Tamilzoomin

my Poll

noreply@blogger.com (Unknown) — Sun, 28 Dec 2014 05:47:00 +0000

கடலை போடுவதை நிறுத்திய ஸ்ரீதிவ்யா!

noreply@blogger.com (Unknown) — Wed, 19 Nov 2014 08:46:00 +0000

கடலை போடுவதை நிறுத்திய ஸ்ரீதிவ்யா!

படப்பிடிப்பு தளங்களில் நடிகர்-நடிகைகள் அரட்டையடித்து காதுகளில் ரத்தம் வழிய வைக்கும் கதைகளை கேட்டிருக்கிறோம். அந்த வரிசையில், வருத்தப்படாத வாலிபர் சங்கம் படத்தில் நடித்த ஸ்ரீதிவ்யாவும், ஆரம்பத்தில் ஸ்பாட்டில் செம கடலை போட்டு வந்தார். ஆனால், சமீபகாலமாக அடக்கி வாசித்து வருகிறார் அம்மணி.

இதற்கு காரணம், அவரை வைத்து படம் இயக்கிய சில டைரக்டர்கள், டேக் ரெடியாகி விட்ட சேதியைகூட கண்டுகொள்ளாமல் ஹீரோக்களுடன் இவர் ஜாலி அரட்டையில் ஈடுபட்டதால், செம டோஷ் விட்டார்களாம். அதனால், அதிக வாயாடினால் வளர்ச்சிக்கு முட்டுக்கட்டையாகி விடும் என்றுதான் இப்போது பேச்சை குறைத்திருக்கிறாராம் நடிகை.

அது மட்டுமின்றி, முன்பெல்லாம் தனது பாய் ப்ரண்டுகளுடன் போனில் பேசத் தொடங்கினால், எப்.எம். ரேடியோ போன்று நிறுத்தாமல் பேசி சுற்றியிருப்பவர்களை வெறுப்பேற்றும் ஸ்ரீதிவ்யா, இப்போது போனில் பேசினால், தனக்கு அருகில் அமர்ந்திருப்பவர்களுக்குகூட கேட்காத அளவுக்கு முணுமுணுக்கிறாராம். அந்த அளவுக்கு டைரக்டர்கள் விட்ட டோஷ் வேலை செய்கிறதாம்.

வாட்ஸ் அப்பில் “வாய்ஸ் கால்” – 2015 ஆம் ஆண்டிலிருந்து அறிமுகம்!

noreply@blogger.com (Unknown) — Wed, 19 Nov 2014 07:00:00 +0000

வாட்ஸ் அப்பில் “வாய்ஸ் கால்” – 2015 ஆம் ஆண்டிலிருந்து அறிமுகம்!

இளைஞர்களிடையே தகவல் பரிமாற்றத்தில் கொடிகட்டி பறந்துவருகின்ற வாட்ஸ் அப் நிறுவனமானது, 2015 ஆம் ஆண்டில் இலவச வாய்ஸ் கால் வசதியையும் அறிமுகப்படுத்த உள்ளது.

வாட்ஸ் அப் இந்த ஆண்டு இறுதியில் தனது இலவச வாய்ஸ் கால் சேவையை அறிமுகம் செய்யலாம் என்று எதிர்பார்க்கப்பட்டது. ஆனால் தற்போதைய இறுதி அறிவிப்பின்படி வாட்ஸ் அப்பின் இந்த இலவச வாய்ஸ் கால் சேவை அடுத்த ஆண்டு அறிமுகம் செய்யப்படும் என்று தெரிவிக்கப்பட்டுள்ளது.

வாய்ஸ் கால் சேவை சரியாக தொடங்குவது காரணமாக தொய்வு ஏற்பட்டுள்ளது. புதிய அம்சங்களுடன் பயன்பாட்டுக்கு வாட்ஸ் அப் வெளியிடுவதில் தொழில்நுட்ப பிரச்சனை உள்ளது என்றும் அதனை சரிசெய்வதற்கான பணிகள் நடந்து வருவதாகவும் தெரிவிக்கப்பட்டுள்ளது. குறிப்பிட்ட செல்போன்களில் இருந்து ஒலிவாங்கி தொடர்பான குறைபாடு இருப்பதாக குறிப்பிடப்பட்டுள்ளது. புதிய அம்சங்கள் வாட்ஸ் அப் 4.5.5 பதிப்பில் வெளியாகுகிறது.

