐ.பி.ஜி குளோபல் (IPG Global) தலைவர் அனில் மோகன் கூறுகையில், கொழும்பு கெப்ஸ் அணியின் இந்த புதிய வரவு எல்.பி.எல் தொடருக்கு மேலும் விறுவிறுப்பையும் பலத்தையும் சேர்க்கும் என நம்பிக்கை வெளியிட்டுள்ளார்.

இலங்கை இந்தியா டெஸ்ட் தொடர்: உத்தேச திகதிகள் வெளியீடு!

noreply@blogger.com (Unknown) — Tue, 19 May 2026 02:25:00 +0000

இலங்கை இந்தியா டெஸ்ட் தொடர்: உத்தேச திகதிகள் வெளியீடு!

ரசிகர்களால் பெரிதும் எதிர்பார்க்கப்படும் இலங்கை, இந்திய அணிகளுக்கு இடையிலான டெஸ்ட் தொடர், எதிர்வரும் ஆகஸ்ட் மாதத்தின் பிற்பகுதியில் நடாத்துவதற்கு திட்டமிடப்பட்டுள்ளது.

ஐசிசி உலக டெஸ்ட் சாம்பியன்ஷிப் (WTC) தொடரின் ஒரு பகுதியாக அமையவுள்ள இந்த இரண்டு போட்டிகள் கொண்ட டெஸ்ட் தொடருக்காக, ஆகஸ்ட் 15 ஆம் திகதி முதல் 27 ஆம் திகதி வரையான காலப்பகுதியை இலங்கை கிரிக்கெட் சபை (SLC) உத்தேசமாகத் தெரிவு செய்துள்ளது.

லங்கா பிரீமியர் லீக்கிற்கு பின் மோதல்: இலங்கையில் நடைபெறவுள்ள லங்கா பிரீமியர் லீக் (LPL) தொடரானது ஆகஸ்ட் 9 ஆம் திகதியுடன் நிறைவடையவுள்ளது. இந்தத் தொடர் முடிந்த கையோடு இந்திய அணியுடனான டெஸ்ட் போட்டிகள் ஆரம்பமாகும் எனத் தெரிவிக்கப்பட்டுள்ள போதிலும், போட்டிகள் நடைபெறும் துல்லியமான திகதிகள் இன்னும் இறுதி செய்யப்படவில்லை.

டி20 தொடருக்கு வந்த சிக்கல்?

இதேவேளை, 'டிட்வா' சூறாவளியினால் (Cyclone Ditwah) பாதிக்கப்பட்ட மக்களுக்கு நிதி திரட்டும் நோக்கில், இரு அணிகளுக்கும் இடையே 3 போட்டிகள் கொண்ட டி20 தொடரொன்றை நடத்த முன்னர் திட்டமிடப்பட்டிருந்தது. எனினும், எதிர்வரும் செப்டம்பர் மாதத்தில் இந்திய அணியின் சர்வதேச போட்டி அட்டவணைகள் மிகவும் நெருக்கமாக காணப்படுவதால், இந்த டி20 தொடர் நடைபெறுமா என்பதில் இன்னும் நிச்சயமற்ற தன்மையே நீடித்து வருகின்றமை குறிப்பிடத்தக்கது.

IPL 2026: ஒரு இடத்திற்கு 5 அணிகள் மோதல்! CSK தோல்வியால் Play Off போட்டியில் அதிரடி திருப்பம்!

noreply@blogger.com (Unknown) — Mon, 18 May 2026 21:07:14 +0000

IPL 2026: ஒரு இடத்திற்கு 5 அணிகள் மோதல்! CSK தோல்வியால் Play Off போட்டியில் அதிரடி திருப்பம்!

நடப்பு IPL 2026 தொடரின் Playoffs சுற்றை நோக்கிய பயணம் தற்போது மரண மாஸ் விறுவிறுப்பை எட்டியுள்ளது. சென்னை சூப்பர் கிங்ஸ் அணிக்கு எதிரான போட்டியில் சன்ரைசர்ஸ் ஹைதராபாத் அணி பெற்ற அதிரடி வெற்றியின் மூலம், எஞ்சியிருக்கும் ஒரேயொரு இடத்தைக் கைப்பற்ற 5 அணிகளுக்கு இடையே கடும் போட்டி நிலவுகிறது.

நேற்று சேப்பாக்கம் மைதானத்தில் நடைபெற்ற விறுவிறுப்பான போட்டியில், சென்னை அணி நிர்ணயித்த 181 ஓட்டங்கள் என்ற சவாலான இலக்கை நோக்கி களமிறங்கிய ஹைதராபாத் அணி, 19 ஓவர்களில் 5 விக்கெட்டுகளை மாத்திரம் இழந்து வெற்றியைத் தன்வசப்படுத்தியது. அதிரடியாக விளையாடிய இஷான் கிஷன் 47 பந்துகளில் 70 ஓட்டங்களையும், ஹென்ரிச் கிளாசன் 26 பந்துகளில் 47 ஓட்டங்களையும் விளாசினர். முன்னதாக பந்துவீச்சில் மிரட்டிய பட் கம்மின்ஸ் 3 விக்கெட்டுகளை வீழ்த்தி அசத்தியிருந்தார்.

இந்த மாபெரும் வெற்றியின் மூலம் ஹைதராபாத் அணி 16 புள்ளிகளுடன் அதிகாரப்பூர்வமாக Play Off சுற்றுக்கு தகுதி பெற்றுள்ளது.

Play Off சுற்றை உறுதி செய்த 3 அணிகள்:

ரோயல் சேலஞ்சர்ஸ் பெங்களூரு (RCB): 13 போட்டிகளில் 18 புள்ளிகளுடன் கம்பீரமாக முதலிடத்தில் Play Offஐ உறுதி செய்துள்ளது.
சன்ரைசர்ஸ் ஹைதராபாத் (SRH): நேற்றைய வெற்றியின் மூலம் 16 புள்ளிகளுடன் Play Off சுற்றுக்கு முன்னேறியுள்ளது.
குஜராத் டைட்டன்ஸ் (GT): ஹைதராபாத் அணியின் வெற்றியினைத் தொடர்ந்து, 16 புள்ளிகளைப் பெற்றுள்ள குஜராத் அணியும் அதிகாரப்பூர்வமாக தகுதி பெற்றுள்ளது.

குறிப்பு: மும்பை இந்தியன்ஸ் மற்றும் லக்னோ சூப்பர் ஜெயண்ட்ஸ் ஆகிய அணிகள் ஏற்கனவே தொடரிலிருந்து அதிகாரப்பூர்வமாக வெளியேற்றப்பட்டுள்ளன.

அந்த 4-வது இடத்தைக் கைப்பற்றப் போகும் 'அந்த' ஒரு அணி எது?

தற்போது எஞ்சியுள்ள ஒரேயொரு இடத்திற்காக 5 அணிகள் பந்தயத்தில் உள்ளன. அந்த அணிகளின் தற்போதைய நிலை இதோ:

பஞ்சாப் கிங்ஸ் (PBKS): 13 போட்டிகளில் 13 புள்ளிகளுடன் உள்ள பஞ்சாப் அணி, தங்களது கடைசிப் போட்டியில் கட்டாயம் வெல்ல வேண்டும். அத்துடன் மற்ற அணிகளின் போட்டி முடிவுகளும் இவர்களுக்கு சாதகமாக அமைய வேண்டும்.
சென்னை சூப்பர் கிங்ஸ் (CSK): நேற்றைய தோல்வியால் பெரும் பின்னடைவைச் சந்தித்துள்ள சிஎஸ்கே, 13 போட்டிகளில் 12 புள்ளிகளுடன் உள்ளது. கடைசிப் போட்டியில் பிரம்மாண்ட வெற்றி பெறுவதுடன், சிறந்த ரன் ரேட்டைப் பேண வேண்டிய கட்டாயத்தில் தோனியின் படை உள்ளது.
டெல்லி கப்பிட்டல்ஸ் (DC): 13 போட்டிகளில் 12 புள்ளிகளுடன் உள்ள டெல்லி அணிக்கும் இன்னும் ஒரேயொரு போட்டியே மீதமுள்ளது.
ராஜஸ்தான் ரோயல்ஸ் (RR): 12 போட்டிகளில் 12 புள்ளிகளுடன் உள்ள ராஜஸ்தான் அணிக்கு இன்னும் 2 போட்டிகள் கைவசம் உள்ளன. இதனால் அதிகபட்சமாக 16 புள்ளிகளைப் பெற்று உள்ளே நுழைய இவர்களுக்கு அதிக வாய்ப்பு காணப்படுகிறது.
கொல்கத்தா நைட் ரைடர்ஸ் (KKR): 12 போட்டிகளில் 11 புள்ளிகளுடன் உள்ள கேகேஆர் அணிக்கு இன்னும் 2 போட்டிகள் உள்ளன. எனினும், அவர்களால் அதிகபட்சமாக 15 புள்ளிகளை மட்டுமே பெற முடியும் என்பதால் மற்ற அணிகளின் ரன் ரேட்டைப் பொறுத்தே இவர்களின் வாய்ப்பு அமையும்.

சென்னை அணி நேற்றைய போட்டியில் தோற்றாலும் தொடரிலிருந்து இன்னும் முழுமையாக வெளியேறவில்லை. இதனால் வரப்போகும் இறுதி லீக் போட்டிகள் ஒவ்வொன்றும் ரசிகர்களுக்கு அனல் பறக்கும் விருந்தாக அமையப் போவது உறுதி!

Jaffna Kings அணிக்கு புதிய உரிமையாளர்கள்: LPL சீசன் 6-ல் அதிரடி மாற்றம்!

noreply@blogger.com (Unknown) — Sat, 16 May 2026 07:21:12 +0000

Jaffna Kings அணிக்கு புதிய உரிமையாளர்கள்: LPL சீசன் 6-ல் அதிரடி மாற்றம்!

லங்கா பிரீமியர் லீக் (LPL) தொடரின் 6-வது சீசன் ஆரம்பமாவதற்கு முன்னதாக, யாழ்ப்பாணம் கிங்ஸ் (Jaffna Kings) அணி புதிய உரிமையாளர்களின் கீழ் வந்துள்ளதாக அதிகாரப்பூர்வமாக அறிவிக்கப்பட்டுள்ளது.

இந்த இடமாற்றம் குறித்த முக்கிய விபரங்கள் வருமாறு:

புதிய உரிமையாளர்கள் யார்?

ஸ்போர்ட்ஸ் கம்யூன் (Sports Commune): இந்திய விளையாட்டுத் துறை தொழில்முனைவோர்களான மன்ஜோத் கல்ரா மற்றும் மயங்க் கோயல் ஆகியோர் தலைமையிலான இந்த நிறுவனம் அணியைப் பொறுப்பேற்றுள்ளது.
பன்முக அனுபவம்: கிரிக்கெட் அனுபவம், தொழில்முனைவு, இளைஞர் மேம்பாடு மற்றும் டிஜிட்டல் மீடியா ஆகியவற்றை ஒன்றிணைத்து அணியை அடுத்த கட்டத்திற்கு நகர்த்த இவர்கள் திட்டமிட்டுள்ளனர்.

உரிமையாளர்களின் பின்னணி

மன்ஜோத் கல்ரா: இவர் ஒரு முன்னாள் தொழில்முறை கிரிக்கெட் வீரர் மற்றும் விளையாட்டுத் துறை சார்ந்த டிஜிட்டல் உள்ளடக்க உருவாக்குநர் ஆவார்.
இந்தியா 2018இல் 19 வயதுக்குட்பட்ட உலகக்கிண்ணத்தை வென்ற இறுதிப்போட்டியில் மன்ஜோத் கல்ரா ஆட்டமிழக்காமல் சதமடித்திருந்தார். பின்னாளில் டெல்லி ரஞ்சி கிண்ண அணியிலும் அப்போதைய டெல்லி டெயார்டெவில்ஸ் அணியிலும் ஒப்பந்தம் செய்யப்பட்டிருந்தார்.
Manjot Kalra பற்றிய இன்னும் பல சுவாரசியமான விடயங்கள் :
BCCI தடை - IPL ஏமாற்றம் to Jaffna Kings உரிமை !
மயங்க் கோயல்: டிஜிட்டல் பாதுகாப்பு மற்றும் காப்பீட்டுத் துறையில் வெற்றிகரமான தொழிலதிபராக இருக்கும் இவர், இளைஞர்களுக்கான விளையாட்டுத் தொடர்களை நடத்துவதில் ஆர்வம் கொண்டவர்.