ஏப்ரல் மாதத்தில் இத்தகைய சேவையை வாடிக்கையாளர்கள் பெற முடியும் என்று கூறப்படுகிறது. இத்தகைய சேவை அளிக்கப்பட்டால் செல்போன் சேவை அளிக்கும் நிறுவனங்களின் வருவாயை வெகுவாக பாதிக்கும் என்று கூறப்படுகிறது. ஏற்கனவே சீனாவின் விசாட், கொரியாவின் காகோடாக், இஸ்ரேலின் விபர் ஆகிய நிறுவனங்கள் வாய்ஸ் கால் சேவையை அளிப்பதால் அந்தந்த நாடுகளில் உள்ள செல்போன் சேவை நிறுவனங்களின் வருமானம் வெகுவாகக் குறைந்துள்ளது.

9 பேர் அமரும் வகையில் 'சைனா பைக்'!

noreply@blogger.com (Unknown) — Wed, 19 Nov 2014 06:58:00 +0000

9 பேர் அமரும் வகையில் 'சைனா பைக்'!

நீங்கள் படத்தில் பார்க்கும் இந்த பைக், சத்தியமாய் சைனா மேக்தான். மத்திய சீனாவில், ஜெங்ஷூ என்னும் மாகாணத்தில், இந்த நீ...ளமான எலெக்ட்ரிக் பைக்கைக் கண்டுபிடித்திருக்கிறார்கள். 9 பேர் வரை அமரக்கூடிய இந்த பைக் 4.7 மீட்டர் நீளம்

9 பேர் அமரும் வகையில் 'சைனா பைக்'!

பெரிய ஸ்கூட்டர் கம்பெனியோ, பைக் கம்பெனியோ இதைத் தயாரிக்கவில்லை. ஒரு எலெக்ட்ரிக் பைக் கடை ஒன்றில், திடீரென்று இந்த பைக் நிறுத்தப்பட்டிருந்தது கண்டு, வாடிக்கையாளர்கள் குவிய ஆரம்பித்து விட்டார்களாம்.

இந்த பைக்கில் இரண்டு பேட்டரிகள் இருக்கின்றன. விடிய விடிய நீங்கள் இதை சார்ஜ் போட்டால் 60 கி.மீ வரை பைக்கை ஓட்டலாம். வழக்கம்போல், இதை ஓட்ட லைசென்ஸும் தேவையில்லை.

ஆனால், பால் பாக்கெட் வாங்க, மளிகைக் கடையில் பொருட்கள் வாங்கவெல்லாம் இதை எடுத்துச் செல்ல முடியாது. ஏனென்றால், இதை பார்க்கிங் பண்ணுவதற்கே சில ஏக்கர்களில் நிலம் தேவைப்படுமே!

கின்னஸ் ரெக்கார்டுக்காக இன்னும் கொஞ்சம் மெருகூட்டப்பட்டுக் கொண்டிருக்கிறது, இன்னும் பெயர் வைக்கப்படாத இந்த எலெக்ட்ரிக் பைக்!

ஒரே வார்த்தையில் சூர்யாவை கண்கலங்க வைத்த விஜய்

noreply@blogger.com (Unknown) — Wed, 19 Nov 2014 06:39:00 +0000

ஒரே வார்த்தையில் சூர்யாவை கண்கலங்க வைத்த விஜய்

எஸ்.ஜே.சூர்யா, சத்யராஜ், சாவித்ரி மற்றும் பலர் நடித்த இசை படத்தின் ஆடியோ வெளியீட்டு சமீபத்தில் விழா நடைபெற்றது. அதன் மறு ஒளிபரப்பு நேற்று மாலை ஒரு தனியார் தொலைக்காட்சியில் ஒளிபரப்பபட்டது.

அதில் நடிகர் விஜய், தனுஷ், இயக்குனர் முருகதாஸ், விஷ்ணுவரதன் மற்றும் பலர் சிறப்பு விருந்தினராக கலந்து கொண்டனர். விஜய் பேசும்போது, ‘‘எனக்கு ‘குஷி’க்கு முன் வாழ்வா சாவா என்ற நிலை இருந்தது. இந்தப்படமும் ஓடவில்லை என்றால் என்னாகும் என்ற கேள்வி இருந்தது. அந்த நேரத்தில் ‘குஷி’ என்கிற வெற்றிப்படம் கொடுத்து என்னை தூக்கி விட்டவர் சூர்யா. இப்போது அதற்கு நன்றி சொல்கிறேன்.