முக்கிய இலக்குகள்

திறமை தேடல்: தெற்காசிய அளவில் இளம் வீரர்களையும் ரசிகர்களையும் இணைக்கும் ஒரு வலுவான தளமாக யாழ்ப்பாண அணியை உருவாக்குவதே இவர்களின் நோக்கமாகும்.
தொழில்முறை அணுகுமுறை: நவீன தொழில்நுட்பம் மற்றும் முறையான பயிற்சியுடன் அணியின் வளர்ச்சியை உறுதி செய்யப் போவதாக உரிமையாளர்கள் தெரிவித்துள்ளனர்.

நிர்வாகத்தின் வரவேற்பு

Jaffna Kings அணியின் இந்த புதிய வரவை இலங்கை கிரிக்கெட் சபை (SLC) மற்றும் LPL நிர்வாகம் வரவேற்றுள்ளது.
இவர்களின் வருகை LPL தொடரின் வணிக ரீதியான வளர்ச்சிக்கும், போட்டித்தன்மைக்கும் மேலும் வலுச்சேர்க்கும் என எதிர்பார்ப்பதாக லங்கா பிரீமியர் லீக் பணிப்பாளர் சமந்த தொடன்பெல தெரிவித்துள்ளார்.

அணியின் தலைமைத்துவம், வீரர்கள் தெரிவு மற்றும் எதிர்கால உத்திகள் குறித்த அறிவிப்புகள் விரைவில் வெளியாகும் என எதிர்பார்க்கப்படுகிறது.

நட்சத்திர வீரர்களின் அதிரடி மாற்றங்களால் அதிகரித்த எதிர்பார்ப்பு - இலங்கை உள்ளூர் கிரிக்கெட் பருவகாலம் 2026

noreply@blogger.com (Unknown) — Thu, 14 May 2026 11:11:19 +0000

இலங்கை உள்ளூர் கிரிக்கெட் கழக மாற்றங்கள் : நட்சத்திர வீரர்களின் அதிரடி மாற்றங்களால் அதிகரித்த எதிர்பார்ப்பு
இலங்கை உள்ளூர் கிரிக்கெட் பருவகாலம் 2026

வரவிருக்கும் 2026/27 கிரிக்கெட் சீசனுக்கு முன்னதான இலங்கை உள்ளூர் கிரிக்கெட் வீரர்களின் இடமாற்றச் சந்தை (Transfer Window), தேசிய நட்சத்திரங்கள், அனுபவம் வாய்ந்த உள்ளூர் வீரர்கள் மற்றும் வளர்ந்து வரும் இளம் திறமையாளர்களின் அதிரடி மாற்றங்களால் விறுவிறுப்படைந்துள்ளது. பல முன்னணி கழகங்கள் அனைத்து வடிவ போட்டிகளுக்கும் தங்களை பலப்படுத்தியுள்ளதால், இந்த புதிய சீசன் அண்மைக்காலத்தில் மிகவும் போட்டித்தன்மை மிக்க ஒன்றாக இருக்கும் என எதிர்பார்க்கப்படுகிறது.

இந்த இடமாற்றச் சந்தையின் முக்கிய சிறப்பம்சங்கள் :

முக்கிய நட்சத்திரங்களின் அதிரடி மாற்றங்கள்:

வனிந்து ஹசரங்கவின் பாரிய மாற்றம்: இந்த சீசனின் மிக முக்கிய இடமாற்றமாக, இலங்கையின் முன்னணி சகலதுறை வீரர் வனிந்து ஹசரங்க Colombo Cricket Club (CCC) அணியிலிருந்து விலகி Colts Cricket Club அணியில் இணைந்துள்ளார். CCC அணியில் நீண்ட காலம் விளையாடி, உலகின் முன்னணி வெள்ளை-பந்து (White-ball) வீரர்களில் ஒருவராக வளர்ந்த ஹசரங்கவின் Colts அணிக்குடைய மாற்றம், உள்ளூர் கிரிக்கெட் நிலப்பரப்பில் ஒரு முக்கிய மாற்றமாக கருதப்படுகிறது மற்றும் Colts அணியின் கிண்ணக் கனவுக்குப் பெரும் பலம் சேர்த்துள்ளது.
NCC அணியில் மகேஷ் தீக்ஷன: இலங்கை இராணுவ அணியிடமிருந்து (Sri Lanka Army) தடையில்லாச் சான்றிதழ் (NOC) பெற்றதைத் தொடர்ந்து, மற்றுமொரு நட்சத்திர பந்துவீச்சாளரான மகேஷ் தீக்ஷன Nondescripts Cricket Club (NCC) அணியில் இணைந்துள்ளார். நாட்டின் மிகவும் பயனுள்ள வெள்ளை-பந்து பந்துவீச்சாளர்களில் ஒருவரான தீக்ஷன, NCC அணியின் ஏற்கனவே வலுவாக உள்ள பந்துவீச்சுக்கு சர்வதேச அனுபவத்தையும் மேலதிக பலத்தையும் சேர்க்கிறார்.
பானுக ராஜபக்ஷவின் அதிரடி மாற்றம்: அதிரடித் துடுப்பாட்டத்திற்குப் பெயர் பெற்ற பானுக ராஜபக்ஷ, Tamil Union Cricket and Athletic Club அணியிலிருந்து விலகி Police Sports Club அணியில் இணைந்துள்ளார். அதிரடி ஆட்டத்தை வெளிப்படுத்தும் அனுபவ வீரரான பானுக, அனைத்து வடிவ போட்டிகளிலும் Police SC அணிக்கு ஒரு பெரிய சொத்தாக அமைவார் என எதிர்பார்க்கப்படுகிறது.