‘குஷி’ ரிலீசானவுடன் விக்ரமன் சார் கேட்டார், எப்படி இந்த படத்தில் நடிக்க ஒப்புக்கொண்டீர்கள். இதுல என்ன கதையை இருக்கிறது என்றார். நான் சொன்னேன் சரிதான் ஆனால் எஸ்.ஜே.சூர்யா என்று ஒருத்தர் இருக்கிறார் அவர் கதை சொல்லிக் கேட்க வேண்டும். அப்படி அசத்துவார். நம்மை அப்படியே வசியம் செய்துவிடுவார் என்றேன். இந்த படத்தின் 75 சதவீதம் கதை எனக்கு தெரியும் ‘நண்பன்’ படப்பிடிப்பு நடந்து கொண்டிருந்த போது ‘இசை’ படத்தின் கதையை என்னிடம் சொன்னார். நன்றாக இருந்தது. அவர் தனித்தன்மையான டைரக்டர். இசையமைப்பாளராகவும் வெற்றி பெற வாழ்த்துக்கள்’’ என்று மனம் திறந்து பேசி நன்றியுடன் பாராட்டினார்.

இதையடுத்து எஸ்.ஜே.சூர்யா பேசியபோது, விஜய் சார் இப்ப எங்கேயோ போய் விட்டார். இன்று ஒரு பிராந்திய மொழியில் 100 கோடி ரூபாய் வசூல் செய்யுமளவுக்கு உயர்ந்த பிறகும் குஷி படத்திற்காக நன்றி கூறியதும் என் கண் கலங்கி விட்டது என்றார். மேலும், ‘இசை’ படத்தில் இசையமைப்பளராக நடிக்க இசைப்பயிற்சி எடுக்க விரும்பினேன். அப்போது ஏ.ஆர். ரகுமான் ‘ஏன் நீங்களே இசையமைக்கக் கூடாது?’ என்று ஊக்கமும் நம்பிக்கையும் கொடுத்தார். நான் இசையமைப்பளராக அவர்தான் காரணம் என்றார்.”

டிசம்பர் 5ல் "ஆம்பள" பாடல்- விஷால் உறுதி

noreply@blogger.com (Unknown) — Wed, 19 Nov 2014 06:15:00 +0000

டிசம்பர் 5ல் "ஆம்பள" பாடல்- விஷால் உறுதி

பூஜை வெற்றி படத்திற்கு பின்னர் விஷால் நடித்து வரும் திரைப்படம் 'ஆம்பள'. இந்த படத்தை சுந்தர் சி இயக்கி வருகிறார். இவர் ஏற்கனவே விஷால் நடித்த 'மத கத ராஜா' என்ற திரைப்படத்தை இயக்கியவர் என்பது குறிப்பிடத்தக்கது.

விஷால், ஹன்சிகா, மதுரிமா, மாதவி லதா, ரம்யா கிருஷ்ணன், கிரண், ஐஸ்வர்யா, சந்தானம் மற்றும் பலர் நடித்த 'ஆம்பள' படத்திற்கு ஹிப் ஹாப் தமிழா ஆதி இசையமைத்து வருகிறார். விஷாலின் "விஷால் பிலிம் பேக்டரி" தயாரித்து வரும் இந்த படத்தின் ஒரு பாடல் வரும் டிசம்பர் மாதம் 5ஆம் தேதி வெளிவரும் என அதிகாரபூர்வமாக விஷால் அறிவித்துள்ளார். மற்ற பாடல்கள் வெளிவரும் தேதி பின்னர் அறிவிக்கப்படும் என்றும் அவர் மேலும் கூறியுள்ளார்.

வரும் பொங்கல் தினத்தில் 'ஆம்பள' படத்தை ரிலீஸ் செய்வதற்காக மிகவும் விறுவிறுப்பாக படப்பிடிப்பு நடைபெற்று வருவதாகவும், அடுத்த வாரம் இரண்டாம் வாரத்திற்குள் படத்தின் மொத்த படப்பிடிப்பையும் முடித்துவிட்டு பின்னர் தொழில்நுட்ப பணிகள் துவங்கும் என்று படக்குழுவினர் தரப்பில் இருந்து கூறப்படுகிறது

சித்தார்த்தின் எனக்குள் ஒருவன் படத்திற்கு யு சான்றிதழ்

noreply@blogger.com (Unknown) — Wed, 19 Nov 2014 06:11:00 +0000

சித்தார்த்தின் எனக்குள் ஒருவன் படத்திற்கு யு சான்றிதழ்

சித்தார்த் நடிப்பில் ‘காவியத்தலைவன்’ ரிலீசுக்கு காத்திருக்கிறது. இதற்கிடையில் சித்தார்த்தின் அடுத்தப்படமும் ரிலீசுக்கு தயாராகிவிட்டது.

லூசியா என்ற பெயரில் உருவான கன்னடப்படம் ஆயிரம் பேர் நிதியுதவியுடன் வெளிவந்து மாபெரும் வெற்றி பெற்றது. அப்படத்தின் ரீமேக்காக ‘எனக்குள் ஒருவன்’ படம் உருவாகியுள்ளது. இதில் சித்தார்த் நாயகனாவும் தீபா சன்னிதி நாயகியாக நடித்திருக்கிறார்கள். பிரசாத் ராமர் இயக்கியிருக்கிறார். சி.வி. குமார் தயாரித்திருக்கும் இப்படத்திற்கு சந்தோஷ் நாராயணன் இசையமைத்துள்ளார்.

சென்சார் போர்டு ஒப்புதலுக்கு அனுப்பப்பட்ட இப்படத்தை பார்த்த தணிக்கை குழுவினர் படத்திற்கு யு சான்றிதழ் வழங்கியுள்ளனர். இப்படத்தை ஜனவரி மாதம் வெளியிட படக்குழுவினர் திட்டமிட்டுள்ளனர். ஷங்கரின் ‘ஐ’ படம் டிசம்பர் மாதம் வெளியாகவுள்ளதால் ‘எனக்குள் ஒருவன்’ படம் ஜனவரி மாதம் ரிலீஸ் செய்ய திட்டமிட்டுள்ளதாக கூறப்படுகிறது.

எனக்கு நிச்சயதார்த்தம் நடக்கவில்லை; நடிகை த்ரிஷா

noreply@blogger.com (Unknown) — Wed, 19 Nov 2014 06:08:00 +0000

எனக்கு நிச்சயதார்த்தம் நடக்கவில்லை; நடிகை த்ரிஷா

நடிகை த்ரிஷாவுக்கும், தொழிலதிபரும், திரைப்பட தயாரிப்பாளருமான வருண் மணியனுக்கும் திருமண நிச்சயதார்த்தம் நடந்ததாக தகவல் வெளியானது.

மிஸ் சென்னை பட்டம் வென்றதன் மூலம் தமிழ் சினிமா உலகில் அறிமுகமாகி முன்னணி நடிகையாக இருப்பவர் நடிகை த்ரிஷா. ‘சாமி’, ‘விண்ணைத்தாண்டி வருவாயா’, ‘கில்லி’, ‘மன்மதன் அம்பு’ உள்ளிட்ட ஏராளமான படங்களில் கதாநாயகியாக நடித்துள்ள அவர் தற்போது அஜித்துடன் ‘என்னை அறிந்தால்’ படத்தில் நடித்து வருகிறார். தமிழ் மட்டுமல்லாமல் தெலுங்கு, ஹிந்தி போன்ற மொழிகளிலும் முன்னணி ஹீரோயினாக வலம் வருகிறார்.

இந்நிலையில், த்ரிஷாவுக்கும் சமீபத்தில் வெளியான ‘வாயை மூடி பேசவும்’, ‘காவியத் தலைவன்’ போன்ற படங்களின் தயாரிப்பாளருமான வருண் மணியனுக்கும் நிச்சயதார்த்தம் நடைபெற்றதாக ட்விட்டர் தளத்தில் புகைப்படங்களுடன் தகவல்கள் வெளியாகின.

த்ரிஷாவிற்கு நிச்சயதார்த்த தகவலால் தமிழ் திரையுலகில் பரபரப்பு ஏற்பட்டது. இதுகுறித்து அவர் தனது டிவிட்டர் பக்கத்தில் தனக்கு நிச்சயதார்த்தம் நடக்கவில்லை என்றும், அப்படி நடக்கும்போது அந்தத் தகவலை நான் தான் முதலில் வெளியிடுவேன் என்றும் தெரிவித்துள்ளார்.