கழகங்களின் பலப்படுத்தல் நடவடிக்கைகள்:

SSC அணியின் முக்கிய கொள்வனவுகள் : Sinhalese Sports Club (SSC) அணி தமது அணியை வலுப்படுத்த முக்கிய வீரர்களை இணைத்துள்ளது. Colts அணியிலிருந்து துனித் வெல்லாலகே மற்றும் Bloomfield அணியிலிருந்து ரோன் சந்திரகுப்த ஆகியோர் SSC இல் இணைந்துள்ளனர். அத்துடன் Police SC அணியிலிருந்து விக்கெட் காப்பாளர்-துடுப்பாட்ட வீரர் விஷாத் ரண்டிகவும் இணைந்துள்ளமை அந்த அணியின் அனுபவத்தை அதிகரித்துள்ளது.
Tamil Union அணியின் சுறுசுறுப்பான நடவடிக்கைகள்: பானுக ராஜபக்ஷவை இழந்த போதிலும், Tamil Union அணி பல முக்கிய வீரர்களை இணைத்துள்ளது. NCC இலிருந்து லசித் எம்புல்தெனிய, Ragama CC இலிருந்து பினுர பெர்னாண்டோ மற்றும் Chilaw Marians இலிருந்து தனுக்க தாபரே ஆகியோர் அந்த அணியில் இணைந்துள்ளனர். இந்த சேர்க்கைகள் Tamil Union அணிக்கு வேகப்பந்து, சுழற்பந்து மற்றும் துடுப்பாட்டத்தில் ஒரு சமநிலையான கலவையை வழங்குகிறது.
CCC அணி : ஹசரங்கவின் வெளியேற்றத்தைத் தொடர்ந்து, Colombo Cricket Club (CCC) அணி Police SC அணியிலிருந்து அஷேன் பண்டாரவை ஒப்பந்தம் செய்துள்ளது. அவரது சர்வதேச அனுபவம் மற்றும் உள்ளூர் கிரிக்கெட்டில் உள்ள ஸ்திரத்தன்மை CCC அணியின் துடுப்பாட்டத் துறைக்கு முக்கியமானது.

ஏனைய குறிப்பிடத்தக்க இடமாற்றங்கள்:

ரவிந்து ரஷந்த Colts Cricket Club அணியிலிருந்து Bloomfield Cricket and Athletic Club அணிக்கு மாறியுள்ளார்.
1996 உலகக் கிண்ணத்தை வென்ற ஹஷான் திலகரத்னவின் மகனான துவிந்து திலகரத்ன, Bloomfield அணியிலிருந்து Moors Sports Club அணியில் இணைந்துள்ளார்.

இளம் வீரர்கள் மீதான முதலீடு:

இந்த இடமாற்றச் சந்தையில் கழகங்கள் இளம் திறமையாளர்களை வளர்ப்பதிலும் கவனம் செலுத்தியுள்ளன:

இலங்கை U19 வீரர் விக்னேஸ்வரன் ஆகாஷ் Burgher Recreation Club (BRC) அணியிலும், இலங்கை U19 வேகப்பந்துவீச்சாளர் குகதாஸ் மாதுளன் NCC அணியிலும் இணைந்துள்ளனர்.
மற்றொரு U19 வீரரான செனுஜ வெக்குனகொட Badureliya Sports Club அணியில் இணைந்துள்ளார்.
சாமிக ஹீனடிகல Ace Capital Cricket Club அணிக்கும் (முன்னர் BRC), கவிஜ கமகே Colts Cricket Club அணிக்கும் (U23 காலத்திற்குப் பிறகு), துல்னித் சிகேரா CCC அணிக்கும் மாறியுள்ளனர் / தொடர்கின்றனர்.
இலங்கை U19 அணித் தலைவர் விமத் தின்சர Panadura Sports Club அணியுடன் தொடர்ந்து பயணிக்கிறார்.

சர்வதேச நட்சத்திரங்கள் அணிகள் மாறியுள்ளமை மற்றும் அதிகளவிலான இளம் வீரர்கள் உள்வாங்கப்பட்டுள்ளமை ஆகியவற்றால், எதிர்வரும் இலங்கை உள்ளூர் கிரிக்கெட் சீசன் கடும் போட்டி நிறைந்ததாக இருக்கும் என உறுதியாக நம்பலாம்.

இந்த கிரிக்கெட் பருவகாலம் உத்தியோகபூர்வமாக மே 13ஆம் திகதி ஆரம்பமாகும் SLC Major Club T20 Tournament 2026 தொடருடன் ஆரம்பமாகவிருந்தாலும் தொடர் மழையின் காரணமாக ஶ்ரீ லங்கா கிரிக்கெட் போட்டிகளை ஒத்திவைத்துள்ளது.

சிங்கத்தின் மீள்வருகை! சதம் விளாசி முந்தைய 'டக் அவுட்' கவலையை உடைத்த விராட் கோலி

noreply@blogger.com (Unknown) — Thu, 14 May 2026 07:20:12 +0000

சிங்கத்தின் மீள்வருகை! சதம் விளாசி முந்தைய 'டக் அவுட்' கவலையை உடைத்த விராட் கோலி

IPL 2026 தொடரில் ரோயல் சேலஞ்சர்ஸ் பெங்களூரு (RCB) அணியின் நட்சத்திர ஆட்டக்காரர் விராட் கோலி, மீண்டும் தனது விஸ்வரூபத்தை காட்டியுள்ளார். புதன்கிழமை இரவு நடைபெற்ற கொல்கத்தா நைட் ரைடர்ஸ் (KKR) அணிக்கு எதிரான போட்டியில், சதம் விளாசி அணியின் வெற்றிக்கு வித்திட்டதுடன், முந்தைய போட்டிகளில் சந்தித்த தோல்விகள் குறித்தும் மனம் திறந்து பேசினார்.

இந்த விறுவிறுப்பான ஆட்டத்தில் கொல்கத்தா அணியை 6 விக்கெட் வித்தியாசத்தில் வீழ்த்திய பெங்களூரு அணி, IPL புள்ளிப்பட்டியலில் முதலிடத்திற்கு முன்னேறியது.

டக் அவுட் கவலைகள்:

37 வயதான விராட் கோலி, கடந்த இரு போட்டிகளில் ஓட்டம் ஏதும் எடுக்காமல் 'டக் அவுட்' ஆகி வெளியேறினார். இது குறித்து ஆட்டநாயகன் விருது பெற்ற பின் பேசிய கோலி, அந்தத் தோல்விகள் தன்னை மிகவும் பாதித்ததாக ஒப்புக்கொண்டார்.

"கடந்த இரு ஆட்டங்களில் நான் ஓட்டம் எடுக்காதது, ஒரு விதத்தில் என்னை அரித்துக் கொண்டிருந்தது. நான் நன்றாக ஆட முடியும் என்பதும், பந்தை நன்றாக எதிர்கொள்கிறேன் என்பதும் எனக்குத் தெரியும். ஆனால், நாம் ஆட்டத்தை முழுமையாகக் கொண்டு செல்லாமல் போகும்போது, அணிக்குத் தேவையான தாக்கத்தை ஏற்படுத்தவில்லை என்று தோன்றும். அது என்னை மிகவும் பாதித்தது. இத்தனை ஆண்டுகளாக அதுதான் எனது குறிக்கோளாக இருந்து வருகிறது," என்று கோலி கூறினார்.

பெறுபேறு (performance) அழுத்தம் காரணமாக ஏற்படும் பதற்றத்திற்கு தானும் விதிவிலக்கல்ல என்று கூறிய அவர், முந்தைய இரு டக் அவுட்களுக்குப் பிறகு சற்றே பதற்றமாக இருந்ததை ஒப்புக்கொண்டார். இருப்பினும், இதுபோன்ற தோல்விகள் ஒரு வீரரின் வளர்ச்சிக்கு முக்கிய பங்கு வகிக்கின்றன என்றும் அவர் குறிப்பிட்டார்.

சாதனைச் சதம்:

கொல்கத்தாவுக்கு எதிரான போட்டியில் கோலி 60 பந்துகளில் 105 ஓட்டங்கள் எடுத்து ஆட்டமிழக்காமல் இருந்தார். இதில் அவரது இயல்பான ஆட்டம் வெளிப்பட்டது. சரியான லென்த் பந்துகளைத் தேர்வு செய்து, தொடர்ந்து இடைவெளிகளில் (gaps) பந்தை அடித்து ஓட்டங்கள் குவித்தார்.

இது ஐபிஎல் தொடரில் கோலியின் 9-வது சதமாகும், இதன் மூலம் ஐபிஎல் வரலாற்றில் அதிக சதங்கள் அடித்த வீரர் என்ற தனது சாதனையை அவர் மேலும் வலுப்படுத்தியுள்ளார். மேலும், மகேந்திர சிங் தோனி மற்றும் ரோஹித் சர்மாவை முந்தி, ஐபிஎல் தொடரில் அதிக போட்டிகளில் (279) விளையாடிய வீரர் என்ற பெருமையையும் நேற்று கோலி பெற்றார். 2024 சீசனுக்குப் பிறகு கோலி அடிக்கும் முதல் IPL சதம் இதுவாகும்.

அழுத்தம் ஒரு பாக்கியம்:

சதத்தை பெரிய அளவில் கொண்டாடாதது குறித்துப் பேசிய கோலி, "புள்ளிகளின் முக்கியத்துவம் எங்களுக்குத் தெரியும். அணிக்கு அதிக பங்களிப்பை வழங்க வேண்டும் என்ற எண்ணம் ஆழமாக உள்ளது. அழுத்தம் ஒரு பாக்கியம் (pressure is a privilege) என்று கூறுவதற்கு ஒரு காரணம் உள்ளது - அது உங்களை அடக்கமாக வைத்திருக்க உதவுகிறது. சில ஆட்டங்கள் நீங்கள் விரும்பியபடி செல்லாதபோது, பதற்றம் உண்டாகும், அது உங்கள் ஆட்டத்தை மேம்படுத்த உதவுகிறது," என்று விளக்கினார்.

கிரிக்கெட் மீதான தனது காதலை மீண்டும் உறுதிப்படுத்திய கோலி, "நான் துடுப்பாடுவதை விரும்புகிறேன். இன்னும் மிகச்சிறந்த வீரர்களுக்கு எதிராக இந்த மட்டத்தில் போட்டியிடுவது ஒரு கௌரவம். இது என்றோ ஒரு நாள் முடிவுக்கு வரும் என்பதால், இப்போதே என் இதயம் மற்றும் ஆன்மாவைக் கொடுத்து விளையாட விரும்புகிறேன்," என்றார்.

கோலியின் சதம் + RCB வெற்றி குறித்து விவரிக்கும் காணொளி :

கோலி தாண்டவம் - RCB கோலாகல வெற்றி !

ராகுல் டிராவிட் உரிமையாளரான கிரிக்கெட் அணி !

noreply@blogger.com (Unknown) — Mon, 11 May 2026 21:18:00 +0000

ராகுல் டிராவிட் உரிமையாளரான கிரிக்கெட் அணி !

ஐரோப்பிய டி20 பிரீமியர் லீக் (ETPL) கிரிக்கெட் தொடரில், டப்ளின் கார்டியன்ஸ் அணியின் உரிமையாளராக இந்திய அணியின் முன்னாள் பயிற்றுவிப்பாளர் ராகுல் டிராவிட் இணைந்துள்ளார்.