அதேவேளையில், வருண் மணியன் உடனான திருமணப் பேச்சு குறித்து அவர் எந்த விளக்கத்தையும் அளிக்கவில்லை.

நடிகை திரிஷா-தொழில் அதிபர் திருமண நிச்சயதார்த்தம் சென்னையில் நடந்தது

noreply@blogger.com (Unknown) — Wed, 19 Nov 2014 06:05:00 +0000

நடிகை திரிஷா-தொழில் அதிபர் திருமண நிச்சயதார்த்தம் சென்னையில் நடந்தது

நடிகை திரிஷாவுக்கும், தொழில் அதிபர் ஒருவருக்கும் திருமண நிச்சயதார்த்தம் சென்னையில் நடந்தது.

‘லேசா லேசா’ படத்தின் மூலம் தமிழ் திரையுலகுக்கு கதாநாயகியாக அறிமுகமானவர், திரிஷா. கில்லி, சாமி, ஆதி, திருப்பாச்சி, ஜீ, கிரீடம், மவுனம் பேசியதே, உனக்கும் எனக்கும் உள்பட பல படங்களில் கதாநாயகியாக நடித்து இருக்கிறார்.

தமிழ் பட உலகைப்போல் தெலுங்கு பட உலகிலும் திரிஷா முன்னணி கதாநாயகியாக இருக்கிறார். இவருக்கும், தெலுங்கு நடிகர் ராணாவுக்கும் காதல் இருந்து வந்ததாகவும், பின்னர் அந்த காதல் முறிந்து போனதாகவும் கிசுகிசுக்கப்பட்டது.

இந்த நிலையில், திரிஷாவுக்கு திடீர் என்று திருமண நிச்சயதார்த்தம் நடந்துள்ளது. மணமகன் பெயர், வருண் மணியன். சென்னையை சேர்ந்த தொழில் அதிபர். இவர், வாயை மூடி பேசவும் என்ற படத்தை தயாரித்து இருக்கிறார். காவியத்தலைவன் என்ற படத்தை தயாரித்து வருகிறார்.

திரிஷா-வருண் மணியன் நிச்சயதார்த்தம், சென்னை செனடாப் சாலையில் உள்ள திரிஷா வீட்டில் நடந்தது. அப்போது மணமக்கள் இருவரும் மோதிரம் மாற்றிக்கொண்டார்கள். திரிஷா- வருண் மணியன் திருமண தேதி இன்னும் முடிவாகவில்லை

மீண்டும் ஜோடி சேரும் விமல்-அஞ்சலி

noreply@blogger.com (Unknown) — Wed, 19 Nov 2014 05:57:00 +0000

மீண்டும் ஜோடி சேரும் விமல்-அஞ்சலி

விமலும்-அஞ்சலியும் ‘தூங்கா நகரம்’, ‘கலகலப்பு’ ஆகிய படங்களில் ஜோடியாக நடித்தனர். தற்போது மீண்டும் ஒரு படத்தில் இணைந்து ஜோடியாக நடிக்கவிருக்கின்றனர். புதுமுக இயக்குனர் ராஜசேகர் என்பவர் இயக்கும் படத்தில் இருவரும் ஜோடி சேர்ந்து நடிக்கவிருக்கிறார்கள்.

இந்த படத்திற்கு ‘மாப்பிள்ளை சிங்கம்’ என்று பெயரிட்டுள்ளனர். பல்வேறு பிரச்சினைகளால் தமிழ் படங்களில் அதிக கவனம் செலுத்தாமல் இருந்து வந்த அஞ்சலி, தற்போது சுராஜ் இயக்கத்தில் ஜெயம் ரவி நடித்தது வரும் படத்தில் நடித்து வருகிறார்.

இப்படத்துக்கு பிறகு விமல் நடிக்கும் ‘மாப்பிள்ளை சிங்கம்’ படத்தில் நடிக்கவுள்ளார். இப்படத்தில் சூரி காமெடியனாக நடிக்கிறார். இப்படத்தின் போட்டோ ஷுட் சென்னையில் தொடங்கி நடைபெற்று வருகிறது. இப்படத்திற்காக விமல் தனது கெட்டப்பை மாற்றி நடிக்கவிருப்பதாக கூறப்படுகிறது.

உதயநிதி பிறந்தநாளில் நண்பேன்டா டீசர் வெளியீடு

noreply@blogger.com (Unknown) — Wed, 19 Nov 2014 05:45:00 +0000

உதயநிதி பிறந்தநாளில் நண்பேன்டா டீசர் வெளியீடு

உதயநிதி ஸ்டாலின் நடிப்பில் உருவாகி வரும் புதிய படம் ‘நண்பேன்டா’. இப்படத்தில் இவருக்கு ஜோடியாக நயன்தாரா நடிக்கிறார். சந்தானமும் முக்கிய கதாபாத்திரத்தில் நடித்து வருகிறார். இப்படத்தை ஜெகதீஷ் இயக்கி வருகிறார். ஹாரிஸ் ஜெயராஜ் இசையமைத்திருக்கிறார்.

இப்படத்தின் படப்பிடிப்புகள் முடிந்துவிட்ட நிலையில், தற்போது படத்தின் இறுதிக்கட்ட பணிகள் தொடங்கியுள்ளது. இந்நிலையில், இப்படத்தின் டீசரை வருகிற நவம்பர் 27-ந் தேதி வெளியிடப் போவதாக அறிவித்துள்ளனர். அன்றைய தினம் உதயநிதி ஸ்டாலின் பிறந்தநாள் என்பதால், அதே தேதியிலேயே படத்தின் டீசரையும் வெளியிடவிருக்கின்றனர்.

‘ஒரு கல் ஒரு கண்ணாடி’, ‘இது கதிர்வேலன் காதல்’ ஆகிய வெற்றிப்படங்களுக்கு பிறகு உதயநிதி ஸ்டாலின் நடிக்கும் படம் என்பதால் ‘நண்பேன்டா’ படத்திற்கு பலத்த எதிர்பார்ப்பு நிலவியுள்ளது. படத்தை டிசம்பரில் வெளியிட முடிவு செய்துள்ளனர்.

இப்படத்தை உதயநிதி தனது சொந்த நிறுவனமான ரெட் ஜெயன்ட் மூவிஸ் நிறுவனம் சார்பில் தயாரித்திருக்கிறார்.

சரித்திர கதை படமாகிறது: திப்புசுல்தான் வேடத்தில் கமலஹாசன்

noreply@blogger.com (Unknown) — Fri, 14 Nov 2014 10:22:00 +0000

திப்புசுல்தான் வாழ்க்கை கதை படமாகிறது. இதில் திப்பு சுல்தான் வேடத்தில் கமலஹாசன் நடிக்கிறார்.

ஏற்கனவே மருதநாயகம் சரித்திர கதையை படமாக்க கமலஹாசன் முனைப்பு காட்டினார். இதற்கான பட பூஜையையும் பிரமாண்டமாக துவக்கினார். ஆனால் யுத்த காட்சிகள், போர் வீரர்கள், அரங்குகள் என எதிர்பார்த்ததை விட அதிகம் செலவு ஆகும் என தெரிய வந்ததால் படவேலைகளை தொடர முடியவில்லை. படப்பிடிப்பு நின்று போனது.

ஆனாலும் இந்த படத்தை எடுக்க வேண்டும் என்பது கமலின் லட்சிய கனவாக இருக்கிறது. இதற்காக ஹாலிவுட் பட நிறுவனங்களுடன் பேசி வருகிறார்.

இந்த நிலையில் திப்புசுல்தான் கதையை அடுத்து படமாக்க கமல் முடிவு செய்துள்ளார். இதற்கான வேலைகள் துவங்கியுள்ளன. இந்த படத்தை கமலே தயாரித்து இயக்க போவதாக செய்தி வெளியாகியுள்ளது.

கமல் நடித்து வந்த ‘விஸ்வரூபம் 2’, ‘உத்தம வில்லன்’, ‘பாபநாசம்’ படப்பிடிப்புகள் முடிந்துள்ளது. அடுத்தடுத்து இந்த படங்கள் வெளியாக இருக்கிறது.

விரைவில் திப்பு சுல்தான் படப்பிடிப்பு துவங்க உள்ளது. இதற்கான நடிகர், நடிகைகள் மற்றும் தொழில் நுட்ப கலைஞர்கள் தேர்வு நடக்கிறது.