இப்போட்டியின் முக்கிய விபரங்கள் வருமாறு:

புதிய லீக்: 2026 ஆகஸ்ட் மாதம் ஆரம்பமாகவுள்ள ஐரோப்பிய டி20 பிரீமியர் லீக்கில் மொத்தம் 6 அணிகள் போட்டியிடவுள்ளன.
டிராவிட்டின் அணி: இந்தத் தொடரில் களமிறங்கும் 'டப்ளின் கார்டியன்ஸ்' அணியை ராகுல் டிராவிட் வாங்கியுள்ளார்.
சர்வதேச சபைகளின் கூட்டு: இந்தத் தொடர் அயர்லாந்து, ஸ்கொட்லாந்து மற்றும் நெதர்லாந்தின் ரோயல் டச் கிரிக்கெட் சபை ஆகியவற்றின் கூட்டு முயற்சியில், ஐசிசி அங்கீகாரத்துடன் நடத்தப்படுகிறது.
அபிஷேக் பச்சன்: பொலிவுட் நட்சத்திரம் அபிஷேக் பச்சன் இந்த லீக்கின் இணை உரிமையாளராகச் செயற்படுகிறார்.
நட்சத்திர உரிமையாளர்கள்: ஏனைய அணிகளின் உரிமையாளர்களாக அவுஸ்திரேலியாவின் ஸ்டீவ் வோ (ஆம்ஸ்டர்டாம் ஃபிளேம்ஸ்), கிளென் மக்ஸ்வெல் (ஐரிஷ் வூல்வ்ஸ்), கிறிஸ் கெய்ல் (கிளாஸ்கோ காஸ்மிக்) மற்றும் ஜோன்டி ரோட்ஸ் போன்ற ஜாம்பவான்கள் உள்ளனர்.
விளையாடவுள்ள வீரர்கள்: ஸ்டீவ் ஸ்மித், மிட்செல் மார்ஷ் போன்ற அவுஸ்திரேலிய வீரர்கள் மட்டுமன்றி மிட்செல் சான்ட்னர், லியாம் லிவிங்ஸ்டோன் போன்ற சர்வதேச நட்சத்திரங்களும் இதில் விளையாடவுள்ளனர்.
டிராவிட்டின் நோக்கம்: "ஐரோப்பாவில் கிரிக்கெட் விளையாட்டை அடிமட்டத்திலிருந்து வளர்க்கவும், வளர்ந்து வரும் வீரர்களுக்குச் சிறந்த பாதையை உருவாக்கவும் இந்த லீக் ஒரு சிறந்த வாய்ப்பாக அமையும்" என ராகுல் டிராவிட் நம்பிக்கை தெரிவித்துள்ளார்.

ஐரோப்பாவில் கால்பந்து போன்ற விளையாட்டுகளுக்கு இணையாக கிரிக்கெட்டையும் மக்களிடம் கொண்டு சேர்ப்பதே இந்த லீக்கின் பிரதான இலக்காகும்.

"டெஸ்ட் அந்தஸ்து எல்லா நாடுகளுக்கும் சமம்!" – இங்கிலாந்து சபையின் திட்டத்தை விளாசும் அஞ்சலோ மத்தியூஸ்

noreply@blogger.com (Unknown) — Mon, 11 May 2026 16:03:00 +0000

"டெஸ்ட் அந்தஸ்து எல்லா நாடுகளுக்கும் சமம்!" – இங்கிலாந்து சபையின் திட்டத்தை விளாசும் அஞ்சலோ மத்தியூஸ்

இங்கிலாந்து மற்றும் வேல்ஸ் கிரிக்கெட் சபை (ECB) தனது அடுத்தடுத்த சுற்றுப் பயணங்களின் போது, சில நாடுகளுடன் ஒரேயொரு டெஸ்ட் போட்டி கொண்ட தொடர்களை (One-off Test) நடத்தத் திட்டமிட்டு வருவதாகத் தகவல்கள் வெளியாகியுள்ளன. இதற்கு இலங்கை அணியின் நட்சத்திர வீரர் ஆஞ்சலோ மத்தியூஸ் கடும் எதிர்ப்பு தெரிவித்துள்ளார்.

இந்த விவகாரம் குறித்து மத்தியூஸ் முன்வைத்துள்ள முக்கிய விமர்சனங்கள் வருமாறு:

ஒரேயொரு டெஸ்ட் போட்டிக்குத் தடை: "நாம் யாருடனும் ஒரேயொரு டெஸ்ட் போட்டியில் மாத்திரம் விளையாடக் கூடாது. ஒரு போட்டிக்கு மேல் விளையாட எந்த நாட்டுக்காவது விருப்பம் இல்லையென்றால், அது அவர்களின் விருப்பம். ஆனால், டெஸ்ட் அந்தஸ்து பெற்ற அனைத்து நாடுகளும் சமமானவையே; இதில் பெரிய நாடுகள், சிறிய நாடுகள் என்ற பாகுபாடு இருக்கக்கூடாது" என அவர் தனது 'X' தளத்தில் பதிவிட்டுள்ளார்.
WTC புள்ளிப் பட்டியலில் சமமற்ற நிலை: உலக டெஸ்ட் சாம்பியன்ஷிப் (WTC) சுழற்சியில் நிலவும் குளறுபடிகள் குறித்துப் பேசிய அவர், "ஒரே சாம்பியன்ஷிப் தொடரில் ஒரு அணி 20 போட்டிகளிலும், மற்றொரு அணி வெறும் 10 போட்டிகளிலும் விளையாடுவது நியாயமற்றது. இது தொடரின் நம்பகத்தன்மையையே கேள்விக்குறியாக்கும்" என்று சாடியுள்ளார்.
வருமானம் vs பாரம்பரியம்: கிரிக்கெட் சபைகள் வருமானத்தை மட்டுமே குறிக்கோளாகக் கொண்டு செயல்படுவதைக் கண்டித்த மத்தியூஸ், "வருமானம் ஈட்டுவதும், டெஸ்ட் கிரிக்கெட்டை உயிர்ப்புடன் வைத்திருப்பதும் வெவ்வேறானவை. இந்த இரண்டையும் ஒன்றாகக் குழப்பிக் கொள்ளக் கூடாது" என்று வலியுறுத்தியுள்ளார்.
வர்த்தக ரீதியான நெருக்கடி: ஒளிபரப்பு உரிமம் மற்றும் வருமானத்தைக் கருத்தில் கொண்டு, இலங்கை மற்றும் பங்களாதேஷ் போன்ற நாடுகளுடனான டெஸ்ட் தொடர்களைக் குறைத்துவிட்டு, அதற்குப் பதிலாக வெள்ளைப்பந்து (Limited Overs) போட்டிகளை அதிகரிக்க ECB ஆலோசித்து வருவதாகக் கூறப்படுகிறது.