சிம்பொனி இசைக்காக ஜெர்மனி செல்கிறார் ஜி.வி.பிரகாஷ்!

noreply@blogger.com (Unknown) — Fri, 14 Nov 2014 09:38:00 +0000

இசை துறை மட்டுமல்லாமல் ‘பென்சில்’, ‘டார்லிங்’ படங்கள் மூலம் நடிப்பிலும் அடியெடுத்து வைத்துள்ள ஜி.வி.பிரகாஷ் தற்போது சிம்பொனி இசைக்காக ஜெர்மனி செல்ல இருக்கிறார்.

இதுகுறித்து ஜி.வி.பிரகாஷ் தெரிவித்துள்ளதாவது: சர்வதேச சந்தையில் மிக முக்கியமான ஒரு நுகர்பொருளின் விளம்பரத்துக்காக நான் இசை அமைப்பாளராக ஒப்பந்தம் செய்யப்பட்டு உள்ளேன். உலக அரங்கில் ஜொலிக்கும் சில இசை அமைப்பாளர்களுடன் என்னை ஒப்பிட்டு, எனக்கு இந்த வாய்ப்பு கிடைத்தமைக்கு இறைவனுக்கு நன்றி.

ஜெர்மனியில் உள்ள ’ஸ்டர்ட்கார்ட்’ என்னும் நகரத்தில் மேற்கொள்ள இருக்கும் இசை பதிவுக்காக நான் விரைவில் அங்கு செல்ல உள்ளேன்.

இசையுலகில் பிரசித்தி பெற்றவர்கள் பலர் ஜெர்மனியில் தோன்றியுள்ளனர். இதில் மிக முதன்மையானவர் எனக் கருதப்படும் கோன்ராத் பௌமனின் இசை காற்றில் மிதக்கும் ஜெர்மனி நாட்டில் என்னுடைய இசையும் கலக்கும் என்பதில் நிச்சயம் நான் பெருமையடைகிறேன் என கூறியுள்ளார் ஜி.வி. பிரகாஷ்.

ஜப்பானில் சூறாவளியில் சிக்கிய ‘பென்சில்’ படக்குழு

noreply@blogger.com (Unknown) — Thu, 13 Nov 2014 21:35:00 +0000

ஜப்பானில் சூறாவளியில் சிக்கிய ‘பென்சில்’ படக்குழு

ஜப்பானில் படப்பிடிப்பில் ஈடுபட்டிருந்த போது பென்சில் பட கதாநாயகர் ஜி.வி.பிரகாஷ் உள்பட மொத்த குழுவினரும் கடும் சூறாவளியில் சிக்கிக் கொண்டனர். இசையமைப்பாளர் ஜி.வி.பிரகாஷ் கதாநாயகனாக அறிமுகமாகும் முதல் படம் பென்சில். இப்படத்தின் இறுதிக்கட்ட படப்படிப்பு அண்மையில் ஜப்பானில் நடைபெற்றது. படப்பிடிப்பின்போது ஏற்பட்ட நூரி எனும் கடும் சூறாவளியில் ஜி.வி.பிரகாஷ் உள்ளிட்ட குழுவினர் சிக்கித் தவித்தது தெரிய வந்துள்ளது.

ஜப்பானில் உள்ள யட்சுகடகே எனும் மலை உச்சியில் படப்பிடிப்பு நடத்த திட்டமிடப்பட்டிருந்தது. படக்குழுவினர் விஞ்ச் மூலம் மலை உச்சிக்கு சென்றனர். அப்போது ஏற்பட்ட கடும் சூறாவளி காரணமாக அப்போது மலை உச்சியில் கடும் குளிர் நிலவியது. பிராண வாயு பற்றாக்குறையால் பலருக்கும் மூச்சுத் திணறல் ஏற்பட்டது. கதாநாயகி ஸ்ரீவித்யாவின் தாயார் கடுமையாக பாதிக்கப்பட்டபோது குழுவில் இருந்த தயாரிப்பாளர் மருத்துவர் என்பதால் உடனடியாக முதலுதவி அளித்துள்ளார். இருப்பினும் மற்றவர்களும் அடுத்தடுத்து பாதிக்கப்பட்டிருக்கின்றனர். படப்பிடிப்பு நடத்துவதே மிகப் பெரிய சவாலாக இருந்தாலும், குழுவினர் ஒத்துழைப்புடன் திட்டமிட்டபடி காட்சிகளை எடுத்து முடித்திருக்கிறார் இயக்குநர் மணி நாகராஜ். படப்பிடிப்பை முடித்துக்கொண்டு இன்று படக்குழுவினர் சென்னை திரும்புகின்றனர்.