இலங்கை அணிக்காக 119 டெஸ்ட் போட்டிகளில் விளையாடி 8,214 ஓட்டங்களைக் குவித்துள்ள ஒரு மூத்த வீரரிடமிருந்து வந்துள்ள இந்த விமர்சனம், சர்வதேச கிரிக்கெட் அரங்கில் பெரும் விவாதத்தைக் கிளப்பியுள்ளது. குறிப்பாக, வளர்ந்து வரும் கிரிக்கெட் நாடுகளுக்கும் முன்னணி நாடுகளுக்கும் இடையே நிலவும் இடைவெளியை இது வெளிச்சம் போட்டுக்காட்டியுள்ளது.

இதைப் பற்றிய காணொளி : இலங்கையை ஒதுக்கும் இங்கிலாந்து ? மத்தியூஸ் போர்க்கொடி !

விதிமுறை மீறல்: RCB பயிற்சியாளர் அன்டி பிளவருக்கு அபராதம்!

noreply@blogger.com (Unknown) — Mon, 11 May 2026 14:52:00 +0000

விதிமுறை மீறல்: RCB பயிற்சியாளர் அன்டி பிளவருக்கு அபராதம்!

மும்பை இந்தியன்ஸ் அணிக்கு எதிரான போட்டியின் போது IPL நடத்தை விதிகளை மீறியதற்காக, ரோயல் சலஞ்சர்ஸ் பெங்களூரு (RCB) அணியின் தலைமைப் பயிற்சியாளர் அன்டி பிளவருக்கு அபராதம் விதிக்கப்பட்டுள்ளது.

இச்சம்பவம் குறித்த முழு விபரங்கள் வருமாறு:

நடத்தை விதி மீறல்: ஞாயிற்றுக்கிழமை நடைபெற்ற மும்பை இந்தியன்ஸ் - ஆர்சிபி அணிகளுக்கு இடையிலான ஆட்டத்தின் போது, ஐபிஎல் நடத்தை விதிகளின் 2.3 பிரிவை (ஆடுகளத்தில் தகாத வார்த்தைகளைப் பயன்படுத்துதல்) அன்டி பிளவர் மீறியதாகக் கண்டறியப்பட்டது.
போட்டியின் 18-வது ஓவரின் போது, அன்டி பிளவர் நான்காவது நடுவரிடம் மிகவும் ஆக்ரோஷமாகப் பேசியதுடன், முறையற்ற வார்த்தைகளைப் பயன்படுத்தியதாகக் கூறப்படுகிறது.
அபராத விபரம்: இந்த விதிமுறை மீறலைத் தொடர்ந்து, அவருக்குப் போட்டி ஊதியத்தில் இருந்து 15 சதவீதம் அபராதமாக விதிக்கப்பட்டுள்ளது.
தண்டனை ஏற்பு: தனது தவறை ஒப்புக்கொண்ட பிளவர், போட்டி நடுவர் அமித் சர்மா விதித்த இந்தத் தண்டனையை ஏற்றுக்கொண்டதாக ஐபிஎல் நிர்வாகம் தனது அறிக்கையில் தெரிவித்துள்ளது.

முன்னாள் சிம்பாப்வே வீரரான ஆன்டி பிளவர், ஐபிஎல் களத்தில் இத்தகைய ஒழுங்கு நடவடிக்கைக்கு உள்ளானது ஆர்சிபி ரசிகர்கள் மத்தியில் விவாதத்தை ஏற்படுத்தியுள்ளது.

23 ஆண்டுகால காத்திருப்புக்கு முற்றுப்புள்ளி: டெஸ்ட் கிரிக்கெட்டில் பாகிஸ்தான் அறிமுக வீரர்களின் இமாலய சாதனை!

noreply@blogger.com (Unknown) — Sun, 10 May 2026 13:33:00 +0000

23 ஆண்டுகால காத்திருப்புக்கு முற்றுப்புள்ளி: டெஸ்ட் கிரிக்கெட்டில் பாகிஸ்தான் அறிமுக வீரர்களின் இமாலய சாதனை!

பங்களாதேஷுக்கு எதிரான முதல் டெஸ்ட் போட்டியில் பாகிஸ்தான் அணியின் அறிமுக வீரர்களான அஸான் அவைஸ் மற்றும் அப்துல்லா ஃபசல் ஆகியோர் தங்களது முதல் போட்டியிலேயே அபாரமாக விளையாடி வரலாற்றுச் சாதனை படைத்துள்ளனர்.

அறிமுக வீரர்களின் அதிரடி ஆட்டம்

மிர்பூரில் நடைபெற்று வரும் இந்த ஆட்டத்தில், பங்களாதேஷ் அணி தனது முதல் இன்னிங்ஸில் 413 ஓட்டங்களைக் குவித்தது. அந்த அணி தரப்பில் மோமினுல் ஹக் (91), நஜ்முல் ஹொசைன் சாண்டோ (101) மற்றும் முஷ்பிகுர் ரஹீம் (71) ஆகியோர் சிறப்பாக விளையாடினர். பாகிஸ்தான் தரப்பில் முகமது அப்பாஸ் 5 விக்கெட்டுகளை வீழ்த்தி அசத்தினார்.

இதனைத் தொடர்ந்து முதல் இன்னிங்ஸைத் தொடங்கிய பாகிஸ்தான் அணிக்கு, அறிமுக வீரர் அஸான் அவைஸ் மற்றும் இமாம்-உல்-ஹக் ஜோடி 106 ஓட்டங்கள் சேர்த்து சிறப்பான தொடக்கம் கொடுத்தது. இமாம் 45 ஓட்டங்களில் ஆட்டமிழந்தார்.

அதன்பின், நட்சத்திர வீரர் பாபர் அசாமின் காயத்தினால் அணியில் வாய்ப்பு பெற்ற மற்றொரு அறிமுக வீரர் அப்துல்லா ஃபசல் களம் புகுந்தார். இந்த ஜோடி பங்களாதேஷ் பந்துவீச்சைத் திறம்பட எதிர்கொண்டு இரண்டாவது விக்கெட்டுக்கு 104 ஓட்டங்களைச் சேர்த்தது.

அஸான் அவைஸ்: 165 பந்துகளில் 106 ஓட்டங்கள் (14 பவுண்டரிகள்)
அப்துல்லா ஃபசல்: 120 பந்துகளில் 60 ஓட்டங்கள் (7 பவுண்டரிகள், 1 சிக்ஸர்)

23 ஆண்டுகால சாதனை

டெஸ்ட் கிரிக்கெட் வரலாற்றில், ஒரே இன்னிங்ஸில் அறிமுக வீரர்களில் ஒருவர் சதமும், மற்றொருவர் அரைச்சதமும் அடிப்பது இது 17-வது முறையாகும். இருப்பினும், முதல் மூன்று வரிசை (Top 3) வீரர்களில் இரு அறிமுக வீரர்கள் இச்சாதனையைச் செய்வது இது 4-வது முறை மட்டுமே. பாகிஸ்தான் கிரிக்கெட் வரலாற்றில் கடந்த 23 ஆண்டுகளில் இத்தகைய சாதனை நிகழ்த்தப்படுவது இதுவே முதல் முறையாகும்.

தற்போதைய ஆட்டநிலை

பாகிஸ்தான் அணி தனது முதல் இன்னிங்ஸில் 386 ஓட்டங்களுக்கு ஆட்டமிழந்தது. பங்களாதேஷ் தரப்பில் மெஹிதி ஹசன் மிராஸ் 5 விக்கெட்டுகளை வீழ்த்தினார். 27 ஓட்டங்கள் முன்னிலையுடன் இரண்டாவது இன்னிங்ஸைத் தொடங்கிய பங்களாதேஷ் அணி, போதிய வெளிச்சமின்மையால் ஆட்டம் நிறுத்தப்படும்போது விக்கெட் இழப்பின்றி 7 ஓட்டங்கள் எடுத்திருந்தது.

தற்போது பங்களாதேஷ் அணி ஒட்டுமொத்தமாக 34 ஓட்டங்கள் முன்னிலை பெற்றுள்ளது. அறிமுக வீரர்களின் இந்த வரலாற்றுச் சாதனை பாகிஸ்தான் ரசிகர்களுக்கு பெரும் உற்சாகத்தை அளித்துள்ளது.

Finn Allen 4வது KKR சதக்குவிப்பாளர் ! KKR 4வது தொடர்ச்சியான வெற்றி !!

noreply@blogger.com (Unknown) — Sat, 09 May 2026 06:04:00 +0000

Finn Allen 4வது KKR சதக்குவிப்பாளர் ! KKR 4வது தொடர்ச்சியான வெற்றி !!

ஐபிஎல் 2026 தொடரில் டெல்லி கெப்பிட்டல்ஸ் அணிக்கு எதிராக நேற்று (வெள்ளிக்கிழமை) நடைபெற்ற போட்டியில், கொல்கத்தா நைட் ரைடர்ஸ் (KKR) அணியின் ஆரம்ப துடுப்பாட்ட வீரர் பின் அலன் அதிரடியாக விளையாடி சதம் கடந்து சாதனை படைத்துள்ளார்.

நான்காவது வீரராக சாதனை: இந்தச் சதத்தின் மூலம் கொல்கத்தா நைட் ரைடர்ஸ் அணிக்காக ஐபிஎல் வரலாற்றில் சதம் விளாசிய நான்காவது வீரர் என்ற பெருமையை நியூசிலாந்தைச் சேர்ந்த பின் அலன் பெற்றுள்ளார். முகேஷ் குமார் வீசிய பந்தை சிக்ஸருக்கு விளாசி தனது சதத்தைப் பூர்த்தி செய்த அவர், அதே பந்தில் கொல்கத்தா அணியின் வெற்றியையும் உறுதி செய்தார்.

அதிரடி ஆட்டம்: வெறும் 47 பந்துகளை எதிர்கொண்ட பின் அலன், 10 சிக்ஸர்கள் மற்றும் 5 பவுண்டரிகளுடன் ஆட்டமிழக்காமல் 100* ஓட்டங்களைக் குவித்தார். இவரது இந்த அதிரடி ஆட்டத்தினால் டெல்லி அணிக்கு எதிரான போட்டியில் கொல்கத்தா நைட் ரைடர்ஸ் மிக இலகுவாக வெற்றியைப் பதிவு செய்தது.

KKR அணியின் வரலாற்றுச் சாதனைகள்: 2008ஆம் ஆண்டு நடைபெற்ற ஐபிஎல் தொடரின் முதலாவது போட்டியிலேயே பிரண்டன் மெக்கலம் விளாசிய 158* ஓட்டங்களே இன்றும் அந்த அணியின் ஒரு வீரரின் அதிகபட்ச ஓட்டங்களாக நீடிக்கிறது. மெக்கலம், சுனில் நரைன் மற்றும் வெங்கடேஷ் ஐயர் ஆகியோருக்குப் பிறகு தற்போது பின் அலன் இந்தப் பட்டியலில் இணைந்துள்ளார்.

கொல்கத்தா நைட் ரைடர்ஸ் அணிக்காக சதம் அடித்தவர்கள்:

பிரண்டன் மெக்கலம்: 158* ஓட்டங்கள் - எதிர்: ரோயல் சேலஞ்சர்ஸ் பெங்களூரு (2008)
சுனில் நரைன்: 109 ஓட்டங்கள் - எதிர்: ராஜஸ்தான் ரோயல்ஸ் (2024)
வெங்கடேஷ் ஐயர்: 104 ஓட்டங்கள் - எதிர்: மும்பை இந்தியன்ஸ் (2023)
பின் அலன்: 100* ஓட்டங்கள் - எதிர்: டெல்லி கெப்பிட்டல்ஸ் (2026